The Exquisite String of Jewels, a Supreme Ornament which Adorns the

*, ,BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA BZHUGS SO, ,

[DD1] !, ,TSUL TSE GRANG MAS RJE BTZUN MI PHAM MA YIN,, #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, MTSAN TZAM THOS BAS NGAN 'GRO'I 'JIGS LAS SKYOB, ,GSOL BA BTAB NA DNGOS GRUB KUN STZOL ZHING, ,BKA' BZHIN BSGRUBS NA SKU GSUM THOB MDZAD PA, ,STON PA THUB PA'I DBANG PO LA PHYAG 'TSAL, ,RAB 'BYAMS ZHING KUN SPRUL BAS LEGS BKANG STE, ,RGYAL BA'I MDZAD PA MTHA' DAG SGRUB MDZAD PA, ,RGYAL TSAB [DD2] !, ,'DREN PA MNYAM MED STON PA BCOM LDAN 'DAS, [DD3] !, ,RGYAL BA'I MKHYEN RAB KUN BSDUS 'JAM DPAL DBYANGS,,

[DD1] !, ,THAB MO'I DON GZIGS 'PHAGS MCHOG KLU SGRUB ZHABS,, *, ,MI PHAM MGON DANG 'JAM PA'I DBYANGS, ,BYANG CHUB SNYING PO'I BAR DU GTZUG GIS MCHOD, ,RAB BRTAN BYANG CHUB SEMS KYI SDONG PO LA, ,RLABS CHEN SPYOD PA'I YAL 'DAB RAB TU RGYAS, ,DON GNYIS 'BRAS BUS 'GRO KUN TSIMS MDZAD PA, ,RGYA CHEN SPYOD RGYUD BLA MA RNAMS LA 'DUD, ,ZAB ZHI SPROS DANG BRAL BA'I MKHA' DBYINGS DBUS, ,YE SHES RDO RJE'I NYIN BYED 'OD SNANG GIS, ,'GRO BLO'I MA RIG MUN PA SEL MDZAD PA, ,ZAB MO LTA RGYUD BLA MA RNAMS LA 'DUD, ,ZAB DANG RGYA CHE'I LAM GYI RIM PA KUN, ,RAB GSANG BYIN RLABS RIN CHEN 'BYUNG GNAS CHER, ,THABS MKHAS GRU YIS MYUR DU BGROD MDZAD PA, ,BYIN RLABS NYE RGYUD BLA MA RNAMS LA 'DUD, ,BRGYUD PA GSUM LDAN MAN NGAG SNYING PO'I BCUD, ,RIN CHEN BYANG [DD2] !, ,RGYAL BAS LUNG BSTAN 'PHAGS PA THOGS MED ZHABS,,

[DD1] !, ,SHING RTA CHEN PO'I SRAL 'DZIN MAR ME MDZAD,, CHUB SEMS KYI BDUD RTZI YIS, ,BYANG PHYOGS DMU RGOD 'GRO RNAMS 'DUL MDZAD PA, ,MGON PO AA TI SHA LA GSOL BA 'DEBS, ,BLO TSAN RGYAL DANG RGYAL SRAS KUN GYI MDZAD PA 'PHRIN LAS BZANG PO MA LUS GANG GI SNYING STOBS YANGS PA'I GRVA GCIG NA, ,NGAL BSO BGYIS PAS RGYAL BA KUN LAS LHAG PA'I THUGS RJE CAN ZHES SNYAN PA'I GRAGS PA PHYOGS KYI BU MOS RAB SGROGS PA, ,BYANG PHYOGS GANG RI'I KHROD KYI ZAS GTZANG SRAS PO 'JAM MGON BLA MA BDAG GI SPYI GTZUG MDZES PA'I RGYAN DU RTAG BZHUGS LA, ,NYID KYI LEGS BSHAD BDUD RTZI'I CHU YIS BDAG BLO'I 'DAB BRGYA CHA TSANG LAM GYI BDUD RTZI'I SNYING PO CAN DU MDZAD DU GSOL, ,RAB 'BYAMS RGYAL BA KUN GYI THUGS RJE'I GZUGS, ,BDAG GI DGE BA'I BSHES SU LEGS SHAR BA, ,MA NOR LAM STON DRIN CAN [DD2] !, ,RGYAL BA KUN DNGOS RJE BTZUN TZONG KHA PA,,

[DD1] !, ,GANGS CAN MGON PO 'JAM DPAL RGYA MTSO'I SDE,, *, ,BLA MA LA, ,SNYING NAS 'DUD DO RAB 'BRAS LDAN MDZOD, ,LHA BCAS 'GRO BA KUN GYI PHAN BDE'I GZHI, ,RGYAL BA'I GSUNG RAB KUN GYI SNYING PO'I DON, ,BYANG CHUB LAM RIM BLA MA BRGYUD PA YI, ,RTOGS PA BRJOD LA BDAG BLO SPRO BA SKYES, ,DE LA 'DIR MKHA' KHYAB KYI SEMS CAN THAMS CAD LA PHAN PA DANG BDE BA MA LUS GANG LAS 'BYUNG BA'I RGYU GCIG PU RGYAL BAS GSUNGS PA'I CHOS PHUNG BRGYAD KHRI BZHI STONG GI SNYING PO'I DON THAMS CAD GANG ZAG GCIG GI NYAMS LEN GYI RIM PAR HRIL GYIS DRIL BA BYANG CHUB LAM GYI RIM PA'I MAN NGAG LEGS PAR STON PA'I RTZA BRGYUD KYI BLA MA RNAMS KYI RNAM PAR THAR PA NI GANG BSHAD PAR BYA BA'O, ,DE YANG CHU 'GO GANGS LA THUG PA ZHIG DGOS PA LTAR DAM PA'I CHOS KYI BRGYUD PA'ANG [DD2] !, ,LAM 'DI GSAL MDZAD DZNY'A NA BHVA DZA'I ZHABS, ,

YANG DAG PAR RDZOGS PA'I SANGS RGYAS LA THUG PA ZHIG DGOS PAS THOG MAR BSTAN PA'I BDAG PO STON PA BCOM LDAN 'DAS SH'AKYA THUB PA THUGS RJE CAN DE NYID KYI RNAM PAR THAR PA PHYOGS TZAM ZHIG BRJOD PAR BYA'O, ,DE LA SANGS RGYAS 'JIG RTEN DU 'BYON PA NI BRGYA LAM NA AU DUM WA RA'I ME TOG LTAR SHIN TU DKON PAR GSUNGS LA, DE'I RGYU MTSAN YANG SANGS RGYAS 'JIG RTEN DU 'BYUNG BA LA DANG POR BYANG CHUB MCHOG TU THUGS BSKYED, BAR DU BSKAL PA GRANGS MED PA GSUM LA SOGS PA DUS RING DPAG TU MED PAR TSOGS GNYIS RLABS PO CHE BSAGS TE, SANGS RGYAS KYI ZHING YONGS SU DAG PA DANG, SMON LAM YONGS SU RDZOGS PA DANG, GDUL BYA RNAMS RGYUD YONGS SU SMIN PA SOGS RTEN 'BREL MTHA' YAS PA ZHIG 'GRIG PA NA SANGS RGYAS 'JIG RTEN DU 'BYON PA YIN LA, DE LTA BU'I RTEN 'GREL 'GRIG PA SHIN TU DKA' BAS 'JIG RTEN 'DI PHAL CHER MUN BSKAL SHA STAG TU GNAS SHING, SANGS RGYAS 'BYON PA'I SGRON BSKAL NI BRGYA LAM NA SRID PA TZAM MO, ,DE TZAM DU DKON PA CI YIN SNYAM NA, SPYOD 'JUG LAS, JI LTAR MTSAN MO MUN NAG SPRIN RUM NA, ,GLOG 'GYU SKAD CIG RAB SNANG STON PA

, ,LTAR; ;DE BZHIN SANGS RGYAS MTHU YIS BRGYA LAM NA, ,'JIG RTEN BSOD NAMS BLO GROS THANG 'GA' 'BYUNG, ,ZHES GSUNGS PA LTAR, KHAMS GSUM GYI 'KHOR BA'I SEMS CAN RNAMS LA DGE SEMS PHRA MO RE SKYE BA YANG SHIN TU DKA' ZHING, DGE SEMS GANG SKYE BA THAMS CAD SANGS RGYAS KYI MTHU KHO NA LA BLTOS LA, SANGS RGYAS LA DAD PA SOGS DGE SEMS PHRA MO RE SKYE BA YANG SHIN TU DKON NA, DKON MCHOG GSUM LA DAD PA RNYED NAS LAS DKAR NAG GI SPANG BLANGS TSUL BZHIN DU BYED PA DANG, SRID PA MTHA' DAG LA ZHEN PA LOG PA'I NGES 'BYUNG GIS BSKUL NAS THAR PA'I LAM LA SLOB PA RNAMS DKON PA LTA CI SMOS, NGES 'BYUNG GI BSAM PAS KUN NAS BSLANGS TE THAR LAM LA SLOB PA'ANG SHIN TU DKON NA, BDAG PAS GZHAN GCES PA'I BYANG CHUB KYI SEMS RIN PO CHES KUN NAS BSLABS TE RGYAL SRAS KYI SPYOD PA RGYA MTSO LTA BU LA DUS BSKAL PA GRANGS MED MANG POR BAR MA CHAD DU SLOB PA DANG BSLABS PA MTHAR PHYIN PA SHIN TU DKON PA LTA SMOS KYANG CI DGOS, DE'I PHYIR SANGS RGYAS 'JIG RTEN DU 'BYON PA SHIN TU DKON PAR DRI MA MED PA'I RIGS PAS LEGS PAR

GRUB BO, ,DE LTAR SANGS RGYAS 'BYON DKA' BA LAS BSKAL PA 'DI LA NI SANGS RGYAS STONG 'BYON PAS BSKAL PA BZANG PO ZHAS BRJOD PA YIN TE, SNGON MI MJED KYI 'JIG RTEN 'DI THOG MAR CHAGS PA'I DUS CHU'I DKYIL 'KHOR CHAGS PA'I TSE MTSO NANG NAS PADMA STONG 'THON PA, GNAS GTZANG MA'I LHA RNAMS KYIS MTHONG NAS 'DI GANG GI LTAS YIN SNYAM DU BRTAGS PA NA BSKAL PA 'DI LA SANGS RGYAS STONG 'BYUNG BA'I LTAS SU GO NAS; AE MA BSKAL PA 'DI NI BZANG PO'O ZHES CHED DU BRJOD PAR SNYING RJE PADMA DKAR PO LAS BSHAD DO, ,DE LA SKYE DGU RNAMS KYI TSE LO BZHI KHRI PA'I DUS SU SANGS RGYAS 'KHOR BA 'JIG BYON, TSE LO SUM KHRI PA'I DUS SU SANGS RGYAS GSER THUB BYON, TSE LO NYI KHRI PA'I DUS SU RGYAL BA 'OD SRUNGS BYON, RTZOD LDAN TSE LO BRGYA PA'I DUS SU STON PA BCOM LDAN 'DAS SH'AKYA THUB PA 'DI NYID BYON PA YIN LA, STON PA THUGS RJE CAN 'DI NYID KYIS THOG MAR THUGS JI LTAR BSKYED PA'I TSUL NI, MDO SDE BSKAL BZANG LAS, NGA NI SNGON TSE DMAN PAR GYUR PA'I TSE, ,DE BZHIN GSHEGS PA SH'AKYA THUB CHEN LA, ,'JAM GANG ZHIG GI DBUL BA BYAS NAS KYANG; ;DANG POR BYANG CHUB TU NI SEMS BSKYED DO; ,ZHES GSUNGS PA LTAR, RDZA MKHAN GYI BU KHYE'U SNANG BYED DU SKU 'KHRUNGS PA'I TSE, DE BZHIN GSHEGS PA SH'AKYA THUB CHEN ZHES BYA BA 'JIG RTEN DU BYON PA DANG MJAL

, ,TE RDZA'I BUM PA 'JAM GYIS BKANG BA ME LONG GIS KHA BRGYAN PA SOGS MCHOD PA'I YO BYAD CI YOD PHUL TE, DE BZHIN GSHEGS PA KHYED SKU CI 'DRA DANG, ,'KHOR DANG SKU TSE'I TSAD DANG ZHING KHAMS DANG, ,KHYED KYI MTSAN MCHOG BZANG PO CI 'DRA BA, ,DE 'DRA KHO NAR BDAG KYANG 'GYUR BAR SHOG ,CES BRJOD NAS BYANG CHUB TU THUGS BSKYED PAR MDZAD DO, ,GZHAN YANG STON PA THUGS RJE CAN 'DI NYID KYIS RANG CAG KHAMS GSUM GYI 'GRO BA 'KHOR BA'I GNAS NA NYON MONGS SHING SDUG BSNGAL BRGYA PHRAG DU MAS MNAR BA RNAMS THUGS KYIS MA BZOD NAS, DE BZHIN GSHEGS PA BGRANG BA LAS 'DAS PA DAG GI SPYAN SNGAR THUGS BSKYED CING SMON LAM 'DEBS PAR MDZAD DE, DE YANG, STON PAS SNGON DE BZHIN GSHEGS PA BGRANG BA LAS 'DAS PA'I SPYAN SNGAR THUGS BSKYED MDZAD PA LAS, 'DIR MDO SDE LAS 'BYUNG BA LTAR GTZO CHE BA 'GA' ZHIG SMOS NA, DRIN LAN BSAB PA'I MDO LAS GSUNGS TSUL NI, STON PA THUGS RJE CAN 'DI NYID SNGON DMYAL BA'I SHING RTA 'DREN PAR 'KHRUNGS PA NA, GROGS ZLA BO ZHIG DANG GNYIS KYIS LCAGS BSREGS KYIS GZHIR GSHIN RJE AA GLANG GI SHING RTA 'DREN PA LAS ZLA BO DE NYAM CHUNG BAS SHING RTA 'DREN MA NUS PA NA, GSHIN RJE AA GLANG GIS LCAGS KYI MDUNG RTZE GSUM PA BRANG LA BSNUN PAS KHRAG GI

CHAR BAB CING SDUG BSNGAL GYIS NYAM THAG NAS SMRE SNGAGS 'DON PA NA, DAL BZOD GLAGS MED PA'I SNYING RJE 'KHRUNGS NAS SEMS CAN 'DI SDUG BSNGAL LAS THAR BAR BYAS TE DMYAL BA'I SDUG BSNGAL 'DI NGA GCIG PUS BZOD PAR BYA'O SNYAM DU THUGS BSKYED CING, SEMS CAN DES MTSON NAS LAS NGAN PA'I DBANG GIS DMYAL BAR LHUNG BA DANG LTUNG BAR 'GYUR BA'I SEMS CAN THAMS CAD LA BZOD GLAGS MED PA'I SNYING RJE SKYES NAS BYANG CHUB TU THUGS BSKYED DE, GSHIN RJE AA GLANG LA SEMS CAN NYAM THAG 'DI THONGS LA 'DI'I THAG PA'ANG NGA'I MGO LA SKON CIG ,NGA GCIG PUS DRANG BAR BYA'O ZHES GSUNGS PA NA, AA GLANG KHROS NAS LCAGS KYI MDUNG RTZE GSUM PA BSNUN BAS BSKAL PA BRGYAR BSAGS PA'I SDIG PA DAG CING, DE NAS TSE 'PHOS TE SUM CU RTZA GSUM GYI LHAR SKYES BAR GSUNGS SO, ,'DI BCOM LDAN 'DAS KYIS BYAMS PA'I THUGS BSKYED PA'I THOG MA YIN PA DANG, DE NAS BZUNG STE MNGON PAR RDZOGS PAR SANGS RGYAS PA'I BAR DU SEMS CAN THAMS CAD LA BYAMS PA DANG SNYING RJE'I SEMS RGYUN MA CHAD PAR BSKYED PAR MDZANGS BLUN LAS GSUNGS SO, ,THUGS BSKYED TSUL 'DUL BA LUNG LAS GSUNGS PA NI, LUNG SMAN GYI GZHI LAS, STON PA LA RGYAL PO GSAL RGYAL GYIS STON PAS THOG MAR GANG DU SEMS BSKYED LAGS ZHUS PA NA, STON PAS BKA' STZAL BA, SNGON RGYAL

, ,PO 'OD LDAN ZHES BYA BA'I YUL DU GLANG PO RIN PO CHE ME TOG KU MU DA'I MDOG LTAR DKAR BA, YAN LAG BDUN SHIN TU GNAS PA ZHIG BYUNG STE, DE RGYAL PO 'OD LDAN GYIS MTHONG NAS GLANG PO 'DUL MKHAN LA 'DI DUL BAR BYOS LA NGA LA PHUL CIG CES GSUNGS PAS, GLANG PO 'DUL MKHAN GYIS BKA' BZHIN 'TSAL ZHES ZER TE, DE DUL BAR BYAS NAS RGYAL PO LA PHUL BA DANG, RGYAL POS GLANG PO LA ZHON 'DUL MKHAN YANG GONG DU ZHON TE RI DVAGS GSHOR DU SONG BA NA, GLANG PO CHE DES GLANG MO'I DRI TSOR TE RJES BZHIN DU BRGYUGS NAS RLUNG LTAR KHYER BA DANG, RGYAL PHO 'OD LDAN GYIS GLANG PO 'DUL MKHAN LA, NAM MKHA' 'GUL BA 'DRA ZHING PHYOGS KUN MYUR DU 'GRO BA 'DRA BA 'DI BZLOG CIG ,DES BZLOG MA NUS TE RGYAL PO LA GLANG PO 'DI MI THUB KYIS SHING GI YAL GA LA 'JUS MDZOD CIG BYAS PAS, RGYAL POS SHING GI YAL GA LA 'JUS PAS SROG GI 'JIGS PA LAS THAR RO, ,DE NAS RGYAL POS GLANG PO 'DUL MKHAN LA KHYOD KYIS GLANG PO MA THUL BAR NGA LA PHUL LO, ,DES SMRAS PA, LHA; BDAG GIS SHIN TU DUL MOD KYIS, GLANG MO'I DRI TSOR NAS NYAN DU MA BTUB LAGS SO, ,'ON KYANG DPYAD DRAN TE LOG NAS MCHI'O ZHES ZHUS SO, ,DE NAS GLANG PO DE MYOS PA DANG BRAL TE ZHAG BDUN LON PA DANG, DPYAD DRAN TE RANG GI GNAS SU 'ONGS SO, ,DE NAS 'DUL MKHAN GYIS RGYAL PO LA GLANG PO MCHIS LAGS SO, ,

RGYAL POS SMRAS PA, KHYOD KYIS 'DI MA THUL LO, ,LHA; THUL LO, ,CIS MNGON, LHA'I SPYAN SNGAR PHAB PAR BGYI'O ZHES DES LCAGS KYI THU LUM MES BSREGS TE DPYAD KYI SAR KHYER NAS LEN DU GZHUG PAR BRTZAMS PAS, BAG TSA BA MED PAR LEN NO, ,DE MTHONG NAS GLANG RDZIS RGYAL PO LA GSOL PA, LHA; LEN DU NI BTUB KYANG 'GUM LAGS SO, ,RGYAL POS SMRAS PA, KYE MKHAS PA, DE LTAR SHIN TU DUL BA 'DIS BDAG CAG G-YENGS BA 'DI LA RGYU CI ZHIG YOD, GLANG RDZIS GSOL BA, LHA; BDAG GIS SNGAR LUS DUL GYI SEMS MDUL LO ZHES MA GSOL TAM, BDAG NI LUS 'DUL BA LAGS KYI, SEMS 'DUL BA NI MA LAGS SO, ,RGYAL POS SMRAS PA, SEMS 'DUL BA 'GA' YOD PA THOS SAM ZHES DRIS PA NA, GLANG PO CHE 'DUL MKHAN DE LA PHYOGS BCU'I SANGS RGYAS RNAMS KYI BYIN RLABS DANG NUS MTHU ZHUGS NAS DES SMRAS PA, LHA; LUS DANG SEMS GNYIS KA 'DUL BAR BYED PA SANGS RGYAS BCOM LDAN 'DAS MCHIS SO, ,RGYAL PO CHEN PO SANGS RGYAS MTHU BO CHE, ,NYON MONGS SPANGS PA DPA' BO STOBS LDAN PA, ,DE DANG GANG DAG DE LTAR RJES 'BRANG BA, ,DE DBANG 'DIR NI GZUGS MED SEMS 'GYUR RO, ,ZHES SOGS SANGS RGYAS RNAMS KYI YON TAN RGYA CHER BSGRAGS SO, ,DE NAS RGYAL PO 'OD LDAN GYIS SANGS RGYAS BCOM LDAN 'DAS RNAMS KYI BRTZON 'GRUS DANG STOBS THOS NAS SHIN TU

, ,DAD DE SBYIN PA DAG BYIN, BSOD NAMS DAG BYAS TE BLA NA MED PAR YANG DAG PAR RDZOGS PA'I BYANG CHUB TU SMON LAM BTAB PA, SBYIN PA RGYA CHEN GYUR PA 'DI YIS SU, ,'GRO BAR RANG BYUNG SANGS RGYAS GYUR NAS NI, ,SNGON GYI RGYAL BA RNAMS KYIS MA BSGRAL BA, ,SKYE BO'I TSOGS DAG BDAG GIS BSGRAL BAR BYA, ,BDAG GIS SKYE DGU LEGS BSKYANGS LAS BYUNG BA'AM, BTANG BA LAS BYUNG BSOD NAMS YOD PA GANG, ,DES NI SANGS RGYAS NYID THOB 'JIG RTEN DAG ,'DOD PA'I RIMS NAD LAS NI THAR BAR BYA, ,ZHES BYANG CHUB MCHOG TU THUGS BSKYED PAR GSUNGS SO, ,MA SKYES DGRA'I 'GYOD PA BSAL BA'I MDO LAS THUGS BSKYED TSUL GSUNGS PA NI, DE BZHIN GSHEGS PA SNGON 'DAS PA'I BSKAL PA BYE BA KHRAG KHRIG BRGYA STONG GRANGS MED PA'I SNGON ROL GYI YANG SNGON ROL NA TSONG DPON GYI BU DRI MA MED PA'I DPUNG BA ZHES BYA BAR 'KHRUNGS PA'I CHE, RJE BTZUN 'JAM DPAL DGE SLONG CHOS SMRA BA YE SHES RGYAL PO ZHES BYA BAR 'KHRUNGS PA DES BSKUL NAS DE BZHIN GSHEGS PA MI THUB ZLA BA'I RGYAL MTSAN GYI SPYAN SNGAR KHRID NAS DE BZHIN GSHEGS PA 'KHOR DANG BCAS PA LA BSOD SNYOMS 'BUL DU BCUG PA NA, TSONG DPON GYI BU DRI MA MED PA'I DPUNG BA ZHES BYA BA DES KYANG BSOD SNYOMS PHUL NAS BSOD SNYOMS GCIG

PHUL BAS, DE BZHIN GSHEGS PA MI THUB ZLA BA'I RGYAL MTSAN 'KHOR NYAN THOS BRGYAD KHRI BZHI STONG DANG BYANG CHUB SEMS DPA' KHRI NYIS STONG DANG BCAS PA KHYAB CING THAMS CAD KYIS TSIM PAR BZHES KYANG BSOD SNYOMS DE ZAD BAR MA GYUR PA NA KHYE'U DE RAB TU DGA' ZHING DAD PA LHAG PAR SKYES NAS DE BZHIN GSHEGS PA DE'I SPYAN SNGAR 'DUG PA DANG, DE BZHIN GSHEGS PA MI THUB ZLA BA'I RGYAL MTSAN GYIS KHYE'U DE LA BYANG CHUB KYI LAM BSTAN PA NA, TSONG DPON GYI BU DRI MA MED PA'I DPUNG PAS PHYIR MI LDOG PA'I DAD PA CHEN POS SKYABS SU SONG ZHING BYANG CHUB TU THUGS BSKYED PAR GSUNGS SO, ,BYANG CHUB SEMS DPA'I SDE SNOD LAS STON PAS SNGON THUGS BSKYED TSUL DANG SA, LAM RIM GYIS BGROD TSUL GSUNGS PA NI MDO DE NYID LAS, DE BZHIN GSHEGS PA SNGON 'DAS PA'I BSKAL PA GRANGS MED BSAM GYIS MI KHYAB PA'I SNGON ROL NA, CHOS KYI RGYAL PO TSE RNAM PAR RGYAL BA ZHES BYA BA'I BU GZHON NU BRTZON 'GRUS SPYOD PA ZHES BYA BAR 'KHRUNGS PA'I TSE DE BZHIN GSHEGS PA PHUNG PO CHEN PO ZHES BYA BA 'JIG RTEN DU BYON PA DANG MJAL TE, DE BZHIN GSHEGS PA DES RDZU 'PHRUL GYI BKOD PA BSAM GYIS MI KHYAB BA BSTAN NAS GZHON NU BRTZON 'GRUS SPYOD PA YID 'DUN PAR BYAS TE BYAMS SNYING RJE BYANG CHUB KYI SEMS BSKYED TSUL DANG, SBYIN PA LA SOGS PA'I PHA ROL TU PHYIN PA DRUG DANG BSDU BA'I DNGOS PO BZHIS BSDUS PA'I

, ,RGYAL SRAS KYI SPYOD LA RLABS PO CHE RNAMS LA SLOB TSUL RGYAS PAR BSTAN CING, STOBS BCU DANG MI 'JIGS PA BZHI DANG, MA 'DRES PA BCO BRGYAD SOGS SANGS RGYAS KYI YON TAN RNAMS RGYA CHER BSGRAGS PA NA, GZHON NU BRTZON 'GRUS SPYOD PA THEG PA CHEN PO'I LAM LA PHYIR MI LDOG PA'I NGES PA BRTAN PO THOB NAS, BCOM LDAN 'DAS DE BZHIN GSHEGS PA DGRA BCOM PA YANG DAG BAR RDZOGS PA'I SANGS RGYAS PHUNG PO CHEN PO NYAN THOS KYI DGE 'DUN DANG BCAS PA LA LO BYE BA PHRAG DGU BCU RTZA DRUG TU MCHOD PA'I DNGOS PO THAMS CAD KYIS MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR GSUNGS SO, ,DE NAS BSKAL PA CHEN PO GRANGS MED PA GCIG 'DAS PA NA TSONG DPON SHES RAB BZANG PO ZHES BYA BAR 'KHRUNGS PA'I TSE, DE BZHIN GSHEGS PA DKON MCHOG YAN LAG CES BYA BA 'JIG RTEN DU BYON PA DANG MJAL TE, DE BZHIN GSHEGS PA DKON MCHOG YAN LAG GIS TSONG DPON SHES RAB BZANG PO LA BYANG CHUB KYI LAM RGYAS PAR BSTAN CING, RDZU 'PHRUL GYI BKOD PA DU MA'ANG BSTAN PAS DAD PA DANG DGA' BA RGYA CHEN PO DANG BYANG CHUB KYI LAM LA PHYIR MI LDOG PA'I NGES PA BRTAN PAR GYUR NAS, TSONG DPON SHES RAB BZANG POS DE BZHIN GSHEGS PA DKON MCHOG YAN

LAG NYAN THOS KYI DGE 'DUN DANG BCAS PA LA LO STONG DU MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED CING BYANG CHUB KYI LAM RNAMS YONGS SU BSGRUB BO, ,DE NAS BSKAL PA GRANGS MED PA GCIG 'DAS PA NA BRAM ZE'I KHYE'U GZHON NU SPRIN DU 'KHRUNGS PA'I TSE, DE BZHIN GSHEGS PA MAR ME MDZAD 'JIG RTEN DU BYON PA DANG MJAL TE, DGA' BA DANG, MGU BA DANG, DAD PA RGYA CHEN POS DE BZHIN GSHEGS PA MAR ME MDZAD KYI SPYAN SNGAR LO BCU GNYIS SU RAL PA GSER GYI MDOG CAN BTING NAS, BDAG BLA NA MED PA YANG DAG PAR RDZOGS PA'I BYANG CHUB TU LUNG MI STON NA BDAG 'DI NYID DU LUS BSKAM PAR BYA'O ZHES YI DAM BCAS SO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KUN NAS SPYAN KUN NAS MKHYEN PA DUS GSUM GANG YANG MI MKHYEN BA CUNG ZAD KYANG MED PA DES BRAM ZE'I KHYE'U SPRIN GYI BSAM PA MKHYEN NAS, DE'I RAL BA GSER GYI KHA DOG LTA BU LA ZHABS BZHAG GO ,DE NAS BRAM ZE'I KHYE'U SPRIN GYIS LANGS NAS DE BZHIN GSHEGS PA MAR ME MDZAD LA AUTPA LAS SNYIM PA BKANG STE GTOR RO, ,GTOR MA THAG TU DE'I TSE DE BZHIN GSHEGS PA'I DBU'I GTZUG GI STENG GI THAD DU AUTPA LA'I KHANG PA BRTZEGS PA GRVA BZHIR KA BA

, ,BZHI ZUG BA, CHA MNYAM PA, SHIN TU RNAM PAR PHYE BA, NYAMS DGA' BA, YID DU 'ONG BA ZHIG GNAS PAR GYUR TE, KHANG PA BRTZEGS PA DE NA'ANG DE BZHIN GSHEGS PA'I SKU SNANG NGO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I KHYE'U SPRIN LA 'DI SKAD CES BKA' STZAL TO, ,BRAM ZE'I KHYE'U KHYOD DGE BA'I RTZA BA 'DIS MA 'ONGS PA'I DUS BSKAL PA GRANGS MED PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA ZHES BYA BA RIG PA DANG ZHABS SU LDAN PA; BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS SU 'GYUR RO, ,ZHES LUNG BSTAN TO, ,DE NAS BRAM ZE'I KHYE'U SPRIN BDAG NYID LUNG BSTAN PA THOS NAS DGA' ZHING MGU LA YI RANGS TE, RAB TU DGA' BA DANG YID BDE BA SKYES NAS DE'I TSE MI SKYE BA'I CHOS LA BZOD PA RAB TU THOB BO; ;DE BZOD PA THOB NAS STENG GI NAM MKHA' TA LA BDUN SRING DU 'PHAGS NAS TING NGE 'DZIN DRUG STONG MNGON DU GYUR CING, DE BZHIN GSHAGS PA GANGGA'I KLUNG GI BYE MA SNYED DAG KYANG MNGON DU

GYUR TO, ,ZHES GSUNGS, LHAG PAR STON PA THUGS RJE CAN 'DIS RANG CAG RTZOD LDAN SNYIGS MA LNGA BDO'I 'GRO BA SANGS RGYAS DANG BYANG CHUB SEMS DPA' GZHAN THAMS CAD KYIS 'DUL MA NUS PAR YAL BAR BOR BA RNAMS THUGS RJES MA BZOD PAR BRAM ZE RGYA MTSO'I RDUL DU 'KHRUNGS PA NA DE BZHIN GSHEGS PA RIN CHEN SNYING PO'I SPYAN SNGAR PHYOGS BCU'I SANGS RGYAS DANG BYANG CHUB SEMS DPA' THAMS CAD DPANG DU BZHAG STE, SPYIR PHYOGS BCU'I SANGS RGYAS THAMS CAD KYIS 'DUL MA NUS PAR LUS SHING, KHYAD PAR BSKAL BA BZANG PO 'DI LA 'BYON PA'I SANGS RGYAS 'KHOR BA 'JIG NAS, THA MA MOS PA SNANG MDZAD LA THUG GI BAR DGU BRGYA DANG DGU BCU RTZA DGU BO DE DAG THAMS CAD KYIS RANG RANG GI ZHING BZUNG BA NA RTZOD LDAN TSE LO BRGYA PA'I DUS 'DI NI JI LTAR ME DPUNG 'BAR BA'I NANG DU SU YANG 'JUG PAR MI SPRO BA BZHIN DU DGU BRGYA DANG DGU BCU RTZA DGU PO DE DAG THAMS CAD KYIS SNYIGS MA LNGA BDO'I SEMS CAN MA RUNGS BA RMU RGOD PA GDUL DKA' BA PHA LA PHAR MI 'DZIN PA MA LA MAR MI 'DZIN PA SLOB DPON LA SLOB DPON DU MI 'DZIN PA DRIN LAN LOG PAR 'JAL BA MA RUNGS BA DE DAG GI NANG DU SU ZHIG 'JUG CES YAL BAR POR BA NA, BRAM ZE RGYA MTSO'I RDUL GYIS DE BZHIN GSHEGS BA RIN CHEN SNYING BO'I SPYAN SNGAR PHYOGS BCU'I SANGS RGYAS THAMS CAD DPANG DU BZHAG STE MKHYEN PAR GSOL NAS, RTZOD LDAN TSE LO BRGYA PA'I DUS KYI SAMS

, ,CAN DE DAG SNYING RE RJE, DE DAG NGA 'BA' ZHIG GIS GDUL BAR BYA'O, ,DE'I BAR DU 'TSANG RGYA BAR RANG DBANG YOD KYANG 'TSANG MI RGYA BAR DE'I DUS KHO NAR NGES BAR 'TSANG RGYA BA'I MDZAD PA BSTAN PAR BYA'O, , ZHES DAM BCAS SHING RANG CAG SNYIGS MA LNGA BDO'I 'GRO BA RNAMS KYI DON DU SMON LAM CHEN PO LNGA BRGYA BTAB PA NA DE BZHIN GSHEGS PA RIN CHEN SNYING PO DANG PHYOGS BCU'I SANGS RGYAS THAMS CAD KYIS MGRIN GCIG TU LEGS SO BRJOD CING ME TOG GTOR TE BDAG NYID CHEN PO KHYOD NI BYANG CHUB SEMS DPA' THAMS CAD KYI NANG NA ZLA MED PA STE ME TOG THAMS CAD KYI NANG NA MTSUNGS PA MED PA ME TOG PADMA DKAR PO LTA BU'I ZHES RGYA CHER BSNGAGS SO, ,STON PA THUGS RJE CAN 'DI'I MDZAD PA GZHAN LTA ZHOG ,SNGON THUGS BSKYED PA'I MDZAD PA 'DI NYID BSAMS NAS KYANG BKA' DRIN DANG THUGS RJE DRAN PA'I DAD PA CHEN PO'I SGO NAS MCHOD CING GSOL BA 'DEBS PA LA BRTZON PA LHUR BYA'O, ,DE LTAR STON PAS THUGS BSKYED NAS BAR DU TSOGS BSAGS TSUL NI, MDZOD LAS, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,DANG PO SH'AKYA THUB BA YIN, ,ZHES GSUNGS PA LTAR, DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA GTZUG TOR CAN 'JIG RTEN DU BYON PA'I BAR LA GRANGS MED DANG PO DANG, DE NAS DE BZHIN GSHEGS PA MAR ME MDZAD 'JIG RTEN DU BYON PA'I BAR LA GRANGS MED GNYIS PA DANG,

DE NAS DE BZHIN GSHEGS PA RNAM GZIGS 'JIG RTEN DU BYON PA'I BAR LA GRANGS MED GSUM PA STE BSKAL CHEN GRANGS MED GSUM DU TSOGS BSAGS , DE YANG 'DUL BA LUNG LAS , SANGS RGYAS SH'AKYA THUB PA NAS, ,'DREN PA YUL 'KHOR SKYONG GI BAR , BDUN KHRI LNGA STONG TSANG BA YI, ,SANGS RGYAS RNAMS NI NGAS MCHOD DO, ,SANGS RGYAS LEGS MDZAD NAS BZUNG STE, ,DBANG PO RGYAL MTSAN THUB PA'I BAR, ,BDUN KHRI DRUG STONG TSANG BA YI, , SANGS RGYAS RNAMS NI NGAS MCHOD DO, ,SANGS RGYAS MAR ME MDZAD NAS NI, ,SANGS RGYAS 'OD SRUNGS BAR DAG TU, ,BDUN KHRI BDUN STONG TSANG BA YI, ,SANGS RGYAS RNAMS NI NGAS MCHOD DO, ,ZHES 'BYUNG BA LTAR, GRANGS MED DANG PO LA DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA YUL 'KHOR SKYONG GI BAR SANGS RGYAS BDUN KHRI LNGA STONG DANG, GRANGS MED GNYIS PA LA DE BZHIN GSHEGS PA LEGS MDZAD NAS BZUNG STE DE BZHIN GSHEGS PA DBANG PO RGYAL MTSAN GYI BAR SANGS RGYAS BDUN KHRI DRUG STONG DANG, GRANGS MED GSUM PA LA DE BZHIN GSHEGS PA MAR ME MDZAD NAS BZUNG DE BZHIN GSHEGS PA 'OD SRUNGS KYI BAR SANGS RGYAS BDUN KHRI BDUN STONG LA BSNYEN BKUR ZHING MCHOD PAS MNYES PAR MDZAD CING TSOGS GNYIS BAR MA CHAD DU BSAGS SO, ,DE LTAR GRANGS MED GSUM DU TSOGS BSAGS TSUL DE YANG THEG PA THUN MONG BA'I DBANG DU BYAS NAS GSUNGS PA YIN GYI ,

, ,THEG PA CHEN PO'I MDO NAS GRANGS MED GSUM DU TSOGS BSAGS TSUL JI LTAR GSUNGS PA NI SNGAR BYANG CHUB SEMS DPA'I SDE SNOD LAS JI LTAR GSUNGS TSUL BSHAD PA LTAR DANG, MDO SDE DKON MCHOG SPRIN LAS, RIGS KYI BU DE BZHIN GSHEGS PA NI BSKAL PA GRANGS MED PA DU MAS YANG DAG PAR GRUB PA YIN TE, RIGS KYI BU DE BZHIN GSHEGS PA NA DPAG BA DANG, BSAM PA DANG, BRTAG PAR MI NUS SO, ,BYANG CHUB SEMS DPA' SGRIB PA THAMS CAD RNAM PAR SEL BAS GSOL PA, BCOM LDAN 'DAS BSKAL BA GRANGS MA MCHIS PA GSUM GYIS DE BZHIN GSHEGS PA RNAMS YANG DAG PAR 'GRUB PA MA LAGS SAM, BCOM LDAN 'DAS KYIS BKA' STZAL BA, RIGS KYI BU DE CI'I PHYIR ZHE NA, BYANG CHUB SEMS DPA' DE BZHIN GSHEGS PA'I YUL BSGRUB PAR BYA BA NI BSAM GYIS MI KHYAB STE, DE NI BSKAL PA GRANGS MED PA GSUM GYIS YANG DAG PAR BSGRUB PAR MI NUS KYI, NAM BYANG CHUB SEMS DPA' CHOS MNYAM PA NYID DU ZHUGS PAR GYUR PA DE'I TSE DE NAS BRTZAMS TE BSKAL PA BGRANG BAR BYA YI, THOG MA'I SEMS NAS BRTZAMS TE NI MA YIN NO, , ZHES GSUNGS, ZLA BA SGRON MA'I MDO LAS, SANGS RGYAS NGAG NI BYE BA KHRAG KHRIG DANG, ,DE LAS LHAG PA GANGGA'I BYE BA SNYED, ,KUN KYANG BYA RGOD PHUNG PO 'DIR BZHUGS TE, ,MI DBANG DE KUN NGA

YIS BKUR BSTI BYAS, ,ZHES SOGS RGYA CHER GSUNGS PA LTAR, STON PAS SNGON SLOB PA LAM GYI GNAS SKABS SU SANGS RGYAS GRANGS MED DPAG TU MED PA GANGGA'I KLUNG GI BYE MA SNYED DAG LA BSNYEN BKUR ZHING MCHOD PAR MDZAD NAS RDZOGS SMIN SBYANGS GSUM GYI SPYOD PA MTHAR PHYIN PAR MDZAD DE BZHI DANG SNYING PO ME TOG GIS BRGYAN PA ZHES BYA BA'I 'OG MIN GYI ZHING DU NGES PA LNGA LDAN LONGS SPYOD RDZOGS SKU MNGON DU MDZAD DO , SKU DE LAS NAM YANG G-YO BA MED BZHIN DU MKHA' KHYAB KYI ZHING THAMS CAD DU GDUL BYA RANG RANG GI DBANG PO DANG 'TSAM PA'I SPRUL PA BSTAN NAS SEMS CAN GYI DON MDZAD PA LAS , SNGON GYI THUGS BSKYED DANG SMON LAM DUS SU SMIN TE MI MJED 'JIG RTEN GYI ZHING 'DIR MCHOG GI SPRUL SKU'I MDZAD PA STON DU NYE BA NA , RGYAL BA 'OD SRUNGS 'JIG RTEN 'DIR BYON PA'I TSE STON PA THUGS RJE CAN 'DI NYID BRAM ZE'I KHYE'U BLA MA ZHES BYA BAR 'KHRUNGS NAS RGYAL BA 'OD SRUNGS KYI SPYAN SNGAR TSANGS PAR SPYOD CING BZHUGS PA NA RGYAL BA 'OD SRUNGS KYIS BRAM ZE'I KHYE'U BLA MA KHYOD NI NGA MYA NGAN LAS 'DAS PA'I 'OG TU TSE LO BRGYA PA'I DUS SU MI MJED 'JIG RTEN GYI KHAMS 'DIR DE BZHIN GSHEGS PA DGRA BCOM PA YANG DAG PA RDZOGS PA'I SANGS RGYAS RIG PA DANG ZHABS SU LDAN PA , BDE BAR GSHEGS PA , 'JIG RTEN MKHYEN PA SKYES BU 'DUL BA'I KHA LO BSGYUR BA BLA NA MED PA , LHA DANG MI RNAMS KYI STON PA , SANGS

, ,RGYAS SH'AKYA THUB PA ZHES BYA BAR 'GYUR TE, LO BRGYAD CU'I BAR DU CHOS KYI 'KHOR LO BSKOR NAS MYA NGAN LAS 'DAS PA'I 'OG TU 'ANG DAM PA'I CHOS YUN RING DU GNAS PAR 'GYUR RO, ,ZHES LUNG BSTAN TE PHYOGS BCU'I ZHING KHAMS THAMS CAD DU GRAGS PAR MDZAD DO, ,BRAM ZE'I KHYE'U BLA MA DE NAS 'PHOS TE DGA' LDAN DU LHA'I BU DAM PA TOG DKAR PO ZHES BYA BA SKYE BA GCIG THOGS KYI BYANG CHUB SEMS DPA'I TSUL BZUNG STE DGA' LDAN GYI LHA RNAMS LA CHOS STON CING ZHING 'DIR 'BYON PA'I BAR DU BZHUGS SO, ,DE NAS BYANG CHUB SEMS DPA' DAM PA TOG DKAR PO ZHING 'DIR 'BYON DU NYE BA NA, GANG DU BYANG CHUB SEMS DPA' SKU BLTAMS PAR 'GYUR BA'I SA LUM BI NA'I TSAL DU LNGA LTAS BCU BYUNG STE , SA THAMS CAD LAG MTHIL LTAR MNYAM, SA GZHI RDO RJE LAS GRUB CING RIN PO CHES GANG , RIN PO CHE'I SHING GIS 'KHRIGS , SPOS KYI MYU GU DANG PHYE MA'I MDZOD 'THON ZHING RGYAL MTSAN GYI SPRIN GTIBS, LHA RDZAS KYI ME TOG DANG GOS KYI MDZOD RGYAS, LJON SHING THAMS CAD LA NOR BU RIN PO CHE'I MDZOD GRUB , CHU LAS 'PHAGS PA'I PADMAS GANG, ,SDE BRGYAD SOGS 'JIG RTEN GYI DBANG PO RNAMS THAL MO SBYAR TE 'KHOD , SDE BRGYAD KYI BU MO RNAMS KYIS LJON PA'I RGYAL PO PLAKsh'I SDONG PO LA BLTA ZHING PHYOGS BCU'I RGYAL BA THAMS CAD KYI SKU'I LTE PA NAS

BKYE BA'I 'OD ZER GYIS TSAL THAMS CAD SNANG BAR BYAS SHING 'OD KYI DKYIL 'KHOR DU BYANG CHUB SEMS DPA' SKU BLTAMS PA'I RNAM 'PHRUL GZUGS BRNYAN DU 'CHAR LA SKU BLTAMS PA'I SGRA GRAG PA RNAMS BYUNG NGO, ,LUM PA NA'I TSAL ZHES BYA BA NI GRONG KHYER SER SKYA DANG NYE BA'I PHYOGS NA SNGON LHA RNAMS KYIS 'DIR GRONG KHYER RTZIGS SHIG CES BKOD PA BYAS PA'I SA LHAS BSTAN CES BYA BA'I GRONG KHYER CHEN PO NA RGYAL PO LEGS PAR RAB SAD CES BYA BA ZHIG YOD DE , DE LA BTZUN MO'I MCHOG LUM PI NI ZHES BYA BA SMON LAM GYI MTHU GRUB PA ZHIG YOD PA DE LA BYANG CHUB SEMS DPA'I BYIN RLABS ZHUGS TE , SER SKYA DANG LHAS BSTAN GYI BAR DU KUN DGA' RA BA ZHIG YOD PA DE NGA'I SKYED TSAL DU BYUNG NA SNYAM DU SMON ZHING DE LTAR DU RGYAL PO LEGS PAR RAB SAD LA ZHUS PA NA, RGYAL PO LEGS PAR RAB SAD KYIS DER SKYED TSAL PHUN SUM TSOGS PA YO BYAD THAMS CAD DANG LDAN PA ZHIG BCOS TE LUM BI NI LA BYIN PAS LUM BI NA'I TSAL ZHES GRAGS SO, ,DE NAS BYANG CHUB SEMS DPA' DAM PA TOG DKAR PO NI DGA' LDAN GYI LHA'I GNAS NA, GZHAL MED KHANG SUM KHRI NYIS STONG RAB TU GNAS PA LHA'I GZHAL MED KHANG GI YON TAN DANG RGYAN BKOD PA PHUN SUM TSOGS PA BYE BAS RAB TU PHYUG CING DPAL DANG LDAN PA DE NA BDE BAR GNAS SHING , SIL SNYAN

, ,DANG GLU DBYANGS BRGYAD KHRI BZHI STONG GI SGRA SGROG PA LAS, NYID KYI BSOD NAMS KYI MTHU DANG SANGS RGYAS RNAMS KYI BYIN RLABS KYIS ROL MO'I SGRA DBYANGS DE DAG LAS, BSOD NAMS RGYA CHE TSOGS MNGA' DRAN RTOGS DANG, ,BLO GROS MTHA' YAS SHES RAB 'OD MDZAD PA, ,MTSUNGS MED STOBS MNGA' SGYU RTZAL RGYA CHE BA, ,MAR ME MDZAD KYIS LUNG BSTAN DGONGS PAR MDZOD, , SKYES MCHOG KHYOD KYI BSOD NAMS DPAL GYIS NI, ,DGA' LDAN PHO BRANG SHIN TU MDZES MOD KYI, ,'ON KYANG THUGS RJE'I THUGS DANG LDAN PAS NA, ,'DZAM BU'I RGYAL MTSAN DU NI CHAR PA PHOB, , CES PA NAS, 'DI NI DUS LAGS BTANG SNYOMS MA MDZAD CES, ,SNYING RJE'I YID DANG LDAN LA SKUL BAR BYED, ,CES PA LA SOGS PAS 'DZAM BU'I GLING DU 'BYON PA'I DUS LA BAB PAR BSKUL TE, DE YANG SNGON BSKAL PA BGRANG BA LAS 'DAS PA NAS RTZOD LDAN TSE LO BRGYA PA'I DUS SU 'DZAM BU'I GLING DU SANGS RGYAS KYI MDZAD PA STON PAR THUGS DAM BCAS SHING, RGYAL BA MAR ME MDZAD DANG RGYAL BA 'OD SRUNGS LA SOGS PA SANGS RGYAS BGRANG BA LAS 'DAS PA DAG GIS KYANG DE LTAR DU LUNG BSTAN PA DE RNAMS DGONGS PAR MDZOD CIG CES ROL MO'I SGRA DAG LAS YANG DANG YANG DU BSKUL LO, ,DE'I TSE

GNAS GTZANG MA'I LHA'I BU RNAMS BYANG CHUB SEMS DPA' MNGAL DU 'JUG PA'I LO BCU GNYIS KYI GONG NAS BRAM ZER SPRUL TE, 'OG NAS 'CHAD PA'I RNAM PAS MNGAL DU ZHUGS PAR GYUR NA MTSAN DPE DANG LDAN TE , 'KHOR LOS BSGYUR RGYAL LAM, SANGS RGYAS SU 'GYUR RO ZHES 'DON DU 'JUG CING RANG SANGS RGYAS RNAMS LA , LO BCU GNYIS NA BYANG CHUB SEMS DPA' LHUMS SU 'JUG GIS ZHING 'DI BOR CIG CES ZER ZHING , DE RGYAL PO'I KHAB KYI MJUG MA SGYUR BA'I RIL RANG RGYAL GLANG PO ZHES PAS THOS TE, RDO LA RKANG RJES BZHAG STE 'DAS SO, ,W'A RA n'A SIR RANG RGYAL LNGA BRGYA MA'I KHAMS LA ZHUGS TE 'DAS NAS RING BSREL LHUNG BAS DRANG SRONG LHUNG BAR GRAGS SO, ,DE NAS BYANG CHUB SEMS DPA' GZHAL MED KHANG CHEN PO DE NAS BYUNG STE , CHOS KYIS MTHO BA'I KHANG BZANG LHA RNAMS LA CHOS STON PA'I SA DER ZHUGS NAS SENG GE'I KHRI CHOS BZANG PO ZHES BYA BA LA BZHUGS TE , BYANG CHUB SEMS DPA' BYAMS PA DANG, LHA'I BU YONGS SU DGA' LDAN DANG, GANG YANG BYANG CHUB SEMS DPA' PHYOGS KUN NAS 'DUS PA RNAMS LA CHOS RGYA CHER STON PAR MDZAD CING , MYUR DU SANGS RGYAS KYI MDZAD PA STON PAR BZHED NAS GZIGS PA LNGA LA GZIGS SO, ,GZIGS PA LNGA NI, DUS LA GZIGS PA, YUL LA GZIGS PA, RIGS

, ,LA GZIGS PA, RUS LA GZIGS PA, GANG GIS YUM BYED PAR NUS PA'I BUD MED LA GZIGS PA LNGA'O, ,DE'I DANG PO DUS LA GZIGS PA NI, SNGON DE BZHIN GSHEGS PA RIN CHEN SNYING PO'I SPYAN SNGAR BRAM ZE RGYA MTSO'I RDUL GYIS RTZOD LDAN TSE LO BRGYA PA'I DUS 'DIR SANGS RGYAS KYI MDZAD PA STON PAR THUGS DAM BCAS SHING, DE BZHIN GSHEGS PA MAR ME MDZAD NAS BZUNG RGYAL BA 'OD SRUNGS KYI BAR DU BYON PA'I SANGS RGYAS RNAMS KYIS KYANG DE LTAR DU LUNG BSTAN PA LTAR BYANG CHUB SEMS DPA' DAM PA TOG DKAR POS DON DE THUGS LA DGONGS SHING, PHYOGS BCU'I SANGS RGYAS RNAMS KYIS KYANG SNYIGS MA'I 'GRO BA MGON SKYABS DANG BRAL BA 'DI RNAMS KYI MGON SKYABS SU MYUR DU 'BYON DGOS SO ZHES YANG YANG BSKUL BA LTAR 'DZAM BU'I GLING DU 'BYON PA'I DUS LA BAB PAR GZIGS PA'O, ,YUL LA GZIGS PA NI, SANGS RGYAS 'JIG RTEN DU 'BYON PA NI GDUL BYA'I DON KHO NAR 'BYON PA YIN LA, GDUL BYA'I GTZO BO NI LHA DANG MI GNYIS TE, DE LA LHA YUL DU MCHOG GI SPRUL SKU BYON NA NI MI RNAMS LA LHA YUL DU BGROD PA'I MTHU MED PAS DE DAG LA MI PHAN PA DANG, LHA RNAMS KYANG 'DOD PAS G-YENGS SHING NGES 'BYUNG SKYE DKA' BAS SO THAR GYI SDOM PA'I RTEN DU MI RUNG BA SOGS KYIS PHAN CHUNG BA DANG, LHA RNAMS CHOS MNYAN PA'I PHYIR 'DZAM BU'I GLING DU BGROD NUS PAS MI'I NANG KHO NAR MCHOG GI SPRUL SKU'I MDZAD PA STON PA YIN LA, MI LA YANG GLING

BZHI LAS GLING GZHAN GSUM NI LONGS SPYOD PHUN SUM TSOGS PA YOD KYANG DBANG PO RTUL ZHING NGES 'BYUNG SHUGS DRAG PO SKYE DKA' BA DANG, 'DZAM BU'I GLING GI MI RNAMS NI DBUL ZHING TSE THUNG YANG DBANG PO SHIN TU RNO BA MANG BA DANG, NGES 'BYUNG SHUGS DRAG PO SKYE SLAB DANG, TSE STONG LA BSAGS PA'I LAS TSE SMAD LA SMIN NUS PA'ANG SRID PA DANG, 'DZAM BU'I GLING GI SHAR PHYOGS NA RJE BTZUN 'JAM DPAL DBYANGS KYI SPRUL PA'I ZHING KHAMS RI BO RTZE LNGA'I GNAS DANG, LHO PHYOGS NA THUGS RJE CHEN PO'I ZHING KHAMS PO TA LA'I GNAS DANG, NUB PHYOGS NA DPA' BO DANG RNAL 'BYOR MA RNAMS KYI GNAS AOO tI Y'A NA DANG, BYANG PHYOGS NA DPAL PHYAG NA RDO RJE SOGS NYE BA'I SRAS BRGYAD KYI RGYAL PO'I TSUL BZUNG STE SEMS CAN GYI DON BYED PA'I GNAS SHAMBHA LA RNAMS YOD CING, GZHAN YANG 'DZAM BU'I GLING GI PHYOGS DANG PHYOGS MTSAMS RNAMS NA ZUNG 'JUG GRUB PA'I DPA' BO DANG DPA' MO BZHUGS PA'I GNAS MANG DU YOD PAS 'DZAM BU'I GLING 'DIR MDO DANG SNGAGS KYI BSTAN PA RGYAS PAR 'GYUR BAR DGONGS NAS BYANG CHUB SEMS DPA' DAM PA TOG DKAR PO 'DZAM BU'I GLING 'DIR SANGS RGYAS KYI MDZAD PA STON PHYIR 'BYON BZHED PA'O, ,RIGS LA GZIGS PA NI, RGYAL BA RNAMS MCHOG GI SPRUL SKU'I MDZAD PA STON PA'I TSE RGYAL RIGS DANG BRAM ZE'I RIGS GANG RUNG ZHIG TU 'KHRUNGS NAS SANGS RGYAS KYI MDZAD PA MDZAD KYI, DE GNYIS LAS RIGS DMA' BAR 'KHRUNG PA'I MDZAD PA MI STON NO, ,DE YANG 'JIG RTEN

, ,NA RIGS GNYIS PO DE GANG BTZUN PAR BYED PA DER 'KHRUNG BAR MDZAD PAS DUS 'DIR RGYAL RIGS BTZUN PAR BYED PAS NA 'JIG RTEN CHAGS TE 'DZAM BU'I GLING DU RGYAL PO THOG MAR BYUNG BA DE NAS BZUNG GDUNG RGYUN MA CHAD PA'I RGYAL RIGS SU 'KHRUNG BAR BZHED NAS DE LA GZIGS TE, DE LTA BU'I RGYAL RIGS KYI GDUNG DRI MA MED PA NI SH'AKYA'I RGYAL PO ZAS GTZANG MA YIN PAR GZIGS SO, ,DE'I TSUL NI, 'JIG RTEN THOG MAR CHAGS PA NA MI RNAMS 'OD GSAL GYI LHA LAS 'PHOS TE BRDZUS TE SKYES PA, KHAMS ZAS RAGS PA LA MI BLTOS PAR DGA' BA'I ZAS KYIS 'TSO BA, LUS DVANGS GSAL 'OD KYI RANG BZHIN CAN, 'KHRUG RTZOD GANG YANG MED CING 'KHRIG PA'I 'DOD CHAGS KYANG MED LA, BRDZUN DU SMRA BA'ANG MED PAR RANG BZHIN GYIS DGE BA'I NGANG DU GNAS PAS DUS DE LA NI BSKAL PA RDZOGS LDAN GYI DUS ZHES BYA'O, ,DE NAS BSKAL PA BZANG PO RIM GYIS BRi NAS BDUD RTZI'I ZAS KYIS 'TSO BA DANG, MA RMOS PA'I LO TOG GIS 'TSO BA RNAMS RIM GYIS BYUNG STE MI RNAMS KYI LUS KYI 'OD NUB CING LUS LCI LA BSHANG GCI DANG LDAN PAS PHO MO'I DBANG PO DOD DE 'KHRIG PA SPYOD CING, DE NAS KYANG BSKAL PA BZANG PO RIM GYIS BRI STE MA RMOS PA'I LO TOG KYANG MED PAR SA LA ZHING RMOS TE 'TSO BAR BYED PA NA, NGED KYI ZHING DANG KHYOD KYI ZHING ZHES PHAN TSUN 'KHRUG RTZOD DU GYUR CING, MA BYIN PAR LEN PA DANG, BRDZUN DU SMRA BAS PHAN TSUN 'THAB CING RTZOD PAR GYUR PA NA 'DZAM BU'I GLING GI

MI THAMS CAD KYIS SPYI MTHUN DU RGYAL PO BSKOS PA NI MANG POS BKUR BA'I RGYAL PO ZHES BYA BA BYUNG NGO, ,RGYAL PO DE'I BU 'OD MDZES, DE'I BU DGE BA, DE'I BU DGE MCHOG ,DE'U BU GSO SBYONG 'PHAGS, DE RNAMS LA SNGON GYI RGYAL PO LNGA ZER; GSO SBYONG 'PHAGS KYI SPYI BO'I SHA RMEN LAS SKYES PA NGA LAS NU, DE NAS MDZES PA, NYE MDZES, MDZES LDAN, NYE MDZES LDAN, DE LNGA NI SUM CU RTZA GSUM MAN DANG, GLING BZHI NAS GCIG GI BAR LA DBANG BA'I 'KHOR LOS BSGYUR BA'I RGYAL PO LNGA'O, ,NYE MDZES LDAN GYI BU BZANG PO NAS RGYAL LO SA YA GCIG DANG BZHI KHRI DRUG STONG SUM BRGYA BDUN CU RTZA DGU 'DAS PA NA RGYAL PO KRI KRI BYUNG STE, RGYAL PO KRI KHRIS NI SANGS RGYAS 'OD SRUNGS LA BSNYEN BKUR ZHING, SANGS RGYAS 'OD SRUNGS MYA NGAN LAS 'DAS NAS DE'I SKU GDUNG GI MCHOD RTEN YANG BYAS SO, ,RGYAL BO KRI RI'I BU LEGS SKYES NAS RGYAL PO BRGYA 'DAS PA NA, GRONG KHYER GRU 'DZIN DU RGYAL PO RNA BA CAN BYUNG STE, DE LA BU GOO TA MA ZHES PA RIGS MCHOG NGANG; BHA RA DV'A DZA GNYIS LAS, GOO TA MA DRANG SRONG MDOG NAG LAS RAB TU BYUNG NAS GRONG 'DAB TU GNAS PAS BHA RA DV'A DZAS RGYAL SRID BSKYANGS SO, ,DE'I TSE GOO TA MA NYES PA MED PAR MI G-YON CAN ZHIG GI G-YO THABS KYI MTHUS RGYAL PO'I KHRIMS KYIS GSAL SHING LA BSKYON PA DANG, DRANG SRONG MDOG NAG GOO TA MA'I SPYIL BOR DUS DUS SU 'GRO BAS PHYIN PA NA, DE MA MTHONG NAS BTZAL BA DANG GOO TA MA GSAL SHING LA BSKYON PA MTHONG NAS, BUD CI YIN, RMA MA BYUNG

, ,NGAM; BDAG GI SEMS KYIS RMA MA PHYUNG BA'I BDEN PA'I TSIG GIS MKHAN PO'I PAGS BA GSER MDOG TU GYUR CIG ,CES SMRAS MA THAG GSER MDOG TU GYUR TE YID CHES SO, ,DE NAS DRANG SRONG GSER MDOG GIS BSAMS PA, RGYAL BO BHA RA DV'A DZA LA BU MI 'BYUNG BAS GOO TA MA SHIN MANG POS BKUR BA'I RGYAL RGYUD CHAD PAR 'GYUR LA, ,DE CHAD NA 'JIG RTEN SPYI LA MI LEGS SO SNYAM DU BSAMS NAS GOO TA MA LA DRIS PA, KHYOD LA BU BSKYED PA'I NUS BA YOD DAM, MKHAN PO, BDAG GZHON NU NAS RAB TU BYUNG BAS BUD MED KYI RGYUS MA 'TSAL NA BU BSKYED PA LTA GA LA MCHIS, BU; SNGON SPYAD PA'I YUL DRAN PAR GYIS SHING, ,MKHAN PO, GNAD CHAD BA'I TSOR BAS NYEN NA YUL DRAN PAR GAL 'GYUR, DER RDZU 'PHRUL GYIS RDZI CHAR CHEN BO PHAB STE CHAR PA'I THiGS PA LUS LA PHOG CING RLUNG GRANG MOS REG PAS SDUG BSNGAL MNAN NAS, SNGON GYI YUL DRAN PAR BYAS TE 'KHRIG PA'I 'DOD CHAGS DRAN NAS KHU BA KHRAG DANG 'DRES PA GNYIS LHUNG NGO, ,DE GNYIS SGO NGA GNYIS SU GYUR NAS NYI MA'I 'OD ZER GYIS SMIN PA RDOL BA DANG KHYE'U GNYIS BYUNG STE DE DANG NYE BA'I BU RAM SHING GSEB TU ZHUGS SO, ,GOO TA MA NYI MA'I ZER GYIS SHIN TU TSA NAS SHI'O, ,DRANG SRONG 'ONGS NAS NYE 'KHOR DU BLTAS PAS SGONG SKOGS MTHONG STE BTZAL BAS BU RAM SHING GI TSA LAN KHYE'U GNYIS 'DUG BA DE DE'I BUR SHES TE GNAS SU KHRID NAS MNUN BSNYOD DE

GSOS PA NYI MA'I 'OD KYIS SMIN PAR BYAS PAS NYI MA'I RIGS, GOO TA MA'I BU YIN PAS GOO TAM, BUR MA SHING GI TSAL NAS RNYED PAS BU RAM SHING BZHES MING BTAGS SO, ,DE NAS DUS NAM ZHIG NA RGYAL PO BHA RA DV'A DZA BU MED PAR SHI NAS KHYE'U GNYIS RGYAL SAR BOS TE, PHU BO RGYAL SRID LA BZHAG PA NA DE LA'ANG BU MA BYUNG BAS NU BO RGYAL SRID LA DBANG BSKUR BAS, RGYAL PO BU RAM SHING PA ZHES BYA BAR GYUR, DE'I BU RGYUD LA RGYAL PO BU RAM SHING PA BRGYA THA MA PA YUL GRU 'DZIN DU BYUNG, DE'I THA MA BU RAM SHING PA 'PHAGS SKYES PO, DE'I BU RKANG GDUB CAN, DE'I BU GNAS 'JOG STE, RGYAL PO GNAS 'JOG 'DI NI SH'AKYA'I RGYAL RGYUD KYI THOG MA YIN NO, ,DE'I BU SA KHYIM STE DE SER SKYA'I RGYAL SAR BZHAG STE; SER SKYA'I RGYAL PO SA KHYIM 'DI NI SER SKYAR SH'AKYA'I RGYAL RGYUD BYUNG BA'I THOG MA YIN NO, ,RGYAL POS KHYIM NAS BRGYUD PA SH'AKYA'I RGYAL PO LNGA KHRI LNGA STONG BRGYA BCU GNYIS SER SKYAR BYUNG PA'I THA MA RGYAL PO GZHU BRTAN, DE'I BU SENG GE 'GRAM, SH'AKYA'I RGYAL PO SENG GE 'GRAMS BU BZHI BYUNG STE, ZAS GTZANG, ZAS DKAR, BRE BO ZAS, BDUD RTZI ZAS SO, ,DE BZHI LAS RGYAL PO ZAS GTZANG LA BTZUN MO BLANGS TE SH'AKYA'I RGYAL POR DBANG BSKUR TO, ,RUS LA GZIGS PA NI, YAB YUM GNYIS KA BDUN BRGYUD TSUN CHAD MNYAMS PA SKYON MED PA ZHIG LA GZIGS PA STE, YAB ZAS GTZANG DANG, YUM SGYU MA LHA MDZES GNYIS KYI SRAS SU 'KHRUNG BZHED PA'O, ,DE LA YAB KYI GDUNG RGYUD

, ,NI BRJOD ZIN LA, YUM NI LHAS BSTAN GYI RGYAL PO LEGS PAR RAB SAD DANG BTZUN MO LUM BI NI GNYIS LA SRAS GCIG DANG SRAS MO GNYIS BYUNG STE, SRAS MO CHE BA NI SGYU 'PHRUL MA STE, SGYU 'PHRUL MA 'KHRUNGS PA'I TSE LTAS KHYAD PAR CAN BYUNG ZHING MI'I BU MO LAS 'DAS PA SHIN TU GZUGS BZANG ZHING PA LTA NA SDUG PA LHA'I BZO BOS BCOS PA LTA BU ZHIG BYUNG BAS MING SGYU 'PHRUL MA ZHES BTAGS, DE MTSAN MKHAN LA BSTAN PAS MTSAN SHIN TU BZANG ZHING 'DI LA BU STOBS KYI 'KHOR LOS BSGYUR BA ZHIG 'BYUNG PAR LUNG BSTAN, DE'I RJES SU SRAS MO CHUNG BA 'KHRUNGS PA NA 'JIG RTEN THAMS CAD 'OD KYIS KHYAB PA DANG, SANGS RGYAS KYI MDZAD PA BCU GNYIS STON PA'I SGRA GRAG PA SOGS NGO MTSAR BA'I LTAS BSAM GYIS MI KHYAB PA BYUNG ZHING, SRAS MO CHE BA LAS KYANG GZUGS BZANG ZHING MDZES PA, LHA'I BU MO JI LTA BA ZHIG BYUNG BAS MING SGYU 'PHRUL CHEN MO ZHES KYANG BYA, LHA MO SGYU 'PHRUL MA ZHES KYANG BYA, SGYU MA LHA MDZES ZHES KYANG BYA BAR GRAGS SO, ,DE MTSAN MKHAN LA BSTAN PAS, 'DI LA BU SKYES BU CHEN PO'I MTSAN SUM CU RTZA GNYIS DANG LDAN PA ZHIG 'BYUNG, KHYIM DU BZHUGS NA 'KHOR LOS BSGYUR RGYAL DANG, RAB TU BYUNG NA RDZOGS PA'I SANGS RGYAS SU 'GYUR RO ZHES LUNG BSTAN TO, ,DE NAS RGYAL PO LEGS PAR RAB SAD KYIS SH'AKYA'I RGYAL PO SENG GE 'GRAM LA BDAG LA BU MO KHYAD PAR DU 'PHAGS PA GNYIS,

SHIG BYUNG NA 'DI GNYIS LAS GZHON NU ZAS GTZANG GI BTZUN MOR GANG 'OS PA ZHIG BZHES DGOS ZHES BSKUL BA NA RGYAL PO SENG GE 'GRAM GYIS SNGON LA BU MO CHUNG BA SGYU MA LHA MDZES ZAS GTZANG GI BTZUN MOR BLANGS SHING, RJES SU CHE BA SGYU 'PHRUL MA YANG BLANGS SO, ,DE NI MTSAN MKHAN DAG GIS JI LTAR BSTAN PA LTAR, SGYU MA LHA MDZES LA SKYES BU CHEN PO'I MTSAN SUM CU RTZA GNYIS DANG LDAN PA BYANG CHUB SEMS DPA' 'KHRUNGS, CHE BA SGYU 'PHRUL MA LA BU STOBS KYI 'KHOR LOS BSGYUR BA'I MTSAN RTAGS DANG LAN PA DGA' BO 'KHRUNGS SO, ,GANG GIS YUM BYED BAR NUS PA'I BUD MED LA GZIGS PA NI, SNGON YUN RING PO NAS DE BZHIN GSHEGS PA 'JIG RTEN 'DIR 'BYON PA'I TSE YUM BYED PAR SMON LAM BTAB PA YUM SGYU MA LHA MDZES KYI RUM DU SKYE BA BZHES PAR BZHED PA'O, ,DE LTAR BYANG CHUB SEMS DPA' DAM BA TOG DKAR POS, DUS DANG, YUL DANG, RIGS DANG, RUS DANG, YUM BUD MED LNGA LA GZIGS NAS DGA' LDAN GYI GZHAL MED KHANG CHU DANG RGYAR DPAG TSAD DRUG CU RTZA BZHI YOD PA DE NA CHOS STON PA'I GNAS RGYAL MTSAN MTHON PO ZHES BYA BA YOD PAS, DER BYON NAS BSOD NAMS MCHOG GI SENG GE'I KHRI LA BZHUGS TE, LHA'I 'KHOR RNAMS LA, GROGS PO DAG NGA'I LUS BSOD NAMS BRGYA'I MTSAN GYIS BRGYAN PA LA LTOS, PHYOGS BCU NA BYANG CHUB SEMS DPA' NGA DANG 'DRA BA BGRANG BA LAS 'DAS PA LA YANG LTOS, ZHES

, ,GSUNGS PA DANG, 'KHOR DE DAG KYANG DE'I BYIN RLABS KYIS PHYOGS KUN NA BYANG CHUB SEMS DPA' DGA' LDAN GYI GNAS NA 'KHOD PA 'DI DANG 'DRA BA TSAD MED PA MTHONG NAS KYANG CHED DU BRJOD DO, , DE NAS BYANG CHUB SEMS DPA' DAM PA TOG DKAR POS RJE BTZUN BYAMS PA LA SOGS PA'I DGA' LDAN NA GNAS PA'I LHA RNAMS LA, GROGS PO DAG, DAD PA NI CHOS SNANG BA'I SGO STE, BSAM PA MI PHYED PAR 'GYUR RO, ,DANG BA NI CHOS SNANG BA'I SGO STE, SEMS RNYOG BA CAN DANG BAR 'GYUR RO, ,ZHES PA NAS, PHYIR MI LDOG PA'I SA NI CHOS SNANG BA'I SGO STE, SANGS RGYAS KYI CHOS THAMS CAD YONGS SU RDZOGS PAR 'GYUR RO, ,SA NAS SAR 'PHAR BA'I YE SHES NI CHOS SNANG BA'I SGO STE, THAMS CAD MKHYEN PA'I YE SHES KYI DBANG BSKUR BAR 'GYUR RO, ,DBANG BSKUR BA'I SA NI CHOS SNANG BA'I SGO STE, MNGAL DU 'JUG PA DANG, BTZAS PA DANG, MNGON PAR 'BYUNG BA DANG, DKA' BA SPYAD PA DANG, BYANG CHUB KYI SNYING POR 'GRO BA DANG, BDUD 'DUL BA DANG, BYANG CHUB MNGON PAR 'TSANG RGYA BA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO STON PAR 'GYUR RO, ,ZHES CHOS SNANG BA'I SGO BRGYA RTZA BRGYAD RGYAS PAR BSTAN NAS RIN PO CHE'I COD PAN MA PHAM PA'I DBU LA BCINGS NAS, GROGS PO DAG KHO BO 'DZAM BU'I GLING DU 'CHANG RGYAR 'GRO STE, KHYED LA MA PHAM PAS CHOS STON TO, ,ZHES BYAMS

MGON RGYAL TSAB TU DBANG BSKUR TO, ,DE TSE RGYAL PO ZAS GTZANG GI KHYIM DU SNGA LTAS BRGYAD BYUNG STE, SA GZHI MNYAM ZHING KHYIM DU RDUL MED LA CHAG CHAG BTAB PA SBRANG BU DANG PHYE MA LEB DANG SDIG SPRUL MED CING ME TOG GIS BKRAM PA DANG, GANGS RI'I BYA KHU BYUNG SOGS KHYIM DE'I STEGS BU SOGS SU 'DUG NAS SKAD SNYAN PA SGROGS PA DANG, DE'I KUN DGA' RAB DANG SKYED MOS TSAL GYI ME TOG RGYAS PA DANG, DE'I RDZING LA SOGS PAR PADMA 'DAB MA BYE BA KHRAG KHRIG BRGYA STONG DANG LDAN PAS KHEBS PA DANG, MAR DANG SBRANG RTZI SOGS LONGS SPYOD KYANG ZAD PAR MI 'GYUR BA DANG, ROL MO RNAMS MA BLANGS PAR 'KHROL BA DANG, RIN PO CHE SNA BDUN GYI SNOD RANG BYE STE 'BAR PA DANG, NYI ZLA'I 'OD ZIL GYIS GNON CING LUS SEMS BDE BA BSKYED PA'I 'OD SNANG BA RNAMS BYUNG NGO, ,DE NAS BYANG CHUB SEMS DPA' RGYAL MTSAN MTHON PO NAS KHANG PA CHEN PO BSOD NAMS THAMS CAD KYIS YANG NGAG PAR BYUNG BA NOR BU DANG DPAL GYI SNYING PO LHA RNAMS KYIS KUN NAS BLTA BA'I KHANG BRTZEGS GNAS KYI RGYAN DU BYON NAS DER BZHUGS TE, BYANG CHUB SEMS DPA' DANG LHA MANG POS BSKOR ZHING MDUN DU BDAR NAS BSKYOD PAR BRTZAMS SO, ,DE'I TSE BYANG CHUB SEMS DPAS BDE BA'I RGYAN ZHES BYA BA'I 'OD ZER DGU LA SOGS PA 'OD ZER GRANGS MED PA BRGYA STONG PHRAG BCU BKYE BAS, STONG

, ,GSUM GYI MUN PA MUN NAG KUN SNANG BAR BYAS NAS NYI ZLA'I 'OD ZIL GYIS MNAN TE, NGAN SONG GI SDUG BSNGAL SKAD CIG DE LA ZHI BA DANG, SEMS CAN SU LA YANG NYON MONGS BAS MI GNOD PA DANG, SNOD MA YIN PA DAG SEL BA DANG, LAG NA RDO RJE PHYI BZHIN DU 'BRANG BA DANG, 'DUL BA SNA TSOGS PA DAG MTHONG BA SNA TSOGS PAS MTHONG BZHIN PA'I LAS DE DAG LA SOGS PA DAG BYED DO, ,YUM LA KHYAD PAR DU BYA BA'I 'OD, YUM GYI YON TAN GYI DKYIL 'KHOR LAS BYUNG BA'I SNANG BA ZHES BYA BA'I 'OD BA SPU'I SGO THAMS CAD NAS BKYE BAS, LHA MO SGYU 'PHRUL GSO SBYONG BLANGS PA'I LUS LA ZHUGS MA THAG ,DE'I LUS BDE LA 'GRO BA THAMS CAD KYI LUS LAS MNGON PAR 'PHAGS SHING RUM NAM MKHA'I KHYON LTAR YANGS PAR GYUR KYANG MI'I LUS LAS MA 'DAS LA, YUM GYI GLO G-YAS BAR BYANG CHUB SEMS DPA'I YONGS SU SPYAD PA RIN PO CHE BKOD PA ZHES BYA BA, TZAN DAN SPRUL GYI SNYING PO'I KHANG PA BRTZEGS PA MDZES SHING BLTA NA SDUG PA, GRU BZHI KA BZHI PA, STENG KHANG PA BRTZEGS PAS BRGYAN PA, 'PHANG DU BYIS PA BCAS NAS ZLA BA DRUG LON PA'I TSAD TZAM PA, DE'I NANG NA KHANG PA BRTZEGS PA GNYIS PA DANG, DE BZHIN DU GSUM PA YANG DE DANG MA REG BAR 'DUG PA SRA ZHING BRTAN LA MI SHIGS PA REG NA BDE BA, SNGON PO MCHOG GI KHA DOG CAN,

'DOD LHA'I GNAS KYI BKOD PA CI SRID PA DER SNANG BA, DE'I PHYE MA SRANG PHYED LA STONG GSUM 'DI RIN PO CHES BKAD BAS RIN DU MI CHOG PA, DE'I 'KHOR SA NA LHA'I ME TOG LAS 'DAS PA'I ME TOG SKYE ZHING 'DOD PA'I YAN TAN LNGAS 'BYOR PA, KHANG PA BRTZEGS PA GSUM PA'I NANG NA BYIS PA BTZAS NAS ZLA BA DRUG LON PA LA 'TSAM PA'I KHRI ZLUM PO, CHANGS PA CHEN PO'I GOS KYANG DE'I 'OD KYIS MOG MOG POR BYED PA'I STENG NA MCHOG GI GDAN LA GOS STONG PHRAG BRGYA'I RGYAN ZHES BYA BA PHRUGS GCIG KYANG YOD PA LONGS SPYOD KYI DON DU GRUB BO, ,BRGYA BYIN GYIS KYANG YUM GYI GZI BRJID BSGRUB PA DANG, LHUMS GTZANG MAR BYED PA LA 'BAD DO, ,DE NAS BYANG CHUB SEMS DPA' DAM PA TOG DKAR PO LHA'I 'KHOR GRANGS MED PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' LDAN NAS RIM GYIS PHEBS TE GLANG PO CHE'I PHRUG GU THAL KAR MCHE BA DRUG DANG LDAN PA'I GZUGS KYIS NAM GYI GUNG THUN LA YUM GYI GLO G-YAS PA NAS ZHUGS TE, ZHUGS MA THAG BYIS PA BTZAS NAS ZLA BA DRUG LON PA'I TSAD TZAM MTSAN GYIS BRGYAN PAR GYUR TE, YUM GYI GLO G-YAS PA'I KHANG PA BRTZEGS PA'I NANG GI KHRI STAN LA SKYIL MO KRUNG BCAS TE NA BZA' PHRUGS DE YANG GSOL NAS ZHING BCU'I RDUL SNYED KYI BYANG CHUB SEMS DPA' SKAL BA MNYAM PA KLU'I SNYING PO'I KHANG PA BRTZEGS PA

, ,'KHOD PA DAG DANG LHAN CIG YUM GYI RUM DU BZHUGS SO, ,BYANG CHUB SEMS DPA' YUM GYI LHUMS SU ZHUGS PA'I NUB MO SNGON ZHING DAM PA LA ZAS KYI PHUD PHUL BA'I RNAM SMIN LAS BYUNG BA'I PADMA CHEN POS RGYA MTSO DANG SA CHEN PO BRTOL TE ZHAG BDUN LA TSANGS PA'I 'JIG RTEN GYI BAR DU 'PHAGS PA SKYES SO, ,STONG GSUM GYI BCUD JI SNYED PA PADMA DE LA ZIL DNGAR GYI THIGS PA BZHIN DU CHAGS PA DE TSANGS PA CHEN PO GCIG PUS MTHONG NAS BEE d'URYA'I SNOD BZANG POR BLANGS TE PHUL BA BYANG CHUB SEMS DPAS BZHES TE SKU LUS BRTAS PAR BYED DO, ,DE 'JU BAR NUS PA'I SEMS CAN NI GZHAN MED DO, ,YUM GYI LHUMS NA BZHUGS PA'I SKU ME'I PHUNG PO LTA BU 'DUG PA'I SNANG BAS DPAG TSAD LNGA'I BAR KHYAB BO, ,MI RNAMS BYANG CHUB SEMS DPA' BLTA BAR 'ONGS PA DE DAG GIS ME LONG GI NANG DU GZUGS BRNYAN MTHONG BA LTAR, YUM GYI LHUMS NA KHANG PA BRTZEGS PA'I NANG NA BYANG CHUB SEMS DPA' BZHUGS PA MTHONG BAR GYUR PA LA THOG MAR BYANG CHUB SEMS DPAS DGA' BAR BYED PA'I GSUNG STZOL LO, ,DE NAS YUM GYIS SMRA'O, ,BYANG CHUB SEMS DPA' LA CHOS MNYAN PA'I PHYIR RGYAL PO CHEN PO BZHI DANG, GNOD SBYIN GYI SDE DPON RNAMS SNGA DRO 'ONGS PA LA BYANG CHUB SEMS DPAS PHYAG G-YAS BRKYANG BA'I MDZUB MO BSGRENGS NAS STAN STON TO, ,DE RNAMS KYANG STAN LA 'KHOD NAS 'DUG PA LA CHOS STON TE, SLAR 'GRO

BAR 'DOD PA DANG, PHYAG G-YAS PA BRKYANG STE DE DAG 'DOD PA'I BRDA STON NO, ,DE BZHIN DU NYI MA'I GUNG LA BRGYA BYIN LA SOGS PA'I LHA RNAMS BYUNG BA DANG, PHYI DRO TSANGS PAS ZIL DNGAR GYI THIGS PA 'BUL BA DANG, NUB THUN DANG PO LA PHYOGS BCU'I BYANG CHUB SEMS DPA' RNAMS 'ONGS PA LA, SKU LAS BKYE PA'I 'OD RNAMS SENG GE'I KHRIR SPRUL PA LA DE DAG 'KHOD DU BCUG STE, SNGAR BZHIN PHYAG BRKYANG BSKUM MDZAD DE CHOS KYI BRDA'I SGO CHEN POS BGRO BAR BYED DO, ,DE LTAR ZLA BA BCU'I RING LA YUM GYI LHUMS KYI GZHAL MED KHANG DU BZHUGS NAS PHYOGS BCU NAS 'DUS PA'I BYANG CHUB SEMS DPA' BGRANG BA LAS 'DAS PA DAG DANG, TSANGS PA DANG BRGYA BYIN DANG 'JIG RTEN SKYONG BA BZHI LA SOGS PA DKAR PHYOGS KYI LHA DANG KLU DANG GNOD SBYIN LA SOGS PA GDUL BYA BGRANG BA LAS 'DAS PA ZHIG SMIN GROL LA BKOD NAS, BLTAM PA'I DUS LA BAB PA NA RGYAL PO ZAS GTZANG MA'I SKYED MOS TSAL DU SNGA LTAS SUM CU RTZA GNYIS BYUNG STE, ME TOG THAMS CAD DANG, RDZING GI ME TOG DANG, SHING LJON PA'I ME TOG KHA 'BUS NAS RGYAS PAR GYUR, RIN PO CHE'I SHING LJON PA BRGYAD SKYES, GTER CHEN PO NYI KHRI KHA 'BUS, KHYIM GYI NANG DU RIN PO CHE'I MYU GU 'THON, SPOS CHU'I DPAL GYI WA 'BRU MAR DRI ZHIM POS SPAGS PA 'DZAG ,GANGS RI LAS 'ONGS PA'I SENG GE'I PHRUG GU NGAG SER SKYA'I GRONG KHYER LA BSKOR BA BYAS NAS SGO NA

, ,GNAS KYANG SEMS CAN LA 'TSE BA MI BYED, GLANG PO'I PHRUG GU THAL KAR LNGA BRGYA 'ONGS NAS RGYAL PO'I RKANG PA LA SNA'I RTZE MOS NYUG ,RGYAL PO ZAS GTZANG MA'I BTZUN MO'I 'KHOR GYI PHANG PA NAS PHANG PA DAG TU LHA'I BYIS PA DAG 'DRE LDOG ,KLU'I BU MO MCHOD PA'I YO BYAD THOGS PA LUS PHYED PHYUNG NAS NAM MKHA' LA RGYU, RMA BYA'I MDONGS THOGS PA'I LHA'I BU MO KHRI NAM MKHA' LA 'KHOD, BUM PA GANG BA KHRI YANG SER SKYA LA SKOR BA BYED, LHA'I BU MO SPOS CHU'I RIL BA BHRiNG GA RA KLAD LA THOGS NAS 'KHOD, LHA'I BU MO KHRI GDUGS DANG BA DAN THOGS NAS 'KHOD, LHA'I BU MO BRGYA STONG MANG PO DUNG DANG RNGA SOGS MGUL NAS DPYANGS TE SDOD, RLUNG DANG RDUL MI LDANG, CHU THAMS CAD MI 'GUL ZHING MI RGYU, NYI ZLA DANG SKAR MA RNAMS NI MI RGYU, SKAR MA RGYAL DANG YANG LDAN, ZAS GTZANG GI KHYIM RIN PO CHE'I DRA BAS YOG ,ME YANG MI 'BAR, KHANG BRTZEGS DANG RGYA PHUB DANG RTA BABS DAG LA NOR BU DANG RIN CHEN 'BAR BA 'PHYANG, RAS BCOS BU DANG RIN PO CHE SNA TSOGS KYIS MDZOD RNAMS GANG NAS SGO BYE, 'UG PA LA SOGS PA'I SKAD MED, SNYAN PA'I SGRA SKAD GRAG ,SKYE BO RNAMS KYI LAS KYI MTHA' RGYUN CHAD, PHYOGS THAMS CAD MNYAM, LAM GYI BZHI MDO DANG TSONG DUS KYI GZHI RNAMS ME TOG SIL MAS BKRAM, SBRUM MA BDE BAR BTZA' BAR GYUR, S'A LA'I NAGS TSAL GYI LHA RNAMS SHING GI LO MA'I

NANG NAS LUS PHYED PHYUNG STE PHYAG 'TSAL ZHING GNAS PA RNAMS BYUNG NGO, ,DE LTAR LHA MO SGYU 'PHRUL LUM BI NA'I TSAL DU 'BYON BZHED PA NA RGYAL PO ZAS GTZANG DANG, LHAS BSTAN GYI RGYAL PO LEGS PAR RAB SAD GNYIS KAS LUM BI NA'I CHAL BYI DOR BYAS SHING, RGYAN GYI KHYAD PAR THAMS CAD DANG, MCHOD PA'I BYE BRAG BSAM GYIS MI KHYAB PA BYAS SO, ,DE'I TSE TSAL DER SNGA LTAS KYI SNANG BA CHEN PO SA'I STENG GI RIN PO CHE'I KHANG BZANG THAMS CAD DU SNANG BA BYUNG BA DANG, RIN PO CHE'I PADMA KHA BYE BA'I 'DAB MA THAMS CAD LAS BLTAM MAM ZHES PA'I SGRA DANG BCAS PA'I 'OD DU BYUNG BAS KHYAB PA DANG, PHYOGS BCU'I RGYAL SRAS RNAMS KYIS SEMS BSKYED PA NAS BYANG CHUB PA'I BAR GYI SNANG BA SOGS TSAL DER SNGA LTAS BCU BYUNG NGO, ,DE NAS RGYAL PO ZAS GTZANG MAS RANG GI 'KHOR RNAMS LA BKA' BSGOS TE, SER SKYA'I PHO BRANG NAS LUM BI NA'I TSAL GYI BAR GYI LAM THAMS CAD BYI DOR LEGS PAR BYAS SHING DRI BZANG GI CHUS CHAG CHAG GDAB PA DANG, ME TOG SNA TSOGS DGRAM BA DANG, BUD MED KHRI KHRAG MANG POS GLU DBYANGS DANG ROL MO'I BYE BRAG BSAM GYIS MI KHYAB PA'I MCHOD PA DANG, RIN PO CHE'I SHING RTA KHRI KHRAG MANG PO BSHAMS PA DANG, BSRUNG MAR BSKOS PA'I DPA' BO KHRI KHRAG MANG PO PHYOGS PHYOGS SU 'KHOD PA DANG, SHING RTA RNAMS RIN PO CHE'I RGYAN THAMS CAD KYIS BRGYAN PA SOGS BYAS NAS SGYU MA LHA MDZES SPYAN DRANGS SO, ,DE NAS YUM SGYU MA LHA MDZES SHING RTA'I

, ,NANG DU ZHUGS TE NOR BUS BRGYAN PA'I SHING RTA 'JIG RTEN SKYONG BA BZHIS 'DREN ZHING, LHA'I DBANG PO BRGYA BYIN NI MDUN DU LAM GYI BYI DOR BYED, TSANGS PA NI SNAM LOGS NAS BSIL YAB G-YOB PAR BYED, DKAR PHYOGS KYI LHA BGRANG BA LAS 'DAS PA DAG NI YUM GYI RUM NA BYANG CHUB SEMS DPA' KHANG PA BRTZEGS PA'I NANG NA BZHUGS PA LA MIG MI 'DZUM PAR BLTA ZHING PHYAG 'TSAL BA DANG SMON LAM 'DEBS PAR BYED CING SONG NGO, ,DE NAS LHA MO SGYU 'PHRUL LUM BI NA'I TSAL DU PHYIN NAS SHING RTA LAS BABS TE, NAGS TSAL NAS NAGS TSAL DU 'CHAG, LJON PA NAS LJON PA LA BLTA ZHING RIM GYIS SONG BA DANG, SA PHYOGS MNYAM LA YANGS PA RTZVA SNGON BOS GANG ZHING REG NA BDE BA NA SNGON GYI RGYAL BA'I YUM GYIS BRTEN PA GNAS GTZANG MA'I LHA RNAMS KYIS PHYAG BYAS BA'I SHING RIN PO CHE MCHOG 'OD 'BAR BA RTZA BA DANG SDONG BU DANG YAL GA DANG LO MA RIN PO CHES BRGYAN PA, MI DANG LHA'I ME TOG SNA TSOGS RGYAS PA, SPOS MCHOG GI DRI DANG LDAN BA, GOS KHA DOG SNA TSOGS DPYANGS PA'I LJON PA'I RGYAL PO PLAKshA ZHES BYA BA'I RIN PO CHE'I SHING GI YAL GA LA PHYAG G-YAS PAS 'JUS NAS BYA RMYANG BYED CING GNAM DU GZIGS PA NA, RTZIB LOGS G-YAS NAS GSER GYI MCHOD SDONG NYI MA BYE BA'I MDANGS DANG LDAN PA GLO BUR DU 'THON PA LTAR DU SKU BLTAMS SO, ,DE'I TSE NAM MKHA' THAMS CAD LHA'I MCHOD

RDZAS KYIS GANG ZHING, TSANGS PA DANG BRGYA BYIN GNYIS KYIS LHA'I GOS KA SHI KAS LCIBS TE BLANGS, KLU'I RGYAL PO DGA' BO DANG NYE DGA' GNYIS KYIS BDUD RTZIS MCHOD, LHA DANG LHA MO BGRANG BA LAS 'DAS PAS SPOS CHU'I BUM PA THOGS TE SKU KHRUS GSOL, DE'I TSE TSANGS PA DANG BRGYA BYIN GNYIS KYIS BYANG CHUB SEMS DPA'I SKU LUS NAM MKHA' LA BLANGS PA NA NGA THONGS GSUNGS TE SA LA ZHABS BZHAG NAS PHYOGS BZHIR GOM PA BDUN BDUN BOR TE, 'JIG RTEN 'DI NA NGA NYID MCHOG GO ,ZHES SOGS SENG GE'I SGRA DBYANGS CHEN PO BSGRAGS SO, ,BYANG CHUB SEMS DPA' SGYU MA LHA MDZES KYI RTZIB LOGS G-YAS PA NAS NA BZA' DANG BCAS BZHIN DU BLTAMS PA'I TSE NYI MA STONG DUS GCIG TU SHAR BA LAS KYANG CHES CHER GSAL BA'I SKU'I 'OD KYIS 'JIG RTEN GYI KHAMS THAMS CAD SNANG BAS KHYAB PAR MDZAD CING, SA 'OG GI GTING RNAMS KYANG SNANG BAS KHYAB CING 'OD KYI SNANG BA DE GANG LA REG PA'I SEMS CAN THAMS CAD SKAD CIG DE LA SDUG BSNGAL DANG NYON MONGS PA THAMS CAD RGYUN BCAD CING BDE BAS KHYAB PAR MDZAD DO, ,BYANG CHUB SEMS DPA' YUM GYI RUM NA TZAN DAN GYI KHANG PA BRTZEGS PA'I NANG NA BZHUGS PA'I KHANG BRTZEGS DE MI MJED KYI BDAG PO TSANGS PAS TSANGS GNAS SU KHYER TE TSANGS RIS KYI LHA RNAMS KYI PHYAG DANG MCHOD PA'I GNAS SU BZHUGS SO, ,DE'I TSE SHING

, ,THAMS CAD KYI ME TOG RGYAS SHING 'BRAS BU CHAGS, ME TOG GI CHAR BABS, NGAN SONG GSUM RGYUN BCAD, SEMS CAN KUN LA NYON MONGS PAS MI 'TSE, DBANG PO MED PA RNAMS DBANG PO DANG LDAN, SA G-YOS SO, ,BYANG CHUB SEMS DPA' BLTAMS PA DE'I SKAD CIG DE LA GRONG KHYER CHEN PO BZHIR RGYAL PO CHEN PO BZHI LA YANG BU BTZAS TE, MNYAN YOD DU RTZIBS KYI 'PHUR TSANGS BYIN GYI BU BTZAS PA NA YUL PRA PHAB PA GSAL BA BZHIN DU SNANG BAS DE'I MING GSAL RGYAL ZHES DANG, RGYAL PO'I KHYAB TU PADMA CHEN PO'I BU BTZAS PA NA NYI MA'I GZUGS SHAR BA LTAR SNANG ZHING GZUGS CAN MA'I BU YIN PAS GZUGS CAN SNYING PO ZHES DANG, KOO SHA MA BIR DMAG BRGYA PA'I BU BTZAS PA NA 'JIG RTEN NYI MA SHAR BA LTAR SNANG BAR GYUR PAS SHAR PA ZHES DANG, 'PHAGS RGYAL DU MU KHYUD MTHA' YAS KYI BU BTZAS PA NA 'JIG RTEN SGRON MAS SNANG BA LTA BUR GYUR PAS RAB SNANG ZHES BYA BAR BTAGS TE, DE RNAMS RANG RANG GI BU'I YON TAN DU RLOM MO, ,DE'I TSE SH'AKYA'I GRONG DU BZANG LDAN DGA' BO SOGS RAB LNGA BRGYA DANG, SH'AKYA GZHAN 'BUM PHRAG LNGA DANG, 'DUN PA LA SOGS PA 'BANGS BRGYAD BRGYA DANG, GRAGS 'DZIN MA LA SOGS PA SH'AKYA'I BU MO KHRI DANG, 'DUN MA LA SOGS PA BRAN MO BRGYAD BRGYA DANG, RGYAL RIGS DANG BRAM

ZE DANG KHYIM BDAG GI BU MO NYI KHRI DANG, GSER GYI 'OD DANG LDAN ZHING MDOG DKAR BA'I CHIBS PA BSNGAGS LDAN LA SOGS PA RTE'U PHO MO NYI KHRI DANG, GLANG PO CHE MCHOG KHRI DANG, BA GLANG PHO MO DRUG STONG RNAMS BTZAS SO, ,GSER GYIS BRGYAN PA'I GLANG PO CHE NYI KHRI NAM MKHA' NAS SGRA 'BYIN CING SER SKYAR 'ONGS LA, ZAS GTZANG GI MDUN NA 'DON 'CHAR PO'I BU 'CHAR KA YANG SKYES SO, ,'DZAM BU'I GLING GI DBUS SU AA SHVATTHA'I SDONG PO DANG, MA DROS PA'I 'GRAM DU AU DUM BA RA'I ME TOG DAG KYANG KHA 'BUS, GLING PHRA MO RNAMS SU TZAN DANG GYI TSAL DANG, RI'I RTZE MO RNAMS SU BYU RU'I MYU GU DAG 'THON PAR GYUR TO, ,'BAB CHU RO HI TA'I 'GRAM DU SHING DGE BA'I SNYING PO ZHES BYA BA NYI MA GCIG BZHIN KHRU BRGYA SKYE BAR 'GYUR BA, NYI MA MA SHAR BA DE SRING DU SEN MOS KYANG BCAD DU RUNG BA, NYI MA SHAR NAS MES KYANG TSIG TU MI RUNG BA ZHIG SKYES SO, , LUM BI NA'I TSAL DU PADMA SPUNGS PA LTA BU'I MCHOD RTEN BRTZIGS TE SKU BLTAMS PA'I MCHOD RTEN DU GRAGS SO, ,BYANG CHUB SEMS DPAS LONGS SPYOD PA'I DON DU BKOD PA DRI MA MED PA LA SOGS PA SKYED MOS TSAL LNGA BRGYA DANG, GTER LNGA BRGYA YANG BYUNG, KHAMS KYI RGYAL PHRAN NYI KHRI YANG DPYAD 'BUL ZHING 'DUD PAR GYUR TO, ,DE LTAR GYUR PA NA RGYAL PO ZAS GTZANG MAS BU 'DI BTZAS MA THAG BDAG GI 'DOD PA'I DON THAMS

, ,CAD GRUB PAS NA 'DI'I MING DON THAMS CAD GRUB PAR GDAGS SO SNYAM DU BSAMS NAS MTSAN DE LTAR DU BTAGS SO, ,DE NAS YAB YUM GNYIS KYIS MTSAN MKHAN RNAMS LA DRIS PA DANG, DE DAG GIS LUNG BSTAN PA GANGS KYI NGO DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I BSTI GNAS DANG HA CANG MI RING BAR SH'AKYA RNAMS KYI GZHON NU BYUNG BA NI, GAL TE PHO BRANG GI NANG DU BZHUGS PAR GYUR NA 'KHOR LOS BSGYUR BA'I RGYAL PO MTHA' BZHI LAS RNAM PAR RGYAL BA RIN PO CHE SNA BDUN DANG LDAN PAR 'GYUR RO, ,GAL TE SKRA DANG KHA SPU BREGS GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO ZHES LUNG BSTAN TO, ,DE LTAR BYANG CHUB SEMS DPA'I RNAM PAR 'PHRUL PA BSAM GYIS MI KHYAB PAS SEMS CAN BGRANG BA LAS 'DAS PA ZHIG SMIN GROL LA BKOD CING, LHA DANG MI'I MCHOD PA'I BYE BRAG TSAD MED PAS MCHOD CING ZHAG BDUN LUM BA'I TSAL DU BZHUGS SO, ,BYANG CHUB SEMS DPA' SKU BLTAMS PA'I 'OD KYIS 'JIG RTEN KUN SNANG BAR BYAS PA DE'I TSE GANGS RI KUN 'DZIN GYI NGOS LA GNAS PA'I DRANG SRONG NAG PO NYON MONGS MED LA SOGS PA DRANG SRONG MNGON SHES LNGA DANG LDAN PA MANG POS 'OD DE MTHONG ZHING

DKAR PHYOGS KYI LHA RNAMS NAM MKHA' LA DGA' BA'I CA CO SGROG CING BYANG CHUB SEMS DPA' SKU BLTAMS TE MYUR DU SANGS RGYAS NAS CHOS KYI 'KHOR LO BSKOR BAR 'GYUR RO ZHES DGA' BA'I SGRA RGYA CHER SGROGS PA'ANG THOS NAS GCIG LA GCIG 'DI SKAD DU, BYANG CHUB SEMS DPA' DE LA PHYAG BYA BA'I PHYIR 'DOD DO ZHES BGROS PA NA, DRANG SRONG BLO GROS DANG LDAN PA 'GA' ZHIG GIS DA LTA NI TSANGS BA DANG BRGYA BYIN LA SOGS PA LHA DBANG CHE BAR GRAGS PA MANG POS MDUN DU BDAR BAS BYANG CHUB SEMS DPA' MJAL BA'I SKABS MI RNYED KYIS, BYANG CHUB SEMS DPA' SER SKYA'I PHO BRANG DU PHEBS NAS MJAL LO ZHES BGROS SO, ,DE NAS BYANG CHUB SEMS DPA' LHA DANG MI'I MCHOD PA TSAD MED PAS MCHOD BZHIN DU SER SKYA'I PHO BRANG DU SPYAN DRANGS SO, ,DE NAS SKYE BO RNAMS KYI YUL CHOS KYIS BYIS PA SKYES NAS RING PO MA LON PAR RANG RANG GI YUL LHA MCHOD PAR BYED PAS, CHOS NYID KYIS SH'AKYA RNAMS NI SH'AKYA SU YANG RUNG BA LA KHYE'U 'AM BU MO GANG BTZAS PA DE GNOD SBYIN SH'AKYA 'PHEL ZHES BYA BA GNYUG MAR GNAS PA LTAR GRAGS PA ZHIG YOD DE, DE'I RKANG PA LA PHYAG 'TSAL BA'I PHYIR LHA KHANG DU 'KHRID PA YIN PAS SH'AKYA RGAN RABS RNAMS 'DUS TE RGYAL PO LA GZHON NU LHA KHANG DU BKUR DU GSOL, RGYAL POS GNANG STE, GRONG KHYER THAMS CAD DGE MTSAN

, ,DANG BKRA SHIS KYIS BRGYAN PAR BYAS NAS, RGYAL PO NYID KYIS SKYE DGU'I BDAG MO LA GZHON NU LHA KHANG DU BKUR GYI RGYAN THOGS SHIG ,DES KYANG BYANG CHUB SEMS DPA'I RNA BA PHUG NAS RNA RGYAN SENG GE CAN BTAGS TE LHA KHANG DU BKUR RO ZHES SMRAS PA DANG, GZHON NUS SMRAS PA, LHA RNAMS KYIS BDAG GI RKANG PA LA BTUD NA SU ZHIG BDAG GI GONG NA 'PHAGS, 'ON KYANG 'JIG RTAN GYI RJES SU SNYEG PA TZAM DANG, BDAG MTHONG NA SKYE BO RNAMS DGA' BAR 'GYUR BAS MCHI'O, ,ZHES SMRAS PA DANG, RGYAL POS GZHON NU PANG DU BLANGS TE GLANG PO CHES DRANGS PA'I RIN PO CHE SNA BZHIS BRGYAN PA'I SHING RTA LA 'KHOD NAS BKOD PA CHEN POS BYON PA NA, SH'AKYA GTUM PO DE DAG THAMS CAD KYANG BYANG CHUB SEMS DPA'I GZI BRJID MA BZOD PAR BAG 'KHUM PAR GNAS SHING, SROG CHAGS GTUM PO GZHAN DAG KYANG CA CO'I SGRA MED PAR BYANG CHUB SEMS DPA'I GDONG LA GUS PAR BLTA ZHING GNAS PAS SH'AKYA THUB PA ZHES MTSAN BTAGS SO, ,DE NAS BYANG CHUB SEMS DPA' LHA KHANG DU 'JUG PAR BRTZAM PA NA GNOD SBYIN SH'AKYA 'PHEL GYIS BYANG CHUB SEMS DPA' RANG GI GNAS DANG NYE BAR BYON PA MTHONG NAS DES BSU BA'I PHYIR PHYIR BYUNG STE, BYANG CHUB SEMS DPA'I ZHABS GNYIS LA SPYI BOS GTUGS PA

DANG, LHA KHANG DER GZHON NU'I ZHABS G-YAS PA BZHAG MA THAG ,ZLA BA DANG, NYI MA DANG, 'JIG RTEN SKYONG BA BZHI DANG, BRGYA BYIN DANG, SKEM BYED DANG, DBANG PHYUG CHEN PO DANG, TSANGS PA LA SOGS PA LHA'I GZUGS RNAMS RANG RANG GI GNAS LAS LANGS TE BYANG CHUB SEMS DPA'I ZHABS LA PHYAG BYAS PA NA SA YANG G-YOS SO, ,DE ZAS GTZANG LA SMRAS PA DANG, RGYAL POS LHAS KYANG GZHON NU'I RKANG PA LA GTUGS PAS LHA'I YANG LHA ZHES MTSAN BTAGS SO, ,DE NAS DRANGS SRONG NYON MONGS MED 'KHOR DANG BCAS PA BYANG CHUB SEMS DPA'I ZHAL BLTA BAR 'ONGS PA NA, DE'I TSE DRANG SRONG DE DAG 'GRO BA THAMS CAD KYI MCHOD GNAS SU BKUR ZHING NAM MKHA' LAS 'GRO 'ONG BYED PA YIN YANG, SER SKYA'I GRONG MTHONG BA NA BYANG CHUB SEMS DPA'I GZI BRJID KYI MTHUS DRANG SRONG DE DAG GI RDZU 'PHRUL NYAMS TE RKANG PAS 'ONGS NAS RGYAL PO ZAS GTZANG LA GZHON NU MJAL BAR ZHUS PA NA RGYAL PO ZAS GTZANG GIS DRANG SRONG DE DAG GUS PAS MCHOD DE STAN BZANG PO LA BZHAG NAS GZHON NU'I SKU GZUGS BLTAR BCUG GO ,DE NAS DRANG SRONG DE DAG GIS GZHON NU'I SKU LUS LA MTSAN BZANG PO SUM CU RTZA GNYIS DANG DPE BYANG BRGYAD CUS SPRAS PAR MTHONG NAS DAD PA LHAG PAR SKYES TE, GZHON NU 'DIS NAM ZHIG NA CHOS KYI 'KHOR LO BSKOR SNYAM DU MNGON SHES KYIS BRTAGS PA NA, LO NYI SHU RTZA DGU NI

, ,KHAB TU BZHUGS, DE NAS LO DRUG TU DKA' BA SPYAD, DE NAS DKA' SPYAD DE LAS BZHENGS TE 'TSANG RGYA BA DANG, DE NAS CHOS KYI 'KHOR LO BSKOR BAR MTHONG LA, RANG LA DE'I BAR DU SDOD PA'I TSE MED PAR CHOS KYI BDUD RTZI MA MYONG BAR 'CHI BAR MTHONG NAS SDUG BSNGAL DANG MYA NGAN DRAG POS NON TE NGUS SO, ,DE LA RGYAL PO ZAS GTZANG MAS DRANG SRONG CHEN PO DU BCI YIN, GZHON NU 'DI LA MI LEGS PA'I MTSAN MA MA MTHONG NGAM ZHES DRIS PA NA, DRANG SRONG DE DAG GIS SMRAS PA, GZHON NU LA MTSAN MA NGAN PA GANG YANG MED KYI, 'DI NI NGES PAR SANGS RGYAS NAS CHOS KYI 'KHOR LO BSKOR TE, RANG LA DE'I BAR DU SDOD PA'I DBANG MED PAR 'CHI BAR RIG NAS RANG GI NYES PA MTHONG STE DU PA YIN NO ZHES ZER RO, ,DE NAS DRANG SRONG DE DAG GIS BYANG CHUB SEMS DPA'I SKU GZUGS LA SMON LAM LEGS PAR BTAB STE RANG GNAS SU SONG NGO, ,TSUL 'DI DAG LA LEGS PAR DPYOD SHES NA BYANG CHUB LAM GYI RIM PA'I NYAMS LEN GYI GNAD LA NGES PA LHAG PAR SKYE STE, TSANGS PA DANG BRGYA BYIN GYI DPAL THOB PA DANG, DRANG SRONG MNGON SHES LNGA DANG LDAN PA'I GO 'PHANG THOB PA LAS BYANG CHUB LAM GYI RIM PA'I CHOS THOS PA RNYED DKA' BAR GRUB BO, ,DES NA BYANG CHUB LAM GYI RIM PA LA NYAMS LEN BYA RGYU YOD PA'I SKABS 'DIR BSKAL MANG STONG DU RNYED DKA' BA SHES PAR BYAS LA LAN CIG RNYED PA 'DI CHUD BZOS PAR LA ? KYI RIM PA'I DMIGS RNAM BSKYANG BAR BYA'O, ,DE NAS BYANG CHUB SEMS

DPA' DGUNG LO BDUN LA BAB PA NA GTZUG PHUD BZHAG CING DE'I DUS STON YANG BYAS LA, SKAR MA RGYAL LA BAB PA'I DUS SU RGYAN 'DOGS PAR BRTZAMS TE, THOG MAR SH'AKY'A RGYAL PO BZANG POS GZHON NU'I PHYIR RGYAN JI SNYED CIG BYAS PA BYANG CHUB SEMS DPA'I LUS LA BTAGS MA THAG RGYAN RNAMS MOG MOG POR GYUR TE, TSAL DE'I LHA MO DRI MA MED PA ZHES BYA BAS RANG GI LUS MNGON SUM DU BSTAN TE 'DI LA NI RANG BZHIN GYI MTSAN GYIS SPRAS PA'I RGYAN MDZES KYI, BCOS MA'I RGYAN MI MDZES SO ZHES SMRAS TE MI SNANG BAR GYUR TO, ,DE NAS BYANG CHUB SEMS DPA' BZO RIG PA'I SGYU RTZAL GYIS SEMS CAN GYI DON MDZAD PAR BZHED PA NA YAB ZAS GTZANG GIS BSKUL NAS DANG POR YI GE'I GRVAR BYON TE BKOD PA CHEN PO BSHAMS NAS, BYIS PA'I SLOB DPON KUN GYI BSHES GNYEN, MING GZHAN SRIN BU GO CHAR GRAGS PA DE NYID YI GE'I RIGS THAMS CAD LA MKHAS PA YIN PAS, DE'I GAN DU BYON PA DANG BYANG CHUB SEMS DPA'I GZI BRJID MA BZOD NAS KHA BUB TU 'GYEL TO, ,DE LTAR 'GYEL BA DGA' LDAN GYI LHA'I BU YAN LAG BZANG POS BSLANG STE, ZAS GTZANG DANG SKYE BO'I TSOGS LA BYANG CHUB SEMS DPA'I GONG NA SLOB DPON GZHAN MED MOD KYIS, SEMS CAN SMIN PAR BYA PHYIR YI GE'I GRVAR ZHUGS SO, ,ZHES SMRAS NAS MI SNANG BAR GYUR TO, ,DE NAS ZAS GTZANG DANG 'KHOR GZHAN RNAMS LOG STE 'KHROR BYIS PA KHRI DANG DE'I NANG NAS MCHOG TU GYUR PA LNGA BRGYA DANG LHAN CIG PAR YI GE'I GRVAR ZHUGS NAS ,

, ,TZAN DAN SBRUL GYI SNYING PO LAS BYAS PA'I YI GE'I BYANG SHING LHA'I TSON GYIS BYUGS PA GSER GYI YANG MIG GIS BTAGS PA THA MA NOR BU RIN PO CHES BRGYAN PA THOGS SO, ,SRIN BU GO CHAS YI GE GCIG NAS LNGA BRGYA'I BAR BRIS PA THOGS PA DANG, BYANG CHUB SEMS DPAS 'DI DAG NGAS SHES KYI GZHAN SMROS SHIG, GSOL PA, 'JIG RTEN NA 'DI TZAM SPYOD KYI GZHAN NI MA 'TSAL TO, ,ZHES BRJOD PA NA, BYANG CHUB SEMS DPAS TSANGS PA'I YI GE LA SOGS PA YI GE'I RNAM GRANGS SNGON SUS KYANG MA THOS PA BGRANG BA LAS 'DAS PA ZHIG GSUNGS SHING, YI GE'I PHYI MO SLOB PA NA AA ZHES BRJOD PA'I TSE CHOS THAMS CAD STONG PA NYID LA SOGS PA STONG PA DANG, BDAG MED PA DANG, 'DU BYED THAMS CAD SDUG BSNGAL GYI RANG BZHIN CAN LA SOGS PA'I NGES PAR 'BYUNG BA'I CHOS KYI SGRA DBYANGS DPAG TU MED BA BSGRAGS TE YI GE'I SLOB DPON DU BYED PA DE DANG, BYIS PA KHRI KHRAG MANG PO DANG SROG CHAGS GZHAN NYI KHRI DANG NYIS STONG BYANG CHUB TU SMIN PAR BYAS SO, ,DE BZHIN DU RTZIS PA SRID SGRUB KYI THAD DU RTZIS SLOB PA'I TSUL BSTAN PA NA, BYANG CHUB SEMS DPAS RTZIS KYI SLOB DPON SRID SGRUB KYIS SNGON CHAD MING TZAM YANG MA THOS PA'I RTZIS KYI RNAM GRANGS DAG GSUNGS SHING, RDUL PHRA RAB LA 'JUG BA ZHES BYA BA'I RTZIS BSTAN TE, STONG GSUM GYI STONG CHEN PO'I 'JIG RTEN GYI KHAMS 'DI LA RDUL PHRA MO'I GRANGS JI CAM YOD PA SHES PAR NUS PA'I RTZIS BSTAN PA NA LHA MI THAMS CAD

NGO MTSAR DU GYUR CING, SROG CHAGS GRANGS MED PA ZHIG BYANG CHUB TU SMIN PAR MDZAD DO, ,DE BZHIN DU MDA' 'PHANG BA DANG, MCHOD PA BYED PA DANG, GYAD KYI 'DZIN STANGS LA SOGS PA SGYU RTZAL THAMS CAD RE RE NAS SNGON CHAD SUS KYANG MA NUS PA DAG BSTAN TE THABS MKHAS KYI 'PHRUL DE DANG DES LHA MI BGRANG BA LAS 'DAS PA SMIN GROL LA BKOD DO, ,DE NAS GRAGS 'DZIN MA LA SOGS BA'I BTZUN MO DRUG KHRI KHAB TU BZHES TE BYANG CHUB SEMS DPA' RANG NYID 'DOD CHAGS KYI DBANG DU GYUR PA MA YIN YANG, DPA' BAR 'GRO BA'I TING NGE 'DZIN GYI 'PHRUL GYIS BTZUN MO DRUG KHRI PO DE DAG THAMS CAD LA RANG RANG DANG MNYAM DU BYANG CHUB SEMS DPA' RE RE BZHUGS BAR SNANG ZHING, THABS MKHAS KYI SPYOD PA DES BTZUN MO DE DAG DANG, GZHAN YANG SROG CHAGS BGRANG BA LAS 'DAS PA ZHIG SMIN CING GROL BAR MDZAD DO, ,DE'I TSE BYANG CHUB SEMS DPA' RANG NYID SNGON BSKAL PA GRANGS MED PA'I SNGON ROL NAS RTZOD LDAN TSE LO BRGYA PA'I DUS KYI 'GRO BA RNAMS KYI MGON DU 'BYON PAR THUGS BSKYED CING, DON DE THUGS LA BRANGS NAS NAM ZHIG 'TSANG RGYA BA'I DUS NGES PAR MKHYEN PA YIN YANG, PHYOGS BCU'I SANGS RGYAS RNAMS DANG DKAR PHYOGS KYI LHA RNAMS KYIS BYANG CHUB SEMS DPA' BTZUN MO'I 'KHOR DU YUN RING NA GDUL BYA MANG PO ZHIG DUS LAS YOL BAR 'GYUR BAS DA NI KHAB NAS BYUNG STE 'TSANG RGYA BA'I MDZAD PA MYUR DU STON DGOS SO ZHES YANG DANG YANG DU BSKUL ZHING, SANGS RGYAS RNAMS KYI MTHUS GLU DBYANGS DANG SIL SNYAN GYI SGRA

, ,LAS; SDUG BSNGAL BRGYAS GANG SEMS CAN MTHONG NAS NI, ,'GRO BA'I MGON DANG SKYABS DANG GNAS GYUR CING, ,PHAN BYED MGON DANG DPUNG GNYEN GYUR CIG CES, ,KHYOD KYIS SNGON NI SMON LAM DE SKAD BTAB, ,DGE BA DPA' BO SNGON GYI SPYOD PA DANG, ,'GRO PHAN BYA ZHES SMON LAM DRAN PAR BYOS, ,'DI NI KHYOD KYI DUS DANG TSOD YIN GYIS, ,DRANG SRONG MTSOG RAB KHYIM NAS 'BYUNG BAR BYOS, ,ZHES SOGS KYIS BSKUL ZHING, BTZUN MO RNAMS KYI ROL MO'I SGRA LAS KYANG SNGON GYI SKYES RABS DAG GLANGS TE, SRID GSUM RGA DANG NAD KYI SDUG BSNGAL 'BAR, ,'CHI MED RAB 'BAR 'DI NI MGON MED PA, ,SRID LAS 'BYUNG LA 'GRO BA RTAG TU RMONGS, ,BUM PAR CHUD PA'I BUNG BA 'KHOR BA BZHIN, ,SRID GSUM MI BRTAN STON KA'I SPRIN DANG 'DRA, ,'GRO BA'I SKYE 'CHI GAR LA BLTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU LTA BUR MYUR MGYOGS 'GRO, ZHES SOGS NAS, SNGON GYI SPYAD DE RJES SU DRAN GYIS LA, ,GTI MUG MA RIG MUN PAS BSGRIBS PA YI, ,'GRO LA SHES RAB DAM BA 'OD BZANG BA, ,CHOS MIG DRI MED NYON MONGS MED PA BYIN, ,ZHES SOGS RGYA CHER BSKUL BA NA BYANG CHUB SEMS DPA' YANG MYUR DU RAB TU 'BYUNG BA'I DUS LA BAB PAR DGONGS SO, ,DE NAS BYANG CHUB SEMS DPA' SKYED TSAL GZIGS PA'I PHYIR SHAR SGO NAS PHEBS PA NA GNAS

GCENG MA'I LHA DAG GIS SPRUL PA'I RGAN PO RGAS SHING 'KHOGS PA, RGAS PA'I SDUG BSNGAL GYIS NYEN PA GZIGS TE, 'DUN PA LA, KHA LO SGYUR BA MI RED NYAM CHUNG ZHING, ,SHA KHRAG BSKAMS LA RGYUS PAGS NYI TSES DKRIS, ,MGO DKAR SO RGAL LUS NI RAB SKEM LA, ,'KHAR BA BRTEN CING MI BDE 'KHYOR 'GRO SU, ,DES SMRAS PA, LHA CIG MI 'DI RGI BAS ZIL GYIS NON, ,DBANG PO NYAMS SHING SDUG BSNGAL BRTZON STOBS NYAMS, ,GNYEN GYI SKYE BOS BRNYAS SHING MGON MED GYUR, ,DON BGYID MI NUS NAGS KHROD SHING LTAR BOR, ,BYANG CHUB SEMS DPAS SMRAS PA, 'DI YI CHOS 'DI RIGS KYI YIN NAM 'ON TAM NI, ,'GRO BA 'DI KUN LA YANG 'DI SRID DE SMROS SHIG, TSIG 'DI YANG DAG JI BZHIN MYUR DU SMROS SHIG DANG, ,THOS NAS DE BZHIN DON LA 'DIR NI TSUL BZHIN BSAM, ,DES SMRAS PA, LHA 'DI RIGS CHOS MA YIN YUL 'KHOR CHOS MA LAGS, ,SKYE BO KUN GYI DAR LA BAB PA RGA BAS 'JOMS, ,KHYOD KYI YAB DANG YUM DANG NYE DU GNYEN TSOGS KYANG, ,RGA LAS MI THAR 'BROS PA'I THABS NI GZHAN MA MCHIS, ,BYANG CHUB SEMS DPAS SMRAS PA, KHA LO SGYUR BA BYIS PA'I SKYE BO MI MKHAS PA'I, ,BLO NGAN GZHON PAS RGYAGS SHING MYOS PAS RGAS MA MTHONG, ,NGA NI SLAR 'GRO NGA YI SHING RTA MYUR DU SGYUR, ,DA YANG RGAS LA GNAS PAS RTZE

, ,DAGS CI ZHIG BYA, ZHES GSUNGS NAS NANG DU LOG GO ,YANG LHO SGOR PHEBS PAS, NA BA GZIGS TE SMRAS PA, KHA LO BSGYUR BA MI RTZUB LUS KYI MDOG NGAN LA, ,DBANG PO THAMS CAD NYAMS SHING DBUGS DBYUNG RAB TU DKA', ,YAN LAG KUN BSKAMS LTO BAS DKRUGS SHING NYAM THAG GYUR, ,RANG GI GCIN RTUG SMAD PA'I GNAS NA 'DUG 'DI SU, ,DES SMRAS PA, LHA CIG MI 'DI SHIN TU NAD KYIS BTAB PA STE, ,NAD KYI 'JIGS PA NYE BAR MCHIS PAS 'GUM LA THUG ,NAD MED GZI BRJID MA MCHIS STOBS KYANG RNAM PAR NYAMS, ,MGON DANG SKYABS DANG GLING DANG DPUNG GNYEN MA MCHIS LAGS, BYANG CHUB SEMS DPAS SMRAS PA, NAD MED PA YANG RMI LAM NA NI RTZE DANG MTSUNGS, ,NAD KYI 'JIGS PA 'DI LTAR SHIN TU MI BZAD PA, ,SKYES BU MKHAS PAS GNAS 'DI MTHONG NAS JI LTA BUR, ,RTZE LA DGA' DANG SDUG PA'I 'DU SHES SKYED PAR 'GYUR, ,ZHES GSUNGS NAS NANG DU LOG GO ,YANG NUB TU SHI BA GZIGS TE SMRAS PA, KHA LO BSGYUR BA MI 'DI KHYOGS LA BLANGS NAS NI, ,'DI DAG SKRA BSHIG MGO LAS YIS 'THOR BYED CING, , SNA TSOGS NGAG GI TSIG NI BRJOD LA BRANG BRDUNG BAS, ,KUN NAS BSKOR BA BYAS TE KHYER BA SU ZHIG YIN, ,DES SMRAS PA, LHA CIG MI 'DI 'DZAM BU'I GLING DU GUM PA STE, ,SLAN CHAD PHA MA MCHIS BRANG BU RNAMS MTHONG MI

'GYUR, ,LONGS SPYOD KHYIM DANG MDZA' BSHES GNYEN TSOGS SPANGS NAS NI, 'JIG RTEN PHA ROL MCHIS TE SLAN CHAD GNYEN MI MTHONG, ,BYANG CHUB SEMS DPAS SMRAS PA, RGA BAS GNOD PAR 'GYUR BA'I GZHON PA CIR MI RUNG, , SNA TSOGS NAD KYIS GNOD 'GYUR NAD MED CIR MI RUNG, ,RING DU MI GNAS GSON PA MKHAS LA CIR MI RUNG, ,DGA' LA CHAGS PA SKYES BU MKHAS PA CIR MI RUNG, ,GAL TE RGA MED NA MED 'CHI BA MED GYUR KYANG, ,'ON KYANG PHUNG PO LNGA 'DZIN SDUG BSNGAL CHE YIN NA, ,RGA NA 'CHI BA RTAG TU 'BRANG BA SMOS CI DGOS, ,LEGS PAR SLAR LOG RAB TU THAR BAR BYA BA BSAM, ,ZHES GSUNGS NAS NANG DU LOG GO, YANG, BYANG SGOR DGE SLONG GZIGS TE SMRAS PA, KHA LO BSGYUR BA SKYES BU SEMS ZHI RAB ZHI ZHING, ,MIG PHAB 'GRO LA GNYA' SHING GANG TZAM LTA BYED CING, ,DUR SMRIG GOS GYON SHIN TU RAB TU ZHI BAR SPYOD, ,LHUNG BZED THOGS NAS MI RGOD MA KHENGS SU ZHIG YIN, ,DES SMRAS PA, LHA CIG MI 'DI DGE SLONG ZHES NI BGYI BA LAGS, ,'DOD PA'I DGA' BA SPANGS SHING SHIN TU DUL BAR SPYOD, ,BDAG NYID ZHI BA 'TSOL ZHING RAB TU BYUNG BAR GYUR, ,'DOD CHAGS ZHE SDANG BRAL BA BSOD SNYOMS SPYOD CING RGYU; ;BYANG CHUB SEMS DPAS SMRAS PA, 'DI NI DGE BAR LEGS SMRAS NGA YANG 'DOD PA STE, ,RAB TU BYUNG BA MKHAS PA RNAMS KYIS RTAG TU BSNGAGS, ,DE NI BDAG LA PHAN ZHING SEMS CAN GZHAN LA'ANG PHAN, ,'TSO BA

, ,BDE ZHING NYAMS MTHUN 'CHI MED 'BRAS BUR 'GYUR, ,ZHES GSUNG ZHING SHING RTA KHA BSGYUR TE NANG DU BYON NO, ,DE NAS BYANG CHUB SEMS DPA' DGUNG LO NYI SHU RTZA DGU LA BAB PA KUN 'DZIN CES PA SA PHO BYI BA'I LO STON ZLA RA BA'I YAR TSES BRGYAD KYI THO RANGS SKAR MA RGYAL SHAR BA DANG DUS MNYAM DU KHANG BZANG GI STENG DU PHEBS NAS PHYOGS BCU'I SANGS RGYAS THAMS CAD LA PHYAG BTZAL TE SNYIGS MA'I 'GRO BA RNAMS KYI DON DU MYUR DU 'TSANG RGYA BAR THUGS SMON MDZAD PA NA, NAM MKHA'I DBYINGS 'DI THAMS CAD BYANG CHUB SEMS DPA' RNAMS DANG, TSANG BA DANG, BRGYA BYIN DANG, 'JIG RTEN SKYONG BA BZHI LA SOGS PA DKAR PHYOGS KYI LHA RNAMS DANG, GZHAN YANG GNOD SBYIN DANG, DRI ZA DANG, KLU LA SOGS PA MCHOD PA'I BYE BRAG SNA TSOGS THOGS PAS YONGS SU GANG ZHING, GSANG BA'I BDAG PO PHYAG NA RDO RJE DANG SDE DPON CHEN PO RNAM THOS SRAS KYIS LNGAS RTZEN LA BKA' BSGOS TE RGYAL PO'I PHO BRANG GI CHAB SGO THAMS CAD BSRUNG MA GO MTSON THOGS PA BRGYA PHRAG MANG POS BKAG PAS KHANG BZANG GI STENG NAS CHIBS BA BSNGAGS LDAN GYI THAD DU LHA'I BZO BOS BCOS PA'I SKAS TSUGS SHIG CES BKA' BSGOS BAN LNGAS RTZEN GYIS DE MA THAG SKAS BTZUGS SO, ,DE NAS BYANG CHUB SEMS DPA' LHA'I SKAS DE LA BABS NAS BSNGAGS LDAN LA CHIBS PA NA, BRGYA

BYIN GYIS BKRA SHIS KYI SHAR SGO PHYE, TSANGS RIS KYI LHA RNAMS KYIS G-YAS LOGS NAS BRTEN, 'DOD PA'I LHA RNAMS KYIS G-YON LOGS NAS BRTEN, TSANGS PA DANG BRGYA BYIN GNYIS KYIS SNA DRANGS, NAM MKHA'I DBYINGS THAMS CAD MCHOD PA'I BYE BRAG GIS GANG, DKAR PHYOGS KYI LHA MANG POS GOS KYI G-YAB MO G-YOB BZHIN DU 'JIG RTEN SKYONG BA BZHIS BSNGAGS LDAN GYI SUG PA BZHI NAS BTEG STE MYUR BAR PHEBS NAS SH'AKYA'I YUL DANG, KE'U RTA'I YUL DANG, GYAD YUL RNAMS LAS 'DAS, ME NE YA'I YUL GYI GRONG BRDAL LAS KYANG DPAG TSAD DRUG PHYIN PA YUL SPONG BYED KYI GRONG GI NYE 'DABS CHU KLUNG YID 'ONG LDAN GYI 'GRAM DU BYON PAN NAM LANGS SO, ,CHOS 'BYUNG 'GA' ZHIG LAS SH'AKYA'I PHO BRANG NAS ME NE YA'I YUL GYI BAR LA DPAG TSAD DRUG YOD CING, YUL DE NAS CHU KLUNG YID 'ONG LDAN GYI BAR LA DPAG TSAD DRUG YOD PAS THO RANGS DE LA DPAG TSAD BCU GNYIS KYI BAR DU PHEBS PA YIN ZHES 'BYUNG NGO, ,GNAS DE NA SNGON 'DAS PA'I SANGS RGYAS GSUM GYI GTZUG PHUD BREGS PA'I MCHOD RTEN RNAM DAG GSUM YOD PAR BSHAD CING, MCHOD RTEN RNAM DAG DE DAG GI DRUNG DU BYANG CHUB SEMS DPAS KHA LO BSGYUR BA 'DUN PA LA DA'I RGYAN DANG BSNGAGS LDAN KHYER LA GNYEN RNAMS KYI DRUNG DU SONGS SHIG CES BKA'

, ,STZAL PA NA 'DUN PAS MCHI MCHAR BZHIN DU PHAB STE DU BZHIN DU GZHON NU RGYAL PO'I PHO BRANG NA 'KHOR KHRI KHRAG MANG PO DANG BCAS BZHUGS PA, DA NAGS KHROD DBEN PAR GCIG PHUR JI LTAR BZHUGS ZHUS PA NA, BYANG CHUB SEMS DPAS BKA' STZAL PA, SKYE DGU 'DI NI SKYE NA'ANG GCIG PU SKYE, ,DE BZHIN 'CHI NA'ANG GCIG PU 'CHI BAR 'GYUR, ,'DI NA GCIG PUS SDUG BSNGAL MYONG 'GYUR GYI, ,'KHOR BA LA NI GROGS YOD MA YIN NO, ,ZHES GSUNG, DE NAS BYANG CHUB SEMS DPAS RANG GI DBU SKRA RANG GIS BCAD DE GNAM DU GTOR BA NA, BRGYA BYIN GYIS MKHA' LAS BLANGS TE SUM CU RTZA GSUM DU KHYER NAS LHA RNAMS KYI MCHOD PA'I RTEN BYED CING LO RE BZHIN GTZUG PHUNG KYI DUS STON YANG BYED CES GRAG GO ,DE NAS BYANG CHUB SEMS DPAS NA BZA' KA SHI KA'I RAS KHYAD PAR CAN 'DI LTA BU GYON PA RAB TU BYUNG BA'I TSUL DANG MI MTHUN NO SNYAM DU DGONGS NAS DUR SMRIG GI GOS GYON PAR BZHED PA NA BRGYA BYIN GYIS SNGON GYI DRANG SRONG RNAMS KYIS BYANG CHUB SEMS DPA'I CHED DU SMON LAM BTAB STE BZHAG PA'I DUR SMRIG GI GOS BLANGS TE BYANG CHUB SEMS DPA' LA PHUL, KA SHI KA'I NA BZA' RNAMS BRGYA BYIN GYIS BLANGS TE SPYI BOR KHYER NAS SUM CU RTZA GSUM DU MCHOD PA'I RTEN DU BZHUGS SHING LO RE BZHIN NA BZA'I DUS STON YANG BYED

CES GRAG GO ,GNAS DER GTZUG PHUD DOR BA'I MCHOD RTEN DANG, DUR SMRIG BLANGS PA'I MCHOD RTEN DANG, 'DUN PA PHYIR LOG PA'I MCHOD RTEN GSUM YOD PAR GRAGS SO, ,DE NAS BYANG CHUB SEMS DPAS SH'AKYA'I GRONG NAS DE'I BAR LA DPAG TSAD BCU GNYIS YOD MOD KYANG, DA DUNG NYE DU DANG THAG NYE BA NI MI LEGS PAR DGONGS NAS CHU BO GANGG'A BRGAL TE MA GA DHAR BYON NO, ,DE LTAR STON PAS 'KHOR LOS BSGYUR BA'I DPAL THAMS CAD MCHIL MA'I THAL BA BZHIN DU DOR ZHING, SKU'I RGYAN DANG NA BZA' TSUN CHAD DOR TE RAB TU BYUNG NAS BSOD SNYOMS MDZAD PA NI GDUL BYA RNAMS LA 'DI LTAR BYA DGOS SO ZHES 'DOMS PA STE, SNGON BYUNG STON PA'I RNAM THAR RJES 'JUG GDUL BYA'I NYAMS LEN DU 'KHYER BAR BYA BA YIN PAS BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS STON PA THUGS RJE CAN GYI MDZAD PA RNAM THAR 'DI DAG DRAN PAR BYAS LA THOG MAR RANG YUL NYE DU DANG BCAS PA GANG LA'ANG MA CHAGS PAR DOR NAS RGYAL BA'I BSTAN PA LA RAB TU BYUNG STE , BYA DANG RI DVAGS BZHIN DU GSOG 'JOG GANG YANG MI BYA BAR 'TSO BA BSOD SNYOMS KYIS 'TSO BAR BYAS TE BYANG CHUB LAM RIM GYI NYAMS LEN BYA DGOS PA YIN PAS STON PA THUGS RJE CAN GYI RNAM THAR BZANG PO 'DI DAG YANG DANG YANG DU BSAMS TE

, ,RANG GI NYAMS LEN DU 'KHYER SHES PA ZHIG BYA'O, ,DE NAS BYANG CHUB SEMS DPAS RGYAL PO'I KHAB TU BSOD SNYOMS LA BYON PA NA RGYAL PO GZUGS CAN SNYING PO 'KHOR BCAS KYIS MTHONG STE NGO MTSAR NAS BYANG CHUB SEMS DPA'I DRUNG DU PHYIN TE BRTAGS PAN GZHON NU DON THAMS CAD GRUB PA YIN PAR NGO SHES NAS BLOR MA SHONG BAR BRGYAL LO, ,BRGYAL BA DE LAS SANGS NAS BYANG CHUB SEMS DPA' LA PHYAG BTZAL TE GSOL PA, KHYOD LA RGYAL SRID KYI PHYED 'BUL GYI, BDAG GI GROGS MDZOD LA PHYIN CHAD RI'I SUL DANG RTZVA'I GDING BA LA MA BZHUGS SHIG CES ZHUS PA NA, LAN GSUNGS PA, RTZE MO SNA TSOGS YANGS PAR GYUR PA YI, ,LHUN PO GANGS CAN RLUNG GIS BSKYOD SRID KYIS, ,NGA YI BLO NI THAR PA LA BRTEN PA, ,'DOD PA'I SHUGS KYIS BSKYOD PAR MI NUS SO, ,ZHES GSUNGS, DE NAS BYANG CHUB SEMS DBAS DRANG SRONG RNAMS KYI KHROD DU BYON TE DRANG SRONG DKA' THUB SBYOD PA DE DAG GIS DKA' THUB GANG DANG GANG SPYOD PA DE DANG DE LAS NYIS 'GYUR NYIS 'GYUR DU MDZAD PA NA DRANG SRONG DE DAG NGO MTSAR TE DGE SBYONG 'DI NI CHEN PO ZHIG GO ZHES BRJOD PAS DE PHYIN CHAD DGE SBYONG CHEN PO ZHES MTSAN DU GRAGS SO, ,DE NAS YAB ZAS GTZANG MAS BYANG CHUB SEMS DPA' G-YOG MED PAR 'KHYAM MO ZHES THOS NAS, RGYAL PO ZAS GTZANG MAS G-YOG SUM BRGYA DANG, SRU SKYE DGU'I BDAG MOS LHAS

BSTAN NAS MI NYIS BRGYA ZHABS 'BRING DU BTANG NGO, ,DE NAS BYANG CHUB SEMS DPAS 'KHOR LNGA BRGYA YOD PA DE DANG MNYAM DU SPYOD PA NA DBEN PAR 'KHOR MANG PO BSTEN PA 'DI MA LEGS SO SNYAM DU DGONGS NAS BYINGS RNAMS PHYIR SLOG CING; YAB DANG SRU'I PHYOGS KYI NGO BSRUNG BA DANG LNGA PO DE LA DGE BA'I RTZA BA YOD PAR MKHYEN NAS KO'U DI N+YA LA SOGS PA MI LNGA ZHABS 'BRING DU BSTEN NO, ,DE NAS BYANG CHUB SEMS DPAS CHU KLUNG NEE RANYDZA NA'I 'GRAM GYI SHING DRUNG ZHIG TU DKA' THUB LA BZHUGS TE THOG MAR 'BRAS 'BRU RE RE TZAM GSOL ZHING, DE NAS RIM GYIS 'BRU RE RE GSOL BA DE YANG SPANGS NAS LO DRUG TU SKYIL MO KRUNG BCAS NAS TING NGE 'DZIN LA BZHUGS SO, ,DE LTAR DKA' BA SPYAD BA'I BRTUL ZHUGS LO DRUG PO DES LHA DANG MI KHRAG KHRIG PHRAG BCU GNYIS DANG, BYE BA PHRAG DRUG CU RTZA BZHI THEG PA GSUM LA SMIN PAR MDZAD DO, ,DE'I TSE LHA NAS LTO 'PHYE'I BAR SDE BRGYAD RNAMS KYIS NYIN MTSAN DU MCHOD CING SMON LAM 'DEBS SO; ;LHA DANG MI GANG DAG RGYA CHEN PO LA MOS PA DE DAG GIS NI BYANG CHUB SEMS DPA' RIN PO CHE'I KHANG PA BRTZEGS BA NA 'DUG CING, BDE BA MYONG BAR MTHONG NGO, ,LHA DANG MI CHOS BSTAN PAS ZSMIN PAR MDZAD PA RNAMS KYIS CHOS 'BA' ZHIG 'CHAD PAR MTHONG NGO, ,SEMS CAN SPYI MTHUN GYIS NI DKA' BA SPYOD PA SNGAR SMOS PA BZHIN DU MTHONG NGO, ,DKA' SPYAD MDZAD PA DES PHYI ROL PA'I DRANG SRONG SA YA PHRAG BZHI DANG NYIS 'BUM BTUL TE BYANG CHUB TU SMIN PAR MDZAD

, ,DO; ;DE NAS BYANG CHUB SEMS DPAS 'DI SNYAM DU DGONGS TE, DKA' THUB GCIG PUS 'TSANG RGYA BAR MI NUS KYI MTHA' GNYIS SPANGS PA'I DBU MA'I LAM LA BRTEN TE 'TSANG RGYA BAR BYA'O SNYAM DU DGONGS SHING, PHYOGS BCU'I SANGS RGYAS RNAMS KYIS KYANG DKA' THUB LAS BZHENGS TE BYANG CHUB KYI SNYING POR 'TSANG RGYA BA'I MDZAD PA STONG DGOS SO ZHES YANG DANG YANG DU BSKUL BA LA BRTEN NAS, DKA' THUB LAS BZHENGS TE DBUGS 'BYUNG RDUB CI BDER MDZAD PA DANG, ZHAL ZAS RAGS PA GSOL TE SKU LUS KYI STOBS BSKYED DO, ,DE NAS CHU KLUNG NEE RANYDZA NAR SKU KHRUS MDZAD DE PHYAG DAR KHROD KYI GOS GSOL NAS, SNGON YUN RING PO NAS SMON LAM BTAB BA GRONG PA'I BU MO LEGS SKYES MA DANG DGA' STOBS MA GNYIS KYI TSOGS RDZOGS PAR BYA BA DANG, SKU'I GZI MDANGS BSKYED NAS GDUL BYA RNAMS LA MTSAN DPE'I SKU GSAL BAR BSTAN PAR BYA BA'I PHYIR BU MO DE GNYIS KYI THAD DU BYON NAS BSOD SNYOMS MDZAD PO NA; DBYID ZLA THA CHUNG SA GA ZLA BA'I TSES BCU BZHI'I NYIN BU MO DE GNYIS KYIS BA MCHOG STONG GI 'O MA NYID KHUR BYAS PA GSER GYI GZHONG PAR BLUGS TE PHUL BA NA DRO'I DUS SU BU MO GNYIS KYI BYANG CHUB KYI CHOS RDZOGS PAR BYA BA'I PHYIR 'O THUG DE LHAG MA MA LUS PAR GSOL TE, YOL GO NEE RANYDZA NAR BOR BA KLU'I RGYAL PO RGYA MTSOS MCHOD PA'I PHYIR KHYER BAS, BRGYA BYIN GYIS MKHA' LDING DU SPRUL NAS DE PHROGS TE RANG GI GZUGS KYIS SUM CU RTZA GSUM DU KHYER NAS

YOL GO'I DUS STON BTZUGS SO, ,SENG GE'I KHRI YANG KLU'I BU MOS MCHOD PA'I RTEN DU KHYER TO, ,BU MO DE GNYIS KYIS KYANG BYANG CHUB SEMS DPA' THOG MA NAS DE'I BAR JI LTA BAR MA 'TSAL TO, ,BYANG CHUB SEMS DPA'I BSOD NAMS DANG SHES RAB KYI STOBS KYIS 'O THUG GSOL MA THAG SKU SNGA KHO LTAR KHA DOG BZANG PO RGYAS PA DANG MTSAN BZANG PO SUM CU RTZA GNYIS DANG DPE BYAD BZANG PO BRGYAD CU DANG 'OD 'DOM GANG PA RNAMS KYIS BRGYAN PAR GYUR TO, ,GZHAN YANG LHA NAS LTO 'PHYE'I BAR GYI SDE BRGYAD PO GANG DAG BYE BA PHRAG DRUG CUS KYANG RANG RANG GI ZAS THOGS TE BYANG CHUB SEMS DPA' LA PHUL BA DANG, BYANG CHUB SEMS DPAS DE DAG PHAN TSUN GCIG GIS GCIG MTHONG BA MED BAR BYIN GYIS BRLABS NAS GSOL TO, , RANG RANG GI GANG PHUL BA DE GSOL BAR MTHONG BA'I MOD LA DE DAG THAMS CAD BYANG CHUB TU YONGS SU SMIN PAR MDZAD DO, ,DE NAS BYANG CHUB SEMS DPAS GANG DU MNGON PAR RDZOGS PAR 'TSANG RGYA SNYAM DU GNAS BRTAGS PA NA DKAR PHYOGS KYI LHA RNAMS KYIS CHU KLUNG NEE RANYDZA NA BRGAL BA'I NUB PHYOGS NA RDO RJE GDAN ZHES BYA BA DUS GSUM SANGS RGYAS THAMS CAD GANG DU MNGON PAR RDZOGS PAR 'TSANG RGYA BA'I GNAS MCHIS PAS DER GSHEGS SU GSOL ZHES ZHUS SHING, BYANG CHUB SEMS DPA' RANG NYID KYANG DE LTAR DU DGONGS NAS BYANG CHUB KYI SNYING POR GSHEGS SO, ,DE'I TSE LHA'I BUS BZANG SOGS SA LA SPYOD PA'I LHA RNAMS KYIS NI STONG CHEN PO PHYAG BDAR BYED CING SPOS CHUS CHAG CHAG 'DEBS SO, ,LAG NA GZHONG

, ,THOGS DANG, PHRENG THOGS KYIS NI ME TOG GI CHAR 'BEBS SO, ,'JIG RTEN SKYONG BA BZHIS NI GSER GYI DRA BA DANG, BRGYA BYIN GYIS NI RNAM PAR RGYAL BA'I KHANG BZANG DRA BAS MDZES PAR BRGYAN TO, ,'THAB BRAL BAS NI BEE d'URYA'I DRA BA DANG, DGA' LDAN PAS NI MU TIG GI DRA BA DANG, 'PHRUL DGA' BAS NI 'DZAM BU CHU BO'I GSER GYI DRIL BU'I DRA BA DANG, DBANG BSGYUR GYIS NI LHA'I RIN PO CHE'I DRA BAS BKAB BO, ,CHU KLUNG NEE RANYDZA NA DANG BYANG CHUB KYI SNYING PO'I BAR GYI LAM RLUNG GI LHA RNAMS DANG SPRIN GYI LHA RNAMS KYIS PHYAG BDAR BYAS, SPOS CHUS CHAG CHAG BTAB BO, ,STONG CHEN 'DI'I SHING LJON PA DANG BYIS PA BTZAS PA JI SNYED PA RNAMS BYANG CHUB KYI SNYING PO LOGS SU MGO BTUD DO, ,'DOD PA'I LHA'I BU RNAMS KYIS NI DE'I BAR RGYANG GRAGS TZAM TSUN CHAD KYI LAM MNGON PAR BKOD DE LAM DE'I 'GRAM G-YAS G-YON DU RIN PO CHE SNA BDUN GYI STEGS BU 'PHANG DU SHING TA LA BDUN TZAM DU MTHO BA, STENG DU RIN PO CHE'I DRA BA BRES PA, LHA'I GDUGS DANG RGYAL MCHAN DANG BA DAN GYIS LEGS PAR BRGYAN PA SPRUL TO, ,MDA' RGYAD GANG TZAM DU NI RIN PO CHE SNA BDUN GYI SHING TA LA STEGS BU DE BAS MTHO BA MNGON PAR SPRUL TE SHING TA LA DE RNAMS RIN PO CHE BRGYUS PAS PHAN TSUN DU 'BREL BAR 'DUG GO ,SHING TA LA GNYIS GNYIS KYI BAR DU RDZING SPOS CHUS YONGS SU GANG BA GSER GYI BYE MA BDAL BA, AUTPAL LA SOGS PAS GANG BA, RIN PO CHE'I STEGS BUS BSKOR BA, NOR BU RIN PO CHE BEEd'URYAS THEM SKAS

BRGYAN PA, RMA BYA DANG CHU BYA SNA TSOGS PA SGRA 'BYIN PA'I RDZING DAG BYAS SO, ,LAM DE NA LHA'I BU MO BRGYAD KHRI BRGYAD KHRIS SPOS CHUS GTOR ZHING ME TOG GIS BKRAM MO, ,TA LA THAMS CAD KYI MDUN DU RIN PO CHE'I MKHA' RTEN BZHAG PA LA TZAN DAN DANG AA KA RU'I SPOS PHOR THOGS PA BRGYAD KHRI DANG, GLU DBYANGS LEN PA'I LHA'I BU MO LNGA KHRI DAG 'KHOD DO, ,DE NAS MI MJED KYI BDAG PO TSANGS PA DBANG BSGYUR CHEN POS TSANGS RIS PA RNAMS LA BSGO BA GROGS PO DAG SKYES BU CHEN PO 'DI NI SNGON GYI DAM BCAS PA MTHAR PHYIN PA'I PHYIR BYANG CHUB KYI SNYING POR BZHUD KYI KHYED RNAMS KYIS MCHOD PAR GYIS SHIG ,'DOD PA'I LHA RNAMS KYIS MCHOD PAS STONG CHEN BRGYAN PAR BYAS PA LA LTOS ZHES BSKUL BA DANG, GZUGS KYI LHA RNAMS KYIS 'JIG RTEN GYI KHAMS 'DI RIN PO CHE'I RANG BZHIN LA GSER GYI PADMA BKRAM PA KHA KHYER RIM PA BDUN GYIS BSKOR BA DANG, GSHEGS LAM DU SHING RTA BDUN YANG SPRUL TO, ,LHA'I BU MO BYE BA DRUG CUS RDO RJE'I GDAN RIN PO CHES BKRAM PA LA SOGS BYAS TE MCHOG GI BKOD PA DANG LDAN PA DGA' TSAL LTA BUR BYAS SO, ,TSANGS PA RANG NYID KYANG SKAD CIG DE LA STONG CHEN 'DIR PHYIN TE SA GZHI MNYAM PA RIN PO CHE SNA BDUN GYIS GANG BA RAG NA BDE BAR BYAS SO, ,DE BZHIN DU PHYOGS BCU'I BRGYA BYIN DANG, TSANGS PA DANG, 'JIG RTEN SKYONG BA RNAMS KYIS KYANG ZHING 'DI SANGS RGYAS KYI ZHING BRGYA STONG GIS BRGYAN TO, ,BYANG CHUB SEMS DPA' RNAMS KYIS KYANG BKOD PA DPAG TU MED PA'I SANGS RGYAS KYI ZHING BKOD

, ,PA SNA TSOGS PAS ZHING 'DI GCIG PU BRGYAN PAR BYAS SO, ,BYANG CHUB KYI SNYING PO SKYONG BAR BYED PA'I LHA'I BU AU KHA LI LA SOGS PA LHA'I BU BCU DRUG GIS BYANG CHUB KYI SHING DE LA DPAG TSAD BRGYAD CU'I KHOR YUG TU RIN PO CHE SNA BDUN GYI STEGS BU DANG, TA LA'I PHRENG BA DANG G-YER KHA'I DRA BA DANG, RIN PO CHE'I PHRENG BA RNAMS RIM PA BDUN BDUN GYIS LEGS PAR BSKOR BA, GSER GYI GLEGS MA DANG TSONG TSONG DANG PADMA DAG GIS KHEBS PAR BYAS SO, ,'OD MA LA SOGS PA BYANG CHUB KYI SHING GI LHA MO BZHIS KYANG BYANG CHUB KYI SHING DE MDZES SHING BKRA BA DANG, NANG RIM LA RIN PO CHE SNA BDUN GYI STEGS BU DANG, TA LA DANG G-YER KHA DANG RIN PO CHE'I PHRENG BA BDUN BDUN GYIS BSKOR TO, ,DE NAS NYI MA DGUNG YOL GYI DUS SU BYANG CHUB KYI SNYING POR GSHEGS PA NA, ZHABS KYI MTHIL LAS NGAN SONG GSUM RGYUN GCOD CING SEMS CAN RNAMS KYI SDUG BSNGAL DANG NYON MONGS PA BCIL BA BDE BA DANG LDAN ZHING SANGS RGYAS KYI ZHING THAMS CAD SNANG BAR BYED PA'I 'OD BKYE STE, SANGS RGYAS KYI ZHING RNAMS NI RAB TU BSKYOD, SIL SNYAN SGROG ,ME TOG GI CHAR 'BEBS, LAM GYI BKOD PA RGYA CHEN POS BYANG CHUB KYI SNYING POR GSHEGS PA NA GANG DANG GANG BZHABS BZHAG PA DER PADMA DAG BYUNG STE, SA CHEN PO 'DI YANG KHAR PA'I SNOD BZHIN DU SGRA 'BYIN TO, ,DE LTAR BYANG CHUB SEMS DPA' BYANG CHUB KYI SNYING POR GSHEGS PA NA, SNGON GYI SANGS RGYAS RNAMS RTZVA'I GDAN LA BZHUGS PAR DGONGS SHING, GNAS GTZANG MA'I LHA'I BU RNAMS

KYIS KYANG DE BZHIN DU GSOL PA DANG, LHA'I DBANG PO BRGYA BYIN GYIS BYANG CHUB SEMS DPA'I DGONGS PA SHES NAS, RI SPOS NGAD LDAN PAS SHING BAL LTAR REG NA BDE BA'I RTZVA KHUR GCIG BLANGS NAS BDAG NYID RTZVA 'TSONG BKRA SHIS KYI GZUGS SU SPRUL NAS PHUL BAS RTZVA DE BYANG CHUB SEMS DPAS BZHES TE, SLAR YANG RTZVA 'TSONG BKRA SHIS KYI DGE BA'I RTZA BA RDZOGS PAR BYA BA'I PHYIR RTZVA 'TSONG BKRA SHIS LAM GYI G-YAS ROL NA RTZVA SNGO SER DAG BRDAB GZIGS NAS DE LA, BKRA SHIS RTZVA DAG NGA LA MYUR DU BYIN, ,DE RING NGA LA RTZVA NI DON CHEN 'GYUR, ,DBUNG DANG BCAS PA'I BDUD NI BCOM NAS SU, ,BYANG CHUB DAM PA ZHI BA REG PAR 'GYUR, ,ZHES GSUNGS PAS, RTZVA 'TSONG BKRA SHIS SNGON KHYIM BDAG BLO GROS LDAN DU GYUR PA'I TSE SANGS RGYAS RNAM GZIGS KYI DRUNG DU SMON LAM BTAB PA'I MTHUS RAB TU DGA' BAS RTZVA SNGON PO RMA BYA'I MGRIN PA LTAR G-YAS SU 'KHYIL BA DRI ZHIM PA REG NA 'JAM PA SPAR BA GANG THOGS NAS BYANG CHUB SEMS DPA' LA PHUL TE, RTZVA YIS BYANG CHUB 'CHI MED PA; ;SNGON GYI RGYAL BA'I LAM 'THOB NA, ,YON TAN RGYA MTSO KHYOD BZHES SHIG ,BDAG KYANG THOG MAR 'TSANG RGYA BGYI, ,ZHES GSOL TO, ,DE NAS BYANG CHUB SEMS DPAS BYANG CHUB KYI SHING LA LAN BDUN DU BSKOR BA MDZAD DE PHYAG BTZAL NAS SEMS CAN DMAN PA LA MOS BA RNAMS KYI BLO TSIM BAR BYA BA DANG, RTZVA'I GDAN GYIS CHOG SHES PAR BYA BA'I PHYIR DANG, SNGON GYI RGYAL BA'I RJES SU BSLAB PA'I PHYIR, RANG NYID KYIS SHING DE'I DRUNG DU RTZVA'I RTZE MO NANG DU BSTAN NAS RTZVA RNAMS MA 'KHRUGS PA DANG

, ,STUG SRAB MED PAR BKRAM PAS BSKOR THABS SU LHUNG BA DANG, MTSAN MA 'DI LAS BDAG GDON MI ZA BAR 'TSANG RGYA BAR 'GYUR RO SNYAM NAS CHED DU YANG BRJOD DO, ,DE LTAR RTZVA'I GDING BA GTING BA'I STENG DU SKYIL MO KRUNG BCAS NAS SKU DRANG POR BSRANG STE DRAN PA MNGON DU BZHAG ,ZHAL SHAR PHYOGS SU GZIGS NAS, JI SRID SDUG BSNGAL KUN GYI MTHA'I, ,ZAG ZAD YANG DAG MA THOB PAR, ,DE SRID SROG GI MTHAR GYUR KYANG, ,SKYIL KRUNG 'DI NI GZHIG MI BYA, ,ZHES BYA BA LA SOGS PA GSUNGS, ,DE NAS PHYOGS BCU'I ZHING NAS BYANG CHUB SEMS DPA' BGRANG BA LAS 'DAS PA 'DUS TE, RGYAL BA'I SRAS PO MANG PO DE DAG RANG RANG GI RDZU 'PHRUL GYI RNAM PAR 'PHRUL PA THA DAD PA DAG BYED DE, ME TOG GI GZHAL YAS KHANG STON PA DANG, LUS LAS KHA DOG STONG 'DON PA DANG, NYI MA LTA BUR 'OD 'GYED PA DANG, SA G-YO BA DANG, RGYA MTSO BZHI MGO BOR THOGS NAS SA LA SPOS CHU 'DEBS PA DANG, RIN PO CHE'I MCHOD SDONG 'BUL BA DANG, PAR SNANG LA GNAS NAS LUS DOR BA ME TOG GI PHRENG BAR GYUR PAS STONG GSUM 'GENGS PA DANG, BA SPU'I KHUNG NAS MDO SDE KHRAG KHRIG BRJOD PA DANG, LUS CHEN POR BSGYUR BA DANG, LO MA LA BYANG CHUB SEMS DPA' LUS PHYED GNAS PA'I LJON PA THOGS PA DANG, LHUN PO LAG NA THOGS PA DANG, RKANG GIS CHU'I PHUNG PO 'BOG PA DANG, RNGA BO CHE BRDUNG BA'I SGRAS PHYOGS BCU BYE BA'I ZHING KHYAB PAR DO MOD BYANG CHUB SEMS DPA' 'TSANG RGYA'O ZHES RGYA CHER SGROG PA SOGS LHAGS SO, ,ZHING KUN NA BZHUGS PA'I RGYAL BA THAMS CAD KYIS

PHYAG G-YAS PA BRKYANGS TE, DED DPON CHEN PO RGYAL BAR GYUR CIG CES GSUNG BRJOD DO, ,DE NAS BDUD SDIG TO CAN GYIS BDUD KYI DMAG BYE BA PHRAG DUNG PHYUR BSKUL TE BYANG CHUB SEMS DPA' LA MCHON CHA'I CHAR 'BEBS PA SOGS BYANG CHUB LAS G-YO BA'I PHYIR BAR CHAD BYA BAR BRTZAMS SO, ,BYANG CHUB SEMS DPA' NI THUGS KA DPAL GYI BE'US BRGYAN PA SOGS RDO RJE LTAR BRTAN PA'I STOBS MNGA' BA DANG, CHOS KUN SGYU MA DANG MTSUNGS PAR GZIGS PAS BDUD KYI DMAG DE RNAMS KYIS BAG TSA BA DANG G-YO BA MED DO, ,BDUD KYI DPUNG DE DAG MTHU CHUNG BAR BYA BA'I PHYIR BDUD KYI DPUNG ZHAL GYI NANG DU ZHUGS PA DE LTA BU'I MTHU BSTAN PA DANG BDUD RNAMS BROS SO, ,BROS NAS KYANG CI YANG MA YIN NO SNYAM NAS SLAR LOG STE 'KHOR DANG BCAS PAS MTSON CHA SNA TSOGS 'PHANGS PA ME TOG GI BLA BRE DANG GZHAL MED KHANG DU GYUR TO, ,DBUGS GDUG PA'I ME LCE GTONG BA DAG KYANG 'OD KYIS PADMA 'DAB MA BRGYA PA BZHIN DU BSKYOD DO, ,DE NAS BYANG CHUB SEMS DBAS PHYAG G-YAS PA MGO LA BYUGS PA DANG, BDUD KYIS BYANG CHUB SEMS DPA'I PHYAG NA RAL GRI 'BAR BA THOGS PAR MTHONG NAS LHO'I PHYOGS SU BROS PA DANG CI YANG MA YIN NO SNYAM NAS YANG SLAR LOG STE MTSON CHA RNAMS DRAG TU 'PHANGS PA DE DAG KYANG ME TOG GI PHRENG BAR GYUR TE BYANG CHUB KYI SHING BRGYAN PAR BYAS SO, ,DE LTAR BYANG CHUB SEMS DPA'I YON TAN DE MTHONG NAS BDUD SDIG CAN PHRAG DOG DANG ZHE SDANG GIS RGYUD 'KHRUGS TE, BYANG CHUB SEMS DPA' LA SMRAS PA, KHYOD CI'I PHYIR BYANG CHUB KYI

, ,SNYING PO LA 'DUG ,BKA' STZAL BA, BLA NA MED PA'I YE SHES THOB PAR BYA BA'I PHYIR RO, ,BDUD KYIS SMRAS PA, KYE RGYAL BU GZHON NU, BZHENGS LA RGYAL SRID LA SPYOD CIG ,KHYOD KYI BSOD NAMS DE TZAM GYIS THAR PA GA LA THOB; CES 'KHOR LO'I MTSON CHA 'PHANGS PAS ME TOG TU GYUR CING, 'KHOR RNAMS KYIS RI 'PHANGS PAS ME TOG GI CHUN POR GYUR TO, ,BKA' STZAL PA, SDIG CAN, KHYOD KYIS NI GTAN PA MED PA'I MCHOD SBYIN GCIG GIS 'DOD PA'I DBANG PHYUG THOB TU ZAD NA, NGAS BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG DU MAS GTAN PA MED PA'I MCHOD SBYIN BYAS SHING, SEMS CAN RNAMS KYI PHYIR YONGS SU GTANG BAR DKA' BA RNAMS BTANG BAS BLA NA MED PA'I YE SHES THOB STE BLA NA MED PA'I YE SHES THOB PAR MI 'GYUR BA DE SRID RE SKAN, DE SKAD CES BKA' STZAL PA DANG, BDUD KYIS SMRAS PA, JI LTAR BDAG GIS MCHOD SBYIN GCIG GIS 'DOD PA'I KHAMS KYI DBANG PHYUG THOB PAR GYUR PA'I DBANG PO NI KHYOD NYID YIN NA, JI LTAR KHYOD KYIS BLA NA MED PA'I YE SHES THOB PA'I PHYIR BSKAL PA GRANGS MED PA GSUM DU MCHOD SBYIN BYAS PA'I DPANG PO SU YOD, CES SGRA GSANG CHEN PO BSGRAGS SO, ,DE NAS BYANG CHUB SEMS DPA' SNYING RJE CHEN PO'I THUGS KYIS BAG TSA BA MED PAR PHYAG G-YAS PA 'KHOR LO DANG G-YUNG DRUNG GIS MTSAN PAS SKU LUS THAMS CAD LA BYUGS NAS, 'JIG RTEN GYI KHAMS THAMS CAD KYI SANGS RGYAS THAMS CAD MNGON DU BYAS TE, TSUL DU SHIS PAR

SA CHEN PO LA BRDABS NAS NGA'I DPANG DU SA 'DI YOD DO, ,SA 'DI 'GRO BA KUN GYI GNAS YIN TE, ,RGYU DANG MI RGYU SNYOMS SHING NYE 'KHON MED, ,'DI NI BDAG GI DPANG STE BDAG RDZUN MED, ,'DI LA KHYOD NI BDAG GI DPANG BYOS SHIG ,CES SA LA PHYAG G-YAS PA REG MA THAG TU SA CHEN PO RNAM PA DRUG TU G-YOS SHING LTAS CHEN PO BCO BRGYAD DAG KYANG BYUNG NGO, ,DE NAS SA'I LHA MO BSTAN MA SA'I LHA MO'I 'KHOR BYE BA PHRAG BRGYA DANG LDAN PA DES RIG NAS SA BRTOL TE LUS RGYAN GYIS BRGYAN PA, LTE BA YAN PHYUNG NAS BYANG CHUB SEMS DPA'I LOGS SU BTAD DE THAL MO SBYAR NAS GSOL PA, DE DE BZHIN NO SKYES BU DAM PA, KHYOD JI SKAD GSUNGS PA BZHIN TE, 'DI NI BDAG LA MNGON SUM MO, ,DE LTA LAGS MOD, KHYOD NYID LHA DANG BCAS PA'I DPANG DU GYUR PA YIN NO, ,BDUD LA YANG SMRAS PA, SDIG CAN, BCOM LDAN 'DAS KYIS JI SKAD BKA' STZAL PA DE BZHIN NO, ,ZHES SMRAS NAS DE NYID DU MI SNANG BAR GYUR TO, ,TSUL DES BDUD SDIG CAN ZHUM ZHING CANG MI SMRA LA SPYI BO SMAD NAS SEMS KHONG DU CHUD NAS 'DUG GO ,DE'I TSE BYANG CHUB SEMS DPA'I PHYAG G-YAS SA LA BRDABS PA'I SGRA DE LAS THUG BCOM DANG 'UR SGRA DANG, SOD CIG CES SDIG CAN RNAMS KYIS THOS SO, ,'KHOR DE LAS BDUD BYE BA KHRAG KHRIG BRGYA STONG GIS NI 'DI LA SKYABS SU 'GRO BAR GYIS ZHES PA LA SOGS PA'I TSIGS SU BCAD PA THOS TE, KHA BUB TU 'GYEL NAS SKYES BU DAM PA SKYAB TU GSOL ZHES SMRAS SO, ,BDUD SDIG CAN DPUNG DANG BCAS PA DES DNGANGS SHING 'BROS 'DOD KYANG 'BROS MA NUS TE, BYANG

, ,CHUB SEMS DPAS 'OD PHYUNG NAS DE 'JIGS PA LAS BSKYAB SO, ,DE NAS BDUD KYI 'KHOR GNOD SBYIN BYE BA KHRAG KHRIG BRGYA STONG PHRAG BRGYAD CU DANG, SROG CHAGS BYE BA KHRAG KHRIG BRGYA STONG PHRAG DGU BCU RTZA DGUS BYANG CHUB TU SEMS BSKYED DO, ,SNGON SBYANG PA BYAS PA'I LHA BRGYAD KHRI BZHI STONG MI SKYE BA'I CHOS LA BZOD PA THOB BO, ,DE'I TSES CHEN PO 'DI RNAM PA DRUG TU G-YOS SHING, 'JIG RTEN SU SNANG BA CHEN POS KHYAB PAR 'GYUR BA'I 'OD SKU LAS SPROS TE NGAN SONG GSUM GYI SDUG BSNGAL ZHI BAR MDZAD, MI KHOM PA RGYUN BCAD, SEMS CAN SU LA YANG THA BA DANG, RGYAGS BA DANG, SDANG BAS GNOD BA MED PAR MDZAD DO, ,DE LTAR BCOM LDAN 'DAS KYIS THAMS CAD MKHYEN PA NYID THOB MA THAG TU PHYAG NA RDO RJE RANG GI THUGS LA BZHUGS PA LA MTSAN BRGYA RTZA BRGYAD PAS BSTOD DE, PHYAG RDOR LA DE BZHIN GSHEGS PA THAMS CAD KYIS LEGS SO ZHES BYA BA BYIN NO, ,DE NAS LHA'I BU RNAMS KYIS SMRAS PA, GROGS PO DAG ,'DI MNGON PAR RDZOGS PAR SANGS RGYAS KYIS ME TOG 'THOR CIG CES SMRAS PA DANG, SNGON GYI RGYUS SHES PA'I LHA RNAMS KYIS SMRAS PA, BRDA MA MDZAD KYI BAR GTOR BAR MI BYA'O ZHES SMRAS SO, ,DE'I TSE PHYOGS BCU'I SANGS RGYAS RNAMS KYIS DE BZHIN GSHEGS PA MNGON PAR RDZOGS PAR SANGS RGYAS PA LEGS SO ZHES PHYAG G-YAS PA BRKYANGS TE SKU MA MNYEL TAM ZHES SNYUN GSOL TE MNYEL BA MI MNGA' BAR BYANG CHUB BAM, RANG BYUNG DU CHOS THAMS CAD LA DBANG BSGYUR RAM,

ZHES 'DRI ZHING BYANG CHUB SEMS DPA' RNAMS BKYE STE STONG CHEN 'DI KHEBS PA'I RIN PO CHE'I GDUGS 'OD ZER GYI DRA BA SNANG BA CHEN PO DANG LDAN PA DAG BSKUR RO, ,BYANG CHUB SEMS DPA' DE DAG GIS KYANG BCOM LDAN 'DAS SH'AKYA THUB PA'I ZHABS LA PHYAG BTZAL NAS TSUL DANG MTHUN PAR PHUL LO, ,DE NAS BCOM LDAN 'DAS SKYIL KRUNG DANG BCAS BZHIN PAR SHING TAL BDUN TZAM DU NAM MKHA' LA 'PHAGS TE, LAM GYI RGYUN CHAD DO, ,SDUG BSNGAL NYE BAR ZHI'O, ,ZAG PA BSKAMS SO, ,ZHES CHED DU BRJOD PAS; LHA'I BU THAMS CAD KYIS ME TOG GTOR RO, ,DE NAS GNAS GTZANG MA'I LHA RNAMS KYIS TZAN DAN GYI PHYE MA DANG 'OD GSAL GYI LHA RNAMS KYIS GDUGS DANG RGYAL MTSAN DANG, TSANGS RIS PA RNAMS KYIS RIN PO CHE'I DRA BA DANG, BDUD KYI BU DKAR PHYOGS PA DAG GIS RIN PO CHE'I BLA BRE DANG, DBANG BSGYUR SOGS KYIS GSER GYI PADMA DANG, 'PHRUL DGA' BAS DAR GYI LDA LDI DANG, DGA' LDAN PAS LHA'I GOS KYI DRA BA DANG, 'THAB BRAL BAS SPOS PHRENG DANG, BRGYA BYIN GYIS BYUG PA DANG, RGYAL CHEN BZHIS ME TOG SNA TSOGS PA DANG, BAR SNANG GI LHA RNAMS KYIS G-YER KHA'I DRA BA DANG, SA BLA'I LHA RNAMS KYIS SA GZHI RNAMS LA ME TOG BKRAM NAS PHUL ZHING BSTOD DE BYANG CHUB KYI SNYING PO LEGS PAR BRGYAN TO, ,DE LTAR BYANG CHUB SEMS DPA' NAM MKHA'I KHAMS YONG SU GANG BDAG GIS MCHOD CING BSTOD LA, RGYAL BA RANG NYID KYIS KYANG, BSOD NAMS RNAM SMIN BDE STER SDUG BSNGAL THAMS CAD SEL, ,BSOD NAMS LDAN PA'I MI YI BSAM PA RNAM KYANG 'GRUB, ,BDUD BCOM NAS NI BYANG CHUB MYUR DU RAG PAR GYUR, ,MYA NGAN LAS 'DAS ZHI BA BSIL BA'I DNGOS

, ,PO THOB, ,CES CHED DU BRJOD DO, ,DE LTAR 'TSANG RGYA BA'I MDZAD PA BSTAN PA NI GDUL BYA'I DON DU MCHOG GI SPRUL SKU'I MDZAD PA YIN GYI, STON PA 'DI NYID SNGON BSKAL PA BGRANG BA LAS 'DAS PA'I SNGA ROL TU SANGS RGYAS PA YIN PA NI SNGAR BRJOD ZIN CING, SNYING RJE PAD DKAR DU YANG, STON PA 'DI NYID SNGON BSKAL PA BRJOD KYIS MI LANG BA'I SNGA ROL TU RGYAL BA DBANG BO'I TOG TU SANGS RGYAS SHING, ZHING 'DIR SNYIGS MA'I 'GRO BA RNAMS KYI DON DU MCHOG GI SPRUL SKU'I MDZAD PA BSTAN PA YIN PA DANG, DA DUNG SEMS CAN MA ZAD KYI BAR DU SPRUL PA RGYUN MI 'CHAD DU STON PAR GSUNGS SO, ,SNGAR BSHAD PA'I 'TSANG RGYA TSUL DE NI THUN MONG BA'I DBANG DU BYAS PA'I 'TSANG RGYA TSUL YIN GYI, SNGAGS LAM GYIS 'TSANG RGYA BA'I TSUL NI SA GA ZLA BA'I TSES BRGYAD KYI NYIN RNAM SMIN GYI LUS CHU KLUNG NEE RANYDZA NA'I 'GRAM DU BZHAG NAS YID LUS KYIS 'OG MIN DU PHEBS TE RDO RJE DBYINGS KYI DKYIL 'KHOR CHEN POR ZHUGS NAS MNGON BYANG LNGA'I SGO NAS 'TSANG RGYA BA'I MDZAD PA BSTAN TE RNAL 'BYOR RGYUD GSUNGS PA DANG, YANG GSANG BA 'DUS PA'I DKYIL 'KHOR DU ZHUGS NAS BYANG CHUB RDO RJES LHAN CIG SKYES PA'I YE SHES MTSON PA'I DBANG BSKUR TE GNYIS SNANG PHRA MO YANG DAG NAS ZUNG 'JUG GI SKUR BZHENGS TE BLA MED KYI RGYUD GSUNGS PA DANG, BDUD 'DUL BA'I TSE GSHIN RJE'I GSHED DMAR NAG GI SKUR BZHENGS NAS GSHIN RJE'I GSHED KYI RGYUD RNAMS GSUNGS PA'I TSUL LA SOGS

PA GSANG BA BSAM GYIS MI KHYAB PA'I TSUL MTHA' YAS PA YOD DO, ,DE LTAR DGUNG LO SO LNGA LA BAB PA RGYAL BA ZHES PA SHING PHO RTA'I LO SA GA ZLA BA'I TSES BCO LNGA'I THO RANGS MNGON PAR RDZOGS PAR SANGS RGYAS PA'I TSUL BSTAN NAS ZHAG BDUN BYANG CHUB KYI SHING LA BRTEN TE BZHUGS, BDUN GNYIS PA LA STONG GSUM GYI STONG CHEN PO'I 'JIG RTEN GYI KHAMS LA RGYANG RING DU 'CHAG PAR MDZAD, BDUN GSUM PA LA BYANG CHUB KYI SHING LA SBYAN MI 'DZUM PAR GZIGS SHING BZHUGS BDUN BZHI PA LA GLING BZHI PA'I 'JIG RTEN GYI SHAR NUB KYI RGYA MTSO'I BAR LA 'CHAG CING BZHUGS, BDUN LNGA PA LA KLU'I RGYAL PO BTANG BZUNG GI GNAS SU BZHUGS, BDUN DRUG PA LA SHING NE GRO DHA RA SKYONG DU GSHEGS TE KUN TU RGYU MANG PO ZHIG BYANG CHUB TU SMIN PAR MDZAD, BDUN PHRAG BDUN PA LA SHING SBRUL RGYU'I TSAL DU BZHUGS TE TSONG DPON GA GON DANG BZANG PO GNYIS RJES SU BZUNG NAS DE GNYIS KYIS PHUL BA'I ZHAL ZAS BZHES SHING, DE'I TSE RGYAL PO CHEN PO BZHIS RDO'I LHUNG BZED RE PHUL BA GCIG TU BYIN GYIS BRLABS TE, DER ZHAL ZAS BZHES SO, ,DE NAS TSONG DPON GA GON DANG BZANG PO GNYIS KYI DON DU BKRA SHIS KYI TSIGS BCAD MDZAD NAS DE GNYIS BYANG CHUB TU LUNG BSTAN TO, ,DE NAS BCOM LDAN 'DAS 'DI SNYAM DU DGONGS TE, BDAG GIS CHOS ZAB MO ZAB PAR SNANG BA, KHONG DU TSUD PAR DKA' BA, RTOG GE PA RNAMS KYIS RTOG GE'I SPYOD YUL MA YIN PA, MKHAS PAS SHES PA 'DI RTOGS NA, GZHAN LA SMRAS KYANG MI SHES

, ,PAS BDE BAR GNAS PA'I RNAL 'BYOR LA RJES SU BRTZON PAR GNAS PAR BYA'O ZHAS DGONGS NAS, ZAB ZHI RDUL BRAL 'OD GSAL 'DUS MA BYAS, ,BDUD RTZI CHOS 'DI BDAG GIS THOB PAR GYUR, ,BDAG GIS BSTAN KYANG GZHAN GYIS MI SHES TE, ,MI SMRA NAGS 'DAB GNAS PAR BYA BA SNYAM, ,ZHES BYA BA LA SOGS PA GSUNGS TE THUGS LAS CHUNG DUR BZHUGS PA NA, PHYOGS BCU'I ZHING NAS LHAGS PA'I BYANG CHUB SEMS DPA' BGRANG BA LAS 'DAS PA DAG DANG, DKAR PHYOGS KYI LHA BGRANG BA LAS 'DAS PA DAG GIS CHOS STON PAR GSOL BA BTAB CING, KHYAD PAR STONG GSUM MI MJED KYI BDAG PO TSANGS PA CHEN POS BCOM LDAN 'DAS LA CHOS GSUNG BAR GSOL BA BTAB BAS, CANG MI GSUNG BAS GNANG BAR RIG STE TSANGS PA RANG GI GNAS SU SONG NGO, ,DE NAS BCOM LDAN 'DAS KYIS GZHAN DAG CHOS LA GUS PA BSKYED PAR 'GYUR BA DANG, TSANGS PAS YANG YANG BSKUL NA DGE BA DAG 'PHEL BAR 'GYUR BA DANG, CHOS KYANG ZAB PAR BSTAN PA'I PHYIR THUGS LAS CHUNG DUR BZHUGS SO, ,DE TSANGS PAS SHES NAS BRGYA BYIN LA BSKUL TE, DBANG PHYUG CHEN PO SOGS 'DOD GZUGS KYI LHA MANG BO DANG LHAN CIG BCOM LDAN 'DAS KYI SPYAN SNGAR PHYIN NAS CHOS GSUNG BAR BSKUL LO, ,DE LTA NA'ANG CHOS GSUNG BA DKA' DKA' LTAR MDZAD NAS CHOS STON PAR MA MDZAD PA NA TSANGS PA GTZUG PHUD CAN GYIS DE SHES NAS NAM SROD LA TSANGS PA DRUG KHRI BRGYAD STONG GIS BSKOR NAS, BCOM LDAN 'DAS KYI SBYAN SNGAR

PHYIN TE THAL MO SBYAR NAS GSOL PA, MA GA DHAR NI SNGON CHAD CHOS BYUNG BA, ,DAG PA MA LAGS DRI MAR BCAS PAS RTOGS, ,BDUD RTZI CHOS KYI SGO NI PHYE MDZOD LA, ,DRI MA MED PAS RTOGS PA BSHAD PAR MDZOD, ,THUB BA CHOS KYI SGRON MAS MUN PA SOL, ,DE BZHIN GSHEGS PA'I RGYAL MTSAN KHYOD KYIS BSGRENG, ,SNYAN PA'I GSUNG BRJOD PA YI DUS LA BAB, ,RNGA SGRA RI DVAGS DBANG LTAR BSGRAG TU GSOL, ,BKA' STZAL PA, TSANGS PA NGAS NI TSEGS CHEN GYIS, ,SKYON RNAMS BCOM NAS RTOGS GYUR PA, ,SRID DANG CHAGS PAS DKRIS RNAMS KYIS, ,CHOS NI LEGS PAR RTOGS MI 'GYUR, ,GSOL PA, 'JIG RTEN NA DBANG PO RNON PO DANG 'BRING DANG RTUL PO DANG, GDUL SLA BA'I SEMS CAN GANG DAG MCHIS TE, DE DAG GIS CHOS MTHOS NA NYAMS PAR 'GYUR BAS CHOS BSHAD DU GSOL, ZHES DANG, SNGON CHOS 'TSOL BA'I PHYIR DBU STONG TZAM YANG BTANG NGO ZHES BSTOD DO, ,DE NAS TSANGS RIS KYI LHA'I BU DE RNAMS KYIS KYANG BCOM LDAN 'DAS SNGON KHA DOG DAM PA LA SOGS PA RGYAL PO LNGA DANG, DRANG SRONG AUDTA LAR GYUR PA'I TSE DAM PA'I CHOS KYI PHYIR DKA' BA DE LTA BU SPYAD NA, DA BCOM LDAN 'DAS CHOS KYI RGYA MTSO NI RDZOGS, CHOS KYI SGRON ME YANG GSAL BAR MDZAD NA, CI'I SLAD DU CHOS MA BSTAN PAR MYA NGAN LAS 'DA' BAR DGONGS, ZHES GSOL TO, ,BCOM LDAN 'DAS KYIS BKA' STZAL PA, BDUD RTZI'I SGO MO DAG NI DBYE BAR BYA, ,NYAN PAR SU 'DOD SOM NYI GSOL CIG DANG, ,TSANGS PA MI RNAMS LA NI GYA NOM

, ,CHOS; ;KLAN KA MI BTZAL MDO TZAM BSHAD PAR BYA, ,ZHES GSUNGS NAS CHOS GSUNG BAR ZHAL GYIS BZHES SO, ,DE NAS DE BZHIN GSHEGS PA CHOS 'CHAD PAR DGONGS PA DANG LHA'I BU RNAMS KYIS DO MOD BCOM LDAN 'DAS KYIS CHOS KYI 'KHOR LO BSKOR BA GNANG STE, DES NI PHAN PA DANG BDE BAR 'GYUR RO, ,ZHES SGRA BSGRAGS SO, ,BYANG CHUB KYI SHING GI LHA CHOS SRED SOGS BZHIS BCOM LDAN 'DAS LA GSOL PA, CHOS KYI 'KHOR LO GANG DU BSKOR, W'A RA n'A SIR RO, ,DER NI SKYE BO'I TSOGS NYUNG BAS GZHAN DU BSKOR DU GSOL, ZHES ZHUS PA NA, STON PAS W'A RA n'A SI NI SNGON GYI DRANG SRONG RNAMS KYI GNAS YIN ZHING DER MCHOD SBYIN BYE BA STONG PHRAG DU MA BYAS PA YIN BAS DER CHOS KYI 'KHOR LO BSKOR BAR BYA'O SNYAM DU DGONGS NAS BYON PA DANG, KUN TU RGYU NYER 'GRO DANG MJAL TE, DES BCOM LDAN 'DAS BZHIN MDOG LAGS PAR MTHONG NAS, GOO'U TA MA KHYOD KYI DBANG BO RNAMS NI SHIN TU GSAL NA SU LAS TSANGS PAR SPYAD BA SPYOD, BKA' STZAL PA, NGA LA SLOB DPON GANG YANG MED, ,NGA DANG 'DRA BA YOD MA YIN, ,NGA NI GCIG BU RDZOGS SANGS RGYAS, ,BSIL GYUR ZAG PA MED PA YIN, ,GSOL PA, GO'U TA MA SANGS RGYAS SU ZHAL GYIS 'CHES SAM, DE BZHIN NO, ,GAR BZHUD, NGA NI W'A RA n'A SIR 'GRO, GRONG KHYER GSAL LDAN SONG NAS NI, ,LONG BA LTA BU'I 'JIG RTEN LA, ,MTSUNGS BA MED PA'I 'OD BYA'O, ,ZHES GSUNGS SO, ,DE NAS BCOM LDAN 'DAS YUL K'A SHIR

LJONGS RGYU ZHING GRONG KHYER W'A RA n'A SIR GSHEGS NAS BSOD SNYOMS BZHES TE DRANG SRONG LHUNG PA RI DVAGS KYI NAGS SU BYON PA NA LNGA SDES RGYANG RING PO NAS GSHEGS PA MTHONG STE, DGE SBYONG GO TA MA MANG DU ZA BA SPONG BA LAS NYAMS PA 'DI 'ONGS NA BDAG CAG RNAMS KYIS 'DI LA SMRA BAR MI BYA, LDANG BAR MI BYA, PHYAG MI BYA, STAN STOB PAR MI BYA, ZHES 'OG KHRIMS BCAS PA LA KOO D'U N+YAS NI SEMS KYIS KHAS MA BLANGS SO, ,DE NAS BCOM LDAN 'DAS 'BAB CHU GNOD PA CAN GYI 'GRAM GYI LNGA SDE'I GNAS SU BYON MA THAG BCOM LDAN 'DAS KYI DPAL DANG GZI BRJID MA BZOD NAS STAN GYI STENG NA 'DAR ZHING KUN GYIS 'OG KHRIMS DRAL TE STAN LAS LANGS NAS KOO'U DI N+YAS RIM GRO BYED, RTA THUL GYIS NI BSUS TE CHOS GOS DANG LHUNG BZED BLANGS, RLANGS PAS NI GDAN BSHAMS, MING CHEN GYIS NI ZHABS RTEN STOB, BZANG LDAN GYIS NI ZHABS BSIL PHUL TE TSE DANG LDAN PA GOO TA MKHYOD BYON PA LEGS SO, ,GDAN BSHAMS PA LA BZHUGS SHIG CES GSOL TO, ,DE NAS BCOM LDAN 'DAS GDAN BSHAMS BA LA BZHUGS PA NA LNGA SDE RNAMS KYIS LHAG PAR YANG BCOM LDAN 'DAS LA MTSAN DANG GDUNG DANG TSE DANG LDAN PAS BRJOD PA KUN TU BRJOD DO, ,BKA' STZAL BA, KHYED RNAMS DE BZHIN GSHEGS PA LA DE LTA BU'I TSUL GYIS KUN TU BRJOD BAR MA BYED CIG ,KHYED LA YUN RING POR GNOD PA DANG SDUG BSNGAL BAR 'GYUR RO, ,GOO TA MA, KHYOD KYIS SNGON GYI TSUL DANG DKA' BA SPYAD PA DES MI'I CHOS BLA MA 'PHAGS PA'I CHOS MA THOB NA DA

, ,SPYOD TSUL 'DIS MI CHOS BLA MA 'PHAGS PA'I CHOS THOB PAR NUS SAM ZHES MA RANGS PAR GSOL BAS, BKA' STZAL PA, RAB TU BYUNG BAS MTHA' 'DI GNYIS LA BRTEN BAR MI BYA STE, GNYIS GANG ZHE NA, 'DOD PA RNAMS LA 'DOD PA'I BSOD NYAMS KYI RJES SU BRTZON PA DMAN PA NGAN PA THA CHAD MA RABS GANG YIN PA DANG, BDAG NYID DUB PA LA RJES SU BRTZON PAS 'PHAGS PA'I LAM LA GNOD PA DANG LDAN PA GANG YIN PA'O, ,KHYED KYIS MTHA' 'DI GNYIS LA MI RTEN BAR DBU MA'I LAM MIG DANG YE SHES PHYED PA NYE BAR ZHI BA DANG, MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR 'GYUR BA YOD DE, DBU MA'I LAM GANG ZHE NA 'PHAGS PA'I LAM YAN LAG BRGYAD PA'O, ,ZHES GSUNGS SO, ,DE NAS BCOM LDAN 'DAS KYIS DRANG SRONG LHUNG BA 'DI NYID KYI SA'I PHYOGS GANG DU CHOS KYI 'KHOR LO BSKOR MNYAM DU DGONGS PA NA, GANG DU SNGON GYI RGYAL BA RNAMS KYIS CHOS KYI 'KHOR LO BSKOR BA'I SA PHYOGS DER NI RIN PO CHE SNA BDUN GYI KHRI STONG BYUNG ZHING, TSANGS PAS KYANG SENG+GE'I KHRI 'PHANG DU DPAG TSAD BZHI KHRI NYIS STONG YOD PA BSHAMS, SO; ;DE BZHIN DU TSANGS PA GZHAN DANG, BRGYA BYIN DANG BYANG CHUB SEMS DPA' BYE BA PHRAG BCU BCUS KYANG SENG+GE'I KHRI DE LTA BU DAG BSHAM SO, ,SA BLA'I LHA RNAMS KYIS CHOS KYI 'KHOR LO BSKOR BA'I 'KHOR GYI KHYAMS CHEN PO BKRAB BLTA NA SDUG PA, RGYA CHE BA CHU ZHENG DU DPAG TSAD BDUN BRGYA YOD PA SPRUL TE, STENG GI NAM MKHA' LA GDUGS DANG BLA BREL SOGS PAS BRGYAN CING 'DOD LHA'I BU RNAMS KYIS SENGGE'I KHRI BRGYAD STONG PHUL NAS 'DI LA BZHUGS NAS 'KHOR LO BSKOR DU GSOL ZHES GSOL TO, ,DE NAS BCOM LDAN 'DAS KYIS SNGON GYI RGYAL BA

RNAMS LA GUS PAR MDZAD PA'I PHYIR KHRI GSUM LA BSKOR BA MDZAD NAS SENG+GE LTAR BAG TSA BA MI MNGA' BAR KHRI BZHI PA LA SKYIL MO KRUNG BCAS TE BZHUGS SHING, TSANGS PA DANG, BRGYA BYIN DANG, BYANG CHUB SEMS DPA' RNAMS KYIS SENG+GE'I KHRI LA YANG BZHUGS PAR KUN TU BSTAN TO; ;DGE SLONG LNGA POS KYANG DE BZHIN GSHEGS PA LA PHYAG BTZAL NAS DUL BA'I TSUL GYIS 'DUG GO, DE'I TSE BCOM LDAN 'DAS KYI SKU LAS 'OD ZER BKYE BAS RIGS DRUG GI SDUG BSNGAL RGYUN BCAD, LTAS CHEN PO BCO BRGYAD BYUNG, MI MJED KYI ZHING MNYAM ZHING SEMS CAN KUN BYAMS PA DANG LDAN PAR GYUR TO, ,'OD DE LAS, RGYAL BAS BSKAL PA KHRAG KHRIG BSGRUBS, ,CHOS DE NYAN PAR GANG 'DOD PA, ,DE NI RINGS PAR LA GOR DU, ,CHOS MNYAN PA YI PHYIR SHOG CIG, ,CES BSKUL BA'I TSE, LHA; KLU; GNOD SBYIN, DRI ZA, LHA MA YIN, NAM MKHA' LDING, MI'AM CI, LTO 'PHYE CHEN PO STE, SDE BRGYAD PO DAG GIS KYANG SHES TE SPYAN SNGAR DONG NGO, ,PHYOGS BCU'I BYANG CHUB SEMS DPA' GRANGS MED PA DAG KYANG LHAGS TE MDOR NA STONG CHEN 'DI SKRA'I RTZE MO'I CHA SHAS TZAM YANG MA KHYAB PA MED DO, ,DE NAS BYANG CHUB SEMS DPA' PHYOGS BCU NAS LHAGS PA DAG DANG, MI MJED 'DI'I TSANGS PA DANG BRGYA BYIN LA SOGS PA DBANG CHE BAR GRAGS PA RNAMS KYIS BCOM LDAN 'DAS KYI ZHABS LA GTUGS TE SKYE BO MANG PO LA SMAN PA'I SLAD DU CHOS KYI 'KHOR LO BSKOR DU GSOL, ZHES DANG, TSANGS PAS, NYON MONGS CHOGS KYI NAD BRGYAS GTZES PA'I SKYE BO 'DI DAG LA, ,RGYAL BA SMAN PA 'KHOR LO DAM PA BSKOR TE THAR MDZAD GSOL, ,NOR BDUN BGO BSHA' MDZOD CIG 'DREN PA 'KHOR LO BSKOR BAR GSOL, ,DGONGS PA YONGS RDZOGS RIMS NAD MA MCHIS 'KHOR LO MCHOG BSKOR GSOL

, ,ZHES LHA'I 'DZAM BU CHU PO'I GSER LAS BYAS PA'I 'KHOR LO RTZIBS STONG PA, 'OD ZER STONG DANG LDAN PA SNGON GYI RGYAL BA RNAMS KYIS BZHES PA DE, BCOM LDAN 'DAS KYI DRUNG DU PHUL TE CHOS KYI 'KHOR LO BSKOR BAR GSOL BA BTAB BO, ,DE NAS NAM MKHA'I DBYINGS THAMS CAD YONGS SU KHYAB PA'I BYANG CHUB SEMS DPA' RNAMS DANG, LHA'I SRAS PO BRGYAD KHRIS GTZO BYAS PA'I LHA DANG KLU DANG GNOD SBYIN DANG DRI ZA DANG GRUL BUM DANG MI'AM CI DANG LTO 'PHYE CHEN PO DANG, KOO'U DI N+YA LA SOGS PA'I LNGA SDE DANG, GZHAN YANG CHOS NYAN PAR 'DUS PA'I 'KHOR DE DAG THA NA LUD PA'I SGRA TZAM YANG MED PAR RGYAL BA'I ZHAL 'BA' ZHIG LA BLTA'O, ,DE NAS BCOM LDAN 'DAS KYIS NAM GYI CHA SMAD KYI THUN LA LNGA SDE BZANG PO LA BOS TE, BDEN PA BZHI PO DAG GI MING DANG SPANG BLANG DANG, DE DAG YONGS SU SHES SPANGS MNGON DU BYAS BSGOMS PA'I GSHEGS SHUL YAN LAG BRGYAD MTHA' GNYIS SPANGS BA'I DBU MA'I LAM RNAM PA BCU GNYIS SU BZLAS TE CHOS KYI 'KHOR LO BSKOR, GSUNG GI SGRA DBYANGS DE LAS GANG DANG GANG GIS 'DUL BA'I SGRA DE DANG DE LA 'TSAM PA'I GTAM SNA TSOGS PA THEG PA GSUM PO SO SO DANG MTHUN PA'I CHOS THOS TE STONG CHEN 'DI NA BDEN BZHI'I MING BYE BA KHRAG KHRIG BRGYA STONG PHRAG DGU BCU RTZA BZHI YOD PA THAMS CAD SO SOR GO STE THAMS CAD KYANG JI LTA BA BZHIN GYI BDEN PAR 'DU BA'I DGONGS PAS CHOS BSTAN PA DES TSE DANG LDAN PA KO'U DI N+YA DANG, 'BAR BA'I GZI BRJID LA SOGS PA'I LHA BRGYAD KHRI BO RNAMS LA CHOS KYI MIG DRI MA DANG BRAL BA SKYES SO, ,DE NAS BCOM LDAN 'DAS KYIS KO'U DI N+YA LA BKA' STZAL PA, KHYOD KYIS CHOS KUN SHES SAM, GSOL PA, BCOM LDAN 'DAS KUN 'TSAL LAGS SO, ,DE NAS TSE DANG LDAN PA KO'U DI N+YA LA KUN SHES KO'U DI N+YA ZHES BYA BA'I MING CHAGS PAS 'JIG

RTEN DU DKON MCHOG GSUM PO DAG KYANG GRUB CING LHA RNAMS KYIS KYANG, GROGS PO DAG BCOM LDAN 'DAS KYIS W'A RA n'A SIR LAN GSUM DU BZLAS TE RNAM PA BCU'I SUM CHOS KYI 'KHOR LO CHOS DANG LDAN PA SUS KYANG 'JIG RTEN DU CHOS DANG MTHUN PAR 'GA' YANG MA BSKOR BA ZHIG BSKOR BAS, LHA'I RIS 'PHEL ZHING LHA MA YIN GYIS RIS NI YONGS SU NYAMS SO, ,ZHES BSGRAGS SO, ,DE NAS BCOM LDAN 'DAS KYIS LAN GNYIS SU YANG LNGA SDE RNAMS LA BDEN PA BZHI BSTAN BAS, KUN SHES KO'U DI N+YA LEN PA MED PAR ZAG PA LAS SEMS RNAM PAR GROL TE DGRA BCOM PAR GYUR TO; ;DE'I TSE 'JIG RTEN NA DGRA BCOM BA GCIG DANG, GNYIS PA NI BCOM LDAN 'DAS NYID YIN NO, ,DGE SLONG LHAG MA BZHI PO RTA THUL DANG, RLANGS PA DANG, MING CHEN DANG, BZANG LDAN RNAMS KYIS BDEN PA MTHONG NGO, ,DE LTAR LNGA SDES YE SHES KHONG DU CHUD MA THAG ,MU STEGS KYI RTAGS DANG RGYAL MTSAN CI YOD PA SKAD CIG LA NUB NAS, SKRA BREGS CHOS GOS GSUM DANG, LHUNG BZED DANG LDAN LA, BSNYEN PAR RDZOGS PA DGE SLONG GI DNGOS POR GYUR TE, BCOM LDAN 'DAS KYIS KYANG SNAM SBYAR GYI RGYAL MTSAN 'DZIN PA RNAMS KYI MCHOG NI KUN SHES KO'U DI N+YA 'DI YIN NO ZHES BSNGAGS SO, ,DE NAS BCOM LDAN 'DAS KYIS DGE SLONG LHAG MA BZHI PO LA GZUGS BDAG MA YIN PA DANG, SDUG BSNGAL BA DANG, MI RTAG PA YIN PAR RGYA CHER BKA' STZAL PAS LHAG MA BZHI POS KYANG DGRA BCOM PA MNGON DU BYAS TE, 'JIG RTEN NA DGRA BCOM PA LNGA DANG DRUG PA NI BCOM LDAN 'DAS NYID DO, ,

, ,DE LTAR BSTAN PA LAS LHA BYE BA PHRAG BRGYA BZHI BCU DANG, MI BRGYAD KHRI BZHI STONG GIS BDEN BA MTHONG NGO, ,DE LTAR BCOM LDAN 'DAS KYI TSANGS PA'I DBYANGS SNYAN PA DE PHYOGS BCU'I ZHING DAG TU GRAGS PAS, PHYOGS BCU'I SANGS RGYAS BCOM LDAN 'DAS DE DAG CANG MI GSUNG BAR BZHUGS PA NA, SO SO'I RIM GRO PA RNAMS KYIS CI'I PHYIR BKA' MCHID BKUM ZHES ZHUS PA DANG, BKA' STZAL PA, BCOM LDAN 'DAS SH'AKYA THUB PA BYANG CHUB BRNYES TE 'KHOR LO BSKOR BAR MDZAD PAS DE'I PHYIR MI SMRA'O, ,ZHES GSUNGS BAS SEMS CAN BYE BA PHRAG BRGYA BYANG CHUB TU SEMS BSKYED DO, ,STON PA MNGON PAR RDZOGS BAR SANGS RGYAS NAS CHOS GSUNG BA DKA' DKA' LTAR MDZAD NAS YANG DANG YANG DU GSOL BA GDAB DGOS BYUNG BA DANG, CHOS STON BA LA 'JUG BA'I TSE THOG MA NAS ZAB MO STONG BA NYID LA SOGS PA MA BSTAN PAR CHOS GOS ZLUM POR BGO BA DANG, PHYI DRO'I KHA ZAS SPONG BA DANG, ZAS GOS MTHA' GNYIS SU MA LHUNG BAR BYA DGOS PA SOGS 'DUL BA'I BSLAB BYA BSTAN NAS BDEN PA BZHI STON PAR MDZAD CING BDEN PA BZHI PO DE LAS KYANG THOG MAR SDUG BSNGAL BDEN PA STON PAR MDZAD, SDUG BSNGAL LA YANG RNAM PA BZHI YOD PA LAS, THOG MAR MI RTAG PA STON PAR MDZAD PA'I TSUL 'DI DAG LA RNAM DPYOD CAN GYIS LEGS PAR DPYOD SHES NA BYANG CHUB LAM GYI RIM BA'I NYAMS LEN LA NGES PA BRTEN PO RNYED PAR 'GYUR TE, THOG MAR LEGS TSOGS THAMS CAD KYI RTZA BA DGE BA'I PA SHES GNYEN ZHIG LA

BRTEN DGOS SHING, DE YANG GANG BYUNG GIS MI CHOG PAR SLOB MAS KYANG BLA MA MTSAN NYID DANG LDAN MI LDAN LEGS PAR BRTAGS NAS MTSAN NYID DANG LDAN PA ZHIG LA BRTEN DGOS PA DANG, BLA MAS KYANG SLOB MA MA BRTAGS PAR SU RUNG RUNG LA CHOS BSTAN MI RUNG BAS SLOB MA SNOD DANG LDAN MI LDAN LEGS PAR BRTAGS NAS BYA DGOS PA DANG, SLOB MA LA CHOS STON PA'I TSE NA'ANG MA MDZANGS MAS BU CHUNG GSO BA DANG, SMAN PA MKHAS PAS NAD PA LA SMAN STER BA DANG 'DRA BAR GDUL BYA'I KHAMS LA BRTAGS NAS RIM GYIS RGYUD SBYONG BAR BYA DGOS PA DANG, DKAR CHOS THAMS CAD KYI GZHI TSUL KHRIMS RNAM PAR DAG PA ZHIG LA THOG MAR SBYAR DGOS PA DANG, DE NAS KYANG THOG MAR TSE 'DI LAS BLO LOG PA ZHIG DANG, 'KHOR BA SPYI LAS BLO LOG PA ZHIG GI THABS SU SPYIR 'DUS BYAS THAMS CAD MI RTAG PA DANG, KHYAD PAR ZAG BCAS KYI LUS 'DI MI RTAG PAR BSTAN NAS TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BSKYED PA DANG, 'KHOR BA MTHA' DAG LA MA CHAGS PAR THAR PA DON GNYER GYI BSAM BA BRTAN PO BSKYED PA DANG, BSAM PA DE LTA BU ZHIG SKYES PA NA 'KHOR BA'I RTZA BA KUN 'BYUNG BDEN PA NGO SPRAD DE RIM GYIS LAM GONG MA LA KHRID DGOS PA'I TSUL RNAMS SHES NAS STON PA'I RNAM THAR NYAMS LEN DU 'KHYER SHES PA ZHIG 'ONG NGO, ,STON BAS CHOS KYI 'KHOR LO BSKOR BA'I SA W'A RA n'A SI DRANG SRONG LHUNG BA RI DVAGS KYI NAGS SU LHA DANG, LNGA SDE BZANG PO SOGS MI DAD PA CAN DAG GIS CHOS KYI 'KHOR LO BSKOR BA'I MCHOD RTEN, DBYIBS

, ,GRU BZHI PA BANG RIM BZHI PA, BANG RIM RE RE LA PHYOGS BZHIR GLO 'BUR DANG BCAS PA LA SGO BZHI'AM BRGYAD DAM BCU GNYIS SAM BCU DRUG YOD PA BRTZIGS SO, ,DE LA NI KA SHI'I YUL DU CHOS KYI 'KHOR LO BSKOR BA'I MCHOD RTEN ZHES SNGON GYI MKHAS PA RNAMS LA GTAM DU GRAGS SO, ,DE NAS RIM GYIS YUL GZHAN DANG DUS GZHAN DAG TU 'DUL BA LUNG DANG, MDO SDE DRAN PA NYER BZHAG DANG, RGYA CHER ROL PA'I MDO DANG, MDO SDE LAS BRGYA PA DANG, RTOGS BRJOD BRGYA PA LA SOGS PA 'KHOR LO DANG BO'I SDER GTOGS KYI MDO SDE MTHA' YAS PA ZHIG BKA' STZAL TO, ,DE LTAR STON PA MNGON PAR RDZOGS PAR SANGS RGYAS NAS KO'U DI N+YA LA SOGS BA'I LNGA SDE DANG, GRAGS PA LA SOGS PA NYE BA'I LNGA SDE DANG, RGYAL PO'I KHAB TU PHEBS NAS SH'A RI'I BU DANG MO'U 'GAL GYI BU 'KHOR LNGA BRGYA DANG BCAS PA DANG, 'OD SRUNGS CHEN PO LA SOGS PA BDAG NYID CHEN PO BGRANG BA LAS 'DAS PA ZHIG RJES SU BZUNG STE SNYAN PA'I GRAGS BAS SA'I STENG THAMS CAD KHYAB PA NA, RGYAL PO ZAS GTZANG MAS DE THOS TE DGA' ZHING MGU LA MJAL BAR 'DOD NAS YANG DANG YANG DU PHO NYA BTANG STE SER SKYA'I YUL DU 'BYON DGOS PAR GSOL BA BTAB PA NA BCOM LDAN 'DAS KYIS YAB ZAS GTZANG MA DANG, SRU SKYA DGU'I BDAG MO DANG, BDUD RTZI ZAS DANG, BRE BO ZAS DANG, SGRA GCAN 'DZIN DANG, KUN DGA' BO LA SOGS PA SH'AKYA BGRANG BA LAS 'DAS PA DAG 'DUL BA'I DGOS PA NYE BAR GZIGS NAS 'CHAR KA PHO NYAR 'ONGS PA LA 'BYON PAR ZHAL GYIS BZHES

TE; DE BZHIN GSHEGS PA DGE SLONG GI DGE 'DUN DANG BCAS PA RGYAL PO'I PHO BRANG DU MI BZHUGS KYI, GRONG LAS 'PHAGS PA'I GTZUG LAG KHANG DU BZHUGS SO ZHES 'PHRIN DANG BCAS BTANG NGO, ,DE NAS BCOM LDAN 'DAS KYIS MO'U 'GAL GYI BU LA BKA' STZAL PA, DGE SLONG RNAMS LA BCOM LDAN 'DAS SER SKYA'I GZHIR GSHEGS TE YAB SRAS GDAN 'DZOM NA, KHYED CAG LAS YAB SRAS MJAL BA SU BLTA BAR SPRO BA DE DAG CHOS GOS LONGS SHIG, DES KYANG DE BZHIN DU BYAS NAS BCOM LDAN 'DAS 'KHOR DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG LHAN CIG 'BAB CHU RO HI KA'I 'GRAM DU BYON TE, GRONG KHYER CHEN PO SER SKYA DANG NYE BAR BYON PAR GYUR TO, ,DE LTAR BYON PA RGYAL PO ZAS GTZANG MAS THOS NAS RGYAL POS GANG YANG 'BAB CHU RO HI KA NAS N+YA GRO DHA'I KUN DGA' RA BA'I BAR GYI LAM SHIN TU MDZES PAR BYAS TE, SA PHYOGS YANGS SHING RGYA CHE BAR GDAN RNAM PAR BKRA BDAG SHOM DU BCUG GO ,SER SKYA'I GZHI'I RDO BA DANG, GYO MO DANG, GSEG MA RNAMS BSAL NAS, TZAN DAN GYI CHUS CHAG CHAG BTAB, DRI ZHIM PO'I SPOS PHOR NYE BAR BSHAMS, DAR GYI CHUN 'PHYANG MANG PO DBYANGS TE, SH'AKYA RNAMS LA BSGO BA, KHYED KYIS BZHON PA'I MCHOG RNAMS STA GON GYIS SHIG ,DE CI'I PHYIR ZHE NA, DE RING BDAG CAG RNAMS KYIS BCOM LDAN 'DAS MCHOG TU BLTA NA SDUG PA DE BLTA ZHING 'DOD DO, ,LHA; LEGS SO ZHES GSOL NAS SH'AKYA RNAMS KYIS THEG PA'I MCHOG RNAMS MYUR DU STA GON BYAS SO, ,DE NAS RGYAL POS SER SKYA'I GNAS DANG N+YA GRODHA'I KUN

, ,DGA' RA BA'I BAR DE DAG THAMS CAD RGYAL PO'I GSHEGS SHUL DU MNYAM PAR BYED DU BCUG CING BYE MA GTZANG MA BDAL BA LA ME TOG GIS BKRAM, DAR GYI LNGA LDI BRES, GAR MKHAN DANG, GLU MKHAN DANG, GLANG DANG, BUM RNGA THOGS PA DAG BKOD NAS, RGYAL PO ZAS GTZANG BZHON PA ZHON, SH'AKYA GZHON NU BRGYAD KHRI MANG POS BSKOR TE, RGYAL PO'I DPAL CHEN PO DANG MTHU CHEN POS SONG NGO, ,DE LA SH'AKYA KHA CIG GIS SHING RTA YANG SNGO LA DE 'DREN PA'I RTA YANG SNGO BA DANG, RGYAN RNAMS DANG DRIL BU G-YER KHA'I DRA BA YANG SNGO BA DANG, 'KHOR RGYAN SNGON PO CAN GYIS BSKOR BA, GDUGS DANG RAL GRI DANG, THOD DANG, NOR BU CAN GYI RNGA YAB DANG, LHAM YANG SNGON PO DANG LDAN PA, KHA TSAR MA BCAD PA'I RAS SNGON PO GYON PA, RGYAN SNGON PO THOGS PA'I ZHAL TA PA RNAMS ZHAL TA BYED PA RGYAN SNGON PO CAN GYI LCAGS THOGS PA'I KHRID PA DU MA DANG LDAN PA, RGYAL MTSAN SNGON PO BSGRENG BA, SHING RTA RE RE ZHING YANG RGYAN SNGON PO CAN GYI MI BRGYA PHRAG RE RES BSKOR BA DAG DANG, DE BZHIN DU KHA CIG SER BA DANG, KHA CIG DMAR BA DANG, KHA CIG DKAR BA DANG, KHA CIG KHRA BOR GYUR PA SHA STAG GO ,SHING RTAD DAG RE RE'I PHYI BZHIN DU GLANG PO CHE BRGYAD KHRI GSER GYI RGYAN DANG GSER GYI RGYAL MTSAN CAN, GSER GYI DRA BAS G-YOGS PA'I STENG DU RIN PO CHE SNA BDUN GYI KHANG PA BRTZEGS PA BRGYAD KHRI BZHAG NAS DONG BAR GYUR TO, ,DE'I RJES SU RTA GSER GYI RGYAN GYIS BRGYAN PA, GSER GYI DRIL BU G-YER KHA BRGYUS PA, RIN PO CHE SNA BDUN GYI RGYAN

DANG LDAN PA BRGYAD KHRI BSHAMS NAS DONG BAR GYUR TO, ,DE LTAR RGYAL PO ZAS GTZANG SH'AKYA'I TSOGS KYIS ZLA BA KHAMS PA BZHIN DU BSKOR TE BYUNG BA GZIGS NAS, BCOM LDAN 'DAS KYIS DGE SLONG RNAMS LA BKA' STZAL PA, SH'AKYA RNAMS SER SKYA'I GNAS NAS BYUNG BA DE DAG NI SUM CU RTZA GSUM GYI LHA SKYED MOS TSAL DU DONG PA DANG RJES SU MTHUN NO, ,DE NAS BCOM LDAN 'DAS DGE SLONG GI DGE 'DUN MTHU CHE BA LNGA SDE BZANG PO DANG, GRAGS SPYIN DANG, 'CHAR KA DANG, LTENG RGYAS 'OD SRUNGS DANG, GA YA 'OD SRUNGS DANG, CHU KLUNG 'OD SRUNGS DANG, 'OD SRUNGS CHEN PO DANG, SH'A RI'I BU DANG, MO'U 'GAL GYI BU CHEN PO LA SOGS BA DGE SLONG STONG NYIS BRGYA LNGA BCUS BSKOR ZHING, LHA RNAMS 'DU BAR DGONGS PA NA RGYAL PO CHEN PO BZHI DANG, LHA MA YIN GYI DBANG PO THAGS BZANG RIS DANG, MDOR NA 'DOD PA DANG GZUGS NA SPYOD PA'I LHA'I BU MTHU CHE BA RNAMS KYANG DER 'DUS SO, ,DE NAS BCOM LDAN 'DAS KYIS RGYAL PO ZAS GTZANG MA NGA RGYAL CHE BAR MKHYEN CING, ZHABS KYIS SER SKYA'I GZHIR GSHEGS NA SH'AKYA RNAMS KYANG MI GUS PA SKYE BAR DGONGS NAS PHYOGS BZHIR 'BAR BA DANG, 'OD 'BYIN PA DANG, CHU'I RGYUN 'BEBS PA LA SOGS MDZAD NAS RDZU 'PHRUL DE BTUL TE BCOM LDAN 'DAS TA LA BDUN GYI SRID TZAM NA BZHUGS SO, ,DGE SLONG RNAMS TA LA DRUG GI SRID CAM GYI BAR MTHO DMAN DU GYUR NAS RGYAL PO 'DUS PA'I KHYAMS DER GSHEGS SO, ,DE'I MDO LA BCOM LDAN 'DAS MI GANG LHAG TZAM GYI STENG GI BAR SRANG LA 'CHAG PAR MDZAD PA'I G-YAS PHYOGS NA TSANGS PA 'GRO'O, ,G-YON DU NI BRGYA

, ,BYIN NO, ,ZHABS 'BRING DU 'DOD LHA RIS BZHI POS GDUGS 'DZIN CING BSIL YAB KYIS G-YOB BO, ,RGYAL PO CHEN PO BZHIS NI SHAR NUB TU THAL MO SBYAR TE 'DUG GO ,LHA RNAMS KYIS RIN PO CHE'I KHANG PAS BAR SNANG GANG BAR BYAS SHING, ME TOG DANG SPOS KYI PHYE MAS MCHOD, GLU DBYANGS DANG SIL SNYAN DAG SGRA 'BYIN CING, SPOS KYI CHAR SPRIN DAG LAS SPOS KYI CHAR ZIM BU ZIM BU DAG BABS SO, ,DE NAS DGE SLONG RAB TU MANG PO DANG, CHO 'PHRUL DE LTA BU DAG MTHONG NAS, YAB RGYAL POS BCOM LDAN 'DAS GANG YIN PA MA SHES TE RMONGS PAR GYUR NAS NAG PO 'CHAR KA RGYAL PO'I ZHABS 'BRING NA GNAS PA DE LA DRIS PA, DUR SMRIG GYON PA'I RAB TU BYUNG BA MANG PO ZHIG YOD NA GZHON NU GANG YIN, NAG PO 'CHAR KAS BCOM LDAN 'DAS BSTAN NAS SMRAS PA, 'DI NI BCOM LDAN 'DAS LAGS MI DBANG DA GZIGS SHIG, DE NAS BCOM LDAN 'DAS KYI MTHUS LHA DANG MI DE DAG PHAN TSUN DU YANG MTHONG BAR GYUR CING RGYAL POS KYANG BCOM LDAN 'DAS DANG, BCOM LDAN 'DAS LA MCHOD PA BYED PA'I LHA RNAMS DANG LHA'I RIN PO CHE SNA BDUN GYI KHANG PA BRTZEGS PAS BAR SNANG GANG BA MTHONG NAS, BCOM LDAN 'DAS KYIS GSUNGS PA DE NI NGO MTSAR CHE STE, 'DI GZHON NU'I DUS SU NGA NI CHOS KYI DBANG PHYUG LA DBANG BYA'O ZHES GSUNG NA DE NI 'DI YIN PA LTA STE, BDAG NI MI'I 'KHOR CAN DU ZAD NA, BCOM LDAN 'DAS NI LHA DANG MI'I 'KHOR CAN DU GYUR TO SNYAM MO, ,SER SKYA'I GZHI NA GNAS PA'I SH'AKYA RNAMS DGE BA'I RTZA BAS BSKUL NAS THAMS CAD

BYUNG STE, CI YAB SRAS LA PHYAG BYED DAM, 'ON TE SRAS YAB KYI ZHABS LA PHYAG BYED PA BLTA'O SNYAM NAS THAMS CAD TSOGS PAR GYUR TO, ,DE NAS RGYAL PO CHEN PO ZAS GTZANG MAS BLA GOS RIN THANG MA MCHIS PA PHRAG PA GCIG TU BYAS, PUS MO G-YAS PA'I LHA NGA SA LA BTZUGS NAS RANG GI THOR TZUGS NOR BU DANG COD PAN GYIS BRGYAN PA BCOM LDAN 'DAS KYI ZHABS LA BTUD NAS PHYAG BTZAL TE TSIGS SU BCAD PA, BLO GROS YANGS PA KHYOD LA 'DI DANG NI, ,KUN SPYAD ZHABS LA LAN GSUM PHYAG BGYIS TE, ,BLTAMS PA'I TSE NA SA NI G-YOS PA DANG, 'DZAM BU'I GRIB MA SKU LAS MA 'DAS PA'O, ,ZHES GSOL PA DANG, DE LTAR YAB KYIS SRAS KYI ZHABS LA PHYAG BYAS PA DE'I TSE SH'AKYA RNAMS KYIS 'DI CI'I THA TSIG CES MA DAD PA DANG, RGYAL PO ZAS GTZANG MAS SH'AKYA DE RNAMS LA SMRAS PA, SHES LDAN DAG DA GDOD KHO BOS GZHON NU'I ZHABS LA PHYAG BYAS BA MA YIN TE, 'DI DANG LAN GSUM DU PHYAG BGYIS SO ZHES GO BAR BYAS SO, ,DE NAS BCOM LDAN 'DAS KYIS RDZU 'PHRUL DE BTUL NAS, DGE SLONG GI DGE 'DUN GYI DGUNG LA 'DOD PA'I LHA'I BU RNAMS KYIS SENG GE'I KHRI LHA'I RAS SNA TSOGS SU SPEL NAS BSHAMS PA LA BZHUGS TE, 'DOD LHA RNAMS KYIS STENG DU LHA'I BLA BRE BRES SHING, KHYAMS DER YANG LHA'I RAS BCOS BU BTING NGO, ,DE NAS RGYAL PO ZAS GTZANG SKAD 'DZER CING SNYING SDANGS LA MIG MCHI MAS GANG BZHIN DU TSIGS SU BCAD PAS ZHU BA ZHUS PA, GZHAL MED KHANG GI GNAS RNAMS SU, ,YAB KYI KHAB NA BZHUGS PA LAS, ,DGON

, ,PA 'JIGS DANG BCAS RNAMS SU, ,JI LTA BUR NI 'BA' ZHIG BZHUGS, ,BCOM LDAN 'DAS KYIS BKA' STZAL PA, MI YI BDAG PO GANG DU NI, ,KHYIM GYI 'CHING BA LAS GROL BA, ,'PHAGS PA YI NI GNAS PA BCUS, ,THUB PA RNAMS NI GNAS PAR MDZAD, ,CES SOGS RGYA CHER YAB DANG SRAS GNYIS DE LTA BU'I BKA'I 'BEL MCHID GLENG BAR MDZAD DE, DES RGYAL PO ZAS GTZANG DGA' NAS ZHABS LA PHYAG BYAS TE, BDE BAR GSHEGS PA LA KUN NAS RTOG CING 'DUG GO, DE NAS RGYAL PO ZAS GTZANG 'DI SNYAM DU SEMS TE, GANG BDAG GI BUS 'DI LTA BU'I YON TAN THOB PA NI BDAG GIS RNYED PA LEGS PAR RNYED DO SNYAM MO, DE NAS BCOM LDAN 'DAS KYIS N+YA GRO DHA'I KUN DGA' RA BAR 'KHOR DE DANG MTHUN BA'I CHOS BSHAD PAS ZAS DKAR LA SOGS PA SH'AKYA BDUN KHRI BDUN STONG GIS BDEN PA MTHONG NGO, ,DE'I SANG TSANGS PAS BSKOR BA'I SKYED MOS TSAL DU GSHEGS TE CHOS BSTAN PAS BRE BO ZAS LA SOGS PA SH'AKYA BDUN KHRI DRUG STONG GIS BDEN PA MTHONG NGO, ,SH'AKYA BDUD RTZI ZAS KYI BU GZHON NU KUN DGA' BO SKYES NAS LO DRUG LON PA BCOM LDAN 'DAS KYI RIM GRO BGYID PAR MTSAN MKHAN RNAMS KYIS LUNG BSTAN PA DE, BDUD RTZI ZAS KYIS CI NAS KYANG BCOM LDAN 'DAS KYI SPYAN SNGAR MI 'BAB PAR BYA'O SNYAM STE, YANGS PA CAN DANG SER SKYA'I GRONG KHYER GNYIS PHAN TSUN DU SKYEL BA DANG LEN PAR BYED DO, ,DE BCOM LDAN 'DAS KYIS DGONGS NAS SER SKYAR KUN DGA' BO'I PHYIR GSHEGS PA NA, BDUD RTZI ZAS

KYIS KUN DGA' BO KHANG PHRAN DU SBAS PA DANG, BCOM LDAN 'DAS KYI MTHUS SGO DBYE BAS KUN DGA' BO THAL BYUNG DU 'ONGS NAS BSIL YAB THOGS TE BCOM LDAN 'DAS LA G-YO BO, ,BCOM LDAN 'DAS GSHEGS BA NA RJES BZHIN 'BRANGS NAS SUS KYANG BZLOG MA NUS PAS BDUD RTZI ZAS KYIS DUS STON BYAS TE KUN DGA' BO GLANG PO CHE LA BSKYON NAS N+YA GRO DHA'I KUN DGA' RA BAR BTANG BA DANG GLANG PO CHES AUTPA LA'I CHUN PO ZOS PAS MTSAN MKHAN RNAMS KYIS GZHON NU 'DI THOS PA 'DZIN PA'I MCHOG TU LUNG BSTAN NAS BCOM LDAN 'DAS KYI SPYAN SNGAR PHYIN TE, 'OD SRUNGS STOBS BCU PA LAS RAB TU BYUNG DU BCUG GO ,KUN DGA' BO YANG DE NYID NAS BCOM LDAN 'DAS KYI ZHABS 'BRING DU 'BRANG ZHING 'DZUM PA LUNG BSTAN PA YANG ZHU'O, ,DE'I SANG RO HA TI KA'I SKYED MOS TSAL DU CHOS BSHAD PAS BDUD RTZI ZAS LA SOGS PA BDUN KHRI LNGA STONG GIS 'BRAS BU THOB BO, ,LHA SBYIN NI BCOM LDAN 'DAS LA MA GUS PAS KHA ZER RO, ,DE NAS RGYAL PO ZAS GTZANG MAS BCOM LDAN 'DAS GDUGS TSOD LA SPYAN DRANGS TE GDUGS TSOD GSOL NAS RGYAL POS GSER GYI BYA MA BUM BLANGS TE N+YA GRO DHA'I KUN DGA' RA BA PHUL NAS BCOM LDAN 'DAS KYIS YON BSNGO BA MDZAD DE GSHEGS NAS BCOM LDAN 'DAS SHING N+YA GRO DHA'I KUN DGA' RA BA DE NYID DU DBYAR GNAS MDZAD DE RGYAL PO ZAS GTZANG SH'AKYA'I TSOGS KYIS BSKOR NAS DUS GSUM DU BCOM LDAN 'DAS KYI SPYAN SNGAR CHOS NYAN DU 'GRO'O, ,DE'I TSE RGYAL PO ZAS GTZANG NI HA CANG ZHUM PA DANG SHIN TU DGA' BA'I SEMS DANG LDAN PAS 'BRAS BU MA THOB STE,

, ,DE LA BCOM LDAN 'DAS KYIS RGYAL PO ZAS GTZANG GI DGA' BA'I SEMS NGA'I BU 'BA' ZHIG RDZU 'PHRUL CHE'O SNYAM PA 'DI SPANG BA'I PHYIR MO'U 'GAL GYI BU CHEN PO LA BSKUL BA DANG, MO'U 'GAL GYI BUS RGYAL PO'I PHO BRANG DU PHYIN NAS RDZU 'PHRUL GYI CHO 'PHRUL BSTAN TE GDAN BSHAMS PA LA 'DUG GO, ,RGYAL POS SMRAS PA, MO'U 'GAL GYI BU, NYAN THOS RDZU 'PHRUL CHE BA GZHAN YANG MCHIS SAM, SMRAS PA, GZHAN YANG RDZU 'PHRUL CHE BA MANG DU MCHIS SO, , DE NAS RGYAL PO ZAS GTZANG BDAG GI BU 'BA' ZHIG RDZU 'PHRUL CHE BAR MA ZAD KYI, RDZU 'PHRUL CHE BA GZHAN YANG YOD DO SNYAM NAS SHIN TU DGA' BA'I BLO DANG BRAL TO, ,DE NAS RGYAL PO ZAS GTZANG GI ZHUM PA'I BLO SNGON BCOM LDAN 'DAS LHA DANG MI DANG LHA MA YIN GYIS MCHOD NA DA LTAR MI 'BA' ZHIG GIS MCHOD DO SNYAM PA DE SPANG BA'I PHYIR BCOM LDAN 'DAS LHA'I 'KHOR LA CHOS STON PAR BZHED DO, ,DE BRGYA BYIN GYIS SHES NAS N+YA GRO DHA'I KUN DGA' RA BAR RIN PO CHE SNA BZHI'I KHANG PA BRTZEGS PA GDAN SNA TSOGS BSHAMS PA ZHIG GYIS SHIG CES LHA'I BU BI SHVA KARMA LA BSGOS NAS DES DE BZHIN DU BYAS SO, ,SGO BZHIN NI RGYAL PO CHEN PO BZHI 'DUG GO ,DER BCOM LDAN 'DAS SPYAN DRANGS TE 'DOD GZUGS KYI LHA'I BU RNAMS DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI RNAMS KYIS BSKOR ZHING NYAN THOS CHEN PO RNAMS KYANG 'DUG GO ,PHYI ROL NA NI KUN TU RGYU DRUG KHRI 'DUS SO, ,DE'I

TSE BCOM LDAN 'DAS GDAN BSHAMS PA RIN PO CHE SNA TSOGS KYIS BRGYAN PA LA BZHUGS TE, YAB DANG SRAS MJAL BA BYANG CHUB SEMS DPA'I TING NGE 'DZIN DE KHO NA NYID NGES PAR BSTAN PA ZHES BYA BA STON PAR BZHED DO, ,DE NAS TSE DANG LDAN PA MO'U 'GAL GYI BUS KYANG RGYAL PO ZAS GTZANG MA KHRID DE GRONG KHYER SER SKYA NAS LHAS SPRUL PA'I GZHAL MED KHANG DER 'ONGS SO, ,MO'U 'GAL GYI BU NANG DU ZHUGS TE RGYAL PO ZAS GTZANG NANG DU 'JUG PAR BRTZAMS PA'I THOG MA SHAR SGO NAS DONG PA DANG, RGYAL PO YUL 'KHOR SRUNG SGO NA 'DUG NAS DAS NANG DU MA 'GRO SDOD CIG CES BZLOG GO ,DE CI'I PHYIR ZHE NA, BCOM LDAN 'DAS LHA'I 'KHOR DAG PA LA CHOS 'CHAD DE, DER MIR GYUR PA 'JUG TU MI DBANG PO, ,BZHIN BZANG KHYOD SU ZHIG, RGYAL PO CHEN PO, BDAG YUL 'KHOR SRUNG NGO, ,DE NAS RGYAL PO ZAS GTZANG GIS LHO DANG NUB DANG, BYANG CHUB ZHUGS PA DANG, RGYAL PO LHAG MA GSUM GYIS KYANG DE BZHIN DU BYAS SO, ,DE NAS RGYAL PO ZAS GTZANG KYE MA'O BCOM LDAN 'DAS LHA'I 'KHOR DAG PA LA CHOS 'CHAD PA DE BDAG GIS BLTA'O SNYAM PA'I 'DOD PA SKYES TE ZHUM PA'I RGYUD DE DANG BRAL LO, ,DE NAS BCOM LDAN 'DAS KYIS DGONGS PA RGYAL PO ZAS GTZANG GIS GAL TE NGA MA MTHONG NA KHRAG DRON MO SKYUGS NAS 'CHI BAR 'GYUR BA'I GNAS YOD PAR DGONGS NAS, RIN PO CHE'I KHANG PA BRTZEGS PA DE SHEL LAS BYAS PAR SPRUL PA DANG, RGYAL PO ZAS GTZANG GIS SANGS RGYAS KYI SKU SGRIB PA MED PA MTHONG NGO, ,MTHONG NAS KYANG DGA' BA

, ,DANG MGU BA SKYES NAS BCOM LDAN 'DAS KYI ZHABS GNYIS LA PHYAG BYAS TE PHYOGS GCIG TU 'DUG GO, ,DE NAS BCOM LDAN 'DAS KYIS LHA MA YIN GYI DBANG PO THAGS BZANG RIS MCHOD PA BYED DU 'JUG PA'I MTSAN MA MDZAD DO, ,DE NAS LHA MA YIN THAGS BZANG RIS DE RIN PO CHE SNA BDUN GYI SHING RTA LA ZHON NAS BCOM LDAN 'DAS LA MCHOD PA'I PHYIR SHING RTA DANG RTA RIN PO CHES BRGYAN PA LA LHA MIN GYI BU MO MANG PO 'KHOR DE MCHOD PA SNA TSOGS THOGS PA RIN PO CHE'I PHO BRANG BKRA BDAG BSHAMS NAS LHAG PAR GUS PAS BCOM LDAN 'DAS LA BSTOD CING PHUL LO, ,DE BZHIN DU LHA MIN DBANG PO STOBS LDAN DANG, SGRA GCAN LA SOGS PA DANG, BYA'I RGYAL PO 'DAB BZANG RNAMS KYIS KYANG MCHOD DO, ,DE NAS KLU'I BU MO RNAMS KYIS RIN PO CHE'I GDUGS DAG DANG, KLU'I RGYAL PO DGA' BO DANG, NYE DGA' BOS MU TIG DMAR POS SNYIM PA BKANG ZHING RIN PO CHE SNA BDUN GYI KHANG BZANG NA NOR BU SNA TSOGS LAS ME DANG CHU 'BAR 'DZAG BYED PA DAG BYAS SO, ,GRUL BUM RNAMS DANG RGYAL CHAN BZHI'I LHAS RIN PO CHE'I BLA BRE DAG DANG, DRI ZA RNAMS KYIS SA SRUNGS KYI BU'I STENG DU RDZING BU PADMAS GTAMS PA DAG DANG, MI'AM CI'I RGYAL PO LJON PAS RIN PO CHE SNA BDUN GYI KHANG PA GDUGS KYIS BRGYAN PA DAG DANG, BRGYA BYIN GYIS RIN PO CHE'I KHANG PA DANG, SA SRUNGS KYI BU'I STENG DU RDZING YOD PA DAG DANG, GZHAN YANG 'DOD GZUGS KYI LHA'I BU THAMS CAD KYIS MCHOD CING BSTOD PAS, BCOM

LDAN 'DAS 'DZUM PA MDZAD PA NA RTA THUL GYIS DE'I RGYU ZHUS PAS DE DAG BYANG CHUB TU LUNG BSTAN CING, KUN TU RGYU RNAMS KYANG SO SOR LUNG BSTAN TO, ,DE'I TSE YANG RGYAL PO ZAS GTZANG MA BU LA CHAGS PAS KUN TU DKRIS PA NA, BCOM LDAN 'DAS KYIS DE 'DUL BA'I TING NGE 'DZIN YAB SRAS MJAL BA'I MDO BSTAN PAS RGYAL PO ZAS GTZANG MA THEG PA CHEN PO LA RGYUN DU ZHUGS PA'I 'BRAS BU THOB NAS MTHAR GYIS SH'AKYA BDUN KHRI DANG LHAN CIG MI SKYE BA'I CHOS LA BZOD PA THOB PA DANG, BCOM LDAN 'DAS KYIS 'DZUM PA MDZAD PA NA RTA THUL GYIS DE'I RGYU ZHUS NAS BCOM LDAN 'DAS KYIS RGYAL PO ZAS GTZANG DANG SH'AKYA RNAMS BYANG CHUB TU LUNG BSTAN CING SH'A RI'I BU LA MDO 'DI BSGRAG PAR BYA'O ZHES BKA' STZAL TO, ,YAB SRAS MJAL BA'I TSE JI LTAR MDZAD PA'I RNAM THAR BZANG PO 'DI DAG LA LEGS PAR DPYOD SHES NA CHOS RNAM DAG CIG BYED PA LA TSE 'DI'I GNYEN NYE DU LA MA CHAGS BA ZHIG NGES PAR DGOS PA DANG, RANG GI GNYEN NYE DU DANG G-YOG 'KHOR DANG MDZA' BSHES JI LTA BU ZHIG YIN YANG DE LA PHAN PAR SEMS NA TSE 'DI'I CHE THABS DANG , SRID PA'I PHUN TSOGS LA MI SBYOR BAR KHYIM NAS KHYIM MED PAR RAB TU BYUNG STE, TSUL KHRIMS RNAM PAR DAG PA LA GNAS NAS DBEN PA'I GNAS SU LAM SGRUB PA LA SBYOR DGOS PA SOGS BYANG CHUB LAM GYI RIM PA'I SBYOR DNGOS RJES

, ,GSUM GYI GNAD RNAMS LA NGES PA BRTAN PO SKYE BAR 'GYUR RO, ,DE NAS BCOM LDAN 'DAS DGUNG LO BZHI BCU ZHE GCIG TU PHEBS PA LCAGS PHO BYI BA'I LO SUM CU RTZA GSUM DU PHEBS NAS DBYAR GNAS MDZAD DE, DE YANG 'DI LTAR, BCOM LDAN 'DAS YUM SGYU MA LHA MDZES SUM CU RTZA GSUM DU SKYE BA BZHES PA DE RJES SU GZUNG BAR BZHED PA DANG, GZHAN YANG LHA BGRANG BA LAS 'DAS PA ZHIG LA DGE BA'I RTZA BA YOD PAR GZIGS NAS SUM CU RTZA GSUM DU GSHEGS TE, CHOS BZANG LHA'I MDUN SAR BZHUGS NAS, GDUGS DKAR MO CAN GYI GZUNGS DBU'I GTZUG TOR NAS PHYUNG NGO, ,DE NAS LHA'I DGA' BA'I TSAL DU GSHEGS TE BRGYA BYIN DANG TSANGS PA SOGS SDE BRGYAD DANG, BLO GROS CHEN PO LA SOGS PA BYANG CHUB SEMS DPA' MANG PO DANG LHAN CIG GO ,DE'I TSE 'OD BKYE BAS STONG GSUM 'DI'I NGAN SONG THAMS CAD SDUG BSNGAL LAS GROL BA RNAMS BCOM LDAN 'DAS KYI SPYAN SNGAR NOR BU'I STENG DU 'KHOD NAS CHED DU BRJOD PA DANG, BRGYA BYIN GYIS GSOL PA, LHA'I RIS 'DI NAS LHA'I BU NOR BU DRI MA MED PA'I 'OD SHI 'PHOS NAS DGUNG BDUN LON LAGS NA GANG DU SKYES, BKA' STZAL PA, LHA'I DBANG PO, DE NI MNAR MED PA'I DMYAL BAR SKYES SO, ,BRGYA BYIN GYIS DE LA BSKYAB PAR ZHUS PAS NGAN SONG SPYOD BA'I BRTAG PA GSUNGS TE, BRGYA BYIN LA NGAN SONG SBYONG BA'I CHO GA BSTAN, BRGYA BYIN GYIS DE'I LUS DKYIL 'KHOR DU BCUG NAS DBANG

BSKUR BAS DE SKAD CIG GIS DMYAL BA LAS THAR NAS DGA' LDAN DU SKYES TE GTZANG MA'I RIS KYI LHA RNAMS DANG LHAN CIG DGA' BA'I TSAL DER 'ONGS NAS BCOM LDAN 'DAS DANG BRGYA BYIN LA CHED DU BRJOD CING MCHOD PA'I SPRIN GYIS MCHOD DO, , DE NAS BCOM LDAN 'DAS LHA'I SHING YONGS 'DU SA BRTOL GYI DRUNG DU AAR MO NIG STE LA BA DKAR PO LTA BU'I RDO LEB KYI STENG DU BZHUGS TE, SH'A RI'I BU, 'OD SRUNGS CHEN PO, K'A TYA'I BU CHEN PO, GANG PO, NAM GRU, RTA THUL, KA PI NA, GSUS PO CHE, RAB 'BYOR LA SOGS PA DGRA BCOM PA BRGYAD STONG DANG, KUN DGA' BO DANG THABS CIG TU DBYAR GNAS PA MDZAD, DE'I TSE BYANG CHUB SEMS DPA' MANG PO YANG 'DUS SHING YUM SGYU 'PHRUL CHEN MO YANG MCHOG TU DGA' BAR MDZAD LA, RGYAL BA'I SRAS LEGS PAR GNAS LA DBYIG LDAN GYI GZUNGS STZAL TO, ,DE'I TSE LHA RNAMS THAGS BZANG RIS KYI DPUNG DANG 'THABS PAS PHAM NAS BCOM LDAN 'DAS KYI DRUNG DU BRGYA BYIN SKRAG BZHIN DU 'ONGS TE ZHUS PAS RGYAL MTSAN RTZE MO'I DPUNG RGYAN GYI GZUNGS STZAL NAS DBUGS PHYUNG NGO, ,SPYAN RAS GZIGS KYIS LHA RNAMS MCHOD RTEN BGYID PAR 'TSAL NA, DE'I BSOD NAMS 'PHEL BA'I THABS ZHUS PAS, RTEN 'BREL SNYING PO GSUNGS SO, , LHA'I BU SHIN TU BRTAN PAS ZHAG BDUN NAS SHI STE DMYAL BAR SKYE'O ZHES PA'I SGRA THOS PA BRGYA BYIN LA SMRAS TE, DES ZHUS PAS GTZUG TOR RNAM PAR RGYAL BA NGAN 'GRO RNAM SBYONG GSUNGS PAS LHA'I BU DE'I SDIG PA DAG CING TSE SRINGS SO, ,

, ,DE'I TSE SA BCU PA 'BA' ZHIG DANG THABS CIG TU BZHUGS TE, BYAMS PAS 'DZAM BU GLING PA RNAMS KYI 'TSE BA ZHI BAR GSOL BAS, BCOM LDAN 'DAS KYIS ZHABS SA LA BRDABS SHING, SPRUL PA'I KHRO BO SPROS TE GDUG PA CAN RNAMS BTUL NAS MI G-YO BA'I RGYUD GSUNGS SO, ,LHA'I BU ZHIG SHI 'PHOS NAS PHAG TU SKYE BAR MTHONG BAS SKRAG STE BRANG BRDUNGS PA DANG, BCOM LDAN 'DAS NGER GSHEGS TE DKON MCHOG GSUM LA SKYABS SU SONGS SHIG GSUNGS, DES DE LTAR BYAS PAS YANGS PA CAN DU TSONG DPON ZHIG GI BUR SKYES TE MING SHES LDAN ZHES BTAGS SO, ,BCOM LDAN 'DAS SUM CU RTZA GSUM DU BZHUGS PA'I RING MO'U 'GAL GYI BU CHEN PO'I 'DZAM BU'I GLING DU BSTAN PA SKYONG PHYIR BZHUGS, SKYE PO PHAL PA SUS KYANG BCOM LDAN 'DAS GANG NA BZHUGS MA SHES PA NA RGYAL PO GZUGS CAN SNYING PO DANG GSAL RGYAL DANG, 'KHOR RNAMS BZHI RNAMS KYIS MO'U 'GAL GYI BU CHEN PO MNYAN YOD NA DBYAR GNAS PA LA DRIS PA, BCOM LDAN 'DAS GDAN BZHUGS, LHA'I GNAS NA BZHUGS SO, ,DE RNAMS DGA' STE, DBYAR ZLA BA GSUM RDZOGS PA DANG SLAR YANG MO'U 'GAL GYI BU'I GAN DU SONG NAS, DA NI BCOM LDAN 'DAS MA MTHONG NAS YUN RING ZHIG LON PAS, BDAG CAG GI TSIG GIS BCOM LDAN 'DAS SPYAN 'DREN DU GSOL, MO'U 'GAL GYI BUS SKAD CIG LA LHA'I YUL DU PHYIN TE, BCOM LDAN 'DAS LA 'KHOR BZHI PO'I TSIG GIS BSNYUN GSOL

NAS, BCOM LDAN 'DAS 'DZAM BU GLING PA RNAMS KYIS LHA'I GNAS SU 'DZEG MI NUS SHING LHA RNAMS LA 'DZAMBU'I GLING DU 'BAB PA'I MTHU MCHIS PAS, DA NI 'DZAMBU'I GLING DU GSHEGS SU GSOL ZHES DE DAG GI MCHID GSOL PA DANG, MO'U 'GAL GYI BU KHYOD SONG LA BCOM LDAN 'DAS DENG ZHAG BDUN NA GRONG KHYER GSAL LDAN GYI AA PA DZA RI'I NAGS SHING AU DUM WA RA'I DRUNG DU GSHEGS SO ZHES BSGO SHIG ,DES KYANG SKAD CIG LA 'DZAMBU'I GLING DU PHYIN NAS MI RNAMS LA GO BAR BYAS TE SLAR MNYAN YOD NAS SUM CU RTZA GSUM DU PHYIN TO, ,MA 'GAGS PAS RGYAL PO AU TR'A Y'A NA LA SBRAN PAS DE DGA' STE GRONG KHYER GSAL LDAN GTZANG MAR BYAS NAS MCHOD PA'I YO BYAD DAG BSHAMS SHING, 'KHOR RNAM BZHIS KYANG PHYOGS DE LHA'I DGA' TSAL BZHIN DU BYAS SO, ,DE NAS STON ZLA 'BRING PO'I TSES NYI SHU GNYIS LA BCOM LDAN 'DAS 'DZAMBU'I GLING DU ZHABS KYIS GSHEGS PAR BZHED PA NA, BRGYA BYIN GYIS BI SHVA KARMA LA BSGOS PAS DES THEM SKAS GSUM SPRUL TE, DBUS MA BEE d'URYA'I THEM SKAS LA BCOM LDAN 'DAS 'KHOR DANG BCAS PA GSHEGS SO, ,G-YAS PA GSER GYI THEM SKAS LA TSANGS PA GZUGS KYI LHAS BSKOR TE NOR BU'I RNGA YAB KYIS BCOM LDAN 'DAS LA G-YOB CING SONG NGO, ,G-YON PA SHEL GYI SKAS LA BRGYA BYIN 'DOD PA'I LHA RNAMS KYIS BSKOR TE GDUGS THOGS NAS SONG NGO, ,BCOM LDAN 'DAS KYIS BI SHVA KARMA'I CHED DU PHYED NI ZHABS KYIS BYON LA, MA DAD BA BZLOG PA'I PHYIR DU PHYED NI

, ,RDZU 'PHRUL GYIS BYON TE, DPAG TSAD BCU GNYIS MAN CHAD MI'I DRI MNAM PAS LHA RNAMS 'OD MI BZOD PA LA TZAN DAN GYI DRIS KHYAB PAR MDZAD CING, SKYES PAS LHA'I BU MO DANG BUD MED KYIS LHA'I BU MTHONG NA 'CHI BAR 'GYUR PAS SKYES PA RNAMS KYIS LHA'I BU MTHONG ZHING BUD MED RNAMS KYIS LHA'I BU MO MTHONG BAR MDZAD DE GRONG KHYER GSAL LDAN DU GSHEGS NAS BRGYA BYIN GYIS BSHAMS PA'I SENG GE'I KHRIL BZHUGS SO, ,DE'I TSE RGYAL PO AU TR'A YA NA DANG 'KHOR RNAM BZHIS BSUS SHING DRI ZA CHOS KYI PHRENG BAS PI WANG BRDUNGS PAS NYAN THOS CHEN PO RNAMS KYI LUS KYANG G-YOS SO, ,GNAS DER LHA DANG MI DAD PA CAN GYIS LHA LAS BABS PA'I MCHOD RTEN BANG RIM BZHI PA'AM BRGYAD PA NGOS RER GLO 'BUR DANG BCAS PA'I GLO 'BUR GYI DBUS NA THEM SKAS YOD PA BRTZIGS SO, ,DE NAS BCOM LDAN 'DAS DGUNG LO NGA BDUN LA BAB PA ME PHO 'BRUG GI LO MNYAN YOD DU CHO 'PHRUL CHEN PO STON PAR MDZAD DE, DE YANG 'DI LTAR STON PA MNGON PAR RDZOGS PAR SANGS RGYAS NAS LHA MI BGRANG BA LAS 'DAS PA ZHIG SMIN CING GROL BAR MDZAD, 'DZAM BU'I GLING GI RGYAL PO CHE DGU THAMS CAD KYIS STON PA NYAN THOS KYI DGE 'DUN DANG BCAS PA MCHOD PA NA RDZOGS BYED LA SOGS PA'I MU STEGS KYI STON PA DRUG PO PHRAG DOG GIS YID DKRUGS TE STON PA LA 'GRAN PAR 'DOD PA NA BDUD SDIG TO CAN GYIS KYANG MU STEGS KYI STON PA DRUG PO'I RGYUD BSKUL TE, STON PA LA 'GRAN PA'I BSAM

PA CHES CHER SKYES NAS RDZOGS BYED LA SOGS PA MU STEGS PA DRUG PO DES RGYAL PO GZUGS CAN SNYING PO'I DRUNG DU PHYIN TE, RGYAL PO BDAG CAG DANG GOO TA MA GNYIS KA SHES PAR SMRA BA YIN NA LHAN CIG RDZU 'PHRUL 'GRAN DU GZHUG PA'I RIGS SO, ,RGYAL POS BGAD DE KHYED RNAMS RE GLEN, SANGS RGYAS RDZU 'PHRUL CHEN PO DANG LDAN NA JI LTAR 'GRAN, STON PA DRUG GIS SMRAS PA, BDAG CAG GNYIS KYIS ZHAG BDUN NA RDZU 'PHRUL CHEN PO 'GRAN NA MNGON TE, BSGRUN PA'I 'OG TU GANG RGYAL BA GZIGS SHIG ,RGYAL POS KYANG BDAG GIS DE BZHIN BGYI NA KHYED SKYENGS KYIS DOGS SO, ,ZHES SMRAS TE, RGYAL POS BCOM LDAN 'DAS LA DON DE GSOL PA DANG, NGA NYID DUS MKHYEN NO ZHES GNANG NGO, ,RGYAL POS CHO 'PHRUL STON PA'I GNAS BYED DU BCUG PA NA, ZHAG BCUN GYI NYIN PAR BCOM LDAN 'DAS DGE 'DUN DANG BCAS PA YANGS PA CAN DU GSHEGS SO, ,STON PA DRUG GIS KYANG GOO TA MA'I CHO 'PHRUL GYIS BDAG MI THUB BO ZHES BYAS NA KHYED YID MI CHES KYIS CHO 'PHRUL 'GRAN PA'I DUS BYAS PA LAS BROS SO ZHES BSGRAGS NAS NGA RGYAL SKYES TE RJES SU BSNYAGS SHING RGYAL PO GZUGS CAN SNYING PO YANG BCOM LDAN 'DAS KYI RJES SU YANGS PA CAN DU DONG NGO, ,YANGS PA CAN PA RNAMS KYIS BCOM LDAN 'DAS BSUS SO, ,STON PA DRUG GIS LI TZA BYI RNAMS LA GOO TA MA DANG CHO 'PHRUL 'GREN PAR GNANG NA ZHAG BDUN NA 'GRAN NO, ,DE BCOM LDAN 'DAS LA GSOL PA DANG, NGA NYID KYIS DUS MKHYEN NO, ,

, ,ZHES GSUNGS NAS, SANG 'GRAN PA LAS DE RING BCOM LDAN 'DAS YUL KOO SHAMBIR RGYAL PO AU TRA YA NA CAN DU GSHEGS SO, ,DER YANG 'GRAN PAR ZHUS PA LAS YUL WARGAR RGYAL PO SHUN TZID LA CAN DU GSHEGS SO, ,DER YANG 'GRAN PAR ZHUS BA LAS, YUL TZAM PAR RGYAL PO AINDRA WA RMI CAN DU GSHEGS SO, ,DER YANG 'GRAN PAR ZHUS PA LAS W'A RA n'A SI'I RGYAL PO TSANGS BYIN CAN DU GSHEGS SO, ,DER YANG 'GRAN PAR ZHUS PA LAS, SER SKYAR SH'AKA RIGS CEN DU GSHEGS SO, ,STON PA DRUG PO YANG NGA RGYAL LHAG PAR SKYES TE, RGYAL PO GZUGS CAN SNYING PO LA GOO TA MA DANG RDZU 'PHRUL 'GRAN DU CHUG CIG CES YANG NAS YANG DU BSKUL LO, , RGYAL POS GAL TE KHYOD DON 'DI LAN GSUM GYI BAR DU ZER NA SPYUGS TE BTANG NGO, ,ZHES SMRAS PA DANG, DE RNAMS 'DI SNYAM DU RGYAL PO 'DI NI GOO TA MA'I PHYOGS BYED KYIS, RGYAL PO GSAL RGYAL DE GZU BO ZHIG YOD CES GRAG GI ; DE'I GAN DU 'GRO'O ZHES BCOM LDAN 'DAS KYI RJES BZHIN DU BSNYAGS SO, ,BCOM LDAN 'DAS KYANG MNYAN YOD DU BYON NAS RGYAL BYED TSAL DU BZHUGS SO, ,DE'I TSE RGYAL PO GZUGS CAN SNYING PO BZHON PA LNGA BRGYA DANG 'KHOR 'BUM BZHI KHRI DANG, LI TZA BYA BZHON PA LNGA BRGYA DANG 'KHOR BDUN KHRI DANG, AU TRA YAN 'KHRO STONG PHRAG BRGYAD KHRI DANG, SHUN TZI DA LA 'KHOR LNGA KHRI DANG, AINDRA WAR MI DRUG KHRI DANG, TSANGS BYIN BRGYAD 'BUM DANG, SH'AKA RIGS KHRI KHRAG

DGU PO DAG RJES SU 'BRANGS TE, MNYAN YOD KYI LJONGS YONGS SU GANG BAR GYUR TO, ,DE NAS STON PA DRUG GIS, RGYAL PO GSAL RGYAL LA SMRAS PA, DGE SBYOD GOO TA MA DANG BDAG CAG CHO 'PHRUL 'GRAN PAR DUS BYAS PA LAS, DUS LA BAB PA DANG BYOL ZHING BROS TE, DA NI 'KHOR MANG PO YANG RGYAL PO'I YUL DU TSOGS KYIS, RGYAL PO NI SA DANG 'DRA BAS BYAMS SDANG MED PA'I ZHAL CHE GCOD PA'I RIGS SO, ,GOO TA MA RGYAL NA BDAG CAG DE'I DBANG DU MCHIL, BDAG CAG RGYAL NA BDAG CAG DBANG BAR MDZOD CIG ,RGYAL POS SMROS PA, CI'I PHYIR KHYED LTA BU'I MA RABS CI YANG MI SHES PAS CHOS KYI RGYAL PO CHEN PO DANG CHO 'PHRUL 'GRAN PAR BYED KHYED PHAM KYIS DOGS SO, ,SMRAS PA KHYOD KYANG GOO TA MAS BLUS ZIN NAM BSGRUN NA MNGON PAR 'GYUR RO, ,RGYAL POS SMRAS PA, GAL TE DE LTA NA BDAG GIS BCOM LDAN 'DAS LA ZHU'O, ,DE NAS RGYAL PO GSAL RGYAL GYIS BCOM LDAN 'DAS LA LAN GSUM GYI BAR DU GSOL BAS, BCOM LDAN 'DAS KYIS MNYAN YOD 'DIR SNGON GYI SANGS RGYAS RNAMS KYIS CHO 'PHRUL CHEN PO BSTAN ZHING SKYE BO'I TSOGS CHEN PO'ANG ZHAG BDUN NA 'DU BAR MKHYEN NAS, RGYAL PO CHEN PO ZHAG BDUN NA DE BZHIN BYA YI KHYOD SONGS LA 'DI MA YIN PA YANGS PA DAG TU 'DUN KHANG RTZIGS SHIG ,DE NAS RGYAL POS STON PA DRUG LA DON DE SMRAS PA DANG, DE RNAMS BGROS PA GOO TAM 'BROS PA'AM GROGS TSOL BA GNYIS LAS GDON MI ZA BAR

, ,GROGS 'TSOL BAR 'GYUR BAS, BDAG CAG GIS KYANG GROGS BTZAL LO ZHES, GYAD YUL GYI KUN TU RGYU RAB BZANG GI DRUNG DU SONG STE BDAG CAG GI GROGS GYIS LA GOO TAM DANG RDZU 'PHRUL 'GRAN PAR GYIS SHIG ,RAB BZANG GIS SMRAS PA, KHO BO NYIN MO DAL 'BAB KYI MTSO 'GRAM NA GNAS NAS BSOD SNYOMS BSLANGS PA MA DROS PAR ZAB NA, SH'A RI'I BU'I DGE TSUL SKUL BYED KYIS PHYAG DRA KHROD BA KHYER BA MA DROS PA'I LHAS BKRUS NAS 'BUL ZHING DE'I CHU BDAG GI MGOR 'DEBS PAS, BDAG CAG DE'I YANG SLOB DANG YANG MI MNYAM NA, RDZU 'PHRUL CHEN PO DE KHYED KYIS RDZU 'PHRUL LA BOS PA MA LEGS SO, ,DE NAS STON PA DRUG GIS DE BOR NAS GANGS RI'I SUL NA GNAS PA'I DRANG SRONG LNGA BRGYA LA TSUL DE SMRAS PA DANG, DE RNAMS KYIS KHAS BLANGS TE 'ONG RAN PA'I TSE MTSAN MA STON CIG CES SMRAS SO, ,DE'I TSE BLON POS DBYEN BYAS PAS RGYAL PO GSAL RGYAL GYIS, MAS DBEN GYI GCUNG NAG PO'I YAN LAG BCAD DE SRANG DU DOR BA, DE'I GNYEN BSHES RNAMS KYIS STON PA DRUG LA 'DI SOS PA'I BDEN TSIG MDZOD CIG CES SMRAS PAS DE DAG SPOBS PA MED NAS CANG MI ZER RO, ,PHYOGS DER KUN DGA' GO 'ONGS PA LA DE BZHIN DU SMRAS PA DANG, DES BCOM LDAN 'DAS LA ZHUS PAS BDEN PA'I TSIG 'DI BYON SHIG CES BKA' STZAL PA BZHIN, KUN DGA' BOS KYANG DKON MCHOG GSUM MCHOG YIN PA'I BDEN PAS 'DI'I YAN

LAG SNGAR BZHIN DU GYUR CIG CES SMRAS PA DANG, NAG PO'I YAN LAG SNGA KHO BZHIN DU SOS PAS SKYE BO'I TSOGS KYIS KUN DGA' BOS MU STEGS 'PHAM PAR BYAS SO ZHES AA LA LA'I SGRA BO CHE BTON TO, ,NAG PO LA BCOM LDAN 'DAS KYIS CHOS BSTAN PAS PHYIR MI 'OD THOB NAS RGYAL PO GSAL GYIS KHYIM DU BKUG KYANG MA NYAN PAR DES KUN DGA' RAB DE NYID DU 'CHAG SA BYAS PAS DUM BU'I KUN DGA' RAB PAR MING CHAGS TE BCOM LDAN 'DAS LA BSNYEN BKUR ZHING RDZU 'PHRUL YANG GRUB BO, ,RGYAL PO GSAL RGYAL GYIS MNYAN YOD NAS RGYAL BYED TSAL GYI BAR DU CHO 'PHRUL CHEN PO'I 'DUN KHANG GOS BRGYA STONG RI BAS G-YOGS PA TZAN DANG GYI CHAG CHAG BTAB PA, BA DAN DANG RGYAL MTSAN BSGRENG BA, DAR GYI CHUN PHYANG DBYANGS PA, LHA RNAMS KYI DGA' BA'I TSAL BZHIN DU BYAS NAS, DER BCOM LDAN 'DAS KYI BZHUGS GDAN RIN PO CHES SPRAS PA'I GSER GYI SENG GE'I KHRI YANG BSHAMS SO, ,MU STEGS CAN GYI DGE BSNYEN RNAMS KYIS KYANG RANG GI 'BYOR PA DANG BSTUN PA'I GOS KYIS G-YOGS PA'I 'DUN KHANG DRUG DANG STAN DRUG KYANG BSHAMS PA LA STON PA DRUG SNGAR 'ONGS TE 'DUG NAS, LHA, BDAG CAG NI MCHIS LAGS NA DGE SBYONG GOO TA MA DGUG TU GSOL ZHES PHO NYA BTANG NGO, ,RGYAL PO 'KHOR DANG BCAS BAS KYANG DE THOS NAS CHO 'PHRUL CHEN PO'I 'DUN KHANG DU SONG NAS, BCOM LDAN 'DAS SPYAN 'DREN PAR BRAM ZE'I KHYE'U BLA MA BTANG BAS DGUN ZLA THA CHUNG GI YAR NGO'I

, ,TSES GCIG GI NYIN BCOM LDAN 'DAS DANG BA'I RGYAL PO LTAR NAM MKHA' LAS CHO 'PHRUL CHEN PO'I 'DUN KHANG DU GSHEGS SO, ,DE MTHONG NAS RGYAL PO GSAL RGYAL GYIS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN NAD NI KHYED KYI RES LA BAB KYIS STON CIG ,DE RNAMS KYIS SMRAS PA, LHA; SKYE BO'I TSOGS CHEN PO 'DIR 'DUS LAGS NA, CHO 'PHRUL CHEN PO 'DI CI DGE SBYONG GOO TA MA'AM BDAG CAG GANG GI LAGS SUS 'TSAL, DE NAS DUM BU'I KUN DGA' RAB PA'I RDZU 'PHRUL GYIS RI SPOS NGAD LDANG LAS SHING A'A MR'A 'DAB MA DKAR POS KLUBS PA BYA'I TSOGS SKAD 'BYIN PA BLANGS NAS CHO 'PHRUL CHEN PO'I 'DUN KHANG GI BYANG PHYOGS SU BZHAG CING KHYIM BDAG NGAN PA BZANG SBYIN GYI RDZU 'PHRUL GYIS LHA'I DPAG BSAM GYI SHING BLANGS NAS, LHO PHYOGS NGES SU BZHAG PA DANG, RGYAL POS STON PA DRUG LA SMRAS PA, BCOM LDAN 'DAS KYIS RDZU 'PHRUL BSTAN ZIN NAD KHYED KYIS STON CIG SMRAS PA, LHA; CHO 'PHRUL 'DI SU'I YIN PA SUS 'TSUL, DE'I TSE CHO 'PHRUL CHEN PO BLTA BAR SPRO BA'I SROG BA'I SROG CHAGS GRANGS MED PA DANG, NAM MKHA' LA LHA BRGYA STONG DU MA YANG 'DUS PA NA, BCOM LDAN 'DAS GTZUG LAG KHANG DU GSHEGS NAS SGO 'PHAR GYI GSEB NAS 'OD ZER PHYUNG BAS CHO 'PHRUL CHEN PO'I 'DUN KHANG THAMS CAD BSREGS PA DANG, STON PA DRUG GIS SMRAS PA, LHA; DA NI DGE SBYONG GOO TA MA'I 'DUN KHANG TSIG NA GAL TE DES RNGO THOG NA 'DIR

MCHIS LA ZHI BAR BGYID GRANG, DES RGYAL PO DANG BTZUN MO PHRENG LDAN MA DANG, DBYAR TSUL MA DANG, BTZUN MO'I 'KHOR PHYA MKHAN DRANG SRONG BYIN DANG, SO PHAG MKHAN MNA' MI DANG, MGON MED ZAS SBYIN DANG, TZAM PA MO SOGS DAD PA CAN MANG PO CANG MI ZER BAR SEMS KHONG DU CHUD NAS 'DUG CING, STON PA DRUG DANG DE'I SLOB MA RNAMS NI RAB TU DGA' BAR GYUR TO, ,SANGS RGYAS KYI MTHUS ME DES CHO 'PHRUL CHEN PO'I 'DUN KHANG GI DRI MA THAMS CAD BSREGS NAS RANG NYID ZHI STE 'DUN KHANG MDZES PAR GYUR PA DANG, RGYAL PO DGA' NAS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN GYIS DA NI KHYED KYIS STON CIG ,DE DAG SPOBS PA MED NAS CAD MI ZER RO, ,DE NAS BCOM LDAN 'DAS CHO 'PHRUL GYI 'DUN KHANG DU BYON PA LA RGYAL PO GSAL RGYAL GYIS THOG MAR MCHOD PA'I YO BYAD DANG ZHAL ZAS BSHAMS TE BSNYEN BKUR BA NA, BCOM LDAN 'DAS KYIS TSEMS SHING SA LA BTZUGS MA THAG TU SKYES NAS RIN PO CHE SNA BDUN GYI LJON PA CHU ZHING DPAG TSANG LNGA BRGYA PA, ME TOG SHING RTA'I 'PHANG LO TZAM PA, 'BRAS BRE LNGA SHONG BA'I BUM PA TZAM GYI 'BRAS BU CAN, DRI BSUNG DANG LDAN PA CHOS KYI SGRA 'BYUNG BA NYI 'OD ZIL GYIS GNON PA ZHIG SPRUL TO, ,'DI NAS BRTZAMS TE ZLA BA PHYED KYI BAR DU NYIN RE BZHIN CHO 'PHRUL RE MTHONG BA TZAM GYIS DAD PAR 'GYUR PA'I SKYE BO'I TSOGS GRANGS MED PA LA CHOS BSTAN PAS LAM GSUM LA SO SOR NGES PAR MDZAD DO, ,TSES

, ,GNYIS LA RGYAL PO AU TRA YA NAS BSNYEN BKUR BA NA, BCOM LDAN 'DAS KYI SKU'I G-YAS G-YON DU RIN PO CHE'I RI GNYIS SHIN TU MTHO BA MDZES PA KHA DOG LNGAR 'TSER BA, ME TOG DANG 'BRAS BU RAB TU RGYAS PA'I SHING SNA TSOGS SKYES PA G-YAS KYI RI LA 'BRAS RO BRGYA DANG LDAN PA SKYES PA LA MI MANG PO DAG YID BZHIN DU TSIM PAR ZA'O, ,G-YON GYI RI LA RTZVA BZANG BA SKYES PA LA DUD 'GRO'I TSOGS ZA ZHING TSIM PAR GYUR TO, ,TSES GSUM LA RGYAL PO SHUN TZID LAS BSNYEN BKUR BA NA, BCOM LDAN 'DAS KYIS ZHAL BSIL BA'I CHU SA LA DOR BA RIN PO CHE'I RDZING BU DPAG TSAD NYIS BRGYA PA RIN PO CHE SNA BDUN GYIS SPRAS SHING PADMA KHA DOG SNA TSOGS PAS GANG BA; DE DAG GI KHA DOG DANG RJES SU MTHUN PA'I 'OD ZER GYIS GNAM SA KUN SNANG BAR BYAS PAS 'KHOR THAMS CAD KYIS RDZING DE LA BLTA ZHING BSTOD DO, ,TSES BZHI LA RGYAL PO AINDRA WARMIS BSNYEN BKUR BA NA RIN PO CHE'I RDZING DE'I NGOS BZHIR YUR BA CHEN PO BRGYAD BRGYAD LA CHU 'BAB PA LAS CHOS KYI SGRA 'BYUNG BA PHYIR YANG 'KHOR ZHING RDZING NYID DU 'BAB PA SPRUL TO, ,TSES LNGA LA RGYAL PO TSANGS BYIN GYIS BSNYEN BKUR BA NA, BCOM LDAN 'DAS KYI ZHAL NAS GSER GYI 'OD BKYE BAS STONG GSUM GYI STONG CHEN PO'I 'JIG RTEN GYI KHAMS SNANG BAR BYAS TE, 'OD DES REG PA'I SEMS CAN KUN SDUG BSNGAL GSUM DANG SGRIB PA LNGA DANG BRAL NAS LUS DANG SEMS RAB TU BDE BAR GYUR TO, ,TSES DRUG LA

LI TZI BYI RNAMS KYIS BSNYEN BKUR BA NA BCOM LDAN 'DAS KYIS 'KHOR MANG PO DAG GCIG GI BSAM PA GCIG GIS SHES PA DANG SO SO'I DGE BA DANG MI DGE BA'I LAS KYANG RTOGS PAR MDZAD PAS THAMS CAD DGA' STE BSTOD DO, , TSES BDUN LA SH'AKYA RNAMS KYIS BSNYEN BKUR BA NA 'KHOR DE DAG SO SO 'KHOR LOS BSGYUR BA'I RGYAL POR GYUR TE RIN PO CHE SNA BDUN DANG BU STONG DANG LDAN ZHING RGYAL PHRAN DANG BLON PO RNAMS KYIS BSTI STANG BYED PAR MTHONG BAS SPRO BA SKYES SO; ;TSES BRGYAD LA BRGYA BYIN GYIS SPYAN DRANGS TE BCOM LDAN 'DAS KYIS ZHABS G-YAS PA DRI GTZANG KHANG GI NANG DU BSNUN MA THAG SA G-YOS PAS STON PA DRUG GIS GROGS SU SHOG CIG BYAS PA'I DRANG SRONG LNGA BRGYA POS BRDA BYAS PA'O SNYAM NAS DER DONG PA DANG, SKU LAS 'OD ZER BKYE BAS DE RNAMS KYIS BCOM LDAN 'DAS NYI MA LTAR MDZES PA MTHONG NAS DAD PAS RAB TU BYUNG NAS DGRA BCOM STE, BCOM LDAN 'DAS DGRA BCOM PA LNGA BRGYA DANG LHAN CIG CHO 'PHRUL CHEN PO'I 'DUN KHANG DU BYON NAS 'KHOR BRGYA PHRAG DU MA'I GUNG LA BRGYA BYIN GYIS BSHAMS PA'I SENG GE'I KHRI LA BZHUGS SO, ,DE'I TSE MO'U 'GAL GYI BU CHEN POS BDAG GI RDZU 'PHRUL GYIS MU STE GES 'DI RNAMS PHAM PAR BGYI'O, , BKA' STZAL PA MU STEGS 'DI RNAMS NGA RDZU 'PHRUL LA 'BOD PAS NGA NYID KYIS RDZU 'PHRUL BSTAN PAR BYA'O, ,ZHES GSUNGS NAS RGYAL PO GSAL RGYAL LA BKA' STZAL PA, DE BZHIN GSHEGS PA MU STEGS CAN DANG LHAN CIG TU RDZU

, ,'PHRUL STON PAR GSOL BA 'DEBS PA SU YIN, RGYAL PO STAN LAS LANGS TE THAL MO SBYAR NAS, BCOM LDAN 'DAS CI NAS KYANG RDZU 'PHRUL GYI CHO 'PHRUL BSTAN DU GSOL, BCOM LDAN 'DAS NYID KYI GDAN LAS MI SNANG BAR GYUR NAS, PHYOGS BZHIR GSHEGS PA DANG, BZHENGS PA DANG, BZHUGS PA DANG, GZIMS PA'I SPYOD LAM BZHI MDZAD CING 'OD ZER SNA TSOGS PA 'BYIN, SKU'I SMAD NAS ME 'BAR STOD NAS CHU'I RGYUN 'BEBS PA DANG, GO ZLOG PA DAG KYANG MDZAD DE, 'DI NI NYAN THOS DANG THUN MONG BA'I CHO 'PHRUL YIN NO ZHES GSUNGS NAS SENG GE'I KHRI LA BZHUGS PA LA, TSANGS PA DANG BRGYA BYIN GYIS G-YAS G-YON NAS MCHOD DE BSNYEN BKUR RO, ,YANG BKA' STZAL PA, RGYAL PO CHEN PO, DE BZHIN GSHEGS PA LA CHO 'PHRUL STON PAR GSOL BA 'DEBS PA SU YIN, GSAL RGYAL GYIS KYANG BDAG LAGS SO, ,ZHES GSOL TO, ,DE NAS BCOM LDAN 'DAS KYIS PHYAG SA LA REG PAS KLU RNAMS KYIS PADMA SHING RTA'I 'PHANG LO TZAM GSER GYI 'DAB MA STONG DANG LDAN PA RDO RJE'I ZE BA CAN PHUL BA SA BRTOL NAS PHYUNG BA DANG, BCOM LDAN 'DAS PADMA DE'I SNYING PO LA BZHUGS SO, ,DE BZHIN DU PADMA DE 'DRA BA RAB TU MANG PO BYUNG BA RE RE LA SPRUL PA'I SANGS RGYAS MANG PO BZHUGS PAS 'OG MIN GYI BAR DU GANG ZHING SANGS RGYAS DE DAG KHA CIG NI 'BAR, KHA CIG NI GSAL BAR MDZAD, KHA CIG NI CHAR 'BEBS, KHA CIG

NI GLOG 'BYIN, KHA CIG NI KUN SHES PA LUNG STON, KHA CIG NI ZHU BA ZHU, KHA CIG NI LAN 'DEBS, KHA CIG NI 'CHAG PAR MDZAD, KHA CIG NI BZHES, KHA CIG NI BZHENGS, KHA CIG NI BZHUGS, KHA CIG NI GZIMS TE, JI LTAR BYIS PA RNAMS KYIS KYANG SGRIB PA MED PAR SANGS RGYAS KYI SKU MTHONG BA DE LTAR BYIN GYIS BRLABS SO, ,YUL SO SO NAS LHAGS PA'I RGYAL PO 'KHOR DANG BCAS PA DANG, LHA DANG MI 'BUM PHRAG DU MA CHO 'PHRUL LA MIG MI 'DZUM PAR BLTA ZHING RGYUN MI 'CHAD PAR PHYAG 'TSAL, DGA' BA SKYES NAS ME TOG DANG SPOS KYI PHYE MA DAG GIS GTOR TO, ,SPRUL PA'I SANGS RGYAS RNAMS KYIS KYANG, BRTZAMS PAR BYA ZHING ZHES PA LA SOGS PA CHIGS SU BCAD PA DAG GSUNGS NAS, BCOM LDAN 'DAS KYIS DGE SLONG DAG CHO 'PHRUL CHEN PO MI SNANG BAR 'GYUR GYIS MTSAN MA ZUNGS SHIG ,CES GSUNGS PA'I MDO LA MI SNANG BAR GYUR TO, ,GSAL RGYAL GYIS STON PA DRUG LA SMRAS PA, KYE BCOM LDAN 'DAS KYIS NI CHO 'PHRUL BSTAN ZIN GYIS, KHYED RNAMS KYI RES LA BAB PAS STON CIG ,DE'I TSE RDZOGS BYED CANG MI SMRA BAR GNAG LHAS KYI BU LA GRU PHUG BYAS PAS, DES KYANG YANG DAG RGYAL BA CAN LA, DES KYANG MI PHAM PA LA, DES KYANG K'A TYA'I BU NOG CAN LA, DES KYANG GNYEN GYI BU LA, DES KYANG RDZOGS BYED LA BYAS SO, ,RGYAL POS LAN GSUM GYI BAR DU SMRAS KYANG CANG MI ZER BAR GCIG LA GCIG GRU PHUG BYED CING YUL YUL PO DANG ZHUM ZHUM

, ,POR GYUR NAS MGO SMAD CING SPOBS PA MED DE SEMS KHONG DU CHUD NAS 'DAR ZHING 'DUG GO ,DE NAS BCOM LDAN 'DAS KYI PHYAG GIS SENG GE'I KHRI MNAN PAS DE LAS BA LANG GI SKAD LTA BU'I SGRA CHEN PO GRAG MA THAG SRIN PO CHEN PO LNGA BYUNG NAS STON PA DRUG GI KHRI BA SHIG GO ,PHYAG NA RDO RJES NI RTZE LA ME 'BAR BA'I RDO RJE THOGS NAS STON PA DRUG GI MGOR GZAS SHING RLUNG DMAR DANG CHAR DRAG PO BTANG BAS STON PA DRUG PO SDANGS SHING 'JIGS SKRAG NAS BYER TE, GNAG LHAS KYI BU RI'I GSEB TU ZHUGS, YANG DAG RGYAL BA CAN NI RTZVA'I TSANG TSING DU, MI PHAM SKRA'I LA BA CAN NAGS THIBS POR, K'A TYA'I BU NOG CAN 'DUN KHANG DU, GNYEN GYI BU NI LHA KHANG DU ZHUGS SO, ,RDZOGS BYED NI RDZING DU LCEBS TE DMYAL BA CHEN POR SONG NGO, ,DE NAS RDZOGS BYED DANG MING GCIG PA'I SLOB MA'I GTZO BO ZHIG TSAB TU BSKOS TE, STON PA DRUG PO BRAM ZE'I GRONG DU BROS SO, ,DE DAG GI 'KHOR DGU KHRI SANGS RGYAS LA DAD NAS RAB TU BYUNG STE DGRA BCOM THOB BO, ,DE NAS BCOM LDAN 'DAS KYI BA SPU'I KHUNG BU BRGYAD KHRI NAS 'OD BKYE STE, 'OD RE RE LA PADMA'I STENG DU SPRUL PA'I SANGS RGYAS CHOS 'CHAD PA BZHUGS PAR BSTAN TO, ,DE NAS TSES DGU LA TSANGS PAS BSNYEN BKUR BA NA BCOM LDAN 'DAS KYI SKU TSANGS GNAS LA THUG GI BAR DU MTHO BA 'OD ZER GYIS GNAM SA GSAL BAR MDZAD DE CHOS BSTAN TO, ,TSES BCU LA RGYAL CHEN BZHIS BSNYEN BKUR BA NA SRID PA'I RTZE LA THUG GI BAR GYI SKU

LAS 'OD ZER 'BAR BAR GYUR TO, ,TSES BCU GCIG LA KHYIM BDAG MGON MED ZAS SBYIN GYIS BSNYEN BKUR BA NA SENG GE'I KHRI LA BZHUGS BZHIN DU SKU MI SNANG BAR MDZAD NAS 'OD BKYE STE CHOS BSTAN TO, ,TSES BCU GNYIS LA KHYIM BDAG TZI TAS BSNYEN BKUR BA NA BCOM LDAN 'DAS BYAMS PA'I TING NGE 'DZIN LA BZHUGS NAS GSER GYI 'OD BKYE BAS DES REG PA'I SEMS CAN KUN BYAMS PA LA GNAS PAR MDZAD DO, ,TSES BCU GSUM LA RGYAL PO SHUN CING LAS BSNYEN BKUR BA NA STON PA SENG GE'I KHRI LA BZHUGS PA'I SKU'I LTE BA NAS 'OD ZER GNYIS BYUNG BA, SKU LAS 'DOM BDUN TZAM DU NA MKHA' LA 'PHAGS NAS 'OD ZER GNYIS PO DE'I STENG NAS PADMA GNYIS BYUNG BA LA SPRUL PA'I SANGS RGYAS GNYIS BYUNG ZHING, DE GNYIS KYI LTE BA NAS KYANG 'OD ZER GNYIS GNYIS BYUNG STE TSUL DE 'DRA BAS STONG CHEN PO'I 'JIG RTEN GANG BAR SPRUL TO, ,TSES BCU BZHI LA RGYAL PO AU TRA YA NAS BSNYEN BKUR BA NA DES ME TOG GTOR BA DE DAG TSANGS PA'I 'JIG RTEN LA THUG PA'I RIN PO CHE'I SHING RTA GSER LTAR 'BAR BA NOR BU RIN PO CHES SPRAS PA STON GNYIS BRGYA LNGA BCUR GYUR CING, DE RE RE'I STENG DU SPRUL PA'I SANGS RGYAS RE RE BZHUGS TE 'OD KYIS STONG GSUM MTHONG BAR MDZAD DO, ,TSES BCOM LNGA'I NYIN RGYAL PO GZUGS CAN SNYING POS BSNYEN BKUR BA NA SNOD THAMS CAD ZAS RO BRGYA DANG LDAN PAS GANG STE CHO 'PHRUL BLTA BA'I 'KHOR THAMS CAD TSIM PA DANG, BCOM LDAN 'DAS KYIS PHYAG SA LA REG

, ,PAS DMYAL KHAMS BCO BRGYAD KYI SEMS CAN SDUG BSNGAL SNA TSOGS MYONG BA ME 'BAR BAS SREG PA SOGS SDUG BSNGAL GYIS MNAR BA NGAG BDAG CAG SDUG BSNGAL 'DI LTA BU MYONG NGO ZHES SMRA BA 'KHOR RNAMS KYIS MTHONG ZHING THOS PAS SKRAG CING SNYING RJE SKYES LA, DMYAL BA PA RNAMS KYIS KYANG SANGS RGYAS MTHONG ZHING SANGS RGYAS KYI PHYAG SOR LNGA LAS GSER BTZOM LTA BU'I 'OD ZER THON NAS 'OD DES DMYAL BA PA RNAMS KYI LUS LA REG BA TZAM GYIS SDUG BSNGAL RNAMS ZHI ZHING CHOS THOS MA THAG MTHO RIS SU SKYES SO, ,DE LTAR STON BAS MNYAN YOD DU CHO 'PHRUL CHEN PO BSTAN PA NA LHA DANG MI DAD PA CAN DAG GIS GNAS DER CHO 'PHRUL BSTAN PA'I MCHOD RTEN DBYIBS GRU BZHI BANG RIM BZHI PA PHYOGS RER GLO 'BUR DANG BCAS PA BRTZIGS SO, ,DE NAS RIM GYIS LHA DANG MI'I YUL SNA TSOGS SU CHOS KYI 'KHOR LO MTHA' YAS PA BSKOR, DE NAS BYA RGOD PHUNG PO'I RIR PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG BA LAS 'DAS PA DANG, NYAN THOS BGRANG BA LAS 'DAS PA DANG LHA DANG KLU LA SOGS PA'I GDUL BYA BA GRANG BA LAS 'DAS BA LA SHER PHYIN GYI MDO SDE RIN PO CHE BKA' STZAL TE, DE LA BKA' BAR PA MTSAN NYID MED PA'I CHOS 'KHOR ZHES BRJOD DO, ,DE NAS YUL GZHAN DANG GZHAN DU TING NGE 'DZIN RGYAL PO'I MDO DANG, SANGS RGYAS PHAL PO CHE DANG, 'PHAGS

PA DKON MCHOG BRTZEGS PA CHEN PO SOGS BKA' BAR PA'I SDER GTOGS KYI MDO MTHA' YAS PA GSUNGS, DE NAS YANGS PA CAN LA SOGS PAR MDO SDE DGONGS 'GREL SOGS BKA' THA MA'I SDER GTOGS KYI MDO RNAMS GSUNGS, GSANG SNGAGS KYI CHOS 'KHOR BSKOR TSUL NI, BYA RGOD PHUNG POR SHER PHYIN GYI MDO GSUNG BA DANG DUS MNYAM DU DPAL LDAN 'BRAS SPUNGS KYI MCHOD RTEN DU DPAL DUS KYI 'KHOR LO SOGS SNGAGS BLA MED KYI CHOS MTHA' YAS PA GSUNGS, DE BZHIN DU RI RAB KYI RTZE DANG, SUM CU RTZA GSUM GYI GNAS DANG, DGA' LDAN GYI GNAS DANG, GNAS GTZANG MA LA SOGS PA'I LHA GNAS MANG PO DANG, KLU'I GNAS DANG, GNOD SBYIN GYI GNAS DANG, AOO d'I YA NA LA SOGS PA'I 'DZAM BU'I GLING GI GNAS KHYAD PAR CAN MANG POR GSANG SNGAGS RGYUD SDE BZHI'I CHOS MTHA' YAS PA GSUNGS SO, ,DE LA BLUN RMONGS 'GA' ZHIG 'DI SNYAM DU STON PA THUB PA'I DBANG POS MDO PHYOGS KYI CHOS RNAMS GSUNGS PA YIN GYI SNGAGS KYI RGYUD RNAMS MA GSUNGS SO SNYAM DU SEM ZHING DE SKAD DU SMRA BA NI RNAM PAR MI 'TSAM PA'I BAB COL TE, STON PAS SUM CU RTZA GSUM DU DBYAR GNAS MDZAD PA'I TSE CHOS BZANG LHA'I MDUN SAR DBU'I GTZANG TOR NAS 'PHAGS MA GDUGS DKAR MO CAN GZHAN GYIS MI THUB PA MCHOG TU GRUB PA'I GZUNGS BKA' STZAL TE, DE NAS BZUNG STE BYA RGYUD DE BZHIN GSHEGS PA'I RIGS

, ,'PHAGS MA GDUGS DKAR CAN GYI DBANG DANG GDAMS NGAG DA LTA'I BAR DU RGYUN MA CHAD BAR YOD DO, ,YANG BCOM LDAN 'DAS RI BO PO TA LAR PHEBS PA'I TSE THUGS RJE CHEN PO SENG GE SGRA'I GZUNGS GSUNGS SHING GZHAN YANG THUGS RJE CHEN PO DON YOD ZHAGS BA'I GZUNGS DANG, THUGS RJE CHEN PO PHYAG STONG SPYAN STONG GI GZUNGS SOGS BYA BA'I RGYUD MANG DU GSUNGS SHING, BYA RGYUD PADMA'I RIGS KYI DBANG DANG GDAMS NGAG KYANG DA LTA'I BAR DU RGYUN MA CHAD PAR YOD DO, ,YANG STON PAS RGYAL PO MA SKYES DGRA'I SDIG SGRIB SBYONG BA'I CHED DU BYA RGYUD RDO RJE'I RIGS RNAM 'JOMS KYI RGYUD GSUNGS SHING DE'I GDAMS NGAG KYANG RGYUN MA CHAD BAR YOD DO, ,GZHAN YANG DAM TSIG GSUM BKOD SOGS BYA BA'I RGYUD MTHA' YAS PA GSUNGS PA YONGS SU GRAGS PA LTAR DANG, SPYOD RGYUD RNAM SNANG MNGON BYANG DANG LAG NA RDO RJE DBANG BSKUR BA'I RGYUD SOGS GSUNGS PA DANG, RNAL 'BYOR GYI RGYUD RDO RJE DBYINGS KYI DKYIL 'KHOR DANG, DE NYID BSDUS PA SOGS MNGON PAR BYANG CHUB BA'I DUS SU 'OG MIN DU GSUNGS PA DANG, SUM CU RTZA GSUM DU DBYAR GNAS MDZAD PA'I TSE LHA'I BU NOR BU DRI MA MED PA SHI NAS DMYAL BAR SKYES PA BRGYA BYIN GYIS MTHONG NAS BCOM LDAN 'DAS LA DE NGAN SONG LAS THAR BA'I THABS ZHUS PAS, BCOM LDAN 'DAS KYIS NGAN SONG YONGS SU SBYONG BA'I RGYUD GSUNGS NAS BRGYA BYIN

LA DE'I GDAMS NGAG GNANG NAS BRGYA BYIN GYIS NGAN SONG SBYONG BA'I CHO GA BYAS PAS LHA'I BU DE DE MA THAG DMYAL BA NAS THAR TE LHA GNAS GONG MAR SKYES NAS STON PA LA BKA' DRIN DRAN PA'I DAD GUS CHEN POS PHYAG DANG MCHOD PA BYAS TE, AE MA SANGS RGYAS RNAMS KYI NI, ,SNGAGS KYI BYIN RLABS YA MTSAN CHE, ,GANG PHYIR MTSAMS MED LHUNG BA YI, ,SEMS CAN LHA GNAS MYUR DU SKYES, ,ZHES CHED DU BRJOD PA YONGS SU GRAGS PA LTAR DANG, RNAL 'BYOR BLA NA MED PA'I RGYUD STON PAS GSUNGS PA NI, BCOM LDAN 'DAS KYIS NAG PA'I NYA LA DPAL LDAN 'BRAS SPUNGS KYI MCHOD RTEN CHEN POR SHAM BHA LA'I RGYAL PO ZLA BA BZANG POS GSOL BA BTAB NAS 'KHOR BYE BA PHRAG DU MA LA DUS 'KHOR GYI RGYUD GSUNGS SHING RDO RJE 'JIGS BYED CHEN PO'I RTZA BA'I RGYUD LA SOGS PA BLA MED KYI RGYUD PHAL MO CHE GSUNGS NAS GSANG BA'I BDAG PO PHYAG NA RDO RJE LA RGYUD GTAD PAR MDZAD PA DANG, GZHAN YANG BLA MED KYI RGYUD THAMS CAD KYI RAB DANG PHUL DANG RTZE MOR GYUR PA NI DPAL GSANG BA 'DUS PA'I RGYUD YIN PAR GRUB CHEN THAMS CAD MTHUN PAR GSUNGS LA, GSANG BA 'DUS PA'I RGYUD BCOM LDAN 'DAS KYIS GSUNGS PA NI 'DUS PA'I GLENG GZHIR, BCOM LDAN 'DAS RDO RJE BTZUN MO'I BHA GA'I DBYIBS CAN GYI CHOS 'BYUNG GI NANG GI GZHAL YAS KHANG GI DBUS SU BZHUGS NAS NAM MKHA'I DBYINGS THAMS CAD YONGS SU GANG BA'I 'KHOR GYI TSOGS LA 'DUS

, ,PA'I RGYUD GSUNGS PAR BSHAD CING, RTZA RGYUD LE'U BCU BDUN PAR RJE BTZUN BYAMS PA MGON PO DANG PHYAG NA RDO RJE LA SOGS PA'I 'KHOR RNAMS KYIS BCOM LDAN 'DAS LA 'DI SKAD GSOL TE , BRJOD KYIS MI LANG BA'I YANG BRJOD KYIS MI LANG BA BSKAL PA GRANGS MED PA 'DAS PA'I SNGON RAL TU DE BZHIN GSHEGS PA MAR ME MDZAD 'DAS PA NAS BZUNG 'OD SRUNGS KYI BAR DU SANGS RGYAS RNAMS KYIS BLA MED KYI RGYUD MA GSUNGS PA LA BCOM LDAN 'DAS NYID KYIS GSUNGS PA LA NGO MTSAR CHE BA'I BSNGAGS PA RGYA CHER BRJOD PA LTAR DANG, BCOM LDAN 'DAS KYIS AOO d'I YA NA'I YUL DU RGYAL PO AINDRA BH'U TI RJES SU BZUNG BA'I PHYIR DU GSANG BA 'DUS PA'I RGYUD GSUNGS SHING PHYAG RDOR LA RGYUD GTAD BAR MDZAD, DER RGYAL PO AINDRA BHU TIS KYANG BSGOMS NAS TSE GCIG NYID LA ZUNG 'JUG GRUB PAR GRUB CHEN THAMS CAD MTHUN PAR GSUNGS PA LTAR RO, ,DE LA 'DI SNYAM DU BLA MED KYI RGYUD PHAL CHER DU RDO RJE 'CHANG GIS GSUNGS ZHES 'BYUNG GI ,BCOM LDAN 'DAS SH'AKYA THUB PAS GSUNGS ZHES MI 'BYUNG BAS BCOM LDAN 'DAS KYIS GSUNGS PA MIN NO ZHE NA, DE NI RNAM PAR MA BRTAGS PA'I GTAM STE, BCOM LDAN 'DAS KYIS LONGS SKU'I CHA LUGS KYIS DKYIL 'KHOR GYI GTZO BOR BZHENGS NAS RGYUD GSUNGS PA RNAMS BCOM LDAN 'DAS KYIS GSUNGS PA MIN ZHES JI LTAR SMRA, BCOM LDAN 'DAS KYIS CHA LUGS BSGYUR NAS

CHOS BSTAN PA 'DUL BA LUNG NA YANG SNANG STE, MTHA' 'KHOB KYI RGYAL PO KA PI NAS GRONG KHYER CHEN PO DRUG GI RGYAL PO THAMS CAD DANG, KHYAD PAR RGYAL PO GSAL RGYAL LA CHED DU DMIGS PA'I PHO NYA BTANG BA, KHYED RNAMS ZHAG BDUN NA NGA 'PHRAD PAR SHOG CIG ,DE LTAR MA 'ONGS NA DMAG DRANGS TE KHYED KYI YUL MED PAR BYED DO ZHES SPRINGS PA DANG, PHO NYA DES GRONG KHYER LDANG PHYIN TE GTAM DE SMRAS PA DANG, DE RNAMS SKRAG NAS MNYAN YOD DU LHAGS TE RGYAL PO GSAL RGYAL LA DON DE SMRAS BA DANG, PHAN TSUN BGROS TE BCOM LDAN 'DAS KYI SPYAN SNGAR PHYIN NAS DON DE ZHUS PA NA BCOM LDAN 'DAS KYIS PHO NYA DE NGA'I GAN DU THONGS SHIG CES GSUNGS BAS RGYAL PO GSAL RGYAL SOGS KYIS PHO NYAL NGED LAS LHAG PA'I 'PHRUL GYI RGYAL PO ZHIG BZHUGS PAS DE'I GAN DU SONGS SHIG ,DES RGYAL BYED TSAL DU SONG BA DANG, BCOM LDAN 'DAS 'KHOR LOS SGYUR BA'I CHA BYAD DU BZHUGS PA LA PHRIN YIG DE PHUL BA DANG, 'PHRUL GYI RGYAL POS YI GE DE RDOG PAS MNAN NAS, PHO NYA LA 'DI SKAD CES BKA' STZAL TO, ,NGA NI RGYAL PO CHEN PO GLING BZHI LA DBANG BA YIN NO KHYOD KYI RGYAL PO GLEN PA DE CI'I PHYIR BKA' MI NYAN, KHYOD SONGS LA NGAS 'DI SKAD CES BKA' STZAL TO, ,ZHES GYIS SHIG ,KHYOD ZHAG BDUN NA NGA'I GAN DU SHOG CIG ,DE MA 'ONGS NA KHRIMS LA SBYAR RO, ,ZHES GYIS SHIG,

, ,CES BSGO NAS BTANG BA NA, RGYAL PO KA PI NA MNYAN YOD DU LHAGS BA NYI 'OG GI RGYAL PO RNAMS KYIS KA PI NA BSUS TE RGYAL BYED TSAL DU PHYIN PA NA, DE'I TSE RGYAL BYED TSAL LHA'I GRONG KHYER BLTA NA SDUG 'DRA BAR SPRUL ZHING BCOM LDAN 'DAS KYANG 'KHOR LOS SGYUR BA'I CHA LUGS SU BZHUGS, MO'U 'GAL GYI BU CHEN PO NI BLON PO RIN PO CHER SPRUL TO, ,DE RGYAL PO KA PI NA CHEN POS MTHONG BA DANG, 'DI BDAG LAS BYAD GZUGS NI LHAG NA STOBS NI JI 'DRA BA ZHIG SNYAM PA DANG, BRGYA BYIN GYIS DBANG PO'I GZHU KHYER TE KHA LO BA'I CHAS SU BYAS NAS BLON PO CHEN PO LA PHUL LO, ,BLON POS KYANG RGYAL BO'I BKAS GSAR SA'I RGYAL PO LA BYIN BA DANG DES BLANGS KYANG MA THEG GO ,DE NAS 'PHRUL GYI RGYAL POS GZHU DE BLANGS TE MTHE CHUNG GIS BDUNGS NAS KA PI NA LA 'GENGS SU BCUG PA DANG, DES BSGUL BAR YANG MA NUS NAS 'PHRUL GYI RGYAL PO BCOM LDAN 'DAS KYIS GNAM RU DE'I GZHU RGYUD SBRENGS PA TZAM GYIS SA G-YOS MDA' GCIG 'PHANGS PAS LCAGS KYI RNGA BO CHE BDUN THAL PHYUNG DU SONG NAS MDA' LNGAR GYUR TE, DE DAG GI RTZE MO LAS 'OD ZER GRANGS MED PA BYUNG NAS 'OD ZER RE'I RTZEL 'KHOR LOS SGYUR BA'I RGYAL PO RE RE BYUNG NGO, ,'OD ZER DE DAG GIS SEMS CAN SO SO'I DON BYAS SHING CHEN DU BRJOD PA DANG CHOS STON PA'I SGRA DAG KYANG GRAG GO ,

DE NAS RGYAL PO KA PI NA STOBS KYI DREGS PA ZHI NAS AE MA 'DI CI ZHIG SNYAM PA DANG, BCOM LDAN 'DAS KYIS DE DANG MTHUN PA'I CHOS BSTAN PAS BDEN PA MTHONG NGO, ,DE NAS BCOM LDAN 'DAS RANG BZHIN GYI SKUR MDZAD BA DANG, RGYAL PO KA PI NA BLON PO KHRI BRGYAD STONG DANG LHAN CIG RAB TU BYUNG NAS DGRA BCOM PAR GYUR TE, TSE DANG LDAN PA KA PI NA CHEN POR GRAGS SO, ,DE LA RGYAL PO KA PI NA 'KHOR LOS BSGYUR BA'I RGYAL POS BTUL BA YIN GYI, BCOM LDAN 'DAS KYIS BTUL BA MIN ZHES SHES LDAN SU ZHIG SMRA, BCOM LDAN 'DAS SH'AKYA THUB PAS GSUNGS ZHES PA'ANG BLA MED KYI RGYUD LA MANG DU SNANG STE, DUS KYI 'KHOR LO'I RGYUD, BCOM LDAN 'DAS SH'AKYA THUB PAS GSUNGS PA NI YONGS SU GRAGS PA LTAR DANG, DUS 'KHOR GYI RGYUD LA SOGS PA BLA MED KYI RGYUD MANG PO ZHIG GI RTZA BA NI 'JAM DPAL MTSAN BRJOD YIN BAR GRAGS LA, MTSAN BRJOD LAS, DE NAS BCOM LDAN SH'AKYA THUB; ;GSANG SNGAGS RIGS CHEN THAMS CAD DANG, ,GSANG SNGAGS GSOR tA SNGAGS 'CHANG BA'I RIGS, ,RIGS GSUM LA NI RNAM PAR GZIGS, ,'JIG RTEN 'JIG RTEN 'DAS PA'I RIGS, ,'JIG RTEN SNANG BYED RIGS CHEN DANG, ,PHYAG RGYA CHEN PO'I RIGS MCHOG DANG, ,RIGS CHEN GTZUG TOR CHER GZIGS NAS, ,TSIG GI BDAG POS TSIGS SU BCAD, ,GSANG SNGAGS RGYAL PO DRUG LDAN ZHING, ,GNYIS SU MED PAR 'BYUNG BA DANG, ,

, ,MI SKYE CHOS CAN 'DI GSUNGS PA, ,ZHES DANG, 'PHAGS PA 'JAM DPAL GYI DON DAM PA'I MTSAN YANG DAG PAR BRJOD PA, BCOM LDAN 'DAS SH'AKYA THUB PAS GSUNGS PA RDZOGS SO, ,ZHES 'BYUNG BA LTAR RO, ,YANG BDE MCHOG GI RGYUD KYANG BCOM LDAN 'DAS SH'AKYA THUB PAS GSUNGS PA NI, BDE MCHOG GI BSHAD RGYUD MKHA' 'GRO RGYA MTSO LAS, RTZOD PA'I DUS SU SH'AKYA SENG GES GSUNGS PA ZHES GSAL BAR GSUNGS PA LTAR RO, ,DES NA BYANG CHUB LAM GYI RIM PA LA SNYING NAS NYAMS LEN BYA BAR 'DOD BDAG GIS BLUN PO'I 'CHAL GTAM LA YID GTAD PAR MI BYA BAR LAM GYI RTZA BA BSHES GNYEN BSTEN TSUL NAS BZUNG, MTHAR SNGAGS LAM GYI 'BRAS BU MTHAR THUG ZUNG 'JUG GRUB PA'I BAR THAMS CAD STON PA THUGS RJE CAN SH'AKYA'I RGYAL PO NYID KYIS BSTAN PA YIN PAR NGES PA GTING NAS 'DRONGS PAR BYAS LA, RGYAL BA'I BKA' LAS LHAG PA'I GDAMS NGAG MED PAR SHES PAR BYAS LA RGYAL BA'I BKA' NYID GDAMS PA'I MCHOG TU YID CHES PAR BYA'O, ,DE LTAR STON PA THUGS RJE CAN SH'AKYA'I RGYAL POS SDE SNOD GSUM DANG, RGYUD SDE BZHI'I CHOS MTHA' YAS MU MED PA ZHIG BKA' STZAL PA DE DAG KYANG, JI SKAD DU, LHA YI SKAD DANG KLU DANG GNOD SBYIN SKAD, ,GRUL BUM DAG DANG MI YI SKAD RNAMS DANG, ,'GRO BA KUN GYI SGRA RNAMS JI

TZAM PA, ,THAMS CAD SKAD DU BDAG GIS CHOS BSTAN TO, ,ZHES GANG GSUNGS PA LTAR, LHA DANG KLU LA SOGS PA 'GRO BA RANG RANG GI SKAD DANG MTHUN PAR STON PAR MDZAD CING GSUNG GCIG NYID 'GRO BA RANG RANG GI SKAD DANG MTHUN PAR GO BA DANG, RANG RANG GI DBANG PO DANG BSAM PA DANG 'TSAMS PA'I CHOS MTHA' YAS PA 'BYUNG BA DANG, SKU'I BA SPU'I KHUNG BU RE RE NAS KYANG CHOS KYI RNAM GRANGS MTHA' YAS MU MED PA RGYUN DU 'BYUNG BAS RGYAL BAS GSUNGS PA'I CHOS THAMS CAD NI RGYAL BA RANG NYID MA GTOGS SUS KYANG BRJOD PAR MI NUS LA, 'ON KYANG GDUL BYA'I NYON MONGS PA'I GNYEN PO DANG MTHUN PAR SDOM GYIS BSDUS PA NI CHOS KYI PHUNG PO BRGYAD KHRI BZHI STONG BKA' STZAL CES 'BYUNG NGO, ,DE LTAR STON PA THUGS RJE CAN DE NYID KYIS THEG PA CHE CHUNG GI CHOS KYI 'KHOR LO MTHA' YAS PA ZHIG BSKOR TE LHA MI BGRANG BA LAS 'DAS PA SMIN CING GROL BAR MDZAD NAS, SKU DNGOS KYI GDUL BYA KUN TU RGYU RAB BZANG DANG, DRI ZA'I RGYAL PO RAB DGA' GNYIS 'DUL BA'I DUS LA BAB PA NA GRONG KHYER RTZA CAN DU PHEBS NAS, STON PAS SKU DNGOS KYI GDUL BYA RAB BZANG DANG, RAB DGA' GNYIS LUS PA LA, RAB DGA' 'DUL BA'I PHYIR PI WANG RGYUD STONG PA KHOG PA BEE d'URYA LAS BYAS PA BSNAMS TE DRI ZAR SPRUL NAS RAB DGA'I SGO DRUNG DU PHYIN PA DANG, DE DANG GLU DBYANGS 'GRAN ZHING RGYUD

, ,RIM GYIS GCIG MA GTOGS PA BCAD KYANG SGRA GDANGS KHYAD MED DO, ,DE NAS STON PAS RGYUD GCIG KYANG BCAD DE NAM MKHA' KHO NA LAS SGRA GDANGS SNGAR BZHIN DU BYUNG BA DANG, RAB DGA' NGA RGYAL CHAG STE NGO MTSAR SKYES PA DANG, STON PAS SKU MNGON SUM DU BSTAN PAS DE LA RAB DGA' DAD NAS PHYAG BYAS TE CHOS NYAN PA'I PHYIR 'DUG PA LA CHOS BSTAN TE BDEN PA MTHONG NGO, , DE NAS RDZING BU DAL 'BAB KYI 'GRAM NA KUN TU RGYU RAB BZANG LO BRGYA NYI SHU LON PA DGRA BCOM PAR GRAGS PA ZHIG YOD PAS, RDZING DAL 'BAB KYI 'GRAM AU DUM W'A RA'I TSAL GYI ME TOG RNYINGS PA DANG STON PA MYA NGAN LAS 'DA'O ZHES THOS PA'I RGYUS BDAG GI THE TSOM SEL BAR 'GYUR SRID SNYAM STE SONG NAS KUN DGA' BO LA LAN GSUM ZHUS PAS MA GNANG BA STON PAS MKHYEN NAS, NGA DANG MU STEGS CAN GTAM GLENG BA'I THA MA 'DI YIN GYIS THONGS GSUNGS NAS, RAB BZANG LA DGA' BAR BYA BA'I GTAM MANG PO MDZAD NAS, RAB BZANG, NGA NI NA TSOD NYI SHU RTZA DGU LON TE RAB TU BYUNG NAS LO GRANGS LNGA BCU LHAG CIG TU DGE BA GANG YIN CI ZHES BYAS GYUR CING, RAB BZANG CHOS 'DUL BA GANG LA 'PHAGS LAM YAN LAG BRGYAD MED PA DE LA DGE SBYONG GI 'BRAS BU BZHI MED LA, YAN LAG BRGYAD YOD

NA YOD DE, 'DI LAS PHYI ROL NA DGE SBYONG MED CES SOGS GSUNGS PAS BDEN PA MTHONG, TSUR SHOG GIS BSNYEN PAR RDZOGS PAS DGRA BCOM THOB STE, STON PA MYA NGAN LAS 'DA' BA BLTA BAR MI BZOD DO SNYAM NAS GNAS LNGA BYIN GYIS BRLABS NAS MYA NGAN LAS 'DAS SO, ,DE NAS STON PAS 'KHOR RNAMS LA BKA' STZAL PA, 'KHOR RNAM BZHIS PHAN BDER 'GYUR BA'I GSUNG RAB YAN LAG BCU GNYIS BKLAG , STON PA SO THAR LA GYIS, RGAN PAS GZHON PA RNAMS YO BYAD KYIS BSDU, GZHON PAS RGAN PA'I MING 'BOD MI BYA, DAD PA CAN LA STON PA 'KHRUNGS PA, SANGS RGYAS PA, CHOS GSUNGS PA, MYA NGAN LAS 'DAS PA'I PHYOGS BZHI BSTAN PAR BYA'O, ,DGE SLONG DGE DKON MCHOG GSUM DANG BDEN BA BZHI LA THE TSOM YOD NA ZHUS SHIG ,CES GSUNGS NAS SKU'I STOD G-YOGS BSAL TE, DGE SLONG DAG DE BZHIN GSHEGS PA BLTA BA NI RNYED PAR DKA' YI DE BZHIN GSHEGS PA'I SKU LA LTOS SHIG ,DGE SLONG DAG RE SHIG CANG MA SMRA ZHIG DANG, 'DI LTAR 'DUS BYAS THAMS CAD NI 'JIG BA'I CHOS CAN YIN TE, DE LA 'DI NI DE BZHIN GSHEGS PA'I GSUNG GI THA MA YIN NO, ,ZHES GSUNGS NAS SHING S'A LA ZUNG GI 'GRAM DU MA 'ONGS PA NA BYANG PHYOGS GANGS RI'I LJONGS 'DIR RGYAL BA RANG NYID KYI BSTAN PA YONGS SU RDZOGS PA RGYA CHER

, ,DANG BAR 'GYUR RO ZHES STON PHYIR DBU BYANG PHYOGS SU BSTEN NAS, DGUNG LO BRGYAD CU SONG NAS GYA GCIG GI THOG TU PHEBS PA RNAM GNON ZHES PA LCAGS PHO 'BRUG GI LO SA GA ZLA BA'I TSES BCO LNGA'I NYIN DON DAM PAR NAM MKHA' MA ZAD KYI BAR DU GZUGS SKU'I BKOD PA DANG 'PHRIN LAS RGYUN CHAD PA MED KYANG GDUL BYA RTAG 'DZIN CAN RNAMS CHOS LA BSKUL BA DANG, DE BZHIN GSHEGS PA 'JIG RTEN DU 'BYUNG BA SHIN TU DKON ZHING RNYED PAR DKA'O ZHES 'DOMS PA DANG, SNGON GYI THUGS BSKYED DANG SMON LAM GYI DBANG SOGS KYIS MYA NGAN LAS 'DA' BA'I TSUL BSTAN TO, ,DE NAS RGYAL BA RANG NYID MYA NGAN LAS 'DA' BA'I TSUL BSTAN KYANG SNGON GYI THUGS BSKYED DANG SMON LAM GYI DBANG GIS BSTAN PA LO LNGA STONG DU GNAS BAR BYIN GYIS BRLABS SHING, SKU GDUNG DANG RING BSREL MANG DU 'PHEL TE 'DZAM BU'I GLING THAMS CAD MCHOD RTEN GYIS KHYAB PAR BYIN GYIS BRLABS SO, ,STON BA SKU BLTAMS PA, SANGS RGYAS PA, MYA NGAN LAS 'DAS PA, 'DI RNAMS KYI LO DUS LA SNGON GYI MKHAS PA RNAMS LA BZHED TSUL MI 'DRA BA MANG DU BYUNG STE, MKHAS PA 'GA' ZHIG NI STON PA SHING PHO BYI BA'I LO LHUMS SU ZHUGS, SHING MO GLANG LA SKU BLTAMS, SA MO PHAG LA SANGS RGYAS, SHING

PHO SPRE'U LOR MYA NGAN LAS 'DAS PAR BZHED PA DANG, MKHAS PA 'GA' ZHIG NI, ME MO YOS LA LHUMS SU ZHUGS, SA PHO 'BRUG LA SKU BLTAMS, CHU PHO STAG LA SANGS RGYAS, ME MO PHAG LA MYA NGAN LAS 'DAS PAR BZHED PA DANG, YANG MKHAS PA 'GA' ZHIG DUS 'KHOR GYI RTZIS KYI STENG NAS RNAM DAG YAR LOG GI RTZIS BYAS BA NA SNGAR GYI MKHAS PA DE DAG GI BZHED TSUL DE DAG LA, STON PA SANGS RGYAS PA'I SA GA ZLA BA'I TSES BCO LNGA'I NUB MO DUS ME'I RI MO SA GA'I STENG DU MI 'BAB PAS STON PA'I 'KHRUNGS LO SOGS LO KHAMS DE DAG MI 'THAD CES DE SUN PHYUNG NAS STON PA SKU BLTAMS PA SOGS KYI LO DUS GZHAN DU 'CHAD PA DANG, MYA NGAN LAS 'DAS PA'I DUS KYANG PHAL MO CHER SA GA'I NYA LA BZHED CA'I , MKHAS PA MANG PO ZHIG STON ZLA THA CHUNG GI YAR NGO'I TSES BRGYAD LA MYA NGAN LAS 'DAS PAR BZHED PA SOGS BZHED TSUL MANG DU SNANG NA'ANG, 'DIR BRJOD PA DE DAG NI MKHAS GRUB NOR BZANG RGYA MTSOS JI LTAR GSUNGS PA LTAR BRJOD PA YIN LA, JI LTAR YANG BYANG CHUB LAM RIM LA BLO SBYONG BA RNAMS KYIS STON PA'I 'KHRUNGS LO SOGS LA MKHAS BA MANG PO BZHED PA MI MTHUN PA DE DAG LA BLO MI BDE BA BYA MI DGOS TE, STON PA 'KHRUNGS PA DANG SANGS RGYAS PA SOGS LO DUS GANG LA YIN YANG RUNG, STON PA THUGS RJE CAN DE NYID KYIS BDAG CAG

, ,SNYIGS MA'I 'GRO BA NYAM THAG RNAMS KYI DON DU DGA' LDAN GYI GNAS NAS ZHING 'DIR BYON TE LHUMS SU ZHUGS PA DANG, SKU BLTAMS PA DANG, ROL RTZED MDZAD PA DANG, KHAB NAS BYUNG STE DKA' BA SPYAD PA DANG, BYANG CHUB SHING DRUNG DU BDUD BTUL NAS 'TSANG RGYA BA'I MDZAD PA RNAMS BSTAN CING MDZAD PA BZANG PO DE DAG RE RE NAS GDUL BYA BGRANG BA LAS 'DAS PA ZHIG SMIN GROL LA 'GOD PAR MDZAD PA DANG, LHA DANG MI'I MCHOD PA TSAD MED PAS MCHOD PA DANG, SPRUL PA'I BKOD PA BSAM GYIS MI KHYAB PA DE LTA BU STON PAR MDZAD DO SNYAM DU DAD GUS BSGOM PAR BYA BA DANG, LHAG PAR, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GANG GSUNGS PA LTAR CHOS KYI 'KHOR LO BSKOR BA'I MDZAD PA JI SNYED CIG MDZAD PA DE THAMS CAD GDUL BYA 'DUL BA'I DON KHO NAR MDZAD CING, DE YANG THOG MAR LNGA SDE LA STOD G-YOGS SMAD G-YOGS ZLUM POR BGO BA SOGS 'DUL PA'I BSLAB BYA DANG BDEN PA BZHI'I CHOS STON PAR MDZAD PA DE NAS BZUNG, THA MAR KUN TU RGYU RAB BZANG DGRA BCOM LA BKOD PA DANG, 'KHOR RNAMS LA MI RTAG PA BSTAN PA'I BAR CHOS JI SNYED CIG GSUNGS PA DE

THAMS CAD GDUL BYA RNAMS THAR PA DANG THAMS CAD MKHYEN PA THOB PA'I THABS SHA STAG TU GSUNGS PA YIN PAS NA, BYANG CHUB LAM RIM LA NYAMS LEN SNYING POR BYED PA RNAMS KYIS RGYAL BAS GSUNGS PA'I MDO SNGAGS KYI CHOS JI SNYED CIG YOD PA DE THAMS CAD GANG ZAG RANG NYID 'TSANG RGYA BA'I THABS SHA STAG TU GSUNGS PA YIN PAR SHES PAR BYAS LA STON PA THUGS RJE CAN DES BDAG 'KHOR BA DANG NGAN SONG GI SDUG BSNGAL LAS BSGRAL TE SANGS RGYAS KYI SA LA 'GOD PA'I CHED DU CHOS 'DI SNYED CIG GSUNGS SO SNYAM DU STON PA'I YON TAN DANG BKA' DRIN DANG THUGS RJE DRAN PA'I SGO NAS DAD CING GUS PAS MCHOD CING GSOL BA GDAB PA LHUR BYA'O, ,STON PAS CHOS STON PA'I THOG MAR YANG LNGA SDE LA SDUG BSNGAL BDEN PA'I RNAM PA MI RTAG PA NAS BRTZAMS TE STON PAR MDZAD, MTHAR MYA NGAN LAS 'DA' BA'I TSE 'DUS BYAS THAMS CAD NI 'JIG PA'I CHOS CAN YIN NO ZHES MI RTAG PA STON PAR MDZAD PA 'DI LA BLO GROS CAN RNAMS KYIS LEGS PAR DPYOD SHES NA BYANG CHUB LAM RIM LA NYAMS LEN SNYING POR BYA 'DOD PA RNAMS LA NYAMS LEN LA BSKUL BA'I GNAD KHYAD PAR CAN ZHIG YIN PAR SHES PAR NUS TE, THOG MAR CHOS LA BSKUL BA'I TSE NA TSE 'DI RING DU MI GNAS PAR MYUR DU 'JIG PA'I DANG TSUL BSAMS NAS DES BSKUL TE CHOS LA 'JUG DGOS PA DANG, SKYES BU

, ,'BRING GI SKABS SU MI RTAG PA'I TSUL BSAMS NAS 'KHOR BA'I PHUN TSOGS GANG LA'ANG YID BRTAN MED PA'I TSUL BSAMS TE DES BSKUL NAS LAM SGOM PA LA 'JUG DGOS PA DANG, SKYES BU CHEN PO'I SKABS SU'ANG MI RTAG PA BSAMS TE 'KHOR BA THOG MA MED PA NAS SKYE BA GCIG NAS GCIG TU RIM GYIS BRGYUD PA'I NGANG TSUL BSAMS LA SEMS CAN THAMS CAD RANG GI MAR SHES PA SOGS RGYU 'BRAS MAN NGAG BDUN GYI SGO NAS BYANG CHUB KYI SEMS SBYANGS TE RGYAL SRAS KYI SPYOD PA LA SLOB PA DANG, DBU MA'I LTA BA SGOM PA'I TSE NA'ANG, DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ZHES GSUNGS PA LTAR, THOG MAR MI RTAG PA BSGOMS NAS RTAG GCIG RANG DBANG CAN DU 'DZIN PA'I BLO BZLOG PAR BYAS, DES RGYUD SBYANGS NAS MTHAR SPROS PA'I MTHA' THAMS CAD DANG BRAL BA'I DBU MA'I LTA BA SGOM PA LA 'JUG PA DANG, LAM THUN MONG BAS RGYUD SBYANGS NAS SNGAGS LAM LA SLOB PA'I TSE NA'ANG MI RTAG PA DRAN PAS RGYUD BSKUL NAS LAM LA SLOB DGOS PA YIN PAS STON PA'I RNAM THAR GDUL BYA RANG NYID KYI NYAMS LEN DU 'KHYER BA'I TSUL DE LTAR DU SHES PAR BYA'O, ,STON PA THUB PA'I DBANG PO'I RNAM PAR THAR PA NI BSAM GYIS MI KHYAB BRJOD KYIS MI LANG BA STE, KHYOD KYI

SKU GSUNG THUGS KYI GSANG BA YI, ,TSUL 'DI RGYAL SRAS RANG RGYAL NYAN THOS KYIS, ,JI TZAM BRTAGS KYANG BLO YI YUL MIN NA, ,TSANGS DANG DBANG PO SOGS KYIS SMOS CI 'TSAL, ,MKHA' LDING DBANG POS MKHA' LA BGROD BGROD NAS, ,NAM ZHIG RANG STOBS BRI BAS LDOG 'GYUR GYI, ,NAM MKHA' ZAD PAS LDOG PAR MI 'GYUR BZHIN, ,KHYOD KYI YON TAN BRJOD PA'ANG DE LTAR LAGS, ,ZHES GSUNGS PA LTAR, SANGS RGYAS KYI GSANG BA GSUM GYI RNAM THAR NI RGYAL BA NANG PHAN TSUN MA GTOGS RGYAL SRAS BDAG NYID CHEN PO RNAMS DANG, RNAM THAR BRGYAD LA DBANG THOB PA'I DGRA BCOM PA RNAMS DANG, TSANGS PA DANG BRGYA BYIN LA SOGS PA MNGON SHES DANG LDAN PA'I LHA MTHU BO CHE RNAMS KYIS JI TZAM BRTAGS KYANG SHES PAR NUS PA MIN NA BLO CHUNG BDAG 'DRA BAS PHYOGS TZAM YANG SHES PAR GA LA NUS, DER MA ZAD THUN MONG BA'I GDUL BYA RNAMS KYIS SHES PAR NUS PA'I MDZAD PA RNAM THAR RNAMS KYANG BDAG 'DRA BAS CHA TZAM ZHIG KYANG BRJOD PAR GA LA NUS, SNGAR BRJOD PA DE DAG NI RGYAL BA NYID KYI GSUNG TSAD MA DBANG POR BYAS TE, RGYA CHER ROL PA'I MDO DANG, SNYING RJE PADMA DKAR PO'I MDO DANG, GZHAN YANG MDO MANG PO LA BRTEN NAS MDZAD PA BCU GNYIS KYI TSUL LAS BRTZAMS TE CUNG ZAD CIG BRJOD PA YIN LA, STON PA'I YON TAN BSAM PA NI RANG GI TSOGS GSOG PA DANG SGRIB PA SBYONG BA'I THABS BLA NA MED PA YIN PA

, ,DANG, THEG PA CHEN PO'I LAM GYI RTZA BA DANG GZHUNG SHING BYANG CHUB KYI SEMS SKYE BA LA SANGS RGYAS KYI YON TAN BSAMS NAS DE LA THOB 'DOD BSKYED PA ZHIG NGES PAR DGOS KYI, SANGS RGYAS KYI YON TAN LA DAD PA DANG THOB 'DOD MED NA BYANG CHUB KYI SEMS MTSAN NYID TSANG BA MI SKYE BAR RJE BTZUN BYAMS PA MGON POS GSUNGS PA LTAR RO, ,DES NA THEG PA CHEN PO'I LAM GYI RTZA BA BYANG CHUB KYI SEMS SKYE BA LA SANGS RGYAS KYI YON TAN BSAMS NAS DANG PA THOB PA ZHIG MED MI RUNG DU SNANG BAS BYANG CHUB LAM RIM LA NYAMS LEN SNYING POR BYA 'DOD PA RNAMS LA SANGS RGYAS KYI YON TAN MTHONG BA ZHIG GAL CHE BAR BSAMS NAS PHYOGS TZAM ZHIG BRJOD PA YIN NO, ,DE LTAR STON PA MYA NGAN LAS 'DAS PA'I TSUL BSTAN PA'I DBYAR DE RGYAL PO MA SKYES DGRAS SBYIN BDAG BYAS NAS RGYAL PO'I KHAB KYI BDE CHEN MA'I PHUG TU 'OD SRUNGS CHEN PO LA SOGS PA'I DGRA BCOM PA LNGA BRGYAS DBYAR GNAS MDZAD, DE'I TSE KUN DGA' BO LA MDO SDE BSDU BAR GSOL BA BTAB PA NA, DGRA BCOM PA LNGA BRGYA'I SNAM SBYAR RNAMS BRTZEGS PA GDAN DU BTING BA'I STENG DU 'PHAGS PA KUN DGA' BOS 'DZEGS TE, ZHAL MNYAN YOD DU PHYOGS, PHYAG THAL MO SBYAR, GDONG MCHI MA DANG BCAS BZHIN DU 'DI SKAD BDAG GIS THOS PA DUS GCIG NA ZHES BRJOD PA NA, LHA

GRANGS MED PA NAM MKHA' LAS BABS TE GUS PAR NYAN ZHING MDO SDE'I SDE SNOD BSDUS SO, ,DE YANG DANG PO BDEN BZHI'I CHOS 'KHOR NAS BZUNG THA MA KUN TU RGYU RAB BZANG LA GSUNGS PA DANG, 'KHOR RNAMS LA GSUNG GI THA MA MI RTAG PA BSTAN PA YAN CHAD MDO SDE JI SNYED CIG GSUNGS PA THAMS CAD TSIG GCIG KYANG MA LUS PAR BLO LAS BTON PA'O, ,DE LTAR 'PHAGS PA KUN DGA' BOS MDO SDE BSDUS NAS KHRI LAS BABS TE 'KHOD, DE NAS 'PHAGS PA NYE BAR 'KHOR KHRI LA 'DZEGS TE 'DUL BA'I SDE SNOD RNAMS BSDUS, DE NAS 'OD SRUNGS CHEN PO KHRI LA 'DZEGS TE MNGON PA'I SDE SNOD RNAMS BSDUS SO, ,DE NAS 'OD SRUNGS CHEN PO 'DI SNYAM DU BDAG GIS BSTAN PA'I BYA BA BYAS ZIN GYI, DA NI MYA NGAN LAS 'DA'O SNYAM DU DGONGS NAS 'PHAGS PA KUN DGA' BO LA BSTAN PA GTAD DE, KHYOD KYIS KYANG BSTAN PA SHA NA'I GOS CAN LA GTOD CIG CES GSUNGS NAS DE BZHIN GSHEGS PA'I MCHOD RTEN RNAMS LA PHYAG BYAS TE LHO PHYOGS KYI RI BYA RKANG CAN ZHES BYA BA'I RI BO GSUM 'DUS KYI DBUS SU BYON NAS RTZVA'I GDAN LA SKYIL MO KRUNG BCAS, BCOM LDAN 'DAS KYIS GNANG BA'I SNAM SBYAR SKU LUS LA BKAB STE, JI SRID BYAMS MGON MA BYON GYI BAR DU PUR MI NYAMS PAR BYIN GYIS BRLABS NAS MYA NGAN LAS 'DAS SO, ,DE NAS 'PHAGS PA KUN DGA' BOS 'KHOR RNAM BZHI LA RJES SU GDAMS SHING, BSTAN

, ,PA LO BZHI BCU TZAM GYI RING BSKYANGS NAS NAM ZHIG NA BSTAN PA SHA NA'I GOS CAN LA GTAD DE, KHYOD KYIS BSTAN PA NYER SPAS LA GTOD CIG CES LUNG BSTAN NAS MYA NGAN LAS 'DAS SO, ,DE NAS 'PHAGS PA SHA NA'I GOS CAN GYIS BSTAN PA'I BYA BA RGYA CHER MDZAD DE MTHAR BSTAN PA NYER SPAS LA GTAD, DE NAS 'PHAGS PA NYER SPAS KYIS SANGS RGYAS GNYIS PA BZHIN DU BSTAN PA'I BYA BA BSAM GYIS MI KHYAB PA MDZAD DE, SLOB MA DGRA BCOM THOB PA'ANG GRANGS MED PA BYUNG STE, DGRA BCOM THOB PA RE RE BYUNG BA NA SO SHING SOR LNGA BA RE RE DOR BAS BRAG PHUG 'DOM LNGA BCU YOD PA ZHIG SO SHING GIS YONGS SU GANG BAR GYUR TO, ,'PHAGS PA NYER SBAS KYIS BSTAN PA DHI DHI KA LA GTAD, 'PHAGS PA DHI DHI KAS BSTAN PA 'PHAGS PA NAG PO LA GTAD, DES LEGS MTHONG CHEN PO LA BSTAN PA GTAD DE, DE DAG LA BSTAN PA'I GTAD RABS BDUN DU GRAGS SO, ,THUB PA'I BSTAN PA DUS JI TZAM GNAS PA NI, STON PA THUB PA'I DBANG PO 'DI NYID RGYAL BA GZHAN LAS THUGS RJE CHES LHAG PAS RGYAL BA RANG NYID MYA NGAN LAS 'DAS NAS KYANG BSTAN PA LO LNGA STONG DU GNAS PAR BYIN GYIS BRLABS SHING, GNAS BRTAN CHEN PO SGRA GCAN 'DZIN LA SOGS PA GNAS BRTAN BCU DRUG LA BSTAN PA'I GNAS TSAD MA RDZOGS KYI BAR DU MYA NGAN LAS MI 'DA' BAR BSTAN PA SKYONGS SHIG CES BKA' BSGOS, RNAM THOS SRAS LA SOGS PA 'JIG RTEN

SKYONG BA BZHI LA BSTAN PA BSTAN 'DZIN DANG BCAS PA BSRUNG ZHING SKYONG BAR BKA' BSGO BAR MDZAD DO, ,DE LTAR RGYAL BA'I BSTAN PA LO LNGA STONG DU GNAS PA LAS LO STONG PHRAG RE RE LA PHYED PHYED DU BCAD PAS LNGA BRGYA PA PHRAG BCU LA LE'U BCUR 'GYUR TE, DE LA LNGA BRGYA DANG PO DANG, GNYIS PA DANG, GSUM PA RNAMS LA RIM PA LTAR, DGRA BCOM PA DANG, PHYIR MI 'ONG BA DANG, RGYUN DU ZHUGS PA MANG DU 'BYUNG BAS DGRA BCOM PA'I LE'U DANG, PHYIR MI 'ONG BA'I LE'U DANG, RGYUN DU ZHUGS PA'I LE'U ZHES BYA STE, KHONG DU CHUD PA'I LE'U GSUM DANG, DE NAS LNGA BRGYA BZHI PA DANG, LNGA PA DANG, DRUG PA RNAMS LA GO RIM BZHIN DU, LHAG MTHONG DANG, TING NGE 'DZIN DANG, TSUL KHRIMS DANG LDAN PA MANG DU 'BYUNG BAS LHAG MTHONG GI LE'U DANG, TING NGE 'DZIN GYI LE'U DANG, TSUL KHRIMS KYI LE'U ZHES BYA STE, SGRUB PA'I LE'U GSUM DANG, DE NAS LNGA BRGYA BDUN PA DANG, BRGYAD PA DANG, DGU PA LA RIM PA LTAR CHOS MNGON PA DANG, MDO SDE DANG, 'DUL BA STON PA MANG DU 'BYUNG BAS MNGON PA'I LE'U DANG, MDO SDE'I LE'U DANG, 'DUL BA'I LE'U STE; LUNG GI LE'U GSUM DANG, LNGA BRGYA PA BCU PA LA NI, RAB TU BYUNG BA'I RTAGS TZAM LAS LTA SPYOD RNAL MA DANG MI LDAN PAS RTAGS TZAM 'DZIN PA'I LE'U STE, 'DI NYID LA LNGA BRGYA THA MA ZHES BSHAD DO, ,DES NA BDAG LEGS SU 'DOD PA DAG GIS RGYAL BA'I BSTAN PA DANG LAN CIG MJAL BA'I SKABS 'DIR RGYAL BA'I BSTAN PA'I SNYING PO TSANG LA MA NOR BA BYANG CHUB LAM GYI RIM PA LA BAG CHAGS CI THEBS BYA'O,, ,,

, ,` JO BO RJE DPAL LDAN AA TI SHAS BYANG CHUB LAM GYI RIM PA STON PA'I BLA MA BRGYUD PA LA RGYA CHEN SPYOD RGYUD DANG, ZAB MO LTA RGYUD GNYIS SU MDZAD BA'I RGYA CHEN SPYOD RGYUD KYI BLA MA RNAMS KYI RNAM PAR THAR PA STON PA LA THOG MAR RJE BTZUN BYAMS PA MGON PO'I RNAM THAR NI, 'DREN PA MNYAM MED STON PA BCOM LDAN 'DAS, ,RGYAL TSAB DAM PA RJE BTZUN MI PHAM MGON, ,ZHES BSNGAGS PA, 'DREN PA MNYAM MED STON PA THUB PA'I DBANG PO DGA' LDAN DU SKYE BA SPRUL SKU'I TSUL BZUNG STE RGYAL BA 'OD SRUNGS KYI DUS NAS ZHING 'DIR 'BYON PA LA NYE BA'I BAR DGA' LDAN GYI LHA RNAMS LA CHOS BSTAN NAS 'DZAM BU'I GLING DU 'BYON PA LA NYE BAR PHYOGS PA'I TSE, RJE BTZUN BYAMS PA MGON PO LA PROG ZHU BSKON NAS RGYAL TSAB TU DBANG BSKUR BAS, DE NAS BZUNG RGYAL TSAB BYAMS PA MGON PO ZHES GRAGS PA RJE BTZUN BYAMS MGON 'DI NYID SNGON THUGS JI LTAR BSKYED PA'I TSUL NI, MDO SDE BSKAL BZANG LAS, BYANG CHUB SEMS DPA' BYAMS PA 'KHOR LOS SGYUR BA YI, ,RGYAL PO RNAM PAR SNANG BYED CES BYAR GYUR PA NA, ,BDE GSHEGS MTHU CHEN GDUGS TSOD DAG LA SPYAN DRANGS NAS, ,DANG POR BLA MED BYANG CHUB TU NI SEMS BSKYED DO, ,ZHES GSUNGS PA LTAR RJE BTZUN BYAMS PA MGON PO 'DI NYID SNGON BSKAL PA BRJOD KYIS MI LANG PA'I YANG BRJOD KYIS MI LANG BA'I SNGON ROL TU 'KHOR LOS SGYUR BA'I RGYAL PO RNAM PAR SNANG BYED CES BYA BAR GYUR PA'I TSE DE BZHIN GSHEGS PA THUB PA CHEN PO ZHES BYA BA 'JIG RTEN

DU BYON PA DANG MJAL TE, DE BZHIN GSHEGS PA DE LA GDUGS TSOD PHUL NAS MKHA' KHYAB KYI SEMS CAN THAMS CAD LA BYAMS PA DANG SNYING RJE CHEN POS GZIGS NAS SEMS CAN THAMS CAD 'KHOR BA LAS SGROL BA'I PHYIR DU BYANG CHUB MCHOG TU THUGS BSKYED PAR MDZAD DO, ,YANG BSKAL PA GRANGS MED PA BAS KYANG CHES GRANGS MED PA YUN RING ZHING TSAD MED BSAM GYIS MI KHYAB PA'I SNGA ROL TU, RJE BTZUN BYAMS PA GLING BZHI LA DBANG BA'I 'KHOR LOS BSGYUR BA'I RGYAL PO GSER MDOG CAN ZHES BYA BAR GYUR PA'I DUS RDZOGS PA'I SANGS RGYAS GSER ZANGS 'OD BYANG CHUB SEMS DPA'I 'KHOR DPAG TU MED PA NYAN THOS KYI DGE 'DUN DANG BCAS PA LA, RGYAL PO'I 'BYOR PA CHEN PO DANG BSOD NAMS KYI MTHU CHEN POS SUM CU RTZA GSUM GYI LHA RNAMS KYI 'BYOR PAS KYANG BSGRUN DU MED PA'I BKOD PA DANG, MCHOD PA DANG, BSNYEN BKUR BA THAMS CAD KYIS LO BYE PA PHRAG BRGYAD CU RTZA BZHIR BKUR STIR BYAS TE BLA NA MED PA'I BYANG CHUB TU THUGS BSKYED PAR MDZAD, YANG SNGON MI MJED 'JIG RTEN GYI KHAMS 'DI'I THAD DU BSKAL PA 'DZIN PA ZHES BYA BA BYUNG BA LA, BSKAL PA CHEN PO DE LA GLING BZHI PA'I SANGS RGYAS KYI ZHING 'DIR GLING BZHIR 'KHOR LOS BSGYUR BA'I RGYAL PO RTZIBS KYI MU KHYUD CES BYA BA ZHIG BYUNG NGO, ,RGYAL PO RTZIBS KYI MU KHYUD DE LA MDUN NA 'DON BRAM ZE RGYA MTSO'I RDUL ZHES BYA BA ZHIG YOD DO, ,DE LA BU SKYES BU CHEN PO'I MTSAN SUM CU RTZA GNYIS DANG LDAN ZHING DPE BYAD BZANG PO BRGYAD CUS LUS RNAM PAR MDZES LA BSOD NAMS BRGYA'I MTSAN DANG LDAN ZHING 'OD 'DOM GANG

, ,PA YOD LA SHING N+YA GRO DHA LTAR CHU ZHENG GAB CING BLTA BAS CHOG MI SHES PA ZHIG BTZAS SO, ,DE BTZAS MA THAG TU LHA 'BUM GYIS MCHOD PA BYAS NAS RGYA MTSO'I SNYING PO ZHES BYA BAR MING BTAG SO, ,DE DUS GZHAN ZHIG NA NGES PAR BYUNG NAS SKRA DANG KHA SBU BREGS TE GOS DUR SMRIG BGOS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, DE BZHIN GSHEGS PA RIN PO CHE'I SNYING PO ZHES BYA BAR GYUR NAS BCOM LDAN 'DAS DES CHOS KYI 'KHOR LO BSKOR TE SROG CHAGS BYE BA KHRAG KHRIG 'BUM PHRAG MANG PO DAG MTHO RIS DANG THAR PA'I 'BRAS BU LA RAB TU BKOD PAR GYUR TO, ,DE NAS BRAM ZE RGYA MTSO'I RDUL GYIS 'KHOR LOS BSGYUR BA'I RGYAL PO RTZIBS KYI MU KHYUD DANG RANG GI SLOB MA BRAM ZE RIG BYED KLOG PA STONG LA SOGS PA LA YANG DANG YANG DU BSKUL TE, DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DU BCUG GO ,DE'I TSE RGYAL PO RTZIBS KYI MU KHYUD KYIS DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DE, BDE BA CAN GYI ZHING GI BKOD PA BLO YUL DU BZUNG NAS ZHING DE 'GRUB PA'I PHYIR DU BSKAL PA GRANGS MED PAR RDZOGS SMIN SBYANG GSUM GYI SPYOD PA SPYAD PA MTHAR PHYIN PAR MDZAD NAS BDE BA CAN GYI ZHING GRUB STE ZHING DER MNGON PAR RDZOGS PAR SANGS RGYAS SO, ,BRAM ZE RGYA MTSO'I RDUL GYI SLOB MA BRAM ZE RIG BYED KLOG PA STONG PO DES KYANG DE BZHIN GSHEGS PA RIN CHEN SNYING PO'I SPYAN SNGAR SEMS BSKYED CING, DE BZHIN GSHEGS PA RIN CHEN SNYING POS DE DAG BSKAL PA BZANG PO

'DI LA 'TSANG RGYA BAR LUNG BSTAN NAS DE DAG GIS RANG RANG GI ZHING BZUNG BA NA, DANG PO 'KHOR BA 'JIG NAS THA MA MOS PA SNANG MDZAD KYI BAR THAMS CAD KYIS RANG RANG GI SANGS RGYAS KYI ZHING GDUL SLA BA DANG ZHING DAG PA SHA STAG BZUNG NAS, RTZOD LDAN TSE LO BRGYA PA'I DUS 'DI DANG, MA 'ONGS PA'I TSE LO BRGYAD KHRI PA'I DUS GNYIS PO 'DI LUS TE, DE YANG RTZOD LDAN TSE LO BRGYA PA'I DUS 'DI NI DUS KYI SNYIGS MAR GYUR PAS SEMS CAN RNAMS TSE THUNG ZHING LONGS SPYOD DBUL LA NAD MANG ZHING PHAL CHER DUS MA YIN PA'I 'CHI RKYEN GYIS 'CHI BAR 'GYUR BA MA RUNGS PA DMU RGOD PA, DRIN LAN LOG PAR 'JAL BAS GANG BA 'DI NI RGYAL BA DE DAG THAMS CAD SKRAG NAS 'DI LTA BU'I DUS NGAN PA MA RUNGS PA 'DI DAG GI KHROD DU SU ZHIG 'JUG CES YAL BAR BOR BA NA BRAM ZE RGYA MTSO'I RDUL GYIS THUGS RJES MA BZOD PAR DUS 'DIR 'BYON PA'I THUGS BSKYED, MA 'ONGS PA'I TSE LO BRGYAD KHRI PA'I DUS DE NI SNOD BCUD THAMS CAD PHUN SUM TSOGS PAS GANG BA, SNOD RNAMS LHA'I YUL DANG MTSUNGS BA, MI RNAMS TSE RING ZHING GZUGS BZANG BA LONGS SPYOD CHE BA PHAN TSUN 'TSE BA GANG YANG MED CING RANG BZHIN GYIS DGE BA'I LAM LA GNAS PA SHA STAG 'BYUNG BAS 'DI DAG NI SHIN TU BZANG NGO ZHES THAMS CAD KYIS BTANG SNYOMS SU BZHAG STE LUS PA NA, RJE BTZUN BYAMS MGON 'DI NYID DE'I TSE RIG BYED KLOG PA STONG GI LNGA PA DRI MED 'OD CES BYA BAR GYUR PA DES THUGS RJES MA BZOD NAS TSE LO BRGYAD KHRI PA'I DUS KYI 'GRO BA 'DI RNAMS DE BZHIN GSHEGS PA THAMS CAD KYIS

, ,BTANG SNYOMS SU BZHAG PAS, 'DI DAG LA CHOS STON PA PO MED PAS, 'DI DAG LA GNAS SKABS SU 'KHOR BA'I BDE 'BYOR CUNG ZAD YOD KYANG LAS NYON GYIS BCINGS PAS 'KHOR BA LAS MA 'DAS SHING, SLAR YANG 'KHOR BA MTHA' MED DU 'KHYAMS NAS SDUG BSNGAL BRGYUD MAR MYONG BAR 'GYUR BA 'DI RNAMS SNYING RE RJE, 'DI RNAMS KYI MGON DU NGA NYID ZHING DER 'TSA' RGYA BAR BYA'O SNYAM DU THUGS BSKYED PA NA DE BZHIN GSHEGS PA RIN CHEN SNYING BOS KYANG; DE LTAR DU BSKAL BZANG GI SANGS RGYAS LNGA PAR 'GYUR BAR LUNG BSTAN TO, ,DON GYI DBANG 'DI GZIGS NAS RJE BDAG NYID CHEN POS BYAMS MGON LA BSTOD PA MDZAD BA NA, BDE GSHEGS SNGA MAS BTANG SNYOMS MDZAD PA YI, , GRANGS MED 'GRO LA BRTZE BAS MA BZOD NAS, ,ZHING 'DIR BYANG CHUB SNYING POR GSHEGS 'GYUR BA, ,MI PHAM CHOS RJE'I ZHABS LA GSOL BA 'DEBS, ,ZHES BSNGAGS PA MDZAD DO, ,YANG SNGON 'DAS PA'I BSKAL PA BRJOD KYIS MI LANG BA'I SNGON ROL TU 'KHOR LOS BSGYUR BA'I RGYAL PO YUL 'KHOR SKYONG ZHES BYA BA BYUNG STE, DE LA BU STONG YOD DO, ,DE'I TSE DE BZHIN GSHEGS PA YON TAN MTHA' YAS RIN PO CHE SNA TSOGS BKOD PA'I RGYAL PO ZHES BYA BA 'JIG RTEN DU BYON TE, DE BZHIN GSHEGS PA DE LA 'KHOR LOS BSGYUR BA'I RGYAL PO YUL 'KHOR SKYONG BU STONG DANG BCAS PAS DUS YUN RING BOR MCHOD CING BSNYEN BKUR NAS DE BZHIN GSHEGS PA DE'I SPYAN SNGAR BLA NA MED PA YANG DAG PAR RDZOGS PA'I BYANG

CHUB TU SEMS BSKYED PA NA DE BZHIN GSHEGS PA DES RGYAL BU STONG PO DE RNAMS KYI MING BUM PAR BCUG NAS RIM BZHIN LUNG BSTAN PA NA, RJE BTZUN BYAMS MGON 'DI NYID 'KHOR LOS BSGYUR BA'I RGYAL PO DE'I BU STONG GI NANG NAS BZHI BA SKA RAGS CAN ZHES BYA BA YIN PAS, DE BZHIN GSHEGS PA DES BU STONG PO DE RIM BZHIN BSKAL BA BZANG PO 'DI LA 'TSANG RGYA BAR LUNG BSTAN TE, DON 'DI LA DGONGS NAS, MTHUN PA'I SMON LAM DGE TSOGS RMAD BYUNG ZHING, ,SPYAD PA SPYOD TSE NA YANG MCHED GYUR LA, ,BSKAL BZANG 'DI LA MDZAD PA MTHAR PHYIN PA'I, ,RDZOGS PA'I SANGS RGYAS STONG LA PHYAG 'TSAL LO, ,ZHES BSTOD PA MDZAD DO, ,GZHAN YANG SANGS RGYAS MANG PO'I SPYAN SNGAR THUGS BSKYED PAR MDZAD CING BCOM LDAN 'DAS SH'AKYA THUB PA LA SOGS PA BSKAL BZANG GI SANGS RGYAS GZHAN THAMS CAD LAS BSKAL PA BZHI BCU RTZA GNYIS KYIS THUGS BSKYED PA SNGA BAR GSUNGS SO, ,DE LTAR RJE BTZUN BYAMS PA MGON POS THUGS BSKYED NAS BSKAL PA BGRANG BA LAS 'DAS PAR CHOGS GNYIS BAR MA CHAD DU BSAGS, BCOM LDAN 'DAS SH'AKYA THUB PAS MI SKYE BA'I CHOS LA BZOD PA BRNYES PA NAS BZUNG BCOM LDAN 'DAS SH'AKYA THUB PA NYID YONGS 'DZIN DU BSTEN TE DBU'I GTZUG TU 'BRAL MED DU BSGOMS BAS GDUL BYA RNAMS KYIS BYAMS MGON GYI DBU'I GTZUG NA BYANG CHUB MCHOD RTEN YOD PAR MTHONG STE, DA LTA BYAMS MGON GYI SKU LA DBU'I GTZUG TU BYANG CHUB MCHOD RTEN RE BYED SROL YOD BA 'DI YANG DE'I RGYU MTSAN GYIS YIN PAR GSUNGS, DE

, ,LTAR RJE BTZUN BYAMS PA MGON POS BSKAL PA GRANGS MED MU MED PAR TSOGS GNYIS BAR MA CHAD DU BSAGS NAS, DE BZHIN GSHEGS PA RIN CHEN GDUGS ZHES BYA BA 'JIG RTEN DU BYON PA'I TSE, BYAMS MGON 'DI NYID DGE SLONG BLO GROS BRTAN PA ZHES BYA BAR GYUR NAS DE BZHIN GSHEGS PA DE NYID LA BSNYEN BKUR ZHING LO BRGYAD KHRI BZHI STONG GI BAR DU NYIN RE BZHIN SEMS CAN BRGYA BRGYA TZAM BSLAB PA'I GZHI LNGA LA MA BKOD KYI BAR DU ZAS MI BZA', SROG CHAGS KYI DON DU 'GYUR BA MTHONG TSE ZHAG MANG PO'I BAR DU ZAS BCAD KYANG DES MI SKYO BAR SEMS CAN GYI DON LA BRTZON PAR MDZAD DE SROG CHAGS BYE BA KHRAG KHRIG 'BUM PHRAG SUM CU RTZA DRUG BSLAB PA'I GZHI LNGA LA BKOD DO, ,DE LTAR LO BRGYAD KHRI BZHI STONG GI BAR DU SEMS CAN GYI DON MDZAD NAS SROG CHAGS BYE BA PHRAG GSUM THEG PA CHEN PO'I LAM LA BKOD, SROG CHAGS BGRANG BA LAS 'DAS PA ZHIG THEG PA DMAN PA'I LAM LA BKOD, SROG CHAGS GRANGS MED MU MED PA ZHIG LA BYAMS PA'I TING NGE 'DZIN BSKYED PAR MDZAD, THAN GRONG DANG GRONG KHYER DANG TSONG DUS DANG YUL 'KHOR LA SOGS PA GANG DANG GANG DU BYON PA'I SEMS CAN DE DANG DE DAG GIS ZHAL MTHONG BA DANG, GSUNG THOS PA DANG PHYAG GIS REG PA DANG GANG DU ZHABS BZHAG PA'I SA DE DANG DE DAG NA GNAS PA'I SEMS CAN DE DAG THAMS CAD KYANG BYAMS PA'I TING NGE 'DZIN LA BKOD PAS PHYOGS BCU'I RGYAL BA SRAS BCAS THAMS CAD KYIS LEGS SO'I BSNGAGS PA BRJOD CING,

DKAR PHYOGS KYI LHA THAMS CAD KYIS 'DI LTA BUR SEMS CAN THAMS CAD BYAMS PA LA 'GOD PA NGO MTSAR RO, ,ZHES RGYA CHER BSNGAGS PAS PHYOGS BCU'I ZHING THAMS CAD DU BYANG CHUB SEMS DPA' SEMS DPA' CHEN PO BYAMS PA ZHES MTSAN GRAGS SHING; DE'I TSE DE BZHIN GSHEGS PA RIN CHEN GDUGS KYIS BYANG CHUB SEMS DPA' SEMS DPA' CHEN PO BYAMS PA 'DI DA NAS BZUNG STE SKYE BA THAMS CAD DU BYAMS PA'I MTSAN DANG LDAN PAR 'GYUR ZHING, MNGON PAR RDZOGS PAR SANGS RGYAS PA'I TSE YANG DE BZHIN GSHEGS PA BYAMS PA ZHES BYA BAR 'TSANG RGYA BAR 'GYUR RO, ,ZHES LUNG BSTAN TO, ,DE NAS RJE BTZUN BYAMS PA MGON POS TSOGS GNYIS PHAL CHER RDZOGS TE SA BCU PA LA GNAS PA'I TSE 'OD ZER CHEN PO'I DBANG BSKUR BA THOB STE, DE'I TSUL RGYAS PAR BRJOD NA YI GE MANG DU DOGS PAS RJE BDAG NYID CHEN POS TSIGS BCAD DU BSGRIGS NAS GSUNGS PA NI, MA LUS SEMS CAN BDE LA 'GOD PHYIR DU, ,RAB 'BYAMS ZHING GI RGYAL BA THAMS CAD KYIS, ,'OD ZER CHEN PO'I DBANG GIS MGON KHYOD LA, ,CHOS KYI RGYAL SRID GTAD PA DGONGS PAR RIGS, ,GANG TSE KHYOD KYIS DBANG BSKUR SA BRNYES TSE, ,GRANGS MED 'BUM PHRAG BCU YI TING 'DZIN DANG, ,KUN MKHYEN YE SHES NYID DU DBANG BSKUR BA'I, , TING NGE 'DZIN RNAMS MNGON DU GYUR PA'I MTHAR, ,STONG GSUM 'BUM PHRAG BCU YI RDUL SNYED KYI, ,PADMO'I 'KHOR GYIS BSKOR BA'I PADMA NI, ,RTZA BA RIN CHEN LTE BA TZAN DAN MCHOG ,ZE'U 'BRU RDO YI SNYING PO LO MA NI, ,'DZAM BU CHU BO'I GSER LTAR

, ,KUN TU SNANG, ,RIN CHEN KUN GYIS RAB SPRAS 'DAB BRGYA 'BYED, ,RIN CHEN DRA BAS KUN NAS G-YOGS PA LA, ,DE DANG 'TSAM PAR KHYOD SKU BZHUGS PA NI, ,'KHOR GYI PADMAR DE SNYED RGYAL BA'I SRAS, ,KHYOD KYI ZHAL DU PHYOGS NAS 'KHOD PA RNAMS, ,'BUM PHRAG BCU YI TING NGE 'DZIN LA ROL, ,DE TSE KHYOD KYI ZHABS MTHIL PUS MO DANG, ,LTE BA RTZIB LOGS PHYAG GI MTHIL GNYIS NAS, ,GRANGS MED 'BUM PHRAG BCU YI 'OD PHYUNG NAS, ,NGAN SONG GSUM DAN MI DANG LHA MIN LHA, ,GNAS KUN SNANG BYAS SDUG BSNGAL ZHI BAR MDZAD, ,PHRAG BA RGYAB MGUL ZHAL GYI SGO RNAMS NAS, ,SNGAR GYI 'OD KYIS NYAN RANG SA DGU'I BAR, ,BYANG SEMS GNAS RNAMS SNANG MDZAD RIM BZHIN DU, ,CHOS SNANG TING 'DZIN THABS SHES TSUL RNAMS BSGRUBS, ,SNGAR BZHIN MDZOD SPU NAS PHYUNG 'OD ZER GYIS, ,PHYOGS BCU'I BDUD GNAS THAMS CAD ZIL MNAN NAS, ,DBANG BSKUR BRNYES PA'I RGYAL BA'I SRAS RNAMS KYI, ,SKU YI DKYIL 'KHOR DAG TU NUB PAR MDZAD, ,YAN LAG MCHOG LAS STONG GSUM 'BUM PHRAG BCU'I, ,PHRA RAB RDUL SNYED 'OD ZER PHYUNG NAS KYANG, ,BDE GSHEGS 'KHOR GYI DKYIL 'KHOR SNANG BYAS TE, ,'JIG RTEN LAN BCUR BSKOR NAS BAR SNANG LA, ,'OD KYI DRA BA'I DKYIL 'KHOR CHEN PO YIS KUN BZANG MCHOD SPRIN RGYA MTSO'I CHAR PHAB NAS, ,'JIG RTEN LAN BCUR BSKOR NAS RGYAL RNAMS KYI, ,ZHABS KYI MTHIL DU KUN NAS NUB PAR GYUR, ,DE NAS SRAS BCAS RGYAL BAS DBANG PO KHYOD, ,DBANG BSKUR DUS LA BAB PAR

GZIGS GYUR NAS, ,DBANG BSKUR THOB PA'I RGYAL PA SRAS BCAS KYI, ,RDO RJE DPAL BE'U BKRA SHIS RI MO LAS, ,GRANGS MED 'BUM PHRAG BCU YI 'OD ZER GYIS, ,'KHOR BCAS 'OD PHYUNG PHYOGS KUN SNANG BYAS TE, ,MU MED CHO 'PHRUL BSTAN NAS KHYOD KYI NI, ,RDO RJE DPAL BE'U BKRA SHIS RNAMS SU NUB, ,DE NAS DE MA THAG TU KHYOD KYI STOBS, ,'BUM 'GYUR LAS KYANG LHAG PAR 'PHEL BA'I TSE, ,PHYOGS BCU'I RGYAL BA RNAMS KYI MDZOD SPU NAS, ,SNGAR BZHIN 'OD KYIS ZHING KUN SNANG BYAS NAS,, 'JIG RTEN LAN BCU BSKOR TE CHO 'PHRUL BSTAN, ,BYANG SEMS BYE BA MANG BSKUL ZHING KUN BSKYOD, ,NGAN 'GRO ZHI MDZAD BDUD RNAMS ZIL MNAN TE, ,BDE GSHEGS RNAMS KYI GDAN KUN RAB BSTAN NAS, ,'OD ZER GTZO BO KHYOD KYI SPYI BO DANG,, 'KHOR GYI 'OD ZER 'KHOR GYI SPYI BOR NUB, ,DE TSE BYANG SEMS RNAMS KYIS SNGON MED PA'I, ,STONG PHRAG BCU YI TING 'DZIN THOB BAR GYUR, ,DE LTAR GLANG PO RIN CHEN GSER KHRI YIS, ,BRGYAN PA'I SENG DU 'KHOR LOS SGYUR BA'I SRAS, ,RGYA MTSO BZHI YI CHUS BKANG GSER BUM GYIS, ,SPYI BO'I GNAS NAS RGYAS PAR DBANG BSKUR BA, ,DE BZHIN THUB PA'I CHOS KYI RGYAL TSAB TU, ,MNGON BAR DBANG BSKUR KHYOD KYIS 'KHOR BA RU, ,LAS KYIS KUN NAS MNAR BA'I SEMS CAN KUN, ,ZAG MED BDE BA'I DBAL LA 'GOD DU GSOL, ,ZHES GSUNGS PA LTAR RO, ,MA 'ONGS PA NA RJE BTZUN BYAMS PA MGON PO ZHING 'DIR BYON NAS 'TSANG RGYA BA'I MDZAD PA STON TSUL NI, THUB PA'I BSTAN PA LO LNGA STONG DU GNAS PA RIM GYIS RDZOGS

, ,NAS MTHAR RTAGS TZAM 'DZIN PA LO LNGA BRGYA DANG, DE NAS DE YANG NUB STE SEMS CAN RNAMS RMONGS SHING NYON MONGS PA KHO NA'I DBANG DU SONG STE PHAN TSUN GCIG LA GCIG 'TSE ZHING SDIG PA KHO NA SPYOD PAS BSOD NAMS JE DMAN JE DMAN LA SONG STE TSE LO NYI SHU DANG, DE YANG JE THUNG JE THUNG LA SONG STE MTHAR TSE LO BCU LA RING MTHA' BYED PA'I DUS 'BYUNG ZHING, DE NAS MU GE'I BSKAL PA DANG, NAD KYI BSKAL PA DANG, MTSON GYI BSKAL PA RNAMS RIM GYIS BYUNG STE SEMS CAN RNAMS PHAN TSUN 'THAB RTZOD KYIS SDUG BSNGAL ZHING NYAM THAG PA DMYAL BAR GNAS PA LTA BUR 'GYUR LA, DE'I DUS SU RJE BTZUN BYAMS PA MGON PO'I SPRUL PA KHRU GANG PA SKU LA CHOS GOS NGUR SMRIG GSOL BA, GZI BRJID 'BAR ZHING 'OD 'PHRO BA ZHIG BYON PA SEMS CAN DE RNAMS KYIS MTHONG NAS NGO MTSAR ZHING DAD PA SKYES TE 'DI LTA BU'I SKU GZUGS MDZES PA CI LAS BYUNG ZHES GSOL PAS, SPRUL PA'I BYAMS MGON DES NGAS BZOD PA BSGOMS PAS 'DI LTAR BYUNG PA YIN, KHYED RNAMS KYANG 'THAB RTZOD SPONGS LA BZOD PA SGOMS SHING, DE LTAR BYAS NANG DANG 'DRA BAR 'GYUR RO, ,ZHES GSUNG PAS, BYAMS MGON GYI THUGS BSKYED KYI MTHUS SEMS CAN DE DAG GIS BZOD PA BSGOMS PAS RIM GYIS BSOD NAMS RGYAS NAS TSE RING DU 'PHEL TE TSE LO NYI SHU PA DANG, SUM CU PA SOGS TSE JE RING JE RING DU GYUR CING BDE SKYID KYANG JE 'PHEL DU SONG STE 'DZAM BU'I GLING GI SA CHEN PO'I KHYON 'DI THAMS CAD LAG

MTHIL LTAR MNYAM ZHING YANGS PA, NGAM GROG DANG TSER MA DANG LJAN LJIN DANG GYO MO DANG GSEG MA LA SOGS PA MED CING, NE'U GSING MDZES PAS KHYAB PA, RKANG PA BTEG NA SOR BZHI 'PHAR ZHING MNAN NA NEM ZHES BYED PA SHA STAG STE, SHING BAL LTAR 'JAM PA, 'BRU DANG, LO TOG DANG, 'KHRI SHING GEL PA LA SOGS PAS GANG ZHING, HA CANG YANG MI DRO HA CANG YANG MI GRANG BA RLUNG SHIN TU CHUNG BA ,DUS DANG TSOD MNYAM PAR LDANG ZHING DRI PHUN SUM TSOGS PA, MNGAR ZHING ZHIM PA'I SA LU MA RMOS PAR SKYE ZHING, LHA'I CHAR BABS PAS SA'I BCUD 'PHEL BA, TSON SNA TSOGS KYIS SPRAS BA'I GOS KYI LJON SHING ME TOG DANG 'BRAS BU PHUN SUM TSOGS PA 'PHANG DU RGYANG GRAGS KYI TSAD TZAM YOD PAS GANG BA, BAR BAR NA LTENG KA DANG KHRUS KYI RDZING BU DANG LDAN PA STE YON TAN BRJOD KYIS MI LANG BA ZHIG 'BYUNG NGO, ,DER SKYES PA'I MI RNAMS NI, LUS LA HA RI TZAN DAN GYI DRI BRO BA, KU SHA'I GOS KHYAD PAR DU 'PHAGS PA GYON PA, LHA'I DPAL 'BYOR LA LONGS SPYOD CING TSE LO BRGYAD KHRI THUB PA, LUS NGAG YID GSUM MI DGE BA DANG BRAL BA, KHA DOG BZANG ZHING LUS GZUGS CHE BA, DE LA DA LTA'I KHRU BRGYAD CU 'AM BRGYAD CU RTZA BRGYAD PA, 'DOM NYI SHU RTZA GNYIS TZAM YOD PA, KUN KYANG TSAN PO CHE'I STOBS DANG LDAN PA, MI DE DAG LA 'DOD PA DANG ZA BA DANG RGAS PA STE DE TZAM MA GTOGS NAD KYI MING TZAM YANG MI GRAG PA LHA'I LUS DANG KHYAD PAR MED PAR 'GYUR RO, ,STON BA'I BSTAN PA RTAGS TZAM 'DZIN PA'ANG NUB PA YAN CHAD KYIS BSKAL PA YA THOG RING MO RDZOGS

, ,LA; DE NAS RJE BTZUN BYAMS PA MGON PO MA BYON GYI BAR LA RANG SANGS RGYAS MANG DU 'BYUNG ZHING, BAR GYI KHUG PA BCO BRGYAD KYI 'GOR RJE BTZUN BYAMS PA MGON PO 'BYON PAR GSUNGS SO, ,RJE BTZUN BYAMS PA MGON PO GANG DU 'BYON PA'I GNAS NI THUB PA'I DBANG PO MYA NGAN LAS 'DA' TSUL BSTAN PA'I SA GRONG KHYER RTZVA CAN DU TOG GI BLO GROS ZHES BYA BA'I RGYAL PO'I PHO BRANG 'BYUNG LA, PHO BRANG DE'I CHUR DPAG TSAD BCU GNYIS, ZHANG DU DPAG TSAD BDUN YOD PA, RIN PO CHE SNA BDUN GYI SO PHAG GI RTZIG PA RIM PA BDUN DANG, 'OBS RIM PA BDUN DANG, RIN PO CHE LAS GRUB PA'I TA LA'I PHRENG BA RIM PA BDUN GYIS BSKOR ZHING DRIL BU'I DRA BAS MDZES PA, DE DAG RLUNG GIS BSKYOD PA NA SIL SNYAN YAN LAG LNGA DANG LDAN PA'I SGRA 'BYUNG STE, SEMS CAN RNAMS DGA' BAR BYED PA, LHA RDZAS LAS GRUB PA'I ME TOG MANDHA RA DANG, KU MUD TA DANG, AUTPA LA DANG, MI YUL NA YOD PA'I ME TOG SNA TSOGS BA'I RGYAN BKRAM PA, YAN LAG BRGYAD DANG LDAN PA'I KHRUS KYI RDZING BU DANG, MTSO PADMAS BRGYAN PA RNAMS LA CHU BYA MANG PO SGRA SNYAN PA SNA TSOGS SGROG PA, SKYED MOS TSAL PHUN SUM TSOGS PA ME TOG GIS GANG BA YOD BA, GRONG KHYER DE'I PHYOGS BZHI DANG DBUS KUN NA GZHAN LAS KHYAD PAR DU 'PHAGS PA'I RIN PO CHE'I DPAG BSAM GYI SHING RE BA THAMS CAD SKONG BA YOD BAS, DES LHA'I 'BYOR BA YANG ZIL GYIS GNON PAR BYED DO, ,DER GLING BZHI LA DBANG BA'I 'KHOR LOS SGYUR BA'I RGYAL PO DPUNG TSOGS

YAN LAG BRGYAD DANG LDAN PA, RIN PO CHE SNA BDUN DANG, BU STONG DANG LDAN PA, BTZUN MO BRGYAD KHRI DANG, KHAMS KYI RGYAL PHRAN BZHI STONG BRGYAD CU LA DBANG BSGYUR BA CHOS KYI SRID SKYONG BA'I RGYAL BO DUNG ZHES BYA BA 'BYUNG ZHING, DE'I MDUN NA 'DON CHEN PO BRAM ZE TSANGS RAB CES PA THOS PA MANG ZHING RIG BYED KUN LA MKHAS BA, DE LA BTZUN MO TSANGS LDAN MA ZHES BYA BA SGYU RTZAL GYI YON TAN YONGS SU RDZOGS SHING MDZES PA ZHIG 'BYUNG STE, BRAM ZE YAB YUM DE GNYIS KYI SRAS SU RJE BTZUN BYAMS MGON 'BYON PAR 'GYUR RO, ,DE YANG RJE BTZUN BYAMS PA MGON POS DUS DANG YUL DANG RIGS DANG RUS DANG YUM LNGA LA GZIGS NAS DGA' LDAN GYI GNAS NAS BABS TE 'DZAM BU'I GLING DU 'BYON PA YIN NO, ,DE YANG DUS NI TSE LO BRGYAD KHRI PA SNOD BCUD THAMS CAD PHUN SUM TSOGS PA BYAMS MGON RANG NYID KYIS 'DUL BAR 'OS PA'I SEMS CAN RNAMS 'DUL BA'I DUS LA GZIGS PA'O, ,YUL NI 'DZAM BU'I GLING LA GZIGS PA'O, ,RIGS NI DE'I DUS KYI MI RNAMS BRAM ZE'I RIGS MCHOG TU BYED PAS BRAM ZE'I RIGS LA GZIGS PA'O, ,RUS NI YAB YUM GNYIS KA'I RIGS RGYUD SKYON MED BA LA GZIGS BA'O, ,YUM NI BRAM ZE TSANGS LDAN MA YON TAN THAMS CAD DANG LDAN ZHING SMON LAM GYI MTHU CAN DE LA GZIGS PA'O, ,DE LTAR GZIGS NAS DUS LA BAB PA NA LHA RNAMS GYIS MCHOD BA'I BYE BRAG BSAM GYIS MI KHYAB PA DANG BCAS DGA' LDAN NAS BABS TE 'DZAM BU'I GLING DU GSHEGS TE YUM TSANGS LDAN MA'I LHUMS SU ZHUGS SO,,

, ,DE NAS ZLA BA BCU'I RING LA DKAR PHYOGS KYI LHA RNAMS LA NUB RE BZHIN CHOS STON PA SOGS GDUL BYA'I DON RGYA CHER MDZAD NAS ZLA BA BCU SONG BA NA YUM TSANGS LDAN MA SKYED MOS TSAL ME TOG BZANG RGYAS ZHES BYA BAR BYON NAS PHYAG G-YAS PAS SHING GI YAL GA LA 'JUS TE GNAM DU GZIGS PA NA RTZIB LOGS G-YAS NAS SKU BLTAMS, DE'I 'OD KYIS 'JIG RTEN THAMS CAD BKANG STE SKAD CIG DE LA SEMS CAN RNAMS KYI SDUG BSNGAL RGYUN BCAD DE BDE BAS KHYAB PAR BYAS, LHA'I DBANG PO BRGYA BYIN GYIS BAR SNANG LAS BLANGS, KLU'I RGYAL PO RNAMS KYIS NAM MKHA' LAS BDUD RTZI'I KHRUS GSOL, DE NAS PHYOGS BZHIR GOM PA BDUN BDUN POR PA'I SHUL DU GTER CHEN PO RE DANG PADMA RE BYUNG ZHING, PHYOGS BZHIR GZIGS TE, NGA YI SKYE BA'I THA MA NI, ,'DI YIN YANG SRID YOD MA YIN, ,YANG DANG YANG DU PHYIR MI 'ONG, ,ZAG MED MYA NGAN 'DAS PAR 'GRO ,ZHES GSUNGS, DE'I TSE BYAMS MGON SKU BLTAMS PA DANG MNYAM DU 'KHOR LOS BSGYUR BA'I RGYAL PO DUNG LA SRAS STONG DANG, GZHAN YANG 'JIG RTEN NA YA RABS KYI RIGS MANG PO BTZA' ZHING GTER RNAMS KYANG KHA BYE, LHA RNAMS KYIS ME TOG GI CHAR 'BEBS, BYAMS MGON GYI DBU THOG TU GDUGS DKAR PO BZUNG, PHYOGS THAMS CAD ROL MO'I SGRA SOGS MCHOD PA'I BYE BRAG SNA TSOGS PAS KHYAB PAR BYED DO, ,DE NAS YAB YUM GNYIS KYIS GZHON NU DE MTSAN MKHAN LA BSTAN PA NA 'DI NI BYANG CHUB SEMS DPA' BYAMS PA ZHES BYA BA YIN PAS MYUR DU 'TSANG RGYA BAR 'GYUR

RO, ;ZHES LUNG STON, DE NAS BYAMS MGON GYIS SGYU RTZAL STON PA SOGS GZHON NU ROL RTZED MDZAD PAS SROG CHAGS GRANGS MED PA ZHIG SMIN GROL LA 'GOD CING LO NYI KHRI'I BAR DU KHYIM DU BZHUGS, DE NAS 'TSANG RGYA BA'I DUS LA BAB PA NA, RGYAL PO DUNG GIS RIN PO CHE SNA TSOGS KYIS BRGYAN PA'I MCHOD SDONG SBOMS SU 'DOM DRUG CU RTZA BZHI, 'PHANG DU 'DOM STONG YOD PA ZHIG BYAMS PA'I YAB TSANGS RABS LA PHUL LO, ,TSANGS RABS KYIS BRAM ZE RNAMS LA BYIN NO, ,BRAM ZE RNAMS KYIS DE MA THAG BGOS SO, ,RJE BTZUN BYAMS PAS MCHOD SDONG DE NYID MI RTAG PAR DGONGS TE YAB LA GNANG BA GSOL NAS BRAM ZE DANG RGYAL BU BZHI STONG BRGYAD CU DANG BCAS TE RAB TU BYUNG NAS KLU SHING ZHES PA'I BYANG CHUB KYI SHING 'PHANG DU DPAG TSAD TZAM DU 'PHAGS SHING, LO 'DAB DANG 'BRAS BUS MDZES PA'I YAL GAS KHOR KHOR YUG TU RGYANG GRAGS DRUG GI BAR KHEBS PA'I DRUNG DU 'KHOD DE RAB TU BYUNG BA'I NUB MO NYID LA MNGON PAR RDZOGS PAR SANGS RGYAS SO, ,DE NAS, DA NI GNAS BZANG MCHOG THOB PAS, ,DA BZOD GNAS GZHAN MI 'GRO STE, ,'CHI BDAG NA RGA LAS GROL BAS, ,ZAB MO BDUD RTZI'I SGO 'DI RNYED, ,CES GSUNGS NAS ZHAG BDUN DU CHOS MA GSUNGS PA LAS, TSANGS PAS GDUGS DKAR PO GSER GYI RTZA BA CAN KHA DOG SNA LNGA'I MU TIG DANG DRIL BU'I DRA BAS G-YOGS PA DPAG TSAD GSUM YOD PA 'DZIN CING, LHA'I RIN PO CHES BRGYAN PA'I GSER GYI 'KHOR LO RTZIBS SDONG DANG LDAN PA PHUL ZHING, ME TOG DANG RIN PO CHE DANG SPOS KYI CHAR RAB TU PHAB STE, RJE BTZUN

, ,BYAMS PA MGON PO KHYED NYID KYIS, ,CHOS KYI 'KHOR LO BLA MED BSKOR DU GSOL, ZHES SOGS KYIS GSOL BA BTAB PAS CANG MI GSUNG BAS GNANG STE, ME TOG MDZES PAR RGYAS PA'I SKYED MOS TSAL DU GSHEGS SO, ,DER GSHEGS PA'I RDZU 'PHRUL DANG CHO 'PHRUL DAG MTHONG BAS RGYAL PO DUNG YANG BU DANG BTZUN MO DANG BCAS RGYAL PO BZHI STONG BRGYAD CU, TSANGS RABS SOGS BRAM ZE BZHI STONG BRGYAD CU, SROG CHAGS STONG PHRAG GRANGS MED PA DAG KYANG 'KHOR DER 'DUS TE RAB TU BYUNG NGO, ,DE NAS CHOS KYI 'KHOR LO BSKOR BA'I 'DUS PA DANG PO LA DGRA BCOM PA DUNG PHYUR PHRAG DGU DANG BYE BA PHRAG DRUG GO ,GNYIS PA LA DUNG PHYUR PHRAG DGU DANG BYE BA PHRAG BZHI'O, ,GSUM PA LA DUNG PHYUNG PHRAG DGU DANG BYE BA PHRAG GNYIS SO, ,DE'I TSE RGYAL BA'I 'OD ZER GYI MTHUS MUN BA'I CHA SHAS MA MCHIS SHING NYI ZLA'I 'OD KYANG ZIL GYIS MNAN PA LTAR GYUR NAS, NYIN MTSAN GYI DBYE BA ME TOG RNAMS KHA BYE BA'I TSE NYIN MO, , ZUM PA'I TSE MTSAN MO'O, ,YANG BYA RNAMS SGRA GRAG PA'I TSE NYIN MO, MI GRAG PA'I TSE MTSAN MO'O, ,DE TZAM MA GTOGS MTSAN MO'I MUN PA MA MCHIS TE YUL 'KHOR KUN RTZE ZHING DGA' MGUR SPYOD LA, THAMS CAD KYANG BYAMS MGON GYI MTHUS PHAN TSUN BYAMS PA LA GNAS SHING CHOS BZHIN SPYOD BA SHA STA GO, DE NAS RGYAL BA NYAN THOS RNAMS DANG THABS GCIG TU GRONG KHYER DU BSOD SNYOMS LA RGYU BA NA, BRGYA BYIN DANG TSANGS PA SOGS LHA THAMS CAD KYIS LHA RDZAS

KYI ME TOG SNA TSOGS PA DANG, PHRENG BA DANG MCHOD PA'I BYE BRAG RNAMS KYI CHAR MNGON PAR 'BEBS LA, GANG DU BZHUGS PA'I SA DER RIN PO CHE'I KHRI DANG 'JAM ZHING REG NA BDE BA'I GDING BA RGYA NOM PA 'DING BAR BYED DO, ,SKYE DGU KUN YANG BSTOD PA'I DBYANGS SNYAN PO SOGS KYIS MCHOD DO, ,DE LTAR LO DRUG KHRI'I BAR DU SEMS CAN GRANGS MED DPAG TU MED BRJOD DU MED PA'I DON MDZAD CING 'KHOR LO BSKOR NAS YONGS SU MYA NGAN LAS 'DA' STE, SKU GDUNG NI RIL PO GCIG TU BZHUGS SO, , RJE BTZUN BYAMS PA MGON PO MNGON PAR RDZOGS PAR 'TSANG RGYA BA'I TSE YAB YUM DANG, 'KHOR 'DUS PA DANG SKU TSE'I TSID LA SOGS PA NI MDO SDE BSKAL BZANG LAS, DE BZHIN GSHEGS PA BYAMS BA SKYE BA'I YUL NI RGYAL PO'I PHO BRANG GRONG KHYER TOG GI BLO GROS ZHES BYA'O, ,RIGS NI BRAM ZE'O, ,'OD NI DPAG TSAD GCIG GO ,YAB NI TSANGS BZANG ZHES BYA'O, ,YUM NI TSANGS BDAG MA ZHES BYA'O, ,SRAS NI BSOD NAMS STOBS CHEN ZHES BYA'O, ,RIM GRO PA NI RGYA MTSO ZHES BYA'O, ,SHES RAB CAN RNAMS KYI MCHOG NI YE SHES 'OD CES BYA'O, ,RDZU 'PHRUL CAN RNAMS KYI MCHOG NI BRTZON 'GRUS BRTAN ZHES BYA'O, ,'DUS PA DANG PO LA NI NYAN THO DAG BCOM PA DUD PHYUR PHRAG DGU DANG BYE BA PHRAG DRUG GO ,GNYIS PA LA NI DUNG PHYUR PHRAG DGU DANG BYE BA PHRAG BZHI'O, ,GSUM PA LA NI DUNG PHYUR PHRAG DGU DANG BYE BA PHRAG GNYIS SO, ,SKU TSE'I TSAD NI LO BRGYAD KHRI BZHI STONG NGO, ,DAM PA'I CHOS NI LO BRGYAD KHRI'I BAR DU GNAS SO, ,SKU GDUNG NI RIL PO GCIG TU 'DUG GO ,

, ,MCHOD RTEN YANG GCIG TU ZAD DO, ,ZHES GSUNGS PA LTAR RO, ,STON PA SH'AKYA'I RGYAL PO 'DI'I BSTAN PA LA RAB TU BYUNG NAS BSLAB PA'I GZHI RNAMS LEGS PAR BSRUNG ZHING THOS BSAM SGOM GSUM LA 'BAD KYANG THEG PA GSUM GYI 'BRAS BU MA THOB PA RNAMS RJE BTZUN BYAMS PA MGON PO ZHING 'DIR BYON NAS CHOS KYI 'KHOR LO BSKOR BA'I TSE RJES SU 'DZIN PAR THUB PAS GSUNGS SHING BYAMS MGON NYID KYIS KYANG ZHAL GYIS BZHES TE, BYAMS BA LUNG BSTAN PA'I MDO LAS, SH'AKYA SENG GE'I BSTAN PA LA, ,BSLAB GZHI YANG DAG BLANGS NAS NI, ,JI LTAR GSUNGS BZHIN RAB BSGRUBS NA,, NGA YI BSTAN LA LHAGS PA YIN, ,DGE 'DUN LA YANG CHOS GOS DANG, ,ZHAL ZAS DANG NI BTUNG BA DANG, ,BSNYUN GSOS SNA TSOGS SBYIN PA RNAMS, ,PHUL NA NGA YI BSTAN LA LHAGS, ,BCU BZHI DANG NI BCO LNGA DANG, ,DE BZHIN ZLA PHYED TSES BRGYAD DANG, ,CHO 'PHRUL GYI NI ZLA BA LA, , BSNYEN GNAS YAN LAG BRGYAD BSRUNGS SHING, ,MCHOD DANG GSO SBYONG LEGS BYAS NA, ,NGA YI BSTAN LA LHAGS PA YIN, ,ZHES GSUNGS PA LTAR RO, ,DGA' LDAN DU RJE BTZUN BYAMS PA MGON PO'I ZHABS DRUNG DU SKYES NAS BYAMS MGON LAS BYUNG CHUB LAM GYI RIM PA'I GNAD RNAMS THOS PAR 'DOD PA RNAMS KYIS RJE BTZUN BYAMS PA MGON PO'I SKU YID LA BYAS TE YAN LAG BDUN PA MNYAL DANG BCAS BA YANG DANG YANG DU 'BUL BA DANG, KHAS BLANGS PA'I

BSLAB KHRIMS DAG PAR BSRUNG BA DANG, STON PA THUB PA'I DBANG PO DANG MGON PO BYAMS PA GNYIS KA LA GSOL BA BTAB NA JI LTAR SMON PA DE BZHIN DU 'GRUB PAR MDO LAS GSUNGS, BYAMS PAS DAM BCAS PA'I GZUNGS KHA TON DU BYAS NA'ANG DGA' LDAN DU SKYE PA DANG, BYAMS PA MGON POS NGES PAR RJES SU 'DZIN PAR ZHAL GYIS BZHES SHING, SNGON GYI DAM PA MANG POS ZHING GSHEGS KHAR DGA' LDAN DU PHEBS BZHED NAS BYAMS PAS DAM BCAS PA'I GZUNGS KHA TON DU MDZAD PA DANG, BYAMS PA'I SKU BZHENG BA DANG, BYAMS PA'I SMON LAM 'DON ZHING GZHAN LA'ANG RGYA CHER SPEL BAR MDZAD PA'I RNAM THAR MANG DU SNANG NGO, ,BYANG CHUB LAM GYI RIM PA'I GDAMS NGAG GI GZHUNG RTZA BA MTHAR THUG PA NI SHER PHYIN GYI MDO SDE RIN PO CHE YIN LA, SHER PHYIN GYI MDO SDE RIN PO CHE'I DON RNAMS BYANG CHUB LAM GYI RIM PA'I MAN NGAG TU SBYAR TE STON PA'I GZHUNG NI RJE BTZUN BYAMS MGON GYIS MDZAD PA'I SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN YIN TE, MNGON RTOGS RGYAN GYIS SHER PHYIN GYI MDO SDE RIN PO CHE'I DON THAMS CAD BRJOD BYA DNGOS PO BRGYAD, DE LA NANG GSES KYIS PHYE BAS DON BDUN CUR GTAN LA PHAB, DE'I DANG PO SEMS BSKYED NAS THA MA 'PHRIN LAS KYI BAR THAMS CAD GANG ZAG GCIG GIS NYAMS SU LEN TSUL GSAL BAR STON PA NI BYANG CHUB LAM GYI RIM PA STE, RJE BDAG NYID CHEN POS BYANG CHUB LAM GYI RIM PA 'DI MNGON PAR RTOGS PA'I RGYAN GYI

, ,GDAMS NGAG YIN LA, ZHES SOGS RGYA CHER GSUNGS PA LTAR RO, ,DE LTAR RJE BTZUN BYAMS PA MGON POS BYANG CHUB LAM GYI RIM PA'I GDAMS NGAG GI GZHUNG RTZA BA MNGON RTOGS RGYAN DANG, DE'I NYAMS LEN GYI GNAD RNAMS MDO MANG PO NAS BTUS TE, RGYAS PAR STON PA MDO SDE RGYAN DANG, BYANG CHUB LAM GYI RIM PA'I ZHI LHAG GNYIS KYI NYAMS LEN ZUR DU BKAR NAS STON PA DBUS MTHA' RNAM 'BYED DANG, CHOS DANG CHOS NYID RNAM 'BYED GNYIS BYANG CHUB LAM GYI RIM PA'I LTA BA'I GNAD MTHAR THUG PA MGON PO KLU SGRUB KYIS RGYAL BA'I DGONGS PA BKRAL BA'I DBU MA'I LTA BA DANG MTHUN PAR SEMS KYI CHOS NYID SPROS PA'I MTHA' THAMS CAD DANG BRAL BA'I RANG BZHIN GNAS RIGS GTAN LA PHAB STE MTHAR THUG THEG PA GCIG TU BSGRUB PA RGYUD BLA MA RNAMS MDZAD DE, DE DAG LA BYAMS CHOS SDE LNGA ZHES YONGS SU GRAGS SO, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RJE BTZUN BYAMS PA MGON PO LA GSOL BA GDAB PA DANG, BYAMS MGON GYI GZHUNG 'DI DAG LA GCIS PO CHER BZUNG NAS THOS BSAM SGOM GSUM LA 'BAD PAR BYA'O,, ` ,, RGYAL BAS LUNG BSTAN 'PHAGS PA THOGS MED ZHABS, ,ZHES BSNGAGS PA 'PHAGS PA THOGS MED NI ,'JAM DPAL RTZA RGYUD LAS, NGA NI MYA NGAN 'DAS 'OG TU, ,LO NI DGU BRGYA LON BA NA, ,THOGS MED CES BYA'I DGE

SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL CAN DU 'GYUR, ,DE YI RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN BA YUN RING GNAS BYA'I PHYIR, ,MDO YI DE NYID BSDUS DON BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, ZHES GSAL BAR LUNG BSTAN PA THUB PA'I BSTAN PA NYAMS DMAS PA GSO BA'I PHYIR DU SNYING RJE DANG SMON LAM GYI DBANG GIS ZHING 'DIR BSAM BZHIN DU BYON PA ZHIG STE, DE YANG, RGYAL BA MYA NGAN LAS 'DAS NAS RING PO MA LON PA NA NANG PA'I BSTAN PA SDE PA BCO BRGYAD DU GYES PA DANG, DE NAS KYANG NYAN THOS KYI GRUB MTHA' SMRA BA MANG BO ZHIG GIS THEG CHEN RGYAL BA'I BKA' MIN NO ZHES LOG PAR BZUNG STE THEG BA CHEN PO'I BSTAN PA CHES CHER NYAMS DMAS BAR BYAS SHING NYAN THOS KYI GRUB MTHA' SMRA BA RNAMS KYANG PHAN TSUN RTZOD PAR BYED PAS 'DI NI BDEN GYI GZHAN NI GTI MUG GO ZHES PHYOGS PHYOGS SU GYES PAS RGYAL BA'I BSTAN PA SHIN TU NYAMS SHING, LHAG PAR BDUD SDIG TO CAN GYIS BYIN GYIS BRLABS TE YID BSGYUR BA'I MU STEGS KYI RGAN MO ZHIG NA RE, NANG PA'I GAndI'I SGRA LAS 'GEMS ZHES PA ZHIG SNANG STE, 'O SKOL LA GNOD MI GNOD BRTAG BAR RIGS SO, ,ZER NAS BRTAGS PAS, LHA DANG KLU DANG GNOD SBYIN GYIS

, ,MCHOD PA'I, ,DKON MCHOG GSUM GYI TOG SDE 'DI BRDUNGS PAS, ,MU STEGS 'CHAL PA'I KLAD PA RNAM PAR 'GEMS, ,ZHES PAR RIG NAS DMAG DRANGS TE BSTAN PA BSNUBS SO, ,DE NAS CUNG ZAD 'PHEL NAS YOD PA'I TSE, DBUS KYI RGYAL POS STAG GZIG GI RGYAL PO LA RAS KYI NA BZA' SRUBS MED PA ZHIG SKYES SU BSKUR TE, DE'I SNYING GAR RKANG RJES 'DRA BA ZHIG YOD PAS, NGAN SNGAGS BYAS SO ZER NAS DMAG DRANGS TE BSNUBS SO, ,DE NAS YANG CUNG ZAD 'PHEL NAS YOD PA'I TSE, NANG PA'I GTZUG LAG KHANG ZHIG TU PHYI PA'I SPRANG PO GNYIS SLONG DU 'ONGS PA LA BKRU CHU GTOR BAS KHROS TE NYI MA BSGRUBS NAS NANG PA'I GTZUG LAG KHANG DANG GSUNG RAB MANG PO BSREGS NAS BSNUBS SO, ,DE'I TSE BRAM ZE MO GSAL BA'I TSUL KHRIMS ZHES PA SNGON YUN RING PO NAS BYANG CHUB TU SEMS BSKYED DE RGYAL BA'I BSTAN PA GSO BA'I SMON LAM GYI MTHU CAN ZHIG YOD PA DE'I BSAM PA LA THUB PA'I BSTAN PA LA DGRA LAN GSUM BYUNG STE NUB PAS, DA 'DI DAR BAR BYED NUS PA GZHAN YANG MI SNANG, BDAG KYANG BUD MED DU SONG BAS MI NUS KYI, LUS LAS BU BSKYED LA DAR BAR BYED DU GZHUG GO SNYAM STE RGYAL RIGS DANG 'DUS PAS THOGS MED 'KHRUNGS SO, ,DE NAS YUM GYIS SRAS 'KHRUNGS MA THAG LCE LA GZHI HANG GIS YI GE AA 'DRI BA SOGS BLO RNO BA'I THABS BYAS SHING RNAM PA

KUN NAS GTZANG SPRA LA GNAS TE BU 'DIS RGYAL BA'I BSTAN PA 'DZIN PA ZHIG NAM 'ONG SNYAM DU DE 'BA' ZHIG YID LA BRNAGS TE DE'I THABS LA 'BAD CING YI GE DANG RTZIS DANG BRAM ZE'I RIG BYED SOGS RIG GNAS THUN MONG BA RNAMS YUM RANG NYID KYIS BSLABS, DE CHER SKYES PA'I TSE GZHON NU DES, YUM, PHA'I LAS GANG YIN ZHUS PAS YUM GYIS KHYOD PHA'I RIGS SKYONG BA'I PHYIR BSKYED PA MIN GYI, SANGS RGYAS KYI BSTAN PA NYAMS PA SEMS KYIS MA BZOD NAS DE'I PHYIR BSKYED PA YIN PAS RGYAL BA'I BSTAN PA LA RAB TU BYUNG LA SDE SNOD GSUM KLOG PA DANG, BSAM GTAN LA 'BAD NAS RGYAL BA'I BSTAN PA DAR BAR GYIS SHIG CES GSUNGS NAS RAB TU BYUNG STE DGE TSUL DANG ,DE NAS MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE SDE SNOD GSUM LA SBYANGS NAS LO RE LA TSIGS BCAD 'BUM 'BUM GYI TSIG DON GNYIS KA THUGS SU CHUD PAR MDZAD PAS RING POR MA THOGS PAR SDE SNOD GSUM THUGS SU CHUD, 'ON KYANG SHER PHYIN GYI MDO SDE RIN PO CHE'I SBAS DON MNGON RTOGS KYI RIM PA RNAMS RTOGS DKA' BAR BYUNG NAS SHER PHYIN GYI MDO SDE'I DON THEG PA CHEN PHO'I LAM GYI LUS YONGS SU RDZOGS PA NAM ZHIG NA RNYED SNYAM DU DE 'BA' ZHIG THUGS LA BCANGS NAS TSUL KHRIMS DAG PAR BYA BA DANG, TSOGS BSAG PA DANG, SGRIB BA SBYONG BA'I SGO DU MA LA 'BAD PA DANG, NANG DU YANG DAG 'JOG LA RTAG TU 'GRUS PAR MDZAD DO, ,DE NAS

, ,SNGAGS KYI RDO RJE SLOB DPON ZHIG LA SGYU 'PHRUL DRA BA'I DBANG ZHU BAR MDZAD NAS DE'I DKYIL 'KHOR DU ZHUGS TE LHAG PA'I LHA GANG LA 'BREL CHE DANG ,GANG LA GSOL BA BTAB NA BYIN RLABS MYUR BRTAG PA'I PHYIR ME TOG DOR BA NA ME TOG BYAMS MGON LA BABS SO, ,DE NAS RJE BTZUN BYAMS BA BSGRUBS LA BSTAN PA DAR BAR BYA'O SNYAM DU DGONGS TE RI BYA RKANG GI PHUG TU BSGRUB TU BYON TE LO GSUM DU BSGRUBS PAS MTSAN MA CUNG ZAD KYANG MA MTHONG BAS SKYO STE PHYIR 'THON PA NA RGAN PO SHING BAL GYI 'DAB MAS LCAGS KYI SDONG PO LA KHAB BYED PA MTHONG NAS, KHAB JI LTAR 'BYUNG ZHES DRIS PAS, SNYING STOBS LDAN PA'I SKYES BU YIS, ,BSGRUBS NA MI 'GRUB GANG YANG MED, ,DKA' YANG BRNAGS PA MA DOR NA, ,RI BO RNAMS KYANG THAL BAR RLOG; ZER BAS BRTZON 'GRUS BRTZOM DGOS PAR DGONGS NAS SLAR YANG LO GSUM DU MTSAMS BCAD DE BSGRUBS KYANG 'GRUB BA'I MTSAN MA GANG YANG MA BYUNG BAS SKYO STE PHYIR 'THON PA NA CHU THIGS KYIS BRAG ZAD PA MTHONG NAS BRTZON PAS YUN RING DU BSGRUB DGOS PAR MTHONG NAS YANG LO GSUM DU MTSAMS BCAD DE BSGRUBS KYANG 'GRUB PA'I MTSAN MA GANG YANG MA MTHONG BA NA SKYO STE PHYIR 'THON PAS BYA SGROS BRAG ZAD PA MTHONG STE DA DUNG BRTZON PA BYED DGOS BAR DGONGS NAS SLAR YANG LO GSUM MTSAMS BCAD DE BSGRUBS, DE LTAR LO BCU GNYIS SU BSGRUBS KYANG 'GRUB PA'I MTSAN MA MA BYUNG BAS SKYO STE 'THON NAS PHYIN BA NA KHYI MO RO SMAD 'BUS GZHIGS BA, RO STOD ZUGS SHING ZA BA ZHIG MTHONG NAS

SNYING RJE LHAG PAR SKYES TE, 'BU RNAMS BSAL NA 'BU 'CHI, MA BSAL NA KHYI MO 'CHI BAR SNANG BAS RANG GI LUS LAS SHA BCAD DE DER 'BU RNAMS BLANG DO SNYAM STE GRONG KHYER AA TZAN TA ZHES BYA BAR PHYIN TE, GSEG SHANG GTENG BAR BCUG NAS GSER GYI SPU GRI YAR TE RANG GI LUS LAS SHA BCAD ,LAG PAS BLANGS NA 'BU RNAMS SHI YI DOGS TE, SPYAN BTZUMS TE LJAGS KYIS BLANGS PA NA KHYI MO MED PAR RJE BTZUN 'OD DANG BCAS PAR MTHONG NAS, KYE MA YAB GCIG BDAG GI SKYABS, ,NGAL BRGYAS 'BAD KYANG 'BRAS MA MCHIS, ,CI PHYIR CHAR SPRIN RGYA MTSO'I DPUNG, ,GDUNG BAS BSREGS TE SKOM TSAD 'BAB, ,BDAG GIS DE TZAM BSGRUBS KYANG RTAGS KYANG MA BYUNG NA THUGS RJE RE CHUNG ZHES 'KHENGS PAS RJE BTZUN GYIS, LHA YI RGYAL POS CHAR PHAB KYANG; ;SA BON MI RUNG MI 'KHRUNGS LTAR, ,SANGS RGYAS RNAMS NI BYON GYUR KYANG, ,SKAL BA MED PAS BZANG MI MYONG, ,DE DANG PO NAS YOD DE KHYOD RANG GI SGRIB PAS MA MTHONG LA, DA LTA SNYING RJE CHEN PO SKYES PAS LAS SGRIB DAG NAS MTHONG BA YIN ,DE LTAR YIN PAR KHYOD RANG NGA PHRAG GONG DU KHYER LA MI RNAMS LA STON CIG GSUNGS NAS BSTAN PAS MTHONG BA MA BYUNG BAS DES YID CHES SO, ,KHYOD CI 'DOD GSUNG BA LA THEG CHEN DAR BAR ZHU 'TSAL BYAS PAS, NGA'I CHOS GOS LA 'JUS SHIG GSUNGS NAS DGA' LDAN DU BYON TA LHA'I GRO SKAD GCIG, MI LO LNGA BCUR BZHUGS TE RJE BTZUN BYAMS PA MGON PO LA THEG PA CHEN PO'I CHOS MTHA' YAS PA GSAN ZHING, LHAG PAR SHER PHYIN GYI MDO SDE RIN PO CHE'I DON THEG

, ,PA CHEN PO'I LAM GYI RIM BA'I GNAD RNAMS GTING PHYIN BAR ZHUS TE JI LTAR GSUNGS PA'I DON RNAMS LA SEMS PA DANG 'JAL BA DANG RTOG PAR BYED CING BSGOMS PA'I MTHUS TING NGE 'DZIN GYI SGO BRGYA PHRAG DU MA THOB CING, MI BRJED PA'I GZUNGS DANG, THOGS BA MED PA'I SPOBS PA DANG, THEG BA CHEN PO'I CHOS RNAM PAR 'BYED PA'I SHES RAB THOB CING CHOS NYID MNGON DU GYUR TE 'PHAGS PA'I SA THOB, DE NAS GDUL BYA'I DON DU SHER PHYIN GYI MDO SDE RIN PO CHE'I SBAS DON MNGON RTOGS LAM GYI RIM PA TSANG BAR STON PA'I BSTAN BCOS RTZOM PAR ZHUS PAS RJE BCUN BYAMS PA MGON BOS SHER PHYIN GYI MDO SDE RIN PO CHE'I SBAS DON BYANG CHUB LAM GYI RIM PA STON PA'I BSTAN BCOS MNGON PAR RTOGS PA'I RGYAN DANG, MDO SDE RGYAN DANG, 'BYED RNAM GNYIS DANG, RGYUD BLA MA STE CHOS LNGA BRTZAMS SO, ,'PHAGS PA THOGS MED KYIS DGA' LDAN DU BZHUGS PA'I YUN TSAD LA LHA'I GRO SKAD GCIG MI LO LNGA BCU GSUNGS PA 'DI LA GRO SKAD GCIG LA MI LO LNGA BCU JI LTAR 'ONG SNYAM DU DOGS PAR MI BYA STE MJOD LAS, MI RNAMS KYI LO LNGA BCU LA, 'DOD PA DAG GI LHA RNAMS LAS, ,'OG MA RNAMS KYI NYIN ZHAG GCIG ,GONG MA GNYIS KA NYIS 'GYUR RO, ,ZHES GSUNGS PA LTAR, RGYAL CHEN RIS BZHI BA'I ZHAG GCIG LA MI LO LNGA BCU 'ONG LA, LHA GNAS GONG MA RNAMS NYIS 'GYUR DU GSUNGS PA'I SUM CU RTZA GSUM PA'I ZHAG GCIG LA MI LO BRGYA, 'THAB BRAL BA'I ZHAG GCIG LA MI LO NYIS BRGYA, DGA' LDAN PA'I ZHAG GCIG LA MI LO BZHI BRGYA 'ONG BAS DGA' LDAN GYI LHA'I SNGA DRO'I CHA GCIG LA MI LO LNGA

BCU NGES PAR 'ONG NGO, ,DE NAS 'PHAGS PA THOGS MED CHOS KYI BDUD RTZIS CHIM NAS 'DZAM BU'I GLING DU RGYAL BA'I BSTAN PA SPEL PHYIR 'BYON PA NA SNGAR DGA' LDAN DU YAR 'BYON DUS BYAMS MGON GYI NA BZA' LA 'JUS TE DE'I RDZU 'PHRUL GYIS BYON PA YIN YANG, 'DZAM BU'I GLING DU MAR 'BYON PA'I TSE 'PHAGS PA THOGS MED RANG NYID KYI RDZU 'PHRUL GYIS BYON TE MA GA DHA'I YUL GYI PHYOGS DBEN PA'I NAGS TSAL ZHIG TU MANG DU THOS BA'I SLOB MA NYUNG SHAS DANG BCAS BZHUGS TE ,DE DAG LA THEG PA CHEN PO'I LAM GYI RIM PA BSTAN PAS DE DAG THAMS CAD KYIS BZOD PA THOB CING RDZU 'PHRUL DANG MNGON BAR SHES PA RGYA CHEN PO THOB STE BSTAN PA'I BYA BA RGYA CHER NUS PA SHA STAG BYUNG BAS GNAS DE LA CHOS KYI MYU GU'I DGON BA ZHES GRAGS PAR CHOS 'BYUNG 'GA' ZHIG LAS BSHAD, GNAS DER BYAMS CHOS SDE LNGA YI GER BKOD CING MNGON BAR RTOGS BA'I RGYAN DANG YUM GYI DON STON BA DE NYID RNAM NGES BRTZAMS, RIM GYIS RGYUD BLA MA'I 'GREL PA DANG, MDO SDE DGONGS 'GREL GYI 'GREL PA MDZAD CING, RJE BTZUN GYI MAN NGAG LA BRTEN NAS THEG PA CHEN PO'I LAM GYI RIM BA RGYAS BAR STON PA BYANG CHUB SEMS DPA'I SA SOGS SA SDE LNGA DANG SDOM RNAM PA GNYIS MDZAD DE, SA SDE LNGA NI SA'I DNGOS GZHI, ,GZHI BSDU BA, RNAM GRANGS BSDUB, RNAM PAR BSHAD PA'I SGO BSDU BA, RNAM PAR GTAN LA DBAB PA BSDU BA RNAMS SO, ,SDOM GNYIS NI, THEG PA

, ,CHEN PO'I SDOM THEG BSDUS DANG, THEG PA THUN MONG GI SDOM MNGON PA KUN BTUS GNYIS SO, ,SHES RAB KYI PHA ROL TU PHYIN PA GSER MDOG CAN GYI SGRUB THABS, SHES RAB KYI PHA ROL TU PHYIN MA'I SGRUB THABS, GSER MDOG CAN GYI SHER PHYIN GYI SGRUB THABS, YANG SHER PHYIN GYI SGRUB THABS, SANGS RGYAS RJES DRAN GYI MDO'I 'GREL PA, CHOS RJES DRAN GYI MDO'I 'GREL PA, DGE 'DUN RJES DRAN GYI MDO'I 'GREL PA, BSAM GTAN GYI SGRON MA, 'PHAGS PA BYAMS PA'I SGRUB THABS, CHOS SKU'I YON TAN THUN MONG MA YIN PA'I BSTOD PA RNAMS MDZAD DO, ,SLOB DPON 'PHAGS PA THOGS MED 'DI SA GSUM PA BRNYES PAR GRAGS SHING, DE LTAR NAS DANG PO THOB PA'I TSE SPRUL PA MI 'DRA BA BRGYA PHRAG DUS GCIG LA STON PA DANG, SANGS RGYAS KYI ZHING BRGYA PHRAG TU DUS GCIG LA PHYIN NAS SANGS RGYAS BRGYA PHRAG LA DUS GCIG TU MCHOD PA DANG BSNYEN BKUR BYA NUS PA DANG, 'JIG RTEN GYI KHAMS BRGYA PHRAG TU SPRUL PA BRGYA PHRAG BKYE NAS DE DANG DE'I GDUL BYA RNAMS LA DUS GCIG TU CHOS STON NUS BA DANG, RANG DANG GZHAN GYI TSE RABS BRGYA PHRAG MANG PO MNGON SUM DU MTHONG BA DANG, MTSAN DPE RJES MTHUN PA THOB CING LAS NYON GYI DBANG DU MI 'GRO BAR SNYING RJE DANG SMON LAM GYI DBANG KHO NAS SKYE BA LEN PA DANG, MCHOG GI SBRUL SKU'I ZHAL MNGON SUM DU MTHONG STE NAM 'DOD DU SANGS RGYAS LAS CHOS NYAN NUS BA SOGS YON TAN MTHA' YAS PA MDO LAS GSUNGS PAS

BDAG NYID CHEN PO 'DI'I YON TAN NIS LA GNAS PA'I SEMS DPA' NANG PHAN TSUN DANG SANGS RGYAS RNAMS KYIS MKHYEN PA MA GTOGS BLO DMAN DAG GIS PHYOGS TZAM YANG SHES NUS PA MA YIN NO, ,SLOB DPON BDAG NYID CHEN PO 'DI'I SKU LA MTSAN DPE RJES MTHUN PA YOD PA DANG, DGUNG LO BRGYA PHRAG BRGAL BA'I TSE NA'ANG SKU LA SKRA DKAR DANG GNYER MA MED CING GZHON NU'I NYAMS LTAR SKU BLTA BAS CHOG MI SHES SHING GZHON SHA CHAGS PA ZHIG YOD PAR BSHAD, SLOB DPON BDAG NYID CHEN PO 'DIS RGYAL BA'I BSTAN PA RGYA CHER SPEL BA'I TSE MU STEGS KYI SMRA BA NGAN PA RNAMS PHAL TSAR NUB, SANGS RGYAS KYI BSTAN PA CHES CHER 'PHEL NAS 'DZAM BU'I GLING GI CHE DGU THAMS CAD KYIS BDAG NYID CHEN PO 'DI LA MCHOD CING BSNYEN BKUR, RGYAL BA'I BSTAN PA LA ZHUGS NAS RGYAL BA DGYES PA'I LAM LA SLOB PAR 'DOD PA THAMS CAD BDAG NYID CHEN PO 'DI'I SLOB MAR GYUR TE SLOB DPON 'DIS CHOS STON PA'I TSE THEG PA CHEN PO'I CHOS NYAN PA KHRI PHRAG BRGAL BA BYUNG ZHES GRAGS SHING THUB BSTAN MI NUB PA'I RGYAL MTSAN 'DZAM GLING MDZES PAR BYED PA'I RGYAN GCIG BU ZHES GTAM DU GRAGS SO, ,SLOB DPON 'DIS SKU TSE'I MJUG LA N'A LANDRA'I MKHAN PO MDZAD DE LO BCU GNYIS SU N'A LANDRA BSKYANGS TE BSTAN PA'I BDAG PO MDZAD, RGYA GAR GYI GNAS THAMS CAD DU MCHOD GZHI MANG DU BTZUGS, DGE 'DUN GYI SDE CHES CHER 'PHEL BAR MDZAD, MTHAR RGYAL PO'I KHAB TU SKU'I BKOD PA BSDUS TE, DGA'

, ,LDAN DU RGYAL BA MI PHAM PA'I ZHABS DRUNG DU PHEBS NAS THEG PA CHEN PO'I CHOS KYI BDUD RTZI LA LONGS SPYOD CING DGA' LDAN GYI LHA RNAMS LA THEG PA CHEN PO'I CHOS STON PA DANG 'DUL BAR 'OS PA'I GDUL BYA GANG DANG GANG NA YOD BA'I ZHING DE DANG DER SPRUL BA'I BKOD PA BSAM GYIS MI KHYAB PAS GDUL BYA BGRANG BA LAS 'DAS PA SKAD CIG DANG SKAD CIG LA 'KHOR BA DANG NGAN SONG LAS BSGRAL TE MTHO RIS DANG THAR PA DANG THAMS CAD MKHYEN BA'I LAM LA 'KHRID CING BZHUGS SO, ,BDAG NYID CHEN PO 'DI GANG DU MYA NGAN LAS 'DAS PA'I GNAS DER DAD PA CAN DAG GIS MCHOD RTEN BRTZIG SO, ,SLOB DPON 'DI LA SLOB MA BSTAN PA 'DZIN PA BSEM GYIS MI KHYAB PA YOD CING, SRAS KYI THU BO BSTAN BA'I BDAG BOR GYUR PA NI MKHAS MCHOG DBYIG GNYEN NO, ,SLOB DPON 'DI THUGS BSKYED SHIN TU RGYA CHE BAS DE SANG YANG SLOB DPON 'DI'I GSUNG SA SDE RNAMS PHYOGS THAMS CAD DU KHYAB PAR GNAS SO, ,DES NA BYANG CHUB LAM GYI RIM PA LA BLO SBYONG BAR 'DOD BA'I GDUL BYA RNAMS KYIS 'PHAGS PA THOGS MED LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA SHUGS DRAG LA RGYUN RING BA 'DEBS PA DANG, THEG PA CHEN PO'I LAM GYI RTZA BA BYAMS SNYING RJE BYANG CHUB KYI SEMS THUGS DAM GYI MTHIL DU BYED

PA DANG, SKYES BU GSUM GYI LAM LA BLO SBYONG BA'I TSE SKYES BU CHUNG NGU'I SKABS KYI LAS 'BRAS KYI DMIGS SKOR LA SA'I DNGOS GZHI NAS GSUNGS PA LTAR BSAM, SKYABS 'GRO'I DMIGS SKOR LA GTAN LA DBAB PA BSDU BA NAS GSUNGS PA LTAR BSAM, THEG CHEN THUN MONG MIN PA'I SKYABS 'GRO NI RGYUD BLA DANG DE'I 'GREL PA SLOB DPON 'DIS MDZAD PA NAS GSUNGS PA LTAR BSAM, SKYES BU 'BRING GI DMIGS SKOR LA BDEN BZHI'I GNAS TSUL BSAMS TE SRID PA MTHA' DAG LA ZHEN PA LOG PA'I NGES 'BYUNG BSKYED TSUL NYAN SA DANG MNGON PA KUN BTUS NAS GSUNGS PA LTAR BSAM, BSLAB PA GSUM RGYUD LA BSKYED CHUL NYAN SA NAS GSUNGS PA LTAR BSAM, BYAMS SNYING RJE BYANG CHUB KYI SEMS DANG, RGYAL SRAS KYI SPYOD PA RLABS PO CHE LA SLOB TSUL RNAMS BYANG SA NAS GSUNGS BA LTAR BSAM, ZHI GNAS BSGRUB CHUL DANG SPYIR LHAG MTHONG GI RTOGS PA SKYE LUGS RNAMS NYAN SA NAS GSUNGS PA LTAR BSAM, ZAB MO DBU MA'I LTA BA THUN MONG MIN PA NI RGYUD BLA MA'I 'GREL PA SLOB DPON 'DIS MDZAD PA LAS GSUNGS BA LTAR BSAMS LA BYANG CHUB LAM GYI RIM BA LA NGES PA PHU THAG CHOD PA RNYED BAR BYAS LA NYAMS LEN SNYING POR BYA'O,, ,, ` 'DZAM GLING MKHAS PA'I GTZUG RGYAN DBYIG GI GNYEN, ,ZHES BSNGAGS PA, MKHAS MCHOG DBYIG GNYEN NI, 'PHAGS PA THOGS MED DANG YUM GCIG PAR 'KHRUNGS TE 'PHAGS PA THOGS MED 'KHRUNGS NAS THUN MONG

, ,BA'I RIG GNAS RNAMS LA SBYANGS SHING RAB TU BYUNG NAS RING ZHIG LON PA NA SNGON YUN RING PO NAS BYANG CHUB KYI SEMS CHES CHER RGYAS PA RGYAL BA'I BSTAN PA SPEL BA'I SMON LAM GYI MTHU CAN YUM BRAM ZE MA GSAL BA'I TSUL KHRIMS DE NYID KYIS BRAM ZE DANG 'DUS PA LAS KHYE'U MTSAN DANG LDAN PA ZHIG BTZAS TE, KHYE'U DE'I LCE LA GHI HANG GI YI GE AA 'DRI BA SOGS BRAM ZE'I RIG BYED LAS 'BYUNG BA LTAR GYI BLO RNO BA'I CHO GA BYAS SHING KHRUS DANG GTZANG SBRA LA GNAS PA'I SGO NAS BSKYED BSRINGS TE NAR SON PA NA YI GE DANG, RTZIS DANG, RIG BYED BZHI LA SOGS PA THUN MONG BA'I RIG NAS RNAMS YUM NYID KYIS LEGS PAR BSLABS TE KHONG DU CHUD PAR BYAS, DE NAS YUM GYIS SRAS LA 'DI SKAD DU, BU; KHYOD SKYED BA NI RIGS SPEL BA SOGS 'JIG RTEN GYI BYA BA'I CHED DU BSKYED BA MA YIN GYI, RGYAL BA'I BSTAN PA SBEL BA'I PHYIR BSKYED PA YIN PAS RAB TU BYUNG LA SDE SNOD GSUM LA SBYANGS TE RGYAL BA'I BSTAN PA DAR BAR GYIS SHIG ,CES BSKUL NAS NA LANDRAR RAB TU BYUNG, RAB TU BYUNG TZAM NYID NAS MKHAN SLOB KYIS BSTAN PA LTAR 'DUL BA'I BCAS MTSAMS PHRA ZHING PHRA BA MTHA' DAG MIG 'BRAS LTAR BSRUNG BA GZHIR BZHAG NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR, DE NAS MNGON PA'I SDE SNOD KYI DGONGS DON PHRA ZHING PHRA BA DAG RTOGS BAR BYA BA'I PHYIR DANG, SDE PA BCO BRGYAD

SO SO'I LUGS MA 'DRES PAR SHES PAR BYA BA'I PHYIR DANG, GZHAN YANG RANG DANG ZHAN GYI GRUB PA'I MTHA' RGYA MTSO LTA BU'I PHA ROL TU PHYIN PAR BYA BA'I PHYIR MKHAS GRUB DU MA'I 'BYUNG GNAS KHA CHE'I YUL DU PHEBS NAS MKHAS PA CHEN PO 'DUN BZANG GI DRUNG DU SNGON DGRA BCOM PA RNAMS KYIS MNGON PA SDE BDUN DANG 'DUL BA LUNG SDE BZHI'I GNAD RNAMS BSDUS TE GTAN LA PHAB PA'I BSTAN BCOS BYE BRAG TU BSHAD PA CHEN PO GZHUNG 'BUM PHRAG GCIG TU LONGS PA YOD PA DE LA SBYANGS SO, ,BSTAN BCOS 'DI LA SNGON GYI GZHAN YANG SLOB DPON 'DUN BZANG LA MNGA' BA'I SDE SNOD GSUM BRJOD, PHYE BRAG BSHAD MDZOD CES KYANG BRJOD DO, ,DE LTA BU'I BSTAN BCOS CHEN PO DE YONGS SU RDZOGS PA THUGS LA BZUNG NAS DON GYI GNAD MTHA' DAG LA 'KHRUL PA'I DRI MA PHRA MO'ANG MED PAR DRI MA MED PA'I RIGS PA PHRA MOS LEGS PAR DPYAD NAS MTHA' DAG PAR THUGS LA CHUD PAR MDZAD, GZHAN YANG SLOB DPON 'DUN BZANG LA MNGA' BA'I SDE SNOD GSUM GYI BSHAD SROL MTHA' DAG LA SBYANGS NAS MKHAS PA'I PHUL DU PHYIN PAR GYUR TE, KHA CHE'I YUL DU GDUL BYA BGRANG BA LAS 'DAS PA LA CHOS MANG DU BSTAN CING DRI MA MED PA'I RIGS LAM RGYAS PAR MDZAD, DE NAS RGYA GAR DU 'BYON PAR BZHED PA'I TSE BDUD SDIG TO CAN GYIS BDAG NYID CHEN PO 'DIS RGYAL BA'I BSTAN PA LA BYA BA RGYA CHEN PO MDZAD PA MA BZOD NAS CHOM RKUN PA MANG PO DANG SHO GAM BSRUNG BA'I GNOD SBYIN GYI YID BSGYUR TE DE DAG GIS

, ,SLOB DPON GYI LHA RTEN DANG GLEGS BAM LA SOGS PA YO BYAD THAMS CAD PHROGS, YANG GLEGS BAM LA SOGS PA GSAR DU BZHENGS NAS PHEBS PAR LAN GSUM GYI BAR DU PHROGS PA NA SLOB DPON GYI THUGS LA DA NOR NI MED GLEGS BAM MED KYANG CHOS THAMS CAD NI BLO LA YOD PA SUS KYANG DBROG TU MI BTUB PAS YO BYAD GANG YANG MED PAR 'GRO'O SNYAM DU DGONGS NAS PHEBS TE NA LANDRAR BYON, DER SDE SNOD 'DZIN PA MANG PO LA CHOS RGYA CHER STON CING BZHUGS PA NA, GCEN 'PHAGS PA THOGS MED KYIS BSTAN BCOS MANG DU BRTZAMS PA GSAN NAS, KYE MA THOGS MED NAGS SU LO, ,BCU GNYIS BAR DU TING 'DZIN BSGRUBS, ,TING 'DZIN MA GRUB GLANG CHEN GYI; ;RGYAB KHAL LONGS BA'I GRUB MTHA' BRTZAMS, ,ZHES THEG CHEN GYI GANG ZAG DANG CHOS LA SKUR PA BYAS PA GCEN GYIS GSAN NAS, LOG SGRUB DON MIN DU 'GYUR BA MKHYEN NAS, DE BZLOG PA'I PHYIR SLOB MA GNYIS SA BCU PA DANG, BLO GROS MI BZAD PAS BSTAN PA 'DZIN DU BCUG NAS, GCUNG CAN DU SONGS LA SROD DANG THO RANGS THON CIG CES BSGO BA LTAR BSGRUBS PAS, MDO BTON PAS DE SLOB DPON DBYIG GNYEN GYIS GSAN PA NA, SROD LA THEG CHEN 'DI RGYU BZANG 'BRAS BU KHA G-YEL BA 'DRA GSUNG, THO RANGS RGYU 'BRAS GNYIS KA BZANG BAR 'DUG PA LA NGAS SKUR PA BTAB PHA LCE 'DIS LAN BAS GCOD GSUNG NAS SPU GRI 'TSOL BA'I CHE KHONG GNYIS KYIS LJAGS DGUM MI

'TSAL, DE'I SGRIB PA SBYANG THABS GCEN LA MNGA' BAS DER GSHEGS PAR ZHU ZHUS PAS, SLOB DPON DBYIG GNYEN 'PHAGS PA THOGS MED KYI SAR BYON TE CHOS GSAN PAS DAD NAS 'PHAGS PA THOGS MED LA NYES PA BSHAGS TE THEG PA CHEN PO'I CHOS RNAMS RIM GYIS GSAN ZHING, DE'I TSE 'PHAGS PA THOGS MED LA RJE BTZUN BYAMS PA MGON PO 'BRAL MED DU BZHUGS NAS BYA BA THAMS CAD RJE BTZUN LA ZHU ZHING MDZAD PA DE GCUNG GIS MKHYEN NAS LHAG PA'I LHA DE BDAG LA BSTAN PAR ZHU BYAS PAS, RJE BTZUN LA ZHU YI GSUNGS NAS ZHUS PAS, RJE BTZUN GYI ZHAL NAS, KHYOD SO SO'I SKYE BO YIN ZHING DANG POR THEG CHE LA SKUR BA BTAB PAS TSE 'DI LA NGA MTHONG BA'I SKAL BA MED KYIS, SGRIB PA SBYANG BAR BYA BA'I PHYIR THEG CHEN GYI MDO 'GREL MANG DU RTZOMS, GTZUG TOR RNAM RGYAL GYI GZUNGS THON, PHYI MA LA MJAL GSUNGS, DE NAS SLOB DPON DBYIG GNYEN GCEN LA LHAG PAR DAD DE, NGA YI PHU'O KLU DANG 'DRA, NGA NI CHAR SDOD BYA DANG 'DRA, ,KLU YI RGYAL POS CHAR PHAB KYANG, ,BYA YI GRE BAR SONG BA MED, ,CES GSUNGS SHING RJE BTZUN BYAMS PA MGON PO'I BKA' BZHIN BSGRUBS TE THOG MAR BYANG CHUB LAM GYI RIM PA'I SKYES BU CHUNG A'BRING GNYIS KYI DMIGS BA DANG, SKYES BU CHEN PO'I YANG SGRUB PA'I DMIGS PA BDEN PA BZHI'I GNAS TSUL ZHIB TU STON PA CHOS MNGON PA MDZOD KYI TSIG LE'UR BYAS PA BRTZAMS TE SKYES DANG BCAS PA 'DUN BZANG LA SPRINGS SO, ,DE'I SLOB MA DAG GIS LO DANG GRAGS LA SOGS PA

, ,'DI 'O SKOL GYI GRUB MTHA' LA ZUR ZA'O, ,ZHES SMRAS PA DANG, KHONG BSTAN BCOS RTZOM PA LA MKHAS PAS TSIG RGYAN YIN GSUNG ZHING, SHIN TU MNYES NAS 'DI LA RANG 'GREL ZHIG MDZOD CES BSKUL MA MDZAD, DE NAS SLOB DPON 'PHAGS PA THOGS MED LA THEG BA CHEN PO'I MDO SDE MTHA' DAG GSAN TE LAN RE TZAM GYIS THUGS SU CHUD, BYAMS MGON GYI BKA' LTAR LHAG PA'I LHA BSGRUB PAR BZHED NAS RDO RJE SLOB DPON ZHIG LA RJE BTZUN RNAM RGYAL MA'I DBANG, PHYAG RDOR GYI DBANG DANG GDAMS NGAG GSAN TE GZUNGS SNGAGS BZLAS PAS MYUR DU GRUB STE LHAG PA'I LHA DE GNYIS KYI ZHAL GZIGS, TING NGE 'DZIN GYI SGO MANG PO THUGS RGYUD LA 'KHRUNGS, RGYAL BA'I BKA' 'DZAM BU GLING NA BZHUGS PA MTHA' DAG THUGS SU CHUD DE DE'I TSE NYAN THOS KYI SDE SNOD GSUM LA MDO LNGA BRGYA SHO LO KA 'BUM PHRAG GSUM YOD PAR GRAGS PA DANG, THEG PA CHEN PO LA 'PHAGS PA DKON MCHOG BRTZEGS PA CHEN PO'I MDO, 'DUS PA RIN PO CHE'I MDO, SHER PHYIN STONG PHRAG BRGYA PA SOGS MDO LNGA BRGYA, GSANG SNGAGS KYI GZUNGS RGYUD SDE LNGA BRGYA RNAMS THUGS SU CHUD DE LO RE'I NANG DU LAN RE KHA TON DU MDZAD DE, DE YANG LCAGS KYI GZHONG RING TIL MAR GYIS BKANG BA'I NANG DU ZHUGS NAS NYIN MTSAN SPREL MA ZHAG BCO LNGA RE'I RING LA GONG DU SMOS PA'I MDO DE RNAMS TSAR RE KHA TON DU 'GRO BAR MDZAD, SHES RAB KYI PHA ROL TU PHYIN PA BRGYAD STONG PA NI NYIN RE BZHIN KHA TON DU

MDZAD DE, RGYAL BA MYA NGAN LAS 'DAS PA'I 'OG TU BDAG NYID CHEN PO 'DI LAS MANG DU THOS PA RGYA CHE BA SU YANG MED DO ZHES 'PHAGS YUL GYI MKHAS PA RNAMS GTAM DU GLENG NGO, ,DE NAS RJE BTZUN BYAMS MGON GYI BKA' BZHIN THEG PA CHEN PO'I MDO 'GREL RNAMS RIM GYIS MDZAD DE BYANG CHUB LAM GYI RIM PA'I MAN NGAG GI GNAD RNAMS ZHIB TU STON PA MDO SDE RGYAN GYI 'GREL PA DANG, DBUS MTHA' RNAM 'BYED KYI 'GREL PA, CHOS NYID RNAM 'BYED KYI 'GREL PA, THEG BSDUS KYI 'GREL PA, CHOS THAMS CAD RNAM RIG TZAM DU STON PA SUM CU PA'I TSIG LE'UR BYAS PA, PHYI ROL GYI DON 'GOG PA NYI SHU PA'I TSIG LE'UR BYAS PA, NYI SHU PA'I RANG 'GREL, RANG BZHIN GSUM NGES PAR BSTAN PA; PHUNG PO LNGA'I RAB TU BYED PA, RNAM PAR BSHAD PA'I RIGS PA MDO SDE'I DUM PA BRGYA PA, RNAM PAR BSHAD PA'I RIGS PA, LAS GRUB PA'I RAB TU BYED PA, THEG PA CHEN PO'I CHOS BRGYA GSAL BA'I BSTAN BCOS, CHOS MNGON PA MDZOD KYI THIG LE'UR BYAS PA, DE'I RANG 'GREL, BSTAN BCOS TSIGS SU BCAD PA BSDUS PA, DE'I RANG 'GREL, DKON MCHOG GSUM GYI BSTOD PA, SGO DRUG PA'I GZUNGS KYI RNAM PAR BSHAD PA, YON TAN BDUN BRJOD PA'I GTAM, TSUL KHRIMS GYI GTAM, TSOGS KYI GTAM, SANGS RGYAS RJES SU DRAN PA'I 'GREL PA, CHOS RJES SU DRAN PA'I 'GREL PA, DGE 'DUN RJES SU DRAN PA'I 'GREL PA, 'DOD PA'I YON TAN LNGA'I NYES DMIGS

, ,BSHAD PA, TSIGS SU BCAD PA GCIG PA'I BSHAD PA, GA YA GO RI'I MDO'I BSHAD PA, MDO SDES BCU BA'I RNAM PAR BSHAD PA, BLO GROS MI BZANG PAS BSTAN PA'I MDO'I RGYA CHER 'GREL, RTEN CING 'BREL PAR 'BYUNG PA DANG PO DANG RNAM PAR DBYE BA BSHAD PA, MDO SDE SA BCU PA'I 'GREL PA, BZANG SPYOD SMON LAM GYI 'GREL PA RNAMS MDZAD DO, ,'PHAGS PA THOGS MED MYA NGAN LAS 'DAS PA'I 'OG TU N'A LANDRA'I MKHAN PO MDZAD DE NYIN RE BZHIN RAB TU BYUNG BA DANG BSNYEN PAR RDZOGS PA MANG PO'I MKHAN PO MDZAD PA DANG, THEG PA CHEN PO'I MDO SDE MI 'DRA BA'I CHOS THUN NYI SHU RE 'CHAG MED GNANG BA DANG, MU STEGS KYI SMRA BA NGAN PA BYUNG NA DE MA THAG TSAR GCOD PA DANG, BSTAN BCOS RTZOM PA SOGS MKHAS PA'I BYA BA RNAM PA GSUM GYIS DUS 'DA' BAR MDZAD, DE DUS 'DZAM BU GLING GI CHE DGU MTHA' DAG GIS BDAG NYID CHEN PO 'DI'I ZHABS LA GTUGS NAS MCHOD CING BSNYEN BKUR BA DANG, RANG RANG GI DBANG PO DANG 'TSAMS PA'I CHOS KYI BGO SKAL LEN PAR BYED PAS DAD PA CAN DAG GIS GSOL BA BTAB PA LTAR YUL GZHAN DANG ZHAN DU'ANG BYON NAS GANG DANG GANG DU RGYAL BA'I BSTAN PA NYAMS PA DE DAG GSOS, SNGAR YOD PA RNAMS CHES CHER 'PHEL BAR MDZAD, SLOB DPON 'DI SHAR PHYOGS G'OO RI'I YUL DU BYON NAS SKAL BA DANG LDAN BA MANG PO ZHIG LA THEG PA CHEN PO'I MDO SDE RGYA CHER GSUNGS PAS DKAR PHYOGS KYI LHA

RNAMS KYIS GSER GYI ME TOG GI CHAR PHAB PA KUN GYI MTHUN SNANG DU GRUB PA BYUNG BAS THAMS CAD DAD PA LHAG PAR 'PHEL TE SLOB DPON 'DI'I BKA' BZHIN BSGRUBS PAS PHYOGS DER RGYAL BA'I BSTAN PA RGYA CHER 'PHEL, RGYAL BA'I BSTAN PA RING DU GNAS PA'I PHYIR DGE 'DUN GYI SDE GANG DANG GANG NA YOD PA DE DANG DER MCHOD GZHI RGYA CHEN PO 'DZUGS PAR MDZAD, AO dI BI SHA'I YUL DU BRAM ZE CHEN PO ZHIG GIS SBYIN BDAG BYAS TE THEG BA CHEN PO'I DGE 'DUN STONG PHRAG BCU GNYIS LA ZLA BA GSUM DU CHOS 'KHOR BTZUGS TE DUS STON RGYAS PAR BYAS, SLOB DPON 'PHAGS PA THOGS MED KYI DUS LAS KYANG THEG PA CHEN PO'I 'CHANG NYAN RGYAS BAR BYUNG STE BDAG NYID CHEN PO 'DI'I SLOB MA THEG PA CHEN PO'I DGE SLONG DRUG KHRI LONGS PA BYUNG ZHES GRAGS SO, ,SLOB DPON RANG NYID DANG LHAN CIG TU GNAS PA'I DGE SLONG SDE SNOD 'DZIN PA'ANG STONG TZAM RE YOD CING, DE THAMS CAD KYANG TSUL KHRIMS RNAM PAR DAG PA, SDE SNOD GSUM LA MANG DU THOS BA DANG LDAN PA, RGYAL BA'I BSTAN BA 'DZIN CING SPEL NUS PA SHA STAG BYUNG ZHES GRAG GO ,DE LTAR SLOB DPON DBYIG GNYEN GYIS DGUNG LO BRGYAR NYE BA'I BAR DU RGYA GAR DU BSTAN PA LA BYA BA RGYA CHEN PO MDZAD NAS MTHAR DGOS PA MANG PO ZHIG LA GZIGS NAS SLOB MA SDE SNOD 'DZIN PA STONG DANG BCAS BAL YUL DU BYON TE BAL YUL NA GNAS PA'I DGE 'DUN RNAMS LA THEG PA CHEN PO'I CHOS RGYA CHER BSTAN CING BSTAN PA YUN RING DU GNAS PA'I

, ,PHYIR PHYOGS DER MCHOD GZHI YANG MANG DU 'DZUGS PAR MDZAD, DE NAS RANG BYUNG GI MCHOD RTEN DU GRAGS PA MCHOD RTEN GO MA S'A LA GANDHE LA ZHABS BSKOR MDZAD CING BZHUGS PA NA HANG DU ZHES BA RAB BYUNG GI CHA BYAD 'DZIN PA'I KHYIM BTZUN ZHIG GIS ZHING RMOD PA DANG CHANG GI BUM PA THOGS PA GZIGS PAS RGYAL PA'I BSTAN PA 'DI LTAR NYAMS DMAS SO SNYAN DU THUGS PHYUNG NAS DGE 'DUN RNAMS LA THA MA'I GSUNG CHOS MANG DU STZAL TE GTZUG TOR RNAM RGYAL GYI GZUNGS 'GO GSHAM LDOG NAS BZLAS TE SKU TSE'I 'DU BYED BTANG STE DE NYID DU SKU'I BKOD PA BSDUS NAS RJE BTZUN BYAMS PA MGON PO DANG 'PHAGS PA THOGS MED GANG DU BZHUGS PA'I GNAS DGA' LDAN CHOS KYI PHO BRANG DU PHEBS SO, ,SLOB DPON DBYIG GNYEN GANG DU MYA NGAN LAS 'DAS PA'I SA DER SLOB MA DAD PA CAN DAG GIS SKU GDUNG BZHUGS PA'I MCHOD RTEN BRTZIGS PA DA LTA'ANG YOD DO, ,SLOB DPON BDAG NYID CHEN PO 'DI LA SLOB MA BSTAN PA 'DZIN NUS PA BSAM GYIS MI KHYAB PA BYUNG ZHING, DE THAMS CAD KYI NANG NAS MCHOG TU GYUR BA BZHI STE, 'DUL BA LA MKHAS PA'I MCHOG TU GYUR PA SLOB DPON YON TAN 'OD, MNGON PA LA MKHAS PA'I MCHOG TU GYUR PA SLOB DPON BLO GROS BRTAN PA, TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO, PHAR PHYIN LA MKHAS PA'I MCHOG TU GYUR PA SLOB DPON 'PHAGS PA RNAM GROL SDE BZHI'O, ,DE

LA 'DUL BA LA MKHAS PA'I MCHOG TU GYUR PA SLOB DPON YON TAN 'OD NI YUL BCOM BRLAG TU BRAM ZE'I RIGS SU 'KHRUNGS, CHUNG DU'I DUS NAS RIG GNAS MTHA' DAG LA MKHAS PAR SBYANGS, DE NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS NAS MKHAS MCHOG DBYIG GNYEN GYI DRUNG DU PHEBS TE SDE SNOD GSUM LA SBYANGS SHING THEG PA CHEN PO'I LAM GYI RIM PA GSAN NAS THIG CHEN GYI MDO SDE MTHA' DAG LA SBYANGS, SDE PA BCO BRGYAD BO SO SO'I LUGS MA 'DRES PAR MKHYEN CING 'DUL BA 'BUM SDE THUGS LA BZUNG STE RGYUN DU KHA TON DU MDZAD, DE LTAR KLOG PA THOS BSAM DANG SPONG BA BSAM GTAN LA BRTZON PAR MDZAD PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING GZUNGS DANG, SPOBS PA DANG, MNGON BAR SHES BA DANG, TING NGE 'DZIN GYI SGO BRGYA PHRAG MANG PO THUGS LA 'KHRUNGS, LHAG PAR SLOB DPON DBYIG GNYEN GYI MAN NGAG LA BRTEN NAS LAM RIM GYIS BGROD DE 'PHAGS PA'I SA THOB PAS SLOB DPON 'PHAGS PA YON TAN 'OD CES SNYAN PA'I GRAGS PAS PHYOGS KUN KHYAB PAR GYUR CING, RGYAL BA'I BSTAN PA LA BYA BA MDZAD PHYIR 'DUL BA LUNG SDE BZHI'I GNAD THAMS CAD BSDUS PA 'DUL BA RGYA MTSO'I SNYING PO ZHES BYA BA'I BSTAN BCOS CHEN PO MDZAD DE, DE LA NI 'DUL BA'I MDO ZHES YONGS SU GRAGS SHING RGYAL PA'I BKA' DANG KHYAD PAR MED PAR RGYAL BA'I BSTAN PA LA RAB TU BYUNG BA THAMS CAD KYIS TSAD MAR 'DZIN CING

, ,'DUL BA LUNG LA BLTA BA'I MIG LTA BU SANGS RGYAS KYI BSTAN PA'I SGRON ME SNGON BYON PA'I MKHAS GRUB THAMS CAD KYIS GTZIS BO CHER MDZAD DO, ,GZHAN YANG 'DUL BA'I LAS BRGYA RTZA GCIG GI CHO GA KARMA SHA TAM DU GRAGS PA YANG MDZAD DE, DA LTA RGYAL BA'I BSTAN PA LA ZHUGS NAS DGE BSNYEN DANG, BAR MA RAB BYUNG DANG, TSIGS SNGA MA DGE TSUL GYI SDOM PA DANG, BSLAB GZHI YONGS SU RDZOGS PA DGE SLONG GI SDOM PA LEN PA'I CHO GA DANG GZHI GSUM GYI CHO GA SOGS 'DUL BA'I LAS KYI CHO GA RNAMS BDAG NYID CHEN PO 'DI KHO NA'I BKA' DRIN LAS BYUNG BAS BSTAN PA 'DI LA BKA' DRIN MTSUNGS PA MED PA ZHIG GO ,BDAG NYID CHEN PO 'DI 'PHRIN LAS KYI KHYAB BDAL SHIN TU CHE BAS LHAN CIG GNAS PA'I DGE SLONG YANG STONG PHRAG LNGA RE TZAM YOD PAR BSHAD CING, DE THAMS CAD KYANG SDE SNOD GSUM LA MANG DU THOS PA DANG LDAN PA, NYIN ZHAG PHRUGS RE'I NANG DU LTUNG BA BSHAGS PAR 'OS PA RNAMS BSHAGS, BSDAM PAR 'OS PA RNAMS BSDAMS, BYIN GYIS BRLAB PAR 'OS PA RNAMS BYIN GYIS BRLABS TE TSUL KHRIMS RNAM BAR DAG PA SNGON RGYAL BA ZHAL BZHUGS DUS DANG BSTAN PA'I GTANG RABS KYI SKABS DGRA BCOM PA RNAMS KYIS BSTAN PA SKYONG BA'I DUS BZHIN YOD CES SNGON GYI MKHAS PA RNAMS LA GTAM DU GRAGS SO, ,BDAG NYID CHEN PO DBYIG GNYEN GYI SLOB MA MNGON PA LA MKHAS PA'I MCHOG TU GYUR PA SLOB DPON

BLO GROS BRTAN PA NI, SLOB DPON DBYIG GNYEN BHA GA B'I H'A RA ZHES BYA BA NA 'BRU MAR GYIS ZANGS BKANG BA'I NANG NA ZHUGS TE 'BUM SDE BRGYAD CU ZHAL TON MDZAD PA'I TSE PHUG RON ZHIG RGYUN DU NYAN NAS SDOD PA NAM ZHIG TSE 'PHOS TE MTHA' 'KHOB 'DRA MA ZHES BYA BAR DMANGS RIGS KYI BUR SKYES, SKYES MA THAG NGA'I SLOB DPON GANG NA BZHUGS ZHES 'DRI BA LA, PHAS KHYOD KYI SLOB DPON SU YIN DRIS PAS DBYIG GNYEN YIN ZER, PHAS YUL DBUS SU 'GRO BA'I TSONG PA LA DRIS PAS DBYIG GNYEN BZHUGS PAR THOS NAS, CUNG ZAD SKYES PA DANG SLOB DPON DBYIG GNYEN CAN DU BSKYAL, SLOB DPON GYIS DE LA YI GE PHYI MO SLOB PA NAS BZUNG STE RIG BA'I GNAS THAMS CAD LA MKHAS PAR BSLABS, CHUNG NGU'I DUS NA N'A LANDRA NA SGROL MA'I RTEN BZHUGS PA'I PHYAG TU SRAN MA'I PHUD PHUL LA BZA' SNYAM NAS 'GA' ZHIG PHUL BAS 'GRIL NAS BYUNG, YANG PHUL BAS 'GRIL, 'PHAGS MAS MA GSOL BAR RANG ZA BA MI BONG SNYAM NAS ZAD ZAD PHUL YANG 'GRIL BAS BYIS PA DUS SO, ,DER 'PHAGS MAS ZHAL DNGOS SU BSTAN TE DU MI DGOS, NGAS KHYOD LA BYIN GYIS BRLABS KYIS KHYIM DU SONGS GSUNGS, DE NAS MKHYEN RAB THOGS MED DU GYUR TE RTEN DE LA SRAN MA'I SGROL MA ZHES GRAGS SO, ,SLOB DPON DE LA MDO DKON MCHOG BRTZEGS PA'I LE'U BZHI BCU ZHE DGU YAN CHAD THUGS LA MNGA' ZHING 'GREL PA YANG MDZED CES GRAGS SO, ,DE'I CHA MKHAS PA'I GRAGS PAS PHYOGS KUN

, ,TU KHYAB CING, SLOB DPON DES MDZOD KYI 'GREL PA GNAM LCAGS THOG GZER, CHOS MNGON PA KUN LAS BTUS KYI 'GREL BA, RAB TU BYED BA SDE BRGYAD KYI 'GREL PA LA SOGS PA BSTAN BCOS MANG DU BRTZAMS SO, ,SLOB DPON DBYIG GNYEN GYI SLOB MA TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO ZHES YONGS SU GRAGS PA'I BDAG NYID CHEN PO DE NI RGYA GAR LHO PHYOGS KYI GRONG KHYER SINGGA BAKTA CES BYA PAR BRAM ZE'I RIGS SU 'KHRUNGS, ,SKU 'KHRUNGS NAS RING POR MA LON PAR BRAM ZE'I RIG BYED THAMS CAD DANG, GZHAN YANG RIG GNAS THAMS CAD LA MKHAS PA'I PHUL DU PHYIN PAR GYUR, SNGON YUN RING PO NAS GOMS PA'I BAG CHAGS BRTAS PAS 'KHOR BA MTHA' DAG ME 'BAR BA'I RLUBS LTAR GZIGS NAS NGES 'BYUNG SHUGS DRAG BOS BRAM ZE'I RIGS DANG, LONGS SPYOD DANG SLOB 'KHOR RGYA CHEN PO LA MA CHAGS PAR GNAS MA BU PA'I SDE PA'I MKHAN PO GLANG PO BYIN ZHES BYA BA LAS RAB TU BYUNG, MTSAN PHYOGS KYI GLANG POR GSOL, MKHAN PO DE NYID LA BRTEN TE GNAS MA BU BA'I LUGS DANG MTHUN PA'I SDE SNOD GSUM LA MKHAS PAR BYAS SHING KHYAD PAR LHAG POR RTOGS, DE NAS THEG PA CHEN BO'I LUNG DANG MAN NGAG MTHA' DAG GSAN BAR BZHED NAS SLOB DPON DBYIG GNYEN GYI DRUNG DU BYON, SPYIR THEG BA CHE CHUNG GI SDE SNOD MTHA' DAG DANG, KHYAD PAR THEG PA CHEN PO'I MDO SDE RNAMS DANG, RJE BTZUN BYAMS PA NAS

BRGYUD PA'I THEG PA CHEN PO'I MAN NGAG RNAMS BUM BA GANG BYO'I TSUL DU LEGS PAR GSAN, THEG PA CHEN PO'I MDO SDE LNGA BRGYA TZAM KHA TON DU MDZAD, DE NAS RDO RJE SLOB DPON ZHIG LAS RJE BTZUN 'JAM DPAL DBYANGS KYI DBANG DANG SGRUB THABS LEGS PAR GSAN NAS SGRUB LA MDZAD PAS RJE BTZUN 'JAM PA'I DBYANGS KYI ZHAL MNGON SUM DU GZIGS SHING GDAMS PA DANG RJES SU BSTAN PA LEGS PAR THOB, DE NAS BZUNG NAM 'DOD DU RJE BTZUN 'JAM PA'I DBYANGS KYI ZHAL GZIGS SHING CHOS GSAN PAR MDZAD, DE NAS AO dI BI SHA'I YUL GYI NAGS TSAL SHIN TU DBEN PA'I BRAG RI'I PHUG CIG TU SGRUB PA LA RTZE GCIG TU BZHUGS, DE NAS N'A LANDRA RA MU STEGS KYI RTZOD PA BYED PA BYUNG BA NA SLOB DPON 'DIS TSAR BCAD DO, ,BDAG NYID CHEN PO 'DIS SBYIR RGYAL BA'I GSUNG RAB MTHA' DAG GI DGONGS PA BKRAL ZHING, LHAG BAR CHAD MA GTAN LA 'BEB PA LA DMIGS PA BRTAG PA SOGS TSAD MA'I BSTAN BCOS BRGYA RTZA MDZAD PAR GRAGS, SLAR YANG AO dI BI SHA'I YUL DU GSHEGS NAS SNGAR GYI PHUG PAR BSAM GTAN LA RTZE GCIG TU GZHOL BAR MDZAD, DUS NAM ZHIG NA RIGS PA'I MIG DANG BRAL BA'I GDUL BYA RNAMS LA THUGS BRTZE BA CHEN POS GZIGS TE RIGS PA'I MIG SPYIN PAR MDZAD BZHED PA NA, GDUL BYA RNAMS BLO GROS KYI MTHU SHIN TU CHUNG BA DANG, SNGAR BRTZAMS PA'I TSAD MA'I BSTAN BCOS RNAMS KYANG RNAM GRANGS MANG BAS KHA 'THOR BA LTA BUR GYUR PAR GZIGS TE, SNGAR MDZAD

, ,PA DE DAG THAMS CAD KYI GNAD BSDUS TE GSUNG RAB SPYI'I DGONGS 'GREL TSAD MA KUN LAS BTUS PA BRTZOM PAR BZHED NAS, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOB LA PHYAG 'TSAL TE, ,ZHES PA SGRUB PHUG GI BRAG NGOS LA RDO RGYUS KYIS BRIS PA TZAM GYIS 'JIG RTEN GYI KHAMS SU 'OD KYI SNANG BA CHEN PO BYUNG, SA G-YOS SHING SGRA CHEN PO GRAG ,MU STEGS KYI STON PA RNAMS KYI BYIN PA RENGS PAR GYUR, DE GANG GI LTAS YIN SNYAM DU MU STEGS THUB RGYAL NAG POS MNGON SHES KYIS BRTAGS PAS TSAD MA MDO'I MCHOD BRJOD BRIS PA'I BYIN RLABS KYI MTHUR MTHONG NAS, SLOB DPON BSOD SNYOMS LA GSHEGS PA'I SHUL DU RDZU 'PHRUL GYIS 'ONGS NAS MCHOD BRJOD KYI TSIG DE BSUBS NAS BZHAG ,DE LTAR LAN GSUM BYAS PA'I THA MA LA SLOB DPON GYIS KYAL KAS BSUBS PA YIN NA 'DI LA DGOS PA CHEN PO YOD PAS ZHO GCIG ,RTZOD BAR 'DOD NA GZUGS STON DANG RTZOD PAR BGYI'O, ,ZHES BRIS PAS BSOD SNYOMS LAS 'KHOR BA'I TSE KHO DNGOS SU BSDAD 'DUG PA RIGS PA DRI MA MED PAS LAN GSUM GYI BAR DU PHAM PAR BYAS PA'I TSE, DA RDZU 'PHRUL 'GRAN ZER NAS KHA NAS ME SLAR TE SLOB DPON GYI CHOS GOS RNAM GSUM DANG YO BYAD BSREGS PAS, SLOB DPON THUGS SHIN TU SKYO NAS SEMS CAN MA RUNGS PA 'DI 'DRA BA BSAM GYIS MI KHYAB PAS SEMS CAN THAMS CAD KYI DON BYA MI NUS KYI, THOD LE KOR NAM MKHAR 'PHANGS

NAS 'DI NAMS LA BABS PA'I TSE RANG NYID GCIG PU GROL BA DON DU GNYER BAR BGYI'O SNYAM DU DGONGS PAS, THOD LE KOR 'BAB DUS MA BYUNG BAS NAM MKHAR GZIGS PA NA RJE BTZUN 'JAM PA'I DBYANGS BLTA BAS CHOG MI SHES PA ZHIG GIS THOD LE KOR DE BSNAMS NAS, BU; MA BYED MA BYED THEG PA DMAN DANG PHRAD LAS BLO GROS NGAN SKYE STE, ,KHYOD KYI BSTAN BCOS 'DI LA MU STEGS TSOGS KYIS GNOD MI NUS PAR SHES, ,KHYOD KYIS MA THOB KYI BAR DU DGE PA'I BSHES SU NGA 'GYUR GYI, ,PHYI MA'I DUS NA 'GRO BA KUN GYI MIG GCIG TU NI 'DI 'GYUR RO, ,ZHES LUNG BSTAN CING DBUGS PHYUNG NAS TSAD MA KUN LAS BTUS BA RTZOM PAR SKUL MDZAD PA NA SLOB DPON PHYOGS KYI GLANG POS KYANG THUGS RJE DANG SNYING STOBS CHER BZHES NAS TSAD MA KUN LAS BTUS PA MDZAD DE, 'DZAM BU GLING GI 'GRO BA THAMS CAD LA BLO GROS KYI MIG SBYIN PAR MDZAD DO, ,DE NAS SLAR YANG BSAM GTAN LA RTZE GCIG TU BZHUGS PAS SANGS RGYAS MANG BO'I ZHAL MTHONG ZHING, TING NGE 'DZIN GYI SGO BRGYA PHRAG MANG PO THOB, LHA RNAMS KYIS ME TOG GI CHAR PHAB, NAGS TSAL DE'I LJON SHING DANG ME TOG RNAMS KYANG SLOB DPON GYI PHYOGS SU MGO 'DUD, GLANG PO CHE LA SOGS PA NAGS TSAL DE NA GNAS PA'I RI DVAGS RNAMS KYANG SLOB DPON GYI ZHABS LA MGO BOS GTUG CING GUS PA'I TSUL BYED, YUL DE'I RGYAL PO 'KHOR DANG BCAS PAS KYANG ZHABS LA PHYAG BYAS SO, ,DE NAS LHO PHYOGS SU BYON TE MU STEGS KYI SMRA BA

, ,NGAN PA RNAMS TSAR BCAD, DGE 'DUN GYI SDE RNAMS LA SDE SNOD GSUM RGYA CHER BSHAD DE SANGS RGYAS KYI BSTAN PA CHES CHER SPEL BAR MDZAD DO, ,DE NAS SLAR YANG AO dI BI SHA'I YUL DU BYON NAS YUL DE'I RGYAL PO 'KHOR BCAS SANGS RGYAS KYI BSTAN PA LA BRTZUD, BRAM ZE CHEN PO ZHIG GIS SBYIN BDAG BYAS TE DGE 'DUN GYI SDE MANG DU BTZUGS, YUL DE'I SKYE BO RNAMS SANGS RGYAS KYI BSTAN PA LA YID CHES RNYED PA'I PHYIR AA RU RA'I SDONG PO CHEN PO SKAL PO ZHIG BDEN TSIG BRJOD NAS SOR CHUD PAR MDZAD DO, ,DE LTAR 'PHAGS YUL GYI PHYOGS THAMS CAD DU SANGS RGYAS KYI BSTAN PAS KHYAB PAR MDZAD NAS MTHAR AO dI BI SHA'I NAGS TSAL DBEN PA'I SGRUB PHUG DE NYID DU NGO MTSAR BA'I LTAS DU MA DANG BCAS TE ZHING GZHAN DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS MCHOG DBYIG GNYEN LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DIS MDZAD PA'I LEGS BSHAD RNAMS LA BLTAS NAS LUNG TZAM SKYABS SU GYUR PA MIN PAR RGYAL BA'I GSUNG RAB KYI DGONGS DON DRI MA MED PA'I RIGS PAS RNYED PAR BYAS LA GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,DBU MA'I LAM BRNYES 'PHAGS

PA RNAM GROL SDE, ,ZHES BSNGAGS PA, KUN MKHYEN GNYIS PA SLOB DPON DBYIG GNYEN GYI SLOB MA MCHOG BZHI'I NANG TSAN, 'PHAGS PA RNAM GROL SDE NI, YUL DBUS DANG LHO PHYOGS KYI MTSAMS 'BAR BA'I PHUG DANG NYE BAR SLOB DPON SANGS RGYAS 'BANGS KYI DBON SRAS SU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE, SDE BA BCO BRGYAD KYI NANG NAS GNAS MA BU PA KU RU KU LLE'I SDE LAS RAB TU BYUNG ZHING LO LON NAS BSNYEN PAR RDZOGS PA'I SDOM PA BZHES, SDE PA DE'I LUGS KYI 'DUL BA'I BCAS MTSAMS CHE PHRA MTHA' DAG LA MKHAS PAR SBYANGS SHING PHYAG LEN LA THEBS PAR MDZAD, SNGON YUN RING PO NAS BYANG CHUB MCHOG TU THUGS BSKYED CING TSOGS GNYIS RGYA CHEN PO BSAGS, RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PAS SDE SNOD GSUM DANG KHYAD PAR THEG PA CHEN PO'I SDE SNOD, DE'I NANG NAS KYANG SHER PHYIN GYI MDO SDE RIN PO CHE'I MAN NGAG RNAMS GSAN BZHED NAS SLOB DPON DBYIG GNYEN GYI DRUNG DU PHEBS TE SLOB DPON DBYIG GNYEN BSAM SBYOR GNYIS KYIS TSUL BZHIN DU BSTEN NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING, KHYAD PAR SHER PHYIN GYI MDO SDE RIN PO CHE RNAMS RDZOGS PAR GSAN NAS TSIG DON GNYIS KA THUGS SU CHUD PAR MDZAD, SHER PHYIN GYI MDO SDE'I DON RJE BTZUN BYAMS PA MGON POS BYANG CHUB LAM GYI RIM PA'I MAN NGAG TU SBYAR BA MNGON PAR RTOGS PA'I

, ,RGYAN GSAN TE DE'I DON THEG PA CHEN PO'I LAM GYI LUS YONGS SU RDZOGS PA THUGS NYAM SU BZHES PAS LAM RIM GYIS BGROD DE CHOS NYID MNGON SUM DU GZIGS PA 'PHAGS PA'I LAM THOB, GZUNGS DANG SPOBS PA DANG, MNGON PAR SHES PA RGYA CHEN PO DANG, DPA' BAR 'GRO BA'I TING NGE 'DZIN DANG, NAM MKHA' MDZOD KYI TING NGE 'DZIN LA SOGS PA MNGON DU GYUR, RJE BTZUN BYAMS BA MGON PO ZHAL MTHONG MNGON PAR RTOGS PA'I RGYAN GYI BRJOD BYA DANG PO SEMS BSKYED NAS BZUNG THA MA 'PHRIN LAS KYI BAR DON BDUN CU PO RE RE NAS SHER PHYIN GYI MDO DANG 'BYOR PA ZHIG BYUNG NA CI MA RUNG SNYAM DU SMON ZHING, DE LTAR DU BYAMS MGON LA GSOL BA SHUGS DRAG TU BTAB PAS, RJE BTZUN BYAMS MGON GYIS W'A RA n'A SI'I GTZUG LAG KHANG DU SONGS DANG 'DOD PA'I DON 'GRUB PAR 'GYUR RO ZHES LUNG BSTAN, RJE BTZUN GYI BKA' BZHIN W'A RA n'A SI'I GTZUG LAG KHANG DU BYON PA NA, DE'I TSE DGE BSNYEN ZHI BA'I GO CHA ZHES BYA BA ZHIG GIS SHER PHYIN STONG PHRAG NYI SHU LNGA PA PO TA LA NAS SPYAN DRANGS TE W'A RA n'A SI'I GTZUG LAG KHANG DU PHEBS PA DANG DUS 'GRIG ,DE YANG RGYAL BA MYA NGAN LAS 'DAS NAS BDUD SDIG TO CAN GYI MTHUS RGYAL BA'I BSTAN PA NYAMS PAR BYED PA'I MU STEGS CAN GYI GNOD PA RIM PAR BYUNG BAS 'PHAGS YUL NA BZHUGS PA'I RGYAL BA'I BKA'I GLEGS BAM MANG PO ZHIG NUB PAR GYUR PA LA, BDAG NYID CHEN PO 'PHAGS PA

KLU SGRUB KYIS SHES RAB KYI PHA ROL TU PHYIN PA STONG PHRAG BRGYA PA KLU YUL NAS SPYAN DRANGS TE RGYA GAR NA BZHUGS SHING, SHER PHYIN STONG PHRAG BRGYAD PA SNGAR NAS BZHUGS PAS 'PHAGS PA GROL SDES MNGAN RTOGS RGYAN SHER PHYIN DE GNYIS DANG SBYAR YANG 'GA' ZHIG GI THAD LA 'BYOR DKA' BAR BYUNG BA W'A RA n'A SI'I GTZUG LAG KHANG DU NYI KHRI LA GZIGS PAS THAMS CAD 'BYOR TE, DON BDUN CU'I DANG PO SEMS BSKYED STON PA LA NYI KHRIR, SHAR DVA TI'I BU, 'DI LA BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHER PHYIN LA BRTZON PAR BYA'O, ,ZHES GSUNGS, DE BZHIN DU BYANG CHUB DON GNYER MDOR BSTAN RGYAS BSHAD, GZHAN DON DON GNYER MDOR BSTAN RGYAS BSHAD, SA LTA BU'I SEMS BSKYED NAS CHOS KYI SPRIN LTA BU'I SEMS BSKYED KYI BAR SEMS BSKYED NYER GNYIS RE RE NAS MDO DANG 'BYOR ZHING, DE BZHIN DU GDAMS NGAG GI DANG PO SGRUB PA NAS BZUNG 'PHRIN LAS NYI SHU RTZA BDUN GYI BAR RE RE NAS RGYAL BAS GSUNGS PA'I MDO DANG 'BYOR PAS, RGYA MTSOR BGROD PA'I DED DPON GYIS YID BZHIN GYI NOR BU RNYED PA LTAR THUGS RAB TU TSIM BAR GYUR TO, ,DGE BSNYEN ZHI BA'I GO CHAS NYI KHRI GDAN DRANGS TSUL NI, DGE BSNYEN DE NAGS KHROD ZHIG NA 'PHAGS PA SPYAN RAS GZIGS KYI RNAL 'BYOR LA RTZE GCIG TU GNAS PA'I TSE YUL DE'I RGYAL PO ZHIG GIS BSKUL NAS BO TA LAR 'GRO BAR CHAS NAS 'PHAGS PA SPYAN RAS GZIGS LA GSOL BA RTZE GCIG

, ,TU BTAB STE SONG BA NA LHO PHYOGS DPAL LDAN 'BRAS SPUNGS KYI MCHOD RTEN DU SLEBS, DE NAS PO TA LAR 'GRO BA'I LAM YIG LTAR 'GA' ZHIG GI THANG DU SA 'OG TU BGROD PA DANG, RGYA MTSO LA GZINGS BCAS TE BGROD PA SOGS DKA' BA BRGYA PHRAG DU MA'I SGO NAS PHYIN TE PO TA LA'I RI BO'I GSHAM DU SLEBS PA NA G-YANG SA CHEN PO SUS KYANG BGROD MI NUS PA ZHIG BYUNG BAS LHA MO RAL GCIG MA LA GSOL BA BTAB PAS LHA MO'I MTHUS G-YANG SA CHEN PO DE LA ZAM PA ZHIG BYUNG NAS THAR, DE NAS GCAN GZAN GYI 'JIGS PA CHEN PO BYUNG BA LA 'PHAGS PA NYID LA GSOL BA BTAB PAS 'JIGS PA LAS GROL, DE NAS RI BO LA 'DZEGS PA NA RI BO'I GSHAM DU RJE BTZUN MA SGROL MA'I GNAS DANG, KHRO GNYER CAN MA'I GNAS DANG, RI'I RTZE MO NA 'PHAGS PA'I GZHAL MED KHANG YOD PA RNAMS SU RIM GYIS PHYIN TE 'PHAGS PA'I ZHAL DNGOS SU MJAL, NYI KHRI LE BRGYAD MA GDAN DRANGS, 'PHAGS PA THUGS RJE CHEN PO'I MTHUS GEGS MED PAR W'A RA n'A SIR SLEBS NAS DE'I GTZUG LAG KHANG DU NYI KHRI BZHUGS SO, ,DE NAS 'PHAGS PA RNAM GROL SDES MNGON RTOGS RGYAN DANG NYI KHRI SBYAR BA'I BSTAN BCOS CHEN PO NYI KHRI SNANG BA MDZAD, 'DZAM BU'I GLING DU MDO RGYAN SBYAR BA'I THOG MA 'DI YIN NO, ,SLOB DPON BDAG NYID CHEN PO 'DIS BSTAN PA'I DON DU MDO RGYAN SBYAR NAS SKAL BA DANG LDAN PA DAG LA RGYA CHER SPEL ZHING, DE'I TSI SHER PHYIN GYI GDAMS NGAG NYAN

PA'I SLOB MA STONG PHRAG MANG PO BYUNG ZHING THEG PA CHEN PO'I LAM GYI RIM PA LA SLOB PAR 'DOD PA MTHA' DAG BDAG NYID CHEN PO 'DI'I ZHABS RDUL LA BRTEN PA ZHIG BYUNG NGO, ,SLOB DPON 'DIS LO SUM CU TZAM GYI RING BSTAN PA'I BYA BA RGYA CHER MDZAD NAS DGA' LDAN DU RGYAL BA MA PHAM PA'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'PHAGS PA GROL SDE LA GSOL BA 'DEBS SHING BDAG NYID CHEN PO 'DIS MDO RGYAN SBYAR BA'I SHING RTA'I SROL PHYE BA LTAR BYANG CHUB LAM GYI RIM PA'I GNAD RNAMS RGYAL BA'I GSUNG RAB NYID LAS GSUNGS PA'I TSUL LA NGES PA RNYED PAR BYAS NAS GSUNG RAB THAMS CAD KYI SNYING PO'I DON MA TSANG BA MED PA BYANG CHUB LAM GYI RIM PA'I NYAMS LEN LA BRTZON PA CHIG BSGRIL DU BYA'O,, ` ,,DAD PA'I SAR GNAS BTZUN PA RNAM GROL SDE, ,ZHES BSNGAGS PA, BTZUN PA RNAM GROL SDE NI, GZHON NU NAS RGYAL BA'I BSTAN PA LA RAB TU BYUNG STE, SDE SNOD GSUM LA MKHAS PAR SBYANGS, 'PHAGS PA RNAM GROL SDE BSAM SBYOR GNYIS KYIS TSUL BZHIN DU BSTEN NAS SHER PHYIN GYI MDO SDE RIN PO CHE'I MAN NGAG MNGON PAR RTOGS PA'I RGYAN NYI KHRI DANG SBYAR BA GSAN TE, DE'I DON SKYES BU GSUM GYI LAM LA RIM GYIS SBYANGS PAS SRID PA MTHA' DAG LA ZHEN PA LOG PA'I NGES 'BYUNG DANG, BDAG PAS GZHAN GCES PA'I BYANG CHUB KYI SEMS RIN PO CHE BCOS MA MA YIN PA THUGS RGYUD LA 'KHRUNGS TE THEG PA CHEN PO'I

, ,TSOGS LAM DU ZHUGS TE THEG PA CHEN PO'I LAM RIM GYIS BGROD PHYIR LO BCU'I RING LA RJE BTZUN BYAMS MGON BSGRUBS TE THEG PA CHEN PO'I LAM GYI LUS YONGS SU RDZOGS PA LA SBYANGS SHING, RJE BTZUN BYAMS PA MGON PO'I ZHAL MNGON SUM DU MTHONG BA DANG, DE'I MTHUS THEG PA CHEN PO'I LAM RNAMS MYUR DU BGROD NUS PA ZHIG BYUNG NA CI MA RUNG SNYAM DU 'BAD KYANG BYAMS MGON GYI ZHAL MA MTHONG BA NA, BYAMS MGON GYI ZHAL MYUR DU MTHONG BA'I THABS GZHAN LA DRIS PAS SDIG SGRIB SBYONG BA'I DON DU SBYIN SREG BYAS NA LEGS ZHES ZER BA LTAR ZHI BA'I THAB KHUNG DU BYAMS MGON SPYAN DRANGS NAS SREGS BLUGS 'BUM PHRAG BCU GNYIS PHUL BAS BYAMS MGON GYI ZHAL GZIGS, DE NAS LUNG DANG RTOGS PA'I YON TAN THAMS CAD CHES CHER RGYAS TE 'PHAGS PA GROL SDE'I MAN NGAG LA BRTEN NAS BYANG CHUB LAM GYI RIM PA'I GNAD RNAMS RGYAS PAR STON PA NYI KHRI RNAM 'GREL MDZAD DO, ,SLOB DPON 'DI RJE BDAG NYID CHEN POS DAD PA'I SAR GNAS ZHES TSOGS LAM PA YIN PAR BSHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON BTZUN PA RNAM GROL SDE LA GSOL BA 'DEBS SHING BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I NYAMS LEN GYI GNAD THAMS CAD RGYAL BA'I YUM NYID LAS GSUNGS PA'I TSUL LA NGES PA RNYED PAR BYAS LA YID CHES KYI DAD PA BRTAN PO BSKYED NAS BYANG CHUB LAM GYI RIM PA

SGOM PA LA BRTZON PA CHIG BSGRIL DU BYA'O,, ` ,,RMAD BYUNG NGO MTSAR GNAS GYUR MCHOG GI SDE, ,ZHES BSNGAGS PA, SLOB DPON MCHOG GI SDE NI RGYAL BA'I BSTAN PA LA RAB TU BYUNG NAS SDE SNOD GSUM LA MKHAS PAR SBYANGS, BTZUN PA GROL SDE BSTEN NAS THEG PA CHEN PO'I MDO SDE MTHA' DAG DANG, KHYAD PAR SHER PHYIN GYI MDO SDE RIN PO CHE'I DON MNGON PAR RTOGS PA'I RGYAN LAS 'BYUNG BA LTAR THEG PA CHEN PO'I LAM GYI RIM PA'I LUS YONGS SU RDZOGS PA GSAN NAS SGRUB PA LA RTZE GCIG TU BZHUGS PAS MYONG BA PHUL DU PHYIN PA THON TE SKAL BA DANG LDAN PA MTHA' YAS PA LA SHER PHYIN GYI MAN NGAG 'DOMS PAR MDZAD CING MDO RGYAN SBYAR BA'I MAN NGAG RGYA CHER SPEL LO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON MCHOG GI SDE LA GSOL BA 'DEBS SHING SLOB DPON 'DIS JI LTAR BSTAN PA LTAR MDO RGYAN SBYAR BA'I MAN NGAG THOB PAR BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,ZAB MO'I LAM GYIS RGYUD SBYANGS DUL BA'I SDE, ,ZHES BSNGAGS PA, SLOB DPON DUL BA'I SDE NI, RGYAL BA'I BSTAN PA LA ZHUGS NAS SLOB DPON MCHOG GI SDE YONGS 'DZIN DU BSTEN NAS SDE SNOD GSUM LA SBYANGS SHING, KHYAD PAR SHES RAB KYI PHA ROL TU PHYIN PA'I MDO SDE RIN PO CHE'I GDAMS NGAG MNGON PAR RTOGS PA'I RGYAN LA SBYANGS NAS BYANG CHUB LAM GYI RIM PA'I GNAD THAMS CAD THUGS SU CHUD PAR MDZAD, DE NAS BYANG CHUB LAM GYI RIM PA'I NYAMS LEN

, ,LA 'BAD PAS RTOGS PA PHUL DU PHYIN PA THOB, RGYAL BA'I BSTAN PA SPEL BA'I PHYIR RJE BTZUN BYAMS PA MGON PO'I SKU BZHENGS, DE LA GSOL BA RTZE GCIG BTAB PAS, BYAMS MGON GYI SKU DES GSUNG BYON NAS BSTAN PA DANG SEMS CAN GYI DON BYED PA LA, RJE BTZUN SGROL MA LA GSOL BA 'DEBS DGOS PAS 'PHAGS MA SGROL MA'I SKU BZHENGS ZHES GSUNGS PA LTAR RJE BTZUN SGROL MA'I SKU BZHENGS, DE LA GSOL BA RTZE GCIG TU BTAB PAS RJE BTZUN MA SGROL MAS 'PHRIN LAS MDZAD DE SKAL BA DANG LDAN PA MANG PO LA SHER PHYIN GYI MAN NGAG RGYA CHER SPEL ZHING, KHYAD PAR DU YANG BSTAN PA YONGS RDZOGS KYI BDAG PO MKHAN CHEN ZHI BA 'TSO LA GROL SDE RNAM GNYIS LAS BYUNG BA'I MAN NGAG ,BYANG CHUB LAM GYI RIM PA'I GNAD THAMS CAD SHER PHYIN GYI MDO SDE RIN PO CHE DANG SBYAR TE NGES PA GTING TSUGS PAR BSKYED PA MDO RGYAN SBYAR BA'I MAN NGAG MTHA' DAG BUM PA GANG BYO'I TSUL DU YONGS SU RDZOGS PA GNANG STE BSTAN PA'I BDAG POR BYIN GYIS BRLABS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON DUL BA'I SDE LA GSOL BA 'DEBS SHING BDAG NYID CHEN PO 'DI NAS BRGYUD PA'I LAM GYI RIM PA LA BAG CHAGS CI THEBS BYA'O, ,GROL SDE RNAM GNYIS DANG, MCHOG SDE DUL SDE GNYIS TE SLOB DPON BZHI BO 'DI GANG DU 'KHRUNGS PA'I YUL DANG, RIGS DANG RUS GANG YIN PA DANG, SKU TSE RIL PO'I

MDZAD PA RNAM THAR ZHIB PA MA MTHONG BAS SLAR RNYED NA 'DIR BSNAN PAR BYA'O,, ` ,,RLABS CHEN SPYOD PA'I GTER GYUR RNAM SNANG MDZAD, ,CES BSNGAGS PA, MKHAN PO YANG DAG RNAM SNANG MDZAD, MTSAN GZHAN BO DHI SATVA ZHES KYANG BYA, LEGS SBYAR GYI SKAD LA SHAN TA RAKshI TA, BOD SKAD DU ZHI BA 'TSO ZHES BRJOD PA MKHAN CHEN ZHI BA 'TSO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE SA LAM MTHAR PHYIN NAS ZHING 'DIR THUB PA'I BSTAN PA SPEL BA'I SLAD DU SNYING RJE DANG SMON LAM GYI DBANG GIS BSAM BZHIN DU BYON PA ZHIG STE, DE YANG SHAR PHYOGS ZA HOR RGYAL PO'I SRAS SU SKU 'KHRUNGS, GZHON NU NAS KHYIM GYI GNAS NI SDUG BSNGAL DU MA'I 'BYUNG GNAS BTZON RA LTA BU DANG, NYON MONGS PA DANG NYES PAR SPYOD PA THAMS CAD KYI 'BYUNG KHUNGS SU RIG NAS SRID PA'I PHUN TSOGS LA CHAGS PA MED PAR RGYAL SRID MCHIL MA'I THAL BA BZHIN DU DOR TE MKHAN PO YE SHES SNYING PO'I DRUNG DU RAB TU BYUNG ZHING BSNYEN PAR RDZOGS PA'I SDOM PA BZHES, DE YANG RTZA BA'I SDE PA BZHI LAS GZHI THAMS CAD YOD PAR SMRA BA'I SDE PA YIN PAS, MKHAN BO DE NYID LA BRTEN NAS GZHI THAMS CAD YOD PAR SMRA BA'I LUGS KYI 'DUL BA LUNG SDE BZHI NAS GSUNGS BA'I DGAG SGRUB GNANG GSUM GYI BCAS PA CHE PHRA MTHA' DAG THUGS SU CHUD PAR MDZAD NAS BCAS PA DANG RANG BZHIN GYI KHA NA MA THO BA'I NYES LTUNG PHRA MOS KYANG MGOS PA'I TSUL KHRIMS RNAM PAR DAG PA LA GNAS NAS SDE SNOD GSUM LA SBYANGS TE MKHAS

, ,PA'I PHUL DU PHYIN PAR MDZAD, DE NAS BYANG CHUB LAM GYI RIM PA'I MAN NGAG RNAMS GSAN BZHED NAS SLOB DPON DUL BA'I SDE LA BSNYEN TE SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN GSAN TE, DE'I MAN NGAG SHER PHYIN GYI MDO DANG BCAS PA'I TSIG DON MTHA' DAG THUGS SU CHUD PAR MDZAD, THEG PA CHEN PO'I LAM GYI RIM PA LA RGYA CHE BA'I LAM GYI RIM PA DANG ZAB MO'I LAM GYI RIM PA GNYIS YOD PA GNYIS KA MED MI RUNG DU GZIGS NAS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG MTHAR THUG PA DBU MA'I GZHUNG RNAMS LA LEGS PAR SBYANGS TE THUGS SU CHUD PAR MDZAD, GZHUNG DE DAG GI DON LA DRI MA MED PA'I RIGS PAS LEGS PAR DPYAD NAS NGES SHES GTING PHYIN PAR RNYED PA NA THUGS RGYUD LA SBYAR TE NYAMS SU BZHES PAS THEG PA CHEN PO'I LAM GYI RIM PA'I LUS YONGS SU RDZOGS PA LA NYAMS MYONG GI RTOGS PA KHYAD PAR CAN 'KHRUNGS PA NA SKAL BA DANG LDAN PA GZHAN DAG LA CHOS KYI BDUD RTZI RGYA CHER STZAL TE, THEG PA CHEN PO'I LAM GYI RIM PA ZAB PA DANG RGYA CHE BA GNYIS KA STON PA'I BSTAN BCOS DBU MA RGYAN 'GREL BA DANG BCAS PA MDZAD DE GDUL BYA MTHA' YAS PA LA RGYA CHER SPEL TE 'PHAGS YUL DU SHER PHYIN GYI MAN NGAG NYIN MO LTAR GSAL BAR MDZAD, BDAG NYID CHEN PO 'DI NI DGUNG LO BRGYA PHRAG MANG PO BZHUGS PAS, SKU TSE'I STOD SMAD BAR GSUM GYI SLOB MA RIM PA MANG DU YOD CING SRAS KYI THU BO 'GRAN ZLA DANG BRAL BA NI SLOB DPON SENG GE BZANG PO DANG,

MKHAS MCHOG K'A MA LA SH'I LA GNYIS SO, ,MKHAN CHEN ZHI BA 'TSO 'DI NI RGYAL SRAS GZHAN GYIS DPAG PAR DKA' BA'I SNYING STOBS DANG BYANG CHUB KYI SEMS SHIN TU STOBS CHE BAS SNYIGS MA'I DUS 'DIR 'GRO BA'I DON MDZAD PA LA RGYAL SRAS KYI SPYOD PA CHES PHUL DU BYUNG BA ZHIG STE, DON GYI DBANG 'DI LA GZIGS NAS RJE BDAG NYID CHEN POS, RLABS CHEN SPYOD PA'I GTER GYUR CES BSNGAGS PA YIN NO, ,MKHAN CHEN ZHI BA 'TSO 'DIS RGYA BOD THAMS CAD DU BSTAN PA LA BYA BA RGYA CHEN PO MDZAD PA YIN ZHING, LHAG PAR BYANG PHYOGS BOD YUL 'DI STON PA THUGS RJE CAN DE SKYANG 'DUL MA NUS BAR MUN PA'I GLING DU LUS SHING, SLOB DPON 'DI'I GONG DU BYON PA'I SHING RTA CHEN PO GNYIS SOGS BDAG NYID CHEN PO DE DAG THAMS CAD KYIS 'DUL BAR MA NUS PAR MTHA' 'KHOB MUN GLING DU LUS PA SLOB DPON 'DIS THUGS KYIS MA BZOD NAS ZHING 'DIR BYON ZHING DE LTA NA'ANG RTEN 'BREL SGO MANG PO ZHIG NAS 'GRIG DGOS PA'I DBANG GIS SLOB DPON 'DI BYON NAS LO DGU BRGYA LHAG TZAM GYI BAR DU BOD DU RGYAL BA'I BSTAN PA 'DZUGS PA'I RTEN 'BREL MA 'GRIG PAR NAM ZHIG NA BOD KHAMS MUN BA'I GLING DU RGYAL BA'I BSTAN PA'I SGRON ME 'DZUGS PAR NUS SNYAM DU DE 'BA' ZHIG THUGS LA BRNAGS NAS SKU TSE BYIN GYIS BRLABS TE BZHUGS PA LAS, DUS NAM ZHIG NA BOD KHAMS KYI RJE BO CHOS RGYAL SRONG BTZAN SGAM POS BOD DU RGYAL BSTAN GYI SROL BTZUGS, JO BO SH'AKYA MU NI DANG JO BO MI BSKYOD RDO RJE GNYIS RGYA BAL NAS SPYAN DRANGS LHA SAR GTZUG LAG KHANG BRTZIGS,

, ,MTHA' 'DUL YANG 'DUL GYI LHA KHANG DANG MCHOD RTEN RNAMS BRTZIGS, CHOS KYI BRDA SLOB PA SOGS BSTAN PA RIN PO CHE'I SROL BTZUGS KYANG SNYIGS MA'I SKYE BO RNAMS BSOD NAMS DMAN PA DANG, BDUD SDIG TO CAN 'KHOR NAG PHYOGS KYI 'BYUNG PO GDUG PA CAN RNAMS DANG BCAS PAS MI RNAMS KYI YID BSGYUR TE CHOS RGYAL SRONG BTZAN SGAM PO 'DAS NAS SDIG BLON MANG POS RGYAL BA'I BSTAN PA NYAMS PAR BYAS TE, JO BO SH'AKYA MU NE MUN KHANG DU SBA BA DANG, CHOS BYED RNAMS LA CHAD PAS GCOD PA SOGS RNAM PA KUN NAS 'TSE BAR BYAS SHING SLAR YANG NAG PHYOGS KYI STOBS CHER RGYAS TE JO BO RIN PO CHE BYE THEMS SU SPA BA DANG, DES KYANG MI CHOG PAR DE NAS BTON TE MANG YUL SKYID GRONG DU SPYUGS PA DANG; RGYAL BSTAN GYI MTSAN TZAM YANG 'DON DBANG MED PAR SDIG BLON MANG POS KHRIMS DAM PAR BYAS TE RGYAL BSTAN YI GE 'BRU RE YANG KLOG SA MED PAR MUN GLING KHO NAR GYUR PA NA, PHYOGS BCU'I SANGS RGYAS DANG BYANG CHUB SEMS DPA' THAMS CAD KYI MKHYEN BRTZE NUS GSUM GCIG TU BSDUS PA RIGS GSUM MGON POS BOD YUL DU RGYAL BSTAN 'DZUGS PAR THUGS BSKYED DE SPYAN RAS GZIGS SRONG BTZAN SGAM POS BOD YUL DU RGYAL BSTAN GYI SROL BTZUGS PA BDUD SDE DPUNG DANG BCAS PAS NYAMS BAR BYAS PA DE NYID GSO PHYIR RJE BTZUN 'JAM DPAL DBYANGS MI'I RJE BOR SPRUL PA CHOS RGYAL KHRI SRONG LDE BTZAN RGYA ZA KONG JO LAS SKU 'KHRUNGS NAS RING BO MA LON PA NA YAB GSHEGS, 'KHRUNGS MA

THAG NAS CHOS KYI BAG CHAGS BRTAS PA DE BDUD SDES MA BZOD PAR BDUD BLON RNAMS KYIS 'DI RGYA ZA'I BU MIN GYI ZHANG GI TSA BO YIN ZHES DBROG PAR BRTZAMS PA NA, RGYAL BU CHUNG DU DE'I ZHAL NAS, KHRI SRONG LDE BTZAN RGYA TSA LAGS, SNA RNAM ZHANG GIS CI BGYI 'TSAL, ZHES GSUNGS NAS RANG LA RANG GIS KHRI SONG LDE BTZAN ZHES MTSAN BTAGS, RGYA ZA'I SRAS YIN PAR YONGS SU GRAGS PAR BYAS, DE NAS RGYAL BU CHUNG DU DES SNGAR YAB MES BKA' DRIN CAN DE DAG GIS BOD 'DIR SANGS RGYAS KYI BSTAN PA BTZUGS PA DA LTA MING TZAM YANG MED PA 'DI THABS GANG ZHIG BYAS NA GSO BAR NUS SNYAM DU DE 'BA' ZHIG SEMS PAR MDZAD DO, ,DE NAS DUS NAM ZHIG NA RGYAL POS SPA GSAL SNANG LA SOGS PA KHA SHAS RGYA YUL DU RGYAL BA'I BKA' 'TSOL DU BTANG, DE DAG GIS KYANG RGYAL PO'I BKA' BZHIN RTZOL BA CHEN POS PHYIN TE RGYA NAG NAS RGYAL BA'I BKA' MANG PO SPYAN DRANGS, RGYAL PO'I SKU MDUN DU SLEBS KYANG SDIG BLON RNAMS DBANG CHE BAS RGYAL BA'I BKA' MTSAN TZAM YANG 'DON DBANG MED PAS RE SHIG BKA' RNAMS BRAG LA SBAS, DE NAS RGYAL BUS GSAL SNANG DANG GROS BYAS TE GSAL SNANG GIS RGYA GAR DU PYIN NAS RGYAL BA'I BKA' DANG DE'I DON STON PA'I PAndI TA 'TSOL RTZIS DANG, BDUD BLON RNAMS KYI SNANG NGOR MANG YUL SKYID GRONG GI DPON DU BSKOS TE BTANG, DE NAS GSAL SNANG GIS RGYA GAR DU PHYIN TE RDO RJE GDAN GYI MAH'A BO DHI DANG SHR'I NA LANDRAR MCHOD PA PHUL BAS ME TOG GI CHAR BABS, BYANG CHUB KYI SHING LAS 'O MA'I RGYUN BABS SHING DGE'O ZHES PA'I SGRA 'OD DANG

, ,BCAS PA BYUNG, DE NAS GSAL SNANG BAL YUL DU BYON PAS BAL RJE'I MCHOD GNAS SU MKHAS SHING GRUB PA'I PAn CHEN SHANT'A RAKshI TA BZHUGS PA MANG YUL SKYID GRONG DU SPYAN DRANGS, BZHUGS GNAS SU GTZUG LAG KHANG GNYIS BRTZIGS, SLOB DPON LA SEMS BSKYED ZHUS PAS, SEMS BSKYED ZHU BA LA YON DGOS GSUNGS, GSER DNGUL SOGS RIN PO CHE DANG, DAR ZAB SNAM GOS SOGS YO BYAD CI YOD PHUL BAS DA DUNG PHUL CIG GSUNGS, DA LUS LA BCINGS PA'I SKA RAGS GCIG MIN PA MED ZHUS PAS DE YANG PHUL CIG GSUNGS NAS PHUL, SEMS BSKYED ZHUS ZIN PA NA SLOB DPON GYIS 'BUL BA THAMS CAD CHUR GNANG NAS KHYOD DANG NGA GNYIS SKYE BA 'DI LA NGO SHES PA TZAM MA YIN; SKYE BA DU MA'I SNGA ROL NAS NGA'I DRUNG DU SEMS BSKYED PA'I SRAS KYI THU BO YIN, KHYOD KYI MING YE SHES DBANG PO BYA BAR 'GYUR RO GSUNGS NAS MGO LA PHYAG GIS BYIL BYIL MDZAD, DE NAS GSAL SNANG GIS SLOB DPON LA PHYAG BYAS TE, BOD YUL DU SANGS RGYAS KYI BSTAN PA DAR BA'I CHED DU BOD KYI RGYAL BO'I DGE BA'I BSHES GNYEN DU 'BYON PA CI GNANG, ZHES GSOL BA BTAB BAS SLOB DPON GYIS BOD NGA'I GDUL SKAL YIN, BOD KYI RGYAL PO DANG KHYOD LHAN CIG MA SKYES PAS KHYOD GNYIS KYI SKYE BA DGU'I BAR DU MANG YUL DANG ZA HOR GNYIS SU BSGUGS NAS BSDAD BA YIN, DA KHYED GNYIS KYANG NAR SON NAS DUS LA BAB PAR GDA' BAS NGAS BOD KYI RGYAL PO'I DGE BA'I BSHES GNYEN BYAS

LA YUL BYAN KAR CHU BO LO HI TA'I 'GRAM, RI HAS PU RI'I DRUNG DU BRAG DMAR BSAM YAS MI 'GYUR LHUN GYIS GRUB PA ZHES BYA BA'I GTZUG LAG KHANG GCIG KYANG BZHENGS SU GSOL, ZHES GSUNGS NAS SLOB DPON SLAR BAL YUL DU GSHEGS, GSAL SNANG BOD DU 'ONGS TE RGYAL PO'I SKU MDUN DU MCHIS NAS DBEN PA ZHIG TU CHOS BYA BAR RIGS PA DANG MKHAS PA CHEN PO SHANTA RAKshI TA ZHES BYA BA DA LTA BAL YUL NA BZHUGS YOD, BOD DU 'BYON PAR GSOL BA BTAB PAS ZHAL GYIS BZHES, PAndI TA DE'I BKA' MCHID KYANG 'DI LTAR GNANG ZHES RGYAL PO LA ZHIB TU GSOL BAS RGYAL PO'I ZHAL NAS, NGED GNYIS KYIS PAndI TA SPYAN DRANGS TE RGYAL BA'I BSTAN PA 'DZUGS PAR BDUD BLON 'DI DAG GIS SHES NA KHYOD SROG DANG 'BRAL BAR BYED CING DON CHEN PO LAS NYAMS PAR 'GYUR BAS KHYOD RE SHIG YUL DU SONG LA YIB LA SDOD CIG NGAS PA THABS KYIS DON GRUB PA ZHIG BYA'O GSUNGS NAS GSAL SNANG RE SHIG DBEN PAR BYOL, DE NAS RGYAL BO'I THABS MKHAS KYI MDZAD PA DU MAS BDUD BLON RNAMS KYI BSAM SBYOR MTHA' DAG BYE MA'I CHANGS BU LTAR ZHIG STE CHAB SRID CHOS KYIS SKYONG BA'I DUS LA BAB PA NA, RGYAL POS BLON PO RNAMS LA BKA' STZAL PA, NGA'I YAB MES RNAMS KYIS RGYAL BA'I BSTAN PA RIN PO CHE BTZUGS PA DE ZHANG MA ZHANG SOGS SDIG BLON RNAMS KYIS BSHIG ,JO BO SH'AKYA MU NE MANG YUL SKYID GRONG DU SPYUGS 'DUG PAS, DA JO BO SH'AKYA MU NE DE SPYAN DRANGS, NGED RANG RJE BLON 'BANGS DANG BCAS PA RNAMS CHOS BYED PA MI RUNG NGAM GSUNGS PAS, RGYAL PO'I BKA'

, ,BZHIN RJE BLON 'BANGS DANG BCAS PA RNAMS CHOS BYED PA LA 'CHAM NAS CHOS BYED PA LA RGYA GAR NAS 'ONGS PA'I RGYUS CAN DGOS PAS SU YOD CES GLENG BA NA, GSAL SNANG MANG YUL NAS 'ONGS PA MCHI BAS DE RJE'I SPYAN SNGAR DGUG 'TSAL ZER BA BZHIN GSAL SNANG RGYAL PO'I SPYAN SNGAR BKUG NAS BKA' STZAL PA, RGYA GAR DANG BAL YUL NA CHOS LA MKHAS PA'I PAndI TA SU YOD, DE KHYOD KYIS SPYAN DRONGS SHIG CES BSGO BA NA, GSAL SNANG GIS GSOL BA, ZA HOR RGYAL PO'I SRAS DGE SLONG SH'ANTA RAKshI TA ZHES BYA BA DA LTA BAL YUL NA MCHIS PA DE DAM PA'I CHOS DANG GTZUG LAG KUN LA MKHAS PA CIG BDOG CES GSOL PAS, RJE'I ZHAL NAS KHYOD YUL DU MA 'GRO BAR PAndI TA DE SPYAN DRANG BA'I PHYIR BA LA YUL DU SONGS LA BAL RJE LA NGA'I BKA'I SGROM BU 'DI PHUL LA PAndI TA DE NGES BAR SPYAN 'DRONGS PAR GYIS SHIG, CES MNGAGS NAS GSAL SNANG BAL YUL DU BRDZANGS, GSAL SNANG BAL YUL DU 'BYOR NAS BAL RJE LA RGYAL PO'I BKA'I SGROM BU PHUL NAS BO DHI SATVA BOD YUL DU SPYAN 'DREN PAR CHAD, RIM GYIS MANG YUL DU PHEBS PA NA BOD NAS RGYAL POS PHEBS BSUR KHANG LANG 'GRO SNAR DANG, GNYER STAG TSANG LDONG GZIGS, SBRANG RGYAR LEGS GZIGS GSUM BTANG PA 'BYOR, DE NAS RIM GYIS PHEBS TE RGYAL PO'I PHO BRANG DU PHEBS SU NYE BA NA, GSAL SNANG GIS SNGON LA PHYIN NAS RGYAL PO LA PHYAG PHUL, PAndI TA BYON YOD PA'I LO RGYUS RNAMS GSOL BAS RGYAL PO

DGYES TE GSAL SNANG KHAMS BZANG ZHING PAndI TA BDE BAR BYON PA LEGS ZHES RGYAL POS BKUR STI BGYIS PA NA ZHANG BLON DAG NA RI, RGYA BAL GYI MNGAN SNGAGS MKHAN YANG MANG PO 'ONG BAS SNGON LA RTOG DPYOD MDZAD PA LEGS ZER, SANGS SHI SOGS 'GA' ZHIG GIS BRTAGS KYANG A'A TZARYA'I SKAD MA GO, KHA CHE AA NAN TA LA LO TZ'A BCOL NAS DRIS PAS, SLOB DPON GYI ZHAL NAS, LHA DKON MCHOG MCHOD, DAM TSIG DANG SDOM PA LA GNAS, GTZO BOR SEMS CAN LA PHAN PA 'BA' ZHIG BYED GSUNGS, BLON PO DE DAG GIS RGYAL PO LA AA TZARYA 'DI SPYOD PA KHYAD PAR DU 'PHAGS PA 'DUG PAS THUGS 'PHRIG BYA MI 'TSAL ZHES GSOL NAS PHO BRANG DU SPYAN DRANGS, PHO BRANG GI CHAB SGOR BYON PA NA PHO NYAS RGYAL PO LA SLOB DPON SGO NA BYON NO ZHUS PAS, RGYAL POS GSER PHYE BRE GANG PHYAG RTEN DU PHUL NAS PHYAG BYAS ZHABS SPYI BOR BLANGS TE BYIN RLABS ZHUS PA NA, SLOB DPON GYI ZHAL NAS, RGYAL PO CHEN PO, KHYOD KYIS KHO BO MKHYEN NAM GSUNGS PAS, RGYAL POS SLOB DPON DANG SDAN CHAD ZHAL MA 'DZOM LAGS ZHUS PAS, SLOB DPON GYI ZHAL NAS, SNGON SANGS RGYAS 'OD SRUNGS KYI BSTAN PA LA GTZUG LAG KHANG GI RGYAN BSRUNG BA'I BYIS PA GSUM GYIS BYE MA'I MCHOD RTEN BYAS TE SMON LAM BTAB PA, MA 'ONGS PA NA NGAS PAndI TA BYA BA, KHYOD KYIS MTHA' 'KHOB KYI RGYAL PO BYA BA, GSAL SNANG GIS BRDA SBYOR GYI BANG PHYIN PA BYAS LA MTHA' 'KHOB KYI RGYAL KHAMS SU DAM PA'I CHOS DAR BAR BYED PA'I SMON LAM BTAB PA MNYEL LAM

, ,GSUNGS, RGYAL PO'I ZHAL NAS, DE MAD BDAG SGOM YUN THUNGS PAS LAN ZHES GSOL, DE NAS RGYAL POS BOD DU SANGS RGYAS KYI BSTAN PA DAR BAR GSOL BA BTAB NAS BRTAG BA ZHUS PA NA, SLOB DPON GYIS, NGED AA TZA RYA BYA BA RTEN 'BREL BRTAG PA LA MKHAS PA YIN, RGYAL PO KHYOD KYIS MGO LA THOD BCINGS PA DANG SBYAR NA STONG DU MNGA' RIS ZHVA TZAM ZHIG, ZHABS LA LHAM GSOL BAS SMAD DU MNGA' RIS LHAM TZAM ZHIG LA CHOS KHRIMS CHAGS, SKA RAGS MA BCINGS PA DANG SBYAR NA BAR DU RGYAL KHRIMS MYUR DU 'JIG NYEN YOD, 'ON KYANG RIN PO CHE'I PHYAG RTEN PHUL BAS RGYAL BA'I BSTAN PA 'DZUGS BTUB GSUNGS, DE NAS SLOB DPON GYIS PHO BRANG RLUNG TSUBS SU ZLA BA BZHIR DGE BA BCU KHAMS BCO BRGYAD RTEN 'BREL BCU GNYIS KYI CHOS BSHAD PAS, BOD KYI LHA SRIN KHROS TE 'PHANG THANG CHUS KHYER, DAM RO RIL THOG RGYAB, MI NAD PHYUGS NAD BYUNG BAS BOD 'ANGS YA LOG NAS CHOS BYAS PAS LAN ZER BA NA, RGYAL PO KHRI SRONG LDE BTZAN GYIS MKHAN CHEN BODHI SATVA'I ZHABS LA DBU GTUGS TE BSHUM BZHIN DU BOD BSOD NAMS DMAN PAS NAG PHYOGS KYI MI MA YIN RNAMS KYIS BAR CHAD 'DI 'DRA BYAS, BOD KYI RNAMS KYANG 'DI SKAD ZER BAS SLOB DON RE SHIG BAL YUL DU GSHEGS NAS SLAR 'BYON DGOS ZHES ZHUS TE SLOB DPON BLA YUL DU BYON, DE NAS RING ZHIG

NAS SPA GSAL SNANG RGYA YUL DU CHOS 'TSAL DU BTANG, SANG SHI LA SOGS PA SUM CU MKHAN CHEN ZHI BA 'TSO SPYAN 'DREN DU BTANG NGO, ,DE'I TSE RGYA NAG TU HA SHANG ZHIG NA RE, DA ZLA BA DRUG ZHAG DRUG NA 'PHAGS BA RTA SKAD KYI SPRUL PA 'DI 'DRA ZHIG 'ONG ZHES 'DRA 'BAG BYAS SHING, SANG SHI RGYA NAG TU SLEB PA DANG RGYA RJES BYA DGA' BYIN, HA SHANG LA BSGOM LUNG BLANGS TE SLAR BOD DU 'KHOR BA NA RGYAL PO LA SKYES PHUL LO, ,DE NAS RGYAL POS SANG SHI LA A'A TZARYA DA DUNG SPYAN MA 'DRONGS PAS KHYOD SONGS SHIG GSUNGS, DES BAL BOR PHYIN NAS MKHAN CHEN ZHI BA 'TSO SPYAN DRANGS TE BRAG DMAR 'BRIN BZANG DU PHEBS NAS RGYAL PO LA, BOD KYI LHA SRIN MA THUL BAS CHOS BYED DU MI STER ZHING BTZAN PO SKU TSE THUNG BA YANG DES LAN PAS, MI MA YIN GDUG PA CAN RNAMS 'DUL BA LA SLOB DPON PADMA SAMBHA WA ZHES BYA BA MTHU RTZAL DANG LDAN PA ZHIG YOD PAS DE SPYAN BDRONGS SHIG GSUNGS PA NA, BTZAN POS RMI LAM DU BYUNG BA SKAD BGYIS TE, SBA MANG RJE GSAL SNANG LOGS MI LNGA SPYAN 'DREN DU BTANG BAS, SLOB DPON GYIS MKHYEN TE MANG YUL GUNG THANG DU BYON PA DANG MJAL NAS RIM GYIS LHA SRIN GDUG PA CAN RNAMS DAM LA 'DOGS SHING BYIN TE, HA SA PO RIR PHYAG PHEBS TE BTZAN PO DANG MJAL, MAL GRO PHUR BYON NAS BOD KYI LHA SRIN THAMS CAD DAM LA BTAGS SO, ,DE NAS MKHAN CHEN

, ,BO DHI SATVA DANG, SLOB DPON PADMA SAMBHA WA GNYIS KYIS SA CHOG MDZAD DE AO T'ANTA P'U RI'I GTZUG LAG KHANG LA DPE BLANGS NAS RI RAB GLING BCU GNYIS, NYI ZLA ZUNG GCIG ,MTHA' LCAGS RIS BSKOR BA'I BKOD PA MDZAD DE ME MO YOS BU'I LO LA RMANG BTING, SA MO YOS LA TSAR NAS MKHAN CHEN BO DHI SATVA DANG SLOB DPON PADMA SAm BHA WAS RAB GNAS MDZAD DGA' STON BYAS TE, LUG GI LO LA THAMS CAD YOD SMRA'I SDE PA'I DGE SLONG BCU GNYIS SPYAN DRANGS TE BOD LA RAB BYUNG BTUB MI BTUB SAD PA'I PHYIR YE SHES DBANG PO LA SOGS PA MI BDUN RAB TU PHYUNG BA NA, RAB TU BYUNG MA THAG TU DE DAG LA MNGON PAR SHES PA LA SOGS PA'I YON TAN BSAM GYIS MI KHYAB PA DANG LDAN PAR GYUR, BDUN PO DE LA SAD MI MI BDUN ZHES GRAGS SO, ,DE NAS CHOS RGYAL KHRI SRONG LDE BTZAN GYIS GANGS RI'I KHROD 'DIR MKHAN CHEN ZHI BA 'TSO'I MKHAN RGYUD THAMS CAD YOD PAR SMRA BA'I LUGS 'DI DAR ZHING RGYAS LA YUN RING DU GNAS PA ZHIG BYUNG NA CI MA RUNG SNYAM DU 'DI'I MKHAN RGYUD 'PHAGS PA SH'A RI'I BU, SGRA GCAN ZIN, KLU SGRUB, LEGS LDAN 'BYED, DPAL SBAS, YE SHES SNYING PO, MKHAN PO BO DHI SATVA RNAMS BSAM YAS KYI GYANG RIS LA 'GOD PAR MDZAD DO, ,DE NAS CHOS RGYAL KHRI SRONG LDE BTZAN GYIS MKHAN CHEN PO DHI SATVA RNYED BKUR TSAD MED PAS MCHOD CING BOD KHAMS 'DIR SANGS RGYAS KYI BSTAN PA RGYA CHER SPEL BAR ZHUS TE, DE'I 'PHRIN LAS KYI GROGS SU LO TZ'A MKHAS PA

YANG MANG DU BSLABS RGYA GAR NAS SLOB DPON BI MA LA MI TRA DANG, SLOB DPON SANGS RGYAS GSANG BA SOGS MKHAS SHING GRUB PA'I PAndI TA CHEN PO MANG DU SPYAN DRANGS, RGYAL BA'I BKA' DANG BSTAN BCOS MTHA' YAS PA BSGYUR, GANG BSGYUR BA'I CHOS DE DAG THAMS CAD LA LO CHEN MKHAS PA RNAMS KYIS ZHUS TIG YANG DAG PAR BYAS, DE DAG THAMS CAD KYANG CHOS RGYAL NYID KYI SPYAN LAM DU PHAB NAS CHOS LTAR BCOS PA'I BSRE BSLAD PHRA MO'ANG MED PAR MDZAD, BOD KHAMS THAMS CAD LA KHRIMS 'DI LTAR BSGRAGS TE, BOD KYI MNGA' 'OG NA GNAS PA THAMS CAD KYIS DAM PA'I CHOS TSUL BZHIN DU BYA BA DANG, RGYAL BA'I BSTAN PA LA RAB TU BYUNG BA RNAMS LA BLA LHAG TU GUS PAR BYA BA DANG, CHOS BYED BA RNAMS KYIS KYANG MKHAN CHEN BODHI SATVAS BOD KHAMS 'DIR RGYAL BSTAN GYI SROL JI LTAR GTOD PA LTAR 'DUL BA'I BCAS KHRIMS RNAM PAR DAG PAS GZHI BZUNG NAS SPYOD PA RNAM PAR DAG PA DANG, 'PHAGS PA KLU SGRUB KYIS RGYAL BA'I DGONGS BA JI LTAR BKRAL BA'I LTA BA RNAM PAR DAG PA DE KHO NA BZHIN BYA DGOS PA'I BKA' KHRIMS BSGRAGS SO, ,DE LTAR MKHAN CHEN BO DHI SATVAS RGYAL BSTAN NYIN MO LTAR GSAL BAR MDZAD NAS SKU'I BKOD PA BSDU BA LA PHYOGS PA NA CHOS RGYAL KHRI SRONG LDE BTZAN LA 'DI LTAR BKA' STZAL TE, BOD DU MU STEGS NI MI 'BYUNG GIS, SANGS RGYAS KYI BSTAN PA NYID KHA GNYIS SU GYIS TE RTZOD PAR 'GYUR BAS, DE'I TSE NGA'I SLOB MA KA MA LA SH'I LA SPYAN DRONGS LA RTZOD PA BYED DU CHUG CIG ,

, ,RTZOD PA BYAS PAS RTZOD PA CHOS PHYOGS SU ZHI BAR 'GYUR RO, ,ZHES LUNG BSTAN TE ZHI BAR GSHEGS SO, ,DE NAS DUS NAM ZHIG NA MKHAN CHEN ZHI BA 'TSOS JI LTAR LUNG BSTAN PA BZHIN RGYA NAG GI HVA SHANG LTA BA LOG PA 'DZIN PA ZHIG BYUNG NAS DE'I LUGS DAR TE LUS NGAG GI CHOS SPYOD DGE BA BYAS PAS SANGS MI RGYA, BYAR MED LA GNAS NA SANGS RGYAS ZER NAS CHA DE LTA LA ZHEN TE DGE SBYOR MI BYED, 'OD PHAL CHER DE LA DGA' STE DE'I LUGS SLOB, DPAL DBYANGS DANG; SBA RATNA LA SOGS PA NYUNG SHAS SHIG MKHAN CHEN BODHI SATVA'I LUGS BYED PAS LTA SPYOD MA MTHUN TE RTZOD PA LA, BTZAN POS MKHAN CHEN BODHI SATVA'I LUGS BZHIN DU LTA SPYOD GYIS SHIG GSUNGS PAS, STON MUN PA RNAMS KHROS TE CHU GRI RNON PO RE BSREL ZHING TZEN MIN PA RIL GSOD ZER BAS RGYAL PO THUGS MA BDE NAS, YE SHES DBANG PO 'BOD DU BTANG PAS LAN GNYIS SU MKHUGS NAS GSUM PA LA MA KHUGS NA GSAD BAR BYAS TE BTANG BAS, BRAG PHUG 'DOM BCU GNYIS PA DPYANG THAG LA 'GRO DGOS PA ZHIG TU PHYIN TE GSHEGS PAR ZHU, MI GSHEGS NA BDAG GSOD DU 'ONG BAS LCE BA BYAS PAS BYON TE RGYAL PO LA BDAG DGUG MI 'TSAL, MKHAN PO'I ZHAL CHEMS 'DI LTAR BDOG ZHUS PAS RGYAL PO MNYEL BSOS TE SLOB DPON KA MA LA SH'I LA SPYAN 'DREN PA'I PHO NYA BTANG, DE HVA SHANG GIS TSOR NAS YUM RGYAS PA LA SOGS PA MDO SDE ZAB MO RNAMS SPYAN DRANGS TE BSHAD PA BSLABS, BSTAN BCOS LA CHOS BYA MI DGOS NYAL BAS CHO GA

CES STON PA BSAM GTAN NYAL BA'I 'KHOR LO, DE LA RTZOD PA SPONG BA BSAM GTAN GYI LON, YANG LON GNYIS, DE RIGS PAS BSGRUB PA LTA BA'I RGYAB SHA ,LUNG GIS BSGRUB PA MDO SDE BRGYAD CU KHUNGS LA SOGS PA BYAS, MDO SDE DGONGS PA NGES 'GEL RANG GI LTA SPYOD DANG 'GAL BAR MTHONG NAS RDOG PAS GRIL LO, ,DE'I TSE YE SHES DBANG POS MKHAN PO'I DGONGS PA 'DI BZHIN YIN ZHES SNYAN DU GSOL BAS BTZAN PO DGYES TE KHYOD NGA'I A'A TZARYA ZHES GSUNG NGO, ,DE NAS KA MA LA SH'I LA BYON PA DANG, BTZAN PO GUNG LA BZHUGS, HVA SHANG G-YAS GRAL DU BYAS, SLOB DPON G-YON GRAL DU BYAS TE RTZEN MIN RNAMS DE'I MJUG 'THUD, BTZAN POS GNYIS KA'I LAG TU ME TOG PHRENG BA GTAD DE KHYED GNYIS GSHAGS GYIS LA GANG RGYAL BA LA PHAM BAS ME TOG PHRENG BA PHUL CIG ,PHAM PA DE 'DIR MA SDOD CIG BKA' STZAL PA DANG, HVA SHANG NA RE LAS DGE DANG MI DGE SPYAD NA MTHO RIS DANG NGAN SONG DU 'GRO BAS 'KHOR BA LAS MI THAR ZHING SANGS RGYAS THOB PA LA BSGRIB PA YIN, DPER NA SPRIN DKAR NAG GANG GIS KYANG NAM MKHA' LA BSGRIB PA DANG 'DRA, GANG ZHIG CI LA YANG MI SEMS, CI YANG MI BSAM PA DE 'KHOR BA LAS YONGS SU THAR BAR 'GYUR RO, ,CI LA YANG MI SEMS MI RTOG MI DPYOD PA NI MI DMIGS PA YIN PAS, CIG CAR DU 'JUG PA NI SA BCU PA DANG 'DRA'O, ,ZER RO, ,KA MA LA SH'I LA'I ZHAL SNGA NAS, DE LTAR CI LA YANG MI BSAM ZER BA DE NI SO SOR RTOG PA'I SHES RAB SPANGS PA YIN NO, ,YANG DAG PA'I YE SHES

, ,KYI RTZA BSO SOR RTOG PA'I SHES RAB YIN PAS, DE SPANGS PAS 'JIG RTEN LAS 'DAS PA'I SHES RAB KYANG SPANGS PAR 'GYUR RO, ,SO SOR RTOG PA'I SHES RAB MED NA RNAL 'BYOR BA THABS GANG GIS RNAM BAR MI RTOG PA LA GNAS, GAL TE CHOS THAMS CAD DRAN PA MED CING YID LA BYA BA MED PA YIN NA, NYAMS SU MYONG BA THAMS CAD MI DRAN ZHING, YID LA MI BYA BAR MI NUS SO, ,GAL TE BDAG GIS CHOS DRAN BAR MI BYA'O SNYAM NA DE SHIN TU DRAN BA YID LA BYAS BAR 'GYUR RO, ,DRAN BA MED BA TZAM PO LA BYED NA BRGYAL BA'AM, 'BOG BA'I DUS SU RNAM PAR MI RTOG PAR 'GYUR RO, ,YANG DAG BA'I SO SOR RTOG PA MED BAR MI RTOG BA LA 'JUG PA'I THABS MED DO, ,DE DRAN BA TZAM BO BKAG KYANG YANG DAG BA'I SO SOR RTOG PA MED NA CHOS THAMS CAD NGO BO NYID MED BA LA JI LTAR 'JUG NUS, STONG BA NYID MA RTOGS BAR SGRIB BA SPANGS BAR MI 'GYUR BAS NA'O, ,DES NA YANG DAG BA'I SHES RAB KYIS PHYIN CI LOG GI SNANG BA RGYANG BSRINGS PA YIN NO, ,DES NA DRAN BZHIN DU MI DRAN BYAR MI RUNG NGO, ,DRAN PA DANG YID LA BYA BA MED PAR SNGON GYI GNAS RJES SU DRAN BA DANG THAMS CAD MKHYEN BAR JI LTAR 'GYUR, NYON MONGS BA YANG JI LTAR SPONG, DE BAS NA YANG DAG BA'I SHES RAB KYIS DON NGES BAR RTOGS PA'I RNAL 'BYOR BAS DUS GSUM PHYI NANG STONG BAR RTOGS NAS RTOG BA NYE BAR ZHI STE LTA BA NGAN BA THAMS CAD SPANGS, DE BRTAN NAS THABS SHES RAB LA MKHAS PAS SGRIB PA

THAMS CAD BSAL NAS SANGS RGYAS KYI CHOS THAMS CAD THOB PAR 'GYUR RO, ,ZHES GSUNGS SO, ,DE NAS BTZAN BO'I ZHAL NAS, 'KHOR KUN GYIS KYANG MCHID GSHAGS THOB CIG GSUNGS, DE NAS SPA YE SHES DBANG POS CIG CAR 'JUG BYA BA DANG, RIM GYIS 'JUG BYA BA GNYIS DPYOD DGOS TE, RIM GYIS 'JUG NA RGYU MA MCHIS PAS, NGED DANG MI 'DRA CIG CAR 'JUG NA KHYED DA RUNG CI BYED, DANG BO NAS SANGS RGYAS NA CI NYES, DE BAS NA RI LA 'DZEG BA'ANG GOM PA RE RES 'DZEG DGOS TE, GOM PA GCIG GIS BGROD MI NUS PA LTAR, SA DANG PO THOB PA'ANG DKA' NA, THAMS CAD MKHYEN PA LTA CI SMOS, NGED TZE NA MIN GYI LUGS KYIS GSUNG RAB KUN LA SHES RAB GSUM GYIS SBYANGS PAS DON MA NOR BAR SHES, CHOS SPYOD BCU LA BSLABS TE BSGOMS BAS BZOD PA THOB, SA DANG PO SKYON MED PA LA ZHUGS TE SA BCU RIM GYIS SBYANGS PAS TSOGS GNYIS RDZOGS NAS 'TSANG RGYA BA YIN, KHYAD LTAR NA TSOGS MA RDZOGS, BLO MA SBYANGS BAR 'JIG RTEN GYI BYA BA YANG MI SHES NA SHES BYA THAMS CAD SHES PAR JI LTAR 'GYUR, CI YANG MA BYAS PAR NYAL BAS ZAN YANG MI MYONG STE, LTOGS TE 'CHIN SANGS RGYAS GA LA 'GRUB, MA BRTAGS MA DPYAD PAR GOM PA BOR YANG BRDEGS 'CHOS NA CHOS GA LA RTOGS ZHES BYA BA LA SOGS PA RGYAS PAR SMRAS PAS, STON MUN BAS LAN SMRA BAR MA NUS TE ME TOG PHRENG BA SLOB DPON LA PHUL TE PHA MA BLANGS SO, ,DE'I TSE CO RMA RMA LA SOGS PA MYA NGAN SKYES TE RANG GI

, ,RTEN RDOS BRDUNGS TE SHI ZHES GRAGS SO, ,DE NAS BTZAN POS DA PHYIN CHANG LTA BA KLU SGRUB KYI LUGS BZUNG, SPYOD PA CHOS SPYOD BCU DANG PHA ROL PHYIN BSLOBS, STON MUN GYI LUGS BYED DU MI DBANG NGO ZHES BKA' STZAL TE HVA SHANG RGYA'I YUL DU RDZANGS, DPE RNAMS BSDUS TE GTER DU SBAS SO, ,DE LTAR MKHAN CHEN ZHI BA 'TSO DANG MKHAS MCHOG KA MA LA SH'I LA GNYIS NI BOD KHAMS BSTAN PA'I SGRON ME YIN PAS BKA' DRIN MTSUNGS PA MED PA ZHIG GO ,DE NAS CHOS RGYAL KHRI SRONG LDE BTZAN GYIS, MKHAS MCHOG KA MA LA SH'I LA LA BOD KHAMS SU BSTAN PA LA DAG THER MDZAD NAS LTA BA LOG PAR SMRA BA RNAMS SUN PHYUNG BA BKA' DRIN CHE ZHES GUS PAS MCHOD PA TSAD MED PA MDZAD CING LUNG DANG RIGS PA DRI MA MED PAS LTA NGAN LOG PAR SMRA BA BKAG BA DE LTAR PHYIS RABS KYI GDUL BYA'I DON DU YI GER 'KHOD PA ZHIG DGOS ZHES BSKUL BA LTAR MKHAS MCHOG KA MA LA SH'I LAS DBU MA SGOM RIM GSUM MDZAD, SLAR YANG CHOS RGYAL KHRI SRONG LDE BTZAN GYIS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA LEGS PAR BKRAL BA'I DBU MA'I LTA BA MTHAR THUG PA 'DI 'JIG RTEN 'DIR YUN RING DU GNAS PAR BYA BA'I PHYIR RIGS BAS GSAL BAR MDZAD BA'I BSTAN BCOS ZHIG MDZAD DGOS PAR BSKUL TE, MKHAS MCHOG KA MA LA SH'I LAS DBU MA'I LAM BZANG GSAL BAR STON PA'I BSTAN BCOS DBU MA SNANG BA MDZAD DO, ,DES NA BYANG CHUB LAM RIM LA NYAMS LEN SNYING BOR

BYA 'DOD PA RNAMS KYIS SLOB DPON ZHI BA 'TSO YAB SRAS KYIS MDZAD PA'I DBU MA RGYAN RTZA 'GREL DANG, DBU MA SGOM RIM GSUM PO 'DI DAG LA YANG DANG YANG DU BLTAS TE, LAM GYI RIM PA'I GNAD RNAMS LA NGES PA GTING TSUGS PAR BRNYED PAR BYA'O,, ` ,,LAM MCHOG SHER PHYIN RGYAS MDZAD SENG BZANG ZHABS, ,ZHES BSNGAGS PA, SLOB DPON SENG GE BZANG PO NI, SNGON YUN RING BO NAS THUGS BSKYED DE RGYAL SRAS KYI SPYOD PA RLABS PO CHE LA BSLABS NAS; ZHING 'DIR RGYAL BA'I BSTAN PA'I SNYING PO SHER PHYIN GYI MAN NGAG SPEL PHYIR BSAM BZHIN DU BYON PA ZHIG STE, DE YANG SLOB DPON 'DI RGYAL RIGS SU SKU 'KHRUNGS, SNGON GYI CHOS 'BYUNG 'GA' ZHIG TU SLOB DPON 'DI MA'I LTO NA GNAS PA'I TSE MA LA SENG GE'I GNOD PA BYUNG STE MA'I LUS SENG GES ZOS KYANG LTO NA GNAS PA'I KHYE'U SENG GES MA ZOS PAR BDE BAR SKYES PAS SENG GE BZANG PO ZHES BTAGS PAR BSHAD, DE NAS NAR SON BA NA KHYIM GYI 'DU 'DZI LA MA CHAGS PAR RGYAL BA'I BSTAN PA LA RAB TU BYUNG STE BSLAB GZHI YONGS SU RDZOGS BA DGE SLONG GI SDOM BA BZHES, RANG DANG GZHAN GYI GRUB PA'I MTHA' THAMS CAD LA SBYANGS PAS MKHAS PA'I PHUL DU PHYIN PAR GYUR, KHYAD PAR SHER PHYIN GYI DON 'TSOL BA LA BYANG CHUB SEMS DPA' RTAG TU DU LTAR LUS DANG SROG LA'ANG MI LTA BAR BRTZON PA CHER MDZAD DE SHES RAB KYI PHA ROL TU PHYIN PA'I MDO SDE RIN PO CHE'I DON THEG PA GSUM GA'I LAM GYI RIM PA'I LUS YONGS SU RDZOGS PA LA

, ,NGES BA GTING TSUGS PA GZHAN GYIS DKRI BAR MI NUS PA ZHIG NAM ZHIG NA 'ONG SNYAM DU DE 'BA' ZHIG 'TSOL BA LHUR MJAD DO, ,DE'I TSE MKHAN CHEN ZHI BA 'TSO BSTAN PA'I BDAG POR BZHUGS PAS MKHAN CHEN ZHI BA 'TSO BSAM SBYOR GNYIS KYIS TSUL BZHIN DU BSTEN TE, RJE BTZUN BYAMS PA NAS BRGYUD PA'I SHER PHYIN GYI MAN NGAG 'PHAGS PA THOGS MED SKU MCHED GNYIS DANG, 'PHAGS PA GROL SDE'I GZHUNG RNAMS LA ZHIB TU SBYANGS SHING, RGYAL BA'I DGONGS PA DPAL MGON 'PHAGS PA KLU SGRUB KYIS BKRAL BA'I DBU MA'I GZHUNG RNAMS LA'ANG ZHIB TU SBYANGS, YANG DAG PAR RDZOGS PA'I SANGS RGYAS NAS RJE BTZUN BYAMS PA MGON BO DANG, DE NAS THOGS MED SKU MCHED LA RIM GYIS BRGYUD PA'I RGYA CHE BA'I LAM GYI RIM BA'I MAN NGAG RNAMS DANG, RDZOGS PA'I SANGS RGYAS NAS RJE BTZUN 'JAM PA'I DBYANGS, DE NAS DPAL MGON 'PHAGS PA KLU SGRUB YAB SRAS LA RIM GYIS BRGYUD PA'I ZAB MA'I LAM GYI RIM PA'I MAN NGAG RNAMS RDZOGS PAR GSAN, JI LTAR GSAN BA'I DON LAM GYI RIM PA'I GNAD RNAMS LA YANG DANG YANG DU SEMS PA DANG, 'JAL BA DANG, RTOG PA DANG, RANG GI RGYUD LA 'DRIS PAR BYA BA'I PHYIR DMIGS RNAM GOMS PA LHUR LEN PA RNAMS LA 'BAD DE RGYAL BA'I BSTAN PA'I SNYING PO THEG PA GSUM GA'I LAM GYI RIM PA'I LUS YONGS SU RDZOGS PA LA MYONG BA KHYAD BAR CAN 'KHRUNGS, DE NAS SKAL BA DANG LDAN PA STONG PHRAG MANG PO DAG LA SHER PHYIN GYI GDAMS,

NGAG 'DOMS PAR MDZAD, DA DUNG RGYAL BA'I BSTAN PA LA BYA BA RGYA CHER MDZAD BZHENG NAS, MKHAN CHEN ZHI BA 'TSO LA RJE BTZUN BYAMS PA'I SGRUB THABS ZHUS NAS BSGRUBS PAS, RMI LAM DU DGE SLONG GUR KUM GYI MDOG CAN SPYOD LAM MDZES PA CIG RMIS TE, SHAR PHYOGS KHA SARB'A nIR SONGS SHIG ,CES LUNG BSTAN TO, ,JI LTAR LUNG BSTAN PA LTAR DER SONG NAS ZHAG GSUM DU SMYUNG GNAS BYAS TE RMI LAM BRTAGS BAS THO RANGS KYI RMI LAM NA, AO T'ANTA P'U RI BI DH'A RA'I GANDHO LA'I STENG GI NAM MKHA' LA SPRIN PHUNG THUG PO ZHIG GI GSEB NA LHA'I LUS STOD SPRIN GYI GSEB NAS BYUNG NAS MCHOD RDZAS SNA TSOGS KYIS MCHOD PA MTHONG STE, CI BYED DRIS PAS, RJE BTZUN BYAMS MGON BRGYAD STONG PA GSUNG BA LA MCHOD PA BYED PA YIN ZER TE, RING DU BLTAS PAS RJE BTZUN ZHAL GSER MDOG CAN SPYI GTZUG MCHOD RTEN GYIS SPRAS PA PHYAG G-YAS CHOS 'CHAD KYI PHYAG RGYA MDZAD PA ZHIG MTHONG NAS PHYAG DANG MCHOD PA BYAS TE, NYID KYI BSTAN BCOS LA DENG SANG 'GREL BA MANG DU MCHIS NA GANG GI RJES SU 'JUG PAR BGYI ZHES ZHUS PAS, THAMS CAD KYI GZHUNG LEGS PAR RTOGS LA 'THAD PA BSDUS TE KHYOD KYIS PHYOGS GCIG TU BSDUS LA RTZOMS SHIG CES GNANG BA THOB BO, ,MNAL SAD DE MCHOD PA BYAS NAS BSTAN BCOS BRTZAMS PA'I SBYIN BDAG BTZAL BA'I PHYIR SHAR PHYOGS KHA SARB'A NI NAS NUB TU BYON BA NA, RGYAL BO DHARM'A BA LAS YUM 'CHAD PA LA SLOB DPON SENG GE BZANG PO MKHAS PAR THOS NAS GDAN 'DREN DU BTANG BA'I PHO NYA DANG PHRAD NAS

, ,GDAN DRANGS TE TSA BA GSUM GYI GTZUG LAG KHANG DU PHEBS TE DGE 'DUN STONG PHRAG MANG PO LA SHER PHYIN GYI MAN NGAG RGYA CHER 'DOMS PAR MDZAD, RGYAL PO DHARM'A PA LAS SBYIN BDAG BYAS NAS BYAMS MGON GYIS LUNG BSTAN PA LTAR MNGON RTOGS RGYAN GYI 'GREL BA DON GSAL DANG, MNGON RTOGS RGYAN DANG BRGYAD STONG PA SBYAR BA'I MAN NGAG BRGYAD STONG 'GREL CHEN DANG, 'PHAGS PA GROL SDES MDZAD PA'I NYI KHRI SNANG BA DANG MTHUN PAR NYI KHRI'I BSDUS DON LE BRGYAD MA DANG, YON TAN RIN PO CHE SDUD BA'I 'GREL PA RTOGS PAR SLA BA DANG, SHER PHYIN SGOM PA, TZANDRA PA'I RNAM DBYE'I TSIG LA'UR BYAS PA RNAMS MDZAD DO, ,BDAG NYID CHEN PO 'DI NI MKHYEN RABS DANG THUGS RJE MTSUNGS PA MED PA DANG, RJE BTZUN BYAMS PA MGON POS BYIN GYIS BRLABS PA'I MTHUS 'GREL PA DON GSAL NI BYANG CHUB LAM GYI RIM PA LA BLO SBYONG BA RNAMS LA SHER PHYIN GYI MDO SDE BA LTA BA'I MIG LTA BUR GYUR CING, BRGYAD STONG 'GREL CHEN NI DANG PO GNAS KHANG BYI DOR BYA BA NAS BZUNG ZHI GNAS DANG LHAG MTHONG GNYIS ZUNG DU 'BREL BA'I RNAL 'BYOR SGOM PA'I BAR SKYES BU GSUM GYI LAM GYI RIM PA'I GNAD THAMS CAD SHER PHYIN GYI MDO SDE NAS JI LTAR GSUNGS PA LTAR LAM GYI NGO BO GANG YIN PA DANG, GRANGS JI TZAM DU NGES PA DANG, GO RIM JI LTAR YIN PA'I TSUL RNAMS 'KHRUL PA PHRA MO'ANG MED PAR SHIN TU GSAL BAR STON PA DANG, DMIGS SKOR RE RE NAS GCIG NYAMS SU LEN PA'I CHE GZHAN RNAMS 'DOR

DGOS PA MIN PAR, DMIGS SKOR RE RE'I STENG DU LAM GYI LUS YONGS SU RDZOGS PAR CHA TSANG BA RE BYAMS MGON GYI MAN NGAG LA BRTEN NAS RTZAL DU BTON TE 'CHAD PA DANG, DANG PO THAR PA CHA MTHUN NAS BZUNG MTHAR RDO RJE LTA BU'I TING NGE 'DZIN GYIS GNYIS SNANG 'KHRUL BA'I DNGOS GNYEN BYAS TE RNAM PA THAMS CAD MKHYEN PA'I YE SHES THOB PA'I BAR DANG, RNAM MKHYEN THOB NAS 'PHRIN LAS NYI SHU RTZA BDUN GYI SGO NAS SEMS CAN GYI DON JI LTAR BYED PA'I BAR THAMS CAD TSANG BAR BSTAN PAS 'DZAM BU GLING PA RNAMS LA BKA' DRIN ZLA MED DU MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON SENG GE BZANG PO LA GSOL BA 'DEBS SHING, SLOB DPON 'DI'I GZHUNG RNAMS LA YANG DANG YANG DU BLTAS TE RANG GIS GANG NYAMS SU BLANG BAR BYA BA'I LAM GYI RIM PA'I GNAD RNAMS LA BDUD DANG SDIG GROGS GANG GIS KYANG YID BZHIN DU BSGYUR MI THUB PA'I NGES PA BRTAN PO RNYED PAR BYA'O,, ,, ` RGYAL BA'I MAN NGAG KUN 'DZIN KU SA LI, ,ZHES BSNGAGS PA, MCHAN DNGOS RIN CHEN BZANG PO ZHES BRJOD PA'I BDAG NYID CHEN PO 'DI RGYAL BA'I BSTAN PA LA RAB TU BYUNG NAS BSNYEN PAR RDZOGS PA DGE SLONG GI SDOM PA BZHES, SLOB DPON SENGGE BZANG PO YONGS 'DZIN DU BSTEN NAS RJE BTZUN BYAMS PA MGON PO NAS BRGYUD PA'I SHER PHYIN GYI MAN NGAG RNAMS YONGS SU RDZOGS PAR GSAN ZHING, DPAL MGON 'PHAGS PA KLU SGRUB NAS BRGYUD BA'I DBU MA'I MAN NGAG RNAMS KYANG YONG SU RDZOGS PAR

, ,GSAN, DE DUS 'DZAMBU GLING NA MKHAS SHING GRUB PA'I SKYES BU GANG DANG GANG NA BZHUGS PA PHAL MO CHE'I ZHABS LA GTUGS NAS MDO SNGAGS KYI MAN NGAG MTHA' DAG GSAN PAR MDZAD DE, RJE BTZUN BYAMS PA NAS BRGYUD PA'I MAN NGAG MTHA' DAG GSAN PA NI, BKA' GDAMS GLEGS BAM LAS, BYAMS PA THOGS MED DBYIG GNYEN RNAM GROL SDE, ,BTZUN PA GROL SDE RGYAL SRAS MCHOG GI SDE, ,RGYAL SRAS DUL BA'I SDE DANG GRAGS PA'I DPAL, ,SENG BZANG RIN CHEN BZANG DANG RIN CHEN SDE,, RTZA BA'I BLA MA MNYAM MED GSER GLING BA, ,RGYA CHEN RNAM DAG SBYOD LA PHYAG 'TSAL LO, ,ZHES GSUNGS PA LTAR RO, ,'DI'I RIN CHEN BZANG PO ZHES PA NI KU SA LI CHE BA DANG, RIN CHEN SDE ZHES PA KU SA LI CHUNG BA YIN BAR SNGON GYI CHOS 'BYUNG DAG LAS BSHAD DO, 'PHAGS PA KLU SGRUB NAS BRGYUD PA'I MAN NGAG MTHA' DAG DANG, KHYAD PAR PHA RGYUD GSANG BA 'DUS PA'I MAN NGAG RNAMS BLA MA 'DIS RIG PA'I KHU BYUG LA GSAN TE, BKA' GDAMS GLEGS BAM LAS, KLU SGRUB ZLA GRAGS RIG PA'I KHU BYUG DANG, BLA MA AA WA DHU TI CHE CHUNG GNYIS, ,LTA BA'I BLA MA LNGA LA PHYAG 'TSAL LO, ,ZHES GSUNGS PA LTAR RO, ,YE SHES ZHABS LUGS KYI MAN NGAG MTHA' DAG BLA MA 'DIS SLOB DPON SANGS RGYAS ZHI BA LA GSAN TE BKA' GDAMS GLEGS BAM LAS, SANGS RGYAS YE SHES ZHABS DANG GSANG BA PA, ,ZHI BA KU SU LU DANG KU SU LU, ,GSANG SNGAGS MA LUS BDAG LA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, ,ZHES GSUNGS PA LTAR RO, ,RNAL 'BYOR RGYUD KYI MAN NGAG RNAMS BLA MA 'DIS SANGS RGYAS ZHI BA'AM SANGS

RGYAS GSANG BA GANG RIG LAS GSAN TE BKA' GDAMS GLEGS BAM LAS, SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA DANG NI KU SU LU, ,KU SU LU ZHES KRI YA YO GA YI, ,GDAMS PA SBYIN MDZAD LNGA LA PHYAG 'TSAL LO, , ZHES GSUNGS PA LTAR RO, ,MKHAS GRUB CHEN PO SANGS RGYAS BSKYANG NAS BRGYUD PA'I MAN NGAG RNAMS KYANG 'DIS YONGS SU RDZOGS PAR GSAN TE, BKA' GDAMS GLEGS BAM LAS, MKHAS GRUB CHEN PO BUDDHA P'A LI DANG, ,SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA MNYAM MED KU SU LU, ,RTZA BA'I BLA MA DRIN CAN KU SU LU, ,BYIN BRLABS BLA MA DRUG LA PHYAG 'TSAL LO, ,ZHES GSUNGS PA LTAR RO, ,YANG BLA MA KU SA LI 'DIS THEG PA CHEN PO'I LAM GYI RIM PA'I MAN NGAG RNAMS SLOB DPON BLO GROS BRTAN PA LA YANG GSAN TE BKA' GDAMS GLEGS BAM LAS, BYAMS PA THOGS MED DBYIG GNYEN BLO GROS BRTAN, ,KU SU LU GNYIS BLA MA GSER GLING PA, ,BYANG CHUB MCHOG TU SEMS SKYED SBYIN MDZAD PA'I, ,DRIN CAN BLA MA BDUN LA PHYAG 'TSAL LO, ,ZHES GSUNGS PA LTAR RO, ,DE LTAR MDO SNGAGS KYI MAN NGAG MTHA' DAG KU SA LI CHE BA 'DI LA MNGA' BAS NA, DON 'DI LA DGONGS NAS RJE BDAG NYID CHEN POS, RGYAL BA'I MAN NGAG KUN 'DZIN ZHES BSNGAGS PA MDZAD DO, ,BDAG NYID CHEN PO 'DI NI RGYAL BA'I DAM CHOS MA LUS PA 'DZIN PA'I SMON LAM GYI MTHU GRUB PA ZHIG STE, 'DIS MDO SNGAGS KYI MAN NGAG MTHA' DAG GSAN NAS KU SA LI CHUNG BA LA YONGS SU

, ,RDZOGS PA GNANG, KU SA LI CHUNG BAS JO BO RJE DPAL LDAN AA TI SHA LA YONGS SU RDZOGS PAR GNANG STE JO BO MDO SNGAGS YONGS RDZOGS KYI BSTAN PA'I BDAG POR BZHUGS PA 'DI BYUNG BA YIN PAS KU SA LI ZHES BYA BA'I BDAG NYID CHEN PO 'DI NI SPYIR 'DZAM BU GLING PA THAMS CAD DANG, KHYAD PAR KHA BA CAN PA RNAMS LA BKA' DRIN MTSUNGS MED DU GYUR PA YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON KU SA LI CHE BA LA GSOL BA 'DEBS SHING SANGS RGYAS NAS BZUNG STE DAM PA BAR MA CHAD PA LAS BRGYUD PA'I LAM GYI RIM PA'I MAN NGAG RNAMS TSANG BAR THOB PAR BYAS LA DBEN PA'I GNAS SU BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,'GRO KUN BRTZE BAS RJES 'DZIN DGE BA CAN, ,ZHES BSNGAGS PA, DGE BA CAN NAM KU SA LI CHUNG BA, MTSAN DNGOS RIN CHEN SDE, RJES SU THUGS DAM NYAMS RTOGS LAS DPAGS TE MTSAN DU GSOL BA BLA MA BYAMS PA'I RNAL 'BYOR PA ZHES GRAGS PA 'DI NI, LUNG DANG RTOGS PA'I YON TAN GYIS MNGON BAR MTHO BA THUB BSTAN YONGS RDZOGS KYI BDAG BOR BZHUGS PA ZHIG STE, SKU GZHON NU NAS RGYAL BA'I BSTAN PA LA RAB TU BYUNG, BSNYEN PAR RDZOGS PA'I SDOM PA BZHES NAS SDE SNOD GSUM LA SBYANGS TE MKHAS PA'I PHUL DU PHYIN PAR GYUR CING, KU SA LI CHE BA BSAM SBYOR GNYIS KYIS TSUL BZHIN DU BSTEN TE SDE SNOD GSUM DANG RGYUD SDE BZHIS

BSDUS BA'I MAN NGAG MTHA' DAG GSAN TE YONGS SU RDZOGS PA THUGS LA CHUD PAR MDZAD, GDAMS NGAG DE DAG THAMS CAD KYANG THOS PA TZAM ZHIG TU MA LUS PAR MAN NGAG SO SO LA SBYANGS TE NYAMS LEN SNYING POR MDZAD NAS GDAMS NGAG SO SO'I NUS PA THON PAR MDZAD CING, LHAG PAR RJE BTZUN BYAMS PA NAS BRGYUD PA'I RGYA CHE BA'I LAM GYI RIM PA DANG, DPAL MGON 'PHAGS PA KLU SGRUB NAS BRGYUD PA'I ZAB MO'I LAM GYI RIM PA GNYIS LAM GYI RIM PA GCIG TU DRIL BA THEG PA CHEN PO'I LAM GYI RIM PA'I LUS YONGS SU RDZOGS PA LA CHU BO'I RGYUN BZHIN DU YUN BSRINGS NAS NYAMS LEN MDZAD PAS LAM GYI RIM PA'I RTOGS PA YONGS SU RDZOGS PA THUGS LA 'KHRUNGS SHING, DE'I NANG NAS KYANG BYAMS SNYING RJE BYANG CHUB KYI SEMS LA THUGS DAM GYI MTHIL DU MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE BCOS MA MIN PA THUGS LA 'KHRUNGS TE, BLA MA 'DI CHOS GSUNG BA'I RTZA RU MI GCIG GIS KHYI LA DBYUG PA BRGYAB PAS, BLA MA AA GSUNGS NAS 'GYEL BA LA GZHAN RNAMS KYI RTOG PA LA KHYI LA CI YANG MI STO BAR 'DUG PA LA TSUL 'CHOS RE CHE SNYAM PA BYUNG BAS, BLA MAS DE MKHYEN NAS SKU RGYAB BSTAN PAS KHYI LA BRGYAB BA'I THAD NA KHYU RE SKRANGS 'DUG PAS THAMS CAD YID CHES SO, ,DE LTAR KU SA LI CHUNG BA'AM BLA MA BYAMS PA'I RNAL 'BYOR PA ZHES BYA BA DE NI DBEN PA'I GNAS SU BYAMS SNYING RJE BYANG CHUB KYI SEMS LA THUGS DAM GTZO BOR MDZAD

, ,NAS; KVA YE PHA MAR GYUR PA'I 'GRO BA MA LUS DRANG BA'I PHYIR, ,BDAG LA YOD PA'I NYON MONGS DUG LNGA GANG DAG GIS, ,SEMS CAN RNAMS KYI DUG LNGA MA LUS DRANG BAR BYA, ,'DOD CHAGS LA SOGS MED PA'I DGE BA GANG YOD RNAMS, ,'GRO DRUG SEMS CAN RNAMS LA SNYOMS PAR BRIMS PAR BYA, ,NA TSA LA SOGS 'BRAS BUR GYUR PA'I SDUG BSNGAL GYIS, ,DE DANG RIGS MTHUN SDUG BSNGAL MA LUS DRANG BAR BYA, ,NA TSA LA SOGS MED PA'I PHAN BDE GANG YIN DE, ,'GRO DRUG SEMS CAN RNAMS LA SNYOMS PAR BRIMS PAR BYA, ,DE LTAR BYAS NA RANG NYID 'KHOR BA'I RGYA MTSO 'DIR, ,SKAD CIG TZAM YANG 'KHYAM PA'I GO SKABS GA LA SRID, ,'ON KYANG JI SRID BYANG CHUB MA THOB BAR, ,MYONG 'GYUR NYON MONGS RGYU 'BRAS JI SNYED PA, ,THAMS CAD SKYE BA 'DI LA YONGS SU RDZOGS PAR BYA, ,DE YANG NGA LO ZLA BA 'DI LA DRANG BAR BYA, ,DE YANG DE RING DA LTA NYID DU RDZOGS BYAS NAS, ,SDUG BSNGAL BRANG BRENG RAB CHAD TZAM ZHIG THABS SU BSTEN, ,BLO 'DI 'BYONGS PAR GYUR CIG BYAMS PA'I RNAL 'BYOR PA, ,ZHES BYAMS SNYING RJE BYANG CHUB KYI SEMS GYI NYAMS MGUR MDZAD CING CHU BO GANGG'A'I 'GRAM DU SGOM ZHING BZHUGS PA NA, RJE BTZUN BYAMS BA MGON PO MDUN DU BYON NAS ZHAL BSTAN TE, THOS PA TZAM GYIS NGAN 'GRO'I SDUG BSNGAL SEL BA'I GLU, ,BSAM BA TZAM GYIS 'KHOR BA'I LJON PA GCOD PA'I GLU, ,BSGOMS PA TZAM GYIS BYANG CHUB MYUR DU 'BYIN PA'I GLU, ,BYAMS PA SNYING RJE BYANG

CHUB SEMS KYI GLU 'DI MTSAR, ,NYON MONGS DUG LNGAS DAG BZHIN 'JOMS PAR RIG NA YANG, ,KHYOD KYI 'DI LTAR NA NI RGYUD LA BSTEN PA MTSAR, ,NA TSA SDUG BSNGAL KUN NAS BZOD PAR DKA' NA YANG, ,KHYOD KYI 'DI LTAR NA NI NGO MTSAR RMAD DU BYUNG, ,RANG DON YAL BAR DOR NAS GZHAN DON LHUR MDZAD TSE, ,RANG DBANG MED PAR 'KHOR BAR 'KHYAMS PA SU YI BKA', ,DES NA RANG DON BSAM PA SKAD CIG MA 'KHRIS PAR, ,GZHAN GYI MI 'DOD BDAG GIS LEN BA DAM PA YIN, , THEG PA CHEN PO'I GSUNG RAB MTHA' YAS MU MED KYANG, ,'DI RU MA 'DUS RDUL TZAM GANG YANG YOD MA YIN, ,DE PHYIR RNAL 'BYOR KHYOD KYI RDO RJE'I GLU DBYANGS 'DI, ,THOS SAM BSAM MAM BSGOM MAM BSHAD KYANG RUNG, ,'JIG RTEN LHA DANG BCAS PA'I SKYABS GNAS DAM PA STE, ,PHYOGS BCU'I RGYAL BA RNAMS KYI THUGS KYI NYING KHU DE, ,KHYOD KYI BLO LA SHAR BA NGO MTSAR SHIN TU CHE, ,ZHES THUGS SHIN TU MNYES PA'I SGO NAS DBUGS DBYUNG BAR MDZAD PAS, BYAMS SNYING RJE'I RTOGS PA RGYA CHER 'PHEL ZHING THE TSOM GYI MDUD PA GROL NAS, MTHONG THOS DRAN REG THAMS CAD LA PHAN PA'I NUS PA THOB STE, 'DI LTAR NYIN LAN GSUM MTSAN LAN GSUM DUS DANG GNAS SKABS THAMS CAD DU DRAN PA BRJED PA MA MCHIS PAR CHOS 'DI BLO LA SBYANGS SHING KHAMS BSOS RDO RJE'I GLU DBYANGS 'DI BLANGS PAS, LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE'I TSOGS DANG, SHA ZA DANG, SRIN PO LA

, ,SOGS PA MA RANG GI BU GCIG PU LA BYAMS PA BZHIN DU GUS PAR DBANG DU 'DUS PAR GYUR TO, ,GZHAN YANG YUL GYI RGYAL PO DANG, BLON PO DANG, BTZUN MO DANG, BRAM ZE DANG, KHYIM BDAG DANG, KHYE'U BU MO DMANGS RIGS LA SOGS PA THAMS CAD DBANG DU 'DUS TE, DGA' BAS RJES SU 'BRANG ZHING MTHONG BA DANG THOS PA THAMS CAD KYANG BYAMS BA'I RANG BZHIN CAN DU GYUR TO, ,GZHAN YANG RTA DANG GLANG PO DANG MA HE DANG SPRE'U DANG 'DAB CHAGS RNAMS DANG, GCAN GZAN GYI TSOGS RNAMS DANG, THA NA SROG CHAGS GROG SBUR YAN CHAD MI 'JIGS SHING, BAG PHEBS BAR RNAL 'BYOR PA'I DRUNG DU 'KHOD PAR GYUR TO, ,DE LTAR RNAL 'BYOR PA'I THUGS KYIS DGONGS NAS SLAR YANG, THOG MED DUS NAS NYE BAR 'BREL PA YI, ,PHA MAR GYUR PA'I SEMS CAN MA LUS PA, ,BYANG CHUB MCHOG LA 'GOD PA'I YI DAM BSAM, ,CHOS 'DIS BYAMS PA MGON LA MCHOD PAR BGYI, ,DE TSE RANG DON SKAD CIG MA 'KHRIS BAR, ,GZHAN DON 'BA' ZHIG SNYING LA GOMS PAR BYA, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD BAR BGYI, ,BDE SDUG BTANG SNYOMS TSOR BA CI BYUNG YANG, ,BYANG CHUB 'BYIN PA'I GROGS SU DANG DU BLANGS, ,BSKAL PA DU MAR BSOD NAMS CI GSOG KYANG, ,NYAN THOS SNGAR MA'I CHOS SU SHOR MA GYUR, ,CHOS 'DIS BYAMS PA MGON LA MCHOD PAR BGYI, ,DE TZAM ZHIG TU MI 'DOD CI BYUNG YANG, ,

BZOD PA'I GO CHA CUNG ZAD SHOR MA GYUR, ,LHAG PAR DRIN GYIS BSKYANGS PA'I SKYE BO YIS, ,LOG SGRUB BYAS KYANG 'DZUM PA'I BZHIN GYIS BSKYANGS, ,CHOS 'DIS BYAMS BA MGON LA MCHOD PAR BGYI, ,SDANG BA'I SKYE BO'I PHYOGS NAS SDIG BSAGS KYANG, ,NGAN PA'I BSAM PA SKAD CIG SHOR MA GYUR, ,SNANG SRID BDUD DANG LHA 'DRE DGRAR LANGS KYANG, ,RANG 'DOD 'KHRIS PA'I BSRUNG SKYOB BYED MA MYONG, ,CHOS 'DIS BYAMS PA MGON LA MCHOD PAR BGYI, ,NGES PAR 'CHI BA'I NAD KYIS BTAB GYUR KYANG, ,CHOS MIN DAG LA YID BRTAN 'CHA' MA MYONG, ,SER SNA GOM PAS 'BYOR PA CHUNG NA YANG, ,LOG PA'I 'TSO BAS LTO GOS BYED MA MYONG, ,CHOS 'DIS BYAMS PA MGON LA MCHOD BAR BGYI, ,NGAN PA'I GROGS KYIS KUN NAS BSKOR NA YANG, ,GNYEN PO'I RANG TSUGS GANG LA'ANG BSKYEL MA MYONG, ,MDOR NA 'GRO'AM 'DUG GAM CI BYED KYANG, ,MA BRTAGS BYA BA GANG YANG BYED MA MYONG, ,CHOS 'DIS BYAMS PA MGON LA MCHOD PAR BGYI, ,DE LTAR YIN MOD 'ON KYANG CHOS RNAMS LA, ,BDEN PAR RTOG PA RDUL TZAM YONG MA MYONG, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD PAR BGYI, ,DE LTAR SGRUB PA'I MCHOD PA DAM PA 'DI, ,RNAL 'BYOR BDAG GI BSAM PA SBYANG BA'I PHYIR, ,BYAMS PA'I DPUNG GIS YON 'DI BZHES SU GSOL, ,BZHES LA BLO 'DI 'BYONGS BAR MDZAD DU GSOL, ,ZHES RJE BTZUN BYAMS PA MGON PO LA SGRUB PA'I MCHOD PA RGYA CHER PHUL, DE'I TSE BAR

, ,SNANG LA MCHOD PA'I LHA MO LNGA DANG, SGRA DANG 'OD LA SOGS PA YID DU 'ONG BA'I MCHOD PA GZHAN YANG DPAG TU MED PA'I RNAM PA BYUNG BAR GYUR TO, ,DE'I TSE BYAMS PA'I RNAL 'BYOR PA LA BLO SBYONG 'DI ZHU BA CHES MANG DU BYUNG YANG GTZO BOR GYUR PA NI JO BO RJE NYID DE, JO BO RJE DPAL LDAN AA TI SHA THUB BSTAN YONGS RDZOGS KYI BDAG POR GYUR PA DANG, LHAG PAR BYANG CHUB KYI SEMS KYI MNGA' BDAG TU GYUR NAS KHA BA CAN GYI GDUL BYA DMU RGOD CAN MTHA' DAG BYANG CHUB KYI SEMS RIN PO CHE'I BYIN RLABS KYIS SKU MTHONG BA DANG GSUNG THOS PA THAMS CAD RANG DBANG MED PAR SEMS DUL BAR 'GYUR BA DANG, THA NA MTSAN THOS PA TZAM GYIS KYANG NYON MONGS PA'I GDUG RTZUB ZHI NAS DAD PAS CHOS LA 'DUN PAR 'GYUR BA DA LTA'I BAR DU BYIN RLABS RGYUN MA CHAD PA 'DI BYUNG BA YIN NO, ,DES NA BYANG CHUB LAM RIM LA NYAMS LEN SNYING POR BYA 'DOD BA RNAMS KYI KU SA LI CHUNG BA SKYES MCHOG BYAMS BA'I RNAL 'BYOR PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR DRAN PAR BYAS LA BYANG CHUB LAM GYI RIM PA LA BLO SBYONG ZHING KHYAD PAR BYAMS SNYING RJE BYANG CHUB KYI SEMS DGE SBYAR GYI MTHIL DU BZUNG BAR BYA'O, ,KU SA LI CHE CHUNG GNYIS PO 'DI GANG DU 'KHRUNGS PA'I YUL JI LTAR YIN PA SOGS RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O,, ` ,,BYANG CHUB THUGS LA MNGA' BRNYES GSER GLING PA, ,ZHES BSNGAGS PA, SEMS DPA'

CHEN PO GSER GLING PA CHOS KYI GRAGS PA ZHES BYA BA DE NI TSE RABS MANG POR BYANG CHUB KYI SEMS LA GOMS PAR MDZAD PAS THUGS SNYING RJE'I DBANG DU GYUR TE THEG PA CHEN PO'I BSTAN PA'I SROG 'DZIN PA'I SMON LAM RLABS PO CHE'I MTHU GRUB STE GSER GLING DU RGYAL PO'I SRAS SU SKU 'KHRUNGS, GSER GLING DE NI GLING BZHI DANG GLING PHRAN BRGYAD GANG YANG MIN ZHING, 'DZAM BU'I GLING DANG CUNG ZAD NYE PA'I PHYOGS NA MTHA' RGYA MTSOS BSKOR ZHING GSER DANG DNGUL LA SOGS PA RIN PO CHE MANG PO'I 'BYUNG KHUNGS YOD PA, PHYOGS THAMS CAD NAGS TSAL SNGON PO'I 'PHRENG BA 'KHRIGS PAS BRGYAN PA, ME TOG PADMA DANG AUTPA LA LA SOGS PA YID DU 'ONG BA MANG PO SKYE BA'I GNAS LHA'I DGA' TSAL LTA BU ZHIG YOD DE, RANG BZHIN GYI DPA' BO DANG RNAL 'BYOR MA MANG PO BZHUGS PA'I GNAS YUL NYER BZHI'I NANG NAS SU WARnA D'I PA ZHES PA DE YIN PAR GRAGS SO, ,DE 'DRA BA'I GLING DER RGYAL SRAS BDAG NYID CHEN PO 'DI RGYAL PO'I SRAS SU 'KHRUNGS NAS RING PO MA LON PAR SI NA SI NA ZHES DKON MCHOG LA SKYABS SU 'GRO BA'I TSIG RGYUN DU BRJOD PA ZHIG BYUNG, YUL DER RES SANGS RGYAS KYI BSTAN PA DANG, NGES MU STEGS DAR BA LAS DE SKABS MU STEGS DAR BA'I SKABS YIN YANG RGYAL BO'I SRAS SU SONG BAS SUS KYANG BZLOG PAR BYED MA NUS SO, ,RGYAL BU DE CHER SKYES NAS RI PHUG CIG NAS RGYAL BA SH'AKYA THUB PA'I SKU LI MA GCIG RNYED DE BYUNG, DE LA MCHOD PA SNA TSOGS BYAS PAS GLING DE SNGAR LAS BDUN 'GYUR GYIS LO

, ,LEGS BA DANG, NAD MED BA DANG GNOD PA NYUNG BA LA SOGS PA BKRA SHIS PAR GYUR TO, ,DES GSER GLING PA THAMS CAD SANGS RGYAS KYI BSTAN PA LA DAD NAS RGYAL BU 'DI CHOS 'TSOL DU BTANG BA DRAG ZER BAS RGYAL BU SHIN TU DGES NAS, 'DZAM BU GLING DU BYON PAS RDO RJE GDAN DU SRIN PO RNAMS MCHOD PA LA 'ONGS BA DANG DUS MTSUNGS PAR GYUR, DE'I TSE GANG ZAG YON TAN CAN THAMS CAD DER 'DU BA YIN BAS MKHAS PA DANG GRUB PA MANG PO 'DUS KYANG BLA MA 'DI DAM BA GZHAN LA MOS PA MA SKYES, MAH'A SHR'I RATNA LA MOS PA CHER SKYES NAS ZHAG BDUN 'GROGS NAS SLOB DPON DE MED DE SONG, RGYAL BUS PHYOGS KUN TU BTZAL CING DRIS KYANG MA RNYED PAS NGAL NAS GNYID LOG PA'I RMI LAM DU BYIS PA GNYIS GLU LEN PA LA, RANG YUL 'KHOR DANG LONGS SPYOD BOR, ,SMIN PA GCIG GIS RTZAD MA CHOD, ,RING NAS PHUNG NGAM MYUR DU PHUNG, ,RIGS DAG BZANG STE SHES RAB CHUNG, ,ZER BA RMIS, DER RGYAL BU GNYID SAD PA NA SLOB DPON MAH'A SHR'I RATNA ZHES SKYES MCHOG BYAMS PA'I RNAL 'BYOR PA CHEN PO DNGOS SU BZHUGS PA MTHONG BA NA DAD GUS TSAD MED PAS MAndAL PHUL TE GSOL BA BTAB PAS BLA MA DES DGYES BZHIN DU ZHAL GYIS BZHES NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS SDE SNOD GSUM DANG RGYUD SDE BZHIS BSDUS PA'I MAN NGAG PHAL MO CHE GSAN, KHYAD PAR DU YANG RGYAL BA'I DGONGS PA SHING RTA CHEN PO GNYIS KYIS BKRAL BA'I MAN NGAG ZAB

BA DANG RGYA CHE BA'I LAM GYI RIM PA'I LUS YONGS SU RDZOGS PA SKYES BU GSUM GYI LAM GYI RIM PA MTHA' DAG PAR GSAN PAS SNOD GCIG NAS GCIG TU BYO BA BZHIN DU THUGS SU CHUD, MTSAN YANG GSER GLING PA CHOS KYI GRAGS PA ZHES BTAGS, RGYA GAR GYI MKHAS GRUB GZHAN MANG PO LA'ANG MDO SNGAGS KYI CHOS MANG DU GSAN ZHING, GTZO CHER BLA MA BYAMS PA'I RNAL 'BYOR PA CHEN PO LA BRTEN TE LO BDUN GYI RING LA CHOS GSAN PA DANG BYANG CHUB LAM GYI RIM BA BSGOM BZHIN BZHUGS PAS LAM GYI RIM PA'I DMIGS SKOR MTHA' DAG LA NYAMS MYONG GI RTOGS PA PHUL DU BYUNG BA THOB, MNGON PAR RTOGS PA'I RGYAN DANG SHER PHYIN GYI MDO SDE SBYAR BA'I MAN NGAG LA SBYANGS PAS MKHAS PA'I PHUL DU PHYIN PAR GYUR, KHYAD PAR DU YANG MGON PO 'JAM PA'I DBYANGS NAS RGYAL SRAS ZHI BA LHA LA BRGYUD PA'I MAN NGAG BDAG PAS GZHAN GCES PA'I BYANG CHUB KYIS SEMS RIN PO CHE RLABS CHEN PO THUGS LA 'KHRUNGS TE DE KHO NA THUGS DAM GYI MTHIL DANG, SA LAM 'BRAS BU DANG BCAS PA GZHAN THAMS CAD DE'I YAN LAG TU 'GRO BA ZHIG BYUNG BAS DUS DE'I TSE BYANG CHUB KYI SEMS KYI BDAG POR GRAGS, DON GYI DBANG 'DI GZIGS NAS RJE BDAG NYID CHEN POS BYANG CHUB THUGS LA MNGA' BRNYES ZHES BSNGAGS PHA MDZAD PA YIN NO, ,BYAMS SNYING RJE BYANG CHUB KYI SEMS CHES CHER RGYAS PAS SKYE BO RNAMS KYIS MEE TRI BA ZHES BYAMS PA'I MTSAN NAS 'BOD DE, 'DI LA GSER GLING MEE TRI PA ZHES GRAGS

, ,SO; ;DE NAS GSER GLING BAS THUGS LA BZHED PA'I DON THAMS CAD GRUB NAS GSER GLING DU BYON TE RGYAL BA'I BSTAN PA RGYA CHER SPEL BAS YUL DE'I SKYE BO THAMS CAD KYI GTZUG GI NOR BU LTA BUR GYUR TO, , DE NAS GSER GLING PAS YUL DE'I SKYE BO THAMS CAD DANG 'DZAM BU'I GLING NAS CHOS DON GNYER GYIS LHAGS PA THAMS CAD LA THEG PA CHEN PO'I CHOS RGYA CHER BSTAN TE CHOS KYIS MTHO BA'I KHANG BZANG MI YUL DU BABS PA 'DRA BAR THEG PA CHEN PO'I CHOS KYI SGRA DBYANGS KYIS PHYOGS KUN TU KHYAB CING YUL DE'I SKYE BO PHAL PA DAG KYANG DKON MCHOG GSUM LA SKYABS SU 'GRO BA'I TSIG KHO NA KHA TON DU BYED CING, BYANG CHUB TU SMON LAM 'DEBS PA DANG RANG BZHIN GYI DGE BA'I LAS LA BRTZON ZHING DUS RTAG TU DKON MCHOG MCHOD PA LHUR BYED, MU STEGS KYI SMRA BA NGAN BA RNAMS NI NYIN BYED SHAR PA'I DUS KYI 'BYUNG PO'I BYA LTAR SMRA BA NUB PAR GYUR TO, ,DE NAS GSER GLING PA CHEN POS RGYAL BSTAN YUN RING DU GNAS PA'I PHYIR DU BYANG CHUB LAM GYI RIM BA'I MAN NGAG MDO RGYAN SBYAR BA'I 'GREL PA RMAD DU BYUNG BA ZHIG KYANG MDZAD CING, BLO SBYONG SEMS DPA'I RIM PA DANG, BLO SBYONG RTOGS PA 'BUR 'JOMS, 'PHAGS PA MI G-YO BA'I SGRUB THABS, MNGON RTOGS RGYAN GYI 'GREL PA GTZO BO'I DON BCU GCIG TU BSDUS PA, BSLAB PA KUN LAS BTUS BA'I MNGON PAR RTOGS PA, TSOGS BDAG KHRO BO'I SGRUB THABS SOGS MDZAD DO, ,DE LTAR BDAG NYID CHEN PO 'DIS SPYiR BSTAN PA LA BYA BA

RGYA CHER MDZAD CING, LHAG BAR JO BO RJE DPAL LDAN AA TI SHA LA GSER GLING GI PHO BRANG NYID DU LO BCU GNYIS BAR THEG PA CHEN PO'I LAM GYI RIM PA'I MAN NGAG YONGS SU RDZOGS BA GEGS SEL BOGS 'DON DANG BCAS PA GNANG BAS JO BO RJE'I THUGS KYI BUM BZANG BYANG CHUB KYI SEMS KYI BDUD RTZIS YONGS SU GANG BAS BYANG CHUB KYI SEMS RIN PO CHE'I MTHUS MTHONG THOS DRAN REG THAMS CAD RJES SU 'DZIN CING SMIN GROL LA 'GOD NUS PA DANG, PAn GRUB GZHAN LAS 'PHRIN LAS KYI KHYAB BRDAL CHE BA DANG, LHAG PAR BYANG PHYOGS GANGS RI'I KHROD KYI 'GRO BA DMU RGOD SHIN TU GDUL DKA' BA RNAMS KYANG JO BO RJE'I SKU MTHONG BA DANG, GSUNG THOS BA DANG, THA NA MTSAN TZAM THOS PA YAN CHAD DANG CING 'DUN PA DANG JO BO'I MTSAN THOS TE SKU'I RNAM PA YID LA DRAN PA NA RANG RANG GI NYON MONGS GDUG RTZUB RNAMS SKAD CIG LA ZHI NAS DAD PA DANG MOS BA NGANG GIS SKYE BA DANG, SNYIGS MA LAS KYANG CHES CHER SNYIGS PA'I DUS MTHA' 'DIR RANG RANG GI YUL GYI RGAN PO SNGA MA DAG GI ZER SGROS LA ZHEN TE BDAG CAG GI 'DI KHO NA BDEN GYI GZHAN NI GTI MUG GO ZHES CHAGS SDANG RLUNG DMAR 'TSUB PAS PHYOGS KUN GANG STE SKYE BO DAM PA CI 'DRA ZHIG BYON YANG DAD PA SKYE DKA' BA LA JO BO RJE DPAL LDAN AA TI SHA LA NI GRUB MTHA' DANG YUL DANG SDE DGON RIS SU MA CHAD BAR MCHOG DMAN BAR MA MTHA' DAG GIS MTSAN THOS PA TZAM GYIS THAL MO SBYOR BA'I 'OS SU BYED CING, GSUNG GI BDUD RTZI DAG LA'ANG RANG GIS NYAMS SU LEN

, ,BAR MA NUS KYANG 'DI NI GZHAN NO ZHES MI SPANG BAR SMON LAM GYI YUL DU BYED PA 'DI BYUNG BA YIN NO, ,DON GYI DBANG 'DI GZIGS NAS JO BSTOD DU, GSER GLING RGYAL POS SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES GSUNGS SO, ,DE LTAR GSER GLING PA CHEN PO CHOS KYI GRAGS PAS BSTAN 'GRO'I DON RGYA CHER MDZAD NAS SKU TSE DE'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU GSHAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA GSER GLING PA CHEN PO LA GSOL BA 'DEBS SHING RGYAL SRAS BDAG NYID CHEN PO 'DI'I RNAM THAR LTAR BYANG CHUB KYI SEMS RIN PO CHE DGE SBYOR GYI MTHIL DU BZUNG NAS GSUNG RAB DGONGS 'GREL DANG BCAS PA THAMS CAD BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU 'PHEL BA'I THABS SU GO BAR BYAS LA LAM GYI LUS YONGS SU RDZOGS PA'I NYAMS LEN LA BRTZON PA TSIG BSGRIL DU BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I BLA MA BRGYUD PA LA, RGYA CHEN SPYOD RGYUD DANG, ZAB MO LTA RGYUD GNYIS SU GSUNGS SHING, RGYA CHEN SPYOD RGYUD LA YANG, RGYA CHEN SPYOD PA'I RGYUD DANG, RLABS CHEN SPYOD PA'I RGYUD CES GNYIS SU GSUNGS, DE'I RLABS CHEN SPYOD PA'I RGYUD KYI

BLA MA RNAMS KYI RNAM THAR 'OG TU STON LA, ZAB MO LTA RGYUD KYI BLA MA RNAMS KYI RNAM PAR THAR PA NI, YANG DAG PAR RDZOGS PA'I SANGS RGYAS NAS RJE BTZUN 'JAM DPAL DBYANGS, DE NAS DPAL MGON 'PHAGS PA KLU SGRUB SOGS LA RIM BZHIN BRGYUD PA LA ZAB MO LTA RGYUD CES GSUNGS, DE LA, SMRA BA ZLA MED 'DREN MCHOG SH'AKYA'I TOG ,CES BSNGAGS BSTON PA THUB PA'I DBANG PO'I RNAM PAR THAR PA NI SNGAR BRJOD ZIN BA LTAR RO, ,RGYAL BA'I MKHYEN RAB KUN BSDUS 'JAM PA'I DBYANGS, ,ZHES BSNGAGS PA RJE BTZUN 'JAM PA'I DBYANGS KYI SKU GSUNG THUGS KYI YON TAN NI BSAM GYIS MI KHYAB BRJOD KYIS MI LANG STE SKU'I YON TAN GCIG PU'ANG PHYOGS BCU'I RGYAL BA THAMS CAD KYIS GSUNG DBYANGS 'GAG PA MED PAS RGYUN MA CHAD PAR BSKAL PA MU MED PA'I BAR DU BRJOD KYANG ZAD PA'I MTHA' MED NA, MKHA' KHYAB KYI SEMS CAN THAMS CAD KYIS JI TZAM BRJOD KYANG YON TAN CHA TZAM ZHIG KYANG BRJOD PAR GA LA NUS, DE LTAR YANG RJE BDAG NYID CHEN POS, BSOD NAMS TSOGS RAB RAB 'BYAMS RGYU LAS 'KHRUNGS PA'I SKU MCHOG MCHOG TU MDZES PA KHYOD KYI SKU, ,NAM MKHA'I MTHAS GTUGS GTUGS PA MED PA'I ZHING MCHOG KUN DU DU MA'I 'GRO LA MIG 'PHRUL BZHIN, , LA LAR BLTAM ZHING ZHING GZHAN DU YANG BYANG CHUB TSUL STON STON PA KHYOD KYI SKU YI NI, ,BKOD PA MCHOG 'DI 'DI DANG GZHAN DU MA LUS 'GRO KUN KUN MKHYEN GYUR KYANG BRJOD MI NUS, ,ZHES GSUNGS PA LTAR RO, ,DE LTA NA'ANG BYANG

, ,CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS LA GSOL BA 'DEBS PA'I TSE, YON TAN BSAMS NAS DANG BA BSKYED PA'I PHYIR PHYOGS TZAM ZHIG BRJOD PA NI, RJE BTZUN 'JAM PA'I DBYANGS KYIS SNGON THUGS BSKYED PA'I TSUL NI, SNGON BSKAL PA GRANGS MED PA BRGYA STONG GANG+G'A'I KLUNG GI BYE MA SNYED PHRAG BDUN 'DAS PA DE'I YANG PHA ROL NA, 'JIG RTEN GYI KHAMS 'BYUNG BA BZANG PO ZHES PAR DE BZHIN GSHEGS PA 'BRUG SGRA'I DBYANGS KYI RGYAL PO ZHES PA 'JIG RTEN DU BYON PA'I TSE, RJE BTZUN 'JAM DBYANGS 'DI NYID 'KHOR LOS SGYUR BA'I RGYAL PO NAM MKHA' ZHES PAR GYUR PA NA, BU DANG, CHUNG MA DANG, GNYEN 'DABS DANG, 'KHOR DU BCAS PA LA LAS GZHAN MED CING MI SKYE BA'I SEMS KYIS DE BZHIN GSHEGS PA 'BRUG SGRA'I DBYANGS KYI RGYAL PO NYAN THOS DANG, BYANG CHUB SEMS DPA'I 'KHOR DANG BCAS PA, LO BRGYAD KHRI BZHI STONG GI BAR DU MCHOD NAS DGE BA'I RTZA BA 'DI, BRGYA BYIN NAM, TSANGS PA'AM, NYAN RANG LA SOGS PA GANG GI DON DU BSNGO SNYAM PA LA, STENG GI NAM MKHA' LAS LHA MANG POS SGRA BSGRAGS PA, RGYAL PO CHEN PO DE LTAR SEMS MA BSKYED PAR BLA NA MED PAR RDZOGS PA'I BYANG CHUB TU SEMS BSKYED CIG CES BSKUL BA DANG, RGYAL PO NAM MKHA' SROG CHAGS BYE BA KHRAG KHRIG BRGYA STONG PHRAG BRGYAD CUS YONGS SU BSKOR NAS, DE BZHIN GSHEGS PA 'BRUG SGRA'I DBYANGS KYI RGYAL PO'I DRUNG DU DONG STE SNGAR GYI BYUNG TSUL ZHUS NAS, THUB BA JI LTAR

SEMS BSKYED NA, ,RDZOGS PA'I BYANG CHUB SKYE BAR 'GYUR, ,YE SHES DE NI GANG GIS THOB, ,DON DE BDAG LA BSTAN DU GSOL, ,BYANG CHUB SEMS NI BSKYED BYAS SHING, ,THUB PA KHYOD 'DRAR BDAG KYANG SMON, ,ZHES ZHUS PA NA, DE BZHIN GSHEGS PA 'BRUG SGRA'I DBYANGS KYI RGYAL POS, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GIS SMON LAM CI BTAB PA, ,DE 'DRA'I 'BRAS BU THOB PAR 'GYUR, ,RGYAL PO NGAS KYANG SNGON CHAD NI, ,RDZOGS PA'I BYANG CHUB SEMS SKYED GYUR, ,SEMS CAN KUN LA PHAN DON DU, ,NGAS NI SMON LAM DAM PA BTAB, ,SMON LAM JI LTAR BTAB TSUL DU, ,NGAS NI 'BRAS BU THOB PAR GYUR, ,BYANG CHUB DAM PA NGAS THOB PAS, ,NGA YI BSAM PA RDZOGS PAR GYUR, ,RGYAL PO CHEN PO BRTAN GYIS LA, ,MI 'GYUR SEMS NI BSKYED PAR GYIS, ,GAL TE SPYOD PA SPYAD BYAS NA, ,KHYOD KYANG YANG DAG SANGS RGYAS 'GYUR, ,ZHES GSUNGS SHING SEMS BSKYED PAR BSKUL BA NA 'KHOR LOS BSGYUR BA'I RGYAL PO NAM MKHAS PHYOGS BCU'I SANGS RGYAS THAMS CAD DBANG DU BZHAG STE, DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SNYING STOBS CHEN POS 'DI LTAR THUGS BSKYED CING SMON LAM BTAB STE, 'KHOR BA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BYA, ,'JIG RTEN MGON PO'I SPYAN SNGAR 'DIR, ,BYANG CHUB MCHOG TU SEMS BSKYED DO, ,'GRO BA THAMS CAD MGRON GNYER TE, ,

, ,DBUL ZHING PHONGS LAS SGROL BAR BYA, ,DE RING PHAN CHAD GAL TE YANG, ,BDAG GIS 'DOD CHAGS SEMS BSKYED NA, ,PHYOGS BCU DAG NA GANG BZHUGS PA'I, ,SANGS RGYAS THAMS CAD BSLUS BAR GYUR, , BYANG CHUB NAM ZHIG THOB BAR DU, ,THA BA'I SEMS DANG GNOD SEMS DANG, ,PHRAG DOG DANG NI SER SNA YANG, ,DE RING PHYIN CHAD MI BYA'O, ,TSANGS PA'I SPYOD BA BDAG GIS SPYAD, ,SDIG BA'I 'DOD PA YONGS SU BTANG, ,TSUL KHRIMS SDOM DANG DES PA LA, ,SANGS RGYAS RJES SU BSLAB PAR BYA, ,BDAG NI BYANG CHUB RINGS TSUL DU, ,'TSANG RGYAR MOS SHING SPRO BA MED, ,PHYI MTHAR THUG GI BAR DU YANG, ,SEMS CAN GCIG PHYIR SPYAD BAR BYA, ,TSAD MED BSAM GYIS MI KHYAB PA'I, ,SANGS RGYAS ZHING NI SBYANG BAR BYA, ,PHYOGS RNAMS BCU PO THAMS CAD DU, ,BDAG GI MING NI THOS PAR BYA, ,BDAG GIS BDAG LA LUNG BSTAN TE, ,SANGS RGYAS 'GYUR BAR DOGS PA MED, ,BDAG GI LHAG BSAM RNAM PAR DAG ,BDAG DBANG 'DI NA 'DREN PA RNAMS, ,LUS DANG NGAG GI LAS RNAMS KYANG, ,RNAM PA KUN TU BDAG GIS SBYANG, ,YID KYI LAS KYANG SBYANG BAR BYA, ,MI DGE'I LAS NI SPYAD MI BYA, ,ZHES THUGS BSKYED, BCOM LDAN 'DAS BSKAL PA BYE BA KHRAG KHRIG PHRAG 'BUM PHRAG BRGYA STONG GRANGS MA MCHIS PA NAS NYE BAR BZUNG STE, BDAG GIS SMON LAM BTAB PA NI, NAM BDAG GIS PHYOGS BCU MTHA' YAS MU MED PA'I 'JIG RTEN GYI KHAMS SU SANGS RGYAS KYI SPYAN SGRIB PA MED BAS

BLTAS NA, SANGS RGYAS BCOM LDAN 'DAS GANG JI SNYED PA DEDAG THAMS CAD BDAG GIS BYANG CHUB LA YANG DAG PAR BTZUD PA DANG, BDAG GIS BYANG CHUB KYI SEMS LA BKOD PA DANG, BDAG GIS SBYIN PA LA YANG DAG PAR BTZUD PA DANG, DE BZHIN DU BDAG GIS TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB LA YANG DAG PAR BTZUD PA DANG, BDAG GIS BSKUL BA DANG, BDAG GIS RJES SU BSTAN BAR GYUR PAR MA MTHONG BA DE SRID DU BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI BYA'I, NAM BDAG GIS SANGS RGYAS KYI SPYAN SGRIB PA MED PAS PHYOGS BCUR RNAM PAR BLTAS KYANG, BDAG GIS SANGS RGYAS NYID LA MA BKOD PA'I DE BZHIN GSHEGS PA DE LTA BU GANG YANG MTHONG BAR MA GYUR PA DE'I TSE BDAG KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O ZHES THUGS BSKYED CING SMON LAM BTAB BO; ;DE NAS RJE BTZUN 'JAM DPAL DBYANGS KYIS SNGON SROG CHAGS GRANGS MED MU MED PA DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SEMS BSKYED DU BCUG NAS SBYIN SOGS PHAR PHYIN DRUG GI LAM SGOM PA LA SBYAR TE SMIN PAR BYAS NAS SANGS RGYAS NAS CHOS KYI 'KHOR LO BSKOR TE, SANGS RGYAS GCIG MA GTOGS GZHAN THAMS CAD MYA NGAN LAS 'DAS ZIN, GCIG NI, 'JIG RTEN GYI KHAMS 'DI NAS 'OG TU DPAG TSAD GANG+G'A'I KLUNG BZHI KHRI BZHI

, ,STONG GI BYE MA SNYED 'DAS PA NA, 'JIG RTEN GYI KHAMS SA'I DBYINGS ZHES BYA BA NA DA LTA YANG BZHUGS TE DE BZHIN GSHEGS PA SA'I LHA ZHES BYA'O, ,GZHAN YANG RJE BTZUN 'JAM DBYANGS 'DI NYID, CHOS SMRA BA CHOS KYI RGYAL MTSAN DU GYUR PA'I TSE, BDAG CAG GI STON PA SH'AKYA'I RGYAL PO LA SOGS PA'I BSKAL BZANG GI SANGS RGYAS STONG PO THAMS CAD BYANG CHUB KYI MCHOG TU THUGS BSKYED DU BCUG STE DGE BA'I BSHES GNYEN MDZAD PA YIN TE, DBU MA LA 'JUG PA'I RANG 'GREL LAS, YONGS SU 'DZIN PA'I KHYAD BAR LAS NI 'PHAGS PA 'JAM DBAL BYANG CHUB SEMS DPAR GYUR BA NYID KYIS, DE BZHIN GSHEGS PA SH'AKYA THUB PA DANG, GZHAN YANG DE BZHIN GSHEGS PA THAMS CAD CHOS THOG MKHO NAR BYANG CHUB TU SEMS BSKYED DU BTZUG PAR 'DON PA YIN NO, ,ZHES GSUNGS PA'I PHYIR, GZHAN YANG, RJE BTZUN 'JAM DBYANGS 'DI NYID KYI THABS LA MKHAS PA CHEN PO, BYANG CHUB TU SEMS BSKYED DU BCUG STE SANGS RGYAS NAS CHOS KYI 'KHOR LO BSKOR BA'I SANGS RGYAS DE DANG DE'I MTSAN RKYANG BA BRJOD KYANG BSKAL BA BAS LHAG PAR MI ZAD CING, 'JAM DPAL GYIS BYANG CHUB TU BTZUD PA'I SANGS RGYAS RNAMS KYIS, 'JAM DPAL LA DRIN GZO'I TSUL DU GDUGS SOGS BSKUR BAS STONG GSUM KHEBS PAR BYUNG, YANG LAN CIG SPRUL PA'I KHYIM BDAG CIG GIS BCOM LDAN 'DAS LA LHUNG BZED ZAS KYIS BKANG STE PHUL BA NA, 'JAM DPAL GYIS, BCOM LDAN 'DAS LA ZHAL ZAS KYI PHUNG MA STZAL BAR GSOL NA BYAS PA MI GZO BAR 'GYUR RO ZHUS BAS, 'KHOR GZHAN RNAMS 'JAM DPAL 'DIS BCOM LDAN 'DAS LA GANG DU PHAN BTAGS BSAMS PA NA, STON PA'I LHUNG

BZED 'OG TU SONG STE 'JIG RTEN GYI KHAMS GANGG'A'I BYE SNYED BDUN CU RTZA GNYIS 'DAS PA'I 'JIG RTEN DU SONG BA NA MCHOG ZUNG SOGS LA LHUNG BZED TSOL BAR BKA' STZAL PAS, 'JIG RTEN GYI KHAMS STONG PHRAG BCU GNYIS TSUN DU BTZAL KYANG MA RNYED PA DANG, 'JAM DPAL RANG LA BKA' GNANG BAS 'JAM DPAL GYIS STAN DE LA 'DUG BZHIN DU LAG PA BRKYANGS NAS LHUNG BZED BLANGS NAS PHUL LO, ,'JAM DPAL GYIS STON PA LA PHAN BTAGS TSUL DNGOS NI, SNGON DE BZHIN GSHEGS PA MI THUB RGYAL MTSAN 'JIG RTEN DU BYON PA'I TSE RJE BTZUN 'JAM DPAL DGE SLONG YE SHES RGYAL POR GYUR PAS LHUNG BZED ZAS KYIS BKANG STE BSNAMS PA LA BDAG CAG GI STON PA KHYE'U DRI MED DPUNG PAR GYUR PAS SLONGS PAS ZAS BYIN NAS, DE BZHIN GSHEGS PA MI THUB RGYAL MTSAN GYI DRUNG DU KHRID NAS SKYABS 'GRO DANG BYANG CHUB KYI SEMS BSKYED DU BCUG PAS PHAN BTAGS PA'O, ,YANG RGYAL PO MA SKYES DGRAS PHA GZUGS CAN SNYING PO BSAD, STON PA LA GLANG CHEN RBAD, DGE 'DUN PHO MO'I 'TSO BA BCAD, DGRA BCOM MA SER SKYA BZANG MO CHUNG MAR DBANG MED DU BKUG PA SOGS KYI SDIG PA CHEN PO BYAS PAS 'GYOD DE STON PA LA SDIG PA DANG 'GYOD PA SEL BAR ZHUS PAS, STON PAS RJE BTZUN 'JAM DBYANGS MA GTOGS GZHAN GYIS KHYOD KYI 'GYONG PA DANG THE TSOM SEL BAR MI NUS GSUNGS PAS, RGYAL POS 'PHAGS PA 'JAM DPAL DANG, 'OD SRUNGS GNYIS RGYAL PO'I KHAB TU GDAN 'DREN PAR MDZAD 'DOD NAS SH'A RI'I BU LA, 'PHAGS PA 'JAM DPAL LA 'KHOR DU MCHIS DRIS BAS, LNGA BRGYA'O ZER BA LA, RGYAL BOS 'JAM DPAL LA SANGS RGYAL PO'I KHAB TU GDUGS TSOD LA

, ,GSHEGS PAR CI GNANG ZHUS PAS ZHAL GYIS BZHES NAS, DE'I SROD LA SHAR PHYOGS SU, DE BZHIN GSHEGS PA BSGRAGS PA'I DPAL GYI DRUNG DU BYON TE BYANG CHUB SEMS DPA' BRGYAD KHRI NYIS STONG KHRID NAS ZHING 'DIR BYON NAS 'KHOR RNAMS LA SROD DANG, GUNG DANG, THO RANGS CHOS BSTAN TE 'JAM DPAL 'KHOR BRGYAD KHRI NYIS STONG LNGA BRGYA DANG, 'OD SRUNGS 'KHOR LNGA BRGYA DANG BCAS PA RGYAL PO'I KHAB TU GSHEGS PA NA, RGYAL POS STONG GI BSHOL GRABS LAS MA CHUD PAS RGYAL POS PA 'KHUMS PA NA GNOD SBYIN KU BE RAS LUS DNGOS SU BSTAN NAS, RGYAL BO; 'PHAGS PA 'JAM DPAL NI THABS LA MKHAS PAS ZAS GCIG GIS KYANG THAMS CAD KHYEB PAR BYED BAS MA 'KHUMS SHING CES DBUGS DBYUNG, DE NAS GDUGS TSOD LA BAB PA NA, 'KHOR 'DI DAG LA LHUNG BZED MI SNANG BAS 'BRAS CHAN GANG DU BLUGS ZER BA LA 'JAM DPAL GYIS NGA'I 'KHOR 'DI DAG NAM ZA BA NA RANG RANG GI ZHING NAS LHUNG BZED 'DIR 'ONG NGO ZHES GSUNGS MA THAG 'KHOR DE DAG RNAMS LA RANG RANG GI LAG TU LHUNG BZED BYUNG ZHING ZOS ZIN NAS LHUNG BZED RNAMS MKHA' LA 'PHAGS TE SONG, RGYAL BOS BSHAMS PA'I BZA' BTUNG RNAMS CUNG ZAD KYANG NYUNG DU MA SONG BAS THAMS CAD NGO MTSAR DU GYUR TO, ,DE NAS 'PHAGS PA 'JAM DPAL GYIS RGYAL BO LA SDIG PA DANG 'GYOD PA'I NGO BO JI LTAR 'DUG LTOS SHIG CES SOGS DON DAM LA SBYAR BA'I CHOS GSUNGS PAS RGYAL PO'I 'GYOD BA DANG THE TSOM THAMS CAD BSAL BAS, RGYAL POS 'PHAGS PA 'JAM DPAL LA YON DU RIN PO CHE'I GOS ZHIG PHUL BA NA, 'JAM DPAL MA MTHONG NAS MYA NGAN DU GYUR BA LA, SU 'DUG

'DUG LA PHUL CIG ZER BA'I SGRA ZHIG BYUNG BA NA 'OD SRUNGS SOGS LA PHUL PAS KYANG SU YANG MA MTHONG ZHING, MTHAR RANG YANG MA MTHONG BAS BDAG TU 'DU SHES PA'I RNAM RTOG DANG BRAL NA STONG NYID KYI TING NGE 'DZIN GYI NGANG DU SONG, TING NGE 'DZIN LAS LANGS PA DANG 'PHAGS PA 'JAM DPAL LA SOGS PA DNGOS SU MTHONG NGO, ,YANG, SNGON MTSAMS MED KYI LAS BYAS PA'I LAS KYI LHAG MA CUNG ZAD YOD PA LA SPYOD PA'I BYANG SEMS LNGA 'DUG PA DE DAG DMIGS PA DANG BRAL BAR BYA BA'I PHYIR, 'PHAGS PA 'JAM DPAL GYIS PHYAG G-YAS KYIS RAL GRI BLANGS PA BRDAR NAS BCOM LDAN 'DAS GA LA BA DER BRGYUGS PA DANG, BCOM LDAN 'DAS KYIS NGA NI BSAD ZIN GYIS THONGS SHIG GSUNGS PAS, DMIGS PA LA SPYOD PA'I BYANG SEMS LNGA PO NGES, BDAG TU DMIGS PA BSAD NAS MED PAR GO ,CHOS THAMS CAD SGYU MA LTA BUR RTOGS TE, 'PHAGS PA 'JAM DPAL 'DI NI THABS MKHAS PA'O ZHES SOGS KYIS BSTOD NAS NA MKHAR 'PHAGS TE, CHOS KUN SGYU MA LTA BU STE, ,YONGS SU RTOG PAS KUN NAS BSKYED, ,'DI LA GRUB PA MA MCHIS TE, ,CHOS 'DI THAMS CAD STONG PA LAGS, ,ZHES SMRAS SO, ,YANG 'PHAGS PA 'JAM DPAL GYIS STONG PA NYID LAS BRTZAMS NAS SEMS NANG NA YANG MED, PHYI ROL NA YANG MED, BAR NA YANG MED PAS, DE LA NI CI YANG GROL RGYU YANG MED, THOB PA YANG MED, MNGON PAR RTOGS PA MED DO GSUNGS PAS, DE THOS PA TZAM GYIS DGE SLONG MANG PO RNAM PAR GROL, DGE SLONG KHA CIG GIS DE'I DON LAM DAD NAS CI YANG GROL RGYU YANG MED NA'O SKOL CHOS BYAS PA LA DON MI 'DUG PAS 'DONG ZER NAS SONG NGO, ,YANG 'PHAGS PA 'JAM DPAL GYIS DE RNAMS 'DUL BA'I PHYIR

, ,SPRUL PA'I DGE SLONG CIG SBRUL TE BTANG BAS, DE RNAMS DANG LAM DU PHRAD PAS KHONG RNAMS NA RE, DGE SLONG GAR 'GRO ZER, SPRUL PA'I DGE SLONG NA RE, NGA NI 'JAM DPAL GYIS CHOS BSTAN PA LA MA MOS YID MA CHES NAS 'GRO ZER, KHONG RNAMS NA RE; NGED KYANG 'JAM DPAL GYIS CHOS BSTAN PA LA MA MOS YID MA CHES PAR 'GRO BA YIN PAS 'DONG ZER, DER SPRUL PA NA RE, KHYED KYIS 'JAM DPAL GYIS CHOS JI SKAD BSTAN PA LAM DAD ZER, GROL RGYU YANG MED, THOB RGYU YANG MED ZER NAS MA DAD ZER, SPRUL PA NA RE, 'O NA KHYED KYI RTOGS RGYU DANG GROL RGYU DE GRU BZHI'AM, ZLUM PO'AM, NAR MO LA SOGS PA DBYIBS, DKAR PO LA SOGS PA KHA DOG ,PHYI DANG NANG LA SOGS PA JI LTAR 'DUG LTOS SHIG GSUNGS PAS, KHONG RNAMS KYIS BTAGS DON BTZAL BAS MA RNYED PAS; SPRUL PA NA RE, DE LA BSAMS NAS 'JAM DPAL GYIS GROL RGYU YANG MED, THOB RGYU YANG MED MNGON PAR RTOGS RGYU YANG MED PAR GSUNGS PA YIN NO BYAS PAS DGE SLONG DE DAG THAMS CAD SEMS RNAM PAR GROL BAR GYUR TE SLAR LOG NAS 'PHAGS PA 'JAM DPAL LA BSNYEN BKUR PHUN SUM TSOGS PA BYAS PA SOGS THABS LA MKHAS PA'I MDZAD PA'I SGO NAS SEMS CAN DPAG TU MED PA'I DON MDZAD DO, ,YANG LAN CIG 'PHAGS PA 'JAM DPAL GYIS RGYAL PO GSAL RGYAL GYI BTZUN MO'I KHROD DU DBYAR GNAS PA, RGYAL BYED TSAL DU BYON PA LA, DGE SLONG 'OD SRUNGS MA RANGS BAS 'JAM DPAL LA SKROD PA'I LAS BYA BA'I PHYIR GAndI BRDUNGS PA NA, PHYOGS BCU'I ZHING THAMS CAD 'JAM DPAL GYIS GANG BAR MTHONG BA DANG, BCOM LDAN 'DAS KYIS 'ONGS SRUNGS LA, KHYOD

KYIS 'JAM DPAL GRANGS MED PA 'DI DAG GI NANG NAS GANG SKROD 'DOD GSUNGS PAS 'OD SRUNGS SKYENGS TE, GAndI BOR BAR 'DOD KYANG 'JOG MA THUB PAS SGRA RGYUN NI 'CHAD PAR BYUNG BAS, 'JAM DPAL LA BZOD BAR GSOL BA DANG GAndI BZHAG THUB BO, ,GZHAN YANG 'PHAGS PA GANG POS GCER BU PA BDEN PA PO SOGS MU STEGS BYED MANG PO BDEN PA MTHONG BA'I SNOD DU GZIGS NAS CHOS BSTAN KYANG MI NYAN ZHING MA THUL BAR LUS PA NA, 'PHAGS PA 'JAM DPAL GYIS SPRUL PA LNGA BRGYA BKYE NAS BTUL BA SOGS KYI GTAM RGYUD YOD DO, ,'O NA 'PHAGS PA 'JAM DPAL 'DI DA LTA BYANG SEMS RANG RGYUD PA YIN NAM SANGS RGYAS ZIN GANG YIN SNYAM NA, 'DI NYID SNGON DE BZHIN GSHEGS PA KLU RIGS MCHOG TU SANGS RGYAS PA DANG, MDO KHA CIG TU KLU RIGS SGRON MAR SANGS RGYAS PAR GSUNGS, GZHAN YANG, 'PHAGS PA 'JAM DPAL GYIS RAB 'BYOR LA, KHO BO NI YANG DAG PAR RDZOGS PA'I SANGS RGYAS YIN TE BYA BA'I RGYUN BCAD BA NI MA YIN NO, ,ZHES RGYU MTSAN DANG BCAS PA GSUNGS SHING, 'JAM DPAL ZHING BKOD KYI MDO LAS, 'DI NI DE BZHIN GSHEGS PA'I STOBS BCU YONGS SU RDZOGS SO, ,'DI BYANG CHUB SEMS DPA'I SA BCU YONGS SU RDZOGS SO, ,'DI SANGS RGYAS KYI SA YONGS SU RDZOGS SO, ,ZHES SOGS MANG DU GSUNGS, DE LTAR SANGS RGYAS ZIN KYANG SLAR YANG RDUL MED YANG DAG BSAGS PA ZHES BYA BA'I ZHING DU RGYAL BA KUN TU GZIGS SU 'TSANG RGYA BA'I TSUL STON TO, ,ZHING DE NI LHO PHYOGS SU 'BYUNG ZHING 'JIG RTEN GYI KHAMS MI MJED 'DI NYID KYANG ZHING DE'I KHONGS SU CHUD PAR GSUNGS, ZHING DE'I RGYA KHYON NI GANGG'A'I KLUNG DU MA'I BYE MA SNYED KYI

, ,GRANGS DANG MNYAM PA'I ZHING GI THA GRU DANG MNYAM ZHING, MTHO KHYAD SRID BA'I RTZE MO DANG MNYAM PA 'OG GZHI RIN PO CHE SNA TSOGS LAS GRUB PA, ZHING DER MI KHOM PA DANG, SDUG BSNGAL MI DGO BA'I SGRA DANG, SKYON DU 'GYUR BA'I SGRA MED CING, SGRA 'BYUNG BA RNAMS KYANG CHOS KYI SGRAR 'BYUNG, SANGS RGYAS KYI ZHING GZHAN GYI SNOD KYI YON TAN KUN 'DI'I SNOD KYI ZHING LA TSANG BA YIN LA, ZHING DE'I DBUS NA, BYANG CHUB KYI SHING STONG GSUM GYI STONG CHEN PO BCU'I 'JIG RTEN GYI KHYON DANG MNYAM PA, DE'I RTZA BAR SENG GE CHEN PO BRGYAD KYIS BTEG BA'I RIN PO CHE'I KHRI'I STENG NA RGYAL BA KUN TU GZIGS SKU MDOG GSER BTZOM LTA BU RDO RJE'I SKYIL MO KRUNG GIS BZHUGS SHING, PHYAG G-YAS SKYABS SBYIN, G-YON MNYAM GZHAG MDZAD PA, SKU'I TSAD DPAG TSAD BRGYAD KHRI BZHI STONG DANG LDAN BA, ZHING DE'I GDUL BYA RNAMS KYIS SKU BLTA BAR 'DOD TSE, KHRI'I STENG NA SKU BZHUGS PA, RANG GI MDUN DU BZHUGS PAR MTHONG BA'I MOD LA, CHOS ZHU MI DGOS PAR CHOS KYI TSIG DON MTHA' DAG KHONG DU CHUD NAS MKHAS BAR 'GYUR BA YIN, ZHING DE NA, NYAN RANG DANG, PUD MED DANG, MNGAL NAS SKYE BA MED CING, ZHE SDANG DANG, THA BA DANG 'CHAB PA MED PAR TSANGS BAR SPYOD PA'I CHA LUGS CAN, NAM MKHA' LA SKYIL MO KRUNG BCAS BA, RDZUS TE SKYE BA, SKU DPAG TSAD BZHI KHRI NYIS STONG YOD PA BYANG CHUB SEMS DPA' SHA STAG ,MNGON SHES LNGA DANG LDAN PA, BZA' BTUNG YID LA 'DOD PA'I TSE RO MCHOG DANG LDAN PA'I BZA' BTUNG GIS GANG BA'I SNOD LAG PA G-YAS PAR

'BYUNG, DE YANG GZHAN LA PUD MA PHUL BAR RANG GIS SPYOD PA TSUL MA YIN NA SNYAM NAS RDZU 'PHRUL GYIS PHYOGS BCU'I SANGS RGYAS 'KHOR DANG BCAS PA LA PHUL, PHONGS SHING SDUG BSNGAL BA DANG, YI DVAGS RNAMS TSIM PAR BYAS TE, RANG GI ZHING DU 'ONGS NAS LONGS SPYOD PAR BYED CING, DE BZHIN DU GOS DANG LONGS SPYOD GZHAN LA YANG DE LTAR BYED DO, ,DES NA SANGS RGYAS GZHAN THAMS CAD KYI MTSAN BRJOD PA LAS, 'PHAGS BA 'JAM DPAL GYI MTSAN BRJOD PA PHAN YON CHE ZHING, DE BAS KYANG RGYAL BA KUN TU GZIGS KYI MTSAN BRJOD BA PHAN YON CHE BA YIN TE, ZHING BKOD KYI MDO LAS, RIGS KYI BU DAG SANGS RGYAS BYE BA PHRAG KHRIG PHRAG 'BUM GYI MTSAN BRJOD BA BAS NI, GANG GIS 'JAM DPAL GZHON NUR GYUR BA'I MING BRJOD PA BSOD NAMS CHES MANG DU BSKYED NA, BCOM LDAN 'DAS KUN TU GZIGS KYI MTSAN BRJOD PA LTA CI SMOS, DE CI'I PHYIR ZHE NA 'JAM DPAL GZHON NUR GYUR PAS BSKAL PA RE RE ZHING, SEMS CAN GYI DON JI SNYED DU BYAS PA'I SEMS CAN GYI DON DE NI, SANGS RGYAS BYE BA PHRAG KHRIG 'BUM GYIS KYANG MA MDZAD DO, ,ZHES GSUNGS PA'I PHYIR, 'O NA; 'JIG RTEN GYI KHAMS BDE BA CAN DANG, KUN GZIGS KYI ZHING GNYIS GANG KHYAD PAR 'PHAGS NA, BDE BA CAN GYI YON TAN NI RGYA MTSO CHEN PO NAS SKRA'I RTZE MOS BLANGS PA'I CHU THIGS GCIG TZAM, KUN TU GZIGS KYI ZHING GI YON TAN NI RGYA MTSO CHEN PO'I CHU'I MANG NYUNG LTA BU YIN NO, ,'O NA; RGYAL BKUR TU GZIGS PA'I ZHING KHAMS

, ,LTA BU GZHAN YOD DAM MED SNYAM NA YOD DE, DE BZHIN GSHEGS PA KUN GZIGS KYI ZHING DANG, DE BZHIN GSHEGS PA KUN NAS 'OD ZER YON TAN RTAG TU MNGA' BA RGYA MTSO'I RGYAL PO'I ZHING SMON LAM LA RAB TU GNAS BA MNGON PAR 'PHAGS PA GNYIS LA YON TAN LHAG CHAD MED, GZHAN YANG RGYAL BA KUN TU GZIGS PA'I ZHING LAMS LTA BU YOD DE, BYANG CHUB SEMS DPA' 'OD KYI TOG DANG, BYANG CHUB SEMS DPA' YE SHES BLA MA DANG, BYANG CHUB SEMS DPA' DBANG PO ZHI BA DANG, BYANG CHUB SEMS DPA' SMON LAM BLO GROS RNAMS SANGS RGYAS PA'I SANGS RGYAS KYI ZHING YANG DE DANG 'DRA BAR 'BYUNG BAR GSUNGS PAS BYANG CHUB SEMS DPA' BRGYAD KHRI BZHI STONG GIS KYANG, 'PHAGS PA 'JAM DPAL GYI ZHING LTAR BSGRUB PA'I SMON LAM BTAB PAS, DE DAG GI NANG NAS BYANG CHUB SEMS DPA' BCU DRUG GIS 'PHAGS PA 'JAM DPAL GYI ZHING LTAR 'GRUB CING, LHAG MA RNAMS KYIS DE LTAR MI 'GRUB KYANG, BDE BA CAN LTAR 'GRUB PAR GSUNGS SO, ,'O NA, BDE BA CAN GYI GDUL BYA DANG, RGYAL BA KUN TU GZIGS PA'I GDUL BYA LA MANG NYUNG GI KHYAD PAR JI LTAR YOD NA KHYAD PAR YOD DE, BDE BA CAN NA NYAN THOS YOD CING, RGYAL BA KUN TU GZIGS BA'I ZHING KHAMS RDUL MED YANG DAG BSAGS NA, 'KHOR BYANG CHUB SEMS DPA' SHA STAG LAS NYAN RANG MED, BDE BA CAN GYI ZHING GI GDUL BYA NI RGYAL BA KUN TU GZIGS KYI ZHING GI GDUL BYA LA

LTOS NA TIL GYI RDZANG BA ZHIG GI TIL 'BRU GCIG LTA BU, RGYAL BA KUN TU GZIGS PA'I ZHING GI GDUL BYA'I GRANGS RJANG NANG GI TIL BYINGS PO TZAM GYI TSOD YIN PAR GSUNGS, GZHAN YANG RGYAL BA KUN TU GZIGS PA'I ZHING KHAMS SU SKYE BAR SMON LAM BTAB PAS, LONGS SKU DANG SPRUL SKU'I ZHING THAMS CAD DU SKYE BA'I SMON LAM BTAB BAR 'GRO ZHING, 'JAM DPAL DANG, RGYAL BA KUN TU GZIGS LA YI DAM BYAS PAS MDO SNGAGS KYI LHA TSOGS THAMS CAD LA YI DAM BYAS PAR 'GRO BAR GSUNGS SO,, DES NA ZHING DER SKYE BA'I RGYU'I GTZO BO NI, ZHING DE'I YON TAN YID LA YANG YANG SEMS PA, ,BYANG CHUB TU SEMS BSKYED PA, SPYOD PA PHYIN DRUG GI GSAL BA'I DBYE BA MTHA' DAG LA SLOB PA, 'PHAGS PA 'JAM DPAL DANG, RGYAL BA KUN TU GZIGS KYI MTSAN NAS BRJOD PA, SNGAGS BZLA BA, DE GNYIS KYI SKU BZHENG BA, DE'I GSUNG RAB 'DRI KLOG SOGS BYA BA YIN NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS KYI SKU GSUNG THUGS KYI YON TAN RNAMS BSAMS NAS DAD GUS CHEN POS GSOL BA 'DEBS PA SHIN TU GAL CHE STE, SPYIR BYANG CHUB LAM RIM LA GO BA CHAGS PA DANG, NGES SHES KHYAD PAR CAN BSKYED PA LA CHOS RAB TU RNAM 'BYED KYI SHES RAB RGYAS DGOS LA, LHAG BAR ZAB MO DBU MA'I LTA BA PHU THAG CHOD PA ZHIG RNYED PA LA SO SOR RTOG PA'I SHES RAB SHIN TU GSAL ZHING RNO BA ZHIG DGOS, SHES RAB DE LTA BU ZHIG SKYE BA LA BLA MA DANG RJE BTZUN 'JAM DPAL DBYANGS DBYER MA MCHIS PA LA GSOL BA SHUGS DRAG

, ,LA RGYUN RING BA BTAB STE SEMS RGYUD LA BYIN RLABS ZHUGS BA ZHIG DGOS ZHES MGON PO 'JAM DPAL DBYANGS KYIS RJE BDAG NYID CHEN PO LA DNGOS SU GDAMS PA LTAR YIN PAS NA RJE BTZUN 'JAM DPAL DBYANGS LA GSOL BA SHUGS DRAG 'DEBS SHING BYANG CHUB LAM GYI RIM BA'I NYAMS LEN LA 'BAD PAR BYA'O,, ` ,,ZAB MO'I DON GZIGS 'PHAGS MCHOG KLU SGRUB ZHABS, ,ZHES BSNGAGS PA DPAL MGON 'PHAGS BA KLU SGRUB NI, SNGON BSKAL BA GRANGS MED MU MED PA'I DUS NAS THUGS BSKYED, BSKAL CHEN GRANGS MED MANG POR TSOGS GNYIS BAR MA CHAD DU BSAGS, 'JIG RTEN GYI KHAMS BRJOD KYIS MI LANG BA'I YANG BRJOD KYIS MI LANG BAR SEMS CAN GRANGS MED BA'I DON MDZAD BZHIN BAS LAS, ZHING 'DIR THUB PA'I BSTAN PA SPEL BA'I SLAD DU BSAM BZHIN DU BYON BA ZHIG STE, DE YANG DPAL MGON 'PHAGS PA KLU SGRUB ZHING 'DIR BYON NAS RGYAL BA'I BSTAN PA SPEL BAR RGYAL BA RANG NYID KYIS LUNG BSTAN TE, DPAL MGON 'PHAGS PA KLU SGRUB ZHING 'DIR THUB PA'I BSTAN PA SPEL BA'I PHYIR 'BYON PA DANG JI LTAR THUGS BSKYED PA LTAR RGYAL BA MYA NGAN LAS 'DAS NAS BSTAN PA NYAMS DMAS BAR GYUR BA NA 'PHAGS PA KLU SGRUB BYON NAS BSTAN PA RGYA CHER SPEL BAR RGYAL BA NYID KYIS LUNG BSTAN PA NI, SNGON THUGS BSKYED TSUL SPRIN CHEN PO'I MDO LAS JI LTAR GSUNGS BA NI, SNGON BYUNG BA 'DAS PA'I DUS NA BSKAL BA GRANGS MED MU MED PA 'DAS PA'I SNGON ROL

TU BDAG NYID CHEN PO 'DI CHOS KYI RGYAL PO BRTZON 'GRUS CHEN PO'I KLU ZHES BYA BAR 'KHRUNGS BA'I TSE, DE BZHIN GSHEGS PA KLU RIGS SGRON MA ZHES BYA BA DANG MJAL TE, DE'I TSE DE BZHIN GSHEGS PA KLU RIGS SGRON MA LA MCHOD PA'I DNGOS PO TSAD MED PAS MCHOD CING RIN PO CHE RIN THANG MED BA SPAR BA GANG GTOR TE THUGS BSKYED DANG SMON LAM RGYA CHEN PO MDZAD CING, LHAG PAR MA 'ONGS PA'I DUS NA BCOM LDAN 'DAS SH'AKYA THUB BA'I BSTAN PA NUB PA LA THUG PA'I TSE, BDAG RAB TU BYUNG STE CHOS KYI SGRA CHEN PO LAN GSUM BSGRAGS LA DAM PA'I CHOS KYI PHYIR BDAG GI SROG KYANG 'DOR BAR GYUR CIG ,CES ZHING 'DIR STON PA'I BSTAN PA SPEL BA'I THUGS BSKYED DANG DAM BCA' MDZAD DO, ,DE LTAR THUGS BSKYED PA LTAR ZHING 'DIR STON PA THUB PA'I DBANG PO BYON PA'I TSE LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES BYA BAR 'KHRUNGS PA NA, THUB PA'I DBANG POS 'KHOR TSOGS RGYA MTSO LTA BU'I DBUS SU GZHON NU DE'I YON TAN RGYA CHER BSNGAGS SHING; RGYAL BA RANG NYID MYA NGAN LAS 'DAS PA'I 'OG TU LO BZHI BRGYA LON PA NA 'PHAGS PA KLU SGRUB TU GYUR NAS RGYAL BA'I BSTAN PA RGYAS PAR BYED PAR LUNG BSTAN, LANG KAR GSHEGS PA'I MDO LAS KYANG, LHO PHYOGS BE DA'I YUL DU NI, , DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,

, ,ZHES DANG, 'JAM DPAL RTZA RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD 'BYUNG, ,BSTAN PA LA NI DAD CING PHAN, ,RAB TU DGA' BA'I SA THOB BA, ,LO NI DRUG BRGYA DAG TU 'TSO, ,RIG PA RMA BYA CHEN MO NI, ,BDAG NYID CHEN PO DES KYANG 'GRUB, ,BSTAN BCOS SNA TSOGS DON DANG NI, ,DNGOS PO MED PA'I DON DE RIG ,GANG TSE LUS DE BOR BA NA, ,BDE BA CAN DU SKYE BAR 'GYUR, ,DE NI MTHAR GYI SANGS RGYAS NYID, ,NGES PA KHO NAR YANG DAG THOB, ,CES DANG, GSER 'OD DAM PA'I MDO LAS LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES RGYA CHER BSNGAGS PA DE YANG BDAG NYID CHEN PO 'PHAGS PA KLU SGRUB 'DI NYID YIN TE, 'PHAGS PA SPRIN CHEN PO STONG PHRAG BCU GNYIS PA'I MDO 'JUG 'GREL DU DANGS PA LAS, KUN DGA' BO, LI TZ'A BYI GZHON NU SEMS CAN THAMS CAD KYIS MTHONG NA DGA' BA ZHES BYA BA 'DI NI, DA MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS NGA'O BSTAN PA RGYAS PAR BYAS TE, MTHAR RAB TU DANG BA'I 'OD CES BYA BA'I ZHING DU DE BZHIN GSHEGS PA YE SHES 'BYUNG GNAS 'OD CES CES BYA BAR 'GYUR RO, ,ZHES GSUNGS, RDA BO CHE'I MDO LAS KYANG, LATZ'A BYI GZHON NU 'JIG RTEN THAMS CAD KYIS MTHONG NA DGA' BA 'DI STON PA 'DAS NAS LO BRGYAD CU PA LA BSTAN PA NYAMS PA'I TSE, STON PA'I MTSAN 'CHANG BA'I DGE SLONG DU GYUR NAS BSTAN PA RGYAS PAR BYAS TE LO

BRGYA LON PA'I 'OG TU 'DAS NAS BDE BA CAN DU SKYE BAR GSUNGS SO, ,DUS KYI 'KHOR LO'I RGYUD PHYI MA LAS KYANG BDAG NYID CHEN PO 'DIS BSTAN PA DANG SEMS CAN GYI DON RGYA CHEN PO BYED PAR LUNG BSTAN CING, SNGAR SMOS PA DE DAG KYANG BYUNG BA'I SNGA LTAS YIN, ZHES GSUNG HAGS PA KLU SGRUB LUNG BSTAN PA'I MDO RGYUD KYI GSUNG RAB ?BRGYA PHRAG TZAM YOD CES 'PHAGS YUL MKHAS PA RNAMS LA GTAM DU GRAGS SO, ,DPAL MGON 'PHAGS PA KLU SGRUB DUS JI TZAM LA BYON PA NI RGYAL BA MYA NGAN LAS 'DAS PA'I 'OG TU RGYAL BA'I BSTAN PA 'DZIN PA'I SKYES BU JI LTAR 'BYUNG BA RGYAL BA NYID KYI GSUNG TSAD MAR GYUR PA LAS SHES TE, SNYING RJE PAD DKAR LAS, STON PA 'DAS NAS BSTAN PA SUS 'DZIN ZHES ZHUS PA'I LAN DU, KUN DGA' BO DGE SLONG 'OD SRUNGS DANG KHYOD GNYIS KYIS LO BZHI BCU LHAG TZAM DU NGA'I DAM PA'I CHOS 'DZIN PA 'GYUR RO, ,ZHES SOGS LUNG BSTAN PA LTAR RGYAL BA MYA NGAN LAS 'DAS NAS GNAS BRTAN 'OD SRUNGS CHEN PO DANG 'PHAGS PA KUN DGA' BO DANG GNAS BRTAN NYE BAR 'KHOR GSUM GYIS RGYAL BAS GSUNGS PA'I SDE SNOD GSUM MA LUS PAR BSDUS TE BKA' BSDU DANG PO MDZAD NAS 'JIG RTEN DU RGYAL BA'I BSTAN PA MI NUB PAR DANG ZHING RGYAS PAR BYAS, DE NAS 'OD SRUNGS CHEN PO MYA NGAN LAS 'DAS NAS 'PHAGS PA KUN DGA' BOS RGYAL BA'I BSTAN PA BZUNG STE LO BZHI BCU'I RING LA RGYA CHER SPEL, DE NAS RIM GYIS LEGS MTHONG CHEN PO'I BAR BSTAN PA'I GTAD

, ,RABS BDUN GYIS RGYAL BSTAN MI NUB PAR SPEL BAR MDZAD, DE NAS RGYAL BA MYA NGAN LAS 'DAS NAS LO BRGYA LON PA TZAM NA DGE SLONG RTZING SPYOD CAN MANG PO ZHIG GIS GSER DNGUL GYI RUNG BA ZHES PA LA SOGS PA 'DUL BA'I BSLAB PA DANG 'GAL BA'I GZHI BCU DAR BA NA DKAR PHYOGS KYI LHA RNAMS KYIS RGYAL BA'I BSTAN PA LA RMA PHYUNG NGO ZHES MYA NGAN CHEN PO BYAS SHING SMRE SNGAGS BTON TE 'DZAM BU'I GLING DANG RGYAL CHEN BZHI'I LHA GNAS DANG SUM CU RTZA GSUM SOGS LHA GNAS GONG MA RNAMS SU'ANG BSGRAGS TE DKAR PHYOGS KYI LHA RNAMS MYA NGAN CHEN POR GYUR CING BDUD RIGS RNAMS DGA' BA'I CA CO SGROG BA ZHIG BYUNG BA NA SNGON GYI THUGS BSKYED DANG SMON LAM GYI MTHUS CHOS RGYAL MYA NGAN MED CES BYA BA BYON TE, CHOS RGYAL DES SBYIN BDAG BYAS, GNAS BRTAN GRANGS PA LA SOGS BA DGRA BCOM PA BDUN BRGYA TSOGS TE LOG PAR SMRA BA RNAMS BSUN PHYUNG STON PA THUGS RJE CAN DES 'DUL BA'I BSLAB KHRIMS JI LTAR BCAS PA DE KHO NA LTAR BYA BAR BSGRUBS TE BKA' BSDU GNYIS BA MDZAD, DE'I TSE DKAR PHYOGS KYI LHA RNAMS DGA' BA'I CA CO SGROG CING YID TSIM PAR GYUR, DE NAS DUS RIM GYIS SNYIGS BAR GYUR PA DANG SEMS CAN RNAMS BSOD NAMS DMAN PA'I DBANG GIS DAM PA'I CHOS 'DUL BA LA LOG PAR SMRA BA MANG DU DAR ZHING, LHAG BAR SDE PA BCO BRGYAD DU GYES TE DE DAG THAMS CAD NANG MI MTHUN PAR KHO BO CAG GI 'DI KHO NA BDEN GYI GZHAN NI GTI MUG GO ZHES

RTZOD PAS DUS 'DA' BAR GYUR CING DAM PA'I CHOS 'DUL BA LA KLOG PA THOS BSAM DANG, SPONG BA BSAM GTAN BYA BA'I TSUL RNAMS CHES CHER NYAMS SHING NYAN THOS KYI GRUB MTHA' SMRA BA MANG PO ZHIG GIS THEG CHEN GYI MDO SDE RNAMS NI RGYAL BA'I BKA' MIN NO ZHES LOG PAR SMRA PA'I GTAM RGYA CHER BSGRAGS TE RGYAL BA'I BSTAN PA CHES CHER NYAMS PA NA STON PA THUGS RJE CAN NYID KYI THUGS BSKYED DANG SMON LAM GYI MTHUS NAM ZHIG NA RGYAL PO KRI KRI'I RMI LTAS LUNG BSTAN PA'I MDO RNYED NAS BLTAS PAS, RGYAL BA 'OD SRUNGS KYIS RGYAL PO KRI KRI LA KHYOD KYI RMI LTAS DE RNAMS BCOM LDAN 'DAS SH'AKYA THUB PA'I BSTAN PA LA 'DI LTAR 'BYUNG BA'I SNGA LTAS YIN, ZHES GSUNGS SHING, RGYAL PO KRI KRI'I RMI LTAS JI LTAR BYUNG TSUL NI, MA GA DHA BZANG MO'I RTOGS PA BRJOD PA LAS, SANGS RGYAS 'OD SRUNGS KYI DUS SU DE'I SPYIN BDAG RGYAL PO KRI KRI ZHES BYA BA BYUNG BA DE'I RMI LAM DU, GLANG PO'I RGYAL PO SKAR KHUNG NAS BYUNG BA LA DE'I MJUG MA THOGS PA DANG, SKOM PAS PHYI NAS KHRON PA BSNYEGS PA DANG, PHYE BRE GANG DANG MU TIG BRE GANG 'TSONG BYED PA DANG, TZAN DAN DANG SHING PHAL PA RIN MNYAM PAR BYED PA DANG, KUN DGA' RAB BA'I ME TOG DANG 'BRAS BU PHUN SUM TSOGS PA MA BYIN PAR LEN BAS PHROGS PA DANG, GLANG PO'I PHRUG GUS SPOS KYI GLANG PO 'JIGS PAR BYED PA DANG, SPRE'U MI GTZANG BAS GOS PAS GZHAN LA SKUD PA DANG, SPRE'U RGYAL POR DBANG BSKUR BA MTHONG BA DANG, RAS YUG GCIG MI BCO BRGYAD KYIS BGOS PA LAS RE RE'I LAG TU

, ,YANG RAS YUG TSANG MA RE RE BYUNG BA DANG, SKYE BO'I TSOGS CHEN PO 'DUS NAS 'THAB RTZOD BYED PA MTHONG STE, RMI LAM BCU RMIS PAS BDAG NYES SU DOGS PAS 'JIGS TE, BCOM LDAN 'DAS 'OD SRUNG LA ZHUS SO, ,BCOM LDAN 'DAS KYIS DE DAG RGYAL PO KHYOD LA NYES DMIGS SU 'GYUR BA MA YIN GYI, MA 'ONGS PA NA TSE LO BRGYA PA'I TSE YANG DAG PAR RDZOGS PA'I SANGS RGYAS SH'AKYA THUB PA'I BSTAN PA LA MA SBYANGS PA'I DGE SLONG RNAMS KHYIM NAS BYUNG YANG GTZUG LAG KHANG DANG RNYED PA LA CHAGS PA 'BYUNG BAS, GLANG PO LUS THON NAS MJUG MA THOGS PA DE NI DE'I LTAS SO, ,SKOM PAS PHYI NAS KHRON PA BSNYEGS PA NI, GTZUG LAG KHANG NA GNAS BA LA GZHAN GYIS CHOS BSHAD PA NA NYAN PAR MI BYED PA'I LTAS SO, ,PHYE DANG MU TIG BRJE BA NI DE'I TSE NYAN THOS RNAMS BZA' BA'I CHED DU CHOS STON PA 'BYUNG BAS DE'I LTAS SO, ,TZAN DAN DANG SHING GZHAN MNYAM PAR MTHONG BA DE NI, DE'I TSE NYAN THOS RNAMS MU STEGS KYI GZHUNG DANG, SANGS RGYAS KYI BKA' MNYAM PAR 'DZIN PA 'BYUNG BAS DE'I LTAS SO, ,KUN DGA' RA BA'I ME TOG LA SOGS PA PHUN SUM TSOGS PA CHOM POS PHROGS PA NI, DE'I TSE NYAN THOS MA BSDAMS PA RNAMS DGE 'DUN GYI LONGS SPYOD KYIS KHYIM PA'I NGO BSRUNG BA 'BYUNG BAS DE'I LTAS SO, ,GLANG PO'I PHRUG GUS SPOS KYI GLANG PO 'JIGS PAR BYED PA NI, DGE SLONG SDIG CAN GYIS TSUL KHRIMS DANG LDAN PA'I DGE SLONG ZIL GYIS GNON PA 'BYUNG BAS

DE'I LTAS SO, ,MI GTZANG BAS GOS PA'I SPRE'US GZHAN LA SKUD PA NI, TSUL KHRIMS NYAMS PAS TSUL KHRIMS DANG LDAN PA LA BSKUR PA 'DEBS PAR 'GYUR BAS DE'I LTAS SO, ,SPRE'U RGYAL POR DBANG BSKUR BA NI, DE'I DUS SU RMONGS PA RNAMS RGYAL POR DBANG BSKUR BA 'BYUNG BAS DE'I LTAS SO, ,MI BCO BRGYAD KYIS RAS YUG GCIG BGOS PAS SO SO'I LAG TU MA NYAMS PAR BYUNG BA NI, SH'AKYA THUB BA'I BSTAN PA LA SDE PA BCO BRGYAD DU GYES KYANG THAMS CAD RNAM PAR GROL BA'I SKAL BA CAN YIN PAS DE'I LTAS SO, ,SKYE BO'I TSOGS 'DUS NAS 'THAB RTZOD BYED PA DE NI SH'AKYA THUB PA'I BSTAN PA RTZOD PA'I CHOS KYIS NUB PAR 'GYUR BAS DE'I LTAS SO, ,ZHES 'BYUNG NGO, ,MDO DE MTHONG NAS SDE PA BCO BRGYAD PO THAMS CAD BLO MTHUN PAR GYUR TE GNAS BRTAN SO SO'I SKAD MI 'DRA BA DANG, CHA LUGS CUNG ZAD KYI KHYAD PAR LAS, DON DU RGYAL BA'I BKA' NYID LA MTHUN ZHING THAMS CAD LAM BSLAB PA GSUM NYAMS SU BLANGS TE RNAM GROL THAR PA SGRUB PA'I 'BRAS BU CAN DU MTSUNGS PAR MTHONG NAS KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN 'PHEL BAR GYUR TE, DE LA NI BSDU BA GSUM PA ZHES GRAGS SO, ,DE NAS YANG RGYAL BSTAN RIM GYIS NYAMS DAMS SHING LHAG PAR THEG PA CHEN PO'I BSTAN PA MING TZAM YANG NUB PA LA PHYOGS PA, RGYAL BA MYA NGAN LAS 'DAS NAS LO BZHI BRGYA TZAM LON PA NA BDAG NYID CHEN PO DPAL MGON 'PHAGS PA KLU SGRUB ZHING 'DIR BYON NO, ,'PHAGS

, ,PA KLU SGRUB GANG DU 'KHRUNGS PA'I YUL NI, RGYA GAR LHO PHYOGS BEE DARGHA'I YUL TE YUL DER BRAM ZE CHEN PO ZHIG LA BU MED PA NA, RMI LAM DU BRAM ZE PA RGYAL CHOS STON DRANGS NA BU RNYED PA'I LUNG BSTAN BYUNG BAR DE LTAR BYAS PAS, BU GCIG BTZAS TE MTSAN MKHAN LA BSTAN PAS, MTSAN BZANG MOD KYI ZHAG BDUN GYI TSE LAS MED ZER BAR, THABS CI YOD DRIS PAS, BRAM ZE BRGYA LA CHOS STON DRANGS NA ZLA BA BDUN DANG, DGE SLONG BRGYA LA CHOS STON DRANGS NA LO BDUN 'TSO, DE NAS THABS MED ZER BAS, DE LTAR BYAS TE LO BDUN DU NYE BA NA, BU'I RO MTHONG BA PHA MAS MA BZOD PAS, G-YOG DANG BCAS PA 'KHYAM DU BTANG NGO, ,DE NAS RIM GYIS SONG STE KHA SARB'A nI'I ZHAL BLTAS TE, RIM GYIS DPAL N'A LANDRA'I SA RA HA'I SGO DRUNG DU SONG STE, SNYAN DNGAGS KYI RIG BYED DAG STON PA NA BRAM ZE CHEN POS RGYAL SRAS GZHON NU DE NANG DU KHRID NAS 'DIR 'ONG BA'I RGYU MTSAN GANG YIN DRIS, JI LTAR GYUR PA'I RGYU MTSAN BSHAD PAS, RAB TU 'BYUNG NUS NA THABS YOD GSUNGS PAS, PHYIS RAB TU 'BYUNG BAR KHAS BLANGS TE, TSE DPAG MED 'CHI BDAG 'JOMS PA'I DKYIL 'KHOR DU DBANG BSKUR NAS GZUNGS 'DON DU BCUG ,KHYAD PAR LO BDUN PA'I NUB MO MTSAN THOG THAG BTON PAS, 'CHI BDAG GI CHAD PA LAS GROL, LO BRGYAD LON PA NA RAB TU BYUNG NAS, SHES BYA RIG PA'I GNAS RNAMS DANG, THEG PA CHE CHUNG

THAMS CAD LA MKHAS PAR SBYANGS SO, ,PHYIS PHA MA DANG MJAL ZHING BRAM ZE CHEN PO DE NYID LAS DPAL GSANG BA 'DUS PA LA SOGS PA'I GSANG SNGAGS KYI CHOS MANG DU ZHUS PAS, RGYUD DANG SNYAN RGYUD KYI GDAMS PA DANG RJES SU BSTAN PA MA LUS PA GNANG ZHING, DE NYID LA MKHAN PO ZHUS TE BSNYEN PAR RDZOGS PAR MDZAD DE, MTSAN DGE SLONG DPAL LDAN ZHES GRAGS SO, ,DE LTAR N'A LANDRAR SDE SNOD GSUM DANG RGYUD SDE BZHI'I BSHAD SROL GANG YOD PA RNAMS GSAN ZHING, GTZO BOR NI TSE RABS THAMS CAD DU RJE BTZUN 'JAM DPAL DBYANGS KYIS RJES SU BZUNG BA YIN PAS RJE BTZUN 'JAM DBYANGS LHA'I BU'I TSUL BZUNG BA BYANG SEMS BLO GROS RIN CHEN LA MDO DANG SNGAGS KYI DAM PA'I CHOS MA LUS PA GSAN TE, STON PA SH'AKYA'I RGYAL PO ZHING 'DIR BYON NAS MDO SNGAGS KYI CHOS JI SNYED GSUNGS PA'I GSANG BA'I GNAS THAMS CAD THUGS LA CHUD PAR MDZAD DO, ,DE'I TSE MU GE CHEN PO ZHIG BYUNG NAS N'A LANDRA'I DGE 'DUN RNAMS 'TSO BAS PHONGS PAR GYUR PA NA GNAS BRTAN SGRA GCAN 'DZIN BZANG POS DPAL MGON 'PHAGS PA KLU SGRUB LA N'A LANDRA'I ZHAL TA PA MDZAD NAS DGE 'DUN RNAMS SKYONG DGOS PAR BSKUL BA NA, DPAL MGON 'PHAGS PA KLU SGRUB KYIS KYANG DE LTAR MDZAD PAR ZHAL GYIS BZHES TE GLING BAR NAS GSER 'GYUR GYI RTZI BZHES NAS ZANGS MANG PO GSER DU BSGYUR TE MU GE MED PA'I SA NAS 'BRAS DANG NAS LA SOGS PA 'TSO BA'I YO BYAD THAMS CAD DRANGS

, ,TE LO BCU GNYIS KYI BAR DU DGE 'DUN RNAMS 'TSO BAS PHONGS PA MED PAR MJAD, DE NAS BSLAB KHRIMS 'CHAL PAR SPYOD PA MANG PO ZHIG GIS SA'I STENG KHYAB STE RGYAL BA'I BSTAN PA'I NANG MDZOD 'DUL BA CHOS CHER NYAMS PAR BYAS PA THUGS KYIS MA BZOD NAS BSLAB KHRIMS 'CHAL PAR SPYOD PA STONG PHRAG MANG PO GNAS NAS PHYUNG, SKAL BA DANG LDAN PA RNAMS LA SDE SNOD GSUM GYI CHOS RGYA CHER BSTAN CING LHAG PAR DAM PA'I CHOS 'DUL BA RGYA CHER BSGRAGS TE SNGON STON PA THUB PA'I DBANG POS W'A RA n'A SIR BKA' DANG PO BDEN PA BZHI'I CHOS 'KHOR BSKOR BA DANG MTSUNGS PA LTA BU ZHIG MDZAD PAS, MDZAD PA DE LA SNGON GYI MKHAS PA RNAMS KYIS 'PHAGS PA KLU SGRUB KYIS DAM PA'I CHOS KYI SGRA CHEN PO LAN GSUM BSGRAGS PA'I NANG NAS DANG PO DAM BA'I CHOS 'DUL BA NYAMS PA GSOS TE 'DUL BA'I CHOS RGYA CHER BSGRAGS PA ZHES GTAM DU GRAGS SO, ,DE'I TSE BDUD SDIG TO CAN GYIS BYIN GYIS BRLABS PA DGE SLONG BDE BYED CES PAS THEG PA CHEN PO BSUN 'BYIN PA'I BSTAN BCOS GLEGS BAM MANG PO BRTZAMS TE THEG PA CHEN PO'I LTA SPYOD GNYIS KA BSUN 'BYIN PA ZHIG BYUNG BA NA, BDAG NYID CHEN PO 'PHAGS PA KLU SGRUB KYIS LOG PAR SMRA BA DE'I GNYEN POR CHOS RGYA CHER GSUNGS TE LTA BA LOG PA DE RNAMS BSUN PHYUNG, SKAL BA DANG LDAN PA MTHA' YAS PA LA SDE SNOD GSUM GYI CHOS RGYA CHER STON PAR MDZAD PA DE'I TSE BYIS PA GNYIS CHOS NYAN DU 'ONGS PA'I DRI ZHIM POS 'KHOR KUN TU KHYAB

PAR GYUR CING, SONG BA DANG DRI ZHIM PO DE MED PAR GYUR PA DANG, DE'I RGYU MTSAN DRIS PAS DE DAG NA RE NGED KLU'I RGYAL PO 'JOG PA'I BU YIN, MI YUL DU 'GRO BA LA TZAN DAN GOR SHIRshA'I BSRUNG BA BYAS PA YIN ZER RO, ,TZAN DAN DE BLANG DU YOD DAM DRIS PAS, YAB LA 'DRI YIS ZER NAS DRIS PAS, SLOB DPON KLU'I YUL DU 'BYON NA 'BUL ZER BA NA SLOB DPON GYIS KLU'I YUL DU GDUL BYA MTHA' YAS PA LA DGE BA'I RTZA BA BSKYED PA DANG, SHES RAB KYI PHA ROL TU PHYIN PA STONG PHRAG BRGYA PA GDAN DRANG BA SOGS DGOS PA MANG PO ZHIG NYE BAR GZIGS NAS 'BYON PAR ZHAL GYIS BZHES TE KLU'I YUL DU BYON, KLU'I RGYAL PO 'JOG PO LA SOGS PA KLU RGYAL MTHU BO CHE RNAMS KYIS GTZOS DKAR PHYOGS KYI KLU BGRANG BA LAS 'DAS PAS MCHOD PA'I DNGOS PO TSAD MED PAS MCHOD DE CHOS STON PAR GSOL BA BTAB PA NA BDAG NYID CHEN PO 'PHAGS PA KLU SGRUB KYIS KLU'I RGYAL PO 'KHOR DANG BCAS PA LA CHOS BSTAN, KLU RNAMS KYIS BZHUGS PAR ZHUS PAS, NGA MCHOD RTEN BYE BA BZHENG BA'I 'DAM TSOL BA DANG 'BUM GDAN 'DREN DU 'ONGS KYI BSDAD MI KHOM PHYIS 'ONG SRID GSUNGS TE, KLU'I 'DAM MANG PO DANG, SHES RAB KYI PHA ROL TU PHYIN PA STONG PHRAG BRGYA PA DANG, GZUNGS MANG PO SPYAN DRANGS TE 'DZAM BU'I GLING DU BYON, DE'I TSE KLU RNAMS KYIS SLOB DPON SLAR YANG KLU'I YUL DU NGES PAR 'BYON DGOS ZHES GTA' MA LTA BUR

, ,'BUM GYI GSHAM NAS BAG TZAM MA BSKUR CES GRAGS TE KLU YUL NAS SPYAN DRANGS PA'I YUM RGYAS PA LA RTAG TU DU'I LE'U DANG CHOS 'PHAGS KYI LE'U RNAMS MA BYUNG BAS BRGYAD STONG PA'I GSHAM GYI LE'U GNYIS PO DE YUM RGYAS PA'I GSHAM DU SBYAR TE LE'U GNYIS PO DE YUM RGYAS BSDUS LA KHYAD GANG YANG MED DO, ,DE NAS SLOB DPON KLU SGRUB KYIS KLU YUL NAS BZHES PA'I 'DAM DES MCHOD RTEN BYE BA LA SOGS PA BYAS, KLU RNAMS KYIS GROGS BYAS PAS, DE NAS KLU SGRUB TU MTSAN CHAGS, DE NAS LI KHA RA SHING 'PHEL DU PHEBS, GSER 'GYUR MDZAD DE SBYIN PA RGYA CHEN PO MDZAD NAS, BRAM ZE RGAN PO BZA' MI GNYIS LA GSER MANG PO GNANG BAS DAD DE, RGAN POS NYE GNAS BYAS CHOS MNYAN TE SHI NAS SLOB DPON KLU'I BYANG CHUB TU GYUR TO, ,GZHAN YANG LHA KHANG MANG PO BZHENGS SHING, DRIL BU LTA BU'I BRAG GSER DU BSGYUR BAR RTZOM PA'I TSE SGROL MA'I SPRUL PA RGAN MO'I RNAM PA CAN CIG GIS, DE BAS MCHOG BSGRUBS NA DON CHE BAS DPAL GYI RI LA SGRUB PA GYIS SHIG GSUNGS TE, DER SGROL MA'I SGRUB THABS KYANG MDZAD DO, ,DE NAS SLOB DPON KLU SGRUB KYIS RGYA GAR YUL DBUS KYI GRONG KHYER CHEN PO DRUG GIS GTZOS PHYOGS THAMS CAD DU GTZUG LAG KHANG DANG MCHOD RTEN MANG DU BRTZIGS, CHOS SMRA BA RNAMS LA MCHOD GZHI MANG DU GTZUGS, 'DZAM BU'I GLING GI RGYAL BA'I BSTAN PA LA ZHUGS NAS CHOS DON DU GNYER BA PHAL MO CHE 'DUS PA LA DAM PA'I CHOS

RGYA CHER STZAL, KHYAD PAR DU YANG RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES SHER PHYIN GYI MDO SDE RIN PO CHE'I DON CHOS RNAMS KYI GNAS LUGS STONG PA NYID NI SHIN TU RTOGS PAR DKA' BAS 'KHRUL MED DU RTOGS PA SRID MTHA' TZAM DU SNANG BA DANG, PHAL MO CHE NI THOS PA TZAM GYIS SKRAG STE SPONG BA DANG, 'GA' ZHIG NI MOS BLO BYED KYANG RANG BZHIN GYIS MED PA'I DON GTAN NAS MED PA'I DON DU BZUNG STE CHAD MTHAR LHUNG NAS PHUNG BAR 'GYUR BA DANG, STONG PA NYID KYI DON MA RTOGS NA THAR PA DANG THAMS CAD MKHYEN PA GANG GI'ANG LAM BGROD PA'I THABS MED PAR GZIGS NAS THUGS SNYING RJE CHEN POS RANG DBANG MED PAR BSKUL TE CHOS RNAMS KYI GNAS LUGS RTEN CING 'BREL PAR 'BYUNG BA DON DAM PAR RANG BZHIN GYIS GRUB PA RDUL TZAM YANG MED PA DANG, THA SNYAD DU DKAR NAG GI LAS 'BRAS NAM YANG BSLU BA MED PAR NGES PA GNYIS 'GAL MED DU RTOGS PA DBU MA'I LAM BZANG PO RGYA CHER BSGRAGS TE, GANG GIS RTEN CING 'BREL PAR 'BYUNG, ,ZHES SOGS DBU MA RTZA BA'I TSIG LE'UR BYAS PA DANG, DE'I YAN LAG GI RIGS TSOGS RNAMS MDZAD DE SNGON STON PA THUB PA'I DBANG POS BYA RGOD PHUNG PO'I RIR SHER PHYIN GYI MDO SDE RIN PO CHE BKA' STZAL PA JI LTA BAR 'DZAM BU'I GLING DU SHER PHYIN GYI MDO SDE RIN PO CHE'I DON CHES CHER GSAL BAR MDZAD DE THEG PA CHEN PO'I CHOS KYI SGRA BSGRAG PAR

, ,MDZAD DO, ,DE LA NI BDAG NYID CHEN PO KLU SGRUB KYIS 'DZAM BU'I GLING DU CHOS KYI SGRA CHEN PO LAN GSUM BSGRAGS PA'I NANG NAS CHOS KYI SGRA CHEN PO BSGRAGS PA GNYIS PA ZHES MKHAS PA RNAMS LA GTAM DU GRAGS SO; ;DE NAS GDUL BYA MANG PO ZHIG GI DON LA DGONGS TE BYANG SGRA MI SNYAN DU 'BYON PAR BZHED NAS BYON PA'I LAM KHAR BYIS PA CIG DZE TA KA'I LAG RIS LAS RGYAL POR LUNG BSTAN NAS SGRA MI SNYAN DU PHEBS, DER NA BZA' SHING LA BKAL NAS KHRUS MDZAD PAS, DE GZHAN GYIS KHYER BA LA NGA YI YIN GSUNGS PAS NGA BDAG CAN ZER, DE NAS SGRA MI SNYAN DU GDUL BYA'I DON MDZAD NAS TSUR PHEBS TSE SNGAR RGYAL POR LUNG BSTAN PA'I BYIS PA DE RGYAL POR GYUR PA RGYAL PO BDE SPYOD BZANG PO'I MCHOD GNAS SU LO GSUM BZHUGS TE DAM PA'I CHOS RGYA CHER STON PAR MDZAD, DE NAS RJE BTZUN MA SGROL MAS BSKUL BA LTAR LHO PHYOGS DPAL GYI RIL BYON TE GTZO BOR SGRUB PA SNYING POR MDZAD CING SRAS KYI THU BO A'ARYA DE WA DANG SANGS RGYAS BSKYANGS LA SOGS PA BSTAN 'DZIN CHEN PO MANG POS GTZOS MI DANG MI MIN GYI GDUL BYA MTHA' YAS PA LA DAM PA'I CHOS RGYA CHER STZAL TE RGYAL BA RANG NYID SLAR 'JIG RTEN DU BYON PA LTA BUR BSTAN PA CHES CHER RGYAS PAR MDZAD, RGYAL BA'I BSTAN PA NAM YANG MI NUB PAR YUN RING DU GNAS PA'I PHYIR RDO RJE GDAN LA RDO'I DRA MIG GI RA BA DANG, MCHOD RTEN BRGYA PHRAG MANG PO DANG, DPAL LDAN 'BRAS SPUNGS KYI BKOD PA CHEN PO DANG, DGE 'DUN GYI SDE RNAMS LA MCHOD GZHI MANG PO BTZUGS,

NAG PO CHEN PO LA SOGS PA CHOS SKYONG RNAMS LA 'PHRIN LAS BCOL, TZAndI KA DANG NOR RGYUN MA LA SOGS PA NOR LHA MANG PO LA RGYAL BA'I BSTAN PA BSTAN 'DZIN DANG BCAS PA LA MCHOD CING BSNYEN BKUR BYA BAR BSKOS TE RGYAL PA'I BSTAN PA SGO KUN NAS 'PHEL BAR MDZAD, SKU TSE'I SMAD LA GTZO CHER, LHO PHYOGS DPAL GYI RI LA BZHUGS SHING RGYAL BA RANG NYID SLAR BYON PA LTAR MDO SNGAGS GNYIS KA'I CHOS KYI 'KHOR LO RGYA CHER BSKOR, LHAG PAR CHOS DBYINGS BSTOD PA SOGS MDZAD NAS CHOS KYI SGRA CHEN PO GSUM PA BSGRAGS TE SNGON RGYAL BAS CHOS KYI 'KHOR LO BSKOR BA DANG MTHUN PAR GDUL BYA BGRANG BA LAS 'DAS PA THEG PA CHEN PO'I LAM LA 'KHRID PAR MDZAD CING, RGYAL BAS GSUNGS PA'I NGES DON GYI MDO RNAMS SUS KYANG DON GZHAN DU BSGYUR MI THUB PAR NGES PA BRTAN PAR MDZAD DO, ,PHYI RABS KYI GDUL BYA RNAMS KYI DON DU SDE SNOD GSUM DANG RGYUD SDE BZHI'I DGONGS PA 'GREL BA'I BSTAN BCOS MANG DU MDZAD PA NI 'DI LTAR, RGYAL BA'I BSTAN PA YONGS SU RDZOGS PA'I SNYING PO THEG PA CHEN PO'I LAM GYI LUS YONGS SU RDZOGS PA BYANG CHUB LAM GYI RIM PA RIGS PA'I LAM NAS DRANGS TE STON PA RIN PO CHE'I PHRENG BA DANG, DE NYID LUNG GIS BSGRUB PA MDO SDE KUN LAS BTUS PA MDZAD, LAM GYI RIM PA'I GNAD MTHA' DAG RGYAL BA'I BKA' DANG SBYAR TE STON PA LA, SA LU LJANG PA'I MDO 'GREL DANG, RJE BTZUN 'JAM DPAL GYI DON DAM PA'I BSTOD PA SOGS BSTOD TSOGS DANG, DPAL GSANG BA 'DUS PA'I SGRUB THABS MDOR BYAS PA, SGRUB THABS

, ,MDO DANG BSRES PA, BYANG CHUB SEMS 'GREL, RDZOGS RIM RIM PA LNGA PA, DBU MA RTZA BA'I TSIG LE'UR BYAS PA SHES RAB CES BYA BA, RIGS PA DRUG CU PA, ZHIB MO RNAM 'THAG, STONG NYID BDUN CU PA, RTZOD PA BZLOG PA'I TSIG LE'UR BYAS PA, BSHES PA'I SPRING YIG, SHES RAB BRGYA PA, SEMS CAN MGU BAR BYA BA'I TSIGS SU BCAD PA BCU GCIG PA, SBOM PO'I LTUNG BA BRGYAD PA, 'PHAGS PA BZANG PO SPYOD PA'I SMON LAM GYI BSHAD SBYAR, RMI LAM YID BZHIN NOR BU'I GTAM, SBYIN PA'I GTAM, SRID PA LAS 'DAS PA'I GTAM, SBYOR BA BRGYAD PA, LUGS KYI BSTAN BCOS SHES RAB SDONG BU, LUGS KYI BSTAN BCOS SKYE BO SO THIGS SOGS MDO RGYUD KYI DGONGS 'GREL DANG, MDO SNGAGS KYI LAM GYI RIM PA DANG, RGYUD SDE BZHI NAS GSUNGS PA'I LHA MANG PO'I SGRUB THABS SOGS BSTAN BCOS MANG DU MDZAD DO, ,DE LTAR BDAG NYID CHEN PO 'PHAGS PA KLU SGRUB KYIS RGYAL BA'I BSTAN PA LA BYA BA RGYA CHER MDZAD PA NA BDUD SDIG TO CAN DPUNG DANG BCAS PAS PHRAG DOG GIS MA BZOD PAR YOD PA LA, THABS GZHAN MA RNYED PAR, RGYAL PO BDE SPYOD KYI BTZUN MO'I MNGAL DU ZHUGS PA PHYIR BTZAS PAS RGYAL BU GZHON NU NUS LDAN DU GRAGS PA LA, MAS GOS SRUBS MED PA 'JIG RTEN NA RNYED PAR DKA' BA ZHIG BYIN PAS, BU NA RE, 'DI DA LTA SPOS LA NGA RGYAL SRID SKYONG BA NA BGO BAR BYA'O ZHES ZER BAR, MAS KHYOD KYI PHA SLOB DPON KLU SGRUB DANG TSE MNYAM PA'I BCUD LEN GRUB PAS SLOB DPON MA GRONGS BAR DU MI

'CHI BAS, KHYOD RGYAL SRID SKYONG BA MI YONG ZER BAS, PU MYA NGAN SKYES TE DUS PA DANG, MA NA RE, DU MI DGOS KYIS SLOB DPON BYANG CHUB SEMS DPA'I SPYOD PA RLABS PO CHE LA GNAS PAS, DBU BSLANG NA STER BAR 'GYUR ZHING, DER YAB KYANG 'GUM PAS KHYOD KYIS RGYAL SRID THOB PAR 'GYUR RO ZER, DE NAS RGYAL BUS SLOB DPON GYI DRUNG DU PHYIN NAS DBU BSLANGS BAS, BDAG NYID CHEN PO 'PHAGS PA KLU SGRUB KYIS 'DI LTAR DGONGS TE SNGON STON PA THUGS RJE CAN GYIS SLOB PA LAM GYI GNAS SKABS SU DBU SBYIN PAR BTANG BA SOGS BYA DKA' BA'I RGYAL SRAS KYI SPYOD PA MDZAD PA DE LTAR DU NGAS KYANG STON PA'I RNAM THAR BSKYANG BA DANG, BDUD SDIG TO CAN SPA BKONG BAR BYA BA DANG, PHYI MA'I SKYE BO RNAMS LA SNANG BAR BYA BA DANG, RGYAL SRAS RNAMS LA SNYING STOBS BSKYED PAR BYA BA'I PHYIR SPYIN BAR BYA'O SNYAM DU DGONGS NAS DBU STER BAR ZHAL GYIS BZHES PAS, RAL GRIS DBU BCAD KYANG MCHOD PAR, SLOB DPON GYI ZHAL NAS, NGAS SNGON 'JAG MA ZHIG BCAD PA'I ZHAR LA 'BU GCIG GI SKE GCAD PA'I NYES PA YOD PAS RTZVA KU SHAS CHOD CIG GSUNGS NAS BCAD PAS CHOD, DE'I TSE KHRAG 'O MAR BYUNG ZHING DBU DE'I ZHAL NAS, NGA NI 'DI NAS BDE BA CAN DU 'GRO, PHYI NAS LUS 'DI LA NI 'JUG PAR GYUR, CES PA'I TSIG BYUNG BAR GRAGS, DE NAS RGYAL PU DES DBU SLAR 'BYAR GYIS DOGS NAS DPAG TSAD TZAM DU DOR BA SLOB DPON BCUD LEN GRUB PAS SKU LUS DANG DBU RDO RU GYUR CING SLAR RIM GYIS DBU DANG SKU LUS GNYIS KA MA NYAMS PAR LO RE BZHIN JE NYE JE NYER SONG NAS MTHAR

, ,DBU DANG SKU LUS 'BYAR NAS SLOB DPON RANG NYID ZHAL BZHUGS DUS LTAR BSTAN PA DANG 'GRO BA'I DON RGYA CHAR MDZAD PAR GSUNGS SO, ,BDAG NYID CHEN PO 'DI NI SNGON YUN RING PO NAS SA'I DBANG PHYUG TU GSHEGS PA ZHIG YIN PAS DBU SBYIN PAR GTONG BA LA YANG BA MED PAR DGA' BZHIN SPRO BZHIN DU GTONG BAR MDZAD PA NI SA THOB PA'I RTAGS STON PAR MDZAD PA STE, DBU MA LA 'JUG PA LAS, JI LTAR BYIN CIG CES SGRA THOS BSAMS LAS, RGYAL SRAS BDE 'BYUNG DE LTAR THUB RNAMS LA, ,ZHI BAR ZHUGS PAS BDE BA BYED MIN NA, ,THAMS CAD BTANG BAS LTA ZHIG SMOS CI DGOS, ,ZHES SA THOB NAS DBU SBYIN PAR GTONG BA LA SDUG BSNGAL MED PAR MA ZAD DGE SLONG BSAM GTAN DANG PO LA MNYAM BAR BZHAG PA'I BDE BA LAS KYANG LHAG PA'I DGA' BA DANG BDE BA BSKYED PAR GSUNGS PA LTAR RO, ,'PHAGS PA KLU SGRUB NI SA THOB PAR RGYAL BAS MDO SDE NAS GSAL BAR GSUNGS SHING YONGS SU GRAGS PA LTAR YIN LA, DE YANG THUN MONG BA'I SNANG NGOR DPAL GYI RI LA LO NYIS BRGYA'I BAR DU SGRUB BA MDZAD NAS SA LAM GONG NAS GONG DU BGROD DES BDUN PA THOB PAR GRAGS SHING, SA DANG PO THOB PA NAS BZUNG 'JIG RTEN GYI KHAMS BRGYAR SPRUL PA'I BKOD PA BRGYA STON PA DANG, SANGS RGYAS BRGYA LA SKU'I BKOD PA BRGYAS DUS GCIG TU CHOS MNYAN PA SOGS YON TAN BRGYA PHRAG BCU GNYIS THOB CING, YON TAN DE DAG SA GNYIS PA NAS BZUNG GONG 'PHEL DU 'GRO BAR GSUNGS PAS BSAM GYIS MI KHYAB BA'I YON TAN DANG

LDAN PA YIN ZHING, THUN MONG MIN PAR NI SGRON GSAL LAS DE LTAR SLOB DPON CHEN PO DPAL KLU SGRUB KYI ZHAL SNGA NAS KYIS NYID KYI DON RJES SU BRNYES NAS, SO SOR RANG RIG BA RDO RJE 'DZIN PA CHEN PO'I TING NGE 'DZIN 'JIG RTEN DU BSTAN NAS, LHA DANG MI'I BDE BA LAS 'DAS SHING, MU STEGS DANG NYAN THOS DANG RANG SANGS RGYAS KYI BSAM GTAN DANG SNYOMS PAR 'JUG PA'I BDE BA LAS 'DAS NAS, SKYE BA DANG 'GAG PA DANG BRAL BA'I DE BZHIN GSHEGS PA'I SKU, RNAM PA THAMS CAD KYI MCHOG DANG LDAN PA, SKU LTA BAS CHOG MI SHES PA STOBS BCU DANG MI 'JIGS PA LA SOGS PA SANGS RGYAS KYI YON TAN RNAMS KYIS BRGYAN BA BRNYES NAS BDE BA CAN DU GSHEGS TE, YON TAN GYI DBANG PHYUG BRGYAD DANG LDAN PAS BZHUGS SO, , ZHES 'PHAGS PA KLU SGRUB KYIS SKU TSE DE LA GSANG BA 'DUS PA'I LAM LA BRTEN NAS ZUNG 'JUG RDO RJE 'CHANG GI GO 'PHANG BRNYES PAR GSUNGS SO, ,DPAL MGON 'PHAGS PA KLU SGRUB KYIS RGYAL BAS GSUNGS PA'I CHOS PHUNG BRGYAD KHRI BZHI STONG GI DRANG NGES DRI MA MED PA'I RIGS PAS LEGS PAR PHYE NAS RGYAL PA'I DGONGS PA 'KHRUL MED DU GTAN LA PHAB PA'I LAM SROL DE NYID 'DZIN CING SPEL BAR BYED BA'I THUGS SRAS BSTAN 'DZIN DAM PA MTHA' YAS PA ZHIG BYON ZHING, THAMS CAD KYI NANG NAS GTZO BOR GYUR PA THUGS SRAS BZHI, NYE BA'I THUGS SRAS GSUM STE BDUN DU GRAGS TE, SLOB DPON KLU SGRUB KYI THUGS SRAS BZHI NI, 'JAM DPAL ZHAL MTHONG SH'AKYA MI TRA, SGROL MA'I ZHAL MTHONG N'A GA BO DHI, SA BRGYAD

, ,NON PA A'ARYA DE WA, SPYAN RAS GZIGS ZHAL MTHONG MA TANGKI PA BZHI'O,, NYE BA'I THUGS SRAS GSUM NI, SANGS RGYAS BSKYANGS, LEGS LDAN 'BYED, SLOB DPON DPA' BO GSUM ZHES 'BYUNG NGO, ,DE DAG GI NANG NAS KYANG ZLA DANG BRAL BA NI SLOB DPON A'ARYA DE WA STE, SLOB DPON A'ARYA DE WA NI MDO SNGAGS GANG GI THAD LA'ANG 'KHRUL PA'I DRI MA PHRA MO'ANG MED PAR SLOB DPON KLU SGRUB KYI DGONGS PA JI BZHIN DU GTAN LA 'BEBS PA'I BSTAN BCOS MANG DU MDZAD PA PO STE, SLOB DPON A'ARYA DE WAS SLOB DPON KLU SGRUB KYI DGONGS PA LTAR ZAB PA DANG RGYA CHE BA'I LAM GYI RIM PA YONGS SU RDZOGS PA DRI MA MED PA'I RIGS PA'I LAM NAS DRANGS TE STON PA'I BSTAN BCOS BZHI BRGYA PA DANG, DPAL GSANG BA 'DUS PA GTZO BOR BYAS PA'I BLA MED KYI LAM RIM GNYIS KYI GNAD MTHAR THUG PA RNAMS STON PA'I GZHUNG SPYOD BSDUS SGRON MDZAD CING GZHAN YANG BSTAN BCOS MANG DU MDZAD DO, ,'PHAGS YUL GYI MKHAS PA THAMS CAD SLOB DPON KLU SGRUB YAB SRAS ZHES 'PHAGS PA KLU SGRUB DANG 'PHAGS PA LHA GNYIS LA RNAM PA KUN TU TSAD MAR 'DZIN CING SNGON GYI DBU MA PA RNAMS SLOB DPON 'DI GNYIS LA GZHUNG PHYI MO'I DBU MA PA ZHES KHUNGS MTHAR THUG TU BYED DO, ,SLOB DPON SH'AKYA MI TRAS RIM LNGA'I RIM PA GNYIS PA'I STOD RNAMS SLOB DPON KLU SGRUB NYID KYIS RJES SU GNANG BA BYIN NAS BRTZAMS BAR GRAGS SHING, 'DIS MDZAD PA'I BRTZAM CHOS GZHAN MI SNANG YANG SLOB DPON 'DIS SKAL BA DANG LDAN PA MANG PO LA 'PHAGS PA KLU SGRUB

KYI LUGS BZANG RGYA CHER SPEL BAR MDZAD DO, ,NA GA BO DHI ZHES PA SLOB DPON KLU'I BYANG CHUB NI 'PHAGS PA KLU SGRUB KYI MAN NGAG LA BRTEN NAS 'JA' LUS RDO RJE'I SKU BRNYES TE DPAL GYI RI SOGS GRUB PA'I GNAS RNAMS SU BZHUGS NAS DPA' BO DANG MKHA' 'GRO BGRANG BA LAS 'DAS PA DAG DANG SKAL BA DANG LDAN PA'I MI DAG KYANG RJES SU 'DZIN PAR MDZAD DO, BKA' GDAMS GONG MA'I DUS SLOB DPON 'DIS BKA' GDAMS KYI BSHES GNYEN CHEN PO MANG PO LA ZHAL BSTAN NAS GDAMS PA DANG RJES SU BSTAN PA MANG DU STZAL BA'I RNAM THAR SNANG ZHING, GRUB CHEN CHOS RDO RJE DANG YANG DANG YANG DU 'TSOGS TE RDO RJE THEG PA'I BKA' BGRO BAR MDZAD PA DANG, PAn CHEN BLO BZANG CHOS KYI RGYAL MTSAN GYIS BKRA SHIS LHUN PO'I DBEN 'DUMS MCHOD RTEN BZHENGS NAS RAB GNAS MDZAD PA'I TSE SLOB DPON KLU'I BYANG CHUB DANG GRUB CHEN CHOS RDO RJE GNYIS DNGOS SU PHEBS TE MCHOD RTEN GYI RTZE MOR LHAN DU BZHUGS NAS RAB GNAS MDZAD CING, PAn CHEN BLO BZANG CHOS KYI RGYAL MTSAN LA GDAMS PA DANG RJES SU BSTAN PA YANG STZAL TO, ,SLOB DPON 'DIS DPAL GSANG BA 'DUS PA'I DKYIL 'KHOR GYI CHO GA DANG, SKU GSUM LAM KHYER GYI NGO SPROD CHES KHYAD PAR DU 'PHAGS PA RNAM GZHAG RIM PA ZHES BYA BA'I BSTAN BCOS MDZAD CING, GZHAN YANG MANG DU MDZAD DO, ,MA TANGKI PAS NI 'PHAGS PA KLU SGRUB KYI SNYAN RGYUD KYI MAN NGAG RNAMS GRUB CHEN TEE LO PA LA YONGS SU RDZOGS PA GNANG ZHING SKAL BA DANG LDAN PA GZHAN MANG PO LA YANG RGYA CHER SPEL LO, ,SLOB

, ,DPON SANGS RGYAS BSKYANGS NI LHO PHYOGS TAMBA LA'I YUL GYI BYE BRAG NGANG PAS RTZE BA ZHES BYA BAR SKU 'KHRUNGS, RGYAL BA'I BSTAN PA LA ZHUGS NAS RAB TU BYUNG ZHING BSNYEN PAR RDZOGS TE SDE SNOD GSUM DANG RGYUD SDE BZHI LA SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS LA BSNYEN TE MDO SNGAGS KYI MAN NGAG RNAMS GSAN, SGRUB PA LHUR MDZAD PAS RJE BTZUN 'JAM PA'I DBYANGS DNGOS SU GRUB CING, LAM RIM GYIS BGROD DE GRUB PA'I GO 'PHANG MTHON POR GSHEGS NAS BSTAN PA'I DON DU 'PHAGS PA KLU SGRUB KYI DGONGS ZAB MTHAR THUG PA ZAB MO RTEN CING 'BREL PAR 'BYUNG BA'I TSUL RIGS PA'I RNAM 'GYUR BRGYA PHRAG MANG POS GSAL BAR BYED PA DBU MA RTZA SHE'I 'GREL PA MDZAD DE, DE LA NI RTZA SHE'I 'GREL PA BUDDHA B'A LI TA ZHES YONGS SU GRAGS TE, RTZA SHE'I 'GREL BA JI SNYED MCHIS BA THAMS CAD KYI NANG NAS RGYAL MTSAN GYI TOG LTAR CHES KHYAD PAR DU 'PHAGS PA ZHIG YIN PAR SLOB DPON ZLA BA GRAGS PA DANG RJE BDAG NYID CHEN POS RGYA CHER BSNGAGS PA MDZAD DO, ,SLOB DPON 'DIS GZHAN YANG MDO RGYUD KYI DGONGS PA 'GREL BA'I BSTAN BCOS MANG DU MDZAD DO, ,SLOB DPON LEGS LDAN 'BYED NI ZAB MO DBU MA'I LAM BZANG GSAL BAR MDZAD PHYIR 'PHAGS PA KLU SGRUB KYI SRAS KYI THU BO'I TSUL DU BSAM BZHIN DU BYON PA ZHIG STE, BDAG NYID CHEN PO 'DI NI 'PHAGS

MCHOG RAB 'BYOR GYI SPRUL PA YIN PAR YONGS SU GRAGS PA LTAR RO, ,SLOB DPON 'DIS 'PHAGS PA KLU SGRUB KYI LUGS BZANG GSAL BAR BYA BA'I PHYIR, RTZA SHE'I 'GREL PA SHES RAB SGRON MA MDZAD CING, GZHAN YANG BSTAN BCOS MANG DU MDZAD LA, SHES RAB SGRON MAR RANG RGYUD PA'I GRUB MTHA' 'CHA' BAR MDZAD PA NI RGYAL BA'I DGONGS PA 'PHAGS PA KLU SGRUB KYIS BKRAL BA'I DBU MA'I LTA BA MTHAR THUG PA DE SHIN TU RTOGS DKA' BAS DE RTOGS PA'I THABS SU GDUL BYA RNAMS RIM GYIS BKRI BA'I PHYIR THABS MKHAS KYIS MDZAD PA ZHIG GO, 'PHAGS PA KLU SGRUB KYIS 'DZAM BU'I GLING DU LO DRUG BRGYA BZHUGS NAS BSTAN PA'I DON RGYA CHER MDZAD PAS SKU TSE'I STOD SMAD BAR GSUM GYI SLOB MA RIM PA MANG PO YOD PA LAS, SKU TSE'I SMAD KYI SLOB MA'I GTZO BO BSTAN 'DZIN THAMS CAD KYI GTZUG GI NOR BU LTA BUR GYUR PA NI SLOB DPON ZLA BA GRAGS PA STE, SLOB MA'I THA MA ZLA GRAGS LA, ,CHOS KYI THA MA SKYE MED BSTAN, ,CES 'PHAGS PA KLU SGRUB BDE BA CAN DU GSHEGS KHAR GSUNGS ZHES SNGON GYI CHOS 'BYUNG DAG LAS 'BYUNG BA LTAR RO, ,BDAG NYID CHEN PO 'DIS RGYAL BA'I BSTAN PA LA BYA BA JI LTAR MDZAD PA'I TSUL NI DA LTA NYID DU 'CHAD PAR 'GYUR RO, ,'PHAGS PA KLU SGRUB KYIS LO DRUG BRGYAR BSTAN PA'I

, ,BYA BA MDZAD NAS BDE BA CAN DU GSHEGS TE, SLAR YANG 'DZAM BU'I GLING DU SNGAR GYI SKU LUS DANG DBU 'BYAR TE 'GRO BA'I DON RGYA CHER MDZAD PAR GRAGS SHING, MTHAR DANG BA'I 'OD CES BYA BA'I 'JIG RTEN DU DE BZHIN GSHEGS PA YE SHES 'BYUNG GNAS ZHES BYA BAR MNGON PAR RDZOGS PAR 'TSANG RGYA BAR GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DPAL MGON 'PHAGS PA KLU SGRUB LA GSOL BA 'DEBS SHING SLOB DPON BDAG NYID CHEN PO 'DIS JI LTAR GSUNGS PA LTAR BSHES GNYEN BSTEN TSUL NAS ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA LUNG DANG RIGS PAS NGES PA RNYED PAR BYAS LA BRTZON PA CHEN POS NYAMS SU BLANG BAR BYA'O,, ` ,,'PHAGS PA'I DGONGS PA GSAL MDZAD ZLA BA GRAGS, ,ZHES BSNGAGS PA, DPAL LDAN ZLA BA GRAGS PA NI, RGYA GAR LHO PHYOGS SA MA NA ZHES BYA BA'I YUL DU SKU 'KHRUNGS TE, YUL DER BRAM ZE PHO MO GNYIS LA BU SBRUL PA'I MTSAN RTAGS DANG LDAN PA ZHIG BYUNG NAS MTSAN MKHAN RNAMS LA BSTAN PAS 'DI NI MTSAN SHIN TU BZANG STE, 'DI NI RGYAL BA'I BSTAN PA LA ZHUGS NAS BSTAN 'DZIN CHEN PO ZHIG TU 'GYUR RO, ,ZHES LUNG BSTAN, JI LTAR LUNG BSTAN PA LTAR PHA MA GNYIS KYIS KYANG GNANG STE NA LANDRAR RAB TU BYUNG, NA LANDRA'I MKHAN PO ZLA BA MGON PO ZHES BYA BA LAS TSIGS SNGA MA DGE TSUL GYI

SDOM PA BZHES, MKHAN PO NYID KYI MTSAN LAS DRAS TE ZLA BA GRAGS PA ZHES MTSAN BTAGS, DE NAS RIM GYIS BSNYEN RDZOGS KYI SDOM PA BZHES SHING SDE SNOD GSUM DANG RGYUD SDE BZHI LA SBYANGS PAS MKHAS PA'I PHUL DU PHYIN PAR GYUR TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS RDUL SPYI BOS BLANGS TE, MDO SNGAGS KYI MAN NGAG YONGS SU RDZOGS PAR GSAN, JI LTAR GSAN PA LTAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA RTZE GCIG TU MDZAD PAS RTOGS PA MCHOG THOB STE PHYI NANG GI SPROS PA THAMS CAD DOR NAS NYIN MTSAN KHOR YUG TU DON DAM PA'I BYANG CHUB KYI SEMS BSGOM BZHIN BZHUGS PAS THA MAL PA DAG GI SNANG BA LA BZA' BTUNG BYED PA DANG, BSHANG GCI 'DOR BA TZAM MA GTOGS BYA BA GZHAN GANG YANG MI BYED PAR NYAL BA 'BA' ZHIG LHUR MDZAD PA ZHIG TU MTHONG NAS DE DAG MA RANGS TE, ZLA BA GRAGS PA 'DI THOS BSAM SGOM PA DANG, DGE 'DUN GYI LAS GANG YANG MI BYED BAR ZOS KYIN NYAL SDOD PA CIG BYUNG BAS, DGE 'DUN RNAMS KYIS, 'DI SNGAR MU STEGS PA YIN PAS, DA DUNG MU STEGS PAR LDOG PAR 'DUG ,'DI SGYU THABS SU GNAS NAS DA GZOD 'O SKOL LA GNOD NAS 'ONG, 'DI NI LAS NGAN SME SHA CAN, ,MU STEGS NYID KYANG MA DOR BAS, ,DGE 'DUN BYA BA MI BYED DE, ,'DI YIS GNOD SKYEL 'DON PAR RIGS, ,BYAS PAS, MKHAN PO ZLA BA MGON POS BDAG NYID CHEN PO 'DI'I NGANG

, ,TSUL RTOGS PAS 'DI GNAS NAS DBYUNG BAR MI RIGS ZHES BKAG CING THUGS DAM LA GCIG TU GZHOL BA'I MDZAD PA DE LA SHIN TU DGYES SO, ,DE NAS NA LANDRA'I MKHAN POS SLOB DPON ZLA BA GRAGS PA LA RANG NYID THUGS DAM LAS G-YO BA MED KYANG DGE 'DUN GYI KHROD NA THA MAL PA MANG PO ZHIG NYID KYI NGANG TSUL MA RTOGS PAR SDIG GSOG PAR 'DUG PAS, KHYOD KYIS GNYER CIG GYIS, NYI MA GRAGS GROGS LA BTANG GIS GSUNGS BAS GNYER MDZAD NAS MA HE DANG BA LANG LA SOGS PA NAGS LA YAN DU BCUG NAS, RI MO'I BA ZHIG BYAS NAS YOD PA LA, DGE 'DUN RNAMS KYIS MA HE LA SOGS PA NAGS LA BRGYAB NAS, DA 'DI CI BYED BLTA'O BYAS PAS, NYI MA GRAGS PAS G-YOG BYAS NAS ZHO DANG 'O MA MANG PO KHYER BYUNG BAS NYI MA GRAGS KYIS MA HE SOGS RA LI BRGYAB NAS ZHO DANG 'O MA 'DI TZAM 'ONG BCI YIN BYAS NAS JI LTAR BYED BLTAS PAS, RI MO'I BA LAS BZHOS NAS 'ONG BA MTHONG BA GSANG NAS BSDAD PAS, DE NAS GNYER THON NAS 'BRAS LA SOGS PA MANG PO GTAD PAS, KHYOD KYIS MA HE SOGS RA LI BRGYAB NAS, 'BRAS DANG MAR LA SOGS PA MA ZAD PA CI LAS BYUNG ZER BA LA, NYI MA GRAGS NA RE, DPAL LDAN ZLA BA GRAGS PA YIS, ,RI MO'I BA LAS ZHO BZHOS NAS, ,DGE 'DUN 'TSO BA LEGS PAR BSGRUBS, ,BYAS PAS, MKHAN PO NA RE, SEMS LA DBANG THOB PAS RI MO'I BA LAS ZHO 'JO BA NGO MTSAR CHE GSUNG, YANG LAN CIG ,TU RUshKA'I

DMAG BYUNG NAS N'A LANDRAR ZLA BA PHYED KYI LAM NA SLEBS ZER NAS, PAndI TA DANG, NUS PA CAN THAMS CAD LA DMAG BZLOG PA'I THABS YOD DAM ZHUS PAS, THABS MA BYUNG BA'I TSE, N'A LANDRA'I CHOS SKYONG GI THUGS KA NAS, BYA ROG CIG BYUNG NAS, ZLA BA GRAGS PA LA ZHUS ZER NAS ZHUS PAS, ZLA BA'I ZHAL NAS THABS YOD KYIS, RDO'I SENG GE GCIG GYIS LA, SANGS RGYAS PA RNAMS KYIS DKON MCHOG GSUM LA GSOL BA THOB, MU STEGS PA RNAMS KYIS KYANG DBANG PHYUG CHEN PO LA GSOL BA THOB CIG GSUNGS NAS, DER RDO'I SENG GE BCOS ZIN PA DANG, DE GAS SHING, DE'I NANG NAS MI GCIG BYUNG NAS, NGAS BYA DGOS ZER LEGS PA CIG BCOS ZIN PA DANG, ZLA BA GRAGS PA PHEBS NAS, N'A LANDRA'I BYANG PHYOGS SU DPAG TSAD BCO LNGA PA'I BAR GYI RDO'I SENG GE BZHAG PA CAN DU DMAG RNAMS SLEBS BYUNG BA NA, DMAG RNAMS SLEBS BYUNG NGO BYAS KYENG SENG GE 'GROR MA 'DOD PA LA, DGE 'DUN RNAMS NA RE 'DIS BSLUS, 'O SKOL PHUNG NGO ZER BA LA, SLOB DPON ZLA BA GRAGS PA KOG GIS BZHENGS NAS TZAN DAN GYI DBYUG PA 'DOM GANG BA CIG KHYER NAS SENG GE'I MGO LA THENG GSUM BRGYAB PAS G-YU RAL LAN GSUM SPRUGS DMAG THAMS CAD BSKRAD NAS SENG GE'I GDONG PA KHRAG TU SONG NAS 'DUG PAS, DE'I DUS RGYAL PO STOBS LDAN GZHON NUS, DPAL LDAN ZLA BA GRAGS PA YIS, ,STOBS LDAN RDO YI SENG GE BSKUL, ,TU RUshKA YI DMAG BZLOG KYANG, ,SHI RMAS MED PA NGO MTSAR CHE, ,ZHES ZER RO, ,

, ,DE NAS DGE 'DUN RNAMS NA RE, 'DI ZLA BA GRAGS PA'I NUS PA MIN, DGE 'DUN RNAMS KYI RAB GNAS BYA DGOS ZER NAS, RAB GNAS BYAS BAS SENG GE SA'I NANG DU NUB PAS, MKHAN PO NA RE, 'DI ZLA BA GRAGS PA SEMS LA DBANG THOB PA'I BYIN RLABS YIN GSUNG, YANG SLOB DPON NAGS NA SGOM GYIN BZHUGS PA LA NAGS LA ME SHOR BA'I TSE, N'A LANDRA PA LA SOGS PA'I YUL MI RNAMS KYIS BLTAR PHYIN PAS, SHING GI LHA MO ZHIG GIS RO STOD BTON NAS, BYAMS MGON SNYING RJE'I BLO CAN NYID, ,ME YIS MI 'TSIG CHUS MI 'KHYER, ,RLUNG GIS 'THOR BAR GA LA NUS, ,ZHES ZER, MI RNAMS KYIS PHYIN PAS SLOB DPON GYI RTZVA'I SPYIL BU'I 'DOM GANG TSUN CHAD MES MA 'TSIG PAR 'DUG CING; SLOB DPON GYI ZHAL NAS, NGA YI BLA MA KLU SGRUB KYIS, ,SKYE BA MED PA'I MES DNGOS PO'I, ,BUD SHING THAMS CAD BSREGS PA YIN, ,MKHAN PO YIS KYANG BSREGS PA YIN, ,NGAS KYANG SKYE BA MED PA'I MES, ,DNGOS PO'I BUD SHING BSREGS PA YIN, ,DNGOS PO'I ME YIS GA LA TSUGS, ,ZHES GSUNGS SO, ,MNGON PAR SHES PA THOGS MED MNGA' BA YIN TE, MU STEGS KU MA RI KA NA RE, SLOB DPON LA MNGON SHES YOD PA MI BDEN YONG, BDEN NA BRGYA BYIN DA LTA CI BYED DRIS PAS, SLOB DPON GYI GSUNG NAS BRGYA BYIN DNGOS NI SUM CU RTZA GSUM NA YOD LA, SPRUL PA CIG DGA' LDAN NA BYAMS PA LA CHOS NYAN GYI YOD GSUNGS PAS, KU MA RI YI DAM CHES PA LA, SLOB DPON GYI PHYAG YAB MDZAD PAS, ,

BRGYA BYIN DNGOS 'ONGS BA DE KHOS MA MTHONG, YANG PHYAG YAB MDZAD PAS, SBRUL PA 'ONGS PA KHOS MTHONG NAS, KHYOD BRGYA BYIN YIN NAM BYAS PAS DNGOS MIN, DNGOS YIN NA MIG STONG YOD PA LAS, NGA LA RJES LAS MED ZER NAS, BLTAS PAS RJES LAS MI 'DUG BAS KU MA RI YID CHES SO, ,DES NA SLOB DPON 'DI NYID PAndI TA RNAMS KYI MCHOG TU GYUR PA YIN TE, N'A LANDRA NA PAndI TA MANG PO YOD KYANG, MU STEGS KYI RGOL BA TSAR GCOD MI NUS NA PHYIR CHOS 'CHAD MI NUS LA, SLOB DPON 'DI NYID PHYIR CHOS 'CHAD PA NA, LHO PHYOGS KYI MKHAS PA CHEN PO TZANDRA GOO MI SLOB DPON CHOS 'CHAD PA'I SAR 'ONGS TE 'DUD PA MI BYED PAR 'GRENGS TE GNAS PA NA SLOB DPON ZLA BA GRAGS PA'I DGONGS PA LA RTZOD DAM BGRO BAR 'DOD PA CIG 'ONGS PA YIN SNYAM NAS DE LA, PHYOGS GANG NAS 'ONGS, CHOS CI SHES DRIS BAS, LHO PHYOGS NAS 'ONGS, SGRA PA nI, SHER PHYIN TSUL BRGYA LNGA BCU PA, 'JAM DPAL MTSAN BRJOD SHES ZER, SGRA DANG, MTSAN NYID KYI RTZA BA DANG, SNGAGS KYI RTZA BA SMOS PAS, LUNG RIGS LA MKHAS PAR KHAS BLANGS KYANG, TSIG KHENGS SKYUNGS BAR 'DUG BAS, TZANDRA GOO MI MIN NAM DRIS PAS, DE LTAR 'JIG RTEN PA RNAMS 'DOGS SO GSUNGS, 'O NA PAndI TA CHEN PO THOG BABS SU PHEBS BA MA LEGS, BSU BA BYA DGOS PAS RE SHIG PHYIR GSHEGS SHIG BSU BA BGYI'O BYAS NAS, CHOS 'CHAD 'PHRO BCAD DE, GAndI BRDUNGS PAndI TA RNAMS BSAGS TE, 'DIR MKHAS PA CHEN PO TZANDRA GOO MI BYON GYIS, BSU BA BYA

, ,DGOS PAS SHING RTA GNYIS 'CHOS LA GCIG LA 'JAM DPAL GYI SKU BZHUGS, GCIG LA TZANDRA GOO MI BZHUGS LA MCHOD PA'I TSOGS KYIS SPYAN DRONGS SHIG CES BSGOS TE, DE LTAR BGYIS PA'I TSE, 'JAM DPAL LA TZANDRA GOO MIS BSTOD PAS, SKU DE DGYES TE SLOB DPON LA ZHAL PHYIR GZIGS TE, DA LTA YANG N'A LANDRA NA BYIN RLABS CAN SHING SKU 'JING YON DU GRAGS PA BZHUGS, DE NAS TZANDRA GOO MI N'A LANDRAR BYON PA LA BSNYEN BKUR ZHING, SLOB DPON ZLA BA GRAGS PA DANG GDAN 'DZOM, PHAN TSUN CHOS KYI BGRO BA MDZAD PAS, SLOB DPON ZLA BA GRAGS PAS GANG DRIS PA'I LAN THOGS MED DU BTAB, TZANDRAS SPYAN RAS GZIGS LA DRIS SHING LAN THOGS BCAS SU 'DEBS, DE'I TSE DPAL LDAN ZLA BAS GZIGS PAS, SPYAN RAS GZIGS KYI RDO SKU BZHUGS PA'I KHANG PA NAS BYUNG BAS, LAN CIG DER SONG STE RGYAB NAS NYAN BAS CHOS 'CHAD CING 'DUG PA DANG, ZHAL LTA DGOS DGONGS TE NANG DU PHYIN PA DANG SPRUL SKU ZHAL BRTUL TE, DER SLOB DPON GYIS SA THE BTZUGS NAS, KHONG LA ZHAL STON PA LTAR BDAG LA'ANG BSTAN DU GSOL ZHES GSOL BA BTAB PAS, MNAL LAM DU BYON TE, KHYOD 'JAM DPAL GYIS BYIN GYIS BRLABS PA'I MKHAS PA CHEN PO YIN PAS NGAS BYIN GYIS BRLAB MI DGOS, TZANDRA GOO MI LA CUNG ZAD BYIN GYIS BRLABS PA YIN GYIS DE SKAD MA ZER GSUNG, MNAL SAD TSE DE LTAR LAGS KYANG ZHAL STON PAR ZHU ZHUS PAS ZHAL MNGON SUM DU BSTAN TO, ,DE'I TSE BDAG GI SPYI GTZUG TU BZHUGS

LA SEMS CAN THAMS CAD KYI MTHONG BAR MDZOD CIG CES GSOL PAS, SPYAN RAS GZIGS KYI ZHAL NAS NGAS SEMS CAN THAMS CAD KYI DRUNG DU SONG YANG, DE RNAMS LAS KYI SGRIB PAS NGA MTHONG BAR MI 'GYUR GSUNGS, CIS KYANG BZHUGS SHIG CES GSOL BA BTAB NAS, 'PHAGS PA SPYI BOR KHYER NAS THAMS CAD DU PHEBS NAS BDAG GI SPYI BO NA 'PHAGS PA BZHUGS SO, ,PHYAG MCHOD GYIS BYAS KYANG LA LAS CI YANG MA MTHONG, LA LAS KHYI ROR MTHONG, PHAL CHE BAS CHOS MANG DU BSHAD PAS RLUNG SMYO YIN ZER, CHANG TSONG MA ZHIG GIS ZHABS TZAM MTHONG BAS KYANG THUN MONG GI DNGOS GRUB THOB PA ZHIG BYUNG ZHES GRAG GO ,SLOB DPON 'DIS 'PHAGS PA KLU SGRUB KYI DGONGS PA LTAR SHER PHYIN GYI MDO SDE RIN PO CHE'I DON ZAB PA DANG RGYA CHE BA'I LAM GYI RIM PA'I LUS YONGS SU RDZOGS SHING SA LAM 'BRAS BU DANG BCAS PA RGYAS PAR STON PA'I GZHUNG DBU MA LA 'JUG PA RANG 'GREL NGANG BCAS PA MDZAD CING, CHOS RNAMS KYI GNAS LUGS STONG PA NYID RIGS PA BRGYA PHRAG GI SGO NAS GTAN LA 'BEBS PA DBU MA RTZA BA'I 'GREL PA TSIG GSAL DANG, LAM THUN MONG BAS RGYUD SBYANGS NAS THUN MONG MIN PA BLA MED KYI LAM LA 'JUG PA'I 'JUG SGO DBANG DANG DAM TSIG ,ZHUGS NAS SGOM BYA'I LAM RIM PA GNYIS 'BRAS BU DANG BCAS PA MTHA' DAG YONGS SU RDZOGS PAR STON PA RGYUD KYI RGYAL PO DPAL GSANG BA 'DUS PA'I RTZA RGYUD KYI 'GREL PA SGRON MA GSAL BA MDZAD DE, TSIG GSAL DANG, SGRON GSAL GNYIS LA NI SNGON GYI MKHAS PA RNAMS KYIS, MKHA' LA NYI ZLA RNAM GNYIS,

, ,SA LA GSAL BA RNAM GNYIS ZHES SA'I STENG NA 'GRAN ZLA MED BA'I BSTAN BCOS SU BSNGAGS SO, ,GZHAN YANG SLOB DPON 'DIS LAM GYI RIM PA'I LTA BA'I GNAD RNAMS STON PA'I BSTAN BCOS BZHI BRGYA PA'I 'GREL PA DANG, RIGS PA DRUG CU PA'I 'GREL PA DANG, DBU MA PHUNG PO LNGA PA, STONG NYID BDUN CU PA'I 'GREL PA, SKYABS 'GRO BDUN CU PA, THUGS RJE CHEN PO LA SMRE SNGAGS SU GSOL PA, GSANG BA 'DUS PA'I SBYOR BA YAN LAG DRUG PA'I 'GREL PA, GSANG BA 'DUS PA'I MNGON BAR RTOGS PA'I RGYAN GYI 'GREL PA, RDO RJE SEMS DPA'I SGRUB THABS, KHRO BO BDUD RTZI 'KHYIL BA'I SGRUB THABS, SGROL MA'I BSTOD PA RNAMS MDZAD DO, ,SLOB DPON ZLA BA GRAGS PA 'DI NI 'PHAGS PA KLU SGRUB KYI LUGS BZANG GSAL BAR MDZAD PHYIR BSAM BZHIN DU BYON PA ZHIG STE, RJE BDAG NYID CHEN POS RJE BTZUN 'JAM DPAL DBYANGS LA 'PHAGS PA KLU SGRUB KYI DGONGS PA 'GREL BA LA SLOB DPON ZLA BA GRAGS PA 'KHRUL MED 'BA' ZHIG TU BZUNG BAS AE CHOG ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI ,DE BZHIN GSHEGS PA CIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL PAR BYA BA'I SLAD DU BSAM BZHIN DU SKYE BA BZUNGS PA YIN PAS, 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED BAS, 'DI LA RNAM PA

THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO ZHES GSUNGS PA LTAR RO, ,SLOB DPON ZLA BA GRAGS PA 'DI NI, RGYA GAR GRUB CHEN BRGYAD CU'I NANG TSAN ZHIG KYANG YIN TE, BLA MA RDO RJE GDAN PAS GRUB CHEN BRGYAD CU LA BSTOD PA LAS, 'JAM DPAL SKU YI SPRUL PAR 'KHRUNGS, ,KLU SGRUB DGONGS PA THUGS SU CHUD, ,ZLA BA GRAGS PA ZHES BYA BA'I, ,BLA MA DE LA PHYAG 'TSAL LO, ,ZHES BSTOD PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LAM GYI RIM PA'I GNAD RNAMS LA NGES PA PHUL PHYIN BSKYED PA LA SLOB DPON BDAG NYID CHEN PO 'DI LA GSOL BA 'DEBS PA DANG, 'DI'I GZHUNG RNAMS LA THOS BSAM GYIS 'JUG PA SHIN TU GAL CHE'O, ,SLOB DPON 'DI LA SNYING NAS GSOL BA BTAB NA BYIN RLABS MYUR DU 'JUG STE, SLOB DPON 'DI NI RDO RJE'I SKU BRNYES NAS DA LTA'ANG 'DZAM BU'I GLING NA GDUL BYA'I DON MDZAD BZHIN PA YIN PA NI SDON P'A TSAB LO TZ'A BAS SLOB DBON 'DI LA DAD CING GUS PAS YUN DU GSOL BA BTAB STE KHA BA CAN GYI LJONGS 'DIR DBU MA'I LAM SROL BZANG PO 'DI RGYA CHER 'PHEL NA CI MA RUNG SNYAM STE RGYA GAR DU PHEBS PAS SLOB DPON ZLA BA GRAGS PAS DNGOS SU ZHAL BSTAN TE, GDAMS PA DANG RJES SU BSTAN PA RGYA CHER STZAL ZHING BOD DU DBU MA'I LAM SROL RGYA CHER SPEL NUS PAR BYIN GYIS BRLABS PA LTAR RO,, ` ,,DE SRAS THU BO RIGS PA'I KHU BYUG CHE, ,ZHES BSNGAGS PA RIGS PA'I KHU BYUG CHE BA NI SKU

, ,GZHON NU NAS RGYAL BA'I BSTAN PA LA RAB TU BYUNG, LO LON NAS BSNYEN PAR RDZOGS, BI KA MA LA SH'I LAR SDE SNOD GSUM LA SBYANGS TE MKHAS PA'I PHUL DU PHYIN PAR GYUR, SLOB DPON ZLA BA GRAGS PA LA 'PHAGS PA KLU SGRUB NAS BRGYUD PA'I MDO SNGAGS KYI MAN NGAG RNAMS RDZOGS PAR GSAN, NANG DU YANG DAG 'JOG LA RTZE GCIG TU BZHUGS TE THEG PA CHEN PO'I LAM GYI RIM PA LA NYAMS RTOGS PHUL DU PHYIN PA THOB, LTA BA'I DKA' GNAD PHRA MO 'GA' ZHIG LA NGES PA DRANG PA'I PHYIR BLA MA DANG LHAG PA'I LHA DBYER MED PA LA GSOL BA SHUGS DRAG LA RGYUN RING BA BTAB, BSAG SBYANG RGYA CHEN PO LA 'BAD PAS DPAL MGON 'PHAGS PA KLU SGRUB KYIS DNGOS SU ZHAL BSTAN NAS LTA BA'I DKA' GNAS PHRA MO RNAMS ZHIB TU BSTAN TE MTSAN 'DZIN GYI 'CHING BA MA LUS PA DRUNG PHYUNG BAR MDZAD, MNGA' RIS CHOS RGYAL BYANG CHUB 'OD KYIS NAG TSO LO TZ'A BA JO BO SPYAN 'DREN DU BTANG BA'I TSE NAG TSO LO TZ'A BAS BI KA MA LA SH'I LAR PHYIN NAS JO BO GANG DU BZHUGS BTZAD DPYAD PA'I TSE BI KA MA LA SH'I LA'I TSOGS SU PAndI TA KUN GYI GRAL DBU LA BZHUGS PA SKU BGRES SHING BRJID CHAGS PA 'DI MGON PO AA TI SHA AE YIN ZHES DRIS PAS, BOD KYI TSE DANG LDAN PA CI ZER, 'DI DPAL LDAN ZLA BA GRAGS PA LA CHOS DNGOS SU NYAN PA RIGS PA'I KHU BYUG BYA BA AA TI SHA'I YANG BLA MA YIN ZER, RIGS PA'I KHU BYUG 'DI MGON PO KLU SGRUB KYI YANG DNGOS SLOB YIN TE, MKHAS GRUB RIN PO CHE'I GSANG BA'I RNAM THAR DU YANG

RIGS PA'I KHU BYUG TU SKYE BA BZHES DUS 'PHAGS PA KLU SGRUB BYON NAS LTA BA'I GNAD SHIN TU PHRA BA BSTAN NAS DNGOS 'DZIN GYI 'KHRUL PA RTZA BA NAS DRUNG PHYUNG BAR MDZAD CING, KLU SGRUB KYI ZHAL NAS, NGED RGYA GAR GYI GRUB THOB RNAMS 'JAM DBYANGS LA BRTEN PA YIN, DE'I RGYU MTSAN YANG GSUNG RAB KYI DKA' BA'I GNAD SHIN TU PHRA BA BYUNG NA RJE BTZUN 'JAM DBYANGS LA GSOL BA BTAB NAS ZAB MO'I DON LA DPYOD PA YIN, KHYOD KYANG RJE BTZUN 'JAM DBYANGS BSTEN PAR BYOS SHIG CES GSUNGS SO, ,ZHES SOGS DANG, YANG KLU SGRUB KYI ZHAL NAS BDAG KYANG MA 'ONGS PA'I DUS SU MTHA' 'KHOB TU 'GRO BA'I DON BYED PAR SMON, KHYOD KYANG DE'I DUS SU 'KHOR GYI THOG MAR GDUL BYA RNAMS KYI MCHOG TU 'GYUR RO; ;ZHES MA 'ONGS LUNG BSTAN DANG BCAS GSUNGS SO, ,DE BZHIN DU SLOB DPON ZLA BA GRAGS PAS KYANG RIGS PA'I KHU BYUG CHE BA 'DI LA MA 'ONGS PA'I DUS SU RJE BTZUN 'JAM DBYANGS DGE SLONG GI TSUL DU BSAMS BZHIN DU MTHA' 'KHOB TU SKYE BA BZHES PAR 'DUG PAS KHYOD KYANG DER SKYE BA LONGS LA BKA' SGRUB PA DANG BSTAN PA RGYAS PAR GYIS ZHES GSUNGS SO, ,TSUL DE DAG NI MKHAS GRUB THAMS CAD MKHYEN PA'I GSANG BA'I RNAM THAR DU JI LTAR GSUNGS PA LTAR BKOD PA YIN NO,, ` ,,RGYAL SRAS RIGS PA'I KHU BYUG GNYIS PA'I ZHABS, ,ZHES BSNGAGS PA, RIGS PA'I KHU BYUG CHUNG BA NI BLA MA AA WA DHU TI PA ZHES YONGS SU GRAGS PA DE YIN PAR MNGON TE, BKA'

, ,GDAMS GLEGS BAM LAS, KLU SGRUB ZLA GRAGS RIGS PA'I KHU BYUG DANG, ,BLA MA AA WA DHU TI GSER GLING PA, ,THUN MONG MA YIN GDAMS PA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, , ZHES JO BO RJES ZAB MO LTA BA'I BLA BRGYUD DU DE LTAR GSUNGS SO, ,DE LTAR NA BLA MA AA WA DHU TI PA CHEN PO NI SNGON YUN RING PO NAS LAM LA GOMS PA'I MTHUS SRID GSUM ME 'BAR BA'I KLONGS LTAR GZIGS TE 'KHOR BA'I PHUN TSOGS GANG LA YANG MA CHAGS PAR RGYAL BA'I BSTAN PA'I SNYING PO MTHAR THUG PA ZHIG LA NYAMS LEN SNYING POR MDZAD BZHED NAS RIGS PA'I KHU BYUG CHE BA'I ZHABS LA GTUGS TE 'PHAGS PA KLU SGRUB NAS BRGYUD PA'I MAN NGAG RNAMS YONGS SU RDZOGS PAR GSAN NAS DBEN PA'I GNAS SU SGRUB PA RTZE GCIG TU MDZAD PAS GRUB PA'I GO 'PHANG MTHON POR GSHEGS PA NA SNYING NAS RNAM GROL DON DU GNYER BA'I SKAL LDAN RNAMS RJES SU 'DZIN PAR MDZAD CING, LHAG PAR JO BO RJE DPAL LDAN AA TI SHA LA 'PHAGS PA KLU SGRUB NAS BRGYUD PA'I MAN NGAG RNAMS RDZOGS PAR GNANG, JO BO RJES KYANG BDAG NYID CHEN PO 'DI LO BDUN GYI BAR DU 'BRAL MED DU BSTEN PAR MDZAD CING BLA MA 'DI NYID RANG DANG GZHAN GYI TSE RABS BRGYA STONG DRAN PA DANG LKOG TU GYUR PA'I DON RNAMS JI BZHIN DU MKHYEN PA'I MNGON SHES RGYA CHEN PO DANG LDAN PA ZHIG STE JO BO RJES BLA MA 'DI LA GDAMS NGAG ZHU BA'I TSE RES 'GA' MAndAL PHUL TE GSOL BA JI TZAM BTAB KYANG

GANG YANG GSUNG BAR MI MDZAD, RES 'GA' RI CHEN PO'I G-YANG SA NYAM NGA BA BGROD PA DANG CHU BO CHEN PO'I ZAM PA'I STENG LA 'GRO BA SOGS SHIN TU NYAM NGA BA'I SKABS SU'ANG GANG YANG MA ZHUS KYANG ZHAL PHYIR BSGYUR TE HE BHA TAN TA PAndI TA 'DI DANG 'DI ZHES BYA BA DMYAL BA 'DI DANG 'DI NA 'DUG GO ,JI SRID SANGS RGYAS MA THOB BAR DU DKAR NAG GI LAS PHRA MO'ANG NAM YANG MI BSLU BAS GZAB DGOS PAR 'DUG GO ,ZHES GSUNG 'BYON PA ZHIG YOD GSUNG, JO BO RJES RIGS PA'I KHU BYUG CHE BA DANG, BLA MA AA WA DHU TI PA GNYIS KA LA CHOS GSAN ZHING GTZO BOR BLA MA AA WA DHU TI PA LA ZAB MO'I LAM GYI RIM PA'I MAN NGAG RNAMS RDZOGS PAR GSAN, JO BO LA PAndI TA DANG GRUB CHEN GYI BLA MA MANG DU YOD PA LAS DBU MA'I LTA BA STON PA LA BLA MA 'DI NYID BZANG BAR BYUNG STE ZAB MO DBU MA'I LTA BA MTHAR THUG PA STON PA SHIN TU DKON PAS JO BOS BLA MA SHAN TI PA LA PHAR PHYIN GYI SKOR GSAN PA'I TSE BRGYAD STONG PA 'CHAD PA NA, BRGYAD STONG 'GREL CHEN DU SLOB DPON SENG GE BZANG POS 'PHAGS PA KLU SGRUB KYI MAN NGAG LTAR DBU MA'I RIGS PA PHRA MO RNAMS BYUNG RES KYIS DGAG PA MDZAD PA NA JO BO'I THUGS LA DBU MA'I LTA BA GSAL BTAB PA BZHIN DU ZAB MO DBU MA'I LTA BA LA NGES SHES CHER 'GRO PA ZHIG YOD GSUNG, BLA MA GSER GLING PA LAM RIM 'CHAD PA'I TSE LTA BA'I THAD DU GSER GLING PA RANG NYID SEMS TZAM RNAM BDEN GYI LTA BA 'DZIN PAS LTA BA DE NYID RANG STON PAR MDZAD, JO BO LA YANG KHYOD LTA BU'I SHES RAB CHEN PO

, ,'DI 'DRA DBU MA THAL 'GYUR BA'I LTA BA 'DZIN PA NGO MTSAR ZHES YANG YANG GSUNG, JO BO RJE LA NI BLA MA GSER GLING PAS DE LTAR GSUNGS RES KYIS 'PHAGS PA KLU SGRUB KYI DGONGS PA SLOB DPON ZLA BA GRAGS PAS JI LTAR BKRAL BA LTAR GYI DBU MA'I LTA BA MTHAR THUG DE NYID LA GSAL BTAB PA BZHIN DU NGES SHES JE CHER 'GRO BA ZHIG YOD GSUNG, JO BO RJE NI THEG PA CHEN PO'I LAM GYI RIM PA'I BDAG POR YONGS SU GRAGS PA LTAR YIN BAS BLA MA'I MDZAD SPYOD LA SKYON RTOG MI SKYE BAR MA ZAD CI MDZAD THAMS CAD LAM GYI RIM PA'I BOGS 'DON DU 'GYUR BA DANG, LHAG PAR SLOB DPON ZLA BA GRAGS PAS 'PHAGS PA KLU SGRUB KYI DGONGS PA JI LTAR BKRAL BA'I DKA' GNAS MTHAR THUG THA SNYAD DU RTEN 'BREL BSLU BA MED PA DANG, DON DAM PAR RANG BZHIN GYIS GRUB PA RDUL TZAM YANG MED PA'I TSUL RTEN 'BREL ZAB MO DE NYID MNGON SUM DU GZIGS PA YIN PAS SUS KYANG BSGYUR DU MED PA'O, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RIGS PA'I KHU BYUG CHE BA DANG BLA MA AA WA DHU TI PA GNYIS LA GSOL PA 'DEBS SHING BDAG NYID CHEN PO 'DI GNYIS KYI RNAM THAR BZANG PO 'DI DAG BSAMS LA DON MED PA'I BYA BA THAMS CAD BOR NAS THEG PA CHEN PO'I LAM DANG LAN CIG MJAL BA'I SKABS 'DIR SHES RGYUD LA THEG PA CHEN PO'I LAM YONGS RDZOGS KYI BAG CHAGS CI THEBS ZHIG BYA BA LA 'BAD PAR BYA'O, ,RIGS PA'I KHU BYUG CHE CHUNG GNYIS PO 'DI GANG DU 'KHRUNGS

PA SOGS MDZAD PA RNAM THAR ZHIB MOR 'KHOD PA MA MTHONG BAS SLAR RNYED NA 'DIR BSNAN PAR BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA GSAN PA'I BLA MA BRGYUD RIM LA, RJE BTZUN BYAMS PA NAS THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, RJE BTZUN 'JAM DBYANGS NAS 'PHAGS PA KLU SGRUB YAB SRAS SOGS LA RIM GYIS BRGYUD PA'I ZAB MO LTA RGYUD DANG, YANG RJE BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD BA'I RLABS CHEN SPYOD RGYUD GSUM DU YOD DE RGYUD PA 'DI GSUM GA'I MAN NGAG YONGS SU RDZOGS PA JO BO RJE LA MNGA' BAS BRGYUD PA'I CHU BO GSUM 'DRES ZHES BRJOD DO, ,RGYA CHE BA'I LAM GYI RIM PA'I BRGYUD RIM LA GNYIS SU BYAS PA NI SKYES BU CHUNG 'BRING DANG, SPYOD PA SPYI BSLAB DANG, ZHI LHAG GI SKOR LA KHYAD CHER MED KYANG BYANG CHUB KYI SEMS RIN PO CHE SGOM PA'I GDAMS DAG LA LUGS MI 'DRA BA GNYIS BYUNG STE, LUGS DANG PO NI SHER PHYIN GYI MDO SDE RIN PO CHE'I DGONGS DON LTAR BYANG CHUB KYI SEMS RIN PO CHE BSKYED PA'I THABS SU THOG MAR SEMS CAN THAMS CAD LA NYE RING MED PA'I SEMS SNYOMS PA'I BTANG SNYOMS BSGOMS, DE NAS SEMS CAN THAMS CAD RANG GI MA DRIN CAN DU SGOM, DE NAS DRIN DRAN DANG DRIN GZO RIM GYIS BSGOMS TE YID 'ONG GI BYAMS PA BSKYED, DE NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI RGYU 'BRAS MAN NGAG BDUN GYI SGO NAS

, ,BLO SBYOD BA ZHES BRJOD DO, ,LUGS GNYIS PA NI SDONG PO BKOD PA'I MDO SOGS KYI DGONGS DON BSLAB BTUS DANG SPYOD 'JUG GNYIS LAS JI LTAR GSUNGS PA LTAR BDAG GCES 'DZIN GYI SKYON DANG, GZHAN GCES 'DZIN GYI PHAN YON SGO DU MA NAS BSAMS TE SEMS CAN THAMS CAD RANG LA RNAM PA KUN TU PHAN BDE STENG BA'I YID BZHIN GYI NOR BU LTA BUR BSGOMS NAS YID 'ONG GI BYAMS PA BSKYED, DE LA BRTEN NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI BDAG GZHAN MNYAM BRJE'I SGO NAS BLO SBYOD BA ZHES BRJOD CING, DE'I MAN NGAG ZUR DU BKOL BA LA BLO SBYONG DON BDUN MA'I KHRID CES KYANG BRJOD DO, ,'DI'I BRGYUD RIM NI BKA' GDAMS GLEGS BAM LAS, 'JAM PA'I DBYANGS DANG BLO GROS MI ZAD PA, ,AE LA DHA RI DPA' BO RDO RJE DANG, ,BYANG CHUB SEMS DPA' CHEN PO RIN CHEN DPAL, ,RTZA BA'I BLA MA MGON PO GSER GLING PA, ,BDAG LA RGYA CHEN SPYOD BA SBYIN MDZAD PA'I, ,DRIN CAN BLA MA DRUG LA PHYAG 'TSAL LO, , ZHES GSUNGS PA LTAR TE, MGON PO 'JAM DPAL DBYANGS KYIS RGYAL SRAS ZHI BA LHA LA GNANG, DES SLOB DPON AE LA DHA RI LA GNANG, DES SLOB DPON DPA' BO RDO RJE LA GNANG, DES SLOB DPON MA H'A SHR'I RATNA BO DHI SATVA ZHES PA BOD SKAD DU BYANG CHUB SEMS DPA' CHEN PO RIN CHEN DPAL LA GNANG, DES MGON PO GSER GLING PA LA GNANG, DES JO BO RJE LA GNANG NGO, ,'DI'I BLO GROS MI ZAD PA ZHES PA RGYAL SRAS ZHI BA LHA'I MTSAN GYI RNAM GRANGS YIN NO, ,BRGYUD RIM 'DI'I BLA MA RNAMS KYI

RNAM PAR THAR PA NI STON PA THUB PA'I DBANG PO DANG RJE BTZUN 'JAM PA'I DBYANGS GNYIS KYI RNAM THAR SNGAR BRJOD ZIN PA LTAR YIN LA, RGYAL SRAS ZHI BA LHA GANG DU 'KHRUNGS PA'I YUL NI, RDO RJE GDAN GYI NUB PHYOGS YUL 'KHOR MO BZANG ZHES BYA BA STE, YUL DER YAB RGYAL PO DGE BA'I GO CHA DANG, YUM RDO RJE RNAL 'BYOR MA'I SPRUL PAR GRAGS PA ZHIG YOD PA DE GNYIS KYI SRAS SU RGYAL SRAS BDAG NYID CHEN PO 'DI BSAM BZHIN DU SKU 'KHRUNGS, MTSAN ZHI BA'I GO CHA ZHES BTAGS, MTHUN PA'I DNGOS PO RNAMS KYIS BSKYED BSRINGS, SKU NA PHRA MO NAS RIG GNAS THAMS CAD LA MKHAS PA'I PHUL DU PHYIN, DGUNG LO DRUG LON PA'I TSE SBAS PA'I BRTUL ZHUGS 'DZIN PA'I GRUB THOB ZHIG DANG MJAL TE 'JAM DPAL RNON PO'I DBANG DANG SGRUB THABS ZHUS NAS SGOM BZLAS LA 'BAD PAS RING POR MA THOGS PAR RJE BTZUN 'JAM PA'I DBYANGS ZHAL GZIGS, GDAMS PA MANG DU STZAL, DUS RE SHIG NA YAB RGYAL PO 'DAS NAS RGYAL SRAS BDAG NYID CHEN PO DE YUL KHAMS DE'I 'BANGS THAMS CAD KYIS BLO MTHUN PAR RGYAL PO'I KHRI LA 'BYON PAR GSOL BA BTAB PA NA, TSE RABS MANG POR RGYAL SRAS KYI SPYOD PA LA BSLABS TE GOMS PA KLONG DU GYUR PA ZHIG YIN PAS SRID PA'I PHUN TSOGS LA CHAGS PA'I SKABS MED PA ZHIG YIN NA'ANG GZHAN GYI NGO BSRUNG BA LA GOMS PAS YUL DE'I 'BANGS RNAMS KYI NGO MA BZLOG PAR RGYAL SRID LA PHEBS PAR ZHAL GYIS BZHES TE NANG PAR KHRI LA MNGA' GSOL RGYU'I DO NUB RMI LAM NA, SANG RANG NYID SDOD PAR 'GYUR BA'I KHRI DE LA RJE BTZUN 'JAM DBYANGS BZHUGS NAS, BU GCIG 'DI

, ,NI NGA YI STAN YIN TE, ,NGA NI KHYOD KYI DGE BA'I BSHES GNYEN YIN, ,NGA DANG KHYOD GNYIS STAN GCIG LA 'DUG PA, ,'DI NI RNAM PA KUN TU RIGS MA YIN, ,ZHES GSUNGS PA RMIS PAS MNAL SAD PA NA RGYAL SRID KYI DPAL LA LONGS SPYOD MI RIGS DGONGS TE, BROS NAS N'A LANDRAR PAndITA LNGA BRGYA'I KHYU MCHOG RGYAL BA'I LHA LAS RAB TU BYUNG STE, MTSAN ZHI BA'I LHA ZHES BTAGS, MKHAN PO LA BRTEN TE SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING RJE BTZUN 'JAM PA'I DBYANGS LA YUN DU CHOS GSAN TE MDO SNGAGS KYI BKA' DANG GDAMS NGAG MA LUS PA THUGS SU CHUD, PHYI NANG GI G-YENG BA THAMS CAD BCAD DE, NANG DU YANG DAG 'JOG LA RTZE GCIG TU BZHUGS PAS SA LAM MTHON POR BYON ZHING BSLAB PA KUN LAS BTUS PA DANG, MDO SDE KUN LAS BTUS PA SOGS RGYAL SRAS KYI SPYOD BRLABS PO CHE STON PA'I BSTAN BCOS RTZOM PA SOGS NANG DU MKHAS PA'I BYA BA RNAM PA GSUM DANG SA LAM GONG NAS GONG DU 'PHAR BA DANG GZUNGS DANG SPOBS BA DANG RANG DANG GZHAN GYI TSE RABS BRGYA STONG DRAN PA'I MNGON PAR SHES PA DANG RDZU 'PHRUL GYI YUL LA THOGS PA MED PAR 'JUG PA SOGS NANG DU RGYAL SRAS SA'I DBANG PHYUG GI MDZAD PAS DUS 'DA' YANG PHYI ROL DAM PA MA YIN PA'I SKYE BO RNAMS KYI NGOR 'TSO BA BSTEN PA DANG, NYAL BA DANG, BSHAD GCIG 'DOR BA MA GTOGS GLEGS BAM KLOG PA SOGS GZHAN GANG YANG MA MDZAD PAS BHU SU KU

STE 'DU SHES GSUM PA ZHES GRAGS SO, ,DE'I TSE MNGON SHES MED PA RNAMS KYIS RAB TU BYUNG BA'I BYA BA NI 'KHOR LO GSUM GYI ROL PAR GNAS PA SHA STAG YIN PA LA, 'DI NI GANG DANG YANG MI LDAN PAS DAD PAS BYIN PA LA LONGS SPYAD DU MI RUNG BAS BSKRAD PAR BYA, DE YANG MDO 'DON RES BYAS PAS RANG BUD DU 'GRO'O SNYAM NAS MDO 'DON PAR GSOL BAS, RGYAL SRAS 'DIS DE LTA BU BDAG GIS GA LA NUS ZHES ZHAL GYIS MA BZHES PAS, SLAR YANG NAN TAN BSKYED DE GSOL BAS DE LTAR NA BGYI'O ZHES ZHAL GYIS BZHES PA NA BRNYAS PA BYED PA DE DAG GIS DPAL N'A LANDRA'I DGE 'DUN THAMS CAD 'DUS PA'I DBUS SU, 'JIGS BRAL GDONG LNGAS BTEG PA'I KHRI MTHON PO BSHAMS NAS DE LA JI LTAR 'DZEG PA DAG KYANG MI SHES SO SNYAM PA NA, RGYAL SRAS 'DIS PHYAG GIS CUNG ZAD MNAN NAS STENG DU THOGS PA MED PAR GSHEGS, DE NAS MDO SNGON CHAD GRAGS PA ZHIG 'DON NAM, MA GRAGS PA ZHIG 'DON ZHES BKA' STZAL PAS SNGON MA GRAGS PA ZHIG GSUNG BAR ZHU ZHUS PAS, BDE GSHEGS CHOS KYI SKU MNGA' SRAS BCAS DANG, ,PHYAG 'OS KUN LA'ANG GUS PAR PHYAG 'TSAL TE, ,BDE GSHEGS SRAS KYI SDOM LA 'JUG PA NI, ,LUNG BZHIN MDOR BSDUS NAS NI BRJOD PAR BYA, ,ZHES PA NAS, GANG TSE DNGOS DANG DNGOS MED DAG ,CES PA'I BAR GSUNGS NAS, DE PHYIN GSUNGS BZHIN DU RDZU 'PHRUL GYIS NAM MKHA' LA 'PHAGS TE JE MTHO JE MTHOR MKHA' DANG MKHYEN PA 'GRAN PA BZHIN DU GSHEGS

, ,NAS MTHAR SKU MI SNANG BAR GSUNG GRAG PA'I SGO NAS RDZOGS PAR BTON TE GSHEGS SO, ,DE'I SHUL DU RNA BA'I MNGON PAR SHES PA DANG, MI BRJED PA'I GZUNGS LA DBANG 'BYOR PA'I PAndI TA RNAMS KYIS GZHUNG BTUS PA NA, KHA CHE BA RNAMS KYIS LE'U DGU YOD PAR BZUNG ZHING, YUL DBUS PA RNAMS KYIS LE'U BCU YOD PAR BZUNG BA DANG, BSLAB PA KUN LAS BTUS PA YANG, ,NGES PAR YANG DANG YANG DU BLTA, ,YANG NA RE SHIG MDOR BSDUS PA; ;MDO SDE KUN LAS BTUS PA BLTA, ,ZHES GSUNGS PA'I BSTAN BCOS GNYIS PO YANG JI LTAR YIN THE TSOM DU GYUR PA NA, DUS NAM ZHIG GI TSE LHO PHYOGS MCHOD RTEN DPAL YON CAN ZHES BYA BA NA BZHUGS PA THOS TE, DGE SLONG GNYIS SPYAN 'DREN DU BTANG BAS, MA BYON PAR GZHUNG GI TSAD YUL DBUS PA RNAMS KYIS BSDUS PA LTAR YIN, BSLAB BTUS DANG MDO BTUS GNYIS BO KHO BO'I SPONG KHANG GI GDUNG GSEB NA PAndI TA'I YI GE PHRA MO BRIS NAS YOD CES GSUNGS SHING SPYOD 'JUG DANG BSLAB BTUS GNYIS KA'I MAN NGAG RNAMS KYANG RDZOGS PAR GNANG NGO, ,DE NAS RGYAL SRAS ZHI BA LHAS SEMS CAN GYI DON JI LTA BU ZHIG BYA SNYAM DU MNGON PAR SHES PAS GZIGS PA NA, RTZOD PAS RGYUD 'KHRUGS PA'I SEMS CAN MANG PO ZHIG GI DON BYA DGOS PAR GZIGS NAS SHAR PHYOGS SU BYON TE RTZOD PA CHEN PO BYED PA ZHIG GI 'THAB ZLA MDZAD PAS, RDZU 'PHRUL GYIS THAMS CAD 'DUMS PAR GYUR TE BDE BA LA BKOD DO, ,

DE NAS YANG SEMS CAN KYI DON JI LTA BU ZHIG BYA DGOS SNYAM DU DGONGS PA NA LTA BA NGAN PA'I G-YANG SAR LHUNG BA MANG PO ZHIG 'DUL DGOS PAR GZIGS NAS YUL MA GA DHA'I NUB PHYOGS HA CANG MI RING BA ZHIG NA, YA MTSAN CAN GYI LTA BA LOG PA 'DZIN PA LNGA BRGYA GNAS PA DE DAG GI 'KHOR DU BZHUGS NAS DE RNAMS MGU BAR MDZAD DO, ,DE NAS RGYAL SRAS BDAG GNYID CHEN PO 'DI'I MTHU PHUN SUM TSOGS PA DANG, LOG PAR SMRA BA DE DAG GI SNGON GYI SMON LAM RNAM PAR DAG PA'I MTHUS DUS NAM ZHIG GI TSE ZHAG BDUN GYI BAR DU BU YUG CHEN PO BYUNG BAS BZA' BTUNG CHAD DE NYON MONGS PAR GYUR NAS SU SLONG NUS PA DPON DU BSKO ZHING BSGO BA NYAN PAR BYAS PA DANG, SLOB DPON GYIS 'BRAS CHAN LHUNG BZED GANG BLANGS TE BYIN GYIS BRLABS NAS THAMS CAD TSIM PAR MDZAD DE SNGAR GYI LTA BA NGAN PA DE RNAMS BSUN PHYUNG STE THUB PA'I BSTAN PA LA BTZUD DO, ,DE NAS YANG SEMS CAN SU ZHIG LA PHAN GDAGS PAR BYA SNYAM DU MNGON SHES KYIS GZIGS PA NA MU GES NYAM THAG PA'I 'GRO BA MANG PO ZHIG LA PHAN GDAGS DGOS PAR GZIGS NAS MU GE CHEN PO PHYUNG BAS SPRANG PO STONG TZAM ZHIG BRU BA TSA BAS NYEN TE 'CHI BA LA THUG PA NA, RGYAL SRAS BDAG NYID CHEN PO 'DIS 'TSO BA SBYAR ZHING CHOS BSTAN TE BDE BA LA BKOD DO, ,DE NAS YANG RGYAL BA'I BSTAN PA LA BYA BA JI LTAR BYA SNYAM DU DGONGS PA NA RGYAL PO GDUG CAN ZHIG BTUL NA SKYE 'GRO MANG PO DANG BSTAN PA LA PHAN CHE BAR GZIGS NAS SHAR PHYOGS SU PHEBS TE AA RI BI SHA NA ZHES BYA BA'I RGYAL PO'I

, ,PHO BRANG GI NYE LOGS KYI BZHI MDO RNAMS MYUL ZHING BZHUGS PA NAM TZA LA'I GNOD PA ZHES BYA BA 'TSO BAM PHYID PAS GZHAN GYI RDZAS 'JOMS PA LA DGA' ZHING, SNYING RJE MED PA DRAG SHUL CAN RTZUB PA MI BSRUN BA MANG DU GNAS TE, YUL GZHAN NAS KYANG DE DANG TSUL MTSUNGS PA DU MA 'DUS PA GRANGS SHIN TU MANG BA DAG RGYAL PO DE'I 'BYOR PA LA BLTAS NAS 'ONGS PA NA, RGYAL PO DE MI DGA' BAR GYUR TE, GNOD BYED 'DI RNAMS 'BYOR PA KUN GYIS MGU BAR BYAS NA NI BDAG GIS RGYAL SRID THOB PA'ANG CHU SHING GI SNYING PO LTAR 'GYUR LA, 'DI DAG RE BA BZHIN MA BGYIS NA NI SKYE BO G-YON CAN 'DI DAG GIS BDAG GI LUS SEMS GNYIS SO SOR 'BRAL BAR GDON MI ZA'I SNYAM NAS RGYAL PO DE MYA NGAN GYIS NON PA NA, RGYAL SRAS BDAG NYID CHEN PO 'DIS RGYAL PO DE LA THUGS BRTZE BAS DE DAG BSRUNG BAR ZHAL GYIS BZHES TE SKU BSRUNG MDZAD PA NA, BDAG NYID CHEN PO 'DI'I MTHU TSAD MED PAS GNOD BYED DE RNAMS ZIL GYIS MNAN TE RGYAL PO 'BANGS DANG BCAS PA BDE BAR MDZAD PA NA, RGYAL PO 'KHOR BCAS SHIN TU DAD DE BKUR STI PHUN SUM TSOGS PAS MCHOD PA NA, DAM PA 'DI LA RJE BTZUN GYI PHYAG CHAR BCANGS PA'I SHING GI RAL GRI ZHIG MA GTOGS MTSON CHA GZHAN MED PA GROGS PHRAG DOG CAN GYIS MTHONG BA NA GROGS NGAN DES MA BZOD PAR, RGYAL PO LA 'DI NI SKYES BU G-YON CAN ZHIG STE MTSON YANG SHING GI RAL GRI ZHIG LAS MED PAS LHA NYID KYI SKU BSRUNG BAR MI NUS PAS

BRTAG 'TSAL LO ZHES GSOL PA NA, RGYAL PO KHROS TE, RGYAL SRAS BDAG NYID CHEN PO 'DI LA KHYOD KYI RAL GRI PHYUNG ZHIG CES SMRAS PAS, LHA NYID LA GNOD PAR 'GYUR RO ZHES GSUNGS PA NA GNOD KYANG BLA YIS NGES PA PHYUNG ZHIG ZER RO; ;'O NA LHA'I SPYAN GCIG BKAB STE GCIG GIS GZIGS SHIG CES GSUNGS PAS, DE LTAR BYAS TE RAL GRI PHYUNG BAS DE'I 'OD ZER MIG GIS MA BZOD DE MIG GCIG ZHAR BA DANG, BZOD PAR GSOL TE SKYABS SU SONG STE CHOS LA BTZUD DO, ,DE NAS YANG BDAG NYID CHEN POS MNGON PAR SHES PAS GZIGS PA NA RGYAL BA'I BSTAN PA LA LOG PAR 'KHRU BA'I MU STEGS MANG PO ZHIG 'DUL DGOS PAR GZIGS NAS DPAL GYI RI'I LHO PHYOGS SU BYON TE, AUTZTSU SMA'I SPYOD PA ZHES PA SPRANG PO'I CHA BYAD GCER BU KHRUD MA PHO BA'I TSIGS MAS 'TSO BAR BYED PA NA, KHA TI BI HA RA'I RGYAL PO'I BRAN MO KA TZA MA HAS KHRUD MA PHO BA'I CHU'I ZEGS MA SLOB DPON GYI ZHABS LA PHOG PAS LCAGS BSREGS LA BRAN PA LTAR KHOL BA MTHONG, DE'I TSE RGYAL PO DE LA MU STEGS KYI STON PA SHANG KAR DE BA ZHES BYA BAS NANG PA'I PAndI TA DANG RTZOD CING RDZU 'PHRUL 'GRAN PAR BYAS TE, DE YANG SU PHAM PA DE SU RGYAL BA'I BSTAN PA LA 'JUG CING DE'I CHOS DAD GTZUG LAG KHANG SOGS KYANG MER SREG PAR BYED PAS KHYOD KYIS GNANG BAR MDZAD CING DRANG POR BZHUGS SU GSOL, ZHES GSOL BA LTAR, RGYAL POS PHO NYA BKYE STE NANG PA'I DGE 'DUN RNAMS BSDUS NAS DON DE BSNYAD PA NA SUS KYANG KHAS

, ,LEN MA NUS PAS RGYAL PO MYA NGAN DU GYUR PA NA, BRAN MO KA TZAM HA SA RGYAL PO LA SNGAR MTHONG BA DE BSHAD PAS, DE LTA BU'I SEMS DPA' CHEN PO DE GA NA 'DUG KYANG TSOL CIG GSUNGS NAS PHYOGS KUN TU BTZAL BAS SHING SDONG GCIG GI DRUNG NA BZHUGS PA DANG MJAL NAS, MU STEGS KYI RTZOD PA DAN RDZU 'PHRUL PHAM PAR MDZAD DGOS PAR GSOL BA BTAB PAS, DE LTA BU KHO BOS NUS KYIS CHU BUM PA GANG, RAS YUG GNYIS, ME RNAMS STA GON GYIS SHIG GSUNGS NAS DE LTAR BYAS SO, ,DE NAS SKYE BO'I TSOGS MANG PO 'DUS PA'I DBUS SU GDAN KHRI BSHAMS TE RGYAL PO DANG, G-YAS G-YON DU SEMS DPA' CHEN PO DANG MU STEGS KYI STON PA RNAMS 'KHOD NAS RTZOD PAS BDAG NYID CHEN PO 'DI'I LUNG DANG RIGS PA'I MTHU PHUL DU BYUNG BAS PHYIR BRGOL DE NYID SPOBS BA LAN MED DU MDZAD DO, ,SLAR YANG MU STEGS BYED DES RDZU 'PHRUL 'GRAN PAR CHAD DE BAR SNANG LA DBANG PHYUG CHEN PO'I DKYIL 'KHOR BRIS TE SHAR SGO TZAM ZIN PA NA, BDAG NYID CHEN PO 'DIS ZAD PAR RLUNG GI TING NGE 'DZIN LA SNYOMS PAR ZHUGS PAS 'TSUB MA CHEN PO LANG STE RTZVA DANG SHING DANG GRONG KHYER THAMS CAD KYANG 'GYEL LAM 'GYEL LA THUG PAR LDEG ,RGYAL PO DANG BTZUN MO DANG DER TSOGS PA'I MI RNAMS KYANG BDAS, DKYIL 'KHOR DANG BCAS PA'I MU STEGS KYI STON PA YANG 'THOR RLUNG GIS BDAS PA'I BYE'U

BZHIN DU PHYOGS MTSAMS THAMS CAD DU 'KHYER ZHING MUN PA CHEN POR GYUR TO, ,DE NAS BDAG NYID CHEN PO 'DIS SMIN MTSAMS NAS 'OD PHYUNG STE RGYAL PO DANG, BTZUN MO LA LAM BSTAN NAS MDUN DU BKUG STE GOS DANG BRAL ZHING RDUL GYIS G-YOGS PA LA CHUS BKRUS NAS RAS GSAR PA G-YOGS ME LA BSROS TE BDE BAR BYAS SO, ,DE NAS MU STEGS KYI LHA KHANG RNAMS BSHIG MU STEGS KYI GTZO BO DANG RJES SU 'JUG PA MANG PO SANGS RGYAS KYI BSTAN PA LA BTZUD PAS DA LTA'I BAR DU YANG GNAS DE LA MU STEGS PHAM PA'I YUL ZHES GRAGS SO, ,BDAG NYID CHEN PO 'DI'I MDZAD PA DE DAG THAMS CAD BSTAN PA DANG SEMS CAN GYI DON DU MDZAD PA SHA STAG STE, RGYAL BAS MI NI AA MRA'I 'BRAS BU DANG MTSUNGS PAS PHYI SMIN LA NANG MA SMIN PA DANG, NANG SMIN LA PHYI MA SMIN PA DANG, PHYI NANG GNYIS KA SMIN PA DANG, PHYI NANG GNYIS KA MA SMIN PA SNA TSOGS SU YOD PAR GSUNGS PA LTAR SO SO SKYE BO RANG DGA' BA DAG GIS GZHAN GYI RGYUD TSOD SHES PA SHIN TU DKA' BAS, SPYIR YANG SEMS CAN SU LA'ANG SKYON RTOG GI BLO MA SHOR BAR BYA BA DANG, LHAG PAR RGYAL BA'I BSTAN PA LA ZHUGS PA RNAMS LA SKYON BRJOD PA NI THAL BAS G-YOGS PA'I ME DONG DANG MTSUNGS PAR SHIN TU NYEN CHE BA'I GNAS YIN PAS PHA ROL SU LA'ANG SKYON BRJOD MI BYA BAR DAG SNANG SBYONG DGOS SO ZHES 'DOMS PA DANG, BYANG CHUB LAM RIM LA

, ,BLO SBYONG BA RNAMS KYIS LAM LTAR SNANG DANG PHYOGS RE BAS TSIM PAR MI BYA BAR LAM GYI LUS YONGS SU RDZOGS PA LA SLOB TSUL SPYOD 'JUG DANG BSLAB BTUS GNYIS SU BRJOD PA LTAR BYA DGOS SO ZHES 'DOMS PA DANG, RJE BTZUN 'JAM DPA'I DBYANGS LHAG PA'I LHAR BSTEN NA 'DI LTA BU'I YON TAN THOB PAR 'GYUR RO ZHES 'DOMS PA DANG, MU STEGS KYI GZHUNG LUGS NI RNAM PA KUN TU YID BRTAN MI RUNG BA'I GNAS DANG, RGYAL BA'I BSTAN PA KHO NA THAR 'DOD RNAMS GYI 'JUG NGOGS YIN NO ZHES 'DOMS PA SOGS KYI CHED DU MDZAD PA DE LTAR MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RGYAL SRAS ZHI BA LHA LA GSOL BA 'DEBS SHING BDAG NYID CHEN PO 'DI'I GZHUNG 'DI DAG LA GTZIS PO CHER BZUNG NAS THOB BSAM SGOM BAS 'JUG PA LA 'BAD PAR BYA'O,, ` ,,SLOB DPON AE LA DHA RI NI, RGYAL SRAS ZHI BA LHA'I SRAS KYI THU BO STE, RGYAL SRAS ZHI BA LHA LAS THEG PA CHEN PO'I LAM GYI RIM PA'I MAN NGAG YONGS SU RDZOGS PA MNYAN NAS SGRUB PA RTZE GCIG TU MDZAD PAS LAM GONG MA'I RTOGS PA MCHOG THOB CING, RJE BTZUN 'JAM PA'I DBYANGS KYI ZHAL MTHONG NAS RGYAL SRAS ZHIB LHA DANG RTOGS PA MNYAM PA ZHIG YIN ZHES BKA' GDAMS GLEGS BAM LAS GSUNGS SO,, ` ,,SLOB DPON DPA' BO RDO RJE NI ,SLOB DPON AE LA DHA RI YONGS 'DZIN DU BSTEN NAS THEG PA CHEN PO'I LAM GYI RIM PA YONGS SU RDZOGS PA GSAN TE SGRUB PA RTZE GCIG TU MDZAD PAS SRID BA MTHA' DAG LA ZHEN PA LOG PA'I NGES 'BYUNG GIS RGYUD BSKUL NAS ZAS BSOD SNYOMS PA DANG, ZAS STAN

GCIG PA DANG, BRAS PHYIS MI LEN PA DANG, CHOS GOS GSUM PA BA DANG, PHYING PA BA DANG, PHYAG DAR KHROD PA DANG, DGON PA BA DANG, SHING DRUNG PA DANG, BLA GAB MED PA DANG, DUR KHROD BA DANG, TZOG BU PA DANG, GZHI JI BZHIN PA STE SBYANGS PA'I YON TAN BCU GNYIS DANG LDAN ZHING BDAG PAS GZHAN GCES PA'I BYANG CHUB KYI SEMS DANG SRID GSUM RMI LAM LTA BUR GZIGS PA'I LTA BA'I GDENG THOB STE, PHYI MA'I SKYE BO RNAMS LA SNANG BAR BYA BA'I PHYIR DBEN PA'I RI SUL DU SGRUB PA LA RTZE GCIG TU GZHOL BA ZHIG YIN ZHES BKA' GDAMS GLEGS BAM LAS GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON AE LA DHA RI DANG DPA' BO RDO RJE GNYIS LA GSOL BA 'DEBS SHING, BDAG NYID CHEN PO 'DI GNYIS KYI RNAM THAR LTAR DBEN BA'I GNAS SU LAM CHA TSANG LA SGRUB PA SNYING POR BYA'O,, ` ,,SLOB DPON MAH'A SHR'I RATNA BO DHI SATVA, BOD SKAD DU BYANG CHUB SEMS DPA' CHEN PO RIN CHEN DPAL ZHES PA NI, SKYES MCHOG BYAMS PA'I RNAL 'BYOR PA STE 'DI'I RNAM PAR THAR PA SNGAR BRJOD ZIN PA LTAR RO, ,BLA MA GSER GLING PA CHEN PO'I RNAM THAR YANG SNGAR BRJOD ZIN LA, BLA MA GSER GLING PA'I ZHABS DRUNG DU JO BO RJE DPAL LDAN AA TI SHAS BDAG GZHAN MNYAM BRJE'I BYANG CHUB KYI SEMS SBYOD BA'I GDAMS NGAG CES BA BLO SBYONG DON BDUN MA'I KHRID LO BCU GNYIS KYI BAR DU PHYI NANG GI G-YENG BA GANG GIS KYANG BAR MCHOD PAR GSAN PAR MDZAD DE JO BO RJE'I RNAM PAR THAR PA NI DA LTA NYID DU 'CHAD PAR 'GYUR RO, ,RLABS CHEN SPYOD RGYUD KYI GDAMS NGAG GI SNYING BO BDAG PAS GZHAN GCES PA'I BYANG CHUB KYI SEMS MA SKYES PA BSKYED PA

, ,DANG SKYES ZIN GONG 'PHEL DU BYAS TE SEMS RIN PO CHE 'DI'I SGO NAS SA LAM BGROD TSUL STON PA'I GZHUNG MCHOG TU GYUR PA NI MDO SDE PHAL PO CHE DANG, DE'I DGONGS PA 'GREL BA'I GZHUNG RIN CHEN PHRENG BA DANG, RMI LAM YID BZHIN NOR BU'I GTAM DANG, SEMS CAN MGU BA'I TSIGS BCAD DANG, SPYOD 'JUG DANG BSLAB BTUS RNAMS DANG, MDO DANG BSTAN BCOS DE DAG GI MAN NGAG RTZA TSIG TU DRIL BA BLA MA GSER GLING PA DANG ,JO BO RJE GNYIS KYIS MDZAD PA'I BLO SBYONG RTZA TSIG DANG, DHARMA RAKshI TAS MDZAD PA'I BLO SBYONG MTSON CHA 'KHOR LO DANG, BYAMS PA'I RNAL 'BYOR BAS MDZAD PA'I GYER SGOM RDO RJE'I GLU DANG, BLA MA GONG MA GCIG NAS GCIG TU BRGYUD PA'I BLO SBYONG GI KHRID DMIGS MDOR BSDUS SU BKOD PA RGYAL SRAS THOGS MED BZANG POS MDZAD PA'I BLO SPYOD DON BDUN MA DANG, RJE RIN PO CHES BLO SBYONG GI KHRID RGYAS PA GNANG DUS SEMS DPA' CHEN PO HOR STON PAS ZIN BRIS SU BTAB PA'I BLO SBYONG GI KHRID YIG CHEN MO DANG, ,RJE DGE 'DUN GRUB KYIS MDZAD PA'I THEG CHEN BLO SBYONG DANG, PAn CHEN BLO BZANG CHOS KYI RGYAL MTSAN YAB SRAS KYIS MDZAD BA'I BLO SBYONG CHE CHUNG DU MA YOD CING, RGYA BOD DU SNGON BYUNG BA'I BLO SBYONG GI YIG CHA PHAL MO CHE'I LEGS CHA BSDUS SHING, RJE BDAG NYID CHEN PO'I SNYAN RGYUD KYI MAN NGAG GIS BRGYAN NAS BDAG GZHAN MNYAM BRJE'I BYANG CHUB KYI SEMS SGOM TSUL RTZAL DU BTON PA BDAG GIS SBYAR BA'I BLO SBYONG GI KHRID YIG

CHEN MO BLO BZANG DGONGS RGYAN ZHES BYA BA ZHIG KYANG YOD DO, ,DES NA BYANG CHUB LAM RIM LA NYAMS LEN SNYING POR BYA 'DOD PA RNAMS KYIS BYANG CHUB KYI SEMS SGOM TSUL LA SHING RTA CHEN PO'I MAN NGAG KHYAD PAR CAN GNYIS YOD PA SO SO'I MAN NGAG LEGS PAR MNYAN LA GO BA PHU THAG CHOD PA BTZAL NAS MAN NGAG GNYIS PO GCIG TU BSRES NAS NYAMS SU LEN TSUL SHES PAR BYAS LA BYANG CHUB KYI SEMS RIN PO CHE LA BAG CHAGS CI THEBS BYA'O,, ` ,, SHING RTA CHEN PO'I SROL 'DZIN MAR ME MDZAD, ,CES BSNGAGS PA LEGS SBYAR GYI SKAD DU D'I PAm KA RA SHR'I DZNY'E NA BOD KYI SKAD DU DPAL MAR ME MDZAD YE SHES, MTSAN GZHAN JO BO RJE DPAL LDAN AA TI SHA ZHES YONGS SU GRAGS PA'I BDAG NYID CHEN PO DE GANG DU 'KHRUNGS PA'I YUL NI, RGYA GAR SHAR PHYOGS ZA KHOR TE ,DE NA BHAm GA LA ZHES BYA BA'I GRONG KHYER CHEN PO MI KHYIM 'BUM PHRAG DU MA YOD PA, DE'I DBUS NA RGYAL PO'I PHO BRANG GSER GYI RGYAL MTSAN CAN ZHES BYA BA LONGS SPYOD MNGA' THANG BSAM GYIS MI KHYAB PA YOD PA, YUL DE'I KHO RA KHOR YUG TU SHING LJON PA SNA TSOGS KYI PHRENG BA 'KHRIGS PA, PADMA DANG AUTPA LA LA SOGS PA'I ME TOG SNA TSOGS KYIS SA GZHI KHYAB PA, RAB RIM PA DU MA DANG, 'OBS RIM PA DU MAS BSKOR BA ZHIG STE, DE LTA BU'I RGYAL PO'I PHO BRANG DU YAB RGYAL PO DGE PA'I DPAL ZHES BYA BA DANG, YUM DPAL MO 'OD ZER CAN ZHES BYA BA GNYIS KYI SRAS SU CHU PHO RTA'I LO BDAG NYID CHEN PO 'DI BSAM BZHIN DU SKU BLTAMS SO, RGYAL

, ,SRAS BDAG NYID CHEN PO 'DI SKU BLTAMS BA'I TSE DKAR PHYOGS KYI LHA RNAMS KYIS NA MKHA' LAS ME TOG GI CHAR PHAB ,NA MKHA'I NGOS RNAMS 'JA' TSON GYI GUR KHYIM GYIS BLTAMS, LHA RNAMS KYIS DGA' BA'I GLU DBYANGS DANG ROL MO'I SGRA BSGRAGS PA MI RNAMS KYIS KYANG THOS PA SOGS NGO MTSAR YA MTSAN BSAM GYIS MI KHYAB PA BYUNG NGO, ,RGYAL SRAS DE NI 'JIG RTEN KUN GYI MIG GI BDUD RTZI LTA BU ZHAL DKYIL ZLA BA LTAR DKAR ZHING, DPRAL BA'I DBYES CHE LA SNA'I GZENGS MTHO BA, SPYAN DA KYUS RING ZHING MCHU SGROS BIM BA LTAR DMAR BA SOGS SKYE BO DAM PA'I MTSAN RTAGS DANG LDAN PAS MTHONG BA TZAM GYIS NYON MONGS DANG SDUG BSNGAL ZHI ZHING, YID LA DGA' BA DANG BDE BA SKYE LA DGE BA'I SA BON BSKRUN NUS PA ZHIG BYUNG STE, RGYAL SRAS GZHON NU DE LA YAB YUM GNYIS KYIS ZLA BA'I SNYING PO ZHES MTSAN BTAGS SO, ,RGYAL SRAS GZHON NU DE MA MA BRGYAD LA GTAD DE MTHUN PA'I DNGOS PO DAG GIS BSKYED BSRINGS SHING YAB YUM GNYIS DANG BCAS PHO BRANG GI YANG THOG NA MNAL ZHING BZHUGS PA NA PHO BRANG GI THOG NAS TSEG SGRA CHEN PO 'JIGS SU RUNG BA ZHIG BYUNG BA NA YAB YUM 'KHOR DANG BCAS PA CI ZHIG GU SNYAM DU RTAB CING PHYOGS PHYOGS SU BLTA, RGYAL SRAS GZHON NU DE NI 'JIGS PA MED PAR DGA' BA'I RNAM 'GYUR STON ZHING GNAS SO, ,DE MA THAG YAB YUM SOGS KYI MTHONG SNANG LA AU TPAL SNGON PO 'DAB MA MA NYAMS PA YID DU 'ONG BA ZHIG

BABS LA, RGYAL SRAS GZHON NU DE LA NI TSE RABS KUN GYI LHAG BA'I LHA RJE BTZUN MA SGROL MAS ZHAL BSTAN TE GSUNG GI GNANG BA STZAL LO, ,DUS DE NAS BZUNG STE RJE BTZUN SGROL MA RGYUN DU GZIGS SHING BYA BA GAL CHE BA THAMS CAD KYANG RJE BTZUN SGROL MA NYID LA ZHUS NAS MDZAD DO, ,GZHON NU DE 'KHRUNGS NAS LO GCIG DANG ZLA BA DRUG SONG BA NA, PHO BRANG DE DANG HA CANG THAG MI RING BA ZHIG NA BI KA MA LA PU RI ZHES BYA BA'I GTZUG LAG KHANG YOD PA DER RGYAL PO YAB YUM GYIS RGYAL SRAS GZHON NU 'DI RIN PO CHE'I SHING RTA'I NANG DU GDAN DRANGS, SHING RTA LNGA BRGYA'I 'KHOR DANG BCAS RGYAL PO'I YO LANGS CHEN POS GTZUG LAG KHANG DER GSHEGS BA NA, GRONG KHYER GYI SKYE BO THAMS CAD PHYOGS PHYOGS SU 'DUS NAS 'KHRUNGS PA'I TSE NA LHA RNAMS KYIS MCHOD PA BYED PA'I RGYAL BU NGO MTSAR CAN DE DA GDOD MTHONG NGO ZHES SKYE BO THAMS CAD KYIS MIG MI 'DZUM PAR RGYAL BU NYID LA BLTA ZHING DGA' BA'I CA CO'I SGRA BSGRAGS PA NA RGYAL SRAS GZHON NU DES YAB YUM GNYIS LA SKYE BO 'DI DAG SU ZHIG YIN ZHES DRIS PA NA YAB YUM GNYIS KYIS 'DI DAG NI KHYOD NYID KYI 'BANGS 'KHOR DAG YIN NO, ,ZHES ZHUS BA NA ,RGYAL BU GZHON NU DES SKYE BO 'DI DAG BDAG BZHIN PHUN SUM TSOGS PA DANG LDAN PA DANG, THAMS CAD DGE BA'I RTZA BA BSKRUN TE DAM PA'I CHOS KYIS 'TSO BAR SHOG CES GSUNG SNYAN POS BRJOD PA NA THAMS CAD AA LA LA ZHES NGO MTSAR BA'I TSIG BRJOD CING THAL MO SBYAR TE GNAS SO, ,DE NAS YAB YUM

, ,SRAS DANG BCAS BA GTZUG LAG KHANG DU PHEBS NAS DGE 'DUN RNAMS LA BSNYEN BKUR DANG MCHOG GSUM GYI RTEN RNAMS LA MCHOD PA PHUL TE PHYAG 'TSAL ZHING SMON LAM 'DEBS PA NA YAB YUM GNYIS SOGS GZHAN THAMS CAD TSE RING ZHING NAD MED PA DANG, LONGS SPYOD PHUN SUM TSOGS PA DANG, PHYI MA NGAN SONG DU MI LTUNG BAR BDE 'GROR SKYES NAS MCHOG GSUM LA BSNYEN BKUR BGYID PA SOGS KYI SMON LAM 'DEBS, RGYAL SRAS BDAG NYID CHEN PO 'DIS NI ,BDAG NI DAL 'BYOR MI DBANG LUS THOB CING, ,SKYON MED DBANG POS DKON MCHOG GSUM MTHONG ZHING, ,RTAG TU GUS PAS DKON MCHOG SPYI BOR BLANGS, ,DE RING NYID NAS SKYABS GNAS MDZAD DU GSOL, ,NAM YANG KHYIM PA'I CHOS KYIS MA BCINGS PAR, ,DGE 'DUN DBUS SU CHOS 'BYOR THOB BA DANG, ,NGA RGYAL MED PAR DKON MCHOG MCHOD BYED CING, ,SKYE BO YONGS LA SNYING RJES LTA BAR SHOG, CES SMON LAM MDZAD PA NA, DER TSOGS PA'I SKYE BO THAMS CAD DANG DKAR PHYOGS KYI LHA RNAMS KYANG DGA' ZHING MGU NAS BDAG NYID CHEN PO 'DI LA DAD PA LHUR BYED PAR GYUR TO, ,JO BO RJES SKU TSE 'DI LA CHOS GSUNG BA'I THOG MA DE YIN PAR BKA' GDAMS GLEGS BAM LAS GSUNGS SO, ,RGYAL SRAS GZHON NU 'DIS 'KHRUNGS MA THAG NAS KHYIM GYI 'DU 'DZI LA CHAGS PA MED CING LHAG PA'I LHA'I ZHAL MTHONG BA DANG, CHOS KYI SGRA DBYANGS SGROGS PA LA THOGS PA MED PAR GYUR PAS KHYIM GYI 'DU 'DZIL

CHAGS PA'I SKABS MED NA'ANG YAB YUM GNYIS 'BANGS DANG BCAS PAS KHYIM DU BZHUGS PA ZHIG BYUNG NA CI MA RUNG SNYAM DU GLU GAR DANG RTZED MO'I BYE BRAG RNAM PA SNA TSOGS SBYAR ZHING RGYAL PO MANG PO'I BU MO KHAB TU BZHES PA'I GRABS BSHAMS PA NA RJE BTZUN MA SGROL MAS RGYAL SRAS GZHON NU DE LA ZHAL BSTAN NAS, LHA CIG MA CHAGS MA CHAGS SKAL BA CAN, ,'DAM PU'I TSAL DU GLANG PO BYING BA LTAR, ,'DOD PA'I 'DAM 'DIR DPA' BO KHYOD BYING NA, ,TSUL KHRIMS GOS CAN BSNUBS PAR MI 'GYUR RAM, ,SKYE BA LNGA BRGYA LNGA BCU RTZA GNYIS SU, ,PAn CHEN DGE SLONG GTZANG MA'I LUS BRGYUD NAS, ,PADMA'I MTSO LA NGANG PA 'JUG PA LTAR, ,KHYOD NI TSE 'DIR RAB TU 'BYUNG 'GYUR LEGS, ,ZHES RGYAL SRID LA MA CHAGS PA RA CHOS MDZAD DGOS PAR BSKUL MA BTAB ,RGYAL SRAS GZHON NU RANG NYID KYANG DE LTAR DU SMON PAR MDZAD CING BZO DANG, GSO BA DANG, SGRA DANG, GTAN TSIGS DANG, NANG RIG PA STE RIG GNAS CHE BA LNGA DANG, SNYAN NGAG DANG RTZIS LA SOGS PA RIG GNAS CHUNG BA RNAMS LA'ANG SBYANGS TE MKHAS PA'I PHUL DU PHYIN PAR GYUR, KHYAD PAR DU LO BCO LNGA BZHES PA'I TSE RIGS THIGS TSAR GCIG GSAN PAS PHYI ROL PA'I RTOG GE PA MKHAS PAR GRAGS PA CIG DANG RTZOD PAS DE PHAM PAR MDZAD PAS SNYAN PA'I GRAGS PA KUN TU RGYAS SO, ,DE NAS RGYAL BU GZHON NU DES 'DI LTAR DGONGS TE, 'KHOR BA'I PHUN TSOGS GANG LA'ANG MA CHAGS PAR RGYAL BA'I BSTAN PA YONGS

, ,RDZOGS LA BSLABS TE SA LAM MTHAR PHYIN PA ZHIG CIS KYANG BYED, DE LTA BU ZHIG 'BYUNG BA LA LEGS TSOGS THAMS CAD KYI RTZA BA BSHES GNYEN DAM PA ZHIG GIS RJES SU GZUNG DGOS PAR 'DUG PAS LAM MA NOR BAR STON PA'I BSHES GNYEN DAM PA SU ZHIG LA BRTEN DGONGS PA NA, PHO BRANG DE DANG HA CANG THAG MI RING BA'I GNAS ZHIG NA DZE T'A RI DGRA LAS RNAM RGYAL BZHUGS PAR THOS NAS RI BRAG BSKOR DU 'GRO ZHES SNYAD BTAGS NAS DMAG CHAS SU ZHUGS PA'I RTA PA SUM BRGYA TZAM DANG BCAS DZE T'A RI'I DRUNG DU PHEBS NAS ZHABS SPYI BOR BLANGS TE SKYABS 'GRO DANG SEMS BSKYED ZHUS, RGYAL SRID LA MA CHAGS PAR CHOS RNAM DAG CIG 'DOD PAS RJES SU 'DZIN DGOS ZHES ZHUS PA NA DZE T'A RIS RE SHIG N'A LANDRAR BLA MA BYANG CHUB BZANG PO'I SPYAN SNGAR SONGS ZHES LUNG BSTAN, DE NAS RGYAL BU DMAG GI DPUNG DANG BCAS PAS N'A LANDRAR PHEBS NAS BLA MA BYANG CHUB BZANG PO'I ZHABS SPYI BOR BLANGS TE SEMS BSKYED ZHUS ,DE NAS BLA MA BYANG CHUB BZANG POS N'A LENDRA'I BYANG PHYOGS NA TSE'I RIG 'DZIN BRNYES SHING SPROS BRAL DBU MA'I DON GZIGS PA'I RGYAL SRAS RIGS PA'I KHU BYUG BZHUGS PAS DE'I DRUNG DU SONGS ZHES BTANG ,DE NAS RGYAL BU GZHON NU RGYAL SRAS RIGS PA'I KHU BYUG GI DRUNG DU PHEBS TE, RIGS PA'I KHU BYUG GI ZHABS LA BSNYEN TE GSOL BA BTAB PAS, RIGS PA'I KHU BYUG GIS BYANG CHUB LAM GYI RIM

PA'I GDAMS PA SPYI DANG, KHYAD PAR DPAL MGON 'PHAGS PA KLU SGRUB NAS BRGYUD PA'I LTA BA'I MAN NGAG RNAMS ZHIB PAR GNANG STE, DA DUNG BLA MA AA WA DHU TI PA ZHES BYA BA DBU MA'I LAM LA MNGA' BRNYES PA ZHIG YOD PAS DE'I DRUNG DU SONGS ZHES BTANG, DE NAS RGYAL BU GZHON NUS RIGS PA'I KHU BYUG GI BKA' LUNG LTAR BLA MA AA WA DHU TI PA'I ZHABS DRUNG DU PHEBS NAS RJES SU 'DZIN PAR ZHUS PA NA, ,BLA MA AA WA DHU TI PAS CHOS RNAM DAG BYED PA LA RGYAL SRID KYI 'BYOR PA SPANG DGOS TE RGYAL SRID KYI 'BYOR PA NI DUG GI MTSO DANG 'DRA ZHING, ME'I 'OBS DANG 'DRA BAR RNAM PA KUN TU PHUNG BA'I RGYU YIN PAS LAN CIG PHAR SONGS LA RGYAL SRID BLOS THONGS LA DE NAS TSUR SHOG CES LUNG BSTAN; DE NAS RGYAL SRAS GZHON NU DES BLA MAS JI LTAR LUNG BSTAN PA LTAR PHO BRANG DU PHEBS NAS YAB YUM LA GNANG BA NAN GYIS ZHUS TE RGYAL SRID MCHIL MA'I THAL BA BZHIN DU SPANGS NAS BLA MA AA WA DHU TI PA'I ZHABS LA GTUGS, AA WA DHU TI PAS LUNG BSTAN NAS RI NAG PO'I GTZUG LAG KHANG GI RNAL 'BYOR GYI DBANG PHYUG DPAL KYEE RDO RJE'I ZHAL GZIGS SHING RDO RJE MKHA' 'GRO MAS LUNG BSTAN PA THOB PA'I BLA MA R'A HU LA GUPTA LA DBANG YONGS SU RDZOGS PAR ZHUS SHING ,GSANG MTSAN YE SHES GSANG BA'I RDO RJE ZHES BYA BAR BTAGS, DE NAS LO BDUN GYI RING LA BLA MA AA WA DHU TI PA GTZO BOR BSTEN CING ,GZHAN YANG DNGOS GRUB BRNYES PA'I BLA MA DU MA'I SPYAN SNGAR

, ,RDO RJE THEG PA LA SBYANGS PAS GZHUNG DANG GDAMS NGAG MA LUS PA LA MKHAS PAR GYUR TE GSANG SNGAGS LA NGA NYID MKHAS SO SNYAM DU DGONGS PA BYUNG BA NA, d'A KI MA RNAMS KYIS SNGAGS KYI GLEGS BAM SNGAR MTHONG MA MYONG BA MANG PO MNAL LAM DU BSTAN NAS THUGS RGYAL BCAG GO, DE LTAR DGUNG LO NYI SHU RTZA GCIG NAS DGUNG LO NYER DGU'I BAR DU RGYUD SDE BZHI'I DBANG LUNG MAN NGAG MTHA' DAG LA SBYANGS SHING THUGS NYAMS SU BZHES PAS LHAG PA'I LHA MANG PO'I ZHAL GZIGS ,TING NGE 'DZIN DANG MNGON PAR SHES PA RGYA CHEN PO THOB ,DA TSE 'DI LA SNGAGS KYI BRTUL ZHUGS KYI SPYOD PA SPYAD DE PHYAG RGYA CHEN PO MCHOG GI DNGOS GRUB THOB PA ZHIG BYED SNYAM DU DGONGS PA NAR MAR BYUNG BA NA NUB GCIG RMI LAM DU ,DPAL HE RU KA MDUN GYI NAM MKHA' LA BYON NAS, RIGS KYI BU AA WA DHU TI'I SPYOD PAS GANG YANG MI PHYIN GYIS, KHYOD RAB TU PHYUNG NA DUS PHYIS TZA NA RAB TU BYUNG BA'I GDUL BYA MANG PO 'ONG BAR 'DUG GO ZHES LUNG BSTAN TO; ;YANG NUB GCIG GI RMI LAM DU, BCOM LDAN 'DAS SH'AKYA THUB PA DGE 'DUN MANG PO'I 'KHOR DANG BCAS NAS, GDUGS TSOD GSOL GYIN 'DUG, DE'I GRAL ZHABS NA JO BO NYID KYANG BZHUGS 'DUG PA LA, BCOM LDAN 'DAS KYIS JO BO LA GZIGS NAS, MI MA GI CI LA CHAGS NAS RAB TU MI 'BYUNG, ZHES GSUNG BA CIG RMIS PA NA DA NGES PAR RAB TU 'BYUNG BAR BYA'O SNYAM DU DGONGS NAS, DPAL RDO RJE GDAN BYANG CHUB CHEN PO BRNYES PA'I GNAS MA TI BHI HA RA'I GTZUG

LAG KHANG DU DGE 'DUN PHAL CHEN SDE PA, DE'I NANG NAS 'JIG RTEN LAS 'DAS PAR SMRA BA'I SDE PA SLOB DPON SANGS RGYAS YE SHES KYI BKA' RGYUD, GNAS BRTAN 'DUL BA 'DZIN PA CHEN PO SBYOR BA'I LAM PA, DE KHO NA NYID KYI PHYOGS GCIG LA ZHUGS PA'I TING 'DZIN BRNYES PA'I SH'I LA RAKshI TA ZHES BYA BA LA MKHAN PO ZHUS NAS RAB TU BYUNG, MTSAN 'DI PAm KA RA SHR'I DZNY'A NA ZHES BYA BAR BTAGS SO, ,DE NAS MTSAN NYID KYI THEG PA'I SDE SNOD GSUM GA LA ZHIB TU SBYANGS SHING, KHYAD PAR BLA MA DHARM'A RAKshI TA'I SPYAN SNGAR 'DUL BA LUNG SDE BZHI'I GNAD KUN BSDUS SHING, MNGON PA SDE BDUN GYI GNAD KUN BSDUS PA'I BSTAN BCOS BYE BRAG TU BSHAD PA CHEN PO ZHES BYA BA BAM PO BRGYAD BRGYA TZAM YOD PA'I BSTAN BCOS CHEN PO DE LA BCU GNYIS KYI BAR DU GSAN NAS MTHA' CHOD PAR SBYANGS, SDE PA BCO BRGYAD PO SO SO'I BYIN LEN DANG RUNG CHU SOGS PHYAG LEN PHRA MO MTHA' DAG MA 'DRES PAR MKHYEN NAS 'PHAGS YUL GYI SDE PA BCO BRGYAD PO THAMS CAD KYI GTZUG GI NOR BUR GYUR TO, ,DE LTAR MDO SNGAGS KYI CHOS 'PHAGS YUL NA DE DUS BZHUGS PA MTHA' DAG GSAN CING THUGS NYAMS SU BZHES NAS MYUR DU 'TSANG RGYA BA LA LAM GANG ZHIG MYUR SNYAM PA NAR MAR YOD PA NA RI NAG PO'I KHONG GSENG NA BZHUGS PA'I BLA MA R'A HU LA GUBTAS MNGON PAR SHES PAS MKHYEN TE, DER BYON NAS JO BO LA GSUNGS PA, YI DAM GYI LHA ZHAL MTHONG BA DANG, DKYIL 'KHOR GYI LHA TSOGS MANG PO

, ,MNGON DU GYUR PA DANG, THUN MONG GI DNGOS GRUB MANG PO THOB PA DANG ,TING NGE 'DZIN RI RGYUD TZAM YOD PAS GAR YANG MI PHYIN, BYAMS PA DANG SNYING RJE BYANG CHUB KYI SEMS LA BLO SBYONGS, THUGS RJE CHEN PO SNYING RJE'I LHA YIN PAS YI DAM DU ZUNGS, 'KHOR BA MA STONGS KYI BAR DU SEMS CAN GYI DON BYED PAR DAM 'CHOS SHIG GSUNGS, YANG RDO RJE GDAN GYI KHOR SA NA PHAR BSKOR BA MDZAD PA'I TSE LDER BZO GCIG GIS GCIG LA DRI BA DANG LAN 'DEBS PA'I TSUL DANG, RDO RJE GDAN GYI LHO PHYOGS KYI NA MKHA' LA MI'I LUS LAS 'DAS PA'I BU MO GNYIS GCIG GIS GCIG LA DRI BA'I TSUL DU ,MYUR DU MNGON PAR RDZOGS PAR 'TSANG RGYA BAR 'DOD PAS CHOS GANG LA BSLAB PAR BYA ZHES ZER BA LA, CIG SHOS NA RE BYANG CHUB KYI SEMS LA BSLAB BAR BYA'O, ,ZHES GSUNGS NAS, BYANG CHUB KYI SEMS SBYANGS THABS BZANG BA CIG GSUNG GI 'DUG PA LA, BSKOR BA 'PHRO BCAD NAS GSAN PAS SNOD GCIG NAS GCIG TU BYO BA BZHIN DU THUGS SU CHUD, SLOB DPON KLU SGRUB KYIS BZHENGS PA'I RDOR NA BZHUGS TZA NA, BUD MED RGAN GZHON GNYIS 'DUG PAS, GZHON PA DE LA RGAN PA DES MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS SBYONGS GSUNG BA DANG, YANG RDO RJE GDAN GYI GANDHO LA LA BSKOR BA MDZAD PA'I TSE, BYA 'DAB 'OG NA DE BZHIN GSHEGS PA'I SKU GCIG BZHUGS PA'I ZHAL NAS, HE BHA DANDA MYUR DU MNGON PAR RDZOGS PAR 'TSANG RGYA BAR 'DOD PAS, BYAMS SNYING RJE BYANG CHUB KYI SEM SBYONGS SHIG GSUNGS, YANG RDO RA KHANG BU LA BSKOR

BA MDZAD PA'I TSE, BA SO'I RGYAL BA SH'AKYA THUB PA GCIG 'DU PA DE'I ZHAL NAS, DZOKI, MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS LA SBYONGS GSUNG, DE NAS JO BO RJES BYANG CHUB KYI SEMS RIN PO CHE MA SKYES PA BSKYED PA DANG SKYES ZIN GONG 'PHEL DU BYAS TE MTHAR PHYIN PA'I PHYIR DE'I MAN NGAG YONGS SU RDZOGS PA MNGA' BA SU ZHIG YOD SNYAM BTZAD DPYAD PA NA DUS DE'I TSE BLA MA GSER GLING PA CHEN PO BYANG CHUB KYI SEMS KYI BDAG POR GRAGS PAS BLA MA GSER GLING PA CHEN PO'I ZHABS DRUNG DU BYANG CHUB KYI SEMS KYI GDAMS NGAG RDZOGS PAR GSAN PA'I PHYIR GSER GLING DU 'BYON PAR BZHED NAS 'DZAM BU GLING NAS GSER GLING DU TSONG LA 'GRO BA'I TSONG PA LAM RGYUS CAN DANG BCAS RGYA MTSO LA GRU GZINGS BCAS NAS ZLA BA BCU GSUM GYI RING MTSO'I STENG LA BYON TE DE'I TSE BDUD DGA' RAB DBANG PHYUG GIS SANGS RGYAS KYI BSTAN PA DAR BA MA BZOD NAS JO BO RJE'I BYANG CHUB KYI SEMS LA BAR CHAD BYA BA'I PHYIR MI MTHUN PA'I RLUNG BTANG STE GRU GZINGS LAM LOG PAR BSGYUR BA DANG, CHU SRIN NYA MIG CHEN PO RI LTA BUS GRU GZINGS KYI MDUN BKAG PA DANG ,NAM MKHA' LAS THOG BABS PA SOGS GNOD PA TSABS CHEN PO BYAS PA NA PAndI TA SA'I SNYING POS JO BO RJE LA THUGS DAM BSKUL BA'I GSOL 'DEBS SHUGS DRAG TU BYAS PAS, JO BO RJES GSHIN RJE'I GSHED DMAR PO'I TING NGE 'DZIN GYI SGO NAS BDUD SDE DPUNG DANG BCAS PA BTUL TE RIM GYIS GSER GLING DU PHEBS, GSER GLING GI SNE ZIN MA THAG BLA MA GSER GLING PA

, ,CHEN PO'I SLOB MA BSAM GTAN PA 'GA' ZHIG BZHUGS PA DANG MJAL, DER ZHAG BCU'I RING DPON SLOB TSANG MAS NGAL BSOS SHING BSAM GTAN PA DE DAG LA BLA MA GSER GLING PA PHYOGS GANG DU BZHUGS DANG MDZAD PA RNAM THAR JI LTAR YOD RNAMS DRI GTUGS MDZAD BSAM GTAN PA DE DAG GIS KYANG PAndI TA SA'I SNYING PO LA SOGS PA JO BO'I SLOB MA RNAMS LA JO BO RJE'I SKU GSUNG THUGS KYI YON TAN DANG MDZAD SPYOD RNAMS ZHIB TU DRI GTUGS BYAS PAS YID CHES KYI DAD PA CHEN PO SKYES NAS BSAM GTAN PA DE DAG GIS MYUR BAR PHYIN TE BLA MA GSER GLING BA CHEN PO LA 'DI SKAD GSOL TO, ,KYEE BLA MA DAM PA GSAN DU GSOL, DENG SANG GLING 'DIR RGYA GAR GYI MKHAN PO D'I BAm K'A RA SHR'I DZNY'A NA BYA BA DE, SLOB MA BRGYA DANG NYI SHU RTZA LNGA'I TSOGS DANG LHAN CIG TU, RGYA MTSO CHEN PO LA ZLA BA BCU GSUM GYI BAR DU BYON PA BDUD DANG MU STEGS KYI LHA DBANG PHYUG CHEN POS BAR CHANG BYAS PA BYAMS PA DANG SNYING RJES 'CHING ZHING SKU GSUNG THUGS MDANGS MA SHOR BAR BDAG CAG GA NA BA DER LHAGS SO, ,DE LA ZHAG BCU BZHI'I BAR DU CHOS KYI GTAM BGRO BAR BYAS BAS, BDAG CAG SEMS RANGS SHING TSIM PAR GYUR TO, ,DA NI SKABS KYI DON LA MKHAS PA CHEN PO DE KHYED KYI DRUNG DU 'ONGS TE DUS GSUM GYI RGYAL BA THAMS CAD SKYED BAR BYED PA'I YUM GTZO BOR NYAN PA DANG ,SMON 'JUG BYANG CHUB MCHOG TU SEMS BSKYED DE THEG PA CHEN PO'I BLO SPYONG BAR BGYI, GZHAN YANG BLA MA'I GZHUNG LUGS RGYA MTSO LTA BU NYIN MTSAN DU SPYAD PAR 'DOD PAR GDA' BAS

THUGS RJE CHEN POS GO SKABS DBYE ZHIG, CES ZHUS, DE NAS JO BO RJE DPON SLOB RNAMS BLA MA GSER GLING PA CHEN PO'I PHO BRANG DANG NYE BAR PHEBS BA NA BLA MA GSER GLING PAS DGE SLONG CHOS GOS GSUM KHA DOG MTHUN PAR GSOL BA, THAMS CAD MTHUN PAR RIL BA SPYI BLUGS 'DZIN PA, THAMS CAD KYANG 'KHAR GSIL MDZES PAR BSNAMS BA SHIN TU DANG BA 'DREN PA DGRA BCOM BA LTA BU LNGA BRGYA DANG SUM CU RTZA LNGA'I SNA BLA MA GSER GLING BAS DRANGS NAS DGE TSUL DRUG CU RTZA GNYIS KYIS BRTEN TE, MDOR NA RAB TU BYUNG BA LNGA BRGYA DANG DGU BCU RTZA BDUN GYIS RGYANG RING PO NAS BSU BA'I PHYIR NAR GYIS BYUNG BA GZIGS SO, ,DE MA THAG TU BCOM LDAN 'DAS ZHAL BZHUGS PA'I DUS NA DGRA BCOM PA RNAMS KYIS BSKOR BA LTAR SHIN TU DANG BA 'DREN ZHING THUGS NYAMS DGA' BA'I MTHAR THUG PAR GYUR TO, ,DE NAS JO BO RJES PAndI TA SA'I SNYING PO LA SOGS PA RIGS PA'I GNAS LNGA LA MKHAS PA'I PAndI TA DANG, SDE SNOD GSUM LA MKHAS PA'I DGE SLONG RNAMS PHYAGS LHAM 'BRING MIG MA GSOL BA KHA CHE GUR KUM GYIS LEGS PAR KHA BSGYUR BA'I CHOS GOS RNAM GSUM PHAL CHEN SDE BAS LEGS PAR BSNGAGS PA MDZES PAR GSOL BA, THAMS CAD KYANG RTEN 'BREL GYI CHE BAS LCAGS KYI LHUNG BZED RAB TSAD RDOL BUG MED PA BSNAMS PA, ZANGS KYI RIL BA SPYI BLUGS MA GA DHA'I BRE GANG SHONG BA DANG, BSTAN PA'I BDAG POS RAB TU BSNGAGS PA'I 'KHAR GSIL LA SOGS PA'I RTAGS MTSAN THAMS CAD LEGS PAR TSANG BA YOD PA, THAMS CAD KYANG PAndI TA'I ZHVA NGA RGYAL MED PA GSOL BA, RNGA YAB DKAR PO RE PHYAG NA BSNAMS PA BRGYA DANG NYI SHU RTZA LNGAS

, ,JO BO'I RJES LA BAR DU MI RE SHONG TZAM DU MA 'BYAR BA, RGYANGS CHES MA DRAGS PA, BAR MA CHAD PAR 'JA' TSON SNA LNGA'I GUR BZHIN DU MGON PO GSER GLING PA GANG NA BZHUGS PA DER BYON PA DANG, THAMS CAD PHUN SUM TSOGS PA SHA STAG TU GYUR PAS DKAR PHYOGS KYI LHA RNAMS DGA' ZHING MGU NAS ME TOG GI CHAR PA PHAB, GSER GLING NA GNAS PA'I SKYE BO THAMS CAD BLA MA GNYIS KYI MDZAD PA LA NGO MTSAR RMAD DU BYUNG BA'I DAD PA THOB BO, ,DE NAS JO BO RJES RIN PO CHE'I BUM PA LTO BA CHE LA DBYIBS ZLUM PA, RTZA BA BRTAN LA MGRIN PA RING BA, KHA YEL LA MCHU 'PHYANG BA, NANG NA DNGOS PO CI YOD PHYI NAS GSAL ZHING RIN PO CHE GSER DANG, DNGUL DANG, MU TIG DANG, BYU RU DANG, BEE d'URYAS BKANG STE BLA MA GSER GLING PA CHEN PO'I PHYAG TU PHUL, PAndI TA SA'I SNYING PO LA SOGS PA JO BO'I SLOB MA GZHAN THAMS CAD KYIS KYANG GSER ZHO RE PHYAG RTEN DU PHUL LO, ,DE NAS JO BO RJES GSER GLING PA'I GZIM KHANG PHO BRANG GSAR GDUGS CAN GYI NANG DU PHEBS TE, BLA MA GSER GLING PA LA MAndAL PHUL NAS DUS GSUM GYI SANGS RGYAS THAMS CAD KYI YUM GCIG PU SHES RAB KYI PHA ROL TU PHYIN PA'I MDO SDE RIN PO CHE'I DON GYI SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, DE'I THABS SU THEG PA CHEN PO'I LAM GYI RIM PA'I LUS YONGS SU RDZOGS PA MGON PO BYAMS PA NAS 'PHAGS PA THOGS MED SKU MCHED SOGS LA BRGYUD PA DANG, RJE

BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I GDAMS NGAG YONGS SU RDZOGS PA GNANG DGOS TSUL ZHUS PA NA, BLA MA GSER GLING PAS DE LA LO MANG PO 'GOR BAS NYID RANG GIS BZHUGS NUS NA CIS KYANG 'BUL ZHES GSUNGS, DE LA JO BO RJES LO JI TZAM 'GOR YANG YONGS SU RDZOGS PA ZHIG CIS KYANG ZHU ZHES GSOL BA BTAB NAS LO BCU GNYIS KYI RING DBU SNGAS SPREL TE THEG PA CHEN PO'I LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BLO SBYONG BA'I GDAMS NGAG RNAMS BUM PA GANG BYO'I TSUL DU GSAN, DE NAS RGYA MTSOR 'JUG PA'I DED DPON GYIS YID BZHIN GYI NOR BU RIN PO CHE RNYED NAS RANG YUL DU LDOG PA LTAR JO BO RJE YANG THUGS LEGS PAR TSIM NAS RGYA GAR DU PHEBS PAR PHYOGS PA NA BLA MA GSER GLING PA CHEN POS KHONG RANG LA CHUNG DU'I DUS NAS RNYED PA'I THUB DBANG GI GSER SKU DE JO BO RJE'I PHYAG TU PHUL NAS BSTAN PA'I BDAG POR BYIN GYIS BRLABS SO, ,DE NAS JO BO RJE DPON SLOB RNAMS RGYA MTSO LA GZINGS BCAS TE RGYA GAR DU PHEBS NAS BSTAN PA'I BDAG PO MDZAD CING BZHUGS, DE'I TSE JO BO RJE RDO RJE GDAN NA BZHUGS DUS, MA GA DHA'I RGYAL PO NEERYA P'A LA DANG, NUB PHYOGS KARnA'I RGYAL PO GNYIS HUG ? LA WAL GYIS BYUNG NAS LAN BTAB PAS PAndI TA DE TSAR BCAD, SLO THUB PAR GNAS GZHI RNAMS SU DRANGS PAS RAB TU BYUNG BA BZHI, DGE BSNYEN GCIG DANG LNGA BKRONGS, YO BYAD MANG PO BA'I DUS SU KO LONG MA MDZAD PAR

, ,BYANG CHUB KYI SEMS BSGOMS, PHYIS G-YUL LOG NAS MA GA DHA'I RGYAL BOS KARnA'I DMAG MI THAMS CAD GSOD PA LA THUG PA NA KARnA'I RGYAL PO DANG DMAG MI THAMS CAD KYI SROG BSKYABS NAS BTANG, SLAR YANG DE GNYIS 'THABS PA NA JO BO RJES ZANG ZING GI NOR TSAD MED PA SO SOR GNANG STE CHU BO CHEN PO BRGAL NAS DMAG PHAN TSUN 'DUMS PAR MDZAD DE SEMS CAN GRANGS MED PA'I SROG BSKYABS SO, ,DE YANG, BSTOD PA LAS, RGYAL PO NEERYA P'A LA DANG, ,NUB PHYOGS KARnA'I RGYAL PO GNYIS, ,RTZOD PA CHEN PO BYUNG BA'I TSE, ,NUB PHYOGS KARnA'I RGYAL PO YIS, ,MA GA DHAR NI DMAG DRANGS PAS, ,GRONG KHYER MA THUB GNAS GZHIR DRANGS, ,RAB BYUNG DGE BSNYEN LNGA YANG BSAD, ,YO BYAD MANG BO GZHAN DU KHYER, ,KHYOD LA ZHE SDANG MI MNGA' BAS, ,KO LONG MA MDZAD SNYING RJE 'KHRUNGS, ,G-YUL LOG TSE NA DMAG MI BSKYABS, ,PHYI NAS BLA MAS 'DUMS MDZAD DE, ,'TSO BA'I YO BYAD MA GTOGS PA, ,YO BYAD LHAG MA MED PAR BTANG, ,LUS DANG SROG LA MA GZIGS PAR, ,CHU BO CHEN PO YANG YANG BRGAL, ,DE GNYIS 'DUMS NAS MDZA' BOR MDZAD, ,CES GSUNGS, YANG JO BO RJE RDO RJE GDAN DU BSKOR BA MDZAD KYIN BYAMS SNYING RJE BYANG CHUB KYI SEMS LA THUGS SBYONG BA NA, LHO PHYOGS NAS MU STEGS PA'I PAndI TA GDUGS BCU GSUM PHUB PA GCIG BYUNG NAS SANGS RGYAS PA'I BSTAN PA'I BDAG PO KHYOD YIN, MU STEGS PA'I BSTAN PA'I BDAG PO NI KHO BO YIN PAS RANG CAG GNYIS RTZOD

PA BYAS LA SU RGYAL BA DE'I BSTAN PA LA 'JUG DGOS ZER NAS, RGYAL PO DPANG DU BTZUGS TE RTZOD PA BYAS PAS, JO BOS TSEGS MED PAR TSAR BCAD PAS GDUGS BCU GSUM PO JO BO LA PHUL, ZHABS SPYI BO'I GTZUG TU BLANGS, SLOB MA BYAS NAS PHYI ROL PA THAMS CAD NANG PA'I BSTAN PA LA BTZUD DO, ,YANG SANG PHOD LO DUS SU MU STEGS PA'I STON PA GDUGS BRGYAD PHUB PA GCIG BYUNG BA'ANG SNGA MA BZHIN DU TSAR BCAD DO, ,YANG DE'I SANG PHOD MU STEGS KYI STON PA GDUGS LNGA PHUB PA SGRA TSAD LA SHIN TU MKHAS PA GCIG BYUNG NAS, SNGA MA KHO NA BZHIN DU ZER BA LA, JO BOS KYANG RTZOD PAR ZHAL GYIS BZHES NAS RTZOD PA'I DUS BOR, RGOL PHYIR RGOL GYI STAN BSHAMS, PAndI TA MANG PO DANG, SKYE BO'I TSOGS 'DUS PAR GYUR PA'I DBUS SU RTZOD PA BYAS PAS THOG MAR PAndI TA SUM CU TZAM GYIS GO, DE NAS BCO LNGA TZAM GYIS GO, DE NAS PHRA BAR GYUR PAS BCU TZAM GYIS GO, DE NAS WA TZAM GYIS GO, DE NAS RAB TU PHRA BAR GYUR PAS KHONG RANG GNYIS KYIS GO GZHAN GYIS MI GO BAR GYUR TO, ,DER MU STEGS PA DES SGRA'I TSIGS SU BCAD PA GCIG GI DON DRIS PAS JO BOS MA DGONGS PA NA, KHYOD DER SDOD CIG GSUNGS NAS NANG DU PHEBS TE JO MO SGROL MA LA MAndAL PHUL GSOL BA BTAB PAS, THUGS LA WAL GYIS BYUNG NAS LAN BTAB PAS PAndI TA DE TSAR BCAD, SLOB MAR KHAS BLANGS NAS SANGS RGYAS KYI BSTAN PA LA BTZUD DO, ,DE NAS RGYAL PO MAH'A PA LA'I RING LA JO BO RJE BI KA MA LA SH'I LA'I GTZUG LAG KHANG DU SPYAN DRANGS, GTZUG LAG KHANG

, ,BCO BRGYAD KYI BDAG PO MDZAD NAS SANGS RGYAS KYI BSTAN PA RGYA CHER SPEL, DUS DE'I TSE RGYA GAR SHAR NUB YUL DBUS DANG BCAS PA'I DGE 'DUN THAMS CAD KYI GTZUG GI NOR BU LTA BUR GYUR TE RGYAL BA'I BSTAN PA LA RGYAL BA RANG NYID SLAR BYON PA LTAR SDE SNOD GSUM DANG RGYUD SDE BZHIS BSDUS PA'I MDO SNGAGS KYI BSTAN PA YONGS RDZOGS KYI BDAG POR BZHUGS SO, ,DE NAS JO BO RJE'I SNGON GYI THUGS BSKYED DANG SMON LAM GYI MTHU DANG, KHA BA CAN GYI MGON PO RJE BTZUN SPYAN RAS GZIGS KYI THUGS RJE'I MTHUS BOD DU SANGS RGYAS KYI BSTAN PA RGYA CHER SPEL BA'I DUS LA BAB STE MNGA' RIS CHOS RGYAL YE SHES 'OD KYIS DKA' BA BRGYA PHRAG DU MA'I SGO NAS RGYAL BA'I BSTAN PA YONGS SU RDZOGS PA ZHIG BOD KHAMS 'DIR DAR BAR BYA PA'I PHYIR BRTZON PA NAR MAR MDZAD DE, MNGA' RIS STOD NAS BLO GSAL YID GZHUNG BA MANG PO RGYA GAR DU BRDZANGS, SAm SKRi TA'I SKAD BSLABS NAS CHOS BSGYUR DU BTZUD, LHAG PAR LO CHEN RIN CHEN BZANG POS SMON LAM RLABS PO CHE'I MTHU GRUB PAS SAm SKRI TA'I SKAD PHUL PHYIN MKHYEN, MDO SNGAGS KYI CHOS MTHA' YAS PA BSGYUR, LHA BLA MAS SBYIN BDAG BYAS TE MTHO LDING GSER GYI LHA KHANG PA ZHENGS, SNGON GLANG DAR MAS RGYAL BA'I BSTAN PA BSNUBS PA NAS LO BDUN CU TZAM GYI RING LA BOD DU RAB TU BYUNG BA GCIG KYANG MED PAR BOD MUN PA'I GLING DU GYUR PA NA MNGA' RIS CHOS RGYAL BYANG CHUB SEMS DPA' RNAMS DANG, LO CHEN RIN CHEN BZANG PO YAB SRAS RNAMS KYI MTHUS MNGA' RIS STOD DU DGE 'DUN

GYI SDE CHAGS TE MAR RIM GYIS 'PHEL, MDO KHAMS SU BLA CHEN DGE BA RAB GSAL GYIS DGE 'DUN GYI SDE DANG 'DUL BA'I BSHAD NYAN BTZUGS TE MDO KHAMS NAS YAR DAR TE DBUS GTZANG GI LJONGS SU DGE 'DUN GYI SDE RGYA CHER 'PHEL, DE LTA NA'ANG 'GA' ZHIG 'DUL BA LA MOS BLOS SNGAGS KHYAD DU GSOD, 'GA' ZHIG SNGAGS LA MOS BLOS 'DUL BA KHYAD DU GSOD, PHAL MO CHE GRUB MTHA'I KHA 'DZIN GYI BSHAD PA TZAM LAS THEG PA CHEN PO'I LAM GYI RIM PA'I LUS YONGS SU RDZOGS PA NYAMS SU LEN PA LTA ZHOG, PHYOGS MTHONG GI GO BA CHAGS PA'ANG DKON ZHING RGYA GAR NAS PAndI TAR RLOM PA GSER 'TSOL BA MANG PO ZHIG BOD DU LHAGS NAS SNGAGS LA SNYAD BTAGS PA'I RTZING SPYOD DANG RANG GZHAN PHUNG LA 'DEBS PA'I NGAN SNGAGS MANG POS BOD KYI SKYE BO BLUN PO RNAMS BSLUS TE RGYAL BA'I BSTAN PA RNAM PAR DAG BA CHAGS BA LA BAR CHAD CHER BYUNG BA NA, LHA BLA MA THUGS RJE CAN RNAMS THUGS MA BDE BAR RGYA BRTZON SENG LA SOGS PA BLO GSAL SNYING STOBS CAN MANG PO RGYA GAR DU BRDZANGS TE SAm SKRi TA'I SKAD BSLABS NAS CHOS SGYUR SHES PA ZHIG BYED PA DANG, LHAG PAR PAndI TA THUGS RGYUD 'BYONGS PA BSTAN PA LA PHAN THOGS NGES 'DRA GBAN 'DREN DGOS PA'I BKA' PHAB NAS GSER PHON CHE BA BSKUR TE BRDZANGS, RGYA BRTZON SENG LA SOGS PA DE DAG GIS KYANG LHA BLA MA'I BKA' BZHIN RGYA GAR LA PHYIN TE, LEGS SBYAR GYI SKAD BSLABS, MKHAS GRUB

, ,MANG PO LA GTUGS TE MDO SNGAGS KYI CHOS MANG DU BSLABS, LHAG PAR BOD LA PHAN THOGS PA'I PAndI TA THUGS RJE CAN JI LTA BU ZHIG YOD SNYAM DU BTZAD DPYAD PA NA DE DUS RGYA GAR NA PAndI TA BGRANG BA LAS 'DAS PA BZHUGS KYANG THAMS CAD KYI GTZUG GI NOR BU LTA BUR BZHUGS SHING, BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA MNGA' BAS BOD KHAMS KYI SKYE BOD MU RGOD 'DUL DKA' BA RNAMS 'DUL NUS PA JO BO RJE DPAL LDAN AA TI SHA NYID DU MTHONG NAS JI TZAM GSOL BA BTAB KYANG GDAN 'DREN NUS PA MA BYUNG BAR LO TZ'A BA DPON SLOB RNAMS TSUR LOG STE MNGA' RIS CHOS RGYAL KHU DBON LA DE'I RGYU MTSAN ZHUS PA NA CHOS RGYAL YE SHES 'OD KYIS DA DUNG GSER PHON CHE BA BTZAL NAS JO BO RJE GDAN 'DREN THUB PA ZHIG BYED DGOS, CIS KYANG MA THUB NA DE'I 'OG NAS PAndI TA CHE BA 'DRA GDAN DRANGS NAS BOD DU SANGS RGYAS KYI BSTAN PA RNAM PAR DAG PA TSUGS PA ZHIG CIS KYANG BYED DGONGS NAS GSER 'TSOL DU BYON PAS GAR LOG GI RGYAL POS CHOS KYI RGYAL PO YE SHES 'OD PAndI TA GDAN 'DREN PHYIR GSER 'TSOL BAR RIG NAS, 'DI'I PHA MES RNAMS KYIS SNGON YANG SANGS RGYAS KYI BSTAN PA DAR BAR BYAS ZER, 'DI MA BZUNG NA 'DIS PAndI TA GDAN DRANGS NAS, SANGS RGYAS KYI BSTAN PA DAR BAR BYED 'ONG BAS BZUNG LA BTZON KHANG DU CHUG CIG ZER NAS CHOS RGYAL YE SHES 'OD BZUNG NAS MNAR, DE CHOS RGYAL

BYANG CHUB 'OD KYIS THOS NAS RTA PA BRGYA BYAS TE KHU BO BZLOG TU PHYIN PAS, GAR LOG GI RGYAL PO PHA TSAN CHES NAS MA BZLOG ,YANG DMAG BYAS NAS KHO LA RGYAB NA LHOGS PAR SNANG STE, DE'I BAR DU 'GRO BA MANG PO'I SROG 'CHAD PAR SNANG BA DANG, NGA RANG LA YANG BAR CHOD BYUNG NA JO BO CHEN PO SPYAN MI 'DRONGS PAR DGA' BAS KHO DANG THABS MKHAS PAS BSTUN TE KHU BO BLU'I SNYAM DU DGONGS NAS BLUS BA DANG, KHO NA RE, 'O NA KHYED RANG PAndI TA GDAN 'DREN PA'I 'PHRO BSHOL, KHYED RANG YANG NGA'I 'OG TU ZHUGS, YANG NA GSER RGYAL PO RANG DANG MNYAM PA CIG KHYER LA SHOG ,DE NAS RGYAL PO BTANG GIS ZER BA LA, GSER LA 'DAMS NAS GSER SRANG BRGYA THAM PA KHYER TE, RGYAL PO BLUS PAS KYANG KHO MA NYAN, DE NAS LUS DANG MNYAM PA CIG KHYER NAS BLUS PAS KYANG THAMS CAD TSANG BA CIG DGOS ZER NAS KHO MA NYAN, DER KHU BO KHRIMS MUN NA BTZUD DE 'O BRGYAL BAR BZHUGS PA'I SGO DRUNG DU PHYI NAS KHU BO LA BOS TE, BKA' DRIN CHEN PO, SNGON GYI LAS THOG TU BAB PA YIN PAS, NGAS KHO LA DMAG RGYAB NAS BZLOG NA NI SKYE BO TSAN PO CHE PHUNG LA GTAD NAS RANG RE GNYIS KYANG NGAN SONG DU 'GRO DGOS PAR SNANG, PAndI TA GDAN MA DRANGS PAR KHYED RANG NGED KYI 'OG TU ZHUGS ZER BA LA NI, CHOS BLOS BTANG NAS SDIG RGYAL GYI 'OG TU ZHUGS PA LAS, KHYED CHOS LDAN DU GSHEGS PA DRAG SNYAM DU BSAMS, DE NAS GSER KHYED RANG TZAM ZHIG DGOS ZER BA LA GSER BTZAL BAS, KHYED KYI SKU LUS DANG MNYAM PA'I TSOD TZAM ZHIG RNYED,

, ,DES KHO MA NYAN PAS DA NGAS DBU TZAM ZHIG RNYED PA DANG BLUR 'ONG GIS, DE'I BAR DU SNGON GYI LAS LA SEMS PA DANG, DKON MCHOG GSUM LA GSOL BA 'DEBS PA DANG, SNYING PO CHE BRANG 'OG TU BCUG PA'I BSOD NAMS MDZAD DGOS PA YIN, ZHES ZHUS PA DANG, KHU BO BZHAD CIG MDZAD NAS, KHYOD LA'ANG GCES PHRUG SNUM ZAN MA'I BAGS CIG YOD, DKA' SPYAD DANG SNYING RUS MI NUS SNYAM PA YIN TE, NGA SHI YANG KHYOD KYIS PHA MES KYI SROL SKYONG BAR SNANG, KHYOD KYI DE GO BA CHE, NGA DES CHOG ,NGA'I BSAM PA LA BOD 'DIR CHOS KHRIMS ZHIG MA 'CHOS PAR NGA SHI NA MI RUNG BAR 'DUG SNYAM PA YIN TE, DA NGA NA SO YANG RGAS 'DIR NGA DA LAN MA SHI YANG TSE LO BCU YIN SNGAR TSE 'KHOR BA THOG MA MED PA NAS CHOS KYI PHYIR GCIG KYANG SHI BA MED, DA LAN CHOS PHYIR SHI NA LEGS PA YIN PAS RGYAL PO 'DI LA GSER SE BAR TI CIG KYANG MA STER, GSER NGA RAD TZAM RNYED PA SHIN TU RNGAM CHE NA, DA MGO PO TZAM PA GA NA RNYED, GSER THAMS CAD RGYA GAR DU KHYER LA DA DUNG PAndI TA DE GDAN CI 'DRONGS GYIS, PAndI TA CHEN PO'I SNYAN DU YANG, NGAN RE, NGAS KHYED DANG SANGS RGYAS KYI BSTAN PA'I PHYIR LUS SROG GAR LOG GI RGYAL PO NGAN PA LA BYIN YOD PAS TSE RABS THAMS CAD DU BDAG LA THUGS RJES 'DZIN PA DANG, NGA'I BSAM PA'I GTZO BO KHYED BOD DU BYON NAS SANGS RGYAS KYI BSTAN PA DAR BAR BYED PA YIN PAS DE KHO NA BZHIN DU MDZAD PA DANG, SKYE BA 'DI'I 'OG ROL TU KHYED DANG

NGES PAR MJAL BAR BYIN GYIS BRLAB TU GSOL, ZHES NGA'I 'PHRIN MDZOD CIG, DE LTAR LAGS PAS NGA BLOS THONGS LA SANGS RGYAS KYI BSTAN PA LA SOMS SHIG GSUNG, DE NAS LHA BLA MA BYANG CHUB 'OD KYIS NAG TSO LO TZ'A BA SKU MDUN DU BOS TE, DGE BSHES PA, JO BO SPYAN 'DREN DU RGYA GAR DU 'BYON DGOS PAR 'DUG CES BYA DGA' CHEN PO GNANG STE GSER PHON CHE BA DANG, G-YOG JI TZAM DGOS PA GTONG, RGYA GAR DU BYON NAS JO BO RJE LA 'DI SKAD ZHUS SHIG, SNGON DUS CHOS RGYAL GONG MA RNAMS KYIS DKA' BA CHEN POS RGYAL BA'I BSTAN BA BTZUGS KYANG GLANG DAR MAS BSNUBS, DE NAS NGED KYI YAB SEMS CHOS RGYAL RNAMS KYIS DKA' BA CHEN POS RGYAL BA'I BSTAN PA BTZUGS KYANG MDO SNGAGS GNYIS PO PHAN TSUN TSA GRANG LTAR SONG BA LAS BSTAN PA YONGS RDZOGS NYAMS LEN DU 'KHYER SHES PA SHIN TU DKON PAR SNANG ZHING, RTZING SPYOD CAN MANG POS BSTAN PA LA GNOD PA CHEN PO BYAS, NGED KYI KHU BO YE SHES 'OD KYIS TSUL DE MA BZOD NAS JO BO RJE KHYED GDAN 'DREN PHYIR GSER 'TSOL DU BYON PAS KHU BO GAR LOG GI RGYAL POS MED PAR BYAS PA'I GTAM DE RNAMS MGON PO AA TI SHA'I SNYAN DU THONGS, NGA'I KHU BO SNYING RJE CAN DE 'O AE BRGYAL, NGAS KYANG KHU BO DE BZHAG NAS 'ONG PHOD PA SGO'I GSENG NAS PHAR BLTAS PAS SKU LUS RNAMS NI DAR GYIS BCINGS, GSUNG GI MDANGS NI SHOR, SNGAR GYI DE LAS RNAM PA THAMS CAD 'GYUR, SKU LUS BUNG BA TZAM ZHIG TU SONG, NGE'I KHUNG NA'ANG BOD KYI SEMS CAN DANG SANGS RGYAS KYI BSTAN PA DANG

, ,JO BO 'BA' ZHIG THUGS LA SEMS, NGED BOD MTHA' 'KHOB KYI SEMS CAN MA RIG PA RNAMS KYI SNYING STOBS DE 'DRA NA KHYED 'GRO BA'I SKYABS GNAS THUGS RJE CAN RNAMS JI TZUG LA SONG, ZHES ZHUS SHIG CES MNGAGS GSER SRANG BDUN BRGYA BSKUR TE NAG TSO LO TZ'A BA DPON G-YOG RNAMS RGYA GAR DU JO BO SPYAN 'DREN DU BRDZANGS SO, ,DE NAS NAG TSO LO TZ'A BA DPON G-YOG 'GAS LHA BLA MA'I BKA' BZHIN RGYA GAR DU BYON, LAM PAR RNAMS SU CHOM KUN GYI 'JIGS PA SOGS BAR CHAD MANG BO BYUNG BA RNAMS THUGS RJE CHEN PO'I SPRUL BA SNA TSOGS PAS BSAL TE NYE ZHO MED PAR BI KA MA LA SH'I LAR SLEBS, RGYA BRTZON SENG DANG GROS BYAS TE JO PO GDAN 'DREN PA'I BKOD PA BYAS PA NA RE SHIG JO BO'I ZHAL MJAL BA SHIN TU DKA' BA BYUNG, DE NAS THUGS RJE CHEN PO'I SPRUL PAS JO BO BOD DU 'BYON PA'I RTEN 'BREL SGO DU MA NAS BSGRIGS TE, NYIN CIG RGYA GAR GYI PAndI TA DANG RGYAL PO GZHAN GYIS MTSOR BAR DBEN PA ZHIG GI DUS RGYA BRTZON SENG GIS NAG TSO LO TZ'A BA LA SHOG GSUNGS NAS JO BO'I GZIM KHANG DU KHRID, MAndAL KHRU GANG PA CIG YOD PA'I STENG DU GSER LING BA DE BZHAG, GSIL MA RNAMS TSOM BUR BKOD NAS JO BO LA PHUL TE, LO TZ'A BA RGYA BRTZON 'GRUS SENG GES GTAM BTANG BA, BOD KYI RGYAL PO BYANG CHUB SEMS DPA' YIN LUGS, CHOS RGYAL MES DBON GSUM GYI RING LA CHOS JI LTAR DAR LUGS, GLANG DAR MAS BSTAN PA BSNUBS LUGS, BLA CHEN PO'I DRIN LAS

DGE 'DUN JI LTAR 'PHEL LUGS, LHA BLA MA KHU DBON GYIS JO BO SPYAN 'DREN PA'I PHYIR DKA' SPYAD BYAS LUGS, DA LTA BOD NA CHOS LOG JI LTAR DAR LUGS ZHIB RGYAS DANG BCAS PA ZHUS NAS, DA YANG BOD KYI RGYAL PO BYANG CHUB SEMS DPA' DES TSE DANG LDAN PA 'DI MGON PO KHYED SPYAN 'DREN DU BTANG NAS GDA' BAS, NA NING SKAD MI GSUNG BAR BOD LA THUGS RJES GZIGS PAR ZHU ZHUS PAS, JO BO'I ZHAL NAS BOD KYI RGYAL PO BYANG CHUB SEMS DPA' YIN PAR 'DUG ,CHOS RGYAL MES DBON RNAM GSUM YANG BYANG CHUB SEMS DPA'I RNAM 'PHRUL YIN TE, DE BAS BLA CHEN PO YANG BYANG CHUB SEMS DPA'I RNAM 'PHRUL YIN, DE MIN NA BSTAN PA'I ME RO BSLANG BAR MI NUS, JO BO LHA BLA MA DE KUN BYANG CHUB SEMS DPA' YIN PAR 'DUG, BYANG CHUB SEMS DPA'I BKA' BCAG TU YANG MI RUNG BA YIN, RGYAL PO DE LA NGO YANG GNONG BAR YOD, KHONG GI MI NOR MANG PO CHUD ZOS LA SONG, KHYED BOD RNAMS SNYING RJE BAR YANG 'DUG STE, NGA YANG NA SO RGAS, LDE MIG MANG PO'ANG 'DZIN, BYA BA MANG PO'I 'PHRO YANG YOD PAS BOD DU THON RE MI 'ONG NGAM, 'ON KYANG NGAS BRTAG BA CIG BYA YI, RE ZHIG KHYED RANG GI GSER TSAGS GYIS GSUNGS NAS PHYIR LA GTOD PAR MDZAD, DE NAS JO BO RJES BOD KHAMS KYI GDUL BYA RNAMS LA THUGS BRTZE PAS BOD DU BYON NA SANGS RGYAS KYI BSTAN PA LA PHAN MI PHAN DANG, DE LA GEGS BAR CHAD KYIS GNOD PA YOD MED SOGS BRTAG BA MDZAD DE LHAG BA'I LHA RNAMS LA GSOL 'DEBS SHUGS DRAG

, ,TU MDZAD CING RDO RJE GDAN DU BZHUGS PA'I DUS, LHA DANG BLA MA RNAMS KYIS BYANG CHUB KYI SEMS JI LTAR SBYONG BAR BSKUL BA BZHIN THUGS RJE CHEN PO YI DAM DU BZUNG NAS RDO RJE'I GDAN GYI NUB PHYOGS NA 'OD DPAG TU MED PA'I LHA KHANG ZHIG YOD PA DE'I NANG DU BYAMS PA'I THUGS DAM LA BZHUGS PAS, JO BO THUGS RJE CHEN PO'I ZHAL MNGON SUM DU GZIGS, THUGS RJE CHEN PO'I ZHAL NAS, SKYES BU DAM PA LEGS SO LEGS SO DUS GSUM GYI SANGS RGYAS THAMS CAD KYI GSANG BA'I MDZOD GANG YIN PA DE KHYOD KYIS SHES SO, ,'DI NAS BYANG PHYOGS NA NGA'I ZHING KHAMS YOD, KHYOD KYI YI DAM JO MO SGROL MA YANG DE NA SEMS CAN GYI DON MDZAD CING BZHUGS, KHYOD KYI GDUL BYA MANG PO YANG DE NA YOD PAS BYANG PHYOGS SU SONGS SHIG GSUNGS NAS BOD KHA BA CAN 'DUL BAR LUNG BSTAN TO, ,YANG JO BO RJES RJE BTZUN MA SGROL MA'I RTEN GYI SPYAN SNGAR MCHOD PA BSHAMS, MAndAL PHUL NAS GSOL BA BTAB PA NI, NGAS BOD DU PHYIN NA BSTAN PA DANG SEMS CAN LA PHAN THOGS SAM MI THOGS BYA BA DANG, RGYAL PO BYANG CHUB SEMS DPA'I THUGS DGONGS RDZOGS SAM MI RDZOGS BYA BA DANG, RANG GI LUS SROG GI BAR CHAD DU 'GYUR RAM MI 'GYUR BYA BA GSUM GSOL BA BTAB PAS, DE'I NUB MO RMI LAM NA, GNAS 'DI 'DRA BA ZHIG NA NANG PA'I LHA KHANG CHUNG DU ZHIG YOD, NANG PAR DER SONGS LA RNAL 'BYOR MA ZHIG 'ONG GI DE LA DRIS DANG GSUNG BA RMIS, NANG

PAR JO BOS ME TOG SNYIM PA GANG BSNAMS NAS LHA KHANG DER ZHUGS BA NA RNAL 'BYOR MA RAL PA SA LA ZHAM ME BA ZHIG BYUNG, DE LA ME TOG RNAMS PHUL NAS NGA BOD KYI RGYAL POS SPYAN 'DREN NA NGAS BOD DU PHYIN NA BOD KYI SEMS CAN LA PHAN THOGS SAM MI THOGS ZHUS PAS, BOD DU BYON NA PHAN NI THOGS NAS 'ONG, KHYAD PAR AU PA SI KA GCIG LA BRTEN NAS PHAN THOGS TE 'ONG BAR 'DUG, DE BYIN GYIS RLOBS SHIG GSUNGS, DA DUNG RDO RJE GDAN LA MCHOD PA CHEN PO ZHIG BYAS LA GSOL BA GDAB DGOS SNYAM NAS 'BYON BAR CHAS PA NA, MKHAN PO DZNY'A NA SHR'I MI TRAS 'GRON BU SPAR GANG BSKUR NAS RDO RJE GDAN NA RGAN MO RAL PA SE SHA RE BA GCIG YOD DE LA PHUL GSUNG SKAD, DE NAS RDO RJE GDAN DU BYON TZA NA RGAN MO RAL PA SE SHA RE BA GCIG NA RE, NGA LA BSKUR BA'I 'GRON BU TSUR THONG GSUNG, DE LA YANG YID KYIS PHYAG DANG DRI BA MDZAD PAS KYANG GONG DANG MTHUN PAR BYUNG, BOD DU BYON NA PHAN THOGS PAR LUNG BSTAN PA NA, LUS SROG GI BAR CHAD DU 'GYUR RAM MI 'GYUR ZHUS PAS, TSE NI BOD DU BYON NA THUNG BAR 'DUG GSUNG, JI TZAM GYIS THUNG ZHUS PAS, BOD DU MA BYON NA DGU BCU GO GNYIS THUB, PHYIN NA BDUN CU RTZA GSUM LAS MI THUB GSUNG, DON LA NYI SHU THAMS PAS THUNG DU SONG BA YIN SKAD; DE'I TSE JO BO'I THUGS DGONGS LA BOD LA PHAN THOGS NA TSE THUNG NA YANG THUNG STE, TSE LA MI LTA SNYAM PA'I THUGS STOBS CHEN PO SKYES SO, ,DE NAS JO BO RJE RGYA GAR GYI DGE 'DUN GYI SDE RNAMS DANG SBYIN BDAG RNAMS KYIS BOD DU BYON NA

, ,RGYA GAR CHOS KYI 'BYUNG GNAS NYAMS PAR 'GYUR ZHES THAMS CAD KYIS MTHUN PAR BKAG NAS BOD DU 'BYON MI 'JUG PA LA, JO BO RJES THABS MKHAS KYIS BOD DU 'BYON BA'I 'PHROS MED PAR RDO RJE GDAN SOGS GNAS CHEN RNAMS SU MCHOD PA RGYA CHE BA RE BGYID BA YIN GSUNGS NAS GNAS RNAMS SU PHAR PHEBS TSUR PHEBS MDZAD, JO BO 'JAM DPAL RDO RJE SOGS SKU RTEN BYIN RLABS CAN MANG PO DANG GSUNG RTEN GLEGS BAM MANG DU YOD PA RNAMS 'BROM CHOS KYI RGYAL PO'I THABS MKHAS KYI SPRUL PA TSONG PA'I RNAM PA CAN ZHIG GIS SUS KYANG MA TSOR BAR GDAN DRANGS, JO BO DPON SLOB RNAMS RGYA GAR NAS LCAGS PHO 'BRUG GI MJUG LA PHYAGS BTEG ,LCAGS MO SBRUL LA BAL YUL DU PHEBS, BAL YUL GYI RGYAL PO GRAGS PA MTHA' YAS SOGS SDE DPON RNAMS DANG, PAndI TA RNAMS KYIS GTZOS DAD LDAN THAMS CAD KYIS GUS PA CHEN POS MCHOD PA'I BYE BRAG SNA TSOGS PAS BSUS SHING GSOL BA BTAB NAS BAL YUL DU LO GCIG BZHUGS TE CHOS KYI 'KHOR LO RGYA CHEN PO BSKOR, THANG BHI HA RA'I GTZUG LAG KHANG BZHENGS TE DGE 'DUN GYI SDE BTZUGS, DE NAS JO BO RJE DPON SLOB RNAMS KYIS BAL PO RDZONG DU PHYAGS PHEBS PA NA LHA BTZUN PA'I RTA PA SUM BRGYA TZAM BSU BA LA GOS DKAR PO 'BA' ZHIG GYON, RGYA THAMS CAD KYANG DKAR PO 'BA' ZHIG BYAS, BLON PO CHEN PO LHA'I DBANG PHYUG DANG, LHA'I BLO GROS DANG,

LHA'I SHES RAB DANG, LHA'I SRID 'DZIN ZHES BYA BA BZHI LA DPA' BO DAR MDUNG DKAR PO THOGS PA BCU DRUG BCU DRUG GIS BSKOR, GZHAN THAMS CAD LA YANG BA DAN CHUNG DU RE DANG, CHU DAR GYI GDUGS NYI SHU DANG, PI WAm DANG, GLING BU'I SGRA SNYAN 'KHROL BA DANG, DPON G-YOG THAMS CAD KYANG NGAG MTHUN PAR DKON MCHOG GSUM LA SKYABS 'GRO BYED PA DANG, BOD DU SANGS RGYAS KYI BSTAN PA DAR BAR 'GYUR RO BYA BA'I KHA BRDA BZANG PO BYED BA DANG, AA TI SHA LA BDO BA'I PHAS RGOL THAMS CAD BDAG GIS GZHOM PAR BYA'O ZHES DPA' BSKYED PA DANG, THAMS CAD RTA LAS MI 'BAB PAR GRAL SGOR MOR BYAS TE, DBUS SU AA TI SHA DPON G-YOG 'KHOR DANG BCAS PA RNAMS BCUG NAS MI RTA THAMS CAD KYI MGO BO NANG DU RUG GIS BSTAN, BLON PO CHEN PO BZHIS DBUS SU 'ONGS, SNGON CHOS RGYAL KHRI SRONG LDE BTZAN GYIS MKHAN PO BO DHI SATVA SPYAN DRANGS PA'I DRUNG DU BLON PO RIG PA CAN RNAMS KYIS ZOR MA'I GLU BLANGS PA LTAR BLON PO RNAMS KYIS BLU BLANGS BA NI, LO ZHES BYA BA GRAG STONG SNYAN PA'I GLU DBYANGS LO, ,ZHES SOGS BKRA SHIS PA'I GLU DBYANGS MANG PO DANG BCAS SPYAN DRANGS, LO TZ'A BA CHEN PO GUNG THANG PA LA SOGS PA RAB TU BYUNG BA'I RTA PA SUM CU RTZA LNGAS BSKOR BA'I DBUS NA CHIBS CANG SHES MTHONG SMON DANG BA'I STENG NA JO BO RJE DPAL LDAN AA TI SHA KHRU GANG TZAM GYIS SGA LA MA REG PAR MDZAD NAS SKU'I DKYIL 'KHOR BABS CHAGS PA, MDZES PA, BLTA NA SDUG PA, 'JIG

, ,RTEN LHA DANG BCAS PAS MCHOD PAR 'OS PA, 'JIG RTEN MKHYEN CING SKYES BU 'DUL BA KHA LO BSGYUR BA BLA NA MED PA'I ZHAL 'DZUM PA DANG BCAS PA, SAm SKRi TA'I GSUNG 'KHROL BA, RUS BA CHAGS PA, TSIG GI LHAD MED LA GSUNG GI GDANGS SNYAN PA, GSUNG GI NGAR CHE LA DRANG POR SMRA BA DE KHROL MDZAD NAS, AE MA HO, AA TI AA TI, PHA LA PHA LA, PHA LA HO ZHES SOGS SAm SKRi TA'I SKAD DU BKRA SHIS MANG DU BRJOD PAR MDZAD CING RIM GYIS PHEBS TE GANGS RI CHEN POR PHEBS, GANGS RI CHEN PO LA ZHABS SKOR MDZAD PA NA GNAS BRTAN CHEN PO YAN LAG 'BYUNG 'KHOR DGRA BCOM PA RNAMS DANG BCAS GSO SBYOD MDZAD PA'I GAndI'I SGRA GSAN ZHING GNAS BRTAN CHEN PO DANG DNGOS SU MJAL NAS BKA' BGRO BAR MDZAD, MTSO MA PHAM GYI 'GRAM DU PHEBS NAS CHAB GTOR MDZAD BA'I TSE THUGS RJE CHEN PO'I ZHAL GZIGS SHING, KLU RNAMS KYIS GUS PAS MCHOD PA SOGS NGO MTSAR YA MTSAN CHE BA'I RNAM THAR MANG DU MCHIS, PHYOGS DE'I DAD LDAN RNAMS LA CHOS MANG DU GSUNGS, DE NAS RIM GYIS PHEBS TE GU GE MTHO LDING DU PHEBS SU NYE BA NA NAG TSO LO TZ'A BAS LHA BLA MA BYANG CHUB 'OD LA RING POR MI THOGS PAR JO BO RJE 'KHOR BCAS MTHO LDING GSER GYI LHA KHANG DU 'BYON PAR YOD PAS THUGS DGYES PAR ZHU ZHUS PAS LHA BTZUN CHEN PO DGYES PA'I MTHAR THUG NAS, NGAS DAD GUS MA LOG BAR GSOL BA RGYUN DU BTAB NAS YUN RING SONG STE LHA CIG DANG MJAL BA YIN, MDANG

RMI LAM NA NUB PHYOGS NAS NYI MA'I DKYIL 'KHOR CHEN PO GCIG SHAR BYUNG BA DANG, SHAR PHYOGS NAS ZLA BA'I DKYIL 'KHOR NYA GANG BA 'DRA BA ZHIG SHAR NAS BYUNG BAS, DE GNYIS LHAN CIG 'TSOGS MA THAG SPRIN DANG KHU RDUL THAMS CAD RANG SAR DENGS, SKAR TSOGS THAMS CAD NAM GUNG BZHIN DU GRA MA NYAMS PAR NYI ZLA GNYIS LA 'DUD KYIN SNANG BA RMIS, DA ZLA BA DE NGA YIN SNYAM NA YANG, SHAR PHYOGS MA GI NAS BYUNG BA SU YIN GANG YIN CHA MED SU YIN YANG DES GO CHOD PAR SNANG, RMI LTAS KYANG SHIN TU BZANG GSUNGS, DE NAS JO BO RJE GZHIS BYES KYI RTA PA LNGA BRGYA TZAM GYIS BSKOR BA'I DBUS NA CHIBS MTHONG SMON RLUNG GSHOG LA KHRU GANG TZAM MA REG PAR NYI MA'I DKYIL 'KHOR LTAR LHAM ME, YE RE, LHOD DE, SHIG GE, YAR BGRES MA DRAGS PA, MAR GZHON MA DRAGS PA DANG BA 'DREN PA'I SGANG DU GYUR BA, GTZANG CHOS NAS 'BYUNG BA BZHIN DU PAn CHEN GYI DBU ZHVA SHIN TU MDZES PA DES NAM MKHA'I MTHONGS SNYEG PA, DPON SLOB SUM CU RTZA BZHI PO THAMS CAD LTA SPYOD DANG NA BZA'I CHA LUGS KHYAD PAR MED NA'ANG, JO BO'I NA BZA' DE RDO TSOS MA SNUM ZHING DRI ZHIM LA MDANGS CHAGS PA, SKU SHA CHE BA LTA BU LA BRJID CHAGS PA, SKU LUS DRANG ZHING MDZES LA SKABS THAMS CAD PHYED PA, PHYAG DANG SOR MO THAMS CAD ZLUM ZHING RGYAS PA, BYIN GYIS PHRA BA, DBU SKRA GANG CING SNUM LA MTSAMS PHYED PA, DPRAL BA'I DBYES

, ,CHE BA; THAMS CAD NAS BLTAS KYANG 'DZUM CHAGS PA, SMIN MA BZANG LA MDANGS 'BREL BA, SNA'I GZENGS MTHO BA, ZHAL GYI DKYUS LEGS PA, MCHU'I CHAG THON PA, SNYAN SHAL RING LA MDZES BA, BAG DRO BA, ZIL CHE BA, YANG DANG YANG DU LTA SNYING 'DOD PA, DANG BA 'DREN PA'I STOBS KYIS BLTAS NAS MIG SDUD MI SHES BA, GSUNG KHROL LA SNYAN PA, GSUNG CHE LA DRANG BA, LDABS KYIN MI MDZAD PA, DAM PA'I CHOS KYI GSUNG KHO NAR 'BYON PA, DAD BA YE MED PA DAG GIS THOS KYANG DAD PA GLO BUR DU SKYE ZHING RGYUD DUL TE 'GRO BA, PHYOGS GA NAS BLTAS KYANG SANGS RGYAS BCOM LDAN 'DAS KYI DRUNG DU LHA DANG BCAS PA'I 'JIG RTEN GYIS 'DUD PA LTAR LHAM ME LHAN NE BSAM GYIS MI KHYAB PA'I RNAM THAR DANG LDAN PA CIG SNANG BA DE SKYE BO'I TSOGS SUS MTHONG YANG MTHONG MA THAG TU SKYABS SU MCHI'O, ,ZHES LAN GSUM GSUM THAMS CAD KYI KHA NAS 'BYUNG ZHING GCIG GIS GCIG LA STON CING TZAG SGRA DI RI BYAS NAS NGO MTSAR CHE 'DI NI MI RANG GA BA MIN, SANGS RGYAS BCOM LDAN 'DAS SAM DE YIN LA CHE ZER ZHING THAMS CAD RANG SA NAS SHES PA GZUNG RGYU MED PA SKAD CHEN POS 'BOD DE, SKYABS SU MCHI'O, ,SANGS RGYAS BCOM LDAN 'DAS RGYA GAR CHOS KYI RGYAL PO PAn CHEN LNGA BCU RTZA GNYIS KYI GTZUG GI NOR BU RIN PO CHE, MGON PO AA TI SHA SANGS RGYAS BSTAN PA'I BDAG PO, BDAG CAG

BOD KYI SEMS CAN LAS NGAN CAN RNAMS LA THUGS RJES GZIGS SHIG, KHYOD KYI PHYOGS SU DKA' LAS BYED PA LHA KHU DBON SHIN TU BDEN PAR SNANG NGO, ,BOD KYI MI NOR THAMS CAD ZAD KYANG 'GYOD PA MA MCHIS SO, ,KHYED GDAN 'DREN PA LA DKA' LAS CHEN BO 'ONG BA RE BDEN, DA NI 'JIG RTEN GYI MGON PO BOD DU BYON NO, ,ZHES THAMS CAD DAD PAS PHYOGS GCIG TU 'UR BA DANG, MGON PO AA TI SHA YANG SHIN TU MNYES NAS BOD KYI SEMS CAN RNAMS KHO BO LA 'DI LTAR DAD PA CHE BA, BLA MA SANGS RGYAS BSTAN PA'I BDAG PO THAMS CAD THEG PA CHEN PO'I RIGS CAN, AE MA PHAN BDE'I 'BYUNG GNAS DKON MCHOG GSUM, NGA'I GDUL BYA RNAMS LA THUGS RJES ZUNGS SHIG GSUNGS NAS KHROM THAMS CAD LA GZIGS SHING BYIN BRLABS MDZAD, LHA BLA MA'I AA nI LHA CIG CHOS 'BUM GYIS JO BO'I ZHAL GYI DKYIL 'KHOR LA BLTAS TE THAL MO SBYAR NAS MKHAS PA 'DI'I PHYOGS SU NGA'I MING PO GSER GYI RI RAB 'DRA BA CIG GSHEGS TE, NGA SEMS MI KHRAL, MYA MI NGAN, MING PO DE'I SROG DANG PAndI TA 'DI BRJES PA YIN TE, BAL PON HA SU, MNGA' RIS NA RIN BZANG, PHYOGS NAS NGA CHE ZER BA RNAMS LA NGOM PA YIN, NGA'I TSA BO 'DI SRIN BU 'DRA BA ZHIG BSKYANGS PAS DA LTA SA'I BDAG PO SNYING RUS CHE LA SKABS DON YOD PA 'DI 'DRA ZHIG BYUNG ZER NAS LHA BLA MA'I MYA NGAN RIS NON PA TZAM YOD PA SANGS PAR

, ,BYAS; MGUL G-YU GSER SRANG LNGA BCU RI BA ZHIG YOD PA DE MGON PO AA TI SHA'I PHYAG TU PHUL NAS, THAL MO SBYAR NAS 'DI SKAD ZER, MGON PO AA TI SHA G-YU RDOG 'DI MCHOD PAR BZHES LA ZHU BA 'DI GSON DANG, NGA'I MING PO LHA BLA MA YE SHES 'OD BYA BA DE MES PO CHOS KYI RGYAL PO DE RNAMS KYI CHOS KYI RNAM SROL SNYEG PA DANG, SNYIGS MA'I DUS 'DIR SANGS RGYAS KYI BSTAN PA LA LUS LONGS SPYOD DGE BA'I RTZA BA RNAMS LA SPRUGS PAS, KHYED LTA BU'I BLA MA DKON MCHOG THUGS RJE CHEN PO DANG LDAN PA RNAMS KYI THUGS RJE'I GO BAR NAS SNYING STOBS CAN DE MI 'DOD PA'I LAG TU SHOR, DA NI MING PO DE'I TSAB MA KHYED LA ZHU BA LAGS PAS SKYE BO NGAN PA RNAMS KYI LOG RTOG NGAN PA GCIG PHU SBYANG BA'I CHED DU YANG BOD DU YUN BSRINGS NAS RGYUN DU BZHUGS PA ZHU 'TSAL ZHES GSOL BA BTAB, DE NAS JO PO RJES MTHO LDING GSER GYI LHA KHANG DU PHEBS, LHA BLA MAS PHEBS STON RGYA CHEN PO MDZAD, LO CHEN RIN CHEN BZANG POS KYANG RANG GI GNAS GTZUG LAG KHANG DU SPYAN DRANGS, MCHOD PA'I DNGOS PO TSAD MED PAS MCHOD, DBU MA SNANG BA SOGS CHOS MTHA' YAS PA GSAN ZHING, LHAG PAR BDE MCHOG GI DBANG DANG RJE BTZUN MA'I BYIN RLABS GNYIS ZHUS, BYIN RLABS THOB PA DANG RTOGS PA DANG NYAMS

BZANG PO SKYES, DPE DANG MCHOD GNAS MA GTOGS PA NOR DNGOS PO CI YOD JO BO LA PHUL NAS, JO BO'I BDE MCHOG DANG RJE BTZUN MA LA THUGS DAM GYI MTHIL MDZAD, JO BO'I ZHAL NAS, NGA'I LO TZ'A LA 'GRO DGOS GSUNGS PAS, LO TZ'A BAS DBU BSTAN TE, MGO BO DKAR PO 'DI BZHIN DU SONG BAS KHO BO SGRUB PA CIG BYED PAR ZHU BA PHUL BAS, KVA YE RIN CHEN BZANG PO KHYOD SGRUB PA GSH'AM CIG BYED NA SKYE BA SNGA MA PHAN CHAD KYI DGE BA'I TSONG, DPAG TU MED PA'I MTHU NI YOD, DAL 'BYOR GYI MI LUS RIN PO CHE THOB PAR DKA' BA NI THOB, SANGS RGYAS KYI BSTAN PA DANG NI PHRAD, DE STON PA'I DGE BA'I BSHES GNYEN DANG NI MJAL, SRID PA'I NANG RAB TU ZHI BAR BYED PA DAM PA'I CHOS KYI BDUD RTZI'I SMAN NI RNYED, GTI MUG GI MUN PA SEL BAR BYED PA DAM PA'I CHOS KYI SGRON ME DANG NI PHRAD, SRID PA'I CHU BO LAS SGROL BA'I THABS SHES KYI GRU GZINGS RNYED PA'I SKABS 'DIR, SEMS BYA BA NGAN PA RNAMS KYIS MA G-YENGS PAR MDZOD CIG GSUNGS, LO CHEN RIN CHEN BZANG POS JO BO'I ZHAL GDAMS DE THUGS LA BZHAG NAS SGRUB KHANG GI SGO LA LCAGS GZER BTAB NAS CHOS STON BUG PA GCIG NAS TSUR BLANGS, SGO'I YA THEM LA GNAS KHANG 'DI'I NANG DU THA MAL PA'I RTOG PA SKYES NA CHOS SKYONG BA'I SRUNG MA RNAMS KYIS MGO BO KHOS BYA BA BRIS NAS JO BO THEGS RJES LO BCU'I BAR DU

, ,SGRUB PA RTZE GCIG TU MDZAD PAS, BDE MCHOG GI DKYIL 'KHOR MNGON SUM DU GZIGS SO, ,DE NAS LHA BLA MA BYANG CHUB 'OD KYIS JO BO RJE LA GSOL BA 'DI LTAR BTAB STE BYANG PHYOGS KHA BA CAN GYI LJONGS 'DIR SNGON DUS CHOS RGYAL MES DBON RNAM GSUM GYIS DKA' BA BRGYA PHRAG DU MA'I SGO NAS SANGS RGYAS KYI BSTAN PA BTZUGS LUGS, DE NAS GLANG DAR GYIS BSTAN PA BSNUBS LUGS, DE NAS RANG GI YAB MES MNGA' RIS CHOS RGYAL RNAMS KYIS LUS SROG KHYAD DU BSAD NAS BOD 'DIR SANGS RGYAS KYI BSTAN PA BTZUGS KYANG LOG PAR SMRA BA MANG POS BSTAN PA CHAL CHOL DU SONG TSUL SOGS SPYAN MCHI MA 'KHRUG BZHIN DU ZHIB TU ZHUS NAS DA JO BO THUGS RJE CAN KHYOD KYIS BOD KYI GDUL BYA DMU RGOD CAN 'DI RNAMS LA CHOS ZAB ZAB MO DANG, MTSAR MTSAR PO MI 'TSAL KYI LAS RGYU 'BRAS KYI CHOS KYIS BSKYANG BAR ZHU, LHAG PAR RGYAL BA'I GSUNG RAB DGONGS 'GREL DANG BCAS PA THAMS CAD HRIL GYIS DRIL BA NYAMS SU BLANG BDE BA BOD SPYI LA PHAN PA'I CHOS ZHIG THUGS RJES 'DZIN PA ZHU, ZHES ZHUS PAS ZHU BA DE LA JO BO RJE SHIN TU DGYES NAS, DUS GSUM RGYAL BA THAMS CAD DAG DANG DE YI CHOS, ,DGE 'DUN RNAMS LA GUS PA CHEN POS PHYAG BYAS TE; ;SLOB MA BZANG PO BYANG CHUB 'OD KYIS BSKUL GYUR PAS, ,BYANG CHUB LAM GYI SGRON MU RAB TU GSAL BAR BYA, ,ZHES SOGS BYANG CHUB LAM GYI SGRON MA MDZAD, JO BOS MNGA' RIS GU GER BYANG CHUB LAM GYI SGRON MA MDZAD PA NA JO BO'I

THUGS BSKYED LHAG PAR BZANG BA'I MTHUS, JI LTAR NYI MA SHAR BA NA, 'UG PA DANG SRIN BYA SOGS 'BYUNG PO'I BYA RNAMS SGRA MI GRAG PAR RANG RANG GI KHUNG BUR YIB PA JI LTA BAR RTZING SPYOD CAN MTHA' DAG RE SHIG NUB PA ZHIG BYUNG ZHES SNGON GYI MKHAS PA RNAMS GTAM DU GLENG NGO, ,DE NAS JO BO RJE NYID BOD DBUS GTZANG GI MTHIL DU PHEBS NAS RGYAL BA'I BSTAN PA RGYA CHER SPEL BAR BZHED CING DON DE LTAR DU NGES MOD KYANG, JO BO RGYA GAR NAS 'BYON DUS BI KA MA LA SH'I KA'I GNAS BRTAN GYIS NAG TSO LO TZ'A BA LA 'PHAGS YUL GYI BSTAN PA'I BDAG PO JO BO RJE 'DI BOD DU RGYUN RING BZHUGS MI CHOG PAS LO GSUM GYI KHONGS SU TSUR BSKYEL THUB BA BGYI DGOS, DE LTAR MA BYAS NA LO TZ'A BA KHYOD KYI CHOS DAM TSIG GI 'BREL PA NYAMS SO ZHES DAM TSIG LA BKAR TE LO TZ'A BAS KHAS LEN BYED DGOS BYUNG BAS, LO TZ'A BAS RGYA GAR DU DA 'BYON DGOS ZHES BSKUL, JO BOS KYANG 'BYON PA LTAR BYAS TE PU HRENG DU PHEBS, JO BO LA SNGAR NAS RJE BTZUN SGROL MAS BOD DU DGE BSNYEN CHEN PO ZHIG LA BRTEN NAS BSTAN PA LA PHAN PA RGYA CHEN PO 'ONG ZHES YANG DANG YANG DU GSUNGS SHING, DE SKABS KYANG DGE BSNYEN MYUR DU 'ONG ZHES YANG YANG GSUNG BAS JO BO RJES NYIN LTAR BYA RA MDZAD CING, NGA'I AU PA SI KA MA BYUNG T'A RE BRDZUN NI CANG GSUNG NGAM ZHES GSUNG BAR MDZAD, NYIN GCIG SBYIN BDAG CIG GIS JO BO GDAN DRANGS PA'I SHUL DU 'BROM RIN PO CHE PHEBS JO BO'I GZIM KHANG DU PHEBS PA NA, JO BO DA LTA SBYIN BDAG ZHIG GIS GDAN DRANGS SONG BAS DA LTA

, ,PHEBS YOD ZHES BRJOD PA NA, 'BROM RIN PO CHES NGA THEG PA CHEN PO'I DGE BA'I BSHES GNYEN DANG MJAL BA SKAD CIG MA SNGA PHYI LA'ANG SNGA MA 'DAM PAS SGUG MI THUB GAR BZHUGS KYI SAR 'GRO ZHES PHEBS PAS SRANG BAR ZHIG TU MJAL, 'BROM RIN PO CHES BRKYANG PHYAG MDZAD DE JO BO'I SKU MDUN DU PHEBS PA NA JO BO RJES 'BROM GYI DBU THOG TU PHYAG BZHAG NAS SAm SKRi TA'I SKAD DU SHIS BRJOD MANG DU MDZAD, DE NYIN SBYIN BDAG DE LA NGA'I AU PA SI KA'I SKAL BA DGOS ZHES BSNAMS NAS YOD PA DE GNANG, JO BO RJE NI SKU TSE HRIL PO SHA MI BZHES PAR DKAR SNGOR MDZAD PA YIN PAS DE NYIN GYI STON SKAL DE LA ZAN DANG MAR SBRAGS NAS YOD PA 'BROM GYIS ZAN DE BZHES MAR DE MA BZHES PAR MAR ME KONG BU MTSAN THUB CIG BJOS NAS JO BO'I DBU SNGAS SU PHUL, DE NAS BZUNG STE SKU TSE HRIL PO JO BO'I DBU SNGAS SU MAR ME MTSAN THUB RGYAN MA CHAD PA PHUL BA YIN GSUNG, JO BOS 'BROM PHEBS PA MKHYEN NAS BUM PA BSGUBS ZIN PAS MJAL BA'I NUB MO DE RANG 'BROM RIN PO CHE LA DBANG BSKUR SRAS KYI THU BOR BZUNG NGO, ,DE NAS PU HRENG NAS RIM GYIS PHEBS TE MANG YUL SKYID GRONG DU PHEBS, DE'I TSE JO BO RJE NYID KYI THUGS BSKYED DANG BOD KYI GDUL BYA RNAMS KYI BSOD NAMS KYIS JO BO RJE SKYID GRONG NAS PAL PO RDZONG BRGYUD DE RGYA GAR LA GDAN 'DREN RTZIS BYAS KYANG BLA PO RDZONG DU DUS 'KHRUG LANGS PAS DMAG ZINGS CHEN POS LAM 'GAGS NAS SKYID GRONG DU LO GCIG BZHUGS, 'BROM

RIN PO CHES THABS MKHAS KYIS JO BO'I SNYAN DU BOD NA SKU GSUNG THUGS RTEN MTHA' YAS PA YOD TSUL DANG DGE 'DUN GYI SDE MANG PO CHAGS TE DGE 'DUN STONG PHRAG MANG PO YOD TSUL SOGS ZHUS PA NA JO BO DGYES NAS BOD LA ZHAL GZIGS TE PHYAG THAL MO SBYAR DGE 'DUN DE SNYED BZHUGS NA DGRA BCOM PA YANG YOD DES, BYANG CHUB SEMS DPA' YANG MANG PO YOD DU NGES GSUNG NAS MNYES MNYES MDZAD, BOD DU 'BYON PAR BZHED PA NA 'BROM RIN PO CHES DBUS PHYOGS KYI DGE 'DUN GYI SDE RNAMS SU 'PHRIN YIG BRDZANGS TE, DE'I TSE DBUS NA BSTAN PA'I KHUR BZHES PA'I BSHES GNYEN CHE BA RNGOG LEGS PA'I SHES RAB DANG, KHU STON BRTZON 'GRUS G-YUNG DRUNG SOGS MANG DU BZHUGS YOD KYANG ZHU YIG GI GNYER KHA KA BA SH'AKYA DBANG PHYUG LA GTAD DE BOD KYI BLA CHEN MI CHEN RNAMS KYIS JO BO AA TI SHA GDAN 'DREN PAR STON DUS TSUN LA 'BYOR PA CIS KYANG MDZOD CES ZHU 'PHRIN PHUL BA DGE BSHES KA BAS BOD KYI BLA CHEN RNAMS LA BRDA BYAS TE THAMS CAD BLO MTHUN PAR MANG YUL SKYID GRONG PHYOGS SU JO BO GDAN 'DREN DU 'BYON PA'I GRABS BYAS PA NA, KHU STON GYIS SOGS KHONGS SU 'JOG PA'I MI DE NGA MIN NGAS SNGON LA PHYIN NAS JO BO GDAN 'DREN THUB PA ZHIG BYED GSUNGS NAS SNGON LA PHEBS PA NA GZHAN THAMS CAD LA LCAG BTAB PA LTAR THAMS CAD 'UR LANGS KYIS 'PHRAL DU THON TE PHEBS BSU LA 'DZOM, JO BO RJES SKYID GRONG DU LO GCIG BZHUGS RING DE

, ,LA GTZO BOR RANG BYUNG 'PHAGS PA'I LHA KHANG DU SKAL BA DANG LDAN PA MANG PO LA CHOS KYI 'KHOR LO BSKOR, RANG BYUNG 'PHAGS PA'I BYANG RI NAGS KHROD PHUN SUM TSOGS PA ZHIG YOD PA'I NGOS LA PHEBS TE GNAS DER SANGS RGYAS KYI BSTAN PA DAR BA'I RTEN 'BREL BSGRIGS, JO BOS GNAS DER BYON NAS BYIN GYIS BRLABS SO ZHES PHYI MA'I SKYE BO RNAMS LA SNANG BAR BYA BA'I PHYIR RDO LA PHYAG MDZUB KYIS MA nI BRIS TE BZHAG PAS GNAS DE LA MA nI LA KHA ZHES MING CHAGS, GNAS DE NI DENG SANG BKRA SHIS BSAM GTAN GLING GI SGRUB SDE CHAGS PA'I GNAS 'DI YIN TE, MA nI JO BO'I PHYAG BRIS MA DE NI DENG SANG YANG BLTAR YOD DO, ,DE LO JO BOS DBYAR GNAS MDZAD PA'I SA DE LA GNAS ZHES MING DU CHAGS, DER JO BOS SKAL BA DANG LDAN PA MANG PO LA CHOS STON PAR MDZAD, YANG JO BOS SKAL LDAN MANG PO LA CHOS 'KHOR RGYA CHER BSKOR BA'I GNAS LA CHOS 'KHOR ZHES MING CHAGS TE, DENG SANG YANG GRA CHOS 'KHOR DANG LA LDEBS CHOS 'KHOR ZHES MING DU CHAGS SHING YUL DE DANG DE DAG NA GNAS PA'I SKYE BO RNAMS JO BO RJE LA GSOL BA 'DEBS PA LHUR BYED DO, ,DE'I TSE NAG TSO LO TZ'A BA JO BO RGYA GAR LA 'PHRAL DU SBYAN 'DREN NI MA THUB, BI KA MA LA SH'I LA'I GNAS BRTAN GYIS DAM TSIG LA BKAR BA DRAN NAS YID SLONG SLONG POR GYUR BA NA JO BO RJES MKHYEN NAS, LO TZ'A BA DE TZAM GYI SEMS NGAL BYA MI DGOS SGRUB PAR MA NUS PA LA NYES PA MED GSUNGS PA NA, LO TZ'A BA GTING THAG PA NAS

DGA' ZHING MGU STE DE LTAR NA JO BO BOD LA 'BYON PAR ZHU ZHES GSOL BA BTAB, DE NAS DBUS GTZANG GI BLA CHEN MI CHEN RNAMS KYI BSU BA SLEBS, DE'I TSE BOD KYI BLA MA CHEN PO RNAMS KYIS BOD KYI GZAB 'PHYOR GYI CHAS BSE THEB DANG RTA PHYING GYON RTA BZANG PO LA CHIBS NAS 'ONGS PA NA JO BOS RGYANG RING PO NAS GZIGS MA THAG ,AU PA SI KA 'DRE MANG PO SLEBS BYUNG CI YIN ZHES DBU NA BZAS GTUMS NAS BZHUGS, DE NAS 'BROM RIN PO CHES BOD KYI BLA CHEN RNAMS LA RAB BYUNG GI CHAS RNAM DAG MDZAD NAS BYON ZHES ZHUS NAS THAMS CAD KYIS CHOS GOS RNAM PA GSUM LEGS PAR BGOS TE PHEBS PA NA JO BO MNYES NAS BZHENGS TE PHYAG LAN MDZAD, DE NAS RIM GYIS GTZANG PHYOGS LA PHEBS TE DPAL KHUD THANG DU MAR PA LO TZ'A RGYA GAR DU BRTING MA PHEBS PA DANG MJAL, MAR PAS JO BO'I ZHABS SPYI BOR BLANGS TE CHOS ZHUS, JO BOS NGA'I LO TZ'A LA 'GRO GSUNGS PAS, DA RES CIS KYANG RGYA GAR DU PHYIN CHOG PA DGOS SLAR MJAL CHOG PA ZHU ZHES ZHUS, DE NAS RIM GYIS PHEBS TE SA SKYA'I THAD DU PHEBS PA NA, SA SKYA LA PHYAG MDZUB GTAD DE GNAS 'DIR 'JAM DBYANGS KYI SPRUL PA BDUN 'BYUNG ZHES LUNG BSTAN, DE NAS RGYANG DU PHEBS GNAS DE'I DGE 'DUN RNAMS LA CHOS MANG DU GNANG, DER 'BROG MI LO TZ'A BAS JO BO'I ZHABS LA GTUGS, BSNYEN BKUR PHUN SUM TSOGS PA MDZAD, DE NAS RIM GYIS PHEBS TE SNAR THANG GI THAD DU PHEBS PA NA GNAS 'DIR 'PHAGS PA'I GNAS BRTAN

, ,GYI SPRUL PA 'BYUNG ZHES LUNG BSTAN, DE NAS TSONG DUS SU PHEBS TE ZHA LU MTHIL GYI LHA KHANG DANG, KHYAD PAR RI SBUG TU BZHUGS NAS CHOS MANG DU GSUNGS SHING BYIN GYIS BRLABS, DE NAS MYANG STOD NYAN TSOR BYON NAS DBYAR GNAS MDZAD, DBYAR ZLA BA GSUM GYI RING LA PHYOGS PHYOGS NAS 'DUS PA'I DAD LDAN MANG PO LA CHOS RGYA CHER STZAL, YOL CHOS DBANG, YOL DRANG SRONG, YOL THOG 'BEBS GSUM DANG, RJE 'GOS LOS KYANG GNAS DER PHEBS NAS JO BO'I ZHABS LA GTUGS, DGE BA'I BSHES GNYEN DGON PA BAS KYANG GNAS DER PHEBS NAS JO BO'I ZHABS LA GTUGS TE JO BO'I MCHOD GNAS MDZAD, DBYAR GNAS GROL NAS RONG BRGYUD DBUS SU PHEBS, GAN PA BYANG THANG DU PHEBS PA NA LHA SA'I THAD KYI RI LA PHYAG MDZUB GTAD NAS PHA GI NA CI YOD PA YIN GSUNG, LHA SA'I GTZUG LAG KHANG BDOG PA LAGS ZHUS PAS, DE THAD 'JA'I GUR GSUM BRTZEGS 'DUG ,LHA'I BU DANG BU MO MANG POS MCHOD PA BYED KYI 'DUG GSUNG, DE NAS CHOS 'KHOR BSAM YAS SU PHYAGS PHEBS, LHA BTZUN BO DHI R'A DZAS ZHABS TOG LEGS PAR MDZAD, BOD KYI MI CHEN MANG PO'ANG 'DUS PA LA CHOS RGYA CHER STZAL, BSAM YAS SU JO BOS LHA KHANG LA THOGS MED DU BYON PA DANG, ZHABS SA LA MA REG PAR BSKOR BA MDZAD PA SOGS RDZU 'PHRUL MANG PO BSTAN TE PHYOGS DE'I GDUL BYA RNAMS MI PHYED PA'I DAD PA LA BKOD DO, ,DE NAS KHU STON GYIS YAR KLUNGS SU SPYAN DRANGS, THANG PO

CHER RA KHRI BZANG BYA BAS BRTZIGS PA'I RA BRTZIGS KHANG BAR BZHUGS, CHOS MANG DU GSUNGS, DER 'BROM GYIS KYANG SPYAN SNGAR BYON, KHUS ZHABS TOG BZANG BA KHO NA MA BYUNG BAS, DPON SLOB RNAMS BROS TE MYANG BO'I GRU LA ZHUGS PA NA, KHU STON GYIS KYANG RJES BSNYEGS SU SLEBS NAS AA TI SHA DER BZHUGS ZHES SKAD CHEN PO BTANG, ZHU BA BYAS KYANG MA GSAN PAR, DBU ZHVA PHYIR BYIN RLABS KYI RTEN DU 'PHANGS, DE NAS 'ON GYI LHA KHANG KE RUR ZLA BA GCIG BZHUGS, DE'I RTZIG NGOS LA NYID KYI SKU 'DRA GCIG BRI BAR MDZAD DE, DING SANG YANG MCHOD PA'I GNAS SU GYUR, DE NAS BSAM YAS SU PHEBS NAS PE HAR GLING DU BZHUGS, RGYA DPE MANG PO 'DUG PA GZIGS PAS, SHIN TU DGYES TE SNGON BOD DU BSTAN PA BYUNG BA 'DRA BA RGYA GAR DU YANG BYUNG BA DKA' GSUNG, BYANG CHUB CHEN PO GZIGS PAS MAH'A BO DHI DANG KHYAD MI SNANG GSUNG, GNAS DANG GTZUG LAG KHANG LA THUGS SHIN TU DGYES, DE NAS BANG STON GYI BSU BA RTA PA NYIS BRGYA TZAM SLEBS TE DPON G-YOG RNAMS RGOD DKAR LA LA THEGS, SRI'I RGYA PHIBS SU ZLA BA PHYED BZHUGS, DE NAS RNGOG LEGS PA'I SHES RAB KYIS LHA SA 'PHRUL SNANG DU SPYAN DRANGS, BSU BA MDZAD PA'I DUS SU JO BO THUGS RJE CHEN POS KYANG BSU BA MDZAD DE, MI RENG SKYA BO ZHIG BYUNG NAS, MAH'A PAndI TA BYON PA LEGS SO, ,RGYAL BAR GYUR CIG GSUNGS NAS BZHUD PAS, JO BOS CHIBS LAS BABS TE BRGYUGS PAS MA ZIN, DE LTAR MDZAD PA CI LAGS ZHUS PAS, KHYED KYIS MI RENG SKYA BO DE MTHONG NGAM GSUNGS, MTHONG LAGS ZHUS PAS, DE NGA'I

, ,YI DAM THUGS RJE CHEN PO YIN, PHYAG BYA BAR 'DOD NAS BRGYUGS PAS MA ZIN GSUNG, 'PHRUL SNANG GI THUGS RJE CHEN PO 'DI LAS NGO MTSAR CHE BA MED, THUGS RJE CHEN PO DNGOS YIN GSUNG, JO BO SH'AKYA MU NE GZIGS PAS SPRUL PA'I SKU DNGOS YIN GSUNGS NAS RGYA GAR GYI LHA BZO BA MKHAS PA GCIG LA 'DI KHO NA 'DRA BA ZHIG BZHENGS SHIG GSUNGS NAS BZHENGS SU BCUG ,CHOS RGYAL BYANG CHUB SEMS DPA' DES SPRUL PA'I GTZUG LAG KHANG CHEN BO 'DI LTA BU BZHENGS PA'I LO RGYUS SHIG 'ONG DAM SNYAM DU DGONGS PA'I TSE, SPRANG MO SMYON MA BYA BA GCIG NA RE GTZUG LAG KHANG 'DI JI LTAR BZHENGS PA'I LO RGYUS 'TSAL LAM ZER, DE RANG BZHIN GYI RNAL 'BYOR MAR MKHYEN NAS YID KYIS PHYAG DANG MCHOD PA BYAS NAS CIS KYANG 'TSAL LAGS ZHUS PAS, 'O NA KA BA BUM PA CAN NAS 'DOM PHYED DANG GSUM GZHAL BA'I SA NA YOD, GZHAN LA MA SMRA ZHIG GSUNG, DE JO BOS RNYED PAS GTER SRUNG GNYAN PO ZHIG 'DUG PA NA RE, DE RING JI TZAM ZIN PA CIG 'DRIR GNANG GI ZER BAS, RNAL 'BYOR PAS DBU MDZAD STON PA BZHI GAS PRIS PAS LHAG BAG TZAM ZHIG LUS GSUNG NGO, ,DON 'DI LA DGONGS NAS JO BO'I BSTOD PA SUM CU PA LAS, GANG DU RGYAL POS BKA' 'CHEMS GTER DU SBAS, ,MKHA' 'GROS GTER KHA PHYE NAS KHYOD LA BSTAN, ,SH'AKYA MU NE'I 'JA' SA KHYOD KYI DRIN, ,JO BO BKA' DRIN CAN LA GSOL BA 'DEBS, ,ZHES GSUNGS, LHA SAR DGUN GCIG

BZHUGS, CHOS KYANG DOR GSUNGS PA RNAMS ZAB, GZHAN YANG RTAGS KHYAD PAR DU 'PHEBS PA MANG PO BYUNG GSUNG, DE'I DBYAR RDOG BYANG CHUB 'BYUNG GNAS GYIS SPYAN DRANGS NAS YER PAR BZHUGS, 'GRO BA'I DON RGYA CHER MDZAD, KA BA SH'AKYA DBANG PHYUG GIS 'PHAN YUL DU SPYAN DRANGS, LAN PA SPYIL BUR BZHUGS CHOS MANG DU GSUNGS, DE NAS YER PAR BYON, DE'I DUS SU BAR STON GYIS SPYAN 'DREN BYUNG STE PHYIR LAM LHA SA BRGYUD SNYE THANG DU PHEBS, DE'I TSE 'BROM RIN PO CHES DUS GSUM GYI RGYAL BA KUN GYI BGROD PA GCIG PA'I LAM PO CHE SHES RAB KYI PHA ROL TU PHYIN PA'I MDO SDE RIN PO CHE'I DGONGS DON BYANG CHUB LAM GYI RIM PA'I DKA' GNAS RNAMS LA NYIN MTSAN KUN TU DRI GTUGS NAR MAR MDZAD CING, SANGS RGYAS 'JIG RTEN DU BYON PA JI LTA BAR LHA MI BGRANG BA LAS 'DAS PA LA CHOS KYI 'KHOR LO RGYA CHER BSKOR BA NA DKAR PHYOGS KYI LHA RNAMS DGA' ZHING MGU NAS MCHOD CING BSNYEN BKUR BA DANG, CHED DU BRJOD PA'I DBYANGS RGYA CHER BSGRAGS SHING LHA'I DBANG PO BRGYA BYIN GYIS RIN PO CHE SNA LNGA'I ME TOG GI CHAR PA PHAB PA SOGS NGO MTSAR BA'I LTAS BSAM GYIS MI KHYAB PA BYUNG NGO, ,DE NAS YER PA LHA RI SNYING PO'I MGUL DU PHEBS NAS JO BO YAB SRAS KYIS LO GSUM GYI RING LA BYANG CHUB LAM GYI RIM PA'I DBU BSHES GNYEN BSTEN TSUL NAS MTHAR 'BRAS BU ZUNG 'JUG GRUB PA'I BAR GYI SA LAM 'BRAS BU DANG BCAS PA'I DKA' BA'I GNAS RNAMS LA BRGAL ZHING BRTAG PA DANG LUNG DANG RIGS PAS MTHA' GCOD PAR MDZAD CING,

, ,BYANG CHUB LAM GYI RIM PA'I SNYING PO'I YANG SNYING PO BKA' GDAMS LHA CHOS BDUN LDAN GYI MAN NGAG GSANG BA LAS KYANG CHES CHER GSANG BA, THIG LE BCU DRUG GI DBANG DANG GDAMS NGAG RNAMS GNANG STE, DE'I TSE RJE BTZUN SGROL MA'ANG RGYUN DU DNGOS SU BYON, RGYUD PA GSUM GYI BLA MA RNAMS KYANG DNGOS SU BYON TE BLA MA YI DAM RGYAL BA SRAS BCAS ZHAL 'DZOM PA'I DBUS SU RJE BTZUN MA SGROL MAS THIG LE BCU DRUG GI RTZA TSIGS GSUNGS, 'BROM RIN PO CHE'I SKU 'OD DU YAL TE RGYAL BA RGYA MTSO'I DKYIL 'KHOR DU DNGOS SU BZHENGS, 'OD ZER GYI SPRO BSDUS BSKYED RDZOGS KYI LAM MTHAR THUG PA RNAMS TSUL 'DI LTAR RO ZHES MIG LA STON PA LTA BU MDZAD, DE'I TSE RJE BTZUN 'JAM PA'I DBYANGS KYIS BYIN GYIS BRLABS PA GSANG PHU BA LEGS PA'I SHES RAB KYIS JO BO YAB SRAS GNYIS LA MAndAL PHUL TE YAB SRAS GNYIS KA'I GSANG BA THUN MONG MIN PA'I BKOD PA RNAMS STON PAR YANG DANG YANG DU GSOL BA BTAB PA NA, 'BROM RIN PO CHE'I SKYES RABS ZAB MO RNAMS JO BOS GSUNGS, 'BROM RIN PO CHE NYID KYIS BKA' RGYA SHIN TU DAM PAR MDZAD PA SPRUL PA'I GLEGS BAM ZHES PA DENG SANG BKA' GDAMS GLEGS BAM DU GRAGS PA 'DI GSUNGS, MI RABS MANG PO'I BAR DU TSIG BRGYUD KHO NA LAS RGYA CHER SPEL BA'I GNANG BA MA THOB, PHYIS SU 'BROM RIN PO CHE'I SPRUL PA 'BROM KU MA RAS BKA' RGYA BKROL TE RE GNYIS LA SPEL, DE NAS DPAL SNAR THANG GI CHOS SDER RIM GYIS 'PHEL NAS DENG

SANG PHYOGS THAMS CAD DU KHYAB PA 'DI BYUNG BA YIN NO, ,DE LTAR JO BO RJE DPAL LDAN AA TI SHA NI RGYA BOD THAMS CAD DU NYI ZLA LTAR GRAGS SHING BSTAN 'GRO'I DON MDZAD PA'I RNAM THAR MTHA' DAG BRJOD PAR GA LA NUS, SNGAR BSHAD PA DE DAG NI PHYOGS TZAM ZHIG BRJOD PA YIN LA, RNAM THAR DE DAG GI SNYING PO BSDU NA, RIGS PHUN SUM TSOGS PAR SKYE BA BZHES PA'I TSUL, RTEN DE LA YON TAN BRNYES PA'I TSUL, BRNYES NAS BSTAN PA LA BYA BA MDZAD PA'I TSUL GSUM DU 'DUB YIN LA, DANG PO NI JO BO'I BSTOD PA BRGYAD CU PA LAS, SHAR PHYOGS ZA HOR YUL MA CHOG NA, ,DE NA GRONG KHYER CHEN PO YOD, ,BI KRA MA NI BU RA YIN, ,DE YI DBUS NA RGYAL PO'I KHAB, ,PHO BRANG SHIN TU YANGS PA YOD, ,GSER GYI RGYAL MTSAN CAN ZHES BYA, ,LONGS SPYOD MNGA' THANG 'BYOR PA NI, ,RGYA NAG STONG KHUN RGYAL PO 'DRA, ,YUL DE'I RGYAL PO DGE BA'I DANG LA, ,BTZUN MO DPAL MO 'OD ZER CAN, ,YAB YUM GNYIS LA SRAS GSUM MNGA', ,PADMA'I SNYING DANG ZLA BA'I SNYING, ,DPAL GYI SNYING PO ZHES BYA'O, ,RGYAL BU PADMA'I SNYING PO LA, ,BTZUN MO LNGA YOD SRAS NI DGU, ,SRAS KYI THU BO BSOD NAMS DPAL, ,DA LTA'I DUS NA MKHAS PA CHE, ,DHA NA SHR'I ZHES BYA BAR GRAGS, ,CHUNG BA DPAL GYI SNYING PO NI, ,DGE SLONG B'IRYA TZAN DRA YIN, , 'BRING PO ZLA BA'I SNYING PO NI, ,DA LTA BLA MA RJE BTZUN YIN, ,ZHES 'BYUNG BA LTAR RO, ,YON TAN BRNYES TSUL LA LUNG RTOGS GNYIS LAS, LUNG GI YON TAN BRNYES PA'I TSUL NI, PHYI NANG THUN MONG BA'I RIG GNAS CHE CHUNG MTHA' DAG DANG,

, ,RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA LA SBYANGS PA MTHAR PHYIN PAR MDZAD PAS, RANG DANG GZHAN GYI SDE PA'I GRUB PA'I MTHA' RGYA MTSO LTA BU'I PHA ROL TU SON PAS NA LUNG GI BSTAN PA'I GNAD THAMS CAD PHYIN CI MA LOG PAR THUGS SU CHUD PA YIN NO, ,RTOGS PA'I YON TAN PA RNYES TSUL NI, RTOGS PA'I YON TAN THAMS CAD BSDU NA BSLAB PA GSUM DU 'DU LA, TSUL KHRIMS KYI BSLAB PA LA YANG, SO THAR GYI TSUL KHRIMS DANG, BYANG SEMS KYI TSUL KHRIMS DANG, GSANG SNGAGS KYI TSUL KHRIMS GSUM LAS, SO THAR GYI TSUL KHRIMS RNAM PAR DAG PAR MDZAD TSUL NI, DGE SLONG GI SDOM PA MNOS NAS RNGA RTZID LA CHAGS PA'I G-YAG GIS RNGA MA NYAG MA RE RE SHING LA THOGS PA NA RNGON PAS SROG DANG 'PHRAL BAR MTHONG NA YANG SROG DANG BSDOS TE RNGA MA MI GCOD PAR BSRUNG BA LTAR, KHAS BLANGS PA'I BSLAB PA'I GZHI CHEN PO LTA CI SMOS, BSLAB PA'I GZHI PHRA MO RE RE YANG SROG DANG BSDOS NAS BSRUNGS PAS GNAS BRTAN 'DUL BA 'DZIN PA CHEN POR GYUR TO, ,BYANG SEMS KYI TSUL KHRIMS DANG LDAN TSUL NI, BYAMS PA DANG SNYING RJE'I RTZA BA CAN GYI BYANG CHUB KYI SEMS SBYONG BA'I GDAMS PA MANG PO DANG, KHYAD PAR GSER GLING PA BSTEN NAS RJE BTZUN BYAMS PA DANG, 'JAM PA'I DBYANGS NAS THOGS MED DANG, ZHI BA LHA LA BRGYUD PA'I GDAMS PA MCHOG LA RING DU SBYANGS PAS, BSTOD PA LAS, RANG

DON YAL BAR DOR NAS GZHAN GYI DON, ,LHUR MDZAD DE NI BDAG GI BLA MA LAGS, ,ZHES 'BYUNG BA LTAR BDAG PAS GZHAN GCES BA'I BYANG CHUB KYI SEMS THUGS RGYUD LA 'KHRUNGS SHING, SMON PA'I SEMS DES KUN TU DRANGS PA'I 'JUG PA'I SEMS BYANG CHUB SEMS DPA'I SPYOD BA RLABS PO CHE LA SLOB PAR KHAS BLANGS PA'I RJES SU 'GRO BA'I BSLAB PA LA SLOB PA'I SPYOD PA BZANG POS RGYAL SRAS RNAMS KYI BCAS PA'I MTSAMS LAS MI 'DA' BAR MDZAD DO, ,GSANG SNGAGS KYI TSUL KHRIMS DANG LDAN TSUL NI, RANG GI LUS LHAR GZIGS PA'I BSKYED PA'I RIM PA DANG, RDO RJE'I THUGS RDZOGS PA'I RIM PA'I TING NGE 'DZIN DANG LDAN PAS RNAL 'BYOR PA'I GTZO BO ZHES SPYIR BSTOD CING, KHYAD PAR DU BCAS PA'I MTSAMS LAS MI 'DA' BAR DAM TSIG TSUL BZHIN DU SRUNG BA YANG, BSTOD PA LAS, DRAN DANG SHES BZHIN LDAN PA YIS, ,TSUL KHRIMS MA YIN YID MI MDZAD, ,BAG YOD DRAN DANG G-YO SGYU MED, ,LTUNG BA'I NYES PAS KHYOD MA GOS, ,ZHES GSUNGS PA LTAR RO, ,DON 'DI LA RJE BDAG NYID CHEN POS SDOM PA GSUM GYI YON TAN DANG LDAN TSUL DE DAG GSUNGS NAS, DE LTAR SDOM PA GSUM GYI TSUL KHRIMS KYI BSLAB PA RNAMS KHAS LEN PA LA DPA' BA TZAM MIN PAR JI LTAR KHAS BLANGS PA'I RJES SU 'BRANGS TE BCAS PA'I MTSAMS LAS MI 'DA' BAR SRUNG ZHING, BRGYA LA CUNG ZAD 'DAS NA YANG MYUR BA MYUR BAR RANG RANG GI PHYIR BCOS KYI CHO GAS DAG PAR BYED PA'I RNAM PAR THAR PA 'DI NI GSUNG

, ,RAB KYI GNAD SHES BA'I MKHAS PA RNAMS DGA' BA SKYED PA'I RNAM PAR THAR PAR SHES PAR BYAS LA DAM PA RNAMS KYI RJES SU BSLAB PAR BYA'O, ,ZHES GSUNGS SO, ,TING NGE 'DZIN GYI BSLAB BA DANG LDAN TSUL NI, THUN MONG PA ZHI LHAG ZUNG 'BREL DANG THUN MONG MA YIN PA BSKYED RIM MTHAR PHYIN PAR MDZAD PA'I TSUL NI RNAM THAR CHEN MOR GSAL BA LTAR RO, ,SHES RAB KYI BSLAB PA DANG LDAN TSUL NI, THUN MONG BA ZHI LHAG ZUNG 'BREL DANG THUN MONG MIN PA RDZOGS RIM GYI RTOGS PA KHYAD PAR CAN BRNYES PA RNAM THAR CHEN MO DANG RDO RJE'I GLUR GSAL BA LTAR RO, ,BSTAN PA LA BYA PA MDZAD TSUL NI RGYA BOD GNYIS KAR RGYAL BA'I BSTAN PA LA BYA BA MDZAD TSUL BSAM GYIS MI KHYAB PA SNGAR BRJOD ZIN PA LTAR RO, ,DE LTAR JO BO RJES RGYA BOD GNYIS KAR BSTAN PA LA BYA BA RGYA CHEN PO MDZAD CING, SLAR YANG RGYAL BA'I BSTAN PA YUN RING DU GNAS PAR BYA BA'I PHYIR DANG, PHYI MA'I SKYE BO RNAMS JO BO RJES 'DI LTAR GSUNGS ZHES GO BAR BYA BA'I PHYIR DU, RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA MTHA' DAG LAS YI GE NA GCIG KYANG DOR DU MED PAR GANG ZAG GCIG GI NYAMS LEN GYI RIM PAR HRIL GYIS DRIL NAS STON PA'I MAN NGAG BYANG CHUB LAM GYI SGRON MA MDZAD, BKA' GDAMS GONG MA'I GSUNG SGROS LAS, 'DZAM BU GLING NA GLEGS BAM GCIG LA LAM SGRON LAS CHE BA MED GSUNG, DE NI SHOG BU GRANGS MANG BAS

DE LTAR BRJOD PA MIN GYI BRJOD BYA RGYA CHE BAS DE LTAR BRJOD DE, GDUL BYA LAS DANG PO PA CHOS LA THOG MAR 'JUG PA ZHIG 'CHI BA DRAN NAS 'JIG RTEN PHYI MA'I DON SGRUB PA'I BSAM PA BSKYED PA NAS BZUNG MTHAR THUG SANGS RGYAS KYI SA'I BAR GYIS LAM 'BRAS BU DANG BCAS PA MTHA' DAG LAM SGRON GYI BRJOD BYAR 'DU BAS SO, ,BYANG CHUB LAM GYI SGRON MA NAS GSUNGS PA'I LAM GYI RIM PA'I GNAD RNAMS LA NGES PA BSKYED PAR BYA BA DANG, DE SGOM PA LA RGYUD BSKUL BAR BYA BA DANG, LAM DE DAG GI GEGS SEL BOGS 'DON SHES PA'I PHYIR BSTAN BCOS MTHA' YAS PA MDZAD DE, SNYING PO BSDU BA, SNYING PO NGES PAR BSDU BA GSANG 'DUS KYI DKYIL 'KHOR SPYAN RAS GZIGS GTZO BOR STON PA GSANG BA 'DUS PA 'JIG RTEN DBANG PHYUG GI SGRUB THABS, 'PHAGS PA 'JIG RTEN DBANG PHYUG GI SGRUB THABS GSANG BA 'DUS PA LA BSTOD BA GNYIS, 'KHOR BA LAS YID NGES BAR 'BYUNG BA'I GLU, SPYOD BA'I GLU, CHOS KYI DBYINGS SU LTA BA'I GLU, TING NGE 'DZIN GYI TSOGS KYI LE'U DANG, 'JIG RTEN LAS 'DAS PA'I YAN LAG BDUN PA'I CHO GA, SKU GSUNG THUGS RAB TU GNAS PA'I CHO GA, LAS KYI SGRIB PA THAMS CAD RGYUN GCOD PAR BYED PA'I GZUNGS RNAL 'BYOR RGYUD DU DGONGS PA BKRAL BA MI 'KHRUGS PA'I SGRUB THABS RGYAS BSDUS GNYIS, DE'I DKYIL CHOG LAS KYI SGRIB PA THAMS CAD RNAM PAR SBYONG BA, MI 'KHRUGS PA'I SBYIN SREG GI CHO GA, PHYAG NA RDO RJE LA MNGON RTOGS

, ,KYI SGO NAS BSTOD PA, RTA MGRIN ZHAL GSUM PHYAG DRUG GI SGRUB THABS DANG, ZHAL GSUM PHYAG BZHI PA'I SGRUB THABS GNYIS, 'PHAGS PA MI G-YO BA LA BSTOD PA GNYIS, DE BZHIN GSHEGS PA THAMS CAD KYI DAM TSIG BSRUNG BA ZHES BYA BA'I GTZUG TOR DRI MED 'OD KYI SGRUB THABS, MCHOD RTEN LNGA GDAB PA'I CHO GA GZUNGS CHOG CHA GNYIS, SGROL MA'I SGRUB THABS, LHA MO SGROL MA SGOM PA'I CHO GA RGYAS PA, SGROL MA 'JIGS PA BRGYAD SKYOB KYI SGRUB THABS DANG BSTOD PA, 'PHAGS MA SGROL MA'I SGRUB THABS, DAM TSIG THAMS CAD BSDUS PA ZHES BYA BA, TSOGS BDAG CHAGS PA RDO RJE'I BSTOD PA, BDUD RTZI 'BYUNG BA ZHES BYA BA'I GTOR CHOG, CHAB GTOR DRI MED, KLU GTOR GYI CHOG, YI GE DRUG PA'I SGRUB THABS, SPYAN RAS GZIGS KHA SARBA nI'I SGRUB THABS, KHRO RGYAL MI G-YO BA'I SGRUB THABS, GTUM PO KHRO BO CHEN PO'I SGRUB THABS DON DAM PA, MGON PO GRI GUG GI SGRUB THABS, TSOGS BDAG ZHI BA'I SGRUB THABS, TSOGS BDAG GSANG SGRUB, NOR BDAG GTZO 'KHOR LNGA'I BSTOD PA, RTEN 'BREL SNYING PO'I SNGAGS THEMS, BDEN PA GNYIS LA 'JUG PA ZHES BYA BA DBU MA'I MAN NGAG, DBU MA'I MAN NGAG RIN PO CHE'I ZA MA TOG BKOD PA, DRAN PA GCIG BA'I MAN NGAG, MDO KUN LAS BTUS PA'I DON BSDUS PA, BYANG CHUB SEMS DPA'I SPYOD PA MDO

TZAM GDAMS NGAG TU BYAS PA, BYANG CHUB SEMS DPA'I NOR BU'I PHRENG BA, BYANG CHUB SEMS DPA'I LAS DANG PO PA'I LAM LA 'JUG PA BSTAN PA, SKYABS SU 'GRO BA BSTAN PA ZHES BYA BA, THEG PA CHEN PO'I LAM GYI SGRUB THABS YI GE BSDUS PA, THEG PA CHEN PO'I LAM GYI SGRUB THABS SHIN TU BSDUS PA, RANG GI BYA BA'I RIM PA LA BSKUL BA DANG BCAS PA YI GER BRIS PA, MI DGE BA BCU'I LAS KYI LAM BSTAN PA, LAS RNAM BAR 'BYED PA ZHES BYA BA, SPYOD PA BSDUS PA'I SGRON MA, MDO KUN LAS BTUS PA'I MAN NGAG, MDO KUN LAS BTUS PA CHEN PO, BYANG CHUB TU SEMS BSKYED PA'I CHO GA, BYANG CHUB SEMS DPA'I SDOM PA'I CHO GA , KHA TON DANG GLEGS BAM BKLAG PA'I SNGON DU BYA BA'I CHOG, PHA ROL TU PHYIN PA'I S'ATZTSA GDAB PA'I CHO GA, BLA MA'I BYA BA'I RIM PA CIG, RGYAL PO NERYA P'A L'A LA BRDZANGS PA DRI MA MED PA'I RIN PO CHE'I 'PHRIN YIG , BYANG CHUB SEMS DPA'I SPYOD PA LA 'JUG PA'I BSHAD PA, SHER PHYIN DON BSDUS SGRON ME, SMAN BLA'I SGRUB THABS, LAS SGRIB RNAM PAR SBYONG PA'I CHO GA SOGS MDZAD DO, ,DE LTAR JO BO RJE BOD DU BYON NAS MNGA' RIS SU LO GSUM, SNYE THANG DU LO DGU, DBUS GTZANG GZHAN DU LO LNGA'I BAR DU SKAL BA DANG LDAN PA RNAMS LA MDO SNGAGS KYI GZHUNG GDAMS NGAG MA LUS PA BSTAN NAS BSTAN PA'I SROL NUB PA RNAMS GSAR DU BTZUGS ,

, ,SROL CUNG ZAD YOD PA RNAMS 'PHEL PAR MDZAD, LOG PAR RTOG PA'I DRI MAS SBAGS PA RNAMS LEGS PAR BSAL TE BSTAN PA RIN PO CHE DRI MA DANG BRAL BAR MDZAD DO, ,DE NAS SKU TSE DE'I DNGOS KYI GDUL BYA RNAMS RDZOGS PA NA ZHING GZHAN DU 'BYON PAR BZHED DE, SHING PHO RTA'I LO DBYUG PA ZLA BA'I TSES GSUM NAS BCO BRGYAD KYI BAR ZHAG BCU DRUG GI RING LA THIG LE BCU DRUG GI RIM PA DANG MTHUN PAR THUGS DAM SDUD RIM MDZAD NAS, CHU BO GYEN DU LDOG GAM LTOS SHIG GSUNGS, BLTAR PHYIN PAS GYEN DU LDOG GIN GDA' ZHUS PAS, 'O NA DE YAN CHAD KYIS DON 'DI STON, NYAMS SU BLANGS RGYU 'DI YIN GSUNGS NAS BRGYAD STONG PA GSUNG 'PHRO BCAD, PHYAG TU RDO RJE DRIL BU BZUNG NAS THUGS DAM RTZE GCIG TU MDZAD DON LA 'DAS GRONGS MI MNGA' YANG GDUL BYA THUN MONG BA'I SNANG NGOR DGUNG LO BDUN CU RTZA GSUM PA SHING PHO RTA'I LO STON ZLA 'BRING PO'I TSES BCO BRGYAD LA SNYE THANG DU MYA NGAN LAS 'DA' BA'I TSUL BSTAN TE 'OD GSAL CHOS SKU MNGON DU MDZAD NAS GZUGS SKUR BZHENGS NAS DGA' LDAN CHOS KYI PHO BRANG DU PHEBS SO, ,DE YANG BSTOD PA SUM CU PA LAS, KHO BO 'DI NAS DGA' LDAN GNAS SU 'GRO, NGA LA DAD CING GUS PAR BYED PA RNAMS, ,DGA' LDAN GNAS SU MJAL BAR 'GYUR ZHES GSUNGS, ,MA 'ONGS MNGON SUM GZIGS LA GSOL BA 'DEBS, ,ZHES GSUNGS PA LTAR DGA' LDAN CHOS KYI PHO BRANG DU NAM MKHA' DRI MA MED PA ZHES MTSAN

GRAGS SHING RJE BTZUN MA PHAM PA'I SRAS KYI THU BO'I TSUL DU BZHUGS TE DGA' LDAN GYI LHA RNAMS DANG, PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG PA LAS 'DAS PA DAG LA THEG PA CHEN PO'I CHOS RGYA CHER STON PAR MDZAD CING, MIG 'PHRUL BZHIN DU PHYOGS BCU'I ZHING RAB 'BYAMS THAMS CAD DU SPRUL BA BKYE NAS GDUL BYA'I DON RGYUN MI 'CHAD DU MDZAD CING BZHUGS SO, ,DES NA RGYAL BA DGYES PA'I LAM LA 'JUG PAR 'DOD PA RNAMS KYIS MGON PO AA TI SHA'I SKU YID LA BYAS TE RGYUN DU GSOL BA 'DEBS PA DANG, MGON PO DE'I GSUNG SKYES BU GSUM GYI LAM GYI RIM PA LA NYIN RE BZHIN DU YANG DANG YANG DU SHAR SGOM BYAS TE BAG CHAGS CI THEBS BYA BA LA 'BAD BAR BYA'O, ,JO BO RJE LA RGYA BOD GNYIS KAR RGYUD 'DZIN GYI SLOB MA BSAM GYIS MI KHYAB PA YOD KYANG, GTZO BO NI RGYA GAR NA JO BO DANG MKHYEN PA MNYAM PA'I PAndI TA CHEN PO BI TO PA, DHARM'A AA KA RA MA TI, DBU MA SENG+GE, SA'I SNYING PO STE BZHI, GZHAN YANG BSHES GNYEN GSANG BA SOGS BSTAN PA 'DZIN PA'I PAndI TA DANG, DBEN PA'I RI SUL DU SGRUB PA SNYING POR BYED PA'I KU SU LU BGRANG PA LAS 'DAS PA YOD DO, ,BOD DU BYON NAS GDUL BYA BGRANG BA LAS 'DAS PA LA CHOS 'KHOR BSKOR BAR MDZAD PAS RGYUD 'DZIN BGRANG BA LAS 'DAS PA YOD MDO KYANG, GTZO BO NI MNGA' RIS NAS LO TZ'A BA RIN CHEN BZANG PO, NAG TSO LO TZ'A BA, LHA BLA MA BYANG CHUB 'OD, GTZANG NAS 'GAR DGE BA, 'GOS LO CHEN PO

, ,YOL SKU MCHED, LHO BRAG NAS PHYAG KHRI MCHOG DANG DGE BA SKYONG, KHAMS NAS RNAL 'BYOR PA CHEN PO, DGON PA PA, SHES RAB RDO RJE, PHYAG DAR STON PA, DBUS NAS KHU RDOG 'BROM GSUM RNAMS JO BO'I THUGS SRAS GTZO BOR GRAGS SHING GZHAN YANG MTHA' YAS SO, ,DE LA LO CHEN RIN CHEN BZANG PO NI SA PHO RTA'I LO LA YAB GZHON NU DBANG PHYUG DANG, YUM COG RO KUN BZANG SHES BRTAN MA'I SRAS SU SKU 'KHRUNGS, RIGS G-YU RI G-YU SGRA, DGUNG LO BCU GSUM BZHES BA'I TSE MKHAN PO YE SHES BZANG PO LA RAB TU BYUNG, DE'I MOD LA 'DUL BA RGYA CHER 'GREL THUGS SU CHUD, DE NAS RGYAL PO'I BKAS KHA CHER BYON, LO TZ'A MKHAS BAR BSLABS, PAndI TA KA RA RNAM GSUM SOGS PAn GRUB DU MA LA GTUGS TE SNGAGS MTSAN NYID KYI GZHUNG MANG PO LA SPYANGS, MKHYEN PA SHIN TU CHE BAS MDO SNGAGS KYI CHOS MANG PO BSGYUR, PHA ROL TU PHYIN PA DANG RGYUD KYI PHYOGS GNYIS KA'I BSHAD PA RGYA CHER MDZAD, DBANG DANG SGRUB PA'I LAG LEN MANG DU BSTAN TE BSTAN PA SNGA DAR LAS PHYI DAR SNGAGS KYI BSTAN PA BOD DU DAR BA YANG LO TZ'A BA 'DI KHO NA'I BKA' DRIN YIN, PAndI TA BDUN CU RTZA LNGA BSTEN NAS DAM PA'I CHOS MANG DU GSAN; BLA CHEN PO LHA LDE BTZAN GYIS DBU'I MCHOD GNAS DANG RDO RJE SLOB DPON DU BSKUR, PU RANGS ZHER GYI GNAS GZHI PHUL, GTZUG LAG KHANG YANG BZHENGS, KHA CHE'I GTZUG LAG KHANG DANG RONG GI GTZUG LAG KHANG LA SOGS PA

GNAS GZHI DANG GTZUG LAG KHANG DANG MCHOD RTEN MANG DU BZHENGS, GUR SHING BRTZON 'GRUS RGYAL MTSAN LA SOGS PA'I SLOB MA MKHAS GRUB MANG PO DANG ZHUS CHEN PHER BA'I LO TZ'A YANG BCU LHAG TZAM THON, 'PHRAL GYI MDZAD PA YANG SKU GZUGS BZHENGS PA DANG, 'GYUR MDZAD PA LA SOGS RE RE'I RJES KYANG GZHAN GYIS MI RNYOGS PA DANG, MTSAN YANG DAG PAR BRJOD PA YANG SAm SKRi TA'I SKAD DU 'BUM PHRAG GCIG BOD SKAD DU 'BUM PHRAG GCIG, GZHAN LA YON BYIN TE 'BUM PHRAG GCIG RNAMS BTON, DGUNG LO BRGYAD CU RTZA LNGA BZHES PA CHU RTA LA JO BO BOD DU BYON PA DANG MJAL TE SNGAR BSGYUR BA MANG PO LA ZHUS DAG ZHUS, JO BO NYID KYIS MDZAD PA'I DAM TSIG BSDUS PA BSGYUR BAS 'GYUR BZANG BA CIG BYUNG, DE NAS LO CHEN GYIS GSER SRANG BDUN DANG BCAS PA'I MAndAL PHUL NAS BDE MCHOG GI DBANG DANG BSKYED RDZOGS KYI GDAMS NGAG RNAMS ZHUS TE JO BO'I GDAMS NGAG SKYES BU GSUM GYI LAM GYI RIM PA DANG BSKYED RDZOGS KYI RIM PA RNAMS LA RTZE GCIG TU SGRUB PA MDZAD PAS DPAL GSANG BA 'DUS PA DANG, BDE MCHOG GI ZHAL GZIGS SHING GRUB PA BRNYES TE DGUNG LO DGU BCU RTZA BRGYAD PA SHING MO LUG GI DGUN ZLA THA CHUNG GI TSES BCU BDUN LA MYA NGAN LAS 'DAS PA'I TSUL BSTAN PA'I TSE NAM MKHA' GANG BA'I LHA RNAMS KYIS ROL MO RGYA CHER SGROG PA DANG, ME TOG GI CHAR 'BEBS PA LA SOGS PA GRONG PA'I SKYE BO THAMS CAD KYI MNGON SUM DU GYUR, GDUNG RTEN MA BYUNG BAS MKHA' SPYOD DU GSHEGS BAR GRAGS, RING BSREL 'O MA SE'I

, ,MDOG LTA BU GSUM BYUNG BA JI ZHIG NA 'BRUG LTA BU'I SGRA DANG BCAS TEN MKHAR SONG BA ZHIG BYUNG ZHES GRAGS SO, ,DGE BSHES NAG TSO LO TZ'A BA NI LCAGS MO PHAG LA GUNG THANG ZHES GRAGS PA MNGA' RIS RDZONG DGA'I LHA GDONG DU SKU 'KHRUNGS, GDUNG NAG TSO, RAB TU BYUNG BA'I MTSAN TSUL KHRIMS RGYAL BA, 'DUL BA MKHAS PAR MKHYEN PAS 'DUL BA 'DZIN PAR GRAGS, RGYA BRTZON SENG LA MNGON PA GSAN, DGUNG LO NYER BDUN PA LA JO BO SPYAN 'DREN LA RGYA GAR DU BYON, JO BO RJE LO BCU DGU'I BAR TSUL BZHIN BSTEN, YON TAN THAMS CAD RDZOGS PAR MDZAD, JO BO RJE BOD DU SPYAN DRANGS BAS BOD KHAMS SPYI LA BKA' DRIN CHE BA YIN PAS, BOD STON THAMS CAD KYIS KYANG SLOB DPON ZHES BRJOD PA YIN, JO BO'I CHOS RNAMS KHONG GIS KHUNGS PHYUNG NAS ZHUR BCUG PAS GZHAN RNAMS KYIS KYANG GDAMS PA PHAL CHE BA THOB PAS KHONG BKA' DRIN SHIN TU CHE BAR BYED, NAG TSO SNYE THANG NAS MNGA' RIS SU 'BYON KHAR JO BOS BSLAB BYA MANG BAR MDZAD DE, DAM TSIG GSUM BKOD KYI SKU PHYAG TU BZUNG NAS BYIN RLABS MDZAD, 'DUL BA MDO RTZA DANG, GSANG BA 'DUS BA'I RGYUD DPE DANG, 'GRO CHOS SU THUN MONG MA YIN PA'I SPYAN RAS GZIGS KYI SGRUB SKOR SOGS SBAS CHOS NYI SHU GNANG LUNG BSTAN MANG DU MDZAD DE JO BO NYID KYI SKU MTHE BONG TZAM SENG LDENG LA BRIS TE GA'UR BCUG NAS DPUNG PA LA BTAGS, MNYES MNYES RGYA CHEN MDZAD, DE NAS YAR BYON NAS RAS KHRU BCU DRUG PA

GCIG LA RI MO MKHAN MKHAS BA KRIshnA BYA BA RGYA GAR BA CIG YOD PA 'DRIR BCUG NAS, STOD LA JO BO'I YI DAM GYI LHA RNAMS BRIS, DE'I 'OG NA PHAR LA JO BO'I BLA MA BCU GNYIS PO BRIS, DE NAS JO BO RJE NYID KYI SKU TSAD KHRUS GZHAL TE BRIS, G-YAS G-YON GNYIS NA NYE GNAS RE LDEM SKUR BRIS, G-YAS G-YON GYI MTHA' RAS LA JO BO'I MDZAD PA RNAMS DANG, 'OG NA TSUR KHU RNGOG 'BROM GSUM LA SOGS PA BOD STON RNAMS CHOS GRVA'I TSUL DU BRIS, DE'I MDUN DU LO TZ'A BA NYID GSOL BA 'DEBS PA'I TSUL DU BRIS, DE'I RGYAB LA JO BO'I BSTOD PA BRGYAD CU BA BRIS, RAB GNAS MDZAD BA'I TSE, JO BO RJE NYID DGA' LDAN NAS 'BYON PAR ZHAL GYIS BZHES BAS 'DI JO BO RJE NYID DANG KHYAD MED PA YIN, MNGA' RIS SKOR GSUM GYI RTEN LA BYIN RLABS CHE SHOS YIN GSUNG, DE'I RJES SU DZNY'A NA A'A KA RA DANG, BAL PO SHR'INTAm BHA DRA, NAG PO DAM TSIG RDO RJE LA SOGS BA BSTEN NAS 'GYUR YANG MANG DU MDZAD DO, ,DE NAS JO BOS LUNG BSTAN PA BZHIN SGRUB PA MDZAD PAS JO BO YI GE DRUG PA, SGROL MA, 'JAM DPAL RDO RJE RNAMS ZHAL GZIGS, KHONG RANG GI YI GE LAS KYANG, NAG TSO BDAG NYID GCIG PU MA GTOGS PA, ,JO BO'I SLOB MA GZHAN LA YOD RE SKAN, ,ZHES JO BO'I MAN NGAG THUN MONG MA YIN PA RNAMS KHANG RANG LA YOD BAR ZHAL GYIS BZHES SHING JO BO RJE BOD DU GDAN 'DREN MDZAD PAS LO TZ'A BA 'DI NI BOD KHAMS YONGS LA BKA' DRIN BLA LHAG TU CHE BA ZHIG GO, LHA BLA MA BYANG CHUB 'OD NI MNGA' RIS CHOS RGYAL

, ,GYI SRAS SU SKU 'KHRUNGS, RGYAL SRID LA MA CHAGS PAR RAB TU BYUNG ZHING BSNYEN PAR RDZOGS NAS BSTAN PA DANG SEMS CAN GYI KHUR KHYER TE JO BO SPYAN 'DREN PA'I BYED PA PO MDZAD, BSTAN PA SPYI KHYAB TU BYANG CHUB LAM GYI SGRON MA ZHUS TE, LO TZ'A BA RMA DGE BA'I BLO GROS KYIS BSGYUR, KHONG GIS JO BO LA BDAG RGYUD GSANG BA 'DUS PA MAN NGAG YE SHES ZHABS LUGS YI DAM THUGS RJE CHEN PO LA MOS PAS, 'JIG RTEN DBANG PHYUG GIS DKYIL 'KHOR GYI GTZO BO BYAS PA'I SGRUB THABS SHIG ZHU ZHUS PAS, 'JIG RTEN DBANG PHYUG LHA BCU DGU'I DKYIL 'KHOR GYI DBANG GNANG ZHING SGRUB THABS CHE CHUNG GNYIS BSTON BA DANG BCAS MDZAD DE LO TZ'A BAS BSGYUR, JO BO'I 'JIG RTEN DBANG PHYUG LA THUGS DAM DU MDZAD PAS ZHAL MNGON SUM DU GZIGS, DBUS SU PHEBS NAS KYANG JO BO'I ZHABS TOG MDZAD CING CHOS KYANG MANG DU GSAN, JO BO'I GSUNG LA GCES SPRAS SU MDZAD PAS JO BO RJE SHIN TU MNYES, LHA BTZUN BO DHI R'A DZAS JO BO LA LHA BTZUN PAS PHYAG MDZAD TZA NA MI BZHENG, KHO BOS PHYAG BGYIS TZA NA SKU LUS RDO RJE SKYIL KRUNG MDZAD KYANG BZHENG BA JI LTAR LAGS ZHUS PAS, LHA BTZUN PA DE'I SLOB MA YIN KHYED BOD KYI R'A DZA YIN GSUNG, 'O NA KHO BO SLOB MA MA LAGS SAM ZHUS PAS, JO BO SPYAN ZIM ME MDZAD NAS LAGS LAGS BZOD PA MDZOD GSUNG, SLOB MA BZANG PO BYANG CHUB 'OD KYIS BSKUL GYUR BAS, ZHES JO BO RJE THUGS SHIN TU MNYES PAS SRAS KYI

THU BOR GYUR PA ZHIG STE, BYANG CHUB LAM GYI SGROL MA ZHES 'DZAM GLING BSTAN PA'I SGRON ME GCIG PU 'DI KHONG GI BKA' DRIN LAS BYUNG BAS RGYAL BA'I BSTAN PA LA BYA BA CHEN PO BYAS BA ZHIG GO, GTZANG GI SLOB MA RNAMS KYI GTZO BO RJE 'GOS LA TZ'A BA NI, RTA NAG PHU'I KHUG PA ZHES BYA BA'I SA'I CHAR YUM SGROL MA'I SPRUL PA YIN ZER BA ZHIG LA 'KHRUNGS, MTSAN NI LHAS BTZAS TE LHAS SKYABS ZHES BYA BA YIN LA, DANG POR ZUR PA'I SAR SLOB GNYER LA BYON PAS LAS KHO NA BCOL BAS 'BROG MI'I THAD DU BYON, CHOS 'BREL TZAM GNANG YANG RGYUD NYAN PAR 'DOD PA LA GSER KHYER SHOG GSUNGS NAS MA GNANG BAS, RANG GI SPOBS PA BSKYED DE RGYA GAR DU PHYIN LA KHONG 'DRA BA ZHIG BYA SNYAM NAS, GYI JO ZLA BA'I 'OD ZER DANG 'GROGS TE RGYA GAR DU BYON, PAndI TA RNAMS KYI THAD DU CHOS GSAN PA'I TSE NA BRTZON 'GRUS MA BSKYED NA 'BROG 'DOM DE LA NGO TSA BAR YOD GSUNGS NAS SNYING NAS BSKYED DE SLOB GNYER LA 'BAD PA CHEN PO MDZAD, KHONG LA BAL PO PHAN CHAD NA PAndI TA'I BLA MA BDUN CU DANG, MKHA' 'GRO MA'I BLA MA GNYIS TE BDUN CU RTZA GNYIS YOD BAR GRAGS, GSANG BA 'DUS PA GSAN PA'I GTZO BO NI BHAm GA LA'I MNGON SHES CAN, ZA HOR GYI BTZUN MO CAN, KONG KA NA'I RGYAL BU SPRIN GYI SHUGS CAN, RDO RJE GDAN GYI NAG PO DAM TSIG RDO RJE, JO BO RJE, KHA CHE GRIB STAN GYI MKHAS PA TZANDRA R'A HU LA, RGYAL PO'I KHAB KYI ZHIB BZANG PO, YE RANG GI BAL PO THUGS RJE CHEN PO, BAL PO RDZONG GI NA BA KU t'I BA, N'A RO BA'I

, ,SLOB MA KHA CHE DZNY'A NA A'A KA RA RNAMS BSTEN NAS GSANG BA 'DUS PA'I RGYUD 'GREL PA CHA LAG DANG BCAS PA MKHAS PAR BSLABS NAS BSHAD PA MDZAD PAS 'PHRIN LAS KYI DAR RGYAS SHIN TU CHE, RGYUD 'GREL PA DANG BCAS PA LA 'GYUR BCOS KYANG LAN GNYIS SU MDZAD, GZHAN YANG 'GYUR MANG DU MDZAD, LHAG PAR GSANG BA 'DUS PA 'PHAGS LUGS LA 'PHRIN LAS KYI BKA' BAB PAS BOD DU 'DUS PA'I BSHAD SROL RGYA CHER SPEL LO; ;CHOS RJE BU STON RIN PO CHE DANG RJE BDAG NYID CHEN PO YAB SRAS RNAMS KYIS RJE 'GOS KYI 'DUS PA'I BSHAD SROL NYID RTZAL DU BTON NAS SPEL BAS DENG SANG GI BAR DU BSHAD SROL RGYUN MA CHAD PAR YOD PA 'DI BYUNG BA YIN PAS BKA' DRIN SHIN TU CHE BA ZHIG GO, YOL SKU MCHED GSUM NI, YOL CHOS DBANG, YOL DRANG SRONG, YOL THOGS 'BEBS TE, GSUM GA JO BO'I DNGOS SLOB YIN YANG, DANG PO JO BO NYAN TSOR PHEBS DUS JO BO'I ZHAL NAS; DA NANG THO RANGS NAM MKHA' LA HR'I: DKAR PO SGRA DANG BCAS PA CIG BYUNG, DE BCU GCIG ZHAL GYI SKU LI MA 'DI LA PHOG, DE LAS 'OD 'PHROS BOD THAMS CAD 'OD KYIS KHYAB NAS 'OD DE BAN CHUNG GZHON NU GCIG LA PHOG PAS DE'I SGYU LUS 'OD GSAL DU SHAR BA RMIS GSUNG, NYI MA RTZE SHAR LA YOL CHOS DBANG BTZUN CHUNG LO BCU DRUG LON PA GCIG GIS DAR SER PO ZHIG PHUL, BDAG LA THUGS RJE CHEN PO'I GDAMS NGAG CIG ZHU ZER

BAS JO BO DGYES NAS BCU GCIG ZHAL GYI SKU DE YANG GNANG, SPYAN RAS GZIGS KYI CHOS SKOR RNAMS RDZOGS PAR GNANG, DE NAS RANG GI GNAS SU JO BO SPYAN DRANGS TE ZLA BA GSUM DU ZHABS TOG MDZAD, DE'I TSE TSOGS CHOS SU PHA ROL TU PHYIN PA GSUNGS, LKOG CHOS SU YUL MCHED GSUM LA KRi YA'I SGRUB THABS RNAMS GSUNGS, YOL GYIS JO BO LA SRUNG BA ZAB MO ZHIG ZHU ZHUS PAS MA nI GSUNGS, DES MI 'ONG ZHUS PAS MI G-YO BA GSUNGS, STON PAS BYIN RLABS CHE BA ZHIG ZHU BYAS PAS, YI GE DRUG PA DANG ZHAL BCU GCIG PA GSUNGS, LO TZ'A BAS MTHU CHE BA ZHIG ZHU ZHUS PAS GSHIN RJE GSHED GSUNGS, SGRUB THAG NYE BA ZHIG ZHUS PAS SGROL MA GSUNGS, YOL GYIS THUGS RJE CHEN PO ZHI KHRO'I SKOR ZHUS NAS SGRUB PA MDZAD PAS ZLA BA DRUG NAS ZHI BA'I LHA'I ZHAL GZIGS, DE NAS KHRO BO'I ZHAL GZIGS, THUGS RJE CHEN PO'I CHOS SKOR LA YOL LAS MKHAS PA MED GSUNGS, PHYIS DBUS SU YANG BYON TE CHOS MANG DU GSAN, KHYAD PAR RTA MGRIN SHVA NA BZHI BSKOR GYI SGRUB THABS DE LO TZ'A BA DANG LHA BTZUN PA SOGS KYIS ZHUS KYANG MA GNANG BAR YOL LA 'DI SNYING RJE'I LHA YIN KHYOD SNYING RJE CHE BAS STER BA YIN GSUNGS NAS GNANG, YOL LA BRTEN NAS JO BO LUGS KYI THUGS RJE CHEN PO GTZO 'KHOR GSUM GYI GDAMS PA GRUB MTHA' RIS SU MA CHAD PA DAG LA RGYA CHER 'PHEL LO, ,RONG PA 'GAR DGE NI, RTEN DGE BSNYEN YIN, JO BO SPYAN 'DREN TU MANG YUL DU BYON, BSAM YAS

, ,SU YANG BYON TE, GSANG SNGAGS KYI GDAMS PA MANG DU GSAN ZHING PHYIS JO BO RJE SNYE THANG DU BZHUGS PA'I DUS NYANG RO'I STON PA BSOD NAMS YE SHES DANG LHAN DU PHEBS, DE NAS DGE BSHES STON PAS MCHIMS PHU NAS LO TZ'A BA SPYAN DRANGS, STON PA DGE BAS ZHUS NAS DPAL DGYES PA RDO RJE SLOB DPON SHANTI PAS MDZAD BA'I LHAN CIG SKYES PA'I RNAL 'BYOR DANG, JO BO RJE NYID KYIS MDZAD PA'I dOMBI HE RU KA'I BDUD RTZI'I 'OD KYI 'GREL PA DANG, DPAL 'KHOR LO SDOM PA'I GZHUNG MANG PO DANG, DPAL MAH'A MA YA'I SGRUB THABS SLOB DPON KU KU RI PA DANG SHANTI PAS MDZAD PA LA SOGS PA GSAN, SBYIR NA 'GAR 'GOS GNYIS LA GSANG SNGAGS MTHA' DAG GI GDAMS PA MA LUS PAR GNANG, KHYAD PAR GSANG SNGAGS 'PHAGS SKOR LA RTZAL THON, L'U AI PA'I DBANG BKA', LHA SBAS KYI 'GREL BA'I BSHAD BKA', CHOS CHEN DGU LA SOGS PA'I RDZOGS RIM YONGS SU RDZOGS PA GSAN NAS RANG GI THUGS NYAMS SU BZHES SHING SKAL BA DANG LDAN PA GZHAN DAG LA'ANG RGYA CHER SPEL LO, ,LHO BRAG PA PHYAG KHRI MCHOG NI, 'KHRUNGS YUL LHO BRAG PA, LHA SAR JO BO MJAL BA'I LAM ZHOR LA SNYE THANG DU JO BO RJE DANG MJAL TE GDAMS NGAG MANG DU THOB, LO LNGA BSTEN, CHOS MNGON PA LA RTZAL THON, 'JIG RTEN DBANG PHYUG DANG, JO MO SGROL MA'I ZHAL GZIGS SHING KHAMS GONG MA'I TING NGE 'DZIN LA MNGA' BRNYES, JO BO'I RNAL 'BYOR MI BZHI'I

YA GYAL GCIG YIN, JO BO MYA NGAN LAS 'DA' KHAR, TSE 'DI BLOS THONG TSE GZHUG 'BROM STON PA DANG MA BRAL BA GYIS SHIG GSUNGS PA LA BRTEN NAS 'BROM GYI PHYAG PHYIR RA SGRENG DU 'PHEBS, DE NAS JO BO'I GDUNG KHANG GI DNGUL 'DON PA DANG, JO BO'I PHYAG DPE KHA CIG RGYA GAR DU RDZONG BA'I SLAD DU BAL YUL DU BYON, RGYA GAR DU RGYA DPE 'PHRIN YIG DANG BCAS PA'I MI MANG PO BRDZANGS, DNGUL RNAMS LA LJANG PA BYAS NAS KA BA LIR BCUG, TSUR BYON PA'I LAM DU RMI LAM LA JO MO SGROL MA'I ZHAL NAS BRAM ZE'I KHYE'U LO BCU LON PA GCIG RAS TSONG DU 'ONG GI DE NYOS LA NGA LA PHUL ZHIG, DE LTAR BYAS NA LAM DU BAR CHAD KYIS MI TSUGS PA'I GNYER KHA THAMS CAD NGAS BYED ZER PA ZHIG RMIS, SANG RAS TSONG BA GCIG BYUNG STE JO MO LA BSNGOS NAS DPAL MO DBAL THANG LA BYON TZAN JAG PA MANG BO BYUNG BAS ZLA BO THAMS CAD BCOM, PHYAG KHRI MCHOG GI DNGUL LJANG PA DE RNAMS GAD SKYIBS ZHIG NA PHAR LA BZHAG PAS JAG PAS MA MTHONG BAR TSUR THON, LO RGYUS DER SGRENG DU DGON PA BA LA ZHUS PAS, SGROL MA DKAR SNGO GNYIS GANG DU 'DUG GSUNG, DE MA DRAN ZHUS PAS DE GNYIS KA BZHENGS GSUNGS NAS RAS DE LA SGROL MA DKAR SNGO GNYIS KA BZHENGS NAS DA LTA RA SGRENG NA BZHUGS PA LAGS, GLANG RI THANG BA'I ZHAL NAS RI MO GSAL RGYU MI 'DUG STE SPRUL PA'I SKU DNGOS YIN GSUNGS, DE NAS RE SHIG NA JA LUNG RDO GANG GI MANG SKOL MDZAD, DE RING NI GTAM RI GZAR GYI RBAB 'DRA BA CIG 'ONG BAS SO

, ,SO NAS BZOD PA MDZAD PA ZHU GSUNGS NAS BZOD GSOL SNGON LA MDZAD, DGE BSHES STON PA LA DGE BA'I BSHES GNYEN PA LAGS, KHYED LA JO BO'I GDAMS NGAG THAMS CAD BUM PA GANG BYO'I TSUL DU MNGA' BA LAGS PAS, DES KYANG MI PHAN, DES KYANG MI PHAN MI GSUNG BAR JO BO'I GDAMS NGAG RNAMS RGYUN MI GCOD PAR GSUNG BAR ZHU, RNAL 'BYOR BA LA, KHYOD RNAL 'BYOR PA MI CHOS SU NGAN TE, JO BO'I G-YOG BZHAG NAS RBA RGYA MTSO'I RJES LA PHYIN, LHA CHOS SU NGAN TE JO BO'I GDAMS NGAG BSGOM PA BZHAG NAS SBAS CHUNG STON PA'I BDAG MED MA'I SGRUB THABS BSLABS PA YIN ZHES DANG, RNAL 'BYOR PA GONG 'OG LA YANG BKA' PHAB LAM ME BA ZHIG MDZAD NAS, DA KHO BO JO BO'I THUGS DGONGS SKONG DGOS PA YOD PAS, SANG NAS MTSAMS GCOD BAR ZHU GSUNG BAS, RNAL 'BYOR BA GONG 'OG GI THUGS DGONGS LA KHONG MTSAMS BCAD NAS MI DANG MI PHRAD PA YIN 'ONG SNYAM TZA NA SHUG GSEB LA SOGS PA GAR THOD THOD DU ZHUGS NAS GDA' SKAD, DE DUS GSANG PHU NAS RNAL 'BYOR BA SHES RAB RDO RJE RA SGRENG DU BYON, KHONG DANG CHOS KYI GSUNG GLENG KHO THAG CHOD PA CIG BYA SNYAM NAS BYON PA DANG, RNAL 'BYOR PA MI BZHUGS PAR GDA' SKAD, GAR BZHUD BYAS PAS, SHUG GSEB KYI PHA GI YIN ZER BAS, DER BYON TE GSANG PHU BA DGE SLONG YIN, KHRI MCHOG DGE BSNYEN YIN PAS GSANG PHU BA LA TSUR PHYAG GSUM MDZAD NAS, KHO BO LA MI'I TIG PO

TZAM MI BDOG GSUNGS NAS, SHUG GSEB NA PHAR GSHEGS PAR MDZAD, GSANG PHU BA'I ZHAL NAS, DE LAS YI MUG PA DANG, DE LAS KHO THAG MA CHOD PA CIG MA BYUNG GSUNG ,KHONG 'JIG RTEN GYI RNAM PAR RTOG BA LA MTSAMS BO CHE PAD KYIS BCAD NAS BZHUGS PA YIN TE, 'JIG RTEN BLOS BTANG NAS BYAMS SNYING RJE BYANG CHUB KYI SEMS BSGOM PA LA SOGS PA JO BO'I THUGS DGONGS JI LTA BA BZHIN DU BSGRUB BAR MDZAD, LAN CIG YUL NAS GSER ZHO KHA YAR ZHIG BYUNG BA NA, GSER GYI THUM PO RNAMS BKROL NAS PHYAG GI MTHIL DU BLUGS, KA GNYIS MA'I MDUN DU BYON NAS, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,GSUNG ZHING RTEN GYI GSEB TU GTOR TE BTANG, RVA'I ZE'U CHUNG CHUNG ZHIG LA SKOR BA MDZAD PA LA, MYA NGAN 'DAS RTING BLTAS PAS, NANG NA JO BO'I NA BZA' BRUL PA CIG SNANG, GZHAN RTEN GYI DNGOS PO CI YANG MI 'DUG ,DGON PA BA'I ZHAL NAS, WA, RA SGRENG BA'I MTHA' 'DI LTAR SONG BA GSUNG, DE CI NONGS ZHUS PAS, NGAS JO BO'I THUGS DAM GYI LHA BZHENGS, RNAL 'BYOR PAS MDO MANG BRIS, STON PA 'DAS, KHRI MCHOG YOD NA'ANG 'DI LTAR MI 'GRO BA LA GSUNG, KHRI MCHOG GIS CI PHAN ZHUS PAS, DE 'JIGS NAS BYED MI PHOD GSUNG, SHA RA BA'I ZHAL NAS, DA LTA'I BKA' GDAMS PA'I SROL GANG YIN CHA MED, SNGON DGE BSHES STON PA DANG, KHRI MCHOG DANG, RNAL 'BYOR PA RNAMS KYIS SKYE SA'I YUL SPANGS TE NYE DU 'BREL PA

, ,LA SHI BA LTAR BYAS NAS CHOS LA NAN TAN CHER BYED BA YIN GSUNG, DGE BA SHES GRO LUNG PA'I ZHAL NAS, RNAL 'BYOR PA PHYAG KHRI MCHOG CHOS GRVA'I SLOB DPON SPYOD PA GZHAN GYI SEMS SHES PA MNGA' BA JO BO RJE GSHEGS KHAR THA MAL PA'I RTOG PA MA RGYU BAR BYANG CHUB KYI SEMS SBYONGS SHIG ,STON PA DANG MA BRAL BAR GYIS SHIG CES GDAMS PA DANG, LHAG PAR DGONGS PA LO BZHIR THA MAL PA'I RTOG PA MA SHOR BAR GRAGS PA STE, RNYED PA NI 'PHRAL 'TSO TZAM LAS MED, MGRON GYI SNA LEN LA SOGS PA TSUL BZHIN MDZAD PA NA, NYE GNAS SKYO NAS 'DI LTA BU MI 'GRUB CES ZHUS PA DANG, BKYON TE, GCIG PUR 'DUG PA TA SO GSOD DE CHIG SKYA MI THUB PAS DGE BSHES STON PA LA BRTEN PA YIN GSUNG NGO, ,DE LTAR THA MAL GYI RNAM PAR RTOG PA'I RGYU BA BCAD DE DGUNG LO ZHE GNYIS 'GRO BA'I TSE RA SGRENG DU SKU'I BKOD PA BSDUS NAS DGA' LDAN CHOS KYI PHO BRANG DU GSHEGS SO, ,LHO BRAG BA DGE BA SKYONG GI RNAM THAR RNYED NA 'DIR 'JUG ,KHAMS PA SKU MCHED BZHI NI, RNAL 'BYOR BA CHEN PO BYANG CHUB RIN CHEN, DGON PA PA DBANG PHYUG RGYAL MTSAN, SHES RAB RDO RJE, PHYAG DAR STON PA RNAMS SO, ,DE LA RNAL 'BYOR PA CHEN PO BYANG CHUB RIN CHEN NI, MDO KHAMS SMAD DU SHING MO YOS LA SKU 'KHRUNGS, SKU GZHON NU NAS RAB TU BYUNG STE JO BO RJE BOD DU 'BYON PA'I SNYAN PA GSAN NAS MJAL BAR 'DOD DE BYON PAS

,TZANG GI NYAN TSOR JO BO DANG MJAL, JO BOS SNGON GYI 'BREL BA DANG CHOS KYI BAG CHAGS YOD PAR MKHYEN NAS MJAL MA THAG TU DAM TSIG GSUM BKOD PA'I RGYAL PO'I LUNG DANG, 'DU SHES BSKYED PA'I CHOS BCU BYA BA'I GDAMS NGAG GNANG, RGYUN GYI ZHABS TOG PA NYE GNAS MDZAD CING, RGYA GAR DU JO BO'I BLA MA RNAMS LA 'BUL SKYEL DANG, RDO RJE GDAN GYI MCHOD PA SOGS BYA BAR LAN GSUM BYON, LAN CIG DBUS SU NYANG PO'I GRU LA JO BO'I PHYAG PHYI MDZAD CING PHEBS DUS JO BO LA GRU GLA CI SBYIN ZHUS PAS JO BOS PHYAG RGYA ZHIG MDZAD BAS DE GO NAS KA RA BAM PO LNGA BYIN BAS JO BO DGYES TE NGAS RKANG MGYOGS BSGRUBS NAS 'DZAM BU'I GLING LAN GSUM SKOR YANG KHYOD 'DRA PA'I SLOB MA MI RNYED GSUNG, JO BO SNYE THANG DU BZHUGS DUS RNAL 'BYOR PA'I THUGS DGONGS LA NYIN MTSAN DANG STON DPYID MED PAR BLA MA'I ZHABS TOG BYED BYED NAS BSGOM BYA RGYU MA BYUNG BAS NGA BSOD NAMS CHUNG SNYAM PA'I BLO ZHIG SKYES PA JO BOS MKHYEN NAS LUS NGAG YID GSUM BLA MA'I ZHABS TOG TU BKOL NA SGOM GYI DMIGS PA GZHAN NAS BTZAL MI DGOS GSUNGS, DE'I GNAD KAS DGE BSHES RNAL 'BYOR PA LAS RTOGS PA MTHO LA SGOM BZANG BA MA BYUNG BA YIN, DAM TSIG GSUM BKOD PA'I RGYAL PO'I BZLAS PA STONG PHRAG BRGYAD THON TZA NA ZHAL GZIGS, LAS SNA TSOGS LA RTZAL THON, DAM TSIG GSUM BKOD RGYAL BO DANG 'JAM DPAL BGRO BA

, ,MDZAD PA'I ZHAL GZIGS, JO BO MYA NGAN LAS 'DAS NAS ZHAL 'CHEMS BZHIN DGE BSHES STON PA'I PHYAG PHYIR BYON NAS RA SGRENG DU BZHUGS, DGE BA SHES STON PA ZHI BAR GSHEGS RJES RA SGRENG GI GDAN SA LO BCU GSUM MDZAD, RA SGRENG GI KHYAMS SMAD LA SOGS PA MDZAD BA LHAG MA RNAMS BSGRUBS SHING TSOGS PA BSKYANGS BAS 'PHRIN LAS SHIN TU CHE BA BYUNG, BU SLOB CHE BA MANG RA BA BYANG TSUL, STOD LUNG PA CHEN PO, LHAG MI, G-YAG RUM, SMYUG RUM PA CHEN PO RNAMS DANG, BKA' GDAMS SKU MCHED GSUM GYIS KYANG 'DI'I ZHABS LA GTUGS PAR SNANG NGO, BDAG NYID CHEN PO 'DI NI MNGON SHES DANG RDZU 'PHRUL THOGS PA MED PA MNGA' BA ZHIG STE, 'BROM RIN PO CHE SKU SNYUN PA'I SKABS SHIG RDZU 'PHRUL GYIS RTZIGS PA LA'ANG THOGS PA MED BAR BYON NAS SNYUN DRIS PA'I GTAM RGYUD KYANG YOD CING, RDZOGS RIM GYI RLUNG MNYAM 'JUG GI TING NGE 'DZIN KHYAD PAR CAN THOB PA ZHIG YIN BAR GSUNGS, DGUNG LO DRUG CU RE GSUM PA ME MO SBUL GYI LO'I RGYAL ZLA'I YAR TSES BRGYAD LA NGO MTSAR BA'I LTAS DANG BCAS DGA' LDAN DU GSHEGS SO, ,DGON PA BA CHEN PO'I RNAM THAR NI 'OG TU 'CHAD DO, ,RNAL 'BYOR PA SHES RAB RDO RJE NI, JO BO'I GDAMS PA MANG DU MNGA' ZHING KHYAD PAR GRUB MTHA' LA RTZAL THON, THUGS DAM YI GE DRUG PA'I ZHAL GZIGS,

JO BO LO GSUM DU BSTEN PAR GRAGS, LAN CIG GI TSE MA nI BZLAS PAS ZHAL NAS 'OD ZER SHVA SH'A 'ONG BA LA RNAL 'BYOR BA CHEN PO'I ZHAL NAS, SGOM CHEN 'DI KHA NA RE SKYID, BYANG CHUB KYI THUGS MNGA' BA GSUNG, JO BO GSHEGS NAS GSANG PHUR BZHUGS TE THUGS DAM TSIG CHOD DU MDZAD, KHONG DANG RNAL 'BYOR PA KHRI MCHOG GNYIS THUGS GCUGS PAS GSANG PHU DANG RA SGRENG GNYIS LA YAR SNYEGS MAR SNYEGS BYED PA LA DRO ZAN 'KHYER MI DGOS GSUNGS TE, RKANG MGYOGS KYI RDZU 'PHRUL THOB PAR GRAGS, DGE BSHES SPYAN SNGA'I BLA MA YIN PAS SLOB DPON SGOM CHEN ZHES 'BOD, GSANG PHUR SKU GSHEGS PAS GDUNG BZHUGS PA'I SA 'BUM CHUNG NGU ZHIG GSANG PHU'I SKOR LAM NUB PHYOGS NA DA LTA'ANG BZHUGS SO, ,'DI LA GONG MA RNAMS GSANG PHUR SKU YAL ZHES BSNGAGS PA CHE BAR MDZAD DO, ,PHYAG DAR STON PA NI, SPYIR JO BO'I CHOS MANG DU MKHYEN CING, KHYAD PAR PHA ROL TU PHYIN PA LA RTZAL THON, JO BOS PHYAG DAR LA LOGS SU BLA MA'I MAN NGAG BYA BA GSANG BAS 'GRUB PA YIN TE, BSTAN PA NYAMS DMA' BA'I DUS SU BZLO DGOS, KHYOD SHES RAB SHIN TU CHE BAS JI SKAD BSHAD PA BZHIN DU GO ,NGAS JI SKAD ZER BA BZHIN DU BYED, GZHAN RNAMS KYIS BSTAN KYANG MA GO BAS DE MIN ZHIG LOGS NA YOD SNYAM NAS 'ONG, KHYOD BYAMS SNYING RJE BYANG CHUB KYI SEMS SGOMS SHIG GSUNGS, YANG DGE BSHES PHYAG DAR

, ,LA SOGS PA BOD STON KHA CIG GIS, JO BO'I SKU SKYE SNGA MA JI LTAR BZHES PA DANG, PHYI MA GANG DU 'KHRUNGS PA DANG, 'TSANG JI LTAR RGYA BA'I LO RGYUS SHIG YI GER 'DRI BAR ZHUS PAS, JO BO'I ZHAL NAS, KHYOD KYIS GTZUG TOR 'DON MA MYONG NGAM GSUNGS, MYONG LAGS ZHUS PAS, GTZUG TOR NAS, BCAD DO, ,PHUR BUS GDAB BO, ,BYA BA BGEGS LA NUS PA MED PAR BYAS PA YIN, DE BZHIN DU BKA' DANG BLA MA'I MAN NGAG LA TSIG GI PHUR BUS BTAB PAS BYIN RLABS NYAMS 'GRO BA YIN, DE BAS NA TSIG ZIN PA DANG DON GO BAR BYA YIS, YI GER 'DRI BA'I 'OS MA YIN GSUNG, PHYAG DAR STON PA LA NAN TAN DU MDZAD NAS YON TAN GSANG BAS 'GRUB PA YIN NO GSUNG, SNYE THANG DU JO BOS BOD STON RNAMS LA PHAR PHYIN THOG MAR PAndI TA'I BSHAD LUGS DANG, DE NAS JO BO NYID KYI BZHED PA RTON PA BZHI'I SGO NAS KHRID TSUL GSUNGS PA LA 'DIS ZIN BRIS MDZAD PA'I PHAR PHYIN KHAMS LUGS MAR GRAGS PA'ANG SNANG STE, SNGON GTZIGS CHE BAR BYUNG 'DUG GO, JO BO GSHEGS NAS RA SGRENG DU BYON, STON PA'I SLOB MA MDZAD, SKU MCHED GSUM GYI'ANG SLOB DPON DU SNANG ZHING, PHYIS KHAMS SU PHEBS NAS BSTAN 'GRO'I DON RGYA CHER MDZAD CES GRAGS SO,, ,,DBUS KYI SLOB MA'I GTZO BO KHU RNGOG 'BROM GSUM GYI NANG NAS DGE BSHES KHU STON NI

YUL YAR KLUNGS, MTSAN BRTZON 'GRUS G-YUNG DRUNG, LCAGS MO PHAG LA SKU 'KHRUNGS TE NAG TSO DANG 'KHRUNGS LO GCIG, KHONG DANG RNGOG LEGS PA'I SHES RAB BANG STON GSUM GYIS KHAMS SU BYON TE, JO BO SE BTZUN LA CHOS MANG DU GSAN, GAR MI YON TAN G-YUNG DRUNG LA MNGON PA BSLABS TE MKHAS PAR MKHYEN, KLU MES THAMS CAD KYI GNAS BRTAN MDZAD, DE'I DUS SU KHONG LAS MI CHE BA MED PA YIN PA LA, DGE BSHES STON PAS DBUS KYI MI CHEN RNAMS LA GNANG BA'I BKA' SHOG NA KHU'I MTSAN MA CHUD PAS, THUGS RGYAL SKYES TE JO BO NGA RANG GIS THOB BA CIG BYA'O SNYAM NAS SNGON LA LCAG BTAB STE BYON PAS, GZHAN RNAMS KYI'ANG BSKUL MAR GYUR TE, ZHANG ROM GYI ZHAL NAS, KHU MTSUNG PA DE GO BCAD GSUNG STE, DA YANG DGE BSHES STON PA DKYEL CHE BA'I YON TAN YIN, DGE BSHES DES JO BO YUN DU BSTEN NAS GDAMS PA MANG DU GSAN, KHYAD PAR DU PHA ROL TU SBYIN PA'I GDAMS PA DANG, GSHIN RJE'I MAN NGAG LA RTZAL THON, THANG PO CHER SPYAN DRANGS TE CHOS KYI 'KHOR LO BSKOR, SNYE THANG DU KHUS PHAR PHYIN BSHAD PAS CHOS NYAN STONG TZAM 'DUS PA BYUNG, MTHAR DGUNG LO DRUG CU RTZA LNGA BZHES PA SHING MO YOS LA GSHEGS SO,, ,, RDOG LEGS PA'I SHES RAB NI, CHOS RGYAL KHRI SRONG LDE BTZAN GYI BLON PO, RDOG CHEN PO BYA BA BYUNG STE, BTZAN POS RGYA YUL DU DMAG DRANGS PA'I TSE RGYAL PO RI DE'U ZHIG GI KHAR BZHUGS, DMAG RNAMS YUL 'JOMS SU BTANG

, ,BA NA, RGYAL PO'I SKU LA BSNGO BA'I SKYEN PO 'GA' ZHIG BYUNG BA NA, BLON PO RNGOG GIS 'GA' ZHIG BSAD, 'GA' ZHIG NI PHYIR BROS, DE NAS RGYA ZHO HAB KYIS BTAB, RGYA PHRUG BRAG LA BRDABS ZER BA DE'I RGYUD PA YIN TE, YAR 'BROG DO'I PHYI ROL GYI MTSO CHEN PO'I 'GRAM DU GRONG CHAGS PA'I SNGAGS RNYING MA BA'I DGE BSHES RDO RJE GZHON NU BYA BA LA SRAS LNGA BYUNG BA'I CHE BA LEGS PA'I SHES RAB, GNYIS PA KLU KHRI, GSUM PA KLU BYANG, BZHI PA CHOS SKYABS, LNGA PA THUB PA RNAMS LAS CHE BA LEGS PA'I SHES RAB KYIS 'BRING YE SHES YON TAN LA RAB TU BYUNG, KHAMS SU BYON NAS JO BO SE BTZUN LA SDE SNOD RNAMS GSAN PAS MKHAS PAR MKHYEN TE STON BA BZHUD PA'I PHYI LO BYI BA'I LO LA DBUS SU PHEBS, BSHAD PA'I GRA BTZUG NAS SLOB MA YANG MANG DU BYUNG, DE NAS DBUS GTZANG GI MI CHEN RNAMS DANG LHAN DU MANG YUL DU JO BO DANG MJAL, CHOS MANG DU GSAN, THUGS RGYUD SHIN TU BZANG BAS JO BO'I SLOB MA SU DANG YANG MI MTHUN BA MED, LHA SAR JO BO DPON G-YOG SPYAN DRANGS NAS ZHABS TOG RGYA CHER MDZAD, RNGOG GIS DBU MDZAD BA'I BOD STON KHA CIG LA DBANG BSKUR BA'I CHO GA RGYAS PAR GNANG, RTOG GE 'BAR BA BSGYUR BA'I ZHU BA PHUL, JO BOS GNANG NAS NAG TSOS TSANG BAR BSGYUR, DE'I ZHAR LA DBU MA'I MAN NGAG KYANG MDZAD, RNAL 'BYOR BA LA GZIGS SU PHUL BAS NGED LA LKOG TU JI LTAR KHRID PA BZHIN DU BRIS 'DUG,

CUNG YANG ZAB DRAGS GSUNG, DE LO TZ'A BAS BSGYUR, DE'I ZHABS NA, RA SA 'PHRUL SNANG GTZUG LAG KHANG CHEN DU, ,MAR ME MDZAD DPAL ZHES BYA'I MKHAS PA LA, ,SH'AKYA'I DGE SLONG RNGOG BTZUN LEGS SHE YIS, ,GSOL BA BTAB NAS YI GER BKOD PA YIN, ,BYA BA DE JO BO'I GSUNG YIN, MTSAN NI MAR ME MDZAD CES GRAGS PA YI, ,MKHAS PA 'DI YI GZHUNG LUGS SU 'DZIN PA, ,GOL BA'I LAM DU MI 'GRO ZHES, NAG TSO TSUL KHRIMS RGYAL BA SMRA, ZHES GSUNGS, DGE BSHES GSANG PHU BA DES JO BO LO BCU BSTEN CING, LAM RIM SHLOO KA DRUG DANG DE'I GSAL BYED MDZAD, SPYIR JO BO'I CHOS MANG DU MKHYEN KYANG DBU MA'I LTA BA LA RTZAL THON, RJE BTZUN MA SGROL MA'I ZHAL GZIGS, LAN CIG JO BO'I PHYAG PHYIR BYON PAS GSANG PHU LA PHYAG MDZUB BTZUGS TE LUNG PA YA GI'I NANG NA DUNG G-YAS SU 'KHYIL BA 'DRA BA YOD, LEGS SHE KHYOD KYIS DER GTZUG LAG KHANG THOB LA BSHAD NYAN GYIS DANG BSTAN PA LA PHAN THOGS RGYA CHEN 'BYUNG ZHES LUNG BSTAN PA BZHIN GSANG PHU NE'U THOG TU GTZUG LAG KHANG BTAB BSHAD NYAN MDZAD PAS TSOGS PA LNGA BRGYA TZAM 'DUS, DGE BSHES DES SPYIR BSTAN PA LA BYA BA RGYA CHEN PO MDZAD CING, LHAG PAR JO BO YAB SRAS KYI GSANG CHOS BKA' GDAMS GLEGS BAM RIN PO CHE DANG THIG LE BCU DRUG GI MAN NGAG RNAMS BSHES GNYEN CHEN PO 'DI'I BKA' DRIN LAS BYUNG BAS BKA' DRIN MA TSUNGS PA MED PA ZHIG GO ,GSANG BU BA CHEN PO DE'I

, ,DBON PO RNGOG LO CHEN PO BLO LDAN SHES RAB NI, CHOS SKYABS KYI SRAS SU SA MO PHAG LA SKU 'KHRUNGS, GZHON NU'I DUS NAS KHU BO'I DRUNG DU BYON, KHU BO DANG GZUS KYI SLOB MA SBO CHUNG BA TSUL KHRIMS SHES RAB GNYIS LA BRTEN NAS RAB TU BYUNG STE DE GNYIS LA GSAN PA MANG DU MDZAD PAS KHONG GI SHES RAB LA KHU BO MNYES NAS, LO BCU BDUN BZHES PA'I TSE KHA CHER SLOB GNYER LA BRDZANGS, DE'I TSE RVA LO, GNYAN LO, KHYUNG BO CHOS BRTZON, RDO STON, BTZAN KHA BO CHE RNAMS DANG 'GROGS NAS BYON BAS, MNGA' BDAG RTZE LDES DBUS GTZANG KHAMS GSUM GYI SDE SNOD 'DZIN PA RAGS PA RNAMS SPYAN DRANGS NAS ME PHO 'BRUG LO'I CHOS 'KHOR MDZAD PA DANG THUG, RTZE LDE'I SRAS PO DBANG PHYUG LDES RNGOG GI YON BDAG BYA BAR CHAD NAS KHA CHER BYON, PAndI TA SADZDZA NA DANG PA RA HI TA BHA DRA LA SOGS PA DRUG TZAM BSTEN, BAR DU RGYAGS CHAD NAS KHA CHE NAS GSER SLONG BYA BA'I YI GE MNGA' RIS SU BTANG BA LAS DBANG LDES GSER MANG PO YANG BSKUR, TSAD MA RGYAN SGYUR CIG BYA BA'I ZHU BA BYUNG BAS, PAndI TA SKAL LDAN RGYAL PO DANG, RNGOG GIS BSGYUR, DER KHA CHER LO BCU BDUN DU YANG DAG PAR SBYANGS SLAR BOD DU BYON, BOD DU YANG PAndI TA 'BUM PHRAG GSUM PA DANG, SU MA TI K'IRTI GNYIS LA CHOS GSAN ZHING BAL POR YANG YUD CIG BYON NAS AA

RU LA BADZRA DANG, BA RENDRA RU TZI LA SOGS PA LA SNGAGS KYI GSAN PA YANG MDZAD, SLAR BOD DU PHEBS 'GYUR MANG PO MDZAD PA YANG DAG CING SHIN TU 'GYUR BZANG, 'GYUR MDZAD PA'I TSAD NI, GRO LUNG PAS, DAM CHOS SGYUR LA MNGA' BRNYES PA, ,RGYAL YUM GNYIS DANG BSTAN BCOS GZHUNG, 'BUM PHRAG GCIG DANG KHRI KHRAG GSUM, ,STONG PHRAG BDUN NI LHAG BCAS BSGYUR, ,ZHES 'BYUNG BA DE'O, ,LHA SA DANG, BSAM YAS DANG, GNYAL SGANG THOG DANG, GTZANG RGYAD MKHAR DANG, NGAN LAM GYI MYU GU SNA LA SOGS PAR BSHAD PA MDZAD PA'I TSE, MKHAS BTZUN GRVA PA RIM PA BZHIN DU LHA SAR KHRI DANG SUM STONG BDUN BRGYA ,BSAM YAS DANG SGANG THOG GNYIS SU STONG TSO BCU GSUM RE DANG, RGYANG MKHAR DU KHRE TSO GNYIS, NGAN LAM DU DGE BSHES KHRI TSO GCIG DANG, RNAL 'BYOR PHO MO KHRI TSO GNYIS TE KHRI TSO GSUM 'TSOG SO, ,ZUR CHOS PA'I GRANGS KYANG, RGYAN DANG CHOS MCHOG 'CHAD MKHAN LNGA BCU RTZA LNGA, RNAM NGES 'CHAD MKHAN NYIS BRGYA RTZA LNGA; LUNG CHOS SMRA BA STONG LNGA BRGYA BDUN CU DON LNGA, DRIL BAS CHOS SMRA BA STONG BRGYAD BRGYA BRGYAD CU RTZA LNGA BYUNG, TSAD MA DANG BYAMS CHOS DANG, DBU MA LA SOGS PA'I RNAM PAR BSHAD PA MANG DU MDZAD, PHA ROL TU PHYIN PA DRUG GI SPYOD PA THAMS CAD RDZOGS PAR SPYOD PA'I SEMS DPA' CHEN PO DE NI DBUS GTZANG DU LO BCU BDUN 'GRO DON MDZAD DE DGUNG LO LNGA BCU RTZA GCIG BZHES PA'I TSE, BSAM YAS MA RI'I DRUNG DU ZHING BRJES NAS DGA' LDAN CHOS KYI PHO BRANG DU PHEBS SO,, ,,

, ,GRO LUNG PA CHEN PO BLO GROS 'BYUNG GNAS NI, GZHON NU'I DUS NA JO BO YAB SRAS KYI ZHABS LA GTUGS SNANG STE KHONG RANG GI BSTAN RIM LAS, BDAG GIS JO BO RJE LA CHOS LAN CIG 'KHUMS PA NA, 'PHAGS PA RTAG TU DU'I BRTZON 'GRUS LTA BU BYA'O ZHES GSUNG LA ,DGE BSHES BA'ANG MDOR NA GZHAN CI YANG MI BSAM PAR RDZOGS PA'I BYANG CHUB DON DU GNYER BAR BYA'O ZHES GSUNGS, YANG SKYABS 'GRO'I SKABS SU, 'DI LA BDAG GI BLA MA NI MCHOD PA DANG BCAS PA'I MAndAL GSUM BYED DU BCUG STE, ZHES GSUNGS PA'I DGE BSHES DANG BLA MA NI 'BROM NYID YIN PAR GNA' MCHAN GYIS BSHAD SNANG NGO, ,SPYAN SNGA LA NI RDO RJE NAM MKHA'I GOS CAN MA GSAN ZHING, KHAM PA LUNG PA DANG, PO TO BA LA YANG CHOS GSAN ZHING SLOB DPON ZHES 'BOD PA MDZAD, GZHAN YANG JO BO NAS BRGYUD PA'I CHOS DANG, GZHAN MDO SNGAGS KYI GZHUNG PHAL CHE BA RNGOG KHU DBON GNYIS LA GSAN TE SBYANGS PAS, SNGAGS MTSAN NYID LA SHIN TU MKHAS SHING BRGYAD STONG PA'I 'GREL PA DANG, BYAMS CHOS SDE LNGA'I 'GREL PA SOGS YIG CHA'ANG MANG DU MDZAD, KHYAD PAR DU BSTAN PA'I RIM PA CHE CHUNG GNYIS DANG, JO BO'I GZHUNG CHUNG RNAMS GTZO BOR GYUR PA'I CHOS CHUNG BRGYA RTZA LA DON GYI KHOG 'CHING BA'I t'IKKA BSDUS PA CIG KYANG MDZAD DO, ,SKU TSE'I STOD LA LONGS SPYOD KYIS PHONGS SE BYUNG BAS, GUN PA LHA RJES DZAMBHA LA DKAR PO'I SGRUB SKOR BYIN PAS LAN CIG GRO LUNG PA'I DKAR YOL GYI NANG DU DZAMBHA LA GTZO 'KHOR LNGA DNGOS SU BYON PA

MI GZHAN GYI MTHONG GI DOGS NAS PHYAG GIS SKYOR BAS, GUN PA'I ZHAL NAS DE TZUG MDZAD MI DGOS GZHAN GYI MTHONG DOGS MED GSUNG, DE NAS BRTZAMS TE GRO LUNG PA LA GRVA TSOGS MANG DU 'DUS, SKU BSOD SKYES TE BRIN LHAS KYI GTZUG LAG KHANG BTAB, DER RNGOG LO'I CHOS KHRI SNYING POR GYUR PA'I MCHOD RTEN BRTZIGS, DE'I BUM PAR ZANGS CHEN STONG BA CIG GI KHAR TZAN DAN GYI DRA BAS BKAB, DE'I STENG DU RNGOG LO'I THUGS ZA MA TOG TU BZHUGS, ZANGS DE'I KHAR LHO PHYOGS KYI BU GNAS SHING GI WA GTAD NAS BZHAG, PHYIS GRO LUNG PA DGUNG LO BRGYAD CU PA LA GSHEGS DUS NGA'I RING BSREL GANG BYUNG MA ZAGS BAR MCHOD RTEN GYI LHO'I BU GA LA SKYUR CIG CES ZHAL CHEMS BZHAG GO, SKU GDUNG ZHU DUS PHYAG RIN TSUL GYI PANG DU PHYAG G-YAS PA DANG, ZAM KHA PA'I PANG DU THUGS SBUR KHANG NAS YAR TE BYON, DE NAS ZHAL CHEMS BZHIN RING BSREL RNAMS MCHOD RTEN GYI BU GAR BSKYUR BAS ZANGS GANG BA DANG 'GRIG PA ZHIG BYUNG ZHES GRAGS SO,, BDAG NYID CHEN PO 'DIS MDZAD PA'I BSTAN RIM CHEN MO NI BYANG CHUB LAM GYI SGRON MA'I DGONGS PA 'GREL BA LA ZLA DANG BRAL BA ZHIG STE CHOS KYI RGYAL PO TZONG KHA PA CHEN POS KYANG GRO LUNG PA CHEN PO'I BSTAN RIM 'DI DANG MJAL BA'I TSI MCHOD PA'I BYE BRAG SNA TSOGS PAS BSU BA MDZAD CING, SKYES BU GSUM GYI LAM SO SO'I NGO BO, GRANGS NGES, GO RIM, SO SO'I DMIGS RNAM YID LA BYED TSUL, BSGOMS PA LAS NYAMS MYONG JI LTAR SKYE BA'I RIM PA

, ,SOGS BYANG CHUB LAM GYI RIM PA'I DON STON PA LA 'GRAN ZLA MED PA'I BSTAN BCOS SU BSNGAGS PA MDZAD DO, ,'BROM RIN PO CHE'I RNAM THAR NI DA LTA NYID DU 'CHAD BAR 'GYUR RO,, ` ,,LAM BZANG GSAL MDZAD STON PA RIN PO CHE, ,ZHES BSNGAGS PA, 'BROM STON PA RGYAL BA'I 'BYUNG GNAS ZHES MTSAN YONGS SU GRAGS PA DE NI, SNGON BSKAL PA DPAG TU MED PA'I SNGA ROL NAS THUGS BSKYED DE RDZOGS SMIN SBYANG GSUM MTHAR PHYIN NAS 'PHAGS PA THUGS RJE CHEN PO ZHES SANGS RGYAS KYI ZHING THAMS CAD DU GRAGS SHING SPRUL PA'I BKOD PAS SANGS RGYAS KYI ZHING THAMS CAD DANG MA DAG PA'I 'JIG RTEN GYI KHAMS THAMS CAD KHYAB CING, BDE BA CAN DU MGON PO 'OD DPAG TU MED PA'I SRAS KYI THU BO'I TSUL BZUNG BA SOGS PHYOGS BCU'I SANGS RGYAS THAMS CAD KYI DRUNG NA SRAS KYI THU BO'I TSUL 'DZIN PA DANG, ZHING KHAMS LA LAR 'TSANG RGYA BA'I TSUL STON PA DANG, 'JIG RTEN GYI KHAMS LA LAR 'KHOR LOS 'RGYUR BA'I RGYAL PO DANG, LA LAR BLON PO, LA LAR SDE DPON, LA LAR MKHAN PO, LA LAR PHA MA, LA LAR BYA DANG RI DVAGS TSUN CHAD KYI TSUL BZUNG STE GANG LA GANG 'DUL GYI SKU'I BKOD PAS SEMS CAN GYI DON MDZAD BZHIN PA LAS MI MJED 'JIG RTEN GYI KHAMS 'DIR BSKAL BZANG GI SANGS RGYAS STONG GANG DU 'TSANG RGYA BA'I TSUL STON PA'I GNAS 'DZAM BU'I GLING GI LHO PHYOGS NA PO TA LA ZHES BYA BA'I SPRUL PA'I ZHING KHAMS ZHIG NA BZHUGS PA LAS, PHYOGS BCU'I

RGYAL BA SRAS DANG BCAS BA GDAN 'DZOM STE BYANG CHUB SEMS DPA' SGRIB PA RNAM SEL PHO NYAR MNGAGS TE BYANG PHYOGS KHA BA CAN GYI LJONGS 'DI'I GDUL BYA RGYAL BA GZHAN GYIS 'DUL BAR MA NUS PA'I DMU RGOD CAN 'DI RNAMS THUGS RJE CHEN PO NYID KYIS 'DUL BAR 'OS SO ZHES BOD KHAMS KYI MGON POR 'BYON PA'I THUGS RJE BSKUL, DE BZHIN DU CHOS RGYAL DKON MCHOG 'BANGS YON GYI YUL DU BYON PA'I TSE BLA MA DRI MA MED PA MKHA' 'GRO BYE BA'I CHOGS DANG BCAS PAS KYANG KHA BA CAN DU BYON NAS SEMS CAN GYI DON MDZAD DGOS PAR BSKUL BA LA BRTEN NAS 'PHAGS PA THUGS RJE CHEN POS MI RJE'I TSUL BZUNG NAS BOD DU RGYAL KHRIMS BTZAN POS THAMS CAD DBANG DU BSDUS, DGE BCU'I KHRIMS KYIS CHOS KYI SNOD RUNG DU BYAS SANGS RGYAS KYI BSTAN PA'I GZHI CHAGS PA NA BLA MA DRI MA MED PA RGYA GAR DU GNAS LNGA MKHYEN PA'I PAn CHEN DPAL MAR ME MDZAD YE SHES ZHES BYA BAR SKU 'KHRUNGS NAS GDUL BYA 'DUL BA'I DUS LA BAB PA NA, THUGS RJE CHEN PO 'BROM RJER SKU'I BKOD PA BSTAN TE, DE YANG 'BROM RIN PO CHE GANG DU 'KHRUNGS PA'I GNAS NI, GANGS RI'I PHRENG BAS YONGS BSKOR SA YI GZHI, ,LHA CHEN ZUR PHUD LNGA PAS BSTEN PA'I 'DABS, ,RJE'U'I RIGS LAS 'BROM ZHES RAB GRAGS PAR,, GTZO BO'I RIGS SU 'KHRUNGS LA PHYAG 'TSAL LO, ,ZHES GSUNGS PA LTAR DBU RU'I BYANG GI PHYOGS LHA CHEN THANG LHA'I ZHOL, STOD LUNG GI PHU RTZVA SGYE MO'I SA'I CHAR YAB SKU GSHEN YAG GZHER 'PHEN DANG, YUM KHU 'OD BZA' LAN CIG MA

, ,GNYIS KYI SRAS SU SHING PHO 'BRUG GI LO SKU 'KHRUNGS, DE YANG YAB KYIS MA YAR GCIG BZHES TE DE DANG 'GROGS NAS YOD PA LA, DE DANG THUGS MA MTHUN PA'I RKYEN GYIS BSKUL TE GZHU RU ZHANG PO'I SAR LO BCU GSUM TZAM LA BYON, DGE BA SHES G-YUNG CHOS MGON BYA BA LA KLOG YIG BSLABS, DER LO BZHI BZHUGS, DGUNG LO BCU BDUN LON TZA NA JO BO SE BTZUN GZHON NU GRUM GYI MKHAN BU CHEN BO DE RGYA GAR DU BZHUD PA'I THUGS DGONGS KYIS BYON PA DANG GDAN 'DZOM PAS SHIN TU DAD BAR GYUR TE BLA MA SE BTZUN LA JO BO THUGS RJE CHEN PO YI GE DRUG PA'I GDAMS PA ZHUS, DE NAS SE BTZUN YAR BZHUD BAL YUL DU BYON NAS PHYI ROL PA'I PAndI TA ZHIG DANG CHOS GTAM BYAS BAS SE BTZUN RGYAL ,PHYI ROL PA'I MNGON SHES DANG KHONG GI DBYAD 'GRAN BAS SE BTZUN MA THUB NAS DER SE BTZUN GYI THUGS DGONGS LA PHYI ROL BAS NGAN BYAS DGOS BA DANG, RGYA GAR NA'ANG NGA RANG BAS MKHAS BA MED DAM SNYAM NAS PHYIR LOG BYON PA DANG GDAN 'DZOM PAS 'BROM RIN PO CHES BLA MA SE BTZUN LA PHYAG PHYIR 'KHRID BAR ZHUS PAS SANG PHOD TSONG PA DANG 'GROGS LA SHOG, DA RES KHRID NA BYIS BA BRKUS NAS KHRID ZER DU 'ONG GSUNG, DE NAS 'BROM RIN PO CHES RGYAL GYI ZHANG SNA NAM RDO RJE DBANG PHYUG LA DGE BSNYEN GYI SDOM BA MNOS TE MTSAN RGYAL BA'I 'BYUNG GNAS SU GSOL, DGUNG LO BCU DGU BA LA BAB PA NA MDO KHAMS PHYOGS SU 'GRO BA'I TSONG BA DANG 'GROGS TE MDO

KHAMS LDAN MA'I YUL DU BYON NAS BLA MA SE BTZUN BSAM SBYOR GNYIS KYI SGO NAS TSUL BZHIN DU BSTEN TE, SANGS RGYAS THAMS CAD MCHOD PA BAS BLA MA MCHOD PA PHAN YON CHE'O ZHES GDUL BYA RNAMS LA 'DOMS PA'I PHYIR BLA MA SE BTZUN GYI NANG GI ZHABS TOG PHYE 'THAG PA YAN CHOD DANG, PHYI ROL TU RTA PHYUGS MANG PO YOD PAS NYIN BAR DE RNAMS KYI RDZI BO MDZAD, NUB MO RTA BZANG LA ZHON 'KHOR GSUM TSER MA 'DRA BA BYAS TE ME LA TSE MDZAD, PHYE 'THAG BA NA DPE CHA RANG THAG GI STENG DU BZHAG STE GZIGS PA LA SOGS PA'I SLOB GNYER LA BRTZON PAR MDZAD, PHYE BTAGS PAS PHYAG MTHIL GLANG RGAN GYI MJING PA LTAR SONG, JO BO SE BTZUN DE YO BYAD LA CHAGS PA MI MNGA', GTONG BAR YANG MI MDZAD KYANG MA DAD PA MA BYUNG, SE BTZUN GYI BYA BYED LA YANG DKA' BA MA BYUNG GSUNG, 'BROM RIN PO CHE 'DI NI LAS GYI RTZA BA BSHES GNYEN BSTEN PA'I TSUL LA RGYAL BA SRAS BCAS KUN GYIS BSNGAGS PAR 'OS PA ZHIG BYUNG STE, SHER PHYIN GYI MDO SDE RIN PO CHER BA SHES GNYEN BSTEN PA'I TSUL LA BYANG CHUB SEMS DPA' RTAG TU DU BSNGAGS 'OS SU MDZAD PA LTAR 'BROM RIN PO CHE 'DI YANG BYANG CHUB SEMS DPA' RTAG TU DU DANG LUS KYI RKANG BTANG MA BTAB GI KHYAD LAS MED BA ZHIG BYUNG, DE'I TSE BLA MA SE BTZUN GYI SPYAN SNGAR MDO SNGAGS KYI GZHUNG MTHA' YAS PA LA SBYANGS SHING, KHYAD BAR BDAG NYID CHEN PO 'PHAGS BA KLU SGRUB YAB SRAS KYI GZHUNG DBU MA'I SKOR DANG, BYAMS CHOS SDE LNGA DANG, THOGS MED SKU MCHED KYI GZHUNG RNAMS SOGS

, ,SPYOD PHYOGS RNAMS LA RTZAL DU THON BAR SBYANGS TE CHOS GRAR DGE 'DUN BYING DANG BGRO GLENG MDZAD BA NA BDAG NYID CHEN PO 'DI LA SUS KYANG LAN 'DON SPOBS BAR MA NUS NAS MKHAS PA'I PHUL DU PHYIN BAR GRAGS, DE'I TSE DGE 'DUN RNAMS KYIS MKHAS BA CHEN PO 'DI LTA BU RTA BONG GI RDZI BO DANG YOS 'THAG BA SOGS NGAN LAS LA BKOL DU PHANGS PAS DA PHYIN CHAD NGAN LAS BGYI MI DGOS BAR CHOS GRANG PHEBS CHOG BA DGOS ZHES BLA MA SE BTZUN LA ZHUS NAS DE BZHIN DU GNANG, DUS DE'I TSE KHU STON BRTZON 'GRUS G-YUNG DRUNG DANG RDOG LEGS PA'I SHES RAB GNYIS KYANG CHOS GRA DER BZHUGS BAS KHU RDOG 'BROM GSUM ZHES PA'ANG KHAMS SU GRAGS BA YIN, DE NAS 'BROM RIN PO CHE'I THUGS DGONGS LA, DAL 'BYOR GYI MI LUS THOB PAR DKA' BA RNYED DUS 'DIR CHOS RNAL MA ZHIG BYED NA 'DI TZAM GYIS CHOG GAM MI CHOG ,RGYA GAR MKHAS PA CIG LA 'DRI BA LA BAR DU LO TZ'A MI DGOS BA ZHIG BYA DGONGS TE BAndI TA SGRA'I TSER MA ZHES BYA BA SMRi TI DZNY'A NA KIRTI PHYOGS DER BYON PA LAS SAm SKRi TA'I SKAD DANG RGYA YIG KYANG BSLABS BAS LEGS PAR MKHYEN, DE DUS 'BROM RIN PO CHES PAndI TA SMRi TI LA RGYA GAR NA DA LTA PAndI TA CHE BA JI SKAD BYA BA YOD DRIS PAS, CHE BA BGRES N'A RO PA DANG SH'ANTI PA BYA BA YOD, DE GNYIS DA TZAM 'DAS SAM, DA LTA PAndI TA D'I PAm KA RA BYA BA RGYAL RIGS LAS RAB TU BYUNG BA CIG YOD DE, DE RANG CHE BAR 'OD ZER BAS 'BROM RIN PO CHE'I THUGS LA DE DANG MJAL NA DGA' BA LA, DE DANG CI MJAL BYA

DGOS SNYAM PA BYUNG, DE LTAR 'BROM RIN PO CHES MDO KHAMS SU BLA MA SE BTZUN GYI SPYAN SNGAR LO NYI SHU'I BAR DU BZHUGS TE MDO SNGAGS KYI CHOS MANG DU GSAN PAS MKHAS PA'I PHUL DU PHYIN, DGE BSNYEN CHOS 'PHEL DU'ANG GRAGS PA BYUNG STE, DE LTAR DU 'BYUNG BAR RGYAL BA NYID KYIS MDO LAS LUNG BSTAN BA NI, SNYING RJE PAD DKAR DU, BYANG PHYOGS SU BSTAN PA LA DAD PA LHAR SKYE ZHING, RAB BYUNG CHOS BZHIN MI SPYOD PA LOG BAR LTUNG, DER DGE BSNYEN CHOS 'PHEL ZHES BA RDZU 'PHRUL DANG LDAN PA 'BYUNG, ZHES PA DANG ,SANGS RGYAS PHAL PO CHER, ,BYANG PHYOGS SU DGE BSNYEN CHOS 'PHEL BYA BA 'BYUNG ZHES LUNG BSTAN PA DANG MTHUN NO, ,DE NAS JO BO MNGA' RIS SU PHEBS PA 'GRUL BA LAS GSAN PAS SE BTZUN LA MNGA' RIS SU 'GRO BAR ZHUS, KHONG GIS KYANG MI DGYES BA MED BAR DPE RTA KHAL GCIG GNANG NAS BYON NO, ,BYANG LAM DU SLEB TZA NA MNGA' RIS KYI LHA BLA MA KHU DPON GYIS JO BO RJE LHA CIG BYA BA'I PAndI TI CHEN PO ZHIG GDAN DRANGS NAS YOD, DE RING POR MI THOGS PAR RGYA GAR DU BZHUD PAR 'DUG BYA BA GSAN PAS DER JO BO'I MTSAN THOS PA TZAM GYIS THUGS RANG DBANG MED BAR G-YOS TE DAD GUS BSAM GYIS MI KHYAB PA 'KHRUNGS, ,MDZAL DU 'BYON PA'I 'DUN PA DRAG TU 'KHRUNGS SO, ,DE NAS JI LTAR BZHED PA LTAR BYON TE SOG CHU KHAR PHEBS PA NA KHANG PA CIG NA KU DI RU 'DUG PAS, 'DI NA CI YOD DRIS PAS, 'PHRANG KHA BER CHUNG YAB BER CHEN GYI 'DED DANG SRID PO RNAMS BSDU BA'I CHANG YOD BA YIN ZER

, ,BAS; THAG RING NAS BYON PAS DER SKYEM BSKRUR BYON PA LA 'PHRANG KHA BER CHUNG GIS KHYOD CHOS GRA NAS 'ONGS PA'I DGE BSNYEN ZHIG 'DUG STE NGA YANG ZHANG 'PHRANG KHA BER CHUD BYA BA'I MI CHEN ZHIG YIN, KHYOD KYIS DE NA YAR LA PHYAG WA 'KHYUG BA 'DRA BA CIG GYIS ZER PAS 'BROM RIN PO CHES KYANG DE BZHIN DU MDZAD, DER BER CHUNG CHOS GTAM LA DGA' BAS CHOS GTAM MANG PO BYAS PA'I TSE 'BREM GYIS KHONG GI TSIG SNA RE NAS BRDUNGS PAS KHO THE TSOM SKYES NAS, KHAMS MA GI NA 'BROM STON PA ZER BA'I DGE BSNYEN CHOS MKHAN ZHIG YOD ZER, DE KHYOD YIN NAM ZER BAR, YIN BA'ANG SRID GSUNGS PAS KHONG HA LAS TE KHONG RANG GI 'OG GI GRUM TZE PHYUNG STE DGE BSHES STON BA LA BTINGS, RTA BZANG PO GCIG GI THUR MDA' DAR YUG GIS BYAS NAS PHUL, DA CI NAS PHYAG BLANGS PA'I BZOD GSOL BYAS, DE NAS BGRO GLENG BYAS PA'I BZOD GSOL BYAS, RA SGRENG GI SA CHA 'DIR DGON SA MDZAD DE MCHOD GNAS MDZAD PAR ZHUS PA NA 'BROM RIN PO CHE'I ZHAL NAS, NGA DA RES SDOD MI KHOM, MNGA' RIS STOD YA GIR PAndI TA CHEN PO ZHIG BYON ZER BAS DER 'GRO GSUNG, 'O NA YAS MAR PHEBS NAS NGA'I MCHOD GNAS BYA DGOS ZER BAS, STON PA'I ZHAL NAS; RTZIGS KHA GSUM 'DZIN DGOS TE STER NA BYA GSUNG, GANG BZHED ZHUS PAS, PHOD MDO'I MKHAR 'DI BSHIG LA GTZUG LAG KHANG ZHIG BZHENGS, SHA ZAN DANG RTZAM ZAN GYI 'KHRUG BA NI BSDUMS, NGA'I PHYI

NAS YAR LA RDOG LEGS PA'I SHES RAB BYA BA 'ONG GI DE LA CHOS TSUGS, DE MA BYUNG NA G-YON RU NA KHU STON BLO RNON BO BYA BA YOD, DE SPYAN DRONGS LA CHOS TSUGS GSUNGS, KHONG NA RE GNYIS PO BYAS PAS CHOG, SHA ZAN GYI 'KHRUG PA 'DI LA NGA RE BA YIN, SNGAR YANG 'BRI DRUG CU TZAM ZOS ZIN, ,'O NA YANG KHAM TZAM MED, BSDUMS BYAS PAS CHOG ZER NAS RTZIGS GSUM PO KHAS BLANGS, DE NAS DGE BSHES STON PAS RGYAL GYI ZHANG CHEN PO BSLAB PA'I SLOB DPON YIN BAS PHYAG 'TSAL DU BYON, ,DE'I TSE DBUS PHYOGS NA DGE BA SHES KA BA MI CHE BAS RGYA MO'I PHUR BZHUGS PA MJAL, LHA BTZUN BO DHI R'A DZA LA SOGS PA BOD KYI MI CHEN RNAMS LA ZHES MDZAD NAS, DA LTA MNGA' RIS NA LHA BLA MA BYANG CHUB 'OD KYIS JO BO LHA GCIG BYA BA'I PAndI TA MKHAS PA CIG GDAN DRANGS NAS YOD ZER, NGAS DE GDAN 'GRONGS NA ZHAL MTHONG DANG BCAS PA'I DBUL BGYIS SHIG PA'I ZHU BA PHUL, KA BA SH'AKYA DBANG PHYUG LA CHAB SHOG KHYED KYI PHYAG TU BRDZANGS KYI ,DE TZA NA BSKU LAM GYIS LA LA STOD DU BSU BAS SLEB PAR MDZOD CIG PA'I ZHU BA PHUL BAS, KA BA NA RE, KHYOD KYIS SPYAN CI 'DRONGS GYIS, NGAS BSKUL MA BYAS NAS LA STOD DU SLEB BAR BSU BA BYA GSUNG, DE NAS MI CHOS RNAMS LA GSER SLONG LA BYON PAS, DA LTA NYUNG BA LAS MI 'ONG, ,PHYIS MANG DU DBUL ZHUS PAS, NYUNG YANG DA LTA 'DOD, PAndI TA CAN DU RINGS GSUNGS, NYUNG YANG BLANGS TE DE NAS MI GRONG MA BRGYUD BAR BYANG LAM LA THEGS PAS LAM NGO MA SHES

, ,PA'I SKABS SU BANDE HRAL PO ZHIG BYUNG NAS LAM BSTAN, YA TSAD SKYEL THUNG BYAS NAS BDE BAR BZHUD CIG, DA SNA SHUD KYI 'KHRUG PA LANGS PAS NGA 'GRO MI KHOM ZER NAS 'TSUB MAR RED GIS SONG, PE HA RA 'DI YANG CHOS GSHA' MAR BYED PA LA GROGS BYED PAR 'DUG GSUNG, YANG LAM MA RNYED PA CIG LA SHA BA CIG SONG BA'I RJES LA BYON PAS LAM TIG GIS BYUNG, DE JO MO SGROL MA'I SPRUL PA YIN GSUNG, DE TZA NA JO BO RJE LA RJE BTZUN SGROL MA'I ZHAL NAS, DA STE ZHAG GSUM DRO DANG BZHI'I NYIN PAR BOD KYI AU PA SI KA CHEN PO 'BYON BAS, DE LA BYIN GYIS RLOBS SHIG CES LUNG BSTAN, JO BO NYID KYIS KYANG, DE LTAR DU DGONGS TE JO BO'I ZHAL NAS, DA ZHAG GSUM DRO DANG BZHI NA KHO BO'I SKYE BA SNGA MA'I SLOB MA AU PA SI KA CHEN PO ZHVA SPYI RING RGYANG DE BA GSOL BA CIG 'ONG BAR 'DUG GSUNGS NAS DBU SNGAS 'GOR BUM PA BZHENGS SU GSOL TE, ZHAG GSUM GYI NANG PAR AU PA SI KA LA BYA RA MDZAD, DRO KHA TSUN CHAD MA BYON PAS, T'A RE RDZUN NI GSUNG BA CANG SRID DAM GSUNGS NAS GRONG GSEB CIG TU CHOS STON LA BYON BA'I SHUL DU DGE BSHES STON PA DPON G-YOG PHEBS PA LA, 'KHOR KUN GYIS DA LTA RANG 'BYON PAS BZHUGS SHIG BYAS PA LA NGA THEG BA CHEN PO'I BLA MA DANG MJAL BA SKAD CIG MA SNGA MA DANG PHYI MA GNYIS KYANG SNGA MA LA 'DAM PA YIN GSUNGS NAS BZHUD PAS, JO BA DANG SRAD BAR ZHIG TU MJAL TE PHYAG MDZAD NAS, PHYAG RTEN DU

GSER PHUL, DER JO BO'I PHYAG STON PA'I DBU THOG TU BZHAG NAS, SAm SKRi TA'I SKAD DU SHIS BRJOD MDZAD CING BYIN GYIS BRLABS SO, ,DE NAS 'BROM RIN PO CHES GSOL BA BZHES NAS JO BO'I GZIM KHANG DU BYON PA NA JO BO RJES BUM PA DBU THOG TU BZHAG STE DBANG BSKUR YANG LEGS PAR GNANG, DE'I TSE DGE BSHES STON PAS JO BO LA DRI BA GSUM MDZAD, RGYA GAR NA PAndI TA JI LTA BU YOD BYA BA DANG, NGA'I SNGA MA'I CHOS DE LAM DU SONG NGAM MA SONG BYA BA DANG, BLA MA NYID KYI SPYAN SNGAR BSDAD NA JI LTAR MCHI BYA BA DANG GSUM ZHUS PAS, JO BO'I ZHAL NAS RGYA GAR NA PAndI TA MKHAS PA MANG PO YOD, NGA BOD DU 'ONG TZA NA SHAR PHYOGS BHAm GA LA NA'ANG NYIN RE MA CHAD BAR GRUB THOB RE 'BYON GYI YOD, KHYOD KYI SNGA MA'I CHOS DE LAM DU YE MA SONG, BLA MA'I ZHABS TOG LAM DU SONG, DA KHYOD 'DI RANG DU SDOD, NGA'I LHA MO SGROL MAS KHYOD LUNG BSTAN PA YIN GYI NGA'I BKA' BRGYUD 'DI LA BYIN RLABS YOD KYI GSUNG, DE'I NYIN PAR GYI YON BDAG DES STON SKAL GYI MAR TSAL GCIG BYIN PA DE BZHU NAS DE'I NUB MO MAR ME MTSAN THUB CIG DBU SNGAGS SU PHUL, DE NAS JO BO ZHING GSHEGS KYI BAR DANG, GSHEGS NAS KYA NGAR SGRENG DU SKU GDUNG LA DKAR ME MTSAN THUB RGYUN MA CHAD PAR 'BUL BAR MDZAD, DE NAS PHAL CHEN SDE PA'I LUGS KYI RAS YOL GYIS NUB LHAG THUB PAR 'DOD PAS, DE'I NUB MO NAS DBU SNGAS SBREL NAS CHOS RGYUN DU GSAN PAR MDZAD, SANG NANG BAR DGE BSHES STON PA LA

, ,CHED DU DGONGS NAS BYANG CHUB LAM GYI SGRON MA LA CHOS THUN GCIG MDZAD DE TSAR GCIG GSUNGS, DE NAS BZUNG STE CHOS GANG GSAN THAMS CAD SKYES BU GSUM GYI LAM GYI RIM PA'I STENG DU 'BAB BAR MDZAD 'BROM RIN PO CHES JO BO RGYA GAR DU ZHAG GSUM NA THEGS PA LA SLEBS NAS BOD DU BZHUGS PAR ZHU BA PHUL BAS, JO BO'I ZHAL NAS, GRAGS PA NGAN PA SPONG MI BYED, BYA BA BYANG CHUB SEMS DPA'I NYES PA YIN PAS RGYA GAR DU 'GRO GSUNG NAS MA GNANG, DE'I DUS SU RGYA GAR NA JO BO TZAM PA YANG GSER LA DMIGS NAS BOD DU SONG BYA BA DANG, BOD BA LANG DANG 'DRA BA'I GSEB NA CHOS THAMS CAD STONG PA NYID YIN ZER ZHING 'DUG LO BYA BA DANG, GSANG SNGAGS MA RGYUD KYIS 'GRO BA'I DON MDZAD KYI 'DUG LO BYA BA'I GRAGS PA BYUNG BAS DE RNAMS BSAL BA'I CHED DU JO BO NYID KYANG RGYA GAR DU 'BYON BAR DGONGS PA LTAR MDZAD, DE'I TSE 'BROM RIN PO CHES JO BO BOD DU 'BYON PAR BSKUL BA'I PHYIR DU THABS MKHAS KYIS NGED KYI LHA SA DANG BSAM YAS LA SOGS PA'I GTZUG LAG KHANG NA SLOB DPON BO DHI SATVA DANG KA MA LA SH'I LA LA SOGS PAS GDAN DRANGS PA'I RGYA DPE MANG PO DANG JO BO SH'AKYA MU NE SOGS RTEN KHYAD PAR CAN MANG DU BZHUGS SHING DGE 'DUN STONG PHRAG 'DI TZAM BZHUGS PA SOGS KYI LO RGYUS MANG BO SNYAN DU GSOL, DE THAMS CAD KYANG JO BO BOD DU BYON PA LA DGYES PA LAGS ZHUS PAS, JO BO SHIN TU DGYES NAS SNYIGS MA'I DUS SU TSANGS

PAR SPYOD PA GRANGS MANG BA DE TZAM PA RGYA GAR NA'ANG MI BZHUGS, DE TZAM BZHUGS NA NGES PA KHO NAR DGRA BCOM PA YANG BZHUGS TE MCHI GSUNG, BYIN PA 'DAR PHRIL PHRIL BOD KYI PHYOGS SU PHYAG MDZAD, DE THAMS CAD KYANG KHO BO 'ONG BA LA DGA' BA YIN NA NGAS DGE 'DUN GYI CHOS LDAN GYI NGAG MI GTZOG PAR DAM BCAS PA YIN GSUNGS PAS 'BROM RIN PO CHE SPOBS PA SKYES NAS JO BO LA BOD DU 'BYON PAR ZHU BA PHUL, JO BOS KYANG ZHAL GYIS BZHES PA LAGS, DGE BSHES LO TZ'A BA'I ZHAL NAS NGAL DMYAL BAR 'GRO MI NUS, SLOB DPON GNAS BRTAN DANG CHAD DON YOD PA THUGS LA MNGA' MOD GSUNG BAS BOD DU BZHUGS DBANG MA BYUNG, JO BO'I ZHAL NAS, DANG PO TSUR LA SPYAN MA 'DRONGS DOGS, DE NAS PHAR LA SPYAN MA 'DRONGS DOGS, NGAS LO TZ'A BA SBYONG BYA BA'I ZHAL KYANG YANG GSUNG, DER 'BROM RIN PO CHE'I THUGS DGONGS LA BOD KYI MI CHEN RNAMS GROGS SU SBRAN LA SPYAN DRANG DGOS DGONGS NAS BKA' 'PHRIN BRDZANGS BZHI SHING RTA'I DBYIBS 'DRA 'DZAM GLING GI, BYE BRAG BRJID LDAN GANGS RI'I BYANG, ,LO HA TI 'GRAM RIN CHEN KHUNGS, ,KHA BA CAN ZHES MING GRAGS NA, ,BLO CHEN STOBS LDAN MI BSRU NA PA, ,BOD CES BYA BA GNAS PA'I PHYIR, ,MI RGYAL BYANG CHUB SEMS DPA' CHE, ,DPA' CHEN MANG PO 'KHOR BCAS KYIS, ,SMAN GDAGS THABS SU DAM CHOS BSGYUR, ,RGYU BZANG BKOD LEGS GTZUG LAG KHANG, ,BSAM YAS LA SOGS GNAS MCHOG NA, ,SNGON RGYAL 'PHRUL RJE'I

, ,DGONGS BKANG PHYIR, ,BSTAN PA BDUD RTZI RGYAS MDZAD CING, ,RGYAL SRAS 'DREN PA DKYIL CHE BA, ,MI YI RGYAL BO SH'AKYA'I SRAS, ,LHA BTZUN BO DHI R'A DZA DANG, ,DANG PO'I DGE SLONG LUGS 'BYIN DPON, ,BTZUN CHEN YE SHES BLO GROS DANG, ,THEG CHEN GDUNG BRGYUD BRTAN MDZAD PA'I, ,THEG CHEN KA BA RNAM GSUM DANG, ,MIG 'BYED DGE BSHES RNAM GNYIS KYI, ,RJES SLOB DPAL LDAN BCU GNYIS DANG, ,CHOS 'KHOR KHRIMS BZHIN SKYONG MDZAD PA'I, ,RING LUGS CHEN PO GNYIS PO DANG, ,CHOS GRVA'I SLOB DPON THUGS RGYAL CAN, ,KA BA GAR MI MCHED GNYIS DANG, ,DGE BSHES CHE RNAMS DGONGS SKYONG PA'I, ,KUN PHAN DBANG PHYUG RGYAL MTSAN DANG, ,GNAS BRTAN BAN SKYA'I RE GNAS PA, ,SH'AKA GZHON RGYAL BA'I SRAS GNYIS DANG, ,MKHAS PA BTZUN CHEN POR SNYAN GRAGS PA, ,LEGS PA'I SHES RAB LA SOGS PA'I, ,'PHAGS PA'I DGE SLONG DGE 'DUN CHE, ,SLOB MA YON BDAG 'KHOR BCAS LA; ;DGE BSNYEN RGYAL BA'I 'BYUNG GNAS KYIS, ,GUS PAS SNGON 'GRO'I MCHED GSOL PA, ,KHYED KYI BYANG CHUB SPYOD PA LA, ,BAR CHAD MI BDE MI MNGA' 'AM, ,MDOR BSDUS GCES PA'I DON GSOL BA, ,RGYA GAR YUL GYI MKHAS BTZUN MCHOG, YON TAN MTHA' YAS RGYAS MNGA' ZHING, ,YE SHES MTHA' CAN MTSAN LDAN PA'I, ,MKHAS PA CHEN PO 'DIR BYON PA, ,KHYED KYIS LO RGYUS MKHYEN PA LAGS, ,DE LA DNGOS NYID DAD 'KHRUNGS NAS, ,LHA BTZUN

BKA' STZAL MCHIS PA YIS, ,SNGAR NI DBUS SU GSHEGS ZHUS NA, ,PHAR RINGS GSUNGS NAS BKA' MA GNANG, ,SLAD NAS BAL YUL SHUL KHA NAS, ,DBUS KYI DGE 'DUN RGYUS GSOL BAS, ,DAD NAS PHYAG 'TSAL DGYES GYUR TE; ;TSANGS SPYOD GRANGS MANG DE LTA BU, ,RGYA GAR YUL NA'ANG DKON ZHES GSUNG, ,DES KYANG DNGOS NYID SPOBS SKYES TE, ,KHYED KYANG DANG PAR KHUMS LAGS PAS, ,YANG DANG YANG DU ZHUS PA LAS, ,NGA YI DGE 'DUN DON SGRUB CING, ,BKA' MI GCOG PAR DAM BCAS PHYIR, ,DGE 'DUN DAG LA GROS YOD CING, ,SPYAN 'DREN 'ONG NA 'GRO GSUNG BAS, ,DGE SLONG GZHON NU BLO RNON PO, ,LO TZ'A SMAN THOGS GCIG MCHIS NA, ,KHYED CAG DAM CHOS DON GNYER RNAMS, ,MOS SHING BKA' GROS MTHUN PA NA, ,SPYI SGOS GANG BDE'I SPYAN 'DREN PA, ,DGE SLONG RTA MANG ZHAL MTHONG BCAS, ,STON DUS TSUN CHAD 'DIR BYON MDZAD, ,BYA BA DANG, GZHAN YANG BDAG GIS DGRAR RTEN SNGAGS DANG 'KHRUL PA'I RGYU GZHAN GYIS, TSUL KHRIMS NYAMS PA SOGS NYES MTHONG DE'I PHYIR BDAG GIS PHAN BSAM SPRINGS, MOS PA SNA TSOGS MCHIS PAS 'DI LA MI DGE GANG, ,RANG 'DOD GTZO BOR MA 'DZIN THUGS GZHIGS GZOD PAR MDZOD, ,DON LDAN YON TAN BRJOD PA'I MTSAN GYI SNGON 'GRO PA, ,SH'AKYA'I DGE SLONG DGE 'DUN RNAMS KYI SPYAN LAM DU, ,KUN LA PHAN BSAM DGE BAS YI GE 'DI BSDEBS PA'I, ,DGE BAS DGONGS GRUB LEGS PA'I DPAL 'BYUNG DON LDAN CHER RGYAS SMON, ,BYA BA'I CHAB

, ,SHOG DBANG PHYUG MGON LA BRDZANGS NAS DGE BSHES KA BA'I PHYAG TU GTANG DO, ,DE NAS 'BROM RIN PO CHES JO BO DPON G-YOG GSHEGS PA'I PHYAG PHYIR BYON TE BOD STON RNAMS 'BYON DU RE NAS CI 'GOR MDZAD, LO TZ'A BAS PHAR LA CI MGYOGS MDZAD DO, ,DER BOD STON RNAMS MA SLEB PAR JO BO DPON G-YOG MANG YUL SKYID GRONG DU PHEBS, DE NAS BAL PO RDZONG RGYUD DE RGYA GAR DU PHEBS BAR CHAS PA LTAR MDZAD PA NA SA MAN SDE GSUM BYA BA'I 'KHRUG PA LANGS NAS BAL PO RDZONG 'GAGS PAS MA THON, DE BOD KYI BSOD NAMS SU BYUNG BA LAGS, DER DGE BSHES LO TZ'A BA DE THUGS SHIN TU MA BDE BA LA JO BO'I ZHAL NAS, KHYOD BLO MI BDE BA MI DGOS, SGRUB PAR MA NUS PA LA NYES PA GTAN MED PA YIN GSUNG, DER LO TZ'A BA DGYES TE DA 'O NA BOD DU 'BYON PAR ZHU ZER NAS BOD DU SPYAN DRANGS SO, ,DE'I DUS SU GSER KO GTUM ZHIG DANG LAM SGRON JO BO'I PHYAG BRIS YIN PA CIG PU RANGS PA'I BANDE GNYIS LA BSKUR NAS GSER 'DI SLOB DPON GNAS BRTAN LA PHUL LA DA RES JO BO GDAN DRANGS PA YIN TE BAL PO'I LAM 'GAGS NAS PHYIR LOG, DA SBYAN DRONGS GSUNG NA YANG SPYAN 'DREN, JO PO YANG BOD LA MNYES SHING 'GRO DON YANG CHEN PO 'DUG PAS BZHUGS CHOG GAM BYA BA DANG, BSTAN BCOS 'DI BI KA MA LA SH'I LA'I PAndI TA RNAMS LA GZIGS SU PHUL ZHIG PA'I 'PHRIN BSKUR BTANG BAS GNYIS POS KYANG LAM LA NYE ZHO MED PAR BI KA MA LA SH'I LAR

SLEB STE GNAS BRTAN DKON MCHOG 'BYUNG GNAS LA GSER RNAMS PHUL, JO BO'I LO RGYUS DANG LO TZ'A BA'I 'PHRIN RGYAS BAR GSOL, BSTAN BCOS DE PAndI TA RNAMS LA GZIGS SU PHUL BAS NAN TAR MNYES NAS BSTAN BCOS 'DI LEGS, YI GE PHYAG BRIS MA NOR BAR 'DUG GSUNG STE RGYAL MTSAN GYI RTZE LA BTAGS NAS ZHAG NYI SHU RTZA GCIG TU MCHOD PA RGYA CHEN PO MDZAD, DER GNAS BRTAN GYI ZHAL NAS JO BO 'BYON DU RE BA YIN TE CHOS 'DI PHEBS PAS JO BO DANG KHYAD MED, DE JO BO BOD NA 'GRO DON CHE BA DE LHAG PAR DGA', JO BO BOD LA DANG PO NAS MNYES PA NGA RANG LA RGYUS YOD, DA SKU NA SO BYON PAS BSHUL THAG RING PO LA TSUR SBYAN MA DRANG BAR BSTAN BCOS 'DI LA 'GREL BA CIG MDZAD NAS BSKUR BA ZHU GSUNGS NAS GNYIS PO TSUR BTANG, KHONG GNYIS POS KYANG TSUR 'KHOR NAS JO BO DPON G-YOG LA ZHU 'PHRIN SNYAN DU GSOL BAS NAN TAR MNYES SHING, KHYAD PAR LO TZ'A BA'I ZHAL NAS SLOB DPON GNAS BRTAN GYIS RI BAS KYANG LCI BA'I KHUR GCIG BSKUR BA DE DA SANGS KYI SONG GSUNG, JO BOS KYANG DE 'PHRAL DU 'GREL PA'I DBU BTZUG NAS DKA' 'GREL ZHIG MDZES DE SLAR KHONG GNYIS PO LA BSKUR BAS PAndI TA RNAMS KYIS NYIN LAM MANG PO NAS BSU BA BYAS, RGYAL MTSAN GYI RTZER BTAGS NAS MCHOD PA CHEN PO MDZAD DO, ,DE YANG, DENG SANG BSTAN 'GYUR NANG NA LAM SGRON RANG 'GREL ZHES GRAGS PA 'DI LA JO BOS MDZAD NGES PA DANG, JO BOS MA MDZAD PAR GZHAN GYIS GSAR DU BSNAN PA'I CHA GNYIS YOD DE RGYA GAR GYI PAndI TA

, ,RNAMS KYIS BSKUL BA LTAR JO BOS LAM SGRON LA RANG 'GREL MDOR BSDUS SHIG MDZAD NAS RGYA GAR DU BRDZANGS, DE LA JO BO'I SLOB MA BOD STON MKHAS PA 'GA' ZHIG GIS JO BO'I GSUNG SGROS LA GZHI BLANGS PA'I BSHAD PA RE MANG ZHIG BSNAN PAR SNANG STE, DE LA LEGS PAR BSHAD PA'ANG MANG DU BYUNG MOD KYI NOR BAR MNGON PA 'GA' ZHIG KYANG BYUNG NGO ZHES RJE BDAG NYID CHEN POS GSUNGS SO, ,DE LTAR BLA MA RJE BTZUN CHEN PO 'DIS RGYA GAR DU BZHUD PA BZHIN DU MDZAD, LO TZ'A BAS SKYEL BA BZHIN MDZAD KYANG BOD RANG DU BZHUGS PA'I RGYU MTSAN NI DANG PO NAS NGES PA YIN TE, KHYOD SNGON SO MA PU RIN, ,RTOG GE 'BAR BA GSUNGS BA'I TSE, ,DA NI LO NI NYI SHU NA; ;TSE YI 'DU BYED GTONG ZHES GSUNGS, ,DE NAS LO GNYIS LON PA NA, ,BOD DU 'BYON KHA'I DUS SU NI, ,BI KA MA LA SH'I LAR NI, ,DA NI LO NI BCO BRGYAD NA, ,TSE YI 'DU BYED BTANG NAS SU, ,LUS 'DI BCOD DU 'JOG GO GSUNGS, , JI SKAD GSUNG BZHIN MA 'KHRUL BAR, ,BYUNG BA DE NI NGO MTSAR CHE, ,ZHES GSUNGS PA LTAR RO, ,DGE BA'I BSHES GNYEN SHAR BA'I ZHAL NAS, JO BO BOD DU BZHUGS PAR RGYA GAR RANG NAS NGES PA DPE CHA DANG THUGS DAM GYI LHA MA LUS PA SPYAN 'DREN LUGS DES KYANG SHES GSUNG NGO, ,'BROM RIN PO CHE THUGS DGONGS BZANG BA DANG, DE DUS KYI MI RNAMS KYANG BSAM PA BZANG PAS BOD KYI MI CHEN RNAMS KYIS KYANG SO SO NAS GSER RDANG RTA LA SOGS

PA'I KHRAL BKRAL NAS BOD DBUS GTZANG GI MI CHEN THAMS CAD KYIS JO BO RJE BSU BA LA BYON, ,DE'I TSE BOD STON RNAMS 'BYON PA LA JO BOS NYIN RE BZHIN BYA RA MDZAD TZA NA BOD STON RNAMS KYIS TSAG ZHU DANG PER GYON, ,RTA LA CHIBS BYON PAS JO BOS GZIGS MA THAG, AU PA SI KA, MI MA YIN MANG PO BYUNG NGO GSUNG NAS DBU RIL GYI GTUMS, DE NAS BOD KYI MI CHEN RNAMS KYIS CHOS GROS GYON SER SBRENG MDZAD NAS PHYAG RTEN PHUL BAS JO BO YANG DGYES NAS PHYAG LAN MANG PO MDZAD, DE NAS JO BO RJE DPON G-YOG LA BOD STON RNAMS KYIS SNA LEN DU BSNYEN BKUR BZANG PO ZHIG MDZAD PAS RGYA GAR GYI RAB TU BYUNG BA BAS BOD KYI RAB BYUNG 'TSO BA BZANG BAR 'DUG GSUNG ,DE NAS GTZANG LA BSTOD LDOG GI TSA SNA BYA BAR DO HA RDO RJE'I MGUR GSUNGS PAS 'BROM RIN PO CHES BOD DU 'DI MI LEGS, BSKAL PA SNYIGS PAS SDOM BA BSRUNG BA DANG TSOGS GSOG PA MI MCHI, ,LAS RGYU 'BRAS LA SOGS PA BSTAN PA SPYI LA PHAN PA'I CHOS GSUNG BAR ZHUS PAS, AA TI SHA YANG SHIN TU MYES TE, SEMS CAN CHEN PO KHYOD LTA BU BOD NA BZHUGS PA BOD BSOD NAMS CHE YI, KHO BOS KHYOD RGYA GAR DU THOS NA BOD DU 'ONG MI DGOS PA 'DUG PA LA GSUNG, SNE'U ZUR PA'I ZHAL NAS, 'U CAG YIN NA GZHAN SU LA'ANG MED PA'I CHOS SHIG KHO NA ZHU, DGE BSHES STON PA DE THUGS DGONGS SHIN TU BZANG PAS BOD SPYI LA PHAN CHE BA'I CHOS SHIG KHO NA ZHU BAR LAGS PAR GDA' GSUNG, DE NAS

, ,GTZANG RONG NA MAR BYON TZAN KHANG BA DOG PAS GNAS KHANG 'DOD RIGS MA RNYED PA LA 'BROM RIN PO CHES JO BO PHYIR BZHUGS SU BCUG NAS DE'I BAR DU KHANG PA'I GAD BDAR BYAS, JO BO'I DBU SNGAS SU MAndAL ZHIG KYANG TSAR PAR BYAS 'DUG PAS JO BO'I ZHAL NAS, NGA LA SLOB MA KHYOD 'DRA BA GCIG RGYA GAR NA'ANG YOD GSUNG, PO TO BA'I ZHAL NAS DON LA MED, YOD NA KHA SKAD 'DRA BA 'ONG THANG BA LA GSUNG NGO, ,YANG LAN CIG GI TSE JO BOS BYIS PA LTAR MDZAD NAS NANG GI GNAS RNAMS PHYIS CHUNG DU RES BKANG BAS DE RNAMS 'BROM RIN PO CHES LEGS PAR PHYAGS, SKU'I SPYOD PA LA MA DAD PA MA SKYES PAS BYA RGOD KYI NYIN LAM BCO BRGYAD KYI BAR GYI GZHAN GYI SEMS SHES PA'I MNGON PAR SHES BA SKYES GSUNGS, DE NAS JO BO RJE KHU STON GYIS YAR KLUNGS SU SPYAN DRANGS TE THANG PO CHER PHEBS, 'BROM RIN PO CHES THANG PO CHER MA PHEBS PAR SNYE THANG DU PHEBS NAS BANG STON GYI SAR BYON TE DA LTA NI JO BO KHUS SPYAN DRANGS NAS PHEBS KHUS ZHABS TOG 'O MI BRGYAL BA MI 'ONG, DE TZA NA JO BO'I BZHUGS SA CIG DGOS PAS KHYED KYI SNYE THANG 'DIR BZHUGS SA BYED, NGAS THABS MKHAS KYIS JO BO BSAM YAS SU GDAN DRANGS KYIS, DE TZA NA KHYED KYIS RTA PA NYIS BRGYA'I ZHAL MTHONG DANG BCAS PA'I BSU BGYIS SHIG GSUNGS PAS KHONG GIS KYANG ZHAL GYIS BZHES SO, ,DE NAS 'BROM RIN PO CHES JO BO'I SPYAN SNGAR 'GRO DGONGS NAS YAR

KLUNGS NAS YAR BYON PA DANG THANG PO CHE BA'I MI CIG NA RE, KHYOD GAR 'GRO ZER, THANG PO CHER 'GRO GSUNGS PAS, SMA PHAB PAR 'OD ZER, JO BO DANG MJAL NA SMA PHAB NA'ANG PHAB SNYAM PA CIG BYUNG GSUNG, DE NAS BANDE ZHIG LA JO BO'I GZIM KHANG GAN YOD DRIS PAS, STON DU MA BTUB PA LA JO BO'I SLOB MA AA TZA RA CIG BYUNG BAS NGO SHES NAS 'BROM RIN PO CHE'I RTZAR RGYUGS BYUNG, DES NANG DU KHRID NAS JO BO DANG MJAL BAS YUN ZLA BA GCIG LAS MA LON PA LA 'O SHIN TU BRGYAL BAR BYAS NAS GDA', DER JO BO'I ZHAL NAS, AU PA SI KA CHEN PO, NGA RANG DANG PO GANG NAS 'ONGS PA'I SAR SKYOL, BKA' 'KHOR 'DI KUN YANG 'O BRGYAL, RTA KHAL 'DI KUN KYANG MA RGAN YIN, KHU STON NI 'KHOR LOS BSGYUR BA'I RGYAL PO LTA BU, KHO BO NI DMANGS PHAL PA LTA BU, KHU STON NI SUM CU RTZA GSUM GYI LONGS SPYOD DANG LDAN BA LTA BU, KHO BO NI PRE TA PHU RI'I GRONG KHYER NA GNAS PA LTA BU BYUNG GSUNGS PA LA, 'BROM RIN PO CHES BDAG GIS JO BO'I BZHUGS GNAS SNYE THANG ZER BA, DBYAR BSIL BA DGUN DROB, NAGS TSAL DANG NE'U GSING YOD PA, DGUN YANG ME TOG SKYE BA ZHIG BTZAL BDOG ZHUS PAS, AU PA SI KA DA LTA RANG GSHEGS GSUNG BA LA, KHU YANG DBANG CHE BAS KHAD LA THABS MKHAS BYED DGOS ZHUS PAS, KHU STON GYIS MI TSOR BA'I THABS NGA RANG GIS BYED GSUNG NAS, DE'I NUB MO GRU BSPOGS BYAS TE NAM LANGS PA DANG LAM DU CHUD PAR BYAS NAS

, ,GSHEGS PA BANDE MO ZHIG GIS MTHONG NAS KHU STON LA BYA GTONG DU PHYIN, DE NAS JO BO DPON G-YOG GIS MYANG PO'I GRU LA BYON, 'BROM RIN PO CHE'I ZHAL NAS MNYAN PA LA SNGON LA NGA SGROL CIG DA LTA RANG RDUNG GTAG THAMS CAD NGA LA 'ONG GSUNGS PAS MNYAN PAS SNGON LA BSGRAL, DE'I NUB MO 'BROM RIN PO CHE DPON G-YOG GIS 'ON DU MA BZHUGS PAR KA CHUR PHEBS, JO BO DPON G-YOG SGROL KYIN YOD TZA NA DGE BSHES KHU AA TI SHA ZER CING RGYUGS BYUNG BA GZIGS PAS JO BO'I ZHAL NAS MKHAS PA CHEN PO BYON, GRU PHYIR THEN CIG GSUNGS NAS BZHUGS PA DANG KHU YUS CHE BAS CHIBS PA THAL NAS CHU NANG DU DE'U GRONGS BYUNG, DER KHU STON GYIS JO BO LA LDOG PAR ZHU BA PHUL YANG MA GNANG BAR DBU ZHVA PHYIR 'PHANGS TE BYIN RLABS KYI RTEN DU GNANG, DE NAS JO BO DPON G-YOG GIS 'ON DU ZLA BA GCIG BZHUGS NAS BSAM YAS SU PHEBS, DE'I DUS SU ZHANG 'PHRANG KHA BER CHUNG GIS 'BROM RIN PO CHE SPYAN 'DREN PA'I MI GNYIS BTANG NAS YANG YANG BSKUL BA LA 'BROM RIN PO CHE'I ZHAL NAS, NGA DA LTA 'ONG MI KHOM, JO BO SKU NA MTHO LA SKU GCONG MANG BAS ZHABS TOG GAL CHE, DE'I BAR DU THUGS MI CHAD PAR CHOS 'DI TSO LA DGONGS PAR ZHU GSUNGS NAS 'PHRIN YIG BSKUR BA, YAB MES CHO RIGS BZANG PO'I RJES 'BRANGS SHING, ,DGE BA'I BLO MNGA' DAL 'BYOR LDAN RNAMS LA, ,PHAN PAR DGONGS PA'I SEMS KYIS KUN BSLANGS NA, ,BDUD

RTZI 'DRA BA'I GROS SHIG YONGS LA 'DEBS, ,SNYOMS PAR 'CHAR BA'I NYI MA'I 'OD ZER BZHIN, ,SANGS RGYAS BSTAN PAS KUN LA YONGS KHYAB KYANG, ,BYANG DU BLTAS PA'I BRAG PHUG JI BZHIN DU, ,DAM PA'I LHA CHOS MI MDZAD BLO RE RMONGS,, 'O SKOL DAL 'BYOR MI LUS THOB PA YANG, ,DA LTA NYID KYI SKU SPYOD MA LAGS TE, ,YAB YUM LAS 'PHRO MTHUN PA'I 'DU 'PHROD DANG, ,TSE SNGON BSOD NAMS BSAGS PA'I RGYU LAS GRUB, ,DE LTAR RNYED DKA'I MI LUS THOB TZA NA, ,SDIG PA SPANGS TE DGE BA MA SPYAD NA, ,MTHON PO'I RI LA PHYIN NAS SLAR LHUNG BZHIN, ,MI LUS THOB PA DON MED CHUD MA GZON, ,'O SKOL STON PA SANGS RGYAS BYON NAS KYANG, ,DAM CHOS BDUD RTZI JI SNYED GSUNGS PA DAG ,RTAG PA'I DON DU GSUNGS PA MA YIN TE, ,MI RTAG NGES NAS GSUNGS PA MA YIN NAM, ,RTAG GAM MI RTAG DPER NA 'DI 'DRA STE, ,'O SKOL YAB MES SNGA RABS 'DAS PA DAG ,DA LTA MING TZAM LUS NAS MA SONG NGAM, ,RTAG PA LAGS NA DA LTA GANG NA GDA', ,'O SKOL NYID KYI SKU RING 'DI LA YANG, ,NA TSOD MTHUN PA'I RGAN GZHON MTHO DMAN SOGS, ,JI SNYED GUM PA THUGS MTSOR MI MNGA' 'AM, ,SNYAN GYIS GSAN BA DE BAS SHIN TU MANG, ,NA NING DING SANG DO CIG BAR LA YANG, ,'DAS PA'I MI DANG YUL MI KHYIM MTSES LAS, ,MTSON GYIS RMAS DANG DE BZHIN BRO 'TSAL NAS, ,GRANGS KYIS GUM PA SPYAN GYIS MA GZIGS SAM, ,KUN KYANG CHOS NYID 'DI LAS MA 'DAS TE, ,'CHI BA'I RE MOS 'O SKOL KUN LA 'ONG, ,DE RING SANG GI DBANG

, ,YANG MA MCHIS TE, ,THAMS CAD MI RTAG 'JA' TSON RI MO 'DRA, ,GZUGS NI LHO SPRIN 'DRA STE KHAD KYIS 'JIG ,SROG NI BA THAG 'DRA STE GYI NA TZAM, ,DBUGS NI NA BUN 'DRA STE YOD LA MED, ,TSE NI GLOG DANG 'DRA STE SKAD CIG MA, ,'O SKOL PHUNG PO 'DI LA PHANGS MDZAD KYANG, ,KHREL MED SLES LA BOR BA MTHONG BZHIN DU, ,SGYU MA RTAG TU RE BA BLO RE RMONGS, ,STONG PA DNGOS POR LTA BA BLO RE 'KHRUL, ,JI LTAR BGYIS KYANG RANG DANG PHUNG PO 'DI, , 'BRAL BAR MI 'DOD 'GROGS PAR RE 'DOD KYANG, ,GOS RNYING BRJE BA BZHIN DU PHYIR LUS NAS, ,LUS SEMS SO SOR CHA BA MA DGONGS SAM, ,BSOD NAMS LAS GRUB 'BYUNG BZHI 'DUS BSKYED PA'I, ,PADMA LTA BUR RGYAS PA'I LUS 'DI LA; ;DGRA SDANG RNAM SHES BRGYAD NI DUG SBYOR NA, ,SGYU MA'I PHUNG PO DA LTA JI SNYAM MDZAD, ,DE LA SKYES BU DAM PA'I SMAN PA YIS, ,RNAM THAR BRGYAD KYI SMAN GYIS MA BCOS NA, ,'CHI BDAG BDUD KYI BGEGS NI GDON NGO MTHO, ,MA RIG DUG GSUM GTAN GYI NAD GZHI CHE, ,MI RTAG 'CHI BA'I NAD KYIS ZIN PA LA, ,'TSO BYED GZHON NU'I SMAN GYIS CANG PHAN NAM, ,BDUD KYI ZHAGS PA NAG POS ZIN PA LA, ,MO BON LTO DPYAD RIM GROS CANG PHAN NAM, ,DBANG MED DUS KYIS RGYAS 'DEBS BYED BA LA, ,GNYEN BSHES NYE DUS BSKOR BAS CANG PHAN NAM, ,RTAG PA MA LAGS KUN KYANG MI RTAG STE, ,RTAG TU BTUB NA SANGS RGYAS SKU 'DI DAG ,YOD PA MA LAGS KUN KYANG MED PA STE, ,YOD DU BTUB NA RNAM

SHES SEMS 'DI YOD, ,BDEN PA MA LAGS KUN KYANG BRDZUN PA STE, ,BDEN DU BTUB NA DAM PA'I CHOS 'DI BDEN, ,NGES PA MA LAGS KUN KYANG MA NGES TE, ,NGES SU BTUB NA DGE SDIG RGYU 'BRAS NGES, ,'DOD CHAGS ZHE SDANG MA RIG DE DAG LAS, ,MI SHES GTI MUG GNYID NI MA CHE BAR, ,DGE BA BCU YI MEL TSE 'BAD LA MDZOD, ,MA RIG GNYID LAS SANGS PA'I DUS BYUNG NA, ,YANG DAG BDEN PA'I NAM ZHIG LANGS TZA NA, ,MTHO DMAN MKHA' LA NYI SHAR JI BZHIN DU,, 'GRO MGON SANGS RGYAS DE DANG PHRAD PAR MDZOD, ,CES BYA BA'I TSIGS SU BCAD PA BCO BRGYAD DANG, GANG GI DRIN GYIS BDAG BLO RGYAS MDZAD PA'I, ,BLA MA DAM PA RNAMS KYI ZHABS LA 'DUD, ,GTING MTHA' MED PA'I 'KHOR BA'I RGYA MTSO 'DIR; ;DE SNGA PHAN CHAD JI TZAM PA CIG 'KHYAMS, ,DA YANG JI TZAM PA CIG 'KHYAM DGOS PAS, ,BLA MA DAM PA'I GDAMS NGAG THOS BSAM BYA, ,DE LAS THAR BA'I DUS NI DA RES YIN, ,GLO BUR BAR DU GCOD PA MA BYUNG YANG, ,TSE LA LONG MED YUN RING MI SDOD NGES, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA SKYED, ,GNYID DANG SNYOM LAS DBANG DU MA GTANG BAR, ,STONG PA SNYING RJES ZIN PA RTZE GCIG SGOMS, ,TSE LA LONG MED 'CHI BDAG PHO NYAS SLEB, ,BYA BA THAMS CAD BYED 'PHRO BTANG NAS NI, ,RANG BZHIN MNYAM PA NYID LA BLO BZHAG NAS, ,CHOS NYID RNAM DAG 'DI LA LTA BA BYA, ,MI RTOG BDE GSAL 'DI LA BSGOM BA BYA, ,MA BCOS RANG

, ,BZHIN 'DI LA SPYOD PA BYA, ,SKU BZHI YE SHES LNGA LA 'BRAS BU BYA, ,LTA SGOM SPYOD PA 'BRAS BU RNAM PA BZHI, ,SO SO THA DAD MED PA'I LAM DU SEMS, ,LTA BA STONG NYID SGOM ZHES KHAS BLANGS NAS, ,SPYOD PA DNGOS POR 'DZIN LAS MA GROL NA, ,LTA SPYOD 'JOL TE LOG PA'I LAM DU 'GRO, RANG GIS RANG BSLUS GZHAN GYIS ZHE YANG KHREL, ,CHAGS SDANG SKYE BA'I GROGS NGAN THABS KYIS SPONGS, ,DER YANG KUN DANG 'DRIS PAR MI BYA'O, ,CHAGS NA LHA PA CHAGS KYANG MI GROL TE, ,ZHEN NA CHOS LA ZHEN YANG 'CHING BA'I RGYU, ,PHYUG PO GSER SRANG STONG LA CHAGS PA DANG, ,DBUL PO KHAB SKUD TZAM LA CHAGS PA GNYIS, ,THAR PA'I BAR DU GCOD LA KHYAD PAR MED, ,DES NA CI LA'ANG ZHEN CHAGS MED PAR BYA, ,'KHRUL PA'I RTOG PA MA ZHIG BAR DU NI, ,DAD PAS BLA MA DAG DANG DKON MCHOG MCHOD, ,YI DAM LHA LA GSOL BA RGYUN DU THOB, ,LUS NGAG YID GSUM DGE BA NUS TSAD GYIS, ,BSAM DU MED PA'I CHOS NYID DON BSGOMS LA, ,'GRO BA RNAMS LA SNYING RJE RGYUN DU SKYED, ,STONG PA NYID DANG SNYING RJE DBYER MED PA, ,SGOM PA GOL SA MED PA'I LAM YIN GSUNG, ,TSE LA LONG MED YUN RING MI SDOD NGES, ,'JIG RTEN LTO RGYAB SPRANGS KYANG PHYID DE MCHIS,, CHOS DANG MTHUN NA LTOGS RIR SHI DOGS MED, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA THON, ,GNYID DANG SNYOM LAS DBANG DU MA GTANG BAR, ,STONG PA SNYING RJE'I

SNYING PO RTZE GCIG SGOMS, ,PHUNG PO NYAMS BAS LUS NGAG MTHU NYAMS KYANG, ,YID LA CIS KYANG GDUNG BAR MI BYA'O, ,DA NI LE LO'I GLAGS MED RING MI SDOD, ,NYIN MTSAN GNYIS KYIS TSE 'DZAD DGE MYUR MDZOD, ,'CHI KHAR 'GYOD PAS MI PHAN DA LTA 'BAD, ,DNGOS PO CIS KYANG BYAR MED GDAMS NGAG SGOMS, ,DRAN SNANG THAMS CAD SKYE MED RGYAS BTAB CING, ,BYED SPYOD THAMS CAD SGYU MA LTA BUR BYA, ,BDE SDUG THAMS CAD MNYAM PA NYID DU BSLAB, ,NYES LTUNG PHRA MO TZAM YANG PHYIR BCOS BYA; ;DENG NAS SKYE BA 'DI YI 'OG ROL TU, ,SDOM PA GSUM DANG LDAN PA'I RTEN ZHIG GIS, ,PHYAG RGYA CHEN PO'I DNGOS GRUB THOB 'GYUR BAR, ,SMON LAM GDAB CING DE YI RGYU LA 'BAD, ,LUS NGAG BYA BYED MANG NA SEMS RJES 'BRANG, ,GNYUG MA'I SEMS 'DI BCOS MAS MI BSLAD CING, ,SDIG DANG SDUG BSNGAL 'PHEL BA'I LAM BOR LA, ,MKHA' LA BYA SONG BZHIN DU RJES MED BYA, ,CI 'DRAS MI SDUG BYAS PA'I LAN MI BLAN, ,SHES MTHUN RTOG PA BSDUR NA DRANG POR SMRA, ,MDOR NA CHOS NYID RTOGS PA'I PHYI RTAGS SU, ,BRNYAS PA BYUNG YANG KO LONG MI BYA ZHING, ,TSIG NGAN SMRAS KYANG KHRO BAR MI BYA LA, ,KHYAD GSOD BYAS KYANG NGA RGYAL MI SKYED DO, ,'GAL BA JI LTAR BYUNG YANG 'DI BSAM STE, ,'KHRUL PAS BCINGS PA'I SEMS CAN SNYING RE RJE, ,SKYE MED CHOS LA BDAG DANG GZHAN BZUNG BA, ,'DI LA DNGOS PO CI YANG MED DO ZHES, ,CHOS DBYINGS NYID DU NGES BAR BSAM PAR BYA, ,DE LTAR DA LTAR NYID NAS GOMS BYAS NA, ,KLONG DU GYUR TSE CIS KYANG GNOD MI NUS, ,RDZAS

, ,DANG LONGS SPYOD CHE CHUNG CI YOD KYANG, ,RANG DBANG YOD TSE PHRAL BSNGO PHRAL SPYAD BYA, ,KHA CIG NA RE 'CHI KHAR DGOS ZER TE, ,'CHI DUS 'BYUNG BA'I NAD KYIS BTAB BA LA, ,NAD G-YOG MANG BAS SDUG BSNGAL BGO THABS MED, ,G-YOG MED SDUG BSNGAL 'GROGS NAS KHYER BA MED, ,DES NA NAD G-YOG YOD MED GNYIS KA 'DRA, ,SHI BA'I RO DE TZAN DAN MER BSREGS SAM, ,CHUR BOR DONG BSKYUR BYA KHYIS ZOS PAR MNYAM, ,SHUL DU GTAM SNYAN GTAM NGAN CI BYUNG YANG, ,BDAG GI RJES SU 'BRANGS NAS MI 'ONG STE, ,GSON TSE DGE SDIG GNYIS PO GANG BYAS BA'I, ,'BRAS BU DE YI DUS SU 'BYUNG BAR 'GYUR, ,RNAL 'BYOR PA YI 'CHI LUGS RNAM PA GSUM, ,SMYON PA LTA BUR SHI BA RAB YIN TE, ,RI DVAGS LTA BUR SHI BA 'BRING YIN NO, ,RGYAL PO LTA BUR SHI BA THA MA YIN, ,DES NA SHUL DU LUS PA MED PAR BYA, ,'DOD CHUNG CHOG SHES NGA RGYAL MED PA DANG, ,GZHAN DANG 'BREL BSKYUNGS RANG LA NGAN SHOS BYA, ,DMAN SA BZUNG NA SLAR YANG GZHAN DAG DANG, ,RANG YANG NYON MONGS MI GSOG DGE SBYOR 'PHEL, ,DES NA CI LA'ANG KHENG DREGS MI BYA'O, ,DE PHYIR BYANG CHUB SEMS NI RTAG TU SBYONGS, ,CHOS KYI DBYINGS NI GNYIS MED RNAM DAG LAS, ,BYANG CHUB CES NI DE LA BRJOD PA YIN, ,DE DON SEMS PAR BYED PA'I SEMS DPA' NI, ,DE NI BYANG CHUB SEMS DPA' ZHES BYA STE, ,BYANG CHUB DANG NI SEMS LA GNYIS MED SPYOD, ,GANG ZHIG DE RTOGS 'DOD PA'I SKYES BU NI, ,DE NI BYANG CHUB SEMS DPA' ZHES BYA'O,,

DES NA DAM PA RNAMS KYI RJES SU BSLAB, ,MAR ME CHUNG DU RLUNG GIS GSOD PAR BYED, ,NAGS TSAL ME LA RLUNG GIS GROGS KYANG BYED, ,DE PHYIR DANG POR RKYEN NGAN DAG LA BYOL, ,BRTAN PA THOB NAS THAMS CAD GROGS SU 'GYUR, ,NYAM CHUNG RNAMS LA RKYEN NGAN GNOD PA CHE, ,DE LA GCIG BUR GNAS SHING 'DU 'DZI SPANG, ,TSE 'DI'I LTO RGYAB JI LTAR BYAS KYANG PHYID, ,TSE RABS PHYI MCHOS DANG PHRAD PAR DKA', ,DE BAS TSE 'DIR CHOS LA 'BAD PAR KYIS, ,DA LTA DGE BA'I LAS LA MA 'BAD NA, , PHYI MAR SDUG BSNGAL MYONG BAR 'GYUR TA RE, ,BLA MA DAM PA RNAMS KYI MAN NGAG GIS, ,GZHUNG LUGS RNAMS NI NYAMS SU BLANG BAR BYA, ZHES BYA BA'I BAR GYI TSIGS SU BCAD PA'I GDAMS PA DANG, KHO 'GYUR GYI DOGS NAS THUGS DAM 'JAM PA'I RDO RJE YANG DE'I DUS SU BSKUR NAS NGA JO BO DANG SHI 'BRAL BYED, DE NAS TSE LA BAR CHAD MA BYUNG NA KHYOD KYI MCHOD GNAS NGAS BYED PA YIN BYA BA'I ZHAL 'PHRIN YANG BSKUR BAR MDZAD, DE NAS 'BROM RIN PO CHES JO BO'I PHYAGS PHYIR LHA SAR PHEBS, DE'I DUS SU JO BOS CHAD GI NYES DMIGS LA SOGS BA CHOS MANG DU GSUNGS NAS GNAS PHAL CHEN SDE BA 'DZUGS GSUNG BA LA, 'BROM RIN PO CHES, AA TI SHA, DE MI MDZAD PAR ZHU, BOD DU 'DI MI LEGS ZHES ZHUS SO, ,DE'I RGYU MTSAN YANG SNGON DUS CHOS RGYAL KHRI SRONG LDE BTZAN GYIS MKHAN CHEN BO DHI SATVA BOD DU SPYAN DRANGS NAS RGYAL BA'I BSTAN PA 'DZUGS PAR GSOL BA BTAB PA NA, MKHAN CHEN BO DHI SATVAS SBA YE SHES DBANG PO SOGS MI BDUN RAB TU BYUNG ZHING

, ,SO THAR GYI BSLAB KHRIMS LA BKOD PAS DE DAG RAB TU BYUNG MA THAG MNGON SHES DANG RDZU 'PHRUL THOB CING SDE SNOD GSUM LA MKHAS PAR GYUR, DE NAS RIM GYIS DGE 'DUN GYI SDE RGYA CHER 'PHEL, MKHAN RGYUD 'DI NI GZHI THAMS CAD YOD PAR SMRA BA'I SDE PA'I BRGYUD PA YIN PAS CHOS RGYAL KHRI SRONG LDE BTZAN GYIS DA PHYIN CHAD BOD 'DIR MKHAN CHAN BO DHI SATVA'I LUGS LTAR THAMS CAD YOD SMRA BA'I SDE PA LAS SDE PA GZHAN MI BYA BA DANG, 'PHAGS PA KLU SGRUB YAB SRAS KYI LTA BA LAS LTA BA GZHAN MI 'DZIN PAR BKAS BCAD MDZAD PA DE DANG MTHUN PAR MDZAD BZHED PA DANG, BOD KYI GDUL BYA YONGS KYI KHAMS DANG BSAM PA LA GZIGS NAS PHAL CHEN SDE PA'I LUGS KYI BCAS PA 'GA' ZHIG BOD KYI GDUL BYAS BSRUNG DKA' BA SOGS LA GZIGS NAS JO BO RJE LA DE LTAR ZHUS SO, ,DE NAS RNGOG LEGS PA'I SHES RAB KYIS JO BO DPON G-YOG YER PAR SPYAN DRANGS PA'I DUS SU DGE BSHES STON PAS BYANG DU MI CHOS LA GSER SLONG MDZAD DU BYON, MI CHOS RNAMS KYIS 'BROM RIN PO CHE MJAL BA'I GRABS BYAS NAS TSUR 'ONG KHAM DANG THUG, DE'I BAR DU YAB GRONGS 'DUG PAS MI CHOS RNAMS KYIS 'BROM RIN PO CHE LA MA LEGS BYA SNYAM TZA NA 'BROM RIN PO CHES SNGON LA TSUR MDZAD, DE KUN YANG PHYI RABS LA DGONGS BA YIN GSUNG, DE NAS GSER SLONG MDZAD DE TSUR PHEBS NAS LHA RI SNYING PO'I MGUL DU 'BUL BA MDZAD DE, 'BROM RIN PO CHE'I ZHAL NAS BLA MA RJE BTZUN CHEN PO ZANG ZING LA MNYES BA MA LAGS TE, KHO BO TSOGS GSOG

PA'I CHED DU ZANG ZING GI MCHOD PA CUNG ZAD BGYID GSUNGS NAS, GSER ZHO DGU DGU LA SRANG RER BRTZIS PA'I GSER SRANG BRGYA RTZA BRGYAD, RTA NYI SHU RTZA GCIG, 'BRI BCU GCIG, BER GNYIS, DBYI SBYANG GI PAGS PA BZHI, KHRAB ZHI, DNGUL SKYOGS GNYIS, GLA GOR GYI YOL GO GCIG, DE LA SOGS PA'I NOR SNA BRGYA RTZA BRGYAD PHUL, DE'I TSE JO BO RJE MNYES NAS 'BROM RIN PO CHE LA THUGS MNYES PA'I BKA' LUNG MANG DU GSUNGS SHING, JO BO NYID KYIS CHOS LA DKA' BA SPYAD LUGS, SGRUB PA NYAMS SU BLANGS LUGS YAM ME BA ZHIG GSUNGS NAS KHYOD KYIS DKA' BA'I LAS MA BGYIS PAR SNYING BO'I DON RNYED PA BSOD NAMS SHIN TU CHE YI, DA LEGS PAR NAN TAN DU GYIS SHIG GSUNG, RTAG TU DU DANG CHOS 'PHAGS DANG NOR BZANG GI GTAM RGYUD GSUNGS NAS BLA MA'I ZHABS TOG BYED PA 'DI LA, BLA MA DE LA 'DOD PA MI MNGA' YANG RTEN CING 'BREL PAR 'BYUNG BA'I CHE BAS BYA DGOS PA YIN GSUNGS, 'BROM RIN PO CHES GSER SLONG LA BYON DUS KYI ZLA BA GCIG DANG, KHU STON GYIS SPYAN DRANGS DUS ZLA BA GCIG STE, ZLA BA GNYIS MA GTOGS PA DANG POR JO BO DANG MJAL NAS ZHI BAR MA GSHEGS KYI BAR SKAD CIG KYANG 'BRAL MA MYONG BA YIN GSUNG, YANG JO BO'I ZHAL NAS, AUS SI KA'I RIGS CI YIN GSUNG, RJE'U'I RIGS LAGS ZHUS PAS, RJE'U'I RIGS KYI NGA RGYAL MA MDZAD GSUNG, YE MA MCHIS ZHUS PAS, BAG TZAM BDOG STE MCHI, YE MI RUNG GSUNG, 'BROM RIN PO CHE LA KHENGS PA DANG CHE 'GYINGS MI MNGA' BAS BER CHUNG GIS PHYAG GYIS ZER BA LA'ANG DE

, ,BZHIN DU MDZAD PA DANG, SNYE THANG DU KHU STON BYON PA LA'ANG PHYAG MDZAD CING, 'BROM RIN PO CHE LAN PA SPYIL BUR SPYAN DRANGS DUS LAM DU SNGAGS PA GCIG DANG 'PHRAD PAS KHA CHANG DRI CHIL LE BYAS NAS KHO NA RE, DGE BSNYEN 'DI YA TSAD KHUR ZER NAS LHAM KHRES ZHIG DANG GAL LTE BSKUR BAS BGYI'O GSUNGS NAS KHUR BYON PAS SPYIL BU BA'I DGE 'DUN RNAMS KYIS BSU BA'I SER SBRENGS BYAS PA SNGAGS PAS MTHONG NAS DGE BSNYEN 'DI CI YIN ZER BA LA, KHO BO LA BSU BA BYED BA'I ZHAD DU GDA' GSUNGS PAS, KHO SKYENGS TE BROS PA LA SOGS PA'I GTAM RGYUD GZHAN YANG MANG NGO, ,DE NAS JO BO DPON G-YOG SNYE THANG DU SPYAN DRANGS NAS BZHUGS PA'I DUS SU JO BO'I ZHAL NAS, AU PA SI KA, KHYOD NA RE DGUN YANG ME TOG 'CHAR BA ZHIG YOD ZER BA ME TOG GA RE GSUNGS PAS, 'BROM RIN PO CHES SNYE'I NA MO CHER JO BO RJE GDAN DRANGS NAS GSING MA'I ME TOG GZIGS PHUL BAS, JO BO'I ZHAL NAS BRDZUN MA BTANG TZAM 'DUG GSUNG, NGAS SA PHYOGS 'DIR ME TOG MANG PO 'CHAR BAR BYIN GYIS RLABS KYIS GSUNG, JO BO'I BYIN RLABS KYIS SNYE THANG GIS SKOR NA ME TOG GI RIGS GZHAN NA MED PA MANG PO YOD, JO BO'I ZHAL NAS, DUG GI ME TOG DKON MCHOG LA DBUL MI RUNG, SPANG RGYAN 'DI AUTPA LA'I RGYU RU 'DUG BA LA BOD GRANG BAS KHA MA BYE BAR 'DUG ,ME TOG SHANG SHANG NI RGYA GAR NA YANG MED, YOD NA NGAS GSER 'JAL NUS GSUNG, DE'I TSE 'BROM RIN PO CHES LJAGS KYI STENG DU ME TOG NGO MTSAR BA ZHIG SPRUL PA SOGS RDZU

'PHRUL GYI BKOD PA SNA TSOGS BSTAN PA BKA' GDAMS GLEGS BAM LAS 'BYUNG BA NI, JO BO RJES, KYE MA CHUNG CHUNG 'BROM RJE GZIGS, ,'OL LA 'DAB MA'ANG SKYES TE GDA', ,DOD DOD BRDZUN PHUG MA RDIB TZAM, ,GSUNG BA'I LJAGS DE NGA LA STON DE NAS 'BROM RJES LJAGS BRKYANGS PA, ,GZIGS PAS DE LA'ANG ME TOG GCIG, SKYES PA GZIGS NAS JO BO MNYES, ,KYE MA'O YA MTSAN DE NA 'DUG ,'BROM GYI LCE NI NE THANG 'DRA, ,BUNG BA ZHAL DU MI 'TSANG TZAM, ,'O NA'ANG DNGAR RTZI MED DAM CI; ;SLAR YANG 'BROM RJES LJAGS BRKYANG BA'I, ,ME TOG STENG NA'ANG JO BO GDA', ,JO BOS GZIGS NAS 'DI SKAD GSUNG, ,AA RE CI YANG DGOD RE BRO, ,BDAG LA 'BROM GYIS BUNG BA BYAS, ,KHO BO RE CHUNG NAS RDOG TZAM, ,RE DOD GSUNG ZHING PHYAG GIS REG, PADMA'I STENG GI JO BO BZHAD, ,DE NAS JO BO'I BZHAD SRIN LANGS, ,YANG DANG YANG DU BZHAD PAR GYUR, ,DE NAS 'BROM GYIS 'DI SKAD SMRAS, ,DGUN DUS 'KHRUNGS BA'I ME TOG DKAR 'DUR BA, ,KHO BO ZOG MAR MA BTANG DRIN CHE'O SBYIR YANG MTHA' 'KHOB GNAS 'DIR GRANG GZHI CHE, ,KHYAD PAR DBU RU CHU 'KHRIS SA 'KHYAGS MANG, ,DING SANG DGUN DUS ME TOG 'DAB LNGA PA, ,SA LA SKYES PAS JO BO MNYES GYUR NA, ,KHYAD PAR RDZUN MED 'BROM GYI LCE LA 'KHRUNGS, ,BUNG BA DRIS BAS BDE GSHEGS SKU GZUGS BYON, ,BZHAD PA RAB BZHAD BDE GSHEGS 'DI 'DRAR BZHAD, ,MTSAR MOS RANG GI BYAD MTHONG BZHIN DU BZHAD, ,LHA MO RANG GZUGS STON PA BZHIN DU BZHAD, ,BKRA SHIS BLA MA MNYES BA'I BKRA SHIS SHOG, SLAR YANG BLA MA

, ,RJE BTZUN 'DI SKAD GSUNG, ,'BROM RJE DA DUNG LJAGS KYI ME TOG STON, ,SLAR YANG LJAGS BRKYANG GZIGS SU PHUL BA YI, BLA MA'I MDUN NA'ANG 'BROM CHUNG CHUNG CHUNG GCIG ,'JUM 'DZUM BLA MA'I ZHAL LA RAB LTA ZHING, ,BU CHUNG SKAD 'DRA SNYAM PA'I SGRA 'BYIN GSAN, ,GZIGS MA THAG TU SHIN TU DGYE SGYUR NAS, ,ME TOG 'DI 'DRA RGYA GAR YUL NA'ANG MED, ,ZAB MO'I YAB SRAS LJAGS KYI STENG NA'ANG GDA', ,NGO MTSAR CHE'O NANG GI YA GI GNYIS, ,'BROM RJE LJAGS DGUL GUL MA MDZAD CIG ,SKU KHAMS GSO PHYIR 'BROM GYIS RAB G-YOS PAS, ,LEGS LEGS LDEG LDEG 'BRUL LA KHANG DE GDA', ,RAB TU BZHAD CING 'BROM RJE GA LE MJOD, ,KHYE'U GZHON NU SRAN RDOG ZA DANG MTSUNGS, ,LCE YI STENG NA RAL RIL LTAD MOR CHE, ,BDE GSHEGS LJAGS KYI PADMO LAS 'KHRUNGS BA'I, ,DANG POR BZHUGS BA'I GZUGS CAN YA GI GNYIS, ,MAR BYON BDAG CAG GNYIS NI NANG DU 'GRO, ,'BROM RJE'I ZHAL NAS LAN DU 'DI SKAD ZHUS, ,'JIG RTEN SGRON MA YAR LA GSHEGS SU GSOL, ,KHO BOS PHYIN PAS KHONG GNYIS MI LUS MCHI, ,DE NAS RGYAL BA SRAS BCAS MNYES BZHIN DU, ,GZIM KHANG NANG DU GSHEGS TE BYON PA'I TSE, , LHA YI TSOGS KYIS ME TOG DPAG MED GTOR, ,DE NAS JO BO'I ZHAL NAS 'DI SKAD GSUNG, 'BROM RJE ME TOG MCHOG LA MNYES GYUR NA, ,KHO BOS SA PHYOGS 'DI DAG BYIN BRLABS LA, ,RIN CHEN LNGA YI ME TOG 'BYUNG BAR BYA, ,LAN

DU 'BROM RJES THUGS LA THOGS ZHUS PAS, ,GSER DNGUL LA SOGS ME TOG BZANG PO YIS, ,SNYE THANG KHONGS RNAMS RAB TU GANG BAR GYUR, ,DE NAS JO BO'I ZHAL NAS 'DI SKAD GSUNGS, ,BLA MAS BYIN BRLABS MAR ME MDZAD DPAL NGAS, , BYIN GYIS BRLABS PA'I ME TOG 'DI BSKRUN PAS, ,'BROM GYI RJES 'BRANG MCHOD TSOGS 'PHEL BAR SHOG ,CES BKA' GDAMS GLEGS BAM LAS 'BYUNG NGO, ,JO BO RJES 'BROM RIN PO CHE JO BO RANG NYID DANG MNYAM PA 'GRAN ZLA MED PAR BSNGAGS TE; 'BROM RIN PO CHES JO BO LA, KHO BO ZAB MO DBU MA'I LTA BA 'DI LTAR 'DZIN ZHES SLOB DPON ZLA BA GRAGS PA'I LUGS KYI LTA BA'I RTOGS PA PHUL BAS, JO BOS PHYAG THAL MO SHAR PHYOGS SU SBYAR NAS DA LTA RGYA GAR SHAR PHYOGS NA'ANG LTA BA 'DI KHO NA 'DZIN PA YIN, KHYOD LTA BU'I SEMS DPA' CHEN PO BOD BSOD NAMS MI CHUNG GI, KHO BO BOD DU 'ONG MI DGOS PA 'DUG PA LA GSUNGS NAS GDAMS BA SHAS SHIG GNANG NGO, ,DE LTAR 'BROM RIN PO CHES JO BO RJE MNYES PA GSUM GYI SGO NAS MNYES PAR MDZAD CING, LHAG PAR YER BA LHA RI SNYING PO'I MGUL DU LO GSUM GYI RING LA JO BO RJE RNYED BA DANG BKUR STI TSAD MED BAS MCHOD CING, SDIG BA CAN GYI SKYE BOS DBEN PAR BYAS TE BYANG CHUB LAM GYI RIM PA'I 'GO BSHES GNYEN BSTEN TSUL NAS MTHAR 'BRAS BU MI SLOB BA'I ZUNG 'JUG 'GRUB PA'I BAR LAM SO SO'I NGO BO GANG YIN PA DANG, LAM DE DANG DE RGYUD LA BSKYED PA LA RGYU TSOGS GANG DANG GANG ZHIG DGOS PA DANG,

, ,DANG POR GANG NYAMS SU BLANG BAR BYA BA DE NAS RIM GYI RIM GYIS BSGRUB DGOS PA'I GO RIM NGES PA DANG, LAM DE DANG DE DAG SGRUB PA LA GEGS JI LTA BU 'BYUNG BA DANG, LAM DE DANG DE DAG STON PA'I BLA MA DANG SLOB MA JI LTA BU ZHIG DGOS PA DANG, YI DAM GANG LA BYA DGOS BA SOGS MTHA' DAG BAR ZHUS SHING NYIN RE BZHIN DU DRI GTUGS DANG BRGAL BRTAG MANG DU MDZAD DE GTAN LA PHAB, DE'I TSE 'BROM RIN PO CHES LAM GYI GNAD MTHAR THUG PA 'DI DAG KHONG GZHAN 'GA' ZHIG LA'ANG GNANG NA LEGS PA LA GZHAN SU LA'ANG MI GNANG BAR KHO BO GCIG PU LA GNANG BA CI YIN ZHES ZHUS PA NA, JO BO'I ZHAL NAS NGAS KHYOD MIN PA GZHAN LA GTAD SA MA RNYED BA YIN GSUNG, TSUL 'DI DAG LA BLO GROS CAN RNAMS KYIS LEGS PAR DPYAD NA JO BO RJE NYID BSTAN PA YONGS RDZOGS KYI BDAG PO YIN PA DANG JO BO RJES 'BROM RIN PO CHE LA BSTAN PA YONGS RDZOGS KYI MAN NGAG RNAMS BUM BA GANG BYO'I TSUL DU GNANG BAR GO NUS LA, DE LTAR GO NA JO BO RJES 'BROM RIN PO CHE LA GNANG BA NAS BZUNG CHOS KYI RGYAL BO TZONG KHA PA YAB SRAS LA RIM GYIS BRGYUD DE BSTAN PA YONGS RDZOGS KYI MAN NGAG RGYUN MCHAD PAR YOD PA 'DI LA YID CHES KYI DAD PA RKANG TSUGS PA SKYE'O, ,'DI DAG LA BLO CHUNG 'GA' ZHIG 'BROM RIN PO CHES JO BO LA SKYES BU GSUM GYI LAM RIM RDZOGS PAR GSAN MOD KYANG GSANG SNGAGS RGYUD SDE BZHI'I MAN NGAG RNAMS RDZOGS PAR MA GSAN TE JO BO RJES DO NYA

GSUNG BA'I TSE 'BROM RIN PO CHES AA TI SHA 'DI BOD DU MI LEGS ZHES BKAG BAS SO SNYAM PA SKYE SRID DE, DE NI DE LTA MA YIN TE 'BROM RIN PO CHE NI THUGS NAM MKHA' LTAR RGYA CHE ZHING RGYA MTSO LTAR GTING ZAB PAS SPYIR GSANG SNGAGS GSANG NAS BYA DGOS PA DANG, LHAG PAR DO HA SOGS BLA MED KYI RDZOGS RIM MTHAR THUG 'DI DAG SHIN TU GSANG BAR BYA DGOS KYI DE LTA MIN BAR KHROM BSGRAGS SU SONG NA 'CHAD PA PO RNAMS LA RTZA LTUNG 'BYUNG NYE BA DANG, NYAN PA PO BSOD NAMS DMAN ZHING BLO GROS CHUNG BA DAG LA PHAN PA LAS GNOD PA CHE BA ZHIG 'BYUNG STE, GSANG SNGAGS SGRA JI BZHIN BAR BZUNG NAS NAG CHANG LA BAG MED DU SPYOD BA SOGS RANG NYID PHUNG BAR MA ZAD BSTAN PA RIN PO CHE RMANGS NAS 'JIG PA'I RKYEN DU 'GYUR BAR GZIGS NAS PHYI LTAR DU DAM DOG CHE BAR MDZAD PA YIN GYI, GSANG BA'I GNAS SU JO BO RJES 'BROM RIN PO CHE LA RGYUD SDE BZHI'I MAN NGAG YONGS RDZOGS GNANG ZHING KHYAD PAR PHA RGYUD GSANG BA 'DUS PA DANG, MA RGYUD 'KHOR LO SDOM PA'I MAN NGAG MTHA' DAG DANG, BLA MED SPYI'I MAN NGAG MTHAR THUG PA GRUB PA SDE BDUN DANG, SNYING PO SKOR GSUM GYI MAN NGAG RNAMS BUM PHA GANG BYO'I TSUL DU YONGS SU RDZOGS PAR GNANG NGO, ,'BROM RIN PO CHE NI JO BO RJE LAS MAN NGAG YONGS RDZOGS GSAN PA TZAM DU MA ZAD RANG NYID DKYIL 'KHOR GYI BDAG POR LHUN GYIS GRUB PA ZHIG YIN TE, YER PA LHA RI SNYING PO'I MGUL DU JO BO YAB SRAS GNYIS LO GSUM GYI RING LA LAM GYI DKA' GNAS RNAMS

, ,LA BGRO BA MDZAD BA DE'I TSE RJE BTZUN 'JAM PA'I DBYANGS KYI SRAS KYI THU BO RDOG LEGS PA'I SHES RAB KYIS ZHABS 'BRING PA GCIG MA GTOGS RANG GI GRA BU SLOB SBYIN BDAG DANG BCAS PA SUS KYANG MA TSOR BAR GSANG STABS KYIS YER PAR BYON NAS DNGUL GYI MAndAL LA DUNG GI TSOM BU BKOD DE 'BROM CHOS KYI RGYAL PO'I SKYES RABS SOGS GSANG BA ZAB MO RNAMS GNANG DGOS ZHES JO BO RJE LA GSOL BA BTAB PA NA RJE BO RJES KYANG DE BZHIN DU GNANG NAS, DA LAM 'BROM RIN PO CHE NYID LA GSOL BA GDAB DGOS ZHES 'BROM NYID KYIS GSUNG BAR BSKUL, RJE BTZUN MA SGROL MA'ANG DNGOS SU BYON, BRGYUD PA GSUM LDAN GYI BLA MA THAMS CAD KYANG DNGOS SU PHEBS, NAM MKHA'I KHAMS SANGS RGYAS DANG BYANG CHUB SEMS DPAS GANG BA RNAMS KYIS KYANG BYIN GYIS BRLABS PA NA 'BROM RIN PO CHES RANG NYID SPYAN RAS GZIGS DNGOS YIN BA DANG, SNGON GYI THUGS BSKYED DANG, SANGS RGYAS BYANG SEMS MANG POS KYANG BSKUL BA LA RTEN NAS SPRUL PA GRANGS MED PAS BOD YUL 'DIR SANGS RGYAS KYI BSTAN PA BTZUGS PA DANG, LHAG PAR SNGON GYI CHOS RGYAL LO PAn BKA' DRIN CAN DE DAG JO BO YAB SRAS GNYIS KYI SPRUL PA YIN TSUL SOGS SKU GSUNG THUGS KYI GSANG BA MANG DU GSUNGS PA'I MTHAR SKU THIG LE SER PO ZHIG TU KHYIL KHYIL 'DUG PA'I 'PHRO LA SKU MI SNANG BAR YAL, DER DGE BSHES GSANG PHU BA DANG, NAG TSO LO TZ'A BA DANG ,

DGE BSHES KA BA GSUM 'BROM RIN PO CHE'I SKU MA MTHONG BAS YID GDUNG NAS MGRIN GCIG TU, SPRUL PA'I CHOS RGYAL GANG DU THAL, ,RGYAL BRGYA MTSO GANG DU GSHEGS, ,ZHES SOGS GDUNG DBYANGS KYIS GSOL 'DEBS SHUGS DRAG MDZAD PA NA, JO BO'I ZHAL NAS, RGYAL BA'I 'BYUNG GNAS MTHONG 'DOD NA, ,KHO YI RANG BZHIN SNYING RJE YIN, ,'GRO BA THAMS CAD YUL BYAS NAS, ,BZOD GLAGS MED PA'I SNYING RJE SGOMS, ,RING POR MI THOGS MNGON DU 'GYUR, , ZHES GSUNGS PA NA KHONG GSUM GYIS SNYING RJE CHEN PO SHUGS DRAG TU BSGOMS PAS, JO PO'I THUGS KA SHED NAS THIG LE DKAR PO ZHIG KHYIL KHYIL BYED PA SNYAM BYED BA SNYAM BYUNG BA LA, THIG LE DE LAS 'OD ZER DKAR PO DRUG BYUNG BAS BZHI PHYOGS BZHIR 'PHROS, GNYIS STENG 'OG TU 'PHROS, DE NAS SLAR 'KHOR TE BYUNG NAS STENG GI 'OD BLA GAB KYI RNAM PA KHYIL LE BA KHANG BA KA BA BZHI TZAM RGYA KHEBS PA BTUD NAS BLTAS NA AOm GYI RNAM PAR GNAS PA ZHIG 'DUG GO ,DE BZHIN DU 'OG GI 'OD DE YANG DNGUL DKAR GYI ME LONG LTAR MTHO DMA' MED PAR BLA GAB DANG RGYA MNYAM PAR GNAS TE BTUD DE BLTAS NA H'Um GI RNAM PAR GNAS SO, ,DE BZHIN DU SHAR GYI 'OD DE YANG LHO BYANG DU NGOS PHUN SUM TSOGS PAR GNAS BA BTUD DE BLTAS NA MA'I RNAM PAR GNAS SO, ,DE BZHIN DU NUB KYI 'OD DE YANG LHO BYANG DU NGOS PHUN SUM TSOGS PAR GNAS PA BTUD DE BLTAS NA PAD KYI RNAM PAR GNAS SO, ,BYANG GI 'OD DE YANG DE BZHIN DU SHAR NUB TU NGOS PHUN

, ,SUM TSOGS PAR GNAS PA BTUD DE BLTAS NA ME'I RNAM PAR GNAS SO, ,LHO'I 'OD DE YANG DE BZHIN DU SHAR NUB TU NGOS PHUN SUM TSOGS BAR GNAS PA BTUD DE BLTAS NA nI'I RNAM PAR GNAS TE, MDOR NA 'OD DKAR PO'I GZHAL YAS KHANG GI RNAM PA PHUN SUM TSOGS PA DGA' BA BDE BA RNAM PAR RTOG PAS MA BCINGS PA DE LTA BU'I GZHAL YAS KHANG GI STENG 'OG DANG NGOS GANG NAS BYUNG CHA MED BAR THIG LE DKAR PO SRAN MA'I GA'U TZAM ZHIG BYUNG STE, DE LA SEMS BHUD DE BLTAS BAS DE 'GYUR BA SNYAM BYED PA NA DE'I GSEB SHENG NAS HR'I: DKAR PO BKRAG 'TSER BA ZHIG BYUNG, DE YANG 'OD KHA DOG RNAM PA LNGAS GTUM NAS 'OD KYI RNAM PAR HRIL HRIL YOD PA'I GSEB SHED NAS RES 'GA' AA'I RNAM PA, RES 'GA' ZLA BA'I RNAM PA 'DRA BA ZHIG BYUNG STE 'OD DE BTEG GO ,DE NAS CUNG ZHIG NAS 'OD DE'I GSEB NAS TSUR, AOm MA nI PADME H'Um, ZHES PA'I YIG 'BRU DRUG RANG SGRA DANG BCAS STENG 'OG PHYOGS BZHI DANG BCAS PAR 'OD ZER GYI RNAM PAR 'PHROS SHING SLAR YANG 'OD DE'I DKYIL DU THIM, DE NAS RE ZHIG NAS 'OD DE JE SRAB TU SONG NAS 'OD CUNG ZAD YOD PA'I GSAL PHANG LA BLTAS PAS, DA CI NAS GNAS NGA'I HR'I: DE LA YIG 'BRU DRUG POS G-YAS PHYOGS NAS BSKOR TE, DE DAG LA YANG DBUS KYI YIG 'BRU DE LAS YIG 'BRU DRUG PO DE DAG GI RNAM PA'I 'OD ZER 'PHROS, DRUG PO DE LAS KYANG YIG 'BRU RE RE LA'ANG YIG 'BRU DRUG DRUG GI

RNAM PA'I 'OD ZER PHYOGS BCUR 'PHROS TE MDOR NA 'OD ZER DRUG CU DRUG CU BYUNG, DER 'OD THAMS CAD DANG, SA PHYOGS THAMS CAD KYANG YI GE DRUG PA, AOm MA nI PADME H'Um ZHES PA'I SGRA 'UR 'UR BA'I SNANG BA BYUNG, DE NAS 'OD ZER DRUG CU DRUG CU PO DE DAG TSUR 'DUS TE LA LA STENG LA LA 'OG DANG NGOS BZHI LA THIM, LA LA DBUS KYI YIG 'BRU LA BSKOR BA'I YIG 'BRU DRUG LA THIM, LA LA DBUS KYI GTZO BO NYID LA THIM, DE NAS RE ZHIG NA HR'I: DE NYID BSHES GNYEN PAR 'GYUR BA SNYAM BYED PA 'AM, YIG 'BRU DRUG PO DE DAG GI GSEB NAS BYUNG BA SNYAM BYED PA'AM, 'OG GZHI ZLA BA'I DKYIL 'KHOR DE G-YO ZHING 'DUG PA'I GSENG NAS BYUNG BA SNYAM BYED PA 'AM, RES 'GA' STENG 'OG NGOS BZHI'I GSEB NAS BYUNG BA SNYAM BYED DE, MDOR NA DAG PA'I SNANG BA 'PHAGS PA'I RNAM 'PHRUL GSAL LA MI RTOG PA'I 'OD KYI RNAM PAR BYON TE, HR'I: DE 'GYUR BA LAS 'OD KYI GSEB NAS 'BROM RIN PO CHE BYON PA'I ZHAL NAS CHOS THAMS CAD 'DI LTA BU'I RNAM PAR GDA' GSUNG, DE NAS DBUS KYI YI GE LA BSKOR BA'I YIG 'BRU DRUG PO DE DBUS KYI YIG 'BRU LA THIM, DBUS KYI YIG 'BRU DE YANG THIG LE GCIG TU KHYIL, THIG LE DE YANG 'OD KYI RNAM PAR 'OD KYI GZHAL YAS KHANG LA THIM, 'OD KYI GZHAL YAS KHANG DE YANG ZLA BA'I DKYIL 'KHOR LA THIM, ZLA BA DE YANG AA 'OD KYI RNAM PA CAN ZHIG TU GYUR, DE 'BROM RIN PO CHE LA G-YAS PHYOGS NAS KHYIL LE BSKOR

, ,ZHING BYUNG BA, 'BROM RIN PO CHE'I ZHAL NAS AA GSUNGS PAS LJAGS KYI STENG KHAR TZEN TE SONG STE CHOS THAMS CAD SKYE BA MED PA'I SGO GSUNGS TE, 'BROM RIN PO CHE'I SKU RIL PO AA'I RNAM PAR LAM ME BYUNG, DER RNGOG LEGS PA'I SHES RAB LA SOGS PA RNAMS KYIS 'BROM RIN PO CHE LA NAM BLTAS BLTAS KYI TSE AA RE LAM LAM BYUNG NAS, CHOS THAMS CAD SKYE BA MED PA'I RNAM PA LAM PA RE BYUNG, DE NAS AA'I RNAM PA DE MI SNANG BAR 'BROM RIN PO CHE'I SKU 'BA' ZHIG TU SNANG NGO, ,DE'I TSE 'BROM RIN PO CHE'I ZHAL NAS, DE RING 'U CAG DPON SLOB KYI RNAM 'PHRUL DE KUN RTOG GE PA KUN 'GAL BAR BRTZI, 'O NA'ANG BRTZIR CHUG, CHOS KYI GNAS LUGS DE 'DRA ZHIG MIN RI ZHES RGYA BOD 'GRIMS NAS MNA' SKYAL YANG THON NO, ,ZHES GSUNGS SO, ,NGES PA DON DU DE LTAR YIN MOD, THA MAL PA'I SNANG NGOR YANG JO BO RJES 'BROM RIN PO CHE LA MDO SNGAGS KYI MAN NGAG YONGS SU RDZOGS PA GNANG NGO ZHES SKYE BO KUN GYIS GO BA'I CHED DU JO BO'I ZHAL NAS NGAS KHYOD LA 'DI MA BSHAD NGAM GSUNGS NAS CHOS RE RE LA LAN RE RE BSKYAR ZHING GSUNGS, DE LTAR THUGS LA 'DOGS PAS JO BO'I YON TAN THAMS CAD SNOD GCIG NAS SNOD GCIG TU BYO BLTA BU 'BROM RIN PO CHE YIN GSUNG, 'BROM RIN PO CHES JO BO'I CHOS MANG DU MKHYEN CING, KHYAD PAR SKYES BU GSUM GYI LAM GYI RIM PA LA RTZAL THON, YI DAM GYI LHA DPAG TU MED PA'I ZHAL GZIGS, KHYAD PAR BLA MA LA GSOL PA

THEBS PAS RA SGRENG DU BZHUGS DUS JO BO DNGOS SU BYON, SLAR YANG GSOL BA BTAB PAS BCOM LDAN 'DAS SH'AKYA THUB PA'I ZHAL MNGON SUM DU GZIGS SO, ,JO BO RJE ZHING GSHEGS SU NYE BA NA YANG 'BROM RIN PO CHE LA JO BO RANG NYID KYI 'BRAL SPANG AU RGYAN NAS 'ONGS PA'I RUS RGYAN DANG, 'OD MA'I TSAL GYI SHING LA BSIL BA'I TSAL GYI MI LBAGS KYI G-YOGS CAN GYI d'A MA RU DANG, RIGS LNGA'I DBU RGYAN DANG, RDO RJE DRIL BU DANG BCAS PA SMYUG DONG MTHO GANG PA GCIG TU SHONG BAR MDZAD DE PHYAG TU GTAD PA DANG, JO BO'I SLOB MA RNAMS KYIS JO BO RJE ZHING GSHEGS NA GDAN SA SUS 'DZIN RGYAL TSAB SUS BYED CES ZHUS PA NA JO BO RJES DA PHYIN CHAD THAMS CAD KYIS 'BROM LA BRTEN GSUNGS, DE LA DGE BSHES DGON BA BAS DE GANG YIN ZHES ZHUS PAS, KHO NGAS BYIN GYIS BRLABS PA YIN ZHES GSUNGS PA SOGS BKA' GDAMS GLEGS BAM NA JO BO RJES 'BROM RIN PO CHE BSTAN PA'I BDAG POR MNGA' GSOL BA DANG, BRGYUD PA GSUM LDAN GYI BLA MA THAMS CAD DANG RJE BTZUN MA SGROL MA SOGS LHAG PA'I LHA RNAMS DANG, SGROL MA BCU GNYIS SOGS MKHA' 'GRO CHOS SKYONG RNAMS KYIS KYANG 'BROM RIN PO CHE JO BO'I CHOS RGYUD 'DZIN PA'I BDAG POR MNGA' GSOL BA LTAR RO, ,DE NAS SHING PHO RTA'I LO DBYUG PA ZLA BA'I TSES BCO BRGYAD LA JO BO RJE SKU GSHEGS PA NA JO BO'I SLOB MA RNAMS 'DUS TE GSOL BA 'DEBS PA'I TSE 'BROM RIN PO CHES LDE MIG RNAMS DGE BSHES KA BA'I PHYAG TU PHUL, KABS KYANG 'BROM RIN PO CHE

, ,JI LTAR BZHED PA BZHIN DU MDZAD DE, JO BO'I GDUNG DANG RGYA DPE, GSER GLING PA'I DNGUL GDUGS CAN LA SOGS PA RTEN GTZIGS CHE SHOS RNAMS 'BROM RIN PO CHE LA GTAD, BU CHEN GZHAN RNAMS LA'ANG RTEN SKAL RE MDZAD, DE NAS LUG GI LO LA JO BO'I 'DAS MCHOD CHEN MO MDZAD, DE'I TSE DGE BSHES KA BAS TSOGS SU GTAM BTANG BA GZHAN RNAMS CI TZUG BYED KYANG NGA PHA RBA RAG GI BU TSO RNAMS KYIS 'BUL BA 'DIR ZHOG CIG, JO BO'I GDAN SAR LHA KHANG BRE TZAM ZHIG BZHENG DGOS BYAS PAS THAMS CAD KYIS 'BUL BA MA KHYER BAR BZHAG STE 'OR GYI GTZUG LAG KHANG BZHENGS, DE'I DUS SU 'BROM RIN PO CHE'I ZHAL NAS, DA JO BO'I GDUNG 'DI RNAMS DGE BSNYEN DANG DGE TSUL LA YANG MI BSKUR, KHANG NAG DU BA CAN DU YANG MI BZHUGS GSUNGS NAS DGE SLONG TSUL KHRIMS RNAM PAR DAG PA GNYIS SPYAN 'DREN DU BCUG STE, STOD LUNG ZHONG PA'I NA LA SBRA DKAR NAG GNYIS PHUB NAS DKAR PO'I NANG DU GDUNG BZHUGS TE MCHOD PA MDZAD, NAG PO'I NANG DU G-YOS MDZAD, DER DGUNG GCIG BZHUGS, SA RA LHAB KYI NA LA DGUNG GCIG ,YAL SA SBUB KYI NA LA DGUNG GCIG ,LAM PA GSER PHUG GI NA LA DGUNG GCIG ,DE NAS GNAM GYI BYE MA LUNG DU BYON, DE NAS 'PHRANG KHA BER CHUNG GIS ZHU BA BSKYAR NAS 'BUL DU BTANG BYUNG BAS 'BROM RIN PO CHE'I ZHAL NAS, 'U CAG RNAMS LA SPYAN 'DREN MKHAN GDA' NA 'GRO'AM MI 'GRO GSUNGS PAS, DGON BA BA'I ZHAL NAS KHONG GI

MI SKYIN LA 'GRO MI DGOS SAM GSUNG, DER KHONG YUS CHE BAS 'BROM RIN PO CHES ZHAL GYIS BZHES NAS SNGON LA YI DAM DNGUL GDUGS CAN BSKUR, DE'I RJES LAR SGRENG DU BYON TE, ME PHO SPRE'U'I LO GSAR MTSAMS LA PHYAGS PHEBS NAS RA SGRENG GI DGON PA GZIGS PAS, RGYAB NA BRAG RDO RJE 'DRA BA 'DUG ,MDUN NA MTSO G-YUNG DRUNG 'KHYIL BA 'DRA BA 'DUG ,G-YON GYI RI RGYAL SRID RIN PO CHE SNA BDUN 'DRA BA 'DUG ,PHA BONG THANG 'KHOR LO RTZIBS BRGYAD 'DRA BA 'DUG , SHUG PA RA TZAM LUG TZAM PA LA GSER LO G-YU LO GNYIS LA KA BA PHER BA 'DUG ,CHU MIG BRGYA RTZA BRGYAD 'DUG ,BYA RNAM PA SNA TSOGS KU DI RE BA 'DUG ,MI MA YIN RJES PO CHE BYA BA DKAR PHYOGS LA DGA' BA DANG, SDONG PO KUS 'DEBS BYA BA NAG PO LA DGA' BA GCIG DANG GNYIS 'DUG ,DGON PA LA THUGS MNYES NAS DE'I NUB MO SENG GE'I BRAG PHUG TU BZHUGS TE RMI LAM BRTAGS PAS, DBU RTZE RNYING MA'I SHUL NA GSER GYI MCHOD RTEN GCIG 'DUG PA LAS 'OD ZER 'PHROS PAS, DE'I SNA LA DBU RTZE GAn JI RA MANG PO BYUNG NAS BOD KYI YUL THAMS CAD KHYAB PAR BYAS TSUR 'DUS PAS RA SGRENG GI SHUG PA'I GSEB THAMS CAD DU DBU RTZE GAn JI RA BTZUGS PAS GANG BA DA LTA YOD PA BZHIN RMIS, GZHAN YANG PHA BONG? THANG GI RDO RIN PO CHE'I PHUNG POR SONG BA 'ANG RTZE 'PHYING DKAR MAR GYI PHUNG POR SONG BA RMIS, NANG PAR SUM PA MTHU CHEN DANG, RNAL 'BYOR PA CHEN PO DANG, DGON PA BA GSUM BYON NAS RTAGS

, ,BZANG NGAM ZHUS PAS, BZANG BAR GDA' GSUNG, DE NAS DGON PA 'DEBS PAR THUGS THAG BCAD NAS SA 'DUL LA BRGYAD STONG 'GREL CHEN GSUNGS, SA CHOG PAndI TA SHR'I STHA RA LA ZHUS BSAM GNANG, DGON PA BA LA ZHUS PAS KYANG MA GNANG BA LA, DA GSANG PHU BA LA ZHU SNYAM BA LA RNAL 'BYOR PA'I ZHAL NAS, STON PA LA MI KUN JO BO'I YON TAN KHYED LA YOD PAR BYED KHYED 'DI 'DRA BA ZER BAS, 'BROM GYI ZHAL NAS, NGAS SHES PA YIN TE GCIG TU RTEN DMAN, GNYIS SU KHYED GONG MA RNAMS KYIS KHREL GYI DOGS, GSUM DU MI MA YIN LA 'TSER BAS LAN, DA 'DI BZHIN DU BYED PA YIN GSUNGS NAS SNGON LA JO BO'I SKU 'BAG DANG 'JAM DPAL RDO RJE GNYIS SPYAN DRANGS, GSOL BA BTAB NAS CHU MIG BSUBS, SKYER PHUNG RTZA BA NAS BTON PA LA SBRUL MYOG CHER BYUNG BAS JI SNYAM DU YANG MA BSAMS, DE NAS KHRI BRTZIGS, THIG BTAB SBRA PHUB NAS 'DIR JO BO'I GDUNG BZHUGS PAS KHYED RNAMS KYIS KYANG MCHIL SNABS LA SOGS PA MA 'DOR ZHIG GSUNG NGO, ,DE'I DUS SU RNAL 'BYOR PA PHYAG KHRI MCHOG GIS BAL YUL DU DNGUL 'DON DU PHYIN NAS PHYIR PHEBS PA RGYA GAR GYI LHA BZO MKHAS PA AA TZA RA MA NU BYA BA LA JO BO'I GDUNG KHANG DU DNGUL GYI MCHOD RTEN NANG DKYIL 'KHOR GYI LHA TSOGS, PHYI MCHOD RTEN GYI RNAM PAR BZHENGS SU GSOL, NANG RDZONGS KYI GZUNGS RNAMS DNGUL GYI LJANG PA LA YI GE BRKOS MA BRIS NAS

BZHUGS, RI RAB NI THEG PA CHEN PO PHA ROL TU PHYIN PA'I LUGS SU BGYIS TE MDUN DU ZHAL GZIGS PA THUB BA GCO 'KHOR GSUM, NUB TU ZHAL GZIGS PA DAM TSIG GSUM BKOD PA GTZO 'KHOR GSUM, BYANG DU ZHAL GZIGS PA BYAMS PA MNGON PAR BYANG CHUB PA GTZO 'KHOR GSUM, SHAR DU ZHAL GZIGS PA SMAN BLA GTZO 'KHOR GSUM, BUM PA NI THEG PA CHEN PO GSANG SNGAGS KYI LUGS SU BGYIS TE, DPAL GSANG BA 'DUS PA LHA BCU DGU PHYI NANG DU 'BUR DU DOD PA LA PHYOGS BZHIN YAB BZHI, MTSAMS BZHIN YUM BZHI, GTZO BO 'JAM DPAL RDO RJE BRE'I MGUL NA BZHUGS, LHA MO DRUG NANG DU 'BUR DOD DU BZHUGS, KHRO BO BZHI NAS TZAM RE ZUR GYI MCHOD RTEN GYI NANG NA BZHUGS PA GCIG BZHENGS SU GSOL TE, 'BROM RIN PO CHES RNAL 'BYOR BA RNAMS DANG BKA' BGROS MDZAD NAS BYA LO LA GDUNG KHANG DANG GTZUG LAG KHANG KHYUNG MGO CAN GYI RNGA KHANG YAN CHOD TSAR BAR MDZAD NAS DA 'DI MEN CHAD LA BYED PA PO ZHIG 'ONG GI GSUNG STE, 'DZIN RDO YON TAN 'BAR BYA BA LA BOD PA MDZAD NAS KHYOD 'JIG RTEN GYI SHES CHE BA YIN PAS SHES GYIS DANG KHO BOS 'JIG RTEN GYI RNAM PAR RTOG PA SPONG BLO ZHIG BGYI GSUNGS NAS KHYUNG MGO CAN LA BSKOR BA MDZAD DE SHANGS SNABS KYIS KYANG LKOG MA NA MAR SLEB PAR BYAS NAS, 'JIG RTEN MKHYEN PA RNYED DANG MA RNYED DANG, ,ZHES BYA BA'I TSIGS BCAD DE 'DON ZHING CHOS BRGYAD PO DE LA BTANG SNYOMS SU MDZAD CING BZHUGS PA LAGS,

, ,DE LTAR 'BROM STON PA RGYAL BA'I 'BYUNG GNAS THUGS ZAB LA DKYEL CHE BA MKHYEN PA'I TSAD RGYA MTSO CHEN PO DANG MTSUNGS PA DES RA SGRENG DU JO BO'I SROL BZANG GIS BTZUGS NAS YOD PA'I DUS SU, THUGS KYI SRAS SKU MCHED GSUM RIM PAR BYON PA YIN TE, PHU CHUNG BAS NI SNYE THANG NYID NAS PHYAGS PHYI MDZAD, SPYAN SNGAS ME MO BYA'I LO LA RA SGRENG DU BYON, BO TO BAS DE'I PHYI LO LA RA SGRENG DU BYON, DE LTAR ZHABS DRUNG DU BSNYEN PA'I SLOB MA RNAMS 'JIG RTEN LA ZHEN PA BZLOG TU BCUG NAS CHOS KHO NA SEMS SU BCUG PA LA 'BROM RIN PO CHE'I DUS NA DGE 'DUN LNGA BCU TZAM LAS MED DE, DE RNAMS KYI DBANG DU BYAS NA, TING NGE 'DZIN BZANG PO THUGS RGYUD LA 'KHRUNGS SHING TSUL KHRIMS RNAM PAR DAG BA, YI DAM GYI LHA'I ZHAL GZIGS PA, MNGON PAR SHES PA RGYA CHEN PO DANG LDAN PA, CHOS RNAMS KYI RANG DANG SPYI'I MTSAN NYID RIG PA'I SHES RAB PHUN SUM TSOGS PA MNGA' BA, NUB PHYOGS AYON DANG 'DRA BA GRUB THOB DU SPUNG DE BA GCIG BYON TE, MTSOL PADMAS BRGYAN PA 'DRA BA'I 'KHOR SKAD PA DE DGE BSHES STON PA'I 'KHOR DE KUN LA ZER BA YIN, DE BAS NA MANG KHA NA MED GRUNG GTZO BA YIN GSUNG, DGE BSHES PO TO BAS KYANG, NGA'I DON GYI MKHAN PO DE RA SGRENG GI DGE BSNYEN RGAN PO DER SNANG GSUNGS NAS, 'BROM RIN PO CHE'I GDAMS PA THUGS NYAMS SU BZHES PAS NGES 'BYUNG GI BSAM PA MA BCOS PA THUGS LA 'KHRUNGS PA NA SNGAR GYI SO SO THAR

PA'I SDOM PA NGES 'BYUNG GI SDOM PAR SONG GSUNG BA LAGS, DE LA SPYIR JO BO BOD DU PHEBS NAS BDAG GNYER 'BROM RIN PO CHES MDZAD, JO BO RJE NYID KYANG 'BROM RIN PO CHE KHO NA LA THUGS GTOD PAR MDZAD, BSAM YAS SU BZHUGS PA'I TSE JO BO RJES 'BROM RIN PO CHE LA GSANG SNGAGS KYI SPYOD PA'I THABS MANG PO DANG, MCHIMS PHUR DO HA LA SOGS PA'I GDAMS PA ZAB MO RNAMS GNANG ZHING NANG DU THUGS NYAMS SU BZHES PAR MDZAD KYANG GSANG SNGAGS SGRA JI BZHIN PAR SPYOD PA'I RTZING SPYOD RNAMS JO BO'I DRIN LAS MED PA CIG BYUNG NA DGONGS PAS GSANG SNGAGS ZAB MO RNAMS GSAN PA SKAD DU YE MI MDZAD PAR THEG PA CHEN PO'I BLA MA BYA BA BSHAD PA NA 'BYAMS KLAS PAR GO BA BSKYED LA, LAG TU LEN PA NA BSTAN PA'I THA MA LA GANG PHAN DANG, THAD KAR DON DU GANG 'GYUR STON PA CIG DGOS GSUNG ZHING 'BROM RIN PO CHE NYID KYANG DE LTAR DU 'DOMS PAR MDZAD, 'BROM RIN PO CHES ZHANG CHOS KYI RGYAL PO, JO BO LEGS, YONGS RDZOGS RNAL 'BYOR PA, SPYAN SNGA DANG BZHI MIN PA LA SNGAGS KYI DBANG BSKUR MA GNANG BA YIN GSUNG, PO TO BAS 'BROM RIN PO CHE'I SPYAN SNGAR LO NGO BDUN BZHUGS PA LA BUM PA 'CHA' BA LAN CIG LAS MA GZIGS GSUNG, SNGON RNAL 'BYOR PA CHEN POS 'BROM RIN PO CHE LA BSRUNG SDOM RNAM PAR DAG PA'I STANGS PHUL, TING NGE 'DZIN PHUN SUM TSOGS PA'I RTOGS PA PHUL BAS, 'BROM RIN PO CHE'I ZHAL NAS, KHYOD BSRUNG SDOM RNAM PAR DAG STE BSDAM PAR BYA

, ,BA'I NYES BYAS PHRA MOS KYANG MA GOS, TING NGE 'DZIN BZANG STE RNA RTZAR RNGA BO CHE BRDUNGS KYANG MI CHOR BA YOD KYANG DE BAS NGA'I BYAMS PHA SNYING RJE BYANG CHUB KYI SEMS MED NA NYIN MTSAN DU BSHAGS PA BYA DGOS PA'I SAR SKYES DOGS YOD DO GSUNG NGO, ,YANG LAN CIG MU GE ZHIG BYUNG BA'I DUS SU 'BROM ZA LO MTSO MA BYA BA ZHIG GIS NAS MI KHUR LNGA BCU PHUL NAS DE'I MING PO 'BROM TSIG BA DA RE BYA BAS GTAM BTANG BA, JO BO LHA CIG 'DZAM BU GLING GI RGYAN DAM PA YIN, DE'I MAN NGAG BUM PA GANG BYO'I TSUL DU MNGA' BA DGE BA'I BSHES GNYEN STON PA KHYED YIN, PHYOGS PHYOGS NAS BYON BA'I GRA PA KUN YANG MAN NGAG 'DOD PA YIN PAS DE RING JO BO'I MAN NGAG GSUNG BAR ZHU ZHUS PAS, 'BROM RIN PO CHE'I ZHAL NAS BYA BYA GSUNGS NAS 'CHI BA MI RTAG PA DANG LAS DANG 'BRAS BU MANG DU BSAMS LA, KHAS BLANGS PA'I SNGOM BA DAG PAR BYA, BYAMS PA DANG SNYING RJE MANG DU SGOMS LA BYANG CHUB KYI SEMS BRTAN PAR BYA; DES 'PHAGS NAS TSOGS SGO SNA TSOGS NAS GSOG CING SDIG BA SGO SNA TSOGS NAS SBYONG BA DE BLA MA'I MAN NGAG YIN BAS, SANG TZA NA JO BO RJE LHA CIG DANG MA PHRAD SNYAM NA'ANG DE LAS MED DO, ,'BROM DGE BSNYEN RGAN PO DE DANG MA PHRAD SNYAM NA'ANG DE LAS MED GSUNG, YANG 'BROM RIN PO CHE'I ZHAL NAS, NGA'I LAM GYI RIM BA 'DI LA SU YID CHES, KHAMS MA GI NA STONG ZOM YON TAN SNYING PO BYA BA ZHIG YOD DE, DE LA BZLAS NA YID CHES SAM GSUNG, 'BROM

RIN PO CHES DGON PA BA LA NYIN GCIG THUGS DAM SKYEL DU BYON TZA NA MAndAL RDUL CHING NGE 'DUG PA LA, SGOM PA DBANG PHYUG RGYAL MTSAN, MCHOD PA MI BRJE BA TZUG YIN GSUNGS PAS, BAG RE NANG DU BSAM 'TSAL BAR GDA' BAS ZHUS BAS, KHYOD GCIG PU LA SGOM YOD SNYAM MAM, KHYOD BAS AA TI SHA SGOM BZANG STE'ANG MCHOD PA 'DI DANG 'DI RNAMS MDZAD PA YIN, NGA LA YID MA CHES NA MDO SDE LTOS GSUNG, YANG 'BROM RIN PO CHE SKU KHAMS CUNG MA BDE BA ZHIG GI DUS SU RNAL 'BYOR PA CHEN POS RTZIG PA LA THAG THOGS MED PAR BYON TE BSNYUN DRIS PAS, JO BO PA, KHYOD GANG NGO TSA BA'I YAN LAG DES DREGS SAM, SEMS CAN BZHAG NAS GAR CHA, DE NI NYIN MTSAN DU BSHAGS PA BYA DGOS PA'I SAR SKYE BA YIN GSUNG NAS BKA' BKYON, YANG DGON PA GONG NA 'BROM RIN PO CHE DANG, RNAL 'BYOR PA RNAM PA DANG, SKU MCHED GSUM RNAMS 'TSOGS NAS KU RE BZHAD GAD TZIG SE MDZAD TZA NA, NYE GNAS NA RE KU RE NI KU RE STE'U CAG RNAMS DE RING CI ZA ZER BA LA, DGON PA BA'I ZHAL NAS, AA PO NI SPUS SNA GDONG NA YAR BYUNG BA 'O NI KUN ZA BA YIN GSUNG, DAR CIG LON TZA NA YON BDAG GCIG GIS PHYE DANG MAR THUD 'KHUR BA ZHO LA SOGS PA RTA RGYAB GCIG BKAL NAS BYUNG BAS BSNYEN BKUR BZANG PO BYAS, DER 'BROM RIN PO CHES BSNGO BA YON BSHAD MDZAD NAS YON BDAG DE SONG BA'I SHUL DU BKA' PHAB MDZAD DE, SGOM CHEN BA KUN KYANG YON TAN BAG RES SBOS NAS PHYIN CHAD DE 'DRA BA GSUNG RGYU MA LAGS GSUNG

, ,NAS BKYON BAR MDZAD, 'BROM RIN PO CHE BRGYAD STONG 'GREL CHEN GSUNG BA'I DUS SU, MKHYEN GSUM THON NAS RNAM KUN LA MA ZUG BA'I SKABS SU SKU KHAMS LTEM PA CIG BYUNG NAS 'GREL PA GSUNG MA SPYOD PAR 'DI MAN CHOD KYI DOD PO GCIG BYA GSUNGS NAS, PHA ROL TU PHYIN PA DRUG GSUM BCO BRGYAD DU PHYE BA'I NYAMS SU BLANG BDE BA CIG GSUNGS PAS, SPYAN SNGA'I ZHAL NAS, GSUNG MA SPYOD PA RANG GIS 'TSENGS BSAM PA CIG BYUNG GSUNG, DE LTAR NA 'BROM RIN PO CHE DES G-YUNG CHOS MGON LO BZHIR BSTEN, RGYAL GYI ZHAD LA DGE BSNYEN GYI SDOM PA MNOS NAS KHAMS SU JO BO SE BTZUN GYI ZHABS DRUNG DU LO NYI SHU, DE NAS JO BO DANG MJAL NAS JO BO ZHING MA GSHEGS KYI BAR DU MI 'BRAL BAR ZHABS TOG MDZAD, JO BO'I YON TAN MA LUS PA THUGS SU CHUD PAR MDZAD NAS RA SGRENG DU LO DGUR BSTAN PA'I MNGA' BDAG MDZAD DE, SPYIR SANGS RGYAS KYI BSTAN PA RIN PO CHE YANG SGOS SU BKA' GDAMS KYI BSTAN PA RIN PO CHE NYI MA SHAR BA LTA BUR MDZAD, PHYI RABS KYI GDUL BYA RNAMS KYI DON DU JO BO RJE DANG 'BROM RIN PO CHE RANG NYID KYI THABS MKHAS KYI SPRUL PA 'BYON TSUL GSANG BA ZAB MO'I GNAS RNAMS KYANG STON PAR MDZAD DE, RJE BTZUN 'JAM PA'I DBYANGS KYI SPRUL PA RDOG LEGS PA'I SHES RAB KYI GSOL BA SHUGS DRAG TU BTAB, JO BO RJES KYANG GSUNG BAR BSKUL NAS 'BROM RIN PO CHES PHYOGS BCU'I SANGS RGYAS THAMS CAD KYIS 'PHAGS PA SPYAN RAS GZIGS

KYI THUGS RJE BSKUL NAS BOD KHA BA CAN GYI MGON POR BYON BA'I LO RGYUS RNAM THAR ZHIB TU GSUNGS SHING, MA 'ONGS PA NA'ANG JO BO RJE DANG 'BROM RIN PO CHE GNYIS KYI SPRUL BA RGYUN MI 'CHAD PA BYON NAS RGYAL BSTAN 'DZIN CING SPEL BA DANG, DE DANG DE'I TSE DGON GNAS JI LTA BU 'BYUNG BA DANG, MTSAN JI LTA BU 'BYUNG DANG, MDZAD BA JI LTA BU MDZAD RNAMS LUNG BSTAN PA'I GLEGS BAM MDZAD, BKA' GDAMS BSTAN PA'I CHU 'GO BTZUGS, BKA' GDAMS KYI BSTAN PA'I SNYING PO'I YANG SNYING PO THIG LE BCU DRUG GI GDAMS NGAG CHA LAG DANG BCAS PA THOR BU THOR BUR BSTAN BA DANG, KHYAD BAR RGYAL BA'I BKA' DANG DGONGS 'GREL MA LUS GANG ZAG GCIG GI NYAMS LEN GYI RIM BAR HRIL GYIS DRIL BA SKYES BU GSUM GYI LAM GYI RIM PA RGYUD LA SBYOR TSUL SHIN TU GSAL ZHING GO BDE BA, BLO MTHO DMA' SUS BLTAS KYANG RGYUD 'KHUL BA RANG RGYUD LA BSKUL 'DEBS DAD PA'I LJON SHING SOGS GDAMS NGAG GI YIG 'JOG KYANG MANG DU MDZAD NAS MYA NGAN LAS 'DA' KHAR PO TO BA'I PANG DU DBU BZHAG NAS YOD PA'I TSE PO TO BA'I THUGS LA 'JIGS SAR SKYEL MAS BOR BA 'DRA BA ZHIG 'ONG BAR 'DUG NA DA SU LA BRTEN SNYAM ZHING SPYAN CHAB 'BROM RIN PO CHE'I NA BZA'I GONG TZA NA MAR NYIL GYIS BYUNG BAS 'BROM RIN PO CHES MKHYEN NAS, ZHAL 'CHEMS LA DA PHAN 'CHAD DGE BA'I BSHES GNYEN 'DI KHO NA LA BRTEN DGOS BYA BA YE MED KYI, MDO SDE LTOS, DGE BA'I BSHES GNYEN MDO SDE LA GYIS ,

, ,GROGS PO MIG ZUR LA LCI BA DANG 'GROGS, KHA MNYAM LAG MNYAM DES KYANG MI 'ONG BAR SNANG, GNYIS DANG GSUM YANG NYUNG, GCIG PUR YE MA 'DUG ,BZHI LNGA MAN CHOD TZAM RAN, DE LAS MANG DU YANG MI RUNG, SEMS BZANG POR GYIS DANG, KHYAD PAR CAN DANG PHRAD DE 'ONG GI GSUNGS NAS, MDUN NA JO BO LEGS YOD PAS, SEMS BZANG PO BYANG CHUB KYI SEMS LA ZER BA MA LAGS SAM ZHUS PAS, YIN MOD GSUNGS NAS SKU DNGOS KYI GDUL BYA RNAMS RDZOGS PA NA SHING PHO 'BRUG GI LO SNON GYI ZLA BA'I TSES NYI SHU LA RA SGRENG DU SKU'I BKOD PA BSDUS TE DGA' LDAN CHOS KYI PHO BRANG DU RGYAL BA MA PHAM PA DANG NAM MKHA' DRI MA MED PA 'KHOR BCAS KYI ZHABS DRUNG DU PHEBS SHING, GZHAN YANG NAM MKHAS GAR KHYAB TU SPRUL PA'I BKOD PAS KHYAB STE, GDUL BYA GANG DANG GANG NA YOD PA DER RANG RANG GI KHAMS DANG BSAM PA DANG MTHUN PAR SKU'I BKOD PA BSTAN NAS 'GRO BA'I DON MDZAD CING BZHUGS SO, ,'BROM RIN PO CHE 'DI LA LHA DANG MI'I SLOB MA BSAM GYIS MI KHYAB PA YOD CING, BSTAN PA YONGS RDZOGS 'DZIN PA'I SLOB MA'ANG CHES MANG BAR YOD LA, YONGS SU GRAGS PA'I SLOB MA'I GTZO BO NI DGE BSHES KHAmS PA LUNG PA CHEN PO DANG, RNAL 'BYOR RNAM PA BZHI DANG BKA' GDAMS SKU MCHED GSUM STE, KHAMS PA LUNG PA CHEN PO NI, 'PHAN YUL YUNG BAR SHING MO GLANG LA 'KHRUNGS, RUS SGANG, RTEN DGE BSNYEN YIN MTSAN SH'AKYA YON TAN, GZHON PA'I DUS SDE SNOD LA YANG

SBYANGS PA MDZAD DE, NYID KYI ZHAL NAS, NGAS LHA SA SNYE THANG DU BA MA YIN PA DANG RTA MA YIN PA LA MI TSE BSKYAL ZHES GRAGS, SNYE THANG DU JO BO NYID DANG MJAL ZHING PHYIS RVA SGRENG DU DGE BSHES STON PA YUN RING DU BSTEN CING SKU MCHED GSUM MAM BZHI ZHES GRAGS, PO TO BA'I ZHAL NAS, YUNG BA'I DGE BSHES SGANG SH'AKYA YON TAN GYIS CHOS BDEN PAR BZUNG NAS SKYABS SU MCHI BYAS PAS, DA LTA YUNG BA LUNG PA NA KHONG LAS BDE SKYID CHE BA MED GSUNG, DE LTAR DGE BSHES KHAMS LUNG PAS DGUNG LO DGU BCU'I BAR SGRUB PA'I RGYAL MTSAN BTZUGS SHING SEMS CAN GYI DON MDZAD NAS SHING MO LUG DGU BCU RTZA GCIG PA RTA'I ZLA BA'I TSE BCU BZHI LA KHAMS LUNG DU SKU GSHEGS, CHOS LA THUN BRGYAD MAR MING THOGS TSOGS PA STONG PHRAG RE TZAM 'TSOGS, BYANG CHUB KYI THUGS 'BYONGS PAS ZHAL MTHONG BA THAMS CAD DAD PAR GYUR, PHYOGS MTHA' DAG NAS MJAL MI BYUNG BA NA, KHYED CAG GI YUL NA MI RGAN MED DAM GSUNG BA LA, MI RGAN TA YOD DE KHYED DU LTA BU MED CES ZHUS MDOR NA MTHONG THOS DRAN REG DON LDAN DU 'GYUR NGES PA'I SKYES BU CHEN POR GRAGS SO, ,SKU MCHED GSUM GYI RNAM PAR THAR PA NI PHYI NAS 'CHAD PAR 'GYUR LA, RNAL 'BYOR PA RNAM PA BZHI NI, RNAL 'BYOR PA CHEN PO BYANG CHUB RIN CHEN, RNAL 'BYOR DGON PA BA CHEN PO DBANG PHYUG RGYAL MTSAN, RNAL 'BYOR PA SHES RAB RDO RJE, RNAL 'BYOR PHYAG DANG STON PA BZHI STE DE DAG GI RNAM THAR NI SNGAR JO BO'I RNAM THAR GYI SKABS SU BSHAD PA LTAR RO, ,GZHAN MA DGE PA SHES KA BA CHEN PO, GSANG

, ,PHU BA LEGS BA'I SHES RAB, YER PA'I DGE BSHES JO BO LEGS SOGS SEMS DPA' CHEN PO NGO MTSAR BSAM GYIS MI KHYAB PA'I RNAM THAR DANG LDAN PA MANG DU YOD MOD KYI YI GE'I KHUR GYIS 'JIGS PAS 'DIR MTHA' DAG MA SPROS SO, ,DES NA BYANG CHUB LAM RIM LA BLO SPYONG BAR 'DOD PA RNAMS KYIS THUGS RJE CHEN PO RGYAL BA 'BROM GYI RNAM THAR RNAMS DRAN PAR BYAS LA SKU'I RNAM PA YID YUL DU BYAS TE YANG DANG YANG DU GSOL BA GDAB PA DANG, LHAG PAR TSE 'DI BLOS GTONG BA DANG MKHA' KHYAB KYI SEMS CAN LA BYAMS SNYING RJE SBYONG BA SOGS 'BROM RIN PO CHE'I GSUNG RNAMS DRAN PAR BYAS LA NYIN RE BZHIN BYANG CHUB LAM GYI RIM PA LA BAG CHAGS CI THEBS BYA'O,, ` ,,JO BO RJES BYANG CHUB LAM GYI RIM PA'I MAN NGAG GSAN BRGYUD LA RGYA CHEN SPYOD RGYUD DANG, ZAB MO LTA RGYUD GNYIS BYUNG ZHING, JO BO RJES 'BROM RIN PO CHE LA RGYA CHEN SPYOD RGYUD DANG, ZAB MO LTA RGYUD KYI MAN NGAG GNYIS GCIG TU BSRES NAS BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I LUS GCIG TU DRIL NAS GNANG BAS DE PHYIN LA RGYUD PA GNYIS SO SOR MED KYI JO BO YAB SRAS LA SLOB MA BSAM GYIS MI KHYAB PA BYUNG BAS BRGYUD TSUL MTHA' YAS PA YOD MOD KYANG GTZO BO YONGS SU GRAGS PA NI JO BO YAB SRAS NAS DGE BSHES DGON PA BA, DE NAS SNE'U ZUR PA SOGS LA RIM GYIS BRGYUD PA DANG, 'BROM RIN PO CHE NAS DGE BSHES SPYAN SNGA BA, DE NAS BYA YUL BA SOGS LA BRGYUD

PA DANG, 'BROM RIN PO CHE NAS DGE BSHES PO TO BA, DE NAS SHA RAB SOGS LA BRGYUD PA GSUM BYUNG NGO, ,DGE BSHES SPYAN SNGA BA NAS BRGYUD PA LA BKA' GDAMS GDAMS NGAG PA DANG, DGE BSHES PO TO BA NAS BRGYUD PA LA BKA' GDAMS GZHUNG PA ZHES THA SNYAD MDZAD DO, ,DE LA, RNAL 'BYOR DBANG PHYUG DPAL LDAN DGON PA BA, ,ZHES BSNGAGS PA, DGE BSHES DGON PA BA NI, MDO KHAMS SGANG DU SNGAGS PA CIG GI SRAS SU ME PHO 'BRUG LA 'KHRUNGS, GDUNG RUS 'DZENG YIN PAS PHYIS DGON PA BA RA SGRENG NA BZHUGS PA'I TSE 'DZENG SGOM ZHES BRJOD PA YANG RUS MING NAS BRJOD PA YIN NO, ,DE NI SKU GZHON NU NAS RAB TU BYUNG, MTSAN DBANG PHYUG RGYAL MTSAN ZHES BTAGS, NAM ZHIG NA DUS KYI CHOS NYID KYIS YAB YUM GNYIS KA GRONGS NAS YAB LA DPE CHA MANG PO YOD PA GROGS PO ZHIG DANG GROS BYAS TE, RI KHROD DPEN PA CIG TU LTA RTOG BYED CING DGE SBYOR BYED PA'I GROS BYAS, PO TI MANG PO'I KHRES PO ZHIG BCOS, BRGYAGS PHYE TSUN BSDOGS NAS 'GRO BAR CHAS YOD PA'I DUS SU, DBUS NAS YONGS PA'I CHONG PA TSAN CIG DANG PHRANG PAS MNGA' RIS STONG DU PAndI TA CHEN PO ZHIG BYON LO BYA BA GSAN PAS SNGON GYI BAG CHAGS SAD DE PAndI TA CHEN PO DE DANG MJAL NAS CHOS PHU THAG CHOD PA ZHIG ZHUS TE TSE THUNG 'DI LA RKYEN GANG GI'ANG DBANG DU MA SONG BAR SGYUB PA MTHAR PHYIN PA ZHIG BYED SNYAM PA'I 'DUN PA SHUGS DRAG PO BYUNG NAS RANG YUL NYE DU NOR LONGS SPYOD GANG LA'ANG MA CHAGS PAR DPE CHA DANG BRGYAGS PHYE GROGS PO LA BZHAG ,DBUS SU 'GRO BA'I TSONG BA TSAN

, ,CIG BYUNG BAS, BRGYAGS MED PAR DE DAG DANG LHAN DU 'GRON PO RNAMS LA SLONG GIN BYON TE GTZANG GI NYAN TSOR JO BO DANG MJAL CHOS ZHUS PAS, NGA'I BLA MCHOD BYED NA CHOS BSHAD GSUNG, KHO BOS BLA MCHOD RNGO MI THOG ,CHOS SHIG THUGS LA 'DOGS PAR ZHU BYAS PAS, BLA MCHOD MI BYED NA NGA YANG CHOS MI BSHAD GSUNGS PAS, DER BLA MCHOD DU KHAS BLANGS NAS BZHUGS, JO BO RJES 'BROM RIN PO CHE LA LKOG TU GSUNGS PA RNAMS MA GTOGS CHOS GANG GSUNGS THAMS CAD ZHUS, LHAG PAR KHONG RANG LA CHED DU SKYES BU GSUM GYI LAM GYI RIM PA'I KHRID RDZOGS PAR GNANG NAS BSGOMS PAS MYONG BA PHUL DU PHYIN PA THON, SNGAGS KYI GDAMS PA'ANG MANG DU ZHUS SHING KHYAD PAR JO BO MI G-YO PA'I SGRUB YIG CHEN MO DMIGS PA SKOR GSUM DANG BCAS PA LO TZ'A BAS KYANG BAR DU MA BCAD PAR TSANG BAR MDZAD CES SNGON GYI CHOS 'BYUNG 'GA' ZHIG LAS 'BYUNG STE, JO BOS BOD SKAD DU GSUNGS PA'AM, KHONG RANG GIS RGYA SKAD LOBS TE LO TZ'A BA LA MI BLTOS PAR JO BO LAS DNGOS SU GSAN PA GANG RIS SU MNGON NO, ,JO BO RJES SKAL LDAN GYI GDUL BYA KHYAD PAR CAN DU GZIGS NAS CHOS DANG ZANG ZING GNYIS KAS BSKYANGS TE BLA MCHOD MDZAD CING LAM YONGS RDZOGS RGYUD LA SKYE BAR BYIN GYIS BRLABS, KHONG RANG GIS KYANG JO BO RJES GNANG BA'I MAN NGAG THAMS CAD LA SGRUB PA RTZE GCIG TU MDZAD PAS LAM RGYUD LA SKYE BA'I RGYU TSOGS THAMS CAD CHENG STE,

LAM GYI RTZA BA BSHES GNYEN BSTEN TSUL LA THUG PAS JO BO RJE LA SANGS RGYAS DNGOS KYI 'DU SHES BCOS MA MIN PA SKYES, SKYES BU CHUNG NGU'I LAM LA SBYANGS TE TSE 'DI LA CHAGS PA'I BSAM PA GTAN NAS LOG STE PHYI MA'I DON 'BA' ZHIG SGRUB PA'I BSAM PA DANG, LAS 'BRAS LA GTING NAS YID CHES PA'I DAD PA DANG, SKYES BU 'BRING GI LAM LA SBYANGS PAS 'KHOR BA MTHA' DAG LA ZHEN PA LOG BA'I NGES 'BYUNG BCOS MA MIN PA SKYES TE KHAS BLANGS PA'I TSUL KHRIMS LA BSDAM PAR BYA BA'I NYES PA PHRA MO TZAM GYIS KYANG MA GOS PAR MDZAD, LAM SGRUB PA LA BRTZON PA SHUGS DRAG LA RGYUN RING BA NAR MAR MDZAD DE, LAN CIG GZIM MAL DU SKYIL KRUNG LAM GYIS MDZAD PAS BREL SHA LA SPEN MA YOG SHING TZAM ZHIG THAM GYIS ZUG ,DE 'DRA BA LA DBYUNG RIN MED, DGE SBYOR RANG GAL CHE SNYAM NAS THUGS DAM DU HRIL GYIS SONG, NAM LANGS TZA NA GZIM MAL THAMS CAD KHRAG GIS GANG, SKU'I BRLA SHA THAMS CAD NUR NAS SHIN TU BSNYUNG BA BYUNG, DE DGE BSHES STON PAS GSAN PAS YE KHAMS PA GLEN BA DE PHYUNG NAS BSGOMS PAS CI MA KHYAB GSUNG, LKOG TU KHONG GI DE 'DRA ZHIG DGOS PA YIN GSUNGS NAS BSNGAGS PA BRJOD PAR MDZAD, DE LTAR BLA MA LA DAD PA DANG, TSUL KHRIMS DAG PA DANG, BSAM GTAN SGOM PA LA BRTZON PA SHUGS DRAG PA STE RGYU GSUM PO DE LA BRTEN NAS TING NGE 'DZIN PHUN SUM TSOGS PA NI KHAMS GONG MA'I TING NGE 'DZIN BRNYES PA YIN GSUNG,

, ,LAN CIG TZA NA RLUNG BZUNG STE BA SPU YANG MI 'GUL BAR DROD TSA LAM ME BYAS NAS ZHAG GSUM GSUM TZAM BZHUGS PAS, SLOB MA RNAMS DA NI GRONGS ZIN SNYAM PA LA, AA HA HA GSUNG NAS KOG GIS BZHENGS, DE TZUG MDZAD PA CI TZUG LAGS ZHUS PAS, KHAMS CUNG ZHIG MA BDE BAS RLUNG BAG TZAM BZUNG BA YIN GSUNG, RGYA GAR NAG CHUNG BYA BDE YANG RA SGRENG DU BYON PAS, DGON PA BA'I GRANG KHANG LA MDZUB MO BTZUGS TE 'DI LA TING NGE 'DZIN DANG MNGON SHES YOD ZER BA'ANG BYUNG, PO TO BA KLUNGS SHOD NA 'GO NA BZHUGS PA'I DUS SU, PHU CHUNG BA DANG SNE'U ZUR PA GNYIS KYIS DGON PA BA'I SKU CHE BA'I YON TAN GLENG BA LA, PHU CHUNG BA'I ZHAL NAS, ZHANG SGOM KHYED 'PHYI BA YIN, NGED SNGON DGE BA SHES DGON PA BA DANG JA GRAL GCIG NA BZHUGS PA'I DUS NA, DGON PA BA'I ZHAL NAS, NGAS BAR DER SANGS RGYAS RJES SU DRAN PA BAG TZAM ZHIG YID LA BYA'O GSUNGS NAS SPYAN ZIM TZAM MDZAD NAS BZHUGS, RJES LA NGAS DA LTA TING NGE 'DZIN LA MNYAM PAR GZHAG PAS 'OG GI PHYOGS NA SANGS RGYAS SHIG BYANG CHUB SEMS DPA' DPAG TU MED PAS BSKOR NAS CHOS GSUNGS PA DE NGA'I LHA'I SPYAN GYIS MTHONG BA YIN; LHA'I SNYAN GYIS GSAN PA YIN GSUNG, YANG DGON PA DBANG PHYUG 'OD BYA BA MTSAMS BCAD MDZAD PA CIG BRGYAGS CHAD NAS DRO GZAN MED PAS MTSAMS BTON LA DRO GZAN BTZAL DGOS SNYAM NAS, PHAR TZAM

TSUR TZAM 'DUG TZA NA, DGON PA BA LA NYE GNAS KYIS BSHOS DRANGS BYIN LEN ZHUS TZA NA, BSHOS DE PHYAG TU BSNAMS NAS LA 'UR 'DI KHO LA SKYOL SHOG ,KHO LA DRO GZAN MED GSUNG, NYE GNAS KYIS SKYEL DU PHYIN TZA NA, MTSAMS BTON LA KHAD GDA' SKAD NA JI LTA BA BZHIN GZIGS PA CIG BDEG PAR GDA', YANG DGON PA GONG DU DGE BSHES STON PAS DBU MDZAD RNAL 'BYOR PA RNAMS 'TSOGS NAS BZHAD GAD SHIG GE 'DUG TZA NA, NYE GNAS KYIS 'U CAG DE RING CI ZA ZHUS PAS, DGON PA BAS AA PO NI PUS SNA GDONG NA YAR BYUNG BA 'DI KUN ZA BA YIN GSUNGS PAS, DE LA STON PAS KYANG BKYON PAS, PHYIS DGE BSHES STON PAS BKYON DU 'ONG GSUNGS NAS DE TZAM MI GSUNG BA YIN , YANG SNE'U ZUR PA SKU KHAMS LTEMS PA CIG LA STON PA TSUL SENG BYA BA'I GROGS PO ZHIG YOD PAN RE, DGON PA BA'I MAN NGAG SPYI BOR ME 'BAR BA 'DI LTA BU ZHIG YOD DE SGOMS ZER BAS, BSGOMS BAS JI LTA BA BZHIN DU BTUB PAR BYUNG, DER DGON PA BA'I SBYAN SNGAR BYON NAS MDANG DA NANG KHAMS LTEMS PA CIG GDAB ZHUS PAS, SPYI BO NA ME 'BAR BA DE SGOMS GSUNG, DE MI SHES ZHUS PAS 'O NA MDANG DA NANG SPYI BO NA ME ZHIG 'BAR GYIN 'DUG PA KHO NAR TSOR GSUNG STE, JI LTA BA BZHIN THIGS BYUNG STE STON PA TSUL SENG DE SKAD ZER BAS BSGOMS PA LAGS ZHUS PAS, 'O GROGS LA THOS PA'I CHOS NYAMS SU BLANG DU MI BTUB, 'DRI BA NI MI TO, DA 'DI BZHIN DU GYIS GSUNGS NAS, DMIGS

, ,PA SKOR GSUM GYI GDAMS NGAG RNAMS GSUNGS, YANG SNE'U ZUR PA RTZE DROR YON BDAG CIG GIS BSHOS DRANGS TE BZHUGS PA'I DUS STENG CHUNG ZHIG TU THUGS DAM MDZAD PAS DGE SBYOR SHIN TU 'PHEL BAR BYUNG, DGE BSHES KYI SBYAN SNGAR BYON DUS KHYOD MDANG DA NANG STENG CHUNG LTE BLTEB DE NA DGE SBYOR SHIN TU 'PHEL BAR 'DUG AANG GSUNG, ROG THOM DU LHA BZO BA'I LUGS BYED PA LA RA SGRENG DU SGOM CHEN RNAMS LA GTOR MA ZHUS PAS, DGON PA BAS, 'U AU GSUNG, CI LAGS ZHUS PAS, LUGS BRDOL GSUNG, DRIS PAS DE TZA NA BRJOD 'DUG SKAD, YANG SNE'U ZUR PAS BSGOMS NAS RTOGS PA SHOG PA RE BYUNG BA'I DUS SU, BLA MA'I ZHABS LA GTUGS PA'I PHYAG GCIG BYA DGOS SNYAM NAS SPYAN SNGAR BYON DUS, ZHABS G-YAS PA DE SHAD KYIS BRKYANGS NAS 'ONG BA LAGS PAR GDA', CHOS 'DI LTA BU ZHIG ZHU SNYAM PA DE ZHU MI DGOS PAR BSHAD KYIS GSUNG 'ONG BA YIN, DAM TSIG GSUM BKOD PA'I RGYAL PO LHAG PA'I LHAR BZUNG NAS BZLAS PA STONG PHRAG BRGYAD SONG TZA NA ZHAL GZIGS, DE NAS STONG PHRAG BRGYAD NAM SONG SONG NA ZHAL MA GZIGS PA BYED MA MYONG, GZHAN YANG DE BZHIN GSHEGS PA'I PHAN YON GYI LE'U NAS GSUNGS PA RNAMS LA NGAS NYAMS SU MA MYONG BA MED GSUNG, LE'U DE NAS GSUNGS PA LA NI DKYIL 'KHOR THAMS CAD DU ZHUGS PAR 'GYUR RO, ,TSE 'DI NYID LA SANGS RGYAS KYI MDZAD LA BYED PAR 'GYUR RO, ,ZHES GSUNGS TE BSAM

GYIS MI KHYAB BO, ,DGE BSHES DGON PA BA DE TING NGE 'DZIN SHIN TU BRTAN PAS LHA'I GZIGS SNANG DANG MNGON PAR SHES PA RGYA CHEN PO MNGA' BDE LTAR YIN YANG DGON PA BA RANG GI THUGS KYI BZHED PA'I GTING LA LHA'I ZHAL MTHONG BA DANG MNGON SHES SKYES PA DGE SBYOR GYI 'BRAS BU GTZO BOR 'DZIN PAR MI MDZAD KYI LAM GYI RIM PA'I DMIGS SKOR SO SO LA MYONG BA BCOS MIN SKYES PA ZHIG DAB LHAG BAR LAS 'BRAS LA YID CHES NAS SDOM PA GSUM GYI BCAS MTSAMS DAG PA GTZO BOR 'DZIN PAR MDZAD DE, DGON BA BA'I ZHAL NAS, SNE'U ZUR PA LA, YE 'BAR SANG NAS TZA NA KHYED KYI DGE BA SHES PA DE KUN MAN NGAG GI MTHIL GANG LA BYED ZER NAS 'DRI NA, MNGON PAR SHES PA'AM YI DAM GYI LHA ZHAL MTHONG BA LA BYED BYAS PA 'ONG NGO, ,LAS RGYU 'BRAS LA RJE NGES RJE NGES SONG NAS JI LTAR KHAS BLANGS PA'I SDOM PA NGAG BAR SRUNG BA ZHIG LA BYED ZER BA YIN GSUNG NGO, ,JO BO'I MAN NGAG LAM GYI RIM PA'I 'GO BSHES GNYEN BSTEN TSUL NAS MTHAR THUG 'BRAS BU ZUNG 'JUG 'GRUB PA'I BAR RANG GI RGYUD LA SBYAR NAS SGOM BAR MDZAD PAS SGOM GEGS KYANG MANG BAR BYUNG STE JO BOS 'PHRAL LA SEL BAR MDZAD PAS JO BO'I SLOB MA SGOM GYI GEGS SEL BA LA RTZAL THON PAR GRAGS, JO BO RJE DANG NYAN TSOR MJAL BA NAS MTHAR SNYE THANG DU JO BO ZHING GSHEGS PA'I BAR 'BRAL MED DU BSTEN CING, JO BO GSHEGS NAS JO BO'I GSUNG BZHIN RA SGRENG DU DGE BSHES STON PA'I PHYAG PHYI

, ,MDZAD DE, DGE BSHES STON PA DANG RNAL 'BYOR PA GDAN SAR BZHUGS RING LA'ANG DGON PA GONG DU SGRUB PA RTZE GCIG TU MDZAD, RTA LO LA RNAL 'BYOR BA GSHEGS PA'I LO DE NYID GTOGS PA'I LO LNGA GDAN SA MDZAD DE SKAL PA DANG LDAN PA DAG LA JO BO'I MAN NGAG RGYA CHER SPEL LO, ,DE LTAR DGE BA'I BSHES GNYEN DGON PA BA CHEN PO DES RANG GI SRAS KYI THU BO SNE'U ZUR PA LA JO BO'I MAN NGAG RDZOGS PAR GNANG ZHING GZHAN YANG DNGOS KYI GDUL BYA RNAMS SMIN BAR MDZAD NAS, DGUNG LO DRUG CU RTZA BDUN PA CHU PHO KHYI'I LO MNGON PAR BYANG CHUB PA'I NYA LA SKU GSHEGS TE DGA' LDAN CHOS KYI PHO BRANG DU PHEBS SO, ,DGE BSHES DGON PA BA DE LA SLOB MA BSAM GYIS MI KHYAB PA BYUNG BA'I NANG NAS YONGS SU GRAGS PA SNE'U ZUR PA, ZHANG KA MA BA, DGE BSHES 'BAN GUNG RGYAL, KHA RAG SGOM CHUNG BA, RGYA LCAGS RI BA SOGS BSTAN PA YONGS RDZOGS 'DZIN PA'I BSHES GNYEN MANG DU BYON NO, ,DE LA KA MA BA NI; JO BO LAN PA SPYIL BUR PHEBS DUS, YUM DES JO BO LA BYIN RLABS ZHUS PAS, 'DI LA BUM BZANG PO ZHIG 'ONG ZHES LUNG BSTAN BA BZHIN, ME MO BYA LA KLUNGS SHID RUG PAR SKU 'KHRUNGS, YAB ZHANG 'BEN PHYUG GI SRAS YIN PAS ZHANG BU GCIG PAR GRAGS, MTSAN SHES RAB 'OD, PHYIS DGON PA BA MJAL DU BYON BAS, CHOS DAN ZANG ZING GNYIS KYIS BSKYANGS SHING PO TO BA LA YANG CHOS GSAN, MNGON PAR RTOGS PA'I YON TAN TSAD MED PA DANG LDAN ZHING,

RGYA BOD SKAD GNYIS SBYOR BA'I LO TZ'A YANG 'BRING ZHIG MKHYEN, PHYI ROL GYI DNGOS PO NGAN PA RNAMS BZANG POR BSGYUR NUS PA'I TING NGE 'DZIN BRTAN PO MNGA', PHYIS KA MA DGON PA BTAB STE 'PHRIN LAS BRKYANGS PAS, TSOGS PA BDUN BRGYA TZAM 'DUS SO, ,BDUN CU RTZA LNGA PA LCAGS MO PHAG GI LO'I RTA'I ZLA BA'I NYI SHU GSUM LA KA MAR SKU GSHEGS SO, ,DGON PA BA'I SLOB MA DGE BSHES 'BAN NI, PHAN YUL GYI SA'I CHAR SKU 'KHRUNGS, RAB TU BYUNG BA'I MTSAN TSUL KHRIMS RGYAL BA, KO DE LUNG DU BZHUGS PAS KO DE LUNG PAR GRAGS, KHONG GIS GZHON DUS SPRANG BA 'BA' ZHIG MDZAD NAS THUGS KYANG MDUL BA CIG YOD BA YIN, PHYIS DGON PA BA BSTEN NAS LAM RIM THUGS NYAMS SU BZHES PAS, CHOS RNAL MA THUGS RGYUD LA 'KHRUNGS PA CIG BYUNG BAS, DGE BSHES PO TO BA'I GSUNG NAS KYANG, BOD KYI RGYAL KHAMS NA 'CHI BA GSHA' MAR BLO LA SKYES PA 'BAN GUNG RGYAL YIN GSUNGS TE, KHONG RAB TU 'BYUNG BA'I SNGA ROL DU, PHYIS 'DI 'DRA BA NUS SAM MI NUS BTAL BA'I PHYIR, RGYU MO'I GROG PO BYA BA GNYAN PO ZHIG YOD PA'I SAR NUB GCIG NYAL DU PHYIN SKAD, DE NAS RAB TU BYUNG NAS THAMS CAD SPANGS TE BSOD SNYOMS MDZAD PAS, 'TSO BA MED BA YANG LAN MANG DU BYUNG, RANG LA RNGAN BGRANG 'DI LTAR MDZAD DE, DE RING SANG GI DBANG BYAR MED PAR GTAN DU 'DUG RTZIS MA BYED TSUL KHRIMS RGYAL BA GSUNGS NAS CHIG SMRAS MDZAD, 'GRO SNYING 'DOD TZA NA SGO GTAN LA ZHON NAS RKANG PA THAG

, ,PAS BCINGS TE BZHUGS GSUNG, CHOS NAN TAR BYED NA HUR CHEN PO ZHIG 'BYIN MI DGOS SAM, MI NGOR MA SONG BCIG MI DGOS SAM, MTHA' RGYA CHOD PA CIG MI DGOS SAM, NGA DGE TSUL YIN NA GTZANG PHU SGOM CHUNG TZAM ZHIG 'ONG, GROGS PO GCIG SHI BA'I RO SKYEL DU SONG BA'I SHUL DU BZHUGS BAS BAG TZAM 'JIGS PA'I ZHAD CIG BYUNG BAS, ME SGRON BTEG NAS KHYOD SU LA 'JIGS, GANG NA CI YOD GSUNG SKAD, YANG KHONG GI GSUNG NAS, SNGON NGA PHO RANG MI GCIG LA STON THOG KHAL BZHI BCU'ONG, GRONG PA RNAMS KYIS MING BZHI BCU SDIGS SU BTAGS, NYIN MO LA KHA'I MI RGOD BYAS, NUB MO RKUN PHUG BYAS BAS LTO MA PHYID, DA MCHIL MA RDO LA MI 'DEBS TE LTO PHYID, MU GE CHEN PO BYUNG YANG SU PHYUG PA CIG DANG MJING SBREL NAS BSDAD CHOG ,CHOS BDEN SEMS PA NYIS BSTUD GSUM BSTUD DU 'CHOR GSUNG, SNGAR NGA'I KHAS ZAS MI RNYED DA ZAS KYIS NGA'I KHA MI RNYED GSUNG, RES 'DI SKAD GSUNG, NGA NI TSUL KHRIMS RGYAL BA YIN NO; ;KHYOD NI 'BAN GUNG RGYAL YIN NO, ,DGE SLONG TSUL KHRIMS RGYAL BA LA 'BAN GUNG RGYAL 'GRAN MA CHE ZHIG GSUNG ZHING KOR YUG YUG MDZAD LO, ,PHAN YUL STOD KYI DGON BA MANG PO 'JOMS MI BYUNG BA LA, DGON PA THAMS CAD KYIS RUG CHOS BYAS PAS 'BAN GYIS CHOS GOS GSOL CHU BUM PHYAG TU THOGS NAS, DA NGA'I RUB CHOS 'DI LAS BYA THABS YOD DAM ZER SKAD, DE PHYIS SU PO TO BAS GSAN BAS, SHIN TU MNYES NAS KHO'I RUB CHOS DE YIN, 'BAN GUNG

RGYAL GYI RUB CHOS DE YIN, 'U CAG KYANG BAN DE SLOB NA DE TZUG TU SLOB DGOS GSUNG SKAD, KHA CHE PAn CHEN BYON BA'I DUS SU BOD STON RNAMS RTA RMIG LCAGS KYIS DRIL LTA BA RTZAD DPYOD DU BYON PA LA, KHONG MI TSE THOS PA LA BSKYAL BA KUN KYANG DA GDOD LTA BA RTZAD DBYOD NA, NGA THOS CHUNG SANG 'DRES 'KHYER, GNANG PA? 'DRAS 'KHYER ZER BA CIG BSDAD PAS GA NA 'ONG, NGA YANG 'GRO BSAM PA CIG BYUNG BA LA, GA RE THOS PA BYAS PAS NYON MONGS PA CHUNG BAR 'GYUR, NYON MONGS PA CHUNG BA LA BDUD KYIS GLAGS MI RNYED ZER BA LA, NGAS THOS PA TZAM MA BYAS KYANG NYON MONGS PA CHUNG DU SONG NAS 'DUG ,KHONG THOS PA BYAS PA KUN GYI NYON MONGS CHUNG DU MA SONG BA 'DI CIS LAN SNYAM PA LA, KHA LA BRGYUD PAR SONG BAS LAN SNYAM PA CIG BYUNG GSUNG, DA NI STON BA CIG BYAS KYANG 'ONG NGAM SEMS, SGOM CHEN ZHIG BYAS KYANG 'ONG NGAM SEMS, GNAS BRTAN ZHIG BYAS KYANG 'ONG NGAM SEMS, GTZO BO ZHIG BYAS KYANG 'ONG NGAM SEMS GSUNG LO, ,KHONG STONG NGA NYID KYI TSIG KHO NA ZHAL NAS 'ONG BA LA, PO TO BA'I ZHAL NAS, GUNG RGYAL 'DRA BA 'DI KHA LA STONG PA THOGS NAS GSUNGS TE BKYON, DGE BSHES KYIS BKYON PAS 'DI MA LEGS PA YIN TE 'ONG SNYAM NAS BZHAG PAS, BZHAG TU MA BTUB BAR STONG BA NYID DU CHAM RTZER SONG BAS, DGE BA'I BSHES GNYEN PA KHO BO LAS NI KHYAD DU MI GSOD, STONG PA BZHAG TU MI BTUB PAR GDA' ZHUS PAS, KHYOD RANG SGOMS SHIG NGAS GZHAN LA BYAS PA YIN GSUNG SKAD YANG 'BAN GYI ZHAL NAS,

, ,NYON MONGS PA'I MKHAR SGOR GNYEN PO'I MDUNG THUNG ZHIG BZUNG NAS SDOD PA MIN PA GZHAN BYA RGYU MED, KHO SGRIM NA NGA YANG SGRIM, KHO GLOD NA NGA YANG GLOD GSUNG, YANG KHONG GIS TSUL SHE LA GSUNGS PA, MI RTAG RTAG TU RE PA'I SEMS CAN SNYING RE RJE, ,SKYE 'GRO SNGA MA SHI PA MA MTHONG NGAM, ,PHYI MA 'CHI BA MA TSOR RAM, 'JIG RTEN LAS LA ZIN DUS MED, ,SKYE SHI GNYIS LA THAR DUS MED, ,GTAN BDE BOR KYANG 'GYOD DUS MED, ,CHOS KYI NGO BO MTHONG DUS MED, ,NGAL BA DON MED GTAN KHANG BRTZIGS, ,BUD MED MANG PO SDUG BSNGAL SNOD, ,BRAN G-YOG MANG PO KHA MCHU'I RGYU, ,NOR RDZAS MANG PO G-YENG BA'I RGYU, ,BU MO BZANG SDUG LDAN PA YANG, ,DRO GANG TZAM GYI GRANG BA'I SA, , CI LA BSAMS KYANG PHAN PAR MI 'GYUR BAS, ,RANG GI SEMS LA LTA BA KHO NAR BYA, ,ZHES GSUNGS SO, ,DE LTAR DGE BSHES 'BAN 'DI NI DGON PA BA DANG SKU MCHED GSUM LA SOGS PA'I DGE BA'I BSHES GNYEN MANG POS BSKYANGS, 'CHI BA MI RTAG PA THUGS LA 'KHRUNGS PAS 'DOD PA LA MDUNG THEBS, STONG PA NYID KYI LTA BAS 'KHOR BA'I RTZA BA DRUNGS PHYUNG, BYANG CHUB KYI SEMS KYIS BDAG GZHAN MNYAM PAR DGONGS PA'I DPA' BO CHEN PO ZHIG BYUNG NGO,, ,, DGON PA BA'I SLOB MA KHA RAG SGOM CHUNG ZHES GRAGS PA DE NI, GTZANG STOD KYI DUNG ZHUR BYA BAR, YAB DGON PA DKON MCHOG RTEN GYI SRAS SU 'KHRUNGS, MTSAN DBANG PHYUG BLO GROS ZHES BTAGS ,SKU GZHON NU NAS BAM PO GNAS

SU MKHAN PO MAR SGOM LA RAB TU BYUNG, SBAS SGOM DANG DPON SLOB GNYIS POS RA SGRENG DU BYON PAS, DGE BSHES STON PA GSHEGS RTING, RNAL 'BYOR PAS TSOGS PA SKYONG GIN 'DUG, DER GTZANG BU RA SGRENG GI SGOM CHEN RNAMS LA MOS PA BYUNG BAS RNAL 'BYOR PA DANG, DGON PA BA LO BDUN BSTAN, JO BO'I GDAMS PA RNAMS TSANG BAR ZHUS, DE NAS THUGS DGONGS LA DA NI RANG GIS KYANG CHIG SKYA THUB STE 'ONG SNYAM STE, NYUNG MA'I SA BON PHUL GANG 'KHYER NAS SPRAGS KYI KE RU RU BYON, DBYAR LO THUG GSOL, DGUN NYUNG THUG LA PHYE THUN RE BTAB NAS GSOL TE, SGRUB BA LO BCU GCIG RTZE GCIG TU MDZAD, DE NAS PHAN YUL DU GCIG PUR RI LA BSGOMS PA NA, MDUN DU MI NAG PO ZHIG BYUNG NAS KHYOD KYI MGO 'DOD DO ZHES ZER RO, ,RE ZHIG SDOD CIG SBYIN NO GSUNGS NAS, RANG GI MAN NGAG BZHIN MDZAD NAS KHYER CIG CES GSUNGS TE, BLTAS PAS DE SPYAN RAS GZIGS DBANG PHYUG ZHAL BCU GCIG PAR GYUR NAS DE'I ZHAL GZIGS SO, ,DE LA DGA' MI DGA'I RTOG PA MA BYUNG GI, DON RANG GI NGO BOS GRUB PA MED MOD KYI, 'ON KYANG SEMS 'KHRUL PA'I SNANG BA'O ZHES MKHYEN NO, ,NAM ZHIG NA DGE BSHES PO TO BA CHEN PO DE'I PHYOGS SU 'CHAG PA NA, DES PO TO BA LA PHYAG MDZAD CING, PHAN TSUN CHOS KYI GTAM 'DRI BA DANG, PO TO BA'I ZHAL NAS, GCIG PUR RIL BSGOM PA NA BAR CHAD MA BYUNG NGAM GSUNG, DES RANG GI SGRUB LUGS DANG NYAMS PHUL

, ,ZHING MI NAG BO JI LTAR BYUNG TSUL ZHUS PAS, DGE BSHES PO TO BAS DE LA THABS JI LTAR BYAS GSUNGS PAS, SNGA MA LTAR JI LTAR GYUR LUGS DANG RTOGS PA BRJOD PAS, PO TO BA THUGS DGYES NAS, SKYES BU DE KHO NA BZHIN DU SGRUBS SHIG ,SU LA YANG DE LAS LHAG PA'I THABS MED DO GSUNGS NAS GSHEGS, THUGS SHIN TU MNYES PAS NYIN RE BZHIN PO TO BAS CHOS KYI GTAM RE CHED DU SKYEL PAR MDZAD DO, ,DGE BSHES KHA RAG SGOM CHUNG PA 'DIS RAG MA'I PHUR SGOM ZHING BZHUGS PA NA NAGS LA ME MCHED PAS SROG CHAGS GRIB SO LTAR GROS KYANG MA THAR BAR TSIG PA LA, MI BZOD PA'I BRTZE BAS RJE BTZUN SGROL MA LA 'PHRAL DU RANG GIS BRTZAMS PA'I BSTOD PAS BSTOD NAS MER MCHONGS PAS ,ME RANG ZHING GYUR TE, NGES PAR DRONG RTAGS DANG LDAN ZHING, BYAMS SNYING RJE BYANG CHUB KYI SEMS 'BYONGS PAS BYA RI DVAGS RNAMS LA ZAS BSTABS PA PHYAG NAS LEN NO, ,YANG LAN CIG PO TO BA'I SPYAN SNGAR BYON, LAM RIM BLO LDOG BZHI'I RTOGS PA PHUL BAS MNYES TE, SKYES BU SMRA BA'I SENG GER SONG GSUNG NGO, ,DE NAS DGE BSHES SGOM CHUNG BA KHA RAG TU SGOM DU 'BYON BAR BZHED NAS DGE BSHES PO TO BA LA PHYAG 'TSAL DU BYON, 'BRAL MI PHOD PAR GNYIS KA SPYAN CHAB BYUNG, PHAN YUL RGYAL DU PHEBS PA NA, CHOS ZHU BA DANG 'BUL BA CHEN PO YANG BYUNG, DE NAS KHA RAG TU BYON NAS KHA RAG PHUG PA NAG POR THUGS DAM MDZAD, KHA

RAG SGOM CHUNG ZHES GRAGS SNYAN PAS PHYOGS THAMS CAD DU KHYAB, DER TSOGS PA STONG TZAM 'DUS BA LA BYANG CHUB LAM GYI RIM PA RGYA CHER SPEL LO, ,KHA RAG SGOM CHUNG PA'I ZHAL NAS, DAD PA MED PA'I MI LA YON TAN GYI RNAM PA GANG YANG MI 'BYUNG BAS, DGE BA'I BSHES GNYEN BSTEN CING MDO SDE BLTA, BRTZON 'GRUS MED BA'I MI LA YON TAN GYI RNAM PA GANG YANG MI 'BYUNG BAS, 'CHI BA MI RTAG PA SGOM ZHING LE LO SPONG, NGA RGYAL CAN GYI GANG ZAG LA YON TAN GYI RNAM PA GANG YANG MI 'BYUNG BAS, RANG MGO SMAD LA DMAN SA BZUNG, CHOS DE GSUM DANG LDAN NA NYAN THOS KYI RTEN DU'ANG RUNG, BYANG CHUB SEMS DPA'I RTEN DU'ANG RUNG, GSANG SNGAGS KYI RTEN DU'ANG RUNG, MDOR NA YON TAN THAMS CAD KYI RTEN DU RUNG BA YIN GSUNG NGO, ,GSHEGS KHAR YANG LHO PA LA, SKYE SA'I YUL SPONGS, NYE DU DANG THAG BSRINGS, BSHES GNYEN RTAG TU BSTEN, HRUL PO'I GOS GYON, DMAN PA'I SA BZUNG, NGAN PA'I ZAS ZO, ,RGYA SKAD CHU BZHIN 'THUNG LA SGRUB PA GYIS GSUNG BA'I GDAMS NGAG GNANG, DE NAS STON MO BZANG PO ZHIG MDZAD DE 'DI THA MA'I ZAS YIN NO GSUNG, NGA'I RUS BU LHAG ROL BSDUS LA, BYANG RA SGRENG NA DBAL LDAN DGON PA BA'I SKU 'BUM YOD PAS, DE'I GRIB MA DANG BSER BU PHOG SAR SKYOL CIG GSUNG NAS MYA NGAN LAS 'DAS SO,, ,,DGE BSHES DGON BA BA'I THUGS SRAS RGYA LCAGS RI BA DE NI, SKYES BU GSUM GYI LAM GYI RIM PA LA RTZAL THON, YI DAM LHA'I

, ,ZHAL GZIGS, MNGON PAR SHES PA RGYA CHEN PO DANG LDAN PA ZHIG BYUNG STE, LAM GYI RIM PA RGYA CHER SPEL BAR MDZAD, DAGS PO LHA RJE YANG DGE BSHES RGYA LCAGS RI BA 'DI'I SAR BYON NAS BYANG CHUB LAM GYI RIM PA'I MAN NGAG RDZOGS PAR GSAN NAS NYAMS BZHES MTHAR PHYIN PAR MDZAD CING, RJE MI LA'I ZHABS DRUNG NAS N'A RO CHOS DRUG DANG PHYAG CHEN GSAN NAS NYAMS RTOGS PHUL PHYIN 'KHRUNGS TE SKAL BA DANG LDAN PA MTHA' YAS PA LA JO BO RJE'I MAN NGAG BYANG CHUB LAM RIM DANG, RJE MI LA NAS BRGYUD PA'I MAN NGAG RNAMS ZUNG 'BREL DU 'DOMS PAR MDZAD PAS SGAM PO PA LA BKA' PHYAG CHU BO GNYIS 'DRES ZHES GRAGS PA'ANG RGYU MTSAN DE LTAR YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGON PA BA LA GSOL BA 'DEBS SHING BDAG NYID CHEN PO 'DI'I MDZAD PA RNAM THAR LTAR BYANG CHUB LAM GYI RIM PA LA SGRUB PA MTHAR PHYIN PA ZHIG BYA'O,, ` ZAB MO'I TING 'DZIN BRTAN PA'I SNE'U ZUR PA, ZHES BSNGAGS PA, DGE BA'I BSHES GNYEN SNE'U ZUR PA NI, SPRAS SNE'U ZUR GYI SA SKOR THONG BA ZHES BYA BAR, YAB ZHANG STAG PO ZHES PA'I SRAS SU CHU PHO STAG LA SKU 'KHRUNGS, SKU CHE SNGA MA RNAMS SU BSAM GTAN BSGOMS PA'I BAG CHAGS MTHU BRTAS PAS BYIS PA'I DUS NYID NAS SKYE PAS THOB PA'I TING NGE 'DZIN BRTAN PO MNGA' BA ZHIG BYUNG ZHING, KHYIM GYI 'DU 'DZIL CHAGS PA MED PAR GZHAN GYI LAD MO

DANG GZHAN GYIS DBANG MED DU BSKUL BA TZAM MIN PAR NGES 'BYUNG SHUGS DRAG POS GZHON NU NAS BRAG RGYAB TU RAB TU BYUNG, MTSAN YE SHES 'BAR ZHES BTAGS, LO LON NAS BSNYEN PAR RDZOGS, 'DUL BA NAS GSUNGS BA'I DGAG SGRUB GNANG GSUM GYI BCAS MTSAMS RNAMS MIG GI 'BRAS BU LTAR BSRUNGS TE TSUL KHRIMS RNAM PAR DAG PA LA GNAS NAS SDE SNOD GSUM LA MANG DU THOS PA BTZAL, DGE 'DUN SPYI'I LAS GANG LA YANG SKYO NGAL MED PAR BYAS TE BRAG RGYAB KYI GNYER YANG LO GCIG MDZAD, DER BZHUGS DUS BRAG RGYAB PA'I STON PA SH'AKA TSUL ZHES BYA BA ZHIG RA SGRENG DU DGON PA BA'I SPYAN SNGAR BYON PAS, DER KHONG GIS NGED KYI DE NA BTZUN CHUNG SKYES THOB KYI TING NGE 'DZIN MNGA' BA 'DI LTA BU ZHIG BDOG ZHUS PAS DGON PA BA SKU LUS SGYED MDZAD NAS, AA HA HA AA RE SKYID AA RA SKYID, YANG NA KHO'I DE LA BLA MA MI DGOS PAR TAL GYIS 'GRO BA'ANG SRID, YANG NA BLA MA ZHIG DGOS PA'ANG SRID GSUNGS NAS THUGS DGYES PA'I MTSAN MA MDZAD, DER STON PA SH'AKA TSUL GYIS BRAG RGYAB TU 'ONGS NAS KHYED 'DIR MA SDOD PAR RA SGRENG DU SONGS, DGON PA GONG MA BAS THUGS LA 'DOGS PAR 'DUG BYAS PAS, DGE BSHES DGON PA BA'I MTSAN THOS PA TZAM GYIS SNANG BA 'GYUR TE LUS KYI SBU GZING ZHES BYED CING JO BO YAB SRAS GNYIS KA'I MAN NGAG MNGA' BA DGE BA'I BSHES GNYEN DE LTA BU ZHIG DANG MJAL NAS BYANG CHUB LAM GYI RIM PA'I MAN

, ,NGAG YONGS SU RDZOGS PA ZHIG THOB NA CI MA RUNG SNYAM DU SMON PAS RA SGRENG DU BYON TE DGE BSHES DGON PA BA MJAL BAR ZHUS PAS, SKU MTSAMS DAM PAS MJAL SA MED ZER BAS GZIM KHANG DE LA BSKOR BA LAN GSUM BYAS, BYANG PHYOGS KYI CHU MIG GI KHA DE NAS PHYAG LAN GSUM MDZAD DE SKYE BA 'DI LA SKYES BU DAM PA KHYOD KYI GDUL BYAR MA GYUR KYANG MA 'ONGS PA NA SKYES BU DAM PA KHYOD KYI GDUL BYAR GYUR CIG BYAS NAS SMON LAM BTAB, SPOS RENG BU GCIG KYANG BSREGS NAS PHUL, CHU MIG KHA DER DRO BTAB, RNAL 'BYOR PA CHEN PO LA CHOS CI RIGS GSAN ZHING BZHUGS BA NA DGE BSHES DGON PA BAS MNGON PAR SHES PAS MKHYEN TE NYE GNAS BTANG NAS SHOG GSUNG, DGE BSHES DGON BA BA'I ZHABS DRUNG DU BYON NAS MJAL TE TSES KYI GSOL BA BTAB PA NA DGE BSHES DGON PA BA'I ZHAL NAS, AA TI SHAS NGA LA DANG POR MJAL MA THAG CHOS 'DI GNANG BA YIN GSUNGS NAS BSTAN PA LA 'JUG PA'I SGO DAM PA SKYABS 'GRO'I KHRID DANG GTOR MA'I KHRID GNYIS GNANG STE, 'O, MA BSAMS PA'I CHOS KYIS PHAN MED PAS ZLA BA PHYED PHYED SOMS LA SHOG GSUNG, DGON PA BA CHEN POS JI LTAR GSUNG BA LTAR, SNE'U ZUR PAS RANG GI SPYIL POR SKYABS 'GRO DANG GTOR MA GNYIS LA ZLA BA PHYED PHYED BLA MAS JI LTAR GSUNG BA LTAR BSKYANGS TE MYONG BA THON PA BYAS, DE NAS ZANG THING GI YO BYAD RGYA CHEN PO MED KYANG SBOS RENG BU RE

BSNAMS TE RANG GIS JI LTAR BSKYANGS BA RNAMS ZHUS, DGON PA BA CHEN POS KYANG DGYES BZHIN DU SNGAR BSKYANGS PA RNAMS LA GEGS SEL BOGS 'DON DANG, GSAR DU SKYONG DGOS RNAMS MGON PO AA TI SHA'I MAN NGAG LTAR SKYES BU GSUM GYI LAM LA RIM GYIS KHRID DE PHAS BU LA SLOB PA LTAR MDZAD, LAN CIG SPYAN SNGA NA MI KHA CIG 'DUG PA LA, KHO KHA SANG NAS MA 'ONGS PA YIN PAS SNGON LA THONGS GSUNGS NAS GANG DANG MI SNYOMS PAR MDZAD, DGE BSHES DGON PA BAS SNE'U ZUR BA LA CHOS GSUNG BA'I DUS SU AA TI SHA 'DI GSUNG, AA TI SHA 'DI GSUNG GSUNGS NAS CHOS MI MANG TZAM RE GSUNG, DA DUNG ZHIG GSUNGS NA NYUNGS SAM SNYAM TZA NA TSIG MANG KHA NA MED, DON SEMS PA GAL CHE BA YIN GSUNG, DE KA LA 'PHRO BCAD NAS MI GSUNG, DE LTA BU'I TSUL GYIS GDAMS NGAG RNAMS TSANG BAR THUGS LA BTAGS, RES 'GA' PHYAG PHUL TE DA LAN ZHABS KYIS BYIN RLABS GNANG BA BYUNG NA BSAMS PA NA DGON PA BAS ZHABS NAR GYIS BRKYANGS NAS 'ONG, DGON PA BA CHEN PO SNE'U ZUR PA LA THUGS SHIN TU MNYES PAS LAN CIG PHYAG SOR GSUM GYIS MGO LA BYIN RLABS MDZAD PAS ,DBU LA PHYAG SOR GSUM PO THIM PA'I SHUL SKYONG LOG GE BA JI SRID 'TSO'I BAR DU YOD GSUNG NGO, ,LAM THUN MONG BA LA KHRID NAS MYONG BA PHUL PHYIN 'KHRUNGS PA NA GSANG SNGAGS RDO RJE THEG PA'I DBANG DANG MAN NGAG RNAMS GNANG ZHING, LHAG PAR MI G-YO BA YI DAM DU ZUNGS GSUNGS NAS DE'I DBANG DANG GDAMS

, ,PA LAS TSOGS DANG BCAS PA TSANG BAR GNANG, SNE'U ZUR BAS KYANG MI G-YO BA LHAG PA'I LHAR BZUNG NAS BSNYEN PA MDZAD PAS MI G-YO PA ZHAL GZIGS, LAS TSOGS LA NUS BA THON ZHES GRAGS SO, ,DE LTAR SNE'U ZUR PAS DGE BSHES DGON PA BA THOG MAR MJAL BA NAS MTHAR ZHING GSHEGS BA'I BAR 'BRAL MED DU BSTEN CING BKA' BZHIN DU BSGRUBS PAS THUGS SRAS THU BOR GYUR, DGON PA BA GSHEGS NAS SKU MCHED GSUM GA LA CHOS 'BREL MDZAD ,KHYAD PAR DU PO TO BA'I BLA MCHOD MDZAD NAS LO BCU BZHIR CHOS GSAN, LAM GYI RIM PA YANG DGON PA BA'I DE GZHIR MDZAD, PO TO BA'I LEGS LAGS RNAMS KYANG BTUS PA YIN GSUNG, DE NAS SNE'U ZUR PA'I THUGS DGONGS LA 'DI LTAR SHAR TE, DA NI DPAL AA TI SHA'I MAN NGAG BYANG CHUB LAM GYI RIM PA 'DI LA SGRUB PA SNYING POR BYA BA'I PHYIR RANG YUL NYE DU GRVA SA GANG LA'ANG MA CHAGS PAR NAM SHI BAR SGRUB PA LA RTZE GCIG TU GNAS PAR BYA'O DGONGS NAS SPRAS THONG PA NA SNGON GYI DUS SU G-YOG BYAS PA'I YON BDAG GCIG GIS ZHABS TOG BYAS NAS SNE'U ZUR GYI DBEN TSA GOG PO DE LA BRTEN TE KHANG CHUNG ZHIG BRTZIGS NAS THUGS DAM RTZE GCIG TU MDZAD PAS, DGE SBYOR SHIN TU 'PHEL BAS 'DI BZHIN BSGOMS NA NI 'KHOR BA 'DI LA 'UR BZLOG STE 'ONG BAR 'DUG DGONGS PA CIG BYUNG GSUNG ,DGE BA'I BSHES GNYEN PO TO BA CHEN PO STAG LUNG DU GRVA TSOGS SKYONG ZHING BZHUGS BA'I TSE DGE SLONG BCU LHAG TZAM

LA KLU NAD BYUNG BA LA SNE'U ZUR PA LA KHYOD KYIS KLU NAD KYIS BTAB PA 'DI DAG GSOS GSUNGS PAS DGE BSHES PO TO BA'I BKA' BZHIN DU SNE'U ZUR PAS NAD PA DE DAG BCOS TE BDE PAR BYAS PAS PO TO BA THUGS SHIN TU MNYES PA BYUNG, PHYIS PO TO BA SKU KHAMS BSNYEL BA'I TSE'ANG, 'KHOR GYIS DGE BA'I BSHES GNYEN 'DI DANG 'DI SNGAS SRUNG DU GDAN DRANGS NA ZHUS DUS GSAN DU MA BZHED ,SNE'U ZUR PA SPYAN DRANG NGAM ZHUS PAS, ZHAL NAS, DE BYUNG NA DE KA RANG GIS CHEG STE GSUNG BAS SNGAS BSRUNGS KYANG MDZAD, DER THUGS DAM MDZAD PAS NAMKHA' LA MTHO BAR 'PHAGS PA'I SNANG BA BYUNG ZHUS PAS, PO TO BA'I ZHAL NAS, AE 'DI NGA'I DON BYED SNYAM TZA NA KHO RANG GI DON BYAS NAS 'DUG GSUNG, SNE'U ZUR PA'I ZHAL NAS, NGA YANG RNAL 'BYOR PA 'BRING PO ZHIG YIN ,SDE DPON DANG MI NAG PA'I THEM PA 'GOM MA MYONG NAS LO BZHI BCU SONG BA YIN GSUNG, RNAL 'BYOR PA 'BRING POS MI TSANG BOD DU BYON PA'I BKA' GDAMS PA GCIG LA KHONG LAS TSUGS THUB PA MA BYUNG BA YIN ZHES DBON STON RIN PO CHE GSUNG NGO, ,DE LTAR DGE BSHES SNE'U ZUR BAS DGE BSHES DGON PA BA DANG ,DGE BSHES PO TO BA GNYIS KA LA LAM RIM GYI KHRID GSAN NAS SGRUB PA DAR DRAG LA RGYUN RING BA MDZAD PAS RTOGS PA MCHOG THOB STE, DE YANG BCAS PA DANG RANG BZHIN GYI KHA NA MA THO BA PHRA MO TZAM GYIS KYANG MA GOS PA'I TSUL KHRIMS RNAM PAR DAG PA DANG, TSE 'DI'I BYA BA GANG GI'ANG DBANG DU MA BTANG BAR DA LTA RANG 'CHI PA

, ,LTA BU'I BRTZON PA SHUGS DRAG POS MTSAN MO GNYID KYANG YE MI YONG BAR NYIN MTSAN KHOR YUG TU DGE SBYOR LA CHIG SGRIL MDZAD DE GZHAN GYIS MDANG SANG RMI LAM 'DRA CI GDA' ZHUS PAS, AA 'DI CI ZER, GNYID MED PAR RMI LAM GA NA 'ONG GSUNG, DE LTAR MDZAD PAS TING NGE 'DZIN PHUL PHYIN THOB STE 'BRE CHUNG BAS DGE BSHES LA TING NGE 'DZIN TSAD JI TZAM MNGA' ZHUS PAS, NGAS TING NGE 'DZIN GCIG LA MNYAM PAR GZHAG NA NYIN ZHAG BCU BZHI TZAM GNAS THUB PAR 'DUG GSUNG, SPYAN SNGA'I ZHAL NAS, NGED RA SGRENG PA RNAMS LA TING NGE 'DZIN GYI TSAN KA DE ZHANG SGOM KHO NA CHE BA YIN GSUNG, TING NGE 'DZIN SHIN TU BRTAN CING DBEN PAR DGE SBYOR LA CHIG SGRIL MDZAD PAS RJE BTZUN MI LA DANG DNGOS SU MA MJAL YANG THUGS MTHUN PA'I GROGS SU MDZAD, LAN CIG G-YOG PO DAR TSUL BYA BAS, THUGS DAM GTOR MA TSAR NAS GZIM MAL DU SKYIL KRUNG LAM GYI BCAS NAS NA BZA' GSOL, DE'I STENG NA PHAR LA RE KHA THEN NAS BZHAG STE NANG BAR BLTAS TZA NA SPU GAS TZAM YANG MI YONG BA YIN, MNYAM GZHAG BYA BA DE 'DRA BA DGOS PA YIN, RGYU MTSAN 'DI DAG LA DGONGS NAS RJE BDAG NYID CHEN POS, ZAB MO'I TING 'DZIN BRTAN PA'I SNE'U ZUR BA ZHES BSTOD BA MDZAD DO, ,BDAG NYID CHEN PO 'DI SEMS LA DBANG THOB BA ZHIG STE, SNE'U ZUR BA NYID KYI ZHAL NAS, NGA'I SEMS 'DI NGA RANG GIS KHA LO SGYUR BTUB BA CIG BYUNG GSUNG, YANG ZHAL NAS, SNGON GYI DUS

SU NGA RANG GI SEMS 'DI KHA LO SGYUR DU BTUB, MIS NI MI TSOR ,DA YONG 'KHOR BA 'DI LA 'UR BZLOG STE 'ONG BAR 'DUG SNYAM TZA NA, PHYIS LHA YIN KLU YIN ZER NAS GCIG 'TSOGS GNYIS 'TSOGS ME TOG SHVA SHVA BYAS NAS RANG GI DGE SBYOR BCAG, MI LA 'DI GYIS BYAS PAS NI NYAN DU MA 'DOD GSUNG STE, KHONG RANG GAR 'DOD DU BKOL DU BTUB PA CIG GA SNANG NGO GSUNG, BYANG CHUB LAM RIM LA MYONG BA PHUL PHYIN THON PA'I RTAGS SU THUGS RJE SHIN TU CHE BAS LONG BA DANG SPRANG PO LA SOGS PA DMAN PA RNAMS LA SHIN TU BYAMS PAR MDZAD, LAN CIG G-YOR PO GCIG GIS 'JAM PHRUG GIS NA BZA' SPYAN MA GCIG PHUL BAS, PHA TSAD NA MDZE PO GCIG DGE BA'I BSHES GNYEN GOS GCIG ZHU 'TSAL ZER PAS, 'DI KHYER GSUNGS NAS PHRUG SBYAR MA DE GNANG, G-YOR PO DE NA RE, DE LA DGE BSHES PA'I NA BZA' BGYI BSAMS NAS DKA' LAS CI YANG BGYIS PA LAGS, ZHAG GCIG MI GSOL BA ZER BAS CI ZER KHYOD RANG GI MA LA BYIN PA LA YANG MI DGA' 'AM GSUNG, NGAS TSE 'DI LA GSER SRANG BDUN STONG SBYIN BAR THONGS GSUNGS, LAN CIG MU GE CHE BA CIG BYUNG BAS BSHOS DE GSOL BA BZHIN MDZAD NAS NA BZA'I PHAG TU SBAS TE SPRANG PO RNAMS LA BYIN PAS SBRANG PO MANG PO'I BRGYAGS BYUNG, SKU SHA NAG RID KYIS SONG PA'I DUS SU GLANG THANG PA DE PHYAGS PHYI LA BYON PA'I ZHAL RAS ZLA BA SHAR BA BZHIN GDA' PAS, RIN PO CHE'I ZHAL NAS, BYANG CHUB SEMS DPA' BYA DKA' BA'I SBYIN PA

, ,BYAR YOD PA'I DUS SU ,BRGYAGS TSAD KHYOD RANG GIS ZOS NAS KHYOD LA BSAM RLAG NYAM PO CHE ZER BA YIN GSUNGS NAS BKYON PAS, GLANG RI THANG BA 'DAR PHRI LI LI BYUNG ZHES GRAG, SNE'U ZUR BA 'DI KHRO BO'I DBANG PO MI G-YO BA LA BSNYEN SGRUB MTHAR PHYIN PA ZHIG YIN PAS LHA 'DI'I SGO NAS 'GRO DON MDZAD PA LA NUS PA THON PA ZHIG STE, DGE BSHES PADMA BYANG CHUB BYA BA LA KLU'I GNOD PA BYUNG NAS, KHONG GI SNANG BA LA SPRUL GCIG THOD BZHIN DU DKRIS NAS SPRUL MGO DE DPRAL BA'I STENG NA GDENGS KA BZHIN YOD PA MIS MTHONG GI DOGS NAS BKAB STE SNE'U ZUR BA'I SPYAN SNGAR 'ONGS BAS, DE NGA DANG KHYOD RANG MIN PA GZHAN GYIS MI MTHONG, SBED MI DGOS, DA NGA DE'I STENG DU SGOMS DANG GSUNGS PAS, KHOS DE BZHIN DU BSGOMS PAS GAR SONG CHA MED BAR SONG, LAN CIG RA SPRENG LA BYON PA'I TSE, PHA BONG GCIG LA ZHABS GTAD DE ZHABS SGROGS BCINGS BAS SPRUL DKAR PO GCIG PHA BONG 'OG DE NAS 'THON TE SONG, DE NA MDZE PO CIG YOD BA GZHAN CI YANG MA DGOS PAR DE GCIG PUS NAD GSOS, DGE BSHES KYI ZHAL NAS, BOD KYI SRUNG BA'I SKOR DU GTOGS PA RNAMS PHYOGS GCIG TU BZHAG PA BAS, NGAS DMIGS PA SKOR GSUM GYI MDZE BSOS PA MANG BA YIN GSUNG, KHAMS PA LUNG PA LA MI MA YIN TSAN CIG GIS ,SMYUG RUM DU GTOR MA GTONG DER 'GRO ZER, 'O NA SNE'U ZUR DU GTOR MA ZAR MI 'GRO 'AM BYAS PAS, DE NA RDO RJE'I

RAB DANG ME RI BCAS PAS MI TSUD ZER, SNE'U ZUR PA'I ZHAL NAS BKA' RGYUD 'DI BYIN GYIS BRLABS PA'I BKA' BRGYUD YIN PAS, GTOR MA 'DRE LA MI 'CHOR TZAM PA'I BKA' BRGYUD YIN GSUNG NGO, ,SNE'U ZUR PAS DGE BSHES DGON PA BA LA GEGS SEL BOGS 'DON GYI MAN NGAG MTHA' DAG ZHUS TE THUGS NYAMS SU BSTAR BAS GZHAN GYI SGOM GEGS SEL BA LA SHIN TU MKHAS PA ZHIG STE, AA MES TSUL KHRIMS 'BAR BYA BAS GTZANG G-YAS RUR PHYIN NAS RI BO CHE'I SGOM SEMS 'DZIN BAG RE BSLABS PA CIG BDOG PAR GDA' BAS SPYAN SNGAR 'ONGS TE RTOGS PA PHUL BAS, DES MI 'ONG GSUNG ,'O NA JI LTAR BGYI ZHUS PAS, 'DI BZHIN DU SGOMS DANG GSUNG BA LA, SGOM BSLAB NYES BYA BA YIN PAS SNGAR GYI STENG DU SONG NAS MA BTUB, YANG GCIG BSLABS PAS MA BTUB PAS, DA 'ON TZAM GYIS ZHOG LA ZHAG SHAS GSOL BA THOB CIG GSUNGS, DE NAS ZHAG KHA YAR GSOL BA BTAB PAS DGE BSHES KYI GZIM KHANG NAS BCOM LDAN 'DAS SH'AKYA THUB PA'I SKU MTHO GANG TZAM PA 'OD LHAG PA CIG NAR GYIS BYUNG NAS AA ME'I SPYI BOR THIM BA SNYAM BYED TZA NA DE NYID DU TING NGE 'DZIN DU LHAN GYIS SONG BAS DGA' DRAGS RTOGS PA 'BUL DGOS SNYAM PHYIN PAS GZIM KHANG GI SGO NA MIS BCER NAS SPYAN SNGAR MA THON, PHYI NAS SKE RMYANG RMYANG BYAS BAS ZHAL NAS, 'O AA MES DE TZUG 'ONG BA YIN GSUNGS NAS TIG GIS MKHYEN PA ZHIG BYUNG ZHES GRAG GO ,BDAG NYID CHEN PO 'DI LA GZHAN SEMS

, ,SHES PA'I MNGON PAR SHES PA'ANG RGYA CHEN BO MNGA' STE, SNE'U ZUR PA'I SPYAN SNGA NA JO STAN TSANG RONG PA BYA BA'I 'DUL 'DAIN DE NUB GCIG BZHIN DU BSAM PAS, CHAS RKYEN MED PA'I KHANG PA 'DI BRAG PHUG GCIG DANG KHYAD MED, YUL DU 'GRO DGOS SNYAM PA CIG BYUNG, SANG DGE BSHES DES NYE GNAS BTANG NAS 'DIR SHOG DANG GSUNG, SPYAN SNGAR PHYIN PAS, 'O BLA MA BSTEN PA'I DUS SU KHANG PA LA BRAG PHUG TU SGOM PA MIN, CHAS RKYEN MED NA 'DI NAS LONGS GSUNGS NAS, NAS SGRO BA GANG ,MAR TSUD GCIG, JA ZHIB MA GANG GNANG, YANG LHO BRAG PA GSHID STON KHA 'DAR BYA BA LA DGE BSHES KYI ZHAL NAS ,KHA 'DAR BA LA 'UR SONGS ,MA LA GNYID MED NAS ZLA BA KHYUR PO GNYIS SONG NA GSUNG, DER YUL DU PHYIN PAS MA RGAN SHED, KHYOD MED PAS SNYING MA DGA' NAS GNYID MED NAS ZLA BA KHYUR PO GNYIS LON ZER TE TIG GIS DGONGS, YANG DGE BSHES DGYER GYIS SNE'U ZUR PA'I SPYAN SNGAR BYON, DE NA 'PHYING PA DRAS NAS STAN CHUNG GCIG GI BZO MDZAD KYIN GDA', DER KHONG GI THUGS DGONGS LA ,DGE BSHES 'DI THUGS RGYUD RANG JI TZAM PA YIN NAM, MNGON SHES MNGA' 'AM MI MNGA' SNYAM PA CIG BYUNG TZA NA ,'GRAM PA LA THAL LCAG CIG RGYAB NAS, AA NA CI GDA' LO GSUNGS ,BDAG NYID CHEN BO 'DIS RANG DANG GZHAN GYI TSE RABS SNGA PHYI MANG BO MKHYEN PA NI, DGE BSHES SNE'U ZUR BA NYID KYI ZHAL NAS, NGA SKYE BA SNGA MA MI DBUL BO ZHIG

LAS TSE 'PHOS PA YIN, SKYE BA PHYI MA DGA' LDAN DU SMON LAM 'DEBS GSUNGS, BDAG NYID CHEN PO 'DI LA TING NGE 'DZIN BRTAN PO'I MTHUS RDZU 'PHRUL DANG MNGON SHES KYANG MNGA' STE, LAN CIG TZA NA NYE GNAS ZHANG BTZUN BYA GAS NA BZA' KHUR NAS PHU CHUNG PA'I 'BUM PA'I RTZA NAS PHAR DPON G-YOG GNYIS KYIS BYON, 'BUM PA'I ZUR DU SLEB TZA NA STON PA SH'AKA TSUL GYIS PHYAG BYAS, PHYAG GTOD MDZAD PA'I BAR DER ZHANG BTZUN GYIS NA BZA' RNAMS THANG LA BZHAG NAS STON PA SH'AKA TSUL LA PHYAG BYAS, NA BZA' KHUR NAS 'BUM CHUNG ZUR DU 'ONGS TZA NA JI LTAR BYAS CHA MED PAR GZIM KHANG NA PHAR YUD BZHUD PA CIG BYUNG ZHES GRAG GO, YANG NUB GCIG CHAR CHEN PO BYUNG BAS GZIM KHANG GI WA RTZA SHOR NAS CHU NAR GYIS BYUNG BAS, NYE GNAS KYIS JI LTAR MDZAD DAM SNYAM NAS BRDZUS BSDAD PAS, GZIM MAL NAS KOG GIS BZHENGS NAS SA SKAS LA THEGS PA BZHIN RTZEN GYIS GSHEGS TE WA KHA DER CAG CAG CIG MDZAD NAS YANG SA SKAS LA 'BYON PA BZHIN BYON PA NYE GNAS KYIS DNGOS SU MTHONG, YANG GROG CES BYA BA'I YUL NA SHA 'DZUL SMON NE BYA BA DAD GUS SHIN TU CHE BA YOD PA TSE'I DUS BYAS PAS NANGS GCIG ZHAL NAS, NYE GNAS LA 'U CAG GI YANG GROG GI YON BDAG DE SHI BA 'DRA GSUNG, JI TZUG GDA' ZHUS PAS, DA NANG YON BDAG DE GOS GSAR PA CIG GYON, ME TOG TSAN ZHIG THOGS NAS NGA'I DRUNG DU BYUNG GSUNGS TE, DE'I DUS KHO NAR TSE'I DUS BYAS PA JI LTA BA BZHIN MKHYEN PAR GDA', YANG

, ,BYA YUL BA CHEN POS SPYAN SNGA GSHEGS PA'I SKU SKAL ZHIG DANG NA BZA' ZHIG SKYEL DU BYON, DER GSUNG GLENG 'DRA MDZAD DE, SNE'U ZUR PA'I ZHAL NAS DUS TSOD 'DI KHON LA 'DAS TE 'ONG ,TSES GRANGS 'DI'I NYI MA'I DUS TSOD 'DI TZAM LA SHAR PHYOGS NAS 'OD ZER ZHIG BYUNG NAS 'JAM DPAL SKU MDOG DMAR SER ZHIG NAM MKHA' LA GSHEGS PA'I SNANG BA CIG BYUNG, PHYIS 'DI LTAR BRTZIS TZA NA DUS TSOD DANG TSES GRANGS KYANG TIG GE PAR 'DUG PA LA ;RTOG PA CIG GIS BSGRIBS NAS CHOS ZHU RGYU 'DRA YOD PA MA ZHUS GSUNGS NAS 'GYOD PA MDZAD DO, ,DGE BSHES SNE'U ZUR PA DE GTZO BOR DGE BSHES DGON PA PA LA BRTEN ZHING SKU MCHED GSUM LA'ANG BRTEN LA, DGE BSHES SPYAN SNGA BA LA MI G-YO BA'I SGRUB SGOR ZHUS, DGE BSHES DGON PA BA DANG SPYAN SNGA BA GNYIS KAS GNANG BA'I JO BO MI G-YO BA'I BSNYEN PA MANG DU MDZAD PAS ZHAL GZIGS DGE BSHES SGRE BA DE SPYAN SNGA'I SLOB MAR GDA' NA, JO BO MI G-YO BA'I YI GE BCU BA KHO NA BGRANGS BAS MI G-YO BA DMAR PO ZHAL GZIGS, KA MA BA LA DRIS PAS CHA MED BZLAS PA 'DRA BA GYIS DANG GSUNG, DGE BSHES KYI SPYAN SNGAR BYON PAS, 'O SKYES BU DAD PAS GO BCAD NAS 'DUG GI GSUNG, 'O NA DMAR POR 'ONG BA JI LTAR LAGS ZHUS PAS KHYOD THUGS RJE CHE BA'I RTAGS YIN GSUNG, 'O NA DE'I SNGON DU JO MO'I SNANG BA CIG KYANG GDA' NA ZHUS PAS, YI DAM GYI LHA GANG GI ZHAL MTHONG YANG LAS KYI LHA MO YIN PAS SNGON LA JO MO'I ZHAL MTHONG BA CHOS NYID YIN GSUNG, DER DGE BSHES SGRE

BAS DGE BA'I BSHES GNYEN LA YANG DE LTA BU'I YON TAN MNGA' 'AM ZHUS PAS NGA LA BSTAN PA'I SGOR ZHUGS MA THAG NAS DE 'DRA'I SNANG BA MANG DU BYUNG GSUNG ,DGON PA BA'I GDAMS PA LA BRTEN NAS DAM TSIG GSUM BKOD BA'I RGYAL PO'I SGOM ZLAS MDZAD PAS KYANG SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS SO, ,DGE BSHES SNE'U ZUR PA RANG NYID SMIN PAR MA ZAD GDUL BYA GZHAN GYI RGYUD BYIN GYIS RLOBS PA LA'ANG MNGA' BRNYES PA ZHIG STE, DGE BSHES SNE'U ZUR BA'I DRUNG NA 'DUG PA KUN KYANG LAS DANG NYON MONGS PA 'GO NON PA DANG, YON TAN RIN PO CHE RNAMS ME LONG GI NGOS LA SHAR BA BZHIN GSAL PA CHOS NYID YIN, DBYAR GCIG CHAR CHES PAS GZIM CHUNG GI RTZIG PA'I ZUR DE ZHIG, DER ZHANG BTZUN DGE 'DUN GYIS G-YOG BYAS NAS 'DAG PA DANG RDO BTANG, DGE BSHES KYI THUGS DAM 'PHRENG BA DE DBU LA BSKOR NAS RTZIG PA MDZAD PA'I TSE DE MA TSAR GYI RING LA ZHANG BTZUN GYIS KYANG MI PHYUGS MANG PO'I SEMS SHES PA BYUNG ZHES ZER, DGE BSHES SNE'U ZUR PAS SKAL PA DANG LDAN PA GZHAN MANG PO LA LAM RIM GYI KHRID RGYA CHER STZAL TE, DGE BA'I BSHES GNYEN DGON PA BA DE RANG LA BLO GTAD PA'I SLOB MA RNAMS LA DBYAR DUS LAM RIM TSAR RE DANG DGUN DUS LAM RIM TSAR RE GNANG BA, DGE BSHES SNE'U ZUR BA'ANG DGON PA BA'I RNAM THAR RJES SU BSKYANGS TE LAM GYI RIM PA DE DBYAR TSAR RE DGUN TSAR RE GSUNG ,SKAL BA DANG LDAN

, ,PA MANG PO LAM GYI RIM PA LA KHRID PAS BSKYANG BTUB BAR BYUNG GSUNG, LAM RIM GYI KHRID RGYAS PAR GSUNGS PA LA SLOB MAS ZIN BRIS SU BYAS PA'ANG MANG DU YOD, DE LA BRTEN NAS BOD 'DIR SNE'U ZUR PA'I LUGS KYI LAM GYI RIM PA SHIN TU DAR BAR BYUNG NGO, ,DE LTAR BSTAN PA LA BYA BA RGYA CHEN PO MDZAD PAS SLOB MA MTHA' YAS PA BYUNG ZHING, PO TO BA GSHEGS NAS GRVA PA MANG PO SNE'U ZUR DU LHAGS, SMYUG RUM PA 'DA' PA'I DUS SU, NGA LA BLA MAR 'DZIN PA RNAMS SPRAS THONG PA NA DGON PA BA'I SLOB MA MI G-YO BA'I BSKYED RIM LA BRTAN PA THOB PA CIG YOD PAS DER SONGS GSUNGS NAS KHONG GI GRVA PA MANG PO ZHIG KYANG BYON, KHAMS PA LUNG PA GSHEGS RJES JA RDZA TSUN CHAD KHUR NAS BYUNG BAS GRVA PA DE YANG 'UR GYIS SONG, TSA RONG GI JO STAN NAG PO LA SOGS PA'I 'DUL BA 'DZIN PA CHEN PO MANG POS KYANG ZHABS LA GTUGS, GZHAN YANG DGE BA'I BSHES GNYEN RIN CHEN SGANG PA, LHA 'BRI SGANG PA, 'DUL 'DZIN THAG MA BA SOGS BSTAN PA YONGS RDZOGS 'DZIN PA'I DGE BA'I BSHES GNYEN YANG MANG DU BYUNG NGO, ,TSOGS PA YANG MANG DUS SU NYIS STONG LHAG TZAM 'DUS, PHU CHUNG BA'I RTEN 'BREL DE YANG MKHAS BA'I TSAD CIG MKHYEN, BSLAB PHYOGS DANG PHA ROL TU PHYIN PA DE YANG MKHAS PA'I TSAD CIG MKHYEN, LAN CIG BRGYAD STONG 'GREL CHEN ZHIG GSUNGS PAS SKABS DANG PO GCIG PU LA ZLA BA GSUM

SONG GSUNGS SO, ,BDAG NYID CHEN PO 'DI SPRUL PA'I SKUR YANG GRAGS TE, DE DUS PHAN YUL DU NAD YAMS CHEN PO BYUNG BAS MI MANG PO'ANG SHI, DE NAS MI MA YIN RNAMS SNE'U ZUR DU 'GRO BAR BRTZAMS PA NA NAM MKHA' LAS, DE NI BYANG CHUB SEMS DPA' KUN TU BZANG PO'I SPRUL PA YIN NO BYA BA'I SGRA BYUNG BAS MI MA YIN RNAMS PHYIR LOG STE, BYANG CHUB SEMS DPA' KUN TU BZANG PO'I SPRUL PAR YANG GRAGS SO, ,DE LTAR DGE BA'I BSHES GNYEN SNE'U ZUR PAS BSTAN PA'I BYA BA RGYA CHEN PO MDZAD NAS SKU DNGOS KYI GDUL BYA RNAMS PHAL CHER RDZOGS TE ZHING GSHEGS PA LA NYE BA NA CHOS SHIG GNANG BA'I DUS SU BYANG SHAR MTSAMS DER BRAG BRDABS PA 'DRA PA'I SGRA CHEN PO DANG, 'OD DANG SA G-YO BA LA SOGS PA'ANG BYUNG, DE NAS SKU KHAMS CUNG ZAD LTEM PA CIG BYUNG BA LA NYE GNAS DPON RDOG CHUNG BA BYA BA SNE'U ZUR BA JI SKAD GSUNG BA BZHIN SGRUB PA CIG YOD PA DES LHA RJE YE 'BYUNG BYA BA'I SMAN PA CIG BOS NAS SPYONG CHUNG CIG BYAS PAS 'PHRO MA CHOD NAS SKU SHED DE ZHAN TZAM BYUNG, NAM MKHA' LAS BDUD RIGS KYI YE DVAGS MING 'DI ZHES BYA BAS DGE BSHES KYI THUGS DAM LA PAR CHAD BYED PA 'DUG PAS BZLAS PA GYIS BYA BA'I SGRA SPYAN SNGAR BZHUGS PA RNAMS KYIS KYANG TSOR BAR BYUNG GAS, KHYED RNAMS KYIS SNGAGS RING DE LA MING SPEL CHUG LA BZLAS PA GYIS GSUNG BAS DGE 'DUN RNAMS KYIS BZLAS BA BYAS, DE NAS ZHAG BDUN SONG BA NA SMAN PA GCIG DANG TSUL KHRIMS 'OD ZER

, ,GNYIS ZHABS DRUNG NA YOD DUS SKYIL KRUNG LAM GYI MDZAD NAS THUGS DAM DU LHAN GYIS SONG, KHONG GNYIS KYIS BLTAS PAS ZHAL KO PHYANG GIS SONG BYUNG TZA NA SPYI BO NAS YAR LA 'OD 'JAG MA TZAM ZHIG DKAR NAR GYIS SONG, PHYIN YOD PA KUN GYIS SBA LCAG TZAM DKAR NAR NAR MTHONG, DE JE CHE LA SONG NAS NAM MKHA' LA 'OD RDZA MA TZAM ZHIG TU SONG BA ZHIG BYUNG NGO, ,DE LTAR DGE BA'I BSHES GNYEN SNE'U ZUR PA DE DGUNG LO BDUN CU RTZA BDUN PA SA PHO RTA'I LO LA ZHING GSHEGS TE DGA' LDAN CHOS KYI PHO BRANG DU PHEBS SO, ,SLOB MA RNAMS KYIS SPUR GANG DU SBYONG SNYAM PA LA SPUR LA 'JA' GCIG ZUG PA'I SNE MO SHOD DE NA ZHING GCIG YOD PA'I STENG DU ZUG , DER 'OD G-YUL THANG TZAM ZHIG ZHAG GNYIS GSUM DU BYUNG BAS, DGE BSHES NYID KYIS BSTAN PA YIN TE 'ONG SNYAM NAS DER SPUR SBYANGS PA'I DUS NYI MA'I DKYIL 'KHOR GYI DBUS NAS 'OD ZER CIG SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA GDUGS KYI YU BA 'DRA BA CIG BYUNG, NYI MA DE LA SPRIN SRIB SE BA CIG BYUNG BAS 'JA' TSON GDUGS 'DRA BAS BSKOR BA'ANG BYUNG, SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA BZHI DANG, GZHAN YANG 'JA' TSON 'PHAN 'DRA BA DANG RGYAL MTSAN 'DRA BA MANG PO'ANG BYUNG, DE'I DUS SU LTA BKA' GDAMS PA DE ZHABS TOG KYANG CHE, MI YANG CHA BAS MANG BSKOL ZHIG BYAS NAS 'DI LA RTEN KHYAD PAR CAN BYON 'ONG BAS, DE BYON NA

'AM BU LA THUGS LA 'DOGS PAR ZHU ZER NAS SPYI ZHUS BYAS, GDUNG RNAMS GDAN DRANGS PA'I DUS SU DGON PA BAS PHYAG G-YAS PA BZHAG PA'I RJES KYI DBU THOD DE LHA BKA' GDAMS PA LA PHUL BAS DNGUL GYI GDUNG RTEN ZHIG BZHENGS, PHYIS 'BRI SGANG NAS GDAN DRANGS TE DON STENG GI GDUNG RTEN CHEN MO'I NANG NA BZHUGS, PHYAG MNYAL SMAD GSER PHYE 'BUM PA'I NANG NA BZHUGS PAR GRAGS, ZHAL KO RIN CHEN SGANG GI MCHOD RTEN NANG NA BZHUGS, GZHAN YANG RING BSREL DPAG TU MED LA BYON NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN SNE'U ZUR PA LA GSOL BA 'DEBS SHING GSOL BA BTAB NA SEMS RGYUD LAS SU RUNG BA DANG, DBEN PAR SGRUB TSUGS ZIN PA DANG, SGRUB PA BYED PA LA MA MI YIN GYI BAR CHAD MI 'BYUNG BA DANG, LHAG PAR KLU NAD ZHI BA LA SHIN TU BSNGAGS SO, , GTZO BOR NI BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA SPYIR SKYE BO MANG PO DANG BSRE BSLAD MI BYA BA DANG, LHAG PAR GRONG KHROD DU RGYU BA SPANGS TE DBEN PA'I GNAS SU LAM GYI RIM PA'I NYAMS LEN MTHAR PHYIN PA ZHIG BYA'O,, ` ,,'DUL BA'I SDE SNOD KUN 'DZIN THAG MA BA, ,ZHES BSNGAGS PA DGE BSHES SNE'U ZUR PA'I THUGS SRAS 'DUL 'DZIN CHEN PO THAG MA BA NI, SKU GZHON NU'I DUS NAS

, ,SPYIR 'KHOR BA'I CHOS THAMS CAD LA ZHEN PA LOG CING, KHYAD PAR KHYIM GYI GNAS NI NYON MONGS PA DANG NYES PAR SPYOD PA MANG PO'I 'BYUNG GNAS SU MTHONG NAS KHYIM NAS KHYIM MED PAR RAB TU BYUNG, SPYIR SDE SNOD GSUM GA LA SBYANGS SHING, KHYAD PAR 'DUL 'DZIN CHEN PO SHA MI SMON LAM TSUL KHRIMS TSUL BZHIN DU BSTEN TE 'DUL BA LUNG SDE BZHI'I TSIG DON MTHA' DAG LA MKHAS PAR BSLABS, 'DUL BA NAS JI LTAR GSUNGS PA'I BCAS MTSAMS PHRA RAGS THAMS CAD PHYAG LEN LA BTAB STE TSUL BZHIN DU BSRUNG BAR MDZAD PAS 'DUL 'DZIN CHEN POR GRAGS, DGE BA'I BSHES GNYEN SNE'U ZUR PA'I ZHABS DRUNG DU BYON NAS SNE'U ZUR PA BSAM SPYOR GNYIS KYIS TSUL BZHIN DU BSTEN TE DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID YONGS SU RDZOGS PAR GSAN TI NYAMS SU BLANGS NAS MYONG PA THON PAR MDZAD, SKAL BA DANG LDAN PA GZHAN DAG LA'ANG RGYA CHER SPEL ZHING STOD LUNG THAG MA BZUNG NAS 'DUL BA'I BSHAD SROL RGYA CHER SPEL BAS RANG GI DBON RGYUNG THAG MA BA PHYI MA DPAL CHEN RDOR GZHON DANG 'DUL 'DZIN CHEN PO SBAL TI JO SRAS LA SOGS PA'I 'DUL 'DZIN MKHAS PA MANG DU BYUNG ZHING, KHYAD PAR SPRUL PA'I SKYES MCHOG SANGS RGYAS DPON GYIS KYANG 'DI'I ZHABS LA GTUGS TE 'DUL BA MKHAS PAR BSLABS NAS SKAL BA DANG LDAN PA BGRANG BA LAS 'DAS PA LA 'DUL BA RGYA CHER SPEL

BAS 'DUL BA'I BSHAD SROL GYI 'PHRIN LAS CHER BYUNG BAS RJE BDAG NYID CHEN POS KYANG, 'DUL BA'I SDE SNOD KUN 'DZIN THAG MA BA, ,ZHES BSNGAGS PA MDZAD DO, ,'DUL 'DZIN THAG MA BA 'DI'I MTSAN DNGOS NI KA BA DAR SENG ZHES BYA LA, 'DUL 'DZIN THAG MA BA NAS BRGYUD PA'I LAM RIM GYI KHRID KA NI LHO BRAG PHYOGS SU RGYA CHER 'PHEL TE, LHO BRAG MKHAN CHEN NAM MKHA' SENG GES 'DUL 'DZIN THAG MA BA'I ZHABS LA GTUGS TE DGON PA BA NAS BRGYUD PA'I LAM RIM GYI KHRID RDZOGS PAR GSAN, MKHAN CHEN NAM MKHA' SENG GES, MKHAN CHEN NAM MKHA' RGYAL PO LA GNANG, DES MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG STE, LHO BRAG MKHAN CHEN NAM MKHA' SENG GE'I RNAM THAR NI DA LTA NYID DU 'CHAD LA, MKHAN CHEN NAM MKHA' RGYAL PO NAS LHO BRAG GRUB CHEN GYI BAR BLA MA BZHI PA 'DI'I RNAM THAR NI 'OG TU DGE BSHES SPYAN SNGA BA NAS BRGYUD PA'I BKA' GDAMS GDAMS NGAG PA'I BLA MA RNAMS KYI RNAM THAR 'CHAD PA'I SKABS SU 'CHAD DO, ,'DUL 'DZIN THAG MA BA 'DI'I RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN THAG MA BA'I RNAM THAR DRAN PAR BYAS LA GSOL BA GDAB PA DANG, BYANG CHUB LAM RIM LA BLO SBYONG BA'I TSE 'DUL BA'I BCAS MTSAMS YAL BAR DOR NAS CHOS GZHAN ZHIG LA

, ,BLO SBYONG BA SKAD BYED PA RTZA BA MED PA'I YAL GA 'TSOL BA'I NGAL BA MI BYA BAR, BSTAN PA'I RTZA BA 'DUL BA'I BSLAB BYA LA NAN TAN DU BYAS NAS LAM GYI RTZA BA TSUGS PA ZHIG BYA'O,, ` ,, BRTZON PAS SGRUB PA LHUR LEN NAM SENG ZHABS, ,ZHES BSNGAGS PA, LHO BRAG MKHAN CHEN NAM MKHA' SENG GE NI, CHOS RGYAL KHRI SRONG SDE'U BTZAN GYI CHOS BLON SHUD PU DPAL GYI SENG GE'I RGYUD DU LHO BRAG TU SKU 'KHRUNGS, SNGAGS RNYING MA'I KHYIM BTZUN GYI RIGS BRGYUD YIN YANG SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS 'KHRUNGS TZAM NYID NAS CHOS 'BA' ZHIG SENG SHING SMRA SHES PA NAS BZUNG DAM PA'I CHOS 'DUL BA LA MOS SHING BKA' GDAMS LAM RIM LA MOS BRTZE GCIG BYED BA ZHIG BYUNG NAS DGUNG LO BCU GSUM PA LA DGRA BCOM BA SBRAL TI JO SRAS KYI ZHABS LA GTUGS NAS RAB TU BYUNG, 'DUL BA'I GSAN SBYONG MTHAR PHYIN PAR MDZAD, SNGON GYI LAS 'BREL BZANG POS 'DUL 'DZIN THAG MA BA DANG MJAL, GUS PA CHEN POS GSOL BA BTAB PA NA 'DUL 'DZIN THAG MA BAS TSE DANG LDAN PA'I TSUL KHRIMS 'OG THON PA 'ONG GI GSUNG, DE NAS 'DUL 'DZIN THAG MA BA CHEN PO BSAM SBYOR GNYIS KYIS CHU LA BZHIN DU BSTEN NAS RGYAL BA'I GSUNG RAB KUN GYI SNYING PO BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR GSAN NAS THUGS SU CHUNG PAR MDZAD, LAM THUN MONG

BA'I STENG DU THUN MONG MIN PA RDO RJE THEG PA LA SLOB PA'I PHYIR THAG MA BA CHEN POS MI G-YO BA DKAR PO LHAG PA'I LHAR ZUNGS GSUNGS NAS DE'I SGRUB THABS DANG MAN NGAG GNANG BA LTAR BSGRUBS PAS ZHAL GZIGS THUN MONG DANG THUN MONG MIN PA'I LAM GYI RIM PA LA BRTZON PA SHUGS DRAG LA RGYUN RING BA MDZAD PAS MYONG BA PHUL PHYIN THON, DON 'DI LA DGONGS NAS RJE THAMS CAD MKHYEN PAS, BRTZON PAS SGRUB PA LHUR LEN NAM SENG ZHABS, ,ZHES BSNGAGS SO, ,DE NAS MKHAN CHEN NAM MKHA' SENG GES DGE BA'I BSHES GNYEN DON STENG PA LA SGROL MA'I CHOS SKOR ZHUS, GZHAN YANG DAM TSIG GSUM BKOD, DZAM BHA LA, TSOGS BDAG RNAMS ZHUS TE BSGRUBS PAS LHA DE DANG DE'I ZHAL GZIGS, DE LTAR BRTZON PA CHEN POS SGRUB PA RGYUN RING DU MDZAD NAS RANG NYID MI NYAMS PA'I GDENG THOB PA NA RANG GI DBON SRAS MKHAN CHEN NAM MKHA' RGYAL PO SOGS SKAL BA DANG LDAN PA MTHA' YAS PA LA BYANG CHUB LAM GYI RIM PA'I KHRID RGYA CHER SPEL, LHO BRAG PHYOGS SU GZHI GSUM GYI PHYAG LEN SOGS 'DUL KHRIMS RNAM PAR DAG PA 'PHEL BAR MDZAD DE LHO PHRAG SGRO BA DGON PA SOGS KYI MKHAN PO MDZAD DE LHO PHYOGS SPYI DANG KHYAD PAR SHUD PHU PA'I RGYUD LA BKA' GDAMS BSTAN 'DZIN RIM PAR BYON PA THAMS CAD MKHAN CHEN 'DI'I BKA' DRIN LAS BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' SENG GE LA GSOL BA 'DEBS SHING DAM PA 'DI'I RNAM

, ,THAR LTAR 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,'BROM RIN PO CHE NAS DGE BA'I BSHES GNYEN PO TO BA LA BRGYUD PA'I BKA' GDAMS GZHUNG PA'I BLA MA RNAMS KYI RNAM THAR 'CHAD PA LA, RGYAL BA'I GDUNG 'TSO BA BSHES GNYEN PO TO BA, ,ZHES BSNGAGS PA, GANGS RI'I KHROD 'DIR RGYAL BA'I BSTAN PA SPEL BA'I SLAD DU BSAMS BZHIN DU BYON PA'I SPRUL PA'I SKYES MCHOG DKA' THUB KYI RI SUL DU DRANG SRONG GI SBYOD TSUL GYIS GNAS NAS BSTAN PA'I BDAG PO MDZAD PA DGE BA'I BSHES GNYEN PO TO BA NI, 'PHAN YUL SPRAS KYI BA'O THANG DU YAB SKU GSHEN SRING LA PHYUG STE SRING PO ZHES GRAGS PA DANG, YUM RIGS RNAM PAR DAG PA LE MO ZHES GRAGS PA GNYIS KYI SRAS SU ME MO YOS KYI LO LA SKU 'KHRUNGS, GDUNG GNYOS, BYIS PA'I DUS NYID NAS BYAMS SNYING RJE BYANG CHUB KYI SEMS RLABS CHEN PO RANG 'KHRUNGS SU BYUNG STE 'GRO BA GZHAN SDUG BSNGAL BA GZIGS NA GTING NAS MI DGA' ZHING 'DI'I SDUG BSNGAL 'DI THABS GANG GIS SEL BAR NUS SNYAM PA DANG, GZHAN BDE BA GZIGS NA THUGS DGA' ZHING 'DI'I BDE BA 'DI NAM YANG MI NYAMS PAR GONG 'PHEL DU SONG NA SNYAM PA 'BYUNG BA ZHIG YOD, SKYE BO GZHAN DAG GIS DBUS GTZANG GI CHU 'DI THAMS CAD KONG CHU RLAG BYA BA CIG TU 'GRO, DE NA BYA 'DAM SEL BYA BA YOD PAS CHU DES MI RO RTA TO THAMS CAD BSAL, BYA DE SHIN DE

PAS LA MKHAN MED PAS CHU 'KHYIL 'OD ZER BA GSAN PAS BYA DE SHIN TU GCES PAR 'DUG GO GSUNGS NAS BYA DE SHI DOGS NAS THUGS LAS MDZAD, RGYA LAM GYI 'GRON PO'I SAR BYON NAS 'GRON PO KUN KHYED CAG GI YUL DU LO LEGS PAR SHOG ,BYES SU DON 'GRUB PAR SHOG CIG CES SMON LAM 'DEBS, DGE BSHES PO TO BA NYID KYI ZHAL NAS, RANG GIS DRAN PA RNYED PA NAS PHA ROL PO RGYAL NA DGA', BDE NA DGA', SKYID NA DGA' BA LAS, RANG RGYAL BA SOGS BYUNG NA DGA' SNYAM PA'I RTOG PA 'ONG MA MYONG, MI GNYIS 'GROGS NAS 'GRO BA MTHONG NA YANG 'DI GNYIS MTHUN NA RUNG STE SNYAM DU DGONGS PA KHO NA 'ONG BA YIN GSUNG, DGE BSHES SHA RA BAS BSTOD PA MDZAD PA NA YANG, BRDA PHRAD TSUN CHAD BYIS PA'I DUS NYID NAS, ,GZHAN GYI BDE SDUG THUN MONG NYID DU GYUR, ,CES GSUNGS, YAB DE BON YIN PAS DGE BSHES PO TO PA CHEN POS KYANG BYIS PA'I DUS BON CHOG 'DRA YANG MDZAD PAS BON GYI CHO GA 'DI DKON MCHOG GSUM LAS PHYI ROL TU GYUR PA 'DI 'DRA CI RUNG ZHES THUGS MA MNYES PA'I BKA' YANG STZAL, DE TZA NA SGOM CHEN ZHIG SHI BA'I SBUR SBYANGS PAS 'JA' DANG 'OD LA SOGS PA BYUNG, DE YAB LA DRIS PAS SGOM CHEN ZHIG GRONGS PA YIN ZER BAS NGAS KYANG BSLABS NA SGOM CHEN ZHIG 'OD SNYAM PA BYUNG GSUNG, YAB LA BLA MCHONG SBA SGOM ZHES PA GANG ZAG KHYAD PAR CAN CIG YOD, DE LA BYIS PA'I DUS SU BSNYEN GNAS KYI SDOM PA BLANGS NAS SANG BSRUNG BA'I

, ,DE RING CHANG 'THUNGS PAS BAD KAN LA PHOG NAS SKYUGS, YAB KYIS KHAMS NGAN PAR 'DUG PAS DE RING MA SRUNGS, NYA STONG BRGYAD GSUM BYA BA YIN PAS SANG SRUNGS BYAS PAS, YAB CI DGA' DGA' ZER DUS NAM YIN PA NA SRUNG BA YIN, KHAMS BZANG NA BSRUNG LA, KHAMS NGAN NA MA BSRUNGS PAS GA NA 'ONG GSUNG, DE LA SBA SGOM MNYES NAS, GNYEN PO DANG LDAN PA CIG 'ONG BAR 'DUG RAB TU BYUNG LA CHOS SHIG BYED DU GZHUG DGOS ZHES PHA MA GNYIS LA YANG YANG BSKUL ZHING GZHON NU RANG NYID KYANG SNGON GOMS PA'I BAG CHAGS 'THUG PO'I MTHUS SPYIR 'KHOR BA'I GNAS THAMS CAD YID BRTAN MI RUNG BA SDUG BSNGAL GYI RANG BZHIN CAN DU RIG CING, KHYAD PAR KHYIM GYI GNAS NI NYON MONGS DANG NYES PAR SPYOD PA'I 'BYUNG GNAS SDUG BSNGAL GYI RTZA BA BRTZON RA LTA BUR GZIGS NAS RAB TU 'BYUNG BAR 'DOD PA'I 'DUN PA DRAG POS BSKUL ZHING PHA MA GNYIS KYIS KYANG GNANG STE YER PA BA RNGOG BYANG CHUB 'BYUNG GNAS KYIS MKHAN PO, GLAN TSUL BYANG LA SLOB DPON ZHUS NAS RAB TU BYUNG MTSAN RIN CHEN GSAL ZHES BYA BAR GSOL, SLOB DPON SBA SGOM LA SGOM ZHIG BSLABS PAR ZHU BYAS PAS KHONG GI GSUNG NAS, KHYOD SGOM GSHA' MAR BYED NA CHOS AEN CIG NYAN DGOS, DE LTA MIN NA SGOM CHEN GYI SGOM MCHAN KHUNG BAS PHU THAG THUNG STE 'GRO BA YIN GSUNGS PAS THOG MAR BKA' GDAMS KYI CHOS SPYOD RNAMS BSLABS, KHAS BLANGS PA'I

BSLAB KHRIMS DAG PAR BSRUNG BA GZHIR BZHAG NAS KHU STON LA SOGS PA MKHAS PA MANG PO LA BRTEN TE SDE SNOD GSUM LA SBYANGS NAS MKHAS PA'I PHUL DU PHYIN PAR MDZAD, BDAG NYID CHEN PO 'DI GZHON NU'I DUS SU JO BO RJE YANG BZHUGS PAS JO BO LA YER PAR DGE BSHES STON PA BYANG DU GSER 'TSOL DU BZHUD PA'I SHUL DU NAG TSOS LO TZ'A BYAS NAS SGOM RIM BAR PA GCIG GSAN PA LA SKAD NI MA SHES, BAN GSAR DU SONG BAS BRDA GZHAN MED PAndI TA LA BZLA RGYU MANG PO 'ONG BAR 'DUG PA LA LO TZ'A BA LA CUNG ZAD LAS MI 'ONG BAR SNANG GSUNG, BRAG RGYAB PA'I BZA' MI YIN PAS PHYUGS SA NA BRAG KA JO BTZUN BYA BA DANG LHAN DU BZHUGS PA NA JO BTZUN GNYID LOG KHONG GIS MNGON RTOGS ZHAL 'DON MDZAD PA LA JO BTZUN NA RE THON CIG GRVA PA MANG PO BYUNG NGO ZER, GNYID SAD NAS GLENG BAS KHYED KHA TON BYED PA LA MI MA YIN DPAG TU MED PA 'DUS NAS CHOS NYAN PA RMOS ZER, SHA RA BA'I ZHAL NAS, MI MA YIN LA'ANG MNGON SHES YOD PA YIN GSUNG, BRAG RGYAB TU GNYER CIG MDZAD PA LOG SHIN TU CHOD PA CIG MDZAD DE, MDO MANG GCIG GI PHYAG LAN KYANG MDZAD, DE'I BAR LA DGE 'DUN SPYI BAS LHAG PA ZHO BA SHAL GCIG LAS 'THUNG MA MYONG GSUNG, BRAG RGYAB PA'I DBON RA ZHAG SH'AKYA RIN CHEN NA RE, RA BA ZLUM PO LA SOGS PA'I GNYER BYED DGOS ZER BA LA SKYO SHAS CHEN PO MNGA' BAS MI BYED GSUNGS NAS DON MED PA'I BYA BA THAMS CAD SPANGS TE RAB TU BYUNG BA'I BYA BA'I GTZO BO

, ,KLOG PA THOS BSAM DANG, SPONG BA BSAM GTAN LA KHOR YUG TU BRTZON BAR MDZAD, DE NAS DBEN BA'I GNAS ZHIG TU RTZE GCIG TU SGOM BAR BZHED NAS YAB KYI MCHOD GNAS RANG NYID KYIS BSNYEN GNAS KYI SDOM PA ZHUS PA'I SLOB DPON SBA SGOM LA GROS ZHUS PAS, SBA SGOM GYIS KHYOD SGRUB BA GSHA' MA ZHIG BYA 'DOD NA BYANG RA SGRENG NA JO BO RJE DPAL LDAN AA TI SHA'I MAN NGAG YONGS SU RDZOGS PAR MNGA' BA 'BROM STON PA ZHES BYA BA BZHUGS PAS, DE'I ZHABS DRUNG DU PHYIN NAS MAN NGAG RNAMS ZHUS NA LEGS ZHES BSKUL BA LTAR RANG NYID KYANG DAD GUS CHEN POS DE LTAR BYA BAR 'DOD NA RA SGRENG DU DGE BSHES STON PA'I SPYAN SNGAR PHYIN LA DBYAR DGUN GCIG TZAM BSDAD, GDAMS GNAG ZHUS NAS KHAMS SU PHYIN LA MING RUS TSUN CHAD SPOS LA SGOM ZHIG BYA SNYAM NAS CHAD STON DANG GNYIS 'GROGS NAS RGYAL GYI GLAN TSUL BYANG DGE TSUL GYI SLOB DPON YIN PAS PHYAG 'TSAL DU BYON, DE NAS RA SGRENG DU BYON PA LA BRAG RGYAB PA'I DPON GYIS KYANG DGE BSHES STON PA LA KHYED KYI SPYAN SNGAR NGA'I MI ZHIG THAL GYI, DE GZHAN DU MA GTONG ZHIG ZER BA'I 'PHRIN YIG SLEBS, DE NAS 'BROM RIN PO CHE BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM PA'I KHRID ZHUS PA NA 'BROM RIN PO CHES RANG GI SRAS KYI THU BO BSTAN PA'I BDAG POR 'GYUR BAR GZIGS NAS SPYAN GYI 'BRAS BU LTAR BSKYANGS SHING, LAM GYI RMI PA'I DBU BSHES GNYEN

BSTEN TSUL NAS THAR CHAGS SU GDAMS SHING DMIGS SKOR RE RE NAS BSHAD CHOS CAM DU MA LUS BAR RGYUD LA SKOR TE MYONG BA THON NGES SU 'KHRID PAR MDZAD PAS DGE BA'I BSHES GNYEN STON PA RIN PO CHE'I YON TAN DANG, JI LTAR GSUNGS PA'I LAM GYI GNAD RNAMS LA YID CHES KYI DAD PA BRTAN PO SKYES SHING KHYAD PAR DU SPYOD 'JUG GI, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,ZHES PA LA BRTEN PA'I MAN NGAG GSUNGS PA'I THAD KAR THUGS SNA 'GYUR TE TSE 'DI'I RTOG PA BSKYUR, DGE BA'I BSHES GNYEN 'BROM RIN PO CHE 'BRAL MED DU BSTEN PA YIN, NGA DANG POR 'ONG DUS NA THOG CIG MAN NGAG ZHUS NAS GNAS GZHAN ZHIG TU 'GRO BSAMS PA YIN TE, DANG NGA 'GRES SMAD TZAM DU SONG ZER YANG MI CHA GSUNG, DES NA MAN NGAG CHUNG DU 'GA' TZAM GYIS MI CHOG LA, DE YANG ZHUS NAS GZHAN DU PHYIN PAS MI CHOG PAR DGE BSHES MTSAN NYID DANG LDAN PA DANG MI 'BRAL BAR BSTEN DGOS PAR DGONGS NAS LO BDUN BSTEN PA LAS DGE BSHES STON PA'I THUGS KYANG ZIN, BA'O THANG 'DIR JI LTA BU'I MI CHEN PO ZHIG 'BYON PAR 'DUG GSUNGS, DGE BSHES RNAL 'BYOR PA DANG DGON PA BA YANG MA 'DAS BAR DU RA SGRENG DU BZHUGS NAS SGRUB PA RTZE GCIG TU MDZAD, BAR SKABS SHIG SPA SGOM DANG LHAN DU MDO SDE RGYAN GYI RTZA BA DGZIGS SHING BZHUGS, DER NUB GCIG SPANG LEB GCIG LA MDA' MANG PO RGYAB NAS BTON PAS

, ,MDE'U KHA YAR LUS PA RMIS, BYAS t'IKKA DANG SBYAR NAS GZIGS PAS MDE'U MA LUS PAR THON PA RMIS TE RJE BTZUN BYAMS PA'I DGONGS PA JI LTA BA BZHIN DU LONGS BA YIN GSUNGS, DE LTAR DGE BA'I BSHES GNYEN PO TO BAS 'BROM RIN PO CHE THOG MA MJAL BA NAS MTHAR NAM GSHEGS BAR DU SKAD CIG KYANG 'BRAL MA PHOD PAR BSAM SBYOR GNYIS KYIS TSUL BZHIN DU BSTEN, 'BROM RIN PO CHES KYANG SRAS KYI THU BOR BZUNG, LAN CIG 'BROM RIN PO CHE SKU BSNYUN PA ZHIG GI SKABS PO TO BA'I BANG DU DBU BZHAG NAS YOD BA'I TSE, PO TO BA'I THUGS DGONGS LA 'JIGS SAR SKYEL MAS BOR BA 'DRA BA ZHIG 'ONG BA 'DUG NA DA SU LA BRTEN SNYAM PA DANG SPYAN CHAB GONG BA'I RTZA NA MAR NYIL GYIS BYUNG BA DGE BSHES STON PAS MKHYEN NAS, NGAS KHYOD KYI BRTEN SA SU YANG MA MTHONG BAS NGA PHAN CHAD GSUM YAN CHAD LNGA MAN CHAD DPUNG GDANG CHOS, DGE BA'I BSHES GNYEN MDO SDE LA GYIS LA SEMS BZANG PO GYIS DANG KHYAD PAR CAN DANG PHRAD DE 'ONG GSUNGS BAS, MDUN NA JO BO LEGS YOD PAS SEMS BZANG PO GANG LA ZER ZHUS PAS, 'O NA BYANG CHUB KYI SEMS LA ZER BA YIN MOD CES LAN GNYIS BSTUD NAS GSUNGS PAS, DE SNGA NAS KYANG MA GO RGYU MED PA LA DES GSAL BTAB PA 'DRA BA ZHIG BYUNG NAS DE'I THABS LKOG TU MAN NGAG TU YANG GSUNGS, TSOGS SU LUNG DANG SBYAR NAS KYANG GSUNGS, BKA' BKYON TSUN CHAD KYIS KYANG DE'I THABS SU

GSUNG NAS YOD PAS LO GNYIS TZAM DU MYA NGAN YANG SANGS PA 'DRA ZHIG BYUNG BA LA, PHYIS SEMS BZANG PO LA KHONG RANG DGOS PAR SONG BAS MYA NGAN LA SANGS DUS MED GSUNG, MTHAR 'BROM RIN PO CHE MYA NGAN 'DA' KHAR DGE BSHES PO TO BAS 'BROM RIN PO CHE LA BLA MA MA BZHUGS NA SU LA BRTEN ZHUS BAS, BOD PHU THUNG TZAM 'DI NA KHYOD KYI DGE BSHES NGAS MA MTHONG GI DGE BSHES MDO SDE LA GYIS GSUNG, DGE BSHES STON PA MYA NGAN LAS 'DAS PA'I DUS SU MNAL LAM DU RTZE PHYING DKAR GYI STENG DU BYON NAS RAL GRI ZHIG LAG TU THOGS TE DUNG ZHIG BUS BAS 'DZAM BU'I GLING THAMS CAD DU THOS SAM SEMS PA CIG RMIS, MNAL SAD PA DANG RAL GRI THOGS PA RMIS PA NI SHES RAB JE CHE JE CHER 'GRO, DUNG BUS PA RMIS PAS CHOS NI 'GA' RE TZAM 'CHAD PA CIG 'ONG GSUNG, DE'I ZANG ZING GI BGO SKAL NI CI YANG MED; THUGS DAM DU DGE BSHES STON PA'I RAG SHA'I PHRENG BA NYI SHU RTZA GCIG DANG, PHYAG 'KHAR GNYAL DU SPYAN DRANGS BA DE GNYIS YOD GSUNG, DGON PA BA 'DAS NAS RA SGRENG BSKYANG BAR DGONGS TE, DBYAR DE SKYO BSANGS LA BSLAB BTUS SHIG GSUNGS PA LA GZHAN GYI SHES PA SGYUR NUS PA LTA BU ZHIG BYUNG BA LA, DER DPON CHOS KYI RGYAL PO LA YANG MA BTUB, RMI LAM NA KHONG RANG GIS THONG MKHAN MDZAD DE, ZHING RA DE RMOS PAS 'OG THAMS CAD RDZA RONG DU SONG NAS RMOR MA BTUB PA CIG RMIS PAS, ZHING SBYANG DU MA BTUB PA YIN GSUNG NAS RA SGRENG GI CHAS DNGOS GANG YOD BSKYUR TE GCIG PUR GSHEGS, DE NAS DGE BSHES PO TO

, ,BA DANG PHU CHUNG BA DANG, SPYAN SNGA BA STE SKU MCHED GSUM GA YANG TSE 'DI LA SHA GZUG RANG BZA' BAR CHAD NAS, RA SGRENG CHOS KYI MU GES THEBS YOD, DE TZA NA YON BSHAD PHU CHUNG BAS MDZAD PA LA NYIN GCIG PO TO BA MDZAD DU BCUG PAS, GZHAN GYI SHES PA SGYUR NUS PA 'DRA BA CIG BYUNG BAS PHU CHUNG BA'I ZHAL NAS, 'U CI'I JO BOS CHOS GAD MED G-YANG MED DGONGS TE GDA', JO BO CHEN PO'I GSUNG BZHAG NAS NGAS YON BSHAD BYAS GSUNGS NAS MDZAD MA NYAN, DE PHYIN PO TO BAS MDZAD, RA SGRENG NAS BYON TE SKU MCHED LHAN CIG TU KLUNGS SHOD NA 'GOR BSGOMS, DE NAS SPYAN SNGAS PHYOR PHUR SKU MTSAMS MDZAD NAS BZHUGS, GNYIS POS 'PHAN YUL STOD DANG RGYAL NGOS SU BSOD SNYOMS MDZAD CING BZHUGS, LA MOR SGYE ZER BA DER YANG BZHUGS, DE LTAR RANG RGYUD SMIN NAS GZHAN DON GYI TSOGS BSDUS PA'I DANG PO SGRO LAG DGON PA YIN PAR GSAL TE, DGE BSHES NGOL PAS SGRO LAG TU MJAL TZA NA TSOGS NAS LO NGO GSUM SONG ZHING, GRVA PA SUM CU TZAM 'DUG GSUNG, DE NAS KHRAB 'DZAB KHUNG MIG TU DBYAR GNYIS BZHUGS NAS LAM SGRON DANG, YON TAN MTHA' YAS PAR BSTOD PA DANG, BSHES PA'I SPRINGS YIG GSUNGS PAS GRVA PA BRGYA TZAM 'DUS, DGUN RGYAL GYI GANGS RGYAL MOR BSLAB BTUS GSUNGS, GRVA PA SUM BRGYA TZAM 'DUS, DE NAS KAM YUNG BA'I GRVA BA MANG PO BYUNG, BZLOG KYANG NYAN DU MA 'DOD NAS DPYAR GCIG CHOS MA GSUNGS BAR SKU MCHED GNYIS LA MO SDING BO CHER BZHUGS, DE'I DBYAR TSUL 'JUG

YANG DAG PA CIG BYAS TE DGE BSHES PO TO BA'I ZHAL NAS, NGA LA DE'I DBYAR THA MAL GYI RTOG PA SKAD CIG KYANG MA SKYES GSUNG, PHU CHUNG BA'I ZHAL NAS, NGAS RTEN 'BREL 'BA' ZHIG BSGOMS PAS RTEN 'BREL RANG DU SONG GSUNG, DE NAS DAR YUL KO RU NA BZHUGS PA'I TSE PO TO BA CHEN PO'I YAB DGE BSHES KYI SPYAN SNGAR BYUNG STE PHYAG BTZAL NAS, PHYI MA LA THUGS LA GDAGS PAR ZHU, GOS DUG 'DI KUN DGE BSNYEN GYIS BGOR BTUB BAM, GLANG GCIG YOD PA GRVA BA'I KHAL GYIS ZER NAS BZHUD, DGE BSHES PO TO BA'I ZHAL NAS, AA NA PHA RGAN DE LTOS DANG GSUNGS NAS BLTAS PAS MAL NA 'DAS NAS 'DUG, DE NAS DGUNG LO DRUG CU RTZA GCIG PA LA SPRAS KYI PO TO DGON PA NA BZHUGS PA'I DUS SU 'PHAN YUL STOD DU SDE RTZOD CHEN PO ZHIG BYUNG BAS SA PHUG PA'I JO BO MANG PO DANG, RGYAL NAS BROS PA MANG DU BYUNG, DE THAMS CAD LA DGUN 'DI JI LTAR BTUB BTUB GYIS SHIG DBYAR NAS SBRAS SU BSDAD KYI GSUNG, DE NAS DPYID LUNG STONGS MA ZIN PAR DOG NAS SDUD MO BTAB PAS, DPER NA SENG GE RI SUL BRTEN NAS 'JIGS MED PAR, ZHES PA DE LAN GSUM GYI BAR DU BYUNG NAS, DBYAR STAG LUNG THANG DU BZHUGS GRVA PA DRUG BRGYA TZAM 'TSOGS, PHYIS STAG LUNG DU CHOS NYAN PA DGE 'DUN RNAMS LA GSER ZHO PHYED PHYED GNANG BAS GSER SRANG BRGYAD CU TZAM SONG, GRVA BA STONG DANG SUM BRGYA TZAM BZHUGS PAR GSAL, GZHU MKHAN BRAG DANG DBYAR SA DGUN SA MDZAD DE GNYIS KAR BZHUGS, DE NAS DGE BSHES SBRAGS

, ,PA ZHES GRAGS PA BYUNG, DE NAS KYANG NA 'GOR BZHUGS PAR GSAL TE, SHAR BA'I ZHAL NAS, SNGAR NA 'GON BZHUGS PA NA DE RING MNGON PAR BYANG CHUB PA'I DUS YIN GSUNGS TE MDZAD RGYU CANG MED, PHYIS DUS DER MCHOD PA CHE BA RE MDZAD DE KHO BO SNGA MA DE LA SMON GSUNG, NA 'OG NA BZHUGS DUS SA DE GNYAN PAS SPYI LA PO BRTZIGS PA DANG RKO RLOG SOGS BYAS PAS GRVA PA RNAMS KYI RMI LAM DU SDIG SPRUL DANG SPAL LJONG SOGS RMIS PA LA DGE BSHES PO TO BA'I ZHAL NAS, KHYED SKRAG MI DGOS NGA'I RGYAB 'DI NA NUB PHYOGS KYI RGYAL BO SPYAN MI BZANG LUS DANG GRIB MA BZHIN DU RTAG TU YOD KYI GSUNGS, BAR CHAD KYIS MI TSUGS PA'I RGYU YANG BYANG CHUB SEMS DPA' NYAN THOS KYI CHA LUGS KYIS SEMS CAN GYI DON MDZAD PA'I GNAS BRTAN BCU DRUG GI GCIG YIN GSUNG, RAM SDINGS MA BA LA KHYED MA 'JEM NAS YID CHAD MI DGOS NGA GNAS BRTAN BCU DRUG GI GCIG YIN PAS NGA DANG MJAL BA KHYOD BSOD NAMS MI CHUNG GSUNG, DE LA DGE BSHES PO TO BA CHEN PO DE GNAS BRTAN YAN LAG 'BYUNG GI SPRUL BAR GRAGS SHING GRAGS PA LTAR DU RANG NYID KYIS KYANG ZHAL GYIS BZHES, BKA' GDAMS GLEGS BAM LAS DGE BSHES PO TO BA 'DI NYID BSHES GNYEN 'BROM RIN PO CHE RGYAL PO DAD PA BRTAN POR SKU 'KHRUNGS BA'I TSE SRAS CHE BA SANGS RGYAS 'DZIN PO TO BA, DHARM'A 'DZIN PHU CHUNG BA, DGE 'DUN 'DZIN SPYAN SNGA BAR 'GYUR BAR LUNG BSTAN TE DAD PA BRTAN PA'I 'KHRUNGS RABS

LAS, SRAS SANGS RGYAS 'DZIN NI 'DI NAS LO NI MI MANG BAR RIN CHEN GSAL ZHES BYA BA RGYAL BA'I 'BYUNG GNAS KYI SRAS KYI THU BOR 'GYUR, DHARM'A 'DZIN GZHON NU RGYAL MTSAN ZHES BYA BA 'DI DENG SANG GI ZHUS LAN 'DI DAG GI BDAG PO DAM PA CIG TU 'GYUR, DGE 'DUN 'DZIN NI TSUL KHRIMS 'BAR ZHES BYA BA RGYAL BA'I 'BYUNG GNAS KYI GDAMS PA MANG PO NYAMS SU LEN CING SANGS RGYAS KYI BSTAN PA LA PHAN PA'I BSHES GNYEN DAM PA CIG TU 'GYUR RO ZHES GSUNGS, YANG GLEGS BAM DU SKU MCHED GSUM PO DE, RIGS GSUM MGON PO'I SPRUL PA YIN TE, BKA' GDAMS GLAGS BAM GYI LUNG BSTAN GYI LE'U NAS, 'DI NAS SPYAN RAS GZIGS DBANG DANG, ,'JAM PA'I DBYANGS DANG GSANG BA'I BDAG ,GZHAN YANG 'JAM DBYANGS NYID SPRUL PA, ,SPRUL PA'I KHYE'U GZUGS MDZES SO, ,RTZE LNGA'I RI LAS 'DIR LHAGS GDA', ,DANG PO GSUM NI NGA YI SRAS, ,PO TO BA DANG PHU CHUNG BA, ,SPYAN SNGA ZHES BYA SKU MCHED GSUM, ,ZHES GSUNGS, 'BROM RIN PO CHES, JO BO LA 'BUL CHEN MDZAD PA'I TSE, JO BO'I ZHAL NAS HU 'UM, KHYE'U DKAR PO 'DI LA DA LTA NGAS BOD 'DI NA BKOD PA DRUG CU RTZA LNGA MTHONG GSUNG BA 'DI PHU CHUNG BA, KHYE'U SER PO NA RE KHO BO LA BKOD PA DGU BCU MCHIS, PO TO BA, KHYE'U SNGON PO NA RE, KHO BO LA'ANG BYANG PHYOGS NA BRGYA DANG DRUG CU RTZA LNGA, 'DI NA DRUG GI GDUL BYA LAS MA MCHIS GSUNG BA SPYAN SNGA TSUL KHRIMS 'BAR YIN PAR GO, ZHES GSUNGS, YANG SNGON BAL YUL DU 'PHAGS PA SHING KUN

, ,LA NUB THUN DANG THO RANG GNYIS MIS SKOR BA BYED, GUNG THUN 'BYUNG BA BZHI GNYID LOG PA'I DUS SU MI MA YIN RNAMS SKOR BA BYED, DE'I DUS GRUB THOB MIN PAS BSKOR BA BYED NA BAR CHAD 'ONG, RNAL 'BYOR BA CIG GIS PHAG MO'I DNGOS GRUB BRNYES NAS MI MA YIN RNAMS KYI GSEB TU SKOR BA BYAS PAS, DE RNAMS GLU LEN GYI 'DUG PA'I NANG NA MAR, SNGON NAS SNGON GYI DUS TZA NA, ,THUGS DGONGS BLA NA MED PA DE, ,JO BO AA TI SHA LA BYUNG, , DA LTA MA RIG 'KHRUL PAR 'KHYAMS, ,AA TI SHA YI GDUNG GSOB PA, ,'PHAGS PA SKU MCHED GSUM PO DE, ,GCIG TZAM LHO BAL GYI MTSAMS NA YOD, ,'PHAGS PA 'JAM DPAL DANG GNYIS SU MED, ,GCIG TZAM BAL PO'I YUL NA YOD, ,'PHAGS PA WA TI DANG GNYIS SU MED, ,GCIG TZAM MANG YUL GYI GRONG NA YOD, ,'PHAGS PA DBU KHANG DANG GNYIS SU MED, ,ZER BA GSAN, RTEN DE RNAMS RIGS GSUM MGON PO DNGOS YIN PAS BKA' GDAMS SKU MCHED GSUM PO 'DI YANG RIGS GSUM MGON PO'I SPRUL PA YIN ZHES BKA' GDAMS CHOS 'BYUNG LAS BSHAD DO, ,NGAS DON DU SPRUL PA'I SKYES BU YIN PAR BSHAD MOD, THUN MONG BA GDUL BYA'I SNANG NGOR YANG MDZAD PA RNAM THAR BSAM GYIS MI KHYAB STE, DGE BSHES PO TO BA CHEN PO DE 'BROM RIN PO CHE KHO NA LA BRTEN NAS BYANG CHUB LAM GYI RIM PA'I 'GO BSHES GNYEN BSTEN TSUL NAS 'BRAS BU MI SLOB ZUNG 'JUG 'GRUB PA'I BAR DMIGS SKOR

RE RE NAS MYONG BA PHUL PHYIN BTON TE BSKYANGS PAS RTZOL MED KYI MYONG BA PHUL PHYIN 'KHRUNGS TE SKYES BU CHUNG 'BRING GI LAM LA SBYANGS PA'I 'BRAS BU TSE 'DI'I LUS LONGS SPYOD RNYED BKUR SNYAN GRAGS 'KHOR G-YOG GANG LA'ANG CHAGS PA SKAD CIG KYANG MI SKYE BAR RI DVAGS RNAMS MA BZHIN DU DBEN PA NAS DBEN PAR 'PHO BAR MDZAD, LAN CIG SBYIN BDAG CIG GIS G-YU GRU DMAR CHEN PO ZHIG PHUL BA NA PHYAG TU MA BZHES PAR MDUN DU ZHOG CIG PA'I BRDA MDZAD, BSNGO BA LEGS BAR MDZAD, SANG NYIN DGE BSHES DPON SLOB RNAMS PHYOGS GZHAN ZHIG TU PHEBS PA NA SBYIN BDAG DE YID MA CHES PAR BZHUGS SAR BLTAS PHYIN PAS G-YU DE MDANGS GANG BZHAGS DE KHA RANG NA 'DUG ZER, DGE BSHES PO TO BA DANG DE'I 'KHOR THAMS CAD KYANG ZANG ZING GI DNGOS PO GANG LA'ANG MI CHAGS PAR TSE BLOS BTANG SHA STAG TU BYUNG STE RNAM PAR THAR PA DE TZAM YANG BSTAN PA RIN PO CHE'I RGYAN DU CHE'O, ,DGE BSHES PO TO BA CHEN PO DE LA TSE BLOS BTANG GI GRVA PA RNAM GROL SGRUB PA SHA STAG STONG TZAM RE 'KHOR DU 'DUS SHING, DE THAMS CAD SDOM GSUM GYI BCAS MTSAMS DAG PA BSTAN PA YONGS RDZOGS KYI NYAMS LEN LA GCIG TU GZHOL BA, SGO GSUM GYI SPYOD PA THAMS CAD DGE BSHES PO TO BA NYID KYI RJES SU SLOB PA SHA STAG BYUNG BAS 'DZAM BU'I GLING GI SA'I CHA THAMS CAD DU SNYEN PA'I GRAGS PAS KHYAB STE RGYA GAR 'PHAGS PA'I YUL DU'ANG BOD NA RAB TU BYUNG BA STONG TZAM RNAM THAR GCIG LA 'GOD NUS PA'I SEMS

, ,DPA' CHEN PO ZHIG BZHUGS YOD 'DUG CES GRAGS PA BYUNG NGO, ,YANG LAN CIG DGE BSHES PO TO BA MKHAR THOG NA KHA BA 'CHAGS NAS DO NUB GZHON NU MA BDUN GYI RTOGS BRJOD NAS BSHAD PA DANG 'DRA BA CIG BYUNG BAS DGA' BA ZHIG BYUNG GSUNG, GZHON NU MA BDUN GYI RTOGS BRJOD LAS JI LTAR 'BYUNG BA NI, SKRA RNAMS BREGS PAR GYUR NAS NI, ,PHYAG DAR KHROD KYI GOS 'CHANG ZHING, ,DGON PA YUL DU 'DOD PAR NI, ,NAM ZHIG DE LTAR 'GYUR ZHIG GU ,ZHES GSUNGS PA LTAR RO, ,DGE BSHES PO TO BA'I MDZAD PA RNAM THAR BKA' GDAMS KYI BSHES GNYEN CHEN PO ZHIG GIS BSDUS PA NI 'DI LTAR, DGE BSHES PO TO BA DE SKYES THOB KYI LHAG BSAM CAN, GNAS BRTAN CHEN PO'I GRAGS PA CAN, BSTAN PA'I KHYAB GDAL CHE BA, SDE SNOD KYI DON SPYIR SHAR BA, GZHUNG GI BYED PA MKHAS PA, 'DUL BA'I PHYAG LEN MTHEMS PA, RAB TU BYUNG BA'I CHA THINGS PA, BSTAN PA'I BDAG PO ZHIG BYON PAS; DGUNG DUS DING SANG GI BAR DU KHAS BLANGS LA RTOG DPYOD BYED PA 'AM, SDOM BA'I RTZIS GZHI 'DING BA'AM, SDE SNOD LA BLO KHA PHYOGS PA 'AM, 'DOD PA LA SKYON DU LTA BA'AM, YON TAN LA NGOMS PA BAG TZAM ZHIG MCHIS BA 'DI DE'I 'ONG LA BRTEN PA ZHIG LAGS PAR GDA' GSUNGS, DGE BSHES PO TO BA DE SDE SNOD GSUM LA MKHYEN PA RGYAS SHING, DE THAMS CAD GDAMS NGAG TU SHAR BA ZHIG BYUNG STE, 'BROM RIN PO CHES BSTAN PA'I KHYAB GDAL

GSUNG TZA NA PO TO BA'I NGOS SU ZHAL BSTAN NAS GSUNG, PO TO BA CHEN PO DE GNAS BRTAN BCU DRUG GI YA BA GCIG YIN KYANG GSUNG, THUGS RAB SHIN TU CHE BAS MDUN DU PO TI CI BYUNG YANG SKYES BU GSUM GYIS KHOG BCINGS NAS PO TI LA ZIN BSHAD DU MDZAD, PO TO BA'I ZHAL NAS, RGYAL GYI ZHANG CHEN PO DANG, 'BROM RGAN PO DE MIN PA LHA 'DRE MI GSUM THAMS CAD RGYA SKAD KYIS BTZUN NAS BZHAG GSUNG, 'BROM BSTEN YUN THUNG STE KHYUR PO LO NGO MTHONG BDUN DU BSTEN, , 'BROM GSHEGS NAS KYANG RNAL 'BYOR BA DANG, DGON BA BAS SKU MCHED GSUM MIG GI 'BRAS BU LTAR BSKYANGS, DGON PA BA 'DAS NAS SKU MCHED GSUM GYIS PHA BONG THANG DU GROS MDZAD SKAD NA, 'U CAG TSE 'DI LA MI LA CHOS BSHAD MI BYA; BAN MO'I BSNYEN BKUR MI BZA', SDE PA DANG DGON PA BDAG TU MI BZUNG, SKYE BA PHYI MA BYAMS PA DANG, JO BO'I SPYAN SNGAR SMON LAM BTAB, GCIG LA GCIG BRTEN DU BYAS LA DGE SBYOR STABS CIG TU BYA'O ZHES GROS MDZAD DO,, DGE BSHES PO TO BA'I MDZAD SPYOD RAGS RIM RNAMS GLANG BYA RAB PAS SDOMS SU BKOD PA NI, GZHAN GYI DPON DANG G-YOG MI BYA, GZHAN SEMS MI DKRUG SEMS MI BZUNG, ,BSRE BSLAD MI BYA 'BREL MI BYA, ,LTOGS 'DZIN MI BYA 'DRIS MI BYA; ;GYONG DU BYA ZHING 'GROGS DKAR BYA, ,RTEN BZHENG BA DANG RTEN LA MCHOD, ,KLOG 'DON SBYIN GTONG BYA BA YANG, ,RGYA CHEN YONGS SU SPANG NAS NI, ,RANG GI ZAS GOS 'TSO BA YANG, ,NGAN DON TZAM GYIS CHO GA BYA ZHING, ,DBEN PA'I GNAS

, ,SU SONG NAS NI, ,SGRUB PA SNYING POR BLANG BAR BYA, ,ZHES GSUNGS SO, ,DGE BSHES PO TO BA'I RNAM THAR MDZES PA'I PADMO RTZA 'GREL LAS GSUNGS TSUL NI, SPANG BYA'I GNAS KYI DBANG DU BYAS NAS, RANG YUL GNAS GZHI DAG DANG GZHI DGON DANG, ,GRONG DANG 'DU 'DZI SPYOD YUL MA YIN LNGA, ,MI GTZANG 'CHAL PA DAM TSIG NYAMS PA'I GNAS, ,MI DANG MI MIN BAR CHAD GNAS KUN SPANGS, ,ZHES DANG, SPANG BAR BYA BA'I GROGS NI, 'CHAL PA DAM NYAMS 'DRES KHYER BUD MED DANG, ,LTA SPYOD MI MTHUN TSE 'DI DON DU GNYER, ,MI GZHI MA GRUB BLUN DANG 'DOD PA CHE, ,NYE 'BREL LA SOGS SDIG GROGS MTHA' DAG SPANG, ,ZHES SO, ,SPANG BYA'I ZAS NI, SHA CHANG SGOG BTZONG 'BAGS BTZOG MI GTZANG DANG; ;DKOR DANG GLUD DANG LAS KYIS 'TSO BA DANG, ,LOG 'TSO LNGA DANG RDE'U 'CHA' CHU 'THUNG SOGS, ,MTHA' GNYIS SPYOD PA'I MA DAG 'TSO BA SPANG, ,ZHES SO, ,SPANG BYA'I GOS NI, GCAN GZAN RE BA PHU DUNG MA LA SOGS, ,RGYU DANG KHA DOG MI RUNG TSAD LAS 'DAS, ,HA CANG BZANG DANG NGAN DRAGS MDZES CHOS CAN, ,CHOS 'DUL GZHUNG DANG 'GAL BA'I GOS KUN SPANG, ,ZHES PA'O, ,SPANG BYA'I NOR NI, DGE SPYOD KUN GYIS BCANG DU MI RUNG NOR, ,RIN PO CHE SOGS MA BRTAGS DNGOS PO BRGYAD, ,DKOR DANG GLUD DANG GANG LA ZHEN 'GYUR BA, ,YONGS SU 'DZIN PA THAMS CAD DGRA BZHIN SPANG, ,ZHES SO, ,SPANG BYA'I LAS NI, ZHING LAS TSONG DANG BUN SKYED DUD 'GRO SKYONG, ,SMAN DANG BZO DANG GNYEN BSHES BSKYANG RAN DANG,,

GRONG CHOG BYED DANG CHAR 'BEBS SER BA BSRUNG, ,GTZO BO GNAS GZHI'I BANG CHEN LAS RNAMS SPANG, ,ZHES PA STE, DE DAG NI BKA' RGYUD 'DI'I SPANG BYA BA BA RNAM PA DRUG GO ,BSGRUB PAR BYA BA'AM BLANG BAR BYA BA NI, MDO RGYUD GSUNG RAB KUN GYI SNYING PO SKYES BU GSUM GYI LAM GYI RIM PA'I NYAMS LEN RNAM PAR THAR PA DU MA'I RGYAN GYIS SBRAS PA'I LAM GYI CHA LAG DANG BCAS PA RNAMS SO, ,NYAMS SU BLANG BAR BYA BA LA BLA MA BSTEN TSUL GYI KHYAD PAR NI, BLA MA THA DAD SNA TSOGS MI 'TSO ZHING; ;MTSAN NYID LDAN PA GCIG LA LEGS BRTEN NAS, ,DE YI DAM TSIG SROG PAS GCES PAR BYED, ,RNAM THAR THAMS CAD DE YI RJES SU SLOB, ,CES DANG, SDOM KHRIMS KYI KHYAD PAR NI, RGYUD DANG MTSAMS PA'I SDOM KHRIMS LEGS PAR BLANGS, ,DE YI BSLAB BYA DE NYID GZHUNG BZHIN SLOB, ,CES DANG, BLO SBYONG TSUL NI, BLO SBYONG BLO RNAMS RIM BZHIN DU SBYONG, ,MNYAM GZHAG RTOGS PA RJES KYIS GTAN LA 'BEBS, ,ZHES SO, ,SHES BYA SHES PA'I KHYAD PAR NI, MAN NGAG RIGS PA SNA TSOGS MI 'TSOL ZHING, ,BSLAB 'OS SHES BYA KUN LA BLO GROS SBYANGS, ,ZHES DANG, MAN NGAG GI KHYAD PAR NI, KHA PHO CAN GYI MAN NGAG MI 'TSOL LA, ,MAN NGAG DAM PA SDE SNOD GSUM LA BYED, ,CES SO, ,TSE 'DI'I 'KHRI BA GCOD TSUL GYI KHYAD PAR, SKYES PA'I YUL SPANGS NYE DU'I 'BREL THAG BCAD, ,SDE DANG YON BDAG PHYOGS 'DZIN KUN LAS GROL, ,DUD 'GRO'I G-YOG DANG ZHING LAS MA ZIN DANG, ,MI SEMS 'DZIN SOGS SDUG BSNGAL KUN DANG BRAL, ,ZHES DANG, BYA BA'I KHYAD PAR NI,

, ,BLO SBYONG DGE SBYOR LA SOGS BYA BA KUN, ,MNGON TSAN CHUNG LA DON GYIS SA PHYOD CHE, ,LAG RJES DAG LA GTZO BOR MI MDZAD CING, ,THOS BSAM SGOM GSUM STAN THOG GCIG TU MDZAD, ,CES DANG, THO CO MI MDZAD PA NI; 'DOD PA PHUGS BCUG CHAGS MED LTAR STON DANG, ,RANG DON PHUGS BCUG GZHAN PHAN LTAR BYED DANG, ,TSE 'DIR MNGON ZHEN RTOG LDAN LA SOGS PA,, RDZUN DANG 'DRES BA'I THO CO MI MDZAD CING, ,ZHES DANG, MKHAS PA'I KHYAD PAR NI, RNAM DAG SDE SNOD GSAL BA'I ME LONG LA, ,CHOS DANG CHOS MIN GNAS LUGS LEGS MTHONG BA'I, ,'JIG RTEN LEGS PA'I LAM LA MI BRTEN BAR, ,MKHAS RNAMS ZHUGS PA'I LAM LA RJES SU 'JUG, CES DANG, LTA SPYOD DAG BA'I KHYAD PAR NI; LUS NGAG KUN SPYOD CHOS 'DUL JI BZHIN LA, ,BRTZE STONG DBYER MED THEG PA MCHOG SEMS BRTAN, ,BLANG DOR GNYIS MED GNAS LUGS DON SHES KYANG, ,RNAM RTOG MA ZAD ZAD TSUL STON MI BYED, ,CES DANG, BRTAN PA'I KHYAD PAR NI, 'KHOR BA'I RANG BZHIN JI BZHIN RTOGS GYUR BAS, ,SKYID SDUG KUN GYIS SPYOD PA MI 'GYUR ZHING, ,LEGS NYES RKYEN GYIS CHOS LAS MI BSKYED LA, ,SKYO BA'I SEMS KYIS THAR LAM DGE LA 'DREN, ,ZHES DANG, CHOS BRGYAD SPANGS PA'I KHYAD PAR NI, GANG LA ZHEN PAS SDUG BSNGAL KUN 'BYUNG ZHING, ,CI BYAS CHOS KUN LTAR SNANG NYID 'GYUR BA, ,'JIG RTEN KUN GYIS BSGRUB BYA 'JIG RTEN GYI, ,CHOS BRGYAD SPANGS KYANG SPANG BA LTAR MI MNGON, ,ZHES SO, ,THUGS RJE'I KHYAD PAR NI, MAR

GYUR 'GRO BA'I SDUG BSNGAL MA BZOD PAS, ,GZHAN DON MIN PA YID LA MI DRAN YANG, ,THUGS RJE CAN DU MNGON MNGON MI MDZAD CING, ,CI BYED THAMS CAD GZHAN DON NYID DU MDZAD, ,CES DANG, SHES RAB KYI KHYAD PAR NI, CHOS RNAMS THAMS CAD SNANG LA RANG BZHIN MED, ,SGYU MA NAM MKHA'I NGO BOR SHES GYUR KYANG, ,DKAR NAG LAS DANG LAS KYI RNAM SMIN LA, ,YID CHES DAD BAS SHIN TU GUS PA YIN, ,ZHES SO, ,RGYAL SRAS KYI SPYOD PA LA SLOB PA'I TSE PHAR PHYIN DRUG GI MI MTHUN PHYOGS SPONG TSUL NI, GZHAN LAS BSDUS NAS GZHAN LA 'GYED PA DANG, SNYAN GRAGS 'DOD DANG RNYED PA 'DOD PA DANG, ,THOS BSAM KUN DOR NYES LTUNG KHYAD DU BSAD, ,MA DAG SBYIN PA CHOS SU MI MDZAD CING, ,RAB BYUNG MKHAN SLOB BYAS KYANG BSTAN PA LA; ;RMA 'BYIN RE LAS BSKYANGS 'DOD MI 'ONG ZHES, ,SPYIR YANG MKHAN SLOB MI MDZAD KHYAD PAR DU, ,BAN MO SKYAR CHOG BAR CHAD CAN GYI MIN, ,MA SHI TZAM GYI ZAS GOS NGAN LA BRTEN, ,CHOS KYI DON DU SROG KYANG 'DOR NUS PA, ,GZHAN DANG 'THAB RTZOD DO ZLA MI BYED PAR, ,GANG DU MA BDE SA DE NYID NAS 'GRO, ,RNYED DANG SNYAN GRAGS DON DU MI GNYER BAS, ,'JIG RTEN LEGS PA CI YANG MI SGRUB CING, ,BYA NGAN LAS KUN NGAN SKYUGS DGRA BZHIN DOR, ,DUS BZHI KUN TU CHOS SPYOD BCU LA 'BAD, ,'DOD DANG MI DGE SPONG BYED MNGON SHES SOGS, ,YON TAN 'BYUNG BYED BSAM GTAN MA GTOGS PA, ,GNAS PA TSAM TSOM SGOM DU MI 'TSAL ZHING, ,SGO GSUM DGE LA RTZE GCIG NYAMS PA MED, ,DRI MED SDE SNOD MIG DANG SGRON ME

, ,DANG; ;SMAN GYUR MANG DU THOS BAS MI NGOMS SHING, ,THOS PA KUN KYANG NYI MA DE RING NAS, ,DNGOS DANG MOS BAS NYAMS SU BLANG BYAR NYAN, ,BRGAL LAN SUN 'BYIN CHOS DMAG ZER MCHU NYUNG, ,DBANG ZA RANG GZO BSDUS DON MI MDZAD CING, ,DON GYI MTHA' CHOD TSIG NYUNG DON KUN GO ,MANG THOS LUNG LDAN DON GYIS MTSAMS PHYED, ,GRUB MTHA' MA 'DRES CHOS SKAD BZANG LA BRTEN, ,CI BSHAD SGOM DON BLO SNA SGYUR LA MKHAS, ,NYAMS PA ZUR GSO TSIG 'BRU DAM PA BKROL, ,'KHRUGS PA KUN BSDEBS 'BYAMS PA DAG TU 'DRIL, ,BKA' CHAD 'GYUR 'KHRUGS 'GYUR MANG DAG LA BLTA, ,MKHAS PA'I RTZOM LUGS 'GREL t'IKA DU MA DANG, ,BLA MA'I MAN NGAG RANG GI BLO GROS LA, ,BRTEN NAS RNAM DAG CHOS BSHAD DE LTAR MDZAD, ,LNGA BRGYA THA MAR RANG NYID MI NYAMS SHING, ,SGRUB PA TSUL BZHIN ZHE NAS BYED GYUR NA, ,CHOS KYI DPON DANG SGRUB G-YOG LA SOGS PA, ,TSAD LDAN DON MTHUN DGA' ZHIG MA GTOGS PA, ,GZHAN GYI DPON DANG G-YOG PO MI BYED CING, ,BLA MA SGRUB G-YOG LA SOGS MA GTOGS PA, ,GZHAN SEMS MI GZUNG KUN GYI SEMS MI DKRUG, ,LTOS 'JEN 'BREL 'DRIS LA SOGS BYA BA SPANG, ,GYONG ZHING 'GROGS DKA' RNAM THAR GTZANG PA DANG, ,DMAN PA'I SA BZUNG ZAS GOS NGAN LA BRTEN, ,DAD BRTZON BLO DANG SNYING RJE CHE BSKYED LA, ,MI RJES MI SNYEG CHOS DANG GANG MTHUN BYA, ,DBEN ZHING NYAMS DGA' 'TSO BA 'BAD RTZOL CHUNG, ,GNOD TSE KUN BRAL DE NI BSGRUB

PA'I GNAS, ,BAG YANGS SOS DAL NYID DU MA SONG BAR, ,CHU BO'I RGYUN LTAR RGYUN CHAD MED PAR SGRUBS, ,TSE 'DIR MA CHAGS BYA RGYU CHOS LAS MED, ,KHAS BLANGS GTZANG ZHING LAS 'BRAS SROG LTAR 'DZIN, ,'KHOR BAS YID 'BYUNG MAR GYUR 'GRO LA BRTZE, ,BDAG 'DZIN DGRA THUL MA NOR RTOGS PAR 'DOD, ,CES GSUNGS PA RNAMS TE RGYAS BAR NI MDZES PA'I PADMO RTZA 'GREL GNYIS LAS SHES PAR BYA'O, ,DGE BSHES PO TO BA DE 'BROM RIN PO CHE LA GSANG SNGAGS KYI MAN NGAG RNAMS MTHIL PHYIN PAR ZHUS NAS BLA MED KYI LAM RIM GNYIS KYI NYAMS LEN MTHAR PHYIN PAR MDZAD PA ZHIG YIN YANG GSANG SNGAGS SHIN TU GSANG BAR MDZAD NAS RGYUN GYI DAM TSIG GI RDOR DRIL NYE GNAS KYIS KYANG ZHING GSHEGS NAS MA GTOGS MA MTHONG, GSANG SNGAGS KYI BZLAS BRJOD MTHAR PHYIN PAS CHOS SRUNG RNAMS KYANG BRAN DU KHOL BA ZHIG STE 'OL BA STON CHUNG GIS DPAL LHA MO RBAD PAS DGE BSHES MKHAR PHU BA 'DAS, 'KHOR RJES NA 'DUG PA LA YANG GNOD PAS DGE BSHES PO TO BAS DPAL LHA MO LA 'DI LTAR BKA' BKYON TE, UKHYOD SANGS RGYAS LA CHOS DNGOS SU NYAN PAS KYANG 'DI LTAR BYED NA, DED LUNG LA BRTEN PAS JI LTAR BYED GSUNGS PAS, NUB GCIG MNAL LAS NA BU MO GZHON NU MA GCIG GIS G-YAG RGOD GNYIS GNYA' BCAG NAS DED SONG, PHA TSAD SONG BA DANG DE THAMS CAD NAM MKHA' LA 'PHUR NAS SONG BA CIG RMIS, DE NAS PHYIS GNOD PA YE MA BYUNG GSUNG, DGE BSHES PO TO BA CHEN PO DE'I SU'I RNAM PA NI

, ,GDONG DKYUS THUNG NGE BA, ZHAL DKYIL DKAR LA DMAR BA'I MDANGS CHAGS PA, SBYAN RTZA HUR RE MDZAD BA CIG BZHUGS, CHOS GSUNG DUS HUR BTON NAS GSUNGS BAS DANG POR PHYAM TSE ZHUS, DE NAS BLA GOS KYANG RKED PA TZAM DU ZHUS 'GRO BA, THUGS SHES RAB SHIN TU CHE BAS TSIG BZHI BA RE LA YANG 'DI'I CHA NAS 'DI LTAR 'GRO 'DI'I CHA NAS 'DI LTAR 'GRO ZHES DON MI 'DRA BA BCU BCU TZAM 'CHAD BA ZHIG YOD PAR GSUNGS, DGE BSHES PO TO BA DE LAM RIM 'CHAD PA'I TSE LAM SGRON RTZA BAR BYAS NAS, BKA' GDAMS GZHUNG DRUG DANG, RIN CHEN PHRENG BA, SLOB SPRINGS, BSHES SPRINGS, KA MA LA SH'I LA'I SGOM RIM RNAMS DANG SBYAR TE MTHA' CHOD PAR MDZAD, GZHAN YANG JO BO'I BDEN GNYIS LA SOGS PA PO TI LA BYUNG BSHAD MDZAD PAS SLOB DPON PAS CHOS 'DI TZAM SU LAS BSLABS PA LAGS ZHUS PAS, SLOB DPON PRADZNY'A LA BSLABS PA YIN GSUNG, BKA' GDAMS ZER BA'I SGRA BO CHE DE YANG DGE BSHES PO TO BA CHEN PO'I DUS SU GRAGS PA YIN, ,RNAM THAR GTZANG BA DANG, KHYAB GDAL CHE BA'ANG DE DUS BYUNG BA YIN GSUNG, SHIN TU GTING ZAB PAS NGA LA YON TAN 'DI YOD MI GSUNG YANG BYANG CHUB KYI THUGS MNGA' BA, YI DAM GYI ZHAL GZIGS PA, MNGON PAR SHES PA RGYA CHEN PO DANG LDAN PA ZHIG GO ,DE NAS SHING MO BYA'I LO DBYAR ZLA 'BRING PO'I NYAL DBYAR GNAS MDZAD NAS, TSES BCU BDUN LA SLOB MA LA SPRINGS PA'I DBU BTZUGS, NYI SHU GSUM GYI

NYIN RGAS PA'I SDUG BSNGAL YAN CHAD THON, KA BA LI ZHAL BSDAMS NAS KHYED CAG NGA LA DGE BSHES SHIG RE TE DA LTA MING LAS MED MA 'ONGS PA NA MTSAN NYID DANG LDAN PA ZHIG CI 'GRUB BYA, 'U CAG RNAMS GTOR MA CHEN PO ZHIG BSHAMS LA MNA' THO ZHIG GCAD DGOS, DA PHYIN CHAD SDUG TU 'JUG MKHAN TSE 'DI'I RNAM RTOG YIN PAS, DE MI BOR RI, SANGS RGYAS KYI BSTAN BA 'UR BYID DU GTONG BA'I BYA ROG DANG 'UG PA BYED RI BYAS LA MNA' SKYOL GSUNGS NAS, SPYAN CHAB SGOR SGOR MDZAD CING STAN LAS BZHENGS NAS NANG DU GSHEGS SO, ,DE'I NUB MO NAS CUNG ZAD BSNYUNG, SANG DRO'I DUS SU CHOS STON THON NAS JO RIN NGA YANG 'GRO BAR 'DUG STE MA SNGAS RAN PA YIN, 'GYOD PA MED PAR 'GRO GSUNGS NAS GZIM KHANG DU GSHEGS SO, ,DE'I NYIN PAR CHOS MA GSUNGS, MTSAN MO CANG STON LA SOGS PA SNYUN G-YOG BA RNAMS LA NGA GNYID ZI BA 'DRA BA CIG LA PHYOGS BCU'I NAM MKHA' GANG BA'I SANGS RGYAS DANG BYANG CHUB SEMS DPA' THAMS CAD MTHONG NAS; DE DAG LA GSOL BA BTAB PA'I SNANG BA CIG BYUNG GSUNGS DE'I DUS SU GRVA PA RNAMS KYIS SKU RIM BYED PA'I KHRAL BSDUS PA NA, THEG PA CHEN PO'I BLA MA'I RIM GRO BYED PA LA BRE SRANG KROG KROG BYAD PAS CIR YANG MI 'GYUR, DUG HRUL GYON NAS SA SKYONG LA PHAR MNYES CHUR MNYES BYED PA CIG DGOS PA YIN GSUNG, NYI SHU DGU'I NUB MO BGRES PA RNAMS ZHAL MJAL DU 'ONG BAS, MAR ME MDUN DU KHYER LA SHOG GSUNGS NAS KHO THAG CHOD PA LTAR GNANG NAS DA SONGS

, ,GSUNG, DE NAS CUNG ZAD LON PA NA ZHABS 'BRING NANG 'KHOR BDAG DANG, MCHOD GNAS RNAMS SPYAN SNGAR BYON PA LA, KHYED RNAMS KYIS DGE BA'I BSHES GNYEN MNYES PAR BYAS TE, SPYAN DANG LDAN PA'I JO BO AA TI SHA'I ZHAL NAS, BLA MA'I ZHABS TOG BYAS PA DON MED PA MA YIN, DON CHUNG BA MA YIN GSUNGS PAS, NGA'I TSIG LA YID CHES PAR GYIS, KHYED RNAMS LA LAS NGA'I MIG GI DOD BYAS, LA LAS LAG PA'I DOD BYAS TE DON CHE BA YIN GSUNG, GNAM STONG NYIN CANG STON DKON MCHOG 'BAR GYIS TSOGS PA LA ZHAL GCIG STON PAR ZHU, GRA PA RNAMS DE SNGA BKAG PAS BDAG CAG LA 'BAR ZHING BDOG LAGS ZHUS PAS, RGAN PO 'CHI KHA MA CIG BLTAS PA LA DGOS PA CANG YOD DAM GSUNGS, NAN GYIS ZHUS PAS 'O NA KHRI BRTZIGS MCHOD PA BZANG PO SHOMS SHIG GSUNGS, GRA PA RNAMS KYIS DE LTAR BYAS PA'I TSE DGE BSHES PO TO BA CHEN PO KHRI LA BYON NAS CHOS SHIG GNANG NAS PHYAG THAL MO SBYAR TE SEMS CAN SKYABS MED PA RNAMS KYI SKYABS, MGON MED PA RNAMS KYI MGON, DE BZHIN DU GNAS DANG, GLING DANG, DPUNG GNYEN DANG, 'KHRA SA MED PA RNAMS KYI 'KHRA SAR GYUR CIG GSUNGS NAS, THAL MO PHYIR LA SHIG GIS SONG STE SKU'I BKOD PA BSDU BAR BRTZAMS, DE LTAR DGE BA'I BSHES GNYEN PO TO BA 'DI ME MO YOS LA 'KHRUNGS, BDUN CU DON DGU'I BAR BSTAN 'GRO'I DON MDZAD NAS BDUN CU DON DGU PA SHING MO BYA'I DBYAR ZLA 'BRING PO'I

GNAM STONG GI SNGA DRO PO TO DGON PAR SKU GSHEGS TE DGA' LDAN CHOS KYI PHO BRANG DU PHEBS SO, ,DE NAS GNAM STONG GI MTSAN MO SKU GDUNG 'KHYAMS SU SPYAN DRANGS NAS SROD DANG, GUNG DANG, THO RENGS GSUM DU G-YOR GCONG DANG, CHU 'KHRIS PA DANG, 'PHAN YUL BA GSUM GYI MCHOD PA RGYA CHEN PO MDZAD, TSES GCIG LA G-YOR STON CHOS 'BAR DANG, GTZANG BA JO BTZUN YE RGYAL DANG, CHU 'KHRIS PA STON PA DBANG GZHON DANG, ZHANG BTZUN SHES RAB RGYA MTSO DANG, STOD LUNG PA STON PA RGYAL PO DANG, 'PHAN YUL BA STON PA SH'AKA GZHON RNAMS KYIS GDUNG GNYER MDZAD NAS SPUR SBYANGS PA'I TSE, SPUR KHANG GI PHYOGS BZHIR RIN PO CHE'I MCHOD RTEN BZHI BYUNG BA DANG, DKAR PHYOGS KYI LHA RNAMS KYIS PHYAG DANG MCHOD PA BYAS SHING PHYAG 'TSAL LO ZHES PA'I SGRA MI RNAMS KYIS KYANG THOS PA BYUNG, LAS TSAN GSUM DANG, BRAG RGYAB PAS PHYOGS BZHI NAS MCHOD PA PHUL, THUGS LJAGS RING BSREL LA SOGS PA'I RTEN NGO MTSAR CAN MANG DU BYON, TSES GNYIS LA GDUNG CHA LNGAR BGOS, TSES GSUM LA NA BZA' BGOS DBYAR GRA PA RNAMS DER BZHUGS NAS SPUR SBYANGS PA'I SAR MCHOD RTEN BZHENGS TE DGAG DBYE THON NAS SO SOR BYON NO, ,GDUNG KHANG DU DNGUL GYI MCHOD RTEN BYED PA DGE BSHES PHU CHUNG PAS GSAN NAS, GDUNG RTEN DNGUL LAS BYAS NA DNGUL MI NGAN GYIS KHYER NAS NGA'I GROGS PO'I SKU GDUNG GROG NANG DU SPUNG DE 'ONG DOGS YOD DGONGS NAS JO BO TSUL BSOD LA 'DIR SHOG GYIS GSUNGS PAS, TSUL BSOD 'BYON DU MA

, ,GNANG, PHYIS RAB GNAS LA PHU CHUNG BA SPYAN DRANGS PA'I DUS SU ZHAL NAS DNGUL MA BYAS NA LEGS PA YIN TE, DA BYAS KYI RTING LA RAB GNAS LA BAB PAS DBYAR DO BO DGON PAR SDOD PA'I LAM GZHOR LA BYA YA, 'KHOR LO YAN CHAD RGYAN YIN PAS MA TSAR YANG BTUB, BRE MAN CHAD TSAR BAR GYIS GSUNGS NAS TSUR LAM GDUNG RTEN GYI RAB GNAS MDZAD DO, ,DGE BA'I BSHES GNYEN PO TO BA CHEN PO DES BSTAN PA'I BYA BA RGYA CHEN PO MDZAD PAS SPYIR GDUL BYA BGRANG BA LAS 'DAS SHING, DUS GCIG TU 'DUS PA LA'ANG LAS DANG SKAL BAR LDAN PA'I GRA PA NYIS STONG TZAM 'DUS PA'I NANG NAS, BKA' BAB KYI BU CHEN BRGYAD DU GRAGS PA NI, DANG TSUGS MCHOG ZUNG GCIG LA 'GRAN PA ZHIG YOD PA'I BKA' DGE BSHES PHO BRANG SDING PA LA BAB ,RTZOD PA PAndI TA'I RGOL BA YANG BZLOG NUS PA'I BKA' DGE BSHES DOL BA CHEN PO LA BAB ,BYAMS SNYING RJE BYANG CHUB KYI SEMS BDAG PA'I YE SHES LA MNGA' BRNYES PA 'DRA BA 'ONG BA'I BKA' ZHANG RO COG LA GZHUNG BSHAD BYED PA THAMS CAD MKHYEN PA'I YE SHES LA MNGA' BRNYES PA 'DRA BA 'ONG BA'I BKA' ZHANG SHA RA BA LA BAB, STONG NYID KYI LTA BAS DNGOS PO DANG MTSAN MAR 'DZIN PA THAMS CAD 'JIG NUS PA YOD PA'I BKA' RAM SDINGS MA BA LA BAB, GSUNG RAB THAMS CAD SKYES BU GSUM GYI GDAMS NGAG TU DRIL NAS SMAN PA MKHAS PAS NAD BRTAGS TE NAD THOG TU SMAN GTONG BA 'DRA BA YOD PA'I BKA' SNANG DRI'U LHAS PA YE SHES RGYAL

MTSAN LA BAB ,MCHOD PA KUN TU BZANG PO'I MCHOD SPRIN LA 'GRAN NUS PA CIG YOD PA'I BKA' DGE BSHES BRAG DKAR BA LA BAB, BLA MA LA SANGS RGYAS DNGOS KYI MOS GUS RGYUN CHAD MED PA YOD PA'I BKA' GNYAL BA CHOS 'BAR LA BAB BO, ,GZHAN YANG BSTAN PA YONGS RDZOGS 'DZIN PA'I BU CHEN SKYES BU DAM PA MANG PO BYON NO, ,DE LA DGE BA'I BSHES GNYEN PHO BRANG SDING PA NI, ,GDUNG GNYOS 'KHRUNGS YUL GRAB PA, MTSAN GZHON NU 'OD, DGE BSHES PO TO BA YUN RING DU BSTEN PA YIN TE, DBYAR DGUN CUNG ZAD MA GTOGS ZHAL MJAL NAS MYA NGAN LAS 'DAS BAR DU ZHABS DRUNG DU BZHUGS NAS CI MDZAD THAMS CAD LA YON TAN DU 'DZIN PA LAS MI MTHUN PAR 'DZIN PAR BYED MA MYONG BA'I SKYES BU DE LA PO TO BA MYA NGAN LAS 'DA' KHAR KHYOD KYANG BCU BCO LNGA TZAM DANG 'GROGS, GCIG PUR BSDAD NA BRA BA BZHIN DU DGRAS 'KHYER RO GSUNG, DGE BSHES PO TO BA'I GDAMS PA MA LUS PA THUGS SU CHUD, KHYAD BAR CHOS GSUNG BA THAMS CAD DPE SNA TSOGS DANG SBYAR NAS GSUNGS PA LA NGO MTHAR SKYES NAS PHO BRANG SDING BAS DGE BSHES PO TO BA LA DPE RNAMS PHYOGS GCIG TU BSDEBS PAR ZHUS PAS, DAR CIG THUGS DGONGS MDZAD ,DE NAS 'O NA BYED NA YANG GYIS GSUNGS PAS, PHO BRANG SDING PAS DPE RNAMS PHYOGS GCIG TU DANG POR BSDEBS PA LA, PO TO BA MKHAR THOG NA BZHUGS PA'I DUS SU, GNAS BRTAN RGYAL 'BAR BYA BAS BSHES GNYEN PAS GSUNGS

, ,PA'I DPE CHOS 'DI RNAMS LA NYAMS SU LEN PA'I GO RIM ZHIG GSUNG BAR ZHU ZHUS NAS GSUNGS PA DGE BSHES BRAG DKAR PAS THUGS LA BZUNG STE ,PO TO BA GSHEGS NAS LO DRUG LON PA NA DGE BSHES BRAG DKAR BAS GRAB BA CAN DU BYON NAS ,DGE BA'I BSHES GNYEN GYIS GSUNGS PA'I DPE CHOS 'DI LA ZHU GTUGS 'DRA DGOS PAR BDOG PAS DPE CHOS TSAR GCIG ZHU ZHUS PAS GRAB PA'I ZHAL NAS, KHYED RANG DGE BSHES PO TO BA'I DRUNG DU BZHUGS YUN NGA BAS RING NA DPE LA KHYED RANG MKHAS PA MIN NAM GSUNG BA LA, HA CANG NAN TAN MA BYAS ZHUS PAS GRAB PAS BRAG DKAR BA LA TSAR GCIG GSUNG, DE NAS KHONG LA RTOGS PA GSAR PA 'KHRUNGS TE THOG MAR GNAS BRTAN RGYA LE 'BAR LA DPE CHOS RGYAS BA CIG GSUNGS, DE NAS GRAB BAS BSDEBS PA'I GZHUNG LA BRTEN, KHONG GI DE NA MA TSANG BA KUN BSNAN, ZUR MA THON PA KUN GSAL BAR BYAS GONG 'OG 'KHRUGS PA KUN SO SOR BSDEBS, BAG TZAM BCOS TE GRAB PA'I DE BAS KYANG ZAB LA RGYA CHE BA'I DPE CHOS MDZAD, DGE BSHES BRAG DKAR BA LA SLOB DPON 'PHAN YUL BA BYANG CHUB SNANG BAS GSAN, DE LA RTA NAG MDA' RU 'KHRUNGS PA'I LCE SGOM RDZONG BA SHES RAB RDO RJES GSAN ZHING GO BDE BAR YANG BCOS NAS GZHAN LA DAR BAR MDZAD DO, ,DGE BSHES GRAB BAS GRAB GNAS GSAR DANG PHO BRANG SDINGS BTAB, GRAB BZHI BRGYA TZAM 'DUS, DGUNG LO RE LNGA PA LA GRAB GNAS GSAR DU GSHEGS, ,DGE BSHES BRAG

DKAR BA NI, SPRE'U'I LO LA SKU 'KHRUNGS, DGE BSHES PO TO BA YUN RING DU BSTEN NAS DGE BSHES PO TO BA'I GSUNG SGROS DPE CHOS RTZA 'GREL BRTZAMS, PO TO BA GSHEGS NAS PHO BRANG SDINGS PA LA'ANG GTUGS, DGE BSHES BRAG DKAR BA'I ZHAL NAS MDUNG DGON PA LA, 'GRO DRUG SEMS CAN THAMS CAD LA, ,PHYOGS BZHIR GTOR MA GTONG BA BZHIN, ,'BA' SA 'BUS 'KHYER BYED PA NI, NAM ZHIG BDAG NYID 'GYUR ZHIG GU ,BYA BA YIN NO GSUNGS, BRAG DKAR PA'I ZHAL NAS, MI 'DI SBYANG SLA BAR 'DUG GSUNG, MDUNG DGON PA'I ZHAL NAS, MI MA YIN SBYANG SLA, MI LA GO BA 'DZOL BA 'ONG, MI MA YIN LA MNGON SHES YOD PAS GO BA 'DZOL BA MI 'ONG GSUNG, 'DIS GNAS KHANG GCIG TU LO NYI SHU RTZA GSUM BZHUGS PA LA, KO MTHIL GCIG GIS LO GSUM THUB, MAR LOG GCIG GIS ZLA BA GCIG DANG ZHAG BCU GSUM THUB, ZLA BA RE RE LA NAS BRE LNGA LNGA LAS MI 'DZAD, NGAS CHOS KHA LUS GNYIS KAS BSHAD KYANG KHYED KYIS MI GO, BRAG DKAR NAS STAG RTZER 'PHO RTZAN KHAM POR BRGYAD DANG BUM PA GCIG LAS 'KHYER RGYU MED GSUNG, DE NAS DGUNG LO BRGYAD CU PA YOS LO'I DGUN ZLA THA CHUNG GI NYI SHU GNYIS LA GSHEGS, DGE BSHES 'DIS LAM RIM 'CHAD DUS GRA LA GSUM BRGYA TZAM 'DUS SO, ,DGE BSHES DOL PA NI, SA MO PHAG GI LO LA YAB DGE BSHES LEGS PA'I RGYA MTSO ZER BA THEG PA CHEN PO GSANG SNGAGS KYI MKHYEN BA SHIN TU CHE BA, MI GZHI YANG

, ,LEGS PA CIG YOD PA DE LA SRAS GNYIS MNGA' BA'I CHE SHOS SU 'KHRUNGS, GDUNG ROG SKYENGS PA YIN, BCES NAS LO LNGA'I BAR DU SKU LUS LA RTAG TU 'OD 'KHOR BA CIG BYUNG, LO LNGA LON NAS KLOG YIG SLOB PAR MDZAD, DE NAS LO BCU BZHI LON GYI BAR DU DGE BSHES CHOS KYI LA MNGON PAR GSAN, DE NAS LO BCU DGU'I BAR DU KHYUNG PO GRAGS SENG LA SOGS PA LA DBU TSAD GSAN, DE NAS YAB LA RAB TU 'BYUNG BAR ZHUS PAS NGED SNGAGS PA'I BRGYUD YIN GSUNGS NAS MA GNANG, YANG YANG ZHUS PAS KHYOD RAB TU 'BYUNG NA CHUNG BA 'DI LA SNGAGS PA CIG 'TSOL BA LAS 'OS MED GSUNG, DE NAS LO NYI SHU LON PA NA 'ON DU CHOS 'KHOR ZHIG GI DUS SU LHAB STON GSHEN GSUM BYA BA 'TSOGS PA YIN TE, DE'I DUS SU MI CHE SHOS YIN, DER DGE BSHES GSHEN LA MKHAN PO ZHUS NAS, SNGA DRO DGE TSUL ,PHYI DRO DGE SLONG, SROD LA SEMS BSKYED GNANG STE NAN TAN BYED NA DE TZUG BYED DGOS PA YIN BYA BA'I ZHAL KYANG YANG GSUNG, DE NAS RGYA 'DUL BA 'DZIN PA LA 'DUL BA GSAN ,LO GSUM NA GNAS MAL GYI GZHI MA GTOGS PA MDO RTZA BLO NAS RTZAR GYIS BSHAD, DGE BSHES RGYA GRONG 'DUL MDZAD PAS, NGES ZUR CHOS PA RNAMS KYIS DAD LDAN RNAMS LA RE MOS KYIS CHOS 'CHAD PA LA, NGAS THEG CHEN RNAL 'BYOR BSHAD PAS DAD LDAN RNAMS DAD PA SKYES NAS NGU STENG RANG LA BRIG PA CIG KYANG MA BYUNG ,PHYIS DGE BSHES PO TO BA'I GSUNG GI

'KHRIGS BCUG PAS, SNGAR GYI DE JI TZUG SONG NA SNYAM PA CIG BYUNG GSUNG, YAB KYI ZHAL NAS NGA'I GROGS PO 'BROM STON GYI SLOB MA SGOM SLOB PA CIG YOD PAR 'DUG PAS DER SONG GSUNGS TE, NGA'I DGE BA'I BSHES GNYEN GYI THOG MA PHA RGAN DER GYUR NAS 'DUG GSUNG, DE NAS LO NYI SHU RTZA DRUG PA LA PO TO BA SGRO LAG DGON PA NA BZHUGS PA'I SPYAN SNGAR BYON ,JA DKON PAS GA BUR GYI THANG SMAN BANDA BCU LHAG TZAM LA DRANGS, CHOS GOS LING BZANG PO ZHIG YOD PA PHUL NAS CHOS KYI ZHU BA BYAS PAS, KHYOD LAM NOR BA YIN, LHA SA NA NYAN BSHAD NYI MA SHAR BA LTA BU YOD PA DER MI SDOD PAR NGA LA NI 'CHI BA RJES SU DRAN PA BYA BA'I CHOS GCIG LAS MED, DE LA MGU NA LO BZHI SDOD, CHOS GOS 'DI YANG TSONGS LA BRGYA GAS GYIS GSUNGS NAS TSUR LA GNANG, DE NAS DGONGS CHOS KYI DUNG BYUNG NAS BYON PA NA RIN CHEN PHRENG BA'I RGYAL PO'I TSUL BSTAN PA'I LE'U LA SLEB NAS, KHYOD KYIS MKHYEN PAR MDZAD SLAD DANG, , 'GRO BA LA YANG BRTZE SLAD DU, ,KHYOD LA MI SNYAN YANG SMAN PA, ,BDAG LTA GCIG PU TO POR GSOL, ,ZHES PA DE NAS THOB PA YIN TE, TSOGS CHOS THOS PA'I SNGA SHOS 'DI YIN GSUNG, DE THON NAS MDO SDE RGYAN ZHIG GSUNGS, DE DUS TSOGS BSDUS NAS LO GSUM LON NAS 'DUG ,GRA PA SUM CU TZAM BZHUGS KYI 'DUG PA LA LKOG CHOS KHRID PA GSUM BZHI TZAM LAS YOD YOD MI 'DRA, THUGS MA MNYES CEN KHYED LEGS PAR BYED NA GYIS, MI BYED NA

, ,NGA LA BLO MI BDE BA GSUM BZHI TZAM LAS MED DO GSUNG GI 'DUG, DE NAS DBYAR GNAS KYI DUS LA BAB NAS YON SHEL ZHU SNA BCOL NAS DBYAR 'DI'I BYA BA ZHU BA'I GNAS KYI SLOB DPON ZHIG KYANG ZHU ZHUS PAS JI LTA BU'I YON SHE YANG 'ONG BA GSUNGS NAS BZHENGS NAS BZHUD, THUGS MA DGYES PAS MA LEGS PA BYAS SNYAM PA NA, SANG DGONGS DE 'DIR SHOG GSUNGS NAS BYON PAS, JO BO STON PA NGA LA GNAS KYI SLOB DPON ZHU ZER TE DA LTA GNAS KYI SLOB DPON MTSAN NYID DANG LDAN PA MED, RA SGRENG GI SHUG PA'I GSEB DER DGE BSHES STON PA GNAS KYI SLOB DPON DU 'OS PA CIG BYUNG BA YIN TE, SUS KYANG GNAS MA BCAS PAR SKU GSHEGS SO, ,BCOM LDAN 'DAS KYIS GNAS DRAN PA NYE BAR BZHAG PA BZHI LA CHOS SHIG GSUNGS PAS, 'U CAG KYANG DE LA GNAS 'CHA' DGOS PA YIN GSUNG, DOL BA NYID KYI ZHAL NAS, NGAS PO TO BA'I GSUNG DE SKAD GZHAN DAG LA BZLAS PAS GNAS DGE BSNYEN LA 'CHA' 'AM SNYAM STE, CHE 'DI PHYI THAMS CAD KYI MDUN MA DE LA BLTOS PAS GNAS SU NGES PAR 'ONG BA YIN GSUNGS, SPYAN SNGA'I ZHAL NAS KYANG, NGA'I DON GYI MKHAN PO DGE BSNYEN RGAN PO DER 'DUG BYA BA GSUNGS, DGE BSHES DOL BAS CHOS LA 'PHRIG BAG RE RNYED PAS, SNGAR GYI CHOS THAMS CAD KYIS GO MI CHOD PAR GRO, PHYI MA PHAN CHAD GAL CHE BA'I BLO BAG RE BYUNG BAS, AAN RE BSAM SNYAM PA MIN PA BSHAD SNYAM PA MED PAS DPE DANG YIG

SNA KUN KYANG MI LA BYIN, KA BA LI RANG STONG PAR BZHAG GSUNG, DE BAS NA DGE BA'I BSHES GNYEN DGOS SNYAM PA CIG BYUNG GSUNG, DGE BSHES DE DANG MA PHRAD KYI RING LA NGES GLEN PA CHEN POR 'DUG, RAB TU BYUNG DGE BA'I BSHES GNYEN DE DANG MJAL BAS, BDE SKYID SNYAN GRAGS THAMS CAD NGED CHE GSUNG, LO NYI SHU RTZA GNYIS SU PO TO BA'I DRUNG DU BSDAD PA YIN TE, DES NGOMS PA'AM CHOG SNYAM PA YE MA BYUNG GSUNG ,DGE BSHES DOL PA CHEN POS DBYAR DGUN PO TO BA'I SAR BZHUGS NAS, STON DPYID SKU MCHED GNYIS PO'I SPYAN SNGAR RE MOS SU BZHUGS, DE NAS PO TO BA BYA LO'I DBYAR GNAS KYI ZLA BA'I GNAM STONG LA MYA NGAN LAS 'DAS NAS DBYAR DER BZHUGS, STON CHOD PA DANG TSUR BYON NAS DPON G-YOG BCU TZAM CHU SNA DGON PAR BZHUGS, TSUR 'BYON KHAR KHAMS PA LUNG PA LA YANG CHOS 'BREL GSAN, DE NAS DPON 'PHAGS PAS DPYID LA GANG DU SPYAN DRANGS TE PHUL, KHYI LO LA YA GAD BZUNG STE LO GNYIS SU GZHUNG MA GSUNGS PAR STONG THUN SKYA RE MA CHAG PAR GSUNGS, DE NAS 'KHOR RNAMS KYIS ZHUS NAS, DANG POR SLOB MA LA SBRINGS PA CIG GSUNGS, DE NAS BE'U BUM SNGON POR GRAGS PA 'DI GSUNGS TE DGE BSHES DE'I ZHAL NAS, RANG GI RGYUD LA CI PHAN BYA BA'I CHED DU 'PHANGS 'PHANGS RNAMS BRJED KYIS DOGS NAS BRIS PA YIN, BSHAD PA'I GO CHA MA BYAS, GO CHA BYAS NA DBYAR DGUN RE'I CHOS GSUNGS TSOD RNAMS BZUNG YANG ZAD PA MED PA 'ONG STE, GCIG PUR SDOD NA DGOS SNYAM

, ,NAS KHA YAR BRIS NAS YOD PA LA DGE BSHES PHO BRANG SDINGS PAS DPE CHOS DE BSDEBS 'DUG PA GSAN PAS, 'O NA NGA'I DE RNAMS KYANG LHAN CIG TU BSDEBS NA GZHAN LA PHAN PA SRID DAM SNYAM NAS YA GAD DU BSDEBS PA YIN TE, RTZOM YANG LEGS PA CIG BYUNG, DE NAS DGUN BE'U BUM GSUNG BAR DGONGS PA LA JO MO DPE MO BYA BA NA RE, DGE BSHES LA RMI LAM NGAN PA CIG BYUNG DGE BSHES KYI NANG KHROL YIN ZER BA CIG DOL LUNG BA LA 'GYED KYIN SNANG ZER BA CIG RMIS ZER BAS, NANG KHROL ZHIG NI 'GYED NYEN YOD DE, SKU RIM MI DGOS GSUNG NAS DGUN DE NAS GSUNG BAR MDZAD DE 'GRO BA DPAG TU MED PA'I DON MDZAD DO, ,DGE BSHES SHAR BA'I PHYAG TU BE'U BUM 'DI BYON PAS DGE BSHES DE BSTAN BCOS RTZOM PA'I 'BRING TSAD DU SKYOL NAS 'DUG GSUNG STE TSAR GCIG BZHENGS PAS MDZAD, SLOB DPON DON STENG BA'I ZHAL NAS, NGA YANG 'DI GCIG THOS PAR 'DOD PAS GSUNGS NAS YOD TZA NA DPYID CIG GSUNG ZER BA THOS NAS YA GANG DU PHYIN PAS DE'I NUB MO RDO RJE GDAN DU PHYIN PA CIG RMIS, DE NAS DGE BSHES DE'I GSUNG GIS BYIN GYIS BRLABS PAS PHAN PAR BYUNG NAS DGE BSHES LA SMAN PAR MCHI BAR GDA' ZHUS PAS, GCIG PUR SDOD NA 'DIS DGE BSHES BTUB PA YIN GSUNGS, GZHAN YANG DGE BA'I BSHES GNYEN 'DI JO BO NYID KYIS KYANG LUNG BSTAN, SKYE BA BDUN PA'I RTAGS DANG LDAN, BLA MA RNAMS KYIS JI SKAD BSTAN PA

BZHIN THUGS LA 'KHRUNGS, BDE BAR GSHEGS PA MANG PO'I ZHAL GZIGS, MNGON PAR SHES PA RGYA CHEN PO MNGA', DE YANG SNYE THANG 'ONG DU RAB GNAS SHIG LA SPYAN DRANGS PA'I TSE STOD LUNG BA'I BTZUN CHUNG GNYIS KYIS SEMS BSKYED ZHU SNYAM NAS YANG YANG BRTZAMS PA LA, DGE BSHES MI MANG POS G-YENGS NAS ZHU BA'I SKABS MA BYUNG BAS, THUGS KYIS MKHYEN NAS KHYED RANG GRABS KYIS, TSAR BA DANG NGA BOS GSUNG, JO STON MNGA' RIS PAS YI GE DRUG PA LI MA DE SPYAN DRANGS NAS BYON BA DGE BSHES DGOL BAS YE MA GSAN PA LA, KHONG DOL PA'I GZIM KHANG DU BYON NAS PHYAG BYA BAR BRTZAMS PAS, SNGON LA LHA TSUR SPYAN DRONGS GSUNGS NAS MNGON SHES KYIS MKHYEN, BZANG YUL DU BYON PA'I DUS NA LCE DVA LA SGANG PA'I ZHAL NAS, NGA LA SNGAR BAS SGOM BZANG BA CIG SKYES PA LA, CI'I PHAN YON YIN SNYAM PA NA DGE BSHES DOL PA DER BYON PA GZIGS PAS KHONG GI BYIN RLABS YIN GSUNGS NAS BSNYEN BKUR CHE BAR MDZAD, PHYIS KYANG DER BYON PA'I DUS NA DE KHO NA BZHIN DU BYUNG BAS DAD GUS SHIN TU CHE BAR MDZAD GSUNG, DGE BSHES MON BU CHUNG BA'I ZHAL NAS, DGE BSHES YA GAD PA DE RING 'DI NA YAR LA 'BYON PAR 'DUG ,MDANGS CHOS BSAM DU BTUB PA CIG BYUNG GSUNGS NAS, DGE BSHES DPON G-YOG 'BYON PA LA BYA RA MDZAD DE, MON BU CHUNG GI LUNG PA'I MDOR PHEBS PA NA BZANG SPOS MANG PO BSREGS NAS GSOL BA 'DEBS PA YIN GSUNG ,GZHAN

, ,YANG DGE BSHES 'DI MTHONG BA DANG, GSUNG THOS BA DANG, DRAN PA TZAM GYIS KYANG GZHAN GYI NYON MONGS PA'I GNYEN POR 'GRO BA CIG YOD PA YIN GSUNG STE, LHOR BYON BA'I DUS RGAN PO ZHIG NA RE, PHA SPUN ZHIG GIS CI BYED PA BYED DU MA STER, DUG BTANG NAS BSAD SNYAM PA LAGS TE KHA SANG KHYED DANG MJAL BAS BSAM PA DE LOG ,DA NGAN BU LA BZA' KHRIMS SHIG DANG SROG GCOD KYI SDOM BA CIG ZHU ZER BA LA, KHO CI LA GSOD KHYOD RANG GIS SKYE BA SNGA MA LA KHO LA GNOD PA BYAS PA'I RTAGS YIN GSUNGS NAS, PHAM PHABS SHIG DANG BZA' KHRIMS GNANG, YANG BUD MED GCIG NA RE, NGAN BU LA BU NOR RUNG ZHIG BDOG PA KHONG GIS BSAD NAS ZHE SDANG CHEN PO SKYES PA LA KHA SANG KHYED MTHONG BAS CHUNG DU THAL, MI KUN NA RE SKYE BA BDUN PA'I BYANG CHUB SEMS DPA' LAGS ZER NA LAGS SAM, NGAN BU LA BZA' KHRIMS SHIG KYANG ZHU ZER BA LA, MA RGAN SKYE BA BDUN PA MI 'DRA NA, 'U CAG BZA' KHRIMS SHIG BYA DGOS GSUNGS NAS BU'I MYA NGAN SEL BA'I GDAMS NGAG DANG BZA' KHRIMS GNANG, DE LTAR DGE BSHES DOL PA MTSAN DNGOS SHES RAB RGYA MTSO, YA GAD PA ZHES KYANG GRAGS PA DE DGUNG LO NYI SHU RTZA DRUG TU TSOGS DPON MDZAD DE 'GRO BA DPAG TU MED PA SMIN PAR MDZAD NAS SMIN DRUG GI ZLA SMAD LA GRAR PHEBS DUS SKU KHAMS CUNG ZAD BSNYEL NAS YAR BYON, ZLA BA PHYI MA LA CHOS CHEN PO ZHIG 'CHAD DE 'DI

RNAMS KYIS MI GO NYEN YOD GSUNG, SKU GSHEGS KHAR DGUN DE CHOS CHEN PO ZHIG 'CHAD DE KHYED KYIS MI GO BAR GDA' GSUNGS PA LA, GZHAN GYIS MA GO BAR, BE'U BUM GSUNG NGAM, BSLAB BTUS GSUNG ZER, DGE BSHES DOL PA'I GSUNG DE THOS PA TZAM GYIS KYANG BLO SNA BSGYUR NUS PA ZHIG YOD PAR GSUNGS, DE LTAR BSTAN 'GRO'I DON RGYA CHER MDZAD NAS DGUNG LO DON GSUM PA LCAGS MO PHAG GI LO DGUN ZLA 'BRING PO'I TSES BDUN GYI DRO THON PA NA YA GAD NYID DU SKU GSHEGS SO, ,YA GANG DU TSOGS PA STONG TZAM 'DUS PA'I NANG NAS BU SLOB CHE BA NI LHA 'BRI SGANG PA, DON STENG BA CHEN PO, BYA 'CHAD KHA BA, DPAL PHAG MO GRU PAS KYANG 'DI LA CHOS 'BREL GSAN SNANG NGO, ,DBUS KYI NYI ZLA ZUNG GCIG CES YONGS SU GRAGS PA BSHES GNYEN CHEN PO PO TO BA'I THUGS SRAS GLANG RI THANG PA DANG SHA RA BA GNYIS LAS, SHAR BA'I RNAM THAR NI 'CHAD PAR 'GYUR LA, DGE BA'I BSHES GNYEN GLANG RI THANG PA NI 'PHAN YUL GNYAN GONG GSER MA SHONGS SU YAB JO BO DAR MA MNGO BZANG GI SRAS SU SHING PHO RTA LA 'KHRUNGS, RUS SHUGS TSANGS, KHO RANG GI ZHANG PO BSHES GNYEN GROG MO MKHAR PA LA RAB TU BYUNG, MTSAN RDO RJE SENG GER BTAGS, RGYAL BA 'OD DPAG TU MED PA'I SPRUL PAR BYED LA, SNGON LO TZ'A BA SKA BA DPAL BRTZEGS SU SPRUL NAS BSTAN PA CHES CHER GSAL BAR MDZAD CING, 'DIR GDUL BYA BLO DMAN PA RNAMS KYI NGOR DANG POR SHIN TU BKREN PA'I TSUL MDZAD DE 'TSO BA

, ,DKA' THUB LA GNAS NAS SDE SNOD GSUM LA SBYANGS SHING, SDE SNOD GSUM GYI BRJOD BYA'I DON THAMS CAD SKYES BU GSUM GYI LAM GYI RIM PAR DRIL NAS NYAMS SU LEN PA'I MAN NGAG BYANG CHUB LAM GYI RIM PA LA THUGS RTZE CHIG SGRIL DU MDZAD NAS BKA' GDAMS SKU MCHED GSUM GA LA GTUGS SHING GTZO BOR NI DGE BA'I BSHES GNYEN PO TO BA CHEN PO LA BKA' GDAMS GZHUNG DRUG GI BSHAD BA MTHA' DAG PA DANG, LKOG CHOS SU BDAG BAS GZHAN GCES PA'I BYANG CHUB KYI SEMS SGOM PA'I MAN NGAG BLO SBYONG DON BDUN MA'I KHRID LEGS PAR GSAN TE NYAMS LEN GYI MTHIL DU MDZAD DO, ,DGE BSHES SNE'U ZUR BA LA'ANG LAM RIM GYI KHRID GSAN NO, ,DGE BSHES GLANG THANG PAS LOR SPYAN SNGA LA CHOS GSAN DUS YOS SPAR BA RES GDAN NON MDZAD KYIN BZHUGS, DE NAS BSOD SNYOMS MDZAD PA'I RNYED PA GANG BYUNG SBYIR DGE 'DUN DANG, KHYAD PAR PO TO BA DPON SLOB RNAMS LA DRANGS PAS SKU BSOD SKYES TE GRVA PA NYIS STONG TZAM 'TSOGS BA'I BRGYAGS KHONG RANG GIS GNANG, GNAS NGES MED MDZAD, SPYAN SNGA LO'I MCHOD RTAN BZHENGS DUS GRVA PA LNGA BRGYA KHRID DE MCHOD RTEN BRTZIG PA'I ZHABS TOG KYANG MDZAD, GTZO BOR PO TO BA'I RNAM THAR DANG GSUNG SGROS 'DZIN, PO TO BA GSHEGS KHANG DGE BSHES GLANG THANG PA LA KHYED GNAS GCIG TU MA BZHUGS, DNGOS PO CI YANG BDAG GIR MA 'DZIN, DE GNYIS SEMS LA ZHOG GSUNG, SPYAN SNGA LA DGE

BSHES GLANG THANG PAS KHO BO MI TSE HRIL GYIS BYAMS PA KHO NA SGOM PAR ZHU ZHUS PAS, SPYAN SNGAS DBU ZHVA PHUD NAS JO BO PA CHA BYAD BZANG GSUNGS NAS DBU DUNG DUD MDZAD, LAN CIG GI TSE TSE RABS THAMS CAD DU DGE SLONG GI DNGOS PO DANG MI 'BRAL BA'I DAM BCA' BRTAN PO MDZAD PAS, DPAL LHA MO DRE'U'I SKAD LHANG NGE BYON NAS DE'I BAR DU NGAS KHYOD KYI GROGS BYA'O GSUNG, GLANG THANG PA'I ZHAL NAS, CI TZUG SONG NGAM, BSRUNG SDOM BAG RE YANG BYAS, BSAM SGOM BAG RE YANG BYAS, BSOD NAMS KYI LAS BAG RE YANG BYAS BA LA CI 'DRA'I PO TI ZAB MO ZHIG ZHAL PHYE YANG SKYON THAMS CAD RANG GI YIN, YON TAN THAMS CAD JO BO SEMS CAN GYI YIN, DE'I GNAD KAS KHE DANG RGYAL KHA THAMS CAD GZHAN LA BYIN LA, GYONG DANG BUB KHA THAMS CAD RANG GIS BLANG SEMS PA MIN PA GO RGYU MA RNYED GSUNG ,YANG ZHAL NAS, 'GRO BA RIGS DRUG GAR SKYE CHA MED DE, GAR SKYES KYANG SEMS CAN LA PHAN 'DOGS PA 'DI MI BRJED DAM SEMS, MIG LONG YANG CHOS MI 'CHOR, RNA BA 'ON PA DANG, MDZES KHYER BA DANG, RKANG LAG ZHA BA DANG, LCE LKUGS KYANG CHOS MI 'CHOR GSUNGS TE DON LA PHYIR MI LDOG BAR ZHAL GYIS BZHES PA YIN, PO TO BA ZHING GSHEGS NAS THANG GRONG LTAG TU GTOR MA MDZAD DUS GTOR SDER BYA ROG GIS KHYER TE GLANG THANG GI SHAR GYI RI DE'U DE'I KHAR BZHAG PAS GLANG THANG PAS DER BYON, DPON SH'AKYA BYA BAS ZHABS TOG BYAS TE DER LO GSUM SGRUB PA MDZAD, ZHOL DU SGRUB CHU YANG BYUNG ,NYIN

, ,MTSAN DBYER MED DU BYANG CHUB KYI SEMS KYI TING NGE 'DZIN SGOM PAR MDZAD PAS KLU MO SPUN GSUM GYIS GLANG THANG GI GNAS PHUL ,DGE 'DUN GYI SDE 'DZUGS PAR ZHUS ,PHYIS RI DE'I STENG NAS YAR 'PHUR TE THUGS PHRENG SKYUR SAR KHRON PA BRUS, DBU ZHVA SGYUR SAR BLA BRANG BYAS TE GLANG THANG GI DGON PA BTAB, PO TO BA'I MDZAD PA BZHIN DU BKA' GDAMS GZHUNG DRUG DANG, LAM SGRON BYAMS CHOS LA SOGS PA'I GZHUNG CHE BA RNAMS KYIS SLOB MA BSKYANGS ,GLANG THANG PA LA MO CHAGS DE'UR BZHUGS DUS BYA YUL BAS KYANG 'DUL BA MDO RTZA GSAN, PHYIS GLANG THANG PA SNE'U ZUR BA'I YANG SLOB MAR GYUR CING, SNE'U ZUR PAS GLANG THANG PA LA KHYED KYI YON TAN DANG BDE BA 'DI RNAMS GZHAN GANG LAS KYANG MA BYUNG BYANG CHUB KYI SEMS LAS BYUNG BA YIN NO GSUNG STE, DE KHO NA BZHIN DU BDAG GZHAN BRJE BA'I BYANG CHUB KYI SEMS KHO NA LA GTZO BOR MDZAD DE, GLANG THANG BA NYID KYI ZHAL NAS KHO BOS RLUNG THA MAL DU GTONG MA MYONG GSUNGS TE GTONG LEN SGOM PA DANG NAM YANG MA BRAL BAR MDZAD PA'I GSUNG NGO, ,GLANG THANG PA ZHAL PA ZHUGS RING GLANG THANG GI LCAGS RI'I NANG DU SROG CHAGS RNAMS GCIG LA GCIG MI 'TSE BAR GRAGS, BLA MA RDO RJE GDAN PAS KHYUD PO RNAL 'BYOR LA SANGS RGYAS SNANG BA MTHA' YAS KYI SPRUL PA GLANG RI THANG PA LAS BSNYEN PAR RDZOGS SHIG CES LUNG BSTAN PA LTAR DGE BSHES GLANG THANG PAS MKHAS GRUB KHYUD PO RNAL 'BYOR GYI MKHAN PO MDZAD DO, ,LAN CIG DGE BSHES,

PO TO BA KLUNGS SHOD NA 'GON BZHUGS RTZA NA, GLANG RI THANG PA DER BYON DUS GLANG THANG BA SKU KHAMS MA BDE, DANG KHA NGAN PAS, SPYIR RIGS DRUG GI SDUG BSNGAL 'DI 'DRA ,DRAG SHOS MI YIN DE'I NANG NAS KYANG RAB TU BYUNG BA YIN TE 'DI 'DRA BA SNYAM NAS LAS 'BRAS DANG 'KHOR BA'I NYES DMIGS BSAM PAS SKYO ZHING YID 'BYUNG BA NI SKYES ,LUS LA SDIG PA SBYONG BA'I NUS PA MED SNYAM NAS, PO TO BA BSKOR BA MDZAD PA'I LAM KHAR NA BZA' GDAN DU BTINGS NAS DGE BA'I BSHES GNYEN PA 'DIR BZHUGS BA ZHU DANG ZHUS PAS, CI BYED NGA BSKOR BA BYED GSUNG NAS MA GNANG BA LA DON GAL CHE BA CIG BDOG BZHUGS PAR ZHU DANG ZHUS PAS, DGE BSHES PA STAN THOG TU BZHUGS PA LA GLANG RI THANG PAS KHO BO DBYAR KHAMS NGAN PAR BYUNG, DANG KHA YANG NGAN PAR BYUNG, MI RTAG PA DANG 'KHOR BA'I NYES DMIGS BSGOMS PAS YID 'BYUNG SKYES, DGE SBYOR BYED PA'I NUS PA MED PAS SHES PA SHIN TU MA BDE, GDAMS NGAG CIG ZHU 'TSAL ZHUS PAS ,PO TO BA'I ZHAL NAS, JO BO KHAMS DAG GRANG DRO SNYOMS PA'I NYAMS BDE STE TSE PHYI MA LA PHAN NAM GSUNG NAS DGRA BCOM PA GNYIS KYI GTAM RGYUD DRANGS NAS, GZHAN YANG SDUG BSNGAL YON TAN NI, ,SKYO BAS DREGS BA SEL BAR BYED, ,'KHOR BA PA LA SNYING RJE SKYE,, SDIG LA 'DZEM ZHING DGE LA DGA', ,BYA BA YIN PAR SONGS DANG NGA SKOR BA BYED GSUNGS NAS BZHUD, GLANG THANG PA DE'I NUB MO NAS BDE BSNYUNG DVANGS SO, ,GLANG THANG PA BSOD NAMS GSOG PA LA DGYES, ZVA THUG NUR NUR BA SKOL

, ,BA MI GANG GAL CHE BA LA 'DREN, LAN CIG JA NI MED, RTZA BAS RE DANG BCAS PA'I TSA BA CIG PO TO BA DPON SLOB LA DRANGS, BSNGO BA BYED TZAN KHA BA THUL GYIS BYUNG BAS, PO TO BA'I ZHAL NAS SGOM NAG KHYOD NYI MA DE RING NAS DBUL DANG BRAL BA YIN NO GSUNG, DGE BSHES GLANG THANG PAS LHA SAR BSKOR BA YUN RING MDZAD DUS DGONG MO PHYI SE BA CIG LA BYON PAS SKAD CIG LHANG LHANG GRAG PA GZIGS SU BYON PAS BUD MED GZHON NU CIG SKYIGS 'DUG PA BKROL NAS BUD MED DE GOS KYI 'THU BAR BSNYAL, KHYOD RANG NGA LA PHA DANG BU'I 'DU SHES ZHOG, NGAS KHYOD LA MA DANG SRING MO'I 'DU SHES 'JOG GSUNGS NAS BZHUGS, SANG MO LA NA BZA' CIG BYIN NAS BTANG, PHYIS BUD MED DES YON BDAG GI RTZA BA BYAS GLANG THANG SHAR GYI RI DE'U DE'I KHAR SGRUB KHANG BRTZIGS NAS SGRUB PA MDZAD ,DE NAS BSHES GNYEN CHEN PO 'DIS GDUL BYA 'DUL BA'I DUS LA BAB PA NA, GLANG THANG GI DGON PA BTAB TSUL DANG BYANG CHUB LAM RIM BKA' GDAMS GZHUNG DRUG DANG SBYAR TE RGYA CHER BSTAN PA'I TSUL SNGAR BSHAD ZIN CING, RANG RGYUD 'DUL BA GTZO BOR MDZAD DE 'DOD YON GYI 'KHRI BA CHOD PA YANG 'GRON PO GZHUNG 'GRON PA LAM LA 'GRO KHA MA CIG GIS JA LEGS PA ZHIB MA GANG PHUL, SKOL NAS BZHES PA'I ZHU BA PHUL NAS YOD PA LA YON BDAG DE MDO NAS YAR 'KHOR NAS MJAL DU PHYIN PAS JA RDUL KHAD DE 'DUG PA LA JA MA SKOL LAM ZHUS PAS NGAS KYANG KHO MA SKOL ,KHOS KYANG NGA MA SKOL GSUNG, NYE GNAS

KYIS NGED RANG LA MI RNAMS KYIS GLANG RI THANG PA NGO NAG PA ZHU YI 'DUG, MJAL MI BYUNG BA RNAMS LA GSUNG GLENG RE DANG ZHAL NGO DKAR PA RE MDZAD NA ZHUS PAS, DE'ANG YIN TE 'KHOR BA'I NYES DMIGS BSAM NA NGO DKAR SA 'DUG GE, DES NA 'KHOR BA 'DI GSOS DUS MED PA'I NAD DANG, THAR DUS MED PA'I BTZON DU 'DUG GO GSUNG, RAB TU BYUNG NAS SKU TSE RIL PO LA ZHAL 'DZUM PA LAN GSUM LAS MA BYUNG, DA LTAR DGE BSHES GLANG THANG PAS SGRUB PA DAR DRAG LA RGYUN RING BA MDZAD CING THEG CHEN GYI CHOS MTHA' DAG LA SKAD CIG KYANG G-YEL BA MED PAR SBYANGS TE GZUNGS DANG TING NGE 'DZIN LA SOGS PA SANGS RGYAS KYI CHOS GRANGS MED PA LA RNAM PAR RTZE ZHING, SPYAN DANG MNGON PAR MKHYEN PA LA SOGS PA YON TAN THAMS CAD KYIS PHYUG PA, BDE BAR GSHEGS PA NA MKHA'I SKAR TSOGS TZAM GYI ZHAL GZIGS, SPYOD 'JUG LAS, BDAG BDE GZHAN GYI SDUG BSNGAL DAG, YANG DAG BRJE BA MA BYAS NA, ,SANGS RGYAS NYID DU MI 'GRUB CING,, 'KHOR BA NA YANG BDE BA MED, ,CES GSUNGS PA LTAR BDAG GZHAN BRJE BA'I NYAMS LEN GTONG LEN RLUNG LA SKYON NAS BSGOM PAS 'BAD MED LHUN GRUB TU BYUNG STE, KHO BOS RLUNG THA MAL DU GTONG MA MYONG GSUNG, LAN CIG GLANG THANG PA CHOS GSUNG BA'I PANG DU BUD MED ZHIG GIS BU CHUNG SKYES MA THAG CIG BSKYAL NAS 'DI KHYED RANG GI BU YIN NO NGAS MI GSOS SO ZER NAS SONG, DE LA ZHAL NGO 'GYUR BA TZAM YANG MED PAR DANG BLANGS MDZAD, 'O 'DU BTZAL NAS MA

, ,RGYAGS BU RGYAGS GNANG, BU DE CHER SKYES PA DANG SNGAR GYI MI TSANG GIS BSNYEN BKUR BYAS NAS DE GONG BU CHUNG 'DRA BYUNG BA MA GSOS, 'DI YANG 'DI BZHIN MA BYAS NA MI GSOS PA MO DANG RTZIS LA BYUNG BAS DE LTAR BYAS PA LAGS, BZOD PA MDZAD CING BU GNANG BA ZHUS PAS CI DGAR GNANG STE 'DI NI BYANG CHUB SEMS DPA'I SPYOD PA BYA DKA' BA'I GNAS LA BSLABS PA'O, ,LHA MO LUNG GI DGON PA NA BZHUGS DUS DBYAR CIG SE LCEG, PA'I ZHING LA CHU'I GNOD PA BYUNG BA LA, CHU SGYUR ZHUS PAS RVA CO KHA BCAD PA THE RTZES MNAN PA ZHIG BSKUR NAS CHU'I GNOD PA 'ONG BA'I LOGS LA SBOS GSUNG, DE BZHIN BYAS PAS CHU PHAR 'GYUR, PHYIS RVA CO KHA PHYE NAS BLTAS PAS, 'DI NA DGE SLONG RDO RJE SENG GE YOD PAS CHU KHYOD PHAR RGYUG ZER BA CIG 'DUG GO, ,DE NI, BDEN PA'I BYIN GYIS BRLABS KYIS MI YI PHUNG PO ZHI, ,DE NI MI LDOG LUNG BSTAN YIN PAR RIG PAR BYA, ,ZHES GSUNGS PA DANG TSUL MTSUNGS PA'O, ,GLANG RI THANG GI THUGS DAM 'BUM PA RGYAL BA SRAS BCAS KYI PHO BRANG MTHONG BA DON LDAN BZHENGS GRUB NAS RTEN DAM TSIG PA LA YE SHES PA RAB TU GNAS PA'I BRTAN PA ZHUGS DANG, ME TOG GI MNGA' DBUL PHYOGS BZHI RE RE NAS BSHES GNYEN CHEN PO PO TO BA LA SOGS PA DGE SLONG RNAM DAG SNAM SBYAR BZHES PA BRGYA RTZA BRGYAD TZAM GYIS ME TOG GI CHAR PHAB PA'I TSE, NAM MKHA' LA 'JA' TSON RNAM PAR BKRA BA'I GUR BKRA SHIS RTAGS BRGYAD LTA BU NGO MTSAR BAS GANG, BAR SNANG NAS LHAS ME

TOG GI CHAR PHAB PA'I DRI BSUNG KHYAD PAR CAN DUD 'GROS KYANG MNAM DU RUNG BA BYUNG, ZHAL BSRO LA DKON MCHOG GI MCHOD PA RGYA CHEN PO DANG, DGE 'DUN 'DUS PA RGYA MTSO'I TSOGS LA BSNYEN BKUR DANG, SKYE BO MTHA' YAS PA LA SBYIN GTONG RGYA CHEN PO DANG, PHONGS PA LA PHAM BABS CHER STZAL TE, DE YANG, BDOG PA THAMS CAD 'BRAS BCAS TE, ,SKYE BO KUN LA BTANG SEMS KYIS, ,SBYIN PA'I PHA ROL PHYIN GSUNGS TE, ,CES PA LTAR RO, ,DANG PO'I DUS SU GLANG THANG PA DANG SHA BA SGANG PA GNYIS CHOS PHAR GSAN TSUR GSAN BYED, SHA BO SGANG PA'I ZHAL NAS, GLANG THANG BA BYANG CHUB KYI SEMS TSAN CHE, NGAS PHAN 'DOGS PA LA SROG GTONG NUS TE, GNOD PA SKYEL BA LA MI NUS, KHONG GIS GNYIS KA LA NUS GSUNG, GNYAN RNA MO BA DANG, KHONG RNAM GSUM 'DZOM PA LA, DA LTA 'CHI NA JI LTAR BYED BYAS PAS, RNA MO'I ZHAL NAS 'DI TZUG KYANG BYED, 'DI TZUG KYANG BYED BYA BA KHA YAR BYUNG STE MANGS PA YIN GSUNG, SHA BO SGANG BA'I ZHAL NAS BYANG CHUB KYI SEMS SBYONG BA MIN PA GZHAN BYA RGYU MED GSUNG, GLANG THANG PA'I ZHAL NAS, KHO BO DA LTA RANG 'CHI YANG BSKYED 'DON RGYU SPU TZAM YANG MED GSUNG, SEMS DPA' CHEN PO GLANG RI THANG PA SKU MYA NGAN LAS 'DA' KHAR SEMS CAN GYI DON DU DMYAL BAR SKYE BAR SMON LAM BTAB PA YIN TE MI 'GRUB PA 'DRA, DAG PA'I SNANG BA 'BA' ZHIG 'CHAR YIN 'DUG GSUNG NAS THUGS KHRAL MDZAD PAR GSUNGS, DGE BA'I BSHES GNYEN 'CHAD KHA BAS DGE BA'I BSHES GNYEN LCAGS ZHING PA LA GLANG THANG BA'I BLO SBYONG

, ,TSIG BRGYAD MA GSAN NAS, THUGS 'GYUR BA'I TSIG BRGYAD MA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG ,GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG, SPYOD LAM KUN TU RANG RGYUD LA, ,RTOG CING NYON MONGS SKYES MA THAG, BDAG GZHAN MA RUNG BYED BAS NA, ,BTZAN THABS GDONG NAS BZLOG PAR SHOG, RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG, BDAG LA GZHAN GYIS PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN BA DANG, ,RGYAL KHA GZHAN LA 'BUL BAR SHOG, GANG LA BDAG GIS PHAN BTAGS PA'I, ,RE BA CHE BA GANG ZHIG GIS, ,SHIN TU MI RIGS GNOD BYED NA'ANG, ,BSHES GNYEN DAM PAR BLTA BAR SHOG, MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN BAR SHOG, DE DAG KUN KYANG CHOS BRGYAD KYI, ,RTOG PA'I DRI MAS MA SPAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG, CES GSUNGS PA 'DI'O, ,DE LTAR SEMS DPA' CHEN PO GLANG RI

THANG PAS BSTAN 'GRO'I DON RGYA CHER MDZAD NAS MTHAR DGUNG LO BDUN CU BZHES PA CHU MO YOS LO'I DPYID ZLA THA CHUNG SA GA'I NYI SHU GSUM LA, GLANG THANG DU SKU GSHEGS NAS DGA' LDAN CHOS KYI PHO BRANG DU PHEBS SO, ,SKU GSUNG LA MCHOD PA'I BYE BRAG BSAM GYIS MI KHYAB PA DANG BCAS TE ZHUGS LA PHUL BA'I TSE, NAM MKHA' LA 'JA'I GUR GYI RIM PA DANG, ME TOG GI CHAR DANG, LHA'I SPOS KYI NGAD LDANG BA DANG, RAB BYUNG DANG SKYE BO'I TSOGS KHRI KHRAG TZAM TSOGS PA LA MTHONG SNANG DAG PA DANG, BYANG CHUB KYI SEMS DANG DAD PA MI PHYED PA SKYES PA PHAL CHER LA BYUNG ZHING, GDUNG RUS LA LHA SKU DANG, THUGS DANG, GDUNG SHA RI RAM DANG, RING BSREL DANG BCAS PA BSAM GYIS MI KHYAB PA BYUNG STE GDUNG RING BSREL GYIS KYANG 'GRO BA'I DON RGYA CHER MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO PO TO BA SRAS DANG BCAS BA LA MCHOD CING GSOL BA GDAB PA DANG, SEMS DPA' CHEN PO 'DI'I RNAM PAR THAR PA DRAN PAR BYAS LA LAG TU CI LON BYA BA DANG, THA NA SMON LAM GYI YUL DU BYAS NAS KYANG MDZAD PA RNAM THAR DE DAG BSAMS LA BAG CHAGS CI THEBS BYA'O,, ` ,,RNAM DPYOD 'GRAN ZLA BRAL BA'I SHA RA BA; ZHES BSNGAGS PA, BYANG PHYOGS GANGS RI'I KHROD 'DIR RGYAL BA'I BSTAN PA'I SNYING PO JO BO YAB SRAS KYI MAN NGAG BYANG CHUB LAM GYI RIM PA SBEL BA'I SLAD DU BSAM BZHIN DU BYON PA SEMS DPA' CHEN PO SHA RA BA GANG DU 'KHRUNGS

, ,PA'I YUL NI, BYANG RA SGRENG NAS YA TSANG PHYIN PA'I YUL ROM PO ZHES PA YIN LA, GNAS DER PA TSAB ROM PO'I RGYUD DU LCAGS PHO KHYI'I LO YUM PHYUGS MA SKYONG BA'I PHYIR RDO LEB CHEN PO ZHIG GI STENG NA BZHUGS PA'I DUS SU 'KHRUNGS TE, PHYIS RDO LEB DE LA SHA RA BA BLTAMS SA ZHES GRAGS SHING RDO LEB DE'I STENG NA SHAR BA 'KHRUNGS NAS ZHABS BRKYANGS PA'I SHUL RDO LA ZHABS RJES KYANG YOD CES RJE BTZUN BLA MA BLO BZANG YE SHES GSUNG, GNAS DE DA LTA KUN GYI PHYAG MCHOD KYI GNAS SU BYED DO, ,DE NAS DGUNG LO BCO BRGYAD KYI BAR YAB YUM GNYIS KYIS BSKYANGS SHING KHYIM DU BZHUGS, DER BZHUGS RING BYIS PA'I SPYOD PA MTHA' DAG LAS DANG GIS LOG, SNGAR YUN RING PO NAS GOMS PA'I BAG CHAGS BRTAGS PAS YI GE 'DRI KLOG SOGS NI TSEGS MED PAR MKHYEN, DKON MCHOG MCHOD PA SOGS DGE BA'I LAS LA NI NGANG GIS 'JUG, SKAL BA MNYAM PA'I SEMS CAN GZHAN DAG MTHONG NA BYAMS PA'I MIG GIS BLTA ZHING BRTZE BA'I 'DZUM GYIS BSU BA LAS GZHAN LA KHRO BA DANG SKYON BRJOD PA SOGS SGO GSUM NYES PAR SPYOD PA LA NI NGO TSAR BLTAS TE 'JUG PA'I SKABS MED, GZHAN DU NA BSAM PA 'DI LTA BU DAG 'KHRUNGS BAR NGES TE, SKYES RABS LAS, BTZON RA 'DRA BA'I KHYIM LA NI, ,NAM YANG BDE BAR MA SEMS SHIG, PHYUG GAM YANG NA DBUL YANG RUNG, ,PHYIM NA GNAS PA NAD DU CHE, ,GCIG NI BSRUNG BAS NYON MONGS LA, ,GNYIS

PA 'TSOL BAS SHA THANG NGO, ,PHYUG GAM YANG NA DBUL YANG RUNG, ,GANG NA BDE BA MED GYUR PA, ,DE LA DGA' BAR RMONGS PA NI, ,SDIG PA'I 'BRAS BU SMIN PA NYID, ,CES GSUNGS PA LTAR, KHYIM NA GNAS PA NI NYON MONGS PA DANG, NYES PAR SPYOD PA DANG SDUG BSNGAL DU MA'I 'BYUNG GNAS SU RIG NAS BDAG NAM ZHIG NA BTZON DONG DANG 'DRA BA'I KHYIM GYI GNAS 'DI NAS BYUNG STE RGYAL BA'I BSTAN PA LA ZHUGS LAS THOS BSAM SGOM GSUM LA 'BAD PA ZHIG NAM 'ONG SNYAM DU DE 'BA' ZHIG BSAM ZHING MDO SNGAGS KYI GSUNG RAB RNAMS LA YANG DANG YANG DU BLTA BA LHUR LEN PAR BYED DO, ,DE NAS PHA MA DANG NYE DU RNAMS KYIS BAG MA LEN PA'I SBYOR BA BSHAMS PAN RANG YUL NYE DU NOR LONGS SPYOD GANG LA'ANG MA CHAGS PAR MCHIL SNABS BZHIN DU DOR TE DGUNG LO BCO BRGYAD PA'I DBYID BROS NAS KLUNGS SHOD DU PHEBS NAS RAB TU BYUNG, MTSAN YON TAN GRAGS SU BTAGS, RAB TU BYUNG BA'I SA DE LA KLUNGS SHOD CHOR BA ZHES GRAGS, DER YANG NYE DU RNAMS KYIS 'DZIN MI BYUNG DOGS NAS KLUNGS SHOD PHYUR BU ZHES BYA BA NA DGE BA'I BSHES GNYEN SPYAN SNGA BA CHEN PO MTSAMS DAM PAR BCAD PA'I SAR BYON, SPYAN SNGA BA CHEN POS KYANG BKA' GDAMS BSTAN 'DZIN CHEN PO ZHIG TU 'GYUR BAR GZIGS NAS, DGYES BZHIN DU RJES SU BZUNG NAS GDAMS PA DANG RJES SU BSTAN PA MANG DU STZAL, DE'I TSE SHA RA BA YON TAN GRAGS KYI THUGS DGONGS LA BKA' GDAMS SKU MCHED GSUM PO LA JO BO RJE'I MAN NGAG ZHUS NAS

, ,GTZANG PHYOGS SU GSANG SNGAGS KYI CHOS MANG PO ZHIG ZHU BAR 'BYON BZHED NAR MAR 'KHRUNGS TE, DUS DE'I TSE GTZANG NA 'BROG MI LO TZ'A BA DANG RJE 'GOS LO CHEN PO BZHUGS TE GSANG SNGAGS RGYUD SDE BZHI'I 'CHAD NYAN SHIN TU DAR BA YOD PAS RDO RJE 'DZIN PA CHEN PO DE DAG GI ZHABS LA GTUGS TE RGYUD SDE BZHIG DANG, KHYAD PAR GSANG SNGAGS BLA MED KYI MAN NGAG RNAMS ZHUS TE SNGAGS LAM SGOM PA ZHIG GTZO BOR BYED DGONGS PA BYUNG, DE NAS DE KHA'I DBYAR DUS DGE BA'I BSHES GNYEN PO TO BA CHEN PO STAG LUNG THANG NA BZHUGS PA'I SPYAN SNGAR BYON, CHOS KYI GSOL BA BTAB PA NA DGE BSHES PO TO BA CHEN POS KYANG RANG GI SRAS KYI THU BO BSTAN PA'I BDAG BAR 'GYUR BAR GZIGS NAS SPYAN GYI 'BRAS BU LTAR BSKYANGS TE DUS GSUM GYI RGYAL BA THAMS CAD GANG NAS GSHEGS PA'I LAM PO CHE, RGYAL BAS GSUNGS PA'I CHOS PHUNG BRGYAD KHRI BZHI STONG PO THAMS CAD NYAMS LEN GYI LUS GCIG TU DRIL BA BYANG CHUB LAM GYI RIM PA'I KHRID GNANG STE, THOG MAR GANG NYAMS SU BLANG BAR BYA BA DE NAS BZUNG STE MTHAR 'BRAS BU 'GRUB PA'I BAR GYI LAM GYI GRANGS DANG GO RIM LAM SO SO'I NGO BO RNAMS RGYAL BA'I BKA' DANG SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS CHES ZHIB PAR MIG LA MNGON SUM DU SNANG BA'I DPE DANG BCAS KHRID PAR MDZAD PA NA SHA RA BA CHEN PO SNGON YUN RING PO NAS LAM LA SBYANGS PA'I BAG CHAGS SAD DE LAM

GYI GRANGS DANG GO RIM LA LDOG TU MAD PA'I DAD PA DANG, TSIG TZAM MIN PAR RIGS PA'I LAM NAS DRANGS PA'I NGES SHES BRTAN PO RNYED NAS RE SHIG SNGAGS LAM MTHON PO LA 'JUG PA'I RE BA MI 'DUG SNYAM NAS GTZANG DU 'GRO BA'I 'DUN PA LOG ,LAM MA NOR BAR STON PA'I DGE BA'I BSHES GNYEN 'DI LTA BU DANG LAN CIG MJAL BA 'DI GA LA 'DOR SNYAM DU SKAD CIG GCIG KYANG 'BRAL MI PHOD PAR DANG POR MJAL BA DE NAS BZUNG MTHAR DGE BSHES PO TO BA CHEN PO ZHING GSHEGS KYI BAR NAM YANG MA BRAL BAR BSAM SBYOR GNYIS KYIS TSUL BZHIN DU BSTEN TE LAM GYI RIM PA'I GDAMS NGAG MA LUS PA BUM PA GANG BYOR GSAN, BAR SKABS SHIG NYE DU RNAMS DANG YUL PHYOGS KYI MI MANG PO ZHIG GIS RANG GI KHU BO'I GNAS ROM PA RE ZHES PA'I DGON GNAS ZHIG GI CHOS DPON DU 'BYON DGOS PAR BSKUL BA NA SLAR ZHIG 'BYON NAM SNYAM DU DGONGS PA BYUNG BA LA DGE BSHES PO TO BA CHEN POS BSLAB BTUS GSUNG BA'I SKABS BYANG SEMS KYI LAM BGROD PA'I BAR CHAD GNOD 'GYUR RNAMS GSUNG BA'I TSE ZHAL TA PA'I GNOD PA ZHIB TU GSUNGS PAS THUGS NGES BRTAN PO 'KHRUNGS TE, DE NAS CHOS DPON DU 'GRO BA'I SPROS PA CHOD GSUNG, THOG MAR DGE BSHES PO TO BA'I GRAB BYING GRAS LO DGU MDZAD, DE NAS DGE BSHES PO TO BA CHEN PO THUGS SHIN TU MNYES PAS SKU 'KHOR NANG MA LO DGU MDZAD DE KHYON DGE BSHES PO TO BA CHEN PO LO BCO BRGYAD BSTEN TE DE'I RING LA BYANG CHUB LAM GYI RIM PA'I KHRID

, ,MTHA' CHOD PAR GSAN TE, DE YANG RJE BTZUN BYAMS BAS MDZAD PA'I MNGON PAR RTOGS PA'I RGYAN BYANG CHUB LAM GYI RIM PA'I RTZA BA MAN NGAG TU BYAS, DE'I STENG DU MDO SDE RGYAN DANG, SLOB DPON DPA' BOS MDZAD PA'I SKYES RABS SO BZHI PA DANG, RGYAL SRAS ZHI BA LHAS MDZAD PA'I SPYOD 'JUG DANG BSLAB BTUS GNYIS DANG CHED DU BRJOD PA'I TSOM DANG, BYANGS STE BKA' GDAMS GZHUNG DRUG GUNG BSGRIGS TE BYANG CHUB LAM GYI RIM PA'I MAN NGAG RNAMS DMIGS SKOR RE RE NAS GZHUNG DRUG PO DE DAG GANG RIGS NAS RGYAS BAR BSHAD, GZHAN YANG SLOB DPON 'PHAGS PA KLU SGRUB KYIS MDZAD BA MDO SDE KUN LAS BTUS PA DANG, RIN CHEN PHRENG BA DANG RTZA SHE LA SOGS BA'I RIGS CHOGS RNAMS DANG SLOB DPON KA MA LA SH'I LAS MDZAD PA'I SGOM RIM GSUM LA SOGS PA GSUNG RAB DGONGS 'GREL DANG BCAS PA THAMS CAD BYANG CHUB LAM GYI RIM PA'I GDAMS NGAG TU NGO SPRAD NAS STON PAR MDZAD PAS RGYAL BA'I GSUNG RAB DGONGS 'GREL DANG BCAS PA 'CHAD PA LA MI 'JIGS PA'I SPOB PA THOB, RANG DANG GZHAN GYI GRUB MTHA' RGYA MTSO'I PHA ROL TU SON, SDE SNOD GSUM DANG SHING RTA CHEN PO'I GZHUNG RNAMS PHAL CHER THUGS LA GZUNG STE SKAL PA DANG LDAN PA GZHAN DAG LA GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS NAS 'DOMS PA LA DBANG 'BYOR PAS BOD DU SKYES PA'I MI ZHIG LA SHAR BA CHEN PO LAS

MKHYEN RAB RLABS CHE BA MED CES BKA' GDAMS GONG MA'I GSUNG BSGROS LAS 'BYUNG, DON 'DI DAG LA DGONGS NAS RJE THAMS CAD MKHYEN PAS KYANG, RNAM DPYOD 'GRAN ZLA BRAL BA'I SHA RA BA, ZHES BSNGAGS PA MDZAD DO, ,SHA RA BA CHEN PO NYID KYI ZHAL NAS, DENG DUS CHOS BYED KUN CHOS 'CHAD BA PO GANG NA YOD ZER BA THAMS CAD KYI RTZAR 'GRO STE, STON PA RIN PO CHE YAB SRAS KYI LUGS DE MIN, DGE BSHES STON BAS SKU TSE DE LA BLA MA LNGA LAS MA BSTEN, DA YANG DGE BSNYEN GYI SDOM PA'I SLOB DPON DANG, KLOG YIG SLOB PA'I SLOB DPON DANG, BLA MA SE BTZUN DANG, PAndI TA SMRi TI DANG, JO BO RJE STE, DE RNAMS KYI NANG NAS KYANG GZHAN RNAMS LA CHOS 'BREL RE TZAM YIN BLA MA SE BTZUN PA LA MTSAN NYID KYI GZHUNG RNAMS GSAN, GTZO BO NI JO BO RJE NYID LA BRTEN NAS BYANG CHUB LAM GYI RIM PA MTHA' DAG PAR GSAN TE, JO BO RJE MNGA' RIS SU MJAL BA NAS MTHAR SNYE THANG DU ZHING GSHEGS PA'I BAR JO BO RJE NYID BSAM SBYOR GNYIS KYIS TSUL BZHIN DU BSTEN DE MDO SNGAGS KYI GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS TE GSAN ZHING DE 'BA' ZHIG THUGS NYAMS SU BZHES BAS BSTAN PA YONGS RDZOGS KYI BDAG POR BYON PA YIN, DGE BSHES PO TO BA CHEN BOS KYANG KHYIM DU BZHUGS SKABS SRU SGOM LA BSNYEN GNAS KYI SDOM PA ZHIG ZHUS BLA MA DE DANG, DGE TSUL GYI SDOM PA'I MKHAN SLOB DANG ,MTSAN NYID LA BSLAB SBYONG MDZAD PA'I SKABS KYI SLOB DPON DANG, 'BROM RIN PO CHE RNAMS MA GTOGS BA BLA MA MA

, ,BSTEN, DE YANG GTZO BOR 'BROM RIN PO CHE NYID LA BRTEN TE, DANG PO MJAL BA NAS MTHAR ZHING NAM GSHEGS KYI BAR BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM BA NYID LA SBYANGS PAS BSTAN PA YONGS RDZOGS KYI BDAG POR BYON, KHO BOS KYANG BKA' GDAMS SKU MCHED RIN PO CHE GSUM LA BRTEN CING DE'I NANG NAS KYANG DGE BA'I BSHES GNYEN PO TO BA CHEN PO NYID LA BRTEN ,GZHAN DAG DGE TSUL GYI MKHAN SLOB MA GTOGS BLA MA GZHAN MA BSTEN, DGE BSHES PO TO BA CHEN PO NI LO BCO BRGYAD KYI BAR DU BSTEN TE MI MNYES PA SKAD CIG KYANG BYED MA MYONG GSUNG, MTHAR DGE BSHES PO TO BA ZHING GSHEGS NAS DGE BSHES PO TO BA'I SLOB MA PHAL CHER SHAN BA'I RJES SU 'BRANG STE 'KHOR BRGYA PHRAG MANG PO DANG BCAS KLUNGS SHOD DU BYON NAS TSOGS BSDUS, YO BYAD GANG BYUNG THAMS CAD DGE 'DUN LA BSNGOS, DE NAS SNYAN PA'I GRAGS PAS 'DZIN MA'I KHYON KUN KHYAB STE BYANG CHUB LAM GYI RIM BRGYA CHER BSHAD PAS CHOS GSAN BA MANG DUS SUM STONG 'DUS PA BYUNG, PHAL CHER NYIS STONG LHAG TZAM RGYUN DU 'DUS, DE THAMS CAD KYANG DGE BSHES SHAR BA CHEN PO NYID KYI RNAM THAR RJES SU SKYONG BA SHA STAG BYUNG STE, SHAR BA CHEN PO NYID KYIS RANG GI 'KHOR DU 'DUS PA'I GDUL BYA THAMS CAD TSUL KHRIMS RNAM PAR DAG PA GZHIR BZUNG NAS SKYES BU GSUM GYI LAM GYI RIM PA SGOM PA LA SBYAR, LAM GYI RIM PA'I YANG RTZA PA BSHES GNYEN BSTEN TSUL RNAM PAR DAG BA ZHIG DGOS ZHES 'DOMS PAR MDZAD, SHA RAB

NYID KYI ZHAL NAS THEG PA CHEN PO'I LAM GYI RTZA BA DGE BA'I BSHES GNYEN YIN, DGE BA'I BSHES GNYEN LAM BSTEN PAR LAM GANG YANG SKYE BA MI SRID PA YIN, SA BCU'I BYANG CHUB SEMS DPA' BSKAL BA GRANGS MED GSUM DU TSOGS BSAGS PA LA YANG PHYOGS BCU'I SANGS RGYAS RNAMS KYIS PHYAG G-YAS PA DBU THOG TU BZHAG NAS BYIN GYIS MA BRLABS PAR RDO RJE LTA BU'I TING NGE 'DZIN THOB MI SRID PAS DE BZHIN GSHEGS PA DE DAG GNAS SKABS DE NA DGE BA'I BSHES GNYEN BYA BAR 'DOD PA YIN; DA LTA 'U CAG THAMS CAD KA CA KHO NA LA RTZI BA LA SKU MCHED GSUM PO LA RES GSUM GA SPYIR 'BUL BA 'ONG, RES GNYIS LA 'ONG BA LA, DUS DE THAMS CAD NA GSUM LA PHUL NA GNYIS LA 'BUL, GNYIS LA PHUL NA GCIG LA 'BUL GYI BA 'DI 'DOD YE MI GSUNG DE LTA BU LA DAD GSUNG, DGE BSHES SHAR PA CHEN PO DE, DGE BSHES PO TO BA'I RNAM THAR SKYONG BA MA GTOGS SU LA'ANG MI 'DUD SU DANG YANG MI KHO NA, GANG DU 'DUG KYANG DMA' SA 'DZIN RKYEN BZANG NGAN GANG BYUNG YANG BYANG CHUB LAM GYI RIM PA SGOM PA KHO NA LAS THABS GZHAN GANG YANG MI MDZAD, SKU MTHONG BA DANG GSUNG THOS PA THAMS CAD DAD PA RANG DBANG MED PAR SKYE, DAD RDZAS DANG GSHIN RDZAS GANG BYUNG YANG DKON MCHOG GI MCHOD BA DANG, DGE 'DUN GYI BSNYEN BKUR KHO NA LA GTONG BA LAS MI DGOS PA'I SAR YE MI GTONG MA DAG BA'I RDZAS YE MI 'CHANG GZHAN GYIS ZHING DANG KHANG KHYIM DANG PHYUGS MA SOGS PHUL YANG GTAN NAS MI BZHES, LAN CIG SBYIN BDAG ZHIG GIS ZHING RNGAS BA'I THOG CIG PHUL BA NA DGE 'DUN LA PHUL NGA LA MI DGOS RTZA SOG TSUR

, ,SKYOL GRA PA RNAMS KYI RGYAGS SKYEL MI'I KHAL MA LA PHAN 'GRO GSUNG, DGE BSHES PO TO BA DANG SHA RA BA GNYIS POS THABS LTOS BCOS GANG YANG MA MDZAD PAR LAM RIM KHO NA SGOM BAR MDZAD PAS RANG DANG SLOB MA RNAMS LA NAD GDON GYI 'TSE BA NYUNG, LHA 'DRE MI GSUM BYAMS TSE RING BAR BYUNG, DGE BSHES SPYAN SNGA BA DANG BYA YUL BA DPON SLOB RNAMS THABS RIM MAN NGAG 'DI MI MKHYEN BYA BA MED PAS GDUL BYA RNAMS KYANG MAN NGAG SNA TSOGS LAG LEN BYED PA BYUNG YANG NAD GDON GYI 'TSE BA MANG ZHES BKA' GDAMS GONG MA'I GSUNG SGROS LAS 'BYUNG, SHAR BA NYID KYI ZHAL NAS SPYIR LEGS NYES CI BYUNG TSES LA BRTEN PA, DE'I NANG NAS KYANG 'DUL BA LA BRTEN NA LDAB KYANG MI DGOS PA; ZHE GTZANG BA, RTAG THUB PA, NYAMS DGA' BA, MTHA' BZANG BA YIN GSUNG, YANG ZHAL NAS RTEN DANG BSRUNG BA MI DGOS PA'I GANG ZAG GSUM YIN, DGE SLONG CHOS GOS RNAM GSUM LAS YONGS SU BZUNG BA THAMS CAD SPANGS TE NYES PA PHRA ZHING PHRA BAS KYANG MA GOS PA ZHIG BYUNG NA RTEN DE NYID MCHOD GNAS YIN PAS MI DGOS, BYANG CHUB KYI SEMS SMON 'JUG GNYIS RNAL MAR YOD PA DE SEMS CAN THAMS CAD KYI MCHOD GNAS YIN PAS MI DGOS, SNGAGS PA MTSAN NYID DANG LDAN PA SNANG BA THAMS CAD LHA DANG LHA MOR SHES PA LA MI DGOS GSUNG, BKA' RGYUD ZAM MA CHAD PA'I GDAMS PA LA BRTEN NAS SHES BZHIN CHEN POS THAMS CAD MIG 'OG TU CHUD PAR BYAS TE, SPYOD LAM

RNAM BZHIR CI BYED THAMS CAD THAR PA'I RGYUR DKAR LAM GYIS GTONG SHES PA CIG DGOS GSUNG, YANG ZHAL NAS BYA YUL BA'I BKA' RGYUD 'DI LA SRUNG BA ZAD PA MED PA CIG YOD DE 'TSE BA SHIN TU MANG, MI DBANG DU BSDU BA'I THABS ZAD PA MED DE NGAN SMRA DE MANG DE SNANG, TSE SPEL THABS KHO NA MDZAD DE SKU TSE RING BA TZAM MA BYUNG LA, PO TO BA'I BKA' RGYUD 'DI LA BSTAN PA RIN PO CHE KHAS BLANGS KYI CHOS KHO NA LAS SPAN SPUN YE MI MDZAD DE 'TSE BA NYUNG MI BYAMS SKU TSE RING BAR BYUNG STE, KHO BOS NI MAN NGAG DE MNGON SUM DU GO BAR BYUNG GSUNG, LAN CIG SHAR BA CHEN POS LAM RIM GYI KHRID GNANG BA'I RJES LA 'DI SKAD GSUNG STE KHAMS NGAN YANG CHOS KYIS PHAN NA PHAN PA YIN SNYAM NAS 'BAD DE BSHAD PA YIN, CHOS KYIS PHAN NA PHAN PAR BRTZI, GZHAN GYIS PHAN PA TA PHA MAS KYANG 'DI LTAR BYED DE DES THAR PA LA CANG MA PHAN, GRA PA CHOS LA MA MGU NAS SONG NA DE RANG GI NYES BAR BRTZI, GZHAN LAM MGU NAS SONG BA RANG GI NYES PAR MI BRTZI GSUNG, SGOM PA KLOG 'BAR GYIS BYA YUL DU PHYIN PA'I DUS SU RTZABS 'BREN DU BYUNG BA LA NGA GCONG LUNG BA'I GRA PA LA RTZABS 'DREN NAM ZER NAS 'THUNG MA 'DOD, DE LA SHIN TU MNYES PAR MDZAD, LAN CIG SHA RA BA CHEN PO LA SLOB MA RNAMS KYIS PHYOGS GZHAN ZHIG TU 'BYON PAR ZHUS PA NA CHOS 'PHEL NA GANG DU PHYIN KYANG CHOG ,GNYEN NYE DU LA CHAGS PA'ANG MED, GNAS GZHI SDE DGON LA CHAGS PA'ANG MED, KHO BO'I STENG NA DBANG CHE BA GZHAN NGO SRUNG DGOS PA'ANG SU YANG MED GSUNG SHA RAB CHEN PO THUGS

, ,BSKYED SHIN TU BZANG BAS 'KHOR SUM STONG TZAM 'DUS PA DE THAMS CAD KYANG THOS BSAM SGOM PAS DUS 'DA' BA, ZAS GOS GNAS MAL DANG SDE DGON LA CHAGS PA SPANGS BA SHA STAG BZHUGS, CHOS GNANG BA THAMS CAD KYANG SKYES BU GSUM GYI LAM GYI RIM PA NYID LA SKOR NAS DE'I THOG TU 'BAB PA KHO NA MDZAD, TSONG DANG BUN BSKYED KYIS NOR BSGRUBS NAS DKON MCHOG MCHOD PA DANG DBUL PHONGS LA SBYIN GTONG BYED PA BYUNG NA NGA NI KHYED LA GTONG BA'I PHAN YON MI BRJOD KYIS 'DZIN PA'I NYES DMIGS BRJOD PA YIN GSUNG NAS MI DGYES, DBEN PA'I RI SUL DU TSUL KHRIMS RNAM PAR DAG PA LA GNAS PA BYUNG NA SHIN TU DGYES TE DBEN PA'I RI SUL DU DRANG SRONG GI SBYOD TSUL GYIS GNAS PA CIG BYUNG NA GZOD PHAS BU GSOS BYA BA YIN GSUNG, RAB TU BYUNG BA ZHING LAS BYED PA GZIGS NA SHIN TU MI DGYES TE, SHAR BA NYID KYI ZHAL NAS RAB TU BYUNG BA BYA BA SO NAM RNAM BZHI SPANGS PA CIG LA ZER BA YIN, DGE SLONG BYA BA 'DOD BA SPANGS PA CIG LA ZER BA YIN, BYANG CHUB SEMS DPA' BYA BA RANG DON SPANGS PA CIG LA ZER BA YIN, SGOM CHEN BYA BA 'DU 'DZI SPANGS PA CIG LA ZER BA YIN GSUNGS, SEMS DPA' CHEN PO 'DI NI JO BO RJES, 'PHRAL LA ZAS 'TSOL BYA DANG 'DRA, ,KHAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES GSUNGS PA LTAR JO BO YAB SRAS KYI RNAM THAR GTZANG MA GZHAN 'DRES MED BAR SKYONG BA, PHYI RABS KYI GDUL BYA KUN GYI SMON GNAS SU 'OS

PA ZHIG BYUNG STE, SHA RA BA NYID KYI ZHAL NAS, RUG PA'I JO BO GZHON NU GRAGS BYA BA DE DANG, LAN TSA RAB KYI SGOM PA DBANG PHYUG RGYAL MTSAN BYA BA DE GNYIS LO BDUN CU TZAM LA 'DAS PA LA, 'TSO BA NI DGE 'DUN GYI NANG NAS LEN, SANG GI BYA BA NI DE RING BYED PA MA YIN BYA BA GZHAN GANG YANG MED PAR DGE SBYOR BAR MA CHAD PAR 'DAS TE DE GNYIS KHO NA LA SMON GSUNG, YANG NA NING 'DAS PA GRA PA CHOS MTHUN DE CHOS LAS GZHAN GYIS NI BLO MA SBAGS, DGE BSHES LA NI YI DAM LHA DANG KHYAD PAR MED PAR SHES, SEMS NI BKOL DU BTUB DGE SBYOR LAS BYA BA GZHAN NI CI YANG MED DE LTA BU LA SMON GSUNG, BOD SNGA RABS SU BYON PA'I BSHES GNYEN RNAMS LA SPYOD PA RNAM PAR DAG PA JO BO YAB SRAS KYI DGONGS PA LTAR BYED PA MANG BAR BYUNG NA'ANG LTA BA RNAM PAR DAG PA JO BO YAB SRAS KYI DGONGS PA LTAR 'PHAGS PA KLU SGRUB KYI DBU MA RIGS TSOGS KYI DON SLOB DPON SANGS RGYAS BSKYANGS DANG SLOB DPON ZLA BA GRAGS PAS BKRAL BA'I DBU MA'I LTA BA MTHAR THUG PA RTOGS PA DKON PAR BYUNG 'DUG PA NA SEMS DPA' CHEN PO SHAR BA 'DI BZHUGS PA'I DUS SU PA TSAB LO TZ'A BAS RGYA GAR DU BYON TE SLOB DPON ZLA BA GRAGS PA LA GSOL BA SHUGS DRAG LA RGYUN RING BA BTAB PAS SLOB DPON ZLA BA GRAGS PAS DNGOS SU ZHAL BSTAN TE BYIN GYIS BRLABS PAS DBU MA'I LTA BA THUN MONG MA YIN PA RTOGS, BOD DU 'PHAGS PA KLU SGRUB KYI LTA BA THUN MONG MA YIN PA DE DAR NA CI MA RUNG SNYAM DU DGONGS NAS DBU MA LA 'JUG PA BSGYUR, BOD DU LUGS BZANG

, ,DE SPEL BA'I 'PHRIN LAS MDZAD PA NA BLUN PO RMONGS PA'I KHYU DAG GIS CHOS THAMS CAD RANG BZHIN GYIS MA GRUB PA BTAGS YOD MING RKYANG TZAM GYI TSUL DE THOS PA NA, CHOS THAMS CAD RANG BZHIN GYIS MED BAR LTA BA NI CHAD LTA'O ZHES SMRAS NAS KLU SGRUB LUGS BZANG SPEL BA'I 'PHRIN LAS BKAG PA NA DGE BA'I BSHES GNYEN SHAR BAS KLU SGRUB YAB SRAS KYI DGONGS PA YIN MIN NGA SHES GSUNGS NAS BA TSAB LO TZ'A BA LA DBU MA'I LUGS KYI GZHI LAM 'BRAS GSUM GYI RNAM GZHAG JI LTAR YIN DANG, DBU MA'I LTA BA'I DGAG BYA GANG YIN DANG, DE 'GOG BYED RIGS PA'I GTZO BO GANG LA BYED DANG, DBU MA'I LTA BA SGOM PA'I TSE SBYOR DNGOS RJES GSUM DU JI LTAR BYED CES DRI BA ZHIB TU BSKUR NAS GRA GZHON SHES RAB CAN GNYIS PA TSAB LO TZ'A BA'I SAR BTANG BAS, PA TSAB LO TZ'A BAS DE'I LAN DU 'PHAGS PA KLU SGRUB KYI DGONGS PA SLOB DPON ZLA BA GRAGS PAS BKRAL BA'I DBU MA'I LTA BA MTHA' THUG 'DI YIN DANG, DE SGOM PA'I TSE SBYOR DNGOS RJES GSUM DU JI LTAR BYA BA 'PHAGS PA KLU SGRUB YAB SRAS KYI MAN NGAG 'DI LTAR YOD CES LAN ZHIB TU PHUL BA DGE BSHES SHA RA BA CHEN PO DGE 'DUN SUM STONG LA NYE BA'I TSOGS DBUR BZHUGS NAS BUR STON ZHIG GSOL LA KHAD DU YOD PA'I THOG TU SLEBS PAS TSOGS DBU'I SA DE KHAR LEGS PAR GZIGS PAS SPYAN CHAB MANG PO BYON BU RAM PHYAG GIS GANG GCOGS SHIG GNAM DU GTOR NAS KLU SGRUB YAB SRAS MCHOD, PA TSAB LO TZ'A BA MCHOD CHOS 'DI 'DRA

ZHIG GIS 'KHOR 'DAS KYI SHAN 'BYED PA YIN, SHER PHYIN GYI MDO SDE RIN PO CHE'I DGONGS PA 'DI YIN GSUNG NAS BTZUN CHUNG LNGA BCU TZAM ZHIG PA TSAB LO TZ'A BA LA DBU MA MNYAN DU BTANG, DBU MA'I LUGS BZANG SPEL BA LA MTHUN PA'I RKYEN ZANG ZING MANG PO BSKUR, PA TSAB LO TZ'A BA LA BSNGAGS BRJOD CHE BAR MDZAD PAS LOG PAR RTOG PA'I SMRA BA NGAN PA RNAMS RANG SHUGS KYIS 'GAGS, PA TSAB LO TZ'A BA LA 'PHRIN LAS CHER 'PHEL BAR GYUR TO, ,DE DUS PA TSAB LO TZ'A BAS RANG NYID KYIS BSGYUR BA'I DBU MA 'JUG PA DGE BSHES SHA RA BA LA GZIGS SU PHUL BAS, SHAR BA CHEN POS LEGS PAR GZIGS TE, 'DI LA 'DI LTAR 'ONG THANG ZHES 'GYUR SKYON GANG BYUNG THAMS CAD BRIS NAS RGYA DPE LA LTOS ZHES BSKUR BA NA PA TSAB LO TZ'A BAS RGYA DPE LA GZIGS PAS SHA RABS GANG GSUNG BA DE KHO NA BZHIN DU BYUNG BAS DGE BA'I BSHES GNYEN SHAR PA LA RGYAL BA'I BKA' 'GYUR RO COG THUGS LA MNGA'O ZHES GRAGS PA BYUNG NGO, ,DGE BA'I BSHES GNYEN SHAR BA 'DI NYID BKA' GDAMS GLEGS BAM LAS GSAL BAR LUNG BSTAN PA YIN TE, DAD PA RAB TU BRTAN PA'I 'KHRUNGS RABS LAS, DES NA RGYAL PO DGE BA DPAL, ,KHYOD KYI SRAS KYI SROL 'DZIN PA, ,SHAR BA BZHES YUL LAS GRAGS, ,ZHES PA DANG, LUNG BSTAN GYI LE'U LAS, YON TAN GRAGS PAS ZAB GZHUNG RNAMS, ,RDZOGS PAR MDZAD NAS DAR YUL MDAR, ,DAG SNANG GANG SHAR DGON PA BZHENGS, ,DE NAS SHAR BA ZHES GRAGS,,

, ,ZHANG RJE ROM PO'I MI RIGS GCIG ,GTAN GYI DON GNYER GUS PAS MCHI, ,ZHES DANG, DAG PA'I SNANG BA RAB SHAR BA, ,RGYAL BA RGYA MTSO LAS 'KHRUNGS SHING, ,MKHAS PA NGA NI LAS CAN RNAMS, ,PHYOGS BZHIR 'GRO ZHING 'DREN NA YANG, ,DBUS 'DIR SHAR BA PA ZHES GRAGS, ,'DI NI SHAR GYI MTHA' 'KHOB 'DUL, ,DE NAS NUB PHYOGS MTHA' 'KHOB TU, ,SHAR PA CI 'DRA RTZVA YUL DANG, ,ZHING DANG GRONG PA DAG GIS DBEN, ,SKYA BO RGYA CHEN ZHAG MED CIG ,SNUM ZHING SKAL BZANG DU MA SDUD, ,CES GSUNGS SO, ,DE LTAR SEMS DPA' CHEN PO SHA RA BAS BSTAN 'GRO'I DON RGYA CHER MDZAD NAS MA 'ONGS PA'I GDUL BYA RNAMS KYI DON DU BYANG CHUB LAM GYI RIM PA'I KHRID YIG CHE CHUNG GNYIS DANG DGE BA'I BSHES GNYEN PO TO BA'I RNAM THAR TSIGS BCAD MA ZHIG KYANG MDZAD, DGE BSHES SHA RA BA 'DIS BYANG CHUB LAM GYI SGRONG MA 'CHAD SKABS JI LTAR GSUNGS PA RNAMS ZIN BRIS SU BKOD PA LAM SGRON GYI 'GREL PA RGYAS SHING NGO MTSAR RMAD DU BYUNG BA ZHIG KYANG SNANG NGO, ,BDAG NYID CHEN PO 'DIS LO SUM CU RTZA DRUG TU TSOGS PA BSKYANGS NAS BSTAN PA'I BYA BA RGYA CHER MDZAD CING, DE YANG JO BO RJE DPAL LDAN AA TI SHA'I MAN NGAG SKYES BU GSUM GYI LAM GYI RIM PA KHO NAS GDUL BYA'I DON MDZAD CING, RGYAL BA'I BKA' DANG SHING RTA CHEN PO'I GZHUNG THAMS CAD SKYES BU GSUM GYI LAM RIM KHO NA'I STENG DU 'BAB PAR MDZAD, RKYEN BZANG NGAN GANG BYUNG YANG TSUL KHRIMS RNAM PAR

DAG PA BSRUNG BA GZHIR BZHAG NAS BYANG CHUB LAM GYI RIM PA SGOM PA NYID MDZAD PA LAS RANG NYID DANG SLOB MA SU LA'ANG MO BON GYI BCOS KA SOGS TZAB TZUB YE MI MDZAD, DGE 'DUN SUM STONG 'DUS TE DE THAMS CAD RGYAL BA RANG NYID KYIS JI LTAR GSUNGS PA'I TSUL KHRIMS RNAM PAR DAG PA DANG LAM RNAM PAR DAG PA SGOM PA LA SBYAR TE THAMS CAD RNAM THAR GTZANG MA RGYAL BA RANG NYID DNGOS SU BZHUGS PA'I DUS KYI MDZAD PA RNAM THAR JI BZHIN DU SKYONG BAR MDZAD DO; ;DE LTAR DGE BA'I BSHE GNYEN SHA RA BA CHEN POS BSTAN PA'I DON RGYA CHER MDZAD NAS DGUNG LO BDUN CU DON GNYIS PA LCAGS MO BYA'I LO RGYAL GYI ZLA BA'I TSES NYER DRUG LA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DE NAS DER TSOGS PA'I DGE 'DUN RNAMS KYIS ZLA BA PHYED KYI BAR SKU GDUNG RIL POR BZHUGS PA'I MDUN DU RGYAL BA'I YUM BSGRAGS SHING MCHOD PA RGYA CHER PHUL, DE NAS PUR SBYANGS TE GDUNG DANG RING BSREL NA BZA' RNAMS DGE 'DUN STONG DANG BDUN BRGYAS BGOS TE PHYOGS PHYOGS SU PHYAG DANG MCHOD PA'I RTEN DU BZHUGS SHING, SLOB MA RNAMS KYIS BDAG NYID CHEN PO'I GSUNG LTAR PHYOGS PHYOGS SU SGRUB PA'I RGYAL MTSAN BTZUGS TE DGONGS PA YONGS SU RDZOGS PAR MDZAD DO, ,DE LTAR DGE BA'I BSHES GNYEN SHA RA BA CHEN PO LA SLOB MA STONG PHRAG MANG PO 'DUS PA'I NANG NAS 'GRAN PA'I ZLA THAMS CAD DANG BRAL BA BKA' GDAMS BSTAN PA'I SROG SHING DU GYUR PA RGYAL BA'I GDUR 'TSO BA

, ,CHEN PO NI SEMS DPA' CHEN PO 'CHAD KHA BA YIN LA, SEMS DPA' CHEN PO 'DI'I RNAM THAR NI 'CHAD BAR 'GYUR LA, GZHAN YANG GTUM STON BLO GROS GRAGS LA SOGS PA 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DE LA GTUM STON BLO GROS GRAGS PA NI SHAB SGO LNGA'I LCAGS MKHAR RTZE'I DBU MANG DU ME PHO KHYIL 'KHRUNGS, GDUNG RUS GTUM, RDOG TSO'I MKHAN PO LDOG COD PA CHEN PO LAS RAB TU BYUNG ZHING BSNYEN PAR RDZOGS, MKHAN PO DE NYID DANG RGYA 'DUL 'DZIN LA 'DUL BA LEGS PAR BSLABS TE 'DUL BA'I BSHAD PA YANG MDZAD, DE NAS DBUS SU BYON TE SHA RA BA LO BCU'I BAR DU BSTEN CING MNYES PAR MDZAD DE, BKA' GDAMS KYI YON TAN MA LUS PA THUGS SU CHUD PAR MDZAD, SHAR BA MYA NGAN LAS 'DA' KHAR, DGE 'DUN LA ZHAL CHEMS GNANG BA'I RJES LA GTUM STON BLO GROS GRAGS PA LA GTZANG PA 'DUL 'DZIN ZHES BOS TE, CHOS KYI 'PHRO CUNG ZAD GNANG NAS, LHAG MA SKYES BA PHYI MA LA BYED PA YIN NO, ,KHYOD KYANG DGE SLONG BZHI SDE RE DANG 'GROGS SHIG CES GSUNGS NAS SHA RA BA LCAGS BYA LA SKU GSHEGS, DE NAS CHU BYA'I BAR GNAS CI RIGS PAR BZHUGS NAS DE RJES SNAR THANG GI MDA'I THANG STONG LA LO RA CIG YOD PAR SBYIL PO MDZAD NAS 'AM BU 'DIR DGE SBYOR BYED PA YIN GSUNGS TE, THOG MAR CHU MO BYA LA PHEBS DGE SLONG BZHI SDE DANG BCAS TE DGON PA BTAB NAS LO BCU BZHI BZHUGS, DE

RJES LA STOD BYANG GI RTA SDE CHOS LUNG DU BYON NAS THUGS DAM MDZAD, DRUG CU RTZA GCIG PA ME PHO KHYI'I LO RGYAL GYI ZLA BA'I NYI SHU GSUM LA MYA NGAN LAS 'DAS, 'DI LA CHES LUNG SKU GSHEGS ZHES KYANG GRAGS SO, ,GTUM STON BLO GROS GRAGS KYI RJES SU SNAR THANG GI GDAN SAR SDO STON SHES RAB GRAGS PA, ZHANG BTZUN RDO RJE 'OD, DPAL LDAN GRO MO CHE, CHOS KYI BLA MA, THUGS RJE CHEN PO'I SPRUL PA SANGS RGYAS SGOM PA, MCHIMS CHEN MO NAM MKHA' GRAGS SOGS RIM GYIS BYON TE, MCHIMS NAM MKHA' GRAGS 'DIS SNAR THANG DU SDE SNOD GSUM GYI BSHAD PA RGYA CHER SPEL ZHING, SHING RTA CHEN PO RNAMS KYI GZHUNG PHAL CHE BA 'GA' ZHIG LA 'GREL PA, 'GA' ZHIG LA BSDUS DON MDZAD, 'DIS MDZAD PA'I MNGON PA MDZOD KYI tIKA CHEN NGO MTSAR RMAD DU BYUNG BA ZHIG KYANG YOD DO, ,BDAG NYID CHEN PO 'DI 'PHAGS PA'I GNAS BRTAN GYI SPRUL BAR GRAGS SHING 'DI'I RING LA GNAS BRTAN BCU DRUG SNAR THANG DU YANG YANG ZHAL 'DZOM PA BYUNG ZHING; 'GRO MGON CHOS RGYAL 'PHAGS PA DANG, BCOM LDAN RIG RAL DANG, DBUS PA BLO GSAL DPON SLOB SOGS BSTAN 'DZIN CHEN PO MANG POS KYANG 'DI'I ZHABS LA GTUGS SHING, GTZO BOR BYANG CHUB LAM GYI RIM PA RGYA CHER BSHAD NAS DPAL SNAR THANG BSTAN PA MA TSANG BA MED PA'I 'BYUNG GNAS SU BSGRUBS SO, ,'DI'I RJES SU SNAR THANG GI GDAN SAR SKYO STON PA DANG MKHAN CHEN NYI MA RGYAL MTSAN PA SOGS RIM PAR BYON ZHING, RJE SHES RAB

, ,SENG GE DANG, RJE DGE 'DUN GRUB DANG, 'DUL 'DZIN BLO GROS SBAS PA SOGS BSTAN PA'I NYI MA CHEN PO MANG DU BYON TE RJE DGE 'DUN GRUB PA YAB SRAS KYI BAR DU BYON PA THAMS CAD TSUL KHRIMS RNAM BAR DAG CING, SDE SNOD LA NANG BYAN CHUD BA, 'CHAL PA DANG, DAM NYAMS DANG, 'DRES KHYER GYIS MA BSLAD PA, DGE BSHES STON PA NAS BRGYUD PA'I RNAM PAR THAR PA DRI MA MED PA 'DZIN PA SHA STAG YIN LA, BKA' GDAMS GZHUNG PA'I BSHAD SROL LA BRTEN NAS SKYES BU GSUM GYI LAM GYI RIM PA 'CHAD PA DANG NYAN PA DANG SGOM PAR NAMS GTZO BOR 'DON ZHING, SHING RTA CHEN PO'I GZHUNG SBYI DANG KHYAD PAR BYANG SA DANG MDO SDE RGYAN SKYES RABS DANG TSOM, BSLAB BTUS DANG SPYOD 'JUG STE GZHUNG DRUG PO DE SKYES BU GSUM PO'I LAM GYI MAN NGAG TU RTZAL DU BTON NAS 'CHAD NYAN MDZAD CING BLO SBYONG DON BDUN MA DANG BKA' GDAMS THIG LE BCU DRUG LKOG CHOS SU MDZAD DE NYAMS LEN MDZAD DO; ;DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN SHA RA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR BSTAN PA YONGS RDZOGS NYAMS LEN GYI LUS GCIG TU DRIL BA'I MAN NGAG BYANG CHUB LAM GYI RIM PA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,BYANG CHUB THUGS KYI BKA' BAB 'CHAD KHA BA, ,ZHES

BSNGAGS PA SEMS DPA' CHEN PO 'CHAD KHA BA NI, LCAGS MO SBRUL LA LO ROR YAB 'PHAGS PA SKYABS DANG, YUM BSOD NAMS SKYID GNYIS KYI SRAS SU 'KHRUNGS, ZHABS LA 'KHOR LO'I MTSAN DANG LDAN PA SOGS SKYE BO DAM PA'I RTAGS DANG LDAN PA ZHIG BYUNG, GZHON NU NAS CHOS KYI BAG CHAGS SAD DE LO ROR BLA MA RAS CHUNG PA DANG MJAL BAS KHONG GI SAR ZLA BA GNYIS TZAM BZHUGS, GDAMS PA MANG DU GSAN NAS TSUR 'BYON KHAR BLA MA'I ZHAL NAS 'DIR BZHUGS KHYOD LA CHOS KYIS PHAN PA CIG 'ONG BAR SNANG GSUNG BAS DER 'BYON PA'I RTZIS SU BYAS NAS TSUR PHEBS, YUL NAS RTA SNGON PO ZHIG LA KHAL BKAL NAS BYON TZA NA LO RO ZHING GSAR NA GNYAL PA CHEN PO CHOS BAR MDZAD CING BZHUGS PAS DAD DE RGYAL BA'I BSTAN PA LA RAB TU 'BYUNG BAR MDZAD BZHED NAS GNAS DER DGUNG LO NYI SHU RTZA GCIG GI THOG BSHES GNYEN RTZI BOR BA LA MKHAN PO ZHUS, CHAG RIN CHEN 'CHANG LA SLOB DPON ZHUS NAS RAB TU BYUNG MTSAN YE SHES RDO RJER BTAGS, DER RDO RJE BTZAN PO RA'I CHOS 'KHOR GYI RIM GRO LA BLA MA RAS CHUNG BA SPYAN DRANGS PA'I PHYAG PHYIR THEGS, BLA MAS SBYIN SREG LAN NYI SHU LHAG TZAM MDZAD NAS DA RES KYI 'DI LA RTA GCIG GI TSIGS PA BUR BA ZHIG KYANG MI 'ONG BA NGA RANG GIS KHAS LEN GSUNGS NAS CHOS 'KHOR LA NI MA BZHUGS PAR BZHUD, CHOS 'KHOR DE LA GLANG GNYOS LA SOGS PA'I GNYAL LO

, ,RO BYAR GSUM GYI DGE BSHES DPAG TU MED PA 'TSOGS, LO TZ'A BA YANG GSUM BZHI BYON, CHOS 'KHOR DE LA RDOG LO LA SOGS PA'I SDE SNOD 'DZIN PA MANG PO DBU MA DANG SEMS TZAM SOGS KYI GLENG SLANG MANG PO MDZAD KYIN SNANG BAS DE CHOS JI SKAD BYA BA YIN DRIS PAS GRUB MTHA' BYA BA YIN ZER, DES THUGS PHROGS NAS GNYAL DU YANG GRUB MTHA' RTZAD DPYAD GNAS DER 'DUL BA 'DZIN PA TSA RONG PA DANG, ZHANG SHES RAB SBRING DVAGS PO GTZANG 'DUL BA RNAMS LA MKHAN SLOB ZHUS NAS DGUNG LO NYI SHU RTZA GSUM LA BSNYEN RDZOGS MDZAD, DE NAS SHA MI LA 'DUL BA GSAN CING BZHUGS TZA NA YAR KLUNGS SU CHOS 'KHOR CHEN PO ZHIG BYUNG BA'I DUS DGE BSHES GNYAGS DANG, SHA MI DANG, MAR 'GOS LA SOGS PA DGE BSHES BTZAN LA MDO SDE RGYAN GSAN PA GZIGS PAS DER BTZAN LA DAD PAR BYUNG STE DGE BSHES BTZAN LA MDO SDE RGYAN TSAR DRUG GSAN, ZHAR CHOS PA DANG BCAS PAS RTZA 'GREL TSAR PHYED DANG BCU GNYIS GSAN, DGE BSHES 'CHAD KHA BA 'DI SNGAGS PA ZHIG GI RIGS SU 'KHRUNGS TE YAB KYI PHA CHOS SNGAGS RNYING MA'I GLEGS BAM MANG PO LA'ANG GZIGS, RAS CHUNG BA LAS RJE BTZUN MI LA'I GDAMS NGAG RNAMS ZHUS TE SNGAGS GSAR MA'I RGYUD DANG RGYUD 'GREL GYI GLEGS BAM MANG PO LA'ANG GZIGS, DGE BSHES BTZAN DANG BYA YUL BA LA SOGS PA BLA MA GZHAN YANG MANG PO LA GTUGS TE SDE SNOD GSUM DANG GZHUNG LUGS MANG PO LA'ANG SBYANGS, KHYAD PAR GRUB MTHA' BZHI LA MKHAS PAR SBYANGS TE MDO SNGAGS KYI PO TI

BRGYA TZAM ZHIG THUGS LA BZHUGS KYANG, THUGS KYI GTING NA NGES PAR 'TSANG RGYA BA LA CHOS GZHAN ZHIG YOD YONG DGONGS TE THUGS KYI GTING MI BDE ZHING BLO THAG MA CHOD PA ZHIG NAR MAR BYUNG, DE NAS DGE BSHES MYANG LCAGS ZHING PA LA BLO SBYONG TSIG BRGYAD MA GSAN, DE NAS LUGS SMAD PA CAN DU BYON NAS SNE'U ZUR PA'I LUGS KYI LAM RIM GYI KHRID GSAN LUGS SMAD PAS DANG PO PHU CHUNG BA'I LUGS KYI RTEN 'BREL YANG PHA BONG KHA PA LAS GSAN PAS DGE BSHES LUGS SMAD PA LA RTEN 'BREL GYI KHRID DE YANG GSAN, NYAN SA DANG, BYANG CHUB SEMS DPA'I SA LA SOGS PA GSAN TE LO BZHI BSTEN, DGE BSHES DOL BA LO LNGA BSTEN NAS BE'U BUM SNGON PO LA SOGS PA GSAN, GRA'I SO THANG PA LA RDO RJE RNAM 'JOMS GSAN, KHONG LA BDAG DBU RU BYANG DU BKA' GDAMS SHIG NYAN DU 'GRO BAS BRTAG PA CIG MDZAD DGOS ZHUS PAS, KHYOD YANG DAG PA'I DGE BA'I BSHES GNYEN ZHIG DANG MA MJAL BAR LA DMYAL BA'I ME NANG DU BSREGS KYANG BAR CHAD MI 'BYUNG BAR NGAS SHES KYI GSUNG, DE NAS GLANG RI THAD PA LA DAD NAS MJAL DU BYON TE LHA SAR PHEBS DUS GLANG RI THANG PA 'DAS ZER BA GSAN, DA 'O NA KHONG GI SHUL NA RTOGS PA GANG MTHO DRIS PAS, GNYAN MTHO ZER NAS 'KHOR GNYIS BLTAR BTANG, KHONG RANG GIS LHA SAR GSOL BA 'DEBS KYIN BZHUGS, DER 'KHOR GNYIS LOG BYUNG NAS, GNYAN DANG, BA WA, MDO SDE GSUM GDAN SA LA MA MTHUN PAR 'DUG ZER BA GSAN PAS, GDAN SA LAM MTHUN NA

, ,BLO SBYONG GI RE BA MED SNYAM DU GLANG THANG DU 'BYON RTZIS BSHOL, 'ON KYANG DGE BSHES DE GSUM GDAN SA LAM MTHUN PA DE CHE 'DOD KYIS MA MTHUN PA MIN, DGE BSHES GLANG THANG PA'I RNAM THAR LTAR GSUM GAS DMA' SA BZUNG STE GCIG LA GDAN SA BSKOS NA NGA BAS NYID CAG YON TAN CHE BAS NGA MI 'OS NYID CAG GIS MDZAD DGOS ZHES ZER, GZHAN GNYIS KYANG DE LTAR ZER NAS MA MTHUN PA YIN ZHES BKA' GDAMS GONG MA'I GSUNG SGROS LAS 'BYUNG NGO, ,DE NAS DGE BSHES 'CHAD KHA BA RANG LO SUM CU PA LCAGS KHYI LA SHAR BA CHEN PO ZHO'I KHANG PAN BZHUGS PA'I SPYAN SNGAR MJAL, DBYAR DE NYAN THOS KYI SA GSUNG ZHING 'DUG PA NYAN PAS, BYINGS SE NYOG SE BA CIG LAS BLO KHUL BA MA BYUNG, DER BLO SBYONG GI TSIG GSAL BAR MA BYUNG BA LA NYIN GCIG GRVA BA RNAMS STON MO LA SONG NAS, DGE BA'I BSHES GNYEN SHA RA BA 'BUM PA LA BSKOR BA MDZAD PA'I DRUNG DU PHYIN NAS KHONG RANG GI PHYAM TSE BTINGS TE, DGE BA'I BSHES GNYEN PA 'DIR BZHUGS PAR ZHU DANG ZHUS PAS, DER SDAD NAS CI BYED GSUNG, GROS SHIG ZHU BA LAGS BYAS PAS, NGAS GROS THAG THAMS CAD CHOS KHRI'I KHA NAS BCAD PA YIN, DER MA CHOD PA CI YOD GSUNGS, BDAG GIS MTHONG BA'I DPE CIG NA, ,KHE DANG RGYAL KHA GZHAN LA BYIN, ,GYONG DANG BUB KHA RANG GIS LONG, ,ZER BA CIG GDA' BA 'DI ZAB MI ZAB JI LTAR LAGS, GNAS KHANG MA RNYED PA DANG, GROGS KYIS BLO RTZA

G-YENGS PA SOGS BYUNG DUS SEMS LA PHAN BAR BYUNG BA LAGS ZHUS PAS, DGE BA'I BSHES GNYEN SHAR BA'I ZHAL NAS, JO BO STON PA, KHYOD KYI SEMS LA PHAN MI PHAN GYI KHA NA CI YOD, YANG DAG PA'I SANGS RGYAS MI SGRUB NA PHAR ZHOG ,SGRUB NA CHOS DE LA MA BRTEN PAR 'GRUB MI SRID GSUNG, 'O NA BDAG CAG LUNG CHOS PA LAGS PAS, DE LA LUNG ZHIG DRANG BAR ZHU ZHUS PAS, MGON PO KLU SGRUB LA TSAD MAR MI 'DZIN PA SU YOD, DES RIN PO CHE'I PHRENG BAR, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES BYA BA GSUNGS PA LAGS GSUNG, 'O NA BDAG LA DE'I GDAM PA CIG ZHU 'TSAL ZHUS PAS, JO BO RANG RKYEN THUB PAR GYIS SHIG ,NGAS GDAMS NGAG RNAMS RIM GYIS BYA'O GSUNGS NAS BLO SBYONG GI KHRID LO BCU GNYIS NYAMS KHRID DU BSKYANGS PAS, BYANG CHUB KYI SEMS KYIS THUGS RGYUD GANG NAS BDAG GCES 'DZIN GYI 'KHRI BRTZAD NAS CHOD PA BYUNG STE, ZHAL NAS, SNGON SBYANGS LAS KYI 'PHRO SAD PAS, ,RANG GI MOS BA MANG BA'I RGYUS, ,SDUG BSNGAL GTAM NGAN KHYAD BSAD NAS, ,BDAG 'DZIN 'DUL BA'I GDAMS NGAG ZHUS, ,DA NI SHI YANG MI 'GYOD DO, ,ZHES BLO SBYONG LA GDENG THOB PA'I GSUNG BYON NO, ,DGE BSHES SHA RA BA DE TSOGS PA STONG PHRAG MANG PO LA LAM RIM GYI KHRID DANG, BYAMS CHOS SDE LNGA, SA SDE RNAMS RGYUN DU RGYA CHER GSUNG BAR MDZAD KYANG BDAG GZHAN MNYAM BRJE'I MAN NGAG MTHAR THUG PA RNAMS DGE BSHES 'CHAD KHA BA SOGS RE GNYIS LA

, ,LKOG TU GNANG BA LAS TSOGS SU MI GSUNG, LAN CIG RGYUD BLA GSUNG BA NA, BDAG GI DGE BA DANG BDE BA JO BO SEMS CAN LA GTONG, SEMS CAN GYI SDIG BA DANG SDUG BSNGAL THAMS CAD RANG GIS BLANGS DGOS PA YIN TE, THUGS KYIS LCOGS NA DE BZHIN DU MDZOD CIG GSUNG BAS, NGA LA 'KHRIG YOD PAS GO ,GZHAN GO BA TZAM YANG MI 'DUG GSUNG, YANG DGE BSHES 'CHANG KHA BA'I ZHAL NAS, SHA RA BA LA 'DI RTZAD MCHOD KYI RING LA JI TZAM BA'I CHOS DANG GDAMS NGAG THOS KYANG SANGS RGYAS SGRUB BA LA DA DUNG 'DI TZUG MIN BA CIG GSHED NA YOD DE 'ONG SEMS PA MIN PA KHO THAG CHOD PA MA BYUNG BA LA, DGE BSHES SHAR BA LAS 'DI RTZAD CHOD PA DANG, DA BYUNG 'DI LAS LHAG PA GANG NA'ANG MED SNYAM NAS THAG CHOD, 'GRAM CHU MI LDANG NYAN SNYING MI 'DOD, LHOD SONG BA CIG BYUNG GSUNG, DGE BSHES 'CHAD KHA BA 'DIS DANG POR DGE BA'I BSHES GNYEN SHAR BA DANG ZHO'I KHANG PAR MJAL BA NAS GNAS DER LO GNYIS, CONG LUNG DGE GONG DU LO DRUG ,SHAR BA'I GDAN SA NYID DU LO BRGYAD DE SHAR BA LO BCU GNYIS 'BRAL MED BSTEN TE JO BO RJE YAB SRAS KYI LKOG CHOS BDAG GZHAN MNYAM BRJE'I BYANG CHUB KYI SEMS KYI MAN NGAG RNAMS BUM PA GANG BYOR THOB STE THEG CHEN BSTAN PA'I BDAG POR GYUR TO, ,DE YANG DGE BSHES 'CHAD KHA BA CHEN PO 'DIS DANG POR GNYAL GYI CHOS 'KHOR NAS BZUNG STE, GRUB MTHA' KHO NA RTZAD BCAD, GNYAN

LA MNGON PA NYAN PAS KYANG GRUB MTHA' MANG PO BYUNG, SBYIR DGE BSHES CHEN PO SHAR BA LAS GRUB MTHA' THAMS CAD BYUNG BA YIN, SHAR BA CHEN PO GRUB MTHA' LOGS SU GSUNG BA MED KYANG, SHES RAB LE'U LAS, GRUB MTHA' GSUNG BA'I SA BON DE TZAM LA BRTEN NAS RTZAD BCAD PA YIN, GRUB MTHA' PHYOGS MTHA' DAG RGYUS YOD PA SHAR BA CHEN PO LAS MI SNANG, TSOGS SU GRUB MTHA'I ZUR TZAM LAS MI 'ONG BAR SNANG GSUNG, SHA RA BA GSHEGS NAS 'CHAD KHA PAS 'KHOR RNAMS LA GRUB MTHA' BZHI'I CHOS 'DI STONG THUN DU GSUNGS, DE NAS SGYER SGOM CHOS GRAGS KYIS NAS RJANG BA GANG PHUL NAS YI GER BSDEBS PAR ZHUS NAS MKHA' RU BYA BA DER YI GER BSDEBS, DANG POR YI GE 'DI SU'I LAG TU SONG BA NGA DANG KHYAD MED PA 'ONG, RANG GI RGYUD LA SEMS PA MIN PA BSHAD DGOS SNYAM PA MED PA LA, KHA ZAD ZAD DU BSHAD KYANG MI GO BA CIG BYUNG, DBU MA PA'I TSIG BDUN PO DE LA BSHAD PA ZHIG DGOS SNYAM PA CIG YOD CES GSUNG, SHA RAB GSHEGS RTING LO SUM CU RTZA BZHI BZHUGS TE BAS MTHA' RNAMS SU THUGS DAM GYI GTZO BO BYANG CHUB KYI SEMS GNYIS LA MDZAD CING, ZHABS DRUNG DU NYE BAR LHAGS PA RNAMS LA'ANG SHAR BA'I MDZAD PA BZHIN SDE SNOD KYI BSHAD PA DANG, GRUB MTHA'I DKA' GNAD DANG, LAM RIM GYI KHRID 'DEBS BAR MDZAD CING, RE RE GNYIS GNYIS LA BLO SBYONG GI GDAMS BA LKOG CHOS SU MDZAD PAS PHAN THOGS PA'ANG 'GA' RE BYUNG BAS, PHYIS 'DRES PHU SGOM CHEN SDINGS SU

, ,BZHUGS DUS CHOS 'DI TSOGS CHOS SU BSHAD PA'I 'OS MIN, BTUB PA 'GA' LA LKOG KHRID DU BYED PA YIN TE, SU LA PHAN DANG SU LA MI PHAN MI SHES PAR 'DUG ,NYE GNAS KHYOD LA MAR DANG BU RAM YOD NA NANG BAR SGOM CHEN PA RNAMS LA MAR KHU'I BA SHOR 'DREN DANG BUR STON GYIS, NGA'I CHOS 'DI LA MING GCIG 'DOGS PA'I MING STON BYED PA YIN GSUNGS NAS, DE'I DUS SU THEG CHEN BLO SBYONG SNYAN RGYUD CHEN MO'I DON THAMS CAD BSDUS TE, SNGON 'GRO RTEN GYI CHOS BZHI BSTAN PA, DNGOS GZHI BYANG CHUB KYI SEMS GNYIS SBYANG BA, RKYEN NGAN BYANG CHUB KYI LAM DU BSGYUR BA, TSE GCIG GI NYAMS LEN DRIL NAS BSTAN PA, BLO 'BYONGS PA'I TSAD, BLO SBYONG GI NGAM TSIG ,BLO SBYONG GI BSLAB BYA STE DON TSAN BDUN DU BSDUS NAS SA BCAD MDZAD DE YI GER BTAB, BLO SBYONG DON BDUN MA ZHES MTSAN BTAGS, TSOGS CHOS BYED BA'I SROL DE NAS BYUNG BA YIN, DE'I RJES SU MAL GROR BYON NAS 'CHAD KHA RNYING MA'I DGON PA BTAB, DER 'GRO DON LO BCU GCIG BSKYANGS, TSOGS PA DGU BRGYA TZAM 'DUS, SE SPYIL BU BA LA 'CHAD KHA GSAR MA 'DEBS PA'I LUNG BSTAN MDZAD, BYA RGAN GYI MI TSE MTHA' RU SKYEL GSUNG NAS MTHA' PHUR BYON, MTHAR THUG GSUM GYI GDAMS PA LA SOGS BA MDZAD, BLO RGOD GAR SKYES SU SKYAS 'GO SGYUR, ,RTOG DBYOD KUN JI LTAR DGYES DGYES MDZOD, ,BSOD SNYOMS BYED CING RI KHROD 'GRIM, ,SDE DGON KUN JI LTAR DGYES DGYES MDZOD, ,

LHA DANG BLA MA LA GSOL BA 'DEBS, ,YON BDAG KUN JI LTAR DGYES DGYES MDZOD, ,BRAG PHUG TU TSEM BER GYON NAS 'DUG ,PHRUG CHUNG KUN JI LTAR DGYES DGYES MDZOD, ,MA RGAN LHA KLU LA KHA TON BSNGO, ,CHOS BSHAD KUN JI LTAR DGYES DGYES MDZOD, ,GCIG PUR CHU THUG GI MI TSE SKYEL, ,SGYED KHA KUN JI LTAR DGYES DGYES MDZOD, ,GCIG BUR DGE CHOS SPEL BAR BYED, ,BKA' 'KHOR KUN JI LTAR DGYES DGYES MDZOD, ,CES SOGS DANG, LTO RGYAB GNYIS LA GYONG BSKUR NAS, ,RI DVAGS RMAS MA'I BRTUL ZHUGS SPYAD, ,RANG GI 'DOD PA KHYAD BSAD NAS, ,BLA MA'I BKA' STZAL GZHUNG BZHIN BSGRUBS, ,DA NI SHI YANG MI 'GYOD DO, ,ZHES GSUNGS, 'DA' KHA TZA NA YANG 'JIG RTEN NA SGRA GCIG THOS PA LA BLO SBYONG GI SGRA LAS SNYAN PA MED PAS, KHYOD KYIS NGA'I RNA BAR SGROGS SHIG CES PA DANG, DA RES NI 'DOD BTZUG KHA NA'ANG MA BYUNG, SEMS CAN GYI DON DU DMYAL BAR 'GRO 'DOD PA KHO NA YIN PA LA, DA NI BDE PA CAN GYI SNANG BA CIG KHO NA BYUNG GSUNG, GCUNG POS SKU KHAMS ZHAN PAR GDA', THUGS DAM MDZOD CIG ZHUS PAS, BLO SBYONG GI TSIG KHA YAR GSUNGS NAS, KHAMS ZHAN YANG DE LTA BU ZHIG MIN BA GNAS PA TSAM TSOM GYIS SA PHYOD BAR MA MTHONG GSUNG, DE NAS MTHA' PHUR ZLA BA BRGYAD BZHUGS NAS RANG LO DON LNGA BA SHING MO LUG GI SMAL PO ZLA BA'I TSES LNGA'I SROD LA GNAS DE NYID DU MYA NGAN LAS 'DAS, SPUR SBYANGS PAS THUGS LJAGS SPYAN GSUM DANG ME TOG

, ,GI CHAR LA SOGS PA NGO MTSAR CAN MANG DU BYUNG NGO, ,SEMS DPA' CHEN PO 'CHAD KHA BA 'DI BKA' GDAMS GLEGS BAM LAS LUNG BSTAN TE, BKA' GDAMS GLEGS BAM GYI BKA' GDAMS BSTAN 'DZIN RNAMS LUNG BSTAN PA'I THAD LAS, KHYAD PAR DU THEG PA CHEN PO LA BLO SBYONG BA BOD KYI BYANG CHUB SEMS DPA'I YAB GCIG GI YUL MAL GRO'I NANG DU BYON TE 'CHAD PA CHEN PO ZHIG GI STENG DU BLO SBYONG SGOM ZHES SOGS GSAL BAR LUNG BSTAN TO, ,'CHAD KHA BA YE SHES RDO RJE ZHES GRAGS PA'I BDAG NYID CHEN PO 'DIS PHYI MA'I SKYE BO RNAMS KYI DON DU JO BO YAB SRAS KYI DGONGS PA GSAL BAR BYED PA'I BSTAN BCOS MANG DU MDZAD DO, ,BDAG NYID CHEN PO 'DI LA GSUNG LAS SKYES PA'I SRAS MANG DU BYON ZHING MAN NGAG THAMS CAD BUM PA GANG BYOR YOD PA'I BSTAN 'DZIN CHEN PO NI SE SPYIL BU BA'O, ,DES NA BYANG CHUB LAM RIM LA BLO SBYONG BAR 'DOD PA'I GDUL BYA RNAMS KYIS SEMS DPA' CHEN PO 'CHAD KHA BA LA GSOL BA 'DEBS SHING, BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA THEG PA CHEN PO'I LAM GYI 'JUG SGO DANG, GZHUNG SHING DANG SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, MTHAR 'BRAS BU GRUB NAS SEMS CAN GYI DON BYA BA'I BAR GYI LAM GYI GNAD LA NGES PA GTING TSUGS PA BSKYED NAS SA LAM 'BRAS BU DANG BCAS PA THAMS CAD BYANG CHUB KYI SEMS RIN PO

CHE'I KHONGS SU 'DU BAR SHES PAR BYAS NAS BYANG CHUB KYI SEMS RIN PO CHE SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,LUNG RTOGS MNGA' BDAG BYANG SEMS SPYAL BU BA, ,ZHES BSNGAGS PA, SEMS DPA' CHEN PO SE SPYIL BU BA NI, GNYAL STOD DAR MA SGANG DU LCAGS MO GLANG LA 'KHRUNGS, SE ZHES PA RUS MING NGO, ,SNGON YUN RING PO NAS LAM LA SBYANGS PA'I MTHUS SKU GZHON NU NAS GZHAN GYIS BSKUL BA LA MA BLTOS PAR NGES 'BYUNG GI BSAM PA SHUGS DRAG POS KUN NAS BSLANGS TE DGE BSHES CHA PA'I DRUNG DU RAB TU BYUNG, LO LON NAS MKHAN PO DE NYID LAS BSNYEN PAR RDZOGS MTSAN CHOS KYI RGYAL MTSAN ZHES BTAGS, LHAN CIG SKYES PA'I BLO GROS RAB TU GSAL BAS SDE SNOD GSUM GYI BRJOD BYA'I GNAS RNAMS LA MKHAS PA'I PHUL DU PHYIN PAR GYUR, DE'I TSE THUGS BSAM 'DI LTA BU DAG 'KHRUNGS PAR NGES TE, RGYAL BA'I BKA' DANG DGONGS 'GREL GYI BSTAN BCOS THAMS CAD RANG GI RGYUD 'DUL BA'I CHED DU GSUNGS SHING, SHES RGYUD 'DUL BA'I THABS MCHOG TU GYUR PA NI BYANG CHUB LAM GYI RIM PA DANG, DE'I YANG SNYING PO THEG PA CHEN PO'I BLO SBYONG 'DI YIN PAR NGES PAS THEG CHEN BLO SBYANG GI BDAG PO SEMS DPA' CHEN PO 'CHAD KHA BA'I ZHABS LA GTUGS TE LAM RIM BLO SBYONG GI GDAMS PA SLAR SU LA'ANG 'DRI MI DGOS PA PHU THAG CHOD PA ZHIG ZHUS LA TSE DANG SGRUB PA MNYAM PA ZHIG BYED SNYAM PA'I 'DUN PA SHUGS DRAG PO 'KHRUNGS NAS DGE BA'I BSHES

, ,GNYEN 'CHAD KHA BA CHEN PO'I ZHABS DRUNG DU PHEBS TE, DGE BSHES 'CHAD KHA BA LHA SDINGS SU BZHUGS DUS MJAL, BLO SBYONG GI GDAMS PA THOG MAR DER GSAN, LO NYI SHU RTZA BZHI'I BAR DU DGE BSHES 'CHAD KHA BA CHEN PO BSTEN NAS BLO SBYONG KHO NA LA NYAN BSAM BYAS GSUNGS TE, DGE BSHES 'CHAD KHA BA THOG MAR MJAL BA NAS BZUNG NAM GSHEGS KYI BAR DU 'BRAL MED DU BSTEN NAS BLO SBYONG GI GDAMS NGAG ZHUS, SGO GSUM GYI SPYOD PA THAMS CAD BLO SBYONG KHO NA'I GROGS SU 'GRO BA ZHIG MDZAD NAS LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BCOS MIN GYI MYONG BA 'KHRUNGS NAS BDAG NYID MI NYAMS PA'I GDENG THOB PA NA SKAL BA DANG LDAN PA GZHAN MANG PO LA'ANG CHOS KYI BDUD RTZI STZAL, SNGAR 'CHAD KHA BA CHEN POS LUNG BSTAN PA BZHIN, SHING SPRE LA 'CHAD KHA GSAR MA BTAB, BYA 'CHAD KYI NANG RTEN LA SKU LDER RIN PO CHE DANG, PHYI RTEN GYI 'BUM PA LA SOGS PA BZHENGS TE TSOGS BSDUS NAS 'CHAD KHA DANG LHA SDINGS LA SOGS PAR CHOS MANG DU GSUNGS SHING, BLO SBYONG LA'ANG TSOGS CHOS KHO NAR MDZAD, DE NAS DUS NAM ZHIG NA SHIN TU DBEN PA'I GNAS SHIG TU 'BYON BZHED DE BYEN NA BZHUGS PA'I DUS, SPYIL DU 'PHO KHAR DGE SLONG SKYE'U CHUNG NA RE, DGE BSHES CHEN PO'I SLOB MA MANG BA CIG BYON PA LA, SKU TSE THUNG BAR BYUNG BA DE CIS LAN NA NGA'I BSAM PA LA SNGAGS DANG PHA ROL

TU PHYIN PA GNYIS KA LA BLO SBYONG 'DI LAS ZAB BA GANG NA'ANG MI 'DUG PA LA DA LA TSOGS CHOS BYAS PAS DES LAN NGES SNYAM PA CIG BYUNG ZER BAS, DE BDEN, 'DI BAS ZAB BA MED, TSOGS SU BSHAD PA'I 'OS MIN, DGE BSHES 'CHAD KHA BA CHEN PO LA 'DZAM BU GLING GI SA'I CHA MTHA' DAG NAS BLO SBYONG DON DU GNYER BA'I GDUL BYA 'DUS PA NA RE RE NAS KHRID KYIS MA LANG BAS TSOGS CHOS SU GSUNGS, DE SROL DU SONG BA YIN GSUNGS NAS DAM PAR MDZAD, DE NAS SHIN TU DBEN PA LA DGYES PAS, KLUNGS SHOD DU SPYIL BU'I DGON PA BTAB STE RNAM G-YENGS SPANGS NAS STOD DU MKHAR GONG LA KHA DANG, SMAD DU NYUNG ZHING SGANG DU MTSAMS THOB RGYAB NAS LO BDUN MTSAMS DAM POR BCAD NAS LAM RIM BLO SBYONG RTZE GCIG TU SGOM PAR MDZAD, SPYIL DU BZHUGS RANG LA TSOGS CHOS SU LAN GSUM LAS MA GNANG, DE RNAMS KYI DUS SU'ANG TSOGS CHOS KYI 'OS MA YIN TE, KHONG MI CHEN GYIS ZHUS PAS NGO MA BZOD PA YIN, DA TSOGS SU 'DI LAS 'CHAD PA MI 'ONG BAS KHYED RANG THAMS CAD NAN CHAGS GYIS SHIG GSUNG, SPYIL DU MCHOD KHANG RANG YANG MED PAR 'DI KHO NA SBYANG SNYAM PA YIN PA LA GSUNG, THUGS DAM YANG 'DI KHO NA LA MDZAD PAS, YENGS PA LA SOGS PA CI BYUNG YANG BLO SBYONG MI 'CHOR, RTOGS PA YANG 'DI TSIG GIS BGRANGS PA'I DUS SU SKYES PA YIN GSUNG, DE NAS BRAG DKAR GNAS BRTAN LA SOGS PA 'CHAD KHA BA RNAMS KYIS SPYAN DRANGS PAS DGUN CHOS LA 'BYON PAR ZHAL

, ,GYIS BZHES NAS BYON, DE NAS ZHING NAM GSHEGS KYI BAR DBYAR GYI TSUL 'JUG SBYIL BUR MDZAD, DGUN CHOS 'CHAD KHAR MDZAD PA'I SROL BYUNG, 'CHAD KHA BA GSHEGS NAS ME SPRE NAS SA BYA'I BAR DGON PA GONG 'OG TU LO BCU BZHI BZHUGS TE, RANG LO DRUG CU RTZA DGU PA SA MO BYA'I DBYAR ZLA RA BA'I TSES BCU GSUM LA SPYIL BUR DED DPON RGYA MTSO CHEN BO NAS YID BZHIN GYI NOR BU THOB STE RANG YUL DU 'GRO BA DANG, BU BYES SU 'KHYAMS PA PHA KHYIM DU 'GRO BA LTAR DGA' BZHIN SPRO BZHIN DU ZHI BAR GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN PO 'DI NI BKA' GDAMS GLEGS BAM RIN PO CHE NAS GSAL BAR LUNG BSTAN TE, GLEGS BAM LAS, RE ZHIG SPYIL BU MDZAD NAS BZHUGS PAS, DGE SLONG DANG DGE TSUL GYI BYANG CHUB SEMS DPA' DU MA 'DUS TE, SENG LDENG NAGS KYI RI BO LA SENG LDENG NAGS KYI SGROL MAS BYIN GYIS BRLABS PA'I SKYES BU DAM PA GCIG DRUNG DU BSTEN PA LA, BYANG CHUB SEMS DPA' PA'I ZHAL NAS, KHYED SNGON BDAG CAG GI BLA MA RGYAL BA'I 'BYUNG GNAS KYI BLA MA SE BTZUN BYA BA ZHIG YOD, DE YIN PAR 'DUG DE'I RIGS SU'ANG GDA', DA KHYED RANG KLUNGS SHOD KYI NANG NA SPYIL BU BYA BA'I LUNG PA YOD, DE LHAS BYIN GYIS BRLABS PA'I YUL YIN DER SONG, KHYED LA SH'AKYA'I GDUNG RIGS 'DZIN PA LHA'I LHA ZHIG NAS LNGA LAS MI NYUNG BAR 'BYUNG, ZHES GNAS DANG

BCAS PA GSAL BAR LUNG BSTAN TO, ,'DIS NI LHA LUNG GI DBANG PHYUG DANG, LHA 'GRO BA'I MGON PO GNYIS KYANG BKA' GDAMS BSTAN 'DZIN CHEN POR LUNG BSTAN PA YIN NO, ,SEMS DPA' CHEN PO SPYIL BU BA 'DI LA BSTAN 'DZIN GYI SLOB MA MANG DU BYUNG BA'I NANG NAS BYANG CHUB LAM GYI RIM PA'I MAN NGAG YONGS SU RDZOGS PA BUM PA GANG BYOR THOB PA'I SRAS KYI THU BO NI LHA LUNG GI DBANG PHYUG GO ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO 'DI LA GSOL BA 'DEBS SHING, SEMS DPA' CHEN PO 'DI'I RNAM THAR LTAR BRTZON PA THAMS CAD GCIG TU DRIL TE BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,, DRI MED LUNG GI DBANG PHYUG MKHAS PA'I MCHOG ,CES BSNGAGS BA, BSHES GNYEN CHEN PO LHA LUNG GI DBANG PHYUG NI, PHO BRANG KHANG DMAR DU YAB JO BO RNAL 'BYOR, YUM SNA NAM BZA'I DPAL 'DREN GNYIS KYI SRAS SU SA PHO STAG GI LO CHO 'PHRUL ZLA BA'I TSES BCO LNGA'I NYI MA SHAR BA DANG DUS MTSUNGS PAR SKU 'KHRUNGS, BYIS PA CHUNG DU'I GNAS SKABS NYID NAS SGO GSUM GYI SPYOD PA THAMS CAD ZHI ZHING DUL BA DANG, GZHAN GYIS BSKUL BA LA MI BLTOS PAR DAM PA'I CHOS 'TSOL BA LA NGANG GIS ZHUGS PA ZHIG BYUNG ZHING, DGUNG LO BRGYAD BZHES PA'I TSE, GU RI BA CHEN PO LA BSNYEN GNAS DANG, CHOS SPYOD MANG PO'I LUNG ZHUS TE CHOS BZHIN SPYOD PAS DUS 'DA' BAR MDZAD, DE'I DUS SU THUGS

, ,BSAM 'DI LTA BU DAG 'KHRUNGS PAR NGES TE, BDAG RIGS MTHON POR SKYES SHING 'BYOR PA DANG LDAN YANG YUD TZAM NAS NGES PAR 'DOR DGOS PAS MI RTAG PA, MI BRTAN PA, YID BRTAN MI RUNG BA, BSLU BA'I CHOS CAN 'DI LA CHAGS BAS CI ZHIG RUNG, DA LTA RGYAL BA'I BSTAN PA'I SNYING BO MTHAR THUG PA DPAL LHA CIG DI PAm KA RA'I CHOS RGYUD MA NYAMS PAR YOD PA'I SKABS 'DIR RGYAL BA'I BSTAN PA LA ZHUGS NAS RGYAL BA DGYES PA'I CHOS RNAM PAR DAG PA ZHIG CI NAS KYANG BYA SNYAM DU 'DUN PA DRAG PO 'KHRUNGS SHING, DAM PA GONG MA'I RNAM THAR LA YID SMON RGYUN DU MDZAD, DE DUS SNE'U ZUR PA'I MTSAN THOS BA TZAM GYIS DAD PA SKYES, DE NAS DA NI NGES PAR MI GTZANG BA'I 'DAM RDZAB LTA BU KHYIM GYI GNAS 'DI DOR NAS RAB TU 'BYUNG BAR BYA'O SNYAM DU THAG BCAD DE DGUNG LO BCU BZHI BA LA GU RI BA LA DGE BSNYEN GYI SDOM PA MNOS, BCO LNGA LA RGYA DUR GYI MKHAN PO KLUBS DKAR DANG, DGE BSHES GTZANG PA KHYUNG PO SPYAN DRANGS TE, KLUBS DKAR GYIS SLOB DPON DANG, KHYUNG PO LA MKHAN PO ZHUS TE BYA SAR RAB TU BYUNG, MTSAN BYANG CHUB RIN CHEN DU BTAGS, DE'I TSE MKHAN SLOB LA 'DUL BA'I BSLAB BYA LEGS PAR GSAN NAS PHYAG LEN LA THEBS PAR MDZAD CING, KA RI KA LNGA BCU PA GSAN NAS THUGS SU CHUD PAR MDZAD, DGE TSUL GYI BSLAB BYA RGYAS PAR STON PA 'DUL BA SUM BRGYA PA TSAR GNYIS GSAN, 'DUL BA LUNG LA'ANG LEGS PAR GZIGS

TE BSLAB BYA PHRA RAGS RNAMS MA 'DRES PAR MKHYEN CING JI LTAR MKHYEN PA LTAR PHYAG LEN LA BTAB, 'DUL BA'I BSLAB BYA BSRUNG BA GZHIR BZUNG NAS SDE SNOD GSUM GA LA SBYANGS TE MKHAS PA'I PHUL DU PHYIN PAR GYUR, SKAL BA DANG LDAN PA KHA SHAS LA CHOS KYANG GSUNGS, DGE BSHES 'CHAD KHA BA'I SKU 'BAG GCIG GZIGS PAS SHIN TU DAD DE, 'DI JI SKAD BYA BA YIN BYAS PAS 'CHAD KHA BA YIN 'DAS ZER, DA LTA SE BZHUGS BYAS PAS DAD DE SEMS DPA' CHEN PO SE SPYIL BU BA'I SAR BYON TE BSAM SBYOR GNYIS KYIS TSUL BZHIN DU BSTEN, GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA'I KHRID GSAN TE NYAMS SU BZHES, RGYAL BA'I GSUNG RAB DGONGS 'GREL DANG BCAS PA THAMS CAD DANG, KHYAD PAR BKA' GDAMS GZHUNG DRUG BYANG CHUB LAM GYI RIM PA'I MAN NGAG TU NGO 'PHROD DE BYANG CHUB LAM RIM LA NYAMS LEN CHIG SGRIL DU MDZAD PAS SEMS DPA' CHEN PO SE SPYIL BU BA THUGS GTING NAS DGYES PAR GYUR, DER BZHUGS PA'I GRVA PA THAMS CAD KYIS DANG BA CHEN POS SPYIL BU ZHIG BRTZIGS, DGUNG LO NYI SHU RTZA BZHI LA SE'I ZHAL NAS DGE SLONG GYIS GSUNG BAS, RGYA SAR SGANG NAS MKHAN PO GLAN GDAN DRANGS NAS MKHAN PO ZHUS , SLOB DPON ZHANG GIS LAS CHOG PA MDZAD, GNYAGS KYIS GSANG STE BA MDZAD DE BSNYEN PAR RDZOGS, DUS DE'I TSE KHA CHE PAn CHEN SH'AKYA SHR'I YANG BOD DU BYON PAS KHA CHE PAn CHEN LA CHOS MANG DU ZHUS, GZHAN YANG DGE BA'I BSHES GNYEN

, ,MKHAS PA MANG DU BSTEN TE RGYAL BA'I BKA' BOD DU 'GYUR RO COG THAMS CAD KYI LUNG THOB PAR MDZAD, BKA' GDAMS GZHUNG DRUG SOGS SHING RTA CHEN PO'I GZHUNG RNAMS LAS BOD NA LUNG RGYUN GANG BZHUGS THAMS CAD RTZAD DPYAD DE THOB PAR MDZAD, DRI MA MED PA'I RIGS PA'I SNANG BA CHES CHER RGYAS TE BSTAN PA YONGS RDZOGS KYI GNAD LA 'KHRUL MED KYI NGES PA BRTAN PO RNYED PA NA TSE 'DI'I G-YENG BA THAMS CAD BCAD DE RUG PAR SKU MTSAMS DAM PO MDZAD, DE DUS BSAG SBYANG GTZO BOR BTON PAS THOG MAR BCOM LDAN 'DAS SMAN BLA'I LHA TSOGS RNAMS ZHAL GZIGS, JI LTAR DANG BA'I CHU NANG DU ZLA GZUGS 'CHAR BA LTAR SANGS RGYAS DANG BYANG SEMS MANG PO'I ZHAL MTHONG ZHING, LHA SAR BYON DUS JO BO RIN PO CHE'I THUGS KA NAS 'OD ZER 'PHROS TE NYID GYI THUGS KAR THIM PA'I SNANG BA BYUNG, BYAMS SNYING RJE BYANG CHUB KYI SEMS SGOM PA LHUR MDZAD PAS MGON PO SPYAN RAS GZIGS NAM 'DOD DU ZHAL GZIGS, DE'I GNAD KYIS LHA KHU DBON GYI THANG KA ZHAL SPROD 'DI 'DRI BA'I DBUS SU BCU GCIG ZHAL 'DRI BA'I SROL YANG DAR, LUNG RIGS DU MA LA DBANG BSGYUR ZHING BKA' 'GYUR RO 'TSAL GYI LUNG BZHUGS PAS LHA LUNG GI DBANG PHYUG CES GRAGS SHING; LHA CHEN PO'ANG ZER, DON 'DI LA DGONGS NAS RJE THAMS CAD MKHYEN PAS KYANG, DRI MED LUNG GI DBANG PHYUG MKHAS PA'I MCHOG ,CES BSNGAGS PA MDZAD DO, ,MKHAS PA CHEN PO 'DI'I GSUNG SGROS LA BRTEN PA'I 'CHAD KHA

BA'I GRUB MTHA' GCES BSDUS LA t'IKKA CHEN PO ZHIG DANG, BLO SBYONG GI ZIN BRIS RGYAS PA LEGS PA CIG KYANG YOD CES BKA' GDAMS CHOS 'BYUNG LAS GSUNGS SO, ,LHA LUNG GI DBANG PHYUG 'DIS DGE BA'I BSHAS GNYEN SE SBYIL BU BA CHEN PO THOG MAR MJAL BA NAS NAM GSHEGS KYI BAR TSUL BZHIN DU BSTEN, SPYIL BU BA GSHEGS NAS LCAGS PHO KHYI'I LO SPYIL BU DANG 'CHAD KHA'I GDAN SA MDZAD DE BKA' GDAMS GZHUNG PA'I LUGS SROL LEGS PAR BSKYANG BA'I SGO NAS CHU PHO 'BRUG GI BAR LO BZHI BCU RTZA GSUM GDAN SA MDZAD CING BSTAN 'GRO'I DON RGYA CHER MDZAD DE, RANG LO BDUN CU RTZA LNGA PA CHU 'BRUG GI CHO 'PHRUL ZLA BA'I TSES BCO LNGA LA ZHI BAR GSHEGS SO, ,MKHAS PA CHEN PO 'DI LA SLOB MA MANG DU BYUNG ZHING SRAS KYI THU BO BKA' GDAMS GZHUNG PA'I MAN NGAG THAMS CAD BUM PA GANG BYOR MNGA' BA NI LHA 'GRO BA'I MGON PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR RGYAL BA'I GSUNG RAB DGONGS 'GREL DANG BCAS PA MTHA' DAG TSIG DANG DON GYI SGO NAS 'DZIN PA'I SMON LAM GDAB CING, GTZO BOR GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA SGOM PA LA BLO NUS CI YOD KYIS 'BAD PAR BYA'O,, ` ,,KHAMS GSUM 'GRO BA'I MGON PO RIN PO CHE, ,ZHES BSNGAGS PA, LHA 'GRO BA'I MGON PO NI PHO BRANG KHANG DMAR DU YAB

, ,JO 'BAG DANG, YUL LHA 'BRI SGANG BA'I LCAM MO LHA CIG 'DZAM GLING RGYAN GNYIS KYI SRAS SU ME PHO RTA LA 'KHRUNGS, SKU GZHON NU NAS DAM PA'I CHOS 'TSOL BA LHUR LEN PA ZHIG BYUNG STE, LO DRUG LON PA'I TSE KONG 'DUL BA 'DZIN PA CHEN PO LA BSNYEN GNAS KYI SDOM PA MA NOS, DE NAS KHYIM GYI GNAS BTZON RA LTA BUR MTHONG STE NGES 'BYUNG SHUGS DRAG POS BSKUL NAS LO BCU DRUG PA LA 'CHAR KHAR KHU BO'I DRUNG DU BYON NAS DGE BSNYEN GYI SDOM PA MA NOS, DE'I MOD LA SKYOR MO LUNG DU SPAL TI LA MKHAN PO DANG, GROS BA'I DGE BSHES GNAS BRTAN LA SLOB DPON ZHUS TE RAB TU BYUNG NAS MTSAN DBANG PHYUG 'OD DU BTAGS, PHYIS PO TOR DGE BSHES GNAS BRTAN LA MKHAN PO DANG, SU GU DO NAS DGE BSHES RGYAL TSA GDAN DRANGS NAS LAS KYI SLOB DPON ZHUS, JO BTZUN PAS GSANG STE STON PA MDZAD DE BSNYEN PAR RDZOGS NAS 'DUL BA'I BSLAB BYA RNAMS LEGS PAR BSLABS TE PHYAG LEN LA THEBS PAR MDZAD, DE NAS RANG GI KHU BO LHA LUNG GI DBANG PHYUG BSAM SBYOR GNYIS KYIS TSUL BZHIN DU BSTEN TE SPYIR CHOS MANG DU GSAN CING, LHAG PAR JO BO YAB SRAS NAS DGE BA'I BSHES GNYEN PO TO BA CHEN PO LA BRGYUD PA'I BKA' GDAMS GZHUNG PA'I MAN NGAG BYANG CHUB LAM GYI RIM PA'I 'OG BSHES GNYEN BSTEN TSUL NAS ZHI LHAG GI BAR DMIGS SKOR RE RE NAS SNYAN RGYUD KYI MAN NGAG GIS NGO SPROD DANG RGYAL BA'I BKA' DANG SHING RTA CHEN PO'I GZHUNG GI STENG NAS NGES PA

PHUL PHYIN 'DREN TSUL RNAMS YONGS SU RDZOGS PAR GSAN ZHING THUGS NYAMS SU BZHES TE GDENG THOB PAR MDZAD, KHU BO LHA LUNG GI DBANG PHYUG ZHING GSHEGS NAS SPYIL BU DANG 'CHAD KHA'I GDAN SA MDZAD DE, CHU MO SPRUL NAS, SA MO LUG GI BAR LO NYI SHU RTZA BDUN BZHUGS NAS BSTAN PA'I BDAG PO MDZAD, PO TO GNAS BRTAN DANG, BKA' GDAMS GZHUNG PA'I BSHES GNYEN RNAMS GROS MDZAD DE PO TO SDE MA LAG DANG BCAS BA PHUL, KONG PO NAS RTA BAR, BU CHU BYANG LUNG GSUM GYIS THOG DRANGS PA'I SDE BA SUM CU TZAM GYIS GTZUG LAG KHANG GI LDE MIG GTAD NAS PHUL, DVAGS PO NAS BLA MDA', KAN NA MO SHOD KYIS THOG DRANGS PA'I SDE PA MI SDE DANG BCAS PA PHUL, PHYIS KYANG YUN RING POR DE RNAMS SU DKON GNYER DANG MI DBON BSKOS, GNYAL NAS ZANGS BO CHE PAS GDAN DRANGS TE SKU 'BUM CHEN MO'I RAB GNAS MDZAD, ZANGS PO CHE SDE MA LAG DANG BCAS PA PHUL NAS GTZUG LAG KHANG GI LDE MIG PHUL, RONG RTZE DKAR DU GDUNG KHANG CHEN MO'I RAB GNAS LA SPYAN DRANGS NAS SDE MA LAG DANG BCAS PA PHUL, DUS PHYIS KYANG ZANGS PO CHE DANG, GRVA SKOR NA SPYIL BU BA'I CHOS RGYUD 'DZIN PA MANG DU BYUNG NGO, AE NA'ANG BU DAL LA SOGS PA NAS YON BDAG DANG BU SLOB MANG DU BYUNG, THUN MONG BA BYANG CHUB LAM GYI RIM PA DANG, THUN MONG MIN PA RDO RJE THEG PA'I LAM LA SPYANGS TE BSNYEN SGRUB MDZAD BAS YI DAM MANG PO'I ZHAL GZIGS SHING LHAG BAR MI G-YO BA DNGOS SU GRUB PAS MI G-YO BA'I SPRUL BAR GRAGS PA BYUNG, YAR

, ,KLUNGS SU GONG PO RIR SENG GE SGRA'I ZHAL GZIGS, PO TO NA DGE BSHES 'DI LA CHOS GSUNG BA'I THUB PA'I SKU GCIG KYANG BZHUGS, BSTAN PA'I NANG MDZOD 'DUL BA GTZO BOR MDZAD PAS SPYIL BUR TSUL BZHUGS GCIG GI STENG DU GNAS BRTAN BCU DRUG DNGOS SU BYON PAS, 'GRO BA'I MGON PO LA GNAS BRTAN BCU DRUG GIS BSKOR BA'I THANG SKU YANG MANG DU 'PHEL, DBYAR GNAS KYI TSE GNAS BRTAN BCU DRUG GI TSUL SHING RE YANG LEN; MANG JA'I DUS SU GNAS BRTAN GSOL 'DEBS 'CHAG MED MDZAD, LHA SAR JO BOS CHOS GSUNGS SHING RA SGRENG DU BYON PA'I TSE JO BO RJE DPAL LDAN AA TI SHAS ZHAL DNGOS SU BSTAN NAS GDAMS PA DANG RJES SU BSTAN PA MANG DU STZAL, BDAG NYID CHEN PO 'DI YI DAM LHA'I BSNYEN SGRUB MTHAR PHYIN PAS 'DAM DU LHA MO CHE ZHIG LA GDON ZHUGS NAS SUS KYANG MA THON PA LA DER BYON NAS BGEGS SKROD MDZAD PAS LHA'I MCHAN KHUNG GNYIS NAS PHUG RIN RE 'PHUR ZHING, DE GNYIS SPYANG KIR SONG PA KUN GYIS MTHONG BA BYUNG STE, DE NAS RAB GNAS LEGS PAR MDZAD, 'GRO MGON CHOS RGYAL 'PHAGS PA PHYIR THEGS DUS DGE BA'I BSHES GNYEN GZHAN RNAMS PHYIR LOG ,DGE BA'I BSHES GNYEN 'GRO MGON RIN PO CHE KHYED DANG 'BRAL MI PHOD BAR 'DUG LHAN CIG TU GSHEGS GSUNGS NAS SHA PHO SRANG BAR TSUN BYON, MKHAS BTZUN DANG MI CHEN MANG PO'I DON MDZAD NAS RANG LA DON BZHI PAS MO LUG GI LO STON

ZLA THA CHUNG GI NYER GCIG LA SPYIL BUR GSHEGS SO, ,DE NAS SLOB MA RNAMS KYIS MCHOD PA RGYA CHER BYAS TE SKU GDUNG BZHU BAS LHA SKU LA SOGS PA'I RTEN MANG DU BYON ZHING, KHYAD PAR THUGS LJAGS SPYAN GSUM BYON PA SPYAN SPYIL BU'I NANG RTEN GSER SKU'I NANG DU BZHUGS, THUGS 'CHAD KHA BAS GDAN DRANGS NAS NGO SGRA'I GDUNG KHANG NA BZHUGS, LJAGS SU GU DOR GDAN DRANGS NAS BYANG CHUB CHEN PO'I NANG NA BZHUGS, DUNG G-YAS 'KHYIL BZHI BYON PA LA GCIG RUG PA'I GSER SKUR BZHUGS, GCIG SPANGS BA'I RTEN SKAL LA GDUNG KHANG NA BZHUGS NAS NGO SGRA NA YOD, GCIG DA LTA SPYIL BU'I NANG RTEN LA BZHUGS SO, ,LHA LUNG GI DBANG PHYUG DANG, LTA 'GRO BA'I MGON PO GNYIS PO 'DI DANG 'DI GNYIS KYI CHOS RGYUD 'DZIN PA SPYIL BU DANG 'CHAD KHA'I GDAN SA BA GSUM TZAM DANG BCAS BKA' GDAMS GLEGS BAM LAS GSAL BAR LUNG BSTAN PA NI, SO SPYIL BA LUNG BSTAN PA'I 'PHRO NAS, KHYED LA SH'AKYA'I GDUNG RIGS 'DZIN PA LHA'I LHA ZHIG NAS BZUNG LNGA LAS MI NYUNG BA 'BYUNG, ZHES SOGS GSAL BAR LUNG BSTAN TO, ,BDAG NYID CHEN PO 'DI 'PHRIN LAS KYI KHYAB BDAL BLA LHAG TU CHE BA ZHIG BYUNG BAS RJE THAMS CAD MKHYEN PAS, KHAMS GSUM 'GRO BA'I MGON PO RIN PO CHE, ,ZHES BSNGAGS PA CHE BAR MDZAD DO, ,'GRO MGON RIN PO CHE 'DI LA SLOB MA BSAM GYIS MI KHYAB PA ZHIG YOD KYANG, SRAS KYI THU BO BKA' GDAMS GZHUNG PA'I RGYUD 'DZIN CHEN PO NI

, ,DGE BA'I BSHES GNYEN BZANG CHEN PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LHA 'GRO BA'I MGON PO 'DI LA GSOL BA 'DEBS SHING, 'DI'I RNAM THAR LTAR BKA' GDAMS KYI RNAM THAR GTZANG MA BSRE BSLAD MED PAR SKYONG ZHING BYANG CHUB LAM GYI RIM PA'I LAM THUN MONG PA DANG THUN MONG MIN PA GNYIS KA LA BAG CHAGS CI THEBS BYA'O,, ` ,,RNAM DAG TSUL KHRIMS NGAD LDANG BZANG CHEN PA, ,ZHES BSNGAGS BA, DGE PA'I BSHES GNYEN BZANG CHEN PA NI, GNYAL SMAD DU NGO MTSAR BA'I LTAS DANG BCAS TE SKU 'KHRUNGS, CHUNG DU'I DUS NAS KHYIM GYI 'DU 'DZI LA MA CHAGS PAR RGYAL BA'I BSTAN PA LA ZHUGS NAS DAM PA'I CHOS RNAM PAR DAG PA ZHIG BYA BAR 'DOD PA'I 'DUN PA SHUGS DRAG PO NAR MAR BYUNG STE SUS KYANG BZLOG MA THUB PAR BZANG CHEN GYI GDAN SA BA MKHAN PO BSOD NAMS 'BYUNG GNAS LAS RAB TU BYUNG ZHING TSIGS SNGA MA DGE TSUL GYI SDOM PA MNOS, MTSAN DAR MA BSOD NAMS SU BTAGS MKHAN PO DE NYID LA BRTEN TE DGE TSUL GYI BSLAB BYA RNAMS LEGS PAR BSLABS SHING CHOS SPYOD RNAMS THUGS SU CHUD PAR MDZAD, DE NAS GZHUNG LUGS RNAMS LA SBYANGS TE SDE SNOD GSUM LA MKHAS PAR BSLABS, NGES 'BYUNG GI BSAM PA RNAM PAR DAG PAS RGYUD BSKUL TE MKHAN PO NGAR YE BA, KHA SKONG GI DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS, LHA

'GRO BA'I MGON PO'I ZHABS RDUL SPYI BOS BLANGS TE 'DUL BA LUNG SDE BZHI'I BRJOD BYA'I DON THAMS CAD SLOB DPON YON TAN 'OD KYIS 'DUL BA'I MDOR GTAN LA PHAB PA LTAR BYIN LEN DANG RUNG CHU 'DEBS PA YAN CHAD DGE SLONG GI BSLAB BYA PHRA RAGS THAMS CAD THUGS SU CHUD BAR MDZAD DE LAG TU BDAR NAS 'DUL BA NAS BSHAD PA'I BCAS RANG GI NYES PA PHRA MOS KYANG MGOS PA'I TSUL KHRIMS RNAM PAR DAG PAR BSRUNG BAR MDZAD, TSUL KHRIMS KYI MTHU LAS SKYES PA'I DRI BZANG PO RDZI PHYOGS MIN PAR 'PHRO BA ZHIG YOD PAR GRAGS, DON 'DI LA DGONGS NAS RJE THAMS CAD MKHYEN PAS BSHES GNYEN CHEN PO 'DI LA, RNAM DAG TSUL KHRIMS DANG LDANG BZANG CHEN PA, ,ZHES BSNGAGS SO, ,LHA 'GRO BA'I MGON PO LA RGYAL BA'I BKA' DANG SHING RTA CHEN PO'I GZHUNG MANG PO GSAN TE GZHUNG LUGS RNAMS LA MKHAS PA'I PHUL DU PHYIN PAR GYUR PA NA RANG GI YON TAN GYI STOBS KYIS DGE 'DUN TSANG MAS BZANG CHEN GYI GDAN SAR BSKOS TE CHOS GRVA CHEN PO DE'I SENG GE'I KHRI LA BZHUGS NAS SHING RTA CHEN PO'I GZHUNG LUGS RNAMS RGYA CHER SPEL BAS DGE BA'I BSHES GNYEN BZANG CHEN PA ZHES PHYOGS KUN TU SNYAN PAR GRAGS, DE NAS LHA 'GRO BA'I MGON PO BZANG CHEN DU GDAN DRANGS NAS MCHOD CING BSNYEN BKUR TE RGYAL BA'I GSUNG RAB DGONGS 'GREL DANG BCAS BA MTHA' DAG GI DON GANG ZAG GCIG GI NYAMS LEN GYI RIM PAR DRIL BA DPAL AA TI SHA'I MAN NGAG BYANG CHUB LAM GYI RIM PA'I MYONG KHRID LEGS PAR GSAN,

, ,DE YANG THOS LO TZAM LA MA BZHAG PAR TSUL BZHIN DU NYAMS SU BLANGS PAS MYONG BA LEGS PAR THON, LTA 'GRO BA'I MGON PO LA BKA' GDAMS GZHUB DRUG GSAN TE LAM GYI RIM PA'I DMIGS SKOR MTHA' DAG SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB, KHA CHE PAn CHEN SH'AKYA SHR'I BZANG CHEN DU GDAN DRANGS TE MDO SNGAGS KYI CHOS MANG DU GSAN, SRAS KYI THU BO MTSO SNA BA CHEN PO SOGS SKAL BA DANG LDAN PA MANG PO LA BYANG CHUB LAM GYI RIM PA'I KHRID DANG SHING RTA CHEN PO'I GZHUNG LUGS RNAMS RGYA CHER SPEL BAR MDZAD NAS MTHAR DGUNG LO BDUN CU RTZA LNGAR RU PHEBS PA'I TSE SHA DUG ZHIG GIS SKU BSNYUN PA NA DGE 'DUN THAMS CAD KYIS RIM GRO RGYA CHER MDZAD CING, CHOS SKYONG MGON PO TRAKSHAD KYIS KYANG BYA ROG TU SPRUL NAS RGYA BAL NAS AA RUR RLON PA BLANGS TE PHUL BA SOGS THABS DANG RIM GRO CI BYAS KYANG MA BZLOG PAR ZHING GSHEGS, DGE 'DUN RNAMS KYIS MCHOD PA RGYA CHER BYAS TE SPUR GYI MCHOD RTEN BZHENGS PA'I DRUNG NA CHOS SKYONG TRAKSHAD KYIS PHUL BA'I AA RUR RLON PA DE BZHAG ,SPUR GYI ZHAL NUB PHYOGS SU BSTEN PA ZHIG BYUNG BAS GRVA SKOR DU BKA' GDAMS KYI BSTAN PA RGYA CHER 'PHEL BA'I RTEN 'BREL DU BYUNG ZHES GLENG NGO, ,BSHES GNYEN CHEN PO 'DI LA RGYUD 'DZIN GYI SLOB MA MANG DU BYUNG BA LAS SRAS KYI THU BO NI MTSO SNA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS

BSHES GNYEN CHEN PO 'DI LA GSOL BA 'DEBS SHING 'DI'I RNAM THAR LTAR TSUL KHRIMS RNAM PAR DAG PA GZHIR BZUNG NAS BYANG CHUB LAM GYI RIM PA LA BLO SBYONG ZHING GZHUNG LUGS GDAM PAR 'CHAR BA ZHIG 'ONG BAR BYA'O,, ,, ` 'DUL BA 'BUM SDE'I MNGA' BDAG MTSO SNA BA, ,ZHES BSNGAGS PA 'DUL 'DZIN MTSO SNA PA CHEN PO NI, MON MTSO SNA STOD DU SKU 'KHRUNGS, BYIS PA SMRA SHES TZAM NAS CHOS BYED PA'I 'DUN PA KHO NAS SGO GSUM GYI SPYOD PA THAMS CAD CHOS DANG MTHUN PAR MDZAD PA LAS BYIS PA'I NGANG TSUL DU MI 'GRO BA ZHIG BYUNG ZHING, DGUNG LO BRGYAD LON PA'I TSE BLA MA'I DRUNG DU 'GRO ZER NAS SUS BKAG KYANG MA THUB PAR DGE BA'I BSHES GNYEN BZANG CHEN PA'I THAD DU BROS TE RAB TU BYUNG, TSIGS SNGA MA DGE TSUL GYI SDOM PA MA NOS TE MTSAN SHES RAB BZANG PO ZHES BTAGS, DUS DE'I TSE PAndI TA MKHAS PA'I NYAMS DANG LDAN PA ZHIG RANG SHUGS KYIS BYUNG BAS SDE SNOD 'DZIN PA BLO GROS SENG GE'I SKYE BAR GRAGS PA BYUNG NGO, ,DE NAS DGE BA'I BSHES GNYEN BZANG CHEN PA BSAM SBYOR GNYIS KYIS TSUL BZHIN DU BSTEN NAS BKA' GDAMS GZHUNG DRUG LA SOGS PA'I SHING RTA CHEN PO'I GZHUNG RNAMS LA LEGS PAR SBYANGS SHING, KHYAD PAR DU 'DUL BA LUNG SDE BZHI DANG, DE THAMS CAD KYI BRJOD BYA'I DON GCIG TU BSDUS PA 'DUL BA MDO RTZA BA LA SBYANGS TE TSIG DON MTHA' DAG THUGS SU

, ,CHUD PAR MDZAD CING, DGE BA'I BSHES GNYEN BZANG CHEN PA LA MKHAN PO ZHUS TE MKHAN SLOB DGE 'DUN GRANGS TSANG BA'I DBUS SU BSNYEN PAR RDZOGS TE, 'DUL BA'I BSLAB BYA MTHA' DAG CHES ZHIB PAR THUGS LA MNGA' BA LTAR PHYAG LEN LA THEBS PAR MDZAD BAS 'PHAGS PA NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DGE BA'I BSHES GNYEN BZANG CHEN PA LAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL, DPAL AA TI SHAS GANGS RI'I KHROD 'DIR GSAL BAR MDZAD PA'I MAN NGAG BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR MTHA' DAG BAR GSAN NAS NYAMS SU BLANGS TE GDENG THOB PAR MDZAD, BDAG NYID CHEN PO 'DI NI RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PA ZHIG YIN PAS GSUNG RAB DGONGS 'GREL DANG BCAS PA LA THOS PA NYIN PAR MDZAD PAR MA ZAD RMI LAM SGYU MA'I RNAM THAR 'BYONGS BAS MTSAN MO MNAL LAM DU YANG SLOB DPON YON TAN 'OD LA 'DUL BA GSAN, RGYAL SRAS ZHI BA LHA LA SPYOD 'JUG GSAN, SLOB DPON DBYIG GNYEN LA MNGON PA MDZOD GSAN, SLOB DPON PHYOGS KYI GLANG PO LA TSAD MA'I MDO GSAN, SLOB DPON CHOS KYI GRAGS PA LA RNAM 'GREL SOGS TSAD MA SDE

BDUN GSAN, SLOB DPON ZLA BA GRAGS PA LA GSANG 'DUS GSAN, RJE BTZUN BYAMS PA MGON PO LA MNGAN RTAGS RGYAN GSAN PAR GRAGS, DE LTAR THOS PA RGYA MTSO'I PHA ROL TU BYON ZHING, LHAG PAR 'DUL BA LA MKHAS PA'I PHUL DU GYUR BAS MGON PO LA SOGS PA'I CHOS SRUNG RNAMS DANG, DKAR PHYOGS KYI LHA MANG POS 'DUL BA'I BSTAN BCOS GANGS RI'I KHROD KYI GDUL BYA RNAMS KYIS GO SLA BA LUNG SDE BZHI'I GNAD BSDUS BA ZHIG RTZOMS SHIG ,DE LA THOS BSAM BYED PA THAMS CAD NGED KYIS BU BZHIN SKYONG NGO ZHES BSKUL ZHING, DGE 'DUN MANG POS GRVA SKOR GYI GDAN SAR 'BYON DGOS PAR BSKUL TE CHOS GRVA CHEN PO GRVA SKOR GYI SENG GE'I KHRI LA BZHUGS TE, SHING RTA CHEN PO'I GZHUNG LUGS RNAMS RGYA CHER SPEL ZHING LUNG SDE BZHI'I GNAD KUN BSDUS PA 'DUL BA'I MDO'I RNAM BSHAD NYI MA'I 'OD ZER ZHES BYA BA BRTZAMS TE, DKAR PHYOGS KYI LHA RNAMS KYIS CHOS 'DI LA BSNGAGS PA BRJOD PHYIR BRTZAMS MA THAG DKAR PHYOGS KYI LHA RNAMS KYIS GLEGS BAM GDAN DRANGS TE SLAR YANG LAN GNYIS PA BRTZAMS ZHES GRAGS SO, ,GZHAN YANG, BDAG NYID CHEN PO 'DIS LAM RIM LA SOGS PA'I BSTAN BCOS KYANG MANG DU MDZAD DO, ,BDAG NYID CHEN PO 'DI NI DGE BA'I BSHES GNYEN PO TO BA'I RNAM THAR LTAR SKYES BU GSUM GYI LAM GYI RIM PA SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB CING, PHYI LTAR DU GSANG

, ,SNGAGS LA DAM DOG CHE BAR MDZAD KYANG NANG DU RANG NYID SNGAGS KYI NYAMS LEN PHUL DU PHYIN PA MNGA' BAS, DPAL GSANG BA 'DUS PA'I RDZOGS RIM GYI RMI LAM 'DZIN PA LA MNGA' BRNYES PAS RMI LAM DU SANGS RGYAS KYI ZHING GZHAN DU BGROD PA DANG, GDUL BYA LA CHOS STON PA DANG, SANGS RGYAS BYANG SEMS LAS CHOS NYAN PA SOGS SPRUL BSGYUR SNA TSOGS NUS PA ZHIG STE, DE'I TSUL ZUR TZAM NI SNGAR SMOS BA LTAR RO, ,DE LTAR BSTAN 'GRO'I DON RGYA CHER MDZAD NAS DGUNG LO DON GNYIS BZHES PA'I CHE DGE 'DUN RNAMS LA BSLAB BYA RGYAS PAR MDZAD DE GRVA SKOR GYI GDAN SA MON GRAB LA GTAD NAS ZHI BAR GSHEGS SO, ,'DUL 'DZIN CHEN PO 'DI LA SLOB MA BSAM GYIS MI KHYAB PA YOD KYANG THUGS SRAN THU BO RANG GI RGYAL TSAB TU MNGA' GSOL BA NI DGE BA'I BSHES GNYEN MON GRA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN CHEN PO 'DI LA GSOL BA 'DEBS SHING BSTAN PA'I NANG MDZOD 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA LA BLO SBYANG BAR BYA'O,, ` ,,CHOS MNGON RGYA MTSO'I MTHAR SON MON GRA PA, ZHES BSNGAGS PA, DGE BA'I BSHES GNYEN MON GRA PA NI, MON DANG MTSO SNA'I BAR GYI YUL MON GRAB TU SKU 'KHRUNGS, GZHON NU NYID NAS CHOS KYI BAG CHAGS BRTAS PAS RANG YUL NYE DU DANG BCAS PA LA MA CHAGS PAR MCHIL MA'I THAL BA BZHIN DOR TE GRVA SKOR DU MKHAN

CHEN MTSO SNA PA'I ZHABS DRUNG DU PHEBS NAS RAB TU BYUNG, MTSAN TSUL KHRIMS BKRA SHIS ZHES BTAGS, MKHAN CHEN MTSO SNA PA BSAM SBYOR GNYIS KYIS TSUL BZHIN DU BSTEN TE, SDE SNOD GSUM GYI DGONGS BA 'GREL BA'I SHING RTA CHEN PO'I GZHUNG RNAMS LA SBYANGS BAS MKHAS PA'I GO 'PHANG THOB CING, KHYAD BAR MNGON PA SDE BDUN DGONGS 'GREL DANG BCAS PA LA MKHAS PA'I PHUL DU PHYIN BAR GYUR TE CHOS MNGON PA'I DON LA MI 'JIGS PA'I SPOBS BA THOB , MKHAN CHEN MTSO SNA PA LAS BSNYEN PAR RDZOGS TE 'DUL BA'I BSLAB BYA RNAMS GSAN NAS LAG TU BLANGS, 'DUL BA 'DZIN PA'I MCHOG TU GYUR, DE LTAR GZHUNG LUGS RGYA MTSO LTA BU LA SBYANGS BAS MKHAS PA'I PHUL DU PHYIN PA NA MTSO SNA PA CHEN PO LA BYANG CHUB LAM GYI RIM BA'I KHRID BKA' GDAMS GZHUNG PA'I BSHAD SROL LTAR GSAN TE NYAMS LEN LA SBYAR BAS MYONG BA KHYAD PAR CAN THON TE MKHAS BTZUN BZANG GSUM 'DZOM BA'I BSHES GNYEN CHEN BOR GYUR PA NA MTSO SNA BA CHEN BOS RANG GI RGYAL TSAB BSTAN 'DZIN MCHOG TU 'GYUR BAR GZIGS NAS BSNGAGS 'OS SU MDZAD CING, GRVA SKOR GYI GDAN SA BGYI DGOS ZHES YANG YANG GSUNGS KYANG BDAG NYID CHEN PO 'DI BYANG CHUB LAM RIM LA MYONG BA PHUL PHYIN THON PAS TSANGS PA DANG BRGYA BYIN GYI DPAL LA'ANG MI SMON NA TSE 'DI'I RNYED BKUR SNYAN GRAGS LA SMON PA MED PA LTA CI SMOS PAR GYUR NAS BDAG LTA BUS BLA MA'I GDAN SA SKYONG BAR GA LA NUS ZHES MDZAD DU MA BZHED, MTHAR MKHAN CHEN MTSO SNA BA GSHEGS KHAR

, ,DGE 'DUN RNAMS LA ZHAL GDAMS RGYA CHER MDZAD NAS GDAN SA 'DI MON GRA PA LA GTOD GSUNGS NAS ZHI BAR GSHEGS PA NA BLA MA'I GSUNG GI THA MA ZHAL CHEMS LTA BUR SONG GSHIS MDZAD THABS MA BYUNG BAR GRVA SKOR GYI GDAN SAR PHEBS NAS GTZO BOR 'DUL BA DANG MNGON PA RGYA CHER BSHAD CING, PHAR TSAD BU MA RNAMS KYANG SNGAR SROL GANG YOD BSHAD NAS SHING RTA CHEN PO'I GZHUNG LUGS SHIN TU DAR BAR MDZAD, SKAL BA DANG LDAN PA DAG LA BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR ZHIB TU BSHAD PAS CHOS KYI BDUD RTZIS CHIMS PA MANG DU BYUNG ZHING, PHYI RABS KYI GDUL BYA RNAMS KYI DON DU LAM RIM GYI KHRID YIG KYANG MDZAD DO, ,MKHAN CHEN MON GRA PA 'DI LA MKHAS SHING GRUB PA'I SLOB MA GRUB CHEN LAS KYI RDO RJE DANG, MKHAN CHEN CHOS SKYABS BZANG PO SOGS BSTAN PA LA BYA BA RGYA CHER BGYID PA MANG DU BYUNG NGO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN MON GRA PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR SHING RTA CHEN PO'I GZHUNG LUGS RNAMS LA SBYANGS NAS GZHUNG LUGS GDAMS PAR 'CHAR BAR BYED PA DANG, GZHUNG LUGS GDAMS PAR SHAR BA'I MAN NGAG, BYANG CHUB LAM GYI RIM PA'I NYAMS LEN LA 'BAD NAS RANG GI RGYUD BTUL TE GDUL BYA GZHAN LA'ANG PHAN NGES PA ZHIG BYA'O,, ` ,,ZAB CING RGYA CHE'I CHOS LA MNGA' BRNYES PAS,,

SKAL LDAN 'GRO BA KUN GYI SKYABS SU GYUR, ,'PHRIN LAS BZANG POS BSTAN PA RGYAS MDZAD PA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA MKHAN CHEN CHOS SKYABS BZANG PO NI GNYAL DU RIGS RUS PHUN SUM TSOGS PA ZHIG TU SKU 'KHRUNGS, CHUNG NGU'I DUS SU YAB YUM GNYIS KYIS BSNAMS NAS MKHAN CHEN MTSO SNA PA CHOS GRVAR PHEBS PA DANG THUG STE MJAL BA'I TSE, MTSO SNA PA'I SKU CHOS RLUNG GIS BSKYOD BA BYIS PA CHUNG DU 'DI'I STENG DU G-YOGS PA LTAR BKAB PAR GYUR PAS MKHAN CHEN MTSO SNA PA BZHAD CING CHER DGYES NAS BYIS PA 'DI NGA'I CHOS GOS KYIS BSKYABS PA LTAR 'DUG PAS 'DI NGA LA BYIN CIG CES YAB YUM GNYIS LA GSUNGS PAS YAB YUM GNYIS KYIS KYANG MTSO SNA PA'I BKA' LDOG MA NUS PAR PHUL BAS MKHAN CHEN MTSO SNA PAS BZHES TE CHOS SKYABS BZANG PO ZHES MING BTEGS, LO BDUN LON BA NA RAB TU BYUNG ZHING SDE SNOD GSUM LEGS PAR BSLABS, LO LON PA NA BSNYEN PAR RDZOGS PAR MDZAD DE SPYAN GYI 'BRAS BU LTAR BSKYANGS, RANG NYID LA YOD PA'I LUNG DANG MAN NGAG THAMS CAD GNANG ZHING, LHAG PAR BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I MAN NGAG MA LUS PAR GNANG, MKHAN CHEN MTSO SNA PA ZHING GSHEGS NAS DGE BA'I BSHES GNYEN MON GRVA PA TSUL BZHIN DU BSTEN NAS MON GRVA PA LA MNGA' BA'I BKA' DANG GDAMS NGAG MANG PO GSAN ZHING LHAG PAR BYANG CHUB LAM GYI RIM PA'I KHRID YANG DANG YANG DU

, ,GSAN TE, NYAMS SU BZHES PAS BYANG CHUB LAM GYI RIM PA'I MAN NGAG BKA' GDAMS GZHUNG PA'I BSHAD SROL LTAR RANG GI RGYUD LA SKOR NAS NYAMS SU LEN PA DANG, GZHAN LA STON PA LA MI 'JIGS PA'I SPOBS PA THOB PAR GYUR TO, ,BDAG NYID CHEN PO 'DI NI THOS PA RGYA MTSO'I PHA ROL TU SON ZHING, LAM GYI RTOGS BA MTHON POR BYON TE PHYIR MI LDOG PA'I RTAGS THOB PA ZHIG YIN ZHES GRAGS SO, ,MKHAN CHEN CHOS SKYABS BZANG PO 'DIS DGE BA'I BSHES GNYEN MTSO SNA PA DANG MON GRA PA GNYIS KA LA GTUGS TE BKA' GDAMS GZHUNG PA'I BSHAD SROL LTAR GYI SKYES BU GSUM GYI LAM GYI RIM BA YANG DANG YANG DU GSAN TE SBYANGS PA MTHAR PHYIN MDZAD PA NI, RJE BTZUN CHOS KYI RGYAL PO TZONG KHA PA CHEN POS KHONG PA LA BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN PAR 'GYUR BA 'DI LA DGONGS PAR MNGON ZHING, RJE THAMS CAD MKHYEN PAS BKA' GDAMS GZHUNG PA'I BSHAD SROL LTAR GYI LAM RIM GYI KHRID GSAN NAS SKAL BA DANG LDAN PA BGRANG BA LAS 'DAS PA LA GNANG NAS SA CHEN PO'I KHYON 'DI THAMS CAD CHOS 'DI'I 'PHRIN LAS KYIS KHYAB PA 'DI BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS PHYIR MI LDOG PA'I SEMS DPA' CHEN PO MKHAN CHEN CHOS SKYABS BZANG PO LA GSOL BA 'DEBS SHING, BDAG NYID CHEN PO 'DI'I RNAM THAR LTAR RGYAL BA'I BKA' DANG

GZHUNG LUGS MA LUS 'DU BA'I CHOS KYI RGYA MTSO CHEN PO BYANG CHUB LAM GYI RIM PA LA SLOB PA'I TSE BKLAGS LUNG TZAM RE THOB PA DANG, DMIGS SKOR RE GNYIS GO BAD TSIM PAR MI BYA BAR DGE BA'I BSHES GNYEN MKHAS PA LA GTUGS TE YANG DANG YANG DU MNYAN NAS NGES PA GTING TSUGS PA BSKYED PA DANG, JI TZAM THOS PA DE TZAM DU RGYUD LA SBYAR NAS NYAMS SU LEN PA LA 'BAD PAR BYA'O,, ` ,,DGE BSHES STON PA NAS DGE BSHES PO TO BA, DE NAS GRVA SKOR MKHAN CHEN CHOS SKYABS BZANG PO'I BAR GYI BRGYUD RIM DE NI RJE THAMS CAD MKHYEN PAS BKA' GDAMS GZHUNG PA'I LAM RIM GSAN BRGYUD YIN LA, BKA' GDAMS GDAMS NGAG PAR GRAGS PA DGE BSHES STON PA NAS SPYAN SNGA TSUL KHRIMS 'BAR LA BRGYUD PA'I BLA MA RNAMS KYI RNAM THAR NI, GRUB PA'I DBANG PHYUG CHEN PO TSUL KHRIMS 'BAR, ,ZHES BSNGAGS PA, ,DGE BSHES SPYAN SNGA BA NI NYAN GYI SNANG RA SGANG DU YAB SH'AKYA RDO RJE DANG, YUM LI MO YE SHES SGRON GNYIS KYI SRAS SU CHU MO BYA'I LO LA 'KHRUNGS, MTSAN STAG TSAB 'BAR ZHES BTAGS, SNGON YUN RING PO NAS LAM LA SBYANGS PA'I BAG CHAGS BRTAS PAS GZHAN GYIS BSKUL BA LA MA BLTOS PAR SKYES BU GSUM GA'I LAM GYI GNAD RNAMS LA BAG CHAGS SAD DE BYIS PA'I DUS SU SPYIR 'DUS BYAS 'DI THAMS CAD SDOD PA'I MTHU MED PAR 'JIG PA DANG, KHYAD PAR RANG GI LUS MYUR DU 'JIG PA'I NGANG TSUL DRAN NAS RGYUN DU BSHUM PA ZHIG BYUNG BAS YUM

, ,DES KHYOD 'JIGS MI DGOS MYUR DU SHI 'GRO SNYAM PA'I BLO DE SLAR BRJED 'GRO ZER SPYAN SNGA'I YUM DE NI RANG BZHIN GYI RNAL 'BOR MA ZHIG YIN PAR GRAGS PAS DENG SANG RANG CAG THA MAL PA RNAMS LA BLA MA RE'I BKA' DRIN LAS 'CHI BA DRAN PA'I BLO RIB TZAM RE BYUNG YANG SNANG SHAS MTHU CHE BAS CHU LA DBYUG GUS BRIS PA LTAR DE MA THAG BRJED NAS RTAG 'DZIN GYI DBANG DU 'GRO BA'I DANG TSUL DE YUM DES BRJOD PA'O, ,DE DUS YUM GYIS PAD DU KHYER NAS; SLOB DPON GRONG 'DUL BA CIG LA PHUNG PO LNGA'I RAB BYED GSAN PAS, PHUNG PO 'DI LNGAR 'BYED TSOD KYIS MTHAR STONG PA NYID DU 'DUG SNYAM STE BDAG MED PA'I LTA BA RANG 'KHRANGS SU BYUNG, GZHAN YANG BYIS PA'I GNAS SKABS DER LHAG PA'I LHA MANG PO'I SNANG BA YANG YANG 'CHAR BA ZHIG BYUNG, LO BCU GNYIS LON TZA NAR RNAL 'BYOR MA GONG MO SGANG BA BYA BA BYON NAS GDAMS NGAG CIG GSUNGS PAS MYONG PA KHYAD PAR CAN SKYES PA ZHIG BYUNG STE, DE NI RANG BZHIN GYI RNAL 'BYOR MAS BYIN GYIS BRLABS PA YIN PAR GSUNGS, YANG LAN CIG TZAN RA LUG 'TSOR RI ZHIG GI RTZER BYON PAS ,DA STE LO BRGYA THAM PA NA 'DI NAS MTHONG BA'I MI THAMS CAD 'CHI BA YIN DGONGS THUGS PHYUNG BA'I MGUR GSUNGS BA RI ZHOL GYI BTZAS MI BA RNAMS LA SNYAN PAR BYUNG NAS, 'OR CHE STAG TSAB 'BAR SNYAN RANG SNYAN DA DUNG ZHIG LONGS DANG ZER BAS, NGA MA DGA' CHES NAS BLANGS BA LA KHONG DA DUNG LONGS ZER AANG GSUNG ,DE NAS

DGUNG LO BCO BRGYAD PA LA STOD LUNG TSA THOG DGON PAR MAL SHES RAB SEMS DPA'I DRUNG DU RAB TU BYUNG ,MTSAN TSUL KHRIMS 'BAR DU BTAGS ,DER YUM GYI RMI LAM DU DUNG DKAR ZHIG BUS PA 'DZAM BU GLING PA THAMS CAD KYIS THOS PA ZHIG BYUNG BAS, NGA'I BU 'DI LA RAB TU BYUNG NAS GRAGS PA YANG CHE BA CIG 'ONG BAR 'DUG ZER, SLOB GNYER MDZAD DUS TSA THOG DGON PAR BYON PA'I ZHOR LA ,JO BO SNYE'I NA MO CHER BZHUGS PA DANG MJAL, SEMS BSKYED GSUNG BA GSAN, DE DUS JO BOS 'DI PA'I SPYI BOR PHYAG BZHAG ,SAm SKRi TA'I SKAD DU BKRA SHIS KYI TSIGS BCAD MANG PO MDZAD, GSER GLING PA'I BUM PA PADMA'I CHUm CAN GNANG, NGA'I CHOS RGYUD 'DZIN PA CIG 'OD GSUNG, DE NAS LAN TSA RAB DANG, RUG PAR SDE SNOD KYI GSAN SBYONG MANG DU MJAD, RGYA GAR RDO RJE GDAN CHOS KYI 'BYUNG KHUNGS YIN PAS DER 'BYON DGONGS TE SKAD DOD DANG RGYA YIG MANG DU BSLABS, DE'I DUS SU MDO SDE GZIGS PAS CHOS THOG TU HRIL HRIL 'GRO BAR BYUNG BAS SO SO SKYE BO'I SA NAS SANGS RGYAS KYI SAR 'GRO BA LA BLA MA MI DGOS PAR SNANG SNYAM BA BYUNG, PHYIS SU BSAMS TZA NA SNGAR GYI DES GAR YANG MI PHYIN PAR 'DUG GSUNG, DE'I DUS SU YUM RUG PAR BYON NAS RUG PA'I BAN DE RNAMS LA 'DI NI DGRAS BDAS PA YIN, 'DI 'DRES BDAS PA YIN, SNYING NAS CHOS BYA BSAM NAS RAB TU BYUNG BA NI KHYOD DANG SLOB DPON ZHANG BTZUN GNYIS YIN KHYOD CHOS GSHA' MA ZHIG BYED NA RA SGRENG DU DGE BSHES STON PA'I SPYAN SNGAR

, ,'GRO GSUNGS NAS YUM GYIS KHRID DE DGUNG LO NYER LNGA PA LA DGE BSHES STON PA DANG MJAL, SPYAN SNGA'I ZHAL NAS ,NGA'I MA DE RANG BZHIN GYI RNAL 'BYOR MA YIN PAS 'DIR BSKYAL BA YIN GSUNG, DE'I TSE DGE BSHES STON PA LA LAM GYI 'GRO CHOS ZHUS NAS RGYA GAR DU RNAL 'BYOR PA CIG LA GTUG SNYAM DU DGONGS BA LA DGE BSHES STON PA'I ZHAL NAS, KHYOD RGYA GAR DU MA 'GRONGS THUGS LA GDAGS KYI GSUNG BAS, DGE BSHES STON PAS THUGS LA 'DOGS NA RGYA GAR DU 'GRO DON MI 'DUG DGONGS PA BYUNG NAS BSHES GNYEN STON PA RIN PO CHE BSAM SBYOR GNYIS KYIS TSUL BZHIN DU BSTEN NAS DUS GSUM GYI SANGS RGYAS THAMS CAD GANG NAS GSHEGS PA'I LAM PO CHE BKA' DANG DGONGS 'GREL THAMS CAD KYI SNYING PO'I DON BYANG CHUB LAM GYI RIM PA'I MYONG KHRID GSAN PAS LAM GYI RIM PA'I DMIGS SKOR RNAMS BSAM DU BTUB PAR BYUNG BA LA, DGE BSHES STON PA'I ZHAL NAS, DUS TSOD 'DI TZAN SHOG GSUNG BAS SPYAN SNGAR PHYIN DUS GROG PO'I GSEB LA NYI MA BYUNG BDE, SPYAN SNGA'I NA BZA' LA SHAR BAS BKRA SHIS RDZAS BRGYAD LA SOGS PA'I GZUGS MANG PO BYUNG BAS RTEN 'BREL SHIN TU BZANG GSUNGS NAS MNYES PA YIN, DGE BSHES STON PA DE PHAR PHYIN GSUNG BA'I DUS SU SKU MCHED GSUM KA BA LI GCIG LA GZIGS PA YIN PAR GDA', DGE BSHES STON PA GRUB MTHA' ZHIG GSUNG BA GSAN DU BYON PAS, STON PA'I ZHAL NAS, NGA KHYOD LA

SGOM CHEN ZHIG RE BA YIN, KHYOD RANG NANG DU SGOMS SHIG GSUNG BAS, SPYAN SNGAS PHYAG MDZAD NAS BYON PA DANG ,STON PA'I ZHAL NAS ,BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN BA LA SPYOD PA BYA BA DE KHO 'DRA BA ZHIG LA ZER BA YIN GSUNGS, YONGS RDZOGS RNAL 'BYOR PA'I ZHAL NAS, DGE BSHES STON PAS THUGS LA 'DGOS PAR SNANG BAS, KHYED RANG GSANG SNGAGS KYI CHOS ZHUS NA 'OD GSUNG BAS, SKU MCHED GZHAN GNYIS KYI DRO'I DU BA RED BYUNG DUS SPYAN SNGAS DRO THON PAR BYAS, DER DGE BSHES STON PA DRO'I DUS BZHES SKYO SUN RE GSOL BAS, DE DUS SU GDAMS NGAG ZHUS PAS THEG PA CHEN PO GSANG SNGAGS KYI GDAMS BA MA LUS PA GNANG BA YIN, SPYAN SNGA'I ZHAL NAS ,YONGS RDZOGS RNAL 'BYOR PA 'DI NGAL BKA' DRIN CHE GSUNG, YANG DGE BSHES STON PA'I ZHAL NAS ,JO BO PA NYON MONGS PA BRGYAD KHRI BZHI STONG GI GNYEN POR CHOS KYI SGO MO BRGYAD KHRI BZHI STONG GSUNGS PA DE, 'DOD CHAGS KYI GNYEN POR GSUNGS PA RNAMS KYIS ZHE SDANG 'JOMS MI NUS, ZHE SDANG GI GNYEN POR GSUNGS PA RNAMS KYIS 'DOD CHAGS 'JOMS MI NUS PAS NYON MONGS SO SO'I GNYEN PO SO SOR BSTEN DGOS PA YIN NYON MONGS THAMS CAD KYI GNYEN PO BYED NUS PA'I CHOS NI RTEN CING 'BREL PAR 'BYUNG BA ZAB MO STONG PA NYID SGOM PA 'DI YIN GSUNGS NAS 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG DBU MA'I GDAMS NGAG RNAMS LEGS PAR GNANG ,DE LTAR DANG POR

, ,DGE BSHES STON PA DANG MJAL PA NAS NAM GSHEGS KYI BAR 'BRAL MED DU LO BRGYAD BSTEN ,DE NAS DGE BSHES STON PA SKU GSHEGS PAS THUGS NGAL CHEN PO BYUNG BA NA, NUB GCIG RMI LAM NA NYI MA ZHIG LUS LA SHAR BA RMIS, DE DGE BSHES STON PA'I YON TAN MA LUS PA RANG GIS THOB PA YIN AANG SNYAM PA BYUNG, DE NAS THUGS DGONGS LA RNAL 'BYOR PA GONG 'OG 'DI RNAMS LA JO BO'I YON TAN MA LUS PA MNGA' BA YIN SNYAM NAS BSTEN TE RNAL 'BYOR PA CHEN PO DE BDEN PA GNYIS DANG LAS KHA TSAR LA DGE BSHES STON PA BAS KYANG CI ZHIB TZAM DU BYUNG, DGON PA BDE SGOM SKYON SEL BA DANG CHOS ZAB MO THAMS CAD LA DGE BSHES STON PA BAS KYANG CI ZHIB TZAM DU BYUNG; RNAL 'BYOR PA SHES RAB RDO RJE DE GRUB MTHA' LA DGE BSHES STON PA BAS KYANG CI ZHIB TZAM DU BYUNG, DE NAS SPYAN SNGA BAS RVA SGRENG DU JO BO'I SLOB MA RNAL 'BYOR PA CHEN PO DANG, DGE BSHES DGON PA BA SOGS BSTEN CING TSE 'DI'I BYA BA THAMS CAD BLOS BTANG STE BYANG CHUB LAM GYI RIM PA SGOM BA LA DKA' SPYAD DRAG PO'I SGO NAS BRTZON PA LHUR MDZAD, DE DUS SPYAN SNGA BA 'TSO CHAS SHIN TU BKREN PAS NA BZA' RNAMS HRAL HRUL DU GYUR TE MTHANG GOS LA KO BA'I LHAN PA BYAS PAS SPYAN SNGA KO SHAM PA ZHES GRAGS PA BYUNG , NGES 'BYUNG SHUGS DRAG POS RGYUD BSKUL NAS MTSAN MO MNAL YE MED PAR LAM RIM SGOM PA LA KHOR YUG TU 'BAD PAS RNAL 'BYOR PA CHEN POS BAG RE

CHOGS DE TZAM BRTZON PA CHES NA KHAMS LOG NYEN YOD GSUNG BA LA, SPYAN SNGAS DE LTA LAGS TE, DAL 'BYOR 'DI RNYED PAR DKA' BAS ZHES GSUNGS SPYAN SNGA BA THUGS DAM LA 'JUG RES KYIS, GANG TSE RANG DBANG 'JUG CING MTHUN GNAS BA, , GAL TE 'DI BDAG 'DZIN PAR MI BYED NA, ,G-YANG SAR LHUNG BAS GZHAN DBANG 'JUG 'GYUR BA, ,DE LAS PHYIS NAS GANG GIS SLONG BAR 'GYUR, ,ZHES 'JUG PA NAS GSUNGS PA DE LAN RE BTON TE DAL 'BYOR RNYED DKAS RGYUD BSKUL TE 'JUG, YANG SPYAN SNGAS BYA YUL PA LA DAL PA 'BYOR PA MI'I LUS THOB PA DRAN NAM ZHES YANG YANG GSUNG BAR MDZAD DE, DAL 'BYOR DON CHE RNYED DKA' DANG NAM 'CHI CHA MED DRAN BAS RGYUD BSKUL TE SKAD CIG KYANG YONGS LONG MED PAR LAM RIM SGOM PA LA BRTZON BA CHU BO'I RGYUN BZHIN MDZAD DO, ,DE LTAR SGRUB BA DAR DRAG LA RGYUN RING BA MDZAD PAS LAM GYI RIM PA LA MYONG BA PHUL PHYIN THON ZHING, ME LONG G-YA' DAG PA LA GZUGS BRNYAN 'CHAR BA JI BZHIN DU SANGS RGYAS DANG BYANG SEMS MANG POS ZHAL BSTAN NAS DNGOS SU BYIN GYIS BRLABS, NANGS CIG BCOM LDAN 'DAS GAR GYI DBANG PHYUG PHYAG TU BUM PA BSNAMS PA CIG BYON NAS SKU KHRUS GSOL BAS SKU LUS KYI MI GTZANG BA THAMS CAD SANGS KYIS DAG PA'I SNANG BA BYUNG, LAN CIG KHONG RANG JO BO MI G-YO BA ZHVA THAB CHUNG CHUNG GSOL BA GCIG TU GZIGS SO, ,SPYAN SNGA BA 'DI NI RIG GNAS MTHA' DAG LA MKHAS PA ZHIG STE, RGYA YIG RANG YANG RIGS MI 'DRA BA BDUN TZAM MKHYEN, NGAS LO TZ'A BYAS KYANG

, ,'BRING PO ZHIG 'ONG NGAM SNYAM PA YIN, NGAS THEG PA CHEN PO GSANG SNGAGS LA PHAN YON CHE ZER BA RNAMS LA BSNYEN BA TSAD DU MA BSKYAL BA MED, LAS TSOGS RNAMS LA'ANG NYAMS SU MA BLANGS PA MED, S'ATZTSA GCIG PU'ANG RI DE'U TZAM BTAB PA YIN, SPANG SPOS GCIG PU'ANG KHANG PA GNAG BA TZAM GTAMS PA YIN GSUNGS, DE NAS SHING MO PHAG GI LO DGUNG LO DRUG CU RE GSUM BZHES DUS LO DGON PA GDAB PAR DGONGS NAS RGYA YON BDAG LA RMI LAM BRTAG PA ZHUS PAS, RGYA'I ZHAL NAS CHOS BGRES PO ZHIG YUL DU 'GRO ZER BA BYUNG, SPYAN SNGA'I ZHAL NAS RMI LAM RNO GSUNG SKAD, DE NAS NYAN DU BYON, YON BDAG BYA RJE STOD PAS MAR GYI ME TOG MANG PO PHUL BAS NGA'I YON BDAG DPAL GSUM PHU BA GSUNGS NAS MNYES, DE NAS LO'I GTZUG LAG KHANG KA BZHI MA BZHENGS, RTEN GTZOL DGE BSHES STON PA, RNAL 'BYOR PA CHEN PO, DGON PA BA GSUM GYI NANG RTEN DU DNGUL GYI GDUNG KHANG DANG, GSER 'BUM G-YU PHRA CAN, PHYI RTEN DU MCHOD RTEN GSUM BZHENGS, DE RNAMS KYI RTZIG 'PHRENG RE RE LA RAB TU GNAS BA LAN RE RE MDZAD CING SLOB DPON N'A GA BO DHIS KYANG DE BZHIN DU MDZAD PAS BYIN RLABS SHIN TU CHE BA LAGS, BYA YUL BAS SPYAN SNGA LA, SLOB DPON N'A GA BO DHI ZHAL GZIGS ZER BA MED DAM ZHUS PAS, AA NA MA BTZUN CHUNG 'DRA 'DRIR BCUG PA'I CHOS MI 'DRI BAR, 'DRIR MA BCUG PA'I DE 'DRA BAS CI BYA GSUNGS NAS MA GNANG ,YANG ZHUS

PAS; NGAS SLOB DPON N'A GA BO DHI'I ZHAL MTHONG CHOS THOS KHYOD RANG YANG GSOL BA THOB DANG BYIN GYIS RLOB PA YIN GYI GSUNG, SNGON RA SGRENG DU BYON PA CIG LA PHA BOD THANG NA YAR SLOB DPON N'A GA BO DHI DGE BSHES STON PA'I RNAM PAR BYAS NAS BZHUGS PA ZHAL GZIGS, DE NAS GAR BZHUD CHA MED PAR BZHUD, NGA RANG DAD GUS CHUNG BAS LAN SNYAM NAS GSOL BA SHUGS DRAG BTAB PAS DNGOS SU BYON NAS BYIN GYIS BRLABS, CHOS BZHI TSAN BZHI LA SOGS PA GDAMS PA DANG RJES SU BSTAN PA MANG DU STZAL LO, ,DE NAS DGE BSHES SPYAN SNGA BAS SMYUG RUM DU BYON TE PHA BOD DKAR LEB BYA BA'I STENG NAS BYA YUL GYI RGYAB RI GZIGS PAS, RI DE RGYAL BA'I GTZUG TOR 'DRA, ,YAN LAG BRGYAD LDAN CHU BO 'BAB, ,DE YI SHAR LHO'I PHYOGS MTSAMS NA, ,TSE DANG LDAN PA'I DGON GNAS YOD, ,RI BYA YUL YUL BA PHA GI'I THAD DU GTZUG LAG KHANG BZHENGS NAS SEMS CAN LA PHAN PA RGYA CHEN PO GYIS ZHES LUNG BSTAN, NGAR ZHABS RJES KYANG BYON, DE NAS CUNG ZAD BSNYEL BA'I DUS SHIG RNAL 'BYOR PA CHEN PO GAR GSHEGS GSUNGS, DE NI RNAL 'BYOR PA CHEN PO DANG MJAL BAR NGES, YANG LAN CIG NYI MA SHAR AANG GSUNG, LAN CIG 'KHOR LO 'KHOR AANG GSUNG, CI LAGS ZHUS PAS, 'JAM DPAL BRTAN PA'I 'KHOR LO GSUNG, DA SNGAR MA MYONG BA'I BDE BA CIG MYONG BAR SNANG GSUNG ,DE NAS DGUNG LO BDUN CU DON GCIG PA CHU MO LUG GI SMAL PO ZLA BA'I TSES NYI SHU GCIG LA ZHI BAR GSHEGS ,DE NAS LO PA'I

, ,SDE PA RNAMS KYIS SPUR BRKUS NAS GDAN 'DREN RTZIS BYAS PA LA GDAN 'DREN MA THUB PAR GTZANG KHA DER ZHUGS LA ZHEN, DE'I TSE SPYAN SNGA'I THUGS NA MKHA' LA BYON TE BYA YUL BA CHEN PO SMYUG RUM GYI GDONG DE NA GSOL BA 'DEBS KYIN BZHUGS PA'I PANG DU BYUNG BAS THUGS KYI GTOD SA NGA RANG YIN SNYAM DU DGONGS PA BYUNG GSUNGS, DE LTAR SEMS DPA' CHEN PO SPYAN SNGA BA 'DIS RGYAL BA'I BSTAN PA LA BYA BA RGYA CHER MDZAD DE DGE 'DUN GYI SDE MANG DU BTZUGS, SKU GSUNG THUGS KYI RTEN MTHA' YAS PA BZHENGS, SKAL BA DANG LDAN PA MTHA' YAS PA LA LAM GYI RIM PA'I KHRID GNANG STE TSOGS PA BDUN BRGYA TZAM 'DUS PAS BSTAN PA 'DZIN PA'I SLOB MA MANG DU BYUNG ZHING THAMS CAD KYI NANG NAS 'GRAN ZLA MED PA'I THUGS SRAS NI BYA YUL PA CHEN PO, STOD LUNG PA CHEN PO, SMYUG RUM PA CHEN PO GSUM STE 'DI GSUM LA SPYAN SNGA'I SLOB MA 'GRAN GYI DO MED GSUM ZHES GRAGS SO, ,BYA YUL BA CHEN PO'I RNAM THAR NI 'CHAD PAR 'GYUR LA, ,STOD LUNG PA CHEN PO RIN CHEN SNYING PO NI, GSER PHUG LCANG MA CAN DU CHU PHO SPRE'U LA SKU 'KHRUNGS, DE LKOG TU KHYUNG PO JO GSOD LAS RAB TU BYUNG, DE NAS GZHON NU NAS GTZANG DU BYON NAS, BLA MA SENG GE SGRA GCAN 'DZIN BZANG PO, PAndI TA 'BUM PHRAG GSUM PA LA SOGS PA MKHAS PA MANG PO LA MDO SNGAGS KYI GSAN SBYONG RGYA CHER MDZAD, RTZOD PA YANG BZANG, DE NAS STOD LUNG THAG MAR DBUS GTZANG GI STON CHEN THAMS CAD 'TSOGS NAS CHOS KYI

BGRO GLENG 'BA' ZHIG MDZAD PAS KHONG GIS KYANG GRVA SKOR LA BYON, RTZOD PA MDZAD PAS, GLOG SKYA GTZO RGAN BYA BAS NYAN NAS, KHO NA RE POD DBUS GTZANG GI STON CHEN 'DI TZAM ZHIG NYIN RE BZHIN 'TSOGS NAS MAR 'KHOR BA SPONG LUGS ,YAR THAR PA SGRUB LUGS KYI CHOS TSIG BZHI PA GCIG MED PAR KLAD PA GAS GAS BA LANG DKAR ZAL LA 'CHI BA 'DI BYUR RE CHE ZER BA STOD LUNG RIN CHEN SNYING POS GSAN PAS, KHONG KYANG DE TZAM ZHIG GO 'DUG NAS, NGA RGYA GAR DU CHOS 'TSOL BA LA 'GRO DGONGS NAS BYON PA DANG, MKHA' RU BA'I GRVA PA DGE SLONG SNAM SBYAR PHRAG PAR BZHAG PA TSUL KHRIMS KYI DRI BRO BA ZHIG DANG MJAL, TE , TSE 'DI YUN THUNG SHES BYA'I RNAM PA MANG, ,TSE YI TSAD KYANG JI TZAM MI SHES PAS, ,NGANG PAS CHU LAS 'O MA LEN PA LTAR, ,RANG GI 'DOD PA DANG DU BLANG BAR BYA, ,ZHES GSUNG BAS, DE SUS MDZAD BYAS PAS JO BO'I GSUNG YIN ZER ,GANG NAS BYON BYAS PAS, MKHA' RU DGON PA NAS 'ONG ZER, DE NAS MKHA' RU BA'I DRUNG DU BYON TE SKYABS 'GRO'I CHOS SKOR GSUNG PA GSAN, MKHA' RU BAS LUNG BSTAN NAS RA SGRENG DU RNAL 'BYOR PA CHEN PO'I SPYAN SNGAR BYON, LTA BA'I DRI BA MANG PO MDZAD PAS, SNGON DU THABS GOMS PAS RGYUD SMIN DGOS PA YIN GSUNGS NAS, THOG MAR SKYABS 'GRO DANG, BYAMS SNYING RJE NAS RIM GYIS KHRID DE CHOS MANG DU GSAN, LO BCU GCIG LON DUS JO BO BOD DU PHEBS PA LA SHAM THABS KHRAL KYANG 'JAL BAR SNANG , STOD LUNG PA CHEN POS RA SGRENG DU RNAL

, ,'BYOR PA CHEN PO'I SPYAN SNGAR BYON PA'I DUS, RTEN DGE SLONG YIN PA DANG MI CHE BA'I DON GYIS BRANG KHANG DE RNYED PA DKA' TZAM ZHIG BYUNG BA LA, RNAL 'BYOR PA CHEN POS SGROL SGOM GZHON NU SMON LAM BYA BA LA GNAS KHANG LEGS PO ZHIG YOD DE, KHO KHYED LA NYAM NGA ZER BA GDA' GSUNGS PAS, STOD LUNG PAS SGROL SGOM GZHON NU SMON LAM GYI SGO GANG YIN DRIS TE NANG DU TZANGS KYIS BYON NAS, SGROL SGOM KHYOD NGA LA NYAM NGA ZER BA NYAM NGA MI DGOS ,CHU YANG NGA RANG GIS LEN, YOS KYANG NGA RANG GIS 'THAG , PHYE SKYO YANG NGA RANG GIS BSKOL, NGA'I MAL DE 'DI KHO NAR 'OS PA SNANG GSUNG NAS SA GCIG TU GZIM MAL MDZAD , DER SGROL SGOM DAD PA BCOS MIN SKYES NAS SLOB MAR GYUR, LAN CIG RNAL 'BYOR PA'I SKU MDUN DU BYON ZER BA BYUNG BAS, DER BYON TZA NA STAN THON PO ZHIG BSHAMS 'DUG PA LA, RNAL 'BYOR PAS JO BO STON PA STAN LA GSHEGS GSUNGS PAS , BDAG 'DIL MI MCHI ZHUS PAS , RNAL 'BYOR PA'I ZHAL NAS , JO BO STON PA DA DUNG MTSAN NYID PA'I SKYA DRI MA SANGS PAR 'DUG GSUNG BAS ,KHONG GI THUGS LA NGAS 'DIR THIM GYIS SONG NA RUNG BA LA DGONGS PA BYUNG GSUNG ,RNAL 'BYOR PA LO BRGYAD DANG, DGON PA BA LO LNGA BSTEN PAR GDA', DE DUS SPYAN SNGA SKU MTSAMS LA BZHUGS PAS SPYAN SNGA LA DAD PA 'KHRUNGS TE RNAL 'BYOR PAS NGO CHEN MDZAD NAS CHOS THUN BZHI TSAN GCIG THOG MAR GSAN,

RNAL 'BYOR PA SKU GSHEGS NAS SPYAN SNGA LA BRTEN, GSER SRANG BRGYAD BRGYA 'BUL BA'I DAM BCA' MDZAD PA LA, PHYED DANG DRUG BRGYA PHYAG TU THOBS DUS SPYAN SNGA SKU GSHEGS PAS , PHYED DANG SUM BRGYAS DGONGS PA RDZOGS PA'I DON DU STOD LUNG BTZAN GRO DGON PA GTZUG LAG KHANG DANG BCAS PA DGUNG LO BDUN CU RTZA GNYIS PA CHU MO LUG LA BZHENGS , SKU GSUNG THUGS KYI RTEN SNGA PHYIR DPAG TU MED PA BZHENGS PA'I GRAGS CHE BA, RAB GNAS KYI DUS SPYAN SNGA LA CHOS GSUNGS PA'I 'JAM DPAL DPA' BO'I SKU LA SOGS PA RGYUD SBYANGS MA BDUN DANG , RNAL 'BYOR PAS RAB GNAS MDZAD PA PO TO'I GSUNG 'BYON ,MKHA' RU'I LJANG SKYES , BTZAN GRO'I CHU KHOL ZHES RTEN RTAGS THON GSUM DU GRAGS PA'I CHU KHOL THUB PA SOGS MANG DU BZHENGS , KHONG GI ZHAL NAS , STOD LUNG PA'I BAN DE LA CHOS STON DRANGS PA BAS, LO PA'I KHYIL ZAN BYIN PA BSOD NAMS CHE ZHES GSUNGS TE , PHYOGS BCU'I SANGS RGYAS THAMS CAD MCHOD PA BAS BLA MA'I BA SPU'I BU GA GCIG MCHOD PA PHAN YON CHE BA GSANG BA 'DUS PA'I RGYUD SOGS RGYUD DANG GRUB CHEN GYI GZHUNG MANG PO LAS 'BYUNG BA DANG, BYANG CHUB LAM GYI RIM PA'I RTZA BA BSHES GNYEN BSTEN TSUL LA THUG PAS 'DI'I THAD NAS RTEN 'BREL GYI SGO MA 'PHYUGS PA ZHIG DGOS ZHES 'DOMS PA'O, ,DE LTAR STOD LUNG PA CHEN POS SPYAN SNGA LO BDUN BSTEN NAS MNYES PA GSUM

, ,GYIS MNYES PAR MDZAD, SPYAN DANG MNGON PAR SHES PA MNGA', YI DAM MANG PO'I ZHAL GZIGS, BDEN GNYIS KYI RTOGS PA THUGS LA 'KHRUNGS, 'GRO BA'I DON RGYA CHEN PO MDZAD DE DGUNG LO BRGYAD CU RTZA LNGA PA ME PHO SPRE'U'I LO MNGON PAR BYANG CHUB PA'I ZLA BA'I TSES BRGYAD LA LAM DGON DU SKU GSHEGS SO, ,SPYAN SNGA'I SLOB MA SMYUG RUM PA CHEN PO NI, SPYAN SNGA'I ZHABS LA BSNYEN NAS GDAMS PA MANG DU GSAN, KLUNGS SHOD MDAR SMYUG RUM GYI DGON PA BTAB, PHYIS SPYAN SNGA PHEBS NAS GNAS DE RDO RJE GDAN DU BYIN GYIS RLOB PAR MDZAD, RJE SGAM PO BAS KYANG BLA MA 'DI'I ZHABS LA BTUGS TE BKA' GDAMS LAM RIM GSAN NAS SKAL BA DANG LDAN PA MTHA' YAS PA LA 'DOMS PAR MDZAD DO, ,DGE BSHES SMYUG RUM PA 'DI NI DUS SKABS KUN TU RANG GI RGYUD LA BRTAGS NAS RANG RGYUD 'DUL BA GTZO BOR MDZAD DE YI DAM LHA'I BSNYEN PA BYED PA'I TSE YANG RANG GI NYON MONGS 'DUL BA'I THABS KHO NAR MDZAD DE SMYUG RUM PA'I ZHAL NAS, NYON MONGS PA NYUG GIS BYUNG TZA NA LE LO MI BYA BAR MOD LA GNYEN POS BZLOG ,MA NUS NA LANG LA MAndAL DANG MCHOD PA BSHAM BLA MA DANG YI DAM LA PHUL LA GSOL BA GDAB, DE LA DMIGS NAS KHRO BO'I BZLAS PA BYAS PAS NYAL GYIS 'GRO GSUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BKA' GDAMS SKU MCHED GSUM GYI NANG NAS SKU NA GZHON PA 'BROM CHOS KYI RGYAL PO'I

GSANG BA'I MDZOD 'DZIN PA SPYAN SNGA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR DAL 'BYOR RNYED PAR DKA' BA DANG, TSE LA LONG MED PA'I TSUL YANG YANG BSAMS LA SGRUB PA LA NANG NAS BSKUL TE BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,BSHES GNYEN TSUL BZHIN BSTEN MDZAD GZHON NU 'OD, ,CES BSNGAGS PA, DGE BA'I BSHES GNYEN BYA YUL PA CHEN PO NI, STOD LUNG GOL GO LUNG DU YAB G-YUNG DRUNG 'BAR DANG, YUM STOD LUNG PA'I LCAM MO GYI LJANG BZA' LCAM BU GNYIS KYI SRAS SU SHING MO YOS LA 'KHRUNGS, MTSAN 'BUM RTAG CES BTAGS, SNGON YUN RING PO NAS LAM LA SBYANGS PA'I BAG CHAGS SAD PAS BYIS PA'I SPYOD TSUL RGYANG BSRINGS TE DAM PA'I CHOS 'TSOL BA LHUR MDZAD PA ZHIG YOD PA LAS, DGUNG LO BDUN PA LA STOD LUNG PA CHEN PO DANG MJAL, DGE BA'I BSHES GNYEN BSTEN TSUL KHYAD PAR DU 'PHAGS PA ZHIG YOD PAS STOD LUNG PA CHEN PO SHIN TU MNYES NAS CHOS CI RIGS GNANG, DE NAS DGUNG LO BCU GNYIS PA LA TSA THOG DGON PAR RNAL 'BYOR PA'I SLOB MA SGOM PA BYANG GRAGS KYIS MKHAN PO DANG, SPYAN SNGA'I SLOB MA YE SHES RGYAL MTSAN GYIS SLOB DPON MDZAD NAS RAB TU BYUNG, MTSAN GZHON NU 'OD DU BTAGS, BCU GSUM PA LA GOL GO LUNG GI GNYER LO GCIG MDZAD, BCU BZHI PA LA YUM 'DA' LA KHANG PA'I SAR BYON NAS SKYABS 'GRO DANG SEMS BSKYED 'BOGS

, ,BAR MDZAD, YUM GRONGS PA GZIGS PAS RKYEN BYAS SRID PA MTHA' DAG LA ZHEN PA LOG STE THUGS LA SKYO SHAS CHEN PO SKYES NAS STOD LUNG PA MAR GRO ZAR NA BZHUGS PA'I SAR DGUNG LO BCU DRUG LA BYON, BSLAB BTUS SPYOD 'JUG LA SOGS PA'I LAM GYI RIM PA'I MAN NGAG GI GZHUNG RNAMS LEGS PAR GSAN NAS THUGS LA NGES PAR MDZAD, DGE BA'I BSHES GNYEN STOD LUNG PA CHEN PO BSAM SBYOR GNYIS KYIS TSUL BZHIN DU BSTEN TE ZHABS TOG LO LNGA TZAM ZHIG MDZAD, LAN CIG SPYAN SNGA PHYOR PA NA BZHUGS PA'I SAR, STOD LUNG PA DPON SLOB GNYIS KYIS MJAL DU BYON PAS, SPYAN SNGA'I MNGON PAR SHES PAS GZIGS NAS, JO BO STON PA RE SKYID NA 'KHOR 'DI LTA BU YOD PA ZHES YANG YANG GSUNG BAS, DGE BA'I BSHES GNYEN BZHED NA 'BUL ZHUS PAS, JO BO STON PAS CANG 'BUL PHOD DAM GSUNG BAS, MNYES PAR BYUNG SNYAM NAS, DAR YUG GCIG BTAGS NAS PHUL BAS LO GCIG SONG BA NA JO BO STON PA RANG LA DGOS GSUNGS NAS, NA BZA' PHRUG CIG BSKON NAS STOD LUNG PA'I SAR BTANG, DE TZA NA STONG LUNG BA'I ZHAL NAS, NGA'I DGE BA'I BSHES GNYEN MA MNYES PAR BYAS AANG GSUNG, MA MNYES PAR MA BGYIS, STON PA RANG LA DGOS RGYUG GSUNG BAS 'ONGS PA LAGS ZHUS PAS, 'DI CI ZER BA YIN, NGAS KHYOD PHUL ZIN PA YIN PAS DO NUB LAS MA SDOD PAR RGYUG CIG GSUNG, SNGAR BKYON PAS 'TSER BA LA DA RES LAS

DGA' BA CIG MA BYUNG GSUNG, DE NAS SPYAN SNGA'I SKU MDUN DU BYON PAS SPYAN SNGA'I ZHAL NAS, 'U CAG PHA BU GNYIS DA GDOD SKYID GCIG BYA'O GSUNG, LO DGU'I BAR DU ZHABS TOG TSUL BZHIN DU MDZAD PAS, SPYAN SNGA MNYES PA'I GSUNG MANG PO'ANG BYON, MTSAN MO MAndAL BYAS NAS GSOL BA BTAB PAS, SPYAN SNGA'I PHYAG NA RING BSREL MANG DU YOD PA 'PHEL, SPYAN SNGA'I LZHAL NA, KHYOD KHO NA TSE RABS SU SKYID CIG GSUNG, PO TO BA'I ZHAL NAS, KHYED RNAM PA LAS DGA' BA CIG SMAD MA GIN LI ME'I BU LA NYE GNAS SHIG YOD KYI, KHYOD DER SONG LA LTOS DANG MA THA'ANG KHONG 'DZUM PA CIG BYAS NAS GTONG GI GSUNGS, SPYAN SNGA'I GSUNG NAS, KHYOD KYI SHES RAB 'DIS LHA SA SNYE THANG PHYAGS SHING THOGS PA CIG BYAS NA 'ONG GSUNG, YANG KHYOD NI THAR ZIN GYI NGA MA 'JOG CIG GSUNG, SPYAN SNGA SHIN TU MNYES PAS, KHONG BTZUN CHUNG BYUNG TZA NA, NGED RGAN PO KUN KHYI DANG 'DRA ZER NAS PHRAG DOG BYED PA YANG BYUNG, LAN CIG STOD LUNG PAS SPYAN SNGA MJAL DU BYON TZA NA, BTZUN CHUNG 'DI CI 'DRA ZHUS PAS, KHO SGOR SONG NAS BSHAD GSUNGS NAS BYA YUL BA SGOR BZHUD PA DANG BTZUN CHUNG 'DI'I DBANG DU BYAS NA, DAD PA NGA BAS CHE, SHES RAB NGA BAS CHE, BRTZON 'GRUS NGA BAS CHE, SNYING RJE NGA BAS CHE, NAM MKHA' LA MDUNG BSKOR GSUNG, CHOS GSUNG TSAD THAMS CAD KYI RTZAR 'JOG, LAN CIG NYAN PHU'I DGON PAR MANG RA DANG BYA YUL BA GNYIS LA DBANG STABS SHIG TU MDZAD, SPYIN SNGAS RAB GNAS KYI CHO GA RNAL MAR

, ,BSLABS PA DGE BSHES KOR CHEN PO DANG, MANG RA SGOM PA GNYIS YIN, SMYUG RUM NA BZHUGS DUS, KHYOD LA DGOS GSUNG NAS RAB TU GNAS PA'I CHO GA RGYAS PA RNAL MA CIG BYA YUL BA LA GDOD BSLABS PA YIN GSUNG, YANG SPYAN SNGA'I ZHAL NAS, BYA YUL BA LA KHYOD SGRUB PA PO ZHIG 'ONG SNYAM TZA NA, TSOGS SDUD PA CIG 'ONG BAR 'DUG GSUNG, NUB CIG GI RMI LAM NA 'BUM BA CIG LA ME LONG MANG PO BKAB BA CIG RMIS ZHUS PAS, KHYOD KHAN RE SDUG ,RTAG TU MI NGO ZHI TSE LTA DGOS BYA BA'I RTAGS YIN GSUNG BA LA, DE THUGS MAD PAR GDA', DGE BA'I BSHES GNYEN GYI ZHABS TOG BYED TZA NA, GRVA BA DE TZAM ZHIG GI NGO LTA DGOS PA BYUNG, DA LTA 'DI TZAM ZHIG GI NGO LTA DGOS BYUNG GSUNG, MI GZHAN GYI BSAM PA LA, SPYAN SNGA'I ZHABS TOG KHON LA 'KHOL BAS CHOS SHES PA CANG 'ONG NGAM SNYAM NAS DE SKAD ZER BA LA, NGA'I RNA BA'I LAM DU BYUNG BAS CHOG PA YIN GSUNG, NANGS CIG THAL BA 'BOD DU BYON PAS, SKAS GDANG GSUM PA'I KHAR PHEBS PA'I TSE, BKA' SDE SNOD KYI DON MA LUS PAR THUGS LA LAM GYIS SHAR, TING NGE 'DZIN GYI NGANG DU KHYUR GYIS 'GRO BA ZHIG BYUNG BAS BLA MA'I ZHABS TOG LA YID CHES TE, SKYID SMAD PA'I DGE PA SHES 'DI RNAMS BLA MA'I ZHABS TOG LA MI 'BAD PAR THOS PA KHO NA LA 'BAD PA 'DI NOR BA YIN GSUNG, LAN CIG SPYAN SNGA'I ZHAL NAS, KHYOD KYIS TSA BA DER CI BTAB BAM, MDANG DA NANG SHED AEN RE SKYES GSUNG, ZLA BA

GCIG LA NA BZA' DROD MA RANG YANG BCU GSUM PHUL GSUNG, NGAS RIN PO CHE DE RDZAS YO BYAD DAD PA SHES RAB KYIS MNYES PA MA LAGS TE, LUS LA ZHO SHA YOD PAS SHA KHRAG LBU BAR SONG SONG DU 'BUNGS PA YIN, DA LTA MKHAS BTZUN STON SGOM THAMS CAD 'DUN PA 'DI YANG DGE BSHES DE MNYES PAR BYAS PA LAS BYUNG BA YIN GSUNG, LAN CIG YUL DU BYON NAS THUGS RTZOL MDZAD BAS GSER SRANG BCU GNYIS RNYED, STOD LUNG PAS BRGYAD GNANG BYUNG BAS GSER SRANG NYI SHU'I 'BUL BA MDZAD, SPYAN SNGA 'DA' KHAR MA 'ONGS PA NA THUGS LA GDAGS PAR ZHU ZHUS PAS, SPYAN SNGA'I ZHAL NAS, JI SRID CHOS KYI SKU ZHIG TU MA GYUR GYI BAR DU 'U CAG GNYIS PHA SPAD BYED PA YIN MOD GSUNG STE NGA DE LA RE BA YIN GSUNG, SPYAN SNGA GSHEGS RTING PHU CHUNG BA DANG, PO TO BA'I SAR GSER SRANG RE'I 'PHUL BA BSKYAL, BO TO BA'I ZHAL NAS, NGA'I 'DIR SDOD KHANG PA YANG RTZIG ,BRGYAGS KYANG NGAS SBYAR TE SGOM DU GZHUG GI GSUNG BA LA, STOD LUNG PAS BKYON GYI DOGS NAS MA BZHUGS GSUNG, PHU CHUNG DU BYON DUS JO BO MI G-YO PA'I ZHAL GZIGS, SPYAN SNGA'I THUGS DAM YIN PAS MYA NGAN SEL BA LA BYON BA'I ZHAD DU GDA', LAN CIG MGON PO GRI GUG THOD PA CAN GYI ZHAL GZIGS, THUGS RJE CHEN PO'I RIGS DPAG TU MED PA'I ZHAL GZIGS, DE NAS SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS GSUNG, LAN CIG BRUL GYIS RA BA SKOR BAR BZHUGS DUS SKYOB SANGS LA BYON PAS, SLOB DPON N'A GA

, ,BO DHI DANG ZHAL MJAL ZHING CHOS GSUNGS, DE NAS NANG DU BYON NAS MCHOD PA PHUL GSOL BA BTAB BAS, MKHA' 'GRO MA MANG PO GAR BYED CING BYUNG BA ZHAL GZIGS GSUNG, SPYAN SNGA 'DA' KHAR KHYOD 'TSENGS BYA BA LAN GSUM GSUNGS, KHYOD MI CHOS KYI YUL DU MA 'GRO ,DGE SLONG MA BYED GSUNG BA LA, PHYIS MANG RA SGOM PA'I ZHAL NAS, BYA YUL BA LA KHYOD DGE SLONG BYA DGOS GSUNG BAS, SPYAN SNGA LA GSOL BA BTAB STE RMI LAM BRTAG PAR MDZAD BAS, GDUNG RTEN GCIG LA LUGS LAN GNYIS MI DGOS BYA BA CIG BYUNG, DER MI GNANG BA YIN SNYAM YOD TZA NA DGE BSHES MANG RAS DBANG MA BYUNG BAS, YANG DGE SLONG BYED PAR GSOL BA BTAB BAS, SNAM SBYAR RGYA GAR MA CIG GNANG BA RMIS NAS, DGE SLONG BYED PAR GNANG BA BYUNG SNYAM NAS MKHAN PO 'CHAD 'U PAS MDZAD, MANG RAS LAS SLOB, RGYA SHES RAB 'BAR GYIS GSANG STE BA MDZAD NAS BSNYEN PAR RDZOGS, DE NAS GLANG RI THANG PA LA MDO RTZA TSAR GCIG GSAN, RGYA SHES RAB 'BAR LA TSAR GNYIS, STONG LUNG GI SLOB DPON SHES RAB BLA MA LA TSAR GCIG STE TSAR BZHI NYAN GSUNG, GZHAN GYIS CHOS GSAN DUS NA ZIN BRIS MDZAD DAM MA MDZAD ZHUS BAS, ZIN BRIS 'DRA BAS GAR YANG MI PHYIN, CHOS THAMS CAD DUS GCIG LA LAM GYIS SHES DGOS PA YIN GSUNG, SPYAN SNGA'I ZHABS TOG LO DGU MDZAD DE, RTAG TU DUS CHOS 'PHAGS BSTEN PA DANG, 'BROM RIN PO CHES JO BO BSTEN PA DANG MTSUNGS PAR LAM

GYI RTZA BA BSHES GNYEN BSTEN TSUL LA RGYAL BA SRAS BCAS KUN GYIS BSNGAGS 'OS SU GYUR PA ZHIG MDZAD, DGUNG LO NYI SHU RTZA DGU'I THOG TU SPYAN SNGA BA SKU GSHEGS, DE RJES LO BZHI SKU MTSAMS LA BZHUGS, TSOGS BSDUS PA'I SNGA SHOS GNYER DU BYAN DAR MA RATNAS SPYAN DRANGS TE CHOS GSUNGS, DE NAS DGON PA 'DEBS PAR DGONGS PA LA, BYA YUL GYI SHUL DE NA SNGAGS BTZUN BZA' MI GNYIS YOD PAS, DE GNYIS KYIS GNAS DE ZHA PA LA PHUL, ZHA PAS GLANG RI THANG PA LA PHUL, KHONG GIS BRTAG PA MDZAD PAS SA DE GNYAN PAR 'DUG GSUNG NAS MA BZHES, SLAR ZHA BAS BYA YUL BA LA PHUL BAS THUGS DGYES TE, SA BDAG PHAL CHE BA GNAS GZHAN DU SPO BA'I CHO GA MDZAD, KLU GNYAN CHE BA GCIG GI STENG DU GZIM MAL BCAS NAS BTUL, DE NAS SA DE PHA BONG THAG THUG TU YOD PA LA LA BCAG ,LA LA SBED PA LA SOGS BA'I RTZOL BA CHEN PO MDZAD DE, DBU RTZE KA BA BCU GNYIS, KHYAMS KA BA BZHI BCU RTZA GNYIS YOD PA RNAMS SHING PHO RTA'I LO LA RMANG BTINGS NAS, LO BCU GSUM PA ME RTA'I NANG TSUN DU DGON PA GTOR TSUGS YAN RDZOGS PAR GRUB, SHA RA BA DANG YANG THUGS GCUGS PAS KHONG GI GRVA PA RNAMS KYANG GTZUG LAG KHANG BRTZIG PA'I LAS MI LA BTANG, NYE GNAS SHER SENG BYA BAS SHING RNAMS NYANG PO NAGS SHOD NAS DRANGS, DBU RTZE TSAR NAS SHER SENG NA RE, CHEN PO ZHIG NI TSAR, DA KHENGS PAR MDZOD CIG ZER BA LA DGE BSHES KYI ZHAL NAS SHONG BAR GYIS SHIG GSUNGS, KHYAMS STOD TSAR KHYAMS SMAD MTSAR

, ,BA LA GNAS BRTAN SE CHUNG BYA BAS SHER SENG LA DUG BTANG BAS, 'CHI KHAR DGE BSHES KYIS KHYOD 'JIGS MI DGOS, NGA DANG LHAN DU 'ONG GI GSUNGS NAS BUM CHOG MDZAD PAS NGAN SONG NAS THON GSUNG, GTZUG LAG KHANG LEGS PAR TSAR NAS DBU RTZER 'BUM CHA BDUN CU TZAM GYIS THOG DRANGS PA'I RTEN DANG BCAS PA SA RGYAN GNAM RGYAN MI SHONG BA TZAM BYUNG, SPYAN SNGA'I THUGS BZHUGS PA'I DNGUL GYI GDUNG KHANG DAR CO GA CAN LA SOGS PA DGE BSHES NYID KYIS BZHENGS PA'ANG MANG DU YOD DO, ,LAN CIG TSOGS SU DGE BSHES KYI ZHAL NAS, GTZUG LAG KHANG BZHENG BA RGYAL BLON BYANG CHUB SEMS DPA'I LAS YIN, RAB TU BYUNG BA'I LAS MIN ZER TE, SNGON GYI DUS SU SLOB DPON SANGS RGYAS YE SHES ZHABS KYIS GTZUG LAG KHANG BZHENGS PA DANG, JO BOS BAL YUL DU THANG BI HA RA'I GTZUG LAG KHANG BZHENGS PAS CHOS TSUGS SHIN TU BZANG BAR BYUNG BA DANG, JO BO'I BKA' LUNG GIS DGE BSHES STON BAS RVA SGRENG GI GTZUG LAG KHANG BZHENGS SU GSOL BA LAGS, 'U CAG GIS KYANG BLA MA RNAMS KYI THUGS DGONGS BSKANG BA'I CHED DANG, DKON MCHOG GSUM GYI ZHABS TOG DANG, GZHAN LA PHAN GDAGS PAR BYA BA'I CHED DU BZHENGS SU GSOL BA YIN, 'U CAG GIS DE GONG LO BCU GNYIS BCU GSUM GZHAN LA 'CHI BA MI RTAG PA SHA STAG BSHAD DE, NGA RANG LA PHYI NANG GI MI RTAG PA RNAL MA CIG MDANG DA NANG RGYUD LA SKYES, LAS 'BRAS LA YID CHES

PA'I DAD PA RNAL MA CIG GDOD RGYUD LA SKYES, 'KHOR BA LA YID 'BYUNG RNAL MA CIG ,BYAMS SNYING RJE BYANG CHUB KYI SEMS RNAL MA CIG ,KUN RDZOB SGYU MA LTA BU NAS GNAS LUGS PHYIN CI MA LOG PA'I BAR LA NGES PA RNAL MA GCIG KYANG GDOD RGYUD LA SKYES, DES NA NGA RANG LA GO BA CIG YOD AANG GSUNG, DGE BSHES MTHA' BZHI SGOM BRTZON GYIS, BYANG CHUB SEMS DBA' ZHI BA SKYONG BYA BA DE BYA YUL BA LA ZER PA YIN GSUNGS PA DANG, BYA YUL BA PHU CHUNG NA BZHUGS DUS MANG RA SGOM PA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG, LAN CIG BYA YUL DU LHA RJE SNYING SGOM GYIS DGE BA'I BSHES GNYEN LAGS, KHYED KYI THUGS LA BDEN PA GNYIS CI TZUG SKYES GSUNG BAR ZHU ZHUS PAS, DGE BSHES KYI ZHAL NAS KUN RDZOB BYANG CHUB KYI SEMS DANG DON DAM BYANG CHUB KYI SEMS RGYUD LA SKYES GSUNGS, DE LA SNYING SGOM GYIS RANG GI SEMS NYID GZHIGS NAS STONG PAR GTONG BA LAGS SAM, PHYI ROL GYI YUL GZHIGS NAS STONG PAR GTONG BA LAGS ZHUS PAS, DGE BSHES KYI ZHAL NAS, MDA' DUM KHONG DU BZHAG NAS RMA KHA TSIL BUS BSKUS PA'I CHOS KYIS GAR YANG MI PHYIN, RKUN MA NAGS LA SONG BA LA RJES GRAM PA LA DPYOD PA'I CHOS KYIS GAR YANG MI PHYIN PAS, RANG GI SEMS NYID STONG PAR GTONG BA YIN, DES PHYI ROL GYI SGROG RANG GROL LA 'GRO, THAMS CAD STONG PA NYID YIN GSUNG, 'DI JI TZAM NA THUGS LA 'KHRUNGS ZHUS PAS, NGA DANG PO SPYAN

, ,SNGA'I ZHABS TOG BYED PA'I DUS NA SKYES PA YIN GSUNG, YANG RJE SGAM PO PAS BLA MA RIN PO CHE 'KHOR ZAR ZIR MANG PO DANG GTZUG LAG KHANG BZHENG BA SOGS MDZAD PA MANG PO 'DI RNAMS KYIS THUGS DAM LA MI GNOD DAM ZHUS PAS, MI GNOD GSUNGS, YANG LAN CIG SLOB MA CIG GTZANG DU 'GRO BA LA NGA LA LO KHYUD SKOR GCIG 'JIG RTEN GYI RNAM PAR RTOG PA SKYE MA MYONG BA YIN, NGA LA GSOL BA 'BAD LA THOB, BAR CHAD MI 'BYUNG ZHING BYIN RLABS 'BYUNG GSUNG, LAN CIG DGE BSHES KYI ZHAL NAS, BKA' GDAMS PA'I DGE BSHES MANG PO ZHIG GIS SNGAGS MI SHES, SHES KYANG DGE BA'I BSHES GNYEN LA LUNG MA THOB, 'U CAG GIS SNGAGS SHES PA YIN, DGE BA'I BSHES GNYEN LA LUNG LEGS PAR THOB PA YIN PAS 'CHAD 'TSAL GSUNGS NAS, GSANG SNGAGS KYI GDAMS PA'ANG MANG DU GNANG BAR MDZAD, DGE BSHES SHA RA BA SU LA'ANG MNYES PA MED PA CIG YIN TE, BYA YUL BA DE'I THUGS SUS KYANG DPOGS MI NUS PA CIG SNANG GSUNG SKAD, DGE BSHES SHA RA BA DBYE GONG DU BZHUGS PA CIG LA PHYAG LA BYON, DE NAS PHYIR 'BYON KHAR DGE BSHES SHA RA BAS SKYEL THUNG MDZAD PA LA, BYA YUL BA'I ZHAL NAS; MA 'ONGS PA NA DGA' LDAN DU MJAL BAR ZHU GSUNG BA LA, DGE BSHES SHA RA BA'I ZHAL NAS, 'U CAG GNYIS RGAN PO MIN, DA DUNG THANG GCIG MJAL GSUNGS PA LA, DE NAS MA MJAL BAR 'DAS, DE NAS BYA

YUL BA RNAMS LA KHYED RANG GI MDUN MA BYUNG NA, CHAS RKYEN GYIS 'THOGS PA MED KYI GSUNG BA DANG, SANG PHOD MYA NGAN LAS 'DA' BA'I DA LO SPYAN SNGA'I 'DAS MCHOD LA BU RAM LAG PAS THEG TSAD GTONG DGOS, SANG PHOD NAS 'GRUB NGES MED GSUNG BA LA, DGAG DBYE'I DUS SU LAS BYED DKON GNYER RNAMS KYIS DA RES 'BUNGS SHIG ,PHYIS NAS DGOS TE MI 'ONG GSUNG BA DANG, TSUL THON NAS GNAS BRTAN BRTZON 'GRUS RDO RJES RAB GNAS SHIG MDZAD NAS 'DI NGA'I RAB GNAS KYI PHYI MA YIN GSUNGS NAS MYA NGAN LAS 'DA' BA'I GSUNG BYON, GZHAN YANG BYA YUL, KLUNGS SHOD, MAL GRO GSUM DU DUS GCIG LA GRAL DBU MDZAD PA DANG, MDO SMAD DU DANG TSANG BA'I GTZUG LAG KHANG GI RAB GNAS DANG, DVAGS PO SHA BA GLING PA'I MCHOD RTEN GYI RAB GNAS ZHUS PAS, DUS TSOD TSES GRANGS 'DI LA MCHOD PA RGYA CHEN PO SHOMS, GSOL BA THOB, NGAS GZIM CHUNG 'DI'I STENG NAS RAB GNAS BYED PA YIN GSUNGS TE, KUN GYIS MTHONG SAR GTZUG LAG KHANG DANG MCHOD RTEN GYI STENG DU PHYAG NAS BABS PAS, DE NAS SPRUL PA'I SKUR GRAGS, MI MA YIN MANG PO LA CHOS GSUNGS PA DANG, BSKYED RDZOGS KYI TING NGE 'DZIN BRTAN PO DANG LDAN ZHING MNGON PAR SHES PA RGYA CHEN PO MNGA' BA'I LO RGYUS MANG DU SNANG NGO, ,DE LTAR BDAG NYID CHEN PO 'DIS 'GRO BA'I DON YUN RING DU MDZAD DE, DGUNG LO DRUG CU RTZA BZHI PA SA PHO RTA'I SMIN DRUG ZLA BA'I TSES BCO BRGYAD LA GSHEGS PA'I TSUL BSTAN,

, ,GSHEGS KHAR JO BO PA TSAN CIG GIS NGED RNAMS JI LTAR BYA ZHUS PAS, KHYED THAMS CAD BSRUNG SDOM DAG TU GYIS, NGA LA DAD PA DANG GUS PA SGOMS, NGA'I RUS BU 'DI SREGS SHIG GSUNGS, DE NAS 'U CAG GI DGE BSHES 'U CAG GI DGE BSHES GSUNGS NAS, BLA MA RDO RJE GDAN DU YUN RING AANG GSUNG, DE NAS ZHAL BSIL NAS 'JUG PA'I CHO GA GCIG MDZAD, 'CHI BA BYA BA MED MYA NGAN BYA MI DGOS GSUNGS NAS, SKYIL MO KRUNG BCAS NAS THUGS DAM MDZAD, DE NAS SGOM PA BYANG BLA LA MNYES MNYES TZAM MDZAD, SENG GE'I NYAL STABS BYA GSUNGS NAS SPYI BO NAS YAR RLANG PA CHEN PO ZHIG PHYUR GYIS BYUNG NAS, DBU ZIL PA PHROM ME BA LA MYA NGAN LAS 'DA' BA'I TSUL BSTAN, DGUNG LO DRUG CU RTZA BZHI PA SMIN DRUG ZLA BA'I TSES BCO BRGYAD LA GSHEGS PA'I PHYI DE NYIN PAR NAM MKHA' LA 'JA' TSON DPAG TU MED PA BYUNG, DE NAS SPUR DBON SHES RAB LA SOGS PA'I GNAS BRTAN RNAMS KYIS BDAG BYAS NAS GRVA PA NYIS STONG LA DBANG MA BYUNG BA LA, DGE BSHES SHA RA BAS, BYANG CHUB SEMS DPA' CHEN PO DE'I SPUR RUL DU BCUG NA DRI MI ZHIM PAR TSOR BA THAMS CAD DMYAL BAR 'GRO BAS SPUR SPYONGS GSUNG BA LA BRTEN NAS, SKU STOD RDO RGYUS KYI SPANG KHEBS KYIS DRIL NAS SKU SMAD BZHU BAR GNAS BRTAN RNAMS KYIS GNANG NAS SBYANGS PAS, DU BAS GAR KHYAB TU RING BSREL BYUNG BA DANG, DUNG G-YAS 'KHYIL, RNAM RGYAL MCHOD RTEN, SGROL MA RNAMS BYON, RGYA STON

GYIS RING BSREL NYIS BRGYA LNGA BCU RTZA BDUN, SGOM PA BRTZON 'GRUS RGYAL MTSAN GYIS BRGYA NYI SHU RTZA BDUN, MANG RA GZHON NU G-YUNG DRUNG LA DRUG CU, GAD SHAGS LA PHYED DANG NYIS BRGYA, YAR KLUNGS PA SMON STON LA NYIS BRGYA, NYANG PO GZHON SHA'I RING BSREL GCIG LA DGUR 'PHEL, RTA SHA SKYON GU LA SUM BRGYA, GOL GO LUNG GI DNGUL GYI GDUNG RTEN NA RING BSREL BRGYA RTZA BRGYAD, JO BTZUN BYAMS PA LA SUM CU, LHA BZO SGOG SKYA LA SUM CU, NGAR PA LA BCO LNGA, GDUNG SOL KHYOR GANG GI NANG DU RING BSREL BDUN CU RNAMS BYON PAS GDUL BYA RNAMS TSIM PAR BYAS SO, ,BDAG NYID CHEN PO DE LA TSOGS PA NYIS STONG LNGA BRGYA TZAM 'DUS PA'I NANG NAS BYANG CHUB LAM GYI RIM PA'I KHRID RGYA CHER SPEL BA'I RGYUD 'DZIN CHEN PO NI SGYER SGOM PA CHEN PO YIN LA, GZHAN YANG RJE SGAM PO PA SOGS BSTAN 'DZIN DAM PA MANG DU BYON NO, ,SGYER SGOM PA CHEN PO'I RNAM THAR NI 'CHAD PAR 'GYUR LA, ,RJE SGAM PO PA NI, GNYAL STOD BOD SNYIR YAB DBU GTZO RGYAL 'BAR DANG, YUM SHO ROM BZA'I SRAS SU SA MO LUG LA 'KHRUNGS, DGUNG LO NYI SHU RTZA DRUG LA DVAGS PO RONG KHAR MAR YUL BLO LDAN GYIS MKHAN PO DANG, SHA BA GLING PA LA SLOB DPON ZHUS TE CHIG RDZOGS MDZAD, MTSAN BLO GROS GRAGS SU BTAGS SHING, YONGS LA BSOD NAMS RIN CHEN ZHES GRAGS SO, ,RJE SGAM PO PAS DGE BA'I BSHES GNYEN BYA YUL BA CHEN PO, SHA BA GLING PA, RGYA YON BDAG ,DGE BSHES SGRE PA, SMYUG RUM PA CHEN PO,

, ,RGYA LCAGS RI GONG KHA BA CHEN PO RNAMS BSTEN NAS BKA' GDAMS KYI GDAMS PA MA LUS PA GSAN TE SGRUB PA BYA DGONGS NAS, YAB MES KYIS BRTZIGS PA'I GSER KHA BYA BA'I GNAS GZHIR BRANG KHANG BRTZIGS, PHA ZHING GIS MTHUN RKYEN BYAS NAS SGRUB PA YUN RING DU MDZAD PAS BYANG CHUB LAM GYI RIM PA LA MYONG BA THON TE, SRID PA MTHA' DAG LA ZHEN PA LOG PA'I NGES 'BYUNG DANG BYAMS SNYING RJE BYANG CHUB KYI SEMS BCOS MA MA YIN PA DANG; GNAS LUGS RTOGS PA'I LTA BA RNAMS RGYUD LA SKYES SHING, NYIN ZHAG MANG PO'I BAR DU TING NGE 'DZIN RE'I NANG DU GNAS NUS PA BYUNG, DE NAS RGYA LCAGS RIR ZHABS BSKOR MDZAD PA'I TSE SPRANG PO GSUM LAS RJE BTZUN MI LA'I SNYAN PA GSAN PAS, DAD PA'I RKYEN BYAS TE PHA ZHING GSER DU BTZONGS, BKA' GDAMS KYI BLA MA RNAMS LA PHYI PHYAG MDZAD, DE NAS RJE BTZUN MI LA'I SPYAN SNGAR BYON TE BLA MED KYI RGYUD SDE MTHA' DAG GI SNYING PO'I BCUD BSDUS PA N'A RO'I CHOS DRUG DANG, DE'I YAN LAG GI GDAMS PA RNAMS LEGS PAR GSAN NAS THUGS NYAMS SU BZHES PAS RTOGS PA THOB NAS GDUL BYA 'DUL BA'I DUS LA BAB PA NA DVAGS LHA SGAM PO BTAB STE 'GRO DON BSKYANGS PAS; BKA' PHYAG CHU BO GNYIS 'DRES PAR GRAGS SHING, SLOB MA'ANG MKHAS SHING GRUB PA BRNYES PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN BYA YUL BA CHEN

PO LA GSOL BA 'DEBS SHING BDAG NYID CHEN PO 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN TE SKYES BU GSUM GYI LAM GYI RIM PA NYAMS SU LEN PA LA SKYES BU'I RTZAL CI YOD KYIS 'BAD PAR BYA'O,, ` ,,THEG MCHOG LAM GYIS RGYUD SBYANGS DGYER SGOM ZHABS, ,ZHES BSNGAGS PA, DGE BA'I BSHES GNYEN DGYER SGOM PA CHEN PO NI, BRAM ZE DGYER LHA SNANG GI RIGS SU SNON GYI MDAR YAB DGYER SHES RAB SKYABS DANG, YUM G-YANG MO KLU LCAM GNYIS KYI SRAS SU LCAGS PHO RTA LA 'KHRUNGS, GZHON NU'I DUS NAS CHOS KYI BAG CHAGS SAD PAS CHOS BZHIN SPYOD PAS DUS 'DA' BA ZHIG BYUNG ZHING, DGUNG LO BCU GNYIS LON DUS YAB GRONGS PAS YUM GYIS BYIS PA CHE BA GNYIS PHRAG DU BCUG ,CHUNG BA RGYAB TU KHUR NAS GNYER NA ZHANG PO BYAN DAR MA RATNA BYA BAS GNYER GYI DPON MDZAD PAS DE LA GTAD NAS RGYAL SRAS 'DI GNYER DU DGUNG LO BCU GNYIS LA RAB TU BYUNG, MTSAN GZHON NU GRAGS PAR GSOL, RAB TU BYUNG TZAM NYID NAS 'DUL BA'I BCAS MTSAMS RNAMS LEGS PAR BSLABS TE MIG GI 'BRAS BU LTAR GCES BAR BSRUNG ZHING BKA' GDAMS KYI CHOS SPYOD 'DZIN PA SOGS LA BRTZON PA CHER MDZAD DO, ,DE NAS GLANG RI THAD PA'I PHYAGS PHYIR BYON TE, GLANG RI THANG PA'I ZHAR CHOS PA 'DUL BA 'DZIN PA CIG LA 'DUL BA GSAN, DE NAS BYA YUL BA CHEN PO GNYER DU BYON PA CIG LA TSOGS CHOS GSAN, BYA YUL BAS TSOGS CHOS KYI SNGA SHOS GNYER DU GNANG BA YIN PA 'DUG ,DE'I DUS

, ,SU DGE BSHES DGYER 'DI'I BSLAB PA'I SLOB DPON CIG GI ZHAL NAS, BYA YUL BA LA 'DI LA THUGS LA GDAGS PAR ZHU, 'DI LA RE CHE BA LAGS 'DIS SDOM PA BLANGS PA'I NUB MO S'ATZTSA LEGS PA KOR PHOR NAS PHYUNG BA RMIS GSUNG BA LA, BYA YUL BA'I ZHAL NAS, NGA'I SKYE BA SNGA MA'I SLOB DPON CIG YIN PAR 'DUG GSUNGS NAS DGE BSHES BYA YUL BA CHEN POS DBU ZHVA PHUD DE DGYER SGOM PA'I DBU LA GSOL NAS PHYAG BZHAG BYIN RLABS MDZAD, SGOM CHEN CHE NGES PA CIG CI 'ONG BYED DGOS BSOD NAMS CAN ZHIG 'ONG BAR 'DUG GI ,NGA BAS KYANG KHYOD BSOD NAMS CHE BA YIN GSUNGS, PHYIS SU SONG TZA NA BYA YUL BA CHEN PO LAS NGA TSE RING BAR BYUNG, DE'I STOBS KYIS BSAM PA THAMS CAD 'GRUB PAR BYUNG GSUNG, NYIN CIG BYA YUL BA SKYOB SANGS LA 'BYON PA'I PHYI NA PHAR BYON PAS ME TOG KHUG CHOS GTZANG SING BA GSUM RNYED, BYA YUL BA LA PHUL BAS RTEN 'BREL BZANG, KHYOD LA SDE SNOD GSUM PA CIG BYA DGOS GSUNG, DE NAS BYA YUL BA CHEN PO BSAM SBYOR GNYIS KYIS TSUL BZHIN DU BSTEN TE GTZO BOR LAM RIM GYI KHRID DANG GZHAN YANG BYA YUL BA LA MNGA' BA'I CHOS RNAMS MA LUS PAR GSAN, BYA YUL BA LA LAM RIM GYI KHRID JI LTAR GSAN PA LTAR THUGS NYAMS SU BZHES SHING CHOS GANG GSAN PA THAMS CAD TSIG GCIG KYANG CHUD MA ZOS PAR MKHYEN RAB RLABS CHEN POS LEGS PAR BZUNG NAS MNYEL BA MED PAR MDZAD DE DGE BSHES DGYER SGOM PA RANG NYID KYI ZHAL NAS, NGAS

BYA YUL BA CHEN BO'I ZHAL LAS GANG THOS PA THAMS CAD DA DUNG MA BRJED PAR GSAL BAR YOD GSUNG, DE NAS DGE BSHES RTZI SGOM BYA BAS SNE'U ZUR DU BYIN NAS, NGED CAG GI DE NA BTZUN CHUNG BLO RNO BA 'DI LTA BU ZHIG BDOG ,'DI KHA'I SPYAN SNGAR BYUNG NA THUGS LA 'DOGS BAR ZHU BYAS BAS THUGS MNYES NAS DE KHRID LA SHOG GSUNGS, DE NAS RTZI SGOM GYIS DGYER SGOM LA SPRAS KYI THOD PA BYA BA NA, DGE BSHES SNE'U ZUR PA BYA BA JO BO MI G-YO BA'I SKU LA BRTAN BA THOB PA CIG YOD PAS KHYED DER SONGS, THUGS LA 'DOGS PAR 'DUG GI GSUNG, DE NAS DGE BSHES DGYER SGOM GYIS SNE'U ZUR DU 'BYON PA'I THUGS DGONGS GTAD, SANG 'BYON PA'I DO NUB SNE'U ZUR GYI GZIM KHANG DANG, BRANG KHANG DANG 'BUM PA LA SOGS PA JI LTA BA BZHIN GZIGS, SANG NANG PAR GZHAN LA LA BYON TE BYAN GYI PHU BCAD, LA MO'I PHU DANG KA BA KLUNGS LA BYON, YUNG BAR DGONG MO PHYI BAR SLEB, SGOM CHEN PA ZHIG GIS GNAS KHANG DANG GNAS MAL SHIN TU 'DZOM PA CIG THUGS LA BTAGS, DE NAS SANG KHAMS PA LUNG PA'I GRVA PA TSAN CIG DANG 'GROGS NAS KHAMS PA LUNG LA BYON, DER ZHAG GCIG BZHUGS, NANG PAR KHAMS LUNG NAS SNE'U ZUR DU 'GRO BA TSAN CIG DANG 'GROGS NAS BYON PAS 'PHYI MO LAS MA SLEB, DER SPYAN SNGAR BYON PAS, KHYED GANG NAS BYON PA YIN GSUNG, KHO BO SNON NAS MCHIS PA LAGS ZHUS PAS, 'O NA RTZI SGOM GYIS ZER BA DE YIN

, ,NAM GSUNG, LAGS ZHUS PAS, DA NGO SHES 'DRA YOD NA DO NUB DER NYOL LA SANG KHA SNANG MIG SNANG LA SHOG GSUNG, NANGS PAR BYON PAS JO BO MI G-YO BA'I DMIGS SKOR GSUM GYI BZLAS LUNG DANG, KHA 'BAR MA'I GTOR MA GNYIS GNANG NAS DE YI GE CIG LA 'DZIN DGOS GSUNG ,JI LTA BA BZHIN ZIN BYUNG LAGS ZHUS PAS, KHYED KYIS NI KHO BO THUGS LAS CHUNG NGUR GZHOL BAS CHOG PA CIG 'ONG BAR 'DUG GO GSUNG, DA KHYOD 'DIR SNGAD CHOG GAM GSUNG BA LA, DA RES SKOR GCIG 'GRO, BRGYAGS KYI RTZOL BSGRUB BYAS NAS 'ONG BA LAGS ZHUS PAS, 'O NA CI THON GYIS SHIG GSUNGS NAS MAR TSUD GCIG, JA BZANG PO MON ZHAL GANG, SKU 'GAG GSOL 'PHRO GCIG RNAMS GNANG, DE NAS TSUR BYON NAS BRGYAGS KYI RTZOL BSGRUB BYAS TE SPYAN SNGAR BYON TZA NA, DA KHYOD NGA'I G-YOG BYED DAM CHOS SEMS GSUNG BA LA, CHOS SEMS LAGS ZHUS PAS, 'O NA CHOS SEMS PA LA KHANG PA RANG DBANG THOB PA CIG DGOS GSUNGS NAS, GSER ZHO DO SKU RKED LAS PHYUNG NAS, 'DIS KHANG CHUNG ZHIG NYOS GSUNG, DE NAS GDAMS NGAG BTAB STE GZHAN RNAMS KYIS NGA MA RNYED PAR 'DUG STE, NGAS KHYOD PHAR BTZAL BA YIN NO DGE SBYOR GYIS GSUNGS NAS GDAMS NGAG THAMS CAD TSAR BAR MDZAD DE THUGS LA SHIN TU BTAGS, SNE'U ZUR DU BZHUGS RING CHOS GSAN PA'I SKABS MA GTOGS MTSAMS LA BRTEN

NAS DGE SBYOR LA BRTZON PAR MDZAD, TSOGS CHOS THUN GCIG CHAG GZHAN YE MA CHAG BAR NAN TAN BYAS PA YIN GSUNG, NGAS SNE'U ZUR DU LO DGU BSDAD DE DBYAR DGUN BSDAD NAS STON DPYID 'GRO YIN MA BYAS GSUNG, DE DUS SNE'U ZUR PA LA TSOGS PA SHIN TU CHE NA SEMS CAN LA PHAN THOGS PA BAG RE GDA' 'AM ZHES GZHAN GYIS ZHUS PA LA, PHYA BA'I BTZUN CHUNG 'DI LA RE BA LAGS GSUNG BAR GDA', DE TZA NA BRANG DPON PHYA PA CIG YOD PAS DGE BSHES 'DI LA PHYA BA'I BTZUN CHUNG BYA BAR GRAGS, SNE'U ZUR PAS TSOGS SU YANG KHYED RNAMS KHO LA MA 'GRAN PAR DGE SBYOR BYED CHUG GSUNGS NAS ,SU DANG YANG MI MNYAM PAR MDZAD, DE NAS SGOM PA LA GTZO BOR MDZAD PAS DGYER SGOM CHEN PO ZHES GRAGS SO, ,DGE BSHES DGYER SGOM CHEN PO ZHES GRAGS PA 'DI NI, DGE BA'I BSHES GNYEN BSAM SBYOR GNYIS KYIS TSUL BZHIN BSTEN NAS BYANG CHUB LAM GYI RIM PA SGOM PA LA BRTZON PA SHUGS DRAG LA RGYUN RING BA MDZAD PAS LAM GYI RIM PA'I RTOGS PA RNAMS BCOS MA MIN PAR THOB PA ZHIG STE NGES 'BYUNG GI BSAM PA RNAM PAR DAG PA RGYUD LA SKYES PAS 'DOD PA'I YUL LA NAM YANG MI G-YENG BAR DRAN SHES BAG YONG BRTAN POS BSDAM BAR BYA BA'I NYES PA PHRA MO TZAM GYIS KYANG MA GOS PA ZHIG STE, THA NA SAm PRASTA ZHES MA BRJOD PAR BZHES PA MI MDZAD PA SOGS 'DUL BA'I BCAS MTSAMS PHRA RAGS THAMS CAD NYAMS PA MED PAR BSRUNG BAR MDZAD, BRTZON 'GRUS SHIN TU CHE BAS MI

, ,G-YO BA'I GZUNGS DUNG PHYUR MANG PO BZLA BAR MDZAD DE, NYID KYI ZHAL NAS, DGE BA'I BSHES GNYEN SPYAN SNGA BAS NGAS YI GE BCU PA 'DI RANG YANG DUNG PHYUR BCU GSUM SONG GSUNG BA LAGS PAR GDA' STE, NGAS KYANG DE TZAM ZHIG 'GRO BAR SNANG GSUNG, GZHAN YANG LUS NGAG YID GSUM THA MAL DU SDOD MA MYONG GSUNG, TSOGS CHOS LKOG CHOS GANG MDZAD KYANG THUGS GO CHA SHIN TU CHE, DANG PO TSOGS MI SDUD PA YIN, BSDUS KYI RTING LA YAN PAR BZHAG PAS MI 'ONG GSUNGS NAS BRTZON 'GRUS CHEN PO MDZAD DO, ,BYAMS SNYING RJE BYANG CHUB KYI SEMS SHUGS DRAG PAS SEMS CAN DMAN PA SU 'DRA ZHIG LA'ANG PHAN THOGS NUS PA BYUNG NA DE LA NGES PAR PHAN THOGS MDZAD; GRONG PA'I SKYE BO NYAM THAG GIS GDAN DRANGS KYANG DE LA PHAN PAR 'GYUR NA NGES PAR 'BYON PAR MDZAD PAS GZHAN DAG GIS GRONG CHOG SOGS LA MI GSHEGS PA'I ZHU BA PHUL PA NA SEMS CAN GYI DON 'GRUB BZHIN DU MI BYED NA, BYANG CHUB SEMS DPA'I BAG MED PA'I GNAS BYA BA YIN GSUNGS NAS ZHI BAR MA GSHEGS KYI BAR GRONG CHOG MDZAD, BRGYAD CU RTZA GNYIS KYI BAR DU MO RENG MA ZHIG NA YANG SNGAS KHAR BYON NAS, SKYABS 'GRO SEMS BSKYED 'BOGS BAR MDZAD, NGA CHUNG DU NAS ZHE SDANG CHER SKYE MA MYONG, GZHAN LA PHAN SEMS DE NGANG GIS BYUNG GSUNG NGO, ,DON 'DI LA DGONGS NAS RJE THAMS CAD MKHYEN PAS ,THEG MCHOG LAM GYIS RGYUD SBYANGS DGYER

SGOM ZHABS, ,ZHES BSNGAGS SO, ,THUGS RAB SHIN TU CHE BAS LAM GYI RIM PA'I GNAD RNAMS LA RIGS PA'I RNAM GRANGS MTHA' YAS PAS DPYOD PAR MDZAD DO, ,BSHES GNYEN BSTEN TSUL GYI NYAMS RTOGS BCOS MA MIN PA 'KHRUNGS TE, LAM STON PA'I DGE BA'I BSHES GNYEN LA SANGS RGYAS KYI 'DU SHES MIN PA THA MAL PA'I 'DU SHES SKYE MA MYONG GSUNG, DE LTAR BSHES GNYEN LA GUS PA BCOS MA MIN PA 'KHRUNGS PAS SANGS RGYAS THAMS CAD MCHOD PA BAS BLA MA MCHOD PA BYIN RLABS CHE BAR GSUNGS PA YANG DGE BSHES 'DI LA DNGOS SU BYUNG STE, BLA MA LA GSOL BA BTAB PA NA SANGS RGYAS THAMS CAD KYIS BYIN GYIS BRLABS TE, LHAG PA'I LHA MANG PO'I ZHAL GZIGS PA DANG, SPYAN DANG MNGON SHES SOGS GONG MA'I YON TAN MTHA' YAS PA THUGS RGYUD LA 'KHRUNGS, BLA MA GONG MA'I MAN NGAG TSIG GCIG KYANG CHUD MA ZOS PAR THUGS LA BZUNG NAS SRAS KYI THU BO SANGS RGYAS DBON LA SOGS PA SKAL LDAN MTHA' YAS PA LA GDAMS NGAG 'DOMS PAR MDZAD DO, ,DGE SBYOR LA BRTZON PA SHUGS DRAG LA RGYUN RING BA MDZAD PAS TING NGE 'DZIN MTSAN NYID TSAD BA SHING RTA CHEN PO'I GZHUNG LAS JI LTAR GSUNGS PA LTAR THUGS RGYUD LA 'KHRUNGS TE, TING NGE 'DZIN MTSAN NYID BZHI LDAN THUGS RGYUD LA 'KHRUNGS NAS, RIN PO CHE LA RTOGS PA PHUL BAS, KHYOD LA LO DRUG CU BDUN CU LON TZA NA SE BO THAL MO SBYOR BA LONG NGE BA CIG 'ONG PAR 'DUG GI, DE'I DUS SU 'BUM PA GCIG BRTZIGS

, ,SHIG MA BRTZIGS NA SAD CHEN PO HA PA YIN NO GSUNG, DGE BSHES RTAG THOG BA'I ZHAL NAS, RIN PO CHE SNE'U ZUR PA LA NUB GCIG LA RTOGS PA 'BUL BA BZHI BYUNG BA LA, TING NGE 'DZIN MTSAN NYID BZHI LDAN THUGS RGYUD LA 'KHRUNGS PA GCIG BYUNG BAS, DE KHO NA LA DAD PAR BYUNG STE, PHYIS RTZAD DPYAD TZAN DGE BSHES RIN CHEN SGANG PA DE YIN PAR SNANG GSUNG NGO, ,TING NGE 'DZIN GSAL CHA SHIN TU CHE BAS SANGS RGYAS DANG BYANG SEMS MANG PO'I ZHIL GZIGS TE YUM GYI BUS MO LA BRTEN NAS BYA RA BYED PA'I DUS SU LHA ZHIG GI ZHAL MTHONG, DE TZA NA NGOS MA ZIN PA LA PHYIS RGYUD SDE MTHONG BAS, GSHIN RJE GSHED YIN PAR SNANG GSUNG, SNE'U ZUR NA BZHUGS PA'I DUS SU JO BO MI G-YO BA'I ZHAL GZIGS, SNE'U ZUR PA GSHEGS NAS DGUNG LO NYI SHU RTZA DGU BA LA YON BDAG KUN GYIS GDAN DRANGS, DBYAR GCIG LHAB MOR BZHUGS, LAM RIM TSAR GCIG GSUNGS, DE NAS RIN CHEN SGANG DU BYON NAS GTZUG LAG KHANG RNYING MA DANG DGON PA RIN CHEN SGANG SA MO PHAG LA RMANG BTINGS, 'DIR BZHUGS PA'I DUS SU, LHO PHYOGS KYI RGYUD 'DIR BCOM LDAN 'DAS SH'AKYA THUB PA ZHAL GZIGS, LHO NUB MTSAMS SU SANGS RGYAS SMAN GYI BLA'I ZHAL GZIGS, NUB PHYOGS RGYA MTSO'I 'GRAM NA JO BO THUGS RJE CHEN PO GANGS RI LTA BU'I ZHAL GZIGS PA YIN GSUNG, YANG KHONG RANG GI SKU LUS DKYIL 'KHOR GYI LHA TSOGS SU GZIGS PA DANG,

LUS GZHAL YAS KHANG DU SONG BA'I NANG NA RIGS LNGA BZHUGS PA CIG GZIGS, YANG GZIM CHUNG MCHOD KHANG GI KA BA'I RTZA DER JO BO THUGS RJE CHEN PO DANG, JO MO SGROL MA GNYIS MNYAM DU ZHAL GZIGS, JO MO PHYAG BRGYAD MA LA DE'I DUS SU SGRUB THABS DE'ANG GSAN, PHYIS BYA YUL DU BYON NAS DGE BA'I BSHES GNYEN BYA YUL BA LA 'DI 'DRA'I SNANG BA CIG GDA' ZHUS PAS, NGO MTSAR CHE THA MAL PAR MI GDA' GSUNG, BYA YUL BA'I ZHAL NAS JO BO DGYER SGOM PA LA DGOS TE MI MCHI NA'ANG, 'O NA YANG 'AM BUS DRAN PA GSO BA TZAM ZHIG BGYI GSUNGS NAS JO MO PHYAG BRGYAD MA'I SGRUB THABS TSAR GCIG GSUNGS PAS SNGA MA JO MOS DNGOS SU GSUNGS BA DANG KHYAD MA BYUNG GSUNG, YANG DGE BSHES BYA YUL BA'I ZHAL NAS, RAB GNAS LA SOGS PA DGYER SGOM PA NYID KYIS KYANG MKHYEN NAS MCHI STE, 'TSAL NA NGAN BUS ZHABS TOG BGYI GSUNGS NAS, CHOS THAMS CAD MA ZHUS PAR GNANG, YANG DGE BSHES BYA YUL BA'I ZHAL NAS, DGON PA 'DIR BZHUGS LA NGA'I BSHOS RE GSOL, NGA LA DRIN CHE BA LAGS GSUNG, YON BDAG TSO CIG GIS DGON PA BRTZIGS ZIN 'GRO DGOS BAR BDOG ZHUS PAS, 'O NA NGAS KYANG DGYER SGOM PA'I BSRUNG BA BGYI, DGYER SGOM PAS KYANG NGA LA DE BZHIN MDZAD PAR ZHU GSUNG, NGAS DE TZA NA DE BZHIN DU BYAS NA RGYA SNUBS DGON GSUM GYI MING YANG MI 'ONG GSUNG, GZHAN YANG DAM TSIG GSUM BKOD PA'I RGYAL PO'I ZHAL GZIGS, ,RDO RJE

, ,GDAN YIN SNYAM PA CIG TU BYUNG CHUB CHEN PO GTZO 'KHOR GSUM PA DE ZHAL GZIGS, BYA YUL NA BZHUGS PA'I TSE CHOS SKYONG MA DE'I ZHAL GZIGS GSUNG, YI DAM LHA'I BZLAS BRJOD MTHAR PHYIN PAR MDZAD PAS GZHAN PHAN GYI NUS PA KHYAD PAR CAN THOB STE, RTAG PA TSOD 'DZIN BZLAS LUNG THUG PA MED PA CIG MDZAD PA LA, GZHAN LA PHAN MA THOGS PA YE MA BYUNG, SKU LUS RDO RJE 'DRA BAS TSEMS BSNYUNG BA GCIG KYANG MA BYUNG GSUNG, BYIS PA'I DUS NA NAD YAMS CHEN PO ZHIG BYUNG BAS BYIS PA MANG PO GUM, RO THAMS CAD MKHAR RGYAB TU BSKYAL GCUNG PO GNYIS KYANG NA BAS NGAS KHONG GNYIS G-YAS G-YON DU BZHAG STE GTZUG TOR BTON PAS NUB CIG GI RMI LAM NA MKHAR RGYAB TU PHYIN PAS, BYA MGO BRNYAN MI 'DRA BA MANG PO THIB THIB 'DUG, KHRON PA GCIG GI KHA NA'ANG BYA MANG PO THIB THIB 'DUG BAS, KHRON PA DER BLTAS PAS KHONG GNYIS PO DE SHI LA KHAD PA RE BYAS 'DUG PAS, NGAS LAG PA NAS BZUNG STE TZAR TZAR BTON PA RMIS, SANG NANGS PAR KHONG GNYIS PO SANGS DRAG PA CIG BYUNG GSUNG, GZHAN SEMS SHES PA'I MNGON PAR SHES PA'ANG RLABS CHEN PO MNGA' STE, THUGS SRAS SANG RGYAS DBON STON CHEN PO GZHON PA'I DUS SU PHRENG BA 'DI BYIN NA RUNG STE SNYAM TZA NA, PHRENG BA DE PHYAG TU BSNAMS NAS DGOS PA MED 'DI KUN 'DRA BA MNGON TSAN CHE BA YIN GSUNG, YANG DBON STON GYI ZHAL NAS, DGE SBYOR BYED 'DOD MA BYUNG BA'I DUS SU SPYAN SNGAR

PHYIN TZA NA, ZHAL RAS NAG THING MDZAD NAS DGOS PA MED GSUNG, NANGS CIG DGE SBYOR BYED 'DOD LHAN GYIS BYUNG BAS SPYAN SNGAR PHYIN TZA NA ,DA NANGS CI TZUG BYUNG GSUNG, 'DI TZUG GDA' ZHUS PAS DE NGAS BYIN GYIS BRLABS PA YIN, DA NGA RGAS CHOS 'DI YANG DGOS, 'DI YANG DGOS PA YIN GSUNG, DE DAG NI GZHAN GYI SEMS SHES PA'I YON TAN NO, ,RDZU 'PHRUL GYI YUL SHES PA'I YON TAN NI, JO BTZUN YE SHES BLA MAS CHOS ZHU SNYAM NAS GZIM CHUNG DU BYON PAS, SGO NANG NAS BSDAMS NAS BZHUGS, DER THEM PA LA SNYES NAS BZHUGS TZA NA, DGE BSHES CHEN BO PHYI NGOS NAS BYON BYUNG GSUNG NGO, ,DE LTAR DGUNG LO BRGYAD CU RTZA GNYIS KYI BAR DU DGON PA RIN CHEN SGANG DU BZHUGS NAS LAM GYI RIM PA 'DIS GDUL BYA MANG PO'I DON MDZAD PA YIN TE, RTZA TSIG 'DI RNAMS AA TI SHAS DGON PA BA LA KHRID PA DE KA NYID YIN, BSHAD PA DANG LUNG KUN BO TO BA CHEN PO'I GZHI CHE, RANG RE'I YIG SNAS MA CHOG BAR GZHAN LA BLTAS NAS BSHAD PA TSIG KHA YAR RE BYED DE, TSIG MANG KHA NA MED, MDA' GZHU PANG PA GANG YANG GTAD SA MDE'U RTZE GANG LAS MED PA YIN, 'U CAG THEG PA CHEN PO BA'I DBANG DU BYAS NA GTAD SA BLO SNA GZHAN DON DU 'GYUR BA LA BYA'O GSUNG, YANG BLA MA ZHAL BZHUGS PA'I DUS SU THE TSOM DANG SGRO 'DOGS THAMS CAD CHOD PAR BYAS NAS ZHAL MI BZHUGS PA'I DUS SU DOD THUB PAR BYAS TE DGE SBYOR BYED DGOS PA YIN GSUNG, GZHAN YANG BLA MA

, ,GONG MA DE SKU YAL NAS BLA MA DE'I GDAMS NGAG MI NYAMS SHING 'PHEL BA'I DGE BSHES DANG GROGS PO LA BRTEN PA GAL CHE, RANG GI BLA MA'I MDZAD SPYOD DANG MI MTHUN PA'I BLA MA GNYIS PA MI BTZAL, BTZAL NA BLA MA SNGA MA'I BYIN RLABS DUNG GI RDUL PHYIS PA BZHIN DU 'GRO GSUNG, YANG BLA MA ZHAL MI BZHUGS PA'I DUS SU DGE 'DUN CHOS DANG MTHUN PA'I GROGS LA BRTEN NAS BLA MA'I MAN NGAG GI RGYAB TU MDO SDE BLTAS NA YANG MI NYAMS PA YIN GSUNG, YANG RANG GI BLA MA 'DAS NAS DE'I GDAMS NGAG DANG RJES SU BSTAN PA NYAMS SU LEN PA'I BLA MA PHYI MA CIG LA BRTAN NA'ANG RANG MI NYAMS PA YIN BYA BA NAN TAN DANG BCAS PA GSUNG, YANG DBON STON LA GDAN 'DREN PA GNYIS BYUNG GSUNGS, DE'I NUB MO DBON STON GYI RMI LAM NA LHA'I BU'I MCHOD PA YIN ZER BA TSAN CIG DANG MI DKAR PO GTZANG SING BA GCIG BYUNG, DGE BSHES DGYER SGOM CHEN BO NA BZA' MTHANG RKYANG GCIG DANG DBU ZHVA LTEB MO DE GSOL, PHYAG 'KHAR DE BSNAMS NAS MI DKAR PO DE DANG GNYIS BYON NAS, DBON STON GYI DBU SNGAS SU PHYAG 'KHAR DE BTZUGS GDAMS NGAG KHA YAR ZHIG GSUNG, MI DKAR PO DE DANG DGYER SGOM CHEN PO GNYIS SHAR LHO MTSAMS KYI NAM MKHA' LA GSHEGS PA CIG RMIS, DE NAS TSA BA THON RJES LA ZHAL CHEMS KHA YAR ZHIG GSUNGS PA NA, DBON STON SKU NA GZHON PAS MCHI MA MA THUB, DE MIN NA DE'I TSE GSUNG KHA YAR 'ONG BA

'DUG PA LA GSUNG, GZHAN YANG RTEN BYIN RLABS CAN 'DI DANG 'DI YOD, KA BA LI DANG BE'U BUM NA CHOS 'DI DANG 'DI YOD, MI LAG 'GRIM DU MA GZHUG ,NGA LA DUS RTAG TU SNANG DMIGS KYI DNGOS PO 'DI 'OD DAM 'JA'I RNAM PAR YOD PA YIN, KHYOD LA'ANG DE LTAR BYUNG NA CHOS BSHAD DANG RAB GNAS DANG GTOR CHEN BZLAS LUNG LA SOGS PA RNAMS GYIS GSUNG, KHYOD RANG YANG CHOS DANG MTHUN PAR GYIS LA SDE DGON 'DI GNYIS CHOS DANG MTHUN PAR BYUNG NA SKYONGS, MA MTHUN NA ZHOG GSUNG BAS BYA STABS BDE BAR BYUNG, DE NAS DGUNG LO BRGYAD CU RTZA GNYIS PA LCAGS MO YOS KYI NYER DGU LA RIN CHEN SGANG DU MYA NGAN LAS 'DA' BA'I MDZAD PA BSTAN TE, SKYIL KRUNG LAM GYIS MDZAD NAS, PHYAG SA GNON MNYAM GZHAG MDZAD; DBU'I STENG NA YAR RLANG PA BUM PA'I KHA TSANGS 'DRA BA CIG BYUNG, 'U CAG SNANG BA MA DAG PAS DE LAS MA MTHONG GZHAN DU NA 'OD DU 'ONG BA YIN GSUNG ,DE NAS GDUL BYA RNAMS KYIS SKU GDUNG LA MCHOD PA DANG SMON LAM RGYA CHEN PO MDZAD DO; ;BDAG NYID CHEN PO 'DI LA SLOB MA BRGYAD BRGYA TZAM 'TSOGS PA'I NANG NAS SLOB MA CHE BA NI, THUGS KYI SRAS 'GRO MGON SANGS RGYAS DBON STON YIN LA GZHAN YANG BSTAN 'DZIN GYI SKYES BU DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGYER SGOM PA CHEN PO LA GSOL BA 'DEBS SHING, BSHES GNYEN CHEN PO 'DI'I RNAM THAR LTAR SKYES BU GSUM GYI LAM GYI RIM PA LA BLO SBYANGS NAS MYONG BA BCOS

, ,MIN THON PAR BYA ZHING, THA NA SMON LAM GYI YUL DU BYAS TE YANG BLO SBYANG BAR BYA'O,, ` ,,RMAD BYUNG YON TAN MDZOD 'DZIN SANGS RGYAS DBON, ,ZHES BSNGAGS PA, DGE BA'I BSHES GNYEN SANGS RGYAS DBON STON RIN PO CHE NI, BSKAL PA DPAG TU MED PA'I SNGA ROL NAS THEG PA CHEN PO'I LAM LA SBYANGS TE PHYIR MI LDOG PA'I GDENG THOB NAS SNYIGS MA'I 'GRO BA NYAM THAG RNAMS LA LHAG PAR BRTZE BA THUGS RJE CHEN PO'I GZHAN DBANG DU GYUR PAS NYER LEN MDZAD DE, BRAM ZE DGYER LHA SNANG GI RIGS SU YAB YON BDAG BU MO STAG DANG, YUM SHA MO MDOG GI SRAS SU SKU 'KHRUNGS, ,DE YANG YUM MNAL THUM PA CIG GI SKABS SU BLTAMS ZIN 'DUG PA MIN PA MA TSOR BAR SNANG, DE'I NUB MO YAB KYI RMI LAM NA NYI MA CHEN PO ZHIG SHAR BA'I SNANG BAS 'DZAM BU'I GLING KHYAB PA CIG BYUNG, NGA'I BU 'DI BSOD NAMS CAN ZHIG 'ONG BA 'DRA GSUNG, DE NAS KHU BO DGE BSHES DGYER SGOM PA CHEN PO'I ZHAL NAS, YON BDAG GI BYIS PA DE NGA'I DRUNG DU SKYOL, DER BZHAG TU PHANGS, BTZUN PA CIG BYED DGOS GSUNG ,BYIS PA'I DUS RTZED MO'I SAR PHA BONG LA ZHABS RJES BYON, DE NAS RIN CHEN SGANG DU RANG GI KHU BO DGE BSHES DGYER SGOM PA CHEN PO'I SPYAN SNGAR BYON PAS DGE BSHES CHEN PO'I ZHAL NAS, 'KHOR RNAMS LA KHYED KUN GYIS YON BDAG GI BYIS PA 'DI LA GUS PAR GYIS SHIG ,'DI NGO MTSAR CAN ZHIG YIN NO GSUNGS NAS THUGS LA BTAGS

PAR MDZAD, YANG ZHAL NAS, KHYOD KYI PHA DE NGA LA DRIN CHE BAS BYAMS PAR BYAS PA YIN NO GSUNG, DE NAS DGUNG LO BCU BDUN BZHES DUS DGE BSHES 'BEN THANG PAS MKHAN PO DANG, SLOB DPON LTE'U SGOM GYIS SLOB DPON MDZAD NAS RAB TU BYUNG, MTSAN GZHON NU 'BYUNG GNAS SU BTAGS, MKHAN PO'I ZHAL NAS, 'DI LA BSOD NAMS 'UR THAG CHAD PA CIG RE BA YIN, MDANG RMI LAM DU YID BZHIN GYI NOR BU YIN ZER BA CIG LA PHYI BDAR BYAS PA RMIS GSUNG ,SLOB DPON SGOM PA'I ZHAL NAS NYI ZLA GNYIS DUS GCIG LA SHAR BA RMIS GSUNG, DGE BA'I BSHES GNYEN DGYER SGOM PA CHEN PO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID GSAN TE, DGE TSUL GYI RING LA LAM RIM GYI KHRID DANG JO BO'I SGRUB YIG TSAR BAR MDZAD, LO NYI SHU BZHES PA NA DGE BSHES DGYER SGOM GYI ZHAL NAS KHYOD DGE SLONG ZHIG BYED DGOS GSUNGS NAS, DGE BSHES NYANG BRAN GYIS MKHAN PO DANG, DGE BSHES CHOS DANG, DGE BSHES KHA CHES LAS SLOB DANG GSANG STON MDZAD NAS BSNYEN PAR RDZOGS 'DUL BA'I BSLAB BYA RNAMS LA TSUL BZHIN DU BSLABS, DBYAR DGUN GSUM TZAM MKHAN PO'I DRUNG DU BZHUGS TE SPYOD PHYOGS RNAMS GSAN NAS MKHYEN PAR MDZAD, 'BEN THANG PA LA 'DUL BA'I BSLAB BYA GSAN PAR MDZAD DO, ,DE NAS DGE BSHES KA BA DAR SENG GI THAD DU 'DUL BA'I SLOB GNYER RNAMS LO GSUM LA TSAR BAR MDZAD DE 'DUL BA LA SHIN TU MKHAS

, ,BAR GYUR NAS SKAL BA DANG LDAN PA MANG PO LA KA RI KA'I STENG NAS DGE TSUL GYI BSLAB BYA DANG 'DUL BA MDO RTZA BRGYA CHER BSHAD BAR MDZAD DO, ,DE NAS DGE BA'I BSHES GNYEN DGYER SGOM PA CHEN PO SKU NA BYON PAS YAR BYON TE BRANG KHANG ZHIG BZUNG NAS THUGS DAM RTZE GCIG MDZAD CING SGRUB BAS BLA MA MNYES PAR MDZAD, LAN CIG DGE BSHES DGYER SGOM PA CHEN PO LA THUGS LA GDAGS PAR ZHU ZHUS PAS, NGAS DUS RTAG TU RTZAR BZHAG PA 'DI THUGS LA BTAGS PA YIN, DGE BSHES TSAN CIG GIS NYE DU DANG 'BREL BA PHYOGS SU NYER MI STER BAR MDZAD BA YIN GSUNG, GTZANG PA'I GRVA PA KUN GYIS DGE BSHES DGYER SGOM CHEN PO LA NGO CHEN ZHUS NAS NGA LA 'DUL BA 'CHAD DGOS GSUNG BA LA NGAN BU LA BKA' GDAMS RA RI ZHIG 'ONG BAR 'DUG NA CHOS BSHAD MI BGYI, DE MI 'ONG NA 'DUL BA BSHAD PAS RANG NYID MKHAS SU'ANG 'GRO BAS BGYI ZHUS PAS CANG MI GSUNG BAS THUGS LA BTAGS SNYAM PA BYUNG GSUNG, DE NI BKA' GDAMS GONG MA'I RNAM THAR SHA GZUG RANG ZA'I DPE LTAR THOG MAR DBEN PA'I GNAS SU RANG RGYUD BTUL NAS RANG NYID MI NYAMS PA'I GDENG THOB PA NA GDUL BYA GZHAN LA CHOS 'CHAD PA SOGS GZHAN DON MDZAD CES PA'I DON NO, ,DE NAS DGYER SGOM PA CHEN PO SKU NA MTHO BAR BYON ZHING BLA MA'I ZHABS TOG BYED PA NYID RANG GI TSIGS RDZOGS PA'I THABS MCHOG YIN PAR DGONGS NAS PHYIS GZIM

CHUNG DU BZHUGS NAS GZIM G-YOG MDZAD, CHOS ZHUS BA LAS KYANG GLENG SLANG ZHUS BA MANG GSUNG, SPRUL PA'I SKYES MCHOG DBON STON RIN PO CHE 'DI NI SKU TSE SNGON NAS SBYANGS PA'I MTHU CAN YIN PAR MA ZAD, SKU TSE 'DIR YANG DGE BA'I BSHES GNYEN RNAM PA KUN TU MNYES PAR BYAS NAS BYANG CHUB LAM GYI RIM PA LA NYAMS LEN SNYING POR MDZAD PAS LAM GYI RIM PA'I RTOGS PA RNAMS PHUL DU PHYIN PAR THOB PA ZHIG STE, SKYES BU CHUNG 'BRING GI LAM LA SBYANGS NAS NGES 'BYUNG GI BSAM PA RNAM PAR DAG PA SKYES TE TSUL KHRIMS KYI BSLAB PA LA BSDAM PAR BYA BA'I NYES BYAS PHRA MOS KYANG MA GOS PAS BDEN PA'I TSIG GRUB PA ZHIG GO, BSHES GNYEN BSTEN TSUL LA MYONG BA PHUL PHYIN THON TE BLA MA LA DUS RTAG TU SANGS RGYAS KYI 'DU SHES MNGA' STE, DGE BSHES DGYER SGOM PA CHEN PO LOGS SU BZHAG PA'I YI DAM GYI LHA GZHAN MED GSUNG ,BLA MA SANGS RGYAS SU MTHONG BA'I MOS GUS BCOS MIN SKYES PAS BLA MA'I SKU'I BYIN RLABS ZHUGS PAS YI DAM GYI LHA DPAG TU MED PA'I ZHAL GZIGS TE, RIN CHEN SGANG DU 'JUG PA SEMS BSKYED ZHUS PA'I THO RANGS KYI DUS SU 'OD ME LONG TZAM ZHIG GI NANG DU BLA MA BRGYA RTZA BCU GNYIS LA BRTEN NAS BYANG CHUB SEMS DPA'I BSLAB PA YONGS SU RDZOGS PAR MDZAD PA YIN GSUNG, 'PHRANG 'OG TU DBANG ZHUS BA'I DUS SU DGE BSHES DGYER SGOM PA CHEN PO'I BYANG KHOG NANG NA GSANG BA 'DUS PA'I LHA BCU DGU MA'I GTZO BO DGE BSHES DGYER

, ,SGOM PA NYID KYIS MDZAD NAS DBANG BZHI RDZOGS PAR BSKUR BAS DBANG BZHI PA'I DON THUGS RGYUD LA 'KHRUNGS PA YIN GSUNG, NUB CIG GI RMI LAM NA SLOB DPON LA BA PA BYON NAS GSANG SNGAGS KYI DGONGS PA MANG DU GSUNGS, DE DGE BSHES DGYER SGOM PA LA ZHUS PAS, THUGS DGYES PA'I MTSAN MA MDZAD LO BCO BRGYAD KYI BAR DU DGE BSHES DGYER SGOM PA CHEN PO BSTEN NAS CHOS LA NAN CHAGS SU BGYIS TE SGRUB PA'I MCHOD PAS BLA MA MNYES PAR MDZAD DO, ,DGE BSHES DGYER SGOM PA CHEN PO GSHEGS PA'I SPUR LA SANGS RGYAS BYANG SEMS DPAG TU MED BAS MCHOD PA MDZAD PA ZHAL GZIGS, THUGS NGAN MDZAD PAS DGE BSHES DGYER SGOM PA NYID DNGOS SU BYON NAS NGA RTAG TU DRAN PAR GYIS GSUNG BAS THUGS NGAN SANGS, 'U CAG LA NI NAM 'DOD KYIS DGE BSHES DGYER SGOM PA CHEN PO DANG MJAL NAS LUNG THAMS CAD ZHU BA YIN GSUNG, LAN CIG TZA NA 'U CAG LA TSE RING PO 'ONG NGES MED, GDAN SA 'DI DGE BSHES LHO PA LA GTAD LA RI KHROD CIG BYA DGONGS TZA NA DGE BSHES DGYER SGOM PAS MI DKAR PO GCIG KHRID NAS, 'DI LA GZHAN MI 'TSAL BAR GDA'I, TSE RING BA CIG MDZAD PAR ZHU GSUNG BA CIG RMIS, SANG GSOL BA CIG BTAB PAS, DGE BSHES DGYER SGOM PA RMI LAM DU BYON NAS JO BO THUGS RJE CHEN POS SKU TSE RING BAR BYIN GYIS BRLABS PA YIN

NO GSUNG, GDUNG KHANG GI RAB GNAS MDZAD PA'I TSE, SANGS RGYAS BYANG SEMS THAMS CAD KYI THUGS KA NAS 'OD ZER DKAR SHARRA RA BYUNG BA'I SNANG BA BYUNG GSUNG ,BYA SA'I RAB GNAS KYI STA GON GYI DUS SU SLOB DPON N'A GA BO DHI DANG MJAL, SLOB DPON N'A GA BO DHI 'DI NGA'I RTZA BA'I BLA MA CIG YIN, GSOL BA BTAB TZA NA MI MJAL BA BYED MA MYONG GSUNG, RIN CHEN SGANG NA BZHUGS TZA NA RMI LAM DU NAGS GSEB CIG NA BRAG PHUG LEGS PA CIG 'DUG, DE'I NANG DU BYON TZA NA, JO BO N'A RO PA BDUD RTZI KA P'A LA GANG THOGS NAS 'DUG, KHYED 'DI 'DOD DAM GSUNG, ZHU 'TSAL ZHUS PAS, BDUD RTZI DE NAS GNANG, DBANG DANG BYIN RLABS KYANG MDZAD GSUNG, SKAM NA BZHUGS PA'I TSE DBON STON CHEN PO RI LA BZHUD, SLOB DPON BZANG MO BAS PHYIR BYON TZA NA BRAG SGANG ZHIG NA BZHUGS 'DUG ,DBON STON GYI ZHAL NAS ,DE NA MAR RNAL 'BYOR PA BZA' MI GNYIS SONG BA YIN TE KHYED DANG AE PHRAD GSUNG, MA PHRAD ZHUS PAS 'O NA DE THA MAL PAR MI 'DUG GSUNG, CI 'DRA ZHIG GDA' ZHUS PAS RAS KYI AANG KA RAG RE GYON, RNAL 'BYOR MA DES KHOG MA CIG KHUR NAS 'DUG, NGA LA RANG BZHIN MED PA'I NGANG LAS RTZA RLUNG GI 'DU 'PHROD 'DRA BA SGOMS DANG BDE STONG GI NYAMS 'PHEL BA YIN GSUNG, BRAG SNGON LA SKU MTSAMS MDZAD PA'I DU SU KLU SGRUB YAB SRAS BYON NAS 'GRO BA GZHAN GYI RNAM PA BSTEN PA NA DGE SLONG GI 'DU SHES YOD PA NYID LA'O BYA BA DE LA BGRO GLENG MDZAD PA CIG GZIGS, RA SGRENG DU BYON PA'I TSE JO BO'I

, ,PHYAG DPE 'DI RNAMS GZIGS DGONGS TZA NA AA TI SHA RMI LAM DU BYON NAS 'DI 'DI SKAD BYA BA YIN GSUNGS NAS PHYAG DPE RNAMS CAG GE BSTAN, YANG DGA' LDAN DU MGON PO BYAMS PA DANG MJAL CHOS KYANG GSAN GSUNG, BZANG MO'I DGON PA RMANG 'DING TZA NA BYANG CHUB CHEN PO GTZO 'KHOR GSUM ZHAL GZIGS, GZHAN YANG JO BO MI G-YO BA DANG SGROL MA DANG GSHIN RJE GSHED DANG RTA MGRIN LA SOGS PA'I ZHAL GZIGS, BZANG MOR DE DUS DPAL LHA MO DPON G-YOG GSUM ZHAL JI LTAR GZIGS PA BZHIN GZIM CHUNG BRAG LOGS LA RANG BYUNG DU BYUNG, YANG DER NANGS GCIG JO MO SGROL MA LHA MO DBYANGS CAN MA KU RU KULLE GSUM GYIS DBON STON CHEN PO LA BSNYEN BKUR MDZAD NAS KU RU KALLES GTAM BTANG BAS RDUGS, DBYANGS CAN MAS THAL MO BRDABS, SGROL MAS ZHAL BKAB GSUNG, YANG RMI LAM NA, RGYAL PO AINDRA BHU DHI'I ZHABS LA RTZVA AA BA GNYIS SKYES NAS 'DUG PA LA GCIG GSOL BAS SNGAR MA MYONG BA'I RO BZANG PO ZHIG BYUNG, 'DI CI LAGS ZHUS PAS, BDUD RTZI ZIL MNGAR BYA BA DNGOS GRUB KYI ZAS YIN GSUNG BAS 'O NA GCIG PUS ZA BA PHANGS, SEMS CAN THAMS CAD LA SBYIN DGOS SNYAM NAS RTZVA AA BA GCIG BZHAG GSUNG ,MGON PO GRI GUG DANG BENG SOGS CHOS SKYONG MANG PO ZHIG BYIS PA'I DUS RANG NAS ZHAL GZIGS PA YIN GSUNG NGO, ,BLA MA LA SANGS RGYAS KYI 'DU SHES BCOS MA MIN PA

'KHRUNGS PAS BLA MA'I GSUNG GI BYIN RLABS ZHUGS TE BKA' BSTAN BCOS THAMS CAD LA THOGS PA MED PA'I SPOBS PA MNGA' ,NUB CIG RMI LAM NA DGE BSHES DGYER SGOM PA CHEN PO BYON NAS STON PAS CHOS KHRI 'DI'I STENG NAS CHOS GSUNG BAR ZHU GSUNG, DE NAS KHRI KHA DE NAS CHOS GSUNGS PAS TSOGS PA RNAMS KYIS 'OR CHE BTAB, DGE BSHES DGYER SGOM PA CHEN PO BZHAD KYIN 'DUG STE CHOS BSHAD BYA BA'I GNANG BA BYIN PA 'DRA GSUNG ,DE NAS GNYER DU CHOS 'GO MA GSUNG BA'I DUS SU DBON STON PA'I LTE BA'I KHUNG BU NAS NYI MA CHEN PO CIG SHAR BAS, 'DZAM BU'I GLING GI SEMS CAN RNAMS KYI RGYUD DROS PA'I SNANG BA BYUNG, DE NAS SEMS CAN LA PHAN NAM BSAMS NAS CHOS BSHAD BYAS PA YIN GSUNG, GNYER DU TSOGS CHOS SHIG GSUNG TZA NA, TSIGS BCAD GCIG LA THOGS PA CIG BYUNG BAS, CHOS THUN DE LAD SNYAM BYUNG TZA NA, CHOS THON NAS GZIM CHUNG DU BYON PAS, GSANG BA 'DUS PA'I DKYIL 'KHOR GYI GTZO BO DGE BSHES DGYER SGOM PA CHEN POS MDZAD; ZHAL 'DZUM MDZAD NAS CHOS BSHAD BYA BA YANG DKA' MO LAGS NGA LA GSOL BA THOB GSUNG ,DE NAS SDE SNOD 'DZIN PA BRGYAS BSKOR KYANG NYAM NGA BA SPU TZA ME YANG MED, THAMS CAD LA RDO RUS THUG PAR BYAS PA YIN, YA GI GSANG BA 'DUS PA NAS K'A RI KA YAN CHAD LA KHUG PAR LUS PA GCIG KYANG MED, DA RES 'DI 'DRA ZHIG BSHAD DE NYAN THOS KYI SA'AM, RANG SANGS RGYAS KYI SA'AM, RTAG CHAD KYI MTHAR LHUNG SNYAM PA NI GCIG KYANG MED, THAMS CAD LA BLA NA MED

, ,BA'I BYANG CHUB KYI LAM TSANG LA MA NOR BA BSHAD DAM SEMS PA YIN GSUNG, BLA MA'I THUGS KYI BYIN RLABS THOB PAS SPYIR TING NGE 'DZIN GYI SGO DU MA LA MNGA' BRNYES, KHYAD PAR DU SGYU MA LTA BU'I TING NGE 'DZIN THUGS LA 'KHRUNGS SHING, LHAG PA'I BSAM PA RNAM PAR DAG PAS RANG BAS GZHAN GCES PAR 'DZIN PA SGYU MA'I RNAM PAR THAR BAS 'GRO BA'I DON MDZAD PA YIN TE, ZHAL NAS KYANG, TING 'DZIN NANG NAS SGYU MA LTA BU DANG, , SNYING RJE'I NANG NAS BDAG GZHAN BRJE BA STE, ,'GRO BA'I NANG DU RANG 'BYUNG SANGS RGYAS 'GYUR, ,ZHES GSUNGS, LHAG MTHONG GI DMIGS SKOR LA MYONG BA THON TE, RTAG CHAD KYI MTHA' GNYIS DANG BRAL BA'I DBU MA CHEN PO THUGS SU CHUD PA YIN TE, NUB CIG RMI LAM NA GYANG RO STONG PA 'DRA PA CIG TU BYON PAS, GCIG NA RE, 'DI 'PHAGS PA KLU SGRUB KYI RE SHUL YIN, KHYOD LA 'BUL ZER BA CIG BYUNG STE, KLU SGRUB KYI LTA BA DE JI LTA BA BZHIN DU RTOGS SAM SEMS , BDEN GNYIS KYI DGONGS PA DE LON NAM SEMS GSUNG, STONG PA RTEN 'BREL DU SHAR TE RGYU 'BRAS KYI SHES BYA MA LUS PA MKHYEN PA YIN TE, ZHAL NAS, RGYU 'BRAS MA LUS PA MKHYEN PA SANGS RGYAS NYAG GCIG YIN, 'U CAG GIS KYANG RGYU 'BRAS THAMS CAD 'OL LE SHES PAR 'DUG STE, MO LONG GI NGOS LA SHAR BA BZHIN SNANG, BSNYON TOL GZUGS PA GANG NA'ANG MED GSUNGS, RGYAL SRAS KYI SPYOD PA LA SLOB BA LA GDENG THOB STE SEMS CAN RNAMS LA MA BU GCIG PA LA BRTZA

BA BZHIN DU BYAMS PAR MDZAD, KHYAD PAR MI CHEN 'OG TU LHUNG BA'AM, 'TSE ZHING SDIG PA GSOG PA LA SHIN TU BYAMS TE, GTZANG THOG GI GNAS BRTAN BTZUN CHUNG SHAD RIN CHEN SGANG PA LA SDIG BSAGS NA BZA' 'OD ZER NGAS SDIG GSOG PA LA ZAS NOR BYIN TE MI 'GYOD GSUNG, TING NGE 'DZIN SHIN TU BRTAN PA'I STOBS KYIS RDZU 'PHRUL GYI MNGON SHES THOB STE, GYE RE SGOM SHE DANG, DBON STON CHEN PO GNYIS 'GROGS NAS GZIM CHUNG DU BYON TZA NA LDE MIG MED PAS SGOM SHES LDE MIG BLANGS NAS 'ONG TZA NA NANG NA PHEBS 'DUG ,YANG NYE GNAS DAR MA 'OD KYIS SKAS THOG KHAR DRANGS NAS NYIM LA BSDAD TZA NA DBON STON RGYA MTHONGS LA BYON NAS, AA NA MA BAG MED PA'I SPYOD PA BYAS MI LA MA BSHAD GSUNG, YANG RI LA BYON PA CIG LA DPON STON SHUL NA BZHUGS, 'KHOR RNAMS KYIS MAR SNGON LA 'ONGS PAS LAM KHAR CHAR PA BTANG TZA NA DRIL BU SIL GYIS BYUNG BAS DBON STON GZIM CHUNG NA BZHUGS 'DUG ,LAN CIG KA GNYIS MA'I SKAS DE MED PA CIG LA RGYA MA THONGS KYI NA MKHA' LA SKAS LA GSHEGS PA BZHIN DU PHEBS PA RGYAL YES MTHONG, DE LA SOGS PA SA RDO RI BRAG LA THOGS RDUGS MI MNGA'O, ,LHA'I RNA BA'I MNGON SHES THOB STE, NGAS CHED DU GTAD NA 'DZAM BU GLING GI CHE BA 'BRUG GI SGRA NAS CHUNG BA SHIG SRO YAN CHAD KYI SGRA THOS PAR 'DUG GSUNG, GZHAN SEMS SHES PA'I MNGON SHES THOB STE GZHAN GYI YID LA DRAN PA RNAMS CAR PHOG TU MKHYEN TE, BYA SAR BZHUGS PA'I NUB MO ZHIG DA LTA RIN CHEN SGANG NA LHO PA'I

, ,SGOM CHEN GSUM 'U CHAG LA TSOD 'DZIN BYED CING MA MNYES PAR 'DUG GSUNG, DE RTING DU SGOM CHEN GSUM POS THOS PAS 'JIGS CHUM GYIS SONG ZER, LHA'I MIG GI MNGON SHES THOB STE, NGAS MNYAM PAR BZHAG STE BLTAS NA 'DZAM BU GLING GI GZUGS CAN GYI DNGOS PO RNAMS LA MI MTHONG BA MED, KHRI KHA NAS SHOD DU BLTA BA DANG KHYAD MED GSUNG, SGOM PA JO SRAS PAS SLOB DPON GYIS BRTAG PA MDZAD PA 'DI JI LTA BU ZHIG GIS GZIGS PA LAGS ZHUS PAS, 'DI NAS SHAR PHYOGS KYI 'JIG RTEN GYI KHAMS BLTA BAR BYA'O SNYAM DU 'PHEN PA BTANG NAS MNYAM PAR BZHAG PAS TING NGE 'DZIN GSAL BA LA BRTEN NAS ME LONG NANG GI GZUGS BRNYAN LA BLTA BA'I TSOD TZAM DU MTHONG BA YIN GSUNG, SNGON GNAS RJES DRAN GYI MNGON SHES THOB STE, GTZANG MA'I GNAS NAS SKU SKYE BA 'PHOS PA DRAN PA DANG, SKYE BA PHYI MA LA 'KHOR LOS SGYUR BA'I RGYAL BOR 'GYUR GSUNG STE, SNGON TSE GNAS GTZANG LHA NAS 'PHOS, ,DBUS SU MI LUS GTZANG MA BLANGS, ,RGYAL BA'I BSTAN LA RAB BYUNG NAS, ,LO GSUM 'DUL BA'I SDE SNOD BSLABS, ,BTZO BRGYAD SANGS RGYAS GNYIS PA BSTEN, ,MA 'ONGS 'KHOR LOS SGYUR BA BYED, ,CES BYA BA GSUNGS, 'O NA BYA YUL BA CHEN PO YIN PA'I GRAGS PA GDA' BA LAGS SAM ZHUS PAS, BYA YUL GYI BAG CHAGS KYANG MANG BAR 'DUG ,SNGA MA DE YIN ZHAD DU GDA' GSUNG, DGE BSHES DGYER SGOM CHEN PO'I 'BUM PA

'DI BZHENGS TZA NA NGA LA 'KHOR LOS SGYUR BA'I RGYAL BOR SKYE BA'I SNANG PA MANG PO BYUNG, 'BUM PA 'DI DE'I RGYU'I GTZO BO YIN GSUNG, DER 'KHOR LO DE GANG DU GDA' ZHUS PAS GSER GYI 'KHOR LOR SNANG, RGYAL SRID RIN CHEN SNA BDUN DANG, NYE BA'I RIN PO CHE SNA BDUN RNAMS GDA' GSUNG, BLA MA'I BYIN RLABS ZHUGS PAS DGE BSHES DGYER SGOM PA CHEN PO'I PHYI'I GDUNG RTEN DANG NANG GI GDUNG RTEN GNYIS LA SOGS PA'I MDZAD PA RLABS PO CHE THAMS CAD JI LTAR BZHED PA BZHIN DU GRUB, CHU TSAN LA GSHEGS DUS 'CHAD KHA BA CHEN PO'I ZHAL NAS, KHYOD KYIS 'GRO BA LA PHAN PA'I RTAGS KHYAD PAR CAN NGA LA BYUNG BAS THUGS GO CHA CHEN PO MDZAD 'TSAL GSUNG, YANG RIN CHEN SGANG NA BZHUGS DUS LHA MO SKUL BYED MA BYON NAS, RDO RJE SEMS DPA' SEMS CAN GYI DON LA GSHEGS SU GSOL ZHES GSOL BA BTAB PAS, DVAGS PO LHA SA SOGS G-YOR PO'I RGYAL KHAMS RNAMS BSKOR BAS PO TI RANG LA'ANG NYIS STONG DANG BZHI BCU RTZA GNYIS BYON, ZANG ZING GI DNGOS PO ZAD PA MED PA CIG BYUNG, DE LA BRTEN NAS GTZUG LAG KHANG GSAR MA BZHENG BAR BRTZAMS, GTZUG LAG KHANG NGE BYANG PHYOGS SU BRTZAM PA'I DUS SU GSOL BA CIG BTAB PAS RMI LAM DU NUB PHYOGS DE NA KHRI ZHIG GI STENG NA SPYAN SNGA RIN PO CHE, G-YAS NA MGON PO, G-YON NA DPAL LHA MO, CHOS SKYONG BA'I BSRUNG MA THAMS CAD 'TSOGS NAS 'DUG ,'DI BZHIN MDZAD DGOS GSUNGS NAS BSLAB BYA MANG DU MDZAD PA CIG RMIS, DE NAS CHU PHO STAG

, ,GI DPYID SA GA ZLA BA'I TSES BCU GSUM GYI GZA' SPEN PA DANG SKAR MA SBO LA RMANG BTINGS TE DBU RTZE KA CHEN BCU GNYIS, KHYAMS CHEN KA BA DRUG CU RTZA BZHI, MGON KHANG KA BA GNYIS RNAMS LO SKOR GCIG GI NANG DU GRUB PAR MDZAD DO, ,DE DUS DPON DAR MA RDO RJE NAGS SHOD LA SHING 'DREN DU RDZONG PA'I TSE GTOR CHEN ZHIG MDZAD PAS, DPAL LHA MO DE BONG BU LA CHIBS NAS MKHA' 'GRO MA'I 'KHOR GYIS BSKOR BA ZHAL GZIGS, RGYAS PA'I 'PHRIN LAS LA MNGA' BRNYES TE BYA SAR RAB GNAS LA GSHEGS PA'I DUS SU MI KUN NA RE, NA SO GZHON DRAGS PAS RAB GNAS CANG 'ONG NGAM ZER TE, MI TSE SGRUB PA LA BSGYAL BA RNAMS DANG 'U CAG GNYIS GSANG SNGAGS KYI BZLAS PA SKYOL BA GANG MANG CI CHA GSUNG, DE'I DUS SU STONG PAR MA'I SEMS CAN YIN ZER BA MANG PO LA LA 'GRO BA'I ZLA BO MED PAR 'DUG PAS NGAS LA DE LA BSGRAL, 'DI RNAMS PHYIR MI LDOG PAR GYUR CIG PA'I SMON LAM BTAB PA CIG RMI LAM DU BYUNG, SKYID SHOD NA BZHUGS PA'I DUS SU BYA YUL GYI LA KHA YIN NAM SNYAM BYED PA CIG NAS DUNG DKAR PO ZHIG BUS PAS 'DZAM BU'I GLING TZAM DU THOS PA CIG RMIS, 'UG CAG GI MING 'DI 'DZAM BU'I GLING TZAM DU THOS PA CIG 'ONG PAR 'DUG GSUNG, SKYID SHOD DU SKU KHAMS LTEM PA CIG GI DUS SU MGON PO TRAKA SHAD BYUNG NAS NGA RIN CHEN SGANG PA'I DPON STON 'DOD PA YIN ZER BA LA, NGAS TING NGE 'DZIN GYI DMIGS PA CIG GIS BCINGS PAS 'GUL MA NUS PAR DA KHYED KYI ZHABS TOG BYED

GTOR MA GCIG KYANG ZHU ZER BAS, DE NAS DAM LA BTAGS NAS BZHAG GSUNG, ZHANG TSAL PA'I LHA CHEN DPAL 'BAR LA'ANG BGEGS SKROD DANG RAB TU GNAS PA RI BO MAndAL GYI RTZE NAS MDZAD PAR GRAGS, GZHAN YANG RA SGRENG DANG BYA YUL GYI GTZUG LAG KHANG GI ZHIG GSOS DANG DGE 'DUN LA 'BUL NOD RGYA CHEN PO MDZAD, DE DUS JO BO 'JAM DPAL RDO RJES 'OD ZER GYI SNA LA CHOS GSUNG, RGYA MAR GTZUG LAG KHANG GI RTEN GTZOR DNGUL GYI GDUNG KHANG GIS THOG DRANGS PA'I SKU GSUNG THUGS KYI RTEN DPAG TU MED PA DANG BCAS PA LEGS PAR MDZAD DO, ,DE LTAR LAM LA SBYANGS PA MTHAR PHYIN PAR MDZAD PAS PHYIR MI LDOG PA'I RTAGS THOB STE, LAN CIG SGOM TSUL GYIS 'JAM DPAL RTZA BA'I RGYUD NAS SLOB DPON PA LUNG BSTAN PA CIG ZHUS PAS, SNGON 'U CAG 'DUL GRVA NA 'DUG TZA NA SLOB DPON KA BA DAR SENG GI ZHAL NAS, MDZOD SPU 'DI'I YOD LUGS KYIS NYID MDO NAS LUNG BSTAN PA CIG YOD NGES GSUNG BA LA, GANG NA MCHI ZHUS TE DUS DING SANG NI LUNG BSTAN 'ONG DGOS PA'I TSOD DU 'DUG ,'U CAG GIS KYANG SANGS RGYAS DGYES PA'I SPYOD BA BYAS PA YIN GSUNG, 'O NA LUNG BSTAN PA TSOD JI TZAM NAS MCHI BA LAGS ZHUS PAS, SA THOB NAS 'OD BA LAGS GSUNG, SLOB DPON BZANG MO BAS SPYAN SNGAR BYON PA CIG LA, DA NANG SANGS RGYAS THAMS CAD KYI THUGS KA NAS 'OD ZER DPAG TU MED PA 'PHROS NAS RJE BTZUN MA PHYAG BRGYAD SGROL MA LA PHOG ,SGROL MA'I THUGS KA NAS 'OD ZER DPAG TU MED PA 'PHROS

, ,PAS; RANG LA PHOG NAS NGA'I SKU LUS THAMS CAD 'OD KYIS KHYAB PA'I SNANG BA BYUNG GSUNG, DE BZANG MO BAS KHA CHEN PAn CHEN LA ZHUS PAS PAn CHEN GYI ZHAL NAS, SANGS RGYAS THAMS CAD KYIS 'OD ZER GYIS DBANG BSKUR BA BYA BA SA BCU PA THOB PA'I RTAGS YIN GSUNG, DE DBON STON CHEN PO LA BLA MA PAn CHEN 'DI SKAD GSUNG ZHUS PAS, NGAS MTHONG LAM TZAM LAS MA THOB SNYAM PA YIN TE RTAGS RNAMS DANG BSTUN NA SGOM LAM YANG RDZOGS PA'I RIGS SU SNANG GSUNG, LAN CIG ZHUGS ME LA BZHUGS DUS GCIG LA SGOM TSUL GYIS, SLOB DPON PA'I PHYAG ZHABS LA 'KHOR LO RTZIBS BRGYAD GDA' BA LA MU KHYUD PHYI MA 'DI MA 'BYAR TZAM DU GDA' BA JI LTAR LAGS ZHUS PAS, GSAL LA RDZOGS PA SANGS RGYAS KYI MTSAN YIN 'KHOR LOS SGYUR BA'I RGYAL BO DANG, SA LA GNAS PA'I BYANG CHUB SEMS DPA' GNYIS LA 'DI BZHIN DU BAG MA RDZOGS TZAM 'ONG BA YIN GSUNG, SMIN MTSAMS NA MDZOD SPU 'THEN NA SOR BZHI YOD PA, BZHAG NA G-YAS SU 'KHYIL BA, ZHABS MTHIL LA BKRA SHIS RTAGS BRGYAD KYI RI MO, PHYAG LA KA KHA SUM CU'I RI MO YOD PA THAMS CAD LA MTHUN SNANG DU YOD, SKU KHAMS LTEM BA CIG LA BZANG MO BAS MAN LA BSRUNGS PAS, DE'I DUS SU SLOB DPON PAS YI DAM GYI LHA JI TZAM ZHIG ZHAL GZIGS, THUGS DAM GYI MTHIL GANG LA MDZAD GSUNGS BAR ZHU ZHUS PAS, NGAS ZHAL BLTA BAR 'DOD NA SKAD CIG RE RE LA YANG

SANGS RGYAS BYANG SEMS NYI ZER GYI RDUL TZAM LTAR YOD, 'O SGOL GYI BKA' RGYUD 'DI'I DBANG DU BYAS NAS YI DAM GYI LHA ZHAL GZIGS PA DANG, MNGON PAR SHES PA THUGS DAM GYI GTZO BOR MI BYED, BYANG CHUB KYI SEMS KYIS KUN NAS BSLANG BA'I ZUNG 'JUG SGYU MA LTA BU LA THUGS DAM GYI MTHIL BYED PA YIN GSUNG NGO, ,SANGS RGYAS DBON STON 'DI NI PHYIR MI LDOG PA'I SEMS DPA' LUNG BSTAN THOB PA ZHIG YIN PA NI KHA CHE PAn CHEN GYI RNAM THAR LAS SHES TE, SING GA GLING NA DGRA BCOM PA CIG BZHUGS PA DES KHA CHE'I PAndI TA SH'AKYA SHR'I'I GCUNG PO LA ME TOG BZHI ZA MA TOG TU BCUG NAS, DGRA BCOM PA DE'I ZHAL NAS, ME TOG 'DI RNAMS KHYOD KYI PHU BO DE BOD DU 'GRO BAR SNANG BAS DE LA BSKUR LA, GCIG 'BRI ZHES BYA BA'I SA PHYOGS NA SLOB DPON KLU SGRUB BYANG CHUB SEMS DPA' RIN CHEN DPAL ZHES BYA BAR SKYE BA BLANGS NAS YOD BDE LA SPROD, GCIG RATNA KU tI ZHES BYA BA'I GTZUG LAG KHANG NA BYANG CHUB SEMS DPA' SKAL LDAN SHING RTA'I SKYE BA YOD PA DE LA SPROD, GCIG DVI BHA GI ZHiG YOD PA DE LA SPROD, GCIG DVI BHA GI DES LHA CHEN PO ZHIG BZHENGS PA DE'I THUGS KAR ZHOG ,CES GSUNGS PA BZHIN DU KHA CHE'I PAndI TAS KYANG DE BZHIN DU SO SOR SPRAD DO, ,YANG DBON STON RIN PO CHES BSAM YAS SU CHOS 'KHOR MDZAD PA CIG GI DUS SU, KHA CHE PAn CHEN GYIS DE RING BSKAL BZANG SANGS RGYAS STONG GI YA GYAL SKAL LDAN SHING RTA BYA BA MJAL DGOS BAR 'DUG GI ,DGE SBYOR GYI THUN MYUR DU GYIS

, ,SHIG BYA BA'I SGRA ZHIG THOS, DE'I RJES DE MA THAG TU RIN CHEN SGANG PA MJAL KHA ZHU BAR SLEBS ZHES 'BYUNG NGO, ,DE LTAR 'GRO BA'I MGON PO DBON STON RIN PO CHES DGUNG LO BDUN CU RTZA GSUM CHUN CHAD DU SANGS RGYAS KYI BSTAN PA RIN PO CHE LEGS PAR BSKYANGS DBU RU BYANG PHYOGS KYI BKA' GDAMS KYI BSTAN PA'I BDAG PO MDZAD, DGE BSHES STON PA'I DGONGS BA BSGRUBS, BSAM GYIS MI KHYAB PA'I 'PHRIN LAS KYI MDZAD PA DU MAS 'GRO BA RANG RANG GI MOS PA MTHA' DAG TSIM BAR MDZAD NAS, SNYIGS MA'I SEMS CAN LA THUGS SKYO BA MI MNGA' YANG 'PHRIN LAS KYI THA MA DE NYID KYIS SEMS CAN GYI DON DU 'GYUR BA DANG, ZHING KHAMS GZHAN DAG TU 'GRO BA'I DON RLABS CHE BAR DGONGS NAS, GNAM LO RTA'I LO 'GO NAS SLOB DPON N'A GA BO DHI 'DI SKAD GSUNG, DGE BSHES CHEN PO 'DI SKAD GSUNG, DA NI ZHING KHAMS GZHAN ZHIG TU BYED DGOS BA 'DRA, ZHES BYA BA LA SOGS PA SKYO BA BSKYED PA'I CHOS MANG DU GSUNGS, DBYAR TSUL NANG DU'ANG LAN CIG 'DI SKAD GSUNG, 'U CAG DGE BSHES CHEN PO'I DGUNG LO'I TSAD TZAM DU SDOD SEMS PA YIN TE DA TSOD RAN PA 'DRA, 'U CAG LTA BU MED NA DBU RU BYANG PHYOGS KYI BSTAN PA LA KHA'I NA BUN BZHIN DU YAL NAS 'GRO BA 'DI LA BAG TSER TZAM DU SNANG, GZHAN TSER BA MED GSUNG, DE NAS LCAGS PHO RTA'I LO DGUN ZLA 'BRING PO MGO ZLA BA'I TSES GNYIS KYI DGONGS MO SPYAN SNGAR PHAG SHES

RAB DBANG PHYUG BYUNG BA LA, KHYOD KYIS STON MO JI TZAM NA BYED GSUNG BAS, TSES BCU GSUM LA SGRUB RTZIS LAGS ZHUS PAS, 'U CAG LA YANG DUS THUG PA 'DRA BA YOD PAS GNANGS TSES BZHI'I NYIN MO CI 'GRUB GYIS GSUNG, DE NAS TSES GSUM GYI DGONGS MO GZIM CHUD DU BYON NAS, 'U CAG GIS LO NYI SHU RTZA LNGA LA 'DUL BA'I BSHAD PA BYAS, SUM CU RTZA GSUM LA GDAN SAR BTON, SUM CU RTZA BZHI LA DGE BSHES DGYER SGROM PA CHEN PO BDE BAR GSHEGS, SUM CU RTZA LNGA'I NGO LA BKA' GDAMS KYI BSHAD PA BYAS NAS NYI MA DE RING PHAN CHAD LA CI PHAN CI BZOD BYAS PA YIN, DGE BSHES CHEN PO'I THUGS DGONGS KYANG MA LUS PAR BSKANGS PA YIN, DA NI RI BRAG GAM DBEN PA CIG TU SNYEG SNYING 'DOD, DGE BSHES CHEN PO DE 'DA' BA'I DUS SU BSNYUN NAD LA SOGS PA'I TSAN MA MA BYUNG, 'U CAG LA YANG MI 'ONG, STON PA'I NAD 'DI KUN 'OD MI THAR BA YIN TE, DE SNGA PHAN CHAD YAGS RAB 'ONG DU RE BA YIN PA LA DKYEL CHE BAR SNANG, 'U CAG GI BKA' RGYUD 'DI BYIN RLABS CHE BA YIN GYI, NGA DANG DGE BSHES CHEN PO GNYIS DRAN PAR GYIS BYA BA ZHAL CHEMS KYI TSUL DU GSUNGS, DE NAS GRAL TSES BZHI'I NYIN BAR RIN CHEN GRAGS KYI DGE RTZA NAS BZUNG STE; 'BAR RDZOGS LA SOGS BAR MI RTAG PA'I CHOS MANG DU GSUNGS, DE NAS NYI MA MA RGAS TZAM DE LA RGYA MAR BYON, RGYUN GTOR MDZAD BA'I RJES LA, SKYIL KRUNG LAM ME MDZAD NAS TSES BZHI'I SROD 'KHOR RJES DE LA DGONGS PA MYA

, ,NGAN LAS 'DA' BA'I TSUL BSTAN, SLOB DPON STON PAS GSOL BA BTAB PAS SKU MDANGS DE SNGAR BAS KYANG GZI BRJID CHER SONG, DE NAS ZHAG BZHI'I BAR DU MCHOD PA RGYAS PAR BYAS, ZHAG LNGA'I NYIN PAR TSOGS PA LA SPUR GYI ZHAL BSTAN, ZHAG DRUG GI NYIN PAR GDUNG GI ZHABS TOG BYAS, ZHAG BDUN GYI DGONGS MO MCHOD KHANG CHEN MO'I RNGA KHANG DU SKU GDUNG GDAN DRANGS TE DAD LDAN THAMS CAD KYIS MCHOD PA RGYA CHER PHUL TE SMON LAM BTAB BO, ,BDAG NYID CHEN PO 'DI LA SPYIR CHOS THOB PA'I SLOB MA BSAM GYIS MI KHYAB PA BYUNG ZHING LAM RIM GYI KHRID SPEL NUS PA'I BSTAN 'DZIN DAM PA'ANG MANG DU BYON LA, BKA' GDAMS GDAMS NGAG PA'I MAN NGAG LTAR GYI SKYES BU GSUM GYI LAM GYI RIM PA RGYA CHER SPEL BA'I SLOB MA'I GTZO BO NI LHO BRAG MKHAN CHEN NAM MKHA' RGYAL PO'O, ,MKHAN CHEN NAM MKHA' RGYAL POS MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG NGO, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SPRUL PA'I SKYES MCHOG SANGS RGYAS DBON STON RIN PO CHER GSOL BA 'DEBS SHING BDAG NYID CHEN PO 'DI'I RNAM THAR LTAR BSHES GNYEN BSTEN TSUL NAS BZUNG, ZHI LHAG ZUNG 'BREL GYI BAR SKYES BU GSUM GYI LAM GYI RIM PA LA SGO GSUM BRTZON PA CHIG SGRIL DU BLO SBYANGS NAS MYONG BA THON NGES SHIG

BYA BA LA 'BAD PAR BYA'O,, ` ,,DAM PAS BYIN BRLABS NAM MKHA' RGYAL PO DANG, ZHES BSNGAGS PA, MKHAN CHEN NAM MKHA' RGYAL PO NI SHUD PHU BA'I RIGS SU MKHAN CHEN NAM MKHA' SENG GE'I GCUNG BO'I SRAS SU 'KHRUNGS, GZHON NU'I DUS NAS RIGS RGYUD DANG KHYIM GYI LONGS SPYOD GANG LA'ANG MA CHAGS PAR KHU BO MKHAN CHEN NAM MKHA' SENG GE'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, MKHAN CHEN MTSO SNA BA DANG, MON GRAB SOGS DGE BA'I BSHES GNYEN MANG PO'I ZHABS LA GTUGS TE, 'DUL BA DANG, MNGON PA MDZOD DANG, BYAMS CHOS RNAMS DANG DBU MA'I GZHUNG RNAMS LA SBYANGS BA MTHAR PHYIN BAR MDZAD, SANGS RGYAS DBON STON GYI ZHABS LA GTUGS TE BKA' GDAMS GDAMS NGAG PA'I BYANG CHUB LAM GYI RIM PA'I KHRID LEGS BAR GSAN TE THUGS LA CHUNG PAR MDZAD, SLAR YANG KHU BO MKHAN CHEN NAM MKHA' SENG GE'I DRUNG DU BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN NAS THUGS NYAMS SU BZHES TE MKHAN CHEN 'DI LA BKA' GDAMS GZHUNG PA DANG GDAMS NGAG PA'I BSHAD SROL GNYIS KA MNGA' BAS BRGYUD PA'I CHU BO GNYIS 'DRAS ZHES BSNGAGS SO, ,DE NAS RJE BTZUN SGROL MAS LHO MON PHYOGS SU LAM GYI RIM PA'I 'PHRIN LAS 'PHEL BAR LUNG BSTAN PA BZHIN LAM RIM GYI KHRID RGYA CHER GNANG BAS BSTAN 'DZIN MANG DU

, ,BYON ZHING RGYUD 'DZIN GYI GTZO BO NI RANG GI DBON SRAS MKHAN CHEN SENG GE BZANG PO'O, ,BDAG NYID CHEN PO 'DI LA THUB PA DAM TSIG GSUM BKOD DANG RJE BTZUN SGROL MA DANG MI G-YO BA DANG, BDE MCHOG LA SOGS PA LHAG BA'I LHA MANG POS ZHAL BSTAN CING GSUNG GI GNANG BA STZAL, PHYI RABS KYIS GDUL BYA RNAMS KYI DON DU BSTAN BCOS KYANG MANG DU MDZAD DO, ,DE LTAR BSTAN 'GRO'I DON RGYA CHE MDZAD NAS RJE BTZUN SGROL MAS LUNG BSTAN PA LTAR SKU'I BKOD PA BSDUS NAS BDE BA CAN DU GSHEGS SO, ,BDAG NYID CHEN PO 'DI LA 'BROM RIN PO CHE NAS DGE BSHES PO TO BA LA BRGYUD BA DANG, 'BROM RIN PO CHE NAS DGE BA'I BSHES GNYEN SPYAN SNGA BA LA BRGYUD PA'I MAN NGAG GNYIS KA MNGA' ZHING, BLA MA RNAMS KYIS BYIN GYIS BRLABS PA'I BKA' BAB CHE BAS NA RJE THAMS CAD MKHYEN PAS KYANG, DAM PAS BYIN BRLABS NAM MKHA' RGYAL PO ZHES BSNGAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' RGYAL PO LA GSOL BA 'DEBS SHING, DNGOS GRUB THAMS CAD KYI RTZA BA BLA MA DAM PA'I BYIN RLABS THOB BAR BYAS LA BYANG CHUB LAM RIM SGOM PA LA 'BAD PAR BYA'O,, ` ,,'JIG RTEN CHOS BRGYAD SPANGS PA'I SENG GE BZANG, ZHES BSNGAGS PA, MKHAN CHEN SENG GE BZANG BO NI SHUD PHU BA'I BRGYUD DU MKHAN CHEN NAM MKHA' RGYAL PO'I DBON SRAS SU 'KHRUNGS, SNGON

GYI BAG CHAGS BZANG PO'I MTHUS DGUNG LO BDUN LON DUS 'DOD PA'I YON TAN GANG LA'ANG MA CHAGS PAR SUS KYANG MTHONG TSOR MED PAR PHUG PA ZHIG TU PHEBS TE, KHAMS ZAS RAGS PA LA MI BLTOS PAR RDE'U GSOL NAS SGRUB PA KHO NA MDZAD BAS LHAG PA'I LHA MANG POS BYIN GYIS BRLABS SHING NYAMS RTOGS KHYAD PAR CAN SKYES, DGUNG LO NYI SHU RTZA BRGYAD PA LA MKHAN CHEN NAM MKHA' RGYAL PO'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, ZHANG YE SHES MDZES KYI DRUNG DU 'DUL BA MDO RTZA BA LA THUGS SBYONG MDZAD, DE NAS MKHAN CHEN NAM MKHA' RGYAL PO'I DRUNG DU BYANG CHUB LAM GYI RIM PA'I KHRID GSAN NAS THUGS NYAMS SU BZHES TE GDENG THOB PAR MDZAD, MKHAN CHEN NAM MKHA' RGYAL PO ZHING GSHEGS NAS GDAN SAR PHEBS TE GZHI GSUM GYI PHYAG LEN SOGS 'DUL BA'I BSLAB BYA PHRA RAGS THAMS CAD LA DAG TER MDZAD, GLA BO DGON GSAR GYI CHOS SDE GSAR DU BTZUGS, 'DUL 'DZIN MTSO SNA BA CHEN PO SBYAN DRANGS DGE 'DUN MANG DU TSOGS PA LA CHOS 'KHOR BSKOR BA SOGS BSTAN PA'I BYA BA RGYA CHER MDZAD DO, ,BDAG NYID CHEN PO 'DIS 'DOD YON LA CHAGS BA SPANGS TE, DKA' THUB GYI SGO NAS SGRUB PA RGYUN RING DU MDZAD BAS NYAMS RTOGS KHYAD PAR CAN BRNYES BAS NA RJE THAMS CAD MKHYEN BAS KYANG, 'JIG RTEN CHOS BRGYAD SPANGS PA'I SENG GE BZANG, ,ZHES BSNGAGS SO, ,DE LTAR BSTAN PA LA BYA BA RGYA CHER MDZAD NAS SKU'I BKOD PA BSDU BA'I TSE LCANG LO CAN DU

, ,'GRO GSUNGS NAS ZHING GSHEGS TE, DE'I TSE ME TOG SNGON PO'I CHAR BABS PA SOGS NGO MTSAR BA'I LTAS BYUNG NGO, ,BDAG NYID CHEN PO 'DIS SKAL BA DANG LDAN PA MANG PO LA LAM RIM GYI KHRID GNANG BAS SLOB MA MANG DU BYUNG YANG RGYUD 'DZIN GYI GTZO BO NI MKHAN CHEN RGYAL SRAS BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN SENG GE BZANG PO LA GSOL BA 'DEBS SHING DAM PA 'DI'I RNAM THAR LTAR 'DOD YON LA CHAGS PA'I DBANG DU MA SONG BAR SBYANGS PA'I YON TAN LA GNAS NAS BYANG CHUB LAM GYI RIM PA SGOM PA LA BRTZON PA LHUR BYA'O,, ` ,,RGYAL SRAS BZANG PO ZHES BSNGAGS PA, MKHAN CHEN RGYAL SRAS BZANG PO NI, NGO MTSAR BA'I LTAS DANG BCAS SHUNG PHU BA'I RIGS SU SKU 'KHRUNGS, KHYIM GYI 'DU 'DZI LA MA CHAGS PAR NGES 'BYUNG GI BSAM PAS RGYUD BSKUL TE, DGUNG LO BCU GCIG PA LA MKHAN CHEN SENG GE BZANG PO'I DRUNG DU RAB TU BYUNG, 'DUL 'DZIN MTSO SNA BA DANG DGE BA'I BSHES GNYEN MON GRA PA SOGS DAM PA MANG PO'I ZHABS LA GTUGS TE, DKA' CHEN BZHI LA SBYANGS PA MTHAR PHYIN PAR MDZAD NAS DGUNG LO BCO LNGA LON PA'I TSE 'DUL BA'I BSHAD PA'ANG MDZAD, MKHAN CHEN SENG GE BZANG PO'I DRUNG DU BYANG CHUB LAM GYI RIM PA'I KHRID DANG LAM RIM GYI MAN NGAG SPYOD 'JUG LA SOGS PA BKA' GDAMS KYI CHOS RNAMS GSAN, THUGS RJE CHEN PO'I CHOS SKOR RNAMS

KYANG YONGS SU RDZOGS PAR GSAN NAS LAM THUN MONG BA DANG THUN MONG MA YIN PA'I LAM GYI RIM PA RNAMS LA MYONG BA THON PAR MDZAD, SGRO BA DGON PA'I GDAN SAR PHEBS TE SKU GSUNG THUGS RTEN MANG DU BZHENGS, MON GRA PA CHEN PO DGE 'DUN GYI SDE MANG PO DANG BCAS SPYAN DRANGS TE CHOS 'KHOR BTZUGS, LHO BRAG GRUB CHEN SOGS SKAL BA DANG LDAN PA MANG PO LA LAM GYI RIM PA'I KHRID DANG BKA' GDAMS KYI CHOS RNAMS RGYAS PAR GNANG, DE NAS LHO BRAG GRUB CHEN NAM MKHA' RGYAL MTSAN LA LUGS GNYIS KYI ZHAL TA LEGS PAR GNANG NAS NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, LHO BRAG PHYOGS SU BKA' GDMAS KYI BSTAN PA YUN RING DU GNAS PA'I RTEN 'BREL DU SKU GDUNG RIL POR SGOR BA DGON BA'I GSER 'BUM GYI NANG DU BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN RGYAL SRAS BZANG PO LA GSOL BA 'DEBS SHING DAM PA 'DI'I RNAM THAR LTAR LAM MA NOR BAR STON PA'I BSHES GNYEN DAM BA TSUL BZHIN DU BSTEN NAS SKYES BU GSUM GYI LAM GYI RIM PA BSGOM PA LA BRTZON PAR BYA'O,, ` ,,BYANG CHUB THUGS KYIS 'GRO KUN BU BZHIN GZIGS, ,LHAG PA'I LHA YIS RJES BZUNG BYIN GYIS BRLABS, ,SNYIGS DUS 'GRO BA 'DREN PA'I BSHES GNYEN MCHOG ,NAM MKHA' RGYAL MTSAN ZHABS LA GSOL BA 'DEBS, ,ZHES BSNGAGS BA LHO BRAG MKHAN CHEN NAM MKHA' RGYAL MTSAN NI

, ,YAB SLOB DPON NAM MKHA' BZANG PO DANG, YUM RIN CHEN RGYAN CES BYA BA'I SRAS SU ME PHO STAG GI LO LA SHUD PHU'I RIGS SU SKU BLTAMS, 'KHRUNGS TZAM NYID NAS SAm SKRI TA'I SKAD DU DE BZHIN GSHEGS PA'I MTSAN BRJOD PA SOGS SMRA SHES SHING, BSAMS BZHIN DU BYON PA'I SPRUL PA ZHIG YIN PA'I RTAGS BSTAN, DGUNG LO GNYIS PA LA SNGON GYI SKYE BA DRAN PA'I STOBS KYIS GTOR MA GTONG BA'I LAD MO MDZAD, LO GSUM PA'I DUS SU LHAG PA'I LHA MANG PO'I ZHAL MTHONG BA BYUNG, DGUNG LO BDUN PA LA KHU BO MKHAN CHEN RGYAL SRAS PA LA DGE BSNYEN GYI SDOM PA MNOS, KHYIM GYI 'DU 'DZI LA MA CHAGS PAR NGES 'BYUNG GI BSAM PA SHUGS DRAG POS BSKUL TE MKHAN CHEN RGYAL SRAS BZANG PO'I DRUNG DU RAB TU BYUNG ZHING DGE TSUL GYI SDOM PA BZHES, THUGS RJE CHEN PO'I CHOS SKOR RNAMS GSAN, DE'I TSE BUD MED PADMA'I PHOR PA NA 'O THUG GI TSOD MA KHYER BA BZHIS 'DI SKAD DU, SKYE RGA NA 'CHI'I SNANG TSUL 'DI, ,THOS PAS YI MUG SKYE 'GYUR NA, ,NGAN SONG SDUG BSNGAL BZOD DKA' BAS, ,GZHAN PHAN BYANG SEMS BDUD RTZI THUNGS, ,ZHES GSUNGS NAS PAD PHOR GYI 'O MA DE BYIN NAS SHAR PHYOGS KYI NAM MKHA' LA BZHUNG, DE NAS SPYAN RAS GZIGS KYI BSNYEN PA MANG DU MDZAD, LO BCU PA LA KHU BO'I DRUNG DU SNE'U ZUR PA NAS BRGYUD PA DANG BYA YUL BA NAS BRGYUD PA'I LAM RIM DANG THUGS RJE CHEN PO DANG MI G-YO BA RTA MGRIN LHA BZHI SGROL MA NYER GCIG LA SOGS

PA'I CHOS SKOR MANG DU ZHUS, RTAGS KHYAD PAR CAN YANG MANG DU BYUNG, LO BCU GSUM PA'I KEG LA DGE SBYOR NYIN MTSAN YENGS PA MED PAR MDZAD, NU MO SGRO BA DGON PA'I 'BUM PA LA SKOR BRA MDZAD PAS SKU LUS LAS 'ONG 'PHRO BA RGYANG RING PO NA GNAS PA'I SKYE BO DAG GIS KYANG MTHONG NAS 'BUM PA LA MES SKOR BA BYED KYI 'DUG ZER BA BYUNG, DGUNG LO BCO LNGA PA LA 'DUL BA'I SLOB GNYER MDZAD, BCU BDUN PA LA 'CHAD NYAN MTSON RE MDZAD KYANG THUGS LA LUNG STONG ZHIG TU SGOM SGRUB 'BA' ZHIG MDZAD DGONGS PA BYUNG GSUNG, LO BCU DGU'I DUS LHA SAR JO BO MJAL DU BYON NAS NYIN MTSAN GNYIS KA SKOR BA MANG DU MDZAD, NUB GCIG RA MO CHE'I KHYAMS SU BZHUGS PAS LCAGS SGO DE PHYE NAS MI NAG PO 'JIGS SU RUNG BA DAR NAG GI GOS GYON PA CIG BYUNG NAS, KHYOD NI LAS KYI RDO RJE BDE LDAN ZHES BYA BA YIN NO, ,DA RIN CHEN SGANG DU SONGS LA 'JAM DBYANGS KYI SPRUL PA GCIG DANG MJAL NAS 'ONG GI GSUNG BA BYUNG, MI NAG PO DE MGON BO GRI GUG YIN PAR 'DUG GSUNG, DE NAS RIN CHEN SGANG DU BYON, RIN PO CHE BKRAS RGYAL BA'I DRUNG DU BSNYEN PAR RDZOGS, LAM RIM BLO SBYONG SEMS BSKYED KYI CHOS SKOR DANG GZHAN YANG GSANG SNGAGS KYI SGRUB LUGS MANG DU GSAN, DE'I TSE RIN PO CHE'I ZHAL NAS KHYOD KYIS YI DAM GANG LA BYAS, RAB TU BYUNG NAS LO DU SONG, SLOB GNYER GANG LA BYAS, KHYED LA CHOS PA AA THO BA CIG

, ,'ONG BAR 'DUG GSUNGS NAS MNYES PA'I ZHAL TA MANG DU GNANG, DE NAS RI ZANGS RDOG PA'I DRUNG DU BYON TE 'DUL BA RGYA CHER 'GREL, KARMA SHA TAM, NYI KHRI SNANG BA, BSLAB PA KUN LAS BTUS, JO BO'I CHOS CHUNG BRGYA RTZA, NYI MA SBAS PA'I SGROL MA NYER GCIG GI LAS TSOGS SOGS CHOS MANG DU GSAN, DE NAS LHO BRAG TU PHEBS TE CHE SAR BTON, DE NAS LO NYER GNYIS LON PA'I TSE KHYE'U DKAR PO ZHIG BYUNG NAS, KHYOD LA TSE SNGON GYI RNAM SMIN YOD PAS BYANG CHUB LTUNG BSHAGS KYI SGRUB PA GYIS ZER NAS 'JA' BZHIN YAL, DE NAS LTUNG BSHAGS KYI SGRUB PA LA ZHUGS THUN RE LA PHYAG BDUN BRGYA RE'I DAM BCA' MDZAD, NUB GCIG GI RMI LAM DU BTZUN CHUNG LO BRGYAD PA'I NA TSOD TZAM PA SUM CU RTZA LNGA BYON NAS, SDUG BSNGAL RGYA MTSOR BYING BA'I GZHI CHEN PO, ,CHAGS DANG SDANG BA'I NGAN RTOG SNA TSOGS 'DI, ,NGO BO RANG BZHIN MED PAR RTOGS PA NA, ,SPANG BLANGS RGYU RKYEN MED PA CHOS KYI SKU, ,ZHES PA LA SOGS PA'I CHOS TSIGS BCAD RE RE GSUNGS NAS NAM MKHA' LA BZHUD PA RMIS, THUGS DAM SHIN TU 'PHEL TE KHAMS 'DUS SHIG YOD BA ZHI ZHING BYANG CHUB KYI SEMS DANG SNYING RJE BCOS MA MA YIN PA RGYUD LA SKYES NAS NYIN MTSAN 'PHRO MI CHOD PA BYUNG GSUNG, DGUNG LO NYER GSUM LON DUS SGRO BA DGON PAR ZLA BA DRUG MTSAMS BCAD NAS 'JAM DPAL DANG DON ZHAGS LA GSOL BA BTAB, NYER LNGA LON DUS BLA MA BDE BA'I 'BYUNG GNAS KHAR CHUR BYON PA LA CHOS MANG DU GSAN, YANG DE'I

LO MKHAN CHEN RGYAL SRAS PAS MON GRVA PA GDAN DRANGS TE CHOS 'KHOR CHEN MO MDZAD, MON GRVA PA LA PHYAG RDOR KHYUNG LNGA'I DBANG LUNG DANG BLO SBYONG TSIG BRGYAD MA SOGS CHOS MANG DU GSAN, DGUNG LO SUM CU RTZA GCIG LON DUS RGYAL SRAS PA ZHING GZHAN DU GSHEGS PA'I DGONGS RDZOGS LA GSER SKU CHEN PO BZHENGS, PHYOGS DE'I SER SKYA TSANG MAS GDAN SA MDZAD DGOS PAR GSOL BA BTAB STE SGRO BA DGON PA'I CHOS KYI KHRI LA PHEBS, DE'I TSE GSANG BDAG GI ZHAL NAS, LAS KYI RDO RJE; KHA YI CHOS KYIS 'TSANG MI RGYA, ,GSHOG MED BYA YIS 'PHUR MI NUS, ,SMIG RGYU'I CHU YIS SKOM MI SEL, ,RGYA MTSOR SKOM RIR MI 'CHI 'TSAL, ,KHU BO MEE TRI 'DI SKAD GSUNG, ,DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,ZHES SOGS SEMS BSKYED NYI SHU RTZA GNYIS KYI GDAMS PA GNANG, DGUNG LO BZHI BCU BZHES DUS GSANG BDAG LA ZHUS PAS, SDOM PA GSUM GYI NYES LTUNG DANG DAM TSIG NYAMS CHAGS SBYONG BA'I THABS GSANG BA BSAM GYIS MI KHYAB PA'I GDAMS PA ZAB MO GSUNGS, PHYIS YI GER 'DEBS PAR MDZAD DO, ,DGUNG LO ZHE GNYIS PA'I DUS GSANG BDAG GI ZHAL NAS, LAS KYI RDO RJE, BLA MA LA MOS GUS MA THOB BAR YI DAM LHA'I ZHAL MTHONG ZER BA DANG NYAMS RTOGS BZANG PO SKYES ZER BA RDZUN YIN, 'CHI BA SNYING NAS MA DRAN PAR 'JIG RTEN BLOS BTANG ZER BA DANG, LAS RGYU 'BRAS LA YID CHES MED PAR SDIG PA MA BYAS ZER BA DANG, PHAN SEMS RDUL TZAM MED PAR BYAMS PA SNYING RJE RGYUD LA SKYES ZER BA DANG,

, ,KUN RDZOB KYI CHOS THAMS CAD BDEN MED DU MA RTOGS PAR STONG BA NYID RTOGS ZER BA RNAMS RDZUN YIN, CHOS GSHA' MA CIG BYED NA GZHI DAD PA GAL CHE GSUNG, DAD PA SKYE BA'I RGYU GANG LAGS ZHUS PAS BLA MA SANGS RGYAS LTA BU BSTEN NA DAD PA SKYE, 'CHI BA MI RTAG BA DRAN NA DAD PA SKYE, MCHED GROGS DAD PA CAN DANG 'GROGS NA DAD PA SKYE, 'KHOR BA'I NYES DMIGS DRAN NA DAD PA SKYE, ZHES PA LA SOGS PA'I GDAMS PA MANG DU GSUNGS SO, ,YANG LAN CIG BRAM ZE CHEN PO SA RA HA YIN ZER BA GRUB THOB CIG DANG MJAL, DES RDO RJE'I LUS KYI GNAS LUGS RGYAS PA CIG GSUNGS, DGUNG LO RE GCIG BZHES DUS LI YUL YIN ZER BA'I LUNG PA GSUM GSHIB 'DUG PA'I DBUS MA DE'I DKYIL STOD NA PHO BRANG CHEN PO ZHIG 'DUG ,PHO BRANG DE NA SU BZHUGS PA YIN DRIS PAS JO BO 'DI PAm KA RA SHR'I DZNY'A NA BZHUGS PA YIN GSUNG, JO BO DE DANG MJAL BA ZHIG BYUNG NA SNYAM NAS GSOL BA 'DEBS KYIN PHYIN PAS JO BO CHEN PO ZHAL RAS DKAR LA SKU BONG CHE BA PAn ZHVA DMAR PO GSOL BA CIG BZHUGS 'DUG ,THUGS RJES GZUNG DU GSOL ZHES GSOL BA BTAB PAS JO BO RJES GDAMS PA MANG DU STZAL LO, ,DGUNG LO BDUN CU BZHES DUS 'JAG DKAR DU RDO RJE RNAM 'JOMS KYI DBANG BYAS PA'I THO RANGS YI DAM LHA'I LUNG BSTAN LA, BCOM LDAN 'DAS MGON PO BYAMS PA'I SPRUL PA CIG GI GSUNG YIG KHYER BA'I MI BZHI 'ONG BAR YOD GSUNG BA BYUNG, SANG DE MI BZHI BYUNG, DGE BA'I BSHES GNYEN BLO BZANG GRAGS

PA'I GSUNG YIG YIN PAR 'DUG ,KHONG GI LO RGYUS RNAMS THOS PA NA SNGON GYI DPON SLOB KYI 'BREL PAS YID SPRO BA CIG BYUNG GSUNG, DE NAS NUB GCIG RMI LAM DU DGE BSHES BLO BZANG GRAGS PAS SANGS RGYAS RAB BDUN SPYAN DRANGS YOD ZER BA'I SKAD LHANG BA CIG BYUNG, DE DANG BDAG MJAL NA DGA' BA LA SNYAM TZA NA, 'JA' TSON SNA LNGA'I STENG NA TSUR SANGS RGYAS BDUN PO DGUNG LO BCU GNYIS PA'I NA TSONG LTA BU GTZUG TOR KRONG DE YOD PA BYON BYUNG BAS, GNYID SANG DE BLTAS PAS YUN RANG DU BZHUGS 'DUG ,DE DUS KHONG RDZING PHYI'I MCHOD KHANG LA RAB GNAS MDZAD KYIN YOD PAR 'DUG GSUNG, YANG LAN CIG BU MO DKAR MO ZHIG NA RE, BYAMS PAS BYIN GYIS BRLABS PA'I GANG ZAG 'JAM PA'I DBYANGS DANG GNYIS SU MED PA LHA MO DBYANGS CAN MAS RIGS PA STER BAR BYED PA CIG DANG SKYE BA BCO LNGA'I GONG NAS 'BREL BA ZHIG 'ONG BAR YOD BAS, DE LA CHOS BKA' LA BSRIS MA 'JUG PAR BYIN, PHAR LA'ANG CHOS ZHUS ZER BA ZHIG BYUNG GSUNG, YANG LAN CIG MGON PO BYAMS PA 'BYON KYIN YOD ZER BA'I SKAD LHANG BA CIG BYUNG, DE DUS CHOS RJE DKA' BZHI BRGYA MO RI 'PHRENG LA PHEBS PA'I TSOD DU 'DUG ,SANGS RGYAS KYIS CHOS 'KHOR BSKOR BA'I DUS DRUG PA'I TSES BZHI'I NYIN SGRO BA DGON PAR PHEBS PA LA, BSU BA LA THEGS PAS RJE BTZUN 'JAM DBYANGS PHEBS BYUNG BAR GZIGS, RJE BTZUN TZONG KHA PAS BDAG PHYAG NA RDO RJER DNGOS SU GZIGS 'DUG GSUNG, DE'I NUB MO RJE RIN PO CHE LA BLA MA'I RNAL 'BYOR ZHIG PHOG BAS, PHYAG NA RDO RJE BYON NAS RJE RIN PO CHE LA

, ,THIM SONG GSUNG, DE NAS TSES BCO LNGA'I THO RANGS SHIG BYAMS PA NYID LA BSLAB BTUS ZHUS ZER BA ZHIG BYUNG, DE NAS RJE BTZUN TZONG KHA PA LA BSLAB BTUS GSUNG BAR ZHUS PAS, RJE BTZUN TZONG KHA PAS GSUNGS NAS YI DAM LHA DE SKAD GSUNG NGAM GSUNG NAS BSLAB BTUS GSUNGS, DE DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DBUNG PA G-YAS NA 'JAM DKAR, G-YON NA DBYANGS CAN MA, CHOS SKYONG DANG MKHA' 'GRO MANG POS BSKOR ZHING, LHA 'DRE MANG PO'ANG CHOS NYAN KYIN 'DUG BAS MOS GUS THUN MONG MA YIN BA SKYES ZHES GSUNG, SO SOR 'BRANG MA'I DBANG DANG SEMS BSKYED KYANG GSAN, RJE TZONG KHA PA LA BDAG GIS CHOS BKA' MA LUS PA RDZOGS PAR PHUL, RJE TZONG KHA PA'I 'KHOR BLA MA 'JAM DKAR BA SOGS PHUN SUM TSOGS PA RNAMS LA'ANG CHOS LUNG MANG DU BYAS, DPON SLOB THAMS CAD LA DAD PA THOB, DE'I STOBS KYIS KHO BO LA'ANG YON TAN BAG RE SKYES PA BYUNG, BDAG GIS CHOS BSTAN PA'I DUS SU RJE TZONG KHA PA'I GZIGS SNANG LA NGA'I MGO THOG TU SH'AKYA THUB PA, G-YAS SU PHYAG NA RDO RJE, G-YON DU GDUNGS DKAR CAN RNAMS BZHUGS 'DUG PA GZIGS 'DUG GSUNG, DE LTAR LHO BRAG GRUB CHEN NAM MKHA' RGYAL MTSAN ZHES MTSAN YONGS SU GRAGS PA'I BDAG NYID CHEN PO 'DIS DGE BSHES STON PA NAS DGON PA BA, DE NAS SNE'U ZUR PA SOGS LA BRGYUD PA'I LAM RIM DANG, DGE BSHES STON PA NAS SPYAN SNGA BA,

DE NAS BYA YUL BA SOGS LA RIM GYIS BRGYUD PA'I LAM RIM STE BYANG CHUB LAM GYI RIM PA BRGYUD PA'I CHU BO GNYIS 'DRES KYI MAN NGAG RNAMS RANG GIS THUGS NYAMS SU BZHES NAS RTOGS PA MCHOG THOB CING SKAL BA DANG LDAN PA GZHAN DAG LA'ANG RGYA CHER SPEL BAS BRGYUD PA'I SROL 'DZIN JI LTAR BYUNG BA NI YI DAM GSANG BA'I BDAG PO'I LUNG BSTAN LAS, DAD PA THOB PA 'BUM TSO GCIG ,NGES PAR GROL BA LNGA BCU STE, ,RTZOD MED GRUB THOB BRGYAD DU NGES, ,'GRAN GYI DO MED BLO BZANG YIN, ,ZHES GSUNGS PA LTAR BSTAN 'DZIN DAM PA MANG DU BYON ZHING, 'PHRIN LAS RGYA CHER SPEL BA GANGS RI'I KHROD NA 'GRAN PA'I ZLA THAMS CAD DANG BRAL BA NI RJE BTZUN CHOS KYI RGYAL PO TZONG KHA PA CHEN PO'O, ,DE LTAR LHO BRAG GRUB CHEN NAM MKHA' RGYAL MTSAN GYIS BSTAN PA DANG 'GRO BA'I DON RGYA CHER MDZAD NAS SKU TSE 'DI'I DNGOS KYI GDUL BYA RNAMS RDZOGS PA NA, DGUNG LO BDUN CU DON DRUG TU PHEBS PA LCAGS MO SBRUL GYI LO NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, SKU GDUNG ZHUGS LA PHUL BAS LHA SKU RANG BYUNG DANG RING BSREL KHRI KHRAG MANG PO PHEBS TE SKU GDUNG RING BSREL GYIS KYANG GDUL BYA MTHA' YAS PA'I BSOD NAMS KYI ZHING MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BLA MA PHYAG RDOR BA ZHES KYANG GRAGS, GRUB CHEN LAS KYI RDO RJE ZHES KYANG GRAGS, LHO BRAG MKHAN CHEN ZHES KYANG GRAGS PA MKHAN CHEN NAM MKHA' RGYAL MTSAN LA GSOL BA 'DEBS SHING, BDAG NYID

, ,CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA 'DEBS SHING, RGYAL BA'I BKA' DANG DGONGS 'GREL MA LUS PA'I DON GCIG TU BSDUS PA'I MAN NGAG BYANG CHUB LAM GYI RIM BA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,DMIGS MED BRTZE BA'I GTER CHEN SPYAN RAS GZIGS, ,DRI MED MKHYEN PA'I DBANG PO 'JAM PA'I DBYANGS, ,BDUD DPUNG MA LUS 'JOMS MDZAD GSANG BA'I BDAG ,GANGS CAN MKHAS PA'I GTZUG RGYAN TZONG KHA PA, ,BLO BZANG GRAGS PA'I ZHABS LA GSOL BA 'DEBS, ,ZHES BSNGAGS PA SNYIGS MA'I DUS SU GANGS RI'I KHROD 'DIR RGYAL BA'I BSTAN PA SPEL BA LA MKHYEN BRTZE NUS GSUM GANG GI THAD NAS KYANG 'GRAN PA'I ZLA DANG BRAL BA RIGS GSUM MGON PO DANG MTSUNGS SHING, RGYAL BSTAN YONGS RDZOGS 'DZIN CING SPEL BA LA RGYAL BA RANG NYID SLAR BYON PA LTA BUR GYUR PA RJE BTZUN CHOS KYI RGYAL PO TZONG KHA PA CHEN PO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I DUS NAS BYANG CHUB MCHOG TU THUGS BSKYED DE RGYAL BA GRANGS MED PA MCHOD CING BSNYEN BKUR, TSOGS GNYIS YONGS SU RDZOGS TE STOBS BCU DANG, MI 'JIGS PA BZHI DANG, MA 'DRES PA'I CHOS BCO BRGYAD LA SOGS PA SANGS RGYAS KYI YON TAN THAMS CAD YONG SU RDZOGS NAS NAM MKHA'I MTHAS KLAS PA'I ZHING KHAMS RAB 'BYAMS THAMS CAD DU GDUL BYA RNAMS KYI KHAMS DANG BSAM PA DANG

BAG LA NYAL DANG MTHUN PAR SANGS RGYAS KYI MDZAD PAS 'DUL BAR 'OS PA RNAMS LA SANGS RGYAS KYI MDZAD PA STON, BYANG CHUB SEMS DPA'I GZUGS KYIS 'DUL BAR 'OS PA RNAMS LA BYANG CHUB SEMS DPA'I GZUGS STON, NYAN RANG GIS 'DUL BAR 'OS PA RNAMS LA NYAN THOS DANG RANG SANGS RGYAS KYI GZUGS SU STON, RGYAL POS 'DUL BAR 'OS PA RNAMS LA RGYAL PO'I GZUGS SU STON, THA MAL PA'I GZUGS KYIS 'DUL BAR 'OS PA RNAMS LA GDUL BYA RANG RANG DANG SKAL BA MNYAM PA'I THA MAL PA'I GZUGS STON CING, GANG LA GANG 'TSAMS KYI SPRUL PAS 'GRO BA RNAMS SMIN CING GROL BAR MDZAD PA LA 'BAD RTZOL DANG RNAM RTOG MI MNGA' BAR LHUN GYIS GRUB PA'I 'PHRIN LAS KYIS KHYAB PAR MDZAD CING BZHUGS PA LAS MI MJED 'JIG RTEN GYI ZHING 'DIR STON PA THUB PA'I DBANG POS SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS KYI 'KHOR LO BSKOR BAR MDZAD PA 'DI NYID SANGS RGYAS KYI MDZAD PA THAMS CAD KYI NANG NAS RAB DANG PHUL DANG MCHOG DANG GONG NA MED PAR GZIGS NAS MDO SNGAGS YONGS SU RDZOGS PA'I BSTAN PA 'DI NYID BYANG PHYOGS GANGS RI'I LJONGS 'DIR CHES CHER GSAL PAR MDZAD PHYIR BSAMS BZHIN DU BYON PA ZHIG GO ;RJE BTZUN TZONG KHA PA CHEN PO 'DI NYID RGYAL BA'I MDO SNGAGS KYI BSTAN PA YONGS SU RDZOGS PA SPEL BA'I PHYIR BSAM BZHIN BYON PA GANG GIS SHES SNYAM NA, DE NI RGYAL BA'I BKA' LUNG TSAD MA DPANG POR GYUR PA LAS SHES TE,

, ,SKYOB PA NYID GZIGS LAM GSUNG BA, ,'BRAS MED PHYIR NA RDZUN MI GSUNG, ,ZHES GSUNGS PA LTAR STON PA THUB PA'I DBANG PO DUS GSUM GYI SHES BYA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS SHING, RANG GI YE SHES SGRIB PA MED PAS JI LTAR GZIGS PA DE KHO NA LTAR GSUNG BA LAS RDZUN GSUNG BA RNAM PA KUN TU MI SRID PAR BDEN PA GSUNG BA'I BKA' MDO DANG SNGAGS KYI LUNG MANG PO DANG SNGON GYI SKYES BU DAM PA MANG PO'I GSUNG TSAD MA DAG LAS SHES TE, DE YANG RJE BLA MA 'DI NYID GANGS RI'I LJONGS 'DIR RGYAL BSTAN SPEL BA'I PHYIR DU 'BYON PAR MDO LAS LUNG BSTAN TSUL NI, MDO SDE GDAMS NGAG 'BOGS PA'I RGYAL PO'I BSTAN PA DVANGS SNYIGS 'BYED PA'I LE'U LAS, KUN DGA' BO, DA LTA NGA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,MA 'ONGS SNYIGS MA'I DUS SU NI, ,'BRI DANG LDAN GYI SA MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA, ,DBU RGYAN 'BUL ZHING MCHOD PA BYED, , STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU,

SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES RJE BLA MA TZONG KHA PA CHEN PO MDZAD PA RNAM THAR DANG BCAS PA GSAL BAR LUNG BSTAN TO, ,RJE BLA MA 'DI SNGON SANGS RGYAS ZHAL BZHUGS PA'I DUS SU BRAM ZE'I KHYE'UR 'KHRUNGS PA BYANG CHUB SEMS DPA' MOS PA'I BLO GROS ZHES BYA BAS KHRID NAS STON PA THUB PA'I DBANG PO RDO RJE GDAN DU BZHUGS PA DANG MJAL TE, SHEL DKAR PO'I 'PHRENG BA DRI MA MED PA BRGYA RTZA GCIG PHUL NAS BYANG CHUB TU THUGS BSKYED CING, RGYAL BA MYA NGAN LAS 'DAS PA'I 'OG TU BSTAN BA NYAMS PA LA PHYOGS PA'I TSE BYANG PHYOGS GANGS RI'I KHROD DU SPYIR THUB PA'I BSTAN PA YONGS SU RDZOGS PA GSAL BAR BYED PA DANG, LHAG PAR BSTAN PA'I SNYING PO ZAB MO DBU MA'I LTA BA RNAM PAR DAG PA RGYAL BA RANG NYID KYI DGONGS PA BZHIN DU CHES CHER RGYAS PAR BYED NUS PA'I SMON LAM BTAB PA NA DE KHO NA LTAR 'GRUB BO ZHES LUNG STON PA LA KUN DGA' BO, DA LTA BA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,ZHES SOGS GSUNGS, DE LTAR LUNG BSTAN PA DE YANG RJE BTZUN BLA MA TZONG KHA PA CHEN PO 'DI NYID KHO NA LA GO BA'I PHYIR BZHUGS GNAS DANG MTSAN GSAL BAR LUNG BSTAN PA NI, MA 'ONGS SNYIGS MA'I DUS SU NI, ,'BRI DANG LDAN GYIS MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,ZHES 'BRI KHUNG DANG

, ,SKYID SHOD LDAN GYI MTSAMS SU DGE LDAN ZHES BYA BA'I DGON PA 'DEBS PA DANG, DE'I RJES 'JUG RNAMS LA'ANG DGE LUGS PA ZHES ZER BA 'BYUNG BA DANG, MTSAN BLO BZANG GRAGS PA ZHES BRJOD PA 'BYUNG BAR GSAL BAR LUNG BSTAN, RJE 'DI'I MDZAD PA RNAM THAR LUNG STON PA LA, 'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA; ;DBU RGYAN 'BUL ZHING MCHOD PA BYED, ,STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,ZHES GSUNGS TE, RJE BDAG NYID CHEN PO KHA BA CAN GYI LJONGS 'DIR BYON NAS GDUL BYA 'DUL BA'I DUS LA BAB PA NA, RJE BTZUN SPYAN RAS GZIGS DANG RJE BTZUN GSANG BA'I BDAG PO LA SOGS PA PHYOGS BCU'I ZHING NAS RGYAL SRAS MTHU CHEN MANG PO ZHIG RJE 'DI'I BSTAN PA SPEL BA'I GROGS SU BYON TE, DBANG PHYUG DANG, STOBS DANG, LONGS SPYOD KYIS 'KHOR DBANG MED DU BSDUS PA MA YIN PAR SKAD CIG NYID LA NUB PHYOGS DZA LANDHA RA NAS SHAR PHYOGS RGYA MTSO CHEN PO LA THUG GI BAR RJE BLA MA'I 'KHOR THUB BSTAN YONGS RDZOGS 'DZIN PA'I BSHES GNYEN CHEN PO DAG GIS KHYAB STE RNAM PAR DKAR BA'I CHOS KYI 'PHRIN LAS KYIS SA CHEN PO'I KHYON 'DI YONGS SU GANG BA MCHOG DMAN BAR MA KUN GYI MIG LA SNANG BA 'DI RGYAL BAS LUNG BSTAN PA LTAR MNGON SUM

DU GRUB PA YIN LA, GANGS RI'I KHROD 'DIR THUB PA'I BSTAN PA YUN RING DU GNAS PA'I RTEN 'BREL BSGRIG PHYIR CHOS RGYAL SRONG BTZAN SGAM POS SPRUL PA'I BZO BO MTHA' YAS PA SPRUL TE BZHENGS PA LHA LDAN SPRUL PA'I GTZUG LAG KHANG; GANG DU BKA' CHEMS GTER DU SBAS PA'I KA BA SHING LO CAN ZHES BYA BA YOD PA'I LHA KHANG GI RTEN GYI GTZO BO STON PA'I SKU GZUGS BSTAN PA 'DI LA STON PA RANG NYID DNGOS SU BZHUGS PA DANG MTSUNGS PAR BYIN RLABS CAN DU GRAGS PA JO BO SH'AKYA MU NE DANG, MI BSKYOD RDO RJE GNYIS LA DBU RGYAN 'BUL ZHING CHO 'PHRUL GYI MCHOD PA RGYA CHEN PO BLA NA MED PA BYED PA DANG, DE'I DUS SU DGE 'DUN KHRI KHRAG BRGAL BA 'TSAGS TE GSOL BA 'DEBS PA RNAMS GSAL BAR LUNG BSTAN, DE LTAR MDZAD PA'I MTHUS THUB PA'I BSTAN PA NYAMS PA GSOS TE LO STONG GI BAR DU 'PHEL ZHING GNAS PA DANG, RJE 'DI NYID MA 'ONGS PA NA NGO MTSAR RMAD BYUNG BKOD PA'I 'JIG RTEN DU RGYAL BA SENG GE'I NGA RO ZHES BYA BAR 'TSANG RGYA BAR 'GYUR BA DANG, RJE BLA MA 'DI LA DAD PA BYED PA RNAMS KYANG ZHING DER SKYE BAR 'GYUR RO ZHES STON PA LA, DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU, ,SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES GSAL BAR GSUNGS SO, ,LHA MO DRI MA

, ,MED PAS ZHUS PA'I MDO LAS, BYANG PHYOGS GANGS RI'I RGYUD KYI SAR, ,DGE BA LDAN PA'I SA PHYOGS SU, ,DAM PA'I CHOS NI RGYAS PAR 'GYUR, ,ZHES RJE BLA MA 'DI NYID GANG DU 'BYON PA'I DGON GNAS GSAL BAR LUNG BSTAN TO, ,LANG KAR GSHEGS PA'I MDO LAS LUNG BSTAN PA NI, MDO DE NYID RGYA NAG TU 'GYUR BA LAS, BCOM LDAN 'DAS LA KLU'I RGYAL PO MA DROS PAS DUNG DKAR PO ZHIG PHUL BA MOO 'GAL GYI BU LA GNANG NAS 'DI KHYOD KYIS 'GOG PA'I RIR SBOS SHIG ,MA 'ONGS PA NA DGE SLONG PADMA'I DANG LDAN 'DIS GTER NAS 'DON PAS DE'I TSOGS DUNG DU 'GYUR GYI GTER BDAG SPRE'U'I GNAS BYED DO, ,ZHES RJE BDAG NYID CHEN PO 'DIS, 'GOG PA RI ZHES BYA BA 'BROG RI BO CHE DGA' LDAN GYI BYANG NGOS NAS DUNG GER NAS BZHES TE LHA SA SMON LAM CHEN MO'I TSOGS DUNG MDZAD, DE NAS 'JAM DBYANGS CHOS RJE LA GNANG STE 'BRAS SPUNGS SU RJE'I BSTAN PA CHES CHER 'PHEL BA'I RTEN 'BREL BSGRIG PAR MDZAD, THUGS SMON MDZAD PA LTAR GRUB STE DA LTA YANG 'DZAM BU'I GLING NA MDO SNGAGS KYI BSHAD SGRUB 'PHEL BA DANG, DGE 'DUN GRANGS MANG BAR BZHUGS SHING, GTER DUNG YANG KUN GYI MIG LA BLTAR YOD PA 'DI LTAR RO, ,RJE BTZUN 'JAM PA'I DBYANGS KYIS KYANG RJE RIN PO CHE NYID LA SPRUL PA'I GLEGS BAM CHEN MO GNANG DUS GTER DUNG 'DI'I LO RGYUS GSAL BAR GSUNGS PA GRUB

CHEN DBEN SA PAS LUNG BSTAN GSAL BA'I ME LONG YI GER BKOD PA DBEN SA BKA' 'BUM NA BZHUGS PA LTAR RO, ,RJE BLA MA 'DI NYID RGYUD NAS LUNG BSTAN TSUL NI, 'JAM DPAL RTZA RGYUD LAS, 'JIG RTEN NGA NI MYA NGAN 'DAS, SA YI STENG 'DI STONGS GYUR NA, ,KHYOD NYID BYIS PA'I GZUGS KYIS NI, ,SANGS RGYAS MDZAD PA BYED PAR 'GYUR, ,DE TSE DGON CHEN RAB DGA' BA, ,KHA BA CAN NANG YOD PA YIN, ,ZHES GSAL BAR LUNG BSTAN TE, DE YANG RGYAL BA MYA NGAN LAS 'DAS NAS 'GRO BA MGON SKYABS DANG BRAL BAR GYUR PA NA RJE BTZUN 'JAM PA'I DBYANGS BYIS PA STE THA MAL PA'I TSUL BZUNG NAS SEMS CAN GYI DON RGYA CHER MDZAD PA DANG, LHAG PAR BYANG PHYOGS KHA BA CAN DU DGA' LDAN ZHES BYA BA'I DGON PAR SANGS RGYAS KYI MDZAD PA BYED PA DANG, MTSAN YANG BLO BZANG GRAGS PA ZHES 'BYUNG BAR LUNG BSTAN, YANG 'JAM DPAL RTZA RGYUD LAS, BLO LDAN DANG POR YI GE MA, ,DE BZHIN SDOM BRTZON DAD PA 'BYUNG, ,RNAM PA DU MAR SDOM BRTZON GSUNGS, ,DE TSE MTHA' YAS 'BYUNG BAR 'GYUR, ,SDOM BRTZON THAMS CAD BSGRAGS PA YANG, ,STON PA'I BSTAN PA GSAL BAR BYED, ,BSTAN PA DE TSES STENG DU, ,RNAM PAR NYAMS SHING SNANG MED LA, ,STON PA'I GZUGS BRNYAN YID DU 'ONG, ,BYED PAR 'GYUR BAR THE TSOM MED, ,THAMS CAD BYANG CHUB LUNG BSTAN TE, ,NGA YI BYANG CHUB MCHOG THOB 'GYUR, ,DER NI 'JIG RTEN SBYIN GNAS 'GYUR, ,SRID

, ,PA GSUM GYI MTHAR YANG BYED, ,SNGAGS DANG RGYUD LA MNGON BRTZON PA'I, ,GRAGS PA 'DZIN PAR SHES PAR BYA, ,ZHES SHIN TU GSAL BAR LUNG BSTAN TE, YI GE MA ZHES PA NI, BLO BZANG GRAGS PA ZHES PA'I SAm SKRI TA'I SKAD KYI MING YIG DANG PO STE, BLO BZANG GRAGS PA ZHES PA'I SKAD DOD LA, MA TI BHA DRA KIRTI ZHES 'BYUNG NGO, ,DE YANG MA TI ZHES PA GZHAN DANG 'KHRUL GZHI MI 'BYUNG BA'I PHYIR RJE 'DI'I MDZAD CHEN BZHI'I YA GYAL CHO 'PHRUL MCHOD PA'I MDZAD PA JO BO LA DBU RGYAN PHUL TE YID 'ONG DU BYED PA DANG, DE'I TSE GDUL BYA BGRANG BA LAS 'DAS PA LA DGE BA'I RTZA BA BSKYED DE BYANG CHUB TU LUNG BSTAN PA THOB PAR 'GYUR BA DANG, DE LTA BU'I BSTAN PA 'DZIN PA'I BDAG NYID CHEN PO DE GRAGS PA'I MTSAN CAN ZHIG 'BYUNG NGO, ,ZHES GZHAN SU DANG YANG MI NOR BAR BYA BA'I PHYIR GSER BRTAG PA'I RDO KA ZHI PA LTAR LUNG BSTAN MDZAD DO, ,DE LTAR MDO RGYUD DU MA NAS LUNG BSTAN CING SNGON GYI SKYES BU DAM PA DU MAS KYANG BSTAN PA'I BDAG PO RJE BLA MA 'DI LTAR 'BYON PA LUNG BSTAN TE, CHOS RGYAL SRONG BTZAN SGAM POS, DE NAS KHYAD PAR BSNYEN BKUR CHER MDZAD PA, DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'CHANG ZHING SKYES CHEN DAM PA NI, ,SNYING PO'I MTHA' RTEN RNAL 'BYOR CHEN PO DES, ,ZHAL YANG BSGYUR ZHING BSNYEN BKUR CHEN PO MDZAD, ,DE LA BSNYEN BKUR CHER BYED DE DAG NI, ,'PHAGS

PA'I GANG ZAG DGE SBYONG SHA STAG GO ,DE PHYIR DE DAG KUN LA GUS PA BSKYED, ,DE DAG CI PHYIR 'PHAGS PA YIN ZHE NA, ,SANGS RGYAS RNAMS LA MDZAD PA CHEN PO MDZAD, ,DE PHYIR DE DAG 'PHAGS PA'I GANG ZAG GO ,DE LTAR 'PHAGS PA'I GANG ZAG RNAMS 'BYUNG ZHING, ,'KHOR NI LEGS GNAS STON PA'I GSUNG RAB DANG, ,STON PA'I SKU GZUGS DNGOS SU BZHUGS PA DANG, ,RI BO YON TAN CAN YANG DE NA YOD, ,CES BDAG NYID CHEN PO 'DI 'KHRUNGS YUL DANG; ;DGE BSNYEN GYI SDOM PA BZHES PA'I MTSAN DANG, JO BO RNAM GNYIS LA DBU RGYAN 'BUL BA DANG, MCHOD PA RGYA CHEN PO MDZAD DE BSTAN PA RGYAS PAR MDZAD PA DANG, GSUNG LAS SKYES PA'I 'PHAGS PA'I GANG ZAG MTHA' YAS PA 'BYUNG ZHING STON PA'I BSTAN PA CHES CHER GSAL BAR MDZAD PA RNAMS GSAL BAR LUNG BSTAN TO, ,JO BO RJE DPAL LDAN AA TI SHA DANG 'BROM RIN PO CHE GNYIS KYIS YER PA LHA RI SNYING POR LO GSUM GYI BAR DU 'GRO BA MDZAD PA'I GSANG CHOS BKA' GDAMS GLEGS BAM LAS, BLA MA DRI MA MED PAS, BDAG KYANG GNAS DER LHA 'DRE 'DUL DU 'GRO ,ZHES SLOB DPON PADMA DANG, SPRUL PA GCIG NI RGYA GAR GNAS SU 'GRO ,ZHES JO BO CHEN PO DANG, SPRUL PA GCIG NI BAL PO'I MTHIL DU 'GRO, ,ZHES PAndI TA PADMA BADZRA DANG, SPRUL PA GCIG NI MDO KHAMS SMAD LA 'GRO ,ZHES MDO SMAD DU 'KHRUNGS PA 'JAM MGON BLA MA DANG, MAR ME MDZAD KYANG GNAS MCHOG 'DIR, ,SGROL MAR BCAS

, ,TE SPRUL STONG 'GYED, ,LHAG PAR CHAGS MED BSOD SNYOMS PAS, ,SNYAN PA'I DBYANGS KYIS GSOL BA 'DEBS, ,PHYOGS BZHI'I LAS CAN DBANG DU SDUD, ,NGA YI MCHOD TSOGS RGYAS PAR BYED, ,MAR ME MDZAD DANG BYAMS PA YANG, ,KHYOD KYI GROGS BZANG SPEL BAR BYED, ,RING POR MI THOGS GNAS MCHOG 'DIR, ,MCHOD TSOGS RGYA MTSO 'DU BAR 'GYUR, ,SPYAN RAS GZIGS DBANG BZANG POR SPRUL, ,ZHES DANG, GLEGS BAM PHA CHOS LAS, GRAGS DANG YANG GRAGS RIN CHEN GYI, ,GRAGS PA'I MTHA' BZANG DPAL DU GRAGS, ,BLO GROS SHES RAB GZHAN DU GSOL, ,GZHAN YANG GRAGS PA'I MTSAN RAB CAN, ,MANG POS 'GRO BA'I BDE SKYID BSKRUN, ZHES DANG; DE NYID LAS, BDAG GI SPRUL PA DAM PA CIG ,RES 'GA' DGE SLONG NYID DU SPRUL, ,DES NI GNAS DE SKYONG BAR BYED, ,RES 'GA' BYIS PA'I GZUGS SU 'ONG, ,RES 'GA' DBUL PHONGS SPRANG PO'I GZUGS, ,RES 'GA' BYOL SONG BYA KHYI'I GZUGS, ,RES 'GA' GSOL 'DEBS DBYANGS KYI GZUGS, ,RES 'GA' YIG 'BRU GZUNGS KYI GZUGS, ,GRAGS PA CAN NI DGE SLONG NGO, ,BSTAN GNAS BAR DU YANG YANG 'ONG, ,DE NI RGYUD PA NYID DANG MTSUNGS, ,KHRIMS LDAN DE YIS BYIN BRLABS SHING, ,SKYES BU GSUM NI DON GNYER BA'I, ,BYA BA MYONG BA BRGYA PHRAG TZAM, ,GNAS DER BSAM GTAN SGOM PAR BYED, ,CES DANG, LHA DANG BCAS PA'I MCHOD PA'I GNAS, ,

BKUR 'OS NYID DU NGES PAR 'GYUR, ,MDOR NA GNAS MCHOG DE DAG TU, ,DANG PO BZHI GRVA NAS BZUNG STE, ,THA MAR STONG PHRAG PHYED DANG GSUM, ,BSLAB PA GSUM LDAN SH'AKYA'I SRAS, ,'GRO BA KUN GYI MGON DU 'GYUR, ,GNAS DER PHYOGS DANG PHYOGS MTSAMS NAS, ,DGE 'DUN DPAG MED 'DU BAR 'GYUR, ,SPYIR YANG LAS CAN PHYOGS BCUR 'PHRO, ,PHYI YI RGYA MTSO DAG DANG MTSUNGS, ,CHU BO BRGYA YIS GANG MI NUS, ,CI TZAM ZHIG GIS DMA' MI NUS, ,ZHES DANG, YANG; THA MAR BSTAN PA'I ME RO DAG ,GRAGS PA'I MTSAN GYIS GSO BAR BYED, ,DU MA'I PHAN BDE SGRUB BYED PA'I, ,DE YANG GNAS MCHOG DAM PA YIN, ,ZHES RJE BDAG NYID CHEN PO 'KHOR DANG BCAS PA GSAL BAR LUNG BSTAN TO, ,RJE BTZUN 'JAM PA'I DBYANGS KYIS GRUB CHEN 'JAM DPAL RGYA MTSO LA GSUNGS PA'I LUNG BSTAN LAS KYANG, SNGON BSKAL PA GRANGS MED DPAG TU MED PA'I SNGA ROL TU, DE BZHIN GSHEGS PA DBANG PO'I TOG CES BYA BA 'JIG RTEN DU BYUNG STE, 'KHOR TSOGS RGYA MTSO'I DBUS SU THEG PA MCHOG TU GYUR PA RDO RJE THEG PA'I CHOS KYI 'KHOR LO BSKOR BAR MDZAD DO, ,DE'I TSE RJE BDAG NYID CHEN PO 'DI NYID RJE BTZUN 'JAM DPAL DBYANGS KYI SRAS KYI THU BO, GZUNGS DANG, SPOBS PA DANG, MNGON PAR SHES PA DANG, TING NGE 'DZIN DANG, BDEN GNYIS MNGON SUM DU GZIGS PA DAG BA'I YE SHES LA SOGS PA YON TAN BSAM GYIS MI KHYAB BA DANG

, ,LDAN PAR GYUR TO, ,DE NAS RJE BTZUN 'JAM DPAL DBYANGS 'KHOR DANG BCAS PA DE BZHIN GSHEGS PA DBANG PO'I TOG RDO RJE THEG PA'I CHOS 'KHOR BSKOR BA'I MDUN SAR GSHEGS SHING BZHUGS PA NA, BCOM LDAN 'DAS RGYAL BA DBANG PO'I TOG GIS TSANGS PA'I DBYANGS KYIS, BYANG CHUB SEMS DPA' GANG DAG MA DAG PA'I ZHING KHAMS GRANGS MED PA RNAMS SU ZAB MO DBU MA'I LAM DANG 'BREL BA'I RDO RJE THEG PA'I LAM BZANG LUS DANG SROG LA MI LTA BAR RGYAS PAR BYED PA DE NI, RGYAL SRAS RNAMS KYI RLABS CHEN SPYOD PA RGYA MTSO'I RAB DANG, PHUL DANG, MCHOG TU GYUR PA'O, ,ZHES SENG GE'I SGRA SGRAGS PA NA, BDAG NYID CHEN PO 'DI SNYING STOBS CHES CHER RGYAS PAS 'KHOR TSOGS RGYA MTSO'I DBUS SU BZHENGS TE ZHUM PA MED PA'I SGRA DBYANGS KYIS, DENG NAS BRTZAMS TE LUS DANG SROG LA MI LTA BAR MA DAG PA'I ZHING GRANGS MED PAR ZAB MO DBU MA'I LTA BA DANG 'BREL BA'I RDO RJE THEG PA'I LAM BZANG RGYAS PAR BYA'O ZHES DE BZHIN GSHEGS PA DBANG PO'I TOG SOGS PHYOGS BCU'I RGYAL BA SRAS BCAS DBANG DU BZHAG STE DAM BCAS SHING BDEN PA'I TSIG GI SGRA DBYANGS BSGRAGS SO, ,DE'I TSE DE BZHIN GSHEGS PA DBANG PO'I TOG SOGS PHYOGS BCU'I SANGS RGYAS THAMS CAD KYIS LEGS SO, ,KHYOD NI BYANG CHUB SEMS DPA' SNYING STOBS CHEN PO'O, ,ZHES DBUGS DBYUNG ZHING, DE NAS BZUNG STE SANGS RGYAS KYI ZHING THAMS CAD DU'ANG BDAG NYID CHEN PO 'DI'I MTSAN BYANG CHUB SEMS DPA' SNYING STOBS

CHEN POR GRAGS SO, ,DE NAS RGYAL BA DBANG PO'I TOG SKU LAS 'OD ZER GYI TSOGS BYE BA DPAG TU MED PA 'GYED CING ZHAL 'DZUM PA DANG LDAN PAS, KHYOD KYIS JI LTAR DAM BCAS PA BZHIN DU DENG NAS BZUNG STE MA DAG PA'I ZHING GRANGS MED PA RNAMS SU MDO SNGAGS KYI DAM CHOS RGYAS PAR BYAS TE, MTHAR GYIS NGO MTSAR RMAD BYUNG BKOD PA'I ZHING DU DE BZHIN GSHEGS PA SENG GE'I NGA RO ZHES BYA BA'I RDZOGS PA'I SANGS RGYAS SU 'GYUR RO ZHES LUNG BSTAN PAR MDZAD DO, ,YE SHES KYI MKHA' 'GRO MA MA CIG LAB KYI SGRON MAS GCOD GZHUNG CHEN MOR BSTAN PA'I 'PHEL 'GRIB LUNG BSTAN PA LAS, YUM GYIS DE LTA BU'I RGYAL KHRIMS DANG CHOS KHRIMS 'PHYUGS PA'I DUS SANGS RGYAS KYI BSTAN PA MUN NAG TU GLOG 'KHYUG PA LTA BU ZHIG 'BYUNG ZHES GSUNGS PA LA, BSOD NAMS RGYAN LA SOGS PA BU MO BZHIS, DE LTA BU'I BKA' DRIN CAN DE SU LAGS, ZHES SOGS MANG DU ZHUS PA'I LAN DU, BU MO KHYOD KYIS DRIS PA'I BYANG SEMS DE, ,MA 'ONGS BSKAL BZANG SANGS RGYAS BDUN PA YIN, ,DA LTA BYANG CHUB SEMS DPA' SNYING STOBS CHE, ,SNYIGS DUS LOG SPYOD BOD YUL BYUNG BA'I TSE, ,DGE SLONG TSUL 'DZIN GRAGS PA'I MTSAN THOGS TE, ,GANG GI ZHING DU SENG GE'I NGA ROR GRAGS, ,KHRIMS 'CHAL LOG SPYOD SPOBS PA ZIL GNON PAS, ,KHRIMS 'CHAL BAG MED YANG DAG KHRIMS LA SBYOR, ,THUB NYID SROL BTOD BSTAN PA'I PHYAG RTAGS 'DZIN, ,BSTAN PA GSAL BAR BYED PA'I DGE SLONG NGO, ,MTHA' YAS RGYUD SDE'I

, ,TSOGS LA DBANG BSGYUR ZHING, ,RGYUD SDE RGYA MTSO'I DGONGS PA'I BCUD PHYUNG NAS, ,GDUL BYAR GYUR PA'I SKAL LDAN TSIM PAR MDZAD, ,CES BDAG NYID CHEN PO 'DI SNYIGS MA'I DUS 'DIR BSAMS BZHIN DU BYON TE MDO SNGAGS KYI BSTAN PA YONGS SU RDZOGS PA CHES CHER SPEL BAR MDZAD PA GSAL BAR LUNG BSTAN TO, ,DE LTAR MDO RGYUD BSTAN BCOS MANG PO NAS LUNG BSTAN TSUL BRJOD PA DE DAG NI, RJE 'DI 'BYON PA'I DUS TSOD DANG, 'KHRUNGS YUL DANG, DGON GNAS DANG, MTSAN DANG, MDZAD PA RNAM THAR RNAMS 'DI DANG 'DI LTAR 'BYUNG NGO, ,ZHES GSAL BAR LUNG BSTAN PA 'GA' ZHIG BRJOD PA YIN GYI, DON GYIS LUNG BSTAN PA NI SHES RAB KYI PHA ROL TU PHYIN PA STONG PHRAG BRGYAD PA LAS, SHES RAB KYI PHA ROL TU PHYIN PA ZAB MO 'DI RGYAL BA RANG NYID MYA NGAN LAS 'DAS PA'I 'OG TU RGYA GAR LHO PHYOGS SU DAR BAR 'GYUR BA DANG, DE NAS RGYA GAR GYI BYANG PHYOGS KHA BA CAN 'DIR DAR BAR 'GYUR BA LUNG BSTAN TE, RGYA GAR LHO PHYOGS SU DAR BA NI RGYAL BA MYA NGAN LAS 'DAS NAS LO BZHI BRGYA TZAM SONG BA NA 'PHAGS PA KLU SGRUB 'JIG RTEN DU BYON TE SHER PHYIN GYI DON ZAB MO DBU MA'I LTA BA CHES CHER DAR BAR MDZAD PA'O, ,'PHAGS PA KLU SGRUB CES BYA BA DE YANG RJE BDAG NYID CHEN PO 'DI YIN TE, RJE 'DI NYID 'PHAGS PA KLU SGRUB DANG THUGS RGYUD GCIG PAR SNGON BYON PA'I DAM PA MANG POS GSUNGS SHING, DON DE LA

'JAM DBYANGS KHA CHES KYANG, N'A GA DZU NA'I RNAM 'PHRUL TZONG KHA PA, ZHES BSNGAGS SO, ,BYANG PHYOGS SU DAR BAR 'GYUR ZHES GSUNGS PA DE LA, 'DI LTA BU'I SHER PHYIN ZAB MO 'DI DUS KYI THA MA LA BYANG PHYOGS SU JI LTAR DAR BAR 'GYUR, SHER PHYIN ZAB MO 'DI 'DZIN PA MANG PO'AM NYUNG NGU JI LTA BU ZHIG 'BYUNG ZHES ZHUS PA NA BCOM LDAN 'DAS KYIS BKA' STZAL PA, SH'A RI'I BU BYANG GI YUL DANG BYANG GI PHYOGS KYI CHAR BYANG CHUB SEMS DPA' SEMS DPA' CHEN PO MANG ZHING SHIN TU MANG DU 'BYUNG BAR 'GYUR RO, ,SH'A RI'I BU DE DAG MANG MOD KYI MANG PO DE DAG LAS SHES RAB KYI PHA ROL TU PHYIN PA 'DI NYAN PA DANG 'DRI BA DANG 'DZIN PA DANG 'CHANG PA DANG KLOG PA DANG KUN CHUB PAR BYED PA DANG RAB TU 'DON PA DANG STON PA DANG NYE BAR STON PA DANG LUNG 'BOGS PA DANG KHA TON BYED PAR 'GYUR BA DANG DE BZHIN NYID DU SLOB PA DANG DE BZHIN NYID DU SGRUB PA DANG DE BZHIN NYID DU RNAL 'BYOR DU BYED PAR 'GYUR BA DANG SHES RAB KYI PHA ROL TU PHYIN PA 'DI BSHAD PA NA 'GOD BAR MI 'GYUR KUN TU ZHUM PAR MI 'GYUR BAG TSA BAR MI 'GYUR BAG 'KHUMS PAR MI 'GYUR YID PHYIR PHYOGS PAR MI 'GYUR DANG 'PAR MI 'GYUR KUN TU SKRAG PAR MI 'GYUR KUN TU SKRAG PA DANG LDAN PAR MI 'GYUR BA'I BYANG CHUB SEMS DPA' SEMS DPA' CHEN PO DE DAG NI CHES NYUNG BAR 'GYUR TE, BYANG CHUB SEMS DPA' SEMS DPA' CHEN PO DE DAG NI YUN RING PO NAS THEG PA LA YANG DAG PAR ZHUGS PAR RIG PAR BYA'O,,

, ,DE DAG NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI RJES SU 'BRANG ZHING YONGS SU DRIS PA DANG YONGS SU ZHUS PA DANG YONGS SU DRI BA BYAS SHING GANG ZAG BYANG CHUB SEMS DBA'I THEG PA CAN RIGS KYI BU 'AM RIGS KYI BU MO DE DAG GIS SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA MCHOD PA YIN NO, ,DE DAG NI TSUL KHRIMS YONGS SU RDZOGS PAR BYED PAR 'GYUR RO, ,DE DAG NI 'DI LTA STE BLA NA MED PAR YANG DAG PAR RDZOGS PA'I BYANG CHUB 'DI NYID LAS BRTZAMS TE SKYE BO MANG PO'I DON BYED PAR 'GYUR RO, ,DE CI'I PHYIR ZHE NA, DE NI 'DI LTAR RIGS KYI BU DANG RIGS KYI BU MO DE DAG LA NGA NYID KYIS THAMS CAD MKHYEN BA NYID DANG LDAN PA'I GTAM BYAS SO, ,DE DAG NI TSE RABS 'PHOS KYANG THAMS CAD MKHYEN PA NYID DANG LDAN PA DANG SHES RAB KYI PHA ROL TU PHYIN PA DANG LDAN PA 'DI NYID LA YANG DAG PAR SPYOD PAR 'GYUR RO, ,'DI LTA STE BLA NA MED PA YANG DAG PAR RDZOGS PA'I BYANG CHUB LAS BRTZAMS NAS DE NYID KYI GTAM BYED PAR 'GYUR DE NYID KYI GTAM LA MNGON PAR DGA' BAR 'GYUR RO, ,DE DAG LA LEGS PAR GNAS SHING SHES RAB KYI PHA ROL TU PHYIN PA 'DI LA MNYAM PAR BZHAG PAR 'GYUR TE BDUD KYIS KYANG DBYE BAR BYED MI NUS NA 'DI LTA STE SEMS CAN GZHAN DAG GIS 'DUN PA'AM SNGAGS KYI SGO NAS DBYE BA LTA CI SMOS, DE CI'I PHYIR ZHE NA,

DE NI 'DI LTAR BLA NA MED PA YANG DAG PAR RDZOGS PA'I BYANG CHUB TU MTHU BRTAN PA'I PHYIR RO, ,RIGS KYI BU DANG RIGS KYI BU MO DAG GIS DE THOS NAS SHES RAB KYI PHA ROL TU PHYIN PA 'DI LA DGA' BA DANG DANG BA DANG RAB TU DANG BA RGYA CHEN PO THOB PAR 'GYUR RO, ,DE DAG GIS NI 'DI LTA STE BLA NA MED PA YANG DAG BAR RDZOGS PA'I BYANG CHUB LA SKYE BO MANG PO DAG GIS DGE BA'I RTZA BA BSKYED PAR 'GYUR RO, ,DE CI'I PHYIR ZHE NA 'DI LTAR RIGS KYI BU DANG RIGS KYI BU MO DE DAG GIS NI NGA'I MNGON SUM DU TSIG 'DI SKAD DU, BYANG CHUB SEMS DPA'I SPYAD PA SPYOD PA NA BDAG GIS SROG CHAGS BRGYA PHRAG MANG PO DANG SROG CHAGS STONG PHRAG MANG PO DANG SROG CHAGS BRGYA STONG PHRAG MANG PO DANG SROG CHAGS BYE BA BRGYA PHRAG MANG PO DANG SROG CHAGS BYE BA STONG PHRAG MANG PO DANG SROG CHAGS BYED PA BRGYA STONG PHRAG MANG PO DANG SROG CHAGS BYE BA KHRAG KHRIG BRGYA STONG MANG PO RNAMS BLA NA MED BA YANG DAG PAR RDZOGS PA'I BYANG CHUB LA YANG DAG PAR BZHAG PAR BYA'O, ,YANG DAG PAR BSTAN PAR BYA'O, ,YANG DAG PAR 'GOD PAR BYA'O, ,YANG DAG PAR GZENGS BSTOD PAR BYA'O, ,YANG DAG PAR DGA' BA BSKYED PAR BYA'O, ,YANG DAG PAR RAB TU DBYE BAR BYA'O, ,RDZOGS PA'I BYANG CHUB LA GNAS PAR BYA'O, ,SLAR MI LDOG PAR BYA'O, ,ZHES SMRAS SO, ,ZHES LUNG BSTAN TE, ,'DIS RJE BDAG NYID CHEN PO JI LTAR LUNG BSTAN SNYAM NA ,BYANG PHYOGS GANGS RI'I LJONGS 'DIR SHER PHYIN ZAB MO 'DI 'DZIN CING KLOG PA MANG PO

, ,ZHIG 'BYUNG NA'ANG DON PHYIN CI MA LOG PAR RTOGS NAS RGYA CHER SPEL BAR BYED NUS PA NI NYUNG NGU LAS MI 'BYUNG BA DANG, DE LTAR STON NUS PA'I SEMS DPA' CHEN PO DE NI SNGON YUN RING PO NAS LAM LA SBYANGS PA BYAS PA TSOGS GNYIS MTHAR PHYIN PA GDUL BYA'I DON DU BSAM BZHIN DU BYON PA ZHIG 'BYUNG BA DANG, DE 'DRA BA'I SEMS DPA' CHEN PO DE RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS SHING SMON LAM BTAB PA YIN PAR GSUNGS PA 'DIS RJE BLA MA 'DI NYID LUNG BSTAN PA YIN PAR SHES TE, SHER PHYIN ZAB MO 'DI'I DON LA SBAS DON MNGON RTOGS KYI RIM PA DANG, DNGOS BSTAN STONG NYID KYI RIM PA GNYIS YOD CING, SBAS DON MNGON RTOGS KYI RIM PA BSHES GNYEN DAM PA TSUL BZHIN DU BSTEN NAS DANG POR THAR PA CHA MTHUN GYI DGE RTZA BSKYED, DE NAS SA LAM RIM GYIS BGROD TSUL DANG, MTHAR 'BRAS BU THOB NAS 'PHRIN LAS NYI SHU RTZA BDUN GYI SGO NAS GDUL BYA'I DON BYED TSUL GYI BAR LAM GYI GRANGS DANG GO RIM DANG NGO BO RNAMS RGYAL BA'I DGONGS PA SHING RTA CHEN POS BKRAL BA JI BZHIN DU MTHA' DAG PAR GTAN LA 'BEBS NUS BA DANG, JI LTAR GTAN LA PHAB PA'I DON RNAMS SKYES BU GSUM GYI LAM GYI RIM PAR BSDUS TE SKAL BA DANG LDAN PA'I GDUL BYA LAS DANG PO PA'I SA NAS SANGS RGYAS KYI SA'I BAR LA MTHAR GYIS KHRID BAR MDZAD PA

RJE BLA MA 'DI DANG MTSUNGS PA GANGS RI'I KHROD 'DIR SU YANG MA BYUNG BA DANG, DNGOS BSTAN STONG NYID KYI RIM PA LA'ANG SHER PHYIN GYI MDO'I DON 'PHAGS PA KLU SGRUB YAB SRAS KYIS JI LTAR BKRAL BA LTAR ZAB MO DBU MA'I LTA BA 'KHRUL PA'I DRI MA THAMS CAD DANG BRAL BA RIGS PA'I LAM NAS GTAN LA PHAB STE JI LTAR SGOM PA'I TSUL DANG, BSGOMS NAS SA LAM RIM GYIS BGROD DE 'BRAS BU CHOS SKU 'GRUB TSUL RNAMS MTHA' DAG PAR STON NUS PA RJE BLA MA 'DI DANG MTSUNGS BA BYANG PHYOGS 'DIR SU YANG MA BYUNG BAS NA RGYAL BAS BYANG PHYOGS SU SHER PHYIN GYI MDO SDE ZAB MO'I DON RGYAL BA RANG NYID KYI DGONGS PA LTAR STON NUS BA'I SEMS DPA' CHEN PO 'BYUNG NGO ZHES LUNG BSTAN PA DE RJE 'DI NYID LUNG BSTAN PAR 'OS MED KYIS 'GRUB PO, ,GZHAN YANG DE LTAR SHER PHYIN ZAB MO STON NUS PA'I SEMS DPA' CHEN PO DES RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS PA YIN PAR GSUNGS PA DES KYANG RJE BLA MA 'DI NYID LUNG BSTAN PA YIN PAR GSAL BAR GRUB STE RJE 'DIS SNGON STON PA THUB PA'I DBANG PO DANG THUGS RGYUD GCIG BA'I RGYAL BA DBANG PO'I TOG GI SPYAN SNGAR SNYIGS MA'I DUS SU ZAB MO DBU MA'I LTA BA RGYA CHER SPEL BAR DAM BCAS PA DANG, STON PA RDO RJE GDAN DU BZHUGS PA'I TSE SHEL DKAR PO'I PHRENG BA PHUL TE ZAB MO DBU MA'I LTA BA SPEL BAR THUGS BSKYED CING DAM BCAS PA SNGAR DRANGS ZIN PA LTAR RO, ,BDAG CAG GIS RJE

, ,BLA MA 'DI LTAR LUNG BSTAN TO ZHES BRJOD PA 'DI YANG RJE'I RJES 'JUG YIN PA RGYU MTSAN DU BYAS PA'I RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RGYAL BA'I DGONGS PA 'GREL BA LA RJE 'DI NYID DANG MTSUNGS PA GZHAN MED DO ZHES SMRAS PA DE NI SNANG RUNG MA DMIGS PA'I RTAGS YANG DAG PAS GRUB PA YIN NO, ,GZHAN YANG LHO BRAG GRUB CHEN LA GSANG BDAG PHYAG NA RDO RJES LUNG BSTAN BYUNG BA DANG, BLA MA DBU MA PA LA RJE BTZUN 'JAM DPAL DBYANGS KYIS LUNG BSTAN BYUNG BA SOGS LHAG PA'I LHA RNAMS KYIS LUNG BSTAN BA'I TSUL MANG DU YOD DE 'OG TU RIM BZHIN 'CHAD DO, ,DE LTAR MDO RGYUD BSTAN BCOS RNAMS NAS LUNG BSTAN PA LTAR, RJE BLA MA 'DI NYID GANG DU 'KHRUNGS PA'I YUL NI MDO KHAMS SMAD KYI SA'I CHA SHAR TZONG KHA ZHES GRAGS PA DE YIN LA ,DER JI LTAR 'KHRUNGS PA'I TSUL NI, ME PHO SPRE'U'I LO DGUN GYI DUS RJE 'DI'I YAB KYI MNAL LAM DU ,RGYA NAG RI BO RTZE LNGA NAS 'ONGS ZER BA'I BTZUN BA ME TOG GI PHRENG BA DU MA SBREL BA'I CHOS GOS DANG, SUM CU RTZA GSUM GYI SHING LO YIN ZER BA DAR SER PO 'DRA BA'I SHAM THABS CAN PO TI KHYER BA ZHIG BYUNG NAS, NGA KHYED LA GNAS SHIG G-YOR BA YIN ZER NAS MCHOD KHANG ZHIG YOD PA'I NANG DU SONG BA'I SNANG BA BYUNG, YUM GYI MNAL LAM DU YANG ME TOG GI THANG CHEN PO ZHIG TU BUD MED STONG PHRAG TZAM GRAL BYAS PA'I

NANG NA YUM RANG YANG BSDAD PAR, SHAR NAS KHYE'U DKAR PO BUM PA 'DZIN PA CIG DANG, NUB NAS BU MO DMAR MO RMA BYA'I SGRO MDONGS SDER MA TZAM YOD PA CIG LAG PA G-YAS NA BZUNG, ME LONG CHEN PO ZHIG G-YON NA BZUNG NAS BYUNG BAS, DE GNYIS GROS BYAS TE BUD MED THAMS CAD LA 'DIS RUNG NGAM 'DIS RUNG NGAM ZHES KHYE'U DES BU MO DE LA 'DRI ZHING BU MO DES GZHAN RNAMS RE RE LA SKYON RE BTAGS, KHYE'U DES YUM LA MDZUB MO BTZUGS NAS 'DIS RUNG NGAM ZHES 'DRI BA LA, BU MO DES 'DZUM BYAS NAS RUNG ZER, 'O NA 'DI LA KHRUS GYIS ZER NAS, JI LTAR BLTAMS PA ZHES SOGS DBYANGS DANG BCAS KHRUS BYAS PAS LUS KYI DRI MA DAG NAS BDE SANGS SANGS BA'I SNANG BA ZHIG BYUNG BA DANG, GNYID SAD NAS LUS YANG BA DANG SEMS BDE BA LA SOGS PA'I DGE MTSAN DU MA BYUNG NGO, ,DUS DE NAS PA ZUNG STE KHYIM MCHES DANG YUL MI RNAMS KYI RMI LAM DU'ANG DGE 'DUN MANG POS JO BO RIN PO CHE DBUS NAS GDAN DRANGS BYUNG BA SOGS RMI LTAS NGO MTSAR BA MANG DU BYUNG BA DANG, NYI ZLA SKAR GSUM DUS GCIG LA SHAR BA DANG, ME TOG GI CHAR YANG YANG 'BAB PA DUS DANG SPOS KYI DRI BZANG PO BRO BA DANG, NAM MKHA' LA ROL MO'I GRAG PA DANG, SA G-YO BA LA SOGS PA'I NGO MTSAR BA'I LTAS YUL DER KUN GYI MTHUN SNANG DU GRUB PA DU MA BYUNG NGO,, DE NAS BYA LO ZLA BA DANG PO'I TSES BCU'I NUB MO YUM GYI MNAL LAM DU DGE 'DUN BSAM GYIS MI KHYAB PAS GDUGS DANG RGYAL MTSAN DANG RNGA BO CHE LA SOGS PA MCHOD PA'I BYE BRAG MTHA' YAS PA BZUNG STE, SPYAN RAS GZIGS 'BYON

, ,PA LA BSU BA BYED ZER KYIN 'DUG PAS PHYOGS KUN TU BLTAS KYANG MA MTHONG, RJES LA BLTAS PAS SPRIN GYI THAD TZAM DU GSER SKU RI BO TZAM PA 'OD ZER NYI MA LTAR PHYOGS THAMS CAD DU 'PHRO BA DANG CHOS KYI SGRA DBYANGS DANG BCAS PA CIG LHA'I BU DANG BU MO YIN ZER BA'I CHA LUGS PHUN SUM TSOGS PA DANG LDAN PA DU MAS BSKOR BA ZHIG MAR MAR BABS BYUNG BAS GSER SKU DE JE CHUNG JE CHUNG LA SONG, SPYI GTZUG GI THAD TZAM DU SLEBS PA'I TSE MTHOG GANG TZAM PA SHIN TU MDZES PA ZHIG TU GYUR NAS RANG LA THIM ,DE'I 'KHOR RNAMS DANG BSU MI RNAMS KYANG RANG LA THIM PAR MTHONG BAS RANG LA PHYAG DANG BSKOR BA DANG MCHOD BA BYED CING BKRA SHIS BRJOD PA SOGS RMIS PAS PHYI DE'I NYIN PAR NAS RIG PA GSAL BA SKYID SNANG CHE BA BYUNG ,DE PHYIN MA BRTAGS MA DPYAD PA'I DUS NA'ANG NGA'I LUS 'DI LA BRNYAS MI RUNG SNYAM NAS GCES SPRAS DANG GTZANG SPRA LA BTZON PA SOGS RANG SHUGS KYIS BYUNG ,YAB KYI MNAL LAM DU LCANG LO CAN NAS PHYAG NA RDO RJES 'PHANGS SEM SNYAM PA'I GSER GYI RDO RJE 'BAR PA GCIG YUM LA THIM PA RMIS PAS BU STOBS LDAN CIG SKYE BA YIN NAM ZHES GLENG BA BYUNG NGO, ,SKU BLTAMS PA'I DUS LA BAB PA'I TSE YUM GYI MNAL LAM DU, DGE 'DUN MANG PO DANG SKYE BO'I KHROM CHEN BOS MCHOD PA RNAM LNGA KHYER NAS MCHOD KHANG MJAL ZER ,DE GANG NA YOD DRIS PAS SNGAR GYI KHYE'U DKAR PO DES CHU SHEL GYI LDE MIG GCIG BZUNG NAS 'DI NA YOD ZER ZHING YUM RANG GI BRANG NA SGO CHUNG SER PO ZHIG

'DUG PA PHYE BA'I NANG NAS SNGAR LUS LA THIM PA'I GSER SKU DE BTON NAS DRI MAS CUNG ZAD NOGS PA LA SNGAR GYI BU MO DE BYUNG NAS DE LA BUM CHUS KHRUS BYAS, RMA BYA'I SGROS BYABS RGYA GAR GYI SKAD YIN NAM SNYAM PA'I DAR DIR MANG PO DBYANGS SU LEN ZHING LHA DE LA MCHOD PA 'BUL KYIN 'DUG PA'I SNANG BA BYUNG, GNYID SAD NAS THO RANGS SKAR CHEN SHAR BA DANG STABS CIG PAR RAB BYUNG DRUG PA'I ME MO BYA'I LO NGO MTSAR PA'I LTAS MANG PO DANG BCAS BDE BAR 'KHRUNGS SO, ,DE'I CHE CHENGS PA DANG BRGYA BYIN LA SOGS PA'I DKAR PHYOGS KYI LHA RNAMS KYIS DA NI 'GRO BA MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD KYI SDE PHAM MO, ,DKAR PHYOGS KYI LHA RNAMS RGYAL LO ZHES SHIS PA BRJOD PA'I TSIG 'DZAM BU'I GLING NAS 'OG MIN GYI BAR DU BSGRAGS SHING, PHYOGS BCU'I RGYAL BA SRAS DANG BCAS PA THAMS CAD KYIS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR, GSANG BA'I BDAG PO PHYAG NA RDO RJE DANG, RGYAL PO CHEN PO RNAM THOS SRAS LA SOGS PA G-YEL BA MED PAR RJES SU 'BRANGS TE BAR CHAD BSRUNG BA LA BRTZON PAR GYUR TO, ,RGYAL BA THAMS CAD KYI GDUNG 'TSO BA RGYAL BA'I MYU GU GANGS CAN GSER GYIS GZHIR GSAR DU 'KHRUNGS PA GZHON NU'I GZUGS CAN DE'I DBU NI GDUGS LTA BU DANG, DPRAL BA DBYES CHE ZHING SMIN MA 'BYAR LA SHANGS KYI GZENGS MTHO PA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL

, ,ZHING PAGS PA'I MDOG NI ME TOG KUNDA LTAR DKAR BA, LJAGS PADMA'I 'DAB MA LTAR 'JAM ZHING MNYEN LA RING BA, MCHU SGROS BIM PA LTAR DMAR BA SOGS MTSAN BZANG GIS MJES PA 'JIG RTEN KUN GYI MIG GI BDUD RTZI LTA BU ZHIG BYUNG BAR GYUR TO, ,YAB YUM DE GNYIS KYANG THA MAL PA MIN PAR SNGON YUN RING PO NAS BDAG NYID CHEN PO 'DIS BSTAN 'GRO'I DON RGYA CHEN BO MDZAD PA'I TSE MTHUN PA'I RKYEN SGRUB PAR SMON LAM BTAB NAS BSAM BZHIN DU BYON BA ZHIG STE; YAB DE NI DPA' MDZANGS BRTUL PHOD CAN 'BYOR PA DANG LDAN ZHING GTONG BA LA DGA' BA RIGS MTHO BA MAL GYI RIGS ,RIGS RUS 'BYOR BA PHUN TSOGS DANG LDAN YANG KHENGS PA MED PAR SLONG BA RNAMS LA BYAMS BA, RJE BTZUN 'JAM PA'I DBYANGS KYI RNAL 'BYOR DANG LDAN PA, RGYUN DU 'JAM DPAL MTSAN BRJOD KHA TON DU MDZAD PA ZHIG GO, YUM DE NI GZUGS BZANG ZHING MDZES LA G-YO SGYU CHUNG BA, NYAM CHUNG RNAMS LA SNYING RJE CHE BA, RGYAL BA BSKYED PA'I YUM DU 'OS PA ZHIG GO, RGYAL SRAS GZHON NU DE 'KHRUNGS PA'I SANG NYIN YUL DE'I PHUN RDO RJE 'JIGS BYED KYI GRUB THOB TU GRAGS PA'I BDAG NYID CHEN PO CHOS RJE DON GRUB RIN CHEN ZHES BYA BA BZHUGS YOD PA DES YAB YUM GNYIS LA LEGS SO'I BSNGAGS BA DANG GNANG SBYIN, RGYAL SRAS GZHON NU DE LA BZHES RGYU'I BDUD RTZI RIL BU SKU LA BCANG RGYU'I SRUNG MDUD, RTEN 'BREL BSGRIG PAR DGONGS TE RDO RJE 'JIGS BYED KYI BRIS SKU BYIN RLABS CAN GCIG DANG, BU CHUNG SKYONG LUGS KYI YI GE LA SOGS BA NYE GNAS TSUL KHRIMS

DANG LDAN PA ZHIG LA BSKUR NAS BYUNG STE BLA MA DES THUGS MKHYEN GYIS MKHYEN BAR 'DUG ,PHYIS RGYU MTSAN ZHUS PAS, NGAS RMI LAM DU RDO RJE 'JIGS BYED DANG MJAL BAS GSOL BA BTAB, KHYAD PAR DU ZHAL YANG YANG BSTAN DU GSOL ZHES ZHUS PAS, SANG PHOD DA TZAM LUNG BA 'DI'I MDA' RU YONG, DE BAR B'U DE BAR GYIS GSUNG BAS, DE GANG YIN DPYAD PA'I PHYIR TING NGE 'DZIN LA MNYAM PAR BZHAG PAS KHYED KYI BUR 'DUG PA THIGS PA YIN GSUNG BA LA SOGS PA'I GSANG BA'I GNAS DU MA GSUNGS NAS, PHYIS KYANG BU CHUNG BSKYED BSRING BA DANG, 'JAM DPAL DBYANGS DANG DBYANGS CAN MA LA SOGS PA'I SGO NAS SHES RAB 'PHEL BA'I THABS DU MA'ANG MDZAD DO, ,RGYAL SRAS GZHON NU DE YUM GYI MNGAL NAS 'KHRUNGS MA THAG LTE BA BCAD PA'I MTSAL KHRAG SA LA LHUNG BA LAS TZANDAN DKAR PO'I SDONG PO ZHIG GSAR DU SKYES BA DE LA YAL GA MANG DU GYES SHING LO MA 'BUM YOD PA, LO MA RE RE LA DE BZHIN GSHEGS PA SENG GE'I NGA RO'I SKU RE RE YOD BA ZHIG BYUNG BAS SKU 'BUM ZHES GRAGS, DUS PHYIS RGYAL BA BSOD NAMS RGYA MTSO GNAS DER BYON NAS GUS PA CHEN POS MCHOD BA RGYA CHEN PO MDZAD CING, SHING 'DRA LAS LHAG PA'I BYIN RLABS CAN DKON ZHES SHING DE'I PHYI DNGUL GYIS BSTUMS TE BYANG CHUB MCHOD RTEN GYI RNAM PAR BYAS; GNAS DER RJE BLA MA'I MDO SNGAGS KYI BSTAN PA YONGS SU RDZOGS PA LA BSHAD SGRUB BYED PA'I DGE 'DUN GYI SDE ZHIG GSAR DU 'DZUGS PAR BZHED DE ZHAL BKOD GNANG BA THUGS BZHED LTAR GRUB NAS SKU 'BUM BYAMS PA GLING ZHES BTAGS,

, ,MCHOD SDONG DE'I PHYI ROL TU TZAN DAN GYI SDONG PO GSAR PA ZHIG THON PA DE LA YANG YAL GA DANG LO MA RNAMS LA AA RA PA TZA NA DANG, DH'I: DANG H'Um LA SOGS PA YI GE'I GZUGS RANG BYON DU 'BYUNG BA DANG, DE'I YAL GA DANG LO MA ZOS NA SHES RAB SKYE ZHING RIMS NAD SOGS ZHI BA KUN GYI MTHUN SNANG DU YOD DO, ,DE LTA BU'I RGYAL SRAS GZHON NU DE NYID SNYIGS MA'I DUS 'DIR BYON YANG 'DAM GYI DBUS SU SKYES PA'I PADMA 'DAM GYIS MI GOS PA LTAR SNYIGS MA'I SKYON GANG GIS KYANG MA GOS SHING, BYIS BA'I TSUL BZUNG YANG BYIS PA'I RGUD BA THAMS CAD LAS YANG DAG PAR 'DAS, BAG MED PAR RTZE BA MTHA' DAG LAS NI NGANG GIS LOG, NYES BAR SPYOD PA RNAMS NI RANG BZHIN GYIS BSDAMS, KUN LA SNYAN PAR SMA ZHING KHRO BA SPANGS PA DANG, 'GROGS NA BDE ZHING SLONG BA'I SKYE BO DAG LA GTONG BA'I LAG BRKYANGS BA DANG, MGON MED PA DAG LA SNYING BRTZE ZHING BDEN BAR SMRA BA DANG, BLO GROS DPAG PAR DKA' ZHING CHOS 'TSOL BA LA NGANG GIS ZHUGS PA LA SOGS BA BYANG CHUB SEMS DPA'I SPYOD PA RLABS PO CHEN DAG NI BYIS PA GZHAN DAG SKYES TZAM NYID NAS NU ZHO LEN BA'I KUN TU SPYOD PA DAG CHED DU BSLAB BAR BYA MI DGOS PA JI LTA BA DE BZHIN DU GYUR TO, ,RGYAL SRAS GZHON NU DE DGUNG LO GSUM PA LA BAB PA NA CHOS RJE KARMA BA ROL BA'I RDO RJE LAS DGE BSNYEN GYI SDOM PA YONGS SU RDZOGS PAR MNOS TE ,MTSAN YANG KUN DGA' SNYING PO ZHES BTAGS SO, ,LO DE LA CHOS RJE DON GRUB RIN CHEN PA DE NYID RJE 'DI'I YAB KYIS GDAN DRANGS PA ZHIG GI DUS NA CHOS

RJE DON GRUB RIN CHEN PAS YAB YUM GNYIS LA RTA DANG LUG LA SOGS PA ZANG ZING GI GNANG SBYIN DPAG TU MED PA MDZAD NAS KHYED KYI BU 'DI LNGA LA PHUL ZHING CES BKA' GNANG BA YAB YUM GNYIS KYIS KYANG DANG DU BLANGS TE SPRO DGA' DANG BCAS PAS PHUL; DE NAS DGUNG LO BDUN PA LA NYE BAR BAB PA NA RJE 'DIS CHOS RJE DE'I ZHABS DRUNG DU PHEBS PAR MDZAD DES RAB TU MA BYUNG BA'I SNGA ROL NYID DU CHOS RJE DES RJE 'DI PA DPAL RDO RJE 'JIGS BYED LHA BCU GSUM MA'I DKYIL 'KHOR DU BCUG NAS DBANG BSKUR TE GSANG SNGAGS RDO RJE THEG PA'I SKOR SMIN PAR MDZAD CING, DE NAS BCOM LDAN 'DAS 'KHOR LO BDE MCHOG DRIL BU PA DANG, KYEE RDO RJE DANG PHYAG NA RDO RJE LA SOGS PA'I DKYIL 'KHOR DU BCUG CING DBANG BSKUR, GSANG MTSAN DON YOD RDO RJE ZHES BTAGS, RJE 'DI PAS RIG PA 'DZIN PA'I SDOM BA DANG DAM TSIG YONGS SU RDZOGS PAR MNOS TE DBANG DUS SU JI LTAR ZHAL GYIS BZHES PA LTAR MIG GI 'BRAS BU LTAR GCES PAR SRUNG BAR MDZAD DO; ;CHOS RJE DE'I DRUNG DU THOG MAR PHEBS MKHAD NAS GSUNG RAB KLOG PA BO MANG DU 'DUG PA RNAMS LA GZIGS SHING THUGS KYIS DPYAD PAS DE TZAM GYIS KLOG RANG NYID KYIS THOGS MED DU 'DON PAR NUS PA BYUNG ZHING CHED DU GTAD NAS BSLAB DGOS PA MA BYUNG, DBANG THOB NAS RAB TU MA BYUNG BA'I GONG DGUNG LO BDUN DU NYE BA TZAM GYI DUS NYID DU 'ANG, BDE MCHOG DGYES RDOR KUN RIG GSHIN RJE GSHED LA SOGS PA'I MNGON RTOGS DANG DKYIL CHOG MANG PO THUGS LA BZUNG,

, ,GSHIN RJE'I GSHED DANG BDE MCHOG GI BSNYEN PA YANG MDZAD NAS BDE MCHOG DRIL BU BA'I BDAG 'JUG KYANG LAN MANG DU MDZAD CING, LHA'I RNAL 'BYOR DANG BZLAS PA'I RIM PA LA SOGS PA LA GCIG TU GZHOL BAR MDZAD DO, ,DE'I TSE NA RJE 'DI LA BCOM LDAN 'DAS PHYAG NA RDO RJE GTUM PO PHYAG GNYIS PA'I RNAM PA ZHIG YUN RING PO'I BAR DU NUB RE BZHIN MNAL LAM DU GSAL BAR 'CHAR BA DANG, GZHAN YANG SANGS RGYAS DANG BYANG SEMS MANG PO'I SNANG BA SHAR ZHING, KHYAD PAR JO BO CHEN PO DPAL LDAN AA TI SHA MNAL LAM DU NAR MAR 'ONG BA ZHING BYUNG, PHYIS DBUS SU PHEBS DUS SKU 'DRA GZIGS PA NA, SNGAR MNAL LAM DU GZIGS PA DE'I RNAM PA JI LTA BAR 'DUG CES GSUNG STE, DE NI JO BO NYID KHA BA CAN 'DIR BSTAN PA NYAMS PA GSO BA'I SLAD DU BYON PA LTAR, MDO SNGAGS KYI LAM GYI RIM PA YONGS SU RDZOGS PAS GDUL BYA RNAMS SMIN CING GROL BAR MDZAD DE BSTAN PA RIN PO CHE MI NUB PA'I RGYAL MTSAN 'DZIN PA RNAMS KYI GTZUG GI NOR BUR 'GYUR BA 'DI NYID KYI SNGA LTAS SO, ,DE LTAR RJE 'DI PA DE'I TSE RGYAL SRAS GZHON NU'I TSUL BZUNG BA DE DGUNG LO BDUN LA BAB PA'I TSE, KHYIM NAS KHYIM MED PAR RAB TU 'BYUNG BAR MDZAD DE, NGUR SMRIG GI RGYAL MTSAN YANG DAG PAR BZHES SO, ,DE YANG RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING LUNG DANG RTOGS PA'I YON TAN GYI TSOGS KYIS MNGON PAR MTHO BA'I BLA MA DON GRUB RIN CHEN PAS MKHAN PO MDZAD DBUS GTZANG DANG BAL PO SOGS SU

MKHAS GRUB DANG PAndI TA DU MA LA GTUGS NAS MDO SNGAGS MANG PO LA SBYANGS PA'I BSHES GNYEN CHEN PO TE DBEN GZHON NU SENG GE ZHES GRAGS PA'I SLOB MA GZHON NU BYANG CHUB CES BYA BAS SLOB DPON MDZAD DE TSIGS SNGA MA DGE TSUL GYI SDOM PA YANG DAG BAR MNOS SHING, MTSAN YANG BLO BZANG GRAGS PA'I DPAL ZHES BYA BAR GSOL TO, ,RJE 'DI CHOS RJE DON GRUB RIN CHEN PA 'DIS BYIS PA NYID NAS BDAG GIR MDZAD DE BSTAN PA RIN PO CHE'I BDAG PO CHOS KYI RGYAL POR 'GYUR BAR DGONGS NAS THUGS KYI YUL DU SHIN TU GCES PAR BZUNG STE, SMAN GYI SHING LJON PA CHEN PO'I MYU GU LTAR LEGS PAR BSKYANGS, RAB TU PHYUNG ZHING RDO RJE THEG PA'I SGOR SMIN PAR MDZAD DE DBUS GTZANG DU 'BYON BA'I CHAS RKYEN DANG BSKUL MA YANG DAG MDZAD PAS BKA' DRIN ZLA MED DU 'DZIN PAR MDZAD DE, RJE 'DIS CHOS RJE DON GRUB RIN CHEN GYI MTSAN THOS PA NA PHYAG THAL MO SBYOR ZHING CHOS RJE DE NYID KYI DUS MCHOD KYANG 'CHAG MED MDZAD DO, ,DE NAS DE'I TSE RJE 'DI'I THUGS LA 'DI LTA BU DAG 'KHRUNGS PAR NGES TE, RGYAL BA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG SPONG BA BSAM GTAN NO, ,DE LA BDAG GIS KYANG 'DI GNYIS KA BYA STE RGYAL BA'I DGONGS PA SHING RTA CHEN PO RNAMS KYIS BKRAL BA'I GZHUNG LUGS CHEN MO RNAMS LA THOS BSAM PHU THAG CHOS PA ZHIG BYAS LA GZHUNG DON GDAMS PAR 'CHAR BA'I NYAMS LEN LA 'BAD DE RGYAL BSTAN YONGS SU RDZOGS PA RANG GI RGYUD LA 'DZIN CING SKAL BA DANG LDAN

, ,PA GZHAN DAG LA'ANG RGYA CHER SPEL TE RGYAL BA'I BSTAN PA RIN PO CHE 'JIG RTEN 'DIR DAR ZHING RGYAS PA ZHIG CI NAS BYA'O SNYAM DU THUGS BSAM RLABS PO CHE DE LTA BU 'KHRUNGS PAR GYUR TO, ,DE NAS DGUNG LO BCU DRUG LA BAB PA'I TSE CHOS RJE DON GRUB RIN CHEN PAS KYANG BSKUL ZHING BDAG NYID KYANG SPRO BA SHUGS DRAG POS SNGON GYI CHOS RGYAL LO PAn RNAMS KYI BKA' DRIN LAS RGYAL BSTAN YONGS SU RDZOGS PA GANG DU DAR BA'I SA DBUS GTZANG GI LJONGS SU 'BYON PAR BZHED PA NA, CHOS RJE DON GRUB RIN CHEN PAS DBUS GTZANG GI LJONGS SU BYON NAS THOS BSAM SGOM GSUM 'DI LTAR BYA DGOS SO ZHES ZHAL GDAMS RGYAS PAR GNANG NAS DON DE NYID THUGS LA GZUNG BA DE BA'I PHYIR TSIGS SU BCAD PA'I SGO NAS KYANG GDAMS PA NI, GZHON NU BLO BZANG GRAGS PA KHYOD, ,SNGON SPYANGS DGE BA'I LAS 'PHRO CAN, ,SNGON TSE DAM CHOS BDUD RTZI'I RO, ,'THUNGS PA'I BAG CHAGS YOD PAR NGES, ,ZHES PA DANG, YUM CHEN RGYAS 'BRING SDUS GSUM GYI, ,RGYAN DU GYUR PA'I MNGON RTOGS RGYAN, ,THOG MAR BSLAB CING NAN TAN BYA, ,DE LA MKHAS PAR GYUR PA NA, ,LUNG CHOS KUN LA 'PHRIG TSUD 'GYUR, ,DE YANG SEMS KYI ZUR LA ZHOG ,DE NAS BYANG CHUB SEMS DPA' YI, ,LAM DANG SPYOD PA'I RNAM GZHAG DAG ,STON PAR BYED PA'I MDO SDE RGYAN, ,MKHAS PA'I YAN LAG DAG TU BSLAB, ,'KHOR BA MYA NGAN 'DAS PA YI, ,RTEN DU STON PA'I CHOS DANG NI, ,CHOS NYID RNAM 'BYED

BSTAN BCOS DANG, ,THOG MA MTHA' MA RNAM SPANGS PA'I, ,DBU MA'I LAM NI STON PAS NA, ,DBUS DANG MTHA' NI RNAM 'BYED DANG, ,SEMS KYI CHOS NYID DAG PA NI, ,SEMS CAN KUN LA YOD PA STE, ,DE NYID BDE GSHEGS SNYING POR NI, ,STON BYED THEG CHEN RGYUD BLA MA, ,BYAMS CHOS LNGA BO DE DAG LA, ,MKHAS PAR BYED PA'I GO CHA GYIS, ,RGYAS PA'I BSTAN BCOS RNAM 'GREL DANG, ,'BRING DU STON PA'I RNAM NGES DANG, ,SHIN TU BSDUS PA RIGS THIGS TE; ;LUS DANG 'DRA BA'I BSTAN BCOS GSUM, ,GTAN TSIGS THIGS PA 'BREL BRTAG DANG, ,RGYUD GZHAN SGRUB PA RTZOD RIG STE, ,'PHROS PA YAN LAG LTA BU ZER, ,CHOS KYI GRAGS PA LAS BYUNG BA'I, ,TSAD MA SDE BDUN 'DZAM GLING NA; ;SANGS RGYAS BSTAN PA GSAL BYED PA, ,NYI MA ZLA BA LTA BUR GRAGS, ,'DI YI 'OG TU DE RNAMS SLOBS, ,ZHES SOGS DANG, BLO GROS BZANG LDAN KHYOD KYIS NI, ,MTHA' BRAL CHEN PO'I LTA BA LA, ,GAL TE MOS PA YOD GYUR NA, , 'PHAGS PA KLU SGRUB KYIS MDZAD PA'I, ,DBU MA RIGS PA'I TSOGS RNAMS DANG, ,ZHES SOGS, SHING RTA CHEN PO GNYIS RJES 'BRANG DANG BCAS PA'I GZHUNG RNAMS LA THOS PA PHU THAG CHOS PA ZHIG BYA DGOS PA DANG, THOS PA'I DON LA NYAMS LEN SNYING POR MDZAD DE GDENG THOB PA ZHIG BYA DGOS PA DANG, RANG GIS JI LTAR DGONGS PA LTAR SKAL BA DANG LDAN PA GZHAN DAG LA'ANG SPEL TE RGYAL BSTAN YONGS SU RDZOGS PA 'DZIN CING SPEL THUB PA ZHIG CI NAS KYANG BYA DGOS SO ZHES NAN

, ,TAN DU GDAMS SHING, TSE RABS GTAN GYI LHAG PA'I LHA YI DAM RDO RJE 'JIGS BYED DANG, BAR CHAD SRUNG BA'I LHA PHYAG RDOR 'KHOR CHEN DANG, SHES RAB BSKYED PA'I LHA 'JAM DPAL AA RA BA TZA NA DANG, TSE BSRING BA'I LHA TSE DPAG MED DANG, MTHUN RKYEN SGRUB PA'I LHA RNAM THOS SRAS DANG, 'GAL RKYEN SEL ZHING MTHUN RKYEN SGRUB PA'I LHA YE SHES KYI MGON PO PHYAG DRUG PA DANG DAM CAN CHOS RGYAL RNAMS NGED KYI SBYIN PA LTAR BSTEN LA BSNYEN SGRUB DANG MCHOD GTOR MA 'CHAG PAR GYIS ZHES GDAMS SO, ,DE NAS RJE 'DI BAS CHOS RJE DON GRUB RIN CHEN LA BKA' BZHIN BGYI'O ZHES ZHUS SHING PHYAG BTZAL TE BYIN RLABS ZHUS NAS 'BRI KHUNG MTHEL PA'I 'BUL DPON LDAN MA RIN CHEN DPAL GYIS GDAN DRANGS NAS 'PHRIN LAS PA DANG 'GROGS TE BYON, GLANG LO'I STON GYI DUS SU 'BRI KHUNG DPAL GYI NAGS KHROD DU PHEBS, DE'I TSE 'BRI KHUNG GI SPYAN SNGA RIN PO CHE CHOS KYI RGYAL PO BZHUGS PAS KHONG GI SPYAN SNGAR MJAL, THEG CHEN SEMS BSKYED KYI CHO GA DANG PHYAG CHEN LNGA LDAN LA SOGS PA ZAB KHRID MANG DU GSAN, DE NAS SLOB GNYER ZHIG LA 'BYON PAR BZHED PA LA GROGS 'GA' ZHIG GI DBANG GIS TSAL PA'I SMAN PA MKHAS PA DPON DKON MCHOG SKYABS ZHES PA'I GAM DU BYON NAS GSO DPYAD KYI GZHUNG LA SBYANGS SHING, YAN LAG BRGYAD PA THUGS LA BZUNG STE GSO DPYAD KYI SKOR RNAMS BSLABS PAS GZHUNG MAN NGAG LAG LEN DANG BCAS PA LA SHIN

TU MKHAS PAR GYUR TE, PHYIS BSNYUNG DUS SU SMAN PA BCU BDUN BCO BRGYAD TZAM 'TSOGS BA'I DUS SU'ANG NAD GANG LA SMAN GANG 'JUG PA DANG, SMAN GYI SBYOR SDE, BSIL DROD LA SOGS PA'I KHYAD PAR THAMS CAD DRUNG DU ZHUS NAS LAG LEN BDAG CAG RNAMS KYIS BYED PA YIN ZER BA DANG, SMAN PA MKHAS PAR GRAGS PA THAMS CAD KYANG DA LTA KHA BA CAN NA CHOS RJE RIN PO CHE LAS SMAN PA MKHAS PA MI 'DUG PA'I GNAD KYIS BDAG CAG RNAMS KYANG DRUNG DU SMAN SBYOR LA PHYIN PAS SMAN GYI RNAM DBYE MANG DU GSUNG BA THOS PA LA BRTEN NAS, SNGAR LO MANG DU BSLABS PA BAS BLO BSKYED CHE BAR BYUNG ZHES GLENG NGO, ,DER YUN HA CANG MI RING BA ZHIG BZHUGS NAS, CHOS GRVA CHEN PO BDE BA CAN DU BYON, , BDE BA CAN PA'I RIN PO CHE SNYE THANG PA BKRA SHIS SENG GE DANG, GDAN SA PA DGE BSKONG PA GNYIS LA CHOS 'BREL GSAN, KLOG PA'I SLOB DPON YON TAN RGYA MTSO DANG, ZHAR CHOS PA SLOB DPON AU RGYAN PAS MDZAD NAS SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN RTZA 'GREL LA LEGS PAR THUGS SBYONGS MDZAD, ZHAG BCO BRGYAD TZAM GYIS GZHUNG GI TSIG MTHA' DAG SHIN TU BYANG BAR THUGS SU CHUD DE, 'JAM SKYA'I tIKKA'I STENG NAS CHOS GSAN ZHING DON KUN CHUB PAR MDZAD DE, SBYOR BA BRTZI BA SOGS KYI THUGS BRTZON CHER MA MDZAD KYANG RING PO MA LON PAR SHES RAB KYI PHA ROL TU PHYIN PA'I TSIG DON LA SHIN TU MKHAS PAR GYUR NAS, SLOB

, ,DPON DANG GROGS MCHED THAMS CAD KYANG RJE 'DI'I BLO GROS KYI RTZAL DPAG PAR DKA' BA LA CHOS CHER NGO MTSAR BA'I GNAS SU 'DZIN LA, THEG PA CHEN PO MDO SDE'I RGYAN NI, SNGAR MDO SMAD DU BZHUGS PA'I DUS NAS THUGS LA CHUD CING, BSHAD GSAR DANG 'CHAD PA SOGS MDZAD KYANG BDE BA CAN PA'I BLA MA 'JAM RIN PA ZHES GRAGS PA'I DGE BSHES CHEN PO DE BYAMS CHOS LA SHIN TU MKHAS PAR BYED KYIN 'DUG PAS, MDO SDE RGYAN LA SOGS PA'I BYAMS CHOS RNAMS LEGS PAR GSAN ZHING THUGS SU CHUD PAR MDZAD, BDE BA CAN DU THUGS SBYONGS LA BZHUGS PA'I TSE SKABS SHIG TU RJE BTZUN 'JAM PA'I DBYANGS KYI RNAM 'PHRUL SA SKYONG MI'I DBANG PO'I COD PAN DPAL LDAN BLA MA DAM PA BSOD NAMS RGYAL MTSAN PA DBEN GNAS CHOS RDZONG DU PHYAGS PHEBS PA'I SPYAN SNGAR MJAL, 'JAM DBYANGS AA RA PA TZA NA'I RJES GNANG, BDE MCHOG DRIL BU PA'I LUS DKYIL GYI DBANG , GUR GYI MGON PO'I RJES GNANG RNAMS GSAN NO, ,DE LTAR LO GNYIS TZAM LA PHAR PHYIN GYI TSIG DON LA SHIN TU MKHAS PAR GYUR NAS DGUNG LO BCU DGU'I STENG DU GSANG PHU DANG BDE BA CAN LA SOGS PA RNAMS SU GRVA SKOR LA BYON , BLO GROS DANG CHOS SKAD PHUN SUM TSOGS PA'I SNYAN PA RING DU SONG ZHING, BSHES GNYEN MKHAS PA DAG GI YID KYI DBANG PO RNAM PAR DPYOD PA'I LCAGS KYUS DRANGS PAR GYUR TO, ,DE NAS GTZANG PHYOGS LA 'BYON PAR BZHED DE, RIN

SPUNGS KYI PHU'I LA LA BYON MYANG STOD MKHAR KHA BRGYUD NAS ZHA LUR PHEBS, BU STON RIN PO CHE'I DAM PA'I CHOS KYI RGYAL SRID 'DZIN PA'I GDAN SA PA LO TZ'A BA MKHAN CHEN RIN CHEN RNAM RGYAL PA'I DRUNG DU MJAL, BDE MCHOG MEE TRI BCU GSUM MA'I DBANG ZHIG GSAN, DE NAS SNAR THANG LA BYON, DE NAS GDAN SA CHEN PO DPAL LDAN SA SKYAR PHEBS, SA SKYA'I DUS CHOS MA TSUGS KYI RING LA SA BZANG DU BYON NAS SA BZUNG PAn CHEN MA TI BA'I DRUNG DU CHOS BKA' CI RIGS PA GSAN, DUS CHOS TSUGS NAS SA SKYAR PHAR PHYIN GYI GRVA SKOR MDZAD, DE NAS LA STOD BYANG LA BYON, 'DRA BZANG LDAN NGAM RING 'GA' RONG CHOS SDE RNAMS SU'ANG GRVA SKOR MDZAD NAS JO MO NANG DU PHEBS, CHOS RJE PHYOGS LAS RNAM RGYAL BA'I DRUNG DU SBYOR BA YAN LAG DRUG GI KHRID LA SOGS PA GSAN, DE NAS BO DONG LA BYON, MAR RES SPYI BO LHAS SU PHEBS, DE'I MKHAN CHEN PA LA BKA' GDAMS LAM RIM GYI LUNG THOB CIG MDZAD, DE NAS CHOS GRVA CHEN PO AER GRVA SKOR MDZAD NAS SNAR THANG DU PHEBS, SNAR THANG GI MKHAS PA BLA MA LO TZ'A BA DON BZANG PA LA MDZOD KYI BSHAD PA TSAR GCIG GSAN NO, ,DE NAS MYANG STONG DU PHEBS TE GNAS RNYING PA'I GZUNGS SGRUB KYI STENG DU PHAR PHYIN GYI GRVA SKOR MDZAD, DBYAR CHOS LA RTZE CHEN DU PHEBS PAR MDZAD NAS MKHAS PA'I DBANG PO NYA DPON KUN DGA' DPAL BA'I SPYAN SNGAR PHAR PHYIN GYI GZABS BSHAD TSAR GCIG GSAN, THUGS RAB GSAL ZHING RNAM DPYOD YONGS SU RNO BA DANG, BSHAD PAR BYA

, ,BA'I GNAS RNAMS BRDA' SPROD PA PHUL DU BYUNG BAS GDUL BYA'I RNA BAR 'BAB CING, MKHAS PA'I RNAM 'GYUR GYIS SHIN TU THUGS RANGS PAR GYUR, DE'I TSE KHONG PA LA MNGON PA MDZOD CIG GSUNG BAR ZHUS PAS, NGAS LEGS PO SHOD PAR YOD DE DON GNYER BYED MKHAN MA BYUNG BAS LTA RTOG KYANG 'GA' RE DGOS, KHAMS KYANG MA BDE ZHING PHAR TSAD 'CHAD DGOS PA 'DIS 'PHRAL LA 'CHAD PA MI 'GRUB PA 'DUG , NGED KYI SLOB MA RED MDA' BA 'DI BLO GROS CAN MNGON PA LA SHIN TU MKHAS PA ZHIG YOD PAS KHYOD RANG YANG 'DI LA NYAN NA 'THAD CING, NYAN PAR MI SPRO NA MDZUB KHRID CIG BCOL BA DRAG CES YANG YANG GSUNG GIN 'DUG PA DANG, KHONG GI SLOB MA SNGAR NAS ZHAL 'TSO BA YOD PAS KYANG 'TSAMS SBYAR NAS, RJE BTZUN RDA MDA' PA DBYAR DES SKYA NAS RTZE CHEN NA PHEBS 'DUG PA LA MNGON PA MDZOD KYI RANG 'GREL GYI STENG NAS MDZUB KHRID DU MDZAD DE GSAN PAS, GZHUNG GI TSIG RIGS TZAM LA BRTEN PA MA YIN BAR BSTAN BCOS KYI LUS YONGS SU RDZOGS PA'I DON GYI KHOG LEGS PAR BSGRIGS NAS 'GANGS CHUN PA'I GO BA BOGS CHOD DU STER NUS PA ZHIG 'DUG PAS DANG BA CHEN PO 'KHRUNGS, GANG GSUNGS THAMS CAD LAN RE KHO NAS TSIG DON LHAG MA MED PAR THUGS SU CHUD CING, DKA' BA'I GNAS RNAMS LA DRI GTUGS LEGS PAR MDZAD PAS RJE BTZUN RED MDA' PA YANG SHIN TU THUGS PHROGS

PAR GYUR TE KHYED LA MDZUB KHRID BYED PA LA LEGS PAR SGRIM DGOS PAR 'DUG CES GSUNG NGO, ,RJE RIN PO CHE 'DI NYID KYIS RGYAL BA'I GSUNG RAB KYI DRANG NGES RNAM PAR 'BYED PA'I SHING RTA CHEN PO DAG GI LAM SROL, DBU TSAD KYI RIGS PA'I SGO DANG PO RJE BTZUN 'DI NYID LAS RNYED PAS DE'I PHYIR RJE RED MDA' PA 'DI 'GRAN ZLA MED PA'I BLA MA'I GTZO BOR MDZAD PA YIN NO, ,DE LTA BU'I BLA MA DE NYID LA MDZOD KYI CHOS THUN 'GA' ZHIG MDZUB KHRID KYI LUGS SU MDZAD, DE LHAG DON LA KHYAD PAR MI 'DUG KYANG DA LTA'I MTSAN NYID PA RNAMS LA GRAGS PA DANG BSTUN NAS CHOS NYAN BSHAD KYI LUGS SU BYAS NAS GSAN GSUNG, RTZE CHEN GYI DBYAR CHOS DE GROL NAS STON BLA MA RJE BTZUN PA DANG DPON SLOB GNYIS KAS MYANG STOD BSAM GLING DU CHOS BAR LA BYON NAS RJE BTZUN RED MDA' PA LA DBU MA LA 'JUG BA TSAR GCIG GSAN, RJE BTZUN RED MDA' PAS KYANG DBU MA GSUNG BA'I SNGA SHOS DER 'DUG ,DE'I DUS SU GRUB PA BRNYES PA'I RNAL 'BYOR GYI DBANG PHYUG CHEN PO GNAS LNGA RIG PA'I MKHAS PA MKHAN CHEN LO TZ'A BA BYANG CHUB RTZE MO DBUS SU BYON, DGUN CHOS LA SKYID SHOD KYI PO TA LAR MNGON PA KUN LAS BTUS GSUNG BA 'DUG CES GSAN NAS, DE DUS KHONG MNGON PA'I BDAG POR BYED KYIN 'DUG PAS CI NAS KYANG KUN LAS BTUS TSAR GCIG GSAN PAR BZHED DE, STON GYI MJUG LA MYANG STOD NAS PHYOGS BTEG NAS DBUS SU PHEBS PAR MDZAD, PO TA LAR BYON NAS LO CHEN BYANG RTZE LA

, ,MNGON PA GSUNG BAR ZHUS PAS KHONG PA RANG SHIN TU GSUNG BAR BZHED PA 'DUG PA LA, 'ON KYANG DGUNG LO MANG DU BZHES PA SOGS KYI DBANG GIS MYUR DU KHONG RANG GI GDAN SAR PHEBS PA 'THAD SNYAM PA YID LA BZHAG NAS, MYUR BAR GTZANG PHYOGS SU THEGS PAR 'DUN PA'I ZHU BA RDZONG JI BAS PHUL BA LA BRTAN NAS, DE 'PHRAL DBUS NAS GTZANG PHYOGS SU PHYAG BTEG PAS MNGON PA'I THUGS BZHED MA GRUB KYANG CHOS 'BREL ZHIG GSAN, DE'I DGUN CHOS BDE BA CAN DU BYON NAS BZHUGS, DE RJES SKYOR MO LUNG PA'I MKHAN PO DKA' BZHI PA BLO GSAL BA ZHES GRAGS PA 'DUL MDZAD LA SHIN TU MKHAS PAR BYED PA DE'I DRUNG DU SKYOR MO LUNG DU BYON, KHONG SNGON DUS KYI 'DUL BA 'DZIN PA RGYA MTSO'I KHROD NA NYI MA LTAR GRAGS PA'I 'DUL 'DZIN CHEN PO DGE BA'I BSHES GNYEN THAG MA PA'I BU CHEN SBAL TI DGRA BCOM PA'I BSHAD RGYUN 'DZIN PA'I GDAN SA 'DUL BA LA SHIN TU MKHAS PAR 'DUG PAS, DE'I LEGS PAR BSHAD PA'I BOG SKAL BLANG BAR BZHED DE KHONG LA 'DUL BA MDO RTZA BA 'GREL PA CHA LAG DANG BCAS PA RDZOGS PAR GSAN TE ,KHONG GI THUGS LA MNGA' BA'I 'DUL BA'I BSHAD SROL LHAG MA MED PAR THUGS SU CHUD CING KHYAD PAR LHAG POR RTOGS, DE'I TSE CHOS GSAN PA'I ZHAR LA MDO RTZA BA'I RGYA CHER 'GREL GYI DBU NAS NYIN RE BZHIN SHOG BU MDA' TSAD BCU BDUN RE TZAM MA CHAG PAR THUGS LA BZUNG, DUS DE DAG GI

TSE NA TSOGS SU MANG JA LA BYON PA SOGS KYI SKABS SU DGE 'DUN RNAMS YUM GYI MDO 'DON PA'I RING LA SHER PHYIN GYI DON BSAMS PA NA CHOS THAMS CAD SNANG LA NGOS BZUNG MED PA'I DON LA MNYAM PAR BZHAG PAS, DGE 'DUN GYI CHOS SPYOD DANG BDUD BZLOG SOGS KYI TSIG 'BRU TZAM YANG THUGS KYIS MA NGES PAR RNAM RTOG GI RGYU BA RAGS PA THAMS CAD LOG NAS GSAL STONG 'DZIN MED KYI NGANG LA THUGS RTZE GCIG TU GNAS PA MANG JA'I 'OG MJUG 'KHYONGS PA 'BAD RTZOL MED PAR GNAS PA BYUNG, BOD KYI GRUB THOB TU BYED PA'I RTOGS PA BZANG SHOS MTHAR THUG PA DE THUGS LA 'KHRUNGS 'DUG NA'ANG, GSUNG RAB KYI GNAD MA LUS PA THUGS SU CHUD PA'I BDAG NYID CHEN PO 'DI NI DE 'DRA BA LA'ANG SEMS GNAS KYI NYAMS BZANG PO THUGS LA 'KHRUNGS PA'I TING NGE 'DZIN THUN MONG BA'I KHYAD PAR TZAM MA GTOGS, DE KHO NA NYID RTOGS PA'I TING NGE 'DZIN THUN MONG MA YIN PAR 'KHRUL PA'I DRI TZAM YANG MI BRO BA 'DI LTA BU NI MKHAS PA MGU BA'I YON TAN DPAG PAR DKA' BA YIN NO, ,DE'I TSE RGYA CHER 'GREL GYI BAM PO BZHI BCU LHAG TZAM THUGS LA CHUD PAR MDZAD, DE'I TSE SKU STOD LA BSNYUN GZHI DRAG PO ZHIG RGYUN RING TZAM BYUNG YANG RGYAL SRAS RTAG TU DU SHER PHYIN 'TSOL BA'I TSE LUS DANG SROG LA'ANG MI LTA BAR SHER PHYIN BTZAL BA JI LTA BA BZHIN DU BSNYUN GZHI DE LA JI MI SNYAM PAR SLOB MA 'GA' ZHIG DANG BCAS GTZANG PHYOGS LA BYON, SA SKYAR 'BYON BZHED PA LA LAM

, ,DU HA CANG GRANG BA'I REG PAS 'O BRGYAL BAR 'DUG PA DANG BSHUL THAG RING BAS DUR SMRIG GI PHU LA LAM MDZAD DE GNAS RNYING DU BYON, DE'I DGUN GNAS RNYING DU BZHUGS, GNAS RNYING BA'I DON GNYER BA DANG PHYAG PHYIL BYON PA 'GA' ZHIG GIS NAN CHER GSOL BA BTAB PA LA BRTEN NAS, DE GONG MNGON PA KUN LAS BTUS LA CHED DU GTAD PA'I GZIGS RTOG MA MDZAD KYANG, DE DUS TSIG LA GZIGS PA TZAM GYIS DON YING THUGS LA CIG CAR DU GSAL BAR SHAR BAS THOG MAR GZIGS PA'I RIM PA BZHIN GZHAN LA YANG 'DOMS PA'I SGO NAS, MNGON BA KUN LAS BTUS TSAR GCIG RTZAL BSHAD MDZAD DO, ,DE NAS SA SKYAR BYON, DE'I TSE SA SKYA NA BLA MA RJE BTZUN RED MDA' PA CHEN PO LAM 'BRAS GSAN KYIN 'DUG PA DANG MJAL DE NAS BZUNG STE ZLA BA BCU GCIG TZAM GYI RING LA SA SKYAR RJE RED MDA' PA'I SPYAN SNGAR BZHUGS, RJE BTZUN PA KHONG RANG LAM 'BRAS SOGS GSAN PA'I NGANG NAS, RJE 'DI LA MNGON PA KUN LAS BTUS GZABS BSHAD TSAR GCIG MDZAD, GZHAN YANG DE'I TSE TSAD MA RNAM 'GREL LA GTZO BOR SBYANGS SHING GSAN PA DANG, DBU MA 'JUG PA SOGS KYI BSHAD PA DANG, 'DUL BA LUNG LA SOGS PA BKA' BSTAN BCOS MANG PO'I LUNG YANG GSAN, BLA MA RDO RJE RIN CHEN PA'I DRUNG DU BRTAG

GNYIS PA LUGS KYI BSHAD PA TSAR GCIG KYANG GSAN ZHING, SA SKYAR BLA MA RJE BTZUN PAS 'TSAMS SBYOR MDZAD NAS BLA BRANG SHAR PA TSANG GI SNGAGS KYI DGE BSHES BGRES PO MAN NGAG LA MKHAS PAR BYED PA ZHIG 'DUG PA LAS MAN NGAG BLANGS TE BLA GRANG RIN CHEN SGANG GI RGYAB PHYOGS DE LA BYON GYIN MA NING GI HA 'DON PA SOGS LAN 'GA' YAR MDZAD PAS SNGAR GYI SKU STOD KYI BSNYUN GZHI DE LHAG MA MED PAR 'THON, SA SKYA NAS DPON SLOB RNAMS KYIS LA STOD BYANG GI SA'I CHA NGAM RING DU CHOS BAR LA BYON NAS, DPYID DANG DBYAR GNYIS KA NGAM RING DU BZHUGS, BLA MA RJE BTZUN PAS DER MNGON PA KUN LAS BTUS KYI t'IKKA CHEN MO DE'I RTZOM PA MDZAD, BRTZAMS TSAR RIM BZHIN RJE 'DI PAS KYANG THUGS LA CHUD PAR MDZAD CING, RGYAS PA'I BSTAN BCOS TSAD MA RNAM 'GREL GYI RANG 'GREL DE ZHIB TU GSUNG BAR ZHUS NAS TSAR GCIG GSAN NO, ,DE'I STON 'KHRUNGS YUL NAS RKYEN DU BAB PA'I 'TSOG BCAS CI RIGS PA PHRIN LAS PA'I NANG DU 'BUL BA BSKUR YOD PA 'DRA ZER NAS DE BZHES PA LA SOGS PA'I SLAD DU NGAM RING NAS SA SKYA LA LAM MDZAD DE DBUS SU BYON, DBUS SU PHEBS NAS GROGS DANG SLOB 'BREL MANG POS BSKUL ZHING MDO SMAD NAS YUM GYIS KYANG ZHU BA NAN CHER BYUNG BAS RKYEN BYAS NAS, LAN CIG MDO SMAD LA 'BYON PAR BZHED PA 'KHRUNGS TE, MAL GRO LHA LUNG DU BYON, LAG

, ,LEN 'GA' ZHIG LA THUGS SBYONG YANG MDZAD PAR BRTZAMS PA LA MTSAMS SHIG NAS, CI BYED DE 'DRA LA DGOS PA MI 'DUG ,DA NI MDO KHAMS RANG YUL GYI PHYOGS LA GTAN NAS MI 'GRO BA'I YID DAm BCA' BAR BYA'O SNYAM DU DGONGS PA SHUGS DRAG PO SKYO SHAS DANG BCAS PA ZHIG 'KHRUNGS NAS DE 'PHRAL DU MDO SMAD LA MI 'BYON PA'I THUGS THAG BCAD DO, ,DE YANG BDAG NYID CHEN PO 'DI LA CHED DU BSAM PA'I SGO NAS RNYED BKUR DANG, SNYAN GRAGS DANG, 'KHOR BA'I PHUN TSOGS GZHAN GANG YANG RUNG BA, THA NA TSANGS PA DANG BRGYA BYIN GYI DPAL LA'ANG MNGON PAR 'DOD BA'I SRED PA SKYE MA MYONG BA LTA ZHOG GI , PHUN SUM TSOGS PA'I DPAL JI TZAM 'BYOR PA DE TZAM GYIS SLAR ZHING SRED PA ZAD PA'I STOBS CHES CHER RGYAS PAR 'GYUR BA'I GROGS BYED PA NI DAM PA RNAMS KYIS DRAN SHES KYI LCAGS KYUS YID KYI GNYIS 'THUNG YONGS SU BZUNG BA'I 'BAD PA LA BLTOS NAS NYAMS SU BLANG BA YANG SHIN TU BYA DKA' BA'I GNAS YIN NA, 'DI NI BLO SNGON DU GTONG BA LA CUNG ZAD KYANG BLTOS PA MED PAR GZHAN DAG GIS BSNYEN BKUR BA DANG, SNYAN PAR SMRA ZHING LEGS PAR BSNGAGS PA DANG, 'BYOR BA'I KHYAD PAR MCHOG TU GYUR PA RGYA CHEN POS MNGON PAR MCHOD PA SOGS PHUN SUM TSOGS PA JI TZAM ZHIG BYUNG BA DE TZAM GYIS KYANG SLAR ZHING 'DU BYED THAMS CAD LA MI RTAG

BA'I 'DU SHES DANG, MGON MED BA THAMS CAD LA BSKYAB PAR 'DOD PA'I BRTZE BA DANG, RGYAL BA SRAS BCAS THAMS CAD BSNYEN BKUR BAR BZHED PA'I DAD PA RNAMS PHAN TSUN 'GRAN PA BZHIN DU 'PHEL BAR 'GYUR GYI; GZHAN DU NA SRED PA 'PHEL BA DANG RJES SU MTHUN PA NI GNAS MED CING GO SKABS MED DO, ,'DI NI RJE 'DI'I SKYE BAS THOB PA LHAN SKYES KYI YON TAN YIN GYI, SKU TSE 'DI NYID DU GNYEN POS GSAR DU BSKYED PA'I SBYOR BYUNG NI MA YIN NO, ,DE YANG RJE NYID KYI ZHAL NAS KHO BO LA GZHAN GYIS STAN BZANG PO BSHAMS PA DANG, GUS PA'I BSNYEN BKUR SOGS CI TZAM BYAS PA TZAM GYIS CHED DU BSAM MI DGOS PAR DUS DE'I SKABS RANG DU 'DI THAMS CAD MI RTAG CING YID BRTAN DU MI RUNG BA SGYU MA'I BLO BRID DANG 'DRA BA YIN SNYAM PA'I SKYO BA SHUGS DRAG PO SNANG BA BUN LONG DU THONGS PA YID GTING NAS 'GYUR BA RGYUN RING PO RE SKYE BA ZHIG DANG PO NYID NAS RANG CHAS SU YOD PA YIN ZHES GSUNG NGO, ,'DI NI SHIN TU MTHO BA'I RTOGS PA KHYAD PAR CAN DU BOD LA GRAGS PA MANG PO ZHIG GIS CHA TZAM DU YANG BSGRUN PAR MI NUS PA'I MNGON PAR RTOGS PA'I YON TAN YIN LA, ZAG BCAS KYI PHUN TSOGS LA SRED PA 'GOG PA MED DU MI RUNG BA'I DGOS PA NYE BAR GZIGS NAS CHOS KYI RJE SANGS RGYAS BCOM LDAN 'DAS KYIS KYANG, DE'I GNYEN PO YID LA BYED PA THEG PA CHE CHUNG GI MDO SDE RNAMS SU LAN CIG MA YIN

, ,PAR BKA' STZAL PA LTA ZHOG GI ,THA NA DGE SLONG RNAMS LA RIN PO CHE'I KHRI LA 'DUG PA SOGS BYA DGOS PA BYUNG NA'ANG MI RTAG PAS NYEN PA'I 'DU SHES NYE BAR BZHAG PAR BYA BA SOGS KYI BSLAB PA BCAS PA'I SGO NAS KYANG DON DE SGRUB PAR MDZAD PA YIN NO, ,DE BAS NA TSUL 'DI NI MKHAS PA MGU BSKYED PA'I RNAM PAR THAR PA CHES NGO MTSAR RMAD DU BYUNG BA ZHIG GO ,DE NAS STON DE LA MAL GRO LHA LUNG PA'I BLA MA BSOD NAMS GRAGS PA LA CHOS LUNG YANG MANG RAB GSAN ZHING, BAR ZHIG TU SKU MTSAMS BCAD NAS THUGS DAM MDZAD, RNAL 'GREL GYI RNAM BSHAD RIGS MDZOD LA GZIGS RTOG MDZAD CING, LE'U GNYIS PA'I SKABS KYI LAM GYI RNAM GZHAG STON PA'I SKABS LA LEGS PAR GZIGS PAS RKYEN BYAS NAS, CHOS KYI GRAGS PA'I GZHUNG LUGS DANG RIGS PA'I SROL LA LDOG TU MED PA'I DAD PA SHUGS DRAG PO MNAN PAS MI NON PA 'KHRUNGS SHING, STON DER BZHUGS KYI RING LA RNAM 'GREL GYI GZHUNG LA GZIGS TZAM NAS DAD PA'I SPU LONG G-YOS TE SPYAN CHAB KYI RGYUN BCAD PAR MI NUS PA RTAG TU 'ONG BA ZHIG BYUNG GSUNG NGO, ,DE'I DGUN CHOS BDE BA CAN DU BZHUGS, DPYID CHOS SNGON MA LA, GRVA SKOR MDZAD BZHED PA'I PO TI 'GA' YAR GYI GZIGS RTOG MDZAD NAS GTZANG LA BYON, SNAR THANG DU PHEBS, BLA MA LO TZ'A BA DON BZANG PAS TSAD MA'I t'IKKA ZHIG MDZAD 'DUG PA DE TSAR GCIG CIS KYANG

NYON; ZHES BKA' GNANG NAS GSAN, DBYAR CHOS DE SNAR THANG DU RNAM 'GREL MNGON PA GONG 'OG MDO RTZA DANG BCAS PA'I GRVA SKOR MDZAD, SNAR THANG DU GZHUNG BSKYUR BTZUGS PA'I THOG MA DE YIN PA 'DUG, DE NAS STON CHOS LA BLA MA RJE BTZUN RED MDA' PA CHEN PO BO DONG DU CHOS BAR LA PHEBS PA GSAN NAS AER BYON, BLA MA LO TZ'A BA NAM MKHA' BZANG PO LA SNYAN DNGAGS ME LONG GI BSHAD PA LA SOGS PA GSAN, GTZO BOR RJE BTZUN RED MDA' PA LA DBU TSAD MNGON PA SOGS GSAN ZHING PHAR PHYIN DANG 'DUL BA YANG RJE BTZUN NYID KYI DRUNG DU TSAR RE NYAN NA RTEN 'BREL GYI KHYAD PAR ZHIG 'ONG DU RE BAS GSUNG 'TSAL ZHUS NAS TSAR RE GSAN, DBU MA 'JUG PA'I BSHAD PA ZHIB TU GSAN ZHING, RTZA SHE LA SOGS PA'I RIGS TSOGS KYI BSHAD PA GSAN PA MA BYUNG ZHING, DBU MA RIGS TSOGS RNAMS KYI LUNG ZHIG SNAR THANG MKHAN PO KUN DGA' RGYAL MTSAN PA LA GSAN, KHONG GIS NI KHONG RANG GI ZUR CHEN GYI GO SA DE SNGAR DBU MA'I ZUR CHOS PA ZHIG GI GO SAR 'DUG PAS DE NAS BRGYUD PAR 'DUG GSUNG ZHING, BDE BA CAN PA'I BLA MA 'JAM RIN PA LA'ANG LUNG GSAN KHONG GIS CHOS RJE BLA MA LA GSAN PAR 'DUG, BLA MA RJE BTZUN GYIS DBU MA RIGS TSOGS RNAMS KYI LUNG BRANG MO CHE'I GDAN SA PA BLA MA CHOS SHES PA LA GSAN, KHONG GIS SNAR THANG PA SHER SENG GI DRUNG DU GSAN PAR 'DUG GSUNG STE,

, ,MDOR NA DE'I TSE RJE RIN PO CHE DPON SLOB LA RIGS TSOGS RNAMS KYI BSHAD PA LTA ZHOG, LUNG TZAM ZHU BA'I YUL YANG DKA' BAR BYUNG 'DUG GO, DE NAS DPON SLOB GNYIS KA THABS CIG TU SA SKYAR BYON, RJE RIN PO CHE 'DIS DE'I TSE SA SKYAR GONG DU SMOS PA'I DKA' CHEN RNAMS KYI GRVA SKOR MDZAD, DE DUS PO TI GZHAN BCU LHAG TZAM GYI GRVA SKOR YANG MDZAD PAS CHOG PA YOD KYANG, DE DUS KYI GRVA SA RNAMS NA PO TI GZHAN RNAMS KYI GRVA SKOR BYED PA'I LUGS MA DAR 'DUG PAS MA BYAS GSUNG NGO, ,DE NAS DE 'PHRAL DBUS LA BYON NAS SOS TSAL GUNG THANG NAS BRTZAMS TE RIM PA BZHIN DU GSANG PHU DANG RTZES DANG LA SOGS PA'I GRVA SA CHEN PO RNAMS SU PHAR PHYIN SNGAR NAS MDZAD TSAR BAS DE MA GTOGS BA DKA' CHEN LHAG MA BZHI'I GRVA SKOR MDZAD CING, DE'I TSE DBUS GTZANG GI GRVA SA CHEN PO RNAMS KYI DGE BA'I BSHES GNYEN SDE SNOD 'DZIN PA RGYA MTSO LTA BU MTHA' DAG KYANG RJE BLA MA 'DI'I SKU GSUNG THUGS KYI RNAM THAR LA SNYING NAS NGAD PA THOB CING BDAG NYID CHEN PO 'DI NI SNGON YUN RING PO NAS LAM LA SBYANGS PA MTHAR PHYIN PA ZHIG ZHING 'DIR GDUL BYA'I DON DU BSAM BZHIN DU BYON PA ZHIG YIN PA NI GOR MA CHAG GO, ZHES MTHUN BAR BRJOD CING DAM PA'I MGON 'DI LTA BU LA BRTEN PA LAS LHAG PA GANG NA'ANG MED DO ZHES RJE 'DI'I ZHABS RDUL SPYI BOR BLANGS TE BKA' BZHIN DU SGRUB BA LA 'BAD PAR GYUR TO, ,DE'I TSE CHOS GRVA CHEN PO RNAMS SU GRVA SKOR LA BYON PA'I SKABS DAG TU'ANG DAD PA'I SHUGS KYIS GSOL

BA 'DEBS SHING DAM PA'I CHOS KYI BKA' STZAL MNYAN NAS RJE NYID KYI SLOB MAR KHAS LEN PA'I SDE SNOD 'DZIN PA'ANG DU MA ZHIG BYUNG LA, BDAG LEGS SU 'DOD PA DAG NI 'DI 'DRA BA'I DAM PA'I MGON LA BRTEN PA LAS 'DOD PA'I GNAS 'THOB PAR 'GYUR GYI, GZHAN GYIS NI MA YIN NO SNYAM DU BSAM NAS BDAG NYID CHEN PO 'DI'I ZHABS 'BRING DU KHAS LEN PAR YANG BYED DO, ,DE NAS RTZES DANG GI GRVA SKOR TSAR NAS YAR KLUNGS RNAM RGYAL DU MA BYON SANGS RGYAS GSUM PA KHA CHE'I PAndI TA BSOD SNYOMS PA CHEN PO SH'AKYA SHR'I BHA DRA'I MKHAN BRGYUD TSOGS CHEN PO'I MKHAN PO DKA' BZHI PA TSUL KHRIMS RIN CHEN GYIS MKHAN PO MDZAD, TSOGS PA BYI RDZING PA'I MKHAN PO GNAS BRTAN 'DUL BA 'DZIN PA SHES RAB MGON POS LAS KYI SLOB DPON MDZAD, BYI RDZING PA'I DBU MDZAD SDOM BRTZON BSOD NAMS RDO RJES GSANG STE STON PA MDZAD CING, TSOGS PA GNYIS KYI DGE SLONG KHA SKONG DU 'OS PA GRANGS TSANG BAS DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE GNAS BRTAN CHEN PO 'OD SRUNGS GANGS RI'I LJONGS 'DIR SLAR YANG BYON PA JI LTA BA BZHIN DU LHA DANG BCAS PA'I 'GRO BA THAMS CAD KYI BSOD NAMS KYI ZHING GCIG BUR GYUR TO, ,DE NAS GDAN SA THEL DU BYON, SPYAN SNGA RIN PO CHE GRAGS PA BYANG CHUB PA'I DRUNG DU MJAL, LEGS BSHAD KYI SKYES PHUL ZHING DAM PA'I CHOS KYI BKA' MCHID MDZAD BAS CHOS RJE SPYAN SNGA BA DAD PA'I SHUGS KYIS SPYAN CHAB BYUNG, PHYIS KYANG DRUNG NA 'KHOD PA DAG DANG 'BEL BA'I BKA'

, ,MCHID GLENG BA NA SKU NA GZHON NU 'DI 'DRA BA LA'ANG YON TAN GYI GTER CHEN PO 'DI LTA BU 'DUG NA KHO BO'I SKYE SA 'DI 'DRA BA ZHES THUGS PHYUNG BA'I GSUNG YANG YANG 'BYON PAR MDZAD DO, ,DE'I TSE SPYAN SNGA RIN PO CHE DE NYID LA LAM 'BRAS BU DANG BCAS PA'I MAN NGAG YONGS SU RDZOGS PA DANG N'A RO PA'I CHOS DRUG DANG RJE PHAG MO GRU PA DANG CHOS RJE 'JIG RTEN MGON PO'I BKA' 'BUM LA SOGS PA LHO BRAG MAR PA NAS RJE BTZUN MI LA LA BRGYUD PA'I GDAMS NGAG GANG YOD DANG, LHO BRAG MAR PA NAS RDOG CHOS SKU RDO RJE LA BRGYUD PA'I MAN NGAG GANG YOD DANG, 'GRO MGON PHAG MO GRU PA'I GSUNG GANG YOD DANG MAN NGAG GANG YOD GSAN TE MAN NGAG DE DANG DE DAG GI NUS PA THON PAR MDZAD DO, ,DE NAS 'ON GYI LHA KHANG KE RUR CHOS BAR LA BYON, TSA GO DBON PO SOGS SDE SNOD 'DZIN PA MANG PO ZHIG LA PHAR TSAD DBU MA SOGS KYI CHOS MANG DU GSUNGS, DE NAS SKYID SHOD DU PHEBS TE TSAL DU BZHUGS NAS BKA' DANG BSTAN BCOS BOD YUL DU 'GYUR RO 'TSAL LA GZIGS RTOG ZHIB PAR MDZAD, GSUNG RAB MTHA' DAG GI DON LA RNAM PAR DPYOD PA'I SGO DU MA ZHIG THUGS LA 'KHRUNGS, MNGON PAR RTOGS PA'I RGYAN 'GREL PA DANG BCAS PA'I RNAM BSHAD CHEN MO'I RTZOM PA'ANG MDZAD, DE'I TSE 'DZIN BZANG BAR GRAGS PA GLING MTSUNGS MED DANG, MDO SMAD PA 'JAM DPAL BKRA SHIS DANG, SH'AKYA GRUB CES PA GSUM DANG, RJE 'DIS 'DZIN GYI KHYAD PAR CHE CHUNG NYAMS SAD MDZAD PAS,

RJE 'DIS NAM LANGS PA NAS TSAL DBUS GLING GI GTZUG LAG KHANG GI TOG GI RTZE LA NYI MA SHAR BA DANG MNYAM DU SNGON GZIGS MA MYONG BA'I DPE MDA' TSAD PHRENG DGU MA ZHIG GI SHOG LDEBS BZHI SHIN TU DAG PAR THUGS LA CHUD 'DUG CING, GLING MTSUNGS MED KYIS PHYED DANG GSUM THO RE BA ZHIG DANG, GZHAN GNYIS KYIS RE RE LAS MA ZIN NO, ,SKABS SHIG TU TSA GO DBON PO MKHAN CHEN NGAG DBANG GRAGS PA PHYAGS PHYI LA KHRID NAS LHA SAR JO BO THUGS RJE CHEN PO RANG BYUNG LNGA LDAN GYI DRUNG DU BYON NAS SMYUNG GNAS MANG DU MDZAD, DE'I NUB GCIG GI TSE DPON SLOB GNYIS KAS GSOL BA DRAG TU BTAB NAS MNAL LAM GYI LTAS BRTAGS PAS, TSA GO BA LA DUNG DKAR CHEN PO GNYIS NAM MKHA' LAS BABS NAS KHONG GI THU BAR LHUNG BYUNG BA DE MA KHAD DE GNYIS 'DRES NAS GCIG TU SONG 'DUG, DE LAG TU BLANGS NAS BUS PAS SGRA CHEN PO DPAG TU MED PA GRAGS PA ZHIG RMIS 'DUG STE, PHYIS KHONG GIS RGYAL MO RONG GI SMAD DU SANGS RGYAS KYI BSTAN PA DAR ZHING RGYAS PAR MDZAD DE 'PHRIN LAS RGYA CHEN PO BYUNG 'DUG PA DE'I LTAS YIN PAR GSUNGS, RJE 'DI PA'I MNAL LAM DU SNYE THANG GI YAR 'PHRANG YAR LA THON PA'I BRAG MDA' SGRO ZER BA DE 'DRA BA ZHIG GI BRAG RI GZAR PO ZHIG LA 'DZEGS BYON PAS RDO LEB DKAR PO SHIN TU 'JAM PA ZHIG GI STENG NA AUTPA LA SNGON PO CHES CHER RGYAS SHING KHA DOG GSAL BA, 'DAB MA MA BRNYINGS PA, YU BA DANG BCAS PA ZHIG 'DUG, DE PHYAG TU BLANGS, 'DI RJE BTZUN SGROL MA'I PHYAG MTSAN DU 'DUG

, ,PAS DES RJES SU 'DZIN PA'I LTAS YIN NAM DGONGS PA NA, DA LAN DE MA YIN TSE'I LTAS YIN GSUNG BA ZHIG BYUNG, TSAL NAS DGUN CHOS LA BDE BA CAN DU BYON, SDE SNOD MANG DU GSUNGS, DPYID DBUS STOD BYA YUL DU PHEBS, DGE BA'I BSHES GNYEN BDUN CU TZAM ZHIG LA PHAR TSAD DBU MA 'JUG PA MNGON PA KUN LAS BTUS RNAMS GSUNGS, SLAR YANG TSAL DU BYON NAS PHAR PHYIN GYI RNAM BSHAD KYI 'PHRO MDZAD CING MJUG BDE BA CAN DU RDZOGS PAR MDZAD, DE NAS, MDO RGYUD KYI GZHUNG CHE CHUNG DU MA LA MKHAS PAR SBYANGS SHING, KHYAD PAR DUS KYI 'KHOR LO CHA LAG DANG BCAS PA LA MKHAS PAR GRAGS PA TSAL PA BLA MA RTOGS LDAN YE SHES RGYAL MTSAN PA LA DUS 'KHOR GSUNG BAR ZHUS, KHONG GIS KYANG ZHAL GYIS BZHES NAS DPON SLOB GNYIS KAS SKYOR MO LUNG DU BZHUGS TE DUS KYI 'KHOR LO'I 'GREL CHEN DRI MA MED PA'I 'OD KYI BSHAD BA ZHIB PAR GSAN ZHING; RGYU MTSAN RTZIS DANG LAG LEN RNAMS LA'ANG MKHAS PAR SBYANGS, SKYOR MO LUNG DU SDE SNOD 'DZIN PA MANG PO LA GZHUNG CHE CHUNG MANG PO'I BSHAD PA'ANG GSUNGS NAS, SLAR YANG DE'I PHYI LO DBYAR CHOS BDE BA CAN DU BZHUGS, BLO GSAL 'DUS PA RGYA MTSO'I TSOGS LA SDE SNOD KYI BSHAD PA MANG DU GNANG, DE NAS DGUN STOD LUNG MTSO SMAD NGANG DKAR DU DUS 'KHOR LA THUGS SBYONG SHIN TU 'GRUS PAR MDZAD, BSHES GNYEN BLO GSAL MANG PO LA SDE SNOD

KYANG MANG DU GSUNGS, DE NAS RDZONG CHE GRAGS PA RIN CHEN PA DE RJE 'DI PA LA DE GONG NAS MI PHYED PA'I DAD PA YOD PAS SNGA PHYIR GSOL BA MANG DU BTAB PA LA DGONGS NAS YAR KLUNGS PHYOGS LA 'BYON PAR BZHED DE SRIN PO RIR PHEBS PA NA, DE DUS GONG DKAR NA SGOM PA CHOS RGYAL YOD PA KHONG YANG RJE 'DI LA SNYING NAS DAD PA YOD PA'I DBANG GIS ZHU BA NAN CHER PHUL TE SOS DE RIGS LNGA LHA KHANG DU BZHUGS, SDE SNOD 'DZIN PA BDUN CU LHAG TZAM LA PHAR TSAD MNGON PA GONG 'OG 'DUL BA MDO RTZA DBU MA 'JUG PA SOGS GSUNGS, GONG DKAR NAS BSNYEN BKUR SDE GONG 'OG GI DKYIL 'KHOR CHEN PO RNAMS SU, SKAL BA DANG SMON MKHAR DU BZHUGS TE SDE SNOD MANG DU GSUNGS SHING, RDZONG CHIBS YO BYAD MKHO DGU THAMS CAD KYIS GUS PAS MCHOD, DE LTAR SNGA PHYIR SDE SNOD DPAG TU MED PA NAR MAR GSUNG BA DE DAG GI SKABS RNAMS SU'ANG, RGYUD SDE GONG 'OG GI DKYIL 'KHOR CHEN PO RNAMS SU, SKAL PA DANG LDAN PA'I GDUL BYA DBANG GIS SMIN PAR MDZAD PA DANG, GZHAN YANG LHA SO SO'I RJES GNANG DANG, LUNG DANG MAN NGAG LA SOGS PA GANG LA GANG 'TSAM GYI CHOS KYIS GDUL BYA DPAG TU MED PA SMIN CING GROL BAR MDZAD DO, ,LHAG PAR YANG DE'I TSE RJE 'DI NYID NGAG GI LHA MO DBYANGS CAN MAS RJES SU BZUNG BAR GRAGS SHING, DE'I RJES GNANG ZHU BA GAR BYON DU MANG BA ZHIG 'ONG ZHES GRAG GO, DE NAS DGUN MON MKHAR BKRA SHIS GDONG DU BZHUGS, DE DUS NUB CIG

, ,ZHUGS ME LA BZHUGS NAS BOD KYI MKHAS GRUB RNAMS KYI RNAM PAR THAR PA CI RIGS PA GSUNG PA'I SKABS SU, DKA' BZHI PA SHER SENG GIS CHOS THOG GCIG LA PO TI BCU GCIG GSUNGS 'DUG, DUS PHYIS BOD DU PO TI DUS GCIG LA GSUNGS PA DE MANG SHOS SU 'ONG BA 'DRA GSUNG, DE NAS DGE BSHES SHA STON LA SOGS PAS RJE NYID NAS KYANG DE TZAM ZHIG DUS GCIG TU GSUNG 'TSAL ZHUS BAS, RTZOL BA BYAS NA DE TZAM ZHIG 'CHAD THUB PA 'DRA GSUNG, 'O NA CIS KYANG GSUNG 'TSAL ZHES NAN GYIS GSOL BA BTAB PAS ZHAL GYIS BZHES TE ZLA BA DE'I TSES BCU NAS GNAM GANG GI BAR SKU MTSAMS BCAD NAS GZIGS RTOG MDZAD, GNAM GANG GI NYIN PHYAG DPE THAMS CAD KYI SKU RAGS BCINGS, TSES GCIG NAS CHOS 'DZUGS PAR BZHED PA LA GSANG PHU SOGS NAS 'BYON PA'I DON GNYER BA SDE SNOD 'DZIN PA MANG PO ZHIG SGUG DGOS PA BYUNG BAS NYI MA GSUM TZAM GYI BAR DU MI LA DANG MAR BA SOGS KYI GSUNG RGYUN THOR BU 'GA' GSUNGS, TSES LNGA NAS NYI MA GCIG LA RGYA GAR SKAD BCO LNGA'I DBU DUS GCIG LA BTZUGS NAS NYIN RE ZHING THO RANGS NAS SROD KYI BAR LA CHOS THUN BCO LNGA RE MA CHAG PAR THUGS BSHAD MDZAD, DE'I NANG NAS PO TI CHUNG BA GNYIS RDZOGS BAR GSUNGS TSAR BA NA DE'I DOD DU SLAR YANG CHUNG BA GNYIS BTZUGS NAS, TSAD MA RNAM 'GREL, PHAR PHYIN, MNGON PA GONG 'OG GNYIS, 'DUL BA MDO RTZA BA, BYAMS

CHOS PHYI MA BZHI, DBU MA RIGS PA'I TSOGS LNGA, 'JUG PA, BZHI BRGYA PA, SPYOD 'JUG STE BSTAN BCOS BCU BDUN GYI BSHAD BA DKA' CHEN 'GA' ZHIG BOD KYI t'IKKA CHEN MO RE GZHIR BZHAG PA'I THOG TU 'GREL BA'I 'CHAD TSUL DU MA DGAG SGRUB DANG BCAS PAS GTAN LA PHAB CING, GZHUNG GZHAN RNAMS PHAL CHE BA RANG RANG GI 'GREL PA'I STENG NAS GZHUNG PHRA RAGS MA LUS PA LA BSHAD PA ZHIB PAR MDZAD DE ZLA BA GSUM LA RDZOGS PAR MDZAD CING, DE'I SKABS SU'ANG, SROD CHOS GROL NAS RDO RJE 'JIGS BYED KYI BDAG 'JUG LA SOGS PA THUGS DAM RIM GNYIS KYI RNAL 'BYOR RNAMS MA CHAG PAR MDZAD DE, SKYE BO KUN YANG 'DI NI LHAG PA'I LHAS DNGOS SU BYIN GYIS BRLABS PA'AM, GZUNGS THOB PA'I BYANG CHUB SEMS DPA'I CHEN PO ZHIG YIN PAR NGES KYI GZHAN LA 'DI LTA BU 'BYUNG MI SRID DO ZHES MTHUN PAR GLENG NGO, ,DE'I DBYAR KHA YAR KLUNGS AO KAR BRAG TU BZHUGS NAS SKU MTSAMS DAM PO MDZAD, BCOM LDAN 'DAS DPAL 'KHOR LO BDE MCHOG GI SGOM BZLAS DANG THUN BZHI'I RNAL 'BYOR, BDAG 'JUG SHIN TU MANG BAR MDZAD CING NE GU CHOS DRUG GI DMIGS SKOR RNAMS THUGS NYAMS SU BSTAR NAS LEGS PAR SBYANGS TE ZHAG RE LA GTUM MO'I RLUNG SBYOR YANG BRGYAD BRGYA RE TZAM MDZAD DO ZHES GSUNG ZHING GTUM MO LA SOGS PA'I THUGS DAM GYI NYAMS BZANG PO MANG DU 'KHRUNGS SO, ,DE NAS STON SKYID SHOD DU PHEBS,

, ,RJE BTZUN RED MDA' PA'I ZHAL SNGA NAS KYANG DBUS SU CHOS BAR LA PHEBS PAS DPON SLOB GNYIS KAS PO TA LAR BZHUGS NAS DAM PA'I CHOS KYI BKA' BGRO BA MANG DU MDZAD CING GDUL BYA RNAMS LA'ANG LEGS PAR BSHAD PA'I SKYES STZAL NAS RJE BTZUN PA SLAR YANG GTZANG LA BYON, RJE BLA MA 'DI NYID KYIS DE'I DGUN SKYOR MO LUNG GI BRAG TU BZHUGS NAS SDE SNOD 'DZIN PA CHEN PO DU MA LA DUS 'KHOR DANG PHAR TSAD MNGON PA SOGS MANG DU GSUNGS SO, ,DE NAS DE'I DPYID RTA'I LO LA RGYUD SDE CHEN PO RNAMS KYI BSHAD PA DANG, DBANG LAG LEN MAN NGAG DANG BCAS PA MTHA' DAG RDZOGS PA ZHIG RTZAD GCOD MDZAD PAR BZHED PA DANG, ,BLA MA RJE BTZUN RED MDA' BA DANG DPON SLOB GSUNG GLENG MDZAD PA'I DGOS PA 'GA' ZHIG GI PHYIR DU GTZANG LA BYON, RONG GI SNUBS CHOS LUNG DU BZHUGS, TSOGS BA'I MKHAN PO RIN CHEN GRAGS PA BSHES GNYEN PA LA BKA' LUNG CI RIGS PA GSAN, DE DUS RJE 'DI PA'I ZHABS 'BRING LA YOD PA'I SNGO PHYI DPON PO BSOD NAMS GRAGS DANG, MDO SMAD PA DGE BSHES SHES RAB GRAGS ZHES BA GNYIS KYIS BLA MA DBU MA PA BRTZON 'GRUS SENG GE BDE MCHOG STENG ZHES PA'I DBEN GNAS ZHIG NA BZHUGS PA'I DRUNG DU MJAL BA LA PHYIN CHOS 'BREL ZHUS GSUNG GLENG BYUNG BAS, DBU MA PA'I ZHAL NAS, NGED KHYED KYI SLOB DPON PA DE LA DBYANGS CAN MA'I RJES GNANG ZHIG ZHU DGOS GSUNG, DE NAS BLA MA DBU MA PA DANG RJE 'DI PA

ZHAL 'DZOM MDZAD DE, BLA MA DBU MA PAS RJE 'DI LA DBYANGS CAN MA'I RJES GNANG ZHUS, DE'I TSE GSUNG GLENG ZHIB TU MDZAD PAS BLA MA DBU MA PA KHONG RANG LA MDO KHAMS NA PHYUGS MA SKYONG BA'I DUS NYID NAS RJE BTZUN 'JAM PA'I DBYANGS KYI SKU DANG GSUNG GI SNANG BA NAR MAR 'ONG TSUL DANG, DE LA SNGA PHYIR BRTAG PA BYAS TSUL LA SOGS PA ZHIB PAR ZHUS NAS, DA DUNG NGED 'DI LA GTING NAS NGES BRNYED PA MED PAS BRTAG DPYAD YANG DAG CIG THUGS LA 'DOGS PAR ZHU DA LA NA YANG RJE BTZUN GYI SKU'I SNANG BA DE'I GSUNG NAS, RJE NYID LA DBYANG CAN MA'I RJES GNANG ZHU BA LA RGYUG GSUNG NAS 'ONGS PA YIN, ZHES GSUNGS BA LA RJE 'DI PAS DBU MA'I LTA BA SOGS CHOS KYI GNAD ZAB MO RNAMS KYI DRI GTUGS MDZAD PA SOGS KYI SGO NAS LEGS PAR BRTAGS PAS RTAG THUB PA 'DUG PAS THUGS YID GNYIS ZA DGOS PAR MI GDA', GSOL BA DRAG TU THOB MDZAD, 'ON KYANG RJE BTZUN GYI SKU DANG GSUNG RANG MTSAN PA DA LTA DBANG SHES LA SNANG BA MIN, YI DAM GYI SKU DNGOS KYIS GTAD PA'I RNAM PA YID SHES LA DNGOS SU SNANG BA ZHIG YIN, NGED KYANG 'JAM PA'I DBYANGS KYI SGRUB SKOR MAN NGAG SOGS 'DI PHYOGS LA SHES 'DOD CHE BAR YOD PAS ZHU DGOS NA'ANG DA LAN RJE BTZUN RENG MDA' PA'I DRUNG NAS STAG TSANG DU 'BYON PA DANG DPON SLOB DUS NGES MDZAD PA'I MJAL PHRAD DGOS PAR YOD PA SOGS KYIS BREL NAS MI 'GRUB 'DUG, RJES SU RTEN 'BREL CIG CIS KYANG SGRIG 'TSA

, ,ZHES GSUNGS NAS STAG TSANG RDZONG KHAR BYON, MKHAN CHEN LO TZ'A BA GRAGS PA RGYAL MTSAN PA DANG, RJE BTZUN DAM PA RED MDA' PA DANG, BLA MA LO TZ'A BA DON BZANG BA DANG, RJE'I ZHAL SNGA NAS DANG, DE DAG GI ZHABS 'BRING DU LHAGS PA'I BSHES GNYEN SDE SNOD 'DZIN PA PHUN SUM TSOGS PA DU MA DANG, GNYUG MAR GNAS PA'I DGE 'DUN GYI TSOGS DANG BCAS PA'I YUL MCHOG TU GYUR PA GDAN MNGON PAR 'JOM PA THAMS CAD KYI NYE BAR MKHO BA'I 'TSOGS CHAS, ZHAL ZAS DANG GNAS MAL LA SOGS PA PHUN SUM TSOGS PA'I MTHIL LEN GYI THUGS KHUR RGYA CHEN PO DAG RGYAL SRAS 'DUL BA 'DZIN PA CHEN PO GZHUNG LUGS RAB 'BYAMS LA MKHYEN PA RGYAS SHING; GCIG TU BSTAN PA RIN PO CHE'I KHUR 'KHYER BA LA MI MNYAM PA'I BRTUL ZHUGS CAN CHOS RJE LO TZ'A BA SKYABS MCHOG DPAL BZANG POS BZHES SO, ,DE'I TSE RIN PO CHE GRAGS PA RGYAL MTSAN PAS PHAR PHYIN DANG, CHOS RJE SKYABS MCHOG PAS BRTAG GNYIS GSUNGS SHING, RJE BTZUN DAM PA RED MDA' PA'I ZHAL SNGA NAS, KHONG RANG GIS MDZAD PA'I RNAM 'GREL RGYAN GYI 'GREL BSHAD CHEN MO DE GSUNG BA RJE 'DIS GSAN ZHING, DPON SLOB GNYIS KYIS DKA' PA'I GNAS GTAN LA 'BEBS PA'I RIGS PA'I BRTAL BRTAGS KYANG MANG DU MDZAD, DE NAS DPON SLAB GNYIS KYIS 'BA' 'U 'BA' GNYER DU CHOS BAR BTEG NAS BYON, RJE RIN PO CHE 'DIS BLA MA RJE BTZUN RED MDA' PA'I

ZHAL SNGA NAS LA RGYUD KYI RGYAL PO DPAL GSANG BA 'DUS PA'I RTZA RGYUD KYI BSHAD PA TSAR GCIG GSAN, DE'I TSE GONG GSUM BDE CHEN PA'I BLA MA RIN PO CHE CHOS KYI DPAL BA'I DRUNG DU DUS 'KHRO ZHIG GSAN DGOS DGONGS PA BYUNG BA'I NUB GCIG MNAL LAM DU, CHOS KYI DPAL GYIS BU STON RIN PO CHE LA DUS 'KHOR 'GREL CHEN TSAR BCU BDUN NYAN PA YIN NO ZER BA ZHIG BYUNG, PHYIS KHONG DANG MJAL DUS RIN PO CHES BU STON GYI DRUNG DU DUS 'KHOR TSAR DU GSAN PA LAGS ZHUS PAS, BCU BDUN NYAN ZHES GSUNG NGO, ,DE DUS RJE BTZUN RED MDA' PA'I ZHAL NAS, SNGAGS KYI RTZAD GCOD DE TZAM MDZAD PA LA YUN RING 'GYAL, DA LTA SDE SNOD KYI BSHAD PAS PHAN THOGS RGYA CHEN PO 'ONG GIN 'DUG PAS RE ZHIG BSHAD PA MDZAD PA MI 'THAD DAM ZHES GSUNG BA LA ,BDAG SNGAGS KYI PHYOGS LA 'DUN PA DRAG PO BDOG PAS SNGON LA SNGAGS PHYOGS KYI RTZAD GCOD BGYID PA LAGS ZHES GSUNGS, DE YANG RJE RIN PO CHE 'DI'I ZHAL NAS NGED SNGAGS KYI PHYOGS LA GZHAN GYIS BSKUL DGOS PA MED, CHUNG DU NAS 'DI LA SHES 'DOD DRAG PO YOD CING ,DE YANG RGYUD SDE MTHA' DAG YONGS SU RDZOGS PAR BSLAB DGOS SNYAM PA ZHIG DANG PO NAS YOD CES GSUNG NGO, ,DE NAS BLA MA RJE BTZUN PAS SA SKYA LA PHYAGS BTEG, RJE 'DI PAS RONG CHOS LUNG DU BYON, ,BLA MA DBU MA BA DANG CHOS KYI GSUNG GLENG MANG DU MDZAD, RJE BTZUN 'JAM PA'I DBYANGS KYI CHOS SKOR YANG MANG DU GSAN, BLA MA DBU MA PAS KYANG RJE RIN PO CHE

, ,'DI NYID LA DBU MA LA 'JUG PA'I RANG 'GREL SOGS CHOS BKA' CI RIGS GSAN PAR MDZAD DO, ,RJE RIN PO CHE 'DI PAS STON GYI RING RONG GI RI LUNG PHUG TU THUGS DAM LA BZHUGS, STON GZHUG MYANG STOD SMAD KYI MTSAMS GONG GSUM BDE CHEN DU PHEBS NAS ,THAMS CAD MKHYEN PA BU STON RIN PO CHE'I BU CHEN RNAMS KYI NANG NAS DUS KYI 'KHOR LO LA MKHAS PA'I MCHOG TU GYUR PA ,GZHAN YANG SNGAGS KYI GZHUNG DANG LAG LEN MAN NGAG SOGS MTHA' YAS PA LA MNGA' 'BYOR PA'I RIN PO CHE CHOS KYI DPAL BA'I DRUNG DU MJAL, THOG MAR MJAL BA'I DGONGS MO DE PHYAG PHYIS DAR SER PO ZHIG PHUL, SANG NYIN JA ZHAL ZHIG MDZAD DE GOS NE TZO KHA YUG GCIG PHUL NAS DUS KYI 'KHOR LO'I 'GREL CHEN CHA LAG DANG BCAS PA GSUNG BAR ZHUS, DE DUS KYANG 'GREL CHEN GSUNG BA'I LE'U DANG PO RDZOGS PA'I MTSAMS LA 'DUG PAS, KHONG GI ZHAL NAS, MDANG GI DAR SER PO DE SA'I KHAMS SDUD RIM DANG MTHUN PAS RDZOGS RIM YONGS SU RDZOGS PAR 'ONG BA 'DUG ,DA NANGS KYI GOS YUG 'DI LJANG KHU NAM MKHA'I KHAMS YIN BSKYED RIM DANG MTHUN PAS BSKYED RIM YONGS SU RDZOGS PAR 'ONG BAR 'DUG ,CHOS MTSAMS LE'U GNYIS PA'I 'OG GANG ZHIG CHEN PO'I MI RNAMS SMIN PAR BYA BA'I DON DU ,ZHES PA'I SKABS LA SLEB BYUNG BAS RTEN 'BREL SHIN TU LEGS, CHOS THAMS CAD YONGS SU RDZOGS PAR BYED DGOS ,ZHES DGYES

BZHIN DU ZHAL GYIS BZHES, LE'U DE NAS DBU BTZUGS TE GSUNGS SHING, SLAR YANG LE'U DANG PO'I 'OG NAS SKYAR TE GSUNGS, STON GZHUG DE NAS DPYID SNGA MA MA RDZOGS RING LA BZHUGS NAS RGYUD 'GREL GYI BSHAD PA PHYAG LEN GYI MDZUB KHRID; SBYOR DRUG GI NYAMS KHRID SOGS RDZOGS PAR GSAN NO, ,DE NAS YO GA'I BKA' LUNG BSHAD PA MTHA' DAG GSAN PAR BZHED PA LA SNGON DU PHYAG LEN ZHIG SBYANG BAR BZHED NAS ,ZHA LU NA DE DUS BU STON RIN PO CHE BA'I MCHOD G-YOG PA GTZO BO ZHIG YIN PA YO GA'I LAG LEN LA SHIN TU MKHAS PAR GRAGS PA'I YO GA BA TSE DBANG ZHES PA'I SLOB MA DRAG PA YO GA BA MGON BZANG ZHES BYA BA GDAN DRANGS NAS, KHONG DANG RJE RIN PO CHE GNYIS KYIS MYANG STOD SMAD KYI MTSAMS 'KHRIS RTZA KHANG ZHES PAR BZHUGS NAS RDO RJE DBYINGS DANG DPAL MCHOG RTZE MO LA SOGS PA YO GA'I DKYIL 'KHRO CHEN PO MTHA' DAG GI BRIS THIG GAR DBYANGS, DKYIL CHOG GI CHOG KHRID, PHYAG RGYA 'CHING BA SOGS LA SHIN TU BYANG BAR SBYANGS, DE'I TSE NUB GCIG MNAL LAM DU, KHRI CHEN PO ZHIG GI STENG NA BLA MA KHYUNG BO LHAS PA YIN ZER BA'I BLA MA BGRES PO DBU RGYAN GSOL, RDO RJE DRIL BU PHYAG NA BZUNG BA ZHIG BZHUGS, DE'I SKU MDUN RJE RIN PO CHE NYID KYANG BZHUGS 'DUG PA LA, BLA MA DE BZHENGS NAS RDO RJE'I 'GROS KYIS DRIL STABS DANG BCAS RJE 'DI NYID LA G-YAS SU BSKOR BA LAN GSUM MDZAD CING, PHRENG BA NAS BYUNG BA'I AE K'A PA TZIK'A PA ZHES SOGS KYI SGA BSGRAGS NAS RJE'I DBU'I STENG DU

, ,RDO RJE DRIL BU BZUNG STE KARMA BADZRA ZHES BYA BA'O, ,ZHES GSUNGS NAS KHRI LA BZHUGS SONG BA ZHIG BYUNG, MNAL SOD NAS BRTAGS PA NA SNGAR GYI GSANG MTSAN DON YOD RDO RJE YIN BA DANG, KARMA BADZRA YANG DON GRUB KYI RIGS KYI MING DU 'DUG PAS 'DRA BA 'DUG DGONGS PA ZHIG BYUNG GSUNG NGO, ,SLAR YANG DPYID SMAD DE NAS DBYAR DANG STON 'OG MA'I RING LA GONG GSUM BDE CHEN DU BYON NAS, RIN CHEN CHOS KYI DPAL BA LA RDO RJE PHRENG BA'I DBANG LUNG MDZUB KHRID BSHAD PA GAR THIG DBYANGS GSUM GYI PHYAG LEN KHRID DANG BCAS PA'I SGO NAS PHRENG BA SKOR GSUM LA MKHAS PAR SBYANGS, GZHAN YANG BCOM LDAN 'DAS PHYAG NA RDO RJE 'KHOR LO CHEN PO LA SOGS PA'I DBANG LUNG MAN NGAG DANG BCAS PA LA SOGS PA ZAB CING RGYA CHE BA'I CHOS MANG DU GSAN, DE NAS ZHA LUNG RIN PO CHE KHYUNG PO LHAS PA LA YO GA'I SKOR GSAN PA LA 'BYON PAR DGONGS YOD PA LA, NUB GCIG MNAL LAM DU KHRI CHEN PO ZHIG GI STENG NA RIN PO CHE KHYUNG PO BA YIN ZER BA'I BLA MA BGRES PO ZHIG BZANG PO'I 'DUG STANGS MDZAD NAS BZHUGS, DE'I DRUNG NA RJE 'DI PA'ANG BZHUGS YOD PA LA, BLA MA DES PHYAG GNYIS KYIS THUGS KA'I NA BZA' BSAL NAS THUGS KA STON GYIN 'DUG PA LA GZIGS PAS, BLA MA DE'I THUGS KA NAS SNGAGS KYI PHRENG BA RING PO RIM PA DU MAS BSKOR BA'I 'KHOR LO YIG 'BRU RNAMS HRA MA ME 'DUG PA GZIGS PAS SNGAGS RNAMS PHAL CHE BA BKLAGS PA ZHIG RMIS,

PHYIS MJAL BA NA SKU'I RNAM PA MNAL LAM DU BYUNG BA DE NYID RANG DU 'DUG GSUNG NGO, ,DE NAS STON PHYI MA DGUN DPYID DBYAR RNAMS SBREL NAS ZHA LUR BZHUGS, SNGAGS 'CHANG RDO RJE 'DZIN PA CHEN PO RIN PO CHE KHYUNG PO LHAS PA' DRUNG DU YO GA'I DKYIL 'KHOR CHEN PO RNAMS KYIS THOG DRANGS RGYUD SDE 'OG MA RNAMS KYI BKA' DA LTA BOD NA RNAM PAR DAG BA'I DBANG GI CHU BO RGYUN MA CHAD PAR YOD PA PHAL CHE BA YONGS SU RDZOGS PAR GSAN ZHING, BCOM LDAN 'DAS 'KHOR LO BDE MCHOG L'U AI PA DANG NAG PO PA'I LUGS LA SOGS PAS THOG DRANGS PA'I BLA MED KYI BKA' LUNG YANG DPAG TU MED PA GSAN, KHONG LA MNGA' BA'I BKA' LUNG PHAL CHER BUM PA GANG BYO'I TSUL DU THUGS RGYUD LA GTAMS PAR MDZAD, DE'I TSE 'BUL BA TSOGS 'KHOR ZHABS TOG NAR MA SOGS KYIS MNYES PAR MDZAD DO, ,DE DUS RJE BTZUN KHYUNG LHAS PA'I ZHAL SNGA NAS KYIS DBANG RE RE GNANG TSAR BA'I MJUG TU 'DI NGA LA YANG BLA MA 'DI ZHES BYA BAS DGYES BZHIN DU GNANG BA YIN BYA BA RE CIS KYANG GSUNG ZHING, BKA' LUNG RNAMS RDZOGS PA NA, DA NI CHOS BDAG PO LA 'PHROD PAS 'GYOD PA MED DO ZHES GSUNG ZHING, DANG PO BU STON THAMS CAD MKHYEN PA DANG, BLA MA KHYUNG LHAS PA GNYIS KAS KUN MKHYEN 'PHAGS 'OD PA'I DRUNG DU DPAL GSANG BA 'DUS PA DANG YO GA LA SOGS PA'I DKYIL 'KHOR CHEN PO RNAMS KYI DBANG GSAN DUS TSOGS 'KHOR ZHIG GI GRAL DU, KUN MKHYEN PA'I ZHAL NAS, RJE MAR PAS, NYI

, ,MA SHAR DU KA CHEN BTZUGS PA DE, ZHES SOGS KYI MGUR MA DE 'DON PA SPOS NAS, NYI MA SHAR DU KA CHEN BTZUGS PA DE, KHYUNG PO STON SGOM KHYOD LA MI ZER RAM, ZHES GSUNGS PA'I LO RGYUS KYANG GSUNGS, DE NI RJE BTZUN KHYUNG LHAS PAS KUN MKHYEN 'PHAGS PA DANG, BU STON THAMS CAD MKHYEN PA GNYIS LAS SNGAGS KYI GDAM PA RGYA MTSO LTA BU BZHES PA'I BYIN RLABS KYI BCUD MA NYAMS PAR RJE RIN PO CHE 'DI PA'I PHYAG TU RDO RJE THEG PA'I BSTAN PA YONGS SU RDZOGS PAR 'PHROD NAS PHYOGS 'DIR SKYE DGU THAMS CAD KYI PHAN BDE'I RTZA LAG TU GYUR PA 'DI'I DON LA DGONGS PAR GSAL LO, ,RJE RIN PO NYID KYI ZHAL NAS, SNGAGS KYI DNGOS GRUB THAMS CAD KYI RTZA BA GTZO BOR BLA MA MNYES PAR BYAS PA 'BA' ZHIG LA RAG LAS 'DUG PAS DBANG GNANG BA'I DUS THAMS CAD DU BLA MAS MNYES BZHIN DU GNANG BA YIN NO, ,ZHES GSUNGS PA DE LA DPYAD RGYU CHEN PO ZHIG 'DUG GO ZHES GSUNG NGO, ,DE NAS RJE BTZUN DAM PA KHYUNG PO LHAS PA LAS GSAN DGOS RNAMS KYI THUGS THAG LEGS PAR CHOD NAS, PA SNAM GYI PHAG PA RIN BLA MA BDE CHEN PA CHOS KYI DPAL BA GDAN DRANGS NAS BZHUGS 'DUG PA'I SPYAN SNGAR BYON, SLAR YANG RDO RJE SNYING 'GREL, PHYAG RDOR BSTOD 'GREL, N'A RO 'GREL CHEN LA SOGS PA DUS 'KHOR GYI CHA LAG MANG PO ZHIG GSAN ZHING DPAL GSANG BA 'DUS PA LUGS GNYIS LA BU STON RIN PO CHES YIG CHA MDZAD PA CI YOD KYI BSHAD LUNG LA

SOGS PA CHOS BKA' MANG DU GSAN, DE NAS KHONG BA GONG GSUM BDE CHEN DU THEGS ,RJE RIN PO CHES PHAG PA RIR ZHA LU BA'I YO GA BA MKHAS PA SDE SNOD 'DZIN PO CHEN PO RGYAL MTSAN GRAGS PA SPYAN DRANGS NAS YO GA'I GAR DBYANGS SOGS PHYAG LEN RNAMS KYI DAG TER YANG DAG MDZAD, CHOS BKA' YANG CI RIGS PA GSAN, KHYAD PAR BU STON GYIS MDZAD PA'I RDO RJE 'BYUNG BA'I RNAM BSHAD CHEN MO GSAN ZHING, YO GA'I RTZA RGYUD DE NYID BSDUS PA, BSHAD RGYUD RDO RJE RTZE MO, DPAL MCHOG ,NGAN SONG SBYONG BA'I RGYUD LA SOGS PA DANG, DE NYID SNANG BA, KO SA LA'I RGYAN, DPAL MCHOG 'GREL CHEN LA SOGS PA RGYUD DANG 'GREL PA RGYA GZHUNG GI RIGS DPAG TU MED PA'I LUNG YANG GSAN NO, ,DE NAS SPRE LO'I STON BLA MA DBU MA PA DANG LHAN CIG TU DPON SLOB GNYIS KAS DBUS KYI DGA' BA GDONG DU PHYAGS PHEBS, LHA SAR JO BO RIN PO CHE'I DRUNG DU GSOL BA 'DEBS PA LA BYON NAS, DPON SLOB GNYIS KAS DGA' BA GDONG DU SKU MTSAMS LEGS PAR BCAD NAS BZHUGS, DE YANG SKYE RABS MANG PO NAS RJE BTZUN 'JAM PA'I DBYANGS KYIS RJES SU BZUNG STE SA LAM MTHON BOR BYON ZHING SKU TSE 'DIR YANG 'KHRUNGS TZAM NYID NAS RJE BTZUN 'JAM PA'I DBYANGS KYIS RJES SU BZUNG STE GSUNG GI GNANG BRGYUN DU STZOL BA SOGS YON TAN GYI TSOGS KYIS MNGON BAR MTHO BA'I BLA MA DBUM PA DANG THABS CIG TU DGA' BA GDONG DU BZHUGS RING LA'ANG KHONG LA RJE BTZUN 'JAM PA'I DBYANGS KYI CHOS SKOR MANG DU

, ,GSAN ZHING, BLA MA DANG YI DAM THA MI DAD DU BYAS PA LA GSOL BA DRAG TU 'DEBS PA DANG, YI DAM GYI BSNYEN SGRUB LA SHIN TU 'GRUS PAR MDZAD, KHYAD PAR RJE RIN PO CHE 'DI NI BSKAL BA BGRANG BA LAS 'DAS PA'I SNGON ROL NAS LAM LA LEGS PAR SBYANGS PA'I RIGS KYI NUS PA YONGS SU SMIN PA'I DBANG GIS GSUNG RAB DGONGS 'GREL DANG BCAS PA LA THOS BSAM SGOM PA JI SNYED CIG MDZAD PA THAMS CAD LA'ANG TSE 'DI'I RNYED BKUR DANG, SNYAN GRAGS DANG, 'KHOR DANG, 'DU 'GOD PHUN SUM TSOGS PA DANG, BDAG NYID GZHAN LAS KHYAD BAR 'PHAGS PA NYID DU MTHONG BAR GYUR NA CI MA RUNG SNYAM PA SOGS KYI KUN SLONG GI DRI TZAM YANG MA 'DRES PAR SEMS CAN THAMS CAD KYI DON DU RNAM PA THAMS CAD MKHYEN PA'I CHED DU DMIGS PA 'BA' ZHIG GIS THUGS RANG DBANG MED PAR PHROGS PAS, TSIG 'GRIG 'GRIG MO DANG, DON MKHAS PA GZHAN GYIS BSHAD PA LAS KHYAD DU THON THON MO DANG, MANG PO TSOGS PA'I DBUS SU RANG GI LUGS RNAM PAR BZHAG PA LA GZHAN GYIS BRGAL BAR MI NUS SHING, GZHAN GYI 'DOD PA THABS SNA TSOGS KYI SGO NAS DGAG NUS PA TZAM GYIS THUGS TSIM PA DANG, DE 'DRA BA TZAM ZHIG LHUR MDZAD PA'I DRI TZAM YANG MI MNGA' ZHING, BDAG NYID RGYAL ZHING PHA ROL SMA DBAB PAR BZHED PA DANG, RANG NYID MKHAS PAR RLOM PA'I NGA RGYAL GYIS RANG GIS GANG SHES PA DE NYID GZHAN LA GRAGS PAR BYA BA'I CHED DU, 'CHAD

BA'AM; RTZOD PA'AM, RTZOM PA 'DI LTA BU ZHIG DANG PO THOS BSAM GTZO BOR LHUR MDZAD PA'I THOG MA NAS BRTZAMS TE ZHING GSHEGS PA'I BAR GANG GIS SKABS SU'ANG DUS 'DI'I TSE TSUL 'DI LTAR MDZAD DO ZHES GZU BOR GNAS BA SUS KYANG LAN CIG KYANG DRANG POR GLENG BA'I SKABS MED PA 'DI NI, CHOS LA BLO KHA CUNG ZAD CIG PHYOGS PA YAN CHAD SUS BSAMS KYANG GZU BO'I BLOS BSAM NA NI ,RANG DBANG MED PA NYID DU DAD PA LHAG PAR SKYES PA'I SKYES BU DAM PA'I RNAM THAR NGO MTSAR BA YIN NO, ,DE'I PHYIR GSUNG RAB DGONGS 'GREL DANG BCAS PA'I DON RNAM PAR GTAN LA 'BEBS PA NA'ANG, THAR PA DANG THAMS CAD MKHYEN PAR BGROD PA'I LAM GONG 'OG THAMS CAD RGYAL BA'I DGONGS PA JI LTA BA DANG, SHING RTA CHEN PO RNAMS KYI LUGS JI LTA BA BZHIN DU RNYED PA ZHIG JI LTAR BYAS NA 'ONG ZHIG GU SNYAM DU 'DI NYID 'BA' ZHIG THUGS LA BCAGS PAS DPYOD PAR MDZAD CING, DE YANG DBANG PO RNON PO CHOS KYI RJES SU 'BRANG BA'I RIGS MCHOG TU GYUR PAS GZHAN GYI TSIG TZAM LA BRTEN NAS RNAM PAR DPYOD PA LUNG TZAM SKYABS SU GYUR PA RNAMS KYI NGANG TSUL NI NGO BO NYID KYIS MI MNGA' BAS, 'DI SNYAM DU RGYAL BA'I GSUNG RAB 'GREL BA'I MCHOG TU LUNG BSTAN PA'I SHING RTA'I SROL 'BYED CHEN PO DAG GIS BSTAN PA'I RIGS PA LA BRTEN NAS RGYAL BA'I GSUNG RAB KYI DRANG NGES TSUL BZHIN DU PHYE BA'I NGES DON GYI GSUNG RAB KYI DON SHIN TU PHRA BA'I RIGS PAS RNAM PAR DPYAD KYANG MTHA' GZHAN DU MI

, ,'GYUR BA'I TSUL GYIS RNYED PA ZHIG, SKYES BU SKOM PAS GDUNGS PAS BTUNG BA DON DU GNYER BA LTA BU'I THUGS KYIS, TSUL 'DIS GSUNG RAB KYI DON 'TSOL BA 'BA' ZHIG LHUR MDZAD DO, ,DE YANG RJE NYID KYI ZHAL NAS, DA LTA BOD NA SHES RAB CHE BA GO BA BZANG BA'I MTHAR THUG TU RTZI BA 'DI TSO LTAR GSUNG RAB DGONGS 'GREL DANG BCAS PA'I BSTAN BCOS PHAL CHER LA BLTAS PA TZAM NAS 'DI'I DON 'DIR 'DUG SNYAM PA 'BAD MED DU LAM LAM 'CHAR BA, DE GZHAN LA BSTAN NA GO BA CHEN PO BLO YUL DU BDE SANG SANG BA 'CHAR THUB PA ZHIG NGA LA SNGA MO NAS YOD DE, DE 'DRA LA YID BRTAN BYAR MI RUNG, RIGS PA PHRA MOS LEGS PAR DPYAD PA NA DANG POR YIN YIN 'DRA BA'I GO BRNYED PA RNAMS KYANG PHAL CHER ZHIG 'GRO BA KA MANG, DES NA RIGS PA RNAM PAR DAG PA PHRA MO ZHIG GIS LEGS PAR DPYAD PA'I DPYAD PA MA RDZOGS PAR DU DON DER KHA TSON BCAD KYANG SHAB SHOB TU 'GRO BA YIN ZHES GSUNG NGO, ,DE YANG DE'I TSE 'PHAGS PA KLU SGRUB YAB SRAS KYI DGONGS PA MTHAR THUG PA'I LTA BA DANG, GSANG BA 'DUS PA'I LAM RIM PA LNGA, DE'I NANG NAS KYANG SGYU LUS 'DI SHIN TU RTOGS DKA' BA DANG, RTOGS NA DON CHE ZHING MA RTOGS NA NI LOG PAR LTUNG BA'I G-YANG SA'ANG SHIN TU CHE LA, DE KHO NA NYID SGOM PA DANG, SNGAGS BLA MED KYI LAM LA BRTEN NAS SANGS RGYAS 'TSOL BA SOGS TSIG TZAM DU 'GYUR BAR DGONGS TE, 'DI DAG MGON PO KLU

SGRUB YAB SRAS KYI DGONGS PA BZHIN 'KHRUL MED DU STON PA'I BSHES GNYEN DAM PA RGYA BOD BA LA GSUM, DBUS GTZANG KHAMS GSUM SOGS GANG NA YOD KYANG DE'I KHUNGS SHIG RNYED NA NI DE 'TSOL BA'I PHYIR DU LUS SROG THED LA BOR NAS DKA' BA CI BYUNG YANG DANG DU BLANGS TE DA LTA NYID DU'ANG 'GRO DGOS DGONGS PA SNYING NAS SHUGS DRAG PO DE'I TSE YOD DO, ,ZHES RJE NYID GSUNG NGO, ,DE'I DUS SU'ANG BLA MA DBU MA PAS LO TZ'A BYAS NAS RJE BTZUN 'JAM PA'I DBYANGS LA DBU MA'I LTA BA DANG, SNGAGS MTSAN NYID KYI KHYAD PAR, SNGAGS BLA MED KYI LAM GYI GNAD CHE SHOS RNAMS DANG, RIM PA LNGA'I GO RIM GRANGS NGES SOGS MTHA' YAS PA ZHIG GI DRI BA DANG, DOGS PA CHOD PA'I CHED DU BRGAL ZHING BRTAGS PA'I SGO NAS 'DRI BA LA SOGS PA 'BA' ZHIG GTZO BOR MDZAD DO, ,RJE RIN PO CHE 'DIS DE'I TSE RJE BTZUN 'JAM PA'I DBYANGS LA ZAB MO DBU MA'I LTA BA SOGS MDO SNGAGS KYI LAM GYI GNAD MTHAR THUG PA RNAMS LA DRI BA DANG BRGAL BRTAG MANG DU MDZAD PA'I SKABS SU RJE BTZUN 'JAM DPAL DBYANGS KYIS THAL RANG GI KHYAD PAR, LHAN SKYES DANG KUN BRTAGS KYI BDAG 'DZIN GNYIS KYIS JI LTAR BZUNG BA LTAR GYI BDAG DANG, RTAGS KYI DGAG BYA'I TSAD PHRA RAGS, LTA BA RTOGS PA'I TSAD; THAL 'GYUR BA'I LTA BA 'DI'I LUGS KYI KUN RDZOB RNAM PAR 'JOG PA'I TSUL LA SOGS PA RNAMS KYI DPYAD PA ZHIB TU MDZAD PA'I SA BON SHIN TU 'DRIL BA RE DANG, SNGAGS MTSAN NYID KYI LAM THUN MONG

, ,BA DANG THUN MONG MA YIN PA'I KHYAD PAR, DPAL GSANG BA 'DUS PA'I RIM PA LNGA'I NGO BO DANG, GO RIM GRANGS NGES LA SOGS PA RNAMS KYI GNAD THUN MONG MA YIN PA SHIN TU 'DRIL BA RE GSUNGS, MI GO BAR 'DUG LAGS ZHUS PAS, 'DI RNAMS MA BRJED PA GYIS LA ZIN BRIS SU GYIS, BLA MA DANG YI DAM THA MI DAD DU BYAS PA LA GSOL BA 'DEBS SHING BSNYEN SGRUB BYED PA DANG, BSAG SBYANG GNYIS LA LEGS BAR 'BAD PA DANG, GZHUNG LUGS KYI DON LA RIGS PAS RNAM PAR DPYOD CING ZHIB TU SEMS PA RNAMS SUM SGRIL DU NYAMS SU LONGS LA TSIM MA SLA BAR RGYUN BSRINGS LA LEGS PAR DPYOD CIG DANG, SKABS SU BAB NA NGAS SA BON BTAB PA 'DI RNAMS KYIS KYANG RKYEN BYAS NAS LEGS PAR GO BA ZHIG MYUR DU 'ONG BA 'DUG CES GSUNG NGO, ,'PHAGS PA KLU SGRUB YAB SRAS KYI LUGS KYI DBU MA DANG GSANG BA 'DUS PA LA SHES 'DOD SHIN TU CHE BAR YOD PAS RTZAD GCOD PA'I BLA MA BOD NA SU DRAG ZHUS PA LA, RED MDA' BA LAS DRAG PA MED, ,'ON KYANG KHYOD LA MTHA' MA LUS PAR CHOD PA'I GO BA RDZOGS PAR BSKYED MI THUB, DBU MA PAS LO TZ'A BYAS NAS NGAS KHYOD LA BSHAD NA DE KA DRAG PAR 'ONG NA'ANG KHO YANG MYUR DU MDO KHAMS LA 'GRO DGOS PAR SNANG, ,DES NA DA LTA NAS BSHAD PA MA BYED PAR BYA BRAL GYIS LA DBEN PA STEN, GONG DU BSHAD PA LTAR SUM SGRIL DU NYAMS SU LEN PA DANG DMIGS RNAM SKYONG BA SOGS LA LEGS PAR

'BAD NA RING POR MI THOGS PAR DE RNAMS KYI DON RNYED BAR 'GYUR RO ZHES GSUNG NGO, ,GZHAN YANG CHOS KYI GNAD DANG GZHUNG GANG LA BRTAN NAS 'TSOL BA SOGS GSUNGS PA LA TSAD MED, RGYA GAR GYI PAndI TA MKHAS BA RNAMS LA'ANG 'GA' ZHIG GI GZHUNG LA 'KHRUL MED RANG 'BA' ZHIG TU GZUNG MI NYAN PA'I DMIGS BSAL RE TZAM YANG BYUNG BAS, 'O NA 'PHAGS PA KLU SGRUB KYI DGONGS PA LA SLOB DPON ZLA BA GRAGS PA 'KHRUL MED RANG 'BA' ZHIG TU BZUNG PAS AE CHO GA ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI DE BZHIN GSHEGS PA ZHIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL BAR BYA BA'I SLAD DU BSAM BZHIN DU SKYE BA BZUNG BA YIN PAS 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED PAS 'DI LA RNAM PA THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO, ,ZHES GSUNG NGO, ,BLA MA DBU MA PAS RJE BTZUN 'JAM DBYANGS LA RJE RIN PO CHE 'DI'I SKU SKYE SNGA PHYI SOGS KYI ZHU BA MDZAD PAS, RJE BTZUN GYI ZHAL NAS, SNGON SANGS RGYAS 'JIG RTEN NA BZHUGS PA'I DUS SU BLA MA 'DI RGYA GAR DU BRAM ZE'I KHYE'U ZHIG TU 'KHRUNGS, DE'I TSE DGE SLONG GI CHA LUGS 'DZIN PA'I BYANG CHUB SEMS DPA' MOS PA'I BLO GROS ZHES BYA BA LA DANG MJAL NAS DE NYID MNYES PAR BYAS SHING

, ,ZHABS 'BRING DU 'BRANG CHOS MANG DU GSAN, DES KHRID DE STON PA SH'AKYA THUB PA'I ZHABS DRUNG DU MJAL ZHING SEMS BSKYED, DE'I TSE STON PA LA SHEL DKAR PO DRI MA MED PA BRGYA RTZA'I PHRENG BA ZHIG DAD BAS PHUL NAS SMON LAM BTAB PAS STONG BA NYID KYI LTA BA PHYIN CI MA LOG PA RTOGS PA'I SA BON BZHAG PA YIN, DE SKU SKYE 'DI'I PHYI MA LA DGA' LDAN DU RGYAL BA MA PHAM PA'I CHOS KYI MDUN SAR THEG PA CHEN PO'I CHOS KYI 'BYOR PA DPAG TU MED PA LA LONGS SPYOD BAR 'GYUR ZHING; MTSAN NI BYANG CHUB SEMS DPA' 'JAM DPAL SNYING BO ZHES BYA BAR 'GYUR RO ZHES GSUNGS, RJE RIN PO CHE 'DI PA SKU SKYE PHYI MA DGA' LDAN DU PHEBS PA SOGS KYI LO RGYUS MKHAS GRUB THAMS CAD MKHYEN PAS RJE RIN PO CHE NYID LA JI LTAR LAGS ZHES ZHUS PA NA RJE RIN PO CHE'I ZHAL NAS 'DI'I PHYI MA DGA' LDAN DU 'GRO BA 'DI LA RANG BLA MA DBU MA PA DANG BLA MA PHYAG RDOR BA SOGS MANG PO ZHIG ZHAL MTHUN PAR 'DUG CES NANG THUGS KYI SRAS GCIG MKHAS GRUB THAMS CAD MKHYEN PA LA GSUNGS SO, ,DE DUS RJE RIN PO CHE RANG YANG CUNG ZAD 'CHAD NYAN LA THUGS BZHED CHE, BLA MA DBU MA PA YANG DE DANG MTHUN BAS, SKU NA TSOD SHIN TU GZHON ZHING MKHYEN RAB DANG PHAN 'DOGS SHIN TU CHE BA 'DI 'DRA BA LA NGA RUNG BSHAD NYAN NGOS MDZAD NA BSTAN PA LA PHAN THOGS SHIN TU CHE ZHING, 'CHAD NYAN 'PHEL PO 'DI 'DRA BA'I 'PHRO LA BYA BRAL LA BYON NA NGED LA'ANG SKYE BO RNAMS KYIS KHA ZER DU 'ONG BAS RE ZHIG 'CHAD NYAN MDZAD PAS CHOG BA ZHIG 'TSAL ZHES ZHUS PAS, RJE

BTZUN GYI ZHAL NAS BSTAN PA DANG SEMS CAN LA GANG PHAN KHYOD KYIS MI SHES, KHA ZER BA LA BZOD PA SGOMS, DBEN PA BSTEN NAS THUGS DAM MA BYAS NAS SKU TSE RING PO MI 'ONG, PHAN 'DOGS KYANG LTAR SNANG ZHIG LAS MI 'ONG BAS BYA BRAL LA PHYIN PA 'THAD CES GSUNG NGO, ,SKYID SHOD DGA' BA GDONG DU BLA MA DBU MA PA DANG RJE RIN PO CHE GNYIS PO LAS MED PA'I SKU MTSAMS NGAM PO BCAD, GNYIS PO'ANG GZIM KHANG SO SOR BYAS NAS GSOL JA SOGS LA 'TSOG PAR MDZAD CING, GSOL JA BZHES PA'I SKABS SU'ANG BLA MA DBU MA PAS LO TZ'A MDZAD NAS RJE BTZUN 'JAM PA'I DBYANGS LA CHOS MANG DU GSAN ZHING DRI PA DPAG TU MED PA MDZAD, DE DUS THOG MAR BLA MA DBU MA PA LA RJE BTZUN GYIS GNANG BA'I ZHI GNAS KYI DMIGS PA GSAN NAS SGOM GYIN YOD PA LA, DO ZHAG RANG 'DI LAS KYANG RJE BTZUN 'JAM PA'I DBYANGS NYID LA GSOL BA BTAB CING BSNYEN BSGRUB BYAS NA DE NGOS DON CHE BA 'DRA DGONGS NAS BLA MA DBU MA PA LA DE LTAR ZHUS PAS DE BZHIN MDZAD PAS CHOG CES GSUNGS NAS, NYIN MTSAN DU BLA MA DANG RJE BTZUN THA MI DAD DU BYAS PA LA GSOL BA BTAB CING BSNYEN BSGRUB MDZAD PAS, ZHAG MANG PO MA SONG BA LA NYIN GCIG DKYIL GYI LTE BA'I RGYA KHYON 'TSAM PA ZHIG KHA DOG RGYA MTHING BZANG POS LEGS PAR BYUGS PA 'DRA BA LA, SHIN TU DANGS PA BLTA BAS CHOG MI SHES PA ZHIG GI DBYIBS SHIN TU ZLUM POR 'DUG PA'I MTHA' THAMS CAD 'OD ZER KHA DOG SNA LNGA PA 'JA' TSON LTA BU'I DRA BAS 'KHRIGS PA'I DBUS KYI LTE BA SNGON PO DE'I RGYA KHYON DANG 'TSAM PAR, RDO RJE'I SKYIL KRUNG GIS

, ,BZHUGS PA'I RJE BTZUN 'JAM PA'I DBYANGS AA RA PA TZA NA GUR KUM MDOG CAN BLTA BAS CHOG MI SHES PA ZHIG GI SKU'I SNANG BA DNGOS SU GZIGS, DE BLA MA DBU MA PA LAM ZHUS KYANG BLA MA DBU MA PAS KHYED RANG LA'ANG SKU'I SNANG BA YOD PA 'DRA GSUNGS NAS THIG BYUNG, DE 'DRA BA'I SKU'I SNANG BA DE NAM 'DOD RES KYI GSOL BA BTAB BA'I DUS PHAL CHER DNGOS SU NAR MAR 'BYUNG BA ZHIG DE NAS BRTZAMS TE DUS RTAG TU YOD CES NANG THUGS KYI SRAS GCIG MKHAS GRUB SMRA BA'I NYI MA LA SHIN TU GSANG BAR BYAS TE GSUNGS, DE YANG RJE RIN PO CHE 'DIS RJE BTZUN 'JAM BA'I DBYANGS DPA' GCIG DANG, BLA MED LA SOGS PA RNAMS DANG, BKA' SDOD GSHIN RJE CHOS KYI RGYAL PO PHYI NANG GSANG GSUM LA SOGS PA RNAMS KYI RJES GNANG DANG BYIN RLABS, TING NGE 'DZIN GYI DBANG BZHI SOGS NI, RJE BTZUN 'JAM PA'I DBYANGS RANG NYID LA GSAN LA, DE YANG DPA' GCIG GI RJES GNANG MDZAD PA'I RING LA RJE BTZUN YANG DPA' BO GCIG PA RANG GI SKU'I RNAM PAR YOD PA LA NANG SGRUB DANG, GSANG SGRUB SOGS KYI DBANG MDZAD PA'I TSE DPA' BO GCIG PA DE, DE MA THAG YAB YUM ZHAL SBYOR GYI RNAM PAR 'GYUR 'GRO BA DANG, CHOS SKYONG GI RJES GNANG MDZAD PA'I SKABS SU ,DE MA THAG BCOM LDAN 'DAS RDO RJE 'JIGS BYED KYI RNAM PAR 'GYUR NAS GSHIN RJE CHOS KYI RGYAL PO LA BKA' BSGO BAR MDZAD PA LA SOGS PA DE 'DRA BA'I RNAM 'PHRUL NGO MTSAR BA STON PAR MDZAD PAR GSUNGS, DE NAS RJE BTZUN 'JAM PA'I DBYANGS KYIS BLA MA DBU MA LA GNANG BA'I LAS

TSOGS DANG, DMIGS PA SKYONG BA'I RIM PA SOGS MANG PO ZHIG GI LUNG NI BLA MA DBU MA PA NYID LA GSAN NO, ,DE NAS SGRUB PA LA 'BYON PA'I THUGS THAG BCAD, 'KHOR JI LTA BU 'KHRID RJE BTZUN LA ZHUS PAS BLA MA 'JAM DPAL RGYA MTSO BA SOGS MDO KHAMS PA BZHI DANG, DBUS PA BZHI STE BRGYAD PO DE 'KHRID PA'I GNANG BA BYUNG ,DE NAS BLA MA DBU MA PA MDO KHAMS LA 'BYON PA'I SKYEL MA LA LHA SAR BYON DUS DA DPON SLOB RE ZHIG MI MJAL BAS GNAS BYIN RLABS CAN 'DIR RJE BTZUN 'JAM PA'I DBYANGS LA GSOL BA BTAB, NYAMS LEN GYI GNAD BSDUS PA'I GDAMS PA ZHIG ZHUS PA DRAG CES BKA' BGROS NAS, LHA SA'I THOG STENG MA RANG GI LHO PHYOGS KYI GSER PHUB KYI BYA 'DABS 'OG DER MCHOD PA BSHAMS, GSOL BA DRAG TU BTAB PAS RJE BTZUN 'JAM PA'I DBYANGS KYIS NYAMS LEN GYI GNAD BSDUS PA'I TSIGS SU BCAD PA 'GA' ZHIG GSUNGS, RJE BLA MA 'DIS DE KA'I DUS SU GSUNG RIM BZHIN YI GER 'GOD PAR MDZAD DO, ,DE'I DUS SU RJE BTZUN 'JAM PA'I DBYANGS KYIS GSUNGS PA'I MAN NGAG GI RTZA TSIG YI GER 'GOD PAR MDZAD PA NI BKA' 'BUM THOR BUR GSAL PA LTAR RO, ,GZHAN YANG GSUNG RAB KYI GNAD DANG, DPYOD PA MDZAD PA'I SGO BSTAN PA LA TSAD MED DO, ,DE'I TSE GZHAN YANG RJE BTZUN 'JAM PA'I DBYANGS KYI ZHAL NAS, DA PHYIN CHAD BLA MA DANG YI DAM THA MI DAD DU BYAS PA LA GSOL BA 'DEBS PA, SNGAR BSAGS KYI SDIG LTUNG SBYONG ZHING TSOGS RGYA CHEN PO GONG NAS GONG DU SPEL BA'I BSAG SBYANG LA 'BAD PA, SHING RTA CHEN PO RNAMS KYI

, ,RIGS PA LA BRTEN NAS MDO RGYUD DGONGS 'GREL DANG BCAS PA'I DON LA ZHIB TU DPYOD PA SUM SGRIL DU GYIS LA RGYUN MA CHAD PAR NYAMS SU LONGS DANG, RING PO MI THOGS PAR LTA BA'I GNAD MTHAR THUG PA DANG MDO RGYUD KYI DON MTHA' DAG LA MI 'KHRUL BA'I NGES PA RNYED PAR 'GYUR, DA LTA NAS BSHAD PA BYAS KYANG PHAN THOGS LTAR SNANG LAS MI 'ONG BAS RE SHIG BYA BRAL BYAS, DBEN PA BSTEN NAS SGRUB PA SNYING POR GYIS SHIG CES GSUNGS SHING, DMU RGOD GDUL DKA'I SEMS CAN 'DI RNAMS LA, ,BSHAD PAS PHAN THOGS CHEN PO GA LA 'GYUR, ,DE BAS SGRUB BA LHUR BLANGS DBEN BA STEN, ,RANG GZHAN GNYIS KA 'TSENGS PA'I LAM RNYED SNYAM, ,ZHES NAN TAN DU GDAMS SHING BSKUL BAR MDZAD DO, ,DE LTAR BSKUL BA DANG, RJE 'DI NYID KYIS KYANG TSUL DE LEGS PAR DGONGS NAS BYA BRAL MDZAD CING, DBEN PA BSTEN NAS SGRUB PA SNYING POR MDZAD PA LA THUGS THAG BCAD DO, ,DE NAS BLA MA DBU MA PA DE GA'I STON MDO KHAMS LA 'BYON PAR CHAS, RJE'I ZHAL SNGA NAS KYANG LHA SAR SKYEL MA LA BYON, DPON SLOB GNYIS KAS GSOL BA DRAG TU BTAB, LHA SA'I SGO KHANG STENG GI GTZUG LAG KHANG DU, BLA MA DBU MA PA LA RJE 'DIS DPAL GSANG BA 'DUS PA MI BSKYOD PA'I DBANG BZHI RDZOGS PAR GNANG, DE NAS RJE RIN PO CHES SBYOR MO LUNG DU PHEBS, STON MJUG DE CHOS MANG DU GSUNGS, DGUN LA NYE BA SPRE'U'I LO ZLA BA BCU PA LA BAB PA, DGUNG LO SUM CU RTZA DRUG PA LA SKYOR MO LUNG

NAS PHYAGS BTEG ,SLOB DPON RIN PO CHE 'JAM DKAR BA ZHES GRAGS PA DPAL LDAN BZANG PO DANG, RTOGS LDAN BYANG SENG BA, GNAS BRTAN RIN CHEN RGYAL MTSAN PA, GNAS BRTAN BZANG SKYONG BA STE DBUS PA BZHI, BLA MA RTOGS LDAN 'JAM DPAL RGYA MTSO BA, DGE BSHES SHES RAB GRAGS, DGE BSHES 'JAM DPAL BKRA SHIS, DGE BA SHES DPAL SKYONG STE MDO SMAD PA BZHI DANG BCAS PA PHYAG PHYIR KHRID, DE GONG NAS, GZHIS KHA SNE'U RDZONG PAS ZHABS TOG LEGS PO MDZAD KYIN YOD CING, DE DUS KYANG KHONG GIS ZHABS TOG BSGRUBS TE DPON SLOB DGUS GZHUNG KO MDZAD NAS BYA BRAL LA BYON TE 'OL KHAR PHEBS, DE'I DGUN DPYID RNAMS 'OL KHA CHOS LUNG DU BZHUGS SHING, DE NAS BZUNG STE 'OL KHA BA YAB SRAS RNAMS KYIS DAD PA CHEN POS SBYIN BDAG MDZAD DE ZHABS TOG PHUN SUM TSOGS PA BSGRUBS, 'OL KHA CHOS LUNG DU BZHUGS RING LA YANG THOG MAR BSAG SBYANG GNAD CHE BAR DGONGS TE DPON SLOB THAMS CAD KYIS STOBS BZHI TSANG BA'I BSAG SBYANG LA SHIN TU 'GRUS PAR MDZAD, RJE RIN PO CHE NYID KYIS KYANG LTUNG BSHAGS BRGYA PHYAG DANG BCAS PA DANG, PHYAG SOR GYI RTZE MO RNAMS SER KHAR SONG GI BAR DU MAndAL 'BUL BA SOGS LA DPAG PAR DKA' BA'I BRTZON PA DRAG PO MDZAD CING, DGE BA'I BSHES GNYEN GRO LUNG PA CHEN PO'I GSUNG LAS, MDO SANGS RGYAS PHAL PO CHE 'DI MA 'GYUR NA BOD KYI BYANG CHUB SEMS DPA' RNAMS SPYOD PA LA SLOB TSUL JI LTAR BYED DAM ZHES 'BYUNG

, ,BA LTAR DU, SANGS RGYAS PHAL PO CHEL SOGS PA BYANG CHUB SEMS DPA'I SPYOD PA RLABS PO CHE RNAMS STON PA'I MDO SDE RNAMS LA GZIGS RTOG ZHIB PAR MDZAD DE THEG PA CHEN PO'I RIGS KYI NUS PA YONGS SU RGYAS PAR BYED PA'I THABS RMAD DU BYUNG BA BYANG CHUB SEMS DPA'I SNYING STOBS DPAG PAR DKA' BAS RGYAL SRAS KYI SPYOD PA RLABS SHIN TU CHE ZHING RNAM PA MTHA' YAS PA RNAMS LA SNGAR GYI BYANG CHUB SEMS DPA' CHEN PO RNAMS KYIS BSLABS SHING, DA LTA DANG MA 'ONGS PA'I BYANG CHUB SEMS DPA' CHEN PO RNAMS KYIS SLOB PA DANG, SLOB PAR 'GYUR BA'I TSUL MDO SDE MTHA' YAS PA NAS GSUNGS PA DE RNAMS LA, BDAG NYID KYANG DA LTA NAS DE LTA BU'I TSUL LA 'JUG PA LA ZHUM PA GTAN MI SKYE ZHING, SPRO DGA' SHUGS DRAG POS 'JUG PAR BYA BA'I CHED DU MDO SDE NAS 'BYUNG BA'I RGYAL SRAS KYI SNYING STOBS DANG SPYOD PA GANG RLABS CHE CHE RNAMS LA RE RE NAS DMIGS PHUG GIN THUGS SBYONG BA'I DMIGS RNAM NAR MAR BSTEN PAS DANG PO ZHIG CUNG DKA' TZAM BYUNG YANG, PHYIS LEGS PAR GOMS NAS 'BAD RTZOL MI DGOS PAR RANG SHUGS KYIS RGYAL SRAS KYI SNYING STOBS DANG SPYOD PA RMAD DU BYUNG BA JI 'DRA'I DBAG DKA' BA ZHIG LA'ANG ZHUM PA NAM YANG MI SKYE ZHING, SPRO DGA' SHUGS DRAG POS NGANG GIS 'JUG PA ZHIG BYUNG ZHES RJE THAMS CAD MKHYEN PA NYID KYIS NANG THUGS KYI SRAS GCIG MKHAS GRUB SMRA BA'I NYI MA LA GSUNGS SO, ,DE LTAR 'OL KHA CHOS LUNG DU

RJE RIN PO CHE 'KHOR DAG PA RNAM BRGYAD DANG BCAS PAS BSAG SBYANG RLABS CHEN PO LA 'BAD PA'I TSE RJE 'DIS LTUNG BSHAGS DANG BRGYA PHYAG SBRAGS NAS MDZAD RES KYI, SANGS RGYAS SUM CU RTZA LNGA'I SKU'I SNANG BA DNGOS SU GZIGS PA NAR MAR BYUNG; DE'I TSE RJE BTZUN BYAMS PA MGON PO SKU GSER BTZO MA'I KHA DOG LTA BU LA RIN PO CHE'I RGYAN DANG CHOS 'CHAD KYI PHYAG RGYAS ME TOG GI SDONG BU BSNAMS PA, RIN PO CHE'I KHRIL SKYIL KRUNG GIS BZHUGS PA DE 'DRA BA'I SKU SHIN TU CHE BA DANG; RGYAL BA SMAN GYI BLA BLA GOS SER PO MNABS PA DANG, RJE BTZUN BYAMS MGON BZANG PO'I 'DUG STANGS MDZAD PA RAB BYUNG GI CHA BYAD CAN SNAM SBYAR GSOL BA PHYAG GIS KLU SHING GI SDONG BU RIL BAS MTSAN PA 'DZIN PA DE 'DRA BA DANG, GZHAN YANG RGYAL BA TSE DPAG TU MED PA SOGS SANGS RGYAS BYANG SEMS MANG PO'I SKU'I SNANG BA GZIGS PA MANG DU BYUNG, 'DI RNAMS NYAMS SNANG YIN PAS NGES PA CHER MED DGONGS NAS DE TZAM DU CHED CHER MA MDZAD NA'ANG, BLA MA RTOGS LDAN 'JAM DPAL RGYA MTSO BA LA RJE BTZUN GYI SKU DANG GSUNG GI SNANG BA DNGOS SU BYUNG BA 'KHRUL MED CIG YOD PAS, KHONG LA RJE BTZUN 'JAM DPAL DBYANGS KYIS GSUNG NAS RJE LA GZIGS SNANG BYUNG BA DE RNAMS NYAMS SNANG RANG DGA' BA MIN PAS GSOL BA DRAG TU THOB, PHYIS RTEN 'BEL KHYAD PAR CAN YOD PA YIN GSUNG BA BYUNG 'DUG GSUNG NGO, ,RTOGS LDAN PA'I SNANG BA DE LA'ANG RJE'I DRUNG NAS BRTAG DPYAD MANG DU MDZAD CING, CHOS KYI GNAD ZAB MO DRIS PA

, ,RNAMS PHAL CHER 'PHYUG MED DU 'ONG BAR 'DUG BAS THUGS LEGS PAR CHES SO, ,DE NAS RJE RIN PO CHE 'KHOR BCAS KYIS RDZING PHYI'I JO BO BYAMS PA MJAL, MCHOD PA DANG SMON LAM RLABS PO CHE MANG DU MDZAD, DE NAS DVAGS PO SMAN LUNG GI RGYA SOG PHUR BYON DGUN GYI RING DER BZHUGS THUGS DAM SHIN TU 'PHEL ZHING YON TAN GYI KHYAD PAR BSAM GYIS MI KHYAB PA MANG DU BRNYES TE DE DUS RJE BTZUN 'JAM PA'I DBYANGS KYI SKU SHIN TU CHE BA GZI BRJID PHUN SUM TSOGS PA ZHIG LA SANGS RGYAS DANG BYANG CHUB SEMS DPA' DPAG TU MED PA'I 'KHOR GYIS BSKOR BA DANG, 'PHAGS PA KLU SGRUB, A'ARYA D'E BA, SANGS RGYAS BSKYANGS, KLU BYANG, ZLA BA GRAGS PA, THOGS MED SKU MCHED, PHYOGS GLANG, CHOS GRAGS, YON TAN 'OD DANG SH'AKYA 'OD, LHA DBANG BLO, RGYAN MKHAN PO, KA MA LA SH'I LA, AA BHYA YA LA SOGS PA'I PAndI TA DU MA DANG, RGYAL PO AINDRA BO DHI, BRAM ZE CHEN PO SA RA HA, L'U AI PA, DRIL BU PA, NAG PO SPYOD PA LA SOGS PA'I GRUB CHEN DU MA'I SKU'I SNANG BA DNGOS SU GZIGS, NYAMS SNANG LA GTANG PA MED LAS CHE DGONGS PAS, RJE BTZUN 'JAM PA'I DBYANGS KYIS SNGAR BZHIN NYAMS SNANG RANG DGA' BA MIN PAS GSOL BA DRAG TU THOB, 'DI RNAMS KYI GZHUNG LA BRTEN NAS RANG GZHAN LA PHAN THOGS RGYA CHEN PO 'ONG BA'I RTEN 'BREL YIN, ZHES GSUNG NGO, ,DE'I TSE BCOM LDAN 'DAS RDO RJE 'JIGS BYED KYI SKU ZHAL PHYAG YONGS SU RDZOGS BA SHIN TU CHE BA GZI BRJID BZOD PAR DKA' BA ZHIG ZHAL GZIGS, DE

DUS NAS 'JIGS BYED KYI BDAG 'JUG NYIN RE BZHIN MDZAD PA NAM YANG 'CHAG MED DU MDZAD DO, ,YANG DER SNGAR DANG 'DRA BA'I RJE BTZUN 'JAM BA'I DBYANGS KYI SKU'I SNANG BA DNGOS SU GZIGS PA'I THUGS KA'I NANG NA PHAR RAL GRI'I YU BA ZUG CING; RJE'I THUGS KAR RTZE MO ZUG PA LA, BDUD RTZI'I RGYUN KHA DOG DKAR SER SHIN TU SNUM PA 'OD KYI CHU RGYUN 'DRA BA ZHIG RJE BTZUN GYI THUGS KA NAS RAL GRI'I STENG LA BRGYUD DE NAR RE BYUNG NAS RJE'I THUGS KAR ZHUGS BAS SKU'I NANG THAMS CAD BDE BA CHEN PO DPAG TU MED PAS GANG BA BRJOD PAR MI NUS PA ZHIG 'KHRUNGS, DE DUS NGO MKHYEN PA DANG MI MKHYEN PA'I 'KHOR DU MA KHA GDANGS NAS BZED 'DUG PAS, 'GA' ZHIG GI KHAR MANG DU 'GRO ZHING, 'GA' ZHIG GI KHAR NYUNG ZAD RE DANG, 'GA' ZHIG GIS KHA GDANGS KYANG CUNG ZAD KYANG MI 'GRO BA DE 'DRA'ANG 'DUG GSUNG NGO, ,MDOR NA GNAS DER DE 'DRA BA'I DAG BA'I SNANG BA DANG THUGS RGYUD LA MNGON PAR RTOGS PA'I YON TAN DPAG TU MED PA ZHIG 'KHRUNGS SO, ,DE NAS RJE BTZUN 'JAM BA'I DBYANGS KYIS RDZING PHYI'I GTZUG LAG KHANG LA ZHIG GSO MDZAD NA BSTAN PAR PHAN CHE ZHES BSKUL BA LA BRTEN NAS RDZING PHYI'I GTZUG LAG KHANG LA ZHIG GSO MDZAD PAR BRTZAMS SO, ,DE YANG RDZING PHYI'I GTZUG LAG KHANG DE SNGON GAR MI YON TAN G-YUNG DRUNG GIS BZHENGS PA, JO BO BYAMS PA'I SKU LI KHRA MI TSAD LHAG TZAM SHIN TU BYIN RLABS CHE ZHING NGO MTSAR BA BZHUGS PA PHUL DU BYUNG BA ZHIG 'DUG NA'ANG, PHYIS LHA RIS THAMS CAD NYAMS SHING GOGS, JO BO'I SKU DE

, ,YANG RDUL KHROD NA 'O BRGYAL ZHING, SKU LA BYA THAL SOGS MI GTZANG BAS GOS PAR GYUR PA GZIGS PAS THUGS KYIS MA BZOD PAR SPYAN CHAB BYUNG ZHING, DE'I ZHIG GSOS MDZAD PAR DGONGS NAS 'OL KHA STAG RTZE BA LA ZHAL TA GNANG STE, RTZIG PA DANG THOG DANG ZHAL BA SOGS 'CHOS DGOS RNAMS KHONG GIS LEGS PAR BSGRUBS SHING, DE NAS LDEBS BRIS RNAMS DPON SLOB RNAMS RANG GIS CHA RKYEN DANG ZHAL TA MDZAD NAS SGRUB PAR BRTZAMS PA'I TSE, DPON SLOB BCU GNYIS YOD PA'I PHYAG RDZAS GTOR CHA SOGS GANG YOD LA RIN BTAB PAS ZHO BCU GNYIS LAS MA BYUNG BAS JI LTAR MDZAD KYI RNGO MA THOGS PA LA, RNAM SRAS KYI 'DZIN GTOR ZHIG BCAS NAS 'PHRIN LAS 'TSEL BAR DGONGS PA'I TSE MAR MED PA LA BTZUN PA ZHIG GIS MAR GROD BU GANG PHUL, DE LA MAR GYI 'DZIN GTOR BCAS NAS 'PHRIN LAS BCOL BAS DE'I SANG NYIN RANG LA 'BROG PA 'GAS MAR THUD MANG BO BKAL BYUNG STE PHUL, DE NAS BZUNG STE 'BUL BA MANG PO RIM PA BZHIN BYUNG BAS YO BYAD KYIS MA 'THOGS, 'DIR MA ZAD CHOS LDAN GYI DGOS PA KHYAD PAR CAN GZIGS PA'I SKABS GZHAN DU'ANG RNAM SRAS LA MAR GYI GTOR MA DANG BCAS TE 'PHRIN LAS BCOL BAS YO BYAD DPAG TU MED PA GLO BUR DU BYUNG BA'I LO RGYUS MANG DU YOD DO, ,DE NAS YAR KLUNGS PHYOGS NAS KYANG LHA BZO BA TSON RTZI KHYER NAS RI MO'I DAD BLANGS LA 'ONGS PA'ANG MANG DU BYUNG NGO, ,DE NAS RJE BTZUN 'JAM PA'I DBYANGS KYIS RJE BTZUN BYAMS MGON GYI BSTOD PA

RIN CHEN GSAL BA'I SGRON ME ZHES BYA BA RJE BTZUN BYAMS MGON LA PHYOGS BCU'I SANGS RGYAS THAMS CAD KYIS 'OD ZER CHEN PO'I DBANG BSKUR BA LA GZHI GYIS LA RTZOMS GSUNGS PA LA BRTEN NAS RJE BTZUN BYAMS MGON GYI BSTOD PA RIN PO CHE GSAL BA'I SGRON ME MDZAD CING, DE BZHIN DU BDE BA CAN DU SKYE BA 'DZIN PA'I SMON LAM ZHING MCHOG SGO 'BYED DANG, RANG NYID MA 'ONGS PA NA GANG DU SPRUL PA'I SKUR 'TSANG RGYA BA'I MDZAD PA STON PA'I ZHING YONGS SU GZUNG BA'I SMON LAM YANG RJE BTZUN GYI GSUNG GIS BSKUL NAS, DON GYI NGO BO DANG GO RIM SOGS RJE BTZUN GYIS GSUNGS PA NGED KYI TSIG SBYOR GYIS BSGRIGS PA YIN NO GSUNGS, DE'I TSE LHA BZO BA RNAMS KYANG BSNYEN GNAS DANG GSO SBYONG GI SDOM PA LA BKOD NAS 'DRIR 'JUG PA DANG, LAS BYED PA'I MI PHAL PA RNAMS KYANG THA MAL PA'I TSIG SMRA BA SPANGS NAS SMON LAM GYI TSIGS SU BCAD PA SOGS SHAS CHER KHA TON DU BYED PAS LAS SGRUB BA LA GZHOL BAR MDZAD LA, DE'I TSE RJE BTZUN 'JAM PA'I DBYANGS KYI ZHING BKOD BZHENGS PA'I SKYA RIS BTAB TSAR BA DE LA RAB GNAS SHIG MDZAD PAS RJE BTZUN 'JAM PA'I DBYANGS KYI SKU DNGOS SU BYON NAS THIM SONG BA'I GZIGS SNANG BYUNG ZHING SANGS RGYAS SUM CU RTZA LNGA'I SKU 'DRI BAR BRTZAMS PA LA; LHA BZO BA RNAMS KYIS SKU MDOG PHYAG RGYA SOGS JI LTAR 'DRI BA MA SHES NAS RJE'I DRUNG DU ZHUS PA DE'I TSE GSOL BA BTAB PAS JI LTAR 'DRI BA'I GO RIM DANG MTHUN PAR RGYAL BA SUM CU RTZA LNGA'I SKU RIM BZHIN GZIGS PA'I GZIGS SNANG BZHIN

, ,DU SKU MDOG SOGS 'DI LTAR BRIS SHIG CES ZHAL TA GNANG NAS 'DRIR BCUG ,DER MA ZAD ZHING BKOD GZHAN RNAMS LA'ANG RAB GNAS KYI DUS SU YE SHES PA DGUG GZHUG MDZAD PA NA LHA DE DANG DE'I RNAM PA RE THIM SONG BA'I SNANG BA MA BYUNG BA MED CES GSUNG NGO, ,ZHING BKOD RE BRIS TSAR RIM GYIS RAB GNAS MDZAD DE, MAR ME PHUL BA LAM BZUNG BA GCIG KYANG MA BYUNG, DE LTAR RI MO RNAMS LEGS PAR GRUB NAS, 'JAM DPAL GSANG LDAN GYI DKYIL 'KHOR BZHENGS TE, RJE NYID KYIS RAB TU GNAS PA RGYAS PAR MDZAD CING, DE'I TSE SLOB MA SKAL LDAN BCU LHAG PA ZHIG LA GSANG LDAN GYI DBANG YANG GNANG LA, RAB STON MDZAD PA'I SKABS SU GDAN SA PHAN TSUN GYI MDO SMAD PA SOGS KYIS GOS DAR SOGS 'BUL BA MANG DU BYUNG BAS RTEN 'BUR DU DOD PA RNAMS KYI NA BZA', LOGS BRIS THAMS CAD LA ZHAL KHEBS DANG BCAS PA LEGS PAR GRUB BO, ,DE'I TSE RAB GNAS DNGOS GZHI'I NYIN THUGS DAM NAR MAR MDZAD PA DANG, LAS BYED DANG BYA BA'I DUS TSIGS 'DZIN PA MANG PO ZHIG GI THUGS DAM DANG BYA BA SOGS SNGAR LAS CHES SNGA BA'I TSOD LA ZIN NAS 'DI CI ZHIG SNYAM DU GRIB TSOD BTZUGS SHING ZHIB TU BRTAGS PAS, DE NYIN NYI MA TSAD LAS CHES RING DU GYUR PA ZHIG KUN GYI MTHUN SNANG DU BYUNG NGO, ,GZHAN YANG 'GA' ZHIG GI RMI LAM NA MKHA' 'GROS RI MO 'DRI BA MTHONG BA DANG, LHO BRAG MKHAN CHEN PHYAG RDOR BA'I GZIGS SNANG LA, SANGS RGYAS RABS BDUN

NAM MKHA' LA BYANG PHYOGS SU 'BYON BA GZIGS, GANG DU BZHUD CES GSOL BAS RDZING PHYI'I RAB GNAS LA SPYAN 'DREN GYIN 'DUG CES GSUNG BA'I TSES GRANGS DANG RAB GNAS MDZAD PA'I TSES GRANGS GNYIS PHYIS BRTZIS PAS MTHUN PAR BYUNG NGO, ,DE NAS LHO BRAG MKHAN CHEN NAM MKHA' RGYAL MTSAN PAS 'DIR CIG CI NAS PHYAGS PHEBS PAR ZHU, BKA' 'DRA ZHU BA'I 'DOD PA YANG YOD, SKU TSE BSRING BA'I RTEN 'BREL SGRIG PA SOGS KYI SNYAN BSKUL 'DRA YANG 'BUL BA LAGS, ZHES PA'I GSUNG YIG NAN CHER BYUNG ZHING RJE RANG NYID KYANG LHO BRAG MKHAN CHEN GYI DRUNG NAS BKA' GDAMS GDAMS NGAG PA NAS BRGYUD PA'I LAM RIM GYI KHRID SOGS CHOS BKA' CI RIGS GSAN PAR BZHED NAS LHO BRAG BRA'O DGON PAR BYON, DE'I TSE LHO BRAG MKHAN CHEN DANG RJE RIN PO CHE GNYIS KA LA DAG PA'I GZIGS SNANG NGO MTSAR BA MANG DU BYUNG BA NI LHO BRAG MKHAN CHEN GYI ZHAL NAS BDAG GIS LO BDUN CU LON DUS LHA MO DKAR MO ZHIG NA RE BYAMS PAS BYIN GYIS BRLABS PA'I GANG ZAG 'JAM DPAL DBYANGS DANG GNYIS SU MED PA, LHA MO DBYANGS CAN MAS RIG PA STER BAR BYED PA PHUN SUM TSOGS PA CIG DANG SKYE BA BCO LNGA'I GONG NAS 'BREL PA YOD CING, PHAN TSUN DPON SLOB TU 'BREL PA CIG 'ONG BA YOD PAS, DE LA CHOS BKA' LA BSRIS MA 'JUG PAR BYIN, PHAR YANG CHOS ZHUS ZER BA CIG BYUNG BAS BDAG MOS GUS DPAG TU MED PA SKYES SO, ,YANG LAN CIG MGON PO BYAMS PA 'BYON GYIN YOD ZER BA'I SKAD

, ,LHANG BA CIG BYUNG, DE DUS CHOS RJE DKA' BZHI BA RGYA MO RI 'PHRED LA PHEBS PA'I TSOD DU 'DUG ,BCOM LDAN 'DAS KYIS CHOS KYI 'KHOR LO BSKOR BA'I DUS DRUG PA'I TSES BZHI'I NYIN LHO BRAG SGRO BA DGON PAR PHYAGS PHEBS BYON PA BDAG GIS BSU BA LA PHYIN PAS, RJE BTZUN 'JAM DBYANGS 'OD KYI DRA BAS MDZES PA ZHIG PHEBS BYUNG BAR MTHONG, RJE TZONG KHA BAS BDAG PHYAG NA RDO RJER DNGOS SU GZIGS SHING, DE'I GSUS PA'I DKYIL 'KHOR SHIN TU LDIR ZHING BEE d'URYA LTAR DVANGS PA SBRUL SNGO KHRAS SPRAS PA GZIGS 'DUG ,DE NI SNGAR LAS KYANG GDUL BYA 'PHRIN LAS RGYAS SU 'GRO BA'I BRDA YIN, DE'I NUB MO RJE TZONG KHA BAS BLA MA'I RNAL 'BYOR ZHIG ZHU GSUNG, BDAG GIS BLA MA'I RNAL 'BYOR ZHIG PHOG PAS, PHYAG NA RDO RJE BYON NAS RJE TZONG KHA PA LA THIM SONG, YANG TSES BCO LNGA'I THO RANGS BYAMS PA NYID LA BSLAB BTUS ZHUS ZER BA ZHIG BYUNG, RJE TZONG KHA PA LA BSLAB BTUS GSUNG BAR ZHU ZHUS PAS, RJE TZONG KHA PAS YI DAM LHA DE SKAD GSUNG NGAM GSUNG, GSUNG LAGS ZHUS PAS BSLAB BTUS GSUNGS, CHOS NYAN DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DPUNG PA G-YAS NA 'JAM DBYANGS DKAR BO; G-YON NA LHA MO DBYANGS CAN MA BZHUGS 'DUG, MGON PO PHYAG BZHI PA DANG PHYAG DRUG PAS GTZO BYAS PA'I CHOS SKYONG DANG MKHA' 'GRO BSAM GYIS MI KHYAB PAS BSKOR NAS 'DUG GO ,GZHAN YANG DKAR PHYOGS LA DGA' BA'I

LHA 'DRE'I TSOGS MANG PO CHOS NYAN ZHING 'DUG PAS MOS GUS THUN MONG MA YIN PA SKYES SO, ,SO SO 'BRANG MA'I DBANG DANG SEMS BSKYED KYANG ZHUS SO, ,RJE TZONG KHA PAS BDAG LA TSUR CHOS ZHUS PA LA BYANG CHUB LAM GYI RIM PA'I BKA' BABS GNYIS KYI KHRID, PHYAG NA RDO RJES GSUNGS PA'I GSANG BA BSAM GYIS MI KHYAB PA'I KHRID LUNG RJES GNANG, PHYAG RDOR SKU LNGA'I RJES GNANG, ZHU LAN RDO RJE PHRENG BA, ZHU LAN GCES PHRENG GI LUNG RJES GNANG, PHYAG NA RDO RJE KHYUNG LNGA'I DBANG DANG RJES GNANG, DREGS PA KUN 'DUL GYI DBANG, RTA MGRIN DPA' BO GCIG PA ZHAL GSUM PHYAG DRUG PA'I RJES GNANG SOGS BYAS PA'I DUS, RJES GNANG DANG DBANG GI BYA BA d'A K'I RNAMS KYIS BYED PA DANG, BDUD RTZI K'A PA LA GANG RJE TZONG KHA PA LA PHUL BAS DER LBU BA SHAR BA'I NANG DU 'JAM DBYANGS, DZAM LHA RNAM SRAS RNAMS RE RE BZHUGS PA GZIGS SHING RTAGS NGO MTSAR CAN MANG ZHIG BYUNG STE BSHAD KYIS MI LANG NGO ZHES GSUNGS, DE DUS RJE RIN PO CHES LHO BRAG GRUB CHEN NAM MKHA' RGYAL MTSAN LA DGE BA'I BSHES GNYEN SBYAN SNGA BA NAS BYA YUL BA LA BRGYUD PA DANG DGON PA BA NAS SNE'U ZUR PA LA BRGYUD PA'I BKA' GDAMS GDAMS NGAG PA'I LAM RIM GYI KHRID RGYAS PAR GSAN TE LHO BRAG MKHAN CHEN LA, SPYAN SNGA BA NAS BYA YUL BA LA BRGYUD PA DANG, DGE BSHES DGON PA BA NAS SNE'U ZUR PA LA BRGYUD PA'I LAM RIM GNYIS KA MNGA'O, ,LHO BRAG MKHAN CHEN PA DE NI GSANG BA'I BDAG PO PHYAG NA RDO RJES RGYUN DU RJES SU BZUNG STE BYA BA THAMS CAD

, ,GSANG BDAG LA ZHUS TE BYED PA ZHIG YIN PAS LHO BRAG GRUB CHEN ZHES GRAGS SHING, LHO BRAG PHYAG RDOR BA ZHES KYANG GRAGS SO, ,DE LTA BU'I BLA MA BDAG NYID CHEN PO DES RJE RIN PO CHE 'DI'I RNAM THAR LA YID CHES KYI DAD PA THOB STE BSLAB PA KUN LAS BTUS BZHU BAR MDZAD, BSLAB BTUS ZHU BA'I TSE LHO BRAG MKHAN CHEN 'KHOR DGE 'DUN MANG PO DANG BCAS ZHUS SHING, LHO BRAG MKHAN CHEN RANG NYID GCIG BUS GRA LNGA'I DBANG DANG DBYANGS CAN MA'I RJES GNANG SOGS ZAB CHOS MANG DU GSAN, DE'I TSE RJE RIN PO CHE ZAB MO DBU MA'I LTA BA MTHAR THUG PA DANG, GSANG PA 'DUS PA'I SGYU LUS SOGS MDO SNGAGS GNYIS KA'I LAM GYI DKA' GNAS MTHAR THUG PA 'GA' ZHIG RTZAD DPYOD PHYIR RGYA GAR DU SLOB DPON KLU'I BYANG CHUB DANG GRUB CHEN MI TRA SOGS MJAL BAR PHEBS BZHED NAS DPON SLOB BCU GSUM RTEN 'BREL BSGRIGS TE PHEBS RTZIS MDZAD PA NA GSANG BDAG PHYAG NA RDO RJE'I GSUNG LTAR LHO BRAG MKHAN CHEN NAM MKHA' RGYAL MTSAN GYIS RJE RIN PO CHE RGYA GAR DU PHEBS NA SLOB DPON KLU'I BYANG CHUB DANG GRUB CHEN MI TRA SOGS DANG DNGOS SU MJAL NAS YON TAN KHYAD PAR CAN BRNYES PA DANG, RGYA GAR RDO RJE GDAN GYI MKHAN PO MDZAD NAS SLAR BOD DU 'BYON MI THUB PA DANG, 'KHOR SEMS DPA' CHEN PO 'DI DAG TSAD PAS GUM PAR 'GYUR BA SOGS DGAG BYA MANG PO MCHIS BAS RGYA GAR DU MI 'BYON PAR BOD RANG DU BZHUGS PA ZHIG CIS KYANG MKHYEN ZHES NAN CHEN POS GSOL BA BTAB

RJE NYID KYIS KYANG DON DE LTAR DU DGONGS NAS RGYA GAR DU PHEBS BA SHOL TE BOD DU BZHUGS PAR MDZAD PAS NA LHO BRAG MKHAN CHEN NAM MKHA' RGYAL MTSAN PA NA BYANG PHYOGS KHA BA CAN GYI GDUL BYA RNAMS LA BKA' DRIN MTSUNGS PA MED PA ZHIG GO ,RJE RIN PO CHE RGYA GAR LA 'BYON PAR CHAS PA'I DUS DE'I TSE RJE BTZUN 'JAM BA'I DBYANGS KYIS RDZING PHYI'I JO BO LA DGE SBYONG GI RTAGS TSANG MA'I SKYES 'BUL BA DANG BCAS PA'I BSTOD CING GSOL BA 'DEBS PA'I TSIG TSANGS PA'I COD PAN ZHES BYA BA DON GYI RIM PA 'DI LTAR GYIS LA RTZOMS LA PHUL CIG DANG, PHYIS 'DUL BA'I BSLAB KHRIMS RNAM BAR DAG PA LA BRTEN NAS BSTAN PA LA PHAN PA RGYA CHEN PO 'BYUNG BA'I RTEN 'BREL YOD DO, ,ZHES GSUNG BA LA BRTEN NAS DE LTAR DU BRTZAMS TE PHUL LO, ,PHYIS KYANG RJE BTZUN GYI GSUNG GIS NAN GYIS BSKUL ZHING, BSTAN PA'I RTZA BA YIN PA'I THUGS NGES SHUGS DRAG PO 'KHRUNGS PA DANG, BSTAN PA NYAMS PA THUGS KYIS BSRAN BAR MA BZOD PA'I STOBS KYIS 'DUL PA'I LAG LEN PHYIR BCOS YAN CHAD YONGS SU RDZOGS PA SNGA MA'I SROL KA TZAM LA MA LTOS PAR LEGS PAR 'DZUGS PAR MDZAD DO, ,DON 'DI LA RJE NYID KYI ZHAL NAS BSTAN PA'I NANG MDZOD 'DUL BA'I BSLAB KHRIMS NYAMS PA SEMS KYIS MA BZOD NAS RUNG CHU GDAB PA YAN CHAD 'DUL BA'I BCAS MTSAMS PHRA RAGS THAMS CAD GSAR DU BTZUGS PA YIN GYI, GZHAN LAS KHYAD PAR THON PA ZHIG DON DU GNYER NAS BYAS PA

, ,GA LA YIN ZHES GSUNG NGO, ,DE NAS RJE RIN PO CHE GNYAL LA BYON, GNYAL LO ROR PHEBS NAS, LO RO STONG STAG TU ZLA PA LNGA TZAM BZHUGS, DER DGE BA'I BSHES GNYEN CHEN PO BRIN KHAS BAS MDZAD PA'I BSTAN RIM CHEN MO GDAN DRANGS BYUNG BA LA BSU BA MDZAD, MCHOD BA PHUL, ZHIB BAR GZIGS PAS THUGS NGES CHEN PO 'KHRUNGS, DER BSTAN RIM TSAR GCIG GSUNGS, SLAR YANG BYA BRAL LA BYON PA NYID NAS RGYAL BA'I GSUNG RAB MTHA' DAG GI DON TSIG SPYI TZAM LA MA LUS BAR DA LTA LAS DANG PO BA NYID NAS RANG GI RGYUD LA BSKOR NAS NYAMS SU BLANGS PAS CHOG BA'I TSUL LAM GYI NGO BO, GRANGS NGES GO RIM SOGS THAMS CAD SHING RTA CHEN PO RNAMS KYI LAM SROL DANG MTHUN PA ZHIG MED DU MI RUNG BAR GZIGS NAS BLA MA YI DAM LA GSOL BA SHUGS DRAG TU BTAB CING, GSUNG RAB DGONGS 'GREL DANG BCAS BA MTHA' DAG LA ZHIB TU DPYOD PA RGYUN MI 'CHAD DU MDZAD BAS; THOG MAR BSHES GNYEN BSTEN PA NAS 'GO BRTZAMS TE MTHAR ZHI GNAS DANG LHAG MTHONG LA BSLAB TSUL GYI BAR THEG BA CHE CHUNG THUN MONG DANG, THEG CHEN THUN MONG MA YIN PA'I LAM SPYI DANG, DE'I STENG DU SNGAGS KYI THABS MKHAS KYI KHYAD PA 'THUN MONG MA YIN PA RNAMS BSNON PA BTAB NAS NYAMS SU LEN TSUL GYI LAM GYI NGO BO DANG GO RIM DANG GRANGS NGES LA PHYIN CI MA LOG BA'I NGES PA 'KHRUNGS NAS GSUNG RAB DGONGS 'GREL DANG BCAS BA LANG LA'ANG

KHOL BTON RE TZAM MA YIN PAR THAMS CAD GANG ZAG GCIG 'CHANG RGYA BA'I CHA RKYEN DU SBYAR NAS NYAMS LEN GYI PHYOGS SU 'KHYER SHES PA, DE YANG BSHAD PA TZAM MA YIN PAR DA LTA BLO MTHO DMAN DBANG PO RAB 'BRING THAM GANG YIN GYI RGYUD LA BSKOR NAS DMIGS RNAM GYI RIM PAR NYAMS SU LEN PA'I LAG LEN DU 'KHYER PA DE ZHING 'CHUN CHE LA, SEMS 'DUL BA'I RIM BA 'BA' ZHIG LHUR MDZAD PA'I SGO NAS GDUL BYA MCHOG DMAN THAMS CAD JI LTAR BKRI BA'I RIM PA LA MNGA' BRNYES SHING, GANGS RI'I KHROD 'DIR TSUL 'DI NI SEMS DPA' CHEN PO DPAL MAR ME MDZAD YE SHES KYI GDAMS PA BYANG CHUB LAM GYI RIM PA'I MTSAN NYID DANG SNGAGS KYI THEG PA'I LAM GYI RIM PA PHYIN CI MA LOG PAR GTAN LA PHAB BA'I SHING RTA'I SROL 'DI NYID YA MTSAN PAR GZIGS SHING DE'I SROL LA BRTEN NAS THUGS NGES CHER 'KHRUNGS, DPAL LDAN AA TI SHA'I GDAMS PA'I SROL LA YANG DGE BA'I BSHES GNYEN CHEN PO PO TO BA SOGS KYI GDAMS PA LA YANG RMAD DU BYUNG BA'I THUGS NGES YOD MOD KYI, 'ON KYANG LHAG PAR BLA MA LA LO TZ'A PA CHEN PO BLO LDAN SHES RAB KYIS MDZAD PA'I BSTAN RIM DANG, DE'I SRAS KYI THU BO DPAL LDAN GRO LUNG BAS MDZAD PA'I BSTAN RIM CHEN MO SOGS DANG, RANG NYID KYIS DGONGS PA'I LAM GYI RIM PA RNAMS MTHUN SHAS CHE ZHING SROL PHUL DU BYUNG BAR GZIGS SO, ,DPAL LDAN AA TI SHA'I GDAMS PA DE YANG GSUNG RAB DANG DGONGS

, ,'GREL GYI BSTAN BCOS MAN NGAG MTHA' DAG LAM GYI RIM PA GCIG TU DRIL NAS STON PAR SNANG PAS 'CHAD SHES PA DANG NYAN SHES PA GNYIS KYIS BSHAD CING NYAMS SU BLANGS NA MAN NGAG CHANG CHUNG DU MA ZAD GSUNG RAB MTHA' DAG GI GUNG 'GRIG NAS 'ONG BAR SNANG BAS, LAM THUN MONG BA LA BLO SBYONG BA NAS 'KHRID DGOS PA'I GDUL BYA RNAMS LA KHRID KYI RNAM GRANGS MANG PO STON PA MA BYAS GSUNG ZHING, 'DI KHO NA'I STONG NAS 'KHRID PAR MDZAD DO, ,DE NAS RJE RIN PO CHE DPON SLOB SUM CU LHAG TZAM GYIS RTZA RI MA CHEN LA BYON, ZHAG 'GA' BZHUGS RI PA RNAMS LA MANG JA GNANG SBYIN DANG BCAS PA MDZAD, RI KHROD GZIGS SHING BDE MCHOG GI BDAG 'JUG LA SOGS PA MDZAD NGO MTSAR BA'I LTAS MANG DU BYUNG, TZA RIR PHEBS DUS GNAS 'DIR YANG NANG MCHOD DANG BCAS PA'I TSOGS 'KHOR RANG BYED PA MI 'ONG DGONGS BA ZHIG THUGS LA 'KHRUNGS PAS, DE MA KHAD NAS ZHABS KYI KHOL BU ZHIG LA GLO BUR DU TSE RAM ZUG PA 'DRA BA'I TSA ZUG DANG BSNYUN ZUG CHEN BO RANG YOD PA SKRANGS PA NAG PO ZHIG BYUNG BA LA, SKABS SHIG TU NANG MCHOD DANG BCAS PA'I BDE MCHOG GI TSOGS 'KHOR ZHIG MDZAD PAS TSOGS 'KHOR MA GROL TZAM NAS ZUG MED BAR DAM KHAD DVANGS SO, ,DE NAS TZA RI NAS YAR PHEBS TE GNYAL LA 'BYON PA'I LAM DU MO LA'I RTZAR ZHAG BZHUGS MDZAD BA'I NUB RJA BTZUN BYAMS MGON GYI SKU SHIN TU CHE BA,

LHUN PO LTAR MNGON PAR BRJID CING NYI MA LTAR GZI BRJID 'BAR BA ZHIG GIS RIGS KYI BU KHYOD SANGS RGYAS 'JIG RTEN DU BYON PA 'DRA PA ZHIG 'ONG BAS SHES PAR BYOS SHIG CES SENG GE'I SGRAS DBUGS PHYUNG ZHING SPRO BA BSKYED PAR MDZAD PA'I SNANG BA DNGOS SU BYUNG GSUNG NGO, ,DE NAS GNYAL SMAD SENG GE RDZONG NA BZHUGS PA'I DUS SU DPAL DUS KYI 'KHOR LO'I RDZOGS RIM SBYOR BA YAN LAG DRUG LA SOGS PA'I LAM GYI GNAD RNAMS LA DPYAD PA MANG DU MDZAD PAS MI 'KHRUL BA'I NGES PA 'KHRUNGS SHING 'PHYUG MAD KYI GZER THEBS NAS MI 'JIGS PA BRNYES, BCOM LDAN 'DAS DUS KYI 'KHOR LO DPA' BO GCIG PA ZHIG GI GZIGS SNANG NAR MAR 'ONG ZHING NUB GCIG GI MNAL LAM DU DUS KYI 'KHOR LO'I ZHAL NAS KHYOD KYIS DUS KYI 'KHOR LO 'DI LA RGYAL PO ZLA BA BZANG PO BYON PA 'DRA BA ZHIG 'ONG BAR YOD DO ZHES GSUNG, GNYAL SMAD SENG GE RDZONG DU BZHUGS DUS GSER PHYE 'BU MA BA LA MCHOD PA CHEN PO PHUL ZHING DER 'DUL PA'I CHOS MANG DU GSUNGS, LAN LEN PHRAN TSEGS RUNG CHU 'DEBS PA YAN CHAD ZHIB PAR MDZAD, DE'I TSE RJE'I ZHAL NAS YON TAN THAMS CAD KYI GZHI MKHAS BLANGS PA'I TSUL KHRIMS DAG DGOS PA YIN, NGED LA NI SO SOR THAR PA'I PHAM LHAG SBOM PO DANG BCAS PA'I LTUNG BA 'ONG MA MYONG, LTUNG BYED NYES BYAS DANG BCAS PA 'GA' RE BYANG BA RNAMS BSHAGS BSDAMS BYED GSUNG NAS MDZAD CING 'KHOR RNAMS KYANG TSUL DE NYID LA SBOR BAR MDZAD DE, GANGS

, ,RI'I KHROD 'DIR SANGS RGYAS KYI BSTAN PA CHES CHER NYAMS PAR GYUR PA GTING NAS MA BZOD PA'I THUGS KYIS BSTAN PA RIN PO CHE'I RMAD DKA' BA CHEN POS GZHI NAS 'DZUGS PAR MDZAD PAS PHYI RABS GANGS RI'I KHROD KYI SKYE BO YONGS LA RGYAL PA NYID DANG MTSUNGS PAR BKA' DRIN CHE BA YIN NO, ,GNYAL DU BZHUGS DUS DBYANGS CAN MA'I GSUNG GIS DGUNG LO LNGA BCU RTZA BDUN THUB DE BAR RANG GZHAN GYI DON DPAG TU MED PA 'GRUB GSUNG BA LA, RJE BTZUN MA RNAM PAR RGYAL MA SOGS LA GSOL BA BTAB CING BSNYEN BSGRUB MANG DU BYAS BAS DE LAS RING ZHIG THUB PAR MI 'GYUR RAM ZHES ZHUS PAS DE THAMS CAD PHAL CHER SNGON GYI SMON LAM GYI SHUGS DANG, CHOS RAB TU RNAM 'BYED KYI SHES RAB LA THUGS 'DUN CHES PA LA SOGS PA'I DNGANG GIS BLO GROS GONG NAS GONG DU 'PHEL BA'I RGYU 'BA' ZHIG TU SONG BAS SKU CHE LA DE TZAM DU PHAN PA MA BYUNG ZHES GSUNG BA ZHIG BYUNG, RJE BTZUN 'JAM BA'I DPYANGS KYI SKU DANG GSUNG GI SNANG BA RGYUN DU 'BYUNG BA'I GRUB CHEN 'JAM DPAL RGYA MTSO BA LA RJE BTZUN 'JAM PA'I DBYANGS KYIS DA PHAN CHAD SKU TSE'I BAR CHAD LA SGOS SU DMIGS PA'I BZLOG THABS DANG, SKU TSE BSRING BA'I PHYI NANG GI RTEN 'BREL LEGS BAR BSGRIGS NA DKA' SE BA ZHIG LA BZLOG PAR NUS SO ZHES GSUNG BA BYUNG, YANG GNYAL GYI SENG GE RDZONG NA BZHUGS DUS RJE BTZUN 'JAM PA'I DBYANGS LA, SNGAGS MTSAN NYID KYI LAM GYI NGO BO DANG,

GO RIM GRANGS NGES SOGS DANG KHYAD PAR ZHI LHAG GI NYAMS LEN GYI GNAD RNAMS ZHUS PAS, DA NGED LA YANG YANG 'DRI MI DGOS, GZHUNG CHEN MO RNAMS LA ZHIB PAR DPYOD DANG, NGED KYIS BSTAN PA RNAMS DANG PHAL CHER MTHUN BA SHA STAG 'ONG, MI MTHUN PA RE TZAM BYUNG NA 'DOR SBUS GDAMS NGAG TU 'DOD PA RNAMS LA 'BAB KYI GZHUNG CHEN MO RNAMS 'DOR DU MI RUNG NGO ZHES GSUNG ZHING, MAN NGAG GIS LDE MIG BYAS NAS MDO RGYUD DGONGS 'GREL DANG BCAS PA RNAMS LA DPYAD BAS, DPYAD PA RDZOGS PA'I TSAD NI LUNG RIGS KYI LAM NAS DRANGS PA'I NGES PA RNYED NAS BLOS DON DER THAG BCAD PA NA GTING NA MI BDE BA'I RNAM PA MED PA CIG 'ONG, DE DUS DON DE LA DPYAD PA RDZOGS PA YIN NO ZHES GSUNG STE, PHYIN CHAD 'KHRUL MED RANG ZHIG BYUNG GSUNG NGO, ,DE NAS DPYID GNYAL GYI SGANG CHUNG DU BZHUGS, DGE 'DUN RNAMS LA CHOS MANG DU GSUNGS, GRONG PA SKYE BO'I TSOGS DPAG TU MED PA DAD PA DRAG PO DANG BCAS TE 'DUS PA THAMS CAD KYANG BSNYEN GNAS DANG SKYABS 'GRO SOGS 'PHRAL DANG YUN DU PHAN PA'I DGE PA LA LEGS PAR SBYAR ZHING, RJE NYID KYIS THOG MA MDZAD DE THAMS CAD BSKUL NAS TSVA TSVA 'BUM THER MANG PO BTAB CING PHYIS KYANG TSUL DE NYID SGRUB PA LA SBYOR BAR MDZAD DO, ,DE NAS GNYAL SDONG RAB KRONG DU BYON, DBYAR BZHUGS MDZAD, GNAS DER SRAS KYI THU BO RJE DAR MA RIN CHEN GYIS MJAL, RNAM 'GREL GYI LAM KHRID GSAN

, ,PAS RJE RIN PO CHE'I GSUNG LA YID CHES KYI DAD PA BRTAN PO RNYED NAS DE PHYIN RJE'I ZHABS 'BRING DU BZHUGS SO, ,DE NAS GNYAL PHYOGS KYI SDE SNOD 'DZIN PA THAMS CAD 'DUS PA LA CHOS 'KHOR RGYA CHEN PO MDZAD DO, ,DE LTAR GNYAL PHYOGS SU BSTAN PA DANG SEMS CAN GYI DON RMAD DU BYUNG BA RNAMS LEGS PAR MDZAD NAS SLAR YANG 'OL KHAR PHEBS, DE NAS 'O DE GUNG RGYAL GYI LHA ZHOL DBEN GNAS LHA SDINGS SU LO GCIG BZHUGS CHOS MANG DU GSUNGS RJE 'DIS THAL RANG GI LTA BA'I GNAD RNAMS LA BYA BRAL LA 'BYON PA'I GONG NYID NAS DE BAR DU DPYAD PA NAR MAR MDZAD NA'ANG, MTHAR THUG PA'I GNAD LA MI BDE BA GTAN NAS LOG PA'I NGES PA 'DREN MA THUB GSUNGS TE, DENG SANG GI GDUL BYA MI RTAG PA PHRA MO'I GNAS TSUL TZAM YANG MA RTOGS PAR ZAB MO DBU MA'I LTA BA RTOGS PAR KHAS 'CHE PA DANG LAS 'BRAS LA YID CHES PA'I BSAM PA MED PAR DBU MA'I LTA BA RTOGS PAR KHAS 'TSO BA RNAMS LA THUGS BRTZE PAS DGONGS TE 'DI LTA BU'I TSUL BSTAN TE ZAB MO DBU MA'I LTA BA SHIN TU RTOGS DKA' BA NI RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES CHOS THAMS CAD KYI GNAS LUGS SPROS PA'I MTHA' THAMS CAD DANG BRAL BA'I STONG BA NYID NI SHIN

RTOGS DKA' BAS MTHA' DAG BAR RTOGS PA SRID MTHA' TZAM DU GSUNGS BA DANG, 'PHAGS PA KLU SGRUB KYI ZHAL NAS, RE SHIG LUS 'DI MI GTZANG NYID, ,RAGS SHING MNGON SUM SPYOD YUL BA, ,RTAG TU SNANG BA'ANG GANG GI TSE; ;SEMS LA GNAS PA MA YIN PA, ,DE TSE DAM CHOS GNAS MED PA, ,PHRA RAB MNGON SUM MA YIN PA, ,ZAB MO DE KO JI LTA BUR, ,SEMS LA BDE BLAG 'JUG PAR 'GYUR, ,CHOS 'DI ZAB PHYIR SKYE BO YIS, ,SHES PAR DKA' BA THUGS CHUD DE, ,DES NA THUB PA SANGS RGYAS NAS, ,CHOS BSTAN PA LAS LOG PAR GYUR, ,CAS MI RTAG PA LA NGES SHES MA 'DRONGS PAR DBU MA'I LTA BA RTOGS PA MI SRID PAR GSUNGS PA LTAR RO, ,RJE RIN PO CHES GNAS DER BLA MA DANG RJE BTZUN 'JAM PA'I DBYANGS THA MI DANG DU BYAS PA LA GSOL BA DRAG TU 'DEBS PA DANG, RIGS PA'I DPYAD PA ZHIB PAR MDZAD PAS BYIN GYIS BRLABS PA'I MTSAN MA KHYAD PAR CAN BYUNG, SLOB DPON SANGS RGYAS BSKYANGS KYI 'GREL PA BUDDHA P'A LI TA LA LEGS PAR GZIGS PAS KYANG 'TSAMS SBYAR TE, MGON PO KLU SGRUB YAB SRAS KYI LTA BA'I GNAD MTHAR THUG PA DANG, DGAG BYA'I MTSAMS 'DZIN SOGS LA SNGAR DANG MI 'DRA BA'I NGES PA GTING TSUGS PA 'KHRUNGS SHING MTSAN 'DZIN GYI DMIGS GTAD THAMS CAD ZHIG ,DE KHO NA NYID KYI DON LA MTHA' GZHAN DU DOGS PA'I SGRO 'DOGS LHAG MA MED PAR DRUNGS PHYUNG BAR GYUR TE, STON BA LA SHES NAS DAD PA THOB PA'I

, ,SHUGS KYIS DRANGS PA ZAB MO RTEN CING 'BREL PAR 'BYUNG BA GSUNG BA'I SGO NAS BSTOD PA LEGS PAR BSHAD PA'I SNYING PO ZHES BYA BA MDZAD DO, ,RJE RIN PO CHE'I MDZAD BA RNAM THAR 'DI DAG LA BLO GROS CAN RNAMS KYIS LEGS PAR DPYOD SHES NA BYANG CHUB LAM GYI RIM PA'I GO RIM LA NGES PA PHUL PHYIN STER ZHING BYANG CHUB LAM RIM GYI RTZA BA'I GDAMS NGAG GI GZHUNG MNGON RTOGS RGYAN DU, SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,ZHES GSUNGS PA'I DON LA NGES PA CHEN PO SKYE'O, ,DBU MA'I LTA BA 'KHRUL MED RNYED PA'I TSE SNANG PA JI LTAR 'CHAR BA NI RJE NYID KYI ZHAL NAS DA LTA LEGS BAR GOMS PAS RJES THOB TU'ANG SNA TSOGS PA'I SNANG BA 'DI THAMS CAD STONG BZHIN DU SNANG BA'I SGYU MA LTAR 'CHAR GYI, STONG PA NYID KYI RGYAS MA THEBS PA'I SNANG BA RANG DGA' BA CHER MI 'CHAR BAR 'DUG ,CES GSUNG NGO, , RJE BLA MA 'DIS BYANG CHUB LAM GYI RIM PA LA MYONG BA THON BAR BYED PA LA TSUL 'DI LTAR BYA DGOS SO ZHES GDUL BYA RNAMS LA 'DOMS PA'I PHYIR BLA MA DANG YI DAM THA MI DAD DU BYAS NAS GSOL BA 'DEBS PA DANG, BSAG SBYANG LA RTZE GCIG TU BRTZON PAR MDZAD CING, SKYE BO PHAL BA RNAMS KYI BLO YUL DU SHONG DKA' BA'I BSNYEN SGRUB LA RGYUN MI 'CHAD DU BRTZON PAR MDZAD PAS LHAG PA'I LHA DU MAS BYIN GYIS BRLABS PA'I TSUL DPAG PAR DKA' BA YOD LA, KHYAD

PAR; RGYAL BA KUN GYI YAB GCIG RJE BTZUN 'JAM PA'I DBYANGS KYI ZHAL MNGON SUM DU GZIGS SHING RGYUN DU DGE BA'I BSHES GNYEN MDZAD PA'I STOBS KYIS GSUNG RAB MTHA' DAG GI DON LA 'KHRUL PA MI MNGA' BAR GYUR BA YIN LA, GSUNG RAB KYI DON CI 'DRA BA'I RTOGS DKA' BA ZHIG YIN NA'ANG, THOG MAR RIGS PAS ZHIB TU DPYAD PAS PHAL CHER DGONGS 'ONG, DE LTAR MDZAD KYANG THUGS NGES MTHA' CHOD PA 'DREN MA THUB PA RNAMS LA, BLA MA DANG RJE BTZUN 'JAM PA'I DBYANGS THA MI DAD LA GSOL BA DRAG TU BTAB CING MAndAL PHUL BAS, DE MA THAG 'BAD MED DU DPYIS PHYIN PAR DGONGS NAS 'ONG BA NI RJE NYID KYI THUGS SRAS THAMS CAD LA MTHUN SNANG DU YOD PAR GSUNGS, GZHAN YANG RJE BTZUN 'JAM PA'I DBYANGS KYI SKU DANG GSUNG GI SNANG BA JI LTAR BYUNG PA SOGS DAG PA'I GZIGS SNANG MTHA' YAS PA'I RNAM BAR THAR PA NI RGYAL BA NANG PHAN TSUN GYI SPYOD YUL YIN PAS MTHA' DAG BRJOD BAR GA LA NUS, RJE BTZUN 'JAM BA'I DBYANGS KYIS RGYUN DU ZHAL BSTAN NAS BYA BA THAMS CAD RJE BTZUN 'JAM PA'I DBYANGS LA ZHUS NAS MDZAD PA NI, RJE NYID KYI ZHAL NAS GSUNG RAB KYI DON LA TSUL JI LTAR DPYOD, DPYAD PA RDZOGS MA RDZOGS, NYAMS LEN GYI GNAD, GDUL BYA JI LTAR BKRI, 'KHOR JI LTA BU BSTEN, GNAS JI LTA BUR SDOD PA SOGS PHAL CHER RANG BZOS ZHUGS PA MA BYAS ZHES GSUNG NGO, ,DE NAS STON 'OL KHAR BYON, DGUN DPYID

, ,'GAR PHUG TU BZHUGS NAS 'OL KHA'I DGE 'DUN RNAMS LA CHOS MANG DU GSUNGS SO, ,DE NAS AE'I TE'U RAR BYON, DBYAR BZHUGS MDZAD, AE PA'I DGE 'DUN RNAMS LA CHOS MANG DU GSUNGS SHING SKYE BO THAMS CAD DGE BA'I LAM LA BKOD, DE NAS 'OL KHA'I BRAG GDONG DU BYON, DGUN BZHUGS MDZAD, DE NAS RDZING PHYIR JO BO BYAMS PA'I DRUNG DU ZHAG BCO LNGA'I RING LA MCHOD PA RGYA CHE ZHING BKOD PA YID 'PHROG PA RGYUN MI 'CHANG PAR MDZAD DE BSTAN PA DANG SEMS CAN 'BA' ZHIG LA DGONGS NAS 'PHRAL DANG YUN DU PHAN BDE RGYAS PA'I SMON LAM RLABS CHE BA MDZAD DO, ,DE NAS SMAN LUNG GI RGYA SOG PHUR CHO 'PHRUL CHEN PO'I DUS MCHOD ZHAG BCO LNGA'I RING LA MCHOD PA RGYA CHE ZHING BKOD PA PHUN SUM TSOGS PA BSHAMS TE TING NGE 'DZIN GYIS BYIN GYIS BRLABS NAS MCHOD YUL THAMS CAD MNYES PAR BYED PA'I MCHOD BA'I CHO GA DANG, 'PHRAL DANG YUN GYI PHAN BDE RGYAS PA'I SMON LAM DPAG TU MED PA MDZAD PA'I SKABS SU, MCHOD PA'I ZHING PHYOGS BCU'I DE BZHIN GSHEGS PA RNAMS SPYAN 'DREN BA'I THUGS KYI 'DUN PA SHUGS DRAG PO MDZAD BA NA, SHAR PHYOGS KYI DE BZHIN GSHEGS PA THAMS CAD SKU MDOG DKAR PO RNAM SNANG GI RNAM PAS SHAR PHYOGS KYI NAM MKHA'I KHYON THAMS CAD GANG BAR 'KHRIGS PA DANG, DE BZHIN DU LHO PHYOGS DANG NUB DANG BYANG DANG DBUS SAM STENG GI NAM MKHA'I KHYON THAMS CAD RIM

PA BZHIN DU, RIN 'BYUNG, 'OD DPAG MED, DON GRUB, MI BSKYOD PA'I RNAM PA CAN GYI DE BZHIN GSHEGS PAS KHYAB CING, BKOD BDE 'DRA BA'I SGO NAS STENG DANG LOGS KYI NAM MKHA'I KHAMS THAMS CAD BAR MTSAMS MED PAR DE BZHIN GSHEGS PA'I SKUS GUR PHUB PA LTAR GYUR TE MCHOD PA BDAG GIR MDZAD PA'I GZIGS SNANG DNGOS SU 'CHAR PA YANG YANG BYUNG, PHYIS LHA SAR CHO 'PHRUL CHEN PO'I MCHOD PA RGYA CHEN PO BSAM GYIS MI KHYAB PA SMON LAM CHEN MOR GRAGS PA MDZAD PA'I DUS SU'ANG GZIGS SNANG DE 'DRA BA NAR MAR BYUNG STE, DE DUS MCHOD YUL DANG MCHOD BA THAMS CAD LA BDE STONG GI RGYAS BTAB CING MCHOD PA PHUL BAS DE THAMS CAD BDE STONG GI RAM ROL DU 'CHAR BA BYUNG GSUNG NGO; ;DE NAS DPYID RJE DAR MA SRIN CHEN GYI ZHAL SNGA NAS GTZO MDZAD, SDE SNOD 'DZIN PA NYIS BRGYA LHAG TZAM LA CHOS MANG DU GSUNGS, DE NAS NYANG PO PHYOGS NAS DAD PA CHEN BOS GSOL BA BTAB PA LA BRTEN NAS NYANG PO MDANG MDO'I DGON PAR BYON, DPYAR BZHUGS MDZAD, NYANG PO PHYOGS KYI DGE 'DUN RNAMS LA CHOS MANG DU GSUNGS SHING SKYE BO'I TSOGS LA PHAN PA RGYA CHEN PO MDZAD, DE'I SKABS SU DPON NAM MKHA' BZANG PO BAS RDOG LO CHEN BO'I GDAN SA PA SLOB DPON CHEN PO DKON MCHOG TSUL KHRIMS BA NGO CHEN LA SBRAN TE SKYID SHOD PHYOGS SU PHEBS BAR ZHU BA'I GSOL BA 'DEBS PA SNGA MO NAS NAR MAR YOD PA'I GTING BSKUL GYI GSOL 'DEBS PAS SLEBS BA DANG, JO BO RIN

, ,BO CHE MJAL BAR BZHED PAS KYANG THUGS DRANGS TE STON SKYID SHOD DU PHEBS, BO TA LAR BZHUGS NAS GSANG BDE GUNG GSUM, DGA' SKYOR ZUL GSUM GYI GDAN SA BA RNAMS KYIS THOG DRANGS PA'I SDE SNOD 'DZIN PA BRGYA PHRAG DU MA LA DBU MA SNANG BA, 'DUL BA, LAM RIM LA SOGS PA'I CHOS MANG DU GSUNGS, DE'I PHYI RES SOS KA DGA' BA GDONG DU BYON, THEG PA CHEN POR 'JUG BA RNAMS KYIS SANGS RGYAS DANG BYANG CHUB SEMS DPA' THAMS CAD DBANG POR BYAS TE KHAS BLANGS PA'I SEMS BSKYED KYI BSLAB BYA RNAMS LA JI LTAR BSLAB TSUL MTHA' DAG BAR SHES NAS TSUL BZHIN DU SLOB BA ZHIG MA BYUNG NA DE'I THEG PA CHEN PO BA MING TZAM DU 'GYUR BAR DGONGS SHING, GSANG SNGAGS RDO RJE THEG PA LA 'JUG PAR 'DOD NA LAM MTHUN MONG PA LA LEGS PAR BLO SBYANGS PA'I STENG DU BLA MA BSTEN TSUL THEG CHEN THUN MONG BA'I SKABS SU BSTAN PA LAS KYANG CHES KHYAD PAR DU GYUR PA ZHIG GI SGO NAS DBANG BSKUR RGYUD SDE DANG MTHUN PA ZHIG BLA MA MTSAN NYID DANG LDAN BA LAS MNOS TE, DE'I DUS SU KHAS BLANGS PA'I DAM TSIG DANG SDOM PA RNAMS MIG GI 'BRAS BU LTAR GCES BAR 'DZIN CING, KHYAD BAR RTZA LTUNG LA SROG BSDOS BYAS NAS LEGS PAR SDOM PA ZHIG MA BYUNG NA KHAS BLANGS PA'I DAM TSIG YAL BAR DOR NAS SNGAGS KYI LAM LA SLOB PA SKAD BYAS KYANG NGAN 'GRO MI BZAD PA'I SGO 'BYED BAR DGONG NAS, AE MA THEG PA CHEN PO SPYI DANG KHYAD PAR BA LA SLOB PAR 'DOD PA

DAG TSUL 'DI LTA BUS SPYOD PAR GYUR NA CI MA RUNG SNYAM DU SNYING NAS SHAS MA BZOD PA'I THUGS BRTZE BA CHEN POS KUN NAS BSLANGS TA GDUL BYA RNAMS LA'ANG TSUL DE NYID 'DOMS PAR MDZAD DO, ,DER YANG BYANG SA'I TSUL KHRIMS LE'U; BLA MA LNGA BCU PA, RTZA LTUNG BCU BZHI BA RNAMS KYI BSHAD PA SHIN TU ZHIB PAR GSUNGS, DE'I CHOS MJUG LA BLA MA RJE BTZUN RED MDA' PA CHEN PO'I ZHAL SNGA NAS MNGA' RIS NAS BYON, DBYAR GNAS STAG TSANG DU MDZAD DE DBUS SU BYON NAS DGA' BA GDONG DU PHYAGS PHEBS, BSU BA DANG, BSNYEN BKUR DANG, ZHABS TOG RMAD DU BYUNG BA MDZAD NAS DPON SLOB GNYIS KAS CHOS MANG DU GSUNGS, DE NAS YAB SRAS GNYIS KA'ANG DBEN PA LA DGYES SHING, BYANG RA SGRENG GI DBEN PA'I GNAS KYI BSNGAGS BA GTAM DU BRJOD PA SNYAN DU SON PAS KYANG THUGS G-YOS PAR GYUR LA DPAL LDAN AA TI SHAS LUNG BSTAN PA'I GNAS, STON PA RIN PO CHE YAB SRAS KYI GDAN SA, BKA' GDAMS PA'I DAM PA'I CHOS KYI CHU BO THAMS CAD KYI 'BYUNG KHUNGS SU GYUR PAS KYANG GZIGS PAR BZHED DE YAB SRAS GNYIS KYIS THOG MA MDZAD PA'I DGE 'DUN SDE SNOD 'DZIN PA MANG PO'I TSOGS DANG BCAS PAR SGRENG LA PHYAGS BTEG GDAN BZHUGS RA SGRENG DU MDZAD, BLA MA RJE BTZUN CHEN POS RIGS PA DRUG CU BA DANG GSANG 'DUS RIM LNGA SOGS GSUNGS, RJE RIN PO CHES THEG PA CHEN PO MDO SDE RGYAN DANG, DBUS MTHA' DANG, KUN LAS BTUS DANG, NYAN SA LA SOGS PA

, ,THAMS CAD GUNG LEGS PAR BSGRIGS TE ZHI GNAS KYI BSHAD PA MTHA' DAG PAR GSUNGS SHING, SGOM DU BCUG PAS 'GA' ZHIG GI RGYUD LA GSUNG RAB DANG MTHUN PA'I ZHI GNAS KYI MYONG BA KHYAD PAR CAN 'KHRUNGS, YAB SRAS GNYIS KYIS SNGAGS DANG MTSAN NYID KYI LAM GYI GNAD DU MA LA 'BEL BA'I GTAM GYI BKA' MCHID SHIN TU ZHIB BAR MDZAD, DE NAS CHOS RJE LO TZ'A BA DANG, 'BRI KHUNG CHOS RJE GNYIS KAS ZHAL 'DZOM PAR ZHU BA'I PHO NYA DANG GSUNG 'PHRIN NAR MAR BYUNG BAS, RJE RIN BO CHES DPYID 'OG 'BRI KHUNG DU BYON, CHOS MANG DU GSUNGS, SPYAN SNGA RIN PO CHE CHOS KYI RGYAL PO LA N'A RO CHOS DRUG DANG, PHYAG CHEN LHAN CIG SKYES SBYOR LA SOGS BA GSAN, DE NAS RJE RIN PO CHE DANG RJE RED MDA' BA DANG CHOS RJE LO TZ'A BA SKYABS MCHOG DPAL BZANG GSUM GA GNAM TZENG LTENG DU AAR CHEN PO BYANG CHUB YE SHES KYI GTZUG LAG KHANG DU ZHAL MNGON PAR 'DZOM ZHING, DBON YON TAN RGYA MTSO BAS DAD PA DANG GTONG BA SHIN TU YANGS PA'I BSAM PA RGYA CHEN POS ZHABS TOG BYAS TE SDE SNOD GSUM 'DZIN PA'I MKHAS PA'I DBANG PO DU MAS THOG DRANGS PA'I DGE 'DUN DRUG BRGYA LHAG TZAM GYIS DBYAR GNAS PAR ZHAL GYIS BZHES NAS CHOS RJE GSUM GAS KYANG BSTAN PA RIN PO CHE'I DAG TER RNAM PAR DAG PA ZHIG MDZAD PAR DGONGS SHING, DE YANG JI SRID DU RGYAL BA'I BSTAN PA'I NANG MDZOD 'DUL BA RDZOGS PAR YOD BA DE SRID DU SANGS RGYAS KYI BSTAN PA YOD LA,

DE MED NA MED PAR GSUNGS PA DE NYID THUGS LA LCI BAR GYUR NAS BSTAN PA 'BA' ZHIG LA DGONGS PA'I THUGS KYIS 'DUL BA MDO RTZA BA'I BSHAD PA RGYAS PA RE GSUNGS SHING DE'I DUS SU GZHI BCU BDUN NAS GSUNGS PA'I BCAS PA PHRA MO ZHIG YAN CHAD DA LTA'I GANG ZAG GIS NYAMS SU BLANG NUS RNAMS DANG, RNAM 'BYED NAS 'BYUNG BA'I BCAS PA RNAMS LAS 'DAS PA'I LTUNG BA THAMS CAD RANG RANG GI MING RIGS KYIS PHYIR 'CHOS PA'I CHO GA JI LTAR BSHAD PA BZHIN GYI PHYAG LEN RNAM PAR DAG PA'I SROL LEGS PAR BTZUGS TE, DE'I TSE 'DUL BA GSAN PA PHAL CHE BA SKYANG RANG RANG GI RGYUD LA BRTAGS NAS LTUNG BA PHRA RAGS THAMS CAD BSHAGS YUL MANG NYUNG GI BYE BRAG DANG, DNGOS PO SPANGS PA'I CHAD LAS SNGON DU GTONG BA SOGS JI LTAR BSHAD PA BZHIN DU PHYAG LEN LA BTAB NAS PHYIR BCOS MDZAD DE, DE PHYIN CHAD PHYAG PHYI LA GNYUG MAR GNAS PA LA PHAL CHE PAS NYIN RE BZHIN RANG RANG GI RGYUD LA BRTAGS NAS LTUNG BA NGANG YUN DU MI 'GROGS PAR PHYIR 'CHOS PA DANG, YO BYAD BYIN BRLAB, RUNG KHANG GCOD PA, NUB LHAG NYAL BSRUNG SOGS KYI PHYAG LEN DAG LA'ANG CHES BRTZON PAR MDZAD NA DE TZAM DU BSGRUB MI DKA' BA RNAMS LA NI LTA SMOS KYANG CI DGOS, DE BAS NA SANGS RGYAS KYI BSTAN PA'I RTZA PA SO SOR THAR PA'I RMANG RDZOGS PAR GSOS PAS BSTAN PA LA BYA BA MDZAD PA ZHIG LA 'DI YA MTSAN BA YIN NO, ,ZHES MKHAS GRUB THAMS CAD MKHYEN PA

, ,GSUNGS TE, GANGS RI'I KHROD 'DIR 'DUL BA LUNG SDE BZHI'I DON SLOB DPON YON TAN 'OD KYIS BKRAL BLTAR DGAG SGRUB GNANG GSUM GYI BCAS MTSAMS MTHA' DAG RGYAL BA RANG NYID KYI DGONGS PA JI LTA BA BZHIN DU 'CHAD SHES PA DANG, BSHAD PA LTAR DU BCAS MTSAMS MTHA' DAG LAG TU LONGS BA DANG, DE YANG BYANG CHUB LAM GYI RIM PA DANG SBYAR TE THEG BA CHE CHUNG GNYIS KA'I LAM GYI GZHI RTEN DU 'GYUR BA DANG, RGYAL SRAS KYI SPYOD PA LA SLOB PA'I TSE 'BRAS BU GZUGS SKU BSGRUB PA'I THABS SU 'GYUR BAR BYED PA SOGS RGYAL BA DGYES PA'I LAM LA SLOB BAR 'DOD PA RNAMS LA BKA' DRIN ZLA MED DU MDZAD DO, ,GZHAN YANG GNAS DER DBU MA DANG TSAD MA RNAM 'GREL LA SOGS PA'I CHOS GYI 'KHOR LO MANG DU BSKOR, DGAG DBYE THON NAS RJE BTZUN RED MDA' BA GCANG LA PHEBS RJE RIN PO CHE DANG LO CHEN SKYABS MCHOG DPAL BZANG GNYIS 'KHOR DANG BCAS PA SLAR RA SGRENG DU BYON NAS BRAG SENG GE'I ZHOL DU RJE RIN PO CHE'I BZHUGS GNAS BTAB STE JO BO'I SKU 'DRA DBU YON MAR GRAGS PA SPYAN DRANGS RJE RIN PO CHES SKU MTSAMS MDZAD DE JO BO'I SPYAN SNGAR MCHOD PA RGYA CHEN PO BSHAMS NAS GSOL BA SHUGS DRAG LA RGYUN RING BAR 'DEBS BAR MDZAD PAS STON PA THUB PA'I DBANG PO NAS LHO BRAG GRUB CHEN DANG GRVA SKOR MKHAN CHEN GYI BAR LAM RiM BRGYUD BA'I BLA MA RNAMS ZHAL GZIGS, DE'I TSE LAM RIM BLA MA BRGYUD PA'I GSOL

'DEBS LAM MCHOG SGO 'BYED GSAR RTZOM MDZAD DE, DE'I SGO NAS GSOL BA SHUGS DRAG LA RGYUN RING BA 'DEBS PAR MDZAD BAS BYIN GYIS BRLABS PA'I MTSAN MA KHYAD BAR CAN MAR DU BYUNG ZHING GDAMS PA DANG RJES SU BSTAN PA'ANG MANG DU GSUNGS, MTHAR LAM RIM BRGYUD PA'I BLA MA RNAMS RIM GYIS THIM STE JO BO RJE DANG, PO TO BA, SHA RA BA RNAMS YUN RING DU ZHAL GZIGS, MTHAR PO TO BA DANG SHA RA BA YANG JO BO LA THIM, JO BO RJES RJE RIN PO CHE'I DBU THOG TU PHYAG BZHAG STE BSTAN PA LA BYA BA RGYA CHEN PO GYIS, BYANG CHUB SGRUB PA DANG SEMS CAN GYI DON BYED PA'I GROGS BDAG GIS BGYI GSUNG NAS MI SNANG BAR GYUR, DE NAS RJE RIN PO CHES RGYAL BA'I BSTAN PA LA BYA BA BYED PA'I MCHOG NI GSUNG RAB DGONGS 'GREL DANG BCAS PA MTHA' DAG GI DON GANG ZAG GCIG GI NYAMS LEN GYI RIM PAR BSDUS TE PHYI RABS KYI GDUL BYA RNAMS KYIS NYAMS SU BLANG BDE BA ZHIG RTZOM PAR BZHED PA 'KHRUNGS SHING, LO CHEN SKYABS MCHOG DPAL BZANG PO SOGS MANG POS KYANG BYANG CHUB LAM GYI RIM PA'I KHRID YIG RGYAS PA ZHIG CI NAS KYANG MDZAD DU GSOL ZHES GSOL BA SHUGS DRAG TU BTAB, PHYOGS BCU'I RGYAL BA SRAS BCAS THAMS CAD KYIS KYANG THUGS RJE BSKUL BAR MDZAD, DKAR PHYOGS KYI LHA DANG SRUNG MA MANG POS MTHUN BA'I RKYEN SBYAR TE RGYAL BA'I GSUNG RAB MTHA' DAG GI GNAD BSDUS PA, SHING RTA CHEN PO KLU SGRUB DANG THOGS MED GNYIS KYI LAM SROL, BYANG CHUB LAM GYI RIM PA'I

, ,SGO NAS SKAL BA DANG LDAN PA SANGS RGYAS KYI SAR 'KHRID PA'I TSUL RGYAS PAR STON PA LAM RIM CHEN MO'I RTZOM PA MDZAD, DE LTAR RA SGRENG GI BRAG SENG GE'I ZHOL DU BYANG CHUB LAM RIM CHEN MO RTZOM PA MDZAD PA'I TSE PHYOGS BCU'I RGYAL BA SRAS BCAS THAMS CAD KYIS BYIN GYIS BRLABS BA DANG, RMA CHEN SPOM RA DANG GNYEN CHEN THANG LHA SOGS BOD KYI GZHI BDAG LHA CHEN RNAMS KYIS KYANG MTHUN PA'I RKYEN SBYAR ZHING BDAG CAG RNAMS LA'ANG SMON PA'I TSIG SBYAR BA ZHIG DGOS ZHES ZHUS PA LTAR RJE RIN PO CHES LAM RIM CHEN MO'I MJUG TU, SRAS BCAS RGYAL BA'I RMAD BYUNG 'PHRIN LAS LAS, ,LEGS GRUB BYANG CHUB LAM GYI RIM BAS KYANG, ,THAR 'DOD RNAMS KYI YID LA DPAL STER ZHING, ,RGYAL BA'I MDZAD PA RING DU SKYONG GYUR CIG ,LAM BZANG SGRIG PA'I MTHUN RKYEN SGRUB BYED CING, ,'GAL RKYEN SEL BYED MI DANG MI MIN KUN, ,TSE RABS KUN TU RGYAL BAS BSNGAGS PA YI, ,RNAM DAG LAM DANG 'BRAL BAR MA GYUR CIG ,CES SMON LAM MDZAD PA YIN ZHES LAM RIM CHEN MO'I BSHAD LUNG GI SKABS BLA MA GONG MA GCIG NAS GCIG TU BRGYUD PA'I GSUNG RGYUN LAS 'BYUNG NGO, ,DE LTAR LAM RIM CHEN MO'I RTZOM PA GRUB NAS 'KHOR RNAMS LA 'DI LTAR BKA' STZAL TE, DA PHYIN CHAD SNGAGS KYI CHOS THAN THUN 'CHANG 'DOD PAS, KHYED DRAG PA 'GA' RES CHOS RJE LO TZ'A BA LA DPAL GSANG BA 'DUS PA MI BSKYOD PA'I DBANG ZHUS LA SNGAGS

KYI SDOM PA GSOR CHUG GSUNG, DE NAS BLA MA 'JAM DKAR BA DANG, 'DUL 'DZIN GRAGS PA RGYAL MTSAN GNYIS KYIS GTZO MDZAD, NYI SHU RTZA LNGAS DBANG ZHUS, DE YANG RJE RIN PO CHE RANG GIS SMON 'JUG GI SDOM PA PHOG PA 'GA' ZHIG MA GTOGS GZHAN RNAMS LA CHOS RJE LO TZ'A BAS SMON 'JUG GI SDOM PA PHOG CING, DE NAS DBANG BSKUR BAR MDZAD DO, ,GZHAN YANG GNAS DE NYID DU, RJE RIN PO CHE RANG NYID KYIS SNGAR GNAM RTZENG LTENG DANG LAM PA DGON PA SOGS SU SMON 'JUG GI SDOM PA GNANG BA 'GA' ZHIG GI GTZOS THEG PA CHEN PO'I LAM LA SLOB PAR 'DOD PA RNAMS LA THUGS BRTZE BAS DGONGS NAS BYANG SA'I TSUL KHRIMS LE'U'I RGYA CHER 'GREL YANG MDZAD CING, DON GNYER CAN MANG POS GSOL BA DRAG TU BTAB PA LA BRTEN NAS, RTZA LTUNG DANG BLA MA LNGA BCU PA'I RNAM BSHAD KYANG MDZAD DO, ,DE NAS LO CHEN SKYABS MCHOG DPAL BZANG PO BYANG CHUB LAM RIM GYI GLEGS BAM PHYAG TU BZHES SHING LEGS BSHAD RIN PO CHE'I SKYES KYIS THUGS KYI BANG MDZOD GTAMS TE GTZANG LA PHYAGS BTEG ,RJE RIN PO CHES DBYAR DGUN GNYIS TZAM DE NYID DU BZHUGS NAS LAM RIM LA SOGS PA CHOS MANG DU GSUNGS, CHO 'PHRUL CHEN PO'I DUS MCHOD LA MCHOD PA DANG SMON LAM SHIN TU RLABS CHE ZHING NGO MTSAR BA MDZAD DO, ,DE NAS RIM GYIS BYON NAS LHAS PHU DGON GSAR DU PHYAGS PHEBS, BLO GROS DANG LDAN PA'I SDE SNOD 'DZIN PA DU MA

, ,LA TSAD MA RNAM 'GREL GYI BRJOD BYA'I GTZO BO MTHA' DAG RIGS PA'I LAM NAS DRANGS TE GZHUNG LAM GYI RIM PAR BSGRIGS NAS NYAMS LEN LA SBYAR TE GSUNGS PAS, SDE SNOD 'DZIN PA THAMS CAD SNGON LAN CIG KYANG MA MYONG BA'I LEGS PAR BSHAD PA'I BDUD RTZI'I RO PHUL DU BYUNG BA MYONG BAS YID RANG DBANG MED PAR PHROGS TE NGO MTSAR BA'I GTAM GYIS DUS 'DA' BAR BYED CING, DE PHYIN CHAD KYANG SKABS SKABS SU GSUNGS PAS, SNGON CHAD GANGS RI'I KHROD 'DIR TSAD MA TSIG GI NA YAM MAM, PHYI'I GO RGYA GCOD PA'I TSE BSTAN BCOS GZHAN BLTA BA LA BLO CUNG ZAD DRAG TU 'GRO BA'I YAN LAG TZAM DU NYE BAR MKHO BAR ZAD KYI, 'DI NYAMS LEN LA MKHO BA'I THE TSOM TZAM YANG SU LA'ANG MED PAS, PHAL MO CHE ZHIG DON MA YIN PA SKYED PAR BYED BA LA, DA LTA BLO GROS DANG LDAN ZHING GZU BOR GNAS PA DAG LA, 'DI NYID NYAMS LEN STON PA'I BSTAN BCOS SHIG LA RMAD DU BYUNG BA'I PHYOGS MTHONG TZAM YOD PA 'DI NI RJE RIN PO CHE 'DI 'BA' ZHIG GI THUGS RJE LA BRTEN PA YIN TE, 'DI TZAM GYI BKA' DRIN YANG GANGS CAN PA YONGS KYIS GSAB PAR SLA BA MA YIN NO, ,DE DUS RJE RIN PO CHES TSAD MA'I LAM BSGRIGS GSUNGS PA RNAMS RJE DAR MA RIN CHEN GYIS ZIN BRIS SU BTAB STE DENG SANG TSAD MA'I BRJED BYANG DU GRAGS PA 'DI YIN NO, ,DE NAS MI'I DBANG PO GRAGS PA RGYAL MTSAN BAS NAN CHER GSOL BA BTAB BA

LA BRTEN NAS 'ON BDE CHEN STENG DU PHEBS, SDE SNOD 'DZIN PA BRGYA PHRAG DU MA 'DUS PA RNAMS KYIS DE NYID DU DBYAR GNAS PAR ZHAL GYIS BZHES TE, RGYAL BZANG SMON MKHAR NAS ZHABS TOG BSAM GYIS MI KHYAB PA BSGRUBS, BYANG CHUB LAM GYI RIM PA'I KHRID DANG, DBU TSAD KYI DKA' BA'I GNAS 'GROL BA'I CHOS MANG DU GSUNGS, DE NAS 'O DE GUNG RGYAL GYI LHA ZHOL 'OL KHA'I BYAMS PA GLING DU PHYAGS PHEBS DON GNYER CAN RNAMS LA LAM RIM DANG BSKYED RDZOGS KYI CHOS MANG DU GSUNGS, DE NAS RJE RIN PO CHE SKU MTSAMS SHIN TU DAM PA LA BZHUGS TE BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG TU 'DEBS PAR MDZAD PAS, RJE BTZUN 'JAM PA'I DBYANGS KYIS SLOB DPON KLU'I BYANG CHUB KYIS MDZAD PA'I GSANG BA 'DUS PA'I MAN NGAG RNAM GZHAG RIM PA'I t'IKKA ZHIG BYAS NA BSTAN PAR PHAN CHE ZHES GSUNGS PA LTAR RNAM GZHAG RIM PA'I t'IKKA MDZAD DE DON GNYER CAN RNAMS LA ZHIB PAR GSUNGS, DE YANG SPYIR RIM LNGA'I DON DANG, KHYAD PAR RIM PA GSUM PA'I SGYU LUS KYI SGRUB TSUL SOGS DPAL GSANG BA 'DUS PA'I RTZA BSHAD KYI RGYUD DANG, 'PHAGS PA YAB SRAS LNGA'I GZHUNG NAS 'BYUNG BA'I DON THUN MONG MA YIN PA RAGS PA RNAMS DPYIS PHYIN PA ZHIG LEGS PAR GO NAS DE DUS LO BCU LHAG SONG BA LA DE BAR DU SMRA MA NUS ,DE NAS DE DUS ZUR TZAM SMRAS PA YIN ZHES GSUNG NGO, ,DE NAS LO CHEN SKYABS MCHOG DPAL BZANG PO DANG, SPYAN SNGA BSOD

, ,NAMS BZANG PO SOGS DAM PA MANG POS GSOL BA BTAB BA LA BRTEN NAS, RGYUD SDE BZHI'I LAM GYI LUS YONGS SU RDZOGS PA STON PA'I BSTAN BCOS CHEN BO GSANG CHEN LAM GYI RIM PA MDZAD DE GANGS RI'I KHROD 'DIR GSANG SNGAGS RGYUD SDE BZHI'I LAM GYI RIM BA LA SNGON MED PA'I SHING RTA'I LAM SROL PHYE BAR MDZAD DO, ,DE NAS SDE SNOD 'DZIN PA DU MA LA GSANG SNGAGS LAM RIM GSUNGS, DE'I TSE BAR CHAD KYI LTAS SHIN TU RTZUB BA CI RIGS BA BYUNG, DGE BSHES GCIG GNYIS KYANG 'DAS PA LA, DPON SLOB RNAMS KYIS SKU MTSAMS DAM BAR MDZAD DE THUGS DAM DANG ZLOG PA SOGS LA SHIN TU 'GRUS PAR MDZAD PAS TSEGS MED PAR BZLOG ,DE'I TSE BCOM LDAN 'DAS RDO RJE 'JIGS BYED KYI SGRUB THABS BDUD THAMS CAD LAS RNAM BAR RGYAL BA DANG SBYIN SREG GI CHO GA RGYAS BA'I RTZOM PA YANG MDZAD DO, ,RJE RIN PO CHE 'DI NYID THUGS DAM SGOM BZLAS SOGS MDZAD PA'I SKABS SU SKU MDUN NA YOD BA RNAMS KYIS SGO GSUM GYI SPYOD PA CI BYAS KYANG CHED DU GTANG NAS THUGS BCUG NA MA GTOGS THUGS KYIS DE RNAMS CI YANG MI NGES PA ZHIG YOD BAR GSUNGS, DE DUS THUGS SRAS RNAMS KYIS THUGS DAM RKYEN GANG GIS KYANG MI G-YENG BA 'DI DUS JI TZAM NAS LAGS ZHUS BAS, DGE SBYOR GYI DUS SU DE LTAR 'ONG BA BYAMS BA GLING NAS YIN, LTA

RTOG DANG DPYAD PA ZHIB PO BYED BA'I SKABS SU DE LTAR 'ONG BA SNGA MO NAS YOD CES GSUNG NGO, ,GNAS DER LO GNYIS BZHUGS, DE NAS BYANG CHUB LUNG DU DGUN BZHUGS MDZAD, SNGAGS MTSAN NYID KYI SDE SNOD 'DZIN PA BRGYA PHRAG DU MA LA GSANG SNGAGS LAM RIM GSUNGS, SOS KA SKYID SHOD DU BYON, SNE'U NAS DAD PA DRAG POS ZHABS TOG TSAD MED PA NAR MAR MDZAD DE DBYAR GNAS SER CHOS SDINGS SU BZHUGS, SKU MTSAMS SHIN TU DAM PAR MDZAD, GSANG 'DUS RIM LNGA DANG, DPYID THIG SOGS MA RGYUD KYI RDZOGS RIM 'GA' ZHIG GSUNGS, GNAS DER MKHAS GRUB BSTAN PA'I NYI MA DGE LAGS DPAL BZANG POS KYANG MJAL, DER GSOL BA 'DEBS PA MANG PO'I NGOR DBU MA RTZA SHE'I RGYA CHER 'GREL MDZAD PAR BZHED NAS GZHUNG GI RIGS PA'I DKA' GNAS PHRA MO RNAMS LA DPYAD PA ZHIB TU MDZAD PAS, RIGS PA PHRA MO 'GA' ZHIG LA DOGS PA CUNG ZAD DPYAD DKA' BA BYUNG NAS, BLA MA DANG RJE BTZUN 'JAM PA'I DBYANGS LA GSOL BA DRAG TU BTAB PAS, SKABS SHIG NA, SHES RAB KYI PHA ROL TU PHYIN PA'I MDO'I STONG NYID NYI SHU'I 'GRES RKANG RNAMS GSER BTZOM YI GER BKOD PA'I RNAM PAS BAR SNANG KHRIG GIS GANG BAR GZIGS PA YANG YANG BYUNG BAS, RTZA SHE'I RIGS PA SHIN TU PHRA BA RNAMS LA'ANG DOGS PA LHAG MA MED PAR 'BAD MED DU CHOD SONG GSUNG NGO, ,DE NAS RA KHA BRAG TU PHEBS NAS DRANG BA DANG NGES PA'I DON RNAM PAR 'BYED PA'I

, ,BSTAN BCOS LEGS BSHAD SNYING PO MDZAD, SE RA CHOS SDINGS SU RTZA SHE'I RNAM BSHAD CHEN MO MDZAD, DE'I TSE RGYA NAG GI RGYAL PO CHEN PO TA MING GIS RJE RIN PO CHE 'DI LA DAD PA CHEN POS LUNG DANG GNANG SBYIN DPAG TU MED PA'I 'BUL SKYEL DANG, RGYA YUL DU BSOD NAMS KYI ZHING DANG, SKYE BO MTHA' DAG LA DAM PA'I CHOS KYI BKA' DRIN MDZAD PA'I SLAD DU SPYAN 'DREN PA'I GSOL BA NAN CHER 'DEBS PA LA GSER YIG PA T'A ZHING BZHIS 'GO BYAS BRGYA PHRAG MANG PO MNGAGS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG, RJES SU MI DBANG GRAGS PA RGYAL MTSAN PAS GTZO MDZAD, DPON NAMKHA' BZANG PO BA DANG BCAS PA NGO CHEN LA SBRAN NAS GSER YIG PA RNAMS KYIS MCHI MA PHYUNG ZHING ZHU BA NAN GYIS PHUL BAS RJE RIN PO CHES SE RAR PHEBS, MJAL KHA GNANG, 'BUL BA RNAMS BZHES, RGYA YUL LA 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA NAN CAN ZHIB PAR BYON NAS BYAMS CHEN CHOS RJE SKU TSAB TU MNGAGS TE ^ GONG MA'I GSER YIG PA RNAMS PHYIR SLOG, DE NAS SE RA CHOS SDINGS SU SDE SNOD 'DZIN PA BRGYA PHRAG MANG BO TSOGS PA LA RTZA SHE; DRANG NGES RNAM 'BYED, BZHI BRGYA PA, GSANG SNGAGS LAM RIM, RTZA LTUNG DANG BLA MA LNGA BCU PA LA SOGS PA'I BSHAD PA ZHIB PAR GSUNGS SHING BYANG CHUB LAM GYI RIM PA'I KHRID KYANG GNANG, DE NAS GSANG PHU, BDE BA CAN,

DGA' SKYOR ZUL GSUM BCAS KYI GDAN SA PA, THANG SAG PA'I GDAN ZUR LA SOGS PA DGE BA'I BSHES GNYEN SDE SNOD 'DZIN PA DRUG BRGYA TZAM 'DUS PA LA SNE'U NAS DBYAR GNAS KYI BDAG RKYEN DANG, DPON SLOB RNAMS KYI SPYI SGOS ZHABS TOG PHUN SUM TSOGS PA MDZAD, DE LTAR SE RA CHOS SDINGS SU LO GNYIS TZAM BZHUGS NAS DGAG DBYE THON PA DANG ,MI DBANG GRAGS PA RGYAL MTSAN PAS GSOL PA BTAB PA LA BRTEN NAS SKYID SMAD GRUM BU LUNG DU PHYAGS BTEG, PHYAGS PHYIR BYON BA'I BSHES GNYEN LNGA BRGYA TZAM LA PHOGS DANG ZHABS TOG PHUL DU BYUNG BA MDZAD CING, GZHAN YANG PHYOGS MTHA' DAG NAS DAM PA'I CHOS GSUNG GI BDUD RTZI LEN PA LA 'DUS PA DANG BCAS DGE 'DUN STONG LONGS PA TZAM 'TSOGS SHING, DGUN BZHUGS DER MDZAD LAM RIM DANG BDE MCHOG L'U AI PA'I SGRUBS THABS DANG, MA RGYUD KYI RDZOGS RIM SOGS RGYAS PAR GSUNGS SO, ,DE NAS RJE RIN PO CHES GANGS RI'I LJONGS 'DIR RGYAL BA'I BSTAN PA RIN PO CHE MI NYAMS SHING 'PHEL BA'I RTEN 'BREL DU DGONGS NAS GANGS RI'I MGON PO CHOS RGYAL SRONG BTZAN SGAM POS GANGS RI'I KHROD 'DIR THUB PA'I DBANG PO'I BSTAN PA RIN PO CHE'I SGRON ME GSAR DU BTZUGS PA'I GNAS LHA LDAN SPRUL BA'I GTZUG LAG KHANG LA ZHIG GSO LEGS PAR MDZAD DE RTEN DANG BRTEN PAR BCAS PA THAMS CAD GSAR DU BZHENGS PA LTA BUR MDZAD DE GLANG GI LO ZLA PA DANG BO'I TSAS GCIG NAS BCO LNGA'I BAR DU CHO 'PHRUL CHEN PO'I DUS KYI MCHOD PA DNGOS GZHI MDZAD PA LA, JO BO RIN PO CHE'I DRUNG DU

, ,DE BZHIN GSHEGS PA RIGS RNAM PA LNGA 'PHUL LAS BTON PA DAR DPYANGS DANG BCAS PA'I DBU RGYAN RGYU GSER BZANG PO 'BA' ZHIG LAS BSGRUBS PA, RIN PO CHE NAL DANG, MU TIG DANG, G-YU LA SOGS PA'I PHRA BZANG PO BKOD PAS MDZES PAR BYAS PA DANG, JO BO MI BSKYOD RDO RJE DANG BCU GCIG ZHAL LA ,DNGUL BZANG PO LAS BYAS PA'I DBU RGYAN PHUN SUM TSOGS PA DANG BCAS PA PHUL ZHING ,JO BO RIN PO CHE'I DRUNG DU DNGUL GYI LHUNG BZED CHE TSAD DU LONGS PA DE'I KHA LA 'TSAM PA'I DNGUL GYI MAndAL DANG BCAS PA DANG, JO SH'AKA RNAM GNYIS BCU GCIG ZHAL DANG BCAS PA LA CHO 'PHRUL GYI RING NYIN RE BZHIN ZHAL GSER, TSES BRGYAD DANG BCO LNGA LA SKU YONGS RDZOGS LA GSER CHAB DANG BCAS BA PHUL ZHING ,JO SH'AKA RNAM GNYIS DANG THUB PA GANGS CHEN MTSOS GTZO MDZAD SPRUL SKU'I RNAM PA CAN GYI SKU 'BUR DU DOD PA THAMS CAD LA GOS DAR PHUN SUM TSOGS PA LAS BYAS PA'I BLA GOS DANG SNAM SBYAR DANG ,SEMS DPA' SEMS MA BCU DRUG LA SOGS PA DANG KHRO BO'I RNAM PAR BZHUGS PA LA SOGS PA RNAMS LA NI DAR CHEN DANG GAN GOS LA SOGS PA'I STOD G-YOGS DANG SMAD G-YOGS DANG, GZHAN YANG GTZUG LAG KHANG CHE CHUNG RNAMS KYI TOG DANG BYA 'DAB LA SOGS BA'I RTZE ZUR PHAN TSUN DU THA GUS SPREL BA THAMS CAD LA BA DAN DANG RNGA YAB DANG DRIL BU LA SOGS PAS BAR MA CHAD PAR MDZES PAR BYAS SHING, PHYI'I SKOR LAM CHEN MO'I PHYI ROL NAS SHING CHEN PO 'PHANG SHIN TU MTHO BA RNAMS LA

GOS DAR SOGS LAS BYAS PA'I BA DAN CHEN PO 'JIGS SU RUNG BA LA PHYOGS SKYONG DE DANG DE'I SKUS TOG LA BRGYAN CING, DE DANG DE'I SNGAGS BA DAN NYID LA BRIS PA BCO LNGA PHYOGS SKYONG BA BCO LNGA BO RANG RANG GI KHA DOG DANG MTHUN BA RANG RANG GI PHYOGS SU LEGS PAR BTZUGS NAS NUB RE BZHIN DE DAG GI RTZA BA'I GTOR STAGS KHAR PHYOGS GTOR GTONG BA DANG, DE DAG GI BAR BAR DU GDUGS DKAR LA SOGS PA'I RGYAL MTSAN RANG RANG GI CHOG BZHIN DU LEGS PAR BTZUGS SHING, BA DAN DANG RGYAL MTSAN DE DAG GI SHING RNAMS THA GUS SBREL BA LA 'PHAN DANG RNGA YAB DANG, DRIL BU LA SOGS PAS BAR MA CHAD PAR MDZES PAR BYAS PA NI 'JA' TSON KUN NAS BKRA BAS NAMKHA'I LAM KHYAB PAR BYAS PA LTA BU DANG ,GZHAN YANG NYIN PAR YANG KHYAMS NANG MA YAN CHAD LA DKAR MI BRGYA PHRAG BZHI RE TZAM DANG, BAR SKOR LA BRGYA PHRAG LHAG PA DANG, PHYI SKOR LA RDO RING GI 'GRAM, JO BO RIN PO CHE'I ZHAL GYI DRANG THAD DU KONG BU CHEN PO GRU BZHI PA PHYOGS RE LA 'DOM TSAD MA GSUM GSUM YOD PA DE NYID MAR KHUS LEGS PAR BKANGS BA LA 'TSAM BA'I SDONG BU LAS 'BAR BA'I ME LCE NI GSER GYI MCHOD SDONG GIS NAM MKHA'I LAM 'GOG PAR BYED PA LTA BUS THOG DRANGS, RDZA'I KHOG MA CHEN PO MAR KHUS BKANG BA'I SDONG BU MI CHEN PO'I LAG PA'I SBOMS TZAM LA 'PHANG MDA' TSAD LHAG TZAM GYI MAR ME BAR THAG 'TSAM PAR BKOD PAS PHYI SKOR GYI PHYI RIM 'KHOR BA DANG, GZHAN YANG RA MO CHE, KLU PHUG, PO TA LA, GUNG THANG RNAMS SU'ANG DKAR

, ,ME DU MA DANG, MTSAN MO NI BAR SKOR GYI RTZIG 'GRAM 'KHOR BA DANG, KHYAMS GRVA PHYI MA'I KA TSAR JI LTAR YOD PA BZHIN DU MAR ME'I PHRENG BA BKOD PAS MIG GIS BLTA BA TZAM YANG BZOD DKA' BAR BYAS TE, MTSAN MO'I GUNG LA'ANG STENG DU MNGON PAR BLTAS PA NA NAM MKHA' MAR ME'I 'OD KYI GOS DANG BCAS PAS KHA DOG DMAR SKYA NYID DU MTHONG BA MA GTOGS SKAR MA GCIG GI GZUGS KYANG MTHONG BA'I YUL LAS 'DAS PAR GYUR TO, ,GZHAN YANG YON CHAB BRGYA PHRAG BRGAL BA NYIN RE BZHIN GSAR DU MNGON PAR BSHAMS PA RNAMS LA KHA CHE GUR KUM SPANGS PA'I KHU BAS KHA LEGS PAR BSGYUR BA'I GUR KUM GYI RO MA NI NYIN RE LA'ANG BRES GZHAL DGOS PA DANG, GZHAN YANG SPOS KYI RGYAL MCHAN DANG, GDUGS DANG, SPOS SNOD THA DAD DU MNGON PAR BSREGS PA LA SOGS PA'I DRI BZANG POS PHYI ROL GYI KHOR YUG THAMS CAD DU'ANG NYIN MTSAN GNYIS KA MNGON PAR KHYAB CING ,DU BA RNAMS NI BAR SNANG LA SPRIN GYI SNA RING BO DAG PHAN TSUN MDUD PA'I LNGA SDI BRES BA LTA BU, THA NA PHYI SKOR GYI SKOR LAM RNAMS KYANG SPOS KYI CHUS CHAG CHAG BTAB PAR BYAS NA GZHAN LTA CI SMOS, ZHAL ZAS MDA' TSAD LHAG TZAM LA MAR GYI RGYAL SRID RIN PO CHE SNA BDUN LA SOGS PA'I RGYAN YID 'PHROG PAS BRGYAN PA BRGYA RTZA BRGYAD RE NYIN RE BZHIN GSAR PA GSAR PA PHUL ZHING, KONG BU CHEN PO'I G-YAS G-YON DU SA STEGS LA RTZAM PA KHAL BZHI BRGYA RE LAS BYAS PA'I LHA BSHOS

RGYAN BZANG PO DPAG TU MED PAS SPRAS PA, 'PHYAR DAR BTZUGS PA DANG BCAS PA MNGON PAR BSHAMS PA'I ZHAL ZAS RNYING PA RNAMS NI BDAG GIR BYED PA MED PAR SKYE BO PHONGS PA SBRANG PO'I TSOGS LA BLTOS PA MED PAR BYIN ,GZHAN YANG MCHOD PA'I BYE BRAG MTHA' YAS PA DANG ,RGYAL SRID RIN PO CHE SNA BDUN LA SOGS PA'I BKOD PA YID 'PHROG PA DPAG TU MED PA DANG BCAS PAS MNGON PAR MCHOD DE, RJE BLA MA NYID KYIS SNGAGS DANG PHYAG RGYA DANG TING NGE 'DZIN GYIS BYIN GYIS BRLABS NAS MDO SDE DANG RGYUD SDE NAS BYUNG BA'I CHO GA RNAM PAR DAG PAS MNGON PAR MCHOD CING ,BSTAN PA DANG SEMS CAN 'BA' ZHIG LA DGONGS PA'I THUGS BSKYED SHUGS DRAG POS BSTAN PA RGYAS PA DANG SEMS CAN LA PHAN BDE 'BYUNG BA'I SMON LAM RNAM PAR DAG PA NYIN RE BZHIN MDZAD LA, DGE 'DUN SKYE BO'I TSOGS DANG BCAS PA LA NYIN RE BZHIN SLOB DPON DPA' BOS MDZAD PA'I SKYES RABS KYI CHOS THUN RE GSUNGS TE DE'I DUS SMON LAM LA 'DUS PA'I SKYE BO THAMS CAD RANG BZHIN GYIS RGYUD 'JAM PA DANG, DANG BA DANG, DGE BA LA SPRO BA SOGS KYI GZHAN DBANG DU GYUR PAS NYIN MTSAN KHOR YUG TU CHOS MNYAN PA DANG ,PHYAG DANG ,SKOR BA DANG, SMON LAM 'DEBS PA DANG ,GZUNGS KHA TON DU BYED BA SOGS DGE BA'I BYA BA 'BA' ZHIG GIS DUS 'DA' BAR GYUR CING, DE YANG MTSAN PHYED LA BAB PA'I DUS RANG NA PHYI SKOR BYED PA NYIN MO BAS CUNG ZAD NYUNG BAR MNGON PA TZAM MA GTOGS, SKOR BA BYED PA BAR CHAD PA NI CUNG ZAD KYANG MA BYUNG NGO, ,DE LTA BU'I SMON

, ,LAM BSAM LAS 'DAS PA'I SGO NAS BSTAN PA DANG SEMS CAN GYI GSOS SU 'GYUR BAR MDZAD DE, DE'I TSE THUGS DAM BA NYAMS SNANG SHIN TU BZANG PO ZHIG GI MNAL LAM DU, LHA SA'I NYE SKOR GYI GZHI LAS SKYE BO'I TSOGS GRANGS LAS 'DAS PA THON NAS, THAMS CAD NAM MKHA' LA YAR THAL BYUNG DU 'GRO YI 'DUG, 'DI CI YIN BYAS PAS NGED RNAMS JO BO RIN PO CHE LA 'DI LTAR MCHOD PAS TSANGS PA'I 'JIG RTEN DU 'GRO BA YIN ZER BA DE 'DRA BA'I RMI LAM YANG BYUNG STE, RGYAL BAS SNGON MNYAN YOD DU CHO 'PHRUL CHEN PO BSTAN PA'I DUS SU GDUL BYA'I DON JI LTAR MDZAD PA DE KHO NA BZHIN DU LHA MI BGRANG BA LAS 'DAS PA ZHIG SMIN CING GROL BAR MDZAD DE NGAN SONG GI RGYUN LAM NI BCAD, MTHO RIS DANG THAR BA'I LAM NI LAM PO CHE BZHIN DU BYAS TE, RGYAL BA'I BSTAN PA LA RGYAL BA RANG NYID SLAR BYON PA LTA BUR MDZAD DO, ,DE'I TSE RJE RIN PO CHE LA GANGS CAN GYI BSTAN 'DZIN DAM PA MANG PO DANG, YON BDAG CHE PHRA MANG POS RGYUN DU SA GCIG TU BZHUGS CHOG PA'I DGON GNAS SHIG BTAB CHOG PA DGOS ZHES YANG DANG YANG DU GSOL BA BTAB PA NA RJE RIN PO CHES KYANG MA 'ONGS PA NA BSTAN PA'I RGYUN LA PHAN PAR DGONGS ZHAL GYIS BZHES TE JO BO RIN PO CHE'I SKU MDUN DU DGON GNAS GANG BZANG BRTAGS PAS 'BROG RI BO CHE BZANG BAR BYUNG ZHING, LHO BRAG GRUB CHEN LA GSANG BA'I BDAG POS, DBANG BSKUR RI YI LDEBS DAG TU, ,BTZUN MO SDINGS KYI NGOS

PHYOGS SU, ,DGE 'DUN DPAG MED 'DU BAR 'GYUR, ,RI NI GANG YIN 'JAM DBYANGS 'CHAD, ,DBUS GTZANG MDO KHAMS RGYA YUL GYI, ,MCHOD GNAS DAM PA TSOGS GSOG RTEN, ,MNGA' RIS BOD KHAMS KUN GYI SKYABS, ,PHYOGS BCUR SDE DGON RGYAS PA 'BYUNG, ,ZHES LUNG BSTAN PA LTAR 'BROG RI BO CHER DGON GNAS 'DEBS PAR DGONGS NAS SMON LAM GROL 'PHRAL 'BROG RI BO CHER ZHABS KYIS BCAGS NAS SA GZHI BYIN GYIS BRLABS, SRAS KYI THU BO RNAMS LA 'DI LTAR BGYIS KYI BKA' LUNG STZAL, DE NAS DPYID SNGON MA SE RA CHOS SDINGS SU BZHUGS, SDE SNOD 'DZIN PA DRUG BRGYA TZAM LA DBU MA RTZA SHE, TSUL KHRIMS LE'U, SGRUBS THABS KUN BZANG, LAM RIM LA SOGS PA MDO SNGAGS KYI CHOS MANG DU GSUNGS, DE NAS SPYAN SNGA RIN PO CHE BSOD NAMS BZANG PO BAS GSOL BA NAN CHER BTAB PA LA BRTEN NAS, DPYID RTING MA RJE RIN PO CHE DPON SLOB NYIS BRGYA TZAM GYIS ZANGS RI'I PHU MCHIN DU BYON, SPYAN SNGA RIN PO CHE BSOD NAMS BZANG PO DANG, MKHAN CHEN RGYAL BZANG BAS GTZO MDZAD THEL PA'I RI DGE MANG PO DANG, GZHAN YANG SDE SNOD 'DZIN PA MANG DU 'DUS PA RNAMS LA LAM RIM LA SOGS PA'I CHOS MANG DU GSUNGS, SRAS KYIS THU BO RJE DAR MA RIN CHEN PA DANG, 'DUL 'DZIN GRAGS PA RGYAL MTSAN GNYIS KYIS THOG MA MDZAD PA'I DGE 'DUN PHAL CHE BAS 'BROG RI BO CHER BYON TE DGE LDAN RNAM PAR RGYAL BA'I GLING BTAB, PHYOGS KYI YON BDAG DANG, NYE SKOR GYI BAN SKYA'I SDE THAMS CAD KYIS DAD BSLANGS TSAD MED PA DGA'

, ,SPRO DANG BCAS PAS BSGRUBS PAS DE KHA'I LO LA GZIM KHANG GIS THOG DRANGS BRANG KHANG RDZOGS PAR GRUB PA BDUN CU LHAG TZAM DANG, GZHI BTING BA BRGYA PHRAG BRGAL BA BYUNG, BRANG KHANG SO SO PHAL CHE BA LA'ANG 'DUL BA NAS JI LTAR GSUNGS PA BZHIN DU, DANG POR GZHI BRTAG PA DANG, BRTAGS NAS DGE 'DUN LA GSOL BA DANG, DE NAS DGE 'DUN GYIS GNANG BA SBYIN PA DANG, LAG GI BLA BSKO BA DANG, RDO BTEG PA'I MTHA' LAS BYUNG PA'I RUNG KHANG GCOD PA DANG, KHANG PA'I TSAD LAS MA LHAG PAR RTZIG PA SOGS KYI PHYAG LEN DAG TER CAN MDZAD PAS, MKHAR LAS KYI PHYAG LEN TZAM GYIS KYANG BSTAN PA RIN PO CHE GSAL BAR MDZAD DO, ,RJE NYID KYIS LO DE'I DBYAR GNAS 'OL KHA BAS GDAN DRANGS NAS 'OL KHA BSAM GTAN GLING DU MDZAD DE RJE RIN PO CHES SKU MTSAMS DAM PO BCAD NAS BLA MA DANG YI DAM THA MI DAD DU DMIGS PA LA GSOL BA SHUGS DRAG PO 'DEBS PAR MDZAD CING ,DPAL GSANG BA 'DUS PA'I RDZOGS RIM RIM PA LNGA'I NGO SPRONG CHEN MO RIM PA LNGA GSAL BA'I SGRON ME RTZOM PA'I THUGS 'DUN BTANG, ZIN BRIS 'DEBS PA MDZAD PA'I SKABS SU ,MNAL LAM GYI LTAS NGO MTSAR BA BYUNG BA DAG MNYEL BAR GYUR NA MI RUNG SAM DU DGONGS NAS, BRNGA'I TSIG GIS RNAM PAR BCINGS BA'I TSIGS SU BCAD PA YI GER MDZAD DE, KUN GYI MIG LAM DU 'GYUR BA'I GNAS JI LTA BAR BZHAG PAR MDZAD DO, ,DE NI BKA' 'BUM THOR BUR GSAL BA LTAR DANG,

BRDA CHIG DE DAG GI DON MKHAS GRUB THAMS CAD MKHYEN PAS ZHIB TU BKRAL BA LTAR RO, ,DE NAS GNAS DER MDO SNGAGS KYI CHOS MANG DU GSUNGS, STAG LO ZLA BA GNYIS PA'I TSES LNGA LA RI BO DGE LDAN RNAM PAR RGYAL BA'I GLING DU PHYAGS PHEBS; LAM RIM GSANG 'DUS SGRON GSAL RIM LNGA DANG BCAS PA GSUNGS SHING, MNGON PA KUN LAS BTUS DANG SA SDE LA SOGS PA'I 'GANGS KYI RNAM GZHAG DANG, TSAD MA'I DKA' GNAS KYANG MANG DU GSUNGS, DPAL GSANG BA 'DUS PA'I BSHAD RGYUD LHA MO BZHI ZHUS DANG YE SHES RDO RJE KUN LAS BTUS GNYIS KYI RNAM BSHAD RGYAS PA'I RTZOM PA'ANG MDZAD, DE'I PHYI LO DPAL GSANG BA 'DUS PA'I RDZOGS RIM RIM PA LNGA RAB TU GSAL BA'I SGRON MA ZHES BYA BA'I LEGS PAR BSHAD PA'I GTER CHEN PO DE NYID DANG, RIM LNGA GDAN RDZOGS KYI KHRID YIG DANG BCAS PA'ANG MDZAD NAS THEG PA CHEN PO'I CHOS KYI 'BYOR PA DPAG TU MED PA STZOL BAR MDZAD DO, ,DE NAS DGUNG LO LNGA BCU NGA BDUN PA'I THOG TU RGYAL BA'I BSTAN PA CHES CHER RGYAS PA BDUD SDIG TO CAN GYIS MA BZOD NAS BAR CHAD KYI MTSAN MA CI RIGS BYUNG BA BYAMS SNYING RJE BYANG CHUB KYI SEMS KYI MTHU DANG, 'OD GSAL BDE BA CHEN PO'I YE SHES KYI MTHUS BZLOG PAR MDZAD, DE YANG SNGON THUB PA'I DBANG POS BDUD BYE BA PHRAG DUNG PHYUR BYAMS PA'I DPUNG GIS BZLOG PAR MDZAD PA JI LTA BA DE BZHIN DU MDZAD DE LHA DANG BCAS PA'I 'GRO BA THAMS CAD KYI DBUGS PHYIN PA THOB PAR GYUR TO, ,DE NAS LO DE'I PHYI LO MI DBANG GRAGS

, ,PA RGYAL MTSAN PAS GSOL BA BTAB NAS 'ON BKRA SHIS RDO KHAR GDAN DRANGS, SDE SNOD 'DZIN PA BRGYA PHRAG DU MA LA DBU TSAD DANG LAM RIM LA SOGS PA'I CHOS MANG DU GSUNGS NAS PHYOGS DE'I SKYE BO MTHA' DAG TSIM PAR MDZAD DO, ,RJE RIN PO CHE'I SKU BKRA SHIS RDO KHA MAR GRAGS PA'I BYIN RLABS CAN 'DI RNAMS KYANG DE DUS BYUNG BA YIN NO, ,DE NAS DGA' LDAN RNAM PAR RGYAL BA'I GLING DU TSUR PHEBS, DE NAS BRTZAMS TE RIM PA BZHIN DU DBAL 'KHOR LO BDE MCHOG L'U AI BA'I t'IKKA CHEN MO DANG, RDZOGS RIM RNAL 'BYOR BZHI LDAN GYI KHRID YIG CHE CHUNG, BDE MCHOG GI SGRUB THABS, DPAL GSANG BA 'DUS PA'I RTZA RGYUD DANG 'GREL PA SGRON GSAL GYI ZHUS DAG DAG TER CAN MDZAD NAS ,TSIG DON SHIN TU ZHIB PAR 'CHAD PA'I MCHAN BU DANG, LE'U SO SO DANG SPYI'I DKA' BA'I GNAS RNAM PAR GTAN LA 'BEBS PA'I MTHA' GCOD DANG, DON TSAN SO SO'I DMIGS 'BYED PA'I BSDUS DON DANG BCAS PA MDZAD CING, RGYUD SDE BZHI DANG 'BREL BA'I BSHAD BA MTHA' DAG PA RGYUN MA CHAD PAR GSUNGS PAS RGYAL BA'I BSTAN BA RIN PO CHE'I SNYING PO MTHA' DAG NYAMS NAS MING TZAM YANG MED PAR GYUR PA GZHI NAS BSLANGS TE LEGS PAR GSAL BAR GDZAD PAS GANGS CAN PA RNAMS LA RGYAL BA BAS KYANG BKA' DRIN CHE BAR GYUR PA YIN NO, ,DE NAS LUG LO'I DBYAR NAS 'GO BRTZAMS SNGAGS KYI BSGRUB MCHOD KHANG PA ZHIG GSAR DU BSGRUB PA'I ZHAL BKOD

MDZAD DE GTZUG LAG KHANG KHYAMS GTZANG KHANG DANG BCAS PA LA KA BA BDUN CU RTZA GNYIS KYIS LA, DBUS KYI GTZANG KHANG DU STON BA'I SKU JO BO RIN PO CHE'I SKU TSAD LAS CUNG ZHIG GIS CHE BA DANG, STENG GI GTZANG KHANG DU, DPAL GSANG BA 'DUS PA LHA SUM CU RTZA GNYIS, DPAL 'KHOR LO BDE MCHOG L'U AI PA LHA DRUG CU RTZA GNYIS, DPAL RDO RJE DBYINGS KYI DKYIL 'KHOR CHEN PO RNAMS KYI RTEN DANG BRTEN PAR BCAS PA'I GZHAL YAS KHANG BLOS BSLANGS RNAMS RGYU RIN PO CHE 'BA' ZHIG LAS BSGRUBS, DE YANG GZHAL YAS KHANG DANG LHA GZHAN RNAMS ZANGS LA GSER GSOL PA, GTZO BO RNAMS DANG ,PHYOGS KYI DE BZHIN GSHEGS BA DANG SNYING PO'I RNAL 'BYOR MA RNAMS DNGUL BZANG PO 'BA' ZHIG LAS BZHENGS PA'I GTZO BO YUM DANG BCAS PA RNAMS RE RE LA'ANG DNGUL BRE CHEN GNYIS LHAG RE DANG RDOR DBYINGS KYI GTZO BO LA DNGUL BRE CHEN GNYIS MA LONGS TZAM DANG, 'KHOR GYI LHA BCU GNYIS LA RE RE LA'ANG DNGUL BRE CHEN PHYED DANG GNYIS RE CUNG MA LONGS TZAM DANG BCAS PA DANG; DE DAG LA RIN PO CHE DANG, G-YU RNYING BZANG PO DPAG TU MED BA'I PHRA BSAM GYIS MI KHYAB BA DANG, GZHAN YANG RJE BTZUN 'JAM PA'I DBYANGS, RGYAL PA TSE DPAG MED, RJE BTZUN BYAMS MGON, BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA RNAMS KYI GSER SKU MDA' TSAD RE DANG, BCOM LDAN 'DAS MA GTZUG TOR RNAM PAR RGYAL MA DANG, GTZUG TOR GDUGS DKAR GNYIS KYI GSER SKU KHRU TSAD RE DANG, GOS DAR BZANG PO MTHA' YAS

, ,PA BRDUNGS PA'I DAR 'DAM 'BA' ZHIG LAS BSGRUBS PA'I BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA'I SKU LA RGYAB MTHO BCU BDUN YOD PA RNAMS BZHENGS SHING, DE DAG THAMS CAD KYANG LHA BZO'I BZO THIG DANG PHYAG TSAD PHAL PA MA YIN PAR, SH'A RI'I BU DANG TSANGS PA AE dA'I BU LA SOGS BAS ZHUS PA'I PHYAG TSAD KYI YI GE'ANG MANG DU YOD MOD KYI GTZO BOR, DBAL 'KHOR LO BDE MCHOG SDOM PA 'BYUNG BA'I RGYUD KYI LE'U GCIG GIS LHA'I PHYAG TSAD ZHIB PAR STON CING, DE'I RGYA CHER 'GREL RATAN RAKshI TAS KHYAD PAR ZHIB TU GTAN LA PHAB PA DANG ,DPAL GSHIN RJE GSHED DMAR PO DANG NAG PO'I RGYUD GNYIS KYI LE'U RE RES LHA'I PHYAG TSAD STON PA RNAMS GUNG LEGS PAR BSGRIGS PA'I THIG KHOG NAS DRANGS TE, LHA RNAMS RGYAL BAS GSUNGS PA'I PHYAG TSAD DANG LDAN PAR BZHENGS SHING, DE DAG RNAMS LA'ANG RGYU'I BYIN RLABS SOGS TSUL BZHIN DU MDZAD PAS GEGS MED CING KHYAD PAR CAN GRUB STE, LUGS BTANG BA LA 'DI 'DRA BA'I LUGS 'DREN BDE BA DANG MTSAR BA SNGAR 'ONG MA MYONG ZHES LHA BZO BA DAG ZER LA, THAMS CAD KYANG BLTAS PA TZAM GYIS YID 'PHROG PAR BYED PA'I MIG GI BDUD RTZI 'BA' ZHIG NYE BAR BYON NO, ,DE DAG LAS KYANG, KHYAD PAR DU GZHAL YAS KHANG GSUM BZHENGS BA'I LUGS SNGA MA BTANG BA'I LUGS PHUD LA, DPA' BO KHAndA KA P'A LA 'JA' TSON MA BYON TE, DE YANG RGYU ZANGS YIN YANG LUGS KONG NAS

BYON MA KHAD LA ZANGS KYI KHA DOG YUNGS 'BRU'I RJES TZAM YANG MI MNGON PAR SKU THAMS CAD 'OD ZER LNGA'I GONG BUR GYUR PA'I SNGON PO RNAMS NI RGYA MTHING BZANG PO'I MDANGS KYIS BSGRUN DU MED LA, DMAR PO DAG NI DA CHU BTUL MA BZANG PO'I KHA DOG LAS BDUN 'GYUR GYI LHAG CING, DMAR SER DAG NI LI KHRI'I MDANGS MOG MOG POR BYED LA, SER PO DAG NI GSER BZANG PO'I RGYAN GYI MDANGS KYANG RA GAN LTAR BYED PA, GZHAN YANG DKAR PO DANG, LJANG GU DANG; BTZOD KYI KHA DOG SOGS DU MA SPEL BA NAM MKHA'I 'JA' TSON SKU LA 'KHYUD PA'I RNAM PA LTA BU MIG GIS BZOD PAR DKA' BA'I 'OD ZER GYI PHUNG PO CHEN PO ZHIG BYON TE, BRAD BRDAR SOGS CUNG ZAD KYANG MA BYAS KYANG SHIN TU 'JAM ZHING GTZANG BA SHIN TU NGO MTSAR BAR GYUR NAS, 'DI LTA BU CI ZHIG CES GZIGS PHUL ZHING, DAG BYED KYI RDZAS DU MAS SHIN TU DAG PAR BYI DOR BYAS KYANG SNGAR LAS KYANG 'OD ZER RNAMS CHES CHER KHA DOG GSAL BAR GYUR NAS ,LUGS KHA BCAD PA'I MTSAMS LA BLTAS PAS ZANGS KYI KHA DOG THAMS CAD KYANG DE 'DRA BA 'BA' ZHIG TU GNAS 'GYUR NAS BCAD MTSAMS 'OD ZER SNA LNGAR KHRIG GE SNANG NGO, ,RJE'I ZHAL NAS RTEN 'DI LA RGYAN DANG NA BZA' KHYAD PAR CAN PHUL LA GSOL BA THOB BRAD BRDAR MA BYED CES GSUNG NGO, ,DE LTAR RTEN DE RNAMS DANG GTZUG LAG KHANG DANG BCAS PA RAGS RIM ZHIG LO DE KHA'I KHONGS SU GRUB, NYE SKOR GYI DGE 'DUN GYI SDE RNAMS DANG, PHYUGS LHAS KYI GRONG

, ,BA SKYE BO'I TSOGS DANG BCAS PA THAMS CAD BSAGS TE RAB STON BZANG PO RMAD DU BYUNG BA MDZAD CING ,RGYUD SDE NAS GSUNGS PA'I CHO GA RNAM PAR DAG PAS RAB TU GNAS PA PHUN SUM TSOGS PA RGYAS PAR MDZAD DE, DE PHYIN CHAD DBU RU STOD SMAD KYI PHYOGS KUN TU LO LEGS PA DANG, CHAR CHU DUS SU 'BAB PA DANG, BSHAD SGRUB RGYAS PA LA SOGS PA'I KHYAD PAR SNGAR LAS PHUL DU BYUNG BA'I NGO MTSAR DANG LDAN PAR GYUR TO; ;KHYI LO LA SDE SNOD 'DZIN PA BRGYA PHRAG DU MA PHYOGS MTHA' DAG NAS BYON PA DANG, GNYUG MAR GNAS PA'I DGE 'DUN DANG BCAS PA LA DGE LDAN NYID DU CHOS KYI 'KHOR LO RGYUN MA CHAD PAR BSKOR ZHING, DPAL GSANG BA 'DUS PA'I 'GREL PA SGRON GSAL MCHAN DANG BCAS PA DANG, BSHAD RGYUD 'GA' ZHIG DANG, RIM LNGA'I KHRID RGYAS PA DANG, SBYOR BA YAN LAG DRUG PA'I KHRID RGYAS PA DANG, DUS KYI 'KHOR LO'I 'GREL CHEN DRI MA MED PA'I 'OD KYI BSHAD PA CHES ZHIB PA DANG, GZHAN YANG DBU TSAD, BDE MCHOG, LAM RIM LA SOGS PA'I CHOS ZAB CING RGYA CHE BA DPAG TU MED PA GSUNGS, DE'I DBYAR DANG STON LA GTZUG LAG KHANG GI KHYAMS LA LOGS BRIS KYANG GRUB BAR MDZAD, DBU MA LA 'JUG PA'I RNAM BSHAD CHEN MO MDZAD PA'ANG LEGS PAR RDZOGS PAR MDZAD DO, ,LO DE'I GZHUG NAS THUGS KYI DGONGS PA DANG STA GON MDZAD NAS, DPAL GSANG BA 'DUS PA'I RTZA RGYUD 'GREL

PA SGRON GSAL DANG BCAS PA PAR DU BRKO BA'I SBYOR BA NYE BAR BRTZAMS PAS 'BAD RTZOL MED PAR PHAG LO'I NANG DU LEGS PAR MTHAR PHYIN PAR MDZAD LA PHAG LO LA SDE SNOD 'DZIN BA MTHA' YAS PA LA DPYID DANG DBYAR GYI RING LA DPAL 'KHOR LO BDE MCHOG GI RTZA BA'I RGYUD LA SOGS PA'I CHOS DPAG TU MED PA GSUNGS SHING, BDE MCHOG RTZA RGYUD KYI t'IKKA RMAD DU BYUNG BA'I RTZOM PA'ANG RDZOGS PAR MDZAD DO, ,RJE THAMS CAD MKHYEN PA CHEN PO'I MDZAD PA'I GTZO BO NI GDUL BYA RNAMS LA CHOS BSTAN NAS SMIN CING GROL BAR MDZAD PA 'DI YIN LA, MDZAD PA DE NI PHYOGS BCU'I RGYAL BA SRAS BCAS THAMS CAD KYI YANG MDZAD PA'I GTZO BO YIN TE, MDZAD PA KUN LAS GSUNG GI NI, ,MDZAD PA MCHOG YIN DE YANG NI; ;'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR RO, ,DES NA GANGS RI'I KHROD 'DIR RJE THAMS CAD MKHYEN PA DANG MDZAD PA MTSUNGS PA SU YANG MA BYON TE, SNGON RGYA GAR 'PHAGS PA'I YUL DU RGYAL BA MYA NGAN LAS 'DAS NAS RGYAL BA'I BSTAN PA 'DZIN CING SPEL BA LA 'PHAGS PA KLU SGRUB DANG MCHUNGS PA SU YANG MA BYUNG BAS 'PHAGS PA KLU SGRUB NI RGYAL BA'I BSTAN PA LA RGYAL BA NYID LTAR BKA' DRIN MTSUNGS PA MED PA'O ZHES 'PHAGS YUL GYI MKHAS GRUB THAMS CAD MTHUN PAR GLENG LA, DE BZHIN DU BOD YUL GANGS CAN GYI LJONGS 'DIR YANG RGYAL BA'I BSTAN PA 'DZIN CING SPEL BA'I SEMS DPA' CHEN PO BGRANG BA LAS 'DAS PA BYON MOD KYANG,

, ,RGYAL BAS GSUNGS PA'I MDO SNGAGS KYI BSTAN PA YONGS SU RDZOGS PA 'DZIN CING SPEL BA LA RJE THAMS CAD MKHYEN PA 'DI DANG MTSUNGS PA SU YANG MA BYUNG BAS GANGS RI'I KHROD 'DIR RGYAL BSTAN SPEL BA LA RGYAL BA RANG NYID SLAR BYON PA LTAR RNAM PA KUN NAS MTSUNGS PA MED CING BKA' DRIN ZLA MED PAR GYUR TO, ,DE YANG BDAG CAG GIS RJE BDAG NYID CHEN PO LA DE LTAR BSNGAGS BA DE RANG NYID RJES 'JUG YIN PA GYU MTSAN DU BYAS TE MI BDEN BZHIN DU 'DU SHES BSGYUR NAS BRJOD BA MA YIN GYI, DON LA GNAS PA'I RANG BZHIN BRJOD BA STE, THUB BSTAN PADMO'I TSAL LA 'JIG RTEN 'DIR, ,KHYOD NI RGYAL BA'I NYI MA JI BZHIN ZHES, ,MI PHAM MGON POS KHYOD LA MNGON SUM DU; ;DBUGS DBYUNG MCHOG TU BSNGAGS LA GSOL BA 'DEBS, ,ZHES GSUNGS PA LTAR RJE RIN PO CHE TZA RI NAS BYON TE MO LA'I LA RTZAR PHEBS PA'I TSE RJE BTZUN BYAMS PA MGON PO DNGOS SU BYON TE, PHYAG G-YAS BA RJE'I DBU THOG TU BZHAG NAS RIGS KYI BU KHYOD NI RGYAL BA'I BSTAN PA LA RGYAL BA RANG NYID SLAR BYON PA LTA BUR 'GYUR BA SHES PAR GYIS SHIG CES LUNG BSTAN PA DANG DBUGS DBYUNG BA MDZAD PA LTAR RO, ,DE LA'ANG 'DI SNYAM DU MDO LAS, DGE SLONG DAG GAM MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ,ZHES DANG, ,TSAD MA

RNAM 'GREL LAS, BRJOD PAR 'DOD PA'I GZHAN DBANG PHYIR, ,SGRA RNAMS GANG NA'ANG MED MA YIN, ,DE YOD BAS NI DON GRUB NA, ,THAMS CAD KYIS NI THAMS CAD GRUB, ,CES GSUNGS PA LTAR, 'DI 'DI'O ZHES BRJOD BA'I TSIG TZAM DANG LUNG TZAM GYIS MCHOG TU SGRUB PAR MI NUS TE, GZHAN DU NA BLA MA GZHAN DAG THAMS CAD LA'ANG 'DI 'BA' ZHIG ZLA MED BA'O ZHES BRJOD PAS CHOG GO SNYAM NA, DE NI BDEN TE, GSANGS RI'I KHROD 'DIR RGYAL BSTAN 'DZIN CING SPEL BA LA RJE THAMS CAD MKHYEN PA NYID MTSUNGS ZLA MED PA'O ZHES BRJOD PA NI LUNG TZAM LA SKYABS BCOL NAS BRJOD BA MIN GYI, TSUL 'DI NI DRI MA MED PA'I RIGS PAS LEGS PAR GRUB PA YIN NO; ;JI LTAR ZHE NA TSUL 'DI LA 'BRAS BU'I RTAGS DANG, SNANG RUNG MA DMIGS PA'I RTAGS DANG, YID CHES KYI RTAGS YANG DAG GSUM GYI SGO NAS NGES SHES BSKYED PAR BYAR YOD DE, 'BRAS BU'i RTAGS LAS SHES TSUL NI, RJE BTZUN BYAMS PAS, GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,ZHES GSUNG PA LTAR GDUL BYA RNAMS LA MTHO RIS DANG THAR PA DANG, THAMS CAD MKHYEN PAR BGROD PA'I LAM TSANG LA MA NOR BA, SANGS RGYAS DNGOS SU BYON YANG DE PHAN DU GSUNG DU MED BA BYANG CHUB LAM RIM CHE CHUNG DANG, RDO RJE 'CHANG CHEN PO'I LAM GYI RIM BA DANG, RIM LNGA GSAL BA'I

, ,SGRON ME SOGS MDO SNGAGS KYI GSUNG RAB DGONGS 'GREL DANG BCAS PA'I DON GYI SNYING PO MTHA' DAG DRI MA MED PA'I RIGS PA'I LAM NAS DRANGS TE NGES PA GTING TSUGS PAR BSKYED PA'I BSTAN BCOS CHEN PO 'DI DAG LAS DPAG PAR NUS SO, ,DE YANG TSAD MA RNAM 'GREL LAS, BLANG DANG DOR BYA'I DE NYID NI, ,THABS DANG BCAS PA RIGS MDZAD PA, ,GANG DE TSAD MA NYID 'DOD KYI, ,THAMS CAD RIG MDZAD MA YIN NO, ,RING PO MTHONG NGAM MIN YANG RUNG, ,'DOD PA'I DE NYID MTHONG BA YIN, ,ZHES GSAL BAR GSUNGS PA LTAR RO, ,SNANG RUNG MA DMIGS PA'I RTAGS KYIS BSGRUB PA NI, ,RGYAL BA'I MDO SNGAGS KYI BSTAN PA SPEL BAL PHYOGS 'DIR RJE THAMS CAD MKHYEN PA DANG MTSUNGS PA GZHAN MA BYUNG STE, RJE BLA MA 'DI DANG MTSUNGS PA GZHAN ZHIG YOD NA 'DI'O ZHES BSTAN RGYU DGOS PA LA MI SNANG BA'I PHYIR RO, ,DE YANG SNGON DUS 'PHAGS MCHOG THUGS RJE CHEN PO MI RJE'I RNAM PAR BYON PA CHOS RGYAL SONG BTZAN SGAM PO SOGS SPRUL PA'I CHOS RGYAL MES DPON RNAM GSUM DANG, SAD MI MI BDUN SOGS BSTAN PA SNGA DAR LA BYON PA DE RNAMS DANG, BSTAN PA PHYI DAR LA LHO BRAG MAR PA LO TZ'A DANG; 'BROG MI LO TZ'A BA DANG, RJE 'GOS DANG, RVA LO CHEN PO SOGS LO TZ'A BA BKA' DRIN CAN MANG PO DANG, RNAL 'BYOR GYI DBANG PHYUG MI LA RAS PA SOGS GRUB PA'I GO 'PHANG MTHON POR BYON PA'I SKYES BU DAM PA MANG DU BYON MOD

KYANG RGYAL BAS GSUNGS PA'I MDO SNGAGS KYI BSTAN BA YONGS RDZOGS SPEL BA LA RJE BLA MA 'DI DANG MTSUNGS PA SU YANG MED DE, SNGON BYON PA DE DAG LAS 'GA' ZHIG GIS SNGAGS PHYOGS MANG DU SPEL YANG BSTAN PA'I RTZA BA 'DUL BA SPEL NUS PA MA BYUNG, SNGAGS LA'ANG RGYUD SDE BZHI GA'I 'JUG SGO DBANG DANG DAM TSIG ,SO SO'I LAM BGROD TSUL SOGS RDO RJE 'CHANG GI DGONGS PA JI BZHIN DU MTHA' DAG BAR 'DZIN CING SPEL NUS PA DKON PAR BYUNG NGO, ,'GA' ZHIG GIS 'DUL KHRIMS GTZO BOR BYAS TE CUNG ZAD RE SPEL NUS PA BYUNG YANG THEG PA CHEN PO SPYI DANG KHYAD PAR GSANG SNGAGS SPEL NUS BA MA BYUNG, 'GA' ZHIG LA RANG RANG GI THUGS RGYUD LA SA LAM GYI RTOGS PA KHYAD PAR CAN 'KHRUNGS KYANG GDUL BYA 'KHRID PA'I TSE YI DAM RE'I SGOM BZLAS LA GTZO BOR 'KHRID PA DANG ,SNGAGS KYI BSKYED RDZOGS GANG RUNG RE GTZO BOR STON PA LAS BSTAN PA YONGS RDZOGS SPEL NUS PA MA BYUNG LA ,RJE THAMS CAD MKHYEN PA 'DIS NI RGYAL BA'I BSTAN PA'I NANG MDZOD 'DUL BA SPEL BA LA RGYAL BA RANG NYID SLAR BYON PA LTA BUR MDZAD DE, 'DUL BA LUNG SDE BZHI NAS GSUNGS PA'I DGAG SGRUB GNANG GSUM GYI BCAS MTSAMS PHRA RAGS MTHA' DAG GDUL BYA LA NGO SPRAD DE BCAS PA SO SO'I DGAG BYA NYON MONGS DANG NYES SPYOD GANG GI GNYEN POR GSUNGS PA DANG, DGOS PA BCAS BA DE DANG DE DAG BSRUNGS PA LAS SEMS RGYUD LA RTOGS PA GANG DANG GANG ZHIG SKYE BA DANG, JI LTAR BSRUNG TSUL LUNG GANG GI THAD NAS

, ,GSUNGS PA DANG, GLENG GZHI GANG LA BRTEN NAS BCAS PA DE MDZAD PA SOGS MTHA' DAG PAR NGO 'PHROD PA DANG, DE YANG SHES PA TZAM LA MA BZHAG PAR CHAB LEN LHAM 'BUD, NUB LHAG GCOD PA, RUNG CHU GDAB BA YAN CHAD BCAS MTSAMS MTHA' DA LAG LEN LA SBYAR ZHING YUL DUS KYI DBANG GIS BCAS 'GAL GYI NYES PA BYUNG NA DE MA THAG BSHAGS PA DANG, BSNGAM PA DANG, BYIN GYIS BRLAB PA RNAMS 'DUL BA NAS GSUNGS PA LTAR BYAS TE SDIG LTUNG DANG ZHAG TU MI 'GROGS PA'I TSUL KHRIMS RNAM PAR DAG PA LA SBYAR TE NUB JE LAN DHA RA NAS SHAR PHYOGS RGYA MCHO CHEN PO LA THUG GI BAR 'DUL BA'I BCAS MTSAMS RNAM PAR DAG PA BSRUNG BA'I DGE 'DUN GYI SDES KHYAB PA DA LHA'I BAR DU MA NYAMS PAR THAMS CAD KYI MIG LA SNANG BA 'DI YIN LA, 'DI LTA BU'I SANGS RGYAS KYI MDZAD PA BYED PA PO BYANG PHYOGS 'DIR SU YANG MA BYUNG NGO, ,DE BZHIN DU BYANG CHUB SEMS DPA'I BSLAB PA'I GNAS LA'ANG DANG POR SMON SEMS DANG 'JUG SDOM LEN LUGS, BLANGS NAS SMON BA'I BSLAB BYA THUN MONG DANG THUN MONG MA YIN PA RNAMS DANG, 'JUG SDOM GYI BSLAB BYAR RTZA LTUNG DANG NYES BYAS BSRUNG TSUL, 'JUG SDOM GYI SGRUB PA'I BSLAB BYA TSUL KHRIMS RNAM PA GSUM MAM PHYIN DRUG DANG BSDU BZHI LA SLOB TSUL, DE DAG THAMS CAD THEG CHEN GYI MDO GANG DANG GANG NAS GSUNGS TSUL, MDO'I DGONGS PA SHING RTA CHEN BOS BKRAL TSUL, SHING RTA CHEN

PO'I LAM SROL 'DZIN PA'I BLA MA GONG MA GCIG NAS GCIG TU BRGYUD PA'I PHYAG LEN LA SRUNG THABS JI LTAR YOD TSUL, DE DAG LAS 'DAS NA BSHAGS PA JI LTAR BYED TSUL, ,DE DAG THAMS CAD PHYAG LEN LA 'DEBS TSUL RNAMS MTHA' DAG PAR THUGS SRAS SEMS DPA' CHEN PO RNAMS LA KHRID CING PHYI RABS KYI GDUL BYA RNAMS KYI DON DU TSUL KHRIMS LE'U'I RNAM BSHAD BYANG CHUB GZHUNG LAM SOGS SU MTHA' DAG PAR GTAN LA 'BEBS PAR MDZAD DE, 'DI LTA BU DANG MTSUNGS PA GANG RI'I KHROD 'DIR SNGON MA BYUNG BA KUN LA GSAL BSTAR RO, ,THEG PA THUN MONG BA'I LAM GYI GNAD THAMS CAD NYAMS LEN GYI RIM PAR BSDUS TE RGYAL BA'I GSUNG RAB DGONGS 'GREL DANG BCAS PA LAS YI GE NA GCIG KYANG DOR DU MED PAR GANG ZAG GCIG LAS DANG PO PA'I SA NAS SANGS RGYAS KYI SA'I BAR DU RIM GYIS 'KHRID PA'I NYAMS LEN DU SBYAR TE GTAN LA 'BEBS PA BYANG CHUB LAM RIM CHE CHUNG DANG, DE YANG SHER PHYIN GYI MDO SDE RIN PO CHE'I DON RJE BTZUN BYAMS PAS GSUNGS PA'I MAN NGAG GI BSTAN BCOS MNGON PAR RTOGS PA'I RGYAN DANG SBYAR TE MTHA' DAG PAR GTAN LA 'BEBS PA'I BSTAN BCOS LEGS BSHAD GSER GYI PHRENG BA DANG, 'PHAGS PA KLU SGRUB KYI DGONGS PA LTAR ZAB MO DBU MA'I LTA PA MTHA' DAG PAR GTAN LA 'BEBS PA RTZA SHE'I RNAM BSHAD CHEN MO RIGS PA'I RGYA MTSO DANG, DBU MA LA 'JUG PA'I RNAM BSHAD DGONGS PA RAB GSAL DANG, DRANG BA DANG NGES PA'I DON RNAM PAR 'BYED PA

, ,LEGS BSHAD SNYING PO CHE BA DANG, RGYAL BA'I DGONGS PA 'PHAGS PA KLU SGRUB KYIS BKRAL BA'I NGES DON MTHAR THUG RTEN 'BREL ZAB MO'I TSUL CHES GSAL BAR STON PA LEGS BSHAD SNYING PO CHUNG BA SOGS SNGON MED PA'I BSTAN BCOS CHEN PO 'DI DAG MDZAD CING, BSTAN BCOS CHEN PO DE DAG GI BSHAD RGYUN YANG DA LTA'I BAR DU MA NYAMS PAR BZHUGS PAS 'DI LTA BU'I SANGS RGYAS KYI 'PHRIN LAS LA 'GRAN BZOD PA SU YANG MED DO, ,TSUL 'DI DAG LA GZU BO'I BLOS DPYAD NA DE DE BZHIN NO ZHES THAL MO SBYOR PA LAS 'OS MED DE, SNGON DUS GANGS RI'I KHROD 'DIR RIG GNAS MTHA' DAG LA MKHAS PA'I DBANG POR GRAGS PA STAG TSANG LO TZ'A BAS KYANG THOG MAR KHONG RANG RJE'I RJES 'JUG MIN GSHIS BRAG CA'I SGRA BZHIN GZHAN ZER GYI RJES SU 'BRANGS TE RJE'I GSUNG LA DGAG PA CI RIGS MDZAD KYANG RJES SU LEGS BSHAD GSER PHRING SOGS RJE'I GSUNG RNAMS LA BLTAS TE LEGS PAR BRTAGS PA NA SNGAR BYAS LA GNONG ZHING 'GYOD PA DANG, RJE RIN PO CHE'I BSTAN PA LA YID CHES KYI DAD PA GTING TSUGS PA SKYES TE BSHAGS PA DANG SMON LAM GYI TSIG ,BLO CHEN RGYAL BA RNAMS KYI SPYAN SNGA RU, ,BZANG PO'I SMON LAM RLABS CHEN GRUB PA'I MTHUS, ,GRAGS PA'I SGRA CHEN THUB BSTAN 'GRO BA'I DPAL, ,BLO BZANG GRAGS PA'I DPAL LA GUS PHYAG 'TSAL, ,ZHES SOGS BSHAGS PA DANG SMON LAM MANG DU MDZAD CING, DE'I RGYU MTSAN

YANG; KHYOD BLO'I NYI MA GZHON NU'I DUS KYI TSE, ,MDO DANG RGYAN GYI PAD TSAL RGYAS MTHONG NAS, ,BDAG BLO KHENGS PA'I KU MUD LHAG PAR ZUM, ,ZAB YANGS MKHYEN PA'I GTER LA GSOL BA 'DEBS, ,ZHES SOGS RJE'I GSUNG RAB RNAMS LA GZU BO'I BLOS DPYAD NAS YID CHES SKYES PA YIN TSUL GSAL BAR GSUNGS 'DUG PA DANG, DE BZHIN DU KARMA PA MI BSKYOD RDO RJES KYANG PHAR PHYIN GYI t'IKKA SOGS YIG CHA 'GA' ZHIG TU GZHAN GYI 'DOD NGO DANG BSTUN NAS RJE RIN PO CHES 'PHAGS PA KLU SGRUB KYI DGONGS PA THUN MONG MIN PA JI BZHIN BKRAL BA'I LTA BA'I GNAD RNAMS LA DGAG PA CUNG ZAD MJED KYANG, RJES SU KHONG RANG GIS MDZAD PA'I PHAR PHYIN GYI t'IKKA DE RGYAL BA DGE 'DUN RGYA MTSO LA PHUL NAS SE 'BRAS KYI CHOS RJE RNAMS KYIS 'DI LA GZIGS NAS 'THAD MI 'THAD KYI DPYAD PA MDZOD GSUNGS PA NA, SE RA RJE BTZUN PAS DPAL MGON 'PHAGS PA KLU SGRUB KYI DGONGS PA RJE RIN PO CHES BKRAL BA DANG MI MTHUN PA RNAMS DRI MA MED PA'I RIGS PAS SUN DBYUNG STE MTHA' CHOD PAR MDZAD PA KAR LAN KLU SGRUB DGONGS RGYAN MDZAD NAS, KARMA PA MI BSKYOD RDO RJE LA PHUL BA NA, RJE KARMA PA SHIN TU MNYES NAS, SE RA RJE BTZUN PA LA ZHU YIG GNANG BAR YANG, DENG SANG GI SKYE BO BLO CHUNG 'GA' ZHIG RANG RANG GI LUGS LA RMONGS ZHEN GYIS 'DI KHO NA BDEN GYI GZHAN NI GTI MUG GO ZHES BRJOD PA DAG GI 'DOD PA DANG BSTUN PA'I BRJOD TSUL TZAM LAS NGED RANG NI RJE'I GSUNG RAB

, ,RNAMS LA YID CHES KYI DAD PA GTING TSUGS BAR YOD CES GSUNGS 'DUG PA DANG, 'BRUG PA MI PHAM PADMA DKAR POS KYANG SKU TSE'I STOD LA PHYOGS SU LHUNG BA'I SKYE BO 'GA' ZHIG GI TSIG GI RJES SU ZHUGS TE RJE'I GSUNG LA SKYON BRJOD CI RIGS SHOR YANG RJES SU RJE'I GSUNG RAB RNAMS LA ZHIB TU GZIGS PA NA THUGS 'GYOD CHEN PO SKYES TE DGA' LDAN DU PHEBS NAS RJE RIN PO CHE'I SKU GDUNG LA MCHOD PA TSAD MED PA PHUL TE BSHAGS SHING SMON LAM 'DEBS PAR MDZAD PA DANG, RJE LA BSTOD PA MDZAD PA'I TSIGS BCAD LAS KYANG, CHOS KYI RGYAL PO CHEN PO SHAR TZONG KHA PA BLO BZANG GRAGS PA'I DBAL GYI ZHABS KYI PADMO DRI MA MED PA LA PHYAG 'TSAL LO, , DGE LEGS CHU GTER CHEN POS 'JIG RTEN LA, ,BLO BZANG NYIN MOR BYED PA KHYOD SBYIN TSUN, ,SA 'DI RMONGS PA'I MUN LAS RNAM RGYAL ZHES, ,GRAGS PA'I GZHIR GYUR DE LA PHYAG 'TSAL LO, ,GANG DANG RGYAL BA KUN GYI YON TAN NI, ,SRANG LA GZHAL BZHIN LCI YANG MA MCHIS BAS, ,LNGA BRGYA PA YI GTZUG RGYAN DU 'OS PA, ,THAMS CAD MKHYEN PA KHYOD LA PHYAG 'TSAL LO, ,SENG GE'I KHRI LA SENG GE'I SGRA BSGRAGS PAS, ,SMRA BA'I GLANG CHEN THAMS CAD DNGANGS GYUR PHYIR, , MTSUNGS BRAL KHYOD NI SENG GE'I NGA RO'I MTSAN, ,BSKAL BZANG SGRON MAR GYUR LA PHYAG 'TSAL LO, ,LHAG PA'I TSUL KHRIMS HA RI TZAN DAN BSUNG, ,KHYOD DRIN DRI BZHON GYIS 'DIR KHYONGS PAS SU, ,'KHOR BA'I TSA GDUNG MING TZAM LHAG GYUR

BAS; SLOB MAR BCAS BA BSNGAGS 'OS DER PHYAG 'TSAL, ,ZHES SOGS BSNGAGS PA'I TSIGS BCAD MANG DU 'BYUNG BA LTAR RO, ,SNGAGS KYI SKOR LA 'JUG SGO DBANG DANG DBANG DUS SU KHAS BLANGS PA'I DAM TSIG DANG SDOM PA DAG PAR BYED TSUL , DE NAS LAM BGROD TSUL RNAMS MTHA' DAG PAR 'DOMS BA LA RJE RIN PO CHE 'DI GANGS RI'I KHROD NA MTSUNGS ZLA MED PA ZHIG STE, DE YANG GSANG SNGAGS RGYUD SDE BZHI LA 'JUG SGO DBANG BSKUR TSUL MI 'DRA BA DANG, DE'I DUS SU THOB PA'I DAM TSIG DANG SDOM PA BSRUNG TSUL LA THUN MONG MA YIN BA'I KHYAD PAR YOD BA RNAMS DANG, DE NAS LAM BGROD TSUL LA RGYUD SDE 'OG MA LA MTSAN BCAS DANG MTSAN MED KYI RNAL 'BYOR, BLA MED LA RIM GNYIS KYI RNAL 'BYOR, DE LA 'ANG PHA RGYUD MA RGYUD GNYIS KYI THUN MONG MIN PA'I KHYAD PAR MI 'DRA BA MANG DU YOD PA RNAMS RJE RIN PO CHE 'DIS RGYAL BA RDO RJE 'CHANG SLAR YANG PHYOGS 'DIR DNGOS SU BYON PA JI LTA BAR RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR BYE BA ZHES BYA BA SNGON MED PA'I LEGS PAR BSHAD PA'I GTER CHEN PO 'DI MDZAD CING, BYE BRAG TU PHA RGYUD GSANG BA 'DUS PA'I LAM GYI GNAD RNAMS MTHA' DAG PAR GTAN LA 'BEBS PA LA RTZA RGYUD KYI 'GREL BA SGRON MA GSAL BA'I MTSAN 'GREL, DKA' GNAS MTHA' GCOD, BSDUS DON BCAS DANG, RIM LNGA'I NGO SPROD CHEN MO RIM LNGA GSAL BA'I SGRON ME SOGS SNGON MED PA'I LEGS BSHAD CHES MANG BA DANG, MA RGYUD BDE MCHOG L'U AI BA'I SGRUB THABS KYI RNAM BSHAD

, ,'DOD 'JO DANG, RDZOGS RIM GYI KHRID YIG CHE CHUNG DANG BDE MCHOG RTZA RGYUD KYI t'IKKA NGO MTSAR RMAD DU BYUNG BA SNGON MED PA'I LEGS BSHAD KYI GTER CHEN PO 'DI SOGS RDO RJE 'CHANG DNGOS SU BYON YANG DE PHAN DU GSUNG DU MED PA'I SNGAGS KYI BSTAN BCOS MANG PO 'OG TU GSAL BA LTAR MDZAD DE, RJE 'DI'I MDZAD PA LTA BU GANGS RI'I KHROD 'DIR SNGON CHAD MA BYUNG BA KUN LA MNGON SUM DU SNANG BA LTAR RO, ,RJE BTZUN BLA MA 'DIS GANGS RI'I KHROD 'DIR SANGS RGYAS KYI MDZAD PA MDZAD PAR YID CHES PA'I RTAGS KYIS SGRUB PA NI, ,LHO BRAG GRUB CHEN LA GSANG PA'I BDAG POS RJE 'DI'I MDZAD PA RNAM THAR KHYAD PAR DU 'PHAGS PA 'DI LTAR GSUNGS PA RNAMS DANG; RJE BTZUN 'JAM BA'I DBYANGS KYIS DBU MA BA DPA' BO RDO RJE LA GSUNGS PA DANG, YANG GRUB CHEN 'JAM DPAL RGYA MTSO LA GSUNGS PA DANG, RJE RIN PO CHE RANG NYID LA SANGS RGYAS DANG BYANG SEMS MANG POS ZHAL GZIGS NAS LUNG BSTAN DANG DBUGS DBYUNG BA MDZAD PA SNGAR DRANGS ZIN PA LTAR SHIN TU YID CHES PA'I GNAS SU YOD MOD, 'ON KYANG DE TZAM GYI LUNG LA 'CHOL BA MIN PAR DRI MA MED PA'I RIGS PA'I LAM SROL SHES BA'I MKHAS PA RNAMS LA RJE 'DIS, SANGS RGYAS KYI MDZAD PA MDZAD PAR YID CHES PA'I RTAGS SU MI 'GYUR BAS RGYAL BA NYID KYI MDO SDE DANG RGYUD SDE RTZOD MED RGYA BOD GNYIS KAR YONGS SU GRAGS BA ZHIG GI STENG NAS SGRUB DGOS LA, DE NI SNGAR DRANGS ZIN PA LTAR LANGKAR

GSHEGS PA'I MDO DANG, MDO SDE GDAMS NGAG 'BOGS PA'I RGYAL PO DANG, 'JAM DPAL RTZA RGYUD RNAMS LAS SGRUB PA YIN LA, DE'I NANG NAS KYANG 'JAM DPAL RTZA RGYUD LAS, 'JIG RTEN NGA NI MYA NGAN 'DAS, ,SA YI STENG 'DI STONGS PA NA, ,KHYOD NYID BYIS PA'I GZUGS KYIS NI, ,SANGS RGYAS MDZAD BA BYED BAR 'GYUR, ZHES SOGS RGYAL BA MYA NGAN LAS 'DAS BA'I 'OG TU 'JIG RTEN MGON MED 'DREN PA MED PAR GYUR PA NA RJE BTZUN 'JAM PA'I DBYANGS THA MAL PA'I GZUGS BZUNG STE BYANG PHYOGS KHA BA CAN 'DER SANGS RGYAS KYI MDZAD PA MDZAD BA DANG, DE LTAR MDZAD PA PO DE'I MING LA BLO BZANG ZHES PA DANG GRAGS BA ZHES BA'I MTSAN 'BYUNG BA DANG, DE'I DGON GNAS KYI MING LA DGA' LDAN ZHES 'BYUNG BA GSAL BAR LUNG BSTAN PA 'DIS RJE 'DI NYID KYIS GANGS RI'I KHROD 'DIR SANGS RGYAS DNGOS SU BYON BA LTA BU'I MDZAD PA MDZAD PAR KUN GYIS YID CHES PAR GRUB PO, ,DE LTAR RJE RIN PO CHE 'DIS SANGS RGYAS KYI MDZAD PA'I GTZO BO CHOS KYI 'KHOR LO BSKOR BA'I MDZAD PA NGO MTSAR RMAD DU BYUNG BA ZHING 'DIR BYON PA NAS MTHAR DGA' LDAN LA BYON PA'I BAR GONG 'PHEL DU MDZAD DE PHYI RABS KYI GDUL BYA RNAMS LA THUGS BRTZE BAS DGONGS TE MDO SNGAGS KYI LAM BZANG PO RNAMS 'DI LTAR YOD DO ZHES YI GER 'GOD PAR MDZAD BA NI, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYIS RGYAL BA'I DGONGS PA DRI MA MED PA'I RIGS LAM NAS DRANGS TE YONGS SU

, ,RDZOGS PA BKRAL BA'I LAM SROL SKYES BU CHUNG 'BRING CHE GSUM GYIS NYAMS SU BLANG BA'I RIM PA THAMS CAD MTSANG BA MED PAR STON PA'I MAN NGAG BYANG CHUB LAM RIM CHEN MO, DE'I SNYING PO'I GNAD BSDUS PA LAM RIM CHUNG BA, BYANG CHUB LAM GYI RIM PA'I KHRID KYI SA BCAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA, BYANG CHUB SEMS DPA'I TSUL KHRIMS KYI RNAM BSHAD BYANG CHUB GZHUNG LAM, ZHI LHAG GNYIS KYI DKA' BA'I GNAS RGYAL BA'I DGONGS PA PHYIN CI MA LOG PAR BSHAD PA, DRANG BA DANG NGES PA'I DON RNAM PAR PHYE BA'I BSTAN BCOS LEGS BSHAD SNYING PO, RJE BTZUN 'JAM PA'I DBYANGS KYIS RJE LA GNANG BA'I LTA BA'I GNAD 'GAG RJE RED MDA' BAR PHUL BA, DBU MA'I LTA KHRID, TSIG SBYOR PHUN SUM TSOGS PA'I SNYAN NGAG GI LAM NAS DRANGS PA'I BLO SBYONG, DBU MA RGYAN GYI ZIN BRIS RJE RANG GIS GNANG BA; YID DANG KUN GZHI'I DKA' BA'I GNAS RGYA CHER 'GREL, SDE BDUN LA 'JUG PA'I SGO DON GNYER YID KYI MUN SEL, BSAM GZUGS ZIN BRIS, DBU MA'I LTA KHRID BSDUS PA, DGE 'DUN NYI SHU BSDUS PA DANG ZHUGS GNAS SKYES BU CHEN PO'I DKA' GNAS ,DBU MA RTZA SHE'I RNAM BSHAD RIGS PA'I RGYA MTSO, BSTAN BCOS CHEN PO DBU MA LA 'JUG PA'I RNAM BSHAD DGONGS PA RAB GSAL, RGYAL BA KHYAB BDAG RDO RJE 'CHANG CHEN PO'I LAM GYI RIM PA GSANG BA

KUN GYI GNAD RNAM PAR PHYE BZHES BYA BA, RGYUD KYI RGYAL PO DPAL GSANG BA 'DUS PA'I MAN NGAG RIM PA LNGA GSAL BA'I SGRON ME, RNAM GZHAG RIM PA'I RNAM BSHAD DPAL GSANG BA 'DUS PA'I GNAD DON GSAL BA, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, 'DUS PA'I BSHAD RGYUD LHA MO BZHI ZHUS KYI RGYA CHER BSHAD PA SROG RTZOL GYI DE KHO NA NYID GSAL BA DPAL GSANG BA 'DUS PA'I BSHAD RGYUD YE SHES RDO RJE KUN LAS BTUS PA'I t'IKKA, BSHAD RGYUD RDO RJE PHRENG BA'I ZIN BRIS, RGYUD KYI RGYAL PO DPAL GSANG BA 'DUS PA'I RTZA BA'I RGYUD SGRON MA RAB TU GSAL BAR BYED PA'I RGYA CHER BSHAD PA 'CHAD PA'I SA BCAD BSDUS DON, DPAL GSANG BA 'DUS PA'I DKA' BA'I GNAS KYI MTHA' GCOD RIN PO CHE'I MYU GU, RGYUD THAMS CAD KYI RGYAL PO DPAL GSANG BA 'DUS PA'I RGYA CHER BSHAD PA SGRON MA GSAL BA'I TSIG DON JI BZHIN 'BYED PA'I MCHAN GYI YANG 'GREL, RJE BTZUN 'JAM PA'I DBYANGS KYI GSUNG THUN MONG MA YIN PA RJE RED MNGA' BAR PHUL BA, DPAL GSANG BA 'DUS PA'I SGRUB THABS KYI LHAN THABS, DPAL GSANG BA 'DUS PA'I MNGON RTOGS DANG BSAM GTAN GYI SGRUB MCHOD NGAG TU 'DON PA'I LHAN THABS ,DPAL GSANG BA 'DUS PA'I SGRUB THABS RNAL 'BYOR DAG PA'I RIM PA, BZHI BRGYA LNGA BCU PA'I SKOR GYI ZIN BRIS, DPAL GSANG BA 'DUS PA MI BSKYOD RDO RJE'I DKYIL 'KHOR GYI CHO GA DBANG GI DON GYI DE NYID RAB TU GSAL BA, RDO RJE BZLAS PA'I RIM PA'I ZIN BRIS, DGONGS

, ,PA BLA NA MED PA'I RIM PA'I ZIN BRIS, MAN NGAG GI MTHAR THUG BDAG BYIN RLABS, MAN NGAG GI MTHAR THUG MNGON PAR BYANG CHUB PA'I RIM PA'I BSHAD PA, RIM LNGA BSDUS BA'I ZIN BRIS, RNAL 'BYOR BZHI RIM, RNAL 'BYOR BZHI'I RIM PA'I t'IKKA , 'DUS PA'I DKA' GNAD KYI ZIN BRIS, RGYAL BAS BYIN DANG SH'ANTA'I BA'I GSANG 'DUS KYI 'GREL PA DANG DUL BAS BYIN GYIS SGYU 'PHRUL DKYIL CHOG GI ZIN BRIS, KHRE BCU'I ZIN BRIS, LHAG PA YI NI LHA GCIG NYID CES PA'I DON BSHAD PA, BSAM GTAN PHYI MA, GSANG BA KHYAD GZHI, GRUB CHEN BRGYAD KYI BZHUGS TSUL, 'JAM DPAL GSANG LDAN GYI DPYAD PA YONGS SU RDZOGS NAS ZIN BRIS SU GNANG BA, ZHE DGU MA'I ZIN BRIS, 'JAM DPAL ZHI DRAG GI BSRUNG BA, 'JIGS BYED KYI PHYAG MTSAN SOGS KYI BSHAD PA'I ZIN BRIS, RDO RJE 'JIGS BYED LHA BCU GSUM MA'I SGRUB THABS RIN PO CHE'I BRA MA TOG ,RDO RJE 'JIGS BYED CHEN PO'I SGRUB THABS BDUD THAMS CAD LAS RNAM PAR RGYAL BA, GSHIN RJE DGRA NAG GI SGRUB PA'I THABS RIN PO CHE 'BAR BA, GSHIN RJE GSHED LHA BCU GSUM MA RNAMS KYI DKYIL 'KHOR DU DBANG BSKUR BA'I CHO GA RIN PO CHE'I PHRENG BA, 'JAM DBYANGS ZHI KHRO SBRAGS SGRUB THUN MONG MA YIN PA, RDO RJE 'JIGS BYED SER PO LA BRTEN BA'I SHIN TU ZAB PA'I MAN NGAG ,YI GE BZHI PA'I BSRUNG BA MAN NGAG RTZA GSUM DANG GSHIN RJE SBYOR TSUL RNAMS DANG RTZA DANG GSHIN RJE SBYOR TSUL , 'JIGS BYED KYI DGE SBYOR,

RDO RJE 'JIGS BYED KYI 'PHRIN LAS BZHI'I SBYIN SREG DNGOS GRUB RGYA MTSO, BLA MA LNGA BCU PA'I RNAM BSHAD SLOB MA'I RE BA KUN SKONG, BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL, BCOM LDAN 'DAS DPAL 'KHOR LO BDE MCHOG GI MNGON PAR RTOGS PA'I RGYA CHER BSHAD PA 'DOD PA 'JO BA, RNAL 'BYOR GYI DBANG PHYUG L'U AI PA'I LUGS KYI BCOM LDAN 'DAS 'KHOR LO SDOM PA'I SGRUB PA'I THABS BDE CHEN GSAL BA, RNAL 'BYOR GYI DBANG PHYUG L'U AI PA'I LUGS KYI BDE MCHOG RDZOGS RIM GYI RNAM BSHAD DNGOS GRUB SNYE MA, RNAL 'BYOR GYI DBANG PHYUG L'U AI PA'I LUGS KYI BDE MCHOG GI RDZOGS RIM RNAL 'BYOR CHEN PO'I KHRID KYI RIM PA MDOR BSDUS PA, DPAL MNGON PAR RTOGS PA'I 'GREL PA KHYAD PAR GSAL BYED LAS ZUR DU PHYUNG BA, MKHA' 'GRO RGYA MTSO'I SKOR GYI ZIN BRIS, GSANG SNGAGS KYI TSUL KHRIMS KYI RNAM BSHAD DNGOS GRUB KYI SNYEM, RJE BTZUN 'JAM DPAL RDO RJE'I SGRUB THABS 'JAM PA'I DBYANGS KYI DGONGS PA GSAL BA, CHO GA NYI SHU'I KHUNGS DGOD PA, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI MNGON RTOGS DGONGS PA RAB GSAL, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI DBANG CHOG RIN PO CHE'I BANG MDZOD, DPAL 'KHOR LO BDE MCHOG RIM LNGA'I RNAM BSHAD SBAS DON LTA BA'I MIG RNAM PAR 'BYED PA, MKHA' SPYOD MA DMAR MO'I SGRUB THABS, RDO RJE MKHA' 'GRO'I 'GREL PA'I ZIN BRIS, RDO RJE RNAL 'BYOR MA'I 'GREL PA TSES BCU'I

, ,MCHOD PA'I RTOG PA'I CHO GA GRUB CHEN D'A RI KA PAS MDZAD PA'I ZIN BRIS, MAN NGAG SNYE MA'I ZIN BRIS, DPAL 'KHOR LO SDOM PA'I PHYI ROL MCHOD PA'I CHO GA LAG MCHOD DANG DPYID KYI RGYAL PO'I GLU, RDZOGS RIM DBYID KYI THIG LE, ZAB LAM N'A RO'I CHOS DRUG GYI SGO NAS KHRID PA'I RIM PA YID CHES GSUM LDAN ,RGYUD BRTAG PA GNYIS PA'I ZIN BRIS, KYEE RDO RJE'I RGYUD KYI ZIN BRIS DANG, KYEE RDO RJE'I ZIN BRIS, RJE BRTZUN MA BDAG MED MA'I DKYIL 'KHOR GYI SGRUB THABS ZIN BRIS, DPAL MCHOG GI ZIN BRIS, SANGS RGYAS THONG PA'I MI 'JIGS GZHUNG 'GREL SOGS KYI ZIN BRIS, KUN RIG CHO GA'I ZIN BRIS, MDOR BSDUS DANG PO LA AA TZA LA GARBAS DON TSAN BDUN DU BYED PA, 'PHO KHRID KYI RTZA TSIG BRTAG PA BRGYAD PA'I RAB TU BYED PA GSUM PA, RNAM SHES GONG DU 'PHO BA'I RGYA CHER BSHAD PA GSER GYI SGO 'BYED, SPRIN BRAL BA'I MAN NGAG DANG RTA MGRIN SHVA NA BZHI BSKOR, RI KHROD LO MA CAN GYI SGRUB THABS, LHA MO DBYANGS CAN MA'I SGRUB THABS, DBYANGS CAN MA'I SGRUB THABS, BCOM LDAN 'DAS RME BRTZEGS KYI SGRUB THABS, DE NYID BSDUS PA'I 'GREL PA'I ZIN BRIS, RDO RJE DBYINGS KYI SA CHOG GI ZIN BRIS, RDO RJE DBYINGS KYI 'KHOR BSGYUR GYI BSNYEN PA'I RIM PA SOGS KYI ZIN BRIS, SBYOR DRUG GI RDO RJE'I TSIGS BCAD, DE'I BSHAD PA, DUS 'KHOR GYI MNGON RTOGS DANG DBANG GI ZIN

BRIS; SBYOR DRUG NYER MKHO'I BRIN BRIS, 'CHI ZHAG DANG TSE LHAG JI TZAM YOD DPYAD PA, RDO RJE RTZE MO'I ZIN BRIS, YE SHES MKHA' 'GRO'I SGRUB THABS, 'PHO BA, BKA' BSGO BYA TSUL, SGRA MI SNYAN GYI TSE SGRUB, 'DUL BA MDO RTZA BA'I ZIN BRIS, GZHI NAS 'BYUNG BA'I BSLAB BYA'I ZIN BRIS, ZHUGS PA DANG GNAS PA'I SKYES BU CHEN PO RNAMS KYIS RNAM PAR BZHAG PA BLO GSAL BGROD PA'I THEM SKAS, GZUGS KYI CHUNG MTHA' DANG DUS KYI THUNG MTHA' SOGS LAS BRTZAMS PA'I DRIS LAN, BLA MA'I RNAL 'BYOR ZAB KHYAD CAN MKHAS GRUB RJE LA GNANG BA, BA SO CHOS RJE LA GCIG BRGYUD KYI TSUL DU GNANG BA'I BLA MA'I RNAL 'BYOR, ZHU LAN SMAN MCHOG BDUD RTZI'I PHRENG BA, SDOM PA GONG MA GNYIS KYI PHYIR BCOS, GTOR MA BRGYA RTZA'I RIM PA, RJE RANG NYID KYIS GSAN YIG ,BYANG CHUB LAM GYI RIM PA'I BLA MA BRGYUD PA LA GSOL BA 'DEBS PA'I TSUL LAM MCHOG SGO 'BYED SOGS BSTOD TSOGS DANG CHAB SHOG DRIS LAN SOGS GSUNG THOR BU BA, RJE RIN PO CHE RANG NYID KYIS JI LTAR THUGS NYAMS SU BZHES PA LTAR MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN 'DI LTAR BYA DGOS SO ZHES 'DOMS PA'I NYAMS MGUR LAM RIM BSDUS DON DU GRAGS PA RNAMS MDZAD, RJE RIN PO CHE'I GSUNG LA THUGS SRAS MKHAS GRUB CHEN PO RNAMS KYIS ZIN BRIS SU BYAS PA'I MDO SNGAGS KYI LEGS BSHAD MANG DU BZHUGS PA NI YONGS SU GRAGS PA LTAR RO, ,'DI LTA

, ,BU'I MDO SNGAGS KYI BSTAN BCOS RGYA CHEN PO 'DI SNYED CIG MDZAD PA 'DI DAG THAMS CAD RGYAL BA RANG NYID KYI GSUNG DANG, SHING RTA CHEN PO GNYIS KYI GZHUNG JI LTA BA BZHIN DU THEG PA GONG 'OG DANG RGYUD SDE GONG 'OG GRUB MTHA' RNAM BZHI GANG GI THAD LA'ANG RANG RANG GI LUGS MA 'DRES BAR STON PA LAS, PHAN TSUN 'DRES PA'I SKYON PHRA MO'ANG MED CING, SNGA PHYI 'GAL BA DANG RANG TSIG 'GAL BA DANG ZLOS BUR SMRA BA SOGS KYI SKYON YANG RNAM PA KUN NAS MED PAR DRI MA MED PA'I RIGS LAM LA SBYANGS PA'I MKHAS PA RNAMS KYIS GZU PO'I BLOS JI TZAM DPYAD KYANG 'DI'I THAD NAS NOR RO ZHES TSIG GCIG LA'ANG SKYON GDAGS SU MED PA DANG, THA SNYAD KYI GTZUG LAG DAG DANG YANG MI 'GAL BAR SNGON CHOS RGYAL SRONG BTZAN SGAM PO'I DUS CHOS RGYAL THUGS RJE CAN GYI BKA' LTAR 'JAM DBYANGS KYI SPRUL PA THON MIS YI GE'I BRDA CHAD 'DI LTAR BYA DGOS SO ZHES BOD KHAMS YONGS LA GDAMS PA'I BSTAN BCOS SUM CU PA DANG RTAGS 'JUG NAS JI LTAR BSHAD PA LTAR DON SO SO LA YI GE'I SNGON 'JUG SOGS THOB JI LTAR DOGS PA RNAMS CUNG ZAD KYANG MA 'PHYUGS PA DANG, SNGON GYI CHOS RGYAL LO PAn RNAMS KYIS BKAS BCAD MDZAD PA LTAR GYI CHOS KYI BRDA CHAD KHO NA LAS YUL MI RANG BZHIN PA'I PHAL SKAD DANG, RANG RANG GI YUL PHYOGS KYI SKAD SOGS KYI SKYON PHRA MO YANG MA 'DRES PAR DON BZANG BA, TSIG 'BRU BZANG BA, MA 'DRES PA, MA SBAGS

PA; YONGS SU RDZOGS PA, GDUL BYA'I RGYUD DANG 'TSAM PA ,SUS BLTAS KYANG PHAN THOGS PA SOGS RGYAL BAS CHOS KYI BSNGAGS PA JI LTAR MDZAD PA DANG RNAM PA KUN NAS MTHUN BA SHA STAG TU YOD DO, ,TSUL 'DIS KYANG RJE THAMS CAD MKHYEN PA 'DI NYID GANGS RI'I KHROD 'DIR MTSUNGS ZLA MED CING PHYI RABS KYI GDUL BYA YONGS LA BKA' DRIN ZLA MED PAR GRUB BO, ,RJE RIN PO CHE 'DI NYID KYI SKU GSUNG THUGS KYI RNAM THAR BSAM GYIS MI KHYAB PA SNGAR BRJOD PA DE LTAR YIN ZHING, 'PHRAL GYI MDZAD SPYOD KYANG SNYIGS MA'I SKYE BO SU DANG YANG MI MTSUNGS PA'I NGO MTSAR RMAD DU BYUNG BA ZHIG BZHUGS TE, RJE RIN PO CHE 'DI NYID MDO SMAD DU SKU 'KHRUNGS PA NAS MTHAR MYA NGAN LAS 'DAS PA'I BAR LA THUGS RGYUD 'KHRUGS TE GZHAN LA ZHE GCOD PA'I TSIG NGAN PA SMRA BA DE DUS KYI SKU DNGOS KYI GDUL BYA SU LA'ANG BSTAN RGYU MED CING, MTSAN NYID KYI SLOB GNYER MDZAD PA'I SKABS SU'ANG DENG SANG GI GDUL BYA PHAL CHER PHA ROL DANG RTZOD PA'I CHE PHA ROL SMA DBAB PA'I TSIG SMRA GANG THUB DANG, LUS KYI RNAM 'GYUR YANG 'GYING BA DANG KHENGS PA DANG PHA ROL GNON PA'I RNAM 'GYUR BYED PA 'DI 'DRA GTAN NAS MIN PAR RJE BLA MA 'DIS DBUS GTZANG GI GRAS CHEN PO RNAMS SU THUGS GNYER MDZAD PA DANG, GRVA SKOR MDZAD PA'I SKABS GANG DU'ANG RGOL BA PHA ROL PO LA NGAN SMRA MDZAD PA NAM YANG MI SRID CING SKU LUS KYI RNAM 'GYUR YANG ZHI ZHING DUL BA DANG 'JAM ZHING DES PA DANG,

, ,GSUNG SNYAN ZHING BRJID LA GSONG BOR SMRA BA DANG, PHA ROL BO LA PHAN BA'I TSIG KHO NA BRJOD PA LAS SKU DANG GSUNG GI RNAM 'GYUR LA SKYON CHAGS PA DE DUS SKU DNGOS SU MTHONG BA SU LA'ANG DUS 'DI'I TSE 'DI LTAR MDZAD DO ZHES BSTAN RGYU MED PA YONGS SU GRAGS PA LTAR YIN LA, DE'I DBANG GIS GRVA SA GANG DANG GANG DU BYON PA DE DANG DER RJE 'DI'I SKU MTHONG BA DANG GSUNG GI GDANGS THOS PA TZAM GYIS SNANG BA 'GYUR TE RJE 'DI'I ZHABS DRUNG DU BSNYEN TE SLOB MAR KHAS LEN PA SHA STAG BYUNG STE SKAD CIG NYID LA GANGS CAN GYI SA'I CHA THAMS CAD RJE 'DI'I SLOB MAS KHYAB PA'I DA BYUNG BA YIN NO, ,RJE 'DI LA RGYA MTSO'I GLING BAR TSUN CHAD NAS GDUL BYA 'DUS TE SA CHEN PO'I KHYON 'DI THAMS CAD SLOB MAS GANG BA DE LTA BU BYUNG YANG CHEN POR RLOM PA'I CHE 'GYING NAM YANG MI MDZAD CING, RANG NYID SHES BYA KUN LA THOGS PA MED PA'I MKHYEN PA MNGA' BA YIN YANG; SNGON BYON PA'I BSTAN 'DZIN GYI SKYES BU DAM PA RNAMS LA SKYON BRJOD NAM YANG MI MDZAD BAR DAG SNANG DANG BKA' DRIN DRAN PA'I GUS PA LHUR MDZAD DE, SNGON BYON PA'I LO TZ'A BA BKA' DRIN CAN RNAMS DANG, BSTAN PA'I GSAL BYED GRUB MTHA' RIS SU MA CHAD PA KUN LA DAG SNANG DANG GUS PA LHUR MDZAD DE SO SO'I YIG CHAR NOR 'KHRUL SOGS CI YOD KYANG DE RGYU MTSAN DU BYAS TE DAM BDE DANG DE DAG LA SKYON BRJOD PA NAM YANG MI MDZAD DE,

RJE'I MDO SNGAGS KYI GSUNG RAB JI SNYED CIG BZHUGS PA 'DI DAG GI NANG NA SNGON BYON PA'I LO TZ'A BA BKA' DRIN CAN DE DAG DANG ,SGRUB PA MDZAD PA'I SKYES BU DAM PA JI SNYED CIG BYON PA DE DAG DANG , DGE 'DUN GYI SDE 'DZUGS PA'I DAM PA GRUB MTHA' RIS MI 'DRA BA MANG PO ZHIG BYON PA DE DAG SU LA'ANG MTSAN NAS SMOS TE SKYON BRJOD PA BSTAN RGYU MED DO, ,'ON KYANG THIG RLANG POR BTAB NA KYOG PO ZUR LA THON PA CHOS NYID YIN PA LTAR RJE RIN PO CHE 'DIS RGYAL BA'I DGONGS BA SHING RTA CHEN PO KLU SGRUB DANG THOGS MED GNYIS KYIS JI LTAR BKRAL BA LTAR GTAN LA PHAB PA NA, SHING RTA CHEN POS RGYAL PA'I DGONGS PA BKRAL BA DANG MI MTHUN BAR SMRA BA RNAMS SKYON CAN DU RANG SHUGS KYIS THON 'ONG STE DE NI RJE 'DI'I SKYON DU GA LA 'GYUR TE SHING RTA CHEN PO GNYIS KYIS RGYAL BA'I DGONGS PA BKRAL BA BZHIN NO, ,GZHAN YANG RJE 'DIS SKU TSE HRIL BOR SO NAM DANG TSONG BUN BSKYED SOGS 'DUL BA DANG 'GAL BA'I LAS NAM YANG MA MDZAD DE BYA BRAL GYI SLOB MA STONG PHRAG MANG PO SKYONG DGOS PA'I TSE YANG CHOS DANG MTHUN PA'I 'TSO BA KHO NA LA SBYOR BA LAS BUN BSKYED SOGS LOG 'TSO'I RIGS LA SBAR BA DNGOS KYI GDUL BYA SUS KYANG MTHONG BA MED CING, DKON MCHOG GI MCHOD PA RLABS CHEN PO MDZAD PA DANG, DGE 'DUN GYI SDE SKYONG BA DANG , MCHOG GSUM GYI RTEN GSAR DU BZHENG BA SOGS

, ,LA MTHUN PA'I 'TSOG CHAS NGES PAR 'TSOL DOGS PA BYUNG NA RGYAL PO CHEN PO RNAM THOS SRAS LA GTOR MA PHUL TE SNGON THUB PA'I SPYAN SNGAR JI LTAR KHAS BLANGS PA LTAR RGYAL BA'I BSTAN PA SPEL PHYIR 'PHRIN LAS 'DI SGRUBS SHIG CES BSKUL BA TZAM GYIS GANG DGOS PA'I YO BYAD THAMS CAD 'BAD MED LHUN GRUB TU BYUNG BA NI SKU DNGOS KYI GDUL BYA THAMS CAD LA MTHUN SNANG DU GRUB PA'O, ,DE LTAR RJE RIN PO CHES BSTAN PA DANG GDUL BYA'I DON RMAD DU BYUNG BA RGYA CHER MDZAD PAS GANGS RI'I KHROD KYI SKAL BA DANG LDAN PA SKU DNGOS KYI GDUL BYA DAG GI DON PHAL CHER MDZAD ZIN PA NA STON PA MYA NGAN LAS 'DA' KHAR GRONG KHYER RTZVA CAN DU BYON NAS KUN TU RGYU RAB BZANG DANG DRI ZA'I RGYAL PO RAB DGA' 'DUL BAR MDZAD PA JI LTA BAR SKU TSE 'DI'I DNGOS KYI GDUL BYA'I THA MA 'GA' ZHIG GI DON BYA BAR DGONGS PA DANG, GANGS RI'I LJONGS 'DIR RGYUD KYI 'CHAD NYAN RKANG TSUGS PA'I GRVA TSANG ZHIG NGES PAR 'DZUGS BZHED PA DANG, GANGS CAN SKYE 'GRO YONGS KYI PHAN BDE'I RTZA LAG LHA LDAN SPRUL BA'I GTZUG LAG KHANG GI RTEN RNAMS LA MCHOD PA RGYA CHEN PO PHUL TE RGYAL BA'I BSTAN PA YUN RING GNAS PA'I THUGS SMON MDZAD PA SOGS DGOS PA MANG PO ZHIG GI PHYIR STOD LUNG GI CHU TSAN LA 'BYON BZHED PA LTAR BYAS TE RI BO DGA' LDAN NAS PHYAGS BTEG STE LHA SAR MCHOD PA DANG SMON LAM RNAM PAR DAG PA MDZAD NAS STOD LUNG GI CHAB TSAN KHAR BYON, 'ON KYANG CHAB TSAN GYIS NI ZHABS LA

CUNG ZAD TZAM BDUG PA LAS MA MDZAD, GTZO BOR STOD LUNG PHU MDA'I SKYE BO'I TSOGS MTHA' YAS BA DAG LA CHAS DANG BYIN RLABS KYI SKYES GNANG ZHING, DAD LDAN SO SOR BSNYEN BKUR PA DANG ZANG ZING GI DNGOS PO PHUL BA RNAMS DANG BA CAN DE DANG DE DAG GI DGE RTZA BSKYED PA'I PHYIR BZHES, ZHAL MTHONG ZHING GSUNG THOS PA TZAM GYIS KYANG DON DANG LDAN PAR MDZAD DE, SLAR 'BRAS SPUNGS SU BYON PA'I TSE 'JAM DBYANGS CHOS RJE BKRA SHIS DPAL LDAN PAS GTZOS 'DRAS SPUNGS KYI DGE 'DUN THAMS CAD KYIS MCHOD BA'I BYE BRAG SNA TSOGS BA THOGS, GSOL BA 'DEBS PA'I DBYANGS KYI NGA RO DANG BCAS BSUS, 'DU LI LA GDAN DRANGS PA'I 'DU LI'I SNA LA 'JA' TSON KHA DOG LNGA PA KUN NAS BKRA BA THAL BYUNG DU ZUG PA DANG, 'BRAS SPUNGS SU PHEBS NAS KYANG CHOS GSUNG BA'I TSE CHOS GRVA'I DBUS SU 'JA' TSON SNA LNGA PA NAM MKHA'I DBYINGS NAS KA BA BTZUG BLTAR CHES GSAL BAR ZUG BA SOGS RJE RIN PO CHE'I SKU TSE 'DI'I MDZAD PA PHAL CHER RDZOGS NAS ZHING KHAMS GZHAN DU 'BYON PAR BZHED PA NA DKAR PHYOGS KYI LHA RNAMS KYIS BSU BA'I BKOD PA BSHAMS PA DANG, LHAG PAR NAM MKHA'I DBYINGS NAS 'JA' KA BA BTZUGS BA LTAR BYUNG BA NI DGA' LDAN GYI LHA RNAMS KYIS RJE RIN PO CHE DGA' LDAN DU 'BYON PA LA BSU BA'I BKOD PA BSHAMS PA YIN BAR NGES PA DE LTA BU'I LDAS MNGON SUM DU BAB BAR GYUR LA, GZHAN YANG 'BRAS SPUNGS SU BZHUGS RING LA DGE BA'I BSHES GNYEN

, ,SDE SNOD 'DZIN PA STONG PHRAG GNYIS TZAM 'DUS SHING, SNE'U NAS ZHABS TOG DANG CI DGOS KYI PHOGS BSNYEN BKUR 'BUL NOD SOGS BSAM GYIS MI KHYAB PA MDZAD LA, DE'I TSE LAM RIM GYI KHRID, N'A RO CHOS DRUG ,DBU MA LA 'JUG PA, GSANG BA 'DUS PA'I RGYUD LA SOGS PA GSUNGS SHING, DE YANG SNGON CHAD GRONG PA'I SKYE BO PHO MO DU MA LA KHRID CHER MI GNANG, KHYAD PAR LAM RIM GYI KHRID LA'ANG 'TSOG TU MI RUNG BA LA SOGS PA'I DAM BZHAG CHE BAR YOD PA LA DE DUS GRONG PA'I SKYE BO JI TZAM ZHIG 'ONGS PA DANG, DUS NAM 'ONGS THAMS CAD LA KHYAD PAR MED PAR THA NA SPRANG PO'I TSOGS DU MA 'DUS BA YAN CHAD THAMS CAD LA LAM RIM DANG DBU MA LA SOGS BA'ANG BKAG PA MED PAR GNANG, 'BRAS SPUNGS SU SKABS SHIG NAS GZHAN PHAL MO CHE LA LKOG TU GYUR PA'I MNGON CHUNG BAR GYIS GSUNG NAS LHA BZO BA LA DAM BZHAG CHE BAR MDZAD DE BCOM LDAN 'DAS RNAM PAR SNANG MDZAD KYI DNGUL SKU CHEN PO ZHIG BZHENG BA'I ZHAL TA MDZAD, DE LTAR CHOS KYI 'KHOR LO RGYA CHER BSKOR NAS, SNGON CHAD DUS 'KHOR MA GTOGS PA'I RGYUD LA LE MTSAMS MDZAD PA'I LUGS MED PA LA DE'I TSE GSANG 'DUS KYI LE'U DGU PA'I MI BSKYOD SANGS RGYAS ZHING DAG TU, ,RGYAL BA'I SRAS SU SKYE BAR 'GYUR, ,ZHES PA'I MTSAMS SU CHOS MTSAMS MDZAD NAS, MYUR DU 'BROG RI BO CHE DGA' LDAN RNAM PAR RGYAL BA'I GLING NYID DU 'BYON BZHED PA'I ZHAL TA GNANG,

DE LA SBYIN BDAG DANG, CHOS GSAN PA RNAMS KYIS DA DUNG ZLA BA GCIG GAM ZLA PHYED TZAM DU'ANG BZHUGS NAS CHOS 'PHRO RDZOGS PAR GSUNG BA ZHIG THUGS RJES GZUNG 'TSAL, THA NA RGYUD KYI 'PHRO RNAMS BKLAGS LUNG MDZAD PA TZAM ZHIG KYANG GNANG 'TSAL ZHES GSOL BA NAN CHER BTAB KYANG GSAN DU MA BZHED NAS, DA LAN MYUR DU BTEG PA THAMS CAD LA DGA' BAS 'DEGS, RGYUD DANG LAM RIM 'PHRO LA 'JOG PA'I 'DUN PA KHA SING DU BTANG TSAR GSUNG NAS CHOS MCHAMS MDZAD DE, DE YANG DA DUNG DU SNGAGS DANG MTSAN NYID KYI GSUNG SGROS KYI BSHAD RGYUN RDZOGS PA MED PAR 'PHRO RING DU GNAS PA'I RTEN 'BREL BSGRIG PA'I DGONGS PA MDZAD, DE NAS LHA SAR PHYAGS BTEG, JO BO RIN PO CHE'I DRUNG DU BYON TE PHYAG DANG MCHOD PA DANG SMON LAM RNAM PAR DAG BA RGYA CHER MDZAD NAS DA DUNG YANG BSTAN PA RIN PO CHE YUN RING DU GNAS PA'I GSOL 'DEBS SHUGS DRAG MDZAD, DE NAS BYAMS CHEN CHOS RJE SH'AKYA YE SHES PAS SPYAN DRANGS TE SER CHOS SDINGS SU BYON, BYAMS CHEN CHOS RJE DPON SLOB RNAMS KYIS BSNYEN BKUR DANG MCHOD PA TSAD MED PAS MCHOD, BYAMS CHEN CHOS RJE LA SER RA SHING RTA CHEN PO'I GZHUNG LUGS RNAMS LA 'CHAD NYAN GYI BSTAN PA RGYA CHER SPEL BGOS PA'I ZHAL TA MANG DU GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAM PAR DAG PA YONG YE RNAM PA THAMS CAD DU NUB PAR GYUR NAS RING ZHIG LON, RJE RANG NYID KYIS

, ,BSHAD PA RNAM PAR DAG PA MDZAD PA'I GSUNG GI BDUD RTZI NYAMS SU MYONG PAS BLO GROS KYI LUS YONGS SU TSIM PA MANG DU BYON MONG KYI, DE LTA NA'ANG DA DUNG RGYUD SDE'I 'CHAD NYAN RKANG TSUGS PA'I GRVA SA THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN BA 'BA' ZHIG LA DGONGS PA'I THUGS KYI 'DUN PA SHUGS DRAG POS BYAMS CHEN CHOS RJE LA SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA GNAS NAS DPAL GSANG BA 'DUS PA DANG BDE MCHOG GNYIS KYI BSHAD SGRUB RKANG TSUGS PA'I RGYUD GRVA ZHIG 'DZUGS DGOS PA'I ZHAL TA GNANG STE SE RA CHOS SDINGS SU CHOS RJE BAS THUGS KHUR CHES CHER BZHES NAS, GZHI 'DUL BA'I BSLAB KHRIMS RNAM PAR DAG PA LA BRTEN TE, DPAL GSANG BA 'DUS PA DANG BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG CHOS DPON BSKO BA LA SOGS PA MDZAD CING, RTEN 'BREL KHYAD PAR CAN BSGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS SO, ,DE NAS RIM GYIS YAR LAM BDE CHEN RTZER PHYAGS PHEBS, DER YANG BRAG DKAR RDZONG DBON PA YAB YUM LA DPAL GSANG BA 'DUS PA DANG 'KHOR LO BDE MCHOG GNYIS KYI BSHAD GRVA RNAM PAR DAG PA TSUGS PA'I GRVA TSANG ZHIG 'DZUGS DGOS PA'I

ZHAL TA BYON ZHING, KHONG PAS KYANG DAD PA CHEN POS DGA' SPRO DANG BCAS TE BKA'I KHUR SPYI BOS MNOS NAS BDE CHEN RTZER DPAL GSANG BA 'DUS PA DANG 'KHOR LO SDOM PA GNYIS KYI 'CHAD NYAN RNAM PAR DAG PA RKANG TSUGS PA GZHI 'DUL BA'I BSLAB KHRIMS PHYAG SROL MA NYAMS PA LA BRTEN PA'I GRVA SA BTZUGS, RJE RANG NYID KYIS KYANG MTHUN RKYEN GYI NAS GZHI 'DZUGS PA SOGS KYI RKYEN DU BAB PA'I YO BYAD DPAG TU MED PA'I GNANG SBYIN MDZAD CING RDZONG DPON PAS BDAG RKYEN PHUN SUM TSOGS PA'I THUGS KHUR BZHES SO, ,DE NAS GNAS DE NYID LA RAB TU GNAS PA ZHUS PAS, DA LAN MIN PA RAB GNAS BYED PA MI 'ONG BAS DA LAN RGYAS PA ZHIG BYED DGOS GSUNG NAS RAB TU GNAS PA RGYAS PAR MDZAD DE, GNAS DE NYID KYI GTZUG LAG KHANG DE LA GSANG SNGAGS MKHAR ZHES BYA BAR MING DU GDAGS PA'ANG MDZAD DO, ,DE NAS BRAG DKAR DU BYON, DE NAS GRU BZHIR GDAN 'DREN ZHUS NAS BYON TE, DE YANG 'BRAS SPUNGS NAS PHYAGS BTEG NAS DGA' LDAN DU MA PHEBS KYI RING LA GANG DU SPYAN DRANGS PA THAMS CAD DU DA YANG YANG 'ONG BA MI 'ONG BAS DA LAN 'GRO DGOS GSUNG NAS ZHAL GYIS BZHES PAR MDZAD DO, ,GRU BZHIR PHEBS PA'I NUB GAndI BRDUNGS PA'I SGRA CHEN PO GRAG PAS THAMS CAD THE TSOM DU GYUR NAS BRTAGS KYANG, MI ZHIG GIS BRDUNGS PA MA YIN PAR NGES PA TZAM DU ZAD KYI, GZHAN DU NA RDUNG BAR BYED PA SU ZHIG GIS GNAS GANG DU BRDUNGS PA SOGS GANG DU'ANG BRTAG PAR MI NUS PAR YUN RING DU SGRA SHIN TU GRAG

, ,CING GSANG MTHO BA RDUNG BAR BYED PA ZHIG BYUNG NGO, ,GZHAN YANG 'BRAS SPUNGS NAS YAR LA PHYAGS MA BTEG PA'I GONG TZAM GYI SKABS SU'ANG, SA CHEN PO GLO BUR NYID DU G-YO BA DANG, NAM MKHA'I DBYINGS MTHA' MI MNGON PA'I LAM RING PO NAS 'ONGS PA'I 'JA' TSON RNAM PAR BKRA BA MTHA' YAS BA RI BO DGA' LDAN GYI RTZE LA YANG DANG YANG DU ZUG PA BYUNG STE, DE NI RJE RIN PO CHE 'DI NYID 'OD GSAL CHOS SKU MNGON DU MDZAD NAS GZUGS KYI SKUR BZHENG BA DANG MNYAM DU PHYOGS BCU'I ZHING RAB 'BYAMS THAMS CAD DU SPRUL PA 'GYED PAR MDZAD BAS, PHYOGS BCU'I SANGS RGYAS KYI ZHING DAG NAS MCHOD RDZAS SNA TSOGS THOGS PA'I LHA BGRANG BA LAS 'DAS PAS BSU BA BYAS PA YIN PAR GDON MI ZA STE, DPAL 'KHOR LO SDOM PA'I RTZA RGYUD LAS, 'KHOR LO SDOM PA'I RNAL 'BYOR PA DAM TSIG DANG SDOM PA TSUL BZHIN DU BSRUNG BA DAG 'CHI BA'I DUS BYED PA NA DPA' BO DANG DPA' MO BGRANG BA LAS 'DAS BAS MCHOD PA'I BYE BRAG SNA TSOGS BA THOGS TE MKHA' SPYOD DU 'KHRID PAR GSUNGS NA, RJE BDAG NYID CHEN PO 'DI LTA BU 'OD GSAL CHOS SKU MNGON DU MDZAD NAS ZUNG 'JUG GI SKUR BZHENGS PA LA PHYOGS BCU'I DPA' BO DANG DPA' MO THAMS CAD KYIS MCHOD PA BYED PA DANG, ZHING GANG DANG GANG DU BYON PA DE DANG DER MCHOD PA'I BYE BRAG SNA TSOGS THOGS PAS BSU BA BYED PA LTA CI SMOS SO, ,DE NAS GRU BZHI NAS PHYAGS BTEG NAS DGE LDAN DU PHEBS PA NA THOG MAR YANGS PA CAN GYI GTZUG LAG KHANG CHEN POR BYON TE 'DIR NGA YANG

YANG 'ONG BA MI 'ONG BAS MCHOD GTOR RGYA CHER SHOMS GSUNGS NAS STON PA'I SKU DANG, GZHAL YAS KHANG RNAMS DANG, YI DAM GYI DRUNG DU MCHOD PA DANG GTOR MA RGYA CHER MDZAD DE GSOL BA GDAB PA DANG SMON LAM GYI RIM PA LA SOGS PA MANG DU MDZAD, DE NAS 'DU KHANG DU DGE 'DUN GYI MANG JA 'DREN PA ZHIG GIS GDAN DRANGS PAS TSOGS KYI DBUS SU PHEBS TE SBYIN BDAG SOGS KYI CHED DU ZHU BA SU'ANG MED PAR BDE BA CAN GYI SMON LAM RGYAS PA DGE 'DUN TSOGS PA RGYA MTSO'I DBUS SU SHIS BRJOD DANG BCAS PA MDZAD DE, PHYI RABS KYI GDUL BYA RNAMS LA RJE NYID KYIS JI LTAR GSUNGS PA'I MDO SNGAGS YONGS SU RDZOGS PA'I LAM SROL BZANG PO 'DI NYID MI NYAMS SHING GONG NAS GONG DU 'PHEL BA'I RTEN 'BREL BSGRIG PA'I PHYIR 'DUS PA RGYA MTSO'I DBUS SU BYON NAS THUGS SMON DANG BKRA SHIS DE LTAR MDZAD DO, ,DE NAS GZIM KHANG DU PHEBS TE BZHUGS GDAN LA BZHUGS PA NA, DA NI RANG RE'I DGON PA RANG DBANG THOB PA 'DIR SLEB BYUNG BAS BLO BDE'O, ,ZHES BKA' STZAL, DE'I NYIN MO 'DAS PA'I MTSAN MO'I GUNG THUN LA BAB PA TZAM NAS SKU KHAMS CUNG ZHIG BSNYEL BA'I TSUL BSTAN TE, DE'I SANG NYIN NAS DGE 'DUN THAMS CAD KYIS KYANG SKU RIM LA 'BAD PA 'DON PAR MDZAD, DE LTA NA'ANG SANG GI NYI PHYED TZAM BAR DU SKU LUS KYI CHA SO SO LA BSNYUN ZUG TU MNGON BA CUNG ZAD YOD GSUNG BA MA GTOGS DE NAS BSNYUN ZUG KYANG CHEN PO MED PAR CUNG ZAD THUGS NYOG PAR GSAL TZAM GYI BAR LA NYIN ZHAG GNYIS

, ,KYI RING DU SKU RIM BSGRUBS, DE'I TSE SRAS KYI THU BO RJE DAR MA RIN CHEN LA BSTAN PA'I BYA BA MDZAD TSUL 'DI LTAR DGOS BYA BA LA SOGS PA'I ZHAL TA ZHIB PAR SNGA MO NAS GNANG TSAR BAS DE'I TSE RGYAS PAR MA GSUNGS SHING, DBU ZHVA SNA RING DANG GOS BER ZHIG GNANG STE DON GYIS RGYAL TSAB TU BSKO PAR MDZAD, GNAS BRTAN RIN CHEN RGYAL MTSAN PA LA SOGS PA SKU DRUNG NA 'KHOD PA LA, TSUL 'DI SHES PAR GYIS LA BYANG CHUB KYI SEMS SGOMS SHIG CES SOGS TZAM GSUNG, GZHAN SKU KHAMS CUNG ZAD BSNYEL BA'I TSUL BSTAN PA'I RING LA'ANG SNGAR GYI THUN BZHI'I RNAL 'BYOR DANG BDAG 'JUG LA SOGS PA'I THUGS DAM GYI RIM BA RNAMS 'CHAG MED DU MDZAD PA DANG , GZHAN YANG GTZO BOR NANG GI TING NGE 'DZIN LA MCHOG TU GZHOL BA'I THUGS DAM LA KHOR YUG TU BZHUGS BAR GYUR TO, ,DE NAS NYI SHU BZHI'I DGONGS MO BCOM LDAN 'DAS BDE MCHOG 'KHOR LO'I MCHOD PA RGYAS BA ZHIG MDZAD DE DE'I TSE KA B'A LA MAR MED PA CIG KHYER SHOG GSUNG NAS DER NANG MCHOD BYIN RLABS RGYAS PA ZHIG MDZAD DE, BDAG NYID KYIS BDUD RTZI MYANG BA LAN SUM CU RTZA GNYIS SAM, BCU DRUG PHRAG GNYIS SU MDZAD PA LA, DE YANG BDE MCHOG GI MCHOD PA DE DANG 'BREL BAS DE NYID KYI DBANG DU MDZAD PA YIN LA RAG CING, GZHAN DU NA LHA'I 'KHOR LO 'DI 'DRA BA ZHIG GI DBANG DU MDZAD NAS BDUD RTZI MYANG BA MDZAD DO ZHES BYA BAR NI SUS KYANG KHONG DU MA CHUD DE, SKU DRUNG NA

'KHONG PA KHA CIG NI GRANGS LA DPAGS NAS BCOM LDAN 'DAS DPAL GSANG BA 'DUS PA'I SGO NAS MDZAD PAR YANG RTOG GO ,GZHAN YANG DE DAG GI TSE YI DAM GYI KHYAD PAR MNGON SUM DU GZIGS PA LA SOGS PA'I GZIGS SNANG KHYAD PAR CAN MANG DU YOD PA'I RNAM PA DU MA MNGON MOD KYI, SKU DRUNG NA 'KHOD PA DAG GIS JI LTAR MCHIS PA ZHU BAR MA NUS SO, ,DE NAS MTSAN MO'I RING LA THUGS DAM LA RTZE GCIG TU BZHUGS TE, DE YANG PHYI ROL NAS MNGON PA LA RDO RJE BZLAS PA LA SOGS PA MDZAD PA SHAS CHE BAR MNGON NO ZHES ZER TE, MDOR NA 'CHI BA 'OD GSAL CHOS SKU DANG SRE BA'I MAN NGAG RNAMS THUGS NYAMS SU BSTAR BA YIN PAR NGES SO, ,DE'I SANG NYIN NYI SHU LNGA'I SNGA DRO DANG PO NAS ZHABS RDO RJE SKYIL MO KRUNG DU MDZAD, PHYAG GNYIS MNYAM PAR BZHAG STE THUGS DAM LA RTZE GCIG TU BZHUGS PA LAS NYI MA SHAR RJES TZAM LA STONG PA GSUM RIM GYIS THIM NAS THAMS CAD STONG PA 'OD GSAL DON DAM PA'I BDEN PA MNGON DU MDZAD DE NANG DU 'OD GSAL CHOS SKU MNGON DU MDZAD PA DANG DUS MNYAM DU PHYI'I SKU LUS 'GYUR TE, ZHAL GYI DKYIL 'KHOR DE GANG CUNG ZAD SKU KHAMS BSNYEL BA SOGS KYIS SNGAR LAS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU ZHAL GYI DKYIL 'KHOR ZLA BA LTAR RGYAS PAR GYUR TE SKU'I CHA THAMS CAD 'OD KYI LUS CAN GYI LHA BU GZHON NU LTAR GYUR CING, SKU'I SHA ZHU BA DANG, LTAR LTAR POR GYUR PA DANG, KHAM KHUM DU GYUR PA LA SOGS PA CUNG ZAD KYANG MED LA, SNGAR GYI SKU'I GNYER MA RNAMS KYANG SKRA'I RTZE MO

, ,BRGYAR BSHAGS PA'I TSOD TZAM DU'ANG THAMS CAD KYI THAMS CAD DU MED PAR GYUR TE BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG NI SKU'I 'OD DMAR SER DU SNANG NGO ZHES ZER, KHA CIG NI DKAR SER DU SNANG NGO ZHES ZER, KHA CIG NI GSER BTZOM LTA BUR SNANG NGO ZHES ZER TE, LO BCU DRUG LON PA'I NA TSOD DANG LDAN PA'I LHA'I LUS CAN, JI LTAR 'JAM DPAL GZHON NUR GYUR PA RGYAN DANG CHA LUGS SPANGS NAS NANG DU YANG DAG 'JOG LA MNYAM PAR BZHAG PA JI LTA BA DE LTAR GYUR TO, ,'DI NI CHOS NYID YIN TE THEG PA THUN MONG BA LA YANG, GANG GI RGYUD LA MTHONG BA'I LAM SKYES PA DANG, DGRA BCOM PA MNGON DU BYAS PA LA SOGS BA'I SGO NAS BDUD RTZI THOB PAR GYUR PA NA, DBANG PO YONGS SU GSAL ZHING, BZHIN GYI MDOG NI DAG LA, PAGS PA'I MDOG NI DKAR BA LA SOGS PA LUS KYI MDANGS SNGAR LAS GNAS 'GYUR BA 'BYUNG BAR 'DUL BA LUNG LAS GSUNGS SO, ,DE BAS NA RJE 'DI YANG DE'I TSE 'OD GSAL DON DAM PA'I BDEN BA MNGON DU MDZAD DE, 'CHI BA CHOS KYI SKUR BSGYUR BA'I SGO NAS BAR DO SGYU MA'I SKUR BZHENGS TE, BAR DO LONGS SPYOD RDZOGS PA'I SKU MCHOG GI DNGOS GRUB KYI GO 'PHANG MTHAR THUG PA MNGON DU MDZAD PA YIN NO ZHES NANG THUGS KYI SRAS GCIG MKHAS GRUB SMRA BA'I NYI MA DANG GRUB CHEN 'JAM DPAL RGYA MTSO SOGS RJE'I THUGS SRAS RNAMS MTHUN PAR GSUNG NGO, ,DE LTAR RJE RIN PO CHES 'OD GSAL CHOS SKU MNGON DU MDZAD NAS 'OD GSAL DE LAS BZHENGS PA

DANG DUS MNYAM DU MTSAN DPES SPRAS PA'I GZUGS KYI SKU 'DUS PA'I RTZA RGYUD LAS, DPAG TSAD BRGYA YI KHYON TZAM DU, ,RDO RJE 'BAR BA'I 'OD DAG GIS, ,RGYAN RNAMS KUN GYIS BRGYAN PA YI, ,DAG PA'I BDAG NYID SNANG BAR 'GYUR, , TSANGS PA DRAG PO LA SOGS LHAS, ,NAM AANG MTHONG BAR MI NUS SO, ,ZHES GSUNGS PA LTAR NAM MKHA'I DBYINGS THAMS CAD 'OD ZER GYI DRA BAS 'GENGS SHING, TSANGS PA DANG BRGYA BYIN LA SOGS PA'I LHA MTHU BO CHE DAG GIS KYANG MTHONG BAR MI NUS NA GZHAN DAG GIS LTA CI SMOS PA YE SHES KYI SKU NAM MKHA' MA ZAD KYI BAR DU 'GYUR BA MED PA, GSUNG TSANGS PA'I DBYANGS LA 'GAG PA MED PA, THUGS BDEN PA GNYIS MNGON SUM DU GZIGS PA LAS NAM YANG NYAMS PA MED PA, SKU LAS SPRUL PA PHYOGS BCUR SPROS PAS NAM MKHA'I DBYINGS THAMS CAD KHYAB PAS SEMS CAN RNAMS LA GANG LA GANG 'DUL GYI DON MDZAD BZHIN DU ZHING 'DI'I GDUL BYA RNAMS KYI DON DU SNGAR LHAG PA'I LHA MANG POS LUNG BSTAN PA LTAR DGA' LDAN CHOS KYI PHO BRANG DU PHEBS NAS RJE BTZUN BYAMS PA MGON PO'I SRAS KYI THU BO'I TSUL BZUNG BA 'JAM DPAL SNYING PO ZHES BYA BA DGA' LDAN GYI LHA RNAMS KYIS GTZOS PHYOGS BCU'I ZHING NAS 'DUS PA'I GDUL BYA SA'I RDUL DANG MNYAM PA DGE LA THEG PA CHEN PO'I CHOS KYI DGA' STON 'GYED CING BZHUGS SO, ,DE NAS SRAS KYI GTZO BO RNAMS KYIS GTZOS DGA' LDAN DU SNYUG MAR GNAS PA RNAMS DANG, PHYOGS PHYOGS NAS 'DUS PA'I DAD LDAN BGRANG

, ,BA LAS 'DAS PA DAG DANG, DKAR PHYOGS KYI LHA DANG KLU LA SOGS PAS DANG BAR SNANG GI KHYON THAMS CAD YONGS SU GANG BA'I DAD LDAN DAG GIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE RJE RIN PO CHES GANGS RI'I KHROD 'DIR RGYAL BSTAN YONGS RDZOGS GSAR DU 'DZUGS PAR MDZAD PA 'DI NYID NAM YANG RGYUN MI 'CHAD CING MI NYAMS PAR GNAS PA'I RTEN 'BREL DU SKU GDUNG RIL PO TZAN DAN GYI SGROM GYI NANG DU BZHUGS, DE YANG RIN PO CHE'I SGROM GYI NANG DU BZHUGS TE DGA' LDAN RNAM PAR RGYAL BA'I GLING NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BZHUGS SO, ,DE LTAR RJE RIN PO CHES SANGS RGYAS 'JIG RTEN DU SLAR BYON PA LTAR MDO SNGAGS KYI BSTAN PA YONGS SU RDZOGS PA RGYA CHER SPEL BAR MDZAD PAS RGYUD 'DZIN GYI SLOB MA PHYOGS KYI THA GRU KUN TU BZHUGS PAS MTHA' DAG BRJOD PAR SU ZHIG GIS NUS, BSIL LDAN GYI LJONGS 'DIR BSTAN PA 'DZIN SKYONG SPEL GSUM MDZAD PA'I BSTAN 'DZIN CHEN PO JI SNYED BYON PA DAG KYANG BGRANG BAR MI NUS LA, SNGON GYI MKHAS PA DAG GIS GTZO BO DAG LAS PHYOGS TZAM RE BRJOD PA LA'ANG MANG DU MCHIS SHING, BRJOD TSUL 'ANG MI 'DRA BA MANG DU SNANG STE, MKHAS GRUB NOR BZANG RGYA MTSOS NI RJE'I THUGS SRAS BSAM GYIS MI KHYAB PA BYUNG BA RNAMS KYI NANG NAS KHYAD PAR DU 'PHAGS PA 'GA' ZHIG BRJOD PA NI, GTZANG NAS RGYAL TSAB DAR MA RIN CHEN SOGS

DGU; DBUS NAS 'DUL 'DZIN GRAGS PA RGYAL MTSAN SOGS BCU GSUM, KHAMS NAS TSA KHO MKHAN CHEN NGAG DBANG GRAGS PA SOGS LNGA, MNGA' RIS NAS BYANG SEMS SHES RAB BZANG PO SOGS LNGA RNAMS GTZO BOR MDZAD DE, DE DAG GI MTSAN RNAMS NI MKHAS GRUB NOR BZANG RGYA MTSO NYID KYIS MDZAD PA'I RJE'I BU SLOB BYUNG TSUL DU GSAL LO, ,RJE RIN PO CHE LA MI PHYED PA'I DAD PA CAN BZANG BZANG NE RING PA 'CHI MED RAB RGYAS KYIS NI RJE'I THUGS SRAS GTZO BO RNAMS BSDUS PA'I SDOM 'DI LTAR MDZAD DE, LUNG BSTAN RNAM DAG YOD PA'I BU CHEN THUGS SRAS BDUN, SNGON DUS BYA BRAL MDZAD DUS KYI PHYAGS PHYI BA BLOS BTANG BRGYAD, SKU BSNYUN DUS BSNYUN G-YOG DANG, SKU RIM RKANG TSUGS MDZAD PA'I BU CHEN BDUN; GDAN SA'I LUGS GNYIS SPEL BA'I BU CHEN MKHAS GRUB BRGYAD, YI GES THUGS ZIN PA'I BU CHEN GSUM, 'PHRIN LAS RTZOD PA MED PA'I BU CHEN GSUM, SGRUB PA GTZO BOR MDZAD PA'I BU CHEN RTOGS LDAN GYI MTSAN CAN BZHI DANG; RI SGRUB GNYIS, GZHUNG LUGS RAB 'BYAMS MKHYEN PA'I MKHAS MCHOG GNYIS, STOD SMAD KYI SHES RAB BZANG PO RNAM GNYIS, BYANG SEMS RNAM GNYIS, SEMS DPA' RNAM GNYIS, GRAGS PA RNAM GNYIS, BKA' BAB KYI BU CHEN DRUG, SDE DPON GRUB THOB KYI BU CHEN RTZOD MED GSUM, RIGS RUS KHUNGS BTZUN GYI MKHAS GRUB RNAM PA GSUM, RGYAL TSAB BSTAN 'DZIN GYI BU CHEN RIN PO CHE RNAM PA GSUM, SDE DPON THUGS GROL GYI MKHAS PA

, ,GCIG ,BYA BTANG SBAS PA'I GRUB THOB GCIG ,MKHAS MCHOG YONGS GRAGS KYI CHOS RJE GNYIS, BYA BTANG YONGS GRAGS KYI GRUB THOB GCIG CES SDE TSAN TSOMS SU BGRANGS SO, ,DE DAG SO SO'I MTSAN DANG NGOS 'DZIN NI KHONG PAS MDZAD PA'I RJE'I RNAM THAR GSER GYI MCHOD SDONG DU GSAL LO, ,PAn CHEN BSOD NAMS GRAGS PAS MDZAD PA'I CHOS 'BYUNG YID KYI MDZES RGYAN DU RJE RIN PO CHE'I SLOB MA GTZO BO DAG SDE TSAN DU BYAS NAS TSOMS SU BSDUS PA NI, BLA MA CHOS 'BREL GSAN PA GSUM, BYA BRAL LA MA PHEBS GONG GI SLOB MA LNGA TSAR BZHI, BYA BRAL LA THEGS DUS KYI 'KHOR DAG PA RNAM BRGYAD, SRAS KYI THU BO GNYIS, GNYIS PO DE'I STENG DU 'JAM DKAR BA BSNAN TE GSANG BDAG GIS LUNG BSTAN PA'I 'KHOR KHYAD 'PHAGS GSUM, NANG THUGS KYI SRAS GCIG ,'PHRIN LAS NAM MKHA' DANG MNYAM PA'I BU CHEN BZHI, DBUS GTZANG BSTAN PA'I SGRON ME BCU, GZHAN DON LHUN GYIS GRUB PA'I SEMS DPA' DRUG ,MI DBANG GTZUG NA MDZES PA'I TI SHR'I GNYIS, RGYA CHEN MANG DU THOS PA'I DBON SRAS GNYIS, SBYANGS PA'I YON TAN 'DZIN PA'I COG PU BA CHE CHUNG GNYIS, RNAM DPYOD PHUL DU BYUNG BA'I MKHAS PA GNYIS, BSTAN BA PHYOGS MTHAR SKYONG BA'I DAR CHEN DRUG ,SKAD GNYIS SMRA BA'I LO TZ'A BA GNYIS, SA SKYONG CHOS RJE DRUG ,GSUNG RAB MANG DU MKHYEN PA'I BSTAN 'DZIN BRGYAD, MDO RONG GI MKHAS PA BZHI, MKHA' SPYOD GRUB PA'I GDUNG RGYUD GNYIS, YA MTSAN

CAN GYI SKYES BU GNYIS, SKYE DGU'I GTZUG RGYAN SPYAN SNGA BRGYAD, KHRI STENG MDZES PA'I BLA CHEN BZHI, TSOGS PA SKYONG BA'I MKHAN PO BZHI, SDE DGON PHRA MO'I CHEN PO LNGA, DBANG BZHI SKUR BA'I CHOS BSGO BA GNYIS, LUNG RIGS SMRA BA'I DKA' BCU BA BZHI, TSIG DON SMRA BA'I DKA' BZHI PA BCU, BRTUL ZHUGS 'DZIN PA'I JO STAN BZHI, TSUL KHRIMS RNAM PAR DAG PA'I GNAS BRTAN DRUG ,TSE BLOS BTANG GI RTOGS LDAN LNGA, LHA GZIGS GRAGS PA RGYA MTSO SOGS BSTAN 'DZIN BCO LNGA RNAMS SDE TSAN DU BYAS TE BGRANGS SO, ,'DI DAG GI MTSAN DANG NGOS 'DZIN RNAMS CHOS 'BYUNG DE NYID DU GSAL LO, ,'DIR NI THAMS CAD BRJOD PAR MI NUS KYIS SRAS KYI THU BO GNYIS SOGS YONGS SU GRAGS PA 'GA' ZHIG GI RNAM THAR BRJOD PAR BYA'O, ,DE LA SRAS KYI THU BO RGYAL TSAB DAR MA RIN CHEN NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD PA RLABS PO CHE LA SLOB BZHIN PA LAS, ZHING 'DIR 'JAM MGON BLA MA'I BSTAN PA SPEL BA'I SLANG DU SMON LAM GYI MTHUS BYON PA ZHIG STE, SEMS DPA' CHEN PO 'DI GANG DU 'KHRUNGS PA'I YUL NI, DAM PA DU MAS BYIN GYIS BRLABS SHING BKRA SHIS PA'I DGE MTSAN DU MA DANG LDAN PA GTZANG MYANG STOD KYI SA'I CHA RI NANG ZHES BYA BA STE RI NANG GI LUNG LAG MDZO CHAD CES BYA BAR YAB BLON PO RNGA'I RIGS RGYUD RTA DPON PA DANG, YUM JO MO SHES RAB CES BYA BA'I SRAS SU RAB BYUNG DRUG PA'I SHING PHO 'BRUG GI LO LA BKRA SHIS PA'I DGE MTSAN DU MA DANG BCAS TE 'KHRUNGS, DGUNG

, ,LO BCU BZHES PA CHU MO GLANG GI LO GDAN SA CHEN PO GNAS RNYING DU MKHAN CHEN RIN CHEN RGYAL MTSAN PA DANG, BRAG THOG PA GZHON NU TSUL KHRIMS GNYIS LA MKHAN SLOB ZHUS NAS TSIGS SNGAM DAG TSUL GYI SDOM PA MNOS, MTSAN DAR MA RIN CHEN ZHES GSOL, DE NAS MKHAN SLOB KYI SPYAN SNGAR JI LTAR ZHAL GYIS BZHES PA'I SO THAR GYI BSLAB BYA RNAMS MIG GI 'BRAS BU LTAR BSRUNG ZHING SLOB DPON DPAL MGON PA'I DRUNG DU YI GE 'DRI KLOG PHUL DU PHYIN PAR BSLABS, DE NAS MKHAS PA'I DBANG PO KUN DGA' DPAL YONGS 'DZIN DU BSTEN TE TSAD MA RNAM 'GREL DANG TSAD MA RNAM NGES CHA LAG DANG BCAS PA LA SBYANGS, DE NAS MKHAS PA'I DBANG PO RI NANG PA RIN CHEN RDO RJE YONGS 'DZIN DU BSTEN TE PHAR PHYIN GYI GZHUNG RNAMS LA SBYANGS, DE NAS MKHAS PA'I DBANG PO BRAN MA BRAG KHA BA CHOS RJE DON GRUB RIN CHEN GYI DRUNG DU MNGON PA LA SBYANGS, 'DI RJE RIN PO CHE'I DGE TSUL GYI MKHAN PO CHOS RJE DON GRUB RIN CHEN ZHES PA DE MIN GYI DE DANG MTSAN GCIG PA MYANG STOD PA ZHIG GO ,DE NAS MKHAS PA'I DBANG PO BLO GROS BZANG PO'AM DKA' BZHI PA BLO GSAL ZHES YONGS SU GRAGS PA DE'I DRUNG DU 'DUL BA LA SBYANGS, GZHAN YANG LO CHEN SKYABS MCHOG DPAL BZANG DANG, SHANGS PA KUN MKHYEN PA SOGS DGE BA'I BSHES GNYEN DU MA LA MDO SNGAGS KYI CHOS MANG DU GSAN, KHYAD PAR GANGS CAN GYI SHING RTA CHEN PO RJE BTZUN RED MDA' PA'I ZHABS RDUL SPYI BOS BSTEN TE PHAR PHYIN TSAD MA 'DUL BA MNGON PA DBU MA

SOGS MDO PHYOGS KYI GZHUNG RNAMS DANG DPAL GSANG BA 'DUS PA SOGS SNGAGS KYI GZHUNG RNAMS PHAL CHE BA GSAN TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PA'I MKHAS PA'I DBANG POR GYUR TE RJE BTZUN RED MDA' PA'I SRAS KYI THU BO GZHUNG LUGS RAB 'BYAMS SHES PA'I BSHES GNYEN BDUN GYI NANG TSAN GCIG YIN NO, ,DE NAS DPAL LDAN SA SKYA SOGS GTZANG PHYOGS KYI CHOS GRVA CHEN PO RNAMS SU DKA' BCU'I GRVA SKOR MDZAD DE SNYAN PA'I GRAGS PAS SA'I STENG KHYAB PAR GYUR TO, ,DE NAS DGUNG LO NYER LNGA BZHES PA SA PHO 'BRUG GI LO LA GTZANG LA STOD LDOG LHO PA CHOS RJE KUN DGA' DPAL BAS MKHAN PO, RJE BTZUN RED MDA' PAS LAS SLOB, RJE GANGS CAN KUN DGA' DPAL BAS GSANG STON MDZAD, 'DUL BA 'DZIN PA DPAL LDAN BLO GROS DANG BLO GROS MTSUNGS MED SOGS DAD PA'I DGE 'DUN NYER GNYIS KYI DBUS SU BSNYEN PAR RDZOGS PA'I SDOM PA RNAM PAR DAG PA MNOS NAS BSLAB PA RIN PO CHE MIG GI 'BRAS BU LTAR GCES SPRAS SU MDZAD DE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DBUS PHYOGS KYI GRVA SA RNAMS SU GRVA SKOR MDZAD DE RTZES DANG GI GRVA SKOR GRUB NAS RJE RIN PO CHE GNYAL STOD RA GRONG DU BZHUGS PA'I TSE MJAL DU BYON, ZHAL GYI DKYIL 'KHOR MTHONG BA TZAM GYIS DAD PA'I SPU LONG G-YOS SHING, SKU MDUN DU BZHUGS TE CHOS KYI BKA' MCHID STZOL BAR ZHUS PAS RJE RIN PO CHES SEMS DPA' CHEN PO 'DI RIN PO CHE LTA BU'I GDUL BYAR GZIGS NAS GSUNG

, ,RAB DGONGS 'GREL DANG BCAS PA'I SNYING PO'I DON LAM GYI DKA' GNAS RNAMS DRI MA MED BA'I RIGS PA'I LAM NAS DRANGS TE RGYA CHER GSUNGS PAS YID CHES KYI DAD PA BRTAN PO 'KHRUNGS TE 'DI LTA BU'I DAM PA'I MGON LA BRTEN PA LAS LHAG PA GANG YANG MA MCHIS SHING, RGYAL BA'I GDUNG 'TSOB BSHES GNYEN DAM PA 'DI LTA BU BOR NAS GZHAN DU 'GRO BA GA LA RIGS SNYAM DU ZHABS KYI PADMO LA SPYI BOS GTUGS TE DA NAS BZUNG STE JI SRID 'TSO'I BAR DU ZHABS KYI PADMO LA BRTEN CHOG PA DGOS ZHES GSOL BA NAN CHER BTAB PAS RJE RIN PO CHES KYANG DGYES BZHIN DU ZHAL GYIS BZHES, DE NAS BZUNG STE RJE RIN PO CHE'I ZHABS DRUNG DU BCAR BZHUGS MDZAD NAS BYANG CHUB LAM GYI RIM PA'I KHRID DANG, BSKYED RDZOGS KYI KHRID SOGS MDO SNGAGS KYI LUNG KHRID MAN NGAG THAMS CAD YONGS SU RDZOGS PA GSAN, DE YANG THUGS RAB KYI RLABS PHUL DU PHYIN PAS RJE RIN PO CHES CHOS GANG GSUNGS THAMS CAD LAN RES BUM PA GANG BYO LTA BUR THUGS LA CHUD DE, RJE RIN PO CHES GNAM TZENG LTENG DU 'DUL BA'I BSLAB BYA RGYAS PAR GSUNGS PA'I TSE GANG GSUNGS THAMS CAD THUGS SU CHUD DE, DE MA THAG ZIN BRIS SU BTAB PA BSLAB BYA GNAM TZENG LTENG MAR YONGS SU GRAGS PA DANG, RJE RIN PO CHES SE RA CHOS SDINGS SU MA RGYUD RDZOGS RIM DPYID THIG GSUNG BA'I TSE GANG GSUNG THAMS CAD THUGS SU CHUD DE DE MA THAG ZIN BRIS SU BTAB PA RDZOGS RIM DPYID KYI THIG LE'I

ZIN BRIS LTA BU'O, ,DE NAS SA MO GLANG GI LO CHO 'PHRUL MCHOD PA GRUB RJES DGA' LDAN RNAM PAR RGYAL BA'I GLING 'DEBS PAR MDZAD TSE SEMS DPA' CHEN PO 'DI DANG 'DUL 'DZIN GRAGS PA RGYAL MTSAN GNYIS KYIS KHUR BZHES TE DGE 'DUN LA GNANG BZHU BA DANG, RDO BTEG PA'I MTHA' LAS BYUNG BA'I RUNG KHANG GCOD PA DANG, LAG GI BLA BSKO BA SOGS 'DUL BA NAS JI LTAR GSUNGS PA THAMS CAD JI BZHIN PHYAG LEN LA BTAB PAS MKHAR LAS KYIS KYANG RGYAL BA'I BSTAN PA GZHI NAS GSO BA'I BYAS MDZAD CING, RTAG TU DUS CHOS 'PHAGS BSTEN PA JI LTA BA BZHIN DU LUS SROG LONGS SPYOD GANG LA'ANG MI LTA BAR RJE RIN PO CHE'I BKA' BZHIN SGRUB PA LA NAM YANG G-YEL BA MED PAR MDZAD DO, ,DE LTAR MDZAD PAS RJE RIN PO CHE'I SRAS KYI THU BOR GYUR TE RJE RIN PO CHE ZHAL BZHUGS DUS NYID NAS RJE'I SLOB MA PHAL CHER BDAG NYID CHEN PO 'DI'I ZHABS LA GTUG CING, RJE RIN PO CHES RAB BYUNG BSNYEN RDZOGS GANG GNANG BA THAMS CAD BDAG NYID CHEN PO 'DIS SKYONG BAR MDZAD DO, ,DE NAS RJE RIN PO CHE ZHING GSHEGS PA LA PHYOGS PA'I TSE JI LTAR LHA'I BU DAM PA TOG DKAR POS 'DZAM BU'I GLING DU 'BYON PA LA PHYOGS PA'I TSE MI PHAM MGON PO RGYAL TSAB TU DBANG BSKUR BA JI LTA BA BZHIN DU CHOS KYI RGYAL PO TZONG KHA PA CHEN POS KYANG PAn ZHVA SNE RING DANG NA BZA' GOS BER BCAS BDAG NYID CHEN PO 'DI LA GNANG STE RGYAL TSAB TU DON GYIS BSKO BAR MDZAD, DE NAS DGUNG LO NGA DRUG BZHES PA SA MO PHAG GI LO HOR ZLA BCU

, ,GCIG PA'I GZA' SKAR DUS SBYOR BZANG PO LA RI BO DGE LDAN DU RGYAL BA TZONG KHA PA CHEN PO'I RGYAL TSAB TU DBANG BSKUR NAS GDAN SA LO BCU GSUM BAR DU MDZAD DE BSHAD SGRUB GNYIS KYI SGO NAS GDUL BYA RNAMS SMIN GROL LA 'GOD PAR MDZAD DO, ,BAR SKABS SHIG GNAS RNYING DU BYON, DGE 'DUN RNAMS LA CHOS DANG ZANG ZING GI SKYES RGYA CHEN PO MDZAD, MKHAN CHEN RIN CHEN RGYAL MTSAN PA DANG, MKHAN CHEN RIN CHEN GRUB PA GNYIS LA GAN GOS RE PHUL, JA DKAR GYI MANG JA, DGE 'DUN RNAMS LA DAR 'GYED, MTSAN NYID PA DANG CHOS 'CHAD SPYI LA DGE RGYUN NAR MA'I GZHI RTEN DANG GAN GOS RE 'BUL BAR MDZAD, KHYAD PAR ZHI PAR GSHEGS PA'I SNGA LO'I GONG TZAM DU GNAS RNYING DU PHEBS, MKHAN CHEN RIN CHEN RGYAL MTSAN PA'I NANG RTEN GYI DRUNG DU GU GU SHA'I MAndAL RIN PO CHE SNA TSOGS LAS GRUB PA'I RGYAN DANG BCAS PA DANG, DGE 'DUN RNAMS LA MANG JA MANG PO DANG, JA DKAR GYI GRAL 'GYED, 'BUL RKYEN BZANG PO DANG BCAS PA MDZAD, MKHAN CHEN RIN CHEN GRUB PA LA DNGUL LAS GRUB PA'I RGYAL BA RIGS LNGA, DNGUL GYI SPYI BLUGS, NA BZA' SOGS 'BUL BA MDZAD, DE DUS MKHAS GRUB RJE DANG ZHAL 'DZOM STE DGA' LDAN GYI GDAN SAR PHEBS DGOS PA'I BKA' GROS MDZAD, NYING RO SMAN CHU KHAR MKHAS GRUB GANG BZANG PA'I DRUNG DU GOS YUG NGUR KHA GCIG GIS GTZOS 'BUL BA MDZAD, MDOR NA GNAS RNYING DU DGE LDAN GDAN SAR MA PHEBS

BA'I GONG DANG PHEBS NAS KYANG BYON PA BCAS CHOS 'KHOR LAN BZHIR BSKOR, DE NAS DGUNG LO DRUG CU RE BRGYAD BZHES PA LCAGS MO PHAG LO HOR ZLA BCU PA'I GZA' TSES DGE BA LA, MKHAS GRUB DGE LEGS DPAL BZANG PO ZHES MTSAN YONGS SU GRAGS PA DE NYID DGE LDAN GYI GDAN SAR RANG GI RGYAL TSAB TU DBANG BSKUR BAR MDZAD DO, ,BDAG NYID CHEN PO 'DIS PHYI RABS KYI GDUL BYA RNAMS KYI DON DU MDZAD PA'I BSTAN BCOS KYANG MANG DU BZHUGS TE, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD SNYING PO RGYAN, DBU MA RIN CHEN PHRENG BA'I RNAM BSHAD SNYING PO'I DON GSAL BAR BYED PA, DBU MA BZHI BRGYA PA'I RNAM BSHAD LEGS BSHAD SNYING PO, BDEN GNYIS KYI RNAM GZHAG DANG LTA BA'I KHRID YIG RIN PO CHE'I PHRENG BA, DBU MA RTZA BA SHES RAB KYI DKA' GNAS CHEN PO BRGYAD KYI BSHAD PA, BSTAN BCOS TSAD MA RNAM NGES KYI t'IKA CHEN DGONGS PA RAB GSAL, TSAD MA RIGS THIGS KYI 'GREL PA LEGS BSHAD SNYING PO'I GTER, TSAD MA RNAM 'GREL GYI TSIG LE'UR BYAS PA'I RNAM BSHAD THAR LAM PHYIN CI MA LOG PAR GSAL BAR BYED PA, THEG PA CHEN PO RGYUD BLA MA'I t'IKKA ,MNGON PA KUN LAS BTUS KYI t'IKKA LEGS PAR BSHAD PA CHOS MNGON RGYA MTSO'I SNYING PO, BYANG CHUB SEMS DPA'I SPYOD PA LA 'JUG PA'I RNAM BSHAD RGYAL SRAS 'JUG NGOGS, TSAD MA MDO'I RNAM BSHAD, RJE'I GSUNG ZIN BRIS TSAD MA'I BRJED

, ,BYANG CHEN MO, MNGON PAR RTOGS PA'I RIM PA NYAMS SU LEN TSUL THEG MCHOG SGO 'BYED, MNGON PAR RTOGS PA BRGYAD DON BDUN CU DANG BCAS PA NYAMS SU LEN TSUL, MNGON PAR RTOGS PA'I RGYAN GYI BSDUS DON RIN PO CHE'I PHRENG BA, RNAM 'GREL GYI BSDUS DON THAR LAM GYI DE NYID GSAL BYED, RIGS PA DRUG CU PA'I t'IKKA, RIGS PA DRUG CU PA'I ZIN BRIS, 'BREL PA BRTAG PA'I RNAM BSHAD NYI MA'I SNYING PO, TSAD MA'I LAM SGRIGS, 'GAL 'BREL GYI RNAM GZHAG ,MNGON SUM LE'U'I BRJED BYANG, DBU MA RGYAN GYI BRJED BYANG, SHES RAB LE'U'I ZIN BRIS, DGE SLONG GI BSLAB BYA GNAM TZENG LTENG MA, DGE TSUL GYI BSLAB BYA GNAS TZENG LTANG MA; SANGS RGYAS SUM CU SO LNGA'I MTSAN GYI PHAN YON, DPAL GSANG BA 'DUS PA'I BLA BRGYUD GSOL 'DEBS MDO RGYUD MAR GRAGS PA, DPAL GSANG BA 'DUS PA 'JAM DPAL RDO RJE'I DKYIL 'KHOR GYI CHO GA DNGOS GRUB KYI SNYE MA, SGRUB THABS KUN BZANG GI DON BSHAD PA, DPAL GSANG BA 'DUS PA'I DKA' GNAS ZIN BRIS, DPAL DUS KYI 'KHOR LO'I LAM RIM PA GNYIS JI LTAR NYAMS SU LEN PA'I TSUL BDE BA CHEN PO'I LAM DU MYUR DU 'JUG PA, SGRUB LE'I PHYAG RGYA BZHI'I ZIN BRIS LA SOGS PA RNAMS MDZAD DO, ,DE NAS DGUNG LO RE DGU BZHES PA'I TSE ZHING KHAMS GZHAN GYI 'GRO DON LA DGONGS NAS CHU PHO BYI LO HOR ZLA LNGA PA'I SNRON GYI ZLA BA'I YAR NGO'I TSES BRGYAD LA LHA SA'I PO TA LAR

MYA NGAN LAS 'DA' BA'I TSUL BSTAN, DE NAS BZUNG STE BDUN PHRAG GSUM GYI BAR DU DBUS GTZANG THAMS CAD DANG, KHYAD PAR DGE LDAN DANG LHA SA GNAS RNYING RNAMS SU GSER BTZO MA'I ME TOG DANG, GZHAN YANG TZAM PA KA DANG, PADMA RA GA DANG, AINDRA NI LA LTA BU'I KHA DOG DANG LDAN PA'I CHAR CHEN PO BABS, KHYAD PAR SKU GDUNG DGA' LDAN DU GDAN 'DREN PA'I DUS DANG, ZHUGS 'BUL BA'I DUS RNAMS SU ROL MO'I SGRA DANG, 'JA' 'OD DANG, ME TOG GI CHAR LA SOGS PA NGO MTSAR BA'I LTAS BRJOD KYIS MI LANG BA BYUNG PA NI KUN GYI MTHUN SNANG DU GRUB PA YIN NO, ,DE'I TSE MKHAS GRUB RJES ZHAL BKOD GNANG NAS DGE LDAN DANG GNAS RNYING SOGS SU THUGS DAM GSOL 'DEBS KYI MANG JA TSAR 'BUL RGYUN GRAL 'GYED SOGS BSAM GYIS MI KHYAB PA BSGRUBS SO, ,SKU GDUNG RGYAL KHANG RTZER ZHUGS LA PHUL BA LAS PHYIS KYI GDUL BYA RNAMS LA GSOL BA 'DEBS PA'I RTEN DU RING BSREL MANG DU BYON PA DAD LDAN GYI GDUL BYA RNAMS LA GSOL BA 'DEBS PA'I RTEN DU RGYA CHER GNANG ZHING, SKU GDUNG BYINGS RNAMS DNGUL GYI MCHOD RTEN NANG DU BZHUGS TE DGA' LDAN RNAM PAR RGYAL BA'I GLING NA GDUL BYA RNAMS KYI BSOD NAMS KYI ZHING DU BZHUGS SO, , SRAS KYI THU BO 'DUL 'DZIN GRAGS PA RGYAL MTSAN NI BSKAL PA DPAG TU MED PA'I SNGON ROL NAS THUGS BSKYED DE, RGYAL SRAS KYI SPYOD PA RGYA MTSO LA SLOB BZHIN PA LAS ZHING 'DIR RJE RIN PO CHE'I BSTAN PA SPEL BA'I PHYIR SMON LAM GYI

, ,MTHUS BYON PA ZHIG STE, DE YANG DBUS STOD SBRANG DU KUN DGA' ZHES PA SHING PHO STAG GI LO SKU 'KHRUNGS, SKU GZHON NU NAS 'BRI KHUNG CHOS RJE LA GTUGS TE RAB TU BYUNG, DGE BA'I BSHES GNYEN MANG PO LAS MDO SNGAGS KYI CHOS MTHA' YAS PA GSAN, KHYAD PAR RJE THAMS CAD MKHYEN PA'I ZHABS LA GTUGS TE YUN DU BSTEN NAS SDE SNOD GSUM DANG RGYUD SDE BZHIS BSDUS PA'I GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I KHRID GSAN TE NYAMS SU BZHES PAS RTZOL MED KYI MYONG BA PHUL PHYIN THON, RGYUD SDE BZHIS BSDUS BA'I LHA'I RNAL 'BYOR PHRA RAGS RNAMS SGOM PA LA 'BAD PAS DKYIL 'KHOR GYI 'KHOR LO MNGON SUM DU GYUR, BSKYED RDZOGS KYI MAN NGAG RNAMS LA MYONG BA PHUL PHYIN THON, SDOM PA GSUM GYI BCAS MTSAMS PHRA ZHING PHRA BA'ANG NYAMS PA MED PAR BSRUNG ZHING BYANG CHUB KYI SEMS RIN PO CHE THUGS DAM GYI MTHIL DU MDZAD PAS LUNG DANG MNGON PAR RTOGS PA'I YON TAN GYI PHUNG PO CHEN BOR GYUR NAS CHOS KYI RGYAL PO TZONG KHA PA CHEN PO'I SRAS KYI THU BOR GYUR TE RJE'I SLOB MA THAMS CAD KYIS RJE NYID DANG 'DRA BAR GUS PAR BYED CING CHOS KYI BKA' DRIN NOD PAR BYED DO, ,SEMS DPA' CHEN PO 'DIS LEGS TSOGS THAMS CAD KYI RTZA BA BSHES GNYEN BSTEN TSUL LA THUG PAR GZIGS NAS RJE RIN PO CHE DUS RTAG TU MNYES PA GSUM GYIS MNYES

PAR BYED CING, LHAG PAR BKA' BZHIN SGRUB PA LAS NAM YANG MI 'DA' BAR DGA' LDAN RNAM PAR RGYAL BA'I GLING 'DEBS PA'I TSE RJE'I BKA' BZHIN GTZUG LAG KHANG BRTZIG PA DANG SPONG BA PA SO SO'I SPYIL BU BRTZIG PA SOGS LA NGAL BA KHYAD DU BSAD DE BRTZON PA CHER MDZAD CING, DE YANG 'DUL BA DANG MTHUN PA KHO NAR MDZAD DE, THOG MAR SA BRTAG PA, DE NAS DGE 'DUN LA GNANG BA ZHU BA, DGE 'DUN GYIS GNANG BA NA LAG GI BLA BSKOS TE RUNG KHANG GCOD PA NAS BZUNG MTHAR GTZUG LAG KHANG RTEN DANG BRTEN PAR BCAS PA YONGS SU RDZOGS PA GRUB PA'I BAR KHUR BZHES TE MTHAR PHYIN PAR MDZAD NAS RJE RIN PO CHE GDAN DRANGS TE MNYES PAR MDZAD PA SOGS 'KHOR LO GSUM GYI BYA BA MTHA' DAG GIS RJE RIN PO CHE RNAM PA KUN TU MNYES PAR MDZAD NAS MTHAR RJE RIN PO CHE ZHING GSHEGS PA'I TSE RANG NYID KYIS RJE'I GDAN SA MA MDZAD PAR RGYAL TSAB RIN PO CHE GDAN SAR MNGA' GSOL, SKU GDUNG RIN PO CHE MA NYAMS PAR TZAN DAN 'BA' ZHIG LAS GRUB PA'I SGROM DU BZHUGS SU BCUG ,DE YANG DNGUL BRE CHEN BCO BRGYAD LAS BRDUNGS PA'I GDUNG KHANG GI BUM PAR BZHUGS SU GSOL TE, GTZUG LAG KHANG GI GLO 'BUR BYANG MAR BZHUGS NAS MCHOD PA RGYA CHEN POS MCHOD PAR MDZAD PA LA SOGS PA'I BYA BA RNAMS RDZOGS PAR MDZAD NAS RJE RIN PO CHE'I DGONGS PA RDZOGS PA'I PHYIR DU BTZUN MO TSAL GYI DGON PA BTAB NAS TSOGS PA BSKYANGS PAS

, ,DGE 'DUN BRGYAD BRGYA LHAG TZAM 'DUS, RES 'GA' SPANGS SA SOGS DGON GNAS DANG RI KHROD GZHAN DU'ANG BZHUGS TE 'GRO DON DANG THUGS DAM 'PHEL BAR MDZAD, SKABS SHIG TU TSAL GUNG THANG DU PHEBS TE 'DUL BA'I BSLAB BYA DANG LAM RIM LEGS PAR GSUNGS, TSAL GUNG THANG GI DGE 'DUN THAMS CAD 'DUL KHRIMS RNAM PAR DAG PA DANG SKYES BU CHEN PO'I CHOS LUGS LA SBYOR BAR MDZAD PAS TSAL GUNG THANG GI CHOS SDE 'DI LA RJE NYID LAS KYANG BKA' DRIN CHE BAR GYUR PA YIN NO, ,BLA MA BYANG CHUB SEMS DPA' 'DI LA RJE'I GSANG SNGAGS DANG 'DUL BA'I BKA' BAB PAR SNANG STE, RJE'I BSHAD SROL PHYAG LEN BZANG PO MI NYAMS PA'I PHYIR DU 'DUL BA'I BSLAB BYA CHEN MOR GRAGS PA DANG, DGE TSUL GYI BSLAB BYA, GZHI GSUM GYI CHO GA'I LAG LEN, 'DUL BA'I GLENG 'BUM RNAMS MDZAD, RJE'I GSANG SNGAGS KYI SGRUB DKYIL RNAMS LA LHAN THABS DANG PHYAG BZHES, RAB GNAS KYI CHO GA ,'KHOR LO SDOM PA'I PHYI ROL MCHOD PA, GSANG 'DUS MI BSKYOD PA'I TSOM BU LA BRTEN PA'I MDUN BSKYED KYI MCHOD THABS, DRIL BU LHA LNGA'I SGRUB THABS, 'KHOR LO CHEN PO'I SGRUB DKYIL, L'U AI BA'I DKYIL CHOG ,DMAR NAG GI SGRUB THABS, RDO RJE DBYINGS KYI DKYIL 'KHOR GYI CHO GA, KUN RIG RNAM PAR SNANG MDZAD KYI CHO GA ,NGAN SONG SBYONG RGYUD KYI RNAM

BSHAD, BYA RGYUD RIGS GSUM LA BRTEN PA'I CHO GA'I LAG LEN SOGS RTZOM PA YANG MANG DU MDZAD DO, ,THUN MONG MA YIN PA'I RNAM THAR DANG SKYES RABS NI MKHAN CHEN LAS KYI RDO RJES GSANG BDAG LA ZHUS PA DANG, BLA MA DBU MA PAS RJE BTZUN 'JAM DBYANGS LA ZHUS PA DANG, BLA MA 'JAM DPAL RGYA MTSOS RJE BTZUN LA ZHUS PA RNAMS MTHUN PAR SNANG STE, DE YANG 'DI LTAR SLOB DPON GRAGS PA RGYAL MTSAN PA SKYE BA MANG PO'I SNGON DU BRAM ZE'I KHYE'U GO 'PHANG BYA BAR SKYES PA'I DUS NA, SANGS RGYAS LOG PAR DAD SEL GYI SPRUL PA'I RANG SANGS RGYAS SHIG LA BSOD SNYOMS BZANG PO LHUNG BZED GANG PHUL NAS BDAG 'DI NAS SKYE BA THAMS CAD DU RGYAL BA KUN GYI DAM PA'I CHOS MA LUS BAR 'DZIN CING, MTHA' 'KHOB RNAMS SU 'GRO BA MANG PO LA DAM PA'I CHOS STON CING THEG PA GSUM GYI LAM LA 'GOD PAR GYUR CIG ,CES SMON LAM BTAB PA'I MTHUS SKYE BA DRUG MTHA' 'KHOB KYI RGYAL POR SKYES NAS 'GRO BA MANG PO LA THEG PA GSUM GYI CHOS BSTAN TE LAM RNAM PAR DAG PA LA BKOD, DE NAS RAB TU BYUNG BA DANG THEG PA GSUM LA MKHAS PA'I DGE SLONG DANG, PAndI TA MKHAS SHING GSAL BA SHA STAG TU SKYE BA MANG PO BLANGS NAS DAM PA'I CHOS BSTAN TE MTHA' YAS PA'I SEMS CAN GYI DON RGYA CHER BYAS, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES NAS LHA MANG PO'I DON BYAS, DE NAS 'DIR SKYES PA YIN,

, ,'DIR RJE BTZUN BYAMS MGON GYI SKU RIN PO CHE LAS BYAS PA SOGS BKOD PA THO TSER BRIS PA LTAR BZHENGS NAS 'CHAD NYAN DANG THUGS DAM SOGS KYI DGE RTZA RJE BTZUN GYIS RJES SU 'DZIN PA'I CHED DU BSNGO ZHING BSTAN PA RGYAS PA SOGS KYI SMON LAM RGYA CHEN PO 'DEBS PAR MDZAD, DE LTAR BSGRUBS PAS 'DIR YANG BSTAN PA DANG SEMS CAN LA PHAN PA RGYA CHEN 'BYUNG, BYANG CHUB KYI SEMS LA BRTEN NAS RTOGS PA KHYAD PAR CAN SKYE, 'BREL TSAD DKAR PO'I SA BON THEBS, MDO SNGAGS LA BRTEN PA'I SLOB MA BSTAN PA 'DZIN PA DANG SEMS CAN LA PHAN PA RGYA CHEN PO DANG LDAN PA MANG DU 'BYUNG, SNYAN PA'I GRAGS PAS PHYOGS KUN TU KHYAB CING SANGS RGYAS KYI BSTAN PA RIN PO CHE SGO THAMS CAD NAS RGYAS PAR BYED DO, ,SKYE BA PHYI MA DGA' LDAN DU RGYAL TSAB MI PHAM MGON PO'I SRAS MCHOG LHA'I BU RGYAL SRAS ZHI BA'I SNYING PO ZHES BYA BAR SKYES NAS BYANG CHUB SEMS DPA'I SPYOD PA RLABS PO CHES 'GRO BA'I DON BYED CING, MTHAR DE BZHIN GSHEGS PA BYAMS PA'I DBANG PO ZHES BYA BAR 'GYUR RO, ,ZHES MKHAN CHEN LAS KYI RDO RJES GSANG BA'I BDAG PO PHYAG NA RDO RJE LA DNGOS SU ZHUS PA LAS 'BYUNG ZHING, DBU MA PA DPA' BO RDO RJES RJE BTZUN 'JAM DPAL DBYANGS LA ZHUS PA LAS KYANG DE BZHIN DU 'BYUNG YANG DUS PHYIS BLA MA 'JAM DPAL RGYA MTSOS RJE BTZUN 'JAM PA'I DBYANGS LA GSOL BA YUN

RING DU BTAB STE, SLOB DPON RIN PO CHE 'DUL BA PA 'DI PA'I SKU TSE SNGA PHYI RNAMS JI SKAD BYA BA LAGS, 'DIR BSTAN PA LA PHAN PA CHE CHUNG JI TZAM 'BYUNG, SKU TSE RING THUNG JI TZAM YONG, GANG DU BZHUGS NA 'GRO DON DANG THUGS DAM 'PHEL ZHES ZHUS PAS, RJE BTZUN GYIS 'DUL BA PA SNGON SKYE BA MANG PO'I SNGON ROL DU RGYA GAR DU BRAM ZE'I KHYE'U GO 'PHANG BYA BAR SKYES TE SANGS RGYAS LOG PAR DAD SEL GYI SPRUL PA'I RANG RGYAL ZHIG LA BSOD SNYOMS BZANG PO LHUNG BZED GANG PHUL NAS, BDAG SKYE BA THAMS CAD DU RGYAL BA'I DAM CHOS MTHA' DAG BZUNG NAS MTHA' 'KHOB KYI YUL RNAMS SU 'GRO BA GDUL DKA' BA RNAMS LA DAM PA'I CHOS BSTAN NAS THEG PA GSUM GYI LAM RNAM PAR DAG PA LA 'GOD PAR GYUR CIG ,CES SMON LAM BTAB PAS SKYE BA MANG BOR MTHA' 'KHOB KYI RGYAL PO SOGS SU SKYES NAS 'GRO BA GDUL DKA' BA MANG PO'I DON DPAG MED BYAS, STON PA 'DI 'JIG RTEN DU BYON DUS DGE SLONG 'DUL BA TOG CES BYA BA'I SDE SNOD GSUM LA MKHAS PA CIG TU SKYES, DE NAS BZUNG STE PAndI TA DANG RAB TU BYUNG BA DANG DGE SLONG THEG PA GSUM LA MKHAS PA SHA STAG TU SKYES SHING, DE'I DUS DKA' BZHI PA DANG DPON SLOB TU GYUR CING 'BREL, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES, DE NAS 'DIR SKYES PA YIN, 'DIR YANG SNGON GYI 'BREL PAS DKA' BZHI

, ,PA DANG DPON SLOB TU GYUR TE BLA NA MED PA'I DAD PA BRTAN PO THOB, BYANG CHUB KYI SEMS LA BRTEN NAS MNGON RTOGS KHYAD PAR CAN SKYES, MDO SNGAGS RNAM DAG GI SGO NAS BSTAN PA LA PHAN PA RGYA CHEN PO 'BYUNG, MI G-YO BA DKAR PO SKYE BA MANG PO'I YI DAM YIN PAS 'DIR YANG RJES SU BZUNG ZHING DNGOS DANG RMI LAM CI RIGS SU ZHAL STON, 'OD ZER CAN GYIS SKABS MANG POR BAR CHAD SEL, SKYE BA MANG POR DPAL LDAN 'DUS PA DANG HE RU KAS BYIN GYIS BRLABS, 'JAM DKAR GYIS SKYE BA GSUM DU RJES SU BZUNG NAS BYIN GYIS BRLABS KYANG DAM SEL CAN ZHIG LA RJES GNANG BYAS PAS CUNG ZAD 'GRIBS 'DUG ,DE LA BSHAGS BSDAM GYIS LA 'JAM DBYANGS KYI BLO 'PHEL BA'I GZUNGS RIN PO CHES BRIS PA BRGYA PHRAG GCIG 'DON PA LA YON BYIN NAS SMON LAM BTAB NA GZHAN PHAN CHE, TSE DRUG CU LHAG TZAM LAS PHAL CHER MI THUB, DE LA'ANG BAR CHAD MANG BAR SNANG BAS, DE BZLOG PA'I THABS RTA MGRIN SHVA NA'I BZLAS SGRUB DANG, PHYAG BZHI PA'I BSNYEN PA KHRI PHRAG RE ZHAG RE LA GYIS, 'DUG GNAS DPON SLOB RNAM GNYIS MNYAM DU PHAL CHER BSDAD NA DGE PHYOGS 'PHEL CHE, PHYI MA MGON PO MA PHAM PA'I CHOS KYI MDUN SAR RGYAL SRAS ZHI BA'I SNYING PO BYA BAR SKYES NAS, DKA' BZHI PA DANG DPON SLOB GNYIS MJAL NAS THEG PA MCHOG GI CHOS KYI DGA' STON LA LONGS SPYOD PAR 'GYUR RO, ,ZHES GSUNGS SO, ,DE LTAR 'DUL 'DZIN GRAGS PA RGYAL

MTSAN GYIS RJE BDAG NYID CHEN PO'I LUGS SROL BZANG PO NYAMS PA MED PAR BSKYANGS TE BSTAN PA DANG 'GRO BA'I DON RGYA CHER MDZAD CING, 'DUL BA 'DZIN PA ZHES MTSAN TZAM GYIS KYANG BSTAN PA LA PHAN PA ZHIG MDZAD NAS, SKU TSE 'DI'I DNGOS KYI GDUL BYA RDZOGS PA NA DGUNG LO RE GSUM PA ME PHO 'BRUG GI LO HOR ZLA LNGA PA'I TSES NYI SHU LA BTZUN MO TSAL DU ZHING GSHEGS TE, DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO,, ,, RJE'I THUGS SRAS TSA KHO DBON POR GRAGS PA MKHAN CHEN NGAG DBANG GRAGS PA NI, RGYAL MO RONG DU TSA KHO RGYAL PO'I RIGS SU 'KHRUNGS, DBUS GTZANG DU BYON TE RJE BDAG NYID CHEN PO SOGS MKHAS PA DU MA'I ZHABS PAD BSTEN NAS, SDE SNOD DANG RGYUD SDE LA SBYANGS PAS MKHAS PA'I GO 'PHANG BRNYES, RJE RIN PO CHE LAS BYANG CHUB LAM GYI RIM PA'I KHRID DANG, LAM GYI GTZO BO RNAM PA GSUM GYI KHRID GSAN TE MYONG BA THON PAR MDZAD, RJE RIN PO CHE LA RJE BTZUN 'JAM PA'I DBYANGS KYIS GSUNG RAB THAMS CAD KYI DON LAM GYI GTZO BO RNAM PA GSUM DU BSDUS NAS 'DOMS PAR MDZAD PA'I MAN NGAG GI RTZA TSIG BKA' 'BUM THOR BUR BZHUGS PA 'DI YANG RGYAL SRAS 'DI'I DON DU RJE RIN PO CHES YI GER 'GOD PAR MDZAD, RTZA TSIG DE'I MJUG TU, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN LA BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,

, ,ZHES RGYAL SRAS 'DI LA THUGS SHIN TU MNYES PA'I GSUNG YANG BYON NO, ,RJE RIN PO CHE LA BLA MED KYI DBANG DANG RIM GNYIS KYI MAN NGAG RNAMS LEGS PAR GSAN TE THUGS NYAMS SU BZHES PAS RIM PA GNYIS KYI TING NGE 'DZIN BRTAN PO THUGS RGYUD LA 'KHRUNGS, RGYAL SRAS 'DIS RJE RIN PO CHE DKA' BZHI'I GRVA SKOR MDZAD PA'I SKABS NAS BZUNG ZHABS 'BRING PA RGYUN RING DU MDZAD DE, MNYES PA GSUM GYIS MNYES PAR MDZAD CING, RJE RIN PO CHE DANG RGYAL SRAS 'DI GNYIS KYIS THUGS RJE CHEN PO RANG BYUNG LNGA LDAN GYI MDUN DU SMYUNG GNAS MANG DU MDZAD CING, DE'I TSE DPON SLOB GNYIS KAS THUGS RJE CHEN PO LA GSOL BA SHUGS DRAG LA RGYUN RING BA BTAB PAS, RGYAL SRAS 'DI LA SKU TSE'I MJUG LA 'PHRIN LAS RGYA CHEN PO YONG BA'I MTSAN LTAS SHAR, DE NAS RJE RIN PO CHES KYANG GNANG BA KHROL TE, RGYAL SRAS 'DIS MDO SMAD DU BYON NAS RJE BLA MA'I RING LUGS 'DZIN PA'I DGON SDE MANG DU BTZUGS TE, JA PHU STOD DU DA TSANG LHUN GRUB GLING ZER BA'I DGON PA DANG, JA PHU'I RKED NA BA MGO DGON PA, JA PHU'I SMAD NA SUM MDO DGON PA ,MU DGE'I SA CHAR BKRA SHIS 'KHOR LO'I DGON ZER BA RNAMS BTAB, GZHAN YANG DGON PA BRGYA RTZA BRGYAD BTAB PAR GRAGS, MKHAN CHEN 'DI LA RJE BDAG NYID CHEN PO THUGS SHIN TU DGYES PA ZHIG STE, CHAB SHOG LAS ,KHO BOS SMRAS PA'I RJES SU ZHUGS SHIG DANG, ,TSE RABS KUN TU SPYOD DANG SMON LAM KUN, ,MTSUNGS PAR SPYAD

DE NAM ZHIG 'TSANG RGYA TSE, ,BDUD RTZI'I BGO BSHA' THOG MAR SBYIN PAR BYA, ,ZHES GSUNGS SO,, ,,RJE RIN PO CHE BYA BRAL LA PHEBS SKABS RJE BTZUN 'JAM PA'I DBYANGS KYIS LUNG BSTAN PA'I 'KHOR DAG PA RNAM BRGYAD NI, BLA MA 'JAM DKAR BA ZHES GRAGS PA 'JAM DPAL CHOS BZANG, GNAS BRTAN BZANG SKYONG BA, GNAS BRTAN RIN CHEN RGYAL MTSAN ,GNAS BRTAN BYANG SENG PA, BLA MA 'JAM DPAL RGYA MTSO, DGE BSHES SHES RAB GRAGS, DGE BSHES 'JAM DPAL BKRA SHIS, DGE BSHES DPAL SKYONG RNAMS SO, ,BDAG NYID CHEN PO 'DI DAG NI SNGON YUN RING PO NAS RJE RIN PO CHES RJES SU BZUNG BA, SMON LAM STABS GCIG TU MDZAD PA, ,SRID PA MTHA' DAG ME 'BAR BA'I RLUBS LTAR MTHONG STE 'KHOR BA'I PHUN TSOGS LA RGYAB KYIS PHYOGS PA, RANG DON DU ZHI BDE'I GO 'PHANG LA'ANG MI SMON PA THUGS BYAMS PA DANG SNYING RJE'I GZHAN DBANG DU GYUR TE RGYAL SRAS KYI SPYOD PA RGYA MTSOR SLOB PA LA ZHUM PA MED PA, SRID GSUM DRI ZA'I GRONG KHYER LTAR GZIGS TE BDAG LTA'I BUD SHING YE SHES KYI MES BSREGS PA, RJE BTZUN 'JAM PA'I DBYANGS KYIS TSE RABS KUN TU RJES SU BZUNG BA, PHYI NANG GI RGYU RKYEN THAMS CAD TSANG BAS SKAD CIG RE RER YANG SA LAM GYI BGROD PA GONG 'PHEL DU 'BYON PA, RJE RIN PO CHE'I BSTAN PA MDZES PA'I RGYAN DU CHE BA, RGYAL BA SRAS BCAS KUN GYIS BSNGAGS PA'I GNAS SU GYUR PA ZHIG GO, 'DI DAG SO SOR GANG DU 'KHRUNGS PA DANG, SKU TSE

, ,HRIL PO'I MDZAD PA JI LTAR YIN PA RNAMS ZHIB TU BRIS NA YI GE'I KHUR CHES PAR 'GYUR BAS MA BKOD LA, BLA MA 'JAM DPAL RGYA MTSO BA NI, LAM RIM BRGYUD PAR BZHUGS PAS DE'I RNAM THAR NI 'OG TU 'CHAD DO,, ,,'JAM DBYANGS CHOS RJE BKRA SHIS DPAL LDAN PA NI, DON GRUB CES PAS MO LUG GI LO LA BSAM YAS SU SKU 'KHRUNGS, RTZES DANG DU RAB TU BYUNG STE GRAL 'DZIN MDZAD, GSANG PHUR GNYAL RGOD RIN BSAM DANG, LDAN MA DKON MCHOG SENG GE LA PHAR TSAD, SKYOR MO LUNG DU MKHAN CHEN DKA' BZHI PA LA 'DUL MNGON, DGE LDAN DU RJE RIN PO CHE NYID LA DRANG NGES RNAM 'BYED, RTZA 'JUG GI BSHAD PA, BYANG CHUB LAM RIM CHE CHUNG, SNGAGS RIM CHEN MO DPAL GSANG BA 'DUS PA'I RTZA RGYUD 'GREL PA SGRON MA GSAL BA DANG BCAS PA, BSHAD RGYUD LNGA, MDOR BYAS, MDO BSRE, RNAM GZHAG RIM PA, RDO RJE SEMS DPA'I SGRUB THABS, RIM LNGA, SPYOD BSDUS, RIM LNGA GSAL SGRON, RIM LNGA GDAN RDZOGS, BDE DGYES KYI CHOS SKOR, YO GA'I SKOR SOGS RGYA CHER GSAN PAS BKA' BSTAN BCOS MANG DU MKHYEN PA'I MKHYEN RAB LA SUS KYANG 'GRAN DU MED PAR GRAGS, RJE RIN PO CHE NYID KYIS MKHAN PO, 'DUL PA 'DZIN PAS LAS SLOB, RGYAL TSAB CHOS RJES GSANG STON MDZAD NAS BSNYEN PAR RDZOGS, RJE THAMS CAD MKHYEN PA NYID KYIS CHOS RJE 'DI PA DANG, CHOS RGYAL NAM MKHA' BZANG PO MCHOD YON GNYIS LA CHOS SDE 'DEBS DGOS PA'I BKA'

SNGA PHYIR PHEBS BA DANG, CHOS RJE BA'I MNAL LAM DU'ANG LHA GNAM THE DKAR PO YIN ZER BA ZHIG GIS DGON PA'I SA YUL BSTAN TE 'DIR KHYOD KYIS DGON PA ZHIG THOB, NGAS BTZUN PA STONG PHRAG LNGA 'BUL ZER, DE KA'I MDO LA DAN 'BAG MDA' NAS YAR BYON PAS LONGS SPYOD KYI CHU YIN ZER BA'I RDZING BU MANG PO 'DUG PA GZIGS SHING KHYAD PAR GLANG CHEN RI GDONG DU RDZING BU MANG PO'I 'GRAM NA RJE RIN PO CHE BZHUGS NAS 'DI RNAMS THOS BSAM GYI RDZING BU YIN PAS THUNGS GSUNG BA SOGS KYI LTAS YA MTSAN CAN BYUNG ZHING PHYI NANG GI RTEN 'BREL 'GRIG PA NA, NYID KYI DGUNG LO SO BRGYAD BA ME PHO SPRE'U'I LO LA DPAL LDAN 'BRAS SPUNGS KYI CHOS SDE CHEN PO BTAB, CHOS RJE RANG GDAN SAR BZHUGS NAS GRVA TSANG SO SOR SLOB DPON BSKO BA MDZAD CING, GZHIS KHA SNE'U NAS LO LO BZHIN SMON LAM CHEN MO DANG GDUGS DKAR 'DZUGS PA, DBYAR TSUL DGUN TSUL LTAR CHAGS PA, GZIM KHANG DANG 'CHAD NYAN KHANG TSOR NA BZA' GSOL CHAS NA MA DGOS SU PHUL BA LAS DGON BA MA BAS BU DGA' BA 'ONG BAR LUNG BSTAN PA LTAR GRVA TSOGS BCA' KHRIMS BSHAD NYAN SOGS PHUN TSOGS MTHA' DAG GONG NAS GONG DU 'PHEL BAR GYUR, CHOS NAM TSUGS SU MDO PHYOGS KYI PO TI BRGYAD BRGYAD RANG RANG GI 'GREL PA BOD t'IKA RE DANG SBYAR NAS GSUNG BA GNANG ZHING, SPYIR NA GZHUNG LUGS KYI PO TI CHEN MO BRGYA DANG SUM CU LA THUGS BSHAD MDZAD, GSANG 'DUS 'PHAGS LUGS, BDE MCHOG

, ,L'U NAG DRIL GSUM, DGYES RDOR, DGRA 'JIGS GSHED GSUM, MI G-YO BA, SGROL MA SOGS YI DAM GYI LHA MANG PO'I BSNYEN PA RGYUN DU MDZAD PA DANG, ZHAG RE LA AA RA PA TZA NA TSAR STONG PHRAG GNYIS RE DANG; MTSAN BRJOD TSAR GSUM RE, THUGS RJE CHEN PO'I GZUNGS YIG DRUG KHRI TSO RE BZLA BA 'CHAG MED DU MDZAD PAS PHYIS DUNG PHYUR GNYIS LHAG PAR LONGS, MTSAN NYID PA GCIG LA MA nI SONG BANG MANG ZHES GSUNG, DE LTAR LHA'I BSNYEN SGRUB LA 'GRUS PAR MDZAD PAS DBUS NA RJE BTZUN 'JAM DBYANGS, G-YAS NA MGON PO KLU SGRUB, G-YON NA ZHI BA 'TSO, MDUN NA RJE RIN PO CHE NGO CHEN GYI RNAM PA CAN DU 'KHOD PA ZHIG GI GZIGS SNANG DNGOS SU RGYUN MAR 'BYUNG BA DANG, MNAL LAM DU 'PHAGS PA KLU SGRUB GTZO 'KHOR, CHOS RGYAL SRONG BTZAN SGAM PO YAB YUM, RJE RIN PO CHE, YE SHES MGON PO PHYAG DRUG PA, LCAM DRAL, RGYAL CHEN BZHI SOGS KYIS RJES SU BZUNG BA'I MTSAN MA BYUNG BA SOGS BSAM GYIS MI KHYAB BO, ,RJE RIN PO CHE'I MAN NGAG LTAR RIM GNYIS KYI RNAL 'BYOR MTHAR PHYIN PAR MDZAD PAS BDE STONG DBYER MED KYI RDZOGS RIM ZAB MO THUGS RGYUD LA MNGA' BAS, RLUNG 'OD ZER LNGA PA'I KHA DOG GSAL BAR GZIGS PA SOGS SGYU LUS 'GRUB PA'I MTSAN MA THOB STE, RGYUD DANG GRUB CHEN GYI GZHUNG SHES PA ZHIG GIS BLTAS NA BSAM GYIS MI KHYAB PA'I RNAM THAR RO, ,'PHRAL GYI MDZAD SPYOD KYANG PHYAG TU BYUNG BA'I DNGOS PO

RNAMS CHA GSUM DU BGOS NAS CHA GCIG GIS PHYAG DPE DANG RTEN GSUM BZHENG, CHA GCIG GIS NAD BA RNAMS KYI PHYIR DU SMAN SBYIN MDZAD, CHA GCIG GIS GZIM KHANG GI THAB SPYOD DANG SLOB MA SKYONG BAR MDZAD DO, ,DE NAS DGUNG LO BDUN CU PA SA 'BRUG GI DGUN CHOS KYI MJUG LA, RTZE KHA BAS GDAN DRANGS NAS ZHAG SHAS BZHUGS, SLAR 'BRAS SPUNGS SU PHEBS NAS BSLAB BTUS KYI BRTZON 'GRUS LE'U'I MJUG CHOS THUN GNYIS KYIS RDZOGS PAR MDZAD LA, DE NI BRTZON 'GRUS MTHAR PHYIN ZHES PA'I DON TE, SKU TSE DE LA 'BRAS SPUNGS SU CHOS 'KHOR BSKOR BA'I THA MAR BYUNG SNANG, DUS DE NAS SKU CUNG ZAD BSNYUN PAS PHEBS BZHUGS DKA' BAR YOD NA'ANG BSTAN PA DANG SEMS CAN LA DGONGS TE RIM PAS GZHIS KHAR LO GSAR DANG LHA SAR SMON LAM CHEN MO'I GRAL DBUR PHEBS NAS JO BO RNAM GNYIS DANG, BCU GCIG ZHAL SOGS MJAL DUS DA LAN MIN PA AE MJAL MI SHES GSUNG, THUGS MDUN DRAG PO'I SGO NAS SMON LAM DPAG TU MED PA MDZAD, 'BRAS SPUNGS LA PHEBS ZHOR PO TA LAR ZHAG GSUM BZHUGS, NANG SO DANG YON MCHOD BZHUGS GDAN LA 'KHOD DUS SHIG ,CHOS RJE'I ZHAL NAS, RJE BTZUN GRAGS PA'I MNGON RTOGS LJON SHING DU; ;'DI DAG STON PA'I BLA MA'I BKA' DRIN NO, ,DRAN PA'I TSE NA DANG PAS MCHI MA LHUNG, ,ZHES GSUNGS TE RJE RNAM GNYIS KYI THUGS RGYUD NI MI SHES, GSUNG RAB NI RIM LNGA GSAL SGRON NYID ZLA DANG BRAL BAS MCHI MA LHUNG NA 'DI

, ,LA LHUNG RGYU YIN TE DA LEGS PAR 'CHAD PA DKON, BSTAN PA'I MJUG MA RNAM DAG CIG 'DUG STE 'JU MKHAN MI 'DUG ,DA NGED RANG GI KHA STABS NI 'DI LTAR SONG, GSUNGS NAS GSUNG 'DAR, SPYAN CHAB MANG PO MDZAD PAS NANG SO DPON BLON YANG SPYAN CHAB MANG PO LHUNG BAR SNANG, 'BRAS SPUNGS SU PHEBS NAS NANG SO DPON BLON DANG GRVA BU SLOB RNAMS KYIS ZLA BA SPREL NAS SKU RIM RGYA CHEN PO BSGRUBS SHING ZHABS PAD BRTAN DGOS PA'I ZHU BA PHUL BA NA NYID KYI ZHAL NAS, MDANGS RJE RIN PO CHE PHEBS NAS NGED RANG GNYIS RGYA NAG TU 'GRO RI BO RTZE LNGAR SGRUB PA BYED GSUNG BAS, DE RJE RIN PO CHE LA SDE SNOD GSUM DANG RGYUD SDE BZHI GSUNG GIN BZHUGS ZHUS DANG GSUNGS NAS PHYAG THAL MO SBYAR, SPYAN CHAB MANG PO'ANG MDZAD DO, ,DE NAS HOR ZLA GNYIS PA'I MJUG LA NUB CIG MNAL LAM DU RJE RIN PO CHE PHEBS NAS RJE BTZUN 'JAM PA'I DBYANGS KYI PHYAG DRIL YIN GSUNG BA ZHIG GNANG, DA KHYOD NGO GNYIS SDOD GSUNG BA ZHIG RMIS PA DRUNG 'KHOR BA RNAMS LA GSUNGS BAS, KHONG RNAMS ZLA BA DANG LO GANG YIN LA MA DON YANG DON LA ZLA BA YIN SNANG, DE NAS MYA NGAN LAS 'DA' BA'I LTAS BYUNG BA NA GZIM CHUNG DU PHEBS TE ZHABS GNYIS SKYIL KRUNG DANG PHYAG GNYIS MNYAM GZHAG MDZAD NAS THUGS DAM LA THUGS GTAD PAS SKU SMAD NAS DROD YAR LA RIM GYIS SDUD PA'I TSE RJE BTZUN 'JAM DBYANGS KYI ZHAL GZIGS BRIS SKU DE SKU MDUN DU SPYAN DRANGS, RJE BTZUN PHEBS YOD

LAGS ZHUS PAS SPYAN GYIS NI MA GZIGS, DBU DUD PA ZHIG MDZAD, CUNG ZHIG LON PA NA DA MI DGONGS PAR 'DUG SNYAM NAS BRIS SKU DE SKU RGYAB G-YON PHYOGS SU GDAN DRANGS PAS JI LTAR SPYAN DRANGS PA LTAR BRIS SKU LA SPYAN GDANGS TE AOG SKO SKU DPUNG G-YON PA'I STENG DU BZHAG NAS ZHAG 'GA' BZHUGS PAS PHAL CHER GYIS SKU'I GZI MDANGS LA DPAGS NAS 'KHRUL BA'ANG SKYES, DE NAS SA MO SPRUL LO DE'I ZLA BA BZHI PA SA GA ZLA BA'I TSES BCO BRGYAD LA DGA' LDAN CHOS KYI PHO BRANG MI PHAM RGYAL BA'I MDUN SAR RJE 'JAM DPAL SNYING PO'I ZHABS DRUNG DU PHEBS SO, ,PHYI RABS KYI GDUL BYA RNAMS KYI DON DU RJE'I DGONGS PA GSAL BAR MDZAD PA'I BRTZAMS CHOS KYANG RJE THAMS CAD MKHYEN PA'I GSANG BA'I RNAM THAR GSOL 'DEBS, SHES RAB KYI PHA ROL TU PHYIN PA'I DON TSANG LA MA NOR BA LAS DANG PO PAS NYAMS SU BLANG BDE BA, RJES RA SGRENG DU BSLAB BTUS GSUNGS PA'I ZIN BRIS, ZAB LAM GTUM MO'I GZHUNG KHRID; NYID KYI RGYUN GYI KHA TON MDZAD RGYUR 'JAM DBYANGS LA BSTOD PA, DUS 'KHOR RGYUD 'GREL GYI BRDA CHAD, BDE MCHOG NYUNG DU'I RGYUD LA LE'U NGA GCIG YOD PA'I LE'U DANG PO'I RGYUD DON MDOR BSTAN, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, GSANG 'DUS RIM LNGA GDAN RDZOGS KYI DMAR KHRID KHRID YIG LA MI GSAL BA RNAMS BRJED BYANG DU BRIS PA, GSANG 'DUS RIM LNGA GDAN RDZOGS KYI KHRID

, ,YIG; GSANG 'DUS RIM LNGA GSAL SGRON GYI SKABS SU NYE BAR MKHO BA 'GA' ZHIG BRJOD PA LA SOGS PA MANG DU YOD DO, ,'JAM DBYANGS CHOS RJE ZHING GSHEGS PA DE'I TSE NA MKHA' SHIN TU DANGS PA LA 'JA' DKAR PO DANG, KHA DOG SNA LNGA'I GUR LCAGS SGROG LTAR 'BREL BA, 'BRAS SPUNGS NAS DGE LDAN GYI BAR LA SHAR PA DANG, LHA'I ME TOG GI CHAR MANG DU BABS PA SOGS SKYE BO KUN GYI MIG LAM DU BYUNG NGO, ,SKU GDUNG NI BSHAD GRVA YUN RING DU GNAS PA'I RTEN 'BREL DU DNGUL GYI MCHOD RTEN NANG NA MA NYAMS PAR BZHUGS TE CHOS GRVA CHEN PO DPAL LDAN 'BRAS SPUNGS KYI GTZUG LAG KHANG NA BSOD NAMS KYI ZHING DU BZHUGS SO,, ` ,,BYAMS CHEN CHOS RJE SH'AKYA YE SHES NI, RGYAL BA ZHES PA SHING PHO RTA'I LO SNRON ZLA'I YAR NGO'I TSES GCIG GI NYIN TSAL GUNG THANG DU TSAL PAR GRAGS PA'I DPON RIGS SHIG TU SKU 'KHRUNGS, GZHON NU NYID NAS SNGON GYI SKYE GNAS MANG PO RJES SU DRAN PA SOGS MNGON PAR RTOGS PA'I YON TAN KYIS PHYUG NA'ANG, BLA MA MKHAS PA'I DBANG PO DU MA BSTEN NAS RGYAL BA'I GSUNG RAB MTHA' DAG LA MKHAS PAR SBYANGS TE MTHAR PHYIN PAR MDZAD, KHYAD PAR DU RJE BTZUN TZONG KHA PA CHEN PO'I SPYAN SNGAR MDO SNGAGS KYI ZAB KHRID MANG PO GSAN TE MKHAS PA'I DBANG BOR GYUR, DE DUS SU RGYA NAG GONG MA YUNG LO RGYAL POS CHOS KYI RGYAL PO TZONG KHA PA CHEN PO'I SNYAN PA GSAN NAS GONG MA'I RGYAL KHAB TU GDAN 'DREN PA'I PHYIR BLON PO HA'U ZHEN SOGS T'A ZHING BZHIS GTZO

BYAS GSER YIG PA MI SNA MANG PO MNGAGS TE LUNG DANG GNANG SBYIN 'BUL BA GYA NOM DANG BCAS KHYER NAS TZONG KHA PA CHEN PO GDAN 'DREN LA BTANG YANG, RJE RIN PO CHE SER CHOS SDINGS SU SKU MTSAMS SHIN TU DAM PAR MDZAD PA'I SKABS SU GSER YIG PA RNAMS SLEBS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG BA LA, ZHU BA NAN GYIS PHUL BAS SE RAR PHEBS NAS MJAL KHA GNANG, 'BUL BA RNAMS BZHES RGYA YUL DU 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA T'A ZHING RNAMS LA ZHIB RGYAS GNANG NAS RJE RIN PO CHE SPYAN MA 'DRONGS PAR RJE NYID KYI SKU TSAB TU LAS 'BREL GYI DBANG GIS SPRUL BA'I SKU BYAMS CHEN CHOS RJE MNGAGS PA GDAN DRANGS TE BLA MA GRVA SLOB T'A ZHING MI BZHI MI SNA MANG PO DANG BCAS LHO KHA KHAMS PHYOGS MI THANG BRGYUD NAS RIM GYIS RGYA NAG GONG MA'I PHO BRANG DU PHEBS TE YUNG LO RGYAL PO MJAL, GONG MA CHEN POS KYANG SRID ZHU BSNYEN BKUR PHUN SUM TSOGS PA MDZAD, DE NAS GONG MA RGYAL POS BYAMS CHEN CHOS RJE LA RGYAL KHAB 'DIR RGYAL BA TZONG KHA BA'I BSTAN PA'I SNYING PO RNAMS DAR BA ZHIG BYA 'DOD PAS MDO SNGAGS KYI CHOS SPYI DANG KHYAD PAR RGYUD SDE BZHI'I DKYIL 'KHOR CHEN PO RNAMS BSGRUB CING MCHOD PA BYED DGOS PA'I BKA' LUNG GNANG, DE NAS BYAMS CHEN CHOS RJES LO GSAR NAS DPYID ZLA 'BRING PO'I TSES 'GOR CHOG GRVA GSANG 'DUS DGYES RDOR BDE MCHOG

, ,'KHOR CHEN 'JIGS BYED ZHE DGU MA SMAN BLA RNAMS KYI SGRUB MCHOD KYI STA GON BTZUGS TE TSES DGU NAS BZUNG ZLA BA GSUM GYI BAR DU SGRUB MCHOD MDZAD DO, ,GRUB PA'I RTAGS NA MKHA' LA LHA'I ROL MO'I SGRA DANG, KHA DOG SNA LNGA'I 'JA' 'OD 'KHYIL ZHING DBYIBS RGYAL MTSAN LTA BU DANG, RDO RJE 'KHOR LO PADMA SNA TSOGS RDO RJE LTA BU SHAR BA RNAMS SKYA SER KUN GYIS MNGON SUM DU MTHONG, SPRIN MED PA'I NAM MKHA' LAS LHAS ME TOG GI CHAR 'BEBS PA SOGS LTAS KHYAD PAR CAN MANG DU BYUNG ZHING, RGYAL PO'I RMI LAM DU PHYOGS BCU'I SANGS RGYAS BYANG SEMS THAMS CAD HE YIN ZI'I NAM MKHAR BKRA LAM GYIS BZHUGS PA YANG YANG RMIS PA YANG BYUNG GSUNGS, CHOS RJE RANG NYID KYIS KYANG DKYIL 'KHOR LHA TSOGS RNAMS KYI ZHAL YANG YANG GZIGS, DE NAS GONG MA CHEN PO THUGS DAD TSAD MED PA SKYES TE GSER GYI 'KHOR LO YOD PA'I THAM KA 'BUL BA TSAD MED PA DANG BCAS GNANG STE BSNGAGS BRJOD GZENGS BSTOD MDZAD, DE NAS RGYAL PO'I DGUNG LO KHRI TSO KHRI TSOR SPEL BA'I PHYIR DU GRUB PA'I RGYAL MO'I LUGS KYI TSE DBANG RJES GNANG, GRUB CHEN TEE LO PA'I LUGS KYI BDE MCHOG 'CHI BA MTHAR BYED KYI DBANG BSKUR TE SPYI BOR BUM PA BZHAG PAS BDUD RTZIS BUM PA GANG STE 'PHYUR PAR KUN GYIS MTHONG BA BYUNG ZHING TSE RIL SOGS LA 'OD 'TSER BA LA SOGS PA'I GRUB RTAGS YANG MANG PO

BSTAN; ;RGYAL PO SHIN TU YA MTSAN TE GUS PA CHER MDZAD, RIN PO CHE GSER DNGUL GYI PHRAS BRGYAN PA'I BZHUGS KHRI, YI RTZI MDUN LCOG ,ZHABS STEGS BZHUGS STAN SOGS 'BUL BA TSAD MED PA GNANG, GZHAN YANG RGYA HOR GYI YUL GRU DE RNAMS SU RAB BYUNG BSNYEN RDZOGS, KHYIM PA RNAMS LA BSNYEN GNAS DANG DGE BSNYEN GYI SDOM PA SBYIN PA DANG, RANG RANG GI BLO DANG 'TSAM PA'I CHOS BSTAN NAS RJE RIN PO CHE'I BSTAN PAS PHYOGS DE KHYAB PAR MDZAD, DE NAS PHYOGS NAS CHED DU 'ONGS TE MJAL PHRAD BYED PA'I BLA DPON SKYE BO SER SKYA CHE PHRA THAMS CAD KYIS 'BUL BA ZHABS TOG PHUN SUM TSOGS PA BSGRUBS SHING DE DAG SO SO'I SKAL BA DANG 'TSAM PAR RAB BYUNG BSNYEN RDZOGS, DBANG LUNG RJES GNANG KHRID MAN NGAG BSNYEN GNAS SMYUNG GNAS KYI SDOM PA SOGS RANG RANG GI 'DOD MOS LTAR TSIM PAR STZAL TE SMIN CING GROL BAR MDZAD, DE NAS GONG MA RGYAL PO LA RGYAL BA TZONG KHA PA ZHAL MJAL BA DANG, MCHOD CING BSNYEN BKUR BA DANG, CHOS ZAB MO MANG PO'I BKA' DRIN ZHU BA SOGS KYI CHED DU DBUS GTZANG DU PHYIN CHOG PA DGOS ZHES DGONGS PA ZHU BAR MDZAD PAS, GONG MA CHEN POS KYANG DGONGS PA KHROL TE, GONG NAS GSER YIG PA SKYEL BA'I MI SNA DANG BCAS PHABS TE SHAN ZE'I LAM CHEN BRGYUD NAS RIM PAS LI THANG BYAMS CHEN CHOS 'KHOR SOGS NAS BOD YUL DBUS KYI SE RAR PHYAGS PHEBS TE RJE RIN PO CHE DANG MJAL, RGYAL POS GNANG BA'I GNAS BCU'I

, ,THAGS SKU, LJON SHING GI GUR, GSER DNGUL GYI MAndAL LA RIN PO CHE'I TSOM BU DANG BCAS PA, GOS DAR SNA TSOGS GTOS CHE BA PHUL NAS ZHABS BRTAN GSOL 'DEBS KYANG MDZAD, JO BO SH'AKYA MU NE RA GSER 'BUL ,MGUL RGYAN MCHOD CHA'I RIGS, RI BO DGA' LDAN GYIS GTZOS DGE 'DUN RNAMS LA 'GYED MANG JA SOGS GNANG, MI SNA LDOG DUS RGYAL PO LA LEGS GSOL ZHU 'BUL BYAS; MI SNA RDZONG BA MDZAD, DE NAS SNGA MO NAS RJE RIN PO CHE SE RAR BZHUGS DUS, RTZA SHE, DRANG NGES RNAM 'BYED, BZHI BRGYA PA, BYANG CHUB LAM RIM, GSANG SNGAGS LAM RIM GYI KHRID, RTZA LTUNG BCU BZHI PA DANG BLA MA LNGA BCU PA'I RNAM BSHAD GNYIS LA SOGS PA'I CHOS MANG PO GSAN NA'ANG , SLAR YANG DPAL GSANG BA 'DUS PA'I 'GREL PA SGRON GSAL MCHAN BU DANG BCAS PA, BSHAD RGYUD 'GA' ZHIG GI LUNG, RIM LNGA'I KHRID, SBYOR BA YAN LAG DRUG PA'I KHRID RGYAS PA, DUS 'KHOR GYI 'GREL CHEN DRI MED 'OD KYI BSHAD PA CHES ZHIB PA, N'A RO CHOS DRUG , DBU MA 'JUG PA, TSAD MA RNAM 'GREL, BDE MCHOG RTZA BA'I RGYUD LA SOGS PA'I CHOS ZAB CING RGYA CHE BA DPAG TU MED PA GSAN, DE NAS LO RE BZHIN GONG MA CHEN POR MTSAMS ZHU DANG CHOS KYI GDAMS PA GONG NAS GONG 'PHEL DU MDZAD, GONG MA CHEN

POS KYANG LO RE BZHIN GSER YIG 'BUL NOD GYA NOM PA DANG BCAS STZAL ,DE NAS RJE RIN PO CHE ZHING GSHEGS PA LA NYE BA'I TSE, STOD LUNG GI CHAB TSAN DANG, DE NAS 'BRAS SPUNGS SU BYON, DE NAS LHA SAR BYON PA'I TSE BYAMS CHEN CHOS RJE 'DI PAS RJE RIN PO CHE SE RAR GDAN 'DREN BYED PA'I GRABS KYANG SGRIGS TE SPYAN DRANGS NAS SE RA CHOS SDINGS SU BZHUGS, BSNYEN BKUR TSAD MED PAS MCHOD, DE'I TSE RJE RIN PO CHES BYAMS CHEN CHOS RJE 'DI PA LA SE RAR DGE 'DUN GYI SDE BTZUGS NAS BSHAD SGRUB RKANG TSUGS PA ZHIG BYED DGOS PA'I BSLAB STON ZHAL TA RGYAS PAR GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAMS PAR DAG BA NUB PAR GYUR NAS RING ZHIG LON, RJE RIN PO CHE NYID KYIS BSHAD PA RNAM PAR DAG PAR MDZAD PA'I GSUNG GI BDUD RTZI NYAMS SU MYONG BA'I BLO GROS KYI LUS YONGS SU TSIM PA MANG DU BYON MOD KYI, DE LTA NA YANG DA DUNG RGYUD SDE'I 'CHAD NYAN RKANG TSUGS PA'I GRVA SA GZHI THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN PA 'BA' ZHIG LA DGONGS PA'I THUGS KYI 'DUN PA SHUGS DRAG POS DE'I TSE BYAMS CHEN CHOS RJE 'DI PA LA BDE GSANG GNYIS KYI 'CHAD NYAN RKANG TSUGS PA'I SNGAGS GRVA ZHIG 'DZUGS PA'I ZHAL TA GNANG STE, BYAMS CHEN CHOS RJE 'DI PAS KYANG RJE RIN PO CHE'I BKA'

, ,BZHIN DU SGRUB PA'I THUGS KHUR RGYA CHER BZHES NAS, SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA BRTEN TE DPAL GSANG BA 'DUS PA DANG, BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG, CHOS DPON BSKO BA LA SOGS PA MDZAD CING RTEN 'BREL KHYAD PAR CAN SGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS PA LA SOGS PA RTEN 'BREL BSGRIG PAR MDZAD PA LA BRTEN TE SE RA THEG CHEN GLING BTAB, DE NAS RING POR MA LON PAR RJE RIN PO CHE GZHAN DON DU GSHEGS PA'I GDUNG MJAL RGYAN MCHOD ME SOGS GDUNG MCHOG RGYA CHEN PO MDZAD, SE RA CHOS SDINGS SU BYAMS CHEN CHOS RJE RANG NYID KYIS GTZOS DGE 'DUN MANG PO DANG BCAS GSANG BDE 'JIGS GSUM GYI DKYIL 'KHOR CHEN PO DAG ZHAL PHYE NAS, BLA MA RDO RJE 'CHANG DANG THA MI DAD PA LA PHYI NANG GSANG BA'I MCHOD PA RGYA CHEN POS MNYES PAR BYAS SHING, BDAG NYID 'JUG CING DBANG BLANG BA LA SOGS PAS DAM TSIG DANG SDOM PA RNAM PAR DAG PAR BGYIS TE, THUGS KYI DGONGS PA YONGS SU RDZOGS PA DANG, BLA MA MCHOG GI YE SHES KYIS GZIGS PA NAM DU YANG

'BRAL BA MED PA'I SMON LAM RGYA CHEN PO BTAB PAS NGO MTSAR BA'I LTAS MANG DU BYUNG STE, NAM MKHA' 'JA' YANG YANG SHAR BA DANG ME TOG GI CHAR YANG YANG BABS, BYI LO ZLA BA BCU PAR DGE LDAN DU RDO RJE 'DZIN PA BRGYA PHRAG DU MAS DKYIL 'KHOR DPAG TU MED PA BSGRUB CING MCHOD PA'I DUS KYI MCHOD PA BSGRUBS PA DE'I TSE DPON NAM MKHA' BZANG PO KHU DBON PA'I DRUNG NAS, RA KHA BRAG TU CHOS RJE BYAMS CHEN PA 'DIS GTZO BO MDZAD PA'I DGE BA'I BSHES GNYEN DU MA SPYAN DRANGS NAS DUS KYI MCHOD PA RGYA CHEN POR MDZAD DE GSOL BA BTAB PAS ME TOG GI CHAR BABS PA NI, ME TOG MU TIG GI MDOG LTA BU CHUNG DU SA LA KHA BA LTAR CHAGS PA DANG GZHAN YANG 'DAB MA DRUG PA LA SOGS PA KHA CIG GI MDOG NI DUNG DANG, KHA CIG NI GSER BTZO MA, KHA CIG NI MI KHRI LTA BU, KHA CIG NI RGYA MTHING BZANG POS BYUGS PA LTA BU MI'I LAG PA'I KHYON TZAM DPAG TU MED PA BABS SO, ,BYAMS CHEN CHOS RJE 'DIS RJE RIN PO CHE'I DGONGS RDZOGS SU MCHOD 'BUL MDZAD PA LA DE LTA BU'I RTAGS NGO MTSAR CAN 'BYUNG BA NI BYAMS CHEN CHOS RJE 'DI NYID RJE RIN PO CHE'I THUGS RJE'I BYIN RLABS ZHUGS PA'I SKYES BU DAM PA GZHAN DANG MI 'DRA BA ZHIG YIN PA'I RTAGS TE RNAM PAR THAR PA NGO MTSAR BA YIN NO, ,DE NAS SLAR YANG GONG MA CHEN PO YUNG RGYAL POS GDAN DRANGS TE RGYA NAG TU PHEBS,

, ,RGYAL PO CHOS DANG ZANG ZING GIS MNYES PAR BYAS, RGYA NAG GI YUL DU RDZU 'PHRUL GYI BKOD PA MANG DU BSTAN CING, RJE RIN PO CHE'I RING LUGS DRI MA MED PA PHYOGS KUN TU RGYA CHER SPEL, RJE RIN PO CHE'I THUGS BSKYED DANG BYAMS CHEN CHOS RJE NYID KYI SNGON GYI SMON LAM GYI DBANG GIS RGYA NAG THE RDZUNG YUNG LO RGYAL PO NAS ZON TE RGYAL PO'I BAR RGYAL RABS BZHIS MCHOD PA'I DPAL YON BLA NA MED PA MDZAD DE, DGUNG LO BRGYAD CU GYA GNYIS BZHES PA SHING MO YOS LO ZLA BA BCU PA'I TSES BCO BRGYAD KYI NYIN BU CHEN K'O SHI AA MO GHA DANG BSOD NAMS SHES RAB RNAM PA GNYIS LA ZHAL BKOD GNANG STE, PHYI NANG GI DO DAM MDZAD NAS SKU MTSAMS LA BZHUGS TE, THUGS DAM MDZAD, NYI SHU BZHI LA MDZO MO MKHAR DU ZHING GSHEGS SO, ,DE NAS YONGS KYI DGE BA'I BSHES GNYEN MANG POS DGONGS PA YONGS SU RDZOGS PA'I PHYIR DGE RTZA RGYA CHEN PO BSGRUBS SHING GDUNG MCHOD RGYA CHEN PO NYIN ZHAG BZHI BCU ZHE DGU'I BAR DU BSGRUBS DE'I TSE NAM MKHA' LA 'JA' 'OD 'KHRIGS SHING, LHAS ME TOG GI CHAR PHAB PA SOGS NGO MTSAR BA'I LTAS MANG DU BYUNG NGO, ,KHRA SA'I ZHES BYA BA'I SA CHA DER K'O SHRI DPAL LDAN PAS GTZOS DGE BA'I BSHES GNYEN MANG PO'I TSOGS DANG BLON CHEN MI CHEN DMAG DPON MI DPON SOGS SKYA SER MANG PO 'DUS NAS SKU GDUNG ZHUGS 'BUL MDZAD PA LA K'O SHRI DPAL LDAN PAS ME SBOR BA'I STANGS

KA CAM BYAS PA LA ME RANG 'BAR DU SONG ZHING, 'JA' TSON SNA LNGA'I GDUGS DANG RGYAL MTSAN BA DAN BKRA SHIS RTAGS BRGYAD KYI DBYIBS LTA BU'I LTAS BZANG KHYAD PAR CAN NAM MKHA'I KHAMS GANG BAR BYUNG BA KUN GYIS MTHONG ZHING NGO MTSAR BA'I GNAS SU GYUR TO, ,RJE RIN PO CHE'I THUGS SRAS BSTAN 'DZIN DAM PA SNGAR SMOS PA DE DAG THAMS CAD TSUL KHRIMS RNAM PAR DAG PA BYANG CHUB LAM GYI RIM PA LA NYAMS LEN SNYING POR MDZAD PA SA LAM GONG NAS GONG DU BGRONG BZHIN PA DANG 'GA' ZHIG LAM GYI BGROD PA MTHAR PHYIN TE SPRUL PAS 'GRO DON MDZAD PA, DAM NYAMS DANG 'CHAL PA DANG 'DRA CAN GYIS MA BSLAD PA RNAM THAR GTZANG BA, LUNG DANG RTOGS PA'I YON TAN GYIS MNGON PAR MTHO BA ,BSTAN PA LA BYA BA MDZAD PA SHA STAG BZHUGS TE, 'DIR MTHA' DAG BRI MA NUS LA, MKHAS GRUB SMRA BA'I NYI MA DGE LEGS DPAL BZANG DANG, BA SO CHOS KYI RGYAL MTSAN DANG, RJE BTZUN SHES RAB SENG GE DANG, THAMS CAD MKHYEN PA DGE 'DUN GRUB PA RNAMS NI LAM RIM BLA BRGYUD DU BZHUGS PAS DE DAG GI RNAM THAR RNAMS NI SO SO'I BRGYUD RIM DU 'CHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS RGYAL BA SRAS BCAS KUN GYI MKHYEN BRTZE NUS GSUM GCIG TU BSDUS PA'I NGO BO CHOS KYI RGYAL PO TZONG KHA PA CHEN PO LA GSOL BA 'DEBS PA LHUR BYA ZHING, RJE BDAG NYID CHEN PO'I RNAM THAR LTAR GANG NYAMS SU BLANG BAR BYA BA'I

, ,GNAS RNAMS LA SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS NGES PA RNYED PAR BYA BA DANG, JI LTAR NGES PA'I DON LA DBEN PA'I GNAS SU TSE 'DI'I KHRI BA BCAD DE SGRUB PA SNYING POR BYA BA DANG, BSTAN PA'I RTZA BA SO SOR THAR PA'I BCAS MTSAMS RNAMS MIG GI 'BRAS BU LTAR BSRUNG BA GZHIR BYAS NAS RGYAL BA'I BKA' DANG SHING RTA CHEN PO'I GZHUNG RNAMS GDAMS PA'I MCHOG TU 'KHYER BAR BYA BA DANG, LAM GYI YAN LAG PHRA MO RE LA ZHEN PA MIN PAR LAM GYI LUS YONGS SU RDZOGS PA LA SLOB PA DANG, MDO SNGAGS GNYIS TSA GRANG LTAR 'GAL BAR SONG BA MIN PAR GCIG GROGS SU GCIG 'GRO BAR BYAS LA BSHES GNYEN BSTEN TSUL NAS BZUNG MTHAR THUG GI 'BRAS BU MI SLOB PA'I ZUNG 'JUG GI BAR SA LAM 'BRAS BU DANG BCAS PA YONGS SU RDZOGS PA RANG GI RGYUD LA SBYAR TE NYIN RE BZHIN BAG CHAGS CI THEBS BYA BA LA SKYES BU'I RTZA LA CI YOD KYIS 'BAD PAR BYA'O,, ` ,,RJE BTZUN 'JAM PA'I DBYANGS KYI BKA' GRUB PAS, ,MDO RGYUD RGYA MTSO'I DPAL LA DBANG BSGYUR ZHING, ,BLO BZANG CHOS KYI MDUN SA MDZES PA'I RGYAN, ,'JAM DPAL RGYA MTSO'I ZHABS LA GSOL PA 'DEBS, ,ZHES BSNGAGS PA GRUB PA'I DBANG PHYUG 'JAM DPAL RGYA MTSO BA NI, MDO SMAD TZONG KHA'I YUL DU ME PHO SPRE'U'I LO SKU 'KHRUNGS, SNGON GYI BAG CHAGS BZANG PO'I

MTHU BRTZAS PAR GYUR PAS GZHON NU NYID NAS DAM PA'I CHOS 'TSAL BA'I THUGS BSAM KHO NA BYUNG NAS, ZLA BA SGRON MA'I MDO LA SOGS PA'I MDO DANG BSTAN BCOS MANG PO THUGS LA BZUNG, KHYAD PAR ZLA BA SGRON MA'I MDO RGYUN DU ZHAL 'DON DU MDZAD, SNGON YUN RING PO NAS LAM LA GOMS PA'I MTHUS SKU TSE 'DIR GZHAN GYIS BSKUL BA LA MA LTOS BAR NGES 'BYUNG GI BSAM PA SHUGS DRAG POS RGYAL BA'I BSTAN PA LA RAB TU BYUNG NAS KHAS BLANGS PA'I BCAS MTSAMS RNAMS MIG GI 'BRAS BU LTAR BSRUNG ZHING, DE'I TSE DAM PA'I CHOS KHO NAS THUGS DRANGS PAS DGUNG LO BCO BRGYAD TZAM LA DBUS SU PHEBS, GRVA SA RNAMS SU BZHUGS NA SO SO'I LAS TSAN DANG MI MANG GIS G-YENG DOGS NAS DAL 'BYOR RNYED DKA' DANG NAM 'CHI CHA MED DRAN PAS RGYUD BSKUL TE RTAG TU DU LTAR CHOS 'TSOL BA'I 'DUN BA SKYES TE DGE BA'I BSHES GNYEN MANG PO'I ZHABS LA GTUGS NAS MDO SNGAGS KYI LUNG MAN NGAG RNAMS GSAN ZHING KHYAD PAR RJE BTZUN TZONG KHA PA CHEN PO'I ZHABS LA GTUGS TE MAN NGAG RNAMS GSAN NAS TSE MJUG SGRUB PA MTHAR PHYIN PA ZHIG BYED DGONGS PA NAR MAR BYUNG, DE NAS RJE RIN PO CHE BDE BA CAN DU RGYUD BLA MA GSUNG GIN 'DUG PA GSAN DU BYON PAS LEGS PAR GO BA BYUNG GSUNGS, DE NAS RJE RIN PO CHES SGRUB PA SNYING POR BYED PA LA LAM CHA TSANG LA GO BA RNYED DGOS, DE 'ONG BA LA SHING RTA CHEN PO'I GZHUNG RNAMS LA SBYANGS NAS DRI MA MED PA'I RIGS PAS LAM DANG LAM MIN 'BYED

, ,THUB BA ZHIG DGOS PAS TSAD MA LA SOGS PA'I GZHUNG LUGS RNAMS LA SLOBS GSUNG BA'I BKA' PHEBS PA NA RJE RIN PO CHE'I BKA' LTAR BSGRUBS TE G-YANG PHU LA SOGS PA'I GRVA SA MANG POR GZHUNG LUGS RNAMS LA SBYANGS TE 'DRIS PAR MDZAD CING, KHYAD PAR RJE RIN PO CHE NYID LA GZHUNG LUGS RNAMS GSAN TE RIGS PA'I LAM SROL RNYED PAR MDZAD, DE LTAR GZHUNG CHEN MO RNAMS LA THUGS SBYONG MTHAR PHYIN PAR MDZAD DE DA NI SGRUB PA RTZE GCIG TU BYA DGONGS NAS SGOM KHRID RNAMS BLA MA MANG PO LA GSAN ZHING BSGOMS NAS MYONG BA THON PAR MDZAD, KHYAD PAR SKYOR MO LUNG DU BLA MA DBU MA PA DANG RJE RIN PO CHES 'JAM DBYANGS CHOS SKOR GYI BDE MCHOG GNANG BYUNG BA BSGOMS PAS RMI LAM DU RI BO RTZE LNGA SOGS YUL KHAMS MANG POR BYON PA SOGS BYUNG GSUNG, DE NAS BLA MA YON BZANG BA'I SAR BZHUGS DUS SU DA STE 'JIG RTEN MI DANG MI BSRE, SE MO DO 'AM KHA CHE'I YAN LAG GAN BHO LA'I SGRUB GNAS SU PHYIN LA TSE DANG SGRUB PA MNYAM PA ZHIG BYA DGONGS PA BYUNG, DE DUS RJE RIN PO CHE YANG GTZANG PHYOGS LA PHEBS BLA MA DBUS PA DANG MJAL, RJE BTZUN GYI ZHAL TA LA NYAN BSHAD LAS BYA BRAL GYIS GSUNG BA BYUNG NAS DE LA THUGS THAG BCANG, RJE RIN PO CHE SLAR GTZANG NAS PHEBS, DE DUS BLA MA 'DI PA'I THUGS LA RJE RIN PO CHE BYA BRAL MDZAD NA RJE'I PHYAGS PHYIR 'BRANG DGOS, DE LAS LHAG PA RANG GZHAN DU

PHYIN YANG MI 'ONG SNYAM NAS MJAL DU BYON, LO RGYUS ZHUS PAS, NGED KYANG SGRUB PA BYED KHYED RANG YANG LAM 'BRAS KYI CHA LAG LHAG MA RNAMS ZHUS LA SHOG GSUNG BAS DE LTAR MDZAD NAS BYON GSUNGS, RJE RIN PO CHES BYA BRAL LA 'BYON PA'I 'KHOR JI LTAR 'THANG RJE BTZUN LA ZHUS DUS, BLA MA 'DI PA DANG BLA MA 'JAM DKAR BA, BLA MA SHES RAB GRAGS, BLA MA RIN RGYAL PA, SLOB DPON BZANG SKYONG, BLA MA BYANG SENG BA, BLA MA 'JAM DPAL BKRA SHIS, DPON PO DPAL SKYONG RNAMS KHRID GSUNG BA BYUNG 'DUG ,DE NAS DPON SLOB RNAMS STOD LUNG NAS DVAGS PO PHYOGS LA 'BYOR PAR CHAS, CHU GZHUNG LA MKHAR LTAG LA LKOG PAR DU BYON, DE NAS 'OL KHAR BYON PAS 'OL KHA RDZONG DPON GYIS 'GO BYAS THAMS CAD DAD NAS LO KHA YAR BZHUGS PA'I ZHU BA PHUL, CHOS LUNG DU RJE RIN PO CHES SPYIL PO ZHIG LA BZHUGS, GZHAN BYINGS POS BONG SPYIL RE LA BRTEN NAS BZHUGS, DE DUS BKA' GDAMS PA RNAMS KYI PHYAG LEN LTAR LAM THUN MONG BA LA GTZO BOR BLO SBYANGS PA DANG, SO SO THAR PA'I 'DUL KHRIMS LA GZHI BYAS THUN MONG BA NAS RIM PAS BRTZEGS PA MIN PA DANG PO NAS SNGAGS LA ZHUGS KYANG GNYIS MED SENG GE 'ONG BAR DGONGS NAS SNGAGS KYI YIG CHA DANG THANG SKU SOGS KYANG KHYER BA MED, BLA MA 'DIS LAM 'BRAS ZHUS PA DANG RJE BTZUN LA MOS PAS THANG SKU CHUNG CHUNG GCIG DANG LAM 'BRAS KYI GZHUNG BSHAD GCIG GDAN DRANGS GZHAN YE MED GSUNG, BLA MA DBU MA BAS

, ,THOG MAR BLA MA 'DI NYID LA RJE BTZUN GYI SGRUB SKOR RNAMS BYIN GSUNGS PAS, RJE RIN PO CHES BLA MA 'DI LA RJE BTZUN 'JAM DBYANGS KYI SGRUB SKOR RNAMS RIM CAN DU TSANG BAR GNANG, JI LTAR GNANG BA LTAR RTZE GCIG TU SGRUB BA MDZAD PAS RJE BTZUN 'JAM PA'I DBYANGS KYI SKU DANG GSUNG GI SNANG BA GSAL ZHING BRTAN PA NAR MAR BYUNG, PHYIS MGAR PHUG TU GZHAN RNAMS LA'ANG GNANG STE BSGRUBS PAS BYIN RLABS KYI MTSAN MA BYUNG GSUNGS, DE DUS ZHAG BDUN BDUN RJE'I ZHABS TOG BYED RES BYAS TE BLA MA 'DI'I RES SHIG DBU MA PA'I LUNG BSTAN BYUNG TSUL THOR BU ZHIG GNANG BA'I 'KHOR GZHAN RNAMS LA'ANG GNANG BAR ZHU ZHUS NAS GZHAN RNAMS KYANG BOS, MCHOD PA BSHAMS TE DE GSUNG BAR GSOL BA BTAB NAS GSUNGS PAS, THAMS CAD BLO 'KHRUL TE RJE RIN PO CHE DANG, BLA MA 'JAM DKAR BA GNYIS LA BYINGS POS ZHU BA PHUL TE DKA' THUB MDZAD DU MA BCUG ,GZHAN RNAMS KYIS SHUGS PA'I DKA' THUB BYAS, DE YANG THOG MAR BLA MA 'DI BAS BRTZAMS, TSUL KHRIMS LA GUS PAS RIL BU'I RTA SING POS BYED PA 'DUG STE CHU LA BYAS, GZHAN RNAMS LA RIL BU BRGYAD CU TZAM RE DGOS PAR 'DUG ,BLA MA 'DI LA SUM CU TZAM RES CHOG BAR BYUNG, STAG RTZE PAS CHAS KA LONGS ZER TE, DE DUS SKYO SHAS CHE DRAGS PAS MI DANG SNANG BA MI BSTUN CI BYED BSAM NAS MA BLANGS PAR LO GSUM TZAM SHUG 'BRU'I BCUD LEN LA BRTEN GSUNGS, DE'I RGYU MTSAN GYIS BLA MA 'DI LA SHUG

'BRU PA BYA BAR GRAGS, DE LTAR BDAG NYID CHEN PO 'DIS RJE RIN PO CHE SGRUB PA'I MCHOD PAS MNYES PAR MDZAD, YUN RING DU BSTEN NAS GSUNG RAB THAMS CAD KYI SNYING PO'I DON GCIG TU BSDUS PA'I MAN NGAG BYANG CHUB LAM GYI RIM PA MAN NGAG ZHAL SHES GEGS SEL BOGS 'DON DANG BCAS PA DANG, GSANG BDE 'JIGS GSUM SOGS BSKYED RDZOGS KYI KHRID MAN NGAG ZHAL SHES GEGS SEL BOGS 'DON DANG BCAS PA DANG ,ZAB LAM GCOD KYI CHOS SKOR CHA LAG DANG BCAS PA DANG, LHAG PAR DGA' LDAN SNYAN RGYUD KYI LTA KHRID CHA LAG DANG BCAS PA SOGS GDAMS NGAG THAMS CAD RDZOGS PAR THOB, THE TSOM GYI DRA BA MTHA' DAG CHOD PAR MDZAD, RJE BTZUN 'JAM PA'I DBYANGS KYIS RJE RIN PO CHE DANG, BLA MA 'DI PA DGA' LDAN GYI LHA KHA SHAS BCAS LA MDO SNGAGS GNYIS KA'I LAM GYI GNAD BSDUS PA'I SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM CHEN MO DANG BCAS PA GNANG NAS SPRUL PA'I GLEGS BAM CHEN MO BLA MA 'DI'I PHYAG TU PHEBS, RJE RIN PO CHE'I GDUL BYA 'PHRIN LAS THAMS CAD SA 'UR RDO 'UR DU RDOL BA NA 'DI PAS SGRUB PA RTZE GCIG PA NYID KYIS THUGS DRANGS NAS, DA NI NGA RANG DBEN GNAS SHIG BTZAL NAS SGRUB PA BYA DGONGS TE MAL GRO RGYAL STENG DU THOGS GCIG BZHUGS, DE NAS SPANGS MKHAN POS GDAN DRANGS TE, RI RTZE'I KHANG GCIG MOR RE SHIG BZHUGS, DE NAS SPANG SA SPYAN SNGAS DBEN GNAS SE BA RONG GI GZIM KHANG PHUL BAS DER BZHUGS TE SPYAN

, ,SNGAS GTZO MDZAD SKAL LDAN RNAMS LA BYANG CHUB LAM GYI RIM PA SOGS CHOS MANG DU GSUNGS, DE NAS DGONGS PA LA 'ON KYANG 'PHAGS PA'I GO 'PHANG MA BRNYES BAR DU CHOS 'CHAD PA SOGS GZHAN LA PHAN CHUNG ZHING SANGS RGYAS SGRUB PA'I BAR CHAD YIN PAR DGONG SNAS BUG SGO 'DAG SBYAR GYIS DUS 'DA' BAR MDZAD, GSER DANG BONG BA SNYOMS DGRA GNYEN NYE RING SNYOMS CHOS BRGYAD 'GO SNYOMS, RNYED BKUR SNYAN GRAGS LA BLTA BA'I 'DOD PA NGAN BA RGYANG RING DU DOR TE BSAM GTAN GYI 'KHOR LOS DUS YOL BAR MDZAD DO, ,DE'I TSE RJE BTZUN 'JAM DBYANGS KYI SKU GSUNG THUGS KYI SNANG BA YOD TSUL SNYAN GRAGS CHES PAS PHYOGS NAS MKHAS BTZUN BZANG GSUM DANG MI DRAG ZHAN YO 'ONG NAS LUNG BSTAN ZHU BAS PHAL MO CHE LA MJAL KHA MI 'ONG ,RE RE TZAM MJAL DU BYUNG BA LA'ANG DANG PO NAS MTHA' 'GOG RANG MDZAD DE, YI DAM GYI ZHAL GZIGS PA SOGS YE MI MNGON PAR MDZAD, DE DUS PHAG MO GRUB PA'I MI DPON CHEN PO RNAMS DANG, KHYAD PAR 'OL KHA RDZONG DPON GYIS RANG RANG GI BSTI GNAS SU SPYAN 'DREN PA'I ZHU BA DANG, DBEN GNAS KYANG SO SOS GANG BZHED 'BUL BAS PHEBS PA'I ZHU BA PHUL DUS NGA DBEN GNAS 'DIR SU GANG GI'ANG NGO 'DZIN BYED MI DGOS 'TSO BA'ANG MTHA' GNYIS PRAL BAR SPYOD PA 'DI BSGYUR NAS DE NA BAR CI BYED, KHONG TSO'I ZHABS TOG DE 'DRAS MI 'TSENGS PAR SROG KHAG 'KHUR DGOS

PA 'ONG GSUNGS NAS PHEBS MA BZHED LAN CIG DGE BSTEN GCIG NA RE, DRUNG NAS MI RNAMS MJAL DU 'ONGS PA NA BKA' BKYON RE BYON BTANG BAS DGA' 'ONG BAR 'DUG, DAR KHA CHE MJAL DU BYUNG BA LA'ANG KHYOD 'BRI KHUNG PA'I SA KHOG 'DIR PHYI BKRUG NANG DKRUG YO BYED PAR SNANG GSUNGS NAS BKYON BAS, KHONG DRUNG NAS NGA LA THUGS TSA LA SBYAR BA'I GSUNG BYON ZER KYIN DGA' NAS SONG ZHUS PAS, NGAS SU GANG GI'ANG NGO 'DZIN MA MYONG BA YIN GSUNGS, DE LTAR CHAGS SDANG DGRA GNYEN GYI PHYOGS RIS MI MNGA' BAS 'DI 'DRA ZHIG DANG 'THAB RTZOD KHON 'DZIN 'DUG CES PA DE DUS KYI SKYE BO SUS KYANG MA TSOR, SDUG BSNGAL DANG DKA' SPYAD LA BZOD PA'I MTHU CHE BAS DUS THAMS CAD DU MGO 'AM GOS LA ME SHOR BA LTA BU'I BRTZON 'GRUS RTZOM PAR MDZAD, TSOGS CHOS SOGS GSUNG BAR ZHUS DUS CHOS NGA RANG LA 'CHAD DGOS PAR 'DUG, THOG MAR MI LA SNYING RJE BYED PA BAS RANG LA SNYING RJE BYED DGOS PA 'DUG GSUNGS NAS TSIG GSUNGS TSAD GO RGYU CHE BA DON 'DRIL BA CHOS MI 'CHAD GSUNG YANG GSUNGS TSAD CHOS KYI GNAD ZAB DGU 'BA' ZHIG TU 'ONG BA, GSUNG GANG 'BYON YANG RDO BCAG PA'I 'PHRO BZHIN DU SLAR LDOG TU MED PA CIG 'ONG, KHYAD PAR DU'ANG SNGAGS LA DAM DOG CHE BAR MDZAD, BDAG NYID CHEN PO 'DI THUGS KYI DPYAD PA GZHAN DANG MI 'DRA BA MNGA' BAS RJE RIN PO CHES KYANG BLA MA 'DI'I ZHU 'BUL SOGS LA ZOS MDZAD PA YIN PAR SNANG NA GZHAN GYIS LTA CI SMOS, RJE'I SKU MDUN DU

, ,GSHIBS PA'I BSHES GNYEN CI RIGS LA'ANG SDE BAN TSO GSUNG GIN BKA' BKYON, KHONG TSO SHES RAB CHE STE NGA DAD PA CHE ZHES GSUNG, GZHAN YANG PHYAG RDZAS CI BYUNG YANG GSOG PA YE MI MDZAD, GZHAN GYI BZHIN THAB KHA DANG BZA' BTUNG LA GTONG BA YE MI MDZAD BAR DGE PHYOGS SU GTONG, 'PHRAL DU'ANG SKYE BO THAMS CAD RLAG PAR BYED PA'I RANG BZHIN CAN 'DOD PA'I NYES DMIGS KHO NA GSUNG BAR MDZAD, DRI BA NI RJE BTZUN 'JAM DBYANGS LA CI BZHED ZHUS PAS CHOG PA DANG, RANG NYID YON TAN LA MNGA' BRNYES PAS NAD GDON BAR CHAD ZHI BA DANG TSE DANG BSOD NAMS RGYAS PA DANG GZHAN DBANG DU SDUD PA DANG, DRAG PO'I LAS SOGS JI LTAR BZHED PA BZHIN 'GRUB PAS RJE RIN PO CHE DANG, CHOS RJE 'DUL BA PA SOGS KYI'ANG SKU TSE BSRING BA'I CHO GA DANG, SKU RIM JI LTAR BSGRUB PA SOGS THAMS CAD BLA MA RIN PO CHE 'DI NYID KYIS LUNG STON CING GZHAN YANG BSTAN PA LA PHAN PA'I BSHES GNYEN CI RIGS LA'ANG LUNG STON PA DANG, DON CHEN POR 'GYUR PAR SNANG NA KHYIM PA CI RIGS LA'ANG PHAN THOGS MDZAD, TSUL KHRIMS KYI DBANG DU BYAS NA SDOM PA GSUM GYI NYES LTUNG PHRA MOS KYANG MA GOS PAR SPYAN GYI 'BRAS BU BZHIN DU BSRUNG BAR MDZAD, DUS THAMS CAD DU BRJED PA MED PA'I DRAN PA KHYAD PAR CAN MNGA' ZHING MNYEL BA'I RGYU 'DU 'DZI DANG RNAM G-YENG RGYANG RING DU SPANGS TE DUS THAMS CAD DU SGO GSUM GYI SPYOD PA LA SO SOR RTOG PAR

MDZAD, ZLA BA BYUNG NGO COG GI PHYED NA KHYAD PAR DU'ANG SGO GSUM GYI BYA BA LA BRTAGS NAS NYES PA BYUNG BA THAMS CAD LA MTHOL BSHAGS DANG, PHYIN CHAD SROG LA BAB KYANG MI BYED PA'I SDOM SEMS BTANG NAS GSO SBYOD BYA BA'I TSUL NAM YANG MA CHAG PAR MDZAD PAS BLANG DOR LA G-YEL PA'I BAG MED PA NI MI MNGA', DE LTAR SDOM PA GSUM LA RANG BZHIN DANG BCAS PA'I KHA NA MA THO BA'I DRI MA DANG BRAL BAS NYON MONGS PA'I RGYU BA 'GAGS TE ZHI ZHING DUL BA'I MCHOG TU GYUR TO, ,'OL KHA BSAM GTAN GLING DU RJE RIN PO CHES GSANG 'DUS KYI BSKYED RDZOGS GSUNGS NAS BSGOMS PAS GTZO 'KHOR THAMS CAD LA GSAL SNANG THON, BSKYED RDZOGS KYI GNAD ZAB MO ZHIG LA TSOGS 'KHOR BSHAMS GSER GYI MAndAL PHUL NAS ZHUS PAS GNANG, BSKYED RDZOGS LA SNOD BCUD THAMS CAD LA THA MAL GYI SNANG ZHEN BKAG PA DE DGOS, NGAS KYANG DE DUS ZHAG NYI SHU RTZA DRUG TU SBYANGS PAS BYUNG GSUNG, NYIN MTSAN KHOR YUG TU BYANG SEMS 'DZAG MED DU BZUNG BAS SKU LUS LANG TSO DAR LA BAB PA LTA BUR DKAR LA DMAR BA'I MDANGS CHAGS PA MNGA' BA BDE STONG GI TING NGE 'DZIN BRTAN PO BRNYES PA'I YON TAN DU SNANG ZHING, DGUNG LO BDUN CU LON DU SU'ANG, KHYOD KYI ZHAL GYI PADMA DANG, ,PADMA NYI MAS KHA BYED BA, ,BUNG BAS MTHONG NA PADMA NI, ,THE TSOM DBYANG THAG LA 'JUG 'GYUR, ,ZHES GSUNGS PA LTAR ZHAL RAS KHA BA'I GONG BU LTAR DKAR BA LA MKHUR

, ,CHOS KYI RTZE LA MTSAL BYUGS PA LTA BU'I MDANGS DANG LDAN ZHING, 'BYON BZHUGS SOGS LA'ANG ZOR YANG ZHING, SKU LUS MDA' LTAR DRANG ZHING SGUR KYOG GI RNAM PA YE MI MNGA' 'O,, DE LTAR BDE STONG GI TING NGE 'DZIN GYI YON TAN KHYAD PAR CAN THOB NA CHU NANG DU ZLA BA'I SNANG BRNYAN 'CHAR BA LTAR SANGS RGYAS BYANG SEMS MANG PO RANG GI NGANG GIS MTHONG BA YIN GSUNGS PA LTAR BLA MA RIN PO CHE 'DI LA'ANG SKU TSE SNGON ROL DU MA NAS RJE BTZUN 'JAM DBYANGS KYIS 'BRAL MED DU RJES SU 'DZIN PA'I RGYU TSOGS YOD PA DANG, SKU TSE 'DIR YANG RJE BTZUN 'JAM PA'I DBYANGS LA DAD PA DANG, RJE BTZUN GYI SKU RTZE GCIG TU BSGOMS PA'I TING NGE 'DZIN BRTAN PO LA MNGA' BRNYES PA'I GNAD KYIS, RJE BTZUN LA NAM BZHED DU MJAL NAS THUGS KYI THE TSOM THAMS CAD GCOD PA MDZAD, CI RIGS KYI NYAMS SNANG LA SANGS RGYAS BYANG SEMS MANG PO MTHONG BA DANG GSUNG 'BYON PA SOGS 'ONG YANG RMI LAM BZHIN DU 'KHRUL SNANG DU SONG NAS YID BRTAN MI THUB PA YIN PAR SNANG, BLA MA 'DI'I DE RNAMS LA RJE RIN PO CHES KYANG BRTAG DPYAD MANG DU MDZAD, KHYAD PAR CHOS KYI GNAD ZAB MO'I DRI BA MDZAD PA RNAMS KYI LAN 'PHYUG MED DU 'ONG BAS THUGS CHES NAS, THE TSOM GYI DRI BA RNAMS 'DI PA LA DRIS NAS GZOD THAG CHOD SOGS MDZAD PA YIN PAR SNANG, RJE RIN PO CHE SKU KHAMS BSNYEL BA DVANGS

PA'I SKABS SHIG RJE BTZUN 'JAM PA'I DBYANGS GZIGS PAS, DA PHYIN CHAD BSKYED RDZOGS KYI RNAL 'BYOR LA 'BAD NA RTOGS PA KHYAD PAR CAN 'BYUNG SLOB MA SKAL LDAN BDUN LA'ANG RTOGS PA KHYAD PAR CAN SKYE'O GSUNG BA LA, RJE'I ZHAL NAS NYAMS SNANG YIN NAM RTOGS LDAN PA LA 'DRI DGOS DGONGS PA NA BLA MA 'DI PAS RJE RIN PO CHE LA DA RJE BTZUN LA BSKYAR MA ZHU DGOS PA MED DE, LAM DE THUGS LA 'KHRUNGS PA'I RGYU BDE STONG GI YE SHES KHYAD PAR BA SNGAR NAS 'KHRUNGS ZIN, DA PHYI'I RKYEN ZHING SKYES KYI PHO NYAS GROGS MDZAD PA'ANG MYUR DU 'ONG BAS LAM DE MYUR DU 'KHRUNGS PA ZHIG 'ONG ZHES RJE BTZUN 'JAM PA'I DBYANGS GSUNG ZHUS PAS THUGS CHES PAR SNANG, YANG BLA MA'I 'DI'I GSUNGS NAS, RJE'I DRUNG DU BUD MED, ,DZES MA GOS YID DU 'ONG BA GYON PA THANG ZHVA DMAR BO LA LEB GYON BYAS PA CIG DUS RGYAN DU 'ONGS TE LHA'I RNAM PAR MI 'ONG, DE SNOD MIN LA SNGAGS KYI GSANG BA BSTAN PA'I SKYON YIN PAR SNANG, L'U AI PA'I 'GREL PA 'DOD 'JO BRTZAMS PHYIN CHAD RDO RJE RNAL 'BYOR MA LA SOGS PA'I RNAM PAR 'ONG, GROGS KHYAD PAR CAN MDZAD PA YIN PAR SNANG, TING 'DZIN PIR LEGS MA LA SOGS PA'I MCHOD GLU 'DI YANG GDANGS DANG BCAS BA DGA' LDAN GYI GTZUG LAG KHANG BZHENG DUS LHA MO RNAMS KYIS 'THEN GYIN 'DUG PA GZIGS PA YIN PAR SNANG GSUNGS, BLA MA 'DIS RJE BTZUN 'JAM DPAL DBYANGS LA RJE RIN PO CHE'I RNAM THAR ZHUS PAS, RJE'I

, ,RNAM THAR BSAM GYIS MI KHYAB RNAM THAR GYI GTZO BO CHOS RAB TU RNAM 'BYED KYIS CHOS ZAB MO THAMS CAD THUGS SU CHUD CING, DNGOS STOBS RIGS PAS GZHI LAM 'BRAS GSUM THAMS CAD THUGS SU CHUD PA 'DI YIN, GZUNGS SPOBS TING 'DZIN MNGON SHES RDZU 'PHRUL SOGS LA SKYE BA DU MA NAS MNGA' BRNYES SHING 'JAM DBYANGS KYIS RTAG TU RJE SU BZUNG, SANGS RGYAS DBANG PO'I TOG GI DRUNG DU RDO RJE THEG PA SOGS BSTAN PA MTHA' DAG RGYAS PAR BYED PAR DAM BCAS, SMON LAM BTAB PAS PHYOGS BCU'I SANGS RGYAS THAMS CAD KYIS DE LTAR BYIN GYIS BRLABS, SANGS RGYAS SENG GE'I NGA RO ZHES PAR GYUR TE GDUL BYA THAMS CAD TSE GCIG GIS SANGS RGYAS LA 'GOD, DE DA LTA NAS BSGOMS TE DE'I ZHING DU SKYE BA'I SMON LAM LA BRTZON PAR BYAS NA DAG PA'I ZHING DER SKYES NAS SANGS RGYAS 'GRUB GSUNGS, DER RJE BTZUN 'JAM PA'I DBYANGS KYIS JI LTAR GSUNGS BA LTAR RGYAL BA SENG GE'I NGA RO'I SKU'I RNAM PA YID LA BYAS TE DAD GUS CHEN POS RTZE GCIG TU SGOM PA LA BRTZON 'GRUS MDZAD PAS SANGS RGYAS SENG GE'I NGA RO ZHAG BCU GCIG GI BAR CHES GSAL BA BYUNG, GSOL BA BTAB SMON LAM 'GRUB PA'I RTAGS BYUNG GSUNGS, SLOB DPON BZANG SKYONG BA'I ZHAL NAS RJE RIN PO CHES RJE BTZUN 'JAM PA'I DBYANGS GZIGS DUS SKU'I GZI BRJID CHEN PO, GSUR CHER MI 'BYON BA DE 'DRA ZHIG YOD PAR SNANG, BLA MA RIN PO CHE 'DI PA'I DE GSUNG YANG YANG

'BYON PA CIG YOD PAR SNANG GSUNGS, DE LTAR BLA MA BDAG NYID CHEN PO 'DI LUNG DANG RTOGS PA'I YON TAN DPAG TU MED PA LA MNGA' BRNYES KYANG, SPYIR YON TAN THAMS CAD SHES RAB LA RAG LUS PA DANG, KHYAD PAR SRID PA'I RTZA BA GCOD PA SHES RAB NYID LA RAG LUS SHING, SHES RAB KYANG THOS PA LAS 'BYUNG BAR DGONGS NAS LEGS PAR BSHAD PA 'TSOL BA LA NGAL BA MED PA'I BRTZON 'GRUS MDZAD, DE LTAR RGYU TSOGS TSANG BA'I NYAMS LEN LA 'BAD PAS THUN MONG DANG THUN MONG MA YIN PA'I RTOGS PA THAMS CAD THUGS RGYUD LA 'KHRUNGS, NGAN SONG DU MI SKYE BA LA SOGS PA'I GDENGS TSAD CHEN PO RNYED PAR SNANG STE DANG LDAN 'GA' ZHIG GIS BLA MA 'DI PA LA, DE LTA BU'I SGRUB PA DAR DRAG LA YUN RING BA MDZAD PAS RTOGS PA KHYAD PAR CAN ZHIG BRNYES LAS CHE ZHES ZUR GYIS ZHUS DUS, GZHAN YON TAN CANG YANG MED PHYI MA NGAN SONG DU MI SKYE THAG CHOS SNYAM PA 'DI YOD, NA NING 'CHI LA KHAD PA CIG BYUNG DUS RLUNG SDUD LUGS LA BRTAGS NA YANG NGAN SONG DU 'GRO BA'I RLUNG SDUD LUGS MI SNANG GSUNG, MDO SNGAGS KYI CHOS KYI GNAD LA RGYUS CHUNG BA CI RIGS KYI BLO LA NGAN SONG DU MI SKYE BA'I GDENGS 'DRA BA KHAM CHE RGYU MED SNYAM PA 'ONG STE GSUNG RIS 'DI DAG LA RGYAL BA'I BKA' DANG, SHING RTA CHEN PO'I GZHUNG LA 'DRIS PA'I MKHAS PA DAG GIS BRTAGS NA BSAM GYIS MI KHYAB PA'I RTOGS PA MTHON PO MNGA' BA'I RTAGS TE, DE YANG NGAN 'GRO'I SDUG BSNGAL RGYU BCAS NI MTHONG

, ,SPANGS YIN PAR SHING RTA CHEN PO'I GZHUNG LAS BSHAD LA, DES NA NGAG SONG GI SDUG BSNGAL RGYU BCAS SPANGS PA NI MTHONG LAM THOB PA YIN PA DANG, SPANGS BA MIN YANG NGAN SONG DU MI SKYE BA'I GDENG THOB PA NI, BZOD THOB NGAN SONG YONG MI LTUNG, ,ZHES GSUNGS PA LTAR SBYOR LAM BZOD BA THOB NAS NGAN SONG DU MI LTUNG PA'I GDENG THOB PA YIN PAS BLA MA BDAG NYID CHEN PO 'DI NI RGYUD TSOD DE TZAM DU PHEBS PA'O, ,DES NA THEG PA CHEN PO'I TSOGS LAM CHEN PO THOB PA'I TSE NA CHOS RGYUN GYI TING NGE 'DZIN THOB STE MCHOG GI SPRUL SKU'I ZHAL MNGON SUM DU MTHONG BA DANG, DPAG TSAD BRGYA TSUN CHAD KYI RDUL PHRA RAB YAN CHAD KYI GZUGS MTHA' DAG MNGON SUM DU MTHONG BA DANG, SROG CHAGS GROG SBUR TSUN CHAD KYI SEMS RGYU BA SHES PA SOGS MNGON PAR SHES PA DANG, GZUNGS DANG SPOBS PA DANG, TING NGE 'DZIN DANG SHES RAB BSAM GYIS MI KHYAB PA THOB PAR GSUNGS NA, THEG PA CHEN PO'I SBYOR LAM THOB PA'I TSE DE LAS BRGYA 'GYUR GYIS LHAG PA'I YON TAN THOB DGOS SO, ,DON 'DI 'DRA LA DGONGS NAS, DGE BA'I BSHES GNYEN SNYUG RUM PA CHEN POS, NGAS THEG CHEN TSOGS LAM CHEN PO'I YON TAN GSANG BA CIG BSHAD NA, DA DE LAS LHAG PA'I SANGS RGYAS LA YON TAN JI LTA BU YOD SNYAM PA 'ONG GSUNGS, DE LTAR GRUB PA'I DBANG PHYUG 'JAM DPAL RGYA MTSO BA 'DIS 'JAM MGON BSTAN PA'I SGRUB RGYUD KYI CHU 'GO BTZUGS TE, RJE BLA

MA'I BSHAD SGRUB KYI BSTAN PA CHU KLUNG CHEN PO GANG G'A LTAR NAM YANG RGYUN 'CHAD PA MED PA'I RTEN 'BREL BSGRIGS, THUB PA'I BSTAN PA RIN PO CHE NAM YANG MI NUB PA'I RGYAL MTSAN BTZUGS, SRAS KYI THU BO SNYAN RGYUD 'DZIN PA'I BKA' BAB BA SO CHOS KYI RGYAL MTSAN LA SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA GTAD, THUGS KYI SRAS MCHOG SPYAN SNGA BLO GROS RGYAL MTSAN SOGS BSTAN 'DZIN DAM PA MANG PO LA MDO SNGAGS KYI MAN NGAG RNAMS RGYA CHER SPEL TE SKU TSE 'DI'I MDZAD PA PHAL CHER RDZOGS PA NA DPA' BO G-YUL LAS RGYAL BA 'AM TSONG PA KHE SPOGS GRUB PA LTAR DAL BA'I RTEN LA SNYING PO NI BLANGS, SKU TSE 'DIR SGRUB DGOS PA'I DGONGS PA THAMS CAD NI RDZOGS, RJE BLA MA GANG DU BZHUGS PA'I ZHING KHAMS DGA' LDAN CHOS KYI PHO BRANG DU GSHEGS PAR DGONGS TE, DGUNG LO BDUN CU RTZA GSUM BZHES PAS PHO SPRE'U'I LO DE YANG SNGA SOR ZLA BA GNYIS PA LA SGRUB MCHOD RE MDZAD CING DUS KYANG CHES LNGA DRUG NAS 'DZUGS PA YIN NA'ANG, DE LO ZLA BA DANG PO LA BTZUGS, DE YANG TSES GCIG RANG NAS TSUGS GSUNGS NAS BTZUGS PA'I NYIN RANG BDE BAR GSHEGS, DE'I TSE NGO MTSAR BA'I LTAS MANG DU BYUNG NGO, ,SKU GDUNG NI RIL POR SPANGS BA RNAMS KYIS DAD PA'I RTEN DU GSER 'BUM BZHENGS TE BZHUGS NAS GSOL BA 'DEBS PA'I RTEN DU BZHUGS SO, ,RJE GRUB PA'I DBANG PHYUG 'DI LA RJE RIN PO CHE'I SLOB MA PHAL CHER GYIS GUS 'DUD MDZAD PAS SLOB MA BSAM GYIS

, ,MI KHYAB BA YOD KYANG RGYUD 'DZIN GYI GTZO BO NI, RJE BTZUN 'JAM BA'I DBYANGS KYIS LUNG BSTAN PA SNYAN RGYUD BSTAN PA'I BDAG PO BA SO CHOS KYI RGYAL MTSAN DANG, RGYAL SRAS DPA' BO SPYAN SNGA BLO GROS RGYAL MTSAN GNYIS SO, ,BA SO CHOS KYI RGYAL MTSAN GYI RNAM THAR NI 'CHAD PAR 'GYUR LA, ,SPYAN SNGA BLO GROS RGYAL MTSAN NI LHAS LUNG PA GRA NAM KHANG ZHES BYA BAR DGYER BRAM ZE LHAS GNANG GI RIGS SU, YAB DGYER DBON PO CHOS SKYABS DANG, YUM JO MO BLA 'BUM GNYIS KYI SRAS SU CHU PHO RTA'I LO SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS BRTAS BAS 'KHRUNGS TZAM NYID NAS SRID PA MTHA' DAG LA ZHEN PA LOG BA'I NGES 'BYUNG SHUGS DRAG POS RGYUD BSKUL TE CHOS KHO NA YID LA SEMS PHA LAS BYA BA GZHAN GANG YANG MI SEMS BA ZHIG BYUNG ZHING, DGUNG LO BDUN PA'I DUS SU KHU BO SPYAN SNGA RIN CHEN KUN DGA' BLO GROS PA'I DRUNG DU RAB TU BYUNG , MTSAN BLO GROS RGYAL MTSAN DPAL BZANG POR GSOL, RAB TU BYUNG MA THAG NAS SO THAR GYI BCAS MTSAMS RNAMS MIG 'BRAS LTAR BSRUNG ZHING, MKHAS GRUB THAMS CAD MKHYEN PA DANG, CHOS RJE BLO GROS PA SOGS DAM PA MANG PO'I ZHABS LA GTUGS TE TSAD MA DANG, PHAR PHYIN DANG, 'DUL BA DANG, MNGON PA DANG, DBU MA RNAMS LA SBYANGS PA MTHAR PHYIN PAR MDZAD DE, GTZANG DBUS KYI GRVA SA RNAMS SU GRVA SKOR MDZAD, DGUNG LO NYI SHU LON PA'I TSE TSOGS

CHEN PO'I MKHAN PO YON TAN RIN CHEN PAS MKHAN PO DANG, LAS SLOB SLOB DPON NOR BZANG BA DANG, GSANG STON SOGS DGE 'DUN RNAM PAR DAG PA RNAMS KYI DBUS SU, BSNYEN PAR RDZOGS PAR MDZAD NAS GNAS BRTAN 'OD SRUNGS CHEN PO SLAR YANG LJONGS 'DIR BYON PA LTA BUR GYAR TO, ,DE NAS MAL GRO SPANG SAR RJE GRUB PA'I DBANG PHYUG 'JAM DPAL RGYA MTSO BA'I ZHABS DRUNG DU BYON TE, BSAM SBYOR GNYIS KYIS TSUL BZHIN DU BSTEN NAS RJE BTZUN TZONG KHA PA CHEN PO'I MDO SNGAGS KYI MAN NGAG RNAMS YONGS SU RDZOGS PAR GSAN, DE DUS RJE BTZUN 'JAM PA'I DBYANGS KYIS RJE GRUB PA'I DBANG PHYUG 'JAM DPAL RGYA MTSO BA LA BLA MA 'DI LA SNYAN RGYUD KYI MAN NGAG RNAMS MTHIL PHYIN PAR BSTAN DGOS PA'I LUNG BSTAN BYUNG BA LTAR RJE BTZUN DAM PA 'JAM DPAL RGYA MTSO BAS BLA MA 'DI LA GZHAN SU DANG YANG MI MNYAM PA'I MTHONG MDZAD DE GCES PAR BSKYANGS TE MAN NGAG MTHA' DAG RDZOGS PAR GNANG, DE NAS SEMS DPA' CHEN PO 'DIS TSE 'DI'I GNYEN LUS LONGS SPYOD GANG LA'ANG MA CHAGS PAR DBEN BA'I GNAS RNAMS SU SGRUB PA LA RTZE GCIG TU GZHOL BAR MDZAD PAS LAM THUN MONG BA DANG THUN MONG MIN PA'I RIM PA THAMS CAD LA RTOGS PA'I GDENG THOB, DE NAS SKAM DGON GYI GDAN SAR GDAN 'DREN YANG YANG ZHUS KYANG SRID PA'I PHUN TSOGS SRIN MO'I SLU BRID LTAR GZIGS NAS 'JIGS SHING SKRAG PAS BYOL THABS MDZAD DE PHEBS MA BZHED PAR DBEN BA'I GNAS SU SGRUB PA RTZE GCIG TU

, ,MDZAD, SKAM DGON GYI GDAN SA BA LAN BZHI TZAM BRJE RES KYI SEMS DPA' CHEN PO 'DI LA THAMS CAD KYIS GSOL BA BTAB KYANG PHEBS TU MA BZHED, LAN BZHI BA'I DUS SU PHYOGS DE'I GRVA BU SLOB SKYA SER TSANG MAS MGRIN GCIG TU GDONG MCHI MA DANG BCAS TE GTZUG LAG KHANG GI LDE MIG PHYAG TU PHUL TE DA GDAN SA 'DI'I BDAG PO MDZAD KYANG KHYED MKHYEN, MI MDZAD KYANG KHYED MKHYEN, ZHES GSOL BA BTAB PA NA RJE RIN PO CHE'I BSTAN RGYUN LA DGONGS NAS PHYIN CHAD 'JIG RTEN GYI BYA BYED GANG LA'ANG THE MI DGOS PA DANG, CHOS PHYOGS NAS BKA' GANG GNANG ZHU BA DANG, BKA' GDAMS KYI RNAM THAR GTZANG MA BSRE BSLAD MED PAR SKYONG BA SOGS KYI RTZIS KA BZUNG NAS ZHAL GYIS BZHES TE GDAN SAR PHEBS, DE NAS RGYUN BAR KHOR YUG TU SKU MTSAMS MDZAD CING, YAR NGO MAR NGO'I GSO SBYONG LA PHEBS TE CHOS GNANG, DUS DUS SU LAM RIM GYI KHRID DANG BLO SBYONG GI KHRID SOGS GNANG, JO BO RJE DPAL LDAN AA TI SHA DANG RGYAL BA TZONG KHA BA CHEN PO GNYIS KYI GSER SKU BZHENGS TE MCHOD PA TSAD MED PAS MCHOD PA DANG, NAM YANG MI NYAMS PA'I MCHOD PA'I RGYUN BTZUGS, GZHAN YANG SKU GSUNG THUGS RTEN MANG DU BZHENGS SHING DE DAG LA MCHOD PA RGYA CHEN PO PHUL ZHING 'BUL RGYUN BTZUGS, DE LTAR BSTAN 'GRO'I DON RGYA CHER MDZAD NAS BYA LO LA ZHABS CUNG BSNYEL BA ZHIG BYUNG BAS SKU RIM GSOS SMAN SOGS BSTEN PAS

DVANGS, DE LTAR SKU TSE RIL POR CHOS DANG MTHUN PA'I RNAM THAR GTZANG MA MTHAR PHYIN PAR MDZAD PA NI SPYAN SNGA NYID KYI ZHAL NAS, LO BDUN LO NAS CHOS LA 'BAD, ,SGRUB PA NYID LA RTZAL DU BTON, ,DAM PA'I CHOS KYI RO MCHOG MYONG; ;'DI NI MDUN MA LEGS PA'I TSAD, ,DA NI LO YANG BDUN CUNG NYE, ,DKON MCHOG GSUM GYI BYIN RLABS ZHUGS, ,SNYIGS DUS SKYID PA'I TSAD LA 'KHYOL, ,'DI NI MDUN MA LEGS PA'I TSAD, ,DAM CHOS BDUN GYI SNYING PO MCHOG ,RNAM DPYOD SHES RAB RTZAL DU BTON, ,MDO RGYUD KUN LA NANG BYANG TSUD, ,'DI NI MDUN MA LEGS PA'I TSAD, ,CES GSUNGS PA LTAR, THAR 'DOD RNAMS SO SOR RTOG PA'I SHES RAB KYIS YANG DAG PA'I LTA BA LA THE TSOM DANG BRAL BAR MDZAD, NYAN THOS KYI RIGS CAN RNAMS SO SOR THAR BA'I BSLAB PA MIG 'BRAS BZHIN BSRUNG BA'I TSUL KHRIMS LA BKOD, THEG CHEN GYI RIGS CAN RNAMS BDAG GCES 'DZIN GYI DRI MA DANG PHRAL NAS GZHAN GCES PAR 'DZIN PA'I BYAMS PA DANG SNYING RJE LA BKOD, SNGAGS PA RNAMS DAM TSIG LA BKOD, SKYE 'GRO PHAL MO CHE RNAMS BDE 'GRO THOB PHYIR DU BSNYEN GNAS DANG DGE BA BCU'I KHRIMS LA BKOD DE BSTAN PA LA BYA BA RGYA CHEN PO MDZAD, TSUL 'DI DAG LA SPYAN SNGA NYID KYI ZHAL NAS, RGYAL BA SRAS BCAS BSTAN 'DZIN MCHOG ,AA TI SHA YI CHOS LUGS SBYANGS, ,SKYES BU GSUM GYI CHOS LA 'BAD, ,'DI NI MDUN MA LEGS PA'I TSAD, ,CES GSUNGS, DE

, ,LTAR BSTAN 'GRO'I DON RGYA CHER MDZAD NAS, ZHING GSHEGS PA LA PHYOGS BA'I TSE RJES 'JUG RNAMS LA 'DI LTAR GSUNGS TE, BLA MA TSO LA ZHAL CHEMS ZER BA YONG BA YIN NA'ANG, DNGOS PO'I ZHAL CHEMS 'JOG RGYU MED PAS DE KHAS 'TSENGS, BLA MA GSHEGS PA'I SHUL DU DNGOS PO TSAN CHEN YOD PA DE BLA MA DE'I RKANG 'DREN DU 'GRO BAS MED PA RANG ZHIG DGOS, SNYE THANG DU JO BO SKU GSHEGS KHAR PHYAG KHRI CHOG GIS JO BO NI SKU GSHEGS PAR GDA', DE'I RJES SU CHOS BSHAD THANG RGYANGS LA BGYID BAR ZHU ZHUS PAS, BYA BA NGAN PA YIN BOR LA THONGS GSUNG, 'O NA SGRUB PA RTZE GCIG BGYID PAR ZHU ZHUS PAS KYANG DE SKAD GSUNG, 'O NA JI LTAR BGYI ZHUS PAS, TSE 'DI BLOS THONGS GSUNG BA GCIG BYUNG BAS, JO BO'I ZHAL TA THUGS LA BZHAG NAS, MI ZAS NGAN PA SPANGS NAS RA SGRENG GI SHUG GSEB TU SKU TSE 'DAR BCUG PA YIN, DE DANG MTHUN PAR RA SGRENG DU JO BO ZHIG GIS BSKOR BRKYANG PA LA SGRIL BAS 'BROM GYI ZHAL NAS, JO BO SKOR BA BYED PA YANG GLO BA DGA' STE CHOS SHIG RANG BYAS NA MI LEGS SAM GSUNG, KHOS PHYAG BYAS PAS KYANG DE SKAD GSUNG, KLOG PA BYAS BAS KYANG DE SKAD GSUNG BAS, DA 'O NA JI LTAR BGYI ZHUS BAS , TSE 'DI BLOS THONGS BYA BA LAN GSUM GSUNG, 'BROM NYID KYANG SKU GSHEGS KHAR SHUG GSEB NA PHAR LA ZHUGS 'JIG RTEN CHOS BRGYAD 'GO SNYOMS NAS, BDAG NI GROL PA DON GNYER LA, ,RNYED DANG BKUR STI'I 'CHING MI DGOS, ,GSUNG

YANG 'JIG RTEN MKHYEN PA RNYED DANG MA RNYED DANG, ,ZHES RES 'OG TZAM RE DANG RES PHYED TZAM DANG, RES TSANG BAR GSUNG, KHONG SPYAN RAS GZIGS LA DE DGOS ZHAD MI GDA' STE RJES 'JUG GI GDUL BYA RNAMS LA GSUNGS PAR GDA', CHOS SNYING NAS BYED NA TSE 'DI BLOS GTONG DGOS PAR 'DUG ,NGED BLA MA'I NGOS NAS GSON RING LA 'KHOR G-YOG RNAMS 'THAD RAB BYUNG STE 'DAS RJES SU JI LTAR YONG BSAM PA'I THE TSOM ZA BA MED, NGA RANG GI NGOS NAS DPAL AA TI SHA DANG , RGYAL BA TZONG KHA PA'I ZHABS DRUNG DU DGA' LDAN DU 'GRO BSAM PA YOD, DPAL LDAN AA TI SHA'I GSUNG RAB DANG, RJE TZONG KHA PA GNYIS KYI GSUNG RAB LA MI 'PHYUG PA'I GZER THEBS PAS DA NYES PA MED PA YIN, KHYED RANG RNAMS KYANG BLA MA DANG YI DAM DBYER MED DU GYIS LA GSOL BA THOB DANG, LAS LA GANG SHONG BA'I DNGOS GRUB 'BYUNG BA YIN, KHYAD BAR RTEN GSUM LOG BRIS 'DI RNAMS SANGS RGYAS BYANG SEMS DNGOS SU YOD PA YIN, MNGON SUM NYAMS SNANG RMI LAM GSUM GANG RUNG DU ZHAL GZIGS PAR 'DUG GSUNG MI 'BYON PA NI SEMS CAN GYI LAS LA MI SHONG BA YIN PAS BYA THABS MED, KHYED GNYIS BSLAB SBYANGS DANG THOS RGYA CHEN PO MED NA'ANG, CHOS RGYUN DU THOS PA RNAMS SEMS PA DANG, LTA RTOG GYIS LA BLA MA DE LA 'CHOL SNYIGS MA'I DUS SU THEG PA CHEN PO'I DGE BA'I BSHES GNYEN MTSAN NYID DANG LDAN PA NYIN SKAR LAS DKON PAS CHOS MI NYAN DGU NYAN MA BYED, RTEN GSUM 'DI TSO LA MCHOD PA 'O

, ,MA BRGYAL BA BYUNG NA, NGED KYI ZLA MCHOD LO MCHOD KYANG DE YIN PAS DE LA 'BUNGS, KHYED RANG GNYIS KYANG BEM RIG MA BRAL RING LA NANG 'DIR MA BRAL BA BYED DGOS PA YIN, DE BAR LA DON NYUNG BA BYA BA NYUNG BA LA BLO RTZE GTAD NAS, SKYES PA LHAS MA TSOR, SHI BA 'DRES MA TSOR BA ZHIG DGOS BA YIN GSUNG BA'I ZHAL TA GNANG, DE NAS ZHING BRJE BA'I SNGA LTAS SU YOS LO'I NANG DU ME TOG GI CHAR BABS PA DANG, KHYAD PAR ZLA BA LNGA PA'I NYI SHU LNGA'I DGONG KHA'I DUS ME TOG GI CHAR NYI MA SGRIB NUS PA TZAM BABS, GLING GANG YOD LA BABS PA DANG, DE'I NUB GRVA DGON SKAM DGON RNAMS SU YANG DE DANG 'DRA BA BABS BA BYUNG, TSES BCU BDUN GYI NYIN PAR ZHAL TA LA, SGRUB GSAR BA'I DBU MDZAD DE LA MING CI ZER GSUNG, MING LA GNAS BRTAN BLO BKRAS ZER BA YIN ZHUS PAS, KHONG BOS NAS KHYED RANG RNAMS BLA MA GONG MA RNAMS DANG SANGS RGYAS BYANG SEMS RNAMS KYI GSOL 'DEBS MA TSANG BA MED PA CIG GYIS GSUNGS BAS, DE RING SKU SHED CHEN PO YANG MI 'DUG PAS SKU MDUN DU BSDAD NAS SKU SHED CHER SONG BA DANG SANG GDAN DRANGS NAS JI LTAR GSUNG BA LTAR BYAS CHOG PA ZHU ZHUS PAS, DE RING CIG BYUNG NA BSAM, SANG NAS BREL 'OG ZUG NAS YONG BA YIN GSUNG, BCO BRGYAD KYI NYIN GANG STENG DU NYI MA LA PHEBS THUB PA BYUNG, BCU DGU'I NAM LANGS PA DANG ZHING GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN

PO 'DIS PHYI RABS KYI GDUL BYA RNAMS KYI DON DU BYANG CHUB LAM RIM LA THOG MAR BLO SBYANG BA CHOS KYI SGO 'BYED, BLO SBYONG MKHAS PA'I YID 'PHROG ,LUNG GI BANG MDZOD, DANG PO'I BLO SBYONG YID BZHIN NOR BU RTZA BA DANG, DA'I GZHUNG 'GREL NOR BU'I PHRENG BA, THEG PA CHEN PO'I BZOD PA'I BLO SBYONG PHAN BDE'I CHAR 'BEBS, BLO SBYONG GI KHRID YIG RNAM DAG GTZUG GI NOR BU, NGAN SONG SGO GCOD, THEG PA CHEN PO'I BLO SBYONG LHAN THABS MAN NGAG RAB GSAL, SKYID SDUG LAM KHYER GYI GDAMS NGAG RIN PO CHE'I SGRON ME, BLA MA DAM PA'I ZHAL GYI BDUD RTZI LEGS GDAMS, THEG PA CHEN PO'I BLO SBYONG RIGS PA'I RGU GTER, THEG PA CHEN PO'I BLO SBYONG GI NGO SPROD GSAL BA'I SGRON ME RTZA 'GREL DKA' GNAD 'PHROS DANG BCAS PA, BYANG CHUB LAM GYI RIM PA'I BSDUS DON MKHAS PA'I MGUL RGYAN, BYANG CHUB LAM GYI RIM PA BSDUS PA RTZA 'GREL, BLA MA'I RNAL 'BYOR GYI ZUR 'DEBS NYER MKHO, BYANG CHUB LAM GYI RIM PA'I KHRID YIG GZHAN PHAN SNYING PO'I ZUNG 'JUG RIN PO CHE, BYANG CHUB LAM GYI RIM BA'I KHRID YIG SNYAN RGYUD NOR BU'I PHRENG BA, LEGS PAR BSHAD PA NYON MONGS GDUNG SEL, RJE 'JAM DPAL RGYA MTSO'I RNAM THAR DAD PA'I CHU RGYUN, RGYA MA PA KHU DBON GYI RNAM THAR DAD PA'I CHU RGYUN, MAN NGAG BDUD RTZI'I THIGS PA, PHYAG CHEN SNYING PO RAB GSAL, LEGS BSHAD CHOG SHES LAM STON, GROS 'DEBS BDUN CUM, RANG GZHAN GYI SNYAN BSKUL RING PO, BSHES GNYEN LA ZHU 'BUL MA, CHOS

, ,GZHAS RKANG BRO MA, DBEN PA'I GTAM BRJOD PA, SGOM DON SNYING PO, BLA MA'I RNAL 'BYOR DNGOS GRUB CHAR 'BEBS, GEGS SEL YID BZHIN NOR MCHOG ,CHAGS PA MED BA'I GTAM, BSAM GTAN GNAD KYI NYAMS LEN, RANG LA GROS SU 'DEBS PA, 'DOD YON LA SRED PA 'GOG PA'I GTAM DGRA 'JOMS, AANG YIG BZHI BCU MA, BAS MTHA'I BSNGAGS PA BRJOD PA NOR BU'I PHRENG BA, GROS 'DEBS SNYING GI BDUD RTZI, GROS 'DEBS NYER BDUN MA, ZHAL GDAMS DRI BA MA, GROS 'DEBS BDE BA RAB SBYIN MA, GCIG PUR DGA' BA'I GTAM, GROS 'DEBS NYAMS MYONG, GROS 'DEBS SNYING GI MUN SEL, LEGS BSHAD MKHAS PA DGA' BYED, NYAMS LEN NGOS 'DZIN GYI GDAMS PA, GROS 'DEBS LEGS BSHAD SNYING PO, GROS 'DEBS GLU RU BLANGS PA, LUS LA YID 'BYUNG BAR BYED PA'I GTAM, 'GAL RKYEN LAM DU SLONG BA'I GLU, RKYEN DANG SRE BA'I NYAMS LEN BYED TSUL, RANG LA GROS 'DEBS SNYING GTAM, GROS 'DEBS BCU GNYIS, LEGS BSHAD BSOD SNYOMS BSNGAGS PA, SNYOMS LAS TSAR GCOD, PHAN BDE'I LAM STON, MKHAS PA BRTAG PA'I RAB TU BYED PA, RANG GZHAN CHOS LA BSKUL BA'I GTAM, JA DKAR 'GEGS PA'I GTAM SMYO CHU SUN 'BYIN, GROS 'DEBS RIN CHEN PHRENG BA, LEGS BSHAD GNAD KYI DON STON, GROS 'DEBS RIN CHEN 'OD 'BAR, SBYIN PA'I LEGS BSHAD KYI GTAM, LEGS BSHAD NYON MONGS GDUNG SEL, GDAMS

NGAG RIN CHEN PHRENG BA, LEGS PAR BSHAD PA ZHEN 'KHRIS KUN GCOD, 'CHI BDAG 'JOMS MA, BCOM LDAN 'DAS LA BSTOD PA ZAB DON RAB GSAL, THEG PA CHEN PO'I BLO SBYONG GZHAN DON DON GNYER GYI GDAMS PA'I RTZA BA, THEG PA CHEN PO'I BLO SBYONG GZHAN DON DON GNYER GYI 'GREL PA THEG CHEN RAB GSAL, GLANG RA THANG PA'I BLO SBYONG TSIG BRGYAD MA SMON LAM DU BYAS PA, SMON LAM RIN CHEN PHRENG BA, RNAL 'BYOR BLA NA MED PA'I RIM GNYIS DANG 'BREL BA'I SMON LAM, BAR GCOD BZLOG PA'I SMON LAM, THEG CHEN RTZE'I GTZUG LAG KHANG LHA RTEN DANG BCAS PA GRUB PA NA MCHOD PA DANG SMON LAM LHAN CIG TU BYAS PA, DRIL BU RIM LNGA'I SMON LAM BSDUS PA, DPAL 'KHOR LO BDE MCHOG DANG DUS KYI 'KHOR LO'I RDZOGS RIM GYI SMON LAM BSDUS PA RE, LAM 'BRAS KYI BSKYED RDZOGS KYI SMON LAM, BRTAG GNYIS KYI SMON LAM BSDUS PA, GSANG BA 'DUS BA YE SHES ZHABS LUGS KYI SMON LAM, AOm RGYAN BSNYEN SGRUB KYI SMON LAM, THEG PA CHEN PO'I BLO SBYONG BYANG SEMS DON GNYER, BLO SBYONG DGRA ZUN SHAN 'BYED, BLO SBYONG DGONGS PHA RAB GSAL, BLO SBYONG DGOS SEL, BLO SBYONG LAG LEN RAB GSAL, BLO SBYONG THE TSOM KUN SEL, LEGS BSHAD NGES DON RAB GSAL, LAS DANG NYON MONGS RNAM PAR BSHAD PA BLANG DOR RAB GSAL, STOBS KHYAD STON PA STE DGU, RJE LA BSTOD PA RIN CHEN SGRON ME LA SOGS PA'I BSTOD TSOGS DANG, CHAB SHOG SNA TSOGS, DON DAM BYANG SEMS KYI BLO SBYONG SANGS RGYAS BCOM LDAN 'DAS LA BSTOD PA BYIN RLABS MYUR 'JUG, BYANG

, ,CHUB DON GNYER GYI BLO SBYONG BCOM LDAN 'DAS LA BSTOD PA RIN PO CHE'I BANG MDZOD, STON PA LA BSTOD PA ZAB MO SPROS MED, BCOM LDAN 'DAS LA BSTOD PA DNGOS GRUB KUN 'BYUNG, BCOM LDAN 'DAS LA BSTONG PA ZAB DON RAB GSAL, STON PA LA BSTOD PA LTA NGAN MUN SEL, BCOM LDAN 'DAS LA BSTOD PA ZAB MO RTOGS PA'I TSAD DE BSTOD PA, CHOS SPYOD KYI RIM PA, 'DUL BA'I LAS CHOG SDOM TSIG ,THIG RTZA, RMI LAM BRTAG PA, THEG CHEN RTZE'I BCA' YIG DANG RTEN BSHAD, MNGON BRJOD BSDUS PA, GSUNG RAB LA GUS PA BSKYED PA'I THABS GSUNG RAB GSAL BYED, SNOD RUNG GSAL BYED NYI MA'I 'OD ZER, RIN CHEN SGANG GI BLO SBYONG DON BDUN MA, MNGON RTOGS RGYAN GYI SNYING PO BSDUS PA RGYAS BSDUS, SPYOD 'JUG GI BSDUS DON MKHAS PA'I MGUL RGYAN, BSHES SPRING GI BSDUS DON DGONGS PA RAB GSAL, DBU MA'I LTA KHRID ZAB LAM MTHAR THUG ,SRID ZHI MNYAM NYID KYI LTA KHRID RTZA BA RJE BTZUN 'JAM DBYANGS KYIS RJE LA GNANG BA DANG BLA MA DBU MA PA LA GNANG BA, DE DAG GI DON NYAMS SU LEN TSUL KHRID YIG ,GSANG BA BLA NA MED PA ZAB MO'I GTAM BRJOD PA, DBU MA'I NYAMS LEN LTA NGAN MUN SEL RTZA 'GREL, DBU MA'I LTA KHRID CHEN MO, RNAM 'GREL LA BRTEN PA'I LTA KHRID, GRUB MTHA' RNAM PAR DBYE BA ZHES BYA BA GRUB MTHA' LA BRTEN PA'I CHAGS SDANG 'GOG PHYIR THAMS CAD LA LEGS PHYOGS NAS BSNGAGS PA, 'DUL BA'I BSLAB BYA CHE BA GZHAN PHAN SNYING PO, DGE TSUL GYI BLANG DOR GSAL BYED, DUS DRAN BYED TSUL, 'DUL BA'I

BSLAB BYA BSDUS PA GZHAN PHAN 'OD PHRENG, BSLAB BYA GNANG BKAG RAB GSAL, BSNYEN GNAS KYI CHO GA RGYAS PA DNGOS GRUB RGYA MTSO, LEGS PAR BSHAD PA MI CHOS GNAD PHRENG, LEGS BAR BSHAD PA RIN PO CHE'I 'BYUNG GNAS LUNG GI BANG MDZOD, 'KHOR LO SDOM PA'I BSKYED RDZOGS SNYAN RGYUD BDE CHEN RGYA MTSO, BDE MCHOG L'U AI PA'I LUGS KYI RDZOGS RIM SNYING PO SGOM TSUL, BDE BAR GSHEGS PA'I SKU'I RTEN SGRUB TSUL DANG DE'I PHAN YON BSTAN PA RIN PO CHE'I PHUNG PO, MCHOD RTEN GYI TSAD STON PA LEGS BSHAD GSER GYI PHRENG BA, RNYING MA DANG BON GYI RNAM GZHAG DANG, BON GYI 'DOD TSUL RAGS PA, SMON SEMS SKYABS 'GRO'I BSLAB BYA, GSHIN PO DMAN MCHOG LA PHAN GDAGS TSUL, 'JIG RTEN BYA BA'I RNAM PAR BSHAD PA MKHAS PA'I YID 'PHROG ,RANG NYID KYI RTOGS PA BRJOD PA MDUN LEGS MA RNAMS MDZAD DE, LEGS BSHAD 'DI DAG NI DPAL AA TI SHA DANG RGYAL BA TZONG KHA PA'I MAN NGAG LA BSRE BSLAD PHRA MO'ANG MA ZHUGS PA, RGYAL BA DGYES PA'I LEGS BSHAD PHYI RABS KYI GDUL BYA RNAMS LA THEG PA CHEN PO'I LAM LA 'JUG PA LA SHIN TU MKHO BA'I MAN NGAG GCES BSDUS SHA STAG SNANG NGO, ,SEMS DPA' CHEN PO 'DI'I RNAM THAR RGYAS BAR SPYAN SNGA BLO GROS 'JIGS MED RGYAL MTSAN DPAL BZANG POS MDZAD PA BZHUGS PAS DE LAS SHES BAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE GRUB PA'I DBANG PHYUG 'JAM DPAL RGYA MTSO LA GSOL BA SHUGS DRAG TU 'DEBS SHING DAM PA DE NYID KYI RNAM THAR LTAR CHOS BRGYAD KYI 'CHING BA

, ,PHRA MOS KYANG MA GOS PAR DBEN BA'I GNAS SU THEG BA CHEN PO'I LAM GYI RIM PA'I LUS YONGS SU RDZOGS BA LA SGRUB BA SNYING POR BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ` ,,DGE LEGS RAB DKAR TSOGS GNYIS GOMS PA'I MTHUS, ,DPAL LDAN SKU BZHI'I GO 'PHANG MCHOG BRNYES KYANG, ,BZANG BO'I MDZAD PAS GDUL BYA MI 'DOR BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, RJE RIN PO CHE'I NANG THUGS KYI SRAS GCIG MKHAS GRUB SMRA BA'I NYI MA DGE LEGS DPAL BZANG NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD BA RGYA MTSOR BSLABS NAS ZHING 'DIR 'JAM MGON BLA MA'I MDO SNGAGS KYI BSTAN BA'I SNYING PO MTHAR THUG BA 'DI NYID 'DZIN CING SPEL BA'I CHED DU SMON LAM GYI DBANG GIS BSAMS BZHIN DU BYON PA ZHIG STE, MKHAS GRUB CHEN PO 'DI LA STOD BYANG GI SA'I CHA LDOG GZHUNG DU BYANG PA'I DPON RIGS YAB BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU RAB BYUNG DRUG PA'I SHING MO GLANG GI LO NGO MTSAR BA'I LTAS DANG BCAS TE 'KHRUNGS SO, ,YAB YUM DE GNYIS LA SRAS GSUM YOD PA LAS, RJE 'DI CHE BA DANG, BA SO CHOS KYI RGYAL MTSAN BAR PA DANG, CHUNG BA BSOD NAMS BKRA SHIS ZHES PA ZHIG BYUNG NGO, ,DE LTAR MKHAS GRUB CHEN PO 'DI NI SNGON NAS LAM LA SBYANGS PA'I MTHU BRTAS PAS 'KHRUNGS TZAM NYID

NAS BYIS PA'I RGUD PA GANG YANG MED CING, CHOS DANG CHOS MIN 'BYED PA'I BLO GROS THOGS BA MED PA ZHIG BYUNG NAS BDAG NYID CHEN PO 'DI NI SKYES BU DAM PA ZHIG BSAMS BZHIN DU BYON PA'O, ,ZHES GLENG ZHING, MKHAS GRUB LHA DBANG PA'I SKYE BA YIN PAR GRAGS PAS MKHAS GRUB CES MTSAN CHUNG NGU NAS THOGS SO, ,DE NAS RGYAL BA SRAS DANG BCAS PA DANG, DAM CAN CHOS SRUNG THAMS CAD KYIS RJE 'DI PA 'JAM MGON BLA MA'I BSTAN PA'I SROG SHING 'DZIN PHYIR THUGS RGYUD BSKUL ZHING SNGON NAS GOMS PA'I MTHUS NGES 'BYUNG GI BSAM PA SHUGS DRAG POS RAB TU BYUNG BA'I LO TSIGS SU SLEBS MA THAG GNAS BRTAN 'DUL BA 'DZIN BA MKHAN CHEN SENG GE RGYAL MTSAN DPAL BZANG POS MKHAN PO MDZAD, RGYA MA BA YON TAN 'OD KYIS SLOB DPON MDZAD NAS RAB TU BYUNG ZHING DGE TSUL GYI SDOM PA BZHES, MTSAN DGE LEGS DPAL BZANG PO ZHES GSOL, DE NAS MKHAN SLOB GNYIS LAS BSLAB BYA GSANG TE DGE TSUL GYI BSLAB BYA YAN LAG DANG BCAS PA MIG GI 'BRAS BU LAS KYANG GCES PAR BSRUNGS TE TSUL KHRIMS RNAM PAR DAG PAR MDZAD PA GZIR BZUNG NAS GANGS CAN GYI PAndI TA CHEN PO RJE BTZUN RED MDA' PA'I ZHABS LA GTUGS TE TSAD MA SDE BDUN, MNGON PA GONG 'OG ,BYAMS CHOS SDE LNGA, DBU MA RIGS TSOGS, 'DUL BA RNAMS LA SBYANGS TE RING POR MA THOGS PAR MKHAS PA'I PHA ROL TU SON, RDO RJE 'DZIN PA YE SHES DPAL BA LA KYEE RDO RJE'I DBANG DANG LAM 'BRAS CHA LAG DANG BCAS BA YONGS SU RDZOGS PA GSAN, GZHAN YANG

, ,BLA MA DAM PA BSOD NAMS RGYAL MTSAN PA DANG, NA BZA' PA SOGS BSHES GNYEN DAM PA DU MA LAS MDO SNGAGS KYI CHOS MTHA' YAS PA GSAN TE, MDO SNGAGS KYI GZHUNG LUGS RAB 'BYAMS SMRA BA LA MI 'JIGS PA'I SPOBS PA THOB CING RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PAR GYUR TO, ,DE NAS GTZANG PHYOGS KYI GRVA SA RNAMS SU GRVA SKOR MDZAD CING, NGAM RING CHOS SDER PHEBS PA NA GANGS CAN GYI MKHAS PA CHEN PO PAn CHEN PHYOGS LAS RNAM RGYAL YANG DER PHEBS NAS 'JIGS MED SMRA BA'I GANG BRGYANGS BSGRAGS TE DAM BCA' BZHAG BA NA PHYOGS DE'I MKHAS PA SUS KYANG BRGOL BA'I GLAGS MA RNYED PA NA PAn CHEN PHYOGS RGYAL BAS SA PAn GYI RIG GTER 'DI NANG 'GAL GYI PHUNG PO YIN PAS NGAS THAR CHAGS SU DGAG PAR BYA YIS, LAN SPOBS PA YOD NA SMROS SHIG CES NGAM RING, SA SKYA, BO DONG SOGS CHOS SDE PHAL MO CHER DRIL BSGRAGS PA NA, JI LTAR SENG GE'I SKAD KYIS WA SKYES RNAMS 'DAR BA BZHIN DU PHYOGS DE'I MKHAS PAR RLOMS PA SUS KYANG LAN 'DON PAR MA NUS PA NA PHYOGS DE'I DGE 'DUN PHAL MO CHES GROS BYAS TE SKYES TZAM NYID NAS SHES RAB KYI SNANG BA RGYAS BA DKA' BCU DGE LEGS DPAL BA 'DI LA GSOL BA BTAB PA DRAG CES THAMS CAD KYIS MGRIN GCIG TU MKHAS GRUB CHEN PO LA ZHUS PA NA DE DUS MKHAS GRUB CHEN PO 'DI PA DGUNG LO BCU DRUG GI SKABS YIN PAS SKU NA SHIN TU PHRA BA YIN YANG 'JIGS PA MED BAR KHYU

MCHOG RLABS PO CHE'I GNAS SU DAM BCAS TE DE KHO BOS NUS SO ZHES ZHAL GYIS BZHES TE DGE 'DUN THAMS CAD TSOGS PA'I DBUS SU PAn CHEN PHYOGS RGYAL BAS DAM BCA' BZHAG ,DE LA MKHAS GRUB RIN PO CHES RE RE NAS 'DI NI MI RIGS PA, 'DI NI MI 'THAD PA, LUNG DANG 'GAL BA DANG RIGS PA DANG 'GAL BA STE, DE DAG MI 'THAD PA'I RGYU MTSAN 'DI DANG 'DI LTAR RO ZHES RIG GTER 'GOG PA'I DAM BCA' RE RE NAS DRI MA MED PA'I RIGS PA BRGYA PHRAG STONG GIS SUN PHYUNG NAS PAn CHEN PHYOGS RGYAL BA SPOBS BA LAN MED DU GYUR, SLAR YANG MKHAS GRUB RIN BO CHES RIGS PA'I NGA RO CHES CHER BSGRAGS PA NA RIGS PA'I 'PHUL MTSAMS CHES ZHIB CING PHRA BAR GYUR TE PAn CHEN PHYOGS RGYAL BAS MDO SDE PA'I LUGS LA RGYU LAS MA SKYES PA'I DNGOS PO YOD GSUNG DGOS PA BYUNG NAS DE MDO SDE PA RANG GI GRUB MTHA'I NANG 'GAL YIN GSUNG ZHING CUNG ZAD ZHAL SKYENGS TE PHYAG GIS ZHAL RGYAN LA NOM ZHING BZHUGS PA NA, MKHAS GRUB RIN PO CHES NYAMS MTSAR GYI TSUL DU, RGYU LAS MA SKYES PA'I DNGOS PO YOD GSUNG BA DE MDO SDE PA'I GRUB MTHA'I NANG 'GAL YIN GSUNG BA, DA KHA SPU 'THOG PA'I LAS LA BRTZON PAR BYOS SHIG ,CES GSUNGS PA NA TSOGS PA THAMS CAD GAD MO'I GNAS SU GYUR TO, ,DE DUS SU KHONG GNYIS KYIS RTZOD PA MDZAD PA'I TSE BDAG NYID CHEN PO DE GNYIS KA DRI MA MED PA'I RIGS PA'I RNAM 'GYUR

, ,GZHAN DANG MI 'DRA BAS MKHAS PA MANG POS RTZOD YIG ZIN BRIS SU MDZAD PA YOD 'DUG CING ,PHYIS MKHAS GRUB THAMS CAD MKHYEN PA NYID KYIS TSAD MA SDE BDUN GYI DKA' GNAS GSAL BAR STON PA YID KYI MUN SEL MDZAD PA'I NANG DU'ANG DE DUS KYI RTZOD PA'I TSIG RNAMS DRANGS SO, ,MKHAS MCHOG BSTAN 'DZIN DAM PA DE DAG DRI MA MED PA'I RIGS PA'I RTZE DGA' MDZAD PA NI BSTAN PA RIN PO CHE'I RGYAN DU CHE BA YIN PAS GUS BA BSKYED PAR BYA YIS, RIGS PA'I GSANG MI SHES PA'I BLUN RMONGS DAG GIS KHO BO CAG GI 'DI KHON BDEN GYI GZHAN NI GTI MUG GO ZHES SGROG BA DANG RTZOD PA MDZAD DO ZHES TSIG TZAM GYIS 'JIG RTEN PA BLA'I GRAR BSHAGS 'GYED PA'I DANG TSUL LTAR DU BZUNG STE PHYOGS SU LHUNG BA'I BSAM PAS SKYES BU DAM PA LA SMOD PA NI RNAM PA KUN TU BYA MI RUNG STE SKYES BU DAM PA LA SMOD PA NI RANG NYID NGAN 'GRO MI BZAD PA'I RGYU SGRUB PA YIN PAR MDO LAS GSUNGS PA'I PHYIR RO, ,DON 'DI 'DRA LA DGONGS NAS RJE BTZUN RED MDA' PA CHEN POS, DUS KYI 'KHOR LO LAS BRTZAMS TE DGAG SGRUB MDZAD PA LA BLUN RMONGS LUG LTAR LKUGS PA 'GA' ZHIG GIS PHYOGS SU LHUNG BA'I BSAM PAS RED MDA' PA 'DIS DUS 'KHOR RGYAL BA'I BKA' YIN PA LA DUS 'KHOR LA DGAG SGRUB BYED PA 'DI 'DRA ZHES SMAD PA BYAS PA NA ,RJE BTZUN RED MDA' PA CHEN POS KHO BOS 'KHYOG PO'I SHING BSRONG BA LTAR RGYAL BA'I BSTAN PA LA

ZHUS DAG BYAS PA YIN GYI ,SKYON BRJOD PA GA LA YIN, LAR NI, SANGS RGYAS BSTAN LA YIN MIN GYI, ,DGAG SGRUB MKHAS PA RNAMS KYIS BYED, ,MI RNAMS 'PHYING PA 'DRA BA LA, ,KHYI LA BCOL GNYER CI ZHIG YOD, CES GSUNGS PA LTAR MKHAS PA RNAMS RIGS PA'I RTZED 'JO BYED PAR BLUN RMONGS DAG 'TSANGS TE CI BYED GSUNGS BA LTAR RO, ,PHYIS PAn CHEN PHYOGS LAS RNAM RGYAL BAS MKHAS GRUB RIN PO CHE LA CHED DU BRJOD PA'I BSNGAGS PA MANG DU MDZAD DO, ,MKHAS GRUB RIN PO CHE NI SKU NA TSOD PHRA MO DE TZAM NAS 'CHAD RTZOD RTZOM GSUM GANG LA'ANG THOGS PA MED PA ZHIG STE, DGUNG LO BCO BRGYAD BZHES PA'I TSE RJE BTZUN 'JAM PA'I DBYANGS SMRA BA'I SENG GE LA BSTOD PA, 'JAM DPAL GZHON NUR GYUR PA LA PHYAG 'TSAL LO, ,MTSAN DPES RAB TU BRGYAN PA GZHON NU'I SKU, ,TSANGS DBYANGS LDAN PA CHOS RAB STON PA'I GSUNG, ,SHES BYA MA LUS CIG CAR MKHYEN PA'I THUGS, ,MNGA' BA 'JAM PA'I DBYANGS LA PHYAG 'TSAL LO, ,MA LUS SKYE DGU'I MGON GYUR BCOM LDAN 'DAS, ,MA RIG MUN SEL SMRA BA'I SENG GE LA, ,MA YENGS SEMS KYIS GUS PAS GSOL 'DEBS KYIS, ,MA DAG BLO CAN BDAG CAG RAB TU SKYONGS, ,RI DVAGS RGYAL PO RNAM PAR BSGYINGS PA'I STENG, ,CHU SKYES GZHON NU RAB TU RGYAS PA DANG, ,BDUD RTZI'I 'OD CAN KUN NAS GANG BA YI, ,GDAN LA ROL PAS BZHUGS PA ZHI BA'I SKU, ,PADMA R'A GA'I MDOG 'DRA RGYAL BA'I SRAS, ,ZHAL GYI DKYIL 'KHOR 'DZUM PA'I

, ,MDANGS LDAN ZHING, AUTPAL ZUNG GI RTZA BA NYER BSTEN PA'I, ,CHOS 'CHAD PHYAG GIS THUGS KAR RNAM PAR BRGYAN, ,SNYAN GYI THAD DU CHU 'PHROG 'DAB RGYAS PA'I, ,GE SAR SNYING PO G-YAS SU RAL GRI DANG; ,G-YON PA GLEGS BAM MCHOG GIS NYER MDZES SHING, ,SHIN TU 'GYING PA 'GRO BA'I MGON GCIG PU, ,MTHON MTHING RAL BA'I THOR TSUGS RAB 'KHYIL BAR, ,NYID KYI RIGS MTSON MI 'KHRUGS RGYAN LDAN ZHING, ,SNYAN CHA GDUB KOR DAR GYI COD PAN GYIS, ,MCHOG TU MDZES KYANG BLTA BAS NGOMS PA MIN, ,THUN MTSAMS PHAM BYED MDZES PA'I SKU DE LA, ,RIN CHEN PHRENG BA 'OD KYI DRA BA CAN, ,ZLA BA'I DUM BU LTAR DKAR NGO SHAL GYIS, ,MCHOG TU MDZES PAS BLO LDAN YID 'PHROG BYED, ,GANG ZHIG CUNG ZAD KHYOD LA BRTEN PAS KYANG, ,'KHOR BA'I SDUG BSNGAL MTHA' DAG BSNYIL BYED NA, ,KHYOD NYID KHO NA MGON DU BYED PA YIS, ,BLO LDAN RNAMS LA KUN MKHYEN GA LA RING, ,DES NA RGYAL SRAS THU BO YON TAN GTER, ,MTSUNGS MED SMRA BA'I DBANG PHYUG ZHABS PAD LA, ,RTAG TU GUS PAS MGO BO 'DUD PAR BGYI, ,SKYE BA KUN TU RJES SU GZUNG DU GSOL, ,DE LTAR BDAG GIS BSGRIMS TE BSTOD MDO KYIS, , BCOM LDAN KHYOD KYI YON TAN CHA TZAM YANG, ,BRJOD PAR MA NUS BLO GROS SHIN TU NGAL, ,DA NI THOGS MED SMRA BA'I MCHOG GYUR CIG, BDAG GIS 'DI LTAR RJE BTZUN 'JAM BA'I DBYANGS, ,CUNG ZAD BSTOD LAS DGE BA GANG

BSAGS PA, ,RAB DKAR DRI MED YID KYI MKHAR SHAR BAS, ,'GRO BLO'I MUN PA MA LUS MTHAR BYED SHOG, CES PA MDZAD PA SOGS 'CHAD RTZOD RTZOM PA GANG LA'ANG THOGS PA MED PA KUN LA MTHUN SNANG DU GRUB BO, ,DE NAS BSNYEN PAR RDZOGS PA'I LO GRANGS SU SON PA NA, STOD 'DUL BA'I MKHAN RGYUD GANGS RI'I KHROD KYI SHING RTA CHEN PO RED MDA' PA GZHON NU BLO GROS KYIS MKHAN PO, MKHAS PA'I DBANG PHYUG CHEN PO DPAL 'BYOR SHES RAB KYIS LAS SLOB, MTSAN DON DANG MTHUN PA'I GNYAL BA BLO GROS MTSUNGS MED KYIS GSANG STON, GZHAN YANG DAD PA'I DGE 'DUN GRANGS TSANG BA'I DBUS SU DGE SLONG GI SDOM PA YANG DAG PAR BZHES TE 'DUL 'DZIN GSER RI'I PHRENG BA LTA BU'I DBUS NA ZLA MED PA'I LHUN PO LTA BUR GYUR TO, ,DE NAS RJE BTZUN RED MDA' PA CHEN POS MKHAS GRUB RIN PO CHE LA KHYED RJE BTZUN TZONG KHA PA DANG MJAL NA GZHAN DANG MI 'DRA BA ZHIG 'OD ZHES BSKUL BA DANG, RANG NYID KYANG RJE RIN PO CHE'I SNYAN PA GSAN PAS DAD PAS CHES CHER BSKUL TE ME MO PHAG GI LOR KHAMS GSUM CHOS KYI RGYAL PO TZONG KHA PA CHEN PO BLO BZANG GRAGS PA MJAL RGYU'I NUB MO SNYE THANG DU BZHUGS PA'I MNAL LAM DU, MUN BA NAG PO PHYOGS GAR 'GRO'I GTOL MED PA ZHIG TU PHYIN PA NA, SHAR PHYOGS NAS RAL GRI'I 'KHOR LO RTZIBS STONG DANG LDAN BA'I RAL GRI'I SO RNAMS PHYI DANG YU BA NANG DU BSTAN PA RAL GRI RE RE'I RTZE NAS NYI MA'I DKYIL 'KHOR BRGYA PHRAG RE SHAR PA, 'KHOR LO DE'I LTE BA'I DBUS

, ,SU 'JA' TSON SNA LNGA'I DRA BAS BSKOR BA'I NANG DU RJE BTZUN 'JAM DPAL DBYANGS SKU MDOG DMAR SER RAL GRI DANG GLEGS BAM BSNAMS SHING RIN PO CHE'I RGYAN DPAG TU MED PAS SBRAS PA ,GZHON NU'I CHA BYAD CAN, RAL PA'I THOR TSUGS LA MU TIG GI PHRENG BAS DKRIS SHING SHIN TU MDZES BA BLTA BAS CHOG MI SHES PA ZHIG BYON BYUNG BAS, MUN PA THAMS CAD SANGS, 'JIG RTEN GYI KHAMS THAMS CAD SNANG BA CHEN POS KHYAB BA DANG, RJE BTZUN GYI SKU YANG RANG GI LUS LA THIM PAS BDE BA'I NYAMS KHYAD PAR CAN SKYES PA ZHIG BYUNG, SANG NYIN SE RA CHOS SDINGS SU PHEBS PA NA THOG MAR DGE SLONG ZHI DUL CAN ZHIG DANG MJAL BA NA DE LA CHOS RJE BLO BZANG GRAGS PA'I GZIM KHANG GANG YIN DRIS PAS, LAN MA SMRAS PAR NANG DU SONG NAS SPOS RENG SBAR NAS KHYER BYUNG STE, GZIM KHANG SER PO'I DRUNG DU SLEBS PA NA PHYAG GSUM BTZAL, PHYAG GNYIS KYIS SPOS RENG BZUNG STE, DON GYI SLAD DU MTSAN NAS SMOS TE BDAG GI MKHAN PO RIN PO CHE BLO BZANG GRAGS PA'I ZHAL SNGA NAS BZHUGS PA'I GTZUG LAG KHANG NI 'DI'O ZHES SPOS KYI RTZE MO DE PHYOGS SU BSTAN BAS DGE SLONG DE 'DUL BA NAS GSUNGS BA LTAR GYI KUN SPYOD YONGS SU DAG PA DANG, DGE BA'I BSHES GNYEN LA SHIN TU GUS PA'I TSUL RNAMS GZIGS PAS RJE TZONG KHA PA'I ZHABS 'BRING DGE SLONG 'DI DAG KYANG 'DI LTAR DAM PA'I CHOS 'DUL BA'I LAG LEN LA MKHAS SHING ZHI ZHING DUL BA BLA MA LNGA BCU PA NAS BSHAD PA'I

BSHES GNYEN BSTEN TSUL RNAMS KYANG PHYAG LEN LA THEBS PA 'DI 'DRA NA, RJE RIN PO CHE JI 'DRA ZHIG YOD SNYAM DU LUS KYI SPU ZING ZHES BYED CING 'JIGS SHING SPA ZHUM PAR GYUR, DE NAS RJE RIN PO CHE MJAL BAS DAD PA DPAG TU MED PA 'KHRUNGS, RJE RIN PO CHES KHYED LA LAM DU RMI LAM CI BYUNG GSUNGS PAR SNGAR SNYE THANG DU BYUNG BA RNAMS ZHUS PAS KHYED SNGAGS KYI GDUL BYA DBANG RNON YIN PAR 'DUG ,KHYED KYIS GDUL BYA MANG PO LA PHAN THOGS CHEN PO 'ONG GSUNG, DE DUS RJE RIN PO CHES KHYED YI DAM GANG LA BYED KYIN YOD GSUNGS PAS MKHAS GRUB RIN PO CHES BDAG YI DAM GSHED DMAR LA BYED KYIN YOD ZHUS PAR RJE RIN PO CHES GSHIN RJE GSHED DMAR PO LA YI DAM BYAS NA'ANG RJE BTZUN 'JAM DBYANGS KYIS RJES SU 'DZIN PA'I RGYUR 'GYUR MOD, 'ON KYANG 'JIGS BYED LA YI DAM BYED PA BYUNG NA RJE BTZUN 'JAM DBYANGS KYIS RJES SU 'DZIN PA'I RGYUR 'GRO BA LA GSHIN RJE GSHED GZHAN GNYIS LAS KHYAD PAR 'PHAGS PA'I CHOS MANG DU YOD GSUNGS PAR BRTEN ,MKHAS GRUB RIN PO CHES KYANG DE NAS BZUNG STE RDO RJE 'JIGS BYED LA YI DAM DU MDZAD CING, RJE RIN PO CHE LA RDO RJE 'JIGS BYED LA KHYAD PAR DU 'PHAGS PA'I CHOS JI LTA BU YOD CES GSOL BA BTAB PAS, 'O NA MAndAL RGYAS PA CIG PHUL GSUNGS NAS, MAndAL PHUL BAS ZHI KHRO SBRAGS SGRUB KYI MAN NGAG DANG ,RJE BTZUN 'JAM DPAL DBYANGS KYIS RJES SU 'DZIN PA'I RGYU GZHAN GNYIS DANG MI 'DRA BA'I KHYAD PAR YOD PA RNAMS

, ,RGYAS BAR GNANG, DE'I TSE MKHAS GRUB RIN PO CHES RDO RJE 'JIGS BYED KYI DBANG GI DON DU GSOL BA BTAB BAS RJE NYID KYIS DKYIL 'KHOR BRI THIG GNANG NAS 'JIGS BYED BCU GSUM MA'I DBANG, RTOG BDUN, RTOG GSUM, RNAL 'BYOR BZHI RIM GYI KHRID SOGS GNANG NAS, KHYOD BSTAN PA THAMS CAD GRU BZHI LAM GYIS 'KHYER SHES PA CIG 'ONG BAR 'DUG CES DGYES PA'I BKA' STZAL, RJE RIN PO CHE'I TSEMS BRUL BA YANG DGYES BZHIN DU GNANG BAR TSEMS YIG LUNG BSTAN DU GSUNGS SO, ,DE NAS MKHAS GRUB RIN PO CHES RJE BTZUN TZONG KHA PA CHEN PO LA MI PHYED PA'I DAD PA BRTAN PO THOB NAS GSUNG RAB DGONGS 'GREL DANG BCAS PA THAMS CAD KYI SNYING BO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID SNYAN RGYUD KYI MAN NGAG GEGS SEL BOGS 'DON DANG BCAS BA MTHA' DAG LA GSAN ZHING, SHING RTA CHEN PO GNYIS KYI LAM SROL DRI MA MED PA'I RIGS PA'I DKA' GNAS MTHA' DAG GSAN, RGYUD SDE BZHI DANG 'BREL BA'I MAN NGAG MTHA' DAG DANG, LHAG PAR DGA' LDAN RNAM PAR RGYAL BA'I GLING DU RJE RIN PO CHE LA TSOGS KYI 'KHOR LO LA SOGS BA'I MCHOD PA TSAD MED BAS MCHOD CING, GSER GYI MAndAL PHUL TE GSOL BA SHUGS DRAG TU 'DEBS PAR MDZAD PAS RJE RIN PO CHES ZLA BA BCU'I RING LA, NYIN MO RGYUD SDE DANG GZHUNG CHEN MO RNAMS KYI BSHAD PA MTSAN RE BZHIN

BSKYED RDZOGS KYI MAN NGAG RNAMS DANG KHYAD PAR ZHAL LAS SHES PAR BYA BA'I GNAD MTHA' DAG RGYUN MA CHAD PAR STZAL BA RNAMS TSIG ZUR PHRA MO TZAM YANG NYAMS PA MED PAR THUGS LA BZUNG ZHING NYAMS SU BZHES TE GDENG THOB BAR MDZAD DO, ,DE'I TSE MKHAS GRUB RIN PO CHES RJE THAMS CAD MKHYEN PA LA TSOGS KYI 'KHOR LO LA SOGS PA MCHOD PA TSAD MED PAS MCHOD CING GSER GYI MAndAL PHUL TE GSOL BA BTAB BAS, RJE BLA MA'I THUN MONG MA YIN PA'I GSANG BA'I RNAM THAR DANG SNGAGS KYI GDAMS PA MANG PO LKOG CHO SU GNANG NAS, DA KHYOD LA MAN NGAG RNAMS RDZOGS PAR BSHAD YOD PAS NGA'I SNGAGS KYI YIG CHA 'DI RNAMS KYI DKA' GNAD RNAMS LA ZIN BRIS THOB LA RANG YANG NYAMS SU LONGS; SNOD LDAN GYI GDUL BYA RE GNYIS TZAM BYUNG NA DE RNAMS LA SHOD, NGA'I MDO SNGAGS KYI BSTAN BCOS 'DI RNAMS LA DGONGS PA 'GREL BA'I BSTAN BCOS RNAM PAR DAG BA RTZOMS, KHYAD PAR DU ZAB MO DBU MA'I LTA BA DANG NGA'I SNGAGS KYI BSTAN PA 'DI RNAMS RGYAS PAR GYIS SHIG GSUNGS NAS BSTAN PA YONGS SU RDZOGS PA GTAD DO, ,GZHAN YANG, RJE'I THUGS SRAS RGYAL TSAB DAR MA RIN CHEN, 'DUL 'DZIN GRAGS PA RGYAL MTSAN SOGS LA'ANG MAN NGAG MANG DU GSAN NO; ;DE NAS RJE RIN PO CHE ZHING GSHEGS NAS PHAL CHER RI BO MDANGS CAN DU BZHUGS TE RJE RIN PO CHE'I MDO SNGAGS KYI MAN NGAG RNAMS THUN BZHIR BCAD DE NYAMS SU BZHES PAS BSHES GNYEN BSTEN TSUL NAS MI SLOB PA'I ZUNG 'JUG

, ,GI PAR MDO SNGAGS GNYIS KA'I LAM GYI LUS YONGS SU RDZOGS PA LA MYONG BA PHUL PHYIN THON TE PHYI RABS KYI GDUL BYA RNAMS LA SANGS RGYAS DNGOS SU BYON YANG DE PHAN CHAD DU GSUNG DU MED PA'I MDO SNGAGS KYI GDAMS PA ZAB MO 'DI 'DRA THOB NAS KHA PHYIR LTAR MA SONG BAR RANG GI RGYUD LA BSKOR TE NYAMS LEN MTHAR PHYIN PAR BYA DGOS SO, ,ZHES 'DOMS PHYIR DAM BCA' 'DI LTAR MDZAD DE ,NA MO GU RU MANYDZU GHO sh'A YA, BLA MA DANG SANGS RGYAS DANG BYANG CHUB SEMS DPA' THAMS CAD DANG THUGS RJE'I STOBS DANG SMON LAM GYI MTHU GRUB PA THOGS PA MED PA'I YE SHES KYI SPYAN DANG LDAN PA RNAMS LA GUS PA CHEN POS PHYAG 'TSAL ZHING SKYABS SU MCHI'O, ,LHAG PA'I BSAM PA RNAM PAR DAG BAS YI DAM DU BGYI BA'I DON MTHA' DAG GEGS MED PAR MTHAR PHYIN PAR MDZAD DU GSOL, GANG ZHIG THUGS RJE CHEN PO'I GZHAN DBANG GIS, ,BDAG BDER CUNG ZAD TZAM YANG MA GZIGS PAR, ,GZHAN PHYIR DPAG PAR DKA' BA'I SPYOD YUL LA, ,GRANGS MED BZOD DKA'I NGAL BAS MI SKYO BAR, ,THUGS BSKYED MTHAR PHYIN MDZAD PA'I 'GRO BA'I GNYEN, ,DGE LEGS RTZA BA DRIN CAN BLA MA DANG, ,SRAS BCAS RGYAL BA'I ZHABS LA PHYAG 'TSAL NAS, , DE DAG SPYAN SNGAR YANG DAG BLANGS PA'I KHRIMS, ,SDOM PA GSUM GYI BCAS PA'I MTSAMS RNAMS LAS, ,MA GTOGS KHAS LEN BGYI BA CI ZHIG MCHIS, ,'ON KYANG BDAG NI NYON MONGS DBANG GYUR CING, ,BAG MED SPYOD PA'I GOMS PA

SHUGS TSE BAS, ,PHAL CHER LOG PA'I RGYUN PHYOGS GZHOL GYUR BA, ,'DI LA DRAN SHES SKYE BAR 'GYUR SNYAM NAS, ,SLAR YANG RGYAL DANG DE SRAS SRUNG MA'I TSOGS, ,DPANG POR GSOL TE 'DUN PA DRAG PO YIS, ,DGE SBYONG BDAG GIS DAM BCA' BCU PO 'DI; ;DE NAS BRTZAMS TE JI SRID 'TSO YI BAR, ,SROG LA BAB KYANG DOR BAR MI BGYID CING, ,GAL TE 'DAS NA RGYAL BA SRAS BCAS KYIS, ,PHYUGS LTAR DGONGS NAS SRUNG MA'I TSOGS RNAMS KYIS, ,BAG MED BDAG GI KHONG PA'I SNYING PHYUNGS SHIG, DA LTAR MKHYEN PAR GSOL NAS DAM BCA' BA BCU RJES SU BRJOD PA 'DI DAG GO, DE YANG GANG GI TSE GZHAN GYI SEMS NGES PAR BSRUNG DGOS SHING, CHES NGO MTSAR BA LA SOGS PA'I CHOS LDAN GYI DMIGS BSAL RE RE TZAM MA GTOGS PA'I SKABS GANG DU YANG DMAG DANG, CHOM RKUN DANG, RGYAL PO'I GTAM LA SOGS PA 'DU 'DZI'I GTAM GYI SBYOR BA CUNG ZAD TZAM YANG MI BGYI BA NI DAM BCA' DANG PO'O, ,KUN SLONG SKYON CHAGS PA'AM, LUNG DU MA BSTAN PA RNAM PAR MA BRTAGS PA'I SEMS KYIS KUN NAS BSLANG BA YANG RUNG STE, DE NYID KYI NYES PA SEL BA'I CHOS LDAN GYI CHED DU PHAN PAR 'DOD PA 'BA' ZHIG GIS BRJOD BA MA GTOGS PA, RANG LAS RGYUD THA DAD PA'I GANG ZAG DMIGS KYIS BSAL BA'I MING NAS SMOS TE DE'I SGO GSUM GYI SKYON PHRA MO TZAM YANG TSIG TU BRJOD PAR MI BGYID PA NI DAM BCA' BA GNYIS PA'O, ,GAL TE RANG LA SEMS RGYUD CUNG ZAD TZAM YANG 'KHRUGS PA'I BSAM PA MI 'DREN CING, GZHAN LA

, ,THABS DES NGES PAR PHAN PAR YID CHES PA'I SKABS BYUNG NA MA GTOGS PA RANG LAS RGYUD THA DAD PA'I SEMS CAN DANG, DE LAS GZHAN SEMS CAN MIN PA YUL DU BYAS PA'ANG RUNG STE RTZUB MO'I CHIG CUNG ZAD TZAM YANG MI BGYID BA NI DAM BCA' BA GSUM PA'O, ,GANG GI TSE CHOS LDAN GYI BYA BA'I CHED DU DRAN SHES NYE BAR BZHAG STE NGES PAR BRTAG DGOS PA'I GNAS LA SEMS PA MA GTOGS PA, GNYEN BSHES DANG, RNYED BKUR DANG 'DU 'DZI DANG, CHAGS SDANG LA SOGS BA'I GNAS LA CUNG ZAD KYANG NYON MONGS PA DANG 'DRES PA'I SEMS KYIS BRTAG PAR MI BYA BA NI DAM BCA' BA BZHI PA'O, ,GANG GI TSE NAD DANG, LAM LA SOGS BAS HA CANG DUB PA'I SKABS MA GTOGS PAR, DGE BA'I SBYOR BA'I SKABS GANG GI TSE'ANG ,NYAL BA DANG, 'PHRES PA DANG, BRE MO'I GTAM DANG, BZA' BTUNG HA CANG BSTEN PA SOGS KYIS CHOS LDAN GYI DGOS PA MED CING LE LO SKYE BAR MTHONG BZHIN DU 'PHRO MI GCOD CING DANG DU LEN PA CUNG ZAD KYANG MI BGYI BA NI DAM BCA' BA LNGA PA'O, ,BDAG LA RDZAS DE BDOG CING DE GANG ZAG DE NYID LA SBYIN NA BDAG GI DGE BA'I BYA BA NYAMS PA'I RKYEN DANG, 'PHEL BA'I GEGS SU 'GYUR PA 'AM, YUL DE LA GNOD PAR 'GYUR BAR NGES PA'AM, CHED DU BYA BA CHOS LDAN GZHAN DANG YUL GZHAN LA BSNGOS ZIN PA MA GTOGS PA, GANG ZAG GANG YANG RUNG BAS YO BYAD BZANG NGAN CI

'DRA ZHIG SLONG YANG SER SNA'I BLOS MI STER BA SPANGS TE, DE MA THAG TU DGA' BA'I SEMS KYIS BYIN NAS RDZOGS PA'I BYANG CHUB TU BSNGO BAR BGYI BA NI DAM BCA' BA DRUG PA'O, ,GANG GI TSE BDAG GAM BDAG GI GNYEN BSHES, LONGS SPYOD, 'KHOR G-YOG GANG YANG RUNG PA LA SU YANG RUNG BAS CI YANG RUNG BA'I GNOD PA DANG, MI SNYAN PA BRJOD PA DANG, MTSANG NAS 'BRU BA DANG, SROG GCOD PA'I BAR DU BYED PA THAMS CAD LA DANG POR KHONG 'KHRUGS PA DANG, RJES SU KHON DU 'DZIN PAS LUS NGAG GI RNAM PAR 'GYUR PA PHRA MO YAN CHAD 'BAD PAS 'GOG CING CUNG ZAD KYANG DANG DU MA LEN LA CI NAS KYANG DE NYID KYI LAN DU DNGOS BRGYUD GANG YANG RUNG BA'I SGO NAS PHAN GDAGS PA'I BLO BSKYED CING SMON LAM GDAB PA NI DAM BCA' BA BDUN PA'O, ,BDAG NYID KYIS DBANG KHRID LUNG MAN NGAG STON PA, MDO RGYUD SOGS 'CHAD PA, BDUN TSIGS RAB GNAS SBYIN SREG GI YON DANG, CHOS PHYOGS LA DMIGS PA DANG, 'PHRAL DU LONGS SPYOD PA LA NYE BA'I STA GON 'DU BYAS PA 'TSEMS SHING DRUB PA'I CHOS GOS DANG, G-YOS SU BYAS PA 'AM DE NYID GYI TSE G-YOS SU BYED PAR CHAS PA LTA BU'I ZAS GOMS MA GTOGS PA YO BYAD CHE CHUNG GANG BYUNG YANG BDAG NYID KYI DON DU BDAG GIR MI 'DZIN CING BSOD NAMS GSOG PA'I THABS 'BA' ZHIG LA GTONG BA DANG, CHOS GYI SBYIN PA TSIG BZHI YAN CHAD KYANG BYANG CHUB KYI SEMS KYI RTZIS ZIN PAR BYED PA NI, DAM BCA' BA BRGYAD PA'O, ,BSTAN PA 'BA' ZHIG LA BSAM PA'I BLOS GSUNG RAB KYI

, ,DON LA LOG PAR RTOG PA 'GOG PA'I YAN LAG MA GTOGS PAR, BSHES GNYEN GZHAN SU LA'ANG MI BSNGAGS PA CUNG ZAD KYANG MI SMRA ZHING YON TAN BRJOD PA LHUR LEN PA DANG GANG ZAG MCHOG DMAN SU LA YANG PHUN SUM TSOGS PA'I RNAM PA CHE CHUNG CI 'DUG PA DANG, YON TAN GYI KHYAD PAR CHOS DANG MTHUN PA CI 'DUG PA MTHONG NGAM THOS PA NA YID LA ZUG RNGU CUNG ZAD KYANG MI BSKYED CING DE MA THAG TU SNYING LA DGA' BA'I BLO SBYANG BA NI DAM BCA' BA DGU PA'O, , NAD DANG CHOM RKUN SOGS DRAG POS GTZES PA'I GZHAN DBANG DU GYUR PAS BSGRUB PAR MA NUS PA'I SKABS BYUNG NA MA GTOGS PA JI SRID 'TSO'I BAR DU NYIN ZHAG RE'I NANG DU DGE SBYOR BCU PO 'CHAG MED DU BGYI BA STE, DE YANG 'DI LTA STE, SMON SEMS DANG 'JUG SEMS CHO GA NYUNG DUS THUN DRUG TU LEN CING, KHYAD PAR SNGA DRO SMON SEMS DANG BYANG SEMS KYI SDOM PA RANG GIS BLANGS PA'I CHO GA RGYAS PA, BYANG CHUB KYI SEMS GNYIS SBYANG BA'I DMIGS RNAM GANG SKABS DANG 'TSAM PAR THUN BZHING LEGS PAR BSGOMS NAS SPYOD LAM THAMS CAD DE NYID KYIS RTZIS MA ZIN PA'I RGYA YAN DU MA SHOR BAR DRAN SHES NAR MAR BSTEN PA LA 'BAD PA, 'KHOR BA'I SNANG SHAS ZIL GYIS GNON PA'I GNYEN POR SKYES BU CHUNG 'BRING GI DMIGS RNAM GTZO BO GANG SKABS DANG 'TSAM BAR THUN BZHIR BSGOMS NAS SNGA MA LTAR DRAN SHES BSTEN PA, SNGAGS BLA MED KYI DKYIL 'KHOR RTEN DANG BRTEN PAR BCAS PA YONGS SU RDZOGS PA'I THUN BZHI'I RNAL 'BYOR RNAMS TE DAM BCA' PA

BCU PA'O, ,'DI LTAR BDAG GI YI DAM RNAM PA BCU, ,MI 'DOD BZHIN DU GZHAN GYIS BTZAL BA DANG, ,RTOG DPYOD SPANGS TE BYUNG RGYAL SMRAS PA 'AM, ,JI TZAM 'BAD KYANG 'GRUB PA'I THABS MED PA, ,DE DAG MIN PHYIR RANG LA BRTAGS PA NA, ,BRTZON PAS 'BAD NA BSGRUB PAR NUS PA DANG, ,GRUB NA DGOS PA CHE BAR MTHONG NAS NI, ,RGYAL BA'I SRAS KYI RMAD BYUNG SPYOD PA LA, ,SNYING NAS GUS PA'I DAD PA SKYES PA BDAG, RGYAL BA SRAS BCAS MTHU LDAN SRUNG MA'I TSOGS, ,DBANG POR GSOL BA'I DAM BCA' 'DI LTAR 'DOR, ,DE PHYIR SROG LA BAB KYANG DAM BCA'I KHUR, ,'DI DAG MI SPANG SLAR YANG RGYAL SRAS KYI, ,'DI LAS GRANGS MED RLABS CHE'I SPYOD KUN LA, ,'DUN DANG SBYOR BA GONG DU SPEL BAR BGYI, ,TSUL 'DIS MTSON PA'I DUS GSUM DGE BA KUN, , GCIG TU BSDOMS PAS TSE RABS KUN TU BDAG, RMAD BYUNG BSHES GNYEN MCHOG GIS RJES BZUNG NAS, ,BYANG CHUB SEMS GNYIS NAM YANG MI GTONG ZHING, ,RLABS CHEN RGYAL SRAS SPYOD KUN BSGRUB PA LA, ,MA ZHUM SNYING STOBS MCHOG GIS SRID MTHA'I BAR, ,RGYAL BA'I DAM CHOS MA LUS 'DZIN PA DANG, ,'JAM PA'I DBYANGS KYIS RJES SU 'DZIN GYUR CIG, CES RGYAL BA'I DGONGS PA SHING RTA CHEN PO RNAMS DANG 'JAM MGON BLA MAS JI LTAR BKRAL BA LTAR MDO SNGAGS KYI LAM GYI LUS YONGS SU RDZOGS PA LA NYAMS LEN SNYING POR BYA BA LAS NAM YANG MI G-YEL BA'I DAM BCA' MDZAD CING, SKAL BA DANG LDAN PA GZHAN DAG LA'ANG RJE RIN PO CHE'I MDO SNGAGS KYI BSTAN PA BSRE BSLAD MED PA RNAM PAR DAG PA RGYA CHER SPEL ZHING,

, ,CHOS RGYAL BDAG PO RAB BRTAN PAS GDAN DRANGS TE DPAL 'KHOR CHOS SDER RJE RIN PO CHE'I LUGS BZANG 'DZIN PA'I DGE 'DUN GYI SDE MANG DU SPEL TE BSTAN PA'I BYA BA RGYA CHEN PO MDZAD, DE NAS DGUNG LO ZHE GSUM BZHES PA ME MO LUG GI LOR BDAG PO RAB BRTAN PAS DBUS NAS RONG STON CHEN PO GDAN DRANGS TE RJE 'DI DANG RTZOD PA MDZAD PAR DRIL BSGRAGS, MKHAS GRUB RIN PO CHES KYANG ZHAL GYIS BZHES, GTAM DE DBUS GTZANG YONGS LA BSGRAGS PAS MKHAS PA MANG BO DBANG POR BYON ZHING, BKA' BSTAN 'GYUR YANG BRTZIGS, RTZOD PA'I DUS TSES BTAB PAS RONG STON PAS RTZOD PAR MA NUS NAS BDAG PO RAB BRTAN PA DANG GNYIS KAS 'BYOL THABS KHON MDZAD PAS; MKHAS GRUB SMRA BA'I NYI MA DGE LEGS DPAL BZANG POS 'JIGS PA MED PA'I SGRA DBYANGS ZAB MO SGROG BAR MDZAD PA NI 'DI LTAR, AOm BDE LEGS SU GYUR CIG, BLO BZANG GSUNG GI LEGS BSHAD ME TOG PHRENG, , GRAGS PA'I MDANGS LDAN RIGS PA'I DRI BSUNG CAN, ,DPAL LDAN MKHAS PA KUN GYI MGO BO LA, ,NGAL BSO BGYIS PAS THUB BSTAN RGYAS GYUR CIG, THEG MCHOG RIGS KYI NUS PA MI DMAN TSOGS GNYIS RIN CHEN KHAMS LAS GRUB, ,RNAM DPYOD MGYOGS 'GRO'I RTA LJANG GIS DRANGS SHES BYA'I MKHA' LA THOGS MED CING, ,GSUNG RAB RGYA MTSO'I GOS CAN MA LUS RIGS PA'I ZER GYIS SNANG BYED PA, ,SNGON MED NAM MKHA'I NOR BU

DE DANG ME KHYER LHAN CIG JI LTAR BGROD, ,'ON KYANG RONG SKYES SH'AKYA YIS, ,BSTAN LA SDANG BA'I YID LDAN ZHING, ,GSHEN RAB GZHUNG LUGS RGYAL MTSAN 'DZIN, ,BYIS PA MKHAS PAR RLOM PA GANG, ,RING NA GNAS TSE KHO BO DANG, ,LHAN GCIG BRGAL LAN BYA'O ZHES, ,GYA GYU'I YID LDAN DRANG SRONG GI, DMOD PA'I TSIG BZHIN YANG YANG BSGRAGS, ,DE NAS NAM ZHIG 'DIR PHYIN TSE, ,ZHUM PA BZHIN DANG SKRAG PA BZHIN, ,GNONG BA BZHIN DANG 'GYOD PA BZHIN, ,SKYABS MED BZHIN DU SKYABS 'TSOL BYED, ,DPAL LDAN ZLA BA'I 'OD DKAR LA, ,GLAGS TSOL 'DOD PA'I MUN CAN DE, ,KHO BO'I RIGS TSUL RDO RJE YIS, ,GZHOM PAR BYA ZHES MNGON DU SMRAS, ,BLA MA'I LEGS BSHAD NYIN BYED ZER, ,SGRIB BYED PHRAG DOG RKANG 'THUNG RGYAS, ,NYES BSHAD NAGS TSAL 'KHRIGS PA KHYOD, ,DA LTA THAL PAR BYA ZHES SMRAS, ,DE'I TSE SKRAG PA'I YID LDAN DES, ,DE DAG BDAG GIS MA BKAG CES, ,GTOL MED GYUR PA'I TSIG SMRA ZHING ,RDZUN GYI KHUNG BUR YANG YANG BROS; ,KHREL YOD NGO TSA'I GOS DANG BRAL, ,SDOM PA'I SKA RAGS LHOD PA CAN, ,BLUN RMONGS SLOB MA'I TSIG NGAN GYI, ,YOL BAS BSGRIBS PA'I PHAG TU 'CHEL, ,PHYOGS 'DIR MKHAS PA'I BKA' MCHID DAG, BYA BAR 'OS PA MIN ZHES PA'I, ,SBYIN BDAG TSIG LA SKYABS BCAS NAS, ,BDAG LA BKA' DRIN CHE ZHES SMRAS, ,LUNG RIGS RLABS PHRENG ROL PA CAN, ,SDE CHEN RGYA MTSO SO SO NAS, ,MKHAS PA GDENG CAN DU MA DAG, GNAS 'DIR DPANG POR LHAGS

, ,PA YANG, ,DE YIS GANG LA MGON BCAS PA, ,DE NYID TSIG GIS RANG RANG GI, ,CHU GTER GNAS SU BSKRAD BYAS NAS, ,BRGOL PA'I DKYIL 'KHOR RDZOGS MA GYUR, ,'DI LTAR MNGON DU MA NUS PA'I, , ZHUM TSIG SMRAS PA DRAN BYOS LA, ,PHYIS NAS MKHAS PA'I LEGS BSHAD LA, ,LKOG TU NGAN SMRAS MA BYED CES, ,BDAG GIS GDAMS SHING TSAR BCAD PAS, ,BDEN MIN SMRA BA LHUR LEN ZHING, ,NGO TSAS GTOL MED GYUR DE DAG, LUG BONG BZHIN DU MKHAS RNAMS SGROGS, ,BDE GSHEGS BSTAN PA GANGS RI'I SUL NA GNAS, ,GZHUNG LUGS 'BUM PHRAG RAL PA'I KHUR GYIS BRJID, ,RIGS PA'I MCHE SDER MI BZAD STOBS LDAN PA, ,MKHAS MCHOG GDONG LNGA'I DBANG PO KHO BO TZAM, ,DRI MED RIGS PA'I GAD RGYANGS GCIG GIS KYANG, ,DREGS LDAN PHAS RGOL GLANG PO STONG GI SNYING, ,LKOG MAR PHYIN PA'I 'JIGS STER DGE LEGS DPAL, ,BZANG PO LAS GZHAN SMRA BA'I SENG GE GANG, ,ZHES DRI MA MED PA'I RIGS PA'I GANG RGYANGS RGYA CHER BSGRAGS PA DPAL 'KHOR CHOS SDE'I RGYAL SGO LA BLAN TE KUN GYIS MTHONG BAR MDZAD DO, ,'DI LTAR MKHAS PA CHEN PO GNYIS KYIS DRI MA MED PA'I RIGS BA'I NGA RO'I RTZE DGA' MDZAD PA NI BSTAN PA RGYAS PA'I CHED DU MDZAD PA YIN GYI, DENG SANG GI BLUN RMONGS DAG GI NGANG TSUL LTAR CHAGS SDANG GIS MDZAD PA MIN NO, ,DON 'DI LA MKHAS GRUB THAMS CAD MKHYEN PA NYID KYI ZHAL

NAS, KHA CIG DE LTAR CHOS DANG CHOS MA YIN PA'I RNAM DBYE LA BRGAL BRTAG MANG DU BYED PA NI SEMS RGYUD MA DUL BA YIN PAS SNYING PO MED, CHOS DE DAG THAMS CAD LA RANG RANG GI LUGS BZHIN NYAMS SU BLANGS PAS GANG ZAG BZANG PO MANG PO BYON 'DUG PA DANG CHOS THAMS CAD DU MA RO GCIG YIN ,CHOS KYI KHA ZIN BYED PA CHAGS SDANG RMONGS GSUM GYI RTZA BA YIN PAS BYAR MI NYAN, 'DOD PA DE DAG THAMS CAD PHUN SUM TSOGS PA 'BA' ZHIG YIN ZHES ZER BA YANG BLUN PO PHAL CHE BA CHOS PA RANG JO BO BZANG ZHES DAD PA LHAG PAR SKYE, KHO RANG YANG DE NYID DANG DU LEN ,RNYED BKUR 'DU BA YANG MANG BAR GYUR MOD KYI LUNG RIGS KYIS CHOS LOG TSAR GCOD PA SEMS RGYUD MA DUL BAR SMRA BA NI, SANGS RGYAS DANG 'DZAM GLING MDZES PAR BYED PA'I RGYAN DRUG LA SOGS PA RGYA BOD KYI LO PAn KHYAD PAR CAN MTHA' DAG LAS RANG NYID SEMS RGYUD DUL BAR DON GYIS KHAS LEN PA BRTAGS NA BLOS 'KHYUD PAR DKA' BA'I GTAM YIN NO, ,RANG NYID SKYE BO PHAL PA BLUN PO 'GA' ZHIG GI BLO YUL DU GRUB PAR BYA BA'I PHYIR DANG, RNYED BKUR CUNG ZAD 'DU BA'I SGO MI NYAMS SHING GONG NAS GONG DU 'PHEL BAR BYA BA'I PHYIR TZAM DU SHES BZHIN DU CHOS MA YIN PA CHOS SU STON PAR BYED PA NI, SEMS RGYUD GTING NAS MA DUL BA'I TSABS DE LAS CHE BA CI ZHIG YOD DE ,TSE 'DI'I DGOS PA CUNG ZAD TZAM GYI PHYIR DU CHOS SPONG BA'I LAS TSABS PO CHE BSAGS NAS RANG GZHAN SLU ZHING SANGS RGYAS KYI BSTAN PA NYAMS PAR BYED PA'I PHYIR RO, ,CHOS

, ,CHOS MA YIN PAR STON BA DANG, CHOS MA YIN PA CHOS SU STON PA GNYIS KA YANG CHOS SPONG GI LAS SU 'GYUR BA LA KHYAD PAR MED PAR 'PHAGS PA RNAM PAR 'THAG PA BSDUS PA'I MDO LAS GSUNGS SO, ,ZHES GSAL BAR GSUNGS SHING, MKHAS GRUB CHEN PO 'DI NYID KYIS RIGS PA'I DGAG BZHAG MDZAD PA NI, RGYAL BA'I BSTAN PA NYAMS PA THUGS KYIS MA BZOD PA DANG, SEMS CAN BLUN RMONGS RNAMS CHOS LTAR BCOS PAS PHUNG BAR 'GYUR BA THUGS KYIS MA BZOD NAS RANG YAL BAR DOR TE GZHAN GCES PAR 'DZIN PA'I BSAM PA KHO NAS MDZAD PA YIN TE, CHOS MIN CHOS SU STON BYED CING, ,DAM CHOS BTZONGS PAS 'TSO RNAMS KYIS, ,THUB BSTAN MING GI LHAG MAR BYAS, TSUL 'DI BDAG GIS JI LTAR BZOD, ,CES GSUNGS PA LTAR RO, ,DES NA MKHAS MCHOG GDONG LNGA'I DBANG PO GNYIS DRI MA MED PA'I RIGS PA'I NGA RO'I RTZE DGA' BYED PA'I BAR DU BLUN RMONGS WA SKYES DAG 'TSANGS NAS PHYOGS LHUNG MI BYA STE RANG NYID PHUNG BAR 'GYUR BA'I PHYIR RO, ,DES NA MDO LAS, NGA 'AM NGA DANG 'DRA BAS GANG ZAG GI TSOD BZUNG GI ,GANG ZAG GIS GANG ZAG GI TSOD MI BZUNG STE NYAMS PAR GYUR TA RE, ZHES GSUNGS PAS BDAG LEGS SU 'DOD PA DAG GIS SKYE BO DAM PA LA GNOD PA'I LAS RNAM PA KUN TU SPANGS TE GUS PA LHUR BYA'O, ,DE NAS MKHAS GRUB RIN PO CHES DPAL 'KHOR CHOS SDER MA BZHUGS PAR RI BO MDANGS CAN DU PHEBS TE BSTAN PA'I BYA BA

RGYA CHER MDZAD PA NA BDAG PO RAB BRTAN PA YID BZHIN GYI NOR BU LAG TU RNYED PA CHED DU BSAMS TE BRLAG PAR BYAS PA LTAR 'GYOD PA TSAD MED PA SKYES TE, MKHAS GRUB RIN PO CHE LA DNGOS SU ZHU MA SPOBS PAR NYE GNAS LA GSER MANG PO BYIN TE SLAR GDAN 'DREN PA'I ZHU BA BYAS PAR PHEBS SU MA BZHED PAR, AOm SVA STI, GANG GI BKA' DRIN DRAN PAS BDAG GI YID, ,SHIN TU BRTAN PA NYAMS PA'I DAD PA YIS, ,ZLA MED BLA MA'I ZHABS LA PHYAG BYAS TE, ,RANG GI YID LA GCAGS PA'I GTAM 'DI GLENG, ,SMRAS PA, 'DIN ZAB DANG RGYA CHE DAM PA'I CHOS ,,DGOS 'DOD KUN 'BYUNG DPAG BSAM LJON PA YANG, ,KHA ZAS DON GNYER BLUN PO'I CHOGS RNAMS KYIS, ,BUD SHING CHED DU CHUD GZON BYED PAR ZAD, ,MDO RGYUD GSUNG RAB MKHA' LA THOGS MED PA'I, ,LEGS BSHAD 'OD STONG LDAN PA'I NYIN BYED KYANG, ,DUS MTHAR LAS KYIS LA LTUNG BA NA, ,RTZVA SGRON TZAM GYI BYA BA'ANG BYED MA YIN, ,SKYON YON BYED PA'I BLO GROS MIG LDONG NAS, ,BLUN PO'I CHIG RJES 'BRANG LAS GZHAN MED PAS, ,RANG GI LAG THOGS NOR BU RIN CHEN YANG, ,PHYAG DAR PHUNG PO'I RDO DANG MTSUNGS PAR MTHONG, ,SEMS RTA DMU RGOD 'PHRAL DU DUL BYED PA, ,PHUL BYUNG DAM PA'I CHOS KYI DGA' STON YANG, ,NGAN SKYUGS DON GNYER KHVA TA'I TSOGS RNAMS KYIS, ,PADMO'I RTZA LAG BZHIN DU 'BAD PAS SPONGS, ,SANGS RGYAS LAS KYANG DKON PA'I GDAMS PA MCHOG ,TSANG LA MA NOR SNGON MED BDUD RTZI'I RGYUN, ,DKA' SPYAD LTOS MED BRTZEBS BYIN NA YANG, ,SKAL NGAN SKYE BOS

, ,DUG LTAR 'GAL BAR 'DZIN, ,RLABS CHEN LUNG RIGS BSHAD PA'I GRU SBYANG NAS, ,GZHUNG LUGS CHU GTER CHE LA LEGS KHRID NA, ,BLO CHUNG BYIS PA LTA BU 'DI DAG NI, ,SGYID LUG ZHUM DANG 'JIGS DANG GTOL MED 'GYUR, ,GZHUNG LUGS BSHAD PA RTZVA LTAR DOR BYAS NAS, ,BSDUS PA'I THAL PHRENG MDZUB KHRID KHO NA YANG, ,DON CHUNG LAS LA TSE ZAD 'GYUR MTHONG NAS, ,BDAG NI 'DI LA 'JUG PA LHOD PAR GYUR, ,THUN MONG STONG NYID GTAM YANG SNOD MIN LA, ,'CHAD PA BKAG NA BLA MED THEG PA'I LAM, ,MI 'DOD BZHIN DU STON PA SMOS CI DGOS, ,DE PHYIR KHO BO 'DI LA'ANG SKYID LUG GYUR, ,LTA BA'I MTHAR THUG DBU MA'ANG DE NYID DON, ,BDEN 'DZIN GNYEN POR BSGOM PHYIR MI SLOB PAR, ,GRANGS 'DZIN PHYIR DANG GANG SHES TSOGS NANG DU, ,SMRA PHYIR 'BAD PA BDAG 'DZIN GSOS 'DEBS YIN, ,BLANG DOR GNAS DANG LAM GYI YAN LAG KUN, ,TSED MAS GTAN LA DBAB PHYIR MA YIN PA'I, ,MANG PO'I DBUS SU 'GRAN ZLA ZIL MNAN NAS, ,GZHAN NGOR GRUB PHYIR 'BAD PA'ANG CHOS MIN YIN, ,GZHUNG LUGS DON LA CHA TZAM MA REG PA'I, ,RDZAS LDOG NA BZUNG CHOS CAN ZOL 'JOG SOGS, ,'BAD NAS SLOB PA KUN SLONG SKYON MED NA, ,LUNG MA BSTAN GYI LAS SU 'GYUR BA TZAM, ,CHAGS SDANG PHRAG DOG 'GRAN SEMS DRAG PO DANG, ,MI GZUGS TSOL PHYIR THOS BSAM SGOM GSUM LA, ,JI TZAM 'BAD KYANG CHOS MIN DU MA'I SGO, ,

NAD PA GSAD PHYIR ZAS MCHOG SBYIN PA BZHIN, ,LTO RGYAB TZAM PHYIR 'DUS PA'O 'KHOR NANG DU, ,CHAGS SDANG G-YO SGYUS 'THAB RTZONG LHUR BLANGS NAS, ,ZHAR LA SBYOR DAG TSIG GSUM BZLAS BRJOD KYIS, ,RANG GZHAN GNYIS KA 'DI PHYIR PHUNG BAR BYED; ;MKHAN SLOB MCHED GROGS CHOS DANG DAM TSIG NI, ,MDA' LTAR 'PHANGS NAS 'DU BA'I SGO 'PHROG CING, ,DAD RDZAS PHYIR RTZOD YUL 'KHOR 'JOMS PA'I DPUNG, ,JI TZAM TSOGS KYANG DMYAL BA'I 'DUN KHANG YIN, ,DMAN PA'I GZHUNG DANG MCHOG TU RNYED DKA'I LAM, ,'CHAD DANG 'DOMS PA LDOG STE DON GNYER BA, ,SKAL BA MED PA'AM SHIN TU BLUN PA 'AM, ,SNANG SHAS GDON CHEN SNYING LA ZHUGS PA YIN, ,TSE 'DI 'AM BAR DO SKYE BA BDUN TZAM GYIS, ,SANGS RGYAS 'THOB PA'I LAM BZANG THOB NAS KYANG, ,SANGS RGYAS MI 'DOD SMRA BA NGO TSA NAS, ,DE LA'ANG 'DI NYID DGOS PA'I ZOL SBYOR GYIS, ,BGROS NGAN TSIG GSUM GSHAGS SBYOR CUNG ZAD CIG ,SHES NAS LONG BAS LONG BA 'KHRID PA'AM, ,ZAS NOR BSGRUB PHYIR PHYI MA BLOS GTONG BA, ,'DI DAG MI YI GZUGS BRNYAN DUD 'GRO'I PHUL, ,DAM PA RNAMS KYIS TSE 'DI BLOS BTANG NAS, ,ZAB MO'I MAN NGAG RTZE GCIG NYAMS BLANGS PAS, ,DON GNYIS PHUL PHYIN MTHA' YAS RNAM THAR LA, ,YID G-YO'I 'DUN PA CHA TZAM MI SKYE BAR, ,DA LTA'I STON BA 'GA' YI RNYED GRAGS DANG, ,SLOB 'KHOR RGYA CHEN 'DU 'GOD MANG PO'I GTAM, ,THOS PA TZAM GYIS 'GRAM CHU LDANG BA NI, ,GZHI RTZA GTING NAS NYES PA'I RTAGS NGAN YIN, ,SNUM ZAD

, ,MAR ME LTA BU'I BSTAN PA 'DI, ,KHO BO'I LEGS BSHAD GO CHA BLO GROS KYIS, ,RDZOGS LDAN BZHIN DU BYA BAR NUS NA YANG, ,SKAL NGAN RNAMS KYIS SA 'OG GTER BZHIN SBAS, ,DA NI DUS LA SDOD PA MED PA DANG, ,LANG TSO'I DPAL YANG STON KA'I SPRIN LTAR G-YO, ,SKYE BO PHAL CHER SKAL BA MED MTHONG NAS, ,MANG THOS BDAG NI GCIG PUR CHOS DON SEMS, ,TSE 'DI 'BA' ZHIG DON GNYER 'KHOR NANG DU, ,CHAGS SDANG 'DU 'DZIS 'DA' BA'I GO SKABS NAS, ,RTZOD PA LHUR LEN TSIG 'GA'I BSHAD PA LA, ,MKHAS PA NGA NI SKYUGS PA BZHIN DU BLTA, ,RANG YUL NYE DU LONGS SPYOD KUN BOR NAS, ,RTZE GCIG DAM CHOS BSGRUB BAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED PA SMYON PA YIN, ,CHOS DANG CHOS MIN RNAM DBYE LEGS RTOGS NAS, ,DA DUNG CHOS LTAR BCOS PA'I GZUGS BRNYAN LA, ,CHAGS SHING BAG MED RNAM G-YENG LHUR LEN NA, ,BDAG LA SEMS MED GYUR PA GDON MI ZA, ,RGYAL BA'I DGONGS ZAB MTHAR THUG RGYAL BA DANG, ,MTSUNGS PA'I BLA MA'I MAN NGAG LEGS RTOGS NAS, ,DE DON RTZE GCIG BSGRUBS NA RANG GZHAN GYI, ,GTAN GYI MDUN MA 'GRUB BAR SHES BZHIN DU, ,DA DUNG GZHAN ZER SNYAN DANG MI SNYAN DANG, ,DON CHUNG TSE 'DI'I KHE NYEN BRTZI BRTZI NAS, ,PHYI BSHOL DANG LA DON MED DUS 'DA' NA, ,CHOS BRGYAD GDON GYIS ZIN

PA'I SNYING RUL YIN, ,GTING NAS NGES PA MA RNYED BLUN PO DAG ,ZAB MO BSGRUB LA MI GUS MTSAR CI YOD, ,GTING NAS ZAB MO'I LAM LA YID CHES NAS, ,DE DON MI BSGRUB DE LAS KHREL BOR SU, ,CI'ANG MI SHES KHA CIG TSE 'DI LA, ,BLTOS MED BSGRUB LA BRTZON PA MTHONG BA'I TSE, ,NYAMS LEN GNAD LA CHES MKHAS RNAM G-YENG GI ,RGYAR CHUD GYUR PA SHIN TU NGO YANG TSA, ,DE PHYIR MDO RGYUD BLA MA'I MAN NGAG DON, ,LEGS PAR KHONG DU CHUD PAS YID DRANGS NAS, ,NAM ZHIG 'DI DON BSGRUB PAR 'GYUR SNYAM DU, ,MKHAS PA NGA NI 'DI NYID 'BA' ZHIG SEMS, ,MI DBANG DU MA'I COD PAN NOR BU'I 'OD, ,RKANG MTHIL RDUL LA RTZE BA THOB PA DANG, ,RTZVA RTZE'I ZIL PAS SEN MO NYER MCHOD BA, ,MKHAS PA BDAG LA PHAN PAR PHYI MA 'GYUR, ,ZANG ZING LONGS SPYOD RMI LAM DPAL 'BYOR DANG, ,MTSUNGS BAR RIG CING RGYAL BAS SMAD MTHONG NAS, ,MKHAS PA BDAG NI BA TSVA'I MCHOD YON LTAR, ,RNYED BKUR GNAS LA MTHUN PAR 'DZIN MA YIN, ,BRAG CHA'I DBYANGS KYIS BDAG RGYUD KHENGS MI 'GYUR, ,DUS MIN SNYAN GRAGS BDUD KYI PHO NYA NI, ,DE LTA MIN ZHES TSIG GI MCHOD SBYIN LA, ,MKHAS PA BDAG NI RE BA LHUR MI BYED, ,MCHE BA MI BZAD SBAR MO'I SHUGS 'CHANG BA, ,GANGS RI 'DZIN PA'I GDONG LNGA'I DBANG PO NI, ,LCAGS KYIS BCINGS NAS BTZOG CHUS 'TSO BA YI, ,SGO KHYIR BYED 'DOD MKHAS PA'I BZHAD GAD YIN, ,DE LTAR SMRAS 'DI DAM PA'I MDZAD PA LA, ,BLTA BAR 'DOD PA'I DGE

, ,SLONG DGE LEGS DPAL, ,BZANG POS MDANGS CAN RI BO'I NGOS LAS NI, ,RANG GI RTOGS BA GTAM DU BSNYAD PA YIN, ,ZHES BKA' STZAL TO, ,MKHAS GRUB THAMS CAD MKHYEN PA 'DI NI RANG DANG GZHAN GYI GRUB MTHA' RGYA MTSO LTA BU'I PHA ROL TU BYON ZHING, RJE BTZUN 'JAM PA'I DBYANGS DANG BCOM LDAN DPAL HE RU KA LA SOGS PA LHAG PA'I LHA MANG BOS RJES SU BZUNG BA DPAL YE SHES KYI MGON PO PHYAG DRUG PA DAM CAN CHOS KYI RGYAL PO GUR GYI MGON PO DPAL MGON ZHAL BZHI PA SOGS DAM CAN CHOS SRUNG RNAMS KYIS RGYUN DU ZHAL BSTAN TE BKA' BZHIN DU BSGRUBS PAS ZHI RGYAS DBANG DRAG GI LAS GANG LA'ANG THOGS PA MED PA DANG, RJE BTZUN 'JAM PA'I DBYANGS KYIS ZHAL BSTAN PA DANG, ,RDO RJE RNAL 'BYOR MAS ZHAL BSTAN PA DANG, ,LHA MO DBYANGS CAN MAS ZHAL BSTAN PA DANG, ,SA RA HA DANG 'PHAGS PA KLU SGRUB SOGS PAn GRUB MANG POS ZHAL BSTAN TE BYIN GYIS BRLABS PA'I RNAM THAR MANG DU MCHIS TE, 'DIR MTHA' DAG BKOD NA MANG DU DOGS PA DANG, GSANG BA BSGRAGS PAR YANG 'GYUR DOGS NAS MA BKOD PAS GSANG BA'I RNAM THAR DAG LAS SHES PAR BYA'O, ,DON 'DI DAG LA THAMS CAD MKHYEN PA DGE 'DUN GRUB PAS, ZHING 'DIR KHYOD SKU'I NYIN BYED SHAR BA'I TSE, ,LOG SMRA 'BYUNG PO'I BYA RNAMS LONG GYUR CING, ,GSUNG RAB 'DAB RGYA'I TSAL KUN RGYAS MDZAD PA, ,

SNGON MED NYI MA MCHOG LA GSOL BA 'DEBS, ,LHA DANG BCAS PA'I RGYAL SRID YONGS RDZOGS LA, ,CHOS KYI 'KHOR LOS 'DOD DGUR DBANG BSGYUR BA, ,CHOS KYI RGYAL PO MKHAS GRUB DGE LEGS DPAL, ,BZANG PO'I ZHABS LA GUS PAS GSOL BA 'DEBS, ,RGYA CHEN BSOD NAMS RING NAS BSKRUN PA'I MTHUS, ,RANG DANG GZHAN GYI TSE RABS BRGYA STONG KUN, ,JI BZHIN DRAN PA'I SNGON GNAS MKHYEN PA SOGS, ,MNGON SHES THOGS MED MNGA' LA GSOL BA 'DEBS, ,GZHON NU NYID NAS KHYOD SKU'I LHUN PO NI, ,CHOS GOS MTSAMS SPRIN GZHON NUS RAB 'KHYUD CING, ,MKHAS MANG GSER RI'I DBUS NA YON TAN GYI, ,BANG RIM MNGON PAR MTHOL GSOL BA 'DEBS, ,TSE RAB KUN TU LHAG PA'I LHA RNAMS KYIS, ,RJES SU BZUNG NAS LEGS PAR SBYANGS PA LAS, ,BKA' DANG BSTAN BCOS KUN GYI TSIG DON LA, ,MKHAS PA'I MKHAS PA KHYOD LA GSOL BA 'DEBS, ,ZHES DANG, 'DI NA CHOS KYI DUNG CHEN 'BUD PA LA; ;DA LTA KHYOD LAS MCHOG GZHAN MA MA CHIS ZHES, ,DAM CAN RGYA MTSO'I TSOGS KYIS MGRIN GCIG TU, ,MGON KHYOD MCHOG TU BSNGAGS LA GSOL BA 'DEBS, ,BGEGS DPUNG 'JOMS PA'I MTHU RTZAL MTHA' YAS PA'I, ,PHYI NANG BSTAN SRUNG RGYA MTSO'I TSOGS RNAMS KYIS, ,KHYOD KYI BKA' DANG DAM LAS MI 'DA' BAR, ,TSUL BZHIN 'PHRIN LAS BSGRUBS LA GSOL BA 'DEBS, ,ZHES BSNGAGS SO, ,MKHAS GRUB CHEN PO 'DI

, ,NI BLA MA DANG LHAG PA'I LHA DBYER MED PA'I RNAL 'BYOR LA THUGS DAM GYI MTHIL DU MDZAD PAS RJE BTZUN TZONG KHA PA CHEN PO ZHING GSHEGS NAS KYANG DNGOS DANG RMI LAM CI RIGS PAR YANG DANG YANG DU ZHAL BSTAN NAS GDAMS PA DANG RJES SU BSTAN PA YANG YANG STZOL BAR MJED PA ZHIG STE, LAN CIG ZAB MO DBU MA'I LTA BA'I DKA' GNAS PHRA MO ZHIG LA DOGS PA ZHIG BYUNG BA'I TSE RMI LAM DU, RJE BTZUN TZONG KHA PA CHEN PO GSAL BAR BYON NAS MDO SDE DKON MCHOG BRTZEGS PA'I 'OD SRUNGS KYI LE'U GSAL BAR GSUNGS PAS DGOGS PA LHAG MA MED PAR CHOD DE ZAB MO'I GNAS LA 'KHRUL PA'I DRI MA THAMS CAD DANG BRAL BA ZHIG BYUNG, DON 'DI LA THAMS CAD MKHYEN PA DGE 'DUN GRUB PAS, RMI LAM DU YANG RJE BTZUN TZONG KHA PAS, 'ONG SRUNGS LE'U GSAL BAR GSUNGS PA'I TSE, ,LTA BA 'KHRUL PA'I DRI MA KUN BCOM NAS, ,CHOS NYID MNGON DU GYUR LA GSOL BA 'DEBS, ,ZHES BSNGAGS SO, ,KHYAD PAR DU YANG RJE BLA MA LA GSOL BA TAB PA TZAM GYIS ZHAL GZIGS PA CIG YOD PAS, LAN CIG CHOS GROL NAS NANG DU PHEBS PA'I SKABS SHIG LA RJE BLA MA DRAN NAS, LAR SEMS CAN 'DI RNAMS BSOD NAMS MA BSAGS PAS YONGS 'DZIN DAM PAS MA ZIN, 'DUS BYAS RTAG PAR BSGOMS, CHOS RNAMS BDEN GRUB TU 'DZIN, ,LONGS SPYOD LA 'BAD RTZOL CHER BTANG NAS BSGRUBS,

TSE 'DI'I SNYAN GRAGS LA THOB BYA MTHAR THUG TU BZUNG, RJE RIN PO CHE'I LEGS BSHAD 'KHRUL PA PHRA MO TZAM YANG MED PA BSTAN PA'I SNYING PO CHOS PHUNG BRGYAD KHRI BZHI STONG GI BRJOD BYA MTHAR THUG CHES CHER DKON PA RDO RJE 'CHANG GI GO 'PHANG TSE 'DI NYID LA MNGON DU BYED NUS PA'I LAM ZAB MO ZHAL SHES DANG BCAS PA 'DI LTA BU NYIN MTSAN DU 'BAD NAS BSHAD KYANG, SKAL BA DANG MI LDAN PAS BSHES GNYEN NGAN PA CI YANG MA BSLABS SHING DAM PA'I GDAMS NGAG MED PA, SHES RAB DANG BRAL ZHING BDUD KYI BAR CHAD KYIS KHYER BA, TSE 'DI'I 'DOD YON LA SRED PAS NGO TSA KHREL MED LA YON TAN DU BYAS NAS MI TSE HRIL PO GTI MUG GAM, CANG MED BSGOM PA DUD 'GRO LTA BU ZHIG GI MDUN DU CHOS BRGYAD KYI TSIG RE NYAN ZHING, ,KUN SPYOD KHYI PHAG LTAR ROL PA 'DI DAG BLANG DOR SHES PA CIG GIS LTOS DANG, GTAM DRANG POR SMRAS NA MTSANG LA PHOG ,MA SMRAS NA SEMS CAN 'DI RNAMS LA SNYING BRTZE BAS MI BZOD PAR 'DUG ,DES NA CUNG ZAD SMRAS PA YIN, LOG PA'I LAM DU ZHUGS PA'I SEMS CAN 'DI RNAMS LA GZIGS DANG ZHES THUGS SHIN TU SKYO NAS SPYAN CHAB MANG DU SHOR SHING, MCHOD PA BZANG PO BSHAMS NAS GSOL BA BTAB PAS, GLANG PO CHE DKAR PO MCHE BA DRUG LDAN LUS GSER GYI DRIL BU DANG RIN PO CHE'I RGYAN GYIS BRGYAN PA'I STENG DU RJE RIN PO CHE SNGAR GYI DBYIBS JI LTA BAR BYON NAS, BU SEMS MI DGA' BA MI DGOS, BLA MA

, ,DRAN NA SNGAR BSAGS KYI SDIG PA 'DAG CING BSOD NAMS KYI TSOGS GSOG PA YIN, NGED RANG DPON SLOB KYI MDUN MA LEGS, RJE BTZUN MI LAS KYANG BLA MA DRAN NAS BLA MA DRAN MGUR MDZAD PA YIN, NGA'I BSTAN PA RGYAS PAR GYIS GSUNG, YANG LAN CIG LTA BA DANG BSKYED RDZOGS KYI GNAD PHRA BA CIG LA THE TSOM BYUNG NAS BDAG GI BLA MA DE BZHUGS NA ZHU BA YIN PA LA, DA THAG CHOD PA'I ZHU SA GZHAN NI MED SNYAM DU DGONGS NAS MAndAL PHUL NAS GSOL BA BTAB PAS, GSER GYI KHRI RIN PO CHE'I RGYAN GYIS SPRAS PA ZHIG LHA'I BU MANG POS BTEG PA'I STENG DU RJE BLA MA BZHUGS PA DNGOS SU BYON NAS, NGA'I STAGS MTSAN NYID KYI LAM RIM GNYIS KYIS GTZO BYAS PA'I YIG CHA RNAMS LTOS DANG KHA CHEMS KYI TSAB YIN GSUNGS NAS GANG LA THE TSOM BYUNG BA'I LTA BA DANG BSKYED RDZOGS KYI BKA' GNAD RNAMS ZHIB TU GSUNGS SHING DBANG RJES GNANG KHA YAR GNANG, YANG SKABS SHIG TU RJE'I GSUNG RAB RNAMS KYIS THUGS PHROGS NAS, SDE SNOD GSUM DANG RGYUD SDE BZHI'I GSUNG RAB DGONGS 'GREL DANG BCAS PA'I DGONGS DON LAM GYI GO RIM GRANGS NGES, SHING RTA'I SROL 'BYED RNAMS KYI BZHED PA JI LTAR YIN PA DANG, KHYAD PAR SGYU LUS 'OD GSAL SOGS ZAB LAM GYI RNAM GZHAG, DE YANG, 'DUL BA NAS BZUNG STE SHIN TU SPROS MED KYI BAR THAMS CAD GANG ZAG GCIG 'TSANG RGYA BA'I THABS

SU HRIL GYIS DRIL NAS STON CING LAM GYI LUS YONGS SU RDZOGS PA 'DI LTA BU STON PA NGA'I BLA MA TZONG KHA PA CHEN PO MA GTOGS RGYA BOD GANG DU YANG MA BYUNG 'DUG SNYAM PA'I DAD PA CHEN PO 'KHRUNGS NAS, GSOL BA DRAG TU BTAB PAS , RJE RIN PO CHE SENG GE LA CHIBS PA, SKU MDOG DMAR SER RAL GRI DANG GLEGS BAM 'DZIN PA GZHON NU RAL PA'I THOR TSUGS DANG RIN PO CHES BRGYAN PA'I RJE BTZUN 'JAM DBYANGS KYI CHA BYAD DU BYON NAS, NGA'I BU SEMS MI DGA' BA BYA MI DGOS SPYIR SEMS CAN GYI RIGS LA SNA TSOGS 'ONG, KHYAD PAR DA LTA SNYIGS MA'I DUS SU MI RTAG PA DANG NGAN SONG GI SDUG BSNGAL MA DRAN PAS RNYED BKUR SOGS LA ZHEN CING TSE 'DI'I MDUN MA BSGRUBS NAS PHYI MA'I DON LTA ZHOG TSE PHYI MA JI LTAR 'GYUR SNYAM PA'ANG DKON, CHOS BYED 'DOD CUNG ZAD YOD KYANG PHYI BSHOL DU SONG, CHOS BYED BAR SHOM PA TSO YANG BSHES GNYEN MTSAN NYID DANG LDAN PA RNYED DKA' ZHING, DE'I LEGS BSHAD GO BAR DKA', SHES KYANG TSE 'DI BLOS BTANG NAS SGRUB PA SNYING POR BYED PA NYIN MO'I SKAR MA LAS DKON PAR 'DUG ,KHO BOS BLA MA DANG YI DAM LA GSOL BA BTAB NAS TSOGS BSAGS SGRIB PA SBYANGS GZHUNG LUGS KYI DON LA BRTAGS SHING MTHA' DPYAD PA'I LEGS BSHAD RNAMS BLTAS LA YID CHES PAR BYAS NAS NYAMS SU BLANGS NA SANGS RGYAS LAG MTHIL DU RNYED PA LTAR THOB SLA BAR YOD KYANG BYED MKHAN NYUNG, 'ON KYANG SNOD RUNG

, ,GI GDUL BYA RE GNYIS BYUNG NA DE DAG LA PHAN PAR GYIS, KHYAD PAR SNGAGS KYI GZHUNG RNAMS RGYAS BAR GYIS DANG SKYE BA PHYI MA 'PHRAD PA YIN GSUNGS, YANG SKABS SHIG TU MYUR MDZAD YE SHES KYI MGON PO 'KHOR BCAS BYON TE ZHAL NAS SH'A SA NA'I SNGAGS 'DREN ZHING BSKOR BA BYAS TE, KHYOD KYIS NGA'I SGRUB SKOR LAS KHA TSAR DANG BCAS PA TSANG BAR RTZOMS SHIG GSUNG BA ZHIG BYUNG BAS , MGON PO'I BE'Um BUM CHA LAG DANG BCAS BA MDZAD DO, ,DE NAS LCAGS MO PHAG GI LO RGYAL TSAB THAMS CAD MKHYEN BA GNAS RNYING DU PHEBS PA MJAL BAR BYON BAS RGYAL TSAB RIN PO CHES MKHAS GRUB RIN PO CHE LA DGA' LDAN GYI GDAN SA BYED DGOS PA'I BKA' GNANG BA BZHIN YAB SRAS LHAN DU DBUS SU BYON, 'JAM DBYANGS CHOS RJE SOGS 'BRAS SPUNGS KYI DGE 'DUN TSANG MAS YAB SRAS GNYIS KA LA GUS 'DUD BLA MED MDZAD CING CHOS KYI BKA' DRIN ZHUS, DE NAS DGA' LDAN DU PHEBS PA NA GNAS BRTAN RIN CHEN RGYAL MTSAN BAS GTZOS DGA' LDAN GYI DGE 'DUN TSANG MAS ZHABS SPYI BOR BLANGS TE GUS PA BLA MED MDZAD CING, RGYAL TSAB THAMS CAD MKHYEN PA ZUR BZHUGS MDZAD DE, MKHAS GRUB THAMS CAD MKHYEN PA GSER KHRIR PHEBS TE RGYAL TSAB TU MNGA' GSOL, DE NAS RJE BLA MA'I GDAN SA LUGS GNYIS KYI SGO NAS LEGS BAR BSKYANGS TE,

LO RE BZHIN LAM RIM GYI KHRID RGYAS PA RE DANG GZHAN YANG DBANG LUNG MAN NGAG MTHA' YAS PA STZAL ZHING RGYAL BA GNYIS PA'I BSTAN PA RIN PO CHE MI NUB BA'I RGYAL MTSAN BTZUGS, CHOS KYI 'KHOR LO BSKOR, CHOS KYI SGRA DBYANGS CHEN PO BSGRAGS TE SMRA BA NGAN BA THAMS CAD TSAR BCAD, RJE BLA MA'I BSTAN PA RGYAL MTSAN GYI RTZE MO'I YID BZHIN GYI NOR BU LTAR GUS PAS MCHOD CING, RNAM PA KUN NAS BSRE BSLAD MED PAR RNAM PAR DAG PA 'DZIN BAS 'DZIN MA'I KHYON KUN KHYAB PAR MDZAD, GSER GDUNG GI DBU THOG TU GSER PHIBS GSAR BSKRUN SOGS SRI ZHU PHU DUD BLA NA MED PA MDZAD, DGA' LDAN DU SHING RTA CHEN PO'I GZHUNG LUGS RNAMS LA BSHAD GRA GSAR 'DZUGS MDZAD DE, MKHAS PA CHEN BO SH'AKYA SHR'I, SNON PA DPAL LDAN PA, BLA MA YAR 'BROG PA, RJE CHOS GRAGS PA DANG BZHI SLOB DPON DU BSKOS NAS MTSAN NYID KYI BSHAD GRVA BTZUGS TE CHES CHER DAR BAR MDZAD DO, , MKHAS GRUB RIN PO CHE 'DI NI SKU DANG SROG LA'ANG BLTOS PA MED BAR 'JAM MGON BLA MA'I BSTAN PA 'DZIN PA LA RNAM PA KUN TU G-YEL BA MED PA ZHIG STE, DGA' LDAN DU BZHUGS SKABS SPOM 'BOR SGANG GNAS GDAN 'DREN GYI ZHU BA NAN CHER BYUNG YANG RJE RIN PO CHE'I BSTAN BA'I SROG SHING 'DZIN PA LA SKAD CIG KYANG MI G-YEL BAR GZHAN GYI BSNYEN BKUR GYI PHYIR 'BYON PAR MA MDZAD BAR, AOm SVA STI, DGE BA'I BSHES GNYEN SHES RAB BZANG PO BDE BAR 'DOD

, ,PA'I GNAS SU PHYIN TE, KHO BO LA 'PHRIN YIG DGOS PA CHEN PO'I GTAM RGYU MTSAN DU MAS BSNYAD PA DANG BCAS PA BSKUR BA DANG, GZHAN YANG BSHES GNYEN BGRES PA RNAMS KYIS THUN MONG DU BSNYAD PA'I YI GE DAR YUG BDUN GYI RTEN DANG BCAS PA MNGAGS PA'I DGE BSHES GNYIS KYIS 'PHROD PAS YID SIM, BRJOD PAR BYA BA NI, YAB RJE DAM PA'I BKA' SROL ZLA MED PA, ,YONGS SU RDZOGS PA'I BSTAN PA'I KHUR CHEN NI, ,SHIN TU LCI BAS BDAG SNYING CI YANG NON, ,'ON KYANG NGAL BA'I 'DU SHES MCHIS MA LAGS, ,DE PHYIR SNGON CHAD THUB BSTAN NYI MA'I 'OD, ,GANG DU BRAL BA'I MTHA' 'KHOB MUN GLING DU, ,DRI MED BSTAN PA'I SGRON ME 'DZUGS PA LA'ANG, ,BDAG NI NAM YANG ZHUM PA MA MCHIS MOD, ,DE LTA NA YANG GANGS CAN BSTAN PA'I GZHI, ,SKYES MCHOG DU MAS GANG DU BTZUGS PA'I GNAS, DA LTA'ANG DAM CHOS MA LUS 'BYUNG BA'I KHUNGS, ,DBUS GTZANG DAG PA'I ZHING ZHES GRAGS MOD KYI, ,LEGS PAR BRTAGS NA BSTAN PA'I GZUGS BRNYAN TZAM, ,'DI YANG SNUM ZAD MAR ME JI BZHIN GYUR, ,THUB PA'I GCES MDZOD GANG YIN RTZVA LTAR 'DOR, ,BLO NGAN LOG PA'I GZHUNG LUGS NYIN BZHIN 'PHEL, ,RANG DGAR SPYOD PA BDUD KYI PHO NYA NI, ,MANG POS BKUR BA'I BSHES GNYEN TSUL 'DZIN PA, ,BSTAN PA'I RGYAL MTSAN SNYIL LA CHER

BRTZON PA'I, ,DPUNG TSOGS DU MAS THA GRU KUN TU KHYAB, ,TSUL 'DIR GYUR KYANG BLO GROS MIG LDAN PA, ,CHOS DANG CHOS MIN 'BYED LA MA ZHUM PA'I, ,BSTAN PA'I KHUR 'DZIN BSHES GNYEN CHES CHER DKON, ,DE BAS DE RJES 'JUG PA'ANG SHIN TU DKON, ,TSUL 'DI YID LA SHIN TU BRANG DKA' NAS, ,BDAG KYANG 'BAD PA DU MAS BSTAN PA'I KHUR, ,YAB RJE DAM PA'I RING LUGS YONGS RDZOGS PA, ,PHYOGS 'DIR 'DZIN LA BLO GROS SHIN TU 'CHEL, ,PHYOGS 'DIR BSTAN PA'I LJON SHING RTZA BA NAS, ,CHOS MIN NYES BSHAD STA RES BCAD PA NA, ,LAN CIG YAL GA CUNG ZAD PHYOGS GZHAN DU, ,'PHEL YANG DGOS PA CHUNG BAR BDAG GIS MTHONG, ,DA LTA PHYOGS 'DIR CHOS MIN DPUNG TSOGS DGRA, LEGS BSHAD BSTAN PA'I RU MTSON KHO BOS 'DZIN, ,DE PHYIR KHO BOS PHYOGS 'DI GTANG BA NA, ,THUB PA'I GCES MDZOD SU YIS 'DZIN PA SMROS, ,DE PHYIR KHYED CAG LHAG BSAM DGE MOD KYI, ,BDAG GIS KHYED KYI JI LTAR BZHED PA'I DON, ,KHAS BLANG BGYI BA'I DAM BCA' RDO MI THOG ,DON 'DI DGONGS NAS RING 'ONGS SKYE BO KUN, ,RNAM DAG DGONGS PA RDZOGS PA'I BSHES GNYEN MCHOG ,LTA SPYOD BZANG LDAN GZHAN LA GSOL BA THOB; ;BDAG LA KHYED KYIS BZOD PA'I BKA' DRIN MDZOD, ,'DI YI GNAS LUGS DGE BSHES RNAMS LA GSAL, ,PHYOGS DUS KUN TU BKRA SHIS 'PHEL GYUR CIG ,CES SPOM 'BOR SGANG DU CHOS BAR LA 'ONG BAR RIGS SO ZHES BSKUL

, ,PA'I LAN DU BTZUN PA DGE LEGS DPAL BZANG POS SMRAS PA'O, ,ZHES GSUNGS SO, ,DE NAS DUS NAM ZHIG NA RJE THAMS CAD MKHYEN PA DRAN NAS, NGA'I BLA MA GANG NA BZHUGS YOD SNYAM DU SKU LUS 'DAR BA DANG, BA SPU G-YO ZHING SPYAN CHAB DANG BCAS NAS, RJE BTZUN RDO RJE 'CHANG, SEMS CAN DMU RGOD KYI SPYOD PA LA GZIGS SHIG ,KHYED KYI BSTAN PA YANG MYUR DU SDUD PA 'DRA, KHO BO BLA MA KHYED KYI DRUNG DU NAM ZHIG 'ONG, ZHES GSOL BA DRAG TU BTAB PAS; RJE RIN PO CHE STAG CHEN PO 'JIGS SU RUNG BA ZHIG LA CHIBS NAS RNAL 'BYOR PA'I CHA LUGS SKU MDOG DMAR PO SPYAN DANG SHANGS CHE BA, SNUM ZHING BKRAG PA PHYAG G-YAS RAL GRI NAM MKHA' LA 'PHYAR ZHING, G-YON KA P'A LA BDUD RTZIS GANG BA THUGS KAR BZUNG BA, GRUB CHEN BRGYAD CUS BSKOR BA ZHIG BYON NAS, BU SNYING MI DGA' BA BYA MI DGOS, ,NGAS KHYOD BZHAG NAS GANG DU YANG MI 'GRO, NGA DRAN NA NGA YI YIG CHA 'DI RNAMS LTOS, ,NGA DNGOS SU YOD KYANG 'DI LAS SMRA RGYU GZHAN MED, SEMS CAN RNAMS BSOD NAMS CHUNG NGUR SONG NYON MONGS RAGS BSTAN PA'I MJUG SDUD PA'I 'GO YANG BRTZAMS 'DUG ,KHYOD RANG YANG MKHA' SPYOD DU 'ONG BA'I 'DUN PA THONGS GSUNGS, DE NAS MI RING BA NA DA RANG 'GRO BA'I 'DUN PA BYAS NA LEGS PA 'DRA SNYAM DU DGONGS NAS GSER GYI MAndAL DANG BCAS GSOL BA BTAB PAS, RJE RIN PO CHE SNGAR GYI JI LTA BA BZHIN DU SPRIN DKAR PO ZHIG GI NANG DU BYON NAS, BU DA NI MYUR DU 'ONG BA'I GRABS GYIS

BDAG GIS BSU MKHAN GTONG GSUNGS, DE'I TSE RJE RIN PO CHE DA LTA GANG DU BZHUGS BDAG KYANG DER 'ONG LAGS ZHUS PAS, SPYIR NGA'I SPRUL PA DGA' LDAN MKHA' SPYOD 'DZAM BU'I GLING SOGS SU MANG, DA LTA RGYA NAG RI BO RTZE LNGAR DGE SLONG RDO RJE 'DZIN PA STONG PHRAG BRGYAD BRGYA RE TZAM LA SNGA DRO DBU MA DANG LAM RIM ,PHYI DRO BDE GSANG 'JIGS GSUM GYI BSKYED RDZOGS 'CHAD KYIN YOD KHYOD RANG YANG DER 'ONG BA'I 'DUN PA THONGS, RING POR MI THOGS PAR PHRAD PA YIN GSUNG, 'O NA GDUL BYA GZHAN GYIS GSOL BA BTAB NA ZHING DER SKYE ZHING GSUNG GI BDUD RTZI MYONG NGAM ZHUS PAS, KHO BO DANG RJE BTZUN 'JAM DBYANGS DBYER MED DU GSOL BA BTAB NA RJES SU 'DZIN CING ZHING DER SKYE YANG DE LTAR BYED MKHAN MED PAS LAN GSUNGS PAS, RJE RIN PO CHE DANG RJE BTZUN GYIS RJES SU 'DZIN PA'I RGYU LA JI LTAR DGOS ZHUS PAS, RGYU THUN MONG MA YIN PA NI, NGES 'BYUNG DANG BYANG CHUB KYI SEMS DANG LTA BA RNAM PAR DAG PA GSUM RGYUD LA BSKYED CING BLA MA DANG RJE BTZUN 'JAM PA'I DBYANGS DBYER MED PA LA RTZE GCIG TU MOS PA CIG DGOS GSUNGS ,GZHAN JI LTAR BSGRUB DGOS LAGS ZHUS PAS ,NGA DANG RJE BTZUN GYI SKU GSUNG THUGS RTEN BZHENGS, BLA MA DANG RJE BTZUN 'JAM PA'I DBYANGS DBYER MED 'BRAL MI RUNG DU GSOL PA BTAG BSTOD PA DANG, SMON LAM TSIG TZAM MIN PAR 'DEBS, LAS 'BRAS LA YID CHES DANG STOBS BZHI'I BSHAGS BSDAM LA 'BAD PAR BYAS NA RJES SU 'DZIN PAR THE TSOM MED GSUNG, DE'I TSE, RJE BTZUN BLA MA BLO BZANG GRAGS PA'I DPAL, MOS GUS SNYING NAS

, ,YID KYIS GSOL 'DEBS NA, ,MGON KHYOD GANG DU BZHUGS PA'I ZHING KHAMS DER, ,BDAG KYANG MYUR DU 'ONG BAR BYIN GYIS RLOBS, ,ZHES SMON LAM BTAB BO, ,DE NAS SKU TSE 'DI'I DNGOS KYI GDUL BYA RDZOGS NAS RJE RIN PO CHE'I ZHABS DRUNG DU 'BYON PAR DGONGS PA'I TSE MYUR MDZAD YE SHES KYI MGON PO BYON NAS BSTAN PA'I BDAG PO KHYED MED NA RJE'I BSTAN PA SUS 'DZIN ZHES DANG, MGON PO ZHAL BYON NAS, RJE DANG MGON PO KLU SGRUB LA KHYAD MED, KHYOD MED NA KLU SGRUB NAS BRGYUD PA'I RJE BLA MA'I LTA BA RNAM DAG SUS 'DZIN, KHA LTA MKHAN MANG STE ZHES ZHAL NAM MKHA' LA GZIGS SO, ,DE NAS DAM CAN CHOS RGYAL 'KHOR DANG BCAS PA BYON NAS, BDAG CAG RNAMS RJE BLA MA'I BKA' SDOD THUN MONG MA YIN PAR GSHIN RJE'I GSHED KYIS BKA' BSGOS PA YIN, RJE BLA MAS BDAG CAG RNAMS NYID BSU BA LA BTANG BA YIN ZER BA DANG, LHA'I BU MANG PO GDUGS DANG RGYAL MTSAN DANG BA NGAN LA SOGS PA MCHOD RDZAS MANG PO KHYER NAS BSU BA SOGS ZHING GZHAN DU 'BYON PA'I LTAS NGO MTSAR BA MANG DU BYUNG ZHING, DGUNG LO NGA BZHIR PHEBS PAS PHO RTA'I LO HOR ZLA GNYIS PA'I TSES NYER GCIG LA DGA' LDAN KHRI THOG TU SKU'I BKOD PA BSDUS TE BU PHA KHYIM DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,DE NAS SKU GDUNG ZHUGS LA PHUL BAS GDUNG

RING BSREL MANG DU BYON PA RNAMS DNGUL DKAR LAS GRUB PA'I RNAM RGYAL MCHOD RTEN BZHENGS TE DE'I NANG DU BZHUGS NAS DGA' LDAN RNAM PAR RGYAL BA'I GLING DU 'GRO BA'I BSOD NAMS KYI ZHING DU BZHUGS SO, ,MKHAS GRUB BDAG NYID CHEN PO 'DIS PHYI RABS KYI GDUL BYA RNAMS KYI DON DU BSTAN BCOS MDZAD PA NI RJE BDAG NYID CHEN PO'I NGO MTSAR RMAD DU BYUNG BA'I RNAM PAR THAR PA DAD PA'I 'JUG DOGS, RJE BDAG NYID CHEN PO'I GSANG BA'I RNAM THAR RIN PO CHE'I SNYE MA, RJE BDAG NYID CHEN PO'I DGONGS PA LTAR DRI MA MED PA'I RIGS PA'I LAM SROL GSAL BAR BYED PA'I BSTAN BCOS TSAD MA RNAM 'GREL GYI t'IKA CHEN RIGS PA'I RGYA MTSO, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA'I RNAM BSHAD RTOGS DKA'I SNANG BA, STONG THUN SKAL BZANG MIG 'BYED, BYANG BDAG PO NANG SO RNAM RGYAL GRAGS PA'I DRIS LAN RGOL NGAN TSAR GCOD, PHYIN CI LOG GI GTAM GYI SBYOR BA LA ZHUGS PA'I SMRA BA NGAN PA RNAM PAR 'THAG PA'I BSTAN BCOS GNAM LCAGS 'KHOR LO, TSAD MA SDE BDUN GYI RGYAN YID KYI MUN SEL, MNGON SUM LE'U'I t'IKKA RJE'I GSUNG BZHIN BKOD PA, DAM BCA' BCU PA, YIG RIGS DRUG CU RTZA BZHI'I RNAM GRANGS, SDOM PA GSUM GYI RNAM PAR BZHAG PA MDOR BSDUS TE GTAN LA DBAB PA'I RAB TU BYED PA THUB BSTAN RIN PO CHE'I BYI DOR, BYANG SEMS DANG RIG PA 'DZIN PA'I PHYIR BCOS, SDOM PA NYI SHU PA, RTZA

, ,LTUNG BCU BZHI PA, SBOM PO BRGYAD PA DANG BCAS PA'I RNAM BSHAD SNGAGS BYANG SEMS KYI BSLAB BYA MDOR BSDUS, DPAL GSANG BA 'DUS PA'I MNGON RTOGS KYI LHAN THABS, GSANG BA 'DUS PA'I MDUN BSKYED KYI LHAN THABS, GSANG BA 'DUS PA'I DKYIL CHOG GI LHAN THABS, 'DUS PA'I RDO RJE SEMS DPA' MNYES PAR BYED PA'I CHO GA'I NGAG 'DON, GSANG BA 'DUS PA'I RDZOGS RIM ZIN BRIS, GSANG BA 'DUS 'JAM PA'I RDO RJE LHA BCU DGU'I SGRUB THABS KYI LHAN THABS, DPAL RDO RJE 'JIGS BYED KYI BSKYED RIM CHEN MO, 'JIGS BYED KYI BSRUNG 'KHOR, GSHIN RJE CHOS KYI RGYAL PO'I GTOR CHOG BAR CHAD KUN SEL, BCOM LDAN 'DAS 'KHOR LO BDE MCHOG YAB YUM LA MNGON PAR BSTOD PA'I RAB TU BYED PA, DPAL 'KHOR LO BDE MCHOG L'U AI PA'I LUGS KYI DKYIL 'KHOR GYI TSE GA BDE CHEN ROL MTSO, DPAL KYEE RDO RJE LHA DGU'I DKYIL 'KHOR GYI 'KHOR LO SGRUB PA'I THABS 'KHRUL PA SPONG BA, KYEE RDO RJE'I ZUR 'DEBS KYI CHO GA, KYEE RDO RJE'I MCHOD PHRENG SMON LAM SHIS BRJOD DANG BCAS PA, DUS KYI 'KHOR LO'I NYE BAR MKHO BA'I ZUR 'DEBS, DGE BA'I BSHES GNYEN BSOD NAMS RGYAL MTSAN GYI DRIS LAN, THAL LDOG GI DKA' GNAS DRIS LAN, DGE BA'I BSHES GNYEN SANGS RGYAS RIN CHEN GYI DRI BA'I LAN, LTA BA'I ZHAL SHES YIG CHUNG, ZAB MO RDO RJE THEG PA'I RNAL 'BYOR LA 'JUG PA'I LAM BSTAN PA

STONG PHRAG BCU GNYIS PA DRI MA MED PA'I 'OD KYI DKA' BA'I GNAS RNAM PAR 'BYED PA'I BRJED BYANG, 'DOD KHAMS DBANG PHYUG MA LA BSTOD PA, DPAL DUS KYI 'KHOR LO'I 'GREL CHEN DRI MA MED PA'I 'OD KYI RGYA CHER BSHAD PA LAS 'JIG RTEN KHAMS LE'I 'GREL BSHAD, 'GREL CHEN DRI MED 'OD KYI NANG LE'I 'GREL BSHAD, 'GREL CHEN DRI MED 'OD KYI DBANG LE'I 'GREL BSHAD, DPAL DUS KYI 'KHOR LO'I 'GREL CHEN DRI MED 'OD KYI RGYA CHER BSHAD PA LAS SGRUB LE'I 'GREL BSHAD, GSAN YIG ,GSUNG THOR BU, DKYIL 'KHOR GCIG THUN BZHIR BYED TSUL DANG DKYIL 'KHOR THA DAD PA THUN BZHIR SGOM TSUL GYI RNAM GZHAG, BCOM LDAN 'DAS DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI 'KHOR LO SGRUB PA'I THABS PADMA DKAR PO'I ZHAL LUNG, BCOM LDAN 'DAS DUS KYI 'KHOR LO'I DKYIL 'KHOR GYI LHA TSOGS LA MCHOD PA'I CHO GA KUN TU BZANG PO'I MCHOD SPRIN; DPAL DUS KYI 'KHOR LO'I SKU GSUNG THUGS YONGS SU RDZOGS PA'I THIG GDAB TSUL, DPAL DUS KYI 'KHOR LO'I DKYIL 'KHOR GYI CHO GA DGONGS PA RAB GSAL, DUS 'KHOR GYI DBANG BSKUR TSUL RJE'I GSUNG RGYUN BZHIN BKOD PA, DUS 'KHOR GYI DRI LAN, SA LAM GYI RNAM GZHAG MKHAS PA'I YID 'PHROG ,RGYUD KYI RGYAL PO DPAL GSANG BA 'DUS PA'I BSKYED RIM GYI RNAM BSHAD DNGOS GRUB RGYA MTSO, SBYOR BA YAN LAG DRUG GI RTZA TSIG DANG

, ,BCAS PA'I ZIN BRIS, SBYOR BA YAN LAG DRUG GI KHRID YIG GI SNGON 'GRO'I SKOR, RJE BTZUN MAR PA'I SNYAN RGYUD DPAL GSANG BA 'DUS PA'I KHYAD CHOS BSRE 'PHO SKOR GSUM DANG PHYAG RGYA BSTEN TSUL RTZA THIG RLUNG GSUM GYI GEGS SEL BOGS 'DON SOGS ZHAL SHES KYI GDAMS PA RJE BTZUN TZONG KHA PA CHEN PO'I ZHAL LAS BYUNG BA THUN MONG MA YIN PA SHIN TU GSANG BA, DPAL GSANG BA 'DUS PA'I SGRUB THABS KYI CHO GA'I NGAG 'DON LHAN THABS, DPAL GSANG BA 'DUS PA'I ZHI RGYAS KYI SBYIN SREG ,GSANG 'DUS 'JAM RDOR GYI LHAN THABS, BDE MCHOG DRIL BU LUS DKYIL GYI DBANG DU BYAS PA'I BSKYED RIM GYI DKA' GNAS 'GA' ZHIG, RDO RJE 'JIGS BYED LHA BCU GSUM MA'I BSKYED RIM RNAM PAR BSHAD PA, GSHIN RJE GSHED KYI 'KHRUL 'KHOR GYI CHO GA'I RNAM PAR BSHAD PA KHAMS GSUM LAS RNAM PAR RGYAL BA'I NYI 'OD, 'KHRUL 'KHOR RNAM BSHAD CHEN PO'I ZHAL SHES YIG CHUNG DANG YANG CHUNG, BCOM LDAN 'DAS DPAL KYEE RDO RJE'I SGRUB THABS 'KHRUL PA SPONG BA, KYEE RDO RJE LHA DGU'I DKYIL 'KHOR GYI CHO GA BDE BA CHEN PO'I 'JUG NGOGS, KYEE RDO RJE'I DKYIL 'KHOR GYI 'KHOR LO MCHOD PA'I CHO GA, MAN NGAG YID BZHIN NOR BU, MYUR MDZAD YE SHES KYI MGON PO 'KHOR DANG BCAS PA SGRUB CING GTOR MA 'BUL BA RGYUN GYI RNAL 'BYOR NYAMS SU LEN TSUL, SBAS PA'I GDAMS NGAG BE'U BUM NAG PO'I MAN NGAG ,YE SHES

MGON PO PHYAG DRUG PA'I CHOS SKOR LAS YIG CHUNG DMAR NAG GNYIS KYI MAN NGAG ZAB PA ZHUS THIG MA, RGYUD SDE SPYI'I RNAM PAR BZHAG PA RGYAS PAR BSHAD PA, DPAL BRTAG PA GNYIS PA'I RNAM PAR BSHAD PA RDO RJE MKHA' 'GRO MA RNAMS KYI GSANG BA'I MDZOD, LTA BA'I MTHA' DPYOD, THUN DRUG GI RNAL 'BYOR, DPAL KYE RDO RJE'I BSKYED RIM MNGON RTOGS KYI DRI LAN, RJE RIN PO CHE'I THUGS KYI BCUD PHYUNG BA'I MAN NGAG GSANG CHEN RGYUD SDE RGYA MTSO'I SNYING PO'I BCUD BSDUS PA SNYAN RGYUD ZAB MO YIG CHUNG NYER GCIG TU GRAGS PA RNAMS MDZAD DO, ,BDAG NYID CHEN PO 'DI LA RGYUD 'DZIN GYI SLOB MA NUB DZA LANDHA RA NAS SHAR PHYOGS RGYA MTSO CHEN PO LA THUG GI BAR DU KHYAB PAR BZHUGS PAS MTHA' DAG BGRANG BAR SU YIS NUS, GANGS RI'I KHROD 'DIR BSTAN 'DZIN DAM PA YONGS SU GRAGS PA'ANG CHES MANG LA RJE'I SNYAN RGYUD KYI MAN NGAG YONGS SU RDZOGS PAR 'DZIN PA'I THUGS SRAS MCHOG NI GCUNG BA SO BA RJE CHOS KYI RGYAL MTSAN TE; DE'I RNAM THAR NI DA LTA NYID DU 'CHAD PAR 'GYUR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB THAMS CAD MKHYEN PA LA GSOL BA 'DEBS SHING BDAG NYID CHEN PO 'DI'I RNAM THAR LTAR RJE BLA MA LA MI PHYED PA'I DAD PA BRTAN PO THOB PA DANG YANG DAG PA'I LAM LA DRI MA MED PA'I RIGS PA'I LAM NAS DRANGS PA'I NGES SHES BRTAN PO RNYED NAS MDO SNGAGS KYI LAM CHA TSANG LA BAG CHAGS CI THEBS BYA'O,, ,,

, ,` RAB 'BYAMS CHOS KYI DGONGS DON 'BYED PA LA, ,MKHAS MANG DBUS NA RGYAL MTSAN TOG LTAR MDZES, ,DPAL LDAN KLU SGRUB GNYIS PA CHOS KYI RJE, ,BZANG PO'I MTSAN CAN ZHABS LA GSOL BA 'DEBS, ,ZHES BSNGAGS PA, SNYAN RGYUD GDAMS PA'I MDZOD BSTAN PA RIN PO CHE'I SGOR ZHUGS, RAB TU BYUNG NAS RJE RIN PO LDOG GZHUNG DU YAB BYANG PA'I DPON RIGS BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU CHU PHO RTA'I LO SKU 'KHRUNGS SKU GZHON NU NAS KHYIM GYI 'DU 'DZI LA MA CHAGS PAR RGYAL BA'I BSTAN PA RIN PO CHE'I SGOR ZHUGS, RAB TU BYUNG NAS RJE RIN PO CHE YAB SRAS RNAMS KYI ZHABS LA GTUGS NAS DAM PA'I CHOS MANG DU GSAN ZHING KHYAD PAR MKHAS GRUB RIN PO CHE YONGS 'DZIN DU BSTEN NAS SDE SNOD GSUM DANG RGYUD SDE BZHIS BSDUS PA'I RGYAL BA'I BKA' DGONGS 'GREL DANG BCAS PA LA SBYANGS PAS MKHAS PA'I PHUL DU PHYIN BAR GYUR, DE NAS MANG DU THOS PA'I DON GZHUNG LUGS GDAMS PAR SHAR BA'I MAN NGAG MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA BAR BZHED DE, MKHAS GRUB THAMS CAD MKHYEN PA LA BYANG CHUB LAM GYI RIM PA'I KHRID DANG GSANG BDE 'JIGS GSUM SOGS BLA MED KYI DBANG DANG RIM GNYIS KYI KHRID RNAMS LEGS PAR GSAN, DE NAS RGYAL BA SRAS BCAS THAMS CAD KYI THUGS RJE

DANG NUS PA THUGS RGYUD LA ZHUGS SHING RJE BTZUN 'JAM DPAL DBYANGS KYIS LUNG BSTAN TE, GRUB CHEN 'JAM DPAL RGYA MTSO BA LA BYANG CHUB LAM GYI RIM PA'I KHRID SNYAN RGYUD KYI MAN NGAG ZHAL SHES DANG BCAS BA, GSANG BDE 'JIGS GSUM GYI KHRID MAN NGAG ZHAL SHES DANG BCAS PA, ZAB LAM GCOD KYI KHRID MAN NGAG ZHAL SHES DANG BCAS PA, LHAG PAR RJE THAMS CAD MKHYEN PA LA MGON PO 'JAM PA'I DBYANGS KYIS GNANG BA'I SNYAN RGYUD KYI MAN NGAG LAM GYI LUS YONGS SU RDZOGS PA'I ZAB LAM BLA MA LHA'I RNAL 'BYOR GYI SGO NAS SNYIGS DUS KYI TSE THUNG GCIG LA ZUNG 'JUG SGRUB PA'I THABS BLA NA MED PA GSANG BA LAS KYANG CHES GSANG BA RNAMS YONGS SU RDZOGS PAR GSAN ZHING; GRUB CHEN 'JAM DPAL RGYA MTSO BA LA RJE BTZUN 'JAM DPAL DBYANGS KYIS LUNG BSTAN BYUNG BA LTAR DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM CHEN MO YANG GNANG STE RE SHIG TSIG BRGYUD DU BKA' RGYAS BTAB BO, ,DE NAS CHOS RJE 'DI NYID KYIS GSANG PHU'I 'CHAD NYAN THOG SHAS SHIG MDZAD, DE RJES MA 'ONGS PA'I 'BYUNG 'GYUR LA DGONGS TE GTZANG GI LHAN DU PHEBS TE BA SO LHUN GRUB BDE CHEN BZUNG NAS GTZO BOR SGRUB PA LA RTZE GCIG TU BZHUGS SHING SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PA CHES CHER RGYAS TE BA SO CHOS RJER GRAGS, DE NAS DBEN GNAS GZHAN DU MAR YANG SGRUB

, ,PA SNYING POR MDZAD CING SKAL LDAN MANG PO LA DAM PA'I CHOS KYI BKA' DRIN STZAL TE SHAB STOD SENG GE RTZE DANG NYE BA'I SA'I CHAR RI BO BDE CHEN ZHES PA'I DBEN GNAS SHIG BTAB STE GNAS DER THUGS DAM GTZO BOR MDZAD CING PHYOGS DE'I SKYE 'GRO MANG PO LA RANG RANG GI SKAL BA DANG 'TSAM PA'I CHOS KYI 'DUD RTZI STZAL, DE NAS NGES 'BYUNG SKYO SHAS DRAG POS RGYUD BSKUL NAS DA LTA DAL BA'I RTEN BZANG PO THOB SANGS RGYAS DNGOS SU BYON YANG DE PHAN CHAD DU GSUNG DU MED CING SANGS RGYAS KYI ZHING GANG DU BTZAL YANG RNYED PAR DKA' BA RJE BLA MA'I SNYAN RGYUD MDO SNGAGS KYI MAN NGAG ZAB MO 'DI 'DRA DANG LAN CIG MJAL BA'I SKABS 'DIR DON MED PA'I TSE 'DI'I BYA BA MTHA' DAG SPANGS TE SUS KYANG MTHONG TSOR MED PA, KHA CHE'I YUL GYI YAN LAG SEN MO DO 'AM, LHO PHYOGS DPAL GYI RI LTA BU DBEN PA'I GNAS KHYAD PAR CAN ZHIG TU PHYIN LA SGRUB BA MTHAR PHYIN PA DPAL SHA WA RI DANG MTSUNGS PA ZHIG BYED SNYAN PA'I 'DUN PA SHUGS DRAG PO 'KHRUNGS TE, DE LTAR BYED PAR BRTZAMS PA NA MNAL LAM DU RJE RIN PO CHE BYON NAS DGA' LDAN GYI KHRI LA 'BYON DGOS PAR BSKUL BA DANG, RDO RJE RNAL 'BYOR MAS DGA' LDAN GYI KHRI THOG TU BZHUGS RING RJE'I SNYAN RGYUD KYI MAN NGAG 'DZIN PA'I SKYES BU 'BYUNG BAR LUNG BSTAN BYUNG, DE'I TSE CHOS RJE BLO GROS CHOS SKYONG DGA' LDAN GYI GDAN SAR BZHUGS PA LAS KUN SPANGS MDZAD BZHED DE

GDAN SA'I 'OS BTZAL BA NA, DE'I TSE BKRA SHIS LHUN POR THAMS CAD MKHYEN PA DGE 'DUN GRUB DPAL BZANG PO 'PHRIN LAS DBYAR MTSO LTAR RGYAS PAR BZHUGS PAS KHRI RIN PO CHES GTZOS DGA' LDAN PA'I BLA CHEN PHAL MO CHES RJE DGE 'DUN GRUB LA RGYAL BA GNYIS PA'I RGYAL TSAB TU 'BYON DGOS PAR GSOL BA BTAB PAS RJE DGE 'DUN GRUB KYIS KHO BO DGRA YUL DU DGRA MKHAR BRTZIG DGOS PA YOD PAS 'DI KHA RANG DU RJE'I BSTAN PA 'DZIN PA YIN, DA LAM MKHAS GRUB RIN PO CHE'I GCUNG PO BA SO CHOS RJE 'DI LUNG RTOGS KYI YON TAN GANG SA NAS GZHAN DANG MI 'DRA BAS DGA' LDAN GYI KHRI LA 'DI GDAN DRANGS NA LEGS ZHES LUNG BSTAN, THAMS CAD MKHYEN PA DGE 'DUN GRUB KYIS JI LTAR LUNG BSTAN PA LTAR CHOS RJE BLO GROS CHOS SKYONG SOGS TSANG MAS CHOS RJE 'DI PA SHABS STOD NAS GDAN DRANGS TE, BKRA SHIS LHUN POR PHEBS, THAMS CAD MKHYEN PA DGE 'DUN 'GRUB DANG MJAL RJE DGE 'DUN GRUB KYI ZHAL NAS DA LAM NYID RJE BTZUN TZONG KHA PA CHEN PO'I GSAN SAR PHEBS PA LA NGES NAS PHYAG BGYID PAS PHYAG LAN MA MDZAD CIG CES BSGO NAS RJE THAMS CAD MKHYEN PA DGE 'DUN GRUB 'KHOR DANG BCAS PAS PHYAG MDZAD, DE NAS RIM GYIS PHEBS TE RAB BYUNG BDUN PA'I CHU MO LUG GI LOR DGA' LDAN RNAM PAR RGYAL BA'I GLING DU PHEBS NAS RGYAL BA GNYIS PA'I RGYAL TSAB TU MNGA' GSOL, DE NAS 'JAM MGON BLA MA'I CHOS KYI RGYAL SRID BZUNG STE SKAL BA DANG LDAN PA BGRANG

, ,BA LAS 'DAS PA LA RAB BYUNG BSNYEN RDZOGS DBANG LUNG MAN NGAG MTHA' YAS PA STZAL ZHING, LHAG PAR DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYI LAM SROL 'JAM MGON BLA MA'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I CHOS KYI 'KHOR LO RGYA CHER BSKOR BA PAn CHEN CHOS KYI RGYAL PO ZHES RGYA MTSO'I GOS CAN MA LUS SNYAN PA'I GRAGS PAS KHYAB PAR GYUR TO, ,BA SO CHOS RJE 'DI NI LUNG RTOGS KYI YON TAN BSAM GYIS MI KHYAB PA BRNYES SHING LHAG PAR RJE RIN PO CHE'I SNYAN RGYUD BYIN RLABS KYI BKA' BAB GZHAN LAS CHE BA ZHIG STE, GNAS RNYING ZHABS DRUNG KUN DGA' BDE LEGS PA'I ZHAL NAS, KHO BO LA GNAS RNYING BA'I RIGS SU SKYES SNYAM PA'I NGA RGYAL MED KYI BA SO CHOS RJE'I SLOB MA YIN SNYAM PA'I NGA RGYAL YOD GSUNGS TE GSUNG 'DI LA DBYAD NA BA SO CHOS RJE 'DI NYID MTHONG THOS DRAN REG THAMS CAD RJES SU 'DZIN NUS BA BYIN RLABS KYI GTER CHEN PO ZHIG YIN PAR NGES SO, ,PHYAG RJES SU DGA' LDAN GYI GTZUG LAG KHANG CHEN MOR DRI GTZANG KHANG GTOD DE RGYAL BA SENG GE'I NGA RO'I SKU RIN PO CHE LAS GRUB PA NGO MTSAR RMAD DU BYUNG BA DANG, GDAN SA PA GONG MA RNAMS KYI SKU 'DRA YANG BZHENGS TE BZHUGS SU GSOL BA SOGS CHOS ZANG ZING GNYIS KA'I SGO NAS DGA' LDAN RNAM PAR RGYAL BA'I GLING DAR RGYAS SU MDZAD, KHYAD PAR RJE BTZUN 'JAM PA'I DBYANGS KYIS LUNG BSTAN PA LTAR

RIN PO CHE LTA BU'I GDUL BYA GSUM LA SNYAN RGYUD KYI MAN NGAG LKOG CHOS SU MDZAD PAS ZUNG 'JUG GRUB PA'I SLOB MA MCHED GSUM BYUNG STE, GRUB CHEN CHOS RDO RJE, STOD LUNG PA DPAL LDAN RDO RJE, KHAM PA RDO RJE DPAL BA GSUM MO, , 'DI GSUM NI 'JAM MGON BLA MA'I BSTAN PA 'DI LA TSE GCIG LUS GCIG LA 'JA' LUS GRUB PA'I SLOB MA RDO RJE MCHED GSUM DU GRAGS PA STE, 'JAM MGON BLA MA'I RJES SU SLOB BAR 'DOD PA RNAMS LA GDUL BYA RANG NGOS NAS NYAMS LEN BYUNG PHYIN BSTAN PA 'DI LA 'DI LTA BU'I MCHOG 'GRUB PA'I THABS YOD DO ZHES YID CHES PA'I GNAS SU GYUR BA YIN PAS YRJE'I RJES 'JUG RNAMS KYIS TSUL 'DI NGES PAR GO DGOS PA YOD DO, ,ZUNG 'JUG GRUB PA'I RDO RJE MTSAD GSUM PO DE LAS KHAM PA RDO RJE DPAL BA NI THOG MAR PAn CHEN CHOS KYI RGYAL PO LA SNYAN RGYUD GYI MAN NGAG GSAN DUS DANG DGE 'PHEL DU BZHUGS PA'I SKABS DANG RJES SU KHONG RANG RDO RJE GSUM PO DE ZHAL 'DZOM PA'I SKABS 'DRA LAS SKYE BO THA MAL BA GZHAN SUS KYANG MTHONG TSOR GANG YANG MED PAR GRUB PA'I GNAS MCHOG GZHAN ZHIG TU DPA' BO MKHA' 'GRO'I DBUS SU BZHUGS PA'AM DAG PA'I ZHING GZHAN ZHIG TU BYON PA JI 'DRA ZHIG YIN YANG LJONGS 'DIR CHOS KYI BKA' DRIN THOB PA MNGON CHE BA MA BYUNG NGO, ,STOD LUNG PA DPAL LDAN RDO RJES SKAL BA DANG LDAN PA RE GNYIS LA MAN NGAG GI BDUD RTZI STZAL TE RGYAL BA DGE 'DUN RGYA MTSOS KYANG ZUNG

, ,'JUG GRUB PA'I DPA' BO 'DI LA CHOS KYI BKA' DRIN THOB BO, ,GZHAN YANG ZHAL MJAL ZHING GSUNG THOS PA KHA YAR BYUNG SNANG NGO, ,GRUB CHEN CHOS RDO RJE NI RJE BTZUN 'JAM PA'I DBYANGS DANG RDO RJE RNAL 'BYOR MAS LUNG BSTAN PA LTAR SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA'I BDAG POR BZHUGS TE, GRUB CHEN 'DI'I NGO MTSAR RMAD DU BYUNG BA'I RNAM PAR THAR PA NI DA LTA NYID DU 'CHAD BAR 'GYUR RO, ,DE NAS PAn CHEN CHOS KYI RGYAL MTSAN GYIS SKU TSE 'DI'I MDZAD PA PHAL CHER RDZOGS PA NA RLUNG LTAS LOG PA GZIGS NAS CHOS RJE BLO GROS BRTAN PA GDAN SAR BZHUGS SU GSOL NAS KUN SPANGS MDZAD DE THUGS DAM LA RTZE GCIG TU BZHUGS PA LAS DGUNG LO DON GNYIS SU PHEBS PA CHU MO SBRUL GYI LO'I MJUG LA ZHING GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,RJE BA SO BA 'DIS PHYI RABS KYI GDUL BYA RNAMS KYI DON DU DUS 'KHOR GYI BSKYED RDZOGS KYI KHRID, DBU MA'I LTA KHRID CHEN MO, RDO RJE 'JIGS BYED KYI BSKYED RDZOGS KYI KHRID, SNYING PO DON GSUM GYI KHRID SOGS MDZAD, RJE 'DIS BSTAN PA LA BYA BA RGYA CHEN PO MDZAD PAS SLOB MA BSTAN 'DZIN DAM PA BGRANG BA LAS 'DAS PA BYON ZHING RGYUD 'DZIN GYI GTZO BO NI ZUNG 'JUG GRUB BA'I DPA' BO GRUB CHEN CHOS RDO RJE'O, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SNYAN RGYUD

GDAMS PA'I MDZOD 'DZIN BA SO CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR LTA GRUB GTZANG ZHING RNAM THAR GTZANG MA RGYAL BA DGYES BA'I LAM BZANG PO LA SGRUB BA SNYING POR BYA BA DANG DAM NYAMS DANG 'CHAL PA DANG 'DRES KHYER DANG ZOG PO DANG BSRE BSLAD SPANGS SHING SANGS RGYAS NAS BZUNG STE DAM PA BAR MA CHAD PA'I SNYAN RGYUD KYI MAN NGAG THOB PAR BYAS LA MAN NGAG DE LA NUS PA THON PA ZHIG BYA'O,, ` ,, RGYAL BA KUN GYIS GSUNGS PA'I CHOS RNAMS KYI, ,BCUD RNAMS BSDUS NAS NYAMS SU BLANGS PA'I MTHUS, ,TSE GCIG NYID LA RDO RJE'I SKU BRNYES PA, ,'CHI MED RNAL 'BYOR MCHOG LA GSOL BA 'DEBS, ,ZHES BSNGAGS PA, GRUB CHEN CHOS KYI RDO RJE NI, SNGON STON PA THUB PA'I DBANG PO'I SPYAN SNGAR BYANG CHUB MCHOG TU THUGS BSKYED MDO SNGAGS BSTAN PA'I SNYING PO YONGS SU RDZOGS PA 'DZIN CING SPEL BA'I SMON LAM BTAB, DE'I TSE SMON LAM JI LTAR BTAB, BA LTAR GRUB STE, DE NAS BZUNG STE MKHAS GRUB KYI SKYE BA BRGYUD MAR BZHES SHING, KHYAD PAR JO BO RJE DPAL LDAN AA TI SHA SHAR PHYOGS BHAm GA LAR 'KHRUNGS NAS RGYA GAR GYI SA'I CHA KUN TU DAM PA'I CHOS 'TSOL BA LA ZHUGS PA'I TSE GRUB CHEN 'DI BLA MA AA BA DH'U TI PA ZHES BYA BAR SKU SKYE BA BZHES TE 'PHAGS PA KLU SGRUB NAS BRGYUD PA'I ZAB MO DBU MA'I LTA BA'I MAN NGAG 'DOMS PA LA MI 'JIGS PA'I SPOBS PA THOB STE JO BO RJE DPAL LDAN AA TI SHA LA ZAB MO'I

, ,LAM GYI RIM PA RNAMS RGYAS PAR 'DOMS PAR MDZAD CING, GRUB PA'I GNAS MCHOG DU MAR PHEBS TE DBEN PA NAS DBEN PAR RGYU ZHING SNANG STONG SGYU MA LTA BU'I RNAL 'BYOR LA GOMS PA LHUR BZHES PAR MDZAD, DE NAS KYANG MKHAS GRUB KYI SKYE BA RIM PAR BRGYUD DE BOD YUL DU 'GRO MGON CHOS RGYAL 'PHAGS PAR SKYE BA BZHES TE BYANG PHYOGS GANGS RI'I LJONGS 'DI THAMS CAD LA DBANG BSGYUR ZHING RGYAL BA'I BSTAN PA RGYA CHER SPEL BAR MDZAD BA ZHIG STE GRUB CHEN 'DI LA RGYAL BA DBEN SA BA CHEN POS SKU TSE SNGA MA'I 'KHRUNGS RABS LAS BRTZAMS TE BSTOD PA LAS, DGYES SHING SRAS BCAS RGYAL BA'I SPYAN SNGA RU, ,BDEN TSIG SMON LAM DPAG MED MCHOG BSGRUBS PAS, ,MKHAS DANG GRUB PA'I RNAM ROL BGRANG YAS KYIS, ,'DZAM GLING MDZES MDZAD KHYOD LA GSOL BA 'DEBS, ,KUN SPANGS NYIN BYED MKHYEN BRTZE'I 'OD STONG GIS, ,PHUL BYUNG PAD DKAR DBANG PO ZHAL PHYE NAS, ,ZAB DON SBRANG RTZI RGYAS MDZAD SKAL BZANG CAN, ,RKANG DRUG TSOGS KYI DPAL LA GSOL BA 'DEBS, ,CHOS KYI RGYAL PO'I RING LUGS MCHOG BZUNG NAS, ,RGYA BOD DAD CAN 'PHAGS PA'I GNAS BKOD CING, , GANGS CAN 'DOD DGU'I DPAL GYIS TSIM PAR MDZAD, ,DNGOS GRUB 'BYUNG GNAS MCHOG LA GSOL BA 'DEBS, ,ZHES GSUNGS PA LTAR RO, ,DE NAS 'JAM MGON BLA MA'I SNYAN RGYUD BSTAN PA'I BDAG POR 'BYON BA'I DUS

LA BAB PA NA, RJE RIN PO CHE GANG DU 'KHRUNGS PA'I YUL SHAR PHYOGS TZONG KHA DANG KHAD NYE BA'I SA'I CHA NAS KUN DGA' RGYAL PO DANG, DPAL 'DZOM ZHES BYA BA'I BYA BRAL PHO MO GNYIS DBUS GTZANG GI GNAS SKOR LA 'ONGS PA'I LHUMS SU ZHUGS TE, RTA NAG RDO RJE GDAN DU SLEBS PA NA GLANG GI LO RJE RIN PO CHE'I SNYAN RGYUD BSTAN PA'I BDAG POR 'GYUR BA'I RIN PO CHE LTA BU'I GDUL BYA BDAG NYID CHEN PO 'DI NGO MTSAR BA'I LTAS DANG BCAS 'KHRUNGS SO, ,DE YANG GRUB CHEN 'DI NYID LA RGYAL BA DBEN SA PA CHEN POS GANG DU 'KHRUNGS PA'I TSUL LAS BRTZAMS TE BSTOD PA LAS, BDE CHEN THUGS RJES 'DUL BA'I DUS LA GZIGS, ,SLAR YANG RIG 'DZIN DBANG MO'I LHUMS SU ZHUGS, , RDO RJE GDAN MTSUNGS GRUB PA'I GNAS MCHOG TU, ,BSAM BZHIN BLTAMS PA KHYOD LA GSOL BA 'DEBS, ,ZHES GSUNGS PA LTAR RO, ,DE NAS, DE LTA BU'I GZHON NU DE YAB YUM GNYIS KYIS BSKYED BSRINGS PAS CHU NANG GI PADMA LTAR SKYE DRAG PAR GYUR TE DGUNG LO BCU GCIG TU PHEBS PA NA YAB YUM GNYIS KYIS SRAS GZHON NU DE KHRID DE SNGON GYI SKYES BU DAM PA RNAMS GANG DANG GANG DU 'KHRUNGS PA DANG, GANG DANG GANG DU SGRUB PA MDZAD PA DANG, GANG DANG GANG DU GRUB PA BRNYES PA DANG, GANG DANG GANG DU CHOS KYI 'KHOR LO BSKOR BA'I SA DE DANG DE RNAMS SU RIM GYIS RGYU ZHING SMON LAM BTAB STE SONG SONG BA LAS PHYOGS BCU'I RGYAL BA SRAS BCAS THAMS CAD KYI THUGS RJE DANG, 'JAM MGON

, ,BLA MA'I THUGS BSKYED DANG, DAM CAN CHOS KYI RGYAL PO SOGS 'JAM MGON BLA MA'I BSTAN SRUNG RNAMS KYI MTHUS BSKUL TE DGA' LDAN RNAM PAR RGYAL BA'I GLING DU PHEBS SO, ,GZHON NU BDAG NYID CHEN PO DE DGA' LDAN RNAM PAR RGYAL BA'I GLING DU SANG PHEBS RGYU'I DO NUB PAn CHEN CHOS KYI RGYAL MTSAN LA RDO RJE RNAL 'BYOR MAS SANG NYIN RJE RIN PO CHE'I SNYAN RGYUD 'DZIN NUS PA'I SKAL LDAN ZHIG 'ONG BA YOD PAS RJES SU BZUNG LA RJE RIN PO CHE'I SNYAN RGYUD KYI MAN NGAG RNAMS YONGS SU RDZOGS PAR STON CIG CES LUNG BSTAN BYUNG, SANG NYIN DE PAn CHEN CHOS KYI RGYAL PO'I THUGS LA 'JAM MGON BLA MA'I SNYAN RGYUD KYI BSTAN PA 'DZIN NUS PA'I SKAL LDAN JI 'DRA ZHIG 'ONG SNYAM DU SGUG CING BZHUGS PA NA BYA BRAL BA YAB YUM GNYIS SRAS DANG BCAS PA PAn CHEN CHOS KYI RGYAL PO'I GZIGS LAM DU PHEBS PA NA PAn CHAN CHOS KYI RGYAL POS YE SHES KYI MKHA' 'GRO MAS LUNG BSTAN PA'I BDAG NYID CHEN PO DE NI BYIS PA GZHON NU 'DI'O SNYAM DU MKHYEN NAS YAB YUM DE GNYIS LA BZA' BA DANG BTUNG BA GYA NOM PA DANG GSER DANG DNGUL DANG NYE BAR MKHO BA'I LUS KYI YO BYAD LA SOGS PA 'JIG RTEN DANG MTHUN PA'I GNANG SBYIN DPAG TU MED PA GNANG NAS KHYED GNYIS KYI BU 'DI NGA LA BYIN CIG CES BKA' STZAL PA NA YAB YUM DE GNYIS KYIS KYANG DGA' BZHIN SPRO BZHIN DU GUS PAS PHUL, DE'I TSE RGYAL SRAS GZHON NU DE NI BU PHA'I GAM DU SLEBS

PA LTAR PAn CHEN CHOS KYI RGYAL PO LA RTZE GCIG DAD CING GUS PAS ZHABS DRUNG DU 'KHOD NAS TSE 'DI'I PHA MA SOGS GZHAN GANG YANG SEMS PAR MA GYUR TO, ,DE NAS PAn CHEN CHOS KYI RGYAL POS RGYAL SRAS GZHON NU DE KHRUS BYAS, KHYIM PA'I RTAGS CHA LUGS RNAMS DOR, SKRA BCAD, GOS DUR SMRIG BSKON NAS RAB TU BYUNG STE MTSAN CHOS KYI RDO RJE ZHES BTAGS SO, ,DE NAS SNGON YUN RING PO NAS LAM LA SBYANGS PA'I MTHU CAN RGYAL SRAS GZHON NU DE BRDA SPROD KYI GTZUG LAG SLOB PA SOGS LA BLTOS PA MED PAR LAM YONGS RDZOGS LA SLOB NUS PA'I SKAL BA CAN DU GYUR PA NA PAn CHEN CHOS KYI RGYAL MTSAN GYIS RGYAL SRAS GZHON NU DE LA CHOS KYI PHUNG PO BRGYAD KHRI BZHI STONG GI NYING KHU RGYAL BA SRAS BCAS THAMS CAD GANG NAS GSHEGS PA'I LAM PO CHE CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID BTAB STE RGYA LAS RGYA YI 'DUR 'BYUNG BA BZHIN DU RGYAL SRAS BDAG NYID CHEN PO DE LA BSHES GNYEN BSTEN TSUL NAS ZHI LHAG GI BAR SKYES BU GSUM GYI LAM RNAMS RIM GYIS RGYUD LA 'KHRUNGS SO, ,DE NAS BYANG CHUB LAM GYI RIM PA'I DMIGS SKOR MAN NGAG ZHAL SHES GEGS SEL BOGS 'DON DANG BCAS PA MTHA' DAG GNANG, DE NAS BDAG NYID CHEN PO DE BYANG CHUB KYI SEMS CHES SHUGS DRAG PAS NYE LAM RDO RJE THEG PAR 'JUG PAR SPRO BA NA, GSANG BDE 'JIGS GSUM DUS KYI 'KHOR LO SOGS RGYUD SDE

, ,BZHI DANG 'BREL BA'I DBANG LUNG MAN NGAG MTHA' DAG GNANG, KHYAD BAR RGYAL BA TZONG KHA PA LA MGON PO 'JAM DPAL DBYANGS GYIS GNANG BA'I SNYAN RGYUD THUN MONG MIN PA MDO SNGAGS GNYIS KA'I LAM GYI LUS RDZOGS PA'I ZAB LAM BLA MA LHA'I RNAL 'BYOR MAN NGAG ZHAL SHES DANG BCAS PA RDZOGS PAR GNANG BA'I MTHAR SPRUL PA'I GLEGS BAM CHEN MO PHYAG TU GTAD DE RJE'I SNYAN RGYUD 'DI DAG MKHA' 'GROS LUNG BSTAN PA'I SKAL LDAN GYI SLOB MA RE RE TZAM MA GTOGS GZHAN LA MA STON, THA NA SKYE BO GZHAN DAG LA 'DI 'DRA YOD PA'I GTAM TZAM YANG MA SMRA ZHIG CES BKA' RGYA DAM PO BTAB, DE LTAR LO LNGA'I BAR DU SRAS KYI THU BOR BZUNG STE GDAMS PA MTHA' DAG RDZOGS PAR MDZAD NAS 'BYON KHAR PAn CHEN CHOS KYI RGYAL POS BDAG NYID CHEN PO 'DI LA TSE MJUG DBEN PA'I GNAS SU NYAMS LEN 'DI DANG 'DI LTAR GYIS DUS LA BAB BA NA SKAL LDAN GYI SKYES BU LA GDAMS PA 'DI LTAR STON CES PHYIS 'BYUNG GI LUNG BSTAN DANG BCAS BKA' STZAL ZHIB TU GNANG, RGYAL SRAS BDAG NYID CHEN PO 'DIS KYANG PAn CHEN CHOS KYI RGYAL BO'I BKA' LUNG SPYI BOS MNOS SHING ZHABS LA PHYAG BYAS TE SMON LAM BTAB BO, ,DON DE DAG LA RGYAL BA DBEN SA BA CHEN POS GRUB CHEN CHOS RDO RJE LA SNYAN RGYUD KYI MAN NGAG THOB BA'I TSUL LAS BRTZAMS TE BSTOD PA LAS, DE NAS YE SHES MKHA' 'GROS LUNG BSTAN BZHIN, ,GRUB PA'I

DBANG PHYUG CHOS KYI RGYAL MTSAN GYIS, ,DUR SMRIG GIS KLUBS CHOS KYI RDO RJE ZHES, ,MNGON PAR MNGA' GSOL KHYOD LA GSOL BA 'DEBS, ,MGON DE'I ZHABS ZUNG RING DU GUS BSTEN NAS, ,THUGS KYI BCUD PHYUNG ZAB LAM BDUD RTZI'I RGYUN, ,MA LUS RDZOGS PAR GSOL BAS MGON PO KHYOD, ,SRAS KYI THU BOR GYUR LA GSOL BA 'DEBS, ,ZHES GSUNGS PA LTAR RO, ,DE NAS RGYAL SRAS BDAG NYID CHEN PO DES RJE'I SNYAN RGYUD KYI MAN NGAG RNAMS LA SHING RTA CHEN PO'I GZHUNG DANG SBYAR TE DRI MA MED PA'I RIGS BA'I LAM NAS DRANGS PA'I NGES SHES BSKYED PAR BYA BA'I PHYIR 'BRAS SPUNGS SU PHEBS NAS MKHAS PA'I DBANG PO BDE LEGS STOBS LDAN PA'I SPYAN SNGAR PHAR PHYIN DANG, DBU MA GNYIS GTZO BOR BYAS TE SHING RTA CHEN PO'I GZHUNG LUGS RNAMS LA SBYANGS PA MTHAR PHYIN BAR MDZAD, GZHUNG LUGS LA SBYANGS BA MTHAR PHYIN PA NA RJE YAB SRAS KYI RNAM THAR DANG MTHUN BAR BYA BA'I PHYIR CHOS GRVA DER RJE DBON BLO BZANG NYI MAS MKHAN PO DANG, CHOS RJE BDE LEGS STOBS LDAN PA LA SLOB DPON ZHUS NAS DGE SLONG GI DNGOS PO BZHES TE BCAS MTSAMS PHRA ZHING PHRA BA YANG SROG GI DBANG PO LTAR BSRUNGS TE GNAS BRTAN 'DUL BA 'DZIN PA CHEN POR GYUR TO; ;DE NAS 'JAM DBYANGS SMON LAM DPAL BA LA YANG MDO SNGAGS KYI CHOS MANG DU ZHUS NAS GTZANG DU PHEBS TE 'DUL BA 'DZIN PA BLO GROS SBAS PA LA 'DUS PA'I KHRID LAG RJES YIG CHUNG THOR BU BA, LAM RIM GYI KHRID, RIM LNGA'I

, ,KHRID; MGON PO ZHAL DANG, LHA MO DMAG ZOR MA'I RJES GNANG RNAMS GSAN, DE LTAR MKHAS GRUB DAM PA MANG DU BSTEN NAS THOS PA RGYA MTSO'I PHA ROL TU SON PAR MDZAD DO, ,DE YANG BDAG NYID CHEN PO 'DI NI SNGON YUN RING PO NAS LAM YONGS RDZOGS LA SBYANGS PA YIN PAR MA ZAD PAn CHEN CHOS KYI RGYAL MTSAN LAS MDO SNGAGS GNYIS KA'I LAM GYI GNAD MTHAR THUG PA MTHA' DAG YONGS SU RDZOGS PAR GSAN CING GANG GSAN PA MTHA' DAG LA NGES PA GTING TSUGS PAR DRANGS TE THUGS NYAMS SU BZHES NAS GDENG THOB PA ZHIG YIN MOD KYANG PHYI RABS KYI GDUL BYA RNAMS LA RGYAL BA DGYES BA'I LAM LA SGRUB PA SNYING POR BYA 'DOD NA BKLAGS LUNG TZAM RE DANG BLA MA RE LAS KHRID BSDUS PA RE THOB PA TZAM GYIS CHOG BAR MI BYA BAR GANG NYAMS SU BLANG BAR BYA BA'I LAM GYI GNAD RNAMS LA SHING RTA CHEN PO'I GZHUNG LUGS LAS 'BYUNG BA'I DRI MA MED PA'I RIGS PAS DPYAD NAS NGES PA BRTAN PO RNYED PA DGOS SO ZHES 'DOMS PA'I PHYIR GZHUNG LUGS LA SBYONG BA DANG MANG DU THOS BA 'TSOL BA'I TSUL DE LTAR MDZAD DO, ,DE NAS RGYAL BAS BSNGAGS PA'I DBEN PA'I GNAS RNAMS SU LAM GYI LUS YONGS SU RDZOGS PA LA SGRUB BA SNYING POR MDZAD CING GANG LA'ANG CHAGS PA MED PAR DBEN PA NAS DBEN BAR RGYU ZHING, DGE SBYOR YAR NGO'I ZLA BA BZHIN 'PHEL BAR GYUR TO, ,DUS RE

SHIG GI TSE, PAn CHEN CHOS KYI RGYAL MTSAN GYI BKA' DRIN DRAN TE, RIGS GSANG CHEN RGYAL BA RDO RJE 'CHANG, ,RJE SKU BZHI'I NGO BO BA SO BA, ,MTSAN YONGS SU GRAGS PA'I CHOS RGYAL ZHABS, ,PHA RTZE GCIG DRAN PAS GSOL BA 'DEBS, ,GNAS 'KHOR BA'I RGYA MTSO GTING ZAB CING, ,BLO MA RIG 'KHYAGS PA'I SBUBS CHUD NA, ,RJE ZAB DON MKHYEN PA'I 'OD ZER GYIS, ,NYAMS BDE STONG RTOGS PA SBAR DU GSOL, ,DUS SNYIGS MA'I SKYE 'GRO YONGS KYI MGON, ,LAR BSAMS KYIN RJE BTZUN SPRUL PA'I SKU, ,MI KHO BO'I GTZUG RGYAN CHOS KYI RJE, ,YID GDUNG SHUGS DRAG BOS GSOL BA 'DEBS, ,RANG GCES PAR 'DZIN PA'I TSA GDUNG 'DIS, , BYAMS SNYING RJE RGYAS PA'I LO TOG SREG ,RJE BYANG CHUB SEMS KYI SPRIN CHEN LAS, ,GZHAN GCES 'DZIN CHAR RGYUN PHAB TU GSOL, ,ZHES GSOL 'DEBS SHUGS DRAG PO MDZAD CING NYAMS KYI SNANG BA DANG BSTUN PA'I MGUR MANG PO BZHES SO, ,DE NAS PAn CHEN CHOS KYI RGYAL MTSAN GYI BKA' BZHIN DU, GANGS DANG, RI SUL DANG, NAGS KHROD SOGS SKYE BOS DBEN PA'I SA PHYOGS DU MAR RGYU ZHING NYAMS RTOGS GONG NAS GONG DU 'PHEL BAR MDZAD LA, KHYAD PAR SNGON BYON DAM PA DU MAS GRUB PA BRNYES PA'I SA DBA' BO MKHA' 'GRO SPRIN BZHIN 'DU BA'I GNAS CHEN PA SNAM JO MO LHA RI'I GSANG CHEN GRUB PA'I GNAS PADMA CAN DU BSKYED RIM MTHAR SON NAS RDZOGS RIM

, ,LA CHIG BSGRIL MDZAD PAS SEMS DBEN DPE'I 'OD GSAL DANG, MA DAG PA'I SGYU LUS GRUB BO, ,DE 'DRA BA'I GNAS BYIN RLABS CAN DE NI RDO RJE BTZUN MO'I BHA GA'I DBYIBS CAN DU YOD PAS PADMA CAN ZHES MTSAN THOGS SHING, DE'I DRANG THAD KYI SHAR PHYOGS NA BKRA SHIS RDZONG DGA'I RGYAB RI'I RTZE MO NA LING GA'I DBYIBS CAN GYI RDO CHEN PO ZHIG YOD PA TSES BCO LNGA'I ZLA BA SHAR BA'I TSE RDO DE'I GRIB MA PADMA CAN DU BABS PA NA LING GA CHOS 'BYUNG DU ZHUGS PA JI LTA BAR 'BYUNG, DE'I TSE PADMA CAN GYI SGRUB CHU'I NYE SKOR GYIS RNAM SKAD CIG DE LA SINDHU RAR 'GYUR BA ZHIG YOD PAS YUL NYER BZHI DNGOS DANG MTSUNGS PA ZHIG YOD CES GRAG GO ,GNAS BYIN RLABS CAN DER RDZOGS RIM DANG 'BREL BA'I BLA MA LHA'I RNAL 'BYOR SGOM PAR MDZAD PAS CHOS KYI RGYAL PO TZONG KHA PA CHEN PO'I ZHAL GZIGS, DE'I TSE RJE RIN PO CHES DAM PA 'DI LA THUN MONG DANG THUN MONG MA YIN BA'I SNYAN RGYUD KYI GDAMS NGAG YONGS SU RDZOGS BAR GNANG, LHAG PAR RJE RIN PO CHE PHYI PAndI TA'I CHA LUGS NANG GI PHUNG KHAMS SKYE MCHED RNAMS 'DUS PA'I LHA TSOGS SU GSAL BA THUGS KAR RGYAL BA SH'AKYA THUB PA DE'I THUGS KAR RDO RJE 'CHANG BZHUGS PA'I BLA MA'I RNAL 'BYOR THUN MONG MIN PA SEMS DPA' SUM BRTZEGS CAN 'DI GNANG NGO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA RGYAL

BA TZONG KHA PAS ZHAL GZIGS NAS SNYAN RGYUD KYI MAN NGAG GNANG BA'I TSUL LAS BRTZAMS TE BSTOD PA LAS, RJE BTZUN CHEN BO MA TI BHA DRA SOGS, ,DNGOS SU ZHAL GZIGS BYIN BRLABS MCHOG THOB BAS, ,ZAB RGYAS CHOS KYI DPAL LA DBANG 'BYOR NAS, ,GDAMS PA'I GTER CHEN GYUR LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES PADMA CAN GYI GONG NA SGRUB PHUG CIG YOD BA DER RGYAL BA TZONG KHA PAS GNANG BA'I BLA MA'I RNAL 'BYOR THUN MONG MIN PA 'DI RTZE GCIG TU SGOM PAR MDZAD PA NA, 'PHAGS PA THUGS RJE CHEN PO'I ZHAL MNGON SUM DU GZIGS, DES RKYEN BYAS TE PHYOGS BCU'I RGYAL BA SRAS BCAS MA LUS PA'I ZHAL MNGON SUM DU GZIGS PAR GYUR TO, ,TSUL DE NI RGYAL BA DBEN SA PA CHEN POS GRUB CHEN CHOS RDO RJE LA 'PHAGS MCHOG PHYAG NA PA DMOS BYIN GYIS BRLABS PA'I MTHUS PHYOGS BCU'I RGYAL BA SRAS BCAS THAMS CAD MNGON SUM DU GZIGS PA'I TSUL LAS BRTZAMS TE BSTOD PA LAS, PHYAG NA PADMOS DNGOS SU BYIN BRLABS PAS, ,MA LUS RGYAL BA'I 'KHOR LO GSAL BAR GZIGS, ,DNGOS GRUB RGYA MTSO'I DPAL LA DBANG 'BYOR PAS; ;DON GNYIS LHUN GRUB KHYOD LA GSOL BA 'DEBS, ,ZHES GSUNGS PA LTAR RO, ,DE NAS SLAR YANG SGRUB GNAS DER ZAB LAM RIM GNYIS SPYI DANG KHYAD PAR RDZOGS RIM ZAB MO'I RNAL 'BYOR RTZE GCIG TU SGOM

, ,PAR MDZAD PAS ZUNG 'JUG 'GRUB PA'I MTSAN MA THOB PA NA SHIN TU SPROS MED KYI SPYOD PA LA BRTEN NAS 'OD GSAL RTZE GCIG TU SGOM PAR MDZAD BAS DON DAM PA'I 'OD GSAL MNGON DU BYAS PA LAS ZUNG 'JUG RDO RJE 'CHANG GI GO 'PHANG BRNYES TE NAM MKHA' JI SRID GNAS KYI BAR DU ZUNG 'JUG GI SKU LAS G-YO BA MED PAR SEMS CAN RANG RANG GI SKAL BA DANG 'TSAM PAR SPRUL PA BSTAN TE CHOS STON PA SOGS 'GRO BA'I DON LA G-YEL BA MED PAR BZHUGS SO, ,DE 'DRA BA'I SGRUB GNAS DE LA ZUNG 'JUG PHUG CES GRAGS SO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA ZUNG 'JUG BRNYES PA'I TSUL LAS BRTZAMS TE BSTOD PA LAS, DE NAS MKHAS DANG GRUB PA MANG BSTEN CING, ,PADMA CAN SOGS GRUB PA'I GNAS RNAMS SU, ,CHOS KUN SNYING PO RTZE GCIG NYAMS BZHES PAS, ,GRUB PA MCHOG BRNYES KHYOD LA GSOL BA 'DEBS,, ZHES DANG, BRGYA PHRAG LAS LHAG LOR NI BSTAN PA BSKYANGS, ,'CHI MED DPA' BO MKHA' 'GRO'I GTZOR BZHUGS NAS, ,NAM MKHA' JI SRID SKAL LDAN 'GRO BA 'DREN, ,'PHRIN LAS KUN TU DGE LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES RE SHIG RNAM SMIN GYI SKU LUS RAGS PA MA DOR BAR ZUNG 'JUG DBANG GI RGYAL PO'I ZA MA TOG DE LA GNAS NAS SKAL BA DANG LDAN PA MTHA' YAS

BA LA CHOS KYI BDUD RTZI STZAL, RJE BTZUN 'JAM PA'I DBYANGS KYIS LUNG BSTAN PA'I SNYAN RGYUD BSTAN PA'I BDAG PO DBEN SA PA CHEN PO RE SHIG MA BYON PAR DGUNG LO BRGYA PHRAG BRGAL BA'I BAR DU ZUNG 'JUG DBANG GI RGYAL BO'I ZA MA TOG DE LA GNAS NAS MI SKAL LDAN DU MA DANG, GTZO BOR GNAS GSUM GYI DPA' BO MKHA' 'GRO BGRANG BA LAS 'DAS PA LA RDO RJE THEG PA'I LAM BZANG STON CING BZHUGS PA LAS RGYAL BA DBEN SA BA CHEN PO ZHING 'DIR BYON NAS DGUNG LO BCU BDUN BZHES PA'I TSE 'BRUM BU'I BSNYUN GZHIS ZIN NAS DBEN SA NA BZHUGS PA'I TSE GRUB CHEN 'DIS DBEN SA BA GANG NA BZHUGS PA'I SGO DRUNG DU PHEBS NAS, GANG ZHIG GZIGS SHING GSUNG BA YI, ,MKHYEN DANG STON BA BLA NA MED, ,RGYAL BRTEN CING 'BREL BAR 'BYUNG, ,GZIGS SHING 'DOMS PA DE LA 'DUD, ,CES SOGS ZAB MO RTEN 'BYUNG GSUNG BA'I SGO NAS THUB DBANG LA BSTOD BA LEGS PAR BSHAD PA'I SNYING PO GSUNG DBYANGS MTHON POS ZHAL 'DON DU MDZAD BA NA, RGYAL BA DBEN SA BA CHEN POS GSUNG GI GDANGS THOS PA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG STE, 'DI NI GRUB PA'I SKYES BU BDAG NYID CHEN PO ZHIG YIN PAR GOR MA CHAG GO SNYAM DU DGONGS NAS SGO DRUNG DU BYON TE BRTAGS PA NA, RJE'I SNYAN RGYUD 'DZIN PA'I GRUB CHEN YIN

, ,PAR MKHYEN NAS RJES SU 'DZIN PAR GSOL BA BTAB BA NA DUS TSOD 'DI GA TZAM LA BKRA SHIS RDZONG DGA'I PHU'I 'GAR MO CHOS RDZONG DU SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL BA MED PAR DBEN GNAS 'GAR MO CHOS RDZONG DU PHEBS GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL PA TZONG KHA PA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM BAR DRIL BA LAS DANG PO PA'I SA NAS SANGS RGYAS KYI SA'I BAR GYIS LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD KYI MAN NGAG MA LUS PA'I BDAG POR GYUR TO, ,DE'I TSE GRUB CHEN LA SNYAN RGYUD KYI MAN NGAG RNAMS ZHU BAR MDZAD PA PO RGYAL

BA DBEN SA PA GTZO BO YIN ZHING GZHAN KHA SHAS KYANG YOD LA, RIN PO CHE LTA BU'I GDUL BYA GZHAN GNYIS KYANG YOD DE GZHAN GNYIS PO DE NI SBAS PA'I BRTUL ZHUGS BZUNG STE SKYE BO YONGS LA MTSAN TZAM YANG GRAG PAR MA GYUR TO, ,GRUB CHEN GYIS RJE'I SNYAN RGYUD KYI MAN NGAG YONGS RDZOGS GNANG BA'I TSE RGYAL BA DBEN SA PA CHEN PO DANG RIN PO CHE LTA BU'I GDUL BYA GZHAN GNYIS BCAS GSUM YOD PA NI RGYAL BA DBEN SA BA CHEN PO'I GSUNG TSAD MA DBANG POR GYUR PA LAS SHES TE, RGYAL BA DBEN SA PA'I ZHAL NAS, BDAG GIS RJE BTZUN CHOS KYI RDO RJE LA GDAMS NGAG 'DI YONGS SU RDZOGS PAR ZHUS PA'I DUS SU, RJE BTZUN CHOS KYI RDO RJES KHO BO LA PAn CHEN CHOS KYI RGYAL MTSAN GYIS GDAMS PA 'DI GNANG BA'I TSE, GDAMS PA 'DI SU LA YANG MA SMRA GSUNG BA SOGS BKA' RGYA SHIN TU DAM PA YOD, CES GSUNG ZHING, YANG BDAG GI BLA MA LA YANG BDAG GROGS MCHED GSUM TZAM GYIS 'DI NYID ZHU BA'I DUS SU YANG, BDAG GSUM DANG, KHYAD PAR BDAG LA BTZUN CHUNG NA GZHON PA DANG, KHA YANG BA'I STOBS KYIS 'DI NYID SMRAS PA 'ONG BAS, SU LA YANG YOD PA'I GTAM TZAM YANG MA SMRA GSUNG, ZHES GSUNGS PA LTAR RO, ,DE NAS SLAR YANG GRUB CHEN CHOS RDO RJE DANG RGYAL BA DBEN SA PA CHEN PO DPON SLOB LHAN CIG DBUS GTZANG GI

, ,LJONGS DE DANG DER SKAL LDAN GYI GDUL BYA TU MA RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB PA'I RTEN 'BREL KHYAD PAR CAN BSKRUN PA'I PHYIR; GANGS RI'I KHROD KYI GNAS DANG YUL JONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD DO, ,DE LTAR GRUB CHEN CHOS RDO RJES RGYAL BA DBEN SA PA CHEN PO LA DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM GTAD NAS BKA' RGYA DAM PO BTAB STE RE SHIG DBEN GNAS DU MAR SGRUB PA SNYING POR BYAS NAS LAM THUN MONG BA DANG THUN MONG MA YIN PA RIM GNYIS KYI RTOGS PA YONGS SU RDZOGS PA RANG GI RGYUD LA BSKYED NAS RANG NYID MI NYAMS PA'I GDENG THOB PA NA GDUL BYA'I DON JI LTAR BYA TSUL DANG RJE'I SNYAN RGYUD KYI BSTAN PA BSRE BSLAD MED PAR 'DZIN CING SPEL LUGS SOGS ZHAL GDAMS RGYAS PAR GNANG STE RGYAL PA DBEN SA PA SNYAN RGYUD BSTAN PA'I BDAG POR BYIN GYIS BRLABS SO, , DE NAS GRUB CHEN CHOS RDO RJES RANG NYID RNAM SMIN GYI LUS RAGS PA BZUNG NAS GNAS PA'I DGOS PA LEGS PAR GRUB NAS ZUNG 'JUG DBANG GI RGYAL PO'I ZA MA TOG RNAM SMIN GYI LUS RAGS PA 'OD GSAL DU BSDUS TE 'JA'

LUS RDO RJE'I SKU'I RANG BZHIN DU BZHUGS NAS MKHA' KHYAB IKYI 'GRO BA THAMS CAD KYI KHAMS DANG BSAM PA DANG BAG LA NYAL DANG DBANG PO'I RIM PA DANG MTHUN PAR SPRUL PA BSTAN NAS DE DANG DE'I DON MDZAD PA LA 'BAD RTZOL DANG RNAM RTOG MI MNGA' ZHING YID BZHIN GYI NOR BU DANG DPAG BSAM GYI SHING BZHIN DU GDUL BYA RANG RANG GIS GANG DANG GANG DU GSOL BA BTAB PA DE DANG DER DBANG PO DANG 'TSAM PA'I SPRUL PA 'BYUNG LA, GANGS RI'I LJONGS 'DIR YANG SKAL BA DANG LDAN PA DAG LA SKU'I BKOD PA SNA TSOGS SU BSTAN TE, PAn CHEN BLO BZANG CHOS KYI RGYAL MTSAN LA SNGON RNAM SMIN GYI LUS RAGS PA BZUNG BA'I GNAS SKABS JI BZHIN DU, DGE SLONG BGRES BO DBU SKRA DANG SMA RA DKAR PO CAN ZHIG GI RNAM PAR ZHAL BSTAN PA LTA BU'O, ,JO MO LHA RI'I ZUNG 'JUG PHUG PAR YANG SKAL BA DANG LDAN PA 'GA' RE LA GANG YANG RUNG BA'I SKU'I RNAM PAR BSTAN PA DANG SKU MI SNANG BAR GSUNG GI GDANGS THOS PA DANG, SKU DANG GSUNG GI SNANG BA MED PAR TSUL KHRIMS KYI DRI NGAD ZHIM PO TSOR BA BYUNG BA SOGS LO RGYUS MANG DU SNANG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GRUB CHEN CHOS RDO RJE LA GSOL BA 'DEBS SHING GRUB CHEN 'DI'I RNAM THAR LTAR THEG PA CHEN PO'I DGE BA'I BSHES GNYEN MTSAN NYID DANG LDAN PA ZHIG BTZAL LA DE BSAM SBYOR GNYIS KYIS TSUL BZHIN DU BSTEN TE

, ,SANGS RGYAS NAS BZUNG DAM PA BAR MA CHAD BA LAS BRGYUD PA'I SNYAN RGYUD KYI MAN NGAG MDO SNGAGS GNYIS KA'I LAM GYI GNAD TSANG BA DE LA CHIG BSGRIL DU BYAS CHOG PA ZHIG THOB PAR BYAS, DE NAS TSE 'DI'I 'KHRI BA BCAD DE DBEN PA'I RI SUL DU 'TSO BA DKA' THUB LA GNAS NAS SGRUB PA RTZE GCIG TU BYAS LA MDO SNGAGS KYI LAM GYI RIM PA YONGS SU RDZOGS PA RGYUD LA BSKYED THUB PA ZHIG BYA, GRUB CHEN GYI RNAM THAR DE LTA BU MA ZIN YANG LAM GYI LUS YONGS SU RDZOGS PA LA THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,, 

*, ,BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA BZHUGS SO, ,

[DD1] !, ,TSUL TSE GRANG MAS RJE BTZUN MI PHAM MA YIN,, #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, MTSAN TZAM THOS BAS NGAN 'GRO'I 'JIGS LAS SKYOB, ,GSOL BA BTAB NA DNGOS GRUB KUN STZOL ZHING, ,BKA' BZHIN BSGRUBS NA SKU GSUM THOB MDZAD PA, ,STON PA THUB PA'I DBANG PO LA PHYAG 'TSAL, ,RAB 'BYAMS ZHING KUN SPRUL BAS LEGS BKANG STE, ,RGYAL BA'I MDZAD PA MTHA' DAG SGRUB MDZAD PA, ,RGYAL TSAB [DD2] !, ,'DREN PA MNYAM MED STON PA BCOM LDAN 'DAS, [DD3] !, ,RGYAL BA'I MKHYEN RAB KUN BSDUS 'JAM DPAL DBYANGS,,

[DD1] !, ,THAB MO'I DON GZIGS 'PHAGS MCHOG KLU SGRUB ZHABS,, *, ,MI PHAM MGON DANG 'JAM PA'I DBYANGS, ,BYANG CHUB SNYING PO'I BAR DU GTZUG GIS MCHOD, ,RAB BRTAN BYANG CHUB SEMS KYI SDONG PO LA, ,RLABS CHEN SPYOD PA'I YAL 'DAB RAB TU RGYAS, ,DON GNYIS 'BRAS BUS 'GRO KUN TSIMS MDZAD PA, ,RGYA CHEN SPYOD RGYUD BLA MA RNAMS LA 'DUD, ,ZAB ZHI SPROS DANG BRAL BA'I MKHA' DBYINGS DBUS, ,YE SHES RDO RJE'I NYIN BYED 'OD SNANG GIS, ,'GRO BLO'I MA RIG MUN PA SEL MDZAD PA, ,ZAB MO LTA RGYUD BLA MA RNAMS LA 'DUD, ,ZAB DANG RGYA CHE'I LAM GYI RIM PA KUN, ,RAB GSANG BYIN RLABS RIN CHEN 'BYUNG GNAS CHER, ,THABS MKHAS GRU YIS MYUR DU BGROD MDZAD PA, ,BYIN RLABS NYE RGYUD BLA MA RNAMS LA 'DUD, ,BRGYUD PA GSUM LDAN MAN NGAG SNYING PO'I BCUD, ,RIN CHEN BYANG [DD2] !, ,RGYAL BAS LUNG BSTAN 'PHAGS PA THOGS MED ZHABS,,

[DD1] !, ,SHING RTA CHEN PO'I SRAL 'DZIN MAR ME MDZAD,, CHUB SEMS KYI BDUD RTZI YIS, ,BYANG PHYOGS DMU RGOD 'GRO RNAMS 'DUL MDZAD PA, ,MGON PO AA TI SHA LA GSOL BA 'DEBS, ,BLO TSAN RGYAL DANG RGYAL SRAS KUN GYI MDZAD PA 'PHRIN LAS BZANG PO MA LUS GANG GI SNYING STOBS YANGS PA'I GRVA GCIG NA, ,NGAL BSO BGYIS PAS RGYAL BA KUN LAS LHAG PA'I THUGS RJE CAN ZHES SNYAN PA'I GRAGS PA PHYOGS KYI BU MOS RAB SGROGS PA, ,BYANG PHYOGS GANG RI'I KHROD KYI ZAS GTZANG SRAS PO 'JAM MGON BLA MA BDAG GI SPYI GTZUG MDZES PA'I RGYAN DU RTAG BZHUGS LA, ,NYID KYI LEGS BSHAD BDUD RTZI'I CHU YIS BDAG BLO'I 'DAB BRGYA CHA TSANG LAM GYI BDUD RTZI'I SNYING PO CAN DU MDZAD DU GSOL, ,RAB 'BYAMS RGYAL BA KUN GYI THUGS RJE'I GZUGS, ,BDAG GI DGE BA'I BSHES SU LEGS SHAR BA, ,MA NOR LAM STON DRIN CAN [DD2] !, ,RGYAL BA KUN DNGOS RJE BTZUN TZONG KHA PA,,

[DD1] !, ,GANGS CAN MGON PO 'JAM DPAL RGYA MTSO'I SDE,, *, ,BLA MA LA, ,SNYING NAS 'DUD DO RAB 'BRAS LDAN MDZOD, ,LHA BCAS 'GRO BA KUN GYI PHAN BDE'I GZHI, ,RGYAL BA'I GSUNG RAB KUN GYI SNYING PO'I DON, ,BYANG CHUB LAM RIM BLA MA BRGYUD PA YI, ,RTOGS PA BRJOD LA BDAG BLO SPRO BA SKYES, ,DE LA 'DIR MKHA' KHYAB KYI SEMS CAN THAMS CAD LA PHAN PA DANG BDE BA MA LUS GANG LAS 'BYUNG BA'I RGYU GCIG PU RGYAL BAS GSUNGS PA'I CHOS PHUNG BRGYAD KHRI BZHI STONG GI SNYING PO'I DON THAMS CAD GANG ZAG GCIG GI NYAMS LEN GYI RIM PAR HRIL GYIS DRIL BA BYANG CHUB LAM GYI RIM PA'I MAN NGAG LEGS PAR STON PA'I RTZA BRGYUD KYI BLA MA RNAMS KYI RNAM PAR THAR PA NI GANG BSHAD PAR BYA BA'O, ,DE YANG CHU 'GO GANGS LA THUG PA ZHIG DGOS PA LTAR DAM PA'I CHOS KYI BRGYUD PA'ANG [DD2] !, ,LAM 'DI GSAL MDZAD DZNY'A NA BHVA DZA'I ZHABS, ,

YANG DAG PAR RDZOGS PA'I SANGS RGYAS LA THUG PA ZHIG DGOS PAS THOG MAR BSTAN PA'I BDAG PO STON PA BCOM LDAN 'DAS SH'AKYA THUB PA THUGS RJE CAN DE NYID KYI RNAM PAR THAR PA PHYOGS TZAM ZHIG BRJOD PAR BYA'O, ,DE LA SANGS RGYAS 'JIG RTEN DU 'BYON PA NI BRGYA LAM NA AU DUM WA RA'I ME TOG LTAR SHIN TU DKON PAR GSUNGS LA, DE'I RGYU MTSAN YANG SANGS RGYAS 'JIG RTEN DU 'BYUNG BA LA DANG POR BYANG CHUB MCHOG TU THUGS BSKYED, BAR DU BSKAL PA GRANGS MED PA GSUM LA SOGS PA DUS RING DPAG TU MED PAR TSOGS GNYIS RLABS PO CHE BSAGS TE, SANGS RGYAS KYI ZHING YONGS SU DAG PA DANG, SMON LAM YONGS SU RDZOGS PA DANG, GDUL BYA RNAMS RGYUD YONGS SU SMIN PA SOGS RTEN 'BREL MTHA' YAS PA ZHIG 'GRIG PA NA SANGS RGYAS 'JIG RTEN DU 'BYON PA YIN LA, DE LTA BU'I RTEN 'GREL 'GRIG PA SHIN TU DKA' BAS 'JIG RTEN 'DI PHAL CHER MUN BSKAL SHA STAG TU GNAS SHING, SANGS RGYAS 'BYON PA'I SGRON BSKAL NI BRGYA LAM NA SRID PA TZAM MO, ,DE TZAM DU DKON PA CI YIN SNYAM NA, SPYOD 'JUG LAS, JI LTAR MTSAN MO MUN NAG SPRIN RUM NA, ,GLOG 'GYU SKAD CIG RAB SNANG STON PA

, ,LTAR; ;DE BZHIN SANGS RGYAS MTHU YIS BRGYA LAM NA, ,'JIG RTEN BSOD NAMS BLO GROS THANG 'GA' 'BYUNG, ,ZHES GSUNGS PA LTAR, KHAMS GSUM GYI 'KHOR BA'I SEMS CAN RNAMS LA DGE SEMS PHRA MO RE SKYE BA YANG SHIN TU DKA' ZHING, DGE SEMS GANG SKYE BA THAMS CAD SANGS RGYAS KYI MTHU KHO NA LA BLTOS LA, SANGS RGYAS LA DAD PA SOGS DGE SEMS PHRA MO RE SKYE BA YANG SHIN TU DKON NA, DKON MCHOG GSUM LA DAD PA RNYED NAS LAS DKAR NAG GI SPANG BLANGS TSUL BZHIN DU BYED PA DANG, SRID PA MTHA' DAG LA ZHEN PA LOG PA'I NGES 'BYUNG GIS BSKUL NAS THAR PA'I LAM LA SLOB PA RNAMS DKON PA LTA CI SMOS, NGES 'BYUNG GI BSAM PAS KUN NAS BSLANGS TE THAR LAM LA SLOB PA'ANG SHIN TU DKON NA, BDAG PAS GZHAN GCES PA'I BYANG CHUB KYI SEMS RIN PO CHES KUN NAS BSLABS TE RGYAL SRAS KYI SPYOD PA RGYA MTSO LTA BU LA DUS BSKAL PA GRANGS MED MANG POR BAR MA CHAD DU SLOB PA DANG BSLABS PA MTHAR PHYIN PA SHIN TU DKON PA LTA SMOS KYANG CI DGOS, DE'I PHYIR SANGS RGYAS 'JIG RTEN DU 'BYON PA SHIN TU DKON PAR DRI MA MED PA'I RIGS PAS LEGS PAR

GRUB BO, ,DE LTAR SANGS RGYAS 'BYON DKA' BA LAS BSKAL PA 'DI LA NI SANGS RGYAS STONG 'BYON PAS BSKAL PA BZANG PO ZHAS BRJOD PA YIN TE, SNGON MI MJED KYI 'JIG RTEN 'DI THOG MAR CHAGS PA'I DUS CHU'I DKYIL 'KHOR CHAGS PA'I TSE MTSO NANG NAS PADMA STONG 'THON PA, GNAS GTZANG MA'I LHA RNAMS KYIS MTHONG NAS 'DI GANG GI LTAS YIN SNYAM DU BRTAGS PA NA BSKAL PA 'DI LA SANGS RGYAS STONG 'BYUNG BA'I LTAS SU GO NAS; AE MA BSKAL PA 'DI NI BZANG PO'O ZHES CHED DU BRJOD PAR SNYING RJE PADMA DKAR PO LAS BSHAD DO, ,DE LA SKYE DGU RNAMS KYI TSE LO BZHI KHRI PA'I DUS SU SANGS RGYAS 'KHOR BA 'JIG BYON, TSE LO SUM KHRI PA'I DUS SU SANGS RGYAS GSER THUB BYON, TSE LO NYI KHRI PA'I DUS SU RGYAL BA 'OD SRUNGS BYON, RTZOD LDAN TSE LO BRGYA PA'I DUS SU STON PA BCOM LDAN 'DAS SH'AKYA THUB PA 'DI NYID BYON PA YIN LA, STON PA THUGS RJE CAN 'DI NYID KYIS THOG MAR THUGS JI LTAR BSKYED PA'I TSUL NI, MDO SDE BSKAL BZANG LAS, NGA NI SNGON TSE DMAN PAR GYUR PA'I TSE, ,DE BZHIN GSHEGS PA SH'AKYA THUB CHEN LA, ,'JAM GANG ZHIG GI DBUL BA BYAS NAS KYANG; ;DANG POR BYANG CHUB TU NI SEMS BSKYED DO; ,ZHES GSUNGS PA LTAR, RDZA MKHAN GYI BU KHYE'U SNANG BYED DU SKU 'KHRUNGS PA'I TSE, DE BZHIN GSHEGS PA SH'AKYA THUB CHEN ZHES BYA BA 'JIG RTEN DU BYON PA DANG MJAL

, ,TE RDZA'I BUM PA 'JAM GYIS BKANG BA ME LONG GIS KHA BRGYAN PA SOGS MCHOD PA'I YO BYAD CI YOD PHUL TE, DE BZHIN GSHEGS PA KHYED SKU CI 'DRA DANG, ,'KHOR DANG SKU TSE'I TSAD DANG ZHING KHAMS DANG, ,KHYED KYI MTSAN MCHOG BZANG PO CI 'DRA BA, ,DE 'DRA KHO NAR BDAG KYANG 'GYUR BAR SHOG ,CES BRJOD NAS BYANG CHUB TU THUGS BSKYED PAR MDZAD DO, ,GZHAN YANG STON PA THUGS RJE CAN 'DI NYID KYIS RANG CAG KHAMS GSUM GYI 'GRO BA 'KHOR BA'I GNAS NA NYON MONGS SHING SDUG BSNGAL BRGYA PHRAG DU MAS MNAR BA RNAMS THUGS KYIS MA BZOD NAS, DE BZHIN GSHEGS PA BGRANG BA LAS 'DAS PA DAG GI SPYAN SNGAR THUGS BSKYED CING SMON LAM 'DEBS PAR MDZAD DE, DE YANG, STON PAS SNGON DE BZHIN GSHEGS PA BGRANG BA LAS 'DAS PA'I SPYAN SNGAR THUGS BSKYED MDZAD PA LAS, 'DIR MDO SDE LAS 'BYUNG BA LTAR GTZO CHE BA 'GA' ZHIG SMOS NA, DRIN LAN BSAB PA'I MDO LAS GSUNGS TSUL NI, STON PA THUGS RJE CAN 'DI NYID SNGON DMYAL BA'I SHING RTA 'DREN PAR 'KHRUNGS PA NA, GROGS ZLA BO ZHIG DANG GNYIS KYIS LCAGS BSREGS KYIS GZHIR GSHIN RJE AA GLANG GI SHING RTA 'DREN PA LAS ZLA BO DE NYAM CHUNG BAS SHING RTA 'DREN MA NUS PA NA, GSHIN RJE AA GLANG GIS LCAGS KYI MDUNG RTZE GSUM PA BRANG LA BSNUN PAS KHRAG GI

CHAR BAB CING SDUG BSNGAL GYIS NYAM THAG NAS SMRE SNGAGS 'DON PA NA, DAL BZOD GLAGS MED PA'I SNYING RJE 'KHRUNGS NAS SEMS CAN 'DI SDUG BSNGAL LAS THAR BAR BYAS TE DMYAL BA'I SDUG BSNGAL 'DI NGA GCIG PUS BZOD PAR BYA'O SNYAM DU THUGS BSKYED CING, SEMS CAN DES MTSON NAS LAS NGAN PA'I DBANG GIS DMYAL BAR LHUNG BA DANG LTUNG BAR 'GYUR BA'I SEMS CAN THAMS CAD LA BZOD GLAGS MED PA'I SNYING RJE SKYES NAS BYANG CHUB TU THUGS BSKYED DE, GSHIN RJE AA GLANG LA SEMS CAN NYAM THAG 'DI THONGS LA 'DI'I THAG PA'ANG NGA'I MGO LA SKON CIG ,NGA GCIG PUS DRANG BAR BYA'O ZHES GSUNGS PA NA, AA GLANG KHROS NAS LCAGS KYI MDUNG RTZE GSUM PA BSNUN BAS BSKAL PA BRGYAR BSAGS PA'I SDIG PA DAG CING, DE NAS TSE 'PHOS TE SUM CU RTZA GSUM GYI LHAR SKYES BAR GSUNGS SO, ,'DI BCOM LDAN 'DAS KYIS BYAMS PA'I THUGS BSKYED PA'I THOG MA YIN PA DANG, DE NAS BZUNG STE MNGON PAR RDZOGS PAR SANGS RGYAS PA'I BAR DU SEMS CAN THAMS CAD LA BYAMS PA DANG SNYING RJE'I SEMS RGYUN MA CHAD PAR BSKYED PAR MDZANGS BLUN LAS GSUNGS SO, ,THUGS BSKYED TSUL 'DUL BA LUNG LAS GSUNGS PA NI, LUNG SMAN GYI GZHI LAS, STON PA LA RGYAL PO GSAL RGYAL GYIS STON PAS THOG MAR GANG DU SEMS BSKYED LAGS ZHUS PA NA, STON PAS BKA' STZAL BA, SNGON RGYAL

, ,PO 'OD LDAN ZHES BYA BA'I YUL DU GLANG PO RIN PO CHE ME TOG KU MU DA'I MDOG LTAR DKAR BA, YAN LAG BDUN SHIN TU GNAS PA ZHIG BYUNG STE, DE RGYAL PO 'OD LDAN GYIS MTHONG NAS GLANG PO 'DUL MKHAN LA 'DI DUL BAR BYOS LA NGA LA PHUL CIG CES GSUNGS PAS, GLANG PO 'DUL MKHAN GYIS BKA' BZHIN 'TSAL ZHES ZER TE, DE DUL BAR BYAS NAS RGYAL PO LA PHUL BA DANG, RGYAL POS GLANG PO LA ZHON 'DUL MKHAN YANG GONG DU ZHON TE RI DVAGS GSHOR DU SONG BA NA, GLANG PO CHE DES GLANG MO'I DRI TSOR TE RJES BZHIN DU BRGYUGS NAS RLUNG LTAR KHYER BA DANG, RGYAL PHO 'OD LDAN GYIS GLANG PO 'DUL MKHAN LA, NAM MKHA' 'GUL BA 'DRA ZHING PHYOGS KUN MYUR DU 'GRO BA 'DRA BA 'DI BZLOG CIG ,DES BZLOG MA NUS TE RGYAL PO LA GLANG PO 'DI MI THUB KYIS SHING GI YAL GA LA 'JUS MDZOD CIG BYAS PAS, RGYAL POS SHING GI YAL GA LA 'JUS PAS SROG GI 'JIGS PA LAS THAR RO, ,DE NAS RGYAL POS GLANG PO 'DUL MKHAN LA KHYOD KYIS GLANG PO MA THUL BAR NGA LA PHUL LO, ,DES SMRAS PA, LHA; BDAG GIS SHIN TU DUL MOD KYIS, GLANG MO'I DRI TSOR NAS NYAN DU MA BTUB LAGS SO, ,'ON KYANG DPYAD DRAN TE LOG NAS MCHI'O ZHES ZHUS SO, ,DE NAS GLANG PO DE MYOS PA DANG BRAL TE ZHAG BDUN LON PA DANG, DPYAD DRAN TE RANG GI GNAS SU 'ONGS SO, ,DE NAS 'DUL MKHAN GYIS RGYAL PO LA GLANG PO MCHIS LAGS SO, ,

RGYAL POS SMRAS PA, KHYOD KYIS 'DI MA THUL LO, ,LHA; THUL LO, ,CIS MNGON, LHA'I SPYAN SNGAR PHAB PAR BGYI'O ZHES DES LCAGS KYI THU LUM MES BSREGS TE DPYAD KYI SAR KHYER NAS LEN DU GZHUG PAR BRTZAMS PAS, BAG TSA BA MED PAR LEN NO, ,DE MTHONG NAS GLANG RDZIS RGYAL PO LA GSOL PA, LHA; LEN DU NI BTUB KYANG 'GUM LAGS SO, ,RGYAL POS SMRAS PA, KYE MKHAS PA, DE LTAR SHIN TU DUL BA 'DIS BDAG CAG G-YENGS BA 'DI LA RGYU CI ZHIG YOD, GLANG RDZIS GSOL BA, LHA; BDAG GIS SNGAR LUS DUL GYI SEMS MDUL LO ZHES MA GSOL TAM, BDAG NI LUS 'DUL BA LAGS KYI, SEMS 'DUL BA NI MA LAGS SO, ,RGYAL POS SMRAS PA, SEMS 'DUL BA 'GA' YOD PA THOS SAM ZHES DRIS PA NA, GLANG PO CHE 'DUL MKHAN DE LA PHYOGS BCU'I SANGS RGYAS RNAMS KYI BYIN RLABS DANG NUS MTHU ZHUGS NAS DES SMRAS PA, LHA; LUS DANG SEMS GNYIS KA 'DUL BAR BYED PA SANGS RGYAS BCOM LDAN 'DAS MCHIS SO, ,RGYAL PO CHEN PO SANGS RGYAS MTHU BO CHE, ,NYON MONGS SPANGS PA DPA' BO STOBS LDAN PA, ,DE DANG GANG DAG DE LTAR RJES 'BRANG BA, ,DE DBANG 'DIR NI GZUGS MED SEMS 'GYUR RO, ,ZHES SOGS SANGS RGYAS RNAMS KYI YON TAN RGYA CHER BSGRAGS SO, ,DE NAS RGYAL PO 'OD LDAN GYIS SANGS RGYAS BCOM LDAN 'DAS RNAMS KYI BRTZON 'GRUS DANG STOBS THOS NAS SHIN TU

, ,DAD DE SBYIN PA DAG BYIN, BSOD NAMS DAG BYAS TE BLA NA MED PAR YANG DAG PAR RDZOGS PA'I BYANG CHUB TU SMON LAM BTAB PA, SBYIN PA RGYA CHEN GYUR PA 'DI YIS SU, ,'GRO BAR RANG BYUNG SANGS RGYAS GYUR NAS NI, ,SNGON GYI RGYAL BA RNAMS KYIS MA BSGRAL BA, ,SKYE BO'I TSOGS DAG BDAG GIS BSGRAL BAR BYA, ,BDAG GIS SKYE DGU LEGS BSKYANGS LAS BYUNG BA'AM, BTANG BA LAS BYUNG BSOD NAMS YOD PA GANG, ,DES NI SANGS RGYAS NYID THOB 'JIG RTEN DAG ,'DOD PA'I RIMS NAD LAS NI THAR BAR BYA, ,ZHES BYANG CHUB MCHOG TU THUGS BSKYED PAR GSUNGS SO, ,MA SKYES DGRA'I 'GYOD PA BSAL BA'I MDO LAS THUGS BSKYED TSUL GSUNGS PA NI, DE BZHIN GSHEGS PA SNGON 'DAS PA'I BSKAL PA BYE BA KHRAG KHRIG BRGYA STONG GRANGS MED PA'I SNGON ROL GYI YANG SNGON ROL NA TSONG DPON GYI BU DRI MA MED PA'I DPUNG BA ZHES BYA BAR 'KHRUNGS PA'I CHE, RJE BTZUN 'JAM DPAL DGE SLONG CHOS SMRA BA YE SHES RGYAL PO ZHES BYA BAR 'KHRUNGS PA DES BSKUL NAS DE BZHIN GSHEGS PA MI THUB ZLA BA'I RGYAL MTSAN GYI SPYAN SNGAR KHRID NAS DE BZHIN GSHEGS PA 'KHOR DANG BCAS PA LA BSOD SNYOMS 'BUL DU BCUG PA NA, TSONG DPON GYI BU DRI MA MED PA'I DPUNG BA ZHES BYA BA DES KYANG BSOD SNYOMS PHUL NAS BSOD SNYOMS GCIG

PHUL BAS, DE BZHIN GSHEGS PA MI THUB ZLA BA'I RGYAL MTSAN 'KHOR NYAN THOS BRGYAD KHRI BZHI STONG DANG BYANG CHUB SEMS DPA' KHRI NYIS STONG DANG BCAS PA KHYAB CING THAMS CAD KYIS TSIM PAR BZHES KYANG BSOD SNYOMS DE ZAD BAR MA GYUR PA NA KHYE'U DE RAB TU DGA' ZHING DAD PA LHAG PAR SKYES NAS DE BZHIN GSHEGS PA DE'I SPYAN SNGAR 'DUG PA DANG, DE BZHIN GSHEGS PA MI THUB ZLA BA'I RGYAL MTSAN GYIS KHYE'U DE LA BYANG CHUB KYI LAM BSTAN PA NA, TSONG DPON GYI BU DRI MA MED PA'I DPUNG PAS PHYIR MI LDOG PA'I DAD PA CHEN POS SKYABS SU SONG ZHING BYANG CHUB TU THUGS BSKYED PAR GSUNGS SO, ,BYANG CHUB SEMS DPA'I SDE SNOD LAS STON PAS SNGON THUGS BSKYED TSUL DANG SA, LAM RIM GYIS BGROD TSUL GSUNGS PA NI MDO DE NYID LAS, DE BZHIN GSHEGS PA SNGON 'DAS PA'I BSKAL PA GRANGS MED BSAM GYIS MI KHYAB PA'I SNGON ROL NA, CHOS KYI RGYAL PO TSE RNAM PAR RGYAL BA ZHES BYA BA'I BU GZHON NU BRTZON 'GRUS SPYOD PA ZHES BYA BAR 'KHRUNGS PA'I TSE DE BZHIN GSHEGS PA PHUNG PO CHEN PO ZHES BYA BA 'JIG RTEN DU BYON PA DANG MJAL TE, DE BZHIN GSHEGS PA DES RDZU 'PHRUL GYI BKOD PA BSAM GYIS MI KHYAB BA BSTAN NAS GZHON NU BRTZON 'GRUS SPYOD PA YID 'DUN PAR BYAS TE BYAMS SNYING RJE BYANG CHUB KYI SEMS BSKYED TSUL DANG, SBYIN PA LA SOGS PA'I PHA ROL TU PHYIN PA DRUG DANG BSDU BA'I DNGOS PO BZHIS BSDUS PA'I

, ,RGYAL SRAS KYI SPYOD LA RLABS PO CHE RNAMS LA SLOB TSUL RGYAS PAR BSTAN CING, STOBS BCU DANG MI 'JIGS PA BZHI DANG, MA 'DRES PA BCO BRGYAD SOGS SANGS RGYAS KYI YON TAN RNAMS RGYA CHER BSGRAGS PA NA, GZHON NU BRTZON 'GRUS SPYOD PA THEG PA CHEN PO'I LAM LA PHYIR MI LDOG PA'I NGES PA BRTAN PO THOB NAS, BCOM LDAN 'DAS DE BZHIN GSHEGS PA DGRA BCOM PA YANG DAG BAR RDZOGS PA'I SANGS RGYAS PHUNG PO CHEN PO NYAN THOS KYI DGE 'DUN DANG BCAS PA LA LO BYE BA PHRAG DGU BCU RTZA DRUG TU MCHOD PA'I DNGOS PO THAMS CAD KYIS MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR GSUNGS SO, ,DE NAS BSKAL PA CHEN PO GRANGS MED PA GCIG 'DAS PA NA TSONG DPON SHES RAB BZANG PO ZHES BYA BAR 'KHRUNGS PA'I TSE, DE BZHIN GSHEGS PA DKON MCHOG YAN LAG CES BYA BA 'JIG RTEN DU BYON PA DANG MJAL TE, DE BZHIN GSHEGS PA DKON MCHOG YAN LAG GIS TSONG DPON SHES RAB BZANG PO LA BYANG CHUB KYI LAM RGYAS PAR BSTAN CING, RDZU 'PHRUL GYI BKOD PA DU MA'ANG BSTAN PAS DAD PA DANG DGA' BA RGYA CHEN PO DANG BYANG CHUB KYI LAM LA PHYIR MI LDOG PA'I NGES PA BRTAN PAR GYUR NAS, TSONG DPON SHES RAB BZANG POS DE BZHIN GSHEGS PA DKON MCHOG YAN

LAG NYAN THOS KYI DGE 'DUN DANG BCAS PA LA LO STONG DU MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED CING BYANG CHUB KYI LAM RNAMS YONGS SU BSGRUB BO, ,DE NAS BSKAL PA GRANGS MED PA GCIG 'DAS PA NA BRAM ZE'I KHYE'U GZHON NU SPRIN DU 'KHRUNGS PA'I TSE, DE BZHIN GSHEGS PA MAR ME MDZAD 'JIG RTEN DU BYON PA DANG MJAL TE, DGA' BA DANG, MGU BA DANG, DAD PA RGYA CHEN POS DE BZHIN GSHEGS PA MAR ME MDZAD KYI SPYAN SNGAR LO BCU GNYIS SU RAL PA GSER GYI MDOG CAN BTING NAS, BDAG BLA NA MED PA YANG DAG PAR RDZOGS PA'I BYANG CHUB TU LUNG MI STON NA BDAG 'DI NYID DU LUS BSKAM PAR BYA'O ZHES YI DAM BCAS SO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KUN NAS SPYAN KUN NAS MKHYEN PA DUS GSUM GANG YANG MI MKHYEN BA CUNG ZAD KYANG MED PA DES BRAM ZE'I KHYE'U SPRIN GYI BSAM PA MKHYEN NAS, DE'I RAL BA GSER GYI KHA DOG LTA BU LA ZHABS BZHAG GO ,DE NAS BRAM ZE'I KHYE'U SPRIN GYIS LANGS NAS DE BZHIN GSHEGS PA MAR ME MDZAD LA AUTPA LAS SNYIM PA BKANG STE GTOR RO, ,GTOR MA THAG TU DE'I TSE DE BZHIN GSHEGS PA'I DBU'I GTZUG GI STENG GI THAD DU AUTPA LA'I KHANG PA BRTZEGS PA GRVA BZHIR KA BA

, ,BZHI ZUG BA, CHA MNYAM PA, SHIN TU RNAM PAR PHYE BA, NYAMS DGA' BA, YID DU 'ONG BA ZHIG GNAS PAR GYUR TE, KHANG PA BRTZEGS PA DE NA'ANG DE BZHIN GSHEGS PA'I SKU SNANG NGO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I KHYE'U SPRIN LA 'DI SKAD CES BKA' STZAL TO, ,BRAM ZE'I KHYE'U KHYOD DGE BA'I RTZA BA 'DIS MA 'ONGS PA'I DUS BSKAL PA GRANGS MED PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA ZHES BYA BA RIG PA DANG ZHABS SU LDAN PA; BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS SU 'GYUR RO, ,ZHES LUNG BSTAN TO, ,DE NAS BRAM ZE'I KHYE'U SPRIN BDAG NYID LUNG BSTAN PA THOS NAS DGA' ZHING MGU LA YI RANGS TE, RAB TU DGA' BA DANG YID BDE BA SKYES NAS DE'I TSE MI SKYE BA'I CHOS LA BZOD PA RAB TU THOB BO; ;DE BZOD PA THOB NAS STENG GI NAM MKHA' TA LA BDUN SRING DU 'PHAGS NAS TING NGE 'DZIN DRUG STONG MNGON DU GYUR CING, DE BZHIN GSHAGS PA GANGGA'I KLUNG GI BYE MA SNYED DAG KYANG MNGON DU

GYUR TO, ,ZHES GSUNGS, LHAG PAR STON PA THUGS RJE CAN 'DIS RANG CAG RTZOD LDAN SNYIGS MA LNGA BDO'I 'GRO BA SANGS RGYAS DANG BYANG CHUB SEMS DPA' GZHAN THAMS CAD KYIS 'DUL MA NUS PAR YAL BAR BOR BA RNAMS THUGS RJES MA BZOD PAR BRAM ZE RGYA MTSO'I RDUL DU 'KHRUNGS PA NA DE BZHIN GSHEGS PA RIN CHEN SNYING PO'I SPYAN SNGAR PHYOGS BCU'I SANGS RGYAS DANG BYANG CHUB SEMS DPA' THAMS CAD DPANG DU BZHAG STE, SPYIR PHYOGS BCU'I SANGS RGYAS THAMS CAD KYIS 'DUL MA NUS PAR LUS SHING, KHYAD PAR BSKAL BA BZANG PO 'DI LA 'BYON PA'I SANGS RGYAS 'KHOR BA 'JIG NAS, THA MA MOS PA SNANG MDZAD LA THUG GI BAR DGU BRGYA DANG DGU BCU RTZA DGU BO DE DAG THAMS CAD KYIS RANG RANG GI ZHING BZUNG BA NA RTZOD LDAN TSE LO BRGYA PA'I DUS 'DI NI JI LTAR ME DPUNG 'BAR BA'I NANG DU SU YANG 'JUG PAR MI SPRO BA BZHIN DU DGU BRGYA DANG DGU BCU RTZA DGU PO DE DAG THAMS CAD KYIS SNYIGS MA LNGA BDO'I SEMS CAN MA RUNGS BA RMU RGOD PA GDUL DKA' BA PHA LA PHAR MI 'DZIN PA MA LA MAR MI 'DZIN PA SLOB DPON LA SLOB DPON DU MI 'DZIN PA DRIN LAN LOG PAR 'JAL BA MA RUNGS BA DE DAG GI NANG DU SU ZHIG 'JUG CES YAL BAR POR BA NA, BRAM ZE RGYA MTSO'I RDUL GYIS DE BZHIN GSHEGS BA RIN CHEN SNYING BO'I SPYAN SNGAR PHYOGS BCU'I SANGS RGYAS THAMS CAD DPANG DU BZHAG STE MKHYEN PAR GSOL NAS, RTZOD LDAN TSE LO BRGYA PA'I DUS KYI SAMS

, ,CAN DE DAG SNYING RE RJE, DE DAG NGA 'BA' ZHIG GIS GDUL BAR BYA'O, ,DE'I BAR DU 'TSANG RGYA BAR RANG DBANG YOD KYANG 'TSANG MI RGYA BAR DE'I DUS KHO NAR NGES BAR 'TSANG RGYA BA'I MDZAD PA BSTAN PAR BYA'O, , ZHES DAM BCAS SHING RANG CAG SNYIGS MA LNGA BDO'I 'GRO BA RNAMS KYI DON DU SMON LAM CHEN PO LNGA BRGYA BTAB PA NA DE BZHIN GSHEGS PA RIN CHEN SNYING PO DANG PHYOGS BCU'I SANGS RGYAS THAMS CAD KYIS MGRIN GCIG TU LEGS SO BRJOD CING ME TOG GTOR TE BDAG NYID CHEN PO KHYOD NI BYANG CHUB SEMS DPA' THAMS CAD KYI NANG NA ZLA MED PA STE ME TOG THAMS CAD KYI NANG NA MTSUNGS PA MED PA ME TOG PADMA DKAR PO LTA BU'I ZHES RGYA CHER BSNGAGS SO, ,STON PA THUGS RJE CAN 'DI'I MDZAD PA GZHAN LTA ZHOG ,SNGON THUGS BSKYED PA'I MDZAD PA 'DI NYID BSAMS NAS KYANG BKA' DRIN DANG THUGS RJE DRAN PA'I DAD PA CHEN PO'I SGO NAS MCHOD CING GSOL BA 'DEBS PA LA BRTZON PA LHUR BYA'O, ,DE LTAR STON PAS THUGS BSKYED NAS BAR DU TSOGS BSAGS TSUL NI, MDZOD LAS, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,DANG PO SH'AKYA THUB BA YIN, ,ZHES GSUNGS PA LTAR, DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA GTZUG TOR CAN 'JIG RTEN DU BYON PA'I BAR LA GRANGS MED DANG PO DANG, DE NAS DE BZHIN GSHEGS PA MAR ME MDZAD 'JIG RTEN DU BYON PA'I BAR LA GRANGS MED GNYIS PA DANG,

DE NAS DE BZHIN GSHEGS PA RNAM GZIGS 'JIG RTEN DU BYON PA'I BAR LA GRANGS MED GSUM PA STE BSKAL CHEN GRANGS MED GSUM DU TSOGS BSAGS , DE YANG 'DUL BA LUNG LAS , SANGS RGYAS SH'AKYA THUB PA NAS, ,'DREN PA YUL 'KHOR SKYONG GI BAR , BDUN KHRI LNGA STONG TSANG BA YI, ,SANGS RGYAS RNAMS NI NGAS MCHOD DO, ,SANGS RGYAS LEGS MDZAD NAS BZUNG STE, ,DBANG PO RGYAL MTSAN THUB PA'I BAR, ,BDUN KHRI DRUG STONG TSANG BA YI, , SANGS RGYAS RNAMS NI NGAS MCHOD DO, ,SANGS RGYAS MAR ME MDZAD NAS NI, ,SANGS RGYAS 'OD SRUNGS BAR DAG TU, ,BDUN KHRI BDUN STONG TSANG BA YI, ,SANGS RGYAS RNAMS NI NGAS MCHOD DO, ,ZHES 'BYUNG BA LTAR, GRANGS MED DANG PO LA DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA YUL 'KHOR SKYONG GI BAR SANGS RGYAS BDUN KHRI LNGA STONG DANG, GRANGS MED GNYIS PA LA DE BZHIN GSHEGS PA LEGS MDZAD NAS BZUNG STE DE BZHIN GSHEGS PA DBANG PO RGYAL MTSAN GYI BAR SANGS RGYAS BDUN KHRI DRUG STONG DANG, GRANGS MED GSUM PA LA DE BZHIN GSHEGS PA MAR ME MDZAD NAS BZUNG DE BZHIN GSHEGS PA 'OD SRUNGS KYI BAR SANGS RGYAS BDUN KHRI BDUN STONG LA BSNYEN BKUR ZHING MCHOD PAS MNYES PAR MDZAD CING TSOGS GNYIS BAR MA CHAD DU BSAGS SO, ,DE LTAR GRANGS MED GSUM DU TSOGS BSAGS TSUL DE YANG THEG PA THUN MONG BA'I DBANG DU BYAS NAS GSUNGS PA YIN GYI ,

, ,THEG PA CHEN PO'I MDO NAS GRANGS MED GSUM DU TSOGS BSAGS TSUL JI LTAR GSUNGS PA NI SNGAR BYANG CHUB SEMS DPA'I SDE SNOD LAS JI LTAR GSUNGS TSUL BSHAD PA LTAR DANG, MDO SDE DKON MCHOG SPRIN LAS, RIGS KYI BU DE BZHIN GSHEGS PA NI BSKAL PA GRANGS MED PA DU MAS YANG DAG PAR GRUB PA YIN TE, RIGS KYI BU DE BZHIN GSHEGS PA NA DPAG BA DANG, BSAM PA DANG, BRTAG PAR MI NUS SO, ,BYANG CHUB SEMS DPA' SGRIB PA THAMS CAD RNAM PAR SEL BAS GSOL PA, BCOM LDAN 'DAS BSKAL BA GRANGS MA MCHIS PA GSUM GYIS DE BZHIN GSHEGS PA RNAMS YANG DAG PAR 'GRUB PA MA LAGS SAM, BCOM LDAN 'DAS KYIS BKA' STZAL BA, RIGS KYI BU DE CI'I PHYIR ZHE NA, BYANG CHUB SEMS DPA' DE BZHIN GSHEGS PA'I YUL BSGRUB PAR BYA BA NI BSAM GYIS MI KHYAB STE, DE NI BSKAL PA GRANGS MED PA GSUM GYIS YANG DAG PAR BSGRUB PAR MI NUS KYI, NAM BYANG CHUB SEMS DPA' CHOS MNYAM PA NYID DU ZHUGS PAR GYUR PA DE'I TSE DE NAS BRTZAMS TE BSKAL PA BGRANG BAR BYA YI, THOG MA'I SEMS NAS BRTZAMS TE NI MA YIN NO, , ZHES GSUNGS, ZLA BA SGRON MA'I MDO LAS, SANGS RGYAS NGAG NI BYE BA KHRAG KHRIG DANG, ,DE LAS LHAG PA GANGGA'I BYE BA SNYED, ,KUN KYANG BYA RGOD PHUNG PO 'DIR BZHUGS TE, ,MI DBANG DE KUN NGA

YIS BKUR BSTI BYAS, ,ZHES SOGS RGYA CHER GSUNGS PA LTAR, STON PAS SNGON SLOB PA LAM GYI GNAS SKABS SU SANGS RGYAS GRANGS MED DPAG TU MED PA GANGGA'I KLUNG GI BYE MA SNYED DAG LA BSNYEN BKUR ZHING MCHOD PAR MDZAD NAS RDZOGS SMIN SBYANGS GSUM GYI SPYOD PA MTHAR PHYIN PAR MDZAD DE BZHI DANG SNYING PO ME TOG GIS BRGYAN PA ZHES BYA BA'I 'OG MIN GYI ZHING DU NGES PA LNGA LDAN LONGS SPYOD RDZOGS SKU MNGON DU MDZAD DO , SKU DE LAS NAM YANG G-YO BA MED BZHIN DU MKHA' KHYAB KYI ZHING THAMS CAD DU GDUL BYA RANG RANG GI DBANG PO DANG 'TSAM PA'I SPRUL PA BSTAN NAS SEMS CAN GYI DON MDZAD PA LAS , SNGON GYI THUGS BSKYED DANG SMON LAM DUS SU SMIN TE MI MJED 'JIG RTEN GYI ZHING 'DIR MCHOG GI SPRUL SKU'I MDZAD PA STON DU NYE BA NA , RGYAL BA 'OD SRUNGS 'JIG RTEN 'DIR BYON PA'I TSE STON PA THUGS RJE CAN 'DI NYID BRAM ZE'I KHYE'U BLA MA ZHES BYA BAR 'KHRUNGS NAS RGYAL BA 'OD SRUNGS KYI SPYAN SNGAR TSANGS PAR SPYOD CING BZHUGS PA NA RGYAL BA 'OD SRUNGS KYIS BRAM ZE'I KHYE'U BLA MA KHYOD NI NGA MYA NGAN LAS 'DAS PA'I 'OG TU TSE LO BRGYA PA'I DUS SU MI MJED 'JIG RTEN GYI KHAMS 'DIR DE BZHIN GSHEGS PA DGRA BCOM PA YANG DAG PA RDZOGS PA'I SANGS RGYAS RIG PA DANG ZHABS SU LDAN PA , BDE BAR GSHEGS PA , 'JIG RTEN MKHYEN PA SKYES BU 'DUL BA'I KHA LO BSGYUR BA BLA NA MED PA , LHA DANG MI RNAMS KYI STON PA , SANGS

, ,RGYAS SH'AKYA THUB PA ZHES BYA BAR 'GYUR TE, LO BRGYAD CU'I BAR DU CHOS KYI 'KHOR LO BSKOR NAS MYA NGAN LAS 'DAS PA'I 'OG TU 'ANG DAM PA'I CHOS YUN RING DU GNAS PAR 'GYUR RO, ,ZHES LUNG BSTAN TE PHYOGS BCU'I ZHING KHAMS THAMS CAD DU GRAGS PAR MDZAD DO, ,BRAM ZE'I KHYE'U BLA MA DE NAS 'PHOS TE DGA' LDAN DU LHA'I BU DAM PA TOG DKAR PO ZHES BYA BA SKYE BA GCIG THOGS KYI BYANG CHUB SEMS DPA'I TSUL BZUNG STE DGA' LDAN GYI LHA RNAMS LA CHOS STON CING ZHING 'DIR 'BYON PA'I BAR DU BZHUGS SO, ,DE NAS BYANG CHUB SEMS DPA' DAM PA TOG DKAR PO ZHING 'DIR 'BYON DU NYE BA NA, GANG DU BYANG CHUB SEMS DPA' SKU BLTAMS PAR 'GYUR BA'I SA LUM BI NA'I TSAL DU LNGA LTAS BCU BYUNG STE , SA THAMS CAD LAG MTHIL LTAR MNYAM, SA GZHI RDO RJE LAS GRUB CING RIN PO CHES GANG , RIN PO CHE'I SHING GIS 'KHRIGS , SPOS KYI MYU GU DANG PHYE MA'I MDZOD 'THON ZHING RGYAL MTSAN GYI SPRIN GTIBS, LHA RDZAS KYI ME TOG DANG GOS KYI MDZOD RGYAS, LJON SHING THAMS CAD LA NOR BU RIN PO CHE'I MDZOD GRUB , CHU LAS 'PHAGS PA'I PADMAS GANG, ,SDE BRGYAD SOGS 'JIG RTEN GYI DBANG PO RNAMS THAL MO SBYAR TE 'KHOD , SDE BRGYAD KYI BU MO RNAMS KYIS LJON PA'I RGYAL PO PLAKsh'I SDONG PO LA BLTA ZHING PHYOGS BCU'I RGYAL BA THAMS CAD KYI SKU'I LTE PA NAS

BKYE BA'I 'OD ZER GYIS TSAL THAMS CAD SNANG BAR BYAS SHING 'OD KYI DKYIL 'KHOR DU BYANG CHUB SEMS DPA' SKU BLTAMS PA'I RNAM 'PHRUL GZUGS BRNYAN DU 'CHAR LA SKU BLTAMS PA'I SGRA GRAG PA RNAMS BYUNG NGO, ,LUM PA NA'I TSAL ZHES BYA BA NI GRONG KHYER SER SKYA DANG NYE BA'I PHYOGS NA SNGON LHA RNAMS KYIS 'DIR GRONG KHYER RTZIGS SHIG CES BKOD PA BYAS PA'I SA LHAS BSTAN CES BYA BA'I GRONG KHYER CHEN PO NA RGYAL PO LEGS PAR RAB SAD CES BYA BA ZHIG YOD DE , DE LA BTZUN MO'I MCHOG LUM PI NI ZHES BYA BA SMON LAM GYI MTHU GRUB PA ZHIG YOD PA DE LA BYANG CHUB SEMS DPA'I BYIN RLABS ZHUGS TE , SER SKYA DANG LHAS BSTAN GYI BAR DU KUN DGA' RA BA ZHIG YOD PA DE NGA'I SKYED TSAL DU BYUNG NA SNYAM DU SMON ZHING DE LTAR DU RGYAL PO LEGS PAR RAB SAD LA ZHUS PA NA, RGYAL PO LEGS PAR RAB SAD KYIS DER SKYED TSAL PHUN SUM TSOGS PA YO BYAD THAMS CAD DANG LDAN PA ZHIG BCOS TE LUM BI NI LA BYIN PAS LUM BI NA'I TSAL ZHES GRAGS SO, ,DE NAS BYANG CHUB SEMS DPA' DAM PA TOG DKAR PO NI DGA' LDAN GYI LHA'I GNAS NA, GZHAL MED KHANG SUM KHRI NYIS STONG RAB TU GNAS PA LHA'I GZHAL MED KHANG GI YON TAN DANG RGYAN BKOD PA PHUN SUM TSOGS PA BYE BAS RAB TU PHYUG CING DPAL DANG LDAN PA DE NA BDE BAR GNAS SHING , SIL SNYAN

, ,DANG GLU DBYANGS BRGYAD KHRI BZHI STONG GI SGRA SGROG PA LAS, NYID KYI BSOD NAMS KYI MTHU DANG SANGS RGYAS RNAMS KYI BYIN RLABS KYIS ROL MO'I SGRA DBYANGS DE DAG LAS, BSOD NAMS RGYA CHE TSOGS MNGA' DRAN RTOGS DANG, ,BLO GROS MTHA' YAS SHES RAB 'OD MDZAD PA, ,MTSUNGS MED STOBS MNGA' SGYU RTZAL RGYA CHE BA, ,MAR ME MDZAD KYIS LUNG BSTAN DGONGS PAR MDZOD, , SKYES MCHOG KHYOD KYI BSOD NAMS DPAL GYIS NI, ,DGA' LDAN PHO BRANG SHIN TU MDZES MOD KYI, ,'ON KYANG THUGS RJE'I THUGS DANG LDAN PAS NA, ,'DZAM BU'I RGYAL MTSAN DU NI CHAR PA PHOB, , CES PA NAS, 'DI NI DUS LAGS BTANG SNYOMS MA MDZAD CES, ,SNYING RJE'I YID DANG LDAN LA SKUL BAR BYED, ,CES PA LA SOGS PAS 'DZAM BU'I GLING DU 'BYON PA'I DUS LA BAB PAR BSKUL TE, DE YANG SNGON BSKAL PA BGRANG BA LAS 'DAS PA NAS RTZOD LDAN TSE LO BRGYA PA'I DUS SU 'DZAM BU'I GLING DU SANGS RGYAS KYI MDZAD PA STON PAR THUGS DAM BCAS SHING, RGYAL BA MAR ME MDZAD DANG RGYAL BA 'OD SRUNGS LA SOGS PA SANGS RGYAS BGRANG BA LAS 'DAS PA DAG GIS KYANG DE LTAR DU LUNG BSTAN PA DE RNAMS DGONGS PAR MDZOD CIG CES ROL MO'I SGRA DAG LAS YANG DANG YANG DU BSKUL LO, ,DE'I TSE

GNAS GTZANG MA'I LHA'I BU RNAMS BYANG CHUB SEMS DPA' MNGAL DU 'JUG PA'I LO BCU GNYIS KYI GONG NAS BRAM ZER SPRUL TE, 'OG NAS 'CHAD PA'I RNAM PAS MNGAL DU ZHUGS PAR GYUR NA MTSAN DPE DANG LDAN TE , 'KHOR LOS BSGYUR RGYAL LAM, SANGS RGYAS SU 'GYUR RO ZHES 'DON DU 'JUG CING RANG SANGS RGYAS RNAMS LA , LO BCU GNYIS NA BYANG CHUB SEMS DPA' LHUMS SU 'JUG GIS ZHING 'DI BOR CIG CES ZER ZHING , DE RGYAL PO'I KHAB KYI MJUG MA SGYUR BA'I RIL RANG RGYAL GLANG PO ZHES PAS THOS TE, RDO LA RKANG RJES BZHAG STE 'DAS SO, ,W'A RA n'A SIR RANG RGYAL LNGA BRGYA MA'I KHAMS LA ZHUGS TE 'DAS NAS RING BSREL LHUNG BAS DRANG SRONG LHUNG BAR GRAGS SO, ,DE NAS BYANG CHUB SEMS DPA' GZHAL MED KHANG CHEN PO DE NAS BYUNG STE , CHOS KYIS MTHO BA'I KHANG BZANG LHA RNAMS LA CHOS STON PA'I SA DER ZHUGS NAS SENG GE'I KHRI CHOS BZANG PO ZHES BYA BA LA BZHUGS TE , BYANG CHUB SEMS DPA' BYAMS PA DANG, LHA'I BU YONGS SU DGA' LDAN DANG, GANG YANG BYANG CHUB SEMS DPA' PHYOGS KUN NAS 'DUS PA RNAMS LA CHOS RGYA CHER STON PAR MDZAD CING , MYUR DU SANGS RGYAS KYI MDZAD PA STON PAR BZHED NAS GZIGS PA LNGA LA GZIGS SO, ,GZIGS PA LNGA NI, DUS LA GZIGS PA, YUL LA GZIGS PA, RIGS

, ,LA GZIGS PA, RUS LA GZIGS PA, GANG GIS YUM BYED PAR NUS PA'I BUD MED LA GZIGS PA LNGA'O, ,DE'I DANG PO DUS LA GZIGS PA NI, SNGON DE BZHIN GSHEGS PA RIN CHEN SNYING PO'I SPYAN SNGAR BRAM ZE RGYA MTSO'I RDUL GYIS RTZOD LDAN TSE LO BRGYA PA'I DUS 'DIR SANGS RGYAS KYI MDZAD PA STON PAR THUGS DAM BCAS SHING, DE BZHIN GSHEGS PA MAR ME MDZAD NAS BZUNG RGYAL BA 'OD SRUNGS KYI BAR DU BYON PA'I SANGS RGYAS RNAMS KYIS KYANG DE LTAR DU LUNG BSTAN PA LTAR BYANG CHUB SEMS DPA' DAM PA TOG DKAR POS DON DE THUGS LA DGONGS SHING, PHYOGS BCU'I SANGS RGYAS RNAMS KYIS KYANG SNYIGS MA'I 'GRO BA MGON SKYABS DANG BRAL BA 'DI RNAMS KYI MGON SKYABS SU MYUR DU 'BYON DGOS SO ZHES YANG YANG BSKUL BA LTAR 'DZAM BU'I GLING DU 'BYON PA'I DUS LA BAB PAR GZIGS PA'O, ,YUL LA GZIGS PA NI, SANGS RGYAS 'JIG RTEN DU 'BYON PA NI GDUL BYA'I DON KHO NAR 'BYON PA YIN LA, GDUL BYA'I GTZO BO NI LHA DANG MI GNYIS TE, DE LA LHA YUL DU MCHOG GI SPRUL SKU BYON NA NI MI RNAMS LA LHA YUL DU BGROD PA'I MTHU MED PAS DE DAG LA MI PHAN PA DANG, LHA RNAMS KYANG 'DOD PAS G-YENGS SHING NGES 'BYUNG SKYE DKA' BAS SO THAR GYI SDOM PA'I RTEN DU MI RUNG BA SOGS KYIS PHAN CHUNG BA DANG, LHA RNAMS CHOS MNYAN PA'I PHYIR 'DZAM BU'I GLING DU BGROD NUS PAS MI'I NANG KHO NAR MCHOG GI SPRUL SKU'I MDZAD PA STON PA YIN LA, MI LA YANG GLING

BZHI LAS GLING GZHAN GSUM NI LONGS SPYOD PHUN SUM TSOGS PA YOD KYANG DBANG PO RTUL ZHING NGES 'BYUNG SHUGS DRAG PO SKYE DKA' BA DANG, 'DZAM BU'I GLING GI MI RNAMS NI DBUL ZHING TSE THUNG YANG DBANG PO SHIN TU RNO BA MANG BA DANG, NGES 'BYUNG SHUGS DRAG PO SKYE SLAB DANG, TSE STONG LA BSAGS PA'I LAS TSE SMAD LA SMIN NUS PA'ANG SRID PA DANG, 'DZAM BU'I GLING GI SHAR PHYOGS NA RJE BTZUN 'JAM DPAL DBYANGS KYI SPRUL PA'I ZHING KHAMS RI BO RTZE LNGA'I GNAS DANG, LHO PHYOGS NA THUGS RJE CHEN PO'I ZHING KHAMS PO TA LA'I GNAS DANG, NUB PHYOGS NA DPA' BO DANG RNAL 'BYOR MA RNAMS KYI GNAS AOO tI Y'A NA DANG, BYANG PHYOGS NA DPAL PHYAG NA RDO RJE SOGS NYE BA'I SRAS BRGYAD KYI RGYAL PO'I TSUL BZUNG STE SEMS CAN GYI DON BYED PA'I GNAS SHAMBHA LA RNAMS YOD CING, GZHAN YANG 'DZAM BU'I GLING GI PHYOGS DANG PHYOGS MTSAMS RNAMS NA ZUNG 'JUG GRUB PA'I DPA' BO DANG DPA' MO BZHUGS PA'I GNAS MANG DU YOD PAS 'DZAM BU'I GLING 'DIR MDO DANG SNGAGS KYI BSTAN PA RGYAS PAR 'GYUR BAR DGONGS NAS BYANG CHUB SEMS DPA' DAM PA TOG DKAR PO 'DZAM BU'I GLING 'DIR SANGS RGYAS KYI MDZAD PA STON PHYIR 'BYON BZHED PA'O, ,RIGS LA GZIGS PA NI, RGYAL BA RNAMS MCHOG GI SPRUL SKU'I MDZAD PA STON PA'I TSE RGYAL RIGS DANG BRAM ZE'I RIGS GANG RUNG ZHIG TU 'KHRUNGS NAS SANGS RGYAS KYI MDZAD PA MDZAD KYI, DE GNYIS LAS RIGS DMA' BAR 'KHRUNG PA'I MDZAD PA MI STON NO, ,DE YANG 'JIG RTEN

, ,NA RIGS GNYIS PO DE GANG BTZUN PAR BYED PA DER 'KHRUNG BAR MDZAD PAS DUS 'DIR RGYAL RIGS BTZUN PAR BYED PAS NA 'JIG RTEN CHAGS TE 'DZAM BU'I GLING DU RGYAL PO THOG MAR BYUNG BA DE NAS BZUNG GDUNG RGYUN MA CHAD PA'I RGYAL RIGS SU 'KHRUNG BAR BZHED NAS DE LA GZIGS TE, DE LTA BU'I RGYAL RIGS KYI GDUNG DRI MA MED PA NI SH'AKYA'I RGYAL PO ZAS GTZANG MA YIN PAR GZIGS SO, ,DE'I TSUL NI, 'JIG RTEN THOG MAR CHAGS PA NA MI RNAMS 'OD GSAL GYI LHA LAS 'PHOS TE BRDZUS TE SKYES PA, KHAMS ZAS RAGS PA LA MI BLTOS PAR DGA' BA'I ZAS KYIS 'TSO BA, LUS DVANGS GSAL 'OD KYI RANG BZHIN CAN, 'KHRUG RTZOD GANG YANG MED CING 'KHRIG PA'I 'DOD CHAGS KYANG MED LA, BRDZUN DU SMRA BA'ANG MED PAR RANG BZHIN GYIS DGE BA'I NGANG DU GNAS PAS DUS DE LA NI BSKAL PA RDZOGS LDAN GYI DUS ZHES BYA'O, ,DE NAS BSKAL PA BZANG PO RIM GYIS BRi NAS BDUD RTZI'I ZAS KYIS 'TSO BA DANG, MA RMOS PA'I LO TOG GIS 'TSO BA RNAMS RIM GYIS BYUNG STE MI RNAMS KYI LUS KYI 'OD NUB CING LUS LCI LA BSHANG GCI DANG LDAN PAS PHO MO'I DBANG PO DOD DE 'KHRIG PA SPYOD CING, DE NAS KYANG BSKAL PA BZANG PO RIM GYIS BRI STE MA RMOS PA'I LO TOG KYANG MED PAR SA LA ZHING RMOS TE 'TSO BAR BYED PA NA, NGED KYI ZHING DANG KHYOD KYI ZHING ZHES PHAN TSUN 'KHRUG RTZOD DU GYUR CING, MA BYIN PAR LEN PA DANG, BRDZUN DU SMRA BAS PHAN TSUN 'THAB CING RTZOD PAR GYUR PA NA 'DZAM BU'I GLING GI

MI THAMS CAD KYIS SPYI MTHUN DU RGYAL PO BSKOS PA NI MANG POS BKUR BA'I RGYAL PO ZHES BYA BA BYUNG NGO, ,RGYAL PO DE'I BU 'OD MDZES, DE'I BU DGE BA, DE'I BU DGE MCHOG ,DE'U BU GSO SBYONG 'PHAGS, DE RNAMS LA SNGON GYI RGYAL PO LNGA ZER; GSO SBYONG 'PHAGS KYI SPYI BO'I SHA RMEN LAS SKYES PA NGA LAS NU, DE NAS MDZES PA, NYE MDZES, MDZES LDAN, NYE MDZES LDAN, DE LNGA NI SUM CU RTZA GSUM MAN DANG, GLING BZHI NAS GCIG GI BAR LA DBANG BA'I 'KHOR LOS BSGYUR BA'I RGYAL PO LNGA'O, ,NYE MDZES LDAN GYI BU BZANG PO NAS RGYAL LO SA YA GCIG DANG BZHI KHRI DRUG STONG SUM BRGYA BDUN CU RTZA DGU 'DAS PA NA RGYAL PO KRI KRI BYUNG STE, RGYAL PO KRI KHRIS NI SANGS RGYAS 'OD SRUNGS LA BSNYEN BKUR ZHING, SANGS RGYAS 'OD SRUNGS MYA NGAN LAS 'DAS NAS DE'I SKU GDUNG GI MCHOD RTEN YANG BYAS SO, ,RGYAL BO KRI RI'I BU LEGS SKYES NAS RGYAL PO BRGYA 'DAS PA NA, GRONG KHYER GRU 'DZIN DU RGYAL PO RNA BA CAN BYUNG STE, DE LA BU GOO TA MA ZHES PA RIGS MCHOG NGANG; BHA RA DV'A DZA GNYIS LAS, GOO TA MA DRANG SRONG MDOG NAG LAS RAB TU BYUNG NAS GRONG 'DAB TU GNAS PAS BHA RA DV'A DZAS RGYAL SRID BSKYANGS SO, ,DE'I TSE GOO TA MA NYES PA MED PAR MI G-YON CAN ZHIG GI G-YO THABS KYI MTHUS RGYAL PO'I KHRIMS KYIS GSAL SHING LA BSKYON PA DANG, DRANG SRONG MDOG NAG GOO TA MA'I SPYIL BOR DUS DUS SU 'GRO BAS PHYIN PA NA, DE MA MTHONG NAS BTZAL BA DANG GOO TA MA GSAL SHING LA BSKYON PA MTHONG NAS, BUD CI YIN, RMA MA BYUNG

, ,NGAM; BDAG GI SEMS KYIS RMA MA PHYUNG BA'I BDEN PA'I TSIG GIS MKHAN PO'I PAGS BA GSER MDOG TU GYUR CIG ,CES SMRAS MA THAG GSER MDOG TU GYUR TE YID CHES SO, ,DE NAS DRANG SRONG GSER MDOG GIS BSAMS PA, RGYAL BO BHA RA DV'A DZA LA BU MI 'BYUNG BAS GOO TA MA SHIN MANG POS BKUR BA'I RGYAL RGYUD CHAD PAR 'GYUR LA, ,DE CHAD NA 'JIG RTEN SPYI LA MI LEGS SO SNYAM DU BSAMS NAS GOO TA MA LA DRIS PA, KHYOD LA BU BSKYED PA'I NUS BA YOD DAM, MKHAN PO, BDAG GZHON NU NAS RAB TU BYUNG BAS BUD MED KYI RGYUS MA 'TSAL NA BU BSKYED PA LTA GA LA MCHIS, BU; SNGON SPYAD PA'I YUL DRAN PAR GYIS SHING, ,MKHAN PO, GNAD CHAD BA'I TSOR BAS NYEN NA YUL DRAN PAR GAL 'GYUR, DER RDZU 'PHRUL GYIS RDZI CHAR CHEN BO PHAB STE CHAR PA'I THiGS PA LUS LA PHOG CING RLUNG GRANG MOS REG PAS SDUG BSNGAL MNAN NAS, SNGON GYI YUL DRAN PAR BYAS TE 'KHRIG PA'I 'DOD CHAGS DRAN NAS KHU BA KHRAG DANG 'DRES PA GNYIS LHUNG NGO, ,DE GNYIS SGO NGA GNYIS SU GYUR NAS NYI MA'I 'OD ZER GYIS SMIN PA RDOL BA DANG KHYE'U GNYIS BYUNG STE DE DANG NYE BA'I BU RAM SHING GSEB TU ZHUGS SO, ,GOO TA MA NYI MA'I ZER GYIS SHIN TU TSA NAS SHI'O, ,DRANG SRONG 'ONGS NAS NYE 'KHOR DU BLTAS PAS SGONG SKOGS MTHONG STE BTZAL BAS BU RAM SHING GI TSA LAN KHYE'U GNYIS 'DUG BA DE DE'I BUR SHES TE GNAS SU KHRID NAS MNUN BSNYOD DE

GSOS PA NYI MA'I 'OD KYIS SMIN PAR BYAS PAS NYI MA'I RIGS, GOO TA MA'I BU YIN PAS GOO TAM, BUR MA SHING GI TSAL NAS RNYED PAS BU RAM SHING BZHES MING BTAGS SO, ,DE NAS DUS NAM ZHIG NA RGYAL PO BHA RA DV'A DZA BU MED PAR SHI NAS KHYE'U GNYIS RGYAL SAR BOS TE, PHU BO RGYAL SRID LA BZHAG PA NA DE LA'ANG BU MA BYUNG BAS NU BO RGYAL SRID LA DBANG BSKUR BAS, RGYAL PO BU RAM SHING PA ZHES BYA BAR GYUR, DE'I BU RGYUD LA RGYAL PO BU RAM SHING PA BRGYA THA MA PA YUL GRU 'DZIN DU BYUNG, DE'I THA MA BU RAM SHING PA 'PHAGS SKYES PO, DE'I BU RKANG GDUB CAN, DE'I BU GNAS 'JOG STE, RGYAL PO GNAS 'JOG 'DI NI SH'AKYA'I RGYAL RGYUD KYI THOG MA YIN NO, ,DE'I BU SA KHYIM STE DE SER SKYA'I RGYAL SAR BZHAG STE; SER SKYA'I RGYAL PO SA KHYIM 'DI NI SER SKYAR SH'AKYA'I RGYAL RGYUD BYUNG BA'I THOG MA YIN NO, ,RGYAL POS KHYIM NAS BRGYUD PA SH'AKYA'I RGYAL PO LNGA KHRI LNGA STONG BRGYA BCU GNYIS SER SKYAR BYUNG PA'I THA MA RGYAL PO GZHU BRTAN, DE'I BU SENG GE 'GRAM, SH'AKYA'I RGYAL PO SENG GE 'GRAMS BU BZHI BYUNG STE, ZAS GTZANG, ZAS DKAR, BRE BO ZAS, BDUD RTZI ZAS SO, ,DE BZHI LAS RGYAL PO ZAS GTZANG LA BTZUN MO BLANGS TE SH'AKYA'I RGYAL POR DBANG BSKUR TO, ,RUS LA GZIGS PA NI, YAB YUM GNYIS KA BDUN BRGYUD TSUN CHAD MNYAMS PA SKYON MED PA ZHIG LA GZIGS PA STE, YAB ZAS GTZANG DANG, YUM SGYU MA LHA MDZES GNYIS KYI SRAS SU 'KHRUNG BZHED PA'O, ,DE LA YAB KYI GDUNG RGYUD

, ,NI BRJOD ZIN LA, YUM NI LHAS BSTAN GYI RGYAL PO LEGS PAR RAB SAD DANG BTZUN MO LUM BI NI GNYIS LA SRAS GCIG DANG SRAS MO GNYIS BYUNG STE, SRAS MO CHE BA NI SGYU 'PHRUL MA STE, SGYU 'PHRUL MA 'KHRUNGS PA'I TSE LTAS KHYAD PAR CAN BYUNG ZHING MI'I BU MO LAS 'DAS PA SHIN TU GZUGS BZANG ZHING PA LTA NA SDUG PA LHA'I BZO BOS BCOS PA LTA BU ZHIG BYUNG BAS MING SGYU 'PHRUL MA ZHES BTAGS, DE MTSAN MKHAN LA BSTAN PAS MTSAN SHIN TU BZANG ZHING 'DI LA BU STOBS KYI 'KHOR LOS BSGYUR BA ZHIG 'BYUNG PAR LUNG BSTAN, DE'I RJES SU SRAS MO CHUNG BA 'KHRUNGS PA NA 'JIG RTEN THAMS CAD 'OD KYIS KHYAB PA DANG, SANGS RGYAS KYI MDZAD PA BCU GNYIS STON PA'I SGRA GRAG PA SOGS NGO MTSAR BA'I LTAS BSAM GYIS MI KHYAB PA BYUNG ZHING, SRAS MO CHE BA LAS KYANG GZUGS BZANG ZHING MDZES PA, LHA'I BU MO JI LTA BA ZHIG BYUNG BAS MING SGYU 'PHRUL CHEN MO ZHES KYANG BYA, LHA MO SGYU 'PHRUL MA ZHES KYANG BYA, SGYU MA LHA MDZES ZHES KYANG BYA BAR GRAGS SO, ,DE MTSAN MKHAN LA BSTAN PAS, 'DI LA BU SKYES BU CHEN PO'I MTSAN SUM CU RTZA GNYIS DANG LDAN PA ZHIG 'BYUNG, KHYIM DU BZHUGS NA 'KHOR LOS BSGYUR RGYAL DANG, RAB TU BYUNG NA RDZOGS PA'I SANGS RGYAS SU 'GYUR RO ZHES LUNG BSTAN TO, ,DE NAS RGYAL PO LEGS PAR RAB SAD KYIS SH'AKYA'I RGYAL PO SENG GE 'GRAM LA BDAG LA BU MO KHYAD PAR DU 'PHAGS PA GNYIS,

SHIG BYUNG NA 'DI GNYIS LAS GZHON NU ZAS GTZANG GI BTZUN MOR GANG 'OS PA ZHIG BZHES DGOS ZHES BSKUL BA NA RGYAL PO SENG GE 'GRAM GYIS SNGON LA BU MO CHUNG BA SGYU MA LHA MDZES ZAS GTZANG GI BTZUN MOR BLANGS SHING, RJES SU CHE BA SGYU 'PHRUL MA YANG BLANGS SO, ,DE NI MTSAN MKHAN DAG GIS JI LTAR BSTAN PA LTAR, SGYU MA LHA MDZES LA SKYES BU CHEN PO'I MTSAN SUM CU RTZA GNYIS DANG LDAN PA BYANG CHUB SEMS DPA' 'KHRUNGS, CHE BA SGYU 'PHRUL MA LA BU STOBS KYI 'KHOR LOS BSGYUR BA'I MTSAN RTAGS DANG LAN PA DGA' BO 'KHRUNGS SO, ,GANG GIS YUM BYED BAR NUS PA'I BUD MED LA GZIGS PA NI, SNGON YUN RING PO NAS DE BZHIN GSHEGS PA 'JIG RTEN 'DIR 'BYON PA'I TSE YUM BYED PAR SMON LAM BTAB PA YUM SGYU MA LHA MDZES KYI RUM DU SKYE BA BZHES PAR BZHED PA'O, ,DE LTAR BYANG CHUB SEMS DPA' DAM BA TOG DKAR POS, DUS DANG, YUL DANG, RIGS DANG, RUS DANG, YUM BUD MED LNGA LA GZIGS NAS DGA' LDAN GYI GZHAL MED KHANG CHU DANG RGYAR DPAG TSAD DRUG CU RTZA BZHI YOD PA DE NA CHOS STON PA'I GNAS RGYAL MTSAN MTHON PO ZHES BYA BA YOD PAS, DER BYON NAS BSOD NAMS MCHOG GI SENG GE'I KHRI LA BZHUGS TE, LHA'I 'KHOR RNAMS LA, GROGS PO DAG NGA'I LUS BSOD NAMS BRGYA'I MTSAN GYIS BRGYAN PA LA LTOS, PHYOGS BCU NA BYANG CHUB SEMS DPA' NGA DANG 'DRA BA BGRANG BA LAS 'DAS PA LA YANG LTOS, ZHES

, ,GSUNGS PA DANG, 'KHOR DE DAG KYANG DE'I BYIN RLABS KYIS PHYOGS KUN NA BYANG CHUB SEMS DPA' DGA' LDAN GYI GNAS NA 'KHOD PA 'DI DANG 'DRA BA TSAD MED PA MTHONG NAS KYANG CHED DU BRJOD DO, , DE NAS BYANG CHUB SEMS DPA' DAM PA TOG DKAR POS RJE BTZUN BYAMS PA LA SOGS PA'I DGA' LDAN NA GNAS PA'I LHA RNAMS LA, GROGS PO DAG, DAD PA NI CHOS SNANG BA'I SGO STE, BSAM PA MI PHYED PAR 'GYUR RO, ,DANG BA NI CHOS SNANG BA'I SGO STE, SEMS RNYOG BA CAN DANG BAR 'GYUR RO, ,ZHES PA NAS, PHYIR MI LDOG PA'I SA NI CHOS SNANG BA'I SGO STE, SANGS RGYAS KYI CHOS THAMS CAD YONGS SU RDZOGS PAR 'GYUR RO, ,SA NAS SAR 'PHAR BA'I YE SHES NI CHOS SNANG BA'I SGO STE, THAMS CAD MKHYEN PA'I YE SHES KYI DBANG BSKUR BAR 'GYUR RO, ,DBANG BSKUR BA'I SA NI CHOS SNANG BA'I SGO STE, MNGAL DU 'JUG PA DANG, BTZAS PA DANG, MNGON PAR 'BYUNG BA DANG, DKA' BA SPYAD PA DANG, BYANG CHUB KYI SNYING POR 'GRO BA DANG, BDUD 'DUL BA DANG, BYANG CHUB MNGON PAR 'TSANG RGYA BA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO STON PAR 'GYUR RO, ,ZHES CHOS SNANG BA'I SGO BRGYA RTZA BRGYAD RGYAS PAR BSTAN NAS RIN PO CHE'I COD PAN MA PHAM PA'I DBU LA BCINGS NAS, GROGS PO DAG KHO BO 'DZAM BU'I GLING DU 'CHANG RGYAR 'GRO STE, KHYED LA MA PHAM PAS CHOS STON TO, ,ZHES BYAMS

MGON RGYAL TSAB TU DBANG BSKUR TO, ,DE TSE RGYAL PO ZAS GTZANG GI KHYIM DU SNGA LTAS BRGYAD BYUNG STE, SA GZHI MNYAM ZHING KHYIM DU RDUL MED LA CHAG CHAG BTAB PA SBRANG BU DANG PHYE MA LEB DANG SDIG SPRUL MED CING ME TOG GIS BKRAM PA DANG, GANGS RI'I BYA KHU BYUNG SOGS KHYIM DE'I STEGS BU SOGS SU 'DUG NAS SKAD SNYAN PA SGROGS PA DANG, DE'I KUN DGA' RAB DANG SKYED MOS TSAL GYI ME TOG RGYAS PA DANG, DE'I RDZING LA SOGS PAR PADMA 'DAB MA BYE BA KHRAG KHRIG BRGYA STONG DANG LDAN PAS KHEBS PA DANG, MAR DANG SBRANG RTZI SOGS LONGS SPYOD KYANG ZAD PAR MI 'GYUR BA DANG, ROL MO RNAMS MA BLANGS PAR 'KHROL BA DANG, RIN PO CHE SNA BDUN GYI SNOD RANG BYE STE 'BAR PA DANG, NYI ZLA'I 'OD ZIL GYIS GNON CING LUS SEMS BDE BA BSKYED PA'I 'OD SNANG BA RNAMS BYUNG NGO, ,DE NAS BYANG CHUB SEMS DPA' RGYAL MTSAN MTHON PO NAS KHANG PA CHEN PO BSOD NAMS THAMS CAD KYIS YANG NGAG PAR BYUNG BA NOR BU DANG DPAL GYI SNYING PO LHA RNAMS KYIS KUN NAS BLTA BA'I KHANG BRTZEGS GNAS KYI RGYAN DU BYON NAS DER BZHUGS TE, BYANG CHUB SEMS DPA' DANG LHA MANG POS BSKOR ZHING MDUN DU BDAR NAS BSKYOD PAR BRTZAMS SO, ,DE'I TSE BYANG CHUB SEMS DPAS BDE BA'I RGYAN ZHES BYA BA'I 'OD ZER DGU LA SOGS PA 'OD ZER GRANGS MED PA BRGYA STONG PHRAG BCU BKYE BAS, STONG

, ,GSUM GYI MUN PA MUN NAG KUN SNANG BAR BYAS NAS NYI ZLA'I 'OD ZIL GYIS MNAN TE, NGAN SONG GI SDUG BSNGAL SKAD CIG DE LA ZHI BA DANG, SEMS CAN SU LA YANG NYON MONGS BAS MI GNOD PA DANG, SNOD MA YIN PA DAG SEL BA DANG, LAG NA RDO RJE PHYI BZHIN DU 'BRANG BA DANG, 'DUL BA SNA TSOGS PA DAG MTHONG BA SNA TSOGS PAS MTHONG BZHIN PA'I LAS DE DAG LA SOGS PA DAG BYED DO, ,YUM LA KHYAD PAR DU BYA BA'I 'OD, YUM GYI YON TAN GYI DKYIL 'KHOR LAS BYUNG BA'I SNANG BA ZHES BYA BA'I 'OD BA SPU'I SGO THAMS CAD NAS BKYE BAS, LHA MO SGYU 'PHRUL GSO SBYONG BLANGS PA'I LUS LA ZHUGS MA THAG ,DE'I LUS BDE LA 'GRO BA THAMS CAD KYI LUS LAS MNGON PAR 'PHAGS SHING RUM NAM MKHA'I KHYON LTAR YANGS PAR GYUR KYANG MI'I LUS LAS MA 'DAS LA, YUM GYI GLO G-YAS BAR BYANG CHUB SEMS DPA'I YONGS SU SPYAD PA RIN PO CHE BKOD PA ZHES BYA BA, TZAN DAN SPRUL GYI SNYING PO'I KHANG PA BRTZEGS PA MDZES SHING BLTA NA SDUG PA, GRU BZHI KA BZHI PA, STENG KHANG PA BRTZEGS PAS BRGYAN PA, 'PHANG DU BYIS PA BCAS NAS ZLA BA DRUG LON PA'I TSAD TZAM PA, DE'I NANG NA KHANG PA BRTZEGS PA GNYIS PA DANG, DE BZHIN DU GSUM PA YANG DE DANG MA REG BAR 'DUG PA SRA ZHING BRTAN LA MI SHIGS PA REG NA BDE BA, SNGON PO MCHOG GI KHA DOG CAN,

'DOD LHA'I GNAS KYI BKOD PA CI SRID PA DER SNANG BA, DE'I PHYE MA SRANG PHYED LA STONG GSUM 'DI RIN PO CHES BKAD BAS RIN DU MI CHOG PA, DE'I 'KHOR SA NA LHA'I ME TOG LAS 'DAS PA'I ME TOG SKYE ZHING 'DOD PA'I YAN TAN LNGAS 'BYOR PA, KHANG PA BRTZEGS PA GSUM PA'I NANG NA BYIS PA BTZAS NAS ZLA BA DRUG LON PA LA 'TSAM PA'I KHRI ZLUM PO, CHANGS PA CHEN PO'I GOS KYANG DE'I 'OD KYIS MOG MOG POR BYED PA'I STENG NA MCHOG GI GDAN LA GOS STONG PHRAG BRGYA'I RGYAN ZHES BYA BA PHRUGS GCIG KYANG YOD PA LONGS SPYOD KYI DON DU GRUB BO, ,BRGYA BYIN GYIS KYANG YUM GYI GZI BRJID BSGRUB PA DANG, LHUMS GTZANG MAR BYED PA LA 'BAD DO, ,DE NAS BYANG CHUB SEMS DPA' DAM PA TOG DKAR PO LHA'I 'KHOR GRANGS MED PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' LDAN NAS RIM GYIS PHEBS TE GLANG PO CHE'I PHRUG GU THAL KAR MCHE BA DRUG DANG LDAN PA'I GZUGS KYIS NAM GYI GUNG THUN LA YUM GYI GLO G-YAS PA NAS ZHUGS TE, ZHUGS MA THAG BYIS PA BTZAS NAS ZLA BA DRUG LON PA'I TSAD TZAM MTSAN GYIS BRGYAN PAR GYUR TE, YUM GYI GLO G-YAS PA'I KHANG PA BRTZEGS PA'I NANG GI KHRI STAN LA SKYIL MO KRUNG BCAS TE NA BZA' PHRUGS DE YANG GSOL NAS ZHING BCU'I RDUL SNYED KYI BYANG CHUB SEMS DPA' SKAL BA MNYAM PA KLU'I SNYING PO'I KHANG PA BRTZEGS PA

, ,'KHOD PA DAG DANG LHAN CIG YUM GYI RUM DU BZHUGS SO, ,BYANG CHUB SEMS DPA' YUM GYI LHUMS SU ZHUGS PA'I NUB MO SNGON ZHING DAM PA LA ZAS KYI PHUD PHUL BA'I RNAM SMIN LAS BYUNG BA'I PADMA CHEN POS RGYA MTSO DANG SA CHEN PO BRTOL TE ZHAG BDUN LA TSANGS PA'I 'JIG RTEN GYI BAR DU 'PHAGS PA SKYES SO, ,STONG GSUM GYI BCUD JI SNYED PA PADMA DE LA ZIL DNGAR GYI THIGS PA BZHIN DU CHAGS PA DE TSANGS PA CHEN PO GCIG PUS MTHONG NAS BEE d'URYA'I SNOD BZANG POR BLANGS TE PHUL BA BYANG CHUB SEMS DPAS BZHES TE SKU LUS BRTAS PAR BYED DO, ,DE 'JU BAR NUS PA'I SEMS CAN NI GZHAN MED DO, ,YUM GYI LHUMS NA BZHUGS PA'I SKU ME'I PHUNG PO LTA BU 'DUG PA'I SNANG BAS DPAG TSAD LNGA'I BAR KHYAB BO, ,MI RNAMS BYANG CHUB SEMS DPA' BLTA BAR 'ONGS PA DE DAG GIS ME LONG GI NANG DU GZUGS BRNYAN MTHONG BA LTAR, YUM GYI LHUMS NA KHANG PA BRTZEGS PA'I NANG NA BYANG CHUB SEMS DPA' BZHUGS PA MTHONG BAR GYUR PA LA THOG MAR BYANG CHUB SEMS DPAS DGA' BAR BYED PA'I GSUNG STZOL LO, ,DE NAS YUM GYIS SMRA'O, ,BYANG CHUB SEMS DPA' LA CHOS MNYAN PA'I PHYIR RGYAL PO CHEN PO BZHI DANG, GNOD SBYIN GYI SDE DPON RNAMS SNGA DRO 'ONGS PA LA BYANG CHUB SEMS DPAS PHYAG G-YAS BRKYANG BA'I MDZUB MO BSGRENGS NAS STAN STON TO, ,DE RNAMS KYANG STAN LA 'KHOD NAS 'DUG PA LA CHOS STON TE, SLAR 'GRO

BAR 'DOD PA DANG, PHYAG G-YAS PA BRKYANG STE DE DAG 'DOD PA'I BRDA STON NO, ,DE BZHIN DU NYI MA'I GUNG LA BRGYA BYIN LA SOGS PA'I LHA RNAMS BYUNG BA DANG, PHYI DRO TSANGS PAS ZIL DNGAR GYI THIGS PA 'BUL BA DANG, NUB THUN DANG PO LA PHYOGS BCU'I BYANG CHUB SEMS DPA' RNAMS 'ONGS PA LA, SKU LAS BKYE PA'I 'OD RNAMS SENG GE'I KHRIR SPRUL PA LA DE DAG 'KHOD DU BCUG STE, SNGAR BZHIN PHYAG BRKYANG BSKUM MDZAD DE CHOS KYI BRDA'I SGO CHEN POS BGRO BAR BYED DO, ,DE LTAR ZLA BA BCU'I RING LA YUM GYI LHUMS KYI GZHAL MED KHANG DU BZHUGS NAS PHYOGS BCU NAS 'DUS PA'I BYANG CHUB SEMS DPA' BGRANG BA LAS 'DAS PA DAG DANG, TSANGS PA DANG BRGYA BYIN DANG 'JIG RTEN SKYONG BA BZHI LA SOGS PA DKAR PHYOGS KYI LHA DANG KLU DANG GNOD SBYIN LA SOGS PA GDUL BYA BGRANG BA LAS 'DAS PA ZHIG SMIN GROL LA BKOD NAS, BLTAM PA'I DUS LA BAB PA NA RGYAL PO ZAS GTZANG MA'I SKYED MOS TSAL DU SNGA LTAS SUM CU RTZA GNYIS BYUNG STE, ME TOG THAMS CAD DANG, RDZING GI ME TOG DANG, SHING LJON PA'I ME TOG KHA 'BUS NAS RGYAS PAR GYUR, RIN PO CHE'I SHING LJON PA BRGYAD SKYES, GTER CHEN PO NYI KHRI KHA 'BUS, KHYIM GYI NANG DU RIN PO CHE'I MYU GU 'THON, SPOS CHU'I DPAL GYI WA 'BRU MAR DRI ZHIM POS SPAGS PA 'DZAG ,GANGS RI LAS 'ONGS PA'I SENG GE'I PHRUG GU NGAG SER SKYA'I GRONG KHYER LA BSKOR BA BYAS NAS SGO NA

, ,GNAS KYANG SEMS CAN LA 'TSE BA MI BYED, GLANG PO'I PHRUG GU THAL KAR LNGA BRGYA 'ONGS NAS RGYAL PO'I RKANG PA LA SNA'I RTZE MOS NYUG ,RGYAL PO ZAS GTZANG MA'I BTZUN MO'I 'KHOR GYI PHANG PA NAS PHANG PA DAG TU LHA'I BYIS PA DAG 'DRE LDOG ,KLU'I BU MO MCHOD PA'I YO BYAD THOGS PA LUS PHYED PHYUNG NAS NAM MKHA' LA RGYU, RMA BYA'I MDONGS THOGS PA'I LHA'I BU MO KHRI NAM MKHA' LA 'KHOD, BUM PA GANG BA KHRI YANG SER SKYA LA SKOR BA BYED, LHA'I BU MO SPOS CHU'I RIL BA BHRiNG GA RA KLAD LA THOGS NAS 'KHOD, LHA'I BU MO KHRI GDUGS DANG BA DAN THOGS NAS 'KHOD, LHA'I BU MO BRGYA STONG MANG PO DUNG DANG RNGA SOGS MGUL NAS DPYANGS TE SDOD, RLUNG DANG RDUL MI LDANG, CHU THAMS CAD MI 'GUL ZHING MI RGYU, NYI ZLA DANG SKAR MA RNAMS NI MI RGYU, SKAR MA RGYAL DANG YANG LDAN, ZAS GTZANG GI KHYIM RIN PO CHE'I DRA BAS YOG ,ME YANG MI 'BAR, KHANG BRTZEGS DANG RGYA PHUB DANG RTA BABS DAG LA NOR BU DANG RIN CHEN 'BAR BA 'PHYANG, RAS BCOS BU DANG RIN PO CHE SNA TSOGS KYIS MDZOD RNAMS GANG NAS SGO BYE, 'UG PA LA SOGS PA'I SKAD MED, SNYAN PA'I SGRA SKAD GRAG ,SKYE BO RNAMS KYI LAS KYI MTHA' RGYUN CHAD, PHYOGS THAMS CAD MNYAM, LAM GYI BZHI MDO DANG TSONG DUS KYI GZHI RNAMS ME TOG SIL MAS BKRAM, SBRUM MA BDE BAR BTZA' BAR GYUR, S'A LA'I NAGS TSAL GYI LHA RNAMS SHING GI LO MA'I

NANG NAS LUS PHYED PHYUNG STE PHYAG 'TSAL ZHING GNAS PA RNAMS BYUNG NGO, ,DE LTAR LHA MO SGYU 'PHRUL LUM BI NA'I TSAL DU 'BYON BZHED PA NA RGYAL PO ZAS GTZANG DANG, LHAS BSTAN GYI RGYAL PO LEGS PAR RAB SAD GNYIS KAS LUM BI NA'I CHAL BYI DOR BYAS SHING, RGYAN GYI KHYAD PAR THAMS CAD DANG, MCHOD PA'I BYE BRAG BSAM GYIS MI KHYAB PA BYAS SO, ,DE'I TSE TSAL DER SNGA LTAS KYI SNANG BA CHEN PO SA'I STENG GI RIN PO CHE'I KHANG BZANG THAMS CAD DU SNANG BA BYUNG BA DANG, RIN PO CHE'I PADMA KHA BYE BA'I 'DAB MA THAMS CAD LAS BLTAM MAM ZHES PA'I SGRA DANG BCAS PA'I 'OD DU BYUNG BAS KHYAB PA DANG, PHYOGS BCU'I RGYAL SRAS RNAMS KYIS SEMS BSKYED PA NAS BYANG CHUB PA'I BAR GYI SNANG BA SOGS TSAL DER SNGA LTAS BCU BYUNG NGO, ,DE NAS RGYAL PO ZAS GTZANG MAS RANG GI 'KHOR RNAMS LA BKA' BSGOS TE, SER SKYA'I PHO BRANG NAS LUM BI NA'I TSAL GYI BAR GYI LAM THAMS CAD BYI DOR LEGS PAR BYAS SHING DRI BZANG GI CHUS CHAG CHAG GDAB PA DANG, ME TOG SNA TSOGS DGRAM BA DANG, BUD MED KHRI KHRAG MANG POS GLU DBYANGS DANG ROL MO'I BYE BRAG BSAM GYIS MI KHYAB PA'I MCHOD PA DANG, RIN PO CHE'I SHING RTA KHRI KHRAG MANG PO BSHAMS PA DANG, BSRUNG MAR BSKOS PA'I DPA' BO KHRI KHRAG MANG PO PHYOGS PHYOGS SU 'KHOD PA DANG, SHING RTA RNAMS RIN PO CHE'I RGYAN THAMS CAD KYIS BRGYAN PA SOGS BYAS NAS SGYU MA LHA MDZES SPYAN DRANGS SO, ,DE NAS YUM SGYU MA LHA MDZES SHING RTA'I

, ,NANG DU ZHUGS TE NOR BUS BRGYAN PA'I SHING RTA 'JIG RTEN SKYONG BA BZHIS 'DREN ZHING, LHA'I DBANG PO BRGYA BYIN NI MDUN DU LAM GYI BYI DOR BYED, TSANGS PA NI SNAM LOGS NAS BSIL YAB G-YOB PAR BYED, DKAR PHYOGS KYI LHA BGRANG BA LAS 'DAS PA DAG NI YUM GYI RUM NA BYANG CHUB SEMS DPA' KHANG PA BRTZEGS PA'I NANG NA BZHUGS PA LA MIG MI 'DZUM PAR BLTA ZHING PHYAG 'TSAL BA DANG SMON LAM 'DEBS PAR BYED CING SONG NGO, ,DE NAS LHA MO SGYU 'PHRUL LUM BI NA'I TSAL DU PHYIN NAS SHING RTA LAS BABS TE, NAGS TSAL NAS NAGS TSAL DU 'CHAG, LJON PA NAS LJON PA LA BLTA ZHING RIM GYIS SONG BA DANG, SA PHYOGS MNYAM LA YANGS PA RTZVA SNGON BOS GANG ZHING REG NA BDE BA NA SNGON GYI RGYAL BA'I YUM GYIS BRTEN PA GNAS GTZANG MA'I LHA RNAMS KYIS PHYAG BYAS BA'I SHING RIN PO CHE MCHOG 'OD 'BAR BA RTZA BA DANG SDONG BU DANG YAL GA DANG LO MA RIN PO CHES BRGYAN PA, MI DANG LHA'I ME TOG SNA TSOGS RGYAS PA, SPOS MCHOG GI DRI DANG LDAN BA, GOS KHA DOG SNA TSOGS DPYANGS PA'I LJON PA'I RGYAL PO PLAKshA ZHES BYA BA'I RIN PO CHE'I SHING GI YAL GA LA PHYAG G-YAS PAS 'JUS NAS BYA RMYANG BYED CING GNAM DU GZIGS PA NA, RTZIB LOGS G-YAS NAS GSER GYI MCHOD SDONG NYI MA BYE BA'I MDANGS DANG LDAN PA GLO BUR DU 'THON PA LTAR DU SKU BLTAMS SO, ,DE'I TSE NAM MKHA' THAMS CAD LHA'I MCHOD

RDZAS KYIS GANG ZHING, TSANGS PA DANG BRGYA BYIN GNYIS KYIS LHA'I GOS KA SHI KAS LCIBS TE BLANGS, KLU'I RGYAL PO DGA' BO DANG NYE DGA' GNYIS KYIS BDUD RTZIS MCHOD, LHA DANG LHA MO BGRANG BA LAS 'DAS PAS SPOS CHU'I BUM PA THOGS TE SKU KHRUS GSOL, DE'I TSE TSANGS PA DANG BRGYA BYIN GNYIS KYIS BYANG CHUB SEMS DPA'I SKU LUS NAM MKHA' LA BLANGS PA NA NGA THONGS GSUNGS TE SA LA ZHABS BZHAG NAS PHYOGS BZHIR GOM PA BDUN BDUN BOR TE, 'JIG RTEN 'DI NA NGA NYID MCHOG GO ,ZHES SOGS SENG GE'I SGRA DBYANGS CHEN PO BSGRAGS SO, ,BYANG CHUB SEMS DPA' SGYU MA LHA MDZES KYI RTZIB LOGS G-YAS PA NAS NA BZA' DANG BCAS BZHIN DU BLTAMS PA'I TSE NYI MA STONG DUS GCIG TU SHAR BA LAS KYANG CHES CHER GSAL BA'I SKU'I 'OD KYIS 'JIG RTEN GYI KHAMS THAMS CAD SNANG BAS KHYAB PAR MDZAD CING, SA 'OG GI GTING RNAMS KYANG SNANG BAS KHYAB CING 'OD KYI SNANG BA DE GANG LA REG PA'I SEMS CAN THAMS CAD SKAD CIG DE LA SDUG BSNGAL DANG NYON MONGS PA THAMS CAD RGYUN BCAD CING BDE BAS KHYAB PAR MDZAD DO, ,BYANG CHUB SEMS DPA' YUM GYI RUM NA TZAN DAN GYI KHANG PA BRTZEGS PA'I NANG NA BZHUGS PA'I KHANG BRTZEGS DE MI MJED KYI BDAG PO TSANGS PAS TSANGS GNAS SU KHYER TE TSANGS RIS KYI LHA RNAMS KYI PHYAG DANG MCHOD PA'I GNAS SU BZHUGS SO, ,DE'I TSE SHING

, ,THAMS CAD KYI ME TOG RGYAS SHING 'BRAS BU CHAGS, ME TOG GI CHAR BABS, NGAN SONG GSUM RGYUN BCAD, SEMS CAN KUN LA NYON MONGS PAS MI 'TSE, DBANG PO MED PA RNAMS DBANG PO DANG LDAN, SA G-YOS SO, ,BYANG CHUB SEMS DPA' BLTAMS PA DE'I SKAD CIG DE LA GRONG KHYER CHEN PO BZHIR RGYAL PO CHEN PO BZHI LA YANG BU BTZAS TE, MNYAN YOD DU RTZIBS KYI 'PHUR TSANGS BYIN GYI BU BTZAS PA NA YUL PRA PHAB PA GSAL BA BZHIN DU SNANG BAS DE'I MING GSAL RGYAL ZHES DANG, RGYAL PO'I KHYAB TU PADMA CHEN PO'I BU BTZAS PA NA NYI MA'I GZUGS SHAR BA LTAR SNANG ZHING GZUGS CAN MA'I BU YIN PAS GZUGS CAN SNYING PO ZHES DANG, KOO SHA MA BIR DMAG BRGYA PA'I BU BTZAS PA NA 'JIG RTEN NYI MA SHAR BA LTAR SNANG BAR GYUR PAS SHAR PA ZHES DANG, 'PHAGS RGYAL DU MU KHYUD MTHA' YAS KYI BU BTZAS PA NA 'JIG RTEN SGRON MAS SNANG BA LTA BUR GYUR PAS RAB SNANG ZHES BYA BAR BTAGS TE, DE RNAMS RANG RANG GI BU'I YON TAN DU RLOM MO, ,DE'I TSE SH'AKYA'I GRONG DU BZANG LDAN DGA' BO SOGS RAB LNGA BRGYA DANG, SH'AKYA GZHAN 'BUM PHRAG LNGA DANG, 'DUN PA LA SOGS PA 'BANGS BRGYAD BRGYA DANG, GRAGS 'DZIN MA LA SOGS PA SH'AKYA'I BU MO KHRI DANG, 'DUN MA LA SOGS PA BRAN MO BRGYAD BRGYA DANG, RGYAL RIGS DANG BRAM

ZE DANG KHYIM BDAG GI BU MO NYI KHRI DANG, GSER GYI 'OD DANG LDAN ZHING MDOG DKAR BA'I CHIBS PA BSNGAGS LDAN LA SOGS PA RTE'U PHO MO NYI KHRI DANG, GLANG PO CHE MCHOG KHRI DANG, BA GLANG PHO MO DRUG STONG RNAMS BTZAS SO, ,GSER GYIS BRGYAN PA'I GLANG PO CHE NYI KHRI NAM MKHA' NAS SGRA 'BYIN CING SER SKYAR 'ONGS LA, ZAS GTZANG GI MDUN NA 'DON 'CHAR PO'I BU 'CHAR KA YANG SKYES SO, ,'DZAM BU'I GLING GI DBUS SU AA SHVATTHA'I SDONG PO DANG, MA DROS PA'I 'GRAM DU AU DUM BA RA'I ME TOG DAG KYANG KHA 'BUS, GLING PHRA MO RNAMS SU TZAN DANG GYI TSAL DANG, RI'I RTZE MO RNAMS SU BYU RU'I MYU GU DAG 'THON PAR GYUR TO, ,'BAB CHU RO HI TA'I 'GRAM DU SHING DGE BA'I SNYING PO ZHES BYA BA NYI MA GCIG BZHIN KHRU BRGYA SKYE BAR 'GYUR BA, NYI MA MA SHAR BA DE SRING DU SEN MOS KYANG BCAD DU RUNG BA, NYI MA SHAR NAS MES KYANG TSIG TU MI RUNG BA ZHIG SKYES SO, , LUM BI NA'I TSAL DU PADMA SPUNGS PA LTA BU'I MCHOD RTEN BRTZIGS TE SKU BLTAMS PA'I MCHOD RTEN DU GRAGS SO, ,BYANG CHUB SEMS DPAS LONGS SPYOD PA'I DON DU BKOD PA DRI MA MED PA LA SOGS PA SKYED MOS TSAL LNGA BRGYA DANG, GTER LNGA BRGYA YANG BYUNG, KHAMS KYI RGYAL PHRAN NYI KHRI YANG DPYAD 'BUL ZHING 'DUD PAR GYUR TO, ,DE LTAR GYUR PA NA RGYAL PO ZAS GTZANG MAS BU 'DI BTZAS MA THAG BDAG GI 'DOD PA'I DON THAMS

, ,CAD GRUB PAS NA 'DI'I MING DON THAMS CAD GRUB PAR GDAGS SO SNYAM DU BSAMS NAS MTSAN DE LTAR DU BTAGS SO, ,DE NAS YAB YUM GNYIS KYIS MTSAN MKHAN RNAMS LA DRIS PA DANG, DE DAG GIS LUNG BSTAN PA GANGS KYI NGO DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I BSTI GNAS DANG HA CANG MI RING BAR SH'AKYA RNAMS KYI GZHON NU BYUNG BA NI, GAL TE PHO BRANG GI NANG DU BZHUGS PAR GYUR NA 'KHOR LOS BSGYUR BA'I RGYAL PO MTHA' BZHI LAS RNAM PAR RGYAL BA RIN PO CHE SNA BDUN DANG LDAN PAR 'GYUR RO, ,GAL TE SKRA DANG KHA SPU BREGS GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO ZHES LUNG BSTAN TO, ,DE LTAR BYANG CHUB SEMS DPA'I RNAM PAR 'PHRUL PA BSAM GYIS MI KHYAB PAS SEMS CAN BGRANG BA LAS 'DAS PA ZHIG SMIN GROL LA BKOD CING, LHA DANG MI'I MCHOD PA'I BYE BRAG TSAD MED PAS MCHOD CING ZHAG BDUN LUM BA'I TSAL DU BZHUGS SO, ,BYANG CHUB SEMS DPA' SKU BLTAMS PA'I 'OD KYIS 'JIG RTEN KUN SNANG BAR BYAS PA DE'I TSE GANGS RI KUN 'DZIN GYI NGOS LA GNAS PA'I DRANG SRONG NAG PO NYON MONGS MED LA SOGS PA DRANG SRONG MNGON SHES LNGA DANG LDAN PA MANG POS 'OD DE MTHONG ZHING

DKAR PHYOGS KYI LHA RNAMS NAM MKHA' LA DGA' BA'I CA CO SGROG CING BYANG CHUB SEMS DPA' SKU BLTAMS TE MYUR DU SANGS RGYAS NAS CHOS KYI 'KHOR LO BSKOR BAR 'GYUR RO ZHES DGA' BA'I SGRA RGYA CHER SGROGS PA'ANG THOS NAS GCIG LA GCIG 'DI SKAD DU, BYANG CHUB SEMS DPA' DE LA PHYAG BYA BA'I PHYIR 'DOD DO ZHES BGROS PA NA, DRANG SRONG BLO GROS DANG LDAN PA 'GA' ZHIG GIS DA LTA NI TSANGS BA DANG BRGYA BYIN LA SOGS PA LHA DBANG CHE BAR GRAGS PA MANG POS MDUN DU BDAR BAS BYANG CHUB SEMS DPA' MJAL BA'I SKABS MI RNYED KYIS, BYANG CHUB SEMS DPA' SER SKYA'I PHO BRANG DU PHEBS NAS MJAL LO ZHES BGROS SO, ,DE NAS BYANG CHUB SEMS DPA' LHA DANG MI'I MCHOD PA TSAD MED PAS MCHOD BZHIN DU SER SKYA'I PHO BRANG DU SPYAN DRANGS SO, ,DE NAS SKYE BO RNAMS KYI YUL CHOS KYIS BYIS PA SKYES NAS RING PO MA LON PAR RANG RANG GI YUL LHA MCHOD PAR BYED PAS, CHOS NYID KYIS SH'AKYA RNAMS NI SH'AKYA SU YANG RUNG BA LA KHYE'U 'AM BU MO GANG BTZAS PA DE GNOD SBYIN SH'AKYA 'PHEL ZHES BYA BA GNYUG MAR GNAS PA LTAR GRAGS PA ZHIG YOD DE, DE'I RKANG PA LA PHYAG 'TSAL BA'I PHYIR LHA KHANG DU 'KHRID PA YIN PAS SH'AKYA RGAN RABS RNAMS 'DUS TE RGYAL PO LA GZHON NU LHA KHANG DU BKUR DU GSOL, RGYAL POS GNANG STE, GRONG KHYER THAMS CAD DGE MTSAN

, ,DANG BKRA SHIS KYIS BRGYAN PAR BYAS NAS, RGYAL PO NYID KYIS SKYE DGU'I BDAG MO LA GZHON NU LHA KHANG DU BKUR GYI RGYAN THOGS SHIG ,DES KYANG BYANG CHUB SEMS DPA'I RNA BA PHUG NAS RNA RGYAN SENG GE CAN BTAGS TE LHA KHANG DU BKUR RO ZHES SMRAS PA DANG, GZHON NUS SMRAS PA, LHA RNAMS KYIS BDAG GI RKANG PA LA BTUD NA SU ZHIG BDAG GI GONG NA 'PHAGS, 'ON KYANG 'JIG RTAN GYI RJES SU SNYEG PA TZAM DANG, BDAG MTHONG NA SKYE BO RNAMS DGA' BAR 'GYUR BAS MCHI'O, ,ZHES SMRAS PA DANG, RGYAL POS GZHON NU PANG DU BLANGS TE GLANG PO CHES DRANGS PA'I RIN PO CHE SNA BZHIS BRGYAN PA'I SHING RTA LA 'KHOD NAS BKOD PA CHEN POS BYON PA NA, SH'AKYA GTUM PO DE DAG THAMS CAD KYANG BYANG CHUB SEMS DPA'I GZI BRJID MA BZOD PAR BAG 'KHUM PAR GNAS SHING, SROG CHAGS GTUM PO GZHAN DAG KYANG CA CO'I SGRA MED PAR BYANG CHUB SEMS DPA'I GDONG LA GUS PAR BLTA ZHING GNAS PAS SH'AKYA THUB PA ZHES MTSAN BTAGS SO, ,DE NAS BYANG CHUB SEMS DPA' LHA KHANG DU 'JUG PAR BRTZAM PA NA GNOD SBYIN SH'AKYA 'PHEL GYIS BYANG CHUB SEMS DPA' RANG GI GNAS DANG NYE BAR BYON PA MTHONG NAS DES BSU BA'I PHYIR PHYIR BYUNG STE, BYANG CHUB SEMS DPA'I ZHABS GNYIS LA SPYI BOS GTUGS PA

DANG, LHA KHANG DER GZHON NU'I ZHABS G-YAS PA BZHAG MA THAG ,ZLA BA DANG, NYI MA DANG, 'JIG RTEN SKYONG BA BZHI DANG, BRGYA BYIN DANG, SKEM BYED DANG, DBANG PHYUG CHEN PO DANG, TSANGS PA LA SOGS PA LHA'I GZUGS RNAMS RANG RANG GI GNAS LAS LANGS TE BYANG CHUB SEMS DPA'I ZHABS LA PHYAG BYAS PA NA SA YANG G-YOS SO, ,DE ZAS GTZANG LA SMRAS PA DANG, RGYAL POS LHAS KYANG GZHON NU'I RKANG PA LA GTUGS PAS LHA'I YANG LHA ZHES MTSAN BTAGS SO, ,DE NAS DRANGS SRONG NYON MONGS MED 'KHOR DANG BCAS PA BYANG CHUB SEMS DPA'I ZHAL BLTA BAR 'ONGS PA NA, DE'I TSE DRANG SRONG DE DAG 'GRO BA THAMS CAD KYI MCHOD GNAS SU BKUR ZHING NAM MKHA' LAS 'GRO 'ONG BYED PA YIN YANG, SER SKYA'I GRONG MTHONG BA NA BYANG CHUB SEMS DPA'I GZI BRJID KYI MTHUS DRANG SRONG DE DAG GI RDZU 'PHRUL NYAMS TE RKANG PAS 'ONGS NAS RGYAL PO ZAS GTZANG LA GZHON NU MJAL BAR ZHUS PA NA RGYAL PO ZAS GTZANG GIS DRANG SRONG DE DAG GUS PAS MCHOD DE STAN BZANG PO LA BZHAG NAS GZHON NU'I SKU GZUGS BLTAR BCUG GO ,DE NAS DRANG SRONG DE DAG GIS GZHON NU'I SKU LUS LA MTSAN BZANG PO SUM CU RTZA GNYIS DANG DPE BYANG BRGYAD CUS SPRAS PAR MTHONG NAS DAD PA LHAG PAR SKYES TE, GZHON NU 'DIS NAM ZHIG NA CHOS KYI 'KHOR LO BSKOR SNYAM DU MNGON SHES KYIS BRTAGS PA NA, LO NYI SHU RTZA DGU NI

, ,KHAB TU BZHUGS, DE NAS LO DRUG TU DKA' BA SPYAD, DE NAS DKA' SPYAD DE LAS BZHENGS TE 'TSANG RGYA BA DANG, DE NAS CHOS KYI 'KHOR LO BSKOR BAR MTHONG LA, RANG LA DE'I BAR DU SDOD PA'I TSE MED PAR CHOS KYI BDUD RTZI MA MYONG BAR 'CHI BAR MTHONG NAS SDUG BSNGAL DANG MYA NGAN DRAG POS NON TE NGUS SO, ,DE LA RGYAL PO ZAS GTZANG MAS DRANG SRONG CHEN PO DU BCI YIN, GZHON NU 'DI LA MI LEGS PA'I MTSAN MA MA MTHONG NGAM ZHES DRIS PA NA, DRANG SRONG DE DAG GIS SMRAS PA, GZHON NU LA MTSAN MA NGAN PA GANG YANG MED KYI, 'DI NI NGES PAR SANGS RGYAS NAS CHOS KYI 'KHOR LO BSKOR TE, RANG LA DE'I BAR DU SDOD PA'I DBANG MED PAR 'CHI BAR RIG NAS RANG GI NYES PA MTHONG STE DU PA YIN NO ZHES ZER RO, ,DE NAS DRANG SRONG DE DAG GIS BYANG CHUB SEMS DPA'I SKU GZUGS LA SMON LAM LEGS PAR BTAB STE RANG GNAS SU SONG NGO, ,TSUL 'DI DAG LA LEGS PAR DPYOD SHES NA BYANG CHUB LAM GYI RIM PA'I NYAMS LEN GYI GNAD LA NGES PA LHAG PAR SKYE STE, TSANGS PA DANG BRGYA BYIN GYI DPAL THOB PA DANG, DRANG SRONG MNGON SHES LNGA DANG LDAN PA'I GO 'PHANG THOB PA LAS BYANG CHUB LAM GYI RIM PA'I CHOS THOS PA RNYED DKA' BAR GRUB BO, ,DES NA BYANG CHUB LAM GYI RIM PA LA NYAMS LEN BYA RGYU YOD PA'I SKABS 'DIR BSKAL MANG STONG DU RNYED DKA' BA SHES PAR BYAS LA LAN CIG RNYED PA 'DI CHUD BZOS PAR LA ? KYI RIM PA'I DMIGS RNAM BSKYANG BAR BYA'O, ,DE NAS BYANG CHUB SEMS

DPA' DGUNG LO BDUN LA BAB PA NA GTZUG PHUD BZHAG CING DE'I DUS STON YANG BYAS LA, SKAR MA RGYAL LA BAB PA'I DUS SU RGYAN 'DOGS PAR BRTZAMS TE, THOG MAR SH'AKY'A RGYAL PO BZANG POS GZHON NU'I PHYIR RGYAN JI SNYED CIG BYAS PA BYANG CHUB SEMS DPA'I LUS LA BTAGS MA THAG RGYAN RNAMS MOG MOG POR GYUR TE, TSAL DE'I LHA MO DRI MA MED PA ZHES BYA BAS RANG GI LUS MNGON SUM DU BSTAN TE 'DI LA NI RANG BZHIN GYI MTSAN GYIS SPRAS PA'I RGYAN MDZES KYI, BCOS MA'I RGYAN MI MDZES SO ZHES SMRAS TE MI SNANG BAR GYUR TO, ,DE NAS BYANG CHUB SEMS DPA' BZO RIG PA'I SGYU RTZAL GYIS SEMS CAN GYI DON MDZAD PAR BZHED PA NA YAB ZAS GTZANG GIS BSKUL NAS DANG POR YI GE'I GRVAR BYON TE BKOD PA CHEN PO BSHAMS NAS, BYIS PA'I SLOB DPON KUN GYI BSHES GNYEN, MING GZHAN SRIN BU GO CHAR GRAGS PA DE NYID YI GE'I RIGS THAMS CAD LA MKHAS PA YIN PAS, DE'I GAN DU BYON PA DANG BYANG CHUB SEMS DPA'I GZI BRJID MA BZOD NAS KHA BUB TU 'GYEL TO, ,DE LTAR 'GYEL BA DGA' LDAN GYI LHA'I BU YAN LAG BZANG POS BSLANG STE, ZAS GTZANG DANG SKYE BO'I TSOGS LA BYANG CHUB SEMS DPA'I GONG NA SLOB DPON GZHAN MED MOD KYIS, SEMS CAN SMIN PAR BYA PHYIR YI GE'I GRVAR ZHUGS SO, ,ZHES SMRAS NAS MI SNANG BAR GYUR TO, ,DE NAS ZAS GTZANG DANG 'KHOR GZHAN RNAMS LOG STE 'KHROR BYIS PA KHRI DANG DE'I NANG NAS MCHOG TU GYUR PA LNGA BRGYA DANG LHAN CIG PAR YI GE'I GRVAR ZHUGS NAS ,

, ,TZAN DAN SBRUL GYI SNYING PO LAS BYAS PA'I YI GE'I BYANG SHING LHA'I TSON GYIS BYUGS PA GSER GYI YANG MIG GIS BTAGS PA THA MA NOR BU RIN PO CHES BRGYAN PA THOGS SO, ,SRIN BU GO CHAS YI GE GCIG NAS LNGA BRGYA'I BAR BRIS PA THOGS PA DANG, BYANG CHUB SEMS DPAS 'DI DAG NGAS SHES KYI GZHAN SMROS SHIG, GSOL PA, 'JIG RTEN NA 'DI TZAM SPYOD KYI GZHAN NI MA 'TSAL TO, ,ZHES BRJOD PA NA, BYANG CHUB SEMS DPAS TSANGS PA'I YI GE LA SOGS PA YI GE'I RNAM GRANGS SNGON SUS KYANG MA THOS PA BGRANG BA LAS 'DAS PA ZHIG GSUNGS SHING, YI GE'I PHYI MO SLOB PA NA AA ZHES BRJOD PA'I TSE CHOS THAMS CAD STONG PA NYID LA SOGS PA STONG PA DANG, BDAG MED PA DANG, 'DU BYED THAMS CAD SDUG BSNGAL GYI RANG BZHIN CAN LA SOGS PA'I NGES PAR 'BYUNG BA'I CHOS KYI SGRA DBYANGS DPAG TU MED BA BSGRAGS TE YI GE'I SLOB DPON DU BYED PA DE DANG, BYIS PA KHRI KHRAG MANG PO DANG SROG CHAGS GZHAN NYI KHRI DANG NYIS STONG BYANG CHUB TU SMIN PAR BYAS SO, ,DE BZHIN DU RTZIS PA SRID SGRUB KYI THAD DU RTZIS SLOB PA'I TSUL BSTAN PA NA, BYANG CHUB SEMS DPAS RTZIS KYI SLOB DPON SRID SGRUB KYIS SNGON CHAD MING TZAM YANG MA THOS PA'I RTZIS KYI RNAM GRANGS DAG GSUNGS SHING, RDUL PHRA RAB LA 'JUG BA ZHES BYA BA'I RTZIS BSTAN TE, STONG GSUM GYI STONG CHEN PO'I 'JIG RTEN GYI KHAMS 'DI LA RDUL PHRA MO'I GRANGS JI CAM YOD PA SHES PAR NUS PA'I RTZIS BSTAN PA NA LHA MI THAMS CAD

NGO MTSAR DU GYUR CING, SROG CHAGS GRANGS MED PA ZHIG BYANG CHUB TU SMIN PAR MDZAD DO, ,DE BZHIN DU MDA' 'PHANG BA DANG, MCHOD PA BYED PA DANG, GYAD KYI 'DZIN STANGS LA SOGS PA SGYU RTZAL THAMS CAD RE RE NAS SNGON CHAD SUS KYANG MA NUS PA DAG BSTAN TE THABS MKHAS KYI 'PHRUL DE DANG DES LHA MI BGRANG BA LAS 'DAS PA SMIN GROL LA BKOD DO, ,DE NAS GRAGS 'DZIN MA LA SOGS BA'I BTZUN MO DRUG KHRI KHAB TU BZHES TE BYANG CHUB SEMS DPA' RANG NYID 'DOD CHAGS KYI DBANG DU GYUR PA MA YIN YANG, DPA' BAR 'GRO BA'I TING NGE 'DZIN GYI 'PHRUL GYIS BTZUN MO DRUG KHRI PO DE DAG THAMS CAD LA RANG RANG DANG MNYAM DU BYANG CHUB SEMS DPA' RE RE BZHUGS BAR SNANG ZHING, THABS MKHAS KYI SPYOD PA DES BTZUN MO DE DAG DANG, GZHAN YANG SROG CHAGS BGRANG BA LAS 'DAS PA ZHIG SMIN CING GROL BAR MDZAD DO, ,DE'I TSE BYANG CHUB SEMS DPA' RANG NYID SNGON BSKAL PA GRANGS MED PA'I SNGON ROL NAS RTZOD LDAN TSE LO BRGYA PA'I DUS KYI 'GRO BA RNAMS KYI MGON DU 'BYON PAR THUGS BSKYED CING, DON DE THUGS LA BRANGS NAS NAM ZHIG 'TSANG RGYA BA'I DUS NGES PAR MKHYEN PA YIN YANG, PHYOGS BCU'I SANGS RGYAS RNAMS DANG DKAR PHYOGS KYI LHA RNAMS KYIS BYANG CHUB SEMS DPA' BTZUN MO'I 'KHOR DU YUN RING NA GDUL BYA MANG PO ZHIG DUS LAS YOL BAR 'GYUR BAS DA NI KHAB NAS BYUNG STE 'TSANG RGYA BA'I MDZAD PA MYUR DU STON DGOS SO ZHES YANG DANG YANG DU BSKUL ZHING, SANGS RGYAS RNAMS KYI MTHUS GLU DBYANGS DANG SIL SNYAN GYI SGRA

, ,LAS; SDUG BSNGAL BRGYAS GANG SEMS CAN MTHONG NAS NI, ,'GRO BA'I MGON DANG SKYABS DANG GNAS GYUR CING, ,PHAN BYED MGON DANG DPUNG GNYEN GYUR CIG CES, ,KHYOD KYIS SNGON NI SMON LAM DE SKAD BTAB, ,DGE BA DPA' BO SNGON GYI SPYOD PA DANG, ,'GRO PHAN BYA ZHES SMON LAM DRAN PAR BYOS, ,'DI NI KHYOD KYI DUS DANG TSOD YIN GYIS, ,DRANG SRONG MTSOG RAB KHYIM NAS 'BYUNG BAR BYOS, ,ZHES SOGS KYIS BSKUL ZHING, BTZUN MO RNAMS KYI ROL MO'I SGRA LAS KYANG SNGON GYI SKYES RABS DAG GLANGS TE, SRID GSUM RGA DANG NAD KYI SDUG BSNGAL 'BAR, ,'CHI MED RAB 'BAR 'DI NI MGON MED PA, ,SRID LAS 'BYUNG LA 'GRO BA RTAG TU RMONGS, ,BUM PAR CHUD PA'I BUNG BA 'KHOR BA BZHIN, ,SRID GSUM MI BRTAN STON KA'I SPRIN DANG 'DRA, ,'GRO BA'I SKYE 'CHI GAR LA BLTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU LTA BUR MYUR MGYOGS 'GRO, ZHES SOGS NAS, SNGON GYI SPYAD DE RJES SU DRAN GYIS LA, ,GTI MUG MA RIG MUN PAS BSGRIBS PA YI, ,'GRO LA SHES RAB DAM BA 'OD BZANG BA, ,CHOS MIG DRI MED NYON MONGS MED PA BYIN, ,ZHES SOGS RGYA CHER BSKUL BA NA BYANG CHUB SEMS DPA' YANG MYUR DU RAB TU 'BYUNG BA'I DUS LA BAB PAR DGONGS SO, ,DE NAS BYANG CHUB SEMS DPA' SKYED TSAL GZIGS PA'I PHYIR SHAR SGO NAS PHEBS PA NA GNAS

GCENG MA'I LHA DAG GIS SPRUL PA'I RGAN PO RGAS SHING 'KHOGS PA, RGAS PA'I SDUG BSNGAL GYIS NYEN PA GZIGS TE, 'DUN PA LA, KHA LO SGYUR BA MI RED NYAM CHUNG ZHING, ,SHA KHRAG BSKAMS LA RGYUS PAGS NYI TSES DKRIS, ,MGO DKAR SO RGAL LUS NI RAB SKEM LA, ,'KHAR BA BRTEN CING MI BDE 'KHYOR 'GRO SU, ,DES SMRAS PA, LHA CIG MI 'DI RGI BAS ZIL GYIS NON, ,DBANG PO NYAMS SHING SDUG BSNGAL BRTZON STOBS NYAMS, ,GNYEN GYI SKYE BOS BRNYAS SHING MGON MED GYUR, ,DON BGYID MI NUS NAGS KHROD SHING LTAR BOR, ,BYANG CHUB SEMS DPAS SMRAS PA, 'DI YI CHOS 'DI RIGS KYI YIN NAM 'ON TAM NI, ,'GRO BA 'DI KUN LA YANG 'DI SRID DE SMROS SHIG, TSIG 'DI YANG DAG JI BZHIN MYUR DU SMROS SHIG DANG, ,THOS NAS DE BZHIN DON LA 'DIR NI TSUL BZHIN BSAM, ,DES SMRAS PA, LHA 'DI RIGS CHOS MA YIN YUL 'KHOR CHOS MA LAGS, ,SKYE BO KUN GYI DAR LA BAB PA RGA BAS 'JOMS, ,KHYOD KYI YAB DANG YUM DANG NYE DU GNYEN TSOGS KYANG, ,RGA LAS MI THAR 'BROS PA'I THABS NI GZHAN MA MCHIS, ,BYANG CHUB SEMS DPAS SMRAS PA, KHA LO SGYUR BA BYIS PA'I SKYE BO MI MKHAS PA'I, ,BLO NGAN GZHON PAS RGYAGS SHING MYOS PAS RGAS MA MTHONG, ,NGA NI SLAR 'GRO NGA YI SHING RTA MYUR DU SGYUR, ,DA YANG RGAS LA GNAS PAS RTZE

, ,DAGS CI ZHIG BYA, ZHES GSUNGS NAS NANG DU LOG GO ,YANG LHO SGOR PHEBS PAS, NA BA GZIGS TE SMRAS PA, KHA LO BSGYUR BA MI RTZUB LUS KYI MDOG NGAN LA, ,DBANG PO THAMS CAD NYAMS SHING DBUGS DBYUNG RAB TU DKA', ,YAN LAG KUN BSKAMS LTO BAS DKRUGS SHING NYAM THAG GYUR, ,RANG GI GCIN RTUG SMAD PA'I GNAS NA 'DUG 'DI SU, ,DES SMRAS PA, LHA CIG MI 'DI SHIN TU NAD KYIS BTAB PA STE, ,NAD KYI 'JIGS PA NYE BAR MCHIS PAS 'GUM LA THUG ,NAD MED GZI BRJID MA MCHIS STOBS KYANG RNAM PAR NYAMS, ,MGON DANG SKYABS DANG GLING DANG DPUNG GNYEN MA MCHIS LAGS, BYANG CHUB SEMS DPAS SMRAS PA, NAD MED PA YANG RMI LAM NA NI RTZE DANG MTSUNGS, ,NAD KYI 'JIGS PA 'DI LTAR SHIN TU MI BZAD PA, ,SKYES BU MKHAS PAS GNAS 'DI MTHONG NAS JI LTA BUR, ,RTZE LA DGA' DANG SDUG PA'I 'DU SHES SKYED PAR 'GYUR, ,ZHES GSUNGS NAS NANG DU LOG GO ,YANG NUB TU SHI BA GZIGS TE SMRAS PA, KHA LO BSGYUR BA MI 'DI KHYOGS LA BLANGS NAS NI, ,'DI DAG SKRA BSHIG MGO LAS YIS 'THOR BYED CING, , SNA TSOGS NGAG GI TSIG NI BRJOD LA BRANG BRDUNG BAS, ,KUN NAS BSKOR BA BYAS TE KHYER BA SU ZHIG YIN, ,DES SMRAS PA, LHA CIG MI 'DI 'DZAM BU'I GLING DU GUM PA STE, ,SLAN CHAD PHA MA MCHIS BRANG BU RNAMS MTHONG MI

'GYUR, ,LONGS SPYOD KHYIM DANG MDZA' BSHES GNYEN TSOGS SPANGS NAS NI, 'JIG RTEN PHA ROL MCHIS TE SLAN CHAD GNYEN MI MTHONG, ,BYANG CHUB SEMS DPAS SMRAS PA, RGA BAS GNOD PAR 'GYUR BA'I GZHON PA CIR MI RUNG, , SNA TSOGS NAD KYIS GNOD 'GYUR NAD MED CIR MI RUNG, ,RING DU MI GNAS GSON PA MKHAS LA CIR MI RUNG, ,DGA' LA CHAGS PA SKYES BU MKHAS PA CIR MI RUNG, ,GAL TE RGA MED NA MED 'CHI BA MED GYUR KYANG, ,'ON KYANG PHUNG PO LNGA 'DZIN SDUG BSNGAL CHE YIN NA, ,RGA NA 'CHI BA RTAG TU 'BRANG BA SMOS CI DGOS, ,LEGS PAR SLAR LOG RAB TU THAR BAR BYA BA BSAM, ,ZHES GSUNGS NAS NANG DU LOG GO, YANG, BYANG SGOR DGE SLONG GZIGS TE SMRAS PA, KHA LO BSGYUR BA SKYES BU SEMS ZHI RAB ZHI ZHING, ,MIG PHAB 'GRO LA GNYA' SHING GANG TZAM LTA BYED CING, ,DUR SMRIG GOS GYON SHIN TU RAB TU ZHI BAR SPYOD, ,LHUNG BZED THOGS NAS MI RGOD MA KHENGS SU ZHIG YIN, ,DES SMRAS PA, LHA CIG MI 'DI DGE SLONG ZHES NI BGYI BA LAGS, ,'DOD PA'I DGA' BA SPANGS SHING SHIN TU DUL BAR SPYOD, ,BDAG NYID ZHI BA 'TSOL ZHING RAB TU BYUNG BAR GYUR, ,'DOD CHAGS ZHE SDANG BRAL BA BSOD SNYOMS SPYOD CING RGYU; ;BYANG CHUB SEMS DPAS SMRAS PA, 'DI NI DGE BAR LEGS SMRAS NGA YANG 'DOD PA STE, ,RAB TU BYUNG BA MKHAS PA RNAMS KYIS RTAG TU BSNGAGS, ,DE NI BDAG LA PHAN ZHING SEMS CAN GZHAN LA'ANG PHAN, ,'TSO BA

, ,BDE ZHING NYAMS MTHUN 'CHI MED 'BRAS BUR 'GYUR, ,ZHES GSUNG ZHING SHING RTA KHA BSGYUR TE NANG DU BYON NO, ,DE NAS BYANG CHUB SEMS DPA' DGUNG LO NYI SHU RTZA DGU LA BAB PA KUN 'DZIN CES PA SA PHO BYI BA'I LO STON ZLA RA BA'I YAR TSES BRGYAD KYI THO RANGS SKAR MA RGYAL SHAR BA DANG DUS MNYAM DU KHANG BZANG GI STENG DU PHEBS NAS PHYOGS BCU'I SANGS RGYAS THAMS CAD LA PHYAG BTZAL TE SNYIGS MA'I 'GRO BA RNAMS KYI DON DU MYUR DU 'TSANG RGYA BAR THUGS SMON MDZAD PA NA, NAM MKHA'I DBYINGS 'DI THAMS CAD BYANG CHUB SEMS DPA' RNAMS DANG, TSANG BA DANG, BRGYA BYIN DANG, 'JIG RTEN SKYONG BA BZHI LA SOGS PA DKAR PHYOGS KYI LHA RNAMS DANG, GZHAN YANG GNOD SBYIN DANG, DRI ZA DANG, KLU LA SOGS PA MCHOD PA'I BYE BRAG SNA TSOGS THOGS PAS YONGS SU GANG ZHING, GSANG BA'I BDAG PO PHYAG NA RDO RJE DANG SDE DPON CHEN PO RNAM THOS SRAS KYIS LNGAS RTZEN LA BKA' BSGOS TE RGYAL PO'I PHO BRANG GI CHAB SGO THAMS CAD BSRUNG MA GO MTSON THOGS PA BRGYA PHRAG MANG POS BKAG PAS KHANG BZANG GI STENG NAS CHIBS BA BSNGAGS LDAN GYI THAD DU LHA'I BZO BOS BCOS PA'I SKAS TSUGS SHIG CES BKA' BSGOS BAN LNGAS RTZEN GYIS DE MA THAG SKAS BTZUGS SO, ,DE NAS BYANG CHUB SEMS DPA' LHA'I SKAS DE LA BABS NAS BSNGAGS LDAN LA CHIBS PA NA, BRGYA

BYIN GYIS BKRA SHIS KYI SHAR SGO PHYE, TSANGS RIS KYI LHA RNAMS KYIS G-YAS LOGS NAS BRTEN, 'DOD PA'I LHA RNAMS KYIS G-YON LOGS NAS BRTEN, TSANGS PA DANG BRGYA BYIN GNYIS KYIS SNA DRANGS, NAM MKHA'I DBYINGS THAMS CAD MCHOD PA'I BYE BRAG GIS GANG, DKAR PHYOGS KYI LHA MANG POS GOS KYI G-YAB MO G-YOB BZHIN DU 'JIG RTEN SKYONG BA BZHIS BSNGAGS LDAN GYI SUG PA BZHI NAS BTEG STE MYUR BAR PHEBS NAS SH'AKYA'I YUL DANG, KE'U RTA'I YUL DANG, GYAD YUL RNAMS LAS 'DAS, ME NE YA'I YUL GYI GRONG BRDAL LAS KYANG DPAG TSAD DRUG PHYIN PA YUL SPONG BYED KYI GRONG GI NYE 'DABS CHU KLUNG YID 'ONG LDAN GYI 'GRAM DU BYON PAN NAM LANGS SO, ,CHOS 'BYUNG 'GA' ZHIG LAS SH'AKYA'I PHO BRANG NAS ME NE YA'I YUL GYI BAR LA DPAG TSAD DRUG YOD CING, YUL DE NAS CHU KLUNG YID 'ONG LDAN GYI BAR LA DPAG TSAD DRUG YOD PAS THO RANGS DE LA DPAG TSAD BCU GNYIS KYI BAR DU PHEBS PA YIN ZHES 'BYUNG NGO, ,GNAS DE NA SNGON 'DAS PA'I SANGS RGYAS GSUM GYI GTZUG PHUD BREGS PA'I MCHOD RTEN RNAM DAG GSUM YOD PAR BSHAD CING, MCHOD RTEN RNAM DAG DE DAG GI DRUNG DU BYANG CHUB SEMS DPAS KHA LO BSGYUR BA 'DUN PA LA DA'I RGYAN DANG BSNGAGS LDAN KHYER LA GNYEN RNAMS KYI DRUNG DU SONGS SHIG CES BKA'

, ,STZAL PA NA 'DUN PAS MCHI MCHAR BZHIN DU PHAB STE DU BZHIN DU GZHON NU RGYAL PO'I PHO BRANG NA 'KHOR KHRI KHRAG MANG PO DANG BCAS BZHUGS PA, DA NAGS KHROD DBEN PAR GCIG PHUR JI LTAR BZHUGS ZHUS PA NA, BYANG CHUB SEMS DPAS BKA' STZAL PA, SKYE DGU 'DI NI SKYE NA'ANG GCIG PU SKYE, ,DE BZHIN 'CHI NA'ANG GCIG PU 'CHI BAR 'GYUR, ,'DI NA GCIG PUS SDUG BSNGAL MYONG 'GYUR GYI, ,'KHOR BA LA NI GROGS YOD MA YIN NO, ,ZHES GSUNG, DE NAS BYANG CHUB SEMS DPAS RANG GI DBU SKRA RANG GIS BCAD DE GNAM DU GTOR BA NA, BRGYA BYIN GYIS MKHA' LAS BLANGS TE SUM CU RTZA GSUM DU KHYER NAS LHA RNAMS KYI MCHOD PA'I RTEN BYED CING LO RE BZHIN GTZUG PHUNG KYI DUS STON YANG BYED CES GRAG GO ,DE NAS BYANG CHUB SEMS DPAS NA BZA' KA SHI KA'I RAS KHYAD PAR CAN 'DI LTA BU GYON PA RAB TU BYUNG BA'I TSUL DANG MI MTHUN NO SNYAM DU DGONGS NAS DUR SMRIG GI GOS GYON PAR BZHED PA NA BRGYA BYIN GYIS SNGON GYI DRANG SRONG RNAMS KYIS BYANG CHUB SEMS DPA'I CHED DU SMON LAM BTAB STE BZHAG PA'I DUR SMRIG GI GOS BLANGS TE BYANG CHUB SEMS DPA' LA PHUL, KA SHI KA'I NA BZA' RNAMS BRGYA BYIN GYIS BLANGS TE SPYI BOR KHYER NAS SUM CU RTZA GSUM DU MCHOD PA'I RTEN DU BZHUGS SHING LO RE BZHIN NA BZA'I DUS STON YANG BYED

CES GRAG GO ,GNAS DER GTZUG PHUD DOR BA'I MCHOD RTEN DANG, DUR SMRIG BLANGS PA'I MCHOD RTEN DANG, 'DUN PA PHYIR LOG PA'I MCHOD RTEN GSUM YOD PAR GRAGS SO, ,DE NAS BYANG CHUB SEMS DPAS SH'AKYA'I GRONG NAS DE'I BAR LA DPAG TSAD BCU GNYIS YOD MOD KYANG, DA DUNG NYE DU DANG THAG NYE BA NI MI LEGS PAR DGONGS NAS CHU BO GANGG'A BRGAL TE MA GA DHAR BYON NO, ,DE LTAR STON PAS 'KHOR LOS BSGYUR BA'I DPAL THAMS CAD MCHIL MA'I THAL BA BZHIN DU DOR ZHING, SKU'I RGYAN DANG NA BZA' TSUN CHAD DOR TE RAB TU BYUNG NAS BSOD SNYOMS MDZAD PA NI GDUL BYA RNAMS LA 'DI LTAR BYA DGOS SO ZHES 'DOMS PA STE, SNGON BYUNG STON PA'I RNAM THAR RJES 'JUG GDUL BYA'I NYAMS LEN DU 'KHYER BAR BYA BA YIN PAS BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS STON PA THUGS RJE CAN GYI MDZAD PA RNAM THAR 'DI DAG DRAN PAR BYAS LA THOG MAR RANG YUL NYE DU DANG BCAS PA GANG LA'ANG MA CHAGS PAR DOR NAS RGYAL BA'I BSTAN PA LA RAB TU BYUNG STE , BYA DANG RI DVAGS BZHIN DU GSOG 'JOG GANG YANG MI BYA BAR 'TSO BA BSOD SNYOMS KYIS 'TSO BAR BYAS TE BYANG CHUB LAM RIM GYI NYAMS LEN BYA DGOS PA YIN PAS STON PA THUGS RJE CAN GYI RNAM THAR BZANG PO 'DI DAG YANG DANG YANG DU BSAMS TE

, ,RANG GI NYAMS LEN DU 'KHYER SHES PA ZHIG BYA'O, ,DE NAS BYANG CHUB SEMS DPAS RGYAL PO'I KHAB TU BSOD SNYOMS LA BYON PA NA RGYAL PO GZUGS CAN SNYING PO 'KHOR BCAS KYIS MTHONG STE NGO MTSAR NAS BYANG CHUB SEMS DPA'I DRUNG DU PHYIN TE BRTAGS PAN GZHON NU DON THAMS CAD GRUB PA YIN PAR NGO SHES NAS BLOR MA SHONG BAR BRGYAL LO, ,BRGYAL BA DE LAS SANGS NAS BYANG CHUB SEMS DPA' LA PHYAG BTZAL TE GSOL PA, KHYOD LA RGYAL SRID KYI PHYED 'BUL GYI, BDAG GI GROGS MDZOD LA PHYIN CHAD RI'I SUL DANG RTZVA'I GDING BA LA MA BZHUGS SHIG CES ZHUS PA NA, LAN GSUNGS PA, RTZE MO SNA TSOGS YANGS PAR GYUR PA YI, ,LHUN PO GANGS CAN RLUNG GIS BSKYOD SRID KYIS, ,NGA YI BLO NI THAR PA LA BRTEN PA, ,'DOD PA'I SHUGS KYIS BSKYOD PAR MI NUS SO, ,ZHES GSUNGS, DE NAS BYANG CHUB SEMS DBAS DRANG SRONG RNAMS KYI KHROD DU BYON TE DRANG SRONG DKA' THUB SBYOD PA DE DAG GIS DKA' THUB GANG DANG GANG SPYOD PA DE DANG DE LAS NYIS 'GYUR NYIS 'GYUR DU MDZAD PA NA DRANG SRONG DE DAG NGO MTSAR TE DGE SBYONG 'DI NI CHEN PO ZHIG GO ZHES BRJOD PAS DE PHYIN CHAD DGE SBYONG CHEN PO ZHES MTSAN DU GRAGS SO, ,DE NAS YAB ZAS GTZANG MAS BYANG CHUB SEMS DPA' G-YOG MED PAR 'KHYAM MO ZHES THOS NAS, RGYAL PO ZAS GTZANG MAS G-YOG SUM BRGYA DANG, SRU SKYE DGU'I BDAG MOS LHAS

BSTAN NAS MI NYIS BRGYA ZHABS 'BRING DU BTANG NGO, ,DE NAS BYANG CHUB SEMS DPAS 'KHOR LNGA BRGYA YOD PA DE DANG MNYAM DU SPYOD PA NA DBEN PAR 'KHOR MANG PO BSTEN PA 'DI MA LEGS SO SNYAM DU DGONGS NAS BYINGS RNAMS PHYIR SLOG CING; YAB DANG SRU'I PHYOGS KYI NGO BSRUNG BA DANG LNGA PO DE LA DGE BA'I RTZA BA YOD PAR MKHYEN NAS KO'U DI N+YA LA SOGS PA MI LNGA ZHABS 'BRING DU BSTEN NO, ,DE NAS BYANG CHUB SEMS DPAS CHU KLUNG NEE RANYDZA NA'I 'GRAM GYI SHING DRUNG ZHIG TU DKA' THUB LA BZHUGS TE THOG MAR 'BRAS 'BRU RE RE TZAM GSOL ZHING, DE NAS RIM GYIS 'BRU RE RE GSOL BA DE YANG SPANGS NAS LO DRUG TU SKYIL MO KRUNG BCAS NAS TING NGE 'DZIN LA BZHUGS SO, ,DE LTAR DKA' BA SPYAD BA'I BRTUL ZHUGS LO DRUG PO DES LHA DANG MI KHRAG KHRIG PHRAG BCU GNYIS DANG, BYE BA PHRAG DRUG CU RTZA BZHI THEG PA GSUM LA SMIN PAR MDZAD DO, ,DE'I TSE LHA NAS LTO 'PHYE'I BAR SDE BRGYAD RNAMS KYIS NYIN MTSAN DU MCHOD CING SMON LAM 'DEBS SO; ;LHA DANG MI GANG DAG RGYA CHEN PO LA MOS PA DE DAG GIS NI BYANG CHUB SEMS DPA' RIN PO CHE'I KHANG PA BRTZEGS BA NA 'DUG CING, BDE BA MYONG BAR MTHONG NGO, ,LHA DANG MI CHOS BSTAN PAS ZSMIN PAR MDZAD PA RNAMS KYIS CHOS 'BA' ZHIG 'CHAD PAR MTHONG NGO, ,SEMS CAN SPYI MTHUN GYIS NI DKA' BA SPYOD PA SNGAR SMOS PA BZHIN DU MTHONG NGO, ,DKA' SPYAD MDZAD PA DES PHYI ROL PA'I DRANG SRONG SA YA PHRAG BZHI DANG NYIS 'BUM BTUL TE BYANG CHUB TU SMIN PAR MDZAD

, ,DO; ;DE NAS BYANG CHUB SEMS DPAS 'DI SNYAM DU DGONGS TE, DKA' THUB GCIG PUS 'TSANG RGYA BAR MI NUS KYI MTHA' GNYIS SPANGS PA'I DBU MA'I LAM LA BRTEN TE 'TSANG RGYA BAR BYA'O SNYAM DU DGONGS SHING, PHYOGS BCU'I SANGS RGYAS RNAMS KYIS KYANG DKA' THUB LAS BZHENGS TE BYANG CHUB KYI SNYING POR 'TSANG RGYA BA'I MDZAD PA STONG DGOS SO ZHES YANG DANG YANG DU BSKUL BA LA BRTEN NAS, DKA' THUB LAS BZHENGS TE DBUGS 'BYUNG RDUB CI BDER MDZAD PA DANG, ZHAL ZAS RAGS PA GSOL TE SKU LUS KYI STOBS BSKYED DO, ,DE NAS CHU KLUNG NEE RANYDZA NAR SKU KHRUS MDZAD DE PHYAG DAR KHROD KYI GOS GSOL NAS, SNGON YUN RING PO NAS SMON LAM BTAB BA GRONG PA'I BU MO LEGS SKYES MA DANG DGA' STOBS MA GNYIS KYI TSOGS RDZOGS PAR BYA BA DANG, SKU'I GZI MDANGS BSKYED NAS GDUL BYA RNAMS LA MTSAN DPE'I SKU GSAL BAR BSTAN PAR BYA BA'I PHYIR BU MO DE GNYIS KYI THAD DU BYON NAS BSOD SNYOMS MDZAD PO NA; DBYID ZLA THA CHUNG SA GA ZLA BA'I TSES BCU BZHI'I NYIN BU MO DE GNYIS KYIS BA MCHOG STONG GI 'O MA NYID KHUR BYAS PA GSER GYI GZHONG PAR BLUGS TE PHUL BA NA DRO'I DUS SU BU MO GNYIS KYI BYANG CHUB KYI CHOS RDZOGS PAR BYA BA'I PHYIR 'O THUG DE LHAG MA MA LUS PAR GSOL TE, YOL GO NEE RANYDZA NAR BOR BA KLU'I RGYAL PO RGYA MTSOS MCHOD PA'I PHYIR KHYER BAS, BRGYA BYIN GYIS MKHA' LDING DU SPRUL NAS DE PHROGS TE RANG GI GZUGS KYIS SUM CU RTZA GSUM DU KHYER NAS

YOL GO'I DUS STON BTZUGS SO, ,SENG GE'I KHRI YANG KLU'I BU MOS MCHOD PA'I RTEN DU KHYER TO, ,BU MO DE GNYIS KYIS KYANG BYANG CHUB SEMS DPA' THOG MA NAS DE'I BAR JI LTA BAR MA 'TSAL TO, ,BYANG CHUB SEMS DPA'I BSOD NAMS DANG SHES RAB KYI STOBS KYIS 'O THUG GSOL MA THAG SKU SNGA KHO LTAR KHA DOG BZANG PO RGYAS PA DANG MTSAN BZANG PO SUM CU RTZA GNYIS DANG DPE BYAD BZANG PO BRGYAD CU DANG 'OD 'DOM GANG PA RNAMS KYIS BRGYAN PAR GYUR TO, ,GZHAN YANG LHA NAS LTO 'PHYE'I BAR GYI SDE BRGYAD PO GANG DAG BYE BA PHRAG DRUG CUS KYANG RANG RANG GI ZAS THOGS TE BYANG CHUB SEMS DPA' LA PHUL BA DANG, BYANG CHUB SEMS DPAS DE DAG PHAN TSUN GCIG GIS GCIG MTHONG BA MED BAR BYIN GYIS BRLABS NAS GSOL TO, , RANG RANG GI GANG PHUL BA DE GSOL BAR MTHONG BA'I MOD LA DE DAG THAMS CAD BYANG CHUB TU YONGS SU SMIN PAR MDZAD DO, ,DE NAS BYANG CHUB SEMS DPAS GANG DU MNGON PAR RDZOGS PAR 'TSANG RGYA SNYAM DU GNAS BRTAGS PA NA DKAR PHYOGS KYI LHA RNAMS KYIS CHU KLUNG NEE RANYDZA NA BRGAL BA'I NUB PHYOGS NA RDO RJE GDAN ZHES BYA BA DUS GSUM SANGS RGYAS THAMS CAD GANG DU MNGON PAR RDZOGS PAR 'TSANG RGYA BA'I GNAS MCHIS PAS DER GSHEGS SU GSOL ZHES ZHUS SHING, BYANG CHUB SEMS DPA' RANG NYID KYANG DE LTAR DU DGONGS NAS BYANG CHUB KYI SNYING POR GSHEGS SO, ,DE'I TSE LHA'I BUS BZANG SOGS SA LA SPYOD PA'I LHA RNAMS KYIS NI STONG CHEN PO PHYAG BDAR BYED CING SPOS CHUS CHAG CHAG 'DEBS SO, ,LAG NA GZHONG

, ,THOGS DANG, PHRENG THOGS KYIS NI ME TOG GI CHAR 'BEBS SO, ,'JIG RTEN SKYONG BA BZHIS NI GSER GYI DRA BA DANG, BRGYA BYIN GYIS NI RNAM PAR RGYAL BA'I KHANG BZANG DRA BAS MDZES PAR BRGYAN TO, ,'THAB BRAL BAS NI BEE d'URYA'I DRA BA DANG, DGA' LDAN PAS NI MU TIG GI DRA BA DANG, 'PHRUL DGA' BAS NI 'DZAM BU CHU BO'I GSER GYI DRIL BU'I DRA BA DANG, DBANG BSGYUR GYIS NI LHA'I RIN PO CHE'I DRA BAS BKAB BO, ,CHU KLUNG NEE RANYDZA NA DANG BYANG CHUB KYI SNYING PO'I BAR GYI LAM RLUNG GI LHA RNAMS DANG SPRIN GYI LHA RNAMS KYIS PHYAG BDAR BYAS, SPOS CHUS CHAG CHAG BTAB BO, ,STONG CHEN 'DI'I SHING LJON PA DANG BYIS PA BTZAS PA JI SNYED PA RNAMS BYANG CHUB KYI SNYING PO LOGS SU MGO BTUD DO, ,'DOD PA'I LHA'I BU RNAMS KYIS NI DE'I BAR RGYANG GRAGS TZAM TSUN CHAD KYI LAM MNGON PAR BKOD DE LAM DE'I 'GRAM G-YAS G-YON DU RIN PO CHE SNA BDUN GYI STEGS BU 'PHANG DU SHING TA LA BDUN TZAM DU MTHO BA, STENG DU RIN PO CHE'I DRA BA BRES PA, LHA'I GDUGS DANG RGYAL MCHAN DANG BA DAN GYIS LEGS PAR BRGYAN PA SPRUL TO, ,MDA' RGYAD GANG TZAM DU NI RIN PO CHE SNA BDUN GYI SHING TA LA STEGS BU DE BAS MTHO BA MNGON PAR SPRUL TE SHING TA LA DE RNAMS RIN PO CHE BRGYUS PAS PHAN TSUN DU 'BREL BAR 'DUG GO ,SHING TA LA GNYIS GNYIS KYI BAR DU RDZING SPOS CHUS YONGS SU GANG BA GSER GYI BYE MA BDAL BA, AUTPAL LA SOGS PAS GANG BA, RIN PO CHE'I STEGS BUS BSKOR BA, NOR BU RIN PO CHE BEEd'URYAS THEM SKAS

BRGYAN PA, RMA BYA DANG CHU BYA SNA TSOGS PA SGRA 'BYIN PA'I RDZING DAG BYAS SO, ,LAM DE NA LHA'I BU MO BRGYAD KHRI BRGYAD KHRIS SPOS CHUS GTOR ZHING ME TOG GIS BKRAM MO, ,TA LA THAMS CAD KYI MDUN DU RIN PO CHE'I MKHA' RTEN BZHAG PA LA TZAN DAN DANG AA KA RU'I SPOS PHOR THOGS PA BRGYAD KHRI DANG, GLU DBYANGS LEN PA'I LHA'I BU MO LNGA KHRI DAG 'KHOD DO, ,DE NAS MI MJED KYI BDAG PO TSANGS PA DBANG BSGYUR CHEN POS TSANGS RIS PA RNAMS LA BSGO BA GROGS PO DAG SKYES BU CHEN PO 'DI NI SNGON GYI DAM BCAS PA MTHAR PHYIN PA'I PHYIR BYANG CHUB KYI SNYING POR BZHUD KYI KHYED RNAMS KYIS MCHOD PAR GYIS SHIG ,'DOD PA'I LHA RNAMS KYIS MCHOD PAS STONG CHEN BRGYAN PAR BYAS PA LA LTOS ZHES BSKUL BA DANG, GZUGS KYI LHA RNAMS KYIS 'JIG RTEN GYI KHAMS 'DI RIN PO CHE'I RANG BZHIN LA GSER GYI PADMA BKRAM PA KHA KHYER RIM PA BDUN GYIS BSKOR BA DANG, GSHEGS LAM DU SHING RTA BDUN YANG SPRUL TO, ,LHA'I BU MO BYE BA DRUG CUS RDO RJE'I GDAN RIN PO CHES BKRAM PA LA SOGS BYAS TE MCHOG GI BKOD PA DANG LDAN PA DGA' TSAL LTA BUR BYAS SO, ,TSANGS PA RANG NYID KYANG SKAD CIG DE LA STONG CHEN 'DIR PHYIN TE SA GZHI MNYAM PA RIN PO CHE SNA BDUN GYIS GANG BA RAG NA BDE BAR BYAS SO, ,DE BZHIN DU PHYOGS BCU'I BRGYA BYIN DANG, TSANGS PA DANG, 'JIG RTEN SKYONG BA RNAMS KYIS KYANG ZHING 'DI SANGS RGYAS KYI ZHING BRGYA STONG GIS BRGYAN TO, ,BYANG CHUB SEMS DPA' RNAMS KYIS KYANG BKOD PA DPAG TU MED PA'I SANGS RGYAS KYI ZHING BKOD

, ,PA SNA TSOGS PAS ZHING 'DI GCIG PU BRGYAN PAR BYAS SO, ,BYANG CHUB KYI SNYING PO SKYONG BAR BYED PA'I LHA'I BU AU KHA LI LA SOGS PA LHA'I BU BCU DRUG GIS BYANG CHUB KYI SHING DE LA DPAG TSAD BRGYAD CU'I KHOR YUG TU RIN PO CHE SNA BDUN GYI STEGS BU DANG, TA LA'I PHRENG BA DANG G-YER KHA'I DRA BA DANG, RIN PO CHE'I PHRENG BA RNAMS RIM PA BDUN BDUN GYIS LEGS PAR BSKOR BA, GSER GYI GLEGS MA DANG TSONG TSONG DANG PADMA DAG GIS KHEBS PAR BYAS SO, ,'OD MA LA SOGS PA BYANG CHUB KYI SHING GI LHA MO BZHIS KYANG BYANG CHUB KYI SHING DE MDZES SHING BKRA BA DANG, NANG RIM LA RIN PO CHE SNA BDUN GYI STEGS BU DANG, TA LA DANG G-YER KHA DANG RIN PO CHE'I PHRENG BA BDUN BDUN GYIS BSKOR TO, ,DE NAS NYI MA DGUNG YOL GYI DUS SU BYANG CHUB KYI SNYING POR GSHEGS PA NA, ZHABS KYI MTHIL LAS NGAN SONG GSUM RGYUN GCOD CING SEMS CAN RNAMS KYI SDUG BSNGAL DANG NYON MONGS PA BCIL BA BDE BA DANG LDAN ZHING SANGS RGYAS KYI ZHING THAMS CAD SNANG BAR BYED PA'I 'OD BKYE STE, SANGS RGYAS KYI ZHING RNAMS NI RAB TU BSKYOD, SIL SNYAN SGROG ,ME TOG GI CHAR 'BEBS, LAM GYI BKOD PA RGYA CHEN POS BYANG CHUB KYI SNYING POR GSHEGS PA NA GANG DANG GANG BZHABS BZHAG PA DER PADMA DAG BYUNG STE, SA CHEN PO 'DI YANG KHAR PA'I SNOD BZHIN DU SGRA 'BYIN TO, ,DE LTAR BYANG CHUB SEMS DPA' BYANG CHUB KYI SNYING POR GSHEGS PA NA, SNGON GYI SANGS RGYAS RNAMS RTZVA'I GDAN LA BZHUGS PAR DGONGS SHING, GNAS GTZANG MA'I LHA'I BU RNAMS

KYIS KYANG DE BZHIN DU GSOL PA DANG, LHA'I DBANG PO BRGYA BYIN GYIS BYANG CHUB SEMS DPA'I DGONGS PA SHES NAS, RI SPOS NGAD LDAN PAS SHING BAL LTAR REG NA BDE BA'I RTZVA KHUR GCIG BLANGS NAS BDAG NYID RTZVA 'TSONG BKRA SHIS KYI GZUGS SU SPRUL NAS PHUL BAS RTZVA DE BYANG CHUB SEMS DPAS BZHES TE, SLAR YANG RTZVA 'TSONG BKRA SHIS KYI DGE BA'I RTZA BA RDZOGS PAR BYA BA'I PHYIR RTZVA 'TSONG BKRA SHIS LAM GYI G-YAS ROL NA RTZVA SNGO SER DAG BRDAB GZIGS NAS DE LA, BKRA SHIS RTZVA DAG NGA LA MYUR DU BYIN, ,DE RING NGA LA RTZVA NI DON CHEN 'GYUR, ,DBUNG DANG BCAS PA'I BDUD NI BCOM NAS SU, ,BYANG CHUB DAM PA ZHI BA REG PAR 'GYUR, ,ZHES GSUNGS PAS, RTZVA 'TSONG BKRA SHIS SNGON KHYIM BDAG BLO GROS LDAN DU GYUR PA'I TSE SANGS RGYAS RNAM GZIGS KYI DRUNG DU SMON LAM BTAB PA'I MTHUS RAB TU DGA' BAS RTZVA SNGON PO RMA BYA'I MGRIN PA LTAR G-YAS SU 'KHYIL BA DRI ZHIM PA REG NA 'JAM PA SPAR BA GANG THOGS NAS BYANG CHUB SEMS DPA' LA PHUL TE, RTZVA YIS BYANG CHUB 'CHI MED PA; ;SNGON GYI RGYAL BA'I LAM 'THOB NA, ,YON TAN RGYA MTSO KHYOD BZHES SHIG ,BDAG KYANG THOG MAR 'TSANG RGYA BGYI, ,ZHES GSOL TO, ,DE NAS BYANG CHUB SEMS DPAS BYANG CHUB KYI SHING LA LAN BDUN DU BSKOR BA MDZAD DE PHYAG BTZAL NAS SEMS CAN DMAN PA LA MOS BA RNAMS KYI BLO TSIM BAR BYA BA DANG, RTZVA'I GDAN GYIS CHOG SHES PAR BYA BA'I PHYIR DANG, SNGON GYI RGYAL BA'I RJES SU BSLAB PA'I PHYIR, RANG NYID KYIS SHING DE'I DRUNG DU RTZVA'I RTZE MO NANG DU BSTAN NAS RTZVA RNAMS MA 'KHRUGS PA DANG

, ,STUG SRAB MED PAR BKRAM PAS BSKOR THABS SU LHUNG BA DANG, MTSAN MA 'DI LAS BDAG GDON MI ZA BAR 'TSANG RGYA BAR 'GYUR RO SNYAM NAS CHED DU YANG BRJOD DO, ,DE LTAR RTZVA'I GDING BA GTING BA'I STENG DU SKYIL MO KRUNG BCAS NAS SKU DRANG POR BSRANG STE DRAN PA MNGON DU BZHAG ,ZHAL SHAR PHYOGS SU GZIGS NAS, JI SRID SDUG BSNGAL KUN GYI MTHA'I, ,ZAG ZAD YANG DAG MA THOB PAR, ,DE SRID SROG GI MTHAR GYUR KYANG, ,SKYIL KRUNG 'DI NI GZHIG MI BYA, ,ZHES BYA BA LA SOGS PA GSUNGS, ,DE NAS PHYOGS BCU'I ZHING NAS BYANG CHUB SEMS DPA' BGRANG BA LAS 'DAS PA 'DUS TE, RGYAL BA'I SRAS PO MANG PO DE DAG RANG RANG GI RDZU 'PHRUL GYI RNAM PAR 'PHRUL PA THA DAD PA DAG BYED DE, ME TOG GI GZHAL YAS KHANG STON PA DANG, LUS LAS KHA DOG STONG 'DON PA DANG, NYI MA LTA BUR 'OD 'GYED PA DANG, SA G-YO BA DANG, RGYA MTSO BZHI MGO BOR THOGS NAS SA LA SPOS CHU 'DEBS PA DANG, RIN PO CHE'I MCHOD SDONG 'BUL BA DANG, PAR SNANG LA GNAS NAS LUS DOR BA ME TOG GI PHRENG BAR GYUR PAS STONG GSUM 'GENGS PA DANG, BA SPU'I KHUNG NAS MDO SDE KHRAG KHRIG BRJOD PA DANG, LUS CHEN POR BSGYUR BA DANG, LO MA LA BYANG CHUB SEMS DPA' LUS PHYED GNAS PA'I LJON PA THOGS PA DANG, LHUN PO LAG NA THOGS PA DANG, RKANG GIS CHU'I PHUNG PO 'BOG PA DANG, RNGA BO CHE BRDUNG BA'I SGRAS PHYOGS BCU BYE BA'I ZHING KHYAB PAR DO MOD BYANG CHUB SEMS DPA' 'TSANG RGYA'O ZHES RGYA CHER SGROG PA SOGS LHAGS SO, ,ZHING KUN NA BZHUGS PA'I RGYAL BA THAMS CAD KYIS

PHYAG G-YAS PA BRKYANGS TE, DED DPON CHEN PO RGYAL BAR GYUR CIG CES GSUNG BRJOD DO, ,DE NAS BDUD SDIG TO CAN GYIS BDUD KYI DMAG BYE BA PHRAG DUNG PHYUR BSKUL TE BYANG CHUB SEMS DPA' LA MCHON CHA'I CHAR 'BEBS PA SOGS BYANG CHUB LAS G-YO BA'I PHYIR BAR CHAD BYA BAR BRTZAMS SO, ,BYANG CHUB SEMS DPA' NI THUGS KA DPAL GYI BE'US BRGYAN PA SOGS RDO RJE LTAR BRTAN PA'I STOBS MNGA' BA DANG, CHOS KUN SGYU MA DANG MTSUNGS PAR GZIGS PAS BDUD KYI DMAG DE RNAMS KYIS BAG TSA BA DANG G-YO BA MED DO, ,BDUD KYI DPUNG DE DAG MTHU CHUNG BAR BYA BA'I PHYIR BDUD KYI DPUNG ZHAL GYI NANG DU ZHUGS PA DE LTA BU'I MTHU BSTAN PA DANG BDUD RNAMS BROS SO, ,BROS NAS KYANG CI YANG MA YIN NO SNYAM NAS SLAR LOG STE 'KHOR DANG BCAS PAS MTSON CHA SNA TSOGS 'PHANGS PA ME TOG GI BLA BRE DANG GZHAL MED KHANG DU GYUR TO, ,DBUGS GDUG PA'I ME LCE GTONG BA DAG KYANG 'OD KYIS PADMA 'DAB MA BRGYA PA BZHIN DU BSKYOD DO, ,DE NAS BYANG CHUB SEMS DBAS PHYAG G-YAS PA MGO LA BYUGS PA DANG, BDUD KYIS BYANG CHUB SEMS DPA'I PHYAG NA RAL GRI 'BAR BA THOGS PAR MTHONG NAS LHO'I PHYOGS SU BROS PA DANG CI YANG MA YIN NO SNYAM NAS YANG SLAR LOG STE MTSON CHA RNAMS DRAG TU 'PHANGS PA DE DAG KYANG ME TOG GI PHRENG BAR GYUR TE BYANG CHUB KYI SHING BRGYAN PAR BYAS SO, ,DE LTAR BYANG CHUB SEMS DPA'I YON TAN DE MTHONG NAS BDUD SDIG CAN PHRAG DOG DANG ZHE SDANG GIS RGYUD 'KHRUGS TE, BYANG CHUB SEMS DPA' LA SMRAS PA, KHYOD CI'I PHYIR BYANG CHUB KYI

, ,SNYING PO LA 'DUG ,BKA' STZAL BA, BLA NA MED PA'I YE SHES THOB PAR BYA BA'I PHYIR RO, ,BDUD KYIS SMRAS PA, KYE RGYAL BU GZHON NU, BZHENGS LA RGYAL SRID LA SPYOD CIG ,KHYOD KYI BSOD NAMS DE TZAM GYIS THAR PA GA LA THOB; CES 'KHOR LO'I MTSON CHA 'PHANGS PAS ME TOG TU GYUR CING, 'KHOR RNAMS KYIS RI 'PHANGS PAS ME TOG GI CHUN POR GYUR TO, ,BKA' STZAL PA, SDIG CAN, KHYOD KYIS NI GTAN PA MED PA'I MCHOD SBYIN GCIG GIS 'DOD PA'I DBANG PHYUG THOB TU ZAD NA, NGAS BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG DU MAS GTAN PA MED PA'I MCHOD SBYIN BYAS SHING, SEMS CAN RNAMS KYI PHYIR YONGS SU GTANG BAR DKA' BA RNAMS BTANG BAS BLA NA MED PA'I YE SHES THOB STE BLA NA MED PA'I YE SHES THOB PAR MI 'GYUR BA DE SRID RE SKAN, DE SKAD CES BKA' STZAL PA DANG, BDUD KYIS SMRAS PA, JI LTAR BDAG GIS MCHOD SBYIN GCIG GIS 'DOD PA'I KHAMS KYI DBANG PHYUG THOB PAR GYUR PA'I DBANG PO NI KHYOD NYID YIN NA, JI LTAR KHYOD KYIS BLA NA MED PA'I YE SHES THOB PA'I PHYIR BSKAL PA GRANGS MED PA GSUM DU MCHOD SBYIN BYAS PA'I DPANG PO SU YOD, CES SGRA GSANG CHEN PO BSGRAGS SO, ,DE NAS BYANG CHUB SEMS DPA' SNYING RJE CHEN PO'I THUGS KYIS BAG TSA BA MED PAR PHYAG G-YAS PA 'KHOR LO DANG G-YUNG DRUNG GIS MTSAN PAS SKU LUS THAMS CAD LA BYUGS NAS, 'JIG RTEN GYI KHAMS THAMS CAD KYI SANGS RGYAS THAMS CAD MNGON DU BYAS TE, TSUL DU SHIS PAR

SA CHEN PO LA BRDABS NAS NGA'I DPANG DU SA 'DI YOD DO, ,SA 'DI 'GRO BA KUN GYI GNAS YIN TE, ,RGYU DANG MI RGYU SNYOMS SHING NYE 'KHON MED, ,'DI NI BDAG GI DPANG STE BDAG RDZUN MED, ,'DI LA KHYOD NI BDAG GI DPANG BYOS SHIG ,CES SA LA PHYAG G-YAS PA REG MA THAG TU SA CHEN PO RNAM PA DRUG TU G-YOS SHING LTAS CHEN PO BCO BRGYAD DAG KYANG BYUNG NGO, ,DE NAS SA'I LHA MO BSTAN MA SA'I LHA MO'I 'KHOR BYE BA PHRAG BRGYA DANG LDAN PA DES RIG NAS SA BRTOL TE LUS RGYAN GYIS BRGYAN PA, LTE BA YAN PHYUNG NAS BYANG CHUB SEMS DPA'I LOGS SU BTAD DE THAL MO SBYAR NAS GSOL PA, DE DE BZHIN NO SKYES BU DAM PA, KHYOD JI SKAD GSUNGS PA BZHIN TE, 'DI NI BDAG LA MNGON SUM MO, ,DE LTA LAGS MOD, KHYOD NYID LHA DANG BCAS PA'I DPANG DU GYUR PA YIN NO, ,BDUD LA YANG SMRAS PA, SDIG CAN, BCOM LDAN 'DAS KYIS JI SKAD BKA' STZAL PA DE BZHIN NO, ,ZHES SMRAS NAS DE NYID DU MI SNANG BAR GYUR TO, ,TSUL DES BDUD SDIG CAN ZHUM ZHING CANG MI SMRA LA SPYI BO SMAD NAS SEMS KHONG DU CHUD NAS 'DUG GO ,DE'I TSE BYANG CHUB SEMS DPA'I PHYAG G-YAS SA LA BRDABS PA'I SGRA DE LAS THUG BCOM DANG 'UR SGRA DANG, SOD CIG CES SDIG CAN RNAMS KYIS THOS SO, ,'KHOR DE LAS BDUD BYE BA KHRAG KHRIG BRGYA STONG GIS NI 'DI LA SKYABS SU 'GRO BAR GYIS ZHES PA LA SOGS PA'I TSIGS SU BCAD PA THOS TE, KHA BUB TU 'GYEL NAS SKYES BU DAM PA SKYAB TU GSOL ZHES SMRAS SO, ,BDUD SDIG CAN DPUNG DANG BCAS PA DES DNGANGS SHING 'BROS 'DOD KYANG 'BROS MA NUS TE, BYANG

, ,CHUB SEMS DPAS 'OD PHYUNG NAS DE 'JIGS PA LAS BSKYAB SO, ,DE NAS BDUD KYI 'KHOR GNOD SBYIN BYE BA KHRAG KHRIG BRGYA STONG PHRAG BRGYAD CU DANG, SROG CHAGS BYE BA KHRAG KHRIG BRGYA STONG PHRAG DGU BCU RTZA DGUS BYANG CHUB TU SEMS BSKYED DO, ,SNGON SBYANG PA BYAS PA'I LHA BRGYAD KHRI BZHI STONG MI SKYE BA'I CHOS LA BZOD PA THOB BO, ,DE'I TSES CHEN PO 'DI RNAM PA DRUG TU G-YOS SHING, 'JIG RTEN SU SNANG BA CHEN POS KHYAB PAR 'GYUR BA'I 'OD SKU LAS SPROS TE NGAN SONG GSUM GYI SDUG BSNGAL ZHI BAR MDZAD, MI KHOM PA RGYUN BCAD, SEMS CAN SU LA YANG THA BA DANG, RGYAGS BA DANG, SDANG BAS GNOD BA MED PAR MDZAD DO, ,DE LTAR BCOM LDAN 'DAS KYIS THAMS CAD MKHYEN PA NYID THOB MA THAG TU PHYAG NA RDO RJE RANG GI THUGS LA BZHUGS PA LA MTSAN BRGYA RTZA BRGYAD PAS BSTOD DE, PHYAG RDOR LA DE BZHIN GSHEGS PA THAMS CAD KYIS LEGS SO ZHES BYA BA BYIN NO, ,DE NAS LHA'I BU RNAMS KYIS SMRAS PA, GROGS PO DAG ,'DI MNGON PAR RDZOGS PAR SANGS RGYAS KYIS ME TOG 'THOR CIG CES SMRAS PA DANG, SNGON GYI RGYUS SHES PA'I LHA RNAMS KYIS SMRAS PA, BRDA MA MDZAD KYI BAR GTOR BAR MI BYA'O ZHES SMRAS SO, ,DE'I TSE PHYOGS BCU'I SANGS RGYAS RNAMS KYIS DE BZHIN GSHEGS PA MNGON PAR RDZOGS PAR SANGS RGYAS PA LEGS SO ZHES PHYAG G-YAS PA BRKYANGS TE SKU MA MNYEL TAM ZHES SNYUN GSOL TE MNYEL BA MI MNGA' BAR BYANG CHUB BAM, RANG BYUNG DU CHOS THAMS CAD LA DBANG BSGYUR RAM,

ZHES 'DRI ZHING BYANG CHUB SEMS DPA' RNAMS BKYE STE STONG CHEN 'DI KHEBS PA'I RIN PO CHE'I GDUGS 'OD ZER GYI DRA BA SNANG BA CHEN PO DANG LDAN PA DAG BSKUR RO, ,BYANG CHUB SEMS DPA' DE DAG GIS KYANG BCOM LDAN 'DAS SH'AKYA THUB PA'I ZHABS LA PHYAG BTZAL NAS TSUL DANG MTHUN PAR PHUL LO, ,DE NAS BCOM LDAN 'DAS SKYIL KRUNG DANG BCAS BZHIN PAR SHING TAL BDUN TZAM DU NAM MKHA' LA 'PHAGS TE, LAM GYI RGYUN CHAD DO, ,SDUG BSNGAL NYE BAR ZHI'O, ,ZAG PA BSKAMS SO, ,ZHES CHED DU BRJOD PAS; LHA'I BU THAMS CAD KYIS ME TOG GTOR RO, ,DE NAS GNAS GTZANG MA'I LHA RNAMS KYIS TZAN DAN GYI PHYE MA DANG 'OD GSAL GYI LHA RNAMS KYIS GDUGS DANG RGYAL MTSAN DANG, TSANGS RIS PA RNAMS KYIS RIN PO CHE'I DRA BA DANG, BDUD KYI BU DKAR PHYOGS PA DAG GIS RIN PO CHE'I BLA BRE DANG, DBANG BSGYUR SOGS KYIS GSER GYI PADMA DANG, 'PHRUL DGA' BAS DAR GYI LDA LDI DANG, DGA' LDAN PAS LHA'I GOS KYI DRA BA DANG, 'THAB BRAL BAS SPOS PHRENG DANG, BRGYA BYIN GYIS BYUG PA DANG, RGYAL CHEN BZHIS ME TOG SNA TSOGS PA DANG, BAR SNANG GI LHA RNAMS KYIS G-YER KHA'I DRA BA DANG, SA BLA'I LHA RNAMS KYIS SA GZHI RNAMS LA ME TOG BKRAM NAS PHUL ZHING BSTOD DE BYANG CHUB KYI SNYING PO LEGS PAR BRGYAN TO, ,DE LTAR BYANG CHUB SEMS DPA' NAM MKHA'I KHAMS YONG SU GANG BDAG GIS MCHOD CING BSTOD LA, RGYAL BA RANG NYID KYIS KYANG, BSOD NAMS RNAM SMIN BDE STER SDUG BSNGAL THAMS CAD SEL, ,BSOD NAMS LDAN PA'I MI YI BSAM PA RNAM KYANG 'GRUB, ,BDUD BCOM NAS NI BYANG CHUB MYUR DU RAG PAR GYUR, ,MYA NGAN LAS 'DAS ZHI BA BSIL BA'I DNGOS

, ,PO THOB, ,CES CHED DU BRJOD DO, ,DE LTAR 'TSANG RGYA BA'I MDZAD PA BSTAN PA NI GDUL BYA'I DON DU MCHOG GI SPRUL SKU'I MDZAD PA YIN GYI, STON PA 'DI NYID SNGON BSKAL PA BGRANG BA LAS 'DAS PA'I SNGA ROL TU SANGS RGYAS PA YIN PA NI SNGAR BRJOD ZIN CING, SNYING RJE PAD DKAR DU YANG, STON PA 'DI NYID SNGON BSKAL PA BRJOD KYIS MI LANG BA'I SNGA ROL TU RGYAL BA DBANG BO'I TOG TU SANGS RGYAS SHING, ZHING 'DIR SNYIGS MA'I 'GRO BA RNAMS KYI DON DU MCHOG GI SPRUL SKU'I MDZAD PA BSTAN PA YIN PA DANG, DA DUNG SEMS CAN MA ZAD KYI BAR DU SPRUL PA RGYUN MI 'CHAD DU STON PAR GSUNGS SO, ,SNGAR BSHAD PA'I 'TSANG RGYA TSUL DE NI THUN MONG BA'I DBANG DU BYAS PA'I 'TSANG RGYA TSUL YIN GYI, SNGAGS LAM GYIS 'TSANG RGYA BA'I TSUL NI SA GA ZLA BA'I TSES BRGYAD KYI NYIN RNAM SMIN GYI LUS CHU KLUNG NEE RANYDZA NA'I 'GRAM DU BZHAG NAS YID LUS KYIS 'OG MIN DU PHEBS TE RDO RJE DBYINGS KYI DKYIL 'KHOR CHEN POR ZHUGS NAS MNGON BYANG LNGA'I SGO NAS 'TSANG RGYA BA'I MDZAD PA BSTAN TE RNAL 'BYOR RGYUD GSUNGS PA DANG, YANG GSANG BA 'DUS PA'I DKYIL 'KHOR DU ZHUGS NAS BYANG CHUB RDO RJES LHAN CIG SKYES PA'I YE SHES MTSON PA'I DBANG BSKUR TE GNYIS SNANG PHRA MO YANG DAG NAS ZUNG 'JUG GI SKUR BZHENGS TE BLA MED KYI RGYUD GSUNGS PA DANG, BDUD 'DUL BA'I TSE GSHIN RJE'I GSHED DMAR NAG GI SKUR BZHENGS NAS GSHIN RJE'I GSHED KYI RGYUD RNAMS GSUNGS PA'I TSUL LA SOGS

PA GSANG BA BSAM GYIS MI KHYAB PA'I TSUL MTHA' YAS PA YOD DO, ,DE LTAR DGUNG LO SO LNGA LA BAB PA RGYAL BA ZHES PA SHING PHO RTA'I LO SA GA ZLA BA'I TSES BCO LNGA'I THO RANGS MNGON PAR RDZOGS PAR SANGS RGYAS PA'I TSUL BSTAN NAS ZHAG BDUN BYANG CHUB KYI SHING LA BRTEN TE BZHUGS, BDUN GNYIS PA LA STONG GSUM GYI STONG CHEN PO'I 'JIG RTEN GYI KHAMS LA RGYANG RING DU 'CHAG PAR MDZAD, BDUN GSUM PA LA BYANG CHUB KYI SHING LA SBYAN MI 'DZUM PAR GZIGS SHING BZHUGS BDUN BZHI PA LA GLING BZHI PA'I 'JIG RTEN GYI SHAR NUB KYI RGYA MTSO'I BAR LA 'CHAG CING BZHUGS, BDUN LNGA PA LA KLU'I RGYAL PO BTANG BZUNG GI GNAS SU BZHUGS, BDUN DRUG PA LA SHING NE GRO DHA RA SKYONG DU GSHEGS TE KUN TU RGYU MANG PO ZHIG BYANG CHUB TU SMIN PAR MDZAD, BDUN PHRAG BDUN PA LA SHING SBRUL RGYU'I TSAL DU BZHUGS TE TSONG DPON GA GON DANG BZANG PO GNYIS RJES SU BZUNG NAS DE GNYIS KYIS PHUL BA'I ZHAL ZAS BZHES SHING, DE'I TSE RGYAL PO CHEN PO BZHIS RDO'I LHUNG BZED RE PHUL BA GCIG TU BYIN GYIS BRLABS TE, DER ZHAL ZAS BZHES SO, ,DE NAS TSONG DPON GA GON DANG BZANG PO GNYIS KYI DON DU BKRA SHIS KYI TSIGS BCAD MDZAD NAS DE GNYIS BYANG CHUB TU LUNG BSTAN TO, ,DE NAS BCOM LDAN 'DAS 'DI SNYAM DU DGONGS TE, BDAG GIS CHOS ZAB MO ZAB PAR SNANG BA, KHONG DU TSUD PAR DKA' BA, RTOG GE PA RNAMS KYIS RTOG GE'I SPYOD YUL MA YIN PA, MKHAS PAS SHES PA 'DI RTOGS NA, GZHAN LA SMRAS KYANG MI SHES

, ,PAS BDE BAR GNAS PA'I RNAL 'BYOR LA RJES SU BRTZON PAR GNAS PAR BYA'O ZHAS DGONGS NAS, ZAB ZHI RDUL BRAL 'OD GSAL 'DUS MA BYAS, ,BDUD RTZI CHOS 'DI BDAG GIS THOB PAR GYUR, ,BDAG GIS BSTAN KYANG GZHAN GYIS MI SHES TE, ,MI SMRA NAGS 'DAB GNAS PAR BYA BA SNYAM, ,ZHES BYA BA LA SOGS PA GSUNGS TE THUGS LAS CHUNG DUR BZHUGS PA NA, PHYOGS BCU'I ZHING NAS LHAGS PA'I BYANG CHUB SEMS DPA' BGRANG BA LAS 'DAS PA DAG DANG, DKAR PHYOGS KYI LHA BGRANG BA LAS 'DAS PA DAG GIS CHOS STON PAR GSOL BA BTAB CING, KHYAD PAR STONG GSUM MI MJED KYI BDAG PO TSANGS PA CHEN POS BCOM LDAN 'DAS LA CHOS GSUNG BAR GSOL BA BTAB BAS, CANG MI GSUNG BAS GNANG BAR RIG STE TSANGS PA RANG GI GNAS SU SONG NGO, ,DE NAS BCOM LDAN 'DAS KYIS GZHAN DAG CHOS LA GUS PA BSKYED PAR 'GYUR BA DANG, TSANGS PAS YANG YANG BSKUL NA DGE BA DAG 'PHEL BAR 'GYUR BA DANG, CHOS KYANG ZAB PAR BSTAN PA'I PHYIR THUGS LAS CHUNG DUR BZHUGS SO, ,DE TSANGS PAS SHES NAS BRGYA BYIN LA BSKUL TE, DBANG PHYUG CHEN PO SOGS 'DOD GZUGS KYI LHA MANG BO DANG LHAN CIG BCOM LDAN 'DAS KYI SPYAN SNGAR PHYIN NAS CHOS GSUNG BAR BSKUL LO, ,DE LTA NA'ANG CHOS GSUNG BA DKA' DKA' LTAR MDZAD NAS CHOS STON PAR MA MDZAD PA NA TSANGS PA GTZUG PHUD CAN GYIS DE SHES NAS NAM SROD LA TSANGS PA DRUG KHRI BRGYAD STONG GIS BSKOR NAS, BCOM LDAN 'DAS KYI SBYAN SNGAR

PHYIN TE THAL MO SBYAR NAS GSOL PA, MA GA DHAR NI SNGON CHAD CHOS BYUNG BA, ,DAG PA MA LAGS DRI MAR BCAS PAS RTOGS, ,BDUD RTZI CHOS KYI SGO NI PHYE MDZOD LA, ,DRI MA MED PAS RTOGS PA BSHAD PAR MDZOD, ,THUB BA CHOS KYI SGRON MAS MUN PA SOL, ,DE BZHIN GSHEGS PA'I RGYAL MTSAN KHYOD KYIS BSGRENG, ,SNYAN PA'I GSUNG BRJOD PA YI DUS LA BAB, ,RNGA SGRA RI DVAGS DBANG LTAR BSGRAG TU GSOL, ,BKA' STZAL PA, TSANGS PA NGAS NI TSEGS CHEN GYIS, ,SKYON RNAMS BCOM NAS RTOGS GYUR PA, ,SRID DANG CHAGS PAS DKRIS RNAMS KYIS, ,CHOS NI LEGS PAR RTOGS MI 'GYUR, ,GSOL PA, 'JIG RTEN NA DBANG PO RNON PO DANG 'BRING DANG RTUL PO DANG, GDUL SLA BA'I SEMS CAN GANG DAG MCHIS TE, DE DAG GIS CHOS MTHOS NA NYAMS PAR 'GYUR BAS CHOS BSHAD DU GSOL, ZHES DANG, SNGON CHOS 'TSOL BA'I PHYIR DBU STONG TZAM YANG BTANG NGO ZHES BSTOD DO, ,DE NAS TSANGS RIS KYI LHA'I BU DE RNAMS KYIS KYANG BCOM LDAN 'DAS SNGON KHA DOG DAM PA LA SOGS PA RGYAL PO LNGA DANG, DRANG SRONG AUDTA LAR GYUR PA'I TSE DAM PA'I CHOS KYI PHYIR DKA' BA DE LTA BU SPYAD NA, DA BCOM LDAN 'DAS CHOS KYI RGYA MTSO NI RDZOGS, CHOS KYI SGRON ME YANG GSAL BAR MDZAD NA, CI'I SLAD DU CHOS MA BSTAN PAR MYA NGAN LAS 'DA' BAR DGONGS, ZHES GSOL TO, ,BCOM LDAN 'DAS KYIS BKA' STZAL PA, BDUD RTZI'I SGO MO DAG NI DBYE BAR BYA, ,NYAN PAR SU 'DOD SOM NYI GSOL CIG DANG, ,TSANGS PA MI RNAMS LA NI GYA NOM

, ,CHOS; ;KLAN KA MI BTZAL MDO TZAM BSHAD PAR BYA, ,ZHES GSUNGS NAS CHOS GSUNG BAR ZHAL GYIS BZHES SO, ,DE NAS DE BZHIN GSHEGS PA CHOS 'CHAD PAR DGONGS PA DANG LHA'I BU RNAMS KYIS DO MOD BCOM LDAN 'DAS KYIS CHOS KYI 'KHOR LO BSKOR BA GNANG STE, DES NI PHAN PA DANG BDE BAR 'GYUR RO, ,ZHES SGRA BSGRAGS SO, ,BYANG CHUB KYI SHING GI LHA CHOS SRED SOGS BZHIS BCOM LDAN 'DAS LA GSOL PA, CHOS KYI 'KHOR LO GANG DU BSKOR, W'A RA n'A SIR RO, ,DER NI SKYE BO'I TSOGS NYUNG BAS GZHAN DU BSKOR DU GSOL, ZHES ZHUS PA NA, STON PAS W'A RA n'A SI NI SNGON GYI DRANG SRONG RNAMS KYI GNAS YIN ZHING DER MCHOD SBYIN BYE BA STONG PHRAG DU MA BYAS PA YIN BAS DER CHOS KYI 'KHOR LO BSKOR BAR BYA'O SNYAM DU DGONGS NAS BYON PA DANG, KUN TU RGYU NYER 'GRO DANG MJAL TE, DES BCOM LDAN 'DAS BZHIN MDOG LAGS PAR MTHONG NAS, GOO'U TA MA KHYOD KYI DBANG BO RNAMS NI SHIN TU GSAL NA SU LAS TSANGS PAR SPYAD BA SPYOD, BKA' STZAL PA, NGA LA SLOB DPON GANG YANG MED, ,NGA DANG 'DRA BA YOD MA YIN, ,NGA NI GCIG BU RDZOGS SANGS RGYAS, ,BSIL GYUR ZAG PA MED PA YIN, ,GSOL PA, GO'U TA MA SANGS RGYAS SU ZHAL GYIS 'CHES SAM, DE BZHIN NO, ,GAR BZHUD, NGA NI W'A RA n'A SIR 'GRO, GRONG KHYER GSAL LDAN SONG NAS NI, ,LONG BA LTA BU'I 'JIG RTEN LA, ,MTSUNGS BA MED PA'I 'OD BYA'O, ,ZHES GSUNGS SO, ,DE NAS BCOM LDAN 'DAS YUL K'A SHIR

LJONGS RGYU ZHING GRONG KHYER W'A RA n'A SIR GSHEGS NAS BSOD SNYOMS BZHES TE DRANG SRONG LHUNG PA RI DVAGS KYI NAGS SU BYON PA NA LNGA SDES RGYANG RING PO NAS GSHEGS PA MTHONG STE, DGE SBYONG GO TA MA MANG DU ZA BA SPONG BA LAS NYAMS PA 'DI 'ONGS NA BDAG CAG RNAMS KYIS 'DI LA SMRA BAR MI BYA, LDANG BAR MI BYA, PHYAG MI BYA, STAN STOB PAR MI BYA, ZHES 'OG KHRIMS BCAS PA LA KOO D'U N+YAS NI SEMS KYIS KHAS MA BLANGS SO, ,DE NAS BCOM LDAN 'DAS 'BAB CHU GNOD PA CAN GYI 'GRAM GYI LNGA SDE'I GNAS SU BYON MA THAG BCOM LDAN 'DAS KYI DPAL DANG GZI BRJID MA BZOD NAS STAN GYI STENG NA 'DAR ZHING KUN GYIS 'OG KHRIMS DRAL TE STAN LAS LANGS NAS KOO'U DI N+YAS RIM GRO BYED, RTA THUL GYIS NI BSUS TE CHOS GOS DANG LHUNG BZED BLANGS, RLANGS PAS NI GDAN BSHAMS, MING CHEN GYIS NI ZHABS RTEN STOB, BZANG LDAN GYIS NI ZHABS BSIL PHUL TE TSE DANG LDAN PA GOO TA MKHYOD BYON PA LEGS SO, ,GDAN BSHAMS PA LA BZHUGS SHIG CES GSOL TO, ,DE NAS BCOM LDAN 'DAS GDAN BSHAMS BA LA BZHUGS PA NA LNGA SDE RNAMS KYIS LHAG PAR YANG BCOM LDAN 'DAS LA MTSAN DANG GDUNG DANG TSE DANG LDAN PAS BRJOD PA KUN TU BRJOD DO, ,BKA' STZAL BA, KHYED RNAMS DE BZHIN GSHEGS PA LA DE LTA BU'I TSUL GYIS KUN TU BRJOD BAR MA BYED CIG ,KHYED LA YUN RING POR GNOD PA DANG SDUG BSNGAL BAR 'GYUR RO, ,GOO TA MA, KHYOD KYIS SNGON GYI TSUL DANG DKA' BA SPYAD PA DES MI'I CHOS BLA MA 'PHAGS PA'I CHOS MA THOB NA DA

, ,SPYOD TSUL 'DIS MI CHOS BLA MA 'PHAGS PA'I CHOS THOB PAR NUS SAM ZHES MA RANGS PAR GSOL BAS, BKA' STZAL PA, RAB TU BYUNG BAS MTHA' 'DI GNYIS LA BRTEN BAR MI BYA STE, GNYIS GANG ZHE NA, 'DOD PA RNAMS LA 'DOD PA'I BSOD NYAMS KYI RJES SU BRTZON PA DMAN PA NGAN PA THA CHAD MA RABS GANG YIN PA DANG, BDAG NYID DUB PA LA RJES SU BRTZON PAS 'PHAGS PA'I LAM LA GNOD PA DANG LDAN PA GANG YIN PA'O, ,KHYED KYIS MTHA' 'DI GNYIS LA MI RTEN BAR DBU MA'I LAM MIG DANG YE SHES PHYED PA NYE BAR ZHI BA DANG, MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR 'GYUR BA YOD DE, DBU MA'I LAM GANG ZHE NA 'PHAGS PA'I LAM YAN LAG BRGYAD PA'O, ,ZHES GSUNGS SO, ,DE NAS BCOM LDAN 'DAS KYIS DRANG SRONG LHUNG BA 'DI NYID KYI SA'I PHYOGS GANG DU CHOS KYI 'KHOR LO BSKOR MNYAM DU DGONGS PA NA, GANG DU SNGON GYI RGYAL BA RNAMS KYIS CHOS KYI 'KHOR LO BSKOR BA'I SA PHYOGS DER NI RIN PO CHE SNA BDUN GYI KHRI STONG BYUNG ZHING, TSANGS PAS KYANG SENG+GE'I KHRI 'PHANG DU DPAG TSAD BZHI KHRI NYIS STONG YOD PA BSHAMS, SO; ;DE BZHIN DU TSANGS PA GZHAN DANG, BRGYA BYIN DANG BYANG CHUB SEMS DPA' BYE BA PHRAG BCU BCUS KYANG SENG+GE'I KHRI DE LTA BU DAG BSHAM SO, ,SA BLA'I LHA RNAMS KYIS CHOS KYI 'KHOR LO BSKOR BA'I 'KHOR GYI KHYAMS CHEN PO BKRAB BLTA NA SDUG PA, RGYA CHE BA CHU ZHENG DU DPAG TSAD BDUN BRGYA YOD PA SPRUL TE, STENG GI NAM MKHA' LA GDUGS DANG BLA BREL SOGS PAS BRGYAN CING 'DOD LHA'I BU RNAMS KYIS SENGGE'I KHRI BRGYAD STONG PHUL NAS 'DI LA BZHUGS NAS 'KHOR LO BSKOR DU GSOL ZHES GSOL TO, ,DE NAS BCOM LDAN 'DAS KYIS SNGON GYI RGYAL BA

RNAMS LA GUS PAR MDZAD PA'I PHYIR KHRI GSUM LA BSKOR BA MDZAD NAS SENG+GE LTAR BAG TSA BA MI MNGA' BAR KHRI BZHI PA LA SKYIL MO KRUNG BCAS TE BZHUGS SHING, TSANGS PA DANG, BRGYA BYIN DANG, BYANG CHUB SEMS DPA' RNAMS KYIS SENG+GE'I KHRI LA YANG BZHUGS PAR KUN TU BSTAN TO; ;DGE SLONG LNGA POS KYANG DE BZHIN GSHEGS PA LA PHYAG BTZAL NAS DUL BA'I TSUL GYIS 'DUG GO, DE'I TSE BCOM LDAN 'DAS KYI SKU LAS 'OD ZER BKYE BAS RIGS DRUG GI SDUG BSNGAL RGYUN BCAD, LTAS CHEN PO BCO BRGYAD BYUNG, MI MJED KYI ZHING MNYAM ZHING SEMS CAN KUN BYAMS PA DANG LDAN PAR GYUR TO, ,'OD DE LAS, RGYAL BAS BSKAL PA KHRAG KHRIG BSGRUBS, ,CHOS DE NYAN PAR GANG 'DOD PA, ,DE NI RINGS PAR LA GOR DU, ,CHOS MNYAN PA YI PHYIR SHOG CIG, ,CES BSKUL BA'I TSE, LHA; KLU; GNOD SBYIN, DRI ZA, LHA MA YIN, NAM MKHA' LDING, MI'AM CI, LTO 'PHYE CHEN PO STE, SDE BRGYAD PO DAG GIS KYANG SHES TE SPYAN SNGAR DONG NGO, ,PHYOGS BCU'I BYANG CHUB SEMS DPA' GRANGS MED PA DAG KYANG LHAGS TE MDOR NA STONG CHEN 'DI SKRA'I RTZE MO'I CHA SHAS TZAM YANG MA KHYAB PA MED DO, ,DE NAS BYANG CHUB SEMS DPA' PHYOGS BCU NAS LHAGS PA DAG DANG, MI MJED 'DI'I TSANGS PA DANG BRGYA BYIN LA SOGS PA DBANG CHE BAR GRAGS PA RNAMS KYIS BCOM LDAN 'DAS KYI ZHABS LA GTUGS TE SKYE BO MANG PO LA SMAN PA'I SLAD DU CHOS KYI 'KHOR LO BSKOR DU GSOL, ZHES DANG, TSANGS PAS, NYON MONGS CHOGS KYI NAD BRGYAS GTZES PA'I SKYE BO 'DI DAG LA, ,RGYAL BA SMAN PA 'KHOR LO DAM PA BSKOR TE THAR MDZAD GSOL, ,NOR BDUN BGO BSHA' MDZOD CIG 'DREN PA 'KHOR LO BSKOR BAR GSOL, ,DGONGS PA YONGS RDZOGS RIMS NAD MA MCHIS 'KHOR LO MCHOG BSKOR GSOL

, ,ZHES LHA'I 'DZAM BU CHU PO'I GSER LAS BYAS PA'I 'KHOR LO RTZIBS STONG PA, 'OD ZER STONG DANG LDAN PA SNGON GYI RGYAL BA RNAMS KYIS BZHES PA DE, BCOM LDAN 'DAS KYI DRUNG DU PHUL TE CHOS KYI 'KHOR LO BSKOR BAR GSOL BA BTAB BO, ,DE NAS NAM MKHA'I DBYINGS THAMS CAD YONGS SU KHYAB PA'I BYANG CHUB SEMS DPA' RNAMS DANG, LHA'I SRAS PO BRGYAD KHRIS GTZO BYAS PA'I LHA DANG KLU DANG GNOD SBYIN DANG DRI ZA DANG GRUL BUM DANG MI'AM CI DANG LTO 'PHYE CHEN PO DANG, KOO'U DI N+YA LA SOGS PA'I LNGA SDE DANG, GZHAN YANG CHOS NYAN PAR 'DUS PA'I 'KHOR DE DAG THA NA LUD PA'I SGRA TZAM YANG MED PAR RGYAL BA'I ZHAL 'BA' ZHIG LA BLTA'O, ,DE NAS BCOM LDAN 'DAS KYIS NAM GYI CHA SMAD KYI THUN LA LNGA SDE BZANG PO LA BOS TE, BDEN PA BZHI PO DAG GI MING DANG SPANG BLANG DANG, DE DAG YONGS SU SHES SPANGS MNGON DU BYAS BSGOMS PA'I GSHEGS SHUL YAN LAG BRGYAD MTHA' GNYIS SPANGS BA'I DBU MA'I LAM RNAM PA BCU GNYIS SU BZLAS TE CHOS KYI 'KHOR LO BSKOR, GSUNG GI SGRA DBYANGS DE LAS GANG DANG GANG GIS 'DUL BA'I SGRA DE DANG DE LA 'TSAM PA'I GTAM SNA TSOGS PA THEG PA GSUM PO SO SO DANG MTHUN PA'I CHOS THOS TE STONG CHEN 'DI NA BDEN BZHI'I MING BYE BA KHRAG KHRIG BRGYA STONG PHRAG DGU BCU RTZA BZHI YOD PA THAMS CAD SO SOR GO STE THAMS CAD KYANG JI LTA BA BZHIN GYI BDEN PAR 'DU BA'I DGONGS PAS CHOS BSTAN PA DES TSE DANG LDAN PA KO'U DI N+YA DANG, 'BAR BA'I GZI BRJID LA SOGS PA'I LHA BRGYAD KHRI BO RNAMS LA CHOS KYI MIG DRI MA DANG BRAL BA SKYES SO, ,DE NAS BCOM LDAN 'DAS KYIS KO'U DI N+YA LA BKA' STZAL PA, KHYOD KYIS CHOS KUN SHES SAM, GSOL PA, BCOM LDAN 'DAS KUN 'TSAL LAGS SO, ,DE NAS TSE DANG LDAN PA KO'U DI N+YA LA KUN SHES KO'U DI N+YA ZHES BYA BA'I MING CHAGS PAS 'JIG

RTEN DU DKON MCHOG GSUM PO DAG KYANG GRUB CING LHA RNAMS KYIS KYANG, GROGS PO DAG BCOM LDAN 'DAS KYIS W'A RA n'A SIR LAN GSUM DU BZLAS TE RNAM PA BCU'I SUM CHOS KYI 'KHOR LO CHOS DANG LDAN PA SUS KYANG 'JIG RTEN DU CHOS DANG MTHUN PAR 'GA' YANG MA BSKOR BA ZHIG BSKOR BAS, LHA'I RIS 'PHEL ZHING LHA MA YIN GYIS RIS NI YONGS SU NYAMS SO, ,ZHES BSGRAGS SO, ,DE NAS BCOM LDAN 'DAS KYIS LAN GNYIS SU YANG LNGA SDE RNAMS LA BDEN PA BZHI BSTAN BAS, KUN SHES KO'U DI N+YA LEN PA MED PAR ZAG PA LAS SEMS RNAM PAR GROL TE DGRA BCOM PAR GYUR TO; ;DE'I TSE 'JIG RTEN NA DGRA BCOM BA GCIG DANG, GNYIS PA NI BCOM LDAN 'DAS NYID YIN NO, ,DGE SLONG LHAG MA BZHI PO RTA THUL DANG, RLANGS PA DANG, MING CHEN DANG, BZANG LDAN RNAMS KYIS BDEN PA MTHONG NGO, ,DE LTAR LNGA SDES YE SHES KHONG DU CHUD MA THAG ,MU STEGS KYI RTAGS DANG RGYAL MTSAN CI YOD PA SKAD CIG LA NUB NAS, SKRA BREGS CHOS GOS GSUM DANG, LHUNG BZED DANG LDAN LA, BSNYEN PAR RDZOGS PA DGE SLONG GI DNGOS POR GYUR TE, BCOM LDAN 'DAS KYIS KYANG SNAM SBYAR GYI RGYAL MTSAN 'DZIN PA RNAMS KYI MCHOG NI KUN SHES KO'U DI N+YA 'DI YIN NO ZHES BSNGAGS SO, ,DE NAS BCOM LDAN 'DAS KYIS DGE SLONG LHAG MA BZHI PO LA GZUGS BDAG MA YIN PA DANG, SDUG BSNGAL BA DANG, MI RTAG PA YIN PAR RGYA CHER BKA' STZAL PAS LHAG MA BZHI POS KYANG DGRA BCOM PA MNGON DU BYAS TE, 'JIG RTEN NA DGRA BCOM PA LNGA DANG DRUG PA NI BCOM LDAN 'DAS NYID DO, ,

, ,DE LTAR BSTAN PA LAS LHA BYE BA PHRAG BRGYA BZHI BCU DANG, MI BRGYAD KHRI BZHI STONG GIS BDEN BA MTHONG NGO, ,DE LTAR BCOM LDAN 'DAS KYI TSANGS PA'I DBYANGS SNYAN PA DE PHYOGS BCU'I ZHING DAG TU GRAGS PAS, PHYOGS BCU'I SANGS RGYAS BCOM LDAN 'DAS DE DAG CANG MI GSUNG BAR BZHUGS PA NA, SO SO'I RIM GRO PA RNAMS KYIS CI'I PHYIR BKA' MCHID BKUM ZHES ZHUS PA DANG, BKA' STZAL PA, BCOM LDAN 'DAS SH'AKYA THUB PA BYANG CHUB BRNYES TE 'KHOR LO BSKOR BAR MDZAD PAS DE'I PHYIR MI SMRA'O, ,ZHES GSUNGS BAS SEMS CAN BYE BA PHRAG BRGYA BYANG CHUB TU SEMS BSKYED DO, ,STON PA MNGON PAR RDZOGS BAR SANGS RGYAS NAS CHOS GSUNG BA DKA' DKA' LTAR MDZAD NAS YANG DANG YANG DU GSOL BA GDAB DGOS BYUNG BA DANG, CHOS STON BA LA 'JUG BA'I TSE THOG MA NAS ZAB MO STONG BA NYID LA SOGS PA MA BSTAN PAR CHOS GOS ZLUM POR BGO BA DANG, PHYI DRO'I KHA ZAS SPONG BA DANG, ZAS GOS MTHA' GNYIS SU MA LHUNG BAR BYA DGOS PA SOGS 'DUL BA'I BSLAB BYA BSTAN NAS BDEN PA BZHI STON PAR MDZAD CING BDEN PA BZHI PO DE LAS KYANG THOG MAR SDUG BSNGAL BDEN PA STON PAR MDZAD, SDUG BSNGAL LA YANG RNAM PA BZHI YOD PA LAS, THOG MAR MI RTAG PA STON PAR MDZAD PA'I TSUL 'DI DAG LA RNAM DPYOD CAN GYIS LEGS PAR DPYOD SHES NA BYANG CHUB LAM GYI RIM BA'I NYAMS LEN LA NGES PA BRTEN PO RNYED PAR 'GYUR TE, THOG MAR LEGS TSOGS THAMS CAD KYI RTZA BA DGE BA'I PA SHES GNYEN ZHIG LA

BRTEN DGOS SHING, DE YANG GANG BYUNG GIS MI CHOG PAR SLOB MAS KYANG BLA MA MTSAN NYID DANG LDAN MI LDAN LEGS PAR BRTAGS NAS MTSAN NYID DANG LDAN PA ZHIG LA BRTEN DGOS PA DANG, BLA MAS KYANG SLOB MA MA BRTAGS PAR SU RUNG RUNG LA CHOS BSTAN MI RUNG BAS SLOB MA SNOD DANG LDAN MI LDAN LEGS PAR BRTAGS NAS BYA DGOS PA DANG, SLOB MA LA CHOS STON PA'I TSE NA'ANG MA MDZANGS MAS BU CHUNG GSO BA DANG, SMAN PA MKHAS PAS NAD PA LA SMAN STER BA DANG 'DRA BAR GDUL BYA'I KHAMS LA BRTAGS NAS RIM GYIS RGYUD SBYONG BAR BYA DGOS PA DANG, DKAR CHOS THAMS CAD KYI GZHI TSUL KHRIMS RNAM PAR DAG PA ZHIG LA THOG MAR SBYAR DGOS PA DANG, DE NAS KYANG THOG MAR TSE 'DI LAS BLO LOG PA ZHIG DANG, 'KHOR BA SPYI LAS BLO LOG PA ZHIG GI THABS SU SPYIR 'DUS BYAS THAMS CAD MI RTAG PA DANG, KHYAD PAR ZAG BCAS KYI LUS 'DI MI RTAG PAR BSTAN NAS TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BSKYED PA DANG, 'KHOR BA MTHA' DAG LA MA CHAGS PAR THAR PA DON GNYER GYI BSAM BA BRTAN PO BSKYED PA DANG, BSAM PA DE LTA BU ZHIG SKYES PA NA 'KHOR BA'I RTZA BA KUN 'BYUNG BDEN PA NGO SPRAD DE RIM GYIS LAM GONG MA LA KHRID DGOS PA'I TSUL RNAMS SHES NAS STON PA'I RNAM THAR NYAMS LEN DU 'KHYER SHES PA ZHIG 'ONG NGO, ,STON BAS CHOS KYI 'KHOR LO BSKOR BA'I SA W'A RA n'A SI DRANG SRONG LHUNG BA RI DVAGS KYI NAGS SU LHA DANG, LNGA SDE BZANG PO SOGS MI DAD PA CAN DAG GIS CHOS KYI 'KHOR LO BSKOR BA'I MCHOD RTEN, DBYIBS

, ,GRU BZHI PA BANG RIM BZHI PA, BANG RIM RE RE LA PHYOGS BZHIR GLO 'BUR DANG BCAS PA LA SGO BZHI'AM BRGYAD DAM BCU GNYIS SAM BCU DRUG YOD PA BRTZIGS SO, ,DE LA NI KA SHI'I YUL DU CHOS KYI 'KHOR LO BSKOR BA'I MCHOD RTEN ZHES SNGON GYI MKHAS PA RNAMS LA GTAM DU GRAGS SO, ,DE NAS RIM GYIS YUL GZHAN DANG DUS GZHAN DAG TU 'DUL BA LUNG DANG, MDO SDE DRAN PA NYER BZHAG DANG, RGYA CHER ROL PA'I MDO DANG, MDO SDE LAS BRGYA PA DANG, RTOGS BRJOD BRGYA PA LA SOGS PA 'KHOR LO DANG BO'I SDER GTOGS KYI MDO SDE MTHA' YAS PA ZHIG BKA' STZAL TO, ,DE LTAR STON PA MNGON PAR RDZOGS PAR SANGS RGYAS NAS KO'U DI N+YA LA SOGS BA'I LNGA SDE DANG, GRAGS PA LA SOGS PA NYE BA'I LNGA SDE DANG, RGYAL PO'I KHAB TU PHEBS NAS SH'A RI'I BU DANG MO'U 'GAL GYI BU 'KHOR LNGA BRGYA DANG BCAS PA DANG, 'OD SRUNGS CHEN PO LA SOGS PA BDAG NYID CHEN PO BGRANG BA LAS 'DAS PA ZHIG RJES SU BZUNG STE SNYAN PA'I GRAGS BAS SA'I STENG THAMS CAD KHYAB PA NA, RGYAL PO ZAS GTZANG MAS DE THOS TE DGA' ZHING MGU LA MJAL BAR 'DOD NAS YANG DANG YANG DU PHO NYA BTANG STE SER SKYA'I YUL DU 'BYON DGOS PAR GSOL BA BTAB PA NA BCOM LDAN 'DAS KYIS YAB ZAS GTZANG MA DANG, SRU SKYA DGU'I BDAG MO DANG, BDUD RTZI ZAS DANG, BRE BO ZAS DANG, SGRA GCAN 'DZIN DANG, KUN DGA' BO LA SOGS PA SH'AKYA BGRANG BA LAS 'DAS PA DAG 'DUL BA'I DGOS PA NYE BAR GZIGS NAS 'CHAR KA PHO NYAR 'ONGS PA LA 'BYON PAR ZHAL GYIS BZHES

TE; DE BZHIN GSHEGS PA DGE SLONG GI DGE 'DUN DANG BCAS PA RGYAL PO'I PHO BRANG DU MI BZHUGS KYI, GRONG LAS 'PHAGS PA'I GTZUG LAG KHANG DU BZHUGS SO ZHES 'PHRIN DANG BCAS BTANG NGO, ,DE NAS BCOM LDAN 'DAS KYIS MO'U 'GAL GYI BU LA BKA' STZAL PA, DGE SLONG RNAMS LA BCOM LDAN 'DAS SER SKYA'I GZHIR GSHEGS TE YAB SRAS GDAN 'DZOM NA, KHYED CAG LAS YAB SRAS MJAL BA SU BLTA BAR SPRO BA DE DAG CHOS GOS LONGS SHIG, DES KYANG DE BZHIN DU BYAS NAS BCOM LDAN 'DAS 'KHOR DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG LHAN CIG 'BAB CHU RO HI KA'I 'GRAM DU BYON TE, GRONG KHYER CHEN PO SER SKYA DANG NYE BAR BYON PAR GYUR TO, ,DE LTAR BYON PA RGYAL PO ZAS GTZANG MAS THOS NAS RGYAL POS GANG YANG 'BAB CHU RO HI KA NAS N+YA GRO DHA'I KUN DGA' RA BA'I BAR GYI LAM SHIN TU MDZES PAR BYAS TE, SA PHYOGS YANGS SHING RGYA CHE BAR GDAN RNAM PAR BKRA BDAG SHOM DU BCUG GO ,SER SKYA'I GZHI'I RDO BA DANG, GYO MO DANG, GSEG MA RNAMS BSAL NAS, TZAN DAN GYI CHUS CHAG CHAG BTAB, DRI ZHIM PO'I SPOS PHOR NYE BAR BSHAMS, DAR GYI CHUN 'PHYANG MANG PO DBYANGS TE, SH'AKYA RNAMS LA BSGO BA, KHYED KYIS BZHON PA'I MCHOG RNAMS STA GON GYIS SHIG ,DE CI'I PHYIR ZHE NA, DE RING BDAG CAG RNAMS KYIS BCOM LDAN 'DAS MCHOG TU BLTA NA SDUG PA DE BLTA ZHING 'DOD DO, ,LHA; LEGS SO ZHES GSOL NAS SH'AKYA RNAMS KYIS THEG PA'I MCHOG RNAMS MYUR DU STA GON BYAS SO, ,DE NAS RGYAL POS SER SKYA'I GNAS DANG N+YA GRODHA'I KUN

, ,DGA' RA BA'I BAR DE DAG THAMS CAD RGYAL PO'I GSHEGS SHUL DU MNYAM PAR BYED DU BCUG CING BYE MA GTZANG MA BDAL BA LA ME TOG GIS BKRAM, DAR GYI LNGA LDI BRES, GAR MKHAN DANG, GLU MKHAN DANG, GLANG DANG, BUM RNGA THOGS PA DAG BKOD NAS, RGYAL PO ZAS GTZANG BZHON PA ZHON, SH'AKYA GZHON NU BRGYAD KHRI MANG POS BSKOR TE, RGYAL PO'I DPAL CHEN PO DANG MTHU CHEN POS SONG NGO, ,DE LA SH'AKYA KHA CIG GIS SHING RTA YANG SNGO LA DE 'DREN PA'I RTA YANG SNGO BA DANG, RGYAN RNAMS DANG DRIL BU G-YER KHA'I DRA BA YANG SNGO BA DANG, 'KHOR RGYAN SNGON PO CAN GYIS BSKOR BA, GDUGS DANG RAL GRI DANG, THOD DANG, NOR BU CAN GYI RNGA YAB DANG, LHAM YANG SNGON PO DANG LDAN PA, KHA TSAR MA BCAD PA'I RAS SNGON PO GYON PA, RGYAN SNGON PO THOGS PA'I ZHAL TA PA RNAMS ZHAL TA BYED PA RGYAN SNGON PO CAN GYI LCAGS THOGS PA'I KHRID PA DU MA DANG LDAN PA, RGYAL MTSAN SNGON PO BSGRENG BA, SHING RTA RE RE ZHING YANG RGYAN SNGON PO CAN GYI MI BRGYA PHRAG RE RES BSKOR BA DAG DANG, DE BZHIN DU KHA CIG SER BA DANG, KHA CIG DMAR BA DANG, KHA CIG DKAR BA DANG, KHA CIG KHRA BOR GYUR PA SHA STAG GO ,SHING RTAD DAG RE RE'I PHYI BZHIN DU GLANG PO CHE BRGYAD KHRI GSER GYI RGYAN DANG GSER GYI RGYAL MTSAN CAN, GSER GYI DRA BAS G-YOGS PA'I STENG DU RIN PO CHE SNA BDUN GYI KHANG PA BRTZEGS PA BRGYAD KHRI BZHAG NAS DONG BAR GYUR TO, ,DE'I RJES SU RTA GSER GYI RGYAN GYIS BRGYAN PA, GSER GYI DRIL BU G-YER KHA BRGYUS PA, RIN PO CHE SNA BDUN GYI RGYAN

DANG LDAN PA BRGYAD KHRI BSHAMS NAS DONG BAR GYUR TO, ,DE LTAR RGYAL PO ZAS GTZANG SH'AKYA'I TSOGS KYIS ZLA BA KHAMS PA BZHIN DU BSKOR TE BYUNG BA GZIGS NAS, BCOM LDAN 'DAS KYIS DGE SLONG RNAMS LA BKA' STZAL PA, SH'AKYA RNAMS SER SKYA'I GNAS NAS BYUNG BA DE DAG NI SUM CU RTZA GSUM GYI LHA SKYED MOS TSAL DU DONG PA DANG RJES SU MTHUN NO, ,DE NAS BCOM LDAN 'DAS DGE SLONG GI DGE 'DUN MTHU CHE BA LNGA SDE BZANG PO DANG, GRAGS SPYIN DANG, 'CHAR KA DANG, LTENG RGYAS 'OD SRUNGS DANG, GA YA 'OD SRUNGS DANG, CHU KLUNG 'OD SRUNGS DANG, 'OD SRUNGS CHEN PO DANG, SH'A RI'I BU DANG, MO'U 'GAL GYI BU CHEN PO LA SOGS BA DGE SLONG STONG NYIS BRGYA LNGA BCUS BSKOR ZHING, LHA RNAMS 'DU BAR DGONGS PA NA RGYAL PO CHEN PO BZHI DANG, LHA MA YIN GYI DBANG PO THAGS BZANG RIS DANG, MDOR NA 'DOD PA DANG GZUGS NA SPYOD PA'I LHA'I BU MTHU CHE BA RNAMS KYANG DER 'DUS SO, ,DE NAS BCOM LDAN 'DAS KYIS RGYAL PO ZAS GTZANG MA NGA RGYAL CHE BAR MKHYEN CING, ZHABS KYIS SER SKYA'I GZHIR GSHEGS NA SH'AKYA RNAMS KYANG MI GUS PA SKYE BAR DGONGS NAS PHYOGS BZHIR 'BAR BA DANG, 'OD 'BYIN PA DANG, CHU'I RGYUN 'BEBS PA LA SOGS MDZAD NAS RDZU 'PHRUL DE BTUL TE BCOM LDAN 'DAS TA LA BDUN GYI SRID TZAM NA BZHUGS SO, ,DGE SLONG RNAMS TA LA DRUG GI SRID CAM GYI BAR MTHO DMAN DU GYUR NAS RGYAL PO 'DUS PA'I KHYAMS DER GSHEGS SO, ,DE'I MDO LA BCOM LDAN 'DAS MI GANG LHAG TZAM GYI STENG GI BAR SRANG LA 'CHAG PAR MDZAD PA'I G-YAS PHYOGS NA TSANGS PA 'GRO'O, ,G-YON DU NI BRGYA

, ,BYIN NO, ,ZHABS 'BRING DU 'DOD LHA RIS BZHI POS GDUGS 'DZIN CING BSIL YAB KYIS G-YOB BO, ,RGYAL PO CHEN PO BZHIS NI SHAR NUB TU THAL MO SBYAR TE 'DUG GO ,LHA RNAMS KYIS RIN PO CHE'I KHANG PAS BAR SNANG GANG BAR BYAS SHING, ME TOG DANG SPOS KYI PHYE MAS MCHOD, GLU DBYANGS DANG SIL SNYAN DAG SGRA 'BYIN CING, SPOS KYI CHAR SPRIN DAG LAS SPOS KYI CHAR ZIM BU ZIM BU DAG BABS SO, ,DE NAS DGE SLONG RAB TU MANG PO DANG, CHO 'PHRUL DE LTA BU DAG MTHONG NAS, YAB RGYAL POS BCOM LDAN 'DAS GANG YIN PA MA SHES TE RMONGS PAR GYUR NAS NAG PO 'CHAR KA RGYAL PO'I ZHABS 'BRING NA GNAS PA DE LA DRIS PA, DUR SMRIG GYON PA'I RAB TU BYUNG BA MANG PO ZHIG YOD NA GZHON NU GANG YIN, NAG PO 'CHAR KAS BCOM LDAN 'DAS BSTAN NAS SMRAS PA, 'DI NI BCOM LDAN 'DAS LAGS MI DBANG DA GZIGS SHIG, DE NAS BCOM LDAN 'DAS KYI MTHUS LHA DANG MI DE DAG PHAN TSUN DU YANG MTHONG BAR GYUR CING RGYAL POS KYANG BCOM LDAN 'DAS DANG, BCOM LDAN 'DAS LA MCHOD PA BYED PA'I LHA RNAMS DANG LHA'I RIN PO CHE SNA BDUN GYI KHANG PA BRTZEGS PAS BAR SNANG GANG BA MTHONG NAS, BCOM LDAN 'DAS KYIS GSUNGS PA DE NI NGO MTSAR CHE STE, 'DI GZHON NU'I DUS SU NGA NI CHOS KYI DBANG PHYUG LA DBANG BYA'O ZHES GSUNG NA DE NI 'DI YIN PA LTA STE, BDAG NI MI'I 'KHOR CAN DU ZAD NA, BCOM LDAN 'DAS NI LHA DANG MI'I 'KHOR CAN DU GYUR TO SNYAM MO, ,SER SKYA'I GZHI NA GNAS PA'I SH'AKYA RNAMS DGE BA'I RTZA BAS BSKUL NAS THAMS CAD

BYUNG STE, CI YAB SRAS LA PHYAG BYED DAM, 'ON TE SRAS YAB KYI ZHABS LA PHYAG BYED PA BLTA'O SNYAM NAS THAMS CAD TSOGS PAR GYUR TO, ,DE NAS RGYAL PO CHEN PO ZAS GTZANG MAS BLA GOS RIN THANG MA MCHIS PA PHRAG PA GCIG TU BYAS, PUS MO G-YAS PA'I LHA NGA SA LA BTZUGS NAS RANG GI THOR TZUGS NOR BU DANG COD PAN GYIS BRGYAN PA BCOM LDAN 'DAS KYI ZHABS LA BTUD NAS PHYAG BTZAL TE TSIGS SU BCAD PA, BLO GROS YANGS PA KHYOD LA 'DI DANG NI, ,KUN SPYAD ZHABS LA LAN GSUM PHYAG BGYIS TE, ,BLTAMS PA'I TSE NA SA NI G-YOS PA DANG, 'DZAM BU'I GRIB MA SKU LAS MA 'DAS PA'O, ,ZHES GSOL PA DANG, DE LTAR YAB KYIS SRAS KYI ZHABS LA PHYAG BYAS PA DE'I TSE SH'AKYA RNAMS KYIS 'DI CI'I THA TSIG CES MA DAD PA DANG, RGYAL PO ZAS GTZANG MAS SH'AKYA DE RNAMS LA SMRAS PA, SHES LDAN DAG DA GDOD KHO BOS GZHON NU'I ZHABS LA PHYAG BYAS BA MA YIN TE, 'DI DANG LAN GSUM DU PHYAG BGYIS SO ZHES GO BAR BYAS SO, ,DE NAS BCOM LDAN 'DAS KYIS RDZU 'PHRUL DE BTUL NAS, DGE SLONG GI DGE 'DUN GYI DGUNG LA 'DOD PA'I LHA'I BU RNAMS KYIS SENG GE'I KHRI LHA'I RAS SNA TSOGS SU SPEL NAS BSHAMS PA LA BZHUGS TE, 'DOD LHA RNAMS KYIS STENG DU LHA'I BLA BRE BRES SHING, KHYAMS DER YANG LHA'I RAS BCOS BU BTING NGO, ,DE NAS RGYAL PO ZAS GTZANG SKAD 'DZER CING SNYING SDANGS LA MIG MCHI MAS GANG BZHIN DU TSIGS SU BCAD PAS ZHU BA ZHUS PA, GZHAL MED KHANG GI GNAS RNAMS SU, ,YAB KYI KHAB NA BZHUGS PA LAS, ,DGON

, ,PA 'JIGS DANG BCAS RNAMS SU, ,JI LTA BUR NI 'BA' ZHIG BZHUGS, ,BCOM LDAN 'DAS KYIS BKA' STZAL PA, MI YI BDAG PO GANG DU NI, ,KHYIM GYI 'CHING BA LAS GROL BA, ,'PHAGS PA YI NI GNAS PA BCUS, ,THUB PA RNAMS NI GNAS PAR MDZAD, ,CES SOGS RGYA CHER YAB DANG SRAS GNYIS DE LTA BU'I BKA'I 'BEL MCHID GLENG BAR MDZAD DE, DES RGYAL PO ZAS GTZANG DGA' NAS ZHABS LA PHYAG BYAS TE, BDE BAR GSHEGS PA LA KUN NAS RTOG CING 'DUG GO, DE NAS RGYAL PO ZAS GTZANG 'DI SNYAM DU SEMS TE, GANG BDAG GI BUS 'DI LTA BU'I YON TAN THOB PA NI BDAG GIS RNYED PA LEGS PAR RNYED DO SNYAM MO, DE NAS BCOM LDAN 'DAS KYIS N+YA GRO DHA'I KUN DGA' RA BAR 'KHOR DE DANG MTHUN BA'I CHOS BSHAD PAS ZAS DKAR LA SOGS PA SH'AKYA BDUN KHRI BDUN STONG GIS BDEN PA MTHONG NGO, ,DE'I SANG TSANGS PAS BSKOR BA'I SKYED MOS TSAL DU GSHEGS TE CHOS BSTAN PAS BRE BO ZAS LA SOGS PA SH'AKYA BDUN KHRI DRUG STONG GIS BDEN PA MTHONG NGO, ,SH'AKYA BDUD RTZI ZAS KYI BU GZHON NU KUN DGA' BO SKYES NAS LO DRUG LON PA BCOM LDAN 'DAS KYI RIM GRO BGYID PAR MTSAN MKHAN RNAMS KYIS LUNG BSTAN PA DE, BDUD RTZI ZAS KYIS CI NAS KYANG BCOM LDAN 'DAS KYI SPYAN SNGAR MI 'BAB PAR BYA'O SNYAM STE, YANGS PA CAN DANG SER SKYA'I GRONG KHYER GNYIS PHAN TSUN DU SKYEL BA DANG LEN PAR BYED DO, ,DE BCOM LDAN 'DAS KYIS DGONGS NAS SER SKYAR KUN DGA' BO'I PHYIR GSHEGS PA NA, BDUD RTZI ZAS

KYIS KUN DGA' BO KHANG PHRAN DU SBAS PA DANG, BCOM LDAN 'DAS KYI MTHUS SGO DBYE BAS KUN DGA' BO THAL BYUNG DU 'ONGS NAS BSIL YAB THOGS TE BCOM LDAN 'DAS LA G-YO BO, ,BCOM LDAN 'DAS GSHEGS BA NA RJES BZHIN 'BRANGS NAS SUS KYANG BZLOG MA NUS PAS BDUD RTZI ZAS KYIS DUS STON BYAS TE KUN DGA' BO GLANG PO CHE LA BSKYON NAS N+YA GRO DHA'I KUN DGA' RA BAR BTANG BA DANG GLANG PO CHES AUTPA LA'I CHUN PO ZOS PAS MTSAN MKHAN RNAMS KYIS GZHON NU 'DI THOS PA 'DZIN PA'I MCHOG TU LUNG BSTAN NAS BCOM LDAN 'DAS KYI SPYAN SNGAR PHYIN TE, 'OD SRUNGS STOBS BCU PA LAS RAB TU BYUNG DU BCUG GO ,KUN DGA' BO YANG DE NYID NAS BCOM LDAN 'DAS KYI ZHABS 'BRING DU 'BRANG ZHING 'DZUM PA LUNG BSTAN PA YANG ZHU'O, ,DE'I SANG RO HA TI KA'I SKYED MOS TSAL DU CHOS BSHAD PAS BDUD RTZI ZAS LA SOGS PA BDUN KHRI LNGA STONG GIS 'BRAS BU THOB BO, ,LHA SBYIN NI BCOM LDAN 'DAS LA MA GUS PAS KHA ZER RO, ,DE NAS RGYAL PO ZAS GTZANG MAS BCOM LDAN 'DAS GDUGS TSOD LA SPYAN DRANGS TE GDUGS TSOD GSOL NAS RGYAL POS GSER GYI BYA MA BUM BLANGS TE N+YA GRO DHA'I KUN DGA' RA BA PHUL NAS BCOM LDAN 'DAS KYIS YON BSNGO BA MDZAD DE GSHEGS NAS BCOM LDAN 'DAS SHING N+YA GRO DHA'I KUN DGA' RA BA DE NYID DU DBYAR GNAS MDZAD DE RGYAL PO ZAS GTZANG SH'AKYA'I TSOGS KYIS BSKOR NAS DUS GSUM DU BCOM LDAN 'DAS KYI SPYAN SNGAR CHOS NYAN DU 'GRO'O, ,DE'I TSE RGYAL PO ZAS GTZANG NI HA CANG ZHUM PA DANG SHIN TU DGA' BA'I SEMS DANG LDAN PAS 'BRAS BU MA THOB STE,

, ,DE LA BCOM LDAN 'DAS KYIS RGYAL PO ZAS GTZANG GI DGA' BA'I SEMS NGA'I BU 'BA' ZHIG RDZU 'PHRUL CHE'O SNYAM PA 'DI SPANG BA'I PHYIR MO'U 'GAL GYI BU CHEN PO LA BSKUL BA DANG, MO'U 'GAL GYI BUS RGYAL PO'I PHO BRANG DU PHYIN NAS RDZU 'PHRUL GYI CHO 'PHRUL BSTAN TE GDAN BSHAMS PA LA 'DUG GO, ,RGYAL POS SMRAS PA, MO'U 'GAL GYI BU, NYAN THOS RDZU 'PHRUL CHE BA GZHAN YANG MCHIS SAM, SMRAS PA, GZHAN YANG RDZU 'PHRUL CHE BA MANG DU MCHIS SO, , DE NAS RGYAL PO ZAS GTZANG BDAG GI BU 'BA' ZHIG RDZU 'PHRUL CHE BAR MA ZAD KYI, RDZU 'PHRUL CHE BA GZHAN YANG YOD DO SNYAM NAS SHIN TU DGA' BA'I BLO DANG BRAL TO, ,DE NAS RGYAL PO ZAS GTZANG GI ZHUM PA'I BLO SNGON BCOM LDAN 'DAS LHA DANG MI DANG LHA MA YIN GYIS MCHOD NA DA LTAR MI 'BA' ZHIG GIS MCHOD DO SNYAM PA DE SPANG BA'I PHYIR BCOM LDAN 'DAS LHA'I 'KHOR LA CHOS STON PAR BZHED DO, ,DE BRGYA BYIN GYIS SHES NAS N+YA GRO DHA'I KUN DGA' RA BAR RIN PO CHE SNA BZHI'I KHANG PA BRTZEGS PA GDAN SNA TSOGS BSHAMS PA ZHIG GYIS SHIG CES LHA'I BU BI SHVA KARMA LA BSGOS NAS DES DE BZHIN DU BYAS SO, ,SGO BZHIN NI RGYAL PO CHEN PO BZHI 'DUG GO ,DER BCOM LDAN 'DAS SPYAN DRANGS TE 'DOD GZUGS KYI LHA'I BU RNAMS DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI RNAMS KYIS BSKOR ZHING NYAN THOS CHEN PO RNAMS KYANG 'DUG GO ,PHYI ROL NA NI KUN TU RGYU DRUG KHRI 'DUS SO, ,DE'I

TSE BCOM LDAN 'DAS GDAN BSHAMS PA RIN PO CHE SNA TSOGS KYIS BRGYAN PA LA BZHUGS TE, YAB DANG SRAS MJAL BA BYANG CHUB SEMS DPA'I TING NGE 'DZIN DE KHO NA NYID NGES PAR BSTAN PA ZHES BYA BA STON PAR BZHED DO, ,DE NAS TSE DANG LDAN PA MO'U 'GAL GYI BUS KYANG RGYAL PO ZAS GTZANG MA KHRID DE GRONG KHYER SER SKYA NAS LHAS SPRUL PA'I GZHAL MED KHANG DER 'ONGS SO, ,MO'U 'GAL GYI BU NANG DU ZHUGS TE RGYAL PO ZAS GTZANG NANG DU 'JUG PAR BRTZAMS PA'I THOG MA SHAR SGO NAS DONG PA DANG, RGYAL PO YUL 'KHOR SRUNG SGO NA 'DUG NAS DAS NANG DU MA 'GRO SDOD CIG CES BZLOG GO ,DE CI'I PHYIR ZHE NA, BCOM LDAN 'DAS LHA'I 'KHOR DAG PA LA CHOS 'CHAD DE, DER MIR GYUR PA 'JUG TU MI DBANG PO, ,BZHIN BZANG KHYOD SU ZHIG, RGYAL PO CHEN PO, BDAG YUL 'KHOR SRUNG NGO, ,DE NAS RGYAL PO ZAS GTZANG GIS LHO DANG NUB DANG, BYANG CHUB ZHUGS PA DANG, RGYAL PO LHAG MA GSUM GYIS KYANG DE BZHIN DU BYAS SO, ,DE NAS RGYAL PO ZAS GTZANG KYE MA'O BCOM LDAN 'DAS LHA'I 'KHOR DAG PA LA CHOS 'CHAD PA DE BDAG GIS BLTA'O SNYAM PA'I 'DOD PA SKYES TE ZHUM PA'I RGYUD DE DANG BRAL LO, ,DE NAS BCOM LDAN 'DAS KYIS DGONGS PA RGYAL PO ZAS GTZANG GIS GAL TE NGA MA MTHONG NA KHRAG DRON MO SKYUGS NAS 'CHI BAR 'GYUR BA'I GNAS YOD PAR DGONGS NAS, RIN PO CHE'I KHANG PA BRTZEGS PA DE SHEL LAS BYAS PAR SPRUL PA DANG, RGYAL PO ZAS GTZANG GIS SANGS RGYAS KYI SKU SGRIB PA MED PA MTHONG NGO, ,MTHONG NAS KYANG DGA' BA

, ,DANG MGU BA SKYES NAS BCOM LDAN 'DAS KYI ZHABS GNYIS LA PHYAG BYAS TE PHYOGS GCIG TU 'DUG GO, ,DE NAS BCOM LDAN 'DAS KYIS LHA MA YIN GYI DBANG PO THAGS BZANG RIS MCHOD PA BYED DU 'JUG PA'I MTSAN MA MDZAD DO, ,DE NAS LHA MA YIN THAGS BZANG RIS DE RIN PO CHE SNA BDUN GYI SHING RTA LA ZHON NAS BCOM LDAN 'DAS LA MCHOD PA'I PHYIR SHING RTA DANG RTA RIN PO CHES BRGYAN PA LA LHA MIN GYI BU MO MANG PO 'KHOR DE MCHOD PA SNA TSOGS THOGS PA RIN PO CHE'I PHO BRANG BKRA BDAG BSHAMS NAS LHAG PAR GUS PAS BCOM LDAN 'DAS LA BSTOD CING PHUL LO, ,DE BZHIN DU LHA MIN DBANG PO STOBS LDAN DANG, SGRA GCAN LA SOGS PA DANG, BYA'I RGYAL PO 'DAB BZANG RNAMS KYIS KYANG MCHOD DO, ,DE NAS KLU'I BU MO RNAMS KYIS RIN PO CHE'I GDUGS DAG DANG, KLU'I RGYAL PO DGA' BO DANG, NYE DGA' BOS MU TIG DMAR POS SNYIM PA BKANG ZHING RIN PO CHE SNA BDUN GYI KHANG BZANG NA NOR BU SNA TSOGS LAS ME DANG CHU 'BAR 'DZAG BYED PA DAG BYAS SO, ,GRUL BUM RNAMS DANG RGYAL CHAN BZHI'I LHAS RIN PO CHE'I BLA BRE DAG DANG, DRI ZA RNAMS KYIS SA SRUNGS KYI BU'I STENG DU RDZING BU PADMAS GTAMS PA DAG DANG, MI'AM CI'I RGYAL PO LJON PAS RIN PO CHE SNA BDUN GYI KHANG PA GDUGS KYIS BRGYAN PA DAG DANG, BRGYA BYIN GYIS RIN PO CHE'I KHANG PA DANG, SA SRUNGS KYI BU'I STENG DU RDZING YOD PA DAG DANG, GZHAN YANG 'DOD GZUGS KYI LHA'I BU THAMS CAD KYIS MCHOD CING BSTOD PAS, BCOM

LDAN 'DAS 'DZUM PA MDZAD PA NA RTA THUL GYIS DE'I RGYU ZHUS PAS DE DAG BYANG CHUB TU LUNG BSTAN CING, KUN TU RGYU RNAMS KYANG SO SOR LUNG BSTAN TO, ,DE'I TSE YANG RGYAL PO ZAS GTZANG MA BU LA CHAGS PAS KUN TU DKRIS PA NA, BCOM LDAN 'DAS KYIS DE 'DUL BA'I TING NGE 'DZIN YAB SRAS MJAL BA'I MDO BSTAN PAS RGYAL PO ZAS GTZANG MA THEG PA CHEN PO LA RGYUN DU ZHUGS PA'I 'BRAS BU THOB NAS MTHAR GYIS SH'AKYA BDUN KHRI DANG LHAN CIG MI SKYE BA'I CHOS LA BZOD PA THOB PA DANG, BCOM LDAN 'DAS KYIS 'DZUM PA MDZAD PA NA RTA THUL GYIS DE'I RGYU ZHUS NAS BCOM LDAN 'DAS KYIS RGYAL PO ZAS GTZANG DANG SH'AKYA RNAMS BYANG CHUB TU LUNG BSTAN CING SH'A RI'I BU LA MDO 'DI BSGRAG PAR BYA'O ZHES BKA' STZAL TO, ,YAB SRAS MJAL BA'I TSE JI LTAR MDZAD PA'I RNAM THAR BZANG PO 'DI DAG LA LEGS PAR DPYOD SHES NA CHOS RNAM DAG CIG BYED PA LA TSE 'DI'I GNYEN NYE DU LA MA CHAGS BA ZHIG NGES PAR DGOS PA DANG, RANG GI GNYEN NYE DU DANG G-YOG 'KHOR DANG MDZA' BSHES JI LTA BU ZHIG YIN YANG DE LA PHAN PAR SEMS NA TSE 'DI'I CHE THABS DANG , SRID PA'I PHUN TSOGS LA MI SBYOR BAR KHYIM NAS KHYIM MED PAR RAB TU BYUNG STE, TSUL KHRIMS RNAM PAR DAG PA LA GNAS NAS DBEN PA'I GNAS SU LAM SGRUB PA LA SBYOR DGOS PA SOGS BYANG CHUB LAM GYI RIM PA'I SBYOR DNGOS RJES

, ,GSUM GYI GNAD RNAMS LA NGES PA BRTAN PO SKYE BAR 'GYUR RO, ,DE NAS BCOM LDAN 'DAS DGUNG LO BZHI BCU ZHE GCIG TU PHEBS PA LCAGS PHO BYI BA'I LO SUM CU RTZA GSUM DU PHEBS NAS DBYAR GNAS MDZAD DE, DE YANG 'DI LTAR, BCOM LDAN 'DAS YUM SGYU MA LHA MDZES SUM CU RTZA GSUM DU SKYE BA BZHES PA DE RJES SU GZUNG BAR BZHED PA DANG, GZHAN YANG LHA BGRANG BA LAS 'DAS PA ZHIG LA DGE BA'I RTZA BA YOD PAR GZIGS NAS SUM CU RTZA GSUM DU GSHEGS TE, CHOS BZANG LHA'I MDUN SAR BZHUGS NAS, GDUGS DKAR MO CAN GYI GZUNGS DBU'I GTZUG TOR NAS PHYUNG NGO, ,DE NAS LHA'I DGA' BA'I TSAL DU GSHEGS TE BRGYA BYIN DANG TSANGS PA SOGS SDE BRGYAD DANG, BLO GROS CHEN PO LA SOGS PA BYANG CHUB SEMS DPA' MANG PO DANG LHAN CIG GO ,DE'I TSE 'OD BKYE BAS STONG GSUM 'DI'I NGAN SONG THAMS CAD SDUG BSNGAL LAS GROL BA RNAMS BCOM LDAN 'DAS KYI SPYAN SNGAR NOR BU'I STENG DU 'KHOD NAS CHED DU BRJOD PA DANG, BRGYA BYIN GYIS GSOL PA, LHA'I RIS 'DI NAS LHA'I BU NOR BU DRI MA MED PA'I 'OD SHI 'PHOS NAS DGUNG BDUN LON LAGS NA GANG DU SKYES, BKA' STZAL PA, LHA'I DBANG PO, DE NI MNAR MED PA'I DMYAL BAR SKYES SO, ,BRGYA BYIN GYIS DE LA BSKYAB PAR ZHUS PAS NGAN SONG SPYOD BA'I BRTAG PA GSUNGS TE, BRGYA BYIN LA NGAN SONG SBYONG BA'I CHO GA BSTAN, BRGYA BYIN GYIS DE'I LUS DKYIL 'KHOR DU BCUG NAS DBANG

BSKUR BAS DE SKAD CIG GIS DMYAL BA LAS THAR NAS DGA' LDAN DU SKYES TE GTZANG MA'I RIS KYI LHA RNAMS DANG LHAN CIG DGA' BA'I TSAL DER 'ONGS NAS BCOM LDAN 'DAS DANG BRGYA BYIN LA CHED DU BRJOD CING MCHOD PA'I SPRIN GYIS MCHOD DO, , DE NAS BCOM LDAN 'DAS LHA'I SHING YONGS 'DU SA BRTOL GYI DRUNG DU AAR MO NIG STE LA BA DKAR PO LTA BU'I RDO LEB KYI STENG DU BZHUGS TE, SH'A RI'I BU, 'OD SRUNGS CHEN PO, K'A TYA'I BU CHEN PO, GANG PO, NAM GRU, RTA THUL, KA PI NA, GSUS PO CHE, RAB 'BYOR LA SOGS PA DGRA BCOM PA BRGYAD STONG DANG, KUN DGA' BO DANG THABS CIG TU DBYAR GNAS PA MDZAD, DE'I TSE BYANG CHUB SEMS DPA' MANG PO YANG 'DUS SHING YUM SGYU 'PHRUL CHEN MO YANG MCHOG TU DGA' BAR MDZAD LA, RGYAL BA'I SRAS LEGS PAR GNAS LA DBYIG LDAN GYI GZUNGS STZAL TO, ,DE'I TSE LHA RNAMS THAGS BZANG RIS KYI DPUNG DANG 'THABS PAS PHAM NAS BCOM LDAN 'DAS KYI DRUNG DU BRGYA BYIN SKRAG BZHIN DU 'ONGS TE ZHUS PAS RGYAL MTSAN RTZE MO'I DPUNG RGYAN GYI GZUNGS STZAL NAS DBUGS PHYUNG NGO, ,SPYAN RAS GZIGS KYIS LHA RNAMS MCHOD RTEN BGYID PAR 'TSAL NA, DE'I BSOD NAMS 'PHEL BA'I THABS ZHUS PAS, RTEN 'BREL SNYING PO GSUNGS SO, , LHA'I BU SHIN TU BRTAN PAS ZHAG BDUN NAS SHI STE DMYAL BAR SKYE'O ZHES PA'I SGRA THOS PA BRGYA BYIN LA SMRAS TE, DES ZHUS PAS GTZUG TOR RNAM PAR RGYAL BA NGAN 'GRO RNAM SBYONG GSUNGS PAS LHA'I BU DE'I SDIG PA DAG CING TSE SRINGS SO, ,

, ,DE'I TSE SA BCU PA 'BA' ZHIG DANG THABS CIG TU BZHUGS TE, BYAMS PAS 'DZAM BU GLING PA RNAMS KYI 'TSE BA ZHI BAR GSOL BAS, BCOM LDAN 'DAS KYIS ZHABS SA LA BRDABS SHING, SPRUL PA'I KHRO BO SPROS TE GDUG PA CAN RNAMS BTUL NAS MI G-YO BA'I RGYUD GSUNGS SO, ,LHA'I BU ZHIG SHI 'PHOS NAS PHAG TU SKYE BAR MTHONG BAS SKRAG STE BRANG BRDUNGS PA DANG, BCOM LDAN 'DAS NGER GSHEGS TE DKON MCHOG GSUM LA SKYABS SU SONGS SHIG GSUNGS, DES DE LTAR BYAS PAS YANGS PA CAN DU TSONG DPON ZHIG GI BUR SKYES TE MING SHES LDAN ZHES BTAGS SO, ,BCOM LDAN 'DAS SUM CU RTZA GSUM DU BZHUGS PA'I RING MO'U 'GAL GYI BU CHEN PO'I 'DZAM BU'I GLING DU BSTAN PA SKYONG PHYIR BZHUGS, SKYE PO PHAL PA SUS KYANG BCOM LDAN 'DAS GANG NA BZHUGS MA SHES PA NA RGYAL PO GZUGS CAN SNYING PO DANG GSAL RGYAL DANG, 'KHOR RNAMS BZHI RNAMS KYIS MO'U 'GAL GYI BU CHEN PO MNYAN YOD NA DBYAR GNAS PA LA DRIS PA, BCOM LDAN 'DAS GDAN BZHUGS, LHA'I GNAS NA BZHUGS SO, ,DE RNAMS DGA' STE, DBYAR ZLA BA GSUM RDZOGS PA DANG SLAR YANG MO'U 'GAL GYI BU'I GAN DU SONG NAS, DA NI BCOM LDAN 'DAS MA MTHONG NAS YUN RING ZHIG LON PAS, BDAG CAG GI TSIG GIS BCOM LDAN 'DAS SPYAN 'DREN DU GSOL, MO'U 'GAL GYI BUS SKAD CIG LA LHA'I YUL DU PHYIN TE, BCOM LDAN 'DAS LA 'KHOR BZHI PO'I TSIG GIS BSNYUN GSOL

NAS, BCOM LDAN 'DAS 'DZAM BU GLING PA RNAMS KYIS LHA'I GNAS SU 'DZEG MI NUS SHING LHA RNAMS LA 'DZAMBU'I GLING DU 'BAB PA'I MTHU MCHIS PAS, DA NI 'DZAMBU'I GLING DU GSHEGS SU GSOL ZHES DE DAG GI MCHID GSOL PA DANG, MO'U 'GAL GYI BU KHYOD SONG LA BCOM LDAN 'DAS DENG ZHAG BDUN NA GRONG KHYER GSAL LDAN GYI AA PA DZA RI'I NAGS SHING AU DUM WA RA'I DRUNG DU GSHEGS SO ZHES BSGO SHIG ,DES KYANG SKAD CIG LA 'DZAMBU'I GLING DU PHYIN NAS MI RNAMS LA GO BAR BYAS TE SLAR MNYAN YOD NAS SUM CU RTZA GSUM DU PHYIN TO, ,MA 'GAGS PAS RGYAL PO AU TR'A Y'A NA LA SBRAN PAS DE DGA' STE GRONG KHYER GSAL LDAN GTZANG MAR BYAS NAS MCHOD PA'I YO BYAD DAG BSHAMS SHING, 'KHOR RNAM BZHIS KYANG PHYOGS DE LHA'I DGA' TSAL BZHIN DU BYAS SO, ,DE NAS STON ZLA 'BRING PO'I TSES NYI SHU GNYIS LA BCOM LDAN 'DAS 'DZAMBU'I GLING DU ZHABS KYIS GSHEGS PAR BZHED PA NA, BRGYA BYIN GYIS BI SHVA KARMA LA BSGOS PAS DES THEM SKAS GSUM SPRUL TE, DBUS MA BEE d'URYA'I THEM SKAS LA BCOM LDAN 'DAS 'KHOR DANG BCAS PA GSHEGS SO, ,G-YAS PA GSER GYI THEM SKAS LA TSANGS PA GZUGS KYI LHAS BSKOR TE NOR BU'I RNGA YAB KYIS BCOM LDAN 'DAS LA G-YOB CING SONG NGO, ,G-YON PA SHEL GYI SKAS LA BRGYA BYIN 'DOD PA'I LHA RNAMS KYIS BSKOR TE GDUGS THOGS NAS SONG NGO, ,BCOM LDAN 'DAS KYIS BI SHVA KARMA'I CHED DU PHYED NI ZHABS KYIS BYON LA, MA DAD BA BZLOG PA'I PHYIR DU PHYED NI

, ,RDZU 'PHRUL GYIS BYON TE, DPAG TSAD BCU GNYIS MAN CHAD MI'I DRI MNAM PAS LHA RNAMS 'OD MI BZOD PA LA TZAN DAN GYI DRIS KHYAB PAR MDZAD CING, SKYES PAS LHA'I BU MO DANG BUD MED KYIS LHA'I BU MTHONG NA 'CHI BAR 'GYUR PAS SKYES PA RNAMS KYIS LHA'I BU MTHONG ZHING BUD MED RNAMS KYIS LHA'I BU MO MTHONG BAR MDZAD DE GRONG KHYER GSAL LDAN DU GSHEGS NAS BRGYA BYIN GYIS BSHAMS PA'I SENG GE'I KHRIL BZHUGS SO, ,DE'I TSE RGYAL PO AU TR'A YA NA DANG 'KHOR RNAM BZHIS BSUS SHING DRI ZA CHOS KYI PHRENG BAS PI WANG BRDUNGS PAS NYAN THOS CHEN PO RNAMS KYI LUS KYANG G-YOS SO, ,GNAS DER LHA DANG MI DAD PA CAN GYIS LHA LAS BABS PA'I MCHOD RTEN BANG RIM BZHI PA'AM BRGYAD PA NGOS RER GLO 'BUR DANG BCAS PA'I GLO 'BUR GYI DBUS NA THEM SKAS YOD PA BRTZIGS SO, ,DE NAS BCOM LDAN 'DAS DGUNG LO NGA BDUN LA BAB PA ME PHO 'BRUG GI LO MNYAN YOD DU CHO 'PHRUL CHEN PO STON PAR MDZAD DE, DE YANG 'DI LTAR STON PA MNGON PAR RDZOGS PAR SANGS RGYAS NAS LHA MI BGRANG BA LAS 'DAS PA ZHIG SMIN CING GROL BAR MDZAD, 'DZAM BU'I GLING GI RGYAL PO CHE DGU THAMS CAD KYIS STON PA NYAN THOS KYI DGE 'DUN DANG BCAS PA MCHOD PA NA RDZOGS BYED LA SOGS PA'I MU STEGS KYI STON PA DRUG PO PHRAG DOG GIS YID DKRUGS TE STON PA LA 'GRAN PAR 'DOD PA NA BDUD SDIG TO CAN GYIS KYANG MU STEGS KYI STON PA DRUG PO'I RGYUD BSKUL TE, STON PA LA 'GRAN PA'I BSAM

PA CHES CHER SKYES NAS RDZOGS BYED LA SOGS PA MU STEGS PA DRUG PO DES RGYAL PO GZUGS CAN SNYING PO'I DRUNG DU PHYIN TE, RGYAL PO BDAG CAG DANG GOO TA MA GNYIS KA SHES PAR SMRA BA YIN NA LHAN CIG RDZU 'PHRUL 'GRAN DU GZHUG PA'I RIGS SO, ,RGYAL POS BGAD DE KHYED RNAMS RE GLEN, SANGS RGYAS RDZU 'PHRUL CHEN PO DANG LDAN NA JI LTAR 'GRAN, STON PA DRUG GIS SMRAS PA, BDAG CAG GNYIS KYIS ZHAG BDUN NA RDZU 'PHRUL CHEN PO 'GRAN NA MNGON TE, BSGRUN PA'I 'OG TU GANG RGYAL BA GZIGS SHIG ,RGYAL POS KYANG BDAG GIS DE BZHIN BGYI NA KHYED SKYENGS KYIS DOGS SO, ,ZHES SMRAS TE, RGYAL POS BCOM LDAN 'DAS LA DON DE GSOL PA DANG, NGA NYID DUS MKHYEN NO ZHES GNANG NGO, ,RGYAL POS CHO 'PHRUL STON PA'I GNAS BYED DU BCUG PA NA, ZHAG BCUN GYI NYIN PAR BCOM LDAN 'DAS DGE 'DUN DANG BCAS PA YANGS PA CAN DU GSHEGS SO, ,STON PA DRUG GIS KYANG GOO TA MA'I CHO 'PHRUL GYIS BDAG MI THUB BO ZHES BYAS NA KHYED YID MI CHES KYIS CHO 'PHRUL 'GRAN PA'I DUS BYAS PA LAS BROS SO ZHES BSGRAGS NAS NGA RGYAL SKYES TE RJES SU BSNYAGS SHING RGYAL PO GZUGS CAN SNYING PO YANG BCOM LDAN 'DAS KYI RJES SU YANGS PA CAN DU DONG NGO, ,YANGS PA CAN PA RNAMS KYIS BCOM LDAN 'DAS BSUS SO, ,STON PA DRUG GIS LI TZA BYI RNAMS LA GOO TA MA DANG CHO 'PHRUL 'GREN PAR GNANG NA ZHAG BDUN NA 'GRAN NO, ,DE BCOM LDAN 'DAS LA GSOL PA DANG, NGA NYID KYIS DUS MKHYEN NO, ,

, ,ZHES GSUNGS NAS, SANG 'GRAN PA LAS DE RING BCOM LDAN 'DAS YUL KOO SHAMBIR RGYAL PO AU TRA YA NA CAN DU GSHEGS SO, ,DER YANG 'GRAN PAR ZHUS PA LAS YUL WARGAR RGYAL PO SHUN TZID LA CAN DU GSHEGS SO, ,DER YANG 'GRAN PAR ZHUS BA LAS, YUL TZAM PAR RGYAL PO AINDRA WA RMI CAN DU GSHEGS SO, ,DER YANG 'GRAN PAR ZHUS PA LAS W'A RA n'A SI'I RGYAL PO TSANGS BYIN CAN DU GSHEGS SO, ,DER YANG 'GRAN PAR ZHUS PA LAS, SER SKYAR SH'AKA RIGS CEN DU GSHEGS SO, ,STON PA DRUG PO YANG NGA RGYAL LHAG PAR SKYES TE, RGYAL PO GZUGS CAN SNYING PO LA GOO TA MA DANG RDZU 'PHRUL 'GRAN DU CHUG CIG CES YANG NAS YANG DU BSKUL LO, , RGYAL POS GAL TE KHYOD DON 'DI LAN GSUM GYI BAR DU ZER NA SPYUGS TE BTANG NGO, ,ZHES SMRAS PA DANG, DE RNAMS 'DI SNYAM DU RGYAL PO 'DI NI GOO TA MA'I PHYOGS BYED KYIS, RGYAL PO GSAL RGYAL DE GZU BO ZHIG YOD CES GRAG GI ; DE'I GAN DU 'GRO'O ZHES BCOM LDAN 'DAS KYI RJES BZHIN DU BSNYAGS SO, ,BCOM LDAN 'DAS KYANG MNYAN YOD DU BYON NAS RGYAL BYED TSAL DU BZHUGS SO, ,DE'I TSE RGYAL PO GZUGS CAN SNYING PO BZHON PA LNGA BRGYA DANG 'KHOR 'BUM BZHI KHRI DANG, LI TZA BYA BZHON PA LNGA BRGYA DANG 'KHOR BDUN KHRI DANG, AU TRA YAN 'KHRO STONG PHRAG BRGYAD KHRI DANG, SHUN TZI DA LA 'KHOR LNGA KHRI DANG, AINDRA WAR MI DRUG KHRI DANG, TSANGS BYIN BRGYAD 'BUM DANG, SH'AKA RIGS KHRI KHRAG

DGU PO DAG RJES SU 'BRANGS TE, MNYAN YOD KYI LJONGS YONGS SU GANG BAR GYUR TO, ,DE NAS STON PA DRUG GIS, RGYAL PO GSAL RGYAL LA SMRAS PA, DGE SBYOD GOO TA MA DANG BDAG CAG CHO 'PHRUL 'GRAN PAR DUS BYAS PA LAS, DUS LA BAB PA DANG BYOL ZHING BROS TE, DA NI 'KHOR MANG PO YANG RGYAL PO'I YUL DU TSOGS KYIS, RGYAL PO NI SA DANG 'DRA BAS BYAMS SDANG MED PA'I ZHAL CHE GCOD PA'I RIGS SO, ,GOO TA MA RGYAL NA BDAG CAG DE'I DBANG DU MCHIL, BDAG CAG RGYAL NA BDAG CAG DBANG BAR MDZOD CIG ,RGYAL POS SMROS PA, CI'I PHYIR KHYED LTA BU'I MA RABS CI YANG MI SHES PAS CHOS KYI RGYAL PO CHEN PO DANG CHO 'PHRUL 'GRAN PAR BYED KHYED PHAM KYIS DOGS SO, ,SMRAS PA KHYOD KYANG GOO TA MAS BLUS ZIN NAM BSGRUN NA MNGON PAR 'GYUR RO, ,RGYAL POS SMRAS PA, GAL TE DE LTA NA BDAG GIS BCOM LDAN 'DAS LA ZHU'O, ,DE NAS RGYAL PO GSAL RGYAL GYIS BCOM LDAN 'DAS LA LAN GSUM GYI BAR DU GSOL BAS, BCOM LDAN 'DAS KYIS MNYAN YOD 'DIR SNGON GYI SANGS RGYAS RNAMS KYIS CHO 'PHRUL CHEN PO BSTAN ZHING SKYE BO'I TSOGS CHEN PO'ANG ZHAG BDUN NA 'DU BAR MKHYEN NAS, RGYAL PO CHEN PO ZHAG BDUN NA DE BZHIN BYA YI KHYOD SONGS LA 'DI MA YIN PA YANGS PA DAG TU 'DUN KHANG RTZIGS SHIG ,DE NAS RGYAL POS STON PA DRUG LA DON DE SMRAS PA DANG, DE RNAMS BGROS PA GOO TAM 'BROS PA'AM GROGS TSOL BA GNYIS LAS GDON MI ZA BAR

, ,GROGS 'TSOL BAR 'GYUR BAS, BDAG CAG GIS KYANG GROGS BTZAL LO ZHES, GYAD YUL GYI KUN TU RGYU RAB BZANG GI DRUNG DU SONG STE BDAG CAG GI GROGS GYIS LA GOO TAM DANG RDZU 'PHRUL 'GRAN PAR GYIS SHIG ,RAB BZANG GIS SMRAS PA, KHO BO NYIN MO DAL 'BAB KYI MTSO 'GRAM NA GNAS NAS BSOD SNYOMS BSLANGS PA MA DROS PAR ZAB NA, SH'A RI'I BU'I DGE TSUL SKUL BYED KYIS PHYAG DRA KHROD BA KHYER BA MA DROS PA'I LHAS BKRUS NAS 'BUL ZHING DE'I CHU BDAG GI MGOR 'DEBS PAS, BDAG CAG DE'I YANG SLOB DANG YANG MI MNYAM NA, RDZU 'PHRUL CHEN PO DE KHYED KYIS RDZU 'PHRUL LA BOS PA MA LEGS SO, ,DE NAS STON PA DRUG GIS DE BOR NAS GANGS RI'I SUL NA GNAS PA'I DRANG SRONG LNGA BRGYA LA TSUL DE SMRAS PA DANG, DE RNAMS KYIS KHAS BLANGS TE 'ONG RAN PA'I TSE MTSAN MA STON CIG CES SMRAS SO, ,DE'I TSE BLON POS DBYEN BYAS PAS RGYAL PO GSAL RGYAL GYIS, MAS DBEN GYI GCUNG NAG PO'I YAN LAG BCAD DE SRANG DU DOR BA, DE'I GNYEN BSHES RNAMS KYIS STON PA DRUG LA 'DI SOS PA'I BDEN TSIG MDZOD CIG CES SMRAS PAS DE DAG SPOBS PA MED NAS CANG MI ZER RO, ,PHYOGS DER KUN DGA' GO 'ONGS PA LA DE BZHIN DU SMRAS PA DANG, DES BCOM LDAN 'DAS LA ZHUS PAS BDEN PA'I TSIG 'DI BYON SHIG CES BKA' STZAL PA BZHIN, KUN DGA' BOS KYANG DKON MCHOG GSUM MCHOG YIN PA'I BDEN PAS 'DI'I YAN

LAG SNGAR BZHIN DU GYUR CIG CES SMRAS PA DANG, NAG PO'I YAN LAG SNGA KHO BZHIN DU SOS PAS SKYE BO'I TSOGS KYIS KUN DGA' BOS MU STEGS 'PHAM PAR BYAS SO ZHES AA LA LA'I SGRA BO CHE BTON TO, ,NAG PO LA BCOM LDAN 'DAS KYIS CHOS BSTAN PAS PHYIR MI 'OD THOB NAS RGYAL PO GSAL GYIS KHYIM DU BKUG KYANG MA NYAN PAR DES KUN DGA' RAB DE NYID DU 'CHAG SA BYAS PAS DUM BU'I KUN DGA' RAB PAR MING CHAGS TE BCOM LDAN 'DAS LA BSNYEN BKUR ZHING RDZU 'PHRUL YANG GRUB BO, ,RGYAL PO GSAL RGYAL GYIS MNYAN YOD NAS RGYAL BYED TSAL GYI BAR DU CHO 'PHRUL CHEN PO'I 'DUN KHANG GOS BRGYA STONG RI BAS G-YOGS PA TZAN DANG GYI CHAG CHAG BTAB PA, BA DAN DANG RGYAL MTSAN BSGRENG BA, DAR GYI CHUN PHYANG DBYANGS PA, LHA RNAMS KYI DGA' BA'I TSAL BZHIN DU BYAS NAS, DER BCOM LDAN 'DAS KYI BZHUGS GDAN RIN PO CHES SPRAS PA'I GSER GYI SENG GE'I KHRI YANG BSHAMS SO, ,MU STEGS CAN GYI DGE BSNYEN RNAMS KYIS KYANG RANG GI 'BYOR PA DANG BSTUN PA'I GOS KYIS G-YOGS PA'I 'DUN KHANG DRUG DANG STAN DRUG KYANG BSHAMS PA LA STON PA DRUG SNGAR 'ONGS TE 'DUG NAS, LHA, BDAG CAG NI MCHIS LAGS NA DGE SBYONG GOO TA MA DGUG TU GSOL ZHES PHO NYA BTANG NGO, ,RGYAL PO 'KHOR DANG BCAS BAS KYANG DE THOS NAS CHO 'PHRUL CHEN PO'I 'DUN KHANG DU SONG NAS, BCOM LDAN 'DAS SPYAN 'DREN PAR BRAM ZE'I KHYE'U BLA MA BTANG BAS DGUN ZLA THA CHUNG GI YAR NGO'I

, ,TSES GCIG GI NYIN BCOM LDAN 'DAS DANG BA'I RGYAL PO LTAR NAM MKHA' LAS CHO 'PHRUL CHEN PO'I 'DUN KHANG DU GSHEGS SO, ,DE MTHONG NAS RGYAL PO GSAL RGYAL GYIS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN NAD NI KHYED KYI RES LA BAB KYIS STON CIG ,DE RNAMS KYIS SMRAS PA, LHA; SKYE BO'I TSOGS CHEN PO 'DIR 'DUS LAGS NA, CHO 'PHRUL CHEN PO 'DI CI DGE SBYONG GOO TA MA'AM BDAG CAG GANG GI LAGS SUS 'TSAL, DE NAS DUM BU'I KUN DGA' RAB PA'I RDZU 'PHRUL GYIS RI SPOS NGAD LDANG LAS SHING A'A MR'A 'DAB MA DKAR POS KLUBS PA BYA'I TSOGS SKAD 'BYIN PA BLANGS NAS CHO 'PHRUL CHEN PO'I 'DUN KHANG GI BYANG PHYOGS SU BZHAG CING KHYIM BDAG NGAN PA BZANG SBYIN GYI RDZU 'PHRUL GYIS LHA'I DPAG BSAM GYI SHING BLANGS NAS, LHO PHYOGS NGES SU BZHAG PA DANG, RGYAL POS STON PA DRUG LA SMRAS PA, BCOM LDAN 'DAS KYIS RDZU 'PHRUL BSTAN ZIN NAD KHYED KYIS STON CIG SMRAS PA, LHA; CHO 'PHRUL 'DI SU'I YIN PA SUS 'TSUL, DE'I TSE CHO 'PHRUL CHEN PO BLTA BAR SPRO BA'I SROG BA'I SROG CHAGS GRANGS MED PA DANG, NAM MKHA' LA LHA BRGYA STONG DU MA YANG 'DUS PA NA, BCOM LDAN 'DAS GTZUG LAG KHANG DU GSHEGS NAS SGO 'PHAR GYI GSEB NAS 'OD ZER PHYUNG BAS CHO 'PHRUL CHEN PO'I 'DUN KHANG THAMS CAD BSREGS PA DANG, STON PA DRUG GIS SMRAS PA, LHA; DA NI DGE SBYONG GOO TA MA'I 'DUN KHANG TSIG NA GAL TE DES RNGO THOG NA 'DIR

MCHIS LA ZHI BAR BGYID GRANG, DES RGYAL PO DANG BTZUN MO PHRENG LDAN MA DANG, DBYAR TSUL MA DANG, BTZUN MO'I 'KHOR PHYA MKHAN DRANG SRONG BYIN DANG, SO PHAG MKHAN MNA' MI DANG, MGON MED ZAS SBYIN DANG, TZAM PA MO SOGS DAD PA CAN MANG PO CANG MI ZER BAR SEMS KHONG DU CHUD NAS 'DUG CING, STON PA DRUG DANG DE'I SLOB MA RNAMS NI RAB TU DGA' BAR GYUR TO, ,SANGS RGYAS KYI MTHUS ME DES CHO 'PHRUL CHEN PO'I 'DUN KHANG GI DRI MA THAMS CAD BSREGS NAS RANG NYID ZHI STE 'DUN KHANG MDZES PAR GYUR PA DANG, RGYAL PO DGA' NAS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN GYIS DA NI KHYED KYIS STON CIG ,DE DAG SPOBS PA MED NAS CAD MI ZER RO, ,DE NAS BCOM LDAN 'DAS CHO 'PHRUL GYI 'DUN KHANG DU BYON PA LA RGYAL PO GSAL RGYAL GYIS THOG MAR MCHOD PA'I YO BYAD DANG ZHAL ZAS BSHAMS TE BSNYEN BKUR BA NA, BCOM LDAN 'DAS KYIS TSEMS SHING SA LA BTZUGS MA THAG TU SKYES NAS RIN PO CHE SNA BDUN GYI LJON PA CHU ZHING DPAG TSANG LNGA BRGYA PA, ME TOG SHING RTA'I 'PHANG LO TZAM PA, 'BRAS BRE LNGA SHONG BA'I BUM PA TZAM GYI 'BRAS BU CAN, DRI BSUNG DANG LDAN PA CHOS KYI SGRA 'BYUNG BA NYI 'OD ZIL GYIS GNON PA ZHIG SPRUL TO, ,'DI NAS BRTZAMS TE ZLA BA PHYED KYI BAR DU NYIN RE BZHIN CHO 'PHRUL RE MTHONG BA TZAM GYIS DAD PAR 'GYUR PA'I SKYE BO'I TSOGS GRANGS MED PA LA CHOS BSTAN PAS LAM GSUM LA SO SOR NGES PAR MDZAD DO, ,TSES

, ,GNYIS LA RGYAL PO AU TRA YA NAS BSNYEN BKUR BA NA, BCOM LDAN 'DAS KYI SKU'I G-YAS G-YON DU RIN PO CHE'I RI GNYIS SHIN TU MTHO BA MDZES PA KHA DOG LNGAR 'TSER BA, ME TOG DANG 'BRAS BU RAB TU RGYAS PA'I SHING SNA TSOGS SKYES PA G-YAS KYI RI LA 'BRAS RO BRGYA DANG LDAN PA SKYES PA LA MI MANG PO DAG YID BZHIN DU TSIM PAR ZA'O, ,G-YON GYI RI LA RTZVA BZANG BA SKYES PA LA DUD 'GRO'I TSOGS ZA ZHING TSIM PAR GYUR TO, ,TSES GSUM LA RGYAL PO SHUN TZID LAS BSNYEN BKUR BA NA, BCOM LDAN 'DAS KYIS ZHAL BSIL BA'I CHU SA LA DOR BA RIN PO CHE'I RDZING BU DPAG TSAD NYIS BRGYA PA RIN PO CHE SNA BDUN GYIS SPRAS SHING PADMA KHA DOG SNA TSOGS PAS GANG BA; DE DAG GI KHA DOG DANG RJES SU MTHUN PA'I 'OD ZER GYIS GNAM SA KUN SNANG BAR BYAS PAS 'KHOR THAMS CAD KYIS RDZING DE LA BLTA ZHING BSTOD DO, ,TSES BZHI LA RGYAL PO AINDRA WARMIS BSNYEN BKUR BA NA RIN PO CHE'I RDZING DE'I NGOS BZHIR YUR BA CHEN PO BRGYAD BRGYAD LA CHU 'BAB PA LAS CHOS KYI SGRA 'BYUNG BA PHYIR YANG 'KHOR ZHING RDZING NYID DU 'BAB PA SPRUL TO, ,TSES LNGA LA RGYAL PO TSANGS BYIN GYIS BSNYEN BKUR BA NA, BCOM LDAN 'DAS KYI ZHAL NAS GSER GYI 'OD BKYE BAS STONG GSUM GYI STONG CHEN PO'I 'JIG RTEN GYI KHAMS SNANG BAR BYAS TE, 'OD DES REG PA'I SEMS CAN KUN SDUG BSNGAL GSUM DANG SGRIB PA LNGA DANG BRAL NAS LUS DANG SEMS RAB TU BDE BAR GYUR TO, ,TSES DRUG LA

LI TZI BYI RNAMS KYIS BSNYEN BKUR BA NA BCOM LDAN 'DAS KYIS 'KHOR MANG PO DAG GCIG GI BSAM PA GCIG GIS SHES PA DANG SO SO'I DGE BA DANG MI DGE BA'I LAS KYANG RTOGS PAR MDZAD PAS THAMS CAD DGA' STE BSTOD DO, , TSES BDUN LA SH'AKYA RNAMS KYIS BSNYEN BKUR BA NA 'KHOR DE DAG SO SO 'KHOR LOS BSGYUR BA'I RGYAL POR GYUR TE RIN PO CHE SNA BDUN DANG BU STONG DANG LDAN ZHING RGYAL PHRAN DANG BLON PO RNAMS KYIS BSTI STANG BYED PAR MTHONG BAS SPRO BA SKYES SO; ;TSES BRGYAD LA BRGYA BYIN GYIS SPYAN DRANGS TE BCOM LDAN 'DAS KYIS ZHABS G-YAS PA DRI GTZANG KHANG GI NANG DU BSNUN MA THAG SA G-YOS PAS STON PA DRUG GIS GROGS SU SHOG CIG BYAS PA'I DRANG SRONG LNGA BRGYA POS BRDA BYAS PA'O SNYAM NAS DER DONG PA DANG, SKU LAS 'OD ZER BKYE BAS DE RNAMS KYIS BCOM LDAN 'DAS NYI MA LTAR MDZES PA MTHONG NAS DAD PAS RAB TU BYUNG NAS DGRA BCOM STE, BCOM LDAN 'DAS DGRA BCOM PA LNGA BRGYA DANG LHAN CIG CHO 'PHRUL CHEN PO'I 'DUN KHANG DU BYON NAS 'KHOR BRGYA PHRAG DU MA'I GUNG LA BRGYA BYIN GYIS BSHAMS PA'I SENG GE'I KHRI LA BZHUGS SO, ,DE'I TSE MO'U 'GAL GYI BU CHEN POS BDAG GI RDZU 'PHRUL GYIS MU STE GES 'DI RNAMS PHAM PAR BGYI'O, , BKA' STZAL PA MU STEGS 'DI RNAMS NGA RDZU 'PHRUL LA 'BOD PAS NGA NYID KYIS RDZU 'PHRUL BSTAN PAR BYA'O, ,ZHES GSUNGS NAS RGYAL PO GSAL RGYAL LA BKA' STZAL PA, DE BZHIN GSHEGS PA MU STEGS CAN DANG LHAN CIG TU RDZU

, ,'PHRUL STON PAR GSOL BA 'DEBS PA SU YIN, RGYAL PO STAN LAS LANGS TE THAL MO SBYAR NAS, BCOM LDAN 'DAS CI NAS KYANG RDZU 'PHRUL GYI CHO 'PHRUL BSTAN DU GSOL, BCOM LDAN 'DAS NYID KYI GDAN LAS MI SNANG BAR GYUR NAS, PHYOGS BZHIR GSHEGS PA DANG, BZHENGS PA DANG, BZHUGS PA DANG, GZIMS PA'I SPYOD LAM BZHI MDZAD CING 'OD ZER SNA TSOGS PA 'BYIN, SKU'I SMAD NAS ME 'BAR STOD NAS CHU'I RGYUN 'BEBS PA DANG, GO ZLOG PA DAG KYANG MDZAD DE, 'DI NI NYAN THOS DANG THUN MONG BA'I CHO 'PHRUL YIN NO ZHES GSUNGS NAS SENG GE'I KHRI LA BZHUGS PA LA, TSANGS PA DANG BRGYA BYIN GYIS G-YAS G-YON NAS MCHOD DE BSNYEN BKUR RO, ,YANG BKA' STZAL PA, RGYAL PO CHEN PO, DE BZHIN GSHEGS PA LA CHO 'PHRUL STON PAR GSOL BA 'DEBS PA SU YIN, GSAL RGYAL GYIS KYANG BDAG LAGS SO, ,ZHES GSOL TO, ,DE NAS BCOM LDAN 'DAS KYIS PHYAG SA LA REG PAS KLU RNAMS KYIS PADMA SHING RTA'I 'PHANG LO TZAM GSER GYI 'DAB MA STONG DANG LDAN PA RDO RJE'I ZE BA CAN PHUL BA SA BRTOL NAS PHYUNG BA DANG, BCOM LDAN 'DAS PADMA DE'I SNYING PO LA BZHUGS SO, ,DE BZHIN DU PADMA DE 'DRA BA RAB TU MANG PO BYUNG BA RE RE LA SPRUL PA'I SANGS RGYAS MANG PO BZHUGS PAS 'OG MIN GYI BAR DU GANG ZHING SANGS RGYAS DE DAG KHA CIG NI 'BAR, KHA CIG NI GSAL BAR MDZAD, KHA CIG NI CHAR 'BEBS, KHA CIG

NI GLOG 'BYIN, KHA CIG NI KUN SHES PA LUNG STON, KHA CIG NI ZHU BA ZHU, KHA CIG NI LAN 'DEBS, KHA CIG NI 'CHAG PAR MDZAD, KHA CIG NI BZHES, KHA CIG NI BZHENGS, KHA CIG NI BZHUGS, KHA CIG NI GZIMS TE, JI LTAR BYIS PA RNAMS KYIS KYANG SGRIB PA MED PAR SANGS RGYAS KYI SKU MTHONG BA DE LTAR BYIN GYIS BRLABS SO, ,YUL SO SO NAS LHAGS PA'I RGYAL PO 'KHOR DANG BCAS PA DANG, LHA DANG MI 'BUM PHRAG DU MA CHO 'PHRUL LA MIG MI 'DZUM PAR BLTA ZHING RGYUN MI 'CHAD PAR PHYAG 'TSAL, DGA' BA SKYES NAS ME TOG DANG SPOS KYI PHYE MA DAG GIS GTOR TO, ,SPRUL PA'I SANGS RGYAS RNAMS KYIS KYANG, BRTZAMS PAR BYA ZHING ZHES PA LA SOGS PA CHIGS SU BCAD PA DAG GSUNGS NAS, BCOM LDAN 'DAS KYIS DGE SLONG DAG CHO 'PHRUL CHEN PO MI SNANG BAR 'GYUR GYIS MTSAN MA ZUNGS SHIG ,CES GSUNGS PA'I MDO LA MI SNANG BAR GYUR TO, ,GSAL RGYAL GYIS STON PA DRUG LA SMRAS PA, KYE BCOM LDAN 'DAS KYIS NI CHO 'PHRUL BSTAN ZIN GYIS, KHYED RNAMS KYI RES LA BAB PAS STON CIG ,DE'I TSE RDZOGS BYED CANG MI SMRA BAR GNAG LHAS KYI BU LA GRU PHUG BYAS PAS, DES KYANG YANG DAG RGYAL BA CAN LA, DES KYANG MI PHAM PA LA, DES KYANG K'A TYA'I BU NOG CAN LA, DES KYANG GNYEN GYI BU LA, DES KYANG RDZOGS BYED LA BYAS SO, ,RGYAL POS LAN GSUM GYI BAR DU SMRAS KYANG CANG MI ZER BAR GCIG LA GCIG GRU PHUG BYED CING YUL YUL PO DANG ZHUM ZHUM

, ,POR GYUR NAS MGO SMAD CING SPOBS PA MED DE SEMS KHONG DU CHUD NAS 'DAR ZHING 'DUG GO ,DE NAS BCOM LDAN 'DAS KYI PHYAG GIS SENG GE'I KHRI MNAN PAS DE LAS BA LANG GI SKAD LTA BU'I SGRA CHEN PO GRAG MA THAG SRIN PO CHEN PO LNGA BYUNG NAS STON PA DRUG GI KHRI BA SHIG GO ,PHYAG NA RDO RJES NI RTZE LA ME 'BAR BA'I RDO RJE THOGS NAS STON PA DRUG GI MGOR GZAS SHING RLUNG DMAR DANG CHAR DRAG PO BTANG BAS STON PA DRUG PO SDANGS SHING 'JIGS SKRAG NAS BYER TE, GNAG LHAS KYI BU RI'I GSEB TU ZHUGS, YANG DAG RGYAL BA CAN NI RTZVA'I TSANG TSING DU, MI PHAM SKRA'I LA BA CAN NAGS THIBS POR, K'A TYA'I BU NOG CAN 'DUN KHANG DU, GNYEN GYI BU NI LHA KHANG DU ZHUGS SO, ,RDZOGS BYED NI RDZING DU LCEBS TE DMYAL BA CHEN POR SONG NGO, ,DE NAS RDZOGS BYED DANG MING GCIG PA'I SLOB MA'I GTZO BO ZHIG TSAB TU BSKOS TE, STON PA DRUG PO BRAM ZE'I GRONG DU BROS SO, ,DE DAG GI 'KHOR DGU KHRI SANGS RGYAS LA DAD NAS RAB TU BYUNG STE DGRA BCOM THOB BO, ,DE NAS BCOM LDAN 'DAS KYI BA SPU'I KHUNG BU BRGYAD KHRI NAS 'OD BKYE STE, 'OD RE RE LA PADMA'I STENG DU SPRUL PA'I SANGS RGYAS CHOS 'CHAD PA BZHUGS PAR BSTAN TO, ,DE NAS TSES DGU LA TSANGS PAS BSNYEN BKUR BA NA BCOM LDAN 'DAS KYI SKU TSANGS GNAS LA THUG GI BAR DU MTHO BA 'OD ZER GYIS GNAM SA GSAL BAR MDZAD DE CHOS BSTAN TO, ,TSES BCU LA RGYAL CHEN BZHIS BSNYEN BKUR BA NA SRID PA'I RTZE LA THUG GI BAR GYI SKU

LAS 'OD ZER 'BAR BAR GYUR TO, ,TSES BCU GCIG LA KHYIM BDAG MGON MED ZAS SBYIN GYIS BSNYEN BKUR BA NA SENG GE'I KHRI LA BZHUGS BZHIN DU SKU MI SNANG BAR MDZAD NAS 'OD BKYE STE CHOS BSTAN TO, ,TSES BCU GNYIS LA KHYIM BDAG TZI TAS BSNYEN BKUR BA NA BCOM LDAN 'DAS BYAMS PA'I TING NGE 'DZIN LA BZHUGS NAS GSER GYI 'OD BKYE BAS DES REG PA'I SEMS CAN KUN BYAMS PA LA GNAS PAR MDZAD DO, ,TSES BCU GSUM LA RGYAL PO SHUN CING LAS BSNYEN BKUR BA NA STON PA SENG GE'I KHRI LA BZHUGS PA'I SKU'I LTE BA NAS 'OD ZER GNYIS BYUNG BA, SKU LAS 'DOM BDUN TZAM DU NA MKHA' LA 'PHAGS NAS 'OD ZER GNYIS PO DE'I STENG NAS PADMA GNYIS BYUNG BA LA SPRUL PA'I SANGS RGYAS GNYIS BYUNG ZHING, DE GNYIS KYI LTE BA NAS KYANG 'OD ZER GNYIS GNYIS BYUNG STE TSUL DE 'DRA BAS STONG CHEN PO'I 'JIG RTEN GANG BAR SPRUL TO, ,TSES BCU BZHI LA RGYAL PO AU TRA YA NAS BSNYEN BKUR BA NA DES ME TOG GTOR BA DE DAG TSANGS PA'I 'JIG RTEN LA THUG PA'I RIN PO CHE'I SHING RTA GSER LTAR 'BAR BA NOR BU RIN PO CHES SPRAS PA STON GNYIS BRGYA LNGA BCUR GYUR CING, DE RE RE'I STENG DU SPRUL PA'I SANGS RGYAS RE RE BZHUGS TE 'OD KYIS STONG GSUM MTHONG BAR MDZAD DO, ,TSES BCOM LNGA'I NYIN RGYAL PO GZUGS CAN SNYING POS BSNYEN BKUR BA NA SNOD THAMS CAD ZAS RO BRGYA DANG LDAN PAS GANG STE CHO 'PHRUL BLTA BA'I 'KHOR THAMS CAD TSIM PA DANG, BCOM LDAN 'DAS KYIS PHYAG SA LA REG

, ,PAS DMYAL KHAMS BCO BRGYAD KYI SEMS CAN SDUG BSNGAL SNA TSOGS MYONG BA ME 'BAR BAS SREG PA SOGS SDUG BSNGAL GYIS MNAR BA NGAG BDAG CAG SDUG BSNGAL 'DI LTA BU MYONG NGO ZHES SMRA BA 'KHOR RNAMS KYIS MTHONG ZHING THOS PAS SKRAG CING SNYING RJE SKYES LA, DMYAL BA PA RNAMS KYIS KYANG SANGS RGYAS MTHONG ZHING SANGS RGYAS KYI PHYAG SOR LNGA LAS GSER BTZOM LTA BU'I 'OD ZER THON NAS 'OD DES DMYAL BA PA RNAMS KYI LUS LA REG BA TZAM GYIS SDUG BSNGAL RNAMS ZHI ZHING CHOS THOS MA THAG MTHO RIS SU SKYES SO, ,DE LTAR STON BAS MNYAN YOD DU CHO 'PHRUL CHEN PO BSTAN PA NA LHA DANG MI DAD PA CAN DAG GIS GNAS DER CHO 'PHRUL BSTAN PA'I MCHOD RTEN DBYIBS GRU BZHI BANG RIM BZHI PA PHYOGS RER GLO 'BUR DANG BCAS PA BRTZIGS SO, ,DE NAS RIM GYIS LHA DANG MI'I YUL SNA TSOGS SU CHOS KYI 'KHOR LO MTHA' YAS PA BSKOR, DE NAS BYA RGOD PHUNG PO'I RIR PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG BA LAS 'DAS PA DANG, NYAN THOS BGRANG BA LAS 'DAS PA DANG LHA DANG KLU LA SOGS PA'I GDUL BYA BA GRANG BA LAS 'DAS BA LA SHER PHYIN GYI MDO SDE RIN PO CHE BKA' STZAL TE, DE LA BKA' BAR PA MTSAN NYID MED PA'I CHOS 'KHOR ZHES BRJOD DO, ,DE NAS YUL GZHAN DANG GZHAN DU TING NGE 'DZIN RGYAL PO'I MDO DANG, SANGS RGYAS PHAL PO CHE DANG, 'PHAGS

PA DKON MCHOG BRTZEGS PA CHEN PO SOGS BKA' BAR PA'I SDER GTOGS KYI MDO MTHA' YAS PA GSUNGS, DE NAS YANGS PA CAN LA SOGS PAR MDO SDE DGONGS 'GREL SOGS BKA' THA MA'I SDER GTOGS KYI MDO RNAMS GSUNGS, GSANG SNGAGS KYI CHOS 'KHOR BSKOR TSUL NI, BYA RGOD PHUNG POR SHER PHYIN GYI MDO GSUNG BA DANG DUS MNYAM DU DPAL LDAN 'BRAS SPUNGS KYI MCHOD RTEN DU DPAL DUS KYI 'KHOR LO SOGS SNGAGS BLA MED KYI CHOS MTHA' YAS PA GSUNGS, DE BZHIN DU RI RAB KYI RTZE DANG, SUM CU RTZA GSUM GYI GNAS DANG, DGA' LDAN GYI GNAS DANG, GNAS GTZANG MA LA SOGS PA'I LHA GNAS MANG PO DANG, KLU'I GNAS DANG, GNOD SBYIN GYI GNAS DANG, AOO d'I YA NA LA SOGS PA'I 'DZAM BU'I GLING GI GNAS KHYAD PAR CAN MANG POR GSANG SNGAGS RGYUD SDE BZHI'I CHOS MTHA' YAS PA GSUNGS SO, ,DE LA BLUN RMONGS 'GA' ZHIG 'DI SNYAM DU STON PA THUB PA'I DBANG POS MDO PHYOGS KYI CHOS RNAMS GSUNGS PA YIN GYI SNGAGS KYI RGYUD RNAMS MA GSUNGS SO SNYAM DU SEM ZHING DE SKAD DU SMRA BA NI RNAM PAR MI 'TSAM PA'I BAB COL TE, STON PAS SUM CU RTZA GSUM DU DBYAR GNAS MDZAD PA'I TSE CHOS BZANG LHA'I MDUN SAR DBU'I GTZANG TOR NAS 'PHAGS MA GDUGS DKAR MO CAN GZHAN GYIS MI THUB PA MCHOG TU GRUB PA'I GZUNGS BKA' STZAL TE, DE NAS BZUNG STE BYA RGYUD DE BZHIN GSHEGS PA'I RIGS

, ,'PHAGS MA GDUGS DKAR CAN GYI DBANG DANG GDAMS NGAG DA LTA'I BAR DU RGYUN MA CHAD BAR YOD DO, ,YANG BCOM LDAN 'DAS RI BO PO TA LAR PHEBS PA'I TSE THUGS RJE CHEN PO SENG GE SGRA'I GZUNGS GSUNGS SHING GZHAN YANG THUGS RJE CHEN PO DON YOD ZHAGS BA'I GZUNGS DANG, THUGS RJE CHEN PO PHYAG STONG SPYAN STONG GI GZUNGS SOGS BYA BA'I RGYUD MANG DU GSUNGS SHING, BYA RGYUD PADMA'I RIGS KYI DBANG DANG GDAMS NGAG KYANG DA LTA'I BAR DU RGYUN MA CHAD PAR YOD DO, ,YANG STON PAS RGYAL PO MA SKYES DGRA'I SDIG SGRIB SBYONG BA'I CHED DU BYA RGYUD RDO RJE'I RIGS RNAM 'JOMS KYI RGYUD GSUNGS SHING DE'I GDAMS NGAG KYANG RGYUN MA CHAD BAR YOD DO, ,GZHAN YANG DAM TSIG GSUM BKOD SOGS BYA BA'I RGYUD MTHA' YAS PA GSUNGS PA YONGS SU GRAGS PA LTAR DANG, SPYOD RGYUD RNAM SNANG MNGON BYANG DANG LAG NA RDO RJE DBANG BSKUR BA'I RGYUD SOGS GSUNGS PA DANG, RNAL 'BYOR GYI RGYUD RDO RJE DBYINGS KYI DKYIL 'KHOR DANG, DE NYID BSDUS PA SOGS MNGON PAR BYANG CHUB BA'I DUS SU 'OG MIN DU GSUNGS PA DANG, SUM CU RTZA GSUM DU DBYAR GNAS MDZAD PA'I TSE LHA'I BU NOR BU DRI MA MED PA SHI NAS DMYAL BAR SKYES PA BRGYA BYIN GYIS MTHONG NAS BCOM LDAN 'DAS LA DE NGAN SONG LAS THAR BA'I THABS ZHUS PAS, BCOM LDAN 'DAS KYIS NGAN SONG YONGS SU SBYONG BA'I RGYUD GSUNGS NAS BRGYA BYIN

LA DE'I GDAMS NGAG GNANG NAS BRGYA BYIN GYIS NGAN SONG SBYONG BA'I CHO GA BYAS PAS LHA'I BU DE DE MA THAG DMYAL BA NAS THAR TE LHA GNAS GONG MAR SKYES NAS STON PA LA BKA' DRIN DRAN PA'I DAD GUS CHEN POS PHYAG DANG MCHOD PA BYAS TE, AE MA SANGS RGYAS RNAMS KYI NI, ,SNGAGS KYI BYIN RLABS YA MTSAN CHE, ,GANG PHYIR MTSAMS MED LHUNG BA YI, ,SEMS CAN LHA GNAS MYUR DU SKYES, ,ZHES CHED DU BRJOD PA YONGS SU GRAGS PA LTAR DANG, RNAL 'BYOR BLA NA MED PA'I RGYUD STON PAS GSUNGS PA NI, BCOM LDAN 'DAS KYIS NAG PA'I NYA LA DPAL LDAN 'BRAS SPUNGS KYI MCHOD RTEN CHEN POR SHAM BHA LA'I RGYAL PO ZLA BA BZANG POS GSOL BA BTAB NAS 'KHOR BYE BA PHRAG DU MA LA DUS 'KHOR GYI RGYUD GSUNGS SHING RDO RJE 'JIGS BYED CHEN PO'I RTZA BA'I RGYUD LA SOGS PA BLA MED KYI RGYUD PHAL MO CHE GSUNGS NAS GSANG BA'I BDAG PO PHYAG NA RDO RJE LA RGYUD GTAD PAR MDZAD PA DANG, GZHAN YANG BLA MED KYI RGYUD THAMS CAD KYI RAB DANG PHUL DANG RTZE MOR GYUR PA NI DPAL GSANG BA 'DUS PA'I RGYUD YIN PAR GRUB CHEN THAMS CAD MTHUN PAR GSUNGS LA, GSANG BA 'DUS PA'I RGYUD BCOM LDAN 'DAS KYIS GSUNGS PA NI 'DUS PA'I GLENG GZHIR, BCOM LDAN 'DAS RDO RJE BTZUN MO'I BHA GA'I DBYIBS CAN GYI CHOS 'BYUNG GI NANG GI GZHAL YAS KHANG GI DBUS SU BZHUGS NAS NAM MKHA'I DBYINGS THAMS CAD YONGS SU GANG BA'I 'KHOR GYI TSOGS LA 'DUS

, ,PA'I RGYUD GSUNGS PAR BSHAD CING, RTZA RGYUD LE'U BCU BDUN PAR RJE BTZUN BYAMS PA MGON PO DANG PHYAG NA RDO RJE LA SOGS PA'I 'KHOR RNAMS KYIS BCOM LDAN 'DAS LA 'DI SKAD GSOL TE , BRJOD KYIS MI LANG BA'I YANG BRJOD KYIS MI LANG BA BSKAL PA GRANGS MED PA 'DAS PA'I SNGON RAL TU DE BZHIN GSHEGS PA MAR ME MDZAD 'DAS PA NAS BZUNG 'OD SRUNGS KYI BAR DU SANGS RGYAS RNAMS KYIS BLA MED KYI RGYUD MA GSUNGS PA LA BCOM LDAN 'DAS NYID KYIS GSUNGS PA LA NGO MTSAR CHE BA'I BSNGAGS PA RGYA CHER BRJOD PA LTAR DANG, BCOM LDAN 'DAS KYIS AOO d'I YA NA'I YUL DU RGYAL PO AINDRA BH'U TI RJES SU BZUNG BA'I PHYIR DU GSANG BA 'DUS PA'I RGYUD GSUNGS SHING PHYAG RDOR LA RGYUD GTAD BAR MDZAD, DER RGYAL PO AINDRA BHU TIS KYANG BSGOMS NAS TSE GCIG NYID LA ZUNG 'JUG GRUB PAR GRUB CHEN THAMS CAD MTHUN PAR GSUNGS PA LTAR RO, ,DE LA 'DI SNYAM DU BLA MED KYI RGYUD PHAL CHER DU RDO RJE 'CHANG GIS GSUNGS ZHES 'BYUNG GI ,BCOM LDAN 'DAS SH'AKYA THUB PAS GSUNGS ZHES MI 'BYUNG BAS BCOM LDAN 'DAS KYIS GSUNGS PA MIN NO ZHE NA, DE NI RNAM PAR MA BRTAGS PA'I GTAM STE, BCOM LDAN 'DAS KYIS LONGS SKU'I CHA LUGS KYIS DKYIL 'KHOR GYI GTZO BOR BZHENGS NAS RGYUD GSUNGS PA RNAMS BCOM LDAN 'DAS KYIS GSUNGS PA MIN ZHES JI LTAR SMRA, BCOM LDAN 'DAS KYIS CHA LUGS BSGYUR NAS

CHOS BSTAN PA 'DUL BA LUNG NA YANG SNANG STE, MTHA' 'KHOB KYI RGYAL PO KA PI NAS GRONG KHYER CHEN PO DRUG GI RGYAL PO THAMS CAD DANG, KHYAD PAR RGYAL PO GSAL RGYAL LA CHED DU DMIGS PA'I PHO NYA BTANG BA, KHYED RNAMS ZHAG BDUN NA NGA 'PHRAD PAR SHOG CIG ,DE LTAR MA 'ONGS NA DMAG DRANGS TE KHYED KYI YUL MED PAR BYED DO ZHES SPRINGS PA DANG, PHO NYA DES GRONG KHYER LDANG PHYIN TE GTAM DE SMRAS PA DANG, DE RNAMS SKRAG NAS MNYAN YOD DU LHAGS TE RGYAL PO GSAL RGYAL LA DON DE SMRAS BA DANG, PHAN TSUN BGROS TE BCOM LDAN 'DAS KYI SPYAN SNGAR PHYIN NAS DON DE ZHUS PA NA BCOM LDAN 'DAS KYIS PHO NYA DE NGA'I GAN DU THONGS SHIG CES GSUNGS BAS RGYAL PO GSAL RGYAL SOGS KYIS PHO NYAL NGED LAS LHAG PA'I 'PHRUL GYI RGYAL PO ZHIG BZHUGS PAS DE'I GAN DU SONGS SHIG ,DES RGYAL BYED TSAL DU SONG BA DANG, BCOM LDAN 'DAS 'KHOR LOS SGYUR BA'I CHA BYAD DU BZHUGS PA LA PHRIN YIG DE PHUL BA DANG, 'PHRUL GYI RGYAL POS YI GE DE RDOG PAS MNAN NAS, PHO NYA LA 'DI SKAD CES BKA' STZAL TO, ,NGA NI RGYAL PO CHEN PO GLING BZHI LA DBANG BA YIN NO KHYOD KYI RGYAL PO GLEN PA DE CI'I PHYIR BKA' MI NYAN, KHYOD SONGS LA NGAS 'DI SKAD CES BKA' STZAL TO, ,ZHES GYIS SHIG ,KHYOD ZHAG BDUN NA NGA'I GAN DU SHOG CIG ,DE MA 'ONGS NA KHRIMS LA SBYAR RO, ,ZHES GYIS SHIG,

, ,CES BSGO NAS BTANG BA NA, RGYAL PO KA PI NA MNYAN YOD DU LHAGS BA NYI 'OG GI RGYAL PO RNAMS KYIS KA PI NA BSUS TE RGYAL BYED TSAL DU PHYIN PA NA, DE'I TSE RGYAL BYED TSAL LHA'I GRONG KHYER BLTA NA SDUG 'DRA BAR SPRUL ZHING BCOM LDAN 'DAS KYANG 'KHOR LOS SGYUR BA'I CHA LUGS SU BZHUGS, MO'U 'GAL GYI BU CHEN PO NI BLON PO RIN PO CHER SPRUL TO, ,DE RGYAL PO KA PI NA CHEN POS MTHONG BA DANG, 'DI BDAG LAS BYAD GZUGS NI LHAG NA STOBS NI JI 'DRA BA ZHIG SNYAM PA DANG, BRGYA BYIN GYIS DBANG PO'I GZHU KHYER TE KHA LO BA'I CHAS SU BYAS NAS BLON PO CHEN PO LA PHUL LO, ,BLON POS KYANG RGYAL BO'I BKAS GSAR SA'I RGYAL PO LA BYIN BA DANG DES BLANGS KYANG MA THEG GO ,DE NAS 'PHRUL GYI RGYAL POS GZHU DE BLANGS TE MTHE CHUNG GIS BDUNGS NAS KA PI NA LA 'GENGS SU BCUG PA DANG, DES BSGUL BAR YANG MA NUS NAS 'PHRUL GYI RGYAL PO BCOM LDAN 'DAS KYIS GNAM RU DE'I GZHU RGYUD SBRENGS PA TZAM GYIS SA G-YOS MDA' GCIG 'PHANGS PAS LCAGS KYI RNGA BO CHE BDUN THAL PHYUNG DU SONG NAS MDA' LNGAR GYUR TE, DE DAG GI RTZE MO LAS 'OD ZER GRANGS MED PA BYUNG NAS 'OD ZER RE'I RTZEL 'KHOR LOS SGYUR BA'I RGYAL PO RE RE BYUNG NGO, ,'OD ZER DE DAG GIS SEMS CAN SO SO'I DON BYAS SHING CHEN DU BRJOD PA DANG CHOS STON PA'I SGRA DAG KYANG GRAG GO ,

DE NAS RGYAL PO KA PI NA STOBS KYI DREGS PA ZHI NAS AE MA 'DI CI ZHIG SNYAM PA DANG, BCOM LDAN 'DAS KYIS DE DANG MTHUN PA'I CHOS BSTAN PAS BDEN PA MTHONG NGO, ,DE NAS BCOM LDAN 'DAS RANG BZHIN GYI SKUR MDZAD BA DANG, RGYAL PO KA PI NA BLON PO KHRI BRGYAD STONG DANG LHAN CIG RAB TU BYUNG NAS DGRA BCOM PAR GYUR TE, TSE DANG LDAN PA KA PI NA CHEN POR GRAGS SO, ,DE LA RGYAL PO KA PI NA 'KHOR LOS BSGYUR BA'I RGYAL POS BTUL BA YIN GYI, BCOM LDAN 'DAS KYIS BTUL BA MIN ZHES SHES LDAN SU ZHIG SMRA, BCOM LDAN 'DAS SH'AKYA THUB PAS GSUNGS ZHES PA'ANG BLA MED KYI RGYUD LA MANG DU SNANG STE, DUS KYI 'KHOR LO'I RGYUD, BCOM LDAN 'DAS SH'AKYA THUB PAS GSUNGS PA NI YONGS SU GRAGS PA LTAR DANG, DUS 'KHOR GYI RGYUD LA SOGS PA BLA MED KYI RGYUD MANG PO ZHIG GI RTZA BA NI 'JAM DPAL MTSAN BRJOD YIN BAR GRAGS LA, MTSAN BRJOD LAS, DE NAS BCOM LDAN SH'AKYA THUB; ;GSANG SNGAGS RIGS CHEN THAMS CAD DANG, ,GSANG SNGAGS GSOR tA SNGAGS 'CHANG BA'I RIGS, ,RIGS GSUM LA NI RNAM PAR GZIGS, ,'JIG RTEN 'JIG RTEN 'DAS PA'I RIGS, ,'JIG RTEN SNANG BYED RIGS CHEN DANG, ,PHYAG RGYA CHEN PO'I RIGS MCHOG DANG, ,RIGS CHEN GTZUG TOR CHER GZIGS NAS, ,TSIG GI BDAG POS TSIGS SU BCAD, ,GSANG SNGAGS RGYAL PO DRUG LDAN ZHING, ,GNYIS SU MED PAR 'BYUNG BA DANG, ,

, ,MI SKYE CHOS CAN 'DI GSUNGS PA, ,ZHES DANG, 'PHAGS PA 'JAM DPAL GYI DON DAM PA'I MTSAN YANG DAG PAR BRJOD PA, BCOM LDAN 'DAS SH'AKYA THUB PAS GSUNGS PA RDZOGS SO, ,ZHES 'BYUNG BA LTAR RO, ,YANG BDE MCHOG GI RGYUD KYANG BCOM LDAN 'DAS SH'AKYA THUB PAS GSUNGS PA NI, BDE MCHOG GI BSHAD RGYUD MKHA' 'GRO RGYA MTSO LAS, RTZOD PA'I DUS SU SH'AKYA SENG GES GSUNGS PA ZHES GSAL BAR GSUNGS PA LTAR RO, ,DES NA BYANG CHUB LAM GYI RIM PA LA SNYING NAS NYAMS LEN BYA BAR 'DOD BDAG GIS BLUN PO'I 'CHAL GTAM LA YID GTAD PAR MI BYA BAR LAM GYI RTZA BA BSHES GNYEN BSTEN TSUL NAS BZUNG, MTHAR SNGAGS LAM GYI 'BRAS BU MTHAR THUG ZUNG 'JUG GRUB PA'I BAR THAMS CAD STON PA THUGS RJE CAN SH'AKYA'I RGYAL PO NYID KYIS BSTAN PA YIN PAR NGES PA GTING NAS 'DRONGS PAR BYAS LA, RGYAL BA'I BKA' LAS LHAG PA'I GDAMS NGAG MED PAR SHES PAR BYAS LA RGYAL BA'I BKA' NYID GDAMS PA'I MCHOG TU YID CHES PAR BYA'O, ,DE LTAR STON PA THUGS RJE CAN SH'AKYA'I RGYAL POS SDE SNOD GSUM DANG, RGYUD SDE BZHI'I CHOS MTHA' YAS MU MED PA ZHIG BKA' STZAL PA DE DAG KYANG, JI SKAD DU, LHA YI SKAD DANG KLU DANG GNOD SBYIN SKAD, ,GRUL BUM DAG DANG MI YI SKAD RNAMS DANG, ,'GRO BA KUN GYI SGRA RNAMS JI

TZAM PA, ,THAMS CAD SKAD DU BDAG GIS CHOS BSTAN TO, ,ZHES GANG GSUNGS PA LTAR, LHA DANG KLU LA SOGS PA 'GRO BA RANG RANG GI SKAD DANG MTHUN PAR STON PAR MDZAD CING GSUNG GCIG NYID 'GRO BA RANG RANG GI SKAD DANG MTHUN PAR GO BA DANG, RANG RANG GI DBANG PO DANG BSAM PA DANG 'TSAMS PA'I CHOS MTHA' YAS PA 'BYUNG BA DANG, SKU'I BA SPU'I KHUNG BU RE RE NAS KYANG CHOS KYI RNAM GRANGS MTHA' YAS MU MED PA RGYUN DU 'BYUNG BAS RGYAL BAS GSUNGS PA'I CHOS THAMS CAD NI RGYAL BA RANG NYID MA GTOGS SUS KYANG BRJOD PAR MI NUS LA, 'ON KYANG GDUL BYA'I NYON MONGS PA'I GNYEN PO DANG MTHUN PAR SDOM GYIS BSDUS PA NI CHOS KYI PHUNG PO BRGYAD KHRI BZHI STONG BKA' STZAL CES 'BYUNG NGO, ,DE LTAR STON PA THUGS RJE CAN DE NYID KYIS THEG PA CHE CHUNG GI CHOS KYI 'KHOR LO MTHA' YAS PA ZHIG BSKOR TE LHA MI BGRANG BA LAS 'DAS PA SMIN CING GROL BAR MDZAD NAS, SKU DNGOS KYI GDUL BYA KUN TU RGYU RAB BZANG DANG, DRI ZA'I RGYAL PO RAB DGA' GNYIS 'DUL BA'I DUS LA BAB PA NA GRONG KHYER RTZA CAN DU PHEBS NAS, STON PAS SKU DNGOS KYI GDUL BYA RAB BZANG DANG, RAB DGA' GNYIS LUS PA LA, RAB DGA' 'DUL BA'I PHYIR PI WANG RGYUD STONG PA KHOG PA BEE d'URYA LAS BYAS PA BSNAMS TE DRI ZAR SPRUL NAS RAB DGA'I SGO DRUNG DU PHYIN PA DANG, DE DANG GLU DBYANGS 'GRAN ZHING RGYUD

, ,RIM GYIS GCIG MA GTOGS PA BCAD KYANG SGRA GDANGS KHYAD MED DO, ,DE NAS STON PAS RGYUD GCIG KYANG BCAD DE NAM MKHA' KHO NA LAS SGRA GDANGS SNGAR BZHIN DU BYUNG BA DANG, RAB DGA' NGA RGYAL CHAG STE NGO MTSAR SKYES PA DANG, STON PAS SKU MNGON SUM DU BSTAN PAS DE LA RAB DGA' DAD NAS PHYAG BYAS TE CHOS NYAN PA'I PHYIR 'DUG PA LA CHOS BSTAN TE BDEN PA MTHONG NGO, , DE NAS RDZING BU DAL 'BAB KYI 'GRAM NA KUN TU RGYU RAB BZANG LO BRGYA NYI SHU LON PA DGRA BCOM PAR GRAGS PA ZHIG YOD PAS, RDZING DAL 'BAB KYI 'GRAM AU DUM W'A RA'I TSAL GYI ME TOG RNYINGS PA DANG STON PA MYA NGAN LAS 'DA'O ZHES THOS PA'I RGYUS BDAG GI THE TSOM SEL BAR 'GYUR SRID SNYAM STE SONG NAS KUN DGA' BO LA LAN GSUM ZHUS PAS MA GNANG BA STON PAS MKHYEN NAS, NGA DANG MU STEGS CAN GTAM GLENG BA'I THA MA 'DI YIN GYIS THONGS GSUNGS NAS, RAB BZANG LA DGA' BAR BYA BA'I GTAM MANG PO MDZAD NAS, RAB BZANG, NGA NI NA TSOD NYI SHU RTZA DGU LON TE RAB TU BYUNG NAS LO GRANGS LNGA BCU LHAG CIG TU DGE BA GANG YIN CI ZHES BYAS GYUR CING, RAB BZANG CHOS 'DUL BA GANG LA 'PHAGS LAM YAN LAG BRGYAD MED PA DE LA DGE SBYONG GI 'BRAS BU BZHI MED LA, YAN LAG BRGYAD YOD

NA YOD DE, 'DI LAS PHYI ROL NA DGE SBYONG MED CES SOGS GSUNGS PAS BDEN PA MTHONG, TSUR SHOG GIS BSNYEN PAR RDZOGS PAS DGRA BCOM THOB STE, STON PA MYA NGAN LAS 'DA' BA BLTA BAR MI BZOD DO SNYAM NAS GNAS LNGA BYIN GYIS BRLABS NAS MYA NGAN LAS 'DAS SO, ,DE NAS STON PAS 'KHOR RNAMS LA BKA' STZAL PA, 'KHOR RNAM BZHIS PHAN BDER 'GYUR BA'I GSUNG RAB YAN LAG BCU GNYIS BKLAG , STON PA SO THAR LA GYIS, RGAN PAS GZHON PA RNAMS YO BYAD KYIS BSDU, GZHON PAS RGAN PA'I MING 'BOD MI BYA, DAD PA CAN LA STON PA 'KHRUNGS PA, SANGS RGYAS PA, CHOS GSUNGS PA, MYA NGAN LAS 'DAS PA'I PHYOGS BZHI BSTAN PAR BYA'O, ,DGE SLONG DGE DKON MCHOG GSUM DANG BDEN BA BZHI LA THE TSOM YOD NA ZHUS SHIG ,CES GSUNGS NAS SKU'I STOD G-YOGS BSAL TE, DGE SLONG DAG DE BZHIN GSHEGS PA BLTA BA NI RNYED PAR DKA' YI DE BZHIN GSHEGS PA'I SKU LA LTOS SHIG ,DGE SLONG DAG RE SHIG CANG MA SMRA ZHIG DANG, 'DI LTAR 'DUS BYAS THAMS CAD NI 'JIG BA'I CHOS CAN YIN TE, DE LA 'DI NI DE BZHIN GSHEGS PA'I GSUNG GI THA MA YIN NO, ,ZHES GSUNGS NAS SHING S'A LA ZUNG GI 'GRAM DU MA 'ONGS PA NA BYANG PHYOGS GANGS RI'I LJONGS 'DIR RGYAL BA RANG NYID KYI BSTAN PA YONGS SU RDZOGS PA RGYA CHER

, ,DANG BAR 'GYUR RO ZHES STON PHYIR DBU BYANG PHYOGS SU BSTEN NAS, DGUNG LO BRGYAD CU SONG NAS GYA GCIG GI THOG TU PHEBS PA RNAM GNON ZHES PA LCAGS PHO 'BRUG GI LO SA GA ZLA BA'I TSES BCO LNGA'I NYIN DON DAM PAR NAM MKHA' MA ZAD KYI BAR DU GZUGS SKU'I BKOD PA DANG 'PHRIN LAS RGYUN CHAD PA MED KYANG GDUL BYA RTAG 'DZIN CAN RNAMS CHOS LA BSKUL BA DANG, DE BZHIN GSHEGS PA 'JIG RTEN DU 'BYUNG BA SHIN TU DKON ZHING RNYED PAR DKA'O ZHES 'DOMS PA DANG, SNGON GYI THUGS BSKYED DANG SMON LAM GYI DBANG SOGS KYIS MYA NGAN LAS 'DA' BA'I TSUL BSTAN TO, ,DE NAS RGYAL BA RANG NYID MYA NGAN LAS 'DA' BA'I TSUL BSTAN KYANG SNGON GYI THUGS BSKYED DANG SMON LAM GYI DBANG GIS BSTAN PA LO LNGA STONG DU GNAS BAR BYIN GYIS BRLABS SHING, SKU GDUNG DANG RING BSREL MANG DU 'PHEL TE 'DZAM BU'I GLING THAMS CAD MCHOD RTEN GYIS KHYAB PAR BYIN GYIS BRLABS SO, ,STON BA SKU BLTAMS PA, SANGS RGYAS PA, MYA NGAN LAS 'DAS PA, 'DI RNAMS KYI LO DUS LA SNGON GYI MKHAS PA RNAMS LA BZHED TSUL MI 'DRA BA MANG DU BYUNG STE, MKHAS PA 'GA' ZHIG NI STON PA SHING PHO BYI BA'I LO LHUMS SU ZHUGS, SHING MO GLANG LA SKU BLTAMS, SA MO PHAG LA SANGS RGYAS, SHING

PHO SPRE'U LOR MYA NGAN LAS 'DAS PAR BZHED PA DANG, MKHAS PA 'GA' ZHIG NI, ME MO YOS LA LHUMS SU ZHUGS, SA PHO 'BRUG LA SKU BLTAMS, CHU PHO STAG LA SANGS RGYAS, ME MO PHAG LA MYA NGAN LAS 'DAS PAR BZHED PA DANG, YANG MKHAS PA 'GA' ZHIG DUS 'KHOR GYI RTZIS KYI STENG NAS RNAM DAG YAR LOG GI RTZIS BYAS BA NA SNGAR GYI MKHAS PA DE DAG GI BZHED TSUL DE DAG LA, STON PA SANGS RGYAS PA'I SA GA ZLA BA'I TSES BCO LNGA'I NUB MO DUS ME'I RI MO SA GA'I STENG DU MI 'BAB PAS STON PA'I 'KHRUNGS LO SOGS LO KHAMS DE DAG MI 'THAD CES DE SUN PHYUNG NAS STON PA SKU BLTAMS PA SOGS KYI LO DUS GZHAN DU 'CHAD PA DANG, MYA NGAN LAS 'DAS PA'I DUS KYANG PHAL MO CHER SA GA'I NYA LA BZHED CA'I , MKHAS PA MANG PO ZHIG STON ZLA THA CHUNG GI YAR NGO'I TSES BRGYAD LA MYA NGAN LAS 'DAS PAR BZHED PA SOGS BZHED TSUL MANG DU SNANG NA'ANG, 'DIR BRJOD PA DE DAG NI MKHAS GRUB NOR BZANG RGYA MTSOS JI LTAR GSUNGS PA LTAR BRJOD PA YIN LA, JI LTAR YANG BYANG CHUB LAM RIM LA BLO SBYONG BA RNAMS KYIS STON PA'I 'KHRUNGS LO SOGS LA MKHAS BA MANG PO BZHED PA MI MTHUN PA DE DAG LA BLO MI BDE BA BYA MI DGOS TE, STON PA 'KHRUNGS PA DANG SANGS RGYAS PA SOGS LO DUS GANG LA YIN YANG RUNG, STON PA THUGS RJE CAN DE NYID KYIS BDAG CAG

, ,SNYIGS MA'I 'GRO BA NYAM THAG RNAMS KYI DON DU DGA' LDAN GYI GNAS NAS ZHING 'DIR BYON TE LHUMS SU ZHUGS PA DANG, SKU BLTAMS PA DANG, ROL RTZED MDZAD PA DANG, KHAB NAS BYUNG STE DKA' BA SPYAD PA DANG, BYANG CHUB SHING DRUNG DU BDUD BTUL NAS 'TSANG RGYA BA'I MDZAD PA RNAMS BSTAN CING MDZAD PA BZANG PO DE DAG RE RE NAS GDUL BYA BGRANG BA LAS 'DAS PA ZHIG SMIN GROL LA 'GOD PAR MDZAD PA DANG, LHA DANG MI'I MCHOD PA TSAD MED PAS MCHOD PA DANG, SPRUL PA'I BKOD PA BSAM GYIS MI KHYAB PA DE LTA BU STON PAR MDZAD DO SNYAM DU DAD GUS BSGOM PAR BYA BA DANG, LHAG PAR, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GANG GSUNGS PA LTAR CHOS KYI 'KHOR LO BSKOR BA'I MDZAD PA JI SNYED CIG MDZAD PA DE THAMS CAD GDUL BYA 'DUL BA'I DON KHO NAR MDZAD CING, DE YANG THOG MAR LNGA SDE LA STOD G-YOGS SMAD G-YOGS ZLUM POR BGO BA SOGS 'DUL PA'I BSLAB BYA DANG BDEN PA BZHI'I CHOS STON PAR MDZAD PA DE NAS BZUNG, THA MAR KUN TU RGYU RAB BZANG DGRA BCOM LA BKOD PA DANG, 'KHOR RNAMS LA MI RTAG PA BSTAN PA'I BAR CHOS JI SNYED CIG GSUNGS PA DE

THAMS CAD GDUL BYA RNAMS THAR PA DANG THAMS CAD MKHYEN PA THOB PA'I THABS SHA STAG TU GSUNGS PA YIN PAS NA, BYANG CHUB LAM RIM LA NYAMS LEN SNYING POR BYED PA RNAMS KYIS RGYAL BAS GSUNGS PA'I MDO SNGAGS KYI CHOS JI SNYED CIG YOD PA DE THAMS CAD GANG ZAG RANG NYID 'TSANG RGYA BA'I THABS SHA STAG TU GSUNGS PA YIN PAR SHES PAR BYAS LA STON PA THUGS RJE CAN DES BDAG 'KHOR BA DANG NGAN SONG GI SDUG BSNGAL LAS BSGRAL TE SANGS RGYAS KYI SA LA 'GOD PA'I CHED DU CHOS 'DI SNYED CIG GSUNGS SO SNYAM DU STON PA'I YON TAN DANG BKA' DRIN DANG THUGS RJE DRAN PA'I SGO NAS DAD CING GUS PAS MCHOD CING GSOL BA GDAB PA LHUR BYA'O, ,STON PAS CHOS STON PA'I THOG MAR YANG LNGA SDE LA SDUG BSNGAL BDEN PA'I RNAM PA MI RTAG PA NAS BRTZAMS TE STON PAR MDZAD, MTHAR MYA NGAN LAS 'DA' BA'I TSE 'DUS BYAS THAMS CAD NI 'JIG PA'I CHOS CAN YIN NO ZHES MI RTAG PA STON PAR MDZAD PA 'DI LA BLO GROS CAN RNAMS KYIS LEGS PAR DPYOD SHES NA BYANG CHUB LAM RIM LA NYAMS LEN SNYING POR BYA 'DOD PA RNAMS LA NYAMS LEN LA BSKUL BA'I GNAD KHYAD PAR CAN ZHIG YIN PAR SHES PAR NUS TE, THOG MAR CHOS LA BSKUL BA'I TSE NA TSE 'DI RING DU MI GNAS PAR MYUR DU 'JIG PA'I DANG TSUL BSAMS NAS DES BSKUL TE CHOS LA 'JUG DGOS PA DANG, SKYES BU

, ,'BRING GI SKABS SU MI RTAG PA'I TSUL BSAMS NAS 'KHOR BA'I PHUN TSOGS GANG LA'ANG YID BRTAN MED PA'I TSUL BSAMS TE DES BSKUL NAS LAM SGOM PA LA 'JUG DGOS PA DANG, SKYES BU CHEN PO'I SKABS SU'ANG MI RTAG PA BSAMS TE 'KHOR BA THOG MA MED PA NAS SKYE BA GCIG NAS GCIG TU RIM GYIS BRGYUD PA'I NGANG TSUL BSAMS LA SEMS CAN THAMS CAD RANG GI MAR SHES PA SOGS RGYU 'BRAS MAN NGAG BDUN GYI SGO NAS BYANG CHUB KYI SEMS SBYANGS TE RGYAL SRAS KYI SPYOD PA LA SLOB PA DANG, DBU MA'I LTA BA SGOM PA'I TSE NA'ANG, DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ZHES GSUNGS PA LTAR, THOG MAR MI RTAG PA BSGOMS NAS RTAG GCIG RANG DBANG CAN DU 'DZIN PA'I BLO BZLOG PAR BYAS, DES RGYUD SBYANGS NAS MTHAR SPROS PA'I MTHA' THAMS CAD DANG BRAL BA'I DBU MA'I LTA BA SGOM PA LA 'JUG PA DANG, LAM THUN MONG BAS RGYUD SBYANGS NAS SNGAGS LAM LA SLOB PA'I TSE NA'ANG MI RTAG PA DRAN PAS RGYUD BSKUL NAS LAM LA SLOB DGOS PA YIN PAS STON PA'I RNAM THAR GDUL BYA RANG NYID KYI NYAMS LEN DU 'KHYER BA'I TSUL DE LTAR DU SHES PAR BYA'O, ,STON PA THUB PA'I DBANG PO'I RNAM PAR THAR PA NI BSAM GYIS MI KHYAB BRJOD KYIS MI LANG BA STE, KHYOD KYI

SKU GSUNG THUGS KYI GSANG BA YI, ,TSUL 'DI RGYAL SRAS RANG RGYAL NYAN THOS KYIS, ,JI TZAM BRTAGS KYANG BLO YI YUL MIN NA, ,TSANGS DANG DBANG PO SOGS KYIS SMOS CI 'TSAL, ,MKHA' LDING DBANG POS MKHA' LA BGROD BGROD NAS, ,NAM ZHIG RANG STOBS BRI BAS LDOG 'GYUR GYI, ,NAM MKHA' ZAD PAS LDOG PAR MI 'GYUR BZHIN, ,KHYOD KYI YON TAN BRJOD PA'ANG DE LTAR LAGS, ,ZHES GSUNGS PA LTAR, SANGS RGYAS KYI GSANG BA GSUM GYI RNAM THAR NI RGYAL BA NANG PHAN TSUN MA GTOGS RGYAL SRAS BDAG NYID CHEN PO RNAMS DANG, RNAM THAR BRGYAD LA DBANG THOB PA'I DGRA BCOM PA RNAMS DANG, TSANGS PA DANG BRGYA BYIN LA SOGS PA MNGON SHES DANG LDAN PA'I LHA MTHU BO CHE RNAMS KYIS JI TZAM BRTAGS KYANG SHES PAR NUS PA MIN NA BLO CHUNG BDAG 'DRA BAS PHYOGS TZAM YANG SHES PAR GA LA NUS, DER MA ZAD THUN MONG BA'I GDUL BYA RNAMS KYIS SHES PAR NUS PA'I MDZAD PA RNAM THAR RNAMS KYANG BDAG 'DRA BAS CHA TZAM ZHIG KYANG BRJOD PAR GA LA NUS, SNGAR BRJOD PA DE DAG NI RGYAL BA NYID KYI GSUNG TSAD MA DBANG POR BYAS TE, RGYA CHER ROL PA'I MDO DANG, SNYING RJE PADMA DKAR PO'I MDO DANG, GZHAN YANG MDO MANG PO LA BRTEN NAS MDZAD PA BCU GNYIS KYI TSUL LAS BRTZAMS TE CUNG ZAD CIG BRJOD PA YIN LA, STON PA'I YON TAN BSAM PA NI RANG GI TSOGS GSOG PA DANG SGRIB PA SBYONG BA'I THABS BLA NA MED PA YIN PA

, ,DANG, THEG PA CHEN PO'I LAM GYI RTZA BA DANG GZHUNG SHING BYANG CHUB KYI SEMS SKYE BA LA SANGS RGYAS KYI YON TAN BSAMS NAS DE LA THOB 'DOD BSKYED PA ZHIG NGES PAR DGOS KYI, SANGS RGYAS KYI YON TAN LA DAD PA DANG THOB 'DOD MED NA BYANG CHUB KYI SEMS MTSAN NYID TSANG BA MI SKYE BAR RJE BTZUN BYAMS PA MGON POS GSUNGS PA LTAR RO, ,DES NA THEG PA CHEN PO'I LAM GYI RTZA BA BYANG CHUB KYI SEMS SKYE BA LA SANGS RGYAS KYI YON TAN BSAMS NAS DANG PA THOB PA ZHIG MED MI RUNG DU SNANG BAS BYANG CHUB LAM RIM LA NYAMS LEN SNYING POR BYA 'DOD PA RNAMS LA SANGS RGYAS KYI YON TAN MTHONG BA ZHIG GAL CHE BAR BSAMS NAS PHYOGS TZAM ZHIG BRJOD PA YIN NO, ,DE LTAR STON PA MYA NGAN LAS 'DAS PA'I TSUL BSTAN PA'I DBYAR DE RGYAL PO MA SKYES DGRAS SBYIN BDAG BYAS NAS RGYAL PO'I KHAB KYI BDE CHEN MA'I PHUG TU 'OD SRUNGS CHEN PO LA SOGS PA'I DGRA BCOM PA LNGA BRGYAS DBYAR GNAS MDZAD, DE'I TSE KUN DGA' BO LA MDO SDE BSDU BAR GSOL BA BTAB PA NA, DGRA BCOM PA LNGA BRGYA'I SNAM SBYAR RNAMS BRTZEGS PA GDAN DU BTING BA'I STENG DU 'PHAGS PA KUN DGA' BOS 'DZEGS TE, ZHAL MNYAN YOD DU PHYOGS, PHYAG THAL MO SBYAR, GDONG MCHI MA DANG BCAS BZHIN DU 'DI SKAD BDAG GIS THOS PA DUS GCIG NA ZHES BRJOD PA NA, LHA

GRANGS MED PA NAM MKHA' LAS BABS TE GUS PAR NYAN ZHING MDO SDE'I SDE SNOD BSDUS SO, ,DE YANG DANG PO BDEN BZHI'I CHOS 'KHOR NAS BZUNG THA MA KUN TU RGYU RAB BZANG LA GSUNGS PA DANG, 'KHOR RNAMS LA GSUNG GI THA MA MI RTAG PA BSTAN PA YAN CHAD MDO SDE JI SNYED CIG GSUNGS PA THAMS CAD TSIG GCIG KYANG MA LUS PAR BLO LAS BTON PA'O, ,DE LTAR 'PHAGS PA KUN DGA' BOS MDO SDE BSDUS NAS KHRI LAS BABS TE 'KHOD, DE NAS 'PHAGS PA NYE BAR 'KHOR KHRI LA 'DZEGS TE 'DUL BA'I SDE SNOD RNAMS BSDUS, DE NAS 'OD SRUNGS CHEN PO KHRI LA 'DZEGS TE MNGON PA'I SDE SNOD RNAMS BSDUS SO, ,DE NAS 'OD SRUNGS CHEN PO 'DI SNYAM DU BDAG GIS BSTAN PA'I BYA BA BYAS ZIN GYI, DA NI MYA NGAN LAS 'DA'O SNYAM DU DGONGS NAS 'PHAGS PA KUN DGA' BO LA BSTAN PA GTAD DE, KHYOD KYIS KYANG BSTAN PA SHA NA'I GOS CAN LA GTOD CIG CES GSUNGS NAS DE BZHIN GSHEGS PA'I MCHOD RTEN RNAMS LA PHYAG BYAS TE LHO PHYOGS KYI RI BYA RKANG CAN ZHES BYA BA'I RI BO GSUM 'DUS KYI DBUS SU BYON NAS RTZVA'I GDAN LA SKYIL MO KRUNG BCAS, BCOM LDAN 'DAS KYIS GNANG BA'I SNAM SBYAR SKU LUS LA BKAB STE, JI SRID BYAMS MGON MA BYON GYI BAR DU PUR MI NYAMS PAR BYIN GYIS BRLABS NAS MYA NGAN LAS 'DAS SO, ,DE NAS 'PHAGS PA KUN DGA' BOS 'KHOR RNAM BZHI LA RJES SU GDAMS SHING, BSTAN

, ,PA LO BZHI BCU TZAM GYI RING BSKYANGS NAS NAM ZHIG NA BSTAN PA SHA NA'I GOS CAN LA GTAD DE, KHYOD KYIS BSTAN PA NYER SPAS LA GTOD CIG CES LUNG BSTAN NAS MYA NGAN LAS 'DAS SO, ,DE NAS 'PHAGS PA SHA NA'I GOS CAN GYIS BSTAN PA'I BYA BA RGYA CHER MDZAD DE MTHAR BSTAN PA NYER SPAS LA GTAD, DE NAS 'PHAGS PA NYER SPAS KYIS SANGS RGYAS GNYIS PA BZHIN DU BSTAN PA'I BYA BA BSAM GYIS MI KHYAB PA MDZAD DE, SLOB MA DGRA BCOM THOB PA'ANG GRANGS MED PA BYUNG STE, DGRA BCOM THOB PA RE RE BYUNG BA NA SO SHING SOR LNGA BA RE RE DOR BAS BRAG PHUG 'DOM LNGA BCU YOD PA ZHIG SO SHING GIS YONGS SU GANG BAR GYUR TO, ,'PHAGS PA NYER SBAS KYIS BSTAN PA DHI DHI KA LA GTAD, 'PHAGS PA DHI DHI KAS BSTAN PA 'PHAGS PA NAG PO LA GTAD, DES LEGS MTHONG CHEN PO LA BSTAN PA GTAD DE, DE DAG LA BSTAN PA'I GTAD RABS BDUN DU GRAGS SO, ,THUB PA'I BSTAN PA DUS JI TZAM GNAS PA NI, STON PA THUB PA'I DBANG PO 'DI NYID RGYAL BA GZHAN LAS THUGS RJE CHES LHAG PAS RGYAL BA RANG NYID MYA NGAN LAS 'DAS NAS KYANG BSTAN PA LO LNGA STONG DU GNAS PAR BYIN GYIS BRLABS SHING, GNAS BRTAN CHEN PO SGRA GCAN 'DZIN LA SOGS PA GNAS BRTAN BCU DRUG LA BSTAN PA'I GNAS TSAD MA RDZOGS KYI BAR DU MYA NGAN LAS MI 'DA' BAR BSTAN PA SKYONGS SHIG CES BKA' BSGOS, RNAM THOS SRAS LA SOGS PA 'JIG RTEN

SKYONG BA BZHI LA BSTAN PA BSTAN 'DZIN DANG BCAS PA BSRUNG ZHING SKYONG BAR BKA' BSGO BAR MDZAD DO, ,DE LTAR RGYAL BA'I BSTAN PA LO LNGA STONG DU GNAS PA LAS LO STONG PHRAG RE RE LA PHYED PHYED DU BCAD PAS LNGA BRGYA PA PHRAG BCU LA LE'U BCUR 'GYUR TE, DE LA LNGA BRGYA DANG PO DANG, GNYIS PA DANG, GSUM PA RNAMS LA RIM PA LTAR, DGRA BCOM PA DANG, PHYIR MI 'ONG BA DANG, RGYUN DU ZHUGS PA MANG DU 'BYUNG BAS DGRA BCOM PA'I LE'U DANG, PHYIR MI 'ONG BA'I LE'U DANG, RGYUN DU ZHUGS PA'I LE'U ZHES BYA STE, KHONG DU CHUD PA'I LE'U GSUM DANG, DE NAS LNGA BRGYA BZHI PA DANG, LNGA PA DANG, DRUG PA RNAMS LA GO RIM BZHIN DU, LHAG MTHONG DANG, TING NGE 'DZIN DANG, TSUL KHRIMS DANG LDAN PA MANG DU 'BYUNG BAS LHAG MTHONG GI LE'U DANG, TING NGE 'DZIN GYI LE'U DANG, TSUL KHRIMS KYI LE'U ZHES BYA STE, SGRUB PA'I LE'U GSUM DANG, DE NAS LNGA BRGYA BDUN PA DANG, BRGYAD PA DANG, DGU PA LA RIM PA LTAR CHOS MNGON PA DANG, MDO SDE DANG, 'DUL BA STON PA MANG DU 'BYUNG BAS MNGON PA'I LE'U DANG, MDO SDE'I LE'U DANG, 'DUL BA'I LE'U STE; LUNG GI LE'U GSUM DANG, LNGA BRGYA PA BCU PA LA NI, RAB TU BYUNG BA'I RTAGS TZAM LAS LTA SPYOD RNAL MA DANG MI LDAN PAS RTAGS TZAM 'DZIN PA'I LE'U STE, 'DI NYID LA LNGA BRGYA THA MA ZHES BSHAD DO, ,DES NA BDAG LEGS SU 'DOD PA DAG GIS RGYAL BA'I BSTAN PA DANG LAN CIG MJAL BA'I SKABS 'DIR RGYAL BA'I BSTAN PA'I SNYING PO TSANG LA MA NOR BA BYANG CHUB LAM GYI RIM PA LA BAG CHAGS CI THEBS BYA'O,, ,,

, ,` JO BO RJE DPAL LDAN AA TI SHAS BYANG CHUB LAM GYI RIM PA STON PA'I BLA MA BRGYUD PA LA RGYA CHEN SPYOD RGYUD DANG, ZAB MO LTA RGYUD GNYIS SU MDZAD BA'I RGYA CHEN SPYOD RGYUD KYI BLA MA RNAMS KYI RNAM PAR THAR PA STON PA LA THOG MAR RJE BTZUN BYAMS PA MGON PO'I RNAM THAR NI, 'DREN PA MNYAM MED STON PA BCOM LDAN 'DAS, ,RGYAL TSAB DAM PA RJE BTZUN MI PHAM MGON, ,ZHES BSNGAGS PA, 'DREN PA MNYAM MED STON PA THUB PA'I DBANG PO DGA' LDAN DU SKYE BA SPRUL SKU'I TSUL BZUNG STE RGYAL BA 'OD SRUNGS KYI DUS NAS ZHING 'DIR 'BYON PA LA NYE BA'I BAR DGA' LDAN GYI LHA RNAMS LA CHOS BSTAN NAS 'DZAM BU'I GLING DU 'BYON PA LA NYE BAR PHYOGS PA'I TSE, RJE BTZUN BYAMS PA MGON PO LA PROG ZHU BSKON NAS RGYAL TSAB TU DBANG BSKUR BAS, DE NAS BZUNG RGYAL TSAB BYAMS PA MGON PO ZHES GRAGS PA RJE BTZUN BYAMS MGON 'DI NYID SNGON THUGS JI LTAR BSKYED PA'I TSUL NI, MDO SDE BSKAL BZANG LAS, BYANG CHUB SEMS DPA' BYAMS PA 'KHOR LOS SGYUR BA YI, ,RGYAL PO RNAM PAR SNANG BYED CES BYAR GYUR PA NA, ,BDE GSHEGS MTHU CHEN GDUGS TSOD DAG LA SPYAN DRANGS NAS, ,DANG POR BLA MED BYANG CHUB TU NI SEMS BSKYED DO, ,ZHES GSUNGS PA LTAR RJE BTZUN BYAMS PA MGON PO 'DI NYID SNGON BSKAL PA BRJOD KYIS MI LANG PA'I YANG BRJOD KYIS MI LANG BA'I SNGON ROL TU 'KHOR LOS SGYUR BA'I RGYAL PO RNAM PAR SNANG BYED CES BYA BAR GYUR PA'I TSE DE BZHIN GSHEGS PA THUB PA CHEN PO ZHES BYA BA 'JIG RTEN

DU BYON PA DANG MJAL TE, DE BZHIN GSHEGS PA DE LA GDUGS TSOD PHUL NAS MKHA' KHYAB KYI SEMS CAN THAMS CAD LA BYAMS PA DANG SNYING RJE CHEN POS GZIGS NAS SEMS CAN THAMS CAD 'KHOR BA LAS SGROL BA'I PHYIR DU BYANG CHUB MCHOG TU THUGS BSKYED PAR MDZAD DO, ,YANG BSKAL PA GRANGS MED PA BAS KYANG CHES GRANGS MED PA YUN RING ZHING TSAD MED BSAM GYIS MI KHYAB PA'I SNGA ROL TU, RJE BTZUN BYAMS PA GLING BZHI LA DBANG BA'I 'KHOR LOS BSGYUR BA'I RGYAL PO GSER MDOG CAN ZHES BYA BAR GYUR PA'I DUS RDZOGS PA'I SANGS RGYAS GSER ZANGS 'OD BYANG CHUB SEMS DPA'I 'KHOR DPAG TU MED PA NYAN THOS KYI DGE 'DUN DANG BCAS PA LA, RGYAL PO'I 'BYOR PA CHEN PO DANG BSOD NAMS KYI MTHU CHEN POS SUM CU RTZA GSUM GYI LHA RNAMS KYI 'BYOR PAS KYANG BSGRUN DU MED PA'I BKOD PA DANG, MCHOD PA DANG, BSNYEN BKUR BA THAMS CAD KYIS LO BYE PA PHRAG BRGYAD CU RTZA BZHIR BKUR STIR BYAS TE BLA NA MED PA'I BYANG CHUB TU THUGS BSKYED PAR MDZAD, YANG SNGON MI MJED 'JIG RTEN GYI KHAMS 'DI'I THAD DU BSKAL PA 'DZIN PA ZHES BYA BA BYUNG BA LA, BSKAL PA CHEN PO DE LA GLING BZHI PA'I SANGS RGYAS KYI ZHING 'DIR GLING BZHIR 'KHOR LOS BSGYUR BA'I RGYAL PO RTZIBS KYI MU KHYUD CES BYA BA ZHIG BYUNG NGO, ,RGYAL PO RTZIBS KYI MU KHYUD DE LA MDUN NA 'DON BRAM ZE RGYA MTSO'I RDUL ZHES BYA BA ZHIG YOD DO, ,DE LA BU SKYES BU CHEN PO'I MTSAN SUM CU RTZA GNYIS DANG LDAN ZHING DPE BYAD BZANG PO BRGYAD CUS LUS RNAM PAR MDZES LA BSOD NAMS BRGYA'I MTSAN DANG LDAN ZHING 'OD 'DOM GANG

, ,PA YOD LA SHING N+YA GRO DHA LTAR CHU ZHENG GAB CING BLTA BAS CHOG MI SHES PA ZHIG BTZAS SO, ,DE BTZAS MA THAG TU LHA 'BUM GYIS MCHOD PA BYAS NAS RGYA MTSO'I SNYING PO ZHES BYA BAR MING BTAG SO, ,DE DUS GZHAN ZHIG NA NGES PAR BYUNG NAS SKRA DANG KHA SBU BREGS TE GOS DUR SMRIG BGOS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, DE BZHIN GSHEGS PA RIN PO CHE'I SNYING PO ZHES BYA BAR GYUR NAS BCOM LDAN 'DAS DES CHOS KYI 'KHOR LO BSKOR TE SROG CHAGS BYE BA KHRAG KHRIG 'BUM PHRAG MANG PO DAG MTHO RIS DANG THAR PA'I 'BRAS BU LA RAB TU BKOD PAR GYUR TO, ,DE NAS BRAM ZE RGYA MTSO'I RDUL GYIS 'KHOR LOS BSGYUR BA'I RGYAL PO RTZIBS KYI MU KHYUD DANG RANG GI SLOB MA BRAM ZE RIG BYED KLOG PA STONG LA SOGS PA LA YANG DANG YANG DU BSKUL TE, DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DU BCUG GO ,DE'I TSE RGYAL PO RTZIBS KYI MU KHYUD KYIS DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DE, BDE BA CAN GYI ZHING GI BKOD PA BLO YUL DU BZUNG NAS ZHING DE 'GRUB PA'I PHYIR DU BSKAL PA GRANGS MED PAR RDZOGS SMIN SBYANG GSUM GYI SPYOD PA SPYAD PA MTHAR PHYIN PAR MDZAD NAS BDE BA CAN GYI ZHING GRUB STE ZHING DER MNGON PAR RDZOGS PAR SANGS RGYAS SO, ,BRAM ZE RGYA MTSO'I RDUL GYI SLOB MA BRAM ZE RIG BYED KLOG PA STONG PO DES KYANG DE BZHIN GSHEGS PA RIN CHEN SNYING PO'I SPYAN SNGAR SEMS BSKYED CING, DE BZHIN GSHEGS PA RIN CHEN SNYING POS DE DAG BSKAL PA BZANG PO

'DI LA 'TSANG RGYA BAR LUNG BSTAN NAS DE DAG GIS RANG RANG GI ZHING BZUNG BA NA, DANG PO 'KHOR BA 'JIG NAS THA MA MOS PA SNANG MDZAD KYI BAR THAMS CAD KYIS RANG RANG GI SANGS RGYAS KYI ZHING GDUL SLA BA DANG ZHING DAG PA SHA STAG BZUNG NAS, RTZOD LDAN TSE LO BRGYA PA'I DUS 'DI DANG, MA 'ONGS PA'I TSE LO BRGYAD KHRI PA'I DUS GNYIS PO 'DI LUS TE, DE YANG RTZOD LDAN TSE LO BRGYA PA'I DUS 'DI NI DUS KYI SNYIGS MAR GYUR PAS SEMS CAN RNAMS TSE THUNG ZHING LONGS SPYOD DBUL LA NAD MANG ZHING PHAL CHER DUS MA YIN PA'I 'CHI RKYEN GYIS 'CHI BAR 'GYUR BA MA RUNGS PA DMU RGOD PA, DRIN LAN LOG PAR 'JAL BAS GANG BA 'DI NI RGYAL BA DE DAG THAMS CAD SKRAG NAS 'DI LTA BU'I DUS NGAN PA MA RUNGS PA 'DI DAG GI KHROD DU SU ZHIG 'JUG CES YAL BAR BOR BA NA BRAM ZE RGYA MTSO'I RDUL GYIS THUGS RJES MA BZOD PAR DUS 'DIR 'BYON PA'I THUGS BSKYED, MA 'ONGS PA'I TSE LO BRGYAD KHRI PA'I DUS DE NI SNOD BCUD THAMS CAD PHUN SUM TSOGS PAS GANG BA, SNOD RNAMS LHA'I YUL DANG MTSUNGS BA, MI RNAMS TSE RING ZHING GZUGS BZANG BA LONGS SPYOD CHE BA PHAN TSUN 'TSE BA GANG YANG MED CING RANG BZHIN GYIS DGE BA'I LAM LA GNAS PA SHA STAG 'BYUNG BAS 'DI DAG NI SHIN TU BZANG NGO ZHES THAMS CAD KYIS BTANG SNYOMS SU BZHAG STE LUS PA NA, RJE BTZUN BYAMS MGON 'DI NYID DE'I TSE RIG BYED KLOG PA STONG GI LNGA PA DRI MED 'OD CES BYA BAR GYUR PA DES THUGS RJES MA BZOD NAS TSE LO BRGYAD KHRI PA'I DUS KYI 'GRO BA 'DI RNAMS DE BZHIN GSHEGS PA THAMS CAD KYIS

, ,BTANG SNYOMS SU BZHAG PAS, 'DI DAG LA CHOS STON PA PO MED PAS, 'DI DAG LA GNAS SKABS SU 'KHOR BA'I BDE 'BYOR CUNG ZAD YOD KYANG LAS NYON GYIS BCINGS PAS 'KHOR BA LAS MA 'DAS SHING, SLAR YANG 'KHOR BA MTHA' MED DU 'KHYAMS NAS SDUG BSNGAL BRGYUD MAR MYONG BAR 'GYUR BA 'DI RNAMS SNYING RE RJE, 'DI RNAMS KYI MGON DU NGA NYID ZHING DER 'TSA' RGYA BAR BYA'O SNYAM DU THUGS BSKYED PA NA DE BZHIN GSHEGS PA RIN CHEN SNYING BOS KYANG; DE LTAR DU BSKAL BZANG GI SANGS RGYAS LNGA PAR 'GYUR BAR LUNG BSTAN TO, ,DON GYI DBANG 'DI GZIGS NAS RJE BDAG NYID CHEN POS BYAMS MGON LA BSTOD PA MDZAD BA NA, BDE GSHEGS SNGA MAS BTANG SNYOMS MDZAD PA YI, , GRANGS MED 'GRO LA BRTZE BAS MA BZOD NAS, ,ZHING 'DIR BYANG CHUB SNYING POR GSHEGS 'GYUR BA, ,MI PHAM CHOS RJE'I ZHABS LA GSOL BA 'DEBS, ,ZHES BSNGAGS PA MDZAD DO, ,YANG SNGON 'DAS PA'I BSKAL PA BRJOD KYIS MI LANG BA'I SNGON ROL TU 'KHOR LOS BSGYUR BA'I RGYAL PO YUL 'KHOR SKYONG ZHES BYA BA BYUNG STE, DE LA BU STONG YOD DO, ,DE'I TSE DE BZHIN GSHEGS PA YON TAN MTHA' YAS RIN PO CHE SNA TSOGS BKOD PA'I RGYAL PO ZHES BYA BA 'JIG RTEN DU BYON TE, DE BZHIN GSHEGS PA DE LA 'KHOR LOS BSGYUR BA'I RGYAL PO YUL 'KHOR SKYONG BU STONG DANG BCAS PAS DUS YUN RING BOR MCHOD CING BSNYEN BKUR NAS DE BZHIN GSHEGS PA DE'I SPYAN SNGAR BLA NA MED PA YANG DAG PAR RDZOGS PA'I BYANG

CHUB TU SEMS BSKYED PA NA DE BZHIN GSHEGS PA DES RGYAL BU STONG PO DE RNAMS KYI MING BUM PAR BCUG NAS RIM BZHIN LUNG BSTAN PA NA, RJE BTZUN BYAMS MGON 'DI NYID 'KHOR LOS BSGYUR BA'I RGYAL PO DE'I BU STONG GI NANG NAS BZHI BA SKA RAGS CAN ZHES BYA BA YIN PAS, DE BZHIN GSHEGS PA DES BU STONG PO DE RIM BZHIN BSKAL BA BZANG PO 'DI LA 'TSANG RGYA BAR LUNG BSTAN TE, DON 'DI LA DGONGS NAS, MTHUN PA'I SMON LAM DGE TSOGS RMAD BYUNG ZHING, ,SPYAD PA SPYOD TSE NA YANG MCHED GYUR LA, ,BSKAL BZANG 'DI LA MDZAD PA MTHAR PHYIN PA'I, ,RDZOGS PA'I SANGS RGYAS STONG LA PHYAG 'TSAL LO, ,ZHES BSTOD PA MDZAD DO, ,GZHAN YANG SANGS RGYAS MANG PO'I SPYAN SNGAR THUGS BSKYED PAR MDZAD CING BCOM LDAN 'DAS SH'AKYA THUB PA LA SOGS PA BSKAL BZANG GI SANGS RGYAS GZHAN THAMS CAD LAS BSKAL PA BZHI BCU RTZA GNYIS KYIS THUGS BSKYED PA SNGA BAR GSUNGS SO, ,DE LTAR RJE BTZUN BYAMS PA MGON POS THUGS BSKYED NAS BSKAL PA BGRANG BA LAS 'DAS PAR CHOGS GNYIS BAR MA CHAD DU BSAGS, BCOM LDAN 'DAS SH'AKYA THUB PAS MI SKYE BA'I CHOS LA BZOD PA BRNYES PA NAS BZUNG BCOM LDAN 'DAS SH'AKYA THUB PA NYID YONGS 'DZIN DU BSTEN TE DBU'I GTZUG TU 'BRAL MED DU BSGOMS BAS GDUL BYA RNAMS KYIS BYAMS MGON GYI DBU'I GTZUG NA BYANG CHUB MCHOD RTEN YOD PAR MTHONG STE, DA LTA BYAMS MGON GYI SKU LA DBU'I GTZUG TU BYANG CHUB MCHOD RTEN RE BYED SROL YOD BA 'DI YANG DE'I RGYU MTSAN GYIS YIN PAR GSUNGS, DE

, ,LTAR RJE BTZUN BYAMS PA MGON POS BSKAL PA GRANGS MED MU MED PAR TSOGS GNYIS BAR MA CHAD DU BSAGS NAS, DE BZHIN GSHEGS PA RIN CHEN GDUGS ZHES BYA BA 'JIG RTEN DU BYON PA'I TSE, BYAMS MGON 'DI NYID DGE SLONG BLO GROS BRTAN PA ZHES BYA BAR GYUR NAS DE BZHIN GSHEGS PA DE NYID LA BSNYEN BKUR ZHING LO BRGYAD KHRI BZHI STONG GI BAR DU NYIN RE BZHIN SEMS CAN BRGYA BRGYA TZAM BSLAB PA'I GZHI LNGA LA MA BKOD KYI BAR DU ZAS MI BZA', SROG CHAGS KYI DON DU 'GYUR BA MTHONG TSE ZHAG MANG PO'I BAR DU ZAS BCAD KYANG DES MI SKYO BAR SEMS CAN GYI DON LA BRTZON PAR MDZAD DE SROG CHAGS BYE BA KHRAG KHRIG 'BUM PHRAG SUM CU RTZA DRUG BSLAB PA'I GZHI LNGA LA BKOD DO, ,DE LTAR LO BRGYAD KHRI BZHI STONG GI BAR DU SEMS CAN GYI DON MDZAD NAS SROG CHAGS BYE BA PHRAG GSUM THEG PA CHEN PO'I LAM LA BKOD, SROG CHAGS BGRANG BA LAS 'DAS PA ZHIG THEG PA DMAN PA'I LAM LA BKOD, SROG CHAGS GRANGS MED MU MED PA ZHIG LA BYAMS PA'I TING NGE 'DZIN BSKYED PAR MDZAD, THAN GRONG DANG GRONG KHYER DANG TSONG DUS DANG YUL 'KHOR LA SOGS PA GANG DANG GANG DU BYON PA'I SEMS CAN DE DANG DE DAG GIS ZHAL MTHONG BA DANG, GSUNG THOS PA DANG PHYAG GIS REG PA DANG GANG DU ZHABS BZHAG PA'I SA DE DANG DE DAG NA GNAS PA'I SEMS CAN DE DAG THAMS CAD KYANG BYAMS PA'I TING NGE 'DZIN LA BKOD PAS PHYOGS BCU'I RGYAL BA SRAS BCAS THAMS CAD KYIS LEGS SO'I BSNGAGS PA BRJOD CING,

DKAR PHYOGS KYI LHA THAMS CAD KYIS 'DI LTA BUR SEMS CAN THAMS CAD BYAMS PA LA 'GOD PA NGO MTSAR RO, ,ZHES RGYA CHER BSNGAGS PAS PHYOGS BCU'I ZHING THAMS CAD DU BYANG CHUB SEMS DPA' SEMS DPA' CHEN PO BYAMS PA ZHES MTSAN GRAGS SHING; DE'I TSE DE BZHIN GSHEGS PA RIN CHEN GDUGS KYIS BYANG CHUB SEMS DPA' SEMS DPA' CHEN PO BYAMS PA 'DI DA NAS BZUNG STE SKYE BA THAMS CAD DU BYAMS PA'I MTSAN DANG LDAN PAR 'GYUR ZHING, MNGON PAR RDZOGS PAR SANGS RGYAS PA'I TSE YANG DE BZHIN GSHEGS PA BYAMS PA ZHES BYA BAR 'TSANG RGYA BAR 'GYUR RO, ,ZHES LUNG BSTAN TO, ,DE NAS RJE BTZUN BYAMS PA MGON POS TSOGS GNYIS PHAL CHER RDZOGS TE SA BCU PA LA GNAS PA'I TSE 'OD ZER CHEN PO'I DBANG BSKUR BA THOB STE, DE'I TSUL RGYAS PAR BRJOD NA YI GE MANG DU DOGS PAS RJE BDAG NYID CHEN POS TSIGS BCAD DU BSGRIGS NAS GSUNGS PA NI, MA LUS SEMS CAN BDE LA 'GOD PHYIR DU, ,RAB 'BYAMS ZHING GI RGYAL BA THAMS CAD KYIS, ,'OD ZER CHEN PO'I DBANG GIS MGON KHYOD LA, ,CHOS KYI RGYAL SRID GTAD PA DGONGS PAR RIGS, ,GANG TSE KHYOD KYIS DBANG BSKUR SA BRNYES TSE, ,GRANGS MED 'BUM PHRAG BCU YI TING 'DZIN DANG, ,KUN MKHYEN YE SHES NYID DU DBANG BSKUR BA'I, , TING NGE 'DZIN RNAMS MNGON DU GYUR PA'I MTHAR, ,STONG GSUM 'BUM PHRAG BCU YI RDUL SNYED KYI, ,PADMO'I 'KHOR GYIS BSKOR BA'I PADMA NI, ,RTZA BA RIN CHEN LTE BA TZAN DAN MCHOG ,ZE'U 'BRU RDO YI SNYING PO LO MA NI, ,'DZAM BU CHU BO'I GSER LTAR

, ,KUN TU SNANG, ,RIN CHEN KUN GYIS RAB SPRAS 'DAB BRGYA 'BYED, ,RIN CHEN DRA BAS KUN NAS G-YOGS PA LA, ,DE DANG 'TSAM PAR KHYOD SKU BZHUGS PA NI, ,'KHOR GYI PADMAR DE SNYED RGYAL BA'I SRAS, ,KHYOD KYI ZHAL DU PHYOGS NAS 'KHOD PA RNAMS, ,'BUM PHRAG BCU YI TING NGE 'DZIN LA ROL, ,DE TSE KHYOD KYI ZHABS MTHIL PUS MO DANG, ,LTE BA RTZIB LOGS PHYAG GI MTHIL GNYIS NAS, ,GRANGS MED 'BUM PHRAG BCU YI 'OD PHYUNG NAS, ,NGAN SONG GSUM DAN MI DANG LHA MIN LHA, ,GNAS KUN SNANG BYAS SDUG BSNGAL ZHI BAR MDZAD, ,PHRAG BA RGYAB MGUL ZHAL GYI SGO RNAMS NAS, ,SNGAR GYI 'OD KYIS NYAN RANG SA DGU'I BAR, ,BYANG SEMS GNAS RNAMS SNANG MDZAD RIM BZHIN DU, ,CHOS SNANG TING 'DZIN THABS SHES TSUL RNAMS BSGRUBS, ,SNGAR BZHIN MDZOD SPU NAS PHYUNG 'OD ZER GYIS, ,PHYOGS BCU'I BDUD GNAS THAMS CAD ZIL MNAN NAS, ,DBANG BSKUR BRNYES PA'I RGYAL BA'I SRAS RNAMS KYI, ,SKU YI DKYIL 'KHOR DAG TU NUB PAR MDZAD, ,YAN LAG MCHOG LAS STONG GSUM 'BUM PHRAG BCU'I, ,PHRA RAB RDUL SNYED 'OD ZER PHYUNG NAS KYANG, ,BDE GSHEGS 'KHOR GYI DKYIL 'KHOR SNANG BYAS TE, ,'JIG RTEN LAN BCUR BSKOR NAS BAR SNANG LA, ,'OD KYI DRA BA'I DKYIL 'KHOR CHEN PO YIS KUN BZANG MCHOD SPRIN RGYA MTSO'I CHAR PHAB NAS, ,'JIG RTEN LAN BCUR BSKOR NAS RGYAL RNAMS KYI, ,ZHABS KYI MTHIL DU KUN NAS NUB PAR GYUR, ,DE NAS SRAS BCAS RGYAL BAS DBANG PO KHYOD, ,DBANG BSKUR DUS LA BAB PAR

GZIGS GYUR NAS, ,DBANG BSKUR THOB PA'I RGYAL PA SRAS BCAS KYI, ,RDO RJE DPAL BE'U BKRA SHIS RI MO LAS, ,GRANGS MED 'BUM PHRAG BCU YI 'OD ZER GYIS, ,'KHOR BCAS 'OD PHYUNG PHYOGS KUN SNANG BYAS TE, ,MU MED CHO 'PHRUL BSTAN NAS KHYOD KYI NI, ,RDO RJE DPAL BE'U BKRA SHIS RNAMS SU NUB, ,DE NAS DE MA THAG TU KHYOD KYI STOBS, ,'BUM 'GYUR LAS KYANG LHAG PAR 'PHEL BA'I TSE, ,PHYOGS BCU'I RGYAL BA RNAMS KYI MDZOD SPU NAS, ,SNGAR BZHIN 'OD KYIS ZHING KUN SNANG BYAS NAS,, 'JIG RTEN LAN BCU BSKOR TE CHO 'PHRUL BSTAN, ,BYANG SEMS BYE BA MANG BSKUL ZHING KUN BSKYOD, ,NGAN 'GRO ZHI MDZAD BDUD RNAMS ZIL MNAN TE, ,BDE GSHEGS RNAMS KYI GDAN KUN RAB BSTAN NAS, ,'OD ZER GTZO BO KHYOD KYI SPYI BO DANG,, 'KHOR GYI 'OD ZER 'KHOR GYI SPYI BOR NUB, ,DE TSE BYANG SEMS RNAMS KYIS SNGON MED PA'I, ,STONG PHRAG BCU YI TING 'DZIN THOB BAR GYUR, ,DE LTAR GLANG PO RIN CHEN GSER KHRI YIS, ,BRGYAN PA'I SENG DU 'KHOR LOS SGYUR BA'I SRAS, ,RGYA MTSO BZHI YI CHUS BKANG GSER BUM GYIS, ,SPYI BO'I GNAS NAS RGYAS PAR DBANG BSKUR BA, ,DE BZHIN THUB PA'I CHOS KYI RGYAL TSAB TU, ,MNGON BAR DBANG BSKUR KHYOD KYIS 'KHOR BA RU, ,LAS KYIS KUN NAS MNAR BA'I SEMS CAN KUN, ,ZAG MED BDE BA'I DBAL LA 'GOD DU GSOL, ,ZHES GSUNGS PA LTAR RO, ,MA 'ONGS PA NA RJE BTZUN BYAMS PA MGON PO ZHING 'DIR BYON NAS 'TSANG RGYA BA'I MDZAD PA STON TSUL NI, THUB PA'I BSTAN PA LO LNGA STONG DU GNAS PA RIM GYIS RDZOGS

, ,NAS MTHAR RTAGS TZAM 'DZIN PA LO LNGA BRGYA DANG, DE NAS DE YANG NUB STE SEMS CAN RNAMS RMONGS SHING NYON MONGS PA KHO NA'I DBANG DU SONG STE PHAN TSUN GCIG LA GCIG 'TSE ZHING SDIG PA KHO NA SPYOD PAS BSOD NAMS JE DMAN JE DMAN LA SONG STE TSE LO NYI SHU DANG, DE YANG JE THUNG JE THUNG LA SONG STE MTHAR TSE LO BCU LA RING MTHA' BYED PA'I DUS 'BYUNG ZHING, DE NAS MU GE'I BSKAL PA DANG, NAD KYI BSKAL PA DANG, MTSON GYI BSKAL PA RNAMS RIM GYIS BYUNG STE SEMS CAN RNAMS PHAN TSUN 'THAB RTZOD KYIS SDUG BSNGAL ZHING NYAM THAG PA DMYAL BAR GNAS PA LTA BUR 'GYUR LA, DE'I DUS SU RJE BTZUN BYAMS PA MGON PO'I SPRUL PA KHRU GANG PA SKU LA CHOS GOS NGUR SMRIG GSOL BA, GZI BRJID 'BAR ZHING 'OD 'PHRO BA ZHIG BYON PA SEMS CAN DE RNAMS KYIS MTHONG NAS NGO MTSAR ZHING DAD PA SKYES TE 'DI LTA BU'I SKU GZUGS MDZES PA CI LAS BYUNG ZHES GSOL PAS, SPRUL PA'I BYAMS MGON DES NGAS BZOD PA BSGOMS PAS 'DI LTAR BYUNG PA YIN, KHYED RNAMS KYANG 'THAB RTZOD SPONGS LA BZOD PA SGOMS SHING, DE LTAR BYAS NANG DANG 'DRA BAR 'GYUR RO, ,ZHES GSUNG PAS, BYAMS MGON GYI THUGS BSKYED KYI MTHUS SEMS CAN DE DAG GIS BZOD PA BSGOMS PAS RIM GYIS BSOD NAMS RGYAS NAS TSE RING DU 'PHEL TE TSE LO NYI SHU PA DANG, SUM CU PA SOGS TSE JE RING JE RING DU GYUR CING BDE SKYID KYANG JE 'PHEL DU SONG STE 'DZAM BU'I GLING GI SA CHEN PO'I KHYON 'DI THAMS CAD LAG

MTHIL LTAR MNYAM ZHING YANGS PA, NGAM GROG DANG TSER MA DANG LJAN LJIN DANG GYO MO DANG GSEG MA LA SOGS PA MED CING, NE'U GSING MDZES PAS KHYAB PA, RKANG PA BTEG NA SOR BZHI 'PHAR ZHING MNAN NA NEM ZHES BYED PA SHA STAG STE, SHING BAL LTAR 'JAM PA, 'BRU DANG, LO TOG DANG, 'KHRI SHING GEL PA LA SOGS PAS GANG ZHING, HA CANG YANG MI DRO HA CANG YANG MI GRANG BA RLUNG SHIN TU CHUNG BA ,DUS DANG TSOD MNYAM PAR LDANG ZHING DRI PHUN SUM TSOGS PA, MNGAR ZHING ZHIM PA'I SA LU MA RMOS PAR SKYE ZHING, LHA'I CHAR BABS PAS SA'I BCUD 'PHEL BA, TSON SNA TSOGS KYIS SPRAS BA'I GOS KYI LJON SHING ME TOG DANG 'BRAS BU PHUN SUM TSOGS PA 'PHANG DU RGYANG GRAGS KYI TSAD TZAM YOD PAS GANG BA, BAR BAR NA LTENG KA DANG KHRUS KYI RDZING BU DANG LDAN PA STE YON TAN BRJOD KYIS MI LANG BA ZHIG 'BYUNG NGO, ,DER SKYES PA'I MI RNAMS NI, LUS LA HA RI TZAN DAN GYI DRI BRO BA, KU SHA'I GOS KHYAD PAR DU 'PHAGS PA GYON PA, LHA'I DPAL 'BYOR LA LONGS SPYOD CING TSE LO BRGYAD KHRI THUB PA, LUS NGAG YID GSUM MI DGE BA DANG BRAL BA, KHA DOG BZANG ZHING LUS GZUGS CHE BA, DE LA DA LTA'I KHRU BRGYAD CU 'AM BRGYAD CU RTZA BRGYAD PA, 'DOM NYI SHU RTZA GNYIS TZAM YOD PA, KUN KYANG TSAN PO CHE'I STOBS DANG LDAN PA, MI DE DAG LA 'DOD PA DANG ZA BA DANG RGAS PA STE DE TZAM MA GTOGS NAD KYI MING TZAM YANG MI GRAG PA LHA'I LUS DANG KHYAD PAR MED PAR 'GYUR RO, ,STON BA'I BSTAN PA RTAGS TZAM 'DZIN PA'ANG NUB PA YAN CHAD KYIS BSKAL PA YA THOG RING MO RDZOGS

, ,LA; DE NAS RJE BTZUN BYAMS PA MGON PO MA BYON GYI BAR LA RANG SANGS RGYAS MANG DU 'BYUNG ZHING, BAR GYI KHUG PA BCO BRGYAD KYI 'GOR RJE BTZUN BYAMS PA MGON PO 'BYON PAR GSUNGS SO, ,RJE BTZUN BYAMS PA MGON PO GANG DU 'BYON PA'I GNAS NI THUB PA'I DBANG PO MYA NGAN LAS 'DA' TSUL BSTAN PA'I SA GRONG KHYER RTZVA CAN DU TOG GI BLO GROS ZHES BYA BA'I RGYAL PO'I PHO BRANG 'BYUNG LA, PHO BRANG DE'I CHUR DPAG TSAD BCU GNYIS, ZHANG DU DPAG TSAD BDUN YOD PA, RIN PO CHE SNA BDUN GYI SO PHAG GI RTZIG PA RIM PA BDUN DANG, 'OBS RIM PA BDUN DANG, RIN PO CHE LAS GRUB PA'I TA LA'I PHRENG BA RIM PA BDUN GYIS BSKOR ZHING DRIL BU'I DRA BAS MDZES PA, DE DAG RLUNG GIS BSKYOD PA NA SIL SNYAN YAN LAG LNGA DANG LDAN PA'I SGRA 'BYUNG STE, SEMS CAN RNAMS DGA' BAR BYED PA, LHA RDZAS LAS GRUB PA'I ME TOG MANDHA RA DANG, KU MUD TA DANG, AUTPA LA DANG, MI YUL NA YOD PA'I ME TOG SNA TSOGS BA'I RGYAN BKRAM PA, YAN LAG BRGYAD DANG LDAN PA'I KHRUS KYI RDZING BU DANG, MTSO PADMAS BRGYAN PA RNAMS LA CHU BYA MANG PO SGRA SNYAN PA SNA TSOGS SGROG PA, SKYED MOS TSAL PHUN SUM TSOGS PA ME TOG GIS GANG BA YOD BA, GRONG KHYER DE'I PHYOGS BZHI DANG DBUS KUN NA GZHAN LAS KHYAD PAR DU 'PHAGS PA'I RIN PO CHE'I DPAG BSAM GYI SHING RE BA THAMS CAD SKONG BA YOD BAS, DES LHA'I 'BYOR BA YANG ZIL GYIS GNON PAR BYED DO, ,DER GLING BZHI LA DBANG BA'I 'KHOR LOS SGYUR BA'I RGYAL PO DPUNG TSOGS

YAN LAG BRGYAD DANG LDAN PA, RIN PO CHE SNA BDUN DANG, BU STONG DANG LDAN PA, BTZUN MO BRGYAD KHRI DANG, KHAMS KYI RGYAL PHRAN BZHI STONG BRGYAD CU LA DBANG BSGYUR BA CHOS KYI SRID SKYONG BA'I RGYAL BO DUNG ZHES BYA BA 'BYUNG ZHING, DE'I MDUN NA 'DON CHEN PO BRAM ZE TSANGS RAB CES PA THOS PA MANG ZHING RIG BYED KUN LA MKHAS BA, DE LA BTZUN MO TSANGS LDAN MA ZHES BYA BA SGYU RTZAL GYI YON TAN YONGS SU RDZOGS SHING MDZES PA ZHIG 'BYUNG STE, BRAM ZE YAB YUM DE GNYIS KYI SRAS SU RJE BTZUN BYAMS MGON 'BYON PAR 'GYUR RO, ,DE YANG RJE BTZUN BYAMS PA MGON POS DUS DANG YUL DANG RIGS DANG RUS DANG YUM LNGA LA GZIGS NAS DGA' LDAN GYI GNAS NAS BABS TE 'DZAM BU'I GLING DU 'BYON PA YIN NO, ,DE YANG DUS NI TSE LO BRGYAD KHRI PA SNOD BCUD THAMS CAD PHUN SUM TSOGS PA BYAMS MGON RANG NYID KYIS 'DUL BAR 'OS PA'I SEMS CAN RNAMS 'DUL BA'I DUS LA GZIGS PA'O, ,YUL NI 'DZAM BU'I GLING LA GZIGS PA'O, ,RIGS NI DE'I DUS KYI MI RNAMS BRAM ZE'I RIGS MCHOG TU BYED PAS BRAM ZE'I RIGS LA GZIGS PA'O, ,RUS NI YAB YUM GNYIS KA'I RIGS RGYUD SKYON MED BA LA GZIGS BA'O, ,YUM NI BRAM ZE TSANGS LDAN MA YON TAN THAMS CAD DANG LDAN ZHING SMON LAM GYI MTHU CAN DE LA GZIGS PA'O, ,DE LTAR GZIGS NAS DUS LA BAB PA NA LHA RNAMS GYIS MCHOD BA'I BYE BRAG BSAM GYIS MI KHYAB PA DANG BCAS DGA' LDAN NAS BABS TE 'DZAM BU'I GLING DU GSHEGS TE YUM TSANGS LDAN MA'I LHUMS SU ZHUGS SO,,

, ,DE NAS ZLA BA BCU'I RING LA DKAR PHYOGS KYI LHA RNAMS LA NUB RE BZHIN CHOS STON PA SOGS GDUL BYA'I DON RGYA CHER MDZAD NAS ZLA BA BCU SONG BA NA YUM TSANGS LDAN MA SKYED MOS TSAL ME TOG BZANG RGYAS ZHES BYA BAR BYON NAS PHYAG G-YAS PAS SHING GI YAL GA LA 'JUS TE GNAM DU GZIGS PA NA RTZIB LOGS G-YAS NAS SKU BLTAMS, DE'I 'OD KYIS 'JIG RTEN THAMS CAD BKANG STE SKAD CIG DE LA SEMS CAN RNAMS KYI SDUG BSNGAL RGYUN BCAD DE BDE BAS KHYAB PAR BYAS, LHA'I DBANG PO BRGYA BYIN GYIS BAR SNANG LAS BLANGS, KLU'I RGYAL PO RNAMS KYIS NAM MKHA' LAS BDUD RTZI'I KHRUS GSOL, DE NAS PHYOGS BZHIR GOM PA BDUN BDUN POR PA'I SHUL DU GTER CHEN PO RE DANG PADMA RE BYUNG ZHING, PHYOGS BZHIR GZIGS TE, NGA YI SKYE BA'I THA MA NI, ,'DI YIN YANG SRID YOD MA YIN, ,YANG DANG YANG DU PHYIR MI 'ONG, ,ZAG MED MYA NGAN 'DAS PAR 'GRO ,ZHES GSUNGS, DE'I TSE BYAMS MGON SKU BLTAMS PA DANG MNYAM DU 'KHOR LOS BSGYUR BA'I RGYAL PO DUNG LA SRAS STONG DANG, GZHAN YANG 'JIG RTEN NA YA RABS KYI RIGS MANG PO BTZA' ZHING GTER RNAMS KYANG KHA BYE, LHA RNAMS KYIS ME TOG GI CHAR 'BEBS, BYAMS MGON GYI DBU THOG TU GDUGS DKAR PO BZUNG, PHYOGS THAMS CAD ROL MO'I SGRA SOGS MCHOD PA'I BYE BRAG SNA TSOGS PAS KHYAB PAR BYED DO, ,DE NAS YAB YUM GNYIS KYIS GZHON NU DE MTSAN MKHAN LA BSTAN PA NA 'DI NI BYANG CHUB SEMS DPA' BYAMS PA ZHES BYA BA YIN PAS MYUR DU 'TSANG RGYA BAR 'GYUR

RO, ;ZHES LUNG STON, DE NAS BYAMS MGON GYIS SGYU RTZAL STON PA SOGS GZHON NU ROL RTZED MDZAD PAS SROG CHAGS GRANGS MED PA ZHIG SMIN GROL LA 'GOD CING LO NYI KHRI'I BAR DU KHYIM DU BZHUGS, DE NAS 'TSANG RGYA BA'I DUS LA BAB PA NA, RGYAL PO DUNG GIS RIN PO CHE SNA TSOGS KYIS BRGYAN PA'I MCHOD SDONG SBOMS SU 'DOM DRUG CU RTZA BZHI, 'PHANG DU 'DOM STONG YOD PA ZHIG BYAMS PA'I YAB TSANGS RABS LA PHUL LO, ,TSANGS RABS KYIS BRAM ZE RNAMS LA BYIN NO, ,BRAM ZE RNAMS KYIS DE MA THAG BGOS SO, ,RJE BTZUN BYAMS PAS MCHOD SDONG DE NYID MI RTAG PAR DGONGS TE YAB LA GNANG BA GSOL NAS BRAM ZE DANG RGYAL BU BZHI STONG BRGYAD CU DANG BCAS TE RAB TU BYUNG NAS KLU SHING ZHES PA'I BYANG CHUB KYI SHING 'PHANG DU DPAG TSAD TZAM DU 'PHAGS SHING, LO 'DAB DANG 'BRAS BUS MDZES PA'I YAL GAS KHOR KHOR YUG TU RGYANG GRAGS DRUG GI BAR KHEBS PA'I DRUNG DU 'KHOD DE RAB TU BYUNG BA'I NUB MO NYID LA MNGON PAR RDZOGS PAR SANGS RGYAS SO, ,DE NAS, DA NI GNAS BZANG MCHOG THOB PAS, ,DA BZOD GNAS GZHAN MI 'GRO STE, ,'CHI BDAG NA RGA LAS GROL BAS, ,ZAB MO BDUD RTZI'I SGO 'DI RNYED, ,CES GSUNGS NAS ZHAG BDUN DU CHOS MA GSUNGS PA LAS, TSANGS PAS GDUGS DKAR PO GSER GYI RTZA BA CAN KHA DOG SNA LNGA'I MU TIG DANG DRIL BU'I DRA BAS G-YOGS PA DPAG TSAD GSUM YOD PA 'DZIN CING, LHA'I RIN PO CHES BRGYAN PA'I GSER GYI 'KHOR LO RTZIBS SDONG DANG LDAN PA PHUL ZHING, ME TOG DANG RIN PO CHE DANG SPOS KYI CHAR RAB TU PHAB STE, RJE BTZUN

, ,BYAMS PA MGON PO KHYED NYID KYIS, ,CHOS KYI 'KHOR LO BLA MED BSKOR DU GSOL, ZHES SOGS KYIS GSOL BA BTAB PAS CANG MI GSUNG BAS GNANG STE, ME TOG MDZES PAR RGYAS PA'I SKYED MOS TSAL DU GSHEGS SO, ,DER GSHEGS PA'I RDZU 'PHRUL DANG CHO 'PHRUL DAG MTHONG BAS RGYAL PO DUNG YANG BU DANG BTZUN MO DANG BCAS RGYAL PO BZHI STONG BRGYAD CU, TSANGS RABS SOGS BRAM ZE BZHI STONG BRGYAD CU, SROG CHAGS STONG PHRAG GRANGS MED PA DAG KYANG 'KHOR DER 'DUS TE RAB TU BYUNG NGO, ,DE NAS CHOS KYI 'KHOR LO BSKOR BA'I 'DUS PA DANG PO LA DGRA BCOM PA DUNG PHYUR PHRAG DGU DANG BYE BA PHRAG DRUG GO ,GNYIS PA LA DUNG PHYUR PHRAG DGU DANG BYE BA PHRAG BZHI'O, ,GSUM PA LA DUNG PHYUNG PHRAG DGU DANG BYE BA PHRAG GNYIS SO, ,DE'I TSE RGYAL BA'I 'OD ZER GYI MTHUS MUN BA'I CHA SHAS MA MCHIS SHING NYI ZLA'I 'OD KYANG ZIL GYIS MNAN PA LTAR GYUR NAS, NYIN MTSAN GYI DBYE BA ME TOG RNAMS KHA BYE BA'I TSE NYIN MO, , ZUM PA'I TSE MTSAN MO'O, ,YANG BYA RNAMS SGRA GRAG PA'I TSE NYIN MO, MI GRAG PA'I TSE MTSAN MO'O, ,DE TZAM MA GTOGS MTSAN MO'I MUN PA MA MCHIS TE YUL 'KHOR KUN RTZE ZHING DGA' MGUR SPYOD LA, THAMS CAD KYANG BYAMS MGON GYI MTHUS PHAN TSUN BYAMS PA LA GNAS SHING CHOS BZHIN SPYOD BA SHA STA GO, DE NAS RGYAL BA NYAN THOS RNAMS DANG THABS GCIG TU GRONG KHYER DU BSOD SNYOMS LA RGYU BA NA, BRGYA BYIN DANG TSANGS PA SOGS LHA THAMS CAD KYIS LHA RDZAS

KYI ME TOG SNA TSOGS PA DANG, PHRENG BA DANG MCHOD PA'I BYE BRAG RNAMS KYI CHAR MNGON PAR 'BEBS LA, GANG DU BZHUGS PA'I SA DER RIN PO CHE'I KHRI DANG 'JAM ZHING REG NA BDE BA'I GDING BA RGYA NOM PA 'DING BAR BYED DO, ,SKYE DGU KUN YANG BSTOD PA'I DBYANGS SNYAN PO SOGS KYIS MCHOD DO, ,DE LTAR LO DRUG KHRI'I BAR DU SEMS CAN GRANGS MED DPAG TU MED BRJOD DU MED PA'I DON MDZAD CING 'KHOR LO BSKOR NAS YONGS SU MYA NGAN LAS 'DA' STE, SKU GDUNG NI RIL PO GCIG TU BZHUGS SO, , RJE BTZUN BYAMS PA MGON PO MNGON PAR RDZOGS PAR 'TSANG RGYA BA'I TSE YAB YUM DANG, 'KHOR 'DUS PA DANG SKU TSE'I TSID LA SOGS PA NI MDO SDE BSKAL BZANG LAS, DE BZHIN GSHEGS PA BYAMS BA SKYE BA'I YUL NI RGYAL PO'I PHO BRANG GRONG KHYER TOG GI BLO GROS ZHES BYA'O, ,RIGS NI BRAM ZE'O, ,'OD NI DPAG TSAD GCIG GO ,YAB NI TSANGS BZANG ZHES BYA'O, ,YUM NI TSANGS BDAG MA ZHES BYA'O, ,SRAS NI BSOD NAMS STOBS CHEN ZHES BYA'O, ,RIM GRO PA NI RGYA MTSO ZHES BYA'O, ,SHES RAB CAN RNAMS KYI MCHOG NI YE SHES 'OD CES BYA'O, ,RDZU 'PHRUL CAN RNAMS KYI MCHOG NI BRTZON 'GRUS BRTAN ZHES BYA'O, ,'DUS PA DANG PO LA NI NYAN THO DAG BCOM PA DUD PHYUR PHRAG DGU DANG BYE BA PHRAG DRUG GO ,GNYIS PA LA NI DUNG PHYUR PHRAG DGU DANG BYE BA PHRAG BZHI'O, ,GSUM PA LA NI DUNG PHYUR PHRAG DGU DANG BYE BA PHRAG GNYIS SO, ,SKU TSE'I TSAD NI LO BRGYAD KHRI BZHI STONG NGO, ,DAM PA'I CHOS NI LO BRGYAD KHRI'I BAR DU GNAS SO, ,SKU GDUNG NI RIL PO GCIG TU 'DUG GO ,

, ,MCHOD RTEN YANG GCIG TU ZAD DO, ,ZHES GSUNGS PA LTAR RO, ,STON PA SH'AKYA'I RGYAL PO 'DI'I BSTAN PA LA RAB TU BYUNG NAS BSLAB PA'I GZHI RNAMS LEGS PAR BSRUNG ZHING THOS BSAM SGOM GSUM LA 'BAD KYANG THEG PA GSUM GYI 'BRAS BU MA THOB PA RNAMS RJE BTZUN BYAMS PA MGON PO ZHING 'DIR BYON NAS CHOS KYI 'KHOR LO BSKOR BA'I TSE RJES SU 'DZIN PAR THUB PAS GSUNGS SHING BYAMS MGON NYID KYIS KYANG ZHAL GYIS BZHES TE, BYAMS BA LUNG BSTAN PA'I MDO LAS, SH'AKYA SENG GE'I BSTAN PA LA, ,BSLAB GZHI YANG DAG BLANGS NAS NI, ,JI LTAR GSUNGS BZHIN RAB BSGRUBS NA,, NGA YI BSTAN LA LHAGS PA YIN, ,DGE 'DUN LA YANG CHOS GOS DANG, ,ZHAL ZAS DANG NI BTUNG BA DANG, ,BSNYUN GSOS SNA TSOGS SBYIN PA RNAMS, ,PHUL NA NGA YI BSTAN LA LHAGS, ,BCU BZHI DANG NI BCO LNGA DANG, ,DE BZHIN ZLA PHYED TSES BRGYAD DANG, ,CHO 'PHRUL GYI NI ZLA BA LA, , BSNYEN GNAS YAN LAG BRGYAD BSRUNGS SHING, ,MCHOD DANG GSO SBYONG LEGS BYAS NA, ,NGA YI BSTAN LA LHAGS PA YIN, ,ZHES GSUNGS PA LTAR RO, ,DGA' LDAN DU RJE BTZUN BYAMS PA MGON PO'I ZHABS DRUNG DU SKYES NAS BYAMS MGON LAS BYUNG CHUB LAM GYI RIM PA'I GNAD RNAMS THOS PAR 'DOD PA RNAMS KYIS RJE BTZUN BYAMS PA MGON PO'I SKU YID LA BYAS TE YAN LAG BDUN PA MNYAL DANG BCAS BA YANG DANG YANG DU 'BUL BA DANG, KHAS BLANGS PA'I

BSLAB KHRIMS DAG PAR BSRUNG BA DANG, STON PA THUB PA'I DBANG PO DANG MGON PO BYAMS PA GNYIS KA LA GSOL BA BTAB NA JI LTAR SMON PA DE BZHIN DU 'GRUB PAR MDO LAS GSUNGS, BYAMS PAS DAM BCAS PA'I GZUNGS KHA TON DU BYAS NA'ANG DGA' LDAN DU SKYE PA DANG, BYAMS PA MGON POS NGES PAR RJES SU 'DZIN PAR ZHAL GYIS BZHES SHING, SNGON GYI DAM PA MANG POS ZHING GSHEGS KHAR DGA' LDAN DU PHEBS BZHED NAS BYAMS PAS DAM BCAS PA'I GZUNGS KHA TON DU MDZAD PA DANG, BYAMS PA'I SKU BZHENG BA DANG, BYAMS PA'I SMON LAM 'DON ZHING GZHAN LA'ANG RGYA CHER SPEL BAR MDZAD PA'I RNAM THAR MANG DU SNANG NGO, ,BYANG CHUB LAM GYI RIM PA'I GDAMS NGAG GI GZHUNG RTZA BA MTHAR THUG PA NI SHER PHYIN GYI MDO SDE RIN PO CHE YIN LA, SHER PHYIN GYI MDO SDE RIN PO CHE'I DON RNAMS BYANG CHUB LAM GYI RIM PA'I MAN NGAG TU SBYAR TE STON PA'I GZHUNG NI RJE BTZUN BYAMS MGON GYIS MDZAD PA'I SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN YIN TE, MNGON RTOGS RGYAN GYIS SHER PHYIN GYI MDO SDE RIN PO CHE'I DON THAMS CAD BRJOD BYA DNGOS PO BRGYAD, DE LA NANG GSES KYIS PHYE BAS DON BDUN CUR GTAN LA PHAB, DE'I DANG PO SEMS BSKYED NAS THA MA 'PHRIN LAS KYI BAR THAMS CAD GANG ZAG GCIG GIS NYAMS SU LEN TSUL GSAL BAR STON PA NI BYANG CHUB LAM GYI RIM PA STE, RJE BDAG NYID CHEN POS BYANG CHUB LAM GYI RIM PA 'DI MNGON PAR RTOGS PA'I RGYAN GYI

, ,GDAMS NGAG YIN LA, ZHES SOGS RGYA CHER GSUNGS PA LTAR RO, ,DE LTAR RJE BTZUN BYAMS PA MGON POS BYANG CHUB LAM GYI RIM PA'I GDAMS NGAG GI GZHUNG RTZA BA MNGON RTOGS RGYAN DANG, DE'I NYAMS LEN GYI GNAD RNAMS MDO MANG PO NAS BTUS TE, RGYAS PAR STON PA MDO SDE RGYAN DANG, BYANG CHUB LAM GYI RIM PA'I ZHI LHAG GNYIS KYI NYAMS LEN ZUR DU BKAR NAS STON PA DBUS MTHA' RNAM 'BYED DANG, CHOS DANG CHOS NYID RNAM 'BYED GNYIS BYANG CHUB LAM GYI RIM PA'I LTA BA'I GNAD MTHAR THUG PA MGON PO KLU SGRUB KYIS RGYAL BA'I DGONGS PA BKRAL BA'I DBU MA'I LTA BA DANG MTHUN PAR SEMS KYI CHOS NYID SPROS PA'I MTHA' THAMS CAD DANG BRAL BA'I RANG BZHIN GNAS RIGS GTAN LA PHAB STE MTHAR THUG THEG PA GCIG TU BSGRUB PA RGYUD BLA MA RNAMS MDZAD DE, DE DAG LA BYAMS CHOS SDE LNGA ZHES YONGS SU GRAGS SO, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RJE BTZUN BYAMS PA MGON PO LA GSOL BA GDAB PA DANG, BYAMS MGON GYI GZHUNG 'DI DAG LA GCIS PO CHER BZUNG NAS THOS BSAM SGOM GSUM LA 'BAD PAR BYA'O,, ` ,, RGYAL BAS LUNG BSTAN 'PHAGS PA THOGS MED ZHABS, ,ZHES BSNGAGS PA 'PHAGS PA THOGS MED NI ,'JAM DPAL RTZA RGYUD LAS, NGA NI MYA NGAN 'DAS 'OG TU, ,LO NI DGU BRGYA LON BA NA, ,THOGS MED CES BYA'I DGE

SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL CAN DU 'GYUR, ,DE YI RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN BA YUN RING GNAS BYA'I PHYIR, ,MDO YI DE NYID BSDUS DON BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, ZHES GSAL BAR LUNG BSTAN PA THUB PA'I BSTAN PA NYAMS DMAS PA GSO BA'I PHYIR DU SNYING RJE DANG SMON LAM GYI DBANG GIS ZHING 'DIR BSAM BZHIN DU BYON PA ZHIG STE, DE YANG, RGYAL BA MYA NGAN LAS 'DAS NAS RING PO MA LON PA NA NANG PA'I BSTAN PA SDE PA BCO BRGYAD DU GYES PA DANG, DE NAS KYANG NYAN THOS KYI GRUB MTHA' SMRA BA MANG BO ZHIG GIS THEG CHEN RGYAL BA'I BKA' MIN NO ZHES LOG PAR BZUNG STE THEG BA CHEN PO'I BSTAN PA CHES CHER NYAMS DMAS BAR BYAS SHING NYAN THOS KYI GRUB MTHA' SMRA BA RNAMS KYANG PHAN TSUN RTZOD PAR BYED PAS 'DI NI BDEN GYI GZHAN NI GTI MUG GO ZHES PHYOGS PHYOGS SU GYES PAS RGYAL BA'I BSTAN PA SHIN TU NYAMS SHING, LHAG PAR BDUD SDIG TO CAN GYIS BYIN GYIS BRLABS TE YID BSGYUR BA'I MU STEGS KYI RGAN MO ZHIG NA RE, NANG PA'I GAndI'I SGRA LAS 'GEMS ZHES PA ZHIG SNANG STE, 'O SKOL LA GNOD MI GNOD BRTAG BAR RIGS SO, ,ZER NAS BRTAGS PAS, LHA DANG KLU DANG GNOD SBYIN GYIS

, ,MCHOD PA'I, ,DKON MCHOG GSUM GYI TOG SDE 'DI BRDUNGS PAS, ,MU STEGS 'CHAL PA'I KLAD PA RNAM PAR 'GEMS, ,ZHES PAR RIG NAS DMAG DRANGS TE BSTAN PA BSNUBS SO, ,DE NAS CUNG ZAD 'PHEL NAS YOD PA'I TSE, DBUS KYI RGYAL POS STAG GZIG GI RGYAL PO LA RAS KYI NA BZA' SRUBS MED PA ZHIG SKYES SU BSKUR TE, DE'I SNYING GAR RKANG RJES 'DRA BA ZHIG YOD PAS, NGAN SNGAGS BYAS SO ZER NAS DMAG DRANGS TE BSNUBS SO, ,DE NAS YANG CUNG ZAD 'PHEL NAS YOD PA'I TSE, NANG PA'I GTZUG LAG KHANG ZHIG TU PHYI PA'I SPRANG PO GNYIS SLONG DU 'ONGS PA LA BKRU CHU GTOR BAS KHROS TE NYI MA BSGRUBS NAS NANG PA'I GTZUG LAG KHANG DANG GSUNG RAB MANG PO BSREGS NAS BSNUBS SO, ,DE'I TSE BRAM ZE MO GSAL BA'I TSUL KHRIMS ZHES PA SNGON YUN RING PO NAS BYANG CHUB TU SEMS BSKYED DE RGYAL BA'I BSTAN PA GSO BA'I SMON LAM GYI MTHU CAN ZHIG YOD PA DE'I BSAM PA LA THUB PA'I BSTAN PA LA DGRA LAN GSUM BYUNG STE NUB PAS, DA 'DI DAR BAR BYED NUS PA GZHAN YANG MI SNANG, BDAG KYANG BUD MED DU SONG BAS MI NUS KYI, LUS LAS BU BSKYED LA DAR BAR BYED DU GZHUG GO SNYAM STE RGYAL RIGS DANG 'DUS PAS THOGS MED 'KHRUNGS SO, ,DE NAS YUM GYIS SRAS 'KHRUNGS MA THAG LCE LA GZHI HANG GIS YI GE AA 'DRI BA SOGS BLO RNO BA'I THABS BYAS SHING RNAM PA

KUN NAS GTZANG SPRA LA GNAS TE BU 'DIS RGYAL BA'I BSTAN PA 'DZIN PA ZHIG NAM 'ONG SNYAM DU DE 'BA' ZHIG YID LA BRNAGS TE DE'I THABS LA 'BAD CING YI GE DANG RTZIS DANG BRAM ZE'I RIG BYED SOGS RIG GNAS THUN MONG BA RNAMS YUM RANG NYID KYIS BSLABS, DE CHER SKYES PA'I TSE GZHON NU DES, YUM, PHA'I LAS GANG YIN ZHUS PAS YUM GYIS KHYOD PHA'I RIGS SKYONG BA'I PHYIR BSKYED PA MIN GYI, SANGS RGYAS KYI BSTAN PA NYAMS PA SEMS KYIS MA BZOD NAS DE'I PHYIR BSKYED PA YIN PAS RGYAL BA'I BSTAN PA LA RAB TU BYUNG LA SDE SNOD GSUM KLOG PA DANG, BSAM GTAN LA 'BAD NAS RGYAL BA'I BSTAN PA DAR BAR GYIS SHIG CES GSUNGS NAS RAB TU BYUNG STE DGE TSUL DANG ,DE NAS MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE SDE SNOD GSUM LA SBYANGS NAS LO RE LA TSIGS BCAD 'BUM 'BUM GYI TSIG DON GNYIS KA THUGS SU CHUD PAR MDZAD PAS RING POR MA THOGS PAR SDE SNOD GSUM THUGS SU CHUD, 'ON KYANG SHER PHYIN GYI MDO SDE RIN PO CHE'I SBAS DON MNGON RTOGS KYI RIM PA RNAMS RTOGS DKA' BAR BYUNG NAS SHER PHYIN GYI MDO SDE'I DON THEG PA CHEN PHO'I LAM GYI LUS YONGS SU RDZOGS PA NAM ZHIG NA RNYED SNYAM DU DE 'BA' ZHIG THUGS LA BCANGS NAS TSUL KHRIMS DAG PAR BYA BA DANG, TSOGS BSAG PA DANG, SGRIB BA SBYONG BA'I SGO DU MA LA 'BAD PA DANG, NANG DU YANG DAG 'JOG LA RTAG TU 'GRUS PAR MDZAD DO, ,DE NAS

, ,SNGAGS KYI RDO RJE SLOB DPON ZHIG LA SGYU 'PHRUL DRA BA'I DBANG ZHU BAR MDZAD NAS DE'I DKYIL 'KHOR DU ZHUGS TE LHAG PA'I LHA GANG LA 'BREL CHE DANG ,GANG LA GSOL BA BTAB NA BYIN RLABS MYUR BRTAG PA'I PHYIR ME TOG DOR BA NA ME TOG BYAMS MGON LA BABS SO, ,DE NAS RJE BTZUN BYAMS BA BSGRUBS LA BSTAN PA DAR BAR BYA'O SNYAM DU DGONGS TE RI BYA RKANG GI PHUG TU BSGRUB TU BYON TE LO GSUM DU BSGRUBS PAS MTSAN MA CUNG ZAD KYANG MA MTHONG BAS SKYO STE PHYIR 'THON PA NA RGAN PO SHING BAL GYI 'DAB MAS LCAGS KYI SDONG PO LA KHAB BYED PA MTHONG NAS, KHAB JI LTAR 'BYUNG ZHES DRIS PAS, SNYING STOBS LDAN PA'I SKYES BU YIS, ,BSGRUBS NA MI 'GRUB GANG YANG MED, ,DKA' YANG BRNAGS PA MA DOR NA, ,RI BO RNAMS KYANG THAL BAR RLOG; ZER BAS BRTZON 'GRUS BRTZOM DGOS PAR DGONGS NAS SLAR YANG LO GSUM DU MTSAMS BCAD DE BSGRUBS KYANG 'GRUB BA'I MTSAN MA GANG YANG MA BYUNG BAS SKYO STE PHYIR 'THON PA NA CHU THIGS KYIS BRAG ZAD PA MTHONG NAS BRTZON PAS YUN RING DU BSGRUB DGOS PAR MTHONG NAS YANG LO GSUM DU MTSAMS BCAD DE BSGRUBS KYANG 'GRUB PA'I MTSAN MA GANG YANG MA MTHONG BA NA SKYO STE PHYIR 'THON PAS BYA SGROS BRAG ZAD PA MTHONG STE DA DUNG BRTZON PA BYED DGOS BAR DGONGS NAS SLAR YANG LO GSUM MTSAMS BCAD DE BSGRUBS, DE LTAR LO BCU GNYIS SU BSGRUBS KYANG 'GRUB PA'I MTSAN MA MA BYUNG BAS SKYO STE 'THON NAS PHYIN BA NA KHYI MO RO SMAD 'BUS GZHIGS BA, RO STOD ZUGS SHING ZA BA ZHIG MTHONG NAS

SNYING RJE LHAG PAR SKYES TE, 'BU RNAMS BSAL NA 'BU 'CHI, MA BSAL NA KHYI MO 'CHI BAR SNANG BAS RANG GI LUS LAS SHA BCAD DE DER 'BU RNAMS BLANG DO SNYAM STE GRONG KHYER AA TZAN TA ZHES BYA BAR PHYIN TE, GSEG SHANG GTENG BAR BCUG NAS GSER GYI SPU GRI YAR TE RANG GI LUS LAS SHA BCAD ,LAG PAS BLANGS NA 'BU RNAMS SHI YI DOGS TE, SPYAN BTZUMS TE LJAGS KYIS BLANGS PA NA KHYI MO MED PAR RJE BTZUN 'OD DANG BCAS PAR MTHONG NAS, KYE MA YAB GCIG BDAG GI SKYABS, ,NGAL BRGYAS 'BAD KYANG 'BRAS MA MCHIS, ,CI PHYIR CHAR SPRIN RGYA MTSO'I DPUNG, ,GDUNG BAS BSREGS TE SKOM TSAD 'BAB, ,BDAG GIS DE TZAM BSGRUBS KYANG RTAGS KYANG MA BYUNG NA THUGS RJE RE CHUNG ZHES 'KHENGS PAS RJE BTZUN GYIS, LHA YI RGYAL POS CHAR PHAB KYANG; ;SA BON MI RUNG MI 'KHRUNGS LTAR, ,SANGS RGYAS RNAMS NI BYON GYUR KYANG, ,SKAL BA MED PAS BZANG MI MYONG, ,DE DANG PO NAS YOD DE KHYOD RANG GI SGRIB PAS MA MTHONG LA, DA LTA SNYING RJE CHEN PO SKYES PAS LAS SGRIB DAG NAS MTHONG BA YIN ,DE LTAR YIN PAR KHYOD RANG NGA PHRAG GONG DU KHYER LA MI RNAMS LA STON CIG GSUNGS NAS BSTAN PAS MTHONG BA MA BYUNG BAS DES YID CHES SO, ,KHYOD CI 'DOD GSUNG BA LA THEG CHEN DAR BAR ZHU 'TSAL BYAS PAS, NGA'I CHOS GOS LA 'JUS SHIG GSUNGS NAS DGA' LDAN DU BYON TA LHA'I GRO SKAD GCIG, MI LO LNGA BCUR BZHUGS TE RJE BTZUN BYAMS PA MGON PO LA THEG PA CHEN PO'I CHOS MTHA' YAS PA GSAN ZHING, LHAG PAR SHER PHYIN GYI MDO SDE RIN PO CHE'I DON THEG

, ,PA CHEN PO'I LAM GYI RIM BA'I GNAD RNAMS GTING PHYIN BAR ZHUS TE JI LTAR GSUNGS PA'I DON RNAMS LA SEMS PA DANG 'JAL BA DANG RTOG PAR BYED CING BSGOMS PA'I MTHUS TING NGE 'DZIN GYI SGO BRGYA PHRAG DU MA THOB CING, MI BRJED PA'I GZUNGS DANG, THOGS BA MED PA'I SPOBS PA DANG, THEG BA CHEN PO'I CHOS RNAM PAR 'BYED PA'I SHES RAB THOB CING CHOS NYID MNGON DU GYUR TE 'PHAGS PA'I SA THOB, DE NAS GDUL BYA'I DON DU SHER PHYIN GYI MDO SDE RIN PO CHE'I SBAS DON MNGON RTOGS LAM GYI RIM PA TSANG BAR STON PA'I BSTAN BCOS RTZOM PAR ZHUS PAS RJE BCUN BYAMS PA MGON BOS SHER PHYIN GYI MDO SDE RIN PO CHE'I SBAS DON BYANG CHUB LAM GYI RIM PA STON PA'I BSTAN BCOS MNGON PAR RTOGS PA'I RGYAN DANG, MDO SDE RGYAN DANG, 'BYED RNAM GNYIS DANG, RGYUD BLA MA STE CHOS LNGA BRTZAMS SO, ,'PHAGS PA THOGS MED KYIS DGA' LDAN DU BZHUGS PA'I YUN TSAD LA LHA'I GRO SKAD GCIG MI LO LNGA BCU GSUNGS PA 'DI LA GRO SKAD GCIG LA MI LO LNGA BCU JI LTAR 'ONG SNYAM DU DOGS PAR MI BYA STE MJOD LAS, MI RNAMS KYI LO LNGA BCU LA, 'DOD PA DAG GI LHA RNAMS LAS, ,'OG MA RNAMS KYI NYIN ZHAG GCIG ,GONG MA GNYIS KA NYIS 'GYUR RO, ,ZHES GSUNGS PA LTAR, RGYAL CHEN RIS BZHI BA'I ZHAG GCIG LA MI LO LNGA BCU 'ONG LA, LHA GNAS GONG MA RNAMS NYIS 'GYUR DU GSUNGS PA'I SUM CU RTZA GSUM PA'I ZHAG GCIG LA MI LO BRGYA, 'THAB BRAL BA'I ZHAG GCIG LA MI LO NYIS BRGYA, DGA' LDAN PA'I ZHAG GCIG LA MI LO BZHI BRGYA 'ONG BAS DGA' LDAN GYI LHA'I SNGA DRO'I CHA GCIG LA MI LO LNGA

BCU NGES PAR 'ONG NGO, ,DE NAS 'PHAGS PA THOGS MED CHOS KYI BDUD RTZIS CHIM NAS 'DZAM BU'I GLING DU RGYAL BA'I BSTAN PA SPEL PHYIR 'BYON PA NA SNGAR DGA' LDAN DU YAR 'BYON DUS BYAMS MGON GYI NA BZA' LA 'JUS TE DE'I RDZU 'PHRUL GYIS BYON PA YIN YANG, 'DZAM BU'I GLING DU MAR 'BYON PA'I TSE 'PHAGS PA THOGS MED RANG NYID KYI RDZU 'PHRUL GYIS BYON TE MA GA DHA'I YUL GYI PHYOGS DBEN PA'I NAGS TSAL ZHIG TU MANG DU THOS BA'I SLOB MA NYUNG SHAS DANG BCAS BZHUGS TE ,DE DAG LA THEG PA CHEN PO'I LAM GYI RIM PA BSTAN PAS DE DAG THAMS CAD KYIS BZOD PA THOB CING RDZU 'PHRUL DANG MNGON BAR SHES PA RGYA CHEN PO THOB STE BSTAN PA'I BYA BA RGYA CHER NUS PA SHA STAG BYUNG BAS GNAS DE LA CHOS KYI MYU GU'I DGON BA ZHES GRAGS PAR CHOS 'BYUNG 'GA' ZHIG LAS BSHAD, GNAS DER BYAMS CHOS SDE LNGA YI GER BKOD CING MNGON BAR RTOGS BA'I RGYAN DANG YUM GYI DON STON BA DE NYID RNAM NGES BRTZAMS, RIM GYIS RGYUD BLA MA'I 'GREL PA DANG, MDO SDE DGONGS 'GREL GYI 'GREL PA MDZAD CING, RJE BTZUN GYI MAN NGAG LA BRTEN NAS THEG PA CHEN PO'I LAM GYI RIM BA RGYAS BAR STON PA BYANG CHUB SEMS DPA'I SA SOGS SA SDE LNGA DANG SDOM RNAM PA GNYIS MDZAD DE, SA SDE LNGA NI SA'I DNGOS GZHI, ,GZHI BSDU BA, RNAM GRANGS BSDUB, RNAM PAR BSHAD PA'I SGO BSDU BA, RNAM PAR GTAN LA DBAB PA BSDU BA RNAMS SO, ,SDOM GNYIS NI, THEG PA

, ,CHEN PO'I SDOM THEG BSDUS DANG, THEG PA THUN MONG GI SDOM MNGON PA KUN BTUS GNYIS SO, ,SHES RAB KYI PHA ROL TU PHYIN PA GSER MDOG CAN GYI SGRUB THABS, SHES RAB KYI PHA ROL TU PHYIN MA'I SGRUB THABS, GSER MDOG CAN GYI SHER PHYIN GYI SGRUB THABS, YANG SHER PHYIN GYI SGRUB THABS, SANGS RGYAS RJES DRAN GYI MDO'I 'GREL PA, CHOS RJES DRAN GYI MDO'I 'GREL PA, DGE 'DUN RJES DRAN GYI MDO'I 'GREL PA, BSAM GTAN GYI SGRON MA, 'PHAGS PA BYAMS PA'I SGRUB THABS, CHOS SKU'I YON TAN THUN MONG MA YIN PA'I BSTOD PA RNAMS MDZAD DO, ,SLOB DPON 'PHAGS PA THOGS MED 'DI SA GSUM PA BRNYES PAR GRAGS SHING, DE LTAR NAS DANG PO THOB PA'I TSE SPRUL PA MI 'DRA BA BRGYA PHRAG DUS GCIG LA STON PA DANG, SANGS RGYAS KYI ZHING BRGYA PHRAG TU DUS GCIG LA PHYIN NAS SANGS RGYAS BRGYA PHRAG LA DUS GCIG TU MCHOD PA DANG BSNYEN BKUR BYA NUS PA DANG, 'JIG RTEN GYI KHAMS BRGYA PHRAG TU SPRUL PA BRGYA PHRAG BKYE NAS DE DANG DE'I GDUL BYA RNAMS LA DUS GCIG TU CHOS STON NUS BA DANG, RANG DANG GZHAN GYI TSE RABS BRGYA PHRAG MANG PO MNGON SUM DU MTHONG BA DANG, MTSAN DPE RJES MTHUN PA THOB CING LAS NYON GYI DBANG DU MI 'GRO BAR SNYING RJE DANG SMON LAM GYI DBANG KHO NAS SKYE BA LEN PA DANG, MCHOG GI SBRUL SKU'I ZHAL MNGON SUM DU MTHONG STE NAM 'DOD DU SANGS RGYAS LAS CHOS NYAN NUS BA SOGS YON TAN MTHA' YAS PA MDO LAS GSUNGS PAS

BDAG NYID CHEN PO 'DI'I YON TAN NIS LA GNAS PA'I SEMS DPA' NANG PHAN TSUN DANG SANGS RGYAS RNAMS KYIS MKHYEN PA MA GTOGS BLO DMAN DAG GIS PHYOGS TZAM YANG SHES NUS PA MA YIN NO, ,SLOB DPON BDAG NYID CHEN PO 'DI'I SKU LA MTSAN DPE RJES MTHUN PA YOD PA DANG, DGUNG LO BRGYA PHRAG BRGAL BA'I TSE NA'ANG SKU LA SKRA DKAR DANG GNYER MA MED CING GZHON NU'I NYAMS LTAR SKU BLTA BAS CHOG MI SHES SHING GZHON SHA CHAGS PA ZHIG YOD PAR BSHAD, SLOB DPON BDAG NYID CHEN PO 'DIS RGYAL BA'I BSTAN PA RGYA CHER SPEL BA'I TSE MU STEGS KYI SMRA BA NGAN PA RNAMS PHAL TSAR NUB, SANGS RGYAS KYI BSTAN PA CHES CHER 'PHEL NAS 'DZAM BU'I GLING GI CHE DGU THAMS CAD KYIS BDAG NYID CHEN PO 'DI LA MCHOD CING BSNYEN BKUR, RGYAL BA'I BSTAN PA LA ZHUGS NAS RGYAL BA DGYES PA'I LAM LA SLOB PAR 'DOD PA THAMS CAD BDAG NYID CHEN PO 'DI'I SLOB MAR GYUR TE SLOB DPON 'DIS CHOS STON PA'I TSE THEG PA CHEN PO'I CHOS NYAN PA KHRI PHRAG BRGAL BA BYUNG ZHES GRAGS SHING THUB BSTAN MI NUB PA'I RGYAL MTSAN 'DZAM GLING MDZES PAR BYED PA'I RGYAN GCIG BU ZHES GTAM DU GRAGS SO, ,SLOB DPON 'DIS SKU TSE'I MJUG LA N'A LANDRA'I MKHAN PO MDZAD DE LO BCU GNYIS SU N'A LANDRA BSKYANGS TE BSTAN PA'I BDAG PO MDZAD, RGYA GAR GYI GNAS THAMS CAD DU MCHOD GZHI MANG DU BTZUGS, DGE 'DUN GYI SDE CHES CHER 'PHEL BAR MDZAD, MTHAR RGYAL PO'I KHAB TU SKU'I BKOD PA BSDUS TE, DGA'

, ,LDAN DU RGYAL BA MI PHAM PA'I ZHABS DRUNG DU PHEBS NAS THEG PA CHEN PO'I CHOS KYI BDUD RTZI LA LONGS SPYOD CING DGA' LDAN GYI LHA RNAMS LA THEG PA CHEN PO'I CHOS STON PA DANG 'DUL BAR 'OS PA'I GDUL BYA GANG DANG GANG NA YOD BA'I ZHING DE DANG DER SPRUL BA'I BKOD PA BSAM GYIS MI KHYAB PAS GDUL BYA BGRANG BA LAS 'DAS PA SKAD CIG DANG SKAD CIG LA 'KHOR BA DANG NGAN SONG LAS BSGRAL TE MTHO RIS DANG THAR PA DANG THAMS CAD MKHYEN BA'I LAM LA 'KHRID CING BZHUGS SO, ,BDAG NYID CHEN PO 'DI GANG DU MYA NGAN LAS 'DAS PA'I GNAS DER DAD PA CAN DAG GIS MCHOD RTEN BRTZIG SO, ,SLOB DPON 'DI LA SLOB MA BSTAN PA 'DZIN PA BSEM GYIS MI KHYAB PA YOD CING, SRAS KYI THU BO BSTAN BA'I BDAG BOR GYUR PA NI MKHAS MCHOG DBYIG GNYEN NO, ,SLOB DPON 'DI THUGS BSKYED SHIN TU RGYA CHE BAS DE SANG YANG SLOB DPON 'DI'I GSUNG SA SDE RNAMS PHYOGS THAMS CAD DU KHYAB PAR GNAS SO, ,DES NA BYANG CHUB LAM GYI RIM PA LA BLO SBYONG BAR 'DOD BA'I GDUL BYA RNAMS KYIS 'PHAGS PA THOGS MED LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA SHUGS DRAG LA RGYUN RING BA 'DEBS PA DANG, THEG PA CHEN PO'I LAM GYI RTZA BA BYAMS SNYING RJE BYANG CHUB KYI SEMS THUGS DAM GYI MTHIL DU BYED

PA DANG, SKYES BU GSUM GYI LAM LA BLO SBYONG BA'I TSE SKYES BU CHUNG NGU'I SKABS KYI LAS 'BRAS KYI DMIGS SKOR LA SA'I DNGOS GZHI NAS GSUNGS PA LTAR BSAM, SKYABS 'GRO'I DMIGS SKOR LA GTAN LA DBAB PA BSDU BA NAS GSUNGS PA LTAR BSAM, THEG CHEN THUN MONG MIN PA'I SKYABS 'GRO NI RGYUD BLA DANG DE'I 'GREL PA SLOB DPON 'DIS MDZAD PA NAS GSUNGS PA LTAR BSAM, SKYES BU 'BRING GI DMIGS SKOR LA BDEN BZHI'I GNAS TSUL BSAMS TE SRID PA MTHA' DAG LA ZHEN PA LOG PA'I NGES 'BYUNG BSKYED TSUL NYAN SA DANG MNGON PA KUN BTUS NAS GSUNGS PA LTAR BSAM, BSLAB PA GSUM RGYUD LA BSKYED CHUL NYAN SA NAS GSUNGS PA LTAR BSAM, BYAMS SNYING RJE BYANG CHUB KYI SEMS DANG, RGYAL SRAS KYI SPYOD PA RLABS PO CHE LA SLOB TSUL RNAMS BYANG SA NAS GSUNGS BA LTAR BSAM, ZHI GNAS BSGRUB CHUL DANG SPYIR LHAG MTHONG GI RTOGS PA SKYE LUGS RNAMS NYAN SA NAS GSUNGS PA LTAR BSAM, ZAB MO DBU MA'I LTA BA THUN MONG MIN PA NI RGYUD BLA MA'I 'GREL PA SLOB DPON 'DIS MDZAD PA LAS GSUNGS BA LTAR BSAMS LA BYANG CHUB LAM GYI RIM BA LA NGES PA PHU THAG CHOD PA RNYED BAR BYAS LA NYAMS LEN SNYING POR BYA'O,, ,, ` 'DZAM GLING MKHAS PA'I GTZUG RGYAN DBYIG GI GNYEN, ,ZHES BSNGAGS PA, MKHAS MCHOG DBYIG GNYEN NI, 'PHAGS PA THOGS MED DANG YUM GCIG PAR 'KHRUNGS TE 'PHAGS PA THOGS MED 'KHRUNGS NAS THUN MONG

, ,BA'I RIG GNAS RNAMS LA SBYANGS SHING RAB TU BYUNG NAS RING ZHIG LON PA NA SNGON YUN RING PO NAS BYANG CHUB KYI SEMS CHES CHER RGYAS PA RGYAL BA'I BSTAN PA SPEL BA'I SMON LAM GYI MTHU CAN YUM BRAM ZE MA GSAL BA'I TSUL KHRIMS DE NYID KYIS BRAM ZE DANG 'DUS PA LAS KHYE'U MTSAN DANG LDAN PA ZHIG BTZAS TE, KHYE'U DE'I LCE LA GHI HANG GI YI GE AA 'DRI BA SOGS BRAM ZE'I RIG BYED LAS 'BYUNG BA LTAR GYI BLO RNO BA'I CHO GA BYAS SHING KHRUS DANG GTZANG SBRA LA GNAS PA'I SGO NAS BSKYED BSRINGS TE NAR SON PA NA YI GE DANG, RTZIS DANG, RIG BYED BZHI LA SOGS PA THUN MONG BA'I RIG NAS RNAMS YUM NYID KYIS LEGS PAR BSLABS TE KHONG DU CHUD PAR BYAS, DE NAS YUM GYIS SRAS LA 'DI SKAD DU, BU; KHYOD SKYED BA NI RIGS SPEL BA SOGS 'JIG RTEN GYI BYA BA'I CHED DU BSKYED BA MA YIN GYI, RGYAL BA'I BSTAN PA SBEL BA'I PHYIR BSKYED PA YIN PAS RAB TU BYUNG LA SDE SNOD GSUM LA SBYANGS TE RGYAL BA'I BSTAN PA DAR BAR GYIS SHIG ,CES BSKUL NAS NA LANDRAR RAB TU BYUNG, RAB TU BYUNG TZAM NYID NAS MKHAN SLOB KYIS BSTAN PA LTAR 'DUL BA'I BCAS MTSAMS PHRA ZHING PHRA BA MTHA' DAG MIG 'BRAS LTAR BSRUNG BA GZHIR BZHAG NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR, DE NAS MNGON PA'I SDE SNOD KYI DGONGS DON PHRA ZHING PHRA BA DAG RTOGS BAR BYA BA'I PHYIR DANG, SDE PA BCO BRGYAD

SO SO'I LUGS MA 'DRES PAR SHES PAR BYA BA'I PHYIR DANG, GZHAN YANG RANG DANG ZHAN GYI GRUB PA'I MTHA' RGYA MTSO LTA BU'I PHA ROL TU PHYIN PAR BYA BA'I PHYIR MKHAS GRUB DU MA'I 'BYUNG GNAS KHA CHE'I YUL DU PHEBS NAS MKHAS PA CHEN PO 'DUN BZANG GI DRUNG DU SNGON DGRA BCOM PA RNAMS KYIS MNGON PA SDE BDUN DANG 'DUL BA LUNG SDE BZHI'I GNAD RNAMS BSDUS TE GTAN LA PHAB PA'I BSTAN BCOS BYE BRAG TU BSHAD PA CHEN PO GZHUNG 'BUM PHRAG GCIG TU LONGS PA YOD PA DE LA SBYANGS SO, ,BSTAN BCOS 'DI LA SNGON GYI GZHAN YANG SLOB DPON 'DUN BZANG LA MNGA' BA'I SDE SNOD GSUM BRJOD, PHYE BRAG BSHAD MDZOD CES KYANG BRJOD DO, ,DE LTA BU'I BSTAN BCOS CHEN PO DE YONGS SU RDZOGS PA THUGS LA BZUNG NAS DON GYI GNAD MTHA' DAG LA 'KHRUL PA'I DRI MA PHRA MO'ANG MED PAR DRI MA MED PA'I RIGS PA PHRA MOS LEGS PAR DPYAD NAS MTHA' DAG PAR THUGS LA CHUD PAR MDZAD, GZHAN YANG SLOB DPON 'DUN BZANG LA MNGA' BA'I SDE SNOD GSUM GYI BSHAD SROL MTHA' DAG LA SBYANGS NAS MKHAS PA'I PHUL DU PHYIN PAR GYUR TE, KHA CHE'I YUL DU GDUL BYA BGRANG BA LAS 'DAS PA LA CHOS MANG DU BSTAN CING DRI MA MED PA'I RIGS LAM RGYAS PAR MDZAD, DE NAS RGYA GAR DU 'BYON PAR BZHED PA'I TSE BDUD SDIG TO CAN GYIS BDAG NYID CHEN PO 'DIS RGYAL BA'I BSTAN PA LA BYA BA RGYA CHEN PO MDZAD PA MA BZOD NAS CHOM RKUN PA MANG PO DANG SHO GAM BSRUNG BA'I GNOD SBYIN GYI YID BSGYUR TE DE DAG GIS

, ,SLOB DPON GYI LHA RTEN DANG GLEGS BAM LA SOGS PA YO BYAD THAMS CAD PHROGS, YANG GLEGS BAM LA SOGS PA GSAR DU BZHENGS NAS PHEBS PAR LAN GSUM GYI BAR DU PHROGS PA NA SLOB DPON GYI THUGS LA DA NOR NI MED GLEGS BAM MED KYANG CHOS THAMS CAD NI BLO LA YOD PA SUS KYANG DBROG TU MI BTUB PAS YO BYAD GANG YANG MED PAR 'GRO'O SNYAM DU DGONGS NAS PHEBS TE NA LANDRAR BYON, DER SDE SNOD 'DZIN PA MANG PO LA CHOS RGYA CHER STON CING BZHUGS PA NA, GCEN 'PHAGS PA THOGS MED KYIS BSTAN BCOS MANG DU BRTZAMS PA GSAN NAS, KYE MA THOGS MED NAGS SU LO, ,BCU GNYIS BAR DU TING 'DZIN BSGRUBS, ,TING 'DZIN MA GRUB GLANG CHEN GYI; ;RGYAB KHAL LONGS BA'I GRUB MTHA' BRTZAMS, ,ZHES THEG CHEN GYI GANG ZAG DANG CHOS LA SKUR PA BYAS PA GCEN GYIS GSAN NAS, LOG SGRUB DON MIN DU 'GYUR BA MKHYEN NAS, DE BZLOG PA'I PHYIR SLOB MA GNYIS SA BCU PA DANG, BLO GROS MI BZAD PAS BSTAN PA 'DZIN DU BCUG NAS, GCUNG CAN DU SONGS LA SROD DANG THO RANGS THON CIG CES BSGO BA LTAR BSGRUBS PAS, MDO BTON PAS DE SLOB DPON DBYIG GNYEN GYIS GSAN PA NA, SROD LA THEG CHEN 'DI RGYU BZANG 'BRAS BU KHA G-YEL BA 'DRA GSUNG, THO RANGS RGYU 'BRAS GNYIS KA BZANG BAR 'DUG PA LA NGAS SKUR PA BTAB PHA LCE 'DIS LAN BAS GCOD GSUNG NAS SPU GRI 'TSOL BA'I CHE KHONG GNYIS KYIS LJAGS DGUM MI

'TSAL, DE'I SGRIB PA SBYANG THABS GCEN LA MNGA' BAS DER GSHEGS PAR ZHU ZHUS PAS, SLOB DPON DBYIG GNYEN 'PHAGS PA THOGS MED KYI SAR BYON TE CHOS GSAN PAS DAD NAS 'PHAGS PA THOGS MED LA NYES PA BSHAGS TE THEG PA CHEN PO'I CHOS RNAMS RIM GYIS GSAN ZHING, DE'I TSE 'PHAGS PA THOGS MED LA RJE BTZUN BYAMS PA MGON PO 'BRAL MED DU BZHUGS NAS BYA BA THAMS CAD RJE BTZUN LA ZHU ZHING MDZAD PA DE GCUNG GIS MKHYEN NAS LHAG PA'I LHA DE BDAG LA BSTAN PAR ZHU BYAS PAS, RJE BTZUN LA ZHU YI GSUNGS NAS ZHUS PAS, RJE BTZUN GYI ZHAL NAS, KHYOD SO SO'I SKYE BO YIN ZHING DANG POR THEG CHE LA SKUR BA BTAB PAS TSE 'DI LA NGA MTHONG BA'I SKAL BA MED KYIS, SGRIB PA SBYANG BAR BYA BA'I PHYIR THEG CHEN GYI MDO 'GREL MANG DU RTZOMS, GTZUG TOR RNAM RGYAL GYI GZUNGS THON, PHYI MA LA MJAL GSUNGS, DE NAS SLOB DPON DBYIG GNYEN GCEN LA LHAG PAR DAD DE, NGA YI PHU'O KLU DANG 'DRA, NGA NI CHAR SDOD BYA DANG 'DRA, ,KLU YI RGYAL POS CHAR PHAB KYANG, ,BYA YI GRE BAR SONG BA MED, ,CES GSUNGS SHING RJE BTZUN BYAMS PA MGON PO'I BKA' BZHIN BSGRUBS TE THOG MAR BYANG CHUB LAM GYI RIM PA'I SKYES BU CHUNG A'BRING GNYIS KYI DMIGS BA DANG, SKYES BU CHEN PO'I YANG SGRUB PA'I DMIGS PA BDEN PA BZHI'I GNAS TSUL ZHIB TU STON PA CHOS MNGON PA MDZOD KYI TSIG LE'UR BYAS PA BRTZAMS TE SKYES DANG BCAS PA 'DUN BZANG LA SPRINGS SO, ,DE'I SLOB MA DAG GIS LO DANG GRAGS LA SOGS PA

, ,'DI 'O SKOL GYI GRUB MTHA' LA ZUR ZA'O, ,ZHES SMRAS PA DANG, KHONG BSTAN BCOS RTZOM PA LA MKHAS PAS TSIG RGYAN YIN GSUNG ZHING, SHIN TU MNYES NAS 'DI LA RANG 'GREL ZHIG MDZOD CES BSKUL MA MDZAD, DE NAS SLOB DPON 'PHAGS PA THOGS MED LA THEG BA CHEN PO'I MDO SDE MTHA' DAG GSAN TE LAN RE TZAM GYIS THUGS SU CHUD, BYAMS MGON GYI BKA' LTAR LHAG PA'I LHA BSGRUB PAR BZHED NAS RDO RJE SLOB DPON ZHIG LA RJE BTZUN RNAM RGYAL MA'I DBANG, PHYAG RDOR GYI DBANG DANG GDAMS NGAG GSAN TE GZUNGS SNGAGS BZLAS PAS MYUR DU GRUB STE LHAG PA'I LHA DE GNYIS KYI ZHAL GZIGS, TING NGE 'DZIN GYI SGO MANG PO THUGS RGYUD LA 'KHRUNGS, RGYAL BA'I BKA' 'DZAM BU GLING NA BZHUGS PA MTHA' DAG THUGS SU CHUD DE DE'I TSE NYAN THOS KYI SDE SNOD GSUM LA MDO LNGA BRGYA SHO LO KA 'BUM PHRAG GSUM YOD PAR GRAGS PA DANG, THEG PA CHEN PO LA 'PHAGS PA DKON MCHOG BRTZEGS PA CHEN PO'I MDO, 'DUS PA RIN PO CHE'I MDO, SHER PHYIN STONG PHRAG BRGYA PA SOGS MDO LNGA BRGYA, GSANG SNGAGS KYI GZUNGS RGYUD SDE LNGA BRGYA RNAMS THUGS SU CHUD DE LO RE'I NANG DU LAN RE KHA TON DU MDZAD DE, DE YANG LCAGS KYI GZHONG RING TIL MAR GYIS BKANG BA'I NANG DU ZHUGS NAS NYIN MTSAN SPREL MA ZHAG BCO LNGA RE'I RING LA GONG DU SMOS PA'I MDO DE RNAMS TSAR RE KHA TON DU 'GRO BAR MDZAD, SHES RAB KYI PHA ROL TU PHYIN PA BRGYAD STONG PA NI NYIN RE BZHIN KHA TON DU

MDZAD DE, RGYAL BA MYA NGAN LAS 'DAS PA'I 'OG TU BDAG NYID CHEN PO 'DI LAS MANG DU THOS PA RGYA CHE BA SU YANG MED DO ZHES 'PHAGS YUL GYI MKHAS PA RNAMS GTAM DU GLENG NGO, ,DE NAS RJE BTZUN BYAMS MGON GYI BKA' BZHIN THEG PA CHEN PO'I MDO 'GREL RNAMS RIM GYIS MDZAD DE BYANG CHUB LAM GYI RIM PA'I MAN NGAG GI GNAD RNAMS ZHIB TU STON PA MDO SDE RGYAN GYI 'GREL PA DANG, DBUS MTHA' RNAM 'BYED KYI 'GREL PA, CHOS NYID RNAM 'BYED KYI 'GREL PA, THEG BSDUS KYI 'GREL PA, CHOS THAMS CAD RNAM RIG TZAM DU STON PA SUM CU PA'I TSIG LE'UR BYAS PA, PHYI ROL GYI DON 'GOG PA NYI SHU PA'I TSIG LE'UR BYAS PA, NYI SHU PA'I RANG 'GREL, RANG BZHIN GSUM NGES PAR BSTAN PA; PHUNG PO LNGA'I RAB TU BYED PA, RNAM PAR BSHAD PA'I RIGS PA MDO SDE'I DUM PA BRGYA PA, RNAM PAR BSHAD PA'I RIGS PA, LAS GRUB PA'I RAB TU BYED PA, THEG PA CHEN PO'I CHOS BRGYA GSAL BA'I BSTAN BCOS, CHOS MNGON PA MDZOD KYI THIG LE'UR BYAS PA, DE'I RANG 'GREL, BSTAN BCOS TSIGS SU BCAD PA BSDUS PA, DE'I RANG 'GREL, DKON MCHOG GSUM GYI BSTOD PA, SGO DRUG PA'I GZUNGS KYI RNAM PAR BSHAD PA, YON TAN BDUN BRJOD PA'I GTAM, TSUL KHRIMS GYI GTAM, TSOGS KYI GTAM, SANGS RGYAS RJES SU DRAN PA'I 'GREL PA, CHOS RJES SU DRAN PA'I 'GREL PA, DGE 'DUN RJES SU DRAN PA'I 'GREL PA, 'DOD PA'I YON TAN LNGA'I NYES DMIGS

, ,BSHAD PA, TSIGS SU BCAD PA GCIG PA'I BSHAD PA, GA YA GO RI'I MDO'I BSHAD PA, MDO SDES BCU BA'I RNAM PAR BSHAD PA, BLO GROS MI BZANG PAS BSTAN PA'I MDO'I RGYA CHER 'GREL, RTEN CING 'BREL PAR 'BYUNG PA DANG PO DANG RNAM PAR DBYE BA BSHAD PA, MDO SDE SA BCU PA'I 'GREL PA, BZANG SPYOD SMON LAM GYI 'GREL PA RNAMS MDZAD DO, ,'PHAGS PA THOGS MED MYA NGAN LAS 'DAS PA'I 'OG TU N'A LANDRA'I MKHAN PO MDZAD DE NYIN RE BZHIN RAB TU BYUNG BA DANG BSNYEN PAR RDZOGS PA MANG PO'I MKHAN PO MDZAD PA DANG, THEG PA CHEN PO'I MDO SDE MI 'DRA BA'I CHOS THUN NYI SHU RE 'CHAG MED GNANG BA DANG, MU STEGS KYI SMRA BA NGAN PA BYUNG NA DE MA THAG TSAR GCOD PA DANG, BSTAN BCOS RTZOM PA SOGS MKHAS PA'I BYA BA RNAM PA GSUM GYIS DUS 'DA' BAR MDZAD, DE DUS 'DZAM BU GLING GI CHE DGU MTHA' DAG GIS BDAG NYID CHEN PO 'DI'I ZHABS LA GTUGS NAS MCHOD CING BSNYEN BKUR BA DANG, RANG RANG GI DBANG PO DANG 'TSAMS PA'I CHOS KYI BGO SKAL LEN PAR BYED PAS DAD PA CAN DAG GIS GSOL BA BTAB PA LTAR YUL GZHAN DANG ZHAN DU'ANG BYON NAS GANG DANG GANG DU RGYAL BA'I BSTAN PA NYAMS PA DE DAG GSOS, SNGAR YOD PA RNAMS CHES CHER 'PHEL BAR MDZAD, SLOB DPON 'DI SHAR PHYOGS G'OO RI'I YUL DU BYON NAS SKAL BA DANG LDAN BA MANG PO ZHIG LA THEG PA CHEN PO'I MDO SDE RGYA CHER GSUNGS PAS DKAR PHYOGS KYI LHA

RNAMS KYIS GSER GYI ME TOG GI CHAR PHAB PA KUN GYI MTHUN SNANG DU GRUB PA BYUNG BAS THAMS CAD DAD PA LHAG PAR 'PHEL TE SLOB DPON 'DI'I BKA' BZHIN BSGRUBS PAS PHYOGS DER RGYAL BA'I BSTAN PA RGYA CHER 'PHEL, RGYAL BA'I BSTAN PA RING DU GNAS PA'I PHYIR DGE 'DUN GYI SDE GANG DANG GANG NA YOD PA DE DANG DER MCHOD GZHI RGYA CHEN PO 'DZUGS PAR MDZAD, AO dI BI SHA'I YUL DU BRAM ZE CHEN PO ZHIG GIS SBYIN BDAG BYAS TE THEG BA CHEN PO'I DGE 'DUN STONG PHRAG BCU GNYIS LA ZLA BA GSUM DU CHOS 'KHOR BTZUGS TE DUS STON RGYAS PAR BYAS, SLOB DPON 'PHAGS PA THOGS MED KYI DUS LAS KYANG THEG PA CHEN PO'I 'CHANG NYAN RGYAS BAR BYUNG STE BDAG NYID CHEN PO 'DI'I SLOB MA THEG PA CHEN PO'I DGE SLONG DRUG KHRI LONGS PA BYUNG ZHES GRAGS SO, ,SLOB DPON RANG NYID DANG LHAN CIG TU GNAS PA'I DGE SLONG SDE SNOD 'DZIN PA'ANG STONG TZAM RE YOD CING, DE THAMS CAD KYANG TSUL KHRIMS RNAM PAR DAG PA, SDE SNOD GSUM LA MANG DU THOS BA DANG LDAN PA, RGYAL BA'I BSTAN BA 'DZIN CING SPEL NUS PA SHA STAG BYUNG ZHES GRAG GO ,DE LTAR SLOB DPON DBYIG GNYEN GYIS DGUNG LO BRGYAR NYE BA'I BAR DU RGYA GAR DU BSTAN PA LA BYA BA RGYA CHEN PO MDZAD NAS MTHAR DGOS PA MANG PO ZHIG LA GZIGS NAS SLOB MA SDE SNOD 'DZIN PA STONG DANG BCAS BAL YUL DU BYON TE BAL YUL NA GNAS PA'I DGE 'DUN RNAMS LA THEG PA CHEN PO'I CHOS RGYA CHER BSTAN CING BSTAN PA YUN RING DU GNAS PA'I

, ,PHYIR PHYOGS DER MCHOD GZHI YANG MANG DU 'DZUGS PAR MDZAD, DE NAS RANG BYUNG GI MCHOD RTEN DU GRAGS PA MCHOD RTEN GO MA S'A LA GANDHE LA ZHABS BSKOR MDZAD CING BZHUGS PA NA HANG DU ZHES BA RAB BYUNG GI CHA BYAD 'DZIN PA'I KHYIM BTZUN ZHIG GIS ZHING RMOD PA DANG CHANG GI BUM PA THOGS PA GZIGS PAS RGYAL PA'I BSTAN PA 'DI LTAR NYAMS DMAS SO SNYAN DU THUGS PHYUNG NAS DGE 'DUN RNAMS LA THA MA'I GSUNG CHOS MANG DU STZAL TE GTZUG TOR RNAM RGYAL GYI GZUNGS 'GO GSHAM LDOG NAS BZLAS TE SKU TSE'I 'DU BYED BTANG STE DE NYID DU SKU'I BKOD PA BSDUS NAS RJE BTZUN BYAMS PA MGON PO DANG 'PHAGS PA THOGS MED GANG DU BZHUGS PA'I GNAS DGA' LDAN CHOS KYI PHO BRANG DU PHEBS SO, ,SLOB DPON DBYIG GNYEN GANG DU MYA NGAN LAS 'DAS PA'I SA DER SLOB MA DAD PA CAN DAG GIS SKU GDUNG BZHUGS PA'I MCHOD RTEN BRTZIGS PA DA LTA'ANG YOD DO, ,SLOB DPON BDAG NYID CHEN PO 'DI LA SLOB MA BSTAN PA 'DZIN NUS PA BSAM GYIS MI KHYAB PA BYUNG ZHING, DE THAMS CAD KYI NANG NAS MCHOG TU GYUR BA BZHI STE, 'DUL BA LA MKHAS PA'I MCHOG TU GYUR PA SLOB DPON YON TAN 'OD, MNGON PA LA MKHAS PA'I MCHOG TU GYUR PA SLOB DPON BLO GROS BRTAN PA, TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO, PHAR PHYIN LA MKHAS PA'I MCHOG TU GYUR PA SLOB DPON 'PHAGS PA RNAM GROL SDE BZHI'O, ,DE

LA 'DUL BA LA MKHAS PA'I MCHOG TU GYUR PA SLOB DPON YON TAN 'OD NI YUL BCOM BRLAG TU BRAM ZE'I RIGS SU 'KHRUNGS, CHUNG DU'I DUS NAS RIG GNAS MTHA' DAG LA MKHAS PAR SBYANGS, DE NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS NAS MKHAS MCHOG DBYIG GNYEN GYI DRUNG DU PHEBS TE SDE SNOD GSUM LA SBYANGS SHING THEG PA CHEN PO'I LAM GYI RIM PA GSAN NAS THIG CHEN GYI MDO SDE MTHA' DAG LA SBYANGS, SDE PA BCO BRGYAD BO SO SO'I LUGS MA 'DRES PAR MKHYEN CING 'DUL BA 'BUM SDE THUGS LA BZUNG STE RGYUN DU KHA TON DU MDZAD, DE LTAR KLOG PA THOS BSAM DANG SPONG BA BSAM GTAN LA BRTZON PAR MDZAD PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING GZUNGS DANG, SPOBS PA DANG, MNGON BAR SHES BA DANG, TING NGE 'DZIN GYI SGO BRGYA PHRAG MANG PO THUGS LA 'KHRUNGS, LHAG PAR SLOB DPON DBYIG GNYEN GYI MAN NGAG LA BRTEN NAS LAM RIM GYIS BGROD DE 'PHAGS PA'I SA THOB PAS SLOB DPON 'PHAGS PA YON TAN 'OD CES SNYAN PA'I GRAGS PAS PHYOGS KUN KHYAB PAR GYUR CING, RGYAL BA'I BSTAN PA LA BYA BA MDZAD PHYIR 'DUL BA LUNG SDE BZHI'I GNAD THAMS CAD BSDUS PA 'DUL BA RGYA MTSO'I SNYING PO ZHES BYA BA'I BSTAN BCOS CHEN PO MDZAD DE, DE LA NI 'DUL BA'I MDO ZHES YONGS SU GRAGS SHING RGYAL PA'I BKA' DANG KHYAD PAR MED PAR RGYAL BA'I BSTAN PA LA RAB TU BYUNG BA THAMS CAD KYIS TSAD MAR 'DZIN CING

, ,'DUL BA LUNG LA BLTA BA'I MIG LTA BU SANGS RGYAS KYI BSTAN PA'I SGRON ME SNGON BYON PA'I MKHAS GRUB THAMS CAD KYIS GTZIS BO CHER MDZAD DO, ,GZHAN YANG 'DUL BA'I LAS BRGYA RTZA GCIG GI CHO GA KARMA SHA TAM DU GRAGS PA YANG MDZAD DE, DA LTA RGYAL BA'I BSTAN PA LA ZHUGS NAS DGE BSNYEN DANG, BAR MA RAB BYUNG DANG, TSIGS SNGA MA DGE TSUL GYI SDOM PA DANG, BSLAB GZHI YONGS SU RDZOGS PA DGE SLONG GI SDOM PA LEN PA'I CHO GA DANG GZHI GSUM GYI CHO GA SOGS 'DUL BA'I LAS KYI CHO GA RNAMS BDAG NYID CHEN PO 'DI KHO NA'I BKA' DRIN LAS BYUNG BAS BSTAN PA 'DI LA BKA' DRIN MTSUNGS PA MED PA ZHIG GO ,BDAG NYID CHEN PO 'DI 'PHRIN LAS KYI KHYAB BDAL SHIN TU CHE BAS LHAN CIG GNAS PA'I DGE SLONG YANG STONG PHRAG LNGA RE TZAM YOD PAR BSHAD CING, DE THAMS CAD KYANG SDE SNOD GSUM LA MANG DU THOS PA DANG LDAN PA, NYIN ZHAG PHRUGS RE'I NANG DU LTUNG BA BSHAGS PAR 'OS PA RNAMS BSHAGS, BSDAM PAR 'OS PA RNAMS BSDAMS, BYIN GYIS BRLAB PAR 'OS PA RNAMS BYIN GYIS BRLABS TE TSUL KHRIMS RNAM BAR DAG PA SNGON RGYAL BA ZHAL BZHUGS DUS DANG BSTAN PA'I GTANG RABS KYI SKABS DGRA BCOM PA RNAMS KYIS BSTAN PA SKYONG BA'I DUS BZHIN YOD CES SNGON GYI MKHAS PA RNAMS LA GTAM DU GRAGS SO, ,BDAG NYID CHEN PO DBYIG GNYEN GYI SLOB MA MNGON PA LA MKHAS PA'I MCHOG TU GYUR PA SLOB DPON

BLO GROS BRTAN PA NI, SLOB DPON DBYIG GNYEN BHA GA B'I H'A RA ZHES BYA BA NA 'BRU MAR GYIS ZANGS BKANG BA'I NANG NA ZHUGS TE 'BUM SDE BRGYAD CU ZHAL TON MDZAD PA'I TSE PHUG RON ZHIG RGYUN DU NYAN NAS SDOD PA NAM ZHIG TSE 'PHOS TE MTHA' 'KHOB 'DRA MA ZHES BYA BAR DMANGS RIGS KYI BUR SKYES, SKYES MA THAG NGA'I SLOB DPON GANG NA BZHUGS ZHES 'DRI BA LA, PHAS KHYOD KYI SLOB DPON SU YIN DRIS PAS DBYIG GNYEN YIN ZER, PHAS YUL DBUS SU 'GRO BA'I TSONG PA LA DRIS PAS DBYIG GNYEN BZHUGS PAR THOS NAS, CUNG ZAD SKYES PA DANG SLOB DPON DBYIG GNYEN CAN DU BSKYAL, SLOB DPON GYIS DE LA YI GE PHYI MO SLOB PA NAS BZUNG STE RIG BA'I GNAS THAMS CAD LA MKHAS PAR BSLABS, CHUNG NGU'I DUS NA N'A LANDRA NA SGROL MA'I RTEN BZHUGS PA'I PHYAG TU SRAN MA'I PHUD PHUL LA BZA' SNYAM NAS 'GA' ZHIG PHUL BAS 'GRIL NAS BYUNG, YANG PHUL BAS 'GRIL, 'PHAGS MAS MA GSOL BAR RANG ZA BA MI BONG SNYAM NAS ZAD ZAD PHUL YANG 'GRIL BAS BYIS PA DUS SO, ,DER 'PHAGS MAS ZHAL DNGOS SU BSTAN TE DU MI DGOS, NGAS KHYOD LA BYIN GYIS BRLABS KYIS KHYIM DU SONGS GSUNGS, DE NAS MKHYEN RAB THOGS MED DU GYUR TE RTEN DE LA SRAN MA'I SGROL MA ZHES GRAGS SO, ,SLOB DPON DE LA MDO DKON MCHOG BRTZEGS PA'I LE'U BZHI BCU ZHE DGU YAN CHAD THUGS LA MNGA' ZHING 'GREL PA YANG MDZED CES GRAGS SO, ,DE'I CHA MKHAS PA'I GRAGS PAS PHYOGS KUN

, ,TU KHYAB CING, SLOB DPON DES MDZOD KYI 'GREL PA GNAM LCAGS THOG GZER, CHOS MNGON PA KUN LAS BTUS KYI 'GREL BA, RAB TU BYED BA SDE BRGYAD KYI 'GREL PA LA SOGS PA BSTAN BCOS MANG DU BRTZAMS SO, ,SLOB DPON DBYIG GNYEN GYI SLOB MA TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO ZHES YONGS SU GRAGS PA'I BDAG NYID CHEN PO DE NI RGYA GAR LHO PHYOGS KYI GRONG KHYER SINGGA BAKTA CES BYA PAR BRAM ZE'I RIGS SU 'KHRUNGS, ,SKU 'KHRUNGS NAS RING POR MA LON PAR BRAM ZE'I RIG BYED THAMS CAD DANG, GZHAN YANG RIG GNAS THAMS CAD LA MKHAS PA'I PHUL DU PHYIN PAR GYUR, SNGON YUN RING PO NAS GOMS PA'I BAG CHAGS BRTAS PAS 'KHOR BA MTHA' DAG ME 'BAR BA'I RLUBS LTAR GZIGS NAS NGES 'BYUNG SHUGS DRAG BOS BRAM ZE'I RIGS DANG, LONGS SPYOD DANG SLOB 'KHOR RGYA CHEN PO LA MA CHAGS PAR GNAS MA BU PA'I SDE PA'I MKHAN PO GLANG PO BYIN ZHES BYA BA LAS RAB TU BYUNG, MTSAN PHYOGS KYI GLANG POR GSOL, MKHAN PO DE NYID LA BRTEN TE GNAS MA BU BA'I LUGS DANG MTHUN PA'I SDE SNOD GSUM LA MKHAS PAR BYAS SHING KHYAD PAR LHAG POR RTOGS, DE NAS THEG PA CHEN BO'I LUNG DANG MAN NGAG MTHA' DAG GSAN BAR BZHED NAS SLOB DPON DBYIG GNYEN GYI DRUNG DU BYON, SPYIR THEG BA CHE CHUNG GI SDE SNOD MTHA' DAG DANG, KHYAD PAR THEG PA CHEN PO'I MDO SDE RNAMS DANG, RJE BTZUN BYAMS PA NAS

BRGYUD PA'I THEG PA CHEN PO'I MAN NGAG RNAMS BUM BA GANG BYO'I TSUL DU LEGS PAR GSAN, THEG PA CHEN PO'I MDO SDE LNGA BRGYA TZAM KHA TON DU MDZAD, DE NAS RDO RJE SLOB DPON ZHIG LAS RJE BTZUN 'JAM DPAL DBYANGS KYI DBANG DANG SGRUB THABS LEGS PAR GSAN NAS SGRUB LA MDZAD PAS RJE BTZUN 'JAM PA'I DBYANGS KYI ZHAL MNGON SUM DU GZIGS SHING GDAMS PA DANG RJES SU BSTAN PA LEGS PAR THOB, DE NAS BZUNG NAM 'DOD DU RJE BTZUN 'JAM PA'I DBYANGS KYI ZHAL GZIGS SHING CHOS GSAN PAR MDZAD, DE NAS AO dI BI SHA'I YUL GYI NAGS TSAL SHIN TU DBEN PA'I BRAG RI'I PHUG CIG TU SGRUB PA LA RTZE GCIG TU BZHUGS, DE NAS N'A LANDRA RA MU STEGS KYI RTZOD PA BYED PA BYUNG BA NA SLOB DPON 'DIS TSAR BCAD DO, ,BDAG NYID CHEN PO 'DIS SBYIR RGYAL BA'I GSUNG RAB MTHA' DAG GI DGONGS PA BKRAL ZHING, LHAG BAR CHAD MA GTAN LA 'BEB PA LA DMIGS PA BRTAG PA SOGS TSAD MA'I BSTAN BCOS BRGYA RTZA MDZAD PAR GRAGS, SLAR YANG AO dI BI SHA'I YUL DU GSHEGS NAS SNGAR GYI PHUG PAR BSAM GTAN LA RTZE GCIG TU GZHOL BAR MDZAD, DUS NAM ZHIG NA RIGS PA'I MIG DANG BRAL BA'I GDUL BYA RNAMS LA THUGS BRTZE BA CHEN POS GZIGS TE RIGS PA'I MIG SPYIN PAR MDZAD BZHED PA NA, GDUL BYA RNAMS BLO GROS KYI MTHU SHIN TU CHUNG BA DANG, SNGAR BRTZAMS PA'I TSAD MA'I BSTAN BCOS RNAMS KYANG RNAM GRANGS MANG BAS KHA 'THOR BA LTA BUR GYUR PAR GZIGS TE, SNGAR MDZAD

, ,PA DE DAG THAMS CAD KYI GNAD BSDUS TE GSUNG RAB SPYI'I DGONGS 'GREL TSAD MA KUN LAS BTUS PA BRTZOM PAR BZHED NAS, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOB LA PHYAG 'TSAL TE, ,ZHES PA SGRUB PHUG GI BRAG NGOS LA RDO RGYUS KYIS BRIS PA TZAM GYIS 'JIG RTEN GYI KHAMS SU 'OD KYI SNANG BA CHEN PO BYUNG, SA G-YOS SHING SGRA CHEN PO GRAG ,MU STEGS KYI STON PA RNAMS KYI BYIN PA RENGS PAR GYUR, DE GANG GI LTAS YIN SNYAM DU MU STEGS THUB RGYAL NAG POS MNGON SHES KYIS BRTAGS PAS TSAD MA MDO'I MCHOD BRJOD BRIS PA'I BYIN RLABS KYI MTHUR MTHONG NAS, SLOB DPON BSOD SNYOMS LA GSHEGS PA'I SHUL DU RDZU 'PHRUL GYIS 'ONGS NAS MCHOD BRJOD KYI TSIG DE BSUBS NAS BZHAG ,DE LTAR LAN GSUM BYAS PA'I THA MA LA SLOB DPON GYIS KYAL KAS BSUBS PA YIN NA 'DI LA DGOS PA CHEN PO YOD PAS ZHO GCIG ,RTZOD BAR 'DOD NA GZUGS STON DANG RTZOD PAR BGYI'O, ,ZHES BRIS PAS BSOD SNYOMS LAS 'KHOR BA'I TSE KHO DNGOS SU BSDAD 'DUG PA RIGS PA DRI MA MED PAS LAN GSUM GYI BAR DU PHAM PAR BYAS PA'I TSE, DA RDZU 'PHRUL 'GRAN ZER NAS KHA NAS ME SLAR TE SLOB DPON GYI CHOS GOS RNAM GSUM DANG YO BYAD BSREGS PAS, SLOB DPON THUGS SHIN TU SKYO NAS SEMS CAN MA RUNGS PA 'DI 'DRA BA BSAM GYIS MI KHYAB PAS SEMS CAN THAMS CAD KYI DON BYA MI NUS KYI, THOD LE KOR NAM MKHAR 'PHANGS

NAS 'DI NAMS LA BABS PA'I TSE RANG NYID GCIG PU GROL BA DON DU GNYER BAR BGYI'O SNYAM DU DGONGS PAS, THOD LE KOR 'BAB DUS MA BYUNG BAS NAM MKHAR GZIGS PA NA RJE BTZUN 'JAM PA'I DBYANGS BLTA BAS CHOG MI SHES PA ZHIG GIS THOD LE KOR DE BSNAMS NAS, BU; MA BYED MA BYED THEG PA DMAN DANG PHRAD LAS BLO GROS NGAN SKYE STE, ,KHYOD KYI BSTAN BCOS 'DI LA MU STEGS TSOGS KYIS GNOD MI NUS PAR SHES, ,KHYOD KYIS MA THOB KYI BAR DU DGE PA'I BSHES SU NGA 'GYUR GYI, ,PHYI MA'I DUS NA 'GRO BA KUN GYI MIG GCIG TU NI 'DI 'GYUR RO, ,ZHES LUNG BSTAN CING DBUGS PHYUNG NAS TSAD MA KUN LAS BTUS BA RTZOM PAR SKUL MDZAD PA NA SLOB DPON PHYOGS KYI GLANG POS KYANG THUGS RJE DANG SNYING STOBS CHER BZHES NAS TSAD MA KUN LAS BTUS PA MDZAD DE, 'DZAM BU GLING GI 'GRO BA THAMS CAD LA BLO GROS KYI MIG SBYIN PAR MDZAD DO, ,DE NAS SLAR YANG BSAM GTAN LA RTZE GCIG TU BZHUGS PAS SANGS RGYAS MANG BO'I ZHAL MTHONG ZHING, TING NGE 'DZIN GYI SGO BRGYA PHRAG MANG PO THOB, LHA RNAMS KYIS ME TOG GI CHAR PHAB, NAGS TSAL DE'I LJON SHING DANG ME TOG RNAMS KYANG SLOB DPON GYI PHYOGS SU MGO 'DUD, GLANG PO CHE LA SOGS PA NAGS TSAL DE NA GNAS PA'I RI DVAGS RNAMS KYANG SLOB DPON GYI ZHABS LA MGO BOS GTUG CING GUS PA'I TSUL BYED, YUL DE'I RGYAL PO 'KHOR DANG BCAS PAS KYANG ZHABS LA PHYAG BYAS SO, ,DE NAS LHO PHYOGS SU BYON TE MU STEGS KYI SMRA BA

, ,NGAN PA RNAMS TSAR BCAD, DGE 'DUN GYI SDE RNAMS LA SDE SNOD GSUM RGYA CHER BSHAD DE SANGS RGYAS KYI BSTAN PA CHES CHER SPEL BAR MDZAD DO, ,DE NAS SLAR YANG AO dI BI SHA'I YUL DU BYON NAS YUL DE'I RGYAL PO 'KHOR BCAS SANGS RGYAS KYI BSTAN PA LA BRTZUD, BRAM ZE CHEN PO ZHIG GIS SBYIN BDAG BYAS TE DGE 'DUN GYI SDE MANG DU BTZUGS, YUL DE'I SKYE BO RNAMS SANGS RGYAS KYI BSTAN PA LA YID CHES RNYED PA'I PHYIR AA RU RA'I SDONG PO CHEN PO SKAL PO ZHIG BDEN TSIG BRJOD NAS SOR CHUD PAR MDZAD DO, ,DE LTAR 'PHAGS YUL GYI PHYOGS THAMS CAD DU SANGS RGYAS KYI BSTAN PAS KHYAB PAR MDZAD NAS MTHAR AO dI BI SHA'I NAGS TSAL DBEN PA'I SGRUB PHUG DE NYID DU NGO MTSAR BA'I LTAS DU MA DANG BCAS TE ZHING GZHAN DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS MCHOG DBYIG GNYEN LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DIS MDZAD PA'I LEGS BSHAD RNAMS LA BLTAS NAS LUNG TZAM SKYABS SU GYUR PA MIN PAR RGYAL BA'I GSUNG RAB KYI DGONGS DON DRI MA MED PA'I RIGS PAS RNYED PAR BYAS LA GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,DBU MA'I LAM BRNYES 'PHAGS

PA RNAM GROL SDE, ,ZHES BSNGAGS PA, KUN MKHYEN GNYIS PA SLOB DPON DBYIG GNYEN GYI SLOB MA MCHOG BZHI'I NANG TSAN, 'PHAGS PA RNAM GROL SDE NI, YUL DBUS DANG LHO PHYOGS KYI MTSAMS 'BAR BA'I PHUG DANG NYE BAR SLOB DPON SANGS RGYAS 'BANGS KYI DBON SRAS SU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE, SDE BA BCO BRGYAD KYI NANG NAS GNAS MA BU PA KU RU KU LLE'I SDE LAS RAB TU BYUNG ZHING LO LON NAS BSNYEN PAR RDZOGS PA'I SDOM PA BZHES, SDE PA DE'I LUGS KYI 'DUL BA'I BCAS MTSAMS CHE PHRA MTHA' DAG LA MKHAS PAR SBYANGS SHING PHYAG LEN LA THEBS PAR MDZAD, SNGON YUN RING PO NAS BYANG CHUB MCHOG TU THUGS BSKYED CING TSOGS GNYIS RGYA CHEN PO BSAGS, RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PAS SDE SNOD GSUM DANG KHYAD PAR THEG PA CHEN PO'I SDE SNOD, DE'I NANG NAS KYANG SHER PHYIN GYI MDO SDE RIN PO CHE'I MAN NGAG RNAMS GSAN BZHED NAS SLOB DPON DBYIG GNYEN GYI DRUNG DU PHEBS TE SLOB DPON DBYIG GNYEN BSAM SBYOR GNYIS KYIS TSUL BZHIN DU BSTEN NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING, KHYAD PAR SHER PHYIN GYI MDO SDE RIN PO CHE RNAMS RDZOGS PAR GSAN NAS TSIG DON GNYIS KA THUGS SU CHUD PAR MDZAD, SHER PHYIN GYI MDO SDE'I DON RJE BTZUN BYAMS PA MGON POS BYANG CHUB LAM GYI RIM PA'I MAN NGAG TU SBYAR BA MNGON PAR RTOGS PA'I

, ,RGYAN GSAN TE DE'I DON THEG PA CHEN PO'I LAM GYI LUS YONGS SU RDZOGS PA THUGS NYAM SU BZHES PAS LAM RIM GYIS BGROD DE CHOS NYID MNGON SUM DU GZIGS PA 'PHAGS PA'I LAM THOB, GZUNGS DANG SPOBS PA DANG, MNGON PAR SHES PA RGYA CHEN PO DANG, DPA' BAR 'GRO BA'I TING NGE 'DZIN DANG, NAM MKHA' MDZOD KYI TING NGE 'DZIN LA SOGS PA MNGON DU GYUR, RJE BTZUN BYAMS BA MGON PO ZHAL MTHONG MNGON PAR RTOGS PA'I RGYAN GYI BRJOD BYA DANG PO SEMS BSKYED NAS BZUNG THA MA 'PHRIN LAS KYI BAR DON BDUN CU PO RE RE NAS SHER PHYIN GYI MDO DANG 'BYOR PA ZHIG BYUNG NA CI MA RUNG SNYAM DU SMON ZHING, DE LTAR DU BYAMS MGON LA GSOL BA SHUGS DRAG TU BTAB PAS, RJE BTZUN BYAMS MGON GYIS W'A RA n'A SI'I GTZUG LAG KHANG DU SONGS DANG 'DOD PA'I DON 'GRUB PAR 'GYUR RO ZHES LUNG BSTAN, RJE BTZUN GYI BKA' BZHIN W'A RA n'A SI'I GTZUG LAG KHANG DU BYON PA NA, DE'I TSE DGE BSNYEN ZHI BA'I GO CHA ZHES BYA BA ZHIG GIS SHER PHYIN STONG PHRAG NYI SHU LNGA PA PO TA LA NAS SPYAN DRANGS TE W'A RA n'A SI'I GTZUG LAG KHANG DU PHEBS PA DANG DUS 'GRIG ,DE YANG RGYAL BA MYA NGAN LAS 'DAS NAS BDUD SDIG TO CAN GYI MTHUS RGYAL BA'I BSTAN PA NYAMS PAR BYED PA'I MU STEGS CAN GYI GNOD PA RIM PAR BYUNG BAS 'PHAGS YUL NA BZHUGS PA'I RGYAL BA'I BKA'I GLEGS BAM MANG PO ZHIG NUB PAR GYUR PA LA, BDAG NYID CHEN PO 'PHAGS PA

KLU SGRUB KYIS SHES RAB KYI PHA ROL TU PHYIN PA STONG PHRAG BRGYA PA KLU YUL NAS SPYAN DRANGS TE RGYA GAR NA BZHUGS SHING, SHER PHYIN STONG PHRAG BRGYAD PA SNGAR NAS BZHUGS PAS 'PHAGS PA GROL SDES MNGAN RTOGS RGYAN SHER PHYIN DE GNYIS DANG SBYAR YANG 'GA' ZHIG GI THAD LA 'BYOR DKA' BAR BYUNG BA W'A RA n'A SI'I GTZUG LAG KHANG DU NYI KHRI LA GZIGS PAS THAMS CAD 'BYOR TE, DON BDUN CU'I DANG PO SEMS BSKYED STON PA LA NYI KHRIR, SHAR DVA TI'I BU, 'DI LA BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHER PHYIN LA BRTZON PAR BYA'O, ,ZHES GSUNGS, DE BZHIN DU BYANG CHUB DON GNYER MDOR BSTAN RGYAS BSHAD, GZHAN DON DON GNYER MDOR BSTAN RGYAS BSHAD, SA LTA BU'I SEMS BSKYED NAS CHOS KYI SPRIN LTA BU'I SEMS BSKYED KYI BAR SEMS BSKYED NYER GNYIS RE RE NAS MDO DANG 'BYOR ZHING, DE BZHIN DU GDAMS NGAG GI DANG PO SGRUB PA NAS BZUNG 'PHRIN LAS NYI SHU RTZA BDUN GYI BAR RE RE NAS RGYAL BAS GSUNGS PA'I MDO DANG 'BYOR PAS, RGYA MTSOR BGROD PA'I DED DPON GYIS YID BZHIN GYI NOR BU RNYED PA LTAR THUGS RAB TU TSIM BAR GYUR TO, ,DGE BSNYEN ZHI BA'I GO CHAS NYI KHRI GDAN DRANGS TSUL NI, DGE BSNYEN DE NAGS KHROD ZHIG NA 'PHAGS PA SPYAN RAS GZIGS KYI RNAL 'BYOR LA RTZE GCIG TU GNAS PA'I TSE YUL DE'I RGYAL PO ZHIG GIS BSKUL NAS BO TA LAR 'GRO BAR CHAS NAS 'PHAGS PA SPYAN RAS GZIGS LA GSOL BA RTZE GCIG

, ,TU BTAB STE SONG BA NA LHO PHYOGS DPAL LDAN 'BRAS SPUNGS KYI MCHOD RTEN DU SLEBS, DE NAS PO TA LAR 'GRO BA'I LAM YIG LTAR 'GA' ZHIG GI THANG DU SA 'OG TU BGROD PA DANG, RGYA MTSO LA GZINGS BCAS TE BGROD PA SOGS DKA' BA BRGYA PHRAG DU MA'I SGO NAS PHYIN TE PO TA LA'I RI BO'I GSHAM DU SLEBS PA NA G-YANG SA CHEN PO SUS KYANG BGROD MI NUS PA ZHIG BYUNG BAS LHA MO RAL GCIG MA LA GSOL BA BTAB PAS LHA MO'I MTHUS G-YANG SA CHEN PO DE LA ZAM PA ZHIG BYUNG NAS THAR, DE NAS GCAN GZAN GYI 'JIGS PA CHEN PO BYUNG BA LA 'PHAGS PA NYID LA GSOL BA BTAB PAS 'JIGS PA LAS GROL, DE NAS RI BO LA 'DZEGS PA NA RI BO'I GSHAM DU RJE BTZUN MA SGROL MA'I GNAS DANG, KHRO GNYER CAN MA'I GNAS DANG, RI'I RTZE MO NA 'PHAGS PA'I GZHAL MED KHANG YOD PA RNAMS SU RIM GYIS PHYIN TE 'PHAGS PA'I ZHAL DNGOS SU MJAL, NYI KHRI LE BRGYAD MA GDAN DRANGS, 'PHAGS PA THUGS RJE CHEN PO'I MTHUS GEGS MED PAR W'A RA n'A SIR SLEBS NAS DE'I GTZUG LAG KHANG DU NYI KHRI BZHUGS SO, ,DE NAS 'PHAGS PA RNAM GROL SDES MNGON RTOGS RGYAN DANG NYI KHRI SBYAR BA'I BSTAN BCOS CHEN PO NYI KHRI SNANG BA MDZAD, 'DZAM BU'I GLING DU MDO RGYAN SBYAR BA'I THOG MA 'DI YIN NO, ,SLOB DPON BDAG NYID CHEN PO 'DIS BSTAN PA'I DON DU MDO RGYAN SBYAR NAS SKAL BA DANG LDAN PA DAG LA RGYA CHER SPEL ZHING, DE'I TSI SHER PHYIN GYI GDAMS NGAG NYAN

PA'I SLOB MA STONG PHRAG MANG PO BYUNG ZHING THEG PA CHEN PO'I LAM GYI RIM PA LA SLOB PAR 'DOD PA MTHA' DAG BDAG NYID CHEN PO 'DI'I ZHABS RDUL LA BRTEN PA ZHIG BYUNG NGO, ,SLOB DPON 'DIS LO SUM CU TZAM GYI RING BSTAN PA'I BYA BA RGYA CHER MDZAD NAS DGA' LDAN DU RGYAL BA MA PHAM PA'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'PHAGS PA GROL SDE LA GSOL BA 'DEBS SHING BDAG NYID CHEN PO 'DIS MDO RGYAN SBYAR BA'I SHING RTA'I SROL PHYE BA LTAR BYANG CHUB LAM GYI RIM PA'I GNAD RNAMS RGYAL BA'I GSUNG RAB NYID LAS GSUNGS PA'I TSUL LA NGES PA RNYED PAR BYAS NAS GSUNG RAB THAMS CAD KYI SNYING PO'I DON MA TSANG BA MED PA BYANG CHUB LAM GYI RIM PA'I NYAMS LEN LA BRTZON PA CHIG BSGRIL DU BYA'O,, ` ,,DAD PA'I SAR GNAS BTZUN PA RNAM GROL SDE, ,ZHES BSNGAGS PA, BTZUN PA RNAM GROL SDE NI, GZHON NU NAS RGYAL BA'I BSTAN PA LA RAB TU BYUNG STE, SDE SNOD GSUM LA MKHAS PAR SBYANGS, 'PHAGS PA RNAM GROL SDE BSAM SBYOR GNYIS KYIS TSUL BZHIN DU BSTEN NAS SHER PHYIN GYI MDO SDE RIN PO CHE'I MAN NGAG MNGON PAR RTOGS PA'I RGYAN NYI KHRI DANG SBYAR BA GSAN TE, DE'I DON SKYES BU GSUM GYI LAM LA RIM GYIS SBYANGS PAS SRID PA MTHA' DAG LA ZHEN PA LOG PA'I NGES 'BYUNG DANG, BDAG PAS GZHAN GCES PA'I BYANG CHUB KYI SEMS RIN PO CHE BCOS MA MA YIN PA THUGS RGYUD LA 'KHRUNGS TE THEG PA CHEN PO'I

, ,TSOGS LAM DU ZHUGS TE THEG PA CHEN PO'I LAM RIM GYIS BGROD PHYIR LO BCU'I RING LA RJE BTZUN BYAMS MGON BSGRUBS TE THEG PA CHEN PO'I LAM GYI LUS YONGS SU RDZOGS PA LA SBYANGS SHING, RJE BTZUN BYAMS PA MGON PO'I ZHAL MNGON SUM DU MTHONG BA DANG, DE'I MTHUS THEG PA CHEN PO'I LAM RNAMS MYUR DU BGROD NUS PA ZHIG BYUNG NA CI MA RUNG SNYAM DU 'BAD KYANG BYAMS MGON GYI ZHAL MA MTHONG BA NA, BYAMS MGON GYI ZHAL MYUR DU MTHONG BA'I THABS GZHAN LA DRIS PAS SDIG SGRIB SBYONG BA'I DON DU SBYIN SREG BYAS NA LEGS ZHES ZER BA LTAR ZHI BA'I THAB KHUNG DU BYAMS MGON SPYAN DRANGS NAS SREGS BLUGS 'BUM PHRAG BCU GNYIS PHUL BAS BYAMS MGON GYI ZHAL GZIGS, DE NAS LUNG DANG RTOGS PA'I YON TAN THAMS CAD CHES CHER RGYAS TE 'PHAGS PA GROL SDE'I MAN NGAG LA BRTEN NAS BYANG CHUB LAM GYI RIM PA'I GNAD RNAMS RGYAS PAR STON PA NYI KHRI RNAM 'GREL MDZAD DO, ,SLOB DPON 'DI RJE BDAG NYID CHEN POS DAD PA'I SAR GNAS ZHES TSOGS LAM PA YIN PAR BSHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON BTZUN PA RNAM GROL SDE LA GSOL BA 'DEBS SHING BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I NYAMS LEN GYI GNAD THAMS CAD RGYAL BA'I YUM NYID LAS GSUNGS PA'I TSUL LA NGES PA RNYED PAR BYAS LA YID CHES KYI DAD PA BRTAN PO BSKYED NAS BYANG CHUB LAM GYI RIM PA

SGOM PA LA BRTZON PA CHIG BSGRIL DU BYA'O,, ` ,,RMAD BYUNG NGO MTSAR GNAS GYUR MCHOG GI SDE, ,ZHES BSNGAGS PA, SLOB DPON MCHOG GI SDE NI RGYAL BA'I BSTAN PA LA RAB TU BYUNG NAS SDE SNOD GSUM LA MKHAS PAR SBYANGS, BTZUN PA GROL SDE BSTEN NAS THEG PA CHEN PO'I MDO SDE MTHA' DAG DANG, KHYAD PAR SHER PHYIN GYI MDO SDE RIN PO CHE'I DON MNGON PAR RTOGS PA'I RGYAN LAS 'BYUNG BA LTAR THEG PA CHEN PO'I LAM GYI RIM PA'I LUS YONGS SU RDZOGS PA GSAN NAS SGRUB PA LA RTZE GCIG TU BZHUGS PAS MYONG BA PHUL DU PHYIN PA THON TE SKAL BA DANG LDAN PA MTHA' YAS PA LA SHER PHYIN GYI MAN NGAG 'DOMS PAR MDZAD CING MDO RGYAN SBYAR BA'I MAN NGAG RGYA CHER SPEL LO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON MCHOG GI SDE LA GSOL BA 'DEBS SHING SLOB DPON 'DIS JI LTAR BSTAN PA LTAR MDO RGYAN SBYAR BA'I MAN NGAG THOB PAR BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,ZAB MO'I LAM GYIS RGYUD SBYANGS DUL BA'I SDE, ,ZHES BSNGAGS PA, SLOB DPON DUL BA'I SDE NI, RGYAL BA'I BSTAN PA LA ZHUGS NAS SLOB DPON MCHOG GI SDE YONGS 'DZIN DU BSTEN NAS SDE SNOD GSUM LA SBYANGS SHING, KHYAD PAR SHES RAB KYI PHA ROL TU PHYIN PA'I MDO SDE RIN PO CHE'I GDAMS NGAG MNGON PAR RTOGS PA'I RGYAN LA SBYANGS NAS BYANG CHUB LAM GYI RIM PA'I GNAD THAMS CAD THUGS SU CHUD PAR MDZAD, DE NAS BYANG CHUB LAM GYI RIM PA'I NYAMS LEN

, ,LA 'BAD PAS RTOGS PA PHUL DU PHYIN PA THOB, RGYAL BA'I BSTAN PA SPEL BA'I PHYIR RJE BTZUN BYAMS PA MGON PO'I SKU BZHENGS, DE LA GSOL BA RTZE GCIG BTAB PAS, BYAMS MGON GYI SKU DES GSUNG BYON NAS BSTAN PA DANG SEMS CAN GYI DON BYED PA LA, RJE BTZUN SGROL MA LA GSOL BA 'DEBS DGOS PAS 'PHAGS MA SGROL MA'I SKU BZHENGS ZHES GSUNGS PA LTAR RJE BTZUN SGROL MA'I SKU BZHENGS, DE LA GSOL BA RTZE GCIG TU BTAB PAS RJE BTZUN MA SGROL MAS 'PHRIN LAS MDZAD DE SKAL BA DANG LDAN PA MANG PO LA SHER PHYIN GYI MAN NGAG RGYA CHER SPEL ZHING, KHYAD PAR DU YANG BSTAN PA YONGS RDZOGS KYI BDAG PO MKHAN CHEN ZHI BA 'TSO LA GROL SDE RNAM GNYIS LAS BYUNG BA'I MAN NGAG ,BYANG CHUB LAM GYI RIM PA'I GNAD THAMS CAD SHER PHYIN GYI MDO SDE RIN PO CHE DANG SBYAR TE NGES PA GTING TSUGS PAR BSKYED PA MDO RGYAN SBYAR BA'I MAN NGAG MTHA' DAG BUM PA GANG BYO'I TSUL DU YONGS SU RDZOGS PA GNANG STE BSTAN PA'I BDAG POR BYIN GYIS BRLABS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON DUL BA'I SDE LA GSOL BA 'DEBS SHING BDAG NYID CHEN PO 'DI NAS BRGYUD PA'I LAM GYI RIM PA LA BAG CHAGS CI THEBS BYA'O, ,GROL SDE RNAM GNYIS DANG, MCHOG SDE DUL SDE GNYIS TE SLOB DPON BZHI BO 'DI GANG DU 'KHRUNGS PA'I YUL DANG, RIGS DANG RUS GANG YIN PA DANG, SKU TSE RIL PO'I

MDZAD PA RNAM THAR ZHIB PA MA MTHONG BAS SLAR RNYED NA 'DIR BSNAN PAR BYA'O,, ` ,,RLABS CHEN SPYOD PA'I GTER GYUR RNAM SNANG MDZAD, ,CES BSNGAGS PA, MKHAN PO YANG DAG RNAM SNANG MDZAD, MTSAN GZHAN BO DHI SATVA ZHES KYANG BYA, LEGS SBYAR GYI SKAD LA SHAN TA RAKshI TA, BOD SKAD DU ZHI BA 'TSO ZHES BRJOD PA MKHAN CHEN ZHI BA 'TSO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE SA LAM MTHAR PHYIN NAS ZHING 'DIR THUB PA'I BSTAN PA SPEL BA'I SLAD DU SNYING RJE DANG SMON LAM GYI DBANG GIS BSAM BZHIN DU BYON PA ZHIG STE, DE YANG SHAR PHYOGS ZA HOR RGYAL PO'I SRAS SU SKU 'KHRUNGS, GZHON NU NAS KHYIM GYI GNAS NI SDUG BSNGAL DU MA'I 'BYUNG GNAS BTZON RA LTA BU DANG, NYON MONGS PA DANG NYES PAR SPYOD PA THAMS CAD KYI 'BYUNG KHUNGS SU RIG NAS SRID PA'I PHUN TSOGS LA CHAGS PA MED PAR RGYAL SRID MCHIL MA'I THAL BA BZHIN DU DOR TE MKHAN PO YE SHES SNYING PO'I DRUNG DU RAB TU BYUNG ZHING BSNYEN PAR RDZOGS PA'I SDOM PA BZHES, DE YANG RTZA BA'I SDE PA BZHI LAS GZHI THAMS CAD YOD PAR SMRA BA'I SDE PA YIN PAS, MKHAN BO DE NYID LA BRTEN NAS GZHI THAMS CAD YOD PAR SMRA BA'I LUGS KYI 'DUL BA LUNG SDE BZHI NAS GSUNGS BA'I DGAG SGRUB GNANG GSUM GYI BCAS PA CHE PHRA MTHA' DAG THUGS SU CHUD PAR MDZAD NAS BCAS PA DANG RANG BZHIN GYI KHA NA MA THO BA'I NYES LTUNG PHRA MOS KYANG MGOS PA'I TSUL KHRIMS RNAM PAR DAG PA LA GNAS NAS SDE SNOD GSUM LA SBYANGS TE MKHAS

, ,PA'I PHUL DU PHYIN PAR MDZAD, DE NAS BYANG CHUB LAM GYI RIM PA'I MAN NGAG RNAMS GSAN BZHED NAS SLOB DPON DUL BA'I SDE LA BSNYEN TE SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN GSAN TE, DE'I MAN NGAG SHER PHYIN GYI MDO DANG BCAS PA'I TSIG DON MTHA' DAG THUGS SU CHUD PAR MDZAD, THEG PA CHEN PO'I LAM GYI RIM PA LA RGYA CHE BA'I LAM GYI RIM PA DANG ZAB MO'I LAM GYI RIM PA GNYIS YOD PA GNYIS KA MED MI RUNG DU GZIGS NAS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG MTHAR THUG PA DBU MA'I GZHUNG RNAMS LA LEGS PAR SBYANGS TE THUGS SU CHUD PAR MDZAD, GZHUNG DE DAG GI DON LA DRI MA MED PA'I RIGS PAS LEGS PAR DPYAD NAS NGES SHES GTING PHYIN PAR RNYED PA NA THUGS RGYUD LA SBYAR TE NYAMS SU BZHES PAS THEG PA CHEN PO'I LAM GYI RIM PA'I LUS YONGS SU RDZOGS PA LA NYAMS MYONG GI RTOGS PA KHYAD PAR CAN 'KHRUNGS PA NA SKAL BA DANG LDAN PA GZHAN DAG LA CHOS KYI BDUD RTZI RGYA CHER STZAL TE, THEG PA CHEN PO'I LAM GYI RIM PA ZAB PA DANG RGYA CHE BA GNYIS KA STON PA'I BSTAN BCOS DBU MA RGYAN 'GREL BA DANG BCAS PA MDZAD DE GDUL BYA MTHA' YAS PA LA RGYA CHER SPEL TE 'PHAGS YUL DU SHER PHYIN GYI MAN NGAG NYIN MO LTAR GSAL BAR MDZAD, BDAG NYID CHEN PO 'DI NI DGUNG LO BRGYA PHRAG MANG PO BZHUGS PAS, SKU TSE'I STOD SMAD BAR GSUM GYI SLOB MA RIM PA MANG DU YOD CING SRAS KYI THU BO 'GRAN ZLA DANG BRAL BA NI SLOB DPON SENG GE BZANG PO DANG,

MKHAS MCHOG K'A MA LA SH'I LA GNYIS SO, ,MKHAN CHEN ZHI BA 'TSO 'DI NI RGYAL SRAS GZHAN GYIS DPAG PAR DKA' BA'I SNYING STOBS DANG BYANG CHUB KYI SEMS SHIN TU STOBS CHE BAS SNYIGS MA'I DUS 'DIR 'GRO BA'I DON MDZAD PA LA RGYAL SRAS KYI SPYOD PA CHES PHUL DU BYUNG BA ZHIG STE, DON GYI DBANG 'DI LA GZIGS NAS RJE BDAG NYID CHEN POS, RLABS CHEN SPYOD PA'I GTER GYUR CES BSNGAGS PA YIN NO, ,MKHAN CHEN ZHI BA 'TSO 'DIS RGYA BOD THAMS CAD DU BSTAN PA LA BYA BA RGYA CHEN PO MDZAD PA YIN ZHING, LHAG PAR BYANG PHYOGS BOD YUL 'DI STON PA THUGS RJE CAN DE SKYANG 'DUL MA NUS BAR MUN PA'I GLING DU LUS SHING, SLOB DPON 'DI'I GONG DU BYON PA'I SHING RTA CHEN PO GNYIS SOGS BDAG NYID CHEN PO DE DAG THAMS CAD KYIS 'DUL BAR MA NUS PAR MTHA' 'KHOB MUN GLING DU LUS PA SLOB DPON 'DIS THUGS KYIS MA BZOD NAS ZHING 'DIR BYON ZHING DE LTA NA'ANG RTEN 'BREL SGO MANG PO ZHIG NAS 'GRIG DGOS PA'I DBANG GIS SLOB DPON 'DI BYON NAS LO DGU BRGYA LHAG TZAM GYI BAR DU BOD DU RGYAL BA'I BSTAN PA 'DZUGS PA'I RTEN 'BREL MA 'GRIG PAR NAM ZHIG NA BOD KHAMS MUN BA'I GLING DU RGYAL BA'I BSTAN PA'I SGRON ME 'DZUGS PAR NUS SNYAM DU DE 'BA' ZHIG THUGS LA BRNAGS NAS SKU TSE BYIN GYIS BRLABS TE BZHUGS PA LAS, DUS NAM ZHIG NA BOD KHAMS KYI RJE BO CHOS RGYAL SRONG BTZAN SGAM POS BOD DU RGYAL BSTAN GYI SROL BTZUGS, JO BO SH'AKYA MU NI DANG JO BO MI BSKYOD RDO RJE GNYIS RGYA BAL NAS SPYAN DRANGS LHA SAR GTZUG LAG KHANG BRTZIGS,

, ,MTHA' 'DUL YANG 'DUL GYI LHA KHANG DANG MCHOD RTEN RNAMS BRTZIGS, CHOS KYI BRDA SLOB PA SOGS BSTAN PA RIN PO CHE'I SROL BTZUGS KYANG SNYIGS MA'I SKYE BO RNAMS BSOD NAMS DMAN PA DANG, BDUD SDIG TO CAN 'KHOR NAG PHYOGS KYI 'BYUNG PO GDUG PA CAN RNAMS DANG BCAS PAS MI RNAMS KYI YID BSGYUR TE CHOS RGYAL SRONG BTZAN SGAM PO 'DAS NAS SDIG BLON MANG POS RGYAL BA'I BSTAN PA NYAMS PAR BYAS TE, JO BO SH'AKYA MU NE MUN KHANG DU SBA BA DANG, CHOS BYED RNAMS LA CHAD PAS GCOD PA SOGS RNAM PA KUN NAS 'TSE BAR BYAS SHING SLAR YANG NAG PHYOGS KYI STOBS CHER RGYAS TE JO BO RIN PO CHE BYE THEMS SU SPA BA DANG, DES KYANG MI CHOG PAR DE NAS BTON TE MANG YUL SKYID GRONG DU SPYUGS PA DANG; RGYAL BSTAN GYI MTSAN TZAM YANG 'DON DBANG MED PAR SDIG BLON MANG POS KHRIMS DAM PAR BYAS TE RGYAL BSTAN YI GE 'BRU RE YANG KLOG SA MED PAR MUN GLING KHO NAR GYUR PA NA, PHYOGS BCU'I SANGS RGYAS DANG BYANG CHUB SEMS DPA' THAMS CAD KYI MKHYEN BRTZE NUS GSUM GCIG TU BSDUS PA RIGS GSUM MGON POS BOD YUL DU RGYAL BSTAN 'DZUGS PAR THUGS BSKYED DE SPYAN RAS GZIGS SRONG BTZAN SGAM POS BOD YUL DU RGYAL BSTAN GYI SROL BTZUGS PA BDUD SDE DPUNG DANG BCAS PAS NYAMS BAR BYAS PA DE NYID GSO PHYIR RJE BTZUN 'JAM DPAL DBYANGS MI'I RJE BOR SPRUL PA CHOS RGYAL KHRI SRONG LDE BTZAN RGYA ZA KONG JO LAS SKU 'KHRUNGS NAS RING BO MA LON PA NA YAB GSHEGS, 'KHRUNGS MA

THAG NAS CHOS KYI BAG CHAGS BRTAS PA DE BDUD SDES MA BZOD PAR BDUD BLON RNAMS KYIS 'DI RGYA ZA'I BU MIN GYI ZHANG GI TSA BO YIN ZHES DBROG PAR BRTZAMS PA NA, RGYAL BU CHUNG DU DE'I ZHAL NAS, KHRI SRONG LDE BTZAN RGYA TSA LAGS, SNA RNAM ZHANG GIS CI BGYI 'TSAL, ZHES GSUNGS NAS RANG LA RANG GIS KHRI SONG LDE BTZAN ZHES MTSAN BTAGS, RGYA ZA'I SRAS YIN PAR YONGS SU GRAGS PAR BYAS, DE NAS RGYAL BU CHUNG DU DES SNGAR YAB MES BKA' DRIN CAN DE DAG GIS BOD 'DIR SANGS RGYAS KYI BSTAN PA BTZUGS PA DA LTA MING TZAM YANG MED PA 'DI THABS GANG ZHIG BYAS NA GSO BAR NUS SNYAM DU DE 'BA' ZHIG SEMS PAR MDZAD DO, ,DE NAS DUS NAM ZHIG NA RGYAL POS SPA GSAL SNANG LA SOGS PA KHA SHAS RGYA YUL DU RGYAL BA'I BKA' 'TSOL DU BTANG, DE DAG GIS KYANG RGYAL PO'I BKA' BZHIN RTZOL BA CHEN POS PHYIN TE RGYA NAG NAS RGYAL BA'I BKA' MANG PO SPYAN DRANGS, RGYAL PO'I SKU MDUN DU SLEBS KYANG SDIG BLON RNAMS DBANG CHE BAS RGYAL BA'I BKA' MTSAN TZAM YANG 'DON DBANG MED PAS RE SHIG BKA' RNAMS BRAG LA SBAS, DE NAS RGYAL BUS GSAL SNANG DANG GROS BYAS TE GSAL SNANG GIS RGYA GAR DU PYIN NAS RGYAL BA'I BKA' DANG DE'I DON STON PA'I PAndI TA 'TSOL RTZIS DANG, BDUD BLON RNAMS KYI SNANG NGOR MANG YUL SKYID GRONG GI DPON DU BSKOS TE BTANG, DE NAS GSAL SNANG GIS RGYA GAR DU PHYIN TE RDO RJE GDAN GYI MAH'A BO DHI DANG SHR'I NA LANDRAR MCHOD PA PHUL BAS ME TOG GI CHAR BABS, BYANG CHUB KYI SHING LAS 'O MA'I RGYUN BABS SHING DGE'O ZHES PA'I SGRA 'OD DANG

, ,BCAS PA BYUNG, DE NAS GSAL SNANG BAL YUL DU BYON PAS BAL RJE'I MCHOD GNAS SU MKHAS SHING GRUB PA'I PAn CHEN SHANT'A RAKshI TA BZHUGS PA MANG YUL SKYID GRONG DU SPYAN DRANGS, BZHUGS GNAS SU GTZUG LAG KHANG GNYIS BRTZIGS, SLOB DPON LA SEMS BSKYED ZHUS PAS, SEMS BSKYED ZHU BA LA YON DGOS GSUNGS, GSER DNGUL SOGS RIN PO CHE DANG, DAR ZAB SNAM GOS SOGS YO BYAD CI YOD PHUL BAS DA DUNG PHUL CIG GSUNGS, DA LUS LA BCINGS PA'I SKA RAGS GCIG MIN PA MED ZHUS PAS DE YANG PHUL CIG GSUNGS NAS PHUL, SEMS BSKYED ZHUS ZIN PA NA SLOB DPON GYIS 'BUL BA THAMS CAD CHUR GNANG NAS KHYOD DANG NGA GNYIS SKYE BA 'DI LA NGO SHES PA TZAM MA YIN; SKYE BA DU MA'I SNGA ROL NAS NGA'I DRUNG DU SEMS BSKYED PA'I SRAS KYI THU BO YIN, KHYOD KYI MING YE SHES DBANG PO BYA BAR 'GYUR RO GSUNGS NAS MGO LA PHYAG GIS BYIL BYIL MDZAD, DE NAS GSAL SNANG GIS SLOB DPON LA PHYAG BYAS TE, BOD YUL DU SANGS RGYAS KYI BSTAN PA DAR BA'I CHED DU BOD KYI RGYAL BO'I DGE BA'I BSHES GNYEN DU 'BYON PA CI GNANG, ZHES GSOL BA BTAB BAS SLOB DPON GYIS BOD NGA'I GDUL SKAL YIN, BOD KYI RGYAL PO DANG KHYOD LHAN CIG MA SKYES PAS KHYOD GNYIS KYI SKYE BA DGU'I BAR DU MANG YUL DANG ZA HOR GNYIS SU BSGUGS NAS BSDAD BA YIN, DA KHYED GNYIS KYANG NAR SON NAS DUS LA BAB PAR GDA' BAS NGAS BOD KYI RGYAL PO'I DGE BA'I BSHES GNYEN BYAS

LA YUL BYAN KAR CHU BO LO HI TA'I 'GRAM, RI HAS PU RI'I DRUNG DU BRAG DMAR BSAM YAS MI 'GYUR LHUN GYIS GRUB PA ZHES BYA BA'I GTZUG LAG KHANG GCIG KYANG BZHENGS SU GSOL, ZHES GSUNGS NAS SLOB DPON SLAR BAL YUL DU GSHEGS, GSAL SNANG BOD DU 'ONGS TE RGYAL PO'I SKU MDUN DU MCHIS NAS DBEN PA ZHIG TU CHOS BYA BAR RIGS PA DANG MKHAS PA CHEN PO SHANTA RAKshI TA ZHES BYA BA DA LTA BAL YUL NA BZHUGS YOD, BOD DU 'BYON PAR GSOL BA BTAB PAS ZHAL GYIS BZHES, PAndI TA DE'I BKA' MCHID KYANG 'DI LTAR GNANG ZHES RGYAL PO LA ZHIB TU GSOL BAS RGYAL PO'I ZHAL NAS, NGED GNYIS KYIS PAndI TA SPYAN DRANGS TE RGYAL BA'I BSTAN PA 'DZUGS PAR BDUD BLON 'DI DAG GIS SHES NA KHYOD SROG DANG 'BRAL BAR BYED CING DON CHEN PO LAS NYAMS PAR 'GYUR BAS KHYOD RE SHIG YUL DU SONG LA YIB LA SDOD CIG NGAS PA THABS KYIS DON GRUB PA ZHIG BYA'O GSUNGS NAS GSAL SNANG RE SHIG DBEN PAR BYOL, DE NAS RGYAL BO'I THABS MKHAS KYI MDZAD PA DU MAS BDUD BLON RNAMS KYI BSAM SBYOR MTHA' DAG BYE MA'I CHANGS BU LTAR ZHIG STE CHAB SRID CHOS KYIS SKYONG BA'I DUS LA BAB PA NA, RGYAL POS BLON PO RNAMS LA BKA' STZAL PA, NGA'I YAB MES RNAMS KYIS RGYAL BA'I BSTAN PA RIN PO CHE BTZUGS PA DE ZHANG MA ZHANG SOGS SDIG BLON RNAMS KYIS BSHIG ,JO BO SH'AKYA MU NE MANG YUL SKYID GRONG DU SPYUGS 'DUG PAS, DA JO BO SH'AKYA MU NE DE SPYAN DRANGS, NGED RANG RJE BLON 'BANGS DANG BCAS PA RNAMS CHOS BYED PA MI RUNG NGAM GSUNGS PAS, RGYAL PO'I BKA'

, ,BZHIN RJE BLON 'BANGS DANG BCAS PA RNAMS CHOS BYED PA LA 'CHAM NAS CHOS BYED PA LA RGYA GAR NAS 'ONGS PA'I RGYUS CAN DGOS PAS SU YOD CES GLENG BA NA, GSAL SNANG MANG YUL NAS 'ONGS PA MCHI BAS DE RJE'I SPYAN SNGAR DGUG 'TSAL ZER BA BZHIN GSAL SNANG RGYAL PO'I SPYAN SNGAR BKUG NAS BKA' STZAL PA, RGYA GAR DANG BAL YUL NA CHOS LA MKHAS PA'I PAndI TA SU YOD, DE KHYOD KYIS SPYAN DRONGS SHIG CES BSGO BA NA, GSAL SNANG GIS GSOL BA, ZA HOR RGYAL PO'I SRAS DGE SLONG SH'ANTA RAKshI TA ZHES BYA BA DA LTA BAL YUL NA MCHIS PA DE DAM PA'I CHOS DANG GTZUG LAG KUN LA MKHAS PA CIG BDOG CES GSOL PAS, RJE'I ZHAL NAS KHYOD YUL DU MA 'GRO BAR PAndI TA DE SPYAN DRANG BA'I PHYIR BA LA YUL DU SONGS LA BAL RJE LA NGA'I BKA'I SGROM BU 'DI PHUL LA PAndI TA DE NGES BAR SPYAN 'DRONGS PAR GYIS SHIG, CES MNGAGS NAS GSAL SNANG BAL YUL DU BRDZANGS, GSAL SNANG BAL YUL DU 'BYOR NAS BAL RJE LA RGYAL PO'I BKA'I SGROM BU PHUL NAS BO DHI SATVA BOD YUL DU SPYAN 'DREN PAR CHAD, RIM GYIS MANG YUL DU PHEBS PA NA BOD NAS RGYAL POS PHEBS BSUR KHANG LANG 'GRO SNAR DANG, GNYER STAG TSANG LDONG GZIGS, SBRANG RGYAR LEGS GZIGS GSUM BTANG PA 'BYOR, DE NAS RIM GYIS PHEBS TE RGYAL PO'I PHO BRANG DU PHEBS SU NYE BA NA, GSAL SNANG GIS SNGON LA PHYIN NAS RGYAL PO LA PHYAG PHUL, PAndI TA BYON YOD PA'I LO RGYUS RNAMS GSOL BAS RGYAL PO

DGYES TE GSAL SNANG KHAMS BZANG ZHING PAndI TA BDE BAR BYON PA LEGS ZHES RGYAL POS BKUR STI BGYIS PA NA ZHANG BLON DAG NA RI, RGYA BAL GYI MNGAN SNGAGS MKHAN YANG MANG PO 'ONG BAS SNGON LA RTOG DPYOD MDZAD PA LEGS ZER, SANGS SHI SOGS 'GA' ZHIG GIS BRTAGS KYANG A'A TZARYA'I SKAD MA GO, KHA CHE AA NAN TA LA LO TZ'A BCOL NAS DRIS PAS, SLOB DPON GYI ZHAL NAS, LHA DKON MCHOG MCHOD, DAM TSIG DANG SDOM PA LA GNAS, GTZO BOR SEMS CAN LA PHAN PA 'BA' ZHIG BYED GSUNGS, BLON PO DE DAG GIS RGYAL PO LA AA TZARYA 'DI SPYOD PA KHYAD PAR DU 'PHAGS PA 'DUG PAS THUGS 'PHRIG BYA MI 'TSAL ZHES GSOL NAS PHO BRANG DU SPYAN DRANGS, PHO BRANG GI CHAB SGOR BYON PA NA PHO NYAS RGYAL PO LA SLOB DPON SGO NA BYON NO ZHUS PAS, RGYAL POS GSER PHYE BRE GANG PHYAG RTEN DU PHUL NAS PHYAG BYAS ZHABS SPYI BOR BLANGS TE BYIN RLABS ZHUS PA NA, SLOB DPON GYI ZHAL NAS, RGYAL PO CHEN PO, KHYOD KYIS KHO BO MKHYEN NAM GSUNGS PAS, RGYAL POS SLOB DPON DANG SDAN CHAD ZHAL MA 'DZOM LAGS ZHUS PAS, SLOB DPON GYI ZHAL NAS, SNGON SANGS RGYAS 'OD SRUNGS KYI BSTAN PA LA GTZUG LAG KHANG GI RGYAN BSRUNG BA'I BYIS PA GSUM GYIS BYE MA'I MCHOD RTEN BYAS TE SMON LAM BTAB PA, MA 'ONGS PA NA NGAS PAndI TA BYA BA, KHYOD KYIS MTHA' 'KHOB KYI RGYAL PO BYA BA, GSAL SNANG GIS BRDA SBYOR GYI BANG PHYIN PA BYAS LA MTHA' 'KHOB KYI RGYAL KHAMS SU DAM PA'I CHOS DAR BAR BYED PA'I SMON LAM BTAB PA MNYEL LAM

, ,GSUNGS, RGYAL PO'I ZHAL NAS, DE MAD BDAG SGOM YUN THUNGS PAS LAN ZHES GSOL, DE NAS RGYAL POS BOD DU SANGS RGYAS KYI BSTAN PA DAR BAR GSOL BA BTAB NAS BRTAG BA ZHUS PA NA, SLOB DPON GYIS, NGED AA TZA RYA BYA BA RTEN 'BREL BRTAG PA LA MKHAS PA YIN, RGYAL PO KHYOD KYIS MGO LA THOD BCINGS PA DANG SBYAR NA STONG DU MNGA' RIS ZHVA TZAM ZHIG, ZHABS LA LHAM GSOL BAS SMAD DU MNGA' RIS LHAM TZAM ZHIG LA CHOS KHRIMS CHAGS, SKA RAGS MA BCINGS PA DANG SBYAR NA BAR DU RGYAL KHRIMS MYUR DU 'JIG NYEN YOD, 'ON KYANG RIN PO CHE'I PHYAG RTEN PHUL BAS RGYAL BA'I BSTAN PA 'DZUGS BTUB GSUNGS, DE NAS SLOB DPON GYIS PHO BRANG RLUNG TSUBS SU ZLA BA BZHIR DGE BA BCU KHAMS BCO BRGYAD RTEN 'BREL BCU GNYIS KYI CHOS BSHAD PAS, BOD KYI LHA SRIN KHROS TE 'PHANG THANG CHUS KHYER, DAM RO RIL THOG RGYAB, MI NAD PHYUGS NAD BYUNG BAS BOD 'ANGS YA LOG NAS CHOS BYAS PAS LAN ZER BA NA, RGYAL PO KHRI SRONG LDE BTZAN GYIS MKHAN CHEN BODHI SATVA'I ZHABS LA DBU GTUGS TE BSHUM BZHIN DU BOD BSOD NAMS DMAN PAS NAG PHYOGS KYI MI MA YIN RNAMS KYIS BAR CHAD 'DI 'DRA BYAS, BOD KYI RNAMS KYANG 'DI SKAD ZER BAS SLOB DON RE SHIG BAL YUL DU GSHEGS NAS SLAR 'BYON DGOS ZHES ZHUS TE SLOB DPON BLA YUL DU BYON, DE NAS RING ZHIG

NAS SPA GSAL SNANG RGYA YUL DU CHOS 'TSAL DU BTANG, SANG SHI LA SOGS PA SUM CU MKHAN CHEN ZHI BA 'TSO SPYAN 'DREN DU BTANG NGO, ,DE'I TSE RGYA NAG TU HA SHANG ZHIG NA RE, DA ZLA BA DRUG ZHAG DRUG NA 'PHAGS BA RTA SKAD KYI SPRUL PA 'DI 'DRA ZHIG 'ONG ZHES 'DRA 'BAG BYAS SHING, SANG SHI RGYA NAG TU SLEB PA DANG RGYA RJES BYA DGA' BYIN, HA SHANG LA BSGOM LUNG BLANGS TE SLAR BOD DU 'KHOR BA NA RGYAL PO LA SKYES PHUL LO, ,DE NAS RGYAL POS SANG SHI LA A'A TZARYA DA DUNG SPYAN MA 'DRONGS PAS KHYOD SONGS SHIG GSUNGS, DES BAL BOR PHYIN NAS MKHAN CHEN ZHI BA 'TSO SPYAN DRANGS TE BRAG DMAR 'BRIN BZANG DU PHEBS NAS RGYAL PO LA, BOD KYI LHA SRIN MA THUL BAS CHOS BYED DU MI STER ZHING BTZAN PO SKU TSE THUNG BA YANG DES LAN PAS, MI MA YIN GDUG PA CAN RNAMS 'DUL BA LA SLOB DPON PADMA SAMBHA WA ZHES BYA BA MTHU RTZAL DANG LDAN PA ZHIG YOD PAS DE SPYAN BDRONGS SHIG GSUNGS PA NA, BTZAN POS RMI LAM DU BYUNG BA SKAD BGYIS TE, SBA MANG RJE GSAL SNANG LOGS MI LNGA SPYAN 'DREN DU BTANG BAS, SLOB DPON GYIS MKHYEN TE MANG YUL GUNG THANG DU BYON PA DANG MJAL NAS RIM GYIS LHA SRIN GDUG PA CAN RNAMS DAM LA 'DOGS SHING BYIN TE, HA SA PO RIR PHYAG PHEBS TE BTZAN PO DANG MJAL, MAL GRO PHUR BYON NAS BOD KYI LHA SRIN THAMS CAD DAM LA BTAGS SO, ,DE NAS MKHAN CHEN

, ,BO DHI SATVA DANG, SLOB DPON PADMA SAMBHA WA GNYIS KYIS SA CHOG MDZAD DE AO T'ANTA P'U RI'I GTZUG LAG KHANG LA DPE BLANGS NAS RI RAB GLING BCU GNYIS, NYI ZLA ZUNG GCIG ,MTHA' LCAGS RIS BSKOR BA'I BKOD PA MDZAD DE ME MO YOS BU'I LO LA RMANG BTING, SA MO YOS LA TSAR NAS MKHAN CHEN BO DHI SATVA DANG SLOB DPON PADMA SAm BHA WAS RAB GNAS MDZAD DGA' STON BYAS TE, LUG GI LO LA THAMS CAD YOD SMRA'I SDE PA'I DGE SLONG BCU GNYIS SPYAN DRANGS TE BOD LA RAB BYUNG BTUB MI BTUB SAD PA'I PHYIR YE SHES DBANG PO LA SOGS PA MI BDUN RAB TU PHYUNG BA NA, RAB TU BYUNG MA THAG TU DE DAG LA MNGON PAR SHES PA LA SOGS PA'I YON TAN BSAM GYIS MI KHYAB PA DANG LDAN PAR GYUR, BDUN PO DE LA SAD MI MI BDUN ZHES GRAGS SO, ,DE NAS CHOS RGYAL KHRI SRONG LDE BTZAN GYIS GANGS RI'I KHROD 'DIR MKHAN CHEN ZHI BA 'TSO'I MKHAN RGYUD THAMS CAD YOD PAR SMRA BA'I LUGS 'DI DAR ZHING RGYAS LA YUN RING DU GNAS PA ZHIG BYUNG NA CI MA RUNG SNYAM DU 'DI'I MKHAN RGYUD 'PHAGS PA SH'A RI'I BU, SGRA GCAN ZIN, KLU SGRUB, LEGS LDAN 'BYED, DPAL SBAS, YE SHES SNYING PO, MKHAN PO BO DHI SATVA RNAMS BSAM YAS KYI GYANG RIS LA 'GOD PAR MDZAD DO, ,DE NAS CHOS RGYAL KHRI SRONG LDE BTZAN GYIS MKHAN CHEN PO DHI SATVA RNYED BKUR TSAD MED PAS MCHOD CING BOD KHAMS 'DIR SANGS RGYAS KYI BSTAN PA RGYA CHER SPEL BAR ZHUS TE, DE'I 'PHRIN LAS KYI GROGS SU LO TZ'A MKHAS PA

YANG MANG DU BSLABS RGYA GAR NAS SLOB DPON BI MA LA MI TRA DANG, SLOB DPON SANGS RGYAS GSANG BA SOGS MKHAS SHING GRUB PA'I PAndI TA CHEN PO MANG DU SPYAN DRANGS, RGYAL BA'I BKA' DANG BSTAN BCOS MTHA' YAS PA BSGYUR, GANG BSGYUR BA'I CHOS DE DAG THAMS CAD LA LO CHEN MKHAS PA RNAMS KYIS ZHUS TIG YANG DAG PAR BYAS, DE DAG THAMS CAD KYANG CHOS RGYAL NYID KYI SPYAN LAM DU PHAB NAS CHOS LTAR BCOS PA'I BSRE BSLAD PHRA MO'ANG MED PAR MDZAD, BOD KHAMS THAMS CAD LA KHRIMS 'DI LTAR BSGRAGS TE, BOD KYI MNGA' 'OG NA GNAS PA THAMS CAD KYIS DAM PA'I CHOS TSUL BZHIN DU BYA BA DANG, RGYAL BA'I BSTAN PA LA RAB TU BYUNG BA RNAMS LA BLA LHAG TU GUS PAR BYA BA DANG, CHOS BYED BA RNAMS KYIS KYANG MKHAN CHEN BODHI SATVAS BOD KHAMS 'DIR RGYAL BSTAN GYI SROL JI LTAR GTOD PA LTAR 'DUL BA'I BCAS KHRIMS RNAM PAR DAG PAS GZHI BZUNG NAS SPYOD PA RNAM PAR DAG PA DANG, 'PHAGS PA KLU SGRUB KYIS RGYAL BA'I DGONGS BA JI LTAR BKRAL BA'I LTA BA RNAM PAR DAG PA DE KHO NA BZHIN BYA DGOS PA'I BKA' KHRIMS BSGRAGS SO, ,DE LTAR MKHAN CHEN BO DHI SATVAS RGYAL BSTAN NYIN MO LTAR GSAL BAR MDZAD NAS SKU'I BKOD PA BSDU BA LA PHYOGS PA NA CHOS RGYAL KHRI SRONG LDE BTZAN LA 'DI LTAR BKA' STZAL TE, BOD DU MU STEGS NI MI 'BYUNG GIS, SANGS RGYAS KYI BSTAN PA NYID KHA GNYIS SU GYIS TE RTZOD PAR 'GYUR BAS, DE'I TSE NGA'I SLOB MA KA MA LA SH'I LA SPYAN DRONGS LA RTZOD PA BYED DU CHUG CIG ,

, ,RTZOD PA BYAS PAS RTZOD PA CHOS PHYOGS SU ZHI BAR 'GYUR RO, ,ZHES LUNG BSTAN TE ZHI BAR GSHEGS SO, ,DE NAS DUS NAM ZHIG NA MKHAN CHEN ZHI BA 'TSOS JI LTAR LUNG BSTAN PA BZHIN RGYA NAG GI HVA SHANG LTA BA LOG PA 'DZIN PA ZHIG BYUNG NAS DE'I LUGS DAR TE LUS NGAG GI CHOS SPYOD DGE BA BYAS PAS SANGS MI RGYA, BYAR MED LA GNAS NA SANGS RGYAS ZER NAS CHA DE LTA LA ZHEN TE DGE SBYOR MI BYED, 'OD PHAL CHER DE LA DGA' STE DE'I LUGS SLOB, DPAL DBYANGS DANG; SBA RATNA LA SOGS PA NYUNG SHAS SHIG MKHAN CHEN BODHI SATVA'I LUGS BYED PAS LTA SPYOD MA MTHUN TE RTZOD PA LA, BTZAN POS MKHAN CHEN BODHI SATVA'I LUGS BZHIN DU LTA SPYOD GYIS SHIG GSUNGS PAS, STON MUN PA RNAMS KHROS TE CHU GRI RNON PO RE BSREL ZHING TZEN MIN PA RIL GSOD ZER BAS RGYAL PO THUGS MA BDE NAS, YE SHES DBANG PO 'BOD DU BTANG PAS LAN GNYIS SU MKHUGS NAS GSUM PA LA MA KHUGS NA GSAD BAR BYAS TE BTANG BAS, BRAG PHUG 'DOM BCU GNYIS PA DPYANG THAG LA 'GRO DGOS PA ZHIG TU PHYIN TE GSHEGS PAR ZHU, MI GSHEGS NA BDAG GSOD DU 'ONG BAS LCE BA BYAS PAS BYON TE RGYAL PO LA BDAG DGUG MI 'TSAL, MKHAN PO'I ZHAL CHEMS 'DI LTAR BDOG ZHUS PAS RGYAL PO MNYEL BSOS TE SLOB DPON KA MA LA SH'I LA SPYAN 'DREN PA'I PHO NYA BTANG, DE HVA SHANG GIS TSOR NAS YUM RGYAS PA LA SOGS PA MDO SDE ZAB MO RNAMS SPYAN DRANGS TE BSHAD PA BSLABS, BSTAN BCOS LA CHOS BYA MI DGOS NYAL BAS CHO GA

CES STON PA BSAM GTAN NYAL BA'I 'KHOR LO, DE LA RTZOD PA SPONG BA BSAM GTAN GYI LON, YANG LON GNYIS, DE RIGS PAS BSGRUB PA LTA BA'I RGYAB SHA ,LUNG GIS BSGRUB PA MDO SDE BRGYAD CU KHUNGS LA SOGS PA BYAS, MDO SDE DGONGS PA NGES 'GEL RANG GI LTA SPYOD DANG 'GAL BAR MTHONG NAS RDOG PAS GRIL LO, ,DE'I TSE YE SHES DBANG POS MKHAN PO'I DGONGS PA 'DI BZHIN YIN ZHES SNYAN DU GSOL BAS BTZAN PO DGYES TE KHYOD NGA'I A'A TZARYA ZHES GSUNG NGO, ,DE NAS KA MA LA SH'I LA BYON PA DANG, BTZAN PO GUNG LA BZHUGS, HVA SHANG G-YAS GRAL DU BYAS, SLOB DPON G-YON GRAL DU BYAS TE RTZEN MIN RNAMS DE'I MJUG 'THUD, BTZAN POS GNYIS KA'I LAG TU ME TOG PHRENG BA GTAD DE KHYED GNYIS GSHAGS GYIS LA GANG RGYAL BA LA PHAM BAS ME TOG PHRENG BA PHUL CIG ,PHAM PA DE 'DIR MA SDOD CIG BKA' STZAL PA DANG, HVA SHANG NA RE LAS DGE DANG MI DGE SPYAD NA MTHO RIS DANG NGAN SONG DU 'GRO BAS 'KHOR BA LAS MI THAR ZHING SANGS RGYAS THOB PA LA BSGRIB PA YIN, DPER NA SPRIN DKAR NAG GANG GIS KYANG NAM MKHA' LA BSGRIB PA DANG 'DRA, GANG ZHIG CI LA YANG MI SEMS, CI YANG MI BSAM PA DE 'KHOR BA LAS YONGS SU THAR BAR 'GYUR RO, ,CI LA YANG MI SEMS MI RTOG MI DPYOD PA NI MI DMIGS PA YIN PAS, CIG CAR DU 'JUG PA NI SA BCU PA DANG 'DRA'O, ,ZER RO, ,KA MA LA SH'I LA'I ZHAL SNGA NAS, DE LTAR CI LA YANG MI BSAM ZER BA DE NI SO SOR RTOG PA'I SHES RAB SPANGS PA YIN NO, ,YANG DAG PA'I YE SHES

, ,KYI RTZA BSO SOR RTOG PA'I SHES RAB YIN PAS, DE SPANGS PAS 'JIG RTEN LAS 'DAS PA'I SHES RAB KYANG SPANGS PAR 'GYUR RO, ,SO SOR RTOG PA'I SHES RAB MED NA RNAL 'BYOR BA THABS GANG GIS RNAM BAR MI RTOG PA LA GNAS, GAL TE CHOS THAMS CAD DRAN PA MED CING YID LA BYA BA MED PA YIN NA, NYAMS SU MYONG BA THAMS CAD MI DRAN ZHING, YID LA MI BYA BAR MI NUS SO, ,GAL TE BDAG GIS CHOS DRAN BAR MI BYA'O SNYAM NA DE SHIN TU DRAN BA YID LA BYAS BAR 'GYUR RO, ,DRAN BA MED BA TZAM PO LA BYED NA BRGYAL BA'AM, 'BOG BA'I DUS SU RNAM PAR MI RTOG PAR 'GYUR RO, ,YANG DAG BA'I SO SOR RTOG PA MED BAR MI RTOG BA LA 'JUG PA'I THABS MED DO, ,DE DRAN BA TZAM BO BKAG KYANG YANG DAG BA'I SO SOR RTOG PA MED NA CHOS THAMS CAD NGO BO NYID MED BA LA JI LTAR 'JUG NUS, STONG BA NYID MA RTOGS BAR SGRIB BA SPANGS BAR MI 'GYUR BAS NA'O, ,DES NA YANG DAG BA'I SHES RAB KYIS PHYIN CI LOG GI SNANG BA RGYANG BSRINGS PA YIN NO, ,DES NA DRAN BZHIN DU MI DRAN BYAR MI RUNG NGO, ,DRAN PA DANG YID LA BYA BA MED PAR SNGON GYI GNAS RJES SU DRAN BA DANG THAMS CAD MKHYEN BAR JI LTAR 'GYUR, NYON MONGS BA YANG JI LTAR SPONG, DE BAS NA YANG DAG BA'I SHES RAB KYIS DON NGES BAR RTOGS PA'I RNAL 'BYOR BAS DUS GSUM PHYI NANG STONG BAR RTOGS NAS RTOG BA NYE BAR ZHI STE LTA BA NGAN BA THAMS CAD SPANGS, DE BRTAN NAS THABS SHES RAB LA MKHAS PAS SGRIB PA

THAMS CAD BSAL NAS SANGS RGYAS KYI CHOS THAMS CAD THOB PAR 'GYUR RO, ,ZHES GSUNGS SO, ,DE NAS BTZAN BO'I ZHAL NAS, 'KHOR KUN GYIS KYANG MCHID GSHAGS THOB CIG GSUNGS, DE NAS SPA YE SHES DBANG POS CIG CAR 'JUG BYA BA DANG, RIM GYIS 'JUG BYA BA GNYIS DPYOD DGOS TE, RIM GYIS 'JUG NA RGYU MA MCHIS PAS, NGED DANG MI 'DRA CIG CAR 'JUG NA KHYED DA RUNG CI BYED, DANG BO NAS SANGS RGYAS NA CI NYES, DE BAS NA RI LA 'DZEG BA'ANG GOM PA RE RES 'DZEG DGOS TE, GOM PA GCIG GIS BGROD MI NUS PA LTAR, SA DANG PO THOB PA'ANG DKA' NA, THAMS CAD MKHYEN PA LTA CI SMOS, NGED TZE NA MIN GYI LUGS KYIS GSUNG RAB KUN LA SHES RAB GSUM GYIS SBYANGS PAS DON MA NOR BAR SHES, CHOS SPYOD BCU LA BSLABS TE BSGOMS BAS BZOD PA THOB, SA DANG PO SKYON MED PA LA ZHUGS TE SA BCU RIM GYIS SBYANGS PAS TSOGS GNYIS RDZOGS NAS 'TSANG RGYA BA YIN, KHYAD LTAR NA TSOGS MA RDZOGS, BLO MA SBYANGS BAR 'JIG RTEN GYI BYA BA YANG MI SHES NA SHES BYA THAMS CAD SHES PAR JI LTAR 'GYUR, CI YANG MA BYAS PAR NYAL BAS ZAN YANG MI MYONG STE, LTOGS TE 'CHIN SANGS RGYAS GA LA 'GRUB, MA BRTAGS MA DPYAD PAR GOM PA BOR YANG BRDEGS 'CHOS NA CHOS GA LA RTOGS ZHES BYA BA LA SOGS PA RGYAS PAR SMRAS PAS, STON MUN BAS LAN SMRA BAR MA NUS TE ME TOG PHRENG BA SLOB DPON LA PHUL TE PHA MA BLANGS SO, ,DE'I TSE CO RMA RMA LA SOGS PA MYA NGAN SKYES TE RANG GI

, ,RTEN RDOS BRDUNGS TE SHI ZHES GRAGS SO, ,DE NAS BTZAN POS DA PHYIN CHANG LTA BA KLU SGRUB KYI LUGS BZUNG, SPYOD PA CHOS SPYOD BCU DANG PHA ROL PHYIN BSLOBS, STON MUN GYI LUGS BYED DU MI DBANG NGO ZHES BKA' STZAL TE HVA SHANG RGYA'I YUL DU RDZANGS, DPE RNAMS BSDUS TE GTER DU SBAS SO, ,DE LTAR MKHAN CHEN ZHI BA 'TSO DANG MKHAS MCHOG KA MA LA SH'I LA GNYIS NI BOD KHAMS BSTAN PA'I SGRON ME YIN PAS BKA' DRIN MTSUNGS PA MED PA ZHIG GO ,DE NAS CHOS RGYAL KHRI SRONG LDE BTZAN GYIS, MKHAS MCHOG KA MA LA SH'I LA LA BOD KHAMS SU BSTAN PA LA DAG THER MDZAD NAS LTA BA LOG PAR SMRA BA RNAMS SUN PHYUNG BA BKA' DRIN CHE ZHES GUS PAS MCHOD PA TSAD MED PA MDZAD CING LUNG DANG RIGS PA DRI MA MED PAS LTA NGAN LOG PAR SMRA BA BKAG BA DE LTAR PHYIS RABS KYI GDUL BYA'I DON DU YI GER 'KHOD PA ZHIG DGOS ZHES BSKUL BA LTAR MKHAS MCHOG KA MA LA SH'I LAS DBU MA SGOM RIM GSUM MDZAD, SLAR YANG CHOS RGYAL KHRI SRONG LDE BTZAN GYIS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA LEGS PAR BKRAL BA'I DBU MA'I LTA BA MTHAR THUG PA 'DI 'JIG RTEN 'DIR YUN RING DU GNAS PAR BYA BA'I PHYIR RIGS BAS GSAL BAR MDZAD BA'I BSTAN BCOS ZHIG MDZAD DGOS PAR BSKUL TE, MKHAS MCHOG KA MA LA SH'I LAS DBU MA'I LAM BZANG GSAL BAR STON PA'I BSTAN BCOS DBU MA SNANG BA MDZAD DO, ,DES NA BYANG CHUB LAM RIM LA NYAMS LEN SNYING BOR

BYA 'DOD PA RNAMS KYIS SLOB DPON ZHI BA 'TSO YAB SRAS KYIS MDZAD PA'I DBU MA RGYAN RTZA 'GREL DANG, DBU MA SGOM RIM GSUM PO 'DI DAG LA YANG DANG YANG DU BLTAS TE, LAM GYI RIM PA'I GNAD RNAMS LA NGES PA GTING TSUGS PAR BRNYED PAR BYA'O,, ` ,,LAM MCHOG SHER PHYIN RGYAS MDZAD SENG BZANG ZHABS, ,ZHES BSNGAGS PA, SLOB DPON SENG GE BZANG PO NI, SNGON YUN RING BO NAS THUGS BSKYED DE RGYAL SRAS KYI SPYOD PA RLABS PO CHE LA BSLABS NAS; ZHING 'DIR RGYAL BA'I BSTAN PA'I SNYING PO SHER PHYIN GYI MAN NGAG SPEL PHYIR BSAM BZHIN DU BYON PA ZHIG STE, DE YANG SLOB DPON 'DI RGYAL RIGS SU SKU 'KHRUNGS, SNGON GYI CHOS 'BYUNG 'GA' ZHIG TU SLOB DPON 'DI MA'I LTO NA GNAS PA'I TSE MA LA SENG GE'I GNOD PA BYUNG STE MA'I LUS SENG GES ZOS KYANG LTO NA GNAS PA'I KHYE'U SENG GES MA ZOS PAR BDE BAR SKYES PAS SENG GE BZANG PO ZHES BTAGS PAR BSHAD, DE NAS NAR SON BA NA KHYIM GYI 'DU 'DZI LA MA CHAGS PAR RGYAL BA'I BSTAN PA LA RAB TU BYUNG STE BSLAB GZHI YONGS SU RDZOGS BA DGE SLONG GI SDOM BA BZHES, RANG DANG GZHAN GYI GRUB PA'I MTHA' THAMS CAD LA SBYANGS PAS MKHAS PA'I PHUL DU PHYIN PAR GYUR, KHYAD PAR SHER PHYIN GYI DON 'TSOL BA LA BYANG CHUB SEMS DPA' RTAG TU DU LTAR LUS DANG SROG LA'ANG MI LTA BAR BRTZON PA CHER MDZAD DE SHES RAB KYI PHA ROL TU PHYIN PA'I MDO SDE RIN PO CHE'I DON THEG PA GSUM GA'I LAM GYI RIM PA'I LUS YONGS SU RDZOGS PA LA

, ,NGES BA GTING TSUGS PA GZHAN GYIS DKRI BAR MI NUS PA ZHIG NAM ZHIG NA 'ONG SNYAM DU DE 'BA' ZHIG 'TSOL BA LHUR MJAD DO, ,DE'I TSE MKHAN CHEN ZHI BA 'TSO BSTAN PA'I BDAG POR BZHUGS PAS MKHAN CHEN ZHI BA 'TSO BSAM SBYOR GNYIS KYIS TSUL BZHIN DU BSTEN TE, RJE BTZUN BYAMS PA NAS BRGYUD PA'I SHER PHYIN GYI MAN NGAG 'PHAGS PA THOGS MED SKU MCHED GNYIS DANG, 'PHAGS PA GROL SDE'I GZHUNG RNAMS LA ZHIB TU SBYANGS SHING, RGYAL BA'I DGONGS PA DPAL MGON 'PHAGS PA KLU SGRUB KYIS BKRAL BA'I DBU MA'I GZHUNG RNAMS LA'ANG ZHIB TU SBYANGS, YANG DAG PAR RDZOGS PA'I SANGS RGYAS NAS RJE BTZUN BYAMS PA MGON BO DANG, DE NAS THOGS MED SKU MCHED LA RIM GYIS BRGYUD PA'I RGYA CHE BA'I LAM GYI RIM BA'I MAN NGAG RNAMS DANG, RDZOGS PA'I SANGS RGYAS NAS RJE BTZUN 'JAM PA'I DBYANGS, DE NAS DPAL MGON 'PHAGS PA KLU SGRUB YAB SRAS LA RIM GYIS BRGYUD PA'I ZAB MA'I LAM GYI RIM PA'I MAN NGAG RNAMS RDZOGS PAR GSAN, JI LTAR GSAN BA'I DON LAM GYI RIM PA'I GNAD RNAMS LA YANG DANG YANG DU SEMS PA DANG, 'JAL BA DANG, RTOG PA DANG, RANG GI RGYUD LA 'DRIS PAR BYA BA'I PHYIR DMIGS RNAM GOMS PA LHUR LEN PA RNAMS LA 'BAD DE RGYAL BA'I BSTAN PA'I SNYING PO THEG PA GSUM GA'I LAM GYI RIM PA'I LUS YONGS SU RDZOGS PA LA MYONG BA KHYAD BAR CAN 'KHRUNGS, DE NAS SKAL BA DANG LDAN PA STONG PHRAG MANG PO DAG LA SHER PHYIN GYI GDAMS,

NGAG 'DOMS PAR MDZAD, DA DUNG RGYAL BA'I BSTAN PA LA BYA BA RGYA CHER MDZAD BZHENG NAS, MKHAN CHEN ZHI BA 'TSO LA RJE BTZUN BYAMS PA'I SGRUB THABS ZHUS NAS BSGRUBS PAS, RMI LAM DU DGE SLONG GUR KUM GYI MDOG CAN SPYOD LAM MDZES PA CIG RMIS TE, SHAR PHYOGS KHA SARB'A nIR SONGS SHIG ,CES LUNG BSTAN TO, ,JI LTAR LUNG BSTAN PA LTAR DER SONG NAS ZHAG GSUM DU SMYUNG GNAS BYAS TE RMI LAM BRTAGS BAS THO RANGS KYI RMI LAM NA, AO T'ANTA P'U RI BI DH'A RA'I GANDHO LA'I STENG GI NAM MKHA' LA SPRIN PHUNG THUG PO ZHIG GI GSEB NA LHA'I LUS STOD SPRIN GYI GSEB NAS BYUNG NAS MCHOD RDZAS SNA TSOGS KYIS MCHOD PA MTHONG STE, CI BYED DRIS PAS, RJE BTZUN BYAMS MGON BRGYAD STONG PA GSUNG BA LA MCHOD PA BYED PA YIN ZER TE, RING DU BLTAS PAS RJE BTZUN ZHAL GSER MDOG CAN SPYI GTZUG MCHOD RTEN GYIS SPRAS PA PHYAG G-YAS CHOS 'CHAD KYI PHYAG RGYA MDZAD PA ZHIG MTHONG NAS PHYAG DANG MCHOD PA BYAS TE, NYID KYI BSTAN BCOS LA DENG SANG 'GREL BA MANG DU MCHIS NA GANG GI RJES SU 'JUG PAR BGYI ZHES ZHUS PAS, THAMS CAD KYI GZHUNG LEGS PAR RTOGS LA 'THAD PA BSDUS TE KHYOD KYIS PHYOGS GCIG TU BSDUS LA RTZOMS SHIG CES GNANG BA THOB BO, ,MNAL SAD DE MCHOD PA BYAS NAS BSTAN BCOS BRTZAMS PA'I SBYIN BDAG BTZAL BA'I PHYIR SHAR PHYOGS KHA SARB'A NI NAS NUB TU BYON BA NA, RGYAL BO DHARM'A BA LAS YUM 'CHAD PA LA SLOB DPON SENG GE BZANG PO MKHAS PAR THOS NAS GDAN 'DREN DU BTANG BA'I PHO NYA DANG PHRAD NAS

, ,GDAN DRANGS TE TSA BA GSUM GYI GTZUG LAG KHANG DU PHEBS TE DGE 'DUN STONG PHRAG MANG PO LA SHER PHYIN GYI MAN NGAG RGYA CHER 'DOMS PAR MDZAD, RGYAL PO DHARM'A PA LAS SBYIN BDAG BYAS NAS BYAMS MGON GYIS LUNG BSTAN PA LTAR MNGON RTOGS RGYAN GYI 'GREL BA DON GSAL DANG, MNGON RTOGS RGYAN DANG BRGYAD STONG PA SBYAR BA'I MAN NGAG BRGYAD STONG 'GREL CHEN DANG, 'PHAGS PA GROL SDES MDZAD PA'I NYI KHRI SNANG BA DANG MTHUN PAR NYI KHRI'I BSDUS DON LE BRGYAD MA DANG, YON TAN RIN PO CHE SDUD BA'I 'GREL PA RTOGS PAR SLA BA DANG, SHER PHYIN SGOM PA, TZANDRA PA'I RNAM DBYE'I TSIG LA'UR BYAS PA RNAMS MDZAD DO, ,BDAG NYID CHEN PO 'DI NI MKHYEN RABS DANG THUGS RJE MTSUNGS PA MED PA DANG, RJE BTZUN BYAMS PA MGON POS BYIN GYIS BRLABS PA'I MTHUS 'GREL PA DON GSAL NI BYANG CHUB LAM GYI RIM PA LA BLO SBYONG BA RNAMS LA SHER PHYIN GYI MDO SDE BA LTA BA'I MIG LTA BUR GYUR CING, BRGYAD STONG 'GREL CHEN NI DANG PO GNAS KHANG BYI DOR BYA BA NAS BZUNG ZHI GNAS DANG LHAG MTHONG GNYIS ZUNG DU 'BREL BA'I RNAL 'BYOR SGOM PA'I BAR SKYES BU GSUM GYI LAM GYI RIM PA'I GNAD THAMS CAD SHER PHYIN GYI MDO SDE NAS JI LTAR GSUNGS PA LTAR LAM GYI NGO BO GANG YIN PA DANG, GRANGS JI TZAM DU NGES PA DANG, GO RIM JI LTAR YIN PA'I TSUL RNAMS 'KHRUL PA PHRA MO'ANG MED PAR SHIN TU GSAL BAR STON PA DANG, DMIGS SKOR RE RE NAS GCIG NYAMS SU LEN PA'I CHE GZHAN RNAMS 'DOR

DGOS PA MIN PAR, DMIGS SKOR RE RE'I STENG DU LAM GYI LUS YONGS SU RDZOGS PAR CHA TSANG BA RE BYAMS MGON GYI MAN NGAG LA BRTEN NAS RTZAL DU BTON TE 'CHAD PA DANG, DANG PO THAR PA CHA MTHUN NAS BZUNG MTHAR RDO RJE LTA BU'I TING NGE 'DZIN GYIS GNYIS SNANG 'KHRUL BA'I DNGOS GNYEN BYAS TE RNAM PA THAMS CAD MKHYEN PA'I YE SHES THOB PA'I BAR DANG, RNAM MKHYEN THOB NAS 'PHRIN LAS NYI SHU RTZA BDUN GYI SGO NAS SEMS CAN GYI DON JI LTAR BYED PA'I BAR THAMS CAD TSANG BAR BSTAN PAS 'DZAM BU GLING PA RNAMS LA BKA' DRIN ZLA MED DU MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON SENG GE BZANG PO LA GSOL BA 'DEBS SHING, SLOB DPON 'DI'I GZHUNG RNAMS LA YANG DANG YANG DU BLTAS TE RANG GIS GANG NYAMS SU BLANG BAR BYA BA'I LAM GYI RIM PA'I GNAD RNAMS LA BDUD DANG SDIG GROGS GANG GIS KYANG YID BZHIN DU BSGYUR MI THUB PA'I NGES PA BRTAN PO RNYED PAR BYA'O,, ,, ` RGYAL BA'I MAN NGAG KUN 'DZIN KU SA LI, ,ZHES BSNGAGS PA, MCHAN DNGOS RIN CHEN BZANG PO ZHES BRJOD PA'I BDAG NYID CHEN PO 'DI RGYAL BA'I BSTAN PA LA RAB TU BYUNG NAS BSNYEN PAR RDZOGS PA DGE SLONG GI SDOM PA BZHES, SLOB DPON SENGGE BZANG PO YONGS 'DZIN DU BSTEN NAS RJE BTZUN BYAMS PA MGON PO NAS BRGYUD PA'I SHER PHYIN GYI MAN NGAG RNAMS YONGS SU RDZOGS PAR GSAN ZHING, DPAL MGON 'PHAGS PA KLU SGRUB NAS BRGYUD BA'I DBU MA'I MAN NGAG RNAMS KYANG YONG SU RDZOGS PAR

, ,GSAN, DE DUS 'DZAMBU GLING NA MKHAS SHING GRUB PA'I SKYES BU GANG DANG GANG NA BZHUGS PA PHAL MO CHE'I ZHABS LA GTUGS NAS MDO SNGAGS KYI MAN NGAG MTHA' DAG GSAN PAR MDZAD DE, RJE BTZUN BYAMS PA NAS BRGYUD PA'I MAN NGAG MTHA' DAG GSAN PA NI, BKA' GDAMS GLEGS BAM LAS, BYAMS PA THOGS MED DBYIG GNYEN RNAM GROL SDE, ,BTZUN PA GROL SDE RGYAL SRAS MCHOG GI SDE, ,RGYAL SRAS DUL BA'I SDE DANG GRAGS PA'I DPAL, ,SENG BZANG RIN CHEN BZANG DANG RIN CHEN SDE,, RTZA BA'I BLA MA MNYAM MED GSER GLING BA, ,RGYA CHEN RNAM DAG SBYOD LA PHYAG 'TSAL LO, ,ZHES GSUNGS PA LTAR RO, ,'DI'I RIN CHEN BZANG PO ZHES PA NI KU SA LI CHE BA DANG, RIN CHEN SDE ZHES PA KU SA LI CHUNG BA YIN BAR SNGON GYI CHOS 'BYUNG DAG LAS BSHAD DO, 'PHAGS PA KLU SGRUB NAS BRGYUD PA'I MAN NGAG MTHA' DAG DANG, KHYAD PAR PHA RGYUD GSANG BA 'DUS PA'I MAN NGAG RNAMS BLA MA 'DIS RIG PA'I KHU BYUG LA GSAN TE, BKA' GDAMS GLEGS BAM LAS, KLU SGRUB ZLA GRAGS RIG PA'I KHU BYUG DANG, BLA MA AA WA DHU TI CHE CHUNG GNYIS, ,LTA BA'I BLA MA LNGA LA PHYAG 'TSAL LO, ,ZHES GSUNGS PA LTAR RO, ,YE SHES ZHABS LUGS KYI MAN NGAG MTHA' DAG BLA MA 'DIS SLOB DPON SANGS RGYAS ZHI BA LA GSAN TE BKA' GDAMS GLEGS BAM LAS, SANGS RGYAS YE SHES ZHABS DANG GSANG BA PA, ,ZHI BA KU SU LU DANG KU SU LU, ,GSANG SNGAGS MA LUS BDAG LA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, ,ZHES GSUNGS PA LTAR RO, ,RNAL 'BYOR RGYUD KYI MAN NGAG RNAMS BLA MA 'DIS SANGS RGYAS ZHI BA'AM SANGS

RGYAS GSANG BA GANG RIG LAS GSAN TE BKA' GDAMS GLEGS BAM LAS, SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA DANG NI KU SU LU, ,KU SU LU ZHES KRI YA YO GA YI, ,GDAMS PA SBYIN MDZAD LNGA LA PHYAG 'TSAL LO, , ZHES GSUNGS PA LTAR RO, ,MKHAS GRUB CHEN PO SANGS RGYAS BSKYANG NAS BRGYUD PA'I MAN NGAG RNAMS KYANG 'DIS YONGS SU RDZOGS PAR GSAN TE, BKA' GDAMS GLEGS BAM LAS, MKHAS GRUB CHEN PO BUDDHA P'A LI DANG, ,SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA MNYAM MED KU SU LU, ,RTZA BA'I BLA MA DRIN CAN KU SU LU, ,BYIN BRLABS BLA MA DRUG LA PHYAG 'TSAL LO, ,ZHES GSUNGS PA LTAR RO, ,YANG BLA MA KU SA LI 'DIS THEG PA CHEN PO'I LAM GYI RIM PA'I MAN NGAG RNAMS SLOB DPON BLO GROS BRTAN PA LA YANG GSAN TE BKA' GDAMS GLEGS BAM LAS, BYAMS PA THOGS MED DBYIG GNYEN BLO GROS BRTAN, ,KU SU LU GNYIS BLA MA GSER GLING PA, ,BYANG CHUB MCHOG TU SEMS SKYED SBYIN MDZAD PA'I, ,DRIN CAN BLA MA BDUN LA PHYAG 'TSAL LO, ,ZHES GSUNGS PA LTAR RO, ,DE LTAR MDO SNGAGS KYI MAN NGAG MTHA' DAG KU SA LI CHE BA 'DI LA MNGA' BAS NA, DON 'DI LA DGONGS NAS RJE BDAG NYID CHEN POS, RGYAL BA'I MAN NGAG KUN 'DZIN ZHES BSNGAGS PA MDZAD DO, ,BDAG NYID CHEN PO 'DI NI RGYAL BA'I DAM CHOS MA LUS PA 'DZIN PA'I SMON LAM GYI MTHU GRUB PA ZHIG STE, 'DIS MDO SNGAGS KYI MAN NGAG MTHA' DAG GSAN NAS KU SA LI CHUNG BA LA YONGS SU

, ,RDZOGS PA GNANG, KU SA LI CHUNG BAS JO BO RJE DPAL LDAN AA TI SHA LA YONGS SU RDZOGS PAR GNANG STE JO BO MDO SNGAGS YONGS RDZOGS KYI BSTAN PA'I BDAG POR BZHUGS PA 'DI BYUNG BA YIN PAS KU SA LI ZHES BYA BA'I BDAG NYID CHEN PO 'DI NI SPYIR 'DZAM BU GLING PA THAMS CAD DANG, KHYAD PAR KHA BA CAN PA RNAMS LA BKA' DRIN MTSUNGS MED DU GYUR PA YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON KU SA LI CHE BA LA GSOL BA 'DEBS SHING SANGS RGYAS NAS BZUNG STE DAM PA BAR MA CHAD PA LAS BRGYUD PA'I LAM GYI RIM PA'I MAN NGAG RNAMS TSANG BAR THOB PAR BYAS LA DBEN PA'I GNAS SU BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,'GRO KUN BRTZE BAS RJES 'DZIN DGE BA CAN, ,ZHES BSNGAGS PA, DGE BA CAN NAM KU SA LI CHUNG BA, MTSAN DNGOS RIN CHEN SDE, RJES SU THUGS DAM NYAMS RTOGS LAS DPAGS TE MTSAN DU GSOL BA BLA MA BYAMS PA'I RNAL 'BYOR PA ZHES GRAGS PA 'DI NI, LUNG DANG RTOGS PA'I YON TAN GYIS MNGON BAR MTHO BA THUB BSTAN YONGS RDZOGS KYI BDAG BOR BZHUGS PA ZHIG STE, SKU GZHON NU NAS RGYAL BA'I BSTAN PA LA RAB TU BYUNG, BSNYEN PAR RDZOGS PA'I SDOM PA BZHES NAS SDE SNOD GSUM LA SBYANGS TE MKHAS PA'I PHUL DU PHYIN PAR GYUR CING, KU SA LI CHE BA BSAM SBYOR GNYIS KYIS TSUL BZHIN DU BSTEN TE SDE SNOD GSUM DANG RGYUD SDE BZHIS

BSDUS BA'I MAN NGAG MTHA' DAG GSAN TE YONGS SU RDZOGS PA THUGS LA CHUD PAR MDZAD, GDAMS NGAG DE DAG THAMS CAD KYANG THOS PA TZAM ZHIG TU MA LUS PAR MAN NGAG SO SO LA SBYANGS TE NYAMS LEN SNYING POR MDZAD NAS GDAMS NGAG SO SO'I NUS PA THON PAR MDZAD CING, LHAG PAR RJE BTZUN BYAMS PA NAS BRGYUD PA'I RGYA CHE BA'I LAM GYI RIM PA DANG, DPAL MGON 'PHAGS PA KLU SGRUB NAS BRGYUD PA'I ZAB MO'I LAM GYI RIM PA GNYIS LAM GYI RIM PA GCIG TU DRIL BA THEG PA CHEN PO'I LAM GYI RIM PA'I LUS YONGS SU RDZOGS PA LA CHU BO'I RGYUN BZHIN DU YUN BSRINGS NAS NYAMS LEN MDZAD PAS LAM GYI RIM PA'I RTOGS PA YONGS SU RDZOGS PA THUGS LA 'KHRUNGS SHING, DE'I NANG NAS KYANG BYAMS SNYING RJE BYANG CHUB KYI SEMS LA THUGS DAM GYI MTHIL DU MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE BCOS MA MIN PA THUGS LA 'KHRUNGS TE, BLA MA 'DI CHOS GSUNG BA'I RTZA RU MI GCIG GIS KHYI LA DBYUG PA BRGYAB PAS, BLA MA AA GSUNGS NAS 'GYEL BA LA GZHAN RNAMS KYI RTOG PA LA KHYI LA CI YANG MI STO BAR 'DUG PA LA TSUL 'CHOS RE CHE SNYAM PA BYUNG BAS, BLA MAS DE MKHYEN NAS SKU RGYAB BSTAN PAS KHYI LA BRGYAB BA'I THAD NA KHYU RE SKRANGS 'DUG PAS THAMS CAD YID CHES SO, ,DE LTAR KU SA LI CHUNG BA'AM BLA MA BYAMS PA'I RNAL 'BYOR PA ZHES BYA BA DE NI DBEN PA'I GNAS SU BYAMS SNYING RJE BYANG CHUB KYI SEMS LA THUGS DAM GTZO BOR MDZAD

, ,NAS; KVA YE PHA MAR GYUR PA'I 'GRO BA MA LUS DRANG BA'I PHYIR, ,BDAG LA YOD PA'I NYON MONGS DUG LNGA GANG DAG GIS, ,SEMS CAN RNAMS KYI DUG LNGA MA LUS DRANG BAR BYA, ,'DOD CHAGS LA SOGS MED PA'I DGE BA GANG YOD RNAMS, ,'GRO DRUG SEMS CAN RNAMS LA SNYOMS PAR BRIMS PAR BYA, ,NA TSA LA SOGS 'BRAS BUR GYUR PA'I SDUG BSNGAL GYIS, ,DE DANG RIGS MTHUN SDUG BSNGAL MA LUS DRANG BAR BYA, ,NA TSA LA SOGS MED PA'I PHAN BDE GANG YIN DE, ,'GRO DRUG SEMS CAN RNAMS LA SNYOMS PAR BRIMS PAR BYA, ,DE LTAR BYAS NA RANG NYID 'KHOR BA'I RGYA MTSO 'DIR, ,SKAD CIG TZAM YANG 'KHYAM PA'I GO SKABS GA LA SRID, ,'ON KYANG JI SRID BYANG CHUB MA THOB BAR, ,MYONG 'GYUR NYON MONGS RGYU 'BRAS JI SNYED PA, ,THAMS CAD SKYE BA 'DI LA YONGS SU RDZOGS PAR BYA, ,DE YANG NGA LO ZLA BA 'DI LA DRANG BAR BYA, ,DE YANG DE RING DA LTA NYID DU RDZOGS BYAS NAS, ,SDUG BSNGAL BRANG BRENG RAB CHAD TZAM ZHIG THABS SU BSTEN, ,BLO 'DI 'BYONGS PAR GYUR CIG BYAMS PA'I RNAL 'BYOR PA, ,ZHES BYAMS SNYING RJE BYANG CHUB KYI SEMS GYI NYAMS MGUR MDZAD CING CHU BO GANGG'A'I 'GRAM DU SGOM ZHING BZHUGS PA NA, RJE BTZUN BYAMS BA MGON PO MDUN DU BYON NAS ZHAL BSTAN TE, THOS PA TZAM GYIS NGAN 'GRO'I SDUG BSNGAL SEL BA'I GLU, ,BSAM BA TZAM GYIS 'KHOR BA'I LJON PA GCOD PA'I GLU, ,BSGOMS PA TZAM GYIS BYANG CHUB MYUR DU 'BYIN PA'I GLU, ,BYAMS PA SNYING RJE BYANG

CHUB SEMS KYI GLU 'DI MTSAR, ,NYON MONGS DUG LNGAS DAG BZHIN 'JOMS PAR RIG NA YANG, ,KHYOD KYI 'DI LTAR NA NI RGYUD LA BSTEN PA MTSAR, ,NA TSA SDUG BSNGAL KUN NAS BZOD PAR DKA' NA YANG, ,KHYOD KYI 'DI LTAR NA NI NGO MTSAR RMAD DU BYUNG, ,RANG DON YAL BAR DOR NAS GZHAN DON LHUR MDZAD TSE, ,RANG DBANG MED PAR 'KHOR BAR 'KHYAMS PA SU YI BKA', ,DES NA RANG DON BSAM PA SKAD CIG MA 'KHRIS PAR, ,GZHAN GYI MI 'DOD BDAG GIS LEN BA DAM PA YIN, , THEG PA CHEN PO'I GSUNG RAB MTHA' YAS MU MED KYANG, ,'DI RU MA 'DUS RDUL TZAM GANG YANG YOD MA YIN, ,DE PHYIR RNAL 'BYOR KHYOD KYI RDO RJE'I GLU DBYANGS 'DI, ,THOS SAM BSAM MAM BSGOM MAM BSHAD KYANG RUNG, ,'JIG RTEN LHA DANG BCAS PA'I SKYABS GNAS DAM PA STE, ,PHYOGS BCU'I RGYAL BA RNAMS KYI THUGS KYI NYING KHU DE, ,KHYOD KYI BLO LA SHAR BA NGO MTSAR SHIN TU CHE, ,ZHES THUGS SHIN TU MNYES PA'I SGO NAS DBUGS DBYUNG BAR MDZAD PAS, BYAMS SNYING RJE'I RTOGS PA RGYA CHER 'PHEL ZHING THE TSOM GYI MDUD PA GROL NAS, MTHONG THOS DRAN REG THAMS CAD LA PHAN PA'I NUS PA THOB STE, 'DI LTAR NYIN LAN GSUM MTSAN LAN GSUM DUS DANG GNAS SKABS THAMS CAD DU DRAN PA BRJED PA MA MCHIS PAR CHOS 'DI BLO LA SBYANGS SHING KHAMS BSOS RDO RJE'I GLU DBYANGS 'DI BLANGS PAS, LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE'I TSOGS DANG, SHA ZA DANG, SRIN PO LA

, ,SOGS PA MA RANG GI BU GCIG PU LA BYAMS PA BZHIN DU GUS PAR DBANG DU 'DUS PAR GYUR TO, ,GZHAN YANG YUL GYI RGYAL PO DANG, BLON PO DANG, BTZUN MO DANG, BRAM ZE DANG, KHYIM BDAG DANG, KHYE'U BU MO DMANGS RIGS LA SOGS PA THAMS CAD DBANG DU 'DUS TE, DGA' BAS RJES SU 'BRANG ZHING MTHONG BA DANG THOS PA THAMS CAD KYANG BYAMS BA'I RANG BZHIN CAN DU GYUR TO, ,GZHAN YANG RTA DANG GLANG PO DANG MA HE DANG SPRE'U DANG 'DAB CHAGS RNAMS DANG, GCAN GZAN GYI TSOGS RNAMS DANG, THA NA SROG CHAGS GROG SBUR YAN CHAD MI 'JIGS SHING, BAG PHEBS BAR RNAL 'BYOR PA'I DRUNG DU 'KHOD PAR GYUR TO, ,DE LTAR RNAL 'BYOR PA'I THUGS KYIS DGONGS NAS SLAR YANG, THOG MED DUS NAS NYE BAR 'BREL PA YI, ,PHA MAR GYUR PA'I SEMS CAN MA LUS PA, ,BYANG CHUB MCHOG LA 'GOD PA'I YI DAM BSAM, ,CHOS 'DIS BYAMS PA MGON LA MCHOD PAR BGYI, ,DE TSE RANG DON SKAD CIG MA 'KHRIS BAR, ,GZHAN DON 'BA' ZHIG SNYING LA GOMS PAR BYA, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD BAR BGYI, ,BDE SDUG BTANG SNYOMS TSOR BA CI BYUNG YANG, ,BYANG CHUB 'BYIN PA'I GROGS SU DANG DU BLANGS, ,BSKAL PA DU MAR BSOD NAMS CI GSOG KYANG, ,NYAN THOS SNGAR MA'I CHOS SU SHOR MA GYUR, ,CHOS 'DIS BYAMS PA MGON LA MCHOD PAR BGYI, ,DE TZAM ZHIG TU MI 'DOD CI BYUNG YANG, ,

BZOD PA'I GO CHA CUNG ZAD SHOR MA GYUR, ,LHAG PAR DRIN GYIS BSKYANGS PA'I SKYE BO YIS, ,LOG SGRUB BYAS KYANG 'DZUM PA'I BZHIN GYIS BSKYANGS, ,CHOS 'DIS BYAMS BA MGON LA MCHOD PAR BGYI, ,SDANG BA'I SKYE BO'I PHYOGS NAS SDIG BSAGS KYANG, ,NGAN PA'I BSAM PA SKAD CIG SHOR MA GYUR, ,SNANG SRID BDUD DANG LHA 'DRE DGRAR LANGS KYANG, ,RANG 'DOD 'KHRIS PA'I BSRUNG SKYOB BYED MA MYONG, ,CHOS 'DIS BYAMS PA MGON LA MCHOD PAR BGYI, ,NGES PAR 'CHI BA'I NAD KYIS BTAB GYUR KYANG, ,CHOS MIN DAG LA YID BRTAN 'CHA' MA MYONG, ,SER SNA GOM PAS 'BYOR PA CHUNG NA YANG, ,LOG PA'I 'TSO BAS LTO GOS BYED MA MYONG, ,CHOS 'DIS BYAMS PA MGON LA MCHOD BAR BGYI, ,NGAN PA'I GROGS KYIS KUN NAS BSKOR NA YANG, ,GNYEN PO'I RANG TSUGS GANG LA'ANG BSKYEL MA MYONG, ,MDOR NA 'GRO'AM 'DUG GAM CI BYED KYANG, ,MA BRTAGS BYA BA GANG YANG BYED MA MYONG, ,CHOS 'DIS BYAMS PA MGON LA MCHOD PAR BGYI, ,DE LTAR YIN MOD 'ON KYANG CHOS RNAMS LA, ,BDEN PAR RTOG PA RDUL TZAM YONG MA MYONG, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD PAR BGYI, ,DE LTAR SGRUB PA'I MCHOD PA DAM PA 'DI, ,RNAL 'BYOR BDAG GI BSAM PA SBYANG BA'I PHYIR, ,BYAMS PA'I DPUNG GIS YON 'DI BZHES SU GSOL, ,BZHES LA BLO 'DI 'BYONGS BAR MDZAD DU GSOL, ,ZHES RJE BTZUN BYAMS PA MGON PO LA SGRUB PA'I MCHOD PA RGYA CHER PHUL, DE'I TSE BAR

, ,SNANG LA MCHOD PA'I LHA MO LNGA DANG, SGRA DANG 'OD LA SOGS PA YID DU 'ONG BA'I MCHOD PA GZHAN YANG DPAG TU MED PA'I RNAM PA BYUNG BAR GYUR TO, ,DE'I TSE BYAMS PA'I RNAL 'BYOR PA LA BLO SBYONG 'DI ZHU BA CHES MANG DU BYUNG YANG GTZO BOR GYUR PA NI JO BO RJE NYID DE, JO BO RJE DPAL LDAN AA TI SHA THUB BSTAN YONGS RDZOGS KYI BDAG POR GYUR PA DANG, LHAG PAR BYANG CHUB KYI SEMS KYI MNGA' BDAG TU GYUR NAS KHA BA CAN GYI GDUL BYA DMU RGOD CAN MTHA' DAG BYANG CHUB KYI SEMS RIN PO CHE'I BYIN RLABS KYIS SKU MTHONG BA DANG GSUNG THOS PA THAMS CAD RANG DBANG MED PAR SEMS DUL BAR 'GYUR BA DANG, THA NA MTSAN THOS PA TZAM GYIS KYANG NYON MONGS PA'I GDUG RTZUB ZHI NAS DAD PAS CHOS LA 'DUN PAR 'GYUR BA DA LTA'I BAR DU BYIN RLABS RGYUN MA CHAD PA 'DI BYUNG BA YIN NO, ,DES NA BYANG CHUB LAM RIM LA NYAMS LEN SNYING POR BYA 'DOD BA RNAMS KYI KU SA LI CHUNG BA SKYES MCHOG BYAMS BA'I RNAL 'BYOR PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR DRAN PAR BYAS LA BYANG CHUB LAM GYI RIM PA LA BLO SBYONG ZHING KHYAD PAR BYAMS SNYING RJE BYANG CHUB KYI SEMS DGE SBYAR GYI MTHIL DU BZUNG BAR BYA'O, ,KU SA LI CHE CHUNG GNYIS PO 'DI GANG DU 'KHRUNGS PA'I YUL JI LTAR YIN PA SOGS RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O,, ` ,,BYANG CHUB THUGS LA MNGA' BRNYES GSER GLING PA, ,ZHES BSNGAGS PA, SEMS DPA'

CHEN PO GSER GLING PA CHOS KYI GRAGS PA ZHES BYA BA DE NI TSE RABS MANG POR BYANG CHUB KYI SEMS LA GOMS PAR MDZAD PAS THUGS SNYING RJE'I DBANG DU GYUR TE THEG PA CHEN PO'I BSTAN PA'I SROG 'DZIN PA'I SMON LAM RLABS PO CHE'I MTHU GRUB STE GSER GLING DU RGYAL PO'I SRAS SU SKU 'KHRUNGS, GSER GLING DE NI GLING BZHI DANG GLING PHRAN BRGYAD GANG YANG MIN ZHING, 'DZAM BU'I GLING DANG CUNG ZAD NYE PA'I PHYOGS NA MTHA' RGYA MTSOS BSKOR ZHING GSER DANG DNGUL LA SOGS PA RIN PO CHE MANG PO'I 'BYUNG KHUNGS YOD PA, PHYOGS THAMS CAD NAGS TSAL SNGON PO'I 'PHRENG BA 'KHRIGS PAS BRGYAN PA, ME TOG PADMA DANG AUTPA LA LA SOGS PA YID DU 'ONG BA MANG PO SKYE BA'I GNAS LHA'I DGA' TSAL LTA BU ZHIG YOD DE, RANG BZHIN GYI DPA' BO DANG RNAL 'BYOR MA MANG PO BZHUGS PA'I GNAS YUL NYER BZHI'I NANG NAS SU WARnA D'I PA ZHES PA DE YIN PAR GRAGS SO, ,DE 'DRA BA'I GLING DER RGYAL SRAS BDAG NYID CHEN PO 'DI RGYAL PO'I SRAS SU 'KHRUNGS NAS RING PO MA LON PAR SI NA SI NA ZHES DKON MCHOG LA SKYABS SU 'GRO BA'I TSIG RGYUN DU BRJOD PA ZHIG BYUNG, YUL DER RES SANGS RGYAS KYI BSTAN PA DANG, NGES MU STEGS DAR BA LAS DE SKABS MU STEGS DAR BA'I SKABS YIN YANG RGYAL BO'I SRAS SU SONG BAS SUS KYANG BZLOG PAR BYED MA NUS SO, ,RGYAL BU DE CHER SKYES NAS RI PHUG CIG NAS RGYAL BA SH'AKYA THUB PA'I SKU LI MA GCIG RNYED DE BYUNG, DE LA MCHOD PA SNA TSOGS BYAS PAS GLING DE SNGAR LAS BDUN 'GYUR GYIS LO

, ,LEGS BA DANG, NAD MED BA DANG GNOD PA NYUNG BA LA SOGS PA BKRA SHIS PAR GYUR TO, ,DES GSER GLING PA THAMS CAD SANGS RGYAS KYI BSTAN PA LA DAD NAS RGYAL BU 'DI CHOS 'TSOL DU BTANG BA DRAG ZER BAS RGYAL BU SHIN TU DGES NAS, 'DZAM BU GLING DU BYON PAS RDO RJE GDAN DU SRIN PO RNAMS MCHOD PA LA 'ONGS BA DANG DUS MTSUNGS PAR GYUR, DE'I TSE GANG ZAG YON TAN CAN THAMS CAD DER 'DU BA YIN BAS MKHAS PA DANG GRUB PA MANG PO 'DUS KYANG BLA MA 'DI DAM BA GZHAN LA MOS PA MA SKYES, MAH'A SHR'I RATNA LA MOS PA CHER SKYES NAS ZHAG BDUN 'GROGS NAS SLOB DPON DE MED DE SONG, RGYAL BUS PHYOGS KUN TU BTZAL CING DRIS KYANG MA RNYED PAS NGAL NAS GNYID LOG PA'I RMI LAM DU BYIS PA GNYIS GLU LEN PA LA, RANG YUL 'KHOR DANG LONGS SPYOD BOR, ,SMIN PA GCIG GIS RTZAD MA CHOD, ,RING NAS PHUNG NGAM MYUR DU PHUNG, ,RIGS DAG BZANG STE SHES RAB CHUNG, ,ZER BA RMIS, DER RGYAL BU GNYID SAD PA NA SLOB DPON MAH'A SHR'I RATNA ZHES SKYES MCHOG BYAMS PA'I RNAL 'BYOR PA CHEN PO DNGOS SU BZHUGS PA MTHONG BA NA DAD GUS TSAD MED PAS MAndAL PHUL TE GSOL BA BTAB PAS BLA MA DES DGYES BZHIN DU ZHAL GYIS BZHES NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS SDE SNOD GSUM DANG RGYUD SDE BZHIS BSDUS PA'I MAN NGAG PHAL MO CHE GSAN, KHYAD PAR DU YANG RGYAL BA'I DGONGS PA SHING RTA CHEN PO GNYIS KYIS BKRAL BA'I MAN NGAG ZAB

BA DANG RGYA CHE BA'I LAM GYI RIM PA'I LUS YONGS SU RDZOGS PA SKYES BU GSUM GYI LAM GYI RIM PA MTHA' DAG PAR GSAN PAS SNOD GCIG NAS GCIG TU BYO BA BZHIN DU THUGS SU CHUD, MTSAN YANG GSER GLING PA CHOS KYI GRAGS PA ZHES BTAGS, RGYA GAR GYI MKHAS GRUB GZHAN MANG PO LA'ANG MDO SNGAGS KYI CHOS MANG DU GSAN ZHING, GTZO CHER BLA MA BYAMS PA'I RNAL 'BYOR PA CHEN PO LA BRTEN TE LO BDUN GYI RING LA CHOS GSAN PA DANG BYANG CHUB LAM GYI RIM BA BSGOM BZHIN BZHUGS PAS LAM GYI RIM PA'I DMIGS SKOR MTHA' DAG LA NYAMS MYONG GI RTOGS PA PHUL DU BYUNG BA THOB, MNGON PAR RTOGS PA'I RGYAN DANG SHER PHYIN GYI MDO SDE SBYAR BA'I MAN NGAG LA SBYANGS PAS MKHAS PA'I PHUL DU PHYIN PAR GYUR, KHYAD PAR DU YANG MGON PO 'JAM PA'I DBYANGS NAS RGYAL SRAS ZHI BA LHA LA BRGYUD PA'I MAN NGAG BDAG PAS GZHAN GCES PA'I BYANG CHUB KYIS SEMS RIN PO CHE RLABS CHEN PO THUGS LA 'KHRUNGS TE DE KHO NA THUGS DAM GYI MTHIL DANG, SA LAM 'BRAS BU DANG BCAS PA GZHAN THAMS CAD DE'I YAN LAG TU 'GRO BA ZHIG BYUNG BAS DUS DE'I TSE BYANG CHUB KYI SEMS KYI BDAG POR GRAGS, DON GYI DBANG 'DI GZIGS NAS RJE BDAG NYID CHEN POS BYANG CHUB THUGS LA MNGA' BRNYES ZHES BSNGAGS PHA MDZAD PA YIN NO, ,BYAMS SNYING RJE BYANG CHUB KYI SEMS CHES CHER RGYAS PAS SKYE BO RNAMS KYIS MEE TRI BA ZHES BYAMS PA'I MTSAN NAS 'BOD DE, 'DI LA GSER GLING MEE TRI PA ZHES GRAGS

, ,SO; ;DE NAS GSER GLING BAS THUGS LA BZHED PA'I DON THAMS CAD GRUB NAS GSER GLING DU BYON TE RGYAL BA'I BSTAN PA RGYA CHER SPEL BAS YUL DE'I SKYE BO THAMS CAD KYI GTZUG GI NOR BU LTA BUR GYUR TO, , DE NAS GSER GLING PAS YUL DE'I SKYE BO THAMS CAD DANG 'DZAM BU'I GLING NAS CHOS DON GNYER GYIS LHAGS PA THAMS CAD LA THEG PA CHEN PO'I CHOS RGYA CHER BSTAN TE CHOS KYIS MTHO BA'I KHANG BZANG MI YUL DU BABS PA 'DRA BAR THEG PA CHEN PO'I CHOS KYI SGRA DBYANGS KYIS PHYOGS KUN TU KHYAB CING YUL DE'I SKYE BO PHAL PA DAG KYANG DKON MCHOG GSUM LA SKYABS SU 'GRO BA'I TSIG KHO NA KHA TON DU BYED CING, BYANG CHUB TU SMON LAM 'DEBS PA DANG RANG BZHIN GYI DGE BA'I LAS LA BRTZON ZHING DUS RTAG TU DKON MCHOG MCHOD PA LHUR BYED, MU STEGS KYI SMRA BA NGAN BA RNAMS NI NYIN BYED SHAR PA'I DUS KYI 'BYUNG PO'I BYA LTAR SMRA BA NUB PAR GYUR TO, ,DE NAS GSER GLING PA CHEN POS RGYAL BSTAN YUN RING DU GNAS PA'I PHYIR DU BYANG CHUB LAM GYI RIM BA'I MAN NGAG MDO RGYAN SBYAR BA'I 'GREL PA RMAD DU BYUNG BA ZHIG KYANG MDZAD CING, BLO SBYONG SEMS DPA'I RIM PA DANG, BLO SBYONG RTOGS PA 'BUR 'JOMS, 'PHAGS PA MI G-YO BA'I SGRUB THABS, MNGON RTOGS RGYAN GYI 'GREL PA GTZO BO'I DON BCU GCIG TU BSDUS PA, BSLAB PA KUN LAS BTUS BA'I MNGON PAR RTOGS PA, TSOGS BDAG KHRO BO'I SGRUB THABS SOGS MDZAD DO, ,DE LTAR BDAG NYID CHEN PO 'DIS SPYiR BSTAN PA LA BYA BA

RGYA CHER MDZAD CING, LHAG BAR JO BO RJE DPAL LDAN AA TI SHA LA GSER GLING GI PHO BRANG NYID DU LO BCU GNYIS BAR THEG PA CHEN PO'I LAM GYI RIM PA'I MAN NGAG YONGS SU RDZOGS BA GEGS SEL BOGS 'DON DANG BCAS PA GNANG BAS JO BO RJE'I THUGS KYI BUM BZANG BYANG CHUB KYI SEMS KYI BDUD RTZIS YONGS SU GANG BAS BYANG CHUB KYI SEMS RIN PO CHE'I MTHUS MTHONG THOS DRAN REG THAMS CAD RJES SU 'DZIN CING SMIN GROL LA 'GOD NUS PA DANG, PAn GRUB GZHAN LAS 'PHRIN LAS KYI KHYAB BRDAL CHE BA DANG, LHAG PAR BYANG PHYOGS GANGS RI'I KHROD KYI 'GRO BA DMU RGOD SHIN TU GDUL DKA' BA RNAMS KYANG JO BO RJE'I SKU MTHONG BA DANG, GSUNG THOS BA DANG, THA NA MTSAN TZAM THOS PA YAN CHAD DANG CING 'DUN PA DANG JO BO'I MTSAN THOS TE SKU'I RNAM PA YID LA DRAN PA NA RANG RANG GI NYON MONGS GDUG RTZUB RNAMS SKAD CIG LA ZHI NAS DAD PA DANG MOS BA NGANG GIS SKYE BA DANG, SNYIGS MA LAS KYANG CHES CHER SNYIGS PA'I DUS MTHA' 'DIR RANG RANG GI YUL GYI RGAN PO SNGA MA DAG GI ZER SGROS LA ZHEN TE BDAG CAG GI 'DI KHO NA BDEN GYI GZHAN NI GTI MUG GO ZHES CHAGS SDANG RLUNG DMAR 'TSUB PAS PHYOGS KUN GANG STE SKYE BO DAM PA CI 'DRA ZHIG BYON YANG DAD PA SKYE DKA' BA LA JO BO RJE DPAL LDAN AA TI SHA LA NI GRUB MTHA' DANG YUL DANG SDE DGON RIS SU MA CHAD BAR MCHOG DMAN BAR MA MTHA' DAG GIS MTSAN THOS PA TZAM GYIS THAL MO SBYOR BA'I 'OS SU BYED CING, GSUNG GI BDUD RTZI DAG LA'ANG RANG GIS NYAMS SU LEN

, ,BAR MA NUS KYANG 'DI NI GZHAN NO ZHES MI SPANG BAR SMON LAM GYI YUL DU BYED PA 'DI BYUNG BA YIN NO, ,DON GYI DBANG 'DI GZIGS NAS JO BSTOD DU, GSER GLING RGYAL POS SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES GSUNGS SO, ,DE LTAR GSER GLING PA CHEN PO CHOS KYI GRAGS PAS BSTAN 'GRO'I DON RGYA CHER MDZAD NAS SKU TSE DE'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU GSHAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA GSER GLING PA CHEN PO LA GSOL BA 'DEBS SHING RGYAL SRAS BDAG NYID CHEN PO 'DI'I RNAM THAR LTAR BYANG CHUB KYI SEMS RIN PO CHE DGE SBYOR GYI MTHIL DU BZUNG NAS GSUNG RAB DGONGS 'GREL DANG BCAS PA THAMS CAD BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU 'PHEL BA'I THABS SU GO BAR BYAS LA LAM GYI LUS YONGS SU RDZOGS PA'I NYAMS LEN LA BRTZON PA TSIG BSGRIL DU BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I BLA MA BRGYUD PA LA, RGYA CHEN SPYOD RGYUD DANG, ZAB MO LTA RGYUD GNYIS SU GSUNGS SHING, RGYA CHEN SPYOD RGYUD LA YANG, RGYA CHEN SPYOD PA'I RGYUD DANG, RLABS CHEN SPYOD PA'I RGYUD CES GNYIS SU GSUNGS, DE'I RLABS CHEN SPYOD PA'I RGYUD KYI

BLA MA RNAMS KYI RNAM THAR 'OG TU STON LA, ZAB MO LTA RGYUD KYI BLA MA RNAMS KYI RNAM PAR THAR PA NI, YANG DAG PAR RDZOGS PA'I SANGS RGYAS NAS RJE BTZUN 'JAM DPAL DBYANGS, DE NAS DPAL MGON 'PHAGS PA KLU SGRUB SOGS LA RIM BZHIN BRGYUD PA LA ZAB MO LTA RGYUD CES GSUNGS, DE LA, SMRA BA ZLA MED 'DREN MCHOG SH'AKYA'I TOG ,CES BSNGAGS BSTON PA THUB PA'I DBANG PO'I RNAM PAR THAR PA NI SNGAR BRJOD ZIN BA LTAR RO, ,RGYAL BA'I MKHYEN RAB KUN BSDUS 'JAM PA'I DBYANGS, ,ZHES BSNGAGS PA RJE BTZUN 'JAM PA'I DBYANGS KYI SKU GSUNG THUGS KYI YON TAN NI BSAM GYIS MI KHYAB BRJOD KYIS MI LANG STE SKU'I YON TAN GCIG PU'ANG PHYOGS BCU'I RGYAL BA THAMS CAD KYIS GSUNG DBYANGS 'GAG PA MED PAS RGYUN MA CHAD PAR BSKAL PA MU MED PA'I BAR DU BRJOD KYANG ZAD PA'I MTHA' MED NA, MKHA' KHYAB KYI SEMS CAN THAMS CAD KYIS JI TZAM BRJOD KYANG YON TAN CHA TZAM ZHIG KYANG BRJOD PAR GA LA NUS, DE LTAR YANG RJE BDAG NYID CHEN POS, BSOD NAMS TSOGS RAB RAB 'BYAMS RGYU LAS 'KHRUNGS PA'I SKU MCHOG MCHOG TU MDZES PA KHYOD KYI SKU, ,NAM MKHA'I MTHAS GTUGS GTUGS PA MED PA'I ZHING MCHOG KUN DU DU MA'I 'GRO LA MIG 'PHRUL BZHIN, , LA LAR BLTAM ZHING ZHING GZHAN DU YANG BYANG CHUB TSUL STON STON PA KHYOD KYI SKU YI NI, ,BKOD PA MCHOG 'DI 'DI DANG GZHAN DU MA LUS 'GRO KUN KUN MKHYEN GYUR KYANG BRJOD MI NUS, ,ZHES GSUNGS PA LTAR RO, ,DE LTA NA'ANG BYANG

, ,CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS LA GSOL BA 'DEBS PA'I TSE, YON TAN BSAMS NAS DANG BA BSKYED PA'I PHYIR PHYOGS TZAM ZHIG BRJOD PA NI, RJE BTZUN 'JAM PA'I DBYANGS KYIS SNGON THUGS BSKYED PA'I TSUL NI, SNGON BSKAL PA GRANGS MED PA BRGYA STONG GANG+G'A'I KLUNG GI BYE MA SNYED PHRAG BDUN 'DAS PA DE'I YANG PHA ROL NA, 'JIG RTEN GYI KHAMS 'BYUNG BA BZANG PO ZHES PAR DE BZHIN GSHEGS PA 'BRUG SGRA'I DBYANGS KYI RGYAL PO ZHES PA 'JIG RTEN DU BYON PA'I TSE, RJE BTZUN 'JAM DBYANGS 'DI NYID 'KHOR LOS SGYUR BA'I RGYAL PO NAM MKHA' ZHES PAR GYUR PA NA, BU DANG, CHUNG MA DANG, GNYEN 'DABS DANG, 'KHOR DU BCAS PA LA LAS GZHAN MED CING MI SKYE BA'I SEMS KYIS DE BZHIN GSHEGS PA 'BRUG SGRA'I DBYANGS KYI RGYAL PO NYAN THOS DANG, BYANG CHUB SEMS DPA'I 'KHOR DANG BCAS PA, LO BRGYAD KHRI BZHI STONG GI BAR DU MCHOD NAS DGE BA'I RTZA BA 'DI, BRGYA BYIN NAM, TSANGS PA'AM, NYAN RANG LA SOGS PA GANG GI DON DU BSNGO SNYAM PA LA, STENG GI NAM MKHA' LAS LHA MANG POS SGRA BSGRAGS PA, RGYAL PO CHEN PO DE LTAR SEMS MA BSKYED PAR BLA NA MED PAR RDZOGS PA'I BYANG CHUB TU SEMS BSKYED CIG CES BSKUL BA DANG, RGYAL PO NAM MKHA' SROG CHAGS BYE BA KHRAG KHRIG BRGYA STONG PHRAG BRGYAD CUS YONGS SU BSKOR NAS, DE BZHIN GSHEGS PA 'BRUG SGRA'I DBYANGS KYI RGYAL PO'I DRUNG DU DONG STE SNGAR GYI BYUNG TSUL ZHUS NAS, THUB BA JI LTAR

SEMS BSKYED NA, ,RDZOGS PA'I BYANG CHUB SKYE BAR 'GYUR, ,YE SHES DE NI GANG GIS THOB, ,DON DE BDAG LA BSTAN DU GSOL, ,BYANG CHUB SEMS NI BSKYED BYAS SHING, ,THUB PA KHYOD 'DRAR BDAG KYANG SMON, ,ZHES ZHUS PA NA, DE BZHIN GSHEGS PA 'BRUG SGRA'I DBYANGS KYI RGYAL POS, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GIS SMON LAM CI BTAB PA, ,DE 'DRA'I 'BRAS BU THOB PAR 'GYUR, ,RGYAL PO NGAS KYANG SNGON CHAD NI, ,RDZOGS PA'I BYANG CHUB SEMS SKYED GYUR, ,SEMS CAN KUN LA PHAN DON DU, ,NGAS NI SMON LAM DAM PA BTAB, ,SMON LAM JI LTAR BTAB TSUL DU, ,NGAS NI 'BRAS BU THOB PAR GYUR, ,BYANG CHUB DAM PA NGAS THOB PAS, ,NGA YI BSAM PA RDZOGS PAR GYUR, ,RGYAL PO CHEN PO BRTAN GYIS LA, ,MI 'GYUR SEMS NI BSKYED PAR GYIS, ,GAL TE SPYOD PA SPYAD BYAS NA, ,KHYOD KYANG YANG DAG SANGS RGYAS 'GYUR, ,ZHES GSUNGS SHING SEMS BSKYED PAR BSKUL BA NA 'KHOR LOS BSGYUR BA'I RGYAL PO NAM MKHAS PHYOGS BCU'I SANGS RGYAS THAMS CAD DBANG DU BZHAG STE, DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SNYING STOBS CHEN POS 'DI LTAR THUGS BSKYED CING SMON LAM BTAB STE, 'KHOR BA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BYA, ,'JIG RTEN MGON PO'I SPYAN SNGAR 'DIR, ,BYANG CHUB MCHOG TU SEMS BSKYED DO, ,'GRO BA THAMS CAD MGRON GNYER TE, ,

, ,DBUL ZHING PHONGS LAS SGROL BAR BYA, ,DE RING PHAN CHAD GAL TE YANG, ,BDAG GIS 'DOD CHAGS SEMS BSKYED NA, ,PHYOGS BCU DAG NA GANG BZHUGS PA'I, ,SANGS RGYAS THAMS CAD BSLUS BAR GYUR, , BYANG CHUB NAM ZHIG THOB BAR DU, ,THA BA'I SEMS DANG GNOD SEMS DANG, ,PHRAG DOG DANG NI SER SNA YANG, ,DE RING PHYIN CHAD MI BYA'O, ,TSANGS PA'I SPYOD BA BDAG GIS SPYAD, ,SDIG BA'I 'DOD PA YONGS SU BTANG, ,TSUL KHRIMS SDOM DANG DES PA LA, ,SANGS RGYAS RJES SU BSLAB PAR BYA, ,BDAG NI BYANG CHUB RINGS TSUL DU, ,'TSANG RGYAR MOS SHING SPRO BA MED, ,PHYI MTHAR THUG GI BAR DU YANG, ,SEMS CAN GCIG PHYIR SPYAD BAR BYA, ,TSAD MED BSAM GYIS MI KHYAB PA'I, ,SANGS RGYAS ZHING NI SBYANG BAR BYA, ,PHYOGS RNAMS BCU PO THAMS CAD DU, ,BDAG GI MING NI THOS PAR BYA, ,BDAG GIS BDAG LA LUNG BSTAN TE, ,SANGS RGYAS 'GYUR BAR DOGS PA MED, ,BDAG GI LHAG BSAM RNAM PAR DAG ,BDAG DBANG 'DI NA 'DREN PA RNAMS, ,LUS DANG NGAG GI LAS RNAMS KYANG, ,RNAM PA KUN TU BDAG GIS SBYANG, ,YID KYI LAS KYANG SBYANG BAR BYA, ,MI DGE'I LAS NI SPYAD MI BYA, ,ZHES THUGS BSKYED, BCOM LDAN 'DAS BSKAL PA BYE BA KHRAG KHRIG PHRAG 'BUM PHRAG BRGYA STONG GRANGS MA MCHIS PA NAS NYE BAR BZUNG STE, BDAG GIS SMON LAM BTAB PA NI, NAM BDAG GIS PHYOGS BCU MTHA' YAS MU MED PA'I 'JIG RTEN GYI KHAMS SU SANGS RGYAS KYI SPYAN SGRIB PA MED BAS

BLTAS NA, SANGS RGYAS BCOM LDAN 'DAS GANG JI SNYED PA DEDAG THAMS CAD BDAG GIS BYANG CHUB LA YANG DAG PAR BTZUD PA DANG, BDAG GIS BYANG CHUB KYI SEMS LA BKOD PA DANG, BDAG GIS SBYIN PA LA YANG DAG PAR BTZUD PA DANG, DE BZHIN DU BDAG GIS TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB LA YANG DAG PAR BTZUD PA DANG, BDAG GIS BSKUL BA DANG, BDAG GIS RJES SU BSTAN BAR GYUR PAR MA MTHONG BA DE SRID DU BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI BYA'I, NAM BDAG GIS SANGS RGYAS KYI SPYAN SGRIB PA MED PAS PHYOGS BCUR RNAM PAR BLTAS KYANG, BDAG GIS SANGS RGYAS NYID LA MA BKOD PA'I DE BZHIN GSHEGS PA DE LTA BU GANG YANG MTHONG BAR MA GYUR PA DE'I TSE BDAG KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O ZHES THUGS BSKYED CING SMON LAM BTAB BO; ;DE NAS RJE BTZUN 'JAM DPAL DBYANGS KYIS SNGON SROG CHAGS GRANGS MED MU MED PA DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SEMS BSKYED DU BCUG NAS SBYIN SOGS PHAR PHYIN DRUG GI LAM SGOM PA LA SBYAR TE SMIN PAR BYAS NAS SANGS RGYAS NAS CHOS KYI 'KHOR LO BSKOR TE, SANGS RGYAS GCIG MA GTOGS GZHAN THAMS CAD MYA NGAN LAS 'DAS ZIN, GCIG NI, 'JIG RTEN GYI KHAMS 'DI NAS 'OG TU DPAG TSAD GANG+G'A'I KLUNG BZHI KHRI BZHI

, ,STONG GI BYE MA SNYED 'DAS PA NA, 'JIG RTEN GYI KHAMS SA'I DBYINGS ZHES BYA BA NA DA LTA YANG BZHUGS TE DE BZHIN GSHEGS PA SA'I LHA ZHES BYA'O, ,GZHAN YANG RJE BTZUN 'JAM DBYANGS 'DI NYID, CHOS SMRA BA CHOS KYI RGYAL MTSAN DU GYUR PA'I TSE, BDAG CAG GI STON PA SH'AKYA'I RGYAL PO LA SOGS PA'I BSKAL BZANG GI SANGS RGYAS STONG PO THAMS CAD BYANG CHUB KYI MCHOG TU THUGS BSKYED DU BCUG STE DGE BA'I BSHES GNYEN MDZAD PA YIN TE, DBU MA LA 'JUG PA'I RANG 'GREL LAS, YONGS SU 'DZIN PA'I KHYAD BAR LAS NI 'PHAGS PA 'JAM DBAL BYANG CHUB SEMS DPAR GYUR BA NYID KYIS, DE BZHIN GSHEGS PA SH'AKYA THUB PA DANG, GZHAN YANG DE BZHIN GSHEGS PA THAMS CAD CHOS THOG MKHO NAR BYANG CHUB TU SEMS BSKYED DU BTZUG PAR 'DON PA YIN NO, ,ZHES GSUNGS PA'I PHYIR, GZHAN YANG, RJE BTZUN 'JAM DBYANGS 'DI NYID KYI THABS LA MKHAS PA CHEN PO, BYANG CHUB TU SEMS BSKYED DU BCUG STE SANGS RGYAS NAS CHOS KYI 'KHOR LO BSKOR BA'I SANGS RGYAS DE DANG DE'I MTSAN RKYANG BA BRJOD KYANG BSKAL BA BAS LHAG PAR MI ZAD CING, 'JAM DPAL GYIS BYANG CHUB TU BTZUD PA'I SANGS RGYAS RNAMS KYIS, 'JAM DPAL LA DRIN GZO'I TSUL DU GDUGS SOGS BSKUR BAS STONG GSUM KHEBS PAR BYUNG, YANG LAN CIG SPRUL PA'I KHYIM BDAG CIG GIS BCOM LDAN 'DAS LA LHUNG BZED ZAS KYIS BKANG STE PHUL BA NA, 'JAM DPAL GYIS, BCOM LDAN 'DAS LA ZHAL ZAS KYI PHUNG MA STZAL BAR GSOL NA BYAS PA MI GZO BAR 'GYUR RO ZHUS BAS, 'KHOR GZHAN RNAMS 'JAM DPAL 'DIS BCOM LDAN 'DAS LA GANG DU PHAN BTAGS BSAMS PA NA, STON PA'I LHUNG

BZED 'OG TU SONG STE 'JIG RTEN GYI KHAMS GANGG'A'I BYE SNYED BDUN CU RTZA GNYIS 'DAS PA'I 'JIG RTEN DU SONG BA NA MCHOG ZUNG SOGS LA LHUNG BZED TSOL BAR BKA' STZAL PAS, 'JIG RTEN GYI KHAMS STONG PHRAG BCU GNYIS TSUN DU BTZAL KYANG MA RNYED PA DANG, 'JAM DPAL RANG LA BKA' GNANG BAS 'JAM DPAL GYIS STAN DE LA 'DUG BZHIN DU LAG PA BRKYANGS NAS LHUNG BZED BLANGS NAS PHUL LO, ,'JAM DPAL GYIS STON PA LA PHAN BTAGS TSUL DNGOS NI, SNGON DE BZHIN GSHEGS PA MI THUB RGYAL MTSAN 'JIG RTEN DU BYON PA'I TSE RJE BTZUN 'JAM DPAL DGE SLONG YE SHES RGYAL POR GYUR PAS LHUNG BZED ZAS KYIS BKANG STE BSNAMS PA LA BDAG CAG GI STON PA KHYE'U DRI MED DPUNG PAR GYUR PAS SLONGS PAS ZAS BYIN NAS, DE BZHIN GSHEGS PA MI THUB RGYAL MTSAN GYI DRUNG DU KHRID NAS SKYABS 'GRO DANG BYANG CHUB KYI SEMS BSKYED DU BCUG PAS PHAN BTAGS PA'O, ,YANG RGYAL PO MA SKYES DGRAS PHA GZUGS CAN SNYING PO BSAD, STON PA LA GLANG CHEN RBAD, DGE 'DUN PHO MO'I 'TSO BA BCAD, DGRA BCOM MA SER SKYA BZANG MO CHUNG MAR DBANG MED DU BKUG PA SOGS KYI SDIG PA CHEN PO BYAS PAS 'GYOD DE STON PA LA SDIG PA DANG 'GYOD PA SEL BAR ZHUS PAS, STON PAS RJE BTZUN 'JAM DBYANGS MA GTOGS GZHAN GYIS KHYOD KYI 'GYONG PA DANG THE TSOM SEL BAR MI NUS GSUNGS PAS, RGYAL POS 'PHAGS PA 'JAM DPAL DANG, 'OD SRUNGS GNYIS RGYAL PO'I KHAB TU GDAN 'DREN PAR MDZAD 'DOD NAS SH'A RI'I BU LA, 'PHAGS PA 'JAM DPAL LA 'KHOR DU MCHIS DRIS BAS, LNGA BRGYA'O ZER BA LA, RGYAL BOS 'JAM DPAL LA SANGS RGYAL PO'I KHAB TU GDUGS TSOD LA

, ,GSHEGS PAR CI GNANG ZHUS PAS ZHAL GYIS BZHES NAS, DE'I SROD LA SHAR PHYOGS SU, DE BZHIN GSHEGS PA BSGRAGS PA'I DPAL GYI DRUNG DU BYON TE BYANG CHUB SEMS DPA' BRGYAD KHRI NYIS STONG KHRID NAS ZHING 'DIR BYON NAS 'KHOR RNAMS LA SROD DANG, GUNG DANG, THO RANGS CHOS BSTAN TE 'JAM DPAL 'KHOR BRGYAD KHRI NYIS STONG LNGA BRGYA DANG, 'OD SRUNGS 'KHOR LNGA BRGYA DANG BCAS PA RGYAL PO'I KHAB TU GSHEGS PA NA, RGYAL POS STONG GI BSHOL GRABS LAS MA CHUD PAS RGYAL POS PA 'KHUMS PA NA GNOD SBYIN KU BE RAS LUS DNGOS SU BSTAN NAS, RGYAL BO; 'PHAGS PA 'JAM DPAL NI THABS LA MKHAS PAS ZAS GCIG GIS KYANG THAMS CAD KHYEB PAR BYED BAS MA 'KHUMS SHING CES DBUGS DBYUNG, DE NAS GDUGS TSOD LA BAB PA NA, 'KHOR 'DI DAG LA LHUNG BZED MI SNANG BAS 'BRAS CHAN GANG DU BLUGS ZER BA LA 'JAM DPAL GYIS NGA'I 'KHOR 'DI DAG NAM ZA BA NA RANG RANG GI ZHING NAS LHUNG BZED 'DIR 'ONG NGO ZHES GSUNGS MA THAG 'KHOR DE DAG RNAMS LA RANG RANG GI LAG TU LHUNG BZED BYUNG ZHING ZOS ZIN NAS LHUNG BZED RNAMS MKHA' LA 'PHAGS TE SONG, RGYAL BOS BSHAMS PA'I BZA' BTUNG RNAMS CUNG ZAD KYANG NYUNG DU MA SONG BAS THAMS CAD NGO MTSAR DU GYUR TO, ,DE NAS 'PHAGS PA 'JAM DPAL GYIS RGYAL BO LA SDIG PA DANG 'GYOD PA'I NGO BO JI LTAR 'DUG LTOS SHIG CES SOGS DON DAM LA SBYAR BA'I CHOS GSUNGS PAS RGYAL PO'I 'GYOD BA DANG THE TSOM THAMS CAD BSAL BAS, RGYAL POS 'PHAGS PA 'JAM DPAL LA YON DU RIN PO CHE'I GOS ZHIG PHUL BA NA, 'JAM DPAL MA MTHONG NAS MYA NGAN DU GYUR BA LA, SU 'DUG

'DUG LA PHUL CIG ZER BA'I SGRA ZHIG BYUNG BA NA 'OD SRUNGS SOGS LA PHUL PAS KYANG SU YANG MA MTHONG ZHING, MTHAR RANG YANG MA MTHONG BAS BDAG TU 'DU SHES PA'I RNAM RTOG DANG BRAL NA STONG NYID KYI TING NGE 'DZIN GYI NGANG DU SONG, TING NGE 'DZIN LAS LANGS PA DANG 'PHAGS PA 'JAM DPAL LA SOGS PA DNGOS SU MTHONG NGO, ,YANG, SNGON MTSAMS MED KYI LAS BYAS PA'I LAS KYI LHAG MA CUNG ZAD YOD PA LA SPYOD PA'I BYANG SEMS LNGA 'DUG PA DE DAG DMIGS PA DANG BRAL BAR BYA BA'I PHYIR, 'PHAGS PA 'JAM DPAL GYIS PHYAG G-YAS KYIS RAL GRI BLANGS PA BRDAR NAS BCOM LDAN 'DAS GA LA BA DER BRGYUGS PA DANG, BCOM LDAN 'DAS KYIS NGA NI BSAD ZIN GYIS THONGS SHIG GSUNGS PAS, DMIGS PA LA SPYOD PA'I BYANG SEMS LNGA PO NGES, BDAG TU DMIGS PA BSAD NAS MED PAR GO ,CHOS THAMS CAD SGYU MA LTA BUR RTOGS TE, 'PHAGS PA 'JAM DPAL 'DI NI THABS MKHAS PA'O ZHES SOGS KYIS BSTOD NAS NA MKHAR 'PHAGS TE, CHOS KUN SGYU MA LTA BU STE, ,YONGS SU RTOG PAS KUN NAS BSKYED, ,'DI LA GRUB PA MA MCHIS TE, ,CHOS 'DI THAMS CAD STONG PA LAGS, ,ZHES SMRAS SO, ,YANG 'PHAGS PA 'JAM DPAL GYIS STONG PA NYID LAS BRTZAMS NAS SEMS NANG NA YANG MED, PHYI ROL NA YANG MED, BAR NA YANG MED PAS, DE LA NI CI YANG GROL RGYU YANG MED, THOB PA YANG MED, MNGON PAR RTOGS PA MED DO GSUNGS PAS, DE THOS PA TZAM GYIS DGE SLONG MANG PO RNAM PAR GROL, DGE SLONG KHA CIG GIS DE'I DON LAM DAD NAS CI YANG GROL RGYU YANG MED NA'O SKOL CHOS BYAS PA LA DON MI 'DUG PAS 'DONG ZER NAS SONG NGO, ,YANG 'PHAGS PA 'JAM DPAL GYIS DE RNAMS 'DUL BA'I PHYIR

, ,SPRUL PA'I DGE SLONG CIG SBRUL TE BTANG BAS, DE RNAMS DANG LAM DU PHRAD PAS KHONG RNAMS NA RE, DGE SLONG GAR 'GRO ZER, SPRUL PA'I DGE SLONG NA RE, NGA NI 'JAM DPAL GYIS CHOS BSTAN PA LA MA MOS YID MA CHES NAS 'GRO ZER, KHONG RNAMS NA RE; NGED KYANG 'JAM DPAL GYIS CHOS BSTAN PA LA MA MOS YID MA CHES PAR 'GRO BA YIN PAS 'DONG ZER, DER SPRUL PA NA RE, KHYED KYIS 'JAM DPAL GYIS CHOS JI SKAD BSTAN PA LAM DAD ZER, GROL RGYU YANG MED, THOB RGYU YANG MED ZER NAS MA DAD ZER, SPRUL PA NA RE, 'O NA KHYED KYI RTOGS RGYU DANG GROL RGYU DE GRU BZHI'AM, ZLUM PO'AM, NAR MO LA SOGS PA DBYIBS, DKAR PO LA SOGS PA KHA DOG ,PHYI DANG NANG LA SOGS PA JI LTAR 'DUG LTOS SHIG GSUNGS PAS, KHONG RNAMS KYIS BTAGS DON BTZAL BAS MA RNYED PAS; SPRUL PA NA RE, DE LA BSAMS NAS 'JAM DPAL GYIS GROL RGYU YANG MED, THOB RGYU YANG MED MNGON PAR RTOGS RGYU YANG MED PAR GSUNGS PA YIN NO BYAS PAS DGE SLONG DE DAG THAMS CAD SEMS RNAM PAR GROL BAR GYUR TE SLAR LOG NAS 'PHAGS PA 'JAM DPAL LA BSNYEN BKUR PHUN SUM TSOGS PA BYAS PA SOGS THABS LA MKHAS PA'I MDZAD PA'I SGO NAS SEMS CAN DPAG TU MED PA'I DON MDZAD DO, ,YANG LAN CIG 'PHAGS PA 'JAM DPAL GYIS RGYAL PO GSAL RGYAL GYI BTZUN MO'I KHROD DU DBYAR GNAS PA, RGYAL BYED TSAL DU BYON PA LA, DGE SLONG 'OD SRUNGS MA RANGS BAS 'JAM DPAL LA SKROD PA'I LAS BYA BA'I PHYIR GAndI BRDUNGS PA NA, PHYOGS BCU'I ZHING THAMS CAD 'JAM DPAL GYIS GANG BAR MTHONG BA DANG, BCOM LDAN 'DAS KYIS 'ONGS SRUNGS LA, KHYOD

KYIS 'JAM DPAL GRANGS MED PA 'DI DAG GI NANG NAS GANG SKROD 'DOD GSUNGS PAS 'OD SRUNGS SKYENGS TE, GAndI BOR BAR 'DOD KYANG 'JOG MA THUB PAS SGRA RGYUN NI 'CHAD PAR BYUNG BAS, 'JAM DPAL LA BZOD BAR GSOL BA DANG GAndI BZHAG THUB BO, ,GZHAN YANG 'PHAGS PA GANG POS GCER BU PA BDEN PA PO SOGS MU STEGS BYED MANG PO BDEN PA MTHONG BA'I SNOD DU GZIGS NAS CHOS BSTAN KYANG MI NYAN ZHING MA THUL BAR LUS PA NA, 'PHAGS PA 'JAM DPAL GYIS SPRUL PA LNGA BRGYA BKYE NAS BTUL BA SOGS KYI GTAM RGYUD YOD DO, ,'O NA 'PHAGS PA 'JAM DPAL 'DI DA LTA BYANG SEMS RANG RGYUD PA YIN NAM SANGS RGYAS ZIN GANG YIN SNYAM NA, 'DI NYID SNGON DE BZHIN GSHEGS PA KLU RIGS MCHOG TU SANGS RGYAS PA DANG, MDO KHA CIG TU KLU RIGS SGRON MAR SANGS RGYAS PAR GSUNGS, GZHAN YANG, 'PHAGS PA 'JAM DPAL GYIS RAB 'BYOR LA, KHO BO NI YANG DAG PAR RDZOGS PA'I SANGS RGYAS YIN TE BYA BA'I RGYUN BCAD BA NI MA YIN NO, ,ZHES RGYU MTSAN DANG BCAS PA GSUNGS SHING, 'JAM DPAL ZHING BKOD KYI MDO LAS, 'DI NI DE BZHIN GSHEGS PA'I STOBS BCU YONGS SU RDZOGS SO, ,'DI BYANG CHUB SEMS DPA'I SA BCU YONGS SU RDZOGS SO, ,'DI SANGS RGYAS KYI SA YONGS SU RDZOGS SO, ,ZHES SOGS MANG DU GSUNGS, DE LTAR SANGS RGYAS ZIN KYANG SLAR YANG RDUL MED YANG DAG BSAGS PA ZHES BYA BA'I ZHING DU RGYAL BA KUN TU GZIGS SU 'TSANG RGYA BA'I TSUL STON TO, ,ZHING DE NI LHO PHYOGS SU 'BYUNG ZHING 'JIG RTEN GYI KHAMS MI MJED 'DI NYID KYANG ZHING DE'I KHONGS SU CHUD PAR GSUNGS, ZHING DE'I RGYA KHYON NI GANGG'A'I KLUNG DU MA'I BYE MA SNYED KYI

, ,GRANGS DANG MNYAM PA'I ZHING GI THA GRU DANG MNYAM ZHING, MTHO KHYAD SRID BA'I RTZE MO DANG MNYAM PA 'OG GZHI RIN PO CHE SNA TSOGS LAS GRUB PA, ZHING DER MI KHOM PA DANG, SDUG BSNGAL MI DGO BA'I SGRA DANG, SKYON DU 'GYUR BA'I SGRA MED CING, SGRA 'BYUNG BA RNAMS KYANG CHOS KYI SGRAR 'BYUNG, SANGS RGYAS KYI ZHING GZHAN GYI SNOD KYI YON TAN KUN 'DI'I SNOD KYI ZHING LA TSANG BA YIN LA, ZHING DE'I DBUS NA, BYANG CHUB KYI SHING STONG GSUM GYI STONG CHEN PO BCU'I 'JIG RTEN GYI KHYON DANG MNYAM PA, DE'I RTZA BAR SENG GE CHEN PO BRGYAD KYIS BTEG BA'I RIN PO CHE'I KHRI'I STENG NA RGYAL BA KUN TU GZIGS SKU MDOG GSER BTZOM LTA BU RDO RJE'I SKYIL MO KRUNG GIS BZHUGS SHING, PHYAG G-YAS SKYABS SBYIN, G-YON MNYAM GZHAG MDZAD PA, SKU'I TSAD DPAG TSAD BRGYAD KHRI BZHI STONG DANG LDAN BA, ZHING DE'I GDUL BYA RNAMS KYIS SKU BLTA BAR 'DOD TSE, KHRI'I STENG NA SKU BZHUGS PA, RANG GI MDUN DU BZHUGS PAR MTHONG BA'I MOD LA, CHOS ZHU MI DGOS PAR CHOS KYI TSIG DON MTHA' DAG KHONG DU CHUD NAS MKHAS BAR 'GYUR BA YIN, ZHING DE NA, NYAN RANG DANG, PUD MED DANG, MNGAL NAS SKYE BA MED CING, ZHE SDANG DANG, THA BA DANG 'CHAB PA MED PAR TSANGS BAR SPYOD PA'I CHA LUGS CAN, NAM MKHA' LA SKYIL MO KRUNG BCAS BA, RDZUS TE SKYE BA, SKU DPAG TSAD BZHI KHRI NYIS STONG YOD PA BYANG CHUB SEMS DPA' SHA STAG ,MNGON SHES LNGA DANG LDAN PA, BZA' BTUNG YID LA 'DOD PA'I TSE RO MCHOG DANG LDAN PA'I BZA' BTUNG GIS GANG BA'I SNOD LAG PA G-YAS PAR

'BYUNG, DE YANG GZHAN LA PUD MA PHUL BAR RANG GIS SPYOD PA TSUL MA YIN NA SNYAM NAS RDZU 'PHRUL GYIS PHYOGS BCU'I SANGS RGYAS 'KHOR DANG BCAS PA LA PHUL, PHONGS SHING SDUG BSNGAL BA DANG, YI DVAGS RNAMS TSIM PAR BYAS TE, RANG GI ZHING DU 'ONGS NAS LONGS SPYOD PAR BYED CING, DE BZHIN DU GOS DANG LONGS SPYOD GZHAN LA YANG DE LTAR BYED DO, ,DES NA SANGS RGYAS GZHAN THAMS CAD KYI MTSAN BRJOD PA LAS, 'PHAGS BA 'JAM DPAL GYI MTSAN BRJOD PA PHAN YON CHE ZHING, DE BAS KYANG RGYAL BA KUN TU GZIGS KYI MTSAN BRJOD BA PHAN YON CHE BA YIN TE, ZHING BKOD KYI MDO LAS, RIGS KYI BU DAG SANGS RGYAS BYE BA PHRAG KHRIG PHRAG 'BUM GYI MTSAN BRJOD BA BAS NI, GANG GIS 'JAM DPAL GZHON NUR GYUR BA'I MING BRJOD PA BSOD NAMS CHES MANG DU BSKYED NA, BCOM LDAN 'DAS KUN TU GZIGS KYI MTSAN BRJOD PA LTA CI SMOS, DE CI'I PHYIR ZHE NA 'JAM DPAL GZHON NUR GYUR PAS BSKAL PA RE RE ZHING, SEMS CAN GYI DON JI SNYED DU BYAS PA'I SEMS CAN GYI DON DE NI, SANGS RGYAS BYE BA PHRAG KHRIG 'BUM GYIS KYANG MA MDZAD DO, ,ZHES GSUNGS PA'I PHYIR, 'O NA; 'JIG RTEN GYI KHAMS BDE BA CAN DANG, KUN GZIGS KYI ZHING GNYIS GANG KHYAD PAR 'PHAGS NA, BDE BA CAN GYI YON TAN NI RGYA MTSO CHEN PO NAS SKRA'I RTZE MOS BLANGS PA'I CHU THIGS GCIG TZAM, KUN TU GZIGS KYI ZHING GI YON TAN NI RGYA MTSO CHEN PO'I CHU'I MANG NYUNG LTA BU YIN NO, ,'O NA; RGYAL BKUR TU GZIGS PA'I ZHING KHAMS

, ,LTA BU GZHAN YOD DAM MED SNYAM NA YOD DE, DE BZHIN GSHEGS PA KUN GZIGS KYI ZHING DANG, DE BZHIN GSHEGS PA KUN NAS 'OD ZER YON TAN RTAG TU MNGA' BA RGYA MTSO'I RGYAL PO'I ZHING SMON LAM LA RAB TU GNAS BA MNGON PAR 'PHAGS PA GNYIS LA YON TAN LHAG CHAD MED, GZHAN YANG RGYAL BA KUN TU GZIGS PA'I ZHING LAMS LTA BU YOD DE, BYANG CHUB SEMS DPA' 'OD KYI TOG DANG, BYANG CHUB SEMS DPA' YE SHES BLA MA DANG, BYANG CHUB SEMS DPA' DBANG PO ZHI BA DANG, BYANG CHUB SEMS DPA' SMON LAM BLO GROS RNAMS SANGS RGYAS PA'I SANGS RGYAS KYI ZHING YANG DE DANG 'DRA BAR 'BYUNG BAR GSUNGS PAS BYANG CHUB SEMS DPA' BRGYAD KHRI BZHI STONG GIS KYANG, 'PHAGS PA 'JAM DPAL GYI ZHING LTAR BSGRUB PA'I SMON LAM BTAB PAS, DE DAG GI NANG NAS BYANG CHUB SEMS DPA' BCU DRUG GIS 'PHAGS PA 'JAM DPAL GYI ZHING LTAR 'GRUB CING, LHAG MA RNAMS KYIS DE LTAR MI 'GRUB KYANG, BDE BA CAN LTAR 'GRUB PAR GSUNGS SO, ,'O NA, BDE BA CAN GYI GDUL BYA DANG, RGYAL BA KUN TU GZIGS PA'I GDUL BYA LA MANG NYUNG GI KHYAD PAR JI LTAR YOD NA KHYAD PAR YOD DE, BDE BA CAN NA NYAN THOS YOD CING, RGYAL BA KUN TU GZIGS BA'I ZHING KHAMS RDUL MED YANG DAG BSAGS NA, 'KHOR BYANG CHUB SEMS DPA' SHA STAG LAS NYAN RANG MED, BDE BA CAN GYI ZHING GI GDUL BYA NI RGYAL BA KUN TU GZIGS KYI ZHING GI GDUL BYA LA

LTOS NA TIL GYI RDZANG BA ZHIG GI TIL 'BRU GCIG LTA BU, RGYAL BA KUN TU GZIGS PA'I ZHING GI GDUL BYA'I GRANGS RJANG NANG GI TIL BYINGS PO TZAM GYI TSOD YIN PAR GSUNGS, GZHAN YANG RGYAL BA KUN TU GZIGS PA'I ZHING KHAMS SU SKYE BAR SMON LAM BTAB PAS, LONGS SKU DANG SPRUL SKU'I ZHING THAMS CAD DU SKYE BA'I SMON LAM BTAB BAR 'GRO ZHING, 'JAM DPAL DANG, RGYAL BA KUN TU GZIGS LA YI DAM BYAS PAS MDO SNGAGS KYI LHA TSOGS THAMS CAD LA YI DAM BYAS PAR 'GRO BAR GSUNGS SO,, DES NA ZHING DER SKYE BA'I RGYU'I GTZO BO NI, ZHING DE'I YON TAN YID LA YANG YANG SEMS PA, ,BYANG CHUB TU SEMS BSKYED PA, SPYOD PA PHYIN DRUG GI GSAL BA'I DBYE BA MTHA' DAG LA SLOB PA, 'PHAGS PA 'JAM DPAL DANG, RGYAL BA KUN TU GZIGS KYI MTSAN NAS BRJOD PA, SNGAGS BZLA BA, DE GNYIS KYI SKU BZHENG BA, DE'I GSUNG RAB 'DRI KLOG SOGS BYA BA YIN NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS KYI SKU GSUNG THUGS KYI YON TAN RNAMS BSAMS NAS DAD GUS CHEN POS GSOL BA 'DEBS PA SHIN TU GAL CHE STE, SPYIR BYANG CHUB LAM RIM LA GO BA CHAGS PA DANG, NGES SHES KHYAD PAR CAN BSKYED PA LA CHOS RAB TU RNAM 'BYED KYI SHES RAB RGYAS DGOS LA, LHAG BAR ZAB MO DBU MA'I LTA BA PHU THAG CHOD PA ZHIG RNYED PA LA SO SOR RTOG PA'I SHES RAB SHIN TU GSAL ZHING RNO BA ZHIG DGOS, SHES RAB DE LTA BU ZHIG SKYE BA LA BLA MA DANG RJE BTZUN 'JAM DPAL DBYANGS DBYER MA MCHIS PA LA GSOL BA SHUGS DRAG

, ,LA RGYUN RING BA BTAB STE SEMS RGYUD LA BYIN RLABS ZHUGS BA ZHIG DGOS ZHES MGON PO 'JAM DPAL DBYANGS KYIS RJE BDAG NYID CHEN PO LA DNGOS SU GDAMS PA LTAR YIN PAS NA RJE BTZUN 'JAM DPAL DBYANGS LA GSOL BA SHUGS DRAG 'DEBS SHING BYANG CHUB LAM GYI RIM BA'I NYAMS LEN LA 'BAD PAR BYA'O,, ` ,,ZAB MO'I DON GZIGS 'PHAGS MCHOG KLU SGRUB ZHABS, ,ZHES BSNGAGS PA DPAL MGON 'PHAGS BA KLU SGRUB NI, SNGON BSKAL BA GRANGS MED MU MED PA'I DUS NAS THUGS BSKYED, BSKAL CHEN GRANGS MED MANG POR TSOGS GNYIS BAR MA CHAD DU BSAGS, 'JIG RTEN GYI KHAMS BRJOD KYIS MI LANG BA'I YANG BRJOD KYIS MI LANG BAR SEMS CAN GRANGS MED BA'I DON MDZAD BZHIN BAS LAS, ZHING 'DIR THUB PA'I BSTAN PA SPEL BA'I SLAD DU BSAM BZHIN DU BYON BA ZHIG STE, DE YANG DPAL MGON 'PHAGS PA KLU SGRUB ZHING 'DIR BYON NAS RGYAL BA'I BSTAN PA SPEL BAR RGYAL BA RANG NYID KYIS LUNG BSTAN TE, DPAL MGON 'PHAGS PA KLU SGRUB ZHING 'DIR THUB PA'I BSTAN PA SPEL BA'I PHYIR 'BYON PA DANG JI LTAR THUGS BSKYED PA LTAR RGYAL BA MYA NGAN LAS 'DAS NAS BSTAN PA NYAMS DMAS BAR GYUR BA NA 'PHAGS PA KLU SGRUB BYON NAS BSTAN PA RGYA CHER SPEL BAR RGYAL BA NYID KYIS LUNG BSTAN PA NI, SNGON THUGS BSKYED TSUL SPRIN CHEN PO'I MDO LAS JI LTAR GSUNGS BA NI, SNGON BYUNG BA 'DAS PA'I DUS NA BSKAL BA GRANGS MED MU MED PA 'DAS PA'I SNGON ROL

TU BDAG NYID CHEN PO 'DI CHOS KYI RGYAL PO BRTZON 'GRUS CHEN PO'I KLU ZHES BYA BAR 'KHRUNGS BA'I TSE, DE BZHIN GSHEGS PA KLU RIGS SGRON MA ZHES BYA BA DANG MJAL TE, DE'I TSE DE BZHIN GSHEGS PA KLU RIGS SGRON MA LA MCHOD PA'I DNGOS PO TSAD MED PAS MCHOD CING RIN PO CHE RIN THANG MED BA SPAR BA GANG GTOR TE THUGS BSKYED DANG SMON LAM RGYA CHEN PO MDZAD CING, LHAG PAR MA 'ONGS PA'I DUS NA BCOM LDAN 'DAS SH'AKYA THUB BA'I BSTAN PA NUB PA LA THUG PA'I TSE, BDAG RAB TU BYUNG STE CHOS KYI SGRA CHEN PO LAN GSUM BSGRAGS LA DAM PA'I CHOS KYI PHYIR BDAG GI SROG KYANG 'DOR BAR GYUR CIG ,CES ZHING 'DIR STON PA'I BSTAN PA SPEL BA'I THUGS BSKYED DANG DAM BCA' MDZAD DO, ,DE LTAR THUGS BSKYED PA LTAR ZHING 'DIR STON PA THUB PA'I DBANG PO BYON PA'I TSE LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES BYA BAR 'KHRUNGS PA NA, THUB PA'I DBANG POS 'KHOR TSOGS RGYA MTSO LTA BU'I DBUS SU GZHON NU DE'I YON TAN RGYA CHER BSNGAGS SHING; RGYAL BA RANG NYID MYA NGAN LAS 'DAS PA'I 'OG TU LO BZHI BRGYA LON PA NA 'PHAGS PA KLU SGRUB TU GYUR NAS RGYAL BA'I BSTAN PA RGYAS PAR BYED PAR LUNG BSTAN, LANG KAR GSHEGS PA'I MDO LAS KYANG, LHO PHYOGS BE DA'I YUL DU NI, , DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,

, ,ZHES DANG, 'JAM DPAL RTZA RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD 'BYUNG, ,BSTAN PA LA NI DAD CING PHAN, ,RAB TU DGA' BA'I SA THOB BA, ,LO NI DRUG BRGYA DAG TU 'TSO, ,RIG PA RMA BYA CHEN MO NI, ,BDAG NYID CHEN PO DES KYANG 'GRUB, ,BSTAN BCOS SNA TSOGS DON DANG NI, ,DNGOS PO MED PA'I DON DE RIG ,GANG TSE LUS DE BOR BA NA, ,BDE BA CAN DU SKYE BAR 'GYUR, ,DE NI MTHAR GYI SANGS RGYAS NYID, ,NGES PA KHO NAR YANG DAG THOB, ,CES DANG, GSER 'OD DAM PA'I MDO LAS LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES RGYA CHER BSNGAGS PA DE YANG BDAG NYID CHEN PO 'PHAGS PA KLU SGRUB 'DI NYID YIN TE, 'PHAGS PA SPRIN CHEN PO STONG PHRAG BCU GNYIS PA'I MDO 'JUG 'GREL DU DANGS PA LAS, KUN DGA' BO, LI TZ'A BYI GZHON NU SEMS CAN THAMS CAD KYIS MTHONG NA DGA' BA ZHES BYA BA 'DI NI, DA MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS NGA'O BSTAN PA RGYAS PAR BYAS TE, MTHAR RAB TU DANG BA'I 'OD CES BYA BA'I ZHING DU DE BZHIN GSHEGS PA YE SHES 'BYUNG GNAS 'OD CES CES BYA BAR 'GYUR RO, ,ZHES GSUNGS, RDA BO CHE'I MDO LAS KYANG, LATZ'A BYI GZHON NU 'JIG RTEN THAMS CAD KYIS MTHONG NA DGA' BA 'DI STON PA 'DAS NAS LO BRGYAD CU PA LA BSTAN PA NYAMS PA'I TSE, STON PA'I MTSAN 'CHANG BA'I DGE SLONG DU GYUR NAS BSTAN PA RGYAS PAR BYAS TE LO

BRGYA LON PA'I 'OG TU 'DAS NAS BDE BA CAN DU SKYE BAR GSUNGS SO, ,DUS KYI 'KHOR LO'I RGYUD PHYI MA LAS KYANG BDAG NYID CHEN PO 'DIS BSTAN PA DANG SEMS CAN GYI DON RGYA CHEN PO BYED PAR LUNG BSTAN CING, SNGAR SMOS PA DE DAG KYANG BYUNG BA'I SNGA LTAS YIN, ZHES GSUNG HAGS PA KLU SGRUB LUNG BSTAN PA'I MDO RGYUD KYI GSUNG RAB ?BRGYA PHRAG TZAM YOD CES 'PHAGS YUL MKHAS PA RNAMS LA GTAM DU GRAGS SO, ,DPAL MGON 'PHAGS PA KLU SGRUB DUS JI TZAM LA BYON PA NI RGYAL BA MYA NGAN LAS 'DAS PA'I 'OG TU RGYAL BA'I BSTAN PA 'DZIN PA'I SKYES BU JI LTAR 'BYUNG BA RGYAL BA NYID KYI GSUNG TSAD MAR GYUR PA LAS SHES TE, SNYING RJE PAD DKAR LAS, STON PA 'DAS NAS BSTAN PA SUS 'DZIN ZHES ZHUS PA'I LAN DU, KUN DGA' BO DGE SLONG 'OD SRUNGS DANG KHYOD GNYIS KYIS LO BZHI BCU LHAG TZAM DU NGA'I DAM PA'I CHOS 'DZIN PA 'GYUR RO, ,ZHES SOGS LUNG BSTAN PA LTAR RGYAL BA MYA NGAN LAS 'DAS NAS GNAS BRTAN 'OD SRUNGS CHEN PO DANG 'PHAGS PA KUN DGA' BO DANG GNAS BRTAN NYE BAR 'KHOR GSUM GYIS RGYAL BAS GSUNGS PA'I SDE SNOD GSUM MA LUS PAR BSDUS TE BKA' BSDU DANG PO MDZAD NAS 'JIG RTEN DU RGYAL BA'I BSTAN PA MI NUB PAR DANG ZHING RGYAS PAR BYAS, DE NAS 'OD SRUNGS CHEN PO MYA NGAN LAS 'DAS NAS 'PHAGS PA KUN DGA' BOS RGYAL BA'I BSTAN PA BZUNG STE LO BZHI BCU'I RING LA RGYA CHER SPEL, DE NAS RIM GYIS LEGS MTHONG CHEN PO'I BAR BSTAN PA'I GTAD

, ,RABS BDUN GYIS RGYAL BSTAN MI NUB PAR SPEL BAR MDZAD, DE NAS RGYAL BA MYA NGAN LAS 'DAS NAS LO BRGYA LON PA TZAM NA DGE SLONG RTZING SPYOD CAN MANG PO ZHIG GIS GSER DNGUL GYI RUNG BA ZHES PA LA SOGS PA 'DUL BA'I BSLAB PA DANG 'GAL BA'I GZHI BCU DAR BA NA DKAR PHYOGS KYI LHA RNAMS KYIS RGYAL BA'I BSTAN PA LA RMA PHYUNG NGO ZHES MYA NGAN CHEN PO BYAS SHING SMRE SNGAGS BTON TE 'DZAM BU'I GLING DANG RGYAL CHEN BZHI'I LHA GNAS DANG SUM CU RTZA GSUM SOGS LHA GNAS GONG MA RNAMS SU'ANG BSGRAGS TE DKAR PHYOGS KYI LHA RNAMS MYA NGAN CHEN POR GYUR CING BDUD RIGS RNAMS DGA' BA'I CA CO SGROG BA ZHIG BYUNG BA NA SNGON GYI THUGS BSKYED DANG SMON LAM GYI MTHUS CHOS RGYAL MYA NGAN MED CES BYA BA BYON TE, CHOS RGYAL DES SBYIN BDAG BYAS, GNAS BRTAN GRANGS PA LA SOGS BA DGRA BCOM PA BDUN BRGYA TSOGS TE LOG PAR SMRA BA RNAMS BSUN PHYUNG STON PA THUGS RJE CAN DES 'DUL BA'I BSLAB KHRIMS JI LTAR BCAS PA DE KHO NA LTAR BYA BAR BSGRUBS TE BKA' BSDU GNYIS BA MDZAD, DE'I TSE DKAR PHYOGS KYI LHA RNAMS DGA' BA'I CA CO SGROG CING YID TSIM PAR GYUR, DE NAS DUS RIM GYIS SNYIGS BAR GYUR PA DANG SEMS CAN RNAMS BSOD NAMS DMAN PA'I DBANG GIS DAM PA'I CHOS 'DUL BA LA LOG PAR SMRA BA MANG DU DAR ZHING, LHAG BAR SDE PA BCO BRGYAD DU GYES TE DE DAG THAMS CAD NANG MI MTHUN PAR KHO BO CAG GI 'DI KHO NA BDEN GYI GZHAN NI GTI MUG GO ZHES

RTZOD PAS DUS 'DA' BAR GYUR CING DAM PA'I CHOS 'DUL BA LA KLOG PA THOS BSAM DANG, SPONG BA BSAM GTAN BYA BA'I TSUL RNAMS CHES CHER NYAMS SHING NYAN THOS KYI GRUB MTHA' SMRA BA MANG PO ZHIG GIS THEG CHEN GYI MDO SDE RNAMS NI RGYAL BA'I BKA' MIN NO ZHES LOG PAR SMRA PA'I GTAM RGYA CHER BSGRAGS TE RGYAL BA'I BSTAN PA CHES CHER NYAMS PA NA STON PA THUGS RJE CAN NYID KYI THUGS BSKYED DANG SMON LAM GYI MTHUS NAM ZHIG NA RGYAL PO KRI KRI'I RMI LTAS LUNG BSTAN PA'I MDO RNYED NAS BLTAS PAS, RGYAL BA 'OD SRUNGS KYIS RGYAL PO KRI KRI LA KHYOD KYI RMI LTAS DE RNAMS BCOM LDAN 'DAS SH'AKYA THUB PA'I BSTAN PA LA 'DI LTAR 'BYUNG BA'I SNGA LTAS YIN, ZHES GSUNGS SHING, RGYAL PO KRI KRI'I RMI LTAS JI LTAR BYUNG TSUL NI, MA GA DHA BZANG MO'I RTOGS PA BRJOD PA LAS, SANGS RGYAS 'OD SRUNGS KYI DUS SU DE'I SPYIN BDAG RGYAL PO KRI KRI ZHES BYA BA BYUNG BA DE'I RMI LAM DU, GLANG PO'I RGYAL PO SKAR KHUNG NAS BYUNG BA LA DE'I MJUG MA THOGS PA DANG, SKOM PAS PHYI NAS KHRON PA BSNYEGS PA DANG, PHYE BRE GANG DANG MU TIG BRE GANG 'TSONG BYED PA DANG, TZAN DAN DANG SHING PHAL PA RIN MNYAM PAR BYED PA DANG, KUN DGA' RAB BA'I ME TOG DANG 'BRAS BU PHUN SUM TSOGS PA MA BYIN PAR LEN BAS PHROGS PA DANG, GLANG PO'I PHRUG GUS SPOS KYI GLANG PO 'JIGS PAR BYED PA DANG, SPRE'U MI GTZANG BAS GOS PAS GZHAN LA SKUD PA DANG, SPRE'U RGYAL POR DBANG BSKUR BA MTHONG BA DANG, RAS YUG GCIG MI BCO BRGYAD KYIS BGOS PA LAS RE RE'I LAG TU

, ,YANG RAS YUG TSANG MA RE RE BYUNG BA DANG, SKYE BO'I TSOGS CHEN PO 'DUS NAS 'THAB RTZOD BYED PA MTHONG STE, RMI LAM BCU RMIS PAS BDAG NYES SU DOGS PAS 'JIGS TE, BCOM LDAN 'DAS 'OD SRUNG LA ZHUS SO, ,BCOM LDAN 'DAS KYIS DE DAG RGYAL PO KHYOD LA NYES DMIGS SU 'GYUR BA MA YIN GYI, MA 'ONGS PA NA TSE LO BRGYA PA'I TSE YANG DAG PAR RDZOGS PA'I SANGS RGYAS SH'AKYA THUB PA'I BSTAN PA LA MA SBYANGS PA'I DGE SLONG RNAMS KHYIM NAS BYUNG YANG GTZUG LAG KHANG DANG RNYED PA LA CHAGS PA 'BYUNG BAS, GLANG PO LUS THON NAS MJUG MA THOGS PA DE NI DE'I LTAS SO, ,SKOM PAS PHYI NAS KHRON PA BSNYEGS PA NI, GTZUG LAG KHANG NA GNAS BA LA GZHAN GYIS CHOS BSHAD PA NA NYAN PAR MI BYED PA'I LTAS SO, ,PHYE DANG MU TIG BRJE BA NI DE'I TSE NYAN THOS RNAMS BZA' BA'I CHED DU CHOS STON PA 'BYUNG BAS DE'I LTAS SO, ,TZAN DAN DANG SHING GZHAN MNYAM PAR MTHONG BA DE NI, DE'I TSE NYAN THOS RNAMS MU STEGS KYI GZHUNG DANG, SANGS RGYAS KYI BKA' MNYAM PAR 'DZIN PA 'BYUNG BAS DE'I LTAS SO, ,KUN DGA' RA BA'I ME TOG LA SOGS PA PHUN SUM TSOGS PA CHOM POS PHROGS PA NI, DE'I TSE NYAN THOS MA BSDAMS PA RNAMS DGE 'DUN GYI LONGS SPYOD KYIS KHYIM PA'I NGO BSRUNG BA 'BYUNG BAS DE'I LTAS SO, ,GLANG PO'I PHRUG GUS SPOS KYI GLANG PO 'JIGS PAR BYED PA NI, DGE SLONG SDIG CAN GYIS TSUL KHRIMS DANG LDAN PA'I DGE SLONG ZIL GYIS GNON PA 'BYUNG BAS

DE'I LTAS SO, ,MI GTZANG BAS GOS PA'I SPRE'US GZHAN LA SKUD PA NI, TSUL KHRIMS NYAMS PAS TSUL KHRIMS DANG LDAN PA LA BSKUR PA 'DEBS PAR 'GYUR BAS DE'I LTAS SO, ,SPRE'U RGYAL POR DBANG BSKUR BA NI, DE'I DUS SU RMONGS PA RNAMS RGYAL POR DBANG BSKUR BA 'BYUNG BAS DE'I LTAS SO, ,MI BCO BRGYAD KYIS RAS YUG GCIG BGOS PAS SO SO'I LAG TU MA NYAMS PAR BYUNG BA NI, SH'AKYA THUB BA'I BSTAN PA LA SDE PA BCO BRGYAD DU GYES KYANG THAMS CAD RNAM PAR GROL BA'I SKAL BA CAN YIN PAS DE'I LTAS SO, ,SKYE BO'I TSOGS 'DUS NAS 'THAB RTZOD BYED PA DE NI SH'AKYA THUB PA'I BSTAN PA RTZOD PA'I CHOS KYIS NUB PAR 'GYUR BAS DE'I LTAS SO, ,ZHES 'BYUNG NGO, ,MDO DE MTHONG NAS SDE PA BCO BRGYAD PO THAMS CAD BLO MTHUN PAR GYUR TE GNAS BRTAN SO SO'I SKAD MI 'DRA BA DANG, CHA LUGS CUNG ZAD KYI KHYAD PAR LAS, DON DU RGYAL BA'I BKA' NYID LA MTHUN ZHING THAMS CAD LAM BSLAB PA GSUM NYAMS SU BLANGS TE RNAM GROL THAR PA SGRUB PA'I 'BRAS BU CAN DU MTSUNGS PAR MTHONG NAS KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN 'PHEL BAR GYUR TE, DE LA NI BSDU BA GSUM PA ZHES GRAGS SO, ,DE NAS YANG RGYAL BSTAN RIM GYIS NYAMS DAMS SHING LHAG PAR THEG PA CHEN PO'I BSTAN PA MING TZAM YANG NUB PA LA PHYOGS PA, RGYAL BA MYA NGAN LAS 'DAS NAS LO BZHI BRGYA TZAM LON PA NA BDAG NYID CHEN PO DPAL MGON 'PHAGS PA KLU SGRUB ZHING 'DIR BYON NO, ,'PHAGS

, ,PA KLU SGRUB GANG DU 'KHRUNGS PA'I YUL NI, RGYA GAR LHO PHYOGS BEE DARGHA'I YUL TE YUL DER BRAM ZE CHEN PO ZHIG LA BU MED PA NA, RMI LAM DU BRAM ZE PA RGYAL CHOS STON DRANGS NA BU RNYED PA'I LUNG BSTAN BYUNG BAR DE LTAR BYAS PAS, BU GCIG BTZAS TE MTSAN MKHAN LA BSTAN PAS, MTSAN BZANG MOD KYI ZHAG BDUN GYI TSE LAS MED ZER BAR, THABS CI YOD DRIS PAS, BRAM ZE BRGYA LA CHOS STON DRANGS NA ZLA BA BDUN DANG, DGE SLONG BRGYA LA CHOS STON DRANGS NA LO BDUN 'TSO, DE NAS THABS MED ZER BAS, DE LTAR BYAS TE LO BDUN DU NYE BA NA, BU'I RO MTHONG BA PHA MAS MA BZOD PAS, G-YOG DANG BCAS PA 'KHYAM DU BTANG NGO, ,DE NAS RIM GYIS SONG STE KHA SARB'A nI'I ZHAL BLTAS TE, RIM GYIS DPAL N'A LANDRA'I SA RA HA'I SGO DRUNG DU SONG STE, SNYAN DNGAGS KYI RIG BYED DAG STON PA NA BRAM ZE CHEN POS RGYAL SRAS GZHON NU DE NANG DU KHRID NAS 'DIR 'ONG BA'I RGYU MTSAN GANG YIN DRIS, JI LTAR GYUR PA'I RGYU MTSAN BSHAD PAS, RAB TU 'BYUNG NUS NA THABS YOD GSUNGS PAS, PHYIS RAB TU 'BYUNG BAR KHAS BLANGS TE, TSE DPAG MED 'CHI BDAG 'JOMS PA'I DKYIL 'KHOR DU DBANG BSKUR NAS GZUNGS 'DON DU BCUG ,KHYAD PAR LO BDUN PA'I NUB MO MTSAN THOG THAG BTON PAS, 'CHI BDAG GI CHAD PA LAS GROL, LO BRGYAD LON PA NA RAB TU BYUNG NAS, SHES BYA RIG PA'I GNAS RNAMS DANG, THEG PA CHE CHUNG

THAMS CAD LA MKHAS PAR SBYANGS SO, ,PHYIS PHA MA DANG MJAL ZHING BRAM ZE CHEN PO DE NYID LAS DPAL GSANG BA 'DUS PA LA SOGS PA'I GSANG SNGAGS KYI CHOS MANG DU ZHUS PAS, RGYUD DANG SNYAN RGYUD KYI GDAMS PA DANG RJES SU BSTAN PA MA LUS PA GNANG ZHING, DE NYID LA MKHAN PO ZHUS TE BSNYEN PAR RDZOGS PAR MDZAD DE, MTSAN DGE SLONG DPAL LDAN ZHES GRAGS SO, ,DE LTAR N'A LANDRAR SDE SNOD GSUM DANG RGYUD SDE BZHI'I BSHAD SROL GANG YOD PA RNAMS GSAN ZHING, GTZO BOR NI TSE RABS THAMS CAD DU RJE BTZUN 'JAM DPAL DBYANGS KYIS RJES SU BZUNG BA YIN PAS RJE BTZUN 'JAM DBYANGS LHA'I BU'I TSUL BZUNG BA BYANG SEMS BLO GROS RIN CHEN LA MDO DANG SNGAGS KYI DAM PA'I CHOS MA LUS PA GSAN TE, STON PA SH'AKYA'I RGYAL PO ZHING 'DIR BYON NAS MDO SNGAGS KYI CHOS JI SNYED GSUNGS PA'I GSANG BA'I GNAS THAMS CAD THUGS LA CHUD PAR MDZAD DO, ,DE'I TSE MU GE CHEN PO ZHIG BYUNG NAS N'A LANDRA'I DGE 'DUN RNAMS 'TSO BAS PHONGS PAR GYUR PA NA GNAS BRTAN SGRA GCAN 'DZIN BZANG POS DPAL MGON 'PHAGS PA KLU SGRUB LA N'A LANDRA'I ZHAL TA PA MDZAD NAS DGE 'DUN RNAMS SKYONG DGOS PAR BSKUL BA NA, DPAL MGON 'PHAGS PA KLU SGRUB KYIS KYANG DE LTAR MDZAD PAR ZHAL GYIS BZHES TE GLING BAR NAS GSER 'GYUR GYI RTZI BZHES NAS ZANGS MANG PO GSER DU BSGYUR TE MU GE MED PA'I SA NAS 'BRAS DANG NAS LA SOGS PA 'TSO BA'I YO BYAD THAMS CAD DRANGS

, ,TE LO BCU GNYIS KYI BAR DU DGE 'DUN RNAMS 'TSO BAS PHONGS PA MED PAR MJAD, DE NAS BSLAB KHRIMS 'CHAL PAR SPYOD PA MANG PO ZHIG GIS SA'I STENG KHYAB STE RGYAL BA'I BSTAN PA'I NANG MDZOD 'DUL BA CHOS CHER NYAMS PAR BYAS PA THUGS KYIS MA BZOD NAS BSLAB KHRIMS 'CHAL PAR SPYOD PA STONG PHRAG MANG PO GNAS NAS PHYUNG, SKAL BA DANG LDAN PA RNAMS LA SDE SNOD GSUM GYI CHOS RGYA CHER BSTAN CING LHAG PAR DAM PA'I CHOS 'DUL BA RGYA CHER BSGRAGS TE SNGON STON PA THUB PA'I DBANG POS W'A RA n'A SIR BKA' DANG PO BDEN PA BZHI'I CHOS 'KHOR BSKOR BA DANG MTSUNGS PA LTA BU ZHIG MDZAD PAS, MDZAD PA DE LA SNGON GYI MKHAS PA RNAMS KYIS 'PHAGS PA KLU SGRUB KYIS DAM PA'I CHOS KYI SGRA CHEN PO LAN GSUM BSGRAGS PA'I NANG NAS DANG PO DAM BA'I CHOS 'DUL BA NYAMS PA GSOS TE 'DUL BA'I CHOS RGYA CHER BSGRAGS PA ZHES GTAM DU GRAGS SO, ,DE'I TSE BDUD SDIG TO CAN GYIS BYIN GYIS BRLABS PA DGE SLONG BDE BYED CES PAS THEG PA CHEN PO BSUN 'BYIN PA'I BSTAN BCOS GLEGS BAM MANG PO BRTZAMS TE THEG PA CHEN PO'I LTA SPYOD GNYIS KA BSUN 'BYIN PA ZHIG BYUNG BA NA, BDAG NYID CHEN PO 'PHAGS PA KLU SGRUB KYIS LOG PAR SMRA BA DE'I GNYEN POR CHOS RGYA CHER GSUNGS TE LTA BA LOG PA DE RNAMS BSUN PHYUNG, SKAL BA DANG LDAN PA MTHA' YAS PA LA SDE SNOD GSUM GYI CHOS RGYA CHER STON PAR MDZAD PA DE'I TSE BYIS PA GNYIS CHOS NYAN DU 'ONGS PA'I DRI ZHIM POS 'KHOR KUN TU KHYAB

PAR GYUR CING, SONG BA DANG DRI ZHIM PO DE MED PAR GYUR PA DANG, DE'I RGYU MTSAN DRIS PAS DE DAG NA RE NGED KLU'I RGYAL PO 'JOG PA'I BU YIN, MI YUL DU 'GRO BA LA TZAN DAN GOR SHIRshA'I BSRUNG BA BYAS PA YIN ZER RO, ,TZAN DAN DE BLANG DU YOD DAM DRIS PAS, YAB LA 'DRI YIS ZER NAS DRIS PAS, SLOB DPON KLU'I YUL DU 'BYON NA 'BUL ZER BA NA SLOB DPON GYIS KLU'I YUL DU GDUL BYA MTHA' YAS PA LA DGE BA'I RTZA BA BSKYED PA DANG, SHES RAB KYI PHA ROL TU PHYIN PA STONG PHRAG BRGYA PA GDAN DRANG BA SOGS DGOS PA MANG PO ZHIG NYE BAR GZIGS NAS 'BYON PAR ZHAL GYIS BZHES TE KLU'I YUL DU BYON, KLU'I RGYAL PO 'JOG PO LA SOGS PA KLU RGYAL MTHU BO CHE RNAMS KYIS GTZOS DKAR PHYOGS KYI KLU BGRANG BA LAS 'DAS PAS MCHOD PA'I DNGOS PO TSAD MED PAS MCHOD DE CHOS STON PAR GSOL BA BTAB PA NA BDAG NYID CHEN PO 'PHAGS PA KLU SGRUB KYIS KLU'I RGYAL PO 'KHOR DANG BCAS PA LA CHOS BSTAN, KLU RNAMS KYIS BZHUGS PAR ZHUS PAS, NGA MCHOD RTEN BYE BA BZHENG BA'I 'DAM TSOL BA DANG 'BUM GDAN 'DREN DU 'ONGS KYI BSDAD MI KHOM PHYIS 'ONG SRID GSUNGS TE, KLU'I 'DAM MANG PO DANG, SHES RAB KYI PHA ROL TU PHYIN PA STONG PHRAG BRGYA PA DANG, GZUNGS MANG PO SPYAN DRANGS TE 'DZAM BU'I GLING DU BYON, DE'I TSE KLU RNAMS KYIS SLOB DPON SLAR YANG KLU'I YUL DU NGES PAR 'BYON DGOS ZHES GTA' MA LTA BUR

, ,'BUM GYI GSHAM NAS BAG TZAM MA BSKUR CES GRAGS TE KLU YUL NAS SPYAN DRANGS PA'I YUM RGYAS PA LA RTAG TU DU'I LE'U DANG CHOS 'PHAGS KYI LE'U RNAMS MA BYUNG BAS BRGYAD STONG PA'I GSHAM GYI LE'U GNYIS PO DE YUM RGYAS PA'I GSHAM DU SBYAR TE LE'U GNYIS PO DE YUM RGYAS BSDUS LA KHYAD GANG YANG MED DO, ,DE NAS SLOB DPON KLU SGRUB KYIS KLU YUL NAS BZHES PA'I 'DAM DES MCHOD RTEN BYE BA LA SOGS PA BYAS, KLU RNAMS KYIS GROGS BYAS PAS, DE NAS KLU SGRUB TU MTSAN CHAGS, DE NAS LI KHA RA SHING 'PHEL DU PHEBS, GSER 'GYUR MDZAD DE SBYIN PA RGYA CHEN PO MDZAD NAS, BRAM ZE RGAN PO BZA' MI GNYIS LA GSER MANG PO GNANG BAS DAD DE, RGAN POS NYE GNAS BYAS CHOS MNYAN TE SHI NAS SLOB DPON KLU'I BYANG CHUB TU GYUR TO, ,GZHAN YANG LHA KHANG MANG PO BZHENGS SHING, DRIL BU LTA BU'I BRAG GSER DU BSGYUR BAR RTZOM PA'I TSE SGROL MA'I SPRUL PA RGAN MO'I RNAM PA CAN CIG GIS, DE BAS MCHOG BSGRUBS NA DON CHE BAS DPAL GYI RI LA SGRUB PA GYIS SHIG GSUNGS TE, DER SGROL MA'I SGRUB THABS KYANG MDZAD DO, ,DE NAS SLOB DPON KLU SGRUB KYIS RGYA GAR YUL DBUS KYI GRONG KHYER CHEN PO DRUG GIS GTZOS PHYOGS THAMS CAD DU GTZUG LAG KHANG DANG MCHOD RTEN MANG DU BRTZIGS, CHOS SMRA BA RNAMS LA MCHOD GZHI MANG DU GTZUGS, 'DZAM BU'I GLING GI RGYAL BA'I BSTAN PA LA ZHUGS NAS CHOS DON DU GNYER BA PHAL MO CHE 'DUS PA LA DAM PA'I CHOS

RGYA CHER STZAL, KHYAD PAR DU YANG RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES SHER PHYIN GYI MDO SDE RIN PO CHE'I DON CHOS RNAMS KYI GNAS LUGS STONG PA NYID NI SHIN TU RTOGS PAR DKA' BAS 'KHRUL MED DU RTOGS PA SRID MTHA' TZAM DU SNANG BA DANG, PHAL MO CHE NI THOS PA TZAM GYIS SKRAG STE SPONG BA DANG, 'GA' ZHIG NI MOS BLO BYED KYANG RANG BZHIN GYIS MED PA'I DON GTAN NAS MED PA'I DON DU BZUNG STE CHAD MTHAR LHUNG NAS PHUNG BAR 'GYUR BA DANG, STONG PA NYID KYI DON MA RTOGS NA THAR PA DANG THAMS CAD MKHYEN PA GANG GI'ANG LAM BGROD PA'I THABS MED PAR GZIGS NAS THUGS SNYING RJE CHEN POS RANG DBANG MED PAR BSKUL TE CHOS RNAMS KYI GNAS LUGS RTEN CING 'BREL PAR 'BYUNG BA DON DAM PAR RANG BZHIN GYIS GRUB PA RDUL TZAM YANG MED PA DANG, THA SNYAD DU DKAR NAG GI LAS 'BRAS NAM YANG BSLU BA MED PAR NGES PA GNYIS 'GAL MED DU RTOGS PA DBU MA'I LAM BZANG PO RGYA CHER BSGRAGS TE, GANG GIS RTEN CING 'BREL PAR 'BYUNG, ,ZHES SOGS DBU MA RTZA BA'I TSIG LE'UR BYAS PA DANG, DE'I YAN LAG GI RIGS TSOGS RNAMS MDZAD DE SNGON STON PA THUB PA'I DBANG POS BYA RGOD PHUNG PO'I RIR SHER PHYIN GYI MDO SDE RIN PO CHE BKA' STZAL PA JI LTA BAR 'DZAM BU'I GLING DU SHER PHYIN GYI MDO SDE RIN PO CHE'I DON CHES CHER GSAL BAR MDZAD DE THEG PA CHEN PO'I CHOS KYI SGRA BSGRAG PAR

, ,MDZAD DO, ,DE LA NI BDAG NYID CHEN PO KLU SGRUB KYIS 'DZAM BU'I GLING DU CHOS KYI SGRA CHEN PO LAN GSUM BSGRAGS PA'I NANG NAS CHOS KYI SGRA CHEN PO BSGRAGS PA GNYIS PA ZHES MKHAS PA RNAMS LA GTAM DU GRAGS SO; ;DE NAS GDUL BYA MANG PO ZHIG GI DON LA DGONGS TE BYANG SGRA MI SNYAN DU 'BYON PAR BZHED NAS BYON PA'I LAM KHAR BYIS PA CIG DZE TA KA'I LAG RIS LAS RGYAL POR LUNG BSTAN NAS SGRA MI SNYAN DU PHEBS, DER NA BZA' SHING LA BKAL NAS KHRUS MDZAD PAS, DE GZHAN GYIS KHYER BA LA NGA YI YIN GSUNGS PAS NGA BDAG CAN ZER, DE NAS SGRA MI SNYAN DU GDUL BYA'I DON MDZAD NAS TSUR PHEBS TSE SNGAR RGYAL POR LUNG BSTAN PA'I BYIS PA DE RGYAL POR GYUR PA RGYAL PO BDE SPYOD BZANG PO'I MCHOD GNAS SU LO GSUM BZHUGS TE DAM PA'I CHOS RGYA CHER STON PAR MDZAD, DE NAS RJE BTZUN MA SGROL MAS BSKUL BA LTAR LHO PHYOGS DPAL GYI RIL BYON TE GTZO BOR SGRUB PA SNYING POR MDZAD CING SRAS KYI THU BO A'ARYA DE WA DANG SANGS RGYAS BSKYANGS LA SOGS PA BSTAN 'DZIN CHEN PO MANG POS GTZOS MI DANG MI MIN GYI GDUL BYA MTHA' YAS PA LA DAM PA'I CHOS RGYA CHER STZAL TE RGYAL BA RANG NYID SLAR 'JIG RTEN DU BYON PA LTA BUR BSTAN PA CHES CHER RGYAS PAR MDZAD, RGYAL BA'I BSTAN PA NAM YANG MI NUB PAR YUN RING DU GNAS PA'I PHYIR RDO RJE GDAN LA RDO'I DRA MIG GI RA BA DANG, MCHOD RTEN BRGYA PHRAG MANG PO DANG, DPAL LDAN 'BRAS SPUNGS KYI BKOD PA CHEN PO DANG, DGE 'DUN GYI SDE RNAMS LA MCHOD GZHI MANG PO BTZUGS,

NAG PO CHEN PO LA SOGS PA CHOS SKYONG RNAMS LA 'PHRIN LAS BCOL, TZAndI KA DANG NOR RGYUN MA LA SOGS PA NOR LHA MANG PO LA RGYAL BA'I BSTAN PA BSTAN 'DZIN DANG BCAS PA LA MCHOD CING BSNYEN BKUR BYA BAR BSKOS TE RGYAL PA'I BSTAN PA SGO KUN NAS 'PHEL BAR MDZAD, SKU TSE'I SMAD LA GTZO CHER, LHO PHYOGS DPAL GYI RI LA BZHUGS SHING RGYAL BA RANG NYID SLAR BYON PA LTAR MDO SNGAGS GNYIS KA'I CHOS KYI 'KHOR LO RGYA CHER BSKOR, LHAG PAR CHOS DBYINGS BSTOD PA SOGS MDZAD NAS CHOS KYI SGRA CHEN PO GSUM PA BSGRAGS TE SNGON RGYAL BAS CHOS KYI 'KHOR LO BSKOR BA DANG MTHUN PAR GDUL BYA BGRANG BA LAS 'DAS PA THEG PA CHEN PO'I LAM LA 'KHRID PAR MDZAD CING, RGYAL BAS GSUNGS PA'I NGES DON GYI MDO RNAMS SUS KYANG DON GZHAN DU BSGYUR MI THUB PAR NGES PA BRTAN PAR MDZAD DO, ,PHYI RABS KYI GDUL BYA RNAMS KYI DON DU SDE SNOD GSUM DANG RGYUD SDE BZHI'I DGONGS PA 'GREL BA'I BSTAN BCOS MANG DU MDZAD PA NI 'DI LTAR, RGYAL BA'I BSTAN PA YONGS SU RDZOGS PA'I SNYING PO THEG PA CHEN PO'I LAM GYI LUS YONGS SU RDZOGS PA BYANG CHUB LAM GYI RIM PA RIGS PA'I LAM NAS DRANGS TE STON PA RIN PO CHE'I PHRENG BA DANG, DE NYID LUNG GIS BSGRUB PA MDO SDE KUN LAS BTUS PA MDZAD, LAM GYI RIM PA'I GNAD MTHA' DAG RGYAL BA'I BKA' DANG SBYAR TE STON PA LA, SA LU LJANG PA'I MDO 'GREL DANG, RJE BTZUN 'JAM DPAL GYI DON DAM PA'I BSTOD PA SOGS BSTOD TSOGS DANG, DPAL GSANG BA 'DUS PA'I SGRUB THABS MDOR BYAS PA, SGRUB THABS

, ,MDO DANG BSRES PA, BYANG CHUB SEMS 'GREL, RDZOGS RIM RIM PA LNGA PA, DBU MA RTZA BA'I TSIG LE'UR BYAS PA SHES RAB CES BYA BA, RIGS PA DRUG CU PA, ZHIB MO RNAM 'THAG, STONG NYID BDUN CU PA, RTZOD PA BZLOG PA'I TSIG LE'UR BYAS PA, BSHES PA'I SPRING YIG, SHES RAB BRGYA PA, SEMS CAN MGU BAR BYA BA'I TSIGS SU BCAD PA BCU GCIG PA, SBOM PO'I LTUNG BA BRGYAD PA, 'PHAGS PA BZANG PO SPYOD PA'I SMON LAM GYI BSHAD SBYAR, RMI LAM YID BZHIN NOR BU'I GTAM, SBYIN PA'I GTAM, SRID PA LAS 'DAS PA'I GTAM, SBYOR BA BRGYAD PA, LUGS KYI BSTAN BCOS SHES RAB SDONG BU, LUGS KYI BSTAN BCOS SKYE BO SO THIGS SOGS MDO RGYUD KYI DGONGS 'GREL DANG, MDO SNGAGS KYI LAM GYI RIM PA DANG, RGYUD SDE BZHI NAS GSUNGS PA'I LHA MANG PO'I SGRUB THABS SOGS BSTAN BCOS MANG DU MDZAD DO, ,DE LTAR BDAG NYID CHEN PO 'PHAGS PA KLU SGRUB KYIS RGYAL BA'I BSTAN PA LA BYA BA RGYA CHER MDZAD PA NA BDUD SDIG TO CAN DPUNG DANG BCAS PAS PHRAG DOG GIS MA BZOD PAR YOD PA LA, THABS GZHAN MA RNYED PAR, RGYAL PO BDE SPYOD KYI BTZUN MO'I MNGAL DU ZHUGS PA PHYIR BTZAS PAS RGYAL BU GZHON NU NUS LDAN DU GRAGS PA LA, MAS GOS SRUBS MED PA 'JIG RTEN NA RNYED PAR DKA' BA ZHIG BYIN PAS, BU NA RE, 'DI DA LTA SPOS LA NGA RGYAL SRID SKYONG BA NA BGO BAR BYA'O ZHES ZER BAR, MAS KHYOD KYI PHA SLOB DPON KLU SGRUB DANG TSE MNYAM PA'I BCUD LEN GRUB PAS SLOB DPON MA GRONGS BAR DU MI

'CHI BAS, KHYOD RGYAL SRID SKYONG BA MI YONG ZER BAS, PU MYA NGAN SKYES TE DUS PA DANG, MA NA RE, DU MI DGOS KYIS SLOB DPON BYANG CHUB SEMS DPA'I SPYOD PA RLABS PO CHE LA GNAS PAS, DBU BSLANG NA STER BAR 'GYUR ZHING, DER YAB KYANG 'GUM PAS KHYOD KYIS RGYAL SRID THOB PAR 'GYUR RO ZER, DE NAS RGYAL BUS SLOB DPON GYI DRUNG DU PHYIN NAS DBU BSLANGS BAS, BDAG NYID CHEN PO 'PHAGS PA KLU SGRUB KYIS 'DI LTAR DGONGS TE SNGON STON PA THUGS RJE CAN GYIS SLOB PA LAM GYI GNAS SKABS SU DBU SBYIN PAR BTANG BA SOGS BYA DKA' BA'I RGYAL SRAS KYI SPYOD PA MDZAD PA DE LTAR DU NGAS KYANG STON PA'I RNAM THAR BSKYANG BA DANG, BDUD SDIG TO CAN SPA BKONG BAR BYA BA DANG, PHYI MA'I SKYE BO RNAMS LA SNANG BAR BYA BA DANG, RGYAL SRAS RNAMS LA SNYING STOBS BSKYED PAR BYA BA'I PHYIR SPYIN BAR BYA'O SNYAM DU DGONGS NAS DBU STER BAR ZHAL GYIS BZHES PAS, RAL GRIS DBU BCAD KYANG MCHOD PAR, SLOB DPON GYI ZHAL NAS, NGAS SNGON 'JAG MA ZHIG BCAD PA'I ZHAR LA 'BU GCIG GI SKE GCAD PA'I NYES PA YOD PAS RTZVA KU SHAS CHOD CIG GSUNGS NAS BCAD PAS CHOD, DE'I TSE KHRAG 'O MAR BYUNG ZHING DBU DE'I ZHAL NAS, NGA NI 'DI NAS BDE BA CAN DU 'GRO, PHYI NAS LUS 'DI LA NI 'JUG PAR GYUR, CES PA'I TSIG BYUNG BAR GRAGS, DE NAS RGYAL PU DES DBU SLAR 'BYAR GYIS DOGS NAS DPAG TSAD TZAM DU DOR BA SLOB DPON BCUD LEN GRUB PAS SKU LUS DANG DBU RDO RU GYUR CING SLAR RIM GYIS DBU DANG SKU LUS GNYIS KA MA NYAMS PAR LO RE BZHIN JE NYE JE NYER SONG NAS MTHAR

, ,DBU DANG SKU LUS 'BYAR NAS SLOB DPON RANG NYID ZHAL BZHUGS DUS LTAR BSTAN PA DANG 'GRO BA'I DON RGYA CHAR MDZAD PAR GSUNGS SO, ,BDAG NYID CHEN PO 'DI NI SNGON YUN RING PO NAS SA'I DBANG PHYUG TU GSHEGS PA ZHIG YIN PAS DBU SBYIN PAR GTONG BA LA YANG BA MED PAR DGA' BZHIN SPRO BZHIN DU GTONG BAR MDZAD PA NI SA THOB PA'I RTAGS STON PAR MDZAD PA STE, DBU MA LA 'JUG PA LAS, JI LTAR BYIN CIG CES SGRA THOS BSAMS LAS, RGYAL SRAS BDE 'BYUNG DE LTAR THUB RNAMS LA, ,ZHI BAR ZHUGS PAS BDE BA BYED MIN NA, ,THAMS CAD BTANG BAS LTA ZHIG SMOS CI DGOS, ,ZHES SA THOB NAS DBU SBYIN PAR GTONG BA LA SDUG BSNGAL MED PAR MA ZAD DGE SLONG BSAM GTAN DANG PO LA MNYAM BAR BZHAG PA'I BDE BA LAS KYANG LHAG PA'I DGA' BA DANG BDE BA BSKYED PAR GSUNGS PA LTAR RO, ,'PHAGS PA KLU SGRUB NI SA THOB PAR RGYAL BAS MDO SDE NAS GSAL BAR GSUNGS SHING YONGS SU GRAGS PA LTAR YIN LA, DE YANG THUN MONG BA'I SNANG NGOR DPAL GYI RI LA LO NYIS BRGYA'I BAR DU SGRUB BA MDZAD NAS SA LAM GONG NAS GONG DU BGROD DES BDUN PA THOB PAR GRAGS SHING, SA DANG PO THOB PA NAS BZUNG 'JIG RTEN GYI KHAMS BRGYAR SPRUL PA'I BKOD PA BRGYA STON PA DANG, SANGS RGYAS BRGYA LA SKU'I BKOD PA BRGYAS DUS GCIG TU CHOS MNYAN PA SOGS YON TAN BRGYA PHRAG BCU GNYIS THOB CING, YON TAN DE DAG SA GNYIS PA NAS BZUNG GONG 'PHEL DU 'GRO BAR GSUNGS PAS BSAM GYIS MI KHYAB BA'I YON TAN DANG

LDAN PA YIN ZHING, THUN MONG MIN PAR NI SGRON GSAL LAS DE LTAR SLOB DPON CHEN PO DPAL KLU SGRUB KYI ZHAL SNGA NAS KYIS NYID KYI DON RJES SU BRNYES NAS, SO SOR RANG RIG BA RDO RJE 'DZIN PA CHEN PO'I TING NGE 'DZIN 'JIG RTEN DU BSTAN NAS, LHA DANG MI'I BDE BA LAS 'DAS SHING, MU STEGS DANG NYAN THOS DANG RANG SANGS RGYAS KYI BSAM GTAN DANG SNYOMS PAR 'JUG PA'I BDE BA LAS 'DAS NAS, SKYE BA DANG 'GAG PA DANG BRAL BA'I DE BZHIN GSHEGS PA'I SKU, RNAM PA THAMS CAD KYI MCHOG DANG LDAN PA, SKU LTA BAS CHOG MI SHES PA STOBS BCU DANG MI 'JIGS PA LA SOGS PA SANGS RGYAS KYI YON TAN RNAMS KYIS BRGYAN BA BRNYES NAS BDE BA CAN DU GSHEGS TE, YON TAN GYI DBANG PHYUG BRGYAD DANG LDAN PAS BZHUGS SO, , ZHES 'PHAGS PA KLU SGRUB KYIS SKU TSE DE LA GSANG BA 'DUS PA'I LAM LA BRTEN NAS ZUNG 'JUG RDO RJE 'CHANG GI GO 'PHANG BRNYES PAR GSUNGS SO, ,DPAL MGON 'PHAGS PA KLU SGRUB KYIS RGYAL BAS GSUNGS PA'I CHOS PHUNG BRGYAD KHRI BZHI STONG GI DRANG NGES DRI MA MED PA'I RIGS PAS LEGS PAR PHYE NAS RGYAL PA'I DGONGS PA 'KHRUL MED DU GTAN LA PHAB PA'I LAM SROL DE NYID 'DZIN CING SPEL BAR BYED BA'I THUGS SRAS BSTAN 'DZIN DAM PA MTHA' YAS PA ZHIG BYON ZHING, THAMS CAD KYI NANG NAS GTZO BOR GYUR PA THUGS SRAS BZHI, NYE BA'I THUGS SRAS GSUM STE BDUN DU GRAGS TE, SLOB DPON KLU SGRUB KYI THUGS SRAS BZHI NI, 'JAM DPAL ZHAL MTHONG SH'AKYA MI TRA, SGROL MA'I ZHAL MTHONG N'A GA BO DHI, SA BRGYAD

, ,NON PA A'ARYA DE WA, SPYAN RAS GZIGS ZHAL MTHONG MA TANGKI PA BZHI'O,, NYE BA'I THUGS SRAS GSUM NI, SANGS RGYAS BSKYANGS, LEGS LDAN 'BYED, SLOB DPON DPA' BO GSUM ZHES 'BYUNG NGO, ,DE DAG GI NANG NAS KYANG ZLA DANG BRAL BA NI SLOB DPON A'ARYA DE WA STE, SLOB DPON A'ARYA DE WA NI MDO SNGAGS GANG GI THAD LA'ANG 'KHRUL PA'I DRI MA PHRA MO'ANG MED PAR SLOB DPON KLU SGRUB KYI DGONGS PA JI BZHIN DU GTAN LA 'BEBS PA'I BSTAN BCOS MANG DU MDZAD PA PO STE, SLOB DPON A'ARYA DE WAS SLOB DPON KLU SGRUB KYI DGONGS PA LTAR ZAB PA DANG RGYA CHE BA'I LAM GYI RIM PA YONGS SU RDZOGS PA DRI MA MED PA'I RIGS PA'I LAM NAS DRANGS TE STON PA'I BSTAN BCOS BZHI BRGYA PA DANG, DPAL GSANG BA 'DUS PA GTZO BOR BYAS PA'I BLA MED KYI LAM RIM GNYIS KYI GNAD MTHAR THUG PA RNAMS STON PA'I GZHUNG SPYOD BSDUS SGRON MDZAD CING GZHAN YANG BSTAN BCOS MANG DU MDZAD DO, ,'PHAGS YUL GYI MKHAS PA THAMS CAD SLOB DPON KLU SGRUB YAB SRAS ZHES 'PHAGS PA KLU SGRUB DANG 'PHAGS PA LHA GNYIS LA RNAM PA KUN TU TSAD MAR 'DZIN CING SNGON GYI DBU MA PA RNAMS SLOB DPON 'DI GNYIS LA GZHUNG PHYI MO'I DBU MA PA ZHES KHUNGS MTHAR THUG TU BYED DO, ,SLOB DPON SH'AKYA MI TRAS RIM LNGA'I RIM PA GNYIS PA'I STOD RNAMS SLOB DPON KLU SGRUB NYID KYIS RJES SU GNANG BA BYIN NAS BRTZAMS BAR GRAGS SHING, 'DIS MDZAD PA'I BRTZAM CHOS GZHAN MI SNANG YANG SLOB DPON 'DIS SKAL BA DANG LDAN PA MANG PO LA 'PHAGS PA KLU SGRUB

KYI LUGS BZANG RGYA CHER SPEL BAR MDZAD DO, ,NA GA BO DHI ZHES PA SLOB DPON KLU'I BYANG CHUB NI 'PHAGS PA KLU SGRUB KYI MAN NGAG LA BRTEN NAS 'JA' LUS RDO RJE'I SKU BRNYES TE DPAL GYI RI SOGS GRUB PA'I GNAS RNAMS SU BZHUGS NAS DPA' BO DANG MKHA' 'GRO BGRANG BA LAS 'DAS PA DAG DANG SKAL BA DANG LDAN PA'I MI DAG KYANG RJES SU 'DZIN PAR MDZAD DO, BKA' GDAMS GONG MA'I DUS SLOB DPON 'DIS BKA' GDAMS KYI BSHES GNYEN CHEN PO MANG PO LA ZHAL BSTAN NAS GDAMS PA DANG RJES SU BSTAN PA MANG DU STZAL BA'I RNAM THAR SNANG ZHING, GRUB CHEN CHOS RDO RJE DANG YANG DANG YANG DU 'TSOGS TE RDO RJE THEG PA'I BKA' BGRO BAR MDZAD PA DANG, PAn CHEN BLO BZANG CHOS KYI RGYAL MTSAN GYIS BKRA SHIS LHUN PO'I DBEN 'DUMS MCHOD RTEN BZHENGS NAS RAB GNAS MDZAD PA'I TSE SLOB DPON KLU'I BYANG CHUB DANG GRUB CHEN CHOS RDO RJE GNYIS DNGOS SU PHEBS TE MCHOD RTEN GYI RTZE MOR LHAN DU BZHUGS NAS RAB GNAS MDZAD CING, PAn CHEN BLO BZANG CHOS KYI RGYAL MTSAN LA GDAMS PA DANG RJES SU BSTAN PA YANG STZAL TO, ,SLOB DPON 'DIS DPAL GSANG BA 'DUS PA'I DKYIL 'KHOR GYI CHO GA DANG, SKU GSUM LAM KHYER GYI NGO SPROD CHES KHYAD PAR DU 'PHAGS PA RNAM GZHAG RIM PA ZHES BYA BA'I BSTAN BCOS MDZAD CING, GZHAN YANG MANG DU MDZAD DO, ,MA TANGKI PAS NI 'PHAGS PA KLU SGRUB KYI SNYAN RGYUD KYI MAN NGAG RNAMS GRUB CHEN TEE LO PA LA YONGS SU RDZOGS PA GNANG ZHING SKAL BA DANG LDAN PA GZHAN MANG PO LA YANG RGYA CHER SPEL LO, ,SLOB

, ,DPON SANGS RGYAS BSKYANGS NI LHO PHYOGS TAMBA LA'I YUL GYI BYE BRAG NGANG PAS RTZE BA ZHES BYA BAR SKU 'KHRUNGS, RGYAL BA'I BSTAN PA LA ZHUGS NAS RAB TU BYUNG ZHING BSNYEN PAR RDZOGS TE SDE SNOD GSUM DANG RGYUD SDE BZHI LA SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS LA BSNYEN TE MDO SNGAGS KYI MAN NGAG RNAMS GSAN, SGRUB PA LHUR MDZAD PAS RJE BTZUN 'JAM PA'I DBYANGS DNGOS SU GRUB CING, LAM RIM GYIS BGROD DE GRUB PA'I GO 'PHANG MTHON POR GSHEGS NAS BSTAN PA'I DON DU 'PHAGS PA KLU SGRUB KYI DGONGS ZAB MTHAR THUG PA ZAB MO RTEN CING 'BREL PAR 'BYUNG BA'I TSUL RIGS PA'I RNAM 'GYUR BRGYA PHRAG MANG POS GSAL BAR BYED PA DBU MA RTZA SHE'I 'GREL PA MDZAD DE, DE LA NI RTZA SHE'I 'GREL PA BUDDHA B'A LI TA ZHES YONGS SU GRAGS TE, RTZA SHE'I 'GREL BA JI SNYED MCHIS BA THAMS CAD KYI NANG NAS RGYAL MTSAN GYI TOG LTAR CHES KHYAD PAR DU 'PHAGS PA ZHIG YIN PAR SLOB DPON ZLA BA GRAGS PA DANG RJE BDAG NYID CHEN POS RGYA CHER BSNGAGS PA MDZAD DO, ,SLOB DPON 'DIS GZHAN YANG MDO RGYUD KYI DGONGS PA 'GREL BA'I BSTAN BCOS MANG DU MDZAD DO, ,SLOB DPON LEGS LDAN 'BYED NI ZAB MO DBU MA'I LAM BZANG GSAL BAR MDZAD PHYIR 'PHAGS PA KLU SGRUB KYI SRAS KYI THU BO'I TSUL DU BSAM BZHIN DU BYON PA ZHIG STE, BDAG NYID CHEN PO 'DI NI 'PHAGS

MCHOG RAB 'BYOR GYI SPRUL PA YIN PAR YONGS SU GRAGS PA LTAR RO, ,SLOB DPON 'DIS 'PHAGS PA KLU SGRUB KYI LUGS BZANG GSAL BAR BYA BA'I PHYIR, RTZA SHE'I 'GREL PA SHES RAB SGRON MA MDZAD CING, GZHAN YANG BSTAN BCOS MANG DU MDZAD LA, SHES RAB SGRON MAR RANG RGYUD PA'I GRUB MTHA' 'CHA' BAR MDZAD PA NI RGYAL BA'I DGONGS PA 'PHAGS PA KLU SGRUB KYIS BKRAL BA'I DBU MA'I LTA BA MTHAR THUG PA DE SHIN TU RTOGS DKA' BAS DE RTOGS PA'I THABS SU GDUL BYA RNAMS RIM GYIS BKRI BA'I PHYIR THABS MKHAS KYIS MDZAD PA ZHIG GO, 'PHAGS PA KLU SGRUB KYIS 'DZAM BU'I GLING DU LO DRUG BRGYA BZHUGS NAS BSTAN PA'I DON RGYA CHER MDZAD PAS SKU TSE'I STOD SMAD BAR GSUM GYI SLOB MA RIM PA MANG PO YOD PA LAS, SKU TSE'I SMAD KYI SLOB MA'I GTZO BO BSTAN 'DZIN THAMS CAD KYI GTZUG GI NOR BU LTA BUR GYUR PA NI SLOB DPON ZLA BA GRAGS PA STE, SLOB MA'I THA MA ZLA GRAGS LA, ,CHOS KYI THA MA SKYE MED BSTAN, ,CES 'PHAGS PA KLU SGRUB BDE BA CAN DU GSHEGS KHAR GSUNGS ZHES SNGON GYI CHOS 'BYUNG DAG LAS 'BYUNG BA LTAR RO, ,BDAG NYID CHEN PO 'DIS RGYAL BA'I BSTAN PA LA BYA BA JI LTAR MDZAD PA'I TSUL NI DA LTA NYID DU 'CHAD PAR 'GYUR RO, ,'PHAGS PA KLU SGRUB KYIS LO DRUG BRGYAR BSTAN PA'I

, ,BYA BA MDZAD NAS BDE BA CAN DU GSHEGS TE, SLAR YANG 'DZAM BU'I GLING DU SNGAR GYI SKU LUS DANG DBU 'BYAR TE 'GRO BA'I DON RGYA CHER MDZAD PAR GRAGS SHING, MTHAR DANG BA'I 'OD CES BYA BA'I 'JIG RTEN DU DE BZHIN GSHEGS PA YE SHES 'BYUNG GNAS ZHES BYA BAR MNGON PAR RDZOGS PAR 'TSANG RGYA BAR GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DPAL MGON 'PHAGS PA KLU SGRUB LA GSOL BA 'DEBS SHING SLOB DPON BDAG NYID CHEN PO 'DIS JI LTAR GSUNGS PA LTAR BSHES GNYEN BSTEN TSUL NAS ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA LUNG DANG RIGS PAS NGES PA RNYED PAR BYAS LA BRTZON PA CHEN POS NYAMS SU BLANG BAR BYA'O,, ` ,,'PHAGS PA'I DGONGS PA GSAL MDZAD ZLA BA GRAGS, ,ZHES BSNGAGS PA, DPAL LDAN ZLA BA GRAGS PA NI, RGYA GAR LHO PHYOGS SA MA NA ZHES BYA BA'I YUL DU SKU 'KHRUNGS TE, YUL DER BRAM ZE PHO MO GNYIS LA BU SBRUL PA'I MTSAN RTAGS DANG LDAN PA ZHIG BYUNG NAS MTSAN MKHAN RNAMS LA BSTAN PAS 'DI NI MTSAN SHIN TU BZANG STE, 'DI NI RGYAL BA'I BSTAN PA LA ZHUGS NAS BSTAN 'DZIN CHEN PO ZHIG TU 'GYUR RO, ,ZHES LUNG BSTAN, JI LTAR LUNG BSTAN PA LTAR PHA MA GNYIS KYIS KYANG GNANG STE NA LANDRAR RAB TU BYUNG, NA LANDRA'I MKHAN PO ZLA BA MGON PO ZHES BYA BA LAS TSIGS SNGA MA DGE TSUL GYI

SDOM PA BZHES, MKHAN PO NYID KYI MTSAN LAS DRAS TE ZLA BA GRAGS PA ZHES MTSAN BTAGS, DE NAS RIM GYIS BSNYEN RDZOGS KYI SDOM PA BZHES SHING SDE SNOD GSUM DANG RGYUD SDE BZHI LA SBYANGS PAS MKHAS PA'I PHUL DU PHYIN PAR GYUR TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS RDUL SPYI BOS BLANGS TE, MDO SNGAGS KYI MAN NGAG YONGS SU RDZOGS PAR GSAN, JI LTAR GSAN PA LTAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA RTZE GCIG TU MDZAD PAS RTOGS PA MCHOG THOB STE PHYI NANG GI SPROS PA THAMS CAD DOR NAS NYIN MTSAN KHOR YUG TU DON DAM PA'I BYANG CHUB KYI SEMS BSGOM BZHIN BZHUGS PAS THA MAL PA DAG GI SNANG BA LA BZA' BTUNG BYED PA DANG, BSHANG GCI 'DOR BA TZAM MA GTOGS BYA BA GZHAN GANG YANG MI BYED PAR NYAL BA 'BA' ZHIG LHUR MDZAD PA ZHIG TU MTHONG NAS DE DAG MA RANGS TE, ZLA BA GRAGS PA 'DI THOS BSAM SGOM PA DANG, DGE 'DUN GYI LAS GANG YANG MI BYED BAR ZOS KYIN NYAL SDOD PA CIG BYUNG BAS, DGE 'DUN RNAMS KYIS, 'DI SNGAR MU STEGS PA YIN PAS, DA DUNG MU STEGS PAR LDOG PAR 'DUG ,'DI SGYU THABS SU GNAS NAS DA GZOD 'O SKOL LA GNOD NAS 'ONG, 'DI NI LAS NGAN SME SHA CAN, ,MU STEGS NYID KYANG MA DOR BAS, ,DGE 'DUN BYA BA MI BYED DE, ,'DI YIS GNOD SKYEL 'DON PAR RIGS, ,BYAS PAS, MKHAN PO ZLA BA MGON POS BDAG NYID CHEN PO 'DI'I NGANG

, ,TSUL RTOGS PAS 'DI GNAS NAS DBYUNG BAR MI RIGS ZHES BKAG CING THUGS DAM LA GCIG TU GZHOL BA'I MDZAD PA DE LA SHIN TU DGYES SO, ,DE NAS NA LANDRA'I MKHAN POS SLOB DPON ZLA BA GRAGS PA LA RANG NYID THUGS DAM LAS G-YO BA MED KYANG DGE 'DUN GYI KHROD NA THA MAL PA MANG PO ZHIG NYID KYI NGANG TSUL MA RTOGS PAR SDIG GSOG PAR 'DUG PAS, KHYOD KYIS GNYER CIG GYIS, NYI MA GRAGS GROGS LA BTANG GIS GSUNGS BAS GNYER MDZAD NAS MA HE DANG BA LANG LA SOGS PA NAGS LA YAN DU BCUG NAS, RI MO'I BA ZHIG BYAS NAS YOD PA LA, DGE 'DUN RNAMS KYIS MA HE LA SOGS PA NAGS LA BRGYAB NAS, DA 'DI CI BYED BLTA'O BYAS PAS, NYI MA GRAGS PAS G-YOG BYAS NAS ZHO DANG 'O MA MANG PO KHYER BYUNG BAS NYI MA GRAGS KYIS MA HE SOGS RA LI BRGYAB NAS ZHO DANG 'O MA 'DI TZAM 'ONG BCI YIN BYAS NAS JI LTAR BYED BLTAS PAS, RI MO'I BA LAS BZHOS NAS 'ONG BA MTHONG BA GSANG NAS BSDAD PAS, DE NAS GNYER THON NAS 'BRAS LA SOGS PA MANG PO GTAD PAS, KHYOD KYIS MA HE SOGS RA LI BRGYAB NAS, 'BRAS DANG MAR LA SOGS PA MA ZAD PA CI LAS BYUNG ZER BA LA, NYI MA GRAGS NA RE, DPAL LDAN ZLA BA GRAGS PA YIS, ,RI MO'I BA LAS ZHO BZHOS NAS, ,DGE 'DUN 'TSO BA LEGS PAR BSGRUBS, ,BYAS PAS, MKHAN PO NA RE, SEMS LA DBANG THOB PAS RI MO'I BA LAS ZHO 'JO BA NGO MTSAR CHE GSUNG, YANG LAN CIG ,TU RUshKA'I

DMAG BYUNG NAS N'A LANDRAR ZLA BA PHYED KYI LAM NA SLEBS ZER NAS, PAndI TA DANG, NUS PA CAN THAMS CAD LA DMAG BZLOG PA'I THABS YOD DAM ZHUS PAS, THABS MA BYUNG BA'I TSE, N'A LANDRA'I CHOS SKYONG GI THUGS KA NAS, BYA ROG CIG BYUNG NAS, ZLA BA GRAGS PA LA ZHUS ZER NAS ZHUS PAS, ZLA BA'I ZHAL NAS THABS YOD KYIS, RDO'I SENG GE GCIG GYIS LA, SANGS RGYAS PA RNAMS KYIS DKON MCHOG GSUM LA GSOL BA THOB, MU STEGS PA RNAMS KYIS KYANG DBANG PHYUG CHEN PO LA GSOL BA THOB CIG GSUNGS NAS, DER RDO'I SENG GE BCOS ZIN PA DANG, DE GAS SHING, DE'I NANG NAS MI GCIG BYUNG NAS, NGAS BYA DGOS ZER LEGS PA CIG BCOS ZIN PA DANG, ZLA BA GRAGS PA PHEBS NAS, N'A LANDRA'I BYANG PHYOGS SU DPAG TSAD BCO LNGA PA'I BAR GYI RDO'I SENG GE BZHAG PA CAN DU DMAG RNAMS SLEBS BYUNG BA NA, DMAG RNAMS SLEBS BYUNG NGO BYAS KYENG SENG GE 'GROR MA 'DOD PA LA, DGE 'DUN RNAMS NA RE 'DIS BSLUS, 'O SKOL PHUNG NGO ZER BA LA, SLOB DPON ZLA BA GRAGS PA KOG GIS BZHENGS NAS TZAN DAN GYI DBYUG PA 'DOM GANG BA CIG KHYER NAS SENG GE'I MGO LA THENG GSUM BRGYAB PAS G-YU RAL LAN GSUM SPRUGS DMAG THAMS CAD BSKRAD NAS SENG GE'I GDONG PA KHRAG TU SONG NAS 'DUG PAS, DE'I DUS RGYAL PO STOBS LDAN GZHON NUS, DPAL LDAN ZLA BA GRAGS PA YIS, ,STOBS LDAN RDO YI SENG GE BSKUL, ,TU RUshKA YI DMAG BZLOG KYANG, ,SHI RMAS MED PA NGO MTSAR CHE, ,ZHES ZER RO, ,

, ,DE NAS DGE 'DUN RNAMS NA RE, 'DI ZLA BA GRAGS PA'I NUS PA MIN, DGE 'DUN RNAMS KYI RAB GNAS BYA DGOS ZER NAS, RAB GNAS BYAS BAS SENG GE SA'I NANG DU NUB PAS, MKHAN PO NA RE, 'DI ZLA BA GRAGS PA SEMS LA DBANG THOB PA'I BYIN RLABS YIN GSUNG, YANG SLOB DPON NAGS NA SGOM GYIN BZHUGS PA LA NAGS LA ME SHOR BA'I TSE, N'A LANDRA PA LA SOGS PA'I YUL MI RNAMS KYIS BLTAR PHYIN PAS, SHING GI LHA MO ZHIG GIS RO STOD BTON NAS, BYAMS MGON SNYING RJE'I BLO CAN NYID, ,ME YIS MI 'TSIG CHUS MI 'KHYER, ,RLUNG GIS 'THOR BAR GA LA NUS, ,ZHES ZER, MI RNAMS KYIS PHYIN PAS SLOB DPON GYI RTZVA'I SPYIL BU'I 'DOM GANG TSUN CHAD MES MA 'TSIG PAR 'DUG CING; SLOB DPON GYI ZHAL NAS, NGA YI BLA MA KLU SGRUB KYIS, ,SKYE BA MED PA'I MES DNGOS PO'I, ,BUD SHING THAMS CAD BSREGS PA YIN, ,MKHAN PO YIS KYANG BSREGS PA YIN, ,NGAS KYANG SKYE BA MED PA'I MES, ,DNGOS PO'I BUD SHING BSREGS PA YIN, ,DNGOS PO'I ME YIS GA LA TSUGS, ,ZHES GSUNGS SO, ,MNGON PAR SHES PA THOGS MED MNGA' BA YIN TE, MU STEGS KU MA RI KA NA RE, SLOB DPON LA MNGON SHES YOD PA MI BDEN YONG, BDEN NA BRGYA BYIN DA LTA CI BYED DRIS PAS, SLOB DPON GYI GSUNG NAS BRGYA BYIN DNGOS NI SUM CU RTZA GSUM NA YOD LA, SPRUL PA CIG DGA' LDAN NA BYAMS PA LA CHOS NYAN GYI YOD GSUNGS PAS, KU MA RI YI DAM CHES PA LA, SLOB DPON GYI PHYAG YAB MDZAD PAS, ,

BRGYA BYIN DNGOS 'ONGS BA DE KHOS MA MTHONG, YANG PHYAG YAB MDZAD PAS, SBRUL PA 'ONGS PA KHOS MTHONG NAS, KHYOD BRGYA BYIN YIN NAM BYAS PAS DNGOS MIN, DNGOS YIN NA MIG STONG YOD PA LAS, NGA LA RJES LAS MED ZER NAS, BLTAS PAS RJES LAS MI 'DUG BAS KU MA RI YID CHES SO, ,DES NA SLOB DPON 'DI NYID PAndI TA RNAMS KYI MCHOG TU GYUR PA YIN TE, N'A LANDRA NA PAndI TA MANG PO YOD KYANG, MU STEGS KYI RGOL BA TSAR GCOD MI NUS NA PHYIR CHOS 'CHAD MI NUS LA, SLOB DPON 'DI NYID PHYIR CHOS 'CHAD PA NA, LHO PHYOGS KYI MKHAS PA CHEN PO TZANDRA GOO MI SLOB DPON CHOS 'CHAD PA'I SAR 'ONGS TE 'DUD PA MI BYED PAR 'GRENGS TE GNAS PA NA SLOB DPON ZLA BA GRAGS PA'I DGONGS PA LA RTZOD DAM BGRO BAR 'DOD PA CIG 'ONGS PA YIN SNYAM NAS DE LA, PHYOGS GANG NAS 'ONGS, CHOS CI SHES DRIS BAS, LHO PHYOGS NAS 'ONGS, SGRA PA nI, SHER PHYIN TSUL BRGYA LNGA BCU PA, 'JAM DPAL MTSAN BRJOD SHES ZER, SGRA DANG, MTSAN NYID KYI RTZA BA DANG, SNGAGS KYI RTZA BA SMOS PAS, LUNG RIGS LA MKHAS PAR KHAS BLANGS KYANG, TSIG KHENGS SKYUNGS BAR 'DUG BAS, TZANDRA GOO MI MIN NAM DRIS PAS, DE LTAR 'JIG RTEN PA RNAMS 'DOGS SO GSUNGS, 'O NA PAndI TA CHEN PO THOG BABS SU PHEBS BA MA LEGS, BSU BA BYA DGOS PAS RE SHIG PHYIR GSHEGS SHIG BSU BA BGYI'O BYAS NAS, CHOS 'CHAD 'PHRO BCAD DE, GAndI BRDUNGS PAndI TA RNAMS BSAGS TE, 'DIR MKHAS PA CHEN PO TZANDRA GOO MI BYON GYIS, BSU BA BYA

, ,DGOS PAS SHING RTA GNYIS 'CHOS LA GCIG LA 'JAM DPAL GYI SKU BZHUGS, GCIG LA TZANDRA GOO MI BZHUGS LA MCHOD PA'I TSOGS KYIS SPYAN DRONGS SHIG CES BSGOS TE, DE LTAR BGYIS PA'I TSE, 'JAM DPAL LA TZANDRA GOO MIS BSTOD PAS, SKU DE DGYES TE SLOB DPON LA ZHAL PHYIR GZIGS TE, DA LTA YANG N'A LANDRA NA BYIN RLABS CAN SHING SKU 'JING YON DU GRAGS PA BZHUGS, DE NAS TZANDRA GOO MI N'A LANDRAR BYON PA LA BSNYEN BKUR ZHING, SLOB DPON ZLA BA GRAGS PA DANG GDAN 'DZOM, PHAN TSUN CHOS KYI BGRO BA MDZAD PAS, SLOB DPON ZLA BA GRAGS PAS GANG DRIS PA'I LAN THOGS MED DU BTAB, TZANDRAS SPYAN RAS GZIGS LA DRIS SHING LAN THOGS BCAS SU 'DEBS, DE'I TSE DPAL LDAN ZLA BAS GZIGS PAS, SPYAN RAS GZIGS KYI RDO SKU BZHUGS PA'I KHANG PA NAS BYUNG BAS, LAN CIG DER SONG STE RGYAB NAS NYAN BAS CHOS 'CHAD CING 'DUG PA DANG, ZHAL LTA DGOS DGONGS TE NANG DU PHYIN PA DANG SPRUL SKU ZHAL BRTUL TE, DER SLOB DPON GYIS SA THE BTZUGS NAS, KHONG LA ZHAL STON PA LTAR BDAG LA'ANG BSTAN DU GSOL ZHES GSOL BA BTAB PAS, MNAL LAM DU BYON TE, KHYOD 'JAM DPAL GYIS BYIN GYIS BRLABS PA'I MKHAS PA CHEN PO YIN PAS NGAS BYIN GYIS BRLAB MI DGOS, TZANDRA GOO MI LA CUNG ZAD BYIN GYIS BRLABS PA YIN GYIS DE SKAD MA ZER GSUNG, MNAL SAD TSE DE LTAR LAGS KYANG ZHAL STON PAR ZHU ZHUS PAS ZHAL MNGON SUM DU BSTAN TO, ,DE'I TSE BDAG GI SPYI GTZUG TU BZHUGS

LA SEMS CAN THAMS CAD KYI MTHONG BAR MDZOD CIG CES GSOL PAS, SPYAN RAS GZIGS KYI ZHAL NAS NGAS SEMS CAN THAMS CAD KYI DRUNG DU SONG YANG, DE RNAMS LAS KYI SGRIB PAS NGA MTHONG BAR MI 'GYUR GSUNGS, CIS KYANG BZHUGS SHIG CES GSOL BA BTAB NAS, 'PHAGS PA SPYI BOR KHYER NAS THAMS CAD DU PHEBS NAS BDAG GI SPYI BO NA 'PHAGS PA BZHUGS SO, ,PHYAG MCHOD GYIS BYAS KYANG LA LAS CI YANG MA MTHONG, LA LAS KHYI ROR MTHONG, PHAL CHE BAS CHOS MANG DU BSHAD PAS RLUNG SMYO YIN ZER, CHANG TSONG MA ZHIG GIS ZHABS TZAM MTHONG BAS KYANG THUN MONG GI DNGOS GRUB THOB PA ZHIG BYUNG ZHES GRAG GO ,SLOB DPON 'DIS 'PHAGS PA KLU SGRUB KYI DGONGS PA LTAR SHER PHYIN GYI MDO SDE RIN PO CHE'I DON ZAB PA DANG RGYA CHE BA'I LAM GYI RIM PA'I LUS YONGS SU RDZOGS SHING SA LAM 'BRAS BU DANG BCAS PA RGYAS PAR STON PA'I GZHUNG DBU MA LA 'JUG PA RANG 'GREL NGANG BCAS PA MDZAD CING, CHOS RNAMS KYI GNAS LUGS STONG PA NYID RIGS PA BRGYA PHRAG GI SGO NAS GTAN LA 'BEBS PA DBU MA RTZA BA'I 'GREL PA TSIG GSAL DANG, LAM THUN MONG BAS RGYUD SBYANGS NAS THUN MONG MIN PA BLA MED KYI LAM LA 'JUG PA'I 'JUG SGO DBANG DANG DAM TSIG ,ZHUGS NAS SGOM BYA'I LAM RIM PA GNYIS 'BRAS BU DANG BCAS PA MTHA' DAG YONGS SU RDZOGS PAR STON PA RGYUD KYI RGYAL PO DPAL GSANG BA 'DUS PA'I RTZA RGYUD KYI 'GREL PA SGRON MA GSAL BA MDZAD DE, TSIG GSAL DANG, SGRON GSAL GNYIS LA NI SNGON GYI MKHAS PA RNAMS KYIS, MKHA' LA NYI ZLA RNAM GNYIS,

, ,SA LA GSAL BA RNAM GNYIS ZHES SA'I STENG NA 'GRAN ZLA MED BA'I BSTAN BCOS SU BSNGAGS SO, ,GZHAN YANG SLOB DPON 'DIS LAM GYI RIM PA'I LTA BA'I GNAD RNAMS STON PA'I BSTAN BCOS BZHI BRGYA PA'I 'GREL PA DANG, RIGS PA DRUG CU PA'I 'GREL PA DANG, DBU MA PHUNG PO LNGA PA, STONG NYID BDUN CU PA'I 'GREL PA, SKYABS 'GRO BDUN CU PA, THUGS RJE CHEN PO LA SMRE SNGAGS SU GSOL PA, GSANG BA 'DUS PA'I SBYOR BA YAN LAG DRUG PA'I 'GREL PA, GSANG BA 'DUS PA'I MNGON BAR RTOGS PA'I RGYAN GYI 'GREL PA, RDO RJE SEMS DPA'I SGRUB THABS, KHRO BO BDUD RTZI 'KHYIL BA'I SGRUB THABS, SGROL MA'I BSTOD PA RNAMS MDZAD DO, ,SLOB DPON ZLA BA GRAGS PA 'DI NI 'PHAGS PA KLU SGRUB KYI LUGS BZANG GSAL BAR MDZAD PHYIR BSAM BZHIN DU BYON PA ZHIG STE, RJE BDAG NYID CHEN POS RJE BTZUN 'JAM DPAL DBYANGS LA 'PHAGS PA KLU SGRUB KYI DGONGS PA 'GREL BA LA SLOB DPON ZLA BA GRAGS PA 'KHRUL MED 'BA' ZHIG TU BZUNG BAS AE CHOG ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI ,DE BZHIN GSHEGS PA CIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL PAR BYA BA'I SLAD DU BSAM BZHIN DU SKYE BA BZUNGS PA YIN PAS, 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED BAS, 'DI LA RNAM PA

THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO ZHES GSUNGS PA LTAR RO, ,SLOB DPON ZLA BA GRAGS PA 'DI NI, RGYA GAR GRUB CHEN BRGYAD CU'I NANG TSAN ZHIG KYANG YIN TE, BLA MA RDO RJE GDAN PAS GRUB CHEN BRGYAD CU LA BSTOD PA LAS, 'JAM DPAL SKU YI SPRUL PAR 'KHRUNGS, ,KLU SGRUB DGONGS PA THUGS SU CHUD, ,ZLA BA GRAGS PA ZHES BYA BA'I, ,BLA MA DE LA PHYAG 'TSAL LO, ,ZHES BSTOD PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LAM GYI RIM PA'I GNAD RNAMS LA NGES PA PHUL PHYIN BSKYED PA LA SLOB DPON BDAG NYID CHEN PO 'DI LA GSOL BA 'DEBS PA DANG, 'DI'I GZHUNG RNAMS LA THOS BSAM GYIS 'JUG PA SHIN TU GAL CHE'O, ,SLOB DPON 'DI LA SNYING NAS GSOL BA BTAB NA BYIN RLABS MYUR DU 'JUG STE, SLOB DPON 'DI NI RDO RJE'I SKU BRNYES NAS DA LTA'ANG 'DZAM BU'I GLING NA GDUL BYA'I DON MDZAD BZHIN PA YIN PA NI SDON P'A TSAB LO TZ'A BAS SLOB DBON 'DI LA DAD CING GUS PAS YUN DU GSOL BA BTAB STE KHA BA CAN GYI LJONGS 'DIR DBU MA'I LAM SROL BZANG PO 'DI RGYA CHER 'PHEL NA CI MA RUNG SNYAM STE RGYA GAR DU PHEBS PAS SLOB DPON ZLA BA GRAGS PAS DNGOS SU ZHAL BSTAN TE, GDAMS PA DANG RJES SU BSTAN PA RGYA CHER STZAL ZHING BOD DU DBU MA'I LAM SROL RGYA CHER SPEL NUS PAR BYIN GYIS BRLABS PA LTAR RO,, ` ,,DE SRAS THU BO RIGS PA'I KHU BYUG CHE, ,ZHES BSNGAGS PA RIGS PA'I KHU BYUG CHE BA NI SKU

, ,GZHON NU NAS RGYAL BA'I BSTAN PA LA RAB TU BYUNG, LO LON NAS BSNYEN PAR RDZOGS, BI KA MA LA SH'I LAR SDE SNOD GSUM LA SBYANGS TE MKHAS PA'I PHUL DU PHYIN PAR GYUR, SLOB DPON ZLA BA GRAGS PA LA 'PHAGS PA KLU SGRUB NAS BRGYUD PA'I MDO SNGAGS KYI MAN NGAG RNAMS RDZOGS PAR GSAN, NANG DU YANG DAG 'JOG LA RTZE GCIG TU BZHUGS TE THEG PA CHEN PO'I LAM GYI RIM PA LA NYAMS RTOGS PHUL DU PHYIN PA THOB, LTA BA'I DKA' GNAD PHRA MO 'GA' ZHIG LA NGES PA DRANG PA'I PHYIR BLA MA DANG LHAG PA'I LHA DBYER MED PA LA GSOL BA SHUGS DRAG LA RGYUN RING BA BTAB, BSAG SBYANG RGYA CHEN PO LA 'BAD PAS DPAL MGON 'PHAGS PA KLU SGRUB KYIS DNGOS SU ZHAL BSTAN NAS LTA BA'I DKA' GNAS PHRA MO RNAMS ZHIB TU BSTAN TE MTSAN 'DZIN GYI 'CHING BA MA LUS PA DRUNG PHYUNG BAR MDZAD, MNGA' RIS CHOS RGYAL BYANG CHUB 'OD KYIS NAG TSO LO TZ'A BA JO BO SPYAN 'DREN DU BTANG BA'I TSE NAG TSO LO TZ'A BAS BI KA MA LA SH'I LAR PHYIN NAS JO BO GANG DU BZHUGS BTZAD DPYAD PA'I TSE BI KA MA LA SH'I LA'I TSOGS SU PAndI TA KUN GYI GRAL DBU LA BZHUGS PA SKU BGRES SHING BRJID CHAGS PA 'DI MGON PO AA TI SHA AE YIN ZHES DRIS PAS, BOD KYI TSE DANG LDAN PA CI ZER, 'DI DPAL LDAN ZLA BA GRAGS PA LA CHOS DNGOS SU NYAN PA RIGS PA'I KHU BYUG BYA BA AA TI SHA'I YANG BLA MA YIN ZER, RIGS PA'I KHU BYUG 'DI MGON PO KLU SGRUB KYI YANG DNGOS SLOB YIN TE, MKHAS GRUB RIN PO CHE'I GSANG BA'I RNAM THAR DU YANG

RIGS PA'I KHU BYUG TU SKYE BA BZHES DUS 'PHAGS PA KLU SGRUB BYON NAS LTA BA'I GNAD SHIN TU PHRA BA BSTAN NAS DNGOS 'DZIN GYI 'KHRUL PA RTZA BA NAS DRUNG PHYUNG BAR MDZAD CING, KLU SGRUB KYI ZHAL NAS, NGED RGYA GAR GYI GRUB THOB RNAMS 'JAM DBYANGS LA BRTEN PA YIN, DE'I RGYU MTSAN YANG GSUNG RAB KYI DKA' BA'I GNAD SHIN TU PHRA BA BYUNG NA RJE BTZUN 'JAM DBYANGS LA GSOL BA BTAB NAS ZAB MO'I DON LA DPYOD PA YIN, KHYOD KYANG RJE BTZUN 'JAM DBYANGS BSTEN PAR BYOS SHIG CES GSUNGS SO, ,ZHES SOGS DANG, YANG KLU SGRUB KYI ZHAL NAS BDAG KYANG MA 'ONGS PA'I DUS SU MTHA' 'KHOB TU 'GRO BA'I DON BYED PAR SMON, KHYOD KYANG DE'I DUS SU 'KHOR GYI THOG MAR GDUL BYA RNAMS KYI MCHOG TU 'GYUR RO; ;ZHES MA 'ONGS LUNG BSTAN DANG BCAS GSUNGS SO, ,DE BZHIN DU SLOB DPON ZLA BA GRAGS PAS KYANG RIGS PA'I KHU BYUG CHE BA 'DI LA MA 'ONGS PA'I DUS SU RJE BTZUN 'JAM DBYANGS DGE SLONG GI TSUL DU BSAMS BZHIN DU MTHA' 'KHOB TU SKYE BA BZHES PAR 'DUG PAS KHYOD KYANG DER SKYE BA LONGS LA BKA' SGRUB PA DANG BSTAN PA RGYAS PAR GYIS ZHES GSUNGS SO, ,TSUL DE DAG NI MKHAS GRUB THAMS CAD MKHYEN PA'I GSANG BA'I RNAM THAR DU JI LTAR GSUNGS PA LTAR BKOD PA YIN NO,, ` ,,RGYAL SRAS RIGS PA'I KHU BYUG GNYIS PA'I ZHABS, ,ZHES BSNGAGS PA, RIGS PA'I KHU BYUG CHUNG BA NI BLA MA AA WA DHU TI PA ZHES YONGS SU GRAGS PA DE YIN PAR MNGON TE, BKA'

, ,GDAMS GLEGS BAM LAS, KLU SGRUB ZLA GRAGS RIGS PA'I KHU BYUG DANG, ,BLA MA AA WA DHU TI GSER GLING PA, ,THUN MONG MA YIN GDAMS PA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, , ZHES JO BO RJES ZAB MO LTA BA'I BLA BRGYUD DU DE LTAR GSUNGS SO, ,DE LTAR NA BLA MA AA WA DHU TI PA CHEN PO NI SNGON YUN RING PO NAS LAM LA GOMS PA'I MTHUS SRID GSUM ME 'BAR BA'I KLONGS LTAR GZIGS TE 'KHOR BA'I PHUN TSOGS GANG LA YANG MA CHAGS PAR RGYAL BA'I BSTAN PA'I SNYING PO MTHAR THUG PA ZHIG LA NYAMS LEN SNYING POR MDZAD BZHED NAS RIGS PA'I KHU BYUG CHE BA'I ZHABS LA GTUGS TE 'PHAGS PA KLU SGRUB NAS BRGYUD PA'I MAN NGAG RNAMS YONGS SU RDZOGS PAR GSAN NAS DBEN PA'I GNAS SU SGRUB PA RTZE GCIG TU MDZAD PAS GRUB PA'I GO 'PHANG MTHON POR GSHEGS PA NA SNYING NAS RNAM GROL DON DU GNYER BA'I SKAL LDAN RNAMS RJES SU 'DZIN PAR MDZAD CING, LHAG PAR JO BO RJE DPAL LDAN AA TI SHA LA 'PHAGS PA KLU SGRUB NAS BRGYUD PA'I MAN NGAG RNAMS RDZOGS PAR GNANG, JO BO RJES KYANG BDAG NYID CHEN PO 'DI LO BDUN GYI BAR DU 'BRAL MED DU BSTEN PAR MDZAD CING BLA MA 'DI NYID RANG DANG GZHAN GYI TSE RABS BRGYA STONG DRAN PA DANG LKOG TU GYUR PA'I DON RNAMS JI BZHIN DU MKHYEN PA'I MNGON SHES RGYA CHEN PO DANG LDAN PA ZHIG STE JO BO RJES BLA MA 'DI LA GDAMS NGAG ZHU BA'I TSE RES 'GA' MAndAL PHUL TE GSOL BA JI TZAM BTAB KYANG

GANG YANG GSUNG BAR MI MDZAD, RES 'GA' RI CHEN PO'I G-YANG SA NYAM NGA BA BGROD PA DANG CHU BO CHEN PO'I ZAM PA'I STENG LA 'GRO BA SOGS SHIN TU NYAM NGA BA'I SKABS SU'ANG GANG YANG MA ZHUS KYANG ZHAL PHYIR BSGYUR TE HE BHA TAN TA PAndI TA 'DI DANG 'DI ZHES BYA BA DMYAL BA 'DI DANG 'DI NA 'DUG GO ,JI SRID SANGS RGYAS MA THOB BAR DU DKAR NAG GI LAS PHRA MO'ANG NAM YANG MI BSLU BAS GZAB DGOS PAR 'DUG GO ,ZHES GSUNG 'BYON PA ZHIG YOD GSUNG, JO BO RJES RIGS PA'I KHU BYUG CHE BA DANG, BLA MA AA WA DHU TI PA GNYIS KA LA CHOS GSAN ZHING GTZO BOR BLA MA AA WA DHU TI PA LA ZAB MO'I LAM GYI RIM PA'I MAN NGAG RNAMS RDZOGS PAR GSAN, JO BO LA PAndI TA DANG GRUB CHEN GYI BLA MA MANG DU YOD PA LAS DBU MA'I LTA BA STON PA LA BLA MA 'DI NYID BZANG BAR BYUNG STE ZAB MO DBU MA'I LTA BA MTHAR THUG PA STON PA SHIN TU DKON PAS JO BOS BLA MA SHAN TI PA LA PHAR PHYIN GYI SKOR GSAN PA'I TSE BRGYAD STONG PA 'CHAD PA NA, BRGYAD STONG 'GREL CHEN DU SLOB DPON SENG GE BZANG POS 'PHAGS PA KLU SGRUB KYI MAN NGAG LTAR DBU MA'I RIGS PA PHRA MO RNAMS BYUNG RES KYIS DGAG PA MDZAD PA NA JO BO'I THUGS LA DBU MA'I LTA BA GSAL BTAB PA BZHIN DU ZAB MO DBU MA'I LTA BA LA NGES SHES CHER 'GRO PA ZHIG YOD GSUNG, BLA MA GSER GLING PA LAM RIM 'CHAD PA'I TSE LTA BA'I THAD DU GSER GLING PA RANG NYID SEMS TZAM RNAM BDEN GYI LTA BA 'DZIN PAS LTA BA DE NYID RANG STON PAR MDZAD, JO BO LA YANG KHYOD LTA BU'I SHES RAB CHEN PO

, ,'DI 'DRA DBU MA THAL 'GYUR BA'I LTA BA 'DZIN PA NGO MTSAR ZHES YANG YANG GSUNG, JO BO RJE LA NI BLA MA GSER GLING PAS DE LTAR GSUNGS RES KYIS 'PHAGS PA KLU SGRUB KYI DGONGS PA SLOB DPON ZLA BA GRAGS PAS JI LTAR BKRAL BA LTAR GYI DBU MA'I LTA BA MTHAR THUG DE NYID LA GSAL BTAB PA BZHIN DU NGES SHES JE CHER 'GRO BA ZHIG YOD GSUNG, JO BO RJE NI THEG PA CHEN PO'I LAM GYI RIM PA'I BDAG POR YONGS SU GRAGS PA LTAR YIN BAS BLA MA'I MDZAD SPYOD LA SKYON RTOG MI SKYE BAR MA ZAD CI MDZAD THAMS CAD LAM GYI RIM PA'I BOGS 'DON DU 'GYUR BA DANG, LHAG PAR SLOB DPON ZLA BA GRAGS PAS 'PHAGS PA KLU SGRUB KYI DGONGS PA JI LTAR BKRAL BA'I DKA' GNAS MTHAR THUG THA SNYAD DU RTEN 'BREL BSLU BA MED PA DANG, DON DAM PAR RANG BZHIN GYIS GRUB PA RDUL TZAM YANG MED PA'I TSUL RTEN 'BREL ZAB MO DE NYID MNGON SUM DU GZIGS PA YIN PAS SUS KYANG BSGYUR DU MED PA'O, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RIGS PA'I KHU BYUG CHE BA DANG BLA MA AA WA DHU TI PA GNYIS LA GSOL PA 'DEBS SHING BDAG NYID CHEN PO 'DI GNYIS KYI RNAM THAR BZANG PO 'DI DAG BSAMS LA DON MED PA'I BYA BA THAMS CAD BOR NAS THEG PA CHEN PO'I LAM DANG LAN CIG MJAL BA'I SKABS 'DIR SHES RGYUD LA THEG PA CHEN PO'I LAM YONGS RDZOGS KYI BAG CHAGS CI THEBS ZHIG BYA BA LA 'BAD PAR BYA'O, ,RIGS PA'I KHU BYUG CHE CHUNG GNYIS PO 'DI GANG DU 'KHRUNGS

PA SOGS MDZAD PA RNAM THAR ZHIB MOR 'KHOD PA MA MTHONG BAS SLAR RNYED NA 'DIR BSNAN PAR BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA GSAN PA'I BLA MA BRGYUD RIM LA, RJE BTZUN BYAMS PA NAS THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, RJE BTZUN 'JAM DBYANGS NAS 'PHAGS PA KLU SGRUB YAB SRAS SOGS LA RIM GYIS BRGYUD PA'I ZAB MO LTA RGYUD DANG, YANG RJE BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD BA'I RLABS CHEN SPYOD RGYUD GSUM DU YOD DE RGYUD PA 'DI GSUM GA'I MAN NGAG YONGS SU RDZOGS PA JO BO RJE LA MNGA' BAS BRGYUD PA'I CHU BO GSUM 'DRES ZHES BRJOD DO, ,RGYA CHE BA'I LAM GYI RIM PA'I BRGYUD RIM LA GNYIS SU BYAS PA NI SKYES BU CHUNG 'BRING DANG, SPYOD PA SPYI BSLAB DANG, ZHI LHAG GI SKOR LA KHYAD CHER MED KYANG BYANG CHUB KYI SEMS RIN PO CHE SGOM PA'I GDAMS DAG LA LUGS MI 'DRA BA GNYIS BYUNG STE, LUGS DANG PO NI SHER PHYIN GYI MDO SDE RIN PO CHE'I DGONGS DON LTAR BYANG CHUB KYI SEMS RIN PO CHE BSKYED PA'I THABS SU THOG MAR SEMS CAN THAMS CAD LA NYE RING MED PA'I SEMS SNYOMS PA'I BTANG SNYOMS BSGOMS, DE NAS SEMS CAN THAMS CAD RANG GI MA DRIN CAN DU SGOM, DE NAS DRIN DRAN DANG DRIN GZO RIM GYIS BSGOMS TE YID 'ONG GI BYAMS PA BSKYED, DE NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI RGYU 'BRAS MAN NGAG BDUN GYI SGO NAS

, ,BLO SBYOD BA ZHES BRJOD DO, ,LUGS GNYIS PA NI SDONG PO BKOD PA'I MDO SOGS KYI DGONGS DON BSLAB BTUS DANG SPYOD 'JUG GNYIS LAS JI LTAR GSUNGS PA LTAR BDAG GCES 'DZIN GYI SKYON DANG, GZHAN GCES 'DZIN GYI PHAN YON SGO DU MA NAS BSAMS TE SEMS CAN THAMS CAD RANG LA RNAM PA KUN TU PHAN BDE STENG BA'I YID BZHIN GYI NOR BU LTA BUR BSGOMS NAS YID 'ONG GI BYAMS PA BSKYED, DE LA BRTEN NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI BDAG GZHAN MNYAM BRJE'I SGO NAS BLO SBYOD BA ZHES BRJOD CING, DE'I MAN NGAG ZUR DU BKOL BA LA BLO SBYONG DON BDUN MA'I KHRID CES KYANG BRJOD DO, ,'DI'I BRGYUD RIM NI BKA' GDAMS GLEGS BAM LAS, 'JAM PA'I DBYANGS DANG BLO GROS MI ZAD PA, ,AE LA DHA RI DPA' BO RDO RJE DANG, ,BYANG CHUB SEMS DPA' CHEN PO RIN CHEN DPAL, ,RTZA BA'I BLA MA MGON PO GSER GLING PA, ,BDAG LA RGYA CHEN SPYOD BA SBYIN MDZAD PA'I, ,DRIN CAN BLA MA DRUG LA PHYAG 'TSAL LO, , ZHES GSUNGS PA LTAR TE, MGON PO 'JAM DPAL DBYANGS KYIS RGYAL SRAS ZHI BA LHA LA GNANG, DES SLOB DPON AE LA DHA RI LA GNANG, DES SLOB DPON DPA' BO RDO RJE LA GNANG, DES SLOB DPON MA H'A SHR'I RATNA BO DHI SATVA ZHES PA BOD SKAD DU BYANG CHUB SEMS DPA' CHEN PO RIN CHEN DPAL LA GNANG, DES MGON PO GSER GLING PA LA GNANG, DES JO BO RJE LA GNANG NGO, ,'DI'I BLO GROS MI ZAD PA ZHES PA RGYAL SRAS ZHI BA LHA'I MTSAN GYI RNAM GRANGS YIN NO, ,BRGYUD RIM 'DI'I BLA MA RNAMS KYI

RNAM PAR THAR PA NI STON PA THUB PA'I DBANG PO DANG RJE BTZUN 'JAM PA'I DBYANGS GNYIS KYI RNAM THAR SNGAR BRJOD ZIN PA LTAR YIN LA, RGYAL SRAS ZHI BA LHA GANG DU 'KHRUNGS PA'I YUL NI, RDO RJE GDAN GYI NUB PHYOGS YUL 'KHOR MO BZANG ZHES BYA BA STE, YUL DER YAB RGYAL PO DGE BA'I GO CHA DANG, YUM RDO RJE RNAL 'BYOR MA'I SPRUL PAR GRAGS PA ZHIG YOD PA DE GNYIS KYI SRAS SU RGYAL SRAS BDAG NYID CHEN PO 'DI BSAM BZHIN DU SKU 'KHRUNGS, MTSAN ZHI BA'I GO CHA ZHES BTAGS, MTHUN PA'I DNGOS PO RNAMS KYIS BSKYED BSRINGS, SKU NA PHRA MO NAS RIG GNAS THAMS CAD LA MKHAS PA'I PHUL DU PHYIN, DGUNG LO DRUG LON PA'I TSE SBAS PA'I BRTUL ZHUGS 'DZIN PA'I GRUB THOB ZHIG DANG MJAL TE 'JAM DPAL RNON PO'I DBANG DANG SGRUB THABS ZHUS NAS SGOM BZLAS LA 'BAD PAS RING POR MA THOGS PAR RJE BTZUN 'JAM PA'I DBYANGS ZHAL GZIGS, GDAMS PA MANG DU STZAL, DUS RE SHIG NA YAB RGYAL PO 'DAS NAS RGYAL SRAS BDAG NYID CHEN PO DE YUL KHAMS DE'I 'BANGS THAMS CAD KYIS BLO MTHUN PAR RGYAL PO'I KHRI LA 'BYON PAR GSOL BA BTAB PA NA, TSE RABS MANG POR RGYAL SRAS KYI SPYOD PA LA BSLABS TE GOMS PA KLONG DU GYUR PA ZHIG YIN PAS SRID PA'I PHUN TSOGS LA CHAGS PA'I SKABS MED PA ZHIG YIN NA'ANG GZHAN GYI NGO BSRUNG BA LA GOMS PAS YUL DE'I 'BANGS RNAMS KYI NGO MA BZLOG PAR RGYAL SRID LA PHEBS PAR ZHAL GYIS BZHES TE NANG PAR KHRI LA MNGA' GSOL RGYU'I DO NUB RMI LAM NA, SANG RANG NYID SDOD PAR 'GYUR BA'I KHRI DE LA RJE BTZUN 'JAM DBYANGS BZHUGS NAS, BU GCIG 'DI

, ,NI NGA YI STAN YIN TE, ,NGA NI KHYOD KYI DGE BA'I BSHES GNYEN YIN, ,NGA DANG KHYOD GNYIS STAN GCIG LA 'DUG PA, ,'DI NI RNAM PA KUN TU RIGS MA YIN, ,ZHES GSUNGS PA RMIS PAS MNAL SAD PA NA RGYAL SRID KYI DPAL LA LONGS SPYOD MI RIGS DGONGS TE, BROS NAS N'A LANDRAR PAndITA LNGA BRGYA'I KHYU MCHOG RGYAL BA'I LHA LAS RAB TU BYUNG STE, MTSAN ZHI BA'I LHA ZHES BTAGS, MKHAN PO LA BRTEN TE SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING RJE BTZUN 'JAM PA'I DBYANGS LA YUN DU CHOS GSAN TE MDO SNGAGS KYI BKA' DANG GDAMS NGAG MA LUS PA THUGS SU CHUD, PHYI NANG GI G-YENG BA THAMS CAD BCAD DE, NANG DU YANG DAG 'JOG LA RTZE GCIG TU BZHUGS PAS SA LAM MTHON POR BYON ZHING BSLAB PA KUN LAS BTUS PA DANG, MDO SDE KUN LAS BTUS PA SOGS RGYAL SRAS KYI SPYOD BRLABS PO CHE STON PA'I BSTAN BCOS RTZOM PA SOGS NANG DU MKHAS PA'I BYA BA RNAM PA GSUM DANG SA LAM GONG NAS GONG DU 'PHAR BA DANG GZUNGS DANG SPOBS BA DANG RANG DANG GZHAN GYI TSE RABS BRGYA STONG DRAN PA'I MNGON PAR SHES PA DANG RDZU 'PHRUL GYI YUL LA THOGS PA MED PAR 'JUG PA SOGS NANG DU RGYAL SRAS SA'I DBANG PHYUG GI MDZAD PAS DUS 'DA' YANG PHYI ROL DAM PA MA YIN PA'I SKYE BO RNAMS KYI NGOR 'TSO BA BSTEN PA DANG, NYAL BA DANG, BSHAD GCIG 'DOR BA MA GTOGS GLEGS BAM KLOG PA SOGS GZHAN GANG YANG MA MDZAD PAS BHU SU KU

STE 'DU SHES GSUM PA ZHES GRAGS SO, ,DE'I TSE MNGON SHES MED PA RNAMS KYIS RAB TU BYUNG BA'I BYA BA NI 'KHOR LO GSUM GYI ROL PAR GNAS PA SHA STAG YIN PA LA, 'DI NI GANG DANG YANG MI LDAN PAS DAD PAS BYIN PA LA LONGS SPYAD DU MI RUNG BAS BSKRAD PAR BYA, DE YANG MDO 'DON RES BYAS PAS RANG BUD DU 'GRO'O SNYAM NAS MDO 'DON PAR GSOL BAS, RGYAL SRAS 'DIS DE LTA BU BDAG GIS GA LA NUS ZHES ZHAL GYIS MA BZHES PAS, SLAR YANG NAN TAN BSKYED DE GSOL BAS DE LTAR NA BGYI'O ZHES ZHAL GYIS BZHES PA NA BRNYAS PA BYED PA DE DAG GIS DPAL N'A LANDRA'I DGE 'DUN THAMS CAD 'DUS PA'I DBUS SU, 'JIGS BRAL GDONG LNGAS BTEG PA'I KHRI MTHON PO BSHAMS NAS DE LA JI LTAR 'DZEG PA DAG KYANG MI SHES SO SNYAM PA NA, RGYAL SRAS 'DIS PHYAG GIS CUNG ZAD MNAN NAS STENG DU THOGS PA MED PAR GSHEGS, DE NAS MDO SNGON CHAD GRAGS PA ZHIG 'DON NAM, MA GRAGS PA ZHIG 'DON ZHES BKA' STZAL PAS SNGON MA GRAGS PA ZHIG GSUNG BAR ZHU ZHUS PAS, BDE GSHEGS CHOS KYI SKU MNGA' SRAS BCAS DANG, ,PHYAG 'OS KUN LA'ANG GUS PAR PHYAG 'TSAL TE, ,BDE GSHEGS SRAS KYI SDOM LA 'JUG PA NI, ,LUNG BZHIN MDOR BSDUS NAS NI BRJOD PAR BYA, ,ZHES PA NAS, GANG TSE DNGOS DANG DNGOS MED DAG ,CES PA'I BAR GSUNGS NAS, DE PHYIN GSUNGS BZHIN DU RDZU 'PHRUL GYIS NAM MKHA' LA 'PHAGS TE JE MTHO JE MTHOR MKHA' DANG MKHYEN PA 'GRAN PA BZHIN DU GSHEGS

, ,NAS MTHAR SKU MI SNANG BAR GSUNG GRAG PA'I SGO NAS RDZOGS PAR BTON TE GSHEGS SO, ,DE'I SHUL DU RNA BA'I MNGON PAR SHES PA DANG, MI BRJED PA'I GZUNGS LA DBANG 'BYOR PA'I PAndI TA RNAMS KYIS GZHUNG BTUS PA NA, KHA CHE BA RNAMS KYIS LE'U DGU YOD PAR BZUNG ZHING, YUL DBUS PA RNAMS KYIS LE'U BCU YOD PAR BZUNG BA DANG, BSLAB PA KUN LAS BTUS PA YANG, ,NGES PAR YANG DANG YANG DU BLTA, ,YANG NA RE SHIG MDOR BSDUS PA; ;MDO SDE KUN LAS BTUS PA BLTA, ,ZHES GSUNGS PA'I BSTAN BCOS GNYIS PO YANG JI LTAR YIN THE TSOM DU GYUR PA NA, DUS NAM ZHIG GI TSE LHO PHYOGS MCHOD RTEN DPAL YON CAN ZHES BYA BA NA BZHUGS PA THOS TE, DGE SLONG GNYIS SPYAN 'DREN DU BTANG BAS, MA BYON PAR GZHUNG GI TSAD YUL DBUS PA RNAMS KYIS BSDUS PA LTAR YIN, BSLAB BTUS DANG MDO BTUS GNYIS BO KHO BO'I SPONG KHANG GI GDUNG GSEB NA PAndI TA'I YI GE PHRA MO BRIS NAS YOD CES GSUNGS SHING SPYOD 'JUG DANG BSLAB BTUS GNYIS KA'I MAN NGAG RNAMS KYANG RDZOGS PAR GNANG NGO, ,DE NAS RGYAL SRAS ZHI BA LHAS SEMS CAN GYI DON JI LTA BU ZHIG BYA SNYAM DU MNGON PAR SHES PAS GZIGS PA NA, RTZOD PAS RGYUD 'KHRUGS PA'I SEMS CAN MANG PO ZHIG GI DON BYA DGOS PAR GZIGS NAS SHAR PHYOGS SU BYON TE RTZOD PA CHEN PO BYED PA ZHIG GI 'THAB ZLA MDZAD PAS, RDZU 'PHRUL GYIS THAMS CAD 'DUMS PAR GYUR TE BDE BA LA BKOD DO, ,

DE NAS YANG SEMS CAN KYI DON JI LTA BU ZHIG BYA DGOS SNYAM DU DGONGS PA NA LTA BA NGAN PA'I G-YANG SAR LHUNG BA MANG PO ZHIG 'DUL DGOS PAR GZIGS NAS YUL MA GA DHA'I NUB PHYOGS HA CANG MI RING BA ZHIG NA, YA MTSAN CAN GYI LTA BA LOG PA 'DZIN PA LNGA BRGYA GNAS PA DE DAG GI 'KHOR DU BZHUGS NAS DE RNAMS MGU BAR MDZAD DO, ,DE NAS RGYAL SRAS BDAG GNYID CHEN PO 'DI'I MTHU PHUN SUM TSOGS PA DANG, LOG PAR SMRA BA DE DAG GI SNGON GYI SMON LAM RNAM PAR DAG PA'I MTHUS DUS NAM ZHIG GI TSE ZHAG BDUN GYI BAR DU BU YUG CHEN PO BYUNG BAS BZA' BTUNG CHAD DE NYON MONGS PAR GYUR NAS SU SLONG NUS PA DPON DU BSKO ZHING BSGO BA NYAN PAR BYAS PA DANG, SLOB DPON GYIS 'BRAS CHAN LHUNG BZED GANG BLANGS TE BYIN GYIS BRLABS NAS THAMS CAD TSIM PAR MDZAD DE SNGAR GYI LTA BA NGAN PA DE RNAMS BSUN PHYUNG STE THUB PA'I BSTAN PA LA BTZUD DO, ,DE NAS YANG SEMS CAN SU ZHIG LA PHAN GDAGS PAR BYA SNYAM DU MNGON SHES KYIS GZIGS PA NA MU GES NYAM THAG PA'I 'GRO BA MANG PO ZHIG LA PHAN GDAGS DGOS PAR GZIGS NAS MU GE CHEN PO PHYUNG BAS SPRANG PO STONG TZAM ZHIG BRU BA TSA BAS NYEN TE 'CHI BA LA THUG PA NA, RGYAL SRAS BDAG NYID CHEN PO 'DIS 'TSO BA SBYAR ZHING CHOS BSTAN TE BDE BA LA BKOD DO, ,DE NAS YANG RGYAL BA'I BSTAN PA LA BYA BA JI LTAR BYA SNYAM DU DGONGS PA NA RGYAL PO GDUG CAN ZHIG BTUL NA SKYE 'GRO MANG PO DANG BSTAN PA LA PHAN CHE BAR GZIGS NAS SHAR PHYOGS SU PHEBS TE AA RI BI SHA NA ZHES BYA BA'I RGYAL PO'I

, ,PHO BRANG GI NYE LOGS KYI BZHI MDO RNAMS MYUL ZHING BZHUGS PA NAM TZA LA'I GNOD PA ZHES BYA BA 'TSO BAM PHYID PAS GZHAN GYI RDZAS 'JOMS PA LA DGA' ZHING, SNYING RJE MED PA DRAG SHUL CAN RTZUB PA MI BSRUN BA MANG DU GNAS TE, YUL GZHAN NAS KYANG DE DANG TSUL MTSUNGS PA DU MA 'DUS PA GRANGS SHIN TU MANG BA DAG RGYAL PO DE'I 'BYOR PA LA BLTAS NAS 'ONGS PA NA, RGYAL PO DE MI DGA' BAR GYUR TE, GNOD BYED 'DI RNAMS 'BYOR PA KUN GYIS MGU BAR BYAS NA NI BDAG GIS RGYAL SRID THOB PA'ANG CHU SHING GI SNYING PO LTAR 'GYUR LA, 'DI DAG RE BA BZHIN MA BGYIS NA NI SKYE BO G-YON CAN 'DI DAG GIS BDAG GI LUS SEMS GNYIS SO SOR 'BRAL BAR GDON MI ZA'I SNYAM NAS RGYAL PO DE MYA NGAN GYIS NON PA NA, RGYAL SRAS BDAG NYID CHEN PO 'DIS RGYAL PO DE LA THUGS BRTZE BAS DE DAG BSRUNG BAR ZHAL GYIS BZHES TE SKU BSRUNG MDZAD PA NA, BDAG NYID CHEN PO 'DI'I MTHU TSAD MED PAS GNOD BYED DE RNAMS ZIL GYIS MNAN TE RGYAL PO 'BANGS DANG BCAS PA BDE BAR MDZAD PA NA, RGYAL PO 'KHOR BCAS SHIN TU DAD DE BKUR STI PHUN SUM TSOGS PAS MCHOD PA NA, DAM PA 'DI LA RJE BTZUN GYI PHYAG CHAR BCANGS PA'I SHING GI RAL GRI ZHIG MA GTOGS MTSON CHA GZHAN MED PA GROGS PHRAG DOG CAN GYIS MTHONG BA NA GROGS NGAN DES MA BZOD PAR, RGYAL PO LA 'DI NI SKYES BU G-YON CAN ZHIG STE MTSON YANG SHING GI RAL GRI ZHIG LAS MED PAS LHA NYID KYI SKU BSRUNG BAR MI NUS PAS

BRTAG 'TSAL LO ZHES GSOL PA NA, RGYAL PO KHROS TE, RGYAL SRAS BDAG NYID CHEN PO 'DI LA KHYOD KYI RAL GRI PHYUNG ZHIG CES SMRAS PAS, LHA NYID LA GNOD PAR 'GYUR RO ZHES GSUNGS PA NA GNOD KYANG BLA YIS NGES PA PHYUNG ZHIG ZER RO; ;'O NA LHA'I SPYAN GCIG BKAB STE GCIG GIS GZIGS SHIG CES GSUNGS PAS, DE LTAR BYAS TE RAL GRI PHYUNG BAS DE'I 'OD ZER MIG GIS MA BZOD DE MIG GCIG ZHAR BA DANG, BZOD PAR GSOL TE SKYABS SU SONG STE CHOS LA BTZUD DO, ,DE NAS YANG BDAG NYID CHEN POS MNGON PAR SHES PAS GZIGS PA NA RGYAL BA'I BSTAN PA LA LOG PAR 'KHRU BA'I MU STEGS MANG PO ZHIG 'DUL DGOS PAR GZIGS NAS DPAL GYI RI'I LHO PHYOGS SU BYON TE, AUTZTSU SMA'I SPYOD PA ZHES PA SPRANG PO'I CHA BYAD GCER BU KHRUD MA PHO BA'I TSIGS MAS 'TSO BAR BYED PA NA, KHA TI BI HA RA'I RGYAL PO'I BRAN MO KA TZA MA HAS KHRUD MA PHO BA'I CHU'I ZEGS MA SLOB DPON GYI ZHABS LA PHOG PAS LCAGS BSREGS LA BRAN PA LTAR KHOL BA MTHONG, DE'I TSE RGYAL PO DE LA MU STEGS KYI STON PA SHANG KAR DE BA ZHES BYA BAS NANG PA'I PAndI TA DANG RTZOD CING RDZU 'PHRUL 'GRAN PAR BYAS TE, DE YANG SU PHAM PA DE SU RGYAL BA'I BSTAN PA LA 'JUG CING DE'I CHOS DAD GTZUG LAG KHANG SOGS KYANG MER SREG PAR BYED PAS KHYOD KYIS GNANG BAR MDZAD CING DRANG POR BZHUGS SU GSOL, ZHES GSOL BA LTAR, RGYAL POS PHO NYA BKYE STE NANG PA'I DGE 'DUN RNAMS BSDUS NAS DON DE BSNYAD PA NA SUS KYANG KHAS

, ,LEN MA NUS PAS RGYAL PO MYA NGAN DU GYUR PA NA, BRAN MO KA TZAM HA SA RGYAL PO LA SNGAR MTHONG BA DE BSHAD PAS, DE LTA BU'I SEMS DPA' CHEN PO DE GA NA 'DUG KYANG TSOL CIG GSUNGS NAS PHYOGS KUN TU BTZAL BAS SHING SDONG GCIG GI DRUNG NA BZHUGS PA DANG MJAL NAS, MU STEGS KYI RTZOD PA DAN RDZU 'PHRUL PHAM PAR MDZAD DGOS PAR GSOL BA BTAB PAS, DE LTA BU KHO BOS NUS KYIS CHU BUM PA GANG, RAS YUG GNYIS, ME RNAMS STA GON GYIS SHIG GSUNGS NAS DE LTAR BYAS SO, ,DE NAS SKYE BO'I TSOGS MANG PO 'DUS PA'I DBUS SU GDAN KHRI BSHAMS TE RGYAL PO DANG, G-YAS G-YON DU SEMS DPA' CHEN PO DANG MU STEGS KYI STON PA RNAMS 'KHOD NAS RTZOD PAS BDAG NYID CHEN PO 'DI'I LUNG DANG RIGS PA'I MTHU PHUL DU BYUNG BAS PHYIR BRGOL DE NYID SPOBS BA LAN MED DU MDZAD DO, ,SLAR YANG MU STEGS BYED DES RDZU 'PHRUL 'GRAN PAR CHAD DE BAR SNANG LA DBANG PHYUG CHEN PO'I DKYIL 'KHOR BRIS TE SHAR SGO TZAM ZIN PA NA, BDAG NYID CHEN PO 'DIS ZAD PAR RLUNG GI TING NGE 'DZIN LA SNYOMS PAR ZHUGS PAS 'TSUB MA CHEN PO LANG STE RTZVA DANG SHING DANG GRONG KHYER THAMS CAD KYANG 'GYEL LAM 'GYEL LA THUG PAR LDEG ,RGYAL PO DANG BTZUN MO DANG DER TSOGS PA'I MI RNAMS KYANG BDAS, DKYIL 'KHOR DANG BCAS PA'I MU STEGS KYI STON PA YANG 'THOR RLUNG GIS BDAS PA'I BYE'U

BZHIN DU PHYOGS MTSAMS THAMS CAD DU 'KHYER ZHING MUN PA CHEN POR GYUR TO, ,DE NAS BDAG NYID CHEN PO 'DIS SMIN MTSAMS NAS 'OD PHYUNG STE RGYAL PO DANG, BTZUN MO LA LAM BSTAN NAS MDUN DU BKUG STE GOS DANG BRAL ZHING RDUL GYIS G-YOGS PA LA CHUS BKRUS NAS RAS GSAR PA G-YOGS ME LA BSROS TE BDE BAR BYAS SO, ,DE NAS MU STEGS KYI LHA KHANG RNAMS BSHIG MU STEGS KYI GTZO BO DANG RJES SU 'JUG PA MANG PO SANGS RGYAS KYI BSTAN PA LA BTZUD PAS DA LTA'I BAR DU YANG GNAS DE LA MU STEGS PHAM PA'I YUL ZHES GRAGS SO, ,BDAG NYID CHEN PO 'DI'I MDZAD PA DE DAG THAMS CAD BSTAN PA DANG SEMS CAN GYI DON DU MDZAD PA SHA STAG STE, RGYAL BAS MI NI AA MRA'I 'BRAS BU DANG MTSUNGS PAS PHYI SMIN LA NANG MA SMIN PA DANG, NANG SMIN LA PHYI MA SMIN PA DANG, PHYI NANG GNYIS KA SMIN PA DANG, PHYI NANG GNYIS KA MA SMIN PA SNA TSOGS SU YOD PAR GSUNGS PA LTAR SO SO SKYE BO RANG DGA' BA DAG GIS GZHAN GYI RGYUD TSOD SHES PA SHIN TU DKA' BAS, SPYIR YANG SEMS CAN SU LA'ANG SKYON RTOG GI BLO MA SHOR BAR BYA BA DANG, LHAG PAR RGYAL BA'I BSTAN PA LA ZHUGS PA RNAMS LA SKYON BRJOD PA NI THAL BAS G-YOGS PA'I ME DONG DANG MTSUNGS PAR SHIN TU NYEN CHE BA'I GNAS YIN PAS PHA ROL SU LA'ANG SKYON BRJOD MI BYA BAR DAG SNANG SBYONG DGOS SO ZHES 'DOMS PA DANG, BYANG CHUB LAM RIM LA

, ,BLO SBYONG BA RNAMS KYIS LAM LTAR SNANG DANG PHYOGS RE BAS TSIM PAR MI BYA BAR LAM GYI LUS YONGS SU RDZOGS PA LA SLOB TSUL SPYOD 'JUG DANG BSLAB BTUS GNYIS SU BRJOD PA LTAR BYA DGOS SO ZHES 'DOMS PA DANG, RJE BTZUN 'JAM DPA'I DBYANGS LHAG PA'I LHAR BSTEN NA 'DI LTA BU'I YON TAN THOB PAR 'GYUR RO ZHES 'DOMS PA DANG, MU STEGS KYI GZHUNG LUGS NI RNAM PA KUN TU YID BRTAN MI RUNG BA'I GNAS DANG, RGYAL BA'I BSTAN PA KHO NA THAR 'DOD RNAMS GYI 'JUG NGOGS YIN NO ZHES 'DOMS PA SOGS KYI CHED DU MDZAD PA DE LTAR MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RGYAL SRAS ZHI BA LHA LA GSOL BA 'DEBS SHING BDAG NYID CHEN PO 'DI'I GZHUNG 'DI DAG LA GTZIS PO CHER BZUNG NAS THOB BSAM SGOM BAS 'JUG PA LA 'BAD PAR BYA'O,, ` ,,SLOB DPON AE LA DHA RI NI, RGYAL SRAS ZHI BA LHA'I SRAS KYI THU BO STE, RGYAL SRAS ZHI BA LHA LAS THEG PA CHEN PO'I LAM GYI RIM PA'I MAN NGAG YONGS SU RDZOGS PA MNYAN NAS SGRUB PA RTZE GCIG TU MDZAD PAS LAM GONG MA'I RTOGS PA MCHOG THOB CING, RJE BTZUN 'JAM PA'I DBYANGS KYI ZHAL MTHONG NAS RGYAL SRAS ZHIB LHA DANG RTOGS PA MNYAM PA ZHIG YIN ZHES BKA' GDAMS GLEGS BAM LAS GSUNGS SO,, ` ,,SLOB DPON DPA' BO RDO RJE NI ,SLOB DPON AE LA DHA RI YONGS 'DZIN DU BSTEN NAS THEG PA CHEN PO'I LAM GYI RIM PA YONGS SU RDZOGS PA GSAN TE SGRUB PA RTZE GCIG TU MDZAD PAS SRID BA MTHA' DAG LA ZHEN PA LOG PA'I NGES 'BYUNG GIS RGYUD BSKUL NAS ZAS BSOD SNYOMS PA DANG, ZAS STAN

GCIG PA DANG, BRAS PHYIS MI LEN PA DANG, CHOS GOS GSUM PA BA DANG, PHYING PA BA DANG, PHYAG DAR KHROD PA DANG, DGON PA BA DANG, SHING DRUNG PA DANG, BLA GAB MED PA DANG, DUR KHROD BA DANG, TZOG BU PA DANG, GZHI JI BZHIN PA STE SBYANGS PA'I YON TAN BCU GNYIS DANG LDAN ZHING BDAG PAS GZHAN GCES PA'I BYANG CHUB KYI SEMS DANG SRID GSUM RMI LAM LTA BUR GZIGS PA'I LTA BA'I GDENG THOB STE, PHYI MA'I SKYE BO RNAMS LA SNANG BAR BYA BA'I PHYIR DBEN PA'I RI SUL DU SGRUB PA LA RTZE GCIG TU GZHOL BA ZHIG YIN ZHES BKA' GDAMS GLEGS BAM LAS GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON AE LA DHA RI DANG DPA' BO RDO RJE GNYIS LA GSOL BA 'DEBS SHING, BDAG NYID CHEN PO 'DI GNYIS KYI RNAM THAR LTAR DBEN BA'I GNAS SU LAM CHA TSANG LA SGRUB PA SNYING POR BYA'O,, ` ,,SLOB DPON MAH'A SHR'I RATNA BO DHI SATVA, BOD SKAD DU BYANG CHUB SEMS DPA' CHEN PO RIN CHEN DPAL ZHES PA NI, SKYES MCHOG BYAMS PA'I RNAL 'BYOR PA STE 'DI'I RNAM PAR THAR PA SNGAR BRJOD ZIN PA LTAR RO, ,BLA MA GSER GLING PA CHEN PO'I RNAM THAR YANG SNGAR BRJOD ZIN LA, BLA MA GSER GLING PA'I ZHABS DRUNG DU JO BO RJE DPAL LDAN AA TI SHAS BDAG GZHAN MNYAM BRJE'I BYANG CHUB KYI SEMS SBYOD BA'I GDAMS NGAG CES BA BLO SBYONG DON BDUN MA'I KHRID LO BCU GNYIS KYI BAR DU PHYI NANG GI G-YENG BA GANG GIS KYANG BAR MCHOD PAR GSAN PAR MDZAD DE JO BO RJE'I RNAM PAR THAR PA NI DA LTA NYID DU 'CHAD PAR 'GYUR RO, ,RLABS CHEN SPYOD RGYUD KYI GDAMS NGAG GI SNYING BO BDAG PAS GZHAN GCES PA'I BYANG CHUB KYI SEMS MA SKYES PA BSKYED PA

, ,DANG SKYES ZIN GONG 'PHEL DU BYAS TE SEMS RIN PO CHE 'DI'I SGO NAS SA LAM BGROD TSUL STON PA'I GZHUNG MCHOG TU GYUR PA NI MDO SDE PHAL PO CHE DANG, DE'I DGONGS PA 'GREL BA'I GZHUNG RIN CHEN PHRENG BA DANG, RMI LAM YID BZHIN NOR BU'I GTAM DANG, SEMS CAN MGU BA'I TSIGS BCAD DANG, SPYOD 'JUG DANG BSLAB BTUS RNAMS DANG, MDO DANG BSTAN BCOS DE DAG GI MAN NGAG RTZA TSIG TU DRIL BA BLA MA GSER GLING PA DANG ,JO BO RJE GNYIS KYIS MDZAD PA'I BLO SBYONG RTZA TSIG DANG, DHARMA RAKshI TAS MDZAD PA'I BLO SBYONG MTSON CHA 'KHOR LO DANG, BYAMS PA'I RNAL 'BYOR BAS MDZAD PA'I GYER SGOM RDO RJE'I GLU DANG, BLA MA GONG MA GCIG NAS GCIG TU BRGYUD PA'I BLO SBYONG GI KHRID DMIGS MDOR BSDUS SU BKOD PA RGYAL SRAS THOGS MED BZANG POS MDZAD PA'I BLO SPYOD DON BDUN MA DANG, RJE RIN PO CHES BLO SBYONG GI KHRID RGYAS PA GNANG DUS SEMS DPA' CHEN PO HOR STON PAS ZIN BRIS SU BTAB PA'I BLO SBYONG GI KHRID YIG CHEN MO DANG, ,RJE DGE 'DUN GRUB KYIS MDZAD PA'I THEG CHEN BLO SBYONG DANG, PAn CHEN BLO BZANG CHOS KYI RGYAL MTSAN YAB SRAS KYIS MDZAD BA'I BLO SBYONG CHE CHUNG DU MA YOD CING, RGYA BOD DU SNGON BYUNG BA'I BLO SBYONG GI YIG CHA PHAL MO CHE'I LEGS CHA BSDUS SHING, RJE BDAG NYID CHEN PO'I SNYAN RGYUD KYI MAN NGAG GIS BRGYAN NAS BDAG GZHAN MNYAM BRJE'I BYANG CHUB KYI SEMS SGOM TSUL RTZAL DU BTON PA BDAG GIS SBYAR BA'I BLO SBYONG GI KHRID YIG

CHEN MO BLO BZANG DGONGS RGYAN ZHES BYA BA ZHIG KYANG YOD DO, ,DES NA BYANG CHUB LAM RIM LA NYAMS LEN SNYING POR BYA 'DOD PA RNAMS KYIS BYANG CHUB KYI SEMS SGOM TSUL LA SHING RTA CHEN PO'I MAN NGAG KHYAD PAR CAN GNYIS YOD PA SO SO'I MAN NGAG LEGS PAR MNYAN LA GO BA PHU THAG CHOD PA BTZAL NAS MAN NGAG GNYIS PO GCIG TU BSRES NAS NYAMS SU LEN TSUL SHES PAR BYAS LA BYANG CHUB KYI SEMS RIN PO CHE LA BAG CHAGS CI THEBS BYA'O,, ` ,, SHING RTA CHEN PO'I SROL 'DZIN MAR ME MDZAD, ,CES BSNGAGS PA LEGS SBYAR GYI SKAD DU D'I PAm KA RA SHR'I DZNY'E NA BOD KYI SKAD DU DPAL MAR ME MDZAD YE SHES, MTSAN GZHAN JO BO RJE DPAL LDAN AA TI SHA ZHES YONGS SU GRAGS PA'I BDAG NYID CHEN PO DE GANG DU 'KHRUNGS PA'I YUL NI, RGYA GAR SHAR PHYOGS ZA KHOR TE ,DE NA BHAm GA LA ZHES BYA BA'I GRONG KHYER CHEN PO MI KHYIM 'BUM PHRAG DU MA YOD PA, DE'I DBUS NA RGYAL PO'I PHO BRANG GSER GYI RGYAL MTSAN CAN ZHES BYA BA LONGS SPYOD MNGA' THANG BSAM GYIS MI KHYAB PA YOD PA, YUL DE'I KHO RA KHOR YUG TU SHING LJON PA SNA TSOGS KYI PHRENG BA 'KHRIGS PA, PADMA DANG AUTPA LA LA SOGS PA'I ME TOG SNA TSOGS KYIS SA GZHI KHYAB PA, RAB RIM PA DU MA DANG, 'OBS RIM PA DU MAS BSKOR BA ZHIG STE, DE LTA BU'I RGYAL PO'I PHO BRANG DU YAB RGYAL PO DGE PA'I DPAL ZHES BYA BA DANG, YUM DPAL MO 'OD ZER CAN ZHES BYA BA GNYIS KYI SRAS SU CHU PHO RTA'I LO BDAG NYID CHEN PO 'DI BSAM BZHIN DU SKU BLTAMS SO, RGYAL

, ,SRAS BDAG NYID CHEN PO 'DI SKU BLTAMS BA'I TSE DKAR PHYOGS KYI LHA RNAMS KYIS NA MKHA' LAS ME TOG GI CHAR PHAB ,NA MKHA'I NGOS RNAMS 'JA' TSON GYI GUR KHYIM GYIS BLTAMS, LHA RNAMS KYIS DGA' BA'I GLU DBYANGS DANG ROL MO'I SGRA BSGRAGS PA MI RNAMS KYIS KYANG THOS PA SOGS NGO MTSAR YA MTSAN BSAM GYIS MI KHYAB PA BYUNG NGO, ,RGYAL SRAS DE NI 'JIG RTEN KUN GYI MIG GI BDUD RTZI LTA BU ZHAL DKYIL ZLA BA LTAR DKAR ZHING, DPRAL BA'I DBYES CHE LA SNA'I GZENGS MTHO BA, SPYAN DA KYUS RING ZHING MCHU SGROS BIM BA LTAR DMAR BA SOGS SKYE BO DAM PA'I MTSAN RTAGS DANG LDAN PAS MTHONG BA TZAM GYIS NYON MONGS DANG SDUG BSNGAL ZHI ZHING, YID LA DGA' BA DANG BDE BA SKYE LA DGE BA'I SA BON BSKRUN NUS PA ZHIG BYUNG STE, RGYAL SRAS GZHON NU DE LA YAB YUM GNYIS KYIS ZLA BA'I SNYING PO ZHES MTSAN BTAGS SO, ,RGYAL SRAS GZHON NU DE MA MA BRGYAD LA GTAD DE MTHUN PA'I DNGOS PO DAG GIS BSKYED BSRINGS SHING YAB YUM GNYIS DANG BCAS PHO BRANG GI YANG THOG NA MNAL ZHING BZHUGS PA NA PHO BRANG GI THOG NAS TSEG SGRA CHEN PO 'JIGS SU RUNG BA ZHIG BYUNG BA NA YAB YUM 'KHOR DANG BCAS PA CI ZHIG GU SNYAM DU RTAB CING PHYOGS PHYOGS SU BLTA, RGYAL SRAS GZHON NU DE NI 'JIGS PA MED PAR DGA' BA'I RNAM 'GYUR STON ZHING GNAS SO, ,DE MA THAG YAB YUM SOGS KYI MTHONG SNANG LA AU TPAL SNGON PO 'DAB MA MA NYAMS PA YID DU 'ONG BA ZHIG

BABS LA, RGYAL SRAS GZHON NU DE LA NI TSE RABS KUN GYI LHAG BA'I LHA RJE BTZUN MA SGROL MAS ZHAL BSTAN TE GSUNG GI GNANG BA STZAL LO, ,DUS DE NAS BZUNG STE RJE BTZUN SGROL MA RGYUN DU GZIGS SHING BYA BA GAL CHE BA THAMS CAD KYANG RJE BTZUN SGROL MA NYID LA ZHUS NAS MDZAD DO, ,GZHON NU DE 'KHRUNGS NAS LO GCIG DANG ZLA BA DRUG SONG BA NA, PHO BRANG DE DANG HA CANG THAG MI RING BA ZHIG NA BI KA MA LA PU RI ZHES BYA BA'I GTZUG LAG KHANG YOD PA DER RGYAL PO YAB YUM GYIS RGYAL SRAS GZHON NU 'DI RIN PO CHE'I SHING RTA'I NANG DU GDAN DRANGS, SHING RTA LNGA BRGYA'I 'KHOR DANG BCAS RGYAL PO'I YO LANGS CHEN POS GTZUG LAG KHANG DER GSHEGS BA NA, GRONG KHYER GYI SKYE BO THAMS CAD PHYOGS PHYOGS SU 'DUS NAS 'KHRUNGS PA'I TSE NA LHA RNAMS KYIS MCHOD PA BYED PA'I RGYAL BU NGO MTSAR CAN DE DA GDOD MTHONG NGO ZHES SKYE BO THAMS CAD KYIS MIG MI 'DZUM PAR RGYAL BU NYID LA BLTA ZHING DGA' BA'I CA CO'I SGRA BSGRAGS PA NA RGYAL SRAS GZHON NU DES YAB YUM GNYIS LA SKYE BO 'DI DAG SU ZHIG YIN ZHES DRIS PA NA YAB YUM GNYIS KYIS 'DI DAG NI KHYOD NYID KYI 'BANGS 'KHOR DAG YIN NO, ,ZHES ZHUS BA NA ,RGYAL BU GZHON NU DES SKYE BO 'DI DAG BDAG BZHIN PHUN SUM TSOGS PA DANG LDAN PA DANG, THAMS CAD DGE BA'I RTZA BA BSKRUN TE DAM PA'I CHOS KYIS 'TSO BAR SHOG CES GSUNG SNYAN POS BRJOD PA NA THAMS CAD AA LA LA ZHES NGO MTSAR BA'I TSIG BRJOD CING THAL MO SBYAR TE GNAS SO, ,DE NAS YAB YUM

, ,SRAS DANG BCAS BA GTZUG LAG KHANG DU PHEBS NAS DGE 'DUN RNAMS LA BSNYEN BKUR DANG MCHOG GSUM GYI RTEN RNAMS LA MCHOD PA PHUL TE PHYAG 'TSAL ZHING SMON LAM 'DEBS PA NA YAB YUM GNYIS SOGS GZHAN THAMS CAD TSE RING ZHING NAD MED PA DANG, LONGS SPYOD PHUN SUM TSOGS PA DANG, PHYI MA NGAN SONG DU MI LTUNG BAR BDE 'GROR SKYES NAS MCHOG GSUM LA BSNYEN BKUR BGYID PA SOGS KYI SMON LAM 'DEBS, RGYAL SRAS BDAG NYID CHEN PO 'DIS NI ,BDAG NI DAL 'BYOR MI DBANG LUS THOB CING, ,SKYON MED DBANG POS DKON MCHOG GSUM MTHONG ZHING, ,RTAG TU GUS PAS DKON MCHOG SPYI BOR BLANGS, ,DE RING NYID NAS SKYABS GNAS MDZAD DU GSOL, ,NAM YANG KHYIM PA'I CHOS KYIS MA BCINGS PAR, ,DGE 'DUN DBUS SU CHOS 'BYOR THOB BA DANG, ,NGA RGYAL MED PAR DKON MCHOG MCHOD BYED CING, ,SKYE BO YONGS LA SNYING RJES LTA BAR SHOG, CES SMON LAM MDZAD PA NA, DER TSOGS PA'I SKYE BO THAMS CAD DANG DKAR PHYOGS KYI LHA RNAMS KYANG DGA' ZHING MGU NAS BDAG NYID CHEN PO 'DI LA DAD PA LHUR BYED PAR GYUR TO, ,JO BO RJES SKU TSE 'DI LA CHOS GSUNG BA'I THOG MA DE YIN PAR BKA' GDAMS GLEGS BAM LAS GSUNGS SO, ,RGYAL SRAS GZHON NU 'DIS 'KHRUNGS MA THAG NAS KHYIM GYI 'DU 'DZI LA CHAGS PA MED CING LHAG PA'I LHA'I ZHAL MTHONG BA DANG, CHOS KYI SGRA DBYANGS SGROGS PA LA THOGS PA MED PAR GYUR PAS KHYIM GYI 'DU 'DZIL

CHAGS PA'I SKABS MED NA'ANG YAB YUM GNYIS 'BANGS DANG BCAS PAS KHYIM DU BZHUGS PA ZHIG BYUNG NA CI MA RUNG SNYAM DU GLU GAR DANG RTZED MO'I BYE BRAG RNAM PA SNA TSOGS SBYAR ZHING RGYAL PO MANG PO'I BU MO KHAB TU BZHES PA'I GRABS BSHAMS PA NA RJE BTZUN MA SGROL MAS RGYAL SRAS GZHON NU DE LA ZHAL BSTAN NAS, LHA CIG MA CHAGS MA CHAGS SKAL BA CAN, ,'DAM PU'I TSAL DU GLANG PO BYING BA LTAR, ,'DOD PA'I 'DAM 'DIR DPA' BO KHYOD BYING NA, ,TSUL KHRIMS GOS CAN BSNUBS PAR MI 'GYUR RAM, ,SKYE BA LNGA BRGYA LNGA BCU RTZA GNYIS SU, ,PAn CHEN DGE SLONG GTZANG MA'I LUS BRGYUD NAS, ,PADMA'I MTSO LA NGANG PA 'JUG PA LTAR, ,KHYOD NI TSE 'DIR RAB TU 'BYUNG 'GYUR LEGS, ,ZHES RGYAL SRID LA MA CHAGS PA RA CHOS MDZAD DGOS PAR BSKUL MA BTAB ,RGYAL SRAS GZHON NU RANG NYID KYANG DE LTAR DU SMON PAR MDZAD CING BZO DANG, GSO BA DANG, SGRA DANG, GTAN TSIGS DANG, NANG RIG PA STE RIG GNAS CHE BA LNGA DANG, SNYAN NGAG DANG RTZIS LA SOGS PA RIG GNAS CHUNG BA RNAMS LA'ANG SBYANGS TE MKHAS PA'I PHUL DU PHYIN PAR GYUR, KHYAD PAR DU LO BCO LNGA BZHES PA'I TSE RIGS THIGS TSAR GCIG GSAN PAS PHYI ROL PA'I RTOG GE PA MKHAS PAR GRAGS PA CIG DANG RTZOD PAS DE PHAM PAR MDZAD PAS SNYAN PA'I GRAGS PA KUN TU RGYAS SO, ,DE NAS RGYAL BU GZHON NU DES 'DI LTAR DGONGS TE, 'KHOR BA'I PHUN TSOGS GANG LA'ANG MA CHAGS PAR RGYAL BA'I BSTAN PA YONGS

, ,RDZOGS LA BSLABS TE SA LAM MTHAR PHYIN PA ZHIG CIS KYANG BYED, DE LTA BU ZHIG 'BYUNG BA LA LEGS TSOGS THAMS CAD KYI RTZA BA BSHES GNYEN DAM PA ZHIG GIS RJES SU GZUNG DGOS PAR 'DUG PAS LAM MA NOR BAR STON PA'I BSHES GNYEN DAM PA SU ZHIG LA BRTEN DGONGS PA NA, PHO BRANG DE DANG HA CANG THAG MI RING BA'I GNAS ZHIG NA DZE T'A RI DGRA LAS RNAM RGYAL BZHUGS PAR THOS NAS RI BRAG BSKOR DU 'GRO ZHES SNYAD BTAGS NAS DMAG CHAS SU ZHUGS PA'I RTA PA SUM BRGYA TZAM DANG BCAS DZE T'A RI'I DRUNG DU PHEBS NAS ZHABS SPYI BOR BLANGS TE SKYABS 'GRO DANG SEMS BSKYED ZHUS, RGYAL SRID LA MA CHAGS PAR CHOS RNAM DAG CIG 'DOD PAS RJES SU 'DZIN DGOS ZHES ZHUS PA NA DZE T'A RIS RE SHIG N'A LANDRAR BLA MA BYANG CHUB BZANG PO'I SPYAN SNGAR SONGS ZHES LUNG BSTAN, DE NAS RGYAL BU DMAG GI DPUNG DANG BCAS PAS N'A LANDRAR PHEBS NAS BLA MA BYANG CHUB BZANG PO'I ZHABS SPYI BOR BLANGS TE SEMS BSKYED ZHUS ,DE NAS BLA MA BYANG CHUB BZANG POS N'A LENDRA'I BYANG PHYOGS NA TSE'I RIG 'DZIN BRNYES SHING SPROS BRAL DBU MA'I DON GZIGS PA'I RGYAL SRAS RIGS PA'I KHU BYUG BZHUGS PAS DE'I DRUNG DU SONGS ZHES BTANG ,DE NAS RGYAL BU GZHON NU RGYAL SRAS RIGS PA'I KHU BYUG GI DRUNG DU PHEBS TE, RIGS PA'I KHU BYUG GI ZHABS LA BSNYEN TE GSOL BA BTAB PAS, RIGS PA'I KHU BYUG GIS BYANG CHUB LAM GYI RIM

PA'I GDAMS PA SPYI DANG, KHYAD PAR DPAL MGON 'PHAGS PA KLU SGRUB NAS BRGYUD PA'I LTA BA'I MAN NGAG RNAMS ZHIB PAR GNANG STE, DA DUNG BLA MA AA WA DHU TI PA ZHES BYA BA DBU MA'I LAM LA MNGA' BRNYES PA ZHIG YOD PAS DE'I DRUNG DU SONGS ZHES BTANG, DE NAS RGYAL BU GZHON NUS RIGS PA'I KHU BYUG GI BKA' LUNG LTAR BLA MA AA WA DHU TI PA'I ZHABS DRUNG DU PHEBS NAS RJES SU 'DZIN PAR ZHUS PA NA, ,BLA MA AA WA DHU TI PAS CHOS RNAM DAG BYED PA LA RGYAL SRID KYI 'BYOR PA SPANG DGOS TE RGYAL SRID KYI 'BYOR PA NI DUG GI MTSO DANG 'DRA ZHING, ME'I 'OBS DANG 'DRA BAR RNAM PA KUN TU PHUNG BA'I RGYU YIN PAS LAN CIG PHAR SONGS LA RGYAL SRID BLOS THONGS LA DE NAS TSUR SHOG CES LUNG BSTAN; DE NAS RGYAL SRAS GZHON NU DES BLA MAS JI LTAR LUNG BSTAN PA LTAR PHO BRANG DU PHEBS NAS YAB YUM LA GNANG BA NAN GYIS ZHUS TE RGYAL SRID MCHIL MA'I THAL BA BZHIN DU SPANGS NAS BLA MA AA WA DHU TI PA'I ZHABS LA GTUGS, AA WA DHU TI PAS LUNG BSTAN NAS RI NAG PO'I GTZUG LAG KHANG GI RNAL 'BYOR GYI DBANG PHYUG DPAL KYEE RDO RJE'I ZHAL GZIGS SHING RDO RJE MKHA' 'GRO MAS LUNG BSTAN PA THOB PA'I BLA MA R'A HU LA GUPTA LA DBANG YONGS SU RDZOGS PAR ZHUS SHING ,GSANG MTSAN YE SHES GSANG BA'I RDO RJE ZHES BYA BAR BTAGS, DE NAS LO BDUN GYI RING LA BLA MA AA WA DHU TI PA GTZO BOR BSTEN CING ,GZHAN YANG DNGOS GRUB BRNYES PA'I BLA MA DU MA'I SPYAN SNGAR

, ,RDO RJE THEG PA LA SBYANGS PAS GZHUNG DANG GDAMS NGAG MA LUS PA LA MKHAS PAR GYUR TE GSANG SNGAGS LA NGA NYID MKHAS SO SNYAM DU DGONGS PA BYUNG BA NA, d'A KI MA RNAMS KYIS SNGAGS KYI GLEGS BAM SNGAR MTHONG MA MYONG BA MANG PO MNAL LAM DU BSTAN NAS THUGS RGYAL BCAG GO, DE LTAR DGUNG LO NYI SHU RTZA GCIG NAS DGUNG LO NYER DGU'I BAR DU RGYUD SDE BZHI'I DBANG LUNG MAN NGAG MTHA' DAG LA SBYANGS SHING THUGS NYAMS SU BZHES PAS LHAG PA'I LHA MANG PO'I ZHAL GZIGS ,TING NGE 'DZIN DANG MNGON PAR SHES PA RGYA CHEN PO THOB ,DA TSE 'DI LA SNGAGS KYI BRTUL ZHUGS KYI SPYOD PA SPYAD DE PHYAG RGYA CHEN PO MCHOG GI DNGOS GRUB THOB PA ZHIG BYED SNYAM DU DGONGS PA NAR MAR BYUNG BA NA NUB GCIG RMI LAM DU ,DPAL HE RU KA MDUN GYI NAM MKHA' LA BYON NAS, RIGS KYI BU AA WA DHU TI'I SPYOD PAS GANG YANG MI PHYIN GYIS, KHYOD RAB TU PHYUNG NA DUS PHYIS TZA NA RAB TU BYUNG BA'I GDUL BYA MANG PO 'ONG BAR 'DUG GO ZHES LUNG BSTAN TO; ;YANG NUB GCIG GI RMI LAM DU, BCOM LDAN 'DAS SH'AKYA THUB PA DGE 'DUN MANG PO'I 'KHOR DANG BCAS NAS, GDUGS TSOD GSOL GYIN 'DUG, DE'I GRAL ZHABS NA JO BO NYID KYANG BZHUGS 'DUG PA LA, BCOM LDAN 'DAS KYIS JO BO LA GZIGS NAS, MI MA GI CI LA CHAGS NAS RAB TU MI 'BYUNG, ZHES GSUNG BA CIG RMIS PA NA DA NGES PAR RAB TU 'BYUNG BAR BYA'O SNYAM DU DGONGS NAS, DPAL RDO RJE GDAN BYANG CHUB CHEN PO BRNYES PA'I GNAS MA TI BHI HA RA'I GTZUG

LAG KHANG DU DGE 'DUN PHAL CHEN SDE PA, DE'I NANG NAS 'JIG RTEN LAS 'DAS PAR SMRA BA'I SDE PA SLOB DPON SANGS RGYAS YE SHES KYI BKA' RGYUD, GNAS BRTAN 'DUL BA 'DZIN PA CHEN PO SBYOR BA'I LAM PA, DE KHO NA NYID KYI PHYOGS GCIG LA ZHUGS PA'I TING 'DZIN BRNYES PA'I SH'I LA RAKshI TA ZHES BYA BA LA MKHAN PO ZHUS NAS RAB TU BYUNG, MTSAN 'DI PAm KA RA SHR'I DZNY'A NA ZHES BYA BAR BTAGS SO, ,DE NAS MTSAN NYID KYI THEG PA'I SDE SNOD GSUM GA LA ZHIB TU SBYANGS SHING, KHYAD PAR BLA MA DHARM'A RAKshI TA'I SPYAN SNGAR 'DUL BA LUNG SDE BZHI'I GNAD KUN BSDUS SHING, MNGON PA SDE BDUN GYI GNAD KUN BSDUS PA'I BSTAN BCOS BYE BRAG TU BSHAD PA CHEN PO ZHES BYA BA BAM PO BRGYAD BRGYA TZAM YOD PA'I BSTAN BCOS CHEN PO DE LA BCU GNYIS KYI BAR DU GSAN NAS MTHA' CHOD PAR SBYANGS, SDE PA BCO BRGYAD PO SO SO'I BYIN LEN DANG RUNG CHU SOGS PHYAG LEN PHRA MO MTHA' DAG MA 'DRES PAR MKHYEN NAS 'PHAGS YUL GYI SDE PA BCO BRGYAD PO THAMS CAD KYI GTZUG GI NOR BUR GYUR TO, ,DE LTAR MDO SNGAGS KYI CHOS 'PHAGS YUL NA DE DUS BZHUGS PA MTHA' DAG GSAN CING THUGS NYAMS SU BZHES NAS MYUR DU 'TSANG RGYA BA LA LAM GANG ZHIG MYUR SNYAM PA NAR MAR YOD PA NA RI NAG PO'I KHONG GSENG NA BZHUGS PA'I BLA MA R'A HU LA GUBTAS MNGON PAR SHES PAS MKHYEN TE, DER BYON NAS JO BO LA GSUNGS PA, YI DAM GYI LHA ZHAL MTHONG BA DANG, DKYIL 'KHOR GYI LHA TSOGS MANG PO

, ,MNGON DU GYUR PA DANG, THUN MONG GI DNGOS GRUB MANG PO THOB PA DANG ,TING NGE 'DZIN RI RGYUD TZAM YOD PAS GAR YANG MI PHYIN, BYAMS PA DANG SNYING RJE BYANG CHUB KYI SEMS LA BLO SBYONGS, THUGS RJE CHEN PO SNYING RJE'I LHA YIN PAS YI DAM DU ZUNGS, 'KHOR BA MA STONGS KYI BAR DU SEMS CAN GYI DON BYED PAR DAM 'CHOS SHIG GSUNGS, YANG RDO RJE GDAN GYI KHOR SA NA PHAR BSKOR BA MDZAD PA'I TSE LDER BZO GCIG GIS GCIG LA DRI BA DANG LAN 'DEBS PA'I TSUL DANG, RDO RJE GDAN GYI LHO PHYOGS KYI NA MKHA' LA MI'I LUS LAS 'DAS PA'I BU MO GNYIS GCIG GIS GCIG LA DRI BA'I TSUL DU ,MYUR DU MNGON PAR RDZOGS PAR 'TSANG RGYA BAR 'DOD PAS CHOS GANG LA BSLAB PAR BYA ZHES ZER BA LA, CIG SHOS NA RE BYANG CHUB KYI SEMS LA BSLAB BAR BYA'O, ,ZHES GSUNGS NAS, BYANG CHUB KYI SEMS SBYANGS THABS BZANG BA CIG GSUNG GI 'DUG PA LA, BSKOR BA 'PHRO BCAD NAS GSAN PAS SNOD GCIG NAS GCIG TU BYO BA BZHIN DU THUGS SU CHUD, SLOB DPON KLU SGRUB KYIS BZHENGS PA'I RDOR NA BZHUGS TZA NA, BUD MED RGAN GZHON GNYIS 'DUG PAS, GZHON PA DE LA RGAN PA DES MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS SBYONGS GSUNG BA DANG, YANG RDO RJE GDAN GYI GANDHO LA LA BSKOR BA MDZAD PA'I TSE, BYA 'DAB 'OG NA DE BZHIN GSHEGS PA'I SKU GCIG BZHUGS PA'I ZHAL NAS, HE BHA DANDA MYUR DU MNGON PAR RDZOGS PAR 'TSANG RGYA BAR 'DOD PAS, BYAMS SNYING RJE BYANG CHUB KYI SEM SBYONGS SHIG GSUNGS, YANG RDO RA KHANG BU LA BSKOR

BA MDZAD PA'I TSE, BA SO'I RGYAL BA SH'AKYA THUB PA GCIG 'DU PA DE'I ZHAL NAS, DZOKI, MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS LA SBYONGS GSUNG, DE NAS JO BO RJES BYANG CHUB KYI SEMS RIN PO CHE MA SKYES PA BSKYED PA DANG SKYES ZIN GONG 'PHEL DU BYAS TE MTHAR PHYIN PA'I PHYIR DE'I MAN NGAG YONGS SU RDZOGS PA MNGA' BA SU ZHIG YOD SNYAM BTZAD DPYAD PA NA DUS DE'I TSE BLA MA GSER GLING PA CHEN PO BYANG CHUB KYI SEMS KYI BDAG POR GRAGS PAS BLA MA GSER GLING PA CHEN PO'I ZHABS DRUNG DU BYANG CHUB KYI SEMS KYI GDAMS NGAG RDZOGS PAR GSAN PA'I PHYIR GSER GLING DU 'BYON PAR BZHED NAS 'DZAM BU GLING NAS GSER GLING DU TSONG LA 'GRO BA'I TSONG PA LAM RGYUS CAN DANG BCAS RGYA MTSO LA GRU GZINGS BCAS NAS ZLA BA BCU GSUM GYI RING MTSO'I STENG LA BYON TE DE'I TSE BDUD DGA' RAB DBANG PHYUG GIS SANGS RGYAS KYI BSTAN PA DAR BA MA BZOD NAS JO BO RJE'I BYANG CHUB KYI SEMS LA BAR CHAD BYA BA'I PHYIR MI MTHUN PA'I RLUNG BTANG STE GRU GZINGS LAM LOG PAR BSGYUR BA DANG, CHU SRIN NYA MIG CHEN PO RI LTA BUS GRU GZINGS KYI MDUN BKAG PA DANG ,NAM MKHA' LAS THOG BABS PA SOGS GNOD PA TSABS CHEN PO BYAS PA NA PAndI TA SA'I SNYING POS JO BO RJE LA THUGS DAM BSKUL BA'I GSOL 'DEBS SHUGS DRAG TU BYAS PAS, JO BO RJES GSHIN RJE'I GSHED DMAR PO'I TING NGE 'DZIN GYI SGO NAS BDUD SDE DPUNG DANG BCAS PA BTUL TE RIM GYIS GSER GLING DU PHEBS, GSER GLING GI SNE ZIN MA THAG BLA MA GSER GLING PA

, ,CHEN PO'I SLOB MA BSAM GTAN PA 'GA' ZHIG BZHUGS PA DANG MJAL, DER ZHAG BCU'I RING DPON SLOB TSANG MAS NGAL BSOS SHING BSAM GTAN PA DE DAG LA BLA MA GSER GLING PA PHYOGS GANG DU BZHUGS DANG MDZAD PA RNAM THAR JI LTAR YOD RNAMS DRI GTUGS MDZAD BSAM GTAN PA DE DAG GIS KYANG PAndI TA SA'I SNYING PO LA SOGS PA JO BO'I SLOB MA RNAMS LA JO BO RJE'I SKU GSUNG THUGS KYI YON TAN DANG MDZAD SPYOD RNAMS ZHIB TU DRI GTUGS BYAS PAS YID CHES KYI DAD PA CHEN PO SKYES NAS BSAM GTAN PA DE DAG GIS MYUR BAR PHYIN TE BLA MA GSER GLING BA CHEN PO LA 'DI SKAD GSOL TO, ,KYEE BLA MA DAM PA GSAN DU GSOL, DENG SANG GLING 'DIR RGYA GAR GYI MKHAN PO D'I BAm K'A RA SHR'I DZNY'A NA BYA BA DE, SLOB MA BRGYA DANG NYI SHU RTZA LNGA'I TSOGS DANG LHAN CIG TU, RGYA MTSO CHEN PO LA ZLA BA BCU GSUM GYI BAR DU BYON PA BDUD DANG MU STEGS KYI LHA DBANG PHYUG CHEN POS BAR CHANG BYAS PA BYAMS PA DANG SNYING RJES 'CHING ZHING SKU GSUNG THUGS MDANGS MA SHOR BAR BDAG CAG GA NA BA DER LHAGS SO, ,DE LA ZHAG BCU BZHI'I BAR DU CHOS KYI GTAM BGRO BAR BYAS BAS, BDAG CAG SEMS RANGS SHING TSIM PAR GYUR TO, ,DA NI SKABS KYI DON LA MKHAS PA CHEN PO DE KHYED KYI DRUNG DU 'ONGS TE DUS GSUM GYI RGYAL BA THAMS CAD SKYED BAR BYED PA'I YUM GTZO BOR NYAN PA DANG ,SMON 'JUG BYANG CHUB MCHOG TU SEMS BSKYED DE THEG PA CHEN PO'I BLO SPYONG BAR BGYI, GZHAN YANG BLA MA'I GZHUNG LUGS RGYA MTSO LTA BU NYIN MTSAN DU SPYAD PAR 'DOD PAR GDA' BAS

THUGS RJE CHEN POS GO SKABS DBYE ZHIG, CES ZHUS, DE NAS JO BO RJE DPON SLOB RNAMS BLA MA GSER GLING PA CHEN PO'I PHO BRANG DANG NYE BAR PHEBS BA NA BLA MA GSER GLING PAS DGE SLONG CHOS GOS GSUM KHA DOG MTHUN PAR GSOL BA, THAMS CAD MTHUN PAR RIL BA SPYI BLUGS 'DZIN PA, THAMS CAD KYANG 'KHAR GSIL MDZES PAR BSNAMS BA SHIN TU DANG BA 'DREN PA DGRA BCOM BA LTA BU LNGA BRGYA DANG SUM CU RTZA LNGA'I SNA BLA MA GSER GLING BAS DRANGS NAS DGE TSUL DRUG CU RTZA GNYIS KYIS BRTEN TE, MDOR NA RAB TU BYUNG BA LNGA BRGYA DANG DGU BCU RTZA BDUN GYIS RGYANG RING PO NAS BSU BA'I PHYIR NAR GYIS BYUNG BA GZIGS SO, ,DE MA THAG TU BCOM LDAN 'DAS ZHAL BZHUGS PA'I DUS NA DGRA BCOM PA RNAMS KYIS BSKOR BA LTAR SHIN TU DANG BA 'DREN ZHING THUGS NYAMS DGA' BA'I MTHAR THUG PAR GYUR TO, ,DE NAS JO BO RJES PAndI TA SA'I SNYING PO LA SOGS PA RIGS PA'I GNAS LNGA LA MKHAS PA'I PAndI TA DANG, SDE SNOD GSUM LA MKHAS PA'I DGE SLONG RNAMS PHYAGS LHAM 'BRING MIG MA GSOL BA KHA CHE GUR KUM GYIS LEGS PAR KHA BSGYUR BA'I CHOS GOS RNAM GSUM PHAL CHEN SDE BAS LEGS PAR BSNGAGS PA MDZES PAR GSOL BA, THAMS CAD KYANG RTEN 'BREL GYI CHE BAS LCAGS KYI LHUNG BZED RAB TSAD RDOL BUG MED PA BSNAMS PA, ZANGS KYI RIL BA SPYI BLUGS MA GA DHA'I BRE GANG SHONG BA DANG, BSTAN PA'I BDAG POS RAB TU BSNGAGS PA'I 'KHAR GSIL LA SOGS PA'I RTAGS MTSAN THAMS CAD LEGS PAR TSANG BA YOD PA, THAMS CAD KYANG PAndI TA'I ZHVA NGA RGYAL MED PA GSOL BA, RNGA YAB DKAR PO RE PHYAG NA BSNAMS PA BRGYA DANG NYI SHU RTZA LNGAS

, ,JO BO'I RJES LA BAR DU MI RE SHONG TZAM DU MA 'BYAR BA, RGYANGS CHES MA DRAGS PA, BAR MA CHAD PAR 'JA' TSON SNA LNGA'I GUR BZHIN DU MGON PO GSER GLING PA GANG NA BZHUGS PA DER BYON PA DANG, THAMS CAD PHUN SUM TSOGS PA SHA STAG TU GYUR PAS DKAR PHYOGS KYI LHA RNAMS DGA' ZHING MGU NAS ME TOG GI CHAR PA PHAB, GSER GLING NA GNAS PA'I SKYE BO THAMS CAD BLA MA GNYIS KYI MDZAD PA LA NGO MTSAR RMAD DU BYUNG BA'I DAD PA THOB BO, ,DE NAS JO BO RJES RIN PO CHE'I BUM PA LTO BA CHE LA DBYIBS ZLUM PA, RTZA BA BRTAN LA MGRIN PA RING BA, KHA YEL LA MCHU 'PHYANG BA, NANG NA DNGOS PO CI YOD PHYI NAS GSAL ZHING RIN PO CHE GSER DANG, DNGUL DANG, MU TIG DANG, BYU RU DANG, BEE d'URYAS BKANG STE BLA MA GSER GLING PA CHEN PO'I PHYAG TU PHUL, PAndI TA SA'I SNYING PO LA SOGS PA JO BO'I SLOB MA GZHAN THAMS CAD KYIS KYANG GSER ZHO RE PHYAG RTEN DU PHUL LO, ,DE NAS JO BO RJES GSER GLING PA'I GZIM KHANG PHO BRANG GSAR GDUGS CAN GYI NANG DU PHEBS TE, BLA MA GSER GLING PA LA MAndAL PHUL NAS DUS GSUM GYI SANGS RGYAS THAMS CAD KYI YUM GCIG PU SHES RAB KYI PHA ROL TU PHYIN PA'I MDO SDE RIN PO CHE'I DON GYI SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, DE'I THABS SU THEG PA CHEN PO'I LAM GYI RIM PA'I LUS YONGS SU RDZOGS PA MGON PO BYAMS PA NAS 'PHAGS PA THOGS MED SKU MCHED SOGS LA BRGYUD PA DANG, RJE

BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I GDAMS NGAG YONGS SU RDZOGS PA GNANG DGOS TSUL ZHUS PA NA, BLA MA GSER GLING PAS DE LA LO MANG PO 'GOR BAS NYID RANG GIS BZHUGS NUS NA CIS KYANG 'BUL ZHES GSUNGS, DE LA JO BO RJES LO JI TZAM 'GOR YANG YONGS SU RDZOGS PA ZHIG CIS KYANG ZHU ZHES GSOL BA BTAB NAS LO BCU GNYIS KYI RING DBU SNGAS SPREL TE THEG PA CHEN PO'I LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BLO SBYONG BA'I GDAMS NGAG RNAMS BUM PA GANG BYO'I TSUL DU GSAN, DE NAS RGYA MTSOR 'JUG PA'I DED DPON GYIS YID BZHIN GYI NOR BU RIN PO CHE RNYED NAS RANG YUL DU LDOG PA LTAR JO BO RJE YANG THUGS LEGS PAR TSIM NAS RGYA GAR DU PHEBS PAR PHYOGS PA NA BLA MA GSER GLING PA CHEN POS KHONG RANG LA CHUNG DU'I DUS NAS RNYED PA'I THUB DBANG GI GSER SKU DE JO BO RJE'I PHYAG TU PHUL NAS BSTAN PA'I BDAG POR BYIN GYIS BRLABS SO, ,DE NAS JO BO RJE DPON SLOB RNAMS RGYA MTSO LA GZINGS BCAS TE RGYA GAR DU PHEBS NAS BSTAN PA'I BDAG PO MDZAD CING BZHUGS, DE'I TSE JO BO RJE RDO RJE GDAN NA BZHUGS DUS, MA GA DHA'I RGYAL PO NEERYA P'A LA DANG, NUB PHYOGS KARnA'I RGYAL PO GNYIS HUG ? LA WAL GYIS BYUNG NAS LAN BTAB PAS PAndI TA DE TSAR BCAD, SLO THUB PAR GNAS GZHI RNAMS SU DRANGS PAS RAB TU BYUNG BA BZHI, DGE BSNYEN GCIG DANG LNGA BKRONGS, YO BYAD MANG PO BA'I DUS SU KO LONG MA MDZAD PAR

, ,BYANG CHUB KYI SEMS BSGOMS, PHYIS G-YUL LOG NAS MA GA DHA'I RGYAL BOS KARnA'I DMAG MI THAMS CAD GSOD PA LA THUG PA NA KARnA'I RGYAL PO DANG DMAG MI THAMS CAD KYI SROG BSKYABS NAS BTANG, SLAR YANG DE GNYIS 'THABS PA NA JO BO RJES ZANG ZING GI NOR TSAD MED PA SO SOR GNANG STE CHU BO CHEN PO BRGAL NAS DMAG PHAN TSUN 'DUMS PAR MDZAD DE SEMS CAN GRANGS MED PA'I SROG BSKYABS SO, ,DE YANG, BSTOD PA LAS, RGYAL PO NEERYA P'A LA DANG, ,NUB PHYOGS KARnA'I RGYAL PO GNYIS, ,RTZOD PA CHEN PO BYUNG BA'I TSE, ,NUB PHYOGS KARnA'I RGYAL PO YIS, ,MA GA DHAR NI DMAG DRANGS PAS, ,GRONG KHYER MA THUB GNAS GZHIR DRANGS, ,RAB BYUNG DGE BSNYEN LNGA YANG BSAD, ,YO BYAD MANG BO GZHAN DU KHYER, ,KHYOD LA ZHE SDANG MI MNGA' BAS, ,KO LONG MA MDZAD SNYING RJE 'KHRUNGS, ,G-YUL LOG TSE NA DMAG MI BSKYABS, ,PHYI NAS BLA MAS 'DUMS MDZAD DE, ,'TSO BA'I YO BYAD MA GTOGS PA, ,YO BYAD LHAG MA MED PAR BTANG, ,LUS DANG SROG LA MA GZIGS PAR, ,CHU BO CHEN PO YANG YANG BRGAL, ,DE GNYIS 'DUMS NAS MDZA' BOR MDZAD, ,CES GSUNGS, YANG JO BO RJE RDO RJE GDAN DU BSKOR BA MDZAD KYIN BYAMS SNYING RJE BYANG CHUB KYI SEMS LA THUGS SBYONG BA NA, LHO PHYOGS NAS MU STEGS PA'I PAndI TA GDUGS BCU GSUM PHUB PA GCIG BYUNG NAS SANGS RGYAS PA'I BSTAN PA'I BDAG PO KHYOD YIN, MU STEGS PA'I BSTAN PA'I BDAG PO NI KHO BO YIN PAS RANG CAG GNYIS RTZOD

PA BYAS LA SU RGYAL BA DE'I BSTAN PA LA 'JUG DGOS ZER NAS, RGYAL PO DPANG DU BTZUGS TE RTZOD PA BYAS PAS, JO BOS TSEGS MED PAR TSAR BCAD PAS GDUGS BCU GSUM PO JO BO LA PHUL, ZHABS SPYI BO'I GTZUG TU BLANGS, SLOB MA BYAS NAS PHYI ROL PA THAMS CAD NANG PA'I BSTAN PA LA BTZUD DO, ,YANG SANG PHOD LO DUS SU MU STEGS PA'I STON PA GDUGS BRGYAD PHUB PA GCIG BYUNG BA'ANG SNGA MA BZHIN DU TSAR BCAD DO, ,YANG DE'I SANG PHOD MU STEGS KYI STON PA GDUGS LNGA PHUB PA SGRA TSAD LA SHIN TU MKHAS PA GCIG BYUNG NAS, SNGA MA KHO NA BZHIN DU ZER BA LA, JO BOS KYANG RTZOD PAR ZHAL GYIS BZHES NAS RTZOD PA'I DUS BOR, RGOL PHYIR RGOL GYI STAN BSHAMS, PAndI TA MANG PO DANG, SKYE BO'I TSOGS 'DUS PAR GYUR PA'I DBUS SU RTZOD PA BYAS PAS THOG MAR PAndI TA SUM CU TZAM GYIS GO, DE NAS BCO LNGA TZAM GYIS GO, DE NAS PHRA BAR GYUR PAS BCU TZAM GYIS GO, DE NAS WA TZAM GYIS GO, DE NAS RAB TU PHRA BAR GYUR PAS KHONG RANG GNYIS KYIS GO GZHAN GYIS MI GO BAR GYUR TO, ,DER MU STEGS PA DES SGRA'I TSIGS SU BCAD PA GCIG GI DON DRIS PAS JO BOS MA DGONGS PA NA, KHYOD DER SDOD CIG GSUNGS NAS NANG DU PHEBS TE JO MO SGROL MA LA MAndAL PHUL GSOL BA BTAB PAS, THUGS LA WAL GYIS BYUNG NAS LAN BTAB PAS PAndI TA DE TSAR BCAD, SLOB MAR KHAS BLANGS NAS SANGS RGYAS KYI BSTAN PA LA BTZUD DO, ,DE NAS RGYAL PO MAH'A PA LA'I RING LA JO BO RJE BI KA MA LA SH'I LA'I GTZUG LAG KHANG DU SPYAN DRANGS, GTZUG LAG KHANG

, ,BCO BRGYAD KYI BDAG PO MDZAD NAS SANGS RGYAS KYI BSTAN PA RGYA CHER SPEL, DUS DE'I TSE RGYA GAR SHAR NUB YUL DBUS DANG BCAS PA'I DGE 'DUN THAMS CAD KYI GTZUG GI NOR BU LTA BUR GYUR TE RGYAL BA'I BSTAN PA LA RGYAL BA RANG NYID SLAR BYON PA LTAR SDE SNOD GSUM DANG RGYUD SDE BZHIS BSDUS PA'I MDO SNGAGS KYI BSTAN PA YONGS RDZOGS KYI BDAG POR BZHUGS SO, ,DE NAS JO BO RJE'I SNGON GYI THUGS BSKYED DANG SMON LAM GYI MTHU DANG, KHA BA CAN GYI MGON PO RJE BTZUN SPYAN RAS GZIGS KYI THUGS RJE'I MTHUS BOD DU SANGS RGYAS KYI BSTAN PA RGYA CHER SPEL BA'I DUS LA BAB STE MNGA' RIS CHOS RGYAL YE SHES 'OD KYIS DKA' BA BRGYA PHRAG DU MA'I SGO NAS RGYAL BA'I BSTAN PA YONGS SU RDZOGS PA ZHIG BOD KHAMS 'DIR DAR BAR BYA PA'I PHYIR BRTZON PA NAR MAR MDZAD DE, MNGA' RIS STOD NAS BLO GSAL YID GZHUNG BA MANG PO RGYA GAR DU BRDZANGS, SAm SKRi TA'I SKAD BSLABS NAS CHOS BSGYUR DU BTZUD, LHAG PAR LO CHEN RIN CHEN BZANG POS SMON LAM RLABS PO CHE'I MTHU GRUB PAS SAm SKRI TA'I SKAD PHUL PHYIN MKHYEN, MDO SNGAGS KYI CHOS MTHA' YAS PA BSGYUR, LHA BLA MAS SBYIN BDAG BYAS TE MTHO LDING GSER GYI LHA KHANG PA ZHENGS, SNGON GLANG DAR MAS RGYAL BA'I BSTAN PA BSNUBS PA NAS LO BDUN CU TZAM GYI RING LA BOD DU RAB TU BYUNG BA GCIG KYANG MED PAR BOD MUN PA'I GLING DU GYUR PA NA MNGA' RIS CHOS RGYAL BYANG CHUB SEMS DPA' RNAMS DANG, LO CHEN RIN CHEN BZANG PO YAB SRAS RNAMS KYI MTHUS MNGA' RIS STOD DU DGE 'DUN

GYI SDE CHAGS TE MAR RIM GYIS 'PHEL, MDO KHAMS SU BLA CHEN DGE BA RAB GSAL GYIS DGE 'DUN GYI SDE DANG 'DUL BA'I BSHAD NYAN BTZUGS TE MDO KHAMS NAS YAR DAR TE DBUS GTZANG GI LJONGS SU DGE 'DUN GYI SDE RGYA CHER 'PHEL, DE LTA NA'ANG 'GA' ZHIG 'DUL BA LA MOS BLOS SNGAGS KHYAD DU GSOD, 'GA' ZHIG SNGAGS LA MOS BLOS 'DUL BA KHYAD DU GSOD, PHAL MO CHE GRUB MTHA'I KHA 'DZIN GYI BSHAD PA TZAM LAS THEG PA CHEN PO'I LAM GYI RIM PA'I LUS YONGS SU RDZOGS PA NYAMS SU LEN PA LTA ZHOG, PHYOGS MTHONG GI GO BA CHAGS PA'ANG DKON ZHING RGYA GAR NAS PAndI TAR RLOM PA GSER 'TSOL BA MANG PO ZHIG BOD DU LHAGS NAS SNGAGS LA SNYAD BTAGS PA'I RTZING SPYOD DANG RANG GZHAN PHUNG LA 'DEBS PA'I NGAN SNGAGS MANG POS BOD KYI SKYE BO BLUN PO RNAMS BSLUS TE RGYAL BA'I BSTAN PA RNAM PAR DAG BA CHAGS BA LA BAR CHAD CHER BYUNG BA NA, LHA BLA MA THUGS RJE CAN RNAMS THUGS MA BDE BAR RGYA BRTZON SENG LA SOGS PA BLO GSAL SNYING STOBS CAN MANG PO RGYA GAR DU BRDZANGS TE SAm SKRi TA'I SKAD BSLABS NAS CHOS SGYUR SHES PA ZHIG BYED PA DANG, LHAG PAR PAndI TA THUGS RGYUD 'BYONGS PA BSTAN PA LA PHAN THOGS NGES 'DRA GBAN 'DREN DGOS PA'I BKA' PHAB NAS GSER PHON CHE BA BSKUR TE BRDZANGS, RGYA BRTZON SENG LA SOGS PA DE DAG GIS KYANG LHA BLA MA'I BKA' BZHIN RGYA GAR LA PHYIN TE, LEGS SBYAR GYI SKAD BSLABS, MKHAS GRUB

, ,MANG PO LA GTUGS TE MDO SNGAGS KYI CHOS MANG DU BSLABS, LHAG PAR BOD LA PHAN THOGS PA'I PAndI TA THUGS RJE CAN JI LTA BU ZHIG YOD SNYAM DU BTZAD DPYAD PA NA DE DUS RGYA GAR NA PAndI TA BGRANG BA LAS 'DAS PA BZHUGS KYANG THAMS CAD KYI GTZUG GI NOR BU LTA BUR BZHUGS SHING, BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA MNGA' BAS BOD KHAMS KYI SKYE BOD MU RGOD 'DUL DKA' BA RNAMS 'DUL NUS PA JO BO RJE DPAL LDAN AA TI SHA NYID DU MTHONG NAS JI TZAM GSOL BA BTAB KYANG GDAN 'DREN NUS PA MA BYUNG BAR LO TZ'A BA DPON SLOB RNAMS TSUR LOG STE MNGA' RIS CHOS RGYAL KHU DBON LA DE'I RGYU MTSAN ZHUS PA NA CHOS RGYAL YE SHES 'OD KYIS DA DUNG GSER PHON CHE BA BTZAL NAS JO BO RJE GDAN 'DREN THUB PA ZHIG BYED DGOS, CIS KYANG MA THUB NA DE'I 'OG NAS PAndI TA CHE BA 'DRA GDAN DRANGS NAS BOD DU SANGS RGYAS KYI BSTAN PA RNAM PAR DAG PA TSUGS PA ZHIG CIS KYANG BYED DGONGS NAS GSER 'TSOL DU BYON PAS GAR LOG GI RGYAL POS CHOS KYI RGYAL PO YE SHES 'OD PAndI TA GDAN 'DREN PHYIR GSER 'TSOL BAR RIG NAS, 'DI'I PHA MES RNAMS KYIS SNGON YANG SANGS RGYAS KYI BSTAN PA DAR BAR BYAS ZER, 'DI MA BZUNG NA 'DIS PAndI TA GDAN DRANGS NAS, SANGS RGYAS KYI BSTAN PA DAR BAR BYED 'ONG BAS BZUNG LA BTZON KHANG DU CHUG CIG ZER NAS CHOS RGYAL YE SHES 'OD BZUNG NAS MNAR, DE CHOS RGYAL

BYANG CHUB 'OD KYIS THOS NAS RTA PA BRGYA BYAS TE KHU BO BZLOG TU PHYIN PAS, GAR LOG GI RGYAL PO PHA TSAN CHES NAS MA BZLOG ,YANG DMAG BYAS NAS KHO LA RGYAB NA LHOGS PAR SNANG STE, DE'I BAR DU 'GRO BA MANG PO'I SROG 'CHAD PAR SNANG BA DANG, NGA RANG LA YANG BAR CHOD BYUNG NA JO BO CHEN PO SPYAN MI 'DRONGS PAR DGA' BAS KHO DANG THABS MKHAS PAS BSTUN TE KHU BO BLU'I SNYAM DU DGONGS NAS BLUS BA DANG, KHO NA RE, 'O NA KHYED RANG PAndI TA GDAN 'DREN PA'I 'PHRO BSHOL, KHYED RANG YANG NGA'I 'OG TU ZHUGS, YANG NA GSER RGYAL PO RANG DANG MNYAM PA CIG KHYER LA SHOG ,DE NAS RGYAL PO BTANG GIS ZER BA LA, GSER LA 'DAMS NAS GSER SRANG BRGYA THAM PA KHYER TE, RGYAL PO BLUS PAS KYANG KHO MA NYAN, DE NAS LUS DANG MNYAM PA CIG KHYER NAS BLUS PAS KYANG THAMS CAD TSANG BA CIG DGOS ZER NAS KHO MA NYAN, DER KHU BO KHRIMS MUN NA BTZUD DE 'O BRGYAL BAR BZHUGS PA'I SGO DRUNG DU PHYI NAS KHU BO LA BOS TE, BKA' DRIN CHEN PO, SNGON GYI LAS THOG TU BAB PA YIN PAS, NGAS KHO LA DMAG RGYAB NAS BZLOG NA NI SKYE BO TSAN PO CHE PHUNG LA GTAD NAS RANG RE GNYIS KYANG NGAN SONG DU 'GRO DGOS PAR SNANG, PAndI TA GDAN MA DRANGS PAR KHYED RANG NGED KYI 'OG TU ZHUGS ZER BA LA NI, CHOS BLOS BTANG NAS SDIG RGYAL GYI 'OG TU ZHUGS PA LAS, KHYED CHOS LDAN DU GSHEGS PA DRAG SNYAM DU BSAMS, DE NAS GSER KHYED RANG TZAM ZHIG DGOS ZER BA LA GSER BTZAL BAS, KHYED KYI SKU LUS DANG MNYAM PA'I TSOD TZAM ZHIG RNYED,

, ,DES KHO MA NYAN PAS DA NGAS DBU TZAM ZHIG RNYED PA DANG BLUR 'ONG GIS, DE'I BAR DU SNGON GYI LAS LA SEMS PA DANG, DKON MCHOG GSUM LA GSOL BA 'DEBS PA DANG, SNYING PO CHE BRANG 'OG TU BCUG PA'I BSOD NAMS MDZAD DGOS PA YIN, ZHES ZHUS PA DANG, KHU BO BZHAD CIG MDZAD NAS, KHYOD LA'ANG GCES PHRUG SNUM ZAN MA'I BAGS CIG YOD, DKA' SPYAD DANG SNYING RUS MI NUS SNYAM PA YIN TE, NGA SHI YANG KHYOD KYIS PHA MES KYI SROL SKYONG BAR SNANG, KHYOD KYI DE GO BA CHE, NGA DES CHOG ,NGA'I BSAM PA LA BOD 'DIR CHOS KHRIMS ZHIG MA 'CHOS PAR NGA SHI NA MI RUNG BAR 'DUG SNYAM PA YIN TE, DA NGA NA SO YANG RGAS 'DIR NGA DA LAN MA SHI YANG TSE LO BCU YIN SNGAR TSE 'KHOR BA THOG MA MED PA NAS CHOS KYI PHYIR GCIG KYANG SHI BA MED, DA LAN CHOS PHYIR SHI NA LEGS PA YIN PAS RGYAL PO 'DI LA GSER SE BAR TI CIG KYANG MA STER, GSER NGA RAD TZAM RNYED PA SHIN TU RNGAM CHE NA, DA MGO PO TZAM PA GA NA RNYED, GSER THAMS CAD RGYA GAR DU KHYER LA DA DUNG PAndI TA DE GDAN CI 'DRONGS GYIS, PAndI TA CHEN PO'I SNYAN DU YANG, NGAN RE, NGAS KHYED DANG SANGS RGYAS KYI BSTAN PA'I PHYIR LUS SROG GAR LOG GI RGYAL PO NGAN PA LA BYIN YOD PAS TSE RABS THAMS CAD DU BDAG LA THUGS RJES 'DZIN PA DANG, NGA'I BSAM PA'I GTZO BO KHYED BOD DU BYON NAS SANGS RGYAS KYI BSTAN PA DAR BAR BYED PA YIN PAS DE KHO NA BZHIN DU MDZAD PA DANG, SKYE BA 'DI'I 'OG ROL TU KHYED DANG

NGES PAR MJAL BAR BYIN GYIS BRLAB TU GSOL, ZHES NGA'I 'PHRIN MDZOD CIG, DE LTAR LAGS PAS NGA BLOS THONGS LA SANGS RGYAS KYI BSTAN PA LA SOMS SHIG GSUNG, DE NAS LHA BLA MA BYANG CHUB 'OD KYIS NAG TSO LO TZ'A BA SKU MDUN DU BOS TE, DGE BSHES PA, JO BO SPYAN 'DREN DU RGYA GAR DU 'BYON DGOS PAR 'DUG CES BYA DGA' CHEN PO GNANG STE GSER PHON CHE BA DANG, G-YOG JI TZAM DGOS PA GTONG, RGYA GAR DU BYON NAS JO BO RJE LA 'DI SKAD ZHUS SHIG, SNGON DUS CHOS RGYAL GONG MA RNAMS KYIS DKA' BA CHEN POS RGYAL BA'I BSTAN BA BTZUGS KYANG GLANG DAR MAS BSNUBS, DE NAS NGED KYI YAB SEMS CHOS RGYAL RNAMS KYIS DKA' BA CHEN POS RGYAL BA'I BSTAN PA BTZUGS KYANG MDO SNGAGS GNYIS PO PHAN TSUN TSA GRANG LTAR SONG BA LAS BSTAN PA YONGS RDZOGS NYAMS LEN DU 'KHYER SHES PA SHIN TU DKON PAR SNANG ZHING, RTZING SPYOD CAN MANG POS BSTAN PA LA GNOD PA CHEN PO BYAS, NGED KYI KHU BO YE SHES 'OD KYIS TSUL DE MA BZOD NAS JO BO RJE KHYED GDAN 'DREN PHYIR GSER 'TSOL DU BYON PAS KHU BO GAR LOG GI RGYAL POS MED PAR BYAS PA'I GTAM DE RNAMS MGON PO AA TI SHA'I SNYAN DU THONGS, NGA'I KHU BO SNYING RJE CAN DE 'O AE BRGYAL, NGAS KYANG KHU BO DE BZHAG NAS 'ONG PHOD PA SGO'I GSENG NAS PHAR BLTAS PAS SKU LUS RNAMS NI DAR GYIS BCINGS, GSUNG GI MDANGS NI SHOR, SNGAR GYI DE LAS RNAM PA THAMS CAD 'GYUR, SKU LUS BUNG BA TZAM ZHIG TU SONG, NGE'I KHUNG NA'ANG BOD KYI SEMS CAN DANG SANGS RGYAS KYI BSTAN PA DANG

, ,JO BO 'BA' ZHIG THUGS LA SEMS, NGED BOD MTHA' 'KHOB KYI SEMS CAN MA RIG PA RNAMS KYI SNYING STOBS DE 'DRA NA KHYED 'GRO BA'I SKYABS GNAS THUGS RJE CAN RNAMS JI TZUG LA SONG, ZHES ZHUS SHIG CES MNGAGS GSER SRANG BDUN BRGYA BSKUR TE NAG TSO LO TZ'A BA DPON G-YOG RNAMS RGYA GAR DU JO BO SPYAN 'DREN DU BRDZANGS SO, ,DE NAS NAG TSO LO TZ'A BA DPON G-YOG 'GAS LHA BLA MA'I BKA' BZHIN RGYA GAR DU BYON, LAM PAR RNAMS SU CHOM KUN GYI 'JIGS PA SOGS BAR CHAD MANG BO BYUNG BA RNAMS THUGS RJE CHEN PO'I SPRUL BA SNA TSOGS PAS BSAL TE NYE ZHO MED PAR BI KA MA LA SH'I LAR SLEBS, RGYA BRTZON SENG DANG GROS BYAS TE JO PO GDAN 'DREN PA'I BKOD PA BYAS PA NA RE SHIG JO BO'I ZHAL MJAL BA SHIN TU DKA' BA BYUNG, DE NAS THUGS RJE CHEN PO'I SPRUL PAS JO BO BOD DU 'BYON PA'I RTEN 'BREL SGO DU MA NAS BSGRIGS TE, NYIN CIG RGYA GAR GYI PAndI TA DANG RGYAL PO GZHAN GYIS MTSOR BAR DBEN PA ZHIG GI DUS RGYA BRTZON SENG GIS NAG TSO LO TZ'A BA LA SHOG GSUNGS NAS JO BO'I GZIM KHANG DU KHRID, MAndAL KHRU GANG PA CIG YOD PA'I STENG DU GSER LING BA DE BZHAG, GSIL MA RNAMS TSOM BUR BKOD NAS JO BO LA PHUL TE, LO TZ'A BA RGYA BRTZON 'GRUS SENG GES GTAM BTANG BA, BOD KYI RGYAL PO BYANG CHUB SEMS DPA' YIN LUGS, CHOS RGYAL MES DBON GSUM GYI RING LA CHOS JI LTAR DAR LUGS, GLANG DAR MAS BSTAN PA BSNUBS LUGS, BLA CHEN PO'I DRIN LAS

DGE 'DUN JI LTAR 'PHEL LUGS, LHA BLA MA KHU DBON GYIS JO BO SPYAN 'DREN PA'I PHYIR DKA' SPYAD BYAS LUGS, DA LTA BOD NA CHOS LOG JI LTAR DAR LUGS ZHIB RGYAS DANG BCAS PA ZHUS NAS, DA YANG BOD KYI RGYAL PO BYANG CHUB SEMS DPA' DES TSE DANG LDAN PA 'DI MGON PO KHYED SPYAN 'DREN DU BTANG NAS GDA' BAS, NA NING SKAD MI GSUNG BAR BOD LA THUGS RJES GZIGS PAR ZHU ZHUS PAS, JO BO'I ZHAL NAS BOD KYI RGYAL PO BYANG CHUB SEMS DPA' YIN PAR 'DUG ,CHOS RGYAL MES DBON RNAM GSUM YANG BYANG CHUB SEMS DPA'I RNAM 'PHRUL YIN TE, DE BAS BLA CHEN PO YANG BYANG CHUB SEMS DPA'I RNAM 'PHRUL YIN, DE MIN NA BSTAN PA'I ME RO BSLANG BAR MI NUS, JO BO LHA BLA MA DE KUN BYANG CHUB SEMS DPA' YIN PAR 'DUG, BYANG CHUB SEMS DPA'I BKA' BCAG TU YANG MI RUNG BA YIN, RGYAL PO DE LA NGO YANG GNONG BAR YOD, KHONG GI MI NOR MANG PO CHUD ZOS LA SONG, KHYED BOD RNAMS SNYING RJE BAR YANG 'DUG STE, NGA YANG NA SO RGAS, LDE MIG MANG PO'ANG 'DZIN, BYA BA MANG PO'I 'PHRO YANG YOD PAS BOD DU THON RE MI 'ONG NGAM, 'ON KYANG NGAS BRTAG BA CIG BYA YI, RE ZHIG KHYED RANG GI GSER TSAGS GYIS GSUNGS NAS PHYIR LA GTOD PAR MDZAD, DE NAS JO BO RJES BOD KHAMS KYI GDUL BYA RNAMS LA THUGS BRTZE PAS BOD DU BYON NA SANGS RGYAS KYI BSTAN PA LA PHAN MI PHAN DANG, DE LA GEGS BAR CHAD KYIS GNOD PA YOD MED SOGS BRTAG BA MDZAD DE LHAG BA'I LHA RNAMS LA GSOL 'DEBS SHUGS DRAG

, ,TU MDZAD CING RDO RJE GDAN DU BZHUGS PA'I DUS, LHA DANG BLA MA RNAMS KYIS BYANG CHUB KYI SEMS JI LTAR SBYONG BAR BSKUL BA BZHIN THUGS RJE CHEN PO YI DAM DU BZUNG NAS RDO RJE'I GDAN GYI NUB PHYOGS NA 'OD DPAG TU MED PA'I LHA KHANG ZHIG YOD PA DE'I NANG DU BYAMS PA'I THUGS DAM LA BZHUGS PAS, JO BO THUGS RJE CHEN PO'I ZHAL MNGON SUM DU GZIGS, THUGS RJE CHEN PO'I ZHAL NAS, SKYES BU DAM PA LEGS SO LEGS SO DUS GSUM GYI SANGS RGYAS THAMS CAD KYI GSANG BA'I MDZOD GANG YIN PA DE KHYOD KYIS SHES SO, ,'DI NAS BYANG PHYOGS NA NGA'I ZHING KHAMS YOD, KHYOD KYI YI DAM JO MO SGROL MA YANG DE NA SEMS CAN GYI DON MDZAD CING BZHUGS, KHYOD KYI GDUL BYA MANG PO YANG DE NA YOD PAS BYANG PHYOGS SU SONGS SHIG GSUNGS NAS BOD KHA BA CAN 'DUL BAR LUNG BSTAN TO, ,YANG JO BO RJES RJE BTZUN MA SGROL MA'I RTEN GYI SPYAN SNGAR MCHOD PA BSHAMS, MAndAL PHUL NAS GSOL BA BTAB PA NI, NGAS BOD DU PHYIN NA BSTAN PA DANG SEMS CAN LA PHAN THOGS SAM MI THOGS BYA BA DANG, RGYAL PO BYANG CHUB SEMS DPA'I THUGS DGONGS RDZOGS SAM MI RDZOGS BYA BA DANG, RANG GI LUS SROG GI BAR CHAD DU 'GYUR RAM MI 'GYUR BYA BA GSUM GSOL BA BTAB PAS, DE'I NUB MO RMI LAM NA, GNAS 'DI 'DRA BA ZHIG NA NANG PA'I LHA KHANG CHUNG DU ZHIG YOD, NANG PAR DER SONGS LA RNAL 'BYOR MA ZHIG 'ONG GI DE LA DRIS DANG GSUNG BA RMIS, NANG

PAR JO BOS ME TOG SNYIM PA GANG BSNAMS NAS LHA KHANG DER ZHUGS BA NA RNAL 'BYOR MA RAL PA SA LA ZHAM ME BA ZHIG BYUNG, DE LA ME TOG RNAMS PHUL NAS NGA BOD KYI RGYAL POS SPYAN 'DREN NA NGAS BOD DU PHYIN NA BOD KYI SEMS CAN LA PHAN THOGS SAM MI THOGS ZHUS PAS, BOD DU BYON NA PHAN NI THOGS NAS 'ONG, KHYAD PAR AU PA SI KA GCIG LA BRTEN NAS PHAN THOGS TE 'ONG BAR 'DUG, DE BYIN GYIS RLOBS SHIG GSUNGS, DA DUNG RDO RJE GDAN LA MCHOD PA CHEN PO ZHIG BYAS LA GSOL BA GDAB DGOS SNYAM NAS 'BYON BAR CHAS PA NA, MKHAN PO DZNY'A NA SHR'I MI TRAS 'GRON BU SPAR GANG BSKUR NAS RDO RJE GDAN NA RGAN MO RAL PA SE SHA RE BA GCIG YOD DE LA PHUL GSUNG SKAD, DE NAS RDO RJE GDAN DU BYON TZA NA RGAN MO RAL PA SE SHA RE BA GCIG NA RE, NGA LA BSKUR BA'I 'GRON BU TSUR THONG GSUNG, DE LA YANG YID KYIS PHYAG DANG DRI BA MDZAD PAS KYANG GONG DANG MTHUN PAR BYUNG, BOD DU BYON NA PHAN THOGS PAR LUNG BSTAN PA NA, LUS SROG GI BAR CHAD DU 'GYUR RAM MI 'GYUR ZHUS PAS, TSE NI BOD DU BYON NA THUNG BAR 'DUG GSUNG, JI TZAM GYIS THUNG ZHUS PAS, BOD DU MA BYON NA DGU BCU GO GNYIS THUB, PHYIN NA BDUN CU RTZA GSUM LAS MI THUB GSUNG, DON LA NYI SHU THAMS PAS THUNG DU SONG BA YIN SKAD; DE'I TSE JO BO'I THUGS DGONGS LA BOD LA PHAN THOGS NA TSE THUNG NA YANG THUNG STE, TSE LA MI LTA SNYAM PA'I THUGS STOBS CHEN PO SKYES SO, ,DE NAS JO BO RJE RGYA GAR GYI DGE 'DUN GYI SDE RNAMS DANG SBYIN BDAG RNAMS KYIS BOD DU BYON NA

, ,RGYA GAR CHOS KYI 'BYUNG GNAS NYAMS PAR 'GYUR ZHES THAMS CAD KYIS MTHUN PAR BKAG NAS BOD DU 'BYON MI 'JUG PA LA, JO BO RJES THABS MKHAS KYIS BOD DU 'BYON BA'I 'PHROS MED PAR RDO RJE GDAN SOGS GNAS CHEN RNAMS SU MCHOD PA RGYA CHE BA RE BGYID BA YIN GSUNGS NAS GNAS RNAMS SU PHAR PHEBS TSUR PHEBS MDZAD, JO BO 'JAM DPAL RDO RJE SOGS SKU RTEN BYIN RLABS CAN MANG PO DANG GSUNG RTEN GLEGS BAM MANG DU YOD PA RNAMS 'BROM CHOS KYI RGYAL PO'I THABS MKHAS KYI SPRUL PA TSONG PA'I RNAM PA CAN ZHIG GIS SUS KYANG MA TSOR BAR GDAN DRANGS, JO BO DPON SLOB RNAMS RGYA GAR NAS LCAGS PHO 'BRUG GI MJUG LA PHYAGS BTEG ,LCAGS MO SBRUL LA BAL YUL DU PHEBS, BAL YUL GYI RGYAL PO GRAGS PA MTHA' YAS SOGS SDE DPON RNAMS DANG, PAndI TA RNAMS KYIS GTZOS DAD LDAN THAMS CAD KYIS GUS PA CHEN POS MCHOD PA'I BYE BRAG SNA TSOGS PAS BSUS SHING GSOL BA BTAB NAS BAL YUL DU LO GCIG BZHUGS TE CHOS KYI 'KHOR LO RGYA CHEN PO BSKOR, THANG BHI HA RA'I GTZUG LAG KHANG BZHENGS TE DGE 'DUN GYI SDE BTZUGS, DE NAS JO BO RJE DPON SLOB RNAMS KYIS BAL PO RDZONG DU PHYAGS PHEBS PA NA LHA BTZUN PA'I RTA PA SUM BRGYA TZAM BSU BA LA GOS DKAR PO 'BA' ZHIG GYON, RGYA THAMS CAD KYANG DKAR PO 'BA' ZHIG BYAS, BLON PO CHEN PO LHA'I DBANG PHYUG DANG, LHA'I BLO GROS DANG,

LHA'I SHES RAB DANG, LHA'I SRID 'DZIN ZHES BYA BA BZHI LA DPA' BO DAR MDUNG DKAR PO THOGS PA BCU DRUG BCU DRUG GIS BSKOR, GZHAN THAMS CAD LA YANG BA DAN CHUNG DU RE DANG, CHU DAR GYI GDUGS NYI SHU DANG, PI WAm DANG, GLING BU'I SGRA SNYAN 'KHROL BA DANG, DPON G-YOG THAMS CAD KYANG NGAG MTHUN PAR DKON MCHOG GSUM LA SKYABS 'GRO BYED PA DANG, BOD DU SANGS RGYAS KYI BSTAN PA DAR BAR 'GYUR RO BYA BA'I KHA BRDA BZANG PO BYED BA DANG, AA TI SHA LA BDO BA'I PHAS RGOL THAMS CAD BDAG GIS GZHOM PAR BYA'O ZHES DPA' BSKYED PA DANG, THAMS CAD RTA LAS MI 'BAB PAR GRAL SGOR MOR BYAS TE, DBUS SU AA TI SHA DPON G-YOG 'KHOR DANG BCAS PA RNAMS BCUG NAS MI RTA THAMS CAD KYI MGO BO NANG DU RUG GIS BSTAN, BLON PO CHEN PO BZHIS DBUS SU 'ONGS, SNGON CHOS RGYAL KHRI SRONG LDE BTZAN GYIS MKHAN PO BO DHI SATVA SPYAN DRANGS PA'I DRUNG DU BLON PO RIG PA CAN RNAMS KYIS ZOR MA'I GLU BLANGS PA LTAR BLON PO RNAMS KYIS BLU BLANGS BA NI, LO ZHES BYA BA GRAG STONG SNYAN PA'I GLU DBYANGS LO, ,ZHES SOGS BKRA SHIS PA'I GLU DBYANGS MANG PO DANG BCAS SPYAN DRANGS, LO TZ'A BA CHEN PO GUNG THANG PA LA SOGS PA RAB TU BYUNG BA'I RTA PA SUM CU RTZA LNGAS BSKOR BA'I DBUS NA CHIBS CANG SHES MTHONG SMON DANG BA'I STENG NA JO BO RJE DPAL LDAN AA TI SHA KHRU GANG TZAM GYIS SGA LA MA REG PAR MDZAD NAS SKU'I DKYIL 'KHOR BABS CHAGS PA, MDZES PA, BLTA NA SDUG PA, 'JIG

, ,RTEN LHA DANG BCAS PAS MCHOD PAR 'OS PA, 'JIG RTEN MKHYEN CING SKYES BU 'DUL BA KHA LO BSGYUR BA BLA NA MED PA'I ZHAL 'DZUM PA DANG BCAS PA, SAm SKRi TA'I GSUNG 'KHROL BA, RUS BA CHAGS PA, TSIG GI LHAD MED LA GSUNG GI GDANGS SNYAN PA, GSUNG GI NGAR CHE LA DRANG POR SMRA BA DE KHROL MDZAD NAS, AE MA HO, AA TI AA TI, PHA LA PHA LA, PHA LA HO ZHES SOGS SAm SKRi TA'I SKAD DU BKRA SHIS MANG DU BRJOD PAR MDZAD CING RIM GYIS PHEBS TE GANGS RI CHEN POR PHEBS, GANGS RI CHEN PO LA ZHABS SKOR MDZAD PA NA GNAS BRTAN CHEN PO YAN LAG 'BYUNG 'KHOR DGRA BCOM PA RNAMS DANG BCAS GSO SBYOD MDZAD PA'I GAndI'I SGRA GSAN ZHING GNAS BRTAN CHEN PO DANG DNGOS SU MJAL NAS BKA' BGRO BAR MDZAD, MTSO MA PHAM GYI 'GRAM DU PHEBS NAS CHAB GTOR MDZAD BA'I TSE THUGS RJE CHEN PO'I ZHAL GZIGS SHING, KLU RNAMS KYIS GUS PAS MCHOD PA SOGS NGO MTSAR YA MTSAN CHE BA'I RNAM THAR MANG DU MCHIS, PHYOGS DE'I DAD LDAN RNAMS LA CHOS MANG DU GSUNGS, DE NAS RIM GYIS PHEBS TE GU GE MTHO LDING DU PHEBS SU NYE BA NA NAG TSO LO TZ'A BAS LHA BLA MA BYANG CHUB 'OD LA RING POR MI THOGS PAR JO BO RJE 'KHOR BCAS MTHO LDING GSER GYI LHA KHANG DU 'BYON PAR YOD PAS THUGS DGYES PAR ZHU ZHUS PAS LHA BTZUN CHEN PO DGYES PA'I MTHAR THUG NAS, NGAS DAD GUS MA LOG BAR GSOL BA RGYUN DU BTAB NAS YUN RING SONG STE LHA CIG DANG MJAL BA YIN, MDANG

RMI LAM NA NUB PHYOGS NAS NYI MA'I DKYIL 'KHOR CHEN PO GCIG SHAR BYUNG BA DANG, SHAR PHYOGS NAS ZLA BA'I DKYIL 'KHOR NYA GANG BA 'DRA BA ZHIG SHAR NAS BYUNG BAS, DE GNYIS LHAN CIG 'TSOGS MA THAG SPRIN DANG KHU RDUL THAMS CAD RANG SAR DENGS, SKAR TSOGS THAMS CAD NAM GUNG BZHIN DU GRA MA NYAMS PAR NYI ZLA GNYIS LA 'DUD KYIN SNANG BA RMIS, DA ZLA BA DE NGA YIN SNYAM NA YANG, SHAR PHYOGS MA GI NAS BYUNG BA SU YIN GANG YIN CHA MED SU YIN YANG DES GO CHOD PAR SNANG, RMI LTAS KYANG SHIN TU BZANG GSUNGS, DE NAS JO BO RJE GZHIS BYES KYI RTA PA LNGA BRGYA TZAM GYIS BSKOR BA'I DBUS NA CHIBS MTHONG SMON RLUNG GSHOG LA KHRU GANG TZAM MA REG PAR NYI MA'I DKYIL 'KHOR LTAR LHAM ME, YE RE, LHOD DE, SHIG GE, YAR BGRES MA DRAGS PA, MAR GZHON MA DRAGS PA DANG BA 'DREN PA'I SGANG DU GYUR BA, GTZANG CHOS NAS 'BYUNG BA BZHIN DU PAn CHEN GYI DBU ZHVA SHIN TU MDZES PA DES NAM MKHA'I MTHONGS SNYEG PA, DPON SLOB SUM CU RTZA BZHI PO THAMS CAD LTA SPYOD DANG NA BZA'I CHA LUGS KHYAD PAR MED NA'ANG, JO BO'I NA BZA' DE RDO TSOS MA SNUM ZHING DRI ZHIM LA MDANGS CHAGS PA, SKU SHA CHE BA LTA BU LA BRJID CHAGS PA, SKU LUS DRANG ZHING MDZES LA SKABS THAMS CAD PHYED PA, PHYAG DANG SOR MO THAMS CAD ZLUM ZHING RGYAS PA, BYIN GYIS PHRA BA, DBU SKRA GANG CING SNUM LA MTSAMS PHYED PA, DPRAL BA'I DBYES

, ,CHE BA; THAMS CAD NAS BLTAS KYANG 'DZUM CHAGS PA, SMIN MA BZANG LA MDANGS 'BREL BA, SNA'I GZENGS MTHO BA, ZHAL GYI DKYUS LEGS PA, MCHU'I CHAG THON PA, SNYAN SHAL RING LA MDZES BA, BAG DRO BA, ZIL CHE BA, YANG DANG YANG DU LTA SNYING 'DOD PA, DANG BA 'DREN PA'I STOBS KYIS BLTAS NAS MIG SDUD MI SHES BA, GSUNG KHROL LA SNYAN PA, GSUNG CHE LA DRANG BA, LDABS KYIN MI MDZAD PA, DAM PA'I CHOS KYI GSUNG KHO NAR 'BYON PA, DAD BA YE MED PA DAG GIS THOS KYANG DAD PA GLO BUR DU SKYE ZHING RGYUD DUL TE 'GRO BA, PHYOGS GA NAS BLTAS KYANG SANGS RGYAS BCOM LDAN 'DAS KYI DRUNG DU LHA DANG BCAS PA'I 'JIG RTEN GYIS 'DUD PA LTAR LHAM ME LHAN NE BSAM GYIS MI KHYAB PA'I RNAM THAR DANG LDAN PA CIG SNANG BA DE SKYE BO'I TSOGS SUS MTHONG YANG MTHONG MA THAG TU SKYABS SU MCHI'O, ,ZHES LAN GSUM GSUM THAMS CAD KYI KHA NAS 'BYUNG ZHING GCIG GIS GCIG LA STON CING TZAG SGRA DI RI BYAS NAS NGO MTSAR CHE 'DI NI MI RANG GA BA MIN, SANGS RGYAS BCOM LDAN 'DAS SAM DE YIN LA CHE ZER ZHING THAMS CAD RANG SA NAS SHES PA GZUNG RGYU MED PA SKAD CHEN POS 'BOD DE, SKYABS SU MCHI'O, ,SANGS RGYAS BCOM LDAN 'DAS RGYA GAR CHOS KYI RGYAL PO PAn CHEN LNGA BCU RTZA GNYIS KYI GTZUG GI NOR BU RIN PO CHE, MGON PO AA TI SHA SANGS RGYAS BSTAN PA'I BDAG PO, BDAG CAG

BOD KYI SEMS CAN LAS NGAN CAN RNAMS LA THUGS RJES GZIGS SHIG, KHYOD KYI PHYOGS SU DKA' LAS BYED PA LHA KHU DBON SHIN TU BDEN PAR SNANG NGO, ,BOD KYI MI NOR THAMS CAD ZAD KYANG 'GYOD PA MA MCHIS SO, ,KHYED GDAN 'DREN PA LA DKA' LAS CHEN BO 'ONG BA RE BDEN, DA NI 'JIG RTEN GYI MGON PO BOD DU BYON NO, ,ZHES THAMS CAD DAD PAS PHYOGS GCIG TU 'UR BA DANG, MGON PO AA TI SHA YANG SHIN TU MNYES NAS BOD KYI SEMS CAN RNAMS KHO BO LA 'DI LTAR DAD PA CHE BA, BLA MA SANGS RGYAS BSTAN PA'I BDAG PO THAMS CAD THEG PA CHEN PO'I RIGS CAN, AE MA PHAN BDE'I 'BYUNG GNAS DKON MCHOG GSUM, NGA'I GDUL BYA RNAMS LA THUGS RJES ZUNGS SHIG GSUNGS NAS KHROM THAMS CAD LA GZIGS SHING BYIN BRLABS MDZAD, LHA BLA MA'I AA nI LHA CIG CHOS 'BUM GYIS JO BO'I ZHAL GYI DKYIL 'KHOR LA BLTAS TE THAL MO SBYAR NAS MKHAS PA 'DI'I PHYOGS SU NGA'I MING PO GSER GYI RI RAB 'DRA BA CIG GSHEGS TE, NGA SEMS MI KHRAL, MYA MI NGAN, MING PO DE'I SROG DANG PAndI TA 'DI BRJES PA YIN TE, BAL PON HA SU, MNGA' RIS NA RIN BZANG, PHYOGS NAS NGA CHE ZER BA RNAMS LA NGOM PA YIN, NGA'I TSA BO 'DI SRIN BU 'DRA BA ZHIG BSKYANGS PAS DA LTA SA'I BDAG PO SNYING RUS CHE LA SKABS DON YOD PA 'DI 'DRA ZHIG BYUNG ZER NAS LHA BLA MA'I MYA NGAN RIS NON PA TZAM YOD PA SANGS PAR

, ,BYAS; MGUL G-YU GSER SRANG LNGA BCU RI BA ZHIG YOD PA DE MGON PO AA TI SHA'I PHYAG TU PHUL NAS, THAL MO SBYAR NAS 'DI SKAD ZER, MGON PO AA TI SHA G-YU RDOG 'DI MCHOD PAR BZHES LA ZHU BA 'DI GSON DANG, NGA'I MING PO LHA BLA MA YE SHES 'OD BYA BA DE MES PO CHOS KYI RGYAL PO DE RNAMS KYI CHOS KYI RNAM SROL SNYEG PA DANG, SNYIGS MA'I DUS 'DIR SANGS RGYAS KYI BSTAN PA LA LUS LONGS SPYOD DGE BA'I RTZA BA RNAMS LA SPRUGS PAS, KHYED LTA BU'I BLA MA DKON MCHOG THUGS RJE CHEN PO DANG LDAN PA RNAMS KYI THUGS RJE'I GO BAR NAS SNYING STOBS CAN DE MI 'DOD PA'I LAG TU SHOR, DA NI MING PO DE'I TSAB MA KHYED LA ZHU BA LAGS PAS SKYE BO NGAN PA RNAMS KYI LOG RTOG NGAN PA GCIG PHU SBYANG BA'I CHED DU YANG BOD DU YUN BSRINGS NAS RGYUN DU BZHUGS PA ZHU 'TSAL ZHES GSOL BA BTAB, DE NAS JO PO RJES MTHO LDING GSER GYI LHA KHANG DU PHEBS, LHA BLA MAS PHEBS STON RGYA CHEN PO MDZAD, LO CHEN RIN CHEN BZANG POS KYANG RANG GI GNAS GTZUG LAG KHANG DU SPYAN DRANGS, MCHOD PA'I DNGOS PO TSAD MED PAS MCHOD, DBU MA SNANG BA SOGS CHOS MTHA' YAS PA GSAN ZHING, LHAG PAR BDE MCHOG GI DBANG DANG RJE BTZUN MA'I BYIN RLABS GNYIS ZHUS, BYIN RLABS THOB PA DANG RTOGS PA DANG NYAMS

BZANG PO SKYES, DPE DANG MCHOD GNAS MA GTOGS PA NOR DNGOS PO CI YOD JO BO LA PHUL NAS, JO BO'I BDE MCHOG DANG RJE BTZUN MA LA THUGS DAM GYI MTHIL MDZAD, JO BO'I ZHAL NAS, NGA'I LO TZ'A LA 'GRO DGOS GSUNGS PAS, LO TZ'A BAS DBU BSTAN TE, MGO BO DKAR PO 'DI BZHIN DU SONG BAS KHO BO SGRUB PA CIG BYED PAR ZHU BA PHUL BAS, KVA YE RIN CHEN BZANG PO KHYOD SGRUB PA GSH'AM CIG BYED NA SKYE BA SNGA MA PHAN CHAD KYI DGE BA'I TSONG, DPAG TU MED PA'I MTHU NI YOD, DAL 'BYOR GYI MI LUS RIN PO CHE THOB PAR DKA' BA NI THOB, SANGS RGYAS KYI BSTAN PA DANG NI PHRAD, DE STON PA'I DGE BA'I BSHES GNYEN DANG NI MJAL, SRID PA'I NANG RAB TU ZHI BAR BYED PA DAM PA'I CHOS KYI BDUD RTZI'I SMAN NI RNYED, GTI MUG GI MUN PA SEL BAR BYED PA DAM PA'I CHOS KYI SGRON ME DANG NI PHRAD, SRID PA'I CHU BO LAS SGROL BA'I THABS SHES KYI GRU GZINGS RNYED PA'I SKABS 'DIR, SEMS BYA BA NGAN PA RNAMS KYIS MA G-YENGS PAR MDZOD CIG GSUNGS, LO CHEN RIN CHEN BZANG POS JO BO'I ZHAL GDAMS DE THUGS LA BZHAG NAS SGRUB KHANG GI SGO LA LCAGS GZER BTAB NAS CHOS STON BUG PA GCIG NAS TSUR BLANGS, SGO'I YA THEM LA GNAS KHANG 'DI'I NANG DU THA MAL PA'I RTOG PA SKYES NA CHOS SKYONG BA'I SRUNG MA RNAMS KYIS MGO BO KHOS BYA BA BRIS NAS JO BO THEGS RJES LO BCU'I BAR DU

, ,SGRUB PA RTZE GCIG TU MDZAD PAS, BDE MCHOG GI DKYIL 'KHOR MNGON SUM DU GZIGS SO, ,DE NAS LHA BLA MA BYANG CHUB 'OD KYIS JO BO RJE LA GSOL BA 'DI LTAR BTAB STE BYANG PHYOGS KHA BA CAN GYI LJONGS 'DIR SNGON DUS CHOS RGYAL MES DBON RNAM GSUM GYIS DKA' BA BRGYA PHRAG DU MA'I SGO NAS SANGS RGYAS KYI BSTAN PA BTZUGS LUGS, DE NAS GLANG DAR GYIS BSTAN PA BSNUBS LUGS, DE NAS RANG GI YAB MES MNGA' RIS CHOS RGYAL RNAMS KYIS LUS SROG KHYAD DU BSAD NAS BOD 'DIR SANGS RGYAS KYI BSTAN PA BTZUGS KYANG LOG PAR SMRA BA MANG POS BSTAN PA CHAL CHOL DU SONG TSUL SOGS SPYAN MCHI MA 'KHRUG BZHIN DU ZHIB TU ZHUS NAS DA JO BO THUGS RJE CAN KHYOD KYIS BOD KYI GDUL BYA DMU RGOD CAN 'DI RNAMS LA CHOS ZAB ZAB MO DANG, MTSAR MTSAR PO MI 'TSAL KYI LAS RGYU 'BRAS KYI CHOS KYIS BSKYANG BAR ZHU, LHAG PAR RGYAL BA'I GSUNG RAB DGONGS 'GREL DANG BCAS PA THAMS CAD HRIL GYIS DRIL BA NYAMS SU BLANG BDE BA BOD SPYI LA PHAN PA'I CHOS ZHIG THUGS RJES 'DZIN PA ZHU, ZHES ZHUS PAS ZHU BA DE LA JO BO RJE SHIN TU DGYES NAS, DUS GSUM RGYAL BA THAMS CAD DAG DANG DE YI CHOS, ,DGE 'DUN RNAMS LA GUS PA CHEN POS PHYAG BYAS TE; ;SLOB MA BZANG PO BYANG CHUB 'OD KYIS BSKUL GYUR PAS, ,BYANG CHUB LAM GYI SGRON MU RAB TU GSAL BAR BYA, ,ZHES SOGS BYANG CHUB LAM GYI SGRON MA MDZAD, JO BOS MNGA' RIS GU GER BYANG CHUB LAM GYI SGRON MA MDZAD PA NA JO BO'I

THUGS BSKYED LHAG PAR BZANG BA'I MTHUS, JI LTAR NYI MA SHAR BA NA, 'UG PA DANG SRIN BYA SOGS 'BYUNG PO'I BYA RNAMS SGRA MI GRAG PAR RANG RANG GI KHUNG BUR YIB PA JI LTA BAR RTZING SPYOD CAN MTHA' DAG RE SHIG NUB PA ZHIG BYUNG ZHES SNGON GYI MKHAS PA RNAMS GTAM DU GLENG NGO, ,DE NAS JO BO RJE NYID BOD DBUS GTZANG GI MTHIL DU PHEBS NAS RGYAL BA'I BSTAN PA RGYA CHER SPEL BAR BZHED CING DON DE LTAR DU NGES MOD KYANG, JO BO RGYA GAR NAS 'BYON DUS BI KA MA LA SH'I KA'I GNAS BRTAN GYIS NAG TSO LO TZ'A BA LA 'PHAGS YUL GYI BSTAN PA'I BDAG PO JO BO RJE 'DI BOD DU RGYUN RING BZHUGS MI CHOG PAS LO GSUM GYI KHONGS SU TSUR BSKYEL THUB BA BGYI DGOS, DE LTAR MA BYAS NA LO TZ'A BA KHYOD KYI CHOS DAM TSIG GI 'BREL PA NYAMS SO ZHES DAM TSIG LA BKAR TE LO TZ'A BAS KHAS LEN BYED DGOS BYUNG BAS, LO TZ'A BAS RGYA GAR DU DA 'BYON DGOS ZHES BSKUL, JO BOS KYANG 'BYON PA LTAR BYAS TE PU HRENG DU PHEBS, JO BO LA SNGAR NAS RJE BTZUN SGROL MAS BOD DU DGE BSNYEN CHEN PO ZHIG LA BRTEN NAS BSTAN PA LA PHAN PA RGYA CHEN PO 'ONG ZHES YANG DANG YANG DU GSUNGS SHING, DE SKABS KYANG DGE BSNYEN MYUR DU 'ONG ZHES YANG YANG GSUNG BAS JO BO RJES NYIN LTAR BYA RA MDZAD CING, NGA'I AU PA SI KA MA BYUNG T'A RE BRDZUN NI CANG GSUNG NGAM ZHES GSUNG BAR MDZAD, NYIN GCIG SBYIN BDAG CIG GIS JO BO GDAN DRANGS PA'I SHUL DU 'BROM RIN PO CHE PHEBS JO BO'I GZIM KHANG DU PHEBS PA NA, JO BO DA LTA SBYIN BDAG ZHIG GIS GDAN DRANGS SONG BAS DA LTA

, ,PHEBS YOD ZHES BRJOD PA NA, 'BROM RIN PO CHES NGA THEG PA CHEN PO'I DGE BA'I BSHES GNYEN DANG MJAL BA SKAD CIG MA SNGA PHYI LA'ANG SNGA MA 'DAM PAS SGUG MI THUB GAR BZHUGS KYI SAR 'GRO ZHES PHEBS PAS SRANG BAR ZHIG TU MJAL, 'BROM RIN PO CHES BRKYANG PHYAG MDZAD DE JO BO'I SKU MDUN DU PHEBS PA NA JO BO RJES 'BROM GYI DBU THOG TU PHYAG BZHAG NAS SAm SKRi TA'I SKAD DU SHIS BRJOD MANG DU MDZAD, DE NYIN SBYIN BDAG DE LA NGA'I AU PA SI KA'I SKAL BA DGOS ZHES BSNAMS NAS YOD PA DE GNANG, JO BO RJE NI SKU TSE HRIL PO SHA MI BZHES PAR DKAR SNGOR MDZAD PA YIN PAS DE NYIN GYI STON SKAL DE LA ZAN DANG MAR SBRAGS NAS YOD PA 'BROM GYIS ZAN DE BZHES MAR DE MA BZHES PAR MAR ME KONG BU MTSAN THUB CIG BJOS NAS JO BO'I DBU SNGAS SU PHUL, DE NAS BZUNG STE SKU TSE HRIL PO JO BO'I DBU SNGAS SU MAR ME MTSAN THUB RGYAN MA CHAD PA PHUL BA YIN GSUNG, JO BOS 'BROM PHEBS PA MKHYEN NAS BUM PA BSGUBS ZIN PAS MJAL BA'I NUB MO DE RANG 'BROM RIN PO CHE LA DBANG BSKUR SRAS KYI THU BOR BZUNG NGO, ,DE NAS PU HRENG NAS RIM GYIS PHEBS TE MANG YUL SKYID GRONG DU PHEBS, DE'I TSE JO BO RJE NYID KYI THUGS BSKYED DANG BOD KYI GDUL BYA RNAMS KYI BSOD NAMS KYIS JO BO RJE SKYID GRONG NAS PAL PO RDZONG BRGYUD DE RGYA GAR LA GDAN 'DREN RTZIS BYAS KYANG BLA PO RDZONG DU DUS 'KHRUG LANGS PAS DMAG ZINGS CHEN POS LAM 'GAGS NAS SKYID GRONG DU LO GCIG BZHUGS, 'BROM

RIN PO CHES THABS MKHAS KYIS JO BO'I SNYAN DU BOD NA SKU GSUNG THUGS RTEN MTHA' YAS PA YOD TSUL DANG DGE 'DUN GYI SDE MANG PO CHAGS TE DGE 'DUN STONG PHRAG MANG PO YOD TSUL SOGS ZHUS PA NA JO BO DGYES NAS BOD LA ZHAL GZIGS TE PHYAG THAL MO SBYAR DGE 'DUN DE SNYED BZHUGS NA DGRA BCOM PA YANG YOD DES, BYANG CHUB SEMS DPA' YANG MANG PO YOD DU NGES GSUNG NAS MNYES MNYES MDZAD, BOD DU 'BYON PAR BZHED PA NA 'BROM RIN PO CHES DBUS PHYOGS KYI DGE 'DUN GYI SDE RNAMS SU 'PHRIN YIG BRDZANGS TE, DE'I TSE DBUS NA BSTAN PA'I KHUR BZHES PA'I BSHES GNYEN CHE BA RNGOG LEGS PA'I SHES RAB DANG, KHU STON BRTZON 'GRUS G-YUNG DRUNG SOGS MANG DU BZHUGS YOD KYANG ZHU YIG GI GNYER KHA KA BA SH'AKYA DBANG PHYUG LA GTAD DE BOD KYI BLA CHEN MI CHEN RNAMS KYIS JO BO AA TI SHA GDAN 'DREN PAR STON DUS TSUN LA 'BYOR PA CIS KYANG MDZOD CES ZHU 'PHRIN PHUL BA DGE BSHES KA BAS BOD KYI BLA CHEN RNAMS LA BRDA BYAS TE THAMS CAD BLO MTHUN PAR MANG YUL SKYID GRONG PHYOGS SU JO BO GDAN 'DREN DU 'BYON PA'I GRABS BYAS PA NA, KHU STON GYIS SOGS KHONGS SU 'JOG PA'I MI DE NGA MIN NGAS SNGON LA PHYIN NAS JO BO GDAN 'DREN THUB PA ZHIG BYED GSUNGS NAS SNGON LA PHEBS PA NA GZHAN THAMS CAD LA LCAG BTAB PA LTAR THAMS CAD 'UR LANGS KYIS 'PHRAL DU THON TE PHEBS BSU LA 'DZOM, JO BO RJES SKYID GRONG DU LO GCIG BZHUGS RING DE

, ,LA GTZO BOR RANG BYUNG 'PHAGS PA'I LHA KHANG DU SKAL BA DANG LDAN PA MANG PO LA CHOS KYI 'KHOR LO BSKOR, RANG BYUNG 'PHAGS PA'I BYANG RI NAGS KHROD PHUN SUM TSOGS PA ZHIG YOD PA'I NGOS LA PHEBS TE GNAS DER SANGS RGYAS KYI BSTAN PA DAR BA'I RTEN 'BREL BSGRIGS, JO BOS GNAS DER BYON NAS BYIN GYIS BRLABS SO ZHES PHYI MA'I SKYE BO RNAMS LA SNANG BAR BYA BA'I PHYIR RDO LA PHYAG MDZUB KYIS MA nI BRIS TE BZHAG PAS GNAS DE LA MA nI LA KHA ZHES MING CHAGS, GNAS DE NI DENG SANG BKRA SHIS BSAM GTAN GLING GI SGRUB SDE CHAGS PA'I GNAS 'DI YIN TE, MA nI JO BO'I PHYAG BRIS MA DE NI DENG SANG YANG BLTAR YOD DO, ,DE LO JO BOS DBYAR GNAS MDZAD PA'I SA DE LA GNAS ZHES MING DU CHAGS, DER JO BOS SKAL BA DANG LDAN PA MANG PO LA CHOS STON PAR MDZAD, YANG JO BOS SKAL LDAN MANG PO LA CHOS 'KHOR RGYA CHER BSKOR BA'I GNAS LA CHOS 'KHOR ZHES MING CHAGS TE, DENG SANG YANG GRA CHOS 'KHOR DANG LA LDEBS CHOS 'KHOR ZHES MING DU CHAGS SHING YUL DE DANG DE DAG NA GNAS PA'I SKYE BO RNAMS JO BO RJE LA GSOL BA 'DEBS PA LHUR BYED DO, ,DE'I TSE NAG TSO LO TZ'A BA JO BO RGYA GAR LA 'PHRAL DU SBYAN 'DREN NI MA THUB, BI KA MA LA SH'I LA'I GNAS BRTAN GYIS DAM TSIG LA BKAR BA DRAN NAS YID SLONG SLONG POR GYUR BA NA JO BO RJES MKHYEN NAS, LO TZ'A BA DE TZAM GYI SEMS NGAL BYA MI DGOS SGRUB PAR MA NUS PA LA NYES PA MED GSUNGS PA NA, LO TZ'A BA GTING THAG PA NAS

DGA' ZHING MGU STE DE LTAR NA JO BO BOD LA 'BYON PAR ZHU ZHES GSOL BA BTAB, DE NAS DBUS GTZANG GI BLA CHEN MI CHEN RNAMS KYI BSU BA SLEBS, DE'I TSE BOD KYI BLA MA CHEN PO RNAMS KYIS BOD KYI GZAB 'PHYOR GYI CHAS BSE THEB DANG RTA PHYING GYON RTA BZANG PO LA CHIBS NAS 'ONGS PA NA JO BOS RGYANG RING PO NAS GZIGS MA THAG ,AU PA SI KA 'DRE MANG PO SLEBS BYUNG CI YIN ZHES DBU NA BZAS GTUMS NAS BZHUGS, DE NAS 'BROM RIN PO CHES BOD KYI BLA CHEN RNAMS LA RAB BYUNG GI CHAS RNAM DAG MDZAD NAS BYON ZHES ZHUS NAS THAMS CAD KYIS CHOS GOS RNAM PA GSUM LEGS PAR BGOS TE PHEBS PA NA JO BO MNYES NAS BZHENGS TE PHYAG LAN MDZAD, DE NAS RIM GYIS GTZANG PHYOGS LA PHEBS TE DPAL KHUD THANG DU MAR PA LO TZ'A RGYA GAR DU BRTING MA PHEBS PA DANG MJAL, MAR PAS JO BO'I ZHABS SPYI BOR BLANGS TE CHOS ZHUS, JO BOS NGA'I LO TZ'A LA 'GRO GSUNGS PAS, DA RES CIS KYANG RGYA GAR DU PHYIN CHOG PA DGOS SLAR MJAL CHOG PA ZHU ZHES ZHUS, DE NAS RIM GYIS PHEBS TE SA SKYA'I THAD DU PHEBS PA NA, SA SKYA LA PHYAG MDZUB GTAD DE GNAS 'DIR 'JAM DBYANGS KYI SPRUL PA BDUN 'BYUNG ZHES LUNG BSTAN, DE NAS RGYANG DU PHEBS GNAS DE'I DGE 'DUN RNAMS LA CHOS MANG DU GNANG, DER 'BROG MI LO TZ'A BAS JO BO'I ZHABS LA GTUGS, BSNYEN BKUR PHUN SUM TSOGS PA MDZAD, DE NAS RIM GYIS PHEBS TE SNAR THANG GI THAD DU PHEBS PA NA GNAS 'DIR 'PHAGS PA'I GNAS BRTAN

, ,GYI SPRUL PA 'BYUNG ZHES LUNG BSTAN, DE NAS TSONG DUS SU PHEBS TE ZHA LU MTHIL GYI LHA KHANG DANG, KHYAD PAR RI SBUG TU BZHUGS NAS CHOS MANG DU GSUNGS SHING BYIN GYIS BRLABS, DE NAS MYANG STOD NYAN TSOR BYON NAS DBYAR GNAS MDZAD, DBYAR ZLA BA GSUM GYI RING LA PHYOGS PHYOGS NAS 'DUS PA'I DAD LDAN MANG PO LA CHOS RGYA CHER STZAL, YOL CHOS DBANG, YOL DRANG SRONG, YOL THOG 'BEBS GSUM DANG, RJE 'GOS LOS KYANG GNAS DER PHEBS NAS JO BO'I ZHABS LA GTUGS, DGE BA'I BSHES GNYEN DGON PA BAS KYANG GNAS DER PHEBS NAS JO BO'I ZHABS LA GTUGS TE JO BO'I MCHOD GNAS MDZAD, DBYAR GNAS GROL NAS RONG BRGYUD DBUS SU PHEBS, GAN PA BYANG THANG DU PHEBS PA NA LHA SA'I THAD KYI RI LA PHYAG MDZUB GTAD NAS PHA GI NA CI YOD PA YIN GSUNG, LHA SA'I GTZUG LAG KHANG BDOG PA LAGS ZHUS PAS, DE THAD 'JA'I GUR GSUM BRTZEGS 'DUG ,LHA'I BU DANG BU MO MANG POS MCHOD PA BYED KYI 'DUG GSUNG, DE NAS CHOS 'KHOR BSAM YAS SU PHYAGS PHEBS, LHA BTZUN BO DHI R'A DZAS ZHABS TOG LEGS PAR MDZAD, BOD KYI MI CHEN MANG PO'ANG 'DUS PA LA CHOS RGYA CHER STZAL, BSAM YAS SU JO BOS LHA KHANG LA THOGS MED DU BYON PA DANG, ZHABS SA LA MA REG PAR BSKOR BA MDZAD PA SOGS RDZU 'PHRUL MANG PO BSTAN TE PHYOGS DE'I GDUL BYA RNAMS MI PHYED PA'I DAD PA LA BKOD DO, ,DE NAS KHU STON GYIS YAR KLUNGS SU SPYAN DRANGS, THANG PO

CHER RA KHRI BZANG BYA BAS BRTZIGS PA'I RA BRTZIGS KHANG BAR BZHUGS, CHOS MANG DU GSUNGS, DER 'BROM GYIS KYANG SPYAN SNGAR BYON, KHUS ZHABS TOG BZANG BA KHO NA MA BYUNG BAS, DPON SLOB RNAMS BROS TE MYANG BO'I GRU LA ZHUGS PA NA, KHU STON GYIS KYANG RJES BSNYEGS SU SLEBS NAS AA TI SHA DER BZHUGS ZHES SKAD CHEN PO BTANG, ZHU BA BYAS KYANG MA GSAN PAR, DBU ZHVA PHYIR BYIN RLABS KYI RTEN DU 'PHANGS, DE NAS 'ON GYI LHA KHANG KE RUR ZLA BA GCIG BZHUGS, DE'I RTZIG NGOS LA NYID KYI SKU 'DRA GCIG BRI BAR MDZAD DE, DING SANG YANG MCHOD PA'I GNAS SU GYUR, DE NAS BSAM YAS SU PHEBS NAS PE HAR GLING DU BZHUGS, RGYA DPE MANG PO 'DUG PA GZIGS PAS, SHIN TU DGYES TE SNGON BOD DU BSTAN PA BYUNG BA 'DRA BA RGYA GAR DU YANG BYUNG BA DKA' GSUNG, BYANG CHUB CHEN PO GZIGS PAS MAH'A BO DHI DANG KHYAD MI SNANG GSUNG, GNAS DANG GTZUG LAG KHANG LA THUGS SHIN TU DGYES, DE NAS BANG STON GYI BSU BA RTA PA NYIS BRGYA TZAM SLEBS TE DPON G-YOG RNAMS RGOD DKAR LA LA THEGS, SRI'I RGYA PHIBS SU ZLA BA PHYED BZHUGS, DE NAS RNGOG LEGS PA'I SHES RAB KYIS LHA SA 'PHRUL SNANG DU SPYAN DRANGS, BSU BA MDZAD PA'I DUS SU JO BO THUGS RJE CHEN POS KYANG BSU BA MDZAD DE, MI RENG SKYA BO ZHIG BYUNG NAS, MAH'A PAndI TA BYON PA LEGS SO, ,RGYAL BAR GYUR CIG GSUNGS NAS BZHUD PAS, JO BOS CHIBS LAS BABS TE BRGYUGS PAS MA ZIN, DE LTAR MDZAD PA CI LAGS ZHUS PAS, KHYED KYIS MI RENG SKYA BO DE MTHONG NGAM GSUNGS, MTHONG LAGS ZHUS PAS, DE NGA'I

, ,YI DAM THUGS RJE CHEN PO YIN, PHYAG BYA BAR 'DOD NAS BRGYUGS PAS MA ZIN GSUNG, 'PHRUL SNANG GI THUGS RJE CHEN PO 'DI LAS NGO MTSAR CHE BA MED, THUGS RJE CHEN PO DNGOS YIN GSUNG, JO BO SH'AKYA MU NE GZIGS PAS SPRUL PA'I SKU DNGOS YIN GSUNGS NAS RGYA GAR GYI LHA BZO BA MKHAS PA GCIG LA 'DI KHO NA 'DRA BA ZHIG BZHENGS SHIG GSUNGS NAS BZHENGS SU BCUG ,CHOS RGYAL BYANG CHUB SEMS DPA' DES SPRUL PA'I GTZUG LAG KHANG CHEN BO 'DI LTA BU BZHENGS PA'I LO RGYUS SHIG 'ONG DAM SNYAM DU DGONGS PA'I TSE, SPRANG MO SMYON MA BYA BA GCIG NA RE GTZUG LAG KHANG 'DI JI LTAR BZHENGS PA'I LO RGYUS 'TSAL LAM ZER, DE RANG BZHIN GYI RNAL 'BYOR MAR MKHYEN NAS YID KYIS PHYAG DANG MCHOD PA BYAS NAS CIS KYANG 'TSAL LAGS ZHUS PAS, 'O NA KA BA BUM PA CAN NAS 'DOM PHYED DANG GSUM GZHAL BA'I SA NA YOD, GZHAN LA MA SMRA ZHIG GSUNG, DE JO BOS RNYED PAS GTER SRUNG GNYAN PO ZHIG 'DUG PA NA RE, DE RING JI TZAM ZIN PA CIG 'DRIR GNANG GI ZER BAS, RNAL 'BYOR PAS DBU MDZAD STON PA BZHI GAS PRIS PAS LHAG BAG TZAM ZHIG LUS GSUNG NGO, ,DON 'DI LA DGONGS NAS JO BO'I BSTOD PA SUM CU PA LAS, GANG DU RGYAL POS BKA' 'CHEMS GTER DU SBAS, ,MKHA' 'GROS GTER KHA PHYE NAS KHYOD LA BSTAN, ,SH'AKYA MU NE'I 'JA' SA KHYOD KYI DRIN, ,JO BO BKA' DRIN CAN LA GSOL BA 'DEBS, ,ZHES GSUNGS, LHA SAR DGUN GCIG

BZHUGS, CHOS KYANG DOR GSUNGS PA RNAMS ZAB, GZHAN YANG RTAGS KHYAD PAR DU 'PHEBS PA MANG PO BYUNG GSUNG, DE'I DBYAR RDOG BYANG CHUB 'BYUNG GNAS GYIS SPYAN DRANGS NAS YER PAR BZHUGS, 'GRO BA'I DON RGYA CHER MDZAD, KA BA SH'AKYA DBANG PHYUG GIS 'PHAN YUL DU SPYAN DRANGS, LAN PA SPYIL BUR BZHUGS CHOS MANG DU GSUNGS, DE NAS YER PAR BYON, DE'I DUS SU BAR STON GYIS SPYAN 'DREN BYUNG STE PHYIR LAM LHA SA BRGYUD SNYE THANG DU PHEBS, DE'I TSE 'BROM RIN PO CHES DUS GSUM GYI RGYAL BA KUN GYI BGROD PA GCIG PA'I LAM PO CHE SHES RAB KYI PHA ROL TU PHYIN PA'I MDO SDE RIN PO CHE'I DGONGS DON BYANG CHUB LAM GYI RIM PA'I DKA' GNAS RNAMS LA NYIN MTSAN KUN TU DRI GTUGS NAR MAR MDZAD CING, SANGS RGYAS 'JIG RTEN DU BYON PA JI LTA BAR LHA MI BGRANG BA LAS 'DAS PA LA CHOS KYI 'KHOR LO RGYA CHER BSKOR BA NA DKAR PHYOGS KYI LHA RNAMS DGA' ZHING MGU NAS MCHOD CING BSNYEN BKUR BA DANG, CHED DU BRJOD PA'I DBYANGS RGYA CHER BSGRAGS SHING LHA'I DBANG PO BRGYA BYIN GYIS RIN PO CHE SNA LNGA'I ME TOG GI CHAR PA PHAB PA SOGS NGO MTSAR BA'I LTAS BSAM GYIS MI KHYAB PA BYUNG NGO, ,DE NAS YER PA LHA RI SNYING PO'I MGUL DU PHEBS NAS JO BO YAB SRAS KYIS LO GSUM GYI RING LA BYANG CHUB LAM GYI RIM PA'I DBU BSHES GNYEN BSTEN TSUL NAS MTHAR 'BRAS BU ZUNG 'JUG GRUB PA'I BAR GYI SA LAM 'BRAS BU DANG BCAS PA'I DKA' BA'I GNAS RNAMS LA BRGAL ZHING BRTAG PA DANG LUNG DANG RIGS PAS MTHA' GCOD PAR MDZAD CING,

, ,BYANG CHUB LAM GYI RIM PA'I SNYING PO'I YANG SNYING PO BKA' GDAMS LHA CHOS BDUN LDAN GYI MAN NGAG GSANG BA LAS KYANG CHES CHER GSANG BA, THIG LE BCU DRUG GI DBANG DANG GDAMS NGAG RNAMS GNANG STE, DE'I TSE RJE BTZUN SGROL MA'ANG RGYUN DU DNGOS SU BYON, RGYUD PA GSUM GYI BLA MA RNAMS KYANG DNGOS SU BYON TE BLA MA YI DAM RGYAL BA SRAS BCAS ZHAL 'DZOM PA'I DBUS SU RJE BTZUN MA SGROL MAS THIG LE BCU DRUG GI RTZA TSIGS GSUNGS, 'BROM RIN PO CHE'I SKU 'OD DU YAL TE RGYAL BA RGYA MTSO'I DKYIL 'KHOR DU DNGOS SU BZHENGS, 'OD ZER GYI SPRO BSDUS BSKYED RDZOGS KYI LAM MTHAR THUG PA RNAMS TSUL 'DI LTAR RO ZHES MIG LA STON PA LTA BU MDZAD, DE'I TSE RJE BTZUN 'JAM PA'I DBYANGS KYIS BYIN GYIS BRLABS PA GSANG PHU BA LEGS PA'I SHES RAB KYIS JO BO YAB SRAS GNYIS LA MAndAL PHUL TE YAB SRAS GNYIS KA'I GSANG BA THUN MONG MIN PA'I BKOD PA RNAMS STON PAR YANG DANG YANG DU GSOL BA BTAB PA NA, 'BROM RIN PO CHE'I SKYES RABS ZAB MO RNAMS JO BOS GSUNGS, 'BROM RIN PO CHE NYID KYIS BKA' RGYA SHIN TU DAM PAR MDZAD PA SPRUL PA'I GLEGS BAM ZHES PA DENG SANG BKA' GDAMS GLEGS BAM DU GRAGS PA 'DI GSUNGS, MI RABS MANG PO'I BAR DU TSIG BRGYUD KHO NA LAS RGYA CHER SPEL BA'I GNANG BA MA THOB, PHYIS SU 'BROM RIN PO CHE'I SPRUL PA 'BROM KU MA RAS BKA' RGYA BKROL TE RE GNYIS LA SPEL, DE NAS DPAL SNAR THANG GI CHOS SDER RIM GYIS 'PHEL NAS DENG

SANG PHYOGS THAMS CAD DU KHYAB PA 'DI BYUNG BA YIN NO, ,DE LTAR JO BO RJE DPAL LDAN AA TI SHA NI RGYA BOD THAMS CAD DU NYI ZLA LTAR GRAGS SHING BSTAN 'GRO'I DON MDZAD PA'I RNAM THAR MTHA' DAG BRJOD PAR GA LA NUS, SNGAR BSHAD PA DE DAG NI PHYOGS TZAM ZHIG BRJOD PA YIN LA, RNAM THAR DE DAG GI SNYING PO BSDU NA, RIGS PHUN SUM TSOGS PAR SKYE BA BZHES PA'I TSUL, RTEN DE LA YON TAN BRNYES PA'I TSUL, BRNYES NAS BSTAN PA LA BYA BA MDZAD PA'I TSUL GSUM DU 'DUB YIN LA, DANG PO NI JO BO'I BSTOD PA BRGYAD CU PA LAS, SHAR PHYOGS ZA HOR YUL MA CHOG NA, ,DE NA GRONG KHYER CHEN PO YOD, ,BI KRA MA NI BU RA YIN, ,DE YI DBUS NA RGYAL PO'I KHAB, ,PHO BRANG SHIN TU YANGS PA YOD, ,GSER GYI RGYAL MTSAN CAN ZHES BYA, ,LONGS SPYOD MNGA' THANG 'BYOR PA NI, ,RGYA NAG STONG KHUN RGYAL PO 'DRA, ,YUL DE'I RGYAL PO DGE BA'I DANG LA, ,BTZUN MO DPAL MO 'OD ZER CAN, ,YAB YUM GNYIS LA SRAS GSUM MNGA', ,PADMA'I SNYING DANG ZLA BA'I SNYING, ,DPAL GYI SNYING PO ZHES BYA'O, ,RGYAL BU PADMA'I SNYING PO LA, ,BTZUN MO LNGA YOD SRAS NI DGU, ,SRAS KYI THU BO BSOD NAMS DPAL, ,DA LTA'I DUS NA MKHAS PA CHE, ,DHA NA SHR'I ZHES BYA BAR GRAGS, ,CHUNG BA DPAL GYI SNYING PO NI, ,DGE SLONG B'IRYA TZAN DRA YIN, , 'BRING PO ZLA BA'I SNYING PO NI, ,DA LTA BLA MA RJE BTZUN YIN, ,ZHES 'BYUNG BA LTAR RO, ,YON TAN BRNYES TSUL LA LUNG RTOGS GNYIS LAS, LUNG GI YON TAN BRNYES PA'I TSUL NI, PHYI NANG THUN MONG BA'I RIG GNAS CHE CHUNG MTHA' DAG DANG,

, ,RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA LA SBYANGS PA MTHAR PHYIN PAR MDZAD PAS, RANG DANG GZHAN GYI SDE PA'I GRUB PA'I MTHA' RGYA MTSO LTA BU'I PHA ROL TU SON PAS NA LUNG GI BSTAN PA'I GNAD THAMS CAD PHYIN CI MA LOG PAR THUGS SU CHUD PA YIN NO, ,RTOGS PA'I YON TAN PA RNYES TSUL NI, RTOGS PA'I YON TAN THAMS CAD BSDU NA BSLAB PA GSUM DU 'DU LA, TSUL KHRIMS KYI BSLAB PA LA YANG, SO THAR GYI TSUL KHRIMS DANG, BYANG SEMS KYI TSUL KHRIMS DANG, GSANG SNGAGS KYI TSUL KHRIMS GSUM LAS, SO THAR GYI TSUL KHRIMS RNAM PAR DAG PAR MDZAD TSUL NI, DGE SLONG GI SDOM PA MNOS NAS RNGA RTZID LA CHAGS PA'I G-YAG GIS RNGA MA NYAG MA RE RE SHING LA THOGS PA NA RNGON PAS SROG DANG 'PHRAL BAR MTHONG NA YANG SROG DANG BSDOS TE RNGA MA MI GCOD PAR BSRUNG BA LTAR, KHAS BLANGS PA'I BSLAB PA'I GZHI CHEN PO LTA CI SMOS, BSLAB PA'I GZHI PHRA MO RE RE YANG SROG DANG BSDOS NAS BSRUNGS PAS GNAS BRTAN 'DUL BA 'DZIN PA CHEN POR GYUR TO, ,BYANG SEMS KYI TSUL KHRIMS DANG LDAN TSUL NI, BYAMS PA DANG SNYING RJE'I RTZA BA CAN GYI BYANG CHUB KYI SEMS SBYONG BA'I GDAMS PA MANG PO DANG, KHYAD PAR GSER GLING PA BSTEN NAS RJE BTZUN BYAMS PA DANG, 'JAM PA'I DBYANGS NAS THOGS MED DANG, ZHI BA LHA LA BRGYUD PA'I GDAMS PA MCHOG LA RING DU SBYANGS PAS, BSTOD PA LAS, RANG

DON YAL BAR DOR NAS GZHAN GYI DON, ,LHUR MDZAD DE NI BDAG GI BLA MA LAGS, ,ZHES 'BYUNG BA LTAR BDAG PAS GZHAN GCES BA'I BYANG CHUB KYI SEMS THUGS RGYUD LA 'KHRUNGS SHING, SMON PA'I SEMS DES KUN TU DRANGS PA'I 'JUG PA'I SEMS BYANG CHUB SEMS DPA'I SPYOD BA RLABS PO CHE LA SLOB PAR KHAS BLANGS PA'I RJES SU 'GRO BA'I BSLAB PA LA SLOB PA'I SPYOD PA BZANG POS RGYAL SRAS RNAMS KYI BCAS PA'I MTSAMS LAS MI 'DA' BAR MDZAD DO, ,GSANG SNGAGS KYI TSUL KHRIMS DANG LDAN TSUL NI, RANG GI LUS LHAR GZIGS PA'I BSKYED PA'I RIM PA DANG, RDO RJE'I THUGS RDZOGS PA'I RIM PA'I TING NGE 'DZIN DANG LDAN PAS RNAL 'BYOR PA'I GTZO BO ZHES SPYIR BSTOD CING, KHYAD PAR DU BCAS PA'I MTSAMS LAS MI 'DA' BAR DAM TSIG TSUL BZHIN DU SRUNG BA YANG, BSTOD PA LAS, DRAN DANG SHES BZHIN LDAN PA YIS, ,TSUL KHRIMS MA YIN YID MI MDZAD, ,BAG YOD DRAN DANG G-YO SGYU MED, ,LTUNG BA'I NYES PAS KHYOD MA GOS, ,ZHES GSUNGS PA LTAR RO, ,DON 'DI LA RJE BDAG NYID CHEN POS SDOM PA GSUM GYI YON TAN DANG LDAN TSUL DE DAG GSUNGS NAS, DE LTAR SDOM PA GSUM GYI TSUL KHRIMS KYI BSLAB PA RNAMS KHAS LEN PA LA DPA' BA TZAM MIN PAR JI LTAR KHAS BLANGS PA'I RJES SU 'BRANGS TE BCAS PA'I MTSAMS LAS MI 'DA' BAR SRUNG ZHING, BRGYA LA CUNG ZAD 'DAS NA YANG MYUR BA MYUR BAR RANG RANG GI PHYIR BCOS KYI CHO GAS DAG PAR BYED PA'I RNAM PAR THAR PA 'DI NI GSUNG

, ,RAB KYI GNAD SHES BA'I MKHAS PA RNAMS DGA' BA SKYED PA'I RNAM PAR THAR PAR SHES PAR BYAS LA DAM PA RNAMS KYI RJES SU BSLAB PAR BYA'O, ,ZHES GSUNGS SO, ,TING NGE 'DZIN GYI BSLAB BA DANG LDAN TSUL NI, THUN MONG PA ZHI LHAG ZUNG 'BREL DANG THUN MONG MA YIN PA BSKYED RIM MTHAR PHYIN PAR MDZAD PA'I TSUL NI RNAM THAR CHEN MOR GSAL BA LTAR RO, ,SHES RAB KYI BSLAB PA DANG LDAN TSUL NI, THUN MONG BA ZHI LHAG ZUNG 'BREL DANG THUN MONG MIN PA RDZOGS RIM GYI RTOGS PA KHYAD PAR CAN BRNYES PA RNAM THAR CHEN MO DANG RDO RJE'I GLUR GSAL BA LTAR RO, ,BSTAN PA LA BYA PA MDZAD TSUL NI RGYA BOD GNYIS KAR RGYAL BA'I BSTAN PA LA BYA BA MDZAD TSUL BSAM GYIS MI KHYAB PA SNGAR BRJOD ZIN PA LTAR RO, ,DE LTAR JO BO RJES RGYA BOD GNYIS KAR BSTAN PA LA BYA BA RGYA CHEN PO MDZAD CING, SLAR YANG RGYAL BA'I BSTAN PA YUN RING DU GNAS PAR BYA BA'I PHYIR DANG, PHYI MA'I SKYE BO RNAMS JO BO RJES 'DI LTAR GSUNGS ZHES GO BAR BYA BA'I PHYIR DU, RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA MTHA' DAG LAS YI GE NA GCIG KYANG DOR DU MED PAR GANG ZAG GCIG GI NYAMS LEN GYI RIM PAR HRIL GYIS DRIL NAS STON PA'I MAN NGAG BYANG CHUB LAM GYI SGRON MA MDZAD, BKA' GDAMS GONG MA'I GSUNG SGROS LAS, 'DZAM BU GLING NA GLEGS BAM GCIG LA LAM SGRON LAS CHE BA MED GSUNG, DE NI SHOG BU GRANGS MANG BAS

DE LTAR BRJOD PA MIN GYI BRJOD BYA RGYA CHE BAS DE LTAR BRJOD DE, GDUL BYA LAS DANG PO PA CHOS LA THOG MAR 'JUG PA ZHIG 'CHI BA DRAN NAS 'JIG RTEN PHYI MA'I DON SGRUB PA'I BSAM PA BSKYED PA NAS BZUNG MTHAR THUG SANGS RGYAS KYI SA'I BAR GYIS LAM 'BRAS BU DANG BCAS PA MTHA' DAG LAM SGRON GYI BRJOD BYAR 'DU BAS SO, ,BYANG CHUB LAM GYI SGRON MA NAS GSUNGS PA'I LAM GYI RIM PA'I GNAD RNAMS LA NGES PA BSKYED PAR BYA BA DANG, DE SGOM PA LA RGYUD BSKUL BAR BYA BA DANG, LAM DE DAG GI GEGS SEL BOGS 'DON SHES PA'I PHYIR BSTAN BCOS MTHA' YAS PA MDZAD DE, SNYING PO BSDU BA, SNYING PO NGES PAR BSDU BA GSANG 'DUS KYI DKYIL 'KHOR SPYAN RAS GZIGS GTZO BOR STON PA GSANG BA 'DUS PA 'JIG RTEN DBANG PHYUG GI SGRUB THABS, 'PHAGS PA 'JIG RTEN DBANG PHYUG GI SGRUB THABS GSANG BA 'DUS PA LA BSTOD BA GNYIS, 'KHOR BA LAS YID NGES BAR 'BYUNG BA'I GLU, SPYOD BA'I GLU, CHOS KYI DBYINGS SU LTA BA'I GLU, TING NGE 'DZIN GYI TSOGS KYI LE'U DANG, 'JIG RTEN LAS 'DAS PA'I YAN LAG BDUN PA'I CHO GA, SKU GSUNG THUGS RAB TU GNAS PA'I CHO GA, LAS KYI SGRIB PA THAMS CAD RGYUN GCOD PAR BYED PA'I GZUNGS RNAL 'BYOR RGYUD DU DGONGS PA BKRAL BA MI 'KHRUGS PA'I SGRUB THABS RGYAS BSDUS GNYIS, DE'I DKYIL CHOG LAS KYI SGRIB PA THAMS CAD RNAM PAR SBYONG BA, MI 'KHRUGS PA'I SBYIN SREG GI CHO GA, PHYAG NA RDO RJE LA MNGON RTOGS

, ,KYI SGO NAS BSTOD PA, RTA MGRIN ZHAL GSUM PHYAG DRUG GI SGRUB THABS DANG, ZHAL GSUM PHYAG BZHI PA'I SGRUB THABS GNYIS, 'PHAGS PA MI G-YO BA LA BSTOD PA GNYIS, DE BZHIN GSHEGS PA THAMS CAD KYI DAM TSIG BSRUNG BA ZHES BYA BA'I GTZUG TOR DRI MED 'OD KYI SGRUB THABS, MCHOD RTEN LNGA GDAB PA'I CHO GA GZUNGS CHOG CHA GNYIS, SGROL MA'I SGRUB THABS, LHA MO SGROL MA SGOM PA'I CHO GA RGYAS PA, SGROL MA 'JIGS PA BRGYAD SKYOB KYI SGRUB THABS DANG BSTOD PA, 'PHAGS MA SGROL MA'I SGRUB THABS, DAM TSIG THAMS CAD BSDUS PA ZHES BYA BA, TSOGS BDAG CHAGS PA RDO RJE'I BSTOD PA, BDUD RTZI 'BYUNG BA ZHES BYA BA'I GTOR CHOG, CHAB GTOR DRI MED, KLU GTOR GYI CHOG, YI GE DRUG PA'I SGRUB THABS, SPYAN RAS GZIGS KHA SARBA nI'I SGRUB THABS, KHRO RGYAL MI G-YO BA'I SGRUB THABS, GTUM PO KHRO BO CHEN PO'I SGRUB THABS DON DAM PA, MGON PO GRI GUG GI SGRUB THABS, TSOGS BDAG ZHI BA'I SGRUB THABS, TSOGS BDAG GSANG SGRUB, NOR BDAG GTZO 'KHOR LNGA'I BSTOD PA, RTEN 'BREL SNYING PO'I SNGAGS THEMS, BDEN PA GNYIS LA 'JUG PA ZHES BYA BA DBU MA'I MAN NGAG, DBU MA'I MAN NGAG RIN PO CHE'I ZA MA TOG BKOD PA, DRAN PA GCIG BA'I MAN NGAG, MDO KUN LAS BTUS PA'I DON BSDUS PA, BYANG CHUB SEMS DPA'I SPYOD PA MDO

TZAM GDAMS NGAG TU BYAS PA, BYANG CHUB SEMS DPA'I NOR BU'I PHRENG BA, BYANG CHUB SEMS DPA'I LAS DANG PO PA'I LAM LA 'JUG PA BSTAN PA, SKYABS SU 'GRO BA BSTAN PA ZHES BYA BA, THEG PA CHEN PO'I LAM GYI SGRUB THABS YI GE BSDUS PA, THEG PA CHEN PO'I LAM GYI SGRUB THABS SHIN TU BSDUS PA, RANG GI BYA BA'I RIM PA LA BSKUL BA DANG BCAS PA YI GER BRIS PA, MI DGE BA BCU'I LAS KYI LAM BSTAN PA, LAS RNAM BAR 'BYED PA ZHES BYA BA, SPYOD PA BSDUS PA'I SGRON MA, MDO KUN LAS BTUS PA'I MAN NGAG, MDO KUN LAS BTUS PA CHEN PO, BYANG CHUB TU SEMS BSKYED PA'I CHO GA, BYANG CHUB SEMS DPA'I SDOM PA'I CHO GA , KHA TON DANG GLEGS BAM BKLAG PA'I SNGON DU BYA BA'I CHOG, PHA ROL TU PHYIN PA'I S'ATZTSA GDAB PA'I CHO GA, BLA MA'I BYA BA'I RIM PA CIG, RGYAL PO NERYA P'A L'A LA BRDZANGS PA DRI MA MED PA'I RIN PO CHE'I 'PHRIN YIG , BYANG CHUB SEMS DPA'I SPYOD PA LA 'JUG PA'I BSHAD PA, SHER PHYIN DON BSDUS SGRON ME, SMAN BLA'I SGRUB THABS, LAS SGRIB RNAM PAR SBYONG PA'I CHO GA SOGS MDZAD DO, ,DE LTAR JO BO RJE BOD DU BYON NAS MNGA' RIS SU LO GSUM, SNYE THANG DU LO DGU, DBUS GTZANG GZHAN DU LO LNGA'I BAR DU SKAL BA DANG LDAN PA RNAMS LA MDO SNGAGS KYI GZHUNG GDAMS NGAG MA LUS PA BSTAN NAS BSTAN PA'I SROL NUB PA RNAMS GSAR DU BTZUGS ,

, ,SROL CUNG ZAD YOD PA RNAMS 'PHEL PAR MDZAD, LOG PAR RTOG PA'I DRI MAS SBAGS PA RNAMS LEGS PAR BSAL TE BSTAN PA RIN PO CHE DRI MA DANG BRAL BAR MDZAD DO, ,DE NAS SKU TSE DE'I DNGOS KYI GDUL BYA RNAMS RDZOGS PA NA ZHING GZHAN DU 'BYON PAR BZHED DE, SHING PHO RTA'I LO DBYUG PA ZLA BA'I TSES GSUM NAS BCO BRGYAD KYI BAR ZHAG BCU DRUG GI RING LA THIG LE BCU DRUG GI RIM PA DANG MTHUN PAR THUGS DAM SDUD RIM MDZAD NAS, CHU BO GYEN DU LDOG GAM LTOS SHIG GSUNGS, BLTAR PHYIN PAS GYEN DU LDOG GIN GDA' ZHUS PAS, 'O NA DE YAN CHAD KYIS DON 'DI STON, NYAMS SU BLANGS RGYU 'DI YIN GSUNGS NAS BRGYAD STONG PA GSUNG 'PHRO BCAD, PHYAG TU RDO RJE DRIL BU BZUNG NAS THUGS DAM RTZE GCIG TU MDZAD DON LA 'DAS GRONGS MI MNGA' YANG GDUL BYA THUN MONG BA'I SNANG NGOR DGUNG LO BDUN CU RTZA GSUM PA SHING PHO RTA'I LO STON ZLA 'BRING PO'I TSES BCO BRGYAD LA SNYE THANG DU MYA NGAN LAS 'DA' BA'I TSUL BSTAN TE 'OD GSAL CHOS SKU MNGON DU MDZAD NAS GZUGS SKUR BZHENGS NAS DGA' LDAN CHOS KYI PHO BRANG DU PHEBS SO, ,DE YANG BSTOD PA SUM CU PA LAS, KHO BO 'DI NAS DGA' LDAN GNAS SU 'GRO, NGA LA DAD CING GUS PAR BYED PA RNAMS, ,DGA' LDAN GNAS SU MJAL BAR 'GYUR ZHES GSUNGS, ,MA 'ONGS MNGON SUM GZIGS LA GSOL BA 'DEBS, ,ZHES GSUNGS PA LTAR DGA' LDAN CHOS KYI PHO BRANG DU NAM MKHA' DRI MA MED PA ZHES MTSAN

GRAGS SHING RJE BTZUN MA PHAM PA'I SRAS KYI THU BO'I TSUL DU BZHUGS TE DGA' LDAN GYI LHA RNAMS DANG, PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG PA LAS 'DAS PA DAG LA THEG PA CHEN PO'I CHOS RGYA CHER STON PAR MDZAD CING, MIG 'PHRUL BZHIN DU PHYOGS BCU'I ZHING RAB 'BYAMS THAMS CAD DU SPRUL BA BKYE NAS GDUL BYA'I DON RGYUN MI 'CHAD DU MDZAD CING BZHUGS SO, ,DES NA RGYAL BA DGYES PA'I LAM LA 'JUG PAR 'DOD PA RNAMS KYIS MGON PO AA TI SHA'I SKU YID LA BYAS TE RGYUN DU GSOL BA 'DEBS PA DANG, MGON PO DE'I GSUNG SKYES BU GSUM GYI LAM GYI RIM PA LA NYIN RE BZHIN DU YANG DANG YANG DU SHAR SGOM BYAS TE BAG CHAGS CI THEBS BYA BA LA 'BAD BAR BYA'O, ,JO BO RJE LA RGYA BOD GNYIS KAR RGYUD 'DZIN GYI SLOB MA BSAM GYIS MI KHYAB PA YOD KYANG, GTZO BO NI RGYA GAR NA JO BO DANG MKHYEN PA MNYAM PA'I PAndI TA CHEN PO BI TO PA, DHARM'A AA KA RA MA TI, DBU MA SENG+GE, SA'I SNYING PO STE BZHI, GZHAN YANG BSHES GNYEN GSANG BA SOGS BSTAN PA 'DZIN PA'I PAndI TA DANG, DBEN PA'I RI SUL DU SGRUB PA SNYING POR BYED PA'I KU SU LU BGRANG PA LAS 'DAS PA YOD DO, ,BOD DU BYON NAS GDUL BYA BGRANG BA LAS 'DAS PA LA CHOS 'KHOR BSKOR BAR MDZAD PAS RGYUD 'DZIN BGRANG BA LAS 'DAS PA YOD MDO KYANG, GTZO BO NI MNGA' RIS NAS LO TZ'A BA RIN CHEN BZANG PO, NAG TSO LO TZ'A BA, LHA BLA MA BYANG CHUB 'OD, GTZANG NAS 'GAR DGE BA, 'GOS LO CHEN PO

, ,YOL SKU MCHED, LHO BRAG NAS PHYAG KHRI MCHOG DANG DGE BA SKYONG, KHAMS NAS RNAL 'BYOR PA CHEN PO, DGON PA PA, SHES RAB RDO RJE, PHYAG DAR STON PA, DBUS NAS KHU RDOG 'BROM GSUM RNAMS JO BO'I THUGS SRAS GTZO BOR GRAGS SHING GZHAN YANG MTHA' YAS SO, ,DE LA LO CHEN RIN CHEN BZANG PO NI SA PHO RTA'I LO LA YAB GZHON NU DBANG PHYUG DANG, YUM COG RO KUN BZANG SHES BRTAN MA'I SRAS SU SKU 'KHRUNGS, RIGS G-YU RI G-YU SGRA, DGUNG LO BCU GSUM BZHES BA'I TSE MKHAN PO YE SHES BZANG PO LA RAB TU BYUNG, DE'I MOD LA 'DUL BA RGYA CHER 'GREL THUGS SU CHUD, DE NAS RGYAL PO'I BKAS KHA CHER BYON, LO TZ'A MKHAS BAR BSLABS, PAndI TA KA RA RNAM GSUM SOGS PAn GRUB DU MA LA GTUGS TE SNGAGS MTSAN NYID KYI GZHUNG MANG PO LA SPYANGS, MKHYEN PA SHIN TU CHE BAS MDO SNGAGS KYI CHOS MANG PO BSGYUR, PHA ROL TU PHYIN PA DANG RGYUD KYI PHYOGS GNYIS KA'I BSHAD PA RGYA CHER MDZAD, DBANG DANG SGRUB PA'I LAG LEN MANG DU BSTAN TE BSTAN PA SNGA DAR LAS PHYI DAR SNGAGS KYI BSTAN PA BOD DU DAR BA YANG LO TZ'A BA 'DI KHO NA'I BKA' DRIN YIN, PAndI TA BDUN CU RTZA LNGA BSTEN NAS DAM PA'I CHOS MANG DU GSAN; BLA CHEN PO LHA LDE BTZAN GYIS DBU'I MCHOD GNAS DANG RDO RJE SLOB DPON DU BSKUR, PU RANGS ZHER GYI GNAS GZHI PHUL, GTZUG LAG KHANG YANG BZHENGS, KHA CHE'I GTZUG LAG KHANG DANG RONG GI GTZUG LAG KHANG LA SOGS PA

GNAS GZHI DANG GTZUG LAG KHANG DANG MCHOD RTEN MANG DU BZHENGS, GUR SHING BRTZON 'GRUS RGYAL MTSAN LA SOGS PA'I SLOB MA MKHAS GRUB MANG PO DANG ZHUS CHEN PHER BA'I LO TZ'A YANG BCU LHAG TZAM THON, 'PHRAL GYI MDZAD PA YANG SKU GZUGS BZHENGS PA DANG, 'GYUR MDZAD PA LA SOGS RE RE'I RJES KYANG GZHAN GYIS MI RNYOGS PA DANG, MTSAN YANG DAG PAR BRJOD PA YANG SAm SKRi TA'I SKAD DU 'BUM PHRAG GCIG BOD SKAD DU 'BUM PHRAG GCIG, GZHAN LA YON BYIN TE 'BUM PHRAG GCIG RNAMS BTON, DGUNG LO BRGYAD CU RTZA LNGA BZHES PA CHU RTA LA JO BO BOD DU BYON PA DANG MJAL TE SNGAR BSGYUR BA MANG PO LA ZHUS DAG ZHUS, JO BO NYID KYIS MDZAD PA'I DAM TSIG BSDUS PA BSGYUR BAS 'GYUR BZANG BA CIG BYUNG, DE NAS LO CHEN GYIS GSER SRANG BDUN DANG BCAS PA'I MAndAL PHUL NAS BDE MCHOG GI DBANG DANG BSKYED RDZOGS KYI GDAMS NGAG RNAMS ZHUS TE JO BO'I GDAMS NGAG SKYES BU GSUM GYI LAM GYI RIM PA DANG BSKYED RDZOGS KYI RIM PA RNAMS LA RTZE GCIG TU SGRUB PA MDZAD PAS DPAL GSANG BA 'DUS PA DANG, BDE MCHOG GI ZHAL GZIGS SHING GRUB PA BRNYES TE DGUNG LO DGU BCU RTZA BRGYAD PA SHING MO LUG GI DGUN ZLA THA CHUNG GI TSES BCU BDUN LA MYA NGAN LAS 'DAS PA'I TSUL BSTAN PA'I TSE NAM MKHA' GANG BA'I LHA RNAMS KYIS ROL MO RGYA CHER SGROG PA DANG, ME TOG GI CHAR 'BEBS PA LA SOGS PA GRONG PA'I SKYE BO THAMS CAD KYI MNGON SUM DU GYUR, GDUNG RTEN MA BYUNG BAS MKHA' SPYOD DU GSHEGS BAR GRAGS, RING BSREL 'O MA SE'I

, ,MDOG LTA BU GSUM BYUNG BA JI ZHIG NA 'BRUG LTA BU'I SGRA DANG BCAS TEN MKHAR SONG BA ZHIG BYUNG ZHES GRAGS SO, ,DGE BSHES NAG TSO LO TZ'A BA NI LCAGS MO PHAG LA GUNG THANG ZHES GRAGS PA MNGA' RIS RDZONG DGA'I LHA GDONG DU SKU 'KHRUNGS, GDUNG NAG TSO, RAB TU BYUNG BA'I MTSAN TSUL KHRIMS RGYAL BA, 'DUL BA MKHAS PAR MKHYEN PAS 'DUL BA 'DZIN PAR GRAGS, RGYA BRTZON SENG LA MNGON PA GSAN, DGUNG LO NYER BDUN PA LA JO BO SPYAN 'DREN LA RGYA GAR DU BYON, JO BO RJE LO BCU DGU'I BAR TSUL BZHIN BSTEN, YON TAN THAMS CAD RDZOGS PAR MDZAD, JO BO RJE BOD DU SPYAN DRANGS BAS BOD KHAMS SPYI LA BKA' DRIN CHE BA YIN PAS, BOD STON THAMS CAD KYIS KYANG SLOB DPON ZHES BRJOD PA YIN, JO BO'I CHOS RNAMS KHONG GIS KHUNGS PHYUNG NAS ZHUR BCUG PAS GZHAN RNAMS KYIS KYANG GDAMS PA PHAL CHE BA THOB PAS KHONG BKA' DRIN SHIN TU CHE BAR BYED, NAG TSO SNYE THANG NAS MNGA' RIS SU 'BYON KHAR JO BOS BSLAB BYA MANG BAR MDZAD DE, DAM TSIG GSUM BKOD KYI SKU PHYAG TU BZUNG NAS BYIN RLABS MDZAD, 'DUL BA MDO RTZA DANG, GSANG BA 'DUS BA'I RGYUD DPE DANG, 'GRO CHOS SU THUN MONG MA YIN PA'I SPYAN RAS GZIGS KYI SGRUB SKOR SOGS SBAS CHOS NYI SHU GNANG LUNG BSTAN MANG DU MDZAD DE JO BO NYID KYI SKU MTHE BONG TZAM SENG LDENG LA BRIS TE GA'UR BCUG NAS DPUNG PA LA BTAGS, MNYES MNYES RGYA CHEN MDZAD, DE NAS YAR BYON NAS RAS KHRU BCU DRUG PA

GCIG LA RI MO MKHAN MKHAS BA KRIshnA BYA BA RGYA GAR BA CIG YOD PA 'DRIR BCUG NAS, STOD LA JO BO'I YI DAM GYI LHA RNAMS BRIS, DE'I 'OG NA PHAR LA JO BO'I BLA MA BCU GNYIS PO BRIS, DE NAS JO BO RJE NYID KYI SKU TSAD KHRUS GZHAL TE BRIS, G-YAS G-YON GNYIS NA NYE GNAS RE LDEM SKUR BRIS, G-YAS G-YON GYI MTHA' RAS LA JO BO'I MDZAD PA RNAMS DANG, 'OG NA TSUR KHU RNGOG 'BROM GSUM LA SOGS PA BOD STON RNAMS CHOS GRVA'I TSUL DU BRIS, DE'I MDUN DU LO TZ'A BA NYID GSOL BA 'DEBS PA'I TSUL DU BRIS, DE'I RGYAB LA JO BO'I BSTOD PA BRGYAD CU BA BRIS, RAB GNAS MDZAD BA'I TSE, JO BO RJE NYID DGA' LDAN NAS 'BYON PAR ZHAL GYIS BZHES BAS 'DI JO BO RJE NYID DANG KHYAD MED PA YIN, MNGA' RIS SKOR GSUM GYI RTEN LA BYIN RLABS CHE SHOS YIN GSUNG, DE'I RJES SU DZNY'A NA A'A KA RA DANG, BAL PO SHR'INTAm BHA DRA, NAG PO DAM TSIG RDO RJE LA SOGS BA BSTEN NAS 'GYUR YANG MANG DU MDZAD DO, ,DE NAS JO BOS LUNG BSTAN PA BZHIN SGRUB PA MDZAD PAS JO BO YI GE DRUG PA, SGROL MA, 'JAM DPAL RDO RJE RNAMS ZHAL GZIGS, KHONG RANG GI YI GE LAS KYANG, NAG TSO BDAG NYID GCIG PU MA GTOGS PA, ,JO BO'I SLOB MA GZHAN LA YOD RE SKAN, ,ZHES JO BO'I MAN NGAG THUN MONG MA YIN PA RNAMS KHANG RANG LA YOD BAR ZHAL GYIS BZHES SHING JO BO RJE BOD DU GDAN 'DREN MDZAD PAS LO TZ'A BA 'DI NI BOD KHAMS YONGS LA BKA' DRIN BLA LHAG TU CHE BA ZHIG GO, LHA BLA MA BYANG CHUB 'OD NI MNGA' RIS CHOS RGYAL

, ,GYI SRAS SU SKU 'KHRUNGS, RGYAL SRID LA MA CHAGS PAR RAB TU BYUNG ZHING BSNYEN PAR RDZOGS NAS BSTAN PA DANG SEMS CAN GYI KHUR KHYER TE JO BO SPYAN 'DREN PA'I BYED PA PO MDZAD, BSTAN PA SPYI KHYAB TU BYANG CHUB LAM GYI SGRON MA ZHUS TE, LO TZ'A BA RMA DGE BA'I BLO GROS KYIS BSGYUR, KHONG GIS JO BO LA BDAG RGYUD GSANG BA 'DUS PA MAN NGAG YE SHES ZHABS LUGS YI DAM THUGS RJE CHEN PO LA MOS PAS, 'JIG RTEN DBANG PHYUG GIS DKYIL 'KHOR GYI GTZO BO BYAS PA'I SGRUB THABS SHIG ZHU ZHUS PAS, 'JIG RTEN DBANG PHYUG LHA BCU DGU'I DKYIL 'KHOR GYI DBANG GNANG ZHING SGRUB THABS CHE CHUNG GNYIS BSTON BA DANG BCAS MDZAD DE LO TZ'A BAS BSGYUR, JO BO'I 'JIG RTEN DBANG PHYUG LA THUGS DAM DU MDZAD PAS ZHAL MNGON SUM DU GZIGS, DBUS SU PHEBS NAS KYANG JO BO'I ZHABS TOG MDZAD CING CHOS KYANG MANG DU GSAN, JO BO'I GSUNG LA GCES SPRAS SU MDZAD PAS JO BO RJE SHIN TU MNYES, LHA BTZUN BO DHI R'A DZAS JO BO LA LHA BTZUN PAS PHYAG MDZAD TZA NA MI BZHENG, KHO BOS PHYAG BGYIS TZA NA SKU LUS RDO RJE SKYIL KRUNG MDZAD KYANG BZHENG BA JI LTAR LAGS ZHUS PAS, LHA BTZUN PA DE'I SLOB MA YIN KHYED BOD KYI R'A DZA YIN GSUNG, 'O NA KHO BO SLOB MA MA LAGS SAM ZHUS PAS, JO BO SPYAN ZIM ME MDZAD NAS LAGS LAGS BZOD PA MDZOD GSUNG, SLOB MA BZANG PO BYANG CHUB 'OD KYIS BSKUL GYUR BAS, ZHES JO BO RJE THUGS SHIN TU MNYES PAS SRAS KYI

THU BOR GYUR PA ZHIG STE, BYANG CHUB LAM GYI SGROL MA ZHES 'DZAM GLING BSTAN PA'I SGRON ME GCIG PU 'DI KHONG GI BKA' DRIN LAS BYUNG BAS RGYAL BA'I BSTAN PA LA BYA BA CHEN PO BYAS BA ZHIG GO, GTZANG GI SLOB MA RNAMS KYI GTZO BO RJE 'GOS LA TZ'A BA NI, RTA NAG PHU'I KHUG PA ZHES BYA BA'I SA'I CHAR YUM SGROL MA'I SPRUL PA YIN ZER BA ZHIG LA 'KHRUNGS, MTSAN NI LHAS BTZAS TE LHAS SKYABS ZHES BYA BA YIN LA, DANG POR ZUR PA'I SAR SLOB GNYER LA BYON PAS LAS KHO NA BCOL BAS 'BROG MI'I THAD DU BYON, CHOS 'BREL TZAM GNANG YANG RGYUD NYAN PAR 'DOD PA LA GSER KHYER SHOG GSUNGS NAS MA GNANG BAS, RANG GI SPOBS PA BSKYED DE RGYA GAR DU PHYIN LA KHONG 'DRA BA ZHIG BYA SNYAM NAS, GYI JO ZLA BA'I 'OD ZER DANG 'GROGS TE RGYA GAR DU BYON, PAndI TA RNAMS KYI THAD DU CHOS GSAN PA'I TSE NA BRTZON 'GRUS MA BSKYED NA 'BROG 'DOM DE LA NGO TSA BAR YOD GSUNGS NAS SNYING NAS BSKYED DE SLOB GNYER LA 'BAD PA CHEN PO MDZAD, KHONG LA BAL PO PHAN CHAD NA PAndI TA'I BLA MA BDUN CU DANG, MKHA' 'GRO MA'I BLA MA GNYIS TE BDUN CU RTZA GNYIS YOD BAR GRAGS, GSANG BA 'DUS PA GSAN PA'I GTZO BO NI BHAm GA LA'I MNGON SHES CAN, ZA HOR GYI BTZUN MO CAN, KONG KA NA'I RGYAL BU SPRIN GYI SHUGS CAN, RDO RJE GDAN GYI NAG PO DAM TSIG RDO RJE, JO BO RJE, KHA CHE GRIB STAN GYI MKHAS PA TZANDRA R'A HU LA, RGYAL PO'I KHAB KYI ZHIB BZANG PO, YE RANG GI BAL PO THUGS RJE CHEN PO, BAL PO RDZONG GI NA BA KU t'I BA, N'A RO BA'I

, ,SLOB MA KHA CHE DZNY'A NA A'A KA RA RNAMS BSTEN NAS GSANG BA 'DUS PA'I RGYUD 'GREL PA CHA LAG DANG BCAS PA MKHAS PAR BSLABS NAS BSHAD PA MDZAD PAS 'PHRIN LAS KYI DAR RGYAS SHIN TU CHE, RGYUD 'GREL PA DANG BCAS PA LA 'GYUR BCOS KYANG LAN GNYIS SU MDZAD, GZHAN YANG 'GYUR MANG DU MDZAD, LHAG PAR GSANG BA 'DUS PA 'PHAGS LUGS LA 'PHRIN LAS KYI BKA' BAB PAS BOD DU 'DUS PA'I BSHAD SROL RGYA CHER SPEL LO; ;CHOS RJE BU STON RIN PO CHE DANG RJE BDAG NYID CHEN PO YAB SRAS RNAMS KYIS RJE 'GOS KYI 'DUS PA'I BSHAD SROL NYID RTZAL DU BTON NAS SPEL BAS DENG SANG GI BAR DU BSHAD SROL RGYUN MA CHAD PAR YOD PA 'DI BYUNG BA YIN PAS BKA' DRIN SHIN TU CHE BA ZHIG GO, YOL SKU MCHED GSUM NI, YOL CHOS DBANG, YOL DRANG SRONG, YOL THOGS 'BEBS TE, GSUM GA JO BO'I DNGOS SLOB YIN YANG, DANG PO JO BO NYAN TSOR PHEBS DUS JO BO'I ZHAL NAS; DA NANG THO RANGS NAM MKHA' LA HR'I: DKAR PO SGRA DANG BCAS PA CIG BYUNG, DE BCU GCIG ZHAL GYI SKU LI MA 'DI LA PHOG, DE LAS 'OD 'PHROS BOD THAMS CAD 'OD KYIS KHYAB NAS 'OD DE BAN CHUNG GZHON NU GCIG LA PHOG PAS DE'I SGYU LUS 'OD GSAL DU SHAR BA RMIS GSUNG, NYI MA RTZE SHAR LA YOL CHOS DBANG BTZUN CHUNG LO BCU DRUG LON PA GCIG GIS DAR SER PO ZHIG PHUL, BDAG LA THUGS RJE CHEN PO'I GDAMS NGAG CIG ZHU ZER

BAS JO BO DGYES NAS BCU GCIG ZHAL GYI SKU DE YANG GNANG, SPYAN RAS GZIGS KYI CHOS SKOR RNAMS RDZOGS PAR GNANG, DE NAS RANG GI GNAS SU JO BO SPYAN DRANGS TE ZLA BA GSUM DU ZHABS TOG MDZAD, DE'I TSE TSOGS CHOS SU PHA ROL TU PHYIN PA GSUNGS, LKOG CHOS SU YUL MCHED GSUM LA KRi YA'I SGRUB THABS RNAMS GSUNGS, YOL GYIS JO BO LA SRUNG BA ZAB MO ZHIG ZHU ZHUS PAS MA nI GSUNGS, DES MI 'ONG ZHUS PAS MI G-YO BA GSUNGS, STON PAS BYIN RLABS CHE BA ZHIG ZHU BYAS PAS, YI GE DRUG PA DANG ZHAL BCU GCIG PA GSUNGS, LO TZ'A BAS MTHU CHE BA ZHIG ZHU ZHUS PAS GSHIN RJE GSHED GSUNGS, SGRUB THAG NYE BA ZHIG ZHUS PAS SGROL MA GSUNGS, YOL GYIS THUGS RJE CHEN PO ZHI KHRO'I SKOR ZHUS NAS SGRUB PA MDZAD PAS ZLA BA DRUG NAS ZHI BA'I LHA'I ZHAL GZIGS, DE NAS KHRO BO'I ZHAL GZIGS, THUGS RJE CHEN PO'I CHOS SKOR LA YOL LAS MKHAS PA MED GSUNGS, PHYIS DBUS SU YANG BYON TE CHOS MANG DU GSAN, KHYAD PAR RTA MGRIN SHVA NA BZHI BSKOR GYI SGRUB THABS DE LO TZ'A BA DANG LHA BTZUN PA SOGS KYIS ZHUS KYANG MA GNANG BAR YOL LA 'DI SNYING RJE'I LHA YIN KHYOD SNYING RJE CHE BAS STER BA YIN GSUNGS NAS GNANG, YOL LA BRTEN NAS JO BO LUGS KYI THUGS RJE CHEN PO GTZO 'KHOR GSUM GYI GDAMS PA GRUB MTHA' RIS SU MA CHAD PA DAG LA RGYA CHER 'PHEL LO, ,RONG PA 'GAR DGE NI, RTEN DGE BSNYEN YIN, JO BO SPYAN 'DREN TU MANG YUL DU BYON, BSAM YAS

, ,SU YANG BYON TE, GSANG SNGAGS KYI GDAMS PA MANG DU GSAN ZHING PHYIS JO BO RJE SNYE THANG DU BZHUGS PA'I DUS NYANG RO'I STON PA BSOD NAMS YE SHES DANG LHAN DU PHEBS, DE NAS DGE BSHES STON PAS MCHIMS PHU NAS LO TZ'A BA SPYAN DRANGS, STON PA DGE BAS ZHUS NAS DPAL DGYES PA RDO RJE SLOB DPON SHANTI PAS MDZAD BA'I LHAN CIG SKYES PA'I RNAL 'BYOR DANG, JO BO RJE NYID KYIS MDZAD PA'I dOMBI HE RU KA'I BDUD RTZI'I 'OD KYI 'GREL PA DANG, DPAL 'KHOR LO SDOM PA'I GZHUNG MANG PO DANG, DPAL MAH'A MA YA'I SGRUB THABS SLOB DPON KU KU RI PA DANG SHANTI PAS MDZAD PA LA SOGS PA GSAN, SBYIR NA 'GAR 'GOS GNYIS LA GSANG SNGAGS MTHA' DAG GI GDAMS PA MA LUS PAR GNANG, KHYAD PAR GSANG SNGAGS 'PHAGS SKOR LA RTZAL THON, L'U AI PA'I DBANG BKA', LHA SBAS KYI 'GREL BA'I BSHAD BKA', CHOS CHEN DGU LA SOGS PA'I RDZOGS RIM YONGS SU RDZOGS PA GSAN NAS RANG GI THUGS NYAMS SU BZHES SHING SKAL BA DANG LDAN PA GZHAN DAG LA'ANG RGYA CHER SPEL LO, ,LHO BRAG PA PHYAG KHRI MCHOG NI, 'KHRUNGS YUL LHO BRAG PA, LHA SAR JO BO MJAL BA'I LAM ZHOR LA SNYE THANG DU JO BO RJE DANG MJAL TE GDAMS NGAG MANG DU THOB, LO LNGA BSTEN, CHOS MNGON PA LA RTZAL THON, 'JIG RTEN DBANG PHYUG DANG, JO MO SGROL MA'I ZHAL GZIGS SHING KHAMS GONG MA'I TING NGE 'DZIN LA MNGA' BRNYES, JO BO'I RNAL 'BYOR MI BZHI'I

YA GYAL GCIG YIN, JO BO MYA NGAN LAS 'DA' KHAR, TSE 'DI BLOS THONG TSE GZHUG 'BROM STON PA DANG MA BRAL BA GYIS SHIG GSUNGS PA LA BRTEN NAS 'BROM GYI PHYAG PHYIR RA SGRENG DU 'PHEBS, DE NAS JO BO'I GDUNG KHANG GI DNGUL 'DON PA DANG, JO BO'I PHYAG DPE KHA CIG RGYA GAR DU RDZONG BA'I SLAD DU BAL YUL DU BYON, RGYA GAR DU RGYA DPE 'PHRIN YIG DANG BCAS PA'I MI MANG PO BRDZANGS, DNGUL RNAMS LA LJANG PA BYAS NAS KA BA LIR BCUG, TSUR BYON PA'I LAM DU RMI LAM LA JO MO SGROL MA'I ZHAL NAS BRAM ZE'I KHYE'U LO BCU LON PA GCIG RAS TSONG DU 'ONG GI DE NYOS LA NGA LA PHUL ZHIG, DE LTAR BYAS NA LAM DU BAR CHAD KYIS MI TSUGS PA'I GNYER KHA THAMS CAD NGAS BYED ZER PA ZHIG RMIS, SANG RAS TSONG BA GCIG BYUNG STE JO MO LA BSNGOS NAS DPAL MO DBAL THANG LA BYON TZAN JAG PA MANG BO BYUNG BAS ZLA BO THAMS CAD BCOM, PHYAG KHRI MCHOG GI DNGUL LJANG PA DE RNAMS GAD SKYIBS ZHIG NA PHAR LA BZHAG PAS JAG PAS MA MTHONG BAR TSUR THON, LO RGYUS DER SGRENG DU DGON PA BA LA ZHUS PAS, SGROL MA DKAR SNGO GNYIS GANG DU 'DUG GSUNG, DE MA DRAN ZHUS PAS DE GNYIS KA BZHENGS GSUNGS NAS RAS DE LA SGROL MA DKAR SNGO GNYIS KA BZHENGS NAS DA LTA RA SGRENG NA BZHUGS PA LAGS, GLANG RI THANG BA'I ZHAL NAS RI MO GSAL RGYU MI 'DUG STE SPRUL PA'I SKU DNGOS YIN GSUNGS, DE NAS RE SHIG NA JA LUNG RDO GANG GI MANG SKOL MDZAD, DE RING NI GTAM RI GZAR GYI RBAB 'DRA BA CIG 'ONG BAS SO

, ,SO NAS BZOD PA MDZAD PA ZHU GSUNGS NAS BZOD GSOL SNGON LA MDZAD, DGE BSHES STON PA LA DGE BA'I BSHES GNYEN PA LAGS, KHYED LA JO BO'I GDAMS NGAG THAMS CAD BUM PA GANG BYO'I TSUL DU MNGA' BA LAGS PAS, DES KYANG MI PHAN, DES KYANG MI PHAN MI GSUNG BAR JO BO'I GDAMS NGAG RNAMS RGYUN MI GCOD PAR GSUNG BAR ZHU, RNAL 'BYOR BA LA, KHYOD RNAL 'BYOR PA MI CHOS SU NGAN TE, JO BO'I G-YOG BZHAG NAS RBA RGYA MTSO'I RJES LA PHYIN, LHA CHOS SU NGAN TE JO BO'I GDAMS NGAG BSGOM PA BZHAG NAS SBAS CHUNG STON PA'I BDAG MED MA'I SGRUB THABS BSLABS PA YIN ZHES DANG, RNAL 'BYOR PA GONG 'OG LA YANG BKA' PHAB LAM ME BA ZHIG MDZAD NAS, DA KHO BO JO BO'I THUGS DGONGS SKONG DGOS PA YOD PAS, SANG NAS MTSAMS GCOD BAR ZHU GSUNG BAS, RNAL 'BYOR BA GONG 'OG GI THUGS DGONGS LA KHONG MTSAMS BCAD NAS MI DANG MI PHRAD PA YIN 'ONG SNYAM TZA NA SHUG GSEB LA SOGS PA GAR THOD THOD DU ZHUGS NAS GDA' SKAD, DE DUS GSANG PHU NAS RNAL 'BYOR BA SHES RAB RDO RJE RA SGRENG DU BYON, KHONG DANG CHOS KYI GSUNG GLENG KHO THAG CHOD PA CIG BYA SNYAM NAS BYON PA DANG, RNAL 'BYOR PA MI BZHUGS PAR GDA' SKAD, GAR BZHUD BYAS PAS, SHUG GSEB KYI PHA GI YIN ZER BAS, DER BYON TE GSANG PHU BA DGE SLONG YIN, KHRI MCHOG DGE BSNYEN YIN PAS GSANG PHU BA LA TSUR PHYAG GSUM MDZAD NAS, KHO BO LA MI'I TIG PO

TZAM MI BDOG GSUNGS NAS, SHUG GSEB NA PHAR GSHEGS PAR MDZAD, GSANG PHU BA'I ZHAL NAS, DE LAS YI MUG PA DANG, DE LAS KHO THAG MA CHOD PA CIG MA BYUNG GSUNG ,KHONG 'JIG RTEN GYI RNAM PAR RTOG BA LA MTSAMS BO CHE PAD KYIS BCAD NAS BZHUGS PA YIN TE, 'JIG RTEN BLOS BTANG NAS BYAMS SNYING RJE BYANG CHUB KYI SEMS BSGOM PA LA SOGS PA JO BO'I THUGS DGONGS JI LTA BA BZHIN DU BSGRUB BAR MDZAD, LAN CIG YUL NAS GSER ZHO KHA YAR ZHIG BYUNG BA NA, GSER GYI THUM PO RNAMS BKROL NAS PHYAG GI MTHIL DU BLUGS, KA GNYIS MA'I MDUN DU BYON NAS, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,GSUNG ZHING RTEN GYI GSEB TU GTOR TE BTANG, RVA'I ZE'U CHUNG CHUNG ZHIG LA SKOR BA MDZAD PA LA, MYA NGAN 'DAS RTING BLTAS PAS, NANG NA JO BO'I NA BZA' BRUL PA CIG SNANG, GZHAN RTEN GYI DNGOS PO CI YANG MI 'DUG ,DGON PA BA'I ZHAL NAS, WA, RA SGRENG BA'I MTHA' 'DI LTAR SONG BA GSUNG, DE CI NONGS ZHUS PAS, NGAS JO BO'I THUGS DAM GYI LHA BZHENGS, RNAL 'BYOR PAS MDO MANG BRIS, STON PA 'DAS, KHRI MCHOG YOD NA'ANG 'DI LTAR MI 'GRO BA LA GSUNG, KHRI MCHOG GIS CI PHAN ZHUS PAS, DE 'JIGS NAS BYED MI PHOD GSUNG, SHA RA BA'I ZHAL NAS, DA LTA'I BKA' GDAMS PA'I SROL GANG YIN CHA MED, SNGON DGE BSHES STON PA DANG, KHRI MCHOG DANG, RNAL 'BYOR PA RNAMS KYIS SKYE SA'I YUL SPANGS TE NYE DU 'BREL PA

, ,LA SHI BA LTAR BYAS NAS CHOS LA NAN TAN CHER BYED BA YIN GSUNG, DGE BA SHES GRO LUNG PA'I ZHAL NAS, RNAL 'BYOR PA PHYAG KHRI MCHOG CHOS GRVA'I SLOB DPON SPYOD PA GZHAN GYI SEMS SHES PA MNGA' BA JO BO RJE GSHEGS KHAR THA MAL PA'I RTOG PA MA RGYU BAR BYANG CHUB KYI SEMS SBYONGS SHIG ,STON PA DANG MA BRAL BAR GYIS SHIG CES GDAMS PA DANG, LHAG PAR DGONGS PA LO BZHIR THA MAL PA'I RTOG PA MA SHOR BAR GRAGS PA STE, RNYED PA NI 'PHRAL 'TSO TZAM LAS MED, MGRON GYI SNA LEN LA SOGS PA TSUL BZHIN MDZAD PA NA, NYE GNAS SKYO NAS 'DI LTA BU MI 'GRUB CES ZHUS PA DANG, BKYON TE, GCIG PUR 'DUG PA TA SO GSOD DE CHIG SKYA MI THUB PAS DGE BSHES STON PA LA BRTEN PA YIN GSUNG NGO, ,DE LTAR THA MAL GYI RNAM PAR RTOG PA'I RGYU BA BCAD DE DGUNG LO ZHE GNYIS 'GRO BA'I TSE RA SGRENG DU SKU'I BKOD PA BSDUS NAS DGA' LDAN CHOS KYI PHO BRANG DU GSHEGS SO, ,LHO BRAG BA DGE BA SKYONG GI RNAM THAR RNYED NA 'DIR 'JUG ,KHAMS PA SKU MCHED BZHI NI, RNAL 'BYOR BA CHEN PO BYANG CHUB RIN CHEN, DGON PA PA DBANG PHYUG RGYAL MTSAN, SHES RAB RDO RJE, PHYAG DAR STON PA RNAMS SO, ,DE LA RNAL 'BYOR PA CHEN PO BYANG CHUB RIN CHEN NI, MDO KHAMS SMAD DU SHING MO YOS LA SKU 'KHRUNGS, SKU GZHON NU NAS RAB TU BYUNG STE JO BO RJE BOD DU 'BYON PA'I SNYAN PA GSAN NAS MJAL BAR 'DOD DE BYON PAS

,TZANG GI NYAN TSOR JO BO DANG MJAL, JO BOS SNGON GYI 'BREL BA DANG CHOS KYI BAG CHAGS YOD PAR MKHYEN NAS MJAL MA THAG TU DAM TSIG GSUM BKOD PA'I RGYAL PO'I LUNG DANG, 'DU SHES BSKYED PA'I CHOS BCU BYA BA'I GDAMS NGAG GNANG, RGYUN GYI ZHABS TOG PA NYE GNAS MDZAD CING, RGYA GAR DU JO BO'I BLA MA RNAMS LA 'BUL SKYEL DANG, RDO RJE GDAN GYI MCHOD PA SOGS BYA BAR LAN GSUM BYON, LAN CIG DBUS SU NYANG PO'I GRU LA JO BO'I PHYAG PHYI MDZAD CING PHEBS DUS JO BO LA GRU GLA CI SBYIN ZHUS PAS JO BOS PHYAG RGYA ZHIG MDZAD BAS DE GO NAS KA RA BAM PO LNGA BYIN BAS JO BO DGYES TE NGAS RKANG MGYOGS BSGRUBS NAS 'DZAM BU'I GLING LAN GSUM SKOR YANG KHYOD 'DRA PA'I SLOB MA MI RNYED GSUNG, JO BO SNYE THANG DU BZHUGS DUS RNAL 'BYOR PA'I THUGS DGONGS LA NYIN MTSAN DANG STON DPYID MED PAR BLA MA'I ZHABS TOG BYED BYED NAS BSGOM BYA RGYU MA BYUNG BAS NGA BSOD NAMS CHUNG SNYAM PA'I BLO ZHIG SKYES PA JO BOS MKHYEN NAS LUS NGAG YID GSUM BLA MA'I ZHABS TOG TU BKOL NA SGOM GYI DMIGS PA GZHAN NAS BTZAL MI DGOS GSUNGS, DE'I GNAD KAS DGE BSHES RNAL 'BYOR PA LAS RTOGS PA MTHO LA SGOM BZANG BA MA BYUNG BA YIN, DAM TSIG GSUM BKOD PA'I RGYAL PO'I BZLAS PA STONG PHRAG BRGYAD THON TZA NA ZHAL GZIGS, LAS SNA TSOGS LA RTZAL THON, DAM TSIG GSUM BKOD RGYAL BO DANG 'JAM DPAL BGRO BA

, ,MDZAD PA'I ZHAL GZIGS, JO BO MYA NGAN LAS 'DAS NAS ZHAL 'CHEMS BZHIN DGE BSHES STON PA'I PHYAG PHYIR BYON NAS RA SGRENG DU BZHUGS, DGE BA SHES STON PA ZHI BAR GSHEGS RJES RA SGRENG GI GDAN SA LO BCU GSUM MDZAD, RA SGRENG GI KHYAMS SMAD LA SOGS PA MDZAD BA LHAG MA RNAMS BSGRUBS SHING TSOGS PA BSKYANGS BAS 'PHRIN LAS SHIN TU CHE BA BYUNG, BU SLOB CHE BA MANG RA BA BYANG TSUL, STOD LUNG PA CHEN PO, LHAG MI, G-YAG RUM, SMYUG RUM PA CHEN PO RNAMS DANG, BKA' GDAMS SKU MCHED GSUM GYIS KYANG 'DI'I ZHABS LA GTUGS PAR SNANG NGO, BDAG NYID CHEN PO 'DI NI MNGON SHES DANG RDZU 'PHRUL THOGS PA MED PA MNGA' BA ZHIG STE, 'BROM RIN PO CHE SKU SNYUN PA'I SKABS SHIG RDZU 'PHRUL GYIS RTZIGS PA LA'ANG THOGS PA MED BAR BYON NAS SNYUN DRIS PA'I GTAM RGYUD KYANG YOD CING, RDZOGS RIM GYI RLUNG MNYAM 'JUG GI TING NGE 'DZIN KHYAD PAR CAN THOB PA ZHIG YIN BAR GSUNGS, DGUNG LO DRUG CU RE GSUM PA ME MO SBUL GYI LO'I RGYAL ZLA'I YAR TSES BRGYAD LA NGO MTSAR BA'I LTAS DANG BCAS DGA' LDAN DU GSHEGS SO, ,DGON PA BA CHEN PO'I RNAM THAR NI 'OG TU 'CHAD DO, ,RNAL 'BYOR PA SHES RAB RDO RJE NI, JO BO'I GDAMS PA MANG DU MNGA' ZHING KHYAD PAR GRUB MTHA' LA RTZAL THON, THUGS DAM YI GE DRUG PA'I ZHAL GZIGS,

JO BO LO GSUM DU BSTEN PAR GRAGS, LAN CIG GI TSE MA nI BZLAS PAS ZHAL NAS 'OD ZER SHVA SH'A 'ONG BA LA RNAL 'BYOR BA CHEN PO'I ZHAL NAS, SGOM CHEN 'DI KHA NA RE SKYID, BYANG CHUB KYI THUGS MNGA' BA GSUNG, JO BO GSHEGS NAS GSANG PHUR BZHUGS TE THUGS DAM TSIG CHOD DU MDZAD, KHONG DANG RNAL 'BYOR PA KHRI MCHOG GNYIS THUGS GCUGS PAS GSANG PHU DANG RA SGRENG GNYIS LA YAR SNYEGS MAR SNYEGS BYED PA LA DRO ZAN 'KHYER MI DGOS GSUNGS TE, RKANG MGYOGS KYI RDZU 'PHRUL THOB PAR GRAGS, DGE BSHES SPYAN SNGA'I BLA MA YIN PAS SLOB DPON SGOM CHEN ZHES 'BOD, GSANG PHUR SKU GSHEGS PAS GDUNG BZHUGS PA'I SA 'BUM CHUNG NGU ZHIG GSANG PHU'I SKOR LAM NUB PHYOGS NA DA LTA'ANG BZHUGS SO, ,'DI LA GONG MA RNAMS GSANG PHUR SKU YAL ZHES BSNGAGS PA CHE BAR MDZAD DO, ,PHYAG DAR STON PA NI, SPYIR JO BO'I CHOS MANG DU MKHYEN CING, KHYAD PAR PHA ROL TU PHYIN PA LA RTZAL THON, JO BOS PHYAG DAR LA LOGS SU BLA MA'I MAN NGAG BYA BA GSANG BAS 'GRUB PA YIN TE, BSTAN PA NYAMS DMA' BA'I DUS SU BZLO DGOS, KHYOD SHES RAB SHIN TU CHE BAS JI SKAD BSHAD PA BZHIN DU GO ,NGAS JI SKAD ZER BA BZHIN DU BYED, GZHAN RNAMS KYIS BSTAN KYANG MA GO BAS DE MIN ZHIG LOGS NA YOD SNYAM NAS 'ONG, KHYOD BYAMS SNYING RJE BYANG CHUB KYI SEMS SGOMS SHIG GSUNGS, YANG DGE BSHES PHYAG DAR

, ,LA SOGS PA BOD STON KHA CIG GIS, JO BO'I SKU SKYE SNGA MA JI LTAR BZHES PA DANG, PHYI MA GANG DU 'KHRUNGS PA DANG, 'TSANG JI LTAR RGYA BA'I LO RGYUS SHIG YI GER 'DRI BAR ZHUS PAS, JO BO'I ZHAL NAS, KHYOD KYIS GTZUG TOR 'DON MA MYONG NGAM GSUNGS, MYONG LAGS ZHUS PAS, GTZUG TOR NAS, BCAD DO, ,PHUR BUS GDAB BO, ,BYA BA BGEGS LA NUS PA MED PAR BYAS PA YIN, DE BZHIN DU BKA' DANG BLA MA'I MAN NGAG LA TSIG GI PHUR BUS BTAB PAS BYIN RLABS NYAMS 'GRO BA YIN, DE BAS NA TSIG ZIN PA DANG DON GO BAR BYA YIS, YI GER 'DRI BA'I 'OS MA YIN GSUNG, PHYAG DAR STON PA LA NAN TAN DU MDZAD NAS YON TAN GSANG BAS 'GRUB PA YIN NO GSUNG, SNYE THANG DU JO BOS BOD STON RNAMS LA PHAR PHYIN THOG MAR PAndI TA'I BSHAD LUGS DANG, DE NAS JO BO NYID KYI BZHED PA RTON PA BZHI'I SGO NAS KHRID TSUL GSUNGS PA LA 'DIS ZIN BRIS MDZAD PA'I PHAR PHYIN KHAMS LUGS MAR GRAGS PA'ANG SNANG STE, SNGON GTZIGS CHE BAR BYUNG 'DUG GO, JO BO GSHEGS NAS RA SGRENG DU BYON, STON PA'I SLOB MA MDZAD, SKU MCHED GSUM GYI'ANG SLOB DPON DU SNANG ZHING, PHYIS KHAMS SU PHEBS NAS BSTAN 'GRO'I DON RGYA CHER MDZAD CES GRAGS SO,, ,,DBUS KYI SLOB MA'I GTZO BO KHU RNGOG 'BROM GSUM GYI NANG NAS DGE BSHES KHU STON NI

YUL YAR KLUNGS, MTSAN BRTZON 'GRUS G-YUNG DRUNG, LCAGS MO PHAG LA SKU 'KHRUNGS TE NAG TSO DANG 'KHRUNGS LO GCIG, KHONG DANG RNGOG LEGS PA'I SHES RAB BANG STON GSUM GYIS KHAMS SU BYON TE, JO BO SE BTZUN LA CHOS MANG DU GSAN, GAR MI YON TAN G-YUNG DRUNG LA MNGON PA BSLABS TE MKHAS PAR MKHYEN, KLU MES THAMS CAD KYI GNAS BRTAN MDZAD, DE'I DUS SU KHONG LAS MI CHE BA MED PA YIN PA LA, DGE BSHES STON PAS DBUS KYI MI CHEN RNAMS LA GNANG BA'I BKA' SHOG NA KHU'I MTSAN MA CHUD PAS, THUGS RGYAL SKYES TE JO BO NGA RANG GIS THOB BA CIG BYA'O SNYAM NAS SNGON LA LCAG BTAB STE BYON PAS, GZHAN RNAMS KYI'ANG BSKUL MAR GYUR TE, ZHANG ROM GYI ZHAL NAS, KHU MTSUNG PA DE GO BCAD GSUNG STE, DA YANG DGE BSHES STON PA DKYEL CHE BA'I YON TAN YIN, DGE BSHES DES JO BO YUN DU BSTEN NAS GDAMS PA MANG DU GSAN, KHYAD PAR DU PHA ROL TU SBYIN PA'I GDAMS PA DANG, GSHIN RJE'I MAN NGAG LA RTZAL THON, THANG PO CHER SPYAN DRANGS TE CHOS KYI 'KHOR LO BSKOR, SNYE THANG DU KHUS PHAR PHYIN BSHAD PAS CHOS NYAN STONG TZAM 'DUS PA BYUNG, MTHAR DGUNG LO DRUG CU RTZA LNGA BZHES PA SHING MO YOS LA GSHEGS SO,, ,, RDOG LEGS PA'I SHES RAB NI, CHOS RGYAL KHRI SRONG LDE BTZAN GYI BLON PO, RDOG CHEN PO BYA BA BYUNG STE, BTZAN POS RGYA YUL DU DMAG DRANGS PA'I TSE RGYAL PO RI DE'U ZHIG GI KHAR BZHUGS, DMAG RNAMS YUL 'JOMS SU BTANG

, ,BA NA, RGYAL PO'I SKU LA BSNGO BA'I SKYEN PO 'GA' ZHIG BYUNG BA NA, BLON PO RNGOG GIS 'GA' ZHIG BSAD, 'GA' ZHIG NI PHYIR BROS, DE NAS RGYA ZHO HAB KYIS BTAB, RGYA PHRUG BRAG LA BRDABS ZER BA DE'I RGYUD PA YIN TE, YAR 'BROG DO'I PHYI ROL GYI MTSO CHEN PO'I 'GRAM DU GRONG CHAGS PA'I SNGAGS RNYING MA BA'I DGE BSHES RDO RJE GZHON NU BYA BA LA SRAS LNGA BYUNG BA'I CHE BA LEGS PA'I SHES RAB, GNYIS PA KLU KHRI, GSUM PA KLU BYANG, BZHI PA CHOS SKYABS, LNGA PA THUB PA RNAMS LAS CHE BA LEGS PA'I SHES RAB KYIS 'BRING YE SHES YON TAN LA RAB TU BYUNG, KHAMS SU BYON NAS JO BO SE BTZUN LA SDE SNOD RNAMS GSAN PAS MKHAS PAR MKHYEN TE STON BA BZHUD PA'I PHYI LO BYI BA'I LO LA DBUS SU PHEBS, BSHAD PA'I GRA BTZUG NAS SLOB MA YANG MANG DU BYUNG, DE NAS DBUS GTZANG GI MI CHEN RNAMS DANG LHAN DU MANG YUL DU JO BO DANG MJAL, CHOS MANG DU GSAN, THUGS RGYUD SHIN TU BZANG BAS JO BO'I SLOB MA SU DANG YANG MI MTHUN BA MED, LHA SAR JO BO DPON G-YOG SPYAN DRANGS NAS ZHABS TOG RGYA CHER MDZAD, RNGOG GIS DBU MDZAD BA'I BOD STON KHA CIG LA DBANG BSKUR BA'I CHO GA RGYAS PAR GNANG, RTOG GE 'BAR BA BSGYUR BA'I ZHU BA PHUL, JO BOS GNANG NAS NAG TSOS TSANG BAR BSGYUR, DE'I ZHAR LA DBU MA'I MAN NGAG KYANG MDZAD, RNAL 'BYOR BA LA GZIGS SU PHUL BAS NGED LA LKOG TU JI LTAR KHRID PA BZHIN DU BRIS 'DUG,

CUNG YANG ZAB DRAGS GSUNG, DE LO TZ'A BAS BSGYUR, DE'I ZHABS NA, RA SA 'PHRUL SNANG GTZUG LAG KHANG CHEN DU, ,MAR ME MDZAD DPAL ZHES BYA'I MKHAS PA LA, ,SH'AKYA'I DGE SLONG RNGOG BTZUN LEGS SHE YIS, ,GSOL BA BTAB NAS YI GER BKOD PA YIN, ,BYA BA DE JO BO'I GSUNG YIN, MTSAN NI MAR ME MDZAD CES GRAGS PA YI, ,MKHAS PA 'DI YI GZHUNG LUGS SU 'DZIN PA, ,GOL BA'I LAM DU MI 'GRO ZHES, NAG TSO TSUL KHRIMS RGYAL BA SMRA, ZHES GSUNGS, DGE BSHES GSANG PHU BA DES JO BO LO BCU BSTEN CING, LAM RIM SHLOO KA DRUG DANG DE'I GSAL BYED MDZAD, SPYIR JO BO'I CHOS MANG DU MKHYEN KYANG DBU MA'I LTA BA LA RTZAL THON, RJE BTZUN MA SGROL MA'I ZHAL GZIGS, LAN CIG JO BO'I PHYAG PHYIR BYON PAS GSANG PHU LA PHYAG MDZUB BTZUGS TE LUNG PA YA GI'I NANG NA DUNG G-YAS SU 'KHYIL BA 'DRA BA YOD, LEGS SHE KHYOD KYIS DER GTZUG LAG KHANG THOB LA BSHAD NYAN GYIS DANG BSTAN PA LA PHAN THOGS RGYA CHEN 'BYUNG ZHES LUNG BSTAN PA BZHIN GSANG PHU NE'U THOG TU GTZUG LAG KHANG BTAB BSHAD NYAN MDZAD PAS TSOGS PA LNGA BRGYA TZAM 'DUS, DGE BSHES DES SPYIR BSTAN PA LA BYA BA RGYA CHEN PO MDZAD CING, LHAG PAR JO BO YAB SRAS KYI GSANG CHOS BKA' GDAMS GLEGS BAM RIN PO CHE DANG THIG LE BCU DRUG GI MAN NGAG RNAMS BSHES GNYEN CHEN PO 'DI'I BKA' DRIN LAS BYUNG BAS BKA' DRIN MA TSUNGS PA MED PA ZHIG GO ,GSANG BU BA CHEN PO DE'I

, ,DBON PO RNGOG LO CHEN PO BLO LDAN SHES RAB NI, CHOS SKYABS KYI SRAS SU SA MO PHAG LA SKU 'KHRUNGS, GZHON NU'I DUS NAS KHU BO'I DRUNG DU BYON, KHU BO DANG GZUS KYI SLOB MA SBO CHUNG BA TSUL KHRIMS SHES RAB GNYIS LA BRTEN NAS RAB TU BYUNG STE DE GNYIS LA GSAN PA MANG DU MDZAD PAS KHONG GI SHES RAB LA KHU BO MNYES NAS, LO BCU BDUN BZHES PA'I TSE KHA CHER SLOB GNYER LA BRDZANGS, DE'I TSE RVA LO, GNYAN LO, KHYUNG BO CHOS BRTZON, RDO STON, BTZAN KHA BO CHE RNAMS DANG 'GROGS NAS BYON BAS, MNGA' BDAG RTZE LDES DBUS GTZANG KHAMS GSUM GYI SDE SNOD 'DZIN PA RAGS PA RNAMS SPYAN DRANGS NAS ME PHO 'BRUG LO'I CHOS 'KHOR MDZAD PA DANG THUG, RTZE LDE'I SRAS PO DBANG PHYUG LDES RNGOG GI YON BDAG BYA BAR CHAD NAS KHA CHER BYON, PAndI TA SADZDZA NA DANG PA RA HI TA BHA DRA LA SOGS PA DRUG TZAM BSTEN, BAR DU RGYAGS CHAD NAS KHA CHE NAS GSER SLONG BYA BA'I YI GE MNGA' RIS SU BTANG BA LAS DBANG LDES GSER MANG PO YANG BSKUR, TSAD MA RGYAN SGYUR CIG BYA BA'I ZHU BA BYUNG BAS, PAndI TA SKAL LDAN RGYAL PO DANG, RNGOG GIS BSGYUR, DER KHA CHER LO BCU BDUN DU YANG DAG PAR SBYANGS SLAR BOD DU BYON, BOD DU YANG PAndI TA 'BUM PHRAG GSUM PA DANG, SU MA TI K'IRTI GNYIS LA CHOS GSAN ZHING BAL POR YANG YUD CIG BYON NAS AA

RU LA BADZRA DANG, BA RENDRA RU TZI LA SOGS PA LA SNGAGS KYI GSAN PA YANG MDZAD, SLAR BOD DU PHEBS 'GYUR MANG PO MDZAD PA YANG DAG CING SHIN TU 'GYUR BZANG, 'GYUR MDZAD PA'I TSAD NI, GRO LUNG PAS, DAM CHOS SGYUR LA MNGA' BRNYES PA, ,RGYAL YUM GNYIS DANG BSTAN BCOS GZHUNG, 'BUM PHRAG GCIG DANG KHRI KHRAG GSUM, ,STONG PHRAG BDUN NI LHAG BCAS BSGYUR, ,ZHES 'BYUNG BA DE'O, ,LHA SA DANG, BSAM YAS DANG, GNYAL SGANG THOG DANG, GTZANG RGYAD MKHAR DANG, NGAN LAM GYI MYU GU SNA LA SOGS PAR BSHAD PA MDZAD PA'I TSE, MKHAS BTZUN GRVA PA RIM PA BZHIN DU LHA SAR KHRI DANG SUM STONG BDUN BRGYA ,BSAM YAS DANG SGANG THOG GNYIS SU STONG TSO BCU GSUM RE DANG, RGYANG MKHAR DU KHRE TSO GNYIS, NGAN LAM DU DGE BSHES KHRI TSO GCIG DANG, RNAL 'BYOR PHO MO KHRI TSO GNYIS TE KHRI TSO GSUM 'TSOG SO, ,ZUR CHOS PA'I GRANGS KYANG, RGYAN DANG CHOS MCHOG 'CHAD MKHAN LNGA BCU RTZA LNGA, RNAM NGES 'CHAD MKHAN NYIS BRGYA RTZA LNGA; LUNG CHOS SMRA BA STONG LNGA BRGYA BDUN CU DON LNGA, DRIL BAS CHOS SMRA BA STONG BRGYAD BRGYA BRGYAD CU RTZA LNGA BYUNG, TSAD MA DANG BYAMS CHOS DANG, DBU MA LA SOGS PA'I RNAM PAR BSHAD PA MANG DU MDZAD, PHA ROL TU PHYIN PA DRUG GI SPYOD PA THAMS CAD RDZOGS PAR SPYOD PA'I SEMS DPA' CHEN PO DE NI DBUS GTZANG DU LO BCU BDUN 'GRO DON MDZAD DE DGUNG LO LNGA BCU RTZA GCIG BZHES PA'I TSE, BSAM YAS MA RI'I DRUNG DU ZHING BRJES NAS DGA' LDAN CHOS KYI PHO BRANG DU PHEBS SO,, ,,

, ,GRO LUNG PA CHEN PO BLO GROS 'BYUNG GNAS NI, GZHON NU'I DUS NA JO BO YAB SRAS KYI ZHABS LA GTUGS SNANG STE KHONG RANG GI BSTAN RIM LAS, BDAG GIS JO BO RJE LA CHOS LAN CIG 'KHUMS PA NA, 'PHAGS PA RTAG TU DU'I BRTZON 'GRUS LTA BU BYA'O ZHES GSUNG LA ,DGE BSHES BA'ANG MDOR NA GZHAN CI YANG MI BSAM PAR RDZOGS PA'I BYANG CHUB DON DU GNYER BAR BYA'O ZHES GSUNGS, YANG SKYABS 'GRO'I SKABS SU, 'DI LA BDAG GI BLA MA NI MCHOD PA DANG BCAS PA'I MAndAL GSUM BYED DU BCUG STE, ZHES GSUNGS PA'I DGE BSHES DANG BLA MA NI 'BROM NYID YIN PAR GNA' MCHAN GYIS BSHAD SNANG NGO, ,SPYAN SNGA LA NI RDO RJE NAM MKHA'I GOS CAN MA GSAN ZHING, KHAM PA LUNG PA DANG, PO TO BA LA YANG CHOS GSAN ZHING SLOB DPON ZHES 'BOD PA MDZAD, GZHAN YANG JO BO NAS BRGYUD PA'I CHOS DANG, GZHAN MDO SNGAGS KYI GZHUNG PHAL CHE BA RNGOG KHU DBON GNYIS LA GSAN TE SBYANGS PAS, SNGAGS MTSAN NYID LA SHIN TU MKHAS SHING BRGYAD STONG PA'I 'GREL PA DANG, BYAMS CHOS SDE LNGA'I 'GREL PA SOGS YIG CHA'ANG MANG DU MDZAD, KHYAD PAR DU BSTAN PA'I RIM PA CHE CHUNG GNYIS DANG, JO BO'I GZHUNG CHUNG RNAMS GTZO BOR GYUR PA'I CHOS CHUNG BRGYA RTZA LA DON GYI KHOG 'CHING BA'I t'IKKA BSDUS PA CIG KYANG MDZAD DO, ,SKU TSE'I STOD LA LONGS SPYOD KYIS PHONGS SE BYUNG BAS, GUN PA LHA RJES DZAMBHA LA DKAR PO'I SGRUB SKOR BYIN PAS LAN CIG GRO LUNG PA'I DKAR YOL GYI NANG DU DZAMBHA LA GTZO 'KHOR LNGA DNGOS SU BYON PA

MI GZHAN GYI MTHONG GI DOGS NAS PHYAG GIS SKYOR BAS, GUN PA'I ZHAL NAS DE TZUG MDZAD MI DGOS GZHAN GYI MTHONG DOGS MED GSUNG, DE NAS BRTZAMS TE GRO LUNG PA LA GRVA TSOGS MANG DU 'DUS, SKU BSOD SKYES TE BRIN LHAS KYI GTZUG LAG KHANG BTAB, DER RNGOG LO'I CHOS KHRI SNYING POR GYUR PA'I MCHOD RTEN BRTZIGS, DE'I BUM PAR ZANGS CHEN STONG BA CIG GI KHAR TZAN DAN GYI DRA BAS BKAB, DE'I STENG DU RNGOG LO'I THUGS ZA MA TOG TU BZHUGS, ZANGS DE'I KHAR LHO PHYOGS KYI BU GNAS SHING GI WA GTAD NAS BZHAG, PHYIS GRO LUNG PA DGUNG LO BRGYAD CU PA LA GSHEGS DUS NGA'I RING BSREL GANG BYUNG MA ZAGS BAR MCHOD RTEN GYI LHO'I BU GA LA SKYUR CIG CES ZHAL CHEMS BZHAG GO, SKU GDUNG ZHU DUS PHYAG RIN TSUL GYI PANG DU PHYAG G-YAS PA DANG, ZAM KHA PA'I PANG DU THUGS SBUR KHANG NAS YAR TE BYON, DE NAS ZHAL CHEMS BZHIN RING BSREL RNAMS MCHOD RTEN GYI BU GAR BSKYUR BAS ZANGS GANG BA DANG 'GRIG PA ZHIG BYUNG ZHES GRAGS SO,, BDAG NYID CHEN PO 'DIS MDZAD PA'I BSTAN RIM CHEN MO NI BYANG CHUB LAM GYI SGRON MA'I DGONGS PA 'GREL BA LA ZLA DANG BRAL BA ZHIG STE CHOS KYI RGYAL PO TZONG KHA PA CHEN POS KYANG GRO LUNG PA CHEN PO'I BSTAN RIM 'DI DANG MJAL BA'I TSI MCHOD PA'I BYE BRAG SNA TSOGS PAS BSU BA MDZAD CING, SKYES BU GSUM GYI LAM SO SO'I NGO BO, GRANGS NGES, GO RIM, SO SO'I DMIGS RNAM YID LA BYED TSUL, BSGOMS PA LAS NYAMS MYONG JI LTAR SKYE BA'I RIM PA

, ,SOGS BYANG CHUB LAM GYI RIM PA'I DON STON PA LA 'GRAN ZLA MED PA'I BSTAN BCOS SU BSNGAGS PA MDZAD DO, ,'BROM RIN PO CHE'I RNAM THAR NI DA LTA NYID DU 'CHAD BAR 'GYUR RO,, ` ,,LAM BZANG GSAL MDZAD STON PA RIN PO CHE, ,ZHES BSNGAGS PA, 'BROM STON PA RGYAL BA'I 'BYUNG GNAS ZHES MTSAN YONGS SU GRAGS PA DE NI, SNGON BSKAL PA DPAG TU MED PA'I SNGA ROL NAS THUGS BSKYED DE RDZOGS SMIN SBYANG GSUM MTHAR PHYIN NAS 'PHAGS PA THUGS RJE CHEN PO ZHES SANGS RGYAS KYI ZHING THAMS CAD DU GRAGS SHING SPRUL PA'I BKOD PAS SANGS RGYAS KYI ZHING THAMS CAD DANG MA DAG PA'I 'JIG RTEN GYI KHAMS THAMS CAD KHYAB CING, BDE BA CAN DU MGON PO 'OD DPAG TU MED PA'I SRAS KYI THU BO'I TSUL BZUNG BA SOGS PHYOGS BCU'I SANGS RGYAS THAMS CAD KYI DRUNG NA SRAS KYI THU BO'I TSUL 'DZIN PA DANG, ZHING KHAMS LA LAR 'TSANG RGYA BA'I TSUL STON PA DANG, 'JIG RTEN GYI KHAMS LA LAR 'KHOR LOS 'RGYUR BA'I RGYAL PO DANG, LA LAR BLON PO, LA LAR SDE DPON, LA LAR MKHAN PO, LA LAR PHA MA, LA LAR BYA DANG RI DVAGS TSUN CHAD KYI TSUL BZUNG STE GANG LA GANG 'DUL GYI SKU'I BKOD PAS SEMS CAN GYI DON MDZAD BZHIN PA LAS MI MJED 'JIG RTEN GYI KHAMS 'DIR BSKAL BZANG GI SANGS RGYAS STONG GANG DU 'TSANG RGYA BA'I TSUL STON PA'I GNAS 'DZAM BU'I GLING GI LHO PHYOGS NA PO TA LA ZHES BYA BA'I SPRUL PA'I ZHING KHAMS ZHIG NA BZHUGS PA LAS, PHYOGS BCU'I

RGYAL BA SRAS DANG BCAS BA GDAN 'DZOM STE BYANG CHUB SEMS DPA' SGRIB PA RNAM SEL PHO NYAR MNGAGS TE BYANG PHYOGS KHA BA CAN GYI LJONGS 'DI'I GDUL BYA RGYAL BA GZHAN GYIS 'DUL BAR MA NUS PA'I DMU RGOD CAN 'DI RNAMS THUGS RJE CHEN PO NYID KYIS 'DUL BAR 'OS SO ZHES BOD KHAMS KYI MGON POR 'BYON PA'I THUGS RJE BSKUL, DE BZHIN DU CHOS RGYAL DKON MCHOG 'BANGS YON GYI YUL DU BYON PA'I TSE BLA MA DRI MA MED PA MKHA' 'GRO BYE BA'I CHOGS DANG BCAS PAS KYANG KHA BA CAN DU BYON NAS SEMS CAN GYI DON MDZAD DGOS PAR BSKUL BA LA BRTEN NAS 'PHAGS PA THUGS RJE CHEN POS MI RJE'I TSUL BZUNG NAS BOD DU RGYAL KHRIMS BTZAN POS THAMS CAD DBANG DU BSDUS, DGE BCU'I KHRIMS KYIS CHOS KYI SNOD RUNG DU BYAS SANGS RGYAS KYI BSTAN PA'I GZHI CHAGS PA NA BLA MA DRI MA MED PA RGYA GAR DU GNAS LNGA MKHYEN PA'I PAn CHEN DPAL MAR ME MDZAD YE SHES ZHES BYA BAR SKU 'KHRUNGS NAS GDUL BYA 'DUL BA'I DUS LA BAB PA NA, THUGS RJE CHEN PO 'BROM RJER SKU'I BKOD PA BSTAN TE, DE YANG 'BROM RIN PO CHE GANG DU 'KHRUNGS PA'I GNAS NI, GANGS RI'I PHRENG BAS YONGS BSKOR SA YI GZHI, ,LHA CHEN ZUR PHUD LNGA PAS BSTEN PA'I 'DABS, ,RJE'U'I RIGS LAS 'BROM ZHES RAB GRAGS PAR,, GTZO BO'I RIGS SU 'KHRUNGS LA PHYAG 'TSAL LO, ,ZHES GSUNGS PA LTAR DBU RU'I BYANG GI PHYOGS LHA CHEN THANG LHA'I ZHOL, STOD LUNG GI PHU RTZVA SGYE MO'I SA'I CHAR YAB SKU GSHEN YAG GZHER 'PHEN DANG, YUM KHU 'OD BZA' LAN CIG MA

, ,GNYIS KYI SRAS SU SHING PHO 'BRUG GI LO SKU 'KHRUNGS, DE YANG YAB KYIS MA YAR GCIG BZHES TE DE DANG 'GROGS NAS YOD PA LA, DE DANG THUGS MA MTHUN PA'I RKYEN GYIS BSKUL TE GZHU RU ZHANG PO'I SAR LO BCU GSUM TZAM LA BYON, DGE BA SHES G-YUNG CHOS MGON BYA BA LA KLOG YIG BSLABS, DER LO BZHI BZHUGS, DGUNG LO BCU BDUN LON TZA NA JO BO SE BTZUN GZHON NU GRUM GYI MKHAN BU CHEN BO DE RGYA GAR DU BZHUD PA'I THUGS DGONGS KYIS BYON PA DANG GDAN 'DZOM PAS SHIN TU DAD BAR GYUR TE BLA MA SE BTZUN LA JO BO THUGS RJE CHEN PO YI GE DRUG PA'I GDAMS PA ZHUS, DE NAS SE BTZUN YAR BZHUD BAL YUL DU BYON NAS PHYI ROL PA'I PAndI TA ZHIG DANG CHOS GTAM BYAS BAS SE BTZUN RGYAL ,PHYI ROL PA'I MNGON SHES DANG KHONG GI DBYAD 'GRAN BAS SE BTZUN MA THUB NAS DER SE BTZUN GYI THUGS DGONGS LA PHYI ROL BAS NGAN BYAS DGOS BA DANG, RGYA GAR NA'ANG NGA RANG BAS MKHAS BA MED DAM SNYAM NAS PHYIR LOG BYON PA DANG GDAN 'DZOM PAS 'BROM RIN PO CHES BLA MA SE BTZUN LA PHYAG PHYIR 'KHRID BAR ZHUS PAS SANG PHOD TSONG PA DANG 'GROGS LA SHOG, DA RES KHRID NA BYIS BA BRKUS NAS KHRID ZER DU 'ONG GSUNG, DE NAS 'BROM RIN PO CHES RGYAL GYI ZHANG SNA NAM RDO RJE DBANG PHYUG LA DGE BSNYEN GYI SDOM BA MNOS TE MTSAN RGYAL BA'I 'BYUNG GNAS SU GSOL, DGUNG LO BCU DGU BA LA BAB PA NA MDO KHAMS PHYOGS SU 'GRO BA'I TSONG BA DANG 'GROGS TE MDO

KHAMS LDAN MA'I YUL DU BYON NAS BLA MA SE BTZUN BSAM SBYOR GNYIS KYI SGO NAS TSUL BZHIN DU BSTEN TE, SANGS RGYAS THAMS CAD MCHOD PA BAS BLA MA MCHOD PA PHAN YON CHE'O ZHES GDUL BYA RNAMS LA 'DOMS PA'I PHYIR BLA MA SE BTZUN GYI NANG GI ZHABS TOG PHYE 'THAG PA YAN CHOD DANG, PHYI ROL TU RTA PHYUGS MANG PO YOD PAS NYIN BAR DE RNAMS KYI RDZI BO MDZAD, NUB MO RTA BZANG LA ZHON 'KHOR GSUM TSER MA 'DRA BA BYAS TE ME LA TSE MDZAD, PHYE 'THAG BA NA DPE CHA RANG THAG GI STENG DU BZHAG STE GZIGS PA LA SOGS PA'I SLOB GNYER LA BRTZON PAR MDZAD, PHYE BTAGS PAS PHYAG MTHIL GLANG RGAN GYI MJING PA LTAR SONG, JO BO SE BTZUN DE YO BYAD LA CHAGS PA MI MNGA', GTONG BAR YANG MI MDZAD KYANG MA DAD PA MA BYUNG, SE BTZUN GYI BYA BYED LA YANG DKA' BA MA BYUNG GSUNG, 'BROM RIN PO CHE 'DI NI LAS GYI RTZA BA BSHES GNYEN BSTEN PA'I TSUL LA RGYAL BA SRAS BCAS KUN GYIS BSNGAGS PAR 'OS PA ZHIG BYUNG STE, SHER PHYIN GYI MDO SDE RIN PO CHER BA SHES GNYEN BSTEN PA'I TSUL LA BYANG CHUB SEMS DPA' RTAG TU DU BSNGAGS 'OS SU MDZAD PA LTAR 'BROM RIN PO CHE 'DI YANG BYANG CHUB SEMS DPA' RTAG TU DU DANG LUS KYI RKANG BTANG MA BTAB GI KHYAD LAS MED BA ZHIG BYUNG, DE'I TSE BLA MA SE BTZUN GYI SPYAN SNGAR MDO SNGAGS KYI GZHUNG MTHA' YAS PA LA SBYANGS SHING, KHYAD BAR BDAG NYID CHEN PO 'PHAGS BA KLU SGRUB YAB SRAS KYI GZHUNG DBU MA'I SKOR DANG, BYAMS CHOS SDE LNGA DANG, THOGS MED SKU MCHED KYI GZHUNG RNAMS SOGS

, ,SPYOD PHYOGS RNAMS LA RTZAL DU THON BAR SBYANGS TE CHOS GRAR DGE 'DUN BYING DANG BGRO GLENG MDZAD BA NA BDAG NYID CHEN PO 'DI LA SUS KYANG LAN 'DON SPOBS BAR MA NUS NAS MKHAS PA'I PHUL DU PHYIN BAR GRAGS, DE'I TSE DGE 'DUN RNAMS KYIS MKHAS BA CHEN PO 'DI LTA BU RTA BONG GI RDZI BO DANG YOS 'THAG BA SOGS NGAN LAS LA BKOL DU PHANGS PAS DA PHYIN CHAD NGAN LAS BGYI MI DGOS BAR CHOS GRANG PHEBS CHOG BA DGOS ZHES BLA MA SE BTZUN LA ZHUS NAS DE BZHIN DU GNANG, DUS DE'I TSE KHU STON BRTZON 'GRUS G-YUNG DRUNG DANG RDOG LEGS PA'I SHES RAB GNYIS KYANG CHOS GRA DER BZHUGS BAS KHU RDOG 'BROM GSUM ZHES PA'ANG KHAMS SU GRAGS BA YIN, DE NAS 'BROM RIN PO CHE'I THUGS DGONGS LA, DAL 'BYOR GYI MI LUS THOB PAR DKA' BA RNYED DUS 'DIR CHOS RNAL MA ZHIG BYED NA 'DI TZAM GYIS CHOG GAM MI CHOG ,RGYA GAR MKHAS PA CIG LA 'DRI BA LA BAR DU LO TZ'A MI DGOS BA ZHIG BYA DGONGS TE BAndI TA SGRA'I TSER MA ZHES BYA BA SMRi TI DZNY'A NA KIRTI PHYOGS DER BYON PA LAS SAm SKRi TA'I SKAD DANG RGYA YIG KYANG BSLABS BAS LEGS PAR MKHYEN, DE DUS 'BROM RIN PO CHES PAndI TA SMRi TI LA RGYA GAR NA DA LTA PAndI TA CHE BA JI SKAD BYA BA YOD DRIS PAS, CHE BA BGRES N'A RO PA DANG SH'ANTI PA BYA BA YOD, DE GNYIS DA TZAM 'DAS SAM, DA LTA PAndI TA D'I PAm KA RA BYA BA RGYAL RIGS LAS RAB TU BYUNG BA CIG YOD DE, DE RANG CHE BAR 'OD ZER BAS 'BROM RIN PO CHE'I THUGS LA DE DANG MJAL NA DGA' BA LA, DE DANG CI MJAL BYA

DGOS SNYAM PA BYUNG, DE LTAR 'BROM RIN PO CHES MDO KHAMS SU BLA MA SE BTZUN GYI SPYAN SNGAR LO NYI SHU'I BAR DU BZHUGS TE MDO SNGAGS KYI CHOS MANG DU GSAN PAS MKHAS PA'I PHUL DU PHYIN, DGE BSNYEN CHOS 'PHEL DU'ANG GRAGS PA BYUNG STE, DE LTAR DU 'BYUNG BAR RGYAL BA NYID KYIS MDO LAS LUNG BSTAN BA NI, SNYING RJE PAD DKAR DU, BYANG PHYOGS SU BSTAN PA LA DAD PA LHAR SKYE ZHING, RAB BYUNG CHOS BZHIN MI SPYOD PA LOG BAR LTUNG, DER DGE BSNYEN CHOS 'PHEL ZHES BA RDZU 'PHRUL DANG LDAN PA 'BYUNG, ZHES PA DANG ,SANGS RGYAS PHAL PO CHER, ,BYANG PHYOGS SU DGE BSNYEN CHOS 'PHEL BYA BA 'BYUNG ZHES LUNG BSTAN PA DANG MTHUN NO, ,DE NAS JO BO MNGA' RIS SU PHEBS PA 'GRUL BA LAS GSAN PAS SE BTZUN LA MNGA' RIS SU 'GRO BAR ZHUS, KHONG GIS KYANG MI DGYES BA MED BAR DPE RTA KHAL GCIG GNANG NAS BYON NO, ,BYANG LAM DU SLEB TZA NA MNGA' RIS KYI LHA BLA MA KHU DPON GYIS JO BO RJE LHA CIG BYA BA'I PAndI TI CHEN PO ZHIG GDAN DRANGS NAS YOD, DE RING POR MI THOGS PAR RGYA GAR DU BZHUD PAR 'DUG BYA BA GSAN PAS DER JO BO'I MTSAN THOS PA TZAM GYIS THUGS RANG DBANG MED BAR G-YOS TE DAD GUS BSAM GYIS MI KHYAB PA 'KHRUNGS, ,MDZAL DU 'BYON PA'I 'DUN PA DRAG TU 'KHRUNGS SO, ,DE NAS JI LTAR BZHED PA LTAR BYON TE SOG CHU KHAR PHEBS PA NA KHANG PA CIG NA KU DI RU 'DUG PAS, 'DI NA CI YOD DRIS PAS, 'PHRANG KHA BER CHUNG YAB BER CHEN GYI 'DED DANG SRID PO RNAMS BSDU BA'I CHANG YOD BA YIN ZER

, ,BAS; THAG RING NAS BYON PAS DER SKYEM BSKRUR BYON PA LA 'PHRANG KHA BER CHUNG GIS KHYOD CHOS GRA NAS 'ONGS PA'I DGE BSNYEN ZHIG 'DUG STE NGA YANG ZHANG 'PHRANG KHA BER CHUD BYA BA'I MI CHEN ZHIG YIN, KHYOD KYIS DE NA YAR LA PHYAG WA 'KHYUG BA 'DRA BA CIG GYIS ZER PAS 'BROM RIN PO CHES KYANG DE BZHIN DU MDZAD, DER BER CHUNG CHOS GTAM LA DGA' BAS CHOS GTAM MANG PO BYAS PA'I TSE 'BREM GYIS KHONG GI TSIG SNA RE NAS BRDUNGS PAS KHO THE TSOM SKYES NAS, KHAMS MA GI NA 'BROM STON PA ZER BA'I DGE BSNYEN CHOS MKHAN ZHIG YOD ZER, DE KHYOD YIN NAM ZER BAR, YIN BA'ANG SRID GSUNGS PAS KHONG HA LAS TE KHONG RANG GI 'OG GI GRUM TZE PHYUNG STE DGE BSHES STON BA LA BTINGS, RTA BZANG PO GCIG GI THUR MDA' DAR YUG GIS BYAS NAS PHUL, DA CI NAS PHYAG BLANGS PA'I BZOD GSOL BYAS, DE NAS BGRO GLENG BYAS PA'I BZOD GSOL BYAS, RA SGRENG GI SA CHA 'DIR DGON SA MDZAD DE MCHOD GNAS MDZAD PAR ZHUS PA NA 'BROM RIN PO CHE'I ZHAL NAS, NGA DA RES SDOD MI KHOM, MNGA' RIS STOD YA GIR PAndI TA CHEN PO ZHIG BYON ZER BAS DER 'GRO GSUNG, 'O NA YAS MAR PHEBS NAS NGA'I MCHOD GNAS BYA DGOS ZER BAS, STON PA'I ZHAL NAS; RTZIGS KHA GSUM 'DZIN DGOS TE STER NA BYA GSUNG, GANG BZHED ZHUS PAS, PHOD MDO'I MKHAR 'DI BSHIG LA GTZUG LAG KHANG ZHIG BZHENGS, SHA ZAN DANG RTZAM ZAN GYI 'KHRUG BA NI BSDUMS, NGA'I PHYI

NAS YAR LA RDOG LEGS PA'I SHES RAB BYA BA 'ONG GI DE LA CHOS TSUGS, DE MA BYUNG NA G-YON RU NA KHU STON BLO RNON BO BYA BA YOD, DE SPYAN DRONGS LA CHOS TSUGS GSUNGS, KHONG NA RE GNYIS PO BYAS PAS CHOG, SHA ZAN GYI 'KHRUG PA 'DI LA NGA RE BA YIN, SNGAR YANG 'BRI DRUG CU TZAM ZOS ZIN, ,'O NA YANG KHAM TZAM MED, BSDUMS BYAS PAS CHOG ZER NAS RTZIGS GSUM PO KHAS BLANGS, DE NAS DGE BSHES STON PAS RGYAL GYI ZHANG CHEN PO BSLAB PA'I SLOB DPON YIN BAS PHYAG 'TSAL DU BYON, ,DE'I TSE DBUS PHYOGS NA DGE BA SHES KA BA MI CHE BAS RGYA MO'I PHUR BZHUGS PA MJAL, LHA BTZUN BO DHI R'A DZA LA SOGS PA BOD KYI MI CHEN RNAMS LA ZHES MDZAD NAS, DA LTA MNGA' RIS NA LHA BLA MA BYANG CHUB 'OD KYIS JO BO LHA GCIG BYA BA'I PAndI TA MKHAS PA CIG GDAN DRANGS NAS YOD ZER, NGAS DE GDAN 'GRONGS NA ZHAL MTHONG DANG BCAS PA'I DBUL BGYIS SHIG PA'I ZHU BA PHUL, KA BA SH'AKYA DBANG PHYUG LA CHAB SHOG KHYED KYI PHYAG TU BRDZANGS KYI ,DE TZA NA BSKU LAM GYIS LA LA STOD DU BSU BAS SLEB PAR MDZOD CIG PA'I ZHU BA PHUL BAS, KA BA NA RE, KHYOD KYIS SPYAN CI 'DRONGS GYIS, NGAS BSKUL MA BYAS NAS LA STOD DU SLEB BAR BSU BA BYA GSUNG, DE NAS MI CHOS RNAMS LA GSER SLONG LA BYON PAS, DA LTA NYUNG BA LAS MI 'ONG, ,PHYIS MANG DU DBUL ZHUS PAS, NYUNG YANG DA LTA 'DOD, PAndI TA CAN DU RINGS GSUNGS, NYUNG YANG BLANGS TE DE NAS MI GRONG MA BRGYUD BAR BYANG LAM LA THEGS PAS LAM NGO MA SHES

, ,PA'I SKABS SU BANDE HRAL PO ZHIG BYUNG NAS LAM BSTAN, YA TSAD SKYEL THUNG BYAS NAS BDE BAR BZHUD CIG, DA SNA SHUD KYI 'KHRUG PA LANGS PAS NGA 'GRO MI KHOM ZER NAS 'TSUB MAR RED GIS SONG, PE HA RA 'DI YANG CHOS GSHA' MAR BYED PA LA GROGS BYED PAR 'DUG GSUNG, YANG LAM MA RNYED PA CIG LA SHA BA CIG SONG BA'I RJES LA BYON PAS LAM TIG GIS BYUNG, DE JO MO SGROL MA'I SPRUL PA YIN GSUNG, DE TZA NA JO BO RJE LA RJE BTZUN SGROL MA'I ZHAL NAS, DA STE ZHAG GSUM DRO DANG BZHI'I NYIN PAR BOD KYI AU PA SI KA CHEN PO 'BYON BAS, DE LA BYIN GYIS RLOBS SHIG CES LUNG BSTAN, JO BO NYID KYIS KYANG, DE LTAR DU DGONGS TE JO BO'I ZHAL NAS, DA ZHAG GSUM DRO DANG BZHI NA KHO BO'I SKYE BA SNGA MA'I SLOB MA AU PA SI KA CHEN PO ZHVA SPYI RING RGYANG DE BA GSOL BA CIG 'ONG BAR 'DUG GSUNGS NAS DBU SNGAS 'GOR BUM PA BZHENGS SU GSOL TE, ZHAG GSUM GYI NANG PAR AU PA SI KA LA BYA RA MDZAD, DRO KHA TSUN CHAD MA BYON PAS, T'A RE RDZUN NI GSUNG BA CANG SRID DAM GSUNGS NAS GRONG GSEB CIG TU CHOS STON LA BYON BA'I SHUL DU DGE BSHES STON PA DPON G-YOG PHEBS PA LA, 'KHOR KUN GYIS DA LTA RANG 'BYON PAS BZHUGS SHIG BYAS PA LA NGA THEG BA CHEN PO'I BLA MA DANG MJAL BA SKAD CIG MA SNGA MA DANG PHYI MA GNYIS KYANG SNGA MA LA 'DAM PA YIN GSUNGS NAS BZHUD PAS, JO BA DANG SRAD BAR ZHIG TU MJAL TE PHYAG MDZAD NAS, PHYAG RTEN DU

GSER PHUL, DER JO BO'I PHYAG STON PA'I DBU THOG TU BZHAG NAS, SAm SKRi TA'I SKAD DU SHIS BRJOD MDZAD CING BYIN GYIS BRLABS SO, ,DE NAS 'BROM RIN PO CHES GSOL BA BZHES NAS JO BO'I GZIM KHANG DU BYON PA NA JO BO RJES BUM PA DBU THOG TU BZHAG STE DBANG BSKUR YANG LEGS PAR GNANG, DE'I TSE DGE BSHES STON PAS JO BO LA DRI BA GSUM MDZAD, RGYA GAR NA PAndI TA JI LTA BU YOD BYA BA DANG, NGA'I SNGA MA'I CHOS DE LAM DU SONG NGAM MA SONG BYA BA DANG, BLA MA NYID KYI SPYAN SNGAR BSDAD NA JI LTAR MCHI BYA BA DANG GSUM ZHUS PAS, JO BO'I ZHAL NAS RGYA GAR NA PAndI TA MKHAS PA MANG PO YOD, NGA BOD DU 'ONG TZA NA SHAR PHYOGS BHAm GA LA NA'ANG NYIN RE MA CHAD BAR GRUB THOB RE 'BYON GYI YOD, KHYOD KYI SNGA MA'I CHOS DE LAM DU YE MA SONG, BLA MA'I ZHABS TOG LAM DU SONG, DA KHYOD 'DI RANG DU SDOD, NGA'I LHA MO SGROL MAS KHYOD LUNG BSTAN PA YIN GYI NGA'I BKA' BRGYUD 'DI LA BYIN RLABS YOD KYI GSUNG, DE'I NYIN PAR GYI YON BDAG DES STON SKAL GYI MAR TSAL GCIG BYIN PA DE BZHU NAS DE'I NUB MO MAR ME MTSAN THUB CIG DBU SNGAGS SU PHUL, DE NAS JO BO ZHING GSHEGS KYI BAR DANG, GSHEGS NAS KYA NGAR SGRENG DU SKU GDUNG LA DKAR ME MTSAN THUB RGYUN MA CHAD PAR 'BUL BAR MDZAD, DE NAS PHAL CHEN SDE PA'I LUGS KYI RAS YOL GYIS NUB LHAG THUB PAR 'DOD PAS, DE'I NUB MO NAS DBU SNGAS SBREL NAS CHOS RGYUN DU GSAN PAR MDZAD, SANG NANG BAR DGE BSHES STON PA LA

, ,CHED DU DGONGS NAS BYANG CHUB LAM GYI SGRON MA LA CHOS THUN GCIG MDZAD DE TSAR GCIG GSUNGS, DE NAS BZUNG STE CHOS GANG GSAN THAMS CAD SKYES BU GSUM GYI LAM GYI RIM PA'I STENG DU 'BAB BAR MDZAD 'BROM RIN PO CHES JO BO RGYA GAR DU ZHAG GSUM NA THEGS PA LA SLEBS NAS BOD DU BZHUGS PAR ZHU BA PHUL BAS, JO BO'I ZHAL NAS, GRAGS PA NGAN PA SPONG MI BYED, BYA BA BYANG CHUB SEMS DPA'I NYES PA YIN PAS RGYA GAR DU 'GRO GSUNG NAS MA GNANG, DE'I DUS SU RGYA GAR NA JO BO TZAM PA YANG GSER LA DMIGS NAS BOD DU SONG BYA BA DANG, BOD BA LANG DANG 'DRA BA'I GSEB NA CHOS THAMS CAD STONG PA NYID YIN ZER ZHING 'DUG LO BYA BA DANG, GSANG SNGAGS MA RGYUD KYIS 'GRO BA'I DON MDZAD KYI 'DUG LO BYA BA'I GRAGS PA BYUNG BAS DE RNAMS BSAL BA'I CHED DU JO BO NYID KYANG RGYA GAR DU 'BYON BAR DGONGS PA LTAR MDZAD, DE'I TSE 'BROM RIN PO CHES JO BO BOD DU 'BYON PAR BSKUL BA'I PHYIR DU THABS MKHAS KYIS NGED KYI LHA SA DANG BSAM YAS LA SOGS PA'I GTZUG LAG KHANG NA SLOB DPON BO DHI SATVA DANG KA MA LA SH'I LA LA SOGS PAS GDAN DRANGS PA'I RGYA DPE MANG PO DANG JO BO SH'AKYA MU NE SOGS RTEN KHYAD PAR CAN MANG DU BZHUGS SHING DGE 'DUN STONG PHRAG 'DI TZAM BZHUGS PA SOGS KYI LO RGYUS MANG BO SNYAN DU GSOL, DE THAMS CAD KYANG JO BO BOD DU BYON PA LA DGYES PA LAGS ZHUS PAS, JO BO SHIN TU DGYES NAS SNYIGS MA'I DUS SU TSANGS

PAR SPYOD PA GRANGS MANG BA DE TZAM PA RGYA GAR NA'ANG MI BZHUGS, DE TZAM BZHUGS NA NGES PA KHO NAR DGRA BCOM PA YANG BZHUGS TE MCHI GSUNG, BYIN PA 'DAR PHRIL PHRIL BOD KYI PHYOGS SU PHYAG MDZAD, DE THAMS CAD KYANG KHO BO 'ONG BA LA DGA' BA YIN NA NGAS DGE 'DUN GYI CHOS LDAN GYI NGAG MI GTZOG PAR DAM BCAS PA YIN GSUNGS PAS 'BROM RIN PO CHE SPOBS PA SKYES NAS JO BO LA BOD DU 'BYON PAR ZHU BA PHUL, JO BOS KYANG ZHAL GYIS BZHES PA LAGS, DGE BSHES LO TZ'A BA'I ZHAL NAS NGAL DMYAL BAR 'GRO MI NUS, SLOB DPON GNAS BRTAN DANG CHAD DON YOD PA THUGS LA MNGA' MOD GSUNG BAS BOD DU BZHUGS DBANG MA BYUNG, JO BO'I ZHAL NAS, DANG PO TSUR LA SPYAN MA 'DRONGS DOGS, DE NAS PHAR LA SPYAN MA 'DRONGS DOGS, NGAS LO TZ'A BA SBYONG BYA BA'I ZHAL KYANG YANG GSUNG, DER 'BROM RIN PO CHE'I THUGS DGONGS LA BOD KYI MI CHEN RNAMS GROGS SU SBRAN LA SPYAN DRANG DGOS DGONGS NAS BKA' 'PHRIN BRDZANGS BZHI SHING RTA'I DBYIBS 'DRA 'DZAM GLING GI, BYE BRAG BRJID LDAN GANGS RI'I BYANG, ,LO HA TI 'GRAM RIN CHEN KHUNGS, ,KHA BA CAN ZHES MING GRAGS NA, ,BLO CHEN STOBS LDAN MI BSRU NA PA, ,BOD CES BYA BA GNAS PA'I PHYIR, ,MI RGYAL BYANG CHUB SEMS DPA' CHE, ,DPA' CHEN MANG PO 'KHOR BCAS KYIS, ,SMAN GDAGS THABS SU DAM CHOS BSGYUR, ,RGYU BZANG BKOD LEGS GTZUG LAG KHANG, ,BSAM YAS LA SOGS GNAS MCHOG NA, ,SNGON RGYAL 'PHRUL RJE'I

, ,DGONGS BKANG PHYIR, ,BSTAN PA BDUD RTZI RGYAS MDZAD CING, ,RGYAL SRAS 'DREN PA DKYIL CHE BA, ,MI YI RGYAL BO SH'AKYA'I SRAS, ,LHA BTZUN BO DHI R'A DZA DANG, ,DANG PO'I DGE SLONG LUGS 'BYIN DPON, ,BTZUN CHEN YE SHES BLO GROS DANG, ,THEG CHEN GDUNG BRGYUD BRTAN MDZAD PA'I, ,THEG CHEN KA BA RNAM GSUM DANG, ,MIG 'BYED DGE BSHES RNAM GNYIS KYI, ,RJES SLOB DPAL LDAN BCU GNYIS DANG, ,CHOS 'KHOR KHRIMS BZHIN SKYONG MDZAD PA'I, ,RING LUGS CHEN PO GNYIS PO DANG, ,CHOS GRVA'I SLOB DPON THUGS RGYAL CAN, ,KA BA GAR MI MCHED GNYIS DANG, ,DGE BSHES CHE RNAMS DGONGS SKYONG PA'I, ,KUN PHAN DBANG PHYUG RGYAL MTSAN DANG, ,GNAS BRTAN BAN SKYA'I RE GNAS PA, ,SH'AKA GZHON RGYAL BA'I SRAS GNYIS DANG, ,MKHAS PA BTZUN CHEN POR SNYAN GRAGS PA, ,LEGS PA'I SHES RAB LA SOGS PA'I, ,'PHAGS PA'I DGE SLONG DGE 'DUN CHE, ,SLOB MA YON BDAG 'KHOR BCAS LA; ;DGE BSNYEN RGYAL BA'I 'BYUNG GNAS KYIS, ,GUS PAS SNGON 'GRO'I MCHED GSOL PA, ,KHYED KYI BYANG CHUB SPYOD PA LA, ,BAR CHAD MI BDE MI MNGA' 'AM, ,MDOR BSDUS GCES PA'I DON GSOL BA, ,RGYA GAR YUL GYI MKHAS BTZUN MCHOG, YON TAN MTHA' YAS RGYAS MNGA' ZHING, ,YE SHES MTHA' CAN MTSAN LDAN PA'I, ,MKHAS PA CHEN PO 'DIR BYON PA, ,KHYED KYIS LO RGYUS MKHYEN PA LAGS, ,DE LA DNGOS NYID DAD 'KHRUNGS NAS, ,LHA BTZUN

BKA' STZAL MCHIS PA YIS, ,SNGAR NI DBUS SU GSHEGS ZHUS NA, ,PHAR RINGS GSUNGS NAS BKA' MA GNANG, ,SLAD NAS BAL YUL SHUL KHA NAS, ,DBUS KYI DGE 'DUN RGYUS GSOL BAS, ,DAD NAS PHYAG 'TSAL DGYES GYUR TE; ;TSANGS SPYOD GRANGS MANG DE LTA BU, ,RGYA GAR YUL NA'ANG DKON ZHES GSUNG, ,DES KYANG DNGOS NYID SPOBS SKYES TE, ,KHYED KYANG DANG PAR KHUMS LAGS PAS, ,YANG DANG YANG DU ZHUS PA LAS, ,NGA YI DGE 'DUN DON SGRUB CING, ,BKA' MI GCOG PAR DAM BCAS PHYIR, ,DGE 'DUN DAG LA GROS YOD CING, ,SPYAN 'DREN 'ONG NA 'GRO GSUNG BAS, ,DGE SLONG GZHON NU BLO RNON PO, ,LO TZ'A SMAN THOGS GCIG MCHIS NA, ,KHYED CAG DAM CHOS DON GNYER RNAMS, ,MOS SHING BKA' GROS MTHUN PA NA, ,SPYI SGOS GANG BDE'I SPYAN 'DREN PA, ,DGE SLONG RTA MANG ZHAL MTHONG BCAS, ,STON DUS TSUN CHAD 'DIR BYON MDZAD, ,BYA BA DANG, GZHAN YANG BDAG GIS DGRAR RTEN SNGAGS DANG 'KHRUL PA'I RGYU GZHAN GYIS, TSUL KHRIMS NYAMS PA SOGS NYES MTHONG DE'I PHYIR BDAG GIS PHAN BSAM SPRINGS, MOS PA SNA TSOGS MCHIS PAS 'DI LA MI DGE GANG, ,RANG 'DOD GTZO BOR MA 'DZIN THUGS GZHIGS GZOD PAR MDZOD, ,DON LDAN YON TAN BRJOD PA'I MTSAN GYI SNGON 'GRO PA, ,SH'AKYA'I DGE SLONG DGE 'DUN RNAMS KYI SPYAN LAM DU, ,KUN LA PHAN BSAM DGE BAS YI GE 'DI BSDEBS PA'I, ,DGE BAS DGONGS GRUB LEGS PA'I DPAL 'BYUNG DON LDAN CHER RGYAS SMON, ,BYA BA'I CHAB

, ,SHOG DBANG PHYUG MGON LA BRDZANGS NAS DGE BSHES KA BA'I PHYAG TU GTANG DO, ,DE NAS 'BROM RIN PO CHES JO BO DPON G-YOG GSHEGS PA'I PHYAG PHYIR BYON TE BOD STON RNAMS 'BYON DU RE NAS CI 'GOR MDZAD, LO TZ'A BAS PHAR LA CI MGYOGS MDZAD DO, ,DER BOD STON RNAMS MA SLEB PAR JO BO DPON G-YOG MANG YUL SKYID GRONG DU PHEBS, DE NAS BAL PO RDZONG RGYUD DE RGYA GAR DU PHEBS BAR CHAS PA LTAR MDZAD PA NA SA MAN SDE GSUM BYA BA'I 'KHRUG PA LANGS NAS BAL PO RDZONG 'GAGS PAS MA THON, DE BOD KYI BSOD NAMS SU BYUNG BA LAGS, DER DGE BSHES LO TZ'A BA DE THUGS SHIN TU MA BDE BA LA JO BO'I ZHAL NAS, KHYOD BLO MI BDE BA MI DGOS, SGRUB PAR MA NUS PA LA NYES PA GTAN MED PA YIN GSUNG, DER LO TZ'A BA DGYES TE DA 'O NA BOD DU 'BYON PAR ZHU ZER NAS BOD DU SPYAN DRANGS SO, ,DE'I DUS SU GSER KO GTUM ZHIG DANG LAM SGRON JO BO'I PHYAG BRIS YIN PA CIG PU RANGS PA'I BANDE GNYIS LA BSKUR NAS GSER 'DI SLOB DPON GNAS BRTAN LA PHUL LA DA RES JO BO GDAN DRANGS PA YIN TE BAL PO'I LAM 'GAGS NAS PHYIR LOG, DA SBYAN DRONGS GSUNG NA YANG SPYAN 'DREN, JO PO YANG BOD LA MNYES SHING 'GRO DON YANG CHEN PO 'DUG PAS BZHUGS CHOG GAM BYA BA DANG, BSTAN BCOS 'DI BI KA MA LA SH'I LA'I PAndI TA RNAMS LA GZIGS SU PHUL ZHIG PA'I 'PHRIN BSKUR BTANG BAS GNYIS POS KYANG LAM LA NYE ZHO MED PAR BI KA MA LA SH'I LAR

SLEB STE GNAS BRTAN DKON MCHOG 'BYUNG GNAS LA GSER RNAMS PHUL, JO BO'I LO RGYUS DANG LO TZ'A BA'I 'PHRIN RGYAS BAR GSOL, BSTAN BCOS DE PAndI TA RNAMS LA GZIGS SU PHUL BAS NAN TAR MNYES NAS BSTAN BCOS 'DI LEGS, YI GE PHYAG BRIS MA NOR BAR 'DUG GSUNG STE RGYAL MTSAN GYI RTZE LA BTAGS NAS ZHAG NYI SHU RTZA GCIG TU MCHOD PA RGYA CHEN PO MDZAD, DER GNAS BRTAN GYI ZHAL NAS JO BO 'BYON DU RE BA YIN TE CHOS 'DI PHEBS PAS JO BO DANG KHYAD MED, DE JO BO BOD NA 'GRO DON CHE BA DE LHAG PAR DGA', JO BO BOD LA DANG PO NAS MNYES PA NGA RANG LA RGYUS YOD, DA SKU NA SO BYON PAS BSHUL THAG RING PO LA TSUR SBYAN MA DRANG BAR BSTAN BCOS 'DI LA 'GREL BA CIG MDZAD NAS BSKUR BA ZHU GSUNGS NAS GNYIS PO TSUR BTANG, KHONG GNYIS POS KYANG TSUR 'KHOR NAS JO BO DPON G-YOG LA ZHU 'PHRIN SNYAN DU GSOL BAS NAN TAR MNYES SHING, KHYAD PAR LO TZ'A BA'I ZHAL NAS SLOB DPON GNAS BRTAN GYIS RI BAS KYANG LCI BA'I KHUR GCIG BSKUR BA DE DA SANGS KYI SONG GSUNG, JO BOS KYANG DE 'PHRAL DU 'GREL PA'I DBU BTZUG NAS DKA' 'GREL ZHIG MDZES DE SLAR KHONG GNYIS PO LA BSKUR BAS PAndI TA RNAMS KYIS NYIN LAM MANG PO NAS BSU BA BYAS, RGYAL MTSAN GYI RTZER BTAGS NAS MCHOD PA CHEN PO MDZAD DO, ,DE YANG, DENG SANG BSTAN 'GYUR NANG NA LAM SGRON RANG 'GREL ZHES GRAGS PA 'DI LA JO BOS MDZAD NGES PA DANG, JO BOS MA MDZAD PAR GZHAN GYIS GSAR DU BSNAN PA'I CHA GNYIS YOD DE RGYA GAR GYI PAndI TA

, ,RNAMS KYIS BSKUL BA LTAR JO BOS LAM SGRON LA RANG 'GREL MDOR BSDUS SHIG MDZAD NAS RGYA GAR DU BRDZANGS, DE LA JO BO'I SLOB MA BOD STON MKHAS PA 'GA' ZHIG GIS JO BO'I GSUNG SGROS LA GZHI BLANGS PA'I BSHAD PA RE MANG ZHIG BSNAN PAR SNANG STE, DE LA LEGS PAR BSHAD PA'ANG MANG DU BYUNG MOD KYI NOR BAR MNGON PA 'GA' ZHIG KYANG BYUNG NGO ZHES RJE BDAG NYID CHEN POS GSUNGS SO, ,DE LTAR BLA MA RJE BTZUN CHEN PO 'DIS RGYA GAR DU BZHUD PA BZHIN DU MDZAD, LO TZ'A BAS SKYEL BA BZHIN MDZAD KYANG BOD RANG DU BZHUGS PA'I RGYU MTSAN NI DANG PO NAS NGES PA YIN TE, KHYOD SNGON SO MA PU RIN, ,RTOG GE 'BAR BA GSUNGS BA'I TSE, ,DA NI LO NI NYI SHU NA; ;TSE YI 'DU BYED GTONG ZHES GSUNGS, ,DE NAS LO GNYIS LON PA NA, ,BOD DU 'BYON KHA'I DUS SU NI, ,BI KA MA LA SH'I LAR NI, ,DA NI LO NI BCO BRGYAD NA, ,TSE YI 'DU BYED BTANG NAS SU, ,LUS 'DI BCOD DU 'JOG GO GSUNGS, , JI SKAD GSUNG BZHIN MA 'KHRUL BAR, ,BYUNG BA DE NI NGO MTSAR CHE, ,ZHES GSUNGS PA LTAR RO, ,DGE BA'I BSHES GNYEN SHAR BA'I ZHAL NAS, JO BO BOD DU BZHUGS PAR RGYA GAR RANG NAS NGES PA DPE CHA DANG THUGS DAM GYI LHA MA LUS PA SPYAN 'DREN LUGS DES KYANG SHES GSUNG NGO, ,'BROM RIN PO CHE THUGS DGONGS BZANG BA DANG, DE DUS KYI MI RNAMS KYANG BSAM PA BZANG PAS BOD KYI MI CHEN RNAMS KYIS KYANG SO SO NAS GSER RDANG RTA LA SOGS

PA'I KHRAL BKRAL NAS BOD DBUS GTZANG GI MI CHEN THAMS CAD KYIS JO BO RJE BSU BA LA BYON, ,DE'I TSE BOD STON RNAMS 'BYON PA LA JO BOS NYIN RE BZHIN BYA RA MDZAD TZA NA BOD STON RNAMS KYIS TSAG ZHU DANG PER GYON, ,RTA LA CHIBS BYON PAS JO BOS GZIGS MA THAG, AU PA SI KA, MI MA YIN MANG PO BYUNG NGO GSUNG NAS DBU RIL GYI GTUMS, DE NAS BOD KYI MI CHEN RNAMS KYIS CHOS GROS GYON SER SBRENG MDZAD NAS PHYAG RTEN PHUL BAS JO BO YANG DGYES NAS PHYAG LAN MANG PO MDZAD, DE NAS JO BO RJE DPON G-YOG LA BOD STON RNAMS KYIS SNA LEN DU BSNYEN BKUR BZANG PO ZHIG MDZAD PAS RGYA GAR GYI RAB TU BYUNG BA BAS BOD KYI RAB BYUNG 'TSO BA BZANG BAR 'DUG GSUNG ,DE NAS GTZANG LA BSTOD LDOG GI TSA SNA BYA BAR DO HA RDO RJE'I MGUR GSUNGS PAS 'BROM RIN PO CHES BOD DU 'DI MI LEGS, BSKAL PA SNYIGS PAS SDOM BA BSRUNG BA DANG TSOGS GSOG PA MI MCHI, ,LAS RGYU 'BRAS LA SOGS PA BSTAN PA SPYI LA PHAN PA'I CHOS GSUNG BAR ZHUS PAS, AA TI SHA YANG SHIN TU MYES TE, SEMS CAN CHEN PO KHYOD LTA BU BOD NA BZHUGS PA BOD BSOD NAMS CHE YI, KHO BOS KHYOD RGYA GAR DU THOS NA BOD DU 'ONG MI DGOS PA 'DUG PA LA GSUNG, SNE'U ZUR PA'I ZHAL NAS, 'U CAG YIN NA GZHAN SU LA'ANG MED PA'I CHOS SHIG KHO NA ZHU, DGE BSHES STON PA DE THUGS DGONGS SHIN TU BZANG PAS BOD SPYI LA PHAN CHE BA'I CHOS SHIG KHO NA ZHU BAR LAGS PAR GDA' GSUNG, DE NAS

, ,GTZANG RONG NA MAR BYON TZAN KHANG BA DOG PAS GNAS KHANG 'DOD RIGS MA RNYED PA LA 'BROM RIN PO CHES JO BO PHYIR BZHUGS SU BCUG NAS DE'I BAR DU KHANG PA'I GAD BDAR BYAS, JO BO'I DBU SNGAS SU MAndAL ZHIG KYANG TSAR PAR BYAS 'DUG PAS JO BO'I ZHAL NAS, NGA LA SLOB MA KHYOD 'DRA BA GCIG RGYA GAR NA'ANG YOD GSUNG, PO TO BA'I ZHAL NAS DON LA MED, YOD NA KHA SKAD 'DRA BA 'ONG THANG BA LA GSUNG NGO, ,YANG LAN CIG GI TSE JO BOS BYIS PA LTAR MDZAD NAS NANG GI GNAS RNAMS PHYIS CHUNG DU RES BKANG BAS DE RNAMS 'BROM RIN PO CHES LEGS PAR PHYAGS, SKU'I SPYOD PA LA MA DAD PA MA SKYES PAS BYA RGOD KYI NYIN LAM BCO BRGYAD KYI BAR GYI GZHAN GYI SEMS SHES PA'I MNGON PAR SHES BA SKYES GSUNGS, DE NAS JO BO RJE KHU STON GYIS YAR KLUNGS SU SPYAN DRANGS TE THANG PO CHER PHEBS, 'BROM RIN PO CHES THANG PO CHER MA PHEBS PAR SNYE THANG DU PHEBS NAS BANG STON GYI SAR BYON TE DA LTA NI JO BO KHUS SPYAN DRANGS NAS PHEBS KHUS ZHABS TOG 'O MI BRGYAL BA MI 'ONG, DE TZA NA JO BO'I BZHUGS SA CIG DGOS PAS KHYED KYI SNYE THANG 'DIR BZHUGS SA BYED, NGAS THABS MKHAS KYIS JO BO BSAM YAS SU GDAN DRANGS KYIS, DE TZA NA KHYED KYIS RTA PA NYIS BRGYA'I ZHAL MTHONG DANG BCAS PA'I BSU BGYIS SHIG GSUNGS PAS KHONG GIS KYANG ZHAL GYIS BZHES SO, ,DE NAS 'BROM RIN PO CHES JO BO'I SPYAN SNGAR 'GRO DGONGS NAS YAR

KLUNGS NAS YAR BYON PA DANG THANG PO CHE BA'I MI CIG NA RE, KHYOD GAR 'GRO ZER, THANG PO CHER 'GRO GSUNGS PAS, SMA PHAB PAR 'OD ZER, JO BO DANG MJAL NA SMA PHAB NA'ANG PHAB SNYAM PA CIG BYUNG GSUNG, DE NAS BANDE ZHIG LA JO BO'I GZIM KHANG GAN YOD DRIS PAS, STON DU MA BTUB PA LA JO BO'I SLOB MA AA TZA RA CIG BYUNG BAS NGO SHES NAS 'BROM RIN PO CHE'I RTZAR RGYUGS BYUNG, DES NANG DU KHRID NAS JO BO DANG MJAL BAS YUN ZLA BA GCIG LAS MA LON PA LA 'O SHIN TU BRGYAL BAR BYAS NAS GDA', DER JO BO'I ZHAL NAS, AU PA SI KA CHEN PO, NGA RANG DANG PO GANG NAS 'ONGS PA'I SAR SKYOL, BKA' 'KHOR 'DI KUN YANG 'O BRGYAL, RTA KHAL 'DI KUN KYANG MA RGAN YIN, KHU STON NI 'KHOR LOS BSGYUR BA'I RGYAL PO LTA BU, KHO BO NI DMANGS PHAL PA LTA BU, KHU STON NI SUM CU RTZA GSUM GYI LONGS SPYOD DANG LDAN BA LTA BU, KHO BO NI PRE TA PHU RI'I GRONG KHYER NA GNAS PA LTA BU BYUNG GSUNGS PA LA, 'BROM RIN PO CHES BDAG GIS JO BO'I BZHUGS GNAS SNYE THANG ZER BA, DBYAR BSIL BA DGUN DROB, NAGS TSAL DANG NE'U GSING YOD PA, DGUN YANG ME TOG SKYE BA ZHIG BTZAL BDOG ZHUS PAS, AU PA SI KA DA LTA RANG GSHEGS GSUNG BA LA, KHU YANG DBANG CHE BAS KHAD LA THABS MKHAS BYED DGOS ZHUS PAS, KHU STON GYIS MI TSOR BA'I THABS NGA RANG GIS BYED GSUNG NAS, DE'I NUB MO GRU BSPOGS BYAS TE NAM LANGS PA DANG LAM DU CHUD PAR BYAS NAS

, ,GSHEGS PA BANDE MO ZHIG GIS MTHONG NAS KHU STON LA BYA GTONG DU PHYIN, DE NAS JO BO DPON G-YOG GIS MYANG PO'I GRU LA BYON, 'BROM RIN PO CHE'I ZHAL NAS MNYAN PA LA SNGON LA NGA SGROL CIG DA LTA RANG RDUNG GTAG THAMS CAD NGA LA 'ONG GSUNGS PAS MNYAN PAS SNGON LA BSGRAL, DE'I NUB MO 'BROM RIN PO CHE DPON G-YOG GIS 'ON DU MA BZHUGS PAR KA CHUR PHEBS, JO BO DPON G-YOG SGROL KYIN YOD TZA NA DGE BSHES KHU AA TI SHA ZER CING RGYUGS BYUNG BA GZIGS PAS JO BO'I ZHAL NAS MKHAS PA CHEN PO BYON, GRU PHYIR THEN CIG GSUNGS NAS BZHUGS PA DANG KHU YUS CHE BAS CHIBS PA THAL NAS CHU NANG DU DE'U GRONGS BYUNG, DER KHU STON GYIS JO BO LA LDOG PAR ZHU BA PHUL YANG MA GNANG BAR DBU ZHVA PHYIR 'PHANGS TE BYIN RLABS KYI RTEN DU GNANG, DE NAS JO BO DPON G-YOG GIS 'ON DU ZLA BA GCIG BZHUGS NAS BSAM YAS SU PHEBS, DE'I DUS SU ZHANG 'PHRANG KHA BER CHUNG GIS 'BROM RIN PO CHE SPYAN 'DREN PA'I MI GNYIS BTANG NAS YANG YANG BSKUL BA LA 'BROM RIN PO CHE'I ZHAL NAS, NGA DA LTA 'ONG MI KHOM, JO BO SKU NA MTHO LA SKU GCONG MANG BAS ZHABS TOG GAL CHE, DE'I BAR DU THUGS MI CHAD PAR CHOS 'DI TSO LA DGONGS PAR ZHU GSUNGS NAS 'PHRIN YIG BSKUR BA, YAB MES CHO RIGS BZANG PO'I RJES 'BRANGS SHING, ,DGE BA'I BLO MNGA' DAL 'BYOR LDAN RNAMS LA, ,PHAN PAR DGONGS PA'I SEMS KYIS KUN BSLANGS NA, ,BDUD

RTZI 'DRA BA'I GROS SHIG YONGS LA 'DEBS, ,SNYOMS PAR 'CHAR BA'I NYI MA'I 'OD ZER BZHIN, ,SANGS RGYAS BSTAN PAS KUN LA YONGS KHYAB KYANG, ,BYANG DU BLTAS PA'I BRAG PHUG JI BZHIN DU, ,DAM PA'I LHA CHOS MI MDZAD BLO RE RMONGS,, 'O SKOL DAL 'BYOR MI LUS THOB PA YANG, ,DA LTA NYID KYI SKU SPYOD MA LAGS TE, ,YAB YUM LAS 'PHRO MTHUN PA'I 'DU 'PHROD DANG, ,TSE SNGON BSOD NAMS BSAGS PA'I RGYU LAS GRUB, ,DE LTAR RNYED DKA'I MI LUS THOB TZA NA, ,SDIG PA SPANGS TE DGE BA MA SPYAD NA, ,MTHON PO'I RI LA PHYIN NAS SLAR LHUNG BZHIN, ,MI LUS THOB PA DON MED CHUD MA GZON, ,'O SKOL STON PA SANGS RGYAS BYON NAS KYANG, ,DAM CHOS BDUD RTZI JI SNYED GSUNGS PA DAG ,RTAG PA'I DON DU GSUNGS PA MA YIN TE, ,MI RTAG NGES NAS GSUNGS PA MA YIN NAM, ,RTAG GAM MI RTAG DPER NA 'DI 'DRA STE, ,'O SKOL YAB MES SNGA RABS 'DAS PA DAG ,DA LTA MING TZAM LUS NAS MA SONG NGAM, ,RTAG PA LAGS NA DA LTA GANG NA GDA', ,'O SKOL NYID KYI SKU RING 'DI LA YANG, ,NA TSOD MTHUN PA'I RGAN GZHON MTHO DMAN SOGS, ,JI SNYED GUM PA THUGS MTSOR MI MNGA' 'AM, ,SNYAN GYIS GSAN BA DE BAS SHIN TU MANG, ,NA NING DING SANG DO CIG BAR LA YANG, ,'DAS PA'I MI DANG YUL MI KHYIM MTSES LAS, ,MTSON GYIS RMAS DANG DE BZHIN BRO 'TSAL NAS, ,GRANGS KYIS GUM PA SPYAN GYIS MA GZIGS SAM, ,KUN KYANG CHOS NYID 'DI LAS MA 'DAS TE, ,'CHI BA'I RE MOS 'O SKOL KUN LA 'ONG, ,DE RING SANG GI DBANG

, ,YANG MA MCHIS TE, ,THAMS CAD MI RTAG 'JA' TSON RI MO 'DRA, ,GZUGS NI LHO SPRIN 'DRA STE KHAD KYIS 'JIG ,SROG NI BA THAG 'DRA STE GYI NA TZAM, ,DBUGS NI NA BUN 'DRA STE YOD LA MED, ,TSE NI GLOG DANG 'DRA STE SKAD CIG MA, ,'O SKOL PHUNG PO 'DI LA PHANGS MDZAD KYANG, ,KHREL MED SLES LA BOR BA MTHONG BZHIN DU, ,SGYU MA RTAG TU RE BA BLO RE RMONGS, ,STONG PA DNGOS POR LTA BA BLO RE 'KHRUL, ,JI LTAR BGYIS KYANG RANG DANG PHUNG PO 'DI, , 'BRAL BAR MI 'DOD 'GROGS PAR RE 'DOD KYANG, ,GOS RNYING BRJE BA BZHIN DU PHYIR LUS NAS, ,LUS SEMS SO SOR CHA BA MA DGONGS SAM, ,BSOD NAMS LAS GRUB 'BYUNG BZHI 'DUS BSKYED PA'I, ,PADMA LTA BUR RGYAS PA'I LUS 'DI LA; ;DGRA SDANG RNAM SHES BRGYAD NI DUG SBYOR NA, ,SGYU MA'I PHUNG PO DA LTA JI SNYAM MDZAD, ,DE LA SKYES BU DAM PA'I SMAN PA YIS, ,RNAM THAR BRGYAD KYI SMAN GYIS MA BCOS NA, ,'CHI BDAG BDUD KYI BGEGS NI GDON NGO MTHO, ,MA RIG DUG GSUM GTAN GYI NAD GZHI CHE, ,MI RTAG 'CHI BA'I NAD KYIS ZIN PA LA, ,'TSO BYED GZHON NU'I SMAN GYIS CANG PHAN NAM, ,BDUD KYI ZHAGS PA NAG POS ZIN PA LA, ,MO BON LTO DPYAD RIM GROS CANG PHAN NAM, ,DBANG MED DUS KYIS RGYAS 'DEBS BYED BA LA, ,GNYEN BSHES NYE DUS BSKOR BAS CANG PHAN NAM, ,RTAG PA MA LAGS KUN KYANG MI RTAG STE, ,RTAG TU BTUB NA SANGS RGYAS SKU 'DI DAG ,YOD PA MA LAGS KUN KYANG MED PA STE, ,YOD DU BTUB NA RNAM

SHES SEMS 'DI YOD, ,BDEN PA MA LAGS KUN KYANG BRDZUN PA STE, ,BDEN DU BTUB NA DAM PA'I CHOS 'DI BDEN, ,NGES PA MA LAGS KUN KYANG MA NGES TE, ,NGES SU BTUB NA DGE SDIG RGYU 'BRAS NGES, ,'DOD CHAGS ZHE SDANG MA RIG DE DAG LAS, ,MI SHES GTI MUG GNYID NI MA CHE BAR, ,DGE BA BCU YI MEL TSE 'BAD LA MDZOD, ,MA RIG GNYID LAS SANGS PA'I DUS BYUNG NA, ,YANG DAG BDEN PA'I NAM ZHIG LANGS TZA NA, ,MTHO DMAN MKHA' LA NYI SHAR JI BZHIN DU,, 'GRO MGON SANGS RGYAS DE DANG PHRAD PAR MDZOD, ,CES BYA BA'I TSIGS SU BCAD PA BCO BRGYAD DANG, GANG GI DRIN GYIS BDAG BLO RGYAS MDZAD PA'I, ,BLA MA DAM PA RNAMS KYI ZHABS LA 'DUD, ,GTING MTHA' MED PA'I 'KHOR BA'I RGYA MTSO 'DIR; ;DE SNGA PHAN CHAD JI TZAM PA CIG 'KHYAMS, ,DA YANG JI TZAM PA CIG 'KHYAM DGOS PAS, ,BLA MA DAM PA'I GDAMS NGAG THOS BSAM BYA, ,DE LAS THAR BA'I DUS NI DA RES YIN, ,GLO BUR BAR DU GCOD PA MA BYUNG YANG, ,TSE LA LONG MED YUN RING MI SDOD NGES, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA SKYED, ,GNYID DANG SNYOM LAS DBANG DU MA GTANG BAR, ,STONG PA SNYING RJES ZIN PA RTZE GCIG SGOMS, ,TSE LA LONG MED 'CHI BDAG PHO NYAS SLEB, ,BYA BA THAMS CAD BYED 'PHRO BTANG NAS NI, ,RANG BZHIN MNYAM PA NYID LA BLO BZHAG NAS, ,CHOS NYID RNAM DAG 'DI LA LTA BA BYA, ,MI RTOG BDE GSAL 'DI LA BSGOM BA BYA, ,MA BCOS RANG

, ,BZHIN 'DI LA SPYOD PA BYA, ,SKU BZHI YE SHES LNGA LA 'BRAS BU BYA, ,LTA SGOM SPYOD PA 'BRAS BU RNAM PA BZHI, ,SO SO THA DAD MED PA'I LAM DU SEMS, ,LTA BA STONG NYID SGOM ZHES KHAS BLANGS NAS, ,SPYOD PA DNGOS POR 'DZIN LAS MA GROL NA, ,LTA SPYOD 'JOL TE LOG PA'I LAM DU 'GRO, RANG GIS RANG BSLUS GZHAN GYIS ZHE YANG KHREL, ,CHAGS SDANG SKYE BA'I GROGS NGAN THABS KYIS SPONGS, ,DER YANG KUN DANG 'DRIS PAR MI BYA'O, ,CHAGS NA LHA PA CHAGS KYANG MI GROL TE, ,ZHEN NA CHOS LA ZHEN YANG 'CHING BA'I RGYU, ,PHYUG PO GSER SRANG STONG LA CHAGS PA DANG, ,DBUL PO KHAB SKUD TZAM LA CHAGS PA GNYIS, ,THAR PA'I BAR DU GCOD LA KHYAD PAR MED, ,DES NA CI LA'ANG ZHEN CHAGS MED PAR BYA, ,'KHRUL PA'I RTOG PA MA ZHIG BAR DU NI, ,DAD PAS BLA MA DAG DANG DKON MCHOG MCHOD, ,YI DAM LHA LA GSOL BA RGYUN DU THOB, ,LUS NGAG YID GSUM DGE BA NUS TSAD GYIS, ,BSAM DU MED PA'I CHOS NYID DON BSGOMS LA, ,'GRO BA RNAMS LA SNYING RJE RGYUN DU SKYED, ,STONG PA NYID DANG SNYING RJE DBYER MED PA, ,SGOM PA GOL SA MED PA'I LAM YIN GSUNG, ,TSE LA LONG MED YUN RING MI SDOD NGES, ,'JIG RTEN LTO RGYAB SPRANGS KYANG PHYID DE MCHIS,, CHOS DANG MTHUN NA LTOGS RIR SHI DOGS MED, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA THON, ,GNYID DANG SNYOM LAS DBANG DU MA GTANG BAR, ,STONG PA SNYING RJE'I

SNYING PO RTZE GCIG SGOMS, ,PHUNG PO NYAMS BAS LUS NGAG MTHU NYAMS KYANG, ,YID LA CIS KYANG GDUNG BAR MI BYA'O, ,DA NI LE LO'I GLAGS MED RING MI SDOD, ,NYIN MTSAN GNYIS KYIS TSE 'DZAD DGE MYUR MDZOD, ,'CHI KHAR 'GYOD PAS MI PHAN DA LTA 'BAD, ,DNGOS PO CIS KYANG BYAR MED GDAMS NGAG SGOMS, ,DRAN SNANG THAMS CAD SKYE MED RGYAS BTAB CING, ,BYED SPYOD THAMS CAD SGYU MA LTA BUR BYA, ,BDE SDUG THAMS CAD MNYAM PA NYID DU BSLAB, ,NYES LTUNG PHRA MO TZAM YANG PHYIR BCOS BYA; ;DENG NAS SKYE BA 'DI YI 'OG ROL TU, ,SDOM PA GSUM DANG LDAN PA'I RTEN ZHIG GIS, ,PHYAG RGYA CHEN PO'I DNGOS GRUB THOB 'GYUR BAR, ,SMON LAM GDAB CING DE YI RGYU LA 'BAD, ,LUS NGAG BYA BYED MANG NA SEMS RJES 'BRANG, ,GNYUG MA'I SEMS 'DI BCOS MAS MI BSLAD CING, ,SDIG DANG SDUG BSNGAL 'PHEL BA'I LAM BOR LA, ,MKHA' LA BYA SONG BZHIN DU RJES MED BYA, ,CI 'DRAS MI SDUG BYAS PA'I LAN MI BLAN, ,SHES MTHUN RTOG PA BSDUR NA DRANG POR SMRA, ,MDOR NA CHOS NYID RTOGS PA'I PHYI RTAGS SU, ,BRNYAS PA BYUNG YANG KO LONG MI BYA ZHING, ,TSIG NGAN SMRAS KYANG KHRO BAR MI BYA LA, ,KHYAD GSOD BYAS KYANG NGA RGYAL MI SKYED DO, ,'GAL BA JI LTAR BYUNG YANG 'DI BSAM STE, ,'KHRUL PAS BCINGS PA'I SEMS CAN SNYING RE RJE, ,SKYE MED CHOS LA BDAG DANG GZHAN BZUNG BA, ,'DI LA DNGOS PO CI YANG MED DO ZHES, ,CHOS DBYINGS NYID DU NGES BAR BSAM PAR BYA, ,DE LTAR DA LTAR NYID NAS GOMS BYAS NA, ,KLONG DU GYUR TSE CIS KYANG GNOD MI NUS, ,RDZAS

, ,DANG LONGS SPYOD CHE CHUNG CI YOD KYANG, ,RANG DBANG YOD TSE PHRAL BSNGO PHRAL SPYAD BYA, ,KHA CIG NA RE 'CHI KHAR DGOS ZER TE, ,'CHI DUS 'BYUNG BA'I NAD KYIS BTAB BA LA, ,NAD G-YOG MANG BAS SDUG BSNGAL BGO THABS MED, ,G-YOG MED SDUG BSNGAL 'GROGS NAS KHYER BA MED, ,DES NA NAD G-YOG YOD MED GNYIS KA 'DRA, ,SHI BA'I RO DE TZAN DAN MER BSREGS SAM, ,CHUR BOR DONG BSKYUR BYA KHYIS ZOS PAR MNYAM, ,SHUL DU GTAM SNYAN GTAM NGAN CI BYUNG YANG, ,BDAG GI RJES SU 'BRANGS NAS MI 'ONG STE, ,GSON TSE DGE SDIG GNYIS PO GANG BYAS BA'I, ,'BRAS BU DE YI DUS SU 'BYUNG BAR 'GYUR, ,RNAL 'BYOR PA YI 'CHI LUGS RNAM PA GSUM, ,SMYON PA LTA BUR SHI BA RAB YIN TE, ,RI DVAGS LTA BUR SHI BA 'BRING YIN NO, ,RGYAL PO LTA BUR SHI BA THA MA YIN, ,DES NA SHUL DU LUS PA MED PAR BYA, ,'DOD CHUNG CHOG SHES NGA RGYAL MED PA DANG, ,GZHAN DANG 'BREL BSKYUNGS RANG LA NGAN SHOS BYA, ,DMAN SA BZUNG NA SLAR YANG GZHAN DAG DANG, ,RANG YANG NYON MONGS MI GSOG DGE SBYOR 'PHEL, ,DES NA CI LA'ANG KHENG DREGS MI BYA'O, ,DE PHYIR BYANG CHUB SEMS NI RTAG TU SBYONGS, ,CHOS KYI DBYINGS NI GNYIS MED RNAM DAG LAS, ,BYANG CHUB CES NI DE LA BRJOD PA YIN, ,DE DON SEMS PAR BYED PA'I SEMS DPA' NI, ,DE NI BYANG CHUB SEMS DPA' ZHES BYA STE, ,BYANG CHUB DANG NI SEMS LA GNYIS MED SPYOD, ,GANG ZHIG DE RTOGS 'DOD PA'I SKYES BU NI, ,DE NI BYANG CHUB SEMS DPA' ZHES BYA'O,,

DES NA DAM PA RNAMS KYI RJES SU BSLAB, ,MAR ME CHUNG DU RLUNG GIS GSOD PAR BYED, ,NAGS TSAL ME LA RLUNG GIS GROGS KYANG BYED, ,DE PHYIR DANG POR RKYEN NGAN DAG LA BYOL, ,BRTAN PA THOB NAS THAMS CAD GROGS SU 'GYUR, ,NYAM CHUNG RNAMS LA RKYEN NGAN GNOD PA CHE, ,DE LA GCIG BUR GNAS SHING 'DU 'DZI SPANG, ,TSE 'DI'I LTO RGYAB JI LTAR BYAS KYANG PHYID, ,TSE RABS PHYI MCHOS DANG PHRAD PAR DKA', ,DE BAS TSE 'DIR CHOS LA 'BAD PAR KYIS, ,DA LTA DGE BA'I LAS LA MA 'BAD NA, , PHYI MAR SDUG BSNGAL MYONG BAR 'GYUR TA RE, ,BLA MA DAM PA RNAMS KYI MAN NGAG GIS, ,GZHUNG LUGS RNAMS NI NYAMS SU BLANG BAR BYA, ZHES BYA BA'I BAR GYI TSIGS SU BCAD PA'I GDAMS PA DANG, KHO 'GYUR GYI DOGS NAS THUGS DAM 'JAM PA'I RDO RJE YANG DE'I DUS SU BSKUR NAS NGA JO BO DANG SHI 'BRAL BYED, DE NAS TSE LA BAR CHAD MA BYUNG NA KHYOD KYI MCHOD GNAS NGAS BYED PA YIN BYA BA'I ZHAL 'PHRIN YANG BSKUR BAR MDZAD, DE NAS 'BROM RIN PO CHES JO BO'I PHYAGS PHYIR LHA SAR PHEBS, DE'I DUS SU JO BOS CHAD GI NYES DMIGS LA SOGS BA CHOS MANG DU GSUNGS NAS GNAS PHAL CHEN SDE BA 'DZUGS GSUNG BA LA, 'BROM RIN PO CHES, AA TI SHA, DE MI MDZAD PAR ZHU, BOD DU 'DI MI LEGS ZHES ZHUS SO, ,DE'I RGYU MTSAN YANG SNGON DUS CHOS RGYAL KHRI SRONG LDE BTZAN GYIS MKHAN CHEN BO DHI SATVA BOD DU SPYAN DRANGS NAS RGYAL BA'I BSTAN PA 'DZUGS PAR GSOL BA BTAB PA NA, MKHAN CHEN BO DHI SATVAS SBA YE SHES DBANG PO SOGS MI BDUN RAB TU BYUNG ZHING

, ,SO THAR GYI BSLAB KHRIMS LA BKOD PAS DE DAG RAB TU BYUNG MA THAG MNGON SHES DANG RDZU 'PHRUL THOB CING SDE SNOD GSUM LA MKHAS PAR GYUR, DE NAS RIM GYIS DGE 'DUN GYI SDE RGYA CHER 'PHEL, MKHAN RGYUD 'DI NI GZHI THAMS CAD YOD PAR SMRA BA'I SDE PA'I BRGYUD PA YIN PAS CHOS RGYAL KHRI SRONG LDE BTZAN GYIS DA PHYIN CHAD BOD 'DIR MKHAN CHAN BO DHI SATVA'I LUGS LTAR THAMS CAD YOD SMRA BA'I SDE PA LAS SDE PA GZHAN MI BYA BA DANG, 'PHAGS PA KLU SGRUB YAB SRAS KYI LTA BA LAS LTA BA GZHAN MI 'DZIN PAR BKAS BCAD MDZAD PA DE DANG MTHUN PAR MDZAD BZHED PA DANG, BOD KYI GDUL BYA YONGS KYI KHAMS DANG BSAM PA LA GZIGS NAS PHAL CHEN SDE PA'I LUGS KYI BCAS PA 'GA' ZHIG BOD KYI GDUL BYAS BSRUNG DKA' BA SOGS LA GZIGS NAS JO BO RJE LA DE LTAR ZHUS SO, ,DE NAS RNGOG LEGS PA'I SHES RAB KYIS JO BO DPON G-YOG YER PAR SPYAN DRANGS PA'I DUS SU DGE BSHES STON PAS BYANG DU MI CHOS LA GSER SLONG MDZAD DU BYON, MI CHOS RNAMS KYIS 'BROM RIN PO CHE MJAL BA'I GRABS BYAS NAS TSUR 'ONG KHAM DANG THUG, DE'I BAR DU YAB GRONGS 'DUG PAS MI CHOS RNAMS KYIS 'BROM RIN PO CHE LA MA LEGS BYA SNYAM TZA NA 'BROM RIN PO CHES SNGON LA TSUR MDZAD, DE KUN YANG PHYI RABS LA DGONGS BA YIN GSUNG, DE NAS GSER SLONG MDZAD DE TSUR PHEBS NAS LHA RI SNYING PO'I MGUL DU 'BUL BA MDZAD DE, 'BROM RIN PO CHE'I ZHAL NAS BLA MA RJE BTZUN CHEN PO ZANG ZING LA MNYES BA MA LAGS TE, KHO BO TSOGS GSOG

PA'I CHED DU ZANG ZING GI MCHOD PA CUNG ZAD BGYID GSUNGS NAS, GSER ZHO DGU DGU LA SRANG RER BRTZIS PA'I GSER SRANG BRGYA RTZA BRGYAD, RTA NYI SHU RTZA GCIG, 'BRI BCU GCIG, BER GNYIS, DBYI SBYANG GI PAGS PA BZHI, KHRAB ZHI, DNGUL SKYOGS GNYIS, GLA GOR GYI YOL GO GCIG, DE LA SOGS PA'I NOR SNA BRGYA RTZA BRGYAD PHUL, DE'I TSE JO BO RJE MNYES NAS 'BROM RIN PO CHE LA THUGS MNYES PA'I BKA' LUNG MANG DU GSUNGS SHING, JO BO NYID KYIS CHOS LA DKA' BA SPYAD LUGS, SGRUB PA NYAMS SU BLANGS LUGS YAM ME BA ZHIG GSUNGS NAS KHYOD KYIS DKA' BA'I LAS MA BGYIS PAR SNYING BO'I DON RNYED PA BSOD NAMS SHIN TU CHE YI, DA LEGS PAR NAN TAN DU GYIS SHIG GSUNG, RTAG TU DU DANG CHOS 'PHAGS DANG NOR BZANG GI GTAM RGYUD GSUNGS NAS BLA MA'I ZHABS TOG BYED PA 'DI LA, BLA MA DE LA 'DOD PA MI MNGA' YANG RTEN CING 'BREL PAR 'BYUNG BA'I CHE BAS BYA DGOS PA YIN GSUNGS, 'BROM RIN PO CHES GSER SLONG LA BYON DUS KYI ZLA BA GCIG DANG, KHU STON GYIS SPYAN DRANGS DUS ZLA BA GCIG STE, ZLA BA GNYIS MA GTOGS PA DANG POR JO BO DANG MJAL NAS ZHI BAR MA GSHEGS KYI BAR SKAD CIG KYANG 'BRAL MA MYONG BA YIN GSUNG, YANG JO BO'I ZHAL NAS, AUS SI KA'I RIGS CI YIN GSUNG, RJE'U'I RIGS LAGS ZHUS PAS, RJE'U'I RIGS KYI NGA RGYAL MA MDZAD GSUNG, YE MA MCHIS ZHUS PAS, BAG TZAM BDOG STE MCHI, YE MI RUNG GSUNG, 'BROM RIN PO CHE LA KHENGS PA DANG CHE 'GYINGS MI MNGA' BAS BER CHUNG GIS PHYAG GYIS ZER BA LA'ANG DE

, ,BZHIN DU MDZAD PA DANG, SNYE THANG DU KHU STON BYON PA LA'ANG PHYAG MDZAD CING, 'BROM RIN PO CHE LAN PA SPYIL BUR SPYAN DRANGS DUS LAM DU SNGAGS PA GCIG DANG 'PHRAD PAS KHA CHANG DRI CHIL LE BYAS NAS KHO NA RE, DGE BSNYEN 'DI YA TSAD KHUR ZER NAS LHAM KHRES ZHIG DANG GAL LTE BSKUR BAS BGYI'O GSUNGS NAS KHUR BYON PAS SPYIL BU BA'I DGE 'DUN RNAMS KYIS BSU BA'I SER SBRENGS BYAS PA SNGAGS PAS MTHONG NAS DGE BSNYEN 'DI CI YIN ZER BA LA, KHO BO LA BSU BA BYED BA'I ZHAD DU GDA' GSUNGS PAS, KHO SKYENGS TE BROS PA LA SOGS PA'I GTAM RGYUD GZHAN YANG MANG NGO, ,DE NAS JO BO DPON G-YOG SNYE THANG DU SPYAN DRANGS NAS BZHUGS PA'I DUS SU JO BO'I ZHAL NAS, AU PA SI KA, KHYOD NA RE DGUN YANG ME TOG 'CHAR BA ZHIG YOD ZER BA ME TOG GA RE GSUNGS PAS, 'BROM RIN PO CHES SNYE'I NA MO CHER JO BO RJE GDAN DRANGS NAS GSING MA'I ME TOG GZIGS PHUL BAS, JO BO'I ZHAL NAS BRDZUN MA BTANG TZAM 'DUG GSUNG, NGAS SA PHYOGS 'DIR ME TOG MANG PO 'CHAR BAR BYIN GYIS RLABS KYIS GSUNG, JO BO'I BYIN RLABS KYIS SNYE THANG GIS SKOR NA ME TOG GI RIGS GZHAN NA MED PA MANG PO YOD, JO BO'I ZHAL NAS, DUG GI ME TOG DKON MCHOG LA DBUL MI RUNG, SPANG RGYAN 'DI AUTPA LA'I RGYU RU 'DUG BA LA BOD GRANG BAS KHA MA BYE BAR 'DUG ,ME TOG SHANG SHANG NI RGYA GAR NA YANG MED, YOD NA NGAS GSER 'JAL NUS GSUNG, DE'I TSE 'BROM RIN PO CHES LJAGS KYI STENG DU ME TOG NGO MTSAR BA ZHIG SPRUL PA SOGS RDZU

'PHRUL GYI BKOD PA SNA TSOGS BSTAN PA BKA' GDAMS GLEGS BAM LAS 'BYUNG BA NI, JO BO RJES, KYE MA CHUNG CHUNG 'BROM RJE GZIGS, ,'OL LA 'DAB MA'ANG SKYES TE GDA', ,DOD DOD BRDZUN PHUG MA RDIB TZAM, ,GSUNG BA'I LJAGS DE NGA LA STON DE NAS 'BROM RJES LJAGS BRKYANGS PA, ,GZIGS PAS DE LA'ANG ME TOG GCIG, SKYES PA GZIGS NAS JO BO MNYES, ,KYE MA'O YA MTSAN DE NA 'DUG ,'BROM GYI LCE NI NE THANG 'DRA, ,BUNG BA ZHAL DU MI 'TSANG TZAM, ,'O NA'ANG DNGAR RTZI MED DAM CI; ;SLAR YANG 'BROM RJES LJAGS BRKYANG BA'I, ,ME TOG STENG NA'ANG JO BO GDA', ,JO BOS GZIGS NAS 'DI SKAD GSUNG, ,AA RE CI YANG DGOD RE BRO, ,BDAG LA 'BROM GYIS BUNG BA BYAS, ,KHO BO RE CHUNG NAS RDOG TZAM, ,RE DOD GSUNG ZHING PHYAG GIS REG, PADMA'I STENG GI JO BO BZHAD, ,DE NAS JO BO'I BZHAD SRIN LANGS, ,YANG DANG YANG DU BZHAD PAR GYUR, ,DE NAS 'BROM GYIS 'DI SKAD SMRAS, ,DGUN DUS 'KHRUNGS BA'I ME TOG DKAR 'DUR BA, ,KHO BO ZOG MAR MA BTANG DRIN CHE'O SBYIR YANG MTHA' 'KHOB GNAS 'DIR GRANG GZHI CHE, ,KHYAD PAR DBU RU CHU 'KHRIS SA 'KHYAGS MANG, ,DING SANG DGUN DUS ME TOG 'DAB LNGA PA, ,SA LA SKYES PAS JO BO MNYES GYUR NA, ,KHYAD PAR RDZUN MED 'BROM GYI LCE LA 'KHRUNGS, ,BUNG BA DRIS BAS BDE GSHEGS SKU GZUGS BYON, ,BZHAD PA RAB BZHAD BDE GSHEGS 'DI 'DRAR BZHAD, ,MTSAR MOS RANG GI BYAD MTHONG BZHIN DU BZHAD, ,LHA MO RANG GZUGS STON PA BZHIN DU BZHAD, ,BKRA SHIS BLA MA MNYES BA'I BKRA SHIS SHOG, SLAR YANG BLA MA

, ,RJE BTZUN 'DI SKAD GSUNG, ,'BROM RJE DA DUNG LJAGS KYI ME TOG STON, ,SLAR YANG LJAGS BRKYANG GZIGS SU PHUL BA YI, BLA MA'I MDUN NA'ANG 'BROM CHUNG CHUNG CHUNG GCIG ,'JUM 'DZUM BLA MA'I ZHAL LA RAB LTA ZHING, ,BU CHUNG SKAD 'DRA SNYAM PA'I SGRA 'BYIN GSAN, ,GZIGS MA THAG TU SHIN TU DGYE SGYUR NAS, ,ME TOG 'DI 'DRA RGYA GAR YUL NA'ANG MED, ,ZAB MO'I YAB SRAS LJAGS KYI STENG NA'ANG GDA', ,NGO MTSAR CHE'O NANG GI YA GI GNYIS, ,'BROM RJE LJAGS DGUL GUL MA MDZAD CIG ,SKU KHAMS GSO PHYIR 'BROM GYIS RAB G-YOS PAS, ,LEGS LEGS LDEG LDEG 'BRUL LA KHANG DE GDA', ,RAB TU BZHAD CING 'BROM RJE GA LE MJOD, ,KHYE'U GZHON NU SRAN RDOG ZA DANG MTSUNGS, ,LCE YI STENG NA RAL RIL LTAD MOR CHE, ,BDE GSHEGS LJAGS KYI PADMO LAS 'KHRUNGS BA'I, ,DANG POR BZHUGS BA'I GZUGS CAN YA GI GNYIS, ,MAR BYON BDAG CAG GNYIS NI NANG DU 'GRO, ,'BROM RJE'I ZHAL NAS LAN DU 'DI SKAD ZHUS, ,'JIG RTEN SGRON MA YAR LA GSHEGS SU GSOL, ,KHO BOS PHYIN PAS KHONG GNYIS MI LUS MCHI, ,DE NAS RGYAL BA SRAS BCAS MNYES BZHIN DU, ,GZIM KHANG NANG DU GSHEGS TE BYON PA'I TSE, , LHA YI TSOGS KYIS ME TOG DPAG MED GTOR, ,DE NAS JO BO'I ZHAL NAS 'DI SKAD GSUNG, 'BROM RJE ME TOG MCHOG LA MNYES GYUR NA, ,KHO BOS SA PHYOGS 'DI DAG BYIN BRLABS LA, ,RIN CHEN LNGA YI ME TOG 'BYUNG BAR BYA, ,LAN

DU 'BROM RJES THUGS LA THOGS ZHUS PAS, ,GSER DNGUL LA SOGS ME TOG BZANG PO YIS, ,SNYE THANG KHONGS RNAMS RAB TU GANG BAR GYUR, ,DE NAS JO BO'I ZHAL NAS 'DI SKAD GSUNGS, ,BLA MAS BYIN BRLABS MAR ME MDZAD DPAL NGAS, , BYIN GYIS BRLABS PA'I ME TOG 'DI BSKRUN PAS, ,'BROM GYI RJES 'BRANG MCHOD TSOGS 'PHEL BAR SHOG ,CES BKA' GDAMS GLEGS BAM LAS 'BYUNG NGO, ,JO BO RJES 'BROM RIN PO CHE JO BO RANG NYID DANG MNYAM PA 'GRAN ZLA MED PAR BSNGAGS TE; 'BROM RIN PO CHES JO BO LA, KHO BO ZAB MO DBU MA'I LTA BA 'DI LTAR 'DZIN ZHES SLOB DPON ZLA BA GRAGS PA'I LUGS KYI LTA BA'I RTOGS PA PHUL BAS, JO BOS PHYAG THAL MO SHAR PHYOGS SU SBYAR NAS DA LTA RGYA GAR SHAR PHYOGS NA'ANG LTA BA 'DI KHO NA 'DZIN PA YIN, KHYOD LTA BU'I SEMS DPA' CHEN PO BOD BSOD NAMS MI CHUNG GI, KHO BO BOD DU 'ONG MI DGOS PA 'DUG PA LA GSUNGS NAS GDAMS BA SHAS SHIG GNANG NGO, ,DE LTAR 'BROM RIN PO CHES JO BO RJE MNYES PA GSUM GYI SGO NAS MNYES PAR MDZAD CING, LHAG PAR YER BA LHA RI SNYING PO'I MGUL DU LO GSUM GYI RING LA JO BO RJE RNYED BA DANG BKUR STI TSAD MED BAS MCHOD CING, SDIG BA CAN GYI SKYE BOS DBEN PAR BYAS TE BYANG CHUB LAM GYI RIM PA'I 'GO BSHES GNYEN BSTEN TSUL NAS MTHAR 'BRAS BU MI SLOB BA'I ZUNG 'JUG 'GRUB PA'I BAR LAM SO SO'I NGO BO GANG YIN PA DANG, LAM DE DANG DE RGYUD LA BSKYED PA LA RGYU TSOGS GANG DANG GANG ZHIG DGOS PA DANG,

, ,DANG POR GANG NYAMS SU BLANG BAR BYA BA DE NAS RIM GYI RIM GYIS BSGRUB DGOS PA'I GO RIM NGES PA DANG, LAM DE DANG DE DAG SGRUB PA LA GEGS JI LTA BU 'BYUNG BA DANG, LAM DE DANG DE DAG STON PA'I BLA MA DANG SLOB MA JI LTA BU ZHIG DGOS PA DANG, YI DAM GANG LA BYA DGOS BA SOGS MTHA' DAG BAR ZHUS SHING NYIN RE BZHIN DU DRI GTUGS DANG BRGAL BRTAG MANG DU MDZAD DE GTAN LA PHAB, DE'I TSE 'BROM RIN PO CHES LAM GYI GNAD MTHAR THUG PA 'DI DAG KHONG GZHAN 'GA' ZHIG LA'ANG GNANG NA LEGS PA LA GZHAN SU LA'ANG MI GNANG BAR KHO BO GCIG PU LA GNANG BA CI YIN ZHES ZHUS PA NA, JO BO'I ZHAL NAS NGAS KHYOD MIN PA GZHAN LA GTAD SA MA RNYED BA YIN GSUNG, TSUL 'DI DAG LA BLO GROS CAN RNAMS KYIS LEGS PAR DPYAD NA JO BO RJE NYID BSTAN PA YONGS RDZOGS KYI BDAG PO YIN PA DANG JO BO RJES 'BROM RIN PO CHE LA BSTAN PA YONGS RDZOGS KYI MAN NGAG RNAMS BUM BA GANG BYO'I TSUL DU GNANG BAR GO NUS LA, DE LTAR GO NA JO BO RJES 'BROM RIN PO CHE LA GNANG BA NAS BZUNG CHOS KYI RGYAL BO TZONG KHA PA YAB SRAS LA RIM GYIS BRGYUD DE BSTAN PA YONGS RDZOGS KYI MAN NGAG RGYUN MCHAD PAR YOD PA 'DI LA YID CHES KYI DAD PA RKANG TSUGS PA SKYE'O, ,'DI DAG LA BLO CHUNG 'GA' ZHIG 'BROM RIN PO CHES JO BO LA SKYES BU GSUM GYI LAM RIM RDZOGS PAR GSAN MOD KYANG GSANG SNGAGS RGYUD SDE BZHI'I MAN NGAG RNAMS RDZOGS PAR MA GSAN TE JO BO RJES DO NYA

GSUNG BA'I TSE 'BROM RIN PO CHES AA TI SHA 'DI BOD DU MI LEGS ZHES BKAG BAS SO SNYAM PA SKYE SRID DE, DE NI DE LTA MA YIN TE 'BROM RIN PO CHE NI THUGS NAM MKHA' LTAR RGYA CHE ZHING RGYA MTSO LTAR GTING ZAB PAS SPYIR GSANG SNGAGS GSANG NAS BYA DGOS PA DANG, LHAG PAR DO HA SOGS BLA MED KYI RDZOGS RIM MTHAR THUG 'DI DAG SHIN TU GSANG BAR BYA DGOS KYI DE LTA MIN BAR KHROM BSGRAGS SU SONG NA 'CHAD PA PO RNAMS LA RTZA LTUNG 'BYUNG NYE BA DANG, NYAN PA PO BSOD NAMS DMAN ZHING BLO GROS CHUNG BA DAG LA PHAN PA LAS GNOD PA CHE BA ZHIG 'BYUNG STE, GSANG SNGAGS SGRA JI BZHIN BAR BZUNG NAS NAG CHANG LA BAG MED DU SPYOD BA SOGS RANG NYID PHUNG BAR MA ZAD BSTAN PA RIN PO CHE RMANGS NAS 'JIG PA'I RKYEN DU 'GYUR BAR GZIGS NAS PHYI LTAR DU DAM DOG CHE BAR MDZAD PA YIN GYI, GSANG BA'I GNAS SU JO BO RJES 'BROM RIN PO CHE LA RGYUD SDE BZHI'I MAN NGAG YONGS RDZOGS GNANG ZHING KHYAD PAR PHA RGYUD GSANG BA 'DUS PA DANG, MA RGYUD 'KHOR LO SDOM PA'I MAN NGAG MTHA' DAG DANG, BLA MED SPYI'I MAN NGAG MTHAR THUG PA GRUB PA SDE BDUN DANG, SNYING PO SKOR GSUM GYI MAN NGAG RNAMS BUM PHA GANG BYO'I TSUL DU YONGS SU RDZOGS PAR GNANG NGO, ,'BROM RIN PO CHE NI JO BO RJE LAS MAN NGAG YONGS RDZOGS GSAN PA TZAM DU MA ZAD RANG NYID DKYIL 'KHOR GYI BDAG POR LHUN GYIS GRUB PA ZHIG YIN TE, YER PA LHA RI SNYING PO'I MGUL DU JO BO YAB SRAS GNYIS LO GSUM GYI RING LA LAM GYI DKA' GNAS RNAMS

, ,LA BGRO BA MDZAD BA DE'I TSE RJE BTZUN 'JAM PA'I DBYANGS KYI SRAS KYI THU BO RDOG LEGS PA'I SHES RAB KYIS ZHABS 'BRING PA GCIG MA GTOGS RANG GI GRA BU SLOB SBYIN BDAG DANG BCAS PA SUS KYANG MA TSOR BAR GSANG STABS KYIS YER PAR BYON NAS DNGUL GYI MAndAL LA DUNG GI TSOM BU BKOD DE 'BROM CHOS KYI RGYAL PO'I SKYES RABS SOGS GSANG BA ZAB MO RNAMS GNANG DGOS ZHES JO BO RJE LA GSOL BA BTAB PA NA RJE BO RJES KYANG DE BZHIN DU GNANG NAS, DA LAM 'BROM RIN PO CHE NYID LA GSOL BA GDAB DGOS ZHES 'BROM NYID KYIS GSUNG BAR BSKUL, RJE BTZUN MA SGROL MA'ANG DNGOS SU BYON, BRGYUD PA GSUM LDAN GYI BLA MA THAMS CAD KYANG DNGOS SU PHEBS, NAM MKHA'I KHAMS SANGS RGYAS DANG BYANG CHUB SEMS DPAS GANG BA RNAMS KYIS KYANG BYIN GYIS BRLABS PA NA 'BROM RIN PO CHES RANG NYID SPYAN RAS GZIGS DNGOS YIN BA DANG, SNGON GYI THUGS BSKYED DANG, SANGS RGYAS BYANG SEMS MANG POS KYANG BSKUL BA LA RTEN NAS SPRUL PA GRANGS MED PAS BOD YUL 'DIR SANGS RGYAS KYI BSTAN PA BTZUGS PA DANG, LHAG PAR SNGON GYI CHOS RGYAL LO PAn BKA' DRIN CAN DE DAG JO BO YAB SRAS GNYIS KYI SPRUL PA YIN TSUL SOGS SKU GSUNG THUGS KYI GSANG BA MANG DU GSUNGS PA'I MTHAR SKU THIG LE SER PO ZHIG TU KHYIL KHYIL 'DUG PA'I 'PHRO LA SKU MI SNANG BAR YAL, DER DGE BSHES GSANG PHU BA DANG, NAG TSO LO TZ'A BA DANG ,

DGE BSHES KA BA GSUM 'BROM RIN PO CHE'I SKU MA MTHONG BAS YID GDUNG NAS MGRIN GCIG TU, SPRUL PA'I CHOS RGYAL GANG DU THAL, ,RGYAL BRGYA MTSO GANG DU GSHEGS, ,ZHES SOGS GDUNG DBYANGS KYIS GSOL 'DEBS SHUGS DRAG MDZAD PA NA, JO BO'I ZHAL NAS, RGYAL BA'I 'BYUNG GNAS MTHONG 'DOD NA, ,KHO YI RANG BZHIN SNYING RJE YIN, ,'GRO BA THAMS CAD YUL BYAS NAS, ,BZOD GLAGS MED PA'I SNYING RJE SGOMS, ,RING POR MI THOGS MNGON DU 'GYUR, , ZHES GSUNGS PA NA KHONG GSUM GYIS SNYING RJE CHEN PO SHUGS DRAG TU BSGOMS PAS, JO PO'I THUGS KA SHED NAS THIG LE DKAR PO ZHIG KHYIL KHYIL BYED PA SNYAM BYED BA SNYAM BYUNG BA LA, THIG LE DE LAS 'OD ZER DKAR PO DRUG BYUNG BAS BZHI PHYOGS BZHIR 'PHROS, GNYIS STENG 'OG TU 'PHROS, DE NAS SLAR 'KHOR TE BYUNG NAS STENG GI 'OD BLA GAB KYI RNAM PA KHYIL LE BA KHANG BA KA BA BZHI TZAM RGYA KHEBS PA BTUD NAS BLTAS NA AOm GYI RNAM PAR GNAS PA ZHIG 'DUG GO ,DE BZHIN DU 'OG GI 'OD DE YANG DNGUL DKAR GYI ME LONG LTAR MTHO DMA' MED PAR BLA GAB DANG RGYA MNYAM PAR GNAS TE BTUD DE BLTAS NA H'Um GI RNAM PAR GNAS SO, ,DE BZHIN DU SHAR GYI 'OD DE YANG LHO BYANG DU NGOS PHUN SUM TSOGS PAR GNAS BA BTUD DE BLTAS NA MA'I RNAM PAR GNAS SO, ,DE BZHIN DU NUB KYI 'OD DE YANG LHO BYANG DU NGOS PHUN SUM TSOGS PAR GNAS PA BTUD DE BLTAS NA PAD KYI RNAM PAR GNAS SO, ,BYANG GI 'OD DE YANG DE BZHIN DU SHAR NUB TU NGOS PHUN

, ,SUM TSOGS PAR GNAS PA BTUD DE BLTAS NA ME'I RNAM PAR GNAS SO, ,LHO'I 'OD DE YANG DE BZHIN DU SHAR NUB TU NGOS PHUN SUM TSOGS BAR GNAS PA BTUD DE BLTAS NA nI'I RNAM PAR GNAS TE, MDOR NA 'OD DKAR PO'I GZHAL YAS KHANG GI RNAM PA PHUN SUM TSOGS PA DGA' BA BDE BA RNAM PAR RTOG PAS MA BCINGS PA DE LTA BU'I GZHAL YAS KHANG GI STENG 'OG DANG NGOS GANG NAS BYUNG CHA MED BAR THIG LE DKAR PO SRAN MA'I GA'U TZAM ZHIG BYUNG STE, DE LA SEMS BHUD DE BLTAS BAS DE 'GYUR BA SNYAM BYED PA NA DE'I GSEB SHENG NAS HR'I: DKAR PO BKRAG 'TSER BA ZHIG BYUNG, DE YANG 'OD KHA DOG RNAM PA LNGAS GTUM NAS 'OD KYI RNAM PAR HRIL HRIL YOD PA'I GSEB SHED NAS RES 'GA' AA'I RNAM PA, RES 'GA' ZLA BA'I RNAM PA 'DRA BA ZHIG BYUNG STE 'OD DE BTEG GO ,DE NAS CUNG ZHIG NAS 'OD DE'I GSEB NAS TSUR, AOm MA nI PADME H'Um, ZHES PA'I YIG 'BRU DRUG RANG SGRA DANG BCAS STENG 'OG PHYOGS BZHI DANG BCAS PAR 'OD ZER GYI RNAM PAR 'PHROS SHING SLAR YANG 'OD DE'I DKYIL DU THIM, DE NAS RE ZHIG NAS 'OD DE JE SRAB TU SONG NAS 'OD CUNG ZAD YOD PA'I GSAL PHANG LA BLTAS PAS, DA CI NAS GNAS NGA'I HR'I: DE LA YIG 'BRU DRUG POS G-YAS PHYOGS NAS BSKOR TE, DE DAG LA YANG DBUS KYI YIG 'BRU DE LAS YIG 'BRU DRUG PO DE DAG GI RNAM PA'I 'OD ZER 'PHROS, DRUG PO DE LAS KYANG YIG 'BRU RE RE LA'ANG YIG 'BRU DRUG DRUG GI

RNAM PA'I 'OD ZER PHYOGS BCUR 'PHROS TE MDOR NA 'OD ZER DRUG CU DRUG CU BYUNG, DER 'OD THAMS CAD DANG, SA PHYOGS THAMS CAD KYANG YI GE DRUG PA, AOm MA nI PADME H'Um ZHES PA'I SGRA 'UR 'UR BA'I SNANG BA BYUNG, DE NAS 'OD ZER DRUG CU DRUG CU PO DE DAG TSUR 'DUS TE LA LA STENG LA LA 'OG DANG NGOS BZHI LA THIM, LA LA DBUS KYI YIG 'BRU LA BSKOR BA'I YIG 'BRU DRUG LA THIM, LA LA DBUS KYI GTZO BO NYID LA THIM, DE NAS RE ZHIG NA HR'I: DE NYID BSHES GNYEN PAR 'GYUR BA SNYAM BYED PA 'AM, YIG 'BRU DRUG PO DE DAG GI GSEB NAS BYUNG BA SNYAM BYED PA'AM, 'OG GZHI ZLA BA'I DKYIL 'KHOR DE G-YO ZHING 'DUG PA'I GSENG NAS BYUNG BA SNYAM BYED PA 'AM, RES 'GA' STENG 'OG NGOS BZHI'I GSEB NAS BYUNG BA SNYAM BYED DE, MDOR NA DAG PA'I SNANG BA 'PHAGS PA'I RNAM 'PHRUL GSAL LA MI RTOG PA'I 'OD KYI RNAM PAR BYON TE, HR'I: DE 'GYUR BA LAS 'OD KYI GSEB NAS 'BROM RIN PO CHE BYON PA'I ZHAL NAS CHOS THAMS CAD 'DI LTA BU'I RNAM PAR GDA' GSUNG, DE NAS DBUS KYI YI GE LA BSKOR BA'I YIG 'BRU DRUG PO DE DBUS KYI YIG 'BRU LA THIM, DBUS KYI YIG 'BRU DE YANG THIG LE GCIG TU KHYIL, THIG LE DE YANG 'OD KYI RNAM PAR 'OD KYI GZHAL YAS KHANG LA THIM, 'OD KYI GZHAL YAS KHANG DE YANG ZLA BA'I DKYIL 'KHOR LA THIM, ZLA BA DE YANG AA 'OD KYI RNAM PA CAN ZHIG TU GYUR, DE 'BROM RIN PO CHE LA G-YAS PHYOGS NAS KHYIL LE BSKOR

, ,ZHING BYUNG BA, 'BROM RIN PO CHE'I ZHAL NAS AA GSUNGS PAS LJAGS KYI STENG KHAR TZEN TE SONG STE CHOS THAMS CAD SKYE BA MED PA'I SGO GSUNGS TE, 'BROM RIN PO CHE'I SKU RIL PO AA'I RNAM PAR LAM ME BYUNG, DER RNGOG LEGS PA'I SHES RAB LA SOGS PA RNAMS KYIS 'BROM RIN PO CHE LA NAM BLTAS BLTAS KYI TSE AA RE LAM LAM BYUNG NAS, CHOS THAMS CAD SKYE BA MED PA'I RNAM PA LAM PA RE BYUNG, DE NAS AA'I RNAM PA DE MI SNANG BAR 'BROM RIN PO CHE'I SKU 'BA' ZHIG TU SNANG NGO, ,DE'I TSE 'BROM RIN PO CHE'I ZHAL NAS, DE RING 'U CAG DPON SLOB KYI RNAM 'PHRUL DE KUN RTOG GE PA KUN 'GAL BAR BRTZI, 'O NA'ANG BRTZIR CHUG, CHOS KYI GNAS LUGS DE 'DRA ZHIG MIN RI ZHES RGYA BOD 'GRIMS NAS MNA' SKYAL YANG THON NO, ,ZHES GSUNGS SO, ,NGES PA DON DU DE LTAR YIN MOD, THA MAL PA'I SNANG NGOR YANG JO BO RJES 'BROM RIN PO CHE LA MDO SNGAGS KYI MAN NGAG YONGS SU RDZOGS PA GNANG NGO ZHES SKYE BO KUN GYIS GO BA'I CHED DU JO BO'I ZHAL NAS NGAS KHYOD LA 'DI MA BSHAD NGAM GSUNGS NAS CHOS RE RE LA LAN RE RE BSKYAR ZHING GSUNGS, DE LTAR THUGS LA 'DOGS PAS JO BO'I YON TAN THAMS CAD SNOD GCIG NAS SNOD GCIG TU BYO BLTA BU 'BROM RIN PO CHE YIN GSUNG, 'BROM RIN PO CHES JO BO'I CHOS MANG DU MKHYEN CING, KHYAD PAR SKYES BU GSUM GYI LAM GYI RIM PA LA RTZAL THON, YI DAM GYI LHA DPAG TU MED PA'I ZHAL GZIGS, KHYAD PAR BLA MA LA GSOL PA

THEBS PAS RA SGRENG DU BZHUGS DUS JO BO DNGOS SU BYON, SLAR YANG GSOL BA BTAB PAS BCOM LDAN 'DAS SH'AKYA THUB PA'I ZHAL MNGON SUM DU GZIGS SO, ,JO BO RJE ZHING GSHEGS SU NYE BA NA YANG 'BROM RIN PO CHE LA JO BO RANG NYID KYI 'BRAL SPANG AU RGYAN NAS 'ONGS PA'I RUS RGYAN DANG, 'OD MA'I TSAL GYI SHING LA BSIL BA'I TSAL GYI MI LBAGS KYI G-YOGS CAN GYI d'A MA RU DANG, RIGS LNGA'I DBU RGYAN DANG, RDO RJE DRIL BU DANG BCAS PA SMYUG DONG MTHO GANG PA GCIG TU SHONG BAR MDZAD DE PHYAG TU GTAD PA DANG, JO BO'I SLOB MA RNAMS KYIS JO BO RJE ZHING GSHEGS NA GDAN SA SUS 'DZIN RGYAL TSAB SUS BYED CES ZHUS PA NA JO BO RJES DA PHYIN CHAD THAMS CAD KYIS 'BROM LA BRTEN GSUNGS, DE LA DGE BSHES DGON BA BAS DE GANG YIN ZHES ZHUS PAS, KHO NGAS BYIN GYIS BRLABS PA YIN ZHES GSUNGS PA SOGS BKA' GDAMS GLEGS BAM NA JO BO RJES 'BROM RIN PO CHE BSTAN PA'I BDAG POR MNGA' GSOL BA DANG, BRGYUD PA GSUM LDAN GYI BLA MA THAMS CAD DANG RJE BTZUN MA SGROL MA SOGS LHAG PA'I LHA RNAMS DANG, SGROL MA BCU GNYIS SOGS MKHA' 'GRO CHOS SKYONG RNAMS KYIS KYANG 'BROM RIN PO CHE JO BO'I CHOS RGYUD 'DZIN PA'I BDAG POR MNGA' GSOL BA LTAR RO, ,DE NAS SHING PHO RTA'I LO DBYUG PA ZLA BA'I TSES BCO BRGYAD LA JO BO RJE SKU GSHEGS PA NA JO BO'I SLOB MA RNAMS 'DUS TE GSOL BA 'DEBS PA'I TSE 'BROM RIN PO CHES LDE MIG RNAMS DGE BSHES KA BA'I PHYAG TU PHUL, KABS KYANG 'BROM RIN PO CHE

, ,JI LTAR BZHED PA BZHIN DU MDZAD DE, JO BO'I GDUNG DANG RGYA DPE, GSER GLING PA'I DNGUL GDUGS CAN LA SOGS PA RTEN GTZIGS CHE SHOS RNAMS 'BROM RIN PO CHE LA GTAD, BU CHEN GZHAN RNAMS LA'ANG RTEN SKAL RE MDZAD, DE NAS LUG GI LO LA JO BO'I 'DAS MCHOD CHEN MO MDZAD, DE'I TSE DGE BSHES KA BAS TSOGS SU GTAM BTANG BA GZHAN RNAMS CI TZUG BYED KYANG NGA PHA RBA RAG GI BU TSO RNAMS KYIS 'BUL BA 'DIR ZHOG CIG, JO BO'I GDAN SAR LHA KHANG BRE TZAM ZHIG BZHENG DGOS BYAS PAS THAMS CAD KYIS 'BUL BA MA KHYER BAR BZHAG STE 'OR GYI GTZUG LAG KHANG BZHENGS, DE'I DUS SU 'BROM RIN PO CHE'I ZHAL NAS, DA JO BO'I GDUNG 'DI RNAMS DGE BSNYEN DANG DGE TSUL LA YANG MI BSKUR, KHANG NAG DU BA CAN DU YANG MI BZHUGS GSUNGS NAS DGE SLONG TSUL KHRIMS RNAM PAR DAG PA GNYIS SPYAN 'DREN DU BCUG STE, STOD LUNG ZHONG PA'I NA LA SBRA DKAR NAG GNYIS PHUB NAS DKAR PO'I NANG DU GDUNG BZHUGS TE MCHOD PA MDZAD, NAG PO'I NANG DU G-YOS MDZAD, DER DGUNG GCIG BZHUGS, SA RA LHAB KYI NA LA DGUNG GCIG ,YAL SA SBUB KYI NA LA DGUNG GCIG ,LAM PA GSER PHUG GI NA LA DGUNG GCIG ,DE NAS GNAM GYI BYE MA LUNG DU BYON, DE NAS 'PHRANG KHA BER CHUNG GIS ZHU BA BSKYAR NAS 'BUL DU BTANG BYUNG BAS 'BROM RIN PO CHE'I ZHAL NAS, 'U CAG RNAMS LA SPYAN 'DREN MKHAN GDA' NA 'GRO'AM MI 'GRO GSUNGS PAS, DGON BA BA'I ZHAL NAS KHONG GI

MI SKYIN LA 'GRO MI DGOS SAM GSUNG, DER KHONG YUS CHE BAS 'BROM RIN PO CHES ZHAL GYIS BZHES NAS SNGON LA YI DAM DNGUL GDUGS CAN BSKUR, DE'I RJES LAR SGRENG DU BYON TE, ME PHO SPRE'U'I LO GSAR MTSAMS LA PHYAGS PHEBS NAS RA SGRENG GI DGON PA GZIGS PAS, RGYAB NA BRAG RDO RJE 'DRA BA 'DUG ,MDUN NA MTSO G-YUNG DRUNG 'KHYIL BA 'DRA BA 'DUG ,G-YON GYI RI RGYAL SRID RIN PO CHE SNA BDUN 'DRA BA 'DUG ,PHA BONG THANG 'KHOR LO RTZIBS BRGYAD 'DRA BA 'DUG , SHUG PA RA TZAM LUG TZAM PA LA GSER LO G-YU LO GNYIS LA KA BA PHER BA 'DUG ,CHU MIG BRGYA RTZA BRGYAD 'DUG ,BYA RNAM PA SNA TSOGS KU DI RE BA 'DUG ,MI MA YIN RJES PO CHE BYA BA DKAR PHYOGS LA DGA' BA DANG, SDONG PO KUS 'DEBS BYA BA NAG PO LA DGA' BA GCIG DANG GNYIS 'DUG ,DGON PA LA THUGS MNYES NAS DE'I NUB MO SENG GE'I BRAG PHUG TU BZHUGS TE RMI LAM BRTAGS PAS, DBU RTZE RNYING MA'I SHUL NA GSER GYI MCHOD RTEN GCIG 'DUG PA LAS 'OD ZER 'PHROS PAS, DE'I SNA LA DBU RTZE GAn JI RA MANG PO BYUNG NAS BOD KYI YUL THAMS CAD KHYAB PAR BYAS TSUR 'DUS PAS RA SGRENG GI SHUG PA'I GSEB THAMS CAD DU DBU RTZE GAn JI RA BTZUGS PAS GANG BA DA LTA YOD PA BZHIN RMIS, GZHAN YANG PHA BONG? THANG GI RDO RIN PO CHE'I PHUNG POR SONG BA 'ANG RTZE 'PHYING DKAR MAR GYI PHUNG POR SONG BA RMIS, NANG PAR SUM PA MTHU CHEN DANG, RNAL 'BYOR PA CHEN PO DANG, DGON PA BA GSUM BYON NAS RTAGS

, ,BZANG NGAM ZHUS PAS, BZANG BAR GDA' GSUNG, DE NAS DGON PA 'DEBS PAR THUGS THAG BCAD NAS SA 'DUL LA BRGYAD STONG 'GREL CHEN GSUNGS, SA CHOG PAndI TA SHR'I STHA RA LA ZHUS BSAM GNANG, DGON PA BA LA ZHUS PAS KYANG MA GNANG BA LA, DA GSANG PHU BA LA ZHU SNYAM BA LA RNAL 'BYOR PA'I ZHAL NAS, STON PA LA MI KUN JO BO'I YON TAN KHYED LA YOD PAR BYED KHYED 'DI 'DRA BA ZER BAS, 'BROM GYI ZHAL NAS, NGAS SHES PA YIN TE GCIG TU RTEN DMAN, GNYIS SU KHYED GONG MA RNAMS KYIS KHREL GYI DOGS, GSUM DU MI MA YIN LA 'TSER BAS LAN, DA 'DI BZHIN DU BYED PA YIN GSUNGS NAS SNGON LA JO BO'I SKU 'BAG DANG 'JAM DPAL RDO RJE GNYIS SPYAN DRANGS, GSOL BA BTAB NAS CHU MIG BSUBS, SKYER PHUNG RTZA BA NAS BTON PA LA SBRUL MYOG CHER BYUNG BAS JI SNYAM DU YANG MA BSAMS, DE NAS KHRI BRTZIGS, THIG BTAB SBRA PHUB NAS 'DIR JO BO'I GDUNG BZHUGS PAS KHYED RNAMS KYIS KYANG MCHIL SNABS LA SOGS PA MA 'DOR ZHIG GSUNG NGO, ,DE'I DUS SU RNAL 'BYOR PA PHYAG KHRI MCHOG GIS BAL YUL DU DNGUL 'DON DU PHYIN NAS PHYIR PHEBS PA RGYA GAR GYI LHA BZO MKHAS PA AA TZA RA MA NU BYA BA LA JO BO'I GDUNG KHANG DU DNGUL GYI MCHOD RTEN NANG DKYIL 'KHOR GYI LHA TSOGS, PHYI MCHOD RTEN GYI RNAM PAR BZHENGS SU GSOL, NANG RDZONGS KYI GZUNGS RNAMS DNGUL GYI LJANG PA LA YI GE BRKOS MA BRIS NAS

BZHUGS, RI RAB NI THEG PA CHEN PO PHA ROL TU PHYIN PA'I LUGS SU BGYIS TE MDUN DU ZHAL GZIGS PA THUB BA GCO 'KHOR GSUM, NUB TU ZHAL GZIGS PA DAM TSIG GSUM BKOD PA GTZO 'KHOR GSUM, BYANG DU ZHAL GZIGS PA BYAMS PA MNGON PAR BYANG CHUB PA GTZO 'KHOR GSUM, SHAR DU ZHAL GZIGS PA SMAN BLA GTZO 'KHOR GSUM, BUM PA NI THEG PA CHEN PO GSANG SNGAGS KYI LUGS SU BGYIS TE, DPAL GSANG BA 'DUS PA LHA BCU DGU PHYI NANG DU 'BUR DU DOD PA LA PHYOGS BZHIN YAB BZHI, MTSAMS BZHIN YUM BZHI, GTZO BO 'JAM DPAL RDO RJE BRE'I MGUL NA BZHUGS, LHA MO DRUG NANG DU 'BUR DOD DU BZHUGS, KHRO BO BZHI NAS TZAM RE ZUR GYI MCHOD RTEN GYI NANG NA BZHUGS PA GCIG BZHENGS SU GSOL TE, 'BROM RIN PO CHES RNAL 'BYOR BA RNAMS DANG BKA' BGROS MDZAD NAS BYA LO LA GDUNG KHANG DANG GTZUG LAG KHANG KHYUNG MGO CAN GYI RNGA KHANG YAN CHOD TSAR BAR MDZAD NAS DA 'DI MEN CHAD LA BYED PA PO ZHIG 'ONG GI GSUNG STE, 'DZIN RDO YON TAN 'BAR BYA BA LA BOD PA MDZAD NAS KHYOD 'JIG RTEN GYI SHES CHE BA YIN PAS SHES GYIS DANG KHO BOS 'JIG RTEN GYI RNAM PAR RTOG PA SPONG BLO ZHIG BGYI GSUNGS NAS KHYUNG MGO CAN LA BSKOR BA MDZAD DE SHANGS SNABS KYIS KYANG LKOG MA NA MAR SLEB PAR BYAS NAS, 'JIG RTEN MKHYEN PA RNYED DANG MA RNYED DANG, ,ZHES BYA BA'I TSIGS BCAD DE 'DON ZHING CHOS BRGYAD PO DE LA BTANG SNYOMS SU MDZAD CING BZHUGS PA LAGS,

, ,DE LTAR 'BROM STON PA RGYAL BA'I 'BYUNG GNAS THUGS ZAB LA DKYEL CHE BA MKHYEN PA'I TSAD RGYA MTSO CHEN PO DANG MTSUNGS PA DES RA SGRENG DU JO BO'I SROL BZANG GIS BTZUGS NAS YOD PA'I DUS SU, THUGS KYI SRAS SKU MCHED GSUM RIM PAR BYON PA YIN TE, PHU CHUNG BAS NI SNYE THANG NYID NAS PHYAGS PHYI MDZAD, SPYAN SNGAS ME MO BYA'I LO LA RA SGRENG DU BYON, BO TO BAS DE'I PHYI LO LA RA SGRENG DU BYON, DE LTAR ZHABS DRUNG DU BSNYEN PA'I SLOB MA RNAMS 'JIG RTEN LA ZHEN PA BZLOG TU BCUG NAS CHOS KHO NA SEMS SU BCUG PA LA 'BROM RIN PO CHE'I DUS NA DGE 'DUN LNGA BCU TZAM LAS MED DE, DE RNAMS KYI DBANG DU BYAS NA, TING NGE 'DZIN BZANG PO THUGS RGYUD LA 'KHRUNGS SHING TSUL KHRIMS RNAM PAR DAG BA, YI DAM GYI LHA'I ZHAL GZIGS PA, MNGON PAR SHES PA RGYA CHEN PO DANG LDAN PA, CHOS RNAMS KYI RANG DANG SPYI'I MTSAN NYID RIG PA'I SHES RAB PHUN SUM TSOGS PA MNGA' BA, NUB PHYOGS AYON DANG 'DRA BA GRUB THOB DU SPUNG DE BA GCIG BYON TE, MTSOL PADMAS BRGYAN PA 'DRA BA'I 'KHOR SKAD PA DE DGE BSHES STON PA'I 'KHOR DE KUN LA ZER BA YIN, DE BAS NA MANG KHA NA MED GRUNG GTZO BA YIN GSUNG, DGE BSHES PO TO BAS KYANG, NGA'I DON GYI MKHAN PO DE RA SGRENG GI DGE BSNYEN RGAN PO DER SNANG GSUNGS NAS, 'BROM RIN PO CHE'I GDAMS PA THUGS NYAMS SU BZHES PAS NGES 'BYUNG GI BSAM PA MA BCOS PA THUGS LA 'KHRUNGS PA NA SNGAR GYI SO SO THAR

PA'I SDOM PA NGES 'BYUNG GI SDOM PAR SONG GSUNG BA LAGS, DE LA SPYIR JO BO BOD DU PHEBS NAS BDAG GNYER 'BROM RIN PO CHES MDZAD, JO BO RJE NYID KYANG 'BROM RIN PO CHE KHO NA LA THUGS GTOD PAR MDZAD, BSAM YAS SU BZHUGS PA'I TSE JO BO RJES 'BROM RIN PO CHE LA GSANG SNGAGS KYI SPYOD PA'I THABS MANG PO DANG, MCHIMS PHUR DO HA LA SOGS PA'I GDAMS PA ZAB MO RNAMS GNANG ZHING NANG DU THUGS NYAMS SU BZHES PAR MDZAD KYANG GSANG SNGAGS SGRA JI BZHIN PAR SPYOD PA'I RTZING SPYOD RNAMS JO BO'I DRIN LAS MED PA CIG BYUNG NA DGONGS PAS GSANG SNGAGS ZAB MO RNAMS GSAN PA SKAD DU YE MI MDZAD PAR THEG PA CHEN PO'I BLA MA BYA BA BSHAD PA NA 'BYAMS KLAS PAR GO BA BSKYED LA, LAG TU LEN PA NA BSTAN PA'I THA MA LA GANG PHAN DANG, THAD KAR DON DU GANG 'GYUR STON PA CIG DGOS GSUNG ZHING 'BROM RIN PO CHE NYID KYANG DE LTAR DU 'DOMS PAR MDZAD, 'BROM RIN PO CHES ZHANG CHOS KYI RGYAL PO, JO BO LEGS, YONGS RDZOGS RNAL 'BYOR PA, SPYAN SNGA DANG BZHI MIN PA LA SNGAGS KYI DBANG BSKUR MA GNANG BA YIN GSUNG, PO TO BAS 'BROM RIN PO CHE'I SPYAN SNGAR LO NGO BDUN BZHUGS PA LA BUM PA 'CHA' BA LAN CIG LAS MA GZIGS GSUNG, SNGON RNAL 'BYOR PA CHEN POS 'BROM RIN PO CHE LA BSRUNG SDOM RNAM PAR DAG PA'I STANGS PHUL, TING NGE 'DZIN PHUN SUM TSOGS PA'I RTOGS PA PHUL BAS, 'BROM RIN PO CHE'I ZHAL NAS, KHYOD BSRUNG SDOM RNAM PAR DAG STE BSDAM PAR BYA

, ,BA'I NYES BYAS PHRA MOS KYANG MA GOS, TING NGE 'DZIN BZANG STE RNA RTZAR RNGA BO CHE BRDUNGS KYANG MI CHOR BA YOD KYANG DE BAS NGA'I BYAMS PHA SNYING RJE BYANG CHUB KYI SEMS MED NA NYIN MTSAN DU BSHAGS PA BYA DGOS PA'I SAR SKYES DOGS YOD DO GSUNG NGO, ,YANG LAN CIG MU GE ZHIG BYUNG BA'I DUS SU 'BROM ZA LO MTSO MA BYA BA ZHIG GIS NAS MI KHUR LNGA BCU PHUL NAS DE'I MING PO 'BROM TSIG BA DA RE BYA BAS GTAM BTANG BA, JO BO LHA CIG 'DZAM BU GLING GI RGYAN DAM PA YIN, DE'I MAN NGAG BUM PA GANG BYO'I TSUL DU MNGA' BA DGE BA'I BSHES GNYEN STON PA KHYED YIN, PHYOGS PHYOGS NAS BYON BA'I GRA PA KUN YANG MAN NGAG 'DOD PA YIN PAS DE RING JO BO'I MAN NGAG GSUNG BAR ZHU ZHUS PAS, 'BROM RIN PO CHE'I ZHAL NAS BYA BYA GSUNGS NAS 'CHI BA MI RTAG PA DANG LAS DANG 'BRAS BU MANG DU BSAMS LA, KHAS BLANGS PA'I SNGOM BA DAG PAR BYA, BYAMS PA DANG SNYING RJE MANG DU SGOMS LA BYANG CHUB KYI SEMS BRTAN PAR BYA; DES 'PHAGS NAS TSOGS SGO SNA TSOGS NAS GSOG CING SDIG BA SGO SNA TSOGS NAS SBYONG BA DE BLA MA'I MAN NGAG YIN BAS, SANG TZA NA JO BO RJE LHA CIG DANG MA PHRAD SNYAM NA'ANG DE LAS MED DO, ,'BROM DGE BSNYEN RGAN PO DE DANG MA PHRAD SNYAM NA'ANG DE LAS MED GSUNG, YANG 'BROM RIN PO CHE'I ZHAL NAS, NGA'I LAM GYI RIM BA 'DI LA SU YID CHES, KHAMS MA GI NA STONG ZOM YON TAN SNYING PO BYA BA ZHIG YOD DE, DE LA BZLAS NA YID CHES SAM GSUNG, 'BROM

RIN PO CHES DGON PA BA LA NYIN GCIG THUGS DAM SKYEL DU BYON TZA NA MAndAL RDUL CHING NGE 'DUG PA LA, SGOM PA DBANG PHYUG RGYAL MTSAN, MCHOD PA MI BRJE BA TZUG YIN GSUNGS PAS, BAG RE NANG DU BSAM 'TSAL BAR GDA' BAS ZHUS BAS, KHYOD GCIG PU LA SGOM YOD SNYAM MAM, KHYOD BAS AA TI SHA SGOM BZANG STE'ANG MCHOD PA 'DI DANG 'DI RNAMS MDZAD PA YIN, NGA LA YID MA CHES NA MDO SDE LTOS GSUNG, YANG 'BROM RIN PO CHE SKU KHAMS CUNG MA BDE BA ZHIG GI DUS SU RNAL 'BYOR PA CHEN POS RTZIG PA LA THAG THOGS MED PAR BYON TE BSNYUN DRIS PAS, JO BO PA, KHYOD GANG NGO TSA BA'I YAN LAG DES DREGS SAM, SEMS CAN BZHAG NAS GAR CHA, DE NI NYIN MTSAN DU BSHAGS PA BYA DGOS PA'I SAR SKYE BA YIN GSUNG NAS BKA' BKYON, YANG DGON PA GONG NA 'BROM RIN PO CHE DANG, RNAL 'BYOR PA RNAM PA DANG, SKU MCHED GSUM RNAMS 'TSOGS NAS KU RE BZHAD GAD TZIG SE MDZAD TZA NA, NYE GNAS NA RE KU RE NI KU RE STE'U CAG RNAMS DE RING CI ZA ZER BA LA, DGON PA BA'I ZHAL NAS, AA PO NI SPUS SNA GDONG NA YAR BYUNG BA 'O NI KUN ZA BA YIN GSUNG, DAR CIG LON TZA NA YON BDAG GCIG GIS PHYE DANG MAR THUD 'KHUR BA ZHO LA SOGS PA RTA RGYAB GCIG BKAL NAS BYUNG BAS BSNYEN BKUR BZANG PO BYAS, DER 'BROM RIN PO CHES BSNGO BA YON BSHAD MDZAD NAS YON BDAG DE SONG BA'I SHUL DU BKA' PHAB MDZAD DE, SGOM CHEN BA KUN KYANG YON TAN BAG RES SBOS NAS PHYIN CHAD DE 'DRA BA GSUNG RGYU MA LAGS GSUNG

, ,NAS BKYON BAR MDZAD, 'BROM RIN PO CHE BRGYAD STONG 'GREL CHEN GSUNG BA'I DUS SU, MKHYEN GSUM THON NAS RNAM KUN LA MA ZUG BA'I SKABS SU SKU KHAMS LTEM PA CIG BYUNG NAS 'GREL PA GSUNG MA SPYOD PAR 'DI MAN CHOD KYI DOD PO GCIG BYA GSUNGS NAS, PHA ROL TU PHYIN PA DRUG GSUM BCO BRGYAD DU PHYE BA'I NYAMS SU BLANG BDE BA CIG GSUNGS PAS, SPYAN SNGA'I ZHAL NAS, GSUNG MA SPYOD PA RANG GIS 'TSENGS BSAM PA CIG BYUNG GSUNG, DE LTAR NA 'BROM RIN PO CHE DES G-YUNG CHOS MGON LO BZHIR BSTEN, RGYAL GYI ZHAD LA DGE BSNYEN GYI SDOM PA MNOS NAS KHAMS SU JO BO SE BTZUN GYI ZHABS DRUNG DU LO NYI SHU, DE NAS JO BO DANG MJAL NAS JO BO ZHING MA GSHEGS KYI BAR DU MI 'BRAL BAR ZHABS TOG MDZAD, JO BO'I YON TAN MA LUS PA THUGS SU CHUD PAR MDZAD NAS RA SGRENG DU LO DGUR BSTAN PA'I MNGA' BDAG MDZAD DE, SPYIR SANGS RGYAS KYI BSTAN PA RIN PO CHE YANG SGOS SU BKA' GDAMS KYI BSTAN PA RIN PO CHE NYI MA SHAR BA LTA BUR MDZAD, PHYI RABS KYI GDUL BYA RNAMS KYI DON DU JO BO RJE DANG 'BROM RIN PO CHE RANG NYID KYI THABS MKHAS KYI SPRUL PA 'BYON TSUL GSANG BA ZAB MO'I GNAS RNAMS KYANG STON PAR MDZAD DE, RJE BTZUN 'JAM PA'I DBYANGS KYI SPRUL PA RDOG LEGS PA'I SHES RAB KYI GSOL BA SHUGS DRAG TU BTAB, JO BO RJES KYANG GSUNG BAR BSKUL NAS 'BROM RIN PO CHES PHYOGS BCU'I SANGS RGYAS THAMS CAD KYIS 'PHAGS PA SPYAN RAS GZIGS

KYI THUGS RJE BSKUL NAS BOD KHA BA CAN GYI MGON POR BYON BA'I LO RGYUS RNAM THAR ZHIB TU GSUNGS SHING, MA 'ONGS PA NA'ANG JO BO RJE DANG 'BROM RIN PO CHE GNYIS KYI SPRUL BA RGYUN MI 'CHAD PA BYON NAS RGYAL BSTAN 'DZIN CING SPEL BA DANG, DE DANG DE'I TSE DGON GNAS JI LTA BU 'BYUNG BA DANG, MTSAN JI LTA BU 'BYUNG DANG, MDZAD BA JI LTA BU MDZAD RNAMS LUNG BSTAN PA'I GLEGS BAM MDZAD, BKA' GDAMS BSTAN PA'I CHU 'GO BTZUGS, BKA' GDAMS KYI BSTAN PA'I SNYING PO'I YANG SNYING PO THIG LE BCU DRUG GI GDAMS NGAG CHA LAG DANG BCAS PA THOR BU THOR BUR BSTAN BA DANG, KHYAD BAR RGYAL BA'I BKA' DANG DGONGS 'GREL MA LUS GANG ZAG GCIG GI NYAMS LEN GYI RIM BAR HRIL GYIS DRIL BA SKYES BU GSUM GYI LAM GYI RIM PA RGYUD LA SBYOR TSUL SHIN TU GSAL ZHING GO BDE BA, BLO MTHO DMA' SUS BLTAS KYANG RGYUD 'KHUL BA RANG RGYUD LA BSKUL 'DEBS DAD PA'I LJON SHING SOGS GDAMS NGAG GI YIG 'JOG KYANG MANG DU MDZAD NAS MYA NGAN LAS 'DA' KHAR PO TO BA'I PANG DU DBU BZHAG NAS YOD PA'I TSE PO TO BA'I THUGS LA 'JIGS SAR SKYEL MAS BOR BA 'DRA BA ZHIG 'ONG BAR 'DUG NA DA SU LA BRTEN SNYAM ZHING SPYAN CHAB 'BROM RIN PO CHE'I NA BZA'I GONG TZA NA MAR NYIL GYIS BYUNG BAS 'BROM RIN PO CHES MKHYEN NAS, ZHAL 'CHEMS LA DA PHAN 'CHAD DGE BA'I BSHES GNYEN 'DI KHO NA LA BRTEN DGOS BYA BA YE MED KYI, MDO SDE LTOS, DGE BA'I BSHES GNYEN MDO SDE LA GYIS ,

, ,GROGS PO MIG ZUR LA LCI BA DANG 'GROGS, KHA MNYAM LAG MNYAM DES KYANG MI 'ONG BAR SNANG, GNYIS DANG GSUM YANG NYUNG, GCIG PUR YE MA 'DUG ,BZHI LNGA MAN CHOD TZAM RAN, DE LAS MANG DU YANG MI RUNG, SEMS BZANG POR GYIS DANG, KHYAD PAR CAN DANG PHRAD DE 'ONG GI GSUNGS NAS, MDUN NA JO BO LEGS YOD PAS, SEMS BZANG PO BYANG CHUB KYI SEMS LA ZER BA MA LAGS SAM ZHUS PAS, YIN MOD GSUNGS NAS SKU DNGOS KYI GDUL BYA RNAMS RDZOGS PA NA SHING PHO 'BRUG GI LO SNON GYI ZLA BA'I TSES NYI SHU LA RA SGRENG DU SKU'I BKOD PA BSDUS TE DGA' LDAN CHOS KYI PHO BRANG DU RGYAL BA MA PHAM PA DANG NAM MKHA' DRI MA MED PA 'KHOR BCAS KYI ZHABS DRUNG DU PHEBS SHING, GZHAN YANG NAM MKHAS GAR KHYAB TU SPRUL PA'I BKOD PAS KHYAB STE, GDUL BYA GANG DANG GANG NA YOD PA DER RANG RANG GI KHAMS DANG BSAM PA DANG MTHUN PAR SKU'I BKOD PA BSTAN NAS 'GRO BA'I DON MDZAD CING BZHUGS SO, ,'BROM RIN PO CHE 'DI LA LHA DANG MI'I SLOB MA BSAM GYIS MI KHYAB PA YOD CING, BSTAN PA YONGS RDZOGS 'DZIN PA'I SLOB MA'ANG CHES MANG BAR YOD LA, YONGS SU GRAGS PA'I SLOB MA'I GTZO BO NI DGE BSHES KHAmS PA LUNG PA CHEN PO DANG, RNAL 'BYOR RNAM PA BZHI DANG BKA' GDAMS SKU MCHED GSUM STE, KHAMS PA LUNG PA CHEN PO NI, 'PHAN YUL YUNG BAR SHING MO GLANG LA 'KHRUNGS, RUS SGANG, RTEN DGE BSNYEN YIN MTSAN SH'AKYA YON TAN, GZHON PA'I DUS SDE SNOD LA YANG

SBYANGS PA MDZAD DE, NYID KYI ZHAL NAS, NGAS LHA SA SNYE THANG DU BA MA YIN PA DANG RTA MA YIN PA LA MI TSE BSKYAL ZHES GRAGS, SNYE THANG DU JO BO NYID DANG MJAL ZHING PHYIS RVA SGRENG DU DGE BSHES STON PA YUN RING DU BSTEN CING SKU MCHED GSUM MAM BZHI ZHES GRAGS, PO TO BA'I ZHAL NAS, YUNG BA'I DGE BSHES SGANG SH'AKYA YON TAN GYIS CHOS BDEN PAR BZUNG NAS SKYABS SU MCHI BYAS PAS, DA LTA YUNG BA LUNG PA NA KHONG LAS BDE SKYID CHE BA MED GSUNG, DE LTAR DGE BSHES KHAMS LUNG PAS DGUNG LO DGU BCU'I BAR SGRUB PA'I RGYAL MTSAN BTZUGS SHING SEMS CAN GYI DON MDZAD NAS SHING MO LUG DGU BCU RTZA GCIG PA RTA'I ZLA BA'I TSE BCU BZHI LA KHAMS LUNG DU SKU GSHEGS, CHOS LA THUN BRGYAD MAR MING THOGS TSOGS PA STONG PHRAG RE TZAM 'TSOGS, BYANG CHUB KYI THUGS 'BYONGS PAS ZHAL MTHONG BA THAMS CAD DAD PAR GYUR, PHYOGS MTHA' DAG NAS MJAL MI BYUNG BA NA, KHYED CAG GI YUL NA MI RGAN MED DAM GSUNG BA LA, MI RGAN TA YOD DE KHYED DU LTA BU MED CES ZHUS MDOR NA MTHONG THOS DRAN REG DON LDAN DU 'GYUR NGES PA'I SKYES BU CHEN POR GRAGS SO, ,SKU MCHED GSUM GYI RNAM PAR THAR PA NI PHYI NAS 'CHAD PAR 'GYUR LA, RNAL 'BYOR PA RNAM PA BZHI NI, RNAL 'BYOR PA CHEN PO BYANG CHUB RIN CHEN, RNAL 'BYOR DGON PA BA CHEN PO DBANG PHYUG RGYAL MTSAN, RNAL 'BYOR PA SHES RAB RDO RJE, RNAL 'BYOR PHYAG DANG STON PA BZHI STE DE DAG GI RNAM THAR NI SNGAR JO BO'I RNAM THAR GYI SKABS SU BSHAD PA LTAR RO, ,GZHAN MA DGE PA SHES KA BA CHEN PO, GSANG

, ,PHU BA LEGS BA'I SHES RAB, YER PA'I DGE BSHES JO BO LEGS SOGS SEMS DPA' CHEN PO NGO MTSAR BSAM GYIS MI KHYAB PA'I RNAM THAR DANG LDAN PA MANG DU YOD MOD KYI YI GE'I KHUR GYIS 'JIGS PAS 'DIR MTHA' DAG MA SPROS SO, ,DES NA BYANG CHUB LAM RIM LA BLO SPYONG BAR 'DOD PA RNAMS KYIS THUGS RJE CHEN PO RGYAL BA 'BROM GYI RNAM THAR RNAMS DRAN PAR BYAS LA SKU'I RNAM PA YID YUL DU BYAS TE YANG DANG YANG DU GSOL BA GDAB PA DANG, LHAG PAR TSE 'DI BLOS GTONG BA DANG MKHA' KHYAB KYI SEMS CAN LA BYAMS SNYING RJE SBYONG BA SOGS 'BROM RIN PO CHE'I GSUNG RNAMS DRAN PAR BYAS LA NYIN RE BZHIN BYANG CHUB LAM GYI RIM PA LA BAG CHAGS CI THEBS BYA'O,, ` ,,JO BO RJES BYANG CHUB LAM GYI RIM PA'I MAN NGAG GSAN BRGYUD LA RGYA CHEN SPYOD RGYUD DANG, ZAB MO LTA RGYUD GNYIS BYUNG ZHING, JO BO RJES 'BROM RIN PO CHE LA RGYA CHEN SPYOD RGYUD DANG, ZAB MO LTA RGYUD KYI MAN NGAG GNYIS GCIG TU BSRES NAS BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I LUS GCIG TU DRIL NAS GNANG BAS DE PHYIN LA RGYUD PA GNYIS SO SOR MED KYI JO BO YAB SRAS LA SLOB MA BSAM GYIS MI KHYAB PA BYUNG BAS BRGYUD TSUL MTHA' YAS PA YOD MOD KYANG GTZO BO YONGS SU GRAGS PA NI JO BO YAB SRAS NAS DGE BSHES DGON PA BA, DE NAS SNE'U ZUR PA SOGS LA RIM GYIS BRGYUD PA DANG, 'BROM RIN PO CHE NAS DGE BSHES SPYAN SNGA BA, DE NAS BYA YUL BA SOGS LA BRGYUD

PA DANG, 'BROM RIN PO CHE NAS DGE BSHES PO TO BA, DE NAS SHA RAB SOGS LA BRGYUD PA GSUM BYUNG NGO, ,DGE BSHES SPYAN SNGA BA NAS BRGYUD PA LA BKA' GDAMS GDAMS NGAG PA DANG, DGE BSHES PO TO BA NAS BRGYUD PA LA BKA' GDAMS GZHUNG PA ZHES THA SNYAD MDZAD DO, ,DE LA, RNAL 'BYOR DBANG PHYUG DPAL LDAN DGON PA BA, ,ZHES BSNGAGS PA, DGE BSHES DGON PA BA NI, MDO KHAMS SGANG DU SNGAGS PA CIG GI SRAS SU ME PHO 'BRUG LA 'KHRUNGS, GDUNG RUS 'DZENG YIN PAS PHYIS DGON PA BA RA SGRENG NA BZHUGS PA'I TSE 'DZENG SGOM ZHES BRJOD PA YANG RUS MING NAS BRJOD PA YIN NO, ,DE NI SKU GZHON NU NAS RAB TU BYUNG, MTSAN DBANG PHYUG RGYAL MTSAN ZHES BTAGS, NAM ZHIG NA DUS KYI CHOS NYID KYIS YAB YUM GNYIS KA GRONGS NAS YAB LA DPE CHA MANG PO YOD PA GROGS PO ZHIG DANG GROS BYAS TE, RI KHROD DPEN PA CIG TU LTA RTOG BYED CING DGE SBYOR BYED PA'I GROS BYAS, PO TI MANG PO'I KHRES PO ZHIG BCOS, BRGYAGS PHYE TSUN BSDOGS NAS 'GRO BAR CHAS YOD PA'I DUS SU, DBUS NAS YONGS PA'I CHONG PA TSAN CIG DANG PHRANG PAS MNGA' RIS STONG DU PAndI TA CHEN PO ZHIG BYON LO BYA BA GSAN PAS SNGON GYI BAG CHAGS SAD DE PAndI TA CHEN PO DE DANG MJAL NAS CHOS PHU THAG CHOD PA ZHIG ZHUS TE TSE THUNG 'DI LA RKYEN GANG GI'ANG DBANG DU MA SONG BAR SGYUB PA MTHAR PHYIN PA ZHIG BYED SNYAM PA'I 'DUN PA SHUGS DRAG PO BYUNG NAS RANG YUL NYE DU NOR LONGS SPYOD GANG LA'ANG MA CHAGS PAR DPE CHA DANG BRGYAGS PHYE GROGS PO LA BZHAG ,DBUS SU 'GRO BA'I TSONG BA TSAN

, ,CIG BYUNG BAS, BRGYAGS MED PAR DE DAG DANG LHAN DU 'GRON PO RNAMS LA SLONG GIN BYON TE GTZANG GI NYAN TSOR JO BO DANG MJAL CHOS ZHUS PAS, NGA'I BLA MCHOD BYED NA CHOS BSHAD GSUNG, KHO BOS BLA MCHOD RNGO MI THOG ,CHOS SHIG THUGS LA 'DOGS PAR ZHU BYAS PAS, BLA MCHOD MI BYED NA NGA YANG CHOS MI BSHAD GSUNGS PAS, DER BLA MCHOD DU KHAS BLANGS NAS BZHUGS, JO BO RJES 'BROM RIN PO CHE LA LKOG TU GSUNGS PA RNAMS MA GTOGS CHOS GANG GSUNGS THAMS CAD ZHUS, LHAG PAR KHONG RANG LA CHED DU SKYES BU GSUM GYI LAM GYI RIM PA'I KHRID RDZOGS PAR GNANG NAS BSGOMS PAS MYONG BA PHUL DU PHYIN PA THON, SNGAGS KYI GDAMS PA'ANG MANG DU ZHUS SHING KHYAD PAR JO BO MI G-YO PA'I SGRUB YIG CHEN MO DMIGS PA SKOR GSUM DANG BCAS PA LO TZ'A BAS KYANG BAR DU MA BCAD PAR TSANG BAR MDZAD CES SNGON GYI CHOS 'BYUNG 'GA' ZHIG LAS 'BYUNG STE, JO BOS BOD SKAD DU GSUNGS PA'AM, KHONG RANG GIS RGYA SKAD LOBS TE LO TZ'A BA LA MI BLTOS PAR JO BO LAS DNGOS SU GSAN PA GANG RIS SU MNGON NO, ,JO BO RJES SKAL LDAN GYI GDUL BYA KHYAD PAR CAN DU GZIGS NAS CHOS DANG ZANG ZING GNYIS KAS BSKYANGS TE BLA MCHOD MDZAD CING LAM YONGS RDZOGS RGYUD LA SKYE BAR BYIN GYIS BRLABS, KHONG RANG GIS KYANG JO BO RJES GNANG BA'I MAN NGAG THAMS CAD LA SGRUB PA RTZE GCIG TU MDZAD PAS LAM RGYUD LA SKYE BA'I RGYU TSOGS THAMS CAD CHENG STE,

LAM GYI RTZA BA BSHES GNYEN BSTEN TSUL LA THUG PAS JO BO RJE LA SANGS RGYAS DNGOS KYI 'DU SHES BCOS MA MIN PA SKYES, SKYES BU CHUNG NGU'I LAM LA SBYANGS TE TSE 'DI LA CHAGS PA'I BSAM PA GTAN NAS LOG STE PHYI MA'I DON 'BA' ZHIG SGRUB PA'I BSAM PA DANG, LAS 'BRAS LA GTING NAS YID CHES PA'I DAD PA DANG, SKYES BU 'BRING GI LAM LA SBYANGS PAS 'KHOR BA MTHA' DAG LA ZHEN PA LOG BA'I NGES 'BYUNG BCOS MA MIN PA SKYES TE KHAS BLANGS PA'I TSUL KHRIMS LA BSDAM PAR BYA BA'I NYES PA PHRA MO TZAM GYIS KYANG MA GOS PAR MDZAD, LAM SGRUB PA LA BRTZON PA SHUGS DRAG LA RGYUN RING BA NAR MAR MDZAD DE, LAN CIG GZIM MAL DU SKYIL KRUNG LAM GYIS MDZAD PAS BREL SHA LA SPEN MA YOG SHING TZAM ZHIG THAM GYIS ZUG ,DE 'DRA BA LA DBYUNG RIN MED, DGE SBYOR RANG GAL CHE SNYAM NAS THUGS DAM DU HRIL GYIS SONG, NAM LANGS TZA NA GZIM MAL THAMS CAD KHRAG GIS GANG, SKU'I BRLA SHA THAMS CAD NUR NAS SHIN TU BSNYUNG BA BYUNG, DE DGE BSHES STON PAS GSAN PAS YE KHAMS PA GLEN BA DE PHYUNG NAS BSGOMS PAS CI MA KHYAB GSUNG, LKOG TU KHONG GI DE 'DRA ZHIG DGOS PA YIN GSUNGS NAS BSNGAGS PA BRJOD PAR MDZAD, DE LTAR BLA MA LA DAD PA DANG, TSUL KHRIMS DAG PA DANG, BSAM GTAN SGOM PA LA BRTZON PA SHUGS DRAG PA STE RGYU GSUM PO DE LA BRTEN NAS TING NGE 'DZIN PHUN SUM TSOGS PA NI KHAMS GONG MA'I TING NGE 'DZIN BRNYES PA YIN GSUNG,

, ,LAN CIG TZA NA RLUNG BZUNG STE BA SPU YANG MI 'GUL BAR DROD TSA LAM ME BYAS NAS ZHAG GSUM GSUM TZAM BZHUGS PAS, SLOB MA RNAMS DA NI GRONGS ZIN SNYAM PA LA, AA HA HA GSUNG NAS KOG GIS BZHENGS, DE TZUG MDZAD PA CI TZUG LAGS ZHUS PAS, KHAMS CUNG ZHIG MA BDE BAS RLUNG BAG TZAM BZUNG BA YIN GSUNG, RGYA GAR NAG CHUNG BYA BDE YANG RA SGRENG DU BYON PAS, DGON PA BA'I GRANG KHANG LA MDZUB MO BTZUGS TE 'DI LA TING NGE 'DZIN DANG MNGON SHES YOD ZER BA'ANG BYUNG, PO TO BA KLUNGS SHOD NA 'GO NA BZHUGS PA'I DUS SU, PHU CHUNG BA DANG SNE'U ZUR PA GNYIS KYIS DGON PA BA'I SKU CHE BA'I YON TAN GLENG BA LA, PHU CHUNG BA'I ZHAL NAS, ZHANG SGOM KHYED 'PHYI BA YIN, NGED SNGON DGE BA SHES DGON PA BA DANG JA GRAL GCIG NA BZHUGS PA'I DUS NA, DGON PA BA'I ZHAL NAS, NGAS BAR DER SANGS RGYAS RJES SU DRAN PA BAG TZAM ZHIG YID LA BYA'O GSUNGS NAS SPYAN ZIM TZAM MDZAD NAS BZHUGS, RJES LA NGAS DA LTA TING NGE 'DZIN LA MNYAM PAR GZHAG PAS 'OG GI PHYOGS NA SANGS RGYAS SHIG BYANG CHUB SEMS DPA' DPAG TU MED PAS BSKOR NAS CHOS GSUNGS PA DE NGA'I LHA'I SPYAN GYIS MTHONG BA YIN; LHA'I SNYAN GYIS GSAN PA YIN GSUNG, YANG DGON PA DBANG PHYUG 'OD BYA BA MTSAMS BCAD MDZAD PA CIG BRGYAGS CHAD NAS DRO GZAN MED PAS MTSAMS BTON LA DRO GZAN BTZAL DGOS SNYAM NAS, PHAR TZAM

TSUR TZAM 'DUG TZA NA, DGON PA BA LA NYE GNAS KYIS BSHOS DRANGS BYIN LEN ZHUS TZA NA, BSHOS DE PHYAG TU BSNAMS NAS LA 'UR 'DI KHO LA SKYOL SHOG ,KHO LA DRO GZAN MED GSUNG, NYE GNAS KYIS SKYEL DU PHYIN TZA NA, MTSAMS BTON LA KHAD GDA' SKAD NA JI LTA BA BZHIN GZIGS PA CIG BDEG PAR GDA', YANG DGON PA GONG DU DGE BSHES STON PAS DBU MDZAD RNAL 'BYOR PA RNAMS 'TSOGS NAS BZHAD GAD SHIG GE 'DUG TZA NA, NYE GNAS KYIS 'U CAG DE RING CI ZA ZHUS PAS, DGON PA BAS AA PO NI PUS SNA GDONG NA YAR BYUNG BA 'DI KUN ZA BA YIN GSUNGS PAS, DE LA STON PAS KYANG BKYON PAS, PHYIS DGE BSHES STON PAS BKYON DU 'ONG GSUNGS NAS DE TZAM MI GSUNG BA YIN , YANG SNE'U ZUR PA SKU KHAMS LTEMS PA CIG LA STON PA TSUL SENG BYA BA'I GROGS PO ZHIG YOD PAN RE, DGON PA BA'I MAN NGAG SPYI BOR ME 'BAR BA 'DI LTA BU ZHIG YOD DE SGOMS ZER BAS, BSGOMS BAS JI LTA BA BZHIN DU BTUB PAR BYUNG, DER DGON PA BA'I SBYAN SNGAR BYON NAS MDANG DA NANG KHAMS LTEMS PA CIG GDAB ZHUS PAS, SPYI BO NA ME 'BAR BA DE SGOMS GSUNG, DE MI SHES ZHUS PAS 'O NA MDANG DA NANG SPYI BO NA ME ZHIG 'BAR GYIN 'DUG PA KHO NAR TSOR GSUNG STE, JI LTA BA BZHIN THIGS BYUNG STE STON PA TSUL SENG DE SKAD ZER BAS BSGOMS PA LAGS ZHUS PAS, 'O GROGS LA THOS PA'I CHOS NYAMS SU BLANG DU MI BTUB, 'DRI BA NI MI TO, DA 'DI BZHIN DU GYIS GSUNGS NAS, DMIGS

, ,PA SKOR GSUM GYI GDAMS NGAG RNAMS GSUNGS, YANG SNE'U ZUR PA RTZE DROR YON BDAG CIG GIS BSHOS DRANGS TE BZHUGS PA'I DUS STENG CHUNG ZHIG TU THUGS DAM MDZAD PAS DGE SBYOR SHIN TU 'PHEL BAR BYUNG, DGE BSHES KYI SBYAN SNGAR BYON DUS KHYOD MDANG DA NANG STENG CHUNG LTE BLTEB DE NA DGE SBYOR SHIN TU 'PHEL BAR 'DUG AANG GSUNG, ROG THOM DU LHA BZO BA'I LUGS BYED PA LA RA SGRENG DU SGOM CHEN RNAMS LA GTOR MA ZHUS PAS, DGON PA BAS, 'U AU GSUNG, CI LAGS ZHUS PAS, LUGS BRDOL GSUNG, DRIS PAS DE TZA NA BRJOD 'DUG SKAD, YANG SNE'U ZUR PAS BSGOMS NAS RTOGS PA SHOG PA RE BYUNG BA'I DUS SU, BLA MA'I ZHABS LA GTUGS PA'I PHYAG GCIG BYA DGOS SNYAM NAS SPYAN SNGAR BYON DUS, ZHABS G-YAS PA DE SHAD KYIS BRKYANGS NAS 'ONG BA LAGS PAR GDA', CHOS 'DI LTA BU ZHIG ZHU SNYAM PA DE ZHU MI DGOS PAR BSHAD KYIS GSUNG 'ONG BA YIN, DAM TSIG GSUM BKOD PA'I RGYAL PO LHAG PA'I LHAR BZUNG NAS BZLAS PA STONG PHRAG BRGYAD SONG TZA NA ZHAL GZIGS, DE NAS STONG PHRAG BRGYAD NAM SONG SONG NA ZHAL MA GZIGS PA BYED MA MYONG, GZHAN YANG DE BZHIN GSHEGS PA'I PHAN YON GYI LE'U NAS GSUNGS PA RNAMS LA NGAS NYAMS SU MA MYONG BA MED GSUNG, LE'U DE NAS GSUNGS PA LA NI DKYIL 'KHOR THAMS CAD DU ZHUGS PAR 'GYUR RO, ,TSE 'DI NYID LA SANGS RGYAS KYI MDZAD LA BYED PAR 'GYUR RO, ,ZHES GSUNGS TE BSAM

GYIS MI KHYAB BO, ,DGE BSHES DGON PA BA DE TING NGE 'DZIN SHIN TU BRTAN PAS LHA'I GZIGS SNANG DANG MNGON PAR SHES PA RGYA CHEN PO MNGA' BDE LTAR YIN YANG DGON PA BA RANG GI THUGS KYI BZHED PA'I GTING LA LHA'I ZHAL MTHONG BA DANG MNGON SHES SKYES PA DGE SBYOR GYI 'BRAS BU GTZO BOR 'DZIN PAR MI MDZAD KYI LAM GYI RIM PA'I DMIGS SKOR SO SO LA MYONG BA BCOS MIN SKYES PA ZHIG DAB LHAG BAR LAS 'BRAS LA YID CHES NAS SDOM PA GSUM GYI BCAS MTSAMS DAG PA GTZO BOR 'DZIN PAR MDZAD DE, DGON BA BA'I ZHAL NAS, SNE'U ZUR PA LA, YE 'BAR SANG NAS TZA NA KHYED KYI DGE BA SHES PA DE KUN MAN NGAG GI MTHIL GANG LA BYED ZER NAS 'DRI NA, MNGON PAR SHES PA'AM YI DAM GYI LHA ZHAL MTHONG BA LA BYED BYAS PA 'ONG NGO, ,LAS RGYU 'BRAS LA RJE NGES RJE NGES SONG NAS JI LTAR KHAS BLANGS PA'I SDOM PA NGAG BAR SRUNG BA ZHIG LA BYED ZER BA YIN GSUNG NGO, ,JO BO'I MAN NGAG LAM GYI RIM PA'I 'GO BSHES GNYEN BSTEN TSUL NAS MTHAR THUG 'BRAS BU ZUNG 'JUG 'GRUB PA'I BAR RANG GI RGYUD LA SBYAR NAS SGOM BAR MDZAD PAS SGOM GEGS KYANG MANG BAR BYUNG STE JO BOS 'PHRAL LA SEL BAR MDZAD PAS JO BO'I SLOB MA SGOM GYI GEGS SEL BA LA RTZAL THON PAR GRAGS, JO BO RJE DANG NYAN TSOR MJAL BA NAS MTHAR SNYE THANG DU JO BO ZHING GSHEGS PA'I BAR 'BRAL MED DU BSTEN CING, JO BO GSHEGS NAS JO BO'I GSUNG BZHIN RA SGRENG DU DGE BSHES STON PA'I PHYAG PHYI

, ,MDZAD DE, DGE BSHES STON PA DANG RNAL 'BYOR PA GDAN SAR BZHUGS RING LA'ANG DGON PA GONG DU SGRUB PA RTZE GCIG TU MDZAD, RTA LO LA RNAL 'BYOR BA GSHEGS PA'I LO DE NYID GTOGS PA'I LO LNGA GDAN SA MDZAD DE SKAL PA DANG LDAN PA DAG LA JO BO'I MAN NGAG RGYA CHER SPEL LO, ,DE LTAR DGE BA'I BSHES GNYEN DGON PA BA CHEN PO DES RANG GI SRAS KYI THU BO SNE'U ZUR PA LA JO BO'I MAN NGAG RDZOGS PAR GNANG ZHING GZHAN YANG DNGOS KYI GDUL BYA RNAMS SMIN BAR MDZAD NAS, DGUNG LO DRUG CU RTZA BDUN PA CHU PHO KHYI'I LO MNGON PAR BYANG CHUB PA'I NYA LA SKU GSHEGS TE DGA' LDAN CHOS KYI PHO BRANG DU PHEBS SO, ,DGE BSHES DGON PA BA DE LA SLOB MA BSAM GYIS MI KHYAB PA BYUNG BA'I NANG NAS YONGS SU GRAGS PA SNE'U ZUR PA, ZHANG KA MA BA, DGE BSHES 'BAN GUNG RGYAL, KHA RAG SGOM CHUNG BA, RGYA LCAGS RI BA SOGS BSTAN PA YONGS RDZOGS 'DZIN PA'I BSHES GNYEN MANG DU BYON NO, ,DE LA KA MA BA NI; JO BO LAN PA SPYIL BUR PHEBS DUS, YUM DES JO BO LA BYIN RLABS ZHUS PAS, 'DI LA BUM BZANG PO ZHIG 'ONG ZHES LUNG BSTAN BA BZHIN, ME MO BYA LA KLUNGS SHID RUG PAR SKU 'KHRUNGS, YAB ZHANG 'BEN PHYUG GI SRAS YIN PAS ZHANG BU GCIG PAR GRAGS, MTSAN SHES RAB 'OD, PHYIS DGON PA BA MJAL DU BYON BAS, CHOS DAN ZANG ZING GNYIS KYIS BSKYANGS SHING PO TO BA LA YANG CHOS GSAN, MNGON PAR RTOGS PA'I YON TAN TSAD MED PA DANG LDAN ZHING,

RGYA BOD SKAD GNYIS SBYOR BA'I LO TZ'A YANG 'BRING ZHIG MKHYEN, PHYI ROL GYI DNGOS PO NGAN PA RNAMS BZANG POR BSGYUR NUS PA'I TING NGE 'DZIN BRTAN PO MNGA', PHYIS KA MA DGON PA BTAB STE 'PHRIN LAS BRKYANGS PAS, TSOGS PA BDUN BRGYA TZAM 'DUS SO, ,BDUN CU RTZA LNGA PA LCAGS MO PHAG GI LO'I RTA'I ZLA BA'I NYI SHU GSUM LA KA MAR SKU GSHEGS SO, ,DGON PA BA'I SLOB MA DGE BSHES 'BAN NI, PHAN YUL GYI SA'I CHAR SKU 'KHRUNGS, RAB TU BYUNG BA'I MTSAN TSUL KHRIMS RGYAL BA, KO DE LUNG DU BZHUGS PAS KO DE LUNG PAR GRAGS, KHONG GIS GZHON DUS SPRANG BA 'BA' ZHIG MDZAD NAS THUGS KYANG MDUL BA CIG YOD BA YIN, PHYIS DGON PA BA BSTEN NAS LAM RIM THUGS NYAMS SU BZHES PAS, CHOS RNAL MA THUGS RGYUD LA 'KHRUNGS PA CIG BYUNG BAS, DGE BSHES PO TO BA'I GSUNG NAS KYANG, BOD KYI RGYAL KHAMS NA 'CHI BA GSHA' MAR BLO LA SKYES PA 'BAN GUNG RGYAL YIN GSUNGS TE, KHONG RAB TU 'BYUNG BA'I SNGA ROL DU, PHYIS 'DI 'DRA BA NUS SAM MI NUS BTAL BA'I PHYIR, RGYU MO'I GROG PO BYA BA GNYAN PO ZHIG YOD PA'I SAR NUB GCIG NYAL DU PHYIN SKAD, DE NAS RAB TU BYUNG NAS THAMS CAD SPANGS TE BSOD SNYOMS MDZAD PAS, 'TSO BA MED BA YANG LAN MANG DU BYUNG, RANG LA RNGAN BGRANG 'DI LTAR MDZAD DE, DE RING SANG GI DBANG BYAR MED PAR GTAN DU 'DUG RTZIS MA BYED TSUL KHRIMS RGYAL BA GSUNGS NAS CHIG SMRAS MDZAD, 'GRO SNYING 'DOD TZA NA SGO GTAN LA ZHON NAS RKANG PA THAG

, ,PAS BCINGS TE BZHUGS GSUNG, CHOS NAN TAR BYED NA HUR CHEN PO ZHIG 'BYIN MI DGOS SAM, MI NGOR MA SONG BCIG MI DGOS SAM, MTHA' RGYA CHOD PA CIG MI DGOS SAM, NGA DGE TSUL YIN NA GTZANG PHU SGOM CHUNG TZAM ZHIG 'ONG, GROGS PO GCIG SHI BA'I RO SKYEL DU SONG BA'I SHUL DU BZHUGS BAS BAG TZAM 'JIGS PA'I ZHAD CIG BYUNG BAS, ME SGRON BTEG NAS KHYOD SU LA 'JIGS, GANG NA CI YOD GSUNG SKAD, YANG KHONG GI GSUNG NAS, SNGON NGA PHO RANG MI GCIG LA STON THOG KHAL BZHI BCU'ONG, GRONG PA RNAMS KYIS MING BZHI BCU SDIGS SU BTAGS, NYIN MO LA KHA'I MI RGOD BYAS, NUB MO RKUN PHUG BYAS BAS LTO MA PHYID, DA MCHIL MA RDO LA MI 'DEBS TE LTO PHYID, MU GE CHEN PO BYUNG YANG SU PHYUG PA CIG DANG MJING SBREL NAS BSDAD CHOG ,CHOS BDEN SEMS PA NYIS BSTUD GSUM BSTUD DU 'CHOR GSUNG, SNGAR NGA'I KHAS ZAS MI RNYED DA ZAS KYIS NGA'I KHA MI RNYED GSUNG, RES 'DI SKAD GSUNG, NGA NI TSUL KHRIMS RGYAL BA YIN NO; ;KHYOD NI 'BAN GUNG RGYAL YIN NO, ,DGE SLONG TSUL KHRIMS RGYAL BA LA 'BAN GUNG RGYAL 'GRAN MA CHE ZHIG GSUNG ZHING KOR YUG YUG MDZAD LO, ,PHAN YUL STOD KYI DGON BA MANG PO 'JOMS MI BYUNG BA LA, DGON PA THAMS CAD KYIS RUG CHOS BYAS PAS 'BAN GYIS CHOS GOS GSOL CHU BUM PHYAG TU THOGS NAS, DA NGA'I RUB CHOS 'DI LAS BYA THABS YOD DAM ZER SKAD, DE PHYIS SU PO TO BAS GSAN BAS, SHIN TU MNYES NAS KHO'I RUB CHOS DE YIN, 'BAN GUNG

RGYAL GYI RUB CHOS DE YIN, 'U CAG KYANG BAN DE SLOB NA DE TZUG TU SLOB DGOS GSUNG SKAD, KHA CHE PAn CHEN BYON BA'I DUS SU BOD STON RNAMS RTA RMIG LCAGS KYIS DRIL LTA BA RTZAD DPYOD DU BYON PA LA, KHONG MI TSE THOS PA LA BSKYAL BA KUN KYANG DA GDOD LTA BA RTZAD DBYOD NA, NGA THOS CHUNG SANG 'DRES 'KHYER, GNANG PA? 'DRAS 'KHYER ZER BA CIG BSDAD PAS GA NA 'ONG, NGA YANG 'GRO BSAM PA CIG BYUNG BA LA, GA RE THOS PA BYAS PAS NYON MONGS PA CHUNG BAR 'GYUR, NYON MONGS PA CHUNG BA LA BDUD KYIS GLAGS MI RNYED ZER BA LA, NGAS THOS PA TZAM MA BYAS KYANG NYON MONGS PA CHUNG DU SONG NAS 'DUG ,KHONG THOS PA BYAS PA KUN GYI NYON MONGS CHUNG DU MA SONG BA 'DI CIS LAN SNYAM PA LA, KHA LA BRGYUD PAR SONG BAS LAN SNYAM PA CIG BYUNG GSUNG, DA NI STON BA CIG BYAS KYANG 'ONG NGAM SEMS, SGOM CHEN ZHIG BYAS KYANG 'ONG NGAM SEMS, GNAS BRTAN ZHIG BYAS KYANG 'ONG NGAM SEMS, GTZO BO ZHIG BYAS KYANG 'ONG NGAM SEMS GSUNG LO, ,KHONG STONG NGA NYID KYI TSIG KHO NA ZHAL NAS 'ONG BA LA, PO TO BA'I ZHAL NAS, GUNG RGYAL 'DRA BA 'DI KHA LA STONG PA THOGS NAS GSUNGS TE BKYON, DGE BSHES KYIS BKYON PAS 'DI MA LEGS PA YIN TE 'ONG SNYAM NAS BZHAG PAS, BZHAG TU MA BTUB BAR STONG BA NYID DU CHAM RTZER SONG BAS, DGE BA'I BSHES GNYEN PA KHO BO LAS NI KHYAD DU MI GSOD, STONG PA BZHAG TU MI BTUB PAR GDA' ZHUS PAS, KHYOD RANG SGOMS SHIG NGAS GZHAN LA BYAS PA YIN GSUNG SKAD YANG 'BAN GYI ZHAL NAS,

, ,NYON MONGS PA'I MKHAR SGOR GNYEN PO'I MDUNG THUNG ZHIG BZUNG NAS SDOD PA MIN PA GZHAN BYA RGYU MED, KHO SGRIM NA NGA YANG SGRIM, KHO GLOD NA NGA YANG GLOD GSUNG, YANG KHONG GIS TSUL SHE LA GSUNGS PA, MI RTAG RTAG TU RE PA'I SEMS CAN SNYING RE RJE, ,SKYE 'GRO SNGA MA SHI PA MA MTHONG NGAM, ,PHYI MA 'CHI BA MA TSOR RAM, 'JIG RTEN LAS LA ZIN DUS MED, ,SKYE SHI GNYIS LA THAR DUS MED, ,GTAN BDE BOR KYANG 'GYOD DUS MED, ,CHOS KYI NGO BO MTHONG DUS MED, ,NGAL BA DON MED GTAN KHANG BRTZIGS, ,BUD MED MANG PO SDUG BSNGAL SNOD, ,BRAN G-YOG MANG PO KHA MCHU'I RGYU, ,NOR RDZAS MANG PO G-YENG BA'I RGYU, ,BU MO BZANG SDUG LDAN PA YANG, ,DRO GANG TZAM GYI GRANG BA'I SA, , CI LA BSAMS KYANG PHAN PAR MI 'GYUR BAS, ,RANG GI SEMS LA LTA BA KHO NAR BYA, ,ZHES GSUNGS SO, ,DE LTAR DGE BSHES 'BAN 'DI NI DGON PA BA DANG SKU MCHED GSUM LA SOGS PA'I DGE BA'I BSHES GNYEN MANG POS BSKYANGS, 'CHI BA MI RTAG PA THUGS LA 'KHRUNGS PAS 'DOD PA LA MDUNG THEBS, STONG PA NYID KYI LTA BAS 'KHOR BA'I RTZA BA DRUNGS PHYUNG, BYANG CHUB KYI SEMS KYIS BDAG GZHAN MNYAM PAR DGONGS PA'I DPA' BO CHEN PO ZHIG BYUNG NGO,, ,, DGON PA BA'I SLOB MA KHA RAG SGOM CHUNG ZHES GRAGS PA DE NI, GTZANG STOD KYI DUNG ZHUR BYA BAR, YAB DGON PA DKON MCHOG RTEN GYI SRAS SU 'KHRUNGS, MTSAN DBANG PHYUG BLO GROS ZHES BTAGS ,SKU GZHON NU NAS BAM PO GNAS

SU MKHAN PO MAR SGOM LA RAB TU BYUNG, SBAS SGOM DANG DPON SLOB GNYIS POS RA SGRENG DU BYON PAS, DGE BSHES STON PA GSHEGS RTING, RNAL 'BYOR PAS TSOGS PA SKYONG GIN 'DUG, DER GTZANG BU RA SGRENG GI SGOM CHEN RNAMS LA MOS PA BYUNG BAS RNAL 'BYOR PA DANG, DGON PA BA LO BDUN BSTAN, JO BO'I GDAMS PA RNAMS TSANG BAR ZHUS, DE NAS THUGS DGONGS LA DA NI RANG GIS KYANG CHIG SKYA THUB STE 'ONG SNYAM STE, NYUNG MA'I SA BON PHUL GANG 'KHYER NAS SPRAGS KYI KE RU RU BYON, DBYAR LO THUG GSOL, DGUN NYUNG THUG LA PHYE THUN RE BTAB NAS GSOL TE, SGRUB BA LO BCU GCIG RTZE GCIG TU MDZAD, DE NAS PHAN YUL DU GCIG PUR RI LA BSGOMS PA NA, MDUN DU MI NAG PO ZHIG BYUNG NAS KHYOD KYI MGO 'DOD DO ZHES ZER RO, ,RE ZHIG SDOD CIG SBYIN NO GSUNGS NAS, RANG GI MAN NGAG BZHIN MDZAD NAS KHYER CIG CES GSUNGS TE, BLTAS PAS DE SPYAN RAS GZIGS DBANG PHYUG ZHAL BCU GCIG PAR GYUR NAS DE'I ZHAL GZIGS SO, ,DE LA DGA' MI DGA'I RTOG PA MA BYUNG GI, DON RANG GI NGO BOS GRUB PA MED MOD KYI, 'ON KYANG SEMS 'KHRUL PA'I SNANG BA'O ZHES MKHYEN NO, ,NAM ZHIG NA DGE BSHES PO TO BA CHEN PO DE'I PHYOGS SU 'CHAG PA NA, DES PO TO BA LA PHYAG MDZAD CING, PHAN TSUN CHOS KYI GTAM 'DRI BA DANG, PO TO BA'I ZHAL NAS, GCIG PUR RIL BSGOM PA NA BAR CHAD MA BYUNG NGAM GSUNG, DES RANG GI SGRUB LUGS DANG NYAMS PHUL

, ,ZHING MI NAG BO JI LTAR BYUNG TSUL ZHUS PAS, DGE BSHES PO TO BAS DE LA THABS JI LTAR BYAS GSUNGS PAS, SNGA MA LTAR JI LTAR GYUR LUGS DANG RTOGS PA BRJOD PAS, PO TO BA THUGS DGYES NAS, SKYES BU DE KHO NA BZHIN DU SGRUBS SHIG ,SU LA YANG DE LAS LHAG PA'I THABS MED DO GSUNGS NAS GSHEGS, THUGS SHIN TU MNYES PAS NYIN RE BZHIN PO TO BAS CHOS KYI GTAM RE CHED DU SKYEL PAR MDZAD DO, ,DGE BSHES KHA RAG SGOM CHUNG PA 'DIS RAG MA'I PHUR SGOM ZHING BZHUGS PA NA NAGS LA ME MCHED PAS SROG CHAGS GRIB SO LTAR GROS KYANG MA THAR BAR TSIG PA LA, MI BZOD PA'I BRTZE BAS RJE BTZUN SGROL MA LA 'PHRAL DU RANG GIS BRTZAMS PA'I BSTOD PAS BSTOD NAS MER MCHONGS PAS ,ME RANG ZHING GYUR TE, NGES PAR DRONG RTAGS DANG LDAN ZHING, BYAMS SNYING RJE BYANG CHUB KYI SEMS 'BYONGS PAS BYA RI DVAGS RNAMS LA ZAS BSTABS PA PHYAG NAS LEN NO, ,YANG LAN CIG PO TO BA'I SPYAN SNGAR BYON, LAM RIM BLO LDOG BZHI'I RTOGS PA PHUL BAS MNYES TE, SKYES BU SMRA BA'I SENG GER SONG GSUNG NGO, ,DE NAS DGE BSHES SGOM CHUNG BA KHA RAG TU SGOM DU 'BYON BAR BZHED NAS DGE BSHES PO TO BA LA PHYAG 'TSAL DU BYON, 'BRAL MI PHOD PAR GNYIS KA SPYAN CHAB BYUNG, PHAN YUL RGYAL DU PHEBS PA NA, CHOS ZHU BA DANG 'BUL BA CHEN PO YANG BYUNG, DE NAS KHA RAG TU BYON NAS KHA RAG PHUG PA NAG POR THUGS DAM MDZAD, KHA

RAG SGOM CHUNG ZHES GRAGS SNYAN PAS PHYOGS THAMS CAD DU KHYAB, DER TSOGS PA STONG TZAM 'DUS BA LA BYANG CHUB LAM GYI RIM PA RGYA CHER SPEL LO, ,KHA RAG SGOM CHUNG PA'I ZHAL NAS, DAD PA MED PA'I MI LA YON TAN GYI RNAM PA GANG YANG MI 'BYUNG BAS, DGE BA'I BSHES GNYEN BSTEN CING MDO SDE BLTA, BRTZON 'GRUS MED BA'I MI LA YON TAN GYI RNAM PA GANG YANG MI 'BYUNG BAS, 'CHI BA MI RTAG PA SGOM ZHING LE LO SPONG, NGA RGYAL CAN GYI GANG ZAG LA YON TAN GYI RNAM PA GANG YANG MI 'BYUNG BAS, RANG MGO SMAD LA DMAN SA BZUNG, CHOS DE GSUM DANG LDAN NA NYAN THOS KYI RTEN DU'ANG RUNG, BYANG CHUB SEMS DPA'I RTEN DU'ANG RUNG, GSANG SNGAGS KYI RTEN DU'ANG RUNG, MDOR NA YON TAN THAMS CAD KYI RTEN DU RUNG BA YIN GSUNG NGO, ,GSHEGS KHAR YANG LHO PA LA, SKYE SA'I YUL SPONGS, NYE DU DANG THAG BSRINGS, BSHES GNYEN RTAG TU BSTEN, HRUL PO'I GOS GYON, DMAN PA'I SA BZUNG, NGAN PA'I ZAS ZO, ,RGYA SKAD CHU BZHIN 'THUNG LA SGRUB PA GYIS GSUNG BA'I GDAMS NGAG GNANG, DE NAS STON MO BZANG PO ZHIG MDZAD DE 'DI THA MA'I ZAS YIN NO GSUNG, NGA'I RUS BU LHAG ROL BSDUS LA, BYANG RA SGRENG NA DBAL LDAN DGON PA BA'I SKU 'BUM YOD PAS, DE'I GRIB MA DANG BSER BU PHOG SAR SKYOL CIG GSUNG NAS MYA NGAN LAS 'DAS SO,, ,,DGE BSHES DGON BA BA'I THUGS SRAS RGYA LCAGS RI BA DE NI, SKYES BU GSUM GYI LAM GYI RIM PA LA RTZAL THON, YI DAM LHA'I

, ,ZHAL GZIGS, MNGON PAR SHES PA RGYA CHEN PO DANG LDAN PA ZHIG BYUNG STE, LAM GYI RIM PA RGYA CHER SPEL BAR MDZAD, DAGS PO LHA RJE YANG DGE BSHES RGYA LCAGS RI BA 'DI'I SAR BYON NAS BYANG CHUB LAM GYI RIM PA'I MAN NGAG RDZOGS PAR GSAN NAS NYAMS BZHES MTHAR PHYIN PAR MDZAD CING, RJE MI LA'I ZHABS DRUNG NAS N'A RO CHOS DRUG DANG PHYAG CHEN GSAN NAS NYAMS RTOGS PHUL PHYIN 'KHRUNGS TE SKAL BA DANG LDAN PA MTHA' YAS PA LA JO BO RJE'I MAN NGAG BYANG CHUB LAM RIM DANG, RJE MI LA NAS BRGYUD PA'I MAN NGAG RNAMS ZUNG 'BREL DU 'DOMS PAR MDZAD PAS SGAM PO PA LA BKA' PHYAG CHU BO GNYIS 'DRES ZHES GRAGS PA'ANG RGYU MTSAN DE LTAR YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGON PA BA LA GSOL BA 'DEBS SHING BDAG NYID CHEN PO 'DI'I MDZAD PA RNAM THAR LTAR BYANG CHUB LAM GYI RIM PA LA SGRUB PA MTHAR PHYIN PA ZHIG BYA'O,, ` ZAB MO'I TING 'DZIN BRTAN PA'I SNE'U ZUR PA, ZHES BSNGAGS PA, DGE BA'I BSHES GNYEN SNE'U ZUR PA NI, SPRAS SNE'U ZUR GYI SA SKOR THONG BA ZHES BYA BAR, YAB ZHANG STAG PO ZHES PA'I SRAS SU CHU PHO STAG LA SKU 'KHRUNGS, SKU CHE SNGA MA RNAMS SU BSAM GTAN BSGOMS PA'I BAG CHAGS MTHU BRTAS PAS BYIS PA'I DUS NYID NAS SKYE PAS THOB PA'I TING NGE 'DZIN BRTAN PO MNGA' BA ZHIG BYUNG ZHING, KHYIM GYI 'DU 'DZIL CHAGS PA MED PAR GZHAN GYI LAD MO

DANG GZHAN GYIS DBANG MED DU BSKUL BA TZAM MIN PAR NGES 'BYUNG SHUGS DRAG POS GZHON NU NAS BRAG RGYAB TU RAB TU BYUNG, MTSAN YE SHES 'BAR ZHES BTAGS, LO LON NAS BSNYEN PAR RDZOGS, 'DUL BA NAS GSUNGS BA'I DGAG SGRUB GNANG GSUM GYI BCAS MTSAMS RNAMS MIG GI 'BRAS BU LTAR BSRUNGS TE TSUL KHRIMS RNAM PAR DAG PA LA GNAS NAS SDE SNOD GSUM LA MANG DU THOS PA BTZAL, DGE 'DUN SPYI'I LAS GANG LA YANG SKYO NGAL MED PAR BYAS TE BRAG RGYAB KYI GNYER YANG LO GCIG MDZAD, DER BZHUGS DUS BRAG RGYAB PA'I STON PA SH'AKA TSUL ZHES BYA BA ZHIG RA SGRENG DU DGON PA BA'I SPYAN SNGAR BYON PAS, DER KHONG GIS NGED KYI DE NA BTZUN CHUNG SKYES THOB KYI TING NGE 'DZIN MNGA' BA 'DI LTA BU ZHIG BDOG ZHUS PAS DGON PA BA SKU LUS SGYED MDZAD NAS, AA HA HA AA RE SKYID AA RA SKYID, YANG NA KHO'I DE LA BLA MA MI DGOS PAR TAL GYIS 'GRO BA'ANG SRID, YANG NA BLA MA ZHIG DGOS PA'ANG SRID GSUNGS NAS THUGS DGYES PA'I MTSAN MA MDZAD, DER STON PA SH'AKA TSUL GYIS BRAG RGYAB TU 'ONGS NAS KHYED 'DIR MA SDOD PAR RA SGRENG DU SONGS, DGON PA GONG MA BAS THUGS LA 'DOGS PAR 'DUG BYAS PAS, DGE BSHES DGON PA BA'I MTSAN THOS PA TZAM GYIS SNANG BA 'GYUR TE LUS KYI SBU GZING ZHES BYED CING JO BO YAB SRAS GNYIS KA'I MAN NGAG MNGA' BA DGE BA'I BSHES GNYEN DE LTA BU ZHIG DANG MJAL NAS BYANG CHUB LAM GYI RIM PA'I MAN

, ,NGAG YONGS SU RDZOGS PA ZHIG THOB NA CI MA RUNG SNYAM DU SMON PAS RA SGRENG DU BYON TE DGE BSHES DGON PA BA MJAL BAR ZHUS PAS, SKU MTSAMS DAM PAS MJAL SA MED ZER BAS GZIM KHANG DE LA BSKOR BA LAN GSUM BYAS, BYANG PHYOGS KYI CHU MIG GI KHA DE NAS PHYAG LAN GSUM MDZAD DE SKYE BA 'DI LA SKYES BU DAM PA KHYOD KYI GDUL BYAR MA GYUR KYANG MA 'ONGS PA NA SKYES BU DAM PA KHYOD KYI GDUL BYAR GYUR CIG BYAS NAS SMON LAM BTAB, SPOS RENG BU GCIG KYANG BSREGS NAS PHUL, CHU MIG KHA DER DRO BTAB, RNAL 'BYOR PA CHEN PO LA CHOS CI RIGS GSAN ZHING BZHUGS BA NA DGE BSHES DGON PA BAS MNGON PAR SHES PAS MKHYEN TE NYE GNAS BTANG NAS SHOG GSUNG, DGE BSHES DGON BA BA'I ZHABS DRUNG DU BYON NAS MJAL TE TSES KYI GSOL BA BTAB PA NA DGE BSHES DGON PA BA'I ZHAL NAS, AA TI SHAS NGA LA DANG POR MJAL MA THAG CHOS 'DI GNANG BA YIN GSUNGS NAS BSTAN PA LA 'JUG PA'I SGO DAM PA SKYABS 'GRO'I KHRID DANG GTOR MA'I KHRID GNYIS GNANG STE, 'O, MA BSAMS PA'I CHOS KYIS PHAN MED PAS ZLA BA PHYED PHYED SOMS LA SHOG GSUNG, DGON PA BA CHEN POS JI LTAR GSUNG BA LTAR, SNE'U ZUR PAS RANG GI SPYIL POR SKYABS 'GRO DANG GTOR MA GNYIS LA ZLA BA PHYED PHYED BLA MAS JI LTAR GSUNG BA LTAR BSKYANGS TE MYONG BA THON PA BYAS, DE NAS ZANG THING GI YO BYAD RGYA CHEN PO MED KYANG SBOS RENG BU RE

BSNAMS TE RANG GIS JI LTAR BSKYANGS BA RNAMS ZHUS, DGON PA BA CHEN POS KYANG DGYES BZHIN DU SNGAR BSKYANGS PA RNAMS LA GEGS SEL BOGS 'DON DANG, GSAR DU SKYONG DGOS RNAMS MGON PO AA TI SHA'I MAN NGAG LTAR SKYES BU GSUM GYI LAM LA RIM GYIS KHRID DE PHAS BU LA SLOB PA LTAR MDZAD, LAN CIG SPYAN SNGA NA MI KHA CIG 'DUG PA LA, KHO KHA SANG NAS MA 'ONGS PA YIN PAS SNGON LA THONGS GSUNGS NAS GANG DANG MI SNYOMS PAR MDZAD, DGE BSHES DGON PA BAS SNE'U ZUR BA LA CHOS GSUNG BA'I DUS SU AA TI SHA 'DI GSUNG, AA TI SHA 'DI GSUNG GSUNGS NAS CHOS MI MANG TZAM RE GSUNG, DA DUNG ZHIG GSUNGS NA NYUNGS SAM SNYAM TZA NA TSIG MANG KHA NA MED, DON SEMS PA GAL CHE BA YIN GSUNG, DE KA LA 'PHRO BCAD NAS MI GSUNG, DE LTA BU'I TSUL GYIS GDAMS NGAG RNAMS TSANG BAR THUGS LA BTAGS, RES 'GA' PHYAG PHUL TE DA LAN ZHABS KYIS BYIN RLABS GNANG BA BYUNG NA BSAMS PA NA DGON PA BAS ZHABS NAR GYIS BRKYANGS NAS 'ONG, DGON PA BA CHEN PO SNE'U ZUR PA LA THUGS SHIN TU MNYES PAS LAN CIG PHYAG SOR GSUM GYIS MGO LA BYIN RLABS MDZAD PAS ,DBU LA PHYAG SOR GSUM PO THIM PA'I SHUL SKYONG LOG GE BA JI SRID 'TSO'I BAR DU YOD GSUNG NGO, ,LAM THUN MONG BA LA KHRID NAS MYONG BA PHUL PHYIN 'KHRUNGS PA NA GSANG SNGAGS RDO RJE THEG PA'I DBANG DANG MAN NGAG RNAMS GNANG ZHING, LHAG PAR MI G-YO BA YI DAM DU ZUNGS GSUNGS NAS DE'I DBANG DANG GDAMS

, ,PA LAS TSOGS DANG BCAS PA TSANG BAR GNANG, SNE'U ZUR BAS KYANG MI G-YO BA LHAG PA'I LHAR BZUNG NAS BSNYEN PA MDZAD PAS MI G-YO PA ZHAL GZIGS, LAS TSOGS LA NUS BA THON ZHES GRAGS SO, ,DE LTAR SNE'U ZUR PAS DGE BSHES DGON PA BA THOG MAR MJAL BA NAS MTHAR ZHING GSHEGS BA'I BAR 'BRAL MED DU BSTEN CING BKA' BZHIN DU BSGRUBS PAS THUGS SRAS THU BOR GYUR, DGON PA BA GSHEGS NAS SKU MCHED GSUM GA LA CHOS 'BREL MDZAD ,KHYAD PAR DU PO TO BA'I BLA MCHOD MDZAD NAS LO BCU BZHIR CHOS GSAN, LAM GYI RIM PA YANG DGON PA BA'I DE GZHIR MDZAD, PO TO BA'I LEGS LAGS RNAMS KYANG BTUS PA YIN GSUNG, DE NAS SNE'U ZUR PA'I THUGS DGONGS LA 'DI LTAR SHAR TE, DA NI DPAL AA TI SHA'I MAN NGAG BYANG CHUB LAM GYI RIM PA 'DI LA SGRUB PA SNYING POR BYA BA'I PHYIR RANG YUL NYE DU GRVA SA GANG LA'ANG MA CHAGS PAR NAM SHI BAR SGRUB PA LA RTZE GCIG TU GNAS PAR BYA'O DGONGS NAS SPRAS THONG PA NA SNGON GYI DUS SU G-YOG BYAS PA'I YON BDAG GCIG GIS ZHABS TOG BYAS NAS SNE'U ZUR GYI DBEN TSA GOG PO DE LA BRTEN TE KHANG CHUNG ZHIG BRTZIGS NAS THUGS DAM RTZE GCIG TU MDZAD PAS, DGE SBYOR SHIN TU 'PHEL BAS 'DI BZHIN BSGOMS NA NI 'KHOR BA 'DI LA 'UR BZLOG STE 'ONG BAR 'DUG DGONGS PA CIG BYUNG GSUNG ,DGE BA'I BSHES GNYEN PO TO BA CHEN PO STAG LUNG DU GRVA TSOGS SKYONG ZHING BZHUGS BA'I TSE DGE SLONG BCU LHAG TZAM

LA KLU NAD BYUNG BA LA SNE'U ZUR PA LA KHYOD KYIS KLU NAD KYIS BTAB PA 'DI DAG GSOS GSUNGS PAS DGE BSHES PO TO BA'I BKA' BZHIN DU SNE'U ZUR PAS NAD PA DE DAG BCOS TE BDE PAR BYAS PAS PO TO BA THUGS SHIN TU MNYES PA BYUNG, PHYIS PO TO BA SKU KHAMS BSNYEL BA'I TSE'ANG, 'KHOR GYIS DGE BA'I BSHES GNYEN 'DI DANG 'DI SNGAS SRUNG DU GDAN DRANGS NA ZHUS DUS GSAN DU MA BZHED ,SNE'U ZUR PA SPYAN DRANG NGAM ZHUS PAS, ZHAL NAS, DE BYUNG NA DE KA RANG GIS CHEG STE GSUNG BAS SNGAS BSRUNGS KYANG MDZAD, DER THUGS DAM MDZAD PAS NAMKHA' LA MTHO BAR 'PHAGS PA'I SNANG BA BYUNG ZHUS PAS, PO TO BA'I ZHAL NAS, AE 'DI NGA'I DON BYED SNYAM TZA NA KHO RANG GI DON BYAS NAS 'DUG GSUNG, SNE'U ZUR PA'I ZHAL NAS, NGA YANG RNAL 'BYOR PA 'BRING PO ZHIG YIN ,SDE DPON DANG MI NAG PA'I THEM PA 'GOM MA MYONG NAS LO BZHI BCU SONG BA YIN GSUNG, RNAL 'BYOR PA 'BRING POS MI TSANG BOD DU BYON PA'I BKA' GDAMS PA GCIG LA KHONG LAS TSUGS THUB PA MA BYUNG BA YIN ZHES DBON STON RIN PO CHE GSUNG NGO, ,DE LTAR DGE BSHES SNE'U ZUR BAS DGE BSHES DGON PA BA DANG ,DGE BSHES PO TO BA GNYIS KA LA LAM RIM GYI KHRID GSAN NAS SGRUB PA DAR DRAG LA RGYUN RING BA MDZAD PAS RTOGS PA MCHOG THOB STE, DE YANG BCAS PA DANG RANG BZHIN GYI KHA NA MA THO BA PHRA MO TZAM GYIS KYANG MA GOS PA'I TSUL KHRIMS RNAM PAR DAG PA DANG, TSE 'DI'I BYA BA GANG GI'ANG DBANG DU MA BTANG BAR DA LTA RANG 'CHI PA

, ,LTA BU'I BRTZON PA SHUGS DRAG POS MTSAN MO GNYID KYANG YE MI YONG BAR NYIN MTSAN KHOR YUG TU DGE SBYOR LA CHIG SGRIL MDZAD DE GZHAN GYIS MDANG SANG RMI LAM 'DRA CI GDA' ZHUS PAS, AA 'DI CI ZER, GNYID MED PAR RMI LAM GA NA 'ONG GSUNG, DE LTAR MDZAD PAS TING NGE 'DZIN PHUL PHYIN THOB STE 'BRE CHUNG BAS DGE BSHES LA TING NGE 'DZIN TSAD JI TZAM MNGA' ZHUS PAS, NGAS TING NGE 'DZIN GCIG LA MNYAM PAR GZHAG NA NYIN ZHAG BCU BZHI TZAM GNAS THUB PAR 'DUG GSUNG, SPYAN SNGA'I ZHAL NAS, NGED RA SGRENG PA RNAMS LA TING NGE 'DZIN GYI TSAN KA DE ZHANG SGOM KHO NA CHE BA YIN GSUNG, TING NGE 'DZIN SHIN TU BRTAN CING DBEN PAR DGE SBYOR LA CHIG SGRIL MDZAD PAS RJE BTZUN MI LA DANG DNGOS SU MA MJAL YANG THUGS MTHUN PA'I GROGS SU MDZAD, LAN CIG G-YOG PO DAR TSUL BYA BAS, THUGS DAM GTOR MA TSAR NAS GZIM MAL DU SKYIL KRUNG LAM GYI BCAS NAS NA BZA' GSOL, DE'I STENG NA PHAR LA RE KHA THEN NAS BZHAG STE NANG BAR BLTAS TZA NA SPU GAS TZAM YANG MI YONG BA YIN, MNYAM GZHAG BYA BA DE 'DRA BA DGOS PA YIN, RGYU MTSAN 'DI DAG LA DGONGS NAS RJE BDAG NYID CHEN POS, ZAB MO'I TING 'DZIN BRTAN PA'I SNE'U ZUR BA ZHES BSTOD BA MDZAD DO, ,BDAG NYID CHEN PO 'DI SEMS LA DBANG THOB BA ZHIG STE, SNE'U ZUR BA NYID KYI ZHAL NAS, NGA'I SEMS 'DI NGA RANG GIS KHA LO SGYUR BTUB BA CIG BYUNG GSUNG, YANG ZHAL NAS, SNGON GYI DUS

SU NGA RANG GI SEMS 'DI KHA LO SGYUR DU BTUB, MIS NI MI TSOR ,DA YONG 'KHOR BA 'DI LA 'UR BZLOG STE 'ONG BAR 'DUG SNYAM TZA NA, PHYIS LHA YIN KLU YIN ZER NAS GCIG 'TSOGS GNYIS 'TSOGS ME TOG SHVA SHVA BYAS NAS RANG GI DGE SBYOR BCAG, MI LA 'DI GYIS BYAS PAS NI NYAN DU MA 'DOD GSUNG STE, KHONG RANG GAR 'DOD DU BKOL DU BTUB PA CIG GA SNANG NGO GSUNG, BYANG CHUB LAM RIM LA MYONG BA PHUL PHYIN THON PA'I RTAGS SU THUGS RJE SHIN TU CHE BAS LONG BA DANG SPRANG PO LA SOGS PA DMAN PA RNAMS LA SHIN TU BYAMS PAR MDZAD, LAN CIG G-YOR PO GCIG GIS 'JAM PHRUG GIS NA BZA' SPYAN MA GCIG PHUL BAS, PHA TSAD NA MDZE PO GCIG DGE BA'I BSHES GNYEN GOS GCIG ZHU 'TSAL ZER PAS, 'DI KHYER GSUNGS NAS PHRUG SBYAR MA DE GNANG, G-YOR PO DE NA RE, DE LA DGE BSHES PA'I NA BZA' BGYI BSAMS NAS DKA' LAS CI YANG BGYIS PA LAGS, ZHAG GCIG MI GSOL BA ZER BAS CI ZER KHYOD RANG GI MA LA BYIN PA LA YANG MI DGA' 'AM GSUNG, NGAS TSE 'DI LA GSER SRANG BDUN STONG SBYIN BAR THONGS GSUNGS, LAN CIG MU GE CHE BA CIG BYUNG BAS BSHOS DE GSOL BA BZHIN MDZAD NAS NA BZA'I PHAG TU SBAS TE SPRANG PO RNAMS LA BYIN PAS SBRANG PO MANG PO'I BRGYAGS BYUNG, SKU SHA NAG RID KYIS SONG PA'I DUS SU GLANG THANG PA DE PHYAGS PHYI LA BYON PA'I ZHAL RAS ZLA BA SHAR BA BZHIN GDA' PAS, RIN PO CHE'I ZHAL NAS, BYANG CHUB SEMS DPA' BYA DKA' BA'I SBYIN PA

, ,BYAR YOD PA'I DUS SU ,BRGYAGS TSAD KHYOD RANG GIS ZOS NAS KHYOD LA BSAM RLAG NYAM PO CHE ZER BA YIN GSUNGS NAS BKYON PAS, GLANG RI THANG BA 'DAR PHRI LI LI BYUNG ZHES GRAG, SNE'U ZUR BA 'DI KHRO BO'I DBANG PO MI G-YO BA LA BSNYEN SGRUB MTHAR PHYIN PA ZHIG YIN PAS LHA 'DI'I SGO NAS 'GRO DON MDZAD PA LA NUS PA THON PA ZHIG STE, DGE BSHES PADMA BYANG CHUB BYA BA LA KLU'I GNOD PA BYUNG NAS, KHONG GI SNANG BA LA SPRUL GCIG THOD BZHIN DU DKRIS NAS SPRUL MGO DE DPRAL BA'I STENG NA GDENGS KA BZHIN YOD PA MIS MTHONG GI DOGS NAS BKAB STE SNE'U ZUR BA'I SPYAN SNGAR 'ONGS BAS, DE NGA DANG KHYOD RANG MIN PA GZHAN GYIS MI MTHONG, SBED MI DGOS, DA NGA DE'I STENG DU SGOMS DANG GSUNGS PAS, KHOS DE BZHIN DU BSGOMS PAS GAR SONG CHA MED BAR SONG, LAN CIG RA SPRENG LA BYON PA'I TSE, PHA BONG GCIG LA ZHABS GTAD DE ZHABS SGROGS BCINGS BAS SPRUL DKAR PO GCIG PHA BONG 'OG DE NAS 'THON TE SONG, DE NA MDZE PO CIG YOD BA GZHAN CI YANG MA DGOS PAR DE GCIG PUS NAD GSOS, DGE BSHES KYI ZHAL NAS, BOD KYI SRUNG BA'I SKOR DU GTOGS PA RNAMS PHYOGS GCIG TU BZHAG PA BAS, NGAS DMIGS PA SKOR GSUM GYI MDZE BSOS PA MANG BA YIN GSUNG, KHAMS PA LUNG PA LA MI MA YIN TSAN CIG GIS ,SMYUG RUM DU GTOR MA GTONG DER 'GRO ZER, 'O NA SNE'U ZUR DU GTOR MA ZAR MI 'GRO 'AM BYAS PAS, DE NA RDO RJE'I

RAB DANG ME RI BCAS PAS MI TSUD ZER, SNE'U ZUR PA'I ZHAL NAS BKA' RGYUD 'DI BYIN GYIS BRLABS PA'I BKA' BRGYUD YIN PAS, GTOR MA 'DRE LA MI 'CHOR TZAM PA'I BKA' BRGYUD YIN GSUNG NGO, ,SNE'U ZUR PAS DGE BSHES DGON PA BA LA GEGS SEL BOGS 'DON GYI MAN NGAG MTHA' DAG ZHUS TE THUGS NYAMS SU BSTAR BAS GZHAN GYI SGOM GEGS SEL BA LA SHIN TU MKHAS PA ZHIG STE, AA MES TSUL KHRIMS 'BAR BYA BAS GTZANG G-YAS RUR PHYIN NAS RI BO CHE'I SGOM SEMS 'DZIN BAG RE BSLABS PA CIG BDOG PAR GDA' BAS SPYAN SNGAR 'ONGS TE RTOGS PA PHUL BAS, DES MI 'ONG GSUNG ,'O NA JI LTAR BGYI ZHUS PAS, 'DI BZHIN DU SGOMS DANG GSUNG BA LA, SGOM BSLAB NYES BYA BA YIN PAS SNGAR GYI STENG DU SONG NAS MA BTUB, YANG GCIG BSLABS PAS MA BTUB PAS, DA 'ON TZAM GYIS ZHOG LA ZHAG SHAS GSOL BA THOB CIG GSUNGS, DE NAS ZHAG KHA YAR GSOL BA BTAB PAS DGE BSHES KYI GZIM KHANG NAS BCOM LDAN 'DAS SH'AKYA THUB PA'I SKU MTHO GANG TZAM PA 'OD LHAG PA CIG NAR GYIS BYUNG NAS AA ME'I SPYI BOR THIM BA SNYAM BYED TZA NA DE NYID DU TING NGE 'DZIN DU LHAN GYIS SONG BAS DGA' DRAGS RTOGS PA 'BUL DGOS SNYAM PHYIN PAS GZIM KHANG GI SGO NA MIS BCER NAS SPYAN SNGAR MA THON, PHYI NAS SKE RMYANG RMYANG BYAS BAS ZHAL NAS, 'O AA MES DE TZUG 'ONG BA YIN GSUNGS NAS TIG GIS MKHYEN PA ZHIG BYUNG ZHES GRAG GO ,BDAG NYID CHEN PO 'DI LA GZHAN SEMS

, ,SHES PA'I MNGON PAR SHES PA'ANG RGYA CHEN BO MNGA' STE, SNE'U ZUR PA'I SPYAN SNGA NA JO STAN TSANG RONG PA BYA BA'I 'DUL 'DAIN DE NUB GCIG BZHIN DU BSAM PAS, CHAS RKYEN MED PA'I KHANG PA 'DI BRAG PHUG GCIG DANG KHYAD MED, YUL DU 'GRO DGOS SNYAM PA CIG BYUNG, SANG DGE BSHES DES NYE GNAS BTANG NAS 'DIR SHOG DANG GSUNG, SPYAN SNGAR PHYIN PAS, 'O BLA MA BSTEN PA'I DUS SU KHANG PA LA BRAG PHUG TU SGOM PA MIN, CHAS RKYEN MED NA 'DI NAS LONGS GSUNGS NAS, NAS SGRO BA GANG ,MAR TSUD GCIG, JA ZHIB MA GANG GNANG, YANG LHO BRAG PA GSHID STON KHA 'DAR BYA BA LA DGE BSHES KYI ZHAL NAS ,KHA 'DAR BA LA 'UR SONGS ,MA LA GNYID MED NAS ZLA BA KHYUR PO GNYIS SONG NA GSUNG, DER YUL DU PHYIN PAS MA RGAN SHED, KHYOD MED PAS SNYING MA DGA' NAS GNYID MED NAS ZLA BA KHYUR PO GNYIS LON ZER TE TIG GIS DGONGS, YANG DGE BSHES DGYER GYIS SNE'U ZUR PA'I SPYAN SNGAR BYON, DE NA 'PHYING PA DRAS NAS STAN CHUNG GCIG GI BZO MDZAD KYIN GDA', DER KHONG GI THUGS DGONGS LA ,DGE BSHES 'DI THUGS RGYUD RANG JI TZAM PA YIN NAM, MNGON SHES MNGA' 'AM MI MNGA' SNYAM PA CIG BYUNG TZA NA ,'GRAM PA LA THAL LCAG CIG RGYAB NAS, AA NA CI GDA' LO GSUNGS ,BDAG NYID CHEN BO 'DIS RANG DANG GZHAN GYI TSE RABS SNGA PHYI MANG BO MKHYEN PA NI, DGE BSHES SNE'U ZUR BA NYID KYI ZHAL NAS, NGA SKYE BA SNGA MA MI DBUL BO ZHIG

LAS TSE 'PHOS PA YIN, SKYE BA PHYI MA DGA' LDAN DU SMON LAM 'DEBS GSUNGS, BDAG NYID CHEN PO 'DI LA TING NGE 'DZIN BRTAN PO'I MTHUS RDZU 'PHRUL DANG MNGON SHES KYANG MNGA' STE, LAN CIG TZA NA NYE GNAS ZHANG BTZUN BYA GAS NA BZA' KHUR NAS PHU CHUNG PA'I 'BUM PA'I RTZA NAS PHAR DPON G-YOG GNYIS KYIS BYON, 'BUM PA'I ZUR DU SLEB TZA NA STON PA SH'AKA TSUL GYIS PHYAG BYAS, PHYAG GTOD MDZAD PA'I BAR DER ZHANG BTZUN GYIS NA BZA' RNAMS THANG LA BZHAG NAS STON PA SH'AKA TSUL LA PHYAG BYAS, NA BZA' KHUR NAS 'BUM CHUNG ZUR DU 'ONGS TZA NA JI LTAR BYAS CHA MED PAR GZIM KHANG NA PHAR YUD BZHUD PA CIG BYUNG ZHES GRAG GO, YANG NUB GCIG CHAR CHEN PO BYUNG BAS GZIM KHANG GI WA RTZA SHOR NAS CHU NAR GYIS BYUNG BAS, NYE GNAS KYIS JI LTAR MDZAD DAM SNYAM NAS BRDZUS BSDAD PAS, GZIM MAL NAS KOG GIS BZHENGS NAS SA SKAS LA THEGS PA BZHIN RTZEN GYIS GSHEGS TE WA KHA DER CAG CAG CIG MDZAD NAS YANG SA SKAS LA 'BYON PA BZHIN BYON PA NYE GNAS KYIS DNGOS SU MTHONG, YANG GROG CES BYA BA'I YUL NA SHA 'DZUL SMON NE BYA BA DAD GUS SHIN TU CHE BA YOD PA TSE'I DUS BYAS PAS NANGS GCIG ZHAL NAS, NYE GNAS LA 'U CAG GI YANG GROG GI YON BDAG DE SHI BA 'DRA GSUNG, JI TZUG GDA' ZHUS PAS, DA NANG YON BDAG DE GOS GSAR PA CIG GYON, ME TOG TSAN ZHIG THOGS NAS NGA'I DRUNG DU BYUNG GSUNGS TE, DE'I DUS KHO NAR TSE'I DUS BYAS PA JI LTA BA BZHIN MKHYEN PAR GDA', YANG

, ,BYA YUL BA CHEN POS SPYAN SNGA GSHEGS PA'I SKU SKAL ZHIG DANG NA BZA' ZHIG SKYEL DU BYON, DER GSUNG GLENG 'DRA MDZAD DE, SNE'U ZUR PA'I ZHAL NAS DUS TSOD 'DI KHON LA 'DAS TE 'ONG ,TSES GRANGS 'DI'I NYI MA'I DUS TSOD 'DI TZAM LA SHAR PHYOGS NAS 'OD ZER ZHIG BYUNG NAS 'JAM DPAL SKU MDOG DMAR SER ZHIG NAM MKHA' LA GSHEGS PA'I SNANG BA CIG BYUNG, PHYIS 'DI LTAR BRTZIS TZA NA DUS TSOD DANG TSES GRANGS KYANG TIG GE PAR 'DUG PA LA ;RTOG PA CIG GIS BSGRIBS NAS CHOS ZHU RGYU 'DRA YOD PA MA ZHUS GSUNGS NAS 'GYOD PA MDZAD DO, ,DGE BSHES SNE'U ZUR PA DE GTZO BOR DGE BSHES DGON PA PA LA BRTEN ZHING SKU MCHED GSUM LA'ANG BRTEN LA, DGE BSHES SPYAN SNGA BA LA MI G-YO BA'I SGRUB SGOR ZHUS, DGE BSHES DGON PA BA DANG SPYAN SNGA BA GNYIS KAS GNANG BA'I JO BO MI G-YO BA'I BSNYEN PA MANG DU MDZAD PAS ZHAL GZIGS DGE BSHES SGRE BA DE SPYAN SNGA'I SLOB MAR GDA' NA, JO BO MI G-YO BA'I YI GE BCU BA KHO NA BGRANGS BAS MI G-YO BA DMAR PO ZHAL GZIGS, KA MA BA LA DRIS PAS CHA MED BZLAS PA 'DRA BA GYIS DANG GSUNG, DGE BSHES KYI SPYAN SNGAR BYON PAS, 'O SKYES BU DAD PAS GO BCAD NAS 'DUG GI GSUNG, 'O NA DMAR POR 'ONG BA JI LTAR LAGS ZHUS PAS KHYOD THUGS RJE CHE BA'I RTAGS YIN GSUNG, 'O NA DE'I SNGON DU JO MO'I SNANG BA CIG KYANG GDA' NA ZHUS PAS, YI DAM GYI LHA GANG GI ZHAL MTHONG YANG LAS KYI LHA MO YIN PAS SNGON LA JO MO'I ZHAL MTHONG BA CHOS NYID YIN GSUNG, DER DGE BSHES SGRE

BAS DGE BA'I BSHES GNYEN LA YANG DE LTA BU'I YON TAN MNGA' 'AM ZHUS PAS NGA LA BSTAN PA'I SGOR ZHUGS MA THAG NAS DE 'DRA'I SNANG BA MANG DU BYUNG GSUNG ,DGON PA BA'I GDAMS PA LA BRTEN NAS DAM TSIG GSUM BKOD BA'I RGYAL PO'I SGOM ZLAS MDZAD PAS KYANG SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS SO, ,DGE BSHES SNE'U ZUR PA RANG NYID SMIN PAR MA ZAD GDUL BYA GZHAN GYI RGYUD BYIN GYIS RLOBS PA LA'ANG MNGA' BRNYES PA ZHIG STE, DGE BSHES SNE'U ZUR BA'I DRUNG NA 'DUG PA KUN KYANG LAS DANG NYON MONGS PA 'GO NON PA DANG, YON TAN RIN PO CHE RNAMS ME LONG GI NGOS LA SHAR BA BZHIN GSAL PA CHOS NYID YIN, DBYAR GCIG CHAR CHES PAS GZIM CHUNG GI RTZIG PA'I ZUR DE ZHIG, DER ZHANG BTZUN DGE 'DUN GYIS G-YOG BYAS NAS 'DAG PA DANG RDO BTANG, DGE BSHES KYI THUGS DAM 'PHRENG BA DE DBU LA BSKOR NAS RTZIG PA MDZAD PA'I TSE DE MA TSAR GYI RING LA ZHANG BTZUN GYIS KYANG MI PHYUGS MANG PO'I SEMS SHES PA BYUNG ZHES ZER, DGE BSHES SNE'U ZUR PAS SKAL PA DANG LDAN PA GZHAN MANG PO LA LAM RIM GYI KHRID RGYA CHER STZAL TE, DGE BA'I BSHES GNYEN DGON PA BA DE RANG LA BLO GTAD PA'I SLOB MA RNAMS LA DBYAR DUS LAM RIM TSAR RE DANG DGUN DUS LAM RIM TSAR RE GNANG BA, DGE BSHES SNE'U ZUR BA'ANG DGON PA BA'I RNAM THAR RJES SU BSKYANGS TE LAM GYI RIM PA DE DBYAR TSAR RE DGUN TSAR RE GSUNG ,SKAL BA DANG LDAN

, ,PA MANG PO LAM GYI RIM PA LA KHRID PAS BSKYANG BTUB BAR BYUNG GSUNG, LAM RIM GYI KHRID RGYAS PAR GSUNGS PA LA SLOB MAS ZIN BRIS SU BYAS PA'ANG MANG DU YOD, DE LA BRTEN NAS BOD 'DIR SNE'U ZUR PA'I LUGS KYI LAM GYI RIM PA SHIN TU DAR BAR BYUNG NGO, ,DE LTAR BSTAN PA LA BYA BA RGYA CHEN PO MDZAD PAS SLOB MA MTHA' YAS PA BYUNG ZHING, PO TO BA GSHEGS NAS GRVA PA MANG PO SNE'U ZUR DU LHAGS, SMYUG RUM PA 'DA' PA'I DUS SU, NGA LA BLA MAR 'DZIN PA RNAMS SPRAS THONG PA NA DGON PA BA'I SLOB MA MI G-YO BA'I BSKYED RIM LA BRTAN PA THOB PA CIG YOD PAS DER SONGS GSUNGS NAS KHONG GI GRVA PA MANG PO ZHIG KYANG BYON, KHAMS PA LUNG PA GSHEGS RJES JA RDZA TSUN CHAD KHUR NAS BYUNG BAS GRVA PA DE YANG 'UR GYIS SONG, TSA RONG GI JO STAN NAG PO LA SOGS PA'I 'DUL BA 'DZIN PA CHEN PO MANG POS KYANG ZHABS LA GTUGS, GZHAN YANG DGE BA'I BSHES GNYEN RIN CHEN SGANG PA, LHA 'BRI SGANG PA, 'DUL 'DZIN THAG MA BA SOGS BSTAN PA YONGS RDZOGS 'DZIN PA'I DGE BA'I BSHES GNYEN YANG MANG DU BYUNG NGO, ,TSOGS PA YANG MANG DUS SU NYIS STONG LHAG TZAM 'DUS, PHU CHUNG BA'I RTEN 'BREL DE YANG MKHAS BA'I TSAD CIG MKHYEN, BSLAB PHYOGS DANG PHA ROL TU PHYIN PA DE YANG MKHAS PA'I TSAD CIG MKHYEN, LAN CIG BRGYAD STONG 'GREL CHEN ZHIG GSUNGS PAS SKABS DANG PO GCIG PU LA ZLA BA GSUM

SONG GSUNGS SO, ,BDAG NYID CHEN PO 'DI SPRUL PA'I SKUR YANG GRAGS TE, DE DUS PHAN YUL DU NAD YAMS CHEN PO BYUNG BAS MI MANG PO'ANG SHI, DE NAS MI MA YIN RNAMS SNE'U ZUR DU 'GRO BAR BRTZAMS PA NA NAM MKHA' LAS, DE NI BYANG CHUB SEMS DPA' KUN TU BZANG PO'I SPRUL PA YIN NO BYA BA'I SGRA BYUNG BAS MI MA YIN RNAMS PHYIR LOG STE, BYANG CHUB SEMS DPA' KUN TU BZANG PO'I SPRUL PAR YANG GRAGS SO, ,DE LTAR DGE BA'I BSHES GNYEN SNE'U ZUR PAS BSTAN PA'I BYA BA RGYA CHEN PO MDZAD NAS SKU DNGOS KYI GDUL BYA RNAMS PHAL CHER RDZOGS TE ZHING GSHEGS PA LA NYE BA NA CHOS SHIG GNANG BA'I DUS SU BYANG SHAR MTSAMS DER BRAG BRDABS PA 'DRA PA'I SGRA CHEN PO DANG, 'OD DANG SA G-YO BA LA SOGS PA'ANG BYUNG, DE NAS SKU KHAMS CUNG ZAD LTEM PA CIG BYUNG BA LA NYE GNAS DPON RDOG CHUNG BA BYA BA SNE'U ZUR BA JI SKAD GSUNG BA BZHIN SGRUB PA CIG YOD PA DES LHA RJE YE 'BYUNG BYA BA'I SMAN PA CIG BOS NAS SPYONG CHUNG CIG BYAS PAS 'PHRO MA CHOD NAS SKU SHED DE ZHAN TZAM BYUNG, NAM MKHA' LAS BDUD RIGS KYI YE DVAGS MING 'DI ZHES BYA BAS DGE BSHES KYI THUGS DAM LA PAR CHAD BYED PA 'DUG PAS BZLAS PA GYIS BYA BA'I SGRA SPYAN SNGAR BZHUGS PA RNAMS KYIS KYANG TSOR BAR BYUNG GAS, KHYED RNAMS KYIS SNGAGS RING DE LA MING SPEL CHUG LA BZLAS PA GYIS GSUNG BAS DGE 'DUN RNAMS KYIS BZLAS BA BYAS, DE NAS ZHAG BDUN SONG BA NA SMAN PA GCIG DANG TSUL KHRIMS 'OD ZER

, ,GNYIS ZHABS DRUNG NA YOD DUS SKYIL KRUNG LAM GYI MDZAD NAS THUGS DAM DU LHAN GYIS SONG, KHONG GNYIS KYIS BLTAS PAS ZHAL KO PHYANG GIS SONG BYUNG TZA NA SPYI BO NAS YAR LA 'OD 'JAG MA TZAM ZHIG DKAR NAR GYIS SONG, PHYIN YOD PA KUN GYIS SBA LCAG TZAM DKAR NAR NAR MTHONG, DE JE CHE LA SONG NAS NAM MKHA' LA 'OD RDZA MA TZAM ZHIG TU SONG BA ZHIG BYUNG NGO, ,DE LTAR DGE BA'I BSHES GNYEN SNE'U ZUR PA DE DGUNG LO BDUN CU RTZA BDUN PA SA PHO RTA'I LO LA ZHING GSHEGS TE DGA' LDAN CHOS KYI PHO BRANG DU PHEBS SO, ,SLOB MA RNAMS KYIS SPUR GANG DU SBYONG SNYAM PA LA SPUR LA 'JA' GCIG ZUG PA'I SNE MO SHOD DE NA ZHING GCIG YOD PA'I STENG DU ZUG , DER 'OD G-YUL THANG TZAM ZHIG ZHAG GNYIS GSUM DU BYUNG BAS, DGE BSHES NYID KYIS BSTAN PA YIN TE 'ONG SNYAM NAS DER SPUR SBYANGS PA'I DUS NYI MA'I DKYIL 'KHOR GYI DBUS NAS 'OD ZER CIG SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA GDUGS KYI YU BA 'DRA BA CIG BYUNG, NYI MA DE LA SPRIN SRIB SE BA CIG BYUNG BAS 'JA' TSON GDUGS 'DRA BAS BSKOR BA'ANG BYUNG, SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA BZHI DANG, GZHAN YANG 'JA' TSON 'PHAN 'DRA BA DANG RGYAL MTSAN 'DRA BA MANG PO'ANG BYUNG, DE'I DUS SU LTA BKA' GDAMS PA DE ZHABS TOG KYANG CHE, MI YANG CHA BAS MANG BSKOL ZHIG BYAS NAS 'DI LA RTEN KHYAD PAR CAN BYON 'ONG BAS, DE BYON NA

'AM BU LA THUGS LA 'DOGS PAR ZHU ZER NAS SPYI ZHUS BYAS, GDUNG RNAMS GDAN DRANGS PA'I DUS SU DGON PA BAS PHYAG G-YAS PA BZHAG PA'I RJES KYI DBU THOD DE LHA BKA' GDAMS PA LA PHUL BAS DNGUL GYI GDUNG RTEN ZHIG BZHENGS, PHYIS 'BRI SGANG NAS GDAN DRANGS TE DON STENG GI GDUNG RTEN CHEN MO'I NANG NA BZHUGS, PHYAG MNYAL SMAD GSER PHYE 'BUM PA'I NANG NA BZHUGS PAR GRAGS, ZHAL KO RIN CHEN SGANG GI MCHOD RTEN NANG NA BZHUGS, GZHAN YANG RING BSREL DPAG TU MED LA BYON NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN SNE'U ZUR PA LA GSOL BA 'DEBS SHING GSOL BA BTAB NA SEMS RGYUD LAS SU RUNG BA DANG, DBEN PAR SGRUB TSUGS ZIN PA DANG, SGRUB PA BYED PA LA MA MI YIN GYI BAR CHAD MI 'BYUNG BA DANG, LHAG PAR KLU NAD ZHI BA LA SHIN TU BSNGAGS SO, , GTZO BOR NI BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA SPYIR SKYE BO MANG PO DANG BSRE BSLAD MI BYA BA DANG, LHAG PAR GRONG KHROD DU RGYU BA SPANGS TE DBEN PA'I GNAS SU LAM GYI RIM PA'I NYAMS LEN MTHAR PHYIN PA ZHIG BYA'O,, ` ,,'DUL BA'I SDE SNOD KUN 'DZIN THAG MA BA, ,ZHES BSNGAGS PA DGE BSHES SNE'U ZUR PA'I THUGS SRAS 'DUL 'DZIN CHEN PO THAG MA BA NI, SKU GZHON NU'I DUS NAS

, ,SPYIR 'KHOR BA'I CHOS THAMS CAD LA ZHEN PA LOG CING, KHYAD PAR KHYIM GYI GNAS NI NYON MONGS PA DANG NYES PAR SPYOD PA MANG PO'I 'BYUNG GNAS SU MTHONG NAS KHYIM NAS KHYIM MED PAR RAB TU BYUNG, SPYIR SDE SNOD GSUM GA LA SBYANGS SHING, KHYAD PAR 'DUL 'DZIN CHEN PO SHA MI SMON LAM TSUL KHRIMS TSUL BZHIN DU BSTEN TE 'DUL BA LUNG SDE BZHI'I TSIG DON MTHA' DAG LA MKHAS PAR BSLABS, 'DUL BA NAS JI LTAR GSUNGS PA'I BCAS MTSAMS PHRA RAGS THAMS CAD PHYAG LEN LA BTAB STE TSUL BZHIN DU BSRUNG BAR MDZAD PAS 'DUL 'DZIN CHEN POR GRAGS, DGE BA'I BSHES GNYEN SNE'U ZUR PA'I ZHABS DRUNG DU BYON NAS SNE'U ZUR PA BSAM SPYOR GNYIS KYIS TSUL BZHIN DU BSTEN TE DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID YONGS SU RDZOGS PAR GSAN TI NYAMS SU BLANGS NAS MYONG PA THON PAR MDZAD, SKAL BA DANG LDAN PA GZHAN DAG LA'ANG RGYA CHER SPEL ZHING STOD LUNG THAG MA BZUNG NAS 'DUL BA'I BSHAD SROL RGYA CHER SPEL BAS RANG GI DBON RGYUNG THAG MA BA PHYI MA DPAL CHEN RDOR GZHON DANG 'DUL 'DZIN CHEN PO SBAL TI JO SRAS LA SOGS PA'I 'DUL 'DZIN MKHAS PA MANG DU BYUNG ZHING, KHYAD PAR SPRUL PA'I SKYES MCHOG SANGS RGYAS DPON GYIS KYANG 'DI'I ZHABS LA GTUGS TE 'DUL BA MKHAS PAR BSLABS NAS SKAL BA DANG LDAN PA BGRANG BA LAS 'DAS PA LA 'DUL BA RGYA CHER SPEL

BAS 'DUL BA'I BSHAD SROL GYI 'PHRIN LAS CHER BYUNG BAS RJE BDAG NYID CHEN POS KYANG, 'DUL BA'I SDE SNOD KUN 'DZIN THAG MA BA, ,ZHES BSNGAGS PA MDZAD DO, ,'DUL 'DZIN THAG MA BA 'DI'I MTSAN DNGOS NI KA BA DAR SENG ZHES BYA LA, 'DUL 'DZIN THAG MA BA NAS BRGYUD PA'I LAM RIM GYI KHRID KA NI LHO BRAG PHYOGS SU RGYA CHER 'PHEL TE, LHO BRAG MKHAN CHEN NAM MKHA' SENG GES 'DUL 'DZIN THAG MA BA'I ZHABS LA GTUGS TE DGON PA BA NAS BRGYUD PA'I LAM RIM GYI KHRID RDZOGS PAR GSAN, MKHAN CHEN NAM MKHA' SENG GES, MKHAN CHEN NAM MKHA' RGYAL PO LA GNANG, DES MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG STE, LHO BRAG MKHAN CHEN NAM MKHA' SENG GE'I RNAM THAR NI DA LTA NYID DU 'CHAD LA, MKHAN CHEN NAM MKHA' RGYAL PO NAS LHO BRAG GRUB CHEN GYI BAR BLA MA BZHI PA 'DI'I RNAM THAR NI 'OG TU DGE BSHES SPYAN SNGA BA NAS BRGYUD PA'I BKA' GDAMS GDAMS NGAG PA'I BLA MA RNAMS KYI RNAM THAR 'CHAD PA'I SKABS SU 'CHAD DO, ,'DUL 'DZIN THAG MA BA 'DI'I RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN THAG MA BA'I RNAM THAR DRAN PAR BYAS LA GSOL BA GDAB PA DANG, BYANG CHUB LAM RIM LA BLO SBYONG BA'I TSE 'DUL BA'I BCAS MTSAMS YAL BAR DOR NAS CHOS GZHAN ZHIG LA

, ,BLO SBYONG BA SKAD BYED PA RTZA BA MED PA'I YAL GA 'TSOL BA'I NGAL BA MI BYA BAR, BSTAN PA'I RTZA BA 'DUL BA'I BSLAB BYA LA NAN TAN DU BYAS NAS LAM GYI RTZA BA TSUGS PA ZHIG BYA'O,, ` ,, BRTZON PAS SGRUB PA LHUR LEN NAM SENG ZHABS, ,ZHES BSNGAGS PA, LHO BRAG MKHAN CHEN NAM MKHA' SENG GE NI, CHOS RGYAL KHRI SRONG SDE'U BTZAN GYI CHOS BLON SHUD PU DPAL GYI SENG GE'I RGYUD DU LHO BRAG TU SKU 'KHRUNGS, SNGAGS RNYING MA'I KHYIM BTZUN GYI RIGS BRGYUD YIN YANG SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS 'KHRUNGS TZAM NYID NAS CHOS 'BA' ZHIG SENG SHING SMRA SHES PA NAS BZUNG DAM PA'I CHOS 'DUL BA LA MOS SHING BKA' GDAMS LAM RIM LA MOS BRTZE GCIG BYED BA ZHIG BYUNG NAS DGUNG LO BCU GSUM PA LA DGRA BCOM BA SBRAL TI JO SRAS KYI ZHABS LA GTUGS NAS RAB TU BYUNG, 'DUL BA'I GSAN SBYONG MTHAR PHYIN PAR MDZAD, SNGON GYI LAS 'BREL BZANG POS 'DUL 'DZIN THAG MA BA DANG MJAL, GUS PA CHEN POS GSOL BA BTAB PA NA 'DUL 'DZIN THAG MA BAS TSE DANG LDAN PA'I TSUL KHRIMS 'OG THON PA 'ONG GI GSUNG, DE NAS 'DUL 'DZIN THAG MA BA CHEN PO BSAM SBYOR GNYIS KYIS CHU LA BZHIN DU BSTEN NAS RGYAL BA'I GSUNG RAB KUN GYI SNYING PO BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR GSAN NAS THUGS SU CHUNG PAR MDZAD, LAM THUN MONG

BA'I STENG DU THUN MONG MIN PA RDO RJE THEG PA LA SLOB PA'I PHYIR THAG MA BA CHEN POS MI G-YO BA DKAR PO LHAG PA'I LHAR ZUNGS GSUNGS NAS DE'I SGRUB THABS DANG MAN NGAG GNANG BA LTAR BSGRUBS PAS ZHAL GZIGS THUN MONG DANG THUN MONG MIN PA'I LAM GYI RIM PA LA BRTZON PA SHUGS DRAG LA RGYUN RING BA MDZAD PAS MYONG BA PHUL PHYIN THON, DON 'DI LA DGONGS NAS RJE THAMS CAD MKHYEN PAS, BRTZON PAS SGRUB PA LHUR LEN NAM SENG ZHABS, ,ZHES BSNGAGS SO, ,DE NAS MKHAN CHEN NAM MKHA' SENG GES DGE BA'I BSHES GNYEN DON STENG PA LA SGROL MA'I CHOS SKOR ZHUS, GZHAN YANG DAM TSIG GSUM BKOD, DZAM BHA LA, TSOGS BDAG RNAMS ZHUS TE BSGRUBS PAS LHA DE DANG DE'I ZHAL GZIGS, DE LTAR BRTZON PA CHEN POS SGRUB PA RGYUN RING DU MDZAD NAS RANG NYID MI NYAMS PA'I GDENG THOB PA NA RANG GI DBON SRAS MKHAN CHEN NAM MKHA' RGYAL PO SOGS SKAL BA DANG LDAN PA MTHA' YAS PA LA BYANG CHUB LAM GYI RIM PA'I KHRID RGYA CHER SPEL, LHO BRAG PHYOGS SU GZHI GSUM GYI PHYAG LEN SOGS 'DUL KHRIMS RNAM PAR DAG PA 'PHEL BAR MDZAD DE LHO PHRAG SGRO BA DGON PA SOGS KYI MKHAN PO MDZAD DE LHO PHYOGS SPYI DANG KHYAD PAR SHUD PHU PA'I RGYUD LA BKA' GDAMS BSTAN 'DZIN RIM PAR BYON PA THAMS CAD MKHAN CHEN 'DI'I BKA' DRIN LAS BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' SENG GE LA GSOL BA 'DEBS SHING DAM PA 'DI'I RNAM

, ,THAR LTAR 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,'BROM RIN PO CHE NAS DGE BA'I BSHES GNYEN PO TO BA LA BRGYUD PA'I BKA' GDAMS GZHUNG PA'I BLA MA RNAMS KYI RNAM THAR 'CHAD PA LA, RGYAL BA'I GDUNG 'TSO BA BSHES GNYEN PO TO BA, ,ZHES BSNGAGS PA, GANGS RI'I KHROD 'DIR RGYAL BA'I BSTAN PA SPEL BA'I SLAD DU BSAMS BZHIN DU BYON PA'I SPRUL PA'I SKYES MCHOG DKA' THUB KYI RI SUL DU DRANG SRONG GI SBYOD TSUL GYIS GNAS NAS BSTAN PA'I BDAG PO MDZAD PA DGE BA'I BSHES GNYEN PO TO BA NI, 'PHAN YUL SPRAS KYI BA'O THANG DU YAB SKU GSHEN SRING LA PHYUG STE SRING PO ZHES GRAGS PA DANG, YUM RIGS RNAM PAR DAG PA LE MO ZHES GRAGS PA GNYIS KYI SRAS SU ME MO YOS KYI LO LA SKU 'KHRUNGS, GDUNG GNYOS, BYIS PA'I DUS NYID NAS BYAMS SNYING RJE BYANG CHUB KYI SEMS RLABS CHEN PO RANG 'KHRUNGS SU BYUNG STE 'GRO BA GZHAN SDUG BSNGAL BA GZIGS NA GTING NAS MI DGA' ZHING 'DI'I SDUG BSNGAL 'DI THABS GANG GIS SEL BAR NUS SNYAM PA DANG, GZHAN BDE BA GZIGS NA THUGS DGA' ZHING 'DI'I BDE BA 'DI NAM YANG MI NYAMS PAR GONG 'PHEL DU SONG NA SNYAM PA 'BYUNG BA ZHIG YOD, SKYE BO GZHAN DAG GIS DBUS GTZANG GI CHU 'DI THAMS CAD KONG CHU RLAG BYA BA CIG TU 'GRO, DE NA BYA 'DAM SEL BYA BA YOD PAS CHU DES MI RO RTA TO THAMS CAD BSAL, BYA DE SHIN DE

PAS LA MKHAN MED PAS CHU 'KHYIL 'OD ZER BA GSAN PAS BYA DE SHIN TU GCES PAR 'DUG GO GSUNGS NAS BYA DE SHI DOGS NAS THUGS LAS MDZAD, RGYA LAM GYI 'GRON PO'I SAR BYON NAS 'GRON PO KUN KHYED CAG GI YUL DU LO LEGS PAR SHOG ,BYES SU DON 'GRUB PAR SHOG CIG CES SMON LAM 'DEBS, DGE BSHES PO TO BA NYID KYI ZHAL NAS, RANG GIS DRAN PA RNYED PA NAS PHA ROL PO RGYAL NA DGA', BDE NA DGA', SKYID NA DGA' BA LAS, RANG RGYAL BA SOGS BYUNG NA DGA' SNYAM PA'I RTOG PA 'ONG MA MYONG, MI GNYIS 'GROGS NAS 'GRO BA MTHONG NA YANG 'DI GNYIS MTHUN NA RUNG STE SNYAM DU DGONGS PA KHO NA 'ONG BA YIN GSUNG, DGE BSHES SHA RA BAS BSTOD PA MDZAD PA NA YANG, BRDA PHRAD TSUN CHAD BYIS PA'I DUS NYID NAS, ,GZHAN GYI BDE SDUG THUN MONG NYID DU GYUR, ,CES GSUNGS, YAB DE BON YIN PAS DGE BSHES PO TO PA CHEN POS KYANG BYIS PA'I DUS BON CHOG 'DRA YANG MDZAD PAS BON GYI CHO GA 'DI DKON MCHOG GSUM LAS PHYI ROL TU GYUR PA 'DI 'DRA CI RUNG ZHES THUGS MA MNYES PA'I BKA' YANG STZAL, DE TZA NA SGOM CHEN ZHIG SHI BA'I SBUR SBYANGS PAS 'JA' DANG 'OD LA SOGS PA BYUNG, DE YAB LA DRIS PAS SGOM CHEN ZHIG GRONGS PA YIN ZER BAS NGAS KYANG BSLABS NA SGOM CHEN ZHIG 'OD SNYAM PA BYUNG GSUNG, YAB LA BLA MCHONG SBA SGOM ZHES PA GANG ZAG KHYAD PAR CAN CIG YOD, DE LA BYIS PA'I DUS SU BSNYEN GNAS KYI SDOM PA BLANGS NAS SANG BSRUNG BA'I

, ,DE RING CHANG 'THUNGS PAS BAD KAN LA PHOG NAS SKYUGS, YAB KYIS KHAMS NGAN PAR 'DUG PAS DE RING MA SRUNGS, NYA STONG BRGYAD GSUM BYA BA YIN PAS SANG SRUNGS BYAS PAS, YAB CI DGA' DGA' ZER DUS NAM YIN PA NA SRUNG BA YIN, KHAMS BZANG NA BSRUNG LA, KHAMS NGAN NA MA BSRUNGS PAS GA NA 'ONG GSUNG, DE LA SBA SGOM MNYES NAS, GNYEN PO DANG LDAN PA CIG 'ONG BAR 'DUG RAB TU BYUNG LA CHOS SHIG BYED DU GZHUG DGOS ZHES PHA MA GNYIS LA YANG YANG BSKUL ZHING GZHON NU RANG NYID KYANG SNGON GOMS PA'I BAG CHAGS 'THUG PO'I MTHUS SPYIR 'KHOR BA'I GNAS THAMS CAD YID BRTAN MI RUNG BA SDUG BSNGAL GYI RANG BZHIN CAN DU RIG CING, KHYAD PAR KHYIM GYI GNAS NI NYON MONGS DANG NYES PAR SPYOD PA'I 'BYUNG GNAS SDUG BSNGAL GYI RTZA BA BRTZON RA LTA BUR GZIGS NAS RAB TU 'BYUNG BAR 'DOD PA'I 'DUN PA DRAG POS BSKUL ZHING PHA MA GNYIS KYIS KYANG GNANG STE YER PA BA RNGOG BYANG CHUB 'BYUNG GNAS KYIS MKHAN PO, GLAN TSUL BYANG LA SLOB DPON ZHUS NAS RAB TU BYUNG MTSAN RIN CHEN GSAL ZHES BYA BAR GSOL, SLOB DPON SBA SGOM LA SGOM ZHIG BSLABS PAR ZHU BYAS PAS KHONG GI GSUNG NAS, KHYOD SGOM GSHA' MAR BYED NA CHOS AEN CIG NYAN DGOS, DE LTA MIN NA SGOM CHEN GYI SGOM MCHAN KHUNG BAS PHU THAG THUNG STE 'GRO BA YIN GSUNGS PAS THOG MAR BKA' GDAMS KYI CHOS SPYOD RNAMS BSLABS, KHAS BLANGS PA'I

BSLAB KHRIMS DAG PAR BSRUNG BA GZHIR BZHAG NAS KHU STON LA SOGS PA MKHAS PA MANG PO LA BRTEN TE SDE SNOD GSUM LA SBYANGS NAS MKHAS PA'I PHUL DU PHYIN PAR MDZAD, BDAG NYID CHEN PO 'DI GZHON NU'I DUS SU JO BO RJE YANG BZHUGS PAS JO BO LA YER PAR DGE BSHES STON PA BYANG DU GSER 'TSOL DU BZHUD PA'I SHUL DU NAG TSOS LO TZ'A BYAS NAS SGOM RIM BAR PA GCIG GSAN PA LA SKAD NI MA SHES, BAN GSAR DU SONG BAS BRDA GZHAN MED PAndI TA LA BZLA RGYU MANG PO 'ONG BAR 'DUG PA LA LO TZ'A BA LA CUNG ZAD LAS MI 'ONG BAR SNANG GSUNG, BRAG RGYAB PA'I BZA' MI YIN PAS PHYUGS SA NA BRAG KA JO BTZUN BYA BA DANG LHAN DU BZHUGS PA NA JO BTZUN GNYID LOG KHONG GIS MNGON RTOGS ZHAL 'DON MDZAD PA LA JO BTZUN NA RE THON CIG GRVA PA MANG PO BYUNG NGO ZER, GNYID SAD NAS GLENG BAS KHYED KHA TON BYED PA LA MI MA YIN DPAG TU MED PA 'DUS NAS CHOS NYAN PA RMOS ZER, SHA RA BA'I ZHAL NAS, MI MA YIN LA'ANG MNGON SHES YOD PA YIN GSUNG, BRAG RGYAB TU GNYER CIG MDZAD PA LOG SHIN TU CHOD PA CIG MDZAD DE, MDO MANG GCIG GI PHYAG LAN KYANG MDZAD, DE'I BAR LA DGE 'DUN SPYI BAS LHAG PA ZHO BA SHAL GCIG LAS 'THUNG MA MYONG GSUNG, BRAG RGYAB PA'I DBON RA ZHAG SH'AKYA RIN CHEN NA RE, RA BA ZLUM PO LA SOGS PA'I GNYER BYED DGOS ZER BA LA SKYO SHAS CHEN PO MNGA' BAS MI BYED GSUNGS NAS DON MED PA'I BYA BA THAMS CAD SPANGS TE RAB TU BYUNG BA'I BYA BA'I GTZO BO

, ,KLOG PA THOS BSAM DANG, SPONG BA BSAM GTAN LA KHOR YUG TU BRTZON BAR MDZAD, DE NAS DBEN BA'I GNAS ZHIG TU RTZE GCIG TU SGOM BAR BZHED NAS YAB KYI MCHOD GNAS RANG NYID KYIS BSNYEN GNAS KYI SDOM PA ZHUS PA'I SLOB DPON SBA SGOM LA GROS ZHUS PAS, SBA SGOM GYIS KHYOD SGRUB BA GSHA' MA ZHIG BYA 'DOD NA BYANG RA SGRENG NA JO BO RJE DPAL LDAN AA TI SHA'I MAN NGAG YONGS SU RDZOGS PAR MNGA' BA 'BROM STON PA ZHES BYA BA BZHUGS PAS, DE'I ZHABS DRUNG DU PHYIN NAS MAN NGAG RNAMS ZHUS NA LEGS ZHES BSKUL BA LTAR RANG NYID KYANG DAD GUS CHEN POS DE LTAR BYA BAR 'DOD NA RA SGRENG DU DGE BSHES STON PA'I SPYAN SNGAR PHYIN LA DBYAR DGUN GCIG TZAM BSDAD, GDAMS GNAG ZHUS NAS KHAMS SU PHYIN LA MING RUS TSUN CHAD SPOS LA SGOM ZHIG BYA SNYAM NAS CHAD STON DANG GNYIS 'GROGS NAS RGYAL GYI GLAN TSUL BYANG DGE TSUL GYI SLOB DPON YIN PAS PHYAG 'TSAL DU BYON, DE NAS RA SGRENG DU BYON PA LA BRAG RGYAB PA'I DPON GYIS KYANG DGE BSHES STON PA LA KHYED KYI SPYAN SNGAR NGA'I MI ZHIG THAL GYI, DE GZHAN DU MA GTONG ZHIG ZER BA'I 'PHRIN YIG SLEBS, DE NAS 'BROM RIN PO CHE BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM PA'I KHRID ZHUS PA NA 'BROM RIN PO CHES RANG GI SRAS KYI THU BO BSTAN PA'I BDAG POR 'GYUR BAR GZIGS NAS SPYAN GYI 'BRAS BU LTAR BSKYANGS SHING, LAM GYI RMI PA'I DBU BSHES GNYEN

BSTEN TSUL NAS THAR CHAGS SU GDAMS SHING DMIGS SKOR RE RE NAS BSHAD CHOS CAM DU MA LUS BAR RGYUD LA SKOR TE MYONG BA THON NGES SU 'KHRID PAR MDZAD PAS DGE BA'I BSHES GNYEN STON PA RIN PO CHE'I YON TAN DANG, JI LTAR GSUNGS PA'I LAM GYI GNAD RNAMS LA YID CHES KYI DAD PA BRTAN PO SKYES SHING KHYAD PAR DU SPYOD 'JUG GI, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,ZHES PA LA BRTEN PA'I MAN NGAG GSUNGS PA'I THAD KAR THUGS SNA 'GYUR TE TSE 'DI'I RTOG PA BSKYUR, DGE BA'I BSHES GNYEN 'BROM RIN PO CHE 'BRAL MED DU BSTEN PA YIN, NGA DANG POR 'ONG DUS NA THOG CIG MAN NGAG ZHUS NAS GNAS GZHAN ZHIG TU 'GRO BSAMS PA YIN TE, DANG NGA 'GRES SMAD TZAM DU SONG ZER YANG MI CHA GSUNG, DES NA MAN NGAG CHUNG DU 'GA' TZAM GYIS MI CHOG LA, DE YANG ZHUS NAS GZHAN DU PHYIN PAS MI CHOG PAR DGE BSHES MTSAN NYID DANG LDAN PA DANG MI 'BRAL BAR BSTEN DGOS PAR DGONGS NAS LO BDUN BSTEN PA LAS DGE BSHES STON PA'I THUGS KYANG ZIN, BA'O THANG 'DIR JI LTA BU'I MI CHEN PO ZHIG 'BYON PAR 'DUG GSUNGS, DGE BSHES RNAL 'BYOR PA DANG DGON PA BA YANG MA 'DAS BAR DU RA SGRENG DU BZHUGS NAS SGRUB PA RTZE GCIG TU MDZAD, BAR SKABS SHIG SPA SGOM DANG LHAN DU MDO SDE RGYAN GYI RTZA BA DGZIGS SHING BZHUGS, DER NUB GCIG SPANG LEB GCIG LA MDA' MANG PO RGYAB NAS BTON PAS

, ,MDE'U KHA YAR LUS PA RMIS, BYAS t'IKKA DANG SBYAR NAS GZIGS PAS MDE'U MA LUS PAR THON PA RMIS TE RJE BTZUN BYAMS PA'I DGONGS PA JI LTA BA BZHIN DU LONGS BA YIN GSUNGS, DE LTAR DGE BA'I BSHES GNYEN PO TO BAS 'BROM RIN PO CHE THOG MA MJAL BA NAS MTHAR NAM GSHEGS BAR DU SKAD CIG KYANG 'BRAL MA PHOD PAR BSAM SBYOR GNYIS KYIS TSUL BZHIN DU BSTEN, 'BROM RIN PO CHES KYANG SRAS KYI THU BOR BZUNG, LAN CIG 'BROM RIN PO CHE SKU BSNYUN PA ZHIG GI SKABS PO TO BA'I BANG DU DBU BZHAG NAS YOD BA'I TSE, PO TO BA'I THUGS DGONGS LA 'JIGS SAR SKYEL MAS BOR BA 'DRA BA ZHIG 'ONG BA 'DUG NA DA SU LA BRTEN SNYAM PA DANG SPYAN CHAB GONG BA'I RTZA NA MAR NYIL GYIS BYUNG BA DGE BSHES STON PAS MKHYEN NAS, NGAS KHYOD KYI BRTEN SA SU YANG MA MTHONG BAS NGA PHAN CHAD GSUM YAN CHAD LNGA MAN CHAD DPUNG GDANG CHOS, DGE BA'I BSHES GNYEN MDO SDE LA GYIS LA SEMS BZANG PO GYIS DANG KHYAD PAR CAN DANG PHRAD DE 'ONG GSUNGS BAS, MDUN NA JO BO LEGS YOD PAS SEMS BZANG PO GANG LA ZER ZHUS PAS, 'O NA BYANG CHUB KYI SEMS LA ZER BA YIN MOD CES LAN GNYIS BSTUD NAS GSUNGS PAS, DE SNGA NAS KYANG MA GO RGYU MED PA LA DES GSAL BTAB PA 'DRA BA ZHIG BYUNG NAS DE'I THABS LKOG TU MAN NGAG TU YANG GSUNGS, TSOGS SU LUNG DANG SBYAR NAS KYANG GSUNGS, BKA' BKYON TSUN CHAD KYIS KYANG DE'I THABS SU

GSUNG NAS YOD PAS LO GNYIS TZAM DU MYA NGAN YANG SANGS PA 'DRA ZHIG BYUNG BA LA, PHYIS SEMS BZANG PO LA KHONG RANG DGOS PAR SONG BAS MYA NGAN LA SANGS DUS MED GSUNG, MTHAR 'BROM RIN PO CHE MYA NGAN 'DA' KHAR DGE BSHES PO TO BAS 'BROM RIN PO CHE LA BLA MA MA BZHUGS NA SU LA BRTEN ZHUS BAS, BOD PHU THUNG TZAM 'DI NA KHYOD KYI DGE BSHES NGAS MA MTHONG GI DGE BSHES MDO SDE LA GYIS GSUNG, DGE BSHES STON PA MYA NGAN LAS 'DAS PA'I DUS SU MNAL LAM DU RTZE PHYING DKAR GYI STENG DU BYON NAS RAL GRI ZHIG LAG TU THOGS TE DUNG ZHIG BUS BAS 'DZAM BU'I GLING THAMS CAD DU THOS SAM SEMS PA CIG RMIS, MNAL SAD PA DANG RAL GRI THOGS PA RMIS PA NI SHES RAB JE CHE JE CHER 'GRO, DUNG BUS PA RMIS PAS CHOS NI 'GA' RE TZAM 'CHAD PA CIG 'ONG GSUNG, DE'I ZANG ZING GI BGO SKAL NI CI YANG MED; THUGS DAM DU DGE BSHES STON PA'I RAG SHA'I PHRENG BA NYI SHU RTZA GCIG DANG, PHYAG 'KHAR GNYAL DU SPYAN DRANGS BA DE GNYIS YOD GSUNG, DGON PA BA 'DAS NAS RA SGRENG BSKYANG BAR DGONGS TE, DBYAR DE SKYO BSANGS LA BSLAB BTUS SHIG GSUNGS PA LA GZHAN GYI SHES PA SGYUR NUS PA LTA BU ZHIG BYUNG BA LA, DER DPON CHOS KYI RGYAL PO LA YANG MA BTUB, RMI LAM NA KHONG RANG GIS THONG MKHAN MDZAD DE, ZHING RA DE RMOS PAS 'OG THAMS CAD RDZA RONG DU SONG NAS RMOR MA BTUB PA CIG RMIS PAS, ZHING SBYANG DU MA BTUB PA YIN GSUNG NAS RA SGRENG GI CHAS DNGOS GANG YOD BSKYUR TE GCIG PUR GSHEGS, DE NAS DGE BSHES PO TO

, ,BA DANG PHU CHUNG BA DANG, SPYAN SNGA BA STE SKU MCHED GSUM GA YANG TSE 'DI LA SHA GZUG RANG BZA' BAR CHAD NAS, RA SGRENG CHOS KYI MU GES THEBS YOD, DE TZA NA YON BSHAD PHU CHUNG BAS MDZAD PA LA NYIN GCIG PO TO BA MDZAD DU BCUG PAS, GZHAN GYI SHES PA SGYUR NUS PA 'DRA BA CIG BYUNG BAS PHU CHUNG BA'I ZHAL NAS, 'U CI'I JO BOS CHOS GAD MED G-YANG MED DGONGS TE GDA', JO BO CHEN PO'I GSUNG BZHAG NAS NGAS YON BSHAD BYAS GSUNGS NAS MDZAD MA NYAN, DE PHYIN PO TO BAS MDZAD, RA SGRENG NAS BYON TE SKU MCHED LHAN CIG TU KLUNGS SHOD NA 'GOR BSGOMS, DE NAS SPYAN SNGAS PHYOR PHUR SKU MTSAMS MDZAD NAS BZHUGS, GNYIS POS 'PHAN YUL STOD DANG RGYAL NGOS SU BSOD SNYOMS MDZAD CING BZHUGS, LA MOR SGYE ZER BA DER YANG BZHUGS, DE LTAR RANG RGYUD SMIN NAS GZHAN DON GYI TSOGS BSDUS PA'I DANG PO SGRO LAG DGON PA YIN PAR GSAL TE, DGE BSHES NGOL PAS SGRO LAG TU MJAL TZA NA TSOGS NAS LO NGO GSUM SONG ZHING, GRVA PA SUM CU TZAM 'DUG GSUNG, DE NAS KHRAB 'DZAB KHUNG MIG TU DBYAR GNYIS BZHUGS NAS LAM SGRON DANG, YON TAN MTHA' YAS PAR BSTOD PA DANG, BSHES PA'I SPRINGS YIG GSUNGS PAS GRVA PA BRGYA TZAM 'DUS, DGUN RGYAL GYI GANGS RGYAL MOR BSLAB BTUS GSUNGS, GRVA PA SUM BRGYA TZAM 'DUS, DE NAS KAM YUNG BA'I GRVA BA MANG PO BYUNG, BZLOG KYANG NYAN DU MA 'DOD NAS DPYAR GCIG CHOS MA GSUNGS BAR SKU MCHED GNYIS LA MO SDING BO CHER BZHUGS, DE'I DBYAR TSUL 'JUG

YANG DAG PA CIG BYAS TE DGE BSHES PO TO BA'I ZHAL NAS, NGA LA DE'I DBYAR THA MAL GYI RTOG PA SKAD CIG KYANG MA SKYES GSUNG, PHU CHUNG BA'I ZHAL NAS, NGAS RTEN 'BREL 'BA' ZHIG BSGOMS PAS RTEN 'BREL RANG DU SONG GSUNG, DE NAS DAR YUL KO RU NA BZHUGS PA'I TSE PO TO BA CHEN PO'I YAB DGE BSHES KYI SPYAN SNGAR BYUNG STE PHYAG BTZAL NAS, PHYI MA LA THUGS LA GDAGS PAR ZHU, GOS DUG 'DI KUN DGE BSNYEN GYIS BGOR BTUB BAM, GLANG GCIG YOD PA GRVA BA'I KHAL GYIS ZER NAS BZHUD, DGE BSHES PO TO BA'I ZHAL NAS, AA NA PHA RGAN DE LTOS DANG GSUNGS NAS BLTAS PAS MAL NA 'DAS NAS 'DUG, DE NAS DGUNG LO DRUG CU RTZA GCIG PA LA SPRAS KYI PO TO DGON PA NA BZHUGS PA'I DUS SU 'PHAN YUL STOD DU SDE RTZOD CHEN PO ZHIG BYUNG BAS SA PHUG PA'I JO BO MANG PO DANG, RGYAL NAS BROS PA MANG DU BYUNG, DE THAMS CAD LA DGUN 'DI JI LTAR BTUB BTUB GYIS SHIG DBYAR NAS SBRAS SU BSDAD KYI GSUNG, DE NAS DPYID LUNG STONGS MA ZIN PAR DOG NAS SDUD MO BTAB PAS, DPER NA SENG GE RI SUL BRTEN NAS 'JIGS MED PAR, ZHES PA DE LAN GSUM GYI BAR DU BYUNG NAS, DBYAR STAG LUNG THANG DU BZHUGS GRVA PA DRUG BRGYA TZAM 'TSOGS, PHYIS STAG LUNG DU CHOS NYAN PA DGE 'DUN RNAMS LA GSER ZHO PHYED PHYED GNANG BAS GSER SRANG BRGYAD CU TZAM SONG, GRVA BA STONG DANG SUM BRGYA TZAM BZHUGS PAR GSAL, GZHU MKHAN BRAG DANG DBYAR SA DGUN SA MDZAD DE GNYIS KAR BZHUGS, DE NAS DGE BSHES SBRAGS

, ,PA ZHES GRAGS PA BYUNG, DE NAS KYANG NA 'GOR BZHUGS PAR GSAL TE, SHAR BA'I ZHAL NAS, SNGAR NA 'GON BZHUGS PA NA DE RING MNGON PAR BYANG CHUB PA'I DUS YIN GSUNGS TE MDZAD RGYU CANG MED, PHYIS DUS DER MCHOD PA CHE BA RE MDZAD DE KHO BO SNGA MA DE LA SMON GSUNG, NA 'OG NA BZHUGS DUS SA DE GNYAN PAS SPYI LA PO BRTZIGS PA DANG RKO RLOG SOGS BYAS PAS GRVA PA RNAMS KYI RMI LAM DU SDIG SPRUL DANG SPAL LJONG SOGS RMIS PA LA DGE BSHES PO TO BA'I ZHAL NAS, KHYED SKRAG MI DGOS NGA'I RGYAB 'DI NA NUB PHYOGS KYI RGYAL BO SPYAN MI BZANG LUS DANG GRIB MA BZHIN DU RTAG TU YOD KYI GSUNGS, BAR CHAD KYIS MI TSUGS PA'I RGYU YANG BYANG CHUB SEMS DPA' NYAN THOS KYI CHA LUGS KYIS SEMS CAN GYI DON MDZAD PA'I GNAS BRTAN BCU DRUG GI GCIG YIN GSUNG, RAM SDINGS MA BA LA KHYED MA 'JEM NAS YID CHAD MI DGOS NGA GNAS BRTAN BCU DRUG GI GCIG YIN PAS NGA DANG MJAL BA KHYOD BSOD NAMS MI CHUNG GSUNG, DE LA DGE BSHES PO TO BA CHEN PO DE GNAS BRTAN YAN LAG 'BYUNG GI SPRUL BAR GRAGS SHING GRAGS PA LTAR DU RANG NYID KYIS KYANG ZHAL GYIS BZHES, BKA' GDAMS GLEGS BAM LAS DGE BSHES PO TO BA 'DI NYID BSHES GNYEN 'BROM RIN PO CHE RGYAL PO DAD PA BRTAN POR SKU 'KHRUNGS BA'I TSE SRAS CHE BA SANGS RGYAS 'DZIN PO TO BA, DHARM'A 'DZIN PHU CHUNG BA, DGE 'DUN 'DZIN SPYAN SNGA BAR 'GYUR BAR LUNG BSTAN TE DAD PA BRTAN PA'I 'KHRUNGS RABS

LAS, SRAS SANGS RGYAS 'DZIN NI 'DI NAS LO NI MI MANG BAR RIN CHEN GSAL ZHES BYA BA RGYAL BA'I 'BYUNG GNAS KYI SRAS KYI THU BOR 'GYUR, DHARM'A 'DZIN GZHON NU RGYAL MTSAN ZHES BYA BA 'DI DENG SANG GI ZHUS LAN 'DI DAG GI BDAG PO DAM PA CIG TU 'GYUR, DGE 'DUN 'DZIN NI TSUL KHRIMS 'BAR ZHES BYA BA RGYAL BA'I 'BYUNG GNAS KYI GDAMS PA MANG PO NYAMS SU LEN CING SANGS RGYAS KYI BSTAN PA LA PHAN PA'I BSHES GNYEN DAM PA CIG TU 'GYUR RO ZHES GSUNGS, YANG GLEGS BAM DU SKU MCHED GSUM PO DE, RIGS GSUM MGON PO'I SPRUL PA YIN TE, BKA' GDAMS GLAGS BAM GYI LUNG BSTAN GYI LE'U NAS, 'DI NAS SPYAN RAS GZIGS DBANG DANG, ,'JAM PA'I DBYANGS DANG GSANG BA'I BDAG ,GZHAN YANG 'JAM DBYANGS NYID SPRUL PA, ,SPRUL PA'I KHYE'U GZUGS MDZES SO, ,RTZE LNGA'I RI LAS 'DIR LHAGS GDA', ,DANG PO GSUM NI NGA YI SRAS, ,PO TO BA DANG PHU CHUNG BA, ,SPYAN SNGA ZHES BYA SKU MCHED GSUM, ,ZHES GSUNGS, 'BROM RIN PO CHES, JO BO LA 'BUL CHEN MDZAD PA'I TSE, JO BO'I ZHAL NAS HU 'UM, KHYE'U DKAR PO 'DI LA DA LTA NGAS BOD 'DI NA BKOD PA DRUG CU RTZA LNGA MTHONG GSUNG BA 'DI PHU CHUNG BA, KHYE'U SER PO NA RE KHO BO LA BKOD PA DGU BCU MCHIS, PO TO BA, KHYE'U SNGON PO NA RE, KHO BO LA'ANG BYANG PHYOGS NA BRGYA DANG DRUG CU RTZA LNGA, 'DI NA DRUG GI GDUL BYA LAS MA MCHIS GSUNG BA SPYAN SNGA TSUL KHRIMS 'BAR YIN PAR GO, ZHES GSUNGS, YANG SNGON BAL YUL DU 'PHAGS PA SHING KUN

, ,LA NUB THUN DANG THO RANG GNYIS MIS SKOR BA BYED, GUNG THUN 'BYUNG BA BZHI GNYID LOG PA'I DUS SU MI MA YIN RNAMS SKOR BA BYED, DE'I DUS GRUB THOB MIN PAS BSKOR BA BYED NA BAR CHAD 'ONG, RNAL 'BYOR BA CIG GIS PHAG MO'I DNGOS GRUB BRNYES NAS MI MA YIN RNAMS KYI GSEB TU SKOR BA BYAS PAS, DE RNAMS GLU LEN GYI 'DUG PA'I NANG NA MAR, SNGON NAS SNGON GYI DUS TZA NA, ,THUGS DGONGS BLA NA MED PA DE, ,JO BO AA TI SHA LA BYUNG, , DA LTA MA RIG 'KHRUL PAR 'KHYAMS, ,AA TI SHA YI GDUNG GSOB PA, ,'PHAGS PA SKU MCHED GSUM PO DE, ,GCIG TZAM LHO BAL GYI MTSAMS NA YOD, ,'PHAGS PA 'JAM DPAL DANG GNYIS SU MED, ,GCIG TZAM BAL PO'I YUL NA YOD, ,'PHAGS PA WA TI DANG GNYIS SU MED, ,GCIG TZAM MANG YUL GYI GRONG NA YOD, ,'PHAGS PA DBU KHANG DANG GNYIS SU MED, ,ZER BA GSAN, RTEN DE RNAMS RIGS GSUM MGON PO DNGOS YIN PAS BKA' GDAMS SKU MCHED GSUM PO 'DI YANG RIGS GSUM MGON PO'I SPRUL PA YIN ZHES BKA' GDAMS CHOS 'BYUNG LAS BSHAD DO, ,NGAS DON DU SPRUL PA'I SKYES BU YIN PAR BSHAD MOD, THUN MONG BA GDUL BYA'I SNANG NGOR YANG MDZAD PA RNAM THAR BSAM GYIS MI KHYAB STE, DGE BSHES PO TO BA CHEN PO DE 'BROM RIN PO CHE KHO NA LA BRTEN NAS BYANG CHUB LAM GYI RIM PA'I 'GO BSHES GNYEN BSTEN TSUL NAS 'BRAS BU MI SLOB ZUNG 'JUG 'GRUB PA'I BAR DMIGS SKOR

RE RE NAS MYONG BA PHUL PHYIN BTON TE BSKYANGS PAS RTZOL MED KYI MYONG BA PHUL PHYIN 'KHRUNGS TE SKYES BU CHUNG 'BRING GI LAM LA SBYANGS PA'I 'BRAS BU TSE 'DI'I LUS LONGS SPYOD RNYED BKUR SNYAN GRAGS 'KHOR G-YOG GANG LA'ANG CHAGS PA SKAD CIG KYANG MI SKYE BAR RI DVAGS RNAMS MA BZHIN DU DBEN PA NAS DBEN PAR 'PHO BAR MDZAD, LAN CIG SBYIN BDAG CIG GIS G-YU GRU DMAR CHEN PO ZHIG PHUL BA NA PHYAG TU MA BZHES PAR MDUN DU ZHOG CIG PA'I BRDA MDZAD, BSNGO BA LEGS BAR MDZAD, SANG NYIN DGE BSHES DPON SLOB RNAMS PHYOGS GZHAN ZHIG TU PHEBS PA NA SBYIN BDAG DE YID MA CHES PAR BZHUGS SAR BLTAS PHYIN PAS G-YU DE MDANGS GANG BZHAGS DE KHA RANG NA 'DUG ZER, DGE BSHES PO TO BA DANG DE'I 'KHOR THAMS CAD KYANG ZANG ZING GI DNGOS PO GANG LA'ANG MI CHAGS PAR TSE BLOS BTANG SHA STAG TU BYUNG STE RNAM PAR THAR PA DE TZAM YANG BSTAN PA RIN PO CHE'I RGYAN DU CHE'O, ,DGE BSHES PO TO BA CHEN PO DE LA TSE BLOS BTANG GI GRVA PA RNAM GROL SGRUB PA SHA STAG STONG TZAM RE 'KHOR DU 'DUS SHING, DE THAMS CAD SDOM GSUM GYI BCAS MTSAMS DAG PA BSTAN PA YONGS RDZOGS KYI NYAMS LEN LA GCIG TU GZHOL BA, SGO GSUM GYI SPYOD PA THAMS CAD DGE BSHES PO TO BA NYID KYI RJES SU SLOB PA SHA STAG BYUNG BAS 'DZAM BU'I GLING GI SA'I CHA THAMS CAD DU SNYEN PA'I GRAGS PAS KHYAB STE RGYA GAR 'PHAGS PA'I YUL DU'ANG BOD NA RAB TU BYUNG BA STONG TZAM RNAM THAR GCIG LA 'GOD NUS PA'I SEMS

, ,DPA' CHEN PO ZHIG BZHUGS YOD 'DUG CES GRAGS PA BYUNG NGO, ,YANG LAN CIG DGE BSHES PO TO BA MKHAR THOG NA KHA BA 'CHAGS NAS DO NUB GZHON NU MA BDUN GYI RTOGS BRJOD NAS BSHAD PA DANG 'DRA BA CIG BYUNG BAS DGA' BA ZHIG BYUNG GSUNG, GZHON NU MA BDUN GYI RTOGS BRJOD LAS JI LTAR 'BYUNG BA NI, SKRA RNAMS BREGS PAR GYUR NAS NI, ,PHYAG DAR KHROD KYI GOS 'CHANG ZHING, ,DGON PA YUL DU 'DOD PAR NI, ,NAM ZHIG DE LTAR 'GYUR ZHIG GU ,ZHES GSUNGS PA LTAR RO, ,DGE BSHES PO TO BA'I MDZAD PA RNAM THAR BKA' GDAMS KYI BSHES GNYEN CHEN PO ZHIG GIS BSDUS PA NI 'DI LTAR, DGE BSHES PO TO BA DE SKYES THOB KYI LHAG BSAM CAN, GNAS BRTAN CHEN PO'I GRAGS PA CAN, BSTAN PA'I KHYAB GDAL CHE BA, SDE SNOD KYI DON SPYIR SHAR BA, GZHUNG GI BYED PA MKHAS PA, 'DUL BA'I PHYAG LEN MTHEMS PA, RAB TU BYUNG BA'I CHA THINGS PA, BSTAN PA'I BDAG PO ZHIG BYON PAS; DGUNG DUS DING SANG GI BAR DU KHAS BLANGS LA RTOG DPYOD BYED PA 'AM, SDOM BA'I RTZIS GZHI 'DING BA'AM, SDE SNOD LA BLO KHA PHYOGS PA 'AM, 'DOD PA LA SKYON DU LTA BA'AM, YON TAN LA NGOMS PA BAG TZAM ZHIG MCHIS BA 'DI DE'I 'ONG LA BRTEN PA ZHIG LAGS PAR GDA' GSUNGS, DGE BSHES PO TO BA DE SDE SNOD GSUM LA MKHYEN PA RGYAS SHING, DE THAMS CAD GDAMS NGAG TU SHAR BA ZHIG BYUNG STE, 'BROM RIN PO CHES BSTAN PA'I KHYAB GDAL

GSUNG TZA NA PO TO BA'I NGOS SU ZHAL BSTAN NAS GSUNG, PO TO BA CHEN PO DE GNAS BRTAN BCU DRUG GI YA BA GCIG YIN KYANG GSUNG, THUGS RAB SHIN TU CHE BAS MDUN DU PO TI CI BYUNG YANG SKYES BU GSUM GYIS KHOG BCINGS NAS PO TI LA ZIN BSHAD DU MDZAD, PO TO BA'I ZHAL NAS, RGYAL GYI ZHANG CHEN PO DANG, 'BROM RGAN PO DE MIN PA LHA 'DRE MI GSUM THAMS CAD RGYA SKAD KYIS BTZUN NAS BZHAG GSUNG, 'BROM BSTEN YUN THUNG STE KHYUR PO LO NGO MTHONG BDUN DU BSTEN, , 'BROM GSHEGS NAS KYANG RNAL 'BYOR BA DANG, DGON BA BAS SKU MCHED GSUM MIG GI 'BRAS BU LTAR BSKYANGS, DGON PA BA 'DAS NAS SKU MCHED GSUM GYIS PHA BONG THANG DU GROS MDZAD SKAD NA, 'U CAG TSE 'DI LA MI LA CHOS BSHAD MI BYA; BAN MO'I BSNYEN BKUR MI BZA', SDE PA DANG DGON PA BDAG TU MI BZUNG, SKYE BA PHYI MA BYAMS PA DANG, JO BO'I SPYAN SNGAR SMON LAM BTAB, GCIG LA GCIG BRTEN DU BYAS LA DGE SBYOR STABS CIG TU BYA'O ZHES GROS MDZAD DO,, DGE BSHES PO TO BA'I MDZAD SPYOD RAGS RIM RNAMS GLANG BYA RAB PAS SDOMS SU BKOD PA NI, GZHAN GYI DPON DANG G-YOG MI BYA, GZHAN SEMS MI DKRUG SEMS MI BZUNG, ,BSRE BSLAD MI BYA 'BREL MI BYA, ,LTOGS 'DZIN MI BYA 'DRIS MI BYA; ;GYONG DU BYA ZHING 'GROGS DKAR BYA, ,RTEN BZHENG BA DANG RTEN LA MCHOD, ,KLOG 'DON SBYIN GTONG BYA BA YANG, ,RGYA CHEN YONGS SU SPANG NAS NI, ,RANG GI ZAS GOS 'TSO BA YANG, ,NGAN DON TZAM GYIS CHO GA BYA ZHING, ,DBEN PA'I GNAS

, ,SU SONG NAS NI, ,SGRUB PA SNYING POR BLANG BAR BYA, ,ZHES GSUNGS SO, ,DGE BSHES PO TO BA'I RNAM THAR MDZES PA'I PADMO RTZA 'GREL LAS GSUNGS TSUL NI, SPANG BYA'I GNAS KYI DBANG DU BYAS NAS, RANG YUL GNAS GZHI DAG DANG GZHI DGON DANG, ,GRONG DANG 'DU 'DZI SPYOD YUL MA YIN LNGA, ,MI GTZANG 'CHAL PA DAM TSIG NYAMS PA'I GNAS, ,MI DANG MI MIN BAR CHAD GNAS KUN SPANGS, ,ZHES DANG, SPANG BAR BYA BA'I GROGS NI, 'CHAL PA DAM NYAMS 'DRES KHYER BUD MED DANG, ,LTA SPYOD MI MTHUN TSE 'DI DON DU GNYER, ,MI GZHI MA GRUB BLUN DANG 'DOD PA CHE, ,NYE 'BREL LA SOGS SDIG GROGS MTHA' DAG SPANG, ,ZHES SO, ,SPANG BYA'I ZAS NI, SHA CHANG SGOG BTZONG 'BAGS BTZOG MI GTZANG DANG; ;DKOR DANG GLUD DANG LAS KYIS 'TSO BA DANG, ,LOG 'TSO LNGA DANG RDE'U 'CHA' CHU 'THUNG SOGS, ,MTHA' GNYIS SPYOD PA'I MA DAG 'TSO BA SPANG, ,ZHES SO, ,SPANG BYA'I GOS NI, GCAN GZAN RE BA PHU DUNG MA LA SOGS, ,RGYU DANG KHA DOG MI RUNG TSAD LAS 'DAS, ,HA CANG BZANG DANG NGAN DRAGS MDZES CHOS CAN, ,CHOS 'DUL GZHUNG DANG 'GAL BA'I GOS KUN SPANG, ,ZHES PA'O, ,SPANG BYA'I NOR NI, DGE SPYOD KUN GYIS BCANG DU MI RUNG NOR, ,RIN PO CHE SOGS MA BRTAGS DNGOS PO BRGYAD, ,DKOR DANG GLUD DANG GANG LA ZHEN 'GYUR BA, ,YONGS SU 'DZIN PA THAMS CAD DGRA BZHIN SPANG, ,ZHES SO, ,SPANG BYA'I LAS NI, ZHING LAS TSONG DANG BUN SKYED DUD 'GRO SKYONG, ,SMAN DANG BZO DANG GNYEN BSHES BSKYANG RAN DANG,,

GRONG CHOG BYED DANG CHAR 'BEBS SER BA BSRUNG, ,GTZO BO GNAS GZHI'I BANG CHEN LAS RNAMS SPANG, ,ZHES PA STE, DE DAG NI BKA' RGYUD 'DI'I SPANG BYA BA BA RNAM PA DRUG GO ,BSGRUB PAR BYA BA'AM BLANG BAR BYA BA NI, MDO RGYUD GSUNG RAB KUN GYI SNYING PO SKYES BU GSUM GYI LAM GYI RIM PA'I NYAMS LEN RNAM PAR THAR PA DU MA'I RGYAN GYIS SBRAS PA'I LAM GYI CHA LAG DANG BCAS PA RNAMS SO, ,NYAMS SU BLANG BAR BYA BA LA BLA MA BSTEN TSUL GYI KHYAD PAR NI, BLA MA THA DAD SNA TSOGS MI 'TSO ZHING; ;MTSAN NYID LDAN PA GCIG LA LEGS BRTEN NAS, ,DE YI DAM TSIG SROG PAS GCES PAR BYED, ,RNAM THAR THAMS CAD DE YI RJES SU SLOB, ,CES DANG, SDOM KHRIMS KYI KHYAD PAR NI, RGYUD DANG MTSAMS PA'I SDOM KHRIMS LEGS PAR BLANGS, ,DE YI BSLAB BYA DE NYID GZHUNG BZHIN SLOB, ,CES DANG, BLO SBYONG TSUL NI, BLO SBYONG BLO RNAMS RIM BZHIN DU SBYONG, ,MNYAM GZHAG RTOGS PA RJES KYIS GTAN LA 'BEBS, ,ZHES SO, ,SHES BYA SHES PA'I KHYAD PAR NI, MAN NGAG RIGS PA SNA TSOGS MI 'TSOL ZHING, ,BSLAB 'OS SHES BYA KUN LA BLO GROS SBYANGS, ,ZHES DANG, MAN NGAG GI KHYAD PAR NI, KHA PHO CAN GYI MAN NGAG MI 'TSOL LA, ,MAN NGAG DAM PA SDE SNOD GSUM LA BYED, ,CES SO, ,TSE 'DI'I 'KHRI BA GCOD TSUL GYI KHYAD PAR, SKYES PA'I YUL SPANGS NYE DU'I 'BREL THAG BCAD, ,SDE DANG YON BDAG PHYOGS 'DZIN KUN LAS GROL, ,DUD 'GRO'I G-YOG DANG ZHING LAS MA ZIN DANG, ,MI SEMS 'DZIN SOGS SDUG BSNGAL KUN DANG BRAL, ,ZHES DANG, BYA BA'I KHYAD PAR NI,

, ,BLO SBYONG DGE SBYOR LA SOGS BYA BA KUN, ,MNGON TSAN CHUNG LA DON GYIS SA PHYOD CHE, ,LAG RJES DAG LA GTZO BOR MI MDZAD CING, ,THOS BSAM SGOM GSUM STAN THOG GCIG TU MDZAD, ,CES DANG, THO CO MI MDZAD PA NI; 'DOD PA PHUGS BCUG CHAGS MED LTAR STON DANG, ,RANG DON PHUGS BCUG GZHAN PHAN LTAR BYED DANG, ,TSE 'DIR MNGON ZHEN RTOG LDAN LA SOGS PA,, RDZUN DANG 'DRES BA'I THO CO MI MDZAD CING, ,ZHES DANG, MKHAS PA'I KHYAD PAR NI, RNAM DAG SDE SNOD GSAL BA'I ME LONG LA, ,CHOS DANG CHOS MIN GNAS LUGS LEGS MTHONG BA'I, ,'JIG RTEN LEGS PA'I LAM LA MI BRTEN BAR, ,MKHAS RNAMS ZHUGS PA'I LAM LA RJES SU 'JUG, CES DANG, LTA SPYOD DAG BA'I KHYAD PAR NI; LUS NGAG KUN SPYOD CHOS 'DUL JI BZHIN LA, ,BRTZE STONG DBYER MED THEG PA MCHOG SEMS BRTAN, ,BLANG DOR GNYIS MED GNAS LUGS DON SHES KYANG, ,RNAM RTOG MA ZAD ZAD TSUL STON MI BYED, ,CES DANG, BRTAN PA'I KHYAD PAR NI, 'KHOR BA'I RANG BZHIN JI BZHIN RTOGS GYUR BAS, ,SKYID SDUG KUN GYIS SPYOD PA MI 'GYUR ZHING, ,LEGS NYES RKYEN GYIS CHOS LAS MI BSKYED LA, ,SKYO BA'I SEMS KYIS THAR LAM DGE LA 'DREN, ,ZHES DANG, CHOS BRGYAD SPANGS PA'I KHYAD PAR NI, GANG LA ZHEN PAS SDUG BSNGAL KUN 'BYUNG ZHING, ,CI BYAS CHOS KUN LTAR SNANG NYID 'GYUR BA, ,'JIG RTEN KUN GYIS BSGRUB BYA 'JIG RTEN GYI, ,CHOS BRGYAD SPANGS KYANG SPANG BA LTAR MI MNGON, ,ZHES SO, ,THUGS RJE'I KHYAD PAR NI, MAR

GYUR 'GRO BA'I SDUG BSNGAL MA BZOD PAS, ,GZHAN DON MIN PA YID LA MI DRAN YANG, ,THUGS RJE CAN DU MNGON MNGON MI MDZAD CING, ,CI BYED THAMS CAD GZHAN DON NYID DU MDZAD, ,CES DANG, SHES RAB KYI KHYAD PAR NI, CHOS RNAMS THAMS CAD SNANG LA RANG BZHIN MED, ,SGYU MA NAM MKHA'I NGO BOR SHES GYUR KYANG, ,DKAR NAG LAS DANG LAS KYI RNAM SMIN LA, ,YID CHES DAD BAS SHIN TU GUS PA YIN, ,ZHES SO, ,RGYAL SRAS KYI SPYOD PA LA SLOB PA'I TSE PHAR PHYIN DRUG GI MI MTHUN PHYOGS SPONG TSUL NI, GZHAN LAS BSDUS NAS GZHAN LA 'GYED PA DANG, SNYAN GRAGS 'DOD DANG RNYED PA 'DOD PA DANG, ,THOS BSAM KUN DOR NYES LTUNG KHYAD DU BSAD, ,MA DAG SBYIN PA CHOS SU MI MDZAD CING, ,RAB BYUNG MKHAN SLOB BYAS KYANG BSTAN PA LA; ;RMA 'BYIN RE LAS BSKYANGS 'DOD MI 'ONG ZHES, ,SPYIR YANG MKHAN SLOB MI MDZAD KHYAD PAR DU, ,BAN MO SKYAR CHOG BAR CHAD CAN GYI MIN, ,MA SHI TZAM GYI ZAS GOS NGAN LA BRTEN, ,CHOS KYI DON DU SROG KYANG 'DOR NUS PA, ,GZHAN DANG 'THAB RTZOD DO ZLA MI BYED PAR, ,GANG DU MA BDE SA DE NYID NAS 'GRO, ,RNYED DANG SNYAN GRAGS DON DU MI GNYER BAS, ,'JIG RTEN LEGS PA CI YANG MI SGRUB CING, ,BYA NGAN LAS KUN NGAN SKYUGS DGRA BZHIN DOR, ,DUS BZHI KUN TU CHOS SPYOD BCU LA 'BAD, ,'DOD DANG MI DGE SPONG BYED MNGON SHES SOGS, ,YON TAN 'BYUNG BYED BSAM GTAN MA GTOGS PA, ,GNAS PA TSAM TSOM SGOM DU MI 'TSAL ZHING, ,SGO GSUM DGE LA RTZE GCIG NYAMS PA MED, ,DRI MED SDE SNOD MIG DANG SGRON ME

, ,DANG; ;SMAN GYUR MANG DU THOS BAS MI NGOMS SHING, ,THOS PA KUN KYANG NYI MA DE RING NAS, ,DNGOS DANG MOS BAS NYAMS SU BLANG BYAR NYAN, ,BRGAL LAN SUN 'BYIN CHOS DMAG ZER MCHU NYUNG, ,DBANG ZA RANG GZO BSDUS DON MI MDZAD CING, ,DON GYI MTHA' CHOD TSIG NYUNG DON KUN GO ,MANG THOS LUNG LDAN DON GYIS MTSAMS PHYED, ,GRUB MTHA' MA 'DRES CHOS SKAD BZANG LA BRTEN, ,CI BSHAD SGOM DON BLO SNA SGYUR LA MKHAS, ,NYAMS PA ZUR GSO TSIG 'BRU DAM PA BKROL, ,'KHRUGS PA KUN BSDEBS 'BYAMS PA DAG TU 'DRIL, ,BKA' CHAD 'GYUR 'KHRUGS 'GYUR MANG DAG LA BLTA, ,MKHAS PA'I RTZOM LUGS 'GREL t'IKA DU MA DANG, ,BLA MA'I MAN NGAG RANG GI BLO GROS LA, ,BRTEN NAS RNAM DAG CHOS BSHAD DE LTAR MDZAD, ,LNGA BRGYA THA MAR RANG NYID MI NYAMS SHING, ,SGRUB PA TSUL BZHIN ZHE NAS BYED GYUR NA, ,CHOS KYI DPON DANG SGRUB G-YOG LA SOGS PA, ,TSAD LDAN DON MTHUN DGA' ZHIG MA GTOGS PA, ,GZHAN GYI DPON DANG G-YOG PO MI BYED CING, ,BLA MA SGRUB G-YOG LA SOGS MA GTOGS PA, ,GZHAN SEMS MI GZUNG KUN GYI SEMS MI DKRUG, ,LTOS 'JEN 'BREL 'DRIS LA SOGS BYA BA SPANG, ,GYONG ZHING 'GROGS DKA' RNAM THAR GTZANG PA DANG, ,DMAN PA'I SA BZUNG ZAS GOS NGAN LA BRTEN, ,DAD BRTZON BLO DANG SNYING RJE CHE BSKYED LA, ,MI RJES MI SNYEG CHOS DANG GANG MTHUN BYA, ,DBEN ZHING NYAMS DGA' 'TSO BA 'BAD RTZOL CHUNG, ,GNOD TSE KUN BRAL DE NI BSGRUB

PA'I GNAS, ,BAG YANGS SOS DAL NYID DU MA SONG BAR, ,CHU BO'I RGYUN LTAR RGYUN CHAD MED PAR SGRUBS, ,TSE 'DIR MA CHAGS BYA RGYU CHOS LAS MED, ,KHAS BLANGS GTZANG ZHING LAS 'BRAS SROG LTAR 'DZIN, ,'KHOR BAS YID 'BYUNG MAR GYUR 'GRO LA BRTZE, ,BDAG 'DZIN DGRA THUL MA NOR RTOGS PAR 'DOD, ,CES GSUNGS PA RNAMS TE RGYAS BAR NI MDZES PA'I PADMO RTZA 'GREL GNYIS LAS SHES PAR BYA'O, ,DGE BSHES PO TO BA DE 'BROM RIN PO CHE LA GSANG SNGAGS KYI MAN NGAG RNAMS MTHIL PHYIN PAR ZHUS NAS BLA MED KYI LAM RIM GNYIS KYI NYAMS LEN MTHAR PHYIN PAR MDZAD PA ZHIG YIN YANG GSANG SNGAGS SHIN TU GSANG BAR MDZAD NAS RGYUN GYI DAM TSIG GI RDOR DRIL NYE GNAS KYIS KYANG ZHING GSHEGS NAS MA GTOGS MA MTHONG, GSANG SNGAGS KYI BZLAS BRJOD MTHAR PHYIN PAS CHOS SRUNG RNAMS KYANG BRAN DU KHOL BA ZHIG STE 'OL BA STON CHUNG GIS DPAL LHA MO RBAD PAS DGE BSHES MKHAR PHU BA 'DAS, 'KHOR RJES NA 'DUG PA LA YANG GNOD PAS DGE BSHES PO TO BAS DPAL LHA MO LA 'DI LTAR BKA' BKYON TE, UKHYOD SANGS RGYAS LA CHOS DNGOS SU NYAN PAS KYANG 'DI LTAR BYED NA, DED LUNG LA BRTEN PAS JI LTAR BYED GSUNGS PAS, NUB GCIG MNAL LAS NA BU MO GZHON NU MA GCIG GIS G-YAG RGOD GNYIS GNYA' BCAG NAS DED SONG, PHA TSAD SONG BA DANG DE THAMS CAD NAM MKHA' LA 'PHUR NAS SONG BA CIG RMIS, DE NAS PHYIS GNOD PA YE MA BYUNG GSUNG, DGE BSHES PO TO BA CHEN PO DE'I SU'I RNAM PA NI

, ,GDONG DKYUS THUNG NGE BA, ZHAL DKYIL DKAR LA DMAR BA'I MDANGS CHAGS PA, SBYAN RTZA HUR RE MDZAD BA CIG BZHUGS, CHOS GSUNG DUS HUR BTON NAS GSUNGS BAS DANG POR PHYAM TSE ZHUS, DE NAS BLA GOS KYANG RKED PA TZAM DU ZHUS 'GRO BA, THUGS SHES RAB SHIN TU CHE BAS TSIG BZHI BA RE LA YANG 'DI'I CHA NAS 'DI LTAR 'GRO 'DI'I CHA NAS 'DI LTAR 'GRO ZHES DON MI 'DRA BA BCU BCU TZAM 'CHAD BA ZHIG YOD PAR GSUNGS, DGE BSHES PO TO BA DE LAM RIM 'CHAD PA'I TSE LAM SGRON RTZA BAR BYAS NAS, BKA' GDAMS GZHUNG DRUG DANG, RIN CHEN PHRENG BA, SLOB SPRINGS, BSHES SPRINGS, KA MA LA SH'I LA'I SGOM RIM RNAMS DANG SBYAR TE MTHA' CHOD PAR MDZAD, GZHAN YANG JO BO'I BDEN GNYIS LA SOGS PA PO TI LA BYUNG BSHAD MDZAD PAS SLOB DPON PAS CHOS 'DI TZAM SU LAS BSLABS PA LAGS ZHUS PAS, SLOB DPON PRADZNY'A LA BSLABS PA YIN GSUNG, BKA' GDAMS ZER BA'I SGRA BO CHE DE YANG DGE BSHES PO TO BA CHEN PO'I DUS SU GRAGS PA YIN, ,RNAM THAR GTZANG BA DANG, KHYAB GDAL CHE BA'ANG DE DUS BYUNG BA YIN GSUNG, SHIN TU GTING ZAB PAS NGA LA YON TAN 'DI YOD MI GSUNG YANG BYANG CHUB KYI THUGS MNGA' BA, YI DAM GYI ZHAL GZIGS PA, MNGON PAR SHES PA RGYA CHEN PO DANG LDAN PA ZHIG GO ,DE NAS SHING MO BYA'I LO DBYAR ZLA 'BRING PO'I NYAL DBYAR GNAS MDZAD NAS, TSES BCU BDUN LA SLOB MA LA SPRINGS PA'I DBU BTZUGS, NYI SHU GSUM GYI

NYIN RGAS PA'I SDUG BSNGAL YAN CHAD THON, KA BA LI ZHAL BSDAMS NAS KHYED CAG NGA LA DGE BSHES SHIG RE TE DA LTA MING LAS MED MA 'ONGS PA NA MTSAN NYID DANG LDAN PA ZHIG CI 'GRUB BYA, 'U CAG RNAMS GTOR MA CHEN PO ZHIG BSHAMS LA MNA' THO ZHIG GCAD DGOS, DA PHYIN CHAD SDUG TU 'JUG MKHAN TSE 'DI'I RNAM RTOG YIN PAS, DE MI BOR RI, SANGS RGYAS KYI BSTAN BA 'UR BYID DU GTONG BA'I BYA ROG DANG 'UG PA BYED RI BYAS LA MNA' SKYOL GSUNGS NAS, SPYAN CHAB SGOR SGOR MDZAD CING STAN LAS BZHENGS NAS NANG DU GSHEGS SO, ,DE'I NUB MO NAS CUNG ZAD BSNYUNG, SANG DRO'I DUS SU CHOS STON THON NAS JO RIN NGA YANG 'GRO BAR 'DUG STE MA SNGAS RAN PA YIN, 'GYOD PA MED PAR 'GRO GSUNGS NAS GZIM KHANG DU GSHEGS SO, ,DE'I NYIN PAR CHOS MA GSUNGS, MTSAN MO CANG STON LA SOGS PA SNYUN G-YOG BA RNAMS LA NGA GNYID ZI BA 'DRA BA CIG LA PHYOGS BCU'I NAM MKHA' GANG BA'I SANGS RGYAS DANG BYANG CHUB SEMS DPA' THAMS CAD MTHONG NAS; DE DAG LA GSOL BA BTAB PA'I SNANG BA CIG BYUNG GSUNGS DE'I DUS SU GRVA PA RNAMS KYIS SKU RIM BYED PA'I KHRAL BSDUS PA NA, THEG PA CHEN PO'I BLA MA'I RIM GRO BYED PA LA BRE SRANG KROG KROG BYAD PAS CIR YANG MI 'GYUR, DUG HRUL GYON NAS SA SKYONG LA PHAR MNYES CHUR MNYES BYED PA CIG DGOS PA YIN GSUNG, NYI SHU DGU'I NUB MO BGRES PA RNAMS ZHAL MJAL DU 'ONG BAS, MAR ME MDUN DU KHYER LA SHOG GSUNGS NAS KHO THAG CHOD PA LTAR GNANG NAS DA SONGS

, ,GSUNG, DE NAS CUNG ZAD LON PA NA ZHABS 'BRING NANG 'KHOR BDAG DANG, MCHOD GNAS RNAMS SPYAN SNGAR BYON PA LA, KHYED RNAMS KYIS DGE BA'I BSHES GNYEN MNYES PAR BYAS TE, SPYAN DANG LDAN PA'I JO BO AA TI SHA'I ZHAL NAS, BLA MA'I ZHABS TOG BYAS PA DON MED PA MA YIN, DON CHUNG BA MA YIN GSUNGS PAS, NGA'I TSIG LA YID CHES PAR GYIS, KHYED RNAMS LA LAS NGA'I MIG GI DOD BYAS, LA LAS LAG PA'I DOD BYAS TE DON CHE BA YIN GSUNG, GNAM STONG NYIN CANG STON DKON MCHOG 'BAR GYIS TSOGS PA LA ZHAL GCIG STON PAR ZHU, GRA PA RNAMS DE SNGA BKAG PAS BDAG CAG LA 'BAR ZHING BDOG LAGS ZHUS PAS, RGAN PO 'CHI KHA MA CIG BLTAS PA LA DGOS PA CANG YOD DAM GSUNGS, NAN GYIS ZHUS PAS 'O NA KHRI BRTZIGS MCHOD PA BZANG PO SHOMS SHIG GSUNGS, GRA PA RNAMS KYIS DE LTAR BYAS PA'I TSE DGE BSHES PO TO BA CHEN PO KHRI LA BYON NAS CHOS SHIG GNANG NAS PHYAG THAL MO SBYAR TE SEMS CAN SKYABS MED PA RNAMS KYI SKYABS, MGON MED PA RNAMS KYI MGON, DE BZHIN DU GNAS DANG, GLING DANG, DPUNG GNYEN DANG, 'KHRA SA MED PA RNAMS KYI 'KHRA SAR GYUR CIG GSUNGS NAS, THAL MO PHYIR LA SHIG GIS SONG STE SKU'I BKOD PA BSDU BAR BRTZAMS, DE LTAR DGE BA'I BSHES GNYEN PO TO BA 'DI ME MO YOS LA 'KHRUNGS, BDUN CU DON DGU'I BAR BSTAN 'GRO'I DON MDZAD NAS BDUN CU DON DGU PA SHING MO BYA'I DBYAR ZLA 'BRING PO'I

GNAM STONG GI SNGA DRO PO TO DGON PAR SKU GSHEGS TE DGA' LDAN CHOS KYI PHO BRANG DU PHEBS SO, ,DE NAS GNAM STONG GI MTSAN MO SKU GDUNG 'KHYAMS SU SPYAN DRANGS NAS SROD DANG, GUNG DANG, THO RENGS GSUM DU G-YOR GCONG DANG, CHU 'KHRIS PA DANG, 'PHAN YUL BA GSUM GYI MCHOD PA RGYA CHEN PO MDZAD, TSES GCIG LA G-YOR STON CHOS 'BAR DANG, GTZANG BA JO BTZUN YE RGYAL DANG, CHU 'KHRIS PA STON PA DBANG GZHON DANG, ZHANG BTZUN SHES RAB RGYA MTSO DANG, STOD LUNG PA STON PA RGYAL PO DANG, 'PHAN YUL BA STON PA SH'AKA GZHON RNAMS KYIS GDUNG GNYER MDZAD NAS SPUR SBYANGS PA'I TSE, SPUR KHANG GI PHYOGS BZHIR RIN PO CHE'I MCHOD RTEN BZHI BYUNG BA DANG, DKAR PHYOGS KYI LHA RNAMS KYIS PHYAG DANG MCHOD PA BYAS SHING PHYAG 'TSAL LO ZHES PA'I SGRA MI RNAMS KYIS KYANG THOS PA BYUNG, LAS TSAN GSUM DANG, BRAG RGYAB PAS PHYOGS BZHI NAS MCHOD PA PHUL, THUGS LJAGS RING BSREL LA SOGS PA'I RTEN NGO MTSAR CAN MANG DU BYON, TSES GNYIS LA GDUNG CHA LNGAR BGOS, TSES GSUM LA NA BZA' BGOS DBYAR GRA PA RNAMS DER BZHUGS NAS SPUR SBYANGS PA'I SAR MCHOD RTEN BZHENGS TE DGAG DBYE THON NAS SO SOR BYON NO, ,GDUNG KHANG DU DNGUL GYI MCHOD RTEN BYED PA DGE BSHES PHU CHUNG PAS GSAN NAS, GDUNG RTEN DNGUL LAS BYAS NA DNGUL MI NGAN GYIS KHYER NAS NGA'I GROGS PO'I SKU GDUNG GROG NANG DU SPUNG DE 'ONG DOGS YOD DGONGS NAS JO BO TSUL BSOD LA 'DIR SHOG GYIS GSUNGS PAS, TSUL BSOD 'BYON DU MA

, ,GNANG, PHYIS RAB GNAS LA PHU CHUNG BA SPYAN DRANGS PA'I DUS SU ZHAL NAS DNGUL MA BYAS NA LEGS PA YIN TE, DA BYAS KYI RTING LA RAB GNAS LA BAB PAS DBYAR DO BO DGON PAR SDOD PA'I LAM GZHOR LA BYA YA, 'KHOR LO YAN CHAD RGYAN YIN PAS MA TSAR YANG BTUB, BRE MAN CHAD TSAR BAR GYIS GSUNGS NAS TSUR LAM GDUNG RTEN GYI RAB GNAS MDZAD DO, ,DGE BA'I BSHES GNYEN PO TO BA CHEN PO DES BSTAN PA'I BYA BA RGYA CHEN PO MDZAD PAS SPYIR GDUL BYA BGRANG BA LAS 'DAS SHING, DUS GCIG TU 'DUS PA LA'ANG LAS DANG SKAL BAR LDAN PA'I GRA PA NYIS STONG TZAM 'DUS PA'I NANG NAS, BKA' BAB KYI BU CHEN BRGYAD DU GRAGS PA NI, DANG TSUGS MCHOG ZUNG GCIG LA 'GRAN PA ZHIG YOD PA'I BKA' DGE BSHES PHO BRANG SDING PA LA BAB ,RTZOD PA PAndI TA'I RGOL BA YANG BZLOG NUS PA'I BKA' DGE BSHES DOL BA CHEN PO LA BAB ,BYAMS SNYING RJE BYANG CHUB KYI SEMS BDAG PA'I YE SHES LA MNGA' BRNYES PA 'DRA BA 'ONG BA'I BKA' ZHANG RO COG LA GZHUNG BSHAD BYED PA THAMS CAD MKHYEN PA'I YE SHES LA MNGA' BRNYES PA 'DRA BA 'ONG BA'I BKA' ZHANG SHA RA BA LA BAB, STONG NYID KYI LTA BAS DNGOS PO DANG MTSAN MAR 'DZIN PA THAMS CAD 'JIG NUS PA YOD PA'I BKA' RAM SDINGS MA BA LA BAB, GSUNG RAB THAMS CAD SKYES BU GSUM GYI GDAMS NGAG TU DRIL NAS SMAN PA MKHAS PAS NAD BRTAGS TE NAD THOG TU SMAN GTONG BA 'DRA BA YOD PA'I BKA' SNANG DRI'U LHAS PA YE SHES RGYAL

MTSAN LA BAB ,MCHOD PA KUN TU BZANG PO'I MCHOD SPRIN LA 'GRAN NUS PA CIG YOD PA'I BKA' DGE BSHES BRAG DKAR BA LA BAB, BLA MA LA SANGS RGYAS DNGOS KYI MOS GUS RGYUN CHAD MED PA YOD PA'I BKA' GNYAL BA CHOS 'BAR LA BAB BO, ,GZHAN YANG BSTAN PA YONGS RDZOGS 'DZIN PA'I BU CHEN SKYES BU DAM PA MANG PO BYON NO, ,DE LA DGE BA'I BSHES GNYEN PHO BRANG SDING PA NI, ,GDUNG GNYOS 'KHRUNGS YUL GRAB PA, MTSAN GZHON NU 'OD, DGE BSHES PO TO BA YUN RING DU BSTEN PA YIN TE, DBYAR DGUN CUNG ZAD MA GTOGS ZHAL MJAL NAS MYA NGAN LAS 'DAS BAR DU ZHABS DRUNG DU BZHUGS NAS CI MDZAD THAMS CAD LA YON TAN DU 'DZIN PA LAS MI MTHUN PAR 'DZIN PAR BYED MA MYONG BA'I SKYES BU DE LA PO TO BA MYA NGAN LAS 'DA' KHAR KHYOD KYANG BCU BCO LNGA TZAM DANG 'GROGS, GCIG PUR BSDAD NA BRA BA BZHIN DU DGRAS 'KHYER RO GSUNG, DGE BSHES PO TO BA'I GDAMS PA MA LUS PA THUGS SU CHUD, KHYAD BAR CHOS GSUNG BA THAMS CAD DPE SNA TSOGS DANG SBYAR NAS GSUNGS PA LA NGO MTHAR SKYES NAS PHO BRANG SDING BAS DGE BSHES PO TO BA LA DPE RNAMS PHYOGS GCIG TU BSDEBS PAR ZHUS PAS, DAR CIG THUGS DGONGS MDZAD ,DE NAS 'O NA BYED NA YANG GYIS GSUNGS PAS, PHO BRANG SDING PAS DPE RNAMS PHYOGS GCIG TU DANG POR BSDEBS PA LA, PO TO BA MKHAR THOG NA BZHUGS PA'I DUS SU, GNAS BRTAN RGYAL 'BAR BYA BAS BSHES GNYEN PAS GSUNGS

, ,PA'I DPE CHOS 'DI RNAMS LA NYAMS SU LEN PA'I GO RIM ZHIG GSUNG BAR ZHU ZHUS NAS GSUNGS PA DGE BSHES BRAG DKAR PAS THUGS LA BZUNG STE ,PO TO BA GSHEGS NAS LO DRUG LON PA NA DGE BSHES BRAG DKAR BAS GRAB BA CAN DU BYON NAS ,DGE BA'I BSHES GNYEN GYIS GSUNGS PA'I DPE CHOS 'DI LA ZHU GTUGS 'DRA DGOS PAR BDOG PAS DPE CHOS TSAR GCIG ZHU ZHUS PAS GRAB PA'I ZHAL NAS, KHYED RANG DGE BSHES PO TO BA'I DRUNG DU BZHUGS YUN NGA BAS RING NA DPE LA KHYED RANG MKHAS PA MIN NAM GSUNG BA LA, HA CANG NAN TAN MA BYAS ZHUS PAS GRAB PAS BRAG DKAR BA LA TSAR GCIG GSUNG, DE NAS KHONG LA RTOGS PA GSAR PA 'KHRUNGS TE THOG MAR GNAS BRTAN RGYA LE 'BAR LA DPE CHOS RGYAS BA CIG GSUNGS, DE NAS GRAB BAS BSDEBS PA'I GZHUNG LA BRTEN, KHONG GI DE NA MA TSANG BA KUN BSNAN, ZUR MA THON PA KUN GSAL BAR BYAS GONG 'OG 'KHRUGS PA KUN SO SOR BSDEBS, BAG TZAM BCOS TE GRAB PA'I DE BAS KYANG ZAB LA RGYA CHE BA'I DPE CHOS MDZAD, DGE BSHES BRAG DKAR BA LA SLOB DPON 'PHAN YUL BA BYANG CHUB SNANG BAS GSAN, DE LA RTA NAG MDA' RU 'KHRUNGS PA'I LCE SGOM RDZONG BA SHES RAB RDO RJES GSAN ZHING GO BDE BAR YANG BCOS NAS GZHAN LA DAR BAR MDZAD DO, ,DGE BSHES GRAB BAS GRAB GNAS GSAR DANG PHO BRANG SDINGS BTAB, GRAB BZHI BRGYA TZAM 'DUS, DGUNG LO RE LNGA PA LA GRAB GNAS GSAR DU GSHEGS, ,DGE BSHES BRAG

DKAR BA NI, SPRE'U'I LO LA SKU 'KHRUNGS, DGE BSHES PO TO BA YUN RING DU BSTEN NAS DGE BSHES PO TO BA'I GSUNG SGROS DPE CHOS RTZA 'GREL BRTZAMS, PO TO BA GSHEGS NAS PHO BRANG SDINGS PA LA'ANG GTUGS, DGE BSHES BRAG DKAR BA'I ZHAL NAS MDUNG DGON PA LA, 'GRO DRUG SEMS CAN THAMS CAD LA, ,PHYOGS BZHIR GTOR MA GTONG BA BZHIN, ,'BA' SA 'BUS 'KHYER BYED PA NI, NAM ZHIG BDAG NYID 'GYUR ZHIG GU ,BYA BA YIN NO GSUNGS, BRAG DKAR PA'I ZHAL NAS, MI 'DI SBYANG SLA BAR 'DUG GSUNG, MDUNG DGON PA'I ZHAL NAS, MI MA YIN SBYANG SLA, MI LA GO BA 'DZOL BA 'ONG, MI MA YIN LA MNGON SHES YOD PAS GO BA 'DZOL BA MI 'ONG GSUNG, 'DIS GNAS KHANG GCIG TU LO NYI SHU RTZA GSUM BZHUGS PA LA, KO MTHIL GCIG GIS LO GSUM THUB, MAR LOG GCIG GIS ZLA BA GCIG DANG ZHAG BCU GSUM THUB, ZLA BA RE RE LA NAS BRE LNGA LNGA LAS MI 'DZAD, NGAS CHOS KHA LUS GNYIS KAS BSHAD KYANG KHYED KYIS MI GO, BRAG DKAR NAS STAG RTZER 'PHO RTZAN KHAM POR BRGYAD DANG BUM PA GCIG LAS 'KHYER RGYU MED GSUNG, DE NAS DGUNG LO BRGYAD CU PA YOS LO'I DGUN ZLA THA CHUNG GI NYI SHU GNYIS LA GSHEGS, DGE BSHES 'DIS LAM RIM 'CHAD DUS GRA LA GSUM BRGYA TZAM 'DUS SO, ,DGE BSHES DOL PA NI, SA MO PHAG GI LO LA YAB DGE BSHES LEGS PA'I RGYA MTSO ZER BA THEG PA CHEN PO GSANG SNGAGS KYI MKHYEN BA SHIN TU CHE BA, MI GZHI YANG

, ,LEGS PA CIG YOD PA DE LA SRAS GNYIS MNGA' BA'I CHE SHOS SU 'KHRUNGS, GDUNG ROG SKYENGS PA YIN, BCES NAS LO LNGA'I BAR DU SKU LUS LA RTAG TU 'OD 'KHOR BA CIG BYUNG, LO LNGA LON NAS KLOG YIG SLOB PAR MDZAD, DE NAS LO BCU BZHI LON GYI BAR DU DGE BSHES CHOS KYI LA MNGON PAR GSAN, DE NAS LO BCU DGU'I BAR DU KHYUNG PO GRAGS SENG LA SOGS PA LA DBU TSAD GSAN, DE NAS YAB LA RAB TU 'BYUNG BAR ZHUS PAS NGED SNGAGS PA'I BRGYUD YIN GSUNGS NAS MA GNANG, YANG YANG ZHUS PAS KHYOD RAB TU 'BYUNG NA CHUNG BA 'DI LA SNGAGS PA CIG 'TSOL BA LAS 'OS MED GSUNG, DE NAS LO NYI SHU LON PA NA 'ON DU CHOS 'KHOR ZHIG GI DUS SU LHAB STON GSHEN GSUM BYA BA 'TSOGS PA YIN TE, DE'I DUS SU MI CHE SHOS YIN, DER DGE BSHES GSHEN LA MKHAN PO ZHUS NAS, SNGA DRO DGE TSUL ,PHYI DRO DGE SLONG, SROD LA SEMS BSKYED GNANG STE NAN TAN BYED NA DE TZUG BYED DGOS PA YIN BYA BA'I ZHAL KYANG YANG GSUNG, DE NAS RGYA 'DUL BA 'DZIN PA LA 'DUL BA GSAN ,LO GSUM NA GNAS MAL GYI GZHI MA GTOGS PA MDO RTZA BLO NAS RTZAR GYIS BSHAD, DGE BSHES RGYA GRONG 'DUL MDZAD PAS, NGES ZUR CHOS PA RNAMS KYIS DAD LDAN RNAMS LA RE MOS KYIS CHOS 'CHAD PA LA, NGAS THEG CHEN RNAL 'BYOR BSHAD PAS DAD LDAN RNAMS DAD PA SKYES NAS NGU STENG RANG LA BRIG PA CIG KYANG MA BYUNG ,PHYIS DGE BSHES PO TO BA'I GSUNG GI

'KHRIGS BCUG PAS, SNGAR GYI DE JI TZUG SONG NA SNYAM PA CIG BYUNG GSUNG, YAB KYI ZHAL NAS NGA'I GROGS PO 'BROM STON GYI SLOB MA SGOM SLOB PA CIG YOD PAR 'DUG PAS DER SONG GSUNGS TE, NGA'I DGE BA'I BSHES GNYEN GYI THOG MA PHA RGAN DER GYUR NAS 'DUG GSUNG, DE NAS LO NYI SHU RTZA DRUG PA LA PO TO BA SGRO LAG DGON PA NA BZHUGS PA'I SPYAN SNGAR BYON ,JA DKON PAS GA BUR GYI THANG SMAN BANDA BCU LHAG TZAM LA DRANGS, CHOS GOS LING BZANG PO ZHIG YOD PA PHUL NAS CHOS KYI ZHU BA BYAS PAS, KHYOD LAM NOR BA YIN, LHA SA NA NYAN BSHAD NYI MA SHAR BA LTA BU YOD PA DER MI SDOD PAR NGA LA NI 'CHI BA RJES SU DRAN PA BYA BA'I CHOS GCIG LAS MED, DE LA MGU NA LO BZHI SDOD, CHOS GOS 'DI YANG TSONGS LA BRGYA GAS GYIS GSUNGS NAS TSUR LA GNANG, DE NAS DGONGS CHOS KYI DUNG BYUNG NAS BYON PA NA RIN CHEN PHRENG BA'I RGYAL PO'I TSUL BSTAN PA'I LE'U LA SLEB NAS, KHYOD KYIS MKHYEN PAR MDZAD SLAD DANG, , 'GRO BA LA YANG BRTZE SLAD DU, ,KHYOD LA MI SNYAN YANG SMAN PA, ,BDAG LTA GCIG PU TO POR GSOL, ,ZHES PA DE NAS THOB PA YIN TE, TSOGS CHOS THOS PA'I SNGA SHOS 'DI YIN GSUNG, DE THON NAS MDO SDE RGYAN ZHIG GSUNGS, DE DUS TSOGS BSDUS NAS LO GSUM LON NAS 'DUG ,GRA PA SUM CU TZAM BZHUGS KYI 'DUG PA LA LKOG CHOS KHRID PA GSUM BZHI TZAM LAS YOD YOD MI 'DRA, THUGS MA MNYES CEN KHYED LEGS PAR BYED NA GYIS, MI BYED NA

, ,NGA LA BLO MI BDE BA GSUM BZHI TZAM LAS MED DO GSUNG GI 'DUG, DE NAS DBYAR GNAS KYI DUS LA BAB NAS YON SHEL ZHU SNA BCOL NAS DBYAR 'DI'I BYA BA ZHU BA'I GNAS KYI SLOB DPON ZHIG KYANG ZHU ZHUS PAS JI LTA BU'I YON SHE YANG 'ONG BA GSUNGS NAS BZHENGS NAS BZHUD, THUGS MA DGYES PAS MA LEGS PA BYAS SNYAM PA NA, SANG DGONGS DE 'DIR SHOG GSUNGS NAS BYON PAS, JO BO STON PA NGA LA GNAS KYI SLOB DPON ZHU ZER TE DA LTA GNAS KYI SLOB DPON MTSAN NYID DANG LDAN PA MED, RA SGRENG GI SHUG PA'I GSEB DER DGE BSHES STON PA GNAS KYI SLOB DPON DU 'OS PA CIG BYUNG BA YIN TE, SUS KYANG GNAS MA BCAS PAR SKU GSHEGS SO, ,BCOM LDAN 'DAS KYIS GNAS DRAN PA NYE BAR BZHAG PA BZHI LA CHOS SHIG GSUNGS PAS, 'U CAG KYANG DE LA GNAS 'CHA' DGOS PA YIN GSUNG, DOL BA NYID KYI ZHAL NAS, NGAS PO TO BA'I GSUNG DE SKAD GZHAN DAG LA BZLAS PAS GNAS DGE BSNYEN LA 'CHA' 'AM SNYAM STE, CHE 'DI PHYI THAMS CAD KYI MDUN MA DE LA BLTOS PAS GNAS SU NGES PAR 'ONG BA YIN GSUNGS, SPYAN SNGA'I ZHAL NAS KYANG, NGA'I DON GYI MKHAN PO DGE BSNYEN RGAN PO DER 'DUG BYA BA GSUNGS, DGE BSHES DOL BAS CHOS LA 'PHRIG BAG RE RNYED PAS, SNGAR GYI CHOS THAMS CAD KYIS GO MI CHOD PAR GRO, PHYI MA PHAN CHAD GAL CHE BA'I BLO BAG RE BYUNG BAS, AAN RE BSAM SNYAM PA MIN PA BSHAD SNYAM PA MED PAS DPE DANG YIG

SNA KUN KYANG MI LA BYIN, KA BA LI RANG STONG PAR BZHAG GSUNG, DE BAS NA DGE BA'I BSHES GNYEN DGOS SNYAM PA CIG BYUNG GSUNG, DGE BSHES DE DANG MA PHRAD KYI RING LA NGES GLEN PA CHEN POR 'DUG, RAB TU BYUNG DGE BA'I BSHES GNYEN DE DANG MJAL BAS, BDE SKYID SNYAN GRAGS THAMS CAD NGED CHE GSUNG, LO NYI SHU RTZA GNYIS SU PO TO BA'I DRUNG DU BSDAD PA YIN TE, DES NGOMS PA'AM CHOG SNYAM PA YE MA BYUNG GSUNG ,DGE BSHES DOL PA CHEN POS DBYAR DGUN PO TO BA'I SAR BZHUGS NAS, STON DPYID SKU MCHED GNYIS PO'I SPYAN SNGAR RE MOS SU BZHUGS, DE NAS PO TO BA BYA LO'I DBYAR GNAS KYI ZLA BA'I GNAM STONG LA MYA NGAN LAS 'DAS NAS DBYAR DER BZHUGS, STON CHOD PA DANG TSUR BYON NAS DPON G-YOG BCU TZAM CHU SNA DGON PAR BZHUGS, TSUR 'BYON KHAR KHAMS PA LUNG PA LA YANG CHOS 'BREL GSAN, DE NAS DPON 'PHAGS PAS DPYID LA GANG DU SPYAN DRANGS TE PHUL, KHYI LO LA YA GAD BZUNG STE LO GNYIS SU GZHUNG MA GSUNGS PAR STONG THUN SKYA RE MA CHAG PAR GSUNGS, DE NAS 'KHOR RNAMS KYIS ZHUS NAS, DANG POR SLOB MA LA SBRINGS PA CIG GSUNGS, DE NAS BE'U BUM SNGON POR GRAGS PA 'DI GSUNGS TE DGE BSHES DE'I ZHAL NAS, RANG GI RGYUD LA CI PHAN BYA BA'I CHED DU 'PHANGS 'PHANGS RNAMS BRJED KYIS DOGS NAS BRIS PA YIN, BSHAD PA'I GO CHA MA BYAS, GO CHA BYAS NA DBYAR DGUN RE'I CHOS GSUNGS TSOD RNAMS BZUNG YANG ZAD PA MED PA 'ONG STE, GCIG PUR SDOD NA DGOS SNYAM

, ,NAS KHA YAR BRIS NAS YOD PA LA DGE BSHES PHO BRANG SDINGS PAS DPE CHOS DE BSDEBS 'DUG PA GSAN PAS, 'O NA NGA'I DE RNAMS KYANG LHAN CIG TU BSDEBS NA GZHAN LA PHAN PA SRID DAM SNYAM NAS YA GAD DU BSDEBS PA YIN TE, RTZOM YANG LEGS PA CIG BYUNG, DE NAS DGUN BE'U BUM GSUNG BAR DGONGS PA LA JO MO DPE MO BYA BA NA RE, DGE BSHES LA RMI LAM NGAN PA CIG BYUNG DGE BSHES KYI NANG KHROL YIN ZER BA CIG DOL LUNG BA LA 'GYED KYIN SNANG ZER BA CIG RMIS ZER BAS, NANG KHROL ZHIG NI 'GYED NYEN YOD DE, SKU RIM MI DGOS GSUNG NAS DGUN DE NAS GSUNG BAR MDZAD DE 'GRO BA DPAG TU MED PA'I DON MDZAD DO, ,DGE BSHES SHAR BA'I PHYAG TU BE'U BUM 'DI BYON PAS DGE BSHES DE BSTAN BCOS RTZOM PA'I 'BRING TSAD DU SKYOL NAS 'DUG GSUNG STE TSAR GCIG BZHENGS PAS MDZAD, SLOB DPON DON STENG BA'I ZHAL NAS, NGA YANG 'DI GCIG THOS PAR 'DOD PAS GSUNGS NAS YOD TZA NA DPYID CIG GSUNG ZER BA THOS NAS YA GANG DU PHYIN PAS DE'I NUB MO RDO RJE GDAN DU PHYIN PA CIG RMIS, DE NAS DGE BSHES DE'I GSUNG GIS BYIN GYIS BRLABS PAS PHAN PAR BYUNG NAS DGE BSHES LA SMAN PAR MCHI BAR GDA' ZHUS PAS, GCIG PUR SDOD NA 'DIS DGE BSHES BTUB PA YIN GSUNGS, GZHAN YANG DGE BA'I BSHES GNYEN 'DI JO BO NYID KYIS KYANG LUNG BSTAN, SKYE BA BDUN PA'I RTAGS DANG LDAN, BLA MA RNAMS KYIS JI SKAD BSTAN PA

BZHIN THUGS LA 'KHRUNGS, BDE BAR GSHEGS PA MANG PO'I ZHAL GZIGS, MNGON PAR SHES PA RGYA CHEN PO MNGA', DE YANG SNYE THANG 'ONG DU RAB GNAS SHIG LA SPYAN DRANGS PA'I TSE STOD LUNG BA'I BTZUN CHUNG GNYIS KYIS SEMS BSKYED ZHU SNYAM NAS YANG YANG BRTZAMS PA LA, DGE BSHES MI MANG POS G-YENGS NAS ZHU BA'I SKABS MA BYUNG BAS, THUGS KYIS MKHYEN NAS KHYED RANG GRABS KYIS, TSAR BA DANG NGA BOS GSUNG, JO STON MNGA' RIS PAS YI GE DRUG PA LI MA DE SPYAN DRANGS NAS BYON BA DGE BSHES DGOL BAS YE MA GSAN PA LA, KHONG DOL PA'I GZIM KHANG DU BYON NAS PHYAG BYA BAR BRTZAMS PAS, SNGON LA LHA TSUR SPYAN DRONGS GSUNGS NAS MNGON SHES KYIS MKHYEN, BZANG YUL DU BYON PA'I DUS NA LCE DVA LA SGANG PA'I ZHAL NAS, NGA LA SNGAR BAS SGOM BZANG BA CIG SKYES PA LA, CI'I PHAN YON YIN SNYAM PA NA DGE BSHES DOL PA DER BYON PA GZIGS PAS KHONG GI BYIN RLABS YIN GSUNGS NAS BSNYEN BKUR CHE BAR MDZAD, PHYIS KYANG DER BYON PA'I DUS NA DE KHO NA BZHIN DU BYUNG BAS DAD GUS SHIN TU CHE BAR MDZAD GSUNG, DGE BSHES MON BU CHUNG BA'I ZHAL NAS, DGE BSHES YA GAD PA DE RING 'DI NA YAR LA 'BYON PAR 'DUG ,MDANGS CHOS BSAM DU BTUB PA CIG BYUNG GSUNGS NAS, DGE BSHES DPON G-YOG 'BYON PA LA BYA RA MDZAD DE, MON BU CHUNG GI LUNG PA'I MDOR PHEBS PA NA BZANG SPOS MANG PO BSREGS NAS GSOL BA 'DEBS PA YIN GSUNG ,GZHAN

, ,YANG DGE BSHES 'DI MTHONG BA DANG, GSUNG THOS BA DANG, DRAN PA TZAM GYIS KYANG GZHAN GYI NYON MONGS PA'I GNYEN POR 'GRO BA CIG YOD PA YIN GSUNG STE, LHOR BYON BA'I DUS RGAN PO ZHIG NA RE, PHA SPUN ZHIG GIS CI BYED PA BYED DU MA STER, DUG BTANG NAS BSAD SNYAM PA LAGS TE KHA SANG KHYED DANG MJAL BAS BSAM PA DE LOG ,DA NGAN BU LA BZA' KHRIMS SHIG DANG SROG GCOD KYI SDOM BA CIG ZHU ZER BA LA, KHO CI LA GSOD KHYOD RANG GIS SKYE BA SNGA MA LA KHO LA GNOD PA BYAS PA'I RTAGS YIN GSUNGS NAS, PHAM PHABS SHIG DANG BZA' KHRIMS GNANG, YANG BUD MED GCIG NA RE, NGAN BU LA BU NOR RUNG ZHIG BDOG PA KHONG GIS BSAD NAS ZHE SDANG CHEN PO SKYES PA LA KHA SANG KHYED MTHONG BAS CHUNG DU THAL, MI KUN NA RE SKYE BA BDUN PA'I BYANG CHUB SEMS DPA' LAGS ZER NA LAGS SAM, NGAN BU LA BZA' KHRIMS SHIG KYANG ZHU ZER BA LA, MA RGAN SKYE BA BDUN PA MI 'DRA NA, 'U CAG BZA' KHRIMS SHIG BYA DGOS GSUNGS NAS BU'I MYA NGAN SEL BA'I GDAMS NGAG DANG BZA' KHRIMS GNANG, DE LTAR DGE BSHES DOL PA MTSAN DNGOS SHES RAB RGYA MTSO, YA GAD PA ZHES KYANG GRAGS PA DE DGUNG LO NYI SHU RTZA DRUG TU TSOGS DPON MDZAD DE 'GRO BA DPAG TU MED PA SMIN PAR MDZAD NAS SMIN DRUG GI ZLA SMAD LA GRAR PHEBS DUS SKU KHAMS CUNG ZAD BSNYEL NAS YAR BYON, ZLA BA PHYI MA LA CHOS CHEN PO ZHIG 'CHAD DE 'DI

RNAMS KYIS MI GO NYEN YOD GSUNG, SKU GSHEGS KHAR DGUN DE CHOS CHEN PO ZHIG 'CHAD DE KHYED KYIS MI GO BAR GDA' GSUNGS PA LA, GZHAN GYIS MA GO BAR, BE'U BUM GSUNG NGAM, BSLAB BTUS GSUNG ZER, DGE BSHES DOL PA'I GSUNG DE THOS PA TZAM GYIS KYANG BLO SNA BSGYUR NUS PA ZHIG YOD PAR GSUNGS, DE LTAR BSTAN 'GRO'I DON RGYA CHER MDZAD NAS DGUNG LO DON GSUM PA LCAGS MO PHAG GI LO DGUN ZLA 'BRING PO'I TSES BDUN GYI DRO THON PA NA YA GAD NYID DU SKU GSHEGS SO, ,YA GANG DU TSOGS PA STONG TZAM 'DUS PA'I NANG NAS BU SLOB CHE BA NI LHA 'BRI SGANG PA, DON STENG BA CHEN PO, BYA 'CHAD KHA BA, DPAL PHAG MO GRU PAS KYANG 'DI LA CHOS 'BREL GSAN SNANG NGO, ,DBUS KYI NYI ZLA ZUNG GCIG CES YONGS SU GRAGS PA BSHES GNYEN CHEN PO PO TO BA'I THUGS SRAS GLANG RI THANG PA DANG SHA RA BA GNYIS LAS, SHAR BA'I RNAM THAR NI 'CHAD PAR 'GYUR LA, DGE BA'I BSHES GNYEN GLANG RI THANG PA NI 'PHAN YUL GNYAN GONG GSER MA SHONGS SU YAB JO BO DAR MA MNGO BZANG GI SRAS SU SHING PHO RTA LA 'KHRUNGS, RUS SHUGS TSANGS, KHO RANG GI ZHANG PO BSHES GNYEN GROG MO MKHAR PA LA RAB TU BYUNG, MTSAN RDO RJE SENG GER BTAGS, RGYAL BA 'OD DPAG TU MED PA'I SPRUL PAR BYED LA, SNGON LO TZ'A BA SKA BA DPAL BRTZEGS SU SPRUL NAS BSTAN PA CHES CHER GSAL BAR MDZAD CING, 'DIR GDUL BYA BLO DMAN PA RNAMS KYI NGOR DANG POR SHIN TU BKREN PA'I TSUL MDZAD DE 'TSO BA

, ,DKA' THUB LA GNAS NAS SDE SNOD GSUM LA SBYANGS SHING, SDE SNOD GSUM GYI BRJOD BYA'I DON THAMS CAD SKYES BU GSUM GYI LAM GYI RIM PAR DRIL NAS NYAMS SU LEN PA'I MAN NGAG BYANG CHUB LAM GYI RIM PA LA THUGS RTZE CHIG SGRIL DU MDZAD NAS BKA' GDAMS SKU MCHED GSUM GA LA GTUGS SHING GTZO BOR NI DGE BA'I BSHES GNYEN PO TO BA CHEN PO LA BKA' GDAMS GZHUNG DRUG GI BSHAD BA MTHA' DAG PA DANG, LKOG CHOS SU BDAG BAS GZHAN GCES PA'I BYANG CHUB KYI SEMS SGOM PA'I MAN NGAG BLO SBYONG DON BDUN MA'I KHRID LEGS PAR GSAN TE NYAMS LEN GYI MTHIL DU MDZAD DO, ,DGE BSHES SNE'U ZUR BA LA'ANG LAM RIM GYI KHRID GSAN NO, ,DGE BSHES GLANG THANG PAS LOR SPYAN SNGA LA CHOS GSAN DUS YOS SPAR BA RES GDAN NON MDZAD KYIN BZHUGS, DE NAS BSOD SNYOMS MDZAD PA'I RNYED PA GANG BYUNG SBYIR DGE 'DUN DANG, KHYAD PAR PO TO BA DPON SLOB RNAMS LA DRANGS PAS SKU BSOD SKYES TE GRVA PA NYIS STONG TZAM 'TSOGS BA'I BRGYAGS KHONG RANG GIS GNANG, GNAS NGES MED MDZAD, SPYAN SNGA LO'I MCHOD RTAN BZHENGS DUS GRVA PA LNGA BRGYA KHRID DE MCHOD RTEN BRTZIG PA'I ZHABS TOG KYANG MDZAD, GTZO BOR PO TO BA'I RNAM THAR DANG GSUNG SGROS 'DZIN, PO TO BA GSHEGS KHANG DGE BSHES GLANG THANG PA LA KHYED GNAS GCIG TU MA BZHUGS, DNGOS PO CI YANG BDAG GIR MA 'DZIN, DE GNYIS SEMS LA ZHOG GSUNG, SPYAN SNGA LA DGE

BSHES GLANG THANG PAS KHO BO MI TSE HRIL GYIS BYAMS PA KHO NA SGOM PAR ZHU ZHUS PAS, SPYAN SNGAS DBU ZHVA PHUD NAS JO BO PA CHA BYAD BZANG GSUNGS NAS DBU DUNG DUD MDZAD, LAN CIG GI TSE TSE RABS THAMS CAD DU DGE SLONG GI DNGOS PO DANG MI 'BRAL BA'I DAM BCA' BRTAN PO MDZAD PAS, DPAL LHA MO DRE'U'I SKAD LHANG NGE BYON NAS DE'I BAR DU NGAS KHYOD KYI GROGS BYA'O GSUNG, GLANG THANG PA'I ZHAL NAS, CI TZUG SONG NGAM, BSRUNG SDOM BAG RE YANG BYAS, BSAM SGOM BAG RE YANG BYAS, BSOD NAMS KYI LAS BAG RE YANG BYAS BA LA CI 'DRA'I PO TI ZAB MO ZHIG ZHAL PHYE YANG SKYON THAMS CAD RANG GI YIN, YON TAN THAMS CAD JO BO SEMS CAN GYI YIN, DE'I GNAD KAS KHE DANG RGYAL KHA THAMS CAD GZHAN LA BYIN LA, GYONG DANG BUB KHA THAMS CAD RANG GIS BLANG SEMS PA MIN PA GO RGYU MA RNYED GSUNG ,YANG ZHAL NAS, 'GRO BA RIGS DRUG GAR SKYE CHA MED DE, GAR SKYES KYANG SEMS CAN LA PHAN 'DOGS PA 'DI MI BRJED DAM SEMS, MIG LONG YANG CHOS MI 'CHOR, RNA BA 'ON PA DANG, MDZES KHYER BA DANG, RKANG LAG ZHA BA DANG, LCE LKUGS KYANG CHOS MI 'CHOR GSUNGS TE DON LA PHYIR MI LDOG BAR ZHAL GYIS BZHES PA YIN, PO TO BA ZHING GSHEGS NAS THANG GRONG LTAG TU GTOR MA MDZAD DUS GTOR SDER BYA ROG GIS KHYER TE GLANG THANG GI SHAR GYI RI DE'U DE'I KHAR BZHAG PAS GLANG THANG PAS DER BYON, DPON SH'AKYA BYA BAS ZHABS TOG BYAS TE DER LO GSUM SGRUB PA MDZAD, ZHOL DU SGRUB CHU YANG BYUNG ,NYIN

, ,MTSAN DBYER MED DU BYANG CHUB KYI SEMS KYI TING NGE 'DZIN SGOM PAR MDZAD PAS KLU MO SPUN GSUM GYIS GLANG THANG GI GNAS PHUL ,DGE 'DUN GYI SDE 'DZUGS PAR ZHUS ,PHYIS RI DE'I STENG NAS YAR 'PHUR TE THUGS PHRENG SKYUR SAR KHRON PA BRUS, DBU ZHVA SGYUR SAR BLA BRANG BYAS TE GLANG THANG GI DGON PA BTAB, PO TO BA'I MDZAD PA BZHIN DU BKA' GDAMS GZHUNG DRUG DANG, LAM SGRON BYAMS CHOS LA SOGS PA'I GZHUNG CHE BA RNAMS KYIS SLOB MA BSKYANGS ,GLANG THANG PA LA MO CHAGS DE'UR BZHUGS DUS BYA YUL BAS KYANG 'DUL BA MDO RTZA GSAN, PHYIS GLANG THANG PA SNE'U ZUR BA'I YANG SLOB MAR GYUR CING, SNE'U ZUR PAS GLANG THANG PA LA KHYED KYI YON TAN DANG BDE BA 'DI RNAMS GZHAN GANG LAS KYANG MA BYUNG BYANG CHUB KYI SEMS LAS BYUNG BA YIN NO GSUNG STE, DE KHO NA BZHIN DU BDAG GZHAN BRJE BA'I BYANG CHUB KYI SEMS KHO NA LA GTZO BOR MDZAD DE, GLANG THANG BA NYID KYI ZHAL NAS KHO BOS RLUNG THA MAL DU GTONG MA MYONG GSUNGS TE GTONG LEN SGOM PA DANG NAM YANG MA BRAL BAR MDZAD PA'I GSUNG NGO, ,GLANG THANG PA ZHAL PA ZHUGS RING GLANG THANG GI LCAGS RI'I NANG DU SROG CHAGS RNAMS GCIG LA GCIG MI 'TSE BAR GRAGS, BLA MA RDO RJE GDAN PAS KHYUD PO RNAL 'BYOR LA SANGS RGYAS SNANG BA MTHA' YAS KYI SPRUL PA GLANG RI THANG PA LAS BSNYEN PAR RDZOGS SHIG CES LUNG BSTAN PA LTAR DGE BSHES GLANG THANG PAS MKHAS GRUB KHYUD PO RNAL 'BYOR GYI MKHAN PO MDZAD DO, ,LAN CIG DGE BSHES,

PO TO BA KLUNGS SHOD NA 'GON BZHUGS RTZA NA, GLANG RI THANG PA DER BYON DUS GLANG THANG BA SKU KHAMS MA BDE, DANG KHA NGAN PAS, SPYIR RIGS DRUG GI SDUG BSNGAL 'DI 'DRA ,DRAG SHOS MI YIN DE'I NANG NAS KYANG RAB TU BYUNG BA YIN TE 'DI 'DRA BA SNYAM NAS LAS 'BRAS DANG 'KHOR BA'I NYES DMIGS BSAM PAS SKYO ZHING YID 'BYUNG BA NI SKYES ,LUS LA SDIG PA SBYONG BA'I NUS PA MED SNYAM NAS, PO TO BA BSKOR BA MDZAD PA'I LAM KHAR NA BZA' GDAN DU BTINGS NAS DGE BA'I BSHES GNYEN PA 'DIR BZHUGS BA ZHU DANG ZHUS PAS, CI BYED NGA BSKOR BA BYED GSUNG NAS MA GNANG BA LA DON GAL CHE BA CIG BDOG BZHUGS PAR ZHU DANG ZHUS PAS, DGE BSHES PA STAN THOG TU BZHUGS PA LA GLANG RI THANG PAS KHO BO DBYAR KHAMS NGAN PAR BYUNG, DANG KHA YANG NGAN PAR BYUNG, MI RTAG PA DANG 'KHOR BA'I NYES DMIGS BSGOMS PAS YID 'BYUNG SKYES, DGE SBYOR BYED PA'I NUS PA MED PAS SHES PA SHIN TU MA BDE, GDAMS NGAG CIG ZHU 'TSAL ZHUS PAS ,PO TO BA'I ZHAL NAS, JO BO KHAMS DAG GRANG DRO SNYOMS PA'I NYAMS BDE STE TSE PHYI MA LA PHAN NAM GSUNG NAS DGRA BCOM PA GNYIS KYI GTAM RGYUD DRANGS NAS, GZHAN YANG SDUG BSNGAL YON TAN NI, ,SKYO BAS DREGS BA SEL BAR BYED, ,'KHOR BA PA LA SNYING RJE SKYE,, SDIG LA 'DZEM ZHING DGE LA DGA', ,BYA BA YIN PAR SONGS DANG NGA SKOR BA BYED GSUNGS NAS BZHUD, GLANG THANG PA DE'I NUB MO NAS BDE BSNYUNG DVANGS SO, ,GLANG THANG PA BSOD NAMS GSOG PA LA DGYES, ZVA THUG NUR NUR BA SKOL

, ,BA MI GANG GAL CHE BA LA 'DREN, LAN CIG JA NI MED, RTZA BAS RE DANG BCAS PA'I TSA BA CIG PO TO BA DPON SLOB LA DRANGS, BSNGO BA BYED TZAN KHA BA THUL GYIS BYUNG BAS, PO TO BA'I ZHAL NAS SGOM NAG KHYOD NYI MA DE RING NAS DBUL DANG BRAL BA YIN NO GSUNG, DGE BSHES GLANG THANG PAS LHA SAR BSKOR BA YUN RING MDZAD DUS DGONG MO PHYI SE BA CIG LA BYON PAS SKAD CIG LHANG LHANG GRAG PA GZIGS SU BYON PAS BUD MED GZHON NU CIG SKYIGS 'DUG PA BKROL NAS BUD MED DE GOS KYI 'THU BAR BSNYAL, KHYOD RANG NGA LA PHA DANG BU'I 'DU SHES ZHOG, NGAS KHYOD LA MA DANG SRING MO'I 'DU SHES 'JOG GSUNGS NAS BZHUGS, SANG MO LA NA BZA' CIG BYIN NAS BTANG, PHYIS BUD MED DES YON BDAG GI RTZA BA BYAS GLANG THANG SHAR GYI RI DE'U DE'I KHAR SGRUB KHANG BRTZIGS NAS SGRUB PA MDZAD ,DE NAS BSHES GNYEN CHEN PO 'DIS GDUL BYA 'DUL BA'I DUS LA BAB PA NA, GLANG THANG GI DGON PA BTAB TSUL DANG BYANG CHUB LAM RIM BKA' GDAMS GZHUNG DRUG DANG SBYAR TE RGYA CHER BSTAN PA'I TSUL SNGAR BSHAD ZIN CING, RANG RGYUD 'DUL BA GTZO BOR MDZAD DE 'DOD YON GYI 'KHRI BA CHOD PA YANG 'GRON PO GZHUNG 'GRON PA LAM LA 'GRO KHA MA CIG GIS JA LEGS PA ZHIB MA GANG PHUL, SKOL NAS BZHES PA'I ZHU BA PHUL NAS YOD PA LA YON BDAG DE MDO NAS YAR 'KHOR NAS MJAL DU PHYIN PAS JA RDUL KHAD DE 'DUG PA LA JA MA SKOL LAM ZHUS PAS NGAS KYANG KHO MA SKOL ,KHOS KYANG NGA MA SKOL GSUNG, NYE GNAS

KYIS NGED RANG LA MI RNAMS KYIS GLANG RI THANG PA NGO NAG PA ZHU YI 'DUG, MJAL MI BYUNG BA RNAMS LA GSUNG GLENG RE DANG ZHAL NGO DKAR PA RE MDZAD NA ZHUS PAS, DE'ANG YIN TE 'KHOR BA'I NYES DMIGS BSAM NA NGO DKAR SA 'DUG GE, DES NA 'KHOR BA 'DI GSOS DUS MED PA'I NAD DANG, THAR DUS MED PA'I BTZON DU 'DUG GO GSUNG, RAB TU BYUNG NAS SKU TSE RIL PO LA ZHAL 'DZUM PA LAN GSUM LAS MA BYUNG, DA LTAR DGE BSHES GLANG THANG PAS SGRUB PA DAR DRAG LA RGYUN RING BA MDZAD CING THEG CHEN GYI CHOS MTHA' DAG LA SKAD CIG KYANG G-YEL BA MED PAR SBYANGS TE GZUNGS DANG TING NGE 'DZIN LA SOGS PA SANGS RGYAS KYI CHOS GRANGS MED PA LA RNAM PAR RTZE ZHING, SPYAN DANG MNGON PAR MKHYEN PA LA SOGS PA YON TAN THAMS CAD KYIS PHYUG PA, BDE BAR GSHEGS PA NA MKHA'I SKAR TSOGS TZAM GYI ZHAL GZIGS, SPYOD 'JUG LAS, BDAG BDE GZHAN GYI SDUG BSNGAL DAG, YANG DAG BRJE BA MA BYAS NA, ,SANGS RGYAS NYID DU MI 'GRUB CING,, 'KHOR BA NA YANG BDE BA MED, ,CES GSUNGS PA LTAR BDAG GZHAN BRJE BA'I NYAMS LEN GTONG LEN RLUNG LA SKYON NAS BSGOM PAS 'BAD MED LHUN GRUB TU BYUNG STE, KHO BOS RLUNG THA MAL DU GTONG MA MYONG GSUNG, LAN CIG GLANG THANG PA CHOS GSUNG BA'I PANG DU BUD MED ZHIG GIS BU CHUNG SKYES MA THAG CIG BSKYAL NAS 'DI KHYED RANG GI BU YIN NO NGAS MI GSOS SO ZER NAS SONG, DE LA ZHAL NGO 'GYUR BA TZAM YANG MED PAR DANG BLANGS MDZAD, 'O 'DU BTZAL NAS MA

, ,RGYAGS BU RGYAGS GNANG, BU DE CHER SKYES PA DANG SNGAR GYI MI TSANG GIS BSNYEN BKUR BYAS NAS DE GONG BU CHUNG 'DRA BYUNG BA MA GSOS, 'DI YANG 'DI BZHIN MA BYAS NA MI GSOS PA MO DANG RTZIS LA BYUNG BAS DE LTAR BYAS PA LAGS, BZOD PA MDZAD CING BU GNANG BA ZHUS PAS CI DGAR GNANG STE 'DI NI BYANG CHUB SEMS DPA'I SPYOD PA BYA DKA' BA'I GNAS LA BSLABS PA'O, ,LHA MO LUNG GI DGON PA NA BZHUGS DUS DBYAR CIG SE LCEG, PA'I ZHING LA CHU'I GNOD PA BYUNG BA LA, CHU SGYUR ZHUS PAS RVA CO KHA BCAD PA THE RTZES MNAN PA ZHIG BSKUR NAS CHU'I GNOD PA 'ONG BA'I LOGS LA SBOS GSUNG, DE BZHIN BYAS PAS CHU PHAR 'GYUR, PHYIS RVA CO KHA PHYE NAS BLTAS PAS, 'DI NA DGE SLONG RDO RJE SENG GE YOD PAS CHU KHYOD PHAR RGYUG ZER BA CIG 'DUG GO, ,DE NI, BDEN PA'I BYIN GYIS BRLABS KYIS MI YI PHUNG PO ZHI, ,DE NI MI LDOG LUNG BSTAN YIN PAR RIG PAR BYA, ,ZHES GSUNGS PA DANG TSUL MTSUNGS PA'O, ,GLANG RI THANG GI THUGS DAM 'BUM PA RGYAL BA SRAS BCAS KYI PHO BRANG MTHONG BA DON LDAN BZHENGS GRUB NAS RTEN DAM TSIG PA LA YE SHES PA RAB TU GNAS PA'I BRTAN PA ZHUGS DANG, ME TOG GI MNGA' DBUL PHYOGS BZHI RE RE NAS BSHES GNYEN CHEN PO PO TO BA LA SOGS PA DGE SLONG RNAM DAG SNAM SBYAR BZHES PA BRGYA RTZA BRGYAD TZAM GYIS ME TOG GI CHAR PHAB PA'I TSE, NAM MKHA' LA 'JA' TSON RNAM PAR BKRA BA'I GUR BKRA SHIS RTAGS BRGYAD LTA BU NGO MTSAR BAS GANG, BAR SNANG NAS LHAS ME

TOG GI CHAR PHAB PA'I DRI BSUNG KHYAD PAR CAN DUD 'GROS KYANG MNAM DU RUNG BA BYUNG, ZHAL BSRO LA DKON MCHOG GI MCHOD PA RGYA CHEN PO DANG, DGE 'DUN 'DUS PA RGYA MTSO'I TSOGS LA BSNYEN BKUR DANG, SKYE BO MTHA' YAS PA LA SBYIN GTONG RGYA CHEN PO DANG, PHONGS PA LA PHAM BABS CHER STZAL TE, DE YANG, BDOG PA THAMS CAD 'BRAS BCAS TE, ,SKYE BO KUN LA BTANG SEMS KYIS, ,SBYIN PA'I PHA ROL PHYIN GSUNGS TE, ,CES PA LTAR RO, ,DANG PO'I DUS SU GLANG THANG PA DANG SHA BA SGANG PA GNYIS CHOS PHAR GSAN TSUR GSAN BYED, SHA BO SGANG PA'I ZHAL NAS, GLANG THANG BA BYANG CHUB KYI SEMS TSAN CHE, NGAS PHAN 'DOGS PA LA SROG GTONG NUS TE, GNOD PA SKYEL BA LA MI NUS, KHONG GIS GNYIS KA LA NUS GSUNG, GNYAN RNA MO BA DANG, KHONG RNAM GSUM 'DZOM PA LA, DA LTA 'CHI NA JI LTAR BYED BYAS PAS, RNA MO'I ZHAL NAS 'DI TZUG KYANG BYED, 'DI TZUG KYANG BYED BYA BA KHA YAR BYUNG STE MANGS PA YIN GSUNG, SHA BO SGANG BA'I ZHAL NAS BYANG CHUB KYI SEMS SBYONG BA MIN PA GZHAN BYA RGYU MED GSUNG, GLANG THANG PA'I ZHAL NAS, KHO BO DA LTA RANG 'CHI YANG BSKYED 'DON RGYU SPU TZAM YANG MED GSUNG, SEMS DPA' CHEN PO GLANG RI THANG PA SKU MYA NGAN LAS 'DA' KHAR SEMS CAN GYI DON DU DMYAL BAR SKYE BAR SMON LAM BTAB PA YIN TE MI 'GRUB PA 'DRA, DAG PA'I SNANG BA 'BA' ZHIG 'CHAR YIN 'DUG GSUNG NAS THUGS KHRAL MDZAD PAR GSUNGS, DGE BA'I BSHES GNYEN 'CHAD KHA BAS DGE BA'I BSHES GNYEN LCAGS ZHING PA LA GLANG THANG BA'I BLO SBYONG

, ,TSIG BRGYAD MA GSAN NAS, THUGS 'GYUR BA'I TSIG BRGYAD MA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG ,GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG, SPYOD LAM KUN TU RANG RGYUD LA, ,RTOG CING NYON MONGS SKYES MA THAG, BDAG GZHAN MA RUNG BYED BAS NA, ,BTZAN THABS GDONG NAS BZLOG PAR SHOG, RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG, BDAG LA GZHAN GYIS PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN BA DANG, ,RGYAL KHA GZHAN LA 'BUL BAR SHOG, GANG LA BDAG GIS PHAN BTAGS PA'I, ,RE BA CHE BA GANG ZHIG GIS, ,SHIN TU MI RIGS GNOD BYED NA'ANG, ,BSHES GNYEN DAM PAR BLTA BAR SHOG, MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN BAR SHOG, DE DAG KUN KYANG CHOS BRGYAD KYI, ,RTOG PA'I DRI MAS MA SPAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG, CES GSUNGS PA 'DI'O, ,DE LTAR SEMS DPA' CHEN PO GLANG RI

THANG PAS BSTAN 'GRO'I DON RGYA CHER MDZAD NAS MTHAR DGUNG LO BDUN CU BZHES PA CHU MO YOS LO'I DPYID ZLA THA CHUNG SA GA'I NYI SHU GSUM LA, GLANG THANG DU SKU GSHEGS NAS DGA' LDAN CHOS KYI PHO BRANG DU PHEBS SO, ,SKU GSUNG LA MCHOD PA'I BYE BRAG BSAM GYIS MI KHYAB PA DANG BCAS TE ZHUGS LA PHUL BA'I TSE, NAM MKHA' LA 'JA'I GUR GYI RIM PA DANG, ME TOG GI CHAR DANG, LHA'I SPOS KYI NGAD LDANG BA DANG, RAB BYUNG DANG SKYE BO'I TSOGS KHRI KHRAG TZAM TSOGS PA LA MTHONG SNANG DAG PA DANG, BYANG CHUB KYI SEMS DANG DAD PA MI PHYED PA SKYES PA PHAL CHER LA BYUNG ZHING, GDUNG RUS LA LHA SKU DANG, THUGS DANG, GDUNG SHA RI RAM DANG, RING BSREL DANG BCAS PA BSAM GYIS MI KHYAB PA BYUNG STE GDUNG RING BSREL GYIS KYANG 'GRO BA'I DON RGYA CHER MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO PO TO BA SRAS DANG BCAS BA LA MCHOD CING GSOL BA GDAB PA DANG, SEMS DPA' CHEN PO 'DI'I RNAM PAR THAR PA DRAN PAR BYAS LA LAG TU CI LON BYA BA DANG, THA NA SMON LAM GYI YUL DU BYAS NAS KYANG MDZAD PA RNAM THAR DE DAG BSAMS LA BAG CHAGS CI THEBS BYA'O,, ` ,,RNAM DPYOD 'GRAN ZLA BRAL BA'I SHA RA BA; ZHES BSNGAGS PA, BYANG PHYOGS GANGS RI'I KHROD 'DIR RGYAL BA'I BSTAN PA'I SNYING PO JO BO YAB SRAS KYI MAN NGAG BYANG CHUB LAM GYI RIM PA SBEL BA'I SLAD DU BSAM BZHIN DU BYON PA SEMS DPA' CHEN PO SHA RA BA GANG DU 'KHRUNGS

, ,PA'I YUL NI, BYANG RA SGRENG NAS YA TSANG PHYIN PA'I YUL ROM PO ZHES PA YIN LA, GNAS DER PA TSAB ROM PO'I RGYUD DU LCAGS PHO KHYI'I LO YUM PHYUGS MA SKYONG BA'I PHYIR RDO LEB CHEN PO ZHIG GI STENG NA BZHUGS PA'I DUS SU 'KHRUNGS TE, PHYIS RDO LEB DE LA SHA RA BA BLTAMS SA ZHES GRAGS SHING RDO LEB DE'I STENG NA SHAR BA 'KHRUNGS NAS ZHABS BRKYANGS PA'I SHUL RDO LA ZHABS RJES KYANG YOD CES RJE BTZUN BLA MA BLO BZANG YE SHES GSUNG, GNAS DE DA LTA KUN GYI PHYAG MCHOD KYI GNAS SU BYED DO, ,DE NAS DGUNG LO BCO BRGYAD KYI BAR YAB YUM GNYIS KYIS BSKYANGS SHING KHYIM DU BZHUGS, DER BZHUGS RING BYIS PA'I SPYOD PA MTHA' DAG LAS DANG GIS LOG, SNGAR YUN RING PO NAS GOMS PA'I BAG CHAGS BRTAGS PAS YI GE 'DRI KLOG SOGS NI TSEGS MED PAR MKHYEN, DKON MCHOG MCHOD PA SOGS DGE BA'I LAS LA NI NGANG GIS 'JUG, SKAL BA MNYAM PA'I SEMS CAN GZHAN DAG MTHONG NA BYAMS PA'I MIG GIS BLTA ZHING BRTZE BA'I 'DZUM GYIS BSU BA LAS GZHAN LA KHRO BA DANG SKYON BRJOD PA SOGS SGO GSUM NYES PAR SPYOD PA LA NI NGO TSAR BLTAS TE 'JUG PA'I SKABS MED, GZHAN DU NA BSAM PA 'DI LTA BU DAG 'KHRUNGS BAR NGES TE, SKYES RABS LAS, BTZON RA 'DRA BA'I KHYIM LA NI, ,NAM YANG BDE BAR MA SEMS SHIG, PHYUG GAM YANG NA DBUL YANG RUNG, ,PHYIM NA GNAS PA NAD DU CHE, ,GCIG NI BSRUNG BAS NYON MONGS LA, ,GNYIS

PA 'TSOL BAS SHA THANG NGO, ,PHYUG GAM YANG NA DBUL YANG RUNG, ,GANG NA BDE BA MED GYUR PA, ,DE LA DGA' BAR RMONGS PA NI, ,SDIG PA'I 'BRAS BU SMIN PA NYID, ,CES GSUNGS PA LTAR, KHYIM NA GNAS PA NI NYON MONGS PA DANG, NYES PAR SPYOD PA DANG SDUG BSNGAL DU MA'I 'BYUNG GNAS SU RIG NAS BDAG NAM ZHIG NA BTZON DONG DANG 'DRA BA'I KHYIM GYI GNAS 'DI NAS BYUNG STE RGYAL BA'I BSTAN PA LA ZHUGS LAS THOS BSAM SGOM GSUM LA 'BAD PA ZHIG NAM 'ONG SNYAM DU DE 'BA' ZHIG BSAM ZHING MDO SNGAGS KYI GSUNG RAB RNAMS LA YANG DANG YANG DU BLTA BA LHUR LEN PAR BYED DO, ,DE NAS PHA MA DANG NYE DU RNAMS KYIS BAG MA LEN PA'I SBYOR BA BSHAMS PAN RANG YUL NYE DU NOR LONGS SPYOD GANG LA'ANG MA CHAGS PAR MCHIL SNABS BZHIN DU DOR TE DGUNG LO BCO BRGYAD PA'I DBYID BROS NAS KLUNGS SHOD DU PHEBS NAS RAB TU BYUNG, MTSAN YON TAN GRAGS SU BTAGS, RAB TU BYUNG BA'I SA DE LA KLUNGS SHOD CHOR BA ZHES GRAGS, DER YANG NYE DU RNAMS KYIS 'DZIN MI BYUNG DOGS NAS KLUNGS SHOD PHYUR BU ZHES BYA BA NA DGE BA'I BSHES GNYEN SPYAN SNGA BA CHEN PO MTSAMS DAM PAR BCAD PA'I SAR BYON, SPYAN SNGA BA CHEN POS KYANG BKA' GDAMS BSTAN 'DZIN CHEN PO ZHIG TU 'GYUR BAR GZIGS NAS, DGYES BZHIN DU RJES SU BZUNG NAS GDAMS PA DANG RJES SU BSTAN PA MANG DU STZAL, DE'I TSE SHA RA BA YON TAN GRAGS KYI THUGS DGONGS LA BKA' GDAMS SKU MCHED GSUM PO LA JO BO RJE'I MAN NGAG ZHUS NAS

, ,GTZANG PHYOGS SU GSANG SNGAGS KYI CHOS MANG PO ZHIG ZHU BAR 'BYON BZHED NAR MAR 'KHRUNGS TE, DUS DE'I TSE GTZANG NA 'BROG MI LO TZ'A BA DANG RJE 'GOS LO CHEN PO BZHUGS TE GSANG SNGAGS RGYUD SDE BZHI'I 'CHAD NYAN SHIN TU DAR BA YOD PAS RDO RJE 'DZIN PA CHEN PO DE DAG GI ZHABS LA GTUGS TE RGYUD SDE BZHIG DANG, KHYAD PAR GSANG SNGAGS BLA MED KYI MAN NGAG RNAMS ZHUS TE SNGAGS LAM SGOM PA ZHIG GTZO BOR BYED DGONGS PA BYUNG, DE NAS DE KHA'I DBYAR DUS DGE BA'I BSHES GNYEN PO TO BA CHEN PO STAG LUNG THANG NA BZHUGS PA'I SPYAN SNGAR BYON, CHOS KYI GSOL BA BTAB PA NA DGE BSHES PO TO BA CHEN POS KYANG RANG GI SRAS KYI THU BO BSTAN PA'I BDAG BAR 'GYUR BAR GZIGS NAS SPYAN GYI 'BRAS BU LTAR BSKYANGS TE DUS GSUM GYI RGYAL BA THAMS CAD GANG NAS GSHEGS PA'I LAM PO CHE, RGYAL BAS GSUNGS PA'I CHOS PHUNG BRGYAD KHRI BZHI STONG PO THAMS CAD NYAMS LEN GYI LUS GCIG TU DRIL BA BYANG CHUB LAM GYI RIM PA'I KHRID GNANG STE, THOG MAR GANG NYAMS SU BLANG BAR BYA BA DE NAS BZUNG STE MTHAR 'BRAS BU 'GRUB PA'I BAR GYI LAM GYI GRANGS DANG GO RIM LAM SO SO'I NGO BO RNAMS RGYAL BA'I BKA' DANG SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS CHES ZHIB PAR MIG LA MNGON SUM DU SNANG BA'I DPE DANG BCAS KHRID PAR MDZAD PA NA SHA RA BA CHEN PO SNGON YUN RING PO NAS LAM LA SBYANGS PA'I BAG CHAGS SAD DE LAM

GYI GRANGS DANG GO RIM LA LDOG TU MAD PA'I DAD PA DANG, TSIG TZAM MIN PAR RIGS PA'I LAM NAS DRANGS PA'I NGES SHES BRTAN PO RNYED NAS RE SHIG SNGAGS LAM MTHON PO LA 'JUG PA'I RE BA MI 'DUG SNYAM NAS GTZANG DU 'GRO BA'I 'DUN PA LOG ,LAM MA NOR BAR STON PA'I DGE BA'I BSHES GNYEN 'DI LTA BU DANG LAN CIG MJAL BA 'DI GA LA 'DOR SNYAM DU SKAD CIG GCIG KYANG 'BRAL MI PHOD PAR DANG POR MJAL BA DE NAS BZUNG MTHAR DGE BSHES PO TO BA CHEN PO ZHING GSHEGS KYI BAR NAM YANG MA BRAL BAR BSAM SBYOR GNYIS KYIS TSUL BZHIN DU BSTEN TE LAM GYI RIM PA'I GDAMS NGAG MA LUS PA BUM PA GANG BYOR GSAN, BAR SKABS SHIG NYE DU RNAMS DANG YUL PHYOGS KYI MI MANG PO ZHIG GIS RANG GI KHU BO'I GNAS ROM PA RE ZHES PA'I DGON GNAS ZHIG GI CHOS DPON DU 'BYON DGOS PAR BSKUL BA NA SLAR ZHIG 'BYON NAM SNYAM DU DGONGS PA BYUNG BA LA DGE BSHES PO TO BA CHEN POS BSLAB BTUS GSUNG BA'I SKABS BYANG SEMS KYI LAM BGROD PA'I BAR CHAD GNOD 'GYUR RNAMS GSUNG BA'I TSE ZHAL TA PA'I GNOD PA ZHIB TU GSUNGS PAS THUGS NGES BRTAN PO 'KHRUNGS TE, DE NAS CHOS DPON DU 'GRO BA'I SPROS PA CHOD GSUNG, THOG MAR DGE BSHES PO TO BA'I GRAB BYING GRAS LO DGU MDZAD, DE NAS DGE BSHES PO TO BA CHEN PO THUGS SHIN TU MNYES PAS SKU 'KHOR NANG MA LO DGU MDZAD DE KHYON DGE BSHES PO TO BA CHEN PO LO BCO BRGYAD BSTEN TE DE'I RING LA BYANG CHUB LAM GYI RIM PA'I KHRID

, ,MTHA' CHOD PAR GSAN TE, DE YANG RJE BTZUN BYAMS BAS MDZAD PA'I MNGON PAR RTOGS PA'I RGYAN BYANG CHUB LAM GYI RIM PA'I RTZA BA MAN NGAG TU BYAS, DE'I STENG DU MDO SDE RGYAN DANG, SLOB DPON DPA' BOS MDZAD PA'I SKYES RABS SO BZHI PA DANG, RGYAL SRAS ZHI BA LHAS MDZAD PA'I SPYOD 'JUG DANG BSLAB BTUS GNYIS DANG CHED DU BRJOD PA'I TSOM DANG, BYANGS STE BKA' GDAMS GZHUNG DRUG GUNG BSGRIGS TE BYANG CHUB LAM GYI RIM PA'I MAN NGAG RNAMS DMIGS SKOR RE RE NAS GZHUNG DRUG PO DE DAG GANG RIGS NAS RGYAS BAR BSHAD, GZHAN YANG SLOB DPON 'PHAGS PA KLU SGRUB KYIS MDZAD BA MDO SDE KUN LAS BTUS PA DANG, RIN CHEN PHRENG BA DANG RTZA SHE LA SOGS BA'I RIGS CHOGS RNAMS DANG SLOB DPON KA MA LA SH'I LAS MDZAD PA'I SGOM RIM GSUM LA SOGS PA GSUNG RAB DGONGS 'GREL DANG BCAS PA THAMS CAD BYANG CHUB LAM GYI RIM PA'I GDAMS NGAG TU NGO SPRAD NAS STON PAR MDZAD PAS RGYAL BA'I GSUNG RAB DGONGS 'GREL DANG BCAS PA 'CHAD PA LA MI 'JIGS PA'I SPOB PA THOB, RANG DANG GZHAN GYI GRUB MTHA' RGYA MTSO'I PHA ROL TU SON, SDE SNOD GSUM DANG SHING RTA CHEN PO'I GZHUNG RNAMS PHAL CHER THUGS LA GZUNG STE SKAL PA DANG LDAN PA GZHAN DAG LA GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS NAS 'DOMS PA LA DBANG 'BYOR PAS BOD DU SKYES PA'I MI ZHIG LA SHAR BA CHEN PO LAS

MKHYEN RAB RLABS CHE BA MED CES BKA' GDAMS GONG MA'I GSUNG BSGROS LAS 'BYUNG, DON 'DI DAG LA DGONGS NAS RJE THAMS CAD MKHYEN PAS KYANG, RNAM DPYOD 'GRAN ZLA BRAL BA'I SHA RA BA, ZHES BSNGAGS PA MDZAD DO, ,SHA RA BA CHEN PO NYID KYI ZHAL NAS, DENG DUS CHOS BYED KUN CHOS 'CHAD BA PO GANG NA YOD ZER BA THAMS CAD KYI RTZAR 'GRO STE, STON PA RIN PO CHE YAB SRAS KYI LUGS DE MIN, DGE BSHES STON BAS SKU TSE DE LA BLA MA LNGA LAS MA BSTEN, DA YANG DGE BSNYEN GYI SDOM PA'I SLOB DPON DANG, KLOG YIG SLOB PA'I SLOB DPON DANG, BLA MA SE BTZUN DANG, PAndI TA SMRi TI DANG, JO BO RJE STE, DE RNAMS KYI NANG NAS KYANG GZHAN RNAMS LA CHOS 'BREL RE TZAM YIN BLA MA SE BTZUN PA LA MTSAN NYID KYI GZHUNG RNAMS GSAN, GTZO BO NI JO BO RJE NYID LA BRTEN NAS BYANG CHUB LAM GYI RIM PA MTHA' DAG PAR GSAN TE, JO BO RJE MNGA' RIS SU MJAL BA NAS MTHAR SNYE THANG DU ZHING GSHEGS PA'I BAR JO BO RJE NYID BSAM SBYOR GNYIS KYIS TSUL BZHIN DU BSTEN DE MDO SNGAGS KYI GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS TE GSAN ZHING DE 'BA' ZHIG THUGS NYAMS SU BZHES BAS BSTAN PA YONGS RDZOGS KYI BDAG POR BYON PA YIN, DGE BSHES PO TO BA CHEN BOS KYANG KHYIM DU BZHUGS SKABS SRU SGOM LA BSNYEN GNAS KYI SDOM PA ZHIG ZHUS BLA MA DE DANG, DGE TSUL GYI SDOM PA'I MKHAN SLOB DANG ,MTSAN NYID LA BSLAB SBYONG MDZAD PA'I SKABS KYI SLOB DPON DANG, 'BROM RIN PO CHE RNAMS MA GTOGS BA BLA MA MA

, ,BSTEN, DE YANG GTZO BOR 'BROM RIN PO CHE NYID LA BRTEN TE, DANG PO MJAL BA NAS MTHAR ZHING NAM GSHEGS KYI BAR BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM BA NYID LA SBYANGS PAS BSTAN PA YONGS RDZOGS KYI BDAG POR BYON, KHO BOS KYANG BKA' GDAMS SKU MCHED RIN PO CHE GSUM LA BRTEN CING DE'I NANG NAS KYANG DGE BA'I BSHES GNYEN PO TO BA CHEN PO NYID LA BRTEN ,GZHAN DAG DGE TSUL GYI MKHAN SLOB MA GTOGS BLA MA GZHAN MA BSTEN, DGE BSHES PO TO BA CHEN PO NI LO BCO BRGYAD KYI BAR DU BSTEN TE MI MNYES PA SKAD CIG KYANG BYED MA MYONG GSUNG, MTHAR DGE BSHES PO TO BA ZHING GSHEGS NAS DGE BSHES PO TO BA'I SLOB MA PHAL CHER SHAN BA'I RJES SU 'BRANG STE 'KHOR BRGYA PHRAG MANG PO DANG BCAS KLUNGS SHOD DU BYON NAS TSOGS BSDUS, YO BYAD GANG BYUNG THAMS CAD DGE 'DUN LA BSNGOS, DE NAS SNYAN PA'I GRAGS PAS 'DZIN MA'I KHYON KUN KHYAB STE BYANG CHUB LAM GYI RIM BRGYA CHER BSHAD PAS CHOS GSAN BA MANG DUS SUM STONG 'DUS PA BYUNG, PHAL CHER NYIS STONG LHAG TZAM RGYUN DU 'DUS, DE THAMS CAD KYANG DGE BSHES SHAR BA CHEN PO NYID KYI RNAM THAR RJES SU SKYONG BA SHA STAG BYUNG STE, SHAR BA CHEN PO NYID KYIS RANG GI 'KHOR DU 'DUS PA'I GDUL BYA THAMS CAD TSUL KHRIMS RNAM PAR DAG PA GZHIR BZUNG NAS SKYES BU GSUM GYI LAM GYI RIM PA SGOM PA LA SBYAR, LAM GYI RIM PA'I YANG RTZA PA BSHES GNYEN BSTEN TSUL RNAM PAR DAG BA ZHIG DGOS ZHES 'DOMS PAR MDZAD, SHA RAB

NYID KYI ZHAL NAS THEG PA CHEN PO'I LAM GYI RTZA BA DGE BA'I BSHES GNYEN YIN, DGE BA'I BSHES GNYEN LAM BSTEN PAR LAM GANG YANG SKYE BA MI SRID PA YIN, SA BCU'I BYANG CHUB SEMS DPA' BSKAL BA GRANGS MED GSUM DU TSOGS BSAGS PA LA YANG PHYOGS BCU'I SANGS RGYAS RNAMS KYIS PHYAG G-YAS PA DBU THOG TU BZHAG NAS BYIN GYIS MA BRLABS PAR RDO RJE LTA BU'I TING NGE 'DZIN THOB MI SRID PAS DE BZHIN GSHEGS PA DE DAG GNAS SKABS DE NA DGE BA'I BSHES GNYEN BYA BAR 'DOD PA YIN; DA LTA 'U CAG THAMS CAD KA CA KHO NA LA RTZI BA LA SKU MCHED GSUM PO LA RES GSUM GA SPYIR 'BUL BA 'ONG, RES GNYIS LA 'ONG BA LA, DUS DE THAMS CAD NA GSUM LA PHUL NA GNYIS LA 'BUL, GNYIS LA PHUL NA GCIG LA 'BUL GYI BA 'DI 'DOD YE MI GSUNG DE LTA BU LA DAD GSUNG, DGE BSHES SHAR PA CHEN PO DE, DGE BSHES PO TO BA'I RNAM THAR SKYONG BA MA GTOGS SU LA'ANG MI 'DUD SU DANG YANG MI KHO NA, GANG DU 'DUG KYANG DMA' SA 'DZIN RKYEN BZANG NGAN GANG BYUNG YANG BYANG CHUB LAM GYI RIM PA SGOM PA KHO NA LAS THABS GZHAN GANG YANG MI MDZAD, SKU MTHONG BA DANG GSUNG THOS PA THAMS CAD DAD PA RANG DBANG MED PAR SKYE, DAD RDZAS DANG GSHIN RDZAS GANG BYUNG YANG DKON MCHOG GI MCHOD BA DANG, DGE 'DUN GYI BSNYEN BKUR KHO NA LA GTONG BA LAS MI DGOS PA'I SAR YE MI GTONG MA DAG BA'I RDZAS YE MI 'CHANG GZHAN GYIS ZHING DANG KHANG KHYIM DANG PHYUGS MA SOGS PHUL YANG GTAN NAS MI BZHES, LAN CIG SBYIN BDAG ZHIG GIS ZHING RNGAS BA'I THOG CIG PHUL BA NA DGE 'DUN LA PHUL NGA LA MI DGOS RTZA SOG TSUR

, ,SKYOL GRA PA RNAMS KYI RGYAGS SKYEL MI'I KHAL MA LA PHAN 'GRO GSUNG, DGE BSHES PO TO BA DANG SHA RA BA GNYIS POS THABS LTOS BCOS GANG YANG MA MDZAD PAR LAM RIM KHO NA SGOM BAR MDZAD PAS RANG DANG SLOB MA RNAMS LA NAD GDON GYI 'TSE BA NYUNG, LHA 'DRE MI GSUM BYAMS TSE RING BAR BYUNG, DGE BSHES SPYAN SNGA BA DANG BYA YUL BA DPON SLOB RNAMS THABS RIM MAN NGAG 'DI MI MKHYEN BYA BA MED PAS GDUL BYA RNAMS KYANG MAN NGAG SNA TSOGS LAG LEN BYED PA BYUNG YANG NAD GDON GYI 'TSE BA MANG ZHES BKA' GDAMS GONG MA'I GSUNG SGROS LAS 'BYUNG, SHAR BA NYID KYI ZHAL NAS SPYIR LEGS NYES CI BYUNG TSES LA BRTEN PA, DE'I NANG NAS KYANG 'DUL BA LA BRTEN NA LDAB KYANG MI DGOS PA; ZHE GTZANG BA, RTAG THUB PA, NYAMS DGA' BA, MTHA' BZANG BA YIN GSUNG, YANG ZHAL NAS RTEN DANG BSRUNG BA MI DGOS PA'I GANG ZAG GSUM YIN, DGE SLONG CHOS GOS RNAM GSUM LAS YONGS SU BZUNG BA THAMS CAD SPANGS TE NYES PA PHRA ZHING PHRA BAS KYANG MA GOS PA ZHIG BYUNG NA RTEN DE NYID MCHOD GNAS YIN PAS MI DGOS, BYANG CHUB KYI SEMS SMON 'JUG GNYIS RNAL MAR YOD PA DE SEMS CAN THAMS CAD KYI MCHOD GNAS YIN PAS MI DGOS, SNGAGS PA MTSAN NYID DANG LDAN PA SNANG BA THAMS CAD LHA DANG LHA MOR SHES PA LA MI DGOS GSUNG, BKA' RGYUD ZAM MA CHAD PA'I GDAMS PA LA BRTEN NAS SHES BZHIN CHEN POS THAMS CAD MIG 'OG TU CHUD PAR BYAS TE, SPYOD LAM

RNAM BZHIR CI BYED THAMS CAD THAR PA'I RGYUR DKAR LAM GYIS GTONG SHES PA CIG DGOS GSUNG, YANG ZHAL NAS BYA YUL BA'I BKA' RGYUD 'DI LA SRUNG BA ZAD PA MED PA CIG YOD DE 'TSE BA SHIN TU MANG, MI DBANG DU BSDU BA'I THABS ZAD PA MED DE NGAN SMRA DE MANG DE SNANG, TSE SPEL THABS KHO NA MDZAD DE SKU TSE RING BA TZAM MA BYUNG LA, PO TO BA'I BKA' RGYUD 'DI LA BSTAN PA RIN PO CHE KHAS BLANGS KYI CHOS KHO NA LAS SPAN SPUN YE MI MDZAD DE 'TSE BA NYUNG MI BYAMS SKU TSE RING BAR BYUNG STE, KHO BOS NI MAN NGAG DE MNGON SUM DU GO BAR BYUNG GSUNG, LAN CIG SHAR BA CHEN POS LAM RIM GYI KHRID GNANG BA'I RJES LA 'DI SKAD GSUNG STE KHAMS NGAN YANG CHOS KYIS PHAN NA PHAN PA YIN SNYAM NAS 'BAD DE BSHAD PA YIN, CHOS KYIS PHAN NA PHAN PAR BRTZI, GZHAN GYIS PHAN PA TA PHA MAS KYANG 'DI LTAR BYED DE DES THAR PA LA CANG MA PHAN, GRA PA CHOS LA MA MGU NAS SONG NA DE RANG GI NYES BAR BRTZI, GZHAN LAM MGU NAS SONG BA RANG GI NYES PAR MI BRTZI GSUNG, SGOM PA KLOG 'BAR GYIS BYA YUL DU PHYIN PA'I DUS SU RTZABS 'BREN DU BYUNG BA LA NGA GCONG LUNG BA'I GRA PA LA RTZABS 'DREN NAM ZER NAS 'THUNG MA 'DOD, DE LA SHIN TU MNYES PAR MDZAD, LAN CIG SHA RA BA CHEN PO LA SLOB MA RNAMS KYIS PHYOGS GZHAN ZHIG TU 'BYON PAR ZHUS PA NA CHOS 'PHEL NA GANG DU PHYIN KYANG CHOG ,GNYEN NYE DU LA CHAGS PA'ANG MED, GNAS GZHI SDE DGON LA CHAGS PA'ANG MED, KHO BO'I STENG NA DBANG CHE BA GZHAN NGO SRUNG DGOS PA'ANG SU YANG MED GSUNG SHA RAB CHEN PO THUGS

, ,BSKYED SHIN TU BZANG BAS 'KHOR SUM STONG TZAM 'DUS PA DE THAMS CAD KYANG THOS BSAM SGOM PAS DUS 'DA' BA, ZAS GOS GNAS MAL DANG SDE DGON LA CHAGS PA SPANGS BA SHA STAG BZHUGS, CHOS GNANG BA THAMS CAD KYANG SKYES BU GSUM GYI LAM GYI RIM PA NYID LA SKOR NAS DE'I THOG TU 'BAB PA KHO NA MDZAD, TSONG DANG BUN BSKYED KYIS NOR BSGRUBS NAS DKON MCHOG MCHOD PA DANG DBUL PHONGS LA SBYIN GTONG BYED PA BYUNG NA NGA NI KHYED LA GTONG BA'I PHAN YON MI BRJOD KYIS 'DZIN PA'I NYES DMIGS BRJOD PA YIN GSUNG NAS MI DGYES, DBEN PA'I RI SUL DU TSUL KHRIMS RNAM PAR DAG PA LA GNAS PA BYUNG NA SHIN TU DGYES TE DBEN PA'I RI SUL DU DRANG SRONG GI SBYOD TSUL GYIS GNAS PA CIG BYUNG NA GZOD PHAS BU GSOS BYA BA YIN GSUNG, RAB TU BYUNG BA ZHING LAS BYED PA GZIGS NA SHIN TU MI DGYES TE, SHAR BA NYID KYI ZHAL NAS RAB TU BYUNG BA BYA BA SO NAM RNAM BZHI SPANGS PA CIG LA ZER BA YIN, DGE SLONG BYA BA 'DOD BA SPANGS PA CIG LA ZER BA YIN, BYANG CHUB SEMS DPA' BYA BA RANG DON SPANGS PA CIG LA ZER BA YIN, SGOM CHEN BYA BA 'DU 'DZI SPANGS PA CIG LA ZER BA YIN GSUNGS, SEMS DPA' CHEN PO 'DI NI JO BO RJES, 'PHRAL LA ZAS 'TSOL BYA DANG 'DRA, ,KHAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES GSUNGS PA LTAR JO BO YAB SRAS KYI RNAM THAR GTZANG MA GZHAN 'DRES MED BAR SKYONG BA, PHYI RABS KYI GDUL BYA KUN GYI SMON GNAS SU 'OS

PA ZHIG BYUNG STE, SHA RA BA NYID KYI ZHAL NAS, RUG PA'I JO BO GZHON NU GRAGS BYA BA DE DANG, LAN TSA RAB KYI SGOM PA DBANG PHYUG RGYAL MTSAN BYA BA DE GNYIS LO BDUN CU TZAM LA 'DAS PA LA, 'TSO BA NI DGE 'DUN GYI NANG NAS LEN, SANG GI BYA BA NI DE RING BYED PA MA YIN BYA BA GZHAN GANG YANG MED PAR DGE SBYOR BAR MA CHAD PAR 'DAS TE DE GNYIS KHO NA LA SMON GSUNG, YANG NA NING 'DAS PA GRA PA CHOS MTHUN DE CHOS LAS GZHAN GYIS NI BLO MA SBAGS, DGE BSHES LA NI YI DAM LHA DANG KHYAD PAR MED PAR SHES, SEMS NI BKOL DU BTUB DGE SBYOR LAS BYA BA GZHAN NI CI YANG MED DE LTA BU LA SMON GSUNG, BOD SNGA RABS SU BYON PA'I BSHES GNYEN RNAMS LA SPYOD PA RNAM PAR DAG PA JO BO YAB SRAS KYI DGONGS PA LTAR BYED PA MANG BAR BYUNG NA'ANG LTA BA RNAM PAR DAG PA JO BO YAB SRAS KYI DGONGS PA LTAR 'PHAGS PA KLU SGRUB KYI DBU MA RIGS TSOGS KYI DON SLOB DPON SANGS RGYAS BSKYANGS DANG SLOB DPON ZLA BA GRAGS PAS BKRAL BA'I DBU MA'I LTA BA MTHAR THUG PA RTOGS PA DKON PAR BYUNG 'DUG PA NA SEMS DPA' CHEN PO SHAR BA 'DI BZHUGS PA'I DUS SU PA TSAB LO TZ'A BAS RGYA GAR DU BYON TE SLOB DPON ZLA BA GRAGS PA LA GSOL BA SHUGS DRAG LA RGYUN RING BA BTAB PAS SLOB DPON ZLA BA GRAGS PAS DNGOS SU ZHAL BSTAN TE BYIN GYIS BRLABS PAS DBU MA'I LTA BA THUN MONG MA YIN PA RTOGS, BOD DU 'PHAGS PA KLU SGRUB KYI LTA BA THUN MONG MA YIN PA DE DAR NA CI MA RUNG SNYAM DU DGONGS NAS DBU MA LA 'JUG PA BSGYUR, BOD DU LUGS BZANG

, ,DE SPEL BA'I 'PHRIN LAS MDZAD PA NA BLUN PO RMONGS PA'I KHYU DAG GIS CHOS THAMS CAD RANG BZHIN GYIS MA GRUB PA BTAGS YOD MING RKYANG TZAM GYI TSUL DE THOS PA NA, CHOS THAMS CAD RANG BZHIN GYIS MED BAR LTA BA NI CHAD LTA'O ZHES SMRAS NAS KLU SGRUB LUGS BZANG SPEL BA'I 'PHRIN LAS BKAG PA NA DGE BA'I BSHES GNYEN SHAR BAS KLU SGRUB YAB SRAS KYI DGONGS PA YIN MIN NGA SHES GSUNGS NAS BA TSAB LO TZ'A BA LA DBU MA'I LUGS KYI GZHI LAM 'BRAS GSUM GYI RNAM GZHAG JI LTAR YIN DANG, DBU MA'I LTA BA'I DGAG BYA GANG YIN DANG, DE 'GOG BYED RIGS PA'I GTZO BO GANG LA BYED DANG, DBU MA'I LTA BA SGOM PA'I TSE SBYOR DNGOS RJES GSUM DU JI LTAR BYED CES DRI BA ZHIB TU BSKUR NAS GRA GZHON SHES RAB CAN GNYIS PA TSAB LO TZ'A BA'I SAR BTANG BAS, PA TSAB LO TZ'A BAS DE'I LAN DU 'PHAGS PA KLU SGRUB KYI DGONGS PA SLOB DPON ZLA BA GRAGS PAS BKRAL BA'I DBU MA'I LTA BA MTHA' THUG 'DI YIN DANG, DE SGOM PA'I TSE SBYOR DNGOS RJES GSUM DU JI LTAR BYA BA 'PHAGS PA KLU SGRUB YAB SRAS KYI MAN NGAG 'DI LTAR YOD CES LAN ZHIB TU PHUL BA DGE BSHES SHA RA BA CHEN PO DGE 'DUN SUM STONG LA NYE BA'I TSOGS DBUR BZHUGS NAS BUR STON ZHIG GSOL LA KHAD DU YOD PA'I THOG TU SLEBS PAS TSOGS DBU'I SA DE KHAR LEGS PAR GZIGS PAS SPYAN CHAB MANG PO BYON BU RAM PHYAG GIS GANG GCOGS SHIG GNAM DU GTOR NAS KLU SGRUB YAB SRAS MCHOD, PA TSAB LO TZ'A BA MCHOD CHOS 'DI 'DRA

ZHIG GIS 'KHOR 'DAS KYI SHAN 'BYED PA YIN, SHER PHYIN GYI MDO SDE RIN PO CHE'I DGONGS PA 'DI YIN GSUNG NAS BTZUN CHUNG LNGA BCU TZAM ZHIG PA TSAB LO TZ'A BA LA DBU MA MNYAN DU BTANG, DBU MA'I LUGS BZANG SPEL BA LA MTHUN PA'I RKYEN ZANG ZING MANG PO BSKUR, PA TSAB LO TZ'A BA LA BSNGAGS BRJOD CHE BAR MDZAD PAS LOG PAR RTOG PA'I SMRA BA NGAN PA RNAMS RANG SHUGS KYIS 'GAGS, PA TSAB LO TZ'A BA LA 'PHRIN LAS CHER 'PHEL BAR GYUR TO, ,DE DUS PA TSAB LO TZ'A BAS RANG NYID KYIS BSGYUR BA'I DBU MA 'JUG PA DGE BSHES SHA RA BA LA GZIGS SU PHUL BAS, SHAR BA CHEN POS LEGS PAR GZIGS TE, 'DI LA 'DI LTAR 'ONG THANG ZHES 'GYUR SKYON GANG BYUNG THAMS CAD BRIS NAS RGYA DPE LA LTOS ZHES BSKUR BA NA PA TSAB LO TZ'A BAS RGYA DPE LA GZIGS PAS SHA RABS GANG GSUNG BA DE KHO NA BZHIN DU BYUNG BAS DGE BA'I BSHES GNYEN SHAR PA LA RGYAL BA'I BKA' 'GYUR RO COG THUGS LA MNGA'O ZHES GRAGS PA BYUNG NGO, ,DGE BA'I BSHES GNYEN SHAR BA 'DI NYID BKA' GDAMS GLEGS BAM LAS GSAL BAR LUNG BSTAN PA YIN TE, DAD PA RAB TU BRTAN PA'I 'KHRUNGS RABS LAS, DES NA RGYAL PO DGE BA DPAL, ,KHYOD KYI SRAS KYI SROL 'DZIN PA, ,SHAR BA BZHES YUL LAS GRAGS, ,ZHES PA DANG, LUNG BSTAN GYI LE'U LAS, YON TAN GRAGS PAS ZAB GZHUNG RNAMS, ,RDZOGS PAR MDZAD NAS DAR YUL MDAR, ,DAG SNANG GANG SHAR DGON PA BZHENGS, ,DE NAS SHAR BA ZHES GRAGS,,

, ,ZHANG RJE ROM PO'I MI RIGS GCIG ,GTAN GYI DON GNYER GUS PAS MCHI, ,ZHES DANG, DAG PA'I SNANG BA RAB SHAR BA, ,RGYAL BA RGYA MTSO LAS 'KHRUNGS SHING, ,MKHAS PA NGA NI LAS CAN RNAMS, ,PHYOGS BZHIR 'GRO ZHING 'DREN NA YANG, ,DBUS 'DIR SHAR BA PA ZHES GRAGS, ,'DI NI SHAR GYI MTHA' 'KHOB 'DUL, ,DE NAS NUB PHYOGS MTHA' 'KHOB TU, ,SHAR PA CI 'DRA RTZVA YUL DANG, ,ZHING DANG GRONG PA DAG GIS DBEN, ,SKYA BO RGYA CHEN ZHAG MED CIG ,SNUM ZHING SKAL BZANG DU MA SDUD, ,CES GSUNGS SO, ,DE LTAR SEMS DPA' CHEN PO SHA RA BAS BSTAN 'GRO'I DON RGYA CHER MDZAD NAS MA 'ONGS PA'I GDUL BYA RNAMS KYI DON DU BYANG CHUB LAM GYI RIM PA'I KHRID YIG CHE CHUNG GNYIS DANG DGE BA'I BSHES GNYEN PO TO BA'I RNAM THAR TSIGS BCAD MA ZHIG KYANG MDZAD, DGE BSHES SHA RA BA 'DIS BYANG CHUB LAM GYI SGRONG MA 'CHAD SKABS JI LTAR GSUNGS PA RNAMS ZIN BRIS SU BKOD PA LAM SGRON GYI 'GREL PA RGYAS SHING NGO MTSAR RMAD DU BYUNG BA ZHIG KYANG SNANG NGO, ,BDAG NYID CHEN PO 'DIS LO SUM CU RTZA DRUG TU TSOGS PA BSKYANGS NAS BSTAN PA'I BYA BA RGYA CHER MDZAD CING, DE YANG JO BO RJE DPAL LDAN AA TI SHA'I MAN NGAG SKYES BU GSUM GYI LAM GYI RIM PA KHO NAS GDUL BYA'I DON MDZAD CING, RGYAL BA'I BKA' DANG SHING RTA CHEN PO'I GZHUNG THAMS CAD SKYES BU GSUM GYI LAM RIM KHO NA'I STENG DU 'BAB PAR MDZAD, RKYEN BZANG NGAN GANG BYUNG YANG TSUL KHRIMS RNAM PAR

DAG PA BSRUNG BA GZHIR BZHAG NAS BYANG CHUB LAM GYI RIM PA SGOM PA NYID MDZAD PA LAS RANG NYID DANG SLOB MA SU LA'ANG MO BON GYI BCOS KA SOGS TZAB TZUB YE MI MDZAD, DGE 'DUN SUM STONG 'DUS TE DE THAMS CAD RGYAL BA RANG NYID KYIS JI LTAR GSUNGS PA'I TSUL KHRIMS RNAM PAR DAG PA DANG LAM RNAM PAR DAG PA SGOM PA LA SBYAR TE THAMS CAD RNAM THAR GTZANG MA RGYAL BA RANG NYID DNGOS SU BZHUGS PA'I DUS KYI MDZAD PA RNAM THAR JI BZHIN DU SKYONG BAR MDZAD DO; ;DE LTAR DGE BA'I BSHE GNYEN SHA RA BA CHEN POS BSTAN PA'I DON RGYA CHER MDZAD NAS DGUNG LO BDUN CU DON GNYIS PA LCAGS MO BYA'I LO RGYAL GYI ZLA BA'I TSES NYER DRUG LA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DE NAS DER TSOGS PA'I DGE 'DUN RNAMS KYIS ZLA BA PHYED KYI BAR SKU GDUNG RIL POR BZHUGS PA'I MDUN DU RGYAL BA'I YUM BSGRAGS SHING MCHOD PA RGYA CHER PHUL, DE NAS PUR SBYANGS TE GDUNG DANG RING BSREL NA BZA' RNAMS DGE 'DUN STONG DANG BDUN BRGYAS BGOS TE PHYOGS PHYOGS SU PHYAG DANG MCHOD PA'I RTEN DU BZHUGS SHING, SLOB MA RNAMS KYIS BDAG NYID CHEN PO'I GSUNG LTAR PHYOGS PHYOGS SU SGRUB PA'I RGYAL MTSAN BTZUGS TE DGONGS PA YONGS SU RDZOGS PAR MDZAD DO, ,DE LTAR DGE BA'I BSHES GNYEN SHA RA BA CHEN PO LA SLOB MA STONG PHRAG MANG PO 'DUS PA'I NANG NAS 'GRAN PA'I ZLA THAMS CAD DANG BRAL BA BKA' GDAMS BSTAN PA'I SROG SHING DU GYUR PA RGYAL BA'I GDUR 'TSO BA

, ,CHEN PO NI SEMS DPA' CHEN PO 'CHAD KHA BA YIN LA, SEMS DPA' CHEN PO 'DI'I RNAM THAR NI 'CHAD BAR 'GYUR LA, GZHAN YANG GTUM STON BLO GROS GRAGS LA SOGS PA 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DE LA GTUM STON BLO GROS GRAGS PA NI SHAB SGO LNGA'I LCAGS MKHAR RTZE'I DBU MANG DU ME PHO KHYIL 'KHRUNGS, GDUNG RUS GTUM, RDOG TSO'I MKHAN PO LDOG COD PA CHEN PO LAS RAB TU BYUNG ZHING BSNYEN PAR RDZOGS, MKHAN PO DE NYID DANG RGYA 'DUL 'DZIN LA 'DUL BA LEGS PAR BSLABS TE 'DUL BA'I BSHAD PA YANG MDZAD, DE NAS DBUS SU BYON TE SHA RA BA LO BCU'I BAR DU BSTEN CING MNYES PAR MDZAD DE, BKA' GDAMS KYI YON TAN MA LUS PA THUGS SU CHUD PAR MDZAD, SHAR BA MYA NGAN LAS 'DA' KHAR, DGE 'DUN LA ZHAL CHEMS GNANG BA'I RJES LA GTUM STON BLO GROS GRAGS PA LA GTZANG PA 'DUL 'DZIN ZHES BOS TE, CHOS KYI 'PHRO CUNG ZAD GNANG NAS, LHAG MA SKYES BA PHYI MA LA BYED PA YIN NO, ,KHYOD KYANG DGE SLONG BZHI SDE RE DANG 'GROGS SHIG CES GSUNGS NAS SHA RA BA LCAGS BYA LA SKU GSHEGS, DE NAS CHU BYA'I BAR GNAS CI RIGS PAR BZHUGS NAS DE RJES SNAR THANG GI MDA'I THANG STONG LA LO RA CIG YOD PAR SBYIL PO MDZAD NAS 'AM BU 'DIR DGE SBYOR BYED PA YIN GSUNGS TE, THOG MAR CHU MO BYA LA PHEBS DGE SLONG BZHI SDE DANG BCAS TE DGON PA BTAB NAS LO BCU BZHI BZHUGS, DE

RJES LA STOD BYANG GI RTA SDE CHOS LUNG DU BYON NAS THUGS DAM MDZAD, DRUG CU RTZA GCIG PA ME PHO KHYI'I LO RGYAL GYI ZLA BA'I NYI SHU GSUM LA MYA NGAN LAS 'DAS, 'DI LA CHES LUNG SKU GSHEGS ZHES KYANG GRAGS SO, ,GTUM STON BLO GROS GRAGS KYI RJES SU SNAR THANG GI GDAN SAR SDO STON SHES RAB GRAGS PA, ZHANG BTZUN RDO RJE 'OD, DPAL LDAN GRO MO CHE, CHOS KYI BLA MA, THUGS RJE CHEN PO'I SPRUL PA SANGS RGYAS SGOM PA, MCHIMS CHEN MO NAM MKHA' GRAGS SOGS RIM GYIS BYON TE, MCHIMS NAM MKHA' GRAGS 'DIS SNAR THANG DU SDE SNOD GSUM GYI BSHAD PA RGYA CHER SPEL ZHING, SHING RTA CHEN PO RNAMS KYI GZHUNG PHAL CHE BA 'GA' ZHIG LA 'GREL PA, 'GA' ZHIG LA BSDUS DON MDZAD, 'DIS MDZAD PA'I MNGON PA MDZOD KYI tIKA CHEN NGO MTSAR RMAD DU BYUNG BA ZHIG KYANG YOD DO, ,BDAG NYID CHEN PO 'DI 'PHAGS PA'I GNAS BRTAN GYI SPRUL BAR GRAGS SHING 'DI'I RING LA GNAS BRTAN BCU DRUG SNAR THANG DU YANG YANG ZHAL 'DZOM PA BYUNG ZHING; 'GRO MGON CHOS RGYAL 'PHAGS PA DANG, BCOM LDAN RIG RAL DANG, DBUS PA BLO GSAL DPON SLOB SOGS BSTAN 'DZIN CHEN PO MANG POS KYANG 'DI'I ZHABS LA GTUGS SHING, GTZO BOR BYANG CHUB LAM GYI RIM PA RGYA CHER BSHAD NAS DPAL SNAR THANG BSTAN PA MA TSANG BA MED PA'I 'BYUNG GNAS SU BSGRUBS SO, ,'DI'I RJES SU SNAR THANG GI GDAN SAR SKYO STON PA DANG MKHAN CHEN NYI MA RGYAL MTSAN PA SOGS RIM PAR BYON ZHING, RJE SHES RAB

, ,SENG GE DANG, RJE DGE 'DUN GRUB DANG, 'DUL 'DZIN BLO GROS SBAS PA SOGS BSTAN PA'I NYI MA CHEN PO MANG DU BYON TE RJE DGE 'DUN GRUB PA YAB SRAS KYI BAR DU BYON PA THAMS CAD TSUL KHRIMS RNAM BAR DAG CING, SDE SNOD LA NANG BYAN CHUD BA, 'CHAL PA DANG, DAM NYAMS DANG, 'DRES KHYER GYIS MA BSLAD PA, DGE BSHES STON PA NAS BRGYUD PA'I RNAM PAR THAR PA DRI MA MED PA 'DZIN PA SHA STAG YIN LA, BKA' GDAMS GZHUNG PA'I BSHAD SROL LA BRTEN NAS SKYES BU GSUM GYI LAM GYI RIM PA 'CHAD PA DANG NYAN PA DANG SGOM PAR NAMS GTZO BOR 'DON ZHING, SHING RTA CHEN PO'I GZHUNG SBYI DANG KHYAD PAR BYANG SA DANG MDO SDE RGYAN SKYES RABS DANG TSOM, BSLAB BTUS DANG SPYOD 'JUG STE GZHUNG DRUG PO DE SKYES BU GSUM PO'I LAM GYI MAN NGAG TU RTZAL DU BTON NAS 'CHAD NYAN MDZAD CING BLO SBYONG DON BDUN MA DANG BKA' GDAMS THIG LE BCU DRUG LKOG CHOS SU MDZAD DE NYAMS LEN MDZAD DO; ;DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN SHA RA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR BSTAN PA YONGS RDZOGS NYAMS LEN GYI LUS GCIG TU DRIL BA'I MAN NGAG BYANG CHUB LAM GYI RIM PA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,BYANG CHUB THUGS KYI BKA' BAB 'CHAD KHA BA, ,ZHES

BSNGAGS PA SEMS DPA' CHEN PO 'CHAD KHA BA NI, LCAGS MO SBRUL LA LO ROR YAB 'PHAGS PA SKYABS DANG, YUM BSOD NAMS SKYID GNYIS KYI SRAS SU 'KHRUNGS, ZHABS LA 'KHOR LO'I MTSAN DANG LDAN PA SOGS SKYE BO DAM PA'I RTAGS DANG LDAN PA ZHIG BYUNG, GZHON NU NAS CHOS KYI BAG CHAGS SAD DE LO ROR BLA MA RAS CHUNG PA DANG MJAL BAS KHONG GI SAR ZLA BA GNYIS TZAM BZHUGS, GDAMS PA MANG DU GSAN NAS TSUR 'BYON KHAR BLA MA'I ZHAL NAS 'DIR BZHUGS KHYOD LA CHOS KYIS PHAN PA CIG 'ONG BAR SNANG GSUNG BAS DER 'BYON PA'I RTZIS SU BYAS NAS TSUR PHEBS, YUL NAS RTA SNGON PO ZHIG LA KHAL BKAL NAS BYON TZA NA LO RO ZHING GSAR NA GNYAL PA CHEN PO CHOS BAR MDZAD CING BZHUGS PAS DAD DE RGYAL BA'I BSTAN PA LA RAB TU 'BYUNG BAR MDZAD BZHED NAS GNAS DER DGUNG LO NYI SHU RTZA GCIG GI THOG BSHES GNYEN RTZI BOR BA LA MKHAN PO ZHUS, CHAG RIN CHEN 'CHANG LA SLOB DPON ZHUS NAS RAB TU BYUNG MTSAN YE SHES RDO RJER BTAGS, DER RDO RJE BTZAN PO RA'I CHOS 'KHOR GYI RIM GRO LA BLA MA RAS CHUNG BA SPYAN DRANGS PA'I PHYAG PHYIR THEGS, BLA MAS SBYIN SREG LAN NYI SHU LHAG TZAM MDZAD NAS DA RES KYI 'DI LA RTA GCIG GI TSIGS PA BUR BA ZHIG KYANG MI 'ONG BA NGA RANG GIS KHAS LEN GSUNGS NAS CHOS 'KHOR LA NI MA BZHUGS PAR BZHUD, CHOS 'KHOR DE LA GLANG GNYOS LA SOGS PA'I GNYAL LO

, ,RO BYAR GSUM GYI DGE BSHES DPAG TU MED PA 'TSOGS, LO TZ'A BA YANG GSUM BZHI BYON, CHOS 'KHOR DE LA RDOG LO LA SOGS PA'I SDE SNOD 'DZIN PA MANG PO DBU MA DANG SEMS TZAM SOGS KYI GLENG SLANG MANG PO MDZAD KYIN SNANG BAS DE CHOS JI SKAD BYA BA YIN DRIS PAS GRUB MTHA' BYA BA YIN ZER, DES THUGS PHROGS NAS GNYAL DU YANG GRUB MTHA' RTZAD DPYAD GNAS DER 'DUL BA 'DZIN PA TSA RONG PA DANG, ZHANG SHES RAB SBRING DVAGS PO GTZANG 'DUL BA RNAMS LA MKHAN SLOB ZHUS NAS DGUNG LO NYI SHU RTZA GSUM LA BSNYEN RDZOGS MDZAD, DE NAS SHA MI LA 'DUL BA GSAN CING BZHUGS TZA NA YAR KLUNGS SU CHOS 'KHOR CHEN PO ZHIG BYUNG BA'I DUS DGE BSHES GNYAGS DANG, SHA MI DANG, MAR 'GOS LA SOGS PA DGE BSHES BTZAN LA MDO SDE RGYAN GSAN PA GZIGS PAS DER BTZAN LA DAD PAR BYUNG STE DGE BSHES BTZAN LA MDO SDE RGYAN TSAR DRUG GSAN, ZHAR CHOS PA DANG BCAS PAS RTZA 'GREL TSAR PHYED DANG BCU GNYIS GSAN, DGE BSHES 'CHAD KHA BA 'DI SNGAGS PA ZHIG GI RIGS SU 'KHRUNGS TE YAB KYI PHA CHOS SNGAGS RNYING MA'I GLEGS BAM MANG PO LA'ANG GZIGS, RAS CHUNG BA LAS RJE BTZUN MI LA'I GDAMS NGAG RNAMS ZHUS TE SNGAGS GSAR MA'I RGYUD DANG RGYUD 'GREL GYI GLEGS BAM MANG PO LA'ANG GZIGS, DGE BSHES BTZAN DANG BYA YUL BA LA SOGS PA BLA MA GZHAN YANG MANG PO LA GTUGS TE SDE SNOD GSUM DANG GZHUNG LUGS MANG PO LA'ANG SBYANGS, KHYAD PAR GRUB MTHA' BZHI LA MKHAS PAR SBYANGS TE MDO SNGAGS KYI PO TI

BRGYA TZAM ZHIG THUGS LA BZHUGS KYANG, THUGS KYI GTING NA NGES PAR 'TSANG RGYA BA LA CHOS GZHAN ZHIG YOD YONG DGONGS TE THUGS KYI GTING MI BDE ZHING BLO THAG MA CHOD PA ZHIG NAR MAR BYUNG, DE NAS DGE BSHES MYANG LCAGS ZHING PA LA BLO SBYONG TSIG BRGYAD MA GSAN, DE NAS LUGS SMAD PA CAN DU BYON NAS SNE'U ZUR PA'I LUGS KYI LAM RIM GYI KHRID GSAN LUGS SMAD PAS DANG PO PHU CHUNG BA'I LUGS KYI RTEN 'BREL YANG PHA BONG KHA PA LAS GSAN PAS DGE BSHES LUGS SMAD PA LA RTEN 'BREL GYI KHRID DE YANG GSAN, NYAN SA DANG, BYANG CHUB SEMS DPA'I SA LA SOGS PA GSAN TE LO BZHI BSTEN, DGE BSHES DOL BA LO LNGA BSTEN NAS BE'U BUM SNGON PO LA SOGS PA GSAN, GRA'I SO THANG PA LA RDO RJE RNAM 'JOMS GSAN, KHONG LA BDAG DBU RU BYANG DU BKA' GDAMS SHIG NYAN DU 'GRO BAS BRTAG PA CIG MDZAD DGOS ZHUS PAS, KHYOD YANG DAG PA'I DGE BA'I BSHES GNYEN ZHIG DANG MA MJAL BAR LA DMYAL BA'I ME NANG DU BSREGS KYANG BAR CHAD MI 'BYUNG BAR NGAS SHES KYI GSUNG, DE NAS GLANG RI THAD PA LA DAD NAS MJAL DU BYON TE LHA SAR PHEBS DUS GLANG RI THANG PA 'DAS ZER BA GSAN, DA 'O NA KHONG GI SHUL NA RTOGS PA GANG MTHO DRIS PAS, GNYAN MTHO ZER NAS 'KHOR GNYIS BLTAR BTANG, KHONG RANG GIS LHA SAR GSOL BA 'DEBS KYIN BZHUGS, DER 'KHOR GNYIS LOG BYUNG NAS, GNYAN DANG, BA WA, MDO SDE GSUM GDAN SA LA MA MTHUN PAR 'DUG ZER BA GSAN PAS, GDAN SA LAM MTHUN NA

, ,BLO SBYONG GI RE BA MED SNYAM DU GLANG THANG DU 'BYON RTZIS BSHOL, 'ON KYANG DGE BSHES DE GSUM GDAN SA LAM MTHUN PA DE CHE 'DOD KYIS MA MTHUN PA MIN, DGE BSHES GLANG THANG PA'I RNAM THAR LTAR GSUM GAS DMA' SA BZUNG STE GCIG LA GDAN SA BSKOS NA NGA BAS NYID CAG YON TAN CHE BAS NGA MI 'OS NYID CAG GIS MDZAD DGOS ZHES ZER, GZHAN GNYIS KYANG DE LTAR ZER NAS MA MTHUN PA YIN ZHES BKA' GDAMS GONG MA'I GSUNG SGROS LAS 'BYUNG NGO, ,DE NAS DGE BSHES 'CHAD KHA BA RANG LO SUM CU PA LCAGS KHYI LA SHAR BA CHEN PO ZHO'I KHANG PAN BZHUGS PA'I SPYAN SNGAR MJAL, DBYAR DE NYAN THOS KYI SA GSUNG ZHING 'DUG PA NYAN PAS, BYINGS SE NYOG SE BA CIG LAS BLO KHUL BA MA BYUNG, DER BLO SBYONG GI TSIG GSAL BAR MA BYUNG BA LA NYIN GCIG GRVA BA RNAMS STON MO LA SONG NAS, DGE BA'I BSHES GNYEN SHA RA BA 'BUM PA LA BSKOR BA MDZAD PA'I DRUNG DU PHYIN NAS KHONG RANG GI PHYAM TSE BTINGS TE, DGE BA'I BSHES GNYEN PA 'DIR BZHUGS PAR ZHU DANG ZHUS PAS, DER SDAD NAS CI BYED GSUNG, GROS SHIG ZHU BA LAGS BYAS PAS, NGAS GROS THAG THAMS CAD CHOS KHRI'I KHA NAS BCAD PA YIN, DER MA CHOD PA CI YOD GSUNGS, BDAG GIS MTHONG BA'I DPE CIG NA, ,KHE DANG RGYAL KHA GZHAN LA BYIN, ,GYONG DANG BUB KHA RANG GIS LONG, ,ZER BA CIG GDA' BA 'DI ZAB MI ZAB JI LTAR LAGS, GNAS KHANG MA RNYED PA DANG, GROGS KYIS BLO RTZA

G-YENGS PA SOGS BYUNG DUS SEMS LA PHAN BAR BYUNG BA LAGS ZHUS PAS, DGE BA'I BSHES GNYEN SHAR BA'I ZHAL NAS, JO BO STON PA, KHYOD KYI SEMS LA PHAN MI PHAN GYI KHA NA CI YOD, YANG DAG PA'I SANGS RGYAS MI SGRUB NA PHAR ZHOG ,SGRUB NA CHOS DE LA MA BRTEN PAR 'GRUB MI SRID GSUNG, 'O NA BDAG CAG LUNG CHOS PA LAGS PAS, DE LA LUNG ZHIG DRANG BAR ZHU ZHUS PAS, MGON PO KLU SGRUB LA TSAD MAR MI 'DZIN PA SU YOD, DES RIN PO CHE'I PHRENG BAR, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES BYA BA GSUNGS PA LAGS GSUNG, 'O NA BDAG LA DE'I GDAM PA CIG ZHU 'TSAL ZHUS PAS, JO BO RANG RKYEN THUB PAR GYIS SHIG ,NGAS GDAMS NGAG RNAMS RIM GYIS BYA'O GSUNGS NAS BLO SBYONG GI KHRID LO BCU GNYIS NYAMS KHRID DU BSKYANGS PAS, BYANG CHUB KYI SEMS KYIS THUGS RGYUD GANG NAS BDAG GCES 'DZIN GYI 'KHRI BRTZAD NAS CHOD PA BYUNG STE, ZHAL NAS, SNGON SBYANGS LAS KYI 'PHRO SAD PAS, ,RANG GI MOS BA MANG BA'I RGYUS, ,SDUG BSNGAL GTAM NGAN KHYAD BSAD NAS, ,BDAG 'DZIN 'DUL BA'I GDAMS NGAG ZHUS, ,DA NI SHI YANG MI 'GYOD DO, ,ZHES BLO SBYONG LA GDENG THOB PA'I GSUNG BYON NO, ,DGE BSHES SHA RA BA DE TSOGS PA STONG PHRAG MANG PO LA LAM RIM GYI KHRID DANG, BYAMS CHOS SDE LNGA, SA SDE RNAMS RGYUN DU RGYA CHER GSUNG BAR MDZAD KYANG BDAG GZHAN MNYAM BRJE'I MAN NGAG MTHAR THUG PA RNAMS DGE BSHES 'CHAD KHA BA SOGS RE GNYIS LA

, ,LKOG TU GNANG BA LAS TSOGS SU MI GSUNG, LAN CIG RGYUD BLA GSUNG BA NA, BDAG GI DGE BA DANG BDE BA JO BO SEMS CAN LA GTONG, SEMS CAN GYI SDIG BA DANG SDUG BSNGAL THAMS CAD RANG GIS BLANGS DGOS PA YIN TE, THUGS KYIS LCOGS NA DE BZHIN DU MDZOD CIG GSUNG BAS, NGA LA 'KHRIG YOD PAS GO ,GZHAN GO BA TZAM YANG MI 'DUG GSUNG, YANG DGE BSHES 'CHANG KHA BA'I ZHAL NAS, SHA RA BA LA 'DI RTZAD MCHOD KYI RING LA JI TZAM BA'I CHOS DANG GDAMS NGAG THOS KYANG SANGS RGYAS SGRUB BA LA DA DUNG 'DI TZUG MIN BA CIG GSHED NA YOD DE 'ONG SEMS PA MIN PA KHO THAG CHOD PA MA BYUNG BA LA, DGE BSHES SHAR BA LAS 'DI RTZAD CHOD PA DANG, DA BYUNG 'DI LAS LHAG PA GANG NA'ANG MED SNYAM NAS THAG CHOD, 'GRAM CHU MI LDANG NYAN SNYING MI 'DOD, LHOD SONG BA CIG BYUNG GSUNG, DGE BSHES 'CHAD KHA BA 'DIS DANG POR DGE BA'I BSHES GNYEN SHAR BA DANG ZHO'I KHANG PAR MJAL BA NAS GNAS DER LO GNYIS, CONG LUNG DGE GONG DU LO DRUG ,SHAR BA'I GDAN SA NYID DU LO BRGYAD DE SHAR BA LO BCU GNYIS 'BRAL MED BSTEN TE JO BO RJE YAB SRAS KYI LKOG CHOS BDAG GZHAN MNYAM BRJE'I BYANG CHUB KYI SEMS KYI MAN NGAG RNAMS BUM PA GANG BYOR THOB STE THEG CHEN BSTAN PA'I BDAG POR GYUR TO, ,DE YANG DGE BSHES 'CHAD KHA BA CHEN PO 'DIS DANG POR GNYAL GYI CHOS 'KHOR NAS BZUNG STE, GRUB MTHA' KHO NA RTZAD BCAD, GNYAN

LA MNGON PA NYAN PAS KYANG GRUB MTHA' MANG PO BYUNG, SBYIR DGE BSHES CHEN PO SHAR BA LAS GRUB MTHA' THAMS CAD BYUNG BA YIN, SHAR BA CHEN PO GRUB MTHA' LOGS SU GSUNG BA MED KYANG, SHES RAB LE'U LAS, GRUB MTHA' GSUNG BA'I SA BON DE TZAM LA BRTEN NAS RTZAD BCAD PA YIN, GRUB MTHA' PHYOGS MTHA' DAG RGYUS YOD PA SHAR BA CHEN PO LAS MI SNANG, TSOGS SU GRUB MTHA'I ZUR TZAM LAS MI 'ONG BAR SNANG GSUNG, SHA RA BA GSHEGS NAS 'CHAD KHA PAS 'KHOR RNAMS LA GRUB MTHA' BZHI'I CHOS 'DI STONG THUN DU GSUNGS, DE NAS SGYER SGOM CHOS GRAGS KYIS NAS RJANG BA GANG PHUL NAS YI GER BSDEBS PAR ZHUS NAS MKHA' RU BYA BA DER YI GER BSDEBS, DANG POR YI GE 'DI SU'I LAG TU SONG BA NGA DANG KHYAD MED PA 'ONG, RANG GI RGYUD LA SEMS PA MIN PA BSHAD DGOS SNYAM PA MED PA LA, KHA ZAD ZAD DU BSHAD KYANG MI GO BA CIG BYUNG, DBU MA PA'I TSIG BDUN PO DE LA BSHAD PA ZHIG DGOS SNYAM PA CIG YOD CES GSUNG, SHA RAB GSHEGS RTING LO SUM CU RTZA BZHI BZHUGS TE BAS MTHA' RNAMS SU THUGS DAM GYI GTZO BO BYANG CHUB KYI SEMS GNYIS LA MDZAD CING, ZHABS DRUNG DU NYE BAR LHAGS PA RNAMS LA'ANG SHAR BA'I MDZAD PA BZHIN SDE SNOD KYI BSHAD PA DANG, GRUB MTHA'I DKA' GNAD DANG, LAM RIM GYI KHRID 'DEBS BAR MDZAD CING, RE RE GNYIS GNYIS LA BLO SBYONG GI GDAMS BA LKOG CHOS SU MDZAD PAS PHAN THOGS PA'ANG 'GA' RE BYUNG BAS, PHYIS 'DRES PHU SGOM CHEN SDINGS SU

, ,BZHUGS DUS CHOS 'DI TSOGS CHOS SU BSHAD PA'I 'OS MIN, BTUB PA 'GA' LA LKOG KHRID DU BYED PA YIN TE, SU LA PHAN DANG SU LA MI PHAN MI SHES PAR 'DUG ,NYE GNAS KHYOD LA MAR DANG BU RAM YOD NA NANG BAR SGOM CHEN PA RNAMS LA MAR KHU'I BA SHOR 'DREN DANG BUR STON GYIS, NGA'I CHOS 'DI LA MING GCIG 'DOGS PA'I MING STON BYED PA YIN GSUNGS NAS, DE'I DUS SU THEG CHEN BLO SBYONG SNYAN RGYUD CHEN MO'I DON THAMS CAD BSDUS TE, SNGON 'GRO RTEN GYI CHOS BZHI BSTAN PA, DNGOS GZHI BYANG CHUB KYI SEMS GNYIS SBYANG BA, RKYEN NGAN BYANG CHUB KYI LAM DU BSGYUR BA, TSE GCIG GI NYAMS LEN DRIL NAS BSTAN PA, BLO 'BYONGS PA'I TSAD, BLO SBYONG GI NGAM TSIG ,BLO SBYONG GI BSLAB BYA STE DON TSAN BDUN DU BSDUS NAS SA BCAD MDZAD DE YI GER BTAB, BLO SBYONG DON BDUN MA ZHES MTSAN BTAGS, TSOGS CHOS BYED BA'I SROL DE NAS BYUNG BA YIN, DE'I RJES SU MAL GROR BYON NAS 'CHAD KHA RNYING MA'I DGON PA BTAB, DER 'GRO DON LO BCU GCIG BSKYANGS, TSOGS PA DGU BRGYA TZAM 'DUS, SE SPYIL BU BA LA 'CHAD KHA GSAR MA 'DEBS PA'I LUNG BSTAN MDZAD, BYA RGAN GYI MI TSE MTHA' RU SKYEL GSUNG NAS MTHA' PHUR BYON, MTHAR THUG GSUM GYI GDAMS PA LA SOGS BA MDZAD, BLO RGOD GAR SKYES SU SKYAS 'GO SGYUR, ,RTOG DBYOD KUN JI LTAR DGYES DGYES MDZOD, ,BSOD SNYOMS BYED CING RI KHROD 'GRIM, ,SDE DGON KUN JI LTAR DGYES DGYES MDZOD, ,

LHA DANG BLA MA LA GSOL BA 'DEBS, ,YON BDAG KUN JI LTAR DGYES DGYES MDZOD, ,BRAG PHUG TU TSEM BER GYON NAS 'DUG ,PHRUG CHUNG KUN JI LTAR DGYES DGYES MDZOD, ,MA RGAN LHA KLU LA KHA TON BSNGO, ,CHOS BSHAD KUN JI LTAR DGYES DGYES MDZOD, ,GCIG PUR CHU THUG GI MI TSE SKYEL, ,SGYED KHA KUN JI LTAR DGYES DGYES MDZOD, ,GCIG BUR DGE CHOS SPEL BAR BYED, ,BKA' 'KHOR KUN JI LTAR DGYES DGYES MDZOD, ,CES SOGS DANG, LTO RGYAB GNYIS LA GYONG BSKUR NAS, ,RI DVAGS RMAS MA'I BRTUL ZHUGS SPYAD, ,RANG GI 'DOD PA KHYAD BSAD NAS, ,BLA MA'I BKA' STZAL GZHUNG BZHIN BSGRUBS, ,DA NI SHI YANG MI 'GYOD DO, ,ZHES GSUNGS, 'DA' KHA TZA NA YANG 'JIG RTEN NA SGRA GCIG THOS PA LA BLO SBYONG GI SGRA LAS SNYAN PA MED PAS, KHYOD KYIS NGA'I RNA BAR SGROGS SHIG CES PA DANG, DA RES NI 'DOD BTZUG KHA NA'ANG MA BYUNG, SEMS CAN GYI DON DU DMYAL BAR 'GRO 'DOD PA KHO NA YIN PA LA, DA NI BDE PA CAN GYI SNANG BA CIG KHO NA BYUNG GSUNG, GCUNG POS SKU KHAMS ZHAN PAR GDA', THUGS DAM MDZOD CIG ZHUS PAS, BLO SBYONG GI TSIG KHA YAR GSUNGS NAS, KHAMS ZHAN YANG DE LTA BU ZHIG MIN BA GNAS PA TSAM TSOM GYIS SA PHYOD BAR MA MTHONG GSUNG, DE NAS MTHA' PHUR ZLA BA BRGYAD BZHUGS NAS RANG LO DON LNGA BA SHING MO LUG GI SMAL PO ZLA BA'I TSES LNGA'I SROD LA GNAS DE NYID DU MYA NGAN LAS 'DAS, SPUR SBYANGS PAS THUGS LJAGS SPYAN GSUM DANG ME TOG

, ,GI CHAR LA SOGS PA NGO MTSAR CAN MANG DU BYUNG NGO, ,SEMS DPA' CHEN PO 'CHAD KHA BA 'DI BKA' GDAMS GLEGS BAM LAS LUNG BSTAN TE, BKA' GDAMS GLEGS BAM GYI BKA' GDAMS BSTAN 'DZIN RNAMS LUNG BSTAN PA'I THAD LAS, KHYAD PAR DU THEG PA CHEN PO LA BLO SBYONG BA BOD KYI BYANG CHUB SEMS DPA'I YAB GCIG GI YUL MAL GRO'I NANG DU BYON TE 'CHAD PA CHEN PO ZHIG GI STENG DU BLO SBYONG SGOM ZHES SOGS GSAL BAR LUNG BSTAN TO, ,'CHAD KHA BA YE SHES RDO RJE ZHES GRAGS PA'I BDAG NYID CHEN PO 'DIS PHYI MA'I SKYE BO RNAMS KYI DON DU JO BO YAB SRAS KYI DGONGS PA GSAL BAR BYED PA'I BSTAN BCOS MANG DU MDZAD DO, ,BDAG NYID CHEN PO 'DI LA GSUNG LAS SKYES PA'I SRAS MANG DU BYON ZHING MAN NGAG THAMS CAD BUM PA GANG BYOR YOD PA'I BSTAN 'DZIN CHEN PO NI SE SPYIL BU BA'O, ,DES NA BYANG CHUB LAM RIM LA BLO SBYONG BAR 'DOD PA'I GDUL BYA RNAMS KYIS SEMS DPA' CHEN PO 'CHAD KHA BA LA GSOL BA 'DEBS SHING, BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA THEG PA CHEN PO'I LAM GYI 'JUG SGO DANG, GZHUNG SHING DANG SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, MTHAR 'BRAS BU GRUB NAS SEMS CAN GYI DON BYA BA'I BAR GYI LAM GYI GNAD LA NGES PA GTING TSUGS PA BSKYED NAS SA LAM 'BRAS BU DANG BCAS PA THAMS CAD BYANG CHUB KYI SEMS RIN PO

CHE'I KHONGS SU 'DU BAR SHES PAR BYAS NAS BYANG CHUB KYI SEMS RIN PO CHE SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,LUNG RTOGS MNGA' BDAG BYANG SEMS SPYAL BU BA, ,ZHES BSNGAGS PA, SEMS DPA' CHEN PO SE SPYIL BU BA NI, GNYAL STOD DAR MA SGANG DU LCAGS MO GLANG LA 'KHRUNGS, SE ZHES PA RUS MING NGO, ,SNGON YUN RING PO NAS LAM LA SBYANGS PA'I MTHUS SKU GZHON NU NAS GZHAN GYIS BSKUL BA LA MA BLTOS PAR NGES 'BYUNG GI BSAM PA SHUGS DRAG POS KUN NAS BSLANGS TE DGE BSHES CHA PA'I DRUNG DU RAB TU BYUNG, LO LON NAS MKHAN PO DE NYID LAS BSNYEN PAR RDZOGS MTSAN CHOS KYI RGYAL MTSAN ZHES BTAGS, LHAN CIG SKYES PA'I BLO GROS RAB TU GSAL BAS SDE SNOD GSUM GYI BRJOD BYA'I GNAS RNAMS LA MKHAS PA'I PHUL DU PHYIN PAR GYUR, DE'I TSE THUGS BSAM 'DI LTA BU DAG 'KHRUNGS PAR NGES TE, RGYAL BA'I BKA' DANG DGONGS 'GREL GYI BSTAN BCOS THAMS CAD RANG GI RGYUD 'DUL BA'I CHED DU GSUNGS SHING, SHES RGYUD 'DUL BA'I THABS MCHOG TU GYUR PA NI BYANG CHUB LAM GYI RIM PA DANG, DE'I YANG SNYING PO THEG PA CHEN PO'I BLO SBYONG 'DI YIN PAR NGES PAS THEG CHEN BLO SBYANG GI BDAG PO SEMS DPA' CHEN PO 'CHAD KHA BA'I ZHABS LA GTUGS TE LAM RIM BLO SBYONG GI GDAMS PA SLAR SU LA'ANG 'DRI MI DGOS PA PHU THAG CHOD PA ZHIG ZHUS LA TSE DANG SGRUB PA MNYAM PA ZHIG BYED SNYAM PA'I 'DUN PA SHUGS DRAG PO 'KHRUNGS NAS DGE BA'I BSHES

, ,GNYEN 'CHAD KHA BA CHEN PO'I ZHABS DRUNG DU PHEBS TE, DGE BSHES 'CHAD KHA BA LHA SDINGS SU BZHUGS DUS MJAL, BLO SBYONG GI GDAMS PA THOG MAR DER GSAN, LO NYI SHU RTZA BZHI'I BAR DU DGE BSHES 'CHAD KHA BA CHEN PO BSTEN NAS BLO SBYONG KHO NA LA NYAN BSAM BYAS GSUNGS TE, DGE BSHES 'CHAD KHA BA THOG MAR MJAL BA NAS BZUNG NAM GSHEGS KYI BAR DU 'BRAL MED DU BSTEN NAS BLO SBYONG GI GDAMS NGAG ZHUS, SGO GSUM GYI SPYOD PA THAMS CAD BLO SBYONG KHO NA'I GROGS SU 'GRO BA ZHIG MDZAD NAS LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BCOS MIN GYI MYONG BA 'KHRUNGS NAS BDAG NYID MI NYAMS PA'I GDENG THOB PA NA SKAL BA DANG LDAN PA GZHAN MANG PO LA'ANG CHOS KYI BDUD RTZI STZAL, SNGAR 'CHAD KHA BA CHEN POS LUNG BSTAN PA BZHIN, SHING SPRE LA 'CHAD KHA GSAR MA BTAB, BYA 'CHAD KYI NANG RTEN LA SKU LDER RIN PO CHE DANG, PHYI RTEN GYI 'BUM PA LA SOGS PA BZHENGS TE TSOGS BSDUS NAS 'CHAD KHA DANG LHA SDINGS LA SOGS PAR CHOS MANG DU GSUNGS SHING, BLO SBYONG LA'ANG TSOGS CHOS KHO NAR MDZAD, DE NAS DUS NAM ZHIG NA SHIN TU DBEN PA'I GNAS SHIG TU 'BYON BZHED DE BYEN NA BZHUGS PA'I DUS, SPYIL DU 'PHO KHAR DGE SLONG SKYE'U CHUNG NA RE, DGE BSHES CHEN PO'I SLOB MA MANG BA CIG BYON PA LA, SKU TSE THUNG BAR BYUNG BA DE CIS LAN NA NGA'I BSAM PA LA SNGAGS DANG PHA ROL

TU PHYIN PA GNYIS KA LA BLO SBYONG 'DI LAS ZAB BA GANG NA'ANG MI 'DUG PA LA DA LA TSOGS CHOS BYAS PAS DES LAN NGES SNYAM PA CIG BYUNG ZER BAS, DE BDEN, 'DI BAS ZAB BA MED, TSOGS SU BSHAD PA'I 'OS MIN, DGE BSHES 'CHAD KHA BA CHEN PO LA 'DZAM BU GLING GI SA'I CHA MTHA' DAG NAS BLO SBYONG DON DU GNYER BA'I GDUL BYA 'DUS PA NA RE RE NAS KHRID KYIS MA LANG BAS TSOGS CHOS SU GSUNGS, DE SROL DU SONG BA YIN GSUNGS NAS DAM PAR MDZAD, DE NAS SHIN TU DBEN PA LA DGYES PAS, KLUNGS SHOD DU SPYIL BU'I DGON PA BTAB STE RNAM G-YENGS SPANGS NAS STOD DU MKHAR GONG LA KHA DANG, SMAD DU NYUNG ZHING SGANG DU MTSAMS THOB RGYAB NAS LO BDUN MTSAMS DAM POR BCAD NAS LAM RIM BLO SBYONG RTZE GCIG TU SGOM PAR MDZAD, SPYIL DU BZHUGS RANG LA TSOGS CHOS SU LAN GSUM LAS MA GNANG, DE RNAMS KYI DUS SU'ANG TSOGS CHOS KYI 'OS MA YIN TE, KHONG MI CHEN GYIS ZHUS PAS NGO MA BZOD PA YIN, DA TSOGS SU 'DI LAS 'CHAD PA MI 'ONG BAS KHYED RANG THAMS CAD NAN CHAGS GYIS SHIG GSUNG, SPYIL DU MCHOD KHANG RANG YANG MED PAR 'DI KHO NA SBYANG SNYAM PA YIN PA LA GSUNG, THUGS DAM YANG 'DI KHO NA LA MDZAD PAS, YENGS PA LA SOGS PA CI BYUNG YANG BLO SBYONG MI 'CHOR, RTOGS PA YANG 'DI TSIG GIS BGRANGS PA'I DUS SU SKYES PA YIN GSUNG, DE NAS BRAG DKAR GNAS BRTAN LA SOGS PA 'CHAD KHA BA RNAMS KYIS SPYAN DRANGS PAS DGUN CHOS LA 'BYON PAR ZHAL

, ,GYIS BZHES NAS BYON, DE NAS ZHING NAM GSHEGS KYI BAR DBYAR GYI TSUL 'JUG SBYIL BUR MDZAD, DGUN CHOS 'CHAD KHAR MDZAD PA'I SROL BYUNG, 'CHAD KHA BA GSHEGS NAS ME SPRE NAS SA BYA'I BAR DGON PA GONG 'OG TU LO BCU BZHI BZHUGS TE, RANG LO DRUG CU RTZA DGU PA SA MO BYA'I DBYAR ZLA RA BA'I TSES BCU GSUM LA SPYIL BUR DED DPON RGYA MTSO CHEN BO NAS YID BZHIN GYI NOR BU THOB STE RANG YUL DU 'GRO BA DANG, BU BYES SU 'KHYAMS PA PHA KHYIM DU 'GRO BA LTAR DGA' BZHIN SPRO BZHIN DU ZHI BAR GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN PO 'DI NI BKA' GDAMS GLEGS BAM RIN PO CHE NAS GSAL BAR LUNG BSTAN TE, GLEGS BAM LAS, RE ZHIG SPYIL BU MDZAD NAS BZHUGS PAS, DGE SLONG DANG DGE TSUL GYI BYANG CHUB SEMS DPA' DU MA 'DUS TE, SENG LDENG NAGS KYI RI BO LA SENG LDENG NAGS KYI SGROL MAS BYIN GYIS BRLABS PA'I SKYES BU DAM PA GCIG DRUNG DU BSTEN PA LA, BYANG CHUB SEMS DPA' PA'I ZHAL NAS, KHYED SNGON BDAG CAG GI BLA MA RGYAL BA'I 'BYUNG GNAS KYI BLA MA SE BTZUN BYA BA ZHIG YOD, DE YIN PAR 'DUG DE'I RIGS SU'ANG GDA', DA KHYED RANG KLUNGS SHOD KYI NANG NA SPYIL BU BYA BA'I LUNG PA YOD, DE LHAS BYIN GYIS BRLABS PA'I YUL YIN DER SONG, KHYED LA SH'AKYA'I GDUNG RIGS 'DZIN PA LHA'I LHA ZHIG NAS LNGA LAS MI NYUNG BAR 'BYUNG, ZHES GNAS DANG

BCAS PA GSAL BAR LUNG BSTAN TO, ,'DIS NI LHA LUNG GI DBANG PHYUG DANG, LHA 'GRO BA'I MGON PO GNYIS KYANG BKA' GDAMS BSTAN 'DZIN CHEN POR LUNG BSTAN PA YIN NO, ,SEMS DPA' CHEN PO SPYIL BU BA 'DI LA BSTAN 'DZIN GYI SLOB MA MANG DU BYUNG BA'I NANG NAS BYANG CHUB LAM GYI RIM PA'I MAN NGAG YONGS SU RDZOGS PA BUM PA GANG BYOR THOB PA'I SRAS KYI THU BO NI LHA LUNG GI DBANG PHYUG GO ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO 'DI LA GSOL BA 'DEBS SHING, SEMS DPA' CHEN PO 'DI'I RNAM THAR LTAR BRTZON PA THAMS CAD GCIG TU DRIL TE BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,, DRI MED LUNG GI DBANG PHYUG MKHAS PA'I MCHOG ,CES BSNGAGS BA, BSHES GNYEN CHEN PO LHA LUNG GI DBANG PHYUG NI, PHO BRANG KHANG DMAR DU YAB JO BO RNAL 'BYOR, YUM SNA NAM BZA'I DPAL 'DREN GNYIS KYI SRAS SU SA PHO STAG GI LO CHO 'PHRUL ZLA BA'I TSES BCO LNGA'I NYI MA SHAR BA DANG DUS MTSUNGS PAR SKU 'KHRUNGS, BYIS PA CHUNG DU'I GNAS SKABS NYID NAS SGO GSUM GYI SPYOD PA THAMS CAD ZHI ZHING DUL BA DANG, GZHAN GYIS BSKUL BA LA MI BLTOS PAR DAM PA'I CHOS 'TSOL BA LA NGANG GIS ZHUGS PA ZHIG BYUNG ZHING, DGUNG LO BRGYAD BZHES PA'I TSE, GU RI BA CHEN PO LA BSNYEN GNAS DANG, CHOS SPYOD MANG PO'I LUNG ZHUS TE CHOS BZHIN SPYOD PAS DUS 'DA' BAR MDZAD, DE'I DUS SU THUGS

, ,BSAM 'DI LTA BU DAG 'KHRUNGS PAR NGES TE, BDAG RIGS MTHON POR SKYES SHING 'BYOR PA DANG LDAN YANG YUD TZAM NAS NGES PAR 'DOR DGOS PAS MI RTAG PA, MI BRTAN PA, YID BRTAN MI RUNG BA, BSLU BA'I CHOS CAN 'DI LA CHAGS BAS CI ZHIG RUNG, DA LTA RGYAL BA'I BSTAN PA'I SNYING BO MTHAR THUG PA DPAL LHA CIG DI PAm KA RA'I CHOS RGYUD MA NYAMS PAR YOD PA'I SKABS 'DIR RGYAL BA'I BSTAN PA LA ZHUGS NAS RGYAL BA DGYES PA'I CHOS RNAM PAR DAG PA ZHIG CI NAS KYANG BYA SNYAM DU 'DUN PA DRAG PO 'KHRUNGS SHING, DAM PA GONG MA'I RNAM THAR LA YID SMON RGYUN DU MDZAD, DE DUS SNE'U ZUR PA'I MTSAN THOS BA TZAM GYIS DAD PA SKYES, DE NAS DA NI NGES PAR MI GTZANG BA'I 'DAM RDZAB LTA BU KHYIM GYI GNAS 'DI DOR NAS RAB TU 'BYUNG BAR BYA'O SNYAM DU THAG BCAD DE DGUNG LO BCU BZHI BA LA GU RI BA LA DGE BSNYEN GYI SDOM PA MNOS, BCO LNGA LA RGYA DUR GYI MKHAN PO KLUBS DKAR DANG, DGE BSHES GTZANG PA KHYUNG PO SPYAN DRANGS TE, KLUBS DKAR GYIS SLOB DPON DANG, KHYUNG PO LA MKHAN PO ZHUS TE BYA SAR RAB TU BYUNG, MTSAN BYANG CHUB RIN CHEN DU BTAGS, DE'I TSE MKHAN SLOB LA 'DUL BA'I BSLAB BYA LEGS PAR GSAN NAS PHYAG LEN LA THEBS PAR MDZAD CING, KA RI KA LNGA BCU PA GSAN NAS THUGS SU CHUD PAR MDZAD, DGE TSUL GYI BSLAB BYA RGYAS PAR STON PA 'DUL BA SUM BRGYA PA TSAR GNYIS GSAN, 'DUL BA LUNG LA'ANG LEGS PAR GZIGS

TE BSLAB BYA PHRA RAGS RNAMS MA 'DRES PAR MKHYEN CING JI LTAR MKHYEN PA LTAR PHYAG LEN LA BTAB, 'DUL BA'I BSLAB BYA BSRUNG BA GZHIR BZUNG NAS SDE SNOD GSUM GA LA SBYANGS TE MKHAS PA'I PHUL DU PHYIN PAR GYUR, SKAL BA DANG LDAN PA KHA SHAS LA CHOS KYANG GSUNGS, DGE BSHES 'CHAD KHA BA'I SKU 'BAG GCIG GZIGS PAS SHIN TU DAD DE, 'DI JI SKAD BYA BA YIN BYAS PAS 'CHAD KHA BA YIN 'DAS ZER, DA LTA SE BZHUGS BYAS PAS DAD DE SEMS DPA' CHEN PO SE SPYIL BU BA'I SAR BYON TE BSAM SBYOR GNYIS KYIS TSUL BZHIN DU BSTEN, GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA'I KHRID GSAN TE NYAMS SU BZHES, RGYAL BA'I GSUNG RAB DGONGS 'GREL DANG BCAS PA THAMS CAD DANG, KHYAD PAR BKA' GDAMS GZHUNG DRUG BYANG CHUB LAM GYI RIM PA'I MAN NGAG TU NGO 'PHROD DE BYANG CHUB LAM RIM LA NYAMS LEN CHIG SGRIL DU MDZAD PAS SEMS DPA' CHEN PO SE SPYIL BU BA THUGS GTING NAS DGYES PAR GYUR, DER BZHUGS PA'I GRVA PA THAMS CAD KYIS DANG BA CHEN POS SPYIL BU ZHIG BRTZIGS, DGUNG LO NYI SHU RTZA BZHI LA SE'I ZHAL NAS DGE SLONG GYIS GSUNG BAS, RGYA SAR SGANG NAS MKHAN PO GLAN GDAN DRANGS NAS MKHAN PO ZHUS , SLOB DPON ZHANG GIS LAS CHOG PA MDZAD, GNYAGS KYIS GSANG STE BA MDZAD DE BSNYEN PAR RDZOGS, DUS DE'I TSE KHA CHE PAn CHEN SH'AKYA SHR'I YANG BOD DU BYON PAS KHA CHE PAn CHEN LA CHOS MANG DU ZHUS, GZHAN YANG DGE BA'I BSHES GNYEN

, ,MKHAS PA MANG DU BSTEN TE RGYAL BA'I BKA' BOD DU 'GYUR RO COG THAMS CAD KYI LUNG THOB PAR MDZAD, BKA' GDAMS GZHUNG DRUG SOGS SHING RTA CHEN PO'I GZHUNG RNAMS LAS BOD NA LUNG RGYUN GANG BZHUGS THAMS CAD RTZAD DPYAD DE THOB PAR MDZAD, DRI MA MED PA'I RIGS PA'I SNANG BA CHES CHER RGYAS TE BSTAN PA YONGS RDZOGS KYI GNAD LA 'KHRUL MED KYI NGES PA BRTAN PO RNYED PA NA TSE 'DI'I G-YENG BA THAMS CAD BCAD DE RUG PAR SKU MTSAMS DAM PO MDZAD, DE DUS BSAG SBYANG GTZO BOR BTON PAS THOG MAR BCOM LDAN 'DAS SMAN BLA'I LHA TSOGS RNAMS ZHAL GZIGS, JI LTAR DANG BA'I CHU NANG DU ZLA GZUGS 'CHAR BA LTAR SANGS RGYAS DANG BYANG SEMS MANG PO'I ZHAL MTHONG ZHING, LHA SAR BYON DUS JO BO RIN PO CHE'I THUGS KA NAS 'OD ZER 'PHROS TE NYID GYI THUGS KAR THIM PA'I SNANG BA BYUNG, BYAMS SNYING RJE BYANG CHUB KYI SEMS SGOM PA LHUR MDZAD PAS MGON PO SPYAN RAS GZIGS NAM 'DOD DU ZHAL GZIGS, DE'I GNAD KYIS LHA KHU DBON GYI THANG KA ZHAL SPROD 'DI 'DRI BA'I DBUS SU BCU GCIG ZHAL 'DRI BA'I SROL YANG DAR, LUNG RIGS DU MA LA DBANG BSGYUR ZHING BKA' 'GYUR RO 'TSAL GYI LUNG BZHUGS PAS LHA LUNG GI DBANG PHYUG CES GRAGS SHING; LHA CHEN PO'ANG ZER, DON 'DI LA DGONGS NAS RJE THAMS CAD MKHYEN PAS KYANG, DRI MED LUNG GI DBANG PHYUG MKHAS PA'I MCHOG ,CES BSNGAGS PA MDZAD DO, ,MKHAS PA CHEN PO 'DI'I GSUNG SGROS LA BRTEN PA'I 'CHAD KHA

BA'I GRUB MTHA' GCES BSDUS LA t'IKKA CHEN PO ZHIG DANG, BLO SBYONG GI ZIN BRIS RGYAS PA LEGS PA CIG KYANG YOD CES BKA' GDAMS CHOS 'BYUNG LAS GSUNGS SO, ,LHA LUNG GI DBANG PHYUG 'DIS DGE BA'I BSHAS GNYEN SE SBYIL BU BA CHEN PO THOG MAR MJAL BA NAS NAM GSHEGS KYI BAR TSUL BZHIN DU BSTEN, SPYIL BU BA GSHEGS NAS LCAGS PHO KHYI'I LO SPYIL BU DANG 'CHAD KHA'I GDAN SA MDZAD DE BKA' GDAMS GZHUNG PA'I LUGS SROL LEGS PAR BSKYANG BA'I SGO NAS CHU PHO 'BRUG GI BAR LO BZHI BCU RTZA GSUM GDAN SA MDZAD CING BSTAN 'GRO'I DON RGYA CHER MDZAD DE, RANG LO BDUN CU RTZA LNGA PA CHU 'BRUG GI CHO 'PHRUL ZLA BA'I TSES BCO LNGA LA ZHI BAR GSHEGS SO, ,MKHAS PA CHEN PO 'DI LA SLOB MA MANG DU BYUNG ZHING SRAS KYI THU BO BKA' GDAMS GZHUNG PA'I MAN NGAG THAMS CAD BUM PA GANG BYOR MNGA' BA NI LHA 'GRO BA'I MGON PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR RGYAL BA'I GSUNG RAB DGONGS 'GREL DANG BCAS PA MTHA' DAG TSIG DANG DON GYI SGO NAS 'DZIN PA'I SMON LAM GDAB CING, GTZO BOR GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA SGOM PA LA BLO NUS CI YOD KYIS 'BAD PAR BYA'O,, ` ,,KHAMS GSUM 'GRO BA'I MGON PO RIN PO CHE, ,ZHES BSNGAGS PA, LHA 'GRO BA'I MGON PO NI PHO BRANG KHANG DMAR DU YAB

, ,JO 'BAG DANG, YUL LHA 'BRI SGANG BA'I LCAM MO LHA CIG 'DZAM GLING RGYAN GNYIS KYI SRAS SU ME PHO RTA LA 'KHRUNGS, SKU GZHON NU NAS DAM PA'I CHOS 'TSOL BA LHUR LEN PA ZHIG BYUNG STE, LO DRUG LON PA'I TSE KONG 'DUL BA 'DZIN PA CHEN PO LA BSNYEN GNAS KYI SDOM PA MA NOS, DE NAS KHYIM GYI GNAS BTZON RA LTA BUR MTHONG STE NGES 'BYUNG SHUGS DRAG POS BSKUL NAS LO BCU DRUG PA LA 'CHAR KHAR KHU BO'I DRUNG DU BYON NAS DGE BSNYEN GYI SDOM PA MA NOS, DE'I MOD LA SKYOR MO LUNG DU SPAL TI LA MKHAN PO DANG, GROS BA'I DGE BSHES GNAS BRTAN LA SLOB DPON ZHUS TE RAB TU BYUNG NAS MTSAN DBANG PHYUG 'OD DU BTAGS, PHYIS PO TOR DGE BSHES GNAS BRTAN LA MKHAN PO DANG, SU GU DO NAS DGE BSHES RGYAL TSA GDAN DRANGS NAS LAS KYI SLOB DPON ZHUS, JO BTZUN PAS GSANG STE STON PA MDZAD DE BSNYEN PAR RDZOGS NAS 'DUL BA'I BSLAB BYA RNAMS LEGS PAR BSLABS TE PHYAG LEN LA THEBS PAR MDZAD, DE NAS RANG GI KHU BO LHA LUNG GI DBANG PHYUG BSAM SBYOR GNYIS KYIS TSUL BZHIN DU BSTEN TE SPYIR CHOS MANG DU GSAN CING, LHAG PAR JO BO YAB SRAS NAS DGE BA'I BSHES GNYEN PO TO BA CHEN PO LA BRGYUD PA'I BKA' GDAMS GZHUNG PA'I MAN NGAG BYANG CHUB LAM GYI RIM PA'I 'OG BSHES GNYEN BSTEN TSUL NAS ZHI LHAG GI BAR DMIGS SKOR RE RE NAS SNYAN RGYUD KYI MAN NGAG GIS NGO SPROD DANG RGYAL BA'I BKA' DANG SHING RTA CHEN PO'I GZHUNG GI STENG NAS NGES PA

PHUL PHYIN 'DREN TSUL RNAMS YONGS SU RDZOGS PAR GSAN ZHING THUGS NYAMS SU BZHES TE GDENG THOB PAR MDZAD, KHU BO LHA LUNG GI DBANG PHYUG ZHING GSHEGS NAS SPYIL BU DANG 'CHAD KHA'I GDAN SA MDZAD DE, CHU MO SPRUL NAS, SA MO LUG GI BAR LO NYI SHU RTZA BDUN BZHUGS NAS BSTAN PA'I BDAG PO MDZAD, PO TO GNAS BRTAN DANG, BKA' GDAMS GZHUNG PA'I BSHES GNYEN RNAMS GROS MDZAD DE PO TO SDE MA LAG DANG BCAS BA PHUL, KONG PO NAS RTA BAR, BU CHU BYANG LUNG GSUM GYIS THOG DRANGS PA'I SDE BA SUM CU TZAM GYIS GTZUG LAG KHANG GI LDE MIG GTAD NAS PHUL, DVAGS PO NAS BLA MDA', KAN NA MO SHOD KYIS THOG DRANGS PA'I SDE PA MI SDE DANG BCAS PA PHUL, PHYIS KYANG YUN RING POR DE RNAMS SU DKON GNYER DANG MI DBON BSKOS, GNYAL NAS ZANGS BO CHE PAS GDAN DRANGS TE SKU 'BUM CHEN MO'I RAB GNAS MDZAD, ZANGS PO CHE SDE MA LAG DANG BCAS PA PHUL NAS GTZUG LAG KHANG GI LDE MIG PHUL, RONG RTZE DKAR DU GDUNG KHANG CHEN MO'I RAB GNAS LA SPYAN DRANGS NAS SDE MA LAG DANG BCAS PA PHUL, DUS PHYIS KYANG ZANGS PO CHE DANG, GRVA SKOR NA SPYIL BU BA'I CHOS RGYUD 'DZIN PA MANG DU BYUNG NGO, AE NA'ANG BU DAL LA SOGS PA NAS YON BDAG DANG BU SLOB MANG DU BYUNG, THUN MONG BA BYANG CHUB LAM GYI RIM PA DANG, THUN MONG MIN PA RDO RJE THEG PA'I LAM LA SPYANGS TE BSNYEN SGRUB MDZAD BAS YI DAM MANG PO'I ZHAL GZIGS SHING LHAG BAR MI G-YO BA DNGOS SU GRUB PAS MI G-YO BA'I SPRUL BAR GRAGS PA BYUNG, YAR

, ,KLUNGS SU GONG PO RIR SENG GE SGRA'I ZHAL GZIGS, PO TO NA DGE BSHES 'DI LA CHOS GSUNG BA'I THUB PA'I SKU GCIG KYANG BZHUGS, BSTAN PA'I NANG MDZOD 'DUL BA GTZO BOR MDZAD PAS SPYIL BUR TSUL BZHUGS GCIG GI STENG DU GNAS BRTAN BCU DRUG DNGOS SU BYON PAS, 'GRO BA'I MGON PO LA GNAS BRTAN BCU DRUG GIS BSKOR BA'I THANG SKU YANG MANG DU 'PHEL, DBYAR GNAS KYI TSE GNAS BRTAN BCU DRUG GI TSUL SHING RE YANG LEN; MANG JA'I DUS SU GNAS BRTAN GSOL 'DEBS 'CHAG MED MDZAD, LHA SAR JO BOS CHOS GSUNGS SHING RA SGRENG DU BYON PA'I TSE JO BO RJE DPAL LDAN AA TI SHAS ZHAL DNGOS SU BSTAN NAS GDAMS PA DANG RJES SU BSTAN PA MANG DU STZAL, BDAG NYID CHEN PO 'DI YI DAM LHA'I BSNYEN SGRUB MTHAR PHYIN PAS 'DAM DU LHA MO CHE ZHIG LA GDON ZHUGS NAS SUS KYANG MA THON PA LA DER BYON NAS BGEGS SKROD MDZAD PAS LHA'I MCHAN KHUNG GNYIS NAS PHUG RIN RE 'PHUR ZHING, DE GNYIS SPYANG KIR SONG PA KUN GYIS MTHONG BA BYUNG STE, DE NAS RAB GNAS LEGS PAR MDZAD, 'GRO MGON CHOS RGYAL 'PHAGS PA PHYIR THEGS DUS DGE BA'I BSHES GNYEN GZHAN RNAMS PHYIR LOG ,DGE BA'I BSHES GNYEN 'GRO MGON RIN PO CHE KHYED DANG 'BRAL MI PHOD BAR 'DUG LHAN CIG TU GSHEGS GSUNGS NAS SHA PHO SRANG BAR TSUN BYON, MKHAS BTZUN DANG MI CHEN MANG PO'I DON MDZAD NAS RANG LA DON BZHI PAS MO LUG GI LO STON

ZLA THA CHUNG GI NYER GCIG LA SPYIL BUR GSHEGS SO, ,DE NAS SLOB MA RNAMS KYIS MCHOD PA RGYA CHER BYAS TE SKU GDUNG BZHU BAS LHA SKU LA SOGS PA'I RTEN MANG DU BYON ZHING, KHYAD PAR THUGS LJAGS SPYAN GSUM BYON PA SPYAN SPYIL BU'I NANG RTEN GSER SKU'I NANG DU BZHUGS, THUGS 'CHAD KHA BAS GDAN DRANGS NAS NGO SGRA'I GDUNG KHANG NA BZHUGS, LJAGS SU GU DOR GDAN DRANGS NAS BYANG CHUB CHEN PO'I NANG NA BZHUGS, DUNG G-YAS 'KHYIL BZHI BYON PA LA GCIG RUG PA'I GSER SKUR BZHUGS, GCIG SPANGS BA'I RTEN SKAL LA GDUNG KHANG NA BZHUGS NAS NGO SGRA NA YOD, GCIG DA LTA SPYIL BU'I NANG RTEN LA BZHUGS SO, ,LHA LUNG GI DBANG PHYUG DANG, LTA 'GRO BA'I MGON PO GNYIS PO 'DI DANG 'DI GNYIS KYI CHOS RGYUD 'DZIN PA SPYIL BU DANG 'CHAD KHA'I GDAN SA BA GSUM TZAM DANG BCAS BKA' GDAMS GLEGS BAM LAS GSAL BAR LUNG BSTAN PA NI, SO SPYIL BA LUNG BSTAN PA'I 'PHRO NAS, KHYED LA SH'AKYA'I GDUNG RIGS 'DZIN PA LHA'I LHA ZHIG NAS BZUNG LNGA LAS MI NYUNG BA 'BYUNG, ZHES SOGS GSAL BAR LUNG BSTAN TO, ,BDAG NYID CHEN PO 'DI 'PHRIN LAS KYI KHYAB BDAL BLA LHAG TU CHE BA ZHIG BYUNG BAS RJE THAMS CAD MKHYEN PAS, KHAMS GSUM 'GRO BA'I MGON PO RIN PO CHE, ,ZHES BSNGAGS PA CHE BAR MDZAD DO, ,'GRO MGON RIN PO CHE 'DI LA SLOB MA BSAM GYIS MI KHYAB PA ZHIG YOD KYANG, SRAS KYI THU BO BKA' GDAMS GZHUNG PA'I RGYUD 'DZIN CHEN PO NI

, ,DGE BA'I BSHES GNYEN BZANG CHEN PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LHA 'GRO BA'I MGON PO 'DI LA GSOL BA 'DEBS SHING, 'DI'I RNAM THAR LTAR BKA' GDAMS KYI RNAM THAR GTZANG MA BSRE BSLAD MED PAR SKYONG ZHING BYANG CHUB LAM GYI RIM PA'I LAM THUN MONG PA DANG THUN MONG MIN PA GNYIS KA LA BAG CHAGS CI THEBS BYA'O,, ` ,,RNAM DAG TSUL KHRIMS NGAD LDANG BZANG CHEN PA, ,ZHES BSNGAGS BA, DGE PA'I BSHES GNYEN BZANG CHEN PA NI, GNYAL SMAD DU NGO MTSAR BA'I LTAS DANG BCAS TE SKU 'KHRUNGS, CHUNG DU'I DUS NAS KHYIM GYI 'DU 'DZI LA MA CHAGS PAR RGYAL BA'I BSTAN PA LA ZHUGS NAS DAM PA'I CHOS RNAM PAR DAG PA ZHIG BYA BAR 'DOD PA'I 'DUN PA SHUGS DRAG PO NAR MAR BYUNG STE SUS KYANG BZLOG MA THUB PAR BZANG CHEN GYI GDAN SA BA MKHAN PO BSOD NAMS 'BYUNG GNAS LAS RAB TU BYUNG ZHING TSIGS SNGA MA DGE TSUL GYI SDOM PA MNOS, MTSAN DAR MA BSOD NAMS SU BTAGS MKHAN PO DE NYID LA BRTEN TE DGE TSUL GYI BSLAB BYA RNAMS LEGS PAR BSLABS SHING CHOS SPYOD RNAMS THUGS SU CHUD PAR MDZAD, DE NAS GZHUNG LUGS RNAMS LA SBYANGS TE SDE SNOD GSUM LA MKHAS PAR BSLABS, NGES 'BYUNG GI BSAM PA RNAM PAR DAG PAS RGYUD BSKUL TE MKHAN PO NGAR YE BA, KHA SKONG GI DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS, LHA

'GRO BA'I MGON PO'I ZHABS RDUL SPYI BOS BLANGS TE 'DUL BA LUNG SDE BZHI'I BRJOD BYA'I DON THAMS CAD SLOB DPON YON TAN 'OD KYIS 'DUL BA'I MDOR GTAN LA PHAB PA LTAR BYIN LEN DANG RUNG CHU 'DEBS PA YAN CHAD DGE SLONG GI BSLAB BYA PHRA RAGS THAMS CAD THUGS SU CHUD BAR MDZAD DE LAG TU BDAR NAS 'DUL BA NAS BSHAD PA'I BCAS RANG GI NYES PA PHRA MOS KYANG MGOS PA'I TSUL KHRIMS RNAM PAR DAG PAR BSRUNG BAR MDZAD, TSUL KHRIMS KYI MTHU LAS SKYES PA'I DRI BZANG PO RDZI PHYOGS MIN PAR 'PHRO BA ZHIG YOD PAR GRAGS, DON 'DI LA DGONGS NAS RJE THAMS CAD MKHYEN PAS BSHES GNYEN CHEN PO 'DI LA, RNAM DAG TSUL KHRIMS DANG LDANG BZANG CHEN PA, ,ZHES BSNGAGS SO, ,LHA 'GRO BA'I MGON PO LA RGYAL BA'I BKA' DANG SHING RTA CHEN PO'I GZHUNG MANG PO GSAN TE GZHUNG LUGS RNAMS LA MKHAS PA'I PHUL DU PHYIN PAR GYUR PA NA RANG GI YON TAN GYI STOBS KYIS DGE 'DUN TSANG MAS BZANG CHEN GYI GDAN SAR BSKOS TE CHOS GRVA CHEN PO DE'I SENG GE'I KHRI LA BZHUGS NAS SHING RTA CHEN PO'I GZHUNG LUGS RNAMS RGYA CHER SPEL BAS DGE BA'I BSHES GNYEN BZANG CHEN PA ZHES PHYOGS KUN TU SNYAN PAR GRAGS, DE NAS LHA 'GRO BA'I MGON PO BZANG CHEN DU GDAN DRANGS NAS MCHOD CING BSNYEN BKUR TE RGYAL BA'I GSUNG RAB DGONGS 'GREL DANG BCAS BA MTHA' DAG GI DON GANG ZAG GCIG GI NYAMS LEN GYI RIM PAR DRIL BA DPAL AA TI SHA'I MAN NGAG BYANG CHUB LAM GYI RIM PA'I MYONG KHRID LEGS PAR GSAN,

, ,DE YANG THOS LO TZAM LA MA BZHAG PAR TSUL BZHIN DU NYAMS SU BLANGS PAS MYONG BA LEGS PAR THON, LTA 'GRO BA'I MGON PO LA BKA' GDAMS GZHUB DRUG GSAN TE LAM GYI RIM PA'I DMIGS SKOR MTHA' DAG SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB, KHA CHE PAn CHEN SH'AKYA SHR'I BZANG CHEN DU GDAN DRANGS TE MDO SNGAGS KYI CHOS MANG DU GSAN, SRAS KYI THU BO MTSO SNA BA CHEN PO SOGS SKAL BA DANG LDAN PA MANG PO LA BYANG CHUB LAM GYI RIM PA'I KHRID DANG SHING RTA CHEN PO'I GZHUNG LUGS RNAMS RGYA CHER SPEL BAR MDZAD NAS MTHAR DGUNG LO BDUN CU RTZA LNGAR RU PHEBS PA'I TSE SHA DUG ZHIG GIS SKU BSNYUN PA NA DGE 'DUN THAMS CAD KYIS RIM GRO RGYA CHER MDZAD CING, CHOS SKYONG MGON PO TRAKSHAD KYIS KYANG BYA ROG TU SPRUL NAS RGYA BAL NAS AA RUR RLON PA BLANGS TE PHUL BA SOGS THABS DANG RIM GRO CI BYAS KYANG MA BZLOG PAR ZHING GSHEGS, DGE 'DUN RNAMS KYIS MCHOD PA RGYA CHER BYAS TE SPUR GYI MCHOD RTEN BZHENGS PA'I DRUNG NA CHOS SKYONG TRAKSHAD KYIS PHUL BA'I AA RUR RLON PA DE BZHAG ,SPUR GYI ZHAL NUB PHYOGS SU BSTEN PA ZHIG BYUNG BAS GRVA SKOR DU BKA' GDAMS KYI BSTAN PA RGYA CHER 'PHEL BA'I RTEN 'BREL DU BYUNG ZHES GLENG NGO, ,BSHES GNYEN CHEN PO 'DI LA RGYUD 'DZIN GYI SLOB MA MANG DU BYUNG BA LAS SRAS KYI THU BO NI MTSO SNA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS

BSHES GNYEN CHEN PO 'DI LA GSOL BA 'DEBS SHING 'DI'I RNAM THAR LTAR TSUL KHRIMS RNAM PAR DAG PA GZHIR BZUNG NAS BYANG CHUB LAM GYI RIM PA LA BLO SBYONG ZHING GZHUNG LUGS GDAM PAR 'CHAR BA ZHIG 'ONG BAR BYA'O,, ,, ` 'DUL BA 'BUM SDE'I MNGA' BDAG MTSO SNA BA, ,ZHES BSNGAGS PA 'DUL 'DZIN MTSO SNA PA CHEN PO NI, MON MTSO SNA STOD DU SKU 'KHRUNGS, BYIS PA SMRA SHES TZAM NAS CHOS BYED PA'I 'DUN PA KHO NAS SGO GSUM GYI SPYOD PA THAMS CAD CHOS DANG MTHUN PAR MDZAD PA LAS BYIS PA'I NGANG TSUL DU MI 'GRO BA ZHIG BYUNG ZHING, DGUNG LO BRGYAD LON PA'I TSE BLA MA'I DRUNG DU 'GRO ZER NAS SUS BKAG KYANG MA THUB PAR DGE BA'I BSHES GNYEN BZANG CHEN PA'I THAD DU BROS TE RAB TU BYUNG, TSIGS SNGA MA DGE TSUL GYI SDOM PA MA NOS TE MTSAN SHES RAB BZANG PO ZHES BTAGS, DUS DE'I TSE PAndI TA MKHAS PA'I NYAMS DANG LDAN PA ZHIG RANG SHUGS KYIS BYUNG BAS SDE SNOD 'DZIN PA BLO GROS SENG GE'I SKYE BAR GRAGS PA BYUNG NGO, ,DE NAS DGE BA'I BSHES GNYEN BZANG CHEN PA BSAM SBYOR GNYIS KYIS TSUL BZHIN DU BSTEN NAS BKA' GDAMS GZHUNG DRUG LA SOGS PA'I SHING RTA CHEN PO'I GZHUNG RNAMS LA LEGS PAR SBYANGS SHING, KHYAD PAR DU 'DUL BA LUNG SDE BZHI DANG, DE THAMS CAD KYI BRJOD BYA'I DON GCIG TU BSDUS PA 'DUL BA MDO RTZA BA LA SBYANGS TE TSIG DON MTHA' DAG THUGS SU

, ,CHUD PAR MDZAD CING, DGE BA'I BSHES GNYEN BZANG CHEN PA LA MKHAN PO ZHUS TE MKHAN SLOB DGE 'DUN GRANGS TSANG BA'I DBUS SU BSNYEN PAR RDZOGS TE, 'DUL BA'I BSLAB BYA MTHA' DAG CHES ZHIB PAR THUGS LA MNGA' BA LTAR PHYAG LEN LA THEBS PAR MDZAD BAS 'PHAGS PA NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DGE BA'I BSHES GNYEN BZANG CHEN PA LAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL, DPAL AA TI SHAS GANGS RI'I KHROD 'DIR GSAL BAR MDZAD PA'I MAN NGAG BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR MTHA' DAG BAR GSAN NAS NYAMS SU BLANGS TE GDENG THOB PAR MDZAD, BDAG NYID CHEN PO 'DI NI RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PA ZHIG YIN PAS GSUNG RAB DGONGS 'GREL DANG BCAS PA LA THOS PA NYIN PAR MDZAD PAR MA ZAD RMI LAM SGYU MA'I RNAM THAR 'BYONGS BAS MTSAN MO MNAL LAM DU YANG SLOB DPON YON TAN 'OD LA 'DUL BA GSAN, RGYAL SRAS ZHI BA LHA LA SPYOD 'JUG GSAN, SLOB DPON DBYIG GNYEN LA MNGON PA MDZOD GSAN, SLOB DPON PHYOGS KYI GLANG PO LA TSAD MA'I MDO GSAN, SLOB DPON CHOS KYI GRAGS PA LA RNAM 'GREL SOGS TSAD MA SDE

BDUN GSAN, SLOB DPON ZLA BA GRAGS PA LA GSANG 'DUS GSAN, RJE BTZUN BYAMS PA MGON PO LA MNGAN RTAGS RGYAN GSAN PAR GRAGS, DE LTAR THOS PA RGYA MTSO'I PHA ROL TU BYON ZHING, LHAG PAR 'DUL BA LA MKHAS PA'I PHUL DU GYUR BAS MGON PO LA SOGS PA'I CHOS SRUNG RNAMS DANG, DKAR PHYOGS KYI LHA MANG POS 'DUL BA'I BSTAN BCOS GANGS RI'I KHROD KYI GDUL BYA RNAMS KYIS GO SLA BA LUNG SDE BZHI'I GNAD BSDUS BA ZHIG RTZOMS SHIG ,DE LA THOS BSAM BYED PA THAMS CAD NGED KYIS BU BZHIN SKYONG NGO ZHES BSKUL ZHING, DGE 'DUN MANG POS GRVA SKOR GYI GDAN SAR 'BYON DGOS PAR BSKUL TE CHOS GRVA CHEN PO GRVA SKOR GYI SENG GE'I KHRI LA BZHUGS TE, SHING RTA CHEN PO'I GZHUNG LUGS RNAMS RGYA CHER SPEL ZHING LUNG SDE BZHI'I GNAD KUN BSDUS PA 'DUL BA'I MDO'I RNAM BSHAD NYI MA'I 'OD ZER ZHES BYA BA BRTZAMS TE, DKAR PHYOGS KYI LHA RNAMS KYIS CHOS 'DI LA BSNGAGS PA BRJOD PHYIR BRTZAMS MA THAG DKAR PHYOGS KYI LHA RNAMS KYIS GLEGS BAM GDAN DRANGS TE SLAR YANG LAN GNYIS PA BRTZAMS ZHES GRAGS SO, ,GZHAN YANG, BDAG NYID CHEN PO 'DIS LAM RIM LA SOGS PA'I BSTAN BCOS KYANG MANG DU MDZAD DO, ,BDAG NYID CHEN PO 'DI NI DGE BA'I BSHES GNYEN PO TO BA'I RNAM THAR LTAR SKYES BU GSUM GYI LAM GYI RIM PA SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB CING, PHYI LTAR DU GSANG

, ,SNGAGS LA DAM DOG CHE BAR MDZAD KYANG NANG DU RANG NYID SNGAGS KYI NYAMS LEN PHUL DU PHYIN PA MNGA' BAS, DPAL GSANG BA 'DUS PA'I RDZOGS RIM GYI RMI LAM 'DZIN PA LA MNGA' BRNYES PAS RMI LAM DU SANGS RGYAS KYI ZHING GZHAN DU BGROD PA DANG, GDUL BYA LA CHOS STON PA DANG, SANGS RGYAS BYANG SEMS LAS CHOS NYAN PA SOGS SPRUL BSGYUR SNA TSOGS NUS PA ZHIG STE, DE'I TSUL ZUR TZAM NI SNGAR SMOS BA LTAR RO, ,DE LTAR BSTAN 'GRO'I DON RGYA CHER MDZAD NAS DGUNG LO DON GNYIS BZHES PA'I CHE DGE 'DUN RNAMS LA BSLAB BYA RGYAS PAR MDZAD DE GRVA SKOR GYI GDAN SA MON GRAB LA GTAD NAS ZHI BAR GSHEGS SO, ,'DUL 'DZIN CHEN PO 'DI LA SLOB MA BSAM GYIS MI KHYAB PA YOD KYANG THUGS SRAN THU BO RANG GI RGYAL TSAB TU MNGA' GSOL BA NI DGE BA'I BSHES GNYEN MON GRA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN CHEN PO 'DI LA GSOL BA 'DEBS SHING BSTAN PA'I NANG MDZOD 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA LA BLO SBYANG BAR BYA'O,, ` ,,CHOS MNGON RGYA MTSO'I MTHAR SON MON GRA PA, ZHES BSNGAGS PA, DGE BA'I BSHES GNYEN MON GRA PA NI, MON DANG MTSO SNA'I BAR GYI YUL MON GRAB TU SKU 'KHRUNGS, GZHON NU NYID NAS CHOS KYI BAG CHAGS BRTAS PAS RANG YUL NYE DU DANG BCAS PA LA MA CHAGS PAR MCHIL MA'I THAL BA BZHIN DOR TE GRVA SKOR DU MKHAN

CHEN MTSO SNA PA'I ZHABS DRUNG DU PHEBS NAS RAB TU BYUNG, MTSAN TSUL KHRIMS BKRA SHIS ZHES BTAGS, MKHAN CHEN MTSO SNA PA BSAM SBYOR GNYIS KYIS TSUL BZHIN DU BSTEN TE, SDE SNOD GSUM GYI DGONGS BA 'GREL BA'I SHING RTA CHEN PO'I GZHUNG RNAMS LA SBYANGS BAS MKHAS PA'I GO 'PHANG THOB CING, KHYAD BAR MNGON PA SDE BDUN DGONGS 'GREL DANG BCAS PA LA MKHAS PA'I PHUL DU PHYIN BAR GYUR TE CHOS MNGON PA'I DON LA MI 'JIGS PA'I SPOBS BA THOB , MKHAN CHEN MTSO SNA PA LAS BSNYEN PAR RDZOGS TE 'DUL BA'I BSLAB BYA RNAMS GSAN NAS LAG TU BLANGS, 'DUL BA 'DZIN PA'I MCHOG TU GYUR, DE LTAR GZHUNG LUGS RGYA MTSO LTA BU LA SBYANGS BAS MKHAS PA'I PHUL DU PHYIN PA NA MTSO SNA PA CHEN PO LA BYANG CHUB LAM GYI RIM BA'I KHRID BKA' GDAMS GZHUNG PA'I BSHAD SROL LTAR GSAN TE NYAMS LEN LA SBYAR BAS MYONG BA KHYAD PAR CAN THON TE MKHAS BTZUN BZANG GSUM 'DZOM BA'I BSHES GNYEN CHEN BOR GYUR PA NA MTSO SNA BA CHEN BOS RANG GI RGYAL TSAB BSTAN 'DZIN MCHOG TU 'GYUR BAR GZIGS NAS BSNGAGS 'OS SU MDZAD CING, GRVA SKOR GYI GDAN SA BGYI DGOS ZHES YANG YANG GSUNGS KYANG BDAG NYID CHEN PO 'DI BYANG CHUB LAM RIM LA MYONG BA PHUL PHYIN THON PAS TSANGS PA DANG BRGYA BYIN GYI DPAL LA'ANG MI SMON NA TSE 'DI'I RNYED BKUR SNYAN GRAGS LA SMON PA MED PA LTA CI SMOS PAR GYUR NAS BDAG LTA BUS BLA MA'I GDAN SA SKYONG BAR GA LA NUS ZHES MDZAD DU MA BZHED, MTHAR MKHAN CHEN MTSO SNA BA GSHEGS KHAR

, ,DGE 'DUN RNAMS LA ZHAL GDAMS RGYA CHER MDZAD NAS GDAN SA 'DI MON GRA PA LA GTOD GSUNGS NAS ZHI BAR GSHEGS PA NA BLA MA'I GSUNG GI THA MA ZHAL CHEMS LTA BUR SONG GSHIS MDZAD THABS MA BYUNG BAR GRVA SKOR GYI GDAN SAR PHEBS NAS GTZO BOR 'DUL BA DANG MNGON PA RGYA CHER BSHAD CING, PHAR TSAD BU MA RNAMS KYANG SNGAR SROL GANG YOD BSHAD NAS SHING RTA CHEN PO'I GZHUNG LUGS SHIN TU DAR BAR MDZAD, SKAL BA DANG LDAN PA DAG LA BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR ZHIB TU BSHAD PAS CHOS KYI BDUD RTZIS CHIMS PA MANG DU BYUNG ZHING, PHYI RABS KYI GDUL BYA RNAMS KYI DON DU LAM RIM GYI KHRID YIG KYANG MDZAD DO, ,MKHAN CHEN MON GRA PA 'DI LA MKHAS SHING GRUB PA'I SLOB MA GRUB CHEN LAS KYI RDO RJE DANG, MKHAN CHEN CHOS SKYABS BZANG PO SOGS BSTAN PA LA BYA BA RGYA CHER BGYID PA MANG DU BYUNG NGO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN MON GRA PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR SHING RTA CHEN PO'I GZHUNG LUGS RNAMS LA SBYANGS NAS GZHUNG LUGS GDAMS PAR 'CHAR BAR BYED PA DANG, GZHUNG LUGS GDAMS PAR SHAR BA'I MAN NGAG, BYANG CHUB LAM GYI RIM PA'I NYAMS LEN LA 'BAD NAS RANG GI RGYUD BTUL TE GDUL BYA GZHAN LA'ANG PHAN NGES PA ZHIG BYA'O,, ` ,,ZAB CING RGYA CHE'I CHOS LA MNGA' BRNYES PAS,,

SKAL LDAN 'GRO BA KUN GYI SKYABS SU GYUR, ,'PHRIN LAS BZANG POS BSTAN PA RGYAS MDZAD PA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA MKHAN CHEN CHOS SKYABS BZANG PO NI GNYAL DU RIGS RUS PHUN SUM TSOGS PA ZHIG TU SKU 'KHRUNGS, CHUNG NGU'I DUS SU YAB YUM GNYIS KYIS BSNAMS NAS MKHAN CHEN MTSO SNA PA CHOS GRVAR PHEBS PA DANG THUG STE MJAL BA'I TSE, MTSO SNA PA'I SKU CHOS RLUNG GIS BSKYOD BA BYIS PA CHUNG DU 'DI'I STENG DU G-YOGS PA LTAR BKAB PAR GYUR PAS MKHAN CHEN MTSO SNA PA BZHAD CING CHER DGYES NAS BYIS PA 'DI NGA'I CHOS GOS KYIS BSKYABS PA LTAR 'DUG PAS 'DI NGA LA BYIN CIG CES YAB YUM GNYIS LA GSUNGS PAS YAB YUM GNYIS KYIS KYANG MTSO SNA PA'I BKA' LDOG MA NUS PAR PHUL BAS MKHAN CHEN MTSO SNA PAS BZHES TE CHOS SKYABS BZANG PO ZHES MING BTEGS, LO BDUN LON BA NA RAB TU BYUNG ZHING SDE SNOD GSUM LEGS PAR BSLABS, LO LON PA NA BSNYEN PAR RDZOGS PAR MDZAD DE SPYAN GYI 'BRAS BU LTAR BSKYANGS, RANG NYID LA YOD PA'I LUNG DANG MAN NGAG THAMS CAD GNANG ZHING, LHAG PAR BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I MAN NGAG MA LUS PAR GNANG, MKHAN CHEN MTSO SNA PA ZHING GSHEGS NAS DGE BA'I BSHES GNYEN MON GRVA PA TSUL BZHIN DU BSTEN NAS MON GRVA PA LA MNGA' BA'I BKA' DANG GDAMS NGAG MANG PO GSAN ZHING LHAG PAR BYANG CHUB LAM GYI RIM PA'I KHRID YANG DANG YANG DU

, ,GSAN TE, NYAMS SU BZHES PAS BYANG CHUB LAM GYI RIM PA'I MAN NGAG BKA' GDAMS GZHUNG PA'I BSHAD SROL LTAR RANG GI RGYUD LA SKOR NAS NYAMS SU LEN PA DANG, GZHAN LA STON PA LA MI 'JIGS PA'I SPOBS PA THOB PAR GYUR TO, ,BDAG NYID CHEN PO 'DI NI THOS PA RGYA MTSO'I PHA ROL TU SON ZHING, LAM GYI RTOGS BA MTHON POR BYON TE PHYIR MI LDOG PA'I RTAGS THOB PA ZHIG YIN ZHES GRAGS SO, ,MKHAN CHEN CHOS SKYABS BZANG PO 'DIS DGE BA'I BSHES GNYEN MTSO SNA PA DANG MON GRA PA GNYIS KA LA GTUGS TE BKA' GDAMS GZHUNG PA'I BSHAD SROL LTAR GYI SKYES BU GSUM GYI LAM GYI RIM BA YANG DANG YANG DU GSAN TE SBYANGS PA MTHAR PHYIN MDZAD PA NI, RJE BTZUN CHOS KYI RGYAL PO TZONG KHA PA CHEN POS KHONG PA LA BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN PAR 'GYUR BA 'DI LA DGONGS PAR MNGON ZHING, RJE THAMS CAD MKHYEN PAS BKA' GDAMS GZHUNG PA'I BSHAD SROL LTAR GYI LAM RIM GYI KHRID GSAN NAS SKAL BA DANG LDAN PA BGRANG BA LAS 'DAS PA LA GNANG NAS SA CHEN PO'I KHYON 'DI THAMS CAD CHOS 'DI'I 'PHRIN LAS KYIS KHYAB PA 'DI BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS PHYIR MI LDOG PA'I SEMS DPA' CHEN PO MKHAN CHEN CHOS SKYABS BZANG PO LA GSOL BA 'DEBS SHING, BDAG NYID CHEN PO 'DI'I RNAM THAR LTAR RGYAL BA'I BKA' DANG

GZHUNG LUGS MA LUS 'DU BA'I CHOS KYI RGYA MTSO CHEN PO BYANG CHUB LAM GYI RIM PA LA SLOB PA'I TSE BKLAGS LUNG TZAM RE THOB PA DANG, DMIGS SKOR RE GNYIS GO BAD TSIM PAR MI BYA BAR DGE BA'I BSHES GNYEN MKHAS PA LA GTUGS TE YANG DANG YANG DU MNYAN NAS NGES PA GTING TSUGS PA BSKYED PA DANG, JI TZAM THOS PA DE TZAM DU RGYUD LA SBYAR NAS NYAMS SU LEN PA LA 'BAD PAR BYA'O,, ` ,,DGE BSHES STON PA NAS DGE BSHES PO TO BA, DE NAS GRVA SKOR MKHAN CHEN CHOS SKYABS BZANG PO'I BAR GYI BRGYUD RIM DE NI RJE THAMS CAD MKHYEN PAS BKA' GDAMS GZHUNG PA'I LAM RIM GSAN BRGYUD YIN LA, BKA' GDAMS GDAMS NGAG PAR GRAGS PA DGE BSHES STON PA NAS SPYAN SNGA TSUL KHRIMS 'BAR LA BRGYUD PA'I BLA MA RNAMS KYI RNAM THAR NI, GRUB PA'I DBANG PHYUG CHEN PO TSUL KHRIMS 'BAR, ,ZHES BSNGAGS PA, ,DGE BSHES SPYAN SNGA BA NI NYAN GYI SNANG RA SGANG DU YAB SH'AKYA RDO RJE DANG, YUM LI MO YE SHES SGRON GNYIS KYI SRAS SU CHU MO BYA'I LO LA 'KHRUNGS, MTSAN STAG TSAB 'BAR ZHES BTAGS, SNGON YUN RING PO NAS LAM LA SBYANGS PA'I BAG CHAGS BRTAS PAS GZHAN GYIS BSKUL BA LA MA BLTOS PAR SKYES BU GSUM GA'I LAM GYI GNAD RNAMS LA BAG CHAGS SAD DE BYIS PA'I DUS SU SPYIR 'DUS BYAS 'DI THAMS CAD SDOD PA'I MTHU MED PAR 'JIG PA DANG, KHYAD PAR RANG GI LUS MYUR DU 'JIG PA'I NGANG TSUL DRAN NAS RGYUN DU BSHUM PA ZHIG BYUNG BAS YUM

, ,DES KHYOD 'JIGS MI DGOS MYUR DU SHI 'GRO SNYAM PA'I BLO DE SLAR BRJED 'GRO ZER SPYAN SNGA'I YUM DE NI RANG BZHIN GYI RNAL 'BOR MA ZHIG YIN PAR GRAGS PAS DENG SANG RANG CAG THA MAL PA RNAMS LA BLA MA RE'I BKA' DRIN LAS 'CHI BA DRAN PA'I BLO RIB TZAM RE BYUNG YANG SNANG SHAS MTHU CHE BAS CHU LA DBYUG GUS BRIS PA LTAR DE MA THAG BRJED NAS RTAG 'DZIN GYI DBANG DU 'GRO BA'I DANG TSUL DE YUM DES BRJOD PA'O, ,DE DUS YUM GYIS PAD DU KHYER NAS; SLOB DPON GRONG 'DUL BA CIG LA PHUNG PO LNGA'I RAB BYED GSAN PAS, PHUNG PO 'DI LNGAR 'BYED TSOD KYIS MTHAR STONG PA NYID DU 'DUG SNYAM STE BDAG MED PA'I LTA BA RANG 'KHRANGS SU BYUNG, GZHAN YANG BYIS PA'I GNAS SKABS DER LHAG PA'I LHA MANG PO'I SNANG BA YANG YANG 'CHAR BA ZHIG BYUNG, LO BCU GNYIS LON TZA NAR RNAL 'BYOR MA GONG MO SGANG BA BYA BA BYON NAS GDAMS NGAG CIG GSUNGS PAS MYONG PA KHYAD PAR CAN SKYES PA ZHIG BYUNG STE, DE NI RANG BZHIN GYI RNAL 'BYOR MAS BYIN GYIS BRLABS PA YIN PAR GSUNGS, YANG LAN CIG TZAN RA LUG 'TSOR RI ZHIG GI RTZER BYON PAS ,DA STE LO BRGYA THAM PA NA 'DI NAS MTHONG BA'I MI THAMS CAD 'CHI BA YIN DGONGS THUGS PHYUNG BA'I MGUR GSUNGS BA RI ZHOL GYI BTZAS MI BA RNAMS LA SNYAN PAR BYUNG NAS, 'OR CHE STAG TSAB 'BAR SNYAN RANG SNYAN DA DUNG ZHIG LONGS DANG ZER BAS, NGA MA DGA' CHES NAS BLANGS BA LA KHONG DA DUNG LONGS ZER AANG GSUNG ,DE NAS

DGUNG LO BCO BRGYAD PA LA STOD LUNG TSA THOG DGON PAR MAL SHES RAB SEMS DPA'I DRUNG DU RAB TU BYUNG ,MTSAN TSUL KHRIMS 'BAR DU BTAGS ,DER YUM GYI RMI LAM DU DUNG DKAR ZHIG BUS PA 'DZAM BU GLING PA THAMS CAD KYIS THOS PA ZHIG BYUNG BAS, NGA'I BU 'DI LA RAB TU BYUNG NAS GRAGS PA YANG CHE BA CIG 'ONG BAR 'DUG ZER, SLOB GNYER MDZAD DUS TSA THOG DGON PAR BYON PA'I ZHOR LA ,JO BO SNYE'I NA MO CHER BZHUGS PA DANG MJAL, SEMS BSKYED GSUNG BA GSAN, DE DUS JO BOS 'DI PA'I SPYI BOR PHYAG BZHAG ,SAm SKRi TA'I SKAD DU BKRA SHIS KYI TSIGS BCAD MANG PO MDZAD, GSER GLING PA'I BUM PA PADMA'I CHUm CAN GNANG, NGA'I CHOS RGYUD 'DZIN PA CIG 'OD GSUNG, DE NAS LAN TSA RAB DANG, RUG PAR SDE SNOD KYI GSAN SBYONG MANG DU MJAD, RGYA GAR RDO RJE GDAN CHOS KYI 'BYUNG KHUNGS YIN PAS DER 'BYON DGONGS TE SKAD DOD DANG RGYA YIG MANG DU BSLABS, DE'I DUS SU MDO SDE GZIGS PAS CHOS THOG TU HRIL HRIL 'GRO BAR BYUNG BAS SO SO SKYE BO'I SA NAS SANGS RGYAS KYI SAR 'GRO BA LA BLA MA MI DGOS PAR SNANG SNYAM BA BYUNG, PHYIS SU BSAMS TZA NA SNGAR GYI DES GAR YANG MI PHYIN PAR 'DUG GSUNG, DE'I DUS SU YUM RUG PAR BYON NAS RUG PA'I BAN DE RNAMS LA 'DI NI DGRAS BDAS PA YIN, 'DI 'DRES BDAS PA YIN, SNYING NAS CHOS BYA BSAM NAS RAB TU BYUNG BA NI KHYOD DANG SLOB DPON ZHANG BTZUN GNYIS YIN KHYOD CHOS GSHA' MA ZHIG BYED NA RA SGRENG DU DGE BSHES STON PA'I SPYAN SNGAR

, ,'GRO GSUNGS NAS YUM GYIS KHRID DE DGUNG LO NYER LNGA PA LA DGE BSHES STON PA DANG MJAL, SPYAN SNGA'I ZHAL NAS ,NGA'I MA DE RANG BZHIN GYI RNAL 'BYOR MA YIN PAS 'DIR BSKYAL BA YIN GSUNG, DE'I TSE DGE BSHES STON PA LA LAM GYI 'GRO CHOS ZHUS NAS RGYA GAR DU RNAL 'BYOR PA CIG LA GTUG SNYAM DU DGONGS BA LA DGE BSHES STON PA'I ZHAL NAS, KHYOD RGYA GAR DU MA 'GRONGS THUGS LA GDAGS KYI GSUNG BAS, DGE BSHES STON PAS THUGS LA 'DOGS NA RGYA GAR DU 'GRO DON MI 'DUG DGONGS PA BYUNG NAS BSHES GNYEN STON PA RIN PO CHE BSAM SBYOR GNYIS KYIS TSUL BZHIN DU BSTEN NAS DUS GSUM GYI SANGS RGYAS THAMS CAD GANG NAS GSHEGS PA'I LAM PO CHE BKA' DANG DGONGS 'GREL THAMS CAD KYI SNYING PO'I DON BYANG CHUB LAM GYI RIM PA'I MYONG KHRID GSAN PAS LAM GYI RIM PA'I DMIGS SKOR RNAMS BSAM DU BTUB PAR BYUNG BA LA, DGE BSHES STON PA'I ZHAL NAS, DUS TSOD 'DI TZAN SHOG GSUNG BAS SPYAN SNGAR PHYIN DUS GROG PO'I GSEB LA NYI MA BYUNG BDE, SPYAN SNGA'I NA BZA' LA SHAR BAS BKRA SHIS RDZAS BRGYAD LA SOGS PA'I GZUGS MANG PO BYUNG BAS RTEN 'BREL SHIN TU BZANG GSUNGS NAS MNYES PA YIN, DGE BSHES STON PA DE PHAR PHYIN GSUNG BA'I DUS SU SKU MCHED GSUM KA BA LI GCIG LA GZIGS PA YIN PAR GDA', DGE BSHES STON PA GRUB MTHA' ZHIG GSUNG BA GSAN DU BYON PAS, STON PA'I ZHAL NAS, NGA KHYOD LA

SGOM CHEN ZHIG RE BA YIN, KHYOD RANG NANG DU SGOMS SHIG GSUNG BAS, SPYAN SNGAS PHYAG MDZAD NAS BYON PA DANG ,STON PA'I ZHAL NAS ,BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN BA LA SPYOD PA BYA BA DE KHO 'DRA BA ZHIG LA ZER BA YIN GSUNGS, YONGS RDZOGS RNAL 'BYOR PA'I ZHAL NAS, DGE BSHES STON PAS THUGS LA 'DGOS PAR SNANG BAS, KHYED RANG GSANG SNGAGS KYI CHOS ZHUS NA 'OD GSUNG BAS, SKU MCHED GZHAN GNYIS KYI DRO'I DU BA RED BYUNG DUS SPYAN SNGAS DRO THON PAR BYAS, DER DGE BSHES STON PA DRO'I DUS BZHES SKYO SUN RE GSOL BAS, DE DUS SU GDAMS NGAG ZHUS PAS THEG PA CHEN PO GSANG SNGAGS KYI GDAMS BA MA LUS PA GNANG BA YIN, SPYAN SNGA'I ZHAL NAS ,YONGS RDZOGS RNAL 'BYOR PA 'DI NGAL BKA' DRIN CHE GSUNG, YANG DGE BSHES STON PA'I ZHAL NAS ,JO BO PA NYON MONGS PA BRGYAD KHRI BZHI STONG GI GNYEN POR CHOS KYI SGO MO BRGYAD KHRI BZHI STONG GSUNGS PA DE, 'DOD CHAGS KYI GNYEN POR GSUNGS PA RNAMS KYIS ZHE SDANG 'JOMS MI NUS, ZHE SDANG GI GNYEN POR GSUNGS PA RNAMS KYIS 'DOD CHAGS 'JOMS MI NUS PAS NYON MONGS SO SO'I GNYEN PO SO SOR BSTEN DGOS PA YIN NYON MONGS THAMS CAD KYI GNYEN PO BYED NUS PA'I CHOS NI RTEN CING 'BREL PAR 'BYUNG BA ZAB MO STONG PA NYID SGOM PA 'DI YIN GSUNGS NAS 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG DBU MA'I GDAMS NGAG RNAMS LEGS PAR GNANG ,DE LTAR DANG POR

, ,DGE BSHES STON PA DANG MJAL PA NAS NAM GSHEGS KYI BAR 'BRAL MED DU LO BRGYAD BSTEN ,DE NAS DGE BSHES STON PA SKU GSHEGS PAS THUGS NGAL CHEN PO BYUNG BA NA, NUB GCIG RMI LAM NA NYI MA ZHIG LUS LA SHAR BA RMIS, DE DGE BSHES STON PA'I YON TAN MA LUS PA RANG GIS THOB PA YIN AANG SNYAM PA BYUNG, DE NAS THUGS DGONGS LA RNAL 'BYOR PA GONG 'OG 'DI RNAMS LA JO BO'I YON TAN MA LUS PA MNGA' BA YIN SNYAM NAS BSTEN TE RNAL 'BYOR PA CHEN PO DE BDEN PA GNYIS DANG LAS KHA TSAR LA DGE BSHES STON PA BAS KYANG CI ZHIB TZAM DU BYUNG, DGON PA BDE SGOM SKYON SEL BA DANG CHOS ZAB MO THAMS CAD LA DGE BSHES STON PA BAS KYANG CI ZHIB TZAM DU BYUNG; RNAL 'BYOR PA SHES RAB RDO RJE DE GRUB MTHA' LA DGE BSHES STON PA BAS KYANG CI ZHIB TZAM DU BYUNG, DE NAS SPYAN SNGA BAS RVA SGRENG DU JO BO'I SLOB MA RNAL 'BYOR PA CHEN PO DANG, DGE BSHES DGON PA BA SOGS BSTEN CING TSE 'DI'I BYA BA THAMS CAD BLOS BTANG STE BYANG CHUB LAM GYI RIM PA SGOM BA LA DKA' SPYAD DRAG PO'I SGO NAS BRTZON PA LHUR MDZAD, DE DUS SPYAN SNGA BA 'TSO CHAS SHIN TU BKREN PAS NA BZA' RNAMS HRAL HRUL DU GYUR TE MTHANG GOS LA KO BA'I LHAN PA BYAS PAS SPYAN SNGA KO SHAM PA ZHES GRAGS PA BYUNG , NGES 'BYUNG SHUGS DRAG POS RGYUD BSKUL NAS MTSAN MO MNAL YE MED PAR LAM RIM SGOM PA LA KHOR YUG TU 'BAD PAS RNAL 'BYOR PA CHEN POS BAG RE

CHOGS DE TZAM BRTZON PA CHES NA KHAMS LOG NYEN YOD GSUNG BA LA, SPYAN SNGAS DE LTA LAGS TE, DAL 'BYOR 'DI RNYED PAR DKA' BAS ZHES GSUNGS SPYAN SNGA BA THUGS DAM LA 'JUG RES KYIS, GANG TSE RANG DBANG 'JUG CING MTHUN GNAS BA, , GAL TE 'DI BDAG 'DZIN PAR MI BYED NA, ,G-YANG SAR LHUNG BAS GZHAN DBANG 'JUG 'GYUR BA, ,DE LAS PHYIS NAS GANG GIS SLONG BAR 'GYUR, ,ZHES 'JUG PA NAS GSUNGS PA DE LAN RE BTON TE DAL 'BYOR RNYED DKAS RGYUD BSKUL TE 'JUG, YANG SPYAN SNGAS BYA YUL PA LA DAL PA 'BYOR PA MI'I LUS THOB PA DRAN NAM ZHES YANG YANG GSUNG BAR MDZAD DE, DAL 'BYOR DON CHE RNYED DKA' DANG NAM 'CHI CHA MED DRAN BAS RGYUD BSKUL TE SKAD CIG KYANG YONGS LONG MED PAR LAM RIM SGOM PA LA BRTZON BA CHU BO'I RGYUN BZHIN MDZAD DO, ,DE LTAR SGRUB BA DAR DRAG LA RGYUN RING BA MDZAD PAS LAM GYI RIM PA LA MYONG BA PHUL PHYIN THON ZHING, ME LONG G-YA' DAG PA LA GZUGS BRNYAN 'CHAR BA JI BZHIN DU SANGS RGYAS DANG BYANG SEMS MANG POS ZHAL BSTAN NAS DNGOS SU BYIN GYIS BRLABS, NANGS CIG BCOM LDAN 'DAS GAR GYI DBANG PHYUG PHYAG TU BUM PA BSNAMS PA CIG BYON NAS SKU KHRUS GSOL BAS SKU LUS KYI MI GTZANG BA THAMS CAD SANGS KYIS DAG PA'I SNANG BA BYUNG, LAN CIG KHONG RANG JO BO MI G-YO BA ZHVA THAB CHUNG CHUNG GSOL BA GCIG TU GZIGS SO, ,SPYAN SNGA BA 'DI NI RIG GNAS MTHA' DAG LA MKHAS PA ZHIG STE, RGYA YIG RANG YANG RIGS MI 'DRA BA BDUN TZAM MKHYEN, NGAS LO TZ'A BYAS KYANG

, ,'BRING PO ZHIG 'ONG NGAM SNYAM PA YIN, NGAS THEG PA CHEN PO GSANG SNGAGS LA PHAN YON CHE ZER BA RNAMS LA BSNYEN BA TSAD DU MA BSKYAL BA MED, LAS TSOGS RNAMS LA'ANG NYAMS SU MA BLANGS PA MED, S'ATZTSA GCIG PU'ANG RI DE'U TZAM BTAB PA YIN, SPANG SPOS GCIG PU'ANG KHANG PA GNAG BA TZAM GTAMS PA YIN GSUNGS, DE NAS SHING MO PHAG GI LO DGUNG LO DRUG CU RE GSUM BZHES DUS LO DGON PA GDAB PAR DGONGS NAS RGYA YON BDAG LA RMI LAM BRTAG PA ZHUS PAS, RGYA'I ZHAL NAS CHOS BGRES PO ZHIG YUL DU 'GRO ZER BA BYUNG, SPYAN SNGA'I ZHAL NAS RMI LAM RNO GSUNG SKAD, DE NAS NYAN DU BYON, YON BDAG BYA RJE STOD PAS MAR GYI ME TOG MANG PO PHUL BAS NGA'I YON BDAG DPAL GSUM PHU BA GSUNGS NAS MNYES, DE NAS LO'I GTZUG LAG KHANG KA BZHI MA BZHENGS, RTEN GTZOL DGE BSHES STON PA, RNAL 'BYOR PA CHEN PO, DGON PA BA GSUM GYI NANG RTEN DU DNGUL GYI GDUNG KHANG DANG, GSER 'BUM G-YU PHRA CAN, PHYI RTEN DU MCHOD RTEN GSUM BZHENGS, DE RNAMS KYI RTZIG 'PHRENG RE RE LA RAB TU GNAS BA LAN RE RE MDZAD CING SLOB DPON N'A GA BO DHIS KYANG DE BZHIN DU MDZAD PAS BYIN RLABS SHIN TU CHE BA LAGS, BYA YUL BAS SPYAN SNGA LA, SLOB DPON N'A GA BO DHI ZHAL GZIGS ZER BA MED DAM ZHUS PAS, AA NA MA BTZUN CHUNG 'DRA 'DRIR BCUG PA'I CHOS MI 'DRI BAR, 'DRIR MA BCUG PA'I DE 'DRA BAS CI BYA GSUNGS NAS MA GNANG ,YANG ZHUS

PAS; NGAS SLOB DPON N'A GA BO DHI'I ZHAL MTHONG CHOS THOS KHYOD RANG YANG GSOL BA THOB DANG BYIN GYIS RLOB PA YIN GYI GSUNG, SNGON RA SGRENG DU BYON PA CIG LA PHA BOD THANG NA YAR SLOB DPON N'A GA BO DHI DGE BSHES STON PA'I RNAM PAR BYAS NAS BZHUGS PA ZHAL GZIGS, DE NAS GAR BZHUD CHA MED PAR BZHUD, NGA RANG DAD GUS CHUNG BAS LAN SNYAM NAS GSOL BA SHUGS DRAG BTAB PAS DNGOS SU BYON NAS BYIN GYIS BRLABS, CHOS BZHI TSAN BZHI LA SOGS PA GDAMS PA DANG RJES SU BSTAN PA MANG DU STZAL LO, ,DE NAS DGE BSHES SPYAN SNGA BAS SMYUG RUM DU BYON TE PHA BOD DKAR LEB BYA BA'I STENG NAS BYA YUL GYI RGYAB RI GZIGS PAS, RI DE RGYAL BA'I GTZUG TOR 'DRA, ,YAN LAG BRGYAD LDAN CHU BO 'BAB, ,DE YI SHAR LHO'I PHYOGS MTSAMS NA, ,TSE DANG LDAN PA'I DGON GNAS YOD, ,RI BYA YUL YUL BA PHA GI'I THAD DU GTZUG LAG KHANG BZHENGS NAS SEMS CAN LA PHAN PA RGYA CHEN PO GYIS ZHES LUNG BSTAN, NGAR ZHABS RJES KYANG BYON, DE NAS CUNG ZAD BSNYEL BA'I DUS SHIG RNAL 'BYOR PA CHEN PO GAR GSHEGS GSUNGS, DE NI RNAL 'BYOR PA CHEN PO DANG MJAL BAR NGES, YANG LAN CIG NYI MA SHAR AANG GSUNG, LAN CIG 'KHOR LO 'KHOR AANG GSUNG, CI LAGS ZHUS PAS, 'JAM DPAL BRTAN PA'I 'KHOR LO GSUNG, DA SNGAR MA MYONG BA'I BDE BA CIG MYONG BAR SNANG GSUNG ,DE NAS DGUNG LO BDUN CU DON GCIG PA CHU MO LUG GI SMAL PO ZLA BA'I TSES NYI SHU GCIG LA ZHI BAR GSHEGS ,DE NAS LO PA'I

, ,SDE PA RNAMS KYIS SPUR BRKUS NAS GDAN 'DREN RTZIS BYAS PA LA GDAN 'DREN MA THUB PAR GTZANG KHA DER ZHUGS LA ZHEN, DE'I TSE SPYAN SNGA'I THUGS NA MKHA' LA BYON TE BYA YUL BA CHEN PO SMYUG RUM GYI GDONG DE NA GSOL BA 'DEBS KYIN BZHUGS PA'I PANG DU BYUNG BAS THUGS KYI GTOD SA NGA RANG YIN SNYAM DU DGONGS PA BYUNG GSUNGS, DE LTAR SEMS DPA' CHEN PO SPYAN SNGA BA 'DIS RGYAL BA'I BSTAN PA LA BYA BA RGYA CHER MDZAD DE DGE 'DUN GYI SDE MANG DU BTZUGS, SKU GSUNG THUGS KYI RTEN MTHA' YAS PA BZHENGS, SKAL BA DANG LDAN PA MTHA' YAS PA LA LAM GYI RIM PA'I KHRID GNANG STE TSOGS PA BDUN BRGYA TZAM 'DUS PAS BSTAN PA 'DZIN PA'I SLOB MA MANG DU BYUNG ZHING THAMS CAD KYI NANG NAS 'GRAN ZLA MED PA'I THUGS SRAS NI BYA YUL PA CHEN PO, STOD LUNG PA CHEN PO, SMYUG RUM PA CHEN PO GSUM STE 'DI GSUM LA SPYAN SNGA'I SLOB MA 'GRAN GYI DO MED GSUM ZHES GRAGS SO, ,BYA YUL BA CHEN PO'I RNAM THAR NI 'CHAD PAR 'GYUR LA, ,STOD LUNG PA CHEN PO RIN CHEN SNYING PO NI, GSER PHUG LCANG MA CAN DU CHU PHO SPRE'U LA SKU 'KHRUNGS, DE LKOG TU KHYUNG PO JO GSOD LAS RAB TU BYUNG, DE NAS GZHON NU NAS GTZANG DU BYON NAS, BLA MA SENG GE SGRA GCAN 'DZIN BZANG PO, PAndI TA 'BUM PHRAG GSUM PA LA SOGS PA MKHAS PA MANG PO LA MDO SNGAGS KYI GSAN SBYONG RGYA CHER MDZAD, RTZOD PA YANG BZANG, DE NAS STOD LUNG THAG MAR DBUS GTZANG GI STON CHEN THAMS CAD 'TSOGS NAS CHOS KYI

BGRO GLENG 'BA' ZHIG MDZAD PAS KHONG GIS KYANG GRVA SKOR LA BYON, RTZOD PA MDZAD PAS, GLOG SKYA GTZO RGAN BYA BAS NYAN NAS, KHO NA RE POD DBUS GTZANG GI STON CHEN 'DI TZAM ZHIG NYIN RE BZHIN 'TSOGS NAS MAR 'KHOR BA SPONG LUGS ,YAR THAR PA SGRUB LUGS KYI CHOS TSIG BZHI PA GCIG MED PAR KLAD PA GAS GAS BA LANG DKAR ZAL LA 'CHI BA 'DI BYUR RE CHE ZER BA STOD LUNG RIN CHEN SNYING POS GSAN PAS, KHONG KYANG DE TZAM ZHIG GO 'DUG NAS, NGA RGYA GAR DU CHOS 'TSOL BA LA 'GRO DGONGS NAS BYON PA DANG, MKHA' RU BA'I GRVA PA DGE SLONG SNAM SBYAR PHRAG PAR BZHAG PA TSUL KHRIMS KYI DRI BRO BA ZHIG DANG MJAL, TE , TSE 'DI YUN THUNG SHES BYA'I RNAM PA MANG, ,TSE YI TSAD KYANG JI TZAM MI SHES PAS, ,NGANG PAS CHU LAS 'O MA LEN PA LTAR, ,RANG GI 'DOD PA DANG DU BLANG BAR BYA, ,ZHES GSUNG BAS, DE SUS MDZAD BYAS PAS JO BO'I GSUNG YIN ZER ,GANG NAS BYON BYAS PAS, MKHA' RU DGON PA NAS 'ONG ZER, DE NAS MKHA' RU BA'I DRUNG DU BYON TE SKYABS 'GRO'I CHOS SKOR GSUNG PA GSAN, MKHA' RU BAS LUNG BSTAN NAS RA SGRENG DU RNAL 'BYOR PA CHEN PO'I SPYAN SNGAR BYON, LTA BA'I DRI BA MANG PO MDZAD PAS, SNGON DU THABS GOMS PAS RGYUD SMIN DGOS PA YIN GSUNGS NAS, THOG MAR SKYABS 'GRO DANG, BYAMS SNYING RJE NAS RIM GYIS KHRID DE CHOS MANG DU GSAN, LO BCU GCIG LON DUS JO BO BOD DU PHEBS PA LA SHAM THABS KHRAL KYANG 'JAL BAR SNANG , STOD LUNG PA CHEN POS RA SGRENG DU RNAL

, ,'BYOR PA CHEN PO'I SPYAN SNGAR BYON PA'I DUS, RTEN DGE SLONG YIN PA DANG MI CHE BA'I DON GYIS BRANG KHANG DE RNYED PA DKA' TZAM ZHIG BYUNG BA LA, RNAL 'BYOR PA CHEN POS SGROL SGOM GZHON NU SMON LAM BYA BA LA GNAS KHANG LEGS PO ZHIG YOD DE, KHO KHYED LA NYAM NGA ZER BA GDA' GSUNGS PAS, STOD LUNG PAS SGROL SGOM GZHON NU SMON LAM GYI SGO GANG YIN DRIS TE NANG DU TZANGS KYIS BYON NAS, SGROL SGOM KHYOD NGA LA NYAM NGA ZER BA NYAM NGA MI DGOS ,CHU YANG NGA RANG GIS LEN, YOS KYANG NGA RANG GIS 'THAG , PHYE SKYO YANG NGA RANG GIS BSKOL, NGA'I MAL DE 'DI KHO NAR 'OS PA SNANG GSUNG NAS SA GCIG TU GZIM MAL MDZAD , DER SGROL SGOM DAD PA BCOS MIN SKYES NAS SLOB MAR GYUR, LAN CIG RNAL 'BYOR PA'I SKU MDUN DU BYON ZER BA BYUNG BAS, DER BYON TZA NA STAN THON PO ZHIG BSHAMS 'DUG PA LA, RNAL 'BYOR PAS JO BO STON PA STAN LA GSHEGS GSUNGS PAS , BDAG 'DIL MI MCHI ZHUS PAS , RNAL 'BYOR PA'I ZHAL NAS , JO BO STON PA DA DUNG MTSAN NYID PA'I SKYA DRI MA SANGS PAR 'DUG GSUNG BAS ,KHONG GI THUGS LA NGAS 'DIR THIM GYIS SONG NA RUNG BA LA DGONGS PA BYUNG GSUNG ,RNAL 'BYOR PA LO BRGYAD DANG, DGON PA BA LO LNGA BSTEN PAR GDA', DE DUS SPYAN SNGA SKU MTSAMS LA BZHUGS PAS SPYAN SNGA LA DAD PA 'KHRUNGS TE RNAL 'BYOR PAS NGO CHEN MDZAD NAS CHOS THUN BZHI TSAN GCIG THOG MAR GSAN,

RNAL 'BYOR PA SKU GSHEGS NAS SPYAN SNGA LA BRTEN, GSER SRANG BRGYAD BRGYA 'BUL BA'I DAM BCA' MDZAD PA LA, PHYED DANG DRUG BRGYA PHYAG TU THOBS DUS SPYAN SNGA SKU GSHEGS PAS , PHYED DANG SUM BRGYAS DGONGS PA RDZOGS PA'I DON DU STOD LUNG BTZAN GRO DGON PA GTZUG LAG KHANG DANG BCAS PA DGUNG LO BDUN CU RTZA GNYIS PA CHU MO LUG LA BZHENGS , SKU GSUNG THUGS KYI RTEN SNGA PHYIR DPAG TU MED PA BZHENGS PA'I GRAGS CHE BA, RAB GNAS KYI DUS SPYAN SNGA LA CHOS GSUNGS PA'I 'JAM DPAL DPA' BO'I SKU LA SOGS PA RGYUD SBYANGS MA BDUN DANG , RNAL 'BYOR PAS RAB GNAS MDZAD PA PO TO'I GSUNG 'BYON ,MKHA' RU'I LJANG SKYES , BTZAN GRO'I CHU KHOL ZHES RTEN RTAGS THON GSUM DU GRAGS PA'I CHU KHOL THUB PA SOGS MANG DU BZHENGS , KHONG GI ZHAL NAS , STOD LUNG PA'I BAN DE LA CHOS STON DRANGS PA BAS, LO PA'I KHYIL ZAN BYIN PA BSOD NAMS CHE ZHES GSUNGS TE , PHYOGS BCU'I SANGS RGYAS THAMS CAD MCHOD PA BAS BLA MA'I BA SPU'I BU GA GCIG MCHOD PA PHAN YON CHE BA GSANG BA 'DUS PA'I RGYUD SOGS RGYUD DANG GRUB CHEN GYI GZHUNG MANG PO LAS 'BYUNG BA DANG, BYANG CHUB LAM GYI RIM PA'I RTZA BA BSHES GNYEN BSTEN TSUL LA THUG PAS 'DI'I THAD NAS RTEN 'BREL GYI SGO MA 'PHYUGS PA ZHIG DGOS ZHES 'DOMS PA'O, ,DE LTAR STOD LUNG PA CHEN POS SPYAN SNGA LO BDUN BSTEN NAS MNYES PA GSUM

, ,GYIS MNYES PAR MDZAD, SPYAN DANG MNGON PAR SHES PA MNGA', YI DAM MANG PO'I ZHAL GZIGS, BDEN GNYIS KYI RTOGS PA THUGS LA 'KHRUNGS, 'GRO BA'I DON RGYA CHEN PO MDZAD DE DGUNG LO BRGYAD CU RTZA LNGA PA ME PHO SPRE'U'I LO MNGON PAR BYANG CHUB PA'I ZLA BA'I TSES BRGYAD LA LAM DGON DU SKU GSHEGS SO, ,SPYAN SNGA'I SLOB MA SMYUG RUM PA CHEN PO NI, SPYAN SNGA'I ZHABS LA BSNYEN NAS GDAMS PA MANG DU GSAN, KLUNGS SHOD MDAR SMYUG RUM GYI DGON PA BTAB, PHYIS SPYAN SNGA PHEBS NAS GNAS DE RDO RJE GDAN DU BYIN GYIS RLOB PAR MDZAD, RJE SGAM PO BAS KYANG BLA MA 'DI'I ZHABS LA BTUGS TE BKA' GDAMS LAM RIM GSAN NAS SKAL BA DANG LDAN PA MTHA' YAS PA LA 'DOMS PAR MDZAD DO, ,DGE BSHES SMYUG RUM PA 'DI NI DUS SKABS KUN TU RANG GI RGYUD LA BRTAGS NAS RANG RGYUD 'DUL BA GTZO BOR MDZAD DE YI DAM LHA'I BSNYEN PA BYED PA'I TSE YANG RANG GI NYON MONGS 'DUL BA'I THABS KHO NAR MDZAD DE SMYUG RUM PA'I ZHAL NAS, NYON MONGS PA NYUG GIS BYUNG TZA NA LE LO MI BYA BAR MOD LA GNYEN POS BZLOG ,MA NUS NA LANG LA MAndAL DANG MCHOD PA BSHAM BLA MA DANG YI DAM LA PHUL LA GSOL BA GDAB, DE LA DMIGS NAS KHRO BO'I BZLAS PA BYAS PAS NYAL GYIS 'GRO GSUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BKA' GDAMS SKU MCHED GSUM GYI NANG NAS SKU NA GZHON PA 'BROM CHOS KYI RGYAL PO'I

GSANG BA'I MDZOD 'DZIN PA SPYAN SNGA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR DAL 'BYOR RNYED PAR DKA' BA DANG, TSE LA LONG MED PA'I TSUL YANG YANG BSAMS LA SGRUB PA LA NANG NAS BSKUL TE BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,BSHES GNYEN TSUL BZHIN BSTEN MDZAD GZHON NU 'OD, ,CES BSNGAGS PA, DGE BA'I BSHES GNYEN BYA YUL PA CHEN PO NI, STOD LUNG GOL GO LUNG DU YAB G-YUNG DRUNG 'BAR DANG, YUM STOD LUNG PA'I LCAM MO GYI LJANG BZA' LCAM BU GNYIS KYI SRAS SU SHING MO YOS LA 'KHRUNGS, MTSAN 'BUM RTAG CES BTAGS, SNGON YUN RING PO NAS LAM LA SBYANGS PA'I BAG CHAGS SAD PAS BYIS PA'I SPYOD TSUL RGYANG BSRINGS TE DAM PA'I CHOS 'TSOL BA LHUR MDZAD PA ZHIG YOD PA LAS, DGUNG LO BDUN PA LA STOD LUNG PA CHEN PO DANG MJAL, DGE BA'I BSHES GNYEN BSTEN TSUL KHYAD PAR DU 'PHAGS PA ZHIG YOD PAS STOD LUNG PA CHEN PO SHIN TU MNYES NAS CHOS CI RIGS GNANG, DE NAS DGUNG LO BCU GNYIS PA LA TSA THOG DGON PAR RNAL 'BYOR PA'I SLOB MA SGOM PA BYANG GRAGS KYIS MKHAN PO DANG, SPYAN SNGA'I SLOB MA YE SHES RGYAL MTSAN GYIS SLOB DPON MDZAD NAS RAB TU BYUNG, MTSAN GZHON NU 'OD DU BTAGS, BCU GSUM PA LA GOL GO LUNG GI GNYER LO GCIG MDZAD, BCU BZHI PA LA YUM 'DA' LA KHANG PA'I SAR BYON NAS SKYABS 'GRO DANG SEMS BSKYED 'BOGS

, ,BAR MDZAD, YUM GRONGS PA GZIGS PAS RKYEN BYAS SRID PA MTHA' DAG LA ZHEN PA LOG STE THUGS LA SKYO SHAS CHEN PO SKYES NAS STOD LUNG PA MAR GRO ZAR NA BZHUGS PA'I SAR DGUNG LO BCU DRUG LA BYON, BSLAB BTUS SPYOD 'JUG LA SOGS PA'I LAM GYI RIM PA'I MAN NGAG GI GZHUNG RNAMS LEGS PAR GSAN NAS THUGS LA NGES PAR MDZAD, DGE BA'I BSHES GNYEN STOD LUNG PA CHEN PO BSAM SBYOR GNYIS KYIS TSUL BZHIN DU BSTEN TE ZHABS TOG LO LNGA TZAM ZHIG MDZAD, LAN CIG SPYAN SNGA PHYOR PA NA BZHUGS PA'I SAR, STOD LUNG PA DPON SLOB GNYIS KYIS MJAL DU BYON PAS, SPYAN SNGA'I MNGON PAR SHES PAS GZIGS NAS, JO BO STON PA RE SKYID NA 'KHOR 'DI LTA BU YOD PA ZHES YANG YANG GSUNG BAS, DGE BA'I BSHES GNYEN BZHED NA 'BUL ZHUS PAS, JO BO STON PAS CANG 'BUL PHOD DAM GSUNG BAS, MNYES PAR BYUNG SNYAM NAS, DAR YUG GCIG BTAGS NAS PHUL BAS LO GCIG SONG BA NA JO BO STON PA RANG LA DGOS GSUNGS NAS, NA BZA' PHRUG CIG BSKON NAS STOD LUNG PA'I SAR BTANG, DE TZA NA STONG LUNG BA'I ZHAL NAS, NGA'I DGE BA'I BSHES GNYEN MA MNYES PAR BYAS AANG GSUNG, MA MNYES PAR MA BGYIS, STON PA RANG LA DGOS RGYUG GSUNG BAS 'ONGS PA LAGS ZHUS PAS, 'DI CI ZER BA YIN, NGAS KHYOD PHUL ZIN PA YIN PAS DO NUB LAS MA SDOD PAR RGYUG CIG GSUNG, SNGAR BKYON PAS 'TSER BA LA DA RES LAS

DGA' BA CIG MA BYUNG GSUNG, DE NAS SPYAN SNGA'I SKU MDUN DU BYON PAS SPYAN SNGA'I ZHAL NAS, 'U CAG PHA BU GNYIS DA GDOD SKYID GCIG BYA'O GSUNG, LO DGU'I BAR DU ZHABS TOG TSUL BZHIN DU MDZAD PAS, SPYAN SNGA MNYES PA'I GSUNG MANG PO'ANG BYON, MTSAN MO MAndAL BYAS NAS GSOL BA BTAB PAS, SPYAN SNGA'I PHYAG NA RING BSREL MANG DU YOD PA 'PHEL, SPYAN SNGA'I LZHAL NA, KHYOD KHO NA TSE RABS SU SKYID CIG GSUNG, PO TO BA'I ZHAL NAS, KHYED RNAM PA LAS DGA' BA CIG SMAD MA GIN LI ME'I BU LA NYE GNAS SHIG YOD KYI, KHYOD DER SONG LA LTOS DANG MA THA'ANG KHONG 'DZUM PA CIG BYAS NAS GTONG GI GSUNGS, SPYAN SNGA'I GSUNG NAS, KHYOD KYI SHES RAB 'DIS LHA SA SNYE THANG PHYAGS SHING THOGS PA CIG BYAS NA 'ONG GSUNG, YANG KHYOD NI THAR ZIN GYI NGA MA 'JOG CIG GSUNG, SPYAN SNGA SHIN TU MNYES PAS, KHONG BTZUN CHUNG BYUNG TZA NA, NGED RGAN PO KUN KHYI DANG 'DRA ZER NAS PHRAG DOG BYED PA YANG BYUNG, LAN CIG STOD LUNG PAS SPYAN SNGA MJAL DU BYON TZA NA, BTZUN CHUNG 'DI CI 'DRA ZHUS PAS, KHO SGOR SONG NAS BSHAD GSUNGS NAS BYA YUL BA SGOR BZHUD PA DANG BTZUN CHUNG 'DI'I DBANG DU BYAS NA, DAD PA NGA BAS CHE, SHES RAB NGA BAS CHE, BRTZON 'GRUS NGA BAS CHE, SNYING RJE NGA BAS CHE, NAM MKHA' LA MDUNG BSKOR GSUNG, CHOS GSUNG TSAD THAMS CAD KYI RTZAR 'JOG, LAN CIG NYAN PHU'I DGON PAR MANG RA DANG BYA YUL BA GNYIS LA DBANG STABS SHIG TU MDZAD, SPYIN SNGAS RAB GNAS KYI CHO GA RNAL MAR

, ,BSLABS PA DGE BSHES KOR CHEN PO DANG, MANG RA SGOM PA GNYIS YIN, SMYUG RUM NA BZHUGS DUS, KHYOD LA DGOS GSUNG NAS RAB TU GNAS PA'I CHO GA RGYAS PA RNAL MA CIG BYA YUL BA LA GDOD BSLABS PA YIN GSUNG, YANG SPYAN SNGA'I ZHAL NAS, BYA YUL BA LA KHYOD SGRUB PA PO ZHIG 'ONG SNYAM TZA NA, TSOGS SDUD PA CIG 'ONG BAR 'DUG GSUNG, NUB CIG GI RMI LAM NA 'BUM BA CIG LA ME LONG MANG PO BKAB BA CIG RMIS ZHUS PAS, KHYOD KHAN RE SDUG ,RTAG TU MI NGO ZHI TSE LTA DGOS BYA BA'I RTAGS YIN GSUNG BA LA, DE THUGS MAD PAR GDA', DGE BA'I BSHES GNYEN GYI ZHABS TOG BYED TZA NA, GRVA BA DE TZAM ZHIG GI NGO LTA DGOS PA BYUNG, DA LTA 'DI TZAM ZHIG GI NGO LTA DGOS BYUNG GSUNG, MI GZHAN GYI BSAM PA LA, SPYAN SNGA'I ZHABS TOG KHON LA 'KHOL BAS CHOS SHES PA CANG 'ONG NGAM SNYAM NAS DE SKAD ZER BA LA, NGA'I RNA BA'I LAM DU BYUNG BAS CHOG PA YIN GSUNG, NANGS CIG THAL BA 'BOD DU BYON PAS, SKAS GDANG GSUM PA'I KHAR PHEBS PA'I TSE, BKA' SDE SNOD KYI DON MA LUS PAR THUGS LA LAM GYIS SHAR, TING NGE 'DZIN GYI NGANG DU KHYUR GYIS 'GRO BA ZHIG BYUNG BAS BLA MA'I ZHABS TOG LA YID CHES TE, SKYID SMAD PA'I DGE PA SHES 'DI RNAMS BLA MA'I ZHABS TOG LA MI 'BAD PAR THOS PA KHO NA LA 'BAD PA 'DI NOR BA YIN GSUNG, LAN CIG SPYAN SNGA'I ZHAL NAS, KHYOD KYIS TSA BA DER CI BTAB BAM, MDANG DA NANG SHED AEN RE SKYES GSUNG, ZLA BA

GCIG LA NA BZA' DROD MA RANG YANG BCU GSUM PHUL GSUNG, NGAS RIN PO CHE DE RDZAS YO BYAD DAD PA SHES RAB KYIS MNYES PA MA LAGS TE, LUS LA ZHO SHA YOD PAS SHA KHRAG LBU BAR SONG SONG DU 'BUNGS PA YIN, DA LTA MKHAS BTZUN STON SGOM THAMS CAD 'DUN PA 'DI YANG DGE BSHES DE MNYES PAR BYAS PA LAS BYUNG BA YIN GSUNG, LAN CIG YUL DU BYON NAS THUGS RTZOL MDZAD BAS GSER SRANG BCU GNYIS RNYED, STOD LUNG PAS BRGYAD GNANG BYUNG BAS GSER SRANG NYI SHU'I 'BUL BA MDZAD, SPYAN SNGA 'DA' KHAR MA 'ONGS PA NA THUGS LA GDAGS PAR ZHU ZHUS PAS, SPYAN SNGA'I ZHAL NAS, JI SRID CHOS KYI SKU ZHIG TU MA GYUR GYI BAR DU 'U CAG GNYIS PHA SPAD BYED PA YIN MOD GSUNG STE NGA DE LA RE BA YIN GSUNG, SPYAN SNGA GSHEGS RTING PHU CHUNG BA DANG, PO TO BA'I SAR GSER SRANG RE'I 'PHUL BA BSKYAL, BO TO BA'I ZHAL NAS, NGA'I 'DIR SDOD KHANG PA YANG RTZIG ,BRGYAGS KYANG NGAS SBYAR TE SGOM DU GZHUG GI GSUNG BA LA, STOD LUNG PAS BKYON GYI DOGS NAS MA BZHUGS GSUNG, PHU CHUNG DU BYON DUS JO BO MI G-YO PA'I ZHAL GZIGS, SPYAN SNGA'I THUGS DAM YIN PAS MYA NGAN SEL BA LA BYON BA'I ZHAD DU GDA', LAN CIG MGON PO GRI GUG THOD PA CAN GYI ZHAL GZIGS, THUGS RJE CHEN PO'I RIGS DPAG TU MED PA'I ZHAL GZIGS, DE NAS SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS GSUNG, LAN CIG BRUL GYIS RA BA SKOR BAR BZHUGS DUS SKYOB SANGS LA BYON PAS, SLOB DPON N'A GA

, ,BO DHI DANG ZHAL MJAL ZHING CHOS GSUNGS, DE NAS NANG DU BYON NAS MCHOD PA PHUL GSOL BA BTAB BAS, MKHA' 'GRO MA MANG PO GAR BYED CING BYUNG BA ZHAL GZIGS GSUNG, SPYAN SNGA 'DA' KHAR KHYOD 'TSENGS BYA BA LAN GSUM GSUNGS, KHYOD MI CHOS KYI YUL DU MA 'GRO ,DGE SLONG MA BYED GSUNG BA LA, PHYIS MANG RA SGOM PA'I ZHAL NAS, BYA YUL BA LA KHYOD DGE SLONG BYA DGOS GSUNG BAS, SPYAN SNGA LA GSOL BA BTAB STE RMI LAM BRTAG PAR MDZAD BAS, GDUNG RTEN GCIG LA LUGS LAN GNYIS MI DGOS BYA BA CIG BYUNG, DER MI GNANG BA YIN SNYAM YOD TZA NA DGE BSHES MANG RAS DBANG MA BYUNG BAS, YANG DGE SLONG BYED PAR GSOL BA BTAB BAS, SNAM SBYAR RGYA GAR MA CIG GNANG BA RMIS NAS, DGE SLONG BYED PAR GNANG BA BYUNG SNYAM NAS MKHAN PO 'CHAD 'U PAS MDZAD, MANG RAS LAS SLOB, RGYA SHES RAB 'BAR GYIS GSANG STE BA MDZAD NAS BSNYEN PAR RDZOGS, DE NAS GLANG RI THANG PA LA MDO RTZA TSAR GCIG GSAN, RGYA SHES RAB 'BAR LA TSAR GNYIS, STONG LUNG GI SLOB DPON SHES RAB BLA MA LA TSAR GCIG STE TSAR BZHI NYAN GSUNG, GZHAN GYIS CHOS GSAN DUS NA ZIN BRIS MDZAD DAM MA MDZAD ZHUS BAS, ZIN BRIS 'DRA BAS GAR YANG MI PHYIN, CHOS THAMS CAD DUS GCIG LA LAM GYIS SHES DGOS PA YIN GSUNG, SPYAN SNGA'I ZHABS TOG LO DGU MDZAD DE, RTAG TU DUS CHOS 'PHAGS BSTEN PA DANG, 'BROM RIN PO CHES JO BO BSTEN PA DANG MTSUNGS PAR LAM

GYI RTZA BA BSHES GNYEN BSTEN TSUL LA RGYAL BA SRAS BCAS KUN GYIS BSNGAGS 'OS SU GYUR PA ZHIG MDZAD, DGUNG LO NYI SHU RTZA DGU'I THOG TU SPYAN SNGA BA SKU GSHEGS, DE RJES LO BZHI SKU MTSAMS LA BZHUGS, TSOGS BSDUS PA'I SNGA SHOS GNYER DU BYAN DAR MA RATNAS SPYAN DRANGS TE CHOS GSUNGS, DE NAS DGON PA 'DEBS PAR DGONGS PA LA, BYA YUL GYI SHUL DE NA SNGAGS BTZUN BZA' MI GNYIS YOD PAS, DE GNYIS KYIS GNAS DE ZHA PA LA PHUL, ZHA PAS GLANG RI THANG PA LA PHUL, KHONG GIS BRTAG PA MDZAD PAS SA DE GNYAN PAR 'DUG GSUNG NAS MA BZHES, SLAR ZHA BAS BYA YUL BA LA PHUL BAS THUGS DGYES TE, SA BDAG PHAL CHE BA GNAS GZHAN DU SPO BA'I CHO GA MDZAD, KLU GNYAN CHE BA GCIG GI STENG DU GZIM MAL BCAS NAS BTUL, DE NAS SA DE PHA BONG THAG THUG TU YOD PA LA LA BCAG ,LA LA SBED PA LA SOGS BA'I RTZOL BA CHEN PO MDZAD DE, DBU RTZE KA BA BCU GNYIS, KHYAMS KA BA BZHI BCU RTZA GNYIS YOD PA RNAMS SHING PHO RTA'I LO LA RMANG BTINGS NAS, LO BCU GSUM PA ME RTA'I NANG TSUN DU DGON PA GTOR TSUGS YAN RDZOGS PAR GRUB, SHA RA BA DANG YANG THUGS GCUGS PAS KHONG GI GRVA PA RNAMS KYANG GTZUG LAG KHANG BRTZIG PA'I LAS MI LA BTANG, NYE GNAS SHER SENG BYA BAS SHING RNAMS NYANG PO NAGS SHOD NAS DRANGS, DBU RTZE TSAR NAS SHER SENG NA RE, CHEN PO ZHIG NI TSAR, DA KHENGS PAR MDZOD CIG ZER BA LA DGE BSHES KYI ZHAL NAS SHONG BAR GYIS SHIG GSUNGS, KHYAMS STOD TSAR KHYAMS SMAD MTSAR

, ,BA LA GNAS BRTAN SE CHUNG BYA BAS SHER SENG LA DUG BTANG BAS, 'CHI KHAR DGE BSHES KYIS KHYOD 'JIGS MI DGOS, NGA DANG LHAN DU 'ONG GI GSUNGS NAS BUM CHOG MDZAD PAS NGAN SONG NAS THON GSUNG, GTZUG LAG KHANG LEGS PAR TSAR NAS DBU RTZER 'BUM CHA BDUN CU TZAM GYIS THOG DRANGS PA'I RTEN DANG BCAS PA SA RGYAN GNAM RGYAN MI SHONG BA TZAM BYUNG, SPYAN SNGA'I THUGS BZHUGS PA'I DNGUL GYI GDUNG KHANG DAR CO GA CAN LA SOGS PA DGE BSHES NYID KYIS BZHENGS PA'ANG MANG DU YOD DO, ,LAN CIG TSOGS SU DGE BSHES KYI ZHAL NAS, GTZUG LAG KHANG BZHENG BA RGYAL BLON BYANG CHUB SEMS DPA'I LAS YIN, RAB TU BYUNG BA'I LAS MIN ZER TE, SNGON GYI DUS SU SLOB DPON SANGS RGYAS YE SHES ZHABS KYIS GTZUG LAG KHANG BZHENGS PA DANG, JO BOS BAL YUL DU THANG BI HA RA'I GTZUG LAG KHANG BZHENGS PAS CHOS TSUGS SHIN TU BZANG BAR BYUNG BA DANG, JO BO'I BKA' LUNG GIS DGE BSHES STON BAS RVA SGRENG GI GTZUG LAG KHANG BZHENGS SU GSOL BA LAGS, 'U CAG GIS KYANG BLA MA RNAMS KYI THUGS DGONGS BSKANG BA'I CHED DANG, DKON MCHOG GSUM GYI ZHABS TOG DANG, GZHAN LA PHAN GDAGS PAR BYA BA'I CHED DU BZHENGS SU GSOL BA YIN, 'U CAG GIS DE GONG LO BCU GNYIS BCU GSUM GZHAN LA 'CHI BA MI RTAG PA SHA STAG BSHAD DE, NGA RANG LA PHYI NANG GI MI RTAG PA RNAL MA CIG MDANG DA NANG RGYUD LA SKYES, LAS 'BRAS LA YID CHES

PA'I DAD PA RNAL MA CIG GDOD RGYUD LA SKYES, 'KHOR BA LA YID 'BYUNG RNAL MA CIG ,BYAMS SNYING RJE BYANG CHUB KYI SEMS RNAL MA CIG ,KUN RDZOB SGYU MA LTA BU NAS GNAS LUGS PHYIN CI MA LOG PA'I BAR LA NGES PA RNAL MA GCIG KYANG GDOD RGYUD LA SKYES, DES NA NGA RANG LA GO BA CIG YOD AANG GSUNG, DGE BSHES MTHA' BZHI SGOM BRTZON GYIS, BYANG CHUB SEMS DBA' ZHI BA SKYONG BYA BA DE BYA YUL BA LA ZER PA YIN GSUNGS PA DANG, BYA YUL BA PHU CHUNG NA BZHUGS DUS MANG RA SGOM PA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG, LAN CIG BYA YUL DU LHA RJE SNYING SGOM GYIS DGE BA'I BSHES GNYEN LAGS, KHYED KYI THUGS LA BDEN PA GNYIS CI TZUG SKYES GSUNG BAR ZHU ZHUS PAS, DGE BSHES KYI ZHAL NAS KUN RDZOB BYANG CHUB KYI SEMS DANG DON DAM BYANG CHUB KYI SEMS RGYUD LA SKYES GSUNGS, DE LA SNYING SGOM GYIS RANG GI SEMS NYID GZHIGS NAS STONG PAR GTONG BA LAGS SAM, PHYI ROL GYI YUL GZHIGS NAS STONG PAR GTONG BA LAGS ZHUS PAS, DGE BSHES KYI ZHAL NAS, MDA' DUM KHONG DU BZHAG NAS RMA KHA TSIL BUS BSKUS PA'I CHOS KYIS GAR YANG MI PHYIN, RKUN MA NAGS LA SONG BA LA RJES GRAM PA LA DPYOD PA'I CHOS KYIS GAR YANG MI PHYIN PAS, RANG GI SEMS NYID STONG PAR GTONG BA YIN, DES PHYI ROL GYI SGROG RANG GROL LA 'GRO, THAMS CAD STONG PA NYID YIN GSUNG, 'DI JI TZAM NA THUGS LA 'KHRUNGS ZHUS PAS, NGA DANG PO SPYAN

, ,SNGA'I ZHABS TOG BYED PA'I DUS NA SKYES PA YIN GSUNG, YANG RJE SGAM PO PAS BLA MA RIN PO CHE 'KHOR ZAR ZIR MANG PO DANG GTZUG LAG KHANG BZHENG BA SOGS MDZAD PA MANG PO 'DI RNAMS KYIS THUGS DAM LA MI GNOD DAM ZHUS PAS, MI GNOD GSUNGS, YANG LAN CIG SLOB MA CIG GTZANG DU 'GRO BA LA NGA LA LO KHYUD SKOR GCIG 'JIG RTEN GYI RNAM PAR RTOG PA SKYE MA MYONG BA YIN, NGA LA GSOL BA 'BAD LA THOB, BAR CHAD MI 'BYUNG ZHING BYIN RLABS 'BYUNG GSUNG, LAN CIG DGE BSHES KYI ZHAL NAS, BKA' GDAMS PA'I DGE BSHES MANG PO ZHIG GIS SNGAGS MI SHES, SHES KYANG DGE BA'I BSHES GNYEN LA LUNG MA THOB, 'U CAG GIS SNGAGS SHES PA YIN, DGE BA'I BSHES GNYEN LA LUNG LEGS PAR THOB PA YIN PAS 'CHAD 'TSAL GSUNGS NAS, GSANG SNGAGS KYI GDAMS PA'ANG MANG DU GNANG BAR MDZAD, DGE BSHES SHA RA BA SU LA'ANG MNYES PA MED PA CIG YIN TE, BYA YUL BA DE'I THUGS SUS KYANG DPOGS MI NUS PA CIG SNANG GSUNG SKAD, DGE BSHES SHA RA BA DBYE GONG DU BZHUGS PA CIG LA PHYAG LA BYON, DE NAS PHYIR 'BYON KHAR DGE BSHES SHA RA BAS SKYEL THUNG MDZAD PA LA, BYA YUL BA'I ZHAL NAS; MA 'ONGS PA NA DGA' LDAN DU MJAL BAR ZHU GSUNG BA LA, DGE BSHES SHA RA BA'I ZHAL NAS, 'U CAG GNYIS RGAN PO MIN, DA DUNG THANG GCIG MJAL GSUNGS PA LA, DE NAS MA MJAL BAR 'DAS, DE NAS BYA

YUL BA RNAMS LA KHYED RANG GI MDUN MA BYUNG NA, CHAS RKYEN GYIS 'THOGS PA MED KYI GSUNG BA DANG, SANG PHOD MYA NGAN LAS 'DA' BA'I DA LO SPYAN SNGA'I 'DAS MCHOD LA BU RAM LAG PAS THEG TSAD GTONG DGOS, SANG PHOD NAS 'GRUB NGES MED GSUNG BA LA, DGAG DBYE'I DUS SU LAS BYED DKON GNYER RNAMS KYIS DA RES 'BUNGS SHIG ,PHYIS NAS DGOS TE MI 'ONG GSUNG BA DANG, TSUL THON NAS GNAS BRTAN BRTZON 'GRUS RDO RJES RAB GNAS SHIG MDZAD NAS 'DI NGA'I RAB GNAS KYI PHYI MA YIN GSUNGS NAS MYA NGAN LAS 'DA' BA'I GSUNG BYON, GZHAN YANG BYA YUL, KLUNGS SHOD, MAL GRO GSUM DU DUS GCIG LA GRAL DBU MDZAD PA DANG, MDO SMAD DU DANG TSANG BA'I GTZUG LAG KHANG GI RAB GNAS DANG, DVAGS PO SHA BA GLING PA'I MCHOD RTEN GYI RAB GNAS ZHUS PAS, DUS TSOD TSES GRANGS 'DI LA MCHOD PA RGYA CHEN PO SHOMS, GSOL BA THOB, NGAS GZIM CHUNG 'DI'I STENG NAS RAB GNAS BYED PA YIN GSUNGS TE, KUN GYIS MTHONG SAR GTZUG LAG KHANG DANG MCHOD RTEN GYI STENG DU PHYAG NAS BABS PAS, DE NAS SPRUL PA'I SKUR GRAGS, MI MA YIN MANG PO LA CHOS GSUNGS PA DANG, BSKYED RDZOGS KYI TING NGE 'DZIN BRTAN PO DANG LDAN ZHING MNGON PAR SHES PA RGYA CHEN PO MNGA' BA'I LO RGYUS MANG DU SNANG NGO, ,DE LTAR BDAG NYID CHEN PO 'DIS 'GRO BA'I DON YUN RING DU MDZAD DE, DGUNG LO DRUG CU RTZA BZHI PA SA PHO RTA'I SMIN DRUG ZLA BA'I TSES BCO BRGYAD LA GSHEGS PA'I TSUL BSTAN,

, ,GSHEGS KHAR JO BO PA TSAN CIG GIS NGED RNAMS JI LTAR BYA ZHUS PAS, KHYED THAMS CAD BSRUNG SDOM DAG TU GYIS, NGA LA DAD PA DANG GUS PA SGOMS, NGA'I RUS BU 'DI SREGS SHIG GSUNGS, DE NAS 'U CAG GI DGE BSHES 'U CAG GI DGE BSHES GSUNGS NAS, BLA MA RDO RJE GDAN DU YUN RING AANG GSUNG, DE NAS ZHAL BSIL NAS 'JUG PA'I CHO GA GCIG MDZAD, 'CHI BA BYA BA MED MYA NGAN BYA MI DGOS GSUNGS NAS, SKYIL MO KRUNG BCAS NAS THUGS DAM MDZAD, DE NAS SGOM PA BYANG BLA LA MNYES MNYES TZAM MDZAD, SENG GE'I NYAL STABS BYA GSUNGS NAS SPYI BO NAS YAR RLANG PA CHEN PO ZHIG PHYUR GYIS BYUNG NAS, DBU ZIL PA PHROM ME BA LA MYA NGAN LAS 'DA' BA'I TSUL BSTAN, DGUNG LO DRUG CU RTZA BZHI PA SMIN DRUG ZLA BA'I TSES BCO BRGYAD LA GSHEGS PA'I PHYI DE NYIN PAR NAM MKHA' LA 'JA' TSON DPAG TU MED PA BYUNG, DE NAS SPUR DBON SHES RAB LA SOGS PA'I GNAS BRTAN RNAMS KYIS BDAG BYAS NAS GRVA PA NYIS STONG LA DBANG MA BYUNG BA LA, DGE BSHES SHA RA BAS, BYANG CHUB SEMS DPA' CHEN PO DE'I SPUR RUL DU BCUG NA DRI MI ZHIM PAR TSOR BA THAMS CAD DMYAL BAR 'GRO BAS SPUR SPYONGS GSUNG BA LA BRTEN NAS, SKU STOD RDO RGYUS KYI SPANG KHEBS KYIS DRIL NAS SKU SMAD BZHU BAR GNAS BRTAN RNAMS KYIS GNANG NAS SBYANGS PAS, DU BAS GAR KHYAB TU RING BSREL BYUNG BA DANG, DUNG G-YAS 'KHYIL, RNAM RGYAL MCHOD RTEN, SGROL MA RNAMS BYON, RGYA STON

GYIS RING BSREL NYIS BRGYA LNGA BCU RTZA BDUN, SGOM PA BRTZON 'GRUS RGYAL MTSAN GYIS BRGYA NYI SHU RTZA BDUN, MANG RA GZHON NU G-YUNG DRUNG LA DRUG CU, GAD SHAGS LA PHYED DANG NYIS BRGYA, YAR KLUNGS PA SMON STON LA NYIS BRGYA, NYANG PO GZHON SHA'I RING BSREL GCIG LA DGUR 'PHEL, RTA SHA SKYON GU LA SUM BRGYA, GOL GO LUNG GI DNGUL GYI GDUNG RTEN NA RING BSREL BRGYA RTZA BRGYAD, JO BTZUN BYAMS PA LA SUM CU, LHA BZO SGOG SKYA LA SUM CU, NGAR PA LA BCO LNGA, GDUNG SOL KHYOR GANG GI NANG DU RING BSREL BDUN CU RNAMS BYON PAS GDUL BYA RNAMS TSIM PAR BYAS SO, ,BDAG NYID CHEN PO DE LA TSOGS PA NYIS STONG LNGA BRGYA TZAM 'DUS PA'I NANG NAS BYANG CHUB LAM GYI RIM PA'I KHRID RGYA CHER SPEL BA'I RGYUD 'DZIN CHEN PO NI SGYER SGOM PA CHEN PO YIN LA, GZHAN YANG RJE SGAM PO PA SOGS BSTAN 'DZIN DAM PA MANG DU BYON NO, ,SGYER SGOM PA CHEN PO'I RNAM THAR NI 'CHAD PAR 'GYUR LA, ,RJE SGAM PO PA NI, GNYAL STOD BOD SNYIR YAB DBU GTZO RGYAL 'BAR DANG, YUM SHO ROM BZA'I SRAS SU SA MO LUG LA 'KHRUNGS, DGUNG LO NYI SHU RTZA DRUG LA DVAGS PO RONG KHAR MAR YUL BLO LDAN GYIS MKHAN PO DANG, SHA BA GLING PA LA SLOB DPON ZHUS TE CHIG RDZOGS MDZAD, MTSAN BLO GROS GRAGS SU BTAGS SHING, YONGS LA BSOD NAMS RIN CHEN ZHES GRAGS SO, ,RJE SGAM PO PAS DGE BA'I BSHES GNYEN BYA YUL BA CHEN PO, SHA BA GLING PA, RGYA YON BDAG ,DGE BSHES SGRE PA, SMYUG RUM PA CHEN PO,

, ,RGYA LCAGS RI GONG KHA BA CHEN PO RNAMS BSTEN NAS BKA' GDAMS KYI GDAMS PA MA LUS PA GSAN TE SGRUB PA BYA DGONGS NAS, YAB MES KYIS BRTZIGS PA'I GSER KHA BYA BA'I GNAS GZHIR BRANG KHANG BRTZIGS, PHA ZHING GIS MTHUN RKYEN BYAS NAS SGRUB PA YUN RING DU MDZAD PAS BYANG CHUB LAM GYI RIM PA LA MYONG BA THON TE, SRID PA MTHA' DAG LA ZHEN PA LOG PA'I NGES 'BYUNG DANG BYAMS SNYING RJE BYANG CHUB KYI SEMS BCOS MA MA YIN PA DANG; GNAS LUGS RTOGS PA'I LTA BA RNAMS RGYUD LA SKYES SHING, NYIN ZHAG MANG PO'I BAR DU TING NGE 'DZIN RE'I NANG DU GNAS NUS PA BYUNG, DE NAS RGYA LCAGS RIR ZHABS BSKOR MDZAD PA'I TSE SPRANG PO GSUM LAS RJE BTZUN MI LA'I SNYAN PA GSAN PAS, DAD PA'I RKYEN BYAS TE PHA ZHING GSER DU BTZONGS, BKA' GDAMS KYI BLA MA RNAMS LA PHYI PHYAG MDZAD, DE NAS RJE BTZUN MI LA'I SPYAN SNGAR BYON TE BLA MED KYI RGYUD SDE MTHA' DAG GI SNYING PO'I BCUD BSDUS PA N'A RO'I CHOS DRUG DANG, DE'I YAN LAG GI GDAMS PA RNAMS LEGS PAR GSAN NAS THUGS NYAMS SU BZHES PAS RTOGS PA THOB NAS GDUL BYA 'DUL BA'I DUS LA BAB PA NA DVAGS LHA SGAM PO BTAB STE 'GRO DON BSKYANGS PAS; BKA' PHYAG CHU BO GNYIS 'DRES PAR GRAGS SHING, SLOB MA'ANG MKHAS SHING GRUB PA BRNYES PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN BYA YUL BA CHEN

PO LA GSOL BA 'DEBS SHING BDAG NYID CHEN PO 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN TE SKYES BU GSUM GYI LAM GYI RIM PA NYAMS SU LEN PA LA SKYES BU'I RTZAL CI YOD KYIS 'BAD PAR BYA'O,, ` ,,THEG MCHOG LAM GYIS RGYUD SBYANGS DGYER SGOM ZHABS, ,ZHES BSNGAGS PA, DGE BA'I BSHES GNYEN DGYER SGOM PA CHEN PO NI, BRAM ZE DGYER LHA SNANG GI RIGS SU SNON GYI MDAR YAB DGYER SHES RAB SKYABS DANG, YUM G-YANG MO KLU LCAM GNYIS KYI SRAS SU LCAGS PHO RTA LA 'KHRUNGS, GZHON NU'I DUS NAS CHOS KYI BAG CHAGS SAD PAS CHOS BZHIN SPYOD PAS DUS 'DA' BA ZHIG BYUNG ZHING, DGUNG LO BCU GNYIS LON DUS YAB GRONGS PAS YUM GYIS BYIS PA CHE BA GNYIS PHRAG DU BCUG ,CHUNG BA RGYAB TU KHUR NAS GNYER NA ZHANG PO BYAN DAR MA RATNA BYA BAS GNYER GYI DPON MDZAD PAS DE LA GTAD NAS RGYAL SRAS 'DI GNYER DU DGUNG LO BCU GNYIS LA RAB TU BYUNG, MTSAN GZHON NU GRAGS PAR GSOL, RAB TU BYUNG TZAM NYID NAS 'DUL BA'I BCAS MTSAMS RNAMS LEGS PAR BSLABS TE MIG GI 'BRAS BU LTAR GCES BAR BSRUNG ZHING BKA' GDAMS KYI CHOS SPYOD 'DZIN PA SOGS LA BRTZON PA CHER MDZAD DO, ,DE NAS GLANG RI THAD PA'I PHYAGS PHYIR BYON TE, GLANG RI THANG PA'I ZHAR CHOS PA 'DUL BA 'DZIN PA CIG LA 'DUL BA GSAN, DE NAS BYA YUL BA CHEN PO GNYER DU BYON PA CIG LA TSOGS CHOS GSAN, BYA YUL BAS TSOGS CHOS KYI SNGA SHOS GNYER DU GNANG BA YIN PA 'DUG ,DE'I DUS

, ,SU DGE BSHES DGYER 'DI'I BSLAB PA'I SLOB DPON CIG GI ZHAL NAS, BYA YUL BA LA 'DI LA THUGS LA GDAGS PAR ZHU, 'DI LA RE CHE BA LAGS 'DIS SDOM PA BLANGS PA'I NUB MO S'ATZTSA LEGS PA KOR PHOR NAS PHYUNG BA RMIS GSUNG BA LA, BYA YUL BA'I ZHAL NAS, NGA'I SKYE BA SNGA MA'I SLOB DPON CIG YIN PAR 'DUG GSUNGS NAS DGE BSHES BYA YUL BA CHEN POS DBU ZHVA PHUD DE DGYER SGOM PA'I DBU LA GSOL NAS PHYAG BZHAG BYIN RLABS MDZAD, SGOM CHEN CHE NGES PA CIG CI 'ONG BYED DGOS BSOD NAMS CAN ZHIG 'ONG BAR 'DUG GI ,NGA BAS KYANG KHYOD BSOD NAMS CHE BA YIN GSUNGS, PHYIS SU SONG TZA NA BYA YUL BA CHEN PO LAS NGA TSE RING BAR BYUNG, DE'I STOBS KYIS BSAM PA THAMS CAD 'GRUB PAR BYUNG GSUNG, NYIN CIG BYA YUL BA SKYOB SANGS LA 'BYON PA'I PHYI NA PHAR BYON PAS ME TOG KHUG CHOS GTZANG SING BA GSUM RNYED, BYA YUL BA LA PHUL BAS RTEN 'BREL BZANG, KHYOD LA SDE SNOD GSUM PA CIG BYA DGOS GSUNG, DE NAS BYA YUL BA CHEN PO BSAM SBYOR GNYIS KYIS TSUL BZHIN DU BSTEN TE GTZO BOR LAM RIM GYI KHRID DANG GZHAN YANG BYA YUL BA LA MNGA' BA'I CHOS RNAMS MA LUS PAR GSAN, BYA YUL BA LA LAM RIM GYI KHRID JI LTAR GSAN PA LTAR THUGS NYAMS SU BZHES SHING CHOS GANG GSAN PA THAMS CAD TSIG GCIG KYANG CHUD MA ZOS PAR MKHYEN RAB RLABS CHEN POS LEGS PAR BZUNG NAS MNYEL BA MED PAR MDZAD DE DGE BSHES DGYER SGOM PA RANG NYID KYI ZHAL NAS, NGAS

BYA YUL BA CHEN BO'I ZHAL LAS GANG THOS PA THAMS CAD DA DUNG MA BRJED PAR GSAL BAR YOD GSUNG, DE NAS DGE BSHES RTZI SGOM BYA BAS SNE'U ZUR DU BYIN NAS, NGED CAG GI DE NA BTZUN CHUNG BLO RNO BA 'DI LTA BU ZHIG BDOG ,'DI KHA'I SPYAN SNGAR BYUNG NA THUGS LA 'DOGS BAR ZHU BYAS BAS THUGS MNYES NAS DE KHRID LA SHOG GSUNGS, DE NAS RTZI SGOM GYIS DGYER SGOM LA SPRAS KYI THOD PA BYA BA NA, DGE BSHES SNE'U ZUR PA BYA BA JO BO MI G-YO BA'I SKU LA BRTAN BA THOB PA CIG YOD PAS KHYED DER SONGS, THUGS LA 'DOGS PAR 'DUG GI GSUNG, DE NAS DGE BSHES DGYER SGOM GYIS SNE'U ZUR DU 'BYON PA'I THUGS DGONGS GTAD, SANG 'BYON PA'I DO NUB SNE'U ZUR GYI GZIM KHANG DANG, BRANG KHANG DANG 'BUM PA LA SOGS PA JI LTA BA BZHIN GZIGS, SANG NANG PAR GZHAN LA LA BYON TE BYAN GYI PHU BCAD, LA MO'I PHU DANG KA BA KLUNGS LA BYON, YUNG BAR DGONG MO PHYI BAR SLEB, SGOM CHEN PA ZHIG GIS GNAS KHANG DANG GNAS MAL SHIN TU 'DZOM PA CIG THUGS LA BTAGS, DE NAS SANG KHAMS PA LUNG PA'I GRVA PA TSAN CIG DANG 'GROGS NAS KHAMS PA LUNG LA BYON, DER ZHAG GCIG BZHUGS, NANG PAR KHAMS LUNG NAS SNE'U ZUR DU 'GRO BA TSAN CIG DANG 'GROGS NAS BYON PAS 'PHYI MO LAS MA SLEB, DER SPYAN SNGAR BYON PAS, KHYED GANG NAS BYON PA YIN GSUNG, KHO BO SNON NAS MCHIS PA LAGS ZHUS PAS, 'O NA RTZI SGOM GYIS ZER BA DE YIN

, ,NAM GSUNG, LAGS ZHUS PAS, DA NGO SHES 'DRA YOD NA DO NUB DER NYOL LA SANG KHA SNANG MIG SNANG LA SHOG GSUNG, NANGS PAR BYON PAS JO BO MI G-YO BA'I DMIGS SKOR GSUM GYI BZLAS LUNG DANG, KHA 'BAR MA'I GTOR MA GNYIS GNANG NAS DE YI GE CIG LA 'DZIN DGOS GSUNG ,JI LTA BA BZHIN ZIN BYUNG LAGS ZHUS PAS, KHYED KYIS NI KHO BO THUGS LAS CHUNG NGUR GZHOL BAS CHOG PA CIG 'ONG BAR 'DUG GO GSUNG, DA KHYOD 'DIR SNGAD CHOG GAM GSUNG BA LA, DA RES SKOR GCIG 'GRO, BRGYAGS KYI RTZOL BSGRUB BYAS NAS 'ONG BA LAGS ZHUS PAS, 'O NA CI THON GYIS SHIG GSUNGS NAS MAR TSUD GCIG, JA BZANG PO MON ZHAL GANG, SKU 'GAG GSOL 'PHRO GCIG RNAMS GNANG, DE NAS TSUR BYON NAS BRGYAGS KYI RTZOL BSGRUB BYAS TE SPYAN SNGAR BYON TZA NA, DA KHYOD NGA'I G-YOG BYED DAM CHOS SEMS GSUNG BA LA, CHOS SEMS LAGS ZHUS PAS, 'O NA CHOS SEMS PA LA KHANG PA RANG DBANG THOB PA CIG DGOS GSUNGS NAS, GSER ZHO DO SKU RKED LAS PHYUNG NAS, 'DIS KHANG CHUNG ZHIG NYOS GSUNG, DE NAS GDAMS NGAG BTAB STE GZHAN RNAMS KYIS NGA MA RNYED PAR 'DUG STE, NGAS KHYOD PHAR BTZAL BA YIN NO DGE SBYOR GYIS GSUNGS NAS GDAMS NGAG THAMS CAD TSAR BAR MDZAD DE THUGS LA SHIN TU BTAGS, SNE'U ZUR DU BZHUGS RING CHOS GSAN PA'I SKABS MA GTOGS MTSAMS LA BRTEN

NAS DGE SBYOR LA BRTZON PAR MDZAD, TSOGS CHOS THUN GCIG CHAG GZHAN YE MA CHAG BAR NAN TAN BYAS PA YIN GSUNG, NGAS SNE'U ZUR DU LO DGU BSDAD DE DBYAR DGUN BSDAD NAS STON DPYID 'GRO YIN MA BYAS GSUNG, DE DUS SNE'U ZUR PA LA TSOGS PA SHIN TU CHE NA SEMS CAN LA PHAN THOGS PA BAG RE GDA' 'AM ZHES GZHAN GYIS ZHUS PA LA, PHYA BA'I BTZUN CHUNG 'DI LA RE BA LAGS GSUNG BAR GDA', DE TZA NA BRANG DPON PHYA PA CIG YOD PAS DGE BSHES 'DI LA PHYA BA'I BTZUN CHUNG BYA BAR GRAGS, SNE'U ZUR PAS TSOGS SU YANG KHYED RNAMS KHO LA MA 'GRAN PAR DGE SBYOR BYED CHUG GSUNGS NAS ,SU DANG YANG MI MNYAM PAR MDZAD, DE NAS SGOM PA LA GTZO BOR MDZAD PAS DGYER SGOM CHEN PO ZHES GRAGS SO, ,DGE BSHES DGYER SGOM CHEN PO ZHES GRAGS PA 'DI NI, DGE BA'I BSHES GNYEN BSAM SBYOR GNYIS KYIS TSUL BZHIN BSTEN NAS BYANG CHUB LAM GYI RIM PA SGOM PA LA BRTZON PA SHUGS DRAG LA RGYUN RING BA MDZAD PAS LAM GYI RIM PA'I RTOGS PA RNAMS BCOS MA MIN PAR THOB PA ZHIG STE NGES 'BYUNG GI BSAM PA RNAM PAR DAG PA RGYUD LA SKYES PAS 'DOD PA'I YUL LA NAM YANG MI G-YENG BAR DRAN SHES BAG YONG BRTAN POS BSDAM BAR BYA BA'I NYES PA PHRA MO TZAM GYIS KYANG MA GOS PA ZHIG STE, THA NA SAm PRASTA ZHES MA BRJOD PAR BZHES PA MI MDZAD PA SOGS 'DUL BA'I BCAS MTSAMS PHRA RAGS THAMS CAD NYAMS PA MED PAR BSRUNG BAR MDZAD, BRTZON 'GRUS SHIN TU CHE BAS MI

, ,G-YO BA'I GZUNGS DUNG PHYUR MANG PO BZLA BAR MDZAD DE, NYID KYI ZHAL NAS, DGE BA'I BSHES GNYEN SPYAN SNGA BAS NGAS YI GE BCU PA 'DI RANG YANG DUNG PHYUR BCU GSUM SONG GSUNG BA LAGS PAR GDA' STE, NGAS KYANG DE TZAM ZHIG 'GRO BAR SNANG GSUNG, GZHAN YANG LUS NGAG YID GSUM THA MAL DU SDOD MA MYONG GSUNG, TSOGS CHOS LKOG CHOS GANG MDZAD KYANG THUGS GO CHA SHIN TU CHE, DANG PO TSOGS MI SDUD PA YIN, BSDUS KYI RTING LA YAN PAR BZHAG PAS MI 'ONG GSUNGS NAS BRTZON 'GRUS CHEN PO MDZAD DO, ,BYAMS SNYING RJE BYANG CHUB KYI SEMS SHUGS DRAG PAS SEMS CAN DMAN PA SU 'DRA ZHIG LA'ANG PHAN THOGS NUS PA BYUNG NA DE LA NGES PAR PHAN THOGS MDZAD; GRONG PA'I SKYE BO NYAM THAG GIS GDAN DRANGS KYANG DE LA PHAN PAR 'GYUR NA NGES PAR 'BYON PAR MDZAD PAS GZHAN DAG GIS GRONG CHOG SOGS LA MI GSHEGS PA'I ZHU BA PHUL PA NA SEMS CAN GYI DON 'GRUB BZHIN DU MI BYED NA, BYANG CHUB SEMS DPA'I BAG MED PA'I GNAS BYA BA YIN GSUNGS NAS ZHI BAR MA GSHEGS KYI BAR GRONG CHOG MDZAD, BRGYAD CU RTZA GNYIS KYI BAR DU MO RENG MA ZHIG NA YANG SNGAS KHAR BYON NAS, SKYABS 'GRO SEMS BSKYED 'BOGS BAR MDZAD, NGA CHUNG DU NAS ZHE SDANG CHER SKYE MA MYONG, GZHAN LA PHAN SEMS DE NGANG GIS BYUNG GSUNG NGO, ,DON 'DI LA DGONGS NAS RJE THAMS CAD MKHYEN PAS ,THEG MCHOG LAM GYIS RGYUD SBYANGS DGYER

SGOM ZHABS, ,ZHES BSNGAGS SO, ,THUGS RAB SHIN TU CHE BAS LAM GYI RIM PA'I GNAD RNAMS LA RIGS PA'I RNAM GRANGS MTHA' YAS PAS DPYOD PAR MDZAD DO, ,BSHES GNYEN BSTEN TSUL GYI NYAMS RTOGS BCOS MA MIN PA 'KHRUNGS TE, LAM STON PA'I DGE BA'I BSHES GNYEN LA SANGS RGYAS KYI 'DU SHES MIN PA THA MAL PA'I 'DU SHES SKYE MA MYONG GSUNG, DE LTAR BSHES GNYEN LA GUS PA BCOS MA MIN PA 'KHRUNGS PAS SANGS RGYAS THAMS CAD MCHOD PA BAS BLA MA MCHOD PA BYIN RLABS CHE BAR GSUNGS PA YANG DGE BSHES 'DI LA DNGOS SU BYUNG STE, BLA MA LA GSOL BA BTAB PA NA SANGS RGYAS THAMS CAD KYIS BYIN GYIS BRLABS TE, LHAG PA'I LHA MANG PO'I ZHAL GZIGS PA DANG, SPYAN DANG MNGON SHES SOGS GONG MA'I YON TAN MTHA' YAS PA THUGS RGYUD LA 'KHRUNGS, BLA MA GONG MA'I MAN NGAG TSIG GCIG KYANG CHUD MA ZOS PAR THUGS LA BZUNG NAS SRAS KYI THU BO SANGS RGYAS DBON LA SOGS PA SKAL LDAN MTHA' YAS PA LA GDAMS NGAG 'DOMS PAR MDZAD DO, ,DGE SBYOR LA BRTZON PA SHUGS DRAG LA RGYUN RING BA MDZAD PAS TING NGE 'DZIN MTSAN NYID TSAD BA SHING RTA CHEN PO'I GZHUNG LAS JI LTAR GSUNGS PA LTAR THUGS RGYUD LA 'KHRUNGS TE, TING NGE 'DZIN MTSAN NYID BZHI LDAN THUGS RGYUD LA 'KHRUNGS NAS, RIN PO CHE LA RTOGS PA PHUL BAS, KHYOD LA LO DRUG CU BDUN CU LON TZA NA SE BO THAL MO SBYOR BA LONG NGE BA CIG 'ONG PAR 'DUG GI, DE'I DUS SU 'BUM PA GCIG BRTZIGS

, ,SHIG MA BRTZIGS NA SAD CHEN PO HA PA YIN NO GSUNG, DGE BSHES RTAG THOG BA'I ZHAL NAS, RIN PO CHE SNE'U ZUR PA LA NUB GCIG LA RTOGS PA 'BUL BA BZHI BYUNG BA LA, TING NGE 'DZIN MTSAN NYID BZHI LDAN THUGS RGYUD LA 'KHRUNGS PA GCIG BYUNG BAS, DE KHO NA LA DAD PAR BYUNG STE, PHYIS RTZAD DPYAD TZAN DGE BSHES RIN CHEN SGANG PA DE YIN PAR SNANG GSUNG NGO, ,TING NGE 'DZIN GSAL CHA SHIN TU CHE BAS SANGS RGYAS DANG BYANG SEMS MANG PO'I ZHIL GZIGS TE YUM GYI BUS MO LA BRTEN NAS BYA RA BYED PA'I DUS SU LHA ZHIG GI ZHAL MTHONG, DE TZA NA NGOS MA ZIN PA LA PHYIS RGYUD SDE MTHONG BAS, GSHIN RJE GSHED YIN PAR SNANG GSUNG, SNE'U ZUR NA BZHUGS PA'I DUS SU JO BO MI G-YO BA'I ZHAL GZIGS, SNE'U ZUR PA GSHEGS NAS DGUNG LO NYI SHU RTZA DGU BA LA YON BDAG KUN GYIS GDAN DRANGS, DBYAR GCIG LHAB MOR BZHUGS, LAM RIM TSAR GCIG GSUNGS, DE NAS RIN CHEN SGANG DU BYON NAS GTZUG LAG KHANG RNYING MA DANG DGON PA RIN CHEN SGANG SA MO PHAG LA RMANG BTINGS, 'DIR BZHUGS PA'I DUS SU, LHO PHYOGS KYI RGYUD 'DIR BCOM LDAN 'DAS SH'AKYA THUB PA ZHAL GZIGS, LHO NUB MTSAMS SU SANGS RGYAS SMAN GYI BLA'I ZHAL GZIGS, NUB PHYOGS RGYA MTSO'I 'GRAM NA JO BO THUGS RJE CHEN PO GANGS RI LTA BU'I ZHAL GZIGS PA YIN GSUNG, YANG KHONG RANG GI SKU LUS DKYIL 'KHOR GYI LHA TSOGS SU GZIGS PA DANG,

LUS GZHAL YAS KHANG DU SONG BA'I NANG NA RIGS LNGA BZHUGS PA CIG GZIGS, YANG GZIM CHUNG MCHOD KHANG GI KA BA'I RTZA DER JO BO THUGS RJE CHEN PO DANG, JO MO SGROL MA GNYIS MNYAM DU ZHAL GZIGS, JO MO PHYAG BRGYAD MA LA DE'I DUS SU SGRUB THABS DE'ANG GSAN, PHYIS BYA YUL DU BYON NAS DGE BA'I BSHES GNYEN BYA YUL BA LA 'DI 'DRA'I SNANG BA CIG GDA' ZHUS PAS, NGO MTSAR CHE THA MAL PAR MI GDA' GSUNG, BYA YUL BA'I ZHAL NAS JO BO DGYER SGOM PA LA DGOS TE MI MCHI NA'ANG, 'O NA YANG 'AM BUS DRAN PA GSO BA TZAM ZHIG BGYI GSUNGS NAS JO MO PHYAG BRGYAD MA'I SGRUB THABS TSAR GCIG GSUNGS PAS SNGA MA JO MOS DNGOS SU GSUNGS BA DANG KHYAD MA BYUNG GSUNG, YANG DGE BSHES BYA YUL BA'I ZHAL NAS, RAB GNAS LA SOGS PA DGYER SGOM PA NYID KYIS KYANG MKHYEN NAS MCHI STE, 'TSAL NA NGAN BUS ZHABS TOG BGYI GSUNGS NAS, CHOS THAMS CAD MA ZHUS PAR GNANG, YANG DGE BSHES BYA YUL BA'I ZHAL NAS, DGON PA 'DIR BZHUGS LA NGA'I BSHOS RE GSOL, NGA LA DRIN CHE BA LAGS GSUNG, YON BDAG TSO CIG GIS DGON PA BRTZIGS ZIN 'GRO DGOS BAR BDOG ZHUS PAS, 'O NA NGAS KYANG DGYER SGOM PA'I BSRUNG BA BGYI, DGYER SGOM PAS KYANG NGA LA DE BZHIN MDZAD PAR ZHU GSUNG, NGAS DE TZA NA DE BZHIN DU BYAS NA RGYA SNUBS DGON GSUM GYI MING YANG MI 'ONG GSUNG, GZHAN YANG DAM TSIG GSUM BKOD PA'I RGYAL PO'I ZHAL GZIGS, ,RDO RJE

, ,GDAN YIN SNYAM PA CIG TU BYUNG CHUB CHEN PO GTZO 'KHOR GSUM PA DE ZHAL GZIGS, BYA YUL NA BZHUGS PA'I TSE CHOS SKYONG MA DE'I ZHAL GZIGS GSUNG, YI DAM LHA'I BZLAS BRJOD MTHAR PHYIN PAR MDZAD PAS GZHAN PHAN GYI NUS PA KHYAD PAR CAN THOB STE, RTAG PA TSOD 'DZIN BZLAS LUNG THUG PA MED PA CIG MDZAD PA LA, GZHAN LA PHAN MA THOGS PA YE MA BYUNG, SKU LUS RDO RJE 'DRA BAS TSEMS BSNYUNG BA GCIG KYANG MA BYUNG GSUNG, BYIS PA'I DUS NA NAD YAMS CHEN PO ZHIG BYUNG BAS BYIS PA MANG PO GUM, RO THAMS CAD MKHAR RGYAB TU BSKYAL GCUNG PO GNYIS KYANG NA BAS NGAS KHONG GNYIS G-YAS G-YON DU BZHAG STE GTZUG TOR BTON PAS NUB CIG GI RMI LAM NA MKHAR RGYAB TU PHYIN PAS, BYA MGO BRNYAN MI 'DRA BA MANG PO THIB THIB 'DUG, KHRON PA GCIG GI KHA NA'ANG BYA MANG PO THIB THIB 'DUG BAS, KHRON PA DER BLTAS PAS KHONG GNYIS PO DE SHI LA KHAD PA RE BYAS 'DUG PAS, NGAS LAG PA NAS BZUNG STE TZAR TZAR BTON PA RMIS, SANG NANGS PAR KHONG GNYIS PO SANGS DRAG PA CIG BYUNG GSUNG, GZHAN SEMS SHES PA'I MNGON PAR SHES PA'ANG RLABS CHEN PO MNGA' STE, THUGS SRAS SANG RGYAS DBON STON CHEN PO GZHON PA'I DUS SU PHRENG BA 'DI BYIN NA RUNG STE SNYAM TZA NA, PHRENG BA DE PHYAG TU BSNAMS NAS DGOS PA MED 'DI KUN 'DRA BA MNGON TSAN CHE BA YIN GSUNG, YANG DBON STON GYI ZHAL NAS, DGE SBYOR BYED 'DOD MA BYUNG BA'I DUS SU SPYAN SNGAR

PHYIN TZA NA, ZHAL RAS NAG THING MDZAD NAS DGOS PA MED GSUNG, NANGS CIG DGE SBYOR BYED 'DOD LHAN GYIS BYUNG BAS SPYAN SNGAR PHYIN TZA NA ,DA NANGS CI TZUG BYUNG GSUNG, 'DI TZUG GDA' ZHUS PAS DE NGAS BYIN GYIS BRLABS PA YIN, DA NGA RGAS CHOS 'DI YANG DGOS, 'DI YANG DGOS PA YIN GSUNG, DE DAG NI GZHAN GYI SEMS SHES PA'I YON TAN NO, ,RDZU 'PHRUL GYI YUL SHES PA'I YON TAN NI, JO BTZUN YE SHES BLA MAS CHOS ZHU SNYAM NAS GZIM CHUNG DU BYON PAS, SGO NANG NAS BSDAMS NAS BZHUGS, DER THEM PA LA SNYES NAS BZHUGS TZA NA, DGE BSHES CHEN BO PHYI NGOS NAS BYON BYUNG GSUNG NGO, ,DE LTAR DGUNG LO BRGYAD CU RTZA GNYIS KYI BAR DU DGON PA RIN CHEN SGANG DU BZHUGS NAS LAM GYI RIM PA 'DIS GDUL BYA MANG PO'I DON MDZAD PA YIN TE, RTZA TSIG 'DI RNAMS AA TI SHAS DGON PA BA LA KHRID PA DE KA NYID YIN, BSHAD PA DANG LUNG KUN BO TO BA CHEN PO'I GZHI CHE, RANG RE'I YIG SNAS MA CHOG BAR GZHAN LA BLTAS NAS BSHAD PA TSIG KHA YAR RE BYED DE, TSIG MANG KHA NA MED, MDA' GZHU PANG PA GANG YANG GTAD SA MDE'U RTZE GANG LAS MED PA YIN, 'U CAG THEG PA CHEN PO BA'I DBANG DU BYAS NA GTAD SA BLO SNA GZHAN DON DU 'GYUR BA LA BYA'O GSUNG, YANG BLA MA ZHAL BZHUGS PA'I DUS SU THE TSOM DANG SGRO 'DOGS THAMS CAD CHOD PAR BYAS NAS ZHAL MI BZHUGS PA'I DUS SU DOD THUB PAR BYAS TE DGE SBYOR BYED DGOS PA YIN GSUNG, GZHAN YANG BLA MA

, ,GONG MA DE SKU YAL NAS BLA MA DE'I GDAMS NGAG MI NYAMS SHING 'PHEL BA'I DGE BSHES DANG GROGS PO LA BRTEN PA GAL CHE, RANG GI BLA MA'I MDZAD SPYOD DANG MI MTHUN PA'I BLA MA GNYIS PA MI BTZAL, BTZAL NA BLA MA SNGA MA'I BYIN RLABS DUNG GI RDUL PHYIS PA BZHIN DU 'GRO GSUNG, YANG BLA MA ZHAL MI BZHUGS PA'I DUS SU DGE 'DUN CHOS DANG MTHUN PA'I GROGS LA BRTEN NAS BLA MA'I MAN NGAG GI RGYAB TU MDO SDE BLTAS NA YANG MI NYAMS PA YIN GSUNG, YANG RANG GI BLA MA 'DAS NAS DE'I GDAMS NGAG DANG RJES SU BSTAN PA NYAMS SU LEN PA'I BLA MA PHYI MA CIG LA BRTAN NA'ANG RANG MI NYAMS PA YIN BYA BA NAN TAN DANG BCAS PA GSUNG, YANG DBON STON LA GDAN 'DREN PA GNYIS BYUNG GSUNGS, DE'I NUB MO DBON STON GYI RMI LAM NA LHA'I BU'I MCHOD PA YIN ZER BA TSAN CIG DANG MI DKAR PO GTZANG SING BA GCIG BYUNG, DGE BSHES DGYER SGOM CHEN BO NA BZA' MTHANG RKYANG GCIG DANG DBU ZHVA LTEB MO DE GSOL, PHYAG 'KHAR DE BSNAMS NAS MI DKAR PO DE DANG GNYIS BYON NAS, DBON STON GYI DBU SNGAS SU PHYAG 'KHAR DE BTZUGS GDAMS NGAG KHA YAR ZHIG GSUNG, MI DKAR PO DE DANG DGYER SGOM CHEN PO GNYIS SHAR LHO MTSAMS KYI NAM MKHA' LA GSHEGS PA CIG RMIS, DE NAS TSA BA THON RJES LA ZHAL CHEMS KHA YAR ZHIG GSUNGS PA NA, DBON STON SKU NA GZHON PAS MCHI MA MA THUB, DE MIN NA DE'I TSE GSUNG KHA YAR 'ONG BA

'DUG PA LA GSUNG, GZHAN YANG RTEN BYIN RLABS CAN 'DI DANG 'DI YOD, KA BA LI DANG BE'U BUM NA CHOS 'DI DANG 'DI YOD, MI LAG 'GRIM DU MA GZHUG ,NGA LA DUS RTAG TU SNANG DMIGS KYI DNGOS PO 'DI 'OD DAM 'JA'I RNAM PAR YOD PA YIN, KHYOD LA'ANG DE LTAR BYUNG NA CHOS BSHAD DANG RAB GNAS DANG GTOR CHEN BZLAS LUNG LA SOGS PA RNAMS GYIS GSUNG, KHYOD RANG YANG CHOS DANG MTHUN PAR GYIS LA SDE DGON 'DI GNYIS CHOS DANG MTHUN PAR BYUNG NA SKYONGS, MA MTHUN NA ZHOG GSUNG BAS BYA STABS BDE BAR BYUNG, DE NAS DGUNG LO BRGYAD CU RTZA GNYIS PA LCAGS MO YOS KYI NYER DGU LA RIN CHEN SGANG DU MYA NGAN LAS 'DA' BA'I MDZAD PA BSTAN TE, SKYIL KRUNG LAM GYIS MDZAD NAS, PHYAG SA GNON MNYAM GZHAG MDZAD; DBU'I STENG NA YAR RLANG PA BUM PA'I KHA TSANGS 'DRA BA CIG BYUNG, 'U CAG SNANG BA MA DAG PAS DE LAS MA MTHONG GZHAN DU NA 'OD DU 'ONG BA YIN GSUNG ,DE NAS GDUL BYA RNAMS KYIS SKU GDUNG LA MCHOD PA DANG SMON LAM RGYA CHEN PO MDZAD DO; ;BDAG NYID CHEN PO 'DI LA SLOB MA BRGYAD BRGYA TZAM 'TSOGS PA'I NANG NAS SLOB MA CHE BA NI, THUGS KYI SRAS 'GRO MGON SANGS RGYAS DBON STON YIN LA GZHAN YANG BSTAN 'DZIN GYI SKYES BU DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGYER SGOM PA CHEN PO LA GSOL BA 'DEBS SHING, BSHES GNYEN CHEN PO 'DI'I RNAM THAR LTAR SKYES BU GSUM GYI LAM GYI RIM PA LA BLO SBYANGS NAS MYONG BA BCOS

, ,MIN THON PAR BYA ZHING, THA NA SMON LAM GYI YUL DU BYAS TE YANG BLO SBYANG BAR BYA'O,, ` ,,RMAD BYUNG YON TAN MDZOD 'DZIN SANGS RGYAS DBON, ,ZHES BSNGAGS PA, DGE BA'I BSHES GNYEN SANGS RGYAS DBON STON RIN PO CHE NI, BSKAL PA DPAG TU MED PA'I SNGA ROL NAS THEG PA CHEN PO'I LAM LA SBYANGS TE PHYIR MI LDOG PA'I GDENG THOB NAS SNYIGS MA'I 'GRO BA NYAM THAG RNAMS LA LHAG PAR BRTZE BA THUGS RJE CHEN PO'I GZHAN DBANG DU GYUR PAS NYER LEN MDZAD DE, BRAM ZE DGYER LHA SNANG GI RIGS SU YAB YON BDAG BU MO STAG DANG, YUM SHA MO MDOG GI SRAS SU SKU 'KHRUNGS, ,DE YANG YUM MNAL THUM PA CIG GI SKABS SU BLTAMS ZIN 'DUG PA MIN PA MA TSOR BAR SNANG, DE'I NUB MO YAB KYI RMI LAM NA NYI MA CHEN PO ZHIG SHAR BA'I SNANG BAS 'DZAM BU'I GLING KHYAB PA CIG BYUNG, NGA'I BU 'DI BSOD NAMS CAN ZHIG 'ONG BA 'DRA GSUNG, DE NAS KHU BO DGE BSHES DGYER SGOM PA CHEN PO'I ZHAL NAS, YON BDAG GI BYIS PA DE NGA'I DRUNG DU SKYOL, DER BZHAG TU PHANGS, BTZUN PA CIG BYED DGOS GSUNG ,BYIS PA'I DUS RTZED MO'I SAR PHA BONG LA ZHABS RJES BYON, DE NAS RIN CHEN SGANG DU RANG GI KHU BO DGE BSHES DGYER SGOM PA CHEN PO'I SPYAN SNGAR BYON PAS DGE BSHES CHEN PO'I ZHAL NAS, 'KHOR RNAMS LA KHYED KUN GYIS YON BDAG GI BYIS PA 'DI LA GUS PAR GYIS SHIG ,'DI NGO MTSAR CAN ZHIG YIN NO GSUNGS NAS THUGS LA BTAGS

PAR MDZAD, YANG ZHAL NAS, KHYOD KYI PHA DE NGA LA DRIN CHE BAS BYAMS PAR BYAS PA YIN NO GSUNG, DE NAS DGUNG LO BCU BDUN BZHES DUS DGE BSHES 'BEN THANG PAS MKHAN PO DANG, SLOB DPON LTE'U SGOM GYIS SLOB DPON MDZAD NAS RAB TU BYUNG, MTSAN GZHON NU 'BYUNG GNAS SU BTAGS, MKHAN PO'I ZHAL NAS, 'DI LA BSOD NAMS 'UR THAG CHAD PA CIG RE BA YIN, MDANG RMI LAM DU YID BZHIN GYI NOR BU YIN ZER BA CIG LA PHYI BDAR BYAS PA RMIS GSUNG ,SLOB DPON SGOM PA'I ZHAL NAS NYI ZLA GNYIS DUS GCIG LA SHAR BA RMIS GSUNG, DGE BA'I BSHES GNYEN DGYER SGOM PA CHEN PO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID GSAN TE, DGE TSUL GYI RING LA LAM RIM GYI KHRID DANG JO BO'I SGRUB YIG TSAR BAR MDZAD, LO NYI SHU BZHES PA NA DGE BSHES DGYER SGOM GYI ZHAL NAS KHYOD DGE SLONG ZHIG BYED DGOS GSUNGS NAS, DGE BSHES NYANG BRAN GYIS MKHAN PO DANG, DGE BSHES CHOS DANG, DGE BSHES KHA CHES LAS SLOB DANG GSANG STON MDZAD NAS BSNYEN PAR RDZOGS 'DUL BA'I BSLAB BYA RNAMS LA TSUL BZHIN DU BSLABS, DBYAR DGUN GSUM TZAM MKHAN PO'I DRUNG DU BZHUGS TE SPYOD PHYOGS RNAMS GSAN NAS MKHYEN PAR MDZAD, 'BEN THANG PA LA 'DUL BA'I BSLAB BYA GSAN PAR MDZAD DO, ,DE NAS DGE BSHES KA BA DAR SENG GI THAD DU 'DUL BA'I SLOB GNYER RNAMS LO GSUM LA TSAR BAR MDZAD DE 'DUL BA LA SHIN TU MKHAS

, ,BAR GYUR NAS SKAL BA DANG LDAN PA MANG PO LA KA RI KA'I STENG NAS DGE TSUL GYI BSLAB BYA DANG 'DUL BA MDO RTZA BRGYA CHER BSHAD BAR MDZAD DO, ,DE NAS DGE BA'I BSHES GNYEN DGYER SGOM PA CHEN PO SKU NA BYON PAS YAR BYON TE BRANG KHANG ZHIG BZUNG NAS THUGS DAM RTZE GCIG MDZAD CING SGRUB BAS BLA MA MNYES PAR MDZAD, LAN CIG DGE BSHES DGYER SGOM PA CHEN PO LA THUGS LA GDAGS PAR ZHU ZHUS PAS, NGAS DUS RTAG TU RTZAR BZHAG PA 'DI THUGS LA BTAGS PA YIN, DGE BSHES TSAN CIG GIS NYE DU DANG 'BREL BA PHYOGS SU NYER MI STER BAR MDZAD BA YIN GSUNG, GTZANG PA'I GRVA PA KUN GYIS DGE BSHES DGYER SGOM CHEN PO LA NGO CHEN ZHUS NAS NGA LA 'DUL BA 'CHAD DGOS GSUNG BA LA NGAN BU LA BKA' GDAMS RA RI ZHIG 'ONG BAR 'DUG NA CHOS BSHAD MI BGYI, DE MI 'ONG NA 'DUL BA BSHAD PAS RANG NYID MKHAS SU'ANG 'GRO BAS BGYI ZHUS PAS CANG MI GSUNG BAS THUGS LA BTAGS SNYAM PA BYUNG GSUNG, DE NI BKA' GDAMS GONG MA'I RNAM THAR SHA GZUG RANG ZA'I DPE LTAR THOG MAR DBEN PA'I GNAS SU RANG RGYUD BTUL NAS RANG NYID MI NYAMS PA'I GDENG THOB PA NA GDUL BYA GZHAN LA CHOS 'CHAD PA SOGS GZHAN DON MDZAD CES PA'I DON NO, ,DE NAS DGYER SGOM PA CHEN PO SKU NA MTHO BAR BYON ZHING BLA MA'I ZHABS TOG BYED PA NYID RANG GI TSIGS RDZOGS PA'I THABS MCHOG YIN PAR DGONGS NAS PHYIS GZIM

CHUNG DU BZHUGS NAS GZIM G-YOG MDZAD, CHOS ZHUS BA LAS KYANG GLENG SLANG ZHUS BA MANG GSUNG, SPRUL PA'I SKYES MCHOG DBON STON RIN PO CHE 'DI NI SKU TSE SNGON NAS SBYANGS PA'I MTHU CAN YIN PAR MA ZAD, SKU TSE 'DIR YANG DGE BA'I BSHES GNYEN RNAM PA KUN TU MNYES PAR BYAS NAS BYANG CHUB LAM GYI RIM PA LA NYAMS LEN SNYING POR MDZAD PAS LAM GYI RIM PA'I RTOGS PA RNAMS PHUL DU PHYIN PAR THOB PA ZHIG STE, SKYES BU CHUNG 'BRING GI LAM LA SBYANGS NAS NGES 'BYUNG GI BSAM PA RNAM PAR DAG PA SKYES TE TSUL KHRIMS KYI BSLAB PA LA BSDAM PAR BYA BA'I NYES BYAS PHRA MOS KYANG MA GOS PAS BDEN PA'I TSIG GRUB PA ZHIG GO, BSHES GNYEN BSTEN TSUL LA MYONG BA PHUL PHYIN THON TE BLA MA LA DUS RTAG TU SANGS RGYAS KYI 'DU SHES MNGA' STE, DGE BSHES DGYER SGOM PA CHEN PO LOGS SU BZHAG PA'I YI DAM GYI LHA GZHAN MED GSUNG ,BLA MA SANGS RGYAS SU MTHONG BA'I MOS GUS BCOS MIN SKYES PAS BLA MA'I SKU'I BYIN RLABS ZHUGS PAS YI DAM GYI LHA DPAG TU MED PA'I ZHAL GZIGS TE, RIN CHEN SGANG DU 'JUG PA SEMS BSKYED ZHUS PA'I THO RANGS KYI DUS SU 'OD ME LONG TZAM ZHIG GI NANG DU BLA MA BRGYA RTZA BCU GNYIS LA BRTEN NAS BYANG CHUB SEMS DPA'I BSLAB PA YONGS SU RDZOGS PAR MDZAD PA YIN GSUNG, 'PHRANG 'OG TU DBANG ZHUS BA'I DUS SU DGE BSHES DGYER SGOM PA CHEN PO'I BYANG KHOG NANG NA GSANG BA 'DUS PA'I LHA BCU DGU MA'I GTZO BO DGE BSHES DGYER

, ,SGOM PA NYID KYIS MDZAD NAS DBANG BZHI RDZOGS PAR BSKUR BAS DBANG BZHI PA'I DON THUGS RGYUD LA 'KHRUNGS PA YIN GSUNG, NUB CIG GI RMI LAM NA SLOB DPON LA BA PA BYON NAS GSANG SNGAGS KYI DGONGS PA MANG DU GSUNGS, DE DGE BSHES DGYER SGOM PA LA ZHUS PAS, THUGS DGYES PA'I MTSAN MA MDZAD LO BCO BRGYAD KYI BAR DU DGE BSHES DGYER SGOM PA CHEN PO BSTEN NAS CHOS LA NAN CHAGS SU BGYIS TE SGRUB PA'I MCHOD PAS BLA MA MNYES PAR MDZAD DO, ,DGE BSHES DGYER SGOM PA CHEN PO GSHEGS PA'I SPUR LA SANGS RGYAS BYANG SEMS DPAG TU MED BAS MCHOD PA MDZAD PA ZHAL GZIGS, THUGS NGAN MDZAD PAS DGE BSHES DGYER SGOM PA NYID DNGOS SU BYON NAS NGA RTAG TU DRAN PAR GYIS GSUNG BAS THUGS NGAN SANGS, 'U CAG LA NI NAM 'DOD KYIS DGE BSHES DGYER SGOM PA CHEN PO DANG MJAL NAS LUNG THAMS CAD ZHU BA YIN GSUNG, LAN CIG TZA NA 'U CAG LA TSE RING PO 'ONG NGES MED, GDAN SA 'DI DGE BSHES LHO PA LA GTAD LA RI KHROD CIG BYA DGONGS TZA NA DGE BSHES DGYER SGOM PAS MI DKAR PO GCIG KHRID NAS, 'DI LA GZHAN MI 'TSAL BAR GDA'I, TSE RING BA CIG MDZAD PAR ZHU GSUNG BA CIG RMIS, SANG GSOL BA CIG BTAB PAS, DGE BSHES DGYER SGOM PA RMI LAM DU BYON NAS JO BO THUGS RJE CHEN POS SKU TSE RING BAR BYIN GYIS BRLABS PA YIN

NO GSUNG, GDUNG KHANG GI RAB GNAS MDZAD PA'I TSE, SANGS RGYAS BYANG SEMS THAMS CAD KYI THUGS KA NAS 'OD ZER DKAR SHARRA RA BYUNG BA'I SNANG BA BYUNG GSUNG ,BYA SA'I RAB GNAS KYI STA GON GYI DUS SU SLOB DPON N'A GA BO DHI DANG MJAL, SLOB DPON N'A GA BO DHI 'DI NGA'I RTZA BA'I BLA MA CIG YIN, GSOL BA BTAB TZA NA MI MJAL BA BYED MA MYONG GSUNG, RIN CHEN SGANG NA BZHUGS TZA NA RMI LAM DU NAGS GSEB CIG NA BRAG PHUG LEGS PA CIG 'DUG, DE'I NANG DU BYON TZA NA, JO BO N'A RO PA BDUD RTZI KA P'A LA GANG THOGS NAS 'DUG, KHYED 'DI 'DOD DAM GSUNG, ZHU 'TSAL ZHUS PAS, BDUD RTZI DE NAS GNANG, DBANG DANG BYIN RLABS KYANG MDZAD GSUNG, SKAM NA BZHUGS PA'I TSE DBON STON CHEN PO RI LA BZHUD, SLOB DPON BZANG MO BAS PHYIR BYON TZA NA BRAG SGANG ZHIG NA BZHUGS 'DUG ,DBON STON GYI ZHAL NAS ,DE NA MAR RNAL 'BYOR PA BZA' MI GNYIS SONG BA YIN TE KHYED DANG AE PHRAD GSUNG, MA PHRAD ZHUS PAS 'O NA DE THA MAL PAR MI 'DUG GSUNG, CI 'DRA ZHIG GDA' ZHUS PAS RAS KYI AANG KA RAG RE GYON, RNAL 'BYOR MA DES KHOG MA CIG KHUR NAS 'DUG, NGA LA RANG BZHIN MED PA'I NGANG LAS RTZA RLUNG GI 'DU 'PHROD 'DRA BA SGOMS DANG BDE STONG GI NYAMS 'PHEL BA YIN GSUNG, BRAG SNGON LA SKU MTSAMS MDZAD PA'I DU SU KLU SGRUB YAB SRAS BYON NAS 'GRO BA GZHAN GYI RNAM PA BSTEN PA NA DGE SLONG GI 'DU SHES YOD PA NYID LA'O BYA BA DE LA BGRO GLENG MDZAD PA CIG GZIGS, RA SGRENG DU BYON PA'I TSE JO BO'I

, ,PHYAG DPE 'DI RNAMS GZIGS DGONGS TZA NA AA TI SHA RMI LAM DU BYON NAS 'DI 'DI SKAD BYA BA YIN GSUNGS NAS PHYAG DPE RNAMS CAG GE BSTAN, YANG DGA' LDAN DU MGON PO BYAMS PA DANG MJAL CHOS KYANG GSAN GSUNG, BZANG MO'I DGON PA RMANG 'DING TZA NA BYANG CHUB CHEN PO GTZO 'KHOR GSUM ZHAL GZIGS, GZHAN YANG JO BO MI G-YO BA DANG SGROL MA DANG GSHIN RJE GSHED DANG RTA MGRIN LA SOGS PA'I ZHAL GZIGS, BZANG MOR DE DUS DPAL LHA MO DPON G-YOG GSUM ZHAL JI LTAR GZIGS PA BZHIN GZIM CHUNG BRAG LOGS LA RANG BYUNG DU BYUNG, YANG DER NANGS GCIG JO MO SGROL MA LHA MO DBYANGS CAN MA KU RU KULLE GSUM GYIS DBON STON CHEN PO LA BSNYEN BKUR MDZAD NAS KU RU KALLES GTAM BTANG BAS RDUGS, DBYANGS CAN MAS THAL MO BRDABS, SGROL MAS ZHAL BKAB GSUNG, YANG RMI LAM NA, RGYAL PO AINDRA BHU DHI'I ZHABS LA RTZVA AA BA GNYIS SKYES NAS 'DUG PA LA GCIG GSOL BAS SNGAR MA MYONG BA'I RO BZANG PO ZHIG BYUNG, 'DI CI LAGS ZHUS PAS, BDUD RTZI ZIL MNGAR BYA BA DNGOS GRUB KYI ZAS YIN GSUNG BAS 'O NA GCIG PUS ZA BA PHANGS, SEMS CAN THAMS CAD LA SBYIN DGOS SNYAM NAS RTZVA AA BA GCIG BZHAG GSUNG ,MGON PO GRI GUG DANG BENG SOGS CHOS SKYONG MANG PO ZHIG BYIS PA'I DUS RANG NAS ZHAL GZIGS PA YIN GSUNG NGO, ,BLA MA LA SANGS RGYAS KYI 'DU SHES BCOS MA MIN PA

'KHRUNGS PAS BLA MA'I GSUNG GI BYIN RLABS ZHUGS TE BKA' BSTAN BCOS THAMS CAD LA THOGS PA MED PA'I SPOBS PA MNGA' ,NUB CIG RMI LAM NA DGE BSHES DGYER SGOM PA CHEN PO BYON NAS STON PAS CHOS KHRI 'DI'I STENG NAS CHOS GSUNG BAR ZHU GSUNG, DE NAS KHRI KHA DE NAS CHOS GSUNGS PAS TSOGS PA RNAMS KYIS 'OR CHE BTAB, DGE BSHES DGYER SGOM PA CHEN PO BZHAD KYIN 'DUG STE CHOS BSHAD BYA BA'I GNANG BA BYIN PA 'DRA GSUNG ,DE NAS GNYER DU CHOS 'GO MA GSUNG BA'I DUS SU DBON STON PA'I LTE BA'I KHUNG BU NAS NYI MA CHEN PO CIG SHAR BAS, 'DZAM BU'I GLING GI SEMS CAN RNAMS KYI RGYUD DROS PA'I SNANG BA BYUNG, DE NAS SEMS CAN LA PHAN NAM BSAMS NAS CHOS BSHAD BYAS PA YIN GSUNG, GNYER DU TSOGS CHOS SHIG GSUNG TZA NA, TSIGS BCAD GCIG LA THOGS PA CIG BYUNG BAS, CHOS THUN DE LAD SNYAM BYUNG TZA NA, CHOS THON NAS GZIM CHUNG DU BYON PAS, GSANG BA 'DUS PA'I DKYIL 'KHOR GYI GTZO BO DGE BSHES DGYER SGOM PA CHEN POS MDZAD; ZHAL 'DZUM MDZAD NAS CHOS BSHAD BYA BA YANG DKA' MO LAGS NGA LA GSOL BA THOB GSUNG ,DE NAS SDE SNOD 'DZIN PA BRGYAS BSKOR KYANG NYAM NGA BA SPU TZA ME YANG MED, THAMS CAD LA RDO RUS THUG PAR BYAS PA YIN, YA GI GSANG BA 'DUS PA NAS K'A RI KA YAN CHAD LA KHUG PAR LUS PA GCIG KYANG MED, DA RES 'DI 'DRA ZHIG BSHAD DE NYAN THOS KYI SA'AM, RANG SANGS RGYAS KYI SA'AM, RTAG CHAD KYI MTHAR LHUNG SNYAM PA NI GCIG KYANG MED, THAMS CAD LA BLA NA MED

, ,BA'I BYANG CHUB KYI LAM TSANG LA MA NOR BA BSHAD DAM SEMS PA YIN GSUNG, BLA MA'I THUGS KYI BYIN RLABS THOB PAS SPYIR TING NGE 'DZIN GYI SGO DU MA LA MNGA' BRNYES, KHYAD PAR DU SGYU MA LTA BU'I TING NGE 'DZIN THUGS LA 'KHRUNGS SHING, LHAG PA'I BSAM PA RNAM PAR DAG PAS RANG BAS GZHAN GCES PAR 'DZIN PA SGYU MA'I RNAM PAR THAR BAS 'GRO BA'I DON MDZAD PA YIN TE, ZHAL NAS KYANG, TING 'DZIN NANG NAS SGYU MA LTA BU DANG, , SNYING RJE'I NANG NAS BDAG GZHAN BRJE BA STE, ,'GRO BA'I NANG DU RANG 'BYUNG SANGS RGYAS 'GYUR, ,ZHES GSUNGS, LHAG MTHONG GI DMIGS SKOR LA MYONG BA THON TE, RTAG CHAD KYI MTHA' GNYIS DANG BRAL BA'I DBU MA CHEN PO THUGS SU CHUD PA YIN TE, NUB CIG RMI LAM NA GYANG RO STONG PA 'DRA PA CIG TU BYON PAS, GCIG NA RE, 'DI 'PHAGS PA KLU SGRUB KYI RE SHUL YIN, KHYOD LA 'BUL ZER BA CIG BYUNG STE, KLU SGRUB KYI LTA BA DE JI LTA BA BZHIN DU RTOGS SAM SEMS , BDEN GNYIS KYI DGONGS PA DE LON NAM SEMS GSUNG, STONG PA RTEN 'BREL DU SHAR TE RGYU 'BRAS KYI SHES BYA MA LUS PA MKHYEN PA YIN TE, ZHAL NAS, RGYU 'BRAS MA LUS PA MKHYEN PA SANGS RGYAS NYAG GCIG YIN, 'U CAG GIS KYANG RGYU 'BRAS THAMS CAD 'OL LE SHES PAR 'DUG STE, MO LONG GI NGOS LA SHAR BA BZHIN SNANG, BSNYON TOL GZUGS PA GANG NA'ANG MED GSUNGS, RGYAL SRAS KYI SPYOD PA LA SLOB BA LA GDENG THOB STE SEMS CAN RNAMS LA MA BU GCIG PA LA BRTZA

BA BZHIN DU BYAMS PAR MDZAD, KHYAD PAR MI CHEN 'OG TU LHUNG BA'AM, 'TSE ZHING SDIG PA GSOG PA LA SHIN TU BYAMS TE, GTZANG THOG GI GNAS BRTAN BTZUN CHUNG SHAD RIN CHEN SGANG PA LA SDIG BSAGS NA BZA' 'OD ZER NGAS SDIG GSOG PA LA ZAS NOR BYIN TE MI 'GYOD GSUNG, TING NGE 'DZIN SHIN TU BRTAN PA'I STOBS KYIS RDZU 'PHRUL GYI MNGON SHES THOB STE, GYE RE SGOM SHE DANG, DBON STON CHEN PO GNYIS 'GROGS NAS GZIM CHUNG DU BYON TZA NA LDE MIG MED PAS SGOM SHES LDE MIG BLANGS NAS 'ONG TZA NA NANG NA PHEBS 'DUG ,YANG NYE GNAS DAR MA 'OD KYIS SKAS THOG KHAR DRANGS NAS NYIM LA BSDAD TZA NA DBON STON RGYA MTHONGS LA BYON NAS, AA NA MA BAG MED PA'I SPYOD PA BYAS MI LA MA BSHAD GSUNG, YANG RI LA BYON PA CIG LA DPON STON SHUL NA BZHUGS, 'KHOR RNAMS KYIS MAR SNGON LA 'ONGS PAS LAM KHAR CHAR PA BTANG TZA NA DRIL BU SIL GYIS BYUNG BAS DBON STON GZIM CHUNG NA BZHUGS 'DUG ,LAN CIG KA GNYIS MA'I SKAS DE MED PA CIG LA RGYA MA THONGS KYI NA MKHA' LA SKAS LA GSHEGS PA BZHIN DU PHEBS PA RGYAL YES MTHONG, DE LA SOGS PA SA RDO RI BRAG LA THOGS RDUGS MI MNGA'O, ,LHA'I RNA BA'I MNGON SHES THOB STE, NGAS CHED DU GTAD NA 'DZAM BU GLING GI CHE BA 'BRUG GI SGRA NAS CHUNG BA SHIG SRO YAN CHAD KYI SGRA THOS PAR 'DUG GSUNG, GZHAN SEMS SHES PA'I MNGON SHES THOB STE GZHAN GYI YID LA DRAN PA RNAMS CAR PHOG TU MKHYEN TE, BYA SAR BZHUGS PA'I NUB MO ZHIG DA LTA RIN CHEN SGANG NA LHO PA'I

, ,SGOM CHEN GSUM 'U CHAG LA TSOD 'DZIN BYED CING MA MNYES PAR 'DUG GSUNG, DE RTING DU SGOM CHEN GSUM POS THOS PAS 'JIGS CHUM GYIS SONG ZER, LHA'I MIG GI MNGON SHES THOB STE, NGAS MNYAM PAR BZHAG STE BLTAS NA 'DZAM BU GLING GI GZUGS CAN GYI DNGOS PO RNAMS LA MI MTHONG BA MED, KHRI KHA NAS SHOD DU BLTA BA DANG KHYAD MED GSUNG, SGOM PA JO SRAS PAS SLOB DPON GYIS BRTAG PA MDZAD PA 'DI JI LTA BU ZHIG GIS GZIGS PA LAGS ZHUS PAS, 'DI NAS SHAR PHYOGS KYI 'JIG RTEN GYI KHAMS BLTA BAR BYA'O SNYAM DU 'PHEN PA BTANG NAS MNYAM PAR BZHAG PAS TING NGE 'DZIN GSAL BA LA BRTEN NAS ME LONG NANG GI GZUGS BRNYAN LA BLTA BA'I TSOD TZAM DU MTHONG BA YIN GSUNG, SNGON GNAS RJES DRAN GYI MNGON SHES THOB STE, GTZANG MA'I GNAS NAS SKU SKYE BA 'PHOS PA DRAN PA DANG, SKYE BA PHYI MA LA 'KHOR LOS SGYUR BA'I RGYAL BOR 'GYUR GSUNG STE, SNGON TSE GNAS GTZANG LHA NAS 'PHOS, ,DBUS SU MI LUS GTZANG MA BLANGS, ,RGYAL BA'I BSTAN LA RAB BYUNG NAS, ,LO GSUM 'DUL BA'I SDE SNOD BSLABS, ,BTZO BRGYAD SANGS RGYAS GNYIS PA BSTEN, ,MA 'ONGS 'KHOR LOS SGYUR BA BYED, ,CES BYA BA GSUNGS, 'O NA BYA YUL BA CHEN PO YIN PA'I GRAGS PA GDA' BA LAGS SAM ZHUS PAS, BYA YUL GYI BAG CHAGS KYANG MANG BAR 'DUG ,SNGA MA DE YIN ZHAD DU GDA' GSUNG, DGE BSHES DGYER SGOM CHEN PO'I 'BUM PA

'DI BZHENGS TZA NA NGA LA 'KHOR LOS SGYUR BA'I RGYAL BOR SKYE BA'I SNANG PA MANG PO BYUNG, 'BUM PA 'DI DE'I RGYU'I GTZO BO YIN GSUNG, DER 'KHOR LO DE GANG DU GDA' ZHUS PAS GSER GYI 'KHOR LOR SNANG, RGYAL SRID RIN CHEN SNA BDUN DANG, NYE BA'I RIN PO CHE SNA BDUN RNAMS GDA' GSUNG, BLA MA'I BYIN RLABS ZHUGS PAS DGE BSHES DGYER SGOM PA CHEN PO'I PHYI'I GDUNG RTEN DANG NANG GI GDUNG RTEN GNYIS LA SOGS PA'I MDZAD PA RLABS PO CHE THAMS CAD JI LTAR BZHED PA BZHIN DU GRUB, CHU TSAN LA GSHEGS DUS 'CHAD KHA BA CHEN PO'I ZHAL NAS, KHYOD KYIS 'GRO BA LA PHAN PA'I RTAGS KHYAD PAR CAN NGA LA BYUNG BAS THUGS GO CHA CHEN PO MDZAD 'TSAL GSUNG, YANG RIN CHEN SGANG NA BZHUGS DUS LHA MO SKUL BYED MA BYON NAS, RDO RJE SEMS DPA' SEMS CAN GYI DON LA GSHEGS SU GSOL ZHES GSOL BA BTAB PAS, DVAGS PO LHA SA SOGS G-YOR PO'I RGYAL KHAMS RNAMS BSKOR BAS PO TI RANG LA'ANG NYIS STONG DANG BZHI BCU RTZA GNYIS BYON, ZANG ZING GI DNGOS PO ZAD PA MED PA CIG BYUNG, DE LA BRTEN NAS GTZUG LAG KHANG GSAR MA BZHENG BAR BRTZAMS, GTZUG LAG KHANG NGE BYANG PHYOGS SU BRTZAM PA'I DUS SU GSOL BA CIG BTAB PAS RMI LAM DU NUB PHYOGS DE NA KHRI ZHIG GI STENG NA SPYAN SNGA RIN PO CHE, G-YAS NA MGON PO, G-YON NA DPAL LHA MO, CHOS SKYONG BA'I BSRUNG MA THAMS CAD 'TSOGS NAS 'DUG ,'DI BZHIN MDZAD DGOS GSUNGS NAS BSLAB BYA MANG DU MDZAD PA CIG RMIS, DE NAS CHU PHO STAG

, ,GI DPYID SA GA ZLA BA'I TSES BCU GSUM GYI GZA' SPEN PA DANG SKAR MA SBO LA RMANG BTINGS TE DBU RTZE KA CHEN BCU GNYIS, KHYAMS CHEN KA BA DRUG CU RTZA BZHI, MGON KHANG KA BA GNYIS RNAMS LO SKOR GCIG GI NANG DU GRUB PAR MDZAD DO, ,DE DUS DPON DAR MA RDO RJE NAGS SHOD LA SHING 'DREN DU RDZONG PA'I TSE GTOR CHEN ZHIG MDZAD PAS, DPAL LHA MO DE BONG BU LA CHIBS NAS MKHA' 'GRO MA'I 'KHOR GYIS BSKOR BA ZHAL GZIGS, RGYAS PA'I 'PHRIN LAS LA MNGA' BRNYES TE BYA SAR RAB GNAS LA GSHEGS PA'I DUS SU MI KUN NA RE, NA SO GZHON DRAGS PAS RAB GNAS CANG 'ONG NGAM ZER TE, MI TSE SGRUB PA LA BSGYAL BA RNAMS DANG 'U CAG GNYIS GSANG SNGAGS KYI BZLAS PA SKYOL BA GANG MANG CI CHA GSUNG, DE'I DUS SU STONG PAR MA'I SEMS CAN YIN ZER BA MANG PO LA LA 'GRO BA'I ZLA BO MED PAR 'DUG PAS NGAS LA DE LA BSGRAL, 'DI RNAMS PHYIR MI LDOG PAR GYUR CIG PA'I SMON LAM BTAB PA CIG RMI LAM DU BYUNG, SKYID SHOD NA BZHUGS PA'I DUS SU BYA YUL GYI LA KHA YIN NAM SNYAM BYED PA CIG NAS DUNG DKAR PO ZHIG BUS PAS 'DZAM BU'I GLING TZAM DU THOS PA CIG RMIS, 'UG CAG GI MING 'DI 'DZAM BU'I GLING TZAM DU THOS PA CIG 'ONG PAR 'DUG GSUNG, SKYID SHOD DU SKU KHAMS LTEM PA CIG GI DUS SU MGON PO TRAKA SHAD BYUNG NAS NGA RIN CHEN SGANG PA'I DPON STON 'DOD PA YIN ZER BA LA, NGAS TING NGE 'DZIN GYI DMIGS PA CIG GIS BCINGS PAS 'GUL MA NUS PAR DA KHYED KYI ZHABS TOG BYED

GTOR MA GCIG KYANG ZHU ZER BAS, DE NAS DAM LA BTAGS NAS BZHAG GSUNG, ZHANG TSAL PA'I LHA CHEN DPAL 'BAR LA'ANG BGEGS SKROD DANG RAB TU GNAS PA RI BO MAndAL GYI RTZE NAS MDZAD PAR GRAGS, GZHAN YANG RA SGRENG DANG BYA YUL GYI GTZUG LAG KHANG GI ZHIG GSOS DANG DGE 'DUN LA 'BUL NOD RGYA CHEN PO MDZAD, DE DUS JO BO 'JAM DPAL RDO RJES 'OD ZER GYI SNA LA CHOS GSUNG, RGYA MAR GTZUG LAG KHANG GI RTEN GTZOR DNGUL GYI GDUNG KHANG GIS THOG DRANGS PA'I SKU GSUNG THUGS KYI RTEN DPAG TU MED PA DANG BCAS PA LEGS PAR MDZAD DO, ,DE LTAR LAM LA SBYANGS PA MTHAR PHYIN PAR MDZAD PAS PHYIR MI LDOG PA'I RTAGS THOB STE, LAN CIG SGOM TSUL GYIS 'JAM DPAL RTZA BA'I RGYUD NAS SLOB DPON PA LUNG BSTAN PA CIG ZHUS PAS, SNGON 'U CAG 'DUL GRVA NA 'DUG TZA NA SLOB DPON KA BA DAR SENG GI ZHAL NAS, MDZOD SPU 'DI'I YOD LUGS KYIS NYID MDO NAS LUNG BSTAN PA CIG YOD NGES GSUNG BA LA, GANG NA MCHI ZHUS TE DUS DING SANG NI LUNG BSTAN 'ONG DGOS PA'I TSOD DU 'DUG ,'U CAG GIS KYANG SANGS RGYAS DGYES PA'I SPYOD BA BYAS PA YIN GSUNG, 'O NA LUNG BSTAN PA TSOD JI TZAM NAS MCHI BA LAGS ZHUS PAS, SA THOB NAS 'OD BA LAGS GSUNG, SLOB DPON BZANG MO BAS SPYAN SNGAR BYON PA CIG LA, DA NANG SANGS RGYAS THAMS CAD KYI THUGS KA NAS 'OD ZER DPAG TU MED PA 'PHROS NAS RJE BTZUN MA PHYAG BRGYAD SGROL MA LA PHOG ,SGROL MA'I THUGS KA NAS 'OD ZER DPAG TU MED PA 'PHROS

, ,PAS; RANG LA PHOG NAS NGA'I SKU LUS THAMS CAD 'OD KYIS KHYAB PA'I SNANG BA BYUNG GSUNG, DE BZANG MO BAS KHA CHEN PAn CHEN LA ZHUS PAS PAn CHEN GYI ZHAL NAS, SANGS RGYAS THAMS CAD KYIS 'OD ZER GYIS DBANG BSKUR BA BYA BA SA BCU PA THOB PA'I RTAGS YIN GSUNG, DE DBON STON CHEN PO LA BLA MA PAn CHEN 'DI SKAD GSUNG ZHUS PAS, NGAS MTHONG LAM TZAM LAS MA THOB SNYAM PA YIN TE RTAGS RNAMS DANG BSTUN NA SGOM LAM YANG RDZOGS PA'I RIGS SU SNANG GSUNG, LAN CIG ZHUGS ME LA BZHUGS DUS GCIG LA SGOM TSUL GYIS, SLOB DPON PA'I PHYAG ZHABS LA 'KHOR LO RTZIBS BRGYAD GDA' BA LA MU KHYUD PHYI MA 'DI MA 'BYAR TZAM DU GDA' BA JI LTAR LAGS ZHUS PAS, GSAL LA RDZOGS PA SANGS RGYAS KYI MTSAN YIN 'KHOR LOS SGYUR BA'I RGYAL BO DANG, SA LA GNAS PA'I BYANG CHUB SEMS DPA' GNYIS LA 'DI BZHIN DU BAG MA RDZOGS TZAM 'ONG BA YIN GSUNG, SMIN MTSAMS NA MDZOD SPU 'THEN NA SOR BZHI YOD PA, BZHAG NA G-YAS SU 'KHYIL BA, ZHABS MTHIL LA BKRA SHIS RTAGS BRGYAD KYI RI MO, PHYAG LA KA KHA SUM CU'I RI MO YOD PA THAMS CAD LA MTHUN SNANG DU YOD, SKU KHAMS LTEM BA CIG LA BZANG MO BAS MAN LA BSRUNGS PAS, DE'I DUS SU SLOB DPON PAS YI DAM GYI LHA JI TZAM ZHIG ZHAL GZIGS, THUGS DAM GYI MTHIL GANG LA MDZAD GSUNGS BAR ZHU ZHUS PAS, NGAS ZHAL BLTA BAR 'DOD NA SKAD CIG RE RE LA YANG

SANGS RGYAS BYANG SEMS NYI ZER GYI RDUL TZAM LTAR YOD, 'O SGOL GYI BKA' RGYUD 'DI'I DBANG DU BYAS NAS YI DAM GYI LHA ZHAL GZIGS PA DANG, MNGON PAR SHES PA THUGS DAM GYI GTZO BOR MI BYED, BYANG CHUB KYI SEMS KYIS KUN NAS BSLANG BA'I ZUNG 'JUG SGYU MA LTA BU LA THUGS DAM GYI MTHIL BYED PA YIN GSUNG NGO, ,SANGS RGYAS DBON STON 'DI NI PHYIR MI LDOG PA'I SEMS DPA' LUNG BSTAN THOB PA ZHIG YIN PA NI KHA CHE PAn CHEN GYI RNAM THAR LAS SHES TE, SING GA GLING NA DGRA BCOM PA CIG BZHUGS PA DES KHA CHE'I PAndI TA SH'AKYA SHR'I'I GCUNG PO LA ME TOG BZHI ZA MA TOG TU BCUG NAS, DGRA BCOM PA DE'I ZHAL NAS, ME TOG 'DI RNAMS KHYOD KYI PHU BO DE BOD DU 'GRO BAR SNANG BAS DE LA BSKUR LA, GCIG 'BRI ZHES BYA BA'I SA PHYOGS NA SLOB DPON KLU SGRUB BYANG CHUB SEMS DPA' RIN CHEN DPAL ZHES BYA BAR SKYE BA BLANGS NAS YOD BDE LA SPROD, GCIG RATNA KU tI ZHES BYA BA'I GTZUG LAG KHANG NA BYANG CHUB SEMS DPA' SKAL LDAN SHING RTA'I SKYE BA YOD PA DE LA SPROD, GCIG DVI BHA GI ZHiG YOD PA DE LA SPROD, GCIG DVI BHA GI DES LHA CHEN PO ZHIG BZHENGS PA DE'I THUGS KAR ZHOG ,CES GSUNGS PA BZHIN DU KHA CHE'I PAndI TAS KYANG DE BZHIN DU SO SOR SPRAD DO, ,YANG DBON STON RIN PO CHES BSAM YAS SU CHOS 'KHOR MDZAD PA CIG GI DUS SU, KHA CHE PAn CHEN GYIS DE RING BSKAL BZANG SANGS RGYAS STONG GI YA GYAL SKAL LDAN SHING RTA BYA BA MJAL DGOS BAR 'DUG GI ,DGE SBYOR GYI THUN MYUR DU GYIS

, ,SHIG BYA BA'I SGRA ZHIG THOS, DE'I RJES DE MA THAG TU RIN CHEN SGANG PA MJAL KHA ZHU BAR SLEBS ZHES 'BYUNG NGO, ,DE LTAR 'GRO BA'I MGON PO DBON STON RIN PO CHES DGUNG LO BDUN CU RTZA GSUM CHUN CHAD DU SANGS RGYAS KYI BSTAN PA RIN PO CHE LEGS PAR BSKYANGS DBU RU BYANG PHYOGS KYI BKA' GDAMS KYI BSTAN PA'I BDAG PO MDZAD, DGE BSHES STON PA'I DGONGS BA BSGRUBS, BSAM GYIS MI KHYAB PA'I 'PHRIN LAS KYI MDZAD PA DU MAS 'GRO BA RANG RANG GI MOS PA MTHA' DAG TSIM BAR MDZAD NAS, SNYIGS MA'I SEMS CAN LA THUGS SKYO BA MI MNGA' YANG 'PHRIN LAS KYI THA MA DE NYID KYIS SEMS CAN GYI DON DU 'GYUR BA DANG, ZHING KHAMS GZHAN DAG TU 'GRO BA'I DON RLABS CHE BAR DGONGS NAS, GNAM LO RTA'I LO 'GO NAS SLOB DPON N'A GA BO DHI 'DI SKAD GSUNG, DGE BSHES CHEN PO 'DI SKAD GSUNG, DA NI ZHING KHAMS GZHAN ZHIG TU BYED DGOS BA 'DRA, ZHES BYA BA LA SOGS PA SKYO BA BSKYED PA'I CHOS MANG DU GSUNGS, DBYAR TSUL NANG DU'ANG LAN CIG 'DI SKAD GSUNG, 'U CAG DGE BSHES CHEN PO'I DGUNG LO'I TSAD TZAM DU SDOD SEMS PA YIN TE DA TSOD RAN PA 'DRA, 'U CAG LTA BU MED NA DBU RU BYANG PHYOGS KYI BSTAN PA LA KHA'I NA BUN BZHIN DU YAL NAS 'GRO BA 'DI LA BAG TSER TZAM DU SNANG, GZHAN TSER BA MED GSUNG, DE NAS LCAGS PHO RTA'I LO DGUN ZLA 'BRING PO MGO ZLA BA'I TSES GNYIS KYI DGONGS MO SPYAN SNGAR PHAG SHES

RAB DBANG PHYUG BYUNG BA LA, KHYOD KYIS STON MO JI TZAM NA BYED GSUNG BAS, TSES BCU GSUM LA SGRUB RTZIS LAGS ZHUS PAS, 'U CAG LA YANG DUS THUG PA 'DRA BA YOD PAS GNANGS TSES BZHI'I NYIN MO CI 'GRUB GYIS GSUNG, DE NAS TSES GSUM GYI DGONGS MO GZIM CHUD DU BYON NAS, 'U CAG GIS LO NYI SHU RTZA LNGA LA 'DUL BA'I BSHAD PA BYAS, SUM CU RTZA GSUM LA GDAN SAR BTON, SUM CU RTZA BZHI LA DGE BSHES DGYER SGROM PA CHEN PO BDE BAR GSHEGS, SUM CU RTZA LNGA'I NGO LA BKA' GDAMS KYI BSHAD PA BYAS NAS NYI MA DE RING PHAN CHAD LA CI PHAN CI BZOD BYAS PA YIN, DGE BSHES CHEN PO'I THUGS DGONGS KYANG MA LUS PAR BSKANGS PA YIN, DA NI RI BRAG GAM DBEN PA CIG TU SNYEG SNYING 'DOD, DGE BSHES CHEN PO DE 'DA' BA'I DUS SU BSNYUN NAD LA SOGS PA'I TSAN MA MA BYUNG, 'U CAG LA YANG MI 'ONG, STON PA'I NAD 'DI KUN 'OD MI THAR BA YIN TE, DE SNGA PHAN CHAD YAGS RAB 'ONG DU RE BA YIN PA LA DKYEL CHE BAR SNANG, 'U CAG GI BKA' RGYUD 'DI BYIN RLABS CHE BA YIN GYI, NGA DANG DGE BSHES CHEN PO GNYIS DRAN PAR GYIS BYA BA ZHAL CHEMS KYI TSUL DU GSUNGS, DE NAS GRAL TSES BZHI'I NYIN BAR RIN CHEN GRAGS KYI DGE RTZA NAS BZUNG STE; 'BAR RDZOGS LA SOGS BAR MI RTAG PA'I CHOS MANG DU GSUNGS, DE NAS NYI MA MA RGAS TZAM DE LA RGYA MAR BYON, RGYUN GTOR MDZAD BA'I RJES LA, SKYIL KRUNG LAM ME MDZAD NAS TSES BZHI'I SROD 'KHOR RJES DE LA DGONGS PA MYA

, ,NGAN LAS 'DA' BA'I TSUL BSTAN, SLOB DPON STON PAS GSOL BA BTAB PAS SKU MDANGS DE SNGAR BAS KYANG GZI BRJID CHER SONG, DE NAS ZHAG BZHI'I BAR DU MCHOD PA RGYAS PAR BYAS, ZHAG LNGA'I NYIN PAR TSOGS PA LA SPUR GYI ZHAL BSTAN, ZHAG DRUG GI NYIN PAR GDUNG GI ZHABS TOG BYAS, ZHAG BDUN GYI DGONGS MO MCHOD KHANG CHEN MO'I RNGA KHANG DU SKU GDUNG GDAN DRANGS TE DAD LDAN THAMS CAD KYIS MCHOD PA RGYA CHER PHUL TE SMON LAM BTAB BO, ,BDAG NYID CHEN PO 'DI LA SPYIR CHOS THOB PA'I SLOB MA BSAM GYIS MI KHYAB PA BYUNG ZHING LAM RIM GYI KHRID SPEL NUS PA'I BSTAN 'DZIN DAM PA'ANG MANG DU BYON LA, BKA' GDAMS GDAMS NGAG PA'I MAN NGAG LTAR GYI SKYES BU GSUM GYI LAM GYI RIM PA RGYA CHER SPEL BA'I SLOB MA'I GTZO BO NI LHO BRAG MKHAN CHEN NAM MKHA' RGYAL PO'O, ,MKHAN CHEN NAM MKHA' RGYAL POS MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG NGO, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SPRUL PA'I SKYES MCHOG SANGS RGYAS DBON STON RIN PO CHER GSOL BA 'DEBS SHING BDAG NYID CHEN PO 'DI'I RNAM THAR LTAR BSHES GNYEN BSTEN TSUL NAS BZUNG, ZHI LHAG ZUNG 'BREL GYI BAR SKYES BU GSUM GYI LAM GYI RIM PA LA SGO GSUM BRTZON PA CHIG SGRIL DU BLO SBYANGS NAS MYONG BA THON NGES SHIG

BYA BA LA 'BAD PAR BYA'O,, ` ,,DAM PAS BYIN BRLABS NAM MKHA' RGYAL PO DANG, ZHES BSNGAGS PA, MKHAN CHEN NAM MKHA' RGYAL PO NI SHUD PHU BA'I RIGS SU MKHAN CHEN NAM MKHA' SENG GE'I GCUNG BO'I SRAS SU 'KHRUNGS, GZHON NU'I DUS NAS RIGS RGYUD DANG KHYIM GYI LONGS SPYOD GANG LA'ANG MA CHAGS PAR KHU BO MKHAN CHEN NAM MKHA' SENG GE'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, MKHAN CHEN MTSO SNA BA DANG, MON GRAB SOGS DGE BA'I BSHES GNYEN MANG PO'I ZHABS LA GTUGS TE, 'DUL BA DANG, MNGON PA MDZOD DANG, BYAMS CHOS RNAMS DANG DBU MA'I GZHUNG RNAMS LA SBYANGS BA MTHAR PHYIN BAR MDZAD, SANGS RGYAS DBON STON GYI ZHABS LA GTUGS TE BKA' GDAMS GDAMS NGAG PA'I BYANG CHUB LAM GYI RIM PA'I KHRID LEGS BAR GSAN TE THUGS LA CHUNG PAR MDZAD, SLAR YANG KHU BO MKHAN CHEN NAM MKHA' SENG GE'I DRUNG DU BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN NAS THUGS NYAMS SU BZHES TE MKHAN CHEN 'DI LA BKA' GDAMS GZHUNG PA DANG GDAMS NGAG PA'I BSHAD SROL GNYIS KA MNGA' BAS BRGYUD PA'I CHU BO GNYIS 'DRAS ZHES BSNGAGS SO, ,DE NAS RJE BTZUN SGROL MAS LHO MON PHYOGS SU LAM GYI RIM PA'I 'PHRIN LAS 'PHEL BAR LUNG BSTAN PA BZHIN LAM RIM GYI KHRID RGYA CHER GNANG BAS BSTAN 'DZIN MANG DU

, ,BYON ZHING RGYUD 'DZIN GYI GTZO BO NI RANG GI DBON SRAS MKHAN CHEN SENG GE BZANG PO'O, ,BDAG NYID CHEN PO 'DI LA THUB PA DAM TSIG GSUM BKOD DANG RJE BTZUN SGROL MA DANG MI G-YO BA DANG, BDE MCHOG LA SOGS PA LHAG BA'I LHA MANG POS ZHAL BSTAN CING GSUNG GI GNANG BA STZAL, PHYI RABS KYIS GDUL BYA RNAMS KYI DON DU BSTAN BCOS KYANG MANG DU MDZAD DO, ,DE LTAR BSTAN 'GRO'I DON RGYA CHE MDZAD NAS RJE BTZUN SGROL MAS LUNG BSTAN PA LTAR SKU'I BKOD PA BSDUS NAS BDE BA CAN DU GSHEGS SO, ,BDAG NYID CHEN PO 'DI LA 'BROM RIN PO CHE NAS DGE BSHES PO TO BA LA BRGYUD BA DANG, 'BROM RIN PO CHE NAS DGE BA'I BSHES GNYEN SPYAN SNGA BA LA BRGYUD PA'I MAN NGAG GNYIS KA MNGA' ZHING, BLA MA RNAMS KYIS BYIN GYIS BRLABS PA'I BKA' BAB CHE BAS NA RJE THAMS CAD MKHYEN PAS KYANG, DAM PAS BYIN BRLABS NAM MKHA' RGYAL PO ZHES BSNGAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' RGYAL PO LA GSOL BA 'DEBS SHING, DNGOS GRUB THAMS CAD KYI RTZA BA BLA MA DAM PA'I BYIN RLABS THOB BAR BYAS LA BYANG CHUB LAM RIM SGOM PA LA 'BAD PAR BYA'O,, ` ,,'JIG RTEN CHOS BRGYAD SPANGS PA'I SENG GE BZANG, ZHES BSNGAGS PA, MKHAN CHEN SENG GE BZANG BO NI SHUD PHU BA'I BRGYUD DU MKHAN CHEN NAM MKHA' RGYAL PO'I DBON SRAS SU 'KHRUNGS, SNGON

GYI BAG CHAGS BZANG PO'I MTHUS DGUNG LO BDUN LON DUS 'DOD PA'I YON TAN GANG LA'ANG MA CHAGS PAR SUS KYANG MTHONG TSOR MED PAR PHUG PA ZHIG TU PHEBS TE, KHAMS ZAS RAGS PA LA MI BLTOS PAR RDE'U GSOL NAS SGRUB PA KHO NA MDZAD BAS LHAG PA'I LHA MANG POS BYIN GYIS BRLABS SHING NYAMS RTOGS KHYAD PAR CAN SKYES, DGUNG LO NYI SHU RTZA BRGYAD PA LA MKHAN CHEN NAM MKHA' RGYAL PO'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, ZHANG YE SHES MDZES KYI DRUNG DU 'DUL BA MDO RTZA BA LA THUGS SBYONG MDZAD, DE NAS MKHAN CHEN NAM MKHA' RGYAL PO'I DRUNG DU BYANG CHUB LAM GYI RIM PA'I KHRID GSAN NAS THUGS NYAMS SU BZHES TE GDENG THOB PAR MDZAD, MKHAN CHEN NAM MKHA' RGYAL PO ZHING GSHEGS NAS GDAN SAR PHEBS TE GZHI GSUM GYI PHYAG LEN SOGS 'DUL BA'I BSLAB BYA PHRA RAGS THAMS CAD LA DAG TER MDZAD, GLA BO DGON GSAR GYI CHOS SDE GSAR DU BTZUGS, 'DUL 'DZIN MTSO SNA BA CHEN PO SBYAN DRANGS DGE 'DUN MANG DU TSOGS PA LA CHOS 'KHOR BSKOR BA SOGS BSTAN PA'I BYA BA RGYA CHER MDZAD DO, ,BDAG NYID CHEN PO 'DIS 'DOD YON LA CHAGS BA SPANGS TE, DKA' THUB GYI SGO NAS SGRUB PA RGYUN RING DU MDZAD BAS NYAMS RTOGS KHYAD PAR CAN BRNYES BAS NA RJE THAMS CAD MKHYEN BAS KYANG, 'JIG RTEN CHOS BRGYAD SPANGS PA'I SENG GE BZANG, ,ZHES BSNGAGS SO, ,DE LTAR BSTAN PA LA BYA BA RGYA CHER MDZAD NAS SKU'I BKOD PA BSDU BA'I TSE LCANG LO CAN DU

, ,'GRO GSUNGS NAS ZHING GSHEGS TE, DE'I TSE ME TOG SNGON PO'I CHAR BABS PA SOGS NGO MTSAR BA'I LTAS BYUNG NGO, ,BDAG NYID CHEN PO 'DIS SKAL BA DANG LDAN PA MANG PO LA LAM RIM GYI KHRID GNANG BAS SLOB MA MANG DU BYUNG YANG RGYUD 'DZIN GYI GTZO BO NI MKHAN CHEN RGYAL SRAS BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN SENG GE BZANG PO LA GSOL BA 'DEBS SHING DAM PA 'DI'I RNAM THAR LTAR 'DOD YON LA CHAGS PA'I DBANG DU MA SONG BAR SBYANGS PA'I YON TAN LA GNAS NAS BYANG CHUB LAM GYI RIM PA SGOM PA LA BRTZON PA LHUR BYA'O,, ` ,,RGYAL SRAS BZANG PO ZHES BSNGAGS PA, MKHAN CHEN RGYAL SRAS BZANG PO NI, NGO MTSAR BA'I LTAS DANG BCAS SHUNG PHU BA'I RIGS SU SKU 'KHRUNGS, KHYIM GYI 'DU 'DZI LA MA CHAGS PAR NGES 'BYUNG GI BSAM PAS RGYUD BSKUL TE, DGUNG LO BCU GCIG PA LA MKHAN CHEN SENG GE BZANG PO'I DRUNG DU RAB TU BYUNG, 'DUL 'DZIN MTSO SNA BA DANG DGE BA'I BSHES GNYEN MON GRA PA SOGS DAM PA MANG PO'I ZHABS LA GTUGS TE, DKA' CHEN BZHI LA SBYANGS PA MTHAR PHYIN PAR MDZAD NAS DGUNG LO BCO LNGA LON PA'I TSE 'DUL BA'I BSHAD PA'ANG MDZAD, MKHAN CHEN SENG GE BZANG PO'I DRUNG DU BYANG CHUB LAM GYI RIM PA'I KHRID DANG LAM RIM GYI MAN NGAG SPYOD 'JUG LA SOGS PA BKA' GDAMS KYI CHOS RNAMS GSAN, THUGS RJE CHEN PO'I CHOS SKOR RNAMS

KYANG YONGS SU RDZOGS PAR GSAN NAS LAM THUN MONG BA DANG THUN MONG MA YIN PA'I LAM GYI RIM PA RNAMS LA MYONG BA THON PAR MDZAD, SGRO BA DGON PA'I GDAN SAR PHEBS TE SKU GSUNG THUGS RTEN MANG DU BZHENGS, MON GRA PA CHEN PO DGE 'DUN GYI SDE MANG PO DANG BCAS SPYAN DRANGS TE CHOS 'KHOR BTZUGS, LHO BRAG GRUB CHEN SOGS SKAL BA DANG LDAN PA MANG PO LA LAM GYI RIM PA'I KHRID DANG BKA' GDAMS KYI CHOS RNAMS RGYAS PAR GNANG, DE NAS LHO BRAG GRUB CHEN NAM MKHA' RGYAL MTSAN LA LUGS GNYIS KYI ZHAL TA LEGS PAR GNANG NAS NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, LHO BRAG PHYOGS SU BKA' GDMAS KYI BSTAN PA YUN RING DU GNAS PA'I RTEN 'BREL DU SKU GDUNG RIL POR SGOR BA DGON BA'I GSER 'BUM GYI NANG DU BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN RGYAL SRAS BZANG PO LA GSOL BA 'DEBS SHING DAM PA 'DI'I RNAM THAR LTAR LAM MA NOR BAR STON PA'I BSHES GNYEN DAM BA TSUL BZHIN DU BSTEN NAS SKYES BU GSUM GYI LAM GYI RIM PA BSGOM PA LA BRTZON PAR BYA'O,, ` ,,BYANG CHUB THUGS KYIS 'GRO KUN BU BZHIN GZIGS, ,LHAG PA'I LHA YIS RJES BZUNG BYIN GYIS BRLABS, ,SNYIGS DUS 'GRO BA 'DREN PA'I BSHES GNYEN MCHOG ,NAM MKHA' RGYAL MTSAN ZHABS LA GSOL BA 'DEBS, ,ZHES BSNGAGS BA LHO BRAG MKHAN CHEN NAM MKHA' RGYAL MTSAN NI

, ,YAB SLOB DPON NAM MKHA' BZANG PO DANG, YUM RIN CHEN RGYAN CES BYA BA'I SRAS SU ME PHO STAG GI LO LA SHUD PHU'I RIGS SU SKU BLTAMS, 'KHRUNGS TZAM NYID NAS SAm SKRI TA'I SKAD DU DE BZHIN GSHEGS PA'I MTSAN BRJOD PA SOGS SMRA SHES SHING, BSAMS BZHIN DU BYON PA'I SPRUL PA ZHIG YIN PA'I RTAGS BSTAN, DGUNG LO GNYIS PA LA SNGON GYI SKYE BA DRAN PA'I STOBS KYIS GTOR MA GTONG BA'I LAD MO MDZAD, LO GSUM PA'I DUS SU LHAG PA'I LHA MANG PO'I ZHAL MTHONG BA BYUNG, DGUNG LO BDUN PA LA KHU BO MKHAN CHEN RGYAL SRAS PA LA DGE BSNYEN GYI SDOM PA MNOS, KHYIM GYI 'DU 'DZI LA MA CHAGS PAR NGES 'BYUNG GI BSAM PA SHUGS DRAG POS BSKUL TE MKHAN CHEN RGYAL SRAS BZANG PO'I DRUNG DU RAB TU BYUNG ZHING DGE TSUL GYI SDOM PA BZHES, THUGS RJE CHEN PO'I CHOS SKOR RNAMS GSAN, DE'I TSE BUD MED PADMA'I PHOR PA NA 'O THUG GI TSOD MA KHYER BA BZHIS 'DI SKAD DU, SKYE RGA NA 'CHI'I SNANG TSUL 'DI, ,THOS PAS YI MUG SKYE 'GYUR NA, ,NGAN SONG SDUG BSNGAL BZOD DKA' BAS, ,GZHAN PHAN BYANG SEMS BDUD RTZI THUNGS, ,ZHES GSUNGS NAS PAD PHOR GYI 'O MA DE BYIN NAS SHAR PHYOGS KYI NAM MKHA' LA BZHUNG, DE NAS SPYAN RAS GZIGS KYI BSNYEN PA MANG DU MDZAD, LO BCU PA LA KHU BO'I DRUNG DU SNE'U ZUR PA NAS BRGYUD PA DANG BYA YUL BA NAS BRGYUD PA'I LAM RIM DANG THUGS RJE CHEN PO DANG MI G-YO BA RTA MGRIN LHA BZHI SGROL MA NYER GCIG LA SOGS

PA'I CHOS SKOR MANG DU ZHUS, RTAGS KHYAD PAR CAN YANG MANG DU BYUNG, LO BCU GSUM PA'I KEG LA DGE SBYOR NYIN MTSAN YENGS PA MED PAR MDZAD, NU MO SGRO BA DGON PA'I 'BUM PA LA SKOR BRA MDZAD PAS SKU LUS LAS 'ONG 'PHRO BA RGYANG RING PO NA GNAS PA'I SKYE BO DAG GIS KYANG MTHONG NAS 'BUM PA LA MES SKOR BA BYED KYI 'DUG ZER BA BYUNG, DGUNG LO BCO LNGA PA LA 'DUL BA'I SLOB GNYER MDZAD, BCU BDUN PA LA 'CHAD NYAN MTSON RE MDZAD KYANG THUGS LA LUNG STONG ZHIG TU SGOM SGRUB 'BA' ZHIG MDZAD DGONGS PA BYUNG GSUNG, LO BCU DGU'I DUS LHA SAR JO BO MJAL DU BYON NAS NYIN MTSAN GNYIS KA SKOR BA MANG DU MDZAD, NUB GCIG RA MO CHE'I KHYAMS SU BZHUGS PAS LCAGS SGO DE PHYE NAS MI NAG PO 'JIGS SU RUNG BA DAR NAG GI GOS GYON PA CIG BYUNG NAS, KHYOD NI LAS KYI RDO RJE BDE LDAN ZHES BYA BA YIN NO, ,DA RIN CHEN SGANG DU SONGS LA 'JAM DBYANGS KYI SPRUL PA GCIG DANG MJAL NAS 'ONG GI GSUNG BA BYUNG, MI NAG PO DE MGON BO GRI GUG YIN PAR 'DUG GSUNG, DE NAS RIN CHEN SGANG DU BYON, RIN PO CHE BKRAS RGYAL BA'I DRUNG DU BSNYEN PAR RDZOGS, LAM RIM BLO SBYONG SEMS BSKYED KYI CHOS SKOR DANG GZHAN YANG GSANG SNGAGS KYI SGRUB LUGS MANG DU GSAN, DE'I TSE RIN PO CHE'I ZHAL NAS KHYOD KYIS YI DAM GANG LA BYAS, RAB TU BYUNG NAS LO DU SONG, SLOB GNYER GANG LA BYAS, KHYED LA CHOS PA AA THO BA CIG

, ,'ONG BAR 'DUG GSUNGS NAS MNYES PA'I ZHAL TA MANG DU GNANG, DE NAS RI ZANGS RDOG PA'I DRUNG DU BYON TE 'DUL BA RGYA CHER 'GREL, KARMA SHA TAM, NYI KHRI SNANG BA, BSLAB PA KUN LAS BTUS, JO BO'I CHOS CHUNG BRGYA RTZA, NYI MA SBAS PA'I SGROL MA NYER GCIG GI LAS TSOGS SOGS CHOS MANG DU GSAN, DE NAS LHO BRAG TU PHEBS TE CHE SAR BTON, DE NAS LO NYER GNYIS LON PA'I TSE KHYE'U DKAR PO ZHIG BYUNG NAS, KHYOD LA TSE SNGON GYI RNAM SMIN YOD PAS BYANG CHUB LTUNG BSHAGS KYI SGRUB PA GYIS ZER NAS 'JA' BZHIN YAL, DE NAS LTUNG BSHAGS KYI SGRUB PA LA ZHUGS THUN RE LA PHYAG BDUN BRGYA RE'I DAM BCA' MDZAD, NUB GCIG GI RMI LAM DU BTZUN CHUNG LO BRGYAD PA'I NA TSOD TZAM PA SUM CU RTZA LNGA BYON NAS, SDUG BSNGAL RGYA MTSOR BYING BA'I GZHI CHEN PO, ,CHAGS DANG SDANG BA'I NGAN RTOG SNA TSOGS 'DI, ,NGO BO RANG BZHIN MED PAR RTOGS PA NA, ,SPANG BLANGS RGYU RKYEN MED PA CHOS KYI SKU, ,ZHES PA LA SOGS PA'I CHOS TSIGS BCAD RE RE GSUNGS NAS NAM MKHA' LA BZHUD PA RMIS, THUGS DAM SHIN TU 'PHEL TE KHAMS 'DUS SHIG YOD BA ZHI ZHING BYANG CHUB KYI SEMS DANG SNYING RJE BCOS MA MA YIN PA RGYUD LA SKYES NAS NYIN MTSAN 'PHRO MI CHOD PA BYUNG GSUNG, DGUNG LO NYER GSUM LON DUS SGRO BA DGON PAR ZLA BA DRUG MTSAMS BCAD NAS 'JAM DPAL DANG DON ZHAGS LA GSOL BA BTAB, NYER LNGA LON DUS BLA MA BDE BA'I 'BYUNG GNAS KHAR CHUR BYON PA LA CHOS MANG DU GSAN, YANG DE'I

LO MKHAN CHEN RGYAL SRAS PAS MON GRVA PA GDAN DRANGS TE CHOS 'KHOR CHEN MO MDZAD, MON GRVA PA LA PHYAG RDOR KHYUNG LNGA'I DBANG LUNG DANG BLO SBYONG TSIG BRGYAD MA SOGS CHOS MANG DU GSAN, DGUNG LO SUM CU RTZA GCIG LON DUS RGYAL SRAS PA ZHING GZHAN DU GSHEGS PA'I DGONGS RDZOGS LA GSER SKU CHEN PO BZHENGS, PHYOGS DE'I SER SKYA TSANG MAS GDAN SA MDZAD DGOS PAR GSOL BA BTAB STE SGRO BA DGON PA'I CHOS KYI KHRI LA PHEBS, DE'I TSE GSANG BDAG GI ZHAL NAS, LAS KYI RDO RJE; KHA YI CHOS KYIS 'TSANG MI RGYA, ,GSHOG MED BYA YIS 'PHUR MI NUS, ,SMIG RGYU'I CHU YIS SKOM MI SEL, ,RGYA MTSOR SKOM RIR MI 'CHI 'TSAL, ,KHU BO MEE TRI 'DI SKAD GSUNG, ,DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,ZHES SOGS SEMS BSKYED NYI SHU RTZA GNYIS KYI GDAMS PA GNANG, DGUNG LO BZHI BCU BZHES DUS GSANG BDAG LA ZHUS PAS, SDOM PA GSUM GYI NYES LTUNG DANG DAM TSIG NYAMS CHAGS SBYONG BA'I THABS GSANG BA BSAM GYIS MI KHYAB PA'I GDAMS PA ZAB MO GSUNGS, PHYIS YI GER 'DEBS PAR MDZAD DO, ,DGUNG LO ZHE GNYIS PA'I DUS GSANG BDAG GI ZHAL NAS, LAS KYI RDO RJE, BLA MA LA MOS GUS MA THOB BAR YI DAM LHA'I ZHAL MTHONG ZER BA DANG NYAMS RTOGS BZANG PO SKYES ZER BA RDZUN YIN, 'CHI BA SNYING NAS MA DRAN PAR 'JIG RTEN BLOS BTANG ZER BA DANG, LAS RGYU 'BRAS LA YID CHES MED PAR SDIG PA MA BYAS ZER BA DANG, PHAN SEMS RDUL TZAM MED PAR BYAMS PA SNYING RJE RGYUD LA SKYES ZER BA DANG,

, ,KUN RDZOB KYI CHOS THAMS CAD BDEN MED DU MA RTOGS PAR STONG BA NYID RTOGS ZER BA RNAMS RDZUN YIN, CHOS GSHA' MA CIG BYED NA GZHI DAD PA GAL CHE GSUNG, DAD PA SKYE BA'I RGYU GANG LAGS ZHUS PAS BLA MA SANGS RGYAS LTA BU BSTEN NA DAD PA SKYE, 'CHI BA MI RTAG BA DRAN NA DAD PA SKYE, MCHED GROGS DAD PA CAN DANG 'GROGS NA DAD PA SKYE, 'KHOR BA'I NYES DMIGS DRAN NA DAD PA SKYE, ZHES PA LA SOGS PA'I GDAMS PA MANG DU GSUNGS SO, ,YANG LAN CIG BRAM ZE CHEN PO SA RA HA YIN ZER BA GRUB THOB CIG DANG MJAL, DES RDO RJE'I LUS KYI GNAS LUGS RGYAS PA CIG GSUNGS, DGUNG LO RE GCIG BZHES DUS LI YUL YIN ZER BA'I LUNG PA GSUM GSHIB 'DUG PA'I DBUS MA DE'I DKYIL STOD NA PHO BRANG CHEN PO ZHIG 'DUG ,PHO BRANG DE NA SU BZHUGS PA YIN DRIS PAS JO BO 'DI PAm KA RA SHR'I DZNY'A NA BZHUGS PA YIN GSUNG, JO BO DE DANG MJAL BA ZHIG BYUNG NA SNYAM NAS GSOL BA 'DEBS KYIN PHYIN PAS JO BO CHEN PO ZHAL RAS DKAR LA SKU BONG CHE BA PAn ZHVA DMAR PO GSOL BA CIG BZHUGS 'DUG ,THUGS RJES GZUNG DU GSOL ZHES GSOL BA BTAB PAS JO BO RJES GDAMS PA MANG DU STZAL LO, ,DGUNG LO BDUN CU BZHES DUS 'JAG DKAR DU RDO RJE RNAM 'JOMS KYI DBANG BYAS PA'I THO RANGS YI DAM LHA'I LUNG BSTAN LA, BCOM LDAN 'DAS MGON PO BYAMS PA'I SPRUL PA CIG GI GSUNG YIG KHYER BA'I MI BZHI 'ONG BAR YOD GSUNG BA BYUNG, SANG DE MI BZHI BYUNG, DGE BA'I BSHES GNYEN BLO BZANG GRAGS

PA'I GSUNG YIG YIN PAR 'DUG ,KHONG GI LO RGYUS RNAMS THOS PA NA SNGON GYI DPON SLOB KYI 'BREL PAS YID SPRO BA CIG BYUNG GSUNG, DE NAS NUB GCIG RMI LAM DU DGE BSHES BLO BZANG GRAGS PAS SANGS RGYAS RAB BDUN SPYAN DRANGS YOD ZER BA'I SKAD LHANG BA CIG BYUNG, DE DANG BDAG MJAL NA DGA' BA LA SNYAM TZA NA, 'JA' TSON SNA LNGA'I STENG NA TSUR SANGS RGYAS BDUN PO DGUNG LO BCU GNYIS PA'I NA TSONG LTA BU GTZUG TOR KRONG DE YOD PA BYON BYUNG BAS, GNYID SANG DE BLTAS PAS YUN RANG DU BZHUGS 'DUG ,DE DUS KHONG RDZING PHYI'I MCHOD KHANG LA RAB GNAS MDZAD KYIN YOD PAR 'DUG GSUNG, YANG LAN CIG BU MO DKAR MO ZHIG NA RE, BYAMS PAS BYIN GYIS BRLABS PA'I GANG ZAG 'JAM PA'I DBYANGS DANG GNYIS SU MED PA LHA MO DBYANGS CAN MAS RIGS PA STER BAR BYED PA CIG DANG SKYE BA BCO LNGA'I GONG NAS 'BREL BA ZHIG 'ONG BAR YOD BAS, DE LA CHOS BKA' LA BSRIS MA 'JUG PAR BYIN, PHAR LA'ANG CHOS ZHUS ZER BA ZHIG BYUNG GSUNG, YANG LAN CIG MGON PO BYAMS PA 'BYON KYIN YOD ZER BA'I SKAD LHANG BA CIG BYUNG, DE DUS CHOS RJE DKA' BZHI BRGYA MO RI 'PHRENG LA PHEBS PA'I TSOD DU 'DUG ,SANGS RGYAS KYIS CHOS 'KHOR BSKOR BA'I DUS DRUG PA'I TSES BZHI'I NYIN SGRO BA DGON PAR PHEBS PA LA, BSU BA LA THEGS PAS RJE BTZUN 'JAM DBYANGS PHEBS BYUNG BAR GZIGS, RJE BTZUN TZONG KHA PAS BDAG PHYAG NA RDO RJER DNGOS SU GZIGS 'DUG GSUNG, DE'I NUB MO RJE RIN PO CHE LA BLA MA'I RNAL 'BYOR ZHIG PHOG BAS, PHYAG NA RDO RJE BYON NAS RJE RIN PO CHE LA

, ,THIM SONG GSUNG, DE NAS TSES BCO LNGA'I THO RANGS SHIG BYAMS PA NYID LA BSLAB BTUS ZHUS ZER BA ZHIG BYUNG, DE NAS RJE BTZUN TZONG KHA PA LA BSLAB BTUS GSUNG BAR ZHUS PAS, RJE BTZUN TZONG KHA PAS GSUNGS NAS YI DAM LHA DE SKAD GSUNG NGAM GSUNG NAS BSLAB BTUS GSUNGS, DE DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DBUNG PA G-YAS NA 'JAM DKAR, G-YON NA DBYANGS CAN MA, CHOS SKYONG DANG MKHA' 'GRO MANG POS BSKOR ZHING, LHA 'DRE MANG PO'ANG CHOS NYAN KYIN 'DUG BAS MOS GUS THUN MONG MA YIN BA SKYES ZHES GSUNG, SO SOR 'BRANG MA'I DBANG DANG SEMS BSKYED KYANG GSAN, RJE TZONG KHA PA LA BDAG GIS CHOS BKA' MA LUS PA RDZOGS PAR PHUL, RJE TZONG KHA PA'I 'KHOR BLA MA 'JAM DKAR BA SOGS PHUN SUM TSOGS PA RNAMS LA'ANG CHOS LUNG MANG DU BYAS, DPON SLOB THAMS CAD LA DAD PA THOB, DE'I STOBS KYIS KHO BO LA'ANG YON TAN BAG RE SKYES PA BYUNG, BDAG GIS CHOS BSTAN PA'I DUS SU RJE TZONG KHA PA'I GZIGS SNANG LA NGA'I MGO THOG TU SH'AKYA THUB PA, G-YAS SU PHYAG NA RDO RJE, G-YON DU GDUNGS DKAR CAN RNAMS BZHUGS 'DUG PA GZIGS 'DUG GSUNG, DE LTAR LHO BRAG GRUB CHEN NAM MKHA' RGYAL MTSAN ZHES MTSAN YONGS SU GRAGS PA'I BDAG NYID CHEN PO 'DIS DGE BSHES STON PA NAS DGON PA BA, DE NAS SNE'U ZUR PA SOGS LA BRGYUD PA'I LAM RIM DANG, DGE BSHES STON PA NAS SPYAN SNGA BA,

DE NAS BYA YUL BA SOGS LA RIM GYIS BRGYUD PA'I LAM RIM STE BYANG CHUB LAM GYI RIM PA BRGYUD PA'I CHU BO GNYIS 'DRES KYI MAN NGAG RNAMS RANG GIS THUGS NYAMS SU BZHES NAS RTOGS PA MCHOG THOB CING SKAL BA DANG LDAN PA GZHAN DAG LA'ANG RGYA CHER SPEL BAS BRGYUD PA'I SROL 'DZIN JI LTAR BYUNG BA NI YI DAM GSANG BA'I BDAG PO'I LUNG BSTAN LAS, DAD PA THOB PA 'BUM TSO GCIG ,NGES PAR GROL BA LNGA BCU STE, ,RTZOD MED GRUB THOB BRGYAD DU NGES, ,'GRAN GYI DO MED BLO BZANG YIN, ,ZHES GSUNGS PA LTAR BSTAN 'DZIN DAM PA MANG DU BYON ZHING, 'PHRIN LAS RGYA CHER SPEL BA GANGS RI'I KHROD NA 'GRAN PA'I ZLA THAMS CAD DANG BRAL BA NI RJE BTZUN CHOS KYI RGYAL PO TZONG KHA PA CHEN PO'O, ,DE LTAR LHO BRAG GRUB CHEN NAM MKHA' RGYAL MTSAN GYIS BSTAN PA DANG 'GRO BA'I DON RGYA CHER MDZAD NAS SKU TSE 'DI'I DNGOS KYI GDUL BYA RNAMS RDZOGS PA NA, DGUNG LO BDUN CU DON DRUG TU PHEBS PA LCAGS MO SBRUL GYI LO NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, SKU GDUNG ZHUGS LA PHUL BAS LHA SKU RANG BYUNG DANG RING BSREL KHRI KHRAG MANG PO PHEBS TE SKU GDUNG RING BSREL GYIS KYANG GDUL BYA MTHA' YAS PA'I BSOD NAMS KYI ZHING MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BLA MA PHYAG RDOR BA ZHES KYANG GRAGS, GRUB CHEN LAS KYI RDO RJE ZHES KYANG GRAGS, LHO BRAG MKHAN CHEN ZHES KYANG GRAGS PA MKHAN CHEN NAM MKHA' RGYAL MTSAN LA GSOL BA 'DEBS SHING, BDAG NYID

, ,CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA 'DEBS SHING, RGYAL BA'I BKA' DANG DGONGS 'GREL MA LUS PA'I DON GCIG TU BSDUS PA'I MAN NGAG BYANG CHUB LAM GYI RIM BA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,DMIGS MED BRTZE BA'I GTER CHEN SPYAN RAS GZIGS, ,DRI MED MKHYEN PA'I DBANG PO 'JAM PA'I DBYANGS, ,BDUD DPUNG MA LUS 'JOMS MDZAD GSANG BA'I BDAG ,GANGS CAN MKHAS PA'I GTZUG RGYAN TZONG KHA PA, ,BLO BZANG GRAGS PA'I ZHABS LA GSOL BA 'DEBS, ,ZHES BSNGAGS PA SNYIGS MA'I DUS SU GANGS RI'I KHROD 'DIR RGYAL BA'I BSTAN PA SPEL BA LA MKHYEN BRTZE NUS GSUM GANG GI THAD NAS KYANG 'GRAN PA'I ZLA DANG BRAL BA RIGS GSUM MGON PO DANG MTSUNGS SHING, RGYAL BSTAN YONGS RDZOGS 'DZIN CING SPEL BA LA RGYAL BA RANG NYID SLAR BYON PA LTA BUR GYUR PA RJE BTZUN CHOS KYI RGYAL PO TZONG KHA PA CHEN PO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I DUS NAS BYANG CHUB MCHOG TU THUGS BSKYED DE RGYAL BA GRANGS MED PA MCHOD CING BSNYEN BKUR, TSOGS GNYIS YONGS SU RDZOGS TE STOBS BCU DANG, MI 'JIGS PA BZHI DANG, MA 'DRES PA'I CHOS BCO BRGYAD LA SOGS PA SANGS RGYAS KYI YON TAN THAMS CAD YONG SU RDZOGS NAS NAM MKHA'I MTHAS KLAS PA'I ZHING KHAMS RAB 'BYAMS THAMS CAD DU GDUL BYA RNAMS KYI KHAMS DANG BSAM PA DANG

BAG LA NYAL DANG MTHUN PAR SANGS RGYAS KYI MDZAD PAS 'DUL BAR 'OS PA RNAMS LA SANGS RGYAS KYI MDZAD PA STON, BYANG CHUB SEMS DPA'I GZUGS KYIS 'DUL BAR 'OS PA RNAMS LA BYANG CHUB SEMS DPA'I GZUGS STON, NYAN RANG GIS 'DUL BAR 'OS PA RNAMS LA NYAN THOS DANG RANG SANGS RGYAS KYI GZUGS SU STON, RGYAL POS 'DUL BAR 'OS PA RNAMS LA RGYAL PO'I GZUGS SU STON, THA MAL PA'I GZUGS KYIS 'DUL BAR 'OS PA RNAMS LA GDUL BYA RANG RANG DANG SKAL BA MNYAM PA'I THA MAL PA'I GZUGS STON CING, GANG LA GANG 'TSAMS KYI SPRUL PAS 'GRO BA RNAMS SMIN CING GROL BAR MDZAD PA LA 'BAD RTZOL DANG RNAM RTOG MI MNGA' BAR LHUN GYIS GRUB PA'I 'PHRIN LAS KYIS KHYAB PAR MDZAD CING BZHUGS PA LAS MI MJED 'JIG RTEN GYI ZHING 'DIR STON PA THUB PA'I DBANG POS SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS KYI 'KHOR LO BSKOR BAR MDZAD PA 'DI NYID SANGS RGYAS KYI MDZAD PA THAMS CAD KYI NANG NAS RAB DANG PHUL DANG MCHOG DANG GONG NA MED PAR GZIGS NAS MDO SNGAGS YONGS SU RDZOGS PA'I BSTAN PA 'DI NYID BYANG PHYOGS GANGS RI'I LJONGS 'DIR CHES CHER GSAL PAR MDZAD PHYIR BSAMS BZHIN DU BYON PA ZHIG GO ;RJE BTZUN TZONG KHA PA CHEN PO 'DI NYID RGYAL BA'I MDO SNGAGS KYI BSTAN PA YONGS SU RDZOGS PA SPEL BA'I PHYIR BSAM BZHIN BYON PA GANG GIS SHES SNYAM NA, DE NI RGYAL BA'I BKA' LUNG TSAD MA DPANG POR GYUR PA LAS SHES TE,

, ,SKYOB PA NYID GZIGS LAM GSUNG BA, ,'BRAS MED PHYIR NA RDZUN MI GSUNG, ,ZHES GSUNGS PA LTAR STON PA THUB PA'I DBANG PO DUS GSUM GYI SHES BYA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS SHING, RANG GI YE SHES SGRIB PA MED PAS JI LTAR GZIGS PA DE KHO NA LTAR GSUNG BA LAS RDZUN GSUNG BA RNAM PA KUN TU MI SRID PAR BDEN PA GSUNG BA'I BKA' MDO DANG SNGAGS KYI LUNG MANG PO DANG SNGON GYI SKYES BU DAM PA MANG PO'I GSUNG TSAD MA DAG LAS SHES TE, DE YANG RJE BLA MA 'DI NYID GANGS RI'I LJONGS 'DIR RGYAL BSTAN SPEL BA'I PHYIR DU 'BYON PAR MDO LAS LUNG BSTAN TSUL NI, MDO SDE GDAMS NGAG 'BOGS PA'I RGYAL PO'I BSTAN PA DVANGS SNYIGS 'BYED PA'I LE'U LAS, KUN DGA' BO, DA LTA NGA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,MA 'ONGS SNYIGS MA'I DUS SU NI, ,'BRI DANG LDAN GYI SA MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA, ,DBU RGYAN 'BUL ZHING MCHOD PA BYED, , STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU,

SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES RJE BLA MA TZONG KHA PA CHEN PO MDZAD PA RNAM THAR DANG BCAS PA GSAL BAR LUNG BSTAN TO, ,RJE BLA MA 'DI SNGON SANGS RGYAS ZHAL BZHUGS PA'I DUS SU BRAM ZE'I KHYE'UR 'KHRUNGS PA BYANG CHUB SEMS DPA' MOS PA'I BLO GROS ZHES BYA BAS KHRID NAS STON PA THUB PA'I DBANG PO RDO RJE GDAN DU BZHUGS PA DANG MJAL TE, SHEL DKAR PO'I 'PHRENG BA DRI MA MED PA BRGYA RTZA GCIG PHUL NAS BYANG CHUB TU THUGS BSKYED CING, RGYAL BA MYA NGAN LAS 'DAS PA'I 'OG TU BSTAN BA NYAMS PA LA PHYOGS PA'I TSE BYANG PHYOGS GANGS RI'I KHROD DU SPYIR THUB PA'I BSTAN PA YONGS SU RDZOGS PA GSAL BAR BYED PA DANG, LHAG PAR BSTAN PA'I SNYING PO ZAB MO DBU MA'I LTA BA RNAM PAR DAG PA RGYAL BA RANG NYID KYI DGONGS PA BZHIN DU CHES CHER RGYAS PAR BYED NUS PA'I SMON LAM BTAB PA NA DE KHO NA LTAR 'GRUB BO ZHES LUNG STON PA LA KUN DGA' BO, DA LTA BA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,ZHES SOGS GSUNGS, DE LTAR LUNG BSTAN PA DE YANG RJE BTZUN BLA MA TZONG KHA PA CHEN PO 'DI NYID KHO NA LA GO BA'I PHYIR BZHUGS GNAS DANG MTSAN GSAL BAR LUNG BSTAN PA NI, MA 'ONGS SNYIGS MA'I DUS SU NI, ,'BRI DANG LDAN GYIS MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,ZHES 'BRI KHUNG DANG

, ,SKYID SHOD LDAN GYI MTSAMS SU DGE LDAN ZHES BYA BA'I DGON PA 'DEBS PA DANG, DE'I RJES 'JUG RNAMS LA'ANG DGE LUGS PA ZHES ZER BA 'BYUNG BA DANG, MTSAN BLO BZANG GRAGS PA ZHES BRJOD PA 'BYUNG BAR GSAL BAR LUNG BSTAN, RJE 'DI'I MDZAD PA RNAM THAR LUNG STON PA LA, 'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA; ;DBU RGYAN 'BUL ZHING MCHOD PA BYED, ,STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,ZHES GSUNGS TE, RJE BDAG NYID CHEN PO KHA BA CAN GYI LJONGS 'DIR BYON NAS GDUL BYA 'DUL BA'I DUS LA BAB PA NA, RJE BTZUN SPYAN RAS GZIGS DANG RJE BTZUN GSANG BA'I BDAG PO LA SOGS PA PHYOGS BCU'I ZHING NAS RGYAL SRAS MTHU CHEN MANG PO ZHIG RJE 'DI'I BSTAN PA SPEL BA'I GROGS SU BYON TE, DBANG PHYUG DANG, STOBS DANG, LONGS SPYOD KYIS 'KHOR DBANG MED DU BSDUS PA MA YIN PAR SKAD CIG NYID LA NUB PHYOGS DZA LANDHA RA NAS SHAR PHYOGS RGYA MTSO CHEN PO LA THUG GI BAR RJE BLA MA'I 'KHOR THUB BSTAN YONGS RDZOGS 'DZIN PA'I BSHES GNYEN CHEN PO DAG GIS KHYAB STE RNAM PAR DKAR BA'I CHOS KYI 'PHRIN LAS KYIS SA CHEN PO'I KHYON 'DI YONGS SU GANG BA MCHOG DMAN BAR MA KUN GYI MIG LA SNANG BA 'DI RGYAL BAS LUNG BSTAN PA LTAR MNGON SUM

DU GRUB PA YIN LA, GANGS RI'I KHROD 'DIR THUB PA'I BSTAN PA YUN RING DU GNAS PA'I RTEN 'BREL BSGRIG PHYIR CHOS RGYAL SRONG BTZAN SGAM POS SPRUL PA'I BZO BO MTHA' YAS PA SPRUL TE BZHENGS PA LHA LDAN SPRUL PA'I GTZUG LAG KHANG; GANG DU BKA' CHEMS GTER DU SBAS PA'I KA BA SHING LO CAN ZHES BYA BA YOD PA'I LHA KHANG GI RTEN GYI GTZO BO STON PA'I SKU GZUGS BSTAN PA 'DI LA STON PA RANG NYID DNGOS SU BZHUGS PA DANG MTSUNGS PAR BYIN RLABS CAN DU GRAGS PA JO BO SH'AKYA MU NE DANG, MI BSKYOD RDO RJE GNYIS LA DBU RGYAN 'BUL ZHING CHO 'PHRUL GYI MCHOD PA RGYA CHEN PO BLA NA MED PA BYED PA DANG, DE'I DUS SU DGE 'DUN KHRI KHRAG BRGAL BA 'TSAGS TE GSOL BA 'DEBS PA RNAMS GSAL BAR LUNG BSTAN, DE LTAR MDZAD PA'I MTHUS THUB PA'I BSTAN PA NYAMS PA GSOS TE LO STONG GI BAR DU 'PHEL ZHING GNAS PA DANG, RJE 'DI NYID MA 'ONGS PA NA NGO MTSAR RMAD BYUNG BKOD PA'I 'JIG RTEN DU RGYAL BA SENG GE'I NGA RO ZHES BYA BAR 'TSANG RGYA BAR 'GYUR BA DANG, RJE BLA MA 'DI LA DAD PA BYED PA RNAMS KYANG ZHING DER SKYE BAR 'GYUR RO ZHES STON PA LA, DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU, ,SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES GSAL BAR GSUNGS SO, ,LHA MO DRI MA

, ,MED PAS ZHUS PA'I MDO LAS, BYANG PHYOGS GANGS RI'I RGYUD KYI SAR, ,DGE BA LDAN PA'I SA PHYOGS SU, ,DAM PA'I CHOS NI RGYAS PAR 'GYUR, ,ZHES RJE BLA MA 'DI NYID GANG DU 'BYON PA'I DGON GNAS GSAL BAR LUNG BSTAN TO, ,LANG KAR GSHEGS PA'I MDO LAS LUNG BSTAN PA NI, MDO DE NYID RGYA NAG TU 'GYUR BA LAS, BCOM LDAN 'DAS LA KLU'I RGYAL PO MA DROS PAS DUNG DKAR PO ZHIG PHUL BA MOO 'GAL GYI BU LA GNANG NAS 'DI KHYOD KYIS 'GOG PA'I RIR SBOS SHIG ,MA 'ONGS PA NA DGE SLONG PADMA'I DANG LDAN 'DIS GTER NAS 'DON PAS DE'I TSOGS DUNG DU 'GYUR GYI GTER BDAG SPRE'U'I GNAS BYED DO, ,ZHES RJE BDAG NYID CHEN PO 'DIS, 'GOG PA RI ZHES BYA BA 'BROG RI BO CHE DGA' LDAN GYI BYANG NGOS NAS DUNG GER NAS BZHES TE LHA SA SMON LAM CHEN MO'I TSOGS DUNG MDZAD, DE NAS 'JAM DBYANGS CHOS RJE LA GNANG STE 'BRAS SPUNGS SU RJE'I BSTAN PA CHES CHER 'PHEL BA'I RTEN 'BREL BSGRIG PAR MDZAD, THUGS SMON MDZAD PA LTAR GRUB STE DA LTA YANG 'DZAM BU'I GLING NA MDO SNGAGS KYI BSHAD SGRUB 'PHEL BA DANG, DGE 'DUN GRANGS MANG BAR BZHUGS SHING, GTER DUNG YANG KUN GYI MIG LA BLTAR YOD PA 'DI LTAR RO, ,RJE BTZUN 'JAM PA'I DBYANGS KYIS KYANG RJE RIN PO CHE NYID LA SPRUL PA'I GLEGS BAM CHEN MO GNANG DUS GTER DUNG 'DI'I LO RGYUS GSAL BAR GSUNGS PA GRUB

CHEN DBEN SA PAS LUNG BSTAN GSAL BA'I ME LONG YI GER BKOD PA DBEN SA BKA' 'BUM NA BZHUGS PA LTAR RO, ,RJE BLA MA 'DI NYID RGYUD NAS LUNG BSTAN TSUL NI, 'JAM DPAL RTZA RGYUD LAS, 'JIG RTEN NGA NI MYA NGAN 'DAS, SA YI STENG 'DI STONGS GYUR NA, ,KHYOD NYID BYIS PA'I GZUGS KYIS NI, ,SANGS RGYAS MDZAD PA BYED PAR 'GYUR, ,DE TSE DGON CHEN RAB DGA' BA, ,KHA BA CAN NANG YOD PA YIN, ,ZHES GSAL BAR LUNG BSTAN TE, DE YANG RGYAL BA MYA NGAN LAS 'DAS NAS 'GRO BA MGON SKYABS DANG BRAL BAR GYUR PA NA RJE BTZUN 'JAM PA'I DBYANGS BYIS PA STE THA MAL PA'I TSUL BZUNG NAS SEMS CAN GYI DON RGYA CHER MDZAD PA DANG, LHAG PAR BYANG PHYOGS KHA BA CAN DU DGA' LDAN ZHES BYA BA'I DGON PAR SANGS RGYAS KYI MDZAD PA BYED PA DANG, MTSAN YANG BLO BZANG GRAGS PA ZHES 'BYUNG BAR LUNG BSTAN, YANG 'JAM DPAL RTZA RGYUD LAS, BLO LDAN DANG POR YI GE MA, ,DE BZHIN SDOM BRTZON DAD PA 'BYUNG, ,RNAM PA DU MAR SDOM BRTZON GSUNGS, ,DE TSE MTHA' YAS 'BYUNG BAR 'GYUR, ,SDOM BRTZON THAMS CAD BSGRAGS PA YANG, ,STON PA'I BSTAN PA GSAL BAR BYED, ,BSTAN PA DE TSES STENG DU, ,RNAM PAR NYAMS SHING SNANG MED LA, ,STON PA'I GZUGS BRNYAN YID DU 'ONG, ,BYED PAR 'GYUR BAR THE TSOM MED, ,THAMS CAD BYANG CHUB LUNG BSTAN TE, ,NGA YI BYANG CHUB MCHOG THOB 'GYUR, ,DER NI 'JIG RTEN SBYIN GNAS 'GYUR, ,SRID

, ,PA GSUM GYI MTHAR YANG BYED, ,SNGAGS DANG RGYUD LA MNGON BRTZON PA'I, ,GRAGS PA 'DZIN PAR SHES PAR BYA, ,ZHES SHIN TU GSAL BAR LUNG BSTAN TE, YI GE MA ZHES PA NI, BLO BZANG GRAGS PA ZHES PA'I SAm SKRI TA'I SKAD KYI MING YIG DANG PO STE, BLO BZANG GRAGS PA ZHES PA'I SKAD DOD LA, MA TI BHA DRA KIRTI ZHES 'BYUNG NGO, ,DE YANG MA TI ZHES PA GZHAN DANG 'KHRUL GZHI MI 'BYUNG BA'I PHYIR RJE 'DI'I MDZAD CHEN BZHI'I YA GYAL CHO 'PHRUL MCHOD PA'I MDZAD PA JO BO LA DBU RGYAN PHUL TE YID 'ONG DU BYED PA DANG, DE'I TSE GDUL BYA BGRANG BA LAS 'DAS PA LA DGE BA'I RTZA BA BSKYED DE BYANG CHUB TU LUNG BSTAN PA THOB PAR 'GYUR BA DANG, DE LTA BU'I BSTAN PA 'DZIN PA'I BDAG NYID CHEN PO DE GRAGS PA'I MTSAN CAN ZHIG 'BYUNG NGO, ,ZHES GZHAN SU DANG YANG MI NOR BAR BYA BA'I PHYIR GSER BRTAG PA'I RDO KA ZHI PA LTAR LUNG BSTAN MDZAD DO, ,DE LTAR MDO RGYUD DU MA NAS LUNG BSTAN CING SNGON GYI SKYES BU DAM PA DU MAS KYANG BSTAN PA'I BDAG PO RJE BLA MA 'DI LTAR 'BYON PA LUNG BSTAN TE, CHOS RGYAL SRONG BTZAN SGAM POS, DE NAS KHYAD PAR BSNYEN BKUR CHER MDZAD PA, DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'CHANG ZHING SKYES CHEN DAM PA NI, ,SNYING PO'I MTHA' RTEN RNAL 'BYOR CHEN PO DES, ,ZHAL YANG BSGYUR ZHING BSNYEN BKUR CHEN PO MDZAD, ,DE LA BSNYEN BKUR CHER BYED DE DAG NI, ,'PHAGS

PA'I GANG ZAG DGE SBYONG SHA STAG GO ,DE PHYIR DE DAG KUN LA GUS PA BSKYED, ,DE DAG CI PHYIR 'PHAGS PA YIN ZHE NA, ,SANGS RGYAS RNAMS LA MDZAD PA CHEN PO MDZAD, ,DE PHYIR DE DAG 'PHAGS PA'I GANG ZAG GO ,DE LTAR 'PHAGS PA'I GANG ZAG RNAMS 'BYUNG ZHING, ,'KHOR NI LEGS GNAS STON PA'I GSUNG RAB DANG, ,STON PA'I SKU GZUGS DNGOS SU BZHUGS PA DANG, ,RI BO YON TAN CAN YANG DE NA YOD, ,CES BDAG NYID CHEN PO 'DI 'KHRUNGS YUL DANG; ;DGE BSNYEN GYI SDOM PA BZHES PA'I MTSAN DANG, JO BO RNAM GNYIS LA DBU RGYAN 'BUL BA DANG, MCHOD PA RGYA CHEN PO MDZAD DE BSTAN PA RGYAS PAR MDZAD PA DANG, GSUNG LAS SKYES PA'I 'PHAGS PA'I GANG ZAG MTHA' YAS PA 'BYUNG ZHING STON PA'I BSTAN PA CHES CHER GSAL BAR MDZAD PA RNAMS GSAL BAR LUNG BSTAN TO, ,JO BO RJE DPAL LDAN AA TI SHA DANG 'BROM RIN PO CHE GNYIS KYIS YER PA LHA RI SNYING POR LO GSUM GYI BAR DU 'GRO BA MDZAD PA'I GSANG CHOS BKA' GDAMS GLEGS BAM LAS, BLA MA DRI MA MED PAS, BDAG KYANG GNAS DER LHA 'DRE 'DUL DU 'GRO ,ZHES SLOB DPON PADMA DANG, SPRUL PA GCIG NI RGYA GAR GNAS SU 'GRO ,ZHES JO BO CHEN PO DANG, SPRUL PA GCIG NI BAL PO'I MTHIL DU 'GRO, ,ZHES PAndI TA PADMA BADZRA DANG, SPRUL PA GCIG NI MDO KHAMS SMAD LA 'GRO ,ZHES MDO SMAD DU 'KHRUNGS PA 'JAM MGON BLA MA DANG, MAR ME MDZAD KYANG GNAS MCHOG 'DIR, ,SGROL MAR BCAS

, ,TE SPRUL STONG 'GYED, ,LHAG PAR CHAGS MED BSOD SNYOMS PAS, ,SNYAN PA'I DBYANGS KYIS GSOL BA 'DEBS, ,PHYOGS BZHI'I LAS CAN DBANG DU SDUD, ,NGA YI MCHOD TSOGS RGYAS PAR BYED, ,MAR ME MDZAD DANG BYAMS PA YANG, ,KHYOD KYI GROGS BZANG SPEL BAR BYED, ,RING POR MI THOGS GNAS MCHOG 'DIR, ,MCHOD TSOGS RGYA MTSO 'DU BAR 'GYUR, ,SPYAN RAS GZIGS DBANG BZANG POR SPRUL, ,ZHES DANG, GLEGS BAM PHA CHOS LAS, GRAGS DANG YANG GRAGS RIN CHEN GYI, ,GRAGS PA'I MTHA' BZANG DPAL DU GRAGS, ,BLO GROS SHES RAB GZHAN DU GSOL, ,GZHAN YANG GRAGS PA'I MTSAN RAB CAN, ,MANG POS 'GRO BA'I BDE SKYID BSKRUN, ZHES DANG; DE NYID LAS, BDAG GI SPRUL PA DAM PA CIG ,RES 'GA' DGE SLONG NYID DU SPRUL, ,DES NI GNAS DE SKYONG BAR BYED, ,RES 'GA' BYIS PA'I GZUGS SU 'ONG, ,RES 'GA' DBUL PHONGS SPRANG PO'I GZUGS, ,RES 'GA' BYOL SONG BYA KHYI'I GZUGS, ,RES 'GA' GSOL 'DEBS DBYANGS KYI GZUGS, ,RES 'GA' YIG 'BRU GZUNGS KYI GZUGS, ,GRAGS PA CAN NI DGE SLONG NGO, ,BSTAN GNAS BAR DU YANG YANG 'ONG, ,DE NI RGYUD PA NYID DANG MTSUNGS, ,KHRIMS LDAN DE YIS BYIN BRLABS SHING, ,SKYES BU GSUM NI DON GNYER BA'I, ,BYA BA MYONG BA BRGYA PHRAG TZAM, ,GNAS DER BSAM GTAN SGOM PAR BYED, ,CES DANG, LHA DANG BCAS PA'I MCHOD PA'I GNAS, ,

BKUR 'OS NYID DU NGES PAR 'GYUR, ,MDOR NA GNAS MCHOG DE DAG TU, ,DANG PO BZHI GRVA NAS BZUNG STE, ,THA MAR STONG PHRAG PHYED DANG GSUM, ,BSLAB PA GSUM LDAN SH'AKYA'I SRAS, ,'GRO BA KUN GYI MGON DU 'GYUR, ,GNAS DER PHYOGS DANG PHYOGS MTSAMS NAS, ,DGE 'DUN DPAG MED 'DU BAR 'GYUR, ,SPYIR YANG LAS CAN PHYOGS BCUR 'PHRO, ,PHYI YI RGYA MTSO DAG DANG MTSUNGS, ,CHU BO BRGYA YIS GANG MI NUS, ,CI TZAM ZHIG GIS DMA' MI NUS, ,ZHES DANG, YANG; THA MAR BSTAN PA'I ME RO DAG ,GRAGS PA'I MTSAN GYIS GSO BAR BYED, ,DU MA'I PHAN BDE SGRUB BYED PA'I, ,DE YANG GNAS MCHOG DAM PA YIN, ,ZHES RJE BDAG NYID CHEN PO 'KHOR DANG BCAS PA GSAL BAR LUNG BSTAN TO, ,RJE BTZUN 'JAM PA'I DBYANGS KYIS GRUB CHEN 'JAM DPAL RGYA MTSO LA GSUNGS PA'I LUNG BSTAN LAS KYANG, SNGON BSKAL PA GRANGS MED DPAG TU MED PA'I SNGA ROL TU, DE BZHIN GSHEGS PA DBANG PO'I TOG CES BYA BA 'JIG RTEN DU BYUNG STE, 'KHOR TSOGS RGYA MTSO'I DBUS SU THEG PA MCHOG TU GYUR PA RDO RJE THEG PA'I CHOS KYI 'KHOR LO BSKOR BAR MDZAD DO, ,DE'I TSE RJE BDAG NYID CHEN PO 'DI NYID RJE BTZUN 'JAM DPAL DBYANGS KYI SRAS KYI THU BO, GZUNGS DANG, SPOBS PA DANG, MNGON PAR SHES PA DANG, TING NGE 'DZIN DANG, BDEN GNYIS MNGON SUM DU GZIGS PA DAG BA'I YE SHES LA SOGS PA YON TAN BSAM GYIS MI KHYAB BA DANG

, ,LDAN PAR GYUR TO, ,DE NAS RJE BTZUN 'JAM DPAL DBYANGS 'KHOR DANG BCAS PA DE BZHIN GSHEGS PA DBANG PO'I TOG RDO RJE THEG PA'I CHOS 'KHOR BSKOR BA'I MDUN SAR GSHEGS SHING BZHUGS PA NA, BCOM LDAN 'DAS RGYAL BA DBANG PO'I TOG GIS TSANGS PA'I DBYANGS KYIS, BYANG CHUB SEMS DPA' GANG DAG MA DAG PA'I ZHING KHAMS GRANGS MED PA RNAMS SU ZAB MO DBU MA'I LAM DANG 'BREL BA'I RDO RJE THEG PA'I LAM BZANG LUS DANG SROG LA MI LTA BAR RGYAS PAR BYED PA DE NI, RGYAL SRAS RNAMS KYI RLABS CHEN SPYOD PA RGYA MTSO'I RAB DANG, PHUL DANG, MCHOG TU GYUR PA'O, ,ZHES SENG GE'I SGRA SGRAGS PA NA, BDAG NYID CHEN PO 'DI SNYING STOBS CHES CHER RGYAS PAS 'KHOR TSOGS RGYA MTSO'I DBUS SU BZHENGS TE ZHUM PA MED PA'I SGRA DBYANGS KYIS, DENG NAS BRTZAMS TE LUS DANG SROG LA MI LTA BAR MA DAG PA'I ZHING GRANGS MED PAR ZAB MO DBU MA'I LTA BA DANG 'BREL BA'I RDO RJE THEG PA'I LAM BZANG RGYAS PAR BYA'O ZHES DE BZHIN GSHEGS PA DBANG PO'I TOG SOGS PHYOGS BCU'I RGYAL BA SRAS BCAS DBANG DU BZHAG STE DAM BCAS SHING BDEN PA'I TSIG GI SGRA DBYANGS BSGRAGS SO, ,DE'I TSE DE BZHIN GSHEGS PA DBANG PO'I TOG SOGS PHYOGS BCU'I SANGS RGYAS THAMS CAD KYIS LEGS SO, ,KHYOD NI BYANG CHUB SEMS DPA' SNYING STOBS CHEN PO'O, ,ZHES DBUGS DBYUNG ZHING, DE NAS BZUNG STE SANGS RGYAS KYI ZHING THAMS CAD DU'ANG BDAG NYID CHEN PO 'DI'I MTSAN BYANG CHUB SEMS DPA' SNYING STOBS

CHEN POR GRAGS SO, ,DE NAS RGYAL BA DBANG PO'I TOG SKU LAS 'OD ZER GYI TSOGS BYE BA DPAG TU MED PA 'GYED CING ZHAL 'DZUM PA DANG LDAN PAS, KHYOD KYIS JI LTAR DAM BCAS PA BZHIN DU DENG NAS BZUNG STE MA DAG PA'I ZHING GRANGS MED PA RNAMS SU MDO SNGAGS KYI DAM CHOS RGYAS PAR BYAS TE, MTHAR GYIS NGO MTSAR RMAD BYUNG BKOD PA'I ZHING DU DE BZHIN GSHEGS PA SENG GE'I NGA RO ZHES BYA BA'I RDZOGS PA'I SANGS RGYAS SU 'GYUR RO ZHES LUNG BSTAN PAR MDZAD DO, ,YE SHES KYI MKHA' 'GRO MA MA CIG LAB KYI SGRON MAS GCOD GZHUNG CHEN MOR BSTAN PA'I 'PHEL 'GRIB LUNG BSTAN PA LAS, YUM GYIS DE LTA BU'I RGYAL KHRIMS DANG CHOS KHRIMS 'PHYUGS PA'I DUS SANGS RGYAS KYI BSTAN PA MUN NAG TU GLOG 'KHYUG PA LTA BU ZHIG 'BYUNG ZHES GSUNGS PA LA, BSOD NAMS RGYAN LA SOGS PA BU MO BZHIS, DE LTA BU'I BKA' DRIN CAN DE SU LAGS, ZHES SOGS MANG DU ZHUS PA'I LAN DU, BU MO KHYOD KYIS DRIS PA'I BYANG SEMS DE, ,MA 'ONGS BSKAL BZANG SANGS RGYAS BDUN PA YIN, ,DA LTA BYANG CHUB SEMS DPA' SNYING STOBS CHE, ,SNYIGS DUS LOG SPYOD BOD YUL BYUNG BA'I TSE, ,DGE SLONG TSUL 'DZIN GRAGS PA'I MTSAN THOGS TE, ,GANG GI ZHING DU SENG GE'I NGA ROR GRAGS, ,KHRIMS 'CHAL LOG SPYOD SPOBS PA ZIL GNON PAS, ,KHRIMS 'CHAL BAG MED YANG DAG KHRIMS LA SBYOR, ,THUB NYID SROL BTOD BSTAN PA'I PHYAG RTAGS 'DZIN, ,BSTAN PA GSAL BAR BYED PA'I DGE SLONG NGO, ,MTHA' YAS RGYUD SDE'I

, ,TSOGS LA DBANG BSGYUR ZHING, ,RGYUD SDE RGYA MTSO'I DGONGS PA'I BCUD PHYUNG NAS, ,GDUL BYAR GYUR PA'I SKAL LDAN TSIM PAR MDZAD, ,CES BDAG NYID CHEN PO 'DI SNYIGS MA'I DUS 'DIR BSAMS BZHIN DU BYON TE MDO SNGAGS KYI BSTAN PA YONGS SU RDZOGS PA CHES CHER SPEL BAR MDZAD PA GSAL BAR LUNG BSTAN TO, ,DE LTAR MDO RGYUD BSTAN BCOS MANG PO NAS LUNG BSTAN TSUL BRJOD PA DE DAG NI, RJE 'DI 'BYON PA'I DUS TSOD DANG, 'KHRUNGS YUL DANG, DGON GNAS DANG, MTSAN DANG, MDZAD PA RNAM THAR RNAMS 'DI DANG 'DI LTAR 'BYUNG NGO, ,ZHES GSAL BAR LUNG BSTAN PA 'GA' ZHIG BRJOD PA YIN GYI, DON GYIS LUNG BSTAN PA NI SHES RAB KYI PHA ROL TU PHYIN PA STONG PHRAG BRGYAD PA LAS, SHES RAB KYI PHA ROL TU PHYIN PA ZAB MO 'DI RGYAL BA RANG NYID MYA NGAN LAS 'DAS PA'I 'OG TU RGYA GAR LHO PHYOGS SU DAR BAR 'GYUR BA DANG, DE NAS RGYA GAR GYI BYANG PHYOGS KHA BA CAN 'DIR DAR BAR 'GYUR BA LUNG BSTAN TE, RGYA GAR LHO PHYOGS SU DAR BA NI RGYAL BA MYA NGAN LAS 'DAS NAS LO BZHI BRGYA TZAM SONG BA NA 'PHAGS PA KLU SGRUB 'JIG RTEN DU BYON TE SHER PHYIN GYI DON ZAB MO DBU MA'I LTA BA CHES CHER DAR BAR MDZAD PA'O, ,'PHAGS PA KLU SGRUB CES BYA BA DE YANG RJE BDAG NYID CHEN PO 'DI YIN TE, RJE 'DI NYID 'PHAGS PA KLU SGRUB DANG THUGS RGYUD GCIG PAR SNGON BYON PA'I DAM PA MANG POS GSUNGS SHING, DON DE LA

'JAM DBYANGS KHA CHES KYANG, N'A GA DZU NA'I RNAM 'PHRUL TZONG KHA PA, ZHES BSNGAGS SO, ,BYANG PHYOGS SU DAR BAR 'GYUR ZHES GSUNGS PA DE LA, 'DI LTA BU'I SHER PHYIN ZAB MO 'DI DUS KYI THA MA LA BYANG PHYOGS SU JI LTAR DAR BAR 'GYUR, SHER PHYIN ZAB MO 'DI 'DZIN PA MANG PO'AM NYUNG NGU JI LTA BU ZHIG 'BYUNG ZHES ZHUS PA NA BCOM LDAN 'DAS KYIS BKA' STZAL PA, SH'A RI'I BU BYANG GI YUL DANG BYANG GI PHYOGS KYI CHAR BYANG CHUB SEMS DPA' SEMS DPA' CHEN PO MANG ZHING SHIN TU MANG DU 'BYUNG BAR 'GYUR RO, ,SH'A RI'I BU DE DAG MANG MOD KYI MANG PO DE DAG LAS SHES RAB KYI PHA ROL TU PHYIN PA 'DI NYAN PA DANG 'DRI BA DANG 'DZIN PA DANG 'CHANG PA DANG KLOG PA DANG KUN CHUB PAR BYED PA DANG RAB TU 'DON PA DANG STON PA DANG NYE BAR STON PA DANG LUNG 'BOGS PA DANG KHA TON BYED PAR 'GYUR BA DANG DE BZHIN NYID DU SLOB PA DANG DE BZHIN NYID DU SGRUB PA DANG DE BZHIN NYID DU RNAL 'BYOR DU BYED PAR 'GYUR BA DANG SHES RAB KYI PHA ROL TU PHYIN PA 'DI BSHAD PA NA 'GOD BAR MI 'GYUR KUN TU ZHUM PAR MI 'GYUR BAG TSA BAR MI 'GYUR BAG 'KHUMS PAR MI 'GYUR YID PHYIR PHYOGS PAR MI 'GYUR DANG 'PAR MI 'GYUR KUN TU SKRAG PAR MI 'GYUR KUN TU SKRAG PA DANG LDAN PAR MI 'GYUR BA'I BYANG CHUB SEMS DPA' SEMS DPA' CHEN PO DE DAG NI CHES NYUNG BAR 'GYUR TE, BYANG CHUB SEMS DPA' SEMS DPA' CHEN PO DE DAG NI YUN RING PO NAS THEG PA LA YANG DAG PAR ZHUGS PAR RIG PAR BYA'O,,

, ,DE DAG NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI RJES SU 'BRANG ZHING YONGS SU DRIS PA DANG YONGS SU ZHUS PA DANG YONGS SU DRI BA BYAS SHING GANG ZAG BYANG CHUB SEMS DBA'I THEG PA CAN RIGS KYI BU 'AM RIGS KYI BU MO DE DAG GIS SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA MCHOD PA YIN NO, ,DE DAG NI TSUL KHRIMS YONGS SU RDZOGS PAR BYED PAR 'GYUR RO, ,DE DAG NI 'DI LTA STE BLA NA MED PAR YANG DAG PAR RDZOGS PA'I BYANG CHUB 'DI NYID LAS BRTZAMS TE SKYE BO MANG PO'I DON BYED PAR 'GYUR RO, ,DE CI'I PHYIR ZHE NA, DE NI 'DI LTAR RIGS KYI BU DANG RIGS KYI BU MO DE DAG LA NGA NYID KYIS THAMS CAD MKHYEN BA NYID DANG LDAN PA'I GTAM BYAS SO, ,DE DAG NI TSE RABS 'PHOS KYANG THAMS CAD MKHYEN PA NYID DANG LDAN PA DANG SHES RAB KYI PHA ROL TU PHYIN PA DANG LDAN PA 'DI NYID LA YANG DAG PAR SPYOD PAR 'GYUR RO, ,'DI LTA STE BLA NA MED PA YANG DAG PAR RDZOGS PA'I BYANG CHUB LAS BRTZAMS NAS DE NYID KYI GTAM BYED PAR 'GYUR DE NYID KYI GTAM LA MNGON PAR DGA' BAR 'GYUR RO, ,DE DAG LA LEGS PAR GNAS SHING SHES RAB KYI PHA ROL TU PHYIN PA 'DI LA MNYAM PAR BZHAG PAR 'GYUR TE BDUD KYIS KYANG DBYE BAR BYED MI NUS NA 'DI LTA STE SEMS CAN GZHAN DAG GIS 'DUN PA'AM SNGAGS KYI SGO NAS DBYE BA LTA CI SMOS, DE CI'I PHYIR ZHE NA,

DE NI 'DI LTAR BLA NA MED PA YANG DAG PAR RDZOGS PA'I BYANG CHUB TU MTHU BRTAN PA'I PHYIR RO, ,RIGS KYI BU DANG RIGS KYI BU MO DAG GIS DE THOS NAS SHES RAB KYI PHA ROL TU PHYIN PA 'DI LA DGA' BA DANG DANG BA DANG RAB TU DANG BA RGYA CHEN PO THOB PAR 'GYUR RO, ,DE DAG GIS NI 'DI LTA STE BLA NA MED PA YANG DAG BAR RDZOGS PA'I BYANG CHUB LA SKYE BO MANG PO DAG GIS DGE BA'I RTZA BA BSKYED PAR 'GYUR RO, ,DE CI'I PHYIR ZHE NA 'DI LTAR RIGS KYI BU DANG RIGS KYI BU MO DE DAG GIS NI NGA'I MNGON SUM DU TSIG 'DI SKAD DU, BYANG CHUB SEMS DPA'I SPYAD PA SPYOD PA NA BDAG GIS SROG CHAGS BRGYA PHRAG MANG PO DANG SROG CHAGS STONG PHRAG MANG PO DANG SROG CHAGS BRGYA STONG PHRAG MANG PO DANG SROG CHAGS BYE BA BRGYA PHRAG MANG PO DANG SROG CHAGS BYE BA STONG PHRAG MANG PO DANG SROG CHAGS BYED PA BRGYA STONG PHRAG MANG PO DANG SROG CHAGS BYE BA KHRAG KHRIG BRGYA STONG MANG PO RNAMS BLA NA MED BA YANG DAG PAR RDZOGS PA'I BYANG CHUB LA YANG DAG PAR BZHAG PAR BYA'O, ,YANG DAG PAR BSTAN PAR BYA'O, ,YANG DAG PAR 'GOD PAR BYA'O, ,YANG DAG PAR GZENGS BSTOD PAR BYA'O, ,YANG DAG PAR DGA' BA BSKYED PAR BYA'O, ,YANG DAG PAR RAB TU DBYE BAR BYA'O, ,RDZOGS PA'I BYANG CHUB LA GNAS PAR BYA'O, ,SLAR MI LDOG PAR BYA'O, ,ZHES SMRAS SO, ,ZHES LUNG BSTAN TE, ,'DIS RJE BDAG NYID CHEN PO JI LTAR LUNG BSTAN SNYAM NA ,BYANG PHYOGS GANGS RI'I LJONGS 'DIR SHER PHYIN ZAB MO 'DI 'DZIN CING KLOG PA MANG PO

, ,ZHIG 'BYUNG NA'ANG DON PHYIN CI MA LOG PAR RTOGS NAS RGYA CHER SPEL BAR BYED NUS PA NI NYUNG NGU LAS MI 'BYUNG BA DANG, DE LTAR STON NUS PA'I SEMS DPA' CHEN PO DE NI SNGON YUN RING PO NAS LAM LA SBYANGS PA BYAS PA TSOGS GNYIS MTHAR PHYIN PA GDUL BYA'I DON DU BSAM BZHIN DU BYON PA ZHIG 'BYUNG BA DANG, DE 'DRA BA'I SEMS DPA' CHEN PO DE RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS SHING SMON LAM BTAB PA YIN PAR GSUNGS PA 'DIS RJE BLA MA 'DI NYID LUNG BSTAN PA YIN PAR SHES TE, SHER PHYIN ZAB MO 'DI'I DON LA SBAS DON MNGON RTOGS KYI RIM PA DANG, DNGOS BSTAN STONG NYID KYI RIM PA GNYIS YOD CING, SBAS DON MNGON RTOGS KYI RIM PA BSHES GNYEN DAM PA TSUL BZHIN DU BSTEN NAS DANG POR THAR PA CHA MTHUN GYI DGE RTZA BSKYED, DE NAS SA LAM RIM GYIS BGROD TSUL DANG, MTHAR 'BRAS BU THOB NAS 'PHRIN LAS NYI SHU RTZA BDUN GYI SGO NAS GDUL BYA'I DON BYED TSUL GYI BAR LAM GYI GRANGS DANG GO RIM DANG NGO BO RNAMS RGYAL BA'I DGONGS PA SHING RTA CHEN POS BKRAL BA JI BZHIN DU MTHA' DAG PAR GTAN LA 'BEBS NUS BA DANG, JI LTAR GTAN LA PHAB PA'I DON RNAMS SKYES BU GSUM GYI LAM GYI RIM PAR BSDUS TE SKAL BA DANG LDAN PA'I GDUL BYA LAS DANG PO PA'I SA NAS SANGS RGYAS KYI SA'I BAR LA MTHAR GYIS KHRID BAR MDZAD PA

RJE BLA MA 'DI DANG MTSUNGS PA GANGS RI'I KHROD 'DIR SU YANG MA BYUNG BA DANG, DNGOS BSTAN STONG NYID KYI RIM PA LA'ANG SHER PHYIN GYI MDO'I DON 'PHAGS PA KLU SGRUB YAB SRAS KYIS JI LTAR BKRAL BA LTAR ZAB MO DBU MA'I LTA BA 'KHRUL PA'I DRI MA THAMS CAD DANG BRAL BA RIGS PA'I LAM NAS GTAN LA PHAB STE JI LTAR SGOM PA'I TSUL DANG, BSGOMS NAS SA LAM RIM GYIS BGROD DE 'BRAS BU CHOS SKU 'GRUB TSUL RNAMS MTHA' DAG PAR STON NUS PA RJE BLA MA 'DI DANG MTSUNGS BA BYANG PHYOGS 'DIR SU YANG MA BYUNG BAS NA RGYAL BAS BYANG PHYOGS SU SHER PHYIN GYI MDO SDE ZAB MO'I DON RGYAL BA RANG NYID KYI DGONGS PA LTAR STON NUS BA'I SEMS DPA' CHEN PO 'BYUNG NGO ZHES LUNG BSTAN PA DE RJE 'DI NYID LUNG BSTAN PAR 'OS MED KYIS 'GRUB PO, ,GZHAN YANG DE LTAR SHER PHYIN ZAB MO STON NUS PA'I SEMS DPA' CHEN PO DES RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS PA YIN PAR GSUNGS PA DES KYANG RJE BLA MA 'DI NYID LUNG BSTAN PA YIN PAR GSAL BAR GRUB STE RJE 'DIS SNGON STON PA THUB PA'I DBANG PO DANG THUGS RGYUD GCIG BA'I RGYAL BA DBANG PO'I TOG GI SPYAN SNGAR SNYIGS MA'I DUS SU ZAB MO DBU MA'I LTA BA RGYA CHER SPEL BAR DAM BCAS PA DANG, STON PA RDO RJE GDAN DU BZHUGS PA'I TSE SHEL DKAR PO'I PHRENG BA PHUL TE ZAB MO DBU MA'I LTA BA SPEL BAR THUGS BSKYED CING DAM BCAS PA SNGAR DRANGS ZIN PA LTAR RO, ,BDAG CAG GIS RJE

, ,BLA MA 'DI LTAR LUNG BSTAN TO ZHES BRJOD PA 'DI YANG RJE'I RJES 'JUG YIN PA RGYU MTSAN DU BYAS PA'I RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RGYAL BA'I DGONGS PA 'GREL BA LA RJE 'DI NYID DANG MTSUNGS PA GZHAN MED DO ZHES SMRAS PA DE NI SNANG RUNG MA DMIGS PA'I RTAGS YANG DAG PAS GRUB PA YIN NO, ,GZHAN YANG LHO BRAG GRUB CHEN LA GSANG BDAG PHYAG NA RDO RJES LUNG BSTAN BYUNG BA DANG, BLA MA DBU MA PA LA RJE BTZUN 'JAM DPAL DBYANGS KYIS LUNG BSTAN BYUNG BA SOGS LHAG PA'I LHA RNAMS KYIS LUNG BSTAN BA'I TSUL MANG DU YOD DE 'OG TU RIM BZHIN 'CHAD DO, ,DE LTAR MDO RGYUD BSTAN BCOS RNAMS NAS LUNG BSTAN PA LTAR, RJE BLA MA 'DI NYID GANG DU 'KHRUNGS PA'I YUL NI MDO KHAMS SMAD KYI SA'I CHA SHAR TZONG KHA ZHES GRAGS PA DE YIN LA ,DER JI LTAR 'KHRUNGS PA'I TSUL NI, ME PHO SPRE'U'I LO DGUN GYI DUS RJE 'DI'I YAB KYI MNAL LAM DU ,RGYA NAG RI BO RTZE LNGA NAS 'ONGS ZER BA'I BTZUN BA ME TOG GI PHRENG BA DU MA SBREL BA'I CHOS GOS DANG, SUM CU RTZA GSUM GYI SHING LO YIN ZER BA DAR SER PO 'DRA BA'I SHAM THABS CAN PO TI KHYER BA ZHIG BYUNG NAS, NGA KHYED LA GNAS SHIG G-YOR BA YIN ZER NAS MCHOD KHANG ZHIG YOD PA'I NANG DU SONG BA'I SNANG BA BYUNG, YUM GYI MNAL LAM DU YANG ME TOG GI THANG CHEN PO ZHIG TU BUD MED STONG PHRAG TZAM GRAL BYAS PA'I

NANG NA YUM RANG YANG BSDAD PAR, SHAR NAS KHYE'U DKAR PO BUM PA 'DZIN PA CIG DANG, NUB NAS BU MO DMAR MO RMA BYA'I SGRO MDONGS SDER MA TZAM YOD PA CIG LAG PA G-YAS NA BZUNG, ME LONG CHEN PO ZHIG G-YON NA BZUNG NAS BYUNG BAS, DE GNYIS GROS BYAS TE BUD MED THAMS CAD LA 'DIS RUNG NGAM 'DIS RUNG NGAM ZHES KHYE'U DES BU MO DE LA 'DRI ZHING BU MO DES GZHAN RNAMS RE RE LA SKYON RE BTAGS, KHYE'U DES YUM LA MDZUB MO BTZUGS NAS 'DIS RUNG NGAM ZHES 'DRI BA LA, BU MO DES 'DZUM BYAS NAS RUNG ZER, 'O NA 'DI LA KHRUS GYIS ZER NAS, JI LTAR BLTAMS PA ZHES SOGS DBYANGS DANG BCAS KHRUS BYAS PAS LUS KYI DRI MA DAG NAS BDE SANGS SANGS BA'I SNANG BA ZHIG BYUNG BA DANG, GNYID SAD NAS LUS YANG BA DANG SEMS BDE BA LA SOGS PA'I DGE MTSAN DU MA BYUNG NGO, ,DUS DE NAS PA ZUNG STE KHYIM MCHES DANG YUL MI RNAMS KYI RMI LAM DU'ANG DGE 'DUN MANG POS JO BO RIN PO CHE DBUS NAS GDAN DRANGS BYUNG BA SOGS RMI LTAS NGO MTSAR BA MANG DU BYUNG BA DANG, NYI ZLA SKAR GSUM DUS GCIG LA SHAR BA DANG, ME TOG GI CHAR YANG YANG 'BAB PA DUS DANG SPOS KYI DRI BZANG PO BRO BA DANG, NAM MKHA' LA ROL MO'I GRAG PA DANG, SA G-YO BA LA SOGS PA'I NGO MTSAR BA'I LTAS YUL DER KUN GYI MTHUN SNANG DU GRUB PA DU MA BYUNG NGO,, DE NAS BYA LO ZLA BA DANG PO'I TSES BCU'I NUB MO YUM GYI MNAL LAM DU DGE 'DUN BSAM GYIS MI KHYAB PAS GDUGS DANG RGYAL MTSAN DANG RNGA BO CHE LA SOGS PA MCHOD PA'I BYE BRAG MTHA' YAS PA BZUNG STE, SPYAN RAS GZIGS 'BYON

, ,PA LA BSU BA BYED ZER KYIN 'DUG PAS PHYOGS KUN TU BLTAS KYANG MA MTHONG, RJES LA BLTAS PAS SPRIN GYI THAD TZAM DU GSER SKU RI BO TZAM PA 'OD ZER NYI MA LTAR PHYOGS THAMS CAD DU 'PHRO BA DANG CHOS KYI SGRA DBYANGS DANG BCAS PA CIG LHA'I BU DANG BU MO YIN ZER BA'I CHA LUGS PHUN SUM TSOGS PA DANG LDAN PA DU MAS BSKOR BA ZHIG MAR MAR BABS BYUNG BAS GSER SKU DE JE CHUNG JE CHUNG LA SONG, SPYI GTZUG GI THAD TZAM DU SLEBS PA'I TSE MTHOG GANG TZAM PA SHIN TU MDZES PA ZHIG TU GYUR NAS RANG LA THIM ,DE'I 'KHOR RNAMS DANG BSU MI RNAMS KYANG RANG LA THIM PAR MTHONG BAS RANG LA PHYAG DANG BSKOR BA DANG MCHOD BA BYED CING BKRA SHIS BRJOD PA SOGS RMIS PAS PHYI DE'I NYIN PAR NAS RIG PA GSAL BA SKYID SNANG CHE BA BYUNG ,DE PHYIN MA BRTAGS MA DPYAD PA'I DUS NA'ANG NGA'I LUS 'DI LA BRNYAS MI RUNG SNYAM NAS GCES SPRAS DANG GTZANG SPRA LA BTZON PA SOGS RANG SHUGS KYIS BYUNG ,YAB KYI MNAL LAM DU LCANG LO CAN NAS PHYAG NA RDO RJES 'PHANGS SEM SNYAM PA'I GSER GYI RDO RJE 'BAR PA GCIG YUM LA THIM PA RMIS PAS BU STOBS LDAN CIG SKYE BA YIN NAM ZHES GLENG BA BYUNG NGO, ,SKU BLTAMS PA'I DUS LA BAB PA'I TSE YUM GYI MNAL LAM DU, DGE 'DUN MANG PO DANG SKYE BO'I KHROM CHEN BOS MCHOD PA RNAM LNGA KHYER NAS MCHOD KHANG MJAL ZER ,DE GANG NA YOD DRIS PAS SNGAR GYI KHYE'U DKAR PO DES CHU SHEL GYI LDE MIG GCIG BZUNG NAS 'DI NA YOD ZER ZHING YUM RANG GI BRANG NA SGO CHUNG SER PO ZHIG

'DUG PA PHYE BA'I NANG NAS SNGAR LUS LA THIM PA'I GSER SKU DE BTON NAS DRI MAS CUNG ZAD NOGS PA LA SNGAR GYI BU MO DE BYUNG NAS DE LA BUM CHUS KHRUS BYAS, RMA BYA'I SGROS BYABS RGYA GAR GYI SKAD YIN NAM SNYAM PA'I DAR DIR MANG PO DBYANGS SU LEN ZHING LHA DE LA MCHOD PA 'BUL KYIN 'DUG PA'I SNANG BA BYUNG, GNYID SAD NAS THO RANGS SKAR CHEN SHAR BA DANG STABS CIG PAR RAB BYUNG DRUG PA'I ME MO BYA'I LO NGO MTSAR PA'I LTAS MANG PO DANG BCAS BDE BAR 'KHRUNGS SO, ,DE'I CHE CHENGS PA DANG BRGYA BYIN LA SOGS PA'I DKAR PHYOGS KYI LHA RNAMS KYIS DA NI 'GRO BA MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD KYI SDE PHAM MO, ,DKAR PHYOGS KYI LHA RNAMS RGYAL LO ZHES SHIS PA BRJOD PA'I TSIG 'DZAM BU'I GLING NAS 'OG MIN GYI BAR DU BSGRAGS SHING, PHYOGS BCU'I RGYAL BA SRAS DANG BCAS PA THAMS CAD KYIS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR, GSANG BA'I BDAG PO PHYAG NA RDO RJE DANG, RGYAL PO CHEN PO RNAM THOS SRAS LA SOGS PA G-YEL BA MED PAR RJES SU 'BRANGS TE BAR CHAD BSRUNG BA LA BRTZON PAR GYUR TO, ,RGYAL BA THAMS CAD KYI GDUNG 'TSO BA RGYAL BA'I MYU GU GANGS CAN GSER GYIS GZHIR GSAR DU 'KHRUNGS PA GZHON NU'I GZUGS CAN DE'I DBU NI GDUGS LTA BU DANG, DPRAL BA DBYES CHE ZHING SMIN MA 'BYAR LA SHANGS KYI GZENGS MTHO PA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL

, ,ZHING PAGS PA'I MDOG NI ME TOG KUNDA LTAR DKAR BA, LJAGS PADMA'I 'DAB MA LTAR 'JAM ZHING MNYEN LA RING BA, MCHU SGROS BIM PA LTAR DMAR BA SOGS MTSAN BZANG GIS MJES PA 'JIG RTEN KUN GYI MIG GI BDUD RTZI LTA BU ZHIG BYUNG BAR GYUR TO, ,YAB YUM DE GNYIS KYANG THA MAL PA MIN PAR SNGON YUN RING PO NAS BDAG NYID CHEN PO 'DIS BSTAN 'GRO'I DON RGYA CHEN BO MDZAD PA'I TSE MTHUN PA'I RKYEN SGRUB PAR SMON LAM BTAB NAS BSAM BZHIN DU BYON BA ZHIG STE; YAB DE NI DPA' MDZANGS BRTUL PHOD CAN 'BYOR PA DANG LDAN ZHING GTONG BA LA DGA' BA RIGS MTHO BA MAL GYI RIGS ,RIGS RUS 'BYOR BA PHUN TSOGS DANG LDAN YANG KHENGS PA MED PAR SLONG BA RNAMS LA BYAMS BA, RJE BTZUN 'JAM PA'I DBYANGS KYI RNAL 'BYOR DANG LDAN PA, RGYUN DU 'JAM DPAL MTSAN BRJOD KHA TON DU MDZAD PA ZHIG GO, YUM DE NI GZUGS BZANG ZHING MDZES LA G-YO SGYU CHUNG BA, NYAM CHUNG RNAMS LA SNYING RJE CHE BA, RGYAL BA BSKYED PA'I YUM DU 'OS PA ZHIG GO, RGYAL SRAS GZHON NU DE 'KHRUNGS PA'I SANG NYIN YUL DE'I PHUN RDO RJE 'JIGS BYED KYI GRUB THOB TU GRAGS PA'I BDAG NYID CHEN PO CHOS RJE DON GRUB RIN CHEN ZHES BYA BA BZHUGS YOD PA DES YAB YUM GNYIS LA LEGS SO'I BSNGAGS BA DANG GNANG SBYIN, RGYAL SRAS GZHON NU DE LA BZHES RGYU'I BDUD RTZI RIL BU SKU LA BCANG RGYU'I SRUNG MDUD, RTEN 'BREL BSGRIG PAR DGONGS TE RDO RJE 'JIGS BYED KYI BRIS SKU BYIN RLABS CAN GCIG DANG, BU CHUNG SKYONG LUGS KYI YI GE LA SOGS BA NYE GNAS TSUL KHRIMS

DANG LDAN PA ZHIG LA BSKUR NAS BYUNG STE BLA MA DES THUGS MKHYEN GYIS MKHYEN BAR 'DUG ,PHYIS RGYU MTSAN ZHUS PAS, NGAS RMI LAM DU RDO RJE 'JIGS BYED DANG MJAL BAS GSOL BA BTAB, KHYAD PAR DU ZHAL YANG YANG BSTAN DU GSOL ZHES ZHUS PAS, SANG PHOD DA TZAM LUNG BA 'DI'I MDA' RU YONG, DE BAR B'U DE BAR GYIS GSUNG BAS, DE GANG YIN DPYAD PA'I PHYIR TING NGE 'DZIN LA MNYAM PAR BZHAG PAS KHYED KYI BUR 'DUG PA THIGS PA YIN GSUNG BA LA SOGS PA'I GSANG BA'I GNAS DU MA GSUNGS NAS, PHYIS KYANG BU CHUNG BSKYED BSRING BA DANG, 'JAM DPAL DBYANGS DANG DBYANGS CAN MA LA SOGS PA'I SGO NAS SHES RAB 'PHEL BA'I THABS DU MA'ANG MDZAD DO, ,RGYAL SRAS GZHON NU DE YUM GYI MNGAL NAS 'KHRUNGS MA THAG LTE BA BCAD PA'I MTSAL KHRAG SA LA LHUNG BA LAS TZANDAN DKAR PO'I SDONG PO ZHIG GSAR DU SKYES BA DE LA YAL GA MANG DU GYES SHING LO MA 'BUM YOD PA, LO MA RE RE LA DE BZHIN GSHEGS PA SENG GE'I NGA RO'I SKU RE RE YOD BA ZHIG BYUNG BAS SKU 'BUM ZHES GRAGS, DUS PHYIS RGYAL BA BSOD NAMS RGYA MTSO GNAS DER BYON NAS GUS PA CHEN POS MCHOD BA RGYA CHEN PO MDZAD CING, SHING 'DRA LAS LHAG PA'I BYIN RLABS CAN DKON ZHES SHING DE'I PHYI DNGUL GYIS BSTUMS TE BYANG CHUB MCHOD RTEN GYI RNAM PAR BYAS; GNAS DER RJE BLA MA'I MDO SNGAGS KYI BSTAN PA YONGS SU RDZOGS PA LA BSHAD SGRUB BYED PA'I DGE 'DUN GYI SDE ZHIG GSAR DU 'DZUGS PAR BZHED DE ZHAL BKOD GNANG BA THUGS BZHED LTAR GRUB NAS SKU 'BUM BYAMS PA GLING ZHES BTAGS,

, ,MCHOD SDONG DE'I PHYI ROL TU TZAN DAN GYI SDONG PO GSAR PA ZHIG THON PA DE LA YANG YAL GA DANG LO MA RNAMS LA AA RA PA TZA NA DANG, DH'I: DANG H'Um LA SOGS PA YI GE'I GZUGS RANG BYON DU 'BYUNG BA DANG, DE'I YAL GA DANG LO MA ZOS NA SHES RAB SKYE ZHING RIMS NAD SOGS ZHI BA KUN GYI MTHUN SNANG DU YOD DO, ,DE LTA BU'I RGYAL SRAS GZHON NU DE NYID SNYIGS MA'I DUS 'DIR BYON YANG 'DAM GYI DBUS SU SKYES PA'I PADMA 'DAM GYIS MI GOS PA LTAR SNYIGS MA'I SKYON GANG GIS KYANG MA GOS SHING, BYIS BA'I TSUL BZUNG YANG BYIS PA'I RGUD BA THAMS CAD LAS YANG DAG PAR 'DAS, BAG MED PAR RTZE BA MTHA' DAG LAS NI NGANG GIS LOG, NYES BAR SPYOD PA RNAMS NI RANG BZHIN GYIS BSDAMS, KUN LA SNYAN PAR SMA ZHING KHRO BA SPANGS PA DANG, 'GROGS NA BDE ZHING SLONG BA'I SKYE BO DAG LA GTONG BA'I LAG BRKYANGS BA DANG, MGON MED PA DAG LA SNYING BRTZE ZHING BDEN BAR SMRA BA DANG, BLO GROS DPAG PAR DKA' ZHING CHOS 'TSOL BA LA NGANG GIS ZHUGS PA LA SOGS BA BYANG CHUB SEMS DPA'I SPYOD PA RLABS PO CHEN DAG NI BYIS PA GZHAN DAG SKYES TZAM NYID NAS NU ZHO LEN BA'I KUN TU SPYOD PA DAG CHED DU BSLAB BAR BYA MI DGOS PA JI LTA BA DE BZHIN DU GYUR TO, ,RGYAL SRAS GZHON NU DE DGUNG LO GSUM PA LA BAB PA NA CHOS RJE KARMA BA ROL BA'I RDO RJE LAS DGE BSNYEN GYI SDOM PA YONGS SU RDZOGS PAR MNOS TE ,MTSAN YANG KUN DGA' SNYING PO ZHES BTAGS SO, ,LO DE LA CHOS RJE DON GRUB RIN CHEN PA DE NYID RJE 'DI'I YAB KYIS GDAN DRANGS PA ZHIG GI DUS NA CHOS

RJE DON GRUB RIN CHEN PAS YAB YUM GNYIS LA RTA DANG LUG LA SOGS PA ZANG ZING GI GNANG SBYIN DPAG TU MED PA MDZAD NAS KHYED KYI BU 'DI LNGA LA PHUL ZHING CES BKA' GNANG BA YAB YUM GNYIS KYIS KYANG DANG DU BLANGS TE SPRO DGA' DANG BCAS PAS PHUL; DE NAS DGUNG LO BDUN PA LA NYE BAR BAB PA NA RJE 'DIS CHOS RJE DE'I ZHABS DRUNG DU PHEBS PAR MDZAD DES RAB TU MA BYUNG BA'I SNGA ROL NYID DU CHOS RJE DES RJE 'DI PA DPAL RDO RJE 'JIGS BYED LHA BCU GSUM MA'I DKYIL 'KHOR DU BCUG NAS DBANG BSKUR TE GSANG SNGAGS RDO RJE THEG PA'I SKOR SMIN PAR MDZAD CING, DE NAS BCOM LDAN 'DAS 'KHOR LO BDE MCHOG DRIL BU PA DANG, KYEE RDO RJE DANG PHYAG NA RDO RJE LA SOGS PA'I DKYIL 'KHOR DU BCUG CING DBANG BSKUR, GSANG MTSAN DON YOD RDO RJE ZHES BTAGS, RJE 'DI PAS RIG PA 'DZIN PA'I SDOM BA DANG DAM TSIG YONGS SU RDZOGS PAR MNOS TE DBANG DUS SU JI LTAR ZHAL GYIS BZHES PA LTAR MIG GI 'BRAS BU LTAR GCES PAR SRUNG BAR MDZAD DO; ;CHOS RJE DE'I DRUNG DU THOG MAR PHEBS MKHAD NAS GSUNG RAB KLOG PA BO MANG DU 'DUG PA RNAMS LA GZIGS SHING THUGS KYIS DPYAD PAS DE TZAM GYIS KLOG RANG NYID KYIS THOGS MED DU 'DON PAR NUS PA BYUNG ZHING CHED DU GTAD NAS BSLAB DGOS PA MA BYUNG, DBANG THOB NAS RAB TU MA BYUNG BA'I GONG DGUNG LO BDUN DU NYE BA TZAM GYI DUS NYID DU 'ANG, BDE MCHOG DGYES RDOR KUN RIG GSHIN RJE GSHED LA SOGS PA'I MNGON RTOGS DANG DKYIL CHOG MANG PO THUGS LA BZUNG,

, ,GSHIN RJE'I GSHED DANG BDE MCHOG GI BSNYEN PA YANG MDZAD NAS BDE MCHOG DRIL BU BA'I BDAG 'JUG KYANG LAN MANG DU MDZAD CING, LHA'I RNAL 'BYOR DANG BZLAS PA'I RIM PA LA SOGS PA LA GCIG TU GZHOL BAR MDZAD DO, ,DE'I TSE NA RJE 'DI LA BCOM LDAN 'DAS PHYAG NA RDO RJE GTUM PO PHYAG GNYIS PA'I RNAM PA ZHIG YUN RING PO'I BAR DU NUB RE BZHIN MNAL LAM DU GSAL BAR 'CHAR BA DANG, GZHAN YANG SANGS RGYAS DANG BYANG SEMS MANG PO'I SNANG BA SHAR ZHING, KHYAD PAR JO BO CHEN PO DPAL LDAN AA TI SHA MNAL LAM DU NAR MAR 'ONG BA ZHING BYUNG, PHYIS DBUS SU PHEBS DUS SKU 'DRA GZIGS PA NA, SNGAR MNAL LAM DU GZIGS PA DE'I RNAM PA JI LTA BAR 'DUG CES GSUNG STE, DE NI JO BO NYID KHA BA CAN 'DIR BSTAN PA NYAMS PA GSO BA'I SLAD DU BYON PA LTAR, MDO SNGAGS KYI LAM GYI RIM PA YONGS SU RDZOGS PAS GDUL BYA RNAMS SMIN CING GROL BAR MDZAD DE BSTAN PA RIN PO CHE MI NUB PA'I RGYAL MTSAN 'DZIN PA RNAMS KYI GTZUG GI NOR BUR 'GYUR BA 'DI NYID KYI SNGA LTAS SO, ,DE LTAR RJE 'DI PA DE'I TSE RGYAL SRAS GZHON NU'I TSUL BZUNG BA DE DGUNG LO BDUN LA BAB PA'I TSE, KHYIM NAS KHYIM MED PAR RAB TU 'BYUNG BAR MDZAD DE, NGUR SMRIG GI RGYAL MTSAN YANG DAG PAR BZHES SO, ,DE YANG RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING LUNG DANG RTOGS PA'I YON TAN GYI TSOGS KYIS MNGON PAR MTHO BA'I BLA MA DON GRUB RIN CHEN PAS MKHAN PO MDZAD DBUS GTZANG DANG BAL PO SOGS SU

MKHAS GRUB DANG PAndI TA DU MA LA GTUGS NAS MDO SNGAGS MANG PO LA SBYANGS PA'I BSHES GNYEN CHEN PO TE DBEN GZHON NU SENG GE ZHES GRAGS PA'I SLOB MA GZHON NU BYANG CHUB CES BYA BAS SLOB DPON MDZAD DE TSIGS SNGA MA DGE TSUL GYI SDOM PA YANG DAG BAR MNOS SHING, MTSAN YANG BLO BZANG GRAGS PA'I DPAL ZHES BYA BAR GSOL TO, ,RJE 'DI CHOS RJE DON GRUB RIN CHEN PA 'DIS BYIS PA NYID NAS BDAG GIR MDZAD DE BSTAN PA RIN PO CHE'I BDAG PO CHOS KYI RGYAL POR 'GYUR BAR DGONGS NAS THUGS KYI YUL DU SHIN TU GCES PAR BZUNG STE, SMAN GYI SHING LJON PA CHEN PO'I MYU GU LTAR LEGS PAR BSKYANGS, RAB TU PHYUNG ZHING RDO RJE THEG PA'I SGOR SMIN PAR MDZAD DE DBUS GTZANG DU 'BYON BA'I CHAS RKYEN DANG BSKUL MA YANG DAG MDZAD PAS BKA' DRIN ZLA MED DU 'DZIN PAR MDZAD DE, RJE 'DIS CHOS RJE DON GRUB RIN CHEN GYI MTSAN THOS PA NA PHYAG THAL MO SBYOR ZHING CHOS RJE DE NYID KYI DUS MCHOD KYANG 'CHAG MED MDZAD DO, ,DE NAS DE'I TSE RJE 'DI'I THUGS LA 'DI LTA BU DAG 'KHRUNGS PAR NGES TE, RGYAL BA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG SPONG BA BSAM GTAN NO, ,DE LA BDAG GIS KYANG 'DI GNYIS KA BYA STE RGYAL BA'I DGONGS PA SHING RTA CHEN PO RNAMS KYIS BKRAL BA'I GZHUNG LUGS CHEN MO RNAMS LA THOS BSAM PHU THAG CHOS PA ZHIG BYAS LA GZHUNG DON GDAMS PAR 'CHAR BA'I NYAMS LEN LA 'BAD DE RGYAL BSTAN YONGS SU RDZOGS PA RANG GI RGYUD LA 'DZIN CING SKAL BA DANG LDAN

, ,PA GZHAN DAG LA'ANG RGYA CHER SPEL TE RGYAL BA'I BSTAN PA RIN PO CHE 'JIG RTEN 'DIR DAR ZHING RGYAS PA ZHIG CI NAS BYA'O SNYAM DU THUGS BSAM RLABS PO CHE DE LTA BU 'KHRUNGS PAR GYUR TO, ,DE NAS DGUNG LO BCU DRUG LA BAB PA'I TSE CHOS RJE DON GRUB RIN CHEN PAS KYANG BSKUL ZHING BDAG NYID KYANG SPRO BA SHUGS DRAG POS SNGON GYI CHOS RGYAL LO PAn RNAMS KYI BKA' DRIN LAS RGYAL BSTAN YONGS SU RDZOGS PA GANG DU DAR BA'I SA DBUS GTZANG GI LJONGS SU 'BYON PAR BZHED PA NA, CHOS RJE DON GRUB RIN CHEN PAS DBUS GTZANG GI LJONGS SU BYON NAS THOS BSAM SGOM GSUM 'DI LTAR BYA DGOS SO ZHES ZHAL GDAMS RGYAS PAR GNANG NAS DON DE NYID THUGS LA GZUNG BA DE BA'I PHYIR TSIGS SU BCAD PA'I SGO NAS KYANG GDAMS PA NI, GZHON NU BLO BZANG GRAGS PA KHYOD, ,SNGON SPYANGS DGE BA'I LAS 'PHRO CAN, ,SNGON TSE DAM CHOS BDUD RTZI'I RO, ,'THUNGS PA'I BAG CHAGS YOD PAR NGES, ,ZHES PA DANG, YUM CHEN RGYAS 'BRING SDUS GSUM GYI, ,RGYAN DU GYUR PA'I MNGON RTOGS RGYAN, ,THOG MAR BSLAB CING NAN TAN BYA, ,DE LA MKHAS PAR GYUR PA NA, ,LUNG CHOS KUN LA 'PHRIG TSUD 'GYUR, ,DE YANG SEMS KYI ZUR LA ZHOG ,DE NAS BYANG CHUB SEMS DPA' YI, ,LAM DANG SPYOD PA'I RNAM GZHAG DAG ,STON PAR BYED PA'I MDO SDE RGYAN, ,MKHAS PA'I YAN LAG DAG TU BSLAB, ,'KHOR BA MYA NGAN 'DAS PA YI, ,RTEN DU STON PA'I CHOS DANG NI, ,CHOS NYID RNAM 'BYED

BSTAN BCOS DANG, ,THOG MA MTHA' MA RNAM SPANGS PA'I, ,DBU MA'I LAM NI STON PAS NA, ,DBUS DANG MTHA' NI RNAM 'BYED DANG, ,SEMS KYI CHOS NYID DAG PA NI, ,SEMS CAN KUN LA YOD PA STE, ,DE NYID BDE GSHEGS SNYING POR NI, ,STON BYED THEG CHEN RGYUD BLA MA, ,BYAMS CHOS LNGA BO DE DAG LA, ,MKHAS PAR BYED PA'I GO CHA GYIS, ,RGYAS PA'I BSTAN BCOS RNAM 'GREL DANG, ,'BRING DU STON PA'I RNAM NGES DANG, ,SHIN TU BSDUS PA RIGS THIGS TE; ;LUS DANG 'DRA BA'I BSTAN BCOS GSUM, ,GTAN TSIGS THIGS PA 'BREL BRTAG DANG, ,RGYUD GZHAN SGRUB PA RTZOD RIG STE, ,'PHROS PA YAN LAG LTA BU ZER, ,CHOS KYI GRAGS PA LAS BYUNG BA'I, ,TSAD MA SDE BDUN 'DZAM GLING NA; ;SANGS RGYAS BSTAN PA GSAL BYED PA, ,NYI MA ZLA BA LTA BUR GRAGS, ,'DI YI 'OG TU DE RNAMS SLOBS, ,ZHES SOGS DANG, BLO GROS BZANG LDAN KHYOD KYIS NI, ,MTHA' BRAL CHEN PO'I LTA BA LA, ,GAL TE MOS PA YOD GYUR NA, , 'PHAGS PA KLU SGRUB KYIS MDZAD PA'I, ,DBU MA RIGS PA'I TSOGS RNAMS DANG, ,ZHES SOGS, SHING RTA CHEN PO GNYIS RJES 'BRANG DANG BCAS PA'I GZHUNG RNAMS LA THOS PA PHU THAG CHOS PA ZHIG BYA DGOS PA DANG, THOS PA'I DON LA NYAMS LEN SNYING POR MDZAD DE GDENG THOB PA ZHIG BYA DGOS PA DANG, RANG GIS JI LTAR DGONGS PA LTAR SKAL BA DANG LDAN PA GZHAN DAG LA'ANG SPEL TE RGYAL BSTAN YONGS SU RDZOGS PA 'DZIN CING SPEL THUB PA ZHIG CI NAS KYANG BYA DGOS SO ZHES NAN

, ,TAN DU GDAMS SHING, TSE RABS GTAN GYI LHAG PA'I LHA YI DAM RDO RJE 'JIGS BYED DANG, BAR CHAD SRUNG BA'I LHA PHYAG RDOR 'KHOR CHEN DANG, SHES RAB BSKYED PA'I LHA 'JAM DPAL AA RA BA TZA NA DANG, TSE BSRING BA'I LHA TSE DPAG MED DANG, MTHUN RKYEN SGRUB PA'I LHA RNAM THOS SRAS DANG, 'GAL RKYEN SEL ZHING MTHUN RKYEN SGRUB PA'I LHA YE SHES KYI MGON PO PHYAG DRUG PA DANG DAM CAN CHOS RGYAL RNAMS NGED KYI SBYIN PA LTAR BSTEN LA BSNYEN SGRUB DANG MCHOD GTOR MA 'CHAG PAR GYIS ZHES GDAMS SO, ,DE NAS RJE 'DI BAS CHOS RJE DON GRUB RIN CHEN LA BKA' BZHIN BGYI'O ZHES ZHUS SHING PHYAG BTZAL TE BYIN RLABS ZHUS NAS 'BRI KHUNG MTHEL PA'I 'BUL DPON LDAN MA RIN CHEN DPAL GYIS GDAN DRANGS NAS 'PHRIN LAS PA DANG 'GROGS TE BYON, GLANG LO'I STON GYI DUS SU 'BRI KHUNG DPAL GYI NAGS KHROD DU PHEBS, DE'I TSE 'BRI KHUNG GI SPYAN SNGA RIN PO CHE CHOS KYI RGYAL PO BZHUGS PAS KHONG GI SPYAN SNGAR MJAL, THEG CHEN SEMS BSKYED KYI CHO GA DANG PHYAG CHEN LNGA LDAN LA SOGS PA ZAB KHRID MANG DU GSAN, DE NAS SLOB GNYER ZHIG LA 'BYON PAR BZHED PA LA GROGS 'GA' ZHIG GI DBANG GIS TSAL PA'I SMAN PA MKHAS PA DPON DKON MCHOG SKYABS ZHES PA'I GAM DU BYON NAS GSO DPYAD KYI GZHUNG LA SBYANGS SHING, YAN LAG BRGYAD PA THUGS LA BZUNG STE GSO DPYAD KYI SKOR RNAMS BSLABS PAS GZHUNG MAN NGAG LAG LEN DANG BCAS PA LA SHIN

TU MKHAS PAR GYUR TE, PHYIS BSNYUNG DUS SU SMAN PA BCU BDUN BCO BRGYAD TZAM 'TSOGS BA'I DUS SU'ANG NAD GANG LA SMAN GANG 'JUG PA DANG, SMAN GYI SBYOR SDE, BSIL DROD LA SOGS PA'I KHYAD PAR THAMS CAD DRUNG DU ZHUS NAS LAG LEN BDAG CAG RNAMS KYIS BYED PA YIN ZER BA DANG, SMAN PA MKHAS PAR GRAGS PA THAMS CAD KYANG DA LTA KHA BA CAN NA CHOS RJE RIN PO CHE LAS SMAN PA MKHAS PA MI 'DUG PA'I GNAD KYIS BDAG CAG RNAMS KYANG DRUNG DU SMAN SBYOR LA PHYIN PAS SMAN GYI RNAM DBYE MANG DU GSUNG BA THOS PA LA BRTEN NAS, SNGAR LO MANG DU BSLABS PA BAS BLO BSKYED CHE BAR BYUNG ZHES GLENG NGO, ,DER YUN HA CANG MI RING BA ZHIG BZHUGS NAS, CHOS GRVA CHEN PO BDE BA CAN DU BYON, , BDE BA CAN PA'I RIN PO CHE SNYE THANG PA BKRA SHIS SENG GE DANG, GDAN SA PA DGE BSKONG PA GNYIS LA CHOS 'BREL GSAN, KLOG PA'I SLOB DPON YON TAN RGYA MTSO DANG, ZHAR CHOS PA SLOB DPON AU RGYAN PAS MDZAD NAS SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN RTZA 'GREL LA LEGS PAR THUGS SBYONGS MDZAD, ZHAG BCO BRGYAD TZAM GYIS GZHUNG GI TSIG MTHA' DAG SHIN TU BYANG BAR THUGS SU CHUD DE, 'JAM SKYA'I tIKKA'I STENG NAS CHOS GSAN ZHING DON KUN CHUB PAR MDZAD DE, SBYOR BA BRTZI BA SOGS KYI THUGS BRTZON CHER MA MDZAD KYANG RING PO MA LON PAR SHES RAB KYI PHA ROL TU PHYIN PA'I TSIG DON LA SHIN TU MKHAS PAR GYUR NAS, SLOB

, ,DPON DANG GROGS MCHED THAMS CAD KYANG RJE 'DI'I BLO GROS KYI RTZAL DPAG PAR DKA' BA LA CHOS CHER NGO MTSAR BA'I GNAS SU 'DZIN LA, THEG PA CHEN PO MDO SDE'I RGYAN NI, SNGAR MDO SMAD DU BZHUGS PA'I DUS NAS THUGS LA CHUD CING, BSHAD GSAR DANG 'CHAD PA SOGS MDZAD KYANG BDE BA CAN PA'I BLA MA 'JAM RIN PA ZHES GRAGS PA'I DGE BSHES CHEN PO DE BYAMS CHOS LA SHIN TU MKHAS PAR BYED KYIN 'DUG PAS, MDO SDE RGYAN LA SOGS PA'I BYAMS CHOS RNAMS LEGS PAR GSAN ZHING THUGS SU CHUD PAR MDZAD, BDE BA CAN DU THUGS SBYONGS LA BZHUGS PA'I TSE SKABS SHIG TU RJE BTZUN 'JAM PA'I DBYANGS KYI RNAM 'PHRUL SA SKYONG MI'I DBANG PO'I COD PAN DPAL LDAN BLA MA DAM PA BSOD NAMS RGYAL MTSAN PA DBEN GNAS CHOS RDZONG DU PHYAGS PHEBS PA'I SPYAN SNGAR MJAL, 'JAM DBYANGS AA RA PA TZA NA'I RJES GNANG, BDE MCHOG DRIL BU PA'I LUS DKYIL GYI DBANG , GUR GYI MGON PO'I RJES GNANG RNAMS GSAN NO, ,DE LTAR LO GNYIS TZAM LA PHAR PHYIN GYI TSIG DON LA SHIN TU MKHAS PAR GYUR NAS DGUNG LO BCU DGU'I STENG DU GSANG PHU DANG BDE BA CAN LA SOGS PA RNAMS SU GRVA SKOR LA BYON , BLO GROS DANG CHOS SKAD PHUN SUM TSOGS PA'I SNYAN PA RING DU SONG ZHING, BSHES GNYEN MKHAS PA DAG GI YID KYI DBANG PO RNAM PAR DPYOD PA'I LCAGS KYUS DRANGS PAR GYUR TO, ,DE NAS GTZANG PHYOGS LA 'BYON PAR BZHED DE, RIN

SPUNGS KYI PHU'I LA LA BYON MYANG STOD MKHAR KHA BRGYUD NAS ZHA LUR PHEBS, BU STON RIN PO CHE'I DAM PA'I CHOS KYI RGYAL SRID 'DZIN PA'I GDAN SA PA LO TZ'A BA MKHAN CHEN RIN CHEN RNAM RGYAL PA'I DRUNG DU MJAL, BDE MCHOG MEE TRI BCU GSUM MA'I DBANG ZHIG GSAN, DE NAS SNAR THANG LA BYON, DE NAS GDAN SA CHEN PO DPAL LDAN SA SKYAR PHEBS, SA SKYA'I DUS CHOS MA TSUGS KYI RING LA SA BZANG DU BYON NAS SA BZUNG PAn CHEN MA TI BA'I DRUNG DU CHOS BKA' CI RIGS PA GSAN, DUS CHOS TSUGS NAS SA SKYAR PHAR PHYIN GYI GRVA SKOR MDZAD, DE NAS LA STOD BYANG LA BYON, 'DRA BZANG LDAN NGAM RING 'GA' RONG CHOS SDE RNAMS SU'ANG GRVA SKOR MDZAD NAS JO MO NANG DU PHEBS, CHOS RJE PHYOGS LAS RNAM RGYAL BA'I DRUNG DU SBYOR BA YAN LAG DRUG GI KHRID LA SOGS PA GSAN, DE NAS BO DONG LA BYON, MAR RES SPYI BO LHAS SU PHEBS, DE'I MKHAN CHEN PA LA BKA' GDAMS LAM RIM GYI LUNG THOB CIG MDZAD, DE NAS CHOS GRVA CHEN PO AER GRVA SKOR MDZAD NAS SNAR THANG DU PHEBS, SNAR THANG GI MKHAS PA BLA MA LO TZ'A BA DON BZANG PA LA MDZOD KYI BSHAD PA TSAR GCIG GSAN NO, ,DE NAS MYANG STONG DU PHEBS TE GNAS RNYING PA'I GZUNGS SGRUB KYI STENG DU PHAR PHYIN GYI GRVA SKOR MDZAD, DBYAR CHOS LA RTZE CHEN DU PHEBS PAR MDZAD NAS MKHAS PA'I DBANG PO NYA DPON KUN DGA' DPAL BA'I SPYAN SNGAR PHAR PHYIN GYI GZABS BSHAD TSAR GCIG GSAN, THUGS RAB GSAL ZHING RNAM DPYOD YONGS SU RNO BA DANG, BSHAD PAR BYA

, ,BA'I GNAS RNAMS BRDA' SPROD PA PHUL DU BYUNG BAS GDUL BYA'I RNA BAR 'BAB CING, MKHAS PA'I RNAM 'GYUR GYIS SHIN TU THUGS RANGS PAR GYUR, DE'I TSE KHONG PA LA MNGON PA MDZOD CIG GSUNG BAR ZHUS PAS, NGAS LEGS PO SHOD PAR YOD DE DON GNYER BYED MKHAN MA BYUNG BAS LTA RTOG KYANG 'GA' RE DGOS, KHAMS KYANG MA BDE ZHING PHAR TSAD 'CHAD DGOS PA 'DIS 'PHRAL LA 'CHAD PA MI 'GRUB PA 'DUG , NGED KYI SLOB MA RED MDA' BA 'DI BLO GROS CAN MNGON PA LA SHIN TU MKHAS PA ZHIG YOD PAS KHYOD RANG YANG 'DI LA NYAN NA 'THAD CING, NYAN PAR MI SPRO NA MDZUB KHRID CIG BCOL BA DRAG CES YANG YANG GSUNG GIN 'DUG PA DANG, KHONG GI SLOB MA SNGAR NAS ZHAL 'TSO BA YOD PAS KYANG 'TSAMS SBYAR NAS, RJE BTZUN RDA MDA' PA DBYAR DES SKYA NAS RTZE CHEN NA PHEBS 'DUG PA LA MNGON PA MDZOD KYI RANG 'GREL GYI STENG NAS MDZUB KHRID DU MDZAD DE GSAN PAS, GZHUNG GI TSIG RIGS TZAM LA BRTEN PA MA YIN BAR BSTAN BCOS KYI LUS YONGS SU RDZOGS PA'I DON GYI KHOG LEGS PAR BSGRIGS NAS 'GANGS CHUN PA'I GO BA BOGS CHOD DU STER NUS PA ZHIG 'DUG PAS DANG BA CHEN PO 'KHRUNGS, GANG GSUNGS THAMS CAD LAN RE KHO NAS TSIG DON LHAG MA MED PAR THUGS SU CHUD CING, DKA' BA'I GNAS RNAMS LA DRI GTUGS LEGS PAR MDZAD PAS RJE BTZUN RED MDA' PA YANG SHIN TU THUGS PHROGS

PAR GYUR TE KHYED LA MDZUB KHRID BYED PA LA LEGS PAR SGRIM DGOS PAR 'DUG CES GSUNG NGO, ,RJE RIN PO CHE 'DI NYID KYIS RGYAL BA'I GSUNG RAB KYI DRANG NGES RNAM PAR 'BYED PA'I SHING RTA CHEN PO DAG GI LAM SROL, DBU TSAD KYI RIGS PA'I SGO DANG PO RJE BTZUN 'DI NYID LAS RNYED PAS DE'I PHYIR RJE RED MDA' PA 'DI 'GRAN ZLA MED PA'I BLA MA'I GTZO BOR MDZAD PA YIN NO, ,DE LTA BU'I BLA MA DE NYID LA MDZOD KYI CHOS THUN 'GA' ZHIG MDZUB KHRID KYI LUGS SU MDZAD, DE LHAG DON LA KHYAD PAR MI 'DUG KYANG DA LTA'I MTSAN NYID PA RNAMS LA GRAGS PA DANG BSTUN NAS CHOS NYAN BSHAD KYI LUGS SU BYAS NAS GSAN GSUNG, RTZE CHEN GYI DBYAR CHOS DE GROL NAS STON BLA MA RJE BTZUN PA DANG DPON SLOB GNYIS KAS MYANG STOD BSAM GLING DU CHOS BAR LA BYON NAS RJE BTZUN RED MDA' PA LA DBU MA LA 'JUG BA TSAR GCIG GSAN, RJE BTZUN RED MDA' PAS KYANG DBU MA GSUNG BA'I SNGA SHOS DER 'DUG ,DE'I DUS SU GRUB PA BRNYES PA'I RNAL 'BYOR GYI DBANG PHYUG CHEN PO GNAS LNGA RIG PA'I MKHAS PA MKHAN CHEN LO TZ'A BA BYANG CHUB RTZE MO DBUS SU BYON, DGUN CHOS LA SKYID SHOD KYI PO TA LAR MNGON PA KUN LAS BTUS GSUNG BA 'DUG CES GSAN NAS, DE DUS KHONG MNGON PA'I BDAG POR BYED KYIN 'DUG PAS CI NAS KYANG KUN LAS BTUS TSAR GCIG GSAN PAR BZHED DE, STON GYI MJUG LA MYANG STOD NAS PHYOGS BTEG NAS DBUS SU PHEBS PAR MDZAD, PO TA LAR BYON NAS LO CHEN BYANG RTZE LA

, ,MNGON PA GSUNG BAR ZHUS PAS KHONG PA RANG SHIN TU GSUNG BAR BZHED PA 'DUG PA LA, 'ON KYANG DGUNG LO MANG DU BZHES PA SOGS KYI DBANG GIS MYUR DU KHONG RANG GI GDAN SAR PHEBS PA 'THAD SNYAM PA YID LA BZHAG NAS, MYUR BAR GTZANG PHYOGS SU THEGS PAR 'DUN PA'I ZHU BA RDZONG JI BAS PHUL BA LA BRTAN NAS, DE 'PHRAL DBUS NAS GTZANG PHYOGS SU PHYAG BTEG PAS MNGON PA'I THUGS BZHED MA GRUB KYANG CHOS 'BREL ZHIG GSAN, DE'I DGUN CHOS BDE BA CAN DU BYON NAS BZHUGS, DE RJES SKYOR MO LUNG PA'I MKHAN PO DKA' BZHI PA BLO GSAL BA ZHES GRAGS PA 'DUL MDZAD LA SHIN TU MKHAS PAR BYED PA DE'I DRUNG DU SKYOR MO LUNG DU BYON, KHONG SNGON DUS KYI 'DUL BA 'DZIN PA RGYA MTSO'I KHROD NA NYI MA LTAR GRAGS PA'I 'DUL 'DZIN CHEN PO DGE BA'I BSHES GNYEN THAG MA PA'I BU CHEN SBAL TI DGRA BCOM PA'I BSHAD RGYUN 'DZIN PA'I GDAN SA 'DUL BA LA SHIN TU MKHAS PAR 'DUG PAS, DE'I LEGS PAR BSHAD PA'I BOG SKAL BLANG BAR BZHED DE KHONG LA 'DUL BA MDO RTZA BA 'GREL PA CHA LAG DANG BCAS PA RDZOGS PAR GSAN TE ,KHONG GI THUGS LA MNGA' BA'I 'DUL BA'I BSHAD SROL LHAG MA MED PAR THUGS SU CHUD CING KHYAD PAR LHAG POR RTOGS, DE'I TSE CHOS GSAN PA'I ZHAR LA MDO RTZA BA'I RGYA CHER 'GREL GYI DBU NAS NYIN RE BZHIN SHOG BU MDA' TSAD BCU BDUN RE TZAM MA CHAG PAR THUGS LA BZUNG, DUS DE DAG GI

TSE NA TSOGS SU MANG JA LA BYON PA SOGS KYI SKABS SU DGE 'DUN RNAMS YUM GYI MDO 'DON PA'I RING LA SHER PHYIN GYI DON BSAMS PA NA CHOS THAMS CAD SNANG LA NGOS BZUNG MED PA'I DON LA MNYAM PAR BZHAG PAS, DGE 'DUN GYI CHOS SPYOD DANG BDUD BZLOG SOGS KYI TSIG 'BRU TZAM YANG THUGS KYIS MA NGES PAR RNAM RTOG GI RGYU BA RAGS PA THAMS CAD LOG NAS GSAL STONG 'DZIN MED KYI NGANG LA THUGS RTZE GCIG TU GNAS PA MANG JA'I 'OG MJUG 'KHYONGS PA 'BAD RTZOL MED PAR GNAS PA BYUNG, BOD KYI GRUB THOB TU BYED PA'I RTOGS PA BZANG SHOS MTHAR THUG PA DE THUGS LA 'KHRUNGS 'DUG NA'ANG, GSUNG RAB KYI GNAD MA LUS PA THUGS SU CHUD PA'I BDAG NYID CHEN PO 'DI NI DE 'DRA BA LA'ANG SEMS GNAS KYI NYAMS BZANG PO THUGS LA 'KHRUNGS PA'I TING NGE 'DZIN THUN MONG BA'I KHYAD PAR TZAM MA GTOGS, DE KHO NA NYID RTOGS PA'I TING NGE 'DZIN THUN MONG MA YIN PAR 'KHRUL PA'I DRI TZAM YANG MI BRO BA 'DI LTA BU NI MKHAS PA MGU BA'I YON TAN DPAG PAR DKA' BA YIN NO, ,DE'I TSE RGYA CHER 'GREL GYI BAM PO BZHI BCU LHAG TZAM THUGS LA CHUD PAR MDZAD, DE'I TSE SKU STOD LA BSNYUN GZHI DRAG PO ZHIG RGYUN RING TZAM BYUNG YANG RGYAL SRAS RTAG TU DU SHER PHYIN 'TSOL BA'I TSE LUS DANG SROG LA'ANG MI LTA BAR SHER PHYIN BTZAL BA JI LTA BA BZHIN DU BSNYUN GZHI DE LA JI MI SNYAM PAR SLOB MA 'GA' ZHIG DANG BCAS GTZANG PHYOGS LA BYON, SA SKYAR 'BYON BZHED PA LA LAM

, ,DU HA CANG GRANG BA'I REG PAS 'O BRGYAL BAR 'DUG PA DANG BSHUL THAG RING BAS DUR SMRIG GI PHU LA LAM MDZAD DE GNAS RNYING DU BYON, DE'I DGUN GNAS RNYING DU BZHUGS, GNAS RNYING BA'I DON GNYER BA DANG PHYAG PHYIL BYON PA 'GA' ZHIG GIS NAN CHER GSOL BA BTAB PA LA BRTEN NAS, DE GONG MNGON PA KUN LAS BTUS LA CHED DU GTAD PA'I GZIGS RTOG MA MDZAD KYANG, DE DUS TSIG LA GZIGS PA TZAM GYIS DON YING THUGS LA CIG CAR DU GSAL BAR SHAR BAS THOG MAR GZIGS PA'I RIM PA BZHIN GZHAN LA YANG 'DOMS PA'I SGO NAS, MNGON BA KUN LAS BTUS TSAR GCIG RTZAL BSHAD MDZAD DO, ,DE NAS SA SKYAR BYON, DE'I TSE SA SKYA NA BLA MA RJE BTZUN RED MDA' PA CHEN PO LAM 'BRAS GSAN KYIN 'DUG PA DANG MJAL DE NAS BZUNG STE ZLA BA BCU GCIG TZAM GYI RING LA SA SKYAR RJE RED MDA' PA'I SPYAN SNGAR BZHUGS, RJE BTZUN PA KHONG RANG LAM 'BRAS SOGS GSAN PA'I NGANG NAS, RJE 'DI LA MNGON PA KUN LAS BTUS GZABS BSHAD TSAR GCIG MDZAD, GZHAN YANG DE'I TSE TSAD MA RNAM 'GREL LA GTZO BOR SBYANGS SHING GSAN PA DANG, DBU MA 'JUG PA SOGS KYI BSHAD PA DANG, 'DUL BA LUNG LA SOGS PA BKA' BSTAN BCOS MANG PO'I LUNG YANG GSAN, BLA MA RDO RJE RIN CHEN PA'I DRUNG DU BRTAG

GNYIS PA LUGS KYI BSHAD PA TSAR GCIG KYANG GSAN ZHING, SA SKYAR BLA MA RJE BTZUN PAS 'TSAMS SBYOR MDZAD NAS BLA BRANG SHAR PA TSANG GI SNGAGS KYI DGE BSHES BGRES PO MAN NGAG LA MKHAS PAR BYED PA ZHIG 'DUG PA LAS MAN NGAG BLANGS TE BLA GRANG RIN CHEN SGANG GI RGYAB PHYOGS DE LA BYON GYIN MA NING GI HA 'DON PA SOGS LAN 'GA' YAR MDZAD PAS SNGAR GYI SKU STOD KYI BSNYUN GZHI DE LHAG MA MED PAR 'THON, SA SKYA NAS DPON SLOB RNAMS KYIS LA STOD BYANG GI SA'I CHA NGAM RING DU CHOS BAR LA BYON NAS, DPYID DANG DBYAR GNYIS KA NGAM RING DU BZHUGS, BLA MA RJE BTZUN PAS DER MNGON PA KUN LAS BTUS KYI t'IKKA CHEN MO DE'I RTZOM PA MDZAD, BRTZAMS TSAR RIM BZHIN RJE 'DI PAS KYANG THUGS LA CHUD PAR MDZAD CING, RGYAS PA'I BSTAN BCOS TSAD MA RNAM 'GREL GYI RANG 'GREL DE ZHIB TU GSUNG BAR ZHUS NAS TSAR GCIG GSAN NO, ,DE'I STON 'KHRUNGS YUL NAS RKYEN DU BAB PA'I 'TSOG BCAS CI RIGS PA PHRIN LAS PA'I NANG DU 'BUL BA BSKUR YOD PA 'DRA ZER NAS DE BZHES PA LA SOGS PA'I SLAD DU NGAM RING NAS SA SKYA LA LAM MDZAD DE DBUS SU BYON, DBUS SU PHEBS NAS GROGS DANG SLOB 'BREL MANG POS BSKUL ZHING MDO SMAD NAS YUM GYIS KYANG ZHU BA NAN CHER BYUNG BAS RKYEN BYAS NAS, LAN CIG MDO SMAD LA 'BYON PAR BZHED PA 'KHRUNGS TE, MAL GRO LHA LUNG DU BYON, LAG

, ,LEN 'GA' ZHIG LA THUGS SBYONG YANG MDZAD PAR BRTZAMS PA LA MTSAMS SHIG NAS, CI BYED DE 'DRA LA DGOS PA MI 'DUG ,DA NI MDO KHAMS RANG YUL GYI PHYOGS LA GTAN NAS MI 'GRO BA'I YID DAm BCA' BAR BYA'O SNYAM DU DGONGS PA SHUGS DRAG PO SKYO SHAS DANG BCAS PA ZHIG 'KHRUNGS NAS DE 'PHRAL DU MDO SMAD LA MI 'BYON PA'I THUGS THAG BCAD DO, ,DE YANG BDAG NYID CHEN PO 'DI LA CHED DU BSAM PA'I SGO NAS RNYED BKUR DANG, SNYAN GRAGS DANG, 'KHOR BA'I PHUN TSOGS GZHAN GANG YANG RUNG BA, THA NA TSANGS PA DANG BRGYA BYIN GYI DPAL LA'ANG MNGON PAR 'DOD BA'I SRED PA SKYE MA MYONG BA LTA ZHOG GI , PHUN SUM TSOGS PA'I DPAL JI TZAM 'BYOR PA DE TZAM GYIS SLAR ZHING SRED PA ZAD PA'I STOBS CHES CHER RGYAS PAR 'GYUR BA'I GROGS BYED PA NI DAM PA RNAMS KYIS DRAN SHES KYI LCAGS KYUS YID KYI GNYIS 'THUNG YONGS SU BZUNG BA'I 'BAD PA LA BLTOS NAS NYAMS SU BLANG BA YANG SHIN TU BYA DKA' BA'I GNAS YIN NA, 'DI NI BLO SNGON DU GTONG BA LA CUNG ZAD KYANG BLTOS PA MED PAR GZHAN DAG GIS BSNYEN BKUR BA DANG, SNYAN PAR SMRA ZHING LEGS PAR BSNGAGS PA DANG, 'BYOR BA'I KHYAD PAR MCHOG TU GYUR PA RGYA CHEN POS MNGON PAR MCHOD PA SOGS PHUN SUM TSOGS PA JI TZAM ZHIG BYUNG BA DE TZAM GYIS KYANG SLAR ZHING 'DU BYED THAMS CAD LA MI RTAG

BA'I 'DU SHES DANG, MGON MED BA THAMS CAD LA BSKYAB PAR 'DOD PA'I BRTZE BA DANG, RGYAL BA SRAS BCAS THAMS CAD BSNYEN BKUR BAR BZHED PA'I DAD PA RNAMS PHAN TSUN 'GRAN PA BZHIN DU 'PHEL BAR 'GYUR GYI; GZHAN DU NA SRED PA 'PHEL BA DANG RJES SU MTHUN PA NI GNAS MED CING GO SKABS MED DO, ,'DI NI RJE 'DI'I SKYE BAS THOB PA LHAN SKYES KYI YON TAN YIN GYI, SKU TSE 'DI NYID DU GNYEN POS GSAR DU BSKYED PA'I SBYOR BYUNG NI MA YIN NO, ,DE YANG RJE NYID KYI ZHAL NAS KHO BO LA GZHAN GYIS STAN BZANG PO BSHAMS PA DANG, GUS PA'I BSNYEN BKUR SOGS CI TZAM BYAS PA TZAM GYIS CHED DU BSAM MI DGOS PAR DUS DE'I SKABS RANG DU 'DI THAMS CAD MI RTAG CING YID BRTAN DU MI RUNG BA SGYU MA'I BLO BRID DANG 'DRA BA YIN SNYAM PA'I SKYO BA SHUGS DRAG PO SNANG BA BUN LONG DU THONGS PA YID GTING NAS 'GYUR BA RGYUN RING PO RE SKYE BA ZHIG DANG PO NYID NAS RANG CHAS SU YOD PA YIN ZHES GSUNG NGO, ,'DI NI SHIN TU MTHO BA'I RTOGS PA KHYAD PAR CAN DU BOD LA GRAGS PA MANG PO ZHIG GIS CHA TZAM DU YANG BSGRUN PAR MI NUS PA'I MNGON PAR RTOGS PA'I YON TAN YIN LA, ZAG BCAS KYI PHUN TSOGS LA SRED PA 'GOG PA MED DU MI RUNG BA'I DGOS PA NYE BAR GZIGS NAS CHOS KYI RJE SANGS RGYAS BCOM LDAN 'DAS KYIS KYANG, DE'I GNYEN PO YID LA BYED PA THEG PA CHE CHUNG GI MDO SDE RNAMS SU LAN CIG MA YIN

, ,PAR BKA' STZAL PA LTA ZHOG GI ,THA NA DGE SLONG RNAMS LA RIN PO CHE'I KHRI LA 'DUG PA SOGS BYA DGOS PA BYUNG NA'ANG MI RTAG PAS NYEN PA'I 'DU SHES NYE BAR BZHAG PAR BYA BA SOGS KYI BSLAB PA BCAS PA'I SGO NAS KYANG DON DE SGRUB PAR MDZAD PA YIN NO, ,DE BAS NA TSUL 'DI NI MKHAS PA MGU BSKYED PA'I RNAM PAR THAR PA CHES NGO MTSAR RMAD DU BYUNG BA ZHIG GO ,DE NAS STON DE LA MAL GRO LHA LUNG PA'I BLA MA BSOD NAMS GRAGS PA LA CHOS LUNG YANG MANG RAB GSAN ZHING, BAR ZHIG TU SKU MTSAMS BCAD NAS THUGS DAM MDZAD, RNAL 'GREL GYI RNAM BSHAD RIGS MDZOD LA GZIGS RTOG MDZAD CING, LE'U GNYIS PA'I SKABS KYI LAM GYI RNAM GZHAG STON PA'I SKABS LA LEGS PAR GZIGS PAS RKYEN BYAS NAS, CHOS KYI GRAGS PA'I GZHUNG LUGS DANG RIGS PA'I SROL LA LDOG TU MED PA'I DAD PA SHUGS DRAG PO MNAN PAS MI NON PA 'KHRUNGS SHING, STON DER BZHUGS KYI RING LA RNAM 'GREL GYI GZHUNG LA GZIGS TZAM NAS DAD PA'I SPU LONG G-YOS TE SPYAN CHAB KYI RGYUN BCAD PAR MI NUS PA RTAG TU 'ONG BA ZHIG BYUNG GSUNG NGO, ,DE'I DGUN CHOS BDE BA CAN DU BZHUGS, DPYID CHOS SNGON MA LA, GRVA SKOR MDZAD BZHED PA'I PO TI 'GA' YAR GYI GZIGS RTOG MDZAD NAS GTZANG LA BYON, SNAR THANG DU PHEBS, BLA MA LO TZ'A BA DON BZANG PAS TSAD MA'I t'IKKA ZHIG MDZAD 'DUG PA DE TSAR GCIG CIS KYANG

NYON; ZHES BKA' GNANG NAS GSAN, DBYAR CHOS DE SNAR THANG DU RNAM 'GREL MNGON PA GONG 'OG MDO RTZA DANG BCAS PA'I GRVA SKOR MDZAD, SNAR THANG DU GZHUNG BSKYUR BTZUGS PA'I THOG MA DE YIN PA 'DUG, DE NAS STON CHOS LA BLA MA RJE BTZUN RED MDA' PA CHEN PO BO DONG DU CHOS BAR LA PHEBS PA GSAN NAS AER BYON, BLA MA LO TZ'A BA NAM MKHA' BZANG PO LA SNYAN DNGAGS ME LONG GI BSHAD PA LA SOGS PA GSAN, GTZO BOR RJE BTZUN RED MDA' PA LA DBU TSAD MNGON PA SOGS GSAN ZHING PHAR PHYIN DANG 'DUL BA YANG RJE BTZUN NYID KYI DRUNG DU TSAR RE NYAN NA RTEN 'BREL GYI KHYAD PAR ZHIG 'ONG DU RE BAS GSUNG 'TSAL ZHUS NAS TSAR RE GSAN, DBU MA 'JUG PA'I BSHAD PA ZHIB TU GSAN ZHING, RTZA SHE LA SOGS PA'I RIGS TSOGS KYI BSHAD PA GSAN PA MA BYUNG ZHING, DBU MA RIGS TSOGS RNAMS KYI LUNG ZHIG SNAR THANG MKHAN PO KUN DGA' RGYAL MTSAN PA LA GSAN, KHONG GIS NI KHONG RANG GI ZUR CHEN GYI GO SA DE SNGAR DBU MA'I ZUR CHOS PA ZHIG GI GO SAR 'DUG PAS DE NAS BRGYUD PAR 'DUG GSUNG ZHING, BDE BA CAN PA'I BLA MA 'JAM RIN PA LA'ANG LUNG GSAN KHONG GIS CHOS RJE BLA MA LA GSAN PAR 'DUG, BLA MA RJE BTZUN GYIS DBU MA RIGS TSOGS RNAMS KYI LUNG BRANG MO CHE'I GDAN SA PA BLA MA CHOS SHES PA LA GSAN, KHONG GIS SNAR THANG PA SHER SENG GI DRUNG DU GSAN PAR 'DUG GSUNG STE,

, ,MDOR NA DE'I TSE RJE RIN PO CHE DPON SLOB LA RIGS TSOGS RNAMS KYI BSHAD PA LTA ZHOG, LUNG TZAM ZHU BA'I YUL YANG DKA' BAR BYUNG 'DUG GO, DE NAS DPON SLOB GNYIS KA THABS CIG TU SA SKYAR BYON, RJE RIN PO CHE 'DIS DE'I TSE SA SKYAR GONG DU SMOS PA'I DKA' CHEN RNAMS KYI GRVA SKOR MDZAD, DE DUS PO TI GZHAN BCU LHAG TZAM GYI GRVA SKOR YANG MDZAD PAS CHOG PA YOD KYANG, DE DUS KYI GRVA SA RNAMS NA PO TI GZHAN RNAMS KYI GRVA SKOR BYED PA'I LUGS MA DAR 'DUG PAS MA BYAS GSUNG NGO, ,DE NAS DE 'PHRAL DBUS LA BYON NAS SOS TSAL GUNG THANG NAS BRTZAMS TE RIM PA BZHIN DU GSANG PHU DANG RTZES DANG LA SOGS PA'I GRVA SA CHEN PO RNAMS SU PHAR PHYIN SNGAR NAS MDZAD TSAR BAS DE MA GTOGS BA DKA' CHEN LHAG MA BZHI'I GRVA SKOR MDZAD CING, DE'I TSE DBUS GTZANG GI GRVA SA CHEN PO RNAMS KYI DGE BA'I BSHES GNYEN SDE SNOD 'DZIN PA RGYA MTSO LTA BU MTHA' DAG KYANG RJE BLA MA 'DI'I SKU GSUNG THUGS KYI RNAM THAR LA SNYING NAS NGAD PA THOB CING BDAG NYID CHEN PO 'DI NI SNGON YUN RING PO NAS LAM LA SBYANGS PA MTHAR PHYIN PA ZHIG ZHING 'DIR GDUL BYA'I DON DU BSAM BZHIN DU BYON PA ZHIG YIN PA NI GOR MA CHAG GO, ZHES MTHUN BAR BRJOD CING DAM PA'I MGON 'DI LTA BU LA BRTEN PA LAS LHAG PA GANG NA'ANG MED DO ZHES RJE 'DI'I ZHABS RDUL SPYI BOR BLANGS TE BKA' BZHIN DU SGRUB BA LA 'BAD PAR GYUR TO, ,DE'I TSE CHOS GRVA CHEN PO RNAMS SU GRVA SKOR LA BYON PA'I SKABS DAG TU'ANG DAD PA'I SHUGS KYIS GSOL

BA 'DEBS SHING DAM PA'I CHOS KYI BKA' STZAL MNYAN NAS RJE NYID KYI SLOB MAR KHAS LEN PA'I SDE SNOD 'DZIN PA'ANG DU MA ZHIG BYUNG LA, BDAG LEGS SU 'DOD PA DAG NI 'DI 'DRA BA'I DAM PA'I MGON LA BRTEN PA LAS 'DOD PA'I GNAS 'THOB PAR 'GYUR GYI, GZHAN GYIS NI MA YIN NO SNYAM DU BSAM NAS BDAG NYID CHEN PO 'DI'I ZHABS 'BRING DU KHAS LEN PAR YANG BYED DO, ,DE NAS RTZES DANG GI GRVA SKOR TSAR NAS YAR KLUNGS RNAM RGYAL DU MA BYON SANGS RGYAS GSUM PA KHA CHE'I PAndI TA BSOD SNYOMS PA CHEN PO SH'AKYA SHR'I BHA DRA'I MKHAN BRGYUD TSOGS CHEN PO'I MKHAN PO DKA' BZHI PA TSUL KHRIMS RIN CHEN GYIS MKHAN PO MDZAD, TSOGS PA BYI RDZING PA'I MKHAN PO GNAS BRTAN 'DUL BA 'DZIN PA SHES RAB MGON POS LAS KYI SLOB DPON MDZAD, BYI RDZING PA'I DBU MDZAD SDOM BRTZON BSOD NAMS RDO RJES GSANG STE STON PA MDZAD CING, TSOGS PA GNYIS KYI DGE SLONG KHA SKONG DU 'OS PA GRANGS TSANG BAS DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE GNAS BRTAN CHEN PO 'OD SRUNGS GANGS RI'I LJONGS 'DIR SLAR YANG BYON PA JI LTA BA BZHIN DU LHA DANG BCAS PA'I 'GRO BA THAMS CAD KYI BSOD NAMS KYI ZHING GCIG BUR GYUR TO, ,DE NAS GDAN SA THEL DU BYON, SPYAN SNGA RIN PO CHE GRAGS PA BYANG CHUB PA'I DRUNG DU MJAL, LEGS BSHAD KYI SKYES PHUL ZHING DAM PA'I CHOS KYI BKA' MCHID MDZAD BAS CHOS RJE SPYAN SNGA BA DAD PA'I SHUGS KYIS SPYAN CHAB BYUNG, PHYIS KYANG DRUNG NA 'KHOD PA DAG DANG 'BEL BA'I BKA'

, ,MCHID GLENG BA NA SKU NA GZHON NU 'DI 'DRA BA LA'ANG YON TAN GYI GTER CHEN PO 'DI LTA BU 'DUG NA KHO BO'I SKYE SA 'DI 'DRA BA ZHES THUGS PHYUNG BA'I GSUNG YANG YANG 'BYON PAR MDZAD DO, ,DE'I TSE SPYAN SNGA RIN PO CHE DE NYID LA LAM 'BRAS BU DANG BCAS PA'I MAN NGAG YONGS SU RDZOGS PA DANG N'A RO PA'I CHOS DRUG DANG RJE PHAG MO GRU PA DANG CHOS RJE 'JIG RTEN MGON PO'I BKA' 'BUM LA SOGS PA LHO BRAG MAR PA NAS RJE BTZUN MI LA LA BRGYUD PA'I GDAMS NGAG GANG YOD DANG, LHO BRAG MAR PA NAS RDOG CHOS SKU RDO RJE LA BRGYUD PA'I MAN NGAG GANG YOD DANG, 'GRO MGON PHAG MO GRU PA'I GSUNG GANG YOD DANG MAN NGAG GANG YOD GSAN TE MAN NGAG DE DANG DE DAG GI NUS PA THON PAR MDZAD DO, ,DE NAS 'ON GYI LHA KHANG KE RUR CHOS BAR LA BYON, TSA GO DBON PO SOGS SDE SNOD 'DZIN PA MANG PO ZHIG LA PHAR TSAD DBU MA SOGS KYI CHOS MANG DU GSUNGS, DE NAS SKYID SHOD DU PHEBS TE TSAL DU BZHUGS NAS BKA' DANG BSTAN BCOS BOD YUL DU 'GYUR RO 'TSAL LA GZIGS RTOG ZHIB PAR MDZAD, GSUNG RAB MTHA' DAG GI DON LA RNAM PAR DPYOD PA'I SGO DU MA ZHIG THUGS LA 'KHRUNGS, MNGON PAR RTOGS PA'I RGYAN 'GREL PA DANG BCAS PA'I RNAM BSHAD CHEN MO'I RTZOM PA'ANG MDZAD, DE'I TSE 'DZIN BZANG BAR GRAGS PA GLING MTSUNGS MED DANG, MDO SMAD PA 'JAM DPAL BKRA SHIS DANG, SH'AKYA GRUB CES PA GSUM DANG, RJE 'DIS 'DZIN GYI KHYAD PAR CHE CHUNG NYAMS SAD MDZAD PAS,

RJE 'DIS NAM LANGS PA NAS TSAL DBUS GLING GI GTZUG LAG KHANG GI TOG GI RTZE LA NYI MA SHAR BA DANG MNYAM DU SNGON GZIGS MA MYONG BA'I DPE MDA' TSAD PHRENG DGU MA ZHIG GI SHOG LDEBS BZHI SHIN TU DAG PAR THUGS LA CHUD 'DUG CING, GLING MTSUNGS MED KYIS PHYED DANG GSUM THO RE BA ZHIG DANG, GZHAN GNYIS KYIS RE RE LAS MA ZIN NO, ,SKABS SHIG TU TSA GO DBON PO MKHAN CHEN NGAG DBANG GRAGS PA PHYAGS PHYI LA KHRID NAS LHA SAR JO BO THUGS RJE CHEN PO RANG BYUNG LNGA LDAN GYI DRUNG DU BYON NAS SMYUNG GNAS MANG DU MDZAD, DE'I NUB GCIG GI TSE DPON SLOB GNYIS KAS GSOL BA DRAG TU BTAB NAS MNAL LAM GYI LTAS BRTAGS PAS, TSA GO BA LA DUNG DKAR CHEN PO GNYIS NAM MKHA' LAS BABS NAS KHONG GI THU BAR LHUNG BYUNG BA DE MA KHAD DE GNYIS 'DRES NAS GCIG TU SONG 'DUG, DE LAG TU BLANGS NAS BUS PAS SGRA CHEN PO DPAG TU MED PA GRAGS PA ZHIG RMIS 'DUG STE, PHYIS KHONG GIS RGYAL MO RONG GI SMAD DU SANGS RGYAS KYI BSTAN PA DAR ZHING RGYAS PAR MDZAD DE 'PHRIN LAS RGYA CHEN PO BYUNG 'DUG PA DE'I LTAS YIN PAR GSUNGS, RJE 'DI PA'I MNAL LAM DU SNYE THANG GI YAR 'PHRANG YAR LA THON PA'I BRAG MDA' SGRO ZER BA DE 'DRA BA ZHIG GI BRAG RI GZAR PO ZHIG LA 'DZEGS BYON PAS RDO LEB DKAR PO SHIN TU 'JAM PA ZHIG GI STENG NA AUTPA LA SNGON PO CHES CHER RGYAS SHING KHA DOG GSAL BA, 'DAB MA MA BRNYINGS PA, YU BA DANG BCAS PA ZHIG 'DUG, DE PHYAG TU BLANGS, 'DI RJE BTZUN SGROL MA'I PHYAG MTSAN DU 'DUG

, ,PAS DES RJES SU 'DZIN PA'I LTAS YIN NAM DGONGS PA NA, DA LAN DE MA YIN TSE'I LTAS YIN GSUNG BA ZHIG BYUNG, TSAL NAS DGUN CHOS LA BDE BA CAN DU BYON, SDE SNOD MANG DU GSUNGS, DPYID DBUS STOD BYA YUL DU PHEBS, DGE BA'I BSHES GNYEN BDUN CU TZAM ZHIG LA PHAR TSAD DBU MA 'JUG PA MNGON PA KUN LAS BTUS RNAMS GSUNGS, SLAR YANG TSAL DU BYON NAS PHAR PHYIN GYI RNAM BSHAD KYI 'PHRO MDZAD CING MJUG BDE BA CAN DU RDZOGS PAR MDZAD, DE NAS, MDO RGYUD KYI GZHUNG CHE CHUNG DU MA LA MKHAS PAR SBYANGS SHING, KHYAD PAR DUS KYI 'KHOR LO CHA LAG DANG BCAS PA LA MKHAS PAR GRAGS PA TSAL PA BLA MA RTOGS LDAN YE SHES RGYAL MTSAN PA LA DUS 'KHOR GSUNG BAR ZHUS, KHONG GIS KYANG ZHAL GYIS BZHES NAS DPON SLOB GNYIS KAS SKYOR MO LUNG DU BZHUGS TE DUS KYI 'KHOR LO'I 'GREL CHEN DRI MA MED PA'I 'OD KYI BSHAD BA ZHIB PAR GSAN ZHING; RGYU MTSAN RTZIS DANG LAG LEN RNAMS LA'ANG MKHAS PAR SBYANGS, SKYOR MO LUNG DU SDE SNOD 'DZIN PA MANG PO LA GZHUNG CHE CHUNG MANG PO'I BSHAD PA'ANG GSUNGS NAS, SLAR YANG DE'I PHYI LO DBYAR CHOS BDE BA CAN DU BZHUGS, BLO GSAL 'DUS PA RGYA MTSO'I TSOGS LA SDE SNOD KYI BSHAD PA MANG DU GNANG, DE NAS DGUN STOD LUNG MTSO SMAD NGANG DKAR DU DUS 'KHOR LA THUGS SBYONG SHIN TU 'GRUS PAR MDZAD, BSHES GNYEN BLO GSAL MANG PO LA SDE SNOD

KYANG MANG DU GSUNGS, DE NAS RDZONG CHE GRAGS PA RIN CHEN PA DE RJE 'DI PA LA DE GONG NAS MI PHYED PA'I DAD PA YOD PAS SNGA PHYIR GSOL BA MANG DU BTAB PA LA DGONGS NAS YAR KLUNGS PHYOGS LA 'BYON PAR BZHED DE SRIN PO RIR PHEBS PA NA, DE DUS GONG DKAR NA SGOM PA CHOS RGYAL YOD PA KHONG YANG RJE 'DI LA SNYING NAS DAD PA YOD PA'I DBANG GIS ZHU BA NAN CHER PHUL TE SOS DE RIGS LNGA LHA KHANG DU BZHUGS, SDE SNOD 'DZIN PA BDUN CU LHAG TZAM LA PHAR TSAD MNGON PA GONG 'OG 'DUL BA MDO RTZA DBU MA 'JUG PA SOGS GSUNGS, GONG DKAR NAS BSNYEN BKUR SDE GONG 'OG GI DKYIL 'KHOR CHEN PO RNAMS SU, SKAL BA DANG SMON MKHAR DU BZHUGS TE SDE SNOD MANG DU GSUNGS SHING, RDZONG CHIBS YO BYAD MKHO DGU THAMS CAD KYIS GUS PAS MCHOD, DE LTAR SNGA PHYIR SDE SNOD DPAG TU MED PA NAR MAR GSUNG BA DE DAG GI SKABS RNAMS SU'ANG, RGYUD SDE GONG 'OG GI DKYIL 'KHOR CHEN PO RNAMS SU, SKAL PA DANG LDAN PA'I GDUL BYA DBANG GIS SMIN PAR MDZAD PA DANG, GZHAN YANG LHA SO SO'I RJES GNANG DANG, LUNG DANG MAN NGAG LA SOGS PA GANG LA GANG 'TSAM GYI CHOS KYIS GDUL BYA DPAG TU MED PA SMIN CING GROL BAR MDZAD DO, ,LHAG PAR YANG DE'I TSE RJE 'DI NYID NGAG GI LHA MO DBYANGS CAN MAS RJES SU BZUNG BAR GRAGS SHING, DE'I RJES GNANG ZHU BA GAR BYON DU MANG BA ZHIG 'ONG ZHES GRAG GO, DE NAS DGUN MON MKHAR BKRA SHIS GDONG DU BZHUGS, DE DUS NUB CIG

, ,ZHUGS ME LA BZHUGS NAS BOD KYI MKHAS GRUB RNAMS KYI RNAM PAR THAR PA CI RIGS PA GSUNG PA'I SKABS SU, DKA' BZHI PA SHER SENG GIS CHOS THOG GCIG LA PO TI BCU GCIG GSUNGS 'DUG, DUS PHYIS BOD DU PO TI DUS GCIG LA GSUNGS PA DE MANG SHOS SU 'ONG BA 'DRA GSUNG, DE NAS DGE BSHES SHA STON LA SOGS PAS RJE NYID NAS KYANG DE TZAM ZHIG DUS GCIG TU GSUNG 'TSAL ZHUS BAS, RTZOL BA BYAS NA DE TZAM ZHIG 'CHAD THUB PA 'DRA GSUNG, 'O NA CIS KYANG GSUNG 'TSAL ZHES NAN GYIS GSOL BA BTAB PAS ZHAL GYIS BZHES TE ZLA BA DE'I TSES BCU NAS GNAM GANG GI BAR SKU MTSAMS BCAD NAS GZIGS RTOG MDZAD, GNAM GANG GI NYIN PHYAG DPE THAMS CAD KYI SKU RAGS BCINGS, TSES GCIG NAS CHOS 'DZUGS PAR BZHED PA LA GSANG PHU SOGS NAS 'BYON PA'I DON GNYER BA SDE SNOD 'DZIN PA MANG PO ZHIG SGUG DGOS PA BYUNG BAS NYI MA GSUM TZAM GYI BAR DU MI LA DANG MAR BA SOGS KYI GSUNG RGYUN THOR BU 'GA' GSUNGS, TSES LNGA NAS NYI MA GCIG LA RGYA GAR SKAD BCO LNGA'I DBU DUS GCIG LA BTZUGS NAS NYIN RE ZHING THO RANGS NAS SROD KYI BAR LA CHOS THUN BCO LNGA RE MA CHAG PAR THUGS BSHAD MDZAD, DE'I NANG NAS PO TI CHUNG BA GNYIS RDZOGS BAR GSUNGS TSAR BA NA DE'I DOD DU SLAR YANG CHUNG BA GNYIS BTZUGS NAS, TSAD MA RNAM 'GREL, PHAR PHYIN, MNGON PA GONG 'OG GNYIS, 'DUL BA MDO RTZA BA, BYAMS

CHOS PHYI MA BZHI, DBU MA RIGS PA'I TSOGS LNGA, 'JUG PA, BZHI BRGYA PA, SPYOD 'JUG STE BSTAN BCOS BCU BDUN GYI BSHAD BA DKA' CHEN 'GA' ZHIG BOD KYI t'IKKA CHEN MO RE GZHIR BZHAG PA'I THOG TU 'GREL BA'I 'CHAD TSUL DU MA DGAG SGRUB DANG BCAS PAS GTAN LA PHAB CING, GZHUNG GZHAN RNAMS PHAL CHE BA RANG RANG GI 'GREL PA'I STENG NAS GZHUNG PHRA RAGS MA LUS PA LA BSHAD PA ZHIB PAR MDZAD DE ZLA BA GSUM LA RDZOGS PAR MDZAD CING, DE'I SKABS SU'ANG, SROD CHOS GROL NAS RDO RJE 'JIGS BYED KYI BDAG 'JUG LA SOGS PA THUGS DAM RIM GNYIS KYI RNAL 'BYOR RNAMS MA CHAG PAR MDZAD DE, SKYE BO KUN YANG 'DI NI LHAG PA'I LHAS DNGOS SU BYIN GYIS BRLABS PA'AM, GZUNGS THOB PA'I BYANG CHUB SEMS DPA'I CHEN PO ZHIG YIN PAR NGES KYI GZHAN LA 'DI LTA BU 'BYUNG MI SRID DO ZHES MTHUN PAR GLENG NGO, ,DE'I DBYAR KHA YAR KLUNGS AO KAR BRAG TU BZHUGS NAS SKU MTSAMS DAM PO MDZAD, BCOM LDAN 'DAS DPAL 'KHOR LO BDE MCHOG GI SGOM BZLAS DANG THUN BZHI'I RNAL 'BYOR, BDAG 'JUG SHIN TU MANG BAR MDZAD CING NE GU CHOS DRUG GI DMIGS SKOR RNAMS THUGS NYAMS SU BSTAR NAS LEGS PAR SBYANGS TE ZHAG RE LA GTUM MO'I RLUNG SBYOR YANG BRGYAD BRGYA RE TZAM MDZAD DO ZHES GSUNG ZHING GTUM MO LA SOGS PA'I THUGS DAM GYI NYAMS BZANG PO MANG DU 'KHRUNGS SO, ,DE NAS STON SKYID SHOD DU PHEBS,

, ,RJE BTZUN RED MDA' PA'I ZHAL SNGA NAS KYANG DBUS SU CHOS BAR LA PHEBS PAS DPON SLOB GNYIS KAS PO TA LAR BZHUGS NAS DAM PA'I CHOS KYI BKA' BGRO BA MANG DU MDZAD CING GDUL BYA RNAMS LA'ANG LEGS PAR BSHAD PA'I SKYES STZAL NAS RJE BTZUN PA SLAR YANG GTZANG LA BYON, RJE BLA MA 'DI NYID KYIS DE'I DGUN SKYOR MO LUNG GI BRAG TU BZHUGS NAS SDE SNOD 'DZIN PA CHEN PO DU MA LA DUS 'KHOR DANG PHAR TSAD MNGON PA SOGS MANG DU GSUNGS SO, ,DE NAS DE'I DPYID RTA'I LO LA RGYUD SDE CHEN PO RNAMS KYI BSHAD PA DANG, DBANG LAG LEN MAN NGAG DANG BCAS PA MTHA' DAG RDZOGS PA ZHIG RTZAD GCOD MDZAD PAR BZHED PA DANG, ,BLA MA RJE BTZUN RED MDA' BA DANG DPON SLOB GSUNG GLENG MDZAD PA'I DGOS PA 'GA' ZHIG GI PHYIR DU GTZANG LA BYON, RONG GI SNUBS CHOS LUNG DU BZHUGS, TSOGS BA'I MKHAN PO RIN CHEN GRAGS PA BSHES GNYEN PA LA BKA' LUNG CI RIGS PA GSAN, DE DUS RJE 'DI PA'I ZHABS 'BRING LA YOD PA'I SNGO PHYI DPON PO BSOD NAMS GRAGS DANG, MDO SMAD PA DGE BSHES SHES RAB GRAGS ZHES BA GNYIS KYIS BLA MA DBU MA PA BRTZON 'GRUS SENG GE BDE MCHOG STENG ZHES PA'I DBEN GNAS ZHIG NA BZHUGS PA'I DRUNG DU MJAL BA LA PHYIN CHOS 'BREL ZHUS GSUNG GLENG BYUNG BAS, DBU MA PA'I ZHAL NAS, NGED KHYED KYI SLOB DPON PA DE LA DBYANGS CAN MA'I RJES GNANG ZHIG ZHU DGOS GSUNG, DE NAS BLA MA DBU MA PA DANG RJE 'DI PA

ZHAL 'DZOM MDZAD DE, BLA MA DBU MA PAS RJE 'DI LA DBYANGS CAN MA'I RJES GNANG ZHUS, DE'I TSE GSUNG GLENG ZHIB TU MDZAD PAS BLA MA DBU MA PA KHONG RANG LA MDO KHAMS NA PHYUGS MA SKYONG BA'I DUS NYID NAS RJE BTZUN 'JAM PA'I DBYANGS KYI SKU DANG GSUNG GI SNANG BA NAR MAR 'ONG TSUL DANG, DE LA SNGA PHYIR BRTAG PA BYAS TSUL LA SOGS PA ZHIB PAR ZHUS NAS, DA DUNG NGED 'DI LA GTING NAS NGES BRNYED PA MED PAS BRTAG DPYAD YANG DAG CIG THUGS LA 'DOGS PAR ZHU DA LA NA YANG RJE BTZUN GYI SKU'I SNANG BA DE'I GSUNG NAS, RJE NYID LA DBYANG CAN MA'I RJES GNANG ZHU BA LA RGYUG GSUNG NAS 'ONGS PA YIN, ZHES GSUNGS BA LA RJE 'DI PAS DBU MA'I LTA BA SOGS CHOS KYI GNAD ZAB MO RNAMS KYI DRI GTUGS MDZAD PA SOGS KYI SGO NAS LEGS PAR BRTAGS PAS RTAG THUB PA 'DUG PAS THUGS YID GNYIS ZA DGOS PAR MI GDA', GSOL BA DRAG TU THOB MDZAD, 'ON KYANG RJE BTZUN GYI SKU DANG GSUNG RANG MTSAN PA DA LTA DBANG SHES LA SNANG BA MIN, YI DAM GYI SKU DNGOS KYIS GTAD PA'I RNAM PA YID SHES LA DNGOS SU SNANG BA ZHIG YIN, NGED KYANG 'JAM PA'I DBYANGS KYI SGRUB SKOR MAN NGAG SOGS 'DI PHYOGS LA SHES 'DOD CHE BAR YOD PAS ZHU DGOS NA'ANG DA LAN RJE BTZUN RENG MDA' PA'I DRUNG NAS STAG TSANG DU 'BYON PA DANG DPON SLOB DUS NGES MDZAD PA'I MJAL PHRAD DGOS PAR YOD PA SOGS KYIS BREL NAS MI 'GRUB 'DUG, RJES SU RTEN 'BREL CIG CIS KYANG SGRIG 'TSA

, ,ZHES GSUNGS NAS STAG TSANG RDZONG KHAR BYON, MKHAN CHEN LO TZ'A BA GRAGS PA RGYAL MTSAN PA DANG, RJE BTZUN DAM PA RED MDA' PA DANG, BLA MA LO TZ'A BA DON BZANG BA DANG, RJE'I ZHAL SNGA NAS DANG, DE DAG GI ZHABS 'BRING DU LHAGS PA'I BSHES GNYEN SDE SNOD 'DZIN PA PHUN SUM TSOGS PA DU MA DANG, GNYUG MAR GNAS PA'I DGE 'DUN GYI TSOGS DANG BCAS PA'I YUL MCHOG TU GYUR PA GDAN MNGON PAR 'JOM PA THAMS CAD KYI NYE BAR MKHO BA'I 'TSOGS CHAS, ZHAL ZAS DANG GNAS MAL LA SOGS PA PHUN SUM TSOGS PA'I MTHIL LEN GYI THUGS KHUR RGYA CHEN PO DAG RGYAL SRAS 'DUL BA 'DZIN PA CHEN PO GZHUNG LUGS RAB 'BYAMS LA MKHYEN PA RGYAS SHING; GCIG TU BSTAN PA RIN PO CHE'I KHUR 'KHYER BA LA MI MNYAM PA'I BRTUL ZHUGS CAN CHOS RJE LO TZ'A BA SKYABS MCHOG DPAL BZANG POS BZHES SO, ,DE'I TSE RIN PO CHE GRAGS PA RGYAL MTSAN PAS PHAR PHYIN DANG, CHOS RJE SKYABS MCHOG PAS BRTAG GNYIS GSUNGS SHING, RJE BTZUN DAM PA RED MDA' PA'I ZHAL SNGA NAS, KHONG RANG GIS MDZAD PA'I RNAM 'GREL RGYAN GYI 'GREL BSHAD CHEN MO DE GSUNG BA RJE 'DIS GSAN ZHING, DPON SLOB GNYIS KYIS DKA' PA'I GNAS GTAN LA 'BEBS PA'I RIGS PA'I BRTAL BRTAGS KYANG MANG DU MDZAD, DE NAS DPON SLAB GNYIS KYIS 'BA' 'U 'BA' GNYER DU CHOS BAR BTEG NAS BYON, RJE RIN PO CHE 'DIS BLA MA RJE BTZUN RED MDA' PA'I

ZHAL SNGA NAS LA RGYUD KYI RGYAL PO DPAL GSANG BA 'DUS PA'I RTZA RGYUD KYI BSHAD PA TSAR GCIG GSAN, DE'I TSE GONG GSUM BDE CHEN PA'I BLA MA RIN PO CHE CHOS KYI DPAL BA'I DRUNG DU DUS 'KHRO ZHIG GSAN DGOS DGONGS PA BYUNG BA'I NUB GCIG MNAL LAM DU, CHOS KYI DPAL GYIS BU STON RIN PO CHE LA DUS 'KHOR 'GREL CHEN TSAR BCU BDUN NYAN PA YIN NO ZER BA ZHIG BYUNG, PHYIS KHONG DANG MJAL DUS RIN PO CHES BU STON GYI DRUNG DU DUS 'KHOR TSAR DU GSAN PA LAGS ZHUS PAS, BCU BDUN NYAN ZHES GSUNG NGO, ,DE DUS RJE BTZUN RED MDA' PA'I ZHAL NAS, SNGAGS KYI RTZAD GCOD DE TZAM MDZAD PA LA YUN RING 'GYAL, DA LTA SDE SNOD KYI BSHAD PAS PHAN THOGS RGYA CHEN PO 'ONG GIN 'DUG PAS RE ZHIG BSHAD PA MDZAD PA MI 'THAD DAM ZHES GSUNG BA LA ,BDAG SNGAGS KYI PHYOGS LA 'DUN PA DRAG PO BDOG PAS SNGON LA SNGAGS PHYOGS KYI RTZAD GCOD BGYID PA LAGS ZHES GSUNGS, DE YANG RJE RIN PO CHE 'DI'I ZHAL NAS NGED SNGAGS KYI PHYOGS LA GZHAN GYIS BSKUL DGOS PA MED, CHUNG DU NAS 'DI LA SHES 'DOD DRAG PO YOD CING ,DE YANG RGYUD SDE MTHA' DAG YONGS SU RDZOGS PAR BSLAB DGOS SNYAM PA ZHIG DANG PO NAS YOD CES GSUNG NGO, ,DE NAS BLA MA RJE BTZUN PAS SA SKYA LA PHYAGS BTEG, RJE 'DI PAS RONG CHOS LUNG DU BYON, ,BLA MA DBU MA BA DANG CHOS KYI GSUNG GLENG MANG DU MDZAD, RJE BTZUN 'JAM PA'I DBYANGS KYI CHOS SKOR YANG MANG DU GSAN, BLA MA DBU MA PAS KYANG RJE RIN PO CHE

, ,'DI NYID LA DBU MA LA 'JUG PA'I RANG 'GREL SOGS CHOS BKA' CI RIGS GSAN PAR MDZAD DO, ,RJE RIN PO CHE 'DI PAS STON GYI RING RONG GI RI LUNG PHUG TU THUGS DAM LA BZHUGS, STON GZHUG MYANG STOD SMAD KYI MTSAMS GONG GSUM BDE CHEN DU PHEBS NAS ,THAMS CAD MKHYEN PA BU STON RIN PO CHE'I BU CHEN RNAMS KYI NANG NAS DUS KYI 'KHOR LO LA MKHAS PA'I MCHOG TU GYUR PA ,GZHAN YANG SNGAGS KYI GZHUNG DANG LAG LEN MAN NGAG SOGS MTHA' YAS PA LA MNGA' 'BYOR PA'I RIN PO CHE CHOS KYI DPAL BA'I DRUNG DU MJAL, THOG MAR MJAL BA'I DGONGS MO DE PHYAG PHYIS DAR SER PO ZHIG PHUL, SANG NYIN JA ZHAL ZHIG MDZAD DE GOS NE TZO KHA YUG GCIG PHUL NAS DUS KYI 'KHOR LO'I 'GREL CHEN CHA LAG DANG BCAS PA GSUNG BAR ZHUS, DE DUS KYANG 'GREL CHEN GSUNG BA'I LE'U DANG PO RDZOGS PA'I MTSAMS LA 'DUG PAS, KHONG GI ZHAL NAS, MDANG GI DAR SER PO DE SA'I KHAMS SDUD RIM DANG MTHUN PAS RDZOGS RIM YONGS SU RDZOGS PAR 'ONG BA 'DUG ,DA NANGS KYI GOS YUG 'DI LJANG KHU NAM MKHA'I KHAMS YIN BSKYED RIM DANG MTHUN PAS BSKYED RIM YONGS SU RDZOGS PAR 'ONG BAR 'DUG ,CHOS MTSAMS LE'U GNYIS PA'I 'OG GANG ZHIG CHEN PO'I MI RNAMS SMIN PAR BYA BA'I DON DU ,ZHES PA'I SKABS LA SLEB BYUNG BAS RTEN 'BREL SHIN TU LEGS, CHOS THAMS CAD YONGS SU RDZOGS PAR BYED DGOS ,ZHES DGYES

BZHIN DU ZHAL GYIS BZHES, LE'U DE NAS DBU BTZUGS TE GSUNGS SHING, SLAR YANG LE'U DANG PO'I 'OG NAS SKYAR TE GSUNGS, STON GZHUG DE NAS DPYID SNGA MA MA RDZOGS RING LA BZHUGS NAS RGYUD 'GREL GYI BSHAD PA PHYAG LEN GYI MDZUB KHRID; SBYOR DRUG GI NYAMS KHRID SOGS RDZOGS PAR GSAN NO, ,DE NAS YO GA'I BKA' LUNG BSHAD PA MTHA' DAG GSAN PAR BZHED PA LA SNGON DU PHYAG LEN ZHIG SBYANG BAR BZHED NAS ,ZHA LU NA DE DUS BU STON RIN PO CHE BA'I MCHOD G-YOG PA GTZO BO ZHIG YIN PA YO GA'I LAG LEN LA SHIN TU MKHAS PAR GRAGS PA'I YO GA BA TSE DBANG ZHES PA'I SLOB MA DRAG PA YO GA BA MGON BZANG ZHES BYA BA GDAN DRANGS NAS, KHONG DANG RJE RIN PO CHE GNYIS KYIS MYANG STOD SMAD KYI MTSAMS 'KHRIS RTZA KHANG ZHES PAR BZHUGS NAS RDO RJE DBYINGS DANG DPAL MCHOG RTZE MO LA SOGS PA YO GA'I DKYIL 'KHRO CHEN PO MTHA' DAG GI BRIS THIG GAR DBYANGS, DKYIL CHOG GI CHOG KHRID, PHYAG RGYA 'CHING BA SOGS LA SHIN TU BYANG BAR SBYANGS, DE'I TSE NUB GCIG MNAL LAM DU, KHRI CHEN PO ZHIG GI STENG NA BLA MA KHYUNG BO LHAS PA YIN ZER BA'I BLA MA BGRES PO DBU RGYAN GSOL, RDO RJE DRIL BU PHYAG NA BZUNG BA ZHIG BZHUGS, DE'I SKU MDUN RJE RIN PO CHE NYID KYANG BZHUGS 'DUG PA LA, BLA MA DE BZHENGS NAS RDO RJE'I 'GROS KYIS DRIL STABS DANG BCAS RJE 'DI NYID LA G-YAS SU BSKOR BA LAN GSUM MDZAD CING, PHRENG BA NAS BYUNG BA'I AE K'A PA TZIK'A PA ZHES SOGS KYI SGA BSGRAGS NAS RJE'I DBU'I STENG DU

, ,RDO RJE DRIL BU BZUNG STE KARMA BADZRA ZHES BYA BA'O, ,ZHES GSUNGS NAS KHRI LA BZHUGS SONG BA ZHIG BYUNG, MNAL SOD NAS BRTAGS PA NA SNGAR GYI GSANG MTSAN DON YOD RDO RJE YIN BA DANG, KARMA BADZRA YANG DON GRUB KYI RIGS KYI MING DU 'DUG PAS 'DRA BA 'DUG DGONGS PA ZHIG BYUNG GSUNG NGO, ,SLAR YANG DPYID SMAD DE NAS DBYAR DANG STON 'OG MA'I RING LA GONG GSUM BDE CHEN DU BYON NAS, RIN CHEN CHOS KYI DPAL BA LA RDO RJE PHRENG BA'I DBANG LUNG MDZUB KHRID BSHAD PA GAR THIG DBYANGS GSUM GYI PHYAG LEN KHRID DANG BCAS PA'I SGO NAS PHRENG BA SKOR GSUM LA MKHAS PAR SBYANGS, GZHAN YANG BCOM LDAN 'DAS PHYAG NA RDO RJE 'KHOR LO CHEN PO LA SOGS PA'I DBANG LUNG MAN NGAG DANG BCAS PA LA SOGS PA ZAB CING RGYA CHE BA'I CHOS MANG DU GSAN, DE NAS ZHA LUNG RIN PO CHE KHYUNG PO LHAS PA LA YO GA'I SKOR GSAN PA LA 'BYON PAR DGONGS YOD PA LA, NUB GCIG MNAL LAM DU KHRI CHEN PO ZHIG GI STENG NA RIN PO CHE KHYUNG PO BA YIN ZER BA'I BLA MA BGRES PO ZHIG BZANG PO'I 'DUG STANGS MDZAD NAS BZHUGS, DE'I DRUNG NA RJE 'DI PA'ANG BZHUGS YOD PA LA, BLA MA DES PHYAG GNYIS KYIS THUGS KA'I NA BZA' BSAL NAS THUGS KA STON GYIN 'DUG PA LA GZIGS PAS, BLA MA DE'I THUGS KA NAS SNGAGS KYI PHRENG BA RING PO RIM PA DU MAS BSKOR BA'I 'KHOR LO YIG 'BRU RNAMS HRA MA ME 'DUG PA GZIGS PAS SNGAGS RNAMS PHAL CHE BA BKLAGS PA ZHIG RMIS,

PHYIS MJAL BA NA SKU'I RNAM PA MNAL LAM DU BYUNG BA DE NYID RANG DU 'DUG GSUNG NGO, ,DE NAS STON PHYI MA DGUN DPYID DBYAR RNAMS SBREL NAS ZHA LUR BZHUGS, SNGAGS 'CHANG RDO RJE 'DZIN PA CHEN PO RIN PO CHE KHYUNG PO LHAS PA' DRUNG DU YO GA'I DKYIL 'KHOR CHEN PO RNAMS KYIS THOG DRANGS RGYUD SDE 'OG MA RNAMS KYI BKA' DA LTA BOD NA RNAM PAR DAG BA'I DBANG GI CHU BO RGYUN MA CHAD PAR YOD PA PHAL CHE BA YONGS SU RDZOGS PAR GSAN ZHING, BCOM LDAN 'DAS 'KHOR LO BDE MCHOG L'U AI PA DANG NAG PO PA'I LUGS LA SOGS PAS THOG DRANGS PA'I BLA MED KYI BKA' LUNG YANG DPAG TU MED PA GSAN, KHONG LA MNGA' BA'I BKA' LUNG PHAL CHER BUM PA GANG BYO'I TSUL DU THUGS RGYUD LA GTAMS PAR MDZAD, DE'I TSE 'BUL BA TSOGS 'KHOR ZHABS TOG NAR MA SOGS KYIS MNYES PAR MDZAD DO, ,DE DUS RJE BTZUN KHYUNG LHAS PA'I ZHAL SNGA NAS KYIS DBANG RE RE GNANG TSAR BA'I MJUG TU 'DI NGA LA YANG BLA MA 'DI ZHES BYA BAS DGYES BZHIN DU GNANG BA YIN BYA BA RE CIS KYANG GSUNG ZHING, BKA' LUNG RNAMS RDZOGS PA NA, DA NI CHOS BDAG PO LA 'PHROD PAS 'GYOD PA MED DO ZHES GSUNG ZHING, DANG PO BU STON THAMS CAD MKHYEN PA DANG, BLA MA KHYUNG LHAS PA GNYIS KAS KUN MKHYEN 'PHAGS 'OD PA'I DRUNG DU DPAL GSANG BA 'DUS PA DANG YO GA LA SOGS PA'I DKYIL 'KHOR CHEN PO RNAMS KYI DBANG GSAN DUS TSOGS 'KHOR ZHIG GI GRAL DU, KUN MKHYEN PA'I ZHAL NAS, RJE MAR PAS, NYI

, ,MA SHAR DU KA CHEN BTZUGS PA DE, ZHES SOGS KYI MGUR MA DE 'DON PA SPOS NAS, NYI MA SHAR DU KA CHEN BTZUGS PA DE, KHYUNG PO STON SGOM KHYOD LA MI ZER RAM, ZHES GSUNGS PA'I LO RGYUS KYANG GSUNGS, DE NI RJE BTZUN KHYUNG LHAS PAS KUN MKHYEN 'PHAGS PA DANG, BU STON THAMS CAD MKHYEN PA GNYIS LAS SNGAGS KYI GDAM PA RGYA MTSO LTA BU BZHES PA'I BYIN RLABS KYI BCUD MA NYAMS PAR RJE RIN PO CHE 'DI PA'I PHYAG TU RDO RJE THEG PA'I BSTAN PA YONGS SU RDZOGS PAR 'PHROD NAS PHYOGS 'DIR SKYE DGU THAMS CAD KYI PHAN BDE'I RTZA LAG TU GYUR PA 'DI'I DON LA DGONGS PAR GSAL LO, ,RJE RIN PO NYID KYI ZHAL NAS, SNGAGS KYI DNGOS GRUB THAMS CAD KYI RTZA BA GTZO BOR BLA MA MNYES PAR BYAS PA 'BA' ZHIG LA RAG LAS 'DUG PAS DBANG GNANG BA'I DUS THAMS CAD DU BLA MAS MNYES BZHIN DU GNANG BA YIN NO, ,ZHES GSUNGS PA DE LA DPYAD RGYU CHEN PO ZHIG 'DUG GO ZHES GSUNG NGO, ,DE NAS RJE BTZUN DAM PA KHYUNG PO LHAS PA LAS GSAN DGOS RNAMS KYI THUGS THAG LEGS PAR CHOD NAS, PA SNAM GYI PHAG PA RIN BLA MA BDE CHEN PA CHOS KYI DPAL BA GDAN DRANGS NAS BZHUGS 'DUG PA'I SPYAN SNGAR BYON, SLAR YANG RDO RJE SNYING 'GREL, PHYAG RDOR BSTOD 'GREL, N'A RO 'GREL CHEN LA SOGS PA DUS 'KHOR GYI CHA LAG MANG PO ZHIG GSAN ZHING DPAL GSANG BA 'DUS PA LUGS GNYIS LA BU STON RIN PO CHES YIG CHA MDZAD PA CI YOD KYI BSHAD LUNG LA

SOGS PA CHOS BKA' MANG DU GSAN, DE NAS KHONG BA GONG GSUM BDE CHEN DU THEGS ,RJE RIN PO CHES PHAG PA RIR ZHA LU BA'I YO GA BA MKHAS PA SDE SNOD 'DZIN PO CHEN PO RGYAL MTSAN GRAGS PA SPYAN DRANGS NAS YO GA'I GAR DBYANGS SOGS PHYAG LEN RNAMS KYI DAG TER YANG DAG MDZAD, CHOS BKA' YANG CI RIGS PA GSAN, KHYAD PAR BU STON GYIS MDZAD PA'I RDO RJE 'BYUNG BA'I RNAM BSHAD CHEN MO GSAN ZHING, YO GA'I RTZA RGYUD DE NYID BSDUS PA, BSHAD RGYUD RDO RJE RTZE MO, DPAL MCHOG ,NGAN SONG SBYONG BA'I RGYUD LA SOGS PA DANG, DE NYID SNANG BA, KO SA LA'I RGYAN, DPAL MCHOG 'GREL CHEN LA SOGS PA RGYUD DANG 'GREL PA RGYA GZHUNG GI RIGS DPAG TU MED PA'I LUNG YANG GSAN NO, ,DE NAS SPRE LO'I STON BLA MA DBU MA PA DANG LHAN CIG TU DPON SLOB GNYIS KAS DBUS KYI DGA' BA GDONG DU PHYAGS PHEBS, LHA SAR JO BO RIN PO CHE'I DRUNG DU GSOL BA 'DEBS PA LA BYON NAS, DPON SLOB GNYIS KAS DGA' BA GDONG DU SKU MTSAMS LEGS PAR BCAD NAS BZHUGS, DE YANG SKYE RABS MANG PO NAS RJE BTZUN 'JAM PA'I DBYANGS KYIS RJES SU BZUNG STE SA LAM MTHON BOR BYON ZHING SKU TSE 'DIR YANG 'KHRUNGS TZAM NYID NAS RJE BTZUN 'JAM PA'I DBYANGS KYIS RJES SU BZUNG STE GSUNG GI GNANG BRGYUN DU STZOL BA SOGS YON TAN GYI TSOGS KYIS MNGON BAR MTHO BA'I BLA MA DBUM PA DANG THABS CIG TU DGA' BA GDONG DU BZHUGS RING LA'ANG KHONG LA RJE BTZUN 'JAM PA'I DBYANGS KYI CHOS SKOR MANG DU

, ,GSAN ZHING, BLA MA DANG YI DAM THA MI DAD DU BYAS PA LA GSOL BA DRAG TU 'DEBS PA DANG, YI DAM GYI BSNYEN SGRUB LA SHIN TU 'GRUS PAR MDZAD, KHYAD PAR RJE RIN PO CHE 'DI NI BSKAL BA BGRANG BA LAS 'DAS PA'I SNGON ROL NAS LAM LA LEGS PAR SBYANGS PA'I RIGS KYI NUS PA YONGS SU SMIN PA'I DBANG GIS GSUNG RAB DGONGS 'GREL DANG BCAS PA LA THOS BSAM SGOM PA JI SNYED CIG MDZAD PA THAMS CAD LA'ANG TSE 'DI'I RNYED BKUR DANG, SNYAN GRAGS DANG, 'KHOR DANG, 'DU 'GOD PHUN SUM TSOGS PA DANG, BDAG NYID GZHAN LAS KHYAD BAR 'PHAGS PA NYID DU MTHONG BAR GYUR NA CI MA RUNG SNYAM PA SOGS KYI KUN SLONG GI DRI TZAM YANG MA 'DRES PAR SEMS CAN THAMS CAD KYI DON DU RNAM PA THAMS CAD MKHYEN PA'I CHED DU DMIGS PA 'BA' ZHIG GIS THUGS RANG DBANG MED PAR PHROGS PAS, TSIG 'GRIG 'GRIG MO DANG, DON MKHAS PA GZHAN GYIS BSHAD PA LAS KHYAD DU THON THON MO DANG, MANG PO TSOGS PA'I DBUS SU RANG GI LUGS RNAM PAR BZHAG PA LA GZHAN GYIS BRGAL BAR MI NUS SHING, GZHAN GYI 'DOD PA THABS SNA TSOGS KYI SGO NAS DGAG NUS PA TZAM GYIS THUGS TSIM PA DANG, DE 'DRA BA TZAM ZHIG LHUR MDZAD PA'I DRI TZAM YANG MI MNGA' ZHING, BDAG NYID RGYAL ZHING PHA ROL SMA DBAB PAR BZHED PA DANG, RANG NYID MKHAS PAR RLOM PA'I NGA RGYAL GYIS RANG GIS GANG SHES PA DE NYID GZHAN LA GRAGS PAR BYA BA'I CHED DU, 'CHAD

BA'AM; RTZOD PA'AM, RTZOM PA 'DI LTA BU ZHIG DANG PO THOS BSAM GTZO BOR LHUR MDZAD PA'I THOG MA NAS BRTZAMS TE ZHING GSHEGS PA'I BAR GANG GIS SKABS SU'ANG DUS 'DI'I TSE TSUL 'DI LTAR MDZAD DO ZHES GZU BOR GNAS BA SUS KYANG LAN CIG KYANG DRANG POR GLENG BA'I SKABS MED PA 'DI NI, CHOS LA BLO KHA CUNG ZAD CIG PHYOGS PA YAN CHAD SUS BSAMS KYANG GZU BO'I BLOS BSAM NA NI ,RANG DBANG MED PA NYID DU DAD PA LHAG PAR SKYES PA'I SKYES BU DAM PA'I RNAM THAR NGO MTSAR BA YIN NO, ,DE'I PHYIR GSUNG RAB DGONGS 'GREL DANG BCAS PA'I DON RNAM PAR GTAN LA 'BEBS PA NA'ANG, THAR PA DANG THAMS CAD MKHYEN PAR BGROD PA'I LAM GONG 'OG THAMS CAD RGYAL BA'I DGONGS PA JI LTA BA DANG, SHING RTA CHEN PO RNAMS KYI LUGS JI LTA BA BZHIN DU RNYED PA ZHIG JI LTAR BYAS NA 'ONG ZHIG GU SNYAM DU 'DI NYID 'BA' ZHIG THUGS LA BCAGS PAS DPYOD PAR MDZAD CING, DE YANG DBANG PO RNON PO CHOS KYI RJES SU 'BRANG BA'I RIGS MCHOG TU GYUR PAS GZHAN GYI TSIG TZAM LA BRTEN NAS RNAM PAR DPYOD PA LUNG TZAM SKYABS SU GYUR PA RNAMS KYI NGANG TSUL NI NGO BO NYID KYIS MI MNGA' BAS, 'DI SNYAM DU RGYAL BA'I GSUNG RAB 'GREL BA'I MCHOG TU LUNG BSTAN PA'I SHING RTA'I SROL 'BYED CHEN PO DAG GIS BSTAN PA'I RIGS PA LA BRTEN NAS RGYAL BA'I GSUNG RAB KYI DRANG NGES TSUL BZHIN DU PHYE BA'I NGES DON GYI GSUNG RAB KYI DON SHIN TU PHRA BA'I RIGS PAS RNAM PAR DPYAD KYANG MTHA' GZHAN DU MI

, ,'GYUR BA'I TSUL GYIS RNYED PA ZHIG, SKYES BU SKOM PAS GDUNGS PAS BTUNG BA DON DU GNYER BA LTA BU'I THUGS KYIS, TSUL 'DIS GSUNG RAB KYI DON 'TSOL BA 'BA' ZHIG LHUR MDZAD DO, ,DE YANG RJE NYID KYI ZHAL NAS, DA LTA BOD NA SHES RAB CHE BA GO BA BZANG BA'I MTHAR THUG TU RTZI BA 'DI TSO LTAR GSUNG RAB DGONGS 'GREL DANG BCAS PA'I BSTAN BCOS PHAL CHER LA BLTAS PA TZAM NAS 'DI'I DON 'DIR 'DUG SNYAM PA 'BAD MED DU LAM LAM 'CHAR BA, DE GZHAN LA BSTAN NA GO BA CHEN PO BLO YUL DU BDE SANG SANG BA 'CHAR THUB PA ZHIG NGA LA SNGA MO NAS YOD DE, DE 'DRA LA YID BRTAN BYAR MI RUNG, RIGS PA PHRA MOS LEGS PAR DPYAD PA NA DANG POR YIN YIN 'DRA BA'I GO BRNYED PA RNAMS KYANG PHAL CHER ZHIG 'GRO BA KA MANG, DES NA RIGS PA RNAM PAR DAG PA PHRA MO ZHIG GIS LEGS PAR DPYAD PA'I DPYAD PA MA RDZOGS PAR DU DON DER KHA TSON BCAD KYANG SHAB SHOB TU 'GRO BA YIN ZHES GSUNG NGO, ,DE YANG DE'I TSE 'PHAGS PA KLU SGRUB YAB SRAS KYI DGONGS PA MTHAR THUG PA'I LTA BA DANG, GSANG BA 'DUS PA'I LAM RIM PA LNGA, DE'I NANG NAS KYANG SGYU LUS 'DI SHIN TU RTOGS DKA' BA DANG, RTOGS NA DON CHE ZHING MA RTOGS NA NI LOG PAR LTUNG BA'I G-YANG SA'ANG SHIN TU CHE LA, DE KHO NA NYID SGOM PA DANG, SNGAGS BLA MED KYI LAM LA BRTEN NAS SANGS RGYAS 'TSOL BA SOGS TSIG TZAM DU 'GYUR BAR DGONGS TE, 'DI DAG MGON PO KLU

SGRUB YAB SRAS KYI DGONGS PA BZHIN 'KHRUL MED DU STON PA'I BSHES GNYEN DAM PA RGYA BOD BA LA GSUM, DBUS GTZANG KHAMS GSUM SOGS GANG NA YOD KYANG DE'I KHUNGS SHIG RNYED NA NI DE 'TSOL BA'I PHYIR DU LUS SROG THED LA BOR NAS DKA' BA CI BYUNG YANG DANG DU BLANGS TE DA LTA NYID DU'ANG 'GRO DGOS DGONGS PA SNYING NAS SHUGS DRAG PO DE'I TSE YOD DO, ,ZHES RJE NYID GSUNG NGO, ,DE'I DUS SU'ANG BLA MA DBU MA PAS LO TZ'A BYAS NAS RJE BTZUN 'JAM PA'I DBYANGS LA DBU MA'I LTA BA DANG, SNGAGS MTSAN NYID KYI KHYAD PAR, SNGAGS BLA MED KYI LAM GYI GNAD CHE SHOS RNAMS DANG, RIM PA LNGA'I GO RIM GRANGS NGES SOGS MTHA' YAS PA ZHIG GI DRI BA DANG, DOGS PA CHOD PA'I CHED DU BRGAL ZHING BRTAGS PA'I SGO NAS 'DRI BA LA SOGS PA 'BA' ZHIG GTZO BOR MDZAD DO, ,RJE RIN PO CHE 'DIS DE'I TSE RJE BTZUN 'JAM PA'I DBYANGS LA ZAB MO DBU MA'I LTA BA SOGS MDO SNGAGS KYI LAM GYI GNAD MTHAR THUG PA RNAMS LA DRI BA DANG BRGAL BRTAG MANG DU MDZAD PA'I SKABS SU RJE BTZUN 'JAM DPAL DBYANGS KYIS THAL RANG GI KHYAD PAR, LHAN SKYES DANG KUN BRTAGS KYI BDAG 'DZIN GNYIS KYIS JI LTAR BZUNG BA LTAR GYI BDAG DANG, RTAGS KYI DGAG BYA'I TSAD PHRA RAGS, LTA BA RTOGS PA'I TSAD; THAL 'GYUR BA'I LTA BA 'DI'I LUGS KYI KUN RDZOB RNAM PAR 'JOG PA'I TSUL LA SOGS PA RNAMS KYI DPYAD PA ZHIB TU MDZAD PA'I SA BON SHIN TU 'DRIL BA RE DANG, SNGAGS MTSAN NYID KYI LAM THUN MONG

, ,BA DANG THUN MONG MA YIN PA'I KHYAD PAR, DPAL GSANG BA 'DUS PA'I RIM PA LNGA'I NGO BO DANG, GO RIM GRANGS NGES LA SOGS PA RNAMS KYI GNAD THUN MONG MA YIN PA SHIN TU 'DRIL BA RE GSUNGS, MI GO BAR 'DUG LAGS ZHUS PAS, 'DI RNAMS MA BRJED PA GYIS LA ZIN BRIS SU GYIS, BLA MA DANG YI DAM THA MI DAD DU BYAS PA LA GSOL BA 'DEBS SHING BSNYEN SGRUB BYED PA DANG, BSAG SBYANG GNYIS LA LEGS BAR 'BAD PA DANG, GZHUNG LUGS KYI DON LA RIGS PAS RNAM PAR DPYOD CING ZHIB TU SEMS PA RNAMS SUM SGRIL DU NYAMS SU LONGS LA TSIM MA SLA BAR RGYUN BSRINGS LA LEGS PAR DPYOD CIG DANG, SKABS SU BAB NA NGAS SA BON BTAB PA 'DI RNAMS KYIS KYANG RKYEN BYAS NAS LEGS PAR GO BA ZHIG MYUR DU 'ONG BA 'DUG CES GSUNG NGO, ,'PHAGS PA KLU SGRUB YAB SRAS KYI LUGS KYI DBU MA DANG GSANG BA 'DUS PA LA SHES 'DOD SHIN TU CHE BAR YOD PAS RTZAD GCOD PA'I BLA MA BOD NA SU DRAG ZHUS PA LA, RED MDA' BA LAS DRAG PA MED, ,'ON KYANG KHYOD LA MTHA' MA LUS PAR CHOD PA'I GO BA RDZOGS PAR BSKYED MI THUB, DBU MA PAS LO TZ'A BYAS NAS NGAS KHYOD LA BSHAD NA DE KA DRAG PAR 'ONG NA'ANG KHO YANG MYUR DU MDO KHAMS LA 'GRO DGOS PAR SNANG, ,DES NA DA LTA NAS BSHAD PA MA BYED PAR BYA BRAL GYIS LA DBEN PA STEN, GONG DU BSHAD PA LTAR SUM SGRIL DU NYAMS SU LEN PA DANG DMIGS RNAM SKYONG BA SOGS LA LEGS PAR

'BAD NA RING POR MI THOGS PAR DE RNAMS KYI DON RNYED BAR 'GYUR RO ZHES GSUNG NGO, ,GZHAN YANG CHOS KYI GNAD DANG GZHUNG GANG LA BRTAN NAS 'TSOL BA SOGS GSUNGS PA LA TSAD MED, RGYA GAR GYI PAndI TA MKHAS BA RNAMS LA'ANG 'GA' ZHIG GI GZHUNG LA 'KHRUL MED RANG 'BA' ZHIG TU GZUNG MI NYAN PA'I DMIGS BSAL RE TZAM YANG BYUNG BAS, 'O NA 'PHAGS PA KLU SGRUB KYI DGONGS PA LA SLOB DPON ZLA BA GRAGS PA 'KHRUL MED RANG 'BA' ZHIG TU BZUNG PAS AE CHO GA ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI DE BZHIN GSHEGS PA ZHIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL BAR BYA BA'I SLAD DU BSAM BZHIN DU SKYE BA BZUNG BA YIN PAS 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED PAS 'DI LA RNAM PA THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO, ,ZHES GSUNG NGO, ,BLA MA DBU MA PAS RJE BTZUN 'JAM DBYANGS LA RJE RIN PO CHE 'DI'I SKU SKYE SNGA PHYI SOGS KYI ZHU BA MDZAD PAS, RJE BTZUN GYI ZHAL NAS, SNGON SANGS RGYAS 'JIG RTEN NA BZHUGS PA'I DUS SU BLA MA 'DI RGYA GAR DU BRAM ZE'I KHYE'U ZHIG TU 'KHRUNGS, DE'I TSE DGE SLONG GI CHA LUGS 'DZIN PA'I BYANG CHUB SEMS DPA' MOS PA'I BLO GROS ZHES BYA BA LA DANG MJAL NAS DE NYID MNYES PAR BYAS SHING

, ,ZHABS 'BRING DU 'BRANG CHOS MANG DU GSAN, DES KHRID DE STON PA SH'AKYA THUB PA'I ZHABS DRUNG DU MJAL ZHING SEMS BSKYED, DE'I TSE STON PA LA SHEL DKAR PO DRI MA MED PA BRGYA RTZA'I PHRENG BA ZHIG DAD BAS PHUL NAS SMON LAM BTAB PAS STONG BA NYID KYI LTA BA PHYIN CI MA LOG PA RTOGS PA'I SA BON BZHAG PA YIN, DE SKU SKYE 'DI'I PHYI MA LA DGA' LDAN DU RGYAL BA MA PHAM PA'I CHOS KYI MDUN SAR THEG PA CHEN PO'I CHOS KYI 'BYOR PA DPAG TU MED PA LA LONGS SPYOD BAR 'GYUR ZHING; MTSAN NI BYANG CHUB SEMS DPA' 'JAM DPAL SNYING BO ZHES BYA BAR 'GYUR RO ZHES GSUNGS, RJE RIN PO CHE 'DI PA SKU SKYE PHYI MA DGA' LDAN DU PHEBS PA SOGS KYI LO RGYUS MKHAS GRUB THAMS CAD MKHYEN PAS RJE RIN PO CHE NYID LA JI LTAR LAGS ZHES ZHUS PA NA RJE RIN PO CHE'I ZHAL NAS 'DI'I PHYI MA DGA' LDAN DU 'GRO BA 'DI LA RANG BLA MA DBU MA PA DANG BLA MA PHYAG RDOR BA SOGS MANG PO ZHIG ZHAL MTHUN PAR 'DUG CES NANG THUGS KYI SRAS GCIG MKHAS GRUB THAMS CAD MKHYEN PA LA GSUNGS SO, ,DE DUS RJE RIN PO CHE RANG YANG CUNG ZAD 'CHAD NYAN LA THUGS BZHED CHE, BLA MA DBU MA PA YANG DE DANG MTHUN BAS, SKU NA TSOD SHIN TU GZHON ZHING MKHYEN RAB DANG PHAN 'DOGS SHIN TU CHE BA 'DI 'DRA BA LA NGA RUNG BSHAD NYAN NGOS MDZAD NA BSTAN PA LA PHAN THOGS SHIN TU CHE ZHING, 'CHAD NYAN 'PHEL PO 'DI 'DRA BA'I 'PHRO LA BYA BRAL LA BYON NA NGED LA'ANG SKYE BO RNAMS KYIS KHA ZER DU 'ONG BAS RE ZHIG 'CHAD NYAN MDZAD PAS CHOG BA ZHIG 'TSAL ZHES ZHUS PAS, RJE

BTZUN GYI ZHAL NAS BSTAN PA DANG SEMS CAN LA GANG PHAN KHYOD KYIS MI SHES, KHA ZER BA LA BZOD PA SGOMS, DBEN PA BSTEN NAS THUGS DAM MA BYAS NAS SKU TSE RING PO MI 'ONG, PHAN 'DOGS KYANG LTAR SNANG ZHIG LAS MI 'ONG BAS BYA BRAL LA PHYIN PA 'THAD CES GSUNG NGO, ,SKYID SHOD DGA' BA GDONG DU BLA MA DBU MA PA DANG RJE RIN PO CHE GNYIS PO LAS MED PA'I SKU MTSAMS NGAM PO BCAD, GNYIS PO'ANG GZIM KHANG SO SOR BYAS NAS GSOL JA SOGS LA 'TSOG PAR MDZAD CING, GSOL JA BZHES PA'I SKABS SU'ANG BLA MA DBU MA PAS LO TZ'A MDZAD NAS RJE BTZUN 'JAM PA'I DBYANGS LA CHOS MANG DU GSAN ZHING DRI PA DPAG TU MED PA MDZAD, DE DUS THOG MAR BLA MA DBU MA PA LA RJE BTZUN GYIS GNANG BA'I ZHI GNAS KYI DMIGS PA GSAN NAS SGOM GYIN YOD PA LA, DO ZHAG RANG 'DI LAS KYANG RJE BTZUN 'JAM PA'I DBYANGS NYID LA GSOL BA BTAB CING BSNYEN BSGRUB BYAS NA DE NGOS DON CHE BA 'DRA DGONGS NAS BLA MA DBU MA PA LA DE LTAR ZHUS PAS DE BZHIN MDZAD PAS CHOG CES GSUNGS NAS, NYIN MTSAN DU BLA MA DANG RJE BTZUN THA MI DAD DU BYAS PA LA GSOL BA BTAB CING BSNYEN BSGRUB MDZAD PAS, ZHAG MANG PO MA SONG BA LA NYIN GCIG DKYIL GYI LTE BA'I RGYA KHYON 'TSAM PA ZHIG KHA DOG RGYA MTHING BZANG POS LEGS PAR BYUGS PA 'DRA BA LA, SHIN TU DANGS PA BLTA BAS CHOG MI SHES PA ZHIG GI DBYIBS SHIN TU ZLUM POR 'DUG PA'I MTHA' THAMS CAD 'OD ZER KHA DOG SNA LNGA PA 'JA' TSON LTA BU'I DRA BAS 'KHRIGS PA'I DBUS KYI LTE BA SNGON PO DE'I RGYA KHYON DANG 'TSAM PAR, RDO RJE'I SKYIL KRUNG GIS

, ,BZHUGS PA'I RJE BTZUN 'JAM PA'I DBYANGS AA RA PA TZA NA GUR KUM MDOG CAN BLTA BAS CHOG MI SHES PA ZHIG GI SKU'I SNANG BA DNGOS SU GZIGS, DE BLA MA DBU MA PA LAM ZHUS KYANG BLA MA DBU MA PAS KHYED RANG LA'ANG SKU'I SNANG BA YOD PA 'DRA GSUNGS NAS THIG BYUNG, DE 'DRA BA'I SKU'I SNANG BA DE NAM 'DOD RES KYI GSOL BA BTAB BA'I DUS PHAL CHER DNGOS SU NAR MAR 'BYUNG BA ZHIG DE NAS BRTZAMS TE DUS RTAG TU YOD CES NANG THUGS KYI SRAS GCIG MKHAS GRUB SMRA BA'I NYI MA LA SHIN TU GSANG BAR BYAS TE GSUNGS, DE YANG RJE RIN PO CHE 'DIS RJE BTZUN 'JAM BA'I DBYANGS DPA' GCIG DANG, BLA MED LA SOGS PA RNAMS DANG, BKA' SDOD GSHIN RJE CHOS KYI RGYAL PO PHYI NANG GSANG GSUM LA SOGS PA RNAMS KYI RJES GNANG DANG BYIN RLABS, TING NGE 'DZIN GYI DBANG BZHI SOGS NI, RJE BTZUN 'JAM PA'I DBYANGS RANG NYID LA GSAN LA, DE YANG DPA' GCIG GI RJES GNANG MDZAD PA'I RING LA RJE BTZUN YANG DPA' BO GCIG PA RANG GI SKU'I RNAM PAR YOD PA LA NANG SGRUB DANG, GSANG SGRUB SOGS KYI DBANG MDZAD PA'I TSE DPA' BO GCIG PA DE, DE MA THAG YAB YUM ZHAL SBYOR GYI RNAM PAR 'GYUR 'GRO BA DANG, CHOS SKYONG GI RJES GNANG MDZAD PA'I SKABS SU ,DE MA THAG BCOM LDAN 'DAS RDO RJE 'JIGS BYED KYI RNAM PAR 'GYUR NAS GSHIN RJE CHOS KYI RGYAL PO LA BKA' BSGO BAR MDZAD PA LA SOGS PA DE 'DRA BA'I RNAM 'PHRUL NGO MTSAR BA STON PAR MDZAD PAR GSUNGS, DE NAS RJE BTZUN 'JAM PA'I DBYANGS KYIS BLA MA DBU MA LA GNANG BA'I LAS

TSOGS DANG, DMIGS PA SKYONG BA'I RIM PA SOGS MANG PO ZHIG GI LUNG NI BLA MA DBU MA PA NYID LA GSAN NO, ,DE NAS SGRUB PA LA 'BYON PA'I THUGS THAG BCAD, 'KHOR JI LTA BU 'KHRID RJE BTZUN LA ZHUS PAS BLA MA 'JAM DPAL RGYA MTSO BA SOGS MDO KHAMS PA BZHI DANG, DBUS PA BZHI STE BRGYAD PO DE 'KHRID PA'I GNANG BA BYUNG ,DE NAS BLA MA DBU MA PA MDO KHAMS LA 'BYON PA'I SKYEL MA LA LHA SAR BYON DUS DA DPON SLOB RE ZHIG MI MJAL BAS GNAS BYIN RLABS CAN 'DIR RJE BTZUN 'JAM PA'I DBYANGS LA GSOL BA BTAB, NYAMS LEN GYI GNAD BSDUS PA'I GDAMS PA ZHIG ZHUS PA DRAG CES BKA' BGROS NAS, LHA SA'I THOG STENG MA RANG GI LHO PHYOGS KYI GSER PHUB KYI BYA 'DABS 'OG DER MCHOD PA BSHAMS, GSOL BA DRAG TU BTAB PAS RJE BTZUN 'JAM PA'I DBYANGS KYIS NYAMS LEN GYI GNAD BSDUS PA'I TSIGS SU BCAD PA 'GA' ZHIG GSUNGS, RJE BLA MA 'DIS DE KA'I DUS SU GSUNG RIM BZHIN YI GER 'GOD PAR MDZAD DO, ,DE'I DUS SU RJE BTZUN 'JAM PA'I DBYANGS KYIS GSUNGS PA'I MAN NGAG GI RTZA TSIG YI GER 'GOD PAR MDZAD PA NI BKA' 'BUM THOR BUR GSAL PA LTAR RO, ,GZHAN YANG GSUNG RAB KYI GNAD DANG, DPYOD PA MDZAD PA'I SGO BSTAN PA LA TSAD MED DO, ,DE'I TSE GZHAN YANG RJE BTZUN 'JAM PA'I DBYANGS KYI ZHAL NAS, DA PHYIN CHAD BLA MA DANG YI DAM THA MI DAD DU BYAS PA LA GSOL BA 'DEBS PA, SNGAR BSAGS KYI SDIG LTUNG SBYONG ZHING TSOGS RGYA CHEN PO GONG NAS GONG DU SPEL BA'I BSAG SBYANG LA 'BAD PA, SHING RTA CHEN PO RNAMS KYI

, ,RIGS PA LA BRTEN NAS MDO RGYUD DGONGS 'GREL DANG BCAS PA'I DON LA ZHIB TU DPYOD PA SUM SGRIL DU GYIS LA RGYUN MA CHAD PAR NYAMS SU LONGS DANG, RING PO MI THOGS PAR LTA BA'I GNAD MTHAR THUG PA DANG MDO RGYUD KYI DON MTHA' DAG LA MI 'KHRUL BA'I NGES PA RNYED PAR 'GYUR, DA LTA NAS BSHAD PA BYAS KYANG PHAN THOGS LTAR SNANG LAS MI 'ONG BAS RE SHIG BYA BRAL BYAS, DBEN PA BSTEN NAS SGRUB PA SNYING POR GYIS SHIG CES GSUNGS SHING, DMU RGOD GDUL DKA'I SEMS CAN 'DI RNAMS LA, ,BSHAD PAS PHAN THOGS CHEN PO GA LA 'GYUR, ,DE BAS SGRUB BA LHUR BLANGS DBEN BA STEN, ,RANG GZHAN GNYIS KA 'TSENGS PA'I LAM RNYED SNYAM, ,ZHES NAN TAN DU GDAMS SHING BSKUL BAR MDZAD DO, ,DE LTAR BSKUL BA DANG, RJE 'DI NYID KYIS KYANG TSUL DE LEGS PAR DGONGS NAS BYA BRAL MDZAD CING, DBEN PA BSTEN NAS SGRUB PA SNYING POR MDZAD PA LA THUGS THAG BCAD DO, ,DE NAS BLA MA DBU MA PA DE GA'I STON MDO KHAMS LA 'BYON PAR CHAS, RJE'I ZHAL SNGA NAS KYANG LHA SAR SKYEL MA LA BYON, DPON SLOB GNYIS KAS GSOL BA DRAG TU BTAB, LHA SA'I SGO KHANG STENG GI GTZUG LAG KHANG DU, BLA MA DBU MA PA LA RJE 'DIS DPAL GSANG BA 'DUS PA MI BSKYOD PA'I DBANG BZHI RDZOGS PAR GNANG, DE NAS RJE RIN PO CHES SBYOR MO LUNG DU PHEBS, STON MJUG DE CHOS MANG DU GSUNGS, DGUN LA NYE BA SPRE'U'I LO ZLA BA BCU PA LA BAB PA, DGUNG LO SUM CU RTZA DRUG PA LA SKYOR MO LUNG

NAS PHYAGS BTEG ,SLOB DPON RIN PO CHE 'JAM DKAR BA ZHES GRAGS PA DPAL LDAN BZANG PO DANG, RTOGS LDAN BYANG SENG BA, GNAS BRTAN RIN CHEN RGYAL MTSAN PA, GNAS BRTAN BZANG SKYONG BA STE DBUS PA BZHI, BLA MA RTOGS LDAN 'JAM DPAL RGYA MTSO BA, DGE BSHES SHES RAB GRAGS, DGE BSHES 'JAM DPAL BKRA SHIS, DGE BA SHES DPAL SKYONG STE MDO SMAD PA BZHI DANG BCAS PA PHYAG PHYIR KHRID, DE GONG NAS, GZHIS KHA SNE'U RDZONG PAS ZHABS TOG LEGS PO MDZAD KYIN YOD CING, DE DUS KYANG KHONG GIS ZHABS TOG BSGRUBS TE DPON SLOB DGUS GZHUNG KO MDZAD NAS BYA BRAL LA BYON TE 'OL KHAR PHEBS, DE'I DGUN DPYID RNAMS 'OL KHA CHOS LUNG DU BZHUGS SHING, DE NAS BZUNG STE 'OL KHA BA YAB SRAS RNAMS KYIS DAD PA CHEN POS SBYIN BDAG MDZAD DE ZHABS TOG PHUN SUM TSOGS PA BSGRUBS, 'OL KHA CHOS LUNG DU BZHUGS RING LA YANG THOG MAR BSAG SBYANG GNAD CHE BAR DGONGS TE DPON SLOB THAMS CAD KYIS STOBS BZHI TSANG BA'I BSAG SBYANG LA SHIN TU 'GRUS PAR MDZAD, RJE RIN PO CHE NYID KYIS KYANG LTUNG BSHAGS BRGYA PHYAG DANG BCAS PA DANG, PHYAG SOR GYI RTZE MO RNAMS SER KHAR SONG GI BAR DU MAndAL 'BUL BA SOGS LA DPAG PAR DKA' BA'I BRTZON PA DRAG PO MDZAD CING, DGE BA'I BSHES GNYEN GRO LUNG PA CHEN PO'I GSUNG LAS, MDO SANGS RGYAS PHAL PO CHE 'DI MA 'GYUR NA BOD KYI BYANG CHUB SEMS DPA' RNAMS SPYOD PA LA SLOB TSUL JI LTAR BYED DAM ZHES 'BYUNG

, ,BA LTAR DU, SANGS RGYAS PHAL PO CHEL SOGS PA BYANG CHUB SEMS DPA'I SPYOD PA RLABS PO CHE RNAMS STON PA'I MDO SDE RNAMS LA GZIGS RTOG ZHIB PAR MDZAD DE THEG PA CHEN PO'I RIGS KYI NUS PA YONGS SU RGYAS PAR BYED PA'I THABS RMAD DU BYUNG BA BYANG CHUB SEMS DPA'I SNYING STOBS DPAG PAR DKA' BAS RGYAL SRAS KYI SPYOD PA RLABS SHIN TU CHE ZHING RNAM PA MTHA' YAS PA RNAMS LA SNGAR GYI BYANG CHUB SEMS DPA' CHEN PO RNAMS KYIS BSLABS SHING, DA LTA DANG MA 'ONGS PA'I BYANG CHUB SEMS DPA' CHEN PO RNAMS KYIS SLOB PA DANG, SLOB PAR 'GYUR BA'I TSUL MDO SDE MTHA' YAS PA NAS GSUNGS PA DE RNAMS LA, BDAG NYID KYANG DA LTA NAS DE LTA BU'I TSUL LA 'JUG PA LA ZHUM PA GTAN MI SKYE ZHING, SPRO DGA' SHUGS DRAG POS 'JUG PAR BYA BA'I CHED DU MDO SDE NAS 'BYUNG BA'I RGYAL SRAS KYI SNYING STOBS DANG SPYOD PA GANG RLABS CHE CHE RNAMS LA RE RE NAS DMIGS PHUG GIN THUGS SBYONG BA'I DMIGS RNAM NAR MAR BSTEN PAS DANG PO ZHIG CUNG DKA' TZAM BYUNG YANG, PHYIS LEGS PAR GOMS NAS 'BAD RTZOL MI DGOS PAR RANG SHUGS KYIS RGYAL SRAS KYI SNYING STOBS DANG SPYOD PA RMAD DU BYUNG BA JI 'DRA'I DBAG DKA' BA ZHIG LA'ANG ZHUM PA NAM YANG MI SKYE ZHING, SPRO DGA' SHUGS DRAG POS NGANG GIS 'JUG PA ZHIG BYUNG ZHES RJE THAMS CAD MKHYEN PA NYID KYIS NANG THUGS KYI SRAS GCIG MKHAS GRUB SMRA BA'I NYI MA LA GSUNGS SO, ,DE LTAR 'OL KHA CHOS LUNG DU

RJE RIN PO CHE 'KHOR DAG PA RNAM BRGYAD DANG BCAS PAS BSAG SBYANG RLABS CHEN PO LA 'BAD PA'I TSE RJE 'DIS LTUNG BSHAGS DANG BRGYA PHYAG SBRAGS NAS MDZAD RES KYI, SANGS RGYAS SUM CU RTZA LNGA'I SKU'I SNANG BA DNGOS SU GZIGS PA NAR MAR BYUNG; DE'I TSE RJE BTZUN BYAMS PA MGON PO SKU GSER BTZO MA'I KHA DOG LTA BU LA RIN PO CHE'I RGYAN DANG CHOS 'CHAD KYI PHYAG RGYAS ME TOG GI SDONG BU BSNAMS PA, RIN PO CHE'I KHRIL SKYIL KRUNG GIS BZHUGS PA DE 'DRA BA'I SKU SHIN TU CHE BA DANG; RGYAL BA SMAN GYI BLA BLA GOS SER PO MNABS PA DANG, RJE BTZUN BYAMS MGON BZANG PO'I 'DUG STANGS MDZAD PA RAB BYUNG GI CHA BYAD CAN SNAM SBYAR GSOL BA PHYAG GIS KLU SHING GI SDONG BU RIL BAS MTSAN PA 'DZIN PA DE 'DRA BA DANG, GZHAN YANG RGYAL BA TSE DPAG TU MED PA SOGS SANGS RGYAS BYANG SEMS MANG PO'I SKU'I SNANG BA GZIGS PA MANG DU BYUNG, 'DI RNAMS NYAMS SNANG YIN PAS NGES PA CHER MED DGONGS NAS DE TZAM DU CHED CHER MA MDZAD NA'ANG, BLA MA RTOGS LDAN 'JAM DPAL RGYA MTSO BA LA RJE BTZUN GYI SKU DANG GSUNG GI SNANG BA DNGOS SU BYUNG BA 'KHRUL MED CIG YOD PAS, KHONG LA RJE BTZUN 'JAM DPAL DBYANGS KYIS GSUNG NAS RJE LA GZIGS SNANG BYUNG BA DE RNAMS NYAMS SNANG RANG DGA' BA MIN PAS GSOL BA DRAG TU THOB, PHYIS RTEN 'BEL KHYAD PAR CAN YOD PA YIN GSUNG BA BYUNG 'DUG GSUNG NGO, ,RTOGS LDAN PA'I SNANG BA DE LA'ANG RJE'I DRUNG NAS BRTAG DPYAD MANG DU MDZAD CING, CHOS KYI GNAD ZAB MO DRIS PA

, ,RNAMS PHAL CHER 'PHYUG MED DU 'ONG BAR 'DUG BAS THUGS LEGS PAR CHES SO, ,DE NAS RJE RIN PO CHE 'KHOR BCAS KYIS RDZING PHYI'I JO BO BYAMS PA MJAL, MCHOD PA DANG SMON LAM RLABS PO CHE MANG DU MDZAD, DE NAS DVAGS PO SMAN LUNG GI RGYA SOG PHUR BYON DGUN GYI RING DER BZHUGS THUGS DAM SHIN TU 'PHEL ZHING YON TAN GYI KHYAD PAR BSAM GYIS MI KHYAB PA MANG DU BRNYES TE DE DUS RJE BTZUN 'JAM PA'I DBYANGS KYI SKU SHIN TU CHE BA GZI BRJID PHUN SUM TSOGS PA ZHIG LA SANGS RGYAS DANG BYANG CHUB SEMS DPA' DPAG TU MED PA'I 'KHOR GYIS BSKOR BA DANG, 'PHAGS PA KLU SGRUB, A'ARYA D'E BA, SANGS RGYAS BSKYANGS, KLU BYANG, ZLA BA GRAGS PA, THOGS MED SKU MCHED, PHYOGS GLANG, CHOS GRAGS, YON TAN 'OD DANG SH'AKYA 'OD, LHA DBANG BLO, RGYAN MKHAN PO, KA MA LA SH'I LA, AA BHYA YA LA SOGS PA'I PAndI TA DU MA DANG, RGYAL PO AINDRA BO DHI, BRAM ZE CHEN PO SA RA HA, L'U AI PA, DRIL BU PA, NAG PO SPYOD PA LA SOGS PA'I GRUB CHEN DU MA'I SKU'I SNANG BA DNGOS SU GZIGS, NYAMS SNANG LA GTANG PA MED LAS CHE DGONGS PAS, RJE BTZUN 'JAM PA'I DBYANGS KYIS SNGAR BZHIN NYAMS SNANG RANG DGA' BA MIN PAS GSOL BA DRAG TU THOB, 'DI RNAMS KYI GZHUNG LA BRTEN NAS RANG GZHAN LA PHAN THOGS RGYA CHEN PO 'ONG BA'I RTEN 'BREL YIN, ZHES GSUNG NGO, ,DE'I TSE BCOM LDAN 'DAS RDO RJE 'JIGS BYED KYI SKU ZHAL PHYAG YONGS SU RDZOGS BA SHIN TU CHE BA GZI BRJID BZOD PAR DKA' BA ZHIG ZHAL GZIGS, DE

DUS NAS 'JIGS BYED KYI BDAG 'JUG NYIN RE BZHIN MDZAD PA NAM YANG 'CHAG MED DU MDZAD DO, ,YANG DER SNGAR DANG 'DRA BA'I RJE BTZUN 'JAM BA'I DBYANGS KYI SKU'I SNANG BA DNGOS SU GZIGS PA'I THUGS KA'I NANG NA PHAR RAL GRI'I YU BA ZUG CING; RJE'I THUGS KAR RTZE MO ZUG PA LA, BDUD RTZI'I RGYUN KHA DOG DKAR SER SHIN TU SNUM PA 'OD KYI CHU RGYUN 'DRA BA ZHIG RJE BTZUN GYI THUGS KA NAS RAL GRI'I STENG LA BRGYUD DE NAR RE BYUNG NAS RJE'I THUGS KAR ZHUGS BAS SKU'I NANG THAMS CAD BDE BA CHEN PO DPAG TU MED PAS GANG BA BRJOD PAR MI NUS PA ZHIG 'KHRUNGS, DE DUS NGO MKHYEN PA DANG MI MKHYEN PA'I 'KHOR DU MA KHA GDANGS NAS BZED 'DUG PAS, 'GA' ZHIG GI KHAR MANG DU 'GRO ZHING, 'GA' ZHIG GI KHAR NYUNG ZAD RE DANG, 'GA' ZHIG GIS KHA GDANGS KYANG CUNG ZAD KYANG MI 'GRO BA DE 'DRA'ANG 'DUG GSUNG NGO, ,MDOR NA GNAS DER DE 'DRA BA'I DAG BA'I SNANG BA DANG THUGS RGYUD LA MNGON PAR RTOGS PA'I YON TAN DPAG TU MED PA ZHIG 'KHRUNGS SO, ,DE NAS RJE BTZUN 'JAM BA'I DBYANGS KYIS RDZING PHYI'I GTZUG LAG KHANG LA ZHIG GSO MDZAD NA BSTAN PAR PHAN CHE ZHES BSKUL BA LA BRTEN NAS RDZING PHYI'I GTZUG LAG KHANG LA ZHIG GSO MDZAD PAR BRTZAMS SO, ,DE YANG RDZING PHYI'I GTZUG LAG KHANG DE SNGON GAR MI YON TAN G-YUNG DRUNG GIS BZHENGS PA, JO BO BYAMS PA'I SKU LI KHRA MI TSAD LHAG TZAM SHIN TU BYIN RLABS CHE ZHING NGO MTSAR BA BZHUGS PA PHUL DU BYUNG BA ZHIG 'DUG NA'ANG, PHYIS LHA RIS THAMS CAD NYAMS SHING GOGS, JO BO'I SKU DE

, ,YANG RDUL KHROD NA 'O BRGYAL ZHING, SKU LA BYA THAL SOGS MI GTZANG BAS GOS PAR GYUR PA GZIGS PAS THUGS KYIS MA BZOD PAR SPYAN CHAB BYUNG ZHING, DE'I ZHIG GSOS MDZAD PAR DGONGS NAS 'OL KHA STAG RTZE BA LA ZHAL TA GNANG STE, RTZIG PA DANG THOG DANG ZHAL BA SOGS 'CHOS DGOS RNAMS KHONG GIS LEGS PAR BSGRUBS SHING, DE NAS LDEBS BRIS RNAMS DPON SLOB RNAMS RANG GIS CHA RKYEN DANG ZHAL TA MDZAD NAS SGRUB PAR BRTZAMS PA'I TSE, DPON SLOB BCU GNYIS YOD PA'I PHYAG RDZAS GTOR CHA SOGS GANG YOD LA RIN BTAB PAS ZHO BCU GNYIS LAS MA BYUNG BAS JI LTAR MDZAD KYI RNGO MA THOGS PA LA, RNAM SRAS KYI 'DZIN GTOR ZHIG BCAS NAS 'PHRIN LAS 'TSEL BAR DGONGS PA'I TSE MAR MED PA LA BTZUN PA ZHIG GIS MAR GROD BU GANG PHUL, DE LA MAR GYI 'DZIN GTOR BCAS NAS 'PHRIN LAS BCOL BAS DE'I SANG NYIN RANG LA 'BROG PA 'GAS MAR THUD MANG BO BKAL BYUNG STE PHUL, DE NAS BZUNG STE 'BUL BA MANG PO RIM PA BZHIN BYUNG BAS YO BYAD KYIS MA 'THOGS, 'DIR MA ZAD CHOS LDAN GYI DGOS PA KHYAD PAR CAN GZIGS PA'I SKABS GZHAN DU'ANG RNAM SRAS LA MAR GYI GTOR MA DANG BCAS TE 'PHRIN LAS BCOL BAS YO BYAD DPAG TU MED PA GLO BUR DU BYUNG BA'I LO RGYUS MANG DU YOD DO, ,DE NAS YAR KLUNGS PHYOGS NAS KYANG LHA BZO BA TSON RTZI KHYER NAS RI MO'I DAD BLANGS LA 'ONGS PA'ANG MANG DU BYUNG NGO, ,DE NAS RJE BTZUN 'JAM PA'I DBYANGS KYIS RJE BTZUN BYAMS MGON GYI BSTOD PA

RIN CHEN GSAL BA'I SGRON ME ZHES BYA BA RJE BTZUN BYAMS MGON LA PHYOGS BCU'I SANGS RGYAS THAMS CAD KYIS 'OD ZER CHEN PO'I DBANG BSKUR BA LA GZHI GYIS LA RTZOMS GSUNGS PA LA BRTEN NAS RJE BTZUN BYAMS MGON GYI BSTOD PA RIN PO CHE GSAL BA'I SGRON ME MDZAD CING, DE BZHIN DU BDE BA CAN DU SKYE BA 'DZIN PA'I SMON LAM ZHING MCHOG SGO 'BYED DANG, RANG NYID MA 'ONGS PA NA GANG DU SPRUL PA'I SKUR 'TSANG RGYA BA'I MDZAD PA STON PA'I ZHING YONGS SU GZUNG BA'I SMON LAM YANG RJE BTZUN GYI GSUNG GIS BSKUL NAS, DON GYI NGO BO DANG GO RIM SOGS RJE BTZUN GYIS GSUNGS PA NGED KYI TSIG SBYOR GYIS BSGRIGS PA YIN NO GSUNGS, DE'I TSE LHA BZO BA RNAMS KYANG BSNYEN GNAS DANG GSO SBYONG GI SDOM PA LA BKOD NAS 'DRIR 'JUG PA DANG, LAS BYED PA'I MI PHAL PA RNAMS KYANG THA MAL PA'I TSIG SMRA BA SPANGS NAS SMON LAM GYI TSIGS SU BCAD PA SOGS SHAS CHER KHA TON DU BYED PAS LAS SGRUB BA LA GZHOL BAR MDZAD LA, DE'I TSE RJE BTZUN 'JAM PA'I DBYANGS KYI ZHING BKOD BZHENGS PA'I SKYA RIS BTAB TSAR BA DE LA RAB GNAS SHIG MDZAD PAS RJE BTZUN 'JAM PA'I DBYANGS KYI SKU DNGOS SU BYON NAS THIM SONG BA'I GZIGS SNANG BYUNG ZHING SANGS RGYAS SUM CU RTZA LNGA'I SKU 'DRI BAR BRTZAMS PA LA; LHA BZO BA RNAMS KYIS SKU MDOG PHYAG RGYA SOGS JI LTAR 'DRI BA MA SHES NAS RJE'I DRUNG DU ZHUS PA DE'I TSE GSOL BA BTAB PAS JI LTAR 'DRI BA'I GO RIM DANG MTHUN PAR RGYAL BA SUM CU RTZA LNGA'I SKU RIM BZHIN GZIGS PA'I GZIGS SNANG BZHIN

, ,DU SKU MDOG SOGS 'DI LTAR BRIS SHIG CES ZHAL TA GNANG NAS 'DRIR BCUG ,DER MA ZAD ZHING BKOD GZHAN RNAMS LA'ANG RAB GNAS KYI DUS SU YE SHES PA DGUG GZHUG MDZAD PA NA LHA DE DANG DE'I RNAM PA RE THIM SONG BA'I SNANG BA MA BYUNG BA MED CES GSUNG NGO, ,ZHING BKOD RE BRIS TSAR RIM GYIS RAB GNAS MDZAD DE, MAR ME PHUL BA LAM BZUNG BA GCIG KYANG MA BYUNG, DE LTAR RI MO RNAMS LEGS PAR GRUB NAS, 'JAM DPAL GSANG LDAN GYI DKYIL 'KHOR BZHENGS TE, RJE NYID KYIS RAB TU GNAS PA RGYAS PAR MDZAD CING, DE'I TSE SLOB MA SKAL LDAN BCU LHAG PA ZHIG LA GSANG LDAN GYI DBANG YANG GNANG LA, RAB STON MDZAD PA'I SKABS SU GDAN SA PHAN TSUN GYI MDO SMAD PA SOGS KYIS GOS DAR SOGS 'BUL BA MANG DU BYUNG BAS RTEN 'BUR DU DOD PA RNAMS KYI NA BZA', LOGS BRIS THAMS CAD LA ZHAL KHEBS DANG BCAS PA LEGS PAR GRUB BO, ,DE'I TSE RAB GNAS DNGOS GZHI'I NYIN THUGS DAM NAR MAR MDZAD PA DANG, LAS BYED DANG BYA BA'I DUS TSIGS 'DZIN PA MANG PO ZHIG GI THUGS DAM DANG BYA BA SOGS SNGAR LAS CHES SNGA BA'I TSOD LA ZIN NAS 'DI CI ZHIG SNYAM DU GRIB TSOD BTZUGS SHING ZHIB TU BRTAGS PAS, DE NYIN NYI MA TSAD LAS CHES RING DU GYUR PA ZHIG KUN GYI MTHUN SNANG DU BYUNG NGO, ,GZHAN YANG 'GA' ZHIG GI RMI LAM NA MKHA' 'GROS RI MO 'DRI BA MTHONG BA DANG, LHO BRAG MKHAN CHEN PHYAG RDOR BA'I GZIGS SNANG LA, SANGS RGYAS RABS BDUN

NAM MKHA' LA BYANG PHYOGS SU 'BYON BA GZIGS, GANG DU BZHUD CES GSOL BAS RDZING PHYI'I RAB GNAS LA SPYAN 'DREN GYIN 'DUG CES GSUNG BA'I TSES GRANGS DANG RAB GNAS MDZAD PA'I TSES GRANGS GNYIS PHYIS BRTZIS PAS MTHUN PAR BYUNG NGO, ,DE NAS LHO BRAG MKHAN CHEN NAM MKHA' RGYAL MTSAN PAS 'DIR CIG CI NAS PHYAGS PHEBS PAR ZHU, BKA' 'DRA ZHU BA'I 'DOD PA YANG YOD, SKU TSE BSRING BA'I RTEN 'BREL SGRIG PA SOGS KYI SNYAN BSKUL 'DRA YANG 'BUL BA LAGS, ZHES PA'I GSUNG YIG NAN CHER BYUNG ZHING RJE RANG NYID KYANG LHO BRAG MKHAN CHEN GYI DRUNG NAS BKA' GDAMS GDAMS NGAG PA NAS BRGYUD PA'I LAM RIM GYI KHRID SOGS CHOS BKA' CI RIGS GSAN PAR BZHED NAS LHO BRAG BRA'O DGON PAR BYON, DE'I TSE LHO BRAG MKHAN CHEN DANG RJE RIN PO CHE GNYIS KA LA DAG PA'I GZIGS SNANG NGO MTSAR BA MANG DU BYUNG BA NI LHO BRAG MKHAN CHEN GYI ZHAL NAS BDAG GIS LO BDUN CU LON DUS LHA MO DKAR MO ZHIG NA RE BYAMS PAS BYIN GYIS BRLABS PA'I GANG ZAG 'JAM DPAL DBYANGS DANG GNYIS SU MED PA, LHA MO DBYANGS CAN MAS RIG PA STER BAR BYED PA PHUN SUM TSOGS PA CIG DANG SKYE BA BCO LNGA'I GONG NAS 'BREL PA YOD CING, PHAN TSUN DPON SLOB TU 'BREL PA CIG 'ONG BA YOD PAS, DE LA CHOS BKA' LA BSRIS MA 'JUG PAR BYIN, PHAR YANG CHOS ZHUS ZER BA CIG BYUNG BAS BDAG MOS GUS DPAG TU MED PA SKYES SO, ,YANG LAN CIG MGON PO BYAMS PA 'BYON GYIN YOD ZER BA'I SKAD

, ,LHANG BA CIG BYUNG, DE DUS CHOS RJE DKA' BZHI BA RGYA MO RI 'PHRED LA PHEBS PA'I TSOD DU 'DUG ,BCOM LDAN 'DAS KYIS CHOS KYI 'KHOR LO BSKOR BA'I DUS DRUG PA'I TSES BZHI'I NYIN LHO BRAG SGRO BA DGON PAR PHYAGS PHEBS BYON PA BDAG GIS BSU BA LA PHYIN PAS, RJE BTZUN 'JAM DBYANGS 'OD KYI DRA BAS MDZES PA ZHIG PHEBS BYUNG BAR MTHONG, RJE TZONG KHA BAS BDAG PHYAG NA RDO RJER DNGOS SU GZIGS SHING, DE'I GSUS PA'I DKYIL 'KHOR SHIN TU LDIR ZHING BEE d'URYA LTAR DVANGS PA SBRUL SNGO KHRAS SPRAS PA GZIGS 'DUG ,DE NI SNGAR LAS KYANG GDUL BYA 'PHRIN LAS RGYAS SU 'GRO BA'I BRDA YIN, DE'I NUB MO RJE TZONG KHA BAS BLA MA'I RNAL 'BYOR ZHIG ZHU GSUNG, BDAG GIS BLA MA'I RNAL 'BYOR ZHIG PHOG PAS, PHYAG NA RDO RJE BYON NAS RJE TZONG KHA PA LA THIM SONG, YANG TSES BCO LNGA'I THO RANGS BYAMS PA NYID LA BSLAB BTUS ZHUS ZER BA ZHIG BYUNG, RJE TZONG KHA PA LA BSLAB BTUS GSUNG BAR ZHU ZHUS PAS, RJE TZONG KHA PAS YI DAM LHA DE SKAD GSUNG NGAM GSUNG, GSUNG LAGS ZHUS PAS BSLAB BTUS GSUNGS, CHOS NYAN DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DPUNG PA G-YAS NA 'JAM DBYANGS DKAR BO; G-YON NA LHA MO DBYANGS CAN MA BZHUGS 'DUG, MGON PO PHYAG BZHI PA DANG PHYAG DRUG PAS GTZO BYAS PA'I CHOS SKYONG DANG MKHA' 'GRO BSAM GYIS MI KHYAB PAS BSKOR NAS 'DUG GO ,GZHAN YANG DKAR PHYOGS LA DGA' BA'I

LHA 'DRE'I TSOGS MANG PO CHOS NYAN ZHING 'DUG PAS MOS GUS THUN MONG MA YIN PA SKYES SO, ,SO SO 'BRANG MA'I DBANG DANG SEMS BSKYED KYANG ZHUS SO, ,RJE TZONG KHA PAS BDAG LA TSUR CHOS ZHUS PA LA BYANG CHUB LAM GYI RIM PA'I BKA' BABS GNYIS KYI KHRID, PHYAG NA RDO RJES GSUNGS PA'I GSANG BA BSAM GYIS MI KHYAB PA'I KHRID LUNG RJES GNANG, PHYAG RDOR SKU LNGA'I RJES GNANG, ZHU LAN RDO RJE PHRENG BA, ZHU LAN GCES PHRENG GI LUNG RJES GNANG, PHYAG NA RDO RJE KHYUNG LNGA'I DBANG DANG RJES GNANG, DREGS PA KUN 'DUL GYI DBANG, RTA MGRIN DPA' BO GCIG PA ZHAL GSUM PHYAG DRUG PA'I RJES GNANG SOGS BYAS PA'I DUS, RJES GNANG DANG DBANG GI BYA BA d'A K'I RNAMS KYIS BYED PA DANG, BDUD RTZI K'A PA LA GANG RJE TZONG KHA PA LA PHUL BAS DER LBU BA SHAR BA'I NANG DU 'JAM DBYANGS, DZAM LHA RNAM SRAS RNAMS RE RE BZHUGS PA GZIGS SHING RTAGS NGO MTSAR CAN MANG ZHIG BYUNG STE BSHAD KYIS MI LANG NGO ZHES GSUNGS, DE DUS RJE RIN PO CHES LHO BRAG GRUB CHEN NAM MKHA' RGYAL MTSAN LA DGE BA'I BSHES GNYEN SBYAN SNGA BA NAS BYA YUL BA LA BRGYUD PA DANG DGON PA BA NAS SNE'U ZUR PA LA BRGYUD PA'I BKA' GDAMS GDAMS NGAG PA'I LAM RIM GYI KHRID RGYAS PAR GSAN TE LHO BRAG MKHAN CHEN LA, SPYAN SNGA BA NAS BYA YUL BA LA BRGYUD PA DANG, DGE BSHES DGON PA BA NAS SNE'U ZUR PA LA BRGYUD PA'I LAM RIM GNYIS KA MNGA'O, ,LHO BRAG MKHAN CHEN PA DE NI GSANG BA'I BDAG PO PHYAG NA RDO RJES RGYUN DU RJES SU BZUNG STE BYA BA THAMS CAD

, ,GSANG BDAG LA ZHUS TE BYED PA ZHIG YIN PAS LHO BRAG GRUB CHEN ZHES GRAGS SHING, LHO BRAG PHYAG RDOR BA ZHES KYANG GRAGS SO, ,DE LTA BU'I BLA MA BDAG NYID CHEN PO DES RJE RIN PO CHE 'DI'I RNAM THAR LA YID CHES KYI DAD PA THOB STE BSLAB PA KUN LAS BTUS BZHU BAR MDZAD, BSLAB BTUS ZHU BA'I TSE LHO BRAG MKHAN CHEN 'KHOR DGE 'DUN MANG PO DANG BCAS ZHUS SHING, LHO BRAG MKHAN CHEN RANG NYID GCIG BUS GRA LNGA'I DBANG DANG DBYANGS CAN MA'I RJES GNANG SOGS ZAB CHOS MANG DU GSAN, DE'I TSE RJE RIN PO CHE ZAB MO DBU MA'I LTA BA MTHAR THUG PA DANG, GSANG PA 'DUS PA'I SGYU LUS SOGS MDO SNGAGS GNYIS KA'I LAM GYI DKA' GNAS MTHAR THUG PA 'GA' ZHIG RTZAD DPYOD PHYIR RGYA GAR DU SLOB DPON KLU'I BYANG CHUB DANG GRUB CHEN MI TRA SOGS MJAL BAR PHEBS BZHED NAS DPON SLOB BCU GSUM RTEN 'BREL BSGRIGS TE PHEBS RTZIS MDZAD PA NA GSANG BDAG PHYAG NA RDO RJE'I GSUNG LTAR LHO BRAG MKHAN CHEN NAM MKHA' RGYAL MTSAN GYIS RJE RIN PO CHE RGYA GAR DU PHEBS NA SLOB DPON KLU'I BYANG CHUB DANG GRUB CHEN MI TRA SOGS DANG DNGOS SU MJAL NAS YON TAN KHYAD PAR CAN BRNYES PA DANG, RGYA GAR RDO RJE GDAN GYI MKHAN PO MDZAD NAS SLAR BOD DU 'BYON MI THUB PA DANG, 'KHOR SEMS DPA' CHEN PO 'DI DAG TSAD PAS GUM PAR 'GYUR BA SOGS DGAG BYA MANG PO MCHIS BAS RGYA GAR DU MI 'BYON PAR BOD RANG DU BZHUGS PA ZHIG CIS KYANG MKHYEN ZHES NAN CHEN POS GSOL BA BTAB

RJE NYID KYIS KYANG DON DE LTAR DU DGONGS NAS RGYA GAR DU PHEBS BA SHOL TE BOD DU BZHUGS PAR MDZAD PAS NA LHO BRAG MKHAN CHEN NAM MKHA' RGYAL MTSAN PA NA BYANG PHYOGS KHA BA CAN GYI GDUL BYA RNAMS LA BKA' DRIN MTSUNGS PA MED PA ZHIG GO ,RJE RIN PO CHE RGYA GAR LA 'BYON PAR CHAS PA'I DUS DE'I TSE RJE BTZUN 'JAM BA'I DBYANGS KYIS RDZING PHYI'I JO BO LA DGE SBYONG GI RTAGS TSANG MA'I SKYES 'BUL BA DANG BCAS PA'I BSTOD CING GSOL BA 'DEBS PA'I TSIG TSANGS PA'I COD PAN ZHES BYA BA DON GYI RIM PA 'DI LTAR GYIS LA RTZOMS LA PHUL CIG DANG, PHYIS 'DUL BA'I BSLAB KHRIMS RNAM BAR DAG PA LA BRTEN NAS BSTAN PA LA PHAN PA RGYA CHEN PO 'BYUNG BA'I RTEN 'BREL YOD DO, ,ZHES GSUNG BA LA BRTEN NAS DE LTAR DU BRTZAMS TE PHUL LO, ,PHYIS KYANG RJE BTZUN GYI GSUNG GIS NAN GYIS BSKUL ZHING, BSTAN PA'I RTZA BA YIN PA'I THUGS NGES SHUGS DRAG PO 'KHRUNGS PA DANG, BSTAN PA NYAMS PA THUGS KYIS BSRAN BAR MA BZOD PA'I STOBS KYIS 'DUL PA'I LAG LEN PHYIR BCOS YAN CHAD YONGS SU RDZOGS PA SNGA MA'I SROL KA TZAM LA MA LTOS PAR LEGS PAR 'DZUGS PAR MDZAD DO, ,DON 'DI LA RJE NYID KYI ZHAL NAS BSTAN PA'I NANG MDZOD 'DUL BA'I BSLAB KHRIMS NYAMS PA SEMS KYIS MA BZOD NAS RUNG CHU GDAB PA YAN CHAD 'DUL BA'I BCAS MTSAMS PHRA RAGS THAMS CAD GSAR DU BTZUGS PA YIN GYI, GZHAN LAS KHYAD PAR THON PA ZHIG DON DU GNYER NAS BYAS PA

, ,GA LA YIN ZHES GSUNG NGO, ,DE NAS RJE RIN PO CHE GNYAL LA BYON, GNYAL LO ROR PHEBS NAS, LO RO STONG STAG TU ZLA PA LNGA TZAM BZHUGS, DER DGE BA'I BSHES GNYEN CHEN PO BRIN KHAS BAS MDZAD PA'I BSTAN RIM CHEN MO GDAN DRANGS BYUNG BA LA BSU BA MDZAD, MCHOD BA PHUL, ZHIB BAR GZIGS PAS THUGS NGES CHEN PO 'KHRUNGS, DER BSTAN RIM TSAR GCIG GSUNGS, SLAR YANG BYA BRAL LA BYON PA NYID NAS RGYAL BA'I GSUNG RAB MTHA' DAG GI DON TSIG SPYI TZAM LA MA LUS BAR DA LTA LAS DANG PO BA NYID NAS RANG GI RGYUD LA BSKOR NAS NYAMS SU BLANGS PAS CHOG BA'I TSUL LAM GYI NGO BO, GRANGS NGES GO RIM SOGS THAMS CAD SHING RTA CHEN PO RNAMS KYI LAM SROL DANG MTHUN PA ZHIG MED DU MI RUNG BAR GZIGS NAS BLA MA YI DAM LA GSOL BA SHUGS DRAG TU BTAB CING, GSUNG RAB DGONGS 'GREL DANG BCAS BA MTHA' DAG LA ZHIB TU DPYOD PA RGYUN MI 'CHAD DU MDZAD BAS; THOG MAR BSHES GNYEN BSTEN PA NAS 'GO BRTZAMS TE MTHAR ZHI GNAS DANG LHAG MTHONG LA BSLAB TSUL GYI BAR THEG BA CHE CHUNG THUN MONG DANG, THEG CHEN THUN MONG MA YIN PA'I LAM SPYI DANG, DE'I STENG DU SNGAGS KYI THABS MKHAS KYI KHYAD PA 'THUN MONG MA YIN PA RNAMS BSNON PA BTAB NAS NYAMS SU LEN TSUL GYI LAM GYI NGO BO DANG GO RIM DANG GRANGS NGES LA PHYIN CI MA LOG BA'I NGES PA 'KHRUNGS NAS GSUNG RAB DGONGS 'GREL DANG BCAS BA LANG LA'ANG

KHOL BTON RE TZAM MA YIN PAR THAMS CAD GANG ZAG GCIG 'CHANG RGYA BA'I CHA RKYEN DU SBYAR NAS NYAMS LEN GYI PHYOGS SU 'KHYER SHES PA, DE YANG BSHAD PA TZAM MA YIN PAR DA LTA BLO MTHO DMAN DBANG PO RAB 'BRING THAM GANG YIN GYI RGYUD LA BSKOR NAS DMIGS RNAM GYI RIM PAR NYAMS SU LEN PA'I LAG LEN DU 'KHYER PA DE ZHING 'CHUN CHE LA, SEMS 'DUL BA'I RIM BA 'BA' ZHIG LHUR MDZAD PA'I SGO NAS GDUL BYA MCHOG DMAN THAMS CAD JI LTAR BKRI BA'I RIM PA LA MNGA' BRNYES SHING, GANGS RI'I KHROD 'DIR TSUL 'DI NI SEMS DPA' CHEN PO DPAL MAR ME MDZAD YE SHES KYI GDAMS PA BYANG CHUB LAM GYI RIM PA'I MTSAN NYID DANG SNGAGS KYI THEG PA'I LAM GYI RIM PA PHYIN CI MA LOG PAR GTAN LA PHAB BA'I SHING RTA'I SROL 'DI NYID YA MTSAN PAR GZIGS SHING DE'I SROL LA BRTEN NAS THUGS NGES CHER 'KHRUNGS, DPAL LDAN AA TI SHA'I GDAMS PA'I SROL LA YANG DGE BA'I BSHES GNYEN CHEN PO PO TO BA SOGS KYI GDAMS PA LA YANG RMAD DU BYUNG BA'I THUGS NGES YOD MOD KYI, 'ON KYANG LHAG PAR BLA MA LA LO TZ'A PA CHEN PO BLO LDAN SHES RAB KYIS MDZAD PA'I BSTAN RIM DANG, DE'I SRAS KYI THU BO DPAL LDAN GRO LUNG BAS MDZAD PA'I BSTAN RIM CHEN MO SOGS DANG, RANG NYID KYIS DGONGS PA'I LAM GYI RIM PA RNAMS MTHUN SHAS CHE ZHING SROL PHUL DU BYUNG BAR GZIGS SO, ,DPAL LDAN AA TI SHA'I GDAMS PA DE YANG GSUNG RAB DANG DGONGS

, ,'GREL GYI BSTAN BCOS MAN NGAG MTHA' DAG LAM GYI RIM PA GCIG TU DRIL NAS STON PAR SNANG PAS 'CHAD SHES PA DANG NYAN SHES PA GNYIS KYIS BSHAD CING NYAMS SU BLANGS NA MAN NGAG CHANG CHUNG DU MA ZAD GSUNG RAB MTHA' DAG GI GUNG 'GRIG NAS 'ONG BAR SNANG BAS, LAM THUN MONG BA LA BLO SBYONG BA NAS 'KHRID DGOS PA'I GDUL BYA RNAMS LA KHRID KYI RNAM GRANGS MANG PO STON PA MA BYAS GSUNG ZHING, 'DI KHO NA'I STONG NAS 'KHRID PAR MDZAD DO, ,DE NAS RJE RIN PO CHE DPON SLOB SUM CU LHAG TZAM GYIS RTZA RI MA CHEN LA BYON, ZHAG 'GA' BZHUGS RI PA RNAMS LA MANG JA GNANG SBYIN DANG BCAS PA MDZAD, RI KHROD GZIGS SHING BDE MCHOG GI BDAG 'JUG LA SOGS PA MDZAD NGO MTSAR BA'I LTAS MANG DU BYUNG, TZA RIR PHEBS DUS GNAS 'DIR YANG NANG MCHOD DANG BCAS PA'I TSOGS 'KHOR RANG BYED PA MI 'ONG DGONGS BA ZHIG THUGS LA 'KHRUNGS PAS, DE MA KHAD NAS ZHABS KYI KHOL BU ZHIG LA GLO BUR DU TSE RAM ZUG PA 'DRA BA'I TSA ZUG DANG BSNYUN ZUG CHEN BO RANG YOD PA SKRANGS PA NAG PO ZHIG BYUNG BA LA, SKABS SHIG TU NANG MCHOD DANG BCAS PA'I BDE MCHOG GI TSOGS 'KHOR ZHIG MDZAD PAS TSOGS 'KHOR MA GROL TZAM NAS ZUG MED BAR DAM KHAD DVANGS SO, ,DE NAS TZA RI NAS YAR PHEBS TE GNYAL LA 'BYON PA'I LAM DU MO LA'I RTZAR ZHAG BZHUGS MDZAD BA'I NUB RJA BTZUN BYAMS MGON GYI SKU SHIN TU CHE BA,

LHUN PO LTAR MNGON PAR BRJID CING NYI MA LTAR GZI BRJID 'BAR BA ZHIG GIS RIGS KYI BU KHYOD SANGS RGYAS 'JIG RTEN DU BYON PA 'DRA PA ZHIG 'ONG BAS SHES PAR BYOS SHIG CES SENG GE'I SGRAS DBUGS PHYUNG ZHING SPRO BA BSKYED PAR MDZAD PA'I SNANG BA DNGOS SU BYUNG GSUNG NGO, ,DE NAS GNYAL SMAD SENG GE RDZONG NA BZHUGS PA'I DUS SU DPAL DUS KYI 'KHOR LO'I RDZOGS RIM SBYOR BA YAN LAG DRUG LA SOGS PA'I LAM GYI GNAD RNAMS LA DPYAD PA MANG DU MDZAD PAS MI 'KHRUL BA'I NGES PA 'KHRUNGS SHING 'PHYUG MAD KYI GZER THEBS NAS MI 'JIGS PA BRNYES, BCOM LDAN 'DAS DUS KYI 'KHOR LO DPA' BO GCIG PA ZHIG GI GZIGS SNANG NAR MAR 'ONG ZHING NUB GCIG GI MNAL LAM DU DUS KYI 'KHOR LO'I ZHAL NAS KHYOD KYIS DUS KYI 'KHOR LO 'DI LA RGYAL PO ZLA BA BZANG PO BYON PA 'DRA BA ZHIG 'ONG BAR YOD DO ZHES GSUNG, GNYAL SMAD SENG GE RDZONG DU BZHUGS DUS GSER PHYE 'BU MA BA LA MCHOD PA CHEN PO PHUL ZHING DER 'DUL PA'I CHOS MANG DU GSUNGS, LAN LEN PHRAN TSEGS RUNG CHU 'DEBS PA YAN CHAD ZHIB PAR MDZAD, DE'I TSE RJE'I ZHAL NAS YON TAN THAMS CAD KYI GZHI MKHAS BLANGS PA'I TSUL KHRIMS DAG DGOS PA YIN, NGED LA NI SO SOR THAR PA'I PHAM LHAG SBOM PO DANG BCAS PA'I LTUNG BA 'ONG MA MYONG, LTUNG BYED NYES BYAS DANG BCAS PA 'GA' RE BYANG BA RNAMS BSHAGS BSDAMS BYED GSUNG NAS MDZAD CING 'KHOR RNAMS KYANG TSUL DE NYID LA SBOR BAR MDZAD DE, GANGS

, ,RI'I KHROD 'DIR SANGS RGYAS KYI BSTAN PA CHES CHER NYAMS PAR GYUR PA GTING NAS MA BZOD PA'I THUGS KYIS BSTAN PA RIN PO CHE'I RMAD DKA' BA CHEN POS GZHI NAS 'DZUGS PAR MDZAD PAS PHYI RABS GANGS RI'I KHROD KYI SKYE BO YONGS LA RGYAL PA NYID DANG MTSUNGS PAR BKA' DRIN CHE BA YIN NO, ,GNYAL DU BZHUGS DUS DBYANGS CAN MA'I GSUNG GIS DGUNG LO LNGA BCU RTZA BDUN THUB DE BAR RANG GZHAN GYI DON DPAG TU MED PA 'GRUB GSUNG BA LA, RJE BTZUN MA RNAM PAR RGYAL MA SOGS LA GSOL BA BTAB CING BSNYEN BSGRUB MANG DU BYAS BAS DE LAS RING ZHIG THUB PAR MI 'GYUR RAM ZHES ZHUS PAS DE THAMS CAD PHAL CHER SNGON GYI SMON LAM GYI SHUGS DANG, CHOS RAB TU RNAM 'BYED KYI SHES RAB LA THUGS 'DUN CHES PA LA SOGS PA'I DNGANG GIS BLO GROS GONG NAS GONG DU 'PHEL BA'I RGYU 'BA' ZHIG TU SONG BAS SKU CHE LA DE TZAM DU PHAN PA MA BYUNG ZHES GSUNG BA ZHIG BYUNG, RJE BTZUN 'JAM BA'I DPYANGS KYI SKU DANG GSUNG GI SNANG BA RGYUN DU 'BYUNG BA'I GRUB CHEN 'JAM DPAL RGYA MTSO BA LA RJE BTZUN 'JAM PA'I DBYANGS KYIS DA PHAN CHAD SKU TSE'I BAR CHAD LA SGOS SU DMIGS PA'I BZLOG THABS DANG, SKU TSE BSRING BA'I PHYI NANG GI RTEN 'BREL LEGS BAR BSGRIGS NA DKA' SE BA ZHIG LA BZLOG PAR NUS SO ZHES GSUNG BA BYUNG, YANG GNYAL GYI SENG GE RDZONG NA BZHUGS DUS RJE BTZUN 'JAM PA'I DBYANGS LA, SNGAGS MTSAN NYID KYI LAM GYI NGO BO DANG,

GO RIM GRANGS NGES SOGS DANG KHYAD PAR ZHI LHAG GI NYAMS LEN GYI GNAD RNAMS ZHUS PAS, DA NGED LA YANG YANG 'DRI MI DGOS, GZHUNG CHEN MO RNAMS LA ZHIB PAR DPYOD DANG, NGED KYIS BSTAN PA RNAMS DANG PHAL CHER MTHUN BA SHA STAG 'ONG, MI MTHUN PA RE TZAM BYUNG NA 'DOR SBUS GDAMS NGAG TU 'DOD PA RNAMS LA 'BAB KYI GZHUNG CHEN MO RNAMS 'DOR DU MI RUNG NGO ZHES GSUNG ZHING, MAN NGAG GIS LDE MIG BYAS NAS MDO RGYUD DGONGS 'GREL DANG BCAS PA RNAMS LA DPYAD BAS, DPYAD PA RDZOGS PA'I TSAD NI LUNG RIGS KYI LAM NAS DRANGS PA'I NGES PA RNYED NAS BLOS DON DER THAG BCAD PA NA GTING NA MI BDE BA'I RNAM PA MED PA CIG 'ONG, DE DUS DON DE LA DPYAD PA RDZOGS PA YIN NO ZHES GSUNG STE, PHYIN CHAD 'KHRUL MED RANG ZHIG BYUNG GSUNG NGO, ,DE NAS DPYID GNYAL GYI SGANG CHUNG DU BZHUGS, DGE 'DUN RNAMS LA CHOS MANG DU GSUNGS, GRONG PA SKYE BO'I TSOGS DPAG TU MED PA DAD PA DRAG PO DANG BCAS TE 'DUS PA THAMS CAD KYANG BSNYEN GNAS DANG SKYABS 'GRO SOGS 'PHRAL DANG YUN DU PHAN PA'I DGE PA LA LEGS PAR SBYAR ZHING, RJE NYID KYIS THOG MA MDZAD DE THAMS CAD BSKUL NAS TSVA TSVA 'BUM THER MANG PO BTAB CING PHYIS KYANG TSUL DE NYID SGRUB PA LA SBYOR BAR MDZAD DO, ,DE NAS GNYAL SDONG RAB KRONG DU BYON, DBYAR BZHUGS MDZAD, GNAS DER SRAS KYI THU BO RJE DAR MA RIN CHEN GYIS MJAL, RNAM 'GREL GYI LAM KHRID GSAN

, ,PAS RJE RIN PO CHE'I GSUNG LA YID CHES KYI DAD PA BRTAN PO RNYED NAS DE PHYIN RJE'I ZHABS 'BRING DU BZHUGS SO, ,DE NAS GNYAL PHYOGS KYI SDE SNOD 'DZIN PA THAMS CAD 'DUS PA LA CHOS 'KHOR RGYA CHEN PO MDZAD DO, ,DE LTAR GNYAL PHYOGS SU BSTAN PA DANG SEMS CAN GYI DON RMAD DU BYUNG BA RNAMS LEGS PAR MDZAD NAS SLAR YANG 'OL KHAR PHEBS, DE NAS 'O DE GUNG RGYAL GYI LHA ZHOL DBEN GNAS LHA SDINGS SU LO GCIG BZHUGS CHOS MANG DU GSUNGS RJE 'DIS THAL RANG GI LTA BA'I GNAD RNAMS LA BYA BRAL LA 'BYON PA'I GONG NYID NAS DE BAR DU DPYAD PA NAR MAR MDZAD NA'ANG, MTHAR THUG PA'I GNAD LA MI BDE BA GTAN NAS LOG PA'I NGES PA 'DREN MA THUB GSUNGS TE, DENG SANG GI GDUL BYA MI RTAG PA PHRA MO'I GNAS TSUL TZAM YANG MA RTOGS PAR ZAB MO DBU MA'I LTA BA RTOGS PAR KHAS 'CHE PA DANG LAS 'BRAS LA YID CHES PA'I BSAM PA MED PAR DBU MA'I LTA BA RTOGS PAR KHAS 'TSO BA RNAMS LA THUGS BRTZE PAS DGONGS TE 'DI LTA BU'I TSUL BSTAN TE ZAB MO DBU MA'I LTA BA SHIN TU RTOGS DKA' BA NI RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES CHOS THAMS CAD KYI GNAS LUGS SPROS PA'I MTHA' THAMS CAD DANG BRAL BA'I STONG BA NYID NI SHIN

RTOGS DKA' BAS MTHA' DAG BAR RTOGS PA SRID MTHA' TZAM DU GSUNGS BA DANG, 'PHAGS PA KLU SGRUB KYI ZHAL NAS, RE SHIG LUS 'DI MI GTZANG NYID, ,RAGS SHING MNGON SUM SPYOD YUL BA, ,RTAG TU SNANG BA'ANG GANG GI TSE; ;SEMS LA GNAS PA MA YIN PA, ,DE TSE DAM CHOS GNAS MED PA, ,PHRA RAB MNGON SUM MA YIN PA, ,ZAB MO DE KO JI LTA BUR, ,SEMS LA BDE BLAG 'JUG PAR 'GYUR, ,CHOS 'DI ZAB PHYIR SKYE BO YIS, ,SHES PAR DKA' BA THUGS CHUD DE, ,DES NA THUB PA SANGS RGYAS NAS, ,CHOS BSTAN PA LAS LOG PAR GYUR, ,CAS MI RTAG PA LA NGES SHES MA 'DRONGS PAR DBU MA'I LTA BA RTOGS PA MI SRID PAR GSUNGS PA LTAR RO, ,RJE RIN PO CHES GNAS DER BLA MA DANG RJE BTZUN 'JAM PA'I DBYANGS THA MI DANG DU BYAS PA LA GSOL BA DRAG TU 'DEBS PA DANG, RIGS PA'I DPYAD PA ZHIB PAR MDZAD PAS BYIN GYIS BRLABS PA'I MTSAN MA KHYAD PAR CAN BYUNG, SLOB DPON SANGS RGYAS BSKYANGS KYI 'GREL PA BUDDHA P'A LI TA LA LEGS PAR GZIGS PAS KYANG 'TSAMS SBYAR TE, MGON PO KLU SGRUB YAB SRAS KYI LTA BA'I GNAD MTHAR THUG PA DANG, DGAG BYA'I MTSAMS 'DZIN SOGS LA SNGAR DANG MI 'DRA BA'I NGES PA GTING TSUGS PA 'KHRUNGS SHING MTSAN 'DZIN GYI DMIGS GTAD THAMS CAD ZHIG ,DE KHO NA NYID KYI DON LA MTHA' GZHAN DU DOGS PA'I SGRO 'DOGS LHAG MA MED PAR DRUNGS PHYUNG BAR GYUR TE, STON BA LA SHES NAS DAD PA THOB PA'I

, ,SHUGS KYIS DRANGS PA ZAB MO RTEN CING 'BREL PAR 'BYUNG BA GSUNG BA'I SGO NAS BSTOD PA LEGS PAR BSHAD PA'I SNYING PO ZHES BYA BA MDZAD DO, ,RJE RIN PO CHE'I MDZAD BA RNAM THAR 'DI DAG LA BLO GROS CAN RNAMS KYIS LEGS PAR DPYOD SHES NA BYANG CHUB LAM GYI RIM PA'I GO RIM LA NGES PA PHUL PHYIN STER ZHING BYANG CHUB LAM RIM GYI RTZA BA'I GDAMS NGAG GI GZHUNG MNGON RTOGS RGYAN DU, SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,ZHES GSUNGS PA'I DON LA NGES PA CHEN PO SKYE'O, ,DBU MA'I LTA BA 'KHRUL MED RNYED PA'I TSE SNANG PA JI LTAR 'CHAR BA NI RJE NYID KYI ZHAL NAS DA LTA LEGS BAR GOMS PAS RJES THOB TU'ANG SNA TSOGS PA'I SNANG BA 'DI THAMS CAD STONG BZHIN DU SNANG BA'I SGYU MA LTAR 'CHAR GYI, STONG PA NYID KYI RGYAS MA THEBS PA'I SNANG BA RANG DGA' BA CHER MI 'CHAR BAR 'DUG ,CES GSUNG NGO, , RJE BLA MA 'DIS BYANG CHUB LAM GYI RIM PA LA MYONG BA THON BAR BYED PA LA TSUL 'DI LTAR BYA DGOS SO ZHES GDUL BYA RNAMS LA 'DOMS PA'I PHYIR BLA MA DANG YI DAM THA MI DAD DU BYAS NAS GSOL BA 'DEBS PA DANG, BSAG SBYANG LA RTZE GCIG TU BRTZON PAR MDZAD CING, SKYE BO PHAL BA RNAMS KYI BLO YUL DU SHONG DKA' BA'I BSNYEN SGRUB LA RGYUN MI 'CHAD DU BRTZON PAR MDZAD PAS LHAG PA'I LHA DU MAS BYIN GYIS BRLABS PA'I TSUL DPAG PAR DKA' BA YOD LA, KHYAD

PAR; RGYAL BA KUN GYI YAB GCIG RJE BTZUN 'JAM PA'I DBYANGS KYI ZHAL MNGON SUM DU GZIGS SHING RGYUN DU DGE BA'I BSHES GNYEN MDZAD PA'I STOBS KYIS GSUNG RAB MTHA' DAG GI DON LA 'KHRUL PA MI MNGA' BAR GYUR BA YIN LA, GSUNG RAB KYI DON CI 'DRA BA'I RTOGS DKA' BA ZHIG YIN NA'ANG, THOG MAR RIGS PAS ZHIB TU DPYAD PAS PHAL CHER DGONGS 'ONG, DE LTAR MDZAD KYANG THUGS NGES MTHA' CHOD PA 'DREN MA THUB PA RNAMS LA, BLA MA DANG RJE BTZUN 'JAM PA'I DBYANGS THA MI DAD LA GSOL BA DRAG TU BTAB CING MAndAL PHUL BAS, DE MA THAG 'BAD MED DU DPYIS PHYIN PAR DGONGS NAS 'ONG BA NI RJE NYID KYI THUGS SRAS THAMS CAD LA MTHUN SNANG DU YOD PAR GSUNGS, GZHAN YANG RJE BTZUN 'JAM PA'I DBYANGS KYI SKU DANG GSUNG GI SNANG BA JI LTAR BYUNG PA SOGS DAG PA'I GZIGS SNANG MTHA' YAS PA'I RNAM BAR THAR PA NI RGYAL BA NANG PHAN TSUN GYI SPYOD YUL YIN PAS MTHA' DAG BRJOD BAR GA LA NUS, RJE BTZUN 'JAM BA'I DBYANGS KYIS RGYUN DU ZHAL BSTAN NAS BYA BA THAMS CAD RJE BTZUN 'JAM PA'I DBYANGS LA ZHUS NAS MDZAD PA NI, RJE NYID KYI ZHAL NAS GSUNG RAB KYI DON LA TSUL JI LTAR DPYOD, DPYAD PA RDZOGS MA RDZOGS, NYAMS LEN GYI GNAD, GDUL BYA JI LTAR BKRI, 'KHOR JI LTA BU BSTEN, GNAS JI LTA BUR SDOD PA SOGS PHAL CHER RANG BZOS ZHUGS PA MA BYAS ZHES GSUNG NGO, ,DE NAS STON 'OL KHAR BYON, DGUN DPYID

, ,'GAR PHUG TU BZHUGS NAS 'OL KHA'I DGE 'DUN RNAMS LA CHOS MANG DU GSUNGS SO, ,DE NAS AE'I TE'U RAR BYON, DBYAR BZHUGS MDZAD, AE PA'I DGE 'DUN RNAMS LA CHOS MANG DU GSUNGS SHING SKYE BO THAMS CAD DGE BA'I LAM LA BKOD, DE NAS 'OL KHA'I BRAG GDONG DU BYON, DGUN BZHUGS MDZAD, DE NAS RDZING PHYIR JO BO BYAMS PA'I DRUNG DU ZHAG BCO LNGA'I RING LA MCHOD PA RGYA CHE ZHING BKOD PA YID 'PHROG PA RGYUN MI 'CHANG PAR MDZAD DE BSTAN PA DANG SEMS CAN 'BA' ZHIG LA DGONGS NAS 'PHRAL DANG YUN DU PHAN BDE RGYAS PA'I SMON LAM RLABS CHE BA MDZAD DO, ,DE NAS SMAN LUNG GI RGYA SOG PHUR CHO 'PHRUL CHEN PO'I DUS MCHOD ZHAG BCO LNGA'I RING LA MCHOD PA RGYA CHE ZHING BKOD PA PHUN SUM TSOGS PA BSHAMS TE TING NGE 'DZIN GYIS BYIN GYIS BRLABS NAS MCHOD YUL THAMS CAD MNYES PAR BYED PA'I MCHOD BA'I CHO GA DANG, 'PHRAL DANG YUN GYI PHAN BDE RGYAS PA'I SMON LAM DPAG TU MED PA MDZAD PA'I SKABS SU, MCHOD PA'I ZHING PHYOGS BCU'I DE BZHIN GSHEGS PA RNAMS SPYAN 'DREN BA'I THUGS KYI 'DUN PA SHUGS DRAG PO MDZAD BA NA, SHAR PHYOGS KYI DE BZHIN GSHEGS PA THAMS CAD SKU MDOG DKAR PO RNAM SNANG GI RNAM PAS SHAR PHYOGS KYI NAM MKHA'I KHYON THAMS CAD GANG BAR 'KHRIGS PA DANG, DE BZHIN DU LHO PHYOGS DANG NUB DANG BYANG DANG DBUS SAM STENG GI NAM MKHA'I KHYON THAMS CAD RIM

PA BZHIN DU, RIN 'BYUNG, 'OD DPAG MED, DON GRUB, MI BSKYOD PA'I RNAM PA CAN GYI DE BZHIN GSHEGS PAS KHYAB CING, BKOD BDE 'DRA BA'I SGO NAS STENG DANG LOGS KYI NAM MKHA'I KHAMS THAMS CAD BAR MTSAMS MED PAR DE BZHIN GSHEGS PA'I SKUS GUR PHUB PA LTAR GYUR TE MCHOD PA BDAG GIR MDZAD PA'I GZIGS SNANG DNGOS SU 'CHAR PA YANG YANG BYUNG, PHYIS LHA SAR CHO 'PHRUL CHEN PO'I MCHOD PA RGYA CHEN PO BSAM GYIS MI KHYAB PA SMON LAM CHEN MOR GRAGS PA MDZAD PA'I DUS SU'ANG GZIGS SNANG DE 'DRA BA NAR MAR BYUNG STE, DE DUS MCHOD YUL DANG MCHOD BA THAMS CAD LA BDE STONG GI RGYAS BTAB CING MCHOD PA PHUL BAS DE THAMS CAD BDE STONG GI RAM ROL DU 'CHAR BA BYUNG GSUNG NGO; ;DE NAS DPYID RJE DAR MA SRIN CHEN GYI ZHAL SNGA NAS GTZO MDZAD, SDE SNOD 'DZIN PA NYIS BRGYA LHAG TZAM LA CHOS MANG DU GSUNGS, DE NAS NYANG PO PHYOGS NAS DAD PA CHEN BOS GSOL BA BTAB PA LA BRTEN NAS NYANG PO MDANG MDO'I DGON PAR BYON, DPYAR BZHUGS MDZAD, NYANG PO PHYOGS KYI DGE 'DUN RNAMS LA CHOS MANG DU GSUNGS SHING SKYE BO'I TSOGS LA PHAN PA RGYA CHEN PO MDZAD, DE'I SKABS SU DPON NAM MKHA' BZANG PO BAS RDOG LO CHEN BO'I GDAN SA PA SLOB DPON CHEN PO DKON MCHOG TSUL KHRIMS BA NGO CHEN LA SBRAN TE SKYID SHOD PHYOGS SU PHEBS BAR ZHU BA'I GSOL BA 'DEBS PA SNGA MO NAS NAR MAR YOD PA'I GTING BSKUL GYI GSOL 'DEBS PAS SLEBS BA DANG, JO BO RIN

, ,BO CHE MJAL BAR BZHED PAS KYANG THUGS DRANGS TE STON SKYID SHOD DU PHEBS, BO TA LAR BZHUGS NAS GSANG BDE GUNG GSUM, DGA' SKYOR ZUL GSUM GYI GDAN SA BA RNAMS KYIS THOG DRANGS PA'I SDE SNOD 'DZIN PA BRGYA PHRAG DU MA LA DBU MA SNANG BA, 'DUL BA, LAM RIM LA SOGS PA'I CHOS MANG DU GSUNGS, DE'I PHYI RES SOS KA DGA' BA GDONG DU BYON, THEG PA CHEN POR 'JUG BA RNAMS KYIS SANGS RGYAS DANG BYANG CHUB SEMS DPA' THAMS CAD DBANG POR BYAS TE KHAS BLANGS PA'I SEMS BSKYED KYI BSLAB BYA RNAMS LA JI LTAR BSLAB TSUL MTHA' DAG BAR SHES NAS TSUL BZHIN DU SLOB BA ZHIG MA BYUNG NA DE'I THEG PA CHEN PO BA MING TZAM DU 'GYUR BAR DGONGS SHING, GSANG SNGAGS RDO RJE THEG PA LA 'JUG PAR 'DOD NA LAM MTHUN MONG PA LA LEGS PAR BLO SBYANGS PA'I STENG DU BLA MA BSTEN TSUL THEG CHEN THUN MONG BA'I SKABS SU BSTAN PA LAS KYANG CHES KHYAD PAR DU GYUR PA ZHIG GI SGO NAS DBANG BSKUR RGYUD SDE DANG MTHUN PA ZHIG BLA MA MTSAN NYID DANG LDAN BA LAS MNOS TE, DE'I DUS SU KHAS BLANGS PA'I DAM TSIG DANG SDOM PA RNAMS MIG GI 'BRAS BU LTAR GCES BAR 'DZIN CING, KHYAD BAR RTZA LTUNG LA SROG BSDOS BYAS NAS LEGS PAR SDOM PA ZHIG MA BYUNG NA KHAS BLANGS PA'I DAM TSIG YAL BAR DOR NAS SNGAGS KYI LAM LA SLOB PA SKAD BYAS KYANG NGAN 'GRO MI BZAD PA'I SGO 'BYED BAR DGONG NAS, AE MA THEG PA CHEN PO SPYI DANG KHYAD PAR BA LA SLOB PAR 'DOD PA

DAG TSUL 'DI LTA BUS SPYOD PAR GYUR NA CI MA RUNG SNYAM DU SNYING NAS SHAS MA BZOD PA'I THUGS BRTZE BA CHEN POS KUN NAS BSLANGS TA GDUL BYA RNAMS LA'ANG TSUL DE NYID 'DOMS PAR MDZAD DO, ,DER YANG BYANG SA'I TSUL KHRIMS LE'U; BLA MA LNGA BCU PA, RTZA LTUNG BCU BZHI BA RNAMS KYI BSHAD PA SHIN TU ZHIB PAR GSUNGS, DE'I CHOS MJUG LA BLA MA RJE BTZUN RED MDA' PA CHEN PO'I ZHAL SNGA NAS MNGA' RIS NAS BYON, DBYAR GNAS STAG TSANG DU MDZAD DE DBUS SU BYON NAS DGA' BA GDONG DU PHYAGS PHEBS, BSU BA DANG, BSNYEN BKUR DANG, ZHABS TOG RMAD DU BYUNG BA MDZAD NAS DPON SLOB GNYIS KAS CHOS MANG DU GSUNGS, DE NAS YAB SRAS GNYIS KA'ANG DBEN PA LA DGYES SHING, BYANG RA SGRENG GI DBEN PA'I GNAS KYI BSNGAGS BA GTAM DU BRJOD PA SNYAN DU SON PAS KYANG THUGS G-YOS PAR GYUR LA DPAL LDAN AA TI SHAS LUNG BSTAN PA'I GNAS, STON PA RIN PO CHE YAB SRAS KYI GDAN SA, BKA' GDAMS PA'I DAM PA'I CHOS KYI CHU BO THAMS CAD KYI 'BYUNG KHUNGS SU GYUR PAS KYANG GZIGS PAR BZHED DE YAB SRAS GNYIS KYIS THOG MA MDZAD PA'I DGE 'DUN SDE SNOD 'DZIN PA MANG PO'I TSOGS DANG BCAS PAR SGRENG LA PHYAGS BTEG GDAN BZHUGS RA SGRENG DU MDZAD, BLA MA RJE BTZUN CHEN POS RIGS PA DRUG CU BA DANG GSANG 'DUS RIM LNGA SOGS GSUNGS, RJE RIN PO CHES THEG PA CHEN PO MDO SDE RGYAN DANG, DBUS MTHA' DANG, KUN LAS BTUS DANG, NYAN SA LA SOGS PA

, ,THAMS CAD GUNG LEGS PAR BSGRIGS TE ZHI GNAS KYI BSHAD PA MTHA' DAG PAR GSUNGS SHING, SGOM DU BCUG PAS 'GA' ZHIG GI RGYUD LA GSUNG RAB DANG MTHUN PA'I ZHI GNAS KYI MYONG BA KHYAD PAR CAN 'KHRUNGS, YAB SRAS GNYIS KYIS SNGAGS DANG MTSAN NYID KYI LAM GYI GNAD DU MA LA 'BEL BA'I GTAM GYI BKA' MCHID SHIN TU ZHIB BAR MDZAD, DE NAS CHOS RJE LO TZ'A BA DANG, 'BRI KHUNG CHOS RJE GNYIS KAS ZHAL 'DZOM PAR ZHU BA'I PHO NYA DANG GSUNG 'PHRIN NAR MAR BYUNG BAS, RJE RIN BO CHES DPYID 'OG 'BRI KHUNG DU BYON, CHOS MANG DU GSUNGS, SPYAN SNGA RIN PO CHE CHOS KYI RGYAL PO LA N'A RO CHOS DRUG DANG, PHYAG CHEN LHAN CIG SKYES SBYOR LA SOGS BA GSAN, DE NAS RJE RIN PO CHE DANG RJE RED MDA' BA DANG CHOS RJE LO TZ'A BA SKYABS MCHOG DPAL BZANG GSUM GA GNAM TZENG LTENG DU AAR CHEN PO BYANG CHUB YE SHES KYI GTZUG LAG KHANG DU ZHAL MNGON PAR 'DZOM ZHING, DBON YON TAN RGYA MTSO BAS DAD PA DANG GTONG BA SHIN TU YANGS PA'I BSAM PA RGYA CHEN POS ZHABS TOG BYAS TE SDE SNOD GSUM 'DZIN PA'I MKHAS PA'I DBANG PO DU MAS THOG DRANGS PA'I DGE 'DUN DRUG BRGYA LHAG TZAM GYIS DBYAR GNAS PAR ZHAL GYIS BZHES NAS CHOS RJE GSUM GAS KYANG BSTAN PA RIN PO CHE'I DAG TER RNAM PAR DAG PA ZHIG MDZAD PAR DGONGS SHING, DE YANG JI SRID DU RGYAL BA'I BSTAN PA'I NANG MDZOD 'DUL BA RDZOGS PAR YOD BA DE SRID DU SANGS RGYAS KYI BSTAN PA YOD LA,

DE MED NA MED PAR GSUNGS PA DE NYID THUGS LA LCI BAR GYUR NAS BSTAN PA 'BA' ZHIG LA DGONGS PA'I THUGS KYIS 'DUL BA MDO RTZA BA'I BSHAD PA RGYAS PA RE GSUNGS SHING DE'I DUS SU GZHI BCU BDUN NAS GSUNGS PA'I BCAS PA PHRA MO ZHIG YAN CHAD DA LTA'I GANG ZAG GIS NYAMS SU BLANG NUS RNAMS DANG, RNAM 'BYED NAS 'BYUNG BA'I BCAS PA RNAMS LAS 'DAS PA'I LTUNG BA THAMS CAD RANG RANG GI MING RIGS KYIS PHYIR 'CHOS PA'I CHO GA JI LTAR BSHAD PA BZHIN GYI PHYAG LEN RNAM PAR DAG PA'I SROL LEGS PAR BTZUGS TE, DE'I TSE 'DUL BA GSAN PA PHAL CHE BA SKYANG RANG RANG GI RGYUD LA BRTAGS NAS LTUNG BA PHRA RAGS THAMS CAD BSHAGS YUL MANG NYUNG GI BYE BRAG DANG, DNGOS PO SPANGS PA'I CHAD LAS SNGON DU GTONG BA SOGS JI LTAR BSHAD PA BZHIN DU PHYAG LEN LA BTAB NAS PHYIR BCOS MDZAD DE, DE PHYIN CHAD PHYAG PHYI LA GNYUG MAR GNAS PA LA PHAL CHE PAS NYIN RE BZHIN RANG RANG GI RGYUD LA BRTAGS NAS LTUNG BA NGANG YUN DU MI 'GROGS PAR PHYIR 'CHOS PA DANG, YO BYAD BYIN BRLAB, RUNG KHANG GCOD PA, NUB LHAG NYAL BSRUNG SOGS KYI PHYAG LEN DAG LA'ANG CHES BRTZON PAR MDZAD NA DE TZAM DU BSGRUB MI DKA' BA RNAMS LA NI LTA SMOS KYANG CI DGOS, DE BAS NA SANGS RGYAS KYI BSTAN PA'I RTZA PA SO SOR THAR PA'I RMANG RDZOGS PAR GSOS PAS BSTAN PA LA BYA BA MDZAD PA ZHIG LA 'DI YA MTSAN BA YIN NO, ,ZHES MKHAS GRUB THAMS CAD MKHYEN PA

, ,GSUNGS TE, GANGS RI'I KHROD 'DIR 'DUL BA LUNG SDE BZHI'I DON SLOB DPON YON TAN 'OD KYIS BKRAL BLTAR DGAG SGRUB GNANG GSUM GYI BCAS MTSAMS MTHA' DAG RGYAL BA RANG NYID KYI DGONGS PA JI LTA BA BZHIN DU 'CHAD SHES PA DANG, BSHAD PA LTAR DU BCAS MTSAMS MTHA' DAG LAG TU LONGS BA DANG, DE YANG BYANG CHUB LAM GYI RIM PA DANG SBYAR TE THEG BA CHE CHUNG GNYIS KA'I LAM GYI GZHI RTEN DU 'GYUR BA DANG, RGYAL SRAS KYI SPYOD PA LA SLOB PA'I TSE 'BRAS BU GZUGS SKU BSGRUB PA'I THABS SU 'GYUR BAR BYED PA SOGS RGYAL BA DGYES PA'I LAM LA SLOB BAR 'DOD PA RNAMS LA BKA' DRIN ZLA MED DU MDZAD DO, ,GZHAN YANG GNAS DER DBU MA DANG TSAD MA RNAM 'GREL LA SOGS PA'I CHOS GYI 'KHOR LO MANG DU BSKOR, DGAG DBYE THON NAS RJE BTZUN RED MDA' BA GCANG LA PHEBS RJE RIN PO CHE DANG LO CHEN SKYABS MCHOG DPAL BZANG GNYIS 'KHOR DANG BCAS PA SLAR RA SGRENG DU BYON NAS BRAG SENG GE'I ZHOL DU RJE RIN PO CHE'I BZHUGS GNAS BTAB STE JO BO'I SKU 'DRA DBU YON MAR GRAGS PA SPYAN DRANGS RJE RIN PO CHES SKU MTSAMS MDZAD DE JO BO'I SPYAN SNGAR MCHOD PA RGYA CHEN PO BSHAMS NAS GSOL BA SHUGS DRAG LA RGYUN RING BAR 'DEBS BAR MDZAD PAS STON PA THUB PA'I DBANG PO NAS LHO BRAG GRUB CHEN DANG GRVA SKOR MKHAN CHEN GYI BAR LAM RiM BRGYUD BA'I BLA MA RNAMS ZHAL GZIGS, DE'I TSE LAM RIM BLA MA BRGYUD PA'I GSOL

'DEBS LAM MCHOG SGO 'BYED GSAR RTZOM MDZAD DE, DE'I SGO NAS GSOL BA SHUGS DRAG LA RGYUN RING BA 'DEBS PAR MDZAD BAS BYIN GYIS BRLABS PA'I MTSAN MA KHYAD BAR CAN MAR DU BYUNG ZHING GDAMS PA DANG RJES SU BSTAN PA'ANG MANG DU GSUNGS, MTHAR LAM RIM BRGYUD PA'I BLA MA RNAMS RIM GYIS THIM STE JO BO RJE DANG, PO TO BA, SHA RA BA RNAMS YUN RING DU ZHAL GZIGS, MTHAR PO TO BA DANG SHA RA BA YANG JO BO LA THIM, JO BO RJES RJE RIN PO CHE'I DBU THOG TU PHYAG BZHAG STE BSTAN PA LA BYA BA RGYA CHEN PO GYIS, BYANG CHUB SGRUB PA DANG SEMS CAN GYI DON BYED PA'I GROGS BDAG GIS BGYI GSUNG NAS MI SNANG BAR GYUR, DE NAS RJE RIN PO CHES RGYAL BA'I BSTAN PA LA BYA BA BYED PA'I MCHOG NI GSUNG RAB DGONGS 'GREL DANG BCAS PA MTHA' DAG GI DON GANG ZAG GCIG GI NYAMS LEN GYI RIM PAR BSDUS TE PHYI RABS KYI GDUL BYA RNAMS KYIS NYAMS SU BLANG BDE BA ZHIG RTZOM PAR BZHED PA 'KHRUNGS SHING, LO CHEN SKYABS MCHOG DPAL BZANG PO SOGS MANG POS KYANG BYANG CHUB LAM GYI RIM PA'I KHRID YIG RGYAS PA ZHIG CI NAS KYANG MDZAD DU GSOL ZHES GSOL BA SHUGS DRAG TU BTAB, PHYOGS BCU'I RGYAL BA SRAS BCAS THAMS CAD KYIS KYANG THUGS RJE BSKUL BAR MDZAD, DKAR PHYOGS KYI LHA DANG SRUNG MA MANG POS MTHUN BA'I RKYEN SBYAR TE RGYAL BA'I GSUNG RAB MTHA' DAG GI GNAD BSDUS PA, SHING RTA CHEN PO KLU SGRUB DANG THOGS MED GNYIS KYI LAM SROL, BYANG CHUB LAM GYI RIM PA'I

, ,SGO NAS SKAL BA DANG LDAN PA SANGS RGYAS KYI SAR 'KHRID PA'I TSUL RGYAS PAR STON PA LAM RIM CHEN MO'I RTZOM PA MDZAD, DE LTAR RA SGRENG GI BRAG SENG GE'I ZHOL DU BYANG CHUB LAM RIM CHEN MO RTZOM PA MDZAD PA'I TSE PHYOGS BCU'I RGYAL BA SRAS BCAS THAMS CAD KYIS BYIN GYIS BRLABS BA DANG, RMA CHEN SPOM RA DANG GNYEN CHEN THANG LHA SOGS BOD KYI GZHI BDAG LHA CHEN RNAMS KYIS KYANG MTHUN PA'I RKYEN SBYAR ZHING BDAG CAG RNAMS LA'ANG SMON PA'I TSIG SBYAR BA ZHIG DGOS ZHES ZHUS PA LTAR RJE RIN PO CHES LAM RIM CHEN MO'I MJUG TU, SRAS BCAS RGYAL BA'I RMAD BYUNG 'PHRIN LAS LAS, ,LEGS GRUB BYANG CHUB LAM GYI RIM BAS KYANG, ,THAR 'DOD RNAMS KYI YID LA DPAL STER ZHING, ,RGYAL BA'I MDZAD PA RING DU SKYONG GYUR CIG ,LAM BZANG SGRIG PA'I MTHUN RKYEN SGRUB BYED CING, ,'GAL RKYEN SEL BYED MI DANG MI MIN KUN, ,TSE RABS KUN TU RGYAL BAS BSNGAGS PA YI, ,RNAM DAG LAM DANG 'BRAL BAR MA GYUR CIG ,CES SMON LAM MDZAD PA YIN ZHES LAM RIM CHEN MO'I BSHAD LUNG GI SKABS BLA MA GONG MA GCIG NAS GCIG TU BRGYUD PA'I GSUNG RGYUN LAS 'BYUNG NGO, ,DE LTAR LAM RIM CHEN MO'I RTZOM PA GRUB NAS 'KHOR RNAMS LA 'DI LTAR BKA' STZAL TE, DA PHYIN CHAD SNGAGS KYI CHOS THAN THUN 'CHANG 'DOD PAS, KHYED DRAG PA 'GA' RES CHOS RJE LO TZ'A BA LA DPAL GSANG BA 'DUS PA MI BSKYOD PA'I DBANG ZHUS LA SNGAGS

KYI SDOM PA GSOR CHUG GSUNG, DE NAS BLA MA 'JAM DKAR BA DANG, 'DUL 'DZIN GRAGS PA RGYAL MTSAN GNYIS KYIS GTZO MDZAD, NYI SHU RTZA LNGAS DBANG ZHUS, DE YANG RJE RIN PO CHE RANG GIS SMON 'JUG GI SDOM PA PHOG PA 'GA' ZHIG MA GTOGS GZHAN RNAMS LA CHOS RJE LO TZ'A BAS SMON 'JUG GI SDOM PA PHOG CING, DE NAS DBANG BSKUR BAR MDZAD DO, ,GZHAN YANG GNAS DE NYID DU, RJE RIN PO CHE RANG NYID KYIS SNGAR GNAM RTZENG LTENG DANG LAM PA DGON PA SOGS SU SMON 'JUG GI SDOM PA GNANG BA 'GA' ZHIG GI GTZOS THEG PA CHEN PO'I LAM LA SLOB PAR 'DOD PA RNAMS LA THUGS BRTZE BAS DGONGS NAS BYANG SA'I TSUL KHRIMS LE'U'I RGYA CHER 'GREL YANG MDZAD CING, DON GNYER CAN MANG POS GSOL BA DRAG TU BTAB PA LA BRTEN NAS, RTZA LTUNG DANG BLA MA LNGA BCU PA'I RNAM BSHAD KYANG MDZAD DO, ,DE NAS LO CHEN SKYABS MCHOG DPAL BZANG PO BYANG CHUB LAM RIM GYI GLEGS BAM PHYAG TU BZHES SHING LEGS BSHAD RIN PO CHE'I SKYES KYIS THUGS KYI BANG MDZOD GTAMS TE GTZANG LA PHYAGS BTEG ,RJE RIN PO CHES DBYAR DGUN GNYIS TZAM DE NYID DU BZHUGS NAS LAM RIM LA SOGS PA CHOS MANG DU GSUNGS, CHO 'PHRUL CHEN PO'I DUS MCHOD LA MCHOD PA DANG SMON LAM SHIN TU RLABS CHE ZHING NGO MTSAR BA MDZAD DO, ,DE NAS RIM GYIS BYON NAS LHAS PHU DGON GSAR DU PHYAGS PHEBS, BLO GROS DANG LDAN PA'I SDE SNOD 'DZIN PA DU MA

, ,LA TSAD MA RNAM 'GREL GYI BRJOD BYA'I GTZO BO MTHA' DAG RIGS PA'I LAM NAS DRANGS TE GZHUNG LAM GYI RIM PAR BSGRIGS NAS NYAMS LEN LA SBYAR TE GSUNGS PAS, SDE SNOD 'DZIN PA THAMS CAD SNGON LAN CIG KYANG MA MYONG BA'I LEGS PAR BSHAD PA'I BDUD RTZI'I RO PHUL DU BYUNG BA MYONG BAS YID RANG DBANG MED PAR PHROGS TE NGO MTSAR BA'I GTAM GYIS DUS 'DA' BAR BYED CING, DE PHYIN CHAD KYANG SKABS SKABS SU GSUNGS PAS, SNGON CHAD GANGS RI'I KHROD 'DIR TSAD MA TSIG GI NA YAM MAM, PHYI'I GO RGYA GCOD PA'I TSE BSTAN BCOS GZHAN BLTA BA LA BLO CUNG ZAD DRAG TU 'GRO BA'I YAN LAG TZAM DU NYE BAR MKHO BAR ZAD KYI, 'DI NYAMS LEN LA MKHO BA'I THE TSOM TZAM YANG SU LA'ANG MED PAS, PHAL MO CHE ZHIG DON MA YIN PA SKYED PAR BYED BA LA, DA LTA BLO GROS DANG LDAN ZHING GZU BOR GNAS PA DAG LA, 'DI NYID NYAMS LEN STON PA'I BSTAN BCOS SHIG LA RMAD DU BYUNG BA'I PHYOGS MTHONG TZAM YOD PA 'DI NI RJE RIN PO CHE 'DI 'BA' ZHIG GI THUGS RJE LA BRTEN PA YIN TE, 'DI TZAM GYI BKA' DRIN YANG GANGS CAN PA YONGS KYIS GSAB PAR SLA BA MA YIN NO, ,DE DUS RJE RIN PO CHES TSAD MA'I LAM BSGRIGS GSUNGS PA RNAMS RJE DAR MA RIN CHEN GYIS ZIN BRIS SU BTAB STE DENG SANG TSAD MA'I BRJED BYANG DU GRAGS PA 'DI YIN NO, ,DE NAS MI'I DBANG PO GRAGS PA RGYAL MTSAN BAS NAN CHER GSOL BA BTAB BA

LA BRTEN NAS 'ON BDE CHEN STENG DU PHEBS, SDE SNOD 'DZIN PA BRGYA PHRAG DU MA 'DUS PA RNAMS KYIS DE NYID DU DBYAR GNAS PAR ZHAL GYIS BZHES TE, RGYAL BZANG SMON MKHAR NAS ZHABS TOG BSAM GYIS MI KHYAB PA BSGRUBS, BYANG CHUB LAM GYI RIM PA'I KHRID DANG, DBU TSAD KYI DKA' BA'I GNAS 'GROL BA'I CHOS MANG DU GSUNGS, DE NAS 'O DE GUNG RGYAL GYI LHA ZHOL 'OL KHA'I BYAMS PA GLING DU PHYAGS PHEBS DON GNYER CAN RNAMS LA LAM RIM DANG BSKYED RDZOGS KYI CHOS MANG DU GSUNGS, DE NAS RJE RIN PO CHE SKU MTSAMS SHIN TU DAM PA LA BZHUGS TE BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG TU 'DEBS PAR MDZAD PAS, RJE BTZUN 'JAM PA'I DBYANGS KYIS SLOB DPON KLU'I BYANG CHUB KYIS MDZAD PA'I GSANG BA 'DUS PA'I MAN NGAG RNAM GZHAG RIM PA'I t'IKKA ZHIG BYAS NA BSTAN PAR PHAN CHE ZHES GSUNGS PA LTAR RNAM GZHAG RIM PA'I t'IKKA MDZAD DE DON GNYER CAN RNAMS LA ZHIB PAR GSUNGS, DE YANG SPYIR RIM LNGA'I DON DANG, KHYAD PAR RIM PA GSUM PA'I SGYU LUS KYI SGRUB TSUL SOGS DPAL GSANG BA 'DUS PA'I RTZA BSHAD KYI RGYUD DANG, 'PHAGS PA YAB SRAS LNGA'I GZHUNG NAS 'BYUNG BA'I DON THUN MONG MA YIN PA RAGS PA RNAMS DPYIS PHYIN PA ZHIG LEGS PAR GO NAS DE DUS LO BCU LHAG SONG BA LA DE BAR DU SMRA MA NUS ,DE NAS DE DUS ZUR TZAM SMRAS PA YIN ZHES GSUNG NGO, ,DE NAS LO CHEN SKYABS MCHOG DPAL BZANG PO DANG, SPYAN SNGA BSOD

, ,NAMS BZANG PO SOGS DAM PA MANG POS GSOL BA BTAB BA LA BRTEN NAS, RGYUD SDE BZHI'I LAM GYI LUS YONGS SU RDZOGS PA STON PA'I BSTAN BCOS CHEN BO GSANG CHEN LAM GYI RIM PA MDZAD DE GANGS RI'I KHROD 'DIR GSANG SNGAGS RGYUD SDE BZHI'I LAM GYI RIM BA LA SNGON MED PA'I SHING RTA'I LAM SROL PHYE BAR MDZAD DO, ,DE NAS SDE SNOD 'DZIN PA DU MA LA GSANG SNGAGS LAM RIM GSUNGS, DE'I TSE BAR CHAD KYI LTAS SHIN TU RTZUB BA CI RIGS BA BYUNG, DGE BSHES GCIG GNYIS KYANG 'DAS PA LA, DPON SLOB RNAMS KYIS SKU MTSAMS DAM BAR MDZAD DE THUGS DAM DANG ZLOG PA SOGS LA SHIN TU 'GRUS PAR MDZAD PAS TSEGS MED PAR BZLOG ,DE'I TSE BCOM LDAN 'DAS RDO RJE 'JIGS BYED KYI SGRUB THABS BDUD THAMS CAD LAS RNAM BAR RGYAL BA DANG SBYIN SREG GI CHO GA RGYAS BA'I RTZOM PA YANG MDZAD DO, ,RJE RIN PO CHE 'DI NYID THUGS DAM SGOM BZLAS SOGS MDZAD PA'I SKABS SU SKU MDUN NA YOD BA RNAMS KYIS SGO GSUM GYI SPYOD PA CI BYAS KYANG CHED DU GTANG NAS THUGS BCUG NA MA GTOGS THUGS KYIS DE RNAMS CI YANG MI NGES PA ZHIG YOD BAR GSUNGS, DE DUS THUGS SRAS RNAMS KYIS THUGS DAM RKYEN GANG GIS KYANG MI G-YENG BA 'DI DUS JI TZAM NAS LAGS ZHUS BAS, DGE SBYOR GYI DUS SU DE LTAR 'ONG BA BYAMS BA GLING NAS YIN, LTA

RTOG DANG DPYAD PA ZHIB PO BYED BA'I SKABS SU DE LTAR 'ONG BA SNGA MO NAS YOD CES GSUNG NGO, ,GNAS DER LO GNYIS BZHUGS, DE NAS BYANG CHUB LUNG DU DGUN BZHUGS MDZAD, SNGAGS MTSAN NYID KYI SDE SNOD 'DZIN PA BRGYA PHRAG DU MA LA GSANG SNGAGS LAM RIM GSUNGS, SOS KA SKYID SHOD DU BYON, SNE'U NAS DAD PA DRAG POS ZHABS TOG TSAD MED PA NAR MAR MDZAD DE DBYAR GNAS SER CHOS SDINGS SU BZHUGS, SKU MTSAMS SHIN TU DAM PAR MDZAD, GSANG 'DUS RIM LNGA DANG, DPYID THIG SOGS MA RGYUD KYI RDZOGS RIM 'GA' ZHIG GSUNGS, GNAS DER MKHAS GRUB BSTAN PA'I NYI MA DGE LAGS DPAL BZANG POS KYANG MJAL, DER GSOL BA 'DEBS PA MANG PO'I NGOR DBU MA RTZA SHE'I RGYA CHER 'GREL MDZAD PAR BZHED NAS GZHUNG GI RIGS PA'I DKA' GNAS PHRA MO RNAMS LA DPYAD PA ZHIB TU MDZAD PAS, RIGS PA PHRA MO 'GA' ZHIG LA DOGS PA CUNG ZAD DPYAD DKA' BA BYUNG NAS, BLA MA DANG RJE BTZUN 'JAM PA'I DBYANGS LA GSOL BA DRAG TU BTAB PAS, SKABS SHIG NA, SHES RAB KYI PHA ROL TU PHYIN PA'I MDO'I STONG NYID NYI SHU'I 'GRES RKANG RNAMS GSER BTZOM YI GER BKOD PA'I RNAM PAS BAR SNANG KHRIG GIS GANG BAR GZIGS PA YANG YANG BYUNG BAS, RTZA SHE'I RIGS PA SHIN TU PHRA BA RNAMS LA'ANG DOGS PA LHAG MA MED PAR 'BAD MED DU CHOD SONG GSUNG NGO, ,DE NAS RA KHA BRAG TU PHEBS NAS DRANG BA DANG NGES PA'I DON RNAM PAR 'BYED PA'I

, ,BSTAN BCOS LEGS BSHAD SNYING PO MDZAD, SE RA CHOS SDINGS SU RTZA SHE'I RNAM BSHAD CHEN MO MDZAD, DE'I TSE RGYA NAG GI RGYAL PO CHEN PO TA MING GIS RJE RIN PO CHE 'DI LA DAD PA CHEN POS LUNG DANG GNANG SBYIN DPAG TU MED PA'I 'BUL SKYEL DANG, RGYA YUL DU BSOD NAMS KYI ZHING DANG, SKYE BO MTHA' DAG LA DAM PA'I CHOS KYI BKA' DRIN MDZAD PA'I SLAD DU SPYAN 'DREN PA'I GSOL BA NAN CHER 'DEBS PA LA GSER YIG PA T'A ZHING BZHIS 'GO BYAS BRGYA PHRAG MANG PO MNGAGS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG, RJES SU MI DBANG GRAGS PA RGYAL MTSAN PAS GTZO MDZAD, DPON NAMKHA' BZANG PO BA DANG BCAS PA NGO CHEN LA SBRAN NAS GSER YIG PA RNAMS KYIS MCHI MA PHYUNG ZHING ZHU BA NAN GYIS PHUL BAS RJE RIN PO CHES SE RAR PHEBS, MJAL KHA GNANG, 'BUL BA RNAMS BZHES, RGYA YUL LA 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA NAN CAN ZHIB PAR BYON NAS BYAMS CHEN CHOS RJE SKU TSAB TU MNGAGS TE ^ GONG MA'I GSER YIG PA RNAMS PHYIR SLOG, DE NAS SE RA CHOS SDINGS SU SDE SNOD 'DZIN PA BRGYA PHRAG MANG BO TSOGS PA LA RTZA SHE; DRANG NGES RNAM 'BYED, BZHI BRGYA PA, GSANG SNGAGS LAM RIM, RTZA LTUNG DANG BLA MA LNGA BCU PA LA SOGS PA'I BSHAD PA ZHIB PAR GSUNGS SHING BYANG CHUB LAM GYI RIM PA'I KHRID KYANG GNANG, DE NAS GSANG PHU, BDE BA CAN,

DGA' SKYOR ZUL GSUM BCAS KYI GDAN SA PA, THANG SAG PA'I GDAN ZUR LA SOGS PA DGE BA'I BSHES GNYEN SDE SNOD 'DZIN PA DRUG BRGYA TZAM 'DUS PA LA SNE'U NAS DBYAR GNAS KYI BDAG RKYEN DANG, DPON SLOB RNAMS KYI SPYI SGOS ZHABS TOG PHUN SUM TSOGS PA MDZAD, DE LTAR SE RA CHOS SDINGS SU LO GNYIS TZAM BZHUGS NAS DGAG DBYE THON PA DANG ,MI DBANG GRAGS PA RGYAL MTSAN PAS GSOL PA BTAB PA LA BRTEN NAS SKYID SMAD GRUM BU LUNG DU PHYAGS BTEG, PHYAGS PHYIR BYON BA'I BSHES GNYEN LNGA BRGYA TZAM LA PHOGS DANG ZHABS TOG PHUL DU BYUNG BA MDZAD CING, GZHAN YANG PHYOGS MTHA' DAG NAS DAM PA'I CHOS GSUNG GI BDUD RTZI LEN PA LA 'DUS PA DANG BCAS DGE 'DUN STONG LONGS PA TZAM 'TSOGS SHING, DGUN BZHUGS DER MDZAD LAM RIM DANG BDE MCHOG L'U AI PA'I SGRUBS THABS DANG, MA RGYUD KYI RDZOGS RIM SOGS RGYAS PAR GSUNGS SO, ,DE NAS RJE RIN PO CHES GANGS RI'I LJONGS 'DIR RGYAL BA'I BSTAN PA RIN PO CHE MI NYAMS SHING 'PHEL BA'I RTEN 'BREL DU DGONGS NAS GANGS RI'I MGON PO CHOS RGYAL SRONG BTZAN SGAM POS GANGS RI'I KHROD 'DIR THUB PA'I DBANG PO'I BSTAN PA RIN PO CHE'I SGRON ME GSAR DU BTZUGS PA'I GNAS LHA LDAN SPRUL BA'I GTZUG LAG KHANG LA ZHIG GSO LEGS PAR MDZAD DE RTEN DANG BRTEN PAR BCAS PA THAMS CAD GSAR DU BZHENGS PA LTA BUR MDZAD DE GLANG GI LO ZLA PA DANG BO'I TSAS GCIG NAS BCO LNGA'I BAR DU CHO 'PHRUL CHEN PO'I DUS KYI MCHOD PA DNGOS GZHI MDZAD PA LA, JO BO RIN PO CHE'I DRUNG DU

, ,DE BZHIN GSHEGS PA RIGS RNAM PA LNGA 'PHUL LAS BTON PA DAR DPYANGS DANG BCAS PA'I DBU RGYAN RGYU GSER BZANG PO 'BA' ZHIG LAS BSGRUBS PA, RIN PO CHE NAL DANG, MU TIG DANG, G-YU LA SOGS PA'I PHRA BZANG PO BKOD PAS MDZES PAR BYAS PA DANG, JO BO MI BSKYOD RDO RJE DANG BCU GCIG ZHAL LA ,DNGUL BZANG PO LAS BYAS PA'I DBU RGYAN PHUN SUM TSOGS PA DANG BCAS PA PHUL ZHING ,JO BO RIN PO CHE'I DRUNG DU DNGUL GYI LHUNG BZED CHE TSAD DU LONGS PA DE'I KHA LA 'TSAM PA'I DNGUL GYI MAndAL DANG BCAS PA DANG, JO SH'AKA RNAM GNYIS BCU GCIG ZHAL DANG BCAS PA LA CHO 'PHRUL GYI RING NYIN RE BZHIN ZHAL GSER, TSES BRGYAD DANG BCO LNGA LA SKU YONGS RDZOGS LA GSER CHAB DANG BCAS BA PHUL ZHING ,JO SH'AKA RNAM GNYIS DANG THUB PA GANGS CHEN MTSOS GTZO MDZAD SPRUL SKU'I RNAM PA CAN GYI SKU 'BUR DU DOD PA THAMS CAD LA GOS DAR PHUN SUM TSOGS PA LAS BYAS PA'I BLA GOS DANG SNAM SBYAR DANG ,SEMS DPA' SEMS MA BCU DRUG LA SOGS PA DANG KHRO BO'I RNAM PAR BZHUGS PA LA SOGS PA RNAMS LA NI DAR CHEN DANG GAN GOS LA SOGS PA'I STOD G-YOGS DANG SMAD G-YOGS DANG, GZHAN YANG GTZUG LAG KHANG CHE CHUNG RNAMS KYI TOG DANG BYA 'DAB LA SOGS BA'I RTZE ZUR PHAN TSUN DU THA GUS SPREL BA THAMS CAD LA BA DAN DANG RNGA YAB DANG DRIL BU LA SOGS PAS BAR MA CHAD PAR MDZES PAR BYAS SHING, PHYI'I SKOR LAM CHEN MO'I PHYI ROL NAS SHING CHEN PO 'PHANG SHIN TU MTHO BA RNAMS LA

GOS DAR SOGS LAS BYAS PA'I BA DAN CHEN PO 'JIGS SU RUNG BA LA PHYOGS SKYONG DE DANG DE'I SKUS TOG LA BRGYAN CING, DE DANG DE'I SNGAGS BA DAN NYID LA BRIS PA BCO LNGA PHYOGS SKYONG BA BCO LNGA BO RANG RANG GI KHA DOG DANG MTHUN BA RANG RANG GI PHYOGS SU LEGS PAR BTZUGS NAS NUB RE BZHIN DE DAG GI RTZA BA'I GTOR STAGS KHAR PHYOGS GTOR GTONG BA DANG, DE DAG GI BAR BAR DU GDUGS DKAR LA SOGS PA'I RGYAL MTSAN RANG RANG GI CHOG BZHIN DU LEGS PAR BTZUGS SHING, BA DAN DANG RGYAL MTSAN DE DAG GI SHING RNAMS THA GUS SBREL BA LA 'PHAN DANG RNGA YAB DANG, DRIL BU LA SOGS PAS BAR MA CHAD PAR MDZES PAR BYAS PA NI 'JA' TSON KUN NAS BKRA BAS NAMKHA'I LAM KHYAB PAR BYAS PA LTA BU DANG ,GZHAN YANG NYIN PAR YANG KHYAMS NANG MA YAN CHAD LA DKAR MI BRGYA PHRAG BZHI RE TZAM DANG, BAR SKOR LA BRGYA PHRAG LHAG PA DANG, PHYI SKOR LA RDO RING GI 'GRAM, JO BO RIN PO CHE'I ZHAL GYI DRANG THAD DU KONG BU CHEN PO GRU BZHI PA PHYOGS RE LA 'DOM TSAD MA GSUM GSUM YOD PA DE NYID MAR KHUS LEGS PAR BKANGS BA LA 'TSAM BA'I SDONG BU LAS 'BAR BA'I ME LCE NI GSER GYI MCHOD SDONG GIS NAM MKHA'I LAM 'GOG PAR BYED PA LTA BUS THOG DRANGS, RDZA'I KHOG MA CHEN PO MAR KHUS BKANG BA'I SDONG BU MI CHEN PO'I LAG PA'I SBOMS TZAM LA 'PHANG MDA' TSAD LHAG TZAM GYI MAR ME BAR THAG 'TSAM PAR BKOD PAS PHYI SKOR GYI PHYI RIM 'KHOR BA DANG, GZHAN YANG RA MO CHE, KLU PHUG, PO TA LA, GUNG THANG RNAMS SU'ANG DKAR

, ,ME DU MA DANG, MTSAN MO NI BAR SKOR GYI RTZIG 'GRAM 'KHOR BA DANG, KHYAMS GRVA PHYI MA'I KA TSAR JI LTAR YOD PA BZHIN DU MAR ME'I PHRENG BA BKOD PAS MIG GIS BLTA BA TZAM YANG BZOD DKA' BAR BYAS TE, MTSAN MO'I GUNG LA'ANG STENG DU MNGON PAR BLTAS PA NA NAM MKHA' MAR ME'I 'OD KYI GOS DANG BCAS PAS KHA DOG DMAR SKYA NYID DU MTHONG BA MA GTOGS SKAR MA GCIG GI GZUGS KYANG MTHONG BA'I YUL LAS 'DAS PAR GYUR TO, ,GZHAN YANG YON CHAB BRGYA PHRAG BRGAL BA NYIN RE BZHIN GSAR DU MNGON PAR BSHAMS PA RNAMS LA KHA CHE GUR KUM SPANGS PA'I KHU BAS KHA LEGS PAR BSGYUR BA'I GUR KUM GYI RO MA NI NYIN RE LA'ANG BRES GZHAL DGOS PA DANG, GZHAN YANG SPOS KYI RGYAL MCHAN DANG, GDUGS DANG, SPOS SNOD THA DAD DU MNGON PAR BSREGS PA LA SOGS PA'I DRI BZANG POS PHYI ROL GYI KHOR YUG THAMS CAD DU'ANG NYIN MTSAN GNYIS KA MNGON PAR KHYAB CING ,DU BA RNAMS NI BAR SNANG LA SPRIN GYI SNA RING BO DAG PHAN TSUN MDUD PA'I LNGA SDI BRES BA LTA BU, THA NA PHYI SKOR GYI SKOR LAM RNAMS KYANG SPOS KYI CHUS CHAG CHAG BTAB PAR BYAS NA GZHAN LTA CI SMOS, ZHAL ZAS MDA' TSAD LHAG TZAM LA MAR GYI RGYAL SRID RIN PO CHE SNA BDUN LA SOGS PA'I RGYAN YID 'PHROG PAS BRGYAN PA BRGYA RTZA BRGYAD RE NYIN RE BZHIN GSAR PA GSAR PA PHUL ZHING, KONG BU CHEN PO'I G-YAS G-YON DU SA STEGS LA RTZAM PA KHAL BZHI BRGYA RE LAS BYAS PA'I LHA BSHOS

RGYAN BZANG PO DPAG TU MED PAS SPRAS PA, 'PHYAR DAR BTZUGS PA DANG BCAS PA MNGON PAR BSHAMS PA'I ZHAL ZAS RNYING PA RNAMS NI BDAG GIR BYED PA MED PAR SKYE BO PHONGS PA SBRANG PO'I TSOGS LA BLTOS PA MED PAR BYIN ,GZHAN YANG MCHOD PA'I BYE BRAG MTHA' YAS PA DANG ,RGYAL SRID RIN PO CHE SNA BDUN LA SOGS PA'I BKOD PA YID 'PHROG PA DPAG TU MED PA DANG BCAS PAS MNGON PAR MCHOD DE, RJE BLA MA NYID KYIS SNGAGS DANG PHYAG RGYA DANG TING NGE 'DZIN GYIS BYIN GYIS BRLABS NAS MDO SDE DANG RGYUD SDE NAS BYUNG BA'I CHO GA RNAM PAR DAG PAS MNGON PAR MCHOD CING ,BSTAN PA DANG SEMS CAN 'BA' ZHIG LA DGONGS PA'I THUGS BSKYED SHUGS DRAG POS BSTAN PA RGYAS PA DANG SEMS CAN LA PHAN BDE 'BYUNG BA'I SMON LAM RNAM PAR DAG PA NYIN RE BZHIN MDZAD LA, DGE 'DUN SKYE BO'I TSOGS DANG BCAS PA LA NYIN RE BZHIN SLOB DPON DPA' BOS MDZAD PA'I SKYES RABS KYI CHOS THUN RE GSUNGS TE DE'I DUS SMON LAM LA 'DUS PA'I SKYE BO THAMS CAD RANG BZHIN GYIS RGYUD 'JAM PA DANG, DANG BA DANG, DGE BA LA SPRO BA SOGS KYI GZHAN DBANG DU GYUR PAS NYIN MTSAN KHOR YUG TU CHOS MNYAN PA DANG ,PHYAG DANG ,SKOR BA DANG, SMON LAM 'DEBS PA DANG ,GZUNGS KHA TON DU BYED BA SOGS DGE BA'I BYA BA 'BA' ZHIG GIS DUS 'DA' BAR GYUR CING, DE YANG MTSAN PHYED LA BAB PA'I DUS RANG NA PHYI SKOR BYED PA NYIN MO BAS CUNG ZAD NYUNG BAR MNGON PA TZAM MA GTOGS, SKOR BA BYED PA BAR CHAD PA NI CUNG ZAD KYANG MA BYUNG NGO, ,DE LTA BU'I SMON

, ,LAM BSAM LAS 'DAS PA'I SGO NAS BSTAN PA DANG SEMS CAN GYI GSOS SU 'GYUR BAR MDZAD DE, DE'I TSE THUGS DAM BA NYAMS SNANG SHIN TU BZANG PO ZHIG GI MNAL LAM DU, LHA SA'I NYE SKOR GYI GZHI LAS SKYE BO'I TSOGS GRANGS LAS 'DAS PA THON NAS, THAMS CAD NAM MKHA' LA YAR THAL BYUNG DU 'GRO YI 'DUG, 'DI CI YIN BYAS PAS NGED RNAMS JO BO RIN PO CHE LA 'DI LTAR MCHOD PAS TSANGS PA'I 'JIG RTEN DU 'GRO BA YIN ZER BA DE 'DRA BA'I RMI LAM YANG BYUNG STE, RGYAL BAS SNGON MNYAN YOD DU CHO 'PHRUL CHEN PO BSTAN PA'I DUS SU GDUL BYA'I DON JI LTAR MDZAD PA DE KHO NA BZHIN DU LHA MI BGRANG BA LAS 'DAS PA ZHIG SMIN CING GROL BAR MDZAD DE NGAN SONG GI RGYUN LAM NI BCAD, MTHO RIS DANG THAR BA'I LAM NI LAM PO CHE BZHIN DU BYAS TE, RGYAL BA'I BSTAN PA LA RGYAL BA RANG NYID SLAR BYON PA LTA BUR MDZAD DO, ,DE'I TSE RJE RIN PO CHE LA GANGS CAN GYI BSTAN 'DZIN DAM PA MANG PO DANG, YON BDAG CHE PHRA MANG POS RGYUN DU SA GCIG TU BZHUGS CHOG PA'I DGON GNAS SHIG BTAB CHOG PA DGOS ZHES YANG DANG YANG DU GSOL BA BTAB PA NA RJE RIN PO CHES KYANG MA 'ONGS PA NA BSTAN PA'I RGYUN LA PHAN PAR DGONGS ZHAL GYIS BZHES TE JO BO RIN PO CHE'I SKU MDUN DU DGON GNAS GANG BZANG BRTAGS PAS 'BROG RI BO CHE BZANG BAR BYUNG ZHING, LHO BRAG GRUB CHEN LA GSANG BA'I BDAG POS, DBANG BSKUR RI YI LDEBS DAG TU, ,BTZUN MO SDINGS KYI NGOS

PHYOGS SU, ,DGE 'DUN DPAG MED 'DU BAR 'GYUR, ,RI NI GANG YIN 'JAM DBYANGS 'CHAD, ,DBUS GTZANG MDO KHAMS RGYA YUL GYI, ,MCHOD GNAS DAM PA TSOGS GSOG RTEN, ,MNGA' RIS BOD KHAMS KUN GYI SKYABS, ,PHYOGS BCUR SDE DGON RGYAS PA 'BYUNG, ,ZHES LUNG BSTAN PA LTAR 'BROG RI BO CHER DGON GNAS 'DEBS PAR DGONGS NAS SMON LAM GROL 'PHRAL 'BROG RI BO CHER ZHABS KYIS BCAGS NAS SA GZHI BYIN GYIS BRLABS, SRAS KYI THU BO RNAMS LA 'DI LTAR BGYIS KYI BKA' LUNG STZAL, DE NAS DPYID SNGON MA SE RA CHOS SDINGS SU BZHUGS, SDE SNOD 'DZIN PA DRUG BRGYA TZAM LA DBU MA RTZA SHE, TSUL KHRIMS LE'U, SGRUBS THABS KUN BZANG, LAM RIM LA SOGS PA MDO SNGAGS KYI CHOS MANG DU GSUNGS, DE NAS SPYAN SNGA RIN PO CHE BSOD NAMS BZANG PO BAS GSOL BA NAN CHER BTAB PA LA BRTEN NAS, DPYID RTING MA RJE RIN PO CHE DPON SLOB NYIS BRGYA TZAM GYIS ZANGS RI'I PHU MCHIN DU BYON, SPYAN SNGA RIN PO CHE BSOD NAMS BZANG PO DANG, MKHAN CHEN RGYAL BZANG BAS GTZO MDZAD THEL PA'I RI DGE MANG PO DANG, GZHAN YANG SDE SNOD 'DZIN PA MANG DU 'DUS PA RNAMS LA LAM RIM LA SOGS PA'I CHOS MANG DU GSUNGS, SRAS KYIS THU BO RJE DAR MA RIN CHEN PA DANG, 'DUL 'DZIN GRAGS PA RGYAL MTSAN GNYIS KYIS THOG MA MDZAD PA'I DGE 'DUN PHAL CHE BAS 'BROG RI BO CHER BYON TE DGE LDAN RNAM PAR RGYAL BA'I GLING BTAB, PHYOGS KYI YON BDAG DANG, NYE SKOR GYI BAN SKYA'I SDE THAMS CAD KYIS DAD BSLANGS TSAD MED PA DGA'

, ,SPRO DANG BCAS PAS BSGRUBS PAS DE KHA'I LO LA GZIM KHANG GIS THOG DRANGS BRANG KHANG RDZOGS PAR GRUB PA BDUN CU LHAG TZAM DANG, GZHI BTING BA BRGYA PHRAG BRGAL BA BYUNG, BRANG KHANG SO SO PHAL CHE BA LA'ANG 'DUL BA NAS JI LTAR GSUNGS PA BZHIN DU, DANG POR GZHI BRTAG PA DANG, BRTAGS NAS DGE 'DUN LA GSOL BA DANG, DE NAS DGE 'DUN GYIS GNANG BA SBYIN PA DANG, LAG GI BLA BSKO BA DANG, RDO BTEG PA'I MTHA' LAS BYUNG PA'I RUNG KHANG GCOD PA DANG, KHANG PA'I TSAD LAS MA LHAG PAR RTZIG PA SOGS KYI PHYAG LEN DAG TER CAN MDZAD PAS, MKHAR LAS KYI PHYAG LEN TZAM GYIS KYANG BSTAN PA RIN PO CHE GSAL BAR MDZAD DO, ,RJE NYID KYIS LO DE'I DBYAR GNAS 'OL KHA BAS GDAN DRANGS NAS 'OL KHA BSAM GTAN GLING DU MDZAD DE RJE RIN PO CHES SKU MTSAMS DAM PO BCAD NAS BLA MA DANG YI DAM THA MI DAD DU DMIGS PA LA GSOL BA SHUGS DRAG PO 'DEBS PAR MDZAD CING ,DPAL GSANG BA 'DUS PA'I RDZOGS RIM RIM PA LNGA'I NGO SPRONG CHEN MO RIM PA LNGA GSAL BA'I SGRON ME RTZOM PA'I THUGS 'DUN BTANG, ZIN BRIS 'DEBS PA MDZAD PA'I SKABS SU ,MNAL LAM GYI LTAS NGO MTSAR BA BYUNG BA DAG MNYEL BAR GYUR NA MI RUNG SAM DU DGONGS NAS, BRNGA'I TSIG GIS RNAM PAR BCINGS BA'I TSIGS SU BCAD PA YI GER MDZAD DE, KUN GYI MIG LAM DU 'GYUR BA'I GNAS JI LTA BAR BZHAG PAR MDZAD DO, ,DE NI BKA' 'BUM THOR BUR GSAL BA LTAR DANG,

BRDA CHIG DE DAG GI DON MKHAS GRUB THAMS CAD MKHYEN PAS ZHIB TU BKRAL BA LTAR RO, ,DE NAS GNAS DER MDO SNGAGS KYI CHOS MANG DU GSUNGS, STAG LO ZLA BA GNYIS PA'I TSES LNGA LA RI BO DGE LDAN RNAM PAR RGYAL BA'I GLING DU PHYAGS PHEBS; LAM RIM GSANG 'DUS SGRON GSAL RIM LNGA DANG BCAS PA GSUNGS SHING, MNGON PA KUN LAS BTUS DANG SA SDE LA SOGS PA'I 'GANGS KYI RNAM GZHAG DANG, TSAD MA'I DKA' GNAS KYANG MANG DU GSUNGS, DPAL GSANG BA 'DUS PA'I BSHAD RGYUD LHA MO BZHI ZHUS DANG YE SHES RDO RJE KUN LAS BTUS GNYIS KYI RNAM BSHAD RGYAS PA'I RTZOM PA'ANG MDZAD, DE'I PHYI LO DPAL GSANG BA 'DUS PA'I RDZOGS RIM RIM PA LNGA RAB TU GSAL BA'I SGRON MA ZHES BYA BA'I LEGS PAR BSHAD PA'I GTER CHEN PO DE NYID DANG, RIM LNGA GDAN RDZOGS KYI KHRID YIG DANG BCAS PA'ANG MDZAD NAS THEG PA CHEN PO'I CHOS KYI 'BYOR PA DPAG TU MED PA STZOL BAR MDZAD DO, ,DE NAS DGUNG LO LNGA BCU NGA BDUN PA'I THOG TU RGYAL BA'I BSTAN PA CHES CHER RGYAS PA BDUD SDIG TO CAN GYIS MA BZOD NAS BAR CHAD KYI MTSAN MA CI RIGS BYUNG BA BYAMS SNYING RJE BYANG CHUB KYI SEMS KYI MTHU DANG, 'OD GSAL BDE BA CHEN PO'I YE SHES KYI MTHUS BZLOG PAR MDZAD, DE YANG SNGON THUB PA'I DBANG POS BDUD BYE BA PHRAG DUNG PHYUR BYAMS PA'I DPUNG GIS BZLOG PAR MDZAD PA JI LTA BA DE BZHIN DU MDZAD DE LHA DANG BCAS PA'I 'GRO BA THAMS CAD KYI DBUGS PHYIN PA THOB PAR GYUR TO, ,DE NAS LO DE'I PHYI LO MI DBANG GRAGS

, ,PA RGYAL MTSAN PAS GSOL BA BTAB NAS 'ON BKRA SHIS RDO KHAR GDAN DRANGS, SDE SNOD 'DZIN PA BRGYA PHRAG DU MA LA DBU TSAD DANG LAM RIM LA SOGS PA'I CHOS MANG DU GSUNGS NAS PHYOGS DE'I SKYE BO MTHA' DAG TSIM PAR MDZAD DO, ,RJE RIN PO CHE'I SKU BKRA SHIS RDO KHA MAR GRAGS PA'I BYIN RLABS CAN 'DI RNAMS KYANG DE DUS BYUNG BA YIN NO, ,DE NAS DGA' LDAN RNAM PAR RGYAL BA'I GLING DU TSUR PHEBS, DE NAS BRTZAMS TE RIM PA BZHIN DU DBAL 'KHOR LO BDE MCHOG L'U AI BA'I t'IKKA CHEN MO DANG, RDZOGS RIM RNAL 'BYOR BZHI LDAN GYI KHRID YIG CHE CHUNG, BDE MCHOG GI SGRUB THABS, DPAL GSANG BA 'DUS PA'I RTZA RGYUD DANG 'GREL PA SGRON GSAL GYI ZHUS DAG DAG TER CAN MDZAD NAS ,TSIG DON SHIN TU ZHIB PAR 'CHAD PA'I MCHAN BU DANG, LE'U SO SO DANG SPYI'I DKA' BA'I GNAS RNAM PAR GTAN LA 'BEBS PA'I MTHA' GCOD DANG, DON TSAN SO SO'I DMIGS 'BYED PA'I BSDUS DON DANG BCAS PA MDZAD CING, RGYUD SDE BZHI DANG 'BREL BA'I BSHAD BA MTHA' DAG PA RGYUN MA CHAD PAR GSUNGS PAS RGYAL BA'I BSTAN BA RIN PO CHE'I SNYING PO MTHA' DAG NYAMS NAS MING TZAM YANG MED PAR GYUR PA GZHI NAS BSLANGS TE LEGS PAR GSAL BAR GDZAD PAS GANGS CAN PA RNAMS LA RGYAL BA BAS KYANG BKA' DRIN CHE BAR GYUR PA YIN NO, ,DE NAS LUG LO'I DBYAR NAS 'GO BRTZAMS SNGAGS KYI BSGRUB MCHOD KHANG PA ZHIG GSAR DU BSGRUB PA'I ZHAL BKOD

MDZAD DE GTZUG LAG KHANG KHYAMS GTZANG KHANG DANG BCAS PA LA KA BA BDUN CU RTZA GNYIS KYIS LA, DBUS KYI GTZANG KHANG DU STON BA'I SKU JO BO RIN PO CHE'I SKU TSAD LAS CUNG ZHIG GIS CHE BA DANG, STENG GI GTZANG KHANG DU, DPAL GSANG BA 'DUS PA LHA SUM CU RTZA GNYIS, DPAL 'KHOR LO BDE MCHOG L'U AI PA LHA DRUG CU RTZA GNYIS, DPAL RDO RJE DBYINGS KYI DKYIL 'KHOR CHEN PO RNAMS KYI RTEN DANG BRTEN PAR BCAS PA'I GZHAL YAS KHANG BLOS BSLANGS RNAMS RGYU RIN PO CHE 'BA' ZHIG LAS BSGRUBS, DE YANG GZHAL YAS KHANG DANG LHA GZHAN RNAMS ZANGS LA GSER GSOL PA, GTZO BO RNAMS DANG ,PHYOGS KYI DE BZHIN GSHEGS BA DANG SNYING PO'I RNAL 'BYOR MA RNAMS DNGUL BZANG PO 'BA' ZHIG LAS BZHENGS PA'I GTZO BO YUM DANG BCAS PA RNAMS RE RE LA'ANG DNGUL BRE CHEN GNYIS LHAG RE DANG RDOR DBYINGS KYI GTZO BO LA DNGUL BRE CHEN GNYIS MA LONGS TZAM DANG, 'KHOR GYI LHA BCU GNYIS LA RE RE LA'ANG DNGUL BRE CHEN PHYED DANG GNYIS RE CUNG MA LONGS TZAM DANG BCAS PA DANG; DE DAG LA RIN PO CHE DANG, G-YU RNYING BZANG PO DPAG TU MED BA'I PHRA BSAM GYIS MI KHYAB BA DANG, GZHAN YANG RJE BTZUN 'JAM PA'I DBYANGS, RGYAL PA TSE DPAG MED, RJE BTZUN BYAMS MGON, BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA RNAMS KYI GSER SKU MDA' TSAD RE DANG, BCOM LDAN 'DAS MA GTZUG TOR RNAM PAR RGYAL MA DANG, GTZUG TOR GDUGS DKAR GNYIS KYI GSER SKU KHRU TSAD RE DANG, GOS DAR BZANG PO MTHA' YAS

, ,PA BRDUNGS PA'I DAR 'DAM 'BA' ZHIG LAS BSGRUBS PA'I BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA'I SKU LA RGYAB MTHO BCU BDUN YOD PA RNAMS BZHENGS SHING, DE DAG THAMS CAD KYANG LHA BZO'I BZO THIG DANG PHYAG TSAD PHAL PA MA YIN PAR, SH'A RI'I BU DANG TSANGS PA AE dA'I BU LA SOGS BAS ZHUS PA'I PHYAG TSAD KYI YI GE'ANG MANG DU YOD MOD KYI GTZO BOR, DBAL 'KHOR LO BDE MCHOG SDOM PA 'BYUNG BA'I RGYUD KYI LE'U GCIG GIS LHA'I PHYAG TSAD ZHIB PAR STON CING, DE'I RGYA CHER 'GREL RATAN RAKshI TAS KHYAD PAR ZHIB TU GTAN LA PHAB PA DANG ,DPAL GSHIN RJE GSHED DMAR PO DANG NAG PO'I RGYUD GNYIS KYI LE'U RE RES LHA'I PHYAG TSAD STON PA RNAMS GUNG LEGS PAR BSGRIGS PA'I THIG KHOG NAS DRANGS TE, LHA RNAMS RGYAL BAS GSUNGS PA'I PHYAG TSAD DANG LDAN PAR BZHENGS SHING, DE DAG RNAMS LA'ANG RGYU'I BYIN RLABS SOGS TSUL BZHIN DU MDZAD PAS GEGS MED CING KHYAD PAR CAN GRUB STE, LUGS BTANG BA LA 'DI 'DRA BA'I LUGS 'DREN BDE BA DANG MTSAR BA SNGAR 'ONG MA MYONG ZHES LHA BZO BA DAG ZER LA, THAMS CAD KYANG BLTAS PA TZAM GYIS YID 'PHROG PAR BYED PA'I MIG GI BDUD RTZI 'BA' ZHIG NYE BAR BYON NO, ,DE DAG LAS KYANG, KHYAD PAR DU GZHAL YAS KHANG GSUM BZHENGS BA'I LUGS SNGA MA BTANG BA'I LUGS PHUD LA, DPA' BO KHAndA KA P'A LA 'JA' TSON MA BYON TE, DE YANG RGYU ZANGS YIN YANG LUGS KONG NAS

BYON MA KHAD LA ZANGS KYI KHA DOG YUNGS 'BRU'I RJES TZAM YANG MI MNGON PAR SKU THAMS CAD 'OD ZER LNGA'I GONG BUR GYUR PA'I SNGON PO RNAMS NI RGYA MTHING BZANG PO'I MDANGS KYIS BSGRUN DU MED LA, DMAR PO DAG NI DA CHU BTUL MA BZANG PO'I KHA DOG LAS BDUN 'GYUR GYI LHAG CING, DMAR SER DAG NI LI KHRI'I MDANGS MOG MOG POR BYED LA, SER PO DAG NI GSER BZANG PO'I RGYAN GYI MDANGS KYANG RA GAN LTAR BYED PA, GZHAN YANG DKAR PO DANG, LJANG GU DANG; BTZOD KYI KHA DOG SOGS DU MA SPEL BA NAM MKHA'I 'JA' TSON SKU LA 'KHYUD PA'I RNAM PA LTA BU MIG GIS BZOD PAR DKA' BA'I 'OD ZER GYI PHUNG PO CHEN PO ZHIG BYON TE, BRAD BRDAR SOGS CUNG ZAD KYANG MA BYAS KYANG SHIN TU 'JAM ZHING GTZANG BA SHIN TU NGO MTSAR BAR GYUR NAS, 'DI LTA BU CI ZHIG CES GZIGS PHUL ZHING, DAG BYED KYI RDZAS DU MAS SHIN TU DAG PAR BYI DOR BYAS KYANG SNGAR LAS KYANG 'OD ZER RNAMS CHES CHER KHA DOG GSAL BAR GYUR NAS ,LUGS KHA BCAD PA'I MTSAMS LA BLTAS PAS ZANGS KYI KHA DOG THAMS CAD KYANG DE 'DRA BA 'BA' ZHIG TU GNAS 'GYUR NAS BCAD MTSAMS 'OD ZER SNA LNGAR KHRIG GE SNANG NGO, ,RJE'I ZHAL NAS RTEN 'DI LA RGYAN DANG NA BZA' KHYAD PAR CAN PHUL LA GSOL BA THOB BRAD BRDAR MA BYED CES GSUNG NGO, ,DE LTAR RTEN DE RNAMS DANG GTZUG LAG KHANG DANG BCAS PA RAGS RIM ZHIG LO DE KHA'I KHONGS SU GRUB, NYE SKOR GYI DGE 'DUN GYI SDE RNAMS DANG, PHYUGS LHAS KYI GRONG

, ,BA SKYE BO'I TSOGS DANG BCAS PA THAMS CAD BSAGS TE RAB STON BZANG PO RMAD DU BYUNG BA MDZAD CING ,RGYUD SDE NAS GSUNGS PA'I CHO GA RNAM PAR DAG PAS RAB TU GNAS PA PHUN SUM TSOGS PA RGYAS PAR MDZAD DE, DE PHYIN CHAD DBU RU STOD SMAD KYI PHYOGS KUN TU LO LEGS PA DANG, CHAR CHU DUS SU 'BAB PA DANG, BSHAD SGRUB RGYAS PA LA SOGS PA'I KHYAD PAR SNGAR LAS PHUL DU BYUNG BA'I NGO MTSAR DANG LDAN PAR GYUR TO; ;KHYI LO LA SDE SNOD 'DZIN PA BRGYA PHRAG DU MA PHYOGS MTHA' DAG NAS BYON PA DANG, GNYUG MAR GNAS PA'I DGE 'DUN DANG BCAS PA LA DGE LDAN NYID DU CHOS KYI 'KHOR LO RGYUN MA CHAD PAR BSKOR ZHING, DPAL GSANG BA 'DUS PA'I 'GREL PA SGRON GSAL MCHAN DANG BCAS PA DANG, BSHAD RGYUD 'GA' ZHIG DANG, RIM LNGA'I KHRID RGYAS PA DANG, SBYOR BA YAN LAG DRUG PA'I KHRID RGYAS PA DANG, DUS KYI 'KHOR LO'I 'GREL CHEN DRI MA MED PA'I 'OD KYI BSHAD PA CHES ZHIB PA DANG, GZHAN YANG DBU TSAD, BDE MCHOG, LAM RIM LA SOGS PA'I CHOS ZAB CING RGYA CHE BA DPAG TU MED PA GSUNGS, DE'I DBYAR DANG STON LA GTZUG LAG KHANG GI KHYAMS LA LOGS BRIS KYANG GRUB BAR MDZAD, DBU MA LA 'JUG PA'I RNAM BSHAD CHEN MO MDZAD PA'ANG LEGS PAR RDZOGS PAR MDZAD DO, ,LO DE'I GZHUG NAS THUGS KYI DGONGS PA DANG STA GON MDZAD NAS, DPAL GSANG BA 'DUS PA'I RTZA RGYUD 'GREL

PA SGRON GSAL DANG BCAS PA PAR DU BRKO BA'I SBYOR BA NYE BAR BRTZAMS PAS 'BAD RTZOL MED PAR PHAG LO'I NANG DU LEGS PAR MTHAR PHYIN PAR MDZAD LA PHAG LO LA SDE SNOD 'DZIN BA MTHA' YAS PA LA DPYID DANG DBYAR GYI RING LA DPAL 'KHOR LO BDE MCHOG GI RTZA BA'I RGYUD LA SOGS PA'I CHOS DPAG TU MED PA GSUNGS SHING, BDE MCHOG RTZA RGYUD KYI t'IKKA RMAD DU BYUNG BA'I RTZOM PA'ANG RDZOGS PAR MDZAD DO, ,RJE THAMS CAD MKHYEN PA CHEN PO'I MDZAD PA'I GTZO BO NI GDUL BYA RNAMS LA CHOS BSTAN NAS SMIN CING GROL BAR MDZAD PA 'DI YIN LA, MDZAD PA DE NI PHYOGS BCU'I RGYAL BA SRAS BCAS THAMS CAD KYI YANG MDZAD PA'I GTZO BO YIN TE, MDZAD PA KUN LAS GSUNG GI NI, ,MDZAD PA MCHOG YIN DE YANG NI; ;'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR RO, ,DES NA GANGS RI'I KHROD 'DIR RJE THAMS CAD MKHYEN PA DANG MDZAD PA MTSUNGS PA SU YANG MA BYON TE, SNGON RGYA GAR 'PHAGS PA'I YUL DU RGYAL BA MYA NGAN LAS 'DAS NAS RGYAL BA'I BSTAN PA 'DZIN CING SPEL BA LA 'PHAGS PA KLU SGRUB DANG MCHUNGS PA SU YANG MA BYUNG BAS 'PHAGS PA KLU SGRUB NI RGYAL BA'I BSTAN PA LA RGYAL BA NYID LTAR BKA' DRIN MTSUNGS PA MED PA'O ZHES 'PHAGS YUL GYI MKHAS GRUB THAMS CAD MTHUN PAR GLENG LA, DE BZHIN DU BOD YUL GANGS CAN GYI LJONGS 'DIR YANG RGYAL BA'I BSTAN PA 'DZIN CING SPEL BA'I SEMS DPA' CHEN PO BGRANG BA LAS 'DAS PA BYON MOD KYANG,

, ,RGYAL BAS GSUNGS PA'I MDO SNGAGS KYI BSTAN PA YONGS SU RDZOGS PA 'DZIN CING SPEL BA LA RJE THAMS CAD MKHYEN PA 'DI DANG MTSUNGS PA SU YANG MA BYUNG BAS GANGS RI'I KHROD 'DIR RGYAL BSTAN SPEL BA LA RGYAL BA RANG NYID SLAR BYON PA LTAR RNAM PA KUN NAS MTSUNGS PA MED CING BKA' DRIN ZLA MED PAR GYUR TO, ,DE YANG BDAG CAG GIS RJE BDAG NYID CHEN PO LA DE LTAR BSNGAGS BA DE RANG NYID RJES 'JUG YIN PA GYU MTSAN DU BYAS TE MI BDEN BZHIN DU 'DU SHES BSGYUR NAS BRJOD BA MA YIN GYI, DON LA GNAS PA'I RANG BZHIN BRJOD BA STE, THUB BSTAN PADMO'I TSAL LA 'JIG RTEN 'DIR, ,KHYOD NI RGYAL BA'I NYI MA JI BZHIN ZHES, ,MI PHAM MGON POS KHYOD LA MNGON SUM DU; ;DBUGS DBYUNG MCHOG TU BSNGAGS LA GSOL BA 'DEBS, ,ZHES GSUNGS PA LTAR RJE RIN PO CHE TZA RI NAS BYON TE MO LA'I LA RTZAR PHEBS PA'I TSE RJE BTZUN BYAMS PA MGON PO DNGOS SU BYON TE, PHYAG G-YAS BA RJE'I DBU THOG TU BZHAG NAS RIGS KYI BU KHYOD NI RGYAL BA'I BSTAN PA LA RGYAL BA RANG NYID SLAR BYON PA LTA BUR 'GYUR BA SHES PAR GYIS SHIG CES LUNG BSTAN PA DANG DBUGS DBYUNG BA MDZAD PA LTAR RO, ,DE LA'ANG 'DI SNYAM DU MDO LAS, DGE SLONG DAG GAM MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ,ZHES DANG, ,TSAD MA

RNAM 'GREL LAS, BRJOD PAR 'DOD PA'I GZHAN DBANG PHYIR, ,SGRA RNAMS GANG NA'ANG MED MA YIN, ,DE YOD BAS NI DON GRUB NA, ,THAMS CAD KYIS NI THAMS CAD GRUB, ,CES GSUNGS PA LTAR, 'DI 'DI'O ZHES BRJOD BA'I TSIG TZAM DANG LUNG TZAM GYIS MCHOG TU SGRUB PAR MI NUS TE, GZHAN DU NA BLA MA GZHAN DAG THAMS CAD LA'ANG 'DI 'BA' ZHIG ZLA MED BA'O ZHES BRJOD PAS CHOG GO SNYAM NA, DE NI BDEN TE, GSANGS RI'I KHROD 'DIR RGYAL BSTAN 'DZIN CING SPEL BA LA RJE THAMS CAD MKHYEN PA NYID MTSUNGS ZLA MED PA'O ZHES BRJOD PA NI LUNG TZAM LA SKYABS BCOL NAS BRJOD BA MIN GYI, TSUL 'DI NI DRI MA MED PA'I RIGS PAS LEGS PAR GRUB PA YIN NO; ;JI LTAR ZHE NA TSUL 'DI LA 'BRAS BU'I RTAGS DANG, SNANG RUNG MA DMIGS PA'I RTAGS DANG, YID CHES KYI RTAGS YANG DAG GSUM GYI SGO NAS NGES SHES BSKYED PAR BYAR YOD DE, 'BRAS BU'i RTAGS LAS SHES TSUL NI, RJE BTZUN BYAMS PAS, GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,ZHES GSUNG PA LTAR GDUL BYA RNAMS LA MTHO RIS DANG THAR PA DANG, THAMS CAD MKHYEN PAR BGROD PA'I LAM TSANG LA MA NOR BA, SANGS RGYAS DNGOS SU BYON YANG DE PHAN DU GSUNG DU MED BA BYANG CHUB LAM RIM CHE CHUNG DANG, RDO RJE 'CHANG CHEN PO'I LAM GYI RIM BA DANG, RIM LNGA GSAL BA'I

, ,SGRON ME SOGS MDO SNGAGS KYI GSUNG RAB DGONGS 'GREL DANG BCAS PA'I DON GYI SNYING PO MTHA' DAG DRI MA MED PA'I RIGS PA'I LAM NAS DRANGS TE NGES PA GTING TSUGS PAR BSKYED PA'I BSTAN BCOS CHEN PO 'DI DAG LAS DPAG PAR NUS SO, ,DE YANG TSAD MA RNAM 'GREL LAS, BLANG DANG DOR BYA'I DE NYID NI, ,THABS DANG BCAS PA RIGS MDZAD PA, ,GANG DE TSAD MA NYID 'DOD KYI, ,THAMS CAD RIG MDZAD MA YIN NO, ,RING PO MTHONG NGAM MIN YANG RUNG, ,'DOD PA'I DE NYID MTHONG BA YIN, ,ZHES GSAL BAR GSUNGS PA LTAR RO, ,SNANG RUNG MA DMIGS PA'I RTAGS KYIS BSGRUB PA NI, ,RGYAL BA'I MDO SNGAGS KYI BSTAN PA SPEL BAL PHYOGS 'DIR RJE THAMS CAD MKHYEN PA DANG MTSUNGS PA GZHAN MA BYUNG STE, RJE BLA MA 'DI DANG MTSUNGS PA GZHAN ZHIG YOD NA 'DI'O ZHES BSTAN RGYU DGOS PA LA MI SNANG BA'I PHYIR RO, ,DE YANG SNGON DUS 'PHAGS MCHOG THUGS RJE CHEN PO MI RJE'I RNAM PAR BYON PA CHOS RGYAL SONG BTZAN SGAM PO SOGS SPRUL PA'I CHOS RGYAL MES DPON RNAM GSUM DANG, SAD MI MI BDUN SOGS BSTAN PA SNGA DAR LA BYON PA DE RNAMS DANG, BSTAN PA PHYI DAR LA LHO BRAG MAR PA LO TZ'A DANG; 'BROG MI LO TZ'A BA DANG, RJE 'GOS DANG, RVA LO CHEN PO SOGS LO TZ'A BA BKA' DRIN CAN MANG PO DANG, RNAL 'BYOR GYI DBANG PHYUG MI LA RAS PA SOGS GRUB PA'I GO 'PHANG MTHON POR BYON PA'I SKYES BU DAM PA MANG DU BYON MOD

KYANG RGYAL BAS GSUNGS PA'I MDO SNGAGS KYI BSTAN BA YONGS RDZOGS SPEL BA LA RJE BLA MA 'DI DANG MTSUNGS PA SU YANG MED DE, SNGON BYON PA DE DAG LAS 'GA' ZHIG GIS SNGAGS PHYOGS MANG DU SPEL YANG BSTAN PA'I RTZA BA 'DUL BA SPEL NUS PA MA BYUNG, SNGAGS LA'ANG RGYUD SDE BZHI GA'I 'JUG SGO DBANG DANG DAM TSIG ,SO SO'I LAM BGROD TSUL SOGS RDO RJE 'CHANG GI DGONGS PA JI BZHIN DU MTHA' DAG BAR 'DZIN CING SPEL NUS PA DKON PAR BYUNG NGO, ,'GA' ZHIG GIS 'DUL KHRIMS GTZO BOR BYAS TE CUNG ZAD RE SPEL NUS PA BYUNG YANG THEG PA CHEN PO SPYI DANG KHYAD PAR GSANG SNGAGS SPEL NUS BA MA BYUNG, 'GA' ZHIG LA RANG RANG GI THUGS RGYUD LA SA LAM GYI RTOGS PA KHYAD PAR CAN 'KHRUNGS KYANG GDUL BYA 'KHRID PA'I TSE YI DAM RE'I SGOM BZLAS LA GTZO BOR 'KHRID PA DANG ,SNGAGS KYI BSKYED RDZOGS GANG RUNG RE GTZO BOR STON PA LAS BSTAN PA YONGS RDZOGS SPEL NUS PA MA BYUNG LA ,RJE THAMS CAD MKHYEN PA 'DIS NI RGYAL BA'I BSTAN PA'I NANG MDZOD 'DUL BA SPEL BA LA RGYAL BA RANG NYID SLAR BYON PA LTA BUR MDZAD DE, 'DUL BA LUNG SDE BZHI NAS GSUNGS PA'I DGAG SGRUB GNANG GSUM GYI BCAS MTSAMS PHRA RAGS MTHA' DAG GDUL BYA LA NGO SPRAD DE BCAS PA SO SO'I DGAG BYA NYON MONGS DANG NYES SPYOD GANG GI GNYEN POR GSUNGS PA DANG, DGOS PA BCAS BA DE DANG DE DAG BSRUNGS PA LAS SEMS RGYUD LA RTOGS PA GANG DANG GANG ZHIG SKYE BA DANG, JI LTAR BSRUNG TSUL LUNG GANG GI THAD NAS

, ,GSUNGS PA DANG, GLENG GZHI GANG LA BRTEN NAS BCAS PA DE MDZAD PA SOGS MTHA' DAG PAR NGO 'PHROD PA DANG, DE YANG SHES PA TZAM LA MA BZHAG PAR CHAB LEN LHAM 'BUD, NUB LHAG GCOD PA, RUNG CHU GDAB BA YAN CHAD BCAS MTSAMS MTHA' DA LAG LEN LA SBYAR ZHING YUL DUS KYI DBANG GIS BCAS 'GAL GYI NYES PA BYUNG NA DE MA THAG BSHAGS PA DANG, BSNGAM PA DANG, BYIN GYIS BRLAB PA RNAMS 'DUL BA NAS GSUNGS PA LTAR BYAS TE SDIG LTUNG DANG ZHAG TU MI 'GROGS PA'I TSUL KHRIMS RNAM PAR DAG PA LA SBYAR TE NUB JE LAN DHA RA NAS SHAR PHYOGS RGYA MCHO CHEN PO LA THUG GI BAR 'DUL BA'I BCAS MTSAMS RNAM PAR DAG PA BSRUNG BA'I DGE 'DUN GYI SDES KHYAB PA DA LHA'I BAR DU MA NYAMS PAR THAMS CAD KYI MIG LA SNANG BA 'DI YIN LA, 'DI LTA BU'I SANGS RGYAS KYI MDZAD PA BYED PA PO BYANG PHYOGS 'DIR SU YANG MA BYUNG NGO, ,DE BZHIN DU BYANG CHUB SEMS DPA'I BSLAB PA'I GNAS LA'ANG DANG POR SMON SEMS DANG 'JUG SDOM LEN LUGS, BLANGS NAS SMON BA'I BSLAB BYA THUN MONG DANG THUN MONG MA YIN PA RNAMS DANG, 'JUG SDOM GYI BSLAB BYAR RTZA LTUNG DANG NYES BYAS BSRUNG TSUL, 'JUG SDOM GYI SGRUB PA'I BSLAB BYA TSUL KHRIMS RNAM PA GSUM MAM PHYIN DRUG DANG BSDU BZHI LA SLOB TSUL, DE DAG THAMS CAD THEG CHEN GYI MDO GANG DANG GANG NAS GSUNGS TSUL, MDO'I DGONGS PA SHING RTA CHEN BOS BKRAL TSUL, SHING RTA CHEN

PO'I LAM SROL 'DZIN PA'I BLA MA GONG MA GCIG NAS GCIG TU BRGYUD PA'I PHYAG LEN LA SRUNG THABS JI LTAR YOD TSUL, DE DAG LAS 'DAS NA BSHAGS PA JI LTAR BYED TSUL, ,DE DAG THAMS CAD PHYAG LEN LA 'DEBS TSUL RNAMS MTHA' DAG PAR THUGS SRAS SEMS DPA' CHEN PO RNAMS LA KHRID CING PHYI RABS KYI GDUL BYA RNAMS KYI DON DU TSUL KHRIMS LE'U'I RNAM BSHAD BYANG CHUB GZHUNG LAM SOGS SU MTHA' DAG PAR GTAN LA 'BEBS PAR MDZAD DE, 'DI LTA BU DANG MTSUNGS PA GANG RI'I KHROD 'DIR SNGON MA BYUNG BA KUN LA GSAL BSTAR RO, ,THEG PA THUN MONG BA'I LAM GYI GNAD THAMS CAD NYAMS LEN GYI RIM PAR BSDUS TE RGYAL BA'I GSUNG RAB DGONGS 'GREL DANG BCAS PA LAS YI GE NA GCIG KYANG DOR DU MED PAR GANG ZAG GCIG LAS DANG PO PA'I SA NAS SANGS RGYAS KYI SA'I BAR DU RIM GYIS 'KHRID PA'I NYAMS LEN DU SBYAR TE GTAN LA 'BEBS PA BYANG CHUB LAM RIM CHE CHUNG DANG, DE YANG SHER PHYIN GYI MDO SDE RIN PO CHE'I DON RJE BTZUN BYAMS PAS GSUNGS PA'I MAN NGAG GI BSTAN BCOS MNGON PAR RTOGS PA'I RGYAN DANG SBYAR TE MTHA' DAG PAR GTAN LA 'BEBS PA'I BSTAN BCOS LEGS BSHAD GSER GYI PHRENG BA DANG, 'PHAGS PA KLU SGRUB KYI DGONGS PA LTAR ZAB MO DBU MA'I LTA PA MTHA' DAG PAR GTAN LA 'BEBS PA RTZA SHE'I RNAM BSHAD CHEN MO RIGS PA'I RGYA MTSO DANG, DBU MA LA 'JUG PA'I RNAM BSHAD DGONGS PA RAB GSAL DANG, DRANG BA DANG NGES PA'I DON RNAM PAR 'BYED PA

, ,LEGS BSHAD SNYING PO CHE BA DANG, RGYAL BA'I DGONGS PA 'PHAGS PA KLU SGRUB KYIS BKRAL BA'I NGES DON MTHAR THUG RTEN 'BREL ZAB MO'I TSUL CHES GSAL BAR STON PA LEGS BSHAD SNYING PO CHUNG BA SOGS SNGON MED PA'I BSTAN BCOS CHEN PO 'DI DAG MDZAD CING, BSTAN BCOS CHEN PO DE DAG GI BSHAD RGYUN YANG DA LTA'I BAR DU MA NYAMS PAR BZHUGS PAS 'DI LTA BU'I SANGS RGYAS KYI 'PHRIN LAS LA 'GRAN BZOD PA SU YANG MED DO, ,TSUL 'DI DAG LA GZU BO'I BLOS DPYAD NA DE DE BZHIN NO ZHES THAL MO SBYOR PA LAS 'OS MED DE, SNGON DUS GANGS RI'I KHROD 'DIR RIG GNAS MTHA' DAG LA MKHAS PA'I DBANG POR GRAGS PA STAG TSANG LO TZ'A BAS KYANG THOG MAR KHONG RANG RJE'I RJES 'JUG MIN GSHIS BRAG CA'I SGRA BZHIN GZHAN ZER GYI RJES SU 'BRANGS TE RJE'I GSUNG LA DGAG PA CI RIGS MDZAD KYANG RJES SU LEGS BSHAD GSER PHRING SOGS RJE'I GSUNG RNAMS LA BLTAS TE LEGS PAR BRTAGS PA NA SNGAR BYAS LA GNONG ZHING 'GYOD PA DANG, RJE RIN PO CHE'I BSTAN PA LA YID CHES KYI DAD PA GTING TSUGS PA SKYES TE BSHAGS PA DANG SMON LAM GYI TSIG ,BLO CHEN RGYAL BA RNAMS KYI SPYAN SNGA RU, ,BZANG PO'I SMON LAM RLABS CHEN GRUB PA'I MTHUS, ,GRAGS PA'I SGRA CHEN THUB BSTAN 'GRO BA'I DPAL, ,BLO BZANG GRAGS PA'I DPAL LA GUS PHYAG 'TSAL, ,ZHES SOGS BSHAGS PA DANG SMON LAM MANG DU MDZAD CING, DE'I RGYU MTSAN

YANG; KHYOD BLO'I NYI MA GZHON NU'I DUS KYI TSE, ,MDO DANG RGYAN GYI PAD TSAL RGYAS MTHONG NAS, ,BDAG BLO KHENGS PA'I KU MUD LHAG PAR ZUM, ,ZAB YANGS MKHYEN PA'I GTER LA GSOL BA 'DEBS, ,ZHES SOGS RJE'I GSUNG RAB RNAMS LA GZU BO'I BLOS DPYAD NAS YID CHES SKYES PA YIN TSUL GSAL BAR GSUNGS 'DUG PA DANG, DE BZHIN DU KARMA PA MI BSKYOD RDO RJES KYANG PHAR PHYIN GYI t'IKKA SOGS YIG CHA 'GA' ZHIG TU GZHAN GYI 'DOD NGO DANG BSTUN NAS RJE RIN PO CHES 'PHAGS PA KLU SGRUB KYI DGONGS PA THUN MONG MIN PA JI BZHIN BKRAL BA'I LTA BA'I GNAD RNAMS LA DGAG PA CUNG ZAD MJED KYANG, RJES SU KHONG RANG GIS MDZAD PA'I PHAR PHYIN GYI t'IKKA DE RGYAL BA DGE 'DUN RGYA MTSO LA PHUL NAS SE 'BRAS KYI CHOS RJE RNAMS KYIS 'DI LA GZIGS NAS 'THAD MI 'THAD KYI DPYAD PA MDZOD GSUNGS PA NA, SE RA RJE BTZUN PAS DPAL MGON 'PHAGS PA KLU SGRUB KYI DGONGS PA RJE RIN PO CHES BKRAL BA DANG MI MTHUN PA RNAMS DRI MA MED PA'I RIGS PAS SUN DBYUNG STE MTHA' CHOD PAR MDZAD PA KAR LAN KLU SGRUB DGONGS RGYAN MDZAD NAS, KARMA PA MI BSKYOD RDO RJE LA PHUL BA NA, RJE KARMA PA SHIN TU MNYES NAS, SE RA RJE BTZUN PA LA ZHU YIG GNANG BAR YANG, DENG SANG GI SKYE BO BLO CHUNG 'GA' ZHIG RANG RANG GI LUGS LA RMONGS ZHEN GYIS 'DI KHO NA BDEN GYI GZHAN NI GTI MUG GO ZHES BRJOD PA DAG GI 'DOD PA DANG BSTUN PA'I BRJOD TSUL TZAM LAS NGED RANG NI RJE'I GSUNG RAB

, ,RNAMS LA YID CHES KYI DAD PA GTING TSUGS BAR YOD CES GSUNGS 'DUG PA DANG, 'BRUG PA MI PHAM PADMA DKAR POS KYANG SKU TSE'I STOD LA PHYOGS SU LHUNG BA'I SKYE BO 'GA' ZHIG GI TSIG GI RJES SU ZHUGS TE RJE'I GSUNG LA SKYON BRJOD CI RIGS SHOR YANG RJES SU RJE'I GSUNG RAB RNAMS LA ZHIB TU GZIGS PA NA THUGS 'GYOD CHEN PO SKYES TE DGA' LDAN DU PHEBS NAS RJE RIN PO CHE'I SKU GDUNG LA MCHOD PA TSAD MED PA PHUL TE BSHAGS SHING SMON LAM 'DEBS PAR MDZAD PA DANG, RJE LA BSTOD PA MDZAD PA'I TSIGS BCAD LAS KYANG, CHOS KYI RGYAL PO CHEN PO SHAR TZONG KHA PA BLO BZANG GRAGS PA'I DBAL GYI ZHABS KYI PADMO DRI MA MED PA LA PHYAG 'TSAL LO, , DGE LEGS CHU GTER CHEN POS 'JIG RTEN LA, ,BLO BZANG NYIN MOR BYED PA KHYOD SBYIN TSUN, ,SA 'DI RMONGS PA'I MUN LAS RNAM RGYAL ZHES, ,GRAGS PA'I GZHIR GYUR DE LA PHYAG 'TSAL LO, ,GANG DANG RGYAL BA KUN GYI YON TAN NI, ,SRANG LA GZHAL BZHIN LCI YANG MA MCHIS BAS, ,LNGA BRGYA PA YI GTZUG RGYAN DU 'OS PA, ,THAMS CAD MKHYEN PA KHYOD LA PHYAG 'TSAL LO, ,SENG GE'I KHRI LA SENG GE'I SGRA BSGRAGS PAS, ,SMRA BA'I GLANG CHEN THAMS CAD DNGANGS GYUR PHYIR, , MTSUNGS BRAL KHYOD NI SENG GE'I NGA RO'I MTSAN, ,BSKAL BZANG SGRON MAR GYUR LA PHYAG 'TSAL LO, ,LHAG PA'I TSUL KHRIMS HA RI TZAN DAN BSUNG, ,KHYOD DRIN DRI BZHON GYIS 'DIR KHYONGS PAS SU, ,'KHOR BA'I TSA GDUNG MING TZAM LHAG GYUR

BAS; SLOB MAR BCAS BA BSNGAGS 'OS DER PHYAG 'TSAL, ,ZHES SOGS BSNGAGS PA'I TSIGS BCAD MANG DU 'BYUNG BA LTAR RO, ,SNGAGS KYI SKOR LA 'JUG SGO DBANG DANG DBANG DUS SU KHAS BLANGS PA'I DAM TSIG DANG SDOM PA DAG PAR BYED TSUL , DE NAS LAM BGROD TSUL RNAMS MTHA' DAG PAR 'DOMS BA LA RJE RIN PO CHE 'DI GANGS RI'I KHROD NA MTSUNGS ZLA MED PA ZHIG STE, DE YANG GSANG SNGAGS RGYUD SDE BZHI LA 'JUG SGO DBANG BSKUR TSUL MI 'DRA BA DANG, DE'I DUS SU THOB PA'I DAM TSIG DANG SDOM PA BSRUNG TSUL LA THUN MONG MA YIN BA'I KHYAD PAR YOD BA RNAMS DANG, DE NAS LAM BGROD TSUL LA RGYUD SDE 'OG MA LA MTSAN BCAS DANG MTSAN MED KYI RNAL 'BYOR, BLA MED LA RIM GNYIS KYI RNAL 'BYOR, DE LA 'ANG PHA RGYUD MA RGYUD GNYIS KYI THUN MONG MIN PA'I KHYAD PAR MI 'DRA BA MANG DU YOD PA RNAMS RJE RIN PO CHE 'DIS RGYAL BA RDO RJE 'CHANG SLAR YANG PHYOGS 'DIR DNGOS SU BYON PA JI LTA BAR RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR BYE BA ZHES BYA BA SNGON MED PA'I LEGS PAR BSHAD PA'I GTER CHEN PO 'DI MDZAD CING, BYE BRAG TU PHA RGYUD GSANG BA 'DUS PA'I LAM GYI GNAD RNAMS MTHA' DAG PAR GTAN LA 'BEBS PA LA RTZA RGYUD KYI 'GREL BA SGRON MA GSAL BA'I MTSAN 'GREL, DKA' GNAS MTHA' GCOD, BSDUS DON BCAS DANG, RIM LNGA'I NGO SPROD CHEN MO RIM LNGA GSAL BA'I SGRON ME SOGS SNGON MED PA'I LEGS BSHAD CHES MANG BA DANG, MA RGYUD BDE MCHOG L'U AI BA'I SGRUB THABS KYI RNAM BSHAD

, ,'DOD 'JO DANG, RDZOGS RIM GYI KHRID YIG CHE CHUNG DANG BDE MCHOG RTZA RGYUD KYI t'IKKA NGO MTSAR RMAD DU BYUNG BA SNGON MED PA'I LEGS BSHAD KYI GTER CHEN PO 'DI SOGS RDO RJE 'CHANG DNGOS SU BYON YANG DE PHAN DU GSUNG DU MED PA'I SNGAGS KYI BSTAN BCOS MANG PO 'OG TU GSAL BA LTAR MDZAD DE, RJE 'DI'I MDZAD PA LTA BU GANGS RI'I KHROD 'DIR SNGON CHAD MA BYUNG BA KUN LA MNGON SUM DU SNANG BA LTAR RO, ,RJE BTZUN BLA MA 'DIS GANGS RI'I KHROD 'DIR SANGS RGYAS KYI MDZAD PA MDZAD PAR YID CHES PA'I RTAGS KYIS SGRUB PA NI, ,LHO BRAG GRUB CHEN LA GSANG PA'I BDAG POS RJE 'DI'I MDZAD PA RNAM THAR KHYAD PAR DU 'PHAGS PA 'DI LTAR GSUNGS PA RNAMS DANG; RJE BTZUN 'JAM BA'I DBYANGS KYIS DBU MA BA DPA' BO RDO RJE LA GSUNGS PA DANG, YANG GRUB CHEN 'JAM DPAL RGYA MTSO LA GSUNGS PA DANG, RJE RIN PO CHE RANG NYID LA SANGS RGYAS DANG BYANG SEMS MANG POS ZHAL GZIGS NAS LUNG BSTAN DANG DBUGS DBYUNG BA MDZAD PA SNGAR DRANGS ZIN PA LTAR SHIN TU YID CHES PA'I GNAS SU YOD MOD, 'ON KYANG DE TZAM GYI LUNG LA 'CHOL BA MIN PAR DRI MA MED PA'I RIGS PA'I LAM SROL SHES BA'I MKHAS PA RNAMS LA RJE 'DIS, SANGS RGYAS KYI MDZAD PA MDZAD PAR YID CHES PA'I RTAGS SU MI 'GYUR BAS RGYAL BA NYID KYI MDO SDE DANG RGYUD SDE RTZOD MED RGYA BOD GNYIS KAR YONGS SU GRAGS BA ZHIG GI STENG NAS SGRUB DGOS LA, DE NI SNGAR DRANGS ZIN PA LTAR LANGKAR

GSHEGS PA'I MDO DANG, MDO SDE GDAMS NGAG 'BOGS PA'I RGYAL PO DANG, 'JAM DPAL RTZA RGYUD RNAMS LAS SGRUB PA YIN LA, DE'I NANG NAS KYANG 'JAM DPAL RTZA RGYUD LAS, 'JIG RTEN NGA NI MYA NGAN 'DAS, ,SA YI STENG 'DI STONGS PA NA, ,KHYOD NYID BYIS PA'I GZUGS KYIS NI, ,SANGS RGYAS MDZAD BA BYED BAR 'GYUR, ZHES SOGS RGYAL BA MYA NGAN LAS 'DAS BA'I 'OG TU 'JIG RTEN MGON MED 'DREN PA MED PAR GYUR PA NA RJE BTZUN 'JAM PA'I DBYANGS THA MAL PA'I GZUGS BZUNG STE BYANG PHYOGS KHA BA CAN 'DER SANGS RGYAS KYI MDZAD PA MDZAD BA DANG, DE LTAR MDZAD PA PO DE'I MING LA BLO BZANG ZHES PA DANG GRAGS BA ZHES BA'I MTSAN 'BYUNG BA DANG, DE'I DGON GNAS KYI MING LA DGA' LDAN ZHES 'BYUNG BA GSAL BAR LUNG BSTAN PA 'DIS RJE 'DI NYID KYIS GANGS RI'I KHROD 'DIR SANGS RGYAS DNGOS SU BYON BA LTA BU'I MDZAD PA MDZAD PAR KUN GYIS YID CHES PAR GRUB PO, ,DE LTAR RJE RIN PO CHE 'DIS SANGS RGYAS KYI MDZAD PA'I GTZO BO CHOS KYI 'KHOR LO BSKOR BA'I MDZAD PA NGO MTSAR RMAD DU BYUNG BA ZHING 'DIR BYON PA NAS MTHAR DGA' LDAN LA BYON PA'I BAR GONG 'PHEL DU MDZAD DE PHYI RABS KYI GDUL BYA RNAMS LA THUGS BRTZE BAS DGONGS TE MDO SNGAGS KYI LAM BZANG PO RNAMS 'DI LTAR YOD DO ZHES YI GER 'GOD PAR MDZAD BA NI, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYIS RGYAL BA'I DGONGS PA DRI MA MED PA'I RIGS LAM NAS DRANGS TE YONGS SU

, ,RDZOGS PA BKRAL BA'I LAM SROL SKYES BU CHUNG 'BRING CHE GSUM GYIS NYAMS SU BLANG BA'I RIM PA THAMS CAD MTSANG BA MED PAR STON PA'I MAN NGAG BYANG CHUB LAM RIM CHEN MO, DE'I SNYING PO'I GNAD BSDUS PA LAM RIM CHUNG BA, BYANG CHUB LAM GYI RIM PA'I KHRID KYI SA BCAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA, BYANG CHUB SEMS DPA'I TSUL KHRIMS KYI RNAM BSHAD BYANG CHUB GZHUNG LAM, ZHI LHAG GNYIS KYI DKA' BA'I GNAS RGYAL BA'I DGONGS PA PHYIN CI MA LOG PAR BSHAD PA, DRANG BA DANG NGES PA'I DON RNAM PAR PHYE BA'I BSTAN BCOS LEGS BSHAD SNYING PO, RJE BTZUN 'JAM PA'I DBYANGS KYIS RJE LA GNANG BA'I LTA BA'I GNAD 'GAG RJE RED MDA' BAR PHUL BA, DBU MA'I LTA KHRID, TSIG SBYOR PHUN SUM TSOGS PA'I SNYAN NGAG GI LAM NAS DRANGS PA'I BLO SBYONG, DBU MA RGYAN GYI ZIN BRIS RJE RANG GIS GNANG BA; YID DANG KUN GZHI'I DKA' BA'I GNAS RGYA CHER 'GREL, SDE BDUN LA 'JUG PA'I SGO DON GNYER YID KYI MUN SEL, BSAM GZUGS ZIN BRIS, DBU MA'I LTA KHRID BSDUS PA, DGE 'DUN NYI SHU BSDUS PA DANG ZHUGS GNAS SKYES BU CHEN PO'I DKA' GNAS ,DBU MA RTZA SHE'I RNAM BSHAD RIGS PA'I RGYA MTSO, BSTAN BCOS CHEN PO DBU MA LA 'JUG PA'I RNAM BSHAD DGONGS PA RAB GSAL, RGYAL BA KHYAB BDAG RDO RJE 'CHANG CHEN PO'I LAM GYI RIM PA GSANG BA

KUN GYI GNAD RNAM PAR PHYE BZHES BYA BA, RGYUD KYI RGYAL PO DPAL GSANG BA 'DUS PA'I MAN NGAG RIM PA LNGA GSAL BA'I SGRON ME, RNAM GZHAG RIM PA'I RNAM BSHAD DPAL GSANG BA 'DUS PA'I GNAD DON GSAL BA, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, 'DUS PA'I BSHAD RGYUD LHA MO BZHI ZHUS KYI RGYA CHER BSHAD PA SROG RTZOL GYI DE KHO NA NYID GSAL BA DPAL GSANG BA 'DUS PA'I BSHAD RGYUD YE SHES RDO RJE KUN LAS BTUS PA'I t'IKKA, BSHAD RGYUD RDO RJE PHRENG BA'I ZIN BRIS, RGYUD KYI RGYAL PO DPAL GSANG BA 'DUS PA'I RTZA BA'I RGYUD SGRON MA RAB TU GSAL BAR BYED PA'I RGYA CHER BSHAD PA 'CHAD PA'I SA BCAD BSDUS DON, DPAL GSANG BA 'DUS PA'I DKA' BA'I GNAS KYI MTHA' GCOD RIN PO CHE'I MYU GU, RGYUD THAMS CAD KYI RGYAL PO DPAL GSANG BA 'DUS PA'I RGYA CHER BSHAD PA SGRON MA GSAL BA'I TSIG DON JI BZHIN 'BYED PA'I MCHAN GYI YANG 'GREL, RJE BTZUN 'JAM PA'I DBYANGS KYI GSUNG THUN MONG MA YIN PA RJE RED MNGA' BAR PHUL BA, DPAL GSANG BA 'DUS PA'I SGRUB THABS KYI LHAN THABS, DPAL GSANG BA 'DUS PA'I MNGON RTOGS DANG BSAM GTAN GYI SGRUB MCHOD NGAG TU 'DON PA'I LHAN THABS ,DPAL GSANG BA 'DUS PA'I SGRUB THABS RNAL 'BYOR DAG PA'I RIM PA, BZHI BRGYA LNGA BCU PA'I SKOR GYI ZIN BRIS, DPAL GSANG BA 'DUS PA MI BSKYOD RDO RJE'I DKYIL 'KHOR GYI CHO GA DBANG GI DON GYI DE NYID RAB TU GSAL BA, RDO RJE BZLAS PA'I RIM PA'I ZIN BRIS, DGONGS

, ,PA BLA NA MED PA'I RIM PA'I ZIN BRIS, MAN NGAG GI MTHAR THUG BDAG BYIN RLABS, MAN NGAG GI MTHAR THUG MNGON PAR BYANG CHUB PA'I RIM PA'I BSHAD PA, RIM LNGA BSDUS BA'I ZIN BRIS, RNAL 'BYOR BZHI RIM, RNAL 'BYOR BZHI'I RIM PA'I t'IKKA , 'DUS PA'I DKA' GNAD KYI ZIN BRIS, RGYAL BAS BYIN DANG SH'ANTA'I BA'I GSANG 'DUS KYI 'GREL PA DANG DUL BAS BYIN GYIS SGYU 'PHRUL DKYIL CHOG GI ZIN BRIS, KHRE BCU'I ZIN BRIS, LHAG PA YI NI LHA GCIG NYID CES PA'I DON BSHAD PA, BSAM GTAN PHYI MA, GSANG BA KHYAD GZHI, GRUB CHEN BRGYAD KYI BZHUGS TSUL, 'JAM DPAL GSANG LDAN GYI DPYAD PA YONGS SU RDZOGS NAS ZIN BRIS SU GNANG BA, ZHE DGU MA'I ZIN BRIS, 'JAM DPAL ZHI DRAG GI BSRUNG BA, 'JIGS BYED KYI PHYAG MTSAN SOGS KYI BSHAD PA'I ZIN BRIS, RDO RJE 'JIGS BYED LHA BCU GSUM MA'I SGRUB THABS RIN PO CHE'I BRA MA TOG ,RDO RJE 'JIGS BYED CHEN PO'I SGRUB THABS BDUD THAMS CAD LAS RNAM PAR RGYAL BA, GSHIN RJE DGRA NAG GI SGRUB PA'I THABS RIN PO CHE 'BAR BA, GSHIN RJE GSHED LHA BCU GSUM MA RNAMS KYI DKYIL 'KHOR DU DBANG BSKUR BA'I CHO GA RIN PO CHE'I PHRENG BA, 'JAM DBYANGS ZHI KHRO SBRAGS SGRUB THUN MONG MA YIN PA, RDO RJE 'JIGS BYED SER PO LA BRTEN BA'I SHIN TU ZAB PA'I MAN NGAG ,YI GE BZHI PA'I BSRUNG BA MAN NGAG RTZA GSUM DANG GSHIN RJE SBYOR TSUL RNAMS DANG RTZA DANG GSHIN RJE SBYOR TSUL , 'JIGS BYED KYI DGE SBYOR,

RDO RJE 'JIGS BYED KYI 'PHRIN LAS BZHI'I SBYIN SREG DNGOS GRUB RGYA MTSO, BLA MA LNGA BCU PA'I RNAM BSHAD SLOB MA'I RE BA KUN SKONG, BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL, BCOM LDAN 'DAS DPAL 'KHOR LO BDE MCHOG GI MNGON PAR RTOGS PA'I RGYA CHER BSHAD PA 'DOD PA 'JO BA, RNAL 'BYOR GYI DBANG PHYUG L'U AI PA'I LUGS KYI BCOM LDAN 'DAS 'KHOR LO SDOM PA'I SGRUB PA'I THABS BDE CHEN GSAL BA, RNAL 'BYOR GYI DBANG PHYUG L'U AI PA'I LUGS KYI BDE MCHOG RDZOGS RIM GYI RNAM BSHAD DNGOS GRUB SNYE MA, RNAL 'BYOR GYI DBANG PHYUG L'U AI PA'I LUGS KYI BDE MCHOG GI RDZOGS RIM RNAL 'BYOR CHEN PO'I KHRID KYI RIM PA MDOR BSDUS PA, DPAL MNGON PAR RTOGS PA'I 'GREL PA KHYAD PAR GSAL BYED LAS ZUR DU PHYUNG BA, MKHA' 'GRO RGYA MTSO'I SKOR GYI ZIN BRIS, GSANG SNGAGS KYI TSUL KHRIMS KYI RNAM BSHAD DNGOS GRUB KYI SNYEM, RJE BTZUN 'JAM DPAL RDO RJE'I SGRUB THABS 'JAM PA'I DBYANGS KYI DGONGS PA GSAL BA, CHO GA NYI SHU'I KHUNGS DGOD PA, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI MNGON RTOGS DGONGS PA RAB GSAL, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI DBANG CHOG RIN PO CHE'I BANG MDZOD, DPAL 'KHOR LO BDE MCHOG RIM LNGA'I RNAM BSHAD SBAS DON LTA BA'I MIG RNAM PAR 'BYED PA, MKHA' SPYOD MA DMAR MO'I SGRUB THABS, RDO RJE MKHA' 'GRO'I 'GREL PA'I ZIN BRIS, RDO RJE RNAL 'BYOR MA'I 'GREL PA TSES BCU'I

, ,MCHOD PA'I RTOG PA'I CHO GA GRUB CHEN D'A RI KA PAS MDZAD PA'I ZIN BRIS, MAN NGAG SNYE MA'I ZIN BRIS, DPAL 'KHOR LO SDOM PA'I PHYI ROL MCHOD PA'I CHO GA LAG MCHOD DANG DPYID KYI RGYAL PO'I GLU, RDZOGS RIM DBYID KYI THIG LE, ZAB LAM N'A RO'I CHOS DRUG GYI SGO NAS KHRID PA'I RIM PA YID CHES GSUM LDAN ,RGYUD BRTAG PA GNYIS PA'I ZIN BRIS, KYEE RDO RJE'I RGYUD KYI ZIN BRIS DANG, KYEE RDO RJE'I ZIN BRIS, RJE BRTZUN MA BDAG MED MA'I DKYIL 'KHOR GYI SGRUB THABS ZIN BRIS, DPAL MCHOG GI ZIN BRIS, SANGS RGYAS THONG PA'I MI 'JIGS GZHUNG 'GREL SOGS KYI ZIN BRIS, KUN RIG CHO GA'I ZIN BRIS, MDOR BSDUS DANG PO LA AA TZA LA GARBAS DON TSAN BDUN DU BYED PA, 'PHO KHRID KYI RTZA TSIG BRTAG PA BRGYAD PA'I RAB TU BYED PA GSUM PA, RNAM SHES GONG DU 'PHO BA'I RGYA CHER BSHAD PA GSER GYI SGO 'BYED, SPRIN BRAL BA'I MAN NGAG DANG RTA MGRIN SHVA NA BZHI BSKOR, RI KHROD LO MA CAN GYI SGRUB THABS, LHA MO DBYANGS CAN MA'I SGRUB THABS, DBYANGS CAN MA'I SGRUB THABS, BCOM LDAN 'DAS RME BRTZEGS KYI SGRUB THABS, DE NYID BSDUS PA'I 'GREL PA'I ZIN BRIS, RDO RJE DBYINGS KYI SA CHOG GI ZIN BRIS, RDO RJE DBYINGS KYI 'KHOR BSGYUR GYI BSNYEN PA'I RIM PA SOGS KYI ZIN BRIS, SBYOR DRUG GI RDO RJE'I TSIGS BCAD, DE'I BSHAD PA, DUS 'KHOR GYI MNGON RTOGS DANG DBANG GI ZIN

BRIS; SBYOR DRUG NYER MKHO'I BRIN BRIS, 'CHI ZHAG DANG TSE LHAG JI TZAM YOD DPYAD PA, RDO RJE RTZE MO'I ZIN BRIS, YE SHES MKHA' 'GRO'I SGRUB THABS, 'PHO BA, BKA' BSGO BYA TSUL, SGRA MI SNYAN GYI TSE SGRUB, 'DUL BA MDO RTZA BA'I ZIN BRIS, GZHI NAS 'BYUNG BA'I BSLAB BYA'I ZIN BRIS, ZHUGS PA DANG GNAS PA'I SKYES BU CHEN PO RNAMS KYIS RNAM PAR BZHAG PA BLO GSAL BGROD PA'I THEM SKAS, GZUGS KYI CHUNG MTHA' DANG DUS KYI THUNG MTHA' SOGS LAS BRTZAMS PA'I DRIS LAN, BLA MA'I RNAL 'BYOR ZAB KHYAD CAN MKHAS GRUB RJE LA GNANG BA, BA SO CHOS RJE LA GCIG BRGYUD KYI TSUL DU GNANG BA'I BLA MA'I RNAL 'BYOR, ZHU LAN SMAN MCHOG BDUD RTZI'I PHRENG BA, SDOM PA GONG MA GNYIS KYI PHYIR BCOS, GTOR MA BRGYA RTZA'I RIM PA, RJE RANG NYID KYIS GSAN YIG ,BYANG CHUB LAM GYI RIM PA'I BLA MA BRGYUD PA LA GSOL BA 'DEBS PA'I TSUL LAM MCHOG SGO 'BYED SOGS BSTOD TSOGS DANG CHAB SHOG DRIS LAN SOGS GSUNG THOR BU BA, RJE RIN PO CHE RANG NYID KYIS JI LTAR THUGS NYAMS SU BZHES PA LTAR MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN 'DI LTAR BYA DGOS SO ZHES 'DOMS PA'I NYAMS MGUR LAM RIM BSDUS DON DU GRAGS PA RNAMS MDZAD, RJE RIN PO CHE'I GSUNG LA THUGS SRAS MKHAS GRUB CHEN PO RNAMS KYIS ZIN BRIS SU BYAS PA'I MDO SNGAGS KYI LEGS BSHAD MANG DU BZHUGS PA NI YONGS SU GRAGS PA LTAR RO, ,'DI LTA

, ,BU'I MDO SNGAGS KYI BSTAN BCOS RGYA CHEN PO 'DI SNYED CIG MDZAD PA 'DI DAG THAMS CAD RGYAL BA RANG NYID KYI GSUNG DANG, SHING RTA CHEN PO GNYIS KYI GZHUNG JI LTA BA BZHIN DU THEG PA GONG 'OG DANG RGYUD SDE GONG 'OG GRUB MTHA' RNAM BZHI GANG GI THAD LA'ANG RANG RANG GI LUGS MA 'DRES BAR STON PA LAS, PHAN TSUN 'DRES PA'I SKYON PHRA MO'ANG MED CING, SNGA PHYI 'GAL BA DANG RANG TSIG 'GAL BA DANG ZLOS BUR SMRA BA SOGS KYI SKYON YANG RNAM PA KUN NAS MED PAR DRI MA MED PA'I RIGS LAM LA SBYANGS PA'I MKHAS PA RNAMS KYIS GZU PO'I BLOS JI TZAM DPYAD KYANG 'DI'I THAD NAS NOR RO ZHES TSIG GCIG LA'ANG SKYON GDAGS SU MED PA DANG, THA SNYAD KYI GTZUG LAG DAG DANG YANG MI 'GAL BAR SNGON CHOS RGYAL SRONG BTZAN SGAM PO'I DUS CHOS RGYAL THUGS RJE CAN GYI BKA' LTAR 'JAM DBYANGS KYI SPRUL PA THON MIS YI GE'I BRDA CHAD 'DI LTAR BYA DGOS SO ZHES BOD KHAMS YONGS LA GDAMS PA'I BSTAN BCOS SUM CU PA DANG RTAGS 'JUG NAS JI LTAR BSHAD PA LTAR DON SO SO LA YI GE'I SNGON 'JUG SOGS THOB JI LTAR DOGS PA RNAMS CUNG ZAD KYANG MA 'PHYUGS PA DANG, SNGON GYI CHOS RGYAL LO PAn RNAMS KYIS BKAS BCAD MDZAD PA LTAR GYI CHOS KYI BRDA CHAD KHO NA LAS YUL MI RANG BZHIN PA'I PHAL SKAD DANG, RANG RANG GI YUL PHYOGS KYI SKAD SOGS KYI SKYON PHRA MO YANG MA 'DRES PAR DON BZANG BA, TSIG 'BRU BZANG BA, MA 'DRES PA, MA SBAGS

PA; YONGS SU RDZOGS PA, GDUL BYA'I RGYUD DANG 'TSAM PA ,SUS BLTAS KYANG PHAN THOGS PA SOGS RGYAL BAS CHOS KYI BSNGAGS PA JI LTAR MDZAD PA DANG RNAM PA KUN NAS MTHUN BA SHA STAG TU YOD DO, ,TSUL 'DIS KYANG RJE THAMS CAD MKHYEN PA 'DI NYID GANGS RI'I KHROD 'DIR MTSUNGS ZLA MED CING PHYI RABS KYI GDUL BYA YONGS LA BKA' DRIN ZLA MED PAR GRUB BO, ,RJE RIN PO CHE 'DI NYID KYI SKU GSUNG THUGS KYI RNAM THAR BSAM GYIS MI KHYAB PA SNGAR BRJOD PA DE LTAR YIN ZHING, 'PHRAL GYI MDZAD SPYOD KYANG SNYIGS MA'I SKYE BO SU DANG YANG MI MTSUNGS PA'I NGO MTSAR RMAD DU BYUNG BA ZHIG BZHUGS TE, RJE RIN PO CHE 'DI NYID MDO SMAD DU SKU 'KHRUNGS PA NAS MTHAR MYA NGAN LAS 'DAS PA'I BAR LA THUGS RGYUD 'KHRUGS TE GZHAN LA ZHE GCOD PA'I TSIG NGAN PA SMRA BA DE DUS KYI SKU DNGOS KYI GDUL BYA SU LA'ANG BSTAN RGYU MED CING, MTSAN NYID KYI SLOB GNYER MDZAD PA'I SKABS SU'ANG DENG SANG GI GDUL BYA PHAL CHER PHA ROL DANG RTZOD PA'I CHE PHA ROL SMA DBAB PA'I TSIG SMRA GANG THUB DANG, LUS KYI RNAM 'GYUR YANG 'GYING BA DANG KHENGS PA DANG PHA ROL GNON PA'I RNAM 'GYUR BYED PA 'DI 'DRA GTAN NAS MIN PAR RJE BLA MA 'DIS DBUS GTZANG GI GRAS CHEN PO RNAMS SU THUGS GNYER MDZAD PA DANG, GRVA SKOR MDZAD PA'I SKABS GANG DU'ANG RGOL BA PHA ROL PO LA NGAN SMRA MDZAD PA NAM YANG MI SRID CING SKU LUS KYI RNAM 'GYUR YANG ZHI ZHING DUL BA DANG 'JAM ZHING DES PA DANG,

, ,GSUNG SNYAN ZHING BRJID LA GSONG BOR SMRA BA DANG, PHA ROL BO LA PHAN BA'I TSIG KHO NA BRJOD PA LAS SKU DANG GSUNG GI RNAM 'GYUR LA SKYON CHAGS PA DE DUS SKU DNGOS SU MTHONG BA SU LA'ANG DUS 'DI'I TSE 'DI LTAR MDZAD DO ZHES BSTAN RGYU MED PA YONGS SU GRAGS PA LTAR YIN LA, DE'I DBANG GIS GRVA SA GANG DANG GANG DU BYON PA DE DANG DER RJE 'DI'I SKU MTHONG BA DANG GSUNG GI GDANGS THOS PA TZAM GYIS SNANG BA 'GYUR TE RJE 'DI'I ZHABS DRUNG DU BSNYEN TE SLOB MAR KHAS LEN PA SHA STAG BYUNG STE SKAD CIG NYID LA GANGS CAN GYI SA'I CHA THAMS CAD RJE 'DI'I SLOB MAS KHYAB PA'I DA BYUNG BA YIN NO, ,RJE 'DI LA RGYA MTSO'I GLING BAR TSUN CHAD NAS GDUL BYA 'DUS TE SA CHEN PO'I KHYON 'DI THAMS CAD SLOB MAS GANG BA DE LTA BU BYUNG YANG CHEN POR RLOM PA'I CHE 'GYING NAM YANG MI MDZAD CING, RANG NYID SHES BYA KUN LA THOGS PA MED PA'I MKHYEN PA MNGA' BA YIN YANG; SNGON BYON PA'I BSTAN 'DZIN GYI SKYES BU DAM PA RNAMS LA SKYON BRJOD NAM YANG MI MDZAD BAR DAG SNANG DANG BKA' DRIN DRAN PA'I GUS PA LHUR MDZAD DE, SNGON BYON PA'I LO TZ'A BA BKA' DRIN CAN RNAMS DANG, BSTAN PA'I GSAL BYED GRUB MTHA' RIS SU MA CHAD PA KUN LA DAG SNANG DANG GUS PA LHUR MDZAD DE SO SO'I YIG CHAR NOR 'KHRUL SOGS CI YOD KYANG DE RGYU MTSAN DU BYAS TE DAM BDE DANG DE DAG LA SKYON BRJOD PA NAM YANG MI MDZAD DE,

RJE'I MDO SNGAGS KYI GSUNG RAB JI SNYED CIG BZHUGS PA 'DI DAG GI NANG NA SNGON BYON PA'I LO TZ'A BA BKA' DRIN CAN DE DAG DANG ,SGRUB PA MDZAD PA'I SKYES BU DAM PA JI SNYED CIG BYON PA DE DAG DANG , DGE 'DUN GYI SDE 'DZUGS PA'I DAM PA GRUB MTHA' RIS MI 'DRA BA MANG PO ZHIG BYON PA DE DAG SU LA'ANG MTSAN NAS SMOS TE SKYON BRJOD PA BSTAN RGYU MED DO, ,'ON KYANG THIG RLANG POR BTAB NA KYOG PO ZUR LA THON PA CHOS NYID YIN PA LTAR RJE RIN PO CHE 'DIS RGYAL BA'I DGONGS BA SHING RTA CHEN PO KLU SGRUB DANG THOGS MED GNYIS KYIS JI LTAR BKRAL BA LTAR GTAN LA PHAB PA NA, SHING RTA CHEN POS RGYAL PA'I DGONGS PA BKRAL BA DANG MI MTHUN BAR SMRA BA RNAMS SKYON CAN DU RANG SHUGS KYIS THON 'ONG STE DE NI RJE 'DI'I SKYON DU GA LA 'GYUR TE SHING RTA CHEN PO GNYIS KYIS RGYAL BA'I DGONGS PA BKRAL BA BZHIN NO, ,GZHAN YANG RJE 'DIS SKU TSE HRIL BOR SO NAM DANG TSONG BUN BSKYED SOGS 'DUL BA DANG 'GAL BA'I LAS NAM YANG MA MDZAD DE BYA BRAL GYI SLOB MA STONG PHRAG MANG PO SKYONG DGOS PA'I TSE YANG CHOS DANG MTHUN PA'I 'TSO BA KHO NA LA SBYOR BA LAS BUN BSKYED SOGS LOG 'TSO'I RIGS LA SBAR BA DNGOS KYI GDUL BYA SUS KYANG MTHONG BA MED CING, DKON MCHOG GI MCHOD PA RLABS CHEN PO MDZAD PA DANG, DGE 'DUN GYI SDE SKYONG BA DANG , MCHOG GSUM GYI RTEN GSAR DU BZHENG BA SOGS

, ,LA MTHUN PA'I 'TSOG CHAS NGES PAR 'TSOL DOGS PA BYUNG NA RGYAL PO CHEN PO RNAM THOS SRAS LA GTOR MA PHUL TE SNGON THUB PA'I SPYAN SNGAR JI LTAR KHAS BLANGS PA LTAR RGYAL BA'I BSTAN PA SPEL PHYIR 'PHRIN LAS 'DI SGRUBS SHIG CES BSKUL BA TZAM GYIS GANG DGOS PA'I YO BYAD THAMS CAD 'BAD MED LHUN GRUB TU BYUNG BA NI SKU DNGOS KYI GDUL BYA THAMS CAD LA MTHUN SNANG DU GRUB PA'O, ,DE LTAR RJE RIN PO CHES BSTAN PA DANG GDUL BYA'I DON RMAD DU BYUNG BA RGYA CHER MDZAD PAS GANGS RI'I KHROD KYI SKAL BA DANG LDAN PA SKU DNGOS KYI GDUL BYA DAG GI DON PHAL CHER MDZAD ZIN PA NA STON PA MYA NGAN LAS 'DA' KHAR GRONG KHYER RTZVA CAN DU BYON NAS KUN TU RGYU RAB BZANG DANG DRI ZA'I RGYAL PO RAB DGA' 'DUL BAR MDZAD PA JI LTA BAR SKU TSE 'DI'I DNGOS KYI GDUL BYA'I THA MA 'GA' ZHIG GI DON BYA BAR DGONGS PA DANG, GANGS RI'I LJONGS 'DIR RGYUD KYI 'CHAD NYAN RKANG TSUGS PA'I GRVA TSANG ZHIG NGES PAR 'DZUGS BZHED PA DANG, GANGS CAN SKYE 'GRO YONGS KYI PHAN BDE'I RTZA LAG LHA LDAN SPRUL BA'I GTZUG LAG KHANG GI RTEN RNAMS LA MCHOD PA RGYA CHEN PO PHUL TE RGYAL BA'I BSTAN PA YUN RING GNAS PA'I THUGS SMON MDZAD PA SOGS DGOS PA MANG PO ZHIG GI PHYIR STOD LUNG GI CHU TSAN LA 'BYON BZHED PA LTAR BYAS TE RI BO DGA' LDAN NAS PHYAGS BTEG STE LHA SAR MCHOD PA DANG SMON LAM RNAM PAR DAG PA MDZAD NAS STOD LUNG GI CHAB TSAN KHAR BYON, 'ON KYANG CHAB TSAN GYIS NI ZHABS LA

CUNG ZAD TZAM BDUG PA LAS MA MDZAD, GTZO BOR STOD LUNG PHU MDA'I SKYE BO'I TSOGS MTHA' YAS BA DAG LA CHAS DANG BYIN RLABS KYI SKYES GNANG ZHING, DAD LDAN SO SOR BSNYEN BKUR PA DANG ZANG ZING GI DNGOS PO PHUL BA RNAMS DANG BA CAN DE DANG DE DAG GI DGE RTZA BSKYED PA'I PHYIR BZHES, ZHAL MTHONG ZHING GSUNG THOS PA TZAM GYIS KYANG DON DANG LDAN PAR MDZAD DE, SLAR 'BRAS SPUNGS SU BYON PA'I TSE 'JAM DBYANGS CHOS RJE BKRA SHIS DPAL LDAN PAS GTZOS 'DRAS SPUNGS KYI DGE 'DUN THAMS CAD KYIS MCHOD BA'I BYE BRAG SNA TSOGS BA THOGS, GSOL BA 'DEBS PA'I DBYANGS KYI NGA RO DANG BCAS BSUS, 'DU LI LA GDAN DRANGS PA'I 'DU LI'I SNA LA 'JA' TSON KHA DOG LNGA PA KUN NAS BKRA BA THAL BYUNG DU ZUG PA DANG, 'BRAS SPUNGS SU PHEBS NAS KYANG CHOS GSUNG BA'I TSE CHOS GRVA'I DBUS SU 'JA' TSON SNA LNGA PA NAM MKHA'I DBYINGS NAS KA BA BTZUG BLTAR CHES GSAL BAR ZUG BA SOGS RJE RIN PO CHE'I SKU TSE 'DI'I MDZAD PA PHAL CHER RDZOGS NAS ZHING KHAMS GZHAN DU 'BYON PAR BZHED PA NA DKAR PHYOGS KYI LHA RNAMS KYIS BSU BA'I BKOD PA BSHAMS PA DANG, LHAG PAR NAM MKHA'I DBYINGS NAS 'JA' KA BA BTZUGS BA LTAR BYUNG BA NI DGA' LDAN GYI LHA RNAMS KYIS RJE RIN PO CHE DGA' LDAN DU 'BYON PA LA BSU BA'I BKOD PA BSHAMS PA YIN BAR NGES PA DE LTA BU'I LDAS MNGON SUM DU BAB BAR GYUR LA, GZHAN YANG 'BRAS SPUNGS SU BZHUGS RING LA DGE BA'I BSHES GNYEN

, ,SDE SNOD 'DZIN PA STONG PHRAG GNYIS TZAM 'DUS SHING, SNE'U NAS ZHABS TOG DANG CI DGOS KYI PHOGS BSNYEN BKUR 'BUL NOD SOGS BSAM GYIS MI KHYAB PA MDZAD LA, DE'I TSE LAM RIM GYI KHRID, N'A RO CHOS DRUG ,DBU MA LA 'JUG PA, GSANG BA 'DUS PA'I RGYUD LA SOGS PA GSUNGS SHING, DE YANG SNGON CHAD GRONG PA'I SKYE BO PHO MO DU MA LA KHRID CHER MI GNANG, KHYAD PAR LAM RIM GYI KHRID LA'ANG 'TSOG TU MI RUNG BA LA SOGS PA'I DAM BZHAG CHE BAR YOD PA LA DE DUS GRONG PA'I SKYE BO JI TZAM ZHIG 'ONGS PA DANG, DUS NAM 'ONGS THAMS CAD LA KHYAD PAR MED PAR THA NA SPRANG PO'I TSOGS DU MA 'DUS BA YAN CHAD THAMS CAD LA LAM RIM DANG DBU MA LA SOGS BA'ANG BKAG PA MED PAR GNANG, 'BRAS SPUNGS SU SKABS SHIG NAS GZHAN PHAL MO CHE LA LKOG TU GYUR PA'I MNGON CHUNG BAR GYIS GSUNG NAS LHA BZO BA LA DAM BZHAG CHE BAR MDZAD DE BCOM LDAN 'DAS RNAM PAR SNANG MDZAD KYI DNGUL SKU CHEN PO ZHIG BZHENG BA'I ZHAL TA MDZAD, DE LTAR CHOS KYI 'KHOR LO RGYA CHER BSKOR NAS, SNGON CHAD DUS 'KHOR MA GTOGS PA'I RGYUD LA LE MTSAMS MDZAD PA'I LUGS MED PA LA DE'I TSE GSANG 'DUS KYI LE'U DGU PA'I MI BSKYOD SANGS RGYAS ZHING DAG TU, ,RGYAL BA'I SRAS SU SKYE BAR 'GYUR, ,ZHES PA'I MTSAMS SU CHOS MTSAMS MDZAD NAS, MYUR DU 'BROG RI BO CHE DGA' LDAN RNAM PAR RGYAL BA'I GLING NYID DU 'BYON BZHED PA'I ZHAL TA GNANG,

DE LA SBYIN BDAG DANG, CHOS GSAN PA RNAMS KYIS DA DUNG ZLA BA GCIG GAM ZLA PHYED TZAM DU'ANG BZHUGS NAS CHOS 'PHRO RDZOGS PAR GSUNG BA ZHIG THUGS RJES GZUNG 'TSAL, THA NA RGYUD KYI 'PHRO RNAMS BKLAGS LUNG MDZAD PA TZAM ZHIG KYANG GNANG 'TSAL ZHES GSOL BA NAN CHER BTAB KYANG GSAN DU MA BZHED NAS, DA LAN MYUR DU BTEG PA THAMS CAD LA DGA' BAS 'DEGS, RGYUD DANG LAM RIM 'PHRO LA 'JOG PA'I 'DUN PA KHA SING DU BTANG TSAR GSUNG NAS CHOS MCHAMS MDZAD DE, DE YANG DA DUNG DU SNGAGS DANG MTSAN NYID KYI GSUNG SGROS KYI BSHAD RGYUN RDZOGS PA MED PAR 'PHRO RING DU GNAS PA'I RTEN 'BREL BSGRIG PA'I DGONGS PA MDZAD, DE NAS LHA SAR PHYAGS BTEG, JO BO RIN PO CHE'I DRUNG DU BYON TE PHYAG DANG MCHOD PA DANG SMON LAM RNAM PAR DAG BA RGYA CHER MDZAD NAS DA DUNG YANG BSTAN PA RIN PO CHE YUN RING DU GNAS PA'I GSOL 'DEBS SHUGS DRAG MDZAD, DE NAS BYAMS CHEN CHOS RJE SH'AKYA YE SHES PAS SPYAN DRANGS TE SER CHOS SDINGS SU BYON, BYAMS CHEN CHOS RJE DPON SLOB RNAMS KYIS BSNYEN BKUR DANG MCHOD PA TSAD MED PAS MCHOD, BYAMS CHEN CHOS RJE LA SER RA SHING RTA CHEN PO'I GZHUNG LUGS RNAMS LA 'CHAD NYAN GYI BSTAN PA RGYA CHER SPEL BGOS PA'I ZHAL TA MANG DU GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAM PAR DAG PA YONG YE RNAM PA THAMS CAD DU NUB PAR GYUR NAS RING ZHIG LON, RJE RANG NYID KYIS

, ,BSHAD PA RNAM PAR DAG PA MDZAD PA'I GSUNG GI BDUD RTZI NYAMS SU MYONG PAS BLO GROS KYI LUS YONGS SU TSIM PA MANG DU BYON MONG KYI, DE LTA NA'ANG DA DUNG RGYUD SDE'I 'CHAD NYAN RKANG TSUGS PA'I GRVA SA THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN BA 'BA' ZHIG LA DGONGS PA'I THUGS KYI 'DUN PA SHUGS DRAG POS BYAMS CHEN CHOS RJE LA SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA GNAS NAS DPAL GSANG BA 'DUS PA DANG BDE MCHOG GNYIS KYI BSHAD SGRUB RKANG TSUGS PA'I RGYUD GRVA ZHIG 'DZUGS DGOS PA'I ZHAL TA GNANG STE SE RA CHOS SDINGS SU CHOS RJE BAS THUGS KHUR CHES CHER BZHES NAS, GZHI 'DUL BA'I BSLAB KHRIMS RNAM PAR DAG PA LA BRTEN TE, DPAL GSANG BA 'DUS PA DANG BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG CHOS DPON BSKO BA LA SOGS PA MDZAD CING, RTEN 'BREL KHYAD PAR CAN BSGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS SO, ,DE NAS RIM GYIS YAR LAM BDE CHEN RTZER PHYAGS PHEBS, DER YANG BRAG DKAR RDZONG DBON PA YAB YUM LA DPAL GSANG BA 'DUS PA DANG 'KHOR LO BDE MCHOG GNYIS KYI BSHAD GRVA RNAM PAR DAG PA TSUGS PA'I GRVA TSANG ZHIG 'DZUGS DGOS PA'I

ZHAL TA BYON ZHING, KHONG PAS KYANG DAD PA CHEN POS DGA' SPRO DANG BCAS TE BKA'I KHUR SPYI BOS MNOS NAS BDE CHEN RTZER DPAL GSANG BA 'DUS PA DANG 'KHOR LO SDOM PA GNYIS KYI 'CHAD NYAN RNAM PAR DAG PA RKANG TSUGS PA GZHI 'DUL BA'I BSLAB KHRIMS PHYAG SROL MA NYAMS PA LA BRTEN PA'I GRVA SA BTZUGS, RJE RANG NYID KYIS KYANG MTHUN RKYEN GYI NAS GZHI 'DZUGS PA SOGS KYI RKYEN DU BAB PA'I YO BYAD DPAG TU MED PA'I GNANG SBYIN MDZAD CING RDZONG DPON PAS BDAG RKYEN PHUN SUM TSOGS PA'I THUGS KHUR BZHES SO, ,DE NAS GNAS DE NYID LA RAB TU GNAS PA ZHUS PAS, DA LAN MIN PA RAB GNAS BYED PA MI 'ONG BAS DA LAN RGYAS PA ZHIG BYED DGOS GSUNG NAS RAB TU GNAS PA RGYAS PAR MDZAD DE, GNAS DE NYID KYI GTZUG LAG KHANG DE LA GSANG SNGAGS MKHAR ZHES BYA BAR MING DU GDAGS PA'ANG MDZAD DO, ,DE NAS BRAG DKAR DU BYON, DE NAS GRU BZHIR GDAN 'DREN ZHUS NAS BYON TE, DE YANG 'BRAS SPUNGS NAS PHYAGS BTEG NAS DGA' LDAN DU MA PHEBS KYI RING LA GANG DU SPYAN DRANGS PA THAMS CAD DU DA YANG YANG 'ONG BA MI 'ONG BAS DA LAN 'GRO DGOS GSUNG NAS ZHAL GYIS BZHES PAR MDZAD DO, ,GRU BZHIR PHEBS PA'I NUB GAndI BRDUNGS PA'I SGRA CHEN PO GRAG PAS THAMS CAD THE TSOM DU GYUR NAS BRTAGS KYANG, MI ZHIG GIS BRDUNGS PA MA YIN PAR NGES PA TZAM DU ZAD KYI, GZHAN DU NA RDUNG BAR BYED PA SU ZHIG GIS GNAS GANG DU BRDUNGS PA SOGS GANG DU'ANG BRTAG PAR MI NUS PAR YUN RING DU SGRA SHIN TU GRAG

, ,CING GSANG MTHO BA RDUNG BAR BYED PA ZHIG BYUNG NGO, ,GZHAN YANG 'BRAS SPUNGS NAS YAR LA PHYAGS MA BTEG PA'I GONG TZAM GYI SKABS SU'ANG, SA CHEN PO GLO BUR NYID DU G-YO BA DANG, NAM MKHA'I DBYINGS MTHA' MI MNGON PA'I LAM RING PO NAS 'ONGS PA'I 'JA' TSON RNAM PAR BKRA BA MTHA' YAS BA RI BO DGA' LDAN GYI RTZE LA YANG DANG YANG DU ZUG PA BYUNG STE, DE NI RJE RIN PO CHE 'DI NYID 'OD GSAL CHOS SKU MNGON DU MDZAD NAS GZUGS KYI SKUR BZHENG BA DANG MNYAM DU PHYOGS BCU'I ZHING RAB 'BYAMS THAMS CAD DU SPRUL PA 'GYED PAR MDZAD BAS, PHYOGS BCU'I SANGS RGYAS KYI ZHING DAG NAS MCHOD RDZAS SNA TSOGS THOGS PA'I LHA BGRANG BA LAS 'DAS PAS BSU BA BYAS PA YIN PAR GDON MI ZA STE, DPAL 'KHOR LO SDOM PA'I RTZA RGYUD LAS, 'KHOR LO SDOM PA'I RNAL 'BYOR PA DAM TSIG DANG SDOM PA TSUL BZHIN DU BSRUNG BA DAG 'CHI BA'I DUS BYED PA NA DPA' BO DANG DPA' MO BGRANG BA LAS 'DAS BAS MCHOD PA'I BYE BRAG SNA TSOGS BA THOGS TE MKHA' SPYOD DU 'KHRID PAR GSUNGS NA, RJE BDAG NYID CHEN PO 'DI LTA BU 'OD GSAL CHOS SKU MNGON DU MDZAD NAS ZUNG 'JUG GI SKUR BZHENGS PA LA PHYOGS BCU'I DPA' BO DANG DPA' MO THAMS CAD KYIS MCHOD PA BYED PA DANG, ZHING GANG DANG GANG DU BYON PA DE DANG DER MCHOD PA'I BYE BRAG SNA TSOGS THOGS PAS BSU BA BYED PA LTA CI SMOS SO, ,DE NAS GRU BZHI NAS PHYAGS BTEG NAS DGE LDAN DU PHEBS PA NA THOG MAR YANGS PA CAN GYI GTZUG LAG KHANG CHEN POR BYON TE 'DIR NGA YANG

YANG 'ONG BA MI 'ONG BAS MCHOD GTOR RGYA CHER SHOMS GSUNGS NAS STON PA'I SKU DANG, GZHAL YAS KHANG RNAMS DANG, YI DAM GYI DRUNG DU MCHOD PA DANG GTOR MA RGYA CHER MDZAD DE GSOL BA GDAB PA DANG SMON LAM GYI RIM PA LA SOGS PA MANG DU MDZAD, DE NAS 'DU KHANG DU DGE 'DUN GYI MANG JA 'DREN PA ZHIG GIS GDAN DRANGS PAS TSOGS KYI DBUS SU PHEBS TE SBYIN BDAG SOGS KYI CHED DU ZHU BA SU'ANG MED PAR BDE BA CAN GYI SMON LAM RGYAS PA DGE 'DUN TSOGS PA RGYA MTSO'I DBUS SU SHIS BRJOD DANG BCAS PA MDZAD DE, PHYI RABS KYI GDUL BYA RNAMS LA RJE NYID KYIS JI LTAR GSUNGS PA'I MDO SNGAGS YONGS SU RDZOGS PA'I LAM SROL BZANG PO 'DI NYID MI NYAMS SHING GONG NAS GONG DU 'PHEL BA'I RTEN 'BREL BSGRIG PA'I PHYIR 'DUS PA RGYA MTSO'I DBUS SU BYON NAS THUGS SMON DANG BKRA SHIS DE LTAR MDZAD DO, ,DE NAS GZIM KHANG DU PHEBS TE BZHUGS GDAN LA BZHUGS PA NA, DA NI RANG RE'I DGON PA RANG DBANG THOB PA 'DIR SLEB BYUNG BAS BLO BDE'O, ,ZHES BKA' STZAL, DE'I NYIN MO 'DAS PA'I MTSAN MO'I GUNG THUN LA BAB PA TZAM NAS SKU KHAMS CUNG ZHIG BSNYEL BA'I TSUL BSTAN TE, DE'I SANG NYIN NAS DGE 'DUN THAMS CAD KYIS KYANG SKU RIM LA 'BAD PA 'DON PAR MDZAD, DE LTA NA'ANG SANG GI NYI PHYED TZAM BAR DU SKU LUS KYI CHA SO SO LA BSNYUN ZUG TU MNGON BA CUNG ZAD YOD GSUNG BA MA GTOGS DE NAS BSNYUN ZUG KYANG CHEN PO MED PAR CUNG ZAD THUGS NYOG PAR GSAL TZAM GYI BAR LA NYIN ZHAG GNYIS

, ,KYI RING DU SKU RIM BSGRUBS, DE'I TSE SRAS KYI THU BO RJE DAR MA RIN CHEN LA BSTAN PA'I BYA BA MDZAD TSUL 'DI LTAR DGOS BYA BA LA SOGS PA'I ZHAL TA ZHIB PAR SNGA MO NAS GNANG TSAR BAS DE'I TSE RGYAS PAR MA GSUNGS SHING, DBU ZHVA SNA RING DANG GOS BER ZHIG GNANG STE DON GYIS RGYAL TSAB TU BSKO PAR MDZAD, GNAS BRTAN RIN CHEN RGYAL MTSAN PA LA SOGS PA SKU DRUNG NA 'KHOD PA LA, TSUL 'DI SHES PAR GYIS LA BYANG CHUB KYI SEMS SGOMS SHIG CES SOGS TZAM GSUNG, GZHAN SKU KHAMS CUNG ZAD BSNYEL BA'I TSUL BSTAN PA'I RING LA'ANG SNGAR GYI THUN BZHI'I RNAL 'BYOR DANG BDAG 'JUG LA SOGS PA'I THUGS DAM GYI RIM BA RNAMS 'CHAG MED DU MDZAD PA DANG , GZHAN YANG GTZO BOR NANG GI TING NGE 'DZIN LA MCHOG TU GZHOL BA'I THUGS DAM LA KHOR YUG TU BZHUGS BAR GYUR TO, ,DE NAS NYI SHU BZHI'I DGONGS MO BCOM LDAN 'DAS BDE MCHOG 'KHOR LO'I MCHOD PA RGYAS BA ZHIG MDZAD DE DE'I TSE KA B'A LA MAR MED PA CIG KHYER SHOG GSUNG NAS DER NANG MCHOD BYIN RLABS RGYAS PA ZHIG MDZAD DE, BDAG NYID KYIS BDUD RTZI MYANG BA LAN SUM CU RTZA GNYIS SAM, BCU DRUG PHRAG GNYIS SU MDZAD PA LA, DE YANG BDE MCHOG GI MCHOD PA DE DANG 'BREL BAS DE NYID KYI DBANG DU MDZAD PA YIN LA RAG CING, GZHAN DU NA LHA'I 'KHOR LO 'DI 'DRA BA ZHIG GI DBANG DU MDZAD NAS BDUD RTZI MYANG BA MDZAD DO ZHES BYA BAR NI SUS KYANG KHONG DU MA CHUD DE, SKU DRUNG NA

'KHONG PA KHA CIG NI GRANGS LA DPAGS NAS BCOM LDAN 'DAS DPAL GSANG BA 'DUS PA'I SGO NAS MDZAD PAR YANG RTOG GO ,GZHAN YANG DE DAG GI TSE YI DAM GYI KHYAD PAR MNGON SUM DU GZIGS PA LA SOGS PA'I GZIGS SNANG KHYAD PAR CAN MANG DU YOD PA'I RNAM PA DU MA MNGON MOD KYI, SKU DRUNG NA 'KHOD PA DAG GIS JI LTAR MCHIS PA ZHU BAR MA NUS SO, ,DE NAS MTSAN MO'I RING LA THUGS DAM LA RTZE GCIG TU BZHUGS TE, DE YANG PHYI ROL NAS MNGON PA LA RDO RJE BZLAS PA LA SOGS PA MDZAD PA SHAS CHE BAR MNGON NO ZHES ZER TE, MDOR NA 'CHI BA 'OD GSAL CHOS SKU DANG SRE BA'I MAN NGAG RNAMS THUGS NYAMS SU BSTAR BA YIN PAR NGES SO, ,DE'I SANG NYIN NYI SHU LNGA'I SNGA DRO DANG PO NAS ZHABS RDO RJE SKYIL MO KRUNG DU MDZAD, PHYAG GNYIS MNYAM PAR BZHAG STE THUGS DAM LA RTZE GCIG TU BZHUGS PA LAS NYI MA SHAR RJES TZAM LA STONG PA GSUM RIM GYIS THIM NAS THAMS CAD STONG PA 'OD GSAL DON DAM PA'I BDEN PA MNGON DU MDZAD DE NANG DU 'OD GSAL CHOS SKU MNGON DU MDZAD PA DANG DUS MNYAM DU PHYI'I SKU LUS 'GYUR TE, ZHAL GYI DKYIL 'KHOR DE GANG CUNG ZAD SKU KHAMS BSNYEL BA SOGS KYIS SNGAR LAS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU ZHAL GYI DKYIL 'KHOR ZLA BA LTAR RGYAS PAR GYUR TE SKU'I CHA THAMS CAD 'OD KYI LUS CAN GYI LHA BU GZHON NU LTAR GYUR CING, SKU'I SHA ZHU BA DANG, LTAR LTAR POR GYUR PA DANG, KHAM KHUM DU GYUR PA LA SOGS PA CUNG ZAD KYANG MED LA, SNGAR GYI SKU'I GNYER MA RNAMS KYANG SKRA'I RTZE MO

, ,BRGYAR BSHAGS PA'I TSOD TZAM DU'ANG THAMS CAD KYI THAMS CAD DU MED PAR GYUR TE BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG NI SKU'I 'OD DMAR SER DU SNANG NGO ZHES ZER, KHA CIG NI DKAR SER DU SNANG NGO ZHES ZER, KHA CIG NI GSER BTZOM LTA BUR SNANG NGO ZHES ZER TE, LO BCU DRUG LON PA'I NA TSOD DANG LDAN PA'I LHA'I LUS CAN, JI LTAR 'JAM DPAL GZHON NUR GYUR PA RGYAN DANG CHA LUGS SPANGS NAS NANG DU YANG DAG 'JOG LA MNYAM PAR BZHAG PA JI LTA BA DE LTAR GYUR TO, ,'DI NI CHOS NYID YIN TE THEG PA THUN MONG BA LA YANG, GANG GI RGYUD LA MTHONG BA'I LAM SKYES PA DANG, DGRA BCOM PA MNGON DU BYAS PA LA SOGS BA'I SGO NAS BDUD RTZI THOB PAR GYUR PA NA, DBANG PO YONGS SU GSAL ZHING, BZHIN GYI MDOG NI DAG LA, PAGS PA'I MDOG NI DKAR BA LA SOGS PA LUS KYI MDANGS SNGAR LAS GNAS 'GYUR BA 'BYUNG BAR 'DUL BA LUNG LAS GSUNGS SO, ,DE BAS NA RJE 'DI YANG DE'I TSE 'OD GSAL DON DAM PA'I BDEN BA MNGON DU MDZAD DE, 'CHI BA CHOS KYI SKUR BSGYUR BA'I SGO NAS BAR DO SGYU MA'I SKUR BZHENGS TE, BAR DO LONGS SPYOD RDZOGS PA'I SKU MCHOG GI DNGOS GRUB KYI GO 'PHANG MTHAR THUG PA MNGON DU MDZAD PA YIN NO ZHES NANG THUGS KYI SRAS GCIG MKHAS GRUB SMRA BA'I NYI MA DANG GRUB CHEN 'JAM DPAL RGYA MTSO SOGS RJE'I THUGS SRAS RNAMS MTHUN PAR GSUNG NGO, ,DE LTAR RJE RIN PO CHES 'OD GSAL CHOS SKU MNGON DU MDZAD NAS 'OD GSAL DE LAS BZHENGS PA

DANG DUS MNYAM DU MTSAN DPES SPRAS PA'I GZUGS KYI SKU 'DUS PA'I RTZA RGYUD LAS, DPAG TSAD BRGYA YI KHYON TZAM DU, ,RDO RJE 'BAR BA'I 'OD DAG GIS, ,RGYAN RNAMS KUN GYIS BRGYAN PA YI, ,DAG PA'I BDAG NYID SNANG BAR 'GYUR, , TSANGS PA DRAG PO LA SOGS LHAS, ,NAM AANG MTHONG BAR MI NUS SO, ,ZHES GSUNGS PA LTAR NAM MKHA'I DBYINGS THAMS CAD 'OD ZER GYI DRA BAS 'GENGS SHING, TSANGS PA DANG BRGYA BYIN LA SOGS PA'I LHA MTHU BO CHE DAG GIS KYANG MTHONG BAR MI NUS NA GZHAN DAG GIS LTA CI SMOS PA YE SHES KYI SKU NAM MKHA' MA ZAD KYI BAR DU 'GYUR BA MED PA, GSUNG TSANGS PA'I DBYANGS LA 'GAG PA MED PA, THUGS BDEN PA GNYIS MNGON SUM DU GZIGS PA LAS NAM YANG NYAMS PA MED PA, SKU LAS SPRUL PA PHYOGS BCUR SPROS PAS NAM MKHA'I DBYINGS THAMS CAD KHYAB PAS SEMS CAN RNAMS LA GANG LA GANG 'DUL GYI DON MDZAD BZHIN DU ZHING 'DI'I GDUL BYA RNAMS KYI DON DU SNGAR LHAG PA'I LHA MANG POS LUNG BSTAN PA LTAR DGA' LDAN CHOS KYI PHO BRANG DU PHEBS NAS RJE BTZUN BYAMS PA MGON PO'I SRAS KYI THU BO'I TSUL BZUNG BA 'JAM DPAL SNYING PO ZHES BYA BA DGA' LDAN GYI LHA RNAMS KYIS GTZOS PHYOGS BCU'I ZHING NAS 'DUS PA'I GDUL BYA SA'I RDUL DANG MNYAM PA DGE LA THEG PA CHEN PO'I CHOS KYI DGA' STON 'GYED CING BZHUGS SO, ,DE NAS SRAS KYI GTZO BO RNAMS KYIS GTZOS DGA' LDAN DU SNYUG MAR GNAS PA RNAMS DANG, PHYOGS PHYOGS NAS 'DUS PA'I DAD LDAN BGRANG

, ,BA LAS 'DAS PA DAG DANG, DKAR PHYOGS KYI LHA DANG KLU LA SOGS PAS DANG BAR SNANG GI KHYON THAMS CAD YONGS SU GANG BA'I DAD LDAN DAG GIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE RJE RIN PO CHES GANGS RI'I KHROD 'DIR RGYAL BSTAN YONGS RDZOGS GSAR DU 'DZUGS PAR MDZAD PA 'DI NYID NAM YANG RGYUN MI 'CHAD CING MI NYAMS PAR GNAS PA'I RTEN 'BREL DU SKU GDUNG RIL PO TZAN DAN GYI SGROM GYI NANG DU BZHUGS, DE YANG RIN PO CHE'I SGROM GYI NANG DU BZHUGS TE DGA' LDAN RNAM PAR RGYAL BA'I GLING NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BZHUGS SO, ,DE LTAR RJE RIN PO CHES SANGS RGYAS 'JIG RTEN DU SLAR BYON PA LTAR MDO SNGAGS KYI BSTAN PA YONGS SU RDZOGS PA RGYA CHER SPEL BAR MDZAD PAS RGYUD 'DZIN GYI SLOB MA PHYOGS KYI THA GRU KUN TU BZHUGS PAS MTHA' DAG BRJOD PAR SU ZHIG GIS NUS, BSIL LDAN GYI LJONGS 'DIR BSTAN PA 'DZIN SKYONG SPEL GSUM MDZAD PA'I BSTAN 'DZIN CHEN PO JI SNYED BYON PA DAG KYANG BGRANG BAR MI NUS LA, SNGON GYI MKHAS PA DAG GIS GTZO BO DAG LAS PHYOGS TZAM RE BRJOD PA LA'ANG MANG DU MCHIS SHING, BRJOD TSUL 'ANG MI 'DRA BA MANG DU SNANG STE, MKHAS GRUB NOR BZANG RGYA MTSOS NI RJE'I THUGS SRAS BSAM GYIS MI KHYAB PA BYUNG BA RNAMS KYI NANG NAS KHYAD PAR DU 'PHAGS PA 'GA' ZHIG BRJOD PA NI, GTZANG NAS RGYAL TSAB DAR MA RIN CHEN SOGS

DGU; DBUS NAS 'DUL 'DZIN GRAGS PA RGYAL MTSAN SOGS BCU GSUM, KHAMS NAS TSA KHO MKHAN CHEN NGAG DBANG GRAGS PA SOGS LNGA, MNGA' RIS NAS BYANG SEMS SHES RAB BZANG PO SOGS LNGA RNAMS GTZO BOR MDZAD DE, DE DAG GI MTSAN RNAMS NI MKHAS GRUB NOR BZANG RGYA MTSO NYID KYIS MDZAD PA'I RJE'I BU SLOB BYUNG TSUL DU GSAL LO, ,RJE RIN PO CHE LA MI PHYED PA'I DAD PA CAN BZANG BZANG NE RING PA 'CHI MED RAB RGYAS KYIS NI RJE'I THUGS SRAS GTZO BO RNAMS BSDUS PA'I SDOM 'DI LTAR MDZAD DE, LUNG BSTAN RNAM DAG YOD PA'I BU CHEN THUGS SRAS BDUN, SNGON DUS BYA BRAL MDZAD DUS KYI PHYAGS PHYI BA BLOS BTANG BRGYAD, SKU BSNYUN DUS BSNYUN G-YOG DANG, SKU RIM RKANG TSUGS MDZAD PA'I BU CHEN BDUN; GDAN SA'I LUGS GNYIS SPEL BA'I BU CHEN MKHAS GRUB BRGYAD, YI GES THUGS ZIN PA'I BU CHEN GSUM, 'PHRIN LAS RTZOD PA MED PA'I BU CHEN GSUM, SGRUB PA GTZO BOR MDZAD PA'I BU CHEN RTOGS LDAN GYI MTSAN CAN BZHI DANG; RI SGRUB GNYIS, GZHUNG LUGS RAB 'BYAMS MKHYEN PA'I MKHAS MCHOG GNYIS, STOD SMAD KYI SHES RAB BZANG PO RNAM GNYIS, BYANG SEMS RNAM GNYIS, SEMS DPA' RNAM GNYIS, GRAGS PA RNAM GNYIS, BKA' BAB KYI BU CHEN DRUG, SDE DPON GRUB THOB KYI BU CHEN RTZOD MED GSUM, RIGS RUS KHUNGS BTZUN GYI MKHAS GRUB RNAM PA GSUM, RGYAL TSAB BSTAN 'DZIN GYI BU CHEN RIN PO CHE RNAM PA GSUM, SDE DPON THUGS GROL GYI MKHAS PA

, ,GCIG ,BYA BTANG SBAS PA'I GRUB THOB GCIG ,MKHAS MCHOG YONGS GRAGS KYI CHOS RJE GNYIS, BYA BTANG YONGS GRAGS KYI GRUB THOB GCIG CES SDE TSAN TSOMS SU BGRANGS SO, ,DE DAG SO SO'I MTSAN DANG NGOS 'DZIN NI KHONG PAS MDZAD PA'I RJE'I RNAM THAR GSER GYI MCHOD SDONG DU GSAL LO, ,PAn CHEN BSOD NAMS GRAGS PAS MDZAD PA'I CHOS 'BYUNG YID KYI MDZES RGYAN DU RJE RIN PO CHE'I SLOB MA GTZO BO DAG SDE TSAN DU BYAS NAS TSOMS SU BSDUS PA NI, BLA MA CHOS 'BREL GSAN PA GSUM, BYA BRAL LA MA PHEBS GONG GI SLOB MA LNGA TSAR BZHI, BYA BRAL LA THEGS DUS KYI 'KHOR DAG PA RNAM BRGYAD, SRAS KYI THU BO GNYIS, GNYIS PO DE'I STENG DU 'JAM DKAR BA BSNAN TE GSANG BDAG GIS LUNG BSTAN PA'I 'KHOR KHYAD 'PHAGS GSUM, NANG THUGS KYI SRAS GCIG ,'PHRIN LAS NAM MKHA' DANG MNYAM PA'I BU CHEN BZHI, DBUS GTZANG BSTAN PA'I SGRON ME BCU, GZHAN DON LHUN GYIS GRUB PA'I SEMS DPA' DRUG ,MI DBANG GTZUG NA MDZES PA'I TI SHR'I GNYIS, RGYA CHEN MANG DU THOS PA'I DBON SRAS GNYIS, SBYANGS PA'I YON TAN 'DZIN PA'I COG PU BA CHE CHUNG GNYIS, RNAM DPYOD PHUL DU BYUNG BA'I MKHAS PA GNYIS, BSTAN BA PHYOGS MTHAR SKYONG BA'I DAR CHEN DRUG ,SKAD GNYIS SMRA BA'I LO TZ'A BA GNYIS, SA SKYONG CHOS RJE DRUG ,GSUNG RAB MANG DU MKHYEN PA'I BSTAN 'DZIN BRGYAD, MDO RONG GI MKHAS PA BZHI, MKHA' SPYOD GRUB PA'I GDUNG RGYUD GNYIS, YA MTSAN

CAN GYI SKYES BU GNYIS, SKYE DGU'I GTZUG RGYAN SPYAN SNGA BRGYAD, KHRI STENG MDZES PA'I BLA CHEN BZHI, TSOGS PA SKYONG BA'I MKHAN PO BZHI, SDE DGON PHRA MO'I CHEN PO LNGA, DBANG BZHI SKUR BA'I CHOS BSGO BA GNYIS, LUNG RIGS SMRA BA'I DKA' BCU BA BZHI, TSIG DON SMRA BA'I DKA' BZHI PA BCU, BRTUL ZHUGS 'DZIN PA'I JO STAN BZHI, TSUL KHRIMS RNAM PAR DAG PA'I GNAS BRTAN DRUG ,TSE BLOS BTANG GI RTOGS LDAN LNGA, LHA GZIGS GRAGS PA RGYA MTSO SOGS BSTAN 'DZIN BCO LNGA RNAMS SDE TSAN DU BYAS TE BGRANGS SO, ,'DI DAG GI MTSAN DANG NGOS 'DZIN RNAMS CHOS 'BYUNG DE NYID DU GSAL LO, ,'DIR NI THAMS CAD BRJOD PAR MI NUS KYIS SRAS KYI THU BO GNYIS SOGS YONGS SU GRAGS PA 'GA' ZHIG GI RNAM THAR BRJOD PAR BYA'O, ,DE LA SRAS KYI THU BO RGYAL TSAB DAR MA RIN CHEN NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD PA RLABS PO CHE LA SLOB BZHIN PA LAS, ZHING 'DIR 'JAM MGON BLA MA'I BSTAN PA SPEL BA'I SLANG DU SMON LAM GYI MTHUS BYON PA ZHIG STE, SEMS DPA' CHEN PO 'DI GANG DU 'KHRUNGS PA'I YUL NI, DAM PA DU MAS BYIN GYIS BRLABS SHING BKRA SHIS PA'I DGE MTSAN DU MA DANG LDAN PA GTZANG MYANG STOD KYI SA'I CHA RI NANG ZHES BYA BA STE RI NANG GI LUNG LAG MDZO CHAD CES BYA BAR YAB BLON PO RNGA'I RIGS RGYUD RTA DPON PA DANG, YUM JO MO SHES RAB CES BYA BA'I SRAS SU RAB BYUNG DRUG PA'I SHING PHO 'BRUG GI LO LA BKRA SHIS PA'I DGE MTSAN DU MA DANG BCAS TE 'KHRUNGS, DGUNG

, ,LO BCU BZHES PA CHU MO GLANG GI LO GDAN SA CHEN PO GNAS RNYING DU MKHAN CHEN RIN CHEN RGYAL MTSAN PA DANG, BRAG THOG PA GZHON NU TSUL KHRIMS GNYIS LA MKHAN SLOB ZHUS NAS TSIGS SNGAM DAG TSUL GYI SDOM PA MNOS, MTSAN DAR MA RIN CHEN ZHES GSOL, DE NAS MKHAN SLOB KYI SPYAN SNGAR JI LTAR ZHAL GYIS BZHES PA'I SO THAR GYI BSLAB BYA RNAMS MIG GI 'BRAS BU LTAR BSRUNG ZHING SLOB DPON DPAL MGON PA'I DRUNG DU YI GE 'DRI KLOG PHUL DU PHYIN PAR BSLABS, DE NAS MKHAS PA'I DBANG PO KUN DGA' DPAL YONGS 'DZIN DU BSTEN TE TSAD MA RNAM 'GREL DANG TSAD MA RNAM NGES CHA LAG DANG BCAS PA LA SBYANGS, DE NAS MKHAS PA'I DBANG PO RI NANG PA RIN CHEN RDO RJE YONGS 'DZIN DU BSTEN TE PHAR PHYIN GYI GZHUNG RNAMS LA SBYANGS, DE NAS MKHAS PA'I DBANG PO BRAN MA BRAG KHA BA CHOS RJE DON GRUB RIN CHEN GYI DRUNG DU MNGON PA LA SBYANGS, 'DI RJE RIN PO CHE'I DGE TSUL GYI MKHAN PO CHOS RJE DON GRUB RIN CHEN ZHES PA DE MIN GYI DE DANG MTSAN GCIG PA MYANG STOD PA ZHIG GO ,DE NAS MKHAS PA'I DBANG PO BLO GROS BZANG PO'AM DKA' BZHI PA BLO GSAL ZHES YONGS SU GRAGS PA DE'I DRUNG DU 'DUL BA LA SBYANGS, GZHAN YANG LO CHEN SKYABS MCHOG DPAL BZANG DANG, SHANGS PA KUN MKHYEN PA SOGS DGE BA'I BSHES GNYEN DU MA LA MDO SNGAGS KYI CHOS MANG DU GSAN, KHYAD PAR GANGS CAN GYI SHING RTA CHEN PO RJE BTZUN RED MDA' PA'I ZHABS RDUL SPYI BOS BSTEN TE PHAR PHYIN TSAD MA 'DUL BA MNGON PA DBU MA

SOGS MDO PHYOGS KYI GZHUNG RNAMS DANG DPAL GSANG BA 'DUS PA SOGS SNGAGS KYI GZHUNG RNAMS PHAL CHE BA GSAN TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PA'I MKHAS PA'I DBANG POR GYUR TE RJE BTZUN RED MDA' PA'I SRAS KYI THU BO GZHUNG LUGS RAB 'BYAMS SHES PA'I BSHES GNYEN BDUN GYI NANG TSAN GCIG YIN NO, ,DE NAS DPAL LDAN SA SKYA SOGS GTZANG PHYOGS KYI CHOS GRVA CHEN PO RNAMS SU DKA' BCU'I GRVA SKOR MDZAD DE SNYAN PA'I GRAGS PAS SA'I STENG KHYAB PAR GYUR TO, ,DE NAS DGUNG LO NYER LNGA BZHES PA SA PHO 'BRUG GI LO LA GTZANG LA STOD LDOG LHO PA CHOS RJE KUN DGA' DPAL BAS MKHAN PO, RJE BTZUN RED MDA' PAS LAS SLOB, RJE GANGS CAN KUN DGA' DPAL BAS GSANG STON MDZAD, 'DUL BA 'DZIN PA DPAL LDAN BLO GROS DANG BLO GROS MTSUNGS MED SOGS DAD PA'I DGE 'DUN NYER GNYIS KYI DBUS SU BSNYEN PAR RDZOGS PA'I SDOM PA RNAM PAR DAG PA MNOS NAS BSLAB PA RIN PO CHE MIG GI 'BRAS BU LTAR GCES SPRAS SU MDZAD DE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DBUS PHYOGS KYI GRVA SA RNAMS SU GRVA SKOR MDZAD DE RTZES DANG GI GRVA SKOR GRUB NAS RJE RIN PO CHE GNYAL STOD RA GRONG DU BZHUGS PA'I TSE MJAL DU BYON, ZHAL GYI DKYIL 'KHOR MTHONG BA TZAM GYIS DAD PA'I SPU LONG G-YOS SHING, SKU MDUN DU BZHUGS TE CHOS KYI BKA' MCHID STZOL BAR ZHUS PAS RJE RIN PO CHES SEMS DPA' CHEN PO 'DI RIN PO CHE LTA BU'I GDUL BYAR GZIGS NAS GSUNG

, ,RAB DGONGS 'GREL DANG BCAS PA'I SNYING PO'I DON LAM GYI DKA' GNAS RNAMS DRI MA MED BA'I RIGS PA'I LAM NAS DRANGS TE RGYA CHER GSUNGS PAS YID CHES KYI DAD PA BRTAN PO 'KHRUNGS TE 'DI LTA BU'I DAM PA'I MGON LA BRTEN PA LAS LHAG PA GANG YANG MA MCHIS SHING, RGYAL BA'I GDUNG 'TSOB BSHES GNYEN DAM PA 'DI LTA BU BOR NAS GZHAN DU 'GRO BA GA LA RIGS SNYAM DU ZHABS KYI PADMO LA SPYI BOS GTUGS TE DA NAS BZUNG STE JI SRID 'TSO'I BAR DU ZHABS KYI PADMO LA BRTEN CHOG PA DGOS ZHES GSOL BA NAN CHER BTAB PAS RJE RIN PO CHES KYANG DGYES BZHIN DU ZHAL GYIS BZHES, DE NAS BZUNG STE RJE RIN PO CHE'I ZHABS DRUNG DU BCAR BZHUGS MDZAD NAS BYANG CHUB LAM GYI RIM PA'I KHRID DANG, BSKYED RDZOGS KYI KHRID SOGS MDO SNGAGS KYI LUNG KHRID MAN NGAG THAMS CAD YONGS SU RDZOGS PA GSAN, DE YANG THUGS RAB KYI RLABS PHUL DU PHYIN PAS RJE RIN PO CHES CHOS GANG GSUNGS THAMS CAD LAN RES BUM PA GANG BYO LTA BUR THUGS LA CHUD DE, RJE RIN PO CHES GNAM TZENG LTENG DU 'DUL BA'I BSLAB BYA RGYAS PAR GSUNGS PA'I TSE GANG GSUNGS THAMS CAD THUGS SU CHUD DE, DE MA THAG ZIN BRIS SU BTAB PA BSLAB BYA GNAM TZENG LTENG MAR YONGS SU GRAGS PA DANG, RJE RIN PO CHES SE RA CHOS SDINGS SU MA RGYUD RDZOGS RIM DPYID THIG GSUNG BA'I TSE GANG GSUNG THAMS CAD THUGS SU CHUD DE DE MA THAG ZIN BRIS SU BTAB PA RDZOGS RIM DPYID KYI THIG LE'I

ZIN BRIS LTA BU'O, ,DE NAS SA MO GLANG GI LO CHO 'PHRUL MCHOD PA GRUB RJES DGA' LDAN RNAM PAR RGYAL BA'I GLING 'DEBS PAR MDZAD TSE SEMS DPA' CHEN PO 'DI DANG 'DUL 'DZIN GRAGS PA RGYAL MTSAN GNYIS KYIS KHUR BZHES TE DGE 'DUN LA GNANG BZHU BA DANG, RDO BTEG PA'I MTHA' LAS BYUNG BA'I RUNG KHANG GCOD PA DANG, LAG GI BLA BSKO BA SOGS 'DUL BA NAS JI LTAR GSUNGS PA THAMS CAD JI BZHIN PHYAG LEN LA BTAB PAS MKHAR LAS KYIS KYANG RGYAL BA'I BSTAN PA GZHI NAS GSO BA'I BYAS MDZAD CING, RTAG TU DUS CHOS 'PHAGS BSTEN PA JI LTA BA BZHIN DU LUS SROG LONGS SPYOD GANG LA'ANG MI LTA BAR RJE RIN PO CHE'I BKA' BZHIN SGRUB PA LA NAM YANG G-YEL BA MED PAR MDZAD DO, ,DE LTAR MDZAD PAS RJE RIN PO CHE'I SRAS KYI THU BOR GYUR TE RJE RIN PO CHE ZHAL BZHUGS DUS NYID NAS RJE'I SLOB MA PHAL CHER BDAG NYID CHEN PO 'DI'I ZHABS LA GTUG CING, RJE RIN PO CHES RAB BYUNG BSNYEN RDZOGS GANG GNANG BA THAMS CAD BDAG NYID CHEN PO 'DIS SKYONG BAR MDZAD DO, ,DE NAS RJE RIN PO CHE ZHING GSHEGS PA LA PHYOGS PA'I TSE JI LTAR LHA'I BU DAM PA TOG DKAR POS 'DZAM BU'I GLING DU 'BYON PA LA PHYOGS PA'I TSE MI PHAM MGON PO RGYAL TSAB TU DBANG BSKUR BA JI LTA BA BZHIN DU CHOS KYI RGYAL PO TZONG KHA PA CHEN POS KYANG PAn ZHVA SNE RING DANG NA BZA' GOS BER BCAS BDAG NYID CHEN PO 'DI LA GNANG STE RGYAL TSAB TU DON GYIS BSKO BAR MDZAD, DE NAS DGUNG LO NGA DRUG BZHES PA SA MO PHAG GI LO HOR ZLA BCU

, ,GCIG PA'I GZA' SKAR DUS SBYOR BZANG PO LA RI BO DGE LDAN DU RGYAL BA TZONG KHA PA CHEN PO'I RGYAL TSAB TU DBANG BSKUR NAS GDAN SA LO BCU GSUM BAR DU MDZAD DE BSHAD SGRUB GNYIS KYI SGO NAS GDUL BYA RNAMS SMIN GROL LA 'GOD PAR MDZAD DO, ,BAR SKABS SHIG GNAS RNYING DU BYON, DGE 'DUN RNAMS LA CHOS DANG ZANG ZING GI SKYES RGYA CHEN PO MDZAD, MKHAN CHEN RIN CHEN RGYAL MTSAN PA DANG, MKHAN CHEN RIN CHEN GRUB PA GNYIS LA GAN GOS RE PHUL, JA DKAR GYI MANG JA, DGE 'DUN RNAMS LA DAR 'GYED, MTSAN NYID PA DANG CHOS 'CHAD SPYI LA DGE RGYUN NAR MA'I GZHI RTEN DANG GAN GOS RE 'BUL BAR MDZAD, KHYAD PAR ZHI PAR GSHEGS PA'I SNGA LO'I GONG TZAM DU GNAS RNYING DU PHEBS, MKHAN CHEN RIN CHEN RGYAL MTSAN PA'I NANG RTEN GYI DRUNG DU GU GU SHA'I MAndAL RIN PO CHE SNA TSOGS LAS GRUB PA'I RGYAN DANG BCAS PA DANG, DGE 'DUN RNAMS LA MANG JA MANG PO DANG, JA DKAR GYI GRAL 'GYED, 'BUL RKYEN BZANG PO DANG BCAS PA MDZAD, MKHAN CHEN RIN CHEN GRUB PA LA DNGUL LAS GRUB PA'I RGYAL BA RIGS LNGA, DNGUL GYI SPYI BLUGS, NA BZA' SOGS 'BUL BA MDZAD, DE DUS MKHAS GRUB RJE DANG ZHAL 'DZOM STE DGA' LDAN GYI GDAN SAR PHEBS DGOS PA'I BKA' GROS MDZAD, NYING RO SMAN CHU KHAR MKHAS GRUB GANG BZANG PA'I DRUNG DU GOS YUG NGUR KHA GCIG GIS GTZOS 'BUL BA MDZAD, MDOR NA GNAS RNYING DU DGE LDAN GDAN SAR MA PHEBS

BA'I GONG DANG PHEBS NAS KYANG BYON PA BCAS CHOS 'KHOR LAN BZHIR BSKOR, DE NAS DGUNG LO DRUG CU RE BRGYAD BZHES PA LCAGS MO PHAG LO HOR ZLA BCU PA'I GZA' TSES DGE BA LA, MKHAS GRUB DGE LEGS DPAL BZANG PO ZHES MTSAN YONGS SU GRAGS PA DE NYID DGE LDAN GYI GDAN SAR RANG GI RGYAL TSAB TU DBANG BSKUR BAR MDZAD DO, ,BDAG NYID CHEN PO 'DIS PHYI RABS KYI GDUL BYA RNAMS KYI DON DU MDZAD PA'I BSTAN BCOS KYANG MANG DU BZHUGS TE, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD SNYING PO RGYAN, DBU MA RIN CHEN PHRENG BA'I RNAM BSHAD SNYING PO'I DON GSAL BAR BYED PA, DBU MA BZHI BRGYA PA'I RNAM BSHAD LEGS BSHAD SNYING PO, BDEN GNYIS KYI RNAM GZHAG DANG LTA BA'I KHRID YIG RIN PO CHE'I PHRENG BA, DBU MA RTZA BA SHES RAB KYI DKA' GNAS CHEN PO BRGYAD KYI BSHAD PA, BSTAN BCOS TSAD MA RNAM NGES KYI t'IKA CHEN DGONGS PA RAB GSAL, TSAD MA RIGS THIGS KYI 'GREL PA LEGS BSHAD SNYING PO'I GTER, TSAD MA RNAM 'GREL GYI TSIG LE'UR BYAS PA'I RNAM BSHAD THAR LAM PHYIN CI MA LOG PAR GSAL BAR BYED PA, THEG PA CHEN PO RGYUD BLA MA'I t'IKKA ,MNGON PA KUN LAS BTUS KYI t'IKKA LEGS PAR BSHAD PA CHOS MNGON RGYA MTSO'I SNYING PO, BYANG CHUB SEMS DPA'I SPYOD PA LA 'JUG PA'I RNAM BSHAD RGYAL SRAS 'JUG NGOGS, TSAD MA MDO'I RNAM BSHAD, RJE'I GSUNG ZIN BRIS TSAD MA'I BRJED

, ,BYANG CHEN MO, MNGON PAR RTOGS PA'I RIM PA NYAMS SU LEN TSUL THEG MCHOG SGO 'BYED, MNGON PAR RTOGS PA BRGYAD DON BDUN CU DANG BCAS PA NYAMS SU LEN TSUL, MNGON PAR RTOGS PA'I RGYAN GYI BSDUS DON RIN PO CHE'I PHRENG BA, RNAM 'GREL GYI BSDUS DON THAR LAM GYI DE NYID GSAL BYED, RIGS PA DRUG CU PA'I t'IKKA, RIGS PA DRUG CU PA'I ZIN BRIS, 'BREL PA BRTAG PA'I RNAM BSHAD NYI MA'I SNYING PO, TSAD MA'I LAM SGRIGS, 'GAL 'BREL GYI RNAM GZHAG ,MNGON SUM LE'U'I BRJED BYANG, DBU MA RGYAN GYI BRJED BYANG, SHES RAB LE'U'I ZIN BRIS, DGE SLONG GI BSLAB BYA GNAM TZENG LTENG MA, DGE TSUL GYI BSLAB BYA GNAS TZENG LTANG MA; SANGS RGYAS SUM CU SO LNGA'I MTSAN GYI PHAN YON, DPAL GSANG BA 'DUS PA'I BLA BRGYUD GSOL 'DEBS MDO RGYUD MAR GRAGS PA, DPAL GSANG BA 'DUS PA 'JAM DPAL RDO RJE'I DKYIL 'KHOR GYI CHO GA DNGOS GRUB KYI SNYE MA, SGRUB THABS KUN BZANG GI DON BSHAD PA, DPAL GSANG BA 'DUS PA'I DKA' GNAS ZIN BRIS, DPAL DUS KYI 'KHOR LO'I LAM RIM PA GNYIS JI LTAR NYAMS SU LEN PA'I TSUL BDE BA CHEN PO'I LAM DU MYUR DU 'JUG PA, SGRUB LE'I PHYAG RGYA BZHI'I ZIN BRIS LA SOGS PA RNAMS MDZAD DO, ,DE NAS DGUNG LO RE DGU BZHES PA'I TSE ZHING KHAMS GZHAN GYI 'GRO DON LA DGONGS NAS CHU PHO BYI LO HOR ZLA LNGA PA'I SNRON GYI ZLA BA'I YAR NGO'I TSES BRGYAD LA LHA SA'I PO TA LAR

MYA NGAN LAS 'DA' BA'I TSUL BSTAN, DE NAS BZUNG STE BDUN PHRAG GSUM GYI BAR DU DBUS GTZANG THAMS CAD DANG, KHYAD PAR DGE LDAN DANG LHA SA GNAS RNYING RNAMS SU GSER BTZO MA'I ME TOG DANG, GZHAN YANG TZAM PA KA DANG, PADMA RA GA DANG, AINDRA NI LA LTA BU'I KHA DOG DANG LDAN PA'I CHAR CHEN PO BABS, KHYAD PAR SKU GDUNG DGA' LDAN DU GDAN 'DREN PA'I DUS DANG, ZHUGS 'BUL BA'I DUS RNAMS SU ROL MO'I SGRA DANG, 'JA' 'OD DANG, ME TOG GI CHAR LA SOGS PA NGO MTSAR BA'I LTAS BRJOD KYIS MI LANG BA BYUNG PA NI KUN GYI MTHUN SNANG DU GRUB PA YIN NO, ,DE'I TSE MKHAS GRUB RJES ZHAL BKOD GNANG NAS DGE LDAN DANG GNAS RNYING SOGS SU THUGS DAM GSOL 'DEBS KYI MANG JA TSAR 'BUL RGYUN GRAL 'GYED SOGS BSAM GYIS MI KHYAB PA BSGRUBS SO, ,SKU GDUNG RGYAL KHANG RTZER ZHUGS LA PHUL BA LAS PHYIS KYI GDUL BYA RNAMS LA GSOL BA 'DEBS PA'I RTEN DU RING BSREL MANG DU BYON PA DAD LDAN GYI GDUL BYA RNAMS LA GSOL BA 'DEBS PA'I RTEN DU RGYA CHER GNANG ZHING, SKU GDUNG BYINGS RNAMS DNGUL GYI MCHOD RTEN NANG DU BZHUGS TE DGA' LDAN RNAM PAR RGYAL BA'I GLING NA GDUL BYA RNAMS KYI BSOD NAMS KYI ZHING DU BZHUGS SO, , SRAS KYI THU BO 'DUL 'DZIN GRAGS PA RGYAL MTSAN NI BSKAL PA DPAG TU MED PA'I SNGON ROL NAS THUGS BSKYED DE, RGYAL SRAS KYI SPYOD PA RGYA MTSO LA SLOB BZHIN PA LAS ZHING 'DIR RJE RIN PO CHE'I BSTAN PA SPEL BA'I PHYIR SMON LAM GYI

, ,MTHUS BYON PA ZHIG STE, DE YANG DBUS STOD SBRANG DU KUN DGA' ZHES PA SHING PHO STAG GI LO SKU 'KHRUNGS, SKU GZHON NU NAS 'BRI KHUNG CHOS RJE LA GTUGS TE RAB TU BYUNG, DGE BA'I BSHES GNYEN MANG PO LAS MDO SNGAGS KYI CHOS MTHA' YAS PA GSAN, KHYAD PAR RJE THAMS CAD MKHYEN PA'I ZHABS LA GTUGS TE YUN DU BSTEN NAS SDE SNOD GSUM DANG RGYUD SDE BZHIS BSDUS PA'I GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I KHRID GSAN TE NYAMS SU BZHES PAS RTZOL MED KYI MYONG BA PHUL PHYIN THON, RGYUD SDE BZHIS BSDUS BA'I LHA'I RNAL 'BYOR PHRA RAGS RNAMS SGOM PA LA 'BAD PAS DKYIL 'KHOR GYI 'KHOR LO MNGON SUM DU GYUR, BSKYED RDZOGS KYI MAN NGAG RNAMS LA MYONG BA PHUL PHYIN THON, SDOM PA GSUM GYI BCAS MTSAMS PHRA ZHING PHRA BA'ANG NYAMS PA MED PAR BSRUNG ZHING BYANG CHUB KYI SEMS RIN PO CHE THUGS DAM GYI MTHIL DU MDZAD PAS LUNG DANG MNGON PAR RTOGS PA'I YON TAN GYI PHUNG PO CHEN BOR GYUR NAS CHOS KYI RGYAL PO TZONG KHA PA CHEN PO'I SRAS KYI THU BOR GYUR TE RJE'I SLOB MA THAMS CAD KYIS RJE NYID DANG 'DRA BAR GUS PAR BYED CING CHOS KYI BKA' DRIN NOD PAR BYED DO, ,SEMS DPA' CHEN PO 'DIS LEGS TSOGS THAMS CAD KYI RTZA BA BSHES GNYEN BSTEN TSUL LA THUG PAR GZIGS NAS RJE RIN PO CHE DUS RTAG TU MNYES PA GSUM GYIS MNYES

PAR BYED CING, LHAG PAR BKA' BZHIN SGRUB PA LAS NAM YANG MI 'DA' BAR DGA' LDAN RNAM PAR RGYAL BA'I GLING 'DEBS PA'I TSE RJE'I BKA' BZHIN GTZUG LAG KHANG BRTZIG PA DANG SPONG BA PA SO SO'I SPYIL BU BRTZIG PA SOGS LA NGAL BA KHYAD DU BSAD DE BRTZON PA CHER MDZAD CING, DE YANG 'DUL BA DANG MTHUN PA KHO NAR MDZAD DE, THOG MAR SA BRTAG PA, DE NAS DGE 'DUN LA GNANG BA ZHU BA, DGE 'DUN GYIS GNANG BA NA LAG GI BLA BSKOS TE RUNG KHANG GCOD PA NAS BZUNG MTHAR GTZUG LAG KHANG RTEN DANG BRTEN PAR BCAS PA YONGS SU RDZOGS PA GRUB PA'I BAR KHUR BZHES TE MTHAR PHYIN PAR MDZAD NAS RJE RIN PO CHE GDAN DRANGS TE MNYES PAR MDZAD PA SOGS 'KHOR LO GSUM GYI BYA BA MTHA' DAG GIS RJE RIN PO CHE RNAM PA KUN TU MNYES PAR MDZAD NAS MTHAR RJE RIN PO CHE ZHING GSHEGS PA'I TSE RANG NYID KYIS RJE'I GDAN SA MA MDZAD PAR RGYAL TSAB RIN PO CHE GDAN SAR MNGA' GSOL, SKU GDUNG RIN PO CHE MA NYAMS PAR TZAN DAN 'BA' ZHIG LAS GRUB PA'I SGROM DU BZHUGS SU BCUG ,DE YANG DNGUL BRE CHEN BCO BRGYAD LAS BRDUNGS PA'I GDUNG KHANG GI BUM PAR BZHUGS SU GSOL TE, GTZUG LAG KHANG GI GLO 'BUR BYANG MAR BZHUGS NAS MCHOD PA RGYA CHEN POS MCHOD PAR MDZAD PA LA SOGS PA'I BYA BA RNAMS RDZOGS PAR MDZAD NAS RJE RIN PO CHE'I DGONGS PA RDZOGS PA'I PHYIR DU BTZUN MO TSAL GYI DGON PA BTAB NAS TSOGS PA BSKYANGS PAS

, ,DGE 'DUN BRGYAD BRGYA LHAG TZAM 'DUS, RES 'GA' SPANGS SA SOGS DGON GNAS DANG RI KHROD GZHAN DU'ANG BZHUGS TE 'GRO DON DANG THUGS DAM 'PHEL BAR MDZAD, SKABS SHIG TU TSAL GUNG THANG DU PHEBS TE 'DUL BA'I BSLAB BYA DANG LAM RIM LEGS PAR GSUNGS, TSAL GUNG THANG GI DGE 'DUN THAMS CAD 'DUL KHRIMS RNAM PAR DAG PA DANG SKYES BU CHEN PO'I CHOS LUGS LA SBYOR BAR MDZAD PAS TSAL GUNG THANG GI CHOS SDE 'DI LA RJE NYID LAS KYANG BKA' DRIN CHE BAR GYUR PA YIN NO, ,BLA MA BYANG CHUB SEMS DPA' 'DI LA RJE'I GSANG SNGAGS DANG 'DUL BA'I BKA' BAB PAR SNANG STE, RJE'I BSHAD SROL PHYAG LEN BZANG PO MI NYAMS PA'I PHYIR DU 'DUL BA'I BSLAB BYA CHEN MOR GRAGS PA DANG, DGE TSUL GYI BSLAB BYA, GZHI GSUM GYI CHO GA'I LAG LEN, 'DUL BA'I GLENG 'BUM RNAMS MDZAD, RJE'I GSANG SNGAGS KYI SGRUB DKYIL RNAMS LA LHAN THABS DANG PHYAG BZHES, RAB GNAS KYI CHO GA ,'KHOR LO SDOM PA'I PHYI ROL MCHOD PA, GSANG 'DUS MI BSKYOD PA'I TSOM BU LA BRTEN PA'I MDUN BSKYED KYI MCHOD THABS, DRIL BU LHA LNGA'I SGRUB THABS, 'KHOR LO CHEN PO'I SGRUB DKYIL, L'U AI BA'I DKYIL CHOG ,DMAR NAG GI SGRUB THABS, RDO RJE DBYINGS KYI DKYIL 'KHOR GYI CHO GA, KUN RIG RNAM PAR SNANG MDZAD KYI CHO GA ,NGAN SONG SBYONG RGYUD KYI RNAM

BSHAD, BYA RGYUD RIGS GSUM LA BRTEN PA'I CHO GA'I LAG LEN SOGS RTZOM PA YANG MANG DU MDZAD DO, ,THUN MONG MA YIN PA'I RNAM THAR DANG SKYES RABS NI MKHAN CHEN LAS KYI RDO RJES GSANG BDAG LA ZHUS PA DANG, BLA MA DBU MA PAS RJE BTZUN 'JAM DBYANGS LA ZHUS PA DANG, BLA MA 'JAM DPAL RGYA MTSOS RJE BTZUN LA ZHUS PA RNAMS MTHUN PAR SNANG STE, DE YANG 'DI LTAR SLOB DPON GRAGS PA RGYAL MTSAN PA SKYE BA MANG PO'I SNGON DU BRAM ZE'I KHYE'U GO 'PHANG BYA BAR SKYES PA'I DUS NA, SANGS RGYAS LOG PAR DAD SEL GYI SPRUL PA'I RANG SANGS RGYAS SHIG LA BSOD SNYOMS BZANG PO LHUNG BZED GANG PHUL NAS BDAG 'DI NAS SKYE BA THAMS CAD DU RGYAL BA KUN GYI DAM PA'I CHOS MA LUS BAR 'DZIN CING, MTHA' 'KHOB RNAMS SU 'GRO BA MANG PO LA DAM PA'I CHOS STON CING THEG PA GSUM GYI LAM LA 'GOD PAR GYUR CIG ,CES SMON LAM BTAB PA'I MTHUS SKYE BA DRUG MTHA' 'KHOB KYI RGYAL POR SKYES NAS 'GRO BA MANG PO LA THEG PA GSUM GYI CHOS BSTAN TE LAM RNAM PAR DAG PA LA BKOD, DE NAS RAB TU BYUNG BA DANG THEG PA GSUM LA MKHAS PA'I DGE SLONG DANG, PAndI TA MKHAS SHING GSAL BA SHA STAG TU SKYE BA MANG PO BLANGS NAS DAM PA'I CHOS BSTAN TE MTHA' YAS PA'I SEMS CAN GYI DON RGYA CHER BYAS, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES NAS LHA MANG PO'I DON BYAS, DE NAS 'DIR SKYES PA YIN,

, ,'DIR RJE BTZUN BYAMS MGON GYI SKU RIN PO CHE LAS BYAS PA SOGS BKOD PA THO TSER BRIS PA LTAR BZHENGS NAS 'CHAD NYAN DANG THUGS DAM SOGS KYI DGE RTZA RJE BTZUN GYIS RJES SU 'DZIN PA'I CHED DU BSNGO ZHING BSTAN PA RGYAS PA SOGS KYI SMON LAM RGYA CHEN PO 'DEBS PAR MDZAD, DE LTAR BSGRUBS PAS 'DIR YANG BSTAN PA DANG SEMS CAN LA PHAN PA RGYA CHEN 'BYUNG, BYANG CHUB KYI SEMS LA BRTEN NAS RTOGS PA KHYAD PAR CAN SKYE, 'BREL TSAD DKAR PO'I SA BON THEBS, MDO SNGAGS LA BRTEN PA'I SLOB MA BSTAN PA 'DZIN PA DANG SEMS CAN LA PHAN PA RGYA CHEN PO DANG LDAN PA MANG DU 'BYUNG, SNYAN PA'I GRAGS PAS PHYOGS KUN TU KHYAB CING SANGS RGYAS KYI BSTAN PA RIN PO CHE SGO THAMS CAD NAS RGYAS PAR BYED DO, ,SKYE BA PHYI MA DGA' LDAN DU RGYAL TSAB MI PHAM MGON PO'I SRAS MCHOG LHA'I BU RGYAL SRAS ZHI BA'I SNYING PO ZHES BYA BAR SKYES NAS BYANG CHUB SEMS DPA'I SPYOD PA RLABS PO CHES 'GRO BA'I DON BYED CING, MTHAR DE BZHIN GSHEGS PA BYAMS PA'I DBANG PO ZHES BYA BAR 'GYUR RO, ,ZHES MKHAN CHEN LAS KYI RDO RJES GSANG BA'I BDAG PO PHYAG NA RDO RJE LA DNGOS SU ZHUS PA LAS 'BYUNG ZHING, DBU MA PA DPA' BO RDO RJES RJE BTZUN 'JAM DPAL DBYANGS LA ZHUS PA LAS KYANG DE BZHIN DU 'BYUNG YANG DUS PHYIS BLA MA 'JAM DPAL RGYA MTSOS RJE BTZUN 'JAM PA'I DBYANGS LA GSOL BA YUN

RING DU BTAB STE, SLOB DPON RIN PO CHE 'DUL BA PA 'DI PA'I SKU TSE SNGA PHYI RNAMS JI SKAD BYA BA LAGS, 'DIR BSTAN PA LA PHAN PA CHE CHUNG JI TZAM 'BYUNG, SKU TSE RING THUNG JI TZAM YONG, GANG DU BZHUGS NA 'GRO DON DANG THUGS DAM 'PHEL ZHES ZHUS PAS, RJE BTZUN GYIS 'DUL BA PA SNGON SKYE BA MANG PO'I SNGON ROL DU RGYA GAR DU BRAM ZE'I KHYE'U GO 'PHANG BYA BAR SKYES TE SANGS RGYAS LOG PAR DAD SEL GYI SPRUL PA'I RANG RGYAL ZHIG LA BSOD SNYOMS BZANG PO LHUNG BZED GANG PHUL NAS, BDAG SKYE BA THAMS CAD DU RGYAL BA'I DAM CHOS MTHA' DAG BZUNG NAS MTHA' 'KHOB KYI YUL RNAMS SU 'GRO BA GDUL DKA' BA RNAMS LA DAM PA'I CHOS BSTAN NAS THEG PA GSUM GYI LAM RNAM PAR DAG PA LA 'GOD PAR GYUR CIG ,CES SMON LAM BTAB PAS SKYE BA MANG BOR MTHA' 'KHOB KYI RGYAL PO SOGS SU SKYES NAS 'GRO BA GDUL DKA' BA MANG PO'I DON DPAG MED BYAS, STON PA 'DI 'JIG RTEN DU BYON DUS DGE SLONG 'DUL BA TOG CES BYA BA'I SDE SNOD GSUM LA MKHAS PA CIG TU SKYES, DE NAS BZUNG STE PAndI TA DANG RAB TU BYUNG BA DANG DGE SLONG THEG PA GSUM LA MKHAS PA SHA STAG TU SKYES SHING, DE'I DUS DKA' BZHI PA DANG DPON SLOB TU GYUR CING 'BREL, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES, DE NAS 'DIR SKYES PA YIN, 'DIR YANG SNGON GYI 'BREL PAS DKA' BZHI

, ,PA DANG DPON SLOB TU GYUR TE BLA NA MED PA'I DAD PA BRTAN PO THOB, BYANG CHUB KYI SEMS LA BRTEN NAS MNGON RTOGS KHYAD PAR CAN SKYES, MDO SNGAGS RNAM DAG GI SGO NAS BSTAN PA LA PHAN PA RGYA CHEN PO 'BYUNG, MI G-YO BA DKAR PO SKYE BA MANG PO'I YI DAM YIN PAS 'DIR YANG RJES SU BZUNG ZHING DNGOS DANG RMI LAM CI RIGS SU ZHAL STON, 'OD ZER CAN GYIS SKABS MANG POR BAR CHAD SEL, SKYE BA MANG POR DPAL LDAN 'DUS PA DANG HE RU KAS BYIN GYIS BRLABS, 'JAM DKAR GYIS SKYE BA GSUM DU RJES SU BZUNG NAS BYIN GYIS BRLABS KYANG DAM SEL CAN ZHIG LA RJES GNANG BYAS PAS CUNG ZAD 'GRIBS 'DUG ,DE LA BSHAGS BSDAM GYIS LA 'JAM DBYANGS KYI BLO 'PHEL BA'I GZUNGS RIN PO CHES BRIS PA BRGYA PHRAG GCIG 'DON PA LA YON BYIN NAS SMON LAM BTAB NA GZHAN PHAN CHE, TSE DRUG CU LHAG TZAM LAS PHAL CHER MI THUB, DE LA'ANG BAR CHAD MANG BAR SNANG BAS, DE BZLOG PA'I THABS RTA MGRIN SHVA NA'I BZLAS SGRUB DANG, PHYAG BZHI PA'I BSNYEN PA KHRI PHRAG RE ZHAG RE LA GYIS, 'DUG GNAS DPON SLOB RNAM GNYIS MNYAM DU PHAL CHER BSDAD NA DGE PHYOGS 'PHEL CHE, PHYI MA MGON PO MA PHAM PA'I CHOS KYI MDUN SAR RGYAL SRAS ZHI BA'I SNYING PO BYA BAR SKYES NAS, DKA' BZHI PA DANG DPON SLOB GNYIS MJAL NAS THEG PA MCHOG GI CHOS KYI DGA' STON LA LONGS SPYOD PAR 'GYUR RO, ,ZHES GSUNGS SO, ,DE LTAR 'DUL 'DZIN GRAGS PA RGYAL

MTSAN GYIS RJE BDAG NYID CHEN PO'I LUGS SROL BZANG PO NYAMS PA MED PAR BSKYANGS TE BSTAN PA DANG 'GRO BA'I DON RGYA CHER MDZAD CING, 'DUL BA 'DZIN PA ZHES MTSAN TZAM GYIS KYANG BSTAN PA LA PHAN PA ZHIG MDZAD NAS, SKU TSE 'DI'I DNGOS KYI GDUL BYA RDZOGS PA NA DGUNG LO RE GSUM PA ME PHO 'BRUG GI LO HOR ZLA LNGA PA'I TSES NYI SHU LA BTZUN MO TSAL DU ZHING GSHEGS TE, DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO,, ,, RJE'I THUGS SRAS TSA KHO DBON POR GRAGS PA MKHAN CHEN NGAG DBANG GRAGS PA NI, RGYAL MO RONG DU TSA KHO RGYAL PO'I RIGS SU 'KHRUNGS, DBUS GTZANG DU BYON TE RJE BDAG NYID CHEN PO SOGS MKHAS PA DU MA'I ZHABS PAD BSTEN NAS, SDE SNOD DANG RGYUD SDE LA SBYANGS PAS MKHAS PA'I GO 'PHANG BRNYES, RJE RIN PO CHE LAS BYANG CHUB LAM GYI RIM PA'I KHRID DANG, LAM GYI GTZO BO RNAM PA GSUM GYI KHRID GSAN TE MYONG BA THON PAR MDZAD, RJE RIN PO CHE LA RJE BTZUN 'JAM PA'I DBYANGS KYIS GSUNG RAB THAMS CAD KYI DON LAM GYI GTZO BO RNAM PA GSUM DU BSDUS NAS 'DOMS PAR MDZAD PA'I MAN NGAG GI RTZA TSIG BKA' 'BUM THOR BUR BZHUGS PA 'DI YANG RGYAL SRAS 'DI'I DON DU RJE RIN PO CHES YI GER 'GOD PAR MDZAD, RTZA TSIG DE'I MJUG TU, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN LA BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,

, ,ZHES RGYAL SRAS 'DI LA THUGS SHIN TU MNYES PA'I GSUNG YANG BYON NO, ,RJE RIN PO CHE LA BLA MED KYI DBANG DANG RIM GNYIS KYI MAN NGAG RNAMS LEGS PAR GSAN TE THUGS NYAMS SU BZHES PAS RIM PA GNYIS KYI TING NGE 'DZIN BRTAN PO THUGS RGYUD LA 'KHRUNGS, RGYAL SRAS 'DIS RJE RIN PO CHE DKA' BZHI'I GRVA SKOR MDZAD PA'I SKABS NAS BZUNG ZHABS 'BRING PA RGYUN RING DU MDZAD DE, MNYES PA GSUM GYIS MNYES PAR MDZAD CING, RJE RIN PO CHE DANG RGYAL SRAS 'DI GNYIS KYIS THUGS RJE CHEN PO RANG BYUNG LNGA LDAN GYI MDUN DU SMYUNG GNAS MANG DU MDZAD CING, DE'I TSE DPON SLOB GNYIS KAS THUGS RJE CHEN PO LA GSOL BA SHUGS DRAG LA RGYUN RING BA BTAB PAS, RGYAL SRAS 'DI LA SKU TSE'I MJUG LA 'PHRIN LAS RGYA CHEN PO YONG BA'I MTSAN LTAS SHAR, DE NAS RJE RIN PO CHES KYANG GNANG BA KHROL TE, RGYAL SRAS 'DIS MDO SMAD DU BYON NAS RJE BLA MA'I RING LUGS 'DZIN PA'I DGON SDE MANG DU BTZUGS TE, JA PHU STOD DU DA TSANG LHUN GRUB GLING ZER BA'I DGON PA DANG, JA PHU'I RKED NA BA MGO DGON PA, JA PHU'I SMAD NA SUM MDO DGON PA ,MU DGE'I SA CHAR BKRA SHIS 'KHOR LO'I DGON ZER BA RNAMS BTAB, GZHAN YANG DGON PA BRGYA RTZA BRGYAD BTAB PAR GRAGS, MKHAN CHEN 'DI LA RJE BDAG NYID CHEN PO THUGS SHIN TU DGYES PA ZHIG STE, CHAB SHOG LAS ,KHO BOS SMRAS PA'I RJES SU ZHUGS SHIG DANG, ,TSE RABS KUN TU SPYOD DANG SMON LAM KUN, ,MTSUNGS PAR SPYAD

DE NAM ZHIG 'TSANG RGYA TSE, ,BDUD RTZI'I BGO BSHA' THOG MAR SBYIN PAR BYA, ,ZHES GSUNGS SO,, ,,RJE RIN PO CHE BYA BRAL LA PHEBS SKABS RJE BTZUN 'JAM PA'I DBYANGS KYIS LUNG BSTAN PA'I 'KHOR DAG PA RNAM BRGYAD NI, BLA MA 'JAM DKAR BA ZHES GRAGS PA 'JAM DPAL CHOS BZANG, GNAS BRTAN BZANG SKYONG BA, GNAS BRTAN RIN CHEN RGYAL MTSAN ,GNAS BRTAN BYANG SENG PA, BLA MA 'JAM DPAL RGYA MTSO, DGE BSHES SHES RAB GRAGS, DGE BSHES 'JAM DPAL BKRA SHIS, DGE BSHES DPAL SKYONG RNAMS SO, ,BDAG NYID CHEN PO 'DI DAG NI SNGON YUN RING PO NAS RJE RIN PO CHES RJES SU BZUNG BA, SMON LAM STABS GCIG TU MDZAD PA, ,SRID PA MTHA' DAG ME 'BAR BA'I RLUBS LTAR MTHONG STE 'KHOR BA'I PHUN TSOGS LA RGYAB KYIS PHYOGS PA, RANG DON DU ZHI BDE'I GO 'PHANG LA'ANG MI SMON PA THUGS BYAMS PA DANG SNYING RJE'I GZHAN DBANG DU GYUR TE RGYAL SRAS KYI SPYOD PA RGYA MTSOR SLOB PA LA ZHUM PA MED PA, SRID GSUM DRI ZA'I GRONG KHYER LTAR GZIGS TE BDAG LTA'I BUD SHING YE SHES KYI MES BSREGS PA, RJE BTZUN 'JAM PA'I DBYANGS KYIS TSE RABS KUN TU RJES SU BZUNG BA, PHYI NANG GI RGYU RKYEN THAMS CAD TSANG BAS SKAD CIG RE RER YANG SA LAM GYI BGROD PA GONG 'PHEL DU 'BYON PA, RJE RIN PO CHE'I BSTAN PA MDZES PA'I RGYAN DU CHE BA, RGYAL BA SRAS BCAS KUN GYIS BSNGAGS PA'I GNAS SU GYUR PA ZHIG GO, 'DI DAG SO SOR GANG DU 'KHRUNGS PA DANG, SKU TSE

, ,HRIL PO'I MDZAD PA JI LTAR YIN PA RNAMS ZHIB TU BRIS NA YI GE'I KHUR CHES PAR 'GYUR BAS MA BKOD LA, BLA MA 'JAM DPAL RGYA MTSO BA NI, LAM RIM BRGYUD PAR BZHUGS PAS DE'I RNAM THAR NI 'OG TU 'CHAD DO,, ,,'JAM DBYANGS CHOS RJE BKRA SHIS DPAL LDAN PA NI, DON GRUB CES PAS MO LUG GI LO LA BSAM YAS SU SKU 'KHRUNGS, RTZES DANG DU RAB TU BYUNG STE GRAL 'DZIN MDZAD, GSANG PHUR GNYAL RGOD RIN BSAM DANG, LDAN MA DKON MCHOG SENG GE LA PHAR TSAD, SKYOR MO LUNG DU MKHAN CHEN DKA' BZHI PA LA 'DUL MNGON, DGE LDAN DU RJE RIN PO CHE NYID LA DRANG NGES RNAM 'BYED, RTZA 'JUG GI BSHAD PA, BYANG CHUB LAM RIM CHE CHUNG, SNGAGS RIM CHEN MO DPAL GSANG BA 'DUS PA'I RTZA RGYUD 'GREL PA SGRON MA GSAL BA DANG BCAS PA, BSHAD RGYUD LNGA, MDOR BYAS, MDO BSRE, RNAM GZHAG RIM PA, RDO RJE SEMS DPA'I SGRUB THABS, RIM LNGA, SPYOD BSDUS, RIM LNGA GSAL SGRON, RIM LNGA GDAN RDZOGS, BDE DGYES KYI CHOS SKOR, YO GA'I SKOR SOGS RGYA CHER GSAN PAS BKA' BSTAN BCOS MANG DU MKHYEN PA'I MKHYEN RAB LA SUS KYANG 'GRAN DU MED PAR GRAGS, RJE RIN PO CHE NYID KYIS MKHAN PO, 'DUL PA 'DZIN PAS LAS SLOB, RGYAL TSAB CHOS RJES GSANG STON MDZAD NAS BSNYEN PAR RDZOGS, RJE THAMS CAD MKHYEN PA NYID KYIS CHOS RJE 'DI PA DANG, CHOS RGYAL NAM MKHA' BZANG PO MCHOD YON GNYIS LA CHOS SDE 'DEBS DGOS PA'I BKA'

SNGA PHYIR PHEBS BA DANG, CHOS RJE BA'I MNAL LAM DU'ANG LHA GNAM THE DKAR PO YIN ZER BA ZHIG GIS DGON PA'I SA YUL BSTAN TE 'DIR KHYOD KYIS DGON PA ZHIG THOB, NGAS BTZUN PA STONG PHRAG LNGA 'BUL ZER, DE KA'I MDO LA DAN 'BAG MDA' NAS YAR BYON PAS LONGS SPYOD KYI CHU YIN ZER BA'I RDZING BU MANG PO 'DUG PA GZIGS SHING KHYAD PAR GLANG CHEN RI GDONG DU RDZING BU MANG PO'I 'GRAM NA RJE RIN PO CHE BZHUGS NAS 'DI RNAMS THOS BSAM GYI RDZING BU YIN PAS THUNGS GSUNG BA SOGS KYI LTAS YA MTSAN CAN BYUNG ZHING PHYI NANG GI RTEN 'BREL 'GRIG PA NA, NYID KYI DGUNG LO SO BRGYAD BA ME PHO SPRE'U'I LO LA DPAL LDAN 'BRAS SPUNGS KYI CHOS SDE CHEN PO BTAB, CHOS RJE RANG GDAN SAR BZHUGS NAS GRVA TSANG SO SOR SLOB DPON BSKO BA MDZAD CING, GZHIS KHA SNE'U NAS LO LO BZHIN SMON LAM CHEN MO DANG GDUGS DKAR 'DZUGS PA, DBYAR TSUL DGUN TSUL LTAR CHAGS PA, GZIM KHANG DANG 'CHAD NYAN KHANG TSOR NA BZA' GSOL CHAS NA MA DGOS SU PHUL BA LAS DGON BA MA BAS BU DGA' BA 'ONG BAR LUNG BSTAN PA LTAR GRVA TSOGS BCA' KHRIMS BSHAD NYAN SOGS PHUN TSOGS MTHA' DAG GONG NAS GONG DU 'PHEL BAR GYUR, CHOS NAM TSUGS SU MDO PHYOGS KYI PO TI BRGYAD BRGYAD RANG RANG GI 'GREL PA BOD t'IKA RE DANG SBYAR NAS GSUNG BA GNANG ZHING, SPYIR NA GZHUNG LUGS KYI PO TI CHEN MO BRGYA DANG SUM CU LA THUGS BSHAD MDZAD, GSANG 'DUS 'PHAGS LUGS, BDE MCHOG

, ,L'U NAG DRIL GSUM, DGYES RDOR, DGRA 'JIGS GSHED GSUM, MI G-YO BA, SGROL MA SOGS YI DAM GYI LHA MANG PO'I BSNYEN PA RGYUN DU MDZAD PA DANG, ZHAG RE LA AA RA PA TZA NA TSAR STONG PHRAG GNYIS RE DANG; MTSAN BRJOD TSAR GSUM RE, THUGS RJE CHEN PO'I GZUNGS YIG DRUG KHRI TSO RE BZLA BA 'CHAG MED DU MDZAD PAS PHYIS DUNG PHYUR GNYIS LHAG PAR LONGS, MTSAN NYID PA GCIG LA MA nI SONG BANG MANG ZHES GSUNG, DE LTAR LHA'I BSNYEN SGRUB LA 'GRUS PAR MDZAD PAS DBUS NA RJE BTZUN 'JAM DBYANGS, G-YAS NA MGON PO KLU SGRUB, G-YON NA ZHI BA 'TSO, MDUN NA RJE RIN PO CHE NGO CHEN GYI RNAM PA CAN DU 'KHOD PA ZHIG GI GZIGS SNANG DNGOS SU RGYUN MAR 'BYUNG BA DANG, MNAL LAM DU 'PHAGS PA KLU SGRUB GTZO 'KHOR, CHOS RGYAL SRONG BTZAN SGAM PO YAB YUM, RJE RIN PO CHE, YE SHES MGON PO PHYAG DRUG PA, LCAM DRAL, RGYAL CHEN BZHI SOGS KYIS RJES SU BZUNG BA'I MTSAN MA BYUNG BA SOGS BSAM GYIS MI KHYAB BO, ,RJE RIN PO CHE'I MAN NGAG LTAR RIM GNYIS KYI RNAL 'BYOR MTHAR PHYIN PAR MDZAD PAS BDE STONG DBYER MED KYI RDZOGS RIM ZAB MO THUGS RGYUD LA MNGA' BAS, RLUNG 'OD ZER LNGA PA'I KHA DOG GSAL BAR GZIGS PA SOGS SGYU LUS 'GRUB PA'I MTSAN MA THOB STE, RGYUD DANG GRUB CHEN GYI GZHUNG SHES PA ZHIG GIS BLTAS NA BSAM GYIS MI KHYAB PA'I RNAM THAR RO, ,'PHRAL GYI MDZAD SPYOD KYANG PHYAG TU BYUNG BA'I DNGOS PO

RNAMS CHA GSUM DU BGOS NAS CHA GCIG GIS PHYAG DPE DANG RTEN GSUM BZHENG, CHA GCIG GIS NAD BA RNAMS KYI PHYIR DU SMAN SBYIN MDZAD, CHA GCIG GIS GZIM KHANG GI THAB SPYOD DANG SLOB MA SKYONG BAR MDZAD DO, ,DE NAS DGUNG LO BDUN CU PA SA 'BRUG GI DGUN CHOS KYI MJUG LA, RTZE KHA BAS GDAN DRANGS NAS ZHAG SHAS BZHUGS, SLAR 'BRAS SPUNGS SU PHEBS NAS BSLAB BTUS KYI BRTZON 'GRUS LE'U'I MJUG CHOS THUN GNYIS KYIS RDZOGS PAR MDZAD LA, DE NI BRTZON 'GRUS MTHAR PHYIN ZHES PA'I DON TE, SKU TSE DE LA 'BRAS SPUNGS SU CHOS 'KHOR BSKOR BA'I THA MAR BYUNG SNANG, DUS DE NAS SKU CUNG ZAD BSNYUN PAS PHEBS BZHUGS DKA' BAR YOD NA'ANG BSTAN PA DANG SEMS CAN LA DGONGS TE RIM PAS GZHIS KHAR LO GSAR DANG LHA SAR SMON LAM CHEN MO'I GRAL DBUR PHEBS NAS JO BO RNAM GNYIS DANG, BCU GCIG ZHAL SOGS MJAL DUS DA LAN MIN PA AE MJAL MI SHES GSUNG, THUGS MDUN DRAG PO'I SGO NAS SMON LAM DPAG TU MED PA MDZAD, 'BRAS SPUNGS LA PHEBS ZHOR PO TA LAR ZHAG GSUM BZHUGS, NANG SO DANG YON MCHOD BZHUGS GDAN LA 'KHOD DUS SHIG ,CHOS RJE'I ZHAL NAS, RJE BTZUN GRAGS PA'I MNGON RTOGS LJON SHING DU; ;'DI DAG STON PA'I BLA MA'I BKA' DRIN NO, ,DRAN PA'I TSE NA DANG PAS MCHI MA LHUNG, ,ZHES GSUNGS TE RJE RNAM GNYIS KYI THUGS RGYUD NI MI SHES, GSUNG RAB NI RIM LNGA GSAL SGRON NYID ZLA DANG BRAL BAS MCHI MA LHUNG NA 'DI

, ,LA LHUNG RGYU YIN TE DA LEGS PAR 'CHAD PA DKON, BSTAN PA'I MJUG MA RNAM DAG CIG 'DUG STE 'JU MKHAN MI 'DUG ,DA NGED RANG GI KHA STABS NI 'DI LTAR SONG, GSUNGS NAS GSUNG 'DAR, SPYAN CHAB MANG PO MDZAD PAS NANG SO DPON BLON YANG SPYAN CHAB MANG PO LHUNG BAR SNANG, 'BRAS SPUNGS SU PHEBS NAS NANG SO DPON BLON DANG GRVA BU SLOB RNAMS KYIS ZLA BA SPREL NAS SKU RIM RGYA CHEN PO BSGRUBS SHING ZHABS PAD BRTAN DGOS PA'I ZHU BA PHUL BA NA NYID KYI ZHAL NAS, MDANGS RJE RIN PO CHE PHEBS NAS NGED RANG GNYIS RGYA NAG TU 'GRO RI BO RTZE LNGAR SGRUB PA BYED GSUNG BAS, DE RJE RIN PO CHE LA SDE SNOD GSUM DANG RGYUD SDE BZHI GSUNG GIN BZHUGS ZHUS DANG GSUNGS NAS PHYAG THAL MO SBYAR, SPYAN CHAB MANG PO'ANG MDZAD DO, ,DE NAS HOR ZLA GNYIS PA'I MJUG LA NUB CIG MNAL LAM DU RJE RIN PO CHE PHEBS NAS RJE BTZUN 'JAM PA'I DBYANGS KYI PHYAG DRIL YIN GSUNG BA ZHIG GNANG, DA KHYOD NGO GNYIS SDOD GSUNG BA ZHIG RMIS PA DRUNG 'KHOR BA RNAMS LA GSUNGS BAS, KHONG RNAMS ZLA BA DANG LO GANG YIN LA MA DON YANG DON LA ZLA BA YIN SNANG, DE NAS MYA NGAN LAS 'DA' BA'I LTAS BYUNG BA NA GZIM CHUNG DU PHEBS TE ZHABS GNYIS SKYIL KRUNG DANG PHYAG GNYIS MNYAM GZHAG MDZAD NAS THUGS DAM LA THUGS GTAD PAS SKU SMAD NAS DROD YAR LA RIM GYIS SDUD PA'I TSE RJE BTZUN 'JAM DBYANGS KYI ZHAL GZIGS BRIS SKU DE SKU MDUN DU SPYAN DRANGS, RJE BTZUN PHEBS YOD

LAGS ZHUS PAS SPYAN GYIS NI MA GZIGS, DBU DUD PA ZHIG MDZAD, CUNG ZHIG LON PA NA DA MI DGONGS PAR 'DUG SNYAM NAS BRIS SKU DE SKU RGYAB G-YON PHYOGS SU GDAN DRANGS PAS JI LTAR SPYAN DRANGS PA LTAR BRIS SKU LA SPYAN GDANGS TE AOG SKO SKU DPUNG G-YON PA'I STENG DU BZHAG NAS ZHAG 'GA' BZHUGS PAS PHAL CHER GYIS SKU'I GZI MDANGS LA DPAGS NAS 'KHRUL BA'ANG SKYES, DE NAS SA MO SPRUL LO DE'I ZLA BA BZHI PA SA GA ZLA BA'I TSES BCO BRGYAD LA DGA' LDAN CHOS KYI PHO BRANG MI PHAM RGYAL BA'I MDUN SAR RJE 'JAM DPAL SNYING PO'I ZHABS DRUNG DU PHEBS SO, ,PHYI RABS KYI GDUL BYA RNAMS KYI DON DU RJE'I DGONGS PA GSAL BAR MDZAD PA'I BRTZAMS CHOS KYANG RJE THAMS CAD MKHYEN PA'I GSANG BA'I RNAM THAR GSOL 'DEBS, SHES RAB KYI PHA ROL TU PHYIN PA'I DON TSANG LA MA NOR BA LAS DANG PO PAS NYAMS SU BLANG BDE BA, RJES RA SGRENG DU BSLAB BTUS GSUNGS PA'I ZIN BRIS, ZAB LAM GTUM MO'I GZHUNG KHRID; NYID KYI RGYUN GYI KHA TON MDZAD RGYUR 'JAM DBYANGS LA BSTOD PA, DUS 'KHOR RGYUD 'GREL GYI BRDA CHAD, BDE MCHOG NYUNG DU'I RGYUD LA LE'U NGA GCIG YOD PA'I LE'U DANG PO'I RGYUD DON MDOR BSTAN, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, GSANG 'DUS RIM LNGA GDAN RDZOGS KYI DMAR KHRID KHRID YIG LA MI GSAL BA RNAMS BRJED BYANG DU BRIS PA, GSANG 'DUS RIM LNGA GDAN RDZOGS KYI KHRID

, ,YIG; GSANG 'DUS RIM LNGA GSAL SGRON GYI SKABS SU NYE BAR MKHO BA 'GA' ZHIG BRJOD PA LA SOGS PA MANG DU YOD DO, ,'JAM DBYANGS CHOS RJE ZHING GSHEGS PA DE'I TSE NA MKHA' SHIN TU DANGS PA LA 'JA' DKAR PO DANG, KHA DOG SNA LNGA'I GUR LCAGS SGROG LTAR 'BREL BA, 'BRAS SPUNGS NAS DGE LDAN GYI BAR LA SHAR PA DANG, LHA'I ME TOG GI CHAR MANG DU BABS PA SOGS SKYE BO KUN GYI MIG LAM DU BYUNG NGO, ,SKU GDUNG NI BSHAD GRVA YUN RING DU GNAS PA'I RTEN 'BREL DU DNGUL GYI MCHOD RTEN NANG NA MA NYAMS PAR BZHUGS TE CHOS GRVA CHEN PO DPAL LDAN 'BRAS SPUNGS KYI GTZUG LAG KHANG NA BSOD NAMS KYI ZHING DU BZHUGS SO,, ` ,,BYAMS CHEN CHOS RJE SH'AKYA YE SHES NI, RGYAL BA ZHES PA SHING PHO RTA'I LO SNRON ZLA'I YAR NGO'I TSES GCIG GI NYIN TSAL GUNG THANG DU TSAL PAR GRAGS PA'I DPON RIGS SHIG TU SKU 'KHRUNGS, GZHON NU NYID NAS SNGON GYI SKYE GNAS MANG PO RJES SU DRAN PA SOGS MNGON PAR RTOGS PA'I YON TAN KYIS PHYUG NA'ANG, BLA MA MKHAS PA'I DBANG PO DU MA BSTEN NAS RGYAL BA'I GSUNG RAB MTHA' DAG LA MKHAS PAR SBYANGS TE MTHAR PHYIN PAR MDZAD, KHYAD PAR DU RJE BTZUN TZONG KHA PA CHEN PO'I SPYAN SNGAR MDO SNGAGS KYI ZAB KHRID MANG PO GSAN TE MKHAS PA'I DBANG BOR GYUR, DE DUS SU RGYA NAG GONG MA YUNG LO RGYAL POS CHOS KYI RGYAL PO TZONG KHA PA CHEN PO'I SNYAN PA GSAN NAS GONG MA'I RGYAL KHAB TU GDAN 'DREN PA'I PHYIR BLON PO HA'U ZHEN SOGS T'A ZHING BZHIS GTZO

BYAS GSER YIG PA MI SNA MANG PO MNGAGS TE LUNG DANG GNANG SBYIN 'BUL BA GYA NOM DANG BCAS KHYER NAS TZONG KHA PA CHEN PO GDAN 'DREN LA BTANG YANG, RJE RIN PO CHE SER CHOS SDINGS SU SKU MTSAMS SHIN TU DAM PAR MDZAD PA'I SKABS SU GSER YIG PA RNAMS SLEBS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG BA LA, ZHU BA NAN GYIS PHUL BAS SE RAR PHEBS NAS MJAL KHA GNANG, 'BUL BA RNAMS BZHES RGYA YUL DU 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA T'A ZHING RNAMS LA ZHIB RGYAS GNANG NAS RJE RIN PO CHE SPYAN MA 'DRONGS PAR RJE NYID KYI SKU TSAB TU LAS 'BREL GYI DBANG GIS SPRUL BA'I SKU BYAMS CHEN CHOS RJE MNGAGS PA GDAN DRANGS TE BLA MA GRVA SLOB T'A ZHING MI BZHI MI SNA MANG PO DANG BCAS LHO KHA KHAMS PHYOGS MI THANG BRGYUD NAS RIM GYIS RGYA NAG GONG MA'I PHO BRANG DU PHEBS TE YUNG LO RGYAL PO MJAL, GONG MA CHEN POS KYANG SRID ZHU BSNYEN BKUR PHUN SUM TSOGS PA MDZAD, DE NAS GONG MA RGYAL POS BYAMS CHEN CHOS RJE LA RGYAL KHAB 'DIR RGYAL BA TZONG KHA BA'I BSTAN PA'I SNYING PO RNAMS DAR BA ZHIG BYA 'DOD PAS MDO SNGAGS KYI CHOS SPYI DANG KHYAD PAR RGYUD SDE BZHI'I DKYIL 'KHOR CHEN PO RNAMS BSGRUB CING MCHOD PA BYED DGOS PA'I BKA' LUNG GNANG, DE NAS BYAMS CHEN CHOS RJES LO GSAR NAS DPYID ZLA 'BRING PO'I TSES 'GOR CHOG GRVA GSANG 'DUS DGYES RDOR BDE MCHOG

, ,'KHOR CHEN 'JIGS BYED ZHE DGU MA SMAN BLA RNAMS KYI SGRUB MCHOD KYI STA GON BTZUGS TE TSES DGU NAS BZUNG ZLA BA GSUM GYI BAR DU SGRUB MCHOD MDZAD DO, ,GRUB PA'I RTAGS NA MKHA' LA LHA'I ROL MO'I SGRA DANG, KHA DOG SNA LNGA'I 'JA' 'OD 'KHYIL ZHING DBYIBS RGYAL MTSAN LTA BU DANG, RDO RJE 'KHOR LO PADMA SNA TSOGS RDO RJE LTA BU SHAR BA RNAMS SKYA SER KUN GYIS MNGON SUM DU MTHONG, SPRIN MED PA'I NAM MKHA' LAS LHAS ME TOG GI CHAR 'BEBS PA SOGS LTAS KHYAD PAR CAN MANG DU BYUNG ZHING, RGYAL PO'I RMI LAM DU PHYOGS BCU'I SANGS RGYAS BYANG SEMS THAMS CAD HE YIN ZI'I NAM MKHAR BKRA LAM GYIS BZHUGS PA YANG YANG RMIS PA YANG BYUNG GSUNGS, CHOS RJE RANG NYID KYIS KYANG DKYIL 'KHOR LHA TSOGS RNAMS KYI ZHAL YANG YANG GZIGS, DE NAS GONG MA CHEN PO THUGS DAD TSAD MED PA SKYES TE GSER GYI 'KHOR LO YOD PA'I THAM KA 'BUL BA TSAD MED PA DANG BCAS GNANG STE BSNGAGS BRJOD GZENGS BSTOD MDZAD, DE NAS RGYAL PO'I DGUNG LO KHRI TSO KHRI TSOR SPEL BA'I PHYIR DU GRUB PA'I RGYAL MO'I LUGS KYI TSE DBANG RJES GNANG, GRUB CHEN TEE LO PA'I LUGS KYI BDE MCHOG 'CHI BA MTHAR BYED KYI DBANG BSKUR TE SPYI BOR BUM PA BZHAG PAS BDUD RTZIS BUM PA GANG STE 'PHYUR PAR KUN GYIS MTHONG BA BYUNG ZHING TSE RIL SOGS LA 'OD 'TSER BA LA SOGS PA'I GRUB RTAGS YANG MANG PO

BSTAN; ;RGYAL PO SHIN TU YA MTSAN TE GUS PA CHER MDZAD, RIN PO CHE GSER DNGUL GYI PHRAS BRGYAN PA'I BZHUGS KHRI, YI RTZI MDUN LCOG ,ZHABS STEGS BZHUGS STAN SOGS 'BUL BA TSAD MED PA GNANG, GZHAN YANG RGYA HOR GYI YUL GRU DE RNAMS SU RAB BYUNG BSNYEN RDZOGS, KHYIM PA RNAMS LA BSNYEN GNAS DANG DGE BSNYEN GYI SDOM PA SBYIN PA DANG, RANG RANG GI BLO DANG 'TSAM PA'I CHOS BSTAN NAS RJE RIN PO CHE'I BSTAN PAS PHYOGS DE KHYAB PAR MDZAD, DE NAS PHYOGS NAS CHED DU 'ONGS TE MJAL PHRAD BYED PA'I BLA DPON SKYE BO SER SKYA CHE PHRA THAMS CAD KYIS 'BUL BA ZHABS TOG PHUN SUM TSOGS PA BSGRUBS SHING DE DAG SO SO'I SKAL BA DANG 'TSAM PAR RAB BYUNG BSNYEN RDZOGS, DBANG LUNG RJES GNANG KHRID MAN NGAG BSNYEN GNAS SMYUNG GNAS KYI SDOM PA SOGS RANG RANG GI 'DOD MOS LTAR TSIM PAR STZAL TE SMIN CING GROL BAR MDZAD, DE NAS GONG MA RGYAL PO LA RGYAL BA TZONG KHA PA ZHAL MJAL BA DANG, MCHOD CING BSNYEN BKUR BA DANG, CHOS ZAB MO MANG PO'I BKA' DRIN ZHU BA SOGS KYI CHED DU DBUS GTZANG DU PHYIN CHOG PA DGOS ZHES DGONGS PA ZHU BAR MDZAD PAS, GONG MA CHEN POS KYANG DGONGS PA KHROL TE, GONG NAS GSER YIG PA SKYEL BA'I MI SNA DANG BCAS PHABS TE SHAN ZE'I LAM CHEN BRGYUD NAS RIM PAS LI THANG BYAMS CHEN CHOS 'KHOR SOGS NAS BOD YUL DBUS KYI SE RAR PHYAGS PHEBS TE RJE RIN PO CHE DANG MJAL, RGYAL POS GNANG BA'I GNAS BCU'I

, ,THAGS SKU, LJON SHING GI GUR, GSER DNGUL GYI MAndAL LA RIN PO CHE'I TSOM BU DANG BCAS PA, GOS DAR SNA TSOGS GTOS CHE BA PHUL NAS ZHABS BRTAN GSOL 'DEBS KYANG MDZAD, JO BO SH'AKYA MU NE RA GSER 'BUL ,MGUL RGYAN MCHOD CHA'I RIGS, RI BO DGA' LDAN GYIS GTZOS DGE 'DUN RNAMS LA 'GYED MANG JA SOGS GNANG, MI SNA LDOG DUS RGYAL PO LA LEGS GSOL ZHU 'BUL BYAS; MI SNA RDZONG BA MDZAD, DE NAS SNGA MO NAS RJE RIN PO CHE SE RAR BZHUGS DUS, RTZA SHE, DRANG NGES RNAM 'BYED, BZHI BRGYA PA, BYANG CHUB LAM RIM, GSANG SNGAGS LAM RIM GYI KHRID, RTZA LTUNG BCU BZHI PA DANG BLA MA LNGA BCU PA'I RNAM BSHAD GNYIS LA SOGS PA'I CHOS MANG PO GSAN NA'ANG , SLAR YANG DPAL GSANG BA 'DUS PA'I 'GREL PA SGRON GSAL MCHAN BU DANG BCAS PA, BSHAD RGYUD 'GA' ZHIG GI LUNG, RIM LNGA'I KHRID, SBYOR BA YAN LAG DRUG PA'I KHRID RGYAS PA, DUS 'KHOR GYI 'GREL CHEN DRI MED 'OD KYI BSHAD PA CHES ZHIB PA, N'A RO CHOS DRUG , DBU MA 'JUG PA, TSAD MA RNAM 'GREL, BDE MCHOG RTZA BA'I RGYUD LA SOGS PA'I CHOS ZAB CING RGYA CHE BA DPAG TU MED PA GSAN, DE NAS LO RE BZHIN GONG MA CHEN POR MTSAMS ZHU DANG CHOS KYI GDAMS PA GONG NAS GONG 'PHEL DU MDZAD, GONG MA CHEN

POS KYANG LO RE BZHIN GSER YIG 'BUL NOD GYA NOM PA DANG BCAS STZAL ,DE NAS RJE RIN PO CHE ZHING GSHEGS PA LA NYE BA'I TSE, STOD LUNG GI CHAB TSAN DANG, DE NAS 'BRAS SPUNGS SU BYON, DE NAS LHA SAR BYON PA'I TSE BYAMS CHEN CHOS RJE 'DI PAS RJE RIN PO CHE SE RAR GDAN 'DREN BYED PA'I GRABS KYANG SGRIGS TE SPYAN DRANGS NAS SE RA CHOS SDINGS SU BZHUGS, BSNYEN BKUR TSAD MED PAS MCHOD, DE'I TSE RJE RIN PO CHES BYAMS CHEN CHOS RJE 'DI PA LA SE RAR DGE 'DUN GYI SDE BTZUGS NAS BSHAD SGRUB RKANG TSUGS PA ZHIG BYED DGOS PA'I BSLAB STON ZHAL TA RGYAS PAR GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAMS PAR DAG BA NUB PAR GYUR NAS RING ZHIG LON, RJE RIN PO CHE NYID KYIS BSHAD PA RNAM PAR DAG PAR MDZAD PA'I GSUNG GI BDUD RTZI NYAMS SU MYONG BA'I BLO GROS KYI LUS YONGS SU TSIM PA MANG DU BYON MOD KYI, DE LTA NA YANG DA DUNG RGYUD SDE'I 'CHAD NYAN RKANG TSUGS PA'I GRVA SA GZHI THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN PA 'BA' ZHIG LA DGONGS PA'I THUGS KYI 'DUN PA SHUGS DRAG POS DE'I TSE BYAMS CHEN CHOS RJE 'DI PA LA BDE GSANG GNYIS KYI 'CHAD NYAN RKANG TSUGS PA'I SNGAGS GRVA ZHIG 'DZUGS PA'I ZHAL TA GNANG STE, BYAMS CHEN CHOS RJE 'DI PAS KYANG RJE RIN PO CHE'I BKA'

, ,BZHIN DU SGRUB PA'I THUGS KHUR RGYA CHER BZHES NAS, SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA BRTEN TE DPAL GSANG BA 'DUS PA DANG, BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG, CHOS DPON BSKO BA LA SOGS PA MDZAD CING RTEN 'BREL KHYAD PAR CAN SGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS PA LA SOGS PA RTEN 'BREL BSGRIG PAR MDZAD PA LA BRTEN TE SE RA THEG CHEN GLING BTAB, DE NAS RING POR MA LON PAR RJE RIN PO CHE GZHAN DON DU GSHEGS PA'I GDUNG MJAL RGYAN MCHOD ME SOGS GDUNG MCHOG RGYA CHEN PO MDZAD, SE RA CHOS SDINGS SU BYAMS CHEN CHOS RJE RANG NYID KYIS GTZOS DGE 'DUN MANG PO DANG BCAS GSANG BDE 'JIGS GSUM GYI DKYIL 'KHOR CHEN PO DAG ZHAL PHYE NAS, BLA MA RDO RJE 'CHANG DANG THA MI DAD PA LA PHYI NANG GSANG BA'I MCHOD PA RGYA CHEN POS MNYES PAR BYAS SHING, BDAG NYID 'JUG CING DBANG BLANG BA LA SOGS PAS DAM TSIG DANG SDOM PA RNAM PAR DAG PAR BGYIS TE, THUGS KYI DGONGS PA YONGS SU RDZOGS PA DANG, BLA MA MCHOG GI YE SHES KYIS GZIGS PA NAM DU YANG

'BRAL BA MED PA'I SMON LAM RGYA CHEN PO BTAB PAS NGO MTSAR BA'I LTAS MANG DU BYUNG STE, NAM MKHA' 'JA' YANG YANG SHAR BA DANG ME TOG GI CHAR YANG YANG BABS, BYI LO ZLA BA BCU PAR DGE LDAN DU RDO RJE 'DZIN PA BRGYA PHRAG DU MAS DKYIL 'KHOR DPAG TU MED PA BSGRUB CING MCHOD PA'I DUS KYI MCHOD PA BSGRUBS PA DE'I TSE DPON NAM MKHA' BZANG PO KHU DBON PA'I DRUNG NAS, RA KHA BRAG TU CHOS RJE BYAMS CHEN PA 'DIS GTZO BO MDZAD PA'I DGE BA'I BSHES GNYEN DU MA SPYAN DRANGS NAS DUS KYI MCHOD PA RGYA CHEN POR MDZAD DE GSOL BA BTAB PAS ME TOG GI CHAR BABS PA NI, ME TOG MU TIG GI MDOG LTA BU CHUNG DU SA LA KHA BA LTAR CHAGS PA DANG GZHAN YANG 'DAB MA DRUG PA LA SOGS PA KHA CIG GI MDOG NI DUNG DANG, KHA CIG NI GSER BTZO MA, KHA CIG NI MI KHRI LTA BU, KHA CIG NI RGYA MTHING BZANG POS BYUGS PA LTA BU MI'I LAG PA'I KHYON TZAM DPAG TU MED PA BABS SO, ,BYAMS CHEN CHOS RJE 'DIS RJE RIN PO CHE'I DGONGS RDZOGS SU MCHOD 'BUL MDZAD PA LA DE LTA BU'I RTAGS NGO MTSAR CAN 'BYUNG BA NI BYAMS CHEN CHOS RJE 'DI NYID RJE RIN PO CHE'I THUGS RJE'I BYIN RLABS ZHUGS PA'I SKYES BU DAM PA GZHAN DANG MI 'DRA BA ZHIG YIN PA'I RTAGS TE RNAM PAR THAR PA NGO MTSAR BA YIN NO, ,DE NAS SLAR YANG GONG MA CHEN PO YUNG RGYAL POS GDAN DRANGS TE RGYA NAG TU PHEBS,

, ,RGYAL PO CHOS DANG ZANG ZING GIS MNYES PAR BYAS, RGYA NAG GI YUL DU RDZU 'PHRUL GYI BKOD PA MANG DU BSTAN CING, RJE RIN PO CHE'I RING LUGS DRI MA MED PA PHYOGS KUN TU RGYA CHER SPEL, RJE RIN PO CHE'I THUGS BSKYED DANG BYAMS CHEN CHOS RJE NYID KYI SNGON GYI SMON LAM GYI DBANG GIS RGYA NAG THE RDZUNG YUNG LO RGYAL PO NAS ZON TE RGYAL PO'I BAR RGYAL RABS BZHIS MCHOD PA'I DPAL YON BLA NA MED PA MDZAD DE, DGUNG LO BRGYAD CU GYA GNYIS BZHES PA SHING MO YOS LO ZLA BA BCU PA'I TSES BCO BRGYAD KYI NYIN BU CHEN K'O SHI AA MO GHA DANG BSOD NAMS SHES RAB RNAM PA GNYIS LA ZHAL BKOD GNANG STE, PHYI NANG GI DO DAM MDZAD NAS SKU MTSAMS LA BZHUGS TE, THUGS DAM MDZAD, NYI SHU BZHI LA MDZO MO MKHAR DU ZHING GSHEGS SO, ,DE NAS YONGS KYI DGE BA'I BSHES GNYEN MANG POS DGONGS PA YONGS SU RDZOGS PA'I PHYIR DGE RTZA RGYA CHEN PO BSGRUBS SHING GDUNG MCHOD RGYA CHEN PO NYIN ZHAG BZHI BCU ZHE DGU'I BAR DU BSGRUBS DE'I TSE NAM MKHA' LA 'JA' 'OD 'KHRIGS SHING, LHAS ME TOG GI CHAR PHAB PA SOGS NGO MTSAR BA'I LTAS MANG DU BYUNG NGO, ,KHRA SA'I ZHES BYA BA'I SA CHA DER K'O SHRI DPAL LDAN PAS GTZOS DGE BA'I BSHES GNYEN MANG PO'I TSOGS DANG BLON CHEN MI CHEN DMAG DPON MI DPON SOGS SKYA SER MANG PO 'DUS NAS SKU GDUNG ZHUGS 'BUL MDZAD PA LA K'O SHRI DPAL LDAN PAS ME SBOR BA'I STANGS

KA CAM BYAS PA LA ME RANG 'BAR DU SONG ZHING, 'JA' TSON SNA LNGA'I GDUGS DANG RGYAL MTSAN BA DAN BKRA SHIS RTAGS BRGYAD KYI DBYIBS LTA BU'I LTAS BZANG KHYAD PAR CAN NAM MKHA'I KHAMS GANG BAR BYUNG BA KUN GYIS MTHONG ZHING NGO MTSAR BA'I GNAS SU GYUR TO, ,RJE RIN PO CHE'I THUGS SRAS BSTAN 'DZIN DAM PA SNGAR SMOS PA DE DAG THAMS CAD TSUL KHRIMS RNAM PAR DAG PA BYANG CHUB LAM GYI RIM PA LA NYAMS LEN SNYING POR MDZAD PA SA LAM GONG NAS GONG DU BGRONG BZHIN PA DANG 'GA' ZHIG LAM GYI BGROD PA MTHAR PHYIN TE SPRUL PAS 'GRO DON MDZAD PA, DAM NYAMS DANG 'CHAL PA DANG 'DRA CAN GYIS MA BSLAD PA RNAM THAR GTZANG BA, LUNG DANG RTOGS PA'I YON TAN GYIS MNGON PAR MTHO BA ,BSTAN PA LA BYA BA MDZAD PA SHA STAG BZHUGS TE, 'DIR MTHA' DAG BRI MA NUS LA, MKHAS GRUB SMRA BA'I NYI MA DGE LEGS DPAL BZANG DANG, BA SO CHOS KYI RGYAL MTSAN DANG, RJE BTZUN SHES RAB SENG GE DANG, THAMS CAD MKHYEN PA DGE 'DUN GRUB PA RNAMS NI LAM RIM BLA BRGYUD DU BZHUGS PAS DE DAG GI RNAM THAR RNAMS NI SO SO'I BRGYUD RIM DU 'CHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS RGYAL BA SRAS BCAS KUN GYI MKHYEN BRTZE NUS GSUM GCIG TU BSDUS PA'I NGO BO CHOS KYI RGYAL PO TZONG KHA PA CHEN PO LA GSOL BA 'DEBS PA LHUR BYA ZHING, RJE BDAG NYID CHEN PO'I RNAM THAR LTAR GANG NYAMS SU BLANG BAR BYA BA'I

, ,GNAS RNAMS LA SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS NGES PA RNYED PAR BYA BA DANG, JI LTAR NGES PA'I DON LA DBEN PA'I GNAS SU TSE 'DI'I KHRI BA BCAD DE SGRUB PA SNYING POR BYA BA DANG, BSTAN PA'I RTZA BA SO SOR THAR PA'I BCAS MTSAMS RNAMS MIG GI 'BRAS BU LTAR BSRUNG BA GZHIR BYAS NAS RGYAL BA'I BKA' DANG SHING RTA CHEN PO'I GZHUNG RNAMS GDAMS PA'I MCHOG TU 'KHYER BAR BYA BA DANG, LAM GYI YAN LAG PHRA MO RE LA ZHEN PA MIN PAR LAM GYI LUS YONGS SU RDZOGS PA LA SLOB PA DANG, MDO SNGAGS GNYIS TSA GRANG LTAR 'GAL BAR SONG BA MIN PAR GCIG GROGS SU GCIG 'GRO BAR BYAS LA BSHES GNYEN BSTEN TSUL NAS BZUNG MTHAR THUG GI 'BRAS BU MI SLOB PA'I ZUNG 'JUG GI BAR SA LAM 'BRAS BU DANG BCAS PA YONGS SU RDZOGS PA RANG GI RGYUD LA SBYAR TE NYIN RE BZHIN BAG CHAGS CI THEBS BYA BA LA SKYES BU'I RTZA LA CI YOD KYIS 'BAD PAR BYA'O,, ` ,,RJE BTZUN 'JAM PA'I DBYANGS KYI BKA' GRUB PAS, ,MDO RGYUD RGYA MTSO'I DPAL LA DBANG BSGYUR ZHING, ,BLO BZANG CHOS KYI MDUN SA MDZES PA'I RGYAN, ,'JAM DPAL RGYA MTSO'I ZHABS LA GSOL PA 'DEBS, ,ZHES BSNGAGS PA GRUB PA'I DBANG PHYUG 'JAM DPAL RGYA MTSO BA NI, MDO SMAD TZONG KHA'I YUL DU ME PHO SPRE'U'I LO SKU 'KHRUNGS, SNGON GYI BAG CHAGS BZANG PO'I

MTHU BRTZAS PAR GYUR PAS GZHON NU NYID NAS DAM PA'I CHOS 'TSAL BA'I THUGS BSAM KHO NA BYUNG NAS, ZLA BA SGRON MA'I MDO LA SOGS PA'I MDO DANG BSTAN BCOS MANG PO THUGS LA BZUNG, KHYAD PAR ZLA BA SGRON MA'I MDO RGYUN DU ZHAL 'DON DU MDZAD, SNGON YUN RING PO NAS LAM LA GOMS PA'I MTHUS SKU TSE 'DIR GZHAN GYIS BSKUL BA LA MA LTOS BAR NGES 'BYUNG GI BSAM PA SHUGS DRAG POS RGYAL BA'I BSTAN PA LA RAB TU BYUNG NAS KHAS BLANGS PA'I BCAS MTSAMS RNAMS MIG GI 'BRAS BU LTAR BSRUNG ZHING, DE'I TSE DAM PA'I CHOS KHO NAS THUGS DRANGS PAS DGUNG LO BCO BRGYAD TZAM LA DBUS SU PHEBS, GRVA SA RNAMS SU BZHUGS NA SO SO'I LAS TSAN DANG MI MANG GIS G-YENG DOGS NAS DAL 'BYOR RNYED DKA' DANG NAM 'CHI CHA MED DRAN PAS RGYUD BSKUL TE RTAG TU DU LTAR CHOS 'TSOL BA'I 'DUN BA SKYES TE DGE BA'I BSHES GNYEN MANG PO'I ZHABS LA GTUGS NAS MDO SNGAGS KYI LUNG MAN NGAG RNAMS GSAN ZHING KHYAD PAR RJE BTZUN TZONG KHA PA CHEN PO'I ZHABS LA GTUGS TE MAN NGAG RNAMS GSAN NAS TSE MJUG SGRUB PA MTHAR PHYIN PA ZHIG BYED DGONGS PA NAR MAR BYUNG, DE NAS RJE RIN PO CHE BDE BA CAN DU RGYUD BLA MA GSUNG GIN 'DUG PA GSAN DU BYON PAS LEGS PAR GO BA BYUNG GSUNGS, DE NAS RJE RIN PO CHES SGRUB PA SNYING POR BYED PA LA LAM CHA TSANG LA GO BA RNYED DGOS, DE 'ONG BA LA SHING RTA CHEN PO'I GZHUNG RNAMS LA SBYANGS NAS DRI MA MED PA'I RIGS PAS LAM DANG LAM MIN 'BYED

, ,THUB BA ZHIG DGOS PAS TSAD MA LA SOGS PA'I GZHUNG LUGS RNAMS LA SLOBS GSUNG BA'I BKA' PHEBS PA NA RJE RIN PO CHE'I BKA' LTAR BSGRUBS TE G-YANG PHU LA SOGS PA'I GRVA SA MANG POR GZHUNG LUGS RNAMS LA SBYANGS TE 'DRIS PAR MDZAD CING, KHYAD PAR RJE RIN PO CHE NYID LA GZHUNG LUGS RNAMS GSAN TE RIGS PA'I LAM SROL RNYED PAR MDZAD, DE LTAR GZHUNG CHEN MO RNAMS LA THUGS SBYONG MTHAR PHYIN PAR MDZAD DE DA NI SGRUB PA RTZE GCIG TU BYA DGONGS NAS SGOM KHRID RNAMS BLA MA MANG PO LA GSAN ZHING BSGOMS NAS MYONG BA THON PAR MDZAD, KHYAD PAR SKYOR MO LUNG DU BLA MA DBU MA PA DANG RJE RIN PO CHES 'JAM DBYANGS CHOS SKOR GYI BDE MCHOG GNANG BYUNG BA BSGOMS PAS RMI LAM DU RI BO RTZE LNGA SOGS YUL KHAMS MANG POR BYON PA SOGS BYUNG GSUNG, DE NAS BLA MA YON BZANG BA'I SAR BZHUGS DUS SU DA STE 'JIG RTEN MI DANG MI BSRE, SE MO DO 'AM KHA CHE'I YAN LAG GAN BHO LA'I SGRUB GNAS SU PHYIN LA TSE DANG SGRUB PA MNYAM PA ZHIG BYA DGONGS PA BYUNG, DE DUS RJE RIN PO CHE YANG GTZANG PHYOGS LA PHEBS BLA MA DBUS PA DANG MJAL, RJE BTZUN GYI ZHAL TA LA NYAN BSHAD LAS BYA BRAL GYIS GSUNG BA BYUNG NAS DE LA THUGS THAG BCANG, RJE RIN PO CHE SLAR GTZANG NAS PHEBS, DE DUS BLA MA 'DI PA'I THUGS LA RJE RIN PO CHE BYA BRAL MDZAD NA RJE'I PHYAGS PHYIR 'BRANG DGOS, DE LAS LHAG PA RANG GZHAN DU

PHYIN YANG MI 'ONG SNYAM NAS MJAL DU BYON, LO RGYUS ZHUS PAS, NGED KYANG SGRUB PA BYED KHYED RANG YANG LAM 'BRAS KYI CHA LAG LHAG MA RNAMS ZHUS LA SHOG GSUNG BAS DE LTAR MDZAD NAS BYON GSUNGS, RJE RIN PO CHES BYA BRAL LA 'BYON PA'I 'KHOR JI LTAR 'THANG RJE BTZUN LA ZHUS DUS, BLA MA 'DI PA DANG BLA MA 'JAM DKAR BA, BLA MA SHES RAB GRAGS, BLA MA RIN RGYAL PA, SLOB DPON BZANG SKYONG, BLA MA BYANG SENG BA, BLA MA 'JAM DPAL BKRA SHIS, DPON PO DPAL SKYONG RNAMS KHRID GSUNG BA BYUNG 'DUG ,DE NAS DPON SLOB RNAMS STOD LUNG NAS DVAGS PO PHYOGS LA 'BYOR PAR CHAS, CHU GZHUNG LA MKHAR LTAG LA LKOG PAR DU BYON, DE NAS 'OL KHAR BYON PAS 'OL KHA RDZONG DPON GYIS 'GO BYAS THAMS CAD DAD NAS LO KHA YAR BZHUGS PA'I ZHU BA PHUL, CHOS LUNG DU RJE RIN PO CHES SPYIL PO ZHIG LA BZHUGS, GZHAN BYINGS POS BONG SPYIL RE LA BRTEN NAS BZHUGS, DE DUS BKA' GDAMS PA RNAMS KYI PHYAG LEN LTAR LAM THUN MONG BA LA GTZO BOR BLO SBYANGS PA DANG, SO SO THAR PA'I 'DUL KHRIMS LA GZHI BYAS THUN MONG BA NAS RIM PAS BRTZEGS PA MIN PA DANG PO NAS SNGAGS LA ZHUGS KYANG GNYIS MED SENG GE 'ONG BAR DGONGS NAS SNGAGS KYI YIG CHA DANG THANG SKU SOGS KYANG KHYER BA MED, BLA MA 'DIS LAM 'BRAS ZHUS PA DANG RJE BTZUN LA MOS PAS THANG SKU CHUNG CHUNG GCIG DANG LAM 'BRAS KYI GZHUNG BSHAD GCIG GDAN DRANGS GZHAN YE MED GSUNG, BLA MA DBU MA BAS

, ,THOG MAR BLA MA 'DI NYID LA RJE BTZUN GYI SGRUB SKOR RNAMS BYIN GSUNGS PAS, RJE RIN PO CHES BLA MA 'DI LA RJE BTZUN 'JAM DBYANGS KYI SGRUB SKOR RNAMS RIM CAN DU TSANG BAR GNANG, JI LTAR GNANG BA LTAR RTZE GCIG TU SGRUB BA MDZAD PAS RJE BTZUN 'JAM PA'I DBYANGS KYI SKU DANG GSUNG GI SNANG BA GSAL ZHING BRTAN PA NAR MAR BYUNG, PHYIS MGAR PHUG TU GZHAN RNAMS LA'ANG GNANG STE BSGRUBS PAS BYIN RLABS KYI MTSAN MA BYUNG GSUNGS, DE DUS ZHAG BDUN BDUN RJE'I ZHABS TOG BYED RES BYAS TE BLA MA 'DI'I RES SHIG DBU MA PA'I LUNG BSTAN BYUNG TSUL THOR BU ZHIG GNANG BA'I 'KHOR GZHAN RNAMS LA'ANG GNANG BAR ZHU ZHUS NAS GZHAN RNAMS KYANG BOS, MCHOD PA BSHAMS TE DE GSUNG BAR GSOL BA BTAB NAS GSUNGS PAS, THAMS CAD BLO 'KHRUL TE RJE RIN PO CHE DANG, BLA MA 'JAM DKAR BA GNYIS LA BYINGS POS ZHU BA PHUL TE DKA' THUB MDZAD DU MA BCUG ,GZHAN RNAMS KYIS SHUGS PA'I DKA' THUB BYAS, DE YANG THOG MAR BLA MA 'DI BAS BRTZAMS, TSUL KHRIMS LA GUS PAS RIL BU'I RTA SING POS BYED PA 'DUG STE CHU LA BYAS, GZHAN RNAMS LA RIL BU BRGYAD CU TZAM RE DGOS PAR 'DUG ,BLA MA 'DI LA SUM CU TZAM RES CHOG BAR BYUNG, STAG RTZE PAS CHAS KA LONGS ZER TE, DE DUS SKYO SHAS CHE DRAGS PAS MI DANG SNANG BA MI BSTUN CI BYED BSAM NAS MA BLANGS PAR LO GSUM TZAM SHUG 'BRU'I BCUD LEN LA BRTEN GSUNGS, DE'I RGYU MTSAN GYIS BLA MA 'DI LA SHUG

'BRU PA BYA BAR GRAGS, DE LTAR BDAG NYID CHEN PO 'DIS RJE RIN PO CHE SGRUB PA'I MCHOD PAS MNYES PAR MDZAD, YUN RING DU BSTEN NAS GSUNG RAB THAMS CAD KYI SNYING PO'I DON GCIG TU BSDUS PA'I MAN NGAG BYANG CHUB LAM GYI RIM PA MAN NGAG ZHAL SHES GEGS SEL BOGS 'DON DANG BCAS PA DANG, GSANG BDE 'JIGS GSUM SOGS BSKYED RDZOGS KYI KHRID MAN NGAG ZHAL SHES GEGS SEL BOGS 'DON DANG BCAS PA DANG ,ZAB LAM GCOD KYI CHOS SKOR CHA LAG DANG BCAS PA DANG, LHAG PAR DGA' LDAN SNYAN RGYUD KYI LTA KHRID CHA LAG DANG BCAS PA SOGS GDAMS NGAG THAMS CAD RDZOGS PAR THOB, THE TSOM GYI DRA BA MTHA' DAG CHOD PAR MDZAD, RJE BTZUN 'JAM PA'I DBYANGS KYIS RJE RIN PO CHE DANG, BLA MA 'DI PA DGA' LDAN GYI LHA KHA SHAS BCAS LA MDO SNGAGS GNYIS KA'I LAM GYI GNAD BSDUS PA'I SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM CHEN MO DANG BCAS PA GNANG NAS SPRUL PA'I GLEGS BAM CHEN MO BLA MA 'DI'I PHYAG TU PHEBS, RJE RIN PO CHE'I GDUL BYA 'PHRIN LAS THAMS CAD SA 'UR RDO 'UR DU RDOL BA NA 'DI PAS SGRUB PA RTZE GCIG PA NYID KYIS THUGS DRANGS NAS, DA NI NGA RANG DBEN GNAS SHIG BTZAL NAS SGRUB PA BYA DGONGS TE MAL GRO RGYAL STENG DU THOGS GCIG BZHUGS, DE NAS SPANGS MKHAN POS GDAN DRANGS TE, RI RTZE'I KHANG GCIG MOR RE SHIG BZHUGS, DE NAS SPANG SA SPYAN SNGAS DBEN GNAS SE BA RONG GI GZIM KHANG PHUL BAS DER BZHUGS TE SPYAN

, ,SNGAS GTZO MDZAD SKAL LDAN RNAMS LA BYANG CHUB LAM GYI RIM PA SOGS CHOS MANG DU GSUNGS, DE NAS DGONGS PA LA 'ON KYANG 'PHAGS PA'I GO 'PHANG MA BRNYES BAR DU CHOS 'CHAD PA SOGS GZHAN LA PHAN CHUNG ZHING SANGS RGYAS SGRUB PA'I BAR CHAD YIN PAR DGONG SNAS BUG SGO 'DAG SBYAR GYIS DUS 'DA' BAR MDZAD, GSER DANG BONG BA SNYOMS DGRA GNYEN NYE RING SNYOMS CHOS BRGYAD 'GO SNYOMS, RNYED BKUR SNYAN GRAGS LA BLTA BA'I 'DOD PA NGAN BA RGYANG RING DU DOR TE BSAM GTAN GYI 'KHOR LOS DUS YOL BAR MDZAD DO, ,DE'I TSE RJE BTZUN 'JAM DBYANGS KYI SKU GSUNG THUGS KYI SNANG BA YOD TSUL SNYAN GRAGS CHES PAS PHYOGS NAS MKHAS BTZUN BZANG GSUM DANG MI DRAG ZHAN YO 'ONG NAS LUNG BSTAN ZHU BAS PHAL MO CHE LA MJAL KHA MI 'ONG ,RE RE TZAM MJAL DU BYUNG BA LA'ANG DANG PO NAS MTHA' 'GOG RANG MDZAD DE, YI DAM GYI ZHAL GZIGS PA SOGS YE MI MNGON PAR MDZAD, DE DUS PHAG MO GRUB PA'I MI DPON CHEN PO RNAMS DANG, KHYAD PAR 'OL KHA RDZONG DPON GYIS RANG RANG GI BSTI GNAS SU SPYAN 'DREN PA'I ZHU BA DANG, DBEN GNAS KYANG SO SOS GANG BZHED 'BUL BAS PHEBS PA'I ZHU BA PHUL DUS NGA DBEN GNAS 'DIR SU GANG GI'ANG NGO 'DZIN BYED MI DGOS 'TSO BA'ANG MTHA' GNYIS PRAL BAR SPYOD PA 'DI BSGYUR NAS DE NA BAR CI BYED, KHONG TSO'I ZHABS TOG DE 'DRAS MI 'TSENGS PAR SROG KHAG 'KHUR DGOS

PA 'ONG GSUNGS NAS PHEBS MA BZHED LAN CIG DGE BSTEN GCIG NA RE, DRUNG NAS MI RNAMS MJAL DU 'ONGS PA NA BKA' BKYON RE BYON BTANG BAS DGA' 'ONG BAR 'DUG, DAR KHA CHE MJAL DU BYUNG BA LA'ANG KHYOD 'BRI KHUNG PA'I SA KHOG 'DIR PHYI BKRUG NANG DKRUG YO BYED PAR SNANG GSUNGS NAS BKYON BAS, KHONG DRUNG NAS NGA LA THUGS TSA LA SBYAR BA'I GSUNG BYON ZER KYIN DGA' NAS SONG ZHUS PAS, NGAS SU GANG GI'ANG NGO 'DZIN MA MYONG BA YIN GSUNGS, DE LTAR CHAGS SDANG DGRA GNYEN GYI PHYOGS RIS MI MNGA' BAS 'DI 'DRA ZHIG DANG 'THAB RTZOD KHON 'DZIN 'DUG CES PA DE DUS KYI SKYE BO SUS KYANG MA TSOR, SDUG BSNGAL DANG DKA' SPYAD LA BZOD PA'I MTHU CHE BAS DUS THAMS CAD DU MGO 'AM GOS LA ME SHOR BA LTA BU'I BRTZON 'GRUS RTZOM PAR MDZAD, TSOGS CHOS SOGS GSUNG BAR ZHUS DUS CHOS NGA RANG LA 'CHAD DGOS PAR 'DUG, THOG MAR MI LA SNYING RJE BYED PA BAS RANG LA SNYING RJE BYED DGOS PA 'DUG GSUNGS NAS TSIG GSUNGS TSAD GO RGYU CHE BA DON 'DRIL BA CHOS MI 'CHAD GSUNG YANG GSUNGS TSAD CHOS KYI GNAD ZAB DGU 'BA' ZHIG TU 'ONG BA, GSUNG GANG 'BYON YANG RDO BCAG PA'I 'PHRO BZHIN DU SLAR LDOG TU MED PA CIG 'ONG, KHYAD PAR DU'ANG SNGAGS LA DAM DOG CHE BAR MDZAD, BDAG NYID CHEN PO 'DI THUGS KYI DPYAD PA GZHAN DANG MI 'DRA BA MNGA' BAS RJE RIN PO CHES KYANG BLA MA 'DI'I ZHU 'BUL SOGS LA ZOS MDZAD PA YIN PAR SNANG NA GZHAN GYIS LTA CI SMOS, RJE'I SKU MDUN DU

, ,GSHIBS PA'I BSHES GNYEN CI RIGS LA'ANG SDE BAN TSO GSUNG GIN BKA' BKYON, KHONG TSO SHES RAB CHE STE NGA DAD PA CHE ZHES GSUNG, GZHAN YANG PHYAG RDZAS CI BYUNG YANG GSOG PA YE MI MDZAD, GZHAN GYI BZHIN THAB KHA DANG BZA' BTUNG LA GTONG BA YE MI MDZAD BAR DGE PHYOGS SU GTONG, 'PHRAL DU'ANG SKYE BO THAMS CAD RLAG PAR BYED PA'I RANG BZHIN CAN 'DOD PA'I NYES DMIGS KHO NA GSUNG BAR MDZAD, DRI BA NI RJE BTZUN 'JAM DBYANGS LA CI BZHED ZHUS PAS CHOG PA DANG, RANG NYID YON TAN LA MNGA' BRNYES PAS NAD GDON BAR CHAD ZHI BA DANG TSE DANG BSOD NAMS RGYAS PA DANG GZHAN DBANG DU SDUD PA DANG, DRAG PO'I LAS SOGS JI LTAR BZHED PA BZHIN 'GRUB PAS RJE RIN PO CHE DANG, CHOS RJE 'DUL BA PA SOGS KYI'ANG SKU TSE BSRING BA'I CHO GA DANG, SKU RIM JI LTAR BSGRUB PA SOGS THAMS CAD BLA MA RIN PO CHE 'DI NYID KYIS LUNG STON CING GZHAN YANG BSTAN PA LA PHAN PA'I BSHES GNYEN CI RIGS LA'ANG LUNG STON PA DANG, DON CHEN POR 'GYUR PAR SNANG NA KHYIM PA CI RIGS LA'ANG PHAN THOGS MDZAD, TSUL KHRIMS KYI DBANG DU BYAS NA SDOM PA GSUM GYI NYES LTUNG PHRA MOS KYANG MA GOS PAR SPYAN GYI 'BRAS BU BZHIN DU BSRUNG BAR MDZAD, DUS THAMS CAD DU BRJED PA MED PA'I DRAN PA KHYAD PAR CAN MNGA' ZHING MNYEL BA'I RGYU 'DU 'DZI DANG RNAM G-YENG RGYANG RING DU SPANGS TE DUS THAMS CAD DU SGO GSUM GYI SPYOD PA LA SO SOR RTOG PAR

MDZAD, ZLA BA BYUNG NGO COG GI PHYED NA KHYAD PAR DU'ANG SGO GSUM GYI BYA BA LA BRTAGS NAS NYES PA BYUNG BA THAMS CAD LA MTHOL BSHAGS DANG, PHYIN CHAD SROG LA BAB KYANG MI BYED PA'I SDOM SEMS BTANG NAS GSO SBYOD BYA BA'I TSUL NAM YANG MA CHAG PAR MDZAD PAS BLANG DOR LA G-YEL PA'I BAG MED PA NI MI MNGA', DE LTAR SDOM PA GSUM LA RANG BZHIN DANG BCAS PA'I KHA NA MA THO BA'I DRI MA DANG BRAL BAS NYON MONGS PA'I RGYU BA 'GAGS TE ZHI ZHING DUL BA'I MCHOG TU GYUR TO, ,'OL KHA BSAM GTAN GLING DU RJE RIN PO CHES GSANG 'DUS KYI BSKYED RDZOGS GSUNGS NAS BSGOMS PAS GTZO 'KHOR THAMS CAD LA GSAL SNANG THON, BSKYED RDZOGS KYI GNAD ZAB MO ZHIG LA TSOGS 'KHOR BSHAMS GSER GYI MAndAL PHUL NAS ZHUS PAS GNANG, BSKYED RDZOGS LA SNOD BCUD THAMS CAD LA THA MAL GYI SNANG ZHEN BKAG PA DE DGOS, NGAS KYANG DE DUS ZHAG NYI SHU RTZA DRUG TU SBYANGS PAS BYUNG GSUNG, NYIN MTSAN KHOR YUG TU BYANG SEMS 'DZAG MED DU BZUNG BAS SKU LUS LANG TSO DAR LA BAB PA LTA BUR DKAR LA DMAR BA'I MDANGS CHAGS PA MNGA' BA BDE STONG GI TING NGE 'DZIN BRTAN PO BRNYES PA'I YON TAN DU SNANG ZHING, DGUNG LO BDUN CU LON DU SU'ANG, KHYOD KYI ZHAL GYI PADMA DANG, ,PADMA NYI MAS KHA BYED BA, ,BUNG BAS MTHONG NA PADMA NI, ,THE TSOM DBYANG THAG LA 'JUG 'GYUR, ,ZHES GSUNGS PA LTAR ZHAL RAS KHA BA'I GONG BU LTAR DKAR BA LA MKHUR

, ,CHOS KYI RTZE LA MTSAL BYUGS PA LTA BU'I MDANGS DANG LDAN ZHING, 'BYON BZHUGS SOGS LA'ANG ZOR YANG ZHING, SKU LUS MDA' LTAR DRANG ZHING SGUR KYOG GI RNAM PA YE MI MNGA' 'O,, DE LTAR BDE STONG GI TING NGE 'DZIN GYI YON TAN KHYAD PAR CAN THOB NA CHU NANG DU ZLA BA'I SNANG BRNYAN 'CHAR BA LTAR SANGS RGYAS BYANG SEMS MANG PO RANG GI NGANG GIS MTHONG BA YIN GSUNGS PA LTAR BLA MA RIN PO CHE 'DI LA'ANG SKU TSE SNGON ROL DU MA NAS RJE BTZUN 'JAM DBYANGS KYIS 'BRAL MED DU RJES SU 'DZIN PA'I RGYU TSOGS YOD PA DANG, SKU TSE 'DIR YANG RJE BTZUN 'JAM PA'I DBYANGS LA DAD PA DANG, RJE BTZUN GYI SKU RTZE GCIG TU BSGOMS PA'I TING NGE 'DZIN BRTAN PO LA MNGA' BRNYES PA'I GNAD KYIS, RJE BTZUN LA NAM BZHED DU MJAL NAS THUGS KYI THE TSOM THAMS CAD GCOD PA MDZAD, CI RIGS KYI NYAMS SNANG LA SANGS RGYAS BYANG SEMS MANG PO MTHONG BA DANG GSUNG 'BYON PA SOGS 'ONG YANG RMI LAM BZHIN DU 'KHRUL SNANG DU SONG NAS YID BRTAN MI THUB PA YIN PAR SNANG, BLA MA 'DI'I DE RNAMS LA RJE RIN PO CHES KYANG BRTAG DPYAD MANG DU MDZAD, KHYAD PAR CHOS KYI GNAD ZAB MO'I DRI BA MDZAD PA RNAMS KYI LAN 'PHYUG MED DU 'ONG BAS THUGS CHES NAS, THE TSOM GYI DRI BA RNAMS 'DI PA LA DRIS NAS GZOD THAG CHOD SOGS MDZAD PA YIN PAR SNANG, RJE RIN PO CHE SKU KHAMS BSNYEL BA DVANGS

PA'I SKABS SHIG RJE BTZUN 'JAM PA'I DBYANGS GZIGS PAS, DA PHYIN CHAD BSKYED RDZOGS KYI RNAL 'BYOR LA 'BAD NA RTOGS PA KHYAD PAR CAN 'BYUNG SLOB MA SKAL LDAN BDUN LA'ANG RTOGS PA KHYAD PAR CAN SKYE'O GSUNG BA LA, RJE'I ZHAL NAS NYAMS SNANG YIN NAM RTOGS LDAN PA LA 'DRI DGOS DGONGS PA NA BLA MA 'DI PAS RJE RIN PO CHE LA DA RJE BTZUN LA BSKYAR MA ZHU DGOS PA MED DE, LAM DE THUGS LA 'KHRUNGS PA'I RGYU BDE STONG GI YE SHES KHYAD PAR BA SNGAR NAS 'KHRUNGS ZIN, DA PHYI'I RKYEN ZHING SKYES KYI PHO NYAS GROGS MDZAD PA'ANG MYUR DU 'ONG BAS LAM DE MYUR DU 'KHRUNGS PA ZHIG 'ONG ZHES RJE BTZUN 'JAM PA'I DBYANGS GSUNG ZHUS PAS THUGS CHES PAR SNANG, YANG BLA MA'I 'DI'I GSUNGS NAS, RJE'I DRUNG DU BUD MED, ,DZES MA GOS YID DU 'ONG BA GYON PA THANG ZHVA DMAR BO LA LEB GYON BYAS PA CIG DUS RGYAN DU 'ONGS TE LHA'I RNAM PAR MI 'ONG, DE SNOD MIN LA SNGAGS KYI GSANG BA BSTAN PA'I SKYON YIN PAR SNANG, L'U AI PA'I 'GREL PA 'DOD 'JO BRTZAMS PHYIN CHAD RDO RJE RNAL 'BYOR MA LA SOGS PA'I RNAM PAR 'ONG, GROGS KHYAD PAR CAN MDZAD PA YIN PAR SNANG, TING 'DZIN PIR LEGS MA LA SOGS PA'I MCHOD GLU 'DI YANG GDANGS DANG BCAS BA DGA' LDAN GYI GTZUG LAG KHANG BZHENG DUS LHA MO RNAMS KYIS 'THEN GYIN 'DUG PA GZIGS PA YIN PAR SNANG GSUNGS, BLA MA 'DIS RJE BTZUN 'JAM DPAL DBYANGS LA RJE RIN PO CHE'I RNAM THAR ZHUS PAS, RJE'I

, ,RNAM THAR BSAM GYIS MI KHYAB RNAM THAR GYI GTZO BO CHOS RAB TU RNAM 'BYED KYIS CHOS ZAB MO THAMS CAD THUGS SU CHUD CING, DNGOS STOBS RIGS PAS GZHI LAM 'BRAS GSUM THAMS CAD THUGS SU CHUD PA 'DI YIN, GZUNGS SPOBS TING 'DZIN MNGON SHES RDZU 'PHRUL SOGS LA SKYE BA DU MA NAS MNGA' BRNYES SHING 'JAM DBYANGS KYIS RTAG TU RJE SU BZUNG, SANGS RGYAS DBANG PO'I TOG GI DRUNG DU RDO RJE THEG PA SOGS BSTAN PA MTHA' DAG RGYAS PAR BYED PAR DAM BCAS, SMON LAM BTAB PAS PHYOGS BCU'I SANGS RGYAS THAMS CAD KYIS DE LTAR BYIN GYIS BRLABS, SANGS RGYAS SENG GE'I NGA RO ZHES PAR GYUR TE GDUL BYA THAMS CAD TSE GCIG GIS SANGS RGYAS LA 'GOD, DE DA LTA NAS BSGOMS TE DE'I ZHING DU SKYE BA'I SMON LAM LA BRTZON PAR BYAS NA DAG PA'I ZHING DER SKYES NAS SANGS RGYAS 'GRUB GSUNGS, DER RJE BTZUN 'JAM PA'I DBYANGS KYIS JI LTAR GSUNGS BA LTAR RGYAL BA SENG GE'I NGA RO'I SKU'I RNAM PA YID LA BYAS TE DAD GUS CHEN POS RTZE GCIG TU SGOM PA LA BRTZON 'GRUS MDZAD PAS SANGS RGYAS SENG GE'I NGA RO ZHAG BCU GCIG GI BAR CHES GSAL BA BYUNG, GSOL BA BTAB SMON LAM 'GRUB PA'I RTAGS BYUNG GSUNGS, SLOB DPON BZANG SKYONG BA'I ZHAL NAS RJE RIN PO CHES RJE BTZUN 'JAM PA'I DBYANGS GZIGS DUS SKU'I GZI BRJID CHEN PO, GSUR CHER MI 'BYON BA DE 'DRA ZHIG YOD PAR SNANG, BLA MA RIN PO CHE 'DI PA'I DE GSUNG YANG YANG

'BYON PA CIG YOD PAR SNANG GSUNGS, DE LTAR BLA MA BDAG NYID CHEN PO 'DI LUNG DANG RTOGS PA'I YON TAN DPAG TU MED PA LA MNGA' BRNYES KYANG, SPYIR YON TAN THAMS CAD SHES RAB LA RAG LUS PA DANG, KHYAD PAR SRID PA'I RTZA BA GCOD PA SHES RAB NYID LA RAG LUS SHING, SHES RAB KYANG THOS PA LAS 'BYUNG BAR DGONGS NAS LEGS PAR BSHAD PA 'TSOL BA LA NGAL BA MED PA'I BRTZON 'GRUS MDZAD, DE LTAR RGYU TSOGS TSANG BA'I NYAMS LEN LA 'BAD PAS THUN MONG DANG THUN MONG MA YIN PA'I RTOGS PA THAMS CAD THUGS RGYUD LA 'KHRUNGS, NGAN SONG DU MI SKYE BA LA SOGS PA'I GDENGS TSAD CHEN PO RNYED PAR SNANG STE DANG LDAN 'GA' ZHIG GIS BLA MA 'DI PA LA, DE LTA BU'I SGRUB PA DAR DRAG LA YUN RING BA MDZAD PAS RTOGS PA KHYAD PAR CAN ZHIG BRNYES LAS CHE ZHES ZUR GYIS ZHUS DUS, GZHAN YON TAN CANG YANG MED PHYI MA NGAN SONG DU MI SKYE THAG CHOS SNYAM PA 'DI YOD, NA NING 'CHI LA KHAD PA CIG BYUNG DUS RLUNG SDUD LUGS LA BRTAGS NA YANG NGAN SONG DU 'GRO BA'I RLUNG SDUD LUGS MI SNANG GSUNG, MDO SNGAGS KYI CHOS KYI GNAD LA RGYUS CHUNG BA CI RIGS KYI BLO LA NGAN SONG DU MI SKYE BA'I GDENGS 'DRA BA KHAM CHE RGYU MED SNYAM PA 'ONG STE GSUNG RIS 'DI DAG LA RGYAL BA'I BKA' DANG, SHING RTA CHEN PO'I GZHUNG LA 'DRIS PA'I MKHAS PA DAG GIS BRTAGS NA BSAM GYIS MI KHYAB PA'I RTOGS PA MTHON PO MNGA' BA'I RTAGS TE, DE YANG NGAN 'GRO'I SDUG BSNGAL RGYU BCAS NI MTHONG

, ,SPANGS YIN PAR SHING RTA CHEN PO'I GZHUNG LAS BSHAD LA, DES NA NGAG SONG GI SDUG BSNGAL RGYU BCAS SPANGS PA NI MTHONG LAM THOB PA YIN PA DANG, SPANGS BA MIN YANG NGAN SONG DU MI SKYE BA'I GDENG THOB PA NI, BZOD THOB NGAN SONG YONG MI LTUNG, ,ZHES GSUNGS PA LTAR SBYOR LAM BZOD BA THOB NAS NGAN SONG DU MI LTUNG PA'I GDENG THOB PA YIN PAS BLA MA BDAG NYID CHEN PO 'DI NI RGYUD TSOD DE TZAM DU PHEBS PA'O, ,DES NA THEG PA CHEN PO'I TSOGS LAM CHEN PO THOB PA'I TSE NA CHOS RGYUN GYI TING NGE 'DZIN THOB STE MCHOG GI SPRUL SKU'I ZHAL MNGON SUM DU MTHONG BA DANG, DPAG TSAD BRGYA TSUN CHAD KYI RDUL PHRA RAB YAN CHAD KYI GZUGS MTHA' DAG MNGON SUM DU MTHONG BA DANG, SROG CHAGS GROG SBUR TSUN CHAD KYI SEMS RGYU BA SHES PA SOGS MNGON PAR SHES PA DANG, GZUNGS DANG SPOBS PA DANG, TING NGE 'DZIN DANG SHES RAB BSAM GYIS MI KHYAB PA THOB PAR GSUNGS NA, THEG PA CHEN PO'I SBYOR LAM THOB PA'I TSE DE LAS BRGYA 'GYUR GYIS LHAG PA'I YON TAN THOB DGOS SO, ,DON 'DI 'DRA LA DGONGS NAS, DGE BA'I BSHES GNYEN SNYUG RUM PA CHEN POS, NGAS THEG CHEN TSOGS LAM CHEN PO'I YON TAN GSANG BA CIG BSHAD NA, DA DE LAS LHAG PA'I SANGS RGYAS LA YON TAN JI LTA BU YOD SNYAM PA 'ONG GSUNGS, DE LTAR GRUB PA'I DBANG PHYUG 'JAM DPAL RGYA MTSO BA 'DIS 'JAM MGON BSTAN PA'I SGRUB RGYUD KYI CHU 'GO BTZUGS TE, RJE BLA

MA'I BSHAD SGRUB KYI BSTAN PA CHU KLUNG CHEN PO GANG G'A LTAR NAM YANG RGYUN 'CHAD PA MED PA'I RTEN 'BREL BSGRIGS, THUB PA'I BSTAN PA RIN PO CHE NAM YANG MI NUB PA'I RGYAL MTSAN BTZUGS, SRAS KYI THU BO SNYAN RGYUD 'DZIN PA'I BKA' BAB BA SO CHOS KYI RGYAL MTSAN LA SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA GTAD, THUGS KYI SRAS MCHOG SPYAN SNGA BLO GROS RGYAL MTSAN SOGS BSTAN 'DZIN DAM PA MANG PO LA MDO SNGAGS KYI MAN NGAG RNAMS RGYA CHER SPEL TE SKU TSE 'DI'I MDZAD PA PHAL CHER RDZOGS PA NA DPA' BO G-YUL LAS RGYAL BA 'AM TSONG PA KHE SPOGS GRUB PA LTAR DAL BA'I RTEN LA SNYING PO NI BLANGS, SKU TSE 'DIR SGRUB DGOS PA'I DGONGS PA THAMS CAD NI RDZOGS, RJE BLA MA GANG DU BZHUGS PA'I ZHING KHAMS DGA' LDAN CHOS KYI PHO BRANG DU GSHEGS PAR DGONGS TE, DGUNG LO BDUN CU RTZA GSUM BZHES PAS PHO SPRE'U'I LO DE YANG SNGA SOR ZLA BA GNYIS PA LA SGRUB MCHOD RE MDZAD CING DUS KYANG CHES LNGA DRUG NAS 'DZUGS PA YIN NA'ANG, DE LO ZLA BA DANG PO LA BTZUGS, DE YANG TSES GCIG RANG NAS TSUGS GSUNGS NAS BTZUGS PA'I NYIN RANG BDE BAR GSHEGS, DE'I TSE NGO MTSAR BA'I LTAS MANG DU BYUNG NGO, ,SKU GDUNG NI RIL POR SPANGS BA RNAMS KYIS DAD PA'I RTEN DU GSER 'BUM BZHENGS TE BZHUGS NAS GSOL BA 'DEBS PA'I RTEN DU BZHUGS SO, ,RJE GRUB PA'I DBANG PHYUG 'DI LA RJE RIN PO CHE'I SLOB MA PHAL CHER GYIS GUS 'DUD MDZAD PAS SLOB MA BSAM GYIS

, ,MI KHYAB BA YOD KYANG RGYUD 'DZIN GYI GTZO BO NI, RJE BTZUN 'JAM BA'I DBYANGS KYIS LUNG BSTAN PA SNYAN RGYUD BSTAN PA'I BDAG PO BA SO CHOS KYI RGYAL MTSAN DANG, RGYAL SRAS DPA' BO SPYAN SNGA BLO GROS RGYAL MTSAN GNYIS SO, ,BA SO CHOS KYI RGYAL MTSAN GYI RNAM THAR NI 'CHAD PAR 'GYUR LA, ,SPYAN SNGA BLO GROS RGYAL MTSAN NI LHAS LUNG PA GRA NAM KHANG ZHES BYA BAR DGYER BRAM ZE LHAS GNANG GI RIGS SU, YAB DGYER DBON PO CHOS SKYABS DANG, YUM JO MO BLA 'BUM GNYIS KYI SRAS SU CHU PHO RTA'I LO SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS BRTAS BAS 'KHRUNGS TZAM NYID NAS SRID PA MTHA' DAG LA ZHEN PA LOG BA'I NGES 'BYUNG SHUGS DRAG POS RGYUD BSKUL TE CHOS KHO NA YID LA SEMS PHA LAS BYA BA GZHAN GANG YANG MI SEMS BA ZHIG BYUNG ZHING, DGUNG LO BDUN PA'I DUS SU KHU BO SPYAN SNGA RIN CHEN KUN DGA' BLO GROS PA'I DRUNG DU RAB TU BYUNG , MTSAN BLO GROS RGYAL MTSAN DPAL BZANG POR GSOL, RAB TU BYUNG MA THAG NAS SO THAR GYI BCAS MTSAMS RNAMS MIG 'BRAS LTAR BSRUNG ZHING, MKHAS GRUB THAMS CAD MKHYEN PA DANG, CHOS RJE BLO GROS PA SOGS DAM PA MANG PO'I ZHABS LA GTUGS TE TSAD MA DANG, PHAR PHYIN DANG, 'DUL BA DANG, MNGON PA DANG, DBU MA RNAMS LA SBYANGS PA MTHAR PHYIN PAR MDZAD DE, GTZANG DBUS KYI GRVA SA RNAMS SU GRVA SKOR MDZAD, DGUNG LO NYI SHU LON PA'I TSE TSOGS

CHEN PO'I MKHAN PO YON TAN RIN CHEN PAS MKHAN PO DANG, LAS SLOB SLOB DPON NOR BZANG BA DANG, GSANG STON SOGS DGE 'DUN RNAM PAR DAG PA RNAMS KYI DBUS SU, BSNYEN PAR RDZOGS PAR MDZAD NAS GNAS BRTAN 'OD SRUNGS CHEN PO SLAR YANG LJONGS 'DIR BYON PA LTA BUR GYAR TO, ,DE NAS MAL GRO SPANG SAR RJE GRUB PA'I DBANG PHYUG 'JAM DPAL RGYA MTSO BA'I ZHABS DRUNG DU BYON TE, BSAM SBYOR GNYIS KYIS TSUL BZHIN DU BSTEN NAS RJE BTZUN TZONG KHA PA CHEN PO'I MDO SNGAGS KYI MAN NGAG RNAMS YONGS SU RDZOGS PAR GSAN, DE DUS RJE BTZUN 'JAM PA'I DBYANGS KYIS RJE GRUB PA'I DBANG PHYUG 'JAM DPAL RGYA MTSO BA LA BLA MA 'DI LA SNYAN RGYUD KYI MAN NGAG RNAMS MTHIL PHYIN PAR BSTAN DGOS PA'I LUNG BSTAN BYUNG BA LTAR RJE BTZUN DAM PA 'JAM DPAL RGYA MTSO BAS BLA MA 'DI LA GZHAN SU DANG YANG MI MNYAM PA'I MTHONG MDZAD DE GCES PAR BSKYANGS TE MAN NGAG MTHA' DAG RDZOGS PAR GNANG, DE NAS SEMS DPA' CHEN PO 'DIS TSE 'DI'I GNYEN LUS LONGS SPYOD GANG LA'ANG MA CHAGS PAR DBEN BA'I GNAS RNAMS SU SGRUB PA LA RTZE GCIG TU GZHOL BAR MDZAD PAS LAM THUN MONG BA DANG THUN MONG MIN PA'I RIM PA THAMS CAD LA RTOGS PA'I GDENG THOB, DE NAS SKAM DGON GYI GDAN SAR GDAN 'DREN YANG YANG ZHUS KYANG SRID PA'I PHUN TSOGS SRIN MO'I SLU BRID LTAR GZIGS NAS 'JIGS SHING SKRAG PAS BYOL THABS MDZAD DE PHEBS MA BZHED PAR DBEN BA'I GNAS SU SGRUB PA RTZE GCIG TU

, ,MDZAD, SKAM DGON GYI GDAN SA BA LAN BZHI TZAM BRJE RES KYI SEMS DPA' CHEN PO 'DI LA THAMS CAD KYIS GSOL BA BTAB KYANG PHEBS TU MA BZHED, LAN BZHI BA'I DUS SU PHYOGS DE'I GRVA BU SLOB SKYA SER TSANG MAS MGRIN GCIG TU GDONG MCHI MA DANG BCAS TE GTZUG LAG KHANG GI LDE MIG PHYAG TU PHUL TE DA GDAN SA 'DI'I BDAG PO MDZAD KYANG KHYED MKHYEN, MI MDZAD KYANG KHYED MKHYEN, ZHES GSOL BA BTAB PA NA RJE RIN PO CHE'I BSTAN RGYUN LA DGONGS NAS PHYIN CHAD 'JIG RTEN GYI BYA BYED GANG LA'ANG THE MI DGOS PA DANG, CHOS PHYOGS NAS BKA' GANG GNANG ZHU BA DANG, BKA' GDAMS KYI RNAM THAR GTZANG MA BSRE BSLAD MED PAR SKYONG BA SOGS KYI RTZIS KA BZUNG NAS ZHAL GYIS BZHES TE GDAN SAR PHEBS, DE NAS RGYUN BAR KHOR YUG TU SKU MTSAMS MDZAD CING, YAR NGO MAR NGO'I GSO SBYONG LA PHEBS TE CHOS GNANG, DUS DUS SU LAM RIM GYI KHRID DANG BLO SBYONG GI KHRID SOGS GNANG, JO BO RJE DPAL LDAN AA TI SHA DANG RGYAL BA TZONG KHA BA CHEN PO GNYIS KYI GSER SKU BZHENGS TE MCHOD PA TSAD MED PAS MCHOD PA DANG, NAM YANG MI NYAMS PA'I MCHOD PA'I RGYUN BTZUGS, GZHAN YANG SKU GSUNG THUGS RTEN MANG DU BZHENGS SHING DE DAG LA MCHOD PA RGYA CHEN PO PHUL ZHING 'BUL RGYUN BTZUGS, DE LTAR BSTAN 'GRO'I DON RGYA CHER MDZAD NAS BYA LO LA ZHABS CUNG BSNYEL BA ZHIG BYUNG BAS SKU RIM GSOS SMAN SOGS BSTEN PAS

DVANGS, DE LTAR SKU TSE RIL POR CHOS DANG MTHUN PA'I RNAM THAR GTZANG MA MTHAR PHYIN PAR MDZAD PA NI SPYAN SNGA NYID KYI ZHAL NAS, LO BDUN LO NAS CHOS LA 'BAD, ,SGRUB PA NYID LA RTZAL DU BTON, ,DAM PA'I CHOS KYI RO MCHOG MYONG; ;'DI NI MDUN MA LEGS PA'I TSAD, ,DA NI LO YANG BDUN CUNG NYE, ,DKON MCHOG GSUM GYI BYIN RLABS ZHUGS, ,SNYIGS DUS SKYID PA'I TSAD LA 'KHYOL, ,'DI NI MDUN MA LEGS PA'I TSAD, ,DAM CHOS BDUN GYI SNYING PO MCHOG ,RNAM DPYOD SHES RAB RTZAL DU BTON, ,MDO RGYUD KUN LA NANG BYANG TSUD, ,'DI NI MDUN MA LEGS PA'I TSAD, ,CES GSUNGS PA LTAR, THAR 'DOD RNAMS SO SOR RTOG PA'I SHES RAB KYIS YANG DAG PA'I LTA BA LA THE TSOM DANG BRAL BAR MDZAD, NYAN THOS KYI RIGS CAN RNAMS SO SOR THAR BA'I BSLAB PA MIG 'BRAS BZHIN BSRUNG BA'I TSUL KHRIMS LA BKOD, THEG CHEN GYI RIGS CAN RNAMS BDAG GCES 'DZIN GYI DRI MA DANG PHRAL NAS GZHAN GCES PAR 'DZIN PA'I BYAMS PA DANG SNYING RJE LA BKOD, SNGAGS PA RNAMS DAM TSIG LA BKOD, SKYE 'GRO PHAL MO CHE RNAMS BDE 'GRO THOB PHYIR DU BSNYEN GNAS DANG DGE BA BCU'I KHRIMS LA BKOD DE BSTAN PA LA BYA BA RGYA CHEN PO MDZAD, TSUL 'DI DAG LA SPYAN SNGA NYID KYI ZHAL NAS, RGYAL BA SRAS BCAS BSTAN 'DZIN MCHOG ,AA TI SHA YI CHOS LUGS SBYANGS, ,SKYES BU GSUM GYI CHOS LA 'BAD, ,'DI NI MDUN MA LEGS PA'I TSAD, ,CES GSUNGS, DE

, ,LTAR BSTAN 'GRO'I DON RGYA CHER MDZAD NAS, ZHING GSHEGS PA LA PHYOGS BA'I TSE RJES 'JUG RNAMS LA 'DI LTAR GSUNGS TE, BLA MA TSO LA ZHAL CHEMS ZER BA YONG BA YIN NA'ANG, DNGOS PO'I ZHAL CHEMS 'JOG RGYU MED PAS DE KHAS 'TSENGS, BLA MA GSHEGS PA'I SHUL DU DNGOS PO TSAN CHEN YOD PA DE BLA MA DE'I RKANG 'DREN DU 'GRO BAS MED PA RANG ZHIG DGOS, SNYE THANG DU JO BO SKU GSHEGS KHAR PHYAG KHRI CHOG GIS JO BO NI SKU GSHEGS PAR GDA', DE'I RJES SU CHOS BSHAD THANG RGYANGS LA BGYID BAR ZHU ZHUS PAS, BYA BA NGAN PA YIN BOR LA THONGS GSUNG, 'O NA SGRUB PA RTZE GCIG BGYID PAR ZHU ZHUS PAS KYANG DE SKAD GSUNG, 'O NA JI LTAR BGYI ZHUS PAS, TSE 'DI BLOS THONGS GSUNG BA GCIG BYUNG BAS, JO BO'I ZHAL TA THUGS LA BZHAG NAS, MI ZAS NGAN PA SPANGS NAS RA SGRENG GI SHUG GSEB TU SKU TSE 'DAR BCUG PA YIN, DE DANG MTHUN PAR RA SGRENG DU JO BO ZHIG GIS BSKOR BRKYANG PA LA SGRIL BAS 'BROM GYI ZHAL NAS, JO BO SKOR BA BYED PA YANG GLO BA DGA' STE CHOS SHIG RANG BYAS NA MI LEGS SAM GSUNG, KHOS PHYAG BYAS PAS KYANG DE SKAD GSUNG, KLOG PA BYAS BAS KYANG DE SKAD GSUNG BAS, DA 'O NA JI LTAR BGYI ZHUS BAS , TSE 'DI BLOS THONGS BYA BA LAN GSUM GSUNG, 'BROM NYID KYANG SKU GSHEGS KHAR SHUG GSEB NA PHAR LA ZHUGS 'JIG RTEN CHOS BRGYAD 'GO SNYOMS NAS, BDAG NI GROL PA DON GNYER LA, ,RNYED DANG BKUR STI'I 'CHING MI DGOS, ,GSUNG

YANG 'JIG RTEN MKHYEN PA RNYED DANG MA RNYED DANG, ,ZHES RES 'OG TZAM RE DANG RES PHYED TZAM DANG, RES TSANG BAR GSUNG, KHONG SPYAN RAS GZIGS LA DE DGOS ZHAD MI GDA' STE RJES 'JUG GI GDUL BYA RNAMS LA GSUNGS PAR GDA', CHOS SNYING NAS BYED NA TSE 'DI BLOS GTONG DGOS PAR 'DUG ,NGED BLA MA'I NGOS NAS GSON RING LA 'KHOR G-YOG RNAMS 'THAD RAB BYUNG STE 'DAS RJES SU JI LTAR YONG BSAM PA'I THE TSOM ZA BA MED, NGA RANG GI NGOS NAS DPAL AA TI SHA DANG , RGYAL BA TZONG KHA PA'I ZHABS DRUNG DU DGA' LDAN DU 'GRO BSAM PA YOD, DPAL LDAN AA TI SHA'I GSUNG RAB DANG, RJE TZONG KHA PA GNYIS KYI GSUNG RAB LA MI 'PHYUG PA'I GZER THEBS PAS DA NYES PA MED PA YIN, KHYED RANG RNAMS KYANG BLA MA DANG YI DAM DBYER MED DU GYIS LA GSOL BA THOB DANG, LAS LA GANG SHONG BA'I DNGOS GRUB 'BYUNG BA YIN, KHYAD BAR RTEN GSUM LOG BRIS 'DI RNAMS SANGS RGYAS BYANG SEMS DNGOS SU YOD PA YIN, MNGON SUM NYAMS SNANG RMI LAM GSUM GANG RUNG DU ZHAL GZIGS PAR 'DUG GSUNG MI 'BYON PA NI SEMS CAN GYI LAS LA MI SHONG BA YIN PAS BYA THABS MED, KHYED GNYIS BSLAB SBYANGS DANG THOS RGYA CHEN PO MED NA'ANG, CHOS RGYUN DU THOS PA RNAMS SEMS PA DANG, LTA RTOG GYIS LA BLA MA DE LA 'CHOL SNYIGS MA'I DUS SU THEG PA CHEN PO'I DGE BA'I BSHES GNYEN MTSAN NYID DANG LDAN PA NYIN SKAR LAS DKON PAS CHOS MI NYAN DGU NYAN MA BYED, RTEN GSUM 'DI TSO LA MCHOD PA 'O

, ,MA BRGYAL BA BYUNG NA, NGED KYI ZLA MCHOD LO MCHOD KYANG DE YIN PAS DE LA 'BUNGS, KHYED RANG GNYIS KYANG BEM RIG MA BRAL RING LA NANG 'DIR MA BRAL BA BYED DGOS PA YIN, DE BAR LA DON NYUNG BA BYA BA NYUNG BA LA BLO RTZE GTAD NAS, SKYES PA LHAS MA TSOR, SHI BA 'DRES MA TSOR BA ZHIG DGOS BA YIN GSUNG BA'I ZHAL TA GNANG, DE NAS ZHING BRJE BA'I SNGA LTAS SU YOS LO'I NANG DU ME TOG GI CHAR BABS PA DANG, KHYAD PAR ZLA BA LNGA PA'I NYI SHU LNGA'I DGONG KHA'I DUS ME TOG GI CHAR NYI MA SGRIB NUS PA TZAM BABS, GLING GANG YOD LA BABS PA DANG, DE'I NUB GRVA DGON SKAM DGON RNAMS SU YANG DE DANG 'DRA BA BABS BA BYUNG, TSES BCU BDUN GYI NYIN PAR ZHAL TA LA, SGRUB GSAR BA'I DBU MDZAD DE LA MING CI ZER GSUNG, MING LA GNAS BRTAN BLO BKRAS ZER BA YIN ZHUS PAS, KHONG BOS NAS KHYED RANG RNAMS BLA MA GONG MA RNAMS DANG SANGS RGYAS BYANG SEMS RNAMS KYI GSOL 'DEBS MA TSANG BA MED PA CIG GYIS GSUNGS BAS, DE RING SKU SHED CHEN PO YANG MI 'DUG PAS SKU MDUN DU BSDAD NAS SKU SHED CHER SONG BA DANG SANG GDAN DRANGS NAS JI LTAR GSUNG BA LTAR BYAS CHOG PA ZHU ZHUS PAS, DE RING CIG BYUNG NA BSAM, SANG NAS BREL 'OG ZUG NAS YONG BA YIN GSUNG, BCO BRGYAD KYI NYIN GANG STENG DU NYI MA LA PHEBS THUB PA BYUNG, BCU DGU'I NAM LANGS PA DANG ZHING GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN

PO 'DIS PHYI RABS KYI GDUL BYA RNAMS KYI DON DU BYANG CHUB LAM RIM LA THOG MAR BLO SBYANG BA CHOS KYI SGO 'BYED, BLO SBYONG MKHAS PA'I YID 'PHROG ,LUNG GI BANG MDZOD, DANG PO'I BLO SBYONG YID BZHIN NOR BU RTZA BA DANG, DA'I GZHUNG 'GREL NOR BU'I PHRENG BA, THEG PA CHEN PO'I BZOD PA'I BLO SBYONG PHAN BDE'I CHAR 'BEBS, BLO SBYONG GI KHRID YIG RNAM DAG GTZUG GI NOR BU, NGAN SONG SGO GCOD, THEG PA CHEN PO'I BLO SBYONG LHAN THABS MAN NGAG RAB GSAL, SKYID SDUG LAM KHYER GYI GDAMS NGAG RIN PO CHE'I SGRON ME, BLA MA DAM PA'I ZHAL GYI BDUD RTZI LEGS GDAMS, THEG PA CHEN PO'I BLO SBYONG RIGS PA'I RGU GTER, THEG PA CHEN PO'I BLO SBYONG GI NGO SPROD GSAL BA'I SGRON ME RTZA 'GREL DKA' GNAD 'PHROS DANG BCAS PA, BYANG CHUB LAM GYI RIM PA'I BSDUS DON MKHAS PA'I MGUL RGYAN, BYANG CHUB LAM GYI RIM PA BSDUS PA RTZA 'GREL, BLA MA'I RNAL 'BYOR GYI ZUR 'DEBS NYER MKHO, BYANG CHUB LAM GYI RIM PA'I KHRID YIG GZHAN PHAN SNYING PO'I ZUNG 'JUG RIN PO CHE, BYANG CHUB LAM GYI RIM BA'I KHRID YIG SNYAN RGYUD NOR BU'I PHRENG BA, LEGS PAR BSHAD PA NYON MONGS GDUNG SEL, RJE 'JAM DPAL RGYA MTSO'I RNAM THAR DAD PA'I CHU RGYUN, RGYA MA PA KHU DBON GYI RNAM THAR DAD PA'I CHU RGYUN, MAN NGAG BDUD RTZI'I THIGS PA, PHYAG CHEN SNYING PO RAB GSAL, LEGS BSHAD CHOG SHES LAM STON, GROS 'DEBS BDUN CUM, RANG GZHAN GYI SNYAN BSKUL RING PO, BSHES GNYEN LA ZHU 'BUL MA, CHOS

, ,GZHAS RKANG BRO MA, DBEN PA'I GTAM BRJOD PA, SGOM DON SNYING PO, BLA MA'I RNAL 'BYOR DNGOS GRUB CHAR 'BEBS, GEGS SEL YID BZHIN NOR MCHOG ,CHAGS PA MED BA'I GTAM, BSAM GTAN GNAD KYI NYAMS LEN, RANG LA GROS SU 'DEBS PA, 'DOD YON LA SRED PA 'GOG PA'I GTAM DGRA 'JOMS, AANG YIG BZHI BCU MA, BAS MTHA'I BSNGAGS PA BRJOD PA NOR BU'I PHRENG BA, GROS 'DEBS SNYING GI BDUD RTZI, GROS 'DEBS NYER BDUN MA, ZHAL GDAMS DRI BA MA, GROS 'DEBS BDE BA RAB SBYIN MA, GCIG PUR DGA' BA'I GTAM, GROS 'DEBS NYAMS MYONG, GROS 'DEBS SNYING GI MUN SEL, LEGS BSHAD MKHAS PA DGA' BYED, NYAMS LEN NGOS 'DZIN GYI GDAMS PA, GROS 'DEBS LEGS BSHAD SNYING PO, GROS 'DEBS GLU RU BLANGS PA, LUS LA YID 'BYUNG BAR BYED PA'I GTAM, 'GAL RKYEN LAM DU SLONG BA'I GLU, RKYEN DANG SRE BA'I NYAMS LEN BYED TSUL, RANG LA GROS 'DEBS SNYING GTAM, GROS 'DEBS BCU GNYIS, LEGS BSHAD BSOD SNYOMS BSNGAGS PA, SNYOMS LAS TSAR GCOD, PHAN BDE'I LAM STON, MKHAS PA BRTAG PA'I RAB TU BYED PA, RANG GZHAN CHOS LA BSKUL BA'I GTAM, JA DKAR 'GEGS PA'I GTAM SMYO CHU SUN 'BYIN, GROS 'DEBS RIN CHEN PHRENG BA, LEGS BSHAD GNAD KYI DON STON, GROS 'DEBS RIN CHEN 'OD 'BAR, SBYIN PA'I LEGS BSHAD KYI GTAM, LEGS BSHAD NYON MONGS GDUNG SEL, GDAMS

NGAG RIN CHEN PHRENG BA, LEGS PAR BSHAD PA ZHEN 'KHRIS KUN GCOD, 'CHI BDAG 'JOMS MA, BCOM LDAN 'DAS LA BSTOD PA ZAB DON RAB GSAL, THEG PA CHEN PO'I BLO SBYONG GZHAN DON DON GNYER GYI GDAMS PA'I RTZA BA, THEG PA CHEN PO'I BLO SBYONG GZHAN DON DON GNYER GYI 'GREL PA THEG CHEN RAB GSAL, GLANG RA THANG PA'I BLO SBYONG TSIG BRGYAD MA SMON LAM DU BYAS PA, SMON LAM RIN CHEN PHRENG BA, RNAL 'BYOR BLA NA MED PA'I RIM GNYIS DANG 'BREL BA'I SMON LAM, BAR GCOD BZLOG PA'I SMON LAM, THEG CHEN RTZE'I GTZUG LAG KHANG LHA RTEN DANG BCAS PA GRUB PA NA MCHOD PA DANG SMON LAM LHAN CIG TU BYAS PA, DRIL BU RIM LNGA'I SMON LAM BSDUS PA, DPAL 'KHOR LO BDE MCHOG DANG DUS KYI 'KHOR LO'I RDZOGS RIM GYI SMON LAM BSDUS PA RE, LAM 'BRAS KYI BSKYED RDZOGS KYI SMON LAM, BRTAG GNYIS KYI SMON LAM BSDUS PA, GSANG BA 'DUS BA YE SHES ZHABS LUGS KYI SMON LAM, AOm RGYAN BSNYEN SGRUB KYI SMON LAM, THEG PA CHEN PO'I BLO SBYONG BYANG SEMS DON GNYER, BLO SBYONG DGRA ZUN SHAN 'BYED, BLO SBYONG DGONGS PHA RAB GSAL, BLO SBYONG DGOS SEL, BLO SBYONG LAG LEN RAB GSAL, BLO SBYONG THE TSOM KUN SEL, LEGS BSHAD NGES DON RAB GSAL, LAS DANG NYON MONGS RNAM PAR BSHAD PA BLANG DOR RAB GSAL, STOBS KHYAD STON PA STE DGU, RJE LA BSTOD PA RIN CHEN SGRON ME LA SOGS PA'I BSTOD TSOGS DANG, CHAB SHOG SNA TSOGS, DON DAM BYANG SEMS KYI BLO SBYONG SANGS RGYAS BCOM LDAN 'DAS LA BSTOD PA BYIN RLABS MYUR 'JUG, BYANG

, ,CHUB DON GNYER GYI BLO SBYONG BCOM LDAN 'DAS LA BSTOD PA RIN PO CHE'I BANG MDZOD, STON PA LA BSTOD PA ZAB MO SPROS MED, BCOM LDAN 'DAS LA BSTOD PA DNGOS GRUB KUN 'BYUNG, BCOM LDAN 'DAS LA BSTONG PA ZAB DON RAB GSAL, STON PA LA BSTOD PA LTA NGAN MUN SEL, BCOM LDAN 'DAS LA BSTOD PA ZAB MO RTOGS PA'I TSAD DE BSTOD PA, CHOS SPYOD KYI RIM PA, 'DUL BA'I LAS CHOG SDOM TSIG ,THIG RTZA, RMI LAM BRTAG PA, THEG CHEN RTZE'I BCA' YIG DANG RTEN BSHAD, MNGON BRJOD BSDUS PA, GSUNG RAB LA GUS PA BSKYED PA'I THABS GSUNG RAB GSAL BYED, SNOD RUNG GSAL BYED NYI MA'I 'OD ZER, RIN CHEN SGANG GI BLO SBYONG DON BDUN MA, MNGON RTOGS RGYAN GYI SNYING PO BSDUS PA RGYAS BSDUS, SPYOD 'JUG GI BSDUS DON MKHAS PA'I MGUL RGYAN, BSHES SPRING GI BSDUS DON DGONGS PA RAB GSAL, DBU MA'I LTA KHRID ZAB LAM MTHAR THUG ,SRID ZHI MNYAM NYID KYI LTA KHRID RTZA BA RJE BTZUN 'JAM DBYANGS KYIS RJE LA GNANG BA DANG BLA MA DBU MA PA LA GNANG BA, DE DAG GI DON NYAMS SU LEN TSUL KHRID YIG ,GSANG BA BLA NA MED PA ZAB MO'I GTAM BRJOD PA, DBU MA'I NYAMS LEN LTA NGAN MUN SEL RTZA 'GREL, DBU MA'I LTA KHRID CHEN MO, RNAM 'GREL LA BRTEN PA'I LTA KHRID, GRUB MTHA' RNAM PAR DBYE BA ZHES BYA BA GRUB MTHA' LA BRTEN PA'I CHAGS SDANG 'GOG PHYIR THAMS CAD LA LEGS PHYOGS NAS BSNGAGS PA, 'DUL BA'I BSLAB BYA CHE BA GZHAN PHAN SNYING PO, DGE TSUL GYI BLANG DOR GSAL BYED, DUS DRAN BYED TSUL, 'DUL BA'I

BSLAB BYA BSDUS PA GZHAN PHAN 'OD PHRENG, BSLAB BYA GNANG BKAG RAB GSAL, BSNYEN GNAS KYI CHO GA RGYAS PA DNGOS GRUB RGYA MTSO, LEGS PAR BSHAD PA MI CHOS GNAD PHRENG, LEGS BAR BSHAD PA RIN PO CHE'I 'BYUNG GNAS LUNG GI BANG MDZOD, 'KHOR LO SDOM PA'I BSKYED RDZOGS SNYAN RGYUD BDE CHEN RGYA MTSO, BDE MCHOG L'U AI PA'I LUGS KYI RDZOGS RIM SNYING PO SGOM TSUL, BDE BAR GSHEGS PA'I SKU'I RTEN SGRUB TSUL DANG DE'I PHAN YON BSTAN PA RIN PO CHE'I PHUNG PO, MCHOD RTEN GYI TSAD STON PA LEGS BSHAD GSER GYI PHRENG BA, RNYING MA DANG BON GYI RNAM GZHAG DANG, BON GYI 'DOD TSUL RAGS PA, SMON SEMS SKYABS 'GRO'I BSLAB BYA, GSHIN PO DMAN MCHOG LA PHAN GDAGS TSUL, 'JIG RTEN BYA BA'I RNAM PAR BSHAD PA MKHAS PA'I YID 'PHROG ,RANG NYID KYI RTOGS PA BRJOD PA MDUN LEGS MA RNAMS MDZAD DE, LEGS BSHAD 'DI DAG NI DPAL AA TI SHA DANG RGYAL BA TZONG KHA PA'I MAN NGAG LA BSRE BSLAD PHRA MO'ANG MA ZHUGS PA, RGYAL BA DGYES PA'I LEGS BSHAD PHYI RABS KYI GDUL BYA RNAMS LA THEG PA CHEN PO'I LAM LA 'JUG PA LA SHIN TU MKHO BA'I MAN NGAG GCES BSDUS SHA STAG SNANG NGO, ,SEMS DPA' CHEN PO 'DI'I RNAM THAR RGYAS BAR SPYAN SNGA BLO GROS 'JIGS MED RGYAL MTSAN DPAL BZANG POS MDZAD PA BZHUGS PAS DE LAS SHES BAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE GRUB PA'I DBANG PHYUG 'JAM DPAL RGYA MTSO LA GSOL BA SHUGS DRAG TU 'DEBS SHING DAM PA DE NYID KYI RNAM THAR LTAR CHOS BRGYAD KYI 'CHING BA

, ,PHRA MOS KYANG MA GOS PAR DBEN BA'I GNAS SU THEG BA CHEN PO'I LAM GYI RIM PA'I LUS YONGS SU RDZOGS BA LA SGRUB BA SNYING POR BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ` ,,DGE LEGS RAB DKAR TSOGS GNYIS GOMS PA'I MTHUS, ,DPAL LDAN SKU BZHI'I GO 'PHANG MCHOG BRNYES KYANG, ,BZANG BO'I MDZAD PAS GDUL BYA MI 'DOR BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, RJE RIN PO CHE'I NANG THUGS KYI SRAS GCIG MKHAS GRUB SMRA BA'I NYI MA DGE LEGS DPAL BZANG NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD BA RGYA MTSOR BSLABS NAS ZHING 'DIR 'JAM MGON BLA MA'I MDO SNGAGS KYI BSTAN BA'I SNYING PO MTHAR THUG BA 'DI NYID 'DZIN CING SPEL BA'I CHED DU SMON LAM GYI DBANG GIS BSAMS BZHIN DU BYON PA ZHIG STE, MKHAS GRUB CHEN PO 'DI LA STOD BYANG GI SA'I CHA LDOG GZHUNG DU BYANG PA'I DPON RIGS YAB BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU RAB BYUNG DRUG PA'I SHING MO GLANG GI LO NGO MTSAR BA'I LTAS DANG BCAS TE 'KHRUNGS SO, ,YAB YUM DE GNYIS LA SRAS GSUM YOD PA LAS, RJE 'DI CHE BA DANG, BA SO CHOS KYI RGYAL MTSAN BAR PA DANG, CHUNG BA BSOD NAMS BKRA SHIS ZHES PA ZHIG BYUNG NGO, ,DE LTAR MKHAS GRUB CHEN PO 'DI NI SNGON NAS LAM LA SBYANGS PA'I MTHU BRTAS PAS 'KHRUNGS TZAM NYID

NAS BYIS PA'I RGUD PA GANG YANG MED CING, CHOS DANG CHOS MIN 'BYED PA'I BLO GROS THOGS BA MED PA ZHIG BYUNG NAS BDAG NYID CHEN PO 'DI NI SKYES BU DAM PA ZHIG BSAMS BZHIN DU BYON PA'O, ,ZHES GLENG ZHING, MKHAS GRUB LHA DBANG PA'I SKYE BA YIN PAR GRAGS PAS MKHAS GRUB CES MTSAN CHUNG NGU NAS THOGS SO, ,DE NAS RGYAL BA SRAS DANG BCAS PA DANG, DAM CAN CHOS SRUNG THAMS CAD KYIS RJE 'DI PA 'JAM MGON BLA MA'I BSTAN PA'I SROG SHING 'DZIN PHYIR THUGS RGYUD BSKUL ZHING SNGON NAS GOMS PA'I MTHUS NGES 'BYUNG GI BSAM PA SHUGS DRAG POS RAB TU BYUNG BA'I LO TSIGS SU SLEBS MA THAG GNAS BRTAN 'DUL BA 'DZIN BA MKHAN CHEN SENG GE RGYAL MTSAN DPAL BZANG POS MKHAN PO MDZAD, RGYA MA BA YON TAN 'OD KYIS SLOB DPON MDZAD NAS RAB TU BYUNG ZHING DGE TSUL GYI SDOM PA BZHES, MTSAN DGE LEGS DPAL BZANG PO ZHES GSOL, DE NAS MKHAN SLOB GNYIS LAS BSLAB BYA GSANG TE DGE TSUL GYI BSLAB BYA YAN LAG DANG BCAS PA MIG GI 'BRAS BU LAS KYANG GCES PAR BSRUNGS TE TSUL KHRIMS RNAM PAR DAG PAR MDZAD PA GZIR BZUNG NAS GANGS CAN GYI PAndI TA CHEN PO RJE BTZUN RED MDA' PA'I ZHABS LA GTUGS TE TSAD MA SDE BDUN, MNGON PA GONG 'OG ,BYAMS CHOS SDE LNGA, DBU MA RIGS TSOGS, 'DUL BA RNAMS LA SBYANGS TE RING POR MA THOGS PAR MKHAS PA'I PHA ROL TU SON, RDO RJE 'DZIN PA YE SHES DPAL BA LA KYEE RDO RJE'I DBANG DANG LAM 'BRAS CHA LAG DANG BCAS BA YONGS SU RDZOGS PA GSAN, GZHAN YANG

, ,BLA MA DAM PA BSOD NAMS RGYAL MTSAN PA DANG, NA BZA' PA SOGS BSHES GNYEN DAM PA DU MA LAS MDO SNGAGS KYI CHOS MTHA' YAS PA GSAN TE, MDO SNGAGS KYI GZHUNG LUGS RAB 'BYAMS SMRA BA LA MI 'JIGS PA'I SPOBS PA THOB CING RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PAR GYUR TO, ,DE NAS GTZANG PHYOGS KYI GRVA SA RNAMS SU GRVA SKOR MDZAD CING, NGAM RING CHOS SDER PHEBS PA NA GANGS CAN GYI MKHAS PA CHEN PO PAn CHEN PHYOGS LAS RNAM RGYAL YANG DER PHEBS NAS 'JIGS MED SMRA BA'I GANG BRGYANGS BSGRAGS TE DAM BCA' BZHAG BA NA PHYOGS DE'I MKHAS PA SUS KYANG BRGOL BA'I GLAGS MA RNYED PA NA PAn CHEN PHYOGS RGYAL BAS SA PAn GYI RIG GTER 'DI NANG 'GAL GYI PHUNG PO YIN PAS NGAS THAR CHAGS SU DGAG PAR BYA YIS, LAN SPOBS PA YOD NA SMROS SHIG CES NGAM RING, SA SKYA, BO DONG SOGS CHOS SDE PHAL MO CHER DRIL BSGRAGS PA NA, JI LTAR SENG GE'I SKAD KYIS WA SKYES RNAMS 'DAR BA BZHIN DU PHYOGS DE'I MKHAS PAR RLOMS PA SUS KYANG LAN 'DON PAR MA NUS PA NA PHYOGS DE'I DGE 'DUN PHAL MO CHES GROS BYAS TE SKYES TZAM NYID NAS SHES RAB KYI SNANG BA RGYAS BA DKA' BCU DGE LEGS DPAL BA 'DI LA GSOL BA BTAB PA DRAG CES THAMS CAD KYIS MGRIN GCIG TU MKHAS GRUB CHEN PO LA ZHUS PA NA DE DUS MKHAS GRUB CHEN PO 'DI PA DGUNG LO BCU DRUG GI SKABS YIN PAS SKU NA SHIN TU PHRA BA YIN YANG 'JIGS PA MED BAR KHYU

MCHOG RLABS PO CHE'I GNAS SU DAM BCAS TE DE KHO BOS NUS SO ZHES ZHAL GYIS BZHES TE DGE 'DUN THAMS CAD TSOGS PA'I DBUS SU PAn CHEN PHYOGS RGYAL BAS DAM BCA' BZHAG ,DE LA MKHAS GRUB RIN PO CHES RE RE NAS 'DI NI MI RIGS PA, 'DI NI MI 'THAD PA, LUNG DANG 'GAL BA DANG RIGS PA DANG 'GAL BA STE, DE DAG MI 'THAD PA'I RGYU MTSAN 'DI DANG 'DI LTAR RO ZHES RIG GTER 'GOG PA'I DAM BCA' RE RE NAS DRI MA MED PA'I RIGS PA BRGYA PHRAG STONG GIS SUN PHYUNG NAS PAn CHEN PHYOGS RGYAL BA SPOBS BA LAN MED DU GYUR, SLAR YANG MKHAS GRUB RIN BO CHES RIGS PA'I NGA RO CHES CHER BSGRAGS PA NA RIGS PA'I 'PHUL MTSAMS CHES ZHIB CING PHRA BAR GYUR TE PAn CHEN PHYOGS RGYAL BAS MDO SDE PA'I LUGS LA RGYU LAS MA SKYES PA'I DNGOS PO YOD GSUNG DGOS PA BYUNG NAS DE MDO SDE PA RANG GI GRUB MTHA'I NANG 'GAL YIN GSUNG ZHING CUNG ZAD ZHAL SKYENGS TE PHYAG GIS ZHAL RGYAN LA NOM ZHING BZHUGS PA NA, MKHAS GRUB RIN PO CHES NYAMS MTSAR GYI TSUL DU, RGYU LAS MA SKYES PA'I DNGOS PO YOD GSUNG BA DE MDO SDE PA'I GRUB MTHA'I NANG 'GAL YIN GSUNG BA, DA KHA SPU 'THOG PA'I LAS LA BRTZON PAR BYOS SHIG ,CES GSUNGS PA NA TSOGS PA THAMS CAD GAD MO'I GNAS SU GYUR TO, ,DE DUS SU KHONG GNYIS KYIS RTZOD PA MDZAD PA'I TSE BDAG NYID CHEN PO DE GNYIS KA DRI MA MED PA'I RIGS PA'I RNAM 'GYUR

, ,GZHAN DANG MI 'DRA BAS MKHAS PA MANG POS RTZOD YIG ZIN BRIS SU MDZAD PA YOD 'DUG CING ,PHYIS MKHAS GRUB THAMS CAD MKHYEN PA NYID KYIS TSAD MA SDE BDUN GYI DKA' GNAS GSAL BAR STON PA YID KYI MUN SEL MDZAD PA'I NANG DU'ANG DE DUS KYI RTZOD PA'I TSIG RNAMS DRANGS SO, ,MKHAS MCHOG BSTAN 'DZIN DAM PA DE DAG DRI MA MED PA'I RIGS PA'I RTZE DGA' MDZAD PA NI BSTAN PA RIN PO CHE'I RGYAN DU CHE BA YIN PAS GUS BA BSKYED PAR BYA YIS, RIGS PA'I GSANG MI SHES PA'I BLUN RMONGS DAG GIS KHO BO CAG GI 'DI KHON BDEN GYI GZHAN NI GTI MUG GO ZHES SGROG BA DANG RTZOD PA MDZAD DO ZHES TSIG TZAM GYIS 'JIG RTEN PA BLA'I GRAR BSHAGS 'GYED PA'I DANG TSUL LTAR DU BZUNG STE PHYOGS SU LHUNG BA'I BSAM PAS SKYES BU DAM PA LA SMOD PA NI RNAM PA KUN TU BYA MI RUNG STE SKYES BU DAM PA LA SMOD PA NI RANG NYID NGAN 'GRO MI BZAD PA'I RGYU SGRUB PA YIN PAR MDO LAS GSUNGS PA'I PHYIR RO, ,DON 'DI 'DRA LA DGONGS NAS RJE BTZUN RED MDA' PA CHEN POS, DUS KYI 'KHOR LO LAS BRTZAMS TE DGAG SGRUB MDZAD PA LA BLUN RMONGS LUG LTAR LKUGS PA 'GA' ZHIG GIS PHYOGS SU LHUNG BA'I BSAM PAS RED MDA' PA 'DIS DUS 'KHOR RGYAL BA'I BKA' YIN PA LA DUS 'KHOR LA DGAG SGRUB BYED PA 'DI 'DRA ZHES SMAD PA BYAS PA NA ,RJE BTZUN RED MDA' PA CHEN POS KHO BOS 'KHYOG PO'I SHING BSRONG BA LTAR RGYAL BA'I BSTAN PA LA

ZHUS DAG BYAS PA YIN GYI ,SKYON BRJOD PA GA LA YIN, LAR NI, SANGS RGYAS BSTAN LA YIN MIN GYI, ,DGAG SGRUB MKHAS PA RNAMS KYIS BYED, ,MI RNAMS 'PHYING PA 'DRA BA LA, ,KHYI LA BCOL GNYER CI ZHIG YOD, CES GSUNGS PA LTAR MKHAS PA RNAMS RIGS PA'I RTZED 'JO BYED PAR BLUN RMONGS DAG 'TSANGS TE CI BYED GSUNGS BA LTAR RO, ,PHYIS PAn CHEN PHYOGS LAS RNAM RGYAL BAS MKHAS GRUB RIN PO CHE LA CHED DU BRJOD PA'I BSNGAGS PA MANG DU MDZAD DO, ,MKHAS GRUB RIN PO CHE NI SKU NA TSOD PHRA MO DE TZAM NAS 'CHAD RTZOD RTZOM GSUM GANG LA'ANG THOGS PA MED PA ZHIG STE, DGUNG LO BCO BRGYAD BZHES PA'I TSE RJE BTZUN 'JAM PA'I DBYANGS SMRA BA'I SENG GE LA BSTOD PA, 'JAM DPAL GZHON NUR GYUR PA LA PHYAG 'TSAL LO, ,MTSAN DPES RAB TU BRGYAN PA GZHON NU'I SKU, ,TSANGS DBYANGS LDAN PA CHOS RAB STON PA'I GSUNG, ,SHES BYA MA LUS CIG CAR MKHYEN PA'I THUGS, ,MNGA' BA 'JAM PA'I DBYANGS LA PHYAG 'TSAL LO, ,MA LUS SKYE DGU'I MGON GYUR BCOM LDAN 'DAS, ,MA RIG MUN SEL SMRA BA'I SENG GE LA, ,MA YENGS SEMS KYIS GUS PAS GSOL 'DEBS KYIS, ,MA DAG BLO CAN BDAG CAG RAB TU SKYONGS, ,RI DVAGS RGYAL PO RNAM PAR BSGYINGS PA'I STENG, ,CHU SKYES GZHON NU RAB TU RGYAS PA DANG, ,BDUD RTZI'I 'OD CAN KUN NAS GANG BA YI, ,GDAN LA ROL PAS BZHUGS PA ZHI BA'I SKU, ,PADMA R'A GA'I MDOG 'DRA RGYAL BA'I SRAS, ,ZHAL GYI DKYIL 'KHOR 'DZUM PA'I

, ,MDANGS LDAN ZHING, AUTPAL ZUNG GI RTZA BA NYER BSTEN PA'I, ,CHOS 'CHAD PHYAG GIS THUGS KAR RNAM PAR BRGYAN, ,SNYAN GYI THAD DU CHU 'PHROG 'DAB RGYAS PA'I, ,GE SAR SNYING PO G-YAS SU RAL GRI DANG; ,G-YON PA GLEGS BAM MCHOG GIS NYER MDZES SHING, ,SHIN TU 'GYING PA 'GRO BA'I MGON GCIG PU, ,MTHON MTHING RAL BA'I THOR TSUGS RAB 'KHYIL BAR, ,NYID KYI RIGS MTSON MI 'KHRUGS RGYAN LDAN ZHING, ,SNYAN CHA GDUB KOR DAR GYI COD PAN GYIS, ,MCHOG TU MDZES KYANG BLTA BAS NGOMS PA MIN, ,THUN MTSAMS PHAM BYED MDZES PA'I SKU DE LA, ,RIN CHEN PHRENG BA 'OD KYI DRA BA CAN, ,ZLA BA'I DUM BU LTAR DKAR NGO SHAL GYIS, ,MCHOG TU MDZES PAS BLO LDAN YID 'PHROG BYED, ,GANG ZHIG CUNG ZAD KHYOD LA BRTEN PAS KYANG, ,'KHOR BA'I SDUG BSNGAL MTHA' DAG BSNYIL BYED NA, ,KHYOD NYID KHO NA MGON DU BYED PA YIS, ,BLO LDAN RNAMS LA KUN MKHYEN GA LA RING, ,DES NA RGYAL SRAS THU BO YON TAN GTER, ,MTSUNGS MED SMRA BA'I DBANG PHYUG ZHABS PAD LA, ,RTAG TU GUS PAS MGO BO 'DUD PAR BGYI, ,SKYE BA KUN TU RJES SU GZUNG DU GSOL, ,DE LTAR BDAG GIS BSGRIMS TE BSTOD MDO KYIS, , BCOM LDAN KHYOD KYI YON TAN CHA TZAM YANG, ,BRJOD PAR MA NUS BLO GROS SHIN TU NGAL, ,DA NI THOGS MED SMRA BA'I MCHOG GYUR CIG, BDAG GIS 'DI LTAR RJE BTZUN 'JAM BA'I DBYANGS, ,CUNG ZAD BSTOD LAS DGE BA GANG

BSAGS PA, ,RAB DKAR DRI MED YID KYI MKHAR SHAR BAS, ,'GRO BLO'I MUN PA MA LUS MTHAR BYED SHOG, CES PA MDZAD PA SOGS 'CHAD RTZOD RTZOM PA GANG LA'ANG THOGS PA MED PA KUN LA MTHUN SNANG DU GRUB BO, ,DE NAS BSNYEN PAR RDZOGS PA'I LO GRANGS SU SON PA NA, STOD 'DUL BA'I MKHAN RGYUD GANGS RI'I KHROD KYI SHING RTA CHEN PO RED MDA' PA GZHON NU BLO GROS KYIS MKHAN PO, MKHAS PA'I DBANG PHYUG CHEN PO DPAL 'BYOR SHES RAB KYIS LAS SLOB, MTSAN DON DANG MTHUN PA'I GNYAL BA BLO GROS MTSUNGS MED KYIS GSANG STON, GZHAN YANG DAD PA'I DGE 'DUN GRANGS TSANG BA'I DBUS SU DGE SLONG GI SDOM PA YANG DAG PAR BZHES TE 'DUL 'DZIN GSER RI'I PHRENG BA LTA BU'I DBUS NA ZLA MED PA'I LHUN PO LTA BUR GYUR TO, ,DE NAS RJE BTZUN RED MDA' PA CHEN POS MKHAS GRUB RIN PO CHE LA KHYED RJE BTZUN TZONG KHA PA DANG MJAL NA GZHAN DANG MI 'DRA BA ZHIG 'OD ZHES BSKUL BA DANG, RANG NYID KYANG RJE RIN PO CHE'I SNYAN PA GSAN PAS DAD PAS CHES CHER BSKUL TE ME MO PHAG GI LOR KHAMS GSUM CHOS KYI RGYAL PO TZONG KHA PA CHEN PO BLO BZANG GRAGS PA MJAL RGYU'I NUB MO SNYE THANG DU BZHUGS PA'I MNAL LAM DU, MUN BA NAG PO PHYOGS GAR 'GRO'I GTOL MED PA ZHIG TU PHYIN PA NA, SHAR PHYOGS NAS RAL GRI'I 'KHOR LO RTZIBS STONG DANG LDAN BA'I RAL GRI'I SO RNAMS PHYI DANG YU BA NANG DU BSTAN PA RAL GRI RE RE'I RTZE NAS NYI MA'I DKYIL 'KHOR BRGYA PHRAG RE SHAR PA, 'KHOR LO DE'I LTE BA'I DBUS

, ,SU 'JA' TSON SNA LNGA'I DRA BAS BSKOR BA'I NANG DU RJE BTZUN 'JAM DPAL DBYANGS SKU MDOG DMAR SER RAL GRI DANG GLEGS BAM BSNAMS SHING RIN PO CHE'I RGYAN DPAG TU MED PAS SBRAS PA ,GZHON NU'I CHA BYAD CAN, RAL PA'I THOR TSUGS LA MU TIG GI PHRENG BAS DKRIS SHING SHIN TU MDZES BA BLTA BAS CHOG MI SHES PA ZHIG BYON BYUNG BAS, MUN PA THAMS CAD SANGS, 'JIG RTEN GYI KHAMS THAMS CAD SNANG BA CHEN POS KHYAB BA DANG, RJE BTZUN GYI SKU YANG RANG GI LUS LA THIM PAS BDE BA'I NYAMS KHYAD PAR CAN SKYES PA ZHIG BYUNG, SANG NYIN SE RA CHOS SDINGS SU PHEBS PA NA THOG MAR DGE SLONG ZHI DUL CAN ZHIG DANG MJAL BA NA DE LA CHOS RJE BLO BZANG GRAGS PA'I GZIM KHANG GANG YIN DRIS PAS, LAN MA SMRAS PAR NANG DU SONG NAS SPOS RENG SBAR NAS KHYER BYUNG STE, GZIM KHANG SER PO'I DRUNG DU SLEBS PA NA PHYAG GSUM BTZAL, PHYAG GNYIS KYIS SPOS RENG BZUNG STE, DON GYI SLAD DU MTSAN NAS SMOS TE BDAG GI MKHAN PO RIN PO CHE BLO BZANG GRAGS PA'I ZHAL SNGA NAS BZHUGS PA'I GTZUG LAG KHANG NI 'DI'O ZHES SPOS KYI RTZE MO DE PHYOGS SU BSTAN BAS DGE SLONG DE 'DUL BA NAS GSUNGS BA LTAR GYI KUN SPYOD YONGS SU DAG PA DANG, DGE BA'I BSHES GNYEN LA SHIN TU GUS PA'I TSUL RNAMS GZIGS PAS RJE TZONG KHA PA'I ZHABS 'BRING DGE SLONG 'DI DAG KYANG 'DI LTAR DAM PA'I CHOS 'DUL BA'I LAG LEN LA MKHAS SHING ZHI ZHING DUL BA BLA MA LNGA BCU PA NAS BSHAD PA'I

BSHES GNYEN BSTEN TSUL RNAMS KYANG PHYAG LEN LA THEBS PA 'DI 'DRA NA, RJE RIN PO CHE JI 'DRA ZHIG YOD SNYAM DU LUS KYI SPU ZING ZHES BYED CING 'JIGS SHING SPA ZHUM PAR GYUR, DE NAS RJE RIN PO CHE MJAL BAS DAD PA DPAG TU MED PA 'KHRUNGS, RJE RIN PO CHES KHYED LA LAM DU RMI LAM CI BYUNG GSUNGS PAR SNGAR SNYE THANG DU BYUNG BA RNAMS ZHUS PAS KHYED SNGAGS KYI GDUL BYA DBANG RNON YIN PAR 'DUG ,KHYED KYIS GDUL BYA MANG PO LA PHAN THOGS CHEN PO 'ONG GSUNG, DE DUS RJE RIN PO CHES KHYED YI DAM GANG LA BYED KYIN YOD GSUNGS PAS MKHAS GRUB RIN PO CHES BDAG YI DAM GSHED DMAR LA BYED KYIN YOD ZHUS PAR RJE RIN PO CHES GSHIN RJE GSHED DMAR PO LA YI DAM BYAS NA'ANG RJE BTZUN 'JAM DBYANGS KYIS RJES SU 'DZIN PA'I RGYUR 'GYUR MOD, 'ON KYANG 'JIGS BYED LA YI DAM BYED PA BYUNG NA RJE BTZUN 'JAM DBYANGS KYIS RJES SU 'DZIN PA'I RGYUR 'GRO BA LA GSHIN RJE GSHED GZHAN GNYIS LAS KHYAD PAR 'PHAGS PA'I CHOS MANG DU YOD GSUNGS PAR BRTEN ,MKHAS GRUB RIN PO CHES KYANG DE NAS BZUNG STE RDO RJE 'JIGS BYED LA YI DAM DU MDZAD CING, RJE RIN PO CHE LA RDO RJE 'JIGS BYED LA KHYAD PAR DU 'PHAGS PA'I CHOS JI LTA BU YOD CES GSOL BA BTAB PAS, 'O NA MAndAL RGYAS PA CIG PHUL GSUNGS NAS, MAndAL PHUL BAS ZHI KHRO SBRAGS SGRUB KYI MAN NGAG DANG ,RJE BTZUN 'JAM DPAL DBYANGS KYIS RJES SU 'DZIN PA'I RGYU GZHAN GNYIS DANG MI 'DRA BA'I KHYAD PAR YOD PA RNAMS

, ,RGYAS BAR GNANG, DE'I TSE MKHAS GRUB RIN PO CHES RDO RJE 'JIGS BYED KYI DBANG GI DON DU GSOL BA BTAB BAS RJE NYID KYIS DKYIL 'KHOR BRI THIG GNANG NAS 'JIGS BYED BCU GSUM MA'I DBANG, RTOG BDUN, RTOG GSUM, RNAL 'BYOR BZHI RIM GYI KHRID SOGS GNANG NAS, KHYOD BSTAN PA THAMS CAD GRU BZHI LAM GYIS 'KHYER SHES PA CIG 'ONG BAR 'DUG CES DGYES PA'I BKA' STZAL, RJE RIN PO CHE'I TSEMS BRUL BA YANG DGYES BZHIN DU GNANG BAR TSEMS YIG LUNG BSTAN DU GSUNGS SO, ,DE NAS MKHAS GRUB RIN PO CHES RJE BTZUN TZONG KHA PA CHEN PO LA MI PHYED PA'I DAD PA BRTAN PO THOB NAS GSUNG RAB DGONGS 'GREL DANG BCAS PA THAMS CAD KYI SNYING BO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID SNYAN RGYUD KYI MAN NGAG GEGS SEL BOGS 'DON DANG BCAS BA MTHA' DAG LA GSAN ZHING, SHING RTA CHEN PO GNYIS KYI LAM SROL DRI MA MED PA'I RIGS PA'I DKA' GNAS MTHA' DAG GSAN, RGYUD SDE BZHI DANG 'BREL BA'I MAN NGAG MTHA' DAG DANG, LHAG PAR DGA' LDAN RNAM PAR RGYAL BA'I GLING DU RJE RIN PO CHE LA TSOGS KYI 'KHOR LO LA SOGS BA'I MCHOD PA TSAD MED BAS MCHOD CING, GSER GYI MAndAL PHUL TE GSOL BA SHUGS DRAG TU 'DEBS PAR MDZAD PAS RJE RIN PO CHES ZLA BA BCU'I RING LA, NYIN MO RGYUD SDE DANG GZHUNG CHEN MO RNAMS KYI BSHAD PA MTSAN RE BZHIN

BSKYED RDZOGS KYI MAN NGAG RNAMS DANG KHYAD PAR ZHAL LAS SHES PAR BYA BA'I GNAD MTHA' DAG RGYUN MA CHAD PAR STZAL BA RNAMS TSIG ZUR PHRA MO TZAM YANG NYAMS PA MED PAR THUGS LA BZUNG ZHING NYAMS SU BZHES TE GDENG THOB BAR MDZAD DO, ,DE'I TSE MKHAS GRUB RIN PO CHES RJE THAMS CAD MKHYEN PA LA TSOGS KYI 'KHOR LO LA SOGS PA MCHOD PA TSAD MED PAS MCHOD CING GSER GYI MAndAL PHUL TE GSOL BA BTAB BAS, RJE BLA MA'I THUN MONG MA YIN PA'I GSANG BA'I RNAM THAR DANG SNGAGS KYI GDAMS PA MANG PO LKOG CHO SU GNANG NAS, DA KHYOD LA MAN NGAG RNAMS RDZOGS PAR BSHAD YOD PAS NGA'I SNGAGS KYI YIG CHA 'DI RNAMS KYI DKA' GNAD RNAMS LA ZIN BRIS THOB LA RANG YANG NYAMS SU LONGS; SNOD LDAN GYI GDUL BYA RE GNYIS TZAM BYUNG NA DE RNAMS LA SHOD, NGA'I MDO SNGAGS KYI BSTAN BCOS 'DI RNAMS LA DGONGS PA 'GREL BA'I BSTAN BCOS RNAM PAR DAG BA RTZOMS, KHYAD PAR DU ZAB MO DBU MA'I LTA BA DANG NGA'I SNGAGS KYI BSTAN PA 'DI RNAMS RGYAS PAR GYIS SHIG GSUNGS NAS BSTAN PA YONGS SU RDZOGS PA GTAD DO, ,GZHAN YANG, RJE'I THUGS SRAS RGYAL TSAB DAR MA RIN CHEN, 'DUL 'DZIN GRAGS PA RGYAL MTSAN SOGS LA'ANG MAN NGAG MANG DU GSAN NO; ;DE NAS RJE RIN PO CHE ZHING GSHEGS NAS PHAL CHER RI BO MDANGS CAN DU BZHUGS TE RJE RIN PO CHE'I MDO SNGAGS KYI MAN NGAG RNAMS THUN BZHIR BCAD DE NYAMS SU BZHES PAS BSHES GNYEN BSTEN TSUL NAS MI SLOB PA'I ZUNG 'JUG

, ,GI PAR MDO SNGAGS GNYIS KA'I LAM GYI LUS YONGS SU RDZOGS PA LA MYONG BA PHUL PHYIN THON TE PHYI RABS KYI GDUL BYA RNAMS LA SANGS RGYAS DNGOS SU BYON YANG DE PHAN CHAD DU GSUNG DU MED PA'I MDO SNGAGS KYI GDAMS PA ZAB MO 'DI 'DRA THOB NAS KHA PHYIR LTAR MA SONG BAR RANG GI RGYUD LA BSKOR TE NYAMS LEN MTHAR PHYIN PAR BYA DGOS SO, ,ZHES 'DOMS PHYIR DAM BCA' 'DI LTAR MDZAD DE ,NA MO GU RU MANYDZU GHO sh'A YA, BLA MA DANG SANGS RGYAS DANG BYANG CHUB SEMS DPA' THAMS CAD DANG THUGS RJE'I STOBS DANG SMON LAM GYI MTHU GRUB PA THOGS PA MED PA'I YE SHES KYI SPYAN DANG LDAN PA RNAMS LA GUS PA CHEN POS PHYAG 'TSAL ZHING SKYABS SU MCHI'O, ,LHAG PA'I BSAM PA RNAM PAR DAG BAS YI DAM DU BGYI BA'I DON MTHA' DAG GEGS MED PAR MTHAR PHYIN PAR MDZAD DU GSOL, GANG ZHIG THUGS RJE CHEN PO'I GZHAN DBANG GIS, ,BDAG BDER CUNG ZAD TZAM YANG MA GZIGS PAR, ,GZHAN PHYIR DPAG PAR DKA' BA'I SPYOD YUL LA, ,GRANGS MED BZOD DKA'I NGAL BAS MI SKYO BAR, ,THUGS BSKYED MTHAR PHYIN MDZAD PA'I 'GRO BA'I GNYEN, ,DGE LEGS RTZA BA DRIN CAN BLA MA DANG, ,SRAS BCAS RGYAL BA'I ZHABS LA PHYAG 'TSAL NAS, , DE DAG SPYAN SNGAR YANG DAG BLANGS PA'I KHRIMS, ,SDOM PA GSUM GYI BCAS PA'I MTSAMS RNAMS LAS, ,MA GTOGS KHAS LEN BGYI BA CI ZHIG MCHIS, ,'ON KYANG BDAG NI NYON MONGS DBANG GYUR CING, ,BAG MED SPYOD PA'I GOMS PA

SHUGS TSE BAS, ,PHAL CHER LOG PA'I RGYUN PHYOGS GZHOL GYUR BA, ,'DI LA DRAN SHES SKYE BAR 'GYUR SNYAM NAS, ,SLAR YANG RGYAL DANG DE SRAS SRUNG MA'I TSOGS, ,DPANG POR GSOL TE 'DUN PA DRAG PO YIS, ,DGE SBYONG BDAG GIS DAM BCA' BCU PO 'DI; ;DE NAS BRTZAMS TE JI SRID 'TSO YI BAR, ,SROG LA BAB KYANG DOR BAR MI BGYID CING, ,GAL TE 'DAS NA RGYAL BA SRAS BCAS KYIS, ,PHYUGS LTAR DGONGS NAS SRUNG MA'I TSOGS RNAMS KYIS, ,BAG MED BDAG GI KHONG PA'I SNYING PHYUNGS SHIG, DA LTAR MKHYEN PAR GSOL NAS DAM BCA' BA BCU RJES SU BRJOD PA 'DI DAG GO, DE YANG GANG GI TSE GZHAN GYI SEMS NGES PAR BSRUNG DGOS SHING, CHES NGO MTSAR BA LA SOGS PA'I CHOS LDAN GYI DMIGS BSAL RE RE TZAM MA GTOGS PA'I SKABS GANG DU YANG DMAG DANG, CHOM RKUN DANG, RGYAL PO'I GTAM LA SOGS PA 'DU 'DZI'I GTAM GYI SBYOR BA CUNG ZAD TZAM YANG MI BGYI BA NI DAM BCA' DANG PO'O, ,KUN SLONG SKYON CHAGS PA'AM, LUNG DU MA BSTAN PA RNAM PAR MA BRTAGS PA'I SEMS KYIS KUN NAS BSLANG BA YANG RUNG STE, DE NYID KYI NYES PA SEL BA'I CHOS LDAN GYI CHED DU PHAN PAR 'DOD PA 'BA' ZHIG GIS BRJOD BA MA GTOGS PA, RANG LAS RGYUD THA DAD PA'I GANG ZAG DMIGS KYIS BSAL BA'I MING NAS SMOS TE DE'I SGO GSUM GYI SKYON PHRA MO TZAM YANG TSIG TU BRJOD PAR MI BGYID PA NI DAM BCA' BA GNYIS PA'O, ,GAL TE RANG LA SEMS RGYUD CUNG ZAD TZAM YANG 'KHRUGS PA'I BSAM PA MI 'DREN CING, GZHAN LA

, ,THABS DES NGES PAR PHAN PAR YID CHES PA'I SKABS BYUNG NA MA GTOGS PA RANG LAS RGYUD THA DAD PA'I SEMS CAN DANG, DE LAS GZHAN SEMS CAN MIN PA YUL DU BYAS PA'ANG RUNG STE RTZUB MO'I CHIG CUNG ZAD TZAM YANG MI BGYID BA NI DAM BCA' BA GSUM PA'O, ,GANG GI TSE CHOS LDAN GYI BYA BA'I CHED DU DRAN SHES NYE BAR BZHAG STE NGES PAR BRTAG DGOS PA'I GNAS LA SEMS PA MA GTOGS PA, GNYEN BSHES DANG, RNYED BKUR DANG 'DU 'DZI DANG, CHAGS SDANG LA SOGS BA'I GNAS LA CUNG ZAD KYANG NYON MONGS PA DANG 'DRES PA'I SEMS KYIS BRTAG PAR MI BYA BA NI DAM BCA' BA BZHI PA'O, ,GANG GI TSE NAD DANG, LAM LA SOGS BAS HA CANG DUB PA'I SKABS MA GTOGS PAR, DGE BA'I SBYOR BA'I SKABS GANG GI TSE'ANG ,NYAL BA DANG, 'PHRES PA DANG, BRE MO'I GTAM DANG, BZA' BTUNG HA CANG BSTEN PA SOGS KYIS CHOS LDAN GYI DGOS PA MED CING LE LO SKYE BAR MTHONG BZHIN DU 'PHRO MI GCOD CING DANG DU LEN PA CUNG ZAD KYANG MI BGYI BA NI DAM BCA' BA LNGA PA'O, ,BDAG LA RDZAS DE BDOG CING DE GANG ZAG DE NYID LA SBYIN NA BDAG GI DGE BA'I BYA BA NYAMS PA'I RKYEN DANG, 'PHEL BA'I GEGS SU 'GYUR PA 'AM, YUL DE LA GNOD PAR 'GYUR BAR NGES PA'AM, CHED DU BYA BA CHOS LDAN GZHAN DANG YUL GZHAN LA BSNGOS ZIN PA MA GTOGS PA, GANG ZAG GANG YANG RUNG BAS YO BYAD BZANG NGAN CI

'DRA ZHIG SLONG YANG SER SNA'I BLOS MI STER BA SPANGS TE, DE MA THAG TU DGA' BA'I SEMS KYIS BYIN NAS RDZOGS PA'I BYANG CHUB TU BSNGO BAR BGYI BA NI DAM BCA' BA DRUG PA'O, ,GANG GI TSE BDAG GAM BDAG GI GNYEN BSHES, LONGS SPYOD, 'KHOR G-YOG GANG YANG RUNG PA LA SU YANG RUNG BAS CI YANG RUNG BA'I GNOD PA DANG, MI SNYAN PA BRJOD PA DANG, MTSANG NAS 'BRU BA DANG, SROG GCOD PA'I BAR DU BYED PA THAMS CAD LA DANG POR KHONG 'KHRUGS PA DANG, RJES SU KHON DU 'DZIN PAS LUS NGAG GI RNAM PAR 'GYUR PA PHRA MO YAN CHAD 'BAD PAS 'GOG CING CUNG ZAD KYANG DANG DU MA LEN LA CI NAS KYANG DE NYID KYI LAN DU DNGOS BRGYUD GANG YANG RUNG BA'I SGO NAS PHAN GDAGS PA'I BLO BSKYED CING SMON LAM GDAB PA NI DAM BCA' BA BDUN PA'O, ,BDAG NYID KYIS DBANG KHRID LUNG MAN NGAG STON PA, MDO RGYUD SOGS 'CHAD PA, BDUN TSIGS RAB GNAS SBYIN SREG GI YON DANG, CHOS PHYOGS LA DMIGS PA DANG, 'PHRAL DU LONGS SPYOD PA LA NYE BA'I STA GON 'DU BYAS PA 'TSEMS SHING DRUB PA'I CHOS GOS DANG, G-YOS SU BYAS PA 'AM DE NYID GYI TSE G-YOS SU BYED PAR CHAS PA LTA BU'I ZAS GOMS MA GTOGS PA YO BYAD CHE CHUNG GANG BYUNG YANG BDAG NYID KYI DON DU BDAG GIR MI 'DZIN CING BSOD NAMS GSOG PA'I THABS 'BA' ZHIG LA GTONG BA DANG, CHOS GYI SBYIN PA TSIG BZHI YAN CHAD KYANG BYANG CHUB KYI SEMS KYI RTZIS ZIN PAR BYED PA NI, DAM BCA' BA BRGYAD PA'O, ,BSTAN PA 'BA' ZHIG LA BSAM PA'I BLOS GSUNG RAB KYI

, ,DON LA LOG PAR RTOG PA 'GOG PA'I YAN LAG MA GTOGS PAR, BSHES GNYEN GZHAN SU LA'ANG MI BSNGAGS PA CUNG ZAD KYANG MI SMRA ZHING YON TAN BRJOD PA LHUR LEN PA DANG GANG ZAG MCHOG DMAN SU LA YANG PHUN SUM TSOGS PA'I RNAM PA CHE CHUNG CI 'DUG PA DANG, YON TAN GYI KHYAD PAR CHOS DANG MTHUN PA CI 'DUG PA MTHONG NGAM THOS PA NA YID LA ZUG RNGU CUNG ZAD KYANG MI BSKYED CING DE MA THAG TU SNYING LA DGA' BA'I BLO SBYANG BA NI DAM BCA' BA DGU PA'O, , NAD DANG CHOM RKUN SOGS DRAG POS GTZES PA'I GZHAN DBANG DU GYUR PAS BSGRUB PAR MA NUS PA'I SKABS BYUNG NA MA GTOGS PA JI SRID 'TSO'I BAR DU NYIN ZHAG RE'I NANG DU DGE SBYOR BCU PO 'CHAG MED DU BGYI BA STE, DE YANG 'DI LTA STE, SMON SEMS DANG 'JUG SEMS CHO GA NYUNG DUS THUN DRUG TU LEN CING, KHYAD PAR SNGA DRO SMON SEMS DANG BYANG SEMS KYI SDOM PA RANG GIS BLANGS PA'I CHO GA RGYAS PA, BYANG CHUB KYI SEMS GNYIS SBYANG BA'I DMIGS RNAM GANG SKABS DANG 'TSAM PAR THUN BZHING LEGS PAR BSGOMS NAS SPYOD LAM THAMS CAD DE NYID KYIS RTZIS MA ZIN PA'I RGYA YAN DU MA SHOR BAR DRAN SHES NAR MAR BSTEN PA LA 'BAD PA, 'KHOR BA'I SNANG SHAS ZIL GYIS GNON PA'I GNYEN POR SKYES BU CHUNG 'BRING GI DMIGS RNAM GTZO BO GANG SKABS DANG 'TSAM BAR THUN BZHIR BSGOMS NAS SNGA MA LTAR DRAN SHES BSTEN PA, SNGAGS BLA MED KYI DKYIL 'KHOR RTEN DANG BRTEN PAR BCAS PA YONGS SU RDZOGS PA'I THUN BZHI'I RNAL 'BYOR RNAMS TE DAM BCA' PA

BCU PA'O, ,'DI LTAR BDAG GI YI DAM RNAM PA BCU, ,MI 'DOD BZHIN DU GZHAN GYIS BTZAL BA DANG, ,RTOG DPYOD SPANGS TE BYUNG RGYAL SMRAS PA 'AM, ,JI TZAM 'BAD KYANG 'GRUB PA'I THABS MED PA, ,DE DAG MIN PHYIR RANG LA BRTAGS PA NA, ,BRTZON PAS 'BAD NA BSGRUB PAR NUS PA DANG, ,GRUB NA DGOS PA CHE BAR MTHONG NAS NI, ,RGYAL BA'I SRAS KYI RMAD BYUNG SPYOD PA LA, ,SNYING NAS GUS PA'I DAD PA SKYES PA BDAG, RGYAL BA SRAS BCAS MTHU LDAN SRUNG MA'I TSOGS, ,DBANG POR GSOL BA'I DAM BCA' 'DI LTAR 'DOR, ,DE PHYIR SROG LA BAB KYANG DAM BCA'I KHUR, ,'DI DAG MI SPANG SLAR YANG RGYAL SRAS KYI, ,'DI LAS GRANGS MED RLABS CHE'I SPYOD KUN LA, ,'DUN DANG SBYOR BA GONG DU SPEL BAR BGYI, ,TSUL 'DIS MTSON PA'I DUS GSUM DGE BA KUN, , GCIG TU BSDOMS PAS TSE RABS KUN TU BDAG, RMAD BYUNG BSHES GNYEN MCHOG GIS RJES BZUNG NAS, ,BYANG CHUB SEMS GNYIS NAM YANG MI GTONG ZHING, ,RLABS CHEN RGYAL SRAS SPYOD KUN BSGRUB PA LA, ,MA ZHUM SNYING STOBS MCHOG GIS SRID MTHA'I BAR, ,RGYAL BA'I DAM CHOS MA LUS 'DZIN PA DANG, ,'JAM PA'I DBYANGS KYIS RJES SU 'DZIN GYUR CIG, CES RGYAL BA'I DGONGS PA SHING RTA CHEN PO RNAMS DANG 'JAM MGON BLA MAS JI LTAR BKRAL BA LTAR MDO SNGAGS KYI LAM GYI LUS YONGS SU RDZOGS PA LA NYAMS LEN SNYING POR BYA BA LAS NAM YANG MI G-YEL BA'I DAM BCA' MDZAD CING, SKAL BA DANG LDAN PA GZHAN DAG LA'ANG RJE RIN PO CHE'I MDO SNGAGS KYI BSTAN PA BSRE BSLAD MED PA RNAM PAR DAG PA RGYA CHER SPEL ZHING,

, ,CHOS RGYAL BDAG PO RAB BRTAN PAS GDAN DRANGS TE DPAL 'KHOR CHOS SDER RJE RIN PO CHE'I LUGS BZANG 'DZIN PA'I DGE 'DUN GYI SDE MANG DU SPEL TE BSTAN PA'I BYA BA RGYA CHEN PO MDZAD, DE NAS DGUNG LO ZHE GSUM BZHES PA ME MO LUG GI LOR BDAG PO RAB BRTAN PAS DBUS NAS RONG STON CHEN PO GDAN DRANGS TE RJE 'DI DANG RTZOD PA MDZAD PAR DRIL BSGRAGS, MKHAS GRUB RIN PO CHES KYANG ZHAL GYIS BZHES, GTAM DE DBUS GTZANG YONGS LA BSGRAGS PAS MKHAS PA MANG BO DBANG POR BYON ZHING, BKA' BSTAN 'GYUR YANG BRTZIGS, RTZOD PA'I DUS TSES BTAB PAS RONG STON PAS RTZOD PAR MA NUS NAS BDAG PO RAB BRTAN PA DANG GNYIS KAS 'BYOL THABS KHON MDZAD PAS; MKHAS GRUB SMRA BA'I NYI MA DGE LEGS DPAL BZANG POS 'JIGS PA MED PA'I SGRA DBYANGS ZAB MO SGROG BAR MDZAD PA NI 'DI LTAR, AOm BDE LEGS SU GYUR CIG, BLO BZANG GSUNG GI LEGS BSHAD ME TOG PHRENG, , GRAGS PA'I MDANGS LDAN RIGS PA'I DRI BSUNG CAN, ,DPAL LDAN MKHAS PA KUN GYI MGO BO LA, ,NGAL BSO BGYIS PAS THUB BSTAN RGYAS GYUR CIG, THEG MCHOG RIGS KYI NUS PA MI DMAN TSOGS GNYIS RIN CHEN KHAMS LAS GRUB, ,RNAM DPYOD MGYOGS 'GRO'I RTA LJANG GIS DRANGS SHES BYA'I MKHA' LA THOGS MED CING, ,GSUNG RAB RGYA MTSO'I GOS CAN MA LUS RIGS PA'I ZER GYIS SNANG BYED PA, ,SNGON MED NAM MKHA'I NOR BU

DE DANG ME KHYER LHAN CIG JI LTAR BGROD, ,'ON KYANG RONG SKYES SH'AKYA YIS, ,BSTAN LA SDANG BA'I YID LDAN ZHING, ,GSHEN RAB GZHUNG LUGS RGYAL MTSAN 'DZIN, ,BYIS PA MKHAS PAR RLOM PA GANG, ,RING NA GNAS TSE KHO BO DANG, ,LHAN GCIG BRGAL LAN BYA'O ZHES, ,GYA GYU'I YID LDAN DRANG SRONG GI, DMOD PA'I TSIG BZHIN YANG YANG BSGRAGS, ,DE NAS NAM ZHIG 'DIR PHYIN TSE, ,ZHUM PA BZHIN DANG SKRAG PA BZHIN, ,GNONG BA BZHIN DANG 'GYOD PA BZHIN, ,SKYABS MED BZHIN DU SKYABS 'TSOL BYED, ,DPAL LDAN ZLA BA'I 'OD DKAR LA, ,GLAGS TSOL 'DOD PA'I MUN CAN DE, ,KHO BO'I RIGS TSUL RDO RJE YIS, ,GZHOM PAR BYA ZHES MNGON DU SMRAS, ,BLA MA'I LEGS BSHAD NYIN BYED ZER, ,SGRIB BYED PHRAG DOG RKANG 'THUNG RGYAS, ,NYES BSHAD NAGS TSAL 'KHRIGS PA KHYOD, ,DA LTA THAL PAR BYA ZHES SMRAS, ,DE'I TSE SKRAG PA'I YID LDAN DES, ,DE DAG BDAG GIS MA BKAG CES, ,GTOL MED GYUR PA'I TSIG SMRA ZHING ,RDZUN GYI KHUNG BUR YANG YANG BROS; ,KHREL YOD NGO TSA'I GOS DANG BRAL, ,SDOM PA'I SKA RAGS LHOD PA CAN, ,BLUN RMONGS SLOB MA'I TSIG NGAN GYI, ,YOL BAS BSGRIBS PA'I PHAG TU 'CHEL, ,PHYOGS 'DIR MKHAS PA'I BKA' MCHID DAG, BYA BAR 'OS PA MIN ZHES PA'I, ,SBYIN BDAG TSIG LA SKYABS BCAS NAS, ,BDAG LA BKA' DRIN CHE ZHES SMRAS, ,LUNG RIGS RLABS PHRENG ROL PA CAN, ,SDE CHEN RGYA MTSO SO SO NAS, ,MKHAS PA GDENG CAN DU MA DAG, GNAS 'DIR DPANG POR LHAGS

, ,PA YANG, ,DE YIS GANG LA MGON BCAS PA, ,DE NYID TSIG GIS RANG RANG GI, ,CHU GTER GNAS SU BSKRAD BYAS NAS, ,BRGOL PA'I DKYIL 'KHOR RDZOGS MA GYUR, ,'DI LTAR MNGON DU MA NUS PA'I, , ZHUM TSIG SMRAS PA DRAN BYOS LA, ,PHYIS NAS MKHAS PA'I LEGS BSHAD LA, ,LKOG TU NGAN SMRAS MA BYED CES, ,BDAG GIS GDAMS SHING TSAR BCAD PAS, ,BDEN MIN SMRA BA LHUR LEN ZHING, ,NGO TSAS GTOL MED GYUR DE DAG, LUG BONG BZHIN DU MKHAS RNAMS SGROGS, ,BDE GSHEGS BSTAN PA GANGS RI'I SUL NA GNAS, ,GZHUNG LUGS 'BUM PHRAG RAL PA'I KHUR GYIS BRJID, ,RIGS PA'I MCHE SDER MI BZAD STOBS LDAN PA, ,MKHAS MCHOG GDONG LNGA'I DBANG PO KHO BO TZAM, ,DRI MED RIGS PA'I GAD RGYANGS GCIG GIS KYANG, ,DREGS LDAN PHAS RGOL GLANG PO STONG GI SNYING, ,LKOG MAR PHYIN PA'I 'JIGS STER DGE LEGS DPAL, ,BZANG PO LAS GZHAN SMRA BA'I SENG GE GANG, ,ZHES DRI MA MED PA'I RIGS PA'I GANG RGYANGS RGYA CHER BSGRAGS PA DPAL 'KHOR CHOS SDE'I RGYAL SGO LA BLAN TE KUN GYIS MTHONG BAR MDZAD DO, ,'DI LTAR MKHAS PA CHEN PO GNYIS KYIS DRI MA MED PA'I RIGS BA'I NGA RO'I RTZE DGA' MDZAD PA NI BSTAN PA RGYAS PA'I CHED DU MDZAD PA YIN GYI, DENG SANG GI BLUN RMONGS DAG GI NGANG TSUL LTAR CHAGS SDANG GIS MDZAD PA MIN NO, ,DON 'DI LA MKHAS GRUB THAMS CAD MKHYEN PA NYID KYI ZHAL

NAS, KHA CIG DE LTAR CHOS DANG CHOS MA YIN PA'I RNAM DBYE LA BRGAL BRTAG MANG DU BYED PA NI SEMS RGYUD MA DUL BA YIN PAS SNYING PO MED, CHOS DE DAG THAMS CAD LA RANG RANG GI LUGS BZHIN NYAMS SU BLANGS PAS GANG ZAG BZANG PO MANG PO BYON 'DUG PA DANG CHOS THAMS CAD DU MA RO GCIG YIN ,CHOS KYI KHA ZIN BYED PA CHAGS SDANG RMONGS GSUM GYI RTZA BA YIN PAS BYAR MI NYAN, 'DOD PA DE DAG THAMS CAD PHUN SUM TSOGS PA 'BA' ZHIG YIN ZHES ZER BA YANG BLUN PO PHAL CHE BA CHOS PA RANG JO BO BZANG ZHES DAD PA LHAG PAR SKYE, KHO RANG YANG DE NYID DANG DU LEN ,RNYED BKUR 'DU BA YANG MANG BAR GYUR MOD KYI LUNG RIGS KYIS CHOS LOG TSAR GCOD PA SEMS RGYUD MA DUL BAR SMRA BA NI, SANGS RGYAS DANG 'DZAM GLING MDZES PAR BYED PA'I RGYAN DRUG LA SOGS PA RGYA BOD KYI LO PAn KHYAD PAR CAN MTHA' DAG LAS RANG NYID SEMS RGYUD DUL BAR DON GYIS KHAS LEN PA BRTAGS NA BLOS 'KHYUD PAR DKA' BA'I GTAM YIN NO, ,RANG NYID SKYE BO PHAL PA BLUN PO 'GA' ZHIG GI BLO YUL DU GRUB PAR BYA BA'I PHYIR DANG, RNYED BKUR CUNG ZAD 'DU BA'I SGO MI NYAMS SHING GONG NAS GONG DU 'PHEL BAR BYA BA'I PHYIR TZAM DU SHES BZHIN DU CHOS MA YIN PA CHOS SU STON PAR BYED PA NI, SEMS RGYUD GTING NAS MA DUL BA'I TSABS DE LAS CHE BA CI ZHIG YOD DE ,TSE 'DI'I DGOS PA CUNG ZAD TZAM GYI PHYIR DU CHOS SPONG BA'I LAS TSABS PO CHE BSAGS NAS RANG GZHAN SLU ZHING SANGS RGYAS KYI BSTAN PA NYAMS PAR BYED PA'I PHYIR RO, ,CHOS

, ,CHOS MA YIN PAR STON BA DANG, CHOS MA YIN PA CHOS SU STON PA GNYIS KA YANG CHOS SPONG GI LAS SU 'GYUR BA LA KHYAD PAR MED PAR 'PHAGS PA RNAM PAR 'THAG PA BSDUS PA'I MDO LAS GSUNGS SO, ,ZHES GSAL BAR GSUNGS SHING, MKHAS GRUB CHEN PO 'DI NYID KYIS RIGS PA'I DGAG BZHAG MDZAD PA NI, RGYAL BA'I BSTAN PA NYAMS PA THUGS KYIS MA BZOD PA DANG, SEMS CAN BLUN RMONGS RNAMS CHOS LTAR BCOS PAS PHUNG BAR 'GYUR BA THUGS KYIS MA BZOD NAS RANG YAL BAR DOR TE GZHAN GCES PAR 'DZIN PA'I BSAM PA KHO NAS MDZAD PA YIN TE, CHOS MIN CHOS SU STON BYED CING, ,DAM CHOS BTZONGS PAS 'TSO RNAMS KYIS, ,THUB BSTAN MING GI LHAG MAR BYAS, TSUL 'DI BDAG GIS JI LTAR BZOD, ,CES GSUNGS PA LTAR RO, ,DES NA MKHAS MCHOG GDONG LNGA'I DBANG PO GNYIS DRI MA MED PA'I RIGS PA'I NGA RO'I RTZE DGA' BYED PA'I BAR DU BLUN RMONGS WA SKYES DAG 'TSANGS NAS PHYOGS LHUNG MI BYA STE RANG NYID PHUNG BAR 'GYUR BA'I PHYIR RO, ,DES NA MDO LAS, NGA 'AM NGA DANG 'DRA BAS GANG ZAG GI TSOD BZUNG GI ,GANG ZAG GIS GANG ZAG GI TSOD MI BZUNG STE NYAMS PAR GYUR TA RE, ZHES GSUNGS PAS BDAG LEGS SU 'DOD PA DAG GIS SKYE BO DAM PA LA GNOD PA'I LAS RNAM PA KUN TU SPANGS TE GUS PA LHUR BYA'O, ,DE NAS MKHAS GRUB RIN PO CHES DPAL 'KHOR CHOS SDER MA BZHUGS PAR RI BO MDANGS CAN DU PHEBS TE BSTAN PA'I BYA BA

RGYA CHER MDZAD PA NA BDAG PO RAB BRTAN PA YID BZHIN GYI NOR BU LAG TU RNYED PA CHED DU BSAMS TE BRLAG PAR BYAS PA LTAR 'GYOD PA TSAD MED PA SKYES TE, MKHAS GRUB RIN PO CHE LA DNGOS SU ZHU MA SPOBS PAR NYE GNAS LA GSER MANG PO BYIN TE SLAR GDAN 'DREN PA'I ZHU BA BYAS PAR PHEBS SU MA BZHED PAR, AOm SVA STI, GANG GI BKA' DRIN DRAN PAS BDAG GI YID, ,SHIN TU BRTAN PA NYAMS PA'I DAD PA YIS, ,ZLA MED BLA MA'I ZHABS LA PHYAG BYAS TE, ,RANG GI YID LA GCAGS PA'I GTAM 'DI GLENG, ,SMRAS PA, 'DIN ZAB DANG RGYA CHE DAM PA'I CHOS ,,DGOS 'DOD KUN 'BYUNG DPAG BSAM LJON PA YANG, ,KHA ZAS DON GNYER BLUN PO'I CHOGS RNAMS KYIS, ,BUD SHING CHED DU CHUD GZON BYED PAR ZAD, ,MDO RGYUD GSUNG RAB MKHA' LA THOGS MED PA'I, ,LEGS BSHAD 'OD STONG LDAN PA'I NYIN BYED KYANG, ,DUS MTHAR LAS KYIS LA LTUNG BA NA, ,RTZVA SGRON TZAM GYI BYA BA'ANG BYED MA YIN, ,SKYON YON BYED PA'I BLO GROS MIG LDONG NAS, ,BLUN PO'I CHIG RJES 'BRANG LAS GZHAN MED PAS, ,RANG GI LAG THOGS NOR BU RIN CHEN YANG, ,PHYAG DAR PHUNG PO'I RDO DANG MTSUNGS PAR MTHONG, ,SEMS RTA DMU RGOD 'PHRAL DU DUL BYED PA, ,PHUL BYUNG DAM PA'I CHOS KYI DGA' STON YANG, ,NGAN SKYUGS DON GNYER KHVA TA'I TSOGS RNAMS KYIS, ,PADMO'I RTZA LAG BZHIN DU 'BAD PAS SPONGS, ,SANGS RGYAS LAS KYANG DKON PA'I GDAMS PA MCHOG ,TSANG LA MA NOR SNGON MED BDUD RTZI'I RGYUN, ,DKA' SPYAD LTOS MED BRTZEBS BYIN NA YANG, ,SKAL NGAN SKYE BOS

, ,DUG LTAR 'GAL BAR 'DZIN, ,RLABS CHEN LUNG RIGS BSHAD PA'I GRU SBYANG NAS, ,GZHUNG LUGS CHU GTER CHE LA LEGS KHRID NA, ,BLO CHUNG BYIS PA LTA BU 'DI DAG NI, ,SGYID LUG ZHUM DANG 'JIGS DANG GTOL MED 'GYUR, ,GZHUNG LUGS BSHAD PA RTZVA LTAR DOR BYAS NAS, ,BSDUS PA'I THAL PHRENG MDZUB KHRID KHO NA YANG, ,DON CHUNG LAS LA TSE ZAD 'GYUR MTHONG NAS, ,BDAG NI 'DI LA 'JUG PA LHOD PAR GYUR, ,THUN MONG STONG NYID GTAM YANG SNOD MIN LA, ,'CHAD PA BKAG NA BLA MED THEG PA'I LAM, ,MI 'DOD BZHIN DU STON PA SMOS CI DGOS, ,DE PHYIR KHO BO 'DI LA'ANG SKYID LUG GYUR, ,LTA BA'I MTHAR THUG DBU MA'ANG DE NYID DON, ,BDEN 'DZIN GNYEN POR BSGOM PHYIR MI SLOB PAR, ,GRANGS 'DZIN PHYIR DANG GANG SHES TSOGS NANG DU, ,SMRA PHYIR 'BAD PA BDAG 'DZIN GSOS 'DEBS YIN, ,BLANG DOR GNAS DANG LAM GYI YAN LAG KUN, ,TSED MAS GTAN LA DBAB PHYIR MA YIN PA'I, ,MANG PO'I DBUS SU 'GRAN ZLA ZIL MNAN NAS, ,GZHAN NGOR GRUB PHYIR 'BAD PA'ANG CHOS MIN YIN, ,GZHUNG LUGS DON LA CHA TZAM MA REG PA'I, ,RDZAS LDOG NA BZUNG CHOS CAN ZOL 'JOG SOGS, ,'BAD NAS SLOB PA KUN SLONG SKYON MED NA, ,LUNG MA BSTAN GYI LAS SU 'GYUR BA TZAM, ,CHAGS SDANG PHRAG DOG 'GRAN SEMS DRAG PO DANG, ,MI GZUGS TSOL PHYIR THOS BSAM SGOM GSUM LA, ,JI TZAM 'BAD KYANG CHOS MIN DU MA'I SGO, ,

NAD PA GSAD PHYIR ZAS MCHOG SBYIN PA BZHIN, ,LTO RGYAB TZAM PHYIR 'DUS PA'O 'KHOR NANG DU, ,CHAGS SDANG G-YO SGYUS 'THAB RTZONG LHUR BLANGS NAS, ,ZHAR LA SBYOR DAG TSIG GSUM BZLAS BRJOD KYIS, ,RANG GZHAN GNYIS KA 'DI PHYIR PHUNG BAR BYED; ;MKHAN SLOB MCHED GROGS CHOS DANG DAM TSIG NI, ,MDA' LTAR 'PHANGS NAS 'DU BA'I SGO 'PHROG CING, ,DAD RDZAS PHYIR RTZOD YUL 'KHOR 'JOMS PA'I DPUNG, ,JI TZAM TSOGS KYANG DMYAL BA'I 'DUN KHANG YIN, ,DMAN PA'I GZHUNG DANG MCHOG TU RNYED DKA'I LAM, ,'CHAD DANG 'DOMS PA LDOG STE DON GNYER BA, ,SKAL BA MED PA'AM SHIN TU BLUN PA 'AM, ,SNANG SHAS GDON CHEN SNYING LA ZHUGS PA YIN, ,TSE 'DI 'AM BAR DO SKYE BA BDUN TZAM GYIS, ,SANGS RGYAS 'THOB PA'I LAM BZANG THOB NAS KYANG, ,SANGS RGYAS MI 'DOD SMRA BA NGO TSA NAS, ,DE LA'ANG 'DI NYID DGOS PA'I ZOL SBYOR GYIS, ,BGROS NGAN TSIG GSUM GSHAGS SBYOR CUNG ZAD CIG ,SHES NAS LONG BAS LONG BA 'KHRID PA'AM, ,ZAS NOR BSGRUB PHYIR PHYI MA BLOS GTONG BA, ,'DI DAG MI YI GZUGS BRNYAN DUD 'GRO'I PHUL, ,DAM PA RNAMS KYIS TSE 'DI BLOS BTANG NAS, ,ZAB MO'I MAN NGAG RTZE GCIG NYAMS BLANGS PAS, ,DON GNYIS PHUL PHYIN MTHA' YAS RNAM THAR LA, ,YID G-YO'I 'DUN PA CHA TZAM MI SKYE BAR, ,DA LTA'I STON BA 'GA' YI RNYED GRAGS DANG, ,SLOB 'KHOR RGYA CHEN 'DU 'GOD MANG PO'I GTAM, ,THOS PA TZAM GYIS 'GRAM CHU LDANG BA NI, ,GZHI RTZA GTING NAS NYES PA'I RTAGS NGAN YIN, ,SNUM ZAD

, ,MAR ME LTA BU'I BSTAN PA 'DI, ,KHO BO'I LEGS BSHAD GO CHA BLO GROS KYIS, ,RDZOGS LDAN BZHIN DU BYA BAR NUS NA YANG, ,SKAL NGAN RNAMS KYIS SA 'OG GTER BZHIN SBAS, ,DA NI DUS LA SDOD PA MED PA DANG, ,LANG TSO'I DPAL YANG STON KA'I SPRIN LTAR G-YO, ,SKYE BO PHAL CHER SKAL BA MED MTHONG NAS, ,MANG THOS BDAG NI GCIG PUR CHOS DON SEMS, ,TSE 'DI 'BA' ZHIG DON GNYER 'KHOR NANG DU, ,CHAGS SDANG 'DU 'DZIS 'DA' BA'I GO SKABS NAS, ,RTZOD PA LHUR LEN TSIG 'GA'I BSHAD PA LA, ,MKHAS PA NGA NI SKYUGS PA BZHIN DU BLTA, ,RANG YUL NYE DU LONGS SPYOD KUN BOR NAS, ,RTZE GCIG DAM CHOS BSGRUB BAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED PA SMYON PA YIN, ,CHOS DANG CHOS MIN RNAM DBYE LEGS RTOGS NAS, ,DA DUNG CHOS LTAR BCOS PA'I GZUGS BRNYAN LA, ,CHAGS SHING BAG MED RNAM G-YENG LHUR LEN NA, ,BDAG LA SEMS MED GYUR PA GDON MI ZA, ,RGYAL BA'I DGONGS ZAB MTHAR THUG RGYAL BA DANG, ,MTSUNGS PA'I BLA MA'I MAN NGAG LEGS RTOGS NAS, ,DE DON RTZE GCIG BSGRUBS NA RANG GZHAN GYI, ,GTAN GYI MDUN MA 'GRUB BAR SHES BZHIN DU, ,DA DUNG GZHAN ZER SNYAN DANG MI SNYAN DANG, ,DON CHUNG TSE 'DI'I KHE NYEN BRTZI BRTZI NAS, ,PHYI BSHOL DANG LA DON MED DUS 'DA' NA, ,CHOS BRGYAD GDON GYIS ZIN

PA'I SNYING RUL YIN, ,GTING NAS NGES PA MA RNYED BLUN PO DAG ,ZAB MO BSGRUB LA MI GUS MTSAR CI YOD, ,GTING NAS ZAB MO'I LAM LA YID CHES NAS, ,DE DON MI BSGRUB DE LAS KHREL BOR SU, ,CI'ANG MI SHES KHA CIG TSE 'DI LA, ,BLTOS MED BSGRUB LA BRTZON PA MTHONG BA'I TSE, ,NYAMS LEN GNAD LA CHES MKHAS RNAM G-YENG GI ,RGYAR CHUD GYUR PA SHIN TU NGO YANG TSA, ,DE PHYIR MDO RGYUD BLA MA'I MAN NGAG DON, ,LEGS PAR KHONG DU CHUD PAS YID DRANGS NAS, ,NAM ZHIG 'DI DON BSGRUB PAR 'GYUR SNYAM DU, ,MKHAS PA NGA NI 'DI NYID 'BA' ZHIG SEMS, ,MI DBANG DU MA'I COD PAN NOR BU'I 'OD, ,RKANG MTHIL RDUL LA RTZE BA THOB PA DANG, ,RTZVA RTZE'I ZIL PAS SEN MO NYER MCHOD BA, ,MKHAS PA BDAG LA PHAN PAR PHYI MA 'GYUR, ,ZANG ZING LONGS SPYOD RMI LAM DPAL 'BYOR DANG, ,MTSUNGS BAR RIG CING RGYAL BAS SMAD MTHONG NAS, ,MKHAS PA BDAG NI BA TSVA'I MCHOD YON LTAR, ,RNYED BKUR GNAS LA MTHUN PAR 'DZIN MA YIN, ,BRAG CHA'I DBYANGS KYIS BDAG RGYUD KHENGS MI 'GYUR, ,DUS MIN SNYAN GRAGS BDUD KYI PHO NYA NI, ,DE LTA MIN ZHES TSIG GI MCHOD SBYIN LA, ,MKHAS PA BDAG NI RE BA LHUR MI BYED, ,MCHE BA MI BZAD SBAR MO'I SHUGS 'CHANG BA, ,GANGS RI 'DZIN PA'I GDONG LNGA'I DBANG PO NI, ,LCAGS KYIS BCINGS NAS BTZOG CHUS 'TSO BA YI, ,SGO KHYIR BYED 'DOD MKHAS PA'I BZHAD GAD YIN, ,DE LTAR SMRAS 'DI DAM PA'I MDZAD PA LA, ,BLTA BAR 'DOD PA'I DGE

, ,SLONG DGE LEGS DPAL, ,BZANG POS MDANGS CAN RI BO'I NGOS LAS NI, ,RANG GI RTOGS BA GTAM DU BSNYAD PA YIN, ,ZHES BKA' STZAL TO, ,MKHAS GRUB THAMS CAD MKHYEN PA 'DI NI RANG DANG GZHAN GYI GRUB MTHA' RGYA MTSO LTA BU'I PHA ROL TU BYON ZHING, RJE BTZUN 'JAM PA'I DBYANGS DANG BCOM LDAN DPAL HE RU KA LA SOGS PA LHAG PA'I LHA MANG BOS RJES SU BZUNG BA DPAL YE SHES KYI MGON PO PHYAG DRUG PA DAM CAN CHOS KYI RGYAL PO GUR GYI MGON PO DPAL MGON ZHAL BZHI PA SOGS DAM CAN CHOS SRUNG RNAMS KYIS RGYUN DU ZHAL BSTAN TE BKA' BZHIN DU BSGRUBS PAS ZHI RGYAS DBANG DRAG GI LAS GANG LA'ANG THOGS PA MED PA DANG, RJE BTZUN 'JAM PA'I DBYANGS KYIS ZHAL BSTAN PA DANG, ,RDO RJE RNAL 'BYOR MAS ZHAL BSTAN PA DANG, ,LHA MO DBYANGS CAN MAS ZHAL BSTAN PA DANG, ,SA RA HA DANG 'PHAGS PA KLU SGRUB SOGS PAn GRUB MANG POS ZHAL BSTAN TE BYIN GYIS BRLABS PA'I RNAM THAR MANG DU MCHIS TE, 'DIR MTHA' DAG BKOD NA MANG DU DOGS PA DANG, GSANG BA BSGRAGS PAR YANG 'GYUR DOGS NAS MA BKOD PAS GSANG BA'I RNAM THAR DAG LAS SHES PAR BYA'O, ,DON 'DI DAG LA THAMS CAD MKHYEN PA DGE 'DUN GRUB PAS, ZHING 'DIR KHYOD SKU'I NYIN BYED SHAR BA'I TSE, ,LOG SMRA 'BYUNG PO'I BYA RNAMS LONG GYUR CING, ,GSUNG RAB 'DAB RGYA'I TSAL KUN RGYAS MDZAD PA, ,

SNGON MED NYI MA MCHOG LA GSOL BA 'DEBS, ,LHA DANG BCAS PA'I RGYAL SRID YONGS RDZOGS LA, ,CHOS KYI 'KHOR LOS 'DOD DGUR DBANG BSGYUR BA, ,CHOS KYI RGYAL PO MKHAS GRUB DGE LEGS DPAL, ,BZANG PO'I ZHABS LA GUS PAS GSOL BA 'DEBS, ,RGYA CHEN BSOD NAMS RING NAS BSKRUN PA'I MTHUS, ,RANG DANG GZHAN GYI TSE RABS BRGYA STONG KUN, ,JI BZHIN DRAN PA'I SNGON GNAS MKHYEN PA SOGS, ,MNGON SHES THOGS MED MNGA' LA GSOL BA 'DEBS, ,GZHON NU NYID NAS KHYOD SKU'I LHUN PO NI, ,CHOS GOS MTSAMS SPRIN GZHON NUS RAB 'KHYUD CING, ,MKHAS MANG GSER RI'I DBUS NA YON TAN GYI, ,BANG RIM MNGON PAR MTHOL GSOL BA 'DEBS, ,TSE RAB KUN TU LHAG PA'I LHA RNAMS KYIS, ,RJES SU BZUNG NAS LEGS PAR SBYANGS PA LAS, ,BKA' DANG BSTAN BCOS KUN GYI TSIG DON LA, ,MKHAS PA'I MKHAS PA KHYOD LA GSOL BA 'DEBS, ,ZHES DANG, 'DI NA CHOS KYI DUNG CHEN 'BUD PA LA; ;DA LTA KHYOD LAS MCHOG GZHAN MA MA CHIS ZHES, ,DAM CAN RGYA MTSO'I TSOGS KYIS MGRIN GCIG TU, ,MGON KHYOD MCHOG TU BSNGAGS LA GSOL BA 'DEBS, ,BGEGS DPUNG 'JOMS PA'I MTHU RTZAL MTHA' YAS PA'I, ,PHYI NANG BSTAN SRUNG RGYA MTSO'I TSOGS RNAMS KYIS, ,KHYOD KYI BKA' DANG DAM LAS MI 'DA' BAR, ,TSUL BZHIN 'PHRIN LAS BSGRUBS LA GSOL BA 'DEBS, ,ZHES BSNGAGS SO, ,MKHAS GRUB CHEN PO 'DI

, ,NI BLA MA DANG LHAG PA'I LHA DBYER MED PA'I RNAL 'BYOR LA THUGS DAM GYI MTHIL DU MDZAD PAS RJE BTZUN TZONG KHA PA CHEN PO ZHING GSHEGS NAS KYANG DNGOS DANG RMI LAM CI RIGS PAR YANG DANG YANG DU ZHAL BSTAN NAS GDAMS PA DANG RJES SU BSTAN PA YANG YANG STZOL BAR MJED PA ZHIG STE, LAN CIG ZAB MO DBU MA'I LTA BA'I DKA' GNAS PHRA MO ZHIG LA DOGS PA ZHIG BYUNG BA'I TSE RMI LAM DU, RJE BTZUN TZONG KHA PA CHEN PO GSAL BAR BYON NAS MDO SDE DKON MCHOG BRTZEGS PA'I 'OD SRUNGS KYI LE'U GSAL BAR GSUNGS PAS DGOGS PA LHAG MA MED PAR CHOD DE ZAB MO'I GNAS LA 'KHRUL PA'I DRI MA THAMS CAD DANG BRAL BA ZHIG BYUNG, DON 'DI LA THAMS CAD MKHYEN PA DGE 'DUN GRUB PAS, RMI LAM DU YANG RJE BTZUN TZONG KHA PAS, 'ONG SRUNGS LE'U GSAL BAR GSUNGS PA'I TSE, ,LTA BA 'KHRUL PA'I DRI MA KUN BCOM NAS, ,CHOS NYID MNGON DU GYUR LA GSOL BA 'DEBS, ,ZHES BSNGAGS SO, ,KHYAD PAR DU YANG RJE BLA MA LA GSOL BA TAB PA TZAM GYIS ZHAL GZIGS PA CIG YOD PAS, LAN CIG CHOS GROL NAS NANG DU PHEBS PA'I SKABS SHIG LA RJE BLA MA DRAN NAS, LAR SEMS CAN 'DI RNAMS BSOD NAMS MA BSAGS PAS YONGS 'DZIN DAM PAS MA ZIN, 'DUS BYAS RTAG PAR BSGOMS, CHOS RNAMS BDEN GRUB TU 'DZIN, ,LONGS SPYOD LA 'BAD RTZOL CHER BTANG NAS BSGRUBS,

TSE 'DI'I SNYAN GRAGS LA THOB BYA MTHAR THUG TU BZUNG, RJE RIN PO CHE'I LEGS BSHAD 'KHRUL PA PHRA MO TZAM YANG MED PA BSTAN PA'I SNYING PO CHOS PHUNG BRGYAD KHRI BZHI STONG GI BRJOD BYA MTHAR THUG CHES CHER DKON PA RDO RJE 'CHANG GI GO 'PHANG TSE 'DI NYID LA MNGON DU BYED NUS PA'I LAM ZAB MO ZHAL SHES DANG BCAS PA 'DI LTA BU NYIN MTSAN DU 'BAD NAS BSHAD KYANG, SKAL BA DANG MI LDAN PAS BSHES GNYEN NGAN PA CI YANG MA BSLABS SHING DAM PA'I GDAMS NGAG MED PA, SHES RAB DANG BRAL ZHING BDUD KYI BAR CHAD KYIS KHYER BA, TSE 'DI'I 'DOD YON LA SRED PAS NGO TSA KHREL MED LA YON TAN DU BYAS NAS MI TSE HRIL PO GTI MUG GAM, CANG MED BSGOM PA DUD 'GRO LTA BU ZHIG GI MDUN DU CHOS BRGYAD KYI TSIG RE NYAN ZHING, ,KUN SPYOD KHYI PHAG LTAR ROL PA 'DI DAG BLANG DOR SHES PA CIG GIS LTOS DANG, GTAM DRANG POR SMRAS NA MTSANG LA PHOG ,MA SMRAS NA SEMS CAN 'DI RNAMS LA SNYING BRTZE BAS MI BZOD PAR 'DUG ,DES NA CUNG ZAD SMRAS PA YIN, LOG PA'I LAM DU ZHUGS PA'I SEMS CAN 'DI RNAMS LA GZIGS DANG ZHES THUGS SHIN TU SKYO NAS SPYAN CHAB MANG DU SHOR SHING, MCHOD PA BZANG PO BSHAMS NAS GSOL BA BTAB PAS, GLANG PO CHE DKAR PO MCHE BA DRUG LDAN LUS GSER GYI DRIL BU DANG RIN PO CHE'I RGYAN GYIS BRGYAN PA'I STENG DU RJE RIN PO CHE SNGAR GYI DBYIBS JI LTA BAR BYON NAS, BU SEMS MI DGA' BA MI DGOS, BLA MA

, ,DRAN NA SNGAR BSAGS KYI SDIG PA 'DAG CING BSOD NAMS KYI TSOGS GSOG PA YIN, NGED RANG DPON SLOB KYI MDUN MA LEGS, RJE BTZUN MI LAS KYANG BLA MA DRAN NAS BLA MA DRAN MGUR MDZAD PA YIN, NGA'I BSTAN PA RGYAS PAR GYIS GSUNG, YANG LAN CIG LTA BA DANG BSKYED RDZOGS KYI GNAD PHRA BA CIG LA THE TSOM BYUNG NAS BDAG GI BLA MA DE BZHUGS NA ZHU BA YIN PA LA, DA THAG CHOD PA'I ZHU SA GZHAN NI MED SNYAM DU DGONGS NAS MAndAL PHUL NAS GSOL BA BTAB PAS, GSER GYI KHRI RIN PO CHE'I RGYAN GYIS SPRAS PA ZHIG LHA'I BU MANG POS BTEG PA'I STENG DU RJE BLA MA BZHUGS PA DNGOS SU BYON NAS, NGA'I STAGS MTSAN NYID KYI LAM RIM GNYIS KYIS GTZO BYAS PA'I YIG CHA RNAMS LTOS DANG KHA CHEMS KYI TSAB YIN GSUNGS NAS GANG LA THE TSOM BYUNG BA'I LTA BA DANG BSKYED RDZOGS KYI BKA' GNAD RNAMS ZHIB TU GSUNGS SHING DBANG RJES GNANG KHA YAR GNANG, YANG SKABS SHIG TU RJE'I GSUNG RAB RNAMS KYIS THUGS PHROGS NAS, SDE SNOD GSUM DANG RGYUD SDE BZHI'I GSUNG RAB DGONGS 'GREL DANG BCAS PA'I DGONGS DON LAM GYI GO RIM GRANGS NGES, SHING RTA'I SROL 'BYED RNAMS KYI BZHED PA JI LTAR YIN PA DANG, KHYAD PAR SGYU LUS 'OD GSAL SOGS ZAB LAM GYI RNAM GZHAG, DE YANG, 'DUL BA NAS BZUNG STE SHIN TU SPROS MED KYI BAR THAMS CAD GANG ZAG GCIG 'TSANG RGYA BA'I THABS

SU HRIL GYIS DRIL NAS STON CING LAM GYI LUS YONGS SU RDZOGS PA 'DI LTA BU STON PA NGA'I BLA MA TZONG KHA PA CHEN PO MA GTOGS RGYA BOD GANG DU YANG MA BYUNG 'DUG SNYAM PA'I DAD PA CHEN PO 'KHRUNGS NAS, GSOL BA DRAG TU BTAB PAS , RJE RIN PO CHE SENG GE LA CHIBS PA, SKU MDOG DMAR SER RAL GRI DANG GLEGS BAM 'DZIN PA GZHON NU RAL PA'I THOR TSUGS DANG RIN PO CHES BRGYAN PA'I RJE BTZUN 'JAM DBYANGS KYI CHA BYAD DU BYON NAS, NGA'I BU SEMS MI DGA' BA BYA MI DGOS SPYIR SEMS CAN GYI RIGS LA SNA TSOGS 'ONG, KHYAD PAR DA LTA SNYIGS MA'I DUS SU MI RTAG PA DANG NGAN SONG GI SDUG BSNGAL MA DRAN PAS RNYED BKUR SOGS LA ZHEN CING TSE 'DI'I MDUN MA BSGRUBS NAS PHYI MA'I DON LTA ZHOG TSE PHYI MA JI LTAR 'GYUR SNYAM PA'ANG DKON, CHOS BYED 'DOD CUNG ZAD YOD KYANG PHYI BSHOL DU SONG, CHOS BYED BAR SHOM PA TSO YANG BSHES GNYEN MTSAN NYID DANG LDAN PA RNYED DKA' ZHING, DE'I LEGS BSHAD GO BAR DKA', SHES KYANG TSE 'DI BLOS BTANG NAS SGRUB PA SNYING POR BYED PA NYIN MO'I SKAR MA LAS DKON PAR 'DUG ,KHO BOS BLA MA DANG YI DAM LA GSOL BA BTAB NAS TSOGS BSAGS SGRIB PA SBYANGS GZHUNG LUGS KYI DON LA BRTAGS SHING MTHA' DPYAD PA'I LEGS BSHAD RNAMS BLTAS LA YID CHES PAR BYAS NAS NYAMS SU BLANGS NA SANGS RGYAS LAG MTHIL DU RNYED PA LTAR THOB SLA BAR YOD KYANG BYED MKHAN NYUNG, 'ON KYANG SNOD RUNG

, ,GI GDUL BYA RE GNYIS BYUNG NA DE DAG LA PHAN PAR GYIS, KHYAD PAR SNGAGS KYI GZHUNG RNAMS RGYAS BAR GYIS DANG SKYE BA PHYI MA 'PHRAD PA YIN GSUNGS, YANG SKABS SHIG TU MYUR MDZAD YE SHES KYI MGON PO 'KHOR BCAS BYON TE ZHAL NAS SH'A SA NA'I SNGAGS 'DREN ZHING BSKOR BA BYAS TE, KHYOD KYIS NGA'I SGRUB SKOR LAS KHA TSAR DANG BCAS PA TSANG BAR RTZOMS SHIG GSUNG BA ZHIG BYUNG BAS , MGON PO'I BE'Um BUM CHA LAG DANG BCAS BA MDZAD DO, ,DE NAS LCAGS MO PHAG GI LO RGYAL TSAB THAMS CAD MKHYEN BA GNAS RNYING DU PHEBS PA MJAL BAR BYON BAS RGYAL TSAB RIN PO CHES MKHAS GRUB RIN PO CHE LA DGA' LDAN GYI GDAN SA BYED DGOS PA'I BKA' GNANG BA BZHIN YAB SRAS LHAN DU DBUS SU BYON, 'JAM DBYANGS CHOS RJE SOGS 'BRAS SPUNGS KYI DGE 'DUN TSANG MAS YAB SRAS GNYIS KA LA GUS 'DUD BLA MED MDZAD CING CHOS KYI BKA' DRIN ZHUS, DE NAS DGA' LDAN DU PHEBS PA NA GNAS BRTAN RIN CHEN RGYAL MTSAN BAS GTZOS DGA' LDAN GYI DGE 'DUN TSANG MAS ZHABS SPYI BOR BLANGS TE GUS PA BLA MED MDZAD CING, RGYAL TSAB THAMS CAD MKHYEN PA ZUR BZHUGS MDZAD DE, MKHAS GRUB THAMS CAD MKHYEN PA GSER KHRIR PHEBS TE RGYAL TSAB TU MNGA' GSOL, DE NAS RJE BLA MA'I GDAN SA LUGS GNYIS KYI SGO NAS LEGS BAR BSKYANGS TE,

LO RE BZHIN LAM RIM GYI KHRID RGYAS PA RE DANG GZHAN YANG DBANG LUNG MAN NGAG MTHA' YAS PA STZAL ZHING RGYAL BA GNYIS PA'I BSTAN PA RIN PO CHE MI NUB BA'I RGYAL MTSAN BTZUGS, CHOS KYI 'KHOR LO BSKOR, CHOS KYI SGRA DBYANGS CHEN PO BSGRAGS TE SMRA BA NGAN BA THAMS CAD TSAR BCAD, RJE BLA MA'I BSTAN PA RGYAL MTSAN GYI RTZE MO'I YID BZHIN GYI NOR BU LTAR GUS PAS MCHOD CING, RNAM PA KUN NAS BSRE BSLAD MED PAR RNAM PAR DAG PA 'DZIN BAS 'DZIN MA'I KHYON KUN KHYAB PAR MDZAD, GSER GDUNG GI DBU THOG TU GSER PHIBS GSAR BSKRUN SOGS SRI ZHU PHU DUD BLA NA MED PA MDZAD, DGA' LDAN DU SHING RTA CHEN PO'I GZHUNG LUGS RNAMS LA BSHAD GRA GSAR 'DZUGS MDZAD DE, MKHAS PA CHEN BO SH'AKYA SHR'I, SNON PA DPAL LDAN PA, BLA MA YAR 'BROG PA, RJE CHOS GRAGS PA DANG BZHI SLOB DPON DU BSKOS NAS MTSAN NYID KYI BSHAD GRVA BTZUGS TE CHES CHER DAR BAR MDZAD DO, , MKHAS GRUB RIN PO CHE 'DI NI SKU DANG SROG LA'ANG BLTOS PA MED BAR 'JAM MGON BLA MA'I BSTAN PA 'DZIN PA LA RNAM PA KUN TU G-YEL BA MED PA ZHIG STE, DGA' LDAN DU BZHUGS SKABS SPOM 'BOR SGANG GNAS GDAN 'DREN GYI ZHU BA NAN CHER BYUNG YANG RJE RIN PO CHE'I BSTAN BA'I SROG SHING 'DZIN PA LA SKAD CIG KYANG MI G-YEL BAR GZHAN GYI BSNYEN BKUR GYI PHYIR 'BYON PAR MA MDZAD BAR, AOm SVA STI, DGE BA'I BSHES GNYEN SHES RAB BZANG PO BDE BAR 'DOD

, ,PA'I GNAS SU PHYIN TE, KHO BO LA 'PHRIN YIG DGOS PA CHEN PO'I GTAM RGYU MTSAN DU MAS BSNYAD PA DANG BCAS PA BSKUR BA DANG, GZHAN YANG BSHES GNYEN BGRES PA RNAMS KYIS THUN MONG DU BSNYAD PA'I YI GE DAR YUG BDUN GYI RTEN DANG BCAS PA MNGAGS PA'I DGE BSHES GNYIS KYIS 'PHROD PAS YID SIM, BRJOD PAR BYA BA NI, YAB RJE DAM PA'I BKA' SROL ZLA MED PA, ,YONGS SU RDZOGS PA'I BSTAN PA'I KHUR CHEN NI, ,SHIN TU LCI BAS BDAG SNYING CI YANG NON, ,'ON KYANG NGAL BA'I 'DU SHES MCHIS MA LAGS, ,DE PHYIR SNGON CHAD THUB BSTAN NYI MA'I 'OD, ,GANG DU BRAL BA'I MTHA' 'KHOB MUN GLING DU, ,DRI MED BSTAN PA'I SGRON ME 'DZUGS PA LA'ANG, ,BDAG NI NAM YANG ZHUM PA MA MCHIS MOD, ,DE LTA NA YANG GANGS CAN BSTAN PA'I GZHI, ,SKYES MCHOG DU MAS GANG DU BTZUGS PA'I GNAS, DA LTA'ANG DAM CHOS MA LUS 'BYUNG BA'I KHUNGS, ,DBUS GTZANG DAG PA'I ZHING ZHES GRAGS MOD KYI, ,LEGS PAR BRTAGS NA BSTAN PA'I GZUGS BRNYAN TZAM, ,'DI YANG SNUM ZAD MAR ME JI BZHIN GYUR, ,THUB PA'I GCES MDZOD GANG YIN RTZVA LTAR 'DOR, ,BLO NGAN LOG PA'I GZHUNG LUGS NYIN BZHIN 'PHEL, ,RANG DGAR SPYOD PA BDUD KYI PHO NYA NI, ,MANG POS BKUR BA'I BSHES GNYEN TSUL 'DZIN PA, ,BSTAN PA'I RGYAL MTSAN SNYIL LA CHER

BRTZON PA'I, ,DPUNG TSOGS DU MAS THA GRU KUN TU KHYAB, ,TSUL 'DIR GYUR KYANG BLO GROS MIG LDAN PA, ,CHOS DANG CHOS MIN 'BYED LA MA ZHUM PA'I, ,BSTAN PA'I KHUR 'DZIN BSHES GNYEN CHES CHER DKON, ,DE BAS DE RJES 'JUG PA'ANG SHIN TU DKON, ,TSUL 'DI YID LA SHIN TU BRANG DKA' NAS, ,BDAG KYANG 'BAD PA DU MAS BSTAN PA'I KHUR, ,YAB RJE DAM PA'I RING LUGS YONGS RDZOGS PA, ,PHYOGS 'DIR 'DZIN LA BLO GROS SHIN TU 'CHEL, ,PHYOGS 'DIR BSTAN PA'I LJON SHING RTZA BA NAS, ,CHOS MIN NYES BSHAD STA RES BCAD PA NA, ,LAN CIG YAL GA CUNG ZAD PHYOGS GZHAN DU, ,'PHEL YANG DGOS PA CHUNG BAR BDAG GIS MTHONG, ,DA LTA PHYOGS 'DIR CHOS MIN DPUNG TSOGS DGRA, LEGS BSHAD BSTAN PA'I RU MTSON KHO BOS 'DZIN, ,DE PHYIR KHO BOS PHYOGS 'DI GTANG BA NA, ,THUB PA'I GCES MDZOD SU YIS 'DZIN PA SMROS, ,DE PHYIR KHYED CAG LHAG BSAM DGE MOD KYI, ,BDAG GIS KHYED KYI JI LTAR BZHED PA'I DON, ,KHAS BLANG BGYI BA'I DAM BCA' RDO MI THOG ,DON 'DI DGONGS NAS RING 'ONGS SKYE BO KUN, ,RNAM DAG DGONGS PA RDZOGS PA'I BSHES GNYEN MCHOG ,LTA SPYOD BZANG LDAN GZHAN LA GSOL BA THOB; ;BDAG LA KHYED KYIS BZOD PA'I BKA' DRIN MDZOD, ,'DI YI GNAS LUGS DGE BSHES RNAMS LA GSAL, ,PHYOGS DUS KUN TU BKRA SHIS 'PHEL GYUR CIG ,CES SPOM 'BOR SGANG DU CHOS BAR LA 'ONG BAR RIGS SO ZHES BSKUL

, ,PA'I LAN DU BTZUN PA DGE LEGS DPAL BZANG POS SMRAS PA'O, ,ZHES GSUNGS SO, ,DE NAS DUS NAM ZHIG NA RJE THAMS CAD MKHYEN PA DRAN NAS, NGA'I BLA MA GANG NA BZHUGS YOD SNYAM DU SKU LUS 'DAR BA DANG, BA SPU G-YO ZHING SPYAN CHAB DANG BCAS NAS, RJE BTZUN RDO RJE 'CHANG, SEMS CAN DMU RGOD KYI SPYOD PA LA GZIGS SHIG ,KHYED KYI BSTAN PA YANG MYUR DU SDUD PA 'DRA, KHO BO BLA MA KHYED KYI DRUNG DU NAM ZHIG 'ONG, ZHES GSOL BA DRAG TU BTAB PAS; RJE RIN PO CHE STAG CHEN PO 'JIGS SU RUNG BA ZHIG LA CHIBS NAS RNAL 'BYOR PA'I CHA LUGS SKU MDOG DMAR PO SPYAN DANG SHANGS CHE BA, SNUM ZHING BKRAG PA PHYAG G-YAS RAL GRI NAM MKHA' LA 'PHYAR ZHING, G-YON KA P'A LA BDUD RTZIS GANG BA THUGS KAR BZUNG BA, GRUB CHEN BRGYAD CUS BSKOR BA ZHIG BYON NAS, BU SNYING MI DGA' BA BYA MI DGOS, ,NGAS KHYOD BZHAG NAS GANG DU YANG MI 'GRO, NGA DRAN NA NGA YI YIG CHA 'DI RNAMS LTOS, ,NGA DNGOS SU YOD KYANG 'DI LAS SMRA RGYU GZHAN MED, SEMS CAN RNAMS BSOD NAMS CHUNG NGUR SONG NYON MONGS RAGS BSTAN PA'I MJUG SDUD PA'I 'GO YANG BRTZAMS 'DUG ,KHYOD RANG YANG MKHA' SPYOD DU 'ONG BA'I 'DUN PA THONGS GSUNGS, DE NAS MI RING BA NA DA RANG 'GRO BA'I 'DUN PA BYAS NA LEGS PA 'DRA SNYAM DU DGONGS NAS GSER GYI MAndAL DANG BCAS GSOL BA BTAB PAS, RJE RIN PO CHE SNGAR GYI JI LTA BA BZHIN DU SPRIN DKAR PO ZHIG GI NANG DU BYON NAS, BU DA NI MYUR DU 'ONG BA'I GRABS GYIS

BDAG GIS BSU MKHAN GTONG GSUNGS, DE'I TSE RJE RIN PO CHE DA LTA GANG DU BZHUGS BDAG KYANG DER 'ONG LAGS ZHUS PAS, SPYIR NGA'I SPRUL PA DGA' LDAN MKHA' SPYOD 'DZAM BU'I GLING SOGS SU MANG, DA LTA RGYA NAG RI BO RTZE LNGAR DGE SLONG RDO RJE 'DZIN PA STONG PHRAG BRGYAD BRGYA RE TZAM LA SNGA DRO DBU MA DANG LAM RIM ,PHYI DRO BDE GSANG 'JIGS GSUM GYI BSKYED RDZOGS 'CHAD KYIN YOD KHYOD RANG YANG DER 'ONG BA'I 'DUN PA THONGS, RING POR MI THOGS PAR PHRAD PA YIN GSUNG, 'O NA GDUL BYA GZHAN GYIS GSOL BA BTAB NA ZHING DER SKYE ZHING GSUNG GI BDUD RTZI MYONG NGAM ZHUS PAS, KHO BO DANG RJE BTZUN 'JAM DBYANGS DBYER MED DU GSOL BA BTAB NA RJES SU 'DZIN CING ZHING DER SKYE YANG DE LTAR BYED MKHAN MED PAS LAN GSUNGS PAS, RJE RIN PO CHE DANG RJE BTZUN GYIS RJES SU 'DZIN PA'I RGYU LA JI LTAR DGOS ZHUS PAS, RGYU THUN MONG MA YIN PA NI, NGES 'BYUNG DANG BYANG CHUB KYI SEMS DANG LTA BA RNAM PAR DAG PA GSUM RGYUD LA BSKYED CING BLA MA DANG RJE BTZUN 'JAM PA'I DBYANGS DBYER MED PA LA RTZE GCIG TU MOS PA CIG DGOS GSUNGS ,GZHAN JI LTAR BSGRUB DGOS LAGS ZHUS PAS ,NGA DANG RJE BTZUN GYI SKU GSUNG THUGS RTEN BZHENGS, BLA MA DANG RJE BTZUN 'JAM PA'I DBYANGS DBYER MED 'BRAL MI RUNG DU GSOL PA BTAG BSTOD PA DANG, SMON LAM TSIG TZAM MIN PAR 'DEBS, LAS 'BRAS LA YID CHES DANG STOBS BZHI'I BSHAGS BSDAM LA 'BAD PAR BYAS NA RJES SU 'DZIN PAR THE TSOM MED GSUNG, DE'I TSE, RJE BTZUN BLA MA BLO BZANG GRAGS PA'I DPAL, MOS GUS SNYING NAS

, ,YID KYIS GSOL 'DEBS NA, ,MGON KHYOD GANG DU BZHUGS PA'I ZHING KHAMS DER, ,BDAG KYANG MYUR DU 'ONG BAR BYIN GYIS RLOBS, ,ZHES SMON LAM BTAB BO, ,DE NAS SKU TSE 'DI'I DNGOS KYI GDUL BYA RDZOGS NAS RJE RIN PO CHE'I ZHABS DRUNG DU 'BYON PAR DGONGS PA'I TSE MYUR MDZAD YE SHES KYI MGON PO BYON NAS BSTAN PA'I BDAG PO KHYED MED NA RJE'I BSTAN PA SUS 'DZIN ZHES DANG, MGON PO ZHAL BYON NAS, RJE DANG MGON PO KLU SGRUB LA KHYAD MED, KHYOD MED NA KLU SGRUB NAS BRGYUD PA'I RJE BLA MA'I LTA BA RNAM DAG SUS 'DZIN, KHA LTA MKHAN MANG STE ZHES ZHAL NAM MKHA' LA GZIGS SO, ,DE NAS DAM CAN CHOS RGYAL 'KHOR DANG BCAS PA BYON NAS, BDAG CAG RNAMS RJE BLA MA'I BKA' SDOD THUN MONG MA YIN PAR GSHIN RJE'I GSHED KYIS BKA' BSGOS PA YIN, RJE BLA MAS BDAG CAG RNAMS NYID BSU BA LA BTANG BA YIN ZER BA DANG, LHA'I BU MANG PO GDUGS DANG RGYAL MTSAN DANG BA NGAN LA SOGS PA MCHOD RDZAS MANG PO KHYER NAS BSU BA SOGS ZHING GZHAN DU 'BYON PA'I LTAS NGO MTSAR BA MANG DU BYUNG ZHING, DGUNG LO NGA BZHIR PHEBS PAS PHO RTA'I LO HOR ZLA GNYIS PA'I TSES NYER GCIG LA DGA' LDAN KHRI THOG TU SKU'I BKOD PA BSDUS TE BU PHA KHYIM DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,DE NAS SKU GDUNG ZHUGS LA PHUL BAS GDUNG

RING BSREL MANG DU BYON PA RNAMS DNGUL DKAR LAS GRUB PA'I RNAM RGYAL MCHOD RTEN BZHENGS TE DE'I NANG DU BZHUGS NAS DGA' LDAN RNAM PAR RGYAL BA'I GLING DU 'GRO BA'I BSOD NAMS KYI ZHING DU BZHUGS SO, ,MKHAS GRUB BDAG NYID CHEN PO 'DIS PHYI RABS KYI GDUL BYA RNAMS KYI DON DU BSTAN BCOS MDZAD PA NI RJE BDAG NYID CHEN PO'I NGO MTSAR RMAD DU BYUNG BA'I RNAM PAR THAR PA DAD PA'I 'JUG DOGS, RJE BDAG NYID CHEN PO'I GSANG BA'I RNAM THAR RIN PO CHE'I SNYE MA, RJE BDAG NYID CHEN PO'I DGONGS PA LTAR DRI MA MED PA'I RIGS PA'I LAM SROL GSAL BAR BYED PA'I BSTAN BCOS TSAD MA RNAM 'GREL GYI t'IKA CHEN RIGS PA'I RGYA MTSO, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA'I RNAM BSHAD RTOGS DKA'I SNANG BA, STONG THUN SKAL BZANG MIG 'BYED, BYANG BDAG PO NANG SO RNAM RGYAL GRAGS PA'I DRIS LAN RGOL NGAN TSAR GCOD, PHYIN CI LOG GI GTAM GYI SBYOR BA LA ZHUGS PA'I SMRA BA NGAN PA RNAM PAR 'THAG PA'I BSTAN BCOS GNAM LCAGS 'KHOR LO, TSAD MA SDE BDUN GYI RGYAN YID KYI MUN SEL, MNGON SUM LE'U'I t'IKKA RJE'I GSUNG BZHIN BKOD PA, DAM BCA' BCU PA, YIG RIGS DRUG CU RTZA BZHI'I RNAM GRANGS, SDOM PA GSUM GYI RNAM PAR BZHAG PA MDOR BSDUS TE GTAN LA DBAB PA'I RAB TU BYED PA THUB BSTAN RIN PO CHE'I BYI DOR, BYANG SEMS DANG RIG PA 'DZIN PA'I PHYIR BCOS, SDOM PA NYI SHU PA, RTZA

, ,LTUNG BCU BZHI PA, SBOM PO BRGYAD PA DANG BCAS PA'I RNAM BSHAD SNGAGS BYANG SEMS KYI BSLAB BYA MDOR BSDUS, DPAL GSANG BA 'DUS PA'I MNGON RTOGS KYI LHAN THABS, GSANG BA 'DUS PA'I MDUN BSKYED KYI LHAN THABS, GSANG BA 'DUS PA'I DKYIL CHOG GI LHAN THABS, 'DUS PA'I RDO RJE SEMS DPA' MNYES PAR BYED PA'I CHO GA'I NGAG 'DON, GSANG BA 'DUS PA'I RDZOGS RIM ZIN BRIS, GSANG BA 'DUS 'JAM PA'I RDO RJE LHA BCU DGU'I SGRUB THABS KYI LHAN THABS, DPAL RDO RJE 'JIGS BYED KYI BSKYED RIM CHEN MO, 'JIGS BYED KYI BSRUNG 'KHOR, GSHIN RJE CHOS KYI RGYAL PO'I GTOR CHOG BAR CHAD KUN SEL, BCOM LDAN 'DAS 'KHOR LO BDE MCHOG YAB YUM LA MNGON PAR BSTOD PA'I RAB TU BYED PA, DPAL 'KHOR LO BDE MCHOG L'U AI PA'I LUGS KYI DKYIL 'KHOR GYI TSE GA BDE CHEN ROL MTSO, DPAL KYEE RDO RJE LHA DGU'I DKYIL 'KHOR GYI 'KHOR LO SGRUB PA'I THABS 'KHRUL PA SPONG BA, KYEE RDO RJE'I ZUR 'DEBS KYI CHO GA, KYEE RDO RJE'I MCHOD PHRENG SMON LAM SHIS BRJOD DANG BCAS PA, DUS KYI 'KHOR LO'I NYE BAR MKHO BA'I ZUR 'DEBS, DGE BA'I BSHES GNYEN BSOD NAMS RGYAL MTSAN GYI DRIS LAN, THAL LDOG GI DKA' GNAS DRIS LAN, DGE BA'I BSHES GNYEN SANGS RGYAS RIN CHEN GYI DRI BA'I LAN, LTA BA'I ZHAL SHES YIG CHUNG, ZAB MO RDO RJE THEG PA'I RNAL 'BYOR LA 'JUG PA'I LAM BSTAN PA

STONG PHRAG BCU GNYIS PA DRI MA MED PA'I 'OD KYI DKA' BA'I GNAS RNAM PAR 'BYED PA'I BRJED BYANG, 'DOD KHAMS DBANG PHYUG MA LA BSTOD PA, DPAL DUS KYI 'KHOR LO'I 'GREL CHEN DRI MA MED PA'I 'OD KYI RGYA CHER BSHAD PA LAS 'JIG RTEN KHAMS LE'I 'GREL BSHAD, 'GREL CHEN DRI MED 'OD KYI NANG LE'I 'GREL BSHAD, 'GREL CHEN DRI MED 'OD KYI DBANG LE'I 'GREL BSHAD, DPAL DUS KYI 'KHOR LO'I 'GREL CHEN DRI MED 'OD KYI RGYA CHER BSHAD PA LAS SGRUB LE'I 'GREL BSHAD, GSAN YIG ,GSUNG THOR BU, DKYIL 'KHOR GCIG THUN BZHIR BYED TSUL DANG DKYIL 'KHOR THA DAD PA THUN BZHIR SGOM TSUL GYI RNAM GZHAG, BCOM LDAN 'DAS DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI 'KHOR LO SGRUB PA'I THABS PADMA DKAR PO'I ZHAL LUNG, BCOM LDAN 'DAS DUS KYI 'KHOR LO'I DKYIL 'KHOR GYI LHA TSOGS LA MCHOD PA'I CHO GA KUN TU BZANG PO'I MCHOD SPRIN; DPAL DUS KYI 'KHOR LO'I SKU GSUNG THUGS YONGS SU RDZOGS PA'I THIG GDAB TSUL, DPAL DUS KYI 'KHOR LO'I DKYIL 'KHOR GYI CHO GA DGONGS PA RAB GSAL, DUS 'KHOR GYI DBANG BSKUR TSUL RJE'I GSUNG RGYUN BZHIN BKOD PA, DUS 'KHOR GYI DRI LAN, SA LAM GYI RNAM GZHAG MKHAS PA'I YID 'PHROG ,RGYUD KYI RGYAL PO DPAL GSANG BA 'DUS PA'I BSKYED RIM GYI RNAM BSHAD DNGOS GRUB RGYA MTSO, SBYOR BA YAN LAG DRUG GI RTZA TSIG DANG

, ,BCAS PA'I ZIN BRIS, SBYOR BA YAN LAG DRUG GI KHRID YIG GI SNGON 'GRO'I SKOR, RJE BTZUN MAR PA'I SNYAN RGYUD DPAL GSANG BA 'DUS PA'I KHYAD CHOS BSRE 'PHO SKOR GSUM DANG PHYAG RGYA BSTEN TSUL RTZA THIG RLUNG GSUM GYI GEGS SEL BOGS 'DON SOGS ZHAL SHES KYI GDAMS PA RJE BTZUN TZONG KHA PA CHEN PO'I ZHAL LAS BYUNG BA THUN MONG MA YIN PA SHIN TU GSANG BA, DPAL GSANG BA 'DUS PA'I SGRUB THABS KYI CHO GA'I NGAG 'DON LHAN THABS, DPAL GSANG BA 'DUS PA'I ZHI RGYAS KYI SBYIN SREG ,GSANG 'DUS 'JAM RDOR GYI LHAN THABS, BDE MCHOG DRIL BU LUS DKYIL GYI DBANG DU BYAS PA'I BSKYED RIM GYI DKA' GNAS 'GA' ZHIG, RDO RJE 'JIGS BYED LHA BCU GSUM MA'I BSKYED RIM RNAM PAR BSHAD PA, GSHIN RJE GSHED KYI 'KHRUL 'KHOR GYI CHO GA'I RNAM PAR BSHAD PA KHAMS GSUM LAS RNAM PAR RGYAL BA'I NYI 'OD, 'KHRUL 'KHOR RNAM BSHAD CHEN PO'I ZHAL SHES YIG CHUNG DANG YANG CHUNG, BCOM LDAN 'DAS DPAL KYEE RDO RJE'I SGRUB THABS 'KHRUL PA SPONG BA, KYEE RDO RJE LHA DGU'I DKYIL 'KHOR GYI CHO GA BDE BA CHEN PO'I 'JUG NGOGS, KYEE RDO RJE'I DKYIL 'KHOR GYI 'KHOR LO MCHOD PA'I CHO GA, MAN NGAG YID BZHIN NOR BU, MYUR MDZAD YE SHES KYI MGON PO 'KHOR DANG BCAS PA SGRUB CING GTOR MA 'BUL BA RGYUN GYI RNAL 'BYOR NYAMS SU LEN TSUL, SBAS PA'I GDAMS NGAG BE'U BUM NAG PO'I MAN NGAG ,YE SHES

MGON PO PHYAG DRUG PA'I CHOS SKOR LAS YIG CHUNG DMAR NAG GNYIS KYI MAN NGAG ZAB PA ZHUS THIG MA, RGYUD SDE SPYI'I RNAM PAR BZHAG PA RGYAS PAR BSHAD PA, DPAL BRTAG PA GNYIS PA'I RNAM PAR BSHAD PA RDO RJE MKHA' 'GRO MA RNAMS KYI GSANG BA'I MDZOD, LTA BA'I MTHA' DPYOD, THUN DRUG GI RNAL 'BYOR, DPAL KYE RDO RJE'I BSKYED RIM MNGON RTOGS KYI DRI LAN, RJE RIN PO CHE'I THUGS KYI BCUD PHYUNG BA'I MAN NGAG GSANG CHEN RGYUD SDE RGYA MTSO'I SNYING PO'I BCUD BSDUS PA SNYAN RGYUD ZAB MO YIG CHUNG NYER GCIG TU GRAGS PA RNAMS MDZAD DO, ,BDAG NYID CHEN PO 'DI LA RGYUD 'DZIN GYI SLOB MA NUB DZA LANDHA RA NAS SHAR PHYOGS RGYA MTSO CHEN PO LA THUG GI BAR DU KHYAB PAR BZHUGS PAS MTHA' DAG BGRANG BAR SU YIS NUS, GANGS RI'I KHROD 'DIR BSTAN 'DZIN DAM PA YONGS SU GRAGS PA'ANG CHES MANG LA RJE'I SNYAN RGYUD KYI MAN NGAG YONGS SU RDZOGS PAR 'DZIN PA'I THUGS SRAS MCHOG NI GCUNG BA SO BA RJE CHOS KYI RGYAL MTSAN TE; DE'I RNAM THAR NI DA LTA NYID DU 'CHAD PAR 'GYUR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB THAMS CAD MKHYEN PA LA GSOL BA 'DEBS SHING BDAG NYID CHEN PO 'DI'I RNAM THAR LTAR RJE BLA MA LA MI PHYED PA'I DAD PA BRTAN PO THOB PA DANG YANG DAG PA'I LAM LA DRI MA MED PA'I RIGS PA'I LAM NAS DRANGS PA'I NGES SHES BRTAN PO RNYED NAS MDO SNGAGS KYI LAM CHA TSANG LA BAG CHAGS CI THEBS BYA'O,, ,,

, ,` RAB 'BYAMS CHOS KYI DGONGS DON 'BYED PA LA, ,MKHAS MANG DBUS NA RGYAL MTSAN TOG LTAR MDZES, ,DPAL LDAN KLU SGRUB GNYIS PA CHOS KYI RJE, ,BZANG PO'I MTSAN CAN ZHABS LA GSOL BA 'DEBS, ,ZHES BSNGAGS PA, SNYAN RGYUD GDAMS PA'I MDZOD BSTAN PA RIN PO CHE'I SGOR ZHUGS, RAB TU BYUNG NAS RJE RIN PO LDOG GZHUNG DU YAB BYANG PA'I DPON RIGS BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU CHU PHO RTA'I LO SKU 'KHRUNGS SKU GZHON NU NAS KHYIM GYI 'DU 'DZI LA MA CHAGS PAR RGYAL BA'I BSTAN PA RIN PO CHE'I SGOR ZHUGS, RAB TU BYUNG NAS RJE RIN PO CHE YAB SRAS RNAMS KYI ZHABS LA GTUGS NAS DAM PA'I CHOS MANG DU GSAN ZHING KHYAD PAR MKHAS GRUB RIN PO CHE YONGS 'DZIN DU BSTEN NAS SDE SNOD GSUM DANG RGYUD SDE BZHIS BSDUS PA'I RGYAL BA'I BKA' DGONGS 'GREL DANG BCAS PA LA SBYANGS PAS MKHAS PA'I PHUL DU PHYIN BAR GYUR, DE NAS MANG DU THOS PA'I DON GZHUNG LUGS GDAMS PAR SHAR BA'I MAN NGAG MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA BAR BZHED DE, MKHAS GRUB THAMS CAD MKHYEN PA LA BYANG CHUB LAM GYI RIM PA'I KHRID DANG GSANG BDE 'JIGS GSUM SOGS BLA MED KYI DBANG DANG RIM GNYIS KYI KHRID RNAMS LEGS PAR GSAN, DE NAS RGYAL BA SRAS BCAS THAMS CAD KYI THUGS RJE

DANG NUS PA THUGS RGYUD LA ZHUGS SHING RJE BTZUN 'JAM DPAL DBYANGS KYIS LUNG BSTAN TE, GRUB CHEN 'JAM DPAL RGYA MTSO BA LA BYANG CHUB LAM GYI RIM PA'I KHRID SNYAN RGYUD KYI MAN NGAG ZHAL SHES DANG BCAS BA, GSANG BDE 'JIGS GSUM GYI KHRID MAN NGAG ZHAL SHES DANG BCAS PA, ZAB LAM GCOD KYI KHRID MAN NGAG ZHAL SHES DANG BCAS PA, LHAG PAR RJE THAMS CAD MKHYEN PA LA MGON PO 'JAM PA'I DBYANGS KYIS GNANG BA'I SNYAN RGYUD KYI MAN NGAG LAM GYI LUS YONGS SU RDZOGS PA'I ZAB LAM BLA MA LHA'I RNAL 'BYOR GYI SGO NAS SNYIGS DUS KYI TSE THUNG GCIG LA ZUNG 'JUG SGRUB PA'I THABS BLA NA MED PA GSANG BA LAS KYANG CHES GSANG BA RNAMS YONGS SU RDZOGS PAR GSAN ZHING; GRUB CHEN 'JAM DPAL RGYA MTSO BA LA RJE BTZUN 'JAM DPAL DBYANGS KYIS LUNG BSTAN BYUNG BA LTAR DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM CHEN MO YANG GNANG STE RE SHIG TSIG BRGYUD DU BKA' RGYAS BTAB BO, ,DE NAS CHOS RJE 'DI NYID KYIS GSANG PHU'I 'CHAD NYAN THOG SHAS SHIG MDZAD, DE RJES MA 'ONGS PA'I 'BYUNG 'GYUR LA DGONGS TE GTZANG GI LHAN DU PHEBS TE BA SO LHUN GRUB BDE CHEN BZUNG NAS GTZO BOR SGRUB PA LA RTZE GCIG TU BZHUGS SHING SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PA CHES CHER RGYAS TE BA SO CHOS RJER GRAGS, DE NAS DBEN GNAS GZHAN DU MAR YANG SGRUB

, ,PA SNYING POR MDZAD CING SKAL LDAN MANG PO LA DAM PA'I CHOS KYI BKA' DRIN STZAL TE SHAB STOD SENG GE RTZE DANG NYE BA'I SA'I CHAR RI BO BDE CHEN ZHES PA'I DBEN GNAS SHIG BTAB STE GNAS DER THUGS DAM GTZO BOR MDZAD CING PHYOGS DE'I SKYE 'GRO MANG PO LA RANG RANG GI SKAL BA DANG 'TSAM PA'I CHOS KYI 'DUD RTZI STZAL, DE NAS NGES 'BYUNG SKYO SHAS DRAG POS RGYUD BSKUL NAS DA LTA DAL BA'I RTEN BZANG PO THOB SANGS RGYAS DNGOS SU BYON YANG DE PHAN CHAD DU GSUNG DU MED CING SANGS RGYAS KYI ZHING GANG DU BTZAL YANG RNYED PAR DKA' BA RJE BLA MA'I SNYAN RGYUD MDO SNGAGS KYI MAN NGAG ZAB MO 'DI 'DRA DANG LAN CIG MJAL BA'I SKABS 'DIR DON MED PA'I TSE 'DI'I BYA BA MTHA' DAG SPANGS TE SUS KYANG MTHONG TSOR MED PA, KHA CHE'I YUL GYI YAN LAG SEN MO DO 'AM, LHO PHYOGS DPAL GYI RI LTA BU DBEN PA'I GNAS KHYAD PAR CAN ZHIG TU PHYIN LA SGRUB BA MTHAR PHYIN PA DPAL SHA WA RI DANG MTSUNGS PA ZHIG BYED SNYAN PA'I 'DUN PA SHUGS DRAG PO 'KHRUNGS TE, DE LTAR BYED PAR BRTZAMS PA NA MNAL LAM DU RJE RIN PO CHE BYON NAS DGA' LDAN GYI KHRI LA 'BYON DGOS PAR BSKUL BA DANG, RDO RJE RNAL 'BYOR MAS DGA' LDAN GYI KHRI THOG TU BZHUGS RING RJE'I SNYAN RGYUD KYI MAN NGAG 'DZIN PA'I SKYES BU 'BYUNG BAR LUNG BSTAN BYUNG, DE'I TSE CHOS RJE BLO GROS CHOS SKYONG DGA' LDAN GYI GDAN SAR BZHUGS PA LAS KUN SPANGS MDZAD BZHED DE

GDAN SA'I 'OS BTZAL BA NA, DE'I TSE BKRA SHIS LHUN POR THAMS CAD MKHYEN PA DGE 'DUN GRUB DPAL BZANG PO 'PHRIN LAS DBYAR MTSO LTAR RGYAS PAR BZHUGS PAS KHRI RIN PO CHES GTZOS DGA' LDAN PA'I BLA CHEN PHAL MO CHES RJE DGE 'DUN GRUB LA RGYAL BA GNYIS PA'I RGYAL TSAB TU 'BYON DGOS PAR GSOL BA BTAB PAS RJE DGE 'DUN GRUB KYIS KHO BO DGRA YUL DU DGRA MKHAR BRTZIG DGOS PA YOD PAS 'DI KHA RANG DU RJE'I BSTAN PA 'DZIN PA YIN, DA LAM MKHAS GRUB RIN PO CHE'I GCUNG PO BA SO CHOS RJE 'DI LUNG RTOGS KYI YON TAN GANG SA NAS GZHAN DANG MI 'DRA BAS DGA' LDAN GYI KHRI LA 'DI GDAN DRANGS NA LEGS ZHES LUNG BSTAN, THAMS CAD MKHYEN PA DGE 'DUN GRUB KYIS JI LTAR LUNG BSTAN PA LTAR CHOS RJE BLO GROS CHOS SKYONG SOGS TSANG MAS CHOS RJE 'DI PA SHABS STOD NAS GDAN DRANGS TE, BKRA SHIS LHUN POR PHEBS, THAMS CAD MKHYEN PA DGE 'DUN 'GRUB DANG MJAL RJE DGE 'DUN GRUB KYI ZHAL NAS DA LAM NYID RJE BTZUN TZONG KHA PA CHEN PO'I GSAN SAR PHEBS PA LA NGES NAS PHYAG BGYID PAS PHYAG LAN MA MDZAD CIG CES BSGO NAS RJE THAMS CAD MKHYEN PA DGE 'DUN GRUB 'KHOR DANG BCAS PAS PHYAG MDZAD, DE NAS RIM GYIS PHEBS TE RAB BYUNG BDUN PA'I CHU MO LUG GI LOR DGA' LDAN RNAM PAR RGYAL BA'I GLING DU PHEBS NAS RGYAL BA GNYIS PA'I RGYAL TSAB TU MNGA' GSOL, DE NAS 'JAM MGON BLA MA'I CHOS KYI RGYAL SRID BZUNG STE SKAL BA DANG LDAN PA BGRANG

, ,BA LAS 'DAS PA LA RAB BYUNG BSNYEN RDZOGS DBANG LUNG MAN NGAG MTHA' YAS PA STZAL ZHING, LHAG PAR DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYI LAM SROL 'JAM MGON BLA MA'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I CHOS KYI 'KHOR LO RGYA CHER BSKOR BA PAn CHEN CHOS KYI RGYAL PO ZHES RGYA MTSO'I GOS CAN MA LUS SNYAN PA'I GRAGS PAS KHYAB PAR GYUR TO, ,BA SO CHOS RJE 'DI NI LUNG RTOGS KYI YON TAN BSAM GYIS MI KHYAB PA BRNYES SHING LHAG PAR RJE RIN PO CHE'I SNYAN RGYUD BYIN RLABS KYI BKA' BAB GZHAN LAS CHE BA ZHIG STE, GNAS RNYING ZHABS DRUNG KUN DGA' BDE LEGS PA'I ZHAL NAS, KHO BO LA GNAS RNYING BA'I RIGS SU SKYES SNYAM PA'I NGA RGYAL MED KYI BA SO CHOS RJE'I SLOB MA YIN SNYAM PA'I NGA RGYAL YOD GSUNGS TE GSUNG 'DI LA DBYAD NA BA SO CHOS RJE 'DI NYID MTHONG THOS DRAN REG THAMS CAD RJES SU 'DZIN NUS BA BYIN RLABS KYI GTER CHEN PO ZHIG YIN PAR NGES SO, ,PHYAG RJES SU DGA' LDAN GYI GTZUG LAG KHANG CHEN MOR DRI GTZANG KHANG GTOD DE RGYAL BA SENG GE'I NGA RO'I SKU RIN PO CHE LAS GRUB PA NGO MTSAR RMAD DU BYUNG BA DANG, GDAN SA PA GONG MA RNAMS KYI SKU 'DRA YANG BZHENGS TE BZHUGS SU GSOL BA SOGS CHOS ZANG ZING GNYIS KA'I SGO NAS DGA' LDAN RNAM PAR RGYAL BA'I GLING DAR RGYAS SU MDZAD, KHYAD PAR RJE BTZUN 'JAM PA'I DBYANGS KYIS LUNG BSTAN PA LTAR

RIN PO CHE LTA BU'I GDUL BYA GSUM LA SNYAN RGYUD KYI MAN NGAG LKOG CHOS SU MDZAD PAS ZUNG 'JUG GRUB PA'I SLOB MA MCHED GSUM BYUNG STE, GRUB CHEN CHOS RDO RJE, STOD LUNG PA DPAL LDAN RDO RJE, KHAM PA RDO RJE DPAL BA GSUM MO, , 'DI GSUM NI 'JAM MGON BLA MA'I BSTAN PA 'DI LA TSE GCIG LUS GCIG LA 'JA' LUS GRUB PA'I SLOB MA RDO RJE MCHED GSUM DU GRAGS PA STE, 'JAM MGON BLA MA'I RJES SU SLOB BAR 'DOD PA RNAMS LA GDUL BYA RANG NGOS NAS NYAMS LEN BYUNG PHYIN BSTAN PA 'DI LA 'DI LTA BU'I MCHOG 'GRUB PA'I THABS YOD DO ZHES YID CHES PA'I GNAS SU GYUR BA YIN PAS YRJE'I RJES 'JUG RNAMS KYIS TSUL 'DI NGES PAR GO DGOS PA YOD DO, ,ZUNG 'JUG GRUB PA'I RDO RJE MTSAD GSUM PO DE LAS KHAM PA RDO RJE DPAL BA NI THOG MAR PAn CHEN CHOS KYI RGYAL PO LA SNYAN RGYUD GYI MAN NGAG GSAN DUS DANG DGE 'PHEL DU BZHUGS PA'I SKABS DANG RJES SU KHONG RANG RDO RJE GSUM PO DE ZHAL 'DZOM PA'I SKABS 'DRA LAS SKYE BO THA MAL BA GZHAN SUS KYANG MTHONG TSOR GANG YANG MED PAR GRUB PA'I GNAS MCHOG GZHAN ZHIG TU DPA' BO MKHA' 'GRO'I DBUS SU BZHUGS PA'AM DAG PA'I ZHING GZHAN ZHIG TU BYON PA JI 'DRA ZHIG YIN YANG LJONGS 'DIR CHOS KYI BKA' DRIN THOB PA MNGON CHE BA MA BYUNG NGO, ,STOD LUNG PA DPAL LDAN RDO RJES SKAL BA DANG LDAN PA RE GNYIS LA MAN NGAG GI BDUD RTZI STZAL TE RGYAL BA DGE 'DUN RGYA MTSOS KYANG ZUNG

, ,'JUG GRUB PA'I DPA' BO 'DI LA CHOS KYI BKA' DRIN THOB BO, ,GZHAN YANG ZHAL MJAL ZHING GSUNG THOS PA KHA YAR BYUNG SNANG NGO, ,GRUB CHEN CHOS RDO RJE NI RJE BTZUN 'JAM PA'I DBYANGS DANG RDO RJE RNAL 'BYOR MAS LUNG BSTAN PA LTAR SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA'I BDAG POR BZHUGS TE, GRUB CHEN 'DI'I NGO MTSAR RMAD DU BYUNG BA'I RNAM PAR THAR PA NI DA LTA NYID DU 'CHAD BAR 'GYUR RO, ,DE NAS PAn CHEN CHOS KYI RGYAL MTSAN GYIS SKU TSE 'DI'I MDZAD PA PHAL CHER RDZOGS PA NA RLUNG LTAS LOG PA GZIGS NAS CHOS RJE BLO GROS BRTAN PA GDAN SAR BZHUGS SU GSOL NAS KUN SPANGS MDZAD DE THUGS DAM LA RTZE GCIG TU BZHUGS PA LAS DGUNG LO DON GNYIS SU PHEBS PA CHU MO SBRUL GYI LO'I MJUG LA ZHING GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,RJE BA SO BA 'DIS PHYI RABS KYI GDUL BYA RNAMS KYI DON DU DUS 'KHOR GYI BSKYED RDZOGS KYI KHRID, DBU MA'I LTA KHRID CHEN MO, RDO RJE 'JIGS BYED KYI BSKYED RDZOGS KYI KHRID, SNYING PO DON GSUM GYI KHRID SOGS MDZAD, RJE 'DIS BSTAN PA LA BYA BA RGYA CHEN PO MDZAD PAS SLOB MA BSTAN 'DZIN DAM PA BGRANG BA LAS 'DAS PA BYON ZHING RGYUD 'DZIN GYI GTZO BO NI ZUNG 'JUG GRUB BA'I DPA' BO GRUB CHEN CHOS RDO RJE'O, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SNYAN RGYUD

GDAMS PA'I MDZOD 'DZIN BA SO CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR LTA GRUB GTZANG ZHING RNAM THAR GTZANG MA RGYAL BA DGYES BA'I LAM BZANG PO LA SGRUB BA SNYING POR BYA BA DANG DAM NYAMS DANG 'CHAL PA DANG 'DRES KHYER DANG ZOG PO DANG BSRE BSLAD SPANGS SHING SANGS RGYAS NAS BZUNG STE DAM PA BAR MA CHAD PA'I SNYAN RGYUD KYI MAN NGAG THOB PAR BYAS LA MAN NGAG DE LA NUS PA THON PA ZHIG BYA'O,, ` ,, RGYAL BA KUN GYIS GSUNGS PA'I CHOS RNAMS KYI, ,BCUD RNAMS BSDUS NAS NYAMS SU BLANGS PA'I MTHUS, ,TSE GCIG NYID LA RDO RJE'I SKU BRNYES PA, ,'CHI MED RNAL 'BYOR MCHOG LA GSOL BA 'DEBS, ,ZHES BSNGAGS PA, GRUB CHEN CHOS KYI RDO RJE NI, SNGON STON PA THUB PA'I DBANG PO'I SPYAN SNGAR BYANG CHUB MCHOG TU THUGS BSKYED MDO SNGAGS BSTAN PA'I SNYING PO YONGS SU RDZOGS PA 'DZIN CING SPEL BA'I SMON LAM BTAB, DE'I TSE SMON LAM JI LTAR BTAB, BA LTAR GRUB STE, DE NAS BZUNG STE MKHAS GRUB KYI SKYE BA BRGYUD MAR BZHES SHING, KHYAD PAR JO BO RJE DPAL LDAN AA TI SHA SHAR PHYOGS BHAm GA LAR 'KHRUNGS NAS RGYA GAR GYI SA'I CHA KUN TU DAM PA'I CHOS 'TSOL BA LA ZHUGS PA'I TSE GRUB CHEN 'DI BLA MA AA BA DH'U TI PA ZHES BYA BAR SKU SKYE BA BZHES TE 'PHAGS PA KLU SGRUB NAS BRGYUD PA'I ZAB MO DBU MA'I LTA BA'I MAN NGAG 'DOMS PA LA MI 'JIGS PA'I SPOBS PA THOB STE JO BO RJE DPAL LDAN AA TI SHA LA ZAB MO'I

, ,LAM GYI RIM PA RNAMS RGYAS PAR 'DOMS PAR MDZAD CING, GRUB PA'I GNAS MCHOG DU MAR PHEBS TE DBEN PA NAS DBEN PAR RGYU ZHING SNANG STONG SGYU MA LTA BU'I RNAL 'BYOR LA GOMS PA LHUR BZHES PAR MDZAD, DE NAS KYANG MKHAS GRUB KYI SKYE BA RIM PAR BRGYUD DE BOD YUL DU 'GRO MGON CHOS RGYAL 'PHAGS PAR SKYE BA BZHES TE BYANG PHYOGS GANGS RI'I LJONGS 'DI THAMS CAD LA DBANG BSGYUR ZHING RGYAL BA'I BSTAN PA RGYA CHER SPEL BAR MDZAD BA ZHIG STE GRUB CHEN 'DI LA RGYAL BA DBEN SA BA CHEN POS SKU TSE SNGA MA'I 'KHRUNGS RABS LAS BRTZAMS TE BSTOD PA LAS, DGYES SHING SRAS BCAS RGYAL BA'I SPYAN SNGA RU, ,BDEN TSIG SMON LAM DPAG MED MCHOG BSGRUBS PAS, ,MKHAS DANG GRUB PA'I RNAM ROL BGRANG YAS KYIS, ,'DZAM GLING MDZES MDZAD KHYOD LA GSOL BA 'DEBS, ,KUN SPANGS NYIN BYED MKHYEN BRTZE'I 'OD STONG GIS, ,PHUL BYUNG PAD DKAR DBANG PO ZHAL PHYE NAS, ,ZAB DON SBRANG RTZI RGYAS MDZAD SKAL BZANG CAN, ,RKANG DRUG TSOGS KYI DPAL LA GSOL BA 'DEBS, ,CHOS KYI RGYAL PO'I RING LUGS MCHOG BZUNG NAS, ,RGYA BOD DAD CAN 'PHAGS PA'I GNAS BKOD CING, , GANGS CAN 'DOD DGU'I DPAL GYIS TSIM PAR MDZAD, ,DNGOS GRUB 'BYUNG GNAS MCHOG LA GSOL BA 'DEBS, ,ZHES GSUNGS PA LTAR RO, ,DE NAS 'JAM MGON BLA MA'I SNYAN RGYUD BSTAN PA'I BDAG POR 'BYON BA'I DUS

LA BAB PA NA, RJE RIN PO CHE GANG DU 'KHRUNGS PA'I YUL SHAR PHYOGS TZONG KHA DANG KHAD NYE BA'I SA'I CHA NAS KUN DGA' RGYAL PO DANG, DPAL 'DZOM ZHES BYA BA'I BYA BRAL PHO MO GNYIS DBUS GTZANG GI GNAS SKOR LA 'ONGS PA'I LHUMS SU ZHUGS TE, RTA NAG RDO RJE GDAN DU SLEBS PA NA GLANG GI LO RJE RIN PO CHE'I SNYAN RGYUD BSTAN PA'I BDAG POR 'GYUR BA'I RIN PO CHE LTA BU'I GDUL BYA BDAG NYID CHEN PO 'DI NGO MTSAR BA'I LTAS DANG BCAS 'KHRUNGS SO, ,DE YANG GRUB CHEN 'DI NYID LA RGYAL BA DBEN SA PA CHEN POS GANG DU 'KHRUNGS PA'I TSUL LAS BRTZAMS TE BSTOD PA LAS, BDE CHEN THUGS RJES 'DUL BA'I DUS LA GZIGS, ,SLAR YANG RIG 'DZIN DBANG MO'I LHUMS SU ZHUGS, , RDO RJE GDAN MTSUNGS GRUB PA'I GNAS MCHOG TU, ,BSAM BZHIN BLTAMS PA KHYOD LA GSOL BA 'DEBS, ,ZHES GSUNGS PA LTAR RO, ,DE NAS, DE LTA BU'I GZHON NU DE YAB YUM GNYIS KYIS BSKYED BSRINGS PAS CHU NANG GI PADMA LTAR SKYE DRAG PAR GYUR TE DGUNG LO BCU GCIG TU PHEBS PA NA YAB YUM GNYIS KYIS SRAS GZHON NU DE KHRID DE SNGON GYI SKYES BU DAM PA RNAMS GANG DANG GANG DU 'KHRUNGS PA DANG, GANG DANG GANG DU SGRUB PA MDZAD PA DANG, GANG DANG GANG DU GRUB PA BRNYES PA DANG, GANG DANG GANG DU CHOS KYI 'KHOR LO BSKOR BA'I SA DE DANG DE RNAMS SU RIM GYIS RGYU ZHING SMON LAM BTAB STE SONG SONG BA LAS PHYOGS BCU'I RGYAL BA SRAS BCAS THAMS CAD KYI THUGS RJE DANG, 'JAM MGON

, ,BLA MA'I THUGS BSKYED DANG, DAM CAN CHOS KYI RGYAL PO SOGS 'JAM MGON BLA MA'I BSTAN SRUNG RNAMS KYI MTHUS BSKUL TE DGA' LDAN RNAM PAR RGYAL BA'I GLING DU PHEBS SO, ,GZHON NU BDAG NYID CHEN PO DE DGA' LDAN RNAM PAR RGYAL BA'I GLING DU SANG PHEBS RGYU'I DO NUB PAn CHEN CHOS KYI RGYAL MTSAN LA RDO RJE RNAL 'BYOR MAS SANG NYIN RJE RIN PO CHE'I SNYAN RGYUD 'DZIN NUS PA'I SKAL LDAN ZHIG 'ONG BA YOD PAS RJES SU BZUNG LA RJE RIN PO CHE'I SNYAN RGYUD KYI MAN NGAG RNAMS YONGS SU RDZOGS PAR STON CIG CES LUNG BSTAN BYUNG, SANG NYIN DE PAn CHEN CHOS KYI RGYAL PO'I THUGS LA 'JAM MGON BLA MA'I SNYAN RGYUD KYI BSTAN PA 'DZIN NUS PA'I SKAL LDAN JI 'DRA ZHIG 'ONG SNYAM DU SGUG CING BZHUGS PA NA BYA BRAL BA YAB YUM GNYIS SRAS DANG BCAS PA PAn CHEN CHOS KYI RGYAL PO'I GZIGS LAM DU PHEBS PA NA PAn CHAN CHOS KYI RGYAL POS YE SHES KYI MKHA' 'GRO MAS LUNG BSTAN PA'I BDAG NYID CHEN PO DE NI BYIS PA GZHON NU 'DI'O SNYAM DU MKHYEN NAS YAB YUM DE GNYIS LA BZA' BA DANG BTUNG BA GYA NOM PA DANG GSER DANG DNGUL DANG NYE BAR MKHO BA'I LUS KYI YO BYAD LA SOGS PA 'JIG RTEN DANG MTHUN PA'I GNANG SBYIN DPAG TU MED PA GNANG NAS KHYED GNYIS KYI BU 'DI NGA LA BYIN CIG CES BKA' STZAL PA NA YAB YUM DE GNYIS KYIS KYANG DGA' BZHIN SPRO BZHIN DU GUS PAS PHUL, DE'I TSE RGYAL SRAS GZHON NU DE NI BU PHA'I GAM DU SLEBS

PA LTAR PAn CHEN CHOS KYI RGYAL PO LA RTZE GCIG DAD CING GUS PAS ZHABS DRUNG DU 'KHOD NAS TSE 'DI'I PHA MA SOGS GZHAN GANG YANG SEMS PAR MA GYUR TO, ,DE NAS PAn CHEN CHOS KYI RGYAL POS RGYAL SRAS GZHON NU DE KHRUS BYAS, KHYIM PA'I RTAGS CHA LUGS RNAMS DOR, SKRA BCAD, GOS DUR SMRIG BSKON NAS RAB TU BYUNG STE MTSAN CHOS KYI RDO RJE ZHES BTAGS SO, ,DE NAS SNGON YUN RING PO NAS LAM LA SBYANGS PA'I MTHU CAN RGYAL SRAS GZHON NU DE BRDA SPROD KYI GTZUG LAG SLOB PA SOGS LA BLTOS PA MED PAR LAM YONGS RDZOGS LA SLOB NUS PA'I SKAL BA CAN DU GYUR PA NA PAn CHEN CHOS KYI RGYAL MTSAN GYIS RGYAL SRAS GZHON NU DE LA CHOS KYI PHUNG PO BRGYAD KHRI BZHI STONG GI NYING KHU RGYAL BA SRAS BCAS THAMS CAD GANG NAS GSHEGS PA'I LAM PO CHE CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID BTAB STE RGYA LAS RGYA YI 'DUR 'BYUNG BA BZHIN DU RGYAL SRAS BDAG NYID CHEN PO DE LA BSHES GNYEN BSTEN TSUL NAS ZHI LHAG GI BAR SKYES BU GSUM GYI LAM RNAMS RIM GYIS RGYUD LA 'KHRUNGS SO, ,DE NAS BYANG CHUB LAM GYI RIM PA'I DMIGS SKOR MAN NGAG ZHAL SHES GEGS SEL BOGS 'DON DANG BCAS PA MTHA' DAG GNANG, DE NAS BDAG NYID CHEN PO DE BYANG CHUB KYI SEMS CHES SHUGS DRAG PAS NYE LAM RDO RJE THEG PAR 'JUG PAR SPRO BA NA, GSANG BDE 'JIGS GSUM DUS KYI 'KHOR LO SOGS RGYUD SDE

, ,BZHI DANG 'BREL BA'I DBANG LUNG MAN NGAG MTHA' DAG GNANG, KHYAD BAR RGYAL BA TZONG KHA PA LA MGON PO 'JAM DPAL DBYANGS GYIS GNANG BA'I SNYAN RGYUD THUN MONG MIN PA MDO SNGAGS GNYIS KA'I LAM GYI LUS RDZOGS PA'I ZAB LAM BLA MA LHA'I RNAL 'BYOR MAN NGAG ZHAL SHES DANG BCAS PA RDZOGS PAR GNANG BA'I MTHAR SPRUL PA'I GLEGS BAM CHEN MO PHYAG TU GTAD DE RJE'I SNYAN RGYUD 'DI DAG MKHA' 'GROS LUNG BSTAN PA'I SKAL LDAN GYI SLOB MA RE RE TZAM MA GTOGS GZHAN LA MA STON, THA NA SKYE BO GZHAN DAG LA 'DI 'DRA YOD PA'I GTAM TZAM YANG MA SMRA ZHIG CES BKA' RGYA DAM PO BTAB, DE LTAR LO LNGA'I BAR DU SRAS KYI THU BOR BZUNG STE GDAMS PA MTHA' DAG RDZOGS PAR MDZAD NAS 'BYON KHAR PAn CHEN CHOS KYI RGYAL POS BDAG NYID CHEN PO 'DI LA TSE MJUG DBEN PA'I GNAS SU NYAMS LEN 'DI DANG 'DI LTAR GYIS DUS LA BAB BA NA SKAL LDAN GYI SKYES BU LA GDAMS PA 'DI LTAR STON CES PHYIS 'BYUNG GI LUNG BSTAN DANG BCAS BKA' STZAL ZHIB TU GNANG, RGYAL SRAS BDAG NYID CHEN PO 'DIS KYANG PAn CHEN CHOS KYI RGYAL BO'I BKA' LUNG SPYI BOS MNOS SHING ZHABS LA PHYAG BYAS TE SMON LAM BTAB BO, ,DON DE DAG LA RGYAL BA DBEN SA BA CHEN POS GRUB CHEN CHOS RDO RJE LA SNYAN RGYUD KYI MAN NGAG THOB BA'I TSUL LAS BRTZAMS TE BSTOD PA LAS, DE NAS YE SHES MKHA' 'GROS LUNG BSTAN BZHIN, ,GRUB PA'I

DBANG PHYUG CHOS KYI RGYAL MTSAN GYIS, ,DUR SMRIG GIS KLUBS CHOS KYI RDO RJE ZHES, ,MNGON PAR MNGA' GSOL KHYOD LA GSOL BA 'DEBS, ,MGON DE'I ZHABS ZUNG RING DU GUS BSTEN NAS, ,THUGS KYI BCUD PHYUNG ZAB LAM BDUD RTZI'I RGYUN, ,MA LUS RDZOGS PAR GSOL BAS MGON PO KHYOD, ,SRAS KYI THU BOR GYUR LA GSOL BA 'DEBS, ,ZHES GSUNGS PA LTAR RO, ,DE NAS RGYAL SRAS BDAG NYID CHEN PO DES RJE'I SNYAN RGYUD KYI MAN NGAG RNAMS LA SHING RTA CHEN PO'I GZHUNG DANG SBYAR TE DRI MA MED PA'I RIGS BA'I LAM NAS DRANGS PA'I NGES SHES BSKYED PAR BYA BA'I PHYIR 'BRAS SPUNGS SU PHEBS NAS MKHAS PA'I DBANG PO BDE LEGS STOBS LDAN PA'I SPYAN SNGAR PHAR PHYIN DANG, DBU MA GNYIS GTZO BOR BYAS TE SHING RTA CHEN PO'I GZHUNG LUGS RNAMS LA SBYANGS PA MTHAR PHYIN BAR MDZAD, GZHUNG LUGS LA SBYANGS BA MTHAR PHYIN PA NA RJE YAB SRAS KYI RNAM THAR DANG MTHUN BAR BYA BA'I PHYIR CHOS GRVA DER RJE DBON BLO BZANG NYI MAS MKHAN PO DANG, CHOS RJE BDE LEGS STOBS LDAN PA LA SLOB DPON ZHUS NAS DGE SLONG GI DNGOS PO BZHES TE BCAS MTSAMS PHRA ZHING PHRA BA YANG SROG GI DBANG PO LTAR BSRUNGS TE GNAS BRTAN 'DUL BA 'DZIN PA CHEN POR GYUR TO; ;DE NAS 'JAM DBYANGS SMON LAM DPAL BA LA YANG MDO SNGAGS KYI CHOS MANG DU ZHUS NAS GTZANG DU PHEBS TE 'DUL BA 'DZIN PA BLO GROS SBAS PA LA 'DUS PA'I KHRID LAG RJES YIG CHUNG THOR BU BA, LAM RIM GYI KHRID, RIM LNGA'I

, ,KHRID; MGON PO ZHAL DANG, LHA MO DMAG ZOR MA'I RJES GNANG RNAMS GSAN, DE LTAR MKHAS GRUB DAM PA MANG DU BSTEN NAS THOS PA RGYA MTSO'I PHA ROL TU SON PAR MDZAD DO, ,DE YANG BDAG NYID CHEN PO 'DI NI SNGON YUN RING PO NAS LAM YONGS RDZOGS LA SBYANGS PA YIN PAR MA ZAD PAn CHEN CHOS KYI RGYAL MTSAN LAS MDO SNGAGS GNYIS KA'I LAM GYI GNAD MTHAR THUG PA MTHA' DAG YONGS SU RDZOGS PAR GSAN CING GANG GSAN PA MTHA' DAG LA NGES PA GTING TSUGS PAR DRANGS TE THUGS NYAMS SU BZHES NAS GDENG THOB PA ZHIG YIN MOD KYANG PHYI RABS KYI GDUL BYA RNAMS LA RGYAL BA DGYES BA'I LAM LA SGRUB PA SNYING POR BYA 'DOD NA BKLAGS LUNG TZAM RE DANG BLA MA RE LAS KHRID BSDUS PA RE THOB PA TZAM GYIS CHOG BAR MI BYA BAR GANG NYAMS SU BLANG BAR BYA BA'I LAM GYI GNAD RNAMS LA SHING RTA CHEN PO'I GZHUNG LUGS LAS 'BYUNG BA'I DRI MA MED PA'I RIGS PAS DPYAD NAS NGES PA BRTAN PO RNYED PA DGOS SO ZHES 'DOMS PA'I PHYIR GZHUNG LUGS LA SBYONG BA DANG MANG DU THOS BA 'TSOL BA'I TSUL DE LTAR MDZAD DO, ,DE NAS RGYAL BAS BSNGAGS PA'I DBEN PA'I GNAS RNAMS SU LAM GYI LUS YONGS SU RDZOGS PA LA SGRUB BA SNYING POR MDZAD CING GANG LA'ANG CHAGS PA MED PAR DBEN PA NAS DBEN BAR RGYU ZHING, DGE SBYOR YAR NGO'I ZLA BA BZHIN 'PHEL BAR GYUR TO, ,DUS RE

SHIG GI TSE, PAn CHEN CHOS KYI RGYAL MTSAN GYI BKA' DRIN DRAN TE, RIGS GSANG CHEN RGYAL BA RDO RJE 'CHANG, ,RJE SKU BZHI'I NGO BO BA SO BA, ,MTSAN YONGS SU GRAGS PA'I CHOS RGYAL ZHABS, ,PHA RTZE GCIG DRAN PAS GSOL BA 'DEBS, ,GNAS 'KHOR BA'I RGYA MTSO GTING ZAB CING, ,BLO MA RIG 'KHYAGS PA'I SBUBS CHUD NA, ,RJE ZAB DON MKHYEN PA'I 'OD ZER GYIS, ,NYAMS BDE STONG RTOGS PA SBAR DU GSOL, ,DUS SNYIGS MA'I SKYE 'GRO YONGS KYI MGON, ,LAR BSAMS KYIN RJE BTZUN SPRUL PA'I SKU, ,MI KHO BO'I GTZUG RGYAN CHOS KYI RJE, ,YID GDUNG SHUGS DRAG BOS GSOL BA 'DEBS, ,RANG GCES PAR 'DZIN PA'I TSA GDUNG 'DIS, , BYAMS SNYING RJE RGYAS PA'I LO TOG SREG ,RJE BYANG CHUB SEMS KYI SPRIN CHEN LAS, ,GZHAN GCES 'DZIN CHAR RGYUN PHAB TU GSOL, ,ZHES GSOL 'DEBS SHUGS DRAG PO MDZAD CING NYAMS KYI SNANG BA DANG BSTUN PA'I MGUR MANG PO BZHES SO, ,DE NAS PAn CHEN CHOS KYI RGYAL MTSAN GYI BKA' BZHIN DU, GANGS DANG, RI SUL DANG, NAGS KHROD SOGS SKYE BOS DBEN PA'I SA PHYOGS DU MAR RGYU ZHING NYAMS RTOGS GONG NAS GONG DU 'PHEL BAR MDZAD LA, KHYAD PAR SNGON BYON DAM PA DU MAS GRUB PA BRNYES PA'I SA DBA' BO MKHA' 'GRO SPRIN BZHIN 'DU BA'I GNAS CHEN PA SNAM JO MO LHA RI'I GSANG CHEN GRUB PA'I GNAS PADMA CAN DU BSKYED RIM MTHAR SON NAS RDZOGS RIM

, ,LA CHIG BSGRIL MDZAD PAS SEMS DBEN DPE'I 'OD GSAL DANG, MA DAG PA'I SGYU LUS GRUB BO, ,DE 'DRA BA'I GNAS BYIN RLABS CAN DE NI RDO RJE BTZUN MO'I BHA GA'I DBYIBS CAN DU YOD PAS PADMA CAN ZHES MTSAN THOGS SHING, DE'I DRANG THAD KYI SHAR PHYOGS NA BKRA SHIS RDZONG DGA'I RGYAB RI'I RTZE MO NA LING GA'I DBYIBS CAN GYI RDO CHEN PO ZHIG YOD PA TSES BCO LNGA'I ZLA BA SHAR BA'I TSE RDO DE'I GRIB MA PADMA CAN DU BABS PA NA LING GA CHOS 'BYUNG DU ZHUGS PA JI LTA BAR 'BYUNG, DE'I TSE PADMA CAN GYI SGRUB CHU'I NYE SKOR GYIS RNAM SKAD CIG DE LA SINDHU RAR 'GYUR BA ZHIG YOD PAS YUL NYER BZHI DNGOS DANG MTSUNGS PA ZHIG YOD CES GRAG GO ,GNAS BYIN RLABS CAN DER RDZOGS RIM DANG 'BREL BA'I BLA MA LHA'I RNAL 'BYOR SGOM PAR MDZAD PAS CHOS KYI RGYAL PO TZONG KHA PA CHEN PO'I ZHAL GZIGS, DE'I TSE RJE RIN PO CHES DAM PA 'DI LA THUN MONG DANG THUN MONG MA YIN BA'I SNYAN RGYUD KYI GDAMS NGAG YONGS SU RDZOGS BAR GNANG, LHAG PAR RJE RIN PO CHE PHYI PAndI TA'I CHA LUGS NANG GI PHUNG KHAMS SKYE MCHED RNAMS 'DUS PA'I LHA TSOGS SU GSAL BA THUGS KAR RGYAL BA SH'AKYA THUB PA DE'I THUGS KAR RDO RJE 'CHANG BZHUGS PA'I BLA MA'I RNAL 'BYOR THUN MONG MIN PA SEMS DPA' SUM BRTZEGS CAN 'DI GNANG NGO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA RGYAL

BA TZONG KHA PAS ZHAL GZIGS NAS SNYAN RGYUD KYI MAN NGAG GNANG BA'I TSUL LAS BRTZAMS TE BSTOD PA LAS, RJE BTZUN CHEN BO MA TI BHA DRA SOGS, ,DNGOS SU ZHAL GZIGS BYIN BRLABS MCHOG THOB BAS, ,ZAB RGYAS CHOS KYI DPAL LA DBANG 'BYOR NAS, ,GDAMS PA'I GTER CHEN GYUR LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES PADMA CAN GYI GONG NA SGRUB PHUG CIG YOD BA DER RGYAL BA TZONG KHA PAS GNANG BA'I BLA MA'I RNAL 'BYOR THUN MONG MIN PA 'DI RTZE GCIG TU SGOM PAR MDZAD PA NA, 'PHAGS PA THUGS RJE CHEN PO'I ZHAL MNGON SUM DU GZIGS, DES RKYEN BYAS TE PHYOGS BCU'I RGYAL BA SRAS BCAS MA LUS PA'I ZHAL MNGON SUM DU GZIGS PAR GYUR TO, ,TSUL DE NI RGYAL BA DBEN SA PA CHEN POS GRUB CHEN CHOS RDO RJE LA 'PHAGS MCHOG PHYAG NA PA DMOS BYIN GYIS BRLABS PA'I MTHUS PHYOGS BCU'I RGYAL BA SRAS BCAS THAMS CAD MNGON SUM DU GZIGS PA'I TSUL LAS BRTZAMS TE BSTOD PA LAS, PHYAG NA PADMOS DNGOS SU BYIN BRLABS PAS, ,MA LUS RGYAL BA'I 'KHOR LO GSAL BAR GZIGS, ,DNGOS GRUB RGYA MTSO'I DPAL LA DBANG 'BYOR PAS; ;DON GNYIS LHUN GRUB KHYOD LA GSOL BA 'DEBS, ,ZHES GSUNGS PA LTAR RO, ,DE NAS SLAR YANG SGRUB GNAS DER ZAB LAM RIM GNYIS SPYI DANG KHYAD PAR RDZOGS RIM ZAB MO'I RNAL 'BYOR RTZE GCIG TU SGOM

, ,PAR MDZAD PAS ZUNG 'JUG 'GRUB PA'I MTSAN MA THOB PA NA SHIN TU SPROS MED KYI SPYOD PA LA BRTEN NAS 'OD GSAL RTZE GCIG TU SGOM PAR MDZAD BAS DON DAM PA'I 'OD GSAL MNGON DU BYAS PA LAS ZUNG 'JUG RDO RJE 'CHANG GI GO 'PHANG BRNYES TE NAM MKHA' JI SRID GNAS KYI BAR DU ZUNG 'JUG GI SKU LAS G-YO BA MED PAR SEMS CAN RANG RANG GI SKAL BA DANG 'TSAM PAR SPRUL PA BSTAN TE CHOS STON PA SOGS 'GRO BA'I DON LA G-YEL BA MED PAR BZHUGS SO, ,DE 'DRA BA'I SGRUB GNAS DE LA ZUNG 'JUG PHUG CES GRAGS SO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA ZUNG 'JUG BRNYES PA'I TSUL LAS BRTZAMS TE BSTOD PA LAS, DE NAS MKHAS DANG GRUB PA MANG BSTEN CING, ,PADMA CAN SOGS GRUB PA'I GNAS RNAMS SU, ,CHOS KUN SNYING PO RTZE GCIG NYAMS BZHES PAS, ,GRUB PA MCHOG BRNYES KHYOD LA GSOL BA 'DEBS,, ZHES DANG, BRGYA PHRAG LAS LHAG LOR NI BSTAN PA BSKYANGS, ,'CHI MED DPA' BO MKHA' 'GRO'I GTZOR BZHUGS NAS, ,NAM MKHA' JI SRID SKAL LDAN 'GRO BA 'DREN, ,'PHRIN LAS KUN TU DGE LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES RE SHIG RNAM SMIN GYI SKU LUS RAGS PA MA DOR BAR ZUNG 'JUG DBANG GI RGYAL PO'I ZA MA TOG DE LA GNAS NAS SKAL BA DANG LDAN PA MTHA' YAS

BA LA CHOS KYI BDUD RTZI STZAL, RJE BTZUN 'JAM PA'I DBYANGS KYIS LUNG BSTAN PA'I SNYAN RGYUD BSTAN PA'I BDAG PO DBEN SA PA CHEN PO RE SHIG MA BYON PAR DGUNG LO BRGYA PHRAG BRGAL BA'I BAR DU ZUNG 'JUG DBANG GI RGYAL BO'I ZA MA TOG DE LA GNAS NAS MI SKAL LDAN DU MA DANG, GTZO BOR GNAS GSUM GYI DPA' BO MKHA' 'GRO BGRANG BA LAS 'DAS PA LA RDO RJE THEG PA'I LAM BZANG STON CING BZHUGS PA LAS RGYAL BA DBEN SA BA CHEN PO ZHING 'DIR BYON NAS DGUNG LO BCU BDUN BZHES PA'I TSE 'BRUM BU'I BSNYUN GZHIS ZIN NAS DBEN SA NA BZHUGS PA'I TSE GRUB CHEN 'DIS DBEN SA BA GANG NA BZHUGS PA'I SGO DRUNG DU PHEBS NAS, GANG ZHIG GZIGS SHING GSUNG BA YI, ,MKHYEN DANG STON BA BLA NA MED, ,RGYAL BRTEN CING 'BREL BAR 'BYUNG, ,GZIGS SHING 'DOMS PA DE LA 'DUD, ,CES SOGS ZAB MO RTEN 'BYUNG GSUNG BA'I SGO NAS THUB DBANG LA BSTOD BA LEGS PAR BSHAD PA'I SNYING PO GSUNG DBYANGS MTHON POS ZHAL 'DON DU MDZAD BA NA, RGYAL BA DBEN SA BA CHEN POS GSUNG GI GDANGS THOS PA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG STE, 'DI NI GRUB PA'I SKYES BU BDAG NYID CHEN PO ZHIG YIN PAR GOR MA CHAG GO SNYAM DU DGONGS NAS SGO DRUNG DU BYON TE BRTAGS PA NA, RJE'I SNYAN RGYUD 'DZIN PA'I GRUB CHEN YIN

, ,PAR MKHYEN NAS RJES SU 'DZIN PAR GSOL BA BTAB BA NA DUS TSOD 'DI GA TZAM LA BKRA SHIS RDZONG DGA'I PHU'I 'GAR MO CHOS RDZONG DU SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL BA MED PAR DBEN GNAS 'GAR MO CHOS RDZONG DU PHEBS GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL PA TZONG KHA PA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM BAR DRIL BA LAS DANG PO PA'I SA NAS SANGS RGYAS KYI SA'I BAR GYIS LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD KYI MAN NGAG MA LUS PA'I BDAG POR GYUR TO, ,DE'I TSE GRUB CHEN LA SNYAN RGYUD KYI MAN NGAG RNAMS ZHU BAR MDZAD PA PO RGYAL

BA DBEN SA PA GTZO BO YIN ZHING GZHAN KHA SHAS KYANG YOD LA, RIN PO CHE LTA BU'I GDUL BYA GZHAN GNYIS KYANG YOD DE GZHAN GNYIS PO DE NI SBAS PA'I BRTUL ZHUGS BZUNG STE SKYE BO YONGS LA MTSAN TZAM YANG GRAG PAR MA GYUR TO, ,GRUB CHEN GYIS RJE'I SNYAN RGYUD KYI MAN NGAG YONGS RDZOGS GNANG BA'I TSE RGYAL BA DBEN SA PA CHEN PO DANG RIN PO CHE LTA BU'I GDUL BYA GZHAN GNYIS BCAS GSUM YOD PA NI RGYAL BA DBEN SA BA CHEN PO'I GSUNG TSAD MA DBANG POR GYUR PA LAS SHES TE, RGYAL BA DBEN SA PA'I ZHAL NAS, BDAG GIS RJE BTZUN CHOS KYI RDO RJE LA GDAMS NGAG 'DI YONGS SU RDZOGS PAR ZHUS PA'I DUS SU, RJE BTZUN CHOS KYI RDO RJES KHO BO LA PAn CHEN CHOS KYI RGYAL MTSAN GYIS GDAMS PA 'DI GNANG BA'I TSE, GDAMS PA 'DI SU LA YANG MA SMRA GSUNG BA SOGS BKA' RGYA SHIN TU DAM PA YOD, CES GSUNG ZHING, YANG BDAG GI BLA MA LA YANG BDAG GROGS MCHED GSUM TZAM GYIS 'DI NYID ZHU BA'I DUS SU YANG, BDAG GSUM DANG, KHYAD PAR BDAG LA BTZUN CHUNG NA GZHON PA DANG, KHA YANG BA'I STOBS KYIS 'DI NYID SMRAS PA 'ONG BAS, SU LA YANG YOD PA'I GTAM TZAM YANG MA SMRA GSUNG, ZHES GSUNGS PA LTAR RO, ,DE NAS SLAR YANG GRUB CHEN CHOS RDO RJE DANG RGYAL BA DBEN SA PA CHEN PO DPON SLOB LHAN CIG DBUS GTZANG GI

, ,LJONGS DE DANG DER SKAL LDAN GYI GDUL BYA TU MA RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB PA'I RTEN 'BREL KHYAD PAR CAN BSKRUN PA'I PHYIR; GANGS RI'I KHROD KYI GNAS DANG YUL JONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD DO, ,DE LTAR GRUB CHEN CHOS RDO RJES RGYAL BA DBEN SA PA CHEN PO LA DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM GTAD NAS BKA' RGYA DAM PO BTAB STE RE SHIG DBEN GNAS DU MAR SGRUB PA SNYING POR BYAS NAS LAM THUN MONG BA DANG THUN MONG MA YIN PA RIM GNYIS KYI RTOGS PA YONGS SU RDZOGS PA RANG GI RGYUD LA BSKYED NAS RANG NYID MI NYAMS PA'I GDENG THOB PA NA GDUL BYA'I DON JI LTAR BYA TSUL DANG RJE'I SNYAN RGYUD KYI BSTAN PA BSRE BSLAD MED PAR 'DZIN CING SPEL LUGS SOGS ZHAL GDAMS RGYAS PAR GNANG STE RGYAL PA DBEN SA PA SNYAN RGYUD BSTAN PA'I BDAG POR BYIN GYIS BRLABS SO, , DE NAS GRUB CHEN CHOS RDO RJES RANG NYID RNAM SMIN GYI LUS RAGS PA BZUNG NAS GNAS PA'I DGOS PA LEGS PAR GRUB NAS ZUNG 'JUG DBANG GI RGYAL PO'I ZA MA TOG RNAM SMIN GYI LUS RAGS PA 'OD GSAL DU BSDUS TE 'JA'

LUS RDO RJE'I SKU'I RANG BZHIN DU BZHUGS NAS MKHA' KHYAB IKYI 'GRO BA THAMS CAD KYI KHAMS DANG BSAM PA DANG BAG LA NYAL DANG DBANG PO'I RIM PA DANG MTHUN PAR SPRUL PA BSTAN NAS DE DANG DE'I DON MDZAD PA LA 'BAD RTZOL DANG RNAM RTOG MI MNGA' ZHING YID BZHIN GYI NOR BU DANG DPAG BSAM GYI SHING BZHIN DU GDUL BYA RANG RANG GIS GANG DANG GANG DU GSOL BA BTAB PA DE DANG DER DBANG PO DANG 'TSAM PA'I SPRUL PA 'BYUNG LA, GANGS RI'I LJONGS 'DIR YANG SKAL BA DANG LDAN PA DAG LA SKU'I BKOD PA SNA TSOGS SU BSTAN TE, PAn CHEN BLO BZANG CHOS KYI RGYAL MTSAN LA SNGON RNAM SMIN GYI LUS RAGS PA BZUNG BA'I GNAS SKABS JI BZHIN DU, DGE SLONG BGRES BO DBU SKRA DANG SMA RA DKAR PO CAN ZHIG GI RNAM PAR ZHAL BSTAN PA LTA BU'O, ,JO MO LHA RI'I ZUNG 'JUG PHUG PAR YANG SKAL BA DANG LDAN PA 'GA' RE LA GANG YANG RUNG BA'I SKU'I RNAM PAR BSTAN PA DANG SKU MI SNANG BAR GSUNG GI GDANGS THOS PA DANG, SKU DANG GSUNG GI SNANG BA MED PAR TSUL KHRIMS KYI DRI NGAD ZHIM PO TSOR BA BYUNG BA SOGS LO RGYUS MANG DU SNANG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GRUB CHEN CHOS RDO RJE LA GSOL BA 'DEBS SHING GRUB CHEN 'DI'I RNAM THAR LTAR THEG PA CHEN PO'I DGE BA'I BSHES GNYEN MTSAN NYID DANG LDAN PA ZHIG BTZAL LA DE BSAM SBYOR GNYIS KYIS TSUL BZHIN DU BSTEN TE

, ,SANGS RGYAS NAS BZUNG DAM PA BAR MA CHAD BA LAS BRGYUD PA'I SNYAN RGYUD KYI MAN NGAG MDO SNGAGS GNYIS KA'I LAM GYI GNAD TSANG BA DE LA CHIG BSGRIL DU BYAS CHOG PA ZHIG THOB PAR BYAS, DE NAS TSE 'DI'I 'KHRI BA BCAD DE DBEN PA'I RI SUL DU 'TSO BA DKA' THUB LA GNAS NAS SGRUB PA RTZE GCIG TU BYAS LA MDO SNGAGS KYI LAM GYI RIM PA YONGS SU RDZOGS PA RGYUD LA BSKYED THUB PA ZHIG BYA, GRUB CHEN GYI RNAM THAR DE LTA BU MA ZIN YANG LAM GYI LUS YONGS SU RDZOGS PA LA THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,, 

*, ,BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA BZHUGS SO, ,

[DD1] !, ,TSUL TSE GRANG MAS RJE BTZUN MI PHAM MA YIN,, #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, MTSAN TZAM THOS BAS NGAN 'GRO'I 'JIGS LAS SKYOB, ,GSOL BA BTAB NA DNGOS GRUB KUN STZOL ZHING, ,BKA' BZHIN BSGRUBS NA SKU GSUM THOB MDZAD PA, ,STON PA THUB PA'I DBANG PO LA PHYAG 'TSAL, ,RAB 'BYAMS ZHING KUN SPRUL BAS LEGS BKANG STE, ,RGYAL BA'I MDZAD PA MTHA' DAG SGRUB MDZAD PA, ,RGYAL TSAB [DD2] !, ,'DREN PA MNYAM MED STON PA BCOM LDAN 'DAS, [DD3] !, ,RGYAL BA'I MKHYEN RAB KUN BSDUS 'JAM DPAL DBYANGS,,

[DD1] !, ,THAB MO'I DON GZIGS 'PHAGS MCHOG KLU SGRUB ZHABS,, *, ,MI PHAM MGON DANG 'JAM PA'I DBYANGS, ,BYANG CHUB SNYING PO'I BAR DU GTZUG GIS MCHOD, ,RAB BRTAN BYANG CHUB SEMS KYI SDONG PO LA, ,RLABS CHEN SPYOD PA'I YAL 'DAB RAB TU RGYAS, ,DON GNYIS 'BRAS BUS 'GRO KUN TSIMS MDZAD PA, ,RGYA CHEN SPYOD RGYUD BLA MA RNAMS LA 'DUD, ,ZAB ZHI SPROS DANG BRAL BA'I MKHA' DBYINGS DBUS, ,YE SHES RDO RJE'I NYIN BYED 'OD SNANG GIS, ,'GRO BLO'I MA RIG MUN PA SEL MDZAD PA, ,ZAB MO LTA RGYUD BLA MA RNAMS LA 'DUD, ,ZAB DANG RGYA CHE'I LAM GYI RIM PA KUN, ,RAB GSANG BYIN RLABS RIN CHEN 'BYUNG GNAS CHER, ,THABS MKHAS GRU YIS MYUR DU BGROD MDZAD PA, ,BYIN RLABS NYE RGYUD BLA MA RNAMS LA 'DUD, ,BRGYUD PA GSUM LDAN MAN NGAG SNYING PO'I BCUD, ,RIN CHEN BYANG [DD2] !, ,RGYAL BAS LUNG BSTAN 'PHAGS PA THOGS MED ZHABS,,

[DD1] !, ,SHING RTA CHEN PO'I SRAL 'DZIN MAR ME MDZAD,, CHUB SEMS KYI BDUD RTZI YIS, ,BYANG PHYOGS DMU RGOD 'GRO RNAMS 'DUL MDZAD PA, ,MGON PO AA TI SHA LA GSOL BA 'DEBS, ,BLO TSAN RGYAL DANG RGYAL SRAS KUN GYI MDZAD PA 'PHRIN LAS BZANG PO MA LUS GANG GI SNYING STOBS YANGS PA'I GRVA GCIG NA, ,NGAL BSO BGYIS PAS RGYAL BA KUN LAS LHAG PA'I THUGS RJE CAN ZHES SNYAN PA'I GRAGS PA PHYOGS KYI BU MOS RAB SGROGS PA, ,BYANG PHYOGS GANG RI'I KHROD KYI ZAS GTZANG SRAS PO 'JAM MGON BLA MA BDAG GI SPYI GTZUG MDZES PA'I RGYAN DU RTAG BZHUGS LA, ,NYID KYI LEGS BSHAD BDUD RTZI'I CHU YIS BDAG BLO'I 'DAB BRGYA CHA TSANG LAM GYI BDUD RTZI'I SNYING PO CAN DU MDZAD DU GSOL, ,RAB 'BYAMS RGYAL BA KUN GYI THUGS RJE'I GZUGS, ,BDAG GI DGE BA'I BSHES SU LEGS SHAR BA, ,MA NOR LAM STON DRIN CAN [DD2] !, ,RGYAL BA KUN DNGOS RJE BTZUN TZONG KHA PA,,

[DD1] !, ,GANGS CAN MGON PO 'JAM DPAL RGYA MTSO'I SDE,, *, ,BLA MA LA, ,SNYING NAS 'DUD DO RAB 'BRAS LDAN MDZOD, ,LHA BCAS 'GRO BA KUN GYI PHAN BDE'I GZHI, ,RGYAL BA'I GSUNG RAB KUN GYI SNYING PO'I DON, ,BYANG CHUB LAM RIM BLA MA BRGYUD PA YI, ,RTOGS PA BRJOD LA BDAG BLO SPRO BA SKYES, ,DE LA 'DIR MKHA' KHYAB KYI SEMS CAN THAMS CAD LA PHAN PA DANG BDE BA MA LUS GANG LAS 'BYUNG BA'I RGYU GCIG PU RGYAL BAS GSUNGS PA'I CHOS PHUNG BRGYAD KHRI BZHI STONG GI SNYING PO'I DON THAMS CAD GANG ZAG GCIG GI NYAMS LEN GYI RIM PAR HRIL GYIS DRIL BA BYANG CHUB LAM GYI RIM PA'I MAN NGAG LEGS PAR STON PA'I RTZA BRGYUD KYI BLA MA RNAMS KYI RNAM PAR THAR PA NI GANG BSHAD PAR BYA BA'O, ,DE YANG CHU 'GO GANGS LA THUG PA ZHIG DGOS PA LTAR DAM PA'I CHOS KYI BRGYUD PA'ANG [DD2] !, ,LAM 'DI GSAL MDZAD DZNY'A NA BHVA DZA'I ZHABS, ,

YANG DAG PAR RDZOGS PA'I SANGS RGYAS LA THUG PA ZHIG DGOS PAS THOG MAR BSTAN PA'I BDAG PO STON PA BCOM LDAN 'DAS SH'AKYA THUB PA THUGS RJE CAN DE NYID KYI RNAM PAR THAR PA PHYOGS TZAM ZHIG BRJOD PAR BYA'O, ,DE LA SANGS RGYAS 'JIG RTEN DU 'BYON PA NI BRGYA LAM NA AU DUM WA RA'I ME TOG LTAR SHIN TU DKON PAR GSUNGS LA, DE'I RGYU MTSAN YANG SANGS RGYAS 'JIG RTEN DU 'BYUNG BA LA DANG POR BYANG CHUB MCHOG TU THUGS BSKYED, BAR DU BSKAL PA GRANGS MED PA GSUM LA SOGS PA DUS RING DPAG TU MED PAR TSOGS GNYIS RLABS PO CHE BSAGS TE, SANGS RGYAS KYI ZHING YONGS SU DAG PA DANG, SMON LAM YONGS SU RDZOGS PA DANG, GDUL BYA RNAMS RGYUD YONGS SU SMIN PA SOGS RTEN 'BREL MTHA' YAS PA ZHIG 'GRIG PA NA SANGS RGYAS 'JIG RTEN DU 'BYON PA YIN LA, DE LTA BU'I RTEN 'GREL 'GRIG PA SHIN TU DKA' BAS 'JIG RTEN 'DI PHAL CHER MUN BSKAL SHA STAG TU GNAS SHING, SANGS RGYAS 'BYON PA'I SGRON BSKAL NI BRGYA LAM NA SRID PA TZAM MO, ,DE TZAM DU DKON PA CI YIN SNYAM NA, SPYOD 'JUG LAS, JI LTAR MTSAN MO MUN NAG SPRIN RUM NA, ,GLOG 'GYU SKAD CIG RAB SNANG STON PA

, ,LTAR; ;DE BZHIN SANGS RGYAS MTHU YIS BRGYA LAM NA, ,'JIG RTEN BSOD NAMS BLO GROS THANG 'GA' 'BYUNG, ,ZHES GSUNGS PA LTAR, KHAMS GSUM GYI 'KHOR BA'I SEMS CAN RNAMS LA DGE SEMS PHRA MO RE SKYE BA YANG SHIN TU DKA' ZHING, DGE SEMS GANG SKYE BA THAMS CAD SANGS RGYAS KYI MTHU KHO NA LA BLTOS LA, SANGS RGYAS LA DAD PA SOGS DGE SEMS PHRA MO RE SKYE BA YANG SHIN TU DKON NA, DKON MCHOG GSUM LA DAD PA RNYED NAS LAS DKAR NAG GI SPANG BLANGS TSUL BZHIN DU BYED PA DANG, SRID PA MTHA' DAG LA ZHEN PA LOG PA'I NGES 'BYUNG GIS BSKUL NAS THAR PA'I LAM LA SLOB PA RNAMS DKON PA LTA CI SMOS, NGES 'BYUNG GI BSAM PAS KUN NAS BSLANGS TE THAR LAM LA SLOB PA'ANG SHIN TU DKON NA, BDAG PAS GZHAN GCES PA'I BYANG CHUB KYI SEMS RIN PO CHES KUN NAS BSLABS TE RGYAL SRAS KYI SPYOD PA RGYA MTSO LTA BU LA DUS BSKAL PA GRANGS MED MANG POR BAR MA CHAD DU SLOB PA DANG BSLABS PA MTHAR PHYIN PA SHIN TU DKON PA LTA SMOS KYANG CI DGOS, DE'I PHYIR SANGS RGYAS 'JIG RTEN DU 'BYON PA SHIN TU DKON PAR DRI MA MED PA'I RIGS PAS LEGS PAR

GRUB BO, ,DE LTAR SANGS RGYAS 'BYON DKA' BA LAS BSKAL PA 'DI LA NI SANGS RGYAS STONG 'BYON PAS BSKAL PA BZANG PO ZHAS BRJOD PA YIN TE, SNGON MI MJED KYI 'JIG RTEN 'DI THOG MAR CHAGS PA'I DUS CHU'I DKYIL 'KHOR CHAGS PA'I TSE MTSO NANG NAS PADMA STONG 'THON PA, GNAS GTZANG MA'I LHA RNAMS KYIS MTHONG NAS 'DI GANG GI LTAS YIN SNYAM DU BRTAGS PA NA BSKAL PA 'DI LA SANGS RGYAS STONG 'BYUNG BA'I LTAS SU GO NAS; AE MA BSKAL PA 'DI NI BZANG PO'O ZHES CHED DU BRJOD PAR SNYING RJE PADMA DKAR PO LAS BSHAD DO, ,DE LA SKYE DGU RNAMS KYI TSE LO BZHI KHRI PA'I DUS SU SANGS RGYAS 'KHOR BA 'JIG BYON, TSE LO SUM KHRI PA'I DUS SU SANGS RGYAS GSER THUB BYON, TSE LO NYI KHRI PA'I DUS SU RGYAL BA 'OD SRUNGS BYON, RTZOD LDAN TSE LO BRGYA PA'I DUS SU STON PA BCOM LDAN 'DAS SH'AKYA THUB PA 'DI NYID BYON PA YIN LA, STON PA THUGS RJE CAN 'DI NYID KYIS THOG MAR THUGS JI LTAR BSKYED PA'I TSUL NI, MDO SDE BSKAL BZANG LAS, NGA NI SNGON TSE DMAN PAR GYUR PA'I TSE, ,DE BZHIN GSHEGS PA SH'AKYA THUB CHEN LA, ,'JAM GANG ZHIG GI DBUL BA BYAS NAS KYANG; ;DANG POR BYANG CHUB TU NI SEMS BSKYED DO; ,ZHES GSUNGS PA LTAR, RDZA MKHAN GYI BU KHYE'U SNANG BYED DU SKU 'KHRUNGS PA'I TSE, DE BZHIN GSHEGS PA SH'AKYA THUB CHEN ZHES BYA BA 'JIG RTEN DU BYON PA DANG MJAL

, ,TE RDZA'I BUM PA 'JAM GYIS BKANG BA ME LONG GIS KHA BRGYAN PA SOGS MCHOD PA'I YO BYAD CI YOD PHUL TE, DE BZHIN GSHEGS PA KHYED SKU CI 'DRA DANG, ,'KHOR DANG SKU TSE'I TSAD DANG ZHING KHAMS DANG, ,KHYED KYI MTSAN MCHOG BZANG PO CI 'DRA BA, ,DE 'DRA KHO NAR BDAG KYANG 'GYUR BAR SHOG ,CES BRJOD NAS BYANG CHUB TU THUGS BSKYED PAR MDZAD DO, ,GZHAN YANG STON PA THUGS RJE CAN 'DI NYID KYIS RANG CAG KHAMS GSUM GYI 'GRO BA 'KHOR BA'I GNAS NA NYON MONGS SHING SDUG BSNGAL BRGYA PHRAG DU MAS MNAR BA RNAMS THUGS KYIS MA BZOD NAS, DE BZHIN GSHEGS PA BGRANG BA LAS 'DAS PA DAG GI SPYAN SNGAR THUGS BSKYED CING SMON LAM 'DEBS PAR MDZAD DE, DE YANG, STON PAS SNGON DE BZHIN GSHEGS PA BGRANG BA LAS 'DAS PA'I SPYAN SNGAR THUGS BSKYED MDZAD PA LAS, 'DIR MDO SDE LAS 'BYUNG BA LTAR GTZO CHE BA 'GA' ZHIG SMOS NA, DRIN LAN BSAB PA'I MDO LAS GSUNGS TSUL NI, STON PA THUGS RJE CAN 'DI NYID SNGON DMYAL BA'I SHING RTA 'DREN PAR 'KHRUNGS PA NA, GROGS ZLA BO ZHIG DANG GNYIS KYIS LCAGS BSREGS KYIS GZHIR GSHIN RJE AA GLANG GI SHING RTA 'DREN PA LAS ZLA BO DE NYAM CHUNG BAS SHING RTA 'DREN MA NUS PA NA, GSHIN RJE AA GLANG GIS LCAGS KYI MDUNG RTZE GSUM PA BRANG LA BSNUN PAS KHRAG GI

CHAR BAB CING SDUG BSNGAL GYIS NYAM THAG NAS SMRE SNGAGS 'DON PA NA, DAL BZOD GLAGS MED PA'I SNYING RJE 'KHRUNGS NAS SEMS CAN 'DI SDUG BSNGAL LAS THAR BAR BYAS TE DMYAL BA'I SDUG BSNGAL 'DI NGA GCIG PUS BZOD PAR BYA'O SNYAM DU THUGS BSKYED CING, SEMS CAN DES MTSON NAS LAS NGAN PA'I DBANG GIS DMYAL BAR LHUNG BA DANG LTUNG BAR 'GYUR BA'I SEMS CAN THAMS CAD LA BZOD GLAGS MED PA'I SNYING RJE SKYES NAS BYANG CHUB TU THUGS BSKYED DE, GSHIN RJE AA GLANG LA SEMS CAN NYAM THAG 'DI THONGS LA 'DI'I THAG PA'ANG NGA'I MGO LA SKON CIG ,NGA GCIG PUS DRANG BAR BYA'O ZHES GSUNGS PA NA, AA GLANG KHROS NAS LCAGS KYI MDUNG RTZE GSUM PA BSNUN BAS BSKAL PA BRGYAR BSAGS PA'I SDIG PA DAG CING, DE NAS TSE 'PHOS TE SUM CU RTZA GSUM GYI LHAR SKYES BAR GSUNGS SO, ,'DI BCOM LDAN 'DAS KYIS BYAMS PA'I THUGS BSKYED PA'I THOG MA YIN PA DANG, DE NAS BZUNG STE MNGON PAR RDZOGS PAR SANGS RGYAS PA'I BAR DU SEMS CAN THAMS CAD LA BYAMS PA DANG SNYING RJE'I SEMS RGYUN MA CHAD PAR BSKYED PAR MDZANGS BLUN LAS GSUNGS SO, ,THUGS BSKYED TSUL 'DUL BA LUNG LAS GSUNGS PA NI, LUNG SMAN GYI GZHI LAS, STON PA LA RGYAL PO GSAL RGYAL GYIS STON PAS THOG MAR GANG DU SEMS BSKYED LAGS ZHUS PA NA, STON PAS BKA' STZAL BA, SNGON RGYAL

, ,PO 'OD LDAN ZHES BYA BA'I YUL DU GLANG PO RIN PO CHE ME TOG KU MU DA'I MDOG LTAR DKAR BA, YAN LAG BDUN SHIN TU GNAS PA ZHIG BYUNG STE, DE RGYAL PO 'OD LDAN GYIS MTHONG NAS GLANG PO 'DUL MKHAN LA 'DI DUL BAR BYOS LA NGA LA PHUL CIG CES GSUNGS PAS, GLANG PO 'DUL MKHAN GYIS BKA' BZHIN 'TSAL ZHES ZER TE, DE DUL BAR BYAS NAS RGYAL PO LA PHUL BA DANG, RGYAL POS GLANG PO LA ZHON 'DUL MKHAN YANG GONG DU ZHON TE RI DVAGS GSHOR DU SONG BA NA, GLANG PO CHE DES GLANG MO'I DRI TSOR TE RJES BZHIN DU BRGYUGS NAS RLUNG LTAR KHYER BA DANG, RGYAL PHO 'OD LDAN GYIS GLANG PO 'DUL MKHAN LA, NAM MKHA' 'GUL BA 'DRA ZHING PHYOGS KUN MYUR DU 'GRO BA 'DRA BA 'DI BZLOG CIG ,DES BZLOG MA NUS TE RGYAL PO LA GLANG PO 'DI MI THUB KYIS SHING GI YAL GA LA 'JUS MDZOD CIG BYAS PAS, RGYAL POS SHING GI YAL GA LA 'JUS PAS SROG GI 'JIGS PA LAS THAR RO, ,DE NAS RGYAL POS GLANG PO 'DUL MKHAN LA KHYOD KYIS GLANG PO MA THUL BAR NGA LA PHUL LO, ,DES SMRAS PA, LHA; BDAG GIS SHIN TU DUL MOD KYIS, GLANG MO'I DRI TSOR NAS NYAN DU MA BTUB LAGS SO, ,'ON KYANG DPYAD DRAN TE LOG NAS MCHI'O ZHES ZHUS SO, ,DE NAS GLANG PO DE MYOS PA DANG BRAL TE ZHAG BDUN LON PA DANG, DPYAD DRAN TE RANG GI GNAS SU 'ONGS SO, ,DE NAS 'DUL MKHAN GYIS RGYAL PO LA GLANG PO MCHIS LAGS SO, ,

RGYAL POS SMRAS PA, KHYOD KYIS 'DI MA THUL LO, ,LHA; THUL LO, ,CIS MNGON, LHA'I SPYAN SNGAR PHAB PAR BGYI'O ZHES DES LCAGS KYI THU LUM MES BSREGS TE DPYAD KYI SAR KHYER NAS LEN DU GZHUG PAR BRTZAMS PAS, BAG TSA BA MED PAR LEN NO, ,DE MTHONG NAS GLANG RDZIS RGYAL PO LA GSOL PA, LHA; LEN DU NI BTUB KYANG 'GUM LAGS SO, ,RGYAL POS SMRAS PA, KYE MKHAS PA, DE LTAR SHIN TU DUL BA 'DIS BDAG CAG G-YENGS BA 'DI LA RGYU CI ZHIG YOD, GLANG RDZIS GSOL BA, LHA; BDAG GIS SNGAR LUS DUL GYI SEMS MDUL LO ZHES MA GSOL TAM, BDAG NI LUS 'DUL BA LAGS KYI, SEMS 'DUL BA NI MA LAGS SO, ,RGYAL POS SMRAS PA, SEMS 'DUL BA 'GA' YOD PA THOS SAM ZHES DRIS PA NA, GLANG PO CHE 'DUL MKHAN DE LA PHYOGS BCU'I SANGS RGYAS RNAMS KYI BYIN RLABS DANG NUS MTHU ZHUGS NAS DES SMRAS PA, LHA; LUS DANG SEMS GNYIS KA 'DUL BAR BYED PA SANGS RGYAS BCOM LDAN 'DAS MCHIS SO, ,RGYAL PO CHEN PO SANGS RGYAS MTHU BO CHE, ,NYON MONGS SPANGS PA DPA' BO STOBS LDAN PA, ,DE DANG GANG DAG DE LTAR RJES 'BRANG BA, ,DE DBANG 'DIR NI GZUGS MED SEMS 'GYUR RO, ,ZHES SOGS SANGS RGYAS RNAMS KYI YON TAN RGYA CHER BSGRAGS SO, ,DE NAS RGYAL PO 'OD LDAN GYIS SANGS RGYAS BCOM LDAN 'DAS RNAMS KYI BRTZON 'GRUS DANG STOBS THOS NAS SHIN TU

, ,DAD DE SBYIN PA DAG BYIN, BSOD NAMS DAG BYAS TE BLA NA MED PAR YANG DAG PAR RDZOGS PA'I BYANG CHUB TU SMON LAM BTAB PA, SBYIN PA RGYA CHEN GYUR PA 'DI YIS SU, ,'GRO BAR RANG BYUNG SANGS RGYAS GYUR NAS NI, ,SNGON GYI RGYAL BA RNAMS KYIS MA BSGRAL BA, ,SKYE BO'I TSOGS DAG BDAG GIS BSGRAL BAR BYA, ,BDAG GIS SKYE DGU LEGS BSKYANGS LAS BYUNG BA'AM, BTANG BA LAS BYUNG BSOD NAMS YOD PA GANG, ,DES NI SANGS RGYAS NYID THOB 'JIG RTEN DAG ,'DOD PA'I RIMS NAD LAS NI THAR BAR BYA, ,ZHES BYANG CHUB MCHOG TU THUGS BSKYED PAR GSUNGS SO, ,MA SKYES DGRA'I 'GYOD PA BSAL BA'I MDO LAS THUGS BSKYED TSUL GSUNGS PA NI, DE BZHIN GSHEGS PA SNGON 'DAS PA'I BSKAL PA BYE BA KHRAG KHRIG BRGYA STONG GRANGS MED PA'I SNGON ROL GYI YANG SNGON ROL NA TSONG DPON GYI BU DRI MA MED PA'I DPUNG BA ZHES BYA BAR 'KHRUNGS PA'I CHE, RJE BTZUN 'JAM DPAL DGE SLONG CHOS SMRA BA YE SHES RGYAL PO ZHES BYA BAR 'KHRUNGS PA DES BSKUL NAS DE BZHIN GSHEGS PA MI THUB ZLA BA'I RGYAL MTSAN GYI SPYAN SNGAR KHRID NAS DE BZHIN GSHEGS PA 'KHOR DANG BCAS PA LA BSOD SNYOMS 'BUL DU BCUG PA NA, TSONG DPON GYI BU DRI MA MED PA'I DPUNG BA ZHES BYA BA DES KYANG BSOD SNYOMS PHUL NAS BSOD SNYOMS GCIG

PHUL BAS, DE BZHIN GSHEGS PA MI THUB ZLA BA'I RGYAL MTSAN 'KHOR NYAN THOS BRGYAD KHRI BZHI STONG DANG BYANG CHUB SEMS DPA' KHRI NYIS STONG DANG BCAS PA KHYAB CING THAMS CAD KYIS TSIM PAR BZHES KYANG BSOD SNYOMS DE ZAD BAR MA GYUR PA NA KHYE'U DE RAB TU DGA' ZHING DAD PA LHAG PAR SKYES NAS DE BZHIN GSHEGS PA DE'I SPYAN SNGAR 'DUG PA DANG, DE BZHIN GSHEGS PA MI THUB ZLA BA'I RGYAL MTSAN GYIS KHYE'U DE LA BYANG CHUB KYI LAM BSTAN PA NA, TSONG DPON GYI BU DRI MA MED PA'I DPUNG PAS PHYIR MI LDOG PA'I DAD PA CHEN POS SKYABS SU SONG ZHING BYANG CHUB TU THUGS BSKYED PAR GSUNGS SO, ,BYANG CHUB SEMS DPA'I SDE SNOD LAS STON PAS SNGON THUGS BSKYED TSUL DANG SA, LAM RIM GYIS BGROD TSUL GSUNGS PA NI MDO DE NYID LAS, DE BZHIN GSHEGS PA SNGON 'DAS PA'I BSKAL PA GRANGS MED BSAM GYIS MI KHYAB PA'I SNGON ROL NA, CHOS KYI RGYAL PO TSE RNAM PAR RGYAL BA ZHES BYA BA'I BU GZHON NU BRTZON 'GRUS SPYOD PA ZHES BYA BAR 'KHRUNGS PA'I TSE DE BZHIN GSHEGS PA PHUNG PO CHEN PO ZHES BYA BA 'JIG RTEN DU BYON PA DANG MJAL TE, DE BZHIN GSHEGS PA DES RDZU 'PHRUL GYI BKOD PA BSAM GYIS MI KHYAB BA BSTAN NAS GZHON NU BRTZON 'GRUS SPYOD PA YID 'DUN PAR BYAS TE BYAMS SNYING RJE BYANG CHUB KYI SEMS BSKYED TSUL DANG, SBYIN PA LA SOGS PA'I PHA ROL TU PHYIN PA DRUG DANG BSDU BA'I DNGOS PO BZHIS BSDUS PA'I

, ,RGYAL SRAS KYI SPYOD LA RLABS PO CHE RNAMS LA SLOB TSUL RGYAS PAR BSTAN CING, STOBS BCU DANG MI 'JIGS PA BZHI DANG, MA 'DRES PA BCO BRGYAD SOGS SANGS RGYAS KYI YON TAN RNAMS RGYA CHER BSGRAGS PA NA, GZHON NU BRTZON 'GRUS SPYOD PA THEG PA CHEN PO'I LAM LA PHYIR MI LDOG PA'I NGES PA BRTAN PO THOB NAS, BCOM LDAN 'DAS DE BZHIN GSHEGS PA DGRA BCOM PA YANG DAG BAR RDZOGS PA'I SANGS RGYAS PHUNG PO CHEN PO NYAN THOS KYI DGE 'DUN DANG BCAS PA LA LO BYE BA PHRAG DGU BCU RTZA DRUG TU MCHOD PA'I DNGOS PO THAMS CAD KYIS MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR GSUNGS SO, ,DE NAS BSKAL PA CHEN PO GRANGS MED PA GCIG 'DAS PA NA TSONG DPON SHES RAB BZANG PO ZHES BYA BAR 'KHRUNGS PA'I TSE, DE BZHIN GSHEGS PA DKON MCHOG YAN LAG CES BYA BA 'JIG RTEN DU BYON PA DANG MJAL TE, DE BZHIN GSHEGS PA DKON MCHOG YAN LAG GIS TSONG DPON SHES RAB BZANG PO LA BYANG CHUB KYI LAM RGYAS PAR BSTAN CING, RDZU 'PHRUL GYI BKOD PA DU MA'ANG BSTAN PAS DAD PA DANG DGA' BA RGYA CHEN PO DANG BYANG CHUB KYI LAM LA PHYIR MI LDOG PA'I NGES PA BRTAN PAR GYUR NAS, TSONG DPON SHES RAB BZANG POS DE BZHIN GSHEGS PA DKON MCHOG YAN

LAG NYAN THOS KYI DGE 'DUN DANG BCAS PA LA LO STONG DU MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED CING BYANG CHUB KYI LAM RNAMS YONGS SU BSGRUB BO, ,DE NAS BSKAL PA GRANGS MED PA GCIG 'DAS PA NA BRAM ZE'I KHYE'U GZHON NU SPRIN DU 'KHRUNGS PA'I TSE, DE BZHIN GSHEGS PA MAR ME MDZAD 'JIG RTEN DU BYON PA DANG MJAL TE, DGA' BA DANG, MGU BA DANG, DAD PA RGYA CHEN POS DE BZHIN GSHEGS PA MAR ME MDZAD KYI SPYAN SNGAR LO BCU GNYIS SU RAL PA GSER GYI MDOG CAN BTING NAS, BDAG BLA NA MED PA YANG DAG PAR RDZOGS PA'I BYANG CHUB TU LUNG MI STON NA BDAG 'DI NYID DU LUS BSKAM PAR BYA'O ZHES YI DAM BCAS SO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KUN NAS SPYAN KUN NAS MKHYEN PA DUS GSUM GANG YANG MI MKHYEN BA CUNG ZAD KYANG MED PA DES BRAM ZE'I KHYE'U SPRIN GYI BSAM PA MKHYEN NAS, DE'I RAL BA GSER GYI KHA DOG LTA BU LA ZHABS BZHAG GO ,DE NAS BRAM ZE'I KHYE'U SPRIN GYIS LANGS NAS DE BZHIN GSHEGS PA MAR ME MDZAD LA AUTPA LAS SNYIM PA BKANG STE GTOR RO, ,GTOR MA THAG TU DE'I TSE DE BZHIN GSHEGS PA'I DBU'I GTZUG GI STENG GI THAD DU AUTPA LA'I KHANG PA BRTZEGS PA GRVA BZHIR KA BA

, ,BZHI ZUG BA, CHA MNYAM PA, SHIN TU RNAM PAR PHYE BA, NYAMS DGA' BA, YID DU 'ONG BA ZHIG GNAS PAR GYUR TE, KHANG PA BRTZEGS PA DE NA'ANG DE BZHIN GSHEGS PA'I SKU SNANG NGO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I KHYE'U SPRIN LA 'DI SKAD CES BKA' STZAL TO, ,BRAM ZE'I KHYE'U KHYOD DGE BA'I RTZA BA 'DIS MA 'ONGS PA'I DUS BSKAL PA GRANGS MED PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA ZHES BYA BA RIG PA DANG ZHABS SU LDAN PA; BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS SU 'GYUR RO, ,ZHES LUNG BSTAN TO, ,DE NAS BRAM ZE'I KHYE'U SPRIN BDAG NYID LUNG BSTAN PA THOS NAS DGA' ZHING MGU LA YI RANGS TE, RAB TU DGA' BA DANG YID BDE BA SKYES NAS DE'I TSE MI SKYE BA'I CHOS LA BZOD PA RAB TU THOB BO; ;DE BZOD PA THOB NAS STENG GI NAM MKHA' TA LA BDUN SRING DU 'PHAGS NAS TING NGE 'DZIN DRUG STONG MNGON DU GYUR CING, DE BZHIN GSHAGS PA GANGGA'I KLUNG GI BYE MA SNYED DAG KYANG MNGON DU

GYUR TO, ,ZHES GSUNGS, LHAG PAR STON PA THUGS RJE CAN 'DIS RANG CAG RTZOD LDAN SNYIGS MA LNGA BDO'I 'GRO BA SANGS RGYAS DANG BYANG CHUB SEMS DPA' GZHAN THAMS CAD KYIS 'DUL MA NUS PAR YAL BAR BOR BA RNAMS THUGS RJES MA BZOD PAR BRAM ZE RGYA MTSO'I RDUL DU 'KHRUNGS PA NA DE BZHIN GSHEGS PA RIN CHEN SNYING PO'I SPYAN SNGAR PHYOGS BCU'I SANGS RGYAS DANG BYANG CHUB SEMS DPA' THAMS CAD DPANG DU BZHAG STE, SPYIR PHYOGS BCU'I SANGS RGYAS THAMS CAD KYIS 'DUL MA NUS PAR LUS SHING, KHYAD PAR BSKAL BA BZANG PO 'DI LA 'BYON PA'I SANGS RGYAS 'KHOR BA 'JIG NAS, THA MA MOS PA SNANG MDZAD LA THUG GI BAR DGU BRGYA DANG DGU BCU RTZA DGU BO DE DAG THAMS CAD KYIS RANG RANG GI ZHING BZUNG BA NA RTZOD LDAN TSE LO BRGYA PA'I DUS 'DI NI JI LTAR ME DPUNG 'BAR BA'I NANG DU SU YANG 'JUG PAR MI SPRO BA BZHIN DU DGU BRGYA DANG DGU BCU RTZA DGU PO DE DAG THAMS CAD KYIS SNYIGS MA LNGA BDO'I SEMS CAN MA RUNGS BA RMU RGOD PA GDUL DKA' BA PHA LA PHAR MI 'DZIN PA MA LA MAR MI 'DZIN PA SLOB DPON LA SLOB DPON DU MI 'DZIN PA DRIN LAN LOG PAR 'JAL BA MA RUNGS BA DE DAG GI NANG DU SU ZHIG 'JUG CES YAL BAR POR BA NA, BRAM ZE RGYA MTSO'I RDUL GYIS DE BZHIN GSHEGS BA RIN CHEN SNYING BO'I SPYAN SNGAR PHYOGS BCU'I SANGS RGYAS THAMS CAD DPANG DU BZHAG STE MKHYEN PAR GSOL NAS, RTZOD LDAN TSE LO BRGYA PA'I DUS KYI SAMS

, ,CAN DE DAG SNYING RE RJE, DE DAG NGA 'BA' ZHIG GIS GDUL BAR BYA'O, ,DE'I BAR DU 'TSANG RGYA BAR RANG DBANG YOD KYANG 'TSANG MI RGYA BAR DE'I DUS KHO NAR NGES BAR 'TSANG RGYA BA'I MDZAD PA BSTAN PAR BYA'O, , ZHES DAM BCAS SHING RANG CAG SNYIGS MA LNGA BDO'I 'GRO BA RNAMS KYI DON DU SMON LAM CHEN PO LNGA BRGYA BTAB PA NA DE BZHIN GSHEGS PA RIN CHEN SNYING PO DANG PHYOGS BCU'I SANGS RGYAS THAMS CAD KYIS MGRIN GCIG TU LEGS SO BRJOD CING ME TOG GTOR TE BDAG NYID CHEN PO KHYOD NI BYANG CHUB SEMS DPA' THAMS CAD KYI NANG NA ZLA MED PA STE ME TOG THAMS CAD KYI NANG NA MTSUNGS PA MED PA ME TOG PADMA DKAR PO LTA BU'I ZHES RGYA CHER BSNGAGS SO, ,STON PA THUGS RJE CAN 'DI'I MDZAD PA GZHAN LTA ZHOG ,SNGON THUGS BSKYED PA'I MDZAD PA 'DI NYID BSAMS NAS KYANG BKA' DRIN DANG THUGS RJE DRAN PA'I DAD PA CHEN PO'I SGO NAS MCHOD CING GSOL BA 'DEBS PA LA BRTZON PA LHUR BYA'O, ,DE LTAR STON PAS THUGS BSKYED NAS BAR DU TSOGS BSAGS TSUL NI, MDZOD LAS, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,DANG PO SH'AKYA THUB BA YIN, ,ZHES GSUNGS PA LTAR, DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA GTZUG TOR CAN 'JIG RTEN DU BYON PA'I BAR LA GRANGS MED DANG PO DANG, DE NAS DE BZHIN GSHEGS PA MAR ME MDZAD 'JIG RTEN DU BYON PA'I BAR LA GRANGS MED GNYIS PA DANG,

DE NAS DE BZHIN GSHEGS PA RNAM GZIGS 'JIG RTEN DU BYON PA'I BAR LA GRANGS MED GSUM PA STE BSKAL CHEN GRANGS MED GSUM DU TSOGS BSAGS , DE YANG 'DUL BA LUNG LAS , SANGS RGYAS SH'AKYA THUB PA NAS, ,'DREN PA YUL 'KHOR SKYONG GI BAR , BDUN KHRI LNGA STONG TSANG BA YI, ,SANGS RGYAS RNAMS NI NGAS MCHOD DO, ,SANGS RGYAS LEGS MDZAD NAS BZUNG STE, ,DBANG PO RGYAL MTSAN THUB PA'I BAR, ,BDUN KHRI DRUG STONG TSANG BA YI, , SANGS RGYAS RNAMS NI NGAS MCHOD DO, ,SANGS RGYAS MAR ME MDZAD NAS NI, ,SANGS RGYAS 'OD SRUNGS BAR DAG TU, ,BDUN KHRI BDUN STONG TSANG BA YI, ,SANGS RGYAS RNAMS NI NGAS MCHOD DO, ,ZHES 'BYUNG BA LTAR, GRANGS MED DANG PO LA DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA YUL 'KHOR SKYONG GI BAR SANGS RGYAS BDUN KHRI LNGA STONG DANG, GRANGS MED GNYIS PA LA DE BZHIN GSHEGS PA LEGS MDZAD NAS BZUNG STE DE BZHIN GSHEGS PA DBANG PO RGYAL MTSAN GYI BAR SANGS RGYAS BDUN KHRI DRUG STONG DANG, GRANGS MED GSUM PA LA DE BZHIN GSHEGS PA MAR ME MDZAD NAS BZUNG DE BZHIN GSHEGS PA 'OD SRUNGS KYI BAR SANGS RGYAS BDUN KHRI BDUN STONG LA BSNYEN BKUR ZHING MCHOD PAS MNYES PAR MDZAD CING TSOGS GNYIS BAR MA CHAD DU BSAGS SO, ,DE LTAR GRANGS MED GSUM DU TSOGS BSAGS TSUL DE YANG THEG PA THUN MONG BA'I DBANG DU BYAS NAS GSUNGS PA YIN GYI ,

, ,THEG PA CHEN PO'I MDO NAS GRANGS MED GSUM DU TSOGS BSAGS TSUL JI LTAR GSUNGS PA NI SNGAR BYANG CHUB SEMS DPA'I SDE SNOD LAS JI LTAR GSUNGS TSUL BSHAD PA LTAR DANG, MDO SDE DKON MCHOG SPRIN LAS, RIGS KYI BU DE BZHIN GSHEGS PA NI BSKAL PA GRANGS MED PA DU MAS YANG DAG PAR GRUB PA YIN TE, RIGS KYI BU DE BZHIN GSHEGS PA NA DPAG BA DANG, BSAM PA DANG, BRTAG PAR MI NUS SO, ,BYANG CHUB SEMS DPA' SGRIB PA THAMS CAD RNAM PAR SEL BAS GSOL PA, BCOM LDAN 'DAS BSKAL BA GRANGS MA MCHIS PA GSUM GYIS DE BZHIN GSHEGS PA RNAMS YANG DAG PAR 'GRUB PA MA LAGS SAM, BCOM LDAN 'DAS KYIS BKA' STZAL BA, RIGS KYI BU DE CI'I PHYIR ZHE NA, BYANG CHUB SEMS DPA' DE BZHIN GSHEGS PA'I YUL BSGRUB PAR BYA BA NI BSAM GYIS MI KHYAB STE, DE NI BSKAL PA GRANGS MED PA GSUM GYIS YANG DAG PAR BSGRUB PAR MI NUS KYI, NAM BYANG CHUB SEMS DPA' CHOS MNYAM PA NYID DU ZHUGS PAR GYUR PA DE'I TSE DE NAS BRTZAMS TE BSKAL PA BGRANG BAR BYA YI, THOG MA'I SEMS NAS BRTZAMS TE NI MA YIN NO, , ZHES GSUNGS, ZLA BA SGRON MA'I MDO LAS, SANGS RGYAS NGAG NI BYE BA KHRAG KHRIG DANG, ,DE LAS LHAG PA GANGGA'I BYE BA SNYED, ,KUN KYANG BYA RGOD PHUNG PO 'DIR BZHUGS TE, ,MI DBANG DE KUN NGA

YIS BKUR BSTI BYAS, ,ZHES SOGS RGYA CHER GSUNGS PA LTAR, STON PAS SNGON SLOB PA LAM GYI GNAS SKABS SU SANGS RGYAS GRANGS MED DPAG TU MED PA GANGGA'I KLUNG GI BYE MA SNYED DAG LA BSNYEN BKUR ZHING MCHOD PAR MDZAD NAS RDZOGS SMIN SBYANGS GSUM GYI SPYOD PA MTHAR PHYIN PAR MDZAD DE BZHI DANG SNYING PO ME TOG GIS BRGYAN PA ZHES BYA BA'I 'OG MIN GYI ZHING DU NGES PA LNGA LDAN LONGS SPYOD RDZOGS SKU MNGON DU MDZAD DO , SKU DE LAS NAM YANG G-YO BA MED BZHIN DU MKHA' KHYAB KYI ZHING THAMS CAD DU GDUL BYA RANG RANG GI DBANG PO DANG 'TSAM PA'I SPRUL PA BSTAN NAS SEMS CAN GYI DON MDZAD PA LAS , SNGON GYI THUGS BSKYED DANG SMON LAM DUS SU SMIN TE MI MJED 'JIG RTEN GYI ZHING 'DIR MCHOG GI SPRUL SKU'I MDZAD PA STON DU NYE BA NA , RGYAL BA 'OD SRUNGS 'JIG RTEN 'DIR BYON PA'I TSE STON PA THUGS RJE CAN 'DI NYID BRAM ZE'I KHYE'U BLA MA ZHES BYA BAR 'KHRUNGS NAS RGYAL BA 'OD SRUNGS KYI SPYAN SNGAR TSANGS PAR SPYOD CING BZHUGS PA NA RGYAL BA 'OD SRUNGS KYIS BRAM ZE'I KHYE'U BLA MA KHYOD NI NGA MYA NGAN LAS 'DAS PA'I 'OG TU TSE LO BRGYA PA'I DUS SU MI MJED 'JIG RTEN GYI KHAMS 'DIR DE BZHIN GSHEGS PA DGRA BCOM PA YANG DAG PA RDZOGS PA'I SANGS RGYAS RIG PA DANG ZHABS SU LDAN PA , BDE BAR GSHEGS PA , 'JIG RTEN MKHYEN PA SKYES BU 'DUL BA'I KHA LO BSGYUR BA BLA NA MED PA , LHA DANG MI RNAMS KYI STON PA , SANGS

, ,RGYAS SH'AKYA THUB PA ZHES BYA BAR 'GYUR TE, LO BRGYAD CU'I BAR DU CHOS KYI 'KHOR LO BSKOR NAS MYA NGAN LAS 'DAS PA'I 'OG TU 'ANG DAM PA'I CHOS YUN RING DU GNAS PAR 'GYUR RO, ,ZHES LUNG BSTAN TE PHYOGS BCU'I ZHING KHAMS THAMS CAD DU GRAGS PAR MDZAD DO, ,BRAM ZE'I KHYE'U BLA MA DE NAS 'PHOS TE DGA' LDAN DU LHA'I BU DAM PA TOG DKAR PO ZHES BYA BA SKYE BA GCIG THOGS KYI BYANG CHUB SEMS DPA'I TSUL BZUNG STE DGA' LDAN GYI LHA RNAMS LA CHOS STON CING ZHING 'DIR 'BYON PA'I BAR DU BZHUGS SO, ,DE NAS BYANG CHUB SEMS DPA' DAM PA TOG DKAR PO ZHING 'DIR 'BYON DU NYE BA NA, GANG DU BYANG CHUB SEMS DPA' SKU BLTAMS PAR 'GYUR BA'I SA LUM BI NA'I TSAL DU LNGA LTAS BCU BYUNG STE , SA THAMS CAD LAG MTHIL LTAR MNYAM, SA GZHI RDO RJE LAS GRUB CING RIN PO CHES GANG , RIN PO CHE'I SHING GIS 'KHRIGS , SPOS KYI MYU GU DANG PHYE MA'I MDZOD 'THON ZHING RGYAL MTSAN GYI SPRIN GTIBS, LHA RDZAS KYI ME TOG DANG GOS KYI MDZOD RGYAS, LJON SHING THAMS CAD LA NOR BU RIN PO CHE'I MDZOD GRUB , CHU LAS 'PHAGS PA'I PADMAS GANG, ,SDE BRGYAD SOGS 'JIG RTEN GYI DBANG PO RNAMS THAL MO SBYAR TE 'KHOD , SDE BRGYAD KYI BU MO RNAMS KYIS LJON PA'I RGYAL PO PLAKsh'I SDONG PO LA BLTA ZHING PHYOGS BCU'I RGYAL BA THAMS CAD KYI SKU'I LTE PA NAS

BKYE BA'I 'OD ZER GYIS TSAL THAMS CAD SNANG BAR BYAS SHING 'OD KYI DKYIL 'KHOR DU BYANG CHUB SEMS DPA' SKU BLTAMS PA'I RNAM 'PHRUL GZUGS BRNYAN DU 'CHAR LA SKU BLTAMS PA'I SGRA GRAG PA RNAMS BYUNG NGO, ,LUM PA NA'I TSAL ZHES BYA BA NI GRONG KHYER SER SKYA DANG NYE BA'I PHYOGS NA SNGON LHA RNAMS KYIS 'DIR GRONG KHYER RTZIGS SHIG CES BKOD PA BYAS PA'I SA LHAS BSTAN CES BYA BA'I GRONG KHYER CHEN PO NA RGYAL PO LEGS PAR RAB SAD CES BYA BA ZHIG YOD DE , DE LA BTZUN MO'I MCHOG LUM PI NI ZHES BYA BA SMON LAM GYI MTHU GRUB PA ZHIG YOD PA DE LA BYANG CHUB SEMS DPA'I BYIN RLABS ZHUGS TE , SER SKYA DANG LHAS BSTAN GYI BAR DU KUN DGA' RA BA ZHIG YOD PA DE NGA'I SKYED TSAL DU BYUNG NA SNYAM DU SMON ZHING DE LTAR DU RGYAL PO LEGS PAR RAB SAD LA ZHUS PA NA, RGYAL PO LEGS PAR RAB SAD KYIS DER SKYED TSAL PHUN SUM TSOGS PA YO BYAD THAMS CAD DANG LDAN PA ZHIG BCOS TE LUM BI NI LA BYIN PAS LUM BI NA'I TSAL ZHES GRAGS SO, ,DE NAS BYANG CHUB SEMS DPA' DAM PA TOG DKAR PO NI DGA' LDAN GYI LHA'I GNAS NA, GZHAL MED KHANG SUM KHRI NYIS STONG RAB TU GNAS PA LHA'I GZHAL MED KHANG GI YON TAN DANG RGYAN BKOD PA PHUN SUM TSOGS PA BYE BAS RAB TU PHYUG CING DPAL DANG LDAN PA DE NA BDE BAR GNAS SHING , SIL SNYAN

, ,DANG GLU DBYANGS BRGYAD KHRI BZHI STONG GI SGRA SGROG PA LAS, NYID KYI BSOD NAMS KYI MTHU DANG SANGS RGYAS RNAMS KYI BYIN RLABS KYIS ROL MO'I SGRA DBYANGS DE DAG LAS, BSOD NAMS RGYA CHE TSOGS MNGA' DRAN RTOGS DANG, ,BLO GROS MTHA' YAS SHES RAB 'OD MDZAD PA, ,MTSUNGS MED STOBS MNGA' SGYU RTZAL RGYA CHE BA, ,MAR ME MDZAD KYIS LUNG BSTAN DGONGS PAR MDZOD, , SKYES MCHOG KHYOD KYI BSOD NAMS DPAL GYIS NI, ,DGA' LDAN PHO BRANG SHIN TU MDZES MOD KYI, ,'ON KYANG THUGS RJE'I THUGS DANG LDAN PAS NA, ,'DZAM BU'I RGYAL MTSAN DU NI CHAR PA PHOB, , CES PA NAS, 'DI NI DUS LAGS BTANG SNYOMS MA MDZAD CES, ,SNYING RJE'I YID DANG LDAN LA SKUL BAR BYED, ,CES PA LA SOGS PAS 'DZAM BU'I GLING DU 'BYON PA'I DUS LA BAB PAR BSKUL TE, DE YANG SNGON BSKAL PA BGRANG BA LAS 'DAS PA NAS RTZOD LDAN TSE LO BRGYA PA'I DUS SU 'DZAM BU'I GLING DU SANGS RGYAS KYI MDZAD PA STON PAR THUGS DAM BCAS SHING, RGYAL BA MAR ME MDZAD DANG RGYAL BA 'OD SRUNGS LA SOGS PA SANGS RGYAS BGRANG BA LAS 'DAS PA DAG GIS KYANG DE LTAR DU LUNG BSTAN PA DE RNAMS DGONGS PAR MDZOD CIG CES ROL MO'I SGRA DAG LAS YANG DANG YANG DU BSKUL LO, ,DE'I TSE

GNAS GTZANG MA'I LHA'I BU RNAMS BYANG CHUB SEMS DPA' MNGAL DU 'JUG PA'I LO BCU GNYIS KYI GONG NAS BRAM ZER SPRUL TE, 'OG NAS 'CHAD PA'I RNAM PAS MNGAL DU ZHUGS PAR GYUR NA MTSAN DPE DANG LDAN TE , 'KHOR LOS BSGYUR RGYAL LAM, SANGS RGYAS SU 'GYUR RO ZHES 'DON DU 'JUG CING RANG SANGS RGYAS RNAMS LA , LO BCU GNYIS NA BYANG CHUB SEMS DPA' LHUMS SU 'JUG GIS ZHING 'DI BOR CIG CES ZER ZHING , DE RGYAL PO'I KHAB KYI MJUG MA SGYUR BA'I RIL RANG RGYAL GLANG PO ZHES PAS THOS TE, RDO LA RKANG RJES BZHAG STE 'DAS SO, ,W'A RA n'A SIR RANG RGYAL LNGA BRGYA MA'I KHAMS LA ZHUGS TE 'DAS NAS RING BSREL LHUNG BAS DRANG SRONG LHUNG BAR GRAGS SO, ,DE NAS BYANG CHUB SEMS DPA' GZHAL MED KHANG CHEN PO DE NAS BYUNG STE , CHOS KYIS MTHO BA'I KHANG BZANG LHA RNAMS LA CHOS STON PA'I SA DER ZHUGS NAS SENG GE'I KHRI CHOS BZANG PO ZHES BYA BA LA BZHUGS TE , BYANG CHUB SEMS DPA' BYAMS PA DANG, LHA'I BU YONGS SU DGA' LDAN DANG, GANG YANG BYANG CHUB SEMS DPA' PHYOGS KUN NAS 'DUS PA RNAMS LA CHOS RGYA CHER STON PAR MDZAD CING , MYUR DU SANGS RGYAS KYI MDZAD PA STON PAR BZHED NAS GZIGS PA LNGA LA GZIGS SO, ,GZIGS PA LNGA NI, DUS LA GZIGS PA, YUL LA GZIGS PA, RIGS

, ,LA GZIGS PA, RUS LA GZIGS PA, GANG GIS YUM BYED PAR NUS PA'I BUD MED LA GZIGS PA LNGA'O, ,DE'I DANG PO DUS LA GZIGS PA NI, SNGON DE BZHIN GSHEGS PA RIN CHEN SNYING PO'I SPYAN SNGAR BRAM ZE RGYA MTSO'I RDUL GYIS RTZOD LDAN TSE LO BRGYA PA'I DUS 'DIR SANGS RGYAS KYI MDZAD PA STON PAR THUGS DAM BCAS SHING, DE BZHIN GSHEGS PA MAR ME MDZAD NAS BZUNG RGYAL BA 'OD SRUNGS KYI BAR DU BYON PA'I SANGS RGYAS RNAMS KYIS KYANG DE LTAR DU LUNG BSTAN PA LTAR BYANG CHUB SEMS DPA' DAM PA TOG DKAR POS DON DE THUGS LA DGONGS SHING, PHYOGS BCU'I SANGS RGYAS RNAMS KYIS KYANG SNYIGS MA'I 'GRO BA MGON SKYABS DANG BRAL BA 'DI RNAMS KYI MGON SKYABS SU MYUR DU 'BYON DGOS SO ZHES YANG YANG BSKUL BA LTAR 'DZAM BU'I GLING DU 'BYON PA'I DUS LA BAB PAR GZIGS PA'O, ,YUL LA GZIGS PA NI, SANGS RGYAS 'JIG RTEN DU 'BYON PA NI GDUL BYA'I DON KHO NAR 'BYON PA YIN LA, GDUL BYA'I GTZO BO NI LHA DANG MI GNYIS TE, DE LA LHA YUL DU MCHOG GI SPRUL SKU BYON NA NI MI RNAMS LA LHA YUL DU BGROD PA'I MTHU MED PAS DE DAG LA MI PHAN PA DANG, LHA RNAMS KYANG 'DOD PAS G-YENGS SHING NGES 'BYUNG SKYE DKA' BAS SO THAR GYI SDOM PA'I RTEN DU MI RUNG BA SOGS KYIS PHAN CHUNG BA DANG, LHA RNAMS CHOS MNYAN PA'I PHYIR 'DZAM BU'I GLING DU BGROD NUS PAS MI'I NANG KHO NAR MCHOG GI SPRUL SKU'I MDZAD PA STON PA YIN LA, MI LA YANG GLING

BZHI LAS GLING GZHAN GSUM NI LONGS SPYOD PHUN SUM TSOGS PA YOD KYANG DBANG PO RTUL ZHING NGES 'BYUNG SHUGS DRAG PO SKYE DKA' BA DANG, 'DZAM BU'I GLING GI MI RNAMS NI DBUL ZHING TSE THUNG YANG DBANG PO SHIN TU RNO BA MANG BA DANG, NGES 'BYUNG SHUGS DRAG PO SKYE SLAB DANG, TSE STONG LA BSAGS PA'I LAS TSE SMAD LA SMIN NUS PA'ANG SRID PA DANG, 'DZAM BU'I GLING GI SHAR PHYOGS NA RJE BTZUN 'JAM DPAL DBYANGS KYI SPRUL PA'I ZHING KHAMS RI BO RTZE LNGA'I GNAS DANG, LHO PHYOGS NA THUGS RJE CHEN PO'I ZHING KHAMS PO TA LA'I GNAS DANG, NUB PHYOGS NA DPA' BO DANG RNAL 'BYOR MA RNAMS KYI GNAS AOO tI Y'A NA DANG, BYANG PHYOGS NA DPAL PHYAG NA RDO RJE SOGS NYE BA'I SRAS BRGYAD KYI RGYAL PO'I TSUL BZUNG STE SEMS CAN GYI DON BYED PA'I GNAS SHAMBHA LA RNAMS YOD CING, GZHAN YANG 'DZAM BU'I GLING GI PHYOGS DANG PHYOGS MTSAMS RNAMS NA ZUNG 'JUG GRUB PA'I DPA' BO DANG DPA' MO BZHUGS PA'I GNAS MANG DU YOD PAS 'DZAM BU'I GLING 'DIR MDO DANG SNGAGS KYI BSTAN PA RGYAS PAR 'GYUR BAR DGONGS NAS BYANG CHUB SEMS DPA' DAM PA TOG DKAR PO 'DZAM BU'I GLING 'DIR SANGS RGYAS KYI MDZAD PA STON PHYIR 'BYON BZHED PA'O, ,RIGS LA GZIGS PA NI, RGYAL BA RNAMS MCHOG GI SPRUL SKU'I MDZAD PA STON PA'I TSE RGYAL RIGS DANG BRAM ZE'I RIGS GANG RUNG ZHIG TU 'KHRUNGS NAS SANGS RGYAS KYI MDZAD PA MDZAD KYI, DE GNYIS LAS RIGS DMA' BAR 'KHRUNG PA'I MDZAD PA MI STON NO, ,DE YANG 'JIG RTEN

, ,NA RIGS GNYIS PO DE GANG BTZUN PAR BYED PA DER 'KHRUNG BAR MDZAD PAS DUS 'DIR RGYAL RIGS BTZUN PAR BYED PAS NA 'JIG RTEN CHAGS TE 'DZAM BU'I GLING DU RGYAL PO THOG MAR BYUNG BA DE NAS BZUNG GDUNG RGYUN MA CHAD PA'I RGYAL RIGS SU 'KHRUNG BAR BZHED NAS DE LA GZIGS TE, DE LTA BU'I RGYAL RIGS KYI GDUNG DRI MA MED PA NI SH'AKYA'I RGYAL PO ZAS GTZANG MA YIN PAR GZIGS SO, ,DE'I TSUL NI, 'JIG RTEN THOG MAR CHAGS PA NA MI RNAMS 'OD GSAL GYI LHA LAS 'PHOS TE BRDZUS TE SKYES PA, KHAMS ZAS RAGS PA LA MI BLTOS PAR DGA' BA'I ZAS KYIS 'TSO BA, LUS DVANGS GSAL 'OD KYI RANG BZHIN CAN, 'KHRUG RTZOD GANG YANG MED CING 'KHRIG PA'I 'DOD CHAGS KYANG MED LA, BRDZUN DU SMRA BA'ANG MED PAR RANG BZHIN GYIS DGE BA'I NGANG DU GNAS PAS DUS DE LA NI BSKAL PA RDZOGS LDAN GYI DUS ZHES BYA'O, ,DE NAS BSKAL PA BZANG PO RIM GYIS BRi NAS BDUD RTZI'I ZAS KYIS 'TSO BA DANG, MA RMOS PA'I LO TOG GIS 'TSO BA RNAMS RIM GYIS BYUNG STE MI RNAMS KYI LUS KYI 'OD NUB CING LUS LCI LA BSHANG GCI DANG LDAN PAS PHO MO'I DBANG PO DOD DE 'KHRIG PA SPYOD CING, DE NAS KYANG BSKAL PA BZANG PO RIM GYIS BRI STE MA RMOS PA'I LO TOG KYANG MED PAR SA LA ZHING RMOS TE 'TSO BAR BYED PA NA, NGED KYI ZHING DANG KHYOD KYI ZHING ZHES PHAN TSUN 'KHRUG RTZOD DU GYUR CING, MA BYIN PAR LEN PA DANG, BRDZUN DU SMRA BAS PHAN TSUN 'THAB CING RTZOD PAR GYUR PA NA 'DZAM BU'I GLING GI

MI THAMS CAD KYIS SPYI MTHUN DU RGYAL PO BSKOS PA NI MANG POS BKUR BA'I RGYAL PO ZHES BYA BA BYUNG NGO, ,RGYAL PO DE'I BU 'OD MDZES, DE'I BU DGE BA, DE'I BU DGE MCHOG ,DE'U BU GSO SBYONG 'PHAGS, DE RNAMS LA SNGON GYI RGYAL PO LNGA ZER; GSO SBYONG 'PHAGS KYI SPYI BO'I SHA RMEN LAS SKYES PA NGA LAS NU, DE NAS MDZES PA, NYE MDZES, MDZES LDAN, NYE MDZES LDAN, DE LNGA NI SUM CU RTZA GSUM MAN DANG, GLING BZHI NAS GCIG GI BAR LA DBANG BA'I 'KHOR LOS BSGYUR BA'I RGYAL PO LNGA'O, ,NYE MDZES LDAN GYI BU BZANG PO NAS RGYAL LO SA YA GCIG DANG BZHI KHRI DRUG STONG SUM BRGYA BDUN CU RTZA DGU 'DAS PA NA RGYAL PO KRI KRI BYUNG STE, RGYAL PO KRI KHRIS NI SANGS RGYAS 'OD SRUNGS LA BSNYEN BKUR ZHING, SANGS RGYAS 'OD SRUNGS MYA NGAN LAS 'DAS NAS DE'I SKU GDUNG GI MCHOD RTEN YANG BYAS SO, ,RGYAL BO KRI RI'I BU LEGS SKYES NAS RGYAL PO BRGYA 'DAS PA NA, GRONG KHYER GRU 'DZIN DU RGYAL PO RNA BA CAN BYUNG STE, DE LA BU GOO TA MA ZHES PA RIGS MCHOG NGANG; BHA RA DV'A DZA GNYIS LAS, GOO TA MA DRANG SRONG MDOG NAG LAS RAB TU BYUNG NAS GRONG 'DAB TU GNAS PAS BHA RA DV'A DZAS RGYAL SRID BSKYANGS SO, ,DE'I TSE GOO TA MA NYES PA MED PAR MI G-YON CAN ZHIG GI G-YO THABS KYI MTHUS RGYAL PO'I KHRIMS KYIS GSAL SHING LA BSKYON PA DANG, DRANG SRONG MDOG NAG GOO TA MA'I SPYIL BOR DUS DUS SU 'GRO BAS PHYIN PA NA, DE MA MTHONG NAS BTZAL BA DANG GOO TA MA GSAL SHING LA BSKYON PA MTHONG NAS, BUD CI YIN, RMA MA BYUNG

, ,NGAM; BDAG GI SEMS KYIS RMA MA PHYUNG BA'I BDEN PA'I TSIG GIS MKHAN PO'I PAGS BA GSER MDOG TU GYUR CIG ,CES SMRAS MA THAG GSER MDOG TU GYUR TE YID CHES SO, ,DE NAS DRANG SRONG GSER MDOG GIS BSAMS PA, RGYAL BO BHA RA DV'A DZA LA BU MI 'BYUNG BAS GOO TA MA SHIN MANG POS BKUR BA'I RGYAL RGYUD CHAD PAR 'GYUR LA, ,DE CHAD NA 'JIG RTEN SPYI LA MI LEGS SO SNYAM DU BSAMS NAS GOO TA MA LA DRIS PA, KHYOD LA BU BSKYED PA'I NUS BA YOD DAM, MKHAN PO, BDAG GZHON NU NAS RAB TU BYUNG BAS BUD MED KYI RGYUS MA 'TSAL NA BU BSKYED PA LTA GA LA MCHIS, BU; SNGON SPYAD PA'I YUL DRAN PAR GYIS SHING, ,MKHAN PO, GNAD CHAD BA'I TSOR BAS NYEN NA YUL DRAN PAR GAL 'GYUR, DER RDZU 'PHRUL GYIS RDZI CHAR CHEN BO PHAB STE CHAR PA'I THiGS PA LUS LA PHOG CING RLUNG GRANG MOS REG PAS SDUG BSNGAL MNAN NAS, SNGON GYI YUL DRAN PAR BYAS TE 'KHRIG PA'I 'DOD CHAGS DRAN NAS KHU BA KHRAG DANG 'DRES PA GNYIS LHUNG NGO, ,DE GNYIS SGO NGA GNYIS SU GYUR NAS NYI MA'I 'OD ZER GYIS SMIN PA RDOL BA DANG KHYE'U GNYIS BYUNG STE DE DANG NYE BA'I BU RAM SHING GSEB TU ZHUGS SO, ,GOO TA MA NYI MA'I ZER GYIS SHIN TU TSA NAS SHI'O, ,DRANG SRONG 'ONGS NAS NYE 'KHOR DU BLTAS PAS SGONG SKOGS MTHONG STE BTZAL BAS BU RAM SHING GI TSA LAN KHYE'U GNYIS 'DUG BA DE DE'I BUR SHES TE GNAS SU KHRID NAS MNUN BSNYOD DE

GSOS PA NYI MA'I 'OD KYIS SMIN PAR BYAS PAS NYI MA'I RIGS, GOO TA MA'I BU YIN PAS GOO TAM, BUR MA SHING GI TSAL NAS RNYED PAS BU RAM SHING BZHES MING BTAGS SO, ,DE NAS DUS NAM ZHIG NA RGYAL PO BHA RA DV'A DZA BU MED PAR SHI NAS KHYE'U GNYIS RGYAL SAR BOS TE, PHU BO RGYAL SRID LA BZHAG PA NA DE LA'ANG BU MA BYUNG BAS NU BO RGYAL SRID LA DBANG BSKUR BAS, RGYAL PO BU RAM SHING PA ZHES BYA BAR GYUR, DE'I BU RGYUD LA RGYAL PO BU RAM SHING PA BRGYA THA MA PA YUL GRU 'DZIN DU BYUNG, DE'I THA MA BU RAM SHING PA 'PHAGS SKYES PO, DE'I BU RKANG GDUB CAN, DE'I BU GNAS 'JOG STE, RGYAL PO GNAS 'JOG 'DI NI SH'AKYA'I RGYAL RGYUD KYI THOG MA YIN NO, ,DE'I BU SA KHYIM STE DE SER SKYA'I RGYAL SAR BZHAG STE; SER SKYA'I RGYAL PO SA KHYIM 'DI NI SER SKYAR SH'AKYA'I RGYAL RGYUD BYUNG BA'I THOG MA YIN NO, ,RGYAL POS KHYIM NAS BRGYUD PA SH'AKYA'I RGYAL PO LNGA KHRI LNGA STONG BRGYA BCU GNYIS SER SKYAR BYUNG PA'I THA MA RGYAL PO GZHU BRTAN, DE'I BU SENG GE 'GRAM, SH'AKYA'I RGYAL PO SENG GE 'GRAMS BU BZHI BYUNG STE, ZAS GTZANG, ZAS DKAR, BRE BO ZAS, BDUD RTZI ZAS SO, ,DE BZHI LAS RGYAL PO ZAS GTZANG LA BTZUN MO BLANGS TE SH'AKYA'I RGYAL POR DBANG BSKUR TO, ,RUS LA GZIGS PA NI, YAB YUM GNYIS KA BDUN BRGYUD TSUN CHAD MNYAMS PA SKYON MED PA ZHIG LA GZIGS PA STE, YAB ZAS GTZANG DANG, YUM SGYU MA LHA MDZES GNYIS KYI SRAS SU 'KHRUNG BZHED PA'O, ,DE LA YAB KYI GDUNG RGYUD

, ,NI BRJOD ZIN LA, YUM NI LHAS BSTAN GYI RGYAL PO LEGS PAR RAB SAD DANG BTZUN MO LUM BI NI GNYIS LA SRAS GCIG DANG SRAS MO GNYIS BYUNG STE, SRAS MO CHE BA NI SGYU 'PHRUL MA STE, SGYU 'PHRUL MA 'KHRUNGS PA'I TSE LTAS KHYAD PAR CAN BYUNG ZHING MI'I BU MO LAS 'DAS PA SHIN TU GZUGS BZANG ZHING PA LTA NA SDUG PA LHA'I BZO BOS BCOS PA LTA BU ZHIG BYUNG BAS MING SGYU 'PHRUL MA ZHES BTAGS, DE MTSAN MKHAN LA BSTAN PAS MTSAN SHIN TU BZANG ZHING 'DI LA BU STOBS KYI 'KHOR LOS BSGYUR BA ZHIG 'BYUNG PAR LUNG BSTAN, DE'I RJES SU SRAS MO CHUNG BA 'KHRUNGS PA NA 'JIG RTEN THAMS CAD 'OD KYIS KHYAB PA DANG, SANGS RGYAS KYI MDZAD PA BCU GNYIS STON PA'I SGRA GRAG PA SOGS NGO MTSAR BA'I LTAS BSAM GYIS MI KHYAB PA BYUNG ZHING, SRAS MO CHE BA LAS KYANG GZUGS BZANG ZHING MDZES PA, LHA'I BU MO JI LTA BA ZHIG BYUNG BAS MING SGYU 'PHRUL CHEN MO ZHES KYANG BYA, LHA MO SGYU 'PHRUL MA ZHES KYANG BYA, SGYU MA LHA MDZES ZHES KYANG BYA BAR GRAGS SO, ,DE MTSAN MKHAN LA BSTAN PAS, 'DI LA BU SKYES BU CHEN PO'I MTSAN SUM CU RTZA GNYIS DANG LDAN PA ZHIG 'BYUNG, KHYIM DU BZHUGS NA 'KHOR LOS BSGYUR RGYAL DANG, RAB TU BYUNG NA RDZOGS PA'I SANGS RGYAS SU 'GYUR RO ZHES LUNG BSTAN TO, ,DE NAS RGYAL PO LEGS PAR RAB SAD KYIS SH'AKYA'I RGYAL PO SENG GE 'GRAM LA BDAG LA BU MO KHYAD PAR DU 'PHAGS PA GNYIS,

SHIG BYUNG NA 'DI GNYIS LAS GZHON NU ZAS GTZANG GI BTZUN MOR GANG 'OS PA ZHIG BZHES DGOS ZHES BSKUL BA NA RGYAL PO SENG GE 'GRAM GYIS SNGON LA BU MO CHUNG BA SGYU MA LHA MDZES ZAS GTZANG GI BTZUN MOR BLANGS SHING, RJES SU CHE BA SGYU 'PHRUL MA YANG BLANGS SO, ,DE NI MTSAN MKHAN DAG GIS JI LTAR BSTAN PA LTAR, SGYU MA LHA MDZES LA SKYES BU CHEN PO'I MTSAN SUM CU RTZA GNYIS DANG LDAN PA BYANG CHUB SEMS DPA' 'KHRUNGS, CHE BA SGYU 'PHRUL MA LA BU STOBS KYI 'KHOR LOS BSGYUR BA'I MTSAN RTAGS DANG LAN PA DGA' BO 'KHRUNGS SO, ,GANG GIS YUM BYED BAR NUS PA'I BUD MED LA GZIGS PA NI, SNGON YUN RING PO NAS DE BZHIN GSHEGS PA 'JIG RTEN 'DIR 'BYON PA'I TSE YUM BYED PAR SMON LAM BTAB PA YUM SGYU MA LHA MDZES KYI RUM DU SKYE BA BZHES PAR BZHED PA'O, ,DE LTAR BYANG CHUB SEMS DPA' DAM BA TOG DKAR POS, DUS DANG, YUL DANG, RIGS DANG, RUS DANG, YUM BUD MED LNGA LA GZIGS NAS DGA' LDAN GYI GZHAL MED KHANG CHU DANG RGYAR DPAG TSAD DRUG CU RTZA BZHI YOD PA DE NA CHOS STON PA'I GNAS RGYAL MTSAN MTHON PO ZHES BYA BA YOD PAS, DER BYON NAS BSOD NAMS MCHOG GI SENG GE'I KHRI LA BZHUGS TE, LHA'I 'KHOR RNAMS LA, GROGS PO DAG NGA'I LUS BSOD NAMS BRGYA'I MTSAN GYIS BRGYAN PA LA LTOS, PHYOGS BCU NA BYANG CHUB SEMS DPA' NGA DANG 'DRA BA BGRANG BA LAS 'DAS PA LA YANG LTOS, ZHES

, ,GSUNGS PA DANG, 'KHOR DE DAG KYANG DE'I BYIN RLABS KYIS PHYOGS KUN NA BYANG CHUB SEMS DPA' DGA' LDAN GYI GNAS NA 'KHOD PA 'DI DANG 'DRA BA TSAD MED PA MTHONG NAS KYANG CHED DU BRJOD DO, , DE NAS BYANG CHUB SEMS DPA' DAM PA TOG DKAR POS RJE BTZUN BYAMS PA LA SOGS PA'I DGA' LDAN NA GNAS PA'I LHA RNAMS LA, GROGS PO DAG, DAD PA NI CHOS SNANG BA'I SGO STE, BSAM PA MI PHYED PAR 'GYUR RO, ,DANG BA NI CHOS SNANG BA'I SGO STE, SEMS RNYOG BA CAN DANG BAR 'GYUR RO, ,ZHES PA NAS, PHYIR MI LDOG PA'I SA NI CHOS SNANG BA'I SGO STE, SANGS RGYAS KYI CHOS THAMS CAD YONGS SU RDZOGS PAR 'GYUR RO, ,SA NAS SAR 'PHAR BA'I YE SHES NI CHOS SNANG BA'I SGO STE, THAMS CAD MKHYEN PA'I YE SHES KYI DBANG BSKUR BAR 'GYUR RO, ,DBANG BSKUR BA'I SA NI CHOS SNANG BA'I SGO STE, MNGAL DU 'JUG PA DANG, BTZAS PA DANG, MNGON PAR 'BYUNG BA DANG, DKA' BA SPYAD PA DANG, BYANG CHUB KYI SNYING POR 'GRO BA DANG, BDUD 'DUL BA DANG, BYANG CHUB MNGON PAR 'TSANG RGYA BA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO STON PAR 'GYUR RO, ,ZHES CHOS SNANG BA'I SGO BRGYA RTZA BRGYAD RGYAS PAR BSTAN NAS RIN PO CHE'I COD PAN MA PHAM PA'I DBU LA BCINGS NAS, GROGS PO DAG KHO BO 'DZAM BU'I GLING DU 'CHANG RGYAR 'GRO STE, KHYED LA MA PHAM PAS CHOS STON TO, ,ZHES BYAMS

MGON RGYAL TSAB TU DBANG BSKUR TO, ,DE TSE RGYAL PO ZAS GTZANG GI KHYIM DU SNGA LTAS BRGYAD BYUNG STE, SA GZHI MNYAM ZHING KHYIM DU RDUL MED LA CHAG CHAG BTAB PA SBRANG BU DANG PHYE MA LEB DANG SDIG SPRUL MED CING ME TOG GIS BKRAM PA DANG, GANGS RI'I BYA KHU BYUNG SOGS KHYIM DE'I STEGS BU SOGS SU 'DUG NAS SKAD SNYAN PA SGROGS PA DANG, DE'I KUN DGA' RAB DANG SKYED MOS TSAL GYI ME TOG RGYAS PA DANG, DE'I RDZING LA SOGS PAR PADMA 'DAB MA BYE BA KHRAG KHRIG BRGYA STONG DANG LDAN PAS KHEBS PA DANG, MAR DANG SBRANG RTZI SOGS LONGS SPYOD KYANG ZAD PAR MI 'GYUR BA DANG, ROL MO RNAMS MA BLANGS PAR 'KHROL BA DANG, RIN PO CHE SNA BDUN GYI SNOD RANG BYE STE 'BAR PA DANG, NYI ZLA'I 'OD ZIL GYIS GNON CING LUS SEMS BDE BA BSKYED PA'I 'OD SNANG BA RNAMS BYUNG NGO, ,DE NAS BYANG CHUB SEMS DPA' RGYAL MTSAN MTHON PO NAS KHANG PA CHEN PO BSOD NAMS THAMS CAD KYIS YANG NGAG PAR BYUNG BA NOR BU DANG DPAL GYI SNYING PO LHA RNAMS KYIS KUN NAS BLTA BA'I KHANG BRTZEGS GNAS KYI RGYAN DU BYON NAS DER BZHUGS TE, BYANG CHUB SEMS DPA' DANG LHA MANG POS BSKOR ZHING MDUN DU BDAR NAS BSKYOD PAR BRTZAMS SO, ,DE'I TSE BYANG CHUB SEMS DPAS BDE BA'I RGYAN ZHES BYA BA'I 'OD ZER DGU LA SOGS PA 'OD ZER GRANGS MED PA BRGYA STONG PHRAG BCU BKYE BAS, STONG

, ,GSUM GYI MUN PA MUN NAG KUN SNANG BAR BYAS NAS NYI ZLA'I 'OD ZIL GYIS MNAN TE, NGAN SONG GI SDUG BSNGAL SKAD CIG DE LA ZHI BA DANG, SEMS CAN SU LA YANG NYON MONGS BAS MI GNOD PA DANG, SNOD MA YIN PA DAG SEL BA DANG, LAG NA RDO RJE PHYI BZHIN DU 'BRANG BA DANG, 'DUL BA SNA TSOGS PA DAG MTHONG BA SNA TSOGS PAS MTHONG BZHIN PA'I LAS DE DAG LA SOGS PA DAG BYED DO, ,YUM LA KHYAD PAR DU BYA BA'I 'OD, YUM GYI YON TAN GYI DKYIL 'KHOR LAS BYUNG BA'I SNANG BA ZHES BYA BA'I 'OD BA SPU'I SGO THAMS CAD NAS BKYE BAS, LHA MO SGYU 'PHRUL GSO SBYONG BLANGS PA'I LUS LA ZHUGS MA THAG ,DE'I LUS BDE LA 'GRO BA THAMS CAD KYI LUS LAS MNGON PAR 'PHAGS SHING RUM NAM MKHA'I KHYON LTAR YANGS PAR GYUR KYANG MI'I LUS LAS MA 'DAS LA, YUM GYI GLO G-YAS BAR BYANG CHUB SEMS DPA'I YONGS SU SPYAD PA RIN PO CHE BKOD PA ZHES BYA BA, TZAN DAN SPRUL GYI SNYING PO'I KHANG PA BRTZEGS PA MDZES SHING BLTA NA SDUG PA, GRU BZHI KA BZHI PA, STENG KHANG PA BRTZEGS PAS BRGYAN PA, 'PHANG DU BYIS PA BCAS NAS ZLA BA DRUG LON PA'I TSAD TZAM PA, DE'I NANG NA KHANG PA BRTZEGS PA GNYIS PA DANG, DE BZHIN DU GSUM PA YANG DE DANG MA REG BAR 'DUG PA SRA ZHING BRTAN LA MI SHIGS PA REG NA BDE BA, SNGON PO MCHOG GI KHA DOG CAN,

'DOD LHA'I GNAS KYI BKOD PA CI SRID PA DER SNANG BA, DE'I PHYE MA SRANG PHYED LA STONG GSUM 'DI RIN PO CHES BKAD BAS RIN DU MI CHOG PA, DE'I 'KHOR SA NA LHA'I ME TOG LAS 'DAS PA'I ME TOG SKYE ZHING 'DOD PA'I YAN TAN LNGAS 'BYOR PA, KHANG PA BRTZEGS PA GSUM PA'I NANG NA BYIS PA BTZAS NAS ZLA BA DRUG LON PA LA 'TSAM PA'I KHRI ZLUM PO, CHANGS PA CHEN PO'I GOS KYANG DE'I 'OD KYIS MOG MOG POR BYED PA'I STENG NA MCHOG GI GDAN LA GOS STONG PHRAG BRGYA'I RGYAN ZHES BYA BA PHRUGS GCIG KYANG YOD PA LONGS SPYOD KYI DON DU GRUB BO, ,BRGYA BYIN GYIS KYANG YUM GYI GZI BRJID BSGRUB PA DANG, LHUMS GTZANG MAR BYED PA LA 'BAD DO, ,DE NAS BYANG CHUB SEMS DPA' DAM PA TOG DKAR PO LHA'I 'KHOR GRANGS MED PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' LDAN NAS RIM GYIS PHEBS TE GLANG PO CHE'I PHRUG GU THAL KAR MCHE BA DRUG DANG LDAN PA'I GZUGS KYIS NAM GYI GUNG THUN LA YUM GYI GLO G-YAS PA NAS ZHUGS TE, ZHUGS MA THAG BYIS PA BTZAS NAS ZLA BA DRUG LON PA'I TSAD TZAM MTSAN GYIS BRGYAN PAR GYUR TE, YUM GYI GLO G-YAS PA'I KHANG PA BRTZEGS PA'I NANG GI KHRI STAN LA SKYIL MO KRUNG BCAS TE NA BZA' PHRUGS DE YANG GSOL NAS ZHING BCU'I RDUL SNYED KYI BYANG CHUB SEMS DPA' SKAL BA MNYAM PA KLU'I SNYING PO'I KHANG PA BRTZEGS PA

, ,'KHOD PA DAG DANG LHAN CIG YUM GYI RUM DU BZHUGS SO, ,BYANG CHUB SEMS DPA' YUM GYI LHUMS SU ZHUGS PA'I NUB MO SNGON ZHING DAM PA LA ZAS KYI PHUD PHUL BA'I RNAM SMIN LAS BYUNG BA'I PADMA CHEN POS RGYA MTSO DANG SA CHEN PO BRTOL TE ZHAG BDUN LA TSANGS PA'I 'JIG RTEN GYI BAR DU 'PHAGS PA SKYES SO, ,STONG GSUM GYI BCUD JI SNYED PA PADMA DE LA ZIL DNGAR GYI THIGS PA BZHIN DU CHAGS PA DE TSANGS PA CHEN PO GCIG PUS MTHONG NAS BEE d'URYA'I SNOD BZANG POR BLANGS TE PHUL BA BYANG CHUB SEMS DPAS BZHES TE SKU LUS BRTAS PAR BYED DO, ,DE 'JU BAR NUS PA'I SEMS CAN NI GZHAN MED DO, ,YUM GYI LHUMS NA BZHUGS PA'I SKU ME'I PHUNG PO LTA BU 'DUG PA'I SNANG BAS DPAG TSAD LNGA'I BAR KHYAB BO, ,MI RNAMS BYANG CHUB SEMS DPA' BLTA BAR 'ONGS PA DE DAG GIS ME LONG GI NANG DU GZUGS BRNYAN MTHONG BA LTAR, YUM GYI LHUMS NA KHANG PA BRTZEGS PA'I NANG NA BYANG CHUB SEMS DPA' BZHUGS PA MTHONG BAR GYUR PA LA THOG MAR BYANG CHUB SEMS DPAS DGA' BAR BYED PA'I GSUNG STZOL LO, ,DE NAS YUM GYIS SMRA'O, ,BYANG CHUB SEMS DPA' LA CHOS MNYAN PA'I PHYIR RGYAL PO CHEN PO BZHI DANG, GNOD SBYIN GYI SDE DPON RNAMS SNGA DRO 'ONGS PA LA BYANG CHUB SEMS DPAS PHYAG G-YAS BRKYANG BA'I MDZUB MO BSGRENGS NAS STAN STON TO, ,DE RNAMS KYANG STAN LA 'KHOD NAS 'DUG PA LA CHOS STON TE, SLAR 'GRO

BAR 'DOD PA DANG, PHYAG G-YAS PA BRKYANG STE DE DAG 'DOD PA'I BRDA STON NO, ,DE BZHIN DU NYI MA'I GUNG LA BRGYA BYIN LA SOGS PA'I LHA RNAMS BYUNG BA DANG, PHYI DRO TSANGS PAS ZIL DNGAR GYI THIGS PA 'BUL BA DANG, NUB THUN DANG PO LA PHYOGS BCU'I BYANG CHUB SEMS DPA' RNAMS 'ONGS PA LA, SKU LAS BKYE PA'I 'OD RNAMS SENG GE'I KHRIR SPRUL PA LA DE DAG 'KHOD DU BCUG STE, SNGAR BZHIN PHYAG BRKYANG BSKUM MDZAD DE CHOS KYI BRDA'I SGO CHEN POS BGRO BAR BYED DO, ,DE LTAR ZLA BA BCU'I RING LA YUM GYI LHUMS KYI GZHAL MED KHANG DU BZHUGS NAS PHYOGS BCU NAS 'DUS PA'I BYANG CHUB SEMS DPA' BGRANG BA LAS 'DAS PA DAG DANG, TSANGS PA DANG BRGYA BYIN DANG 'JIG RTEN SKYONG BA BZHI LA SOGS PA DKAR PHYOGS KYI LHA DANG KLU DANG GNOD SBYIN LA SOGS PA GDUL BYA BGRANG BA LAS 'DAS PA ZHIG SMIN GROL LA BKOD NAS, BLTAM PA'I DUS LA BAB PA NA RGYAL PO ZAS GTZANG MA'I SKYED MOS TSAL DU SNGA LTAS SUM CU RTZA GNYIS BYUNG STE, ME TOG THAMS CAD DANG, RDZING GI ME TOG DANG, SHING LJON PA'I ME TOG KHA 'BUS NAS RGYAS PAR GYUR, RIN PO CHE'I SHING LJON PA BRGYAD SKYES, GTER CHEN PO NYI KHRI KHA 'BUS, KHYIM GYI NANG DU RIN PO CHE'I MYU GU 'THON, SPOS CHU'I DPAL GYI WA 'BRU MAR DRI ZHIM POS SPAGS PA 'DZAG ,GANGS RI LAS 'ONGS PA'I SENG GE'I PHRUG GU NGAG SER SKYA'I GRONG KHYER LA BSKOR BA BYAS NAS SGO NA

, ,GNAS KYANG SEMS CAN LA 'TSE BA MI BYED, GLANG PO'I PHRUG GU THAL KAR LNGA BRGYA 'ONGS NAS RGYAL PO'I RKANG PA LA SNA'I RTZE MOS NYUG ,RGYAL PO ZAS GTZANG MA'I BTZUN MO'I 'KHOR GYI PHANG PA NAS PHANG PA DAG TU LHA'I BYIS PA DAG 'DRE LDOG ,KLU'I BU MO MCHOD PA'I YO BYAD THOGS PA LUS PHYED PHYUNG NAS NAM MKHA' LA RGYU, RMA BYA'I MDONGS THOGS PA'I LHA'I BU MO KHRI NAM MKHA' LA 'KHOD, BUM PA GANG BA KHRI YANG SER SKYA LA SKOR BA BYED, LHA'I BU MO SPOS CHU'I RIL BA BHRiNG GA RA KLAD LA THOGS NAS 'KHOD, LHA'I BU MO KHRI GDUGS DANG BA DAN THOGS NAS 'KHOD, LHA'I BU MO BRGYA STONG MANG PO DUNG DANG RNGA SOGS MGUL NAS DPYANGS TE SDOD, RLUNG DANG RDUL MI LDANG, CHU THAMS CAD MI 'GUL ZHING MI RGYU, NYI ZLA DANG SKAR MA RNAMS NI MI RGYU, SKAR MA RGYAL DANG YANG LDAN, ZAS GTZANG GI KHYIM RIN PO CHE'I DRA BAS YOG ,ME YANG MI 'BAR, KHANG BRTZEGS DANG RGYA PHUB DANG RTA BABS DAG LA NOR BU DANG RIN CHEN 'BAR BA 'PHYANG, RAS BCOS BU DANG RIN PO CHE SNA TSOGS KYIS MDZOD RNAMS GANG NAS SGO BYE, 'UG PA LA SOGS PA'I SKAD MED, SNYAN PA'I SGRA SKAD GRAG ,SKYE BO RNAMS KYI LAS KYI MTHA' RGYUN CHAD, PHYOGS THAMS CAD MNYAM, LAM GYI BZHI MDO DANG TSONG DUS KYI GZHI RNAMS ME TOG SIL MAS BKRAM, SBRUM MA BDE BAR BTZA' BAR GYUR, S'A LA'I NAGS TSAL GYI LHA RNAMS SHING GI LO MA'I

NANG NAS LUS PHYED PHYUNG STE PHYAG 'TSAL ZHING GNAS PA RNAMS BYUNG NGO, ,DE LTAR LHA MO SGYU 'PHRUL LUM BI NA'I TSAL DU 'BYON BZHED PA NA RGYAL PO ZAS GTZANG DANG, LHAS BSTAN GYI RGYAL PO LEGS PAR RAB SAD GNYIS KAS LUM BI NA'I CHAL BYI DOR BYAS SHING, RGYAN GYI KHYAD PAR THAMS CAD DANG, MCHOD PA'I BYE BRAG BSAM GYIS MI KHYAB PA BYAS SO, ,DE'I TSE TSAL DER SNGA LTAS KYI SNANG BA CHEN PO SA'I STENG GI RIN PO CHE'I KHANG BZANG THAMS CAD DU SNANG BA BYUNG BA DANG, RIN PO CHE'I PADMA KHA BYE BA'I 'DAB MA THAMS CAD LAS BLTAM MAM ZHES PA'I SGRA DANG BCAS PA'I 'OD DU BYUNG BAS KHYAB PA DANG, PHYOGS BCU'I RGYAL SRAS RNAMS KYIS SEMS BSKYED PA NAS BYANG CHUB PA'I BAR GYI SNANG BA SOGS TSAL DER SNGA LTAS BCU BYUNG NGO, ,DE NAS RGYAL PO ZAS GTZANG MAS RANG GI 'KHOR RNAMS LA BKA' BSGOS TE, SER SKYA'I PHO BRANG NAS LUM BI NA'I TSAL GYI BAR GYI LAM THAMS CAD BYI DOR LEGS PAR BYAS SHING DRI BZANG GI CHUS CHAG CHAG GDAB PA DANG, ME TOG SNA TSOGS DGRAM BA DANG, BUD MED KHRI KHRAG MANG POS GLU DBYANGS DANG ROL MO'I BYE BRAG BSAM GYIS MI KHYAB PA'I MCHOD PA DANG, RIN PO CHE'I SHING RTA KHRI KHRAG MANG PO BSHAMS PA DANG, BSRUNG MAR BSKOS PA'I DPA' BO KHRI KHRAG MANG PO PHYOGS PHYOGS SU 'KHOD PA DANG, SHING RTA RNAMS RIN PO CHE'I RGYAN THAMS CAD KYIS BRGYAN PA SOGS BYAS NAS SGYU MA LHA MDZES SPYAN DRANGS SO, ,DE NAS YUM SGYU MA LHA MDZES SHING RTA'I

, ,NANG DU ZHUGS TE NOR BUS BRGYAN PA'I SHING RTA 'JIG RTEN SKYONG BA BZHIS 'DREN ZHING, LHA'I DBANG PO BRGYA BYIN NI MDUN DU LAM GYI BYI DOR BYED, TSANGS PA NI SNAM LOGS NAS BSIL YAB G-YOB PAR BYED, DKAR PHYOGS KYI LHA BGRANG BA LAS 'DAS PA DAG NI YUM GYI RUM NA BYANG CHUB SEMS DPA' KHANG PA BRTZEGS PA'I NANG NA BZHUGS PA LA MIG MI 'DZUM PAR BLTA ZHING PHYAG 'TSAL BA DANG SMON LAM 'DEBS PAR BYED CING SONG NGO, ,DE NAS LHA MO SGYU 'PHRUL LUM BI NA'I TSAL DU PHYIN NAS SHING RTA LAS BABS TE, NAGS TSAL NAS NAGS TSAL DU 'CHAG, LJON PA NAS LJON PA LA BLTA ZHING RIM GYIS SONG BA DANG, SA PHYOGS MNYAM LA YANGS PA RTZVA SNGON BOS GANG ZHING REG NA BDE BA NA SNGON GYI RGYAL BA'I YUM GYIS BRTEN PA GNAS GTZANG MA'I LHA RNAMS KYIS PHYAG BYAS BA'I SHING RIN PO CHE MCHOG 'OD 'BAR BA RTZA BA DANG SDONG BU DANG YAL GA DANG LO MA RIN PO CHES BRGYAN PA, MI DANG LHA'I ME TOG SNA TSOGS RGYAS PA, SPOS MCHOG GI DRI DANG LDAN BA, GOS KHA DOG SNA TSOGS DPYANGS PA'I LJON PA'I RGYAL PO PLAKshA ZHES BYA BA'I RIN PO CHE'I SHING GI YAL GA LA PHYAG G-YAS PAS 'JUS NAS BYA RMYANG BYED CING GNAM DU GZIGS PA NA, RTZIB LOGS G-YAS NAS GSER GYI MCHOD SDONG NYI MA BYE BA'I MDANGS DANG LDAN PA GLO BUR DU 'THON PA LTAR DU SKU BLTAMS SO, ,DE'I TSE NAM MKHA' THAMS CAD LHA'I MCHOD

RDZAS KYIS GANG ZHING, TSANGS PA DANG BRGYA BYIN GNYIS KYIS LHA'I GOS KA SHI KAS LCIBS TE BLANGS, KLU'I RGYAL PO DGA' BO DANG NYE DGA' GNYIS KYIS BDUD RTZIS MCHOD, LHA DANG LHA MO BGRANG BA LAS 'DAS PAS SPOS CHU'I BUM PA THOGS TE SKU KHRUS GSOL, DE'I TSE TSANGS PA DANG BRGYA BYIN GNYIS KYIS BYANG CHUB SEMS DPA'I SKU LUS NAM MKHA' LA BLANGS PA NA NGA THONGS GSUNGS TE SA LA ZHABS BZHAG NAS PHYOGS BZHIR GOM PA BDUN BDUN BOR TE, 'JIG RTEN 'DI NA NGA NYID MCHOG GO ,ZHES SOGS SENG GE'I SGRA DBYANGS CHEN PO BSGRAGS SO, ,BYANG CHUB SEMS DPA' SGYU MA LHA MDZES KYI RTZIB LOGS G-YAS PA NAS NA BZA' DANG BCAS BZHIN DU BLTAMS PA'I TSE NYI MA STONG DUS GCIG TU SHAR BA LAS KYANG CHES CHER GSAL BA'I SKU'I 'OD KYIS 'JIG RTEN GYI KHAMS THAMS CAD SNANG BAS KHYAB PAR MDZAD CING, SA 'OG GI GTING RNAMS KYANG SNANG BAS KHYAB CING 'OD KYI SNANG BA DE GANG LA REG PA'I SEMS CAN THAMS CAD SKAD CIG DE LA SDUG BSNGAL DANG NYON MONGS PA THAMS CAD RGYUN BCAD CING BDE BAS KHYAB PAR MDZAD DO, ,BYANG CHUB SEMS DPA' YUM GYI RUM NA TZAN DAN GYI KHANG PA BRTZEGS PA'I NANG NA BZHUGS PA'I KHANG BRTZEGS DE MI MJED KYI BDAG PO TSANGS PAS TSANGS GNAS SU KHYER TE TSANGS RIS KYI LHA RNAMS KYI PHYAG DANG MCHOD PA'I GNAS SU BZHUGS SO, ,DE'I TSE SHING

, ,THAMS CAD KYI ME TOG RGYAS SHING 'BRAS BU CHAGS, ME TOG GI CHAR BABS, NGAN SONG GSUM RGYUN BCAD, SEMS CAN KUN LA NYON MONGS PAS MI 'TSE, DBANG PO MED PA RNAMS DBANG PO DANG LDAN, SA G-YOS SO, ,BYANG CHUB SEMS DPA' BLTAMS PA DE'I SKAD CIG DE LA GRONG KHYER CHEN PO BZHIR RGYAL PO CHEN PO BZHI LA YANG BU BTZAS TE, MNYAN YOD DU RTZIBS KYI 'PHUR TSANGS BYIN GYI BU BTZAS PA NA YUL PRA PHAB PA GSAL BA BZHIN DU SNANG BAS DE'I MING GSAL RGYAL ZHES DANG, RGYAL PO'I KHYAB TU PADMA CHEN PO'I BU BTZAS PA NA NYI MA'I GZUGS SHAR BA LTAR SNANG ZHING GZUGS CAN MA'I BU YIN PAS GZUGS CAN SNYING PO ZHES DANG, KOO SHA MA BIR DMAG BRGYA PA'I BU BTZAS PA NA 'JIG RTEN NYI MA SHAR BA LTAR SNANG BAR GYUR PAS SHAR PA ZHES DANG, 'PHAGS RGYAL DU MU KHYUD MTHA' YAS KYI BU BTZAS PA NA 'JIG RTEN SGRON MAS SNANG BA LTA BUR GYUR PAS RAB SNANG ZHES BYA BAR BTAGS TE, DE RNAMS RANG RANG GI BU'I YON TAN DU RLOM MO, ,DE'I TSE SH'AKYA'I GRONG DU BZANG LDAN DGA' BO SOGS RAB LNGA BRGYA DANG, SH'AKYA GZHAN 'BUM PHRAG LNGA DANG, 'DUN PA LA SOGS PA 'BANGS BRGYAD BRGYA DANG, GRAGS 'DZIN MA LA SOGS PA SH'AKYA'I BU MO KHRI DANG, 'DUN MA LA SOGS PA BRAN MO BRGYAD BRGYA DANG, RGYAL RIGS DANG BRAM

ZE DANG KHYIM BDAG GI BU MO NYI KHRI DANG, GSER GYI 'OD DANG LDAN ZHING MDOG DKAR BA'I CHIBS PA BSNGAGS LDAN LA SOGS PA RTE'U PHO MO NYI KHRI DANG, GLANG PO CHE MCHOG KHRI DANG, BA GLANG PHO MO DRUG STONG RNAMS BTZAS SO, ,GSER GYIS BRGYAN PA'I GLANG PO CHE NYI KHRI NAM MKHA' NAS SGRA 'BYIN CING SER SKYAR 'ONGS LA, ZAS GTZANG GI MDUN NA 'DON 'CHAR PO'I BU 'CHAR KA YANG SKYES SO, ,'DZAM BU'I GLING GI DBUS SU AA SHVATTHA'I SDONG PO DANG, MA DROS PA'I 'GRAM DU AU DUM BA RA'I ME TOG DAG KYANG KHA 'BUS, GLING PHRA MO RNAMS SU TZAN DANG GYI TSAL DANG, RI'I RTZE MO RNAMS SU BYU RU'I MYU GU DAG 'THON PAR GYUR TO, ,'BAB CHU RO HI TA'I 'GRAM DU SHING DGE BA'I SNYING PO ZHES BYA BA NYI MA GCIG BZHIN KHRU BRGYA SKYE BAR 'GYUR BA, NYI MA MA SHAR BA DE SRING DU SEN MOS KYANG BCAD DU RUNG BA, NYI MA SHAR NAS MES KYANG TSIG TU MI RUNG BA ZHIG SKYES SO, , LUM BI NA'I TSAL DU PADMA SPUNGS PA LTA BU'I MCHOD RTEN BRTZIGS TE SKU BLTAMS PA'I MCHOD RTEN DU GRAGS SO, ,BYANG CHUB SEMS DPAS LONGS SPYOD PA'I DON DU BKOD PA DRI MA MED PA LA SOGS PA SKYED MOS TSAL LNGA BRGYA DANG, GTER LNGA BRGYA YANG BYUNG, KHAMS KYI RGYAL PHRAN NYI KHRI YANG DPYAD 'BUL ZHING 'DUD PAR GYUR TO, ,DE LTAR GYUR PA NA RGYAL PO ZAS GTZANG MAS BU 'DI BTZAS MA THAG BDAG GI 'DOD PA'I DON THAMS

, ,CAD GRUB PAS NA 'DI'I MING DON THAMS CAD GRUB PAR GDAGS SO SNYAM DU BSAMS NAS MTSAN DE LTAR DU BTAGS SO, ,DE NAS YAB YUM GNYIS KYIS MTSAN MKHAN RNAMS LA DRIS PA DANG, DE DAG GIS LUNG BSTAN PA GANGS KYI NGO DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I BSTI GNAS DANG HA CANG MI RING BAR SH'AKYA RNAMS KYI GZHON NU BYUNG BA NI, GAL TE PHO BRANG GI NANG DU BZHUGS PAR GYUR NA 'KHOR LOS BSGYUR BA'I RGYAL PO MTHA' BZHI LAS RNAM PAR RGYAL BA RIN PO CHE SNA BDUN DANG LDAN PAR 'GYUR RO, ,GAL TE SKRA DANG KHA SPU BREGS GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO ZHES LUNG BSTAN TO, ,DE LTAR BYANG CHUB SEMS DPA'I RNAM PAR 'PHRUL PA BSAM GYIS MI KHYAB PAS SEMS CAN BGRANG BA LAS 'DAS PA ZHIG SMIN GROL LA BKOD CING, LHA DANG MI'I MCHOD PA'I BYE BRAG TSAD MED PAS MCHOD CING ZHAG BDUN LUM BA'I TSAL DU BZHUGS SO, ,BYANG CHUB SEMS DPA' SKU BLTAMS PA'I 'OD KYIS 'JIG RTEN KUN SNANG BAR BYAS PA DE'I TSE GANGS RI KUN 'DZIN GYI NGOS LA GNAS PA'I DRANG SRONG NAG PO NYON MONGS MED LA SOGS PA DRANG SRONG MNGON SHES LNGA DANG LDAN PA MANG POS 'OD DE MTHONG ZHING

DKAR PHYOGS KYI LHA RNAMS NAM MKHA' LA DGA' BA'I CA CO SGROG CING BYANG CHUB SEMS DPA' SKU BLTAMS TE MYUR DU SANGS RGYAS NAS CHOS KYI 'KHOR LO BSKOR BAR 'GYUR RO ZHES DGA' BA'I SGRA RGYA CHER SGROGS PA'ANG THOS NAS GCIG LA GCIG 'DI SKAD DU, BYANG CHUB SEMS DPA' DE LA PHYAG BYA BA'I PHYIR 'DOD DO ZHES BGROS PA NA, DRANG SRONG BLO GROS DANG LDAN PA 'GA' ZHIG GIS DA LTA NI TSANGS BA DANG BRGYA BYIN LA SOGS PA LHA DBANG CHE BAR GRAGS PA MANG POS MDUN DU BDAR BAS BYANG CHUB SEMS DPA' MJAL BA'I SKABS MI RNYED KYIS, BYANG CHUB SEMS DPA' SER SKYA'I PHO BRANG DU PHEBS NAS MJAL LO ZHES BGROS SO, ,DE NAS BYANG CHUB SEMS DPA' LHA DANG MI'I MCHOD PA TSAD MED PAS MCHOD BZHIN DU SER SKYA'I PHO BRANG DU SPYAN DRANGS SO, ,DE NAS SKYE BO RNAMS KYI YUL CHOS KYIS BYIS PA SKYES NAS RING PO MA LON PAR RANG RANG GI YUL LHA MCHOD PAR BYED PAS, CHOS NYID KYIS SH'AKYA RNAMS NI SH'AKYA SU YANG RUNG BA LA KHYE'U 'AM BU MO GANG BTZAS PA DE GNOD SBYIN SH'AKYA 'PHEL ZHES BYA BA GNYUG MAR GNAS PA LTAR GRAGS PA ZHIG YOD DE, DE'I RKANG PA LA PHYAG 'TSAL BA'I PHYIR LHA KHANG DU 'KHRID PA YIN PAS SH'AKYA RGAN RABS RNAMS 'DUS TE RGYAL PO LA GZHON NU LHA KHANG DU BKUR DU GSOL, RGYAL POS GNANG STE, GRONG KHYER THAMS CAD DGE MTSAN

, ,DANG BKRA SHIS KYIS BRGYAN PAR BYAS NAS, RGYAL PO NYID KYIS SKYE DGU'I BDAG MO LA GZHON NU LHA KHANG DU BKUR GYI RGYAN THOGS SHIG ,DES KYANG BYANG CHUB SEMS DPA'I RNA BA PHUG NAS RNA RGYAN SENG GE CAN BTAGS TE LHA KHANG DU BKUR RO ZHES SMRAS PA DANG, GZHON NUS SMRAS PA, LHA RNAMS KYIS BDAG GI RKANG PA LA BTUD NA SU ZHIG BDAG GI GONG NA 'PHAGS, 'ON KYANG 'JIG RTAN GYI RJES SU SNYEG PA TZAM DANG, BDAG MTHONG NA SKYE BO RNAMS DGA' BAR 'GYUR BAS MCHI'O, ,ZHES SMRAS PA DANG, RGYAL POS GZHON NU PANG DU BLANGS TE GLANG PO CHES DRANGS PA'I RIN PO CHE SNA BZHIS BRGYAN PA'I SHING RTA LA 'KHOD NAS BKOD PA CHEN POS BYON PA NA, SH'AKYA GTUM PO DE DAG THAMS CAD KYANG BYANG CHUB SEMS DPA'I GZI BRJID MA BZOD PAR BAG 'KHUM PAR GNAS SHING, SROG CHAGS GTUM PO GZHAN DAG KYANG CA CO'I SGRA MED PAR BYANG CHUB SEMS DPA'I GDONG LA GUS PAR BLTA ZHING GNAS PAS SH'AKYA THUB PA ZHES MTSAN BTAGS SO, ,DE NAS BYANG CHUB SEMS DPA' LHA KHANG DU 'JUG PAR BRTZAM PA NA GNOD SBYIN SH'AKYA 'PHEL GYIS BYANG CHUB SEMS DPA' RANG GI GNAS DANG NYE BAR BYON PA MTHONG NAS DES BSU BA'I PHYIR PHYIR BYUNG STE, BYANG CHUB SEMS DPA'I ZHABS GNYIS LA SPYI BOS GTUGS PA

DANG, LHA KHANG DER GZHON NU'I ZHABS G-YAS PA BZHAG MA THAG ,ZLA BA DANG, NYI MA DANG, 'JIG RTEN SKYONG BA BZHI DANG, BRGYA BYIN DANG, SKEM BYED DANG, DBANG PHYUG CHEN PO DANG, TSANGS PA LA SOGS PA LHA'I GZUGS RNAMS RANG RANG GI GNAS LAS LANGS TE BYANG CHUB SEMS DPA'I ZHABS LA PHYAG BYAS PA NA SA YANG G-YOS SO, ,DE ZAS GTZANG LA SMRAS PA DANG, RGYAL POS LHAS KYANG GZHON NU'I RKANG PA LA GTUGS PAS LHA'I YANG LHA ZHES MTSAN BTAGS SO, ,DE NAS DRANGS SRONG NYON MONGS MED 'KHOR DANG BCAS PA BYANG CHUB SEMS DPA'I ZHAL BLTA BAR 'ONGS PA NA, DE'I TSE DRANG SRONG DE DAG 'GRO BA THAMS CAD KYI MCHOD GNAS SU BKUR ZHING NAM MKHA' LAS 'GRO 'ONG BYED PA YIN YANG, SER SKYA'I GRONG MTHONG BA NA BYANG CHUB SEMS DPA'I GZI BRJID KYI MTHUS DRANG SRONG DE DAG GI RDZU 'PHRUL NYAMS TE RKANG PAS 'ONGS NAS RGYAL PO ZAS GTZANG LA GZHON NU MJAL BAR ZHUS PA NA RGYAL PO ZAS GTZANG GIS DRANG SRONG DE DAG GUS PAS MCHOD DE STAN BZANG PO LA BZHAG NAS GZHON NU'I SKU GZUGS BLTAR BCUG GO ,DE NAS DRANG SRONG DE DAG GIS GZHON NU'I SKU LUS LA MTSAN BZANG PO SUM CU RTZA GNYIS DANG DPE BYANG BRGYAD CUS SPRAS PAR MTHONG NAS DAD PA LHAG PAR SKYES TE, GZHON NU 'DIS NAM ZHIG NA CHOS KYI 'KHOR LO BSKOR SNYAM DU MNGON SHES KYIS BRTAGS PA NA, LO NYI SHU RTZA DGU NI

, ,KHAB TU BZHUGS, DE NAS LO DRUG TU DKA' BA SPYAD, DE NAS DKA' SPYAD DE LAS BZHENGS TE 'TSANG RGYA BA DANG, DE NAS CHOS KYI 'KHOR LO BSKOR BAR MTHONG LA, RANG LA DE'I BAR DU SDOD PA'I TSE MED PAR CHOS KYI BDUD RTZI MA MYONG BAR 'CHI BAR MTHONG NAS SDUG BSNGAL DANG MYA NGAN DRAG POS NON TE NGUS SO, ,DE LA RGYAL PO ZAS GTZANG MAS DRANG SRONG CHEN PO DU BCI YIN, GZHON NU 'DI LA MI LEGS PA'I MTSAN MA MA MTHONG NGAM ZHES DRIS PA NA, DRANG SRONG DE DAG GIS SMRAS PA, GZHON NU LA MTSAN MA NGAN PA GANG YANG MED KYI, 'DI NI NGES PAR SANGS RGYAS NAS CHOS KYI 'KHOR LO BSKOR TE, RANG LA DE'I BAR DU SDOD PA'I DBANG MED PAR 'CHI BAR RIG NAS RANG GI NYES PA MTHONG STE DU PA YIN NO ZHES ZER RO, ,DE NAS DRANG SRONG DE DAG GIS BYANG CHUB SEMS DPA'I SKU GZUGS LA SMON LAM LEGS PAR BTAB STE RANG GNAS SU SONG NGO, ,TSUL 'DI DAG LA LEGS PAR DPYOD SHES NA BYANG CHUB LAM GYI RIM PA'I NYAMS LEN GYI GNAD LA NGES PA LHAG PAR SKYE STE, TSANGS PA DANG BRGYA BYIN GYI DPAL THOB PA DANG, DRANG SRONG MNGON SHES LNGA DANG LDAN PA'I GO 'PHANG THOB PA LAS BYANG CHUB LAM GYI RIM PA'I CHOS THOS PA RNYED DKA' BAR GRUB BO, ,DES NA BYANG CHUB LAM GYI RIM PA LA NYAMS LEN BYA RGYU YOD PA'I SKABS 'DIR BSKAL MANG STONG DU RNYED DKA' BA SHES PAR BYAS LA LAN CIG RNYED PA 'DI CHUD BZOS PAR LA ? KYI RIM PA'I DMIGS RNAM BSKYANG BAR BYA'O, ,DE NAS BYANG CHUB SEMS

DPA' DGUNG LO BDUN LA BAB PA NA GTZUG PHUD BZHAG CING DE'I DUS STON YANG BYAS LA, SKAR MA RGYAL LA BAB PA'I DUS SU RGYAN 'DOGS PAR BRTZAMS TE, THOG MAR SH'AKY'A RGYAL PO BZANG POS GZHON NU'I PHYIR RGYAN JI SNYED CIG BYAS PA BYANG CHUB SEMS DPA'I LUS LA BTAGS MA THAG RGYAN RNAMS MOG MOG POR GYUR TE, TSAL DE'I LHA MO DRI MA MED PA ZHES BYA BAS RANG GI LUS MNGON SUM DU BSTAN TE 'DI LA NI RANG BZHIN GYI MTSAN GYIS SPRAS PA'I RGYAN MDZES KYI, BCOS MA'I RGYAN MI MDZES SO ZHES SMRAS TE MI SNANG BAR GYUR TO, ,DE NAS BYANG CHUB SEMS DPA' BZO RIG PA'I SGYU RTZAL GYIS SEMS CAN GYI DON MDZAD PAR BZHED PA NA YAB ZAS GTZANG GIS BSKUL NAS DANG POR YI GE'I GRVAR BYON TE BKOD PA CHEN PO BSHAMS NAS, BYIS PA'I SLOB DPON KUN GYI BSHES GNYEN, MING GZHAN SRIN BU GO CHAR GRAGS PA DE NYID YI GE'I RIGS THAMS CAD LA MKHAS PA YIN PAS, DE'I GAN DU BYON PA DANG BYANG CHUB SEMS DPA'I GZI BRJID MA BZOD NAS KHA BUB TU 'GYEL TO, ,DE LTAR 'GYEL BA DGA' LDAN GYI LHA'I BU YAN LAG BZANG POS BSLANG STE, ZAS GTZANG DANG SKYE BO'I TSOGS LA BYANG CHUB SEMS DPA'I GONG NA SLOB DPON GZHAN MED MOD KYIS, SEMS CAN SMIN PAR BYA PHYIR YI GE'I GRVAR ZHUGS SO, ,ZHES SMRAS NAS MI SNANG BAR GYUR TO, ,DE NAS ZAS GTZANG DANG 'KHOR GZHAN RNAMS LOG STE 'KHROR BYIS PA KHRI DANG DE'I NANG NAS MCHOG TU GYUR PA LNGA BRGYA DANG LHAN CIG PAR YI GE'I GRVAR ZHUGS NAS ,

, ,TZAN DAN SBRUL GYI SNYING PO LAS BYAS PA'I YI GE'I BYANG SHING LHA'I TSON GYIS BYUGS PA GSER GYI YANG MIG GIS BTAGS PA THA MA NOR BU RIN PO CHES BRGYAN PA THOGS SO, ,SRIN BU GO CHAS YI GE GCIG NAS LNGA BRGYA'I BAR BRIS PA THOGS PA DANG, BYANG CHUB SEMS DPAS 'DI DAG NGAS SHES KYI GZHAN SMROS SHIG, GSOL PA, 'JIG RTEN NA 'DI TZAM SPYOD KYI GZHAN NI MA 'TSAL TO, ,ZHES BRJOD PA NA, BYANG CHUB SEMS DPAS TSANGS PA'I YI GE LA SOGS PA YI GE'I RNAM GRANGS SNGON SUS KYANG MA THOS PA BGRANG BA LAS 'DAS PA ZHIG GSUNGS SHING, YI GE'I PHYI MO SLOB PA NA AA ZHES BRJOD PA'I TSE CHOS THAMS CAD STONG PA NYID LA SOGS PA STONG PA DANG, BDAG MED PA DANG, 'DU BYED THAMS CAD SDUG BSNGAL GYI RANG BZHIN CAN LA SOGS PA'I NGES PAR 'BYUNG BA'I CHOS KYI SGRA DBYANGS DPAG TU MED BA BSGRAGS TE YI GE'I SLOB DPON DU BYED PA DE DANG, BYIS PA KHRI KHRAG MANG PO DANG SROG CHAGS GZHAN NYI KHRI DANG NYIS STONG BYANG CHUB TU SMIN PAR BYAS SO, ,DE BZHIN DU RTZIS PA SRID SGRUB KYI THAD DU RTZIS SLOB PA'I TSUL BSTAN PA NA, BYANG CHUB SEMS DPAS RTZIS KYI SLOB DPON SRID SGRUB KYIS SNGON CHAD MING TZAM YANG MA THOS PA'I RTZIS KYI RNAM GRANGS DAG GSUNGS SHING, RDUL PHRA RAB LA 'JUG BA ZHES BYA BA'I RTZIS BSTAN TE, STONG GSUM GYI STONG CHEN PO'I 'JIG RTEN GYI KHAMS 'DI LA RDUL PHRA MO'I GRANGS JI CAM YOD PA SHES PAR NUS PA'I RTZIS BSTAN PA NA LHA MI THAMS CAD

NGO MTSAR DU GYUR CING, SROG CHAGS GRANGS MED PA ZHIG BYANG CHUB TU SMIN PAR MDZAD DO, ,DE BZHIN DU MDA' 'PHANG BA DANG, MCHOD PA BYED PA DANG, GYAD KYI 'DZIN STANGS LA SOGS PA SGYU RTZAL THAMS CAD RE RE NAS SNGON CHAD SUS KYANG MA NUS PA DAG BSTAN TE THABS MKHAS KYI 'PHRUL DE DANG DES LHA MI BGRANG BA LAS 'DAS PA SMIN GROL LA BKOD DO, ,DE NAS GRAGS 'DZIN MA LA SOGS BA'I BTZUN MO DRUG KHRI KHAB TU BZHES TE BYANG CHUB SEMS DPA' RANG NYID 'DOD CHAGS KYI DBANG DU GYUR PA MA YIN YANG, DPA' BAR 'GRO BA'I TING NGE 'DZIN GYI 'PHRUL GYIS BTZUN MO DRUG KHRI PO DE DAG THAMS CAD LA RANG RANG DANG MNYAM DU BYANG CHUB SEMS DPA' RE RE BZHUGS BAR SNANG ZHING, THABS MKHAS KYI SPYOD PA DES BTZUN MO DE DAG DANG, GZHAN YANG SROG CHAGS BGRANG BA LAS 'DAS PA ZHIG SMIN CING GROL BAR MDZAD DO, ,DE'I TSE BYANG CHUB SEMS DPA' RANG NYID SNGON BSKAL PA GRANGS MED PA'I SNGON ROL NAS RTZOD LDAN TSE LO BRGYA PA'I DUS KYI 'GRO BA RNAMS KYI MGON DU 'BYON PAR THUGS BSKYED CING, DON DE THUGS LA BRANGS NAS NAM ZHIG 'TSANG RGYA BA'I DUS NGES PAR MKHYEN PA YIN YANG, PHYOGS BCU'I SANGS RGYAS RNAMS DANG DKAR PHYOGS KYI LHA RNAMS KYIS BYANG CHUB SEMS DPA' BTZUN MO'I 'KHOR DU YUN RING NA GDUL BYA MANG PO ZHIG DUS LAS YOL BAR 'GYUR BAS DA NI KHAB NAS BYUNG STE 'TSANG RGYA BA'I MDZAD PA MYUR DU STON DGOS SO ZHES YANG DANG YANG DU BSKUL ZHING, SANGS RGYAS RNAMS KYI MTHUS GLU DBYANGS DANG SIL SNYAN GYI SGRA

, ,LAS; SDUG BSNGAL BRGYAS GANG SEMS CAN MTHONG NAS NI, ,'GRO BA'I MGON DANG SKYABS DANG GNAS GYUR CING, ,PHAN BYED MGON DANG DPUNG GNYEN GYUR CIG CES, ,KHYOD KYIS SNGON NI SMON LAM DE SKAD BTAB, ,DGE BA DPA' BO SNGON GYI SPYOD PA DANG, ,'GRO PHAN BYA ZHES SMON LAM DRAN PAR BYOS, ,'DI NI KHYOD KYI DUS DANG TSOD YIN GYIS, ,DRANG SRONG MTSOG RAB KHYIM NAS 'BYUNG BAR BYOS, ,ZHES SOGS KYIS BSKUL ZHING, BTZUN MO RNAMS KYI ROL MO'I SGRA LAS KYANG SNGON GYI SKYES RABS DAG GLANGS TE, SRID GSUM RGA DANG NAD KYI SDUG BSNGAL 'BAR, ,'CHI MED RAB 'BAR 'DI NI MGON MED PA, ,SRID LAS 'BYUNG LA 'GRO BA RTAG TU RMONGS, ,BUM PAR CHUD PA'I BUNG BA 'KHOR BA BZHIN, ,SRID GSUM MI BRTAN STON KA'I SPRIN DANG 'DRA, ,'GRO BA'I SKYE 'CHI GAR LA BLTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU LTA BUR MYUR MGYOGS 'GRO, ZHES SOGS NAS, SNGON GYI SPYAD DE RJES SU DRAN GYIS LA, ,GTI MUG MA RIG MUN PAS BSGRIBS PA YI, ,'GRO LA SHES RAB DAM BA 'OD BZANG BA, ,CHOS MIG DRI MED NYON MONGS MED PA BYIN, ,ZHES SOGS RGYA CHER BSKUL BA NA BYANG CHUB SEMS DPA' YANG MYUR DU RAB TU 'BYUNG BA'I DUS LA BAB PAR DGONGS SO, ,DE NAS BYANG CHUB SEMS DPA' SKYED TSAL GZIGS PA'I PHYIR SHAR SGO NAS PHEBS PA NA GNAS

GCENG MA'I LHA DAG GIS SPRUL PA'I RGAN PO RGAS SHING 'KHOGS PA, RGAS PA'I SDUG BSNGAL GYIS NYEN PA GZIGS TE, 'DUN PA LA, KHA LO SGYUR BA MI RED NYAM CHUNG ZHING, ,SHA KHRAG BSKAMS LA RGYUS PAGS NYI TSES DKRIS, ,MGO DKAR SO RGAL LUS NI RAB SKEM LA, ,'KHAR BA BRTEN CING MI BDE 'KHYOR 'GRO SU, ,DES SMRAS PA, LHA CIG MI 'DI RGI BAS ZIL GYIS NON, ,DBANG PO NYAMS SHING SDUG BSNGAL BRTZON STOBS NYAMS, ,GNYEN GYI SKYE BOS BRNYAS SHING MGON MED GYUR, ,DON BGYID MI NUS NAGS KHROD SHING LTAR BOR, ,BYANG CHUB SEMS DPAS SMRAS PA, 'DI YI CHOS 'DI RIGS KYI YIN NAM 'ON TAM NI, ,'GRO BA 'DI KUN LA YANG 'DI SRID DE SMROS SHIG, TSIG 'DI YANG DAG JI BZHIN MYUR DU SMROS SHIG DANG, ,THOS NAS DE BZHIN DON LA 'DIR NI TSUL BZHIN BSAM, ,DES SMRAS PA, LHA 'DI RIGS CHOS MA YIN YUL 'KHOR CHOS MA LAGS, ,SKYE BO KUN GYI DAR LA BAB PA RGA BAS 'JOMS, ,KHYOD KYI YAB DANG YUM DANG NYE DU GNYEN TSOGS KYANG, ,RGA LAS MI THAR 'BROS PA'I THABS NI GZHAN MA MCHIS, ,BYANG CHUB SEMS DPAS SMRAS PA, KHA LO SGYUR BA BYIS PA'I SKYE BO MI MKHAS PA'I, ,BLO NGAN GZHON PAS RGYAGS SHING MYOS PAS RGAS MA MTHONG, ,NGA NI SLAR 'GRO NGA YI SHING RTA MYUR DU SGYUR, ,DA YANG RGAS LA GNAS PAS RTZE

, ,DAGS CI ZHIG BYA, ZHES GSUNGS NAS NANG DU LOG GO ,YANG LHO SGOR PHEBS PAS, NA BA GZIGS TE SMRAS PA, KHA LO BSGYUR BA MI RTZUB LUS KYI MDOG NGAN LA, ,DBANG PO THAMS CAD NYAMS SHING DBUGS DBYUNG RAB TU DKA', ,YAN LAG KUN BSKAMS LTO BAS DKRUGS SHING NYAM THAG GYUR, ,RANG GI GCIN RTUG SMAD PA'I GNAS NA 'DUG 'DI SU, ,DES SMRAS PA, LHA CIG MI 'DI SHIN TU NAD KYIS BTAB PA STE, ,NAD KYI 'JIGS PA NYE BAR MCHIS PAS 'GUM LA THUG ,NAD MED GZI BRJID MA MCHIS STOBS KYANG RNAM PAR NYAMS, ,MGON DANG SKYABS DANG GLING DANG DPUNG GNYEN MA MCHIS LAGS, BYANG CHUB SEMS DPAS SMRAS PA, NAD MED PA YANG RMI LAM NA NI RTZE DANG MTSUNGS, ,NAD KYI 'JIGS PA 'DI LTAR SHIN TU MI BZAD PA, ,SKYES BU MKHAS PAS GNAS 'DI MTHONG NAS JI LTA BUR, ,RTZE LA DGA' DANG SDUG PA'I 'DU SHES SKYED PAR 'GYUR, ,ZHES GSUNGS NAS NANG DU LOG GO ,YANG NUB TU SHI BA GZIGS TE SMRAS PA, KHA LO BSGYUR BA MI 'DI KHYOGS LA BLANGS NAS NI, ,'DI DAG SKRA BSHIG MGO LAS YIS 'THOR BYED CING, , SNA TSOGS NGAG GI TSIG NI BRJOD LA BRANG BRDUNG BAS, ,KUN NAS BSKOR BA BYAS TE KHYER BA SU ZHIG YIN, ,DES SMRAS PA, LHA CIG MI 'DI 'DZAM BU'I GLING DU GUM PA STE, ,SLAN CHAD PHA MA MCHIS BRANG BU RNAMS MTHONG MI

'GYUR, ,LONGS SPYOD KHYIM DANG MDZA' BSHES GNYEN TSOGS SPANGS NAS NI, 'JIG RTEN PHA ROL MCHIS TE SLAN CHAD GNYEN MI MTHONG, ,BYANG CHUB SEMS DPAS SMRAS PA, RGA BAS GNOD PAR 'GYUR BA'I GZHON PA CIR MI RUNG, , SNA TSOGS NAD KYIS GNOD 'GYUR NAD MED CIR MI RUNG, ,RING DU MI GNAS GSON PA MKHAS LA CIR MI RUNG, ,DGA' LA CHAGS PA SKYES BU MKHAS PA CIR MI RUNG, ,GAL TE RGA MED NA MED 'CHI BA MED GYUR KYANG, ,'ON KYANG PHUNG PO LNGA 'DZIN SDUG BSNGAL CHE YIN NA, ,RGA NA 'CHI BA RTAG TU 'BRANG BA SMOS CI DGOS, ,LEGS PAR SLAR LOG RAB TU THAR BAR BYA BA BSAM, ,ZHES GSUNGS NAS NANG DU LOG GO, YANG, BYANG SGOR DGE SLONG GZIGS TE SMRAS PA, KHA LO BSGYUR BA SKYES BU SEMS ZHI RAB ZHI ZHING, ,MIG PHAB 'GRO LA GNYA' SHING GANG TZAM LTA BYED CING, ,DUR SMRIG GOS GYON SHIN TU RAB TU ZHI BAR SPYOD, ,LHUNG BZED THOGS NAS MI RGOD MA KHENGS SU ZHIG YIN, ,DES SMRAS PA, LHA CIG MI 'DI DGE SLONG ZHES NI BGYI BA LAGS, ,'DOD PA'I DGA' BA SPANGS SHING SHIN TU DUL BAR SPYOD, ,BDAG NYID ZHI BA 'TSOL ZHING RAB TU BYUNG BAR GYUR, ,'DOD CHAGS ZHE SDANG BRAL BA BSOD SNYOMS SPYOD CING RGYU; ;BYANG CHUB SEMS DPAS SMRAS PA, 'DI NI DGE BAR LEGS SMRAS NGA YANG 'DOD PA STE, ,RAB TU BYUNG BA MKHAS PA RNAMS KYIS RTAG TU BSNGAGS, ,DE NI BDAG LA PHAN ZHING SEMS CAN GZHAN LA'ANG PHAN, ,'TSO BA

, ,BDE ZHING NYAMS MTHUN 'CHI MED 'BRAS BUR 'GYUR, ,ZHES GSUNG ZHING SHING RTA KHA BSGYUR TE NANG DU BYON NO, ,DE NAS BYANG CHUB SEMS DPA' DGUNG LO NYI SHU RTZA DGU LA BAB PA KUN 'DZIN CES PA SA PHO BYI BA'I LO STON ZLA RA BA'I YAR TSES BRGYAD KYI THO RANGS SKAR MA RGYAL SHAR BA DANG DUS MNYAM DU KHANG BZANG GI STENG DU PHEBS NAS PHYOGS BCU'I SANGS RGYAS THAMS CAD LA PHYAG BTZAL TE SNYIGS MA'I 'GRO BA RNAMS KYI DON DU MYUR DU 'TSANG RGYA BAR THUGS SMON MDZAD PA NA, NAM MKHA'I DBYINGS 'DI THAMS CAD BYANG CHUB SEMS DPA' RNAMS DANG, TSANG BA DANG, BRGYA BYIN DANG, 'JIG RTEN SKYONG BA BZHI LA SOGS PA DKAR PHYOGS KYI LHA RNAMS DANG, GZHAN YANG GNOD SBYIN DANG, DRI ZA DANG, KLU LA SOGS PA MCHOD PA'I BYE BRAG SNA TSOGS THOGS PAS YONGS SU GANG ZHING, GSANG BA'I BDAG PO PHYAG NA RDO RJE DANG SDE DPON CHEN PO RNAM THOS SRAS KYIS LNGAS RTZEN LA BKA' BSGOS TE RGYAL PO'I PHO BRANG GI CHAB SGO THAMS CAD BSRUNG MA GO MTSON THOGS PA BRGYA PHRAG MANG POS BKAG PAS KHANG BZANG GI STENG NAS CHIBS BA BSNGAGS LDAN GYI THAD DU LHA'I BZO BOS BCOS PA'I SKAS TSUGS SHIG CES BKA' BSGOS BAN LNGAS RTZEN GYIS DE MA THAG SKAS BTZUGS SO, ,DE NAS BYANG CHUB SEMS DPA' LHA'I SKAS DE LA BABS NAS BSNGAGS LDAN LA CHIBS PA NA, BRGYA

BYIN GYIS BKRA SHIS KYI SHAR SGO PHYE, TSANGS RIS KYI LHA RNAMS KYIS G-YAS LOGS NAS BRTEN, 'DOD PA'I LHA RNAMS KYIS G-YON LOGS NAS BRTEN, TSANGS PA DANG BRGYA BYIN GNYIS KYIS SNA DRANGS, NAM MKHA'I DBYINGS THAMS CAD MCHOD PA'I BYE BRAG GIS GANG, DKAR PHYOGS KYI LHA MANG POS GOS KYI G-YAB MO G-YOB BZHIN DU 'JIG RTEN SKYONG BA BZHIS BSNGAGS LDAN GYI SUG PA BZHI NAS BTEG STE MYUR BAR PHEBS NAS SH'AKYA'I YUL DANG, KE'U RTA'I YUL DANG, GYAD YUL RNAMS LAS 'DAS, ME NE YA'I YUL GYI GRONG BRDAL LAS KYANG DPAG TSAD DRUG PHYIN PA YUL SPONG BYED KYI GRONG GI NYE 'DABS CHU KLUNG YID 'ONG LDAN GYI 'GRAM DU BYON PAN NAM LANGS SO, ,CHOS 'BYUNG 'GA' ZHIG LAS SH'AKYA'I PHO BRANG NAS ME NE YA'I YUL GYI BAR LA DPAG TSAD DRUG YOD CING, YUL DE NAS CHU KLUNG YID 'ONG LDAN GYI BAR LA DPAG TSAD DRUG YOD PAS THO RANGS DE LA DPAG TSAD BCU GNYIS KYI BAR DU PHEBS PA YIN ZHES 'BYUNG NGO, ,GNAS DE NA SNGON 'DAS PA'I SANGS RGYAS GSUM GYI GTZUG PHUD BREGS PA'I MCHOD RTEN RNAM DAG GSUM YOD PAR BSHAD CING, MCHOD RTEN RNAM DAG DE DAG GI DRUNG DU BYANG CHUB SEMS DPAS KHA LO BSGYUR BA 'DUN PA LA DA'I RGYAN DANG BSNGAGS LDAN KHYER LA GNYEN RNAMS KYI DRUNG DU SONGS SHIG CES BKA'

, ,STZAL PA NA 'DUN PAS MCHI MCHAR BZHIN DU PHAB STE DU BZHIN DU GZHON NU RGYAL PO'I PHO BRANG NA 'KHOR KHRI KHRAG MANG PO DANG BCAS BZHUGS PA, DA NAGS KHROD DBEN PAR GCIG PHUR JI LTAR BZHUGS ZHUS PA NA, BYANG CHUB SEMS DPAS BKA' STZAL PA, SKYE DGU 'DI NI SKYE NA'ANG GCIG PU SKYE, ,DE BZHIN 'CHI NA'ANG GCIG PU 'CHI BAR 'GYUR, ,'DI NA GCIG PUS SDUG BSNGAL MYONG 'GYUR GYI, ,'KHOR BA LA NI GROGS YOD MA YIN NO, ,ZHES GSUNG, DE NAS BYANG CHUB SEMS DPAS RANG GI DBU SKRA RANG GIS BCAD DE GNAM DU GTOR BA NA, BRGYA BYIN GYIS MKHA' LAS BLANGS TE SUM CU RTZA GSUM DU KHYER NAS LHA RNAMS KYI MCHOD PA'I RTEN BYED CING LO RE BZHIN GTZUG PHUNG KYI DUS STON YANG BYED CES GRAG GO ,DE NAS BYANG CHUB SEMS DPAS NA BZA' KA SHI KA'I RAS KHYAD PAR CAN 'DI LTA BU GYON PA RAB TU BYUNG BA'I TSUL DANG MI MTHUN NO SNYAM DU DGONGS NAS DUR SMRIG GI GOS GYON PAR BZHED PA NA BRGYA BYIN GYIS SNGON GYI DRANG SRONG RNAMS KYIS BYANG CHUB SEMS DPA'I CHED DU SMON LAM BTAB STE BZHAG PA'I DUR SMRIG GI GOS BLANGS TE BYANG CHUB SEMS DPA' LA PHUL, KA SHI KA'I NA BZA' RNAMS BRGYA BYIN GYIS BLANGS TE SPYI BOR KHYER NAS SUM CU RTZA GSUM DU MCHOD PA'I RTEN DU BZHUGS SHING LO RE BZHIN NA BZA'I DUS STON YANG BYED

CES GRAG GO ,GNAS DER GTZUG PHUD DOR BA'I MCHOD RTEN DANG, DUR SMRIG BLANGS PA'I MCHOD RTEN DANG, 'DUN PA PHYIR LOG PA'I MCHOD RTEN GSUM YOD PAR GRAGS SO, ,DE NAS BYANG CHUB SEMS DPAS SH'AKYA'I GRONG NAS DE'I BAR LA DPAG TSAD BCU GNYIS YOD MOD KYANG, DA DUNG NYE DU DANG THAG NYE BA NI MI LEGS PAR DGONGS NAS CHU BO GANGG'A BRGAL TE MA GA DHAR BYON NO, ,DE LTAR STON PAS 'KHOR LOS BSGYUR BA'I DPAL THAMS CAD MCHIL MA'I THAL BA BZHIN DU DOR ZHING, SKU'I RGYAN DANG NA BZA' TSUN CHAD DOR TE RAB TU BYUNG NAS BSOD SNYOMS MDZAD PA NI GDUL BYA RNAMS LA 'DI LTAR BYA DGOS SO ZHES 'DOMS PA STE, SNGON BYUNG STON PA'I RNAM THAR RJES 'JUG GDUL BYA'I NYAMS LEN DU 'KHYER BAR BYA BA YIN PAS BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS STON PA THUGS RJE CAN GYI MDZAD PA RNAM THAR 'DI DAG DRAN PAR BYAS LA THOG MAR RANG YUL NYE DU DANG BCAS PA GANG LA'ANG MA CHAGS PAR DOR NAS RGYAL BA'I BSTAN PA LA RAB TU BYUNG STE , BYA DANG RI DVAGS BZHIN DU GSOG 'JOG GANG YANG MI BYA BAR 'TSO BA BSOD SNYOMS KYIS 'TSO BAR BYAS TE BYANG CHUB LAM RIM GYI NYAMS LEN BYA DGOS PA YIN PAS STON PA THUGS RJE CAN GYI RNAM THAR BZANG PO 'DI DAG YANG DANG YANG DU BSAMS TE

, ,RANG GI NYAMS LEN DU 'KHYER SHES PA ZHIG BYA'O, ,DE NAS BYANG CHUB SEMS DPAS RGYAL PO'I KHAB TU BSOD SNYOMS LA BYON PA NA RGYAL PO GZUGS CAN SNYING PO 'KHOR BCAS KYIS MTHONG STE NGO MTSAR NAS BYANG CHUB SEMS DPA'I DRUNG DU PHYIN TE BRTAGS PAN GZHON NU DON THAMS CAD GRUB PA YIN PAR NGO SHES NAS BLOR MA SHONG BAR BRGYAL LO, ,BRGYAL BA DE LAS SANGS NAS BYANG CHUB SEMS DPA' LA PHYAG BTZAL TE GSOL PA, KHYOD LA RGYAL SRID KYI PHYED 'BUL GYI, BDAG GI GROGS MDZOD LA PHYIN CHAD RI'I SUL DANG RTZVA'I GDING BA LA MA BZHUGS SHIG CES ZHUS PA NA, LAN GSUNGS PA, RTZE MO SNA TSOGS YANGS PAR GYUR PA YI, ,LHUN PO GANGS CAN RLUNG GIS BSKYOD SRID KYIS, ,NGA YI BLO NI THAR PA LA BRTEN PA, ,'DOD PA'I SHUGS KYIS BSKYOD PAR MI NUS SO, ,ZHES GSUNGS, DE NAS BYANG CHUB SEMS DBAS DRANG SRONG RNAMS KYI KHROD DU BYON TE DRANG SRONG DKA' THUB SBYOD PA DE DAG GIS DKA' THUB GANG DANG GANG SPYOD PA DE DANG DE LAS NYIS 'GYUR NYIS 'GYUR DU MDZAD PA NA DRANG SRONG DE DAG NGO MTSAR TE DGE SBYONG 'DI NI CHEN PO ZHIG GO ZHES BRJOD PAS DE PHYIN CHAD DGE SBYONG CHEN PO ZHES MTSAN DU GRAGS SO, ,DE NAS YAB ZAS GTZANG MAS BYANG CHUB SEMS DPA' G-YOG MED PAR 'KHYAM MO ZHES THOS NAS, RGYAL PO ZAS GTZANG MAS G-YOG SUM BRGYA DANG, SRU SKYE DGU'I BDAG MOS LHAS

BSTAN NAS MI NYIS BRGYA ZHABS 'BRING DU BTANG NGO, ,DE NAS BYANG CHUB SEMS DPAS 'KHOR LNGA BRGYA YOD PA DE DANG MNYAM DU SPYOD PA NA DBEN PAR 'KHOR MANG PO BSTEN PA 'DI MA LEGS SO SNYAM DU DGONGS NAS BYINGS RNAMS PHYIR SLOG CING; YAB DANG SRU'I PHYOGS KYI NGO BSRUNG BA DANG LNGA PO DE LA DGE BA'I RTZA BA YOD PAR MKHYEN NAS KO'U DI N+YA LA SOGS PA MI LNGA ZHABS 'BRING DU BSTEN NO, ,DE NAS BYANG CHUB SEMS DPAS CHU KLUNG NEE RANYDZA NA'I 'GRAM GYI SHING DRUNG ZHIG TU DKA' THUB LA BZHUGS TE THOG MAR 'BRAS 'BRU RE RE TZAM GSOL ZHING, DE NAS RIM GYIS 'BRU RE RE GSOL BA DE YANG SPANGS NAS LO DRUG TU SKYIL MO KRUNG BCAS NAS TING NGE 'DZIN LA BZHUGS SO, ,DE LTAR DKA' BA SPYAD BA'I BRTUL ZHUGS LO DRUG PO DES LHA DANG MI KHRAG KHRIG PHRAG BCU GNYIS DANG, BYE BA PHRAG DRUG CU RTZA BZHI THEG PA GSUM LA SMIN PAR MDZAD DO, ,DE'I TSE LHA NAS LTO 'PHYE'I BAR SDE BRGYAD RNAMS KYIS NYIN MTSAN DU MCHOD CING SMON LAM 'DEBS SO; ;LHA DANG MI GANG DAG RGYA CHEN PO LA MOS PA DE DAG GIS NI BYANG CHUB SEMS DPA' RIN PO CHE'I KHANG PA BRTZEGS BA NA 'DUG CING, BDE BA MYONG BAR MTHONG NGO, ,LHA DANG MI CHOS BSTAN PAS ZSMIN PAR MDZAD PA RNAMS KYIS CHOS 'BA' ZHIG 'CHAD PAR MTHONG NGO, ,SEMS CAN SPYI MTHUN GYIS NI DKA' BA SPYOD PA SNGAR SMOS PA BZHIN DU MTHONG NGO, ,DKA' SPYAD MDZAD PA DES PHYI ROL PA'I DRANG SRONG SA YA PHRAG BZHI DANG NYIS 'BUM BTUL TE BYANG CHUB TU SMIN PAR MDZAD

, ,DO; ;DE NAS BYANG CHUB SEMS DPAS 'DI SNYAM DU DGONGS TE, DKA' THUB GCIG PUS 'TSANG RGYA BAR MI NUS KYI MTHA' GNYIS SPANGS PA'I DBU MA'I LAM LA BRTEN TE 'TSANG RGYA BAR BYA'O SNYAM DU DGONGS SHING, PHYOGS BCU'I SANGS RGYAS RNAMS KYIS KYANG DKA' THUB LAS BZHENGS TE BYANG CHUB KYI SNYING POR 'TSANG RGYA BA'I MDZAD PA STONG DGOS SO ZHES YANG DANG YANG DU BSKUL BA LA BRTEN NAS, DKA' THUB LAS BZHENGS TE DBUGS 'BYUNG RDUB CI BDER MDZAD PA DANG, ZHAL ZAS RAGS PA GSOL TE SKU LUS KYI STOBS BSKYED DO, ,DE NAS CHU KLUNG NEE RANYDZA NAR SKU KHRUS MDZAD DE PHYAG DAR KHROD KYI GOS GSOL NAS, SNGON YUN RING PO NAS SMON LAM BTAB BA GRONG PA'I BU MO LEGS SKYES MA DANG DGA' STOBS MA GNYIS KYI TSOGS RDZOGS PAR BYA BA DANG, SKU'I GZI MDANGS BSKYED NAS GDUL BYA RNAMS LA MTSAN DPE'I SKU GSAL BAR BSTAN PAR BYA BA'I PHYIR BU MO DE GNYIS KYI THAD DU BYON NAS BSOD SNYOMS MDZAD PO NA; DBYID ZLA THA CHUNG SA GA ZLA BA'I TSES BCU BZHI'I NYIN BU MO DE GNYIS KYIS BA MCHOG STONG GI 'O MA NYID KHUR BYAS PA GSER GYI GZHONG PAR BLUGS TE PHUL BA NA DRO'I DUS SU BU MO GNYIS KYI BYANG CHUB KYI CHOS RDZOGS PAR BYA BA'I PHYIR 'O THUG DE LHAG MA MA LUS PAR GSOL TE, YOL GO NEE RANYDZA NAR BOR BA KLU'I RGYAL PO RGYA MTSOS MCHOD PA'I PHYIR KHYER BAS, BRGYA BYIN GYIS MKHA' LDING DU SPRUL NAS DE PHROGS TE RANG GI GZUGS KYIS SUM CU RTZA GSUM DU KHYER NAS

YOL GO'I DUS STON BTZUGS SO, ,SENG GE'I KHRI YANG KLU'I BU MOS MCHOD PA'I RTEN DU KHYER TO, ,BU MO DE GNYIS KYIS KYANG BYANG CHUB SEMS DPA' THOG MA NAS DE'I BAR JI LTA BAR MA 'TSAL TO, ,BYANG CHUB SEMS DPA'I BSOD NAMS DANG SHES RAB KYI STOBS KYIS 'O THUG GSOL MA THAG SKU SNGA KHO LTAR KHA DOG BZANG PO RGYAS PA DANG MTSAN BZANG PO SUM CU RTZA GNYIS DANG DPE BYAD BZANG PO BRGYAD CU DANG 'OD 'DOM GANG PA RNAMS KYIS BRGYAN PAR GYUR TO, ,GZHAN YANG LHA NAS LTO 'PHYE'I BAR GYI SDE BRGYAD PO GANG DAG BYE BA PHRAG DRUG CUS KYANG RANG RANG GI ZAS THOGS TE BYANG CHUB SEMS DPA' LA PHUL BA DANG, BYANG CHUB SEMS DPAS DE DAG PHAN TSUN GCIG GIS GCIG MTHONG BA MED BAR BYIN GYIS BRLABS NAS GSOL TO, , RANG RANG GI GANG PHUL BA DE GSOL BAR MTHONG BA'I MOD LA DE DAG THAMS CAD BYANG CHUB TU YONGS SU SMIN PAR MDZAD DO, ,DE NAS BYANG CHUB SEMS DPAS GANG DU MNGON PAR RDZOGS PAR 'TSANG RGYA SNYAM DU GNAS BRTAGS PA NA DKAR PHYOGS KYI LHA RNAMS KYIS CHU KLUNG NEE RANYDZA NA BRGAL BA'I NUB PHYOGS NA RDO RJE GDAN ZHES BYA BA DUS GSUM SANGS RGYAS THAMS CAD GANG DU MNGON PAR RDZOGS PAR 'TSANG RGYA BA'I GNAS MCHIS PAS DER GSHEGS SU GSOL ZHES ZHUS SHING, BYANG CHUB SEMS DPA' RANG NYID KYANG DE LTAR DU DGONGS NAS BYANG CHUB KYI SNYING POR GSHEGS SO, ,DE'I TSE LHA'I BUS BZANG SOGS SA LA SPYOD PA'I LHA RNAMS KYIS NI STONG CHEN PO PHYAG BDAR BYED CING SPOS CHUS CHAG CHAG 'DEBS SO, ,LAG NA GZHONG

, ,THOGS DANG, PHRENG THOGS KYIS NI ME TOG GI CHAR 'BEBS SO, ,'JIG RTEN SKYONG BA BZHIS NI GSER GYI DRA BA DANG, BRGYA BYIN GYIS NI RNAM PAR RGYAL BA'I KHANG BZANG DRA BAS MDZES PAR BRGYAN TO, ,'THAB BRAL BAS NI BEE d'URYA'I DRA BA DANG, DGA' LDAN PAS NI MU TIG GI DRA BA DANG, 'PHRUL DGA' BAS NI 'DZAM BU CHU BO'I GSER GYI DRIL BU'I DRA BA DANG, DBANG BSGYUR GYIS NI LHA'I RIN PO CHE'I DRA BAS BKAB BO, ,CHU KLUNG NEE RANYDZA NA DANG BYANG CHUB KYI SNYING PO'I BAR GYI LAM RLUNG GI LHA RNAMS DANG SPRIN GYI LHA RNAMS KYIS PHYAG BDAR BYAS, SPOS CHUS CHAG CHAG BTAB BO, ,STONG CHEN 'DI'I SHING LJON PA DANG BYIS PA BTZAS PA JI SNYED PA RNAMS BYANG CHUB KYI SNYING PO LOGS SU MGO BTUD DO, ,'DOD PA'I LHA'I BU RNAMS KYIS NI DE'I BAR RGYANG GRAGS TZAM TSUN CHAD KYI LAM MNGON PAR BKOD DE LAM DE'I 'GRAM G-YAS G-YON DU RIN PO CHE SNA BDUN GYI STEGS BU 'PHANG DU SHING TA LA BDUN TZAM DU MTHO BA, STENG DU RIN PO CHE'I DRA BA BRES PA, LHA'I GDUGS DANG RGYAL MCHAN DANG BA DAN GYIS LEGS PAR BRGYAN PA SPRUL TO, ,MDA' RGYAD GANG TZAM DU NI RIN PO CHE SNA BDUN GYI SHING TA LA STEGS BU DE BAS MTHO BA MNGON PAR SPRUL TE SHING TA LA DE RNAMS RIN PO CHE BRGYUS PAS PHAN TSUN DU 'BREL BAR 'DUG GO ,SHING TA LA GNYIS GNYIS KYI BAR DU RDZING SPOS CHUS YONGS SU GANG BA GSER GYI BYE MA BDAL BA, AUTPAL LA SOGS PAS GANG BA, RIN PO CHE'I STEGS BUS BSKOR BA, NOR BU RIN PO CHE BEEd'URYAS THEM SKAS

BRGYAN PA, RMA BYA DANG CHU BYA SNA TSOGS PA SGRA 'BYIN PA'I RDZING DAG BYAS SO, ,LAM DE NA LHA'I BU MO BRGYAD KHRI BRGYAD KHRIS SPOS CHUS GTOR ZHING ME TOG GIS BKRAM MO, ,TA LA THAMS CAD KYI MDUN DU RIN PO CHE'I MKHA' RTEN BZHAG PA LA TZAN DAN DANG AA KA RU'I SPOS PHOR THOGS PA BRGYAD KHRI DANG, GLU DBYANGS LEN PA'I LHA'I BU MO LNGA KHRI DAG 'KHOD DO, ,DE NAS MI MJED KYI BDAG PO TSANGS PA DBANG BSGYUR CHEN POS TSANGS RIS PA RNAMS LA BSGO BA GROGS PO DAG SKYES BU CHEN PO 'DI NI SNGON GYI DAM BCAS PA MTHAR PHYIN PA'I PHYIR BYANG CHUB KYI SNYING POR BZHUD KYI KHYED RNAMS KYIS MCHOD PAR GYIS SHIG ,'DOD PA'I LHA RNAMS KYIS MCHOD PAS STONG CHEN BRGYAN PAR BYAS PA LA LTOS ZHES BSKUL BA DANG, GZUGS KYI LHA RNAMS KYIS 'JIG RTEN GYI KHAMS 'DI RIN PO CHE'I RANG BZHIN LA GSER GYI PADMA BKRAM PA KHA KHYER RIM PA BDUN GYIS BSKOR BA DANG, GSHEGS LAM DU SHING RTA BDUN YANG SPRUL TO, ,LHA'I BU MO BYE BA DRUG CUS RDO RJE'I GDAN RIN PO CHES BKRAM PA LA SOGS BYAS TE MCHOG GI BKOD PA DANG LDAN PA DGA' TSAL LTA BUR BYAS SO, ,TSANGS PA RANG NYID KYANG SKAD CIG DE LA STONG CHEN 'DIR PHYIN TE SA GZHI MNYAM PA RIN PO CHE SNA BDUN GYIS GANG BA RAG NA BDE BAR BYAS SO, ,DE BZHIN DU PHYOGS BCU'I BRGYA BYIN DANG, TSANGS PA DANG, 'JIG RTEN SKYONG BA RNAMS KYIS KYANG ZHING 'DI SANGS RGYAS KYI ZHING BRGYA STONG GIS BRGYAN TO, ,BYANG CHUB SEMS DPA' RNAMS KYIS KYANG BKOD PA DPAG TU MED PA'I SANGS RGYAS KYI ZHING BKOD

, ,PA SNA TSOGS PAS ZHING 'DI GCIG PU BRGYAN PAR BYAS SO, ,BYANG CHUB KYI SNYING PO SKYONG BAR BYED PA'I LHA'I BU AU KHA LI LA SOGS PA LHA'I BU BCU DRUG GIS BYANG CHUB KYI SHING DE LA DPAG TSAD BRGYAD CU'I KHOR YUG TU RIN PO CHE SNA BDUN GYI STEGS BU DANG, TA LA'I PHRENG BA DANG G-YER KHA'I DRA BA DANG, RIN PO CHE'I PHRENG BA RNAMS RIM PA BDUN BDUN GYIS LEGS PAR BSKOR BA, GSER GYI GLEGS MA DANG TSONG TSONG DANG PADMA DAG GIS KHEBS PAR BYAS SO, ,'OD MA LA SOGS PA BYANG CHUB KYI SHING GI LHA MO BZHIS KYANG BYANG CHUB KYI SHING DE MDZES SHING BKRA BA DANG, NANG RIM LA RIN PO CHE SNA BDUN GYI STEGS BU DANG, TA LA DANG G-YER KHA DANG RIN PO CHE'I PHRENG BA BDUN BDUN GYIS BSKOR TO, ,DE NAS NYI MA DGUNG YOL GYI DUS SU BYANG CHUB KYI SNYING POR GSHEGS PA NA, ZHABS KYI MTHIL LAS NGAN SONG GSUM RGYUN GCOD CING SEMS CAN RNAMS KYI SDUG BSNGAL DANG NYON MONGS PA BCIL BA BDE BA DANG LDAN ZHING SANGS RGYAS KYI ZHING THAMS CAD SNANG BAR BYED PA'I 'OD BKYE STE, SANGS RGYAS KYI ZHING RNAMS NI RAB TU BSKYOD, SIL SNYAN SGROG ,ME TOG GI CHAR 'BEBS, LAM GYI BKOD PA RGYA CHEN POS BYANG CHUB KYI SNYING POR GSHEGS PA NA GANG DANG GANG BZHABS BZHAG PA DER PADMA DAG BYUNG STE, SA CHEN PO 'DI YANG KHAR PA'I SNOD BZHIN DU SGRA 'BYIN TO, ,DE LTAR BYANG CHUB SEMS DPA' BYANG CHUB KYI SNYING POR GSHEGS PA NA, SNGON GYI SANGS RGYAS RNAMS RTZVA'I GDAN LA BZHUGS PAR DGONGS SHING, GNAS GTZANG MA'I LHA'I BU RNAMS

KYIS KYANG DE BZHIN DU GSOL PA DANG, LHA'I DBANG PO BRGYA BYIN GYIS BYANG CHUB SEMS DPA'I DGONGS PA SHES NAS, RI SPOS NGAD LDAN PAS SHING BAL LTAR REG NA BDE BA'I RTZVA KHUR GCIG BLANGS NAS BDAG NYID RTZVA 'TSONG BKRA SHIS KYI GZUGS SU SPRUL NAS PHUL BAS RTZVA DE BYANG CHUB SEMS DPAS BZHES TE, SLAR YANG RTZVA 'TSONG BKRA SHIS KYI DGE BA'I RTZA BA RDZOGS PAR BYA BA'I PHYIR RTZVA 'TSONG BKRA SHIS LAM GYI G-YAS ROL NA RTZVA SNGO SER DAG BRDAB GZIGS NAS DE LA, BKRA SHIS RTZVA DAG NGA LA MYUR DU BYIN, ,DE RING NGA LA RTZVA NI DON CHEN 'GYUR, ,DBUNG DANG BCAS PA'I BDUD NI BCOM NAS SU, ,BYANG CHUB DAM PA ZHI BA REG PAR 'GYUR, ,ZHES GSUNGS PAS, RTZVA 'TSONG BKRA SHIS SNGON KHYIM BDAG BLO GROS LDAN DU GYUR PA'I TSE SANGS RGYAS RNAM GZIGS KYI DRUNG DU SMON LAM BTAB PA'I MTHUS RAB TU DGA' BAS RTZVA SNGON PO RMA BYA'I MGRIN PA LTAR G-YAS SU 'KHYIL BA DRI ZHIM PA REG NA 'JAM PA SPAR BA GANG THOGS NAS BYANG CHUB SEMS DPA' LA PHUL TE, RTZVA YIS BYANG CHUB 'CHI MED PA; ;SNGON GYI RGYAL BA'I LAM 'THOB NA, ,YON TAN RGYA MTSO KHYOD BZHES SHIG ,BDAG KYANG THOG MAR 'TSANG RGYA BGYI, ,ZHES GSOL TO, ,DE NAS BYANG CHUB SEMS DPAS BYANG CHUB KYI SHING LA LAN BDUN DU BSKOR BA MDZAD DE PHYAG BTZAL NAS SEMS CAN DMAN PA LA MOS BA RNAMS KYI BLO TSIM BAR BYA BA DANG, RTZVA'I GDAN GYIS CHOG SHES PAR BYA BA'I PHYIR DANG, SNGON GYI RGYAL BA'I RJES SU BSLAB PA'I PHYIR, RANG NYID KYIS SHING DE'I DRUNG DU RTZVA'I RTZE MO NANG DU BSTAN NAS RTZVA RNAMS MA 'KHRUGS PA DANG

, ,STUG SRAB MED PAR BKRAM PAS BSKOR THABS SU LHUNG BA DANG, MTSAN MA 'DI LAS BDAG GDON MI ZA BAR 'TSANG RGYA BAR 'GYUR RO SNYAM NAS CHED DU YANG BRJOD DO, ,DE LTAR RTZVA'I GDING BA GTING BA'I STENG DU SKYIL MO KRUNG BCAS NAS SKU DRANG POR BSRANG STE DRAN PA MNGON DU BZHAG ,ZHAL SHAR PHYOGS SU GZIGS NAS, JI SRID SDUG BSNGAL KUN GYI MTHA'I, ,ZAG ZAD YANG DAG MA THOB PAR, ,DE SRID SROG GI MTHAR GYUR KYANG, ,SKYIL KRUNG 'DI NI GZHIG MI BYA, ,ZHES BYA BA LA SOGS PA GSUNGS, ,DE NAS PHYOGS BCU'I ZHING NAS BYANG CHUB SEMS DPA' BGRANG BA LAS 'DAS PA 'DUS TE, RGYAL BA'I SRAS PO MANG PO DE DAG RANG RANG GI RDZU 'PHRUL GYI RNAM PAR 'PHRUL PA THA DAD PA DAG BYED DE, ME TOG GI GZHAL YAS KHANG STON PA DANG, LUS LAS KHA DOG STONG 'DON PA DANG, NYI MA LTA BUR 'OD 'GYED PA DANG, SA G-YO BA DANG, RGYA MTSO BZHI MGO BOR THOGS NAS SA LA SPOS CHU 'DEBS PA DANG, RIN PO CHE'I MCHOD SDONG 'BUL BA DANG, PAR SNANG LA GNAS NAS LUS DOR BA ME TOG GI PHRENG BAR GYUR PAS STONG GSUM 'GENGS PA DANG, BA SPU'I KHUNG NAS MDO SDE KHRAG KHRIG BRJOD PA DANG, LUS CHEN POR BSGYUR BA DANG, LO MA LA BYANG CHUB SEMS DPA' LUS PHYED GNAS PA'I LJON PA THOGS PA DANG, LHUN PO LAG NA THOGS PA DANG, RKANG GIS CHU'I PHUNG PO 'BOG PA DANG, RNGA BO CHE BRDUNG BA'I SGRAS PHYOGS BCU BYE BA'I ZHING KHYAB PAR DO MOD BYANG CHUB SEMS DPA' 'TSANG RGYA'O ZHES RGYA CHER SGROG PA SOGS LHAGS SO, ,ZHING KUN NA BZHUGS PA'I RGYAL BA THAMS CAD KYIS

PHYAG G-YAS PA BRKYANGS TE, DED DPON CHEN PO RGYAL BAR GYUR CIG CES GSUNG BRJOD DO, ,DE NAS BDUD SDIG TO CAN GYIS BDUD KYI DMAG BYE BA PHRAG DUNG PHYUR BSKUL TE BYANG CHUB SEMS DPA' LA MCHON CHA'I CHAR 'BEBS PA SOGS BYANG CHUB LAS G-YO BA'I PHYIR BAR CHAD BYA BAR BRTZAMS SO, ,BYANG CHUB SEMS DPA' NI THUGS KA DPAL GYI BE'US BRGYAN PA SOGS RDO RJE LTAR BRTAN PA'I STOBS MNGA' BA DANG, CHOS KUN SGYU MA DANG MTSUNGS PAR GZIGS PAS BDUD KYI DMAG DE RNAMS KYIS BAG TSA BA DANG G-YO BA MED DO, ,BDUD KYI DPUNG DE DAG MTHU CHUNG BAR BYA BA'I PHYIR BDUD KYI DPUNG ZHAL GYI NANG DU ZHUGS PA DE LTA BU'I MTHU BSTAN PA DANG BDUD RNAMS BROS SO, ,BROS NAS KYANG CI YANG MA YIN NO SNYAM NAS SLAR LOG STE 'KHOR DANG BCAS PAS MTSON CHA SNA TSOGS 'PHANGS PA ME TOG GI BLA BRE DANG GZHAL MED KHANG DU GYUR TO, ,DBUGS GDUG PA'I ME LCE GTONG BA DAG KYANG 'OD KYIS PADMA 'DAB MA BRGYA PA BZHIN DU BSKYOD DO, ,DE NAS BYANG CHUB SEMS DBAS PHYAG G-YAS PA MGO LA BYUGS PA DANG, BDUD KYIS BYANG CHUB SEMS DPA'I PHYAG NA RAL GRI 'BAR BA THOGS PAR MTHONG NAS LHO'I PHYOGS SU BROS PA DANG CI YANG MA YIN NO SNYAM NAS YANG SLAR LOG STE MTSON CHA RNAMS DRAG TU 'PHANGS PA DE DAG KYANG ME TOG GI PHRENG BAR GYUR TE BYANG CHUB KYI SHING BRGYAN PAR BYAS SO, ,DE LTAR BYANG CHUB SEMS DPA'I YON TAN DE MTHONG NAS BDUD SDIG CAN PHRAG DOG DANG ZHE SDANG GIS RGYUD 'KHRUGS TE, BYANG CHUB SEMS DPA' LA SMRAS PA, KHYOD CI'I PHYIR BYANG CHUB KYI

, ,SNYING PO LA 'DUG ,BKA' STZAL BA, BLA NA MED PA'I YE SHES THOB PAR BYA BA'I PHYIR RO, ,BDUD KYIS SMRAS PA, KYE RGYAL BU GZHON NU, BZHENGS LA RGYAL SRID LA SPYOD CIG ,KHYOD KYI BSOD NAMS DE TZAM GYIS THAR PA GA LA THOB; CES 'KHOR LO'I MTSON CHA 'PHANGS PAS ME TOG TU GYUR CING, 'KHOR RNAMS KYIS RI 'PHANGS PAS ME TOG GI CHUN POR GYUR TO, ,BKA' STZAL PA, SDIG CAN, KHYOD KYIS NI GTAN PA MED PA'I MCHOD SBYIN GCIG GIS 'DOD PA'I DBANG PHYUG THOB TU ZAD NA, NGAS BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG DU MAS GTAN PA MED PA'I MCHOD SBYIN BYAS SHING, SEMS CAN RNAMS KYI PHYIR YONGS SU GTANG BAR DKA' BA RNAMS BTANG BAS BLA NA MED PA'I YE SHES THOB STE BLA NA MED PA'I YE SHES THOB PAR MI 'GYUR BA DE SRID RE SKAN, DE SKAD CES BKA' STZAL PA DANG, BDUD KYIS SMRAS PA, JI LTAR BDAG GIS MCHOD SBYIN GCIG GIS 'DOD PA'I KHAMS KYI DBANG PHYUG THOB PAR GYUR PA'I DBANG PO NI KHYOD NYID YIN NA, JI LTAR KHYOD KYIS BLA NA MED PA'I YE SHES THOB PA'I PHYIR BSKAL PA GRANGS MED PA GSUM DU MCHOD SBYIN BYAS PA'I DPANG PO SU YOD, CES SGRA GSANG CHEN PO BSGRAGS SO, ,DE NAS BYANG CHUB SEMS DPA' SNYING RJE CHEN PO'I THUGS KYIS BAG TSA BA MED PAR PHYAG G-YAS PA 'KHOR LO DANG G-YUNG DRUNG GIS MTSAN PAS SKU LUS THAMS CAD LA BYUGS NAS, 'JIG RTEN GYI KHAMS THAMS CAD KYI SANGS RGYAS THAMS CAD MNGON DU BYAS TE, TSUL DU SHIS PAR

SA CHEN PO LA BRDABS NAS NGA'I DPANG DU SA 'DI YOD DO, ,SA 'DI 'GRO BA KUN GYI GNAS YIN TE, ,RGYU DANG MI RGYU SNYOMS SHING NYE 'KHON MED, ,'DI NI BDAG GI DPANG STE BDAG RDZUN MED, ,'DI LA KHYOD NI BDAG GI DPANG BYOS SHIG ,CES SA LA PHYAG G-YAS PA REG MA THAG TU SA CHEN PO RNAM PA DRUG TU G-YOS SHING LTAS CHEN PO BCO BRGYAD DAG KYANG BYUNG NGO, ,DE NAS SA'I LHA MO BSTAN MA SA'I LHA MO'I 'KHOR BYE BA PHRAG BRGYA DANG LDAN PA DES RIG NAS SA BRTOL TE LUS RGYAN GYIS BRGYAN PA, LTE BA YAN PHYUNG NAS BYANG CHUB SEMS DPA'I LOGS SU BTAD DE THAL MO SBYAR NAS GSOL PA, DE DE BZHIN NO SKYES BU DAM PA, KHYOD JI SKAD GSUNGS PA BZHIN TE, 'DI NI BDAG LA MNGON SUM MO, ,DE LTA LAGS MOD, KHYOD NYID LHA DANG BCAS PA'I DPANG DU GYUR PA YIN NO, ,BDUD LA YANG SMRAS PA, SDIG CAN, BCOM LDAN 'DAS KYIS JI SKAD BKA' STZAL PA DE BZHIN NO, ,ZHES SMRAS NAS DE NYID DU MI SNANG BAR GYUR TO, ,TSUL DES BDUD SDIG CAN ZHUM ZHING CANG MI SMRA LA SPYI BO SMAD NAS SEMS KHONG DU CHUD NAS 'DUG GO ,DE'I TSE BYANG CHUB SEMS DPA'I PHYAG G-YAS SA LA BRDABS PA'I SGRA DE LAS THUG BCOM DANG 'UR SGRA DANG, SOD CIG CES SDIG CAN RNAMS KYIS THOS SO, ,'KHOR DE LAS BDUD BYE BA KHRAG KHRIG BRGYA STONG GIS NI 'DI LA SKYABS SU 'GRO BAR GYIS ZHES PA LA SOGS PA'I TSIGS SU BCAD PA THOS TE, KHA BUB TU 'GYEL NAS SKYES BU DAM PA SKYAB TU GSOL ZHES SMRAS SO, ,BDUD SDIG CAN DPUNG DANG BCAS PA DES DNGANGS SHING 'BROS 'DOD KYANG 'BROS MA NUS TE, BYANG

, ,CHUB SEMS DPAS 'OD PHYUNG NAS DE 'JIGS PA LAS BSKYAB SO, ,DE NAS BDUD KYI 'KHOR GNOD SBYIN BYE BA KHRAG KHRIG BRGYA STONG PHRAG BRGYAD CU DANG, SROG CHAGS BYE BA KHRAG KHRIG BRGYA STONG PHRAG DGU BCU RTZA DGUS BYANG CHUB TU SEMS BSKYED DO, ,SNGON SBYANG PA BYAS PA'I LHA BRGYAD KHRI BZHI STONG MI SKYE BA'I CHOS LA BZOD PA THOB BO, ,DE'I TSES CHEN PO 'DI RNAM PA DRUG TU G-YOS SHING, 'JIG RTEN SU SNANG BA CHEN POS KHYAB PAR 'GYUR BA'I 'OD SKU LAS SPROS TE NGAN SONG GSUM GYI SDUG BSNGAL ZHI BAR MDZAD, MI KHOM PA RGYUN BCAD, SEMS CAN SU LA YANG THA BA DANG, RGYAGS BA DANG, SDANG BAS GNOD BA MED PAR MDZAD DO, ,DE LTAR BCOM LDAN 'DAS KYIS THAMS CAD MKHYEN PA NYID THOB MA THAG TU PHYAG NA RDO RJE RANG GI THUGS LA BZHUGS PA LA MTSAN BRGYA RTZA BRGYAD PAS BSTOD DE, PHYAG RDOR LA DE BZHIN GSHEGS PA THAMS CAD KYIS LEGS SO ZHES BYA BA BYIN NO, ,DE NAS LHA'I BU RNAMS KYIS SMRAS PA, GROGS PO DAG ,'DI MNGON PAR RDZOGS PAR SANGS RGYAS KYIS ME TOG 'THOR CIG CES SMRAS PA DANG, SNGON GYI RGYUS SHES PA'I LHA RNAMS KYIS SMRAS PA, BRDA MA MDZAD KYI BAR GTOR BAR MI BYA'O ZHES SMRAS SO, ,DE'I TSE PHYOGS BCU'I SANGS RGYAS RNAMS KYIS DE BZHIN GSHEGS PA MNGON PAR RDZOGS PAR SANGS RGYAS PA LEGS SO ZHES PHYAG G-YAS PA BRKYANGS TE SKU MA MNYEL TAM ZHES SNYUN GSOL TE MNYEL BA MI MNGA' BAR BYANG CHUB BAM, RANG BYUNG DU CHOS THAMS CAD LA DBANG BSGYUR RAM,

ZHES 'DRI ZHING BYANG CHUB SEMS DPA' RNAMS BKYE STE STONG CHEN 'DI KHEBS PA'I RIN PO CHE'I GDUGS 'OD ZER GYI DRA BA SNANG BA CHEN PO DANG LDAN PA DAG BSKUR RO, ,BYANG CHUB SEMS DPA' DE DAG GIS KYANG BCOM LDAN 'DAS SH'AKYA THUB PA'I ZHABS LA PHYAG BTZAL NAS TSUL DANG MTHUN PAR PHUL LO, ,DE NAS BCOM LDAN 'DAS SKYIL KRUNG DANG BCAS BZHIN PAR SHING TAL BDUN TZAM DU NAM MKHA' LA 'PHAGS TE, LAM GYI RGYUN CHAD DO, ,SDUG BSNGAL NYE BAR ZHI'O, ,ZAG PA BSKAMS SO, ,ZHES CHED DU BRJOD PAS; LHA'I BU THAMS CAD KYIS ME TOG GTOR RO, ,DE NAS GNAS GTZANG MA'I LHA RNAMS KYIS TZAN DAN GYI PHYE MA DANG 'OD GSAL GYI LHA RNAMS KYIS GDUGS DANG RGYAL MTSAN DANG, TSANGS RIS PA RNAMS KYIS RIN PO CHE'I DRA BA DANG, BDUD KYI BU DKAR PHYOGS PA DAG GIS RIN PO CHE'I BLA BRE DANG, DBANG BSGYUR SOGS KYIS GSER GYI PADMA DANG, 'PHRUL DGA' BAS DAR GYI LDA LDI DANG, DGA' LDAN PAS LHA'I GOS KYI DRA BA DANG, 'THAB BRAL BAS SPOS PHRENG DANG, BRGYA BYIN GYIS BYUG PA DANG, RGYAL CHEN BZHIS ME TOG SNA TSOGS PA DANG, BAR SNANG GI LHA RNAMS KYIS G-YER KHA'I DRA BA DANG, SA BLA'I LHA RNAMS KYIS SA GZHI RNAMS LA ME TOG BKRAM NAS PHUL ZHING BSTOD DE BYANG CHUB KYI SNYING PO LEGS PAR BRGYAN TO, ,DE LTAR BYANG CHUB SEMS DPA' NAM MKHA'I KHAMS YONG SU GANG BDAG GIS MCHOD CING BSTOD LA, RGYAL BA RANG NYID KYIS KYANG, BSOD NAMS RNAM SMIN BDE STER SDUG BSNGAL THAMS CAD SEL, ,BSOD NAMS LDAN PA'I MI YI BSAM PA RNAM KYANG 'GRUB, ,BDUD BCOM NAS NI BYANG CHUB MYUR DU RAG PAR GYUR, ,MYA NGAN LAS 'DAS ZHI BA BSIL BA'I DNGOS

, ,PO THOB, ,CES CHED DU BRJOD DO, ,DE LTAR 'TSANG RGYA BA'I MDZAD PA BSTAN PA NI GDUL BYA'I DON DU MCHOG GI SPRUL SKU'I MDZAD PA YIN GYI, STON PA 'DI NYID SNGON BSKAL PA BGRANG BA LAS 'DAS PA'I SNGA ROL TU SANGS RGYAS PA YIN PA NI SNGAR BRJOD ZIN CING, SNYING RJE PAD DKAR DU YANG, STON PA 'DI NYID SNGON BSKAL PA BRJOD KYIS MI LANG BA'I SNGA ROL TU RGYAL BA DBANG BO'I TOG TU SANGS RGYAS SHING, ZHING 'DIR SNYIGS MA'I 'GRO BA RNAMS KYI DON DU MCHOG GI SPRUL SKU'I MDZAD PA BSTAN PA YIN PA DANG, DA DUNG SEMS CAN MA ZAD KYI BAR DU SPRUL PA RGYUN MI 'CHAD DU STON PAR GSUNGS SO, ,SNGAR BSHAD PA'I 'TSANG RGYA TSUL DE NI THUN MONG BA'I DBANG DU BYAS PA'I 'TSANG RGYA TSUL YIN GYI, SNGAGS LAM GYIS 'TSANG RGYA BA'I TSUL NI SA GA ZLA BA'I TSES BRGYAD KYI NYIN RNAM SMIN GYI LUS CHU KLUNG NEE RANYDZA NA'I 'GRAM DU BZHAG NAS YID LUS KYIS 'OG MIN DU PHEBS TE RDO RJE DBYINGS KYI DKYIL 'KHOR CHEN POR ZHUGS NAS MNGON BYANG LNGA'I SGO NAS 'TSANG RGYA BA'I MDZAD PA BSTAN TE RNAL 'BYOR RGYUD GSUNGS PA DANG, YANG GSANG BA 'DUS PA'I DKYIL 'KHOR DU ZHUGS NAS BYANG CHUB RDO RJES LHAN CIG SKYES PA'I YE SHES MTSON PA'I DBANG BSKUR TE GNYIS SNANG PHRA MO YANG DAG NAS ZUNG 'JUG GI SKUR BZHENGS TE BLA MED KYI RGYUD GSUNGS PA DANG, BDUD 'DUL BA'I TSE GSHIN RJE'I GSHED DMAR NAG GI SKUR BZHENGS NAS GSHIN RJE'I GSHED KYI RGYUD RNAMS GSUNGS PA'I TSUL LA SOGS

PA GSANG BA BSAM GYIS MI KHYAB PA'I TSUL MTHA' YAS PA YOD DO, ,DE LTAR DGUNG LO SO LNGA LA BAB PA RGYAL BA ZHES PA SHING PHO RTA'I LO SA GA ZLA BA'I TSES BCO LNGA'I THO RANGS MNGON PAR RDZOGS PAR SANGS RGYAS PA'I TSUL BSTAN NAS ZHAG BDUN BYANG CHUB KYI SHING LA BRTEN TE BZHUGS, BDUN GNYIS PA LA STONG GSUM GYI STONG CHEN PO'I 'JIG RTEN GYI KHAMS LA RGYANG RING DU 'CHAG PAR MDZAD, BDUN GSUM PA LA BYANG CHUB KYI SHING LA SBYAN MI 'DZUM PAR GZIGS SHING BZHUGS BDUN BZHI PA LA GLING BZHI PA'I 'JIG RTEN GYI SHAR NUB KYI RGYA MTSO'I BAR LA 'CHAG CING BZHUGS, BDUN LNGA PA LA KLU'I RGYAL PO BTANG BZUNG GI GNAS SU BZHUGS, BDUN DRUG PA LA SHING NE GRO DHA RA SKYONG DU GSHEGS TE KUN TU RGYU MANG PO ZHIG BYANG CHUB TU SMIN PAR MDZAD, BDUN PHRAG BDUN PA LA SHING SBRUL RGYU'I TSAL DU BZHUGS TE TSONG DPON GA GON DANG BZANG PO GNYIS RJES SU BZUNG NAS DE GNYIS KYIS PHUL BA'I ZHAL ZAS BZHES SHING, DE'I TSE RGYAL PO CHEN PO BZHIS RDO'I LHUNG BZED RE PHUL BA GCIG TU BYIN GYIS BRLABS TE, DER ZHAL ZAS BZHES SO, ,DE NAS TSONG DPON GA GON DANG BZANG PO GNYIS KYI DON DU BKRA SHIS KYI TSIGS BCAD MDZAD NAS DE GNYIS BYANG CHUB TU LUNG BSTAN TO, ,DE NAS BCOM LDAN 'DAS 'DI SNYAM DU DGONGS TE, BDAG GIS CHOS ZAB MO ZAB PAR SNANG BA, KHONG DU TSUD PAR DKA' BA, RTOG GE PA RNAMS KYIS RTOG GE'I SPYOD YUL MA YIN PA, MKHAS PAS SHES PA 'DI RTOGS NA, GZHAN LA SMRAS KYANG MI SHES

, ,PAS BDE BAR GNAS PA'I RNAL 'BYOR LA RJES SU BRTZON PAR GNAS PAR BYA'O ZHAS DGONGS NAS, ZAB ZHI RDUL BRAL 'OD GSAL 'DUS MA BYAS, ,BDUD RTZI CHOS 'DI BDAG GIS THOB PAR GYUR, ,BDAG GIS BSTAN KYANG GZHAN GYIS MI SHES TE, ,MI SMRA NAGS 'DAB GNAS PAR BYA BA SNYAM, ,ZHES BYA BA LA SOGS PA GSUNGS TE THUGS LAS CHUNG DUR BZHUGS PA NA, PHYOGS BCU'I ZHING NAS LHAGS PA'I BYANG CHUB SEMS DPA' BGRANG BA LAS 'DAS PA DAG DANG, DKAR PHYOGS KYI LHA BGRANG BA LAS 'DAS PA DAG GIS CHOS STON PAR GSOL BA BTAB CING, KHYAD PAR STONG GSUM MI MJED KYI BDAG PO TSANGS PA CHEN POS BCOM LDAN 'DAS LA CHOS GSUNG BAR GSOL BA BTAB BAS, CANG MI GSUNG BAS GNANG BAR RIG STE TSANGS PA RANG GI GNAS SU SONG NGO, ,DE NAS BCOM LDAN 'DAS KYIS GZHAN DAG CHOS LA GUS PA BSKYED PAR 'GYUR BA DANG, TSANGS PAS YANG YANG BSKUL NA DGE BA DAG 'PHEL BAR 'GYUR BA DANG, CHOS KYANG ZAB PAR BSTAN PA'I PHYIR THUGS LAS CHUNG DUR BZHUGS SO, ,DE TSANGS PAS SHES NAS BRGYA BYIN LA BSKUL TE, DBANG PHYUG CHEN PO SOGS 'DOD GZUGS KYI LHA MANG BO DANG LHAN CIG BCOM LDAN 'DAS KYI SPYAN SNGAR PHYIN NAS CHOS GSUNG BAR BSKUL LO, ,DE LTA NA'ANG CHOS GSUNG BA DKA' DKA' LTAR MDZAD NAS CHOS STON PAR MA MDZAD PA NA TSANGS PA GTZUG PHUD CAN GYIS DE SHES NAS NAM SROD LA TSANGS PA DRUG KHRI BRGYAD STONG GIS BSKOR NAS, BCOM LDAN 'DAS KYI SBYAN SNGAR

PHYIN TE THAL MO SBYAR NAS GSOL PA, MA GA DHAR NI SNGON CHAD CHOS BYUNG BA, ,DAG PA MA LAGS DRI MAR BCAS PAS RTOGS, ,BDUD RTZI CHOS KYI SGO NI PHYE MDZOD LA, ,DRI MA MED PAS RTOGS PA BSHAD PAR MDZOD, ,THUB BA CHOS KYI SGRON MAS MUN PA SOL, ,DE BZHIN GSHEGS PA'I RGYAL MTSAN KHYOD KYIS BSGRENG, ,SNYAN PA'I GSUNG BRJOD PA YI DUS LA BAB, ,RNGA SGRA RI DVAGS DBANG LTAR BSGRAG TU GSOL, ,BKA' STZAL PA, TSANGS PA NGAS NI TSEGS CHEN GYIS, ,SKYON RNAMS BCOM NAS RTOGS GYUR PA, ,SRID DANG CHAGS PAS DKRIS RNAMS KYIS, ,CHOS NI LEGS PAR RTOGS MI 'GYUR, ,GSOL PA, 'JIG RTEN NA DBANG PO RNON PO DANG 'BRING DANG RTUL PO DANG, GDUL SLA BA'I SEMS CAN GANG DAG MCHIS TE, DE DAG GIS CHOS MTHOS NA NYAMS PAR 'GYUR BAS CHOS BSHAD DU GSOL, ZHES DANG, SNGON CHOS 'TSOL BA'I PHYIR DBU STONG TZAM YANG BTANG NGO ZHES BSTOD DO, ,DE NAS TSANGS RIS KYI LHA'I BU DE RNAMS KYIS KYANG BCOM LDAN 'DAS SNGON KHA DOG DAM PA LA SOGS PA RGYAL PO LNGA DANG, DRANG SRONG AUDTA LAR GYUR PA'I TSE DAM PA'I CHOS KYI PHYIR DKA' BA DE LTA BU SPYAD NA, DA BCOM LDAN 'DAS CHOS KYI RGYA MTSO NI RDZOGS, CHOS KYI SGRON ME YANG GSAL BAR MDZAD NA, CI'I SLAD DU CHOS MA BSTAN PAR MYA NGAN LAS 'DA' BAR DGONGS, ZHES GSOL TO, ,BCOM LDAN 'DAS KYIS BKA' STZAL PA, BDUD RTZI'I SGO MO DAG NI DBYE BAR BYA, ,NYAN PAR SU 'DOD SOM NYI GSOL CIG DANG, ,TSANGS PA MI RNAMS LA NI GYA NOM

, ,CHOS; ;KLAN KA MI BTZAL MDO TZAM BSHAD PAR BYA, ,ZHES GSUNGS NAS CHOS GSUNG BAR ZHAL GYIS BZHES SO, ,DE NAS DE BZHIN GSHEGS PA CHOS 'CHAD PAR DGONGS PA DANG LHA'I BU RNAMS KYIS DO MOD BCOM LDAN 'DAS KYIS CHOS KYI 'KHOR LO BSKOR BA GNANG STE, DES NI PHAN PA DANG BDE BAR 'GYUR RO, ,ZHES SGRA BSGRAGS SO, ,BYANG CHUB KYI SHING GI LHA CHOS SRED SOGS BZHIS BCOM LDAN 'DAS LA GSOL PA, CHOS KYI 'KHOR LO GANG DU BSKOR, W'A RA n'A SIR RO, ,DER NI SKYE BO'I TSOGS NYUNG BAS GZHAN DU BSKOR DU GSOL, ZHES ZHUS PA NA, STON PAS W'A RA n'A SI NI SNGON GYI DRANG SRONG RNAMS KYI GNAS YIN ZHING DER MCHOD SBYIN BYE BA STONG PHRAG DU MA BYAS PA YIN BAS DER CHOS KYI 'KHOR LO BSKOR BAR BYA'O SNYAM DU DGONGS NAS BYON PA DANG, KUN TU RGYU NYER 'GRO DANG MJAL TE, DES BCOM LDAN 'DAS BZHIN MDOG LAGS PAR MTHONG NAS, GOO'U TA MA KHYOD KYI DBANG BO RNAMS NI SHIN TU GSAL NA SU LAS TSANGS PAR SPYAD BA SPYOD, BKA' STZAL PA, NGA LA SLOB DPON GANG YANG MED, ,NGA DANG 'DRA BA YOD MA YIN, ,NGA NI GCIG BU RDZOGS SANGS RGYAS, ,BSIL GYUR ZAG PA MED PA YIN, ,GSOL PA, GO'U TA MA SANGS RGYAS SU ZHAL GYIS 'CHES SAM, DE BZHIN NO, ,GAR BZHUD, NGA NI W'A RA n'A SIR 'GRO, GRONG KHYER GSAL LDAN SONG NAS NI, ,LONG BA LTA BU'I 'JIG RTEN LA, ,MTSUNGS BA MED PA'I 'OD BYA'O, ,ZHES GSUNGS SO, ,DE NAS BCOM LDAN 'DAS YUL K'A SHIR

LJONGS RGYU ZHING GRONG KHYER W'A RA n'A SIR GSHEGS NAS BSOD SNYOMS BZHES TE DRANG SRONG LHUNG PA RI DVAGS KYI NAGS SU BYON PA NA LNGA SDES RGYANG RING PO NAS GSHEGS PA MTHONG STE, DGE SBYONG GO TA MA MANG DU ZA BA SPONG BA LAS NYAMS PA 'DI 'ONGS NA BDAG CAG RNAMS KYIS 'DI LA SMRA BAR MI BYA, LDANG BAR MI BYA, PHYAG MI BYA, STAN STOB PAR MI BYA, ZHES 'OG KHRIMS BCAS PA LA KOO D'U N+YAS NI SEMS KYIS KHAS MA BLANGS SO, ,DE NAS BCOM LDAN 'DAS 'BAB CHU GNOD PA CAN GYI 'GRAM GYI LNGA SDE'I GNAS SU BYON MA THAG BCOM LDAN 'DAS KYI DPAL DANG GZI BRJID MA BZOD NAS STAN GYI STENG NA 'DAR ZHING KUN GYIS 'OG KHRIMS DRAL TE STAN LAS LANGS NAS KOO'U DI N+YAS RIM GRO BYED, RTA THUL GYIS NI BSUS TE CHOS GOS DANG LHUNG BZED BLANGS, RLANGS PAS NI GDAN BSHAMS, MING CHEN GYIS NI ZHABS RTEN STOB, BZANG LDAN GYIS NI ZHABS BSIL PHUL TE TSE DANG LDAN PA GOO TA MKHYOD BYON PA LEGS SO, ,GDAN BSHAMS PA LA BZHUGS SHIG CES GSOL TO, ,DE NAS BCOM LDAN 'DAS GDAN BSHAMS BA LA BZHUGS PA NA LNGA SDE RNAMS KYIS LHAG PAR YANG BCOM LDAN 'DAS LA MTSAN DANG GDUNG DANG TSE DANG LDAN PAS BRJOD PA KUN TU BRJOD DO, ,BKA' STZAL BA, KHYED RNAMS DE BZHIN GSHEGS PA LA DE LTA BU'I TSUL GYIS KUN TU BRJOD BAR MA BYED CIG ,KHYED LA YUN RING POR GNOD PA DANG SDUG BSNGAL BAR 'GYUR RO, ,GOO TA MA, KHYOD KYIS SNGON GYI TSUL DANG DKA' BA SPYAD PA DES MI'I CHOS BLA MA 'PHAGS PA'I CHOS MA THOB NA DA

, ,SPYOD TSUL 'DIS MI CHOS BLA MA 'PHAGS PA'I CHOS THOB PAR NUS SAM ZHES MA RANGS PAR GSOL BAS, BKA' STZAL PA, RAB TU BYUNG BAS MTHA' 'DI GNYIS LA BRTEN BAR MI BYA STE, GNYIS GANG ZHE NA, 'DOD PA RNAMS LA 'DOD PA'I BSOD NYAMS KYI RJES SU BRTZON PA DMAN PA NGAN PA THA CHAD MA RABS GANG YIN PA DANG, BDAG NYID DUB PA LA RJES SU BRTZON PAS 'PHAGS PA'I LAM LA GNOD PA DANG LDAN PA GANG YIN PA'O, ,KHYED KYIS MTHA' 'DI GNYIS LA MI RTEN BAR DBU MA'I LAM MIG DANG YE SHES PHYED PA NYE BAR ZHI BA DANG, MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR 'GYUR BA YOD DE, DBU MA'I LAM GANG ZHE NA 'PHAGS PA'I LAM YAN LAG BRGYAD PA'O, ,ZHES GSUNGS SO, ,DE NAS BCOM LDAN 'DAS KYIS DRANG SRONG LHUNG BA 'DI NYID KYI SA'I PHYOGS GANG DU CHOS KYI 'KHOR LO BSKOR MNYAM DU DGONGS PA NA, GANG DU SNGON GYI RGYAL BA RNAMS KYIS CHOS KYI 'KHOR LO BSKOR BA'I SA PHYOGS DER NI RIN PO CHE SNA BDUN GYI KHRI STONG BYUNG ZHING, TSANGS PAS KYANG SENG+GE'I KHRI 'PHANG DU DPAG TSAD BZHI KHRI NYIS STONG YOD PA BSHAMS, SO; ;DE BZHIN DU TSANGS PA GZHAN DANG, BRGYA BYIN DANG BYANG CHUB SEMS DPA' BYE BA PHRAG BCU BCUS KYANG SENG+GE'I KHRI DE LTA BU DAG BSHAM SO, ,SA BLA'I LHA RNAMS KYIS CHOS KYI 'KHOR LO BSKOR BA'I 'KHOR GYI KHYAMS CHEN PO BKRAB BLTA NA SDUG PA, RGYA CHE BA CHU ZHENG DU DPAG TSAD BDUN BRGYA YOD PA SPRUL TE, STENG GI NAM MKHA' LA GDUGS DANG BLA BREL SOGS PAS BRGYAN CING 'DOD LHA'I BU RNAMS KYIS SENGGE'I KHRI BRGYAD STONG PHUL NAS 'DI LA BZHUGS NAS 'KHOR LO BSKOR DU GSOL ZHES GSOL TO, ,DE NAS BCOM LDAN 'DAS KYIS SNGON GYI RGYAL BA

RNAMS LA GUS PAR MDZAD PA'I PHYIR KHRI GSUM LA BSKOR BA MDZAD NAS SENG+GE LTAR BAG TSA BA MI MNGA' BAR KHRI BZHI PA LA SKYIL MO KRUNG BCAS TE BZHUGS SHING, TSANGS PA DANG, BRGYA BYIN DANG, BYANG CHUB SEMS DPA' RNAMS KYIS SENG+GE'I KHRI LA YANG BZHUGS PAR KUN TU BSTAN TO; ;DGE SLONG LNGA POS KYANG DE BZHIN GSHEGS PA LA PHYAG BTZAL NAS DUL BA'I TSUL GYIS 'DUG GO, DE'I TSE BCOM LDAN 'DAS KYI SKU LAS 'OD ZER BKYE BAS RIGS DRUG GI SDUG BSNGAL RGYUN BCAD, LTAS CHEN PO BCO BRGYAD BYUNG, MI MJED KYI ZHING MNYAM ZHING SEMS CAN KUN BYAMS PA DANG LDAN PAR GYUR TO, ,'OD DE LAS, RGYAL BAS BSKAL PA KHRAG KHRIG BSGRUBS, ,CHOS DE NYAN PAR GANG 'DOD PA, ,DE NI RINGS PAR LA GOR DU, ,CHOS MNYAN PA YI PHYIR SHOG CIG, ,CES BSKUL BA'I TSE, LHA; KLU; GNOD SBYIN, DRI ZA, LHA MA YIN, NAM MKHA' LDING, MI'AM CI, LTO 'PHYE CHEN PO STE, SDE BRGYAD PO DAG GIS KYANG SHES TE SPYAN SNGAR DONG NGO, ,PHYOGS BCU'I BYANG CHUB SEMS DPA' GRANGS MED PA DAG KYANG LHAGS TE MDOR NA STONG CHEN 'DI SKRA'I RTZE MO'I CHA SHAS TZAM YANG MA KHYAB PA MED DO, ,DE NAS BYANG CHUB SEMS DPA' PHYOGS BCU NAS LHAGS PA DAG DANG, MI MJED 'DI'I TSANGS PA DANG BRGYA BYIN LA SOGS PA DBANG CHE BAR GRAGS PA RNAMS KYIS BCOM LDAN 'DAS KYI ZHABS LA GTUGS TE SKYE BO MANG PO LA SMAN PA'I SLAD DU CHOS KYI 'KHOR LO BSKOR DU GSOL, ZHES DANG, TSANGS PAS, NYON MONGS CHOGS KYI NAD BRGYAS GTZES PA'I SKYE BO 'DI DAG LA, ,RGYAL BA SMAN PA 'KHOR LO DAM PA BSKOR TE THAR MDZAD GSOL, ,NOR BDUN BGO BSHA' MDZOD CIG 'DREN PA 'KHOR LO BSKOR BAR GSOL, ,DGONGS PA YONGS RDZOGS RIMS NAD MA MCHIS 'KHOR LO MCHOG BSKOR GSOL

, ,ZHES LHA'I 'DZAM BU CHU PO'I GSER LAS BYAS PA'I 'KHOR LO RTZIBS STONG PA, 'OD ZER STONG DANG LDAN PA SNGON GYI RGYAL BA RNAMS KYIS BZHES PA DE, BCOM LDAN 'DAS KYI DRUNG DU PHUL TE CHOS KYI 'KHOR LO BSKOR BAR GSOL BA BTAB BO, ,DE NAS NAM MKHA'I DBYINGS THAMS CAD YONGS SU KHYAB PA'I BYANG CHUB SEMS DPA' RNAMS DANG, LHA'I SRAS PO BRGYAD KHRIS GTZO BYAS PA'I LHA DANG KLU DANG GNOD SBYIN DANG DRI ZA DANG GRUL BUM DANG MI'AM CI DANG LTO 'PHYE CHEN PO DANG, KOO'U DI N+YA LA SOGS PA'I LNGA SDE DANG, GZHAN YANG CHOS NYAN PAR 'DUS PA'I 'KHOR DE DAG THA NA LUD PA'I SGRA TZAM YANG MED PAR RGYAL BA'I ZHAL 'BA' ZHIG LA BLTA'O, ,DE NAS BCOM LDAN 'DAS KYIS NAM GYI CHA SMAD KYI THUN LA LNGA SDE BZANG PO LA BOS TE, BDEN PA BZHI PO DAG GI MING DANG SPANG BLANG DANG, DE DAG YONGS SU SHES SPANGS MNGON DU BYAS BSGOMS PA'I GSHEGS SHUL YAN LAG BRGYAD MTHA' GNYIS SPANGS BA'I DBU MA'I LAM RNAM PA BCU GNYIS SU BZLAS TE CHOS KYI 'KHOR LO BSKOR, GSUNG GI SGRA DBYANGS DE LAS GANG DANG GANG GIS 'DUL BA'I SGRA DE DANG DE LA 'TSAM PA'I GTAM SNA TSOGS PA THEG PA GSUM PO SO SO DANG MTHUN PA'I CHOS THOS TE STONG CHEN 'DI NA BDEN BZHI'I MING BYE BA KHRAG KHRIG BRGYA STONG PHRAG DGU BCU RTZA BZHI YOD PA THAMS CAD SO SOR GO STE THAMS CAD KYANG JI LTA BA BZHIN GYI BDEN PAR 'DU BA'I DGONGS PAS CHOS BSTAN PA DES TSE DANG LDAN PA KO'U DI N+YA DANG, 'BAR BA'I GZI BRJID LA SOGS PA'I LHA BRGYAD KHRI BO RNAMS LA CHOS KYI MIG DRI MA DANG BRAL BA SKYES SO, ,DE NAS BCOM LDAN 'DAS KYIS KO'U DI N+YA LA BKA' STZAL PA, KHYOD KYIS CHOS KUN SHES SAM, GSOL PA, BCOM LDAN 'DAS KUN 'TSAL LAGS SO, ,DE NAS TSE DANG LDAN PA KO'U DI N+YA LA KUN SHES KO'U DI N+YA ZHES BYA BA'I MING CHAGS PAS 'JIG

RTEN DU DKON MCHOG GSUM PO DAG KYANG GRUB CING LHA RNAMS KYIS KYANG, GROGS PO DAG BCOM LDAN 'DAS KYIS W'A RA n'A SIR LAN GSUM DU BZLAS TE RNAM PA BCU'I SUM CHOS KYI 'KHOR LO CHOS DANG LDAN PA SUS KYANG 'JIG RTEN DU CHOS DANG MTHUN PAR 'GA' YANG MA BSKOR BA ZHIG BSKOR BAS, LHA'I RIS 'PHEL ZHING LHA MA YIN GYIS RIS NI YONGS SU NYAMS SO, ,ZHES BSGRAGS SO, ,DE NAS BCOM LDAN 'DAS KYIS LAN GNYIS SU YANG LNGA SDE RNAMS LA BDEN PA BZHI BSTAN BAS, KUN SHES KO'U DI N+YA LEN PA MED PAR ZAG PA LAS SEMS RNAM PAR GROL TE DGRA BCOM PAR GYUR TO; ;DE'I TSE 'JIG RTEN NA DGRA BCOM BA GCIG DANG, GNYIS PA NI BCOM LDAN 'DAS NYID YIN NO, ,DGE SLONG LHAG MA BZHI PO RTA THUL DANG, RLANGS PA DANG, MING CHEN DANG, BZANG LDAN RNAMS KYIS BDEN PA MTHONG NGO, ,DE LTAR LNGA SDES YE SHES KHONG DU CHUD MA THAG ,MU STEGS KYI RTAGS DANG RGYAL MTSAN CI YOD PA SKAD CIG LA NUB NAS, SKRA BREGS CHOS GOS GSUM DANG, LHUNG BZED DANG LDAN LA, BSNYEN PAR RDZOGS PA DGE SLONG GI DNGOS POR GYUR TE, BCOM LDAN 'DAS KYIS KYANG SNAM SBYAR GYI RGYAL MTSAN 'DZIN PA RNAMS KYI MCHOG NI KUN SHES KO'U DI N+YA 'DI YIN NO ZHES BSNGAGS SO, ,DE NAS BCOM LDAN 'DAS KYIS DGE SLONG LHAG MA BZHI PO LA GZUGS BDAG MA YIN PA DANG, SDUG BSNGAL BA DANG, MI RTAG PA YIN PAR RGYA CHER BKA' STZAL PAS LHAG MA BZHI POS KYANG DGRA BCOM PA MNGON DU BYAS TE, 'JIG RTEN NA DGRA BCOM PA LNGA DANG DRUG PA NI BCOM LDAN 'DAS NYID DO, ,

, ,DE LTAR BSTAN PA LAS LHA BYE BA PHRAG BRGYA BZHI BCU DANG, MI BRGYAD KHRI BZHI STONG GIS BDEN BA MTHONG NGO, ,DE LTAR BCOM LDAN 'DAS KYI TSANGS PA'I DBYANGS SNYAN PA DE PHYOGS BCU'I ZHING DAG TU GRAGS PAS, PHYOGS BCU'I SANGS RGYAS BCOM LDAN 'DAS DE DAG CANG MI GSUNG BAR BZHUGS PA NA, SO SO'I RIM GRO PA RNAMS KYIS CI'I PHYIR BKA' MCHID BKUM ZHES ZHUS PA DANG, BKA' STZAL PA, BCOM LDAN 'DAS SH'AKYA THUB PA BYANG CHUB BRNYES TE 'KHOR LO BSKOR BAR MDZAD PAS DE'I PHYIR MI SMRA'O, ,ZHES GSUNGS BAS SEMS CAN BYE BA PHRAG BRGYA BYANG CHUB TU SEMS BSKYED DO, ,STON PA MNGON PAR RDZOGS BAR SANGS RGYAS NAS CHOS GSUNG BA DKA' DKA' LTAR MDZAD NAS YANG DANG YANG DU GSOL BA GDAB DGOS BYUNG BA DANG, CHOS STON BA LA 'JUG BA'I TSE THOG MA NAS ZAB MO STONG BA NYID LA SOGS PA MA BSTAN PAR CHOS GOS ZLUM POR BGO BA DANG, PHYI DRO'I KHA ZAS SPONG BA DANG, ZAS GOS MTHA' GNYIS SU MA LHUNG BAR BYA DGOS PA SOGS 'DUL BA'I BSLAB BYA BSTAN NAS BDEN PA BZHI STON PAR MDZAD CING BDEN PA BZHI PO DE LAS KYANG THOG MAR SDUG BSNGAL BDEN PA STON PAR MDZAD, SDUG BSNGAL LA YANG RNAM PA BZHI YOD PA LAS, THOG MAR MI RTAG PA STON PAR MDZAD PA'I TSUL 'DI DAG LA RNAM DPYOD CAN GYIS LEGS PAR DPYOD SHES NA BYANG CHUB LAM GYI RIM BA'I NYAMS LEN LA NGES PA BRTEN PO RNYED PAR 'GYUR TE, THOG MAR LEGS TSOGS THAMS CAD KYI RTZA BA DGE BA'I PA SHES GNYEN ZHIG LA

BRTEN DGOS SHING, DE YANG GANG BYUNG GIS MI CHOG PAR SLOB MAS KYANG BLA MA MTSAN NYID DANG LDAN MI LDAN LEGS PAR BRTAGS NAS MTSAN NYID DANG LDAN PA ZHIG LA BRTEN DGOS PA DANG, BLA MAS KYANG SLOB MA MA BRTAGS PAR SU RUNG RUNG LA CHOS BSTAN MI RUNG BAS SLOB MA SNOD DANG LDAN MI LDAN LEGS PAR BRTAGS NAS BYA DGOS PA DANG, SLOB MA LA CHOS STON PA'I TSE NA'ANG MA MDZANGS MAS BU CHUNG GSO BA DANG, SMAN PA MKHAS PAS NAD PA LA SMAN STER BA DANG 'DRA BAR GDUL BYA'I KHAMS LA BRTAGS NAS RIM GYIS RGYUD SBYONG BAR BYA DGOS PA DANG, DKAR CHOS THAMS CAD KYI GZHI TSUL KHRIMS RNAM PAR DAG PA ZHIG LA THOG MAR SBYAR DGOS PA DANG, DE NAS KYANG THOG MAR TSE 'DI LAS BLO LOG PA ZHIG DANG, 'KHOR BA SPYI LAS BLO LOG PA ZHIG GI THABS SU SPYIR 'DUS BYAS THAMS CAD MI RTAG PA DANG, KHYAD PAR ZAG BCAS KYI LUS 'DI MI RTAG PAR BSTAN NAS TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BSKYED PA DANG, 'KHOR BA MTHA' DAG LA MA CHAGS PAR THAR PA DON GNYER GYI BSAM BA BRTAN PO BSKYED PA DANG, BSAM PA DE LTA BU ZHIG SKYES PA NA 'KHOR BA'I RTZA BA KUN 'BYUNG BDEN PA NGO SPRAD DE RIM GYIS LAM GONG MA LA KHRID DGOS PA'I TSUL RNAMS SHES NAS STON PA'I RNAM THAR NYAMS LEN DU 'KHYER SHES PA ZHIG 'ONG NGO, ,STON BAS CHOS KYI 'KHOR LO BSKOR BA'I SA W'A RA n'A SI DRANG SRONG LHUNG BA RI DVAGS KYI NAGS SU LHA DANG, LNGA SDE BZANG PO SOGS MI DAD PA CAN DAG GIS CHOS KYI 'KHOR LO BSKOR BA'I MCHOD RTEN, DBYIBS

, ,GRU BZHI PA BANG RIM BZHI PA, BANG RIM RE RE LA PHYOGS BZHIR GLO 'BUR DANG BCAS PA LA SGO BZHI'AM BRGYAD DAM BCU GNYIS SAM BCU DRUG YOD PA BRTZIGS SO, ,DE LA NI KA SHI'I YUL DU CHOS KYI 'KHOR LO BSKOR BA'I MCHOD RTEN ZHES SNGON GYI MKHAS PA RNAMS LA GTAM DU GRAGS SO, ,DE NAS RIM GYIS YUL GZHAN DANG DUS GZHAN DAG TU 'DUL BA LUNG DANG, MDO SDE DRAN PA NYER BZHAG DANG, RGYA CHER ROL PA'I MDO DANG, MDO SDE LAS BRGYA PA DANG, RTOGS BRJOD BRGYA PA LA SOGS PA 'KHOR LO DANG BO'I SDER GTOGS KYI MDO SDE MTHA' YAS PA ZHIG BKA' STZAL TO, ,DE LTAR STON PA MNGON PAR RDZOGS PAR SANGS RGYAS NAS KO'U DI N+YA LA SOGS BA'I LNGA SDE DANG, GRAGS PA LA SOGS PA NYE BA'I LNGA SDE DANG, RGYAL PO'I KHAB TU PHEBS NAS SH'A RI'I BU DANG MO'U 'GAL GYI BU 'KHOR LNGA BRGYA DANG BCAS PA DANG, 'OD SRUNGS CHEN PO LA SOGS PA BDAG NYID CHEN PO BGRANG BA LAS 'DAS PA ZHIG RJES SU BZUNG STE SNYAN PA'I GRAGS BAS SA'I STENG THAMS CAD KHYAB PA NA, RGYAL PO ZAS GTZANG MAS DE THOS TE DGA' ZHING MGU LA MJAL BAR 'DOD NAS YANG DANG YANG DU PHO NYA BTANG STE SER SKYA'I YUL DU 'BYON DGOS PAR GSOL BA BTAB PA NA BCOM LDAN 'DAS KYIS YAB ZAS GTZANG MA DANG, SRU SKYA DGU'I BDAG MO DANG, BDUD RTZI ZAS DANG, BRE BO ZAS DANG, SGRA GCAN 'DZIN DANG, KUN DGA' BO LA SOGS PA SH'AKYA BGRANG BA LAS 'DAS PA DAG 'DUL BA'I DGOS PA NYE BAR GZIGS NAS 'CHAR KA PHO NYAR 'ONGS PA LA 'BYON PAR ZHAL GYIS BZHES

TE; DE BZHIN GSHEGS PA DGE SLONG GI DGE 'DUN DANG BCAS PA RGYAL PO'I PHO BRANG DU MI BZHUGS KYI, GRONG LAS 'PHAGS PA'I GTZUG LAG KHANG DU BZHUGS SO ZHES 'PHRIN DANG BCAS BTANG NGO, ,DE NAS BCOM LDAN 'DAS KYIS MO'U 'GAL GYI BU LA BKA' STZAL PA, DGE SLONG RNAMS LA BCOM LDAN 'DAS SER SKYA'I GZHIR GSHEGS TE YAB SRAS GDAN 'DZOM NA, KHYED CAG LAS YAB SRAS MJAL BA SU BLTA BAR SPRO BA DE DAG CHOS GOS LONGS SHIG, DES KYANG DE BZHIN DU BYAS NAS BCOM LDAN 'DAS 'KHOR DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG LHAN CIG 'BAB CHU RO HI KA'I 'GRAM DU BYON TE, GRONG KHYER CHEN PO SER SKYA DANG NYE BAR BYON PAR GYUR TO, ,DE LTAR BYON PA RGYAL PO ZAS GTZANG MAS THOS NAS RGYAL POS GANG YANG 'BAB CHU RO HI KA NAS N+YA GRO DHA'I KUN DGA' RA BA'I BAR GYI LAM SHIN TU MDZES PAR BYAS TE, SA PHYOGS YANGS SHING RGYA CHE BAR GDAN RNAM PAR BKRA BDAG SHOM DU BCUG GO ,SER SKYA'I GZHI'I RDO BA DANG, GYO MO DANG, GSEG MA RNAMS BSAL NAS, TZAN DAN GYI CHUS CHAG CHAG BTAB, DRI ZHIM PO'I SPOS PHOR NYE BAR BSHAMS, DAR GYI CHUN 'PHYANG MANG PO DBYANGS TE, SH'AKYA RNAMS LA BSGO BA, KHYED KYIS BZHON PA'I MCHOG RNAMS STA GON GYIS SHIG ,DE CI'I PHYIR ZHE NA, DE RING BDAG CAG RNAMS KYIS BCOM LDAN 'DAS MCHOG TU BLTA NA SDUG PA DE BLTA ZHING 'DOD DO, ,LHA; LEGS SO ZHES GSOL NAS SH'AKYA RNAMS KYIS THEG PA'I MCHOG RNAMS MYUR DU STA GON BYAS SO, ,DE NAS RGYAL POS SER SKYA'I GNAS DANG N+YA GRODHA'I KUN

, ,DGA' RA BA'I BAR DE DAG THAMS CAD RGYAL PO'I GSHEGS SHUL DU MNYAM PAR BYED DU BCUG CING BYE MA GTZANG MA BDAL BA LA ME TOG GIS BKRAM, DAR GYI LNGA LDI BRES, GAR MKHAN DANG, GLU MKHAN DANG, GLANG DANG, BUM RNGA THOGS PA DAG BKOD NAS, RGYAL PO ZAS GTZANG BZHON PA ZHON, SH'AKYA GZHON NU BRGYAD KHRI MANG POS BSKOR TE, RGYAL PO'I DPAL CHEN PO DANG MTHU CHEN POS SONG NGO, ,DE LA SH'AKYA KHA CIG GIS SHING RTA YANG SNGO LA DE 'DREN PA'I RTA YANG SNGO BA DANG, RGYAN RNAMS DANG DRIL BU G-YER KHA'I DRA BA YANG SNGO BA DANG, 'KHOR RGYAN SNGON PO CAN GYIS BSKOR BA, GDUGS DANG RAL GRI DANG, THOD DANG, NOR BU CAN GYI RNGA YAB DANG, LHAM YANG SNGON PO DANG LDAN PA, KHA TSAR MA BCAD PA'I RAS SNGON PO GYON PA, RGYAN SNGON PO THOGS PA'I ZHAL TA PA RNAMS ZHAL TA BYED PA RGYAN SNGON PO CAN GYI LCAGS THOGS PA'I KHRID PA DU MA DANG LDAN PA, RGYAL MTSAN SNGON PO BSGRENG BA, SHING RTA RE RE ZHING YANG RGYAN SNGON PO CAN GYI MI BRGYA PHRAG RE RES BSKOR BA DAG DANG, DE BZHIN DU KHA CIG SER BA DANG, KHA CIG DMAR BA DANG, KHA CIG DKAR BA DANG, KHA CIG KHRA BOR GYUR PA SHA STAG GO ,SHING RTAD DAG RE RE'I PHYI BZHIN DU GLANG PO CHE BRGYAD KHRI GSER GYI RGYAN DANG GSER GYI RGYAL MTSAN CAN, GSER GYI DRA BAS G-YOGS PA'I STENG DU RIN PO CHE SNA BDUN GYI KHANG PA BRTZEGS PA BRGYAD KHRI BZHAG NAS DONG BAR GYUR TO, ,DE'I RJES SU RTA GSER GYI RGYAN GYIS BRGYAN PA, GSER GYI DRIL BU G-YER KHA BRGYUS PA, RIN PO CHE SNA BDUN GYI RGYAN

DANG LDAN PA BRGYAD KHRI BSHAMS NAS DONG BAR GYUR TO, ,DE LTAR RGYAL PO ZAS GTZANG SH'AKYA'I TSOGS KYIS ZLA BA KHAMS PA BZHIN DU BSKOR TE BYUNG BA GZIGS NAS, BCOM LDAN 'DAS KYIS DGE SLONG RNAMS LA BKA' STZAL PA, SH'AKYA RNAMS SER SKYA'I GNAS NAS BYUNG BA DE DAG NI SUM CU RTZA GSUM GYI LHA SKYED MOS TSAL DU DONG PA DANG RJES SU MTHUN NO, ,DE NAS BCOM LDAN 'DAS DGE SLONG GI DGE 'DUN MTHU CHE BA LNGA SDE BZANG PO DANG, GRAGS SPYIN DANG, 'CHAR KA DANG, LTENG RGYAS 'OD SRUNGS DANG, GA YA 'OD SRUNGS DANG, CHU KLUNG 'OD SRUNGS DANG, 'OD SRUNGS CHEN PO DANG, SH'A RI'I BU DANG, MO'U 'GAL GYI BU CHEN PO LA SOGS BA DGE SLONG STONG NYIS BRGYA LNGA BCUS BSKOR ZHING, LHA RNAMS 'DU BAR DGONGS PA NA RGYAL PO CHEN PO BZHI DANG, LHA MA YIN GYI DBANG PO THAGS BZANG RIS DANG, MDOR NA 'DOD PA DANG GZUGS NA SPYOD PA'I LHA'I BU MTHU CHE BA RNAMS KYANG DER 'DUS SO, ,DE NAS BCOM LDAN 'DAS KYIS RGYAL PO ZAS GTZANG MA NGA RGYAL CHE BAR MKHYEN CING, ZHABS KYIS SER SKYA'I GZHIR GSHEGS NA SH'AKYA RNAMS KYANG MI GUS PA SKYE BAR DGONGS NAS PHYOGS BZHIR 'BAR BA DANG, 'OD 'BYIN PA DANG, CHU'I RGYUN 'BEBS PA LA SOGS MDZAD NAS RDZU 'PHRUL DE BTUL TE BCOM LDAN 'DAS TA LA BDUN GYI SRID TZAM NA BZHUGS SO, ,DGE SLONG RNAMS TA LA DRUG GI SRID CAM GYI BAR MTHO DMAN DU GYUR NAS RGYAL PO 'DUS PA'I KHYAMS DER GSHEGS SO, ,DE'I MDO LA BCOM LDAN 'DAS MI GANG LHAG TZAM GYI STENG GI BAR SRANG LA 'CHAG PAR MDZAD PA'I G-YAS PHYOGS NA TSANGS PA 'GRO'O, ,G-YON DU NI BRGYA

, ,BYIN NO, ,ZHABS 'BRING DU 'DOD LHA RIS BZHI POS GDUGS 'DZIN CING BSIL YAB KYIS G-YOB BO, ,RGYAL PO CHEN PO BZHIS NI SHAR NUB TU THAL MO SBYAR TE 'DUG GO ,LHA RNAMS KYIS RIN PO CHE'I KHANG PAS BAR SNANG GANG BAR BYAS SHING, ME TOG DANG SPOS KYI PHYE MAS MCHOD, GLU DBYANGS DANG SIL SNYAN DAG SGRA 'BYIN CING, SPOS KYI CHAR SPRIN DAG LAS SPOS KYI CHAR ZIM BU ZIM BU DAG BABS SO, ,DE NAS DGE SLONG RAB TU MANG PO DANG, CHO 'PHRUL DE LTA BU DAG MTHONG NAS, YAB RGYAL POS BCOM LDAN 'DAS GANG YIN PA MA SHES TE RMONGS PAR GYUR NAS NAG PO 'CHAR KA RGYAL PO'I ZHABS 'BRING NA GNAS PA DE LA DRIS PA, DUR SMRIG GYON PA'I RAB TU BYUNG BA MANG PO ZHIG YOD NA GZHON NU GANG YIN, NAG PO 'CHAR KAS BCOM LDAN 'DAS BSTAN NAS SMRAS PA, 'DI NI BCOM LDAN 'DAS LAGS MI DBANG DA GZIGS SHIG, DE NAS BCOM LDAN 'DAS KYI MTHUS LHA DANG MI DE DAG PHAN TSUN DU YANG MTHONG BAR GYUR CING RGYAL POS KYANG BCOM LDAN 'DAS DANG, BCOM LDAN 'DAS LA MCHOD PA BYED PA'I LHA RNAMS DANG LHA'I RIN PO CHE SNA BDUN GYI KHANG PA BRTZEGS PAS BAR SNANG GANG BA MTHONG NAS, BCOM LDAN 'DAS KYIS GSUNGS PA DE NI NGO MTSAR CHE STE, 'DI GZHON NU'I DUS SU NGA NI CHOS KYI DBANG PHYUG LA DBANG BYA'O ZHES GSUNG NA DE NI 'DI YIN PA LTA STE, BDAG NI MI'I 'KHOR CAN DU ZAD NA, BCOM LDAN 'DAS NI LHA DANG MI'I 'KHOR CAN DU GYUR TO SNYAM MO, ,SER SKYA'I GZHI NA GNAS PA'I SH'AKYA RNAMS DGE BA'I RTZA BAS BSKUL NAS THAMS CAD

BYUNG STE, CI YAB SRAS LA PHYAG BYED DAM, 'ON TE SRAS YAB KYI ZHABS LA PHYAG BYED PA BLTA'O SNYAM NAS THAMS CAD TSOGS PAR GYUR TO, ,DE NAS RGYAL PO CHEN PO ZAS GTZANG MAS BLA GOS RIN THANG MA MCHIS PA PHRAG PA GCIG TU BYAS, PUS MO G-YAS PA'I LHA NGA SA LA BTZUGS NAS RANG GI THOR TZUGS NOR BU DANG COD PAN GYIS BRGYAN PA BCOM LDAN 'DAS KYI ZHABS LA BTUD NAS PHYAG BTZAL TE TSIGS SU BCAD PA, BLO GROS YANGS PA KHYOD LA 'DI DANG NI, ,KUN SPYAD ZHABS LA LAN GSUM PHYAG BGYIS TE, ,BLTAMS PA'I TSE NA SA NI G-YOS PA DANG, 'DZAM BU'I GRIB MA SKU LAS MA 'DAS PA'O, ,ZHES GSOL PA DANG, DE LTAR YAB KYIS SRAS KYI ZHABS LA PHYAG BYAS PA DE'I TSE SH'AKYA RNAMS KYIS 'DI CI'I THA TSIG CES MA DAD PA DANG, RGYAL PO ZAS GTZANG MAS SH'AKYA DE RNAMS LA SMRAS PA, SHES LDAN DAG DA GDOD KHO BOS GZHON NU'I ZHABS LA PHYAG BYAS BA MA YIN TE, 'DI DANG LAN GSUM DU PHYAG BGYIS SO ZHES GO BAR BYAS SO, ,DE NAS BCOM LDAN 'DAS KYIS RDZU 'PHRUL DE BTUL NAS, DGE SLONG GI DGE 'DUN GYI DGUNG LA 'DOD PA'I LHA'I BU RNAMS KYIS SENG GE'I KHRI LHA'I RAS SNA TSOGS SU SPEL NAS BSHAMS PA LA BZHUGS TE, 'DOD LHA RNAMS KYIS STENG DU LHA'I BLA BRE BRES SHING, KHYAMS DER YANG LHA'I RAS BCOS BU BTING NGO, ,DE NAS RGYAL PO ZAS GTZANG SKAD 'DZER CING SNYING SDANGS LA MIG MCHI MAS GANG BZHIN DU TSIGS SU BCAD PAS ZHU BA ZHUS PA, GZHAL MED KHANG GI GNAS RNAMS SU, ,YAB KYI KHAB NA BZHUGS PA LAS, ,DGON

, ,PA 'JIGS DANG BCAS RNAMS SU, ,JI LTA BUR NI 'BA' ZHIG BZHUGS, ,BCOM LDAN 'DAS KYIS BKA' STZAL PA, MI YI BDAG PO GANG DU NI, ,KHYIM GYI 'CHING BA LAS GROL BA, ,'PHAGS PA YI NI GNAS PA BCUS, ,THUB PA RNAMS NI GNAS PAR MDZAD, ,CES SOGS RGYA CHER YAB DANG SRAS GNYIS DE LTA BU'I BKA'I 'BEL MCHID GLENG BAR MDZAD DE, DES RGYAL PO ZAS GTZANG DGA' NAS ZHABS LA PHYAG BYAS TE, BDE BAR GSHEGS PA LA KUN NAS RTOG CING 'DUG GO, DE NAS RGYAL PO ZAS GTZANG 'DI SNYAM DU SEMS TE, GANG BDAG GI BUS 'DI LTA BU'I YON TAN THOB PA NI BDAG GIS RNYED PA LEGS PAR RNYED DO SNYAM MO, DE NAS BCOM LDAN 'DAS KYIS N+YA GRO DHA'I KUN DGA' RA BAR 'KHOR DE DANG MTHUN BA'I CHOS BSHAD PAS ZAS DKAR LA SOGS PA SH'AKYA BDUN KHRI BDUN STONG GIS BDEN PA MTHONG NGO, ,DE'I SANG TSANGS PAS BSKOR BA'I SKYED MOS TSAL DU GSHEGS TE CHOS BSTAN PAS BRE BO ZAS LA SOGS PA SH'AKYA BDUN KHRI DRUG STONG GIS BDEN PA MTHONG NGO, ,SH'AKYA BDUD RTZI ZAS KYI BU GZHON NU KUN DGA' BO SKYES NAS LO DRUG LON PA BCOM LDAN 'DAS KYI RIM GRO BGYID PAR MTSAN MKHAN RNAMS KYIS LUNG BSTAN PA DE, BDUD RTZI ZAS KYIS CI NAS KYANG BCOM LDAN 'DAS KYI SPYAN SNGAR MI 'BAB PAR BYA'O SNYAM STE, YANGS PA CAN DANG SER SKYA'I GRONG KHYER GNYIS PHAN TSUN DU SKYEL BA DANG LEN PAR BYED DO, ,DE BCOM LDAN 'DAS KYIS DGONGS NAS SER SKYAR KUN DGA' BO'I PHYIR GSHEGS PA NA, BDUD RTZI ZAS

KYIS KUN DGA' BO KHANG PHRAN DU SBAS PA DANG, BCOM LDAN 'DAS KYI MTHUS SGO DBYE BAS KUN DGA' BO THAL BYUNG DU 'ONGS NAS BSIL YAB THOGS TE BCOM LDAN 'DAS LA G-YO BO, ,BCOM LDAN 'DAS GSHEGS BA NA RJES BZHIN 'BRANGS NAS SUS KYANG BZLOG MA NUS PAS BDUD RTZI ZAS KYIS DUS STON BYAS TE KUN DGA' BO GLANG PO CHE LA BSKYON NAS N+YA GRO DHA'I KUN DGA' RA BAR BTANG BA DANG GLANG PO CHES AUTPA LA'I CHUN PO ZOS PAS MTSAN MKHAN RNAMS KYIS GZHON NU 'DI THOS PA 'DZIN PA'I MCHOG TU LUNG BSTAN NAS BCOM LDAN 'DAS KYI SPYAN SNGAR PHYIN TE, 'OD SRUNGS STOBS BCU PA LAS RAB TU BYUNG DU BCUG GO ,KUN DGA' BO YANG DE NYID NAS BCOM LDAN 'DAS KYI ZHABS 'BRING DU 'BRANG ZHING 'DZUM PA LUNG BSTAN PA YANG ZHU'O, ,DE'I SANG RO HA TI KA'I SKYED MOS TSAL DU CHOS BSHAD PAS BDUD RTZI ZAS LA SOGS PA BDUN KHRI LNGA STONG GIS 'BRAS BU THOB BO, ,LHA SBYIN NI BCOM LDAN 'DAS LA MA GUS PAS KHA ZER RO, ,DE NAS RGYAL PO ZAS GTZANG MAS BCOM LDAN 'DAS GDUGS TSOD LA SPYAN DRANGS TE GDUGS TSOD GSOL NAS RGYAL POS GSER GYI BYA MA BUM BLANGS TE N+YA GRO DHA'I KUN DGA' RA BA PHUL NAS BCOM LDAN 'DAS KYIS YON BSNGO BA MDZAD DE GSHEGS NAS BCOM LDAN 'DAS SHING N+YA GRO DHA'I KUN DGA' RA BA DE NYID DU DBYAR GNAS MDZAD DE RGYAL PO ZAS GTZANG SH'AKYA'I TSOGS KYIS BSKOR NAS DUS GSUM DU BCOM LDAN 'DAS KYI SPYAN SNGAR CHOS NYAN DU 'GRO'O, ,DE'I TSE RGYAL PO ZAS GTZANG NI HA CANG ZHUM PA DANG SHIN TU DGA' BA'I SEMS DANG LDAN PAS 'BRAS BU MA THOB STE,

, ,DE LA BCOM LDAN 'DAS KYIS RGYAL PO ZAS GTZANG GI DGA' BA'I SEMS NGA'I BU 'BA' ZHIG RDZU 'PHRUL CHE'O SNYAM PA 'DI SPANG BA'I PHYIR MO'U 'GAL GYI BU CHEN PO LA BSKUL BA DANG, MO'U 'GAL GYI BUS RGYAL PO'I PHO BRANG DU PHYIN NAS RDZU 'PHRUL GYI CHO 'PHRUL BSTAN TE GDAN BSHAMS PA LA 'DUG GO, ,RGYAL POS SMRAS PA, MO'U 'GAL GYI BU, NYAN THOS RDZU 'PHRUL CHE BA GZHAN YANG MCHIS SAM, SMRAS PA, GZHAN YANG RDZU 'PHRUL CHE BA MANG DU MCHIS SO, , DE NAS RGYAL PO ZAS GTZANG BDAG GI BU 'BA' ZHIG RDZU 'PHRUL CHE BAR MA ZAD KYI, RDZU 'PHRUL CHE BA GZHAN YANG YOD DO SNYAM NAS SHIN TU DGA' BA'I BLO DANG BRAL TO, ,DE NAS RGYAL PO ZAS GTZANG GI ZHUM PA'I BLO SNGON BCOM LDAN 'DAS LHA DANG MI DANG LHA MA YIN GYIS MCHOD NA DA LTAR MI 'BA' ZHIG GIS MCHOD DO SNYAM PA DE SPANG BA'I PHYIR BCOM LDAN 'DAS LHA'I 'KHOR LA CHOS STON PAR BZHED DO, ,DE BRGYA BYIN GYIS SHES NAS N+YA GRO DHA'I KUN DGA' RA BAR RIN PO CHE SNA BZHI'I KHANG PA BRTZEGS PA GDAN SNA TSOGS BSHAMS PA ZHIG GYIS SHIG CES LHA'I BU BI SHVA KARMA LA BSGOS NAS DES DE BZHIN DU BYAS SO, ,SGO BZHIN NI RGYAL PO CHEN PO BZHI 'DUG GO ,DER BCOM LDAN 'DAS SPYAN DRANGS TE 'DOD GZUGS KYI LHA'I BU RNAMS DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI RNAMS KYIS BSKOR ZHING NYAN THOS CHEN PO RNAMS KYANG 'DUG GO ,PHYI ROL NA NI KUN TU RGYU DRUG KHRI 'DUS SO, ,DE'I

TSE BCOM LDAN 'DAS GDAN BSHAMS PA RIN PO CHE SNA TSOGS KYIS BRGYAN PA LA BZHUGS TE, YAB DANG SRAS MJAL BA BYANG CHUB SEMS DPA'I TING NGE 'DZIN DE KHO NA NYID NGES PAR BSTAN PA ZHES BYA BA STON PAR BZHED DO, ,DE NAS TSE DANG LDAN PA MO'U 'GAL GYI BUS KYANG RGYAL PO ZAS GTZANG MA KHRID DE GRONG KHYER SER SKYA NAS LHAS SPRUL PA'I GZHAL MED KHANG DER 'ONGS SO, ,MO'U 'GAL GYI BU NANG DU ZHUGS TE RGYAL PO ZAS GTZANG NANG DU 'JUG PAR BRTZAMS PA'I THOG MA SHAR SGO NAS DONG PA DANG, RGYAL PO YUL 'KHOR SRUNG SGO NA 'DUG NAS DAS NANG DU MA 'GRO SDOD CIG CES BZLOG GO ,DE CI'I PHYIR ZHE NA, BCOM LDAN 'DAS LHA'I 'KHOR DAG PA LA CHOS 'CHAD DE, DER MIR GYUR PA 'JUG TU MI DBANG PO, ,BZHIN BZANG KHYOD SU ZHIG, RGYAL PO CHEN PO, BDAG YUL 'KHOR SRUNG NGO, ,DE NAS RGYAL PO ZAS GTZANG GIS LHO DANG NUB DANG, BYANG CHUB ZHUGS PA DANG, RGYAL PO LHAG MA GSUM GYIS KYANG DE BZHIN DU BYAS SO, ,DE NAS RGYAL PO ZAS GTZANG KYE MA'O BCOM LDAN 'DAS LHA'I 'KHOR DAG PA LA CHOS 'CHAD PA DE BDAG GIS BLTA'O SNYAM PA'I 'DOD PA SKYES TE ZHUM PA'I RGYUD DE DANG BRAL LO, ,DE NAS BCOM LDAN 'DAS KYIS DGONGS PA RGYAL PO ZAS GTZANG GIS GAL TE NGA MA MTHONG NA KHRAG DRON MO SKYUGS NAS 'CHI BAR 'GYUR BA'I GNAS YOD PAR DGONGS NAS, RIN PO CHE'I KHANG PA BRTZEGS PA DE SHEL LAS BYAS PAR SPRUL PA DANG, RGYAL PO ZAS GTZANG GIS SANGS RGYAS KYI SKU SGRIB PA MED PA MTHONG NGO, ,MTHONG NAS KYANG DGA' BA

, ,DANG MGU BA SKYES NAS BCOM LDAN 'DAS KYI ZHABS GNYIS LA PHYAG BYAS TE PHYOGS GCIG TU 'DUG GO, ,DE NAS BCOM LDAN 'DAS KYIS LHA MA YIN GYI DBANG PO THAGS BZANG RIS MCHOD PA BYED DU 'JUG PA'I MTSAN MA MDZAD DO, ,DE NAS LHA MA YIN THAGS BZANG RIS DE RIN PO CHE SNA BDUN GYI SHING RTA LA ZHON NAS BCOM LDAN 'DAS LA MCHOD PA'I PHYIR SHING RTA DANG RTA RIN PO CHES BRGYAN PA LA LHA MIN GYI BU MO MANG PO 'KHOR DE MCHOD PA SNA TSOGS THOGS PA RIN PO CHE'I PHO BRANG BKRA BDAG BSHAMS NAS LHAG PAR GUS PAS BCOM LDAN 'DAS LA BSTOD CING PHUL LO, ,DE BZHIN DU LHA MIN DBANG PO STOBS LDAN DANG, SGRA GCAN LA SOGS PA DANG, BYA'I RGYAL PO 'DAB BZANG RNAMS KYIS KYANG MCHOD DO, ,DE NAS KLU'I BU MO RNAMS KYIS RIN PO CHE'I GDUGS DAG DANG, KLU'I RGYAL PO DGA' BO DANG, NYE DGA' BOS MU TIG DMAR POS SNYIM PA BKANG ZHING RIN PO CHE SNA BDUN GYI KHANG BZANG NA NOR BU SNA TSOGS LAS ME DANG CHU 'BAR 'DZAG BYED PA DAG BYAS SO, ,GRUL BUM RNAMS DANG RGYAL CHAN BZHI'I LHAS RIN PO CHE'I BLA BRE DAG DANG, DRI ZA RNAMS KYIS SA SRUNGS KYI BU'I STENG DU RDZING BU PADMAS GTAMS PA DAG DANG, MI'AM CI'I RGYAL PO LJON PAS RIN PO CHE SNA BDUN GYI KHANG PA GDUGS KYIS BRGYAN PA DAG DANG, BRGYA BYIN GYIS RIN PO CHE'I KHANG PA DANG, SA SRUNGS KYI BU'I STENG DU RDZING YOD PA DAG DANG, GZHAN YANG 'DOD GZUGS KYI LHA'I BU THAMS CAD KYIS MCHOD CING BSTOD PAS, BCOM

LDAN 'DAS 'DZUM PA MDZAD PA NA RTA THUL GYIS DE'I RGYU ZHUS PAS DE DAG BYANG CHUB TU LUNG BSTAN CING, KUN TU RGYU RNAMS KYANG SO SOR LUNG BSTAN TO, ,DE'I TSE YANG RGYAL PO ZAS GTZANG MA BU LA CHAGS PAS KUN TU DKRIS PA NA, BCOM LDAN 'DAS KYIS DE 'DUL BA'I TING NGE 'DZIN YAB SRAS MJAL BA'I MDO BSTAN PAS RGYAL PO ZAS GTZANG MA THEG PA CHEN PO LA RGYUN DU ZHUGS PA'I 'BRAS BU THOB NAS MTHAR GYIS SH'AKYA BDUN KHRI DANG LHAN CIG MI SKYE BA'I CHOS LA BZOD PA THOB PA DANG, BCOM LDAN 'DAS KYIS 'DZUM PA MDZAD PA NA RTA THUL GYIS DE'I RGYU ZHUS NAS BCOM LDAN 'DAS KYIS RGYAL PO ZAS GTZANG DANG SH'AKYA RNAMS BYANG CHUB TU LUNG BSTAN CING SH'A RI'I BU LA MDO 'DI BSGRAG PAR BYA'O ZHES BKA' STZAL TO, ,YAB SRAS MJAL BA'I TSE JI LTAR MDZAD PA'I RNAM THAR BZANG PO 'DI DAG LA LEGS PAR DPYOD SHES NA CHOS RNAM DAG CIG BYED PA LA TSE 'DI'I GNYEN NYE DU LA MA CHAGS BA ZHIG NGES PAR DGOS PA DANG, RANG GI GNYEN NYE DU DANG G-YOG 'KHOR DANG MDZA' BSHES JI LTA BU ZHIG YIN YANG DE LA PHAN PAR SEMS NA TSE 'DI'I CHE THABS DANG , SRID PA'I PHUN TSOGS LA MI SBYOR BAR KHYIM NAS KHYIM MED PAR RAB TU BYUNG STE, TSUL KHRIMS RNAM PAR DAG PA LA GNAS NAS DBEN PA'I GNAS SU LAM SGRUB PA LA SBYOR DGOS PA SOGS BYANG CHUB LAM GYI RIM PA'I SBYOR DNGOS RJES

, ,GSUM GYI GNAD RNAMS LA NGES PA BRTAN PO SKYE BAR 'GYUR RO, ,DE NAS BCOM LDAN 'DAS DGUNG LO BZHI BCU ZHE GCIG TU PHEBS PA LCAGS PHO BYI BA'I LO SUM CU RTZA GSUM DU PHEBS NAS DBYAR GNAS MDZAD DE, DE YANG 'DI LTAR, BCOM LDAN 'DAS YUM SGYU MA LHA MDZES SUM CU RTZA GSUM DU SKYE BA BZHES PA DE RJES SU GZUNG BAR BZHED PA DANG, GZHAN YANG LHA BGRANG BA LAS 'DAS PA ZHIG LA DGE BA'I RTZA BA YOD PAR GZIGS NAS SUM CU RTZA GSUM DU GSHEGS TE, CHOS BZANG LHA'I MDUN SAR BZHUGS NAS, GDUGS DKAR MO CAN GYI GZUNGS DBU'I GTZUG TOR NAS PHYUNG NGO, ,DE NAS LHA'I DGA' BA'I TSAL DU GSHEGS TE BRGYA BYIN DANG TSANGS PA SOGS SDE BRGYAD DANG, BLO GROS CHEN PO LA SOGS PA BYANG CHUB SEMS DPA' MANG PO DANG LHAN CIG GO ,DE'I TSE 'OD BKYE BAS STONG GSUM 'DI'I NGAN SONG THAMS CAD SDUG BSNGAL LAS GROL BA RNAMS BCOM LDAN 'DAS KYI SPYAN SNGAR NOR BU'I STENG DU 'KHOD NAS CHED DU BRJOD PA DANG, BRGYA BYIN GYIS GSOL PA, LHA'I RIS 'DI NAS LHA'I BU NOR BU DRI MA MED PA'I 'OD SHI 'PHOS NAS DGUNG BDUN LON LAGS NA GANG DU SKYES, BKA' STZAL PA, LHA'I DBANG PO, DE NI MNAR MED PA'I DMYAL BAR SKYES SO, ,BRGYA BYIN GYIS DE LA BSKYAB PAR ZHUS PAS NGAN SONG SPYOD BA'I BRTAG PA GSUNGS TE, BRGYA BYIN LA NGAN SONG SBYONG BA'I CHO GA BSTAN, BRGYA BYIN GYIS DE'I LUS DKYIL 'KHOR DU BCUG NAS DBANG

BSKUR BAS DE SKAD CIG GIS DMYAL BA LAS THAR NAS DGA' LDAN DU SKYES TE GTZANG MA'I RIS KYI LHA RNAMS DANG LHAN CIG DGA' BA'I TSAL DER 'ONGS NAS BCOM LDAN 'DAS DANG BRGYA BYIN LA CHED DU BRJOD CING MCHOD PA'I SPRIN GYIS MCHOD DO, , DE NAS BCOM LDAN 'DAS LHA'I SHING YONGS 'DU SA BRTOL GYI DRUNG DU AAR MO NIG STE LA BA DKAR PO LTA BU'I RDO LEB KYI STENG DU BZHUGS TE, SH'A RI'I BU, 'OD SRUNGS CHEN PO, K'A TYA'I BU CHEN PO, GANG PO, NAM GRU, RTA THUL, KA PI NA, GSUS PO CHE, RAB 'BYOR LA SOGS PA DGRA BCOM PA BRGYAD STONG DANG, KUN DGA' BO DANG THABS CIG TU DBYAR GNAS PA MDZAD, DE'I TSE BYANG CHUB SEMS DPA' MANG PO YANG 'DUS SHING YUM SGYU 'PHRUL CHEN MO YANG MCHOG TU DGA' BAR MDZAD LA, RGYAL BA'I SRAS LEGS PAR GNAS LA DBYIG LDAN GYI GZUNGS STZAL TO, ,DE'I TSE LHA RNAMS THAGS BZANG RIS KYI DPUNG DANG 'THABS PAS PHAM NAS BCOM LDAN 'DAS KYI DRUNG DU BRGYA BYIN SKRAG BZHIN DU 'ONGS TE ZHUS PAS RGYAL MTSAN RTZE MO'I DPUNG RGYAN GYI GZUNGS STZAL NAS DBUGS PHYUNG NGO, ,SPYAN RAS GZIGS KYIS LHA RNAMS MCHOD RTEN BGYID PAR 'TSAL NA, DE'I BSOD NAMS 'PHEL BA'I THABS ZHUS PAS, RTEN 'BREL SNYING PO GSUNGS SO, , LHA'I BU SHIN TU BRTAN PAS ZHAG BDUN NAS SHI STE DMYAL BAR SKYE'O ZHES PA'I SGRA THOS PA BRGYA BYIN LA SMRAS TE, DES ZHUS PAS GTZUG TOR RNAM PAR RGYAL BA NGAN 'GRO RNAM SBYONG GSUNGS PAS LHA'I BU DE'I SDIG PA DAG CING TSE SRINGS SO, ,

, ,DE'I TSE SA BCU PA 'BA' ZHIG DANG THABS CIG TU BZHUGS TE, BYAMS PAS 'DZAM BU GLING PA RNAMS KYI 'TSE BA ZHI BAR GSOL BAS, BCOM LDAN 'DAS KYIS ZHABS SA LA BRDABS SHING, SPRUL PA'I KHRO BO SPROS TE GDUG PA CAN RNAMS BTUL NAS MI G-YO BA'I RGYUD GSUNGS SO, ,LHA'I BU ZHIG SHI 'PHOS NAS PHAG TU SKYE BAR MTHONG BAS SKRAG STE BRANG BRDUNGS PA DANG, BCOM LDAN 'DAS NGER GSHEGS TE DKON MCHOG GSUM LA SKYABS SU SONGS SHIG GSUNGS, DES DE LTAR BYAS PAS YANGS PA CAN DU TSONG DPON ZHIG GI BUR SKYES TE MING SHES LDAN ZHES BTAGS SO, ,BCOM LDAN 'DAS SUM CU RTZA GSUM DU BZHUGS PA'I RING MO'U 'GAL GYI BU CHEN PO'I 'DZAM BU'I GLING DU BSTAN PA SKYONG PHYIR BZHUGS, SKYE PO PHAL PA SUS KYANG BCOM LDAN 'DAS GANG NA BZHUGS MA SHES PA NA RGYAL PO GZUGS CAN SNYING PO DANG GSAL RGYAL DANG, 'KHOR RNAMS BZHI RNAMS KYIS MO'U 'GAL GYI BU CHEN PO MNYAN YOD NA DBYAR GNAS PA LA DRIS PA, BCOM LDAN 'DAS GDAN BZHUGS, LHA'I GNAS NA BZHUGS SO, ,DE RNAMS DGA' STE, DBYAR ZLA BA GSUM RDZOGS PA DANG SLAR YANG MO'U 'GAL GYI BU'I GAN DU SONG NAS, DA NI BCOM LDAN 'DAS MA MTHONG NAS YUN RING ZHIG LON PAS, BDAG CAG GI TSIG GIS BCOM LDAN 'DAS SPYAN 'DREN DU GSOL, MO'U 'GAL GYI BUS SKAD CIG LA LHA'I YUL DU PHYIN TE, BCOM LDAN 'DAS LA 'KHOR BZHI PO'I TSIG GIS BSNYUN GSOL

NAS, BCOM LDAN 'DAS 'DZAM BU GLING PA RNAMS KYIS LHA'I GNAS SU 'DZEG MI NUS SHING LHA RNAMS LA 'DZAMBU'I GLING DU 'BAB PA'I MTHU MCHIS PAS, DA NI 'DZAMBU'I GLING DU GSHEGS SU GSOL ZHES DE DAG GI MCHID GSOL PA DANG, MO'U 'GAL GYI BU KHYOD SONG LA BCOM LDAN 'DAS DENG ZHAG BDUN NA GRONG KHYER GSAL LDAN GYI AA PA DZA RI'I NAGS SHING AU DUM WA RA'I DRUNG DU GSHEGS SO ZHES BSGO SHIG ,DES KYANG SKAD CIG LA 'DZAMBU'I GLING DU PHYIN NAS MI RNAMS LA GO BAR BYAS TE SLAR MNYAN YOD NAS SUM CU RTZA GSUM DU PHYIN TO, ,MA 'GAGS PAS RGYAL PO AU TR'A Y'A NA LA SBRAN PAS DE DGA' STE GRONG KHYER GSAL LDAN GTZANG MAR BYAS NAS MCHOD PA'I YO BYAD DAG BSHAMS SHING, 'KHOR RNAM BZHIS KYANG PHYOGS DE LHA'I DGA' TSAL BZHIN DU BYAS SO, ,DE NAS STON ZLA 'BRING PO'I TSES NYI SHU GNYIS LA BCOM LDAN 'DAS 'DZAMBU'I GLING DU ZHABS KYIS GSHEGS PAR BZHED PA NA, BRGYA BYIN GYIS BI SHVA KARMA LA BSGOS PAS DES THEM SKAS GSUM SPRUL TE, DBUS MA BEE d'URYA'I THEM SKAS LA BCOM LDAN 'DAS 'KHOR DANG BCAS PA GSHEGS SO, ,G-YAS PA GSER GYI THEM SKAS LA TSANGS PA GZUGS KYI LHAS BSKOR TE NOR BU'I RNGA YAB KYIS BCOM LDAN 'DAS LA G-YOB CING SONG NGO, ,G-YON PA SHEL GYI SKAS LA BRGYA BYIN 'DOD PA'I LHA RNAMS KYIS BSKOR TE GDUGS THOGS NAS SONG NGO, ,BCOM LDAN 'DAS KYIS BI SHVA KARMA'I CHED DU PHYED NI ZHABS KYIS BYON LA, MA DAD BA BZLOG PA'I PHYIR DU PHYED NI

, ,RDZU 'PHRUL GYIS BYON TE, DPAG TSAD BCU GNYIS MAN CHAD MI'I DRI MNAM PAS LHA RNAMS 'OD MI BZOD PA LA TZAN DAN GYI DRIS KHYAB PAR MDZAD CING, SKYES PAS LHA'I BU MO DANG BUD MED KYIS LHA'I BU MTHONG NA 'CHI BAR 'GYUR PAS SKYES PA RNAMS KYIS LHA'I BU MTHONG ZHING BUD MED RNAMS KYIS LHA'I BU MO MTHONG BAR MDZAD DE GRONG KHYER GSAL LDAN DU GSHEGS NAS BRGYA BYIN GYIS BSHAMS PA'I SENG GE'I KHRIL BZHUGS SO, ,DE'I TSE RGYAL PO AU TR'A YA NA DANG 'KHOR RNAM BZHIS BSUS SHING DRI ZA CHOS KYI PHRENG BAS PI WANG BRDUNGS PAS NYAN THOS CHEN PO RNAMS KYI LUS KYANG G-YOS SO, ,GNAS DER LHA DANG MI DAD PA CAN GYIS LHA LAS BABS PA'I MCHOD RTEN BANG RIM BZHI PA'AM BRGYAD PA NGOS RER GLO 'BUR DANG BCAS PA'I GLO 'BUR GYI DBUS NA THEM SKAS YOD PA BRTZIGS SO, ,DE NAS BCOM LDAN 'DAS DGUNG LO NGA BDUN LA BAB PA ME PHO 'BRUG GI LO MNYAN YOD DU CHO 'PHRUL CHEN PO STON PAR MDZAD DE, DE YANG 'DI LTAR STON PA MNGON PAR RDZOGS PAR SANGS RGYAS NAS LHA MI BGRANG BA LAS 'DAS PA ZHIG SMIN CING GROL BAR MDZAD, 'DZAM BU'I GLING GI RGYAL PO CHE DGU THAMS CAD KYIS STON PA NYAN THOS KYI DGE 'DUN DANG BCAS PA MCHOD PA NA RDZOGS BYED LA SOGS PA'I MU STEGS KYI STON PA DRUG PO PHRAG DOG GIS YID DKRUGS TE STON PA LA 'GRAN PAR 'DOD PA NA BDUD SDIG TO CAN GYIS KYANG MU STEGS KYI STON PA DRUG PO'I RGYUD BSKUL TE, STON PA LA 'GRAN PA'I BSAM

PA CHES CHER SKYES NAS RDZOGS BYED LA SOGS PA MU STEGS PA DRUG PO DES RGYAL PO GZUGS CAN SNYING PO'I DRUNG DU PHYIN TE, RGYAL PO BDAG CAG DANG GOO TA MA GNYIS KA SHES PAR SMRA BA YIN NA LHAN CIG RDZU 'PHRUL 'GRAN DU GZHUG PA'I RIGS SO, ,RGYAL POS BGAD DE KHYED RNAMS RE GLEN, SANGS RGYAS RDZU 'PHRUL CHEN PO DANG LDAN NA JI LTAR 'GRAN, STON PA DRUG GIS SMRAS PA, BDAG CAG GNYIS KYIS ZHAG BDUN NA RDZU 'PHRUL CHEN PO 'GRAN NA MNGON TE, BSGRUN PA'I 'OG TU GANG RGYAL BA GZIGS SHIG ,RGYAL POS KYANG BDAG GIS DE BZHIN BGYI NA KHYED SKYENGS KYIS DOGS SO, ,ZHES SMRAS TE, RGYAL POS BCOM LDAN 'DAS LA DON DE GSOL PA DANG, NGA NYID DUS MKHYEN NO ZHES GNANG NGO, ,RGYAL POS CHO 'PHRUL STON PA'I GNAS BYED DU BCUG PA NA, ZHAG BCUN GYI NYIN PAR BCOM LDAN 'DAS DGE 'DUN DANG BCAS PA YANGS PA CAN DU GSHEGS SO, ,STON PA DRUG GIS KYANG GOO TA MA'I CHO 'PHRUL GYIS BDAG MI THUB BO ZHES BYAS NA KHYED YID MI CHES KYIS CHO 'PHRUL 'GRAN PA'I DUS BYAS PA LAS BROS SO ZHES BSGRAGS NAS NGA RGYAL SKYES TE RJES SU BSNYAGS SHING RGYAL PO GZUGS CAN SNYING PO YANG BCOM LDAN 'DAS KYI RJES SU YANGS PA CAN DU DONG NGO, ,YANGS PA CAN PA RNAMS KYIS BCOM LDAN 'DAS BSUS SO, ,STON PA DRUG GIS LI TZA BYI RNAMS LA GOO TA MA DANG CHO 'PHRUL 'GREN PAR GNANG NA ZHAG BDUN NA 'GRAN NO, ,DE BCOM LDAN 'DAS LA GSOL PA DANG, NGA NYID KYIS DUS MKHYEN NO, ,

, ,ZHES GSUNGS NAS, SANG 'GRAN PA LAS DE RING BCOM LDAN 'DAS YUL KOO SHAMBIR RGYAL PO AU TRA YA NA CAN DU GSHEGS SO, ,DER YANG 'GRAN PAR ZHUS PA LAS YUL WARGAR RGYAL PO SHUN TZID LA CAN DU GSHEGS SO, ,DER YANG 'GRAN PAR ZHUS BA LAS, YUL TZAM PAR RGYAL PO AINDRA WA RMI CAN DU GSHEGS SO, ,DER YANG 'GRAN PAR ZHUS PA LAS W'A RA n'A SI'I RGYAL PO TSANGS BYIN CAN DU GSHEGS SO, ,DER YANG 'GRAN PAR ZHUS PA LAS, SER SKYAR SH'AKA RIGS CEN DU GSHEGS SO, ,STON PA DRUG PO YANG NGA RGYAL LHAG PAR SKYES TE, RGYAL PO GZUGS CAN SNYING PO LA GOO TA MA DANG RDZU 'PHRUL 'GRAN DU CHUG CIG CES YANG NAS YANG DU BSKUL LO, , RGYAL POS GAL TE KHYOD DON 'DI LAN GSUM GYI BAR DU ZER NA SPYUGS TE BTANG NGO, ,ZHES SMRAS PA DANG, DE RNAMS 'DI SNYAM DU RGYAL PO 'DI NI GOO TA MA'I PHYOGS BYED KYIS, RGYAL PO GSAL RGYAL DE GZU BO ZHIG YOD CES GRAG GI ; DE'I GAN DU 'GRO'O ZHES BCOM LDAN 'DAS KYI RJES BZHIN DU BSNYAGS SO, ,BCOM LDAN 'DAS KYANG MNYAN YOD DU BYON NAS RGYAL BYED TSAL DU BZHUGS SO, ,DE'I TSE RGYAL PO GZUGS CAN SNYING PO BZHON PA LNGA BRGYA DANG 'KHOR 'BUM BZHI KHRI DANG, LI TZA BYA BZHON PA LNGA BRGYA DANG 'KHOR BDUN KHRI DANG, AU TRA YAN 'KHRO STONG PHRAG BRGYAD KHRI DANG, SHUN TZI DA LA 'KHOR LNGA KHRI DANG, AINDRA WAR MI DRUG KHRI DANG, TSANGS BYIN BRGYAD 'BUM DANG, SH'AKA RIGS KHRI KHRAG

DGU PO DAG RJES SU 'BRANGS TE, MNYAN YOD KYI LJONGS YONGS SU GANG BAR GYUR TO, ,DE NAS STON PA DRUG GIS, RGYAL PO GSAL RGYAL LA SMRAS PA, DGE SBYOD GOO TA MA DANG BDAG CAG CHO 'PHRUL 'GRAN PAR DUS BYAS PA LAS, DUS LA BAB PA DANG BYOL ZHING BROS TE, DA NI 'KHOR MANG PO YANG RGYAL PO'I YUL DU TSOGS KYIS, RGYAL PO NI SA DANG 'DRA BAS BYAMS SDANG MED PA'I ZHAL CHE GCOD PA'I RIGS SO, ,GOO TA MA RGYAL NA BDAG CAG DE'I DBANG DU MCHIL, BDAG CAG RGYAL NA BDAG CAG DBANG BAR MDZOD CIG ,RGYAL POS SMROS PA, CI'I PHYIR KHYED LTA BU'I MA RABS CI YANG MI SHES PAS CHOS KYI RGYAL PO CHEN PO DANG CHO 'PHRUL 'GRAN PAR BYED KHYED PHAM KYIS DOGS SO, ,SMRAS PA KHYOD KYANG GOO TA MAS BLUS ZIN NAM BSGRUN NA MNGON PAR 'GYUR RO, ,RGYAL POS SMRAS PA, GAL TE DE LTA NA BDAG GIS BCOM LDAN 'DAS LA ZHU'O, ,DE NAS RGYAL PO GSAL RGYAL GYIS BCOM LDAN 'DAS LA LAN GSUM GYI BAR DU GSOL BAS, BCOM LDAN 'DAS KYIS MNYAN YOD 'DIR SNGON GYI SANGS RGYAS RNAMS KYIS CHO 'PHRUL CHEN PO BSTAN ZHING SKYE BO'I TSOGS CHEN PO'ANG ZHAG BDUN NA 'DU BAR MKHYEN NAS, RGYAL PO CHEN PO ZHAG BDUN NA DE BZHIN BYA YI KHYOD SONGS LA 'DI MA YIN PA YANGS PA DAG TU 'DUN KHANG RTZIGS SHIG ,DE NAS RGYAL POS STON PA DRUG LA DON DE SMRAS PA DANG, DE RNAMS BGROS PA GOO TAM 'BROS PA'AM GROGS TSOL BA GNYIS LAS GDON MI ZA BAR

, ,GROGS 'TSOL BAR 'GYUR BAS, BDAG CAG GIS KYANG GROGS BTZAL LO ZHES, GYAD YUL GYI KUN TU RGYU RAB BZANG GI DRUNG DU SONG STE BDAG CAG GI GROGS GYIS LA GOO TAM DANG RDZU 'PHRUL 'GRAN PAR GYIS SHIG ,RAB BZANG GIS SMRAS PA, KHO BO NYIN MO DAL 'BAB KYI MTSO 'GRAM NA GNAS NAS BSOD SNYOMS BSLANGS PA MA DROS PAR ZAB NA, SH'A RI'I BU'I DGE TSUL SKUL BYED KYIS PHYAG DRA KHROD BA KHYER BA MA DROS PA'I LHAS BKRUS NAS 'BUL ZHING DE'I CHU BDAG GI MGOR 'DEBS PAS, BDAG CAG DE'I YANG SLOB DANG YANG MI MNYAM NA, RDZU 'PHRUL CHEN PO DE KHYED KYIS RDZU 'PHRUL LA BOS PA MA LEGS SO, ,DE NAS STON PA DRUG GIS DE BOR NAS GANGS RI'I SUL NA GNAS PA'I DRANG SRONG LNGA BRGYA LA TSUL DE SMRAS PA DANG, DE RNAMS KYIS KHAS BLANGS TE 'ONG RAN PA'I TSE MTSAN MA STON CIG CES SMRAS SO, ,DE'I TSE BLON POS DBYEN BYAS PAS RGYAL PO GSAL RGYAL GYIS, MAS DBEN GYI GCUNG NAG PO'I YAN LAG BCAD DE SRANG DU DOR BA, DE'I GNYEN BSHES RNAMS KYIS STON PA DRUG LA 'DI SOS PA'I BDEN TSIG MDZOD CIG CES SMRAS PAS DE DAG SPOBS PA MED NAS CANG MI ZER RO, ,PHYOGS DER KUN DGA' GO 'ONGS PA LA DE BZHIN DU SMRAS PA DANG, DES BCOM LDAN 'DAS LA ZHUS PAS BDEN PA'I TSIG 'DI BYON SHIG CES BKA' STZAL PA BZHIN, KUN DGA' BOS KYANG DKON MCHOG GSUM MCHOG YIN PA'I BDEN PAS 'DI'I YAN

LAG SNGAR BZHIN DU GYUR CIG CES SMRAS PA DANG, NAG PO'I YAN LAG SNGA KHO BZHIN DU SOS PAS SKYE BO'I TSOGS KYIS KUN DGA' BOS MU STEGS 'PHAM PAR BYAS SO ZHES AA LA LA'I SGRA BO CHE BTON TO, ,NAG PO LA BCOM LDAN 'DAS KYIS CHOS BSTAN PAS PHYIR MI 'OD THOB NAS RGYAL PO GSAL GYIS KHYIM DU BKUG KYANG MA NYAN PAR DES KUN DGA' RAB DE NYID DU 'CHAG SA BYAS PAS DUM BU'I KUN DGA' RAB PAR MING CHAGS TE BCOM LDAN 'DAS LA BSNYEN BKUR ZHING RDZU 'PHRUL YANG GRUB BO, ,RGYAL PO GSAL RGYAL GYIS MNYAN YOD NAS RGYAL BYED TSAL GYI BAR DU CHO 'PHRUL CHEN PO'I 'DUN KHANG GOS BRGYA STONG RI BAS G-YOGS PA TZAN DANG GYI CHAG CHAG BTAB PA, BA DAN DANG RGYAL MTSAN BSGRENG BA, DAR GYI CHUN PHYANG DBYANGS PA, LHA RNAMS KYI DGA' BA'I TSAL BZHIN DU BYAS NAS, DER BCOM LDAN 'DAS KYI BZHUGS GDAN RIN PO CHES SPRAS PA'I GSER GYI SENG GE'I KHRI YANG BSHAMS SO, ,MU STEGS CAN GYI DGE BSNYEN RNAMS KYIS KYANG RANG GI 'BYOR PA DANG BSTUN PA'I GOS KYIS G-YOGS PA'I 'DUN KHANG DRUG DANG STAN DRUG KYANG BSHAMS PA LA STON PA DRUG SNGAR 'ONGS TE 'DUG NAS, LHA, BDAG CAG NI MCHIS LAGS NA DGE SBYONG GOO TA MA DGUG TU GSOL ZHES PHO NYA BTANG NGO, ,RGYAL PO 'KHOR DANG BCAS BAS KYANG DE THOS NAS CHO 'PHRUL CHEN PO'I 'DUN KHANG DU SONG NAS, BCOM LDAN 'DAS SPYAN 'DREN PAR BRAM ZE'I KHYE'U BLA MA BTANG BAS DGUN ZLA THA CHUNG GI YAR NGO'I

, ,TSES GCIG GI NYIN BCOM LDAN 'DAS DANG BA'I RGYAL PO LTAR NAM MKHA' LAS CHO 'PHRUL CHEN PO'I 'DUN KHANG DU GSHEGS SO, ,DE MTHONG NAS RGYAL PO GSAL RGYAL GYIS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN NAD NI KHYED KYI RES LA BAB KYIS STON CIG ,DE RNAMS KYIS SMRAS PA, LHA; SKYE BO'I TSOGS CHEN PO 'DIR 'DUS LAGS NA, CHO 'PHRUL CHEN PO 'DI CI DGE SBYONG GOO TA MA'AM BDAG CAG GANG GI LAGS SUS 'TSAL, DE NAS DUM BU'I KUN DGA' RAB PA'I RDZU 'PHRUL GYIS RI SPOS NGAD LDANG LAS SHING A'A MR'A 'DAB MA DKAR POS KLUBS PA BYA'I TSOGS SKAD 'BYIN PA BLANGS NAS CHO 'PHRUL CHEN PO'I 'DUN KHANG GI BYANG PHYOGS SU BZHAG CING KHYIM BDAG NGAN PA BZANG SBYIN GYI RDZU 'PHRUL GYIS LHA'I DPAG BSAM GYI SHING BLANGS NAS, LHO PHYOGS NGES SU BZHAG PA DANG, RGYAL POS STON PA DRUG LA SMRAS PA, BCOM LDAN 'DAS KYIS RDZU 'PHRUL BSTAN ZIN NAD KHYED KYIS STON CIG SMRAS PA, LHA; CHO 'PHRUL 'DI SU'I YIN PA SUS 'TSUL, DE'I TSE CHO 'PHRUL CHEN PO BLTA BAR SPRO BA'I SROG BA'I SROG CHAGS GRANGS MED PA DANG, NAM MKHA' LA LHA BRGYA STONG DU MA YANG 'DUS PA NA, BCOM LDAN 'DAS GTZUG LAG KHANG DU GSHEGS NAS SGO 'PHAR GYI GSEB NAS 'OD ZER PHYUNG BAS CHO 'PHRUL CHEN PO'I 'DUN KHANG THAMS CAD BSREGS PA DANG, STON PA DRUG GIS SMRAS PA, LHA; DA NI DGE SBYONG GOO TA MA'I 'DUN KHANG TSIG NA GAL TE DES RNGO THOG NA 'DIR

MCHIS LA ZHI BAR BGYID GRANG, DES RGYAL PO DANG BTZUN MO PHRENG LDAN MA DANG, DBYAR TSUL MA DANG, BTZUN MO'I 'KHOR PHYA MKHAN DRANG SRONG BYIN DANG, SO PHAG MKHAN MNA' MI DANG, MGON MED ZAS SBYIN DANG, TZAM PA MO SOGS DAD PA CAN MANG PO CANG MI ZER BAR SEMS KHONG DU CHUD NAS 'DUG CING, STON PA DRUG DANG DE'I SLOB MA RNAMS NI RAB TU DGA' BAR GYUR TO, ,SANGS RGYAS KYI MTHUS ME DES CHO 'PHRUL CHEN PO'I 'DUN KHANG GI DRI MA THAMS CAD BSREGS NAS RANG NYID ZHI STE 'DUN KHANG MDZES PAR GYUR PA DANG, RGYAL PO DGA' NAS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN GYIS DA NI KHYED KYIS STON CIG ,DE DAG SPOBS PA MED NAS CAD MI ZER RO, ,DE NAS BCOM LDAN 'DAS CHO 'PHRUL GYI 'DUN KHANG DU BYON PA LA RGYAL PO GSAL RGYAL GYIS THOG MAR MCHOD PA'I YO BYAD DANG ZHAL ZAS BSHAMS TE BSNYEN BKUR BA NA, BCOM LDAN 'DAS KYIS TSEMS SHING SA LA BTZUGS MA THAG TU SKYES NAS RIN PO CHE SNA BDUN GYI LJON PA CHU ZHING DPAG TSANG LNGA BRGYA PA, ME TOG SHING RTA'I 'PHANG LO TZAM PA, 'BRAS BRE LNGA SHONG BA'I BUM PA TZAM GYI 'BRAS BU CAN, DRI BSUNG DANG LDAN PA CHOS KYI SGRA 'BYUNG BA NYI 'OD ZIL GYIS GNON PA ZHIG SPRUL TO, ,'DI NAS BRTZAMS TE ZLA BA PHYED KYI BAR DU NYIN RE BZHIN CHO 'PHRUL RE MTHONG BA TZAM GYIS DAD PAR 'GYUR PA'I SKYE BO'I TSOGS GRANGS MED PA LA CHOS BSTAN PAS LAM GSUM LA SO SOR NGES PAR MDZAD DO, ,TSES

, ,GNYIS LA RGYAL PO AU TRA YA NAS BSNYEN BKUR BA NA, BCOM LDAN 'DAS KYI SKU'I G-YAS G-YON DU RIN PO CHE'I RI GNYIS SHIN TU MTHO BA MDZES PA KHA DOG LNGAR 'TSER BA, ME TOG DANG 'BRAS BU RAB TU RGYAS PA'I SHING SNA TSOGS SKYES PA G-YAS KYI RI LA 'BRAS RO BRGYA DANG LDAN PA SKYES PA LA MI MANG PO DAG YID BZHIN DU TSIM PAR ZA'O, ,G-YON GYI RI LA RTZVA BZANG BA SKYES PA LA DUD 'GRO'I TSOGS ZA ZHING TSIM PAR GYUR TO, ,TSES GSUM LA RGYAL PO SHUN TZID LAS BSNYEN BKUR BA NA, BCOM LDAN 'DAS KYIS ZHAL BSIL BA'I CHU SA LA DOR BA RIN PO CHE'I RDZING BU DPAG TSAD NYIS BRGYA PA RIN PO CHE SNA BDUN GYIS SPRAS SHING PADMA KHA DOG SNA TSOGS PAS GANG BA; DE DAG GI KHA DOG DANG RJES SU MTHUN PA'I 'OD ZER GYIS GNAM SA KUN SNANG BAR BYAS PAS 'KHOR THAMS CAD KYIS RDZING DE LA BLTA ZHING BSTOD DO, ,TSES BZHI LA RGYAL PO AINDRA WARMIS BSNYEN BKUR BA NA RIN PO CHE'I RDZING DE'I NGOS BZHIR YUR BA CHEN PO BRGYAD BRGYAD LA CHU 'BAB PA LAS CHOS KYI SGRA 'BYUNG BA PHYIR YANG 'KHOR ZHING RDZING NYID DU 'BAB PA SPRUL TO, ,TSES LNGA LA RGYAL PO TSANGS BYIN GYIS BSNYEN BKUR BA NA, BCOM LDAN 'DAS KYI ZHAL NAS GSER GYI 'OD BKYE BAS STONG GSUM GYI STONG CHEN PO'I 'JIG RTEN GYI KHAMS SNANG BAR BYAS TE, 'OD DES REG PA'I SEMS CAN KUN SDUG BSNGAL GSUM DANG SGRIB PA LNGA DANG BRAL NAS LUS DANG SEMS RAB TU BDE BAR GYUR TO, ,TSES DRUG LA

LI TZI BYI RNAMS KYIS BSNYEN BKUR BA NA BCOM LDAN 'DAS KYIS 'KHOR MANG PO DAG GCIG GI BSAM PA GCIG GIS SHES PA DANG SO SO'I DGE BA DANG MI DGE BA'I LAS KYANG RTOGS PAR MDZAD PAS THAMS CAD DGA' STE BSTOD DO, , TSES BDUN LA SH'AKYA RNAMS KYIS BSNYEN BKUR BA NA 'KHOR DE DAG SO SO 'KHOR LOS BSGYUR BA'I RGYAL POR GYUR TE RIN PO CHE SNA BDUN DANG BU STONG DANG LDAN ZHING RGYAL PHRAN DANG BLON PO RNAMS KYIS BSTI STANG BYED PAR MTHONG BAS SPRO BA SKYES SO; ;TSES BRGYAD LA BRGYA BYIN GYIS SPYAN DRANGS TE BCOM LDAN 'DAS KYIS ZHABS G-YAS PA DRI GTZANG KHANG GI NANG DU BSNUN MA THAG SA G-YOS PAS STON PA DRUG GIS GROGS SU SHOG CIG BYAS PA'I DRANG SRONG LNGA BRGYA POS BRDA BYAS PA'O SNYAM NAS DER DONG PA DANG, SKU LAS 'OD ZER BKYE BAS DE RNAMS KYIS BCOM LDAN 'DAS NYI MA LTAR MDZES PA MTHONG NAS DAD PAS RAB TU BYUNG NAS DGRA BCOM STE, BCOM LDAN 'DAS DGRA BCOM PA LNGA BRGYA DANG LHAN CIG CHO 'PHRUL CHEN PO'I 'DUN KHANG DU BYON NAS 'KHOR BRGYA PHRAG DU MA'I GUNG LA BRGYA BYIN GYIS BSHAMS PA'I SENG GE'I KHRI LA BZHUGS SO, ,DE'I TSE MO'U 'GAL GYI BU CHEN POS BDAG GI RDZU 'PHRUL GYIS MU STE GES 'DI RNAMS PHAM PAR BGYI'O, , BKA' STZAL PA MU STEGS 'DI RNAMS NGA RDZU 'PHRUL LA 'BOD PAS NGA NYID KYIS RDZU 'PHRUL BSTAN PAR BYA'O, ,ZHES GSUNGS NAS RGYAL PO GSAL RGYAL LA BKA' STZAL PA, DE BZHIN GSHEGS PA MU STEGS CAN DANG LHAN CIG TU RDZU

, ,'PHRUL STON PAR GSOL BA 'DEBS PA SU YIN, RGYAL PO STAN LAS LANGS TE THAL MO SBYAR NAS, BCOM LDAN 'DAS CI NAS KYANG RDZU 'PHRUL GYI CHO 'PHRUL BSTAN DU GSOL, BCOM LDAN 'DAS NYID KYI GDAN LAS MI SNANG BAR GYUR NAS, PHYOGS BZHIR GSHEGS PA DANG, BZHENGS PA DANG, BZHUGS PA DANG, GZIMS PA'I SPYOD LAM BZHI MDZAD CING 'OD ZER SNA TSOGS PA 'BYIN, SKU'I SMAD NAS ME 'BAR STOD NAS CHU'I RGYUN 'BEBS PA DANG, GO ZLOG PA DAG KYANG MDZAD DE, 'DI NI NYAN THOS DANG THUN MONG BA'I CHO 'PHRUL YIN NO ZHES GSUNGS NAS SENG GE'I KHRI LA BZHUGS PA LA, TSANGS PA DANG BRGYA BYIN GYIS G-YAS G-YON NAS MCHOD DE BSNYEN BKUR RO, ,YANG BKA' STZAL PA, RGYAL PO CHEN PO, DE BZHIN GSHEGS PA LA CHO 'PHRUL STON PAR GSOL BA 'DEBS PA SU YIN, GSAL RGYAL GYIS KYANG BDAG LAGS SO, ,ZHES GSOL TO, ,DE NAS BCOM LDAN 'DAS KYIS PHYAG SA LA REG PAS KLU RNAMS KYIS PADMA SHING RTA'I 'PHANG LO TZAM GSER GYI 'DAB MA STONG DANG LDAN PA RDO RJE'I ZE BA CAN PHUL BA SA BRTOL NAS PHYUNG BA DANG, BCOM LDAN 'DAS PADMA DE'I SNYING PO LA BZHUGS SO, ,DE BZHIN DU PADMA DE 'DRA BA RAB TU MANG PO BYUNG BA RE RE LA SPRUL PA'I SANGS RGYAS MANG PO BZHUGS PAS 'OG MIN GYI BAR DU GANG ZHING SANGS RGYAS DE DAG KHA CIG NI 'BAR, KHA CIG NI GSAL BAR MDZAD, KHA CIG NI CHAR 'BEBS, KHA CIG

NI GLOG 'BYIN, KHA CIG NI KUN SHES PA LUNG STON, KHA CIG NI ZHU BA ZHU, KHA CIG NI LAN 'DEBS, KHA CIG NI 'CHAG PAR MDZAD, KHA CIG NI BZHES, KHA CIG NI BZHENGS, KHA CIG NI BZHUGS, KHA CIG NI GZIMS TE, JI LTAR BYIS PA RNAMS KYIS KYANG SGRIB PA MED PAR SANGS RGYAS KYI SKU MTHONG BA DE LTAR BYIN GYIS BRLABS SO, ,YUL SO SO NAS LHAGS PA'I RGYAL PO 'KHOR DANG BCAS PA DANG, LHA DANG MI 'BUM PHRAG DU MA CHO 'PHRUL LA MIG MI 'DZUM PAR BLTA ZHING RGYUN MI 'CHAD PAR PHYAG 'TSAL, DGA' BA SKYES NAS ME TOG DANG SPOS KYI PHYE MA DAG GIS GTOR TO, ,SPRUL PA'I SANGS RGYAS RNAMS KYIS KYANG, BRTZAMS PAR BYA ZHING ZHES PA LA SOGS PA CHIGS SU BCAD PA DAG GSUNGS NAS, BCOM LDAN 'DAS KYIS DGE SLONG DAG CHO 'PHRUL CHEN PO MI SNANG BAR 'GYUR GYIS MTSAN MA ZUNGS SHIG ,CES GSUNGS PA'I MDO LA MI SNANG BAR GYUR TO, ,GSAL RGYAL GYIS STON PA DRUG LA SMRAS PA, KYE BCOM LDAN 'DAS KYIS NI CHO 'PHRUL BSTAN ZIN GYIS, KHYED RNAMS KYI RES LA BAB PAS STON CIG ,DE'I TSE RDZOGS BYED CANG MI SMRA BAR GNAG LHAS KYI BU LA GRU PHUG BYAS PAS, DES KYANG YANG DAG RGYAL BA CAN LA, DES KYANG MI PHAM PA LA, DES KYANG K'A TYA'I BU NOG CAN LA, DES KYANG GNYEN GYI BU LA, DES KYANG RDZOGS BYED LA BYAS SO, ,RGYAL POS LAN GSUM GYI BAR DU SMRAS KYANG CANG MI ZER BAR GCIG LA GCIG GRU PHUG BYED CING YUL YUL PO DANG ZHUM ZHUM

, ,POR GYUR NAS MGO SMAD CING SPOBS PA MED DE SEMS KHONG DU CHUD NAS 'DAR ZHING 'DUG GO ,DE NAS BCOM LDAN 'DAS KYI PHYAG GIS SENG GE'I KHRI MNAN PAS DE LAS BA LANG GI SKAD LTA BU'I SGRA CHEN PO GRAG MA THAG SRIN PO CHEN PO LNGA BYUNG NAS STON PA DRUG GI KHRI BA SHIG GO ,PHYAG NA RDO RJES NI RTZE LA ME 'BAR BA'I RDO RJE THOGS NAS STON PA DRUG GI MGOR GZAS SHING RLUNG DMAR DANG CHAR DRAG PO BTANG BAS STON PA DRUG PO SDANGS SHING 'JIGS SKRAG NAS BYER TE, GNAG LHAS KYI BU RI'I GSEB TU ZHUGS, YANG DAG RGYAL BA CAN NI RTZVA'I TSANG TSING DU, MI PHAM SKRA'I LA BA CAN NAGS THIBS POR, K'A TYA'I BU NOG CAN 'DUN KHANG DU, GNYEN GYI BU NI LHA KHANG DU ZHUGS SO, ,RDZOGS BYED NI RDZING DU LCEBS TE DMYAL BA CHEN POR SONG NGO, ,DE NAS RDZOGS BYED DANG MING GCIG PA'I SLOB MA'I GTZO BO ZHIG TSAB TU BSKOS TE, STON PA DRUG PO BRAM ZE'I GRONG DU BROS SO, ,DE DAG GI 'KHOR DGU KHRI SANGS RGYAS LA DAD NAS RAB TU BYUNG STE DGRA BCOM THOB BO, ,DE NAS BCOM LDAN 'DAS KYI BA SPU'I KHUNG BU BRGYAD KHRI NAS 'OD BKYE STE, 'OD RE RE LA PADMA'I STENG DU SPRUL PA'I SANGS RGYAS CHOS 'CHAD PA BZHUGS PAR BSTAN TO, ,DE NAS TSES DGU LA TSANGS PAS BSNYEN BKUR BA NA BCOM LDAN 'DAS KYI SKU TSANGS GNAS LA THUG GI BAR DU MTHO BA 'OD ZER GYIS GNAM SA GSAL BAR MDZAD DE CHOS BSTAN TO, ,TSES BCU LA RGYAL CHEN BZHIS BSNYEN BKUR BA NA SRID PA'I RTZE LA THUG GI BAR GYI SKU

LAS 'OD ZER 'BAR BAR GYUR TO, ,TSES BCU GCIG LA KHYIM BDAG MGON MED ZAS SBYIN GYIS BSNYEN BKUR BA NA SENG GE'I KHRI LA BZHUGS BZHIN DU SKU MI SNANG BAR MDZAD NAS 'OD BKYE STE CHOS BSTAN TO, ,TSES BCU GNYIS LA KHYIM BDAG TZI TAS BSNYEN BKUR BA NA BCOM LDAN 'DAS BYAMS PA'I TING NGE 'DZIN LA BZHUGS NAS GSER GYI 'OD BKYE BAS DES REG PA'I SEMS CAN KUN BYAMS PA LA GNAS PAR MDZAD DO, ,TSES BCU GSUM LA RGYAL PO SHUN CING LAS BSNYEN BKUR BA NA STON PA SENG GE'I KHRI LA BZHUGS PA'I SKU'I LTE BA NAS 'OD ZER GNYIS BYUNG BA, SKU LAS 'DOM BDUN TZAM DU NA MKHA' LA 'PHAGS NAS 'OD ZER GNYIS PO DE'I STENG NAS PADMA GNYIS BYUNG BA LA SPRUL PA'I SANGS RGYAS GNYIS BYUNG ZHING, DE GNYIS KYI LTE BA NAS KYANG 'OD ZER GNYIS GNYIS BYUNG STE TSUL DE 'DRA BAS STONG CHEN PO'I 'JIG RTEN GANG BAR SPRUL TO, ,TSES BCU BZHI LA RGYAL PO AU TRA YA NAS BSNYEN BKUR BA NA DES ME TOG GTOR BA DE DAG TSANGS PA'I 'JIG RTEN LA THUG PA'I RIN PO CHE'I SHING RTA GSER LTAR 'BAR BA NOR BU RIN PO CHES SPRAS PA STON GNYIS BRGYA LNGA BCUR GYUR CING, DE RE RE'I STENG DU SPRUL PA'I SANGS RGYAS RE RE BZHUGS TE 'OD KYIS STONG GSUM MTHONG BAR MDZAD DO, ,TSES BCOM LNGA'I NYIN RGYAL PO GZUGS CAN SNYING POS BSNYEN BKUR BA NA SNOD THAMS CAD ZAS RO BRGYA DANG LDAN PAS GANG STE CHO 'PHRUL BLTA BA'I 'KHOR THAMS CAD TSIM PA DANG, BCOM LDAN 'DAS KYIS PHYAG SA LA REG

, ,PAS DMYAL KHAMS BCO BRGYAD KYI SEMS CAN SDUG BSNGAL SNA TSOGS MYONG BA ME 'BAR BAS SREG PA SOGS SDUG BSNGAL GYIS MNAR BA NGAG BDAG CAG SDUG BSNGAL 'DI LTA BU MYONG NGO ZHES SMRA BA 'KHOR RNAMS KYIS MTHONG ZHING THOS PAS SKRAG CING SNYING RJE SKYES LA, DMYAL BA PA RNAMS KYIS KYANG SANGS RGYAS MTHONG ZHING SANGS RGYAS KYI PHYAG SOR LNGA LAS GSER BTZOM LTA BU'I 'OD ZER THON NAS 'OD DES DMYAL BA PA RNAMS KYI LUS LA REG BA TZAM GYIS SDUG BSNGAL RNAMS ZHI ZHING CHOS THOS MA THAG MTHO RIS SU SKYES SO, ,DE LTAR STON BAS MNYAN YOD DU CHO 'PHRUL CHEN PO BSTAN PA NA LHA DANG MI DAD PA CAN DAG GIS GNAS DER CHO 'PHRUL BSTAN PA'I MCHOD RTEN DBYIBS GRU BZHI BANG RIM BZHI PA PHYOGS RER GLO 'BUR DANG BCAS PA BRTZIGS SO, ,DE NAS RIM GYIS LHA DANG MI'I YUL SNA TSOGS SU CHOS KYI 'KHOR LO MTHA' YAS PA BSKOR, DE NAS BYA RGOD PHUNG PO'I RIR PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG BA LAS 'DAS PA DANG, NYAN THOS BGRANG BA LAS 'DAS PA DANG LHA DANG KLU LA SOGS PA'I GDUL BYA BA GRANG BA LAS 'DAS BA LA SHER PHYIN GYI MDO SDE RIN PO CHE BKA' STZAL TE, DE LA BKA' BAR PA MTSAN NYID MED PA'I CHOS 'KHOR ZHES BRJOD DO, ,DE NAS YUL GZHAN DANG GZHAN DU TING NGE 'DZIN RGYAL PO'I MDO DANG, SANGS RGYAS PHAL PO CHE DANG, 'PHAGS

PA DKON MCHOG BRTZEGS PA CHEN PO SOGS BKA' BAR PA'I SDER GTOGS KYI MDO MTHA' YAS PA GSUNGS, DE NAS YANGS PA CAN LA SOGS PAR MDO SDE DGONGS 'GREL SOGS BKA' THA MA'I SDER GTOGS KYI MDO RNAMS GSUNGS, GSANG SNGAGS KYI CHOS 'KHOR BSKOR TSUL NI, BYA RGOD PHUNG POR SHER PHYIN GYI MDO GSUNG BA DANG DUS MNYAM DU DPAL LDAN 'BRAS SPUNGS KYI MCHOD RTEN DU DPAL DUS KYI 'KHOR LO SOGS SNGAGS BLA MED KYI CHOS MTHA' YAS PA GSUNGS, DE BZHIN DU RI RAB KYI RTZE DANG, SUM CU RTZA GSUM GYI GNAS DANG, DGA' LDAN GYI GNAS DANG, GNAS GTZANG MA LA SOGS PA'I LHA GNAS MANG PO DANG, KLU'I GNAS DANG, GNOD SBYIN GYI GNAS DANG, AOO d'I YA NA LA SOGS PA'I 'DZAM BU'I GLING GI GNAS KHYAD PAR CAN MANG POR GSANG SNGAGS RGYUD SDE BZHI'I CHOS MTHA' YAS PA GSUNGS SO, ,DE LA BLUN RMONGS 'GA' ZHIG 'DI SNYAM DU STON PA THUB PA'I DBANG POS MDO PHYOGS KYI CHOS RNAMS GSUNGS PA YIN GYI SNGAGS KYI RGYUD RNAMS MA GSUNGS SO SNYAM DU SEM ZHING DE SKAD DU SMRA BA NI RNAM PAR MI 'TSAM PA'I BAB COL TE, STON PAS SUM CU RTZA GSUM DU DBYAR GNAS MDZAD PA'I TSE CHOS BZANG LHA'I MDUN SAR DBU'I GTZANG TOR NAS 'PHAGS MA GDUGS DKAR MO CAN GZHAN GYIS MI THUB PA MCHOG TU GRUB PA'I GZUNGS BKA' STZAL TE, DE NAS BZUNG STE BYA RGYUD DE BZHIN GSHEGS PA'I RIGS

, ,'PHAGS MA GDUGS DKAR CAN GYI DBANG DANG GDAMS NGAG DA LTA'I BAR DU RGYUN MA CHAD BAR YOD DO, ,YANG BCOM LDAN 'DAS RI BO PO TA LAR PHEBS PA'I TSE THUGS RJE CHEN PO SENG GE SGRA'I GZUNGS GSUNGS SHING GZHAN YANG THUGS RJE CHEN PO DON YOD ZHAGS BA'I GZUNGS DANG, THUGS RJE CHEN PO PHYAG STONG SPYAN STONG GI GZUNGS SOGS BYA BA'I RGYUD MANG DU GSUNGS SHING, BYA RGYUD PADMA'I RIGS KYI DBANG DANG GDAMS NGAG KYANG DA LTA'I BAR DU RGYUN MA CHAD PAR YOD DO, ,YANG STON PAS RGYAL PO MA SKYES DGRA'I SDIG SGRIB SBYONG BA'I CHED DU BYA RGYUD RDO RJE'I RIGS RNAM 'JOMS KYI RGYUD GSUNGS SHING DE'I GDAMS NGAG KYANG RGYUN MA CHAD BAR YOD DO, ,GZHAN YANG DAM TSIG GSUM BKOD SOGS BYA BA'I RGYUD MTHA' YAS PA GSUNGS PA YONGS SU GRAGS PA LTAR DANG, SPYOD RGYUD RNAM SNANG MNGON BYANG DANG LAG NA RDO RJE DBANG BSKUR BA'I RGYUD SOGS GSUNGS PA DANG, RNAL 'BYOR GYI RGYUD RDO RJE DBYINGS KYI DKYIL 'KHOR DANG, DE NYID BSDUS PA SOGS MNGON PAR BYANG CHUB BA'I DUS SU 'OG MIN DU GSUNGS PA DANG, SUM CU RTZA GSUM DU DBYAR GNAS MDZAD PA'I TSE LHA'I BU NOR BU DRI MA MED PA SHI NAS DMYAL BAR SKYES PA BRGYA BYIN GYIS MTHONG NAS BCOM LDAN 'DAS LA DE NGAN SONG LAS THAR BA'I THABS ZHUS PAS, BCOM LDAN 'DAS KYIS NGAN SONG YONGS SU SBYONG BA'I RGYUD GSUNGS NAS BRGYA BYIN

LA DE'I GDAMS NGAG GNANG NAS BRGYA BYIN GYIS NGAN SONG SBYONG BA'I CHO GA BYAS PAS LHA'I BU DE DE MA THAG DMYAL BA NAS THAR TE LHA GNAS GONG MAR SKYES NAS STON PA LA BKA' DRIN DRAN PA'I DAD GUS CHEN POS PHYAG DANG MCHOD PA BYAS TE, AE MA SANGS RGYAS RNAMS KYI NI, ,SNGAGS KYI BYIN RLABS YA MTSAN CHE, ,GANG PHYIR MTSAMS MED LHUNG BA YI, ,SEMS CAN LHA GNAS MYUR DU SKYES, ,ZHES CHED DU BRJOD PA YONGS SU GRAGS PA LTAR DANG, RNAL 'BYOR BLA NA MED PA'I RGYUD STON PAS GSUNGS PA NI, BCOM LDAN 'DAS KYIS NAG PA'I NYA LA DPAL LDAN 'BRAS SPUNGS KYI MCHOD RTEN CHEN POR SHAM BHA LA'I RGYAL PO ZLA BA BZANG POS GSOL BA BTAB NAS 'KHOR BYE BA PHRAG DU MA LA DUS 'KHOR GYI RGYUD GSUNGS SHING RDO RJE 'JIGS BYED CHEN PO'I RTZA BA'I RGYUD LA SOGS PA BLA MED KYI RGYUD PHAL MO CHE GSUNGS NAS GSANG BA'I BDAG PO PHYAG NA RDO RJE LA RGYUD GTAD PAR MDZAD PA DANG, GZHAN YANG BLA MED KYI RGYUD THAMS CAD KYI RAB DANG PHUL DANG RTZE MOR GYUR PA NI DPAL GSANG BA 'DUS PA'I RGYUD YIN PAR GRUB CHEN THAMS CAD MTHUN PAR GSUNGS LA, GSANG BA 'DUS PA'I RGYUD BCOM LDAN 'DAS KYIS GSUNGS PA NI 'DUS PA'I GLENG GZHIR, BCOM LDAN 'DAS RDO RJE BTZUN MO'I BHA GA'I DBYIBS CAN GYI CHOS 'BYUNG GI NANG GI GZHAL YAS KHANG GI DBUS SU BZHUGS NAS NAM MKHA'I DBYINGS THAMS CAD YONGS SU GANG BA'I 'KHOR GYI TSOGS LA 'DUS

, ,PA'I RGYUD GSUNGS PAR BSHAD CING, RTZA RGYUD LE'U BCU BDUN PAR RJE BTZUN BYAMS PA MGON PO DANG PHYAG NA RDO RJE LA SOGS PA'I 'KHOR RNAMS KYIS BCOM LDAN 'DAS LA 'DI SKAD GSOL TE , BRJOD KYIS MI LANG BA'I YANG BRJOD KYIS MI LANG BA BSKAL PA GRANGS MED PA 'DAS PA'I SNGON RAL TU DE BZHIN GSHEGS PA MAR ME MDZAD 'DAS PA NAS BZUNG 'OD SRUNGS KYI BAR DU SANGS RGYAS RNAMS KYIS BLA MED KYI RGYUD MA GSUNGS PA LA BCOM LDAN 'DAS NYID KYIS GSUNGS PA LA NGO MTSAR CHE BA'I BSNGAGS PA RGYA CHER BRJOD PA LTAR DANG, BCOM LDAN 'DAS KYIS AOO d'I YA NA'I YUL DU RGYAL PO AINDRA BH'U TI RJES SU BZUNG BA'I PHYIR DU GSANG BA 'DUS PA'I RGYUD GSUNGS SHING PHYAG RDOR LA RGYUD GTAD BAR MDZAD, DER RGYAL PO AINDRA BHU TIS KYANG BSGOMS NAS TSE GCIG NYID LA ZUNG 'JUG GRUB PAR GRUB CHEN THAMS CAD MTHUN PAR GSUNGS PA LTAR RO, ,DE LA 'DI SNYAM DU BLA MED KYI RGYUD PHAL CHER DU RDO RJE 'CHANG GIS GSUNGS ZHES 'BYUNG GI ,BCOM LDAN 'DAS SH'AKYA THUB PAS GSUNGS ZHES MI 'BYUNG BAS BCOM LDAN 'DAS KYIS GSUNGS PA MIN NO ZHE NA, DE NI RNAM PAR MA BRTAGS PA'I GTAM STE, BCOM LDAN 'DAS KYIS LONGS SKU'I CHA LUGS KYIS DKYIL 'KHOR GYI GTZO BOR BZHENGS NAS RGYUD GSUNGS PA RNAMS BCOM LDAN 'DAS KYIS GSUNGS PA MIN ZHES JI LTAR SMRA, BCOM LDAN 'DAS KYIS CHA LUGS BSGYUR NAS

CHOS BSTAN PA 'DUL BA LUNG NA YANG SNANG STE, MTHA' 'KHOB KYI RGYAL PO KA PI NAS GRONG KHYER CHEN PO DRUG GI RGYAL PO THAMS CAD DANG, KHYAD PAR RGYAL PO GSAL RGYAL LA CHED DU DMIGS PA'I PHO NYA BTANG BA, KHYED RNAMS ZHAG BDUN NA NGA 'PHRAD PAR SHOG CIG ,DE LTAR MA 'ONGS NA DMAG DRANGS TE KHYED KYI YUL MED PAR BYED DO ZHES SPRINGS PA DANG, PHO NYA DES GRONG KHYER LDANG PHYIN TE GTAM DE SMRAS PA DANG, DE RNAMS SKRAG NAS MNYAN YOD DU LHAGS TE RGYAL PO GSAL RGYAL LA DON DE SMRAS BA DANG, PHAN TSUN BGROS TE BCOM LDAN 'DAS KYI SPYAN SNGAR PHYIN NAS DON DE ZHUS PA NA BCOM LDAN 'DAS KYIS PHO NYA DE NGA'I GAN DU THONGS SHIG CES GSUNGS BAS RGYAL PO GSAL RGYAL SOGS KYIS PHO NYAL NGED LAS LHAG PA'I 'PHRUL GYI RGYAL PO ZHIG BZHUGS PAS DE'I GAN DU SONGS SHIG ,DES RGYAL BYED TSAL DU SONG BA DANG, BCOM LDAN 'DAS 'KHOR LOS SGYUR BA'I CHA BYAD DU BZHUGS PA LA PHRIN YIG DE PHUL BA DANG, 'PHRUL GYI RGYAL POS YI GE DE RDOG PAS MNAN NAS, PHO NYA LA 'DI SKAD CES BKA' STZAL TO, ,NGA NI RGYAL PO CHEN PO GLING BZHI LA DBANG BA YIN NO KHYOD KYI RGYAL PO GLEN PA DE CI'I PHYIR BKA' MI NYAN, KHYOD SONGS LA NGAS 'DI SKAD CES BKA' STZAL TO, ,ZHES GYIS SHIG ,KHYOD ZHAG BDUN NA NGA'I GAN DU SHOG CIG ,DE MA 'ONGS NA KHRIMS LA SBYAR RO, ,ZHES GYIS SHIG,

, ,CES BSGO NAS BTANG BA NA, RGYAL PO KA PI NA MNYAN YOD DU LHAGS BA NYI 'OG GI RGYAL PO RNAMS KYIS KA PI NA BSUS TE RGYAL BYED TSAL DU PHYIN PA NA, DE'I TSE RGYAL BYED TSAL LHA'I GRONG KHYER BLTA NA SDUG 'DRA BAR SPRUL ZHING BCOM LDAN 'DAS KYANG 'KHOR LOS SGYUR BA'I CHA LUGS SU BZHUGS, MO'U 'GAL GYI BU CHEN PO NI BLON PO RIN PO CHER SPRUL TO, ,DE RGYAL PO KA PI NA CHEN POS MTHONG BA DANG, 'DI BDAG LAS BYAD GZUGS NI LHAG NA STOBS NI JI 'DRA BA ZHIG SNYAM PA DANG, BRGYA BYIN GYIS DBANG PO'I GZHU KHYER TE KHA LO BA'I CHAS SU BYAS NAS BLON PO CHEN PO LA PHUL LO, ,BLON POS KYANG RGYAL BO'I BKAS GSAR SA'I RGYAL PO LA BYIN BA DANG DES BLANGS KYANG MA THEG GO ,DE NAS 'PHRUL GYI RGYAL POS GZHU DE BLANGS TE MTHE CHUNG GIS BDUNGS NAS KA PI NA LA 'GENGS SU BCUG PA DANG, DES BSGUL BAR YANG MA NUS NAS 'PHRUL GYI RGYAL PO BCOM LDAN 'DAS KYIS GNAM RU DE'I GZHU RGYUD SBRENGS PA TZAM GYIS SA G-YOS MDA' GCIG 'PHANGS PAS LCAGS KYI RNGA BO CHE BDUN THAL PHYUNG DU SONG NAS MDA' LNGAR GYUR TE, DE DAG GI RTZE MO LAS 'OD ZER GRANGS MED PA BYUNG NAS 'OD ZER RE'I RTZEL 'KHOR LOS SGYUR BA'I RGYAL PO RE RE BYUNG NGO, ,'OD ZER DE DAG GIS SEMS CAN SO SO'I DON BYAS SHING CHEN DU BRJOD PA DANG CHOS STON PA'I SGRA DAG KYANG GRAG GO ,

DE NAS RGYAL PO KA PI NA STOBS KYI DREGS PA ZHI NAS AE MA 'DI CI ZHIG SNYAM PA DANG, BCOM LDAN 'DAS KYIS DE DANG MTHUN PA'I CHOS BSTAN PAS BDEN PA MTHONG NGO, ,DE NAS BCOM LDAN 'DAS RANG BZHIN GYI SKUR MDZAD BA DANG, RGYAL PO KA PI NA BLON PO KHRI BRGYAD STONG DANG LHAN CIG RAB TU BYUNG NAS DGRA BCOM PAR GYUR TE, TSE DANG LDAN PA KA PI NA CHEN POR GRAGS SO, ,DE LA RGYAL PO KA PI NA 'KHOR LOS BSGYUR BA'I RGYAL POS BTUL BA YIN GYI, BCOM LDAN 'DAS KYIS BTUL BA MIN ZHES SHES LDAN SU ZHIG SMRA, BCOM LDAN 'DAS SH'AKYA THUB PAS GSUNGS ZHES PA'ANG BLA MED KYI RGYUD LA MANG DU SNANG STE, DUS KYI 'KHOR LO'I RGYUD, BCOM LDAN 'DAS SH'AKYA THUB PAS GSUNGS PA NI YONGS SU GRAGS PA LTAR DANG, DUS 'KHOR GYI RGYUD LA SOGS PA BLA MED KYI RGYUD MANG PO ZHIG GI RTZA BA NI 'JAM DPAL MTSAN BRJOD YIN BAR GRAGS LA, MTSAN BRJOD LAS, DE NAS BCOM LDAN SH'AKYA THUB; ;GSANG SNGAGS RIGS CHEN THAMS CAD DANG, ,GSANG SNGAGS GSOR tA SNGAGS 'CHANG BA'I RIGS, ,RIGS GSUM LA NI RNAM PAR GZIGS, ,'JIG RTEN 'JIG RTEN 'DAS PA'I RIGS, ,'JIG RTEN SNANG BYED RIGS CHEN DANG, ,PHYAG RGYA CHEN PO'I RIGS MCHOG DANG, ,RIGS CHEN GTZUG TOR CHER GZIGS NAS, ,TSIG GI BDAG POS TSIGS SU BCAD, ,GSANG SNGAGS RGYAL PO DRUG LDAN ZHING, ,GNYIS SU MED PAR 'BYUNG BA DANG, ,

, ,MI SKYE CHOS CAN 'DI GSUNGS PA, ,ZHES DANG, 'PHAGS PA 'JAM DPAL GYI DON DAM PA'I MTSAN YANG DAG PAR BRJOD PA, BCOM LDAN 'DAS SH'AKYA THUB PAS GSUNGS PA RDZOGS SO, ,ZHES 'BYUNG BA LTAR RO, ,YANG BDE MCHOG GI RGYUD KYANG BCOM LDAN 'DAS SH'AKYA THUB PAS GSUNGS PA NI, BDE MCHOG GI BSHAD RGYUD MKHA' 'GRO RGYA MTSO LAS, RTZOD PA'I DUS SU SH'AKYA SENG GES GSUNGS PA ZHES GSAL BAR GSUNGS PA LTAR RO, ,DES NA BYANG CHUB LAM GYI RIM PA LA SNYING NAS NYAMS LEN BYA BAR 'DOD BDAG GIS BLUN PO'I 'CHAL GTAM LA YID GTAD PAR MI BYA BAR LAM GYI RTZA BA BSHES GNYEN BSTEN TSUL NAS BZUNG, MTHAR SNGAGS LAM GYI 'BRAS BU MTHAR THUG ZUNG 'JUG GRUB PA'I BAR THAMS CAD STON PA THUGS RJE CAN SH'AKYA'I RGYAL PO NYID KYIS BSTAN PA YIN PAR NGES PA GTING NAS 'DRONGS PAR BYAS LA, RGYAL BA'I BKA' LAS LHAG PA'I GDAMS NGAG MED PAR SHES PAR BYAS LA RGYAL BA'I BKA' NYID GDAMS PA'I MCHOG TU YID CHES PAR BYA'O, ,DE LTAR STON PA THUGS RJE CAN SH'AKYA'I RGYAL POS SDE SNOD GSUM DANG, RGYUD SDE BZHI'I CHOS MTHA' YAS MU MED PA ZHIG BKA' STZAL PA DE DAG KYANG, JI SKAD DU, LHA YI SKAD DANG KLU DANG GNOD SBYIN SKAD, ,GRUL BUM DAG DANG MI YI SKAD RNAMS DANG, ,'GRO BA KUN GYI SGRA RNAMS JI

TZAM PA, ,THAMS CAD SKAD DU BDAG GIS CHOS BSTAN TO, ,ZHES GANG GSUNGS PA LTAR, LHA DANG KLU LA SOGS PA 'GRO BA RANG RANG GI SKAD DANG MTHUN PAR STON PAR MDZAD CING GSUNG GCIG NYID 'GRO BA RANG RANG GI SKAD DANG MTHUN PAR GO BA DANG, RANG RANG GI DBANG PO DANG BSAM PA DANG 'TSAMS PA'I CHOS MTHA' YAS PA 'BYUNG BA DANG, SKU'I BA SPU'I KHUNG BU RE RE NAS KYANG CHOS KYI RNAM GRANGS MTHA' YAS MU MED PA RGYUN DU 'BYUNG BAS RGYAL BAS GSUNGS PA'I CHOS THAMS CAD NI RGYAL BA RANG NYID MA GTOGS SUS KYANG BRJOD PAR MI NUS LA, 'ON KYANG GDUL BYA'I NYON MONGS PA'I GNYEN PO DANG MTHUN PAR SDOM GYIS BSDUS PA NI CHOS KYI PHUNG PO BRGYAD KHRI BZHI STONG BKA' STZAL CES 'BYUNG NGO, ,DE LTAR STON PA THUGS RJE CAN DE NYID KYIS THEG PA CHE CHUNG GI CHOS KYI 'KHOR LO MTHA' YAS PA ZHIG BSKOR TE LHA MI BGRANG BA LAS 'DAS PA SMIN CING GROL BAR MDZAD NAS, SKU DNGOS KYI GDUL BYA KUN TU RGYU RAB BZANG DANG, DRI ZA'I RGYAL PO RAB DGA' GNYIS 'DUL BA'I DUS LA BAB PA NA GRONG KHYER RTZA CAN DU PHEBS NAS, STON PAS SKU DNGOS KYI GDUL BYA RAB BZANG DANG, RAB DGA' GNYIS LUS PA LA, RAB DGA' 'DUL BA'I PHYIR PI WANG RGYUD STONG PA KHOG PA BEE d'URYA LAS BYAS PA BSNAMS TE DRI ZAR SPRUL NAS RAB DGA'I SGO DRUNG DU PHYIN PA DANG, DE DANG GLU DBYANGS 'GRAN ZHING RGYUD

, ,RIM GYIS GCIG MA GTOGS PA BCAD KYANG SGRA GDANGS KHYAD MED DO, ,DE NAS STON PAS RGYUD GCIG KYANG BCAD DE NAM MKHA' KHO NA LAS SGRA GDANGS SNGAR BZHIN DU BYUNG BA DANG, RAB DGA' NGA RGYAL CHAG STE NGO MTSAR SKYES PA DANG, STON PAS SKU MNGON SUM DU BSTAN PAS DE LA RAB DGA' DAD NAS PHYAG BYAS TE CHOS NYAN PA'I PHYIR 'DUG PA LA CHOS BSTAN TE BDEN PA MTHONG NGO, , DE NAS RDZING BU DAL 'BAB KYI 'GRAM NA KUN TU RGYU RAB BZANG LO BRGYA NYI SHU LON PA DGRA BCOM PAR GRAGS PA ZHIG YOD PAS, RDZING DAL 'BAB KYI 'GRAM AU DUM W'A RA'I TSAL GYI ME TOG RNYINGS PA DANG STON PA MYA NGAN LAS 'DA'O ZHES THOS PA'I RGYUS BDAG GI THE TSOM SEL BAR 'GYUR SRID SNYAM STE SONG NAS KUN DGA' BO LA LAN GSUM ZHUS PAS MA GNANG BA STON PAS MKHYEN NAS, NGA DANG MU STEGS CAN GTAM GLENG BA'I THA MA 'DI YIN GYIS THONGS GSUNGS NAS, RAB BZANG LA DGA' BAR BYA BA'I GTAM MANG PO MDZAD NAS, RAB BZANG, NGA NI NA TSOD NYI SHU RTZA DGU LON TE RAB TU BYUNG NAS LO GRANGS LNGA BCU LHAG CIG TU DGE BA GANG YIN CI ZHES BYAS GYUR CING, RAB BZANG CHOS 'DUL BA GANG LA 'PHAGS LAM YAN LAG BRGYAD MED PA DE LA DGE SBYONG GI 'BRAS BU BZHI MED LA, YAN LAG BRGYAD YOD

NA YOD DE, 'DI LAS PHYI ROL NA DGE SBYONG MED CES SOGS GSUNGS PAS BDEN PA MTHONG, TSUR SHOG GIS BSNYEN PAR RDZOGS PAS DGRA BCOM THOB STE, STON PA MYA NGAN LAS 'DA' BA BLTA BAR MI BZOD DO SNYAM NAS GNAS LNGA BYIN GYIS BRLABS NAS MYA NGAN LAS 'DAS SO, ,DE NAS STON PAS 'KHOR RNAMS LA BKA' STZAL PA, 'KHOR RNAM BZHIS PHAN BDER 'GYUR BA'I GSUNG RAB YAN LAG BCU GNYIS BKLAG , STON PA SO THAR LA GYIS, RGAN PAS GZHON PA RNAMS YO BYAD KYIS BSDU, GZHON PAS RGAN PA'I MING 'BOD MI BYA, DAD PA CAN LA STON PA 'KHRUNGS PA, SANGS RGYAS PA, CHOS GSUNGS PA, MYA NGAN LAS 'DAS PA'I PHYOGS BZHI BSTAN PAR BYA'O, ,DGE SLONG DGE DKON MCHOG GSUM DANG BDEN BA BZHI LA THE TSOM YOD NA ZHUS SHIG ,CES GSUNGS NAS SKU'I STOD G-YOGS BSAL TE, DGE SLONG DAG DE BZHIN GSHEGS PA BLTA BA NI RNYED PAR DKA' YI DE BZHIN GSHEGS PA'I SKU LA LTOS SHIG ,DGE SLONG DAG RE SHIG CANG MA SMRA ZHIG DANG, 'DI LTAR 'DUS BYAS THAMS CAD NI 'JIG BA'I CHOS CAN YIN TE, DE LA 'DI NI DE BZHIN GSHEGS PA'I GSUNG GI THA MA YIN NO, ,ZHES GSUNGS NAS SHING S'A LA ZUNG GI 'GRAM DU MA 'ONGS PA NA BYANG PHYOGS GANGS RI'I LJONGS 'DIR RGYAL BA RANG NYID KYI BSTAN PA YONGS SU RDZOGS PA RGYA CHER

, ,DANG BAR 'GYUR RO ZHES STON PHYIR DBU BYANG PHYOGS SU BSTEN NAS, DGUNG LO BRGYAD CU SONG NAS GYA GCIG GI THOG TU PHEBS PA RNAM GNON ZHES PA LCAGS PHO 'BRUG GI LO SA GA ZLA BA'I TSES BCO LNGA'I NYIN DON DAM PAR NAM MKHA' MA ZAD KYI BAR DU GZUGS SKU'I BKOD PA DANG 'PHRIN LAS RGYUN CHAD PA MED KYANG GDUL BYA RTAG 'DZIN CAN RNAMS CHOS LA BSKUL BA DANG, DE BZHIN GSHEGS PA 'JIG RTEN DU 'BYUNG BA SHIN TU DKON ZHING RNYED PAR DKA'O ZHES 'DOMS PA DANG, SNGON GYI THUGS BSKYED DANG SMON LAM GYI DBANG SOGS KYIS MYA NGAN LAS 'DA' BA'I TSUL BSTAN TO, ,DE NAS RGYAL BA RANG NYID MYA NGAN LAS 'DA' BA'I TSUL BSTAN KYANG SNGON GYI THUGS BSKYED DANG SMON LAM GYI DBANG GIS BSTAN PA LO LNGA STONG DU GNAS BAR BYIN GYIS BRLABS SHING, SKU GDUNG DANG RING BSREL MANG DU 'PHEL TE 'DZAM BU'I GLING THAMS CAD MCHOD RTEN GYIS KHYAB PAR BYIN GYIS BRLABS SO, ,STON BA SKU BLTAMS PA, SANGS RGYAS PA, MYA NGAN LAS 'DAS PA, 'DI RNAMS KYI LO DUS LA SNGON GYI MKHAS PA RNAMS LA BZHED TSUL MI 'DRA BA MANG DU BYUNG STE, MKHAS PA 'GA' ZHIG NI STON PA SHING PHO BYI BA'I LO LHUMS SU ZHUGS, SHING MO GLANG LA SKU BLTAMS, SA MO PHAG LA SANGS RGYAS, SHING

PHO SPRE'U LOR MYA NGAN LAS 'DAS PAR BZHED PA DANG, MKHAS PA 'GA' ZHIG NI, ME MO YOS LA LHUMS SU ZHUGS, SA PHO 'BRUG LA SKU BLTAMS, CHU PHO STAG LA SANGS RGYAS, ME MO PHAG LA MYA NGAN LAS 'DAS PAR BZHED PA DANG, YANG MKHAS PA 'GA' ZHIG DUS 'KHOR GYI RTZIS KYI STENG NAS RNAM DAG YAR LOG GI RTZIS BYAS BA NA SNGAR GYI MKHAS PA DE DAG GI BZHED TSUL DE DAG LA, STON PA SANGS RGYAS PA'I SA GA ZLA BA'I TSES BCO LNGA'I NUB MO DUS ME'I RI MO SA GA'I STENG DU MI 'BAB PAS STON PA'I 'KHRUNGS LO SOGS LO KHAMS DE DAG MI 'THAD CES DE SUN PHYUNG NAS STON PA SKU BLTAMS PA SOGS KYI LO DUS GZHAN DU 'CHAD PA DANG, MYA NGAN LAS 'DAS PA'I DUS KYANG PHAL MO CHER SA GA'I NYA LA BZHED CA'I , MKHAS PA MANG PO ZHIG STON ZLA THA CHUNG GI YAR NGO'I TSES BRGYAD LA MYA NGAN LAS 'DAS PAR BZHED PA SOGS BZHED TSUL MANG DU SNANG NA'ANG, 'DIR BRJOD PA DE DAG NI MKHAS GRUB NOR BZANG RGYA MTSOS JI LTAR GSUNGS PA LTAR BRJOD PA YIN LA, JI LTAR YANG BYANG CHUB LAM RIM LA BLO SBYONG BA RNAMS KYIS STON PA'I 'KHRUNGS LO SOGS LA MKHAS BA MANG PO BZHED PA MI MTHUN PA DE DAG LA BLO MI BDE BA BYA MI DGOS TE, STON PA 'KHRUNGS PA DANG SANGS RGYAS PA SOGS LO DUS GANG LA YIN YANG RUNG, STON PA THUGS RJE CAN DE NYID KYIS BDAG CAG

, ,SNYIGS MA'I 'GRO BA NYAM THAG RNAMS KYI DON DU DGA' LDAN GYI GNAS NAS ZHING 'DIR BYON TE LHUMS SU ZHUGS PA DANG, SKU BLTAMS PA DANG, ROL RTZED MDZAD PA DANG, KHAB NAS BYUNG STE DKA' BA SPYAD PA DANG, BYANG CHUB SHING DRUNG DU BDUD BTUL NAS 'TSANG RGYA BA'I MDZAD PA RNAMS BSTAN CING MDZAD PA BZANG PO DE DAG RE RE NAS GDUL BYA BGRANG BA LAS 'DAS PA ZHIG SMIN GROL LA 'GOD PAR MDZAD PA DANG, LHA DANG MI'I MCHOD PA TSAD MED PAS MCHOD PA DANG, SPRUL PA'I BKOD PA BSAM GYIS MI KHYAB PA DE LTA BU STON PAR MDZAD DO SNYAM DU DAD GUS BSGOM PAR BYA BA DANG, LHAG PAR, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GANG GSUNGS PA LTAR CHOS KYI 'KHOR LO BSKOR BA'I MDZAD PA JI SNYED CIG MDZAD PA DE THAMS CAD GDUL BYA 'DUL BA'I DON KHO NAR MDZAD CING, DE YANG THOG MAR LNGA SDE LA STOD G-YOGS SMAD G-YOGS ZLUM POR BGO BA SOGS 'DUL PA'I BSLAB BYA DANG BDEN PA BZHI'I CHOS STON PAR MDZAD PA DE NAS BZUNG, THA MAR KUN TU RGYU RAB BZANG DGRA BCOM LA BKOD PA DANG, 'KHOR RNAMS LA MI RTAG PA BSTAN PA'I BAR CHOS JI SNYED CIG GSUNGS PA DE

THAMS CAD GDUL BYA RNAMS THAR PA DANG THAMS CAD MKHYEN PA THOB PA'I THABS SHA STAG TU GSUNGS PA YIN PAS NA, BYANG CHUB LAM RIM LA NYAMS LEN SNYING POR BYED PA RNAMS KYIS RGYAL BAS GSUNGS PA'I MDO SNGAGS KYI CHOS JI SNYED CIG YOD PA DE THAMS CAD GANG ZAG RANG NYID 'TSANG RGYA BA'I THABS SHA STAG TU GSUNGS PA YIN PAR SHES PAR BYAS LA STON PA THUGS RJE CAN DES BDAG 'KHOR BA DANG NGAN SONG GI SDUG BSNGAL LAS BSGRAL TE SANGS RGYAS KYI SA LA 'GOD PA'I CHED DU CHOS 'DI SNYED CIG GSUNGS SO SNYAM DU STON PA'I YON TAN DANG BKA' DRIN DANG THUGS RJE DRAN PA'I SGO NAS DAD CING GUS PAS MCHOD CING GSOL BA GDAB PA LHUR BYA'O, ,STON PAS CHOS STON PA'I THOG MAR YANG LNGA SDE LA SDUG BSNGAL BDEN PA'I RNAM PA MI RTAG PA NAS BRTZAMS TE STON PAR MDZAD, MTHAR MYA NGAN LAS 'DA' BA'I TSE 'DUS BYAS THAMS CAD NI 'JIG PA'I CHOS CAN YIN NO ZHES MI RTAG PA STON PAR MDZAD PA 'DI LA BLO GROS CAN RNAMS KYIS LEGS PAR DPYOD SHES NA BYANG CHUB LAM RIM LA NYAMS LEN SNYING POR BYA 'DOD PA RNAMS LA NYAMS LEN LA BSKUL BA'I GNAD KHYAD PAR CAN ZHIG YIN PAR SHES PAR NUS TE, THOG MAR CHOS LA BSKUL BA'I TSE NA TSE 'DI RING DU MI GNAS PAR MYUR DU 'JIG PA'I DANG TSUL BSAMS NAS DES BSKUL TE CHOS LA 'JUG DGOS PA DANG, SKYES BU

, ,'BRING GI SKABS SU MI RTAG PA'I TSUL BSAMS NAS 'KHOR BA'I PHUN TSOGS GANG LA'ANG YID BRTAN MED PA'I TSUL BSAMS TE DES BSKUL NAS LAM SGOM PA LA 'JUG DGOS PA DANG, SKYES BU CHEN PO'I SKABS SU'ANG MI RTAG PA BSAMS TE 'KHOR BA THOG MA MED PA NAS SKYE BA GCIG NAS GCIG TU RIM GYIS BRGYUD PA'I NGANG TSUL BSAMS LA SEMS CAN THAMS CAD RANG GI MAR SHES PA SOGS RGYU 'BRAS MAN NGAG BDUN GYI SGO NAS BYANG CHUB KYI SEMS SBYANGS TE RGYAL SRAS KYI SPYOD PA LA SLOB PA DANG, DBU MA'I LTA BA SGOM PA'I TSE NA'ANG, DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ZHES GSUNGS PA LTAR, THOG MAR MI RTAG PA BSGOMS NAS RTAG GCIG RANG DBANG CAN DU 'DZIN PA'I BLO BZLOG PAR BYAS, DES RGYUD SBYANGS NAS MTHAR SPROS PA'I MTHA' THAMS CAD DANG BRAL BA'I DBU MA'I LTA BA SGOM PA LA 'JUG PA DANG, LAM THUN MONG BAS RGYUD SBYANGS NAS SNGAGS LAM LA SLOB PA'I TSE NA'ANG MI RTAG PA DRAN PAS RGYUD BSKUL NAS LAM LA SLOB DGOS PA YIN PAS STON PA'I RNAM THAR GDUL BYA RANG NYID KYI NYAMS LEN DU 'KHYER BA'I TSUL DE LTAR DU SHES PAR BYA'O, ,STON PA THUB PA'I DBANG PO'I RNAM PAR THAR PA NI BSAM GYIS MI KHYAB BRJOD KYIS MI LANG BA STE, KHYOD KYI

SKU GSUNG THUGS KYI GSANG BA YI, ,TSUL 'DI RGYAL SRAS RANG RGYAL NYAN THOS KYIS, ,JI TZAM BRTAGS KYANG BLO YI YUL MIN NA, ,TSANGS DANG DBANG PO SOGS KYIS SMOS CI 'TSAL, ,MKHA' LDING DBANG POS MKHA' LA BGROD BGROD NAS, ,NAM ZHIG RANG STOBS BRI BAS LDOG 'GYUR GYI, ,NAM MKHA' ZAD PAS LDOG PAR MI 'GYUR BZHIN, ,KHYOD KYI YON TAN BRJOD PA'ANG DE LTAR LAGS, ,ZHES GSUNGS PA LTAR, SANGS RGYAS KYI GSANG BA GSUM GYI RNAM THAR NI RGYAL BA NANG PHAN TSUN MA GTOGS RGYAL SRAS BDAG NYID CHEN PO RNAMS DANG, RNAM THAR BRGYAD LA DBANG THOB PA'I DGRA BCOM PA RNAMS DANG, TSANGS PA DANG BRGYA BYIN LA SOGS PA MNGON SHES DANG LDAN PA'I LHA MTHU BO CHE RNAMS KYIS JI TZAM BRTAGS KYANG SHES PAR NUS PA MIN NA BLO CHUNG BDAG 'DRA BAS PHYOGS TZAM YANG SHES PAR GA LA NUS, DER MA ZAD THUN MONG BA'I GDUL BYA RNAMS KYIS SHES PAR NUS PA'I MDZAD PA RNAM THAR RNAMS KYANG BDAG 'DRA BAS CHA TZAM ZHIG KYANG BRJOD PAR GA LA NUS, SNGAR BRJOD PA DE DAG NI RGYAL BA NYID KYI GSUNG TSAD MA DBANG POR BYAS TE, RGYA CHER ROL PA'I MDO DANG, SNYING RJE PADMA DKAR PO'I MDO DANG, GZHAN YANG MDO MANG PO LA BRTEN NAS MDZAD PA BCU GNYIS KYI TSUL LAS BRTZAMS TE CUNG ZAD CIG BRJOD PA YIN LA, STON PA'I YON TAN BSAM PA NI RANG GI TSOGS GSOG PA DANG SGRIB PA SBYONG BA'I THABS BLA NA MED PA YIN PA

, ,DANG, THEG PA CHEN PO'I LAM GYI RTZA BA DANG GZHUNG SHING BYANG CHUB KYI SEMS SKYE BA LA SANGS RGYAS KYI YON TAN BSAMS NAS DE LA THOB 'DOD BSKYED PA ZHIG NGES PAR DGOS KYI, SANGS RGYAS KYI YON TAN LA DAD PA DANG THOB 'DOD MED NA BYANG CHUB KYI SEMS MTSAN NYID TSANG BA MI SKYE BAR RJE BTZUN BYAMS PA MGON POS GSUNGS PA LTAR RO, ,DES NA THEG PA CHEN PO'I LAM GYI RTZA BA BYANG CHUB KYI SEMS SKYE BA LA SANGS RGYAS KYI YON TAN BSAMS NAS DANG PA THOB PA ZHIG MED MI RUNG DU SNANG BAS BYANG CHUB LAM RIM LA NYAMS LEN SNYING POR BYA 'DOD PA RNAMS LA SANGS RGYAS KYI YON TAN MTHONG BA ZHIG GAL CHE BAR BSAMS NAS PHYOGS TZAM ZHIG BRJOD PA YIN NO, ,DE LTAR STON PA MYA NGAN LAS 'DAS PA'I TSUL BSTAN PA'I DBYAR DE RGYAL PO MA SKYES DGRAS SBYIN BDAG BYAS NAS RGYAL PO'I KHAB KYI BDE CHEN MA'I PHUG TU 'OD SRUNGS CHEN PO LA SOGS PA'I DGRA BCOM PA LNGA BRGYAS DBYAR GNAS MDZAD, DE'I TSE KUN DGA' BO LA MDO SDE BSDU BAR GSOL BA BTAB PA NA, DGRA BCOM PA LNGA BRGYA'I SNAM SBYAR RNAMS BRTZEGS PA GDAN DU BTING BA'I STENG DU 'PHAGS PA KUN DGA' BOS 'DZEGS TE, ZHAL MNYAN YOD DU PHYOGS, PHYAG THAL MO SBYAR, GDONG MCHI MA DANG BCAS BZHIN DU 'DI SKAD BDAG GIS THOS PA DUS GCIG NA ZHES BRJOD PA NA, LHA

GRANGS MED PA NAM MKHA' LAS BABS TE GUS PAR NYAN ZHING MDO SDE'I SDE SNOD BSDUS SO, ,DE YANG DANG PO BDEN BZHI'I CHOS 'KHOR NAS BZUNG THA MA KUN TU RGYU RAB BZANG LA GSUNGS PA DANG, 'KHOR RNAMS LA GSUNG GI THA MA MI RTAG PA BSTAN PA YAN CHAD MDO SDE JI SNYED CIG GSUNGS PA THAMS CAD TSIG GCIG KYANG MA LUS PAR BLO LAS BTON PA'O, ,DE LTAR 'PHAGS PA KUN DGA' BOS MDO SDE BSDUS NAS KHRI LAS BABS TE 'KHOD, DE NAS 'PHAGS PA NYE BAR 'KHOR KHRI LA 'DZEGS TE 'DUL BA'I SDE SNOD RNAMS BSDUS, DE NAS 'OD SRUNGS CHEN PO KHRI LA 'DZEGS TE MNGON PA'I SDE SNOD RNAMS BSDUS SO, ,DE NAS 'OD SRUNGS CHEN PO 'DI SNYAM DU BDAG GIS BSTAN PA'I BYA BA BYAS ZIN GYI, DA NI MYA NGAN LAS 'DA'O SNYAM DU DGONGS NAS 'PHAGS PA KUN DGA' BO LA BSTAN PA GTAD DE, KHYOD KYIS KYANG BSTAN PA SHA NA'I GOS CAN LA GTOD CIG CES GSUNGS NAS DE BZHIN GSHEGS PA'I MCHOD RTEN RNAMS LA PHYAG BYAS TE LHO PHYOGS KYI RI BYA RKANG CAN ZHES BYA BA'I RI BO GSUM 'DUS KYI DBUS SU BYON NAS RTZVA'I GDAN LA SKYIL MO KRUNG BCAS, BCOM LDAN 'DAS KYIS GNANG BA'I SNAM SBYAR SKU LUS LA BKAB STE, JI SRID BYAMS MGON MA BYON GYI BAR DU PUR MI NYAMS PAR BYIN GYIS BRLABS NAS MYA NGAN LAS 'DAS SO, ,DE NAS 'PHAGS PA KUN DGA' BOS 'KHOR RNAM BZHI LA RJES SU GDAMS SHING, BSTAN

, ,PA LO BZHI BCU TZAM GYI RING BSKYANGS NAS NAM ZHIG NA BSTAN PA SHA NA'I GOS CAN LA GTAD DE, KHYOD KYIS BSTAN PA NYER SPAS LA GTOD CIG CES LUNG BSTAN NAS MYA NGAN LAS 'DAS SO, ,DE NAS 'PHAGS PA SHA NA'I GOS CAN GYIS BSTAN PA'I BYA BA RGYA CHER MDZAD DE MTHAR BSTAN PA NYER SPAS LA GTAD, DE NAS 'PHAGS PA NYER SPAS KYIS SANGS RGYAS GNYIS PA BZHIN DU BSTAN PA'I BYA BA BSAM GYIS MI KHYAB PA MDZAD DE, SLOB MA DGRA BCOM THOB PA'ANG GRANGS MED PA BYUNG STE, DGRA BCOM THOB PA RE RE BYUNG BA NA SO SHING SOR LNGA BA RE RE DOR BAS BRAG PHUG 'DOM LNGA BCU YOD PA ZHIG SO SHING GIS YONGS SU GANG BAR GYUR TO, ,'PHAGS PA NYER SBAS KYIS BSTAN PA DHI DHI KA LA GTAD, 'PHAGS PA DHI DHI KAS BSTAN PA 'PHAGS PA NAG PO LA GTAD, DES LEGS MTHONG CHEN PO LA BSTAN PA GTAD DE, DE DAG LA BSTAN PA'I GTAD RABS BDUN DU GRAGS SO, ,THUB PA'I BSTAN PA DUS JI TZAM GNAS PA NI, STON PA THUB PA'I DBANG PO 'DI NYID RGYAL BA GZHAN LAS THUGS RJE CHES LHAG PAS RGYAL BA RANG NYID MYA NGAN LAS 'DAS NAS KYANG BSTAN PA LO LNGA STONG DU GNAS PAR BYIN GYIS BRLABS SHING, GNAS BRTAN CHEN PO SGRA GCAN 'DZIN LA SOGS PA GNAS BRTAN BCU DRUG LA BSTAN PA'I GNAS TSAD MA RDZOGS KYI BAR DU MYA NGAN LAS MI 'DA' BAR BSTAN PA SKYONGS SHIG CES BKA' BSGOS, RNAM THOS SRAS LA SOGS PA 'JIG RTEN

SKYONG BA BZHI LA BSTAN PA BSTAN 'DZIN DANG BCAS PA BSRUNG ZHING SKYONG BAR BKA' BSGO BAR MDZAD DO, ,DE LTAR RGYAL BA'I BSTAN PA LO LNGA STONG DU GNAS PA LAS LO STONG PHRAG RE RE LA PHYED PHYED DU BCAD PAS LNGA BRGYA PA PHRAG BCU LA LE'U BCUR 'GYUR TE, DE LA LNGA BRGYA DANG PO DANG, GNYIS PA DANG, GSUM PA RNAMS LA RIM PA LTAR, DGRA BCOM PA DANG, PHYIR MI 'ONG BA DANG, RGYUN DU ZHUGS PA MANG DU 'BYUNG BAS DGRA BCOM PA'I LE'U DANG, PHYIR MI 'ONG BA'I LE'U DANG, RGYUN DU ZHUGS PA'I LE'U ZHES BYA STE, KHONG DU CHUD PA'I LE'U GSUM DANG, DE NAS LNGA BRGYA BZHI PA DANG, LNGA PA DANG, DRUG PA RNAMS LA GO RIM BZHIN DU, LHAG MTHONG DANG, TING NGE 'DZIN DANG, TSUL KHRIMS DANG LDAN PA MANG DU 'BYUNG BAS LHAG MTHONG GI LE'U DANG, TING NGE 'DZIN GYI LE'U DANG, TSUL KHRIMS KYI LE'U ZHES BYA STE, SGRUB PA'I LE'U GSUM DANG, DE NAS LNGA BRGYA BDUN PA DANG, BRGYAD PA DANG, DGU PA LA RIM PA LTAR CHOS MNGON PA DANG, MDO SDE DANG, 'DUL BA STON PA MANG DU 'BYUNG BAS MNGON PA'I LE'U DANG, MDO SDE'I LE'U DANG, 'DUL BA'I LE'U STE; LUNG GI LE'U GSUM DANG, LNGA BRGYA PA BCU PA LA NI, RAB TU BYUNG BA'I RTAGS TZAM LAS LTA SPYOD RNAL MA DANG MI LDAN PAS RTAGS TZAM 'DZIN PA'I LE'U STE, 'DI NYID LA LNGA BRGYA THA MA ZHES BSHAD DO, ,DES NA BDAG LEGS SU 'DOD PA DAG GIS RGYAL BA'I BSTAN PA DANG LAN CIG MJAL BA'I SKABS 'DIR RGYAL BA'I BSTAN PA'I SNYING PO TSANG LA MA NOR BA BYANG CHUB LAM GYI RIM PA LA BAG CHAGS CI THEBS BYA'O,, ,,

, ,` JO BO RJE DPAL LDAN AA TI SHAS BYANG CHUB LAM GYI RIM PA STON PA'I BLA MA BRGYUD PA LA RGYA CHEN SPYOD RGYUD DANG, ZAB MO LTA RGYUD GNYIS SU MDZAD BA'I RGYA CHEN SPYOD RGYUD KYI BLA MA RNAMS KYI RNAM PAR THAR PA STON PA LA THOG MAR RJE BTZUN BYAMS PA MGON PO'I RNAM THAR NI, 'DREN PA MNYAM MED STON PA BCOM LDAN 'DAS, ,RGYAL TSAB DAM PA RJE BTZUN MI PHAM MGON, ,ZHES BSNGAGS PA, 'DREN PA MNYAM MED STON PA THUB PA'I DBANG PO DGA' LDAN DU SKYE BA SPRUL SKU'I TSUL BZUNG STE RGYAL BA 'OD SRUNGS KYI DUS NAS ZHING 'DIR 'BYON PA LA NYE BA'I BAR DGA' LDAN GYI LHA RNAMS LA CHOS BSTAN NAS 'DZAM BU'I GLING DU 'BYON PA LA NYE BAR PHYOGS PA'I TSE, RJE BTZUN BYAMS PA MGON PO LA PROG ZHU BSKON NAS RGYAL TSAB TU DBANG BSKUR BAS, DE NAS BZUNG RGYAL TSAB BYAMS PA MGON PO ZHES GRAGS PA RJE BTZUN BYAMS MGON 'DI NYID SNGON THUGS JI LTAR BSKYED PA'I TSUL NI, MDO SDE BSKAL BZANG LAS, BYANG CHUB SEMS DPA' BYAMS PA 'KHOR LOS SGYUR BA YI, ,RGYAL PO RNAM PAR SNANG BYED CES BYAR GYUR PA NA, ,BDE GSHEGS MTHU CHEN GDUGS TSOD DAG LA SPYAN DRANGS NAS, ,DANG POR BLA MED BYANG CHUB TU NI SEMS BSKYED DO, ,ZHES GSUNGS PA LTAR RJE BTZUN BYAMS PA MGON PO 'DI NYID SNGON BSKAL PA BRJOD KYIS MI LANG PA'I YANG BRJOD KYIS MI LANG BA'I SNGON ROL TU 'KHOR LOS SGYUR BA'I RGYAL PO RNAM PAR SNANG BYED CES BYA BAR GYUR PA'I TSE DE BZHIN GSHEGS PA THUB PA CHEN PO ZHES BYA BA 'JIG RTEN

DU BYON PA DANG MJAL TE, DE BZHIN GSHEGS PA DE LA GDUGS TSOD PHUL NAS MKHA' KHYAB KYI SEMS CAN THAMS CAD LA BYAMS PA DANG SNYING RJE CHEN POS GZIGS NAS SEMS CAN THAMS CAD 'KHOR BA LAS SGROL BA'I PHYIR DU BYANG CHUB MCHOG TU THUGS BSKYED PAR MDZAD DO, ,YANG BSKAL PA GRANGS MED PA BAS KYANG CHES GRANGS MED PA YUN RING ZHING TSAD MED BSAM GYIS MI KHYAB PA'I SNGA ROL TU, RJE BTZUN BYAMS PA GLING BZHI LA DBANG BA'I 'KHOR LOS BSGYUR BA'I RGYAL PO GSER MDOG CAN ZHES BYA BAR GYUR PA'I DUS RDZOGS PA'I SANGS RGYAS GSER ZANGS 'OD BYANG CHUB SEMS DPA'I 'KHOR DPAG TU MED PA NYAN THOS KYI DGE 'DUN DANG BCAS PA LA, RGYAL PO'I 'BYOR PA CHEN PO DANG BSOD NAMS KYI MTHU CHEN POS SUM CU RTZA GSUM GYI LHA RNAMS KYI 'BYOR PAS KYANG BSGRUN DU MED PA'I BKOD PA DANG, MCHOD PA DANG, BSNYEN BKUR BA THAMS CAD KYIS LO BYE PA PHRAG BRGYAD CU RTZA BZHIR BKUR STIR BYAS TE BLA NA MED PA'I BYANG CHUB TU THUGS BSKYED PAR MDZAD, YANG SNGON MI MJED 'JIG RTEN GYI KHAMS 'DI'I THAD DU BSKAL PA 'DZIN PA ZHES BYA BA BYUNG BA LA, BSKAL PA CHEN PO DE LA GLING BZHI PA'I SANGS RGYAS KYI ZHING 'DIR GLING BZHIR 'KHOR LOS BSGYUR BA'I RGYAL PO RTZIBS KYI MU KHYUD CES BYA BA ZHIG BYUNG NGO, ,RGYAL PO RTZIBS KYI MU KHYUD DE LA MDUN NA 'DON BRAM ZE RGYA MTSO'I RDUL ZHES BYA BA ZHIG YOD DO, ,DE LA BU SKYES BU CHEN PO'I MTSAN SUM CU RTZA GNYIS DANG LDAN ZHING DPE BYAD BZANG PO BRGYAD CUS LUS RNAM PAR MDZES LA BSOD NAMS BRGYA'I MTSAN DANG LDAN ZHING 'OD 'DOM GANG

, ,PA YOD LA SHING N+YA GRO DHA LTAR CHU ZHENG GAB CING BLTA BAS CHOG MI SHES PA ZHIG BTZAS SO, ,DE BTZAS MA THAG TU LHA 'BUM GYIS MCHOD PA BYAS NAS RGYA MTSO'I SNYING PO ZHES BYA BAR MING BTAG SO, ,DE DUS GZHAN ZHIG NA NGES PAR BYUNG NAS SKRA DANG KHA SBU BREGS TE GOS DUR SMRIG BGOS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, DE BZHIN GSHEGS PA RIN PO CHE'I SNYING PO ZHES BYA BAR GYUR NAS BCOM LDAN 'DAS DES CHOS KYI 'KHOR LO BSKOR TE SROG CHAGS BYE BA KHRAG KHRIG 'BUM PHRAG MANG PO DAG MTHO RIS DANG THAR PA'I 'BRAS BU LA RAB TU BKOD PAR GYUR TO, ,DE NAS BRAM ZE RGYA MTSO'I RDUL GYIS 'KHOR LOS BSGYUR BA'I RGYAL PO RTZIBS KYI MU KHYUD DANG RANG GI SLOB MA BRAM ZE RIG BYED KLOG PA STONG LA SOGS PA LA YANG DANG YANG DU BSKUL TE, DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DU BCUG GO ,DE'I TSE RGYAL PO RTZIBS KYI MU KHYUD KYIS DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DE, BDE BA CAN GYI ZHING GI BKOD PA BLO YUL DU BZUNG NAS ZHING DE 'GRUB PA'I PHYIR DU BSKAL PA GRANGS MED PAR RDZOGS SMIN SBYANG GSUM GYI SPYOD PA SPYAD PA MTHAR PHYIN PAR MDZAD NAS BDE BA CAN GYI ZHING GRUB STE ZHING DER MNGON PAR RDZOGS PAR SANGS RGYAS SO, ,BRAM ZE RGYA MTSO'I RDUL GYI SLOB MA BRAM ZE RIG BYED KLOG PA STONG PO DES KYANG DE BZHIN GSHEGS PA RIN CHEN SNYING PO'I SPYAN SNGAR SEMS BSKYED CING, DE BZHIN GSHEGS PA RIN CHEN SNYING POS DE DAG BSKAL PA BZANG PO

'DI LA 'TSANG RGYA BAR LUNG BSTAN NAS DE DAG GIS RANG RANG GI ZHING BZUNG BA NA, DANG PO 'KHOR BA 'JIG NAS THA MA MOS PA SNANG MDZAD KYI BAR THAMS CAD KYIS RANG RANG GI SANGS RGYAS KYI ZHING GDUL SLA BA DANG ZHING DAG PA SHA STAG BZUNG NAS, RTZOD LDAN TSE LO BRGYA PA'I DUS 'DI DANG, MA 'ONGS PA'I TSE LO BRGYAD KHRI PA'I DUS GNYIS PO 'DI LUS TE, DE YANG RTZOD LDAN TSE LO BRGYA PA'I DUS 'DI NI DUS KYI SNYIGS MAR GYUR PAS SEMS CAN RNAMS TSE THUNG ZHING LONGS SPYOD DBUL LA NAD MANG ZHING PHAL CHER DUS MA YIN PA'I 'CHI RKYEN GYIS 'CHI BAR 'GYUR BA MA RUNGS PA DMU RGOD PA, DRIN LAN LOG PAR 'JAL BAS GANG BA 'DI NI RGYAL BA DE DAG THAMS CAD SKRAG NAS 'DI LTA BU'I DUS NGAN PA MA RUNGS PA 'DI DAG GI KHROD DU SU ZHIG 'JUG CES YAL BAR BOR BA NA BRAM ZE RGYA MTSO'I RDUL GYIS THUGS RJES MA BZOD PAR DUS 'DIR 'BYON PA'I THUGS BSKYED, MA 'ONGS PA'I TSE LO BRGYAD KHRI PA'I DUS DE NI SNOD BCUD THAMS CAD PHUN SUM TSOGS PAS GANG BA, SNOD RNAMS LHA'I YUL DANG MTSUNGS BA, MI RNAMS TSE RING ZHING GZUGS BZANG BA LONGS SPYOD CHE BA PHAN TSUN 'TSE BA GANG YANG MED CING RANG BZHIN GYIS DGE BA'I LAM LA GNAS PA SHA STAG 'BYUNG BAS 'DI DAG NI SHIN TU BZANG NGO ZHES THAMS CAD KYIS BTANG SNYOMS SU BZHAG STE LUS PA NA, RJE BTZUN BYAMS MGON 'DI NYID DE'I TSE RIG BYED KLOG PA STONG GI LNGA PA DRI MED 'OD CES BYA BAR GYUR PA DES THUGS RJES MA BZOD NAS TSE LO BRGYAD KHRI PA'I DUS KYI 'GRO BA 'DI RNAMS DE BZHIN GSHEGS PA THAMS CAD KYIS

, ,BTANG SNYOMS SU BZHAG PAS, 'DI DAG LA CHOS STON PA PO MED PAS, 'DI DAG LA GNAS SKABS SU 'KHOR BA'I BDE 'BYOR CUNG ZAD YOD KYANG LAS NYON GYIS BCINGS PAS 'KHOR BA LAS MA 'DAS SHING, SLAR YANG 'KHOR BA MTHA' MED DU 'KHYAMS NAS SDUG BSNGAL BRGYUD MAR MYONG BAR 'GYUR BA 'DI RNAMS SNYING RE RJE, 'DI RNAMS KYI MGON DU NGA NYID ZHING DER 'TSA' RGYA BAR BYA'O SNYAM DU THUGS BSKYED PA NA DE BZHIN GSHEGS PA RIN CHEN SNYING BOS KYANG; DE LTAR DU BSKAL BZANG GI SANGS RGYAS LNGA PAR 'GYUR BAR LUNG BSTAN TO, ,DON GYI DBANG 'DI GZIGS NAS RJE BDAG NYID CHEN POS BYAMS MGON LA BSTOD PA MDZAD BA NA, BDE GSHEGS SNGA MAS BTANG SNYOMS MDZAD PA YI, , GRANGS MED 'GRO LA BRTZE BAS MA BZOD NAS, ,ZHING 'DIR BYANG CHUB SNYING POR GSHEGS 'GYUR BA, ,MI PHAM CHOS RJE'I ZHABS LA GSOL BA 'DEBS, ,ZHES BSNGAGS PA MDZAD DO, ,YANG SNGON 'DAS PA'I BSKAL PA BRJOD KYIS MI LANG BA'I SNGON ROL TU 'KHOR LOS BSGYUR BA'I RGYAL PO YUL 'KHOR SKYONG ZHES BYA BA BYUNG STE, DE LA BU STONG YOD DO, ,DE'I TSE DE BZHIN GSHEGS PA YON TAN MTHA' YAS RIN PO CHE SNA TSOGS BKOD PA'I RGYAL PO ZHES BYA BA 'JIG RTEN DU BYON TE, DE BZHIN GSHEGS PA DE LA 'KHOR LOS BSGYUR BA'I RGYAL PO YUL 'KHOR SKYONG BU STONG DANG BCAS PAS DUS YUN RING BOR MCHOD CING BSNYEN BKUR NAS DE BZHIN GSHEGS PA DE'I SPYAN SNGAR BLA NA MED PA YANG DAG PAR RDZOGS PA'I BYANG

CHUB TU SEMS BSKYED PA NA DE BZHIN GSHEGS PA DES RGYAL BU STONG PO DE RNAMS KYI MING BUM PAR BCUG NAS RIM BZHIN LUNG BSTAN PA NA, RJE BTZUN BYAMS MGON 'DI NYID 'KHOR LOS BSGYUR BA'I RGYAL PO DE'I BU STONG GI NANG NAS BZHI BA SKA RAGS CAN ZHES BYA BA YIN PAS, DE BZHIN GSHEGS PA DES BU STONG PO DE RIM BZHIN BSKAL BA BZANG PO 'DI LA 'TSANG RGYA BAR LUNG BSTAN TE, DON 'DI LA DGONGS NAS, MTHUN PA'I SMON LAM DGE TSOGS RMAD BYUNG ZHING, ,SPYAD PA SPYOD TSE NA YANG MCHED GYUR LA, ,BSKAL BZANG 'DI LA MDZAD PA MTHAR PHYIN PA'I, ,RDZOGS PA'I SANGS RGYAS STONG LA PHYAG 'TSAL LO, ,ZHES BSTOD PA MDZAD DO, ,GZHAN YANG SANGS RGYAS MANG PO'I SPYAN SNGAR THUGS BSKYED PAR MDZAD CING BCOM LDAN 'DAS SH'AKYA THUB PA LA SOGS PA BSKAL BZANG GI SANGS RGYAS GZHAN THAMS CAD LAS BSKAL PA BZHI BCU RTZA GNYIS KYIS THUGS BSKYED PA SNGA BAR GSUNGS SO, ,DE LTAR RJE BTZUN BYAMS PA MGON POS THUGS BSKYED NAS BSKAL PA BGRANG BA LAS 'DAS PAR CHOGS GNYIS BAR MA CHAD DU BSAGS, BCOM LDAN 'DAS SH'AKYA THUB PAS MI SKYE BA'I CHOS LA BZOD PA BRNYES PA NAS BZUNG BCOM LDAN 'DAS SH'AKYA THUB PA NYID YONGS 'DZIN DU BSTEN TE DBU'I GTZUG TU 'BRAL MED DU BSGOMS BAS GDUL BYA RNAMS KYIS BYAMS MGON GYI DBU'I GTZUG NA BYANG CHUB MCHOD RTEN YOD PAR MTHONG STE, DA LTA BYAMS MGON GYI SKU LA DBU'I GTZUG TU BYANG CHUB MCHOD RTEN RE BYED SROL YOD BA 'DI YANG DE'I RGYU MTSAN GYIS YIN PAR GSUNGS, DE

, ,LTAR RJE BTZUN BYAMS PA MGON POS BSKAL PA GRANGS MED MU MED PAR TSOGS GNYIS BAR MA CHAD DU BSAGS NAS, DE BZHIN GSHEGS PA RIN CHEN GDUGS ZHES BYA BA 'JIG RTEN DU BYON PA'I TSE, BYAMS MGON 'DI NYID DGE SLONG BLO GROS BRTAN PA ZHES BYA BAR GYUR NAS DE BZHIN GSHEGS PA DE NYID LA BSNYEN BKUR ZHING LO BRGYAD KHRI BZHI STONG GI BAR DU NYIN RE BZHIN SEMS CAN BRGYA BRGYA TZAM BSLAB PA'I GZHI LNGA LA MA BKOD KYI BAR DU ZAS MI BZA', SROG CHAGS KYI DON DU 'GYUR BA MTHONG TSE ZHAG MANG PO'I BAR DU ZAS BCAD KYANG DES MI SKYO BAR SEMS CAN GYI DON LA BRTZON PAR MDZAD DE SROG CHAGS BYE BA KHRAG KHRIG 'BUM PHRAG SUM CU RTZA DRUG BSLAB PA'I GZHI LNGA LA BKOD DO, ,DE LTAR LO BRGYAD KHRI BZHI STONG GI BAR DU SEMS CAN GYI DON MDZAD NAS SROG CHAGS BYE BA PHRAG GSUM THEG PA CHEN PO'I LAM LA BKOD, SROG CHAGS BGRANG BA LAS 'DAS PA ZHIG THEG PA DMAN PA'I LAM LA BKOD, SROG CHAGS GRANGS MED MU MED PA ZHIG LA BYAMS PA'I TING NGE 'DZIN BSKYED PAR MDZAD, THAN GRONG DANG GRONG KHYER DANG TSONG DUS DANG YUL 'KHOR LA SOGS PA GANG DANG GANG DU BYON PA'I SEMS CAN DE DANG DE DAG GIS ZHAL MTHONG BA DANG, GSUNG THOS PA DANG PHYAG GIS REG PA DANG GANG DU ZHABS BZHAG PA'I SA DE DANG DE DAG NA GNAS PA'I SEMS CAN DE DAG THAMS CAD KYANG BYAMS PA'I TING NGE 'DZIN LA BKOD PAS PHYOGS BCU'I RGYAL BA SRAS BCAS THAMS CAD KYIS LEGS SO'I BSNGAGS PA BRJOD CING,

DKAR PHYOGS KYI LHA THAMS CAD KYIS 'DI LTA BUR SEMS CAN THAMS CAD BYAMS PA LA 'GOD PA NGO MTSAR RO, ,ZHES RGYA CHER BSNGAGS PAS PHYOGS BCU'I ZHING THAMS CAD DU BYANG CHUB SEMS DPA' SEMS DPA' CHEN PO BYAMS PA ZHES MTSAN GRAGS SHING; DE'I TSE DE BZHIN GSHEGS PA RIN CHEN GDUGS KYIS BYANG CHUB SEMS DPA' SEMS DPA' CHEN PO BYAMS PA 'DI DA NAS BZUNG STE SKYE BA THAMS CAD DU BYAMS PA'I MTSAN DANG LDAN PAR 'GYUR ZHING, MNGON PAR RDZOGS PAR SANGS RGYAS PA'I TSE YANG DE BZHIN GSHEGS PA BYAMS PA ZHES BYA BAR 'TSANG RGYA BAR 'GYUR RO, ,ZHES LUNG BSTAN TO, ,DE NAS RJE BTZUN BYAMS PA MGON POS TSOGS GNYIS PHAL CHER RDZOGS TE SA BCU PA LA GNAS PA'I TSE 'OD ZER CHEN PO'I DBANG BSKUR BA THOB STE, DE'I TSUL RGYAS PAR BRJOD NA YI GE MANG DU DOGS PAS RJE BDAG NYID CHEN POS TSIGS BCAD DU BSGRIGS NAS GSUNGS PA NI, MA LUS SEMS CAN BDE LA 'GOD PHYIR DU, ,RAB 'BYAMS ZHING GI RGYAL BA THAMS CAD KYIS, ,'OD ZER CHEN PO'I DBANG GIS MGON KHYOD LA, ,CHOS KYI RGYAL SRID GTAD PA DGONGS PAR RIGS, ,GANG TSE KHYOD KYIS DBANG BSKUR SA BRNYES TSE, ,GRANGS MED 'BUM PHRAG BCU YI TING 'DZIN DANG, ,KUN MKHYEN YE SHES NYID DU DBANG BSKUR BA'I, , TING NGE 'DZIN RNAMS MNGON DU GYUR PA'I MTHAR, ,STONG GSUM 'BUM PHRAG BCU YI RDUL SNYED KYI, ,PADMO'I 'KHOR GYIS BSKOR BA'I PADMA NI, ,RTZA BA RIN CHEN LTE BA TZAN DAN MCHOG ,ZE'U 'BRU RDO YI SNYING PO LO MA NI, ,'DZAM BU CHU BO'I GSER LTAR

, ,KUN TU SNANG, ,RIN CHEN KUN GYIS RAB SPRAS 'DAB BRGYA 'BYED, ,RIN CHEN DRA BAS KUN NAS G-YOGS PA LA, ,DE DANG 'TSAM PAR KHYOD SKU BZHUGS PA NI, ,'KHOR GYI PADMAR DE SNYED RGYAL BA'I SRAS, ,KHYOD KYI ZHAL DU PHYOGS NAS 'KHOD PA RNAMS, ,'BUM PHRAG BCU YI TING NGE 'DZIN LA ROL, ,DE TSE KHYOD KYI ZHABS MTHIL PUS MO DANG, ,LTE BA RTZIB LOGS PHYAG GI MTHIL GNYIS NAS, ,GRANGS MED 'BUM PHRAG BCU YI 'OD PHYUNG NAS, ,NGAN SONG GSUM DAN MI DANG LHA MIN LHA, ,GNAS KUN SNANG BYAS SDUG BSNGAL ZHI BAR MDZAD, ,PHRAG BA RGYAB MGUL ZHAL GYI SGO RNAMS NAS, ,SNGAR GYI 'OD KYIS NYAN RANG SA DGU'I BAR, ,BYANG SEMS GNAS RNAMS SNANG MDZAD RIM BZHIN DU, ,CHOS SNANG TING 'DZIN THABS SHES TSUL RNAMS BSGRUBS, ,SNGAR BZHIN MDZOD SPU NAS PHYUNG 'OD ZER GYIS, ,PHYOGS BCU'I BDUD GNAS THAMS CAD ZIL MNAN NAS, ,DBANG BSKUR BRNYES PA'I RGYAL BA'I SRAS RNAMS KYI, ,SKU YI DKYIL 'KHOR DAG TU NUB PAR MDZAD, ,YAN LAG MCHOG LAS STONG GSUM 'BUM PHRAG BCU'I, ,PHRA RAB RDUL SNYED 'OD ZER PHYUNG NAS KYANG, ,BDE GSHEGS 'KHOR GYI DKYIL 'KHOR SNANG BYAS TE, ,'JIG RTEN LAN BCUR BSKOR NAS BAR SNANG LA, ,'OD KYI DRA BA'I DKYIL 'KHOR CHEN PO YIS KUN BZANG MCHOD SPRIN RGYA MTSO'I CHAR PHAB NAS, ,'JIG RTEN LAN BCUR BSKOR NAS RGYAL RNAMS KYI, ,ZHABS KYI MTHIL DU KUN NAS NUB PAR GYUR, ,DE NAS SRAS BCAS RGYAL BAS DBANG PO KHYOD, ,DBANG BSKUR DUS LA BAB PAR

GZIGS GYUR NAS, ,DBANG BSKUR THOB PA'I RGYAL PA SRAS BCAS KYI, ,RDO RJE DPAL BE'U BKRA SHIS RI MO LAS, ,GRANGS MED 'BUM PHRAG BCU YI 'OD ZER GYIS, ,'KHOR BCAS 'OD PHYUNG PHYOGS KUN SNANG BYAS TE, ,MU MED CHO 'PHRUL BSTAN NAS KHYOD KYI NI, ,RDO RJE DPAL BE'U BKRA SHIS RNAMS SU NUB, ,DE NAS DE MA THAG TU KHYOD KYI STOBS, ,'BUM 'GYUR LAS KYANG LHAG PAR 'PHEL BA'I TSE, ,PHYOGS BCU'I RGYAL BA RNAMS KYI MDZOD SPU NAS, ,SNGAR BZHIN 'OD KYIS ZHING KUN SNANG BYAS NAS,, 'JIG RTEN LAN BCU BSKOR TE CHO 'PHRUL BSTAN, ,BYANG SEMS BYE BA MANG BSKUL ZHING KUN BSKYOD, ,NGAN 'GRO ZHI MDZAD BDUD RNAMS ZIL MNAN TE, ,BDE GSHEGS RNAMS KYI GDAN KUN RAB BSTAN NAS, ,'OD ZER GTZO BO KHYOD KYI SPYI BO DANG,, 'KHOR GYI 'OD ZER 'KHOR GYI SPYI BOR NUB, ,DE TSE BYANG SEMS RNAMS KYIS SNGON MED PA'I, ,STONG PHRAG BCU YI TING 'DZIN THOB BAR GYUR, ,DE LTAR GLANG PO RIN CHEN GSER KHRI YIS, ,BRGYAN PA'I SENG DU 'KHOR LOS SGYUR BA'I SRAS, ,RGYA MTSO BZHI YI CHUS BKANG GSER BUM GYIS, ,SPYI BO'I GNAS NAS RGYAS PAR DBANG BSKUR BA, ,DE BZHIN THUB PA'I CHOS KYI RGYAL TSAB TU, ,MNGON BAR DBANG BSKUR KHYOD KYIS 'KHOR BA RU, ,LAS KYIS KUN NAS MNAR BA'I SEMS CAN KUN, ,ZAG MED BDE BA'I DBAL LA 'GOD DU GSOL, ,ZHES GSUNGS PA LTAR RO, ,MA 'ONGS PA NA RJE BTZUN BYAMS PA MGON PO ZHING 'DIR BYON NAS 'TSANG RGYA BA'I MDZAD PA STON TSUL NI, THUB PA'I BSTAN PA LO LNGA STONG DU GNAS PA RIM GYIS RDZOGS

, ,NAS MTHAR RTAGS TZAM 'DZIN PA LO LNGA BRGYA DANG, DE NAS DE YANG NUB STE SEMS CAN RNAMS RMONGS SHING NYON MONGS PA KHO NA'I DBANG DU SONG STE PHAN TSUN GCIG LA GCIG 'TSE ZHING SDIG PA KHO NA SPYOD PAS BSOD NAMS JE DMAN JE DMAN LA SONG STE TSE LO NYI SHU DANG, DE YANG JE THUNG JE THUNG LA SONG STE MTHAR TSE LO BCU LA RING MTHA' BYED PA'I DUS 'BYUNG ZHING, DE NAS MU GE'I BSKAL PA DANG, NAD KYI BSKAL PA DANG, MTSON GYI BSKAL PA RNAMS RIM GYIS BYUNG STE SEMS CAN RNAMS PHAN TSUN 'THAB RTZOD KYIS SDUG BSNGAL ZHING NYAM THAG PA DMYAL BAR GNAS PA LTA BUR 'GYUR LA, DE'I DUS SU RJE BTZUN BYAMS PA MGON PO'I SPRUL PA KHRU GANG PA SKU LA CHOS GOS NGUR SMRIG GSOL BA, GZI BRJID 'BAR ZHING 'OD 'PHRO BA ZHIG BYON PA SEMS CAN DE RNAMS KYIS MTHONG NAS NGO MTSAR ZHING DAD PA SKYES TE 'DI LTA BU'I SKU GZUGS MDZES PA CI LAS BYUNG ZHES GSOL PAS, SPRUL PA'I BYAMS MGON DES NGAS BZOD PA BSGOMS PAS 'DI LTAR BYUNG PA YIN, KHYED RNAMS KYANG 'THAB RTZOD SPONGS LA BZOD PA SGOMS SHING, DE LTAR BYAS NANG DANG 'DRA BAR 'GYUR RO, ,ZHES GSUNG PAS, BYAMS MGON GYI THUGS BSKYED KYI MTHUS SEMS CAN DE DAG GIS BZOD PA BSGOMS PAS RIM GYIS BSOD NAMS RGYAS NAS TSE RING DU 'PHEL TE TSE LO NYI SHU PA DANG, SUM CU PA SOGS TSE JE RING JE RING DU GYUR CING BDE SKYID KYANG JE 'PHEL DU SONG STE 'DZAM BU'I GLING GI SA CHEN PO'I KHYON 'DI THAMS CAD LAG

MTHIL LTAR MNYAM ZHING YANGS PA, NGAM GROG DANG TSER MA DANG LJAN LJIN DANG GYO MO DANG GSEG MA LA SOGS PA MED CING, NE'U GSING MDZES PAS KHYAB PA, RKANG PA BTEG NA SOR BZHI 'PHAR ZHING MNAN NA NEM ZHES BYED PA SHA STAG STE, SHING BAL LTAR 'JAM PA, 'BRU DANG, LO TOG DANG, 'KHRI SHING GEL PA LA SOGS PAS GANG ZHING, HA CANG YANG MI DRO HA CANG YANG MI GRANG BA RLUNG SHIN TU CHUNG BA ,DUS DANG TSOD MNYAM PAR LDANG ZHING DRI PHUN SUM TSOGS PA, MNGAR ZHING ZHIM PA'I SA LU MA RMOS PAR SKYE ZHING, LHA'I CHAR BABS PAS SA'I BCUD 'PHEL BA, TSON SNA TSOGS KYIS SPRAS BA'I GOS KYI LJON SHING ME TOG DANG 'BRAS BU PHUN SUM TSOGS PA 'PHANG DU RGYANG GRAGS KYI TSAD TZAM YOD PAS GANG BA, BAR BAR NA LTENG KA DANG KHRUS KYI RDZING BU DANG LDAN PA STE YON TAN BRJOD KYIS MI LANG BA ZHIG 'BYUNG NGO, ,DER SKYES PA'I MI RNAMS NI, LUS LA HA RI TZAN DAN GYI DRI BRO BA, KU SHA'I GOS KHYAD PAR DU 'PHAGS PA GYON PA, LHA'I DPAL 'BYOR LA LONGS SPYOD CING TSE LO BRGYAD KHRI THUB PA, LUS NGAG YID GSUM MI DGE BA DANG BRAL BA, KHA DOG BZANG ZHING LUS GZUGS CHE BA, DE LA DA LTA'I KHRU BRGYAD CU 'AM BRGYAD CU RTZA BRGYAD PA, 'DOM NYI SHU RTZA GNYIS TZAM YOD PA, KUN KYANG TSAN PO CHE'I STOBS DANG LDAN PA, MI DE DAG LA 'DOD PA DANG ZA BA DANG RGAS PA STE DE TZAM MA GTOGS NAD KYI MING TZAM YANG MI GRAG PA LHA'I LUS DANG KHYAD PAR MED PAR 'GYUR RO, ,STON BA'I BSTAN PA RTAGS TZAM 'DZIN PA'ANG NUB PA YAN CHAD KYIS BSKAL PA YA THOG RING MO RDZOGS

, ,LA; DE NAS RJE BTZUN BYAMS PA MGON PO MA BYON GYI BAR LA RANG SANGS RGYAS MANG DU 'BYUNG ZHING, BAR GYI KHUG PA BCO BRGYAD KYI 'GOR RJE BTZUN BYAMS PA MGON PO 'BYON PAR GSUNGS SO, ,RJE BTZUN BYAMS PA MGON PO GANG DU 'BYON PA'I GNAS NI THUB PA'I DBANG PO MYA NGAN LAS 'DA' TSUL BSTAN PA'I SA GRONG KHYER RTZVA CAN DU TOG GI BLO GROS ZHES BYA BA'I RGYAL PO'I PHO BRANG 'BYUNG LA, PHO BRANG DE'I CHUR DPAG TSAD BCU GNYIS, ZHANG DU DPAG TSAD BDUN YOD PA, RIN PO CHE SNA BDUN GYI SO PHAG GI RTZIG PA RIM PA BDUN DANG, 'OBS RIM PA BDUN DANG, RIN PO CHE LAS GRUB PA'I TA LA'I PHRENG BA RIM PA BDUN GYIS BSKOR ZHING DRIL BU'I DRA BAS MDZES PA, DE DAG RLUNG GIS BSKYOD PA NA SIL SNYAN YAN LAG LNGA DANG LDAN PA'I SGRA 'BYUNG STE, SEMS CAN RNAMS DGA' BAR BYED PA, LHA RDZAS LAS GRUB PA'I ME TOG MANDHA RA DANG, KU MUD TA DANG, AUTPA LA DANG, MI YUL NA YOD PA'I ME TOG SNA TSOGS BA'I RGYAN BKRAM PA, YAN LAG BRGYAD DANG LDAN PA'I KHRUS KYI RDZING BU DANG, MTSO PADMAS BRGYAN PA RNAMS LA CHU BYA MANG PO SGRA SNYAN PA SNA TSOGS SGROG PA, SKYED MOS TSAL PHUN SUM TSOGS PA ME TOG GIS GANG BA YOD BA, GRONG KHYER DE'I PHYOGS BZHI DANG DBUS KUN NA GZHAN LAS KHYAD PAR DU 'PHAGS PA'I RIN PO CHE'I DPAG BSAM GYI SHING RE BA THAMS CAD SKONG BA YOD BAS, DES LHA'I 'BYOR BA YANG ZIL GYIS GNON PAR BYED DO, ,DER GLING BZHI LA DBANG BA'I 'KHOR LOS SGYUR BA'I RGYAL PO DPUNG TSOGS

YAN LAG BRGYAD DANG LDAN PA, RIN PO CHE SNA BDUN DANG, BU STONG DANG LDAN PA, BTZUN MO BRGYAD KHRI DANG, KHAMS KYI RGYAL PHRAN BZHI STONG BRGYAD CU LA DBANG BSGYUR BA CHOS KYI SRID SKYONG BA'I RGYAL BO DUNG ZHES BYA BA 'BYUNG ZHING, DE'I MDUN NA 'DON CHEN PO BRAM ZE TSANGS RAB CES PA THOS PA MANG ZHING RIG BYED KUN LA MKHAS BA, DE LA BTZUN MO TSANGS LDAN MA ZHES BYA BA SGYU RTZAL GYI YON TAN YONGS SU RDZOGS SHING MDZES PA ZHIG 'BYUNG STE, BRAM ZE YAB YUM DE GNYIS KYI SRAS SU RJE BTZUN BYAMS MGON 'BYON PAR 'GYUR RO, ,DE YANG RJE BTZUN BYAMS PA MGON POS DUS DANG YUL DANG RIGS DANG RUS DANG YUM LNGA LA GZIGS NAS DGA' LDAN GYI GNAS NAS BABS TE 'DZAM BU'I GLING DU 'BYON PA YIN NO, ,DE YANG DUS NI TSE LO BRGYAD KHRI PA SNOD BCUD THAMS CAD PHUN SUM TSOGS PA BYAMS MGON RANG NYID KYIS 'DUL BAR 'OS PA'I SEMS CAN RNAMS 'DUL BA'I DUS LA GZIGS PA'O, ,YUL NI 'DZAM BU'I GLING LA GZIGS PA'O, ,RIGS NI DE'I DUS KYI MI RNAMS BRAM ZE'I RIGS MCHOG TU BYED PAS BRAM ZE'I RIGS LA GZIGS PA'O, ,RUS NI YAB YUM GNYIS KA'I RIGS RGYUD SKYON MED BA LA GZIGS BA'O, ,YUM NI BRAM ZE TSANGS LDAN MA YON TAN THAMS CAD DANG LDAN ZHING SMON LAM GYI MTHU CAN DE LA GZIGS PA'O, ,DE LTAR GZIGS NAS DUS LA BAB PA NA LHA RNAMS GYIS MCHOD BA'I BYE BRAG BSAM GYIS MI KHYAB PA DANG BCAS DGA' LDAN NAS BABS TE 'DZAM BU'I GLING DU GSHEGS TE YUM TSANGS LDAN MA'I LHUMS SU ZHUGS SO,,

, ,DE NAS ZLA BA BCU'I RING LA DKAR PHYOGS KYI LHA RNAMS LA NUB RE BZHIN CHOS STON PA SOGS GDUL BYA'I DON RGYA CHER MDZAD NAS ZLA BA BCU SONG BA NA YUM TSANGS LDAN MA SKYED MOS TSAL ME TOG BZANG RGYAS ZHES BYA BAR BYON NAS PHYAG G-YAS PAS SHING GI YAL GA LA 'JUS TE GNAM DU GZIGS PA NA RTZIB LOGS G-YAS NAS SKU BLTAMS, DE'I 'OD KYIS 'JIG RTEN THAMS CAD BKANG STE SKAD CIG DE LA SEMS CAN RNAMS KYI SDUG BSNGAL RGYUN BCAD DE BDE BAS KHYAB PAR BYAS, LHA'I DBANG PO BRGYA BYIN GYIS BAR SNANG LAS BLANGS, KLU'I RGYAL PO RNAMS KYIS NAM MKHA' LAS BDUD RTZI'I KHRUS GSOL, DE NAS PHYOGS BZHIR GOM PA BDUN BDUN POR PA'I SHUL DU GTER CHEN PO RE DANG PADMA RE BYUNG ZHING, PHYOGS BZHIR GZIGS TE, NGA YI SKYE BA'I THA MA NI, ,'DI YIN YANG SRID YOD MA YIN, ,YANG DANG YANG DU PHYIR MI 'ONG, ,ZAG MED MYA NGAN 'DAS PAR 'GRO ,ZHES GSUNGS, DE'I TSE BYAMS MGON SKU BLTAMS PA DANG MNYAM DU 'KHOR LOS BSGYUR BA'I RGYAL PO DUNG LA SRAS STONG DANG, GZHAN YANG 'JIG RTEN NA YA RABS KYI RIGS MANG PO BTZA' ZHING GTER RNAMS KYANG KHA BYE, LHA RNAMS KYIS ME TOG GI CHAR 'BEBS, BYAMS MGON GYI DBU THOG TU GDUGS DKAR PO BZUNG, PHYOGS THAMS CAD ROL MO'I SGRA SOGS MCHOD PA'I BYE BRAG SNA TSOGS PAS KHYAB PAR BYED DO, ,DE NAS YAB YUM GNYIS KYIS GZHON NU DE MTSAN MKHAN LA BSTAN PA NA 'DI NI BYANG CHUB SEMS DPA' BYAMS PA ZHES BYA BA YIN PAS MYUR DU 'TSANG RGYA BAR 'GYUR

RO, ;ZHES LUNG STON, DE NAS BYAMS MGON GYIS SGYU RTZAL STON PA SOGS GZHON NU ROL RTZED MDZAD PAS SROG CHAGS GRANGS MED PA ZHIG SMIN GROL LA 'GOD CING LO NYI KHRI'I BAR DU KHYIM DU BZHUGS, DE NAS 'TSANG RGYA BA'I DUS LA BAB PA NA, RGYAL PO DUNG GIS RIN PO CHE SNA TSOGS KYIS BRGYAN PA'I MCHOD SDONG SBOMS SU 'DOM DRUG CU RTZA BZHI, 'PHANG DU 'DOM STONG YOD PA ZHIG BYAMS PA'I YAB TSANGS RABS LA PHUL LO, ,TSANGS RABS KYIS BRAM ZE RNAMS LA BYIN NO, ,BRAM ZE RNAMS KYIS DE MA THAG BGOS SO, ,RJE BTZUN BYAMS PAS MCHOD SDONG DE NYID MI RTAG PAR DGONGS TE YAB LA GNANG BA GSOL NAS BRAM ZE DANG RGYAL BU BZHI STONG BRGYAD CU DANG BCAS TE RAB TU BYUNG NAS KLU SHING ZHES PA'I BYANG CHUB KYI SHING 'PHANG DU DPAG TSAD TZAM DU 'PHAGS SHING, LO 'DAB DANG 'BRAS BUS MDZES PA'I YAL GAS KHOR KHOR YUG TU RGYANG GRAGS DRUG GI BAR KHEBS PA'I DRUNG DU 'KHOD DE RAB TU BYUNG BA'I NUB MO NYID LA MNGON PAR RDZOGS PAR SANGS RGYAS SO, ,DE NAS, DA NI GNAS BZANG MCHOG THOB PAS, ,DA BZOD GNAS GZHAN MI 'GRO STE, ,'CHI BDAG NA RGA LAS GROL BAS, ,ZAB MO BDUD RTZI'I SGO 'DI RNYED, ,CES GSUNGS NAS ZHAG BDUN DU CHOS MA GSUNGS PA LAS, TSANGS PAS GDUGS DKAR PO GSER GYI RTZA BA CAN KHA DOG SNA LNGA'I MU TIG DANG DRIL BU'I DRA BAS G-YOGS PA DPAG TSAD GSUM YOD PA 'DZIN CING, LHA'I RIN PO CHES BRGYAN PA'I GSER GYI 'KHOR LO RTZIBS SDONG DANG LDAN PA PHUL ZHING, ME TOG DANG RIN PO CHE DANG SPOS KYI CHAR RAB TU PHAB STE, RJE BTZUN

, ,BYAMS PA MGON PO KHYED NYID KYIS, ,CHOS KYI 'KHOR LO BLA MED BSKOR DU GSOL, ZHES SOGS KYIS GSOL BA BTAB PAS CANG MI GSUNG BAS GNANG STE, ME TOG MDZES PAR RGYAS PA'I SKYED MOS TSAL DU GSHEGS SO, ,DER GSHEGS PA'I RDZU 'PHRUL DANG CHO 'PHRUL DAG MTHONG BAS RGYAL PO DUNG YANG BU DANG BTZUN MO DANG BCAS RGYAL PO BZHI STONG BRGYAD CU, TSANGS RABS SOGS BRAM ZE BZHI STONG BRGYAD CU, SROG CHAGS STONG PHRAG GRANGS MED PA DAG KYANG 'KHOR DER 'DUS TE RAB TU BYUNG NGO, ,DE NAS CHOS KYI 'KHOR LO BSKOR BA'I 'DUS PA DANG PO LA DGRA BCOM PA DUNG PHYUR PHRAG DGU DANG BYE BA PHRAG DRUG GO ,GNYIS PA LA DUNG PHYUR PHRAG DGU DANG BYE BA PHRAG BZHI'O, ,GSUM PA LA DUNG PHYUNG PHRAG DGU DANG BYE BA PHRAG GNYIS SO, ,DE'I TSE RGYAL BA'I 'OD ZER GYI MTHUS MUN BA'I CHA SHAS MA MCHIS SHING NYI ZLA'I 'OD KYANG ZIL GYIS MNAN PA LTAR GYUR NAS, NYIN MTSAN GYI DBYE BA ME TOG RNAMS KHA BYE BA'I TSE NYIN MO, , ZUM PA'I TSE MTSAN MO'O, ,YANG BYA RNAMS SGRA GRAG PA'I TSE NYIN MO, MI GRAG PA'I TSE MTSAN MO'O, ,DE TZAM MA GTOGS MTSAN MO'I MUN PA MA MCHIS TE YUL 'KHOR KUN RTZE ZHING DGA' MGUR SPYOD LA, THAMS CAD KYANG BYAMS MGON GYI MTHUS PHAN TSUN BYAMS PA LA GNAS SHING CHOS BZHIN SPYOD BA SHA STA GO, DE NAS RGYAL BA NYAN THOS RNAMS DANG THABS GCIG TU GRONG KHYER DU BSOD SNYOMS LA RGYU BA NA, BRGYA BYIN DANG TSANGS PA SOGS LHA THAMS CAD KYIS LHA RDZAS

KYI ME TOG SNA TSOGS PA DANG, PHRENG BA DANG MCHOD PA'I BYE BRAG RNAMS KYI CHAR MNGON PAR 'BEBS LA, GANG DU BZHUGS PA'I SA DER RIN PO CHE'I KHRI DANG 'JAM ZHING REG NA BDE BA'I GDING BA RGYA NOM PA 'DING BAR BYED DO, ,SKYE DGU KUN YANG BSTOD PA'I DBYANGS SNYAN PO SOGS KYIS MCHOD DO, ,DE LTAR LO DRUG KHRI'I BAR DU SEMS CAN GRANGS MED DPAG TU MED BRJOD DU MED PA'I DON MDZAD CING 'KHOR LO BSKOR NAS YONGS SU MYA NGAN LAS 'DA' STE, SKU GDUNG NI RIL PO GCIG TU BZHUGS SO, , RJE BTZUN BYAMS PA MGON PO MNGON PAR RDZOGS PAR 'TSANG RGYA BA'I TSE YAB YUM DANG, 'KHOR 'DUS PA DANG SKU TSE'I TSID LA SOGS PA NI MDO SDE BSKAL BZANG LAS, DE BZHIN GSHEGS PA BYAMS BA SKYE BA'I YUL NI RGYAL PO'I PHO BRANG GRONG KHYER TOG GI BLO GROS ZHES BYA'O, ,RIGS NI BRAM ZE'O, ,'OD NI DPAG TSAD GCIG GO ,YAB NI TSANGS BZANG ZHES BYA'O, ,YUM NI TSANGS BDAG MA ZHES BYA'O, ,SRAS NI BSOD NAMS STOBS CHEN ZHES BYA'O, ,RIM GRO PA NI RGYA MTSO ZHES BYA'O, ,SHES RAB CAN RNAMS KYI MCHOG NI YE SHES 'OD CES BYA'O, ,RDZU 'PHRUL CAN RNAMS KYI MCHOG NI BRTZON 'GRUS BRTAN ZHES BYA'O, ,'DUS PA DANG PO LA NI NYAN THO DAG BCOM PA DUD PHYUR PHRAG DGU DANG BYE BA PHRAG DRUG GO ,GNYIS PA LA NI DUNG PHYUR PHRAG DGU DANG BYE BA PHRAG BZHI'O, ,GSUM PA LA NI DUNG PHYUR PHRAG DGU DANG BYE BA PHRAG GNYIS SO, ,SKU TSE'I TSAD NI LO BRGYAD KHRI BZHI STONG NGO, ,DAM PA'I CHOS NI LO BRGYAD KHRI'I BAR DU GNAS SO, ,SKU GDUNG NI RIL PO GCIG TU 'DUG GO ,

, ,MCHOD RTEN YANG GCIG TU ZAD DO, ,ZHES GSUNGS PA LTAR RO, ,STON PA SH'AKYA'I RGYAL PO 'DI'I BSTAN PA LA RAB TU BYUNG NAS BSLAB PA'I GZHI RNAMS LEGS PAR BSRUNG ZHING THOS BSAM SGOM GSUM LA 'BAD KYANG THEG PA GSUM GYI 'BRAS BU MA THOB PA RNAMS RJE BTZUN BYAMS PA MGON PO ZHING 'DIR BYON NAS CHOS KYI 'KHOR LO BSKOR BA'I TSE RJES SU 'DZIN PAR THUB PAS GSUNGS SHING BYAMS MGON NYID KYIS KYANG ZHAL GYIS BZHES TE, BYAMS BA LUNG BSTAN PA'I MDO LAS, SH'AKYA SENG GE'I BSTAN PA LA, ,BSLAB GZHI YANG DAG BLANGS NAS NI, ,JI LTAR GSUNGS BZHIN RAB BSGRUBS NA,, NGA YI BSTAN LA LHAGS PA YIN, ,DGE 'DUN LA YANG CHOS GOS DANG, ,ZHAL ZAS DANG NI BTUNG BA DANG, ,BSNYUN GSOS SNA TSOGS SBYIN PA RNAMS, ,PHUL NA NGA YI BSTAN LA LHAGS, ,BCU BZHI DANG NI BCO LNGA DANG, ,DE BZHIN ZLA PHYED TSES BRGYAD DANG, ,CHO 'PHRUL GYI NI ZLA BA LA, , BSNYEN GNAS YAN LAG BRGYAD BSRUNGS SHING, ,MCHOD DANG GSO SBYONG LEGS BYAS NA, ,NGA YI BSTAN LA LHAGS PA YIN, ,ZHES GSUNGS PA LTAR RO, ,DGA' LDAN DU RJE BTZUN BYAMS PA MGON PO'I ZHABS DRUNG DU SKYES NAS BYAMS MGON LAS BYUNG CHUB LAM GYI RIM PA'I GNAD RNAMS THOS PAR 'DOD PA RNAMS KYIS RJE BTZUN BYAMS PA MGON PO'I SKU YID LA BYAS TE YAN LAG BDUN PA MNYAL DANG BCAS BA YANG DANG YANG DU 'BUL BA DANG, KHAS BLANGS PA'I

BSLAB KHRIMS DAG PAR BSRUNG BA DANG, STON PA THUB PA'I DBANG PO DANG MGON PO BYAMS PA GNYIS KA LA GSOL BA BTAB NA JI LTAR SMON PA DE BZHIN DU 'GRUB PAR MDO LAS GSUNGS, BYAMS PAS DAM BCAS PA'I GZUNGS KHA TON DU BYAS NA'ANG DGA' LDAN DU SKYE PA DANG, BYAMS PA MGON POS NGES PAR RJES SU 'DZIN PAR ZHAL GYIS BZHES SHING, SNGON GYI DAM PA MANG POS ZHING GSHEGS KHAR DGA' LDAN DU PHEBS BZHED NAS BYAMS PAS DAM BCAS PA'I GZUNGS KHA TON DU MDZAD PA DANG, BYAMS PA'I SKU BZHENG BA DANG, BYAMS PA'I SMON LAM 'DON ZHING GZHAN LA'ANG RGYA CHER SPEL BAR MDZAD PA'I RNAM THAR MANG DU SNANG NGO, ,BYANG CHUB LAM GYI RIM PA'I GDAMS NGAG GI GZHUNG RTZA BA MTHAR THUG PA NI SHER PHYIN GYI MDO SDE RIN PO CHE YIN LA, SHER PHYIN GYI MDO SDE RIN PO CHE'I DON RNAMS BYANG CHUB LAM GYI RIM PA'I MAN NGAG TU SBYAR TE STON PA'I GZHUNG NI RJE BTZUN BYAMS MGON GYIS MDZAD PA'I SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN YIN TE, MNGON RTOGS RGYAN GYIS SHER PHYIN GYI MDO SDE RIN PO CHE'I DON THAMS CAD BRJOD BYA DNGOS PO BRGYAD, DE LA NANG GSES KYIS PHYE BAS DON BDUN CUR GTAN LA PHAB, DE'I DANG PO SEMS BSKYED NAS THA MA 'PHRIN LAS KYI BAR THAMS CAD GANG ZAG GCIG GIS NYAMS SU LEN TSUL GSAL BAR STON PA NI BYANG CHUB LAM GYI RIM PA STE, RJE BDAG NYID CHEN POS BYANG CHUB LAM GYI RIM PA 'DI MNGON PAR RTOGS PA'I RGYAN GYI

, ,GDAMS NGAG YIN LA, ZHES SOGS RGYA CHER GSUNGS PA LTAR RO, ,DE LTAR RJE BTZUN BYAMS PA MGON POS BYANG CHUB LAM GYI RIM PA'I GDAMS NGAG GI GZHUNG RTZA BA MNGON RTOGS RGYAN DANG, DE'I NYAMS LEN GYI GNAD RNAMS MDO MANG PO NAS BTUS TE, RGYAS PAR STON PA MDO SDE RGYAN DANG, BYANG CHUB LAM GYI RIM PA'I ZHI LHAG GNYIS KYI NYAMS LEN ZUR DU BKAR NAS STON PA DBUS MTHA' RNAM 'BYED DANG, CHOS DANG CHOS NYID RNAM 'BYED GNYIS BYANG CHUB LAM GYI RIM PA'I LTA BA'I GNAD MTHAR THUG PA MGON PO KLU SGRUB KYIS RGYAL BA'I DGONGS PA BKRAL BA'I DBU MA'I LTA BA DANG MTHUN PAR SEMS KYI CHOS NYID SPROS PA'I MTHA' THAMS CAD DANG BRAL BA'I RANG BZHIN GNAS RIGS GTAN LA PHAB STE MTHAR THUG THEG PA GCIG TU BSGRUB PA RGYUD BLA MA RNAMS MDZAD DE, DE DAG LA BYAMS CHOS SDE LNGA ZHES YONGS SU GRAGS SO, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RJE BTZUN BYAMS PA MGON PO LA GSOL BA GDAB PA DANG, BYAMS MGON GYI GZHUNG 'DI DAG LA GCIS PO CHER BZUNG NAS THOS BSAM SGOM GSUM LA 'BAD PAR BYA'O,, ` ,, RGYAL BAS LUNG BSTAN 'PHAGS PA THOGS MED ZHABS, ,ZHES BSNGAGS PA 'PHAGS PA THOGS MED NI ,'JAM DPAL RTZA RGYUD LAS, NGA NI MYA NGAN 'DAS 'OG TU, ,LO NI DGU BRGYA LON BA NA, ,THOGS MED CES BYA'I DGE

SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL CAN DU 'GYUR, ,DE YI RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN BA YUN RING GNAS BYA'I PHYIR, ,MDO YI DE NYID BSDUS DON BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, ZHES GSAL BAR LUNG BSTAN PA THUB PA'I BSTAN PA NYAMS DMAS PA GSO BA'I PHYIR DU SNYING RJE DANG SMON LAM GYI DBANG GIS ZHING 'DIR BSAM BZHIN DU BYON PA ZHIG STE, DE YANG, RGYAL BA MYA NGAN LAS 'DAS NAS RING PO MA LON PA NA NANG PA'I BSTAN PA SDE PA BCO BRGYAD DU GYES PA DANG, DE NAS KYANG NYAN THOS KYI GRUB MTHA' SMRA BA MANG BO ZHIG GIS THEG CHEN RGYAL BA'I BKA' MIN NO ZHES LOG PAR BZUNG STE THEG BA CHEN PO'I BSTAN PA CHES CHER NYAMS DMAS BAR BYAS SHING NYAN THOS KYI GRUB MTHA' SMRA BA RNAMS KYANG PHAN TSUN RTZOD PAR BYED PAS 'DI NI BDEN GYI GZHAN NI GTI MUG GO ZHES PHYOGS PHYOGS SU GYES PAS RGYAL BA'I BSTAN PA SHIN TU NYAMS SHING, LHAG PAR BDUD SDIG TO CAN GYIS BYIN GYIS BRLABS TE YID BSGYUR BA'I MU STEGS KYI RGAN MO ZHIG NA RE, NANG PA'I GAndI'I SGRA LAS 'GEMS ZHES PA ZHIG SNANG STE, 'O SKOL LA GNOD MI GNOD BRTAG BAR RIGS SO, ,ZER NAS BRTAGS PAS, LHA DANG KLU DANG GNOD SBYIN GYIS

, ,MCHOD PA'I, ,DKON MCHOG GSUM GYI TOG SDE 'DI BRDUNGS PAS, ,MU STEGS 'CHAL PA'I KLAD PA RNAM PAR 'GEMS, ,ZHES PAR RIG NAS DMAG DRANGS TE BSTAN PA BSNUBS SO, ,DE NAS CUNG ZAD 'PHEL NAS YOD PA'I TSE, DBUS KYI RGYAL POS STAG GZIG GI RGYAL PO LA RAS KYI NA BZA' SRUBS MED PA ZHIG SKYES SU BSKUR TE, DE'I SNYING GAR RKANG RJES 'DRA BA ZHIG YOD PAS, NGAN SNGAGS BYAS SO ZER NAS DMAG DRANGS TE BSNUBS SO, ,DE NAS YANG CUNG ZAD 'PHEL NAS YOD PA'I TSE, NANG PA'I GTZUG LAG KHANG ZHIG TU PHYI PA'I SPRANG PO GNYIS SLONG DU 'ONGS PA LA BKRU CHU GTOR BAS KHROS TE NYI MA BSGRUBS NAS NANG PA'I GTZUG LAG KHANG DANG GSUNG RAB MANG PO BSREGS NAS BSNUBS SO, ,DE'I TSE BRAM ZE MO GSAL BA'I TSUL KHRIMS ZHES PA SNGON YUN RING PO NAS BYANG CHUB TU SEMS BSKYED DE RGYAL BA'I BSTAN PA GSO BA'I SMON LAM GYI MTHU CAN ZHIG YOD PA DE'I BSAM PA LA THUB PA'I BSTAN PA LA DGRA LAN GSUM BYUNG STE NUB PAS, DA 'DI DAR BAR BYED NUS PA GZHAN YANG MI SNANG, BDAG KYANG BUD MED DU SONG BAS MI NUS KYI, LUS LAS BU BSKYED LA DAR BAR BYED DU GZHUG GO SNYAM STE RGYAL RIGS DANG 'DUS PAS THOGS MED 'KHRUNGS SO, ,DE NAS YUM GYIS SRAS 'KHRUNGS MA THAG LCE LA GZHI HANG GIS YI GE AA 'DRI BA SOGS BLO RNO BA'I THABS BYAS SHING RNAM PA

KUN NAS GTZANG SPRA LA GNAS TE BU 'DIS RGYAL BA'I BSTAN PA 'DZIN PA ZHIG NAM 'ONG SNYAM DU DE 'BA' ZHIG YID LA BRNAGS TE DE'I THABS LA 'BAD CING YI GE DANG RTZIS DANG BRAM ZE'I RIG BYED SOGS RIG GNAS THUN MONG BA RNAMS YUM RANG NYID KYIS BSLABS, DE CHER SKYES PA'I TSE GZHON NU DES, YUM, PHA'I LAS GANG YIN ZHUS PAS YUM GYIS KHYOD PHA'I RIGS SKYONG BA'I PHYIR BSKYED PA MIN GYI, SANGS RGYAS KYI BSTAN PA NYAMS PA SEMS KYIS MA BZOD NAS DE'I PHYIR BSKYED PA YIN PAS RGYAL BA'I BSTAN PA LA RAB TU BYUNG LA SDE SNOD GSUM KLOG PA DANG, BSAM GTAN LA 'BAD NAS RGYAL BA'I BSTAN PA DAR BAR GYIS SHIG CES GSUNGS NAS RAB TU BYUNG STE DGE TSUL DANG ,DE NAS MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE SDE SNOD GSUM LA SBYANGS NAS LO RE LA TSIGS BCAD 'BUM 'BUM GYI TSIG DON GNYIS KA THUGS SU CHUD PAR MDZAD PAS RING POR MA THOGS PAR SDE SNOD GSUM THUGS SU CHUD, 'ON KYANG SHER PHYIN GYI MDO SDE RIN PO CHE'I SBAS DON MNGON RTOGS KYI RIM PA RNAMS RTOGS DKA' BAR BYUNG NAS SHER PHYIN GYI MDO SDE'I DON THEG PA CHEN PHO'I LAM GYI LUS YONGS SU RDZOGS PA NAM ZHIG NA RNYED SNYAM DU DE 'BA' ZHIG THUGS LA BCANGS NAS TSUL KHRIMS DAG PAR BYA BA DANG, TSOGS BSAG PA DANG, SGRIB BA SBYONG BA'I SGO DU MA LA 'BAD PA DANG, NANG DU YANG DAG 'JOG LA RTAG TU 'GRUS PAR MDZAD DO, ,DE NAS

, ,SNGAGS KYI RDO RJE SLOB DPON ZHIG LA SGYU 'PHRUL DRA BA'I DBANG ZHU BAR MDZAD NAS DE'I DKYIL 'KHOR DU ZHUGS TE LHAG PA'I LHA GANG LA 'BREL CHE DANG ,GANG LA GSOL BA BTAB NA BYIN RLABS MYUR BRTAG PA'I PHYIR ME TOG DOR BA NA ME TOG BYAMS MGON LA BABS SO, ,DE NAS RJE BTZUN BYAMS BA BSGRUBS LA BSTAN PA DAR BAR BYA'O SNYAM DU DGONGS TE RI BYA RKANG GI PHUG TU BSGRUB TU BYON TE LO GSUM DU BSGRUBS PAS MTSAN MA CUNG ZAD KYANG MA MTHONG BAS SKYO STE PHYIR 'THON PA NA RGAN PO SHING BAL GYI 'DAB MAS LCAGS KYI SDONG PO LA KHAB BYED PA MTHONG NAS, KHAB JI LTAR 'BYUNG ZHES DRIS PAS, SNYING STOBS LDAN PA'I SKYES BU YIS, ,BSGRUBS NA MI 'GRUB GANG YANG MED, ,DKA' YANG BRNAGS PA MA DOR NA, ,RI BO RNAMS KYANG THAL BAR RLOG; ZER BAS BRTZON 'GRUS BRTZOM DGOS PAR DGONGS NAS SLAR YANG LO GSUM DU MTSAMS BCAD DE BSGRUBS KYANG 'GRUB BA'I MTSAN MA GANG YANG MA BYUNG BAS SKYO STE PHYIR 'THON PA NA CHU THIGS KYIS BRAG ZAD PA MTHONG NAS BRTZON PAS YUN RING DU BSGRUB DGOS PAR MTHONG NAS YANG LO GSUM DU MTSAMS BCAD DE BSGRUBS KYANG 'GRUB PA'I MTSAN MA GANG YANG MA MTHONG BA NA SKYO STE PHYIR 'THON PAS BYA SGROS BRAG ZAD PA MTHONG STE DA DUNG BRTZON PA BYED DGOS BAR DGONGS NAS SLAR YANG LO GSUM MTSAMS BCAD DE BSGRUBS, DE LTAR LO BCU GNYIS SU BSGRUBS KYANG 'GRUB PA'I MTSAN MA MA BYUNG BAS SKYO STE 'THON NAS PHYIN BA NA KHYI MO RO SMAD 'BUS GZHIGS BA, RO STOD ZUGS SHING ZA BA ZHIG MTHONG NAS

SNYING RJE LHAG PAR SKYES TE, 'BU RNAMS BSAL NA 'BU 'CHI, MA BSAL NA KHYI MO 'CHI BAR SNANG BAS RANG GI LUS LAS SHA BCAD DE DER 'BU RNAMS BLANG DO SNYAM STE GRONG KHYER AA TZAN TA ZHES BYA BAR PHYIN TE, GSEG SHANG GTENG BAR BCUG NAS GSER GYI SPU GRI YAR TE RANG GI LUS LAS SHA BCAD ,LAG PAS BLANGS NA 'BU RNAMS SHI YI DOGS TE, SPYAN BTZUMS TE LJAGS KYIS BLANGS PA NA KHYI MO MED PAR RJE BTZUN 'OD DANG BCAS PAR MTHONG NAS, KYE MA YAB GCIG BDAG GI SKYABS, ,NGAL BRGYAS 'BAD KYANG 'BRAS MA MCHIS, ,CI PHYIR CHAR SPRIN RGYA MTSO'I DPUNG, ,GDUNG BAS BSREGS TE SKOM TSAD 'BAB, ,BDAG GIS DE TZAM BSGRUBS KYANG RTAGS KYANG MA BYUNG NA THUGS RJE RE CHUNG ZHES 'KHENGS PAS RJE BTZUN GYIS, LHA YI RGYAL POS CHAR PHAB KYANG; ;SA BON MI RUNG MI 'KHRUNGS LTAR, ,SANGS RGYAS RNAMS NI BYON GYUR KYANG, ,SKAL BA MED PAS BZANG MI MYONG, ,DE DANG PO NAS YOD DE KHYOD RANG GI SGRIB PAS MA MTHONG LA, DA LTA SNYING RJE CHEN PO SKYES PAS LAS SGRIB DAG NAS MTHONG BA YIN ,DE LTAR YIN PAR KHYOD RANG NGA PHRAG GONG DU KHYER LA MI RNAMS LA STON CIG GSUNGS NAS BSTAN PAS MTHONG BA MA BYUNG BAS DES YID CHES SO, ,KHYOD CI 'DOD GSUNG BA LA THEG CHEN DAR BAR ZHU 'TSAL BYAS PAS, NGA'I CHOS GOS LA 'JUS SHIG GSUNGS NAS DGA' LDAN DU BYON TA LHA'I GRO SKAD GCIG, MI LO LNGA BCUR BZHUGS TE RJE BTZUN BYAMS PA MGON PO LA THEG PA CHEN PO'I CHOS MTHA' YAS PA GSAN ZHING, LHAG PAR SHER PHYIN GYI MDO SDE RIN PO CHE'I DON THEG

, ,PA CHEN PO'I LAM GYI RIM BA'I GNAD RNAMS GTING PHYIN BAR ZHUS TE JI LTAR GSUNGS PA'I DON RNAMS LA SEMS PA DANG 'JAL BA DANG RTOG PAR BYED CING BSGOMS PA'I MTHUS TING NGE 'DZIN GYI SGO BRGYA PHRAG DU MA THOB CING, MI BRJED PA'I GZUNGS DANG, THOGS BA MED PA'I SPOBS PA DANG, THEG BA CHEN PO'I CHOS RNAM PAR 'BYED PA'I SHES RAB THOB CING CHOS NYID MNGON DU GYUR TE 'PHAGS PA'I SA THOB, DE NAS GDUL BYA'I DON DU SHER PHYIN GYI MDO SDE RIN PO CHE'I SBAS DON MNGON RTOGS LAM GYI RIM PA TSANG BAR STON PA'I BSTAN BCOS RTZOM PAR ZHUS PAS RJE BCUN BYAMS PA MGON BOS SHER PHYIN GYI MDO SDE RIN PO CHE'I SBAS DON BYANG CHUB LAM GYI RIM PA STON PA'I BSTAN BCOS MNGON PAR RTOGS PA'I RGYAN DANG, MDO SDE RGYAN DANG, 'BYED RNAM GNYIS DANG, RGYUD BLA MA STE CHOS LNGA BRTZAMS SO, ,'PHAGS PA THOGS MED KYIS DGA' LDAN DU BZHUGS PA'I YUN TSAD LA LHA'I GRO SKAD GCIG MI LO LNGA BCU GSUNGS PA 'DI LA GRO SKAD GCIG LA MI LO LNGA BCU JI LTAR 'ONG SNYAM DU DOGS PAR MI BYA STE MJOD LAS, MI RNAMS KYI LO LNGA BCU LA, 'DOD PA DAG GI LHA RNAMS LAS, ,'OG MA RNAMS KYI NYIN ZHAG GCIG ,GONG MA GNYIS KA NYIS 'GYUR RO, ,ZHES GSUNGS PA LTAR, RGYAL CHEN RIS BZHI BA'I ZHAG GCIG LA MI LO LNGA BCU 'ONG LA, LHA GNAS GONG MA RNAMS NYIS 'GYUR DU GSUNGS PA'I SUM CU RTZA GSUM PA'I ZHAG GCIG LA MI LO BRGYA, 'THAB BRAL BA'I ZHAG GCIG LA MI LO NYIS BRGYA, DGA' LDAN PA'I ZHAG GCIG LA MI LO BZHI BRGYA 'ONG BAS DGA' LDAN GYI LHA'I SNGA DRO'I CHA GCIG LA MI LO LNGA

BCU NGES PAR 'ONG NGO, ,DE NAS 'PHAGS PA THOGS MED CHOS KYI BDUD RTZIS CHIM NAS 'DZAM BU'I GLING DU RGYAL BA'I BSTAN PA SPEL PHYIR 'BYON PA NA SNGAR DGA' LDAN DU YAR 'BYON DUS BYAMS MGON GYI NA BZA' LA 'JUS TE DE'I RDZU 'PHRUL GYIS BYON PA YIN YANG, 'DZAM BU'I GLING DU MAR 'BYON PA'I TSE 'PHAGS PA THOGS MED RANG NYID KYI RDZU 'PHRUL GYIS BYON TE MA GA DHA'I YUL GYI PHYOGS DBEN PA'I NAGS TSAL ZHIG TU MANG DU THOS BA'I SLOB MA NYUNG SHAS DANG BCAS BZHUGS TE ,DE DAG LA THEG PA CHEN PO'I LAM GYI RIM PA BSTAN PAS DE DAG THAMS CAD KYIS BZOD PA THOB CING RDZU 'PHRUL DANG MNGON BAR SHES PA RGYA CHEN PO THOB STE BSTAN PA'I BYA BA RGYA CHER NUS PA SHA STAG BYUNG BAS GNAS DE LA CHOS KYI MYU GU'I DGON BA ZHES GRAGS PAR CHOS 'BYUNG 'GA' ZHIG LAS BSHAD, GNAS DER BYAMS CHOS SDE LNGA YI GER BKOD CING MNGON BAR RTOGS BA'I RGYAN DANG YUM GYI DON STON BA DE NYID RNAM NGES BRTZAMS, RIM GYIS RGYUD BLA MA'I 'GREL PA DANG, MDO SDE DGONGS 'GREL GYI 'GREL PA MDZAD CING, RJE BTZUN GYI MAN NGAG LA BRTEN NAS THEG PA CHEN PO'I LAM GYI RIM BA RGYAS BAR STON PA BYANG CHUB SEMS DPA'I SA SOGS SA SDE LNGA DANG SDOM RNAM PA GNYIS MDZAD DE, SA SDE LNGA NI SA'I DNGOS GZHI, ,GZHI BSDU BA, RNAM GRANGS BSDUB, RNAM PAR BSHAD PA'I SGO BSDU BA, RNAM PAR GTAN LA DBAB PA BSDU BA RNAMS SO, ,SDOM GNYIS NI, THEG PA

, ,CHEN PO'I SDOM THEG BSDUS DANG, THEG PA THUN MONG GI SDOM MNGON PA KUN BTUS GNYIS SO, ,SHES RAB KYI PHA ROL TU PHYIN PA GSER MDOG CAN GYI SGRUB THABS, SHES RAB KYI PHA ROL TU PHYIN MA'I SGRUB THABS, GSER MDOG CAN GYI SHER PHYIN GYI SGRUB THABS, YANG SHER PHYIN GYI SGRUB THABS, SANGS RGYAS RJES DRAN GYI MDO'I 'GREL PA, CHOS RJES DRAN GYI MDO'I 'GREL PA, DGE 'DUN RJES DRAN GYI MDO'I 'GREL PA, BSAM GTAN GYI SGRON MA, 'PHAGS PA BYAMS PA'I SGRUB THABS, CHOS SKU'I YON TAN THUN MONG MA YIN PA'I BSTOD PA RNAMS MDZAD DO, ,SLOB DPON 'PHAGS PA THOGS MED 'DI SA GSUM PA BRNYES PAR GRAGS SHING, DE LTAR NAS DANG PO THOB PA'I TSE SPRUL PA MI 'DRA BA BRGYA PHRAG DUS GCIG LA STON PA DANG, SANGS RGYAS KYI ZHING BRGYA PHRAG TU DUS GCIG LA PHYIN NAS SANGS RGYAS BRGYA PHRAG LA DUS GCIG TU MCHOD PA DANG BSNYEN BKUR BYA NUS PA DANG, 'JIG RTEN GYI KHAMS BRGYA PHRAG TU SPRUL PA BRGYA PHRAG BKYE NAS DE DANG DE'I GDUL BYA RNAMS LA DUS GCIG TU CHOS STON NUS BA DANG, RANG DANG GZHAN GYI TSE RABS BRGYA PHRAG MANG PO MNGON SUM DU MTHONG BA DANG, MTSAN DPE RJES MTHUN PA THOB CING LAS NYON GYI DBANG DU MI 'GRO BAR SNYING RJE DANG SMON LAM GYI DBANG KHO NAS SKYE BA LEN PA DANG, MCHOG GI SBRUL SKU'I ZHAL MNGON SUM DU MTHONG STE NAM 'DOD DU SANGS RGYAS LAS CHOS NYAN NUS BA SOGS YON TAN MTHA' YAS PA MDO LAS GSUNGS PAS

BDAG NYID CHEN PO 'DI'I YON TAN NIS LA GNAS PA'I SEMS DPA' NANG PHAN TSUN DANG SANGS RGYAS RNAMS KYIS MKHYEN PA MA GTOGS BLO DMAN DAG GIS PHYOGS TZAM YANG SHES NUS PA MA YIN NO, ,SLOB DPON BDAG NYID CHEN PO 'DI'I SKU LA MTSAN DPE RJES MTHUN PA YOD PA DANG, DGUNG LO BRGYA PHRAG BRGAL BA'I TSE NA'ANG SKU LA SKRA DKAR DANG GNYER MA MED CING GZHON NU'I NYAMS LTAR SKU BLTA BAS CHOG MI SHES SHING GZHON SHA CHAGS PA ZHIG YOD PAR BSHAD, SLOB DPON BDAG NYID CHEN PO 'DIS RGYAL BA'I BSTAN PA RGYA CHER SPEL BA'I TSE MU STEGS KYI SMRA BA NGAN PA RNAMS PHAL TSAR NUB, SANGS RGYAS KYI BSTAN PA CHES CHER 'PHEL NAS 'DZAM BU'I GLING GI CHE DGU THAMS CAD KYIS BDAG NYID CHEN PO 'DI LA MCHOD CING BSNYEN BKUR, RGYAL BA'I BSTAN PA LA ZHUGS NAS RGYAL BA DGYES PA'I LAM LA SLOB PAR 'DOD PA THAMS CAD BDAG NYID CHEN PO 'DI'I SLOB MAR GYUR TE SLOB DPON 'DIS CHOS STON PA'I TSE THEG PA CHEN PO'I CHOS NYAN PA KHRI PHRAG BRGAL BA BYUNG ZHES GRAGS SHING THUB BSTAN MI NUB PA'I RGYAL MTSAN 'DZAM GLING MDZES PAR BYED PA'I RGYAN GCIG BU ZHES GTAM DU GRAGS SO, ,SLOB DPON 'DIS SKU TSE'I MJUG LA N'A LANDRA'I MKHAN PO MDZAD DE LO BCU GNYIS SU N'A LANDRA BSKYANGS TE BSTAN PA'I BDAG PO MDZAD, RGYA GAR GYI GNAS THAMS CAD DU MCHOD GZHI MANG DU BTZUGS, DGE 'DUN GYI SDE CHES CHER 'PHEL BAR MDZAD, MTHAR RGYAL PO'I KHAB TU SKU'I BKOD PA BSDUS TE, DGA'

, ,LDAN DU RGYAL BA MI PHAM PA'I ZHABS DRUNG DU PHEBS NAS THEG PA CHEN PO'I CHOS KYI BDUD RTZI LA LONGS SPYOD CING DGA' LDAN GYI LHA RNAMS LA THEG PA CHEN PO'I CHOS STON PA DANG 'DUL BAR 'OS PA'I GDUL BYA GANG DANG GANG NA YOD BA'I ZHING DE DANG DER SPRUL BA'I BKOD PA BSAM GYIS MI KHYAB PAS GDUL BYA BGRANG BA LAS 'DAS PA SKAD CIG DANG SKAD CIG LA 'KHOR BA DANG NGAN SONG LAS BSGRAL TE MTHO RIS DANG THAR PA DANG THAMS CAD MKHYEN BA'I LAM LA 'KHRID CING BZHUGS SO, ,BDAG NYID CHEN PO 'DI GANG DU MYA NGAN LAS 'DAS PA'I GNAS DER DAD PA CAN DAG GIS MCHOD RTEN BRTZIG SO, ,SLOB DPON 'DI LA SLOB MA BSTAN PA 'DZIN PA BSEM GYIS MI KHYAB PA YOD CING, SRAS KYI THU BO BSTAN BA'I BDAG BOR GYUR PA NI MKHAS MCHOG DBYIG GNYEN NO, ,SLOB DPON 'DI THUGS BSKYED SHIN TU RGYA CHE BAS DE SANG YANG SLOB DPON 'DI'I GSUNG SA SDE RNAMS PHYOGS THAMS CAD DU KHYAB PAR GNAS SO, ,DES NA BYANG CHUB LAM GYI RIM PA LA BLO SBYONG BAR 'DOD BA'I GDUL BYA RNAMS KYIS 'PHAGS PA THOGS MED LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA SHUGS DRAG LA RGYUN RING BA 'DEBS PA DANG, THEG PA CHEN PO'I LAM GYI RTZA BA BYAMS SNYING RJE BYANG CHUB KYI SEMS THUGS DAM GYI MTHIL DU BYED

PA DANG, SKYES BU GSUM GYI LAM LA BLO SBYONG BA'I TSE SKYES BU CHUNG NGU'I SKABS KYI LAS 'BRAS KYI DMIGS SKOR LA SA'I DNGOS GZHI NAS GSUNGS PA LTAR BSAM, SKYABS 'GRO'I DMIGS SKOR LA GTAN LA DBAB PA BSDU BA NAS GSUNGS PA LTAR BSAM, THEG CHEN THUN MONG MIN PA'I SKYABS 'GRO NI RGYUD BLA DANG DE'I 'GREL PA SLOB DPON 'DIS MDZAD PA NAS GSUNGS PA LTAR BSAM, SKYES BU 'BRING GI DMIGS SKOR LA BDEN BZHI'I GNAS TSUL BSAMS TE SRID PA MTHA' DAG LA ZHEN PA LOG PA'I NGES 'BYUNG BSKYED TSUL NYAN SA DANG MNGON PA KUN BTUS NAS GSUNGS PA LTAR BSAM, BSLAB PA GSUM RGYUD LA BSKYED CHUL NYAN SA NAS GSUNGS PA LTAR BSAM, BYAMS SNYING RJE BYANG CHUB KYI SEMS DANG, RGYAL SRAS KYI SPYOD PA RLABS PO CHE LA SLOB TSUL RNAMS BYANG SA NAS GSUNGS BA LTAR BSAM, ZHI GNAS BSGRUB CHUL DANG SPYIR LHAG MTHONG GI RTOGS PA SKYE LUGS RNAMS NYAN SA NAS GSUNGS PA LTAR BSAM, ZAB MO DBU MA'I LTA BA THUN MONG MIN PA NI RGYUD BLA MA'I 'GREL PA SLOB DPON 'DIS MDZAD PA LAS GSUNGS BA LTAR BSAMS LA BYANG CHUB LAM GYI RIM BA LA NGES PA PHU THAG CHOD PA RNYED BAR BYAS LA NYAMS LEN SNYING POR BYA'O,, ,, ` 'DZAM GLING MKHAS PA'I GTZUG RGYAN DBYIG GI GNYEN, ,ZHES BSNGAGS PA, MKHAS MCHOG DBYIG GNYEN NI, 'PHAGS PA THOGS MED DANG YUM GCIG PAR 'KHRUNGS TE 'PHAGS PA THOGS MED 'KHRUNGS NAS THUN MONG

, ,BA'I RIG GNAS RNAMS LA SBYANGS SHING RAB TU BYUNG NAS RING ZHIG LON PA NA SNGON YUN RING PO NAS BYANG CHUB KYI SEMS CHES CHER RGYAS PA RGYAL BA'I BSTAN PA SPEL BA'I SMON LAM GYI MTHU CAN YUM BRAM ZE MA GSAL BA'I TSUL KHRIMS DE NYID KYIS BRAM ZE DANG 'DUS PA LAS KHYE'U MTSAN DANG LDAN PA ZHIG BTZAS TE, KHYE'U DE'I LCE LA GHI HANG GI YI GE AA 'DRI BA SOGS BRAM ZE'I RIG BYED LAS 'BYUNG BA LTAR GYI BLO RNO BA'I CHO GA BYAS SHING KHRUS DANG GTZANG SBRA LA GNAS PA'I SGO NAS BSKYED BSRINGS TE NAR SON PA NA YI GE DANG, RTZIS DANG, RIG BYED BZHI LA SOGS PA THUN MONG BA'I RIG NAS RNAMS YUM NYID KYIS LEGS PAR BSLABS TE KHONG DU CHUD PAR BYAS, DE NAS YUM GYIS SRAS LA 'DI SKAD DU, BU; KHYOD SKYED BA NI RIGS SPEL BA SOGS 'JIG RTEN GYI BYA BA'I CHED DU BSKYED BA MA YIN GYI, RGYAL BA'I BSTAN PA SBEL BA'I PHYIR BSKYED PA YIN PAS RAB TU BYUNG LA SDE SNOD GSUM LA SBYANGS TE RGYAL BA'I BSTAN PA DAR BAR GYIS SHIG ,CES BSKUL NAS NA LANDRAR RAB TU BYUNG, RAB TU BYUNG TZAM NYID NAS MKHAN SLOB KYIS BSTAN PA LTAR 'DUL BA'I BCAS MTSAMS PHRA ZHING PHRA BA MTHA' DAG MIG 'BRAS LTAR BSRUNG BA GZHIR BZHAG NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR, DE NAS MNGON PA'I SDE SNOD KYI DGONGS DON PHRA ZHING PHRA BA DAG RTOGS BAR BYA BA'I PHYIR DANG, SDE PA BCO BRGYAD

SO SO'I LUGS MA 'DRES PAR SHES PAR BYA BA'I PHYIR DANG, GZHAN YANG RANG DANG ZHAN GYI GRUB PA'I MTHA' RGYA MTSO LTA BU'I PHA ROL TU PHYIN PAR BYA BA'I PHYIR MKHAS GRUB DU MA'I 'BYUNG GNAS KHA CHE'I YUL DU PHEBS NAS MKHAS PA CHEN PO 'DUN BZANG GI DRUNG DU SNGON DGRA BCOM PA RNAMS KYIS MNGON PA SDE BDUN DANG 'DUL BA LUNG SDE BZHI'I GNAD RNAMS BSDUS TE GTAN LA PHAB PA'I BSTAN BCOS BYE BRAG TU BSHAD PA CHEN PO GZHUNG 'BUM PHRAG GCIG TU LONGS PA YOD PA DE LA SBYANGS SO, ,BSTAN BCOS 'DI LA SNGON GYI GZHAN YANG SLOB DPON 'DUN BZANG LA MNGA' BA'I SDE SNOD GSUM BRJOD, PHYE BRAG BSHAD MDZOD CES KYANG BRJOD DO, ,DE LTA BU'I BSTAN BCOS CHEN PO DE YONGS SU RDZOGS PA THUGS LA BZUNG NAS DON GYI GNAD MTHA' DAG LA 'KHRUL PA'I DRI MA PHRA MO'ANG MED PAR DRI MA MED PA'I RIGS PA PHRA MOS LEGS PAR DPYAD NAS MTHA' DAG PAR THUGS LA CHUD PAR MDZAD, GZHAN YANG SLOB DPON 'DUN BZANG LA MNGA' BA'I SDE SNOD GSUM GYI BSHAD SROL MTHA' DAG LA SBYANGS NAS MKHAS PA'I PHUL DU PHYIN PAR GYUR TE, KHA CHE'I YUL DU GDUL BYA BGRANG BA LAS 'DAS PA LA CHOS MANG DU BSTAN CING DRI MA MED PA'I RIGS LAM RGYAS PAR MDZAD, DE NAS RGYA GAR DU 'BYON PAR BZHED PA'I TSE BDUD SDIG TO CAN GYIS BDAG NYID CHEN PO 'DIS RGYAL BA'I BSTAN PA LA BYA BA RGYA CHEN PO MDZAD PA MA BZOD NAS CHOM RKUN PA MANG PO DANG SHO GAM BSRUNG BA'I GNOD SBYIN GYI YID BSGYUR TE DE DAG GIS

, ,SLOB DPON GYI LHA RTEN DANG GLEGS BAM LA SOGS PA YO BYAD THAMS CAD PHROGS, YANG GLEGS BAM LA SOGS PA GSAR DU BZHENGS NAS PHEBS PAR LAN GSUM GYI BAR DU PHROGS PA NA SLOB DPON GYI THUGS LA DA NOR NI MED GLEGS BAM MED KYANG CHOS THAMS CAD NI BLO LA YOD PA SUS KYANG DBROG TU MI BTUB PAS YO BYAD GANG YANG MED PAR 'GRO'O SNYAM DU DGONGS NAS PHEBS TE NA LANDRAR BYON, DER SDE SNOD 'DZIN PA MANG PO LA CHOS RGYA CHER STON CING BZHUGS PA NA, GCEN 'PHAGS PA THOGS MED KYIS BSTAN BCOS MANG DU BRTZAMS PA GSAN NAS, KYE MA THOGS MED NAGS SU LO, ,BCU GNYIS BAR DU TING 'DZIN BSGRUBS, ,TING 'DZIN MA GRUB GLANG CHEN GYI; ;RGYAB KHAL LONGS BA'I GRUB MTHA' BRTZAMS, ,ZHES THEG CHEN GYI GANG ZAG DANG CHOS LA SKUR PA BYAS PA GCEN GYIS GSAN NAS, LOG SGRUB DON MIN DU 'GYUR BA MKHYEN NAS, DE BZLOG PA'I PHYIR SLOB MA GNYIS SA BCU PA DANG, BLO GROS MI BZAD PAS BSTAN PA 'DZIN DU BCUG NAS, GCUNG CAN DU SONGS LA SROD DANG THO RANGS THON CIG CES BSGO BA LTAR BSGRUBS PAS, MDO BTON PAS DE SLOB DPON DBYIG GNYEN GYIS GSAN PA NA, SROD LA THEG CHEN 'DI RGYU BZANG 'BRAS BU KHA G-YEL BA 'DRA GSUNG, THO RANGS RGYU 'BRAS GNYIS KA BZANG BAR 'DUG PA LA NGAS SKUR PA BTAB PHA LCE 'DIS LAN BAS GCOD GSUNG NAS SPU GRI 'TSOL BA'I CHE KHONG GNYIS KYIS LJAGS DGUM MI

'TSAL, DE'I SGRIB PA SBYANG THABS GCEN LA MNGA' BAS DER GSHEGS PAR ZHU ZHUS PAS, SLOB DPON DBYIG GNYEN 'PHAGS PA THOGS MED KYI SAR BYON TE CHOS GSAN PAS DAD NAS 'PHAGS PA THOGS MED LA NYES PA BSHAGS TE THEG PA CHEN PO'I CHOS RNAMS RIM GYIS GSAN ZHING, DE'I TSE 'PHAGS PA THOGS MED LA RJE BTZUN BYAMS PA MGON PO 'BRAL MED DU BZHUGS NAS BYA BA THAMS CAD RJE BTZUN LA ZHU ZHING MDZAD PA DE GCUNG GIS MKHYEN NAS LHAG PA'I LHA DE BDAG LA BSTAN PAR ZHU BYAS PAS, RJE BTZUN LA ZHU YI GSUNGS NAS ZHUS PAS, RJE BTZUN GYI ZHAL NAS, KHYOD SO SO'I SKYE BO YIN ZHING DANG POR THEG CHE LA SKUR BA BTAB PAS TSE 'DI LA NGA MTHONG BA'I SKAL BA MED KYIS, SGRIB PA SBYANG BAR BYA BA'I PHYIR THEG CHEN GYI MDO 'GREL MANG DU RTZOMS, GTZUG TOR RNAM RGYAL GYI GZUNGS THON, PHYI MA LA MJAL GSUNGS, DE NAS SLOB DPON DBYIG GNYEN GCEN LA LHAG PAR DAD DE, NGA YI PHU'O KLU DANG 'DRA, NGA NI CHAR SDOD BYA DANG 'DRA, ,KLU YI RGYAL POS CHAR PHAB KYANG, ,BYA YI GRE BAR SONG BA MED, ,CES GSUNGS SHING RJE BTZUN BYAMS PA MGON PO'I BKA' BZHIN BSGRUBS TE THOG MAR BYANG CHUB LAM GYI RIM PA'I SKYES BU CHUNG A'BRING GNYIS KYI DMIGS BA DANG, SKYES BU CHEN PO'I YANG SGRUB PA'I DMIGS PA BDEN PA BZHI'I GNAS TSUL ZHIB TU STON PA CHOS MNGON PA MDZOD KYI TSIG LE'UR BYAS PA BRTZAMS TE SKYES DANG BCAS PA 'DUN BZANG LA SPRINGS SO, ,DE'I SLOB MA DAG GIS LO DANG GRAGS LA SOGS PA

, ,'DI 'O SKOL GYI GRUB MTHA' LA ZUR ZA'O, ,ZHES SMRAS PA DANG, KHONG BSTAN BCOS RTZOM PA LA MKHAS PAS TSIG RGYAN YIN GSUNG ZHING, SHIN TU MNYES NAS 'DI LA RANG 'GREL ZHIG MDZOD CES BSKUL MA MDZAD, DE NAS SLOB DPON 'PHAGS PA THOGS MED LA THEG BA CHEN PO'I MDO SDE MTHA' DAG GSAN TE LAN RE TZAM GYIS THUGS SU CHUD, BYAMS MGON GYI BKA' LTAR LHAG PA'I LHA BSGRUB PAR BZHED NAS RDO RJE SLOB DPON ZHIG LA RJE BTZUN RNAM RGYAL MA'I DBANG, PHYAG RDOR GYI DBANG DANG GDAMS NGAG GSAN TE GZUNGS SNGAGS BZLAS PAS MYUR DU GRUB STE LHAG PA'I LHA DE GNYIS KYI ZHAL GZIGS, TING NGE 'DZIN GYI SGO MANG PO THUGS RGYUD LA 'KHRUNGS, RGYAL BA'I BKA' 'DZAM BU GLING NA BZHUGS PA MTHA' DAG THUGS SU CHUD DE DE'I TSE NYAN THOS KYI SDE SNOD GSUM LA MDO LNGA BRGYA SHO LO KA 'BUM PHRAG GSUM YOD PAR GRAGS PA DANG, THEG PA CHEN PO LA 'PHAGS PA DKON MCHOG BRTZEGS PA CHEN PO'I MDO, 'DUS PA RIN PO CHE'I MDO, SHER PHYIN STONG PHRAG BRGYA PA SOGS MDO LNGA BRGYA, GSANG SNGAGS KYI GZUNGS RGYUD SDE LNGA BRGYA RNAMS THUGS SU CHUD DE LO RE'I NANG DU LAN RE KHA TON DU MDZAD DE, DE YANG LCAGS KYI GZHONG RING TIL MAR GYIS BKANG BA'I NANG DU ZHUGS NAS NYIN MTSAN SPREL MA ZHAG BCO LNGA RE'I RING LA GONG DU SMOS PA'I MDO DE RNAMS TSAR RE KHA TON DU 'GRO BAR MDZAD, SHES RAB KYI PHA ROL TU PHYIN PA BRGYAD STONG PA NI NYIN RE BZHIN KHA TON DU

MDZAD DE, RGYAL BA MYA NGAN LAS 'DAS PA'I 'OG TU BDAG NYID CHEN PO 'DI LAS MANG DU THOS PA RGYA CHE BA SU YANG MED DO ZHES 'PHAGS YUL GYI MKHAS PA RNAMS GTAM DU GLENG NGO, ,DE NAS RJE BTZUN BYAMS MGON GYI BKA' BZHIN THEG PA CHEN PO'I MDO 'GREL RNAMS RIM GYIS MDZAD DE BYANG CHUB LAM GYI RIM PA'I MAN NGAG GI GNAD RNAMS ZHIB TU STON PA MDO SDE RGYAN GYI 'GREL PA DANG, DBUS MTHA' RNAM 'BYED KYI 'GREL PA, CHOS NYID RNAM 'BYED KYI 'GREL PA, THEG BSDUS KYI 'GREL PA, CHOS THAMS CAD RNAM RIG TZAM DU STON PA SUM CU PA'I TSIG LE'UR BYAS PA, PHYI ROL GYI DON 'GOG PA NYI SHU PA'I TSIG LE'UR BYAS PA, NYI SHU PA'I RANG 'GREL, RANG BZHIN GSUM NGES PAR BSTAN PA; PHUNG PO LNGA'I RAB TU BYED PA, RNAM PAR BSHAD PA'I RIGS PA MDO SDE'I DUM PA BRGYA PA, RNAM PAR BSHAD PA'I RIGS PA, LAS GRUB PA'I RAB TU BYED PA, THEG PA CHEN PO'I CHOS BRGYA GSAL BA'I BSTAN BCOS, CHOS MNGON PA MDZOD KYI THIG LE'UR BYAS PA, DE'I RANG 'GREL, BSTAN BCOS TSIGS SU BCAD PA BSDUS PA, DE'I RANG 'GREL, DKON MCHOG GSUM GYI BSTOD PA, SGO DRUG PA'I GZUNGS KYI RNAM PAR BSHAD PA, YON TAN BDUN BRJOD PA'I GTAM, TSUL KHRIMS GYI GTAM, TSOGS KYI GTAM, SANGS RGYAS RJES SU DRAN PA'I 'GREL PA, CHOS RJES SU DRAN PA'I 'GREL PA, DGE 'DUN RJES SU DRAN PA'I 'GREL PA, 'DOD PA'I YON TAN LNGA'I NYES DMIGS

, ,BSHAD PA, TSIGS SU BCAD PA GCIG PA'I BSHAD PA, GA YA GO RI'I MDO'I BSHAD PA, MDO SDES BCU BA'I RNAM PAR BSHAD PA, BLO GROS MI BZANG PAS BSTAN PA'I MDO'I RGYA CHER 'GREL, RTEN CING 'BREL PAR 'BYUNG PA DANG PO DANG RNAM PAR DBYE BA BSHAD PA, MDO SDE SA BCU PA'I 'GREL PA, BZANG SPYOD SMON LAM GYI 'GREL PA RNAMS MDZAD DO, ,'PHAGS PA THOGS MED MYA NGAN LAS 'DAS PA'I 'OG TU N'A LANDRA'I MKHAN PO MDZAD DE NYIN RE BZHIN RAB TU BYUNG BA DANG BSNYEN PAR RDZOGS PA MANG PO'I MKHAN PO MDZAD PA DANG, THEG PA CHEN PO'I MDO SDE MI 'DRA BA'I CHOS THUN NYI SHU RE 'CHAG MED GNANG BA DANG, MU STEGS KYI SMRA BA NGAN PA BYUNG NA DE MA THAG TSAR GCOD PA DANG, BSTAN BCOS RTZOM PA SOGS MKHAS PA'I BYA BA RNAM PA GSUM GYIS DUS 'DA' BAR MDZAD, DE DUS 'DZAM BU GLING GI CHE DGU MTHA' DAG GIS BDAG NYID CHEN PO 'DI'I ZHABS LA GTUGS NAS MCHOD CING BSNYEN BKUR BA DANG, RANG RANG GI DBANG PO DANG 'TSAMS PA'I CHOS KYI BGO SKAL LEN PAR BYED PAS DAD PA CAN DAG GIS GSOL BA BTAB PA LTAR YUL GZHAN DANG ZHAN DU'ANG BYON NAS GANG DANG GANG DU RGYAL BA'I BSTAN PA NYAMS PA DE DAG GSOS, SNGAR YOD PA RNAMS CHES CHER 'PHEL BAR MDZAD, SLOB DPON 'DI SHAR PHYOGS G'OO RI'I YUL DU BYON NAS SKAL BA DANG LDAN BA MANG PO ZHIG LA THEG PA CHEN PO'I MDO SDE RGYA CHER GSUNGS PAS DKAR PHYOGS KYI LHA

RNAMS KYIS GSER GYI ME TOG GI CHAR PHAB PA KUN GYI MTHUN SNANG DU GRUB PA BYUNG BAS THAMS CAD DAD PA LHAG PAR 'PHEL TE SLOB DPON 'DI'I BKA' BZHIN BSGRUBS PAS PHYOGS DER RGYAL BA'I BSTAN PA RGYA CHER 'PHEL, RGYAL BA'I BSTAN PA RING DU GNAS PA'I PHYIR DGE 'DUN GYI SDE GANG DANG GANG NA YOD PA DE DANG DER MCHOD GZHI RGYA CHEN PO 'DZUGS PAR MDZAD, AO dI BI SHA'I YUL DU BRAM ZE CHEN PO ZHIG GIS SBYIN BDAG BYAS TE THEG BA CHEN PO'I DGE 'DUN STONG PHRAG BCU GNYIS LA ZLA BA GSUM DU CHOS 'KHOR BTZUGS TE DUS STON RGYAS PAR BYAS, SLOB DPON 'PHAGS PA THOGS MED KYI DUS LAS KYANG THEG PA CHEN PO'I 'CHANG NYAN RGYAS BAR BYUNG STE BDAG NYID CHEN PO 'DI'I SLOB MA THEG PA CHEN PO'I DGE SLONG DRUG KHRI LONGS PA BYUNG ZHES GRAGS SO, ,SLOB DPON RANG NYID DANG LHAN CIG TU GNAS PA'I DGE SLONG SDE SNOD 'DZIN PA'ANG STONG TZAM RE YOD CING, DE THAMS CAD KYANG TSUL KHRIMS RNAM PAR DAG PA, SDE SNOD GSUM LA MANG DU THOS BA DANG LDAN PA, RGYAL BA'I BSTAN BA 'DZIN CING SPEL NUS PA SHA STAG BYUNG ZHES GRAG GO ,DE LTAR SLOB DPON DBYIG GNYEN GYIS DGUNG LO BRGYAR NYE BA'I BAR DU RGYA GAR DU BSTAN PA LA BYA BA RGYA CHEN PO MDZAD NAS MTHAR DGOS PA MANG PO ZHIG LA GZIGS NAS SLOB MA SDE SNOD 'DZIN PA STONG DANG BCAS BAL YUL DU BYON TE BAL YUL NA GNAS PA'I DGE 'DUN RNAMS LA THEG PA CHEN PO'I CHOS RGYA CHER BSTAN CING BSTAN PA YUN RING DU GNAS PA'I

, ,PHYIR PHYOGS DER MCHOD GZHI YANG MANG DU 'DZUGS PAR MDZAD, DE NAS RANG BYUNG GI MCHOD RTEN DU GRAGS PA MCHOD RTEN GO MA S'A LA GANDHE LA ZHABS BSKOR MDZAD CING BZHUGS PA NA HANG DU ZHES BA RAB BYUNG GI CHA BYAD 'DZIN PA'I KHYIM BTZUN ZHIG GIS ZHING RMOD PA DANG CHANG GI BUM PA THOGS PA GZIGS PAS RGYAL PA'I BSTAN PA 'DI LTAR NYAMS DMAS SO SNYAN DU THUGS PHYUNG NAS DGE 'DUN RNAMS LA THA MA'I GSUNG CHOS MANG DU STZAL TE GTZUG TOR RNAM RGYAL GYI GZUNGS 'GO GSHAM LDOG NAS BZLAS TE SKU TSE'I 'DU BYED BTANG STE DE NYID DU SKU'I BKOD PA BSDUS NAS RJE BTZUN BYAMS PA MGON PO DANG 'PHAGS PA THOGS MED GANG DU BZHUGS PA'I GNAS DGA' LDAN CHOS KYI PHO BRANG DU PHEBS SO, ,SLOB DPON DBYIG GNYEN GANG DU MYA NGAN LAS 'DAS PA'I SA DER SLOB MA DAD PA CAN DAG GIS SKU GDUNG BZHUGS PA'I MCHOD RTEN BRTZIGS PA DA LTA'ANG YOD DO, ,SLOB DPON BDAG NYID CHEN PO 'DI LA SLOB MA BSTAN PA 'DZIN NUS PA BSAM GYIS MI KHYAB PA BYUNG ZHING, DE THAMS CAD KYI NANG NAS MCHOG TU GYUR BA BZHI STE, 'DUL BA LA MKHAS PA'I MCHOG TU GYUR PA SLOB DPON YON TAN 'OD, MNGON PA LA MKHAS PA'I MCHOG TU GYUR PA SLOB DPON BLO GROS BRTAN PA, TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO, PHAR PHYIN LA MKHAS PA'I MCHOG TU GYUR PA SLOB DPON 'PHAGS PA RNAM GROL SDE BZHI'O, ,DE

LA 'DUL BA LA MKHAS PA'I MCHOG TU GYUR PA SLOB DPON YON TAN 'OD NI YUL BCOM BRLAG TU BRAM ZE'I RIGS SU 'KHRUNGS, CHUNG DU'I DUS NAS RIG GNAS MTHA' DAG LA MKHAS PAR SBYANGS, DE NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS NAS MKHAS MCHOG DBYIG GNYEN GYI DRUNG DU PHEBS TE SDE SNOD GSUM LA SBYANGS SHING THEG PA CHEN PO'I LAM GYI RIM PA GSAN NAS THIG CHEN GYI MDO SDE MTHA' DAG LA SBYANGS, SDE PA BCO BRGYAD BO SO SO'I LUGS MA 'DRES PAR MKHYEN CING 'DUL BA 'BUM SDE THUGS LA BZUNG STE RGYUN DU KHA TON DU MDZAD, DE LTAR KLOG PA THOS BSAM DANG SPONG BA BSAM GTAN LA BRTZON PAR MDZAD PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING GZUNGS DANG, SPOBS PA DANG, MNGON BAR SHES BA DANG, TING NGE 'DZIN GYI SGO BRGYA PHRAG MANG PO THUGS LA 'KHRUNGS, LHAG PAR SLOB DPON DBYIG GNYEN GYI MAN NGAG LA BRTEN NAS LAM RIM GYIS BGROD DE 'PHAGS PA'I SA THOB PAS SLOB DPON 'PHAGS PA YON TAN 'OD CES SNYAN PA'I GRAGS PAS PHYOGS KUN KHYAB PAR GYUR CING, RGYAL BA'I BSTAN PA LA BYA BA MDZAD PHYIR 'DUL BA LUNG SDE BZHI'I GNAD THAMS CAD BSDUS PA 'DUL BA RGYA MTSO'I SNYING PO ZHES BYA BA'I BSTAN BCOS CHEN PO MDZAD DE, DE LA NI 'DUL BA'I MDO ZHES YONGS SU GRAGS SHING RGYAL PA'I BKA' DANG KHYAD PAR MED PAR RGYAL BA'I BSTAN PA LA RAB TU BYUNG BA THAMS CAD KYIS TSAD MAR 'DZIN CING

, ,'DUL BA LUNG LA BLTA BA'I MIG LTA BU SANGS RGYAS KYI BSTAN PA'I SGRON ME SNGON BYON PA'I MKHAS GRUB THAMS CAD KYIS GTZIS BO CHER MDZAD DO, ,GZHAN YANG 'DUL BA'I LAS BRGYA RTZA GCIG GI CHO GA KARMA SHA TAM DU GRAGS PA YANG MDZAD DE, DA LTA RGYAL BA'I BSTAN PA LA ZHUGS NAS DGE BSNYEN DANG, BAR MA RAB BYUNG DANG, TSIGS SNGA MA DGE TSUL GYI SDOM PA DANG, BSLAB GZHI YONGS SU RDZOGS PA DGE SLONG GI SDOM PA LEN PA'I CHO GA DANG GZHI GSUM GYI CHO GA SOGS 'DUL BA'I LAS KYI CHO GA RNAMS BDAG NYID CHEN PO 'DI KHO NA'I BKA' DRIN LAS BYUNG BAS BSTAN PA 'DI LA BKA' DRIN MTSUNGS PA MED PA ZHIG GO ,BDAG NYID CHEN PO 'DI 'PHRIN LAS KYI KHYAB BDAL SHIN TU CHE BAS LHAN CIG GNAS PA'I DGE SLONG YANG STONG PHRAG LNGA RE TZAM YOD PAR BSHAD CING, DE THAMS CAD KYANG SDE SNOD GSUM LA MANG DU THOS PA DANG LDAN PA, NYIN ZHAG PHRUGS RE'I NANG DU LTUNG BA BSHAGS PAR 'OS PA RNAMS BSHAGS, BSDAM PAR 'OS PA RNAMS BSDAMS, BYIN GYIS BRLAB PAR 'OS PA RNAMS BYIN GYIS BRLABS TE TSUL KHRIMS RNAM BAR DAG PA SNGON RGYAL BA ZHAL BZHUGS DUS DANG BSTAN PA'I GTANG RABS KYI SKABS DGRA BCOM PA RNAMS KYIS BSTAN PA SKYONG BA'I DUS BZHIN YOD CES SNGON GYI MKHAS PA RNAMS LA GTAM DU GRAGS SO, ,BDAG NYID CHEN PO DBYIG GNYEN GYI SLOB MA MNGON PA LA MKHAS PA'I MCHOG TU GYUR PA SLOB DPON

BLO GROS BRTAN PA NI, SLOB DPON DBYIG GNYEN BHA GA B'I H'A RA ZHES BYA BA NA 'BRU MAR GYIS ZANGS BKANG BA'I NANG NA ZHUGS TE 'BUM SDE BRGYAD CU ZHAL TON MDZAD PA'I TSE PHUG RON ZHIG RGYUN DU NYAN NAS SDOD PA NAM ZHIG TSE 'PHOS TE MTHA' 'KHOB 'DRA MA ZHES BYA BAR DMANGS RIGS KYI BUR SKYES, SKYES MA THAG NGA'I SLOB DPON GANG NA BZHUGS ZHES 'DRI BA LA, PHAS KHYOD KYI SLOB DPON SU YIN DRIS PAS DBYIG GNYEN YIN ZER, PHAS YUL DBUS SU 'GRO BA'I TSONG PA LA DRIS PAS DBYIG GNYEN BZHUGS PAR THOS NAS, CUNG ZAD SKYES PA DANG SLOB DPON DBYIG GNYEN CAN DU BSKYAL, SLOB DPON GYIS DE LA YI GE PHYI MO SLOB PA NAS BZUNG STE RIG BA'I GNAS THAMS CAD LA MKHAS PAR BSLABS, CHUNG NGU'I DUS NA N'A LANDRA NA SGROL MA'I RTEN BZHUGS PA'I PHYAG TU SRAN MA'I PHUD PHUL LA BZA' SNYAM NAS 'GA' ZHIG PHUL BAS 'GRIL NAS BYUNG, YANG PHUL BAS 'GRIL, 'PHAGS MAS MA GSOL BAR RANG ZA BA MI BONG SNYAM NAS ZAD ZAD PHUL YANG 'GRIL BAS BYIS PA DUS SO, ,DER 'PHAGS MAS ZHAL DNGOS SU BSTAN TE DU MI DGOS, NGAS KHYOD LA BYIN GYIS BRLABS KYIS KHYIM DU SONGS GSUNGS, DE NAS MKHYEN RAB THOGS MED DU GYUR TE RTEN DE LA SRAN MA'I SGROL MA ZHES GRAGS SO, ,SLOB DPON DE LA MDO DKON MCHOG BRTZEGS PA'I LE'U BZHI BCU ZHE DGU YAN CHAD THUGS LA MNGA' ZHING 'GREL PA YANG MDZED CES GRAGS SO, ,DE'I CHA MKHAS PA'I GRAGS PAS PHYOGS KUN

, ,TU KHYAB CING, SLOB DPON DES MDZOD KYI 'GREL PA GNAM LCAGS THOG GZER, CHOS MNGON PA KUN LAS BTUS KYI 'GREL BA, RAB TU BYED BA SDE BRGYAD KYI 'GREL PA LA SOGS PA BSTAN BCOS MANG DU BRTZAMS SO, ,SLOB DPON DBYIG GNYEN GYI SLOB MA TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO ZHES YONGS SU GRAGS PA'I BDAG NYID CHEN PO DE NI RGYA GAR LHO PHYOGS KYI GRONG KHYER SINGGA BAKTA CES BYA PAR BRAM ZE'I RIGS SU 'KHRUNGS, ,SKU 'KHRUNGS NAS RING POR MA LON PAR BRAM ZE'I RIG BYED THAMS CAD DANG, GZHAN YANG RIG GNAS THAMS CAD LA MKHAS PA'I PHUL DU PHYIN PAR GYUR, SNGON YUN RING PO NAS GOMS PA'I BAG CHAGS BRTAS PAS 'KHOR BA MTHA' DAG ME 'BAR BA'I RLUBS LTAR GZIGS NAS NGES 'BYUNG SHUGS DRAG BOS BRAM ZE'I RIGS DANG, LONGS SPYOD DANG SLOB 'KHOR RGYA CHEN PO LA MA CHAGS PAR GNAS MA BU PA'I SDE PA'I MKHAN PO GLANG PO BYIN ZHES BYA BA LAS RAB TU BYUNG, MTSAN PHYOGS KYI GLANG POR GSOL, MKHAN PO DE NYID LA BRTEN TE GNAS MA BU BA'I LUGS DANG MTHUN PA'I SDE SNOD GSUM LA MKHAS PAR BYAS SHING KHYAD PAR LHAG POR RTOGS, DE NAS THEG PA CHEN BO'I LUNG DANG MAN NGAG MTHA' DAG GSAN BAR BZHED NAS SLOB DPON DBYIG GNYEN GYI DRUNG DU BYON, SPYIR THEG BA CHE CHUNG GI SDE SNOD MTHA' DAG DANG, KHYAD PAR THEG PA CHEN PO'I MDO SDE RNAMS DANG, RJE BTZUN BYAMS PA NAS

BRGYUD PA'I THEG PA CHEN PO'I MAN NGAG RNAMS BUM BA GANG BYO'I TSUL DU LEGS PAR GSAN, THEG PA CHEN PO'I MDO SDE LNGA BRGYA TZAM KHA TON DU MDZAD, DE NAS RDO RJE SLOB DPON ZHIG LAS RJE BTZUN 'JAM DPAL DBYANGS KYI DBANG DANG SGRUB THABS LEGS PAR GSAN NAS SGRUB LA MDZAD PAS RJE BTZUN 'JAM PA'I DBYANGS KYI ZHAL MNGON SUM DU GZIGS SHING GDAMS PA DANG RJES SU BSTAN PA LEGS PAR THOB, DE NAS BZUNG NAM 'DOD DU RJE BTZUN 'JAM PA'I DBYANGS KYI ZHAL GZIGS SHING CHOS GSAN PAR MDZAD, DE NAS AO dI BI SHA'I YUL GYI NAGS TSAL SHIN TU DBEN PA'I BRAG RI'I PHUG CIG TU SGRUB PA LA RTZE GCIG TU BZHUGS, DE NAS N'A LANDRA RA MU STEGS KYI RTZOD PA BYED PA BYUNG BA NA SLOB DPON 'DIS TSAR BCAD DO, ,BDAG NYID CHEN PO 'DIS SBYIR RGYAL BA'I GSUNG RAB MTHA' DAG GI DGONGS PA BKRAL ZHING, LHAG BAR CHAD MA GTAN LA 'BEB PA LA DMIGS PA BRTAG PA SOGS TSAD MA'I BSTAN BCOS BRGYA RTZA MDZAD PAR GRAGS, SLAR YANG AO dI BI SHA'I YUL DU GSHEGS NAS SNGAR GYI PHUG PAR BSAM GTAN LA RTZE GCIG TU GZHOL BAR MDZAD, DUS NAM ZHIG NA RIGS PA'I MIG DANG BRAL BA'I GDUL BYA RNAMS LA THUGS BRTZE BA CHEN POS GZIGS TE RIGS PA'I MIG SPYIN PAR MDZAD BZHED PA NA, GDUL BYA RNAMS BLO GROS KYI MTHU SHIN TU CHUNG BA DANG, SNGAR BRTZAMS PA'I TSAD MA'I BSTAN BCOS RNAMS KYANG RNAM GRANGS MANG BAS KHA 'THOR BA LTA BUR GYUR PAR GZIGS TE, SNGAR MDZAD

, ,PA DE DAG THAMS CAD KYI GNAD BSDUS TE GSUNG RAB SPYI'I DGONGS 'GREL TSAD MA KUN LAS BTUS PA BRTZOM PAR BZHED NAS, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOB LA PHYAG 'TSAL TE, ,ZHES PA SGRUB PHUG GI BRAG NGOS LA RDO RGYUS KYIS BRIS PA TZAM GYIS 'JIG RTEN GYI KHAMS SU 'OD KYI SNANG BA CHEN PO BYUNG, SA G-YOS SHING SGRA CHEN PO GRAG ,MU STEGS KYI STON PA RNAMS KYI BYIN PA RENGS PAR GYUR, DE GANG GI LTAS YIN SNYAM DU MU STEGS THUB RGYAL NAG POS MNGON SHES KYIS BRTAGS PAS TSAD MA MDO'I MCHOD BRJOD BRIS PA'I BYIN RLABS KYI MTHUR MTHONG NAS, SLOB DPON BSOD SNYOMS LA GSHEGS PA'I SHUL DU RDZU 'PHRUL GYIS 'ONGS NAS MCHOD BRJOD KYI TSIG DE BSUBS NAS BZHAG ,DE LTAR LAN GSUM BYAS PA'I THA MA LA SLOB DPON GYIS KYAL KAS BSUBS PA YIN NA 'DI LA DGOS PA CHEN PO YOD PAS ZHO GCIG ,RTZOD BAR 'DOD NA GZUGS STON DANG RTZOD PAR BGYI'O, ,ZHES BRIS PAS BSOD SNYOMS LAS 'KHOR BA'I TSE KHO DNGOS SU BSDAD 'DUG PA RIGS PA DRI MA MED PAS LAN GSUM GYI BAR DU PHAM PAR BYAS PA'I TSE, DA RDZU 'PHRUL 'GRAN ZER NAS KHA NAS ME SLAR TE SLOB DPON GYI CHOS GOS RNAM GSUM DANG YO BYAD BSREGS PAS, SLOB DPON THUGS SHIN TU SKYO NAS SEMS CAN MA RUNGS PA 'DI 'DRA BA BSAM GYIS MI KHYAB PAS SEMS CAN THAMS CAD KYI DON BYA MI NUS KYI, THOD LE KOR NAM MKHAR 'PHANGS

NAS 'DI NAMS LA BABS PA'I TSE RANG NYID GCIG PU GROL BA DON DU GNYER BAR BGYI'O SNYAM DU DGONGS PAS, THOD LE KOR 'BAB DUS MA BYUNG BAS NAM MKHAR GZIGS PA NA RJE BTZUN 'JAM PA'I DBYANGS BLTA BAS CHOG MI SHES PA ZHIG GIS THOD LE KOR DE BSNAMS NAS, BU; MA BYED MA BYED THEG PA DMAN DANG PHRAD LAS BLO GROS NGAN SKYE STE, ,KHYOD KYI BSTAN BCOS 'DI LA MU STEGS TSOGS KYIS GNOD MI NUS PAR SHES, ,KHYOD KYIS MA THOB KYI BAR DU DGE PA'I BSHES SU NGA 'GYUR GYI, ,PHYI MA'I DUS NA 'GRO BA KUN GYI MIG GCIG TU NI 'DI 'GYUR RO, ,ZHES LUNG BSTAN CING DBUGS PHYUNG NAS TSAD MA KUN LAS BTUS BA RTZOM PAR SKUL MDZAD PA NA SLOB DPON PHYOGS KYI GLANG POS KYANG THUGS RJE DANG SNYING STOBS CHER BZHES NAS TSAD MA KUN LAS BTUS PA MDZAD DE, 'DZAM BU GLING GI 'GRO BA THAMS CAD LA BLO GROS KYI MIG SBYIN PAR MDZAD DO, ,DE NAS SLAR YANG BSAM GTAN LA RTZE GCIG TU BZHUGS PAS SANGS RGYAS MANG BO'I ZHAL MTHONG ZHING, TING NGE 'DZIN GYI SGO BRGYA PHRAG MANG PO THOB, LHA RNAMS KYIS ME TOG GI CHAR PHAB, NAGS TSAL DE'I LJON SHING DANG ME TOG RNAMS KYANG SLOB DPON GYI PHYOGS SU MGO 'DUD, GLANG PO CHE LA SOGS PA NAGS TSAL DE NA GNAS PA'I RI DVAGS RNAMS KYANG SLOB DPON GYI ZHABS LA MGO BOS GTUG CING GUS PA'I TSUL BYED, YUL DE'I RGYAL PO 'KHOR DANG BCAS PAS KYANG ZHABS LA PHYAG BYAS SO, ,DE NAS LHO PHYOGS SU BYON TE MU STEGS KYI SMRA BA

, ,NGAN PA RNAMS TSAR BCAD, DGE 'DUN GYI SDE RNAMS LA SDE SNOD GSUM RGYA CHER BSHAD DE SANGS RGYAS KYI BSTAN PA CHES CHER SPEL BAR MDZAD DO, ,DE NAS SLAR YANG AO dI BI SHA'I YUL DU BYON NAS YUL DE'I RGYAL PO 'KHOR BCAS SANGS RGYAS KYI BSTAN PA LA BRTZUD, BRAM ZE CHEN PO ZHIG GIS SBYIN BDAG BYAS TE DGE 'DUN GYI SDE MANG DU BTZUGS, YUL DE'I SKYE BO RNAMS SANGS RGYAS KYI BSTAN PA LA YID CHES RNYED PA'I PHYIR AA RU RA'I SDONG PO CHEN PO SKAL PO ZHIG BDEN TSIG BRJOD NAS SOR CHUD PAR MDZAD DO, ,DE LTAR 'PHAGS YUL GYI PHYOGS THAMS CAD DU SANGS RGYAS KYI BSTAN PAS KHYAB PAR MDZAD NAS MTHAR AO dI BI SHA'I NAGS TSAL DBEN PA'I SGRUB PHUG DE NYID DU NGO MTSAR BA'I LTAS DU MA DANG BCAS TE ZHING GZHAN DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS MCHOG DBYIG GNYEN LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DIS MDZAD PA'I LEGS BSHAD RNAMS LA BLTAS NAS LUNG TZAM SKYABS SU GYUR PA MIN PAR RGYAL BA'I GSUNG RAB KYI DGONGS DON DRI MA MED PA'I RIGS PAS RNYED PAR BYAS LA GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,DBU MA'I LAM BRNYES 'PHAGS

PA RNAM GROL SDE, ,ZHES BSNGAGS PA, KUN MKHYEN GNYIS PA SLOB DPON DBYIG GNYEN GYI SLOB MA MCHOG BZHI'I NANG TSAN, 'PHAGS PA RNAM GROL SDE NI, YUL DBUS DANG LHO PHYOGS KYI MTSAMS 'BAR BA'I PHUG DANG NYE BAR SLOB DPON SANGS RGYAS 'BANGS KYI DBON SRAS SU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE, SDE BA BCO BRGYAD KYI NANG NAS GNAS MA BU PA KU RU KU LLE'I SDE LAS RAB TU BYUNG ZHING LO LON NAS BSNYEN PAR RDZOGS PA'I SDOM PA BZHES, SDE PA DE'I LUGS KYI 'DUL BA'I BCAS MTSAMS CHE PHRA MTHA' DAG LA MKHAS PAR SBYANGS SHING PHYAG LEN LA THEBS PAR MDZAD, SNGON YUN RING PO NAS BYANG CHUB MCHOG TU THUGS BSKYED CING TSOGS GNYIS RGYA CHEN PO BSAGS, RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PAS SDE SNOD GSUM DANG KHYAD PAR THEG PA CHEN PO'I SDE SNOD, DE'I NANG NAS KYANG SHER PHYIN GYI MDO SDE RIN PO CHE'I MAN NGAG RNAMS GSAN BZHED NAS SLOB DPON DBYIG GNYEN GYI DRUNG DU PHEBS TE SLOB DPON DBYIG GNYEN BSAM SBYOR GNYIS KYIS TSUL BZHIN DU BSTEN NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING, KHYAD PAR SHER PHYIN GYI MDO SDE RIN PO CHE RNAMS RDZOGS PAR GSAN NAS TSIG DON GNYIS KA THUGS SU CHUD PAR MDZAD, SHER PHYIN GYI MDO SDE'I DON RJE BTZUN BYAMS PA MGON POS BYANG CHUB LAM GYI RIM PA'I MAN NGAG TU SBYAR BA MNGON PAR RTOGS PA'I

, ,RGYAN GSAN TE DE'I DON THEG PA CHEN PO'I LAM GYI LUS YONGS SU RDZOGS PA THUGS NYAM SU BZHES PAS LAM RIM GYIS BGROD DE CHOS NYID MNGON SUM DU GZIGS PA 'PHAGS PA'I LAM THOB, GZUNGS DANG SPOBS PA DANG, MNGON PAR SHES PA RGYA CHEN PO DANG, DPA' BAR 'GRO BA'I TING NGE 'DZIN DANG, NAM MKHA' MDZOD KYI TING NGE 'DZIN LA SOGS PA MNGON DU GYUR, RJE BTZUN BYAMS BA MGON PO ZHAL MTHONG MNGON PAR RTOGS PA'I RGYAN GYI BRJOD BYA DANG PO SEMS BSKYED NAS BZUNG THA MA 'PHRIN LAS KYI BAR DON BDUN CU PO RE RE NAS SHER PHYIN GYI MDO DANG 'BYOR PA ZHIG BYUNG NA CI MA RUNG SNYAM DU SMON ZHING, DE LTAR DU BYAMS MGON LA GSOL BA SHUGS DRAG TU BTAB PAS, RJE BTZUN BYAMS MGON GYIS W'A RA n'A SI'I GTZUG LAG KHANG DU SONGS DANG 'DOD PA'I DON 'GRUB PAR 'GYUR RO ZHES LUNG BSTAN, RJE BTZUN GYI BKA' BZHIN W'A RA n'A SI'I GTZUG LAG KHANG DU BYON PA NA, DE'I TSE DGE BSNYEN ZHI BA'I GO CHA ZHES BYA BA ZHIG GIS SHER PHYIN STONG PHRAG NYI SHU LNGA PA PO TA LA NAS SPYAN DRANGS TE W'A RA n'A SI'I GTZUG LAG KHANG DU PHEBS PA DANG DUS 'GRIG ,DE YANG RGYAL BA MYA NGAN LAS 'DAS NAS BDUD SDIG TO CAN GYI MTHUS RGYAL BA'I BSTAN PA NYAMS PAR BYED PA'I MU STEGS CAN GYI GNOD PA RIM PAR BYUNG BAS 'PHAGS YUL NA BZHUGS PA'I RGYAL BA'I BKA'I GLEGS BAM MANG PO ZHIG NUB PAR GYUR PA LA, BDAG NYID CHEN PO 'PHAGS PA

KLU SGRUB KYIS SHES RAB KYI PHA ROL TU PHYIN PA STONG PHRAG BRGYA PA KLU YUL NAS SPYAN DRANGS TE RGYA GAR NA BZHUGS SHING, SHER PHYIN STONG PHRAG BRGYAD PA SNGAR NAS BZHUGS PAS 'PHAGS PA GROL SDES MNGAN RTOGS RGYAN SHER PHYIN DE GNYIS DANG SBYAR YANG 'GA' ZHIG GI THAD LA 'BYOR DKA' BAR BYUNG BA W'A RA n'A SI'I GTZUG LAG KHANG DU NYI KHRI LA GZIGS PAS THAMS CAD 'BYOR TE, DON BDUN CU'I DANG PO SEMS BSKYED STON PA LA NYI KHRIR, SHAR DVA TI'I BU, 'DI LA BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHER PHYIN LA BRTZON PAR BYA'O, ,ZHES GSUNGS, DE BZHIN DU BYANG CHUB DON GNYER MDOR BSTAN RGYAS BSHAD, GZHAN DON DON GNYER MDOR BSTAN RGYAS BSHAD, SA LTA BU'I SEMS BSKYED NAS CHOS KYI SPRIN LTA BU'I SEMS BSKYED KYI BAR SEMS BSKYED NYER GNYIS RE RE NAS MDO DANG 'BYOR ZHING, DE BZHIN DU GDAMS NGAG GI DANG PO SGRUB PA NAS BZUNG 'PHRIN LAS NYI SHU RTZA BDUN GYI BAR RE RE NAS RGYAL BAS GSUNGS PA'I MDO DANG 'BYOR PAS, RGYA MTSOR BGROD PA'I DED DPON GYIS YID BZHIN GYI NOR BU RNYED PA LTAR THUGS RAB TU TSIM BAR GYUR TO, ,DGE BSNYEN ZHI BA'I GO CHAS NYI KHRI GDAN DRANGS TSUL NI, DGE BSNYEN DE NAGS KHROD ZHIG NA 'PHAGS PA SPYAN RAS GZIGS KYI RNAL 'BYOR LA RTZE GCIG TU GNAS PA'I TSE YUL DE'I RGYAL PO ZHIG GIS BSKUL NAS BO TA LAR 'GRO BAR CHAS NAS 'PHAGS PA SPYAN RAS GZIGS LA GSOL BA RTZE GCIG

, ,TU BTAB STE SONG BA NA LHO PHYOGS DPAL LDAN 'BRAS SPUNGS KYI MCHOD RTEN DU SLEBS, DE NAS PO TA LAR 'GRO BA'I LAM YIG LTAR 'GA' ZHIG GI THANG DU SA 'OG TU BGROD PA DANG, RGYA MTSO LA GZINGS BCAS TE BGROD PA SOGS DKA' BA BRGYA PHRAG DU MA'I SGO NAS PHYIN TE PO TA LA'I RI BO'I GSHAM DU SLEBS PA NA G-YANG SA CHEN PO SUS KYANG BGROD MI NUS PA ZHIG BYUNG BAS LHA MO RAL GCIG MA LA GSOL BA BTAB PAS LHA MO'I MTHUS G-YANG SA CHEN PO DE LA ZAM PA ZHIG BYUNG NAS THAR, DE NAS GCAN GZAN GYI 'JIGS PA CHEN PO BYUNG BA LA 'PHAGS PA NYID LA GSOL BA BTAB PAS 'JIGS PA LAS GROL, DE NAS RI BO LA 'DZEGS PA NA RI BO'I GSHAM DU RJE BTZUN MA SGROL MA'I GNAS DANG, KHRO GNYER CAN MA'I GNAS DANG, RI'I RTZE MO NA 'PHAGS PA'I GZHAL MED KHANG YOD PA RNAMS SU RIM GYIS PHYIN TE 'PHAGS PA'I ZHAL DNGOS SU MJAL, NYI KHRI LE BRGYAD MA GDAN DRANGS, 'PHAGS PA THUGS RJE CHEN PO'I MTHUS GEGS MED PAR W'A RA n'A SIR SLEBS NAS DE'I GTZUG LAG KHANG DU NYI KHRI BZHUGS SO, ,DE NAS 'PHAGS PA RNAM GROL SDES MNGON RTOGS RGYAN DANG NYI KHRI SBYAR BA'I BSTAN BCOS CHEN PO NYI KHRI SNANG BA MDZAD, 'DZAM BU'I GLING DU MDO RGYAN SBYAR BA'I THOG MA 'DI YIN NO, ,SLOB DPON BDAG NYID CHEN PO 'DIS BSTAN PA'I DON DU MDO RGYAN SBYAR NAS SKAL BA DANG LDAN PA DAG LA RGYA CHER SPEL ZHING, DE'I TSI SHER PHYIN GYI GDAMS NGAG NYAN

PA'I SLOB MA STONG PHRAG MANG PO BYUNG ZHING THEG PA CHEN PO'I LAM GYI RIM PA LA SLOB PAR 'DOD PA MTHA' DAG BDAG NYID CHEN PO 'DI'I ZHABS RDUL LA BRTEN PA ZHIG BYUNG NGO, ,SLOB DPON 'DIS LO SUM CU TZAM GYI RING BSTAN PA'I BYA BA RGYA CHER MDZAD NAS DGA' LDAN DU RGYAL BA MA PHAM PA'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'PHAGS PA GROL SDE LA GSOL BA 'DEBS SHING BDAG NYID CHEN PO 'DIS MDO RGYAN SBYAR BA'I SHING RTA'I SROL PHYE BA LTAR BYANG CHUB LAM GYI RIM PA'I GNAD RNAMS RGYAL BA'I GSUNG RAB NYID LAS GSUNGS PA'I TSUL LA NGES PA RNYED PAR BYAS NAS GSUNG RAB THAMS CAD KYI SNYING PO'I DON MA TSANG BA MED PA BYANG CHUB LAM GYI RIM PA'I NYAMS LEN LA BRTZON PA CHIG BSGRIL DU BYA'O,, ` ,,DAD PA'I SAR GNAS BTZUN PA RNAM GROL SDE, ,ZHES BSNGAGS PA, BTZUN PA RNAM GROL SDE NI, GZHON NU NAS RGYAL BA'I BSTAN PA LA RAB TU BYUNG STE, SDE SNOD GSUM LA MKHAS PAR SBYANGS, 'PHAGS PA RNAM GROL SDE BSAM SBYOR GNYIS KYIS TSUL BZHIN DU BSTEN NAS SHER PHYIN GYI MDO SDE RIN PO CHE'I MAN NGAG MNGON PAR RTOGS PA'I RGYAN NYI KHRI DANG SBYAR BA GSAN TE, DE'I DON SKYES BU GSUM GYI LAM LA RIM GYIS SBYANGS PAS SRID PA MTHA' DAG LA ZHEN PA LOG PA'I NGES 'BYUNG DANG, BDAG PAS GZHAN GCES PA'I BYANG CHUB KYI SEMS RIN PO CHE BCOS MA MA YIN PA THUGS RGYUD LA 'KHRUNGS TE THEG PA CHEN PO'I

, ,TSOGS LAM DU ZHUGS TE THEG PA CHEN PO'I LAM RIM GYIS BGROD PHYIR LO BCU'I RING LA RJE BTZUN BYAMS MGON BSGRUBS TE THEG PA CHEN PO'I LAM GYI LUS YONGS SU RDZOGS PA LA SBYANGS SHING, RJE BTZUN BYAMS PA MGON PO'I ZHAL MNGON SUM DU MTHONG BA DANG, DE'I MTHUS THEG PA CHEN PO'I LAM RNAMS MYUR DU BGROD NUS PA ZHIG BYUNG NA CI MA RUNG SNYAM DU 'BAD KYANG BYAMS MGON GYI ZHAL MA MTHONG BA NA, BYAMS MGON GYI ZHAL MYUR DU MTHONG BA'I THABS GZHAN LA DRIS PAS SDIG SGRIB SBYONG BA'I DON DU SBYIN SREG BYAS NA LEGS ZHES ZER BA LTAR ZHI BA'I THAB KHUNG DU BYAMS MGON SPYAN DRANGS NAS SREGS BLUGS 'BUM PHRAG BCU GNYIS PHUL BAS BYAMS MGON GYI ZHAL GZIGS, DE NAS LUNG DANG RTOGS PA'I YON TAN THAMS CAD CHES CHER RGYAS TE 'PHAGS PA GROL SDE'I MAN NGAG LA BRTEN NAS BYANG CHUB LAM GYI RIM PA'I GNAD RNAMS RGYAS PAR STON PA NYI KHRI RNAM 'GREL MDZAD DO, ,SLOB DPON 'DI RJE BDAG NYID CHEN POS DAD PA'I SAR GNAS ZHES TSOGS LAM PA YIN PAR BSHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON BTZUN PA RNAM GROL SDE LA GSOL BA 'DEBS SHING BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I NYAMS LEN GYI GNAD THAMS CAD RGYAL BA'I YUM NYID LAS GSUNGS PA'I TSUL LA NGES PA RNYED PAR BYAS LA YID CHES KYI DAD PA BRTAN PO BSKYED NAS BYANG CHUB LAM GYI RIM PA

SGOM PA LA BRTZON PA CHIG BSGRIL DU BYA'O,, ` ,,RMAD BYUNG NGO MTSAR GNAS GYUR MCHOG GI SDE, ,ZHES BSNGAGS PA, SLOB DPON MCHOG GI SDE NI RGYAL BA'I BSTAN PA LA RAB TU BYUNG NAS SDE SNOD GSUM LA MKHAS PAR SBYANGS, BTZUN PA GROL SDE BSTEN NAS THEG PA CHEN PO'I MDO SDE MTHA' DAG DANG, KHYAD PAR SHER PHYIN GYI MDO SDE RIN PO CHE'I DON MNGON PAR RTOGS PA'I RGYAN LAS 'BYUNG BA LTAR THEG PA CHEN PO'I LAM GYI RIM PA'I LUS YONGS SU RDZOGS PA GSAN NAS SGRUB PA LA RTZE GCIG TU BZHUGS PAS MYONG BA PHUL DU PHYIN PA THON TE SKAL BA DANG LDAN PA MTHA' YAS PA LA SHER PHYIN GYI MAN NGAG 'DOMS PAR MDZAD CING MDO RGYAN SBYAR BA'I MAN NGAG RGYA CHER SPEL LO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON MCHOG GI SDE LA GSOL BA 'DEBS SHING SLOB DPON 'DIS JI LTAR BSTAN PA LTAR MDO RGYAN SBYAR BA'I MAN NGAG THOB PAR BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,ZAB MO'I LAM GYIS RGYUD SBYANGS DUL BA'I SDE, ,ZHES BSNGAGS PA, SLOB DPON DUL BA'I SDE NI, RGYAL BA'I BSTAN PA LA ZHUGS NAS SLOB DPON MCHOG GI SDE YONGS 'DZIN DU BSTEN NAS SDE SNOD GSUM LA SBYANGS SHING, KHYAD PAR SHES RAB KYI PHA ROL TU PHYIN PA'I MDO SDE RIN PO CHE'I GDAMS NGAG MNGON PAR RTOGS PA'I RGYAN LA SBYANGS NAS BYANG CHUB LAM GYI RIM PA'I GNAD THAMS CAD THUGS SU CHUD PAR MDZAD, DE NAS BYANG CHUB LAM GYI RIM PA'I NYAMS LEN

, ,LA 'BAD PAS RTOGS PA PHUL DU PHYIN PA THOB, RGYAL BA'I BSTAN PA SPEL BA'I PHYIR RJE BTZUN BYAMS PA MGON PO'I SKU BZHENGS, DE LA GSOL BA RTZE GCIG BTAB PAS, BYAMS MGON GYI SKU DES GSUNG BYON NAS BSTAN PA DANG SEMS CAN GYI DON BYED PA LA, RJE BTZUN SGROL MA LA GSOL BA 'DEBS DGOS PAS 'PHAGS MA SGROL MA'I SKU BZHENGS ZHES GSUNGS PA LTAR RJE BTZUN SGROL MA'I SKU BZHENGS, DE LA GSOL BA RTZE GCIG TU BTAB PAS RJE BTZUN MA SGROL MAS 'PHRIN LAS MDZAD DE SKAL BA DANG LDAN PA MANG PO LA SHER PHYIN GYI MAN NGAG RGYA CHER SPEL ZHING, KHYAD PAR DU YANG BSTAN PA YONGS RDZOGS KYI BDAG PO MKHAN CHEN ZHI BA 'TSO LA GROL SDE RNAM GNYIS LAS BYUNG BA'I MAN NGAG ,BYANG CHUB LAM GYI RIM PA'I GNAD THAMS CAD SHER PHYIN GYI MDO SDE RIN PO CHE DANG SBYAR TE NGES PA GTING TSUGS PAR BSKYED PA MDO RGYAN SBYAR BA'I MAN NGAG MTHA' DAG BUM PA GANG BYO'I TSUL DU YONGS SU RDZOGS PA GNANG STE BSTAN PA'I BDAG POR BYIN GYIS BRLABS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON DUL BA'I SDE LA GSOL BA 'DEBS SHING BDAG NYID CHEN PO 'DI NAS BRGYUD PA'I LAM GYI RIM PA LA BAG CHAGS CI THEBS BYA'O, ,GROL SDE RNAM GNYIS DANG, MCHOG SDE DUL SDE GNYIS TE SLOB DPON BZHI BO 'DI GANG DU 'KHRUNGS PA'I YUL DANG, RIGS DANG RUS GANG YIN PA DANG, SKU TSE RIL PO'I

MDZAD PA RNAM THAR ZHIB PA MA MTHONG BAS SLAR RNYED NA 'DIR BSNAN PAR BYA'O,, ` ,,RLABS CHEN SPYOD PA'I GTER GYUR RNAM SNANG MDZAD, ,CES BSNGAGS PA, MKHAN PO YANG DAG RNAM SNANG MDZAD, MTSAN GZHAN BO DHI SATVA ZHES KYANG BYA, LEGS SBYAR GYI SKAD LA SHAN TA RAKshI TA, BOD SKAD DU ZHI BA 'TSO ZHES BRJOD PA MKHAN CHEN ZHI BA 'TSO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE SA LAM MTHAR PHYIN NAS ZHING 'DIR THUB PA'I BSTAN PA SPEL BA'I SLAD DU SNYING RJE DANG SMON LAM GYI DBANG GIS BSAM BZHIN DU BYON PA ZHIG STE, DE YANG SHAR PHYOGS ZA HOR RGYAL PO'I SRAS SU SKU 'KHRUNGS, GZHON NU NAS KHYIM GYI GNAS NI SDUG BSNGAL DU MA'I 'BYUNG GNAS BTZON RA LTA BU DANG, NYON MONGS PA DANG NYES PAR SPYOD PA THAMS CAD KYI 'BYUNG KHUNGS SU RIG NAS SRID PA'I PHUN TSOGS LA CHAGS PA MED PAR RGYAL SRID MCHIL MA'I THAL BA BZHIN DU DOR TE MKHAN PO YE SHES SNYING PO'I DRUNG DU RAB TU BYUNG ZHING BSNYEN PAR RDZOGS PA'I SDOM PA BZHES, DE YANG RTZA BA'I SDE PA BZHI LAS GZHI THAMS CAD YOD PAR SMRA BA'I SDE PA YIN PAS, MKHAN BO DE NYID LA BRTEN NAS GZHI THAMS CAD YOD PAR SMRA BA'I LUGS KYI 'DUL BA LUNG SDE BZHI NAS GSUNGS BA'I DGAG SGRUB GNANG GSUM GYI BCAS PA CHE PHRA MTHA' DAG THUGS SU CHUD PAR MDZAD NAS BCAS PA DANG RANG BZHIN GYI KHA NA MA THO BA'I NYES LTUNG PHRA MOS KYANG MGOS PA'I TSUL KHRIMS RNAM PAR DAG PA LA GNAS NAS SDE SNOD GSUM LA SBYANGS TE MKHAS

, ,PA'I PHUL DU PHYIN PAR MDZAD, DE NAS BYANG CHUB LAM GYI RIM PA'I MAN NGAG RNAMS GSAN BZHED NAS SLOB DPON DUL BA'I SDE LA BSNYEN TE SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN GSAN TE, DE'I MAN NGAG SHER PHYIN GYI MDO DANG BCAS PA'I TSIG DON MTHA' DAG THUGS SU CHUD PAR MDZAD, THEG PA CHEN PO'I LAM GYI RIM PA LA RGYA CHE BA'I LAM GYI RIM PA DANG ZAB MO'I LAM GYI RIM PA GNYIS YOD PA GNYIS KA MED MI RUNG DU GZIGS NAS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG MTHAR THUG PA DBU MA'I GZHUNG RNAMS LA LEGS PAR SBYANGS TE THUGS SU CHUD PAR MDZAD, GZHUNG DE DAG GI DON LA DRI MA MED PA'I RIGS PAS LEGS PAR DPYAD NAS NGES SHES GTING PHYIN PAR RNYED PA NA THUGS RGYUD LA SBYAR TE NYAMS SU BZHES PAS THEG PA CHEN PO'I LAM GYI RIM PA'I LUS YONGS SU RDZOGS PA LA NYAMS MYONG GI RTOGS PA KHYAD PAR CAN 'KHRUNGS PA NA SKAL BA DANG LDAN PA GZHAN DAG LA CHOS KYI BDUD RTZI RGYA CHER STZAL TE, THEG PA CHEN PO'I LAM GYI RIM PA ZAB PA DANG RGYA CHE BA GNYIS KA STON PA'I BSTAN BCOS DBU MA RGYAN 'GREL BA DANG BCAS PA MDZAD DE GDUL BYA MTHA' YAS PA LA RGYA CHER SPEL TE 'PHAGS YUL DU SHER PHYIN GYI MAN NGAG NYIN MO LTAR GSAL BAR MDZAD, BDAG NYID CHEN PO 'DI NI DGUNG LO BRGYA PHRAG MANG PO BZHUGS PAS, SKU TSE'I STOD SMAD BAR GSUM GYI SLOB MA RIM PA MANG DU YOD CING SRAS KYI THU BO 'GRAN ZLA DANG BRAL BA NI SLOB DPON SENG GE BZANG PO DANG,

MKHAS MCHOG K'A MA LA SH'I LA GNYIS SO, ,MKHAN CHEN ZHI BA 'TSO 'DI NI RGYAL SRAS GZHAN GYIS DPAG PAR DKA' BA'I SNYING STOBS DANG BYANG CHUB KYI SEMS SHIN TU STOBS CHE BAS SNYIGS MA'I DUS 'DIR 'GRO BA'I DON MDZAD PA LA RGYAL SRAS KYI SPYOD PA CHES PHUL DU BYUNG BA ZHIG STE, DON GYI DBANG 'DI LA GZIGS NAS RJE BDAG NYID CHEN POS, RLABS CHEN SPYOD PA'I GTER GYUR CES BSNGAGS PA YIN NO, ,MKHAN CHEN ZHI BA 'TSO 'DIS RGYA BOD THAMS CAD DU BSTAN PA LA BYA BA RGYA CHEN PO MDZAD PA YIN ZHING, LHAG PAR BYANG PHYOGS BOD YUL 'DI STON PA THUGS RJE CAN DE SKYANG 'DUL MA NUS BAR MUN PA'I GLING DU LUS SHING, SLOB DPON 'DI'I GONG DU BYON PA'I SHING RTA CHEN PO GNYIS SOGS BDAG NYID CHEN PO DE DAG THAMS CAD KYIS 'DUL BAR MA NUS PAR MTHA' 'KHOB MUN GLING DU LUS PA SLOB DPON 'DIS THUGS KYIS MA BZOD NAS ZHING 'DIR BYON ZHING DE LTA NA'ANG RTEN 'BREL SGO MANG PO ZHIG NAS 'GRIG DGOS PA'I DBANG GIS SLOB DPON 'DI BYON NAS LO DGU BRGYA LHAG TZAM GYI BAR DU BOD DU RGYAL BA'I BSTAN PA 'DZUGS PA'I RTEN 'BREL MA 'GRIG PAR NAM ZHIG NA BOD KHAMS MUN BA'I GLING DU RGYAL BA'I BSTAN PA'I SGRON ME 'DZUGS PAR NUS SNYAM DU DE 'BA' ZHIG THUGS LA BRNAGS NAS SKU TSE BYIN GYIS BRLABS TE BZHUGS PA LAS, DUS NAM ZHIG NA BOD KHAMS KYI RJE BO CHOS RGYAL SRONG BTZAN SGAM POS BOD DU RGYAL BSTAN GYI SROL BTZUGS, JO BO SH'AKYA MU NI DANG JO BO MI BSKYOD RDO RJE GNYIS RGYA BAL NAS SPYAN DRANGS LHA SAR GTZUG LAG KHANG BRTZIGS,

, ,MTHA' 'DUL YANG 'DUL GYI LHA KHANG DANG MCHOD RTEN RNAMS BRTZIGS, CHOS KYI BRDA SLOB PA SOGS BSTAN PA RIN PO CHE'I SROL BTZUGS KYANG SNYIGS MA'I SKYE BO RNAMS BSOD NAMS DMAN PA DANG, BDUD SDIG TO CAN 'KHOR NAG PHYOGS KYI 'BYUNG PO GDUG PA CAN RNAMS DANG BCAS PAS MI RNAMS KYI YID BSGYUR TE CHOS RGYAL SRONG BTZAN SGAM PO 'DAS NAS SDIG BLON MANG POS RGYAL BA'I BSTAN PA NYAMS PAR BYAS TE, JO BO SH'AKYA MU NE MUN KHANG DU SBA BA DANG, CHOS BYED RNAMS LA CHAD PAS GCOD PA SOGS RNAM PA KUN NAS 'TSE BAR BYAS SHING SLAR YANG NAG PHYOGS KYI STOBS CHER RGYAS TE JO BO RIN PO CHE BYE THEMS SU SPA BA DANG, DES KYANG MI CHOG PAR DE NAS BTON TE MANG YUL SKYID GRONG DU SPYUGS PA DANG; RGYAL BSTAN GYI MTSAN TZAM YANG 'DON DBANG MED PAR SDIG BLON MANG POS KHRIMS DAM PAR BYAS TE RGYAL BSTAN YI GE 'BRU RE YANG KLOG SA MED PAR MUN GLING KHO NAR GYUR PA NA, PHYOGS BCU'I SANGS RGYAS DANG BYANG CHUB SEMS DPA' THAMS CAD KYI MKHYEN BRTZE NUS GSUM GCIG TU BSDUS PA RIGS GSUM MGON POS BOD YUL DU RGYAL BSTAN 'DZUGS PAR THUGS BSKYED DE SPYAN RAS GZIGS SRONG BTZAN SGAM POS BOD YUL DU RGYAL BSTAN GYI SROL BTZUGS PA BDUD SDE DPUNG DANG BCAS PAS NYAMS BAR BYAS PA DE NYID GSO PHYIR RJE BTZUN 'JAM DPAL DBYANGS MI'I RJE BOR SPRUL PA CHOS RGYAL KHRI SRONG LDE BTZAN RGYA ZA KONG JO LAS SKU 'KHRUNGS NAS RING BO MA LON PA NA YAB GSHEGS, 'KHRUNGS MA

THAG NAS CHOS KYI BAG CHAGS BRTAS PA DE BDUD SDES MA BZOD PAR BDUD BLON RNAMS KYIS 'DI RGYA ZA'I BU MIN GYI ZHANG GI TSA BO YIN ZHES DBROG PAR BRTZAMS PA NA, RGYAL BU CHUNG DU DE'I ZHAL NAS, KHRI SRONG LDE BTZAN RGYA TSA LAGS, SNA RNAM ZHANG GIS CI BGYI 'TSAL, ZHES GSUNGS NAS RANG LA RANG GIS KHRI SONG LDE BTZAN ZHES MTSAN BTAGS, RGYA ZA'I SRAS YIN PAR YONGS SU GRAGS PAR BYAS, DE NAS RGYAL BU CHUNG DU DES SNGAR YAB MES BKA' DRIN CAN DE DAG GIS BOD 'DIR SANGS RGYAS KYI BSTAN PA BTZUGS PA DA LTA MING TZAM YANG MED PA 'DI THABS GANG ZHIG BYAS NA GSO BAR NUS SNYAM DU DE 'BA' ZHIG SEMS PAR MDZAD DO, ,DE NAS DUS NAM ZHIG NA RGYAL POS SPA GSAL SNANG LA SOGS PA KHA SHAS RGYA YUL DU RGYAL BA'I BKA' 'TSOL DU BTANG, DE DAG GIS KYANG RGYAL PO'I BKA' BZHIN RTZOL BA CHEN POS PHYIN TE RGYA NAG NAS RGYAL BA'I BKA' MANG PO SPYAN DRANGS, RGYAL PO'I SKU MDUN DU SLEBS KYANG SDIG BLON RNAMS DBANG CHE BAS RGYAL BA'I BKA' MTSAN TZAM YANG 'DON DBANG MED PAS RE SHIG BKA' RNAMS BRAG LA SBAS, DE NAS RGYAL BUS GSAL SNANG DANG GROS BYAS TE GSAL SNANG GIS RGYA GAR DU PYIN NAS RGYAL BA'I BKA' DANG DE'I DON STON PA'I PAndI TA 'TSOL RTZIS DANG, BDUD BLON RNAMS KYI SNANG NGOR MANG YUL SKYID GRONG GI DPON DU BSKOS TE BTANG, DE NAS GSAL SNANG GIS RGYA GAR DU PHYIN TE RDO RJE GDAN GYI MAH'A BO DHI DANG SHR'I NA LANDRAR MCHOD PA PHUL BAS ME TOG GI CHAR BABS, BYANG CHUB KYI SHING LAS 'O MA'I RGYUN BABS SHING DGE'O ZHES PA'I SGRA 'OD DANG

, ,BCAS PA BYUNG, DE NAS GSAL SNANG BAL YUL DU BYON PAS BAL RJE'I MCHOD GNAS SU MKHAS SHING GRUB PA'I PAn CHEN SHANT'A RAKshI TA BZHUGS PA MANG YUL SKYID GRONG DU SPYAN DRANGS, BZHUGS GNAS SU GTZUG LAG KHANG GNYIS BRTZIGS, SLOB DPON LA SEMS BSKYED ZHUS PAS, SEMS BSKYED ZHU BA LA YON DGOS GSUNGS, GSER DNGUL SOGS RIN PO CHE DANG, DAR ZAB SNAM GOS SOGS YO BYAD CI YOD PHUL BAS DA DUNG PHUL CIG GSUNGS, DA LUS LA BCINGS PA'I SKA RAGS GCIG MIN PA MED ZHUS PAS DE YANG PHUL CIG GSUNGS NAS PHUL, SEMS BSKYED ZHUS ZIN PA NA SLOB DPON GYIS 'BUL BA THAMS CAD CHUR GNANG NAS KHYOD DANG NGA GNYIS SKYE BA 'DI LA NGO SHES PA TZAM MA YIN; SKYE BA DU MA'I SNGA ROL NAS NGA'I DRUNG DU SEMS BSKYED PA'I SRAS KYI THU BO YIN, KHYOD KYI MING YE SHES DBANG PO BYA BAR 'GYUR RO GSUNGS NAS MGO LA PHYAG GIS BYIL BYIL MDZAD, DE NAS GSAL SNANG GIS SLOB DPON LA PHYAG BYAS TE, BOD YUL DU SANGS RGYAS KYI BSTAN PA DAR BA'I CHED DU BOD KYI RGYAL BO'I DGE BA'I BSHES GNYEN DU 'BYON PA CI GNANG, ZHES GSOL BA BTAB BAS SLOB DPON GYIS BOD NGA'I GDUL SKAL YIN, BOD KYI RGYAL PO DANG KHYOD LHAN CIG MA SKYES PAS KHYOD GNYIS KYI SKYE BA DGU'I BAR DU MANG YUL DANG ZA HOR GNYIS SU BSGUGS NAS BSDAD BA YIN, DA KHYED GNYIS KYANG NAR SON NAS DUS LA BAB PAR GDA' BAS NGAS BOD KYI RGYAL PO'I DGE BA'I BSHES GNYEN BYAS

LA YUL BYAN KAR CHU BO LO HI TA'I 'GRAM, RI HAS PU RI'I DRUNG DU BRAG DMAR BSAM YAS MI 'GYUR LHUN GYIS GRUB PA ZHES BYA BA'I GTZUG LAG KHANG GCIG KYANG BZHENGS SU GSOL, ZHES GSUNGS NAS SLOB DPON SLAR BAL YUL DU GSHEGS, GSAL SNANG BOD DU 'ONGS TE RGYAL PO'I SKU MDUN DU MCHIS NAS DBEN PA ZHIG TU CHOS BYA BAR RIGS PA DANG MKHAS PA CHEN PO SHANTA RAKshI TA ZHES BYA BA DA LTA BAL YUL NA BZHUGS YOD, BOD DU 'BYON PAR GSOL BA BTAB PAS ZHAL GYIS BZHES, PAndI TA DE'I BKA' MCHID KYANG 'DI LTAR GNANG ZHES RGYAL PO LA ZHIB TU GSOL BAS RGYAL PO'I ZHAL NAS, NGED GNYIS KYIS PAndI TA SPYAN DRANGS TE RGYAL BA'I BSTAN PA 'DZUGS PAR BDUD BLON 'DI DAG GIS SHES NA KHYOD SROG DANG 'BRAL BAR BYED CING DON CHEN PO LAS NYAMS PAR 'GYUR BAS KHYOD RE SHIG YUL DU SONG LA YIB LA SDOD CIG NGAS PA THABS KYIS DON GRUB PA ZHIG BYA'O GSUNGS NAS GSAL SNANG RE SHIG DBEN PAR BYOL, DE NAS RGYAL BO'I THABS MKHAS KYI MDZAD PA DU MAS BDUD BLON RNAMS KYI BSAM SBYOR MTHA' DAG BYE MA'I CHANGS BU LTAR ZHIG STE CHAB SRID CHOS KYIS SKYONG BA'I DUS LA BAB PA NA, RGYAL POS BLON PO RNAMS LA BKA' STZAL PA, NGA'I YAB MES RNAMS KYIS RGYAL BA'I BSTAN PA RIN PO CHE BTZUGS PA DE ZHANG MA ZHANG SOGS SDIG BLON RNAMS KYIS BSHIG ,JO BO SH'AKYA MU NE MANG YUL SKYID GRONG DU SPYUGS 'DUG PAS, DA JO BO SH'AKYA MU NE DE SPYAN DRANGS, NGED RANG RJE BLON 'BANGS DANG BCAS PA RNAMS CHOS BYED PA MI RUNG NGAM GSUNGS PAS, RGYAL PO'I BKA'

, ,BZHIN RJE BLON 'BANGS DANG BCAS PA RNAMS CHOS BYED PA LA 'CHAM NAS CHOS BYED PA LA RGYA GAR NAS 'ONGS PA'I RGYUS CAN DGOS PAS SU YOD CES GLENG BA NA, GSAL SNANG MANG YUL NAS 'ONGS PA MCHI BAS DE RJE'I SPYAN SNGAR DGUG 'TSAL ZER BA BZHIN GSAL SNANG RGYAL PO'I SPYAN SNGAR BKUG NAS BKA' STZAL PA, RGYA GAR DANG BAL YUL NA CHOS LA MKHAS PA'I PAndI TA SU YOD, DE KHYOD KYIS SPYAN DRONGS SHIG CES BSGO BA NA, GSAL SNANG GIS GSOL BA, ZA HOR RGYAL PO'I SRAS DGE SLONG SH'ANTA RAKshI TA ZHES BYA BA DA LTA BAL YUL NA MCHIS PA DE DAM PA'I CHOS DANG GTZUG LAG KUN LA MKHAS PA CIG BDOG CES GSOL PAS, RJE'I ZHAL NAS KHYOD YUL DU MA 'GRO BAR PAndI TA DE SPYAN DRANG BA'I PHYIR BA LA YUL DU SONGS LA BAL RJE LA NGA'I BKA'I SGROM BU 'DI PHUL LA PAndI TA DE NGES BAR SPYAN 'DRONGS PAR GYIS SHIG, CES MNGAGS NAS GSAL SNANG BAL YUL DU BRDZANGS, GSAL SNANG BAL YUL DU 'BYOR NAS BAL RJE LA RGYAL PO'I BKA'I SGROM BU PHUL NAS BO DHI SATVA BOD YUL DU SPYAN 'DREN PAR CHAD, RIM GYIS MANG YUL DU PHEBS PA NA BOD NAS RGYAL POS PHEBS BSUR KHANG LANG 'GRO SNAR DANG, GNYER STAG TSANG LDONG GZIGS, SBRANG RGYAR LEGS GZIGS GSUM BTANG PA 'BYOR, DE NAS RIM GYIS PHEBS TE RGYAL PO'I PHO BRANG DU PHEBS SU NYE BA NA, GSAL SNANG GIS SNGON LA PHYIN NAS RGYAL PO LA PHYAG PHUL, PAndI TA BYON YOD PA'I LO RGYUS RNAMS GSOL BAS RGYAL PO

DGYES TE GSAL SNANG KHAMS BZANG ZHING PAndI TA BDE BAR BYON PA LEGS ZHES RGYAL POS BKUR STI BGYIS PA NA ZHANG BLON DAG NA RI, RGYA BAL GYI MNGAN SNGAGS MKHAN YANG MANG PO 'ONG BAS SNGON LA RTOG DPYOD MDZAD PA LEGS ZER, SANGS SHI SOGS 'GA' ZHIG GIS BRTAGS KYANG A'A TZARYA'I SKAD MA GO, KHA CHE AA NAN TA LA LO TZ'A BCOL NAS DRIS PAS, SLOB DPON GYI ZHAL NAS, LHA DKON MCHOG MCHOD, DAM TSIG DANG SDOM PA LA GNAS, GTZO BOR SEMS CAN LA PHAN PA 'BA' ZHIG BYED GSUNGS, BLON PO DE DAG GIS RGYAL PO LA AA TZARYA 'DI SPYOD PA KHYAD PAR DU 'PHAGS PA 'DUG PAS THUGS 'PHRIG BYA MI 'TSAL ZHES GSOL NAS PHO BRANG DU SPYAN DRANGS, PHO BRANG GI CHAB SGOR BYON PA NA PHO NYAS RGYAL PO LA SLOB DPON SGO NA BYON NO ZHUS PAS, RGYAL POS GSER PHYE BRE GANG PHYAG RTEN DU PHUL NAS PHYAG BYAS ZHABS SPYI BOR BLANGS TE BYIN RLABS ZHUS PA NA, SLOB DPON GYI ZHAL NAS, RGYAL PO CHEN PO, KHYOD KYIS KHO BO MKHYEN NAM GSUNGS PAS, RGYAL POS SLOB DPON DANG SDAN CHAD ZHAL MA 'DZOM LAGS ZHUS PAS, SLOB DPON GYI ZHAL NAS, SNGON SANGS RGYAS 'OD SRUNGS KYI BSTAN PA LA GTZUG LAG KHANG GI RGYAN BSRUNG BA'I BYIS PA GSUM GYIS BYE MA'I MCHOD RTEN BYAS TE SMON LAM BTAB PA, MA 'ONGS PA NA NGAS PAndI TA BYA BA, KHYOD KYIS MTHA' 'KHOB KYI RGYAL PO BYA BA, GSAL SNANG GIS BRDA SBYOR GYI BANG PHYIN PA BYAS LA MTHA' 'KHOB KYI RGYAL KHAMS SU DAM PA'I CHOS DAR BAR BYED PA'I SMON LAM BTAB PA MNYEL LAM

, ,GSUNGS, RGYAL PO'I ZHAL NAS, DE MAD BDAG SGOM YUN THUNGS PAS LAN ZHES GSOL, DE NAS RGYAL POS BOD DU SANGS RGYAS KYI BSTAN PA DAR BAR GSOL BA BTAB NAS BRTAG BA ZHUS PA NA, SLOB DPON GYIS, NGED AA TZA RYA BYA BA RTEN 'BREL BRTAG PA LA MKHAS PA YIN, RGYAL PO KHYOD KYIS MGO LA THOD BCINGS PA DANG SBYAR NA STONG DU MNGA' RIS ZHVA TZAM ZHIG, ZHABS LA LHAM GSOL BAS SMAD DU MNGA' RIS LHAM TZAM ZHIG LA CHOS KHRIMS CHAGS, SKA RAGS MA BCINGS PA DANG SBYAR NA BAR DU RGYAL KHRIMS MYUR DU 'JIG NYEN YOD, 'ON KYANG RIN PO CHE'I PHYAG RTEN PHUL BAS RGYAL BA'I BSTAN PA 'DZUGS BTUB GSUNGS, DE NAS SLOB DPON GYIS PHO BRANG RLUNG TSUBS SU ZLA BA BZHIR DGE BA BCU KHAMS BCO BRGYAD RTEN 'BREL BCU GNYIS KYI CHOS BSHAD PAS, BOD KYI LHA SRIN KHROS TE 'PHANG THANG CHUS KHYER, DAM RO RIL THOG RGYAB, MI NAD PHYUGS NAD BYUNG BAS BOD 'ANGS YA LOG NAS CHOS BYAS PAS LAN ZER BA NA, RGYAL PO KHRI SRONG LDE BTZAN GYIS MKHAN CHEN BODHI SATVA'I ZHABS LA DBU GTUGS TE BSHUM BZHIN DU BOD BSOD NAMS DMAN PAS NAG PHYOGS KYI MI MA YIN RNAMS KYIS BAR CHAD 'DI 'DRA BYAS, BOD KYI RNAMS KYANG 'DI SKAD ZER BAS SLOB DON RE SHIG BAL YUL DU GSHEGS NAS SLAR 'BYON DGOS ZHES ZHUS TE SLOB DPON BLA YUL DU BYON, DE NAS RING ZHIG

NAS SPA GSAL SNANG RGYA YUL DU CHOS 'TSAL DU BTANG, SANG SHI LA SOGS PA SUM CU MKHAN CHEN ZHI BA 'TSO SPYAN 'DREN DU BTANG NGO, ,DE'I TSE RGYA NAG TU HA SHANG ZHIG NA RE, DA ZLA BA DRUG ZHAG DRUG NA 'PHAGS BA RTA SKAD KYI SPRUL PA 'DI 'DRA ZHIG 'ONG ZHES 'DRA 'BAG BYAS SHING, SANG SHI RGYA NAG TU SLEB PA DANG RGYA RJES BYA DGA' BYIN, HA SHANG LA BSGOM LUNG BLANGS TE SLAR BOD DU 'KHOR BA NA RGYAL PO LA SKYES PHUL LO, ,DE NAS RGYAL POS SANG SHI LA A'A TZARYA DA DUNG SPYAN MA 'DRONGS PAS KHYOD SONGS SHIG GSUNGS, DES BAL BOR PHYIN NAS MKHAN CHEN ZHI BA 'TSO SPYAN DRANGS TE BRAG DMAR 'BRIN BZANG DU PHEBS NAS RGYAL PO LA, BOD KYI LHA SRIN MA THUL BAS CHOS BYED DU MI STER ZHING BTZAN PO SKU TSE THUNG BA YANG DES LAN PAS, MI MA YIN GDUG PA CAN RNAMS 'DUL BA LA SLOB DPON PADMA SAMBHA WA ZHES BYA BA MTHU RTZAL DANG LDAN PA ZHIG YOD PAS DE SPYAN BDRONGS SHIG GSUNGS PA NA, BTZAN POS RMI LAM DU BYUNG BA SKAD BGYIS TE, SBA MANG RJE GSAL SNANG LOGS MI LNGA SPYAN 'DREN DU BTANG BAS, SLOB DPON GYIS MKHYEN TE MANG YUL GUNG THANG DU BYON PA DANG MJAL NAS RIM GYIS LHA SRIN GDUG PA CAN RNAMS DAM LA 'DOGS SHING BYIN TE, HA SA PO RIR PHYAG PHEBS TE BTZAN PO DANG MJAL, MAL GRO PHUR BYON NAS BOD KYI LHA SRIN THAMS CAD DAM LA BTAGS SO, ,DE NAS MKHAN CHEN

, ,BO DHI SATVA DANG, SLOB DPON PADMA SAMBHA WA GNYIS KYIS SA CHOG MDZAD DE AO T'ANTA P'U RI'I GTZUG LAG KHANG LA DPE BLANGS NAS RI RAB GLING BCU GNYIS, NYI ZLA ZUNG GCIG ,MTHA' LCAGS RIS BSKOR BA'I BKOD PA MDZAD DE ME MO YOS BU'I LO LA RMANG BTING, SA MO YOS LA TSAR NAS MKHAN CHEN BO DHI SATVA DANG SLOB DPON PADMA SAm BHA WAS RAB GNAS MDZAD DGA' STON BYAS TE, LUG GI LO LA THAMS CAD YOD SMRA'I SDE PA'I DGE SLONG BCU GNYIS SPYAN DRANGS TE BOD LA RAB BYUNG BTUB MI BTUB SAD PA'I PHYIR YE SHES DBANG PO LA SOGS PA MI BDUN RAB TU PHYUNG BA NA, RAB TU BYUNG MA THAG TU DE DAG LA MNGON PAR SHES PA LA SOGS PA'I YON TAN BSAM GYIS MI KHYAB PA DANG LDAN PAR GYUR, BDUN PO DE LA SAD MI MI BDUN ZHES GRAGS SO, ,DE NAS CHOS RGYAL KHRI SRONG LDE BTZAN GYIS GANGS RI'I KHROD 'DIR MKHAN CHEN ZHI BA 'TSO'I MKHAN RGYUD THAMS CAD YOD PAR SMRA BA'I LUGS 'DI DAR ZHING RGYAS LA YUN RING DU GNAS PA ZHIG BYUNG NA CI MA RUNG SNYAM DU 'DI'I MKHAN RGYUD 'PHAGS PA SH'A RI'I BU, SGRA GCAN ZIN, KLU SGRUB, LEGS LDAN 'BYED, DPAL SBAS, YE SHES SNYING PO, MKHAN PO BO DHI SATVA RNAMS BSAM YAS KYI GYANG RIS LA 'GOD PAR MDZAD DO, ,DE NAS CHOS RGYAL KHRI SRONG LDE BTZAN GYIS MKHAN CHEN PO DHI SATVA RNYED BKUR TSAD MED PAS MCHOD CING BOD KHAMS 'DIR SANGS RGYAS KYI BSTAN PA RGYA CHER SPEL BAR ZHUS TE, DE'I 'PHRIN LAS KYI GROGS SU LO TZ'A MKHAS PA

YANG MANG DU BSLABS RGYA GAR NAS SLOB DPON BI MA LA MI TRA DANG, SLOB DPON SANGS RGYAS GSANG BA SOGS MKHAS SHING GRUB PA'I PAndI TA CHEN PO MANG DU SPYAN DRANGS, RGYAL BA'I BKA' DANG BSTAN BCOS MTHA' YAS PA BSGYUR, GANG BSGYUR BA'I CHOS DE DAG THAMS CAD LA LO CHEN MKHAS PA RNAMS KYIS ZHUS TIG YANG DAG PAR BYAS, DE DAG THAMS CAD KYANG CHOS RGYAL NYID KYI SPYAN LAM DU PHAB NAS CHOS LTAR BCOS PA'I BSRE BSLAD PHRA MO'ANG MED PAR MDZAD, BOD KHAMS THAMS CAD LA KHRIMS 'DI LTAR BSGRAGS TE, BOD KYI MNGA' 'OG NA GNAS PA THAMS CAD KYIS DAM PA'I CHOS TSUL BZHIN DU BYA BA DANG, RGYAL BA'I BSTAN PA LA RAB TU BYUNG BA RNAMS LA BLA LHAG TU GUS PAR BYA BA DANG, CHOS BYED BA RNAMS KYIS KYANG MKHAN CHEN BODHI SATVAS BOD KHAMS 'DIR RGYAL BSTAN GYI SROL JI LTAR GTOD PA LTAR 'DUL BA'I BCAS KHRIMS RNAM PAR DAG PAS GZHI BZUNG NAS SPYOD PA RNAM PAR DAG PA DANG, 'PHAGS PA KLU SGRUB KYIS RGYAL BA'I DGONGS BA JI LTAR BKRAL BA'I LTA BA RNAM PAR DAG PA DE KHO NA BZHIN BYA DGOS PA'I BKA' KHRIMS BSGRAGS SO, ,DE LTAR MKHAN CHEN BO DHI SATVAS RGYAL BSTAN NYIN MO LTAR GSAL BAR MDZAD NAS SKU'I BKOD PA BSDU BA LA PHYOGS PA NA CHOS RGYAL KHRI SRONG LDE BTZAN LA 'DI LTAR BKA' STZAL TE, BOD DU MU STEGS NI MI 'BYUNG GIS, SANGS RGYAS KYI BSTAN PA NYID KHA GNYIS SU GYIS TE RTZOD PAR 'GYUR BAS, DE'I TSE NGA'I SLOB MA KA MA LA SH'I LA SPYAN DRONGS LA RTZOD PA BYED DU CHUG CIG ,

, ,RTZOD PA BYAS PAS RTZOD PA CHOS PHYOGS SU ZHI BAR 'GYUR RO, ,ZHES LUNG BSTAN TE ZHI BAR GSHEGS SO, ,DE NAS DUS NAM ZHIG NA MKHAN CHEN ZHI BA 'TSOS JI LTAR LUNG BSTAN PA BZHIN RGYA NAG GI HVA SHANG LTA BA LOG PA 'DZIN PA ZHIG BYUNG NAS DE'I LUGS DAR TE LUS NGAG GI CHOS SPYOD DGE BA BYAS PAS SANGS MI RGYA, BYAR MED LA GNAS NA SANGS RGYAS ZER NAS CHA DE LTA LA ZHEN TE DGE SBYOR MI BYED, 'OD PHAL CHER DE LA DGA' STE DE'I LUGS SLOB, DPAL DBYANGS DANG; SBA RATNA LA SOGS PA NYUNG SHAS SHIG MKHAN CHEN BODHI SATVA'I LUGS BYED PAS LTA SPYOD MA MTHUN TE RTZOD PA LA, BTZAN POS MKHAN CHEN BODHI SATVA'I LUGS BZHIN DU LTA SPYOD GYIS SHIG GSUNGS PAS, STON MUN PA RNAMS KHROS TE CHU GRI RNON PO RE BSREL ZHING TZEN MIN PA RIL GSOD ZER BAS RGYAL PO THUGS MA BDE NAS, YE SHES DBANG PO 'BOD DU BTANG PAS LAN GNYIS SU MKHUGS NAS GSUM PA LA MA KHUGS NA GSAD BAR BYAS TE BTANG BAS, BRAG PHUG 'DOM BCU GNYIS PA DPYANG THAG LA 'GRO DGOS PA ZHIG TU PHYIN TE GSHEGS PAR ZHU, MI GSHEGS NA BDAG GSOD DU 'ONG BAS LCE BA BYAS PAS BYON TE RGYAL PO LA BDAG DGUG MI 'TSAL, MKHAN PO'I ZHAL CHEMS 'DI LTAR BDOG ZHUS PAS RGYAL PO MNYEL BSOS TE SLOB DPON KA MA LA SH'I LA SPYAN 'DREN PA'I PHO NYA BTANG, DE HVA SHANG GIS TSOR NAS YUM RGYAS PA LA SOGS PA MDO SDE ZAB MO RNAMS SPYAN DRANGS TE BSHAD PA BSLABS, BSTAN BCOS LA CHOS BYA MI DGOS NYAL BAS CHO GA

CES STON PA BSAM GTAN NYAL BA'I 'KHOR LO, DE LA RTZOD PA SPONG BA BSAM GTAN GYI LON, YANG LON GNYIS, DE RIGS PAS BSGRUB PA LTA BA'I RGYAB SHA ,LUNG GIS BSGRUB PA MDO SDE BRGYAD CU KHUNGS LA SOGS PA BYAS, MDO SDE DGONGS PA NGES 'GEL RANG GI LTA SPYOD DANG 'GAL BAR MTHONG NAS RDOG PAS GRIL LO, ,DE'I TSE YE SHES DBANG POS MKHAN PO'I DGONGS PA 'DI BZHIN YIN ZHES SNYAN DU GSOL BAS BTZAN PO DGYES TE KHYOD NGA'I A'A TZARYA ZHES GSUNG NGO, ,DE NAS KA MA LA SH'I LA BYON PA DANG, BTZAN PO GUNG LA BZHUGS, HVA SHANG G-YAS GRAL DU BYAS, SLOB DPON G-YON GRAL DU BYAS TE RTZEN MIN RNAMS DE'I MJUG 'THUD, BTZAN POS GNYIS KA'I LAG TU ME TOG PHRENG BA GTAD DE KHYED GNYIS GSHAGS GYIS LA GANG RGYAL BA LA PHAM BAS ME TOG PHRENG BA PHUL CIG ,PHAM PA DE 'DIR MA SDOD CIG BKA' STZAL PA DANG, HVA SHANG NA RE LAS DGE DANG MI DGE SPYAD NA MTHO RIS DANG NGAN SONG DU 'GRO BAS 'KHOR BA LAS MI THAR ZHING SANGS RGYAS THOB PA LA BSGRIB PA YIN, DPER NA SPRIN DKAR NAG GANG GIS KYANG NAM MKHA' LA BSGRIB PA DANG 'DRA, GANG ZHIG CI LA YANG MI SEMS, CI YANG MI BSAM PA DE 'KHOR BA LAS YONGS SU THAR BAR 'GYUR RO, ,CI LA YANG MI SEMS MI RTOG MI DPYOD PA NI MI DMIGS PA YIN PAS, CIG CAR DU 'JUG PA NI SA BCU PA DANG 'DRA'O, ,ZER RO, ,KA MA LA SH'I LA'I ZHAL SNGA NAS, DE LTAR CI LA YANG MI BSAM ZER BA DE NI SO SOR RTOG PA'I SHES RAB SPANGS PA YIN NO, ,YANG DAG PA'I YE SHES

, ,KYI RTZA BSO SOR RTOG PA'I SHES RAB YIN PAS, DE SPANGS PAS 'JIG RTEN LAS 'DAS PA'I SHES RAB KYANG SPANGS PAR 'GYUR RO, ,SO SOR RTOG PA'I SHES RAB MED NA RNAL 'BYOR BA THABS GANG GIS RNAM BAR MI RTOG PA LA GNAS, GAL TE CHOS THAMS CAD DRAN PA MED CING YID LA BYA BA MED PA YIN NA, NYAMS SU MYONG BA THAMS CAD MI DRAN ZHING, YID LA MI BYA BAR MI NUS SO, ,GAL TE BDAG GIS CHOS DRAN BAR MI BYA'O SNYAM NA DE SHIN TU DRAN BA YID LA BYAS BAR 'GYUR RO, ,DRAN BA MED BA TZAM PO LA BYED NA BRGYAL BA'AM, 'BOG BA'I DUS SU RNAM PAR MI RTOG PAR 'GYUR RO, ,YANG DAG BA'I SO SOR RTOG PA MED BAR MI RTOG BA LA 'JUG PA'I THABS MED DO, ,DE DRAN BA TZAM BO BKAG KYANG YANG DAG BA'I SO SOR RTOG PA MED NA CHOS THAMS CAD NGO BO NYID MED BA LA JI LTAR 'JUG NUS, STONG BA NYID MA RTOGS BAR SGRIB BA SPANGS BAR MI 'GYUR BAS NA'O, ,DES NA YANG DAG BA'I SHES RAB KYIS PHYIN CI LOG GI SNANG BA RGYANG BSRINGS PA YIN NO, ,DES NA DRAN BZHIN DU MI DRAN BYAR MI RUNG NGO, ,DRAN PA DANG YID LA BYA BA MED PAR SNGON GYI GNAS RJES SU DRAN BA DANG THAMS CAD MKHYEN BAR JI LTAR 'GYUR, NYON MONGS BA YANG JI LTAR SPONG, DE BAS NA YANG DAG BA'I SHES RAB KYIS DON NGES BAR RTOGS PA'I RNAL 'BYOR BAS DUS GSUM PHYI NANG STONG BAR RTOGS NAS RTOG BA NYE BAR ZHI STE LTA BA NGAN BA THAMS CAD SPANGS, DE BRTAN NAS THABS SHES RAB LA MKHAS PAS SGRIB PA

THAMS CAD BSAL NAS SANGS RGYAS KYI CHOS THAMS CAD THOB PAR 'GYUR RO, ,ZHES GSUNGS SO, ,DE NAS BTZAN BO'I ZHAL NAS, 'KHOR KUN GYIS KYANG MCHID GSHAGS THOB CIG GSUNGS, DE NAS SPA YE SHES DBANG POS CIG CAR 'JUG BYA BA DANG, RIM GYIS 'JUG BYA BA GNYIS DPYOD DGOS TE, RIM GYIS 'JUG NA RGYU MA MCHIS PAS, NGED DANG MI 'DRA CIG CAR 'JUG NA KHYED DA RUNG CI BYED, DANG BO NAS SANGS RGYAS NA CI NYES, DE BAS NA RI LA 'DZEG BA'ANG GOM PA RE RES 'DZEG DGOS TE, GOM PA GCIG GIS BGROD MI NUS PA LTAR, SA DANG PO THOB PA'ANG DKA' NA, THAMS CAD MKHYEN PA LTA CI SMOS, NGED TZE NA MIN GYI LUGS KYIS GSUNG RAB KUN LA SHES RAB GSUM GYIS SBYANGS PAS DON MA NOR BAR SHES, CHOS SPYOD BCU LA BSLABS TE BSGOMS BAS BZOD PA THOB, SA DANG PO SKYON MED PA LA ZHUGS TE SA BCU RIM GYIS SBYANGS PAS TSOGS GNYIS RDZOGS NAS 'TSANG RGYA BA YIN, KHYAD LTAR NA TSOGS MA RDZOGS, BLO MA SBYANGS BAR 'JIG RTEN GYI BYA BA YANG MI SHES NA SHES BYA THAMS CAD SHES PAR JI LTAR 'GYUR, CI YANG MA BYAS PAR NYAL BAS ZAN YANG MI MYONG STE, LTOGS TE 'CHIN SANGS RGYAS GA LA 'GRUB, MA BRTAGS MA DPYAD PAR GOM PA BOR YANG BRDEGS 'CHOS NA CHOS GA LA RTOGS ZHES BYA BA LA SOGS PA RGYAS PAR SMRAS PAS, STON MUN BAS LAN SMRA BAR MA NUS TE ME TOG PHRENG BA SLOB DPON LA PHUL TE PHA MA BLANGS SO, ,DE'I TSE CO RMA RMA LA SOGS PA MYA NGAN SKYES TE RANG GI

, ,RTEN RDOS BRDUNGS TE SHI ZHES GRAGS SO, ,DE NAS BTZAN POS DA PHYIN CHANG LTA BA KLU SGRUB KYI LUGS BZUNG, SPYOD PA CHOS SPYOD BCU DANG PHA ROL PHYIN BSLOBS, STON MUN GYI LUGS BYED DU MI DBANG NGO ZHES BKA' STZAL TE HVA SHANG RGYA'I YUL DU RDZANGS, DPE RNAMS BSDUS TE GTER DU SBAS SO, ,DE LTAR MKHAN CHEN ZHI BA 'TSO DANG MKHAS MCHOG KA MA LA SH'I LA GNYIS NI BOD KHAMS BSTAN PA'I SGRON ME YIN PAS BKA' DRIN MTSUNGS PA MED PA ZHIG GO ,DE NAS CHOS RGYAL KHRI SRONG LDE BTZAN GYIS, MKHAS MCHOG KA MA LA SH'I LA LA BOD KHAMS SU BSTAN PA LA DAG THER MDZAD NAS LTA BA LOG PAR SMRA BA RNAMS SUN PHYUNG BA BKA' DRIN CHE ZHES GUS PAS MCHOD PA TSAD MED PA MDZAD CING LUNG DANG RIGS PA DRI MA MED PAS LTA NGAN LOG PAR SMRA BA BKAG BA DE LTAR PHYIS RABS KYI GDUL BYA'I DON DU YI GER 'KHOD PA ZHIG DGOS ZHES BSKUL BA LTAR MKHAS MCHOG KA MA LA SH'I LAS DBU MA SGOM RIM GSUM MDZAD, SLAR YANG CHOS RGYAL KHRI SRONG LDE BTZAN GYIS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA LEGS PAR BKRAL BA'I DBU MA'I LTA BA MTHAR THUG PA 'DI 'JIG RTEN 'DIR YUN RING DU GNAS PAR BYA BA'I PHYIR RIGS BAS GSAL BAR MDZAD BA'I BSTAN BCOS ZHIG MDZAD DGOS PAR BSKUL TE, MKHAS MCHOG KA MA LA SH'I LAS DBU MA'I LAM BZANG GSAL BAR STON PA'I BSTAN BCOS DBU MA SNANG BA MDZAD DO, ,DES NA BYANG CHUB LAM RIM LA NYAMS LEN SNYING BOR

BYA 'DOD PA RNAMS KYIS SLOB DPON ZHI BA 'TSO YAB SRAS KYIS MDZAD PA'I DBU MA RGYAN RTZA 'GREL DANG, DBU MA SGOM RIM GSUM PO 'DI DAG LA YANG DANG YANG DU BLTAS TE, LAM GYI RIM PA'I GNAD RNAMS LA NGES PA GTING TSUGS PAR BRNYED PAR BYA'O,, ` ,,LAM MCHOG SHER PHYIN RGYAS MDZAD SENG BZANG ZHABS, ,ZHES BSNGAGS PA, SLOB DPON SENG GE BZANG PO NI, SNGON YUN RING BO NAS THUGS BSKYED DE RGYAL SRAS KYI SPYOD PA RLABS PO CHE LA BSLABS NAS; ZHING 'DIR RGYAL BA'I BSTAN PA'I SNYING PO SHER PHYIN GYI MAN NGAG SPEL PHYIR BSAM BZHIN DU BYON PA ZHIG STE, DE YANG SLOB DPON 'DI RGYAL RIGS SU SKU 'KHRUNGS, SNGON GYI CHOS 'BYUNG 'GA' ZHIG TU SLOB DPON 'DI MA'I LTO NA GNAS PA'I TSE MA LA SENG GE'I GNOD PA BYUNG STE MA'I LUS SENG GES ZOS KYANG LTO NA GNAS PA'I KHYE'U SENG GES MA ZOS PAR BDE BAR SKYES PAS SENG GE BZANG PO ZHES BTAGS PAR BSHAD, DE NAS NAR SON BA NA KHYIM GYI 'DU 'DZI LA MA CHAGS PAR RGYAL BA'I BSTAN PA LA RAB TU BYUNG STE BSLAB GZHI YONGS SU RDZOGS BA DGE SLONG GI SDOM BA BZHES, RANG DANG GZHAN GYI GRUB PA'I MTHA' THAMS CAD LA SBYANGS PAS MKHAS PA'I PHUL DU PHYIN PAR GYUR, KHYAD PAR SHER PHYIN GYI DON 'TSOL BA LA BYANG CHUB SEMS DPA' RTAG TU DU LTAR LUS DANG SROG LA'ANG MI LTA BAR BRTZON PA CHER MDZAD DE SHES RAB KYI PHA ROL TU PHYIN PA'I MDO SDE RIN PO CHE'I DON THEG PA GSUM GA'I LAM GYI RIM PA'I LUS YONGS SU RDZOGS PA LA

, ,NGES BA GTING TSUGS PA GZHAN GYIS DKRI BAR MI NUS PA ZHIG NAM ZHIG NA 'ONG SNYAM DU DE 'BA' ZHIG 'TSOL BA LHUR MJAD DO, ,DE'I TSE MKHAN CHEN ZHI BA 'TSO BSTAN PA'I BDAG POR BZHUGS PAS MKHAN CHEN ZHI BA 'TSO BSAM SBYOR GNYIS KYIS TSUL BZHIN DU BSTEN TE, RJE BTZUN BYAMS PA NAS BRGYUD PA'I SHER PHYIN GYI MAN NGAG 'PHAGS PA THOGS MED SKU MCHED GNYIS DANG, 'PHAGS PA GROL SDE'I GZHUNG RNAMS LA ZHIB TU SBYANGS SHING, RGYAL BA'I DGONGS PA DPAL MGON 'PHAGS PA KLU SGRUB KYIS BKRAL BA'I DBU MA'I GZHUNG RNAMS LA'ANG ZHIB TU SBYANGS, YANG DAG PAR RDZOGS PA'I SANGS RGYAS NAS RJE BTZUN BYAMS PA MGON BO DANG, DE NAS THOGS MED SKU MCHED LA RIM GYIS BRGYUD PA'I RGYA CHE BA'I LAM GYI RIM BA'I MAN NGAG RNAMS DANG, RDZOGS PA'I SANGS RGYAS NAS RJE BTZUN 'JAM PA'I DBYANGS, DE NAS DPAL MGON 'PHAGS PA KLU SGRUB YAB SRAS LA RIM GYIS BRGYUD PA'I ZAB MA'I LAM GYI RIM PA'I MAN NGAG RNAMS RDZOGS PAR GSAN, JI LTAR GSAN BA'I DON LAM GYI RIM PA'I GNAD RNAMS LA YANG DANG YANG DU SEMS PA DANG, 'JAL BA DANG, RTOG PA DANG, RANG GI RGYUD LA 'DRIS PAR BYA BA'I PHYIR DMIGS RNAM GOMS PA LHUR LEN PA RNAMS LA 'BAD DE RGYAL BA'I BSTAN PA'I SNYING PO THEG PA GSUM GA'I LAM GYI RIM PA'I LUS YONGS SU RDZOGS PA LA MYONG BA KHYAD BAR CAN 'KHRUNGS, DE NAS SKAL BA DANG LDAN PA STONG PHRAG MANG PO DAG LA SHER PHYIN GYI GDAMS,

NGAG 'DOMS PAR MDZAD, DA DUNG RGYAL BA'I BSTAN PA LA BYA BA RGYA CHER MDZAD BZHENG NAS, MKHAN CHEN ZHI BA 'TSO LA RJE BTZUN BYAMS PA'I SGRUB THABS ZHUS NAS BSGRUBS PAS, RMI LAM DU DGE SLONG GUR KUM GYI MDOG CAN SPYOD LAM MDZES PA CIG RMIS TE, SHAR PHYOGS KHA SARB'A nIR SONGS SHIG ,CES LUNG BSTAN TO, ,JI LTAR LUNG BSTAN PA LTAR DER SONG NAS ZHAG GSUM DU SMYUNG GNAS BYAS TE RMI LAM BRTAGS BAS THO RANGS KYI RMI LAM NA, AO T'ANTA P'U RI BI DH'A RA'I GANDHO LA'I STENG GI NAM MKHA' LA SPRIN PHUNG THUG PO ZHIG GI GSEB NA LHA'I LUS STOD SPRIN GYI GSEB NAS BYUNG NAS MCHOD RDZAS SNA TSOGS KYIS MCHOD PA MTHONG STE, CI BYED DRIS PAS, RJE BTZUN BYAMS MGON BRGYAD STONG PA GSUNG BA LA MCHOD PA BYED PA YIN ZER TE, RING DU BLTAS PAS RJE BTZUN ZHAL GSER MDOG CAN SPYI GTZUG MCHOD RTEN GYIS SPRAS PA PHYAG G-YAS CHOS 'CHAD KYI PHYAG RGYA MDZAD PA ZHIG MTHONG NAS PHYAG DANG MCHOD PA BYAS TE, NYID KYI BSTAN BCOS LA DENG SANG 'GREL BA MANG DU MCHIS NA GANG GI RJES SU 'JUG PAR BGYI ZHES ZHUS PAS, THAMS CAD KYI GZHUNG LEGS PAR RTOGS LA 'THAD PA BSDUS TE KHYOD KYIS PHYOGS GCIG TU BSDUS LA RTZOMS SHIG CES GNANG BA THOB BO, ,MNAL SAD DE MCHOD PA BYAS NAS BSTAN BCOS BRTZAMS PA'I SBYIN BDAG BTZAL BA'I PHYIR SHAR PHYOGS KHA SARB'A NI NAS NUB TU BYON BA NA, RGYAL BO DHARM'A BA LAS YUM 'CHAD PA LA SLOB DPON SENG GE BZANG PO MKHAS PAR THOS NAS GDAN 'DREN DU BTANG BA'I PHO NYA DANG PHRAD NAS

, ,GDAN DRANGS TE TSA BA GSUM GYI GTZUG LAG KHANG DU PHEBS TE DGE 'DUN STONG PHRAG MANG PO LA SHER PHYIN GYI MAN NGAG RGYA CHER 'DOMS PAR MDZAD, RGYAL PO DHARM'A PA LAS SBYIN BDAG BYAS NAS BYAMS MGON GYIS LUNG BSTAN PA LTAR MNGON RTOGS RGYAN GYI 'GREL BA DON GSAL DANG, MNGON RTOGS RGYAN DANG BRGYAD STONG PA SBYAR BA'I MAN NGAG BRGYAD STONG 'GREL CHEN DANG, 'PHAGS PA GROL SDES MDZAD PA'I NYI KHRI SNANG BA DANG MTHUN PAR NYI KHRI'I BSDUS DON LE BRGYAD MA DANG, YON TAN RIN PO CHE SDUD BA'I 'GREL PA RTOGS PAR SLA BA DANG, SHER PHYIN SGOM PA, TZANDRA PA'I RNAM DBYE'I TSIG LA'UR BYAS PA RNAMS MDZAD DO, ,BDAG NYID CHEN PO 'DI NI MKHYEN RABS DANG THUGS RJE MTSUNGS PA MED PA DANG, RJE BTZUN BYAMS PA MGON POS BYIN GYIS BRLABS PA'I MTHUS 'GREL PA DON GSAL NI BYANG CHUB LAM GYI RIM PA LA BLO SBYONG BA RNAMS LA SHER PHYIN GYI MDO SDE BA LTA BA'I MIG LTA BUR GYUR CING, BRGYAD STONG 'GREL CHEN NI DANG PO GNAS KHANG BYI DOR BYA BA NAS BZUNG ZHI GNAS DANG LHAG MTHONG GNYIS ZUNG DU 'BREL BA'I RNAL 'BYOR SGOM PA'I BAR SKYES BU GSUM GYI LAM GYI RIM PA'I GNAD THAMS CAD SHER PHYIN GYI MDO SDE NAS JI LTAR GSUNGS PA LTAR LAM GYI NGO BO GANG YIN PA DANG, GRANGS JI TZAM DU NGES PA DANG, GO RIM JI LTAR YIN PA'I TSUL RNAMS 'KHRUL PA PHRA MO'ANG MED PAR SHIN TU GSAL BAR STON PA DANG, DMIGS SKOR RE RE NAS GCIG NYAMS SU LEN PA'I CHE GZHAN RNAMS 'DOR

DGOS PA MIN PAR, DMIGS SKOR RE RE'I STENG DU LAM GYI LUS YONGS SU RDZOGS PAR CHA TSANG BA RE BYAMS MGON GYI MAN NGAG LA BRTEN NAS RTZAL DU BTON TE 'CHAD PA DANG, DANG PO THAR PA CHA MTHUN NAS BZUNG MTHAR RDO RJE LTA BU'I TING NGE 'DZIN GYIS GNYIS SNANG 'KHRUL BA'I DNGOS GNYEN BYAS TE RNAM PA THAMS CAD MKHYEN PA'I YE SHES THOB PA'I BAR DANG, RNAM MKHYEN THOB NAS 'PHRIN LAS NYI SHU RTZA BDUN GYI SGO NAS SEMS CAN GYI DON JI LTAR BYED PA'I BAR THAMS CAD TSANG BAR BSTAN PAS 'DZAM BU GLING PA RNAMS LA BKA' DRIN ZLA MED DU MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON SENG GE BZANG PO LA GSOL BA 'DEBS SHING, SLOB DPON 'DI'I GZHUNG RNAMS LA YANG DANG YANG DU BLTAS TE RANG GIS GANG NYAMS SU BLANG BAR BYA BA'I LAM GYI RIM PA'I GNAD RNAMS LA BDUD DANG SDIG GROGS GANG GIS KYANG YID BZHIN DU BSGYUR MI THUB PA'I NGES PA BRTAN PO RNYED PAR BYA'O,, ,, ` RGYAL BA'I MAN NGAG KUN 'DZIN KU SA LI, ,ZHES BSNGAGS PA, MCHAN DNGOS RIN CHEN BZANG PO ZHES BRJOD PA'I BDAG NYID CHEN PO 'DI RGYAL BA'I BSTAN PA LA RAB TU BYUNG NAS BSNYEN PAR RDZOGS PA DGE SLONG GI SDOM PA BZHES, SLOB DPON SENGGE BZANG PO YONGS 'DZIN DU BSTEN NAS RJE BTZUN BYAMS PA MGON PO NAS BRGYUD PA'I SHER PHYIN GYI MAN NGAG RNAMS YONGS SU RDZOGS PAR GSAN ZHING, DPAL MGON 'PHAGS PA KLU SGRUB NAS BRGYUD BA'I DBU MA'I MAN NGAG RNAMS KYANG YONG SU RDZOGS PAR

, ,GSAN, DE DUS 'DZAMBU GLING NA MKHAS SHING GRUB PA'I SKYES BU GANG DANG GANG NA BZHUGS PA PHAL MO CHE'I ZHABS LA GTUGS NAS MDO SNGAGS KYI MAN NGAG MTHA' DAG GSAN PAR MDZAD DE, RJE BTZUN BYAMS PA NAS BRGYUD PA'I MAN NGAG MTHA' DAG GSAN PA NI, BKA' GDAMS GLEGS BAM LAS, BYAMS PA THOGS MED DBYIG GNYEN RNAM GROL SDE, ,BTZUN PA GROL SDE RGYAL SRAS MCHOG GI SDE, ,RGYAL SRAS DUL BA'I SDE DANG GRAGS PA'I DPAL, ,SENG BZANG RIN CHEN BZANG DANG RIN CHEN SDE,, RTZA BA'I BLA MA MNYAM MED GSER GLING BA, ,RGYA CHEN RNAM DAG SBYOD LA PHYAG 'TSAL LO, ,ZHES GSUNGS PA LTAR RO, ,'DI'I RIN CHEN BZANG PO ZHES PA NI KU SA LI CHE BA DANG, RIN CHEN SDE ZHES PA KU SA LI CHUNG BA YIN BAR SNGON GYI CHOS 'BYUNG DAG LAS BSHAD DO, 'PHAGS PA KLU SGRUB NAS BRGYUD PA'I MAN NGAG MTHA' DAG DANG, KHYAD PAR PHA RGYUD GSANG BA 'DUS PA'I MAN NGAG RNAMS BLA MA 'DIS RIG PA'I KHU BYUG LA GSAN TE, BKA' GDAMS GLEGS BAM LAS, KLU SGRUB ZLA GRAGS RIG PA'I KHU BYUG DANG, BLA MA AA WA DHU TI CHE CHUNG GNYIS, ,LTA BA'I BLA MA LNGA LA PHYAG 'TSAL LO, ,ZHES GSUNGS PA LTAR RO, ,YE SHES ZHABS LUGS KYI MAN NGAG MTHA' DAG BLA MA 'DIS SLOB DPON SANGS RGYAS ZHI BA LA GSAN TE BKA' GDAMS GLEGS BAM LAS, SANGS RGYAS YE SHES ZHABS DANG GSANG BA PA, ,ZHI BA KU SU LU DANG KU SU LU, ,GSANG SNGAGS MA LUS BDAG LA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, ,ZHES GSUNGS PA LTAR RO, ,RNAL 'BYOR RGYUD KYI MAN NGAG RNAMS BLA MA 'DIS SANGS RGYAS ZHI BA'AM SANGS

RGYAS GSANG BA GANG RIG LAS GSAN TE BKA' GDAMS GLEGS BAM LAS, SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA DANG NI KU SU LU, ,KU SU LU ZHES KRI YA YO GA YI, ,GDAMS PA SBYIN MDZAD LNGA LA PHYAG 'TSAL LO, , ZHES GSUNGS PA LTAR RO, ,MKHAS GRUB CHEN PO SANGS RGYAS BSKYANG NAS BRGYUD PA'I MAN NGAG RNAMS KYANG 'DIS YONGS SU RDZOGS PAR GSAN TE, BKA' GDAMS GLEGS BAM LAS, MKHAS GRUB CHEN PO BUDDHA P'A LI DANG, ,SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA MNYAM MED KU SU LU, ,RTZA BA'I BLA MA DRIN CAN KU SU LU, ,BYIN BRLABS BLA MA DRUG LA PHYAG 'TSAL LO, ,ZHES GSUNGS PA LTAR RO, ,YANG BLA MA KU SA LI 'DIS THEG PA CHEN PO'I LAM GYI RIM PA'I MAN NGAG RNAMS SLOB DPON BLO GROS BRTAN PA LA YANG GSAN TE BKA' GDAMS GLEGS BAM LAS, BYAMS PA THOGS MED DBYIG GNYEN BLO GROS BRTAN, ,KU SU LU GNYIS BLA MA GSER GLING PA, ,BYANG CHUB MCHOG TU SEMS SKYED SBYIN MDZAD PA'I, ,DRIN CAN BLA MA BDUN LA PHYAG 'TSAL LO, ,ZHES GSUNGS PA LTAR RO, ,DE LTAR MDO SNGAGS KYI MAN NGAG MTHA' DAG KU SA LI CHE BA 'DI LA MNGA' BAS NA, DON 'DI LA DGONGS NAS RJE BDAG NYID CHEN POS, RGYAL BA'I MAN NGAG KUN 'DZIN ZHES BSNGAGS PA MDZAD DO, ,BDAG NYID CHEN PO 'DI NI RGYAL BA'I DAM CHOS MA LUS PA 'DZIN PA'I SMON LAM GYI MTHU GRUB PA ZHIG STE, 'DIS MDO SNGAGS KYI MAN NGAG MTHA' DAG GSAN NAS KU SA LI CHUNG BA LA YONGS SU

, ,RDZOGS PA GNANG, KU SA LI CHUNG BAS JO BO RJE DPAL LDAN AA TI SHA LA YONGS SU RDZOGS PAR GNANG STE JO BO MDO SNGAGS YONGS RDZOGS KYI BSTAN PA'I BDAG POR BZHUGS PA 'DI BYUNG BA YIN PAS KU SA LI ZHES BYA BA'I BDAG NYID CHEN PO 'DI NI SPYIR 'DZAM BU GLING PA THAMS CAD DANG, KHYAD PAR KHA BA CAN PA RNAMS LA BKA' DRIN MTSUNGS MED DU GYUR PA YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON KU SA LI CHE BA LA GSOL BA 'DEBS SHING SANGS RGYAS NAS BZUNG STE DAM PA BAR MA CHAD PA LAS BRGYUD PA'I LAM GYI RIM PA'I MAN NGAG RNAMS TSANG BAR THOB PAR BYAS LA DBEN PA'I GNAS SU BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,'GRO KUN BRTZE BAS RJES 'DZIN DGE BA CAN, ,ZHES BSNGAGS PA, DGE BA CAN NAM KU SA LI CHUNG BA, MTSAN DNGOS RIN CHEN SDE, RJES SU THUGS DAM NYAMS RTOGS LAS DPAGS TE MTSAN DU GSOL BA BLA MA BYAMS PA'I RNAL 'BYOR PA ZHES GRAGS PA 'DI NI, LUNG DANG RTOGS PA'I YON TAN GYIS MNGON BAR MTHO BA THUB BSTAN YONGS RDZOGS KYI BDAG BOR BZHUGS PA ZHIG STE, SKU GZHON NU NAS RGYAL BA'I BSTAN PA LA RAB TU BYUNG, BSNYEN PAR RDZOGS PA'I SDOM PA BZHES NAS SDE SNOD GSUM LA SBYANGS TE MKHAS PA'I PHUL DU PHYIN PAR GYUR CING, KU SA LI CHE BA BSAM SBYOR GNYIS KYIS TSUL BZHIN DU BSTEN TE SDE SNOD GSUM DANG RGYUD SDE BZHIS

BSDUS BA'I MAN NGAG MTHA' DAG GSAN TE YONGS SU RDZOGS PA THUGS LA CHUD PAR MDZAD, GDAMS NGAG DE DAG THAMS CAD KYANG THOS PA TZAM ZHIG TU MA LUS PAR MAN NGAG SO SO LA SBYANGS TE NYAMS LEN SNYING POR MDZAD NAS GDAMS NGAG SO SO'I NUS PA THON PAR MDZAD CING, LHAG PAR RJE BTZUN BYAMS PA NAS BRGYUD PA'I RGYA CHE BA'I LAM GYI RIM PA DANG, DPAL MGON 'PHAGS PA KLU SGRUB NAS BRGYUD PA'I ZAB MO'I LAM GYI RIM PA GNYIS LAM GYI RIM PA GCIG TU DRIL BA THEG PA CHEN PO'I LAM GYI RIM PA'I LUS YONGS SU RDZOGS PA LA CHU BO'I RGYUN BZHIN DU YUN BSRINGS NAS NYAMS LEN MDZAD PAS LAM GYI RIM PA'I RTOGS PA YONGS SU RDZOGS PA THUGS LA 'KHRUNGS SHING, DE'I NANG NAS KYANG BYAMS SNYING RJE BYANG CHUB KYI SEMS LA THUGS DAM GYI MTHIL DU MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE BCOS MA MIN PA THUGS LA 'KHRUNGS TE, BLA MA 'DI CHOS GSUNG BA'I RTZA RU MI GCIG GIS KHYI LA DBYUG PA BRGYAB PAS, BLA MA AA GSUNGS NAS 'GYEL BA LA GZHAN RNAMS KYI RTOG PA LA KHYI LA CI YANG MI STO BAR 'DUG PA LA TSUL 'CHOS RE CHE SNYAM PA BYUNG BAS, BLA MAS DE MKHYEN NAS SKU RGYAB BSTAN PAS KHYI LA BRGYAB BA'I THAD NA KHYU RE SKRANGS 'DUG PAS THAMS CAD YID CHES SO, ,DE LTAR KU SA LI CHUNG BA'AM BLA MA BYAMS PA'I RNAL 'BYOR PA ZHES BYA BA DE NI DBEN PA'I GNAS SU BYAMS SNYING RJE BYANG CHUB KYI SEMS LA THUGS DAM GTZO BOR MDZAD

, ,NAS; KVA YE PHA MAR GYUR PA'I 'GRO BA MA LUS DRANG BA'I PHYIR, ,BDAG LA YOD PA'I NYON MONGS DUG LNGA GANG DAG GIS, ,SEMS CAN RNAMS KYI DUG LNGA MA LUS DRANG BAR BYA, ,'DOD CHAGS LA SOGS MED PA'I DGE BA GANG YOD RNAMS, ,'GRO DRUG SEMS CAN RNAMS LA SNYOMS PAR BRIMS PAR BYA, ,NA TSA LA SOGS 'BRAS BUR GYUR PA'I SDUG BSNGAL GYIS, ,DE DANG RIGS MTHUN SDUG BSNGAL MA LUS DRANG BAR BYA, ,NA TSA LA SOGS MED PA'I PHAN BDE GANG YIN DE, ,'GRO DRUG SEMS CAN RNAMS LA SNYOMS PAR BRIMS PAR BYA, ,DE LTAR BYAS NA RANG NYID 'KHOR BA'I RGYA MTSO 'DIR, ,SKAD CIG TZAM YANG 'KHYAM PA'I GO SKABS GA LA SRID, ,'ON KYANG JI SRID BYANG CHUB MA THOB BAR, ,MYONG 'GYUR NYON MONGS RGYU 'BRAS JI SNYED PA, ,THAMS CAD SKYE BA 'DI LA YONGS SU RDZOGS PAR BYA, ,DE YANG NGA LO ZLA BA 'DI LA DRANG BAR BYA, ,DE YANG DE RING DA LTA NYID DU RDZOGS BYAS NAS, ,SDUG BSNGAL BRANG BRENG RAB CHAD TZAM ZHIG THABS SU BSTEN, ,BLO 'DI 'BYONGS PAR GYUR CIG BYAMS PA'I RNAL 'BYOR PA, ,ZHES BYAMS SNYING RJE BYANG CHUB KYI SEMS GYI NYAMS MGUR MDZAD CING CHU BO GANGG'A'I 'GRAM DU SGOM ZHING BZHUGS PA NA, RJE BTZUN BYAMS BA MGON PO MDUN DU BYON NAS ZHAL BSTAN TE, THOS PA TZAM GYIS NGAN 'GRO'I SDUG BSNGAL SEL BA'I GLU, ,BSAM BA TZAM GYIS 'KHOR BA'I LJON PA GCOD PA'I GLU, ,BSGOMS PA TZAM GYIS BYANG CHUB MYUR DU 'BYIN PA'I GLU, ,BYAMS PA SNYING RJE BYANG

CHUB SEMS KYI GLU 'DI MTSAR, ,NYON MONGS DUG LNGAS DAG BZHIN 'JOMS PAR RIG NA YANG, ,KHYOD KYI 'DI LTAR NA NI RGYUD LA BSTEN PA MTSAR, ,NA TSA SDUG BSNGAL KUN NAS BZOD PAR DKA' NA YANG, ,KHYOD KYI 'DI LTAR NA NI NGO MTSAR RMAD DU BYUNG, ,RANG DON YAL BAR DOR NAS GZHAN DON LHUR MDZAD TSE, ,RANG DBANG MED PAR 'KHOR BAR 'KHYAMS PA SU YI BKA', ,DES NA RANG DON BSAM PA SKAD CIG MA 'KHRIS PAR, ,GZHAN GYI MI 'DOD BDAG GIS LEN BA DAM PA YIN, , THEG PA CHEN PO'I GSUNG RAB MTHA' YAS MU MED KYANG, ,'DI RU MA 'DUS RDUL TZAM GANG YANG YOD MA YIN, ,DE PHYIR RNAL 'BYOR KHYOD KYI RDO RJE'I GLU DBYANGS 'DI, ,THOS SAM BSAM MAM BSGOM MAM BSHAD KYANG RUNG, ,'JIG RTEN LHA DANG BCAS PA'I SKYABS GNAS DAM PA STE, ,PHYOGS BCU'I RGYAL BA RNAMS KYI THUGS KYI NYING KHU DE, ,KHYOD KYI BLO LA SHAR BA NGO MTSAR SHIN TU CHE, ,ZHES THUGS SHIN TU MNYES PA'I SGO NAS DBUGS DBYUNG BAR MDZAD PAS, BYAMS SNYING RJE'I RTOGS PA RGYA CHER 'PHEL ZHING THE TSOM GYI MDUD PA GROL NAS, MTHONG THOS DRAN REG THAMS CAD LA PHAN PA'I NUS PA THOB STE, 'DI LTAR NYIN LAN GSUM MTSAN LAN GSUM DUS DANG GNAS SKABS THAMS CAD DU DRAN PA BRJED PA MA MCHIS PAR CHOS 'DI BLO LA SBYANGS SHING KHAMS BSOS RDO RJE'I GLU DBYANGS 'DI BLANGS PAS, LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE'I TSOGS DANG, SHA ZA DANG, SRIN PO LA

, ,SOGS PA MA RANG GI BU GCIG PU LA BYAMS PA BZHIN DU GUS PAR DBANG DU 'DUS PAR GYUR TO, ,GZHAN YANG YUL GYI RGYAL PO DANG, BLON PO DANG, BTZUN MO DANG, BRAM ZE DANG, KHYIM BDAG DANG, KHYE'U BU MO DMANGS RIGS LA SOGS PA THAMS CAD DBANG DU 'DUS TE, DGA' BAS RJES SU 'BRANG ZHING MTHONG BA DANG THOS PA THAMS CAD KYANG BYAMS BA'I RANG BZHIN CAN DU GYUR TO, ,GZHAN YANG RTA DANG GLANG PO DANG MA HE DANG SPRE'U DANG 'DAB CHAGS RNAMS DANG, GCAN GZAN GYI TSOGS RNAMS DANG, THA NA SROG CHAGS GROG SBUR YAN CHAD MI 'JIGS SHING, BAG PHEBS BAR RNAL 'BYOR PA'I DRUNG DU 'KHOD PAR GYUR TO, ,DE LTAR RNAL 'BYOR PA'I THUGS KYIS DGONGS NAS SLAR YANG, THOG MED DUS NAS NYE BAR 'BREL PA YI, ,PHA MAR GYUR PA'I SEMS CAN MA LUS PA, ,BYANG CHUB MCHOG LA 'GOD PA'I YI DAM BSAM, ,CHOS 'DIS BYAMS PA MGON LA MCHOD PAR BGYI, ,DE TSE RANG DON SKAD CIG MA 'KHRIS BAR, ,GZHAN DON 'BA' ZHIG SNYING LA GOMS PAR BYA, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD BAR BGYI, ,BDE SDUG BTANG SNYOMS TSOR BA CI BYUNG YANG, ,BYANG CHUB 'BYIN PA'I GROGS SU DANG DU BLANGS, ,BSKAL PA DU MAR BSOD NAMS CI GSOG KYANG, ,NYAN THOS SNGAR MA'I CHOS SU SHOR MA GYUR, ,CHOS 'DIS BYAMS PA MGON LA MCHOD PAR BGYI, ,DE TZAM ZHIG TU MI 'DOD CI BYUNG YANG, ,

BZOD PA'I GO CHA CUNG ZAD SHOR MA GYUR, ,LHAG PAR DRIN GYIS BSKYANGS PA'I SKYE BO YIS, ,LOG SGRUB BYAS KYANG 'DZUM PA'I BZHIN GYIS BSKYANGS, ,CHOS 'DIS BYAMS BA MGON LA MCHOD PAR BGYI, ,SDANG BA'I SKYE BO'I PHYOGS NAS SDIG BSAGS KYANG, ,NGAN PA'I BSAM PA SKAD CIG SHOR MA GYUR, ,SNANG SRID BDUD DANG LHA 'DRE DGRAR LANGS KYANG, ,RANG 'DOD 'KHRIS PA'I BSRUNG SKYOB BYED MA MYONG, ,CHOS 'DIS BYAMS PA MGON LA MCHOD PAR BGYI, ,NGES PAR 'CHI BA'I NAD KYIS BTAB GYUR KYANG, ,CHOS MIN DAG LA YID BRTAN 'CHA' MA MYONG, ,SER SNA GOM PAS 'BYOR PA CHUNG NA YANG, ,LOG PA'I 'TSO BAS LTO GOS BYED MA MYONG, ,CHOS 'DIS BYAMS PA MGON LA MCHOD BAR BGYI, ,NGAN PA'I GROGS KYIS KUN NAS BSKOR NA YANG, ,GNYEN PO'I RANG TSUGS GANG LA'ANG BSKYEL MA MYONG, ,MDOR NA 'GRO'AM 'DUG GAM CI BYED KYANG, ,MA BRTAGS BYA BA GANG YANG BYED MA MYONG, ,CHOS 'DIS BYAMS PA MGON LA MCHOD PAR BGYI, ,DE LTAR YIN MOD 'ON KYANG CHOS RNAMS LA, ,BDEN PAR RTOG PA RDUL TZAM YONG MA MYONG, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD PAR BGYI, ,DE LTAR SGRUB PA'I MCHOD PA DAM PA 'DI, ,RNAL 'BYOR BDAG GI BSAM PA SBYANG BA'I PHYIR, ,BYAMS PA'I DPUNG GIS YON 'DI BZHES SU GSOL, ,BZHES LA BLO 'DI 'BYONGS BAR MDZAD DU GSOL, ,ZHES RJE BTZUN BYAMS PA MGON PO LA SGRUB PA'I MCHOD PA RGYA CHER PHUL, DE'I TSE BAR

, ,SNANG LA MCHOD PA'I LHA MO LNGA DANG, SGRA DANG 'OD LA SOGS PA YID DU 'ONG BA'I MCHOD PA GZHAN YANG DPAG TU MED PA'I RNAM PA BYUNG BAR GYUR TO, ,DE'I TSE BYAMS PA'I RNAL 'BYOR PA LA BLO SBYONG 'DI ZHU BA CHES MANG DU BYUNG YANG GTZO BOR GYUR PA NI JO BO RJE NYID DE, JO BO RJE DPAL LDAN AA TI SHA THUB BSTAN YONGS RDZOGS KYI BDAG POR GYUR PA DANG, LHAG PAR BYANG CHUB KYI SEMS KYI MNGA' BDAG TU GYUR NAS KHA BA CAN GYI GDUL BYA DMU RGOD CAN MTHA' DAG BYANG CHUB KYI SEMS RIN PO CHE'I BYIN RLABS KYIS SKU MTHONG BA DANG GSUNG THOS PA THAMS CAD RANG DBANG MED PAR SEMS DUL BAR 'GYUR BA DANG, THA NA MTSAN THOS PA TZAM GYIS KYANG NYON MONGS PA'I GDUG RTZUB ZHI NAS DAD PAS CHOS LA 'DUN PAR 'GYUR BA DA LTA'I BAR DU BYIN RLABS RGYUN MA CHAD PA 'DI BYUNG BA YIN NO, ,DES NA BYANG CHUB LAM RIM LA NYAMS LEN SNYING POR BYA 'DOD BA RNAMS KYI KU SA LI CHUNG BA SKYES MCHOG BYAMS BA'I RNAL 'BYOR PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR DRAN PAR BYAS LA BYANG CHUB LAM GYI RIM PA LA BLO SBYONG ZHING KHYAD PAR BYAMS SNYING RJE BYANG CHUB KYI SEMS DGE SBYAR GYI MTHIL DU BZUNG BAR BYA'O, ,KU SA LI CHE CHUNG GNYIS PO 'DI GANG DU 'KHRUNGS PA'I YUL JI LTAR YIN PA SOGS RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O,, ` ,,BYANG CHUB THUGS LA MNGA' BRNYES GSER GLING PA, ,ZHES BSNGAGS PA, SEMS DPA'

CHEN PO GSER GLING PA CHOS KYI GRAGS PA ZHES BYA BA DE NI TSE RABS MANG POR BYANG CHUB KYI SEMS LA GOMS PAR MDZAD PAS THUGS SNYING RJE'I DBANG DU GYUR TE THEG PA CHEN PO'I BSTAN PA'I SROG 'DZIN PA'I SMON LAM RLABS PO CHE'I MTHU GRUB STE GSER GLING DU RGYAL PO'I SRAS SU SKU 'KHRUNGS, GSER GLING DE NI GLING BZHI DANG GLING PHRAN BRGYAD GANG YANG MIN ZHING, 'DZAM BU'I GLING DANG CUNG ZAD NYE PA'I PHYOGS NA MTHA' RGYA MTSOS BSKOR ZHING GSER DANG DNGUL LA SOGS PA RIN PO CHE MANG PO'I 'BYUNG KHUNGS YOD PA, PHYOGS THAMS CAD NAGS TSAL SNGON PO'I 'PHRENG BA 'KHRIGS PAS BRGYAN PA, ME TOG PADMA DANG AUTPA LA LA SOGS PA YID DU 'ONG BA MANG PO SKYE BA'I GNAS LHA'I DGA' TSAL LTA BU ZHIG YOD DE, RANG BZHIN GYI DPA' BO DANG RNAL 'BYOR MA MANG PO BZHUGS PA'I GNAS YUL NYER BZHI'I NANG NAS SU WARnA D'I PA ZHES PA DE YIN PAR GRAGS SO, ,DE 'DRA BA'I GLING DER RGYAL SRAS BDAG NYID CHEN PO 'DI RGYAL PO'I SRAS SU 'KHRUNGS NAS RING PO MA LON PAR SI NA SI NA ZHES DKON MCHOG LA SKYABS SU 'GRO BA'I TSIG RGYUN DU BRJOD PA ZHIG BYUNG, YUL DER RES SANGS RGYAS KYI BSTAN PA DANG, NGES MU STEGS DAR BA LAS DE SKABS MU STEGS DAR BA'I SKABS YIN YANG RGYAL BO'I SRAS SU SONG BAS SUS KYANG BZLOG PAR BYED MA NUS SO, ,RGYAL BU DE CHER SKYES NAS RI PHUG CIG NAS RGYAL BA SH'AKYA THUB PA'I SKU LI MA GCIG RNYED DE BYUNG, DE LA MCHOD PA SNA TSOGS BYAS PAS GLING DE SNGAR LAS BDUN 'GYUR GYIS LO

, ,LEGS BA DANG, NAD MED BA DANG GNOD PA NYUNG BA LA SOGS PA BKRA SHIS PAR GYUR TO, ,DES GSER GLING PA THAMS CAD SANGS RGYAS KYI BSTAN PA LA DAD NAS RGYAL BU 'DI CHOS 'TSOL DU BTANG BA DRAG ZER BAS RGYAL BU SHIN TU DGES NAS, 'DZAM BU GLING DU BYON PAS RDO RJE GDAN DU SRIN PO RNAMS MCHOD PA LA 'ONGS BA DANG DUS MTSUNGS PAR GYUR, DE'I TSE GANG ZAG YON TAN CAN THAMS CAD DER 'DU BA YIN BAS MKHAS PA DANG GRUB PA MANG PO 'DUS KYANG BLA MA 'DI DAM BA GZHAN LA MOS PA MA SKYES, MAH'A SHR'I RATNA LA MOS PA CHER SKYES NAS ZHAG BDUN 'GROGS NAS SLOB DPON DE MED DE SONG, RGYAL BUS PHYOGS KUN TU BTZAL CING DRIS KYANG MA RNYED PAS NGAL NAS GNYID LOG PA'I RMI LAM DU BYIS PA GNYIS GLU LEN PA LA, RANG YUL 'KHOR DANG LONGS SPYOD BOR, ,SMIN PA GCIG GIS RTZAD MA CHOD, ,RING NAS PHUNG NGAM MYUR DU PHUNG, ,RIGS DAG BZANG STE SHES RAB CHUNG, ,ZER BA RMIS, DER RGYAL BU GNYID SAD PA NA SLOB DPON MAH'A SHR'I RATNA ZHES SKYES MCHOG BYAMS PA'I RNAL 'BYOR PA CHEN PO DNGOS SU BZHUGS PA MTHONG BA NA DAD GUS TSAD MED PAS MAndAL PHUL TE GSOL BA BTAB PAS BLA MA DES DGYES BZHIN DU ZHAL GYIS BZHES NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS SDE SNOD GSUM DANG RGYUD SDE BZHIS BSDUS PA'I MAN NGAG PHAL MO CHE GSAN, KHYAD PAR DU YANG RGYAL BA'I DGONGS PA SHING RTA CHEN PO GNYIS KYIS BKRAL BA'I MAN NGAG ZAB

BA DANG RGYA CHE BA'I LAM GYI RIM PA'I LUS YONGS SU RDZOGS PA SKYES BU GSUM GYI LAM GYI RIM PA MTHA' DAG PAR GSAN PAS SNOD GCIG NAS GCIG TU BYO BA BZHIN DU THUGS SU CHUD, MTSAN YANG GSER GLING PA CHOS KYI GRAGS PA ZHES BTAGS, RGYA GAR GYI MKHAS GRUB GZHAN MANG PO LA'ANG MDO SNGAGS KYI CHOS MANG DU GSAN ZHING, GTZO CHER BLA MA BYAMS PA'I RNAL 'BYOR PA CHEN PO LA BRTEN TE LO BDUN GYI RING LA CHOS GSAN PA DANG BYANG CHUB LAM GYI RIM BA BSGOM BZHIN BZHUGS PAS LAM GYI RIM PA'I DMIGS SKOR MTHA' DAG LA NYAMS MYONG GI RTOGS PA PHUL DU BYUNG BA THOB, MNGON PAR RTOGS PA'I RGYAN DANG SHER PHYIN GYI MDO SDE SBYAR BA'I MAN NGAG LA SBYANGS PAS MKHAS PA'I PHUL DU PHYIN PAR GYUR, KHYAD PAR DU YANG MGON PO 'JAM PA'I DBYANGS NAS RGYAL SRAS ZHI BA LHA LA BRGYUD PA'I MAN NGAG BDAG PAS GZHAN GCES PA'I BYANG CHUB KYIS SEMS RIN PO CHE RLABS CHEN PO THUGS LA 'KHRUNGS TE DE KHO NA THUGS DAM GYI MTHIL DANG, SA LAM 'BRAS BU DANG BCAS PA GZHAN THAMS CAD DE'I YAN LAG TU 'GRO BA ZHIG BYUNG BAS DUS DE'I TSE BYANG CHUB KYI SEMS KYI BDAG POR GRAGS, DON GYI DBANG 'DI GZIGS NAS RJE BDAG NYID CHEN POS BYANG CHUB THUGS LA MNGA' BRNYES ZHES BSNGAGS PHA MDZAD PA YIN NO, ,BYAMS SNYING RJE BYANG CHUB KYI SEMS CHES CHER RGYAS PAS SKYE BO RNAMS KYIS MEE TRI BA ZHES BYAMS PA'I MTSAN NAS 'BOD DE, 'DI LA GSER GLING MEE TRI PA ZHES GRAGS

, ,SO; ;DE NAS GSER GLING BAS THUGS LA BZHED PA'I DON THAMS CAD GRUB NAS GSER GLING DU BYON TE RGYAL BA'I BSTAN PA RGYA CHER SPEL BAS YUL DE'I SKYE BO THAMS CAD KYI GTZUG GI NOR BU LTA BUR GYUR TO, , DE NAS GSER GLING PAS YUL DE'I SKYE BO THAMS CAD DANG 'DZAM BU'I GLING NAS CHOS DON GNYER GYIS LHAGS PA THAMS CAD LA THEG PA CHEN PO'I CHOS RGYA CHER BSTAN TE CHOS KYIS MTHO BA'I KHANG BZANG MI YUL DU BABS PA 'DRA BAR THEG PA CHEN PO'I CHOS KYI SGRA DBYANGS KYIS PHYOGS KUN TU KHYAB CING YUL DE'I SKYE BO PHAL PA DAG KYANG DKON MCHOG GSUM LA SKYABS SU 'GRO BA'I TSIG KHO NA KHA TON DU BYED CING, BYANG CHUB TU SMON LAM 'DEBS PA DANG RANG BZHIN GYI DGE BA'I LAS LA BRTZON ZHING DUS RTAG TU DKON MCHOG MCHOD PA LHUR BYED, MU STEGS KYI SMRA BA NGAN BA RNAMS NI NYIN BYED SHAR PA'I DUS KYI 'BYUNG PO'I BYA LTAR SMRA BA NUB PAR GYUR TO, ,DE NAS GSER GLING PA CHEN POS RGYAL BSTAN YUN RING DU GNAS PA'I PHYIR DU BYANG CHUB LAM GYI RIM BA'I MAN NGAG MDO RGYAN SBYAR BA'I 'GREL PA RMAD DU BYUNG BA ZHIG KYANG MDZAD CING, BLO SBYONG SEMS DPA'I RIM PA DANG, BLO SBYONG RTOGS PA 'BUR 'JOMS, 'PHAGS PA MI G-YO BA'I SGRUB THABS, MNGON RTOGS RGYAN GYI 'GREL PA GTZO BO'I DON BCU GCIG TU BSDUS PA, BSLAB PA KUN LAS BTUS BA'I MNGON PAR RTOGS PA, TSOGS BDAG KHRO BO'I SGRUB THABS SOGS MDZAD DO, ,DE LTAR BDAG NYID CHEN PO 'DIS SPYiR BSTAN PA LA BYA BA

RGYA CHER MDZAD CING, LHAG BAR JO BO RJE DPAL LDAN AA TI SHA LA GSER GLING GI PHO BRANG NYID DU LO BCU GNYIS BAR THEG PA CHEN PO'I LAM GYI RIM PA'I MAN NGAG YONGS SU RDZOGS BA GEGS SEL BOGS 'DON DANG BCAS PA GNANG BAS JO BO RJE'I THUGS KYI BUM BZANG BYANG CHUB KYI SEMS KYI BDUD RTZIS YONGS SU GANG BAS BYANG CHUB KYI SEMS RIN PO CHE'I MTHUS MTHONG THOS DRAN REG THAMS CAD RJES SU 'DZIN CING SMIN GROL LA 'GOD NUS PA DANG, PAn GRUB GZHAN LAS 'PHRIN LAS KYI KHYAB BRDAL CHE BA DANG, LHAG PAR BYANG PHYOGS GANGS RI'I KHROD KYI 'GRO BA DMU RGOD SHIN TU GDUL DKA' BA RNAMS KYANG JO BO RJE'I SKU MTHONG BA DANG, GSUNG THOS BA DANG, THA NA MTSAN TZAM THOS PA YAN CHAD DANG CING 'DUN PA DANG JO BO'I MTSAN THOS TE SKU'I RNAM PA YID LA DRAN PA NA RANG RANG GI NYON MONGS GDUG RTZUB RNAMS SKAD CIG LA ZHI NAS DAD PA DANG MOS BA NGANG GIS SKYE BA DANG, SNYIGS MA LAS KYANG CHES CHER SNYIGS PA'I DUS MTHA' 'DIR RANG RANG GI YUL GYI RGAN PO SNGA MA DAG GI ZER SGROS LA ZHEN TE BDAG CAG GI 'DI KHO NA BDEN GYI GZHAN NI GTI MUG GO ZHES CHAGS SDANG RLUNG DMAR 'TSUB PAS PHYOGS KUN GANG STE SKYE BO DAM PA CI 'DRA ZHIG BYON YANG DAD PA SKYE DKA' BA LA JO BO RJE DPAL LDAN AA TI SHA LA NI GRUB MTHA' DANG YUL DANG SDE DGON RIS SU MA CHAD BAR MCHOG DMAN BAR MA MTHA' DAG GIS MTSAN THOS PA TZAM GYIS THAL MO SBYOR BA'I 'OS SU BYED CING, GSUNG GI BDUD RTZI DAG LA'ANG RANG GIS NYAMS SU LEN

, ,BAR MA NUS KYANG 'DI NI GZHAN NO ZHES MI SPANG BAR SMON LAM GYI YUL DU BYED PA 'DI BYUNG BA YIN NO, ,DON GYI DBANG 'DI GZIGS NAS JO BSTOD DU, GSER GLING RGYAL POS SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES GSUNGS SO, ,DE LTAR GSER GLING PA CHEN PO CHOS KYI GRAGS PAS BSTAN 'GRO'I DON RGYA CHER MDZAD NAS SKU TSE DE'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU GSHAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA GSER GLING PA CHEN PO LA GSOL BA 'DEBS SHING RGYAL SRAS BDAG NYID CHEN PO 'DI'I RNAM THAR LTAR BYANG CHUB KYI SEMS RIN PO CHE DGE SBYOR GYI MTHIL DU BZUNG NAS GSUNG RAB DGONGS 'GREL DANG BCAS PA THAMS CAD BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU 'PHEL BA'I THABS SU GO BAR BYAS LA LAM GYI LUS YONGS SU RDZOGS PA'I NYAMS LEN LA BRTZON PA TSIG BSGRIL DU BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I BLA MA BRGYUD PA LA, RGYA CHEN SPYOD RGYUD DANG, ZAB MO LTA RGYUD GNYIS SU GSUNGS SHING, RGYA CHEN SPYOD RGYUD LA YANG, RGYA CHEN SPYOD PA'I RGYUD DANG, RLABS CHEN SPYOD PA'I RGYUD CES GNYIS SU GSUNGS, DE'I RLABS CHEN SPYOD PA'I RGYUD KYI

BLA MA RNAMS KYI RNAM THAR 'OG TU STON LA, ZAB MO LTA RGYUD KYI BLA MA RNAMS KYI RNAM PAR THAR PA NI, YANG DAG PAR RDZOGS PA'I SANGS RGYAS NAS RJE BTZUN 'JAM DPAL DBYANGS, DE NAS DPAL MGON 'PHAGS PA KLU SGRUB SOGS LA RIM BZHIN BRGYUD PA LA ZAB MO LTA RGYUD CES GSUNGS, DE LA, SMRA BA ZLA MED 'DREN MCHOG SH'AKYA'I TOG ,CES BSNGAGS BSTON PA THUB PA'I DBANG PO'I RNAM PAR THAR PA NI SNGAR BRJOD ZIN BA LTAR RO, ,RGYAL BA'I MKHYEN RAB KUN BSDUS 'JAM PA'I DBYANGS, ,ZHES BSNGAGS PA RJE BTZUN 'JAM PA'I DBYANGS KYI SKU GSUNG THUGS KYI YON TAN NI BSAM GYIS MI KHYAB BRJOD KYIS MI LANG STE SKU'I YON TAN GCIG PU'ANG PHYOGS BCU'I RGYAL BA THAMS CAD KYIS GSUNG DBYANGS 'GAG PA MED PAS RGYUN MA CHAD PAR BSKAL PA MU MED PA'I BAR DU BRJOD KYANG ZAD PA'I MTHA' MED NA, MKHA' KHYAB KYI SEMS CAN THAMS CAD KYIS JI TZAM BRJOD KYANG YON TAN CHA TZAM ZHIG KYANG BRJOD PAR GA LA NUS, DE LTAR YANG RJE BDAG NYID CHEN POS, BSOD NAMS TSOGS RAB RAB 'BYAMS RGYU LAS 'KHRUNGS PA'I SKU MCHOG MCHOG TU MDZES PA KHYOD KYI SKU, ,NAM MKHA'I MTHAS GTUGS GTUGS PA MED PA'I ZHING MCHOG KUN DU DU MA'I 'GRO LA MIG 'PHRUL BZHIN, , LA LAR BLTAM ZHING ZHING GZHAN DU YANG BYANG CHUB TSUL STON STON PA KHYOD KYI SKU YI NI, ,BKOD PA MCHOG 'DI 'DI DANG GZHAN DU MA LUS 'GRO KUN KUN MKHYEN GYUR KYANG BRJOD MI NUS, ,ZHES GSUNGS PA LTAR RO, ,DE LTA NA'ANG BYANG

, ,CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS LA GSOL BA 'DEBS PA'I TSE, YON TAN BSAMS NAS DANG BA BSKYED PA'I PHYIR PHYOGS TZAM ZHIG BRJOD PA NI, RJE BTZUN 'JAM PA'I DBYANGS KYIS SNGON THUGS BSKYED PA'I TSUL NI, SNGON BSKAL PA GRANGS MED PA BRGYA STONG GANG+G'A'I KLUNG GI BYE MA SNYED PHRAG BDUN 'DAS PA DE'I YANG PHA ROL NA, 'JIG RTEN GYI KHAMS 'BYUNG BA BZANG PO ZHES PAR DE BZHIN GSHEGS PA 'BRUG SGRA'I DBYANGS KYI RGYAL PO ZHES PA 'JIG RTEN DU BYON PA'I TSE, RJE BTZUN 'JAM DBYANGS 'DI NYID 'KHOR LOS SGYUR BA'I RGYAL PO NAM MKHA' ZHES PAR GYUR PA NA, BU DANG, CHUNG MA DANG, GNYEN 'DABS DANG, 'KHOR DU BCAS PA LA LAS GZHAN MED CING MI SKYE BA'I SEMS KYIS DE BZHIN GSHEGS PA 'BRUG SGRA'I DBYANGS KYI RGYAL PO NYAN THOS DANG, BYANG CHUB SEMS DPA'I 'KHOR DANG BCAS PA, LO BRGYAD KHRI BZHI STONG GI BAR DU MCHOD NAS DGE BA'I RTZA BA 'DI, BRGYA BYIN NAM, TSANGS PA'AM, NYAN RANG LA SOGS PA GANG GI DON DU BSNGO SNYAM PA LA, STENG GI NAM MKHA' LAS LHA MANG POS SGRA BSGRAGS PA, RGYAL PO CHEN PO DE LTAR SEMS MA BSKYED PAR BLA NA MED PAR RDZOGS PA'I BYANG CHUB TU SEMS BSKYED CIG CES BSKUL BA DANG, RGYAL PO NAM MKHA' SROG CHAGS BYE BA KHRAG KHRIG BRGYA STONG PHRAG BRGYAD CUS YONGS SU BSKOR NAS, DE BZHIN GSHEGS PA 'BRUG SGRA'I DBYANGS KYI RGYAL PO'I DRUNG DU DONG STE SNGAR GYI BYUNG TSUL ZHUS NAS, THUB BA JI LTAR

SEMS BSKYED NA, ,RDZOGS PA'I BYANG CHUB SKYE BAR 'GYUR, ,YE SHES DE NI GANG GIS THOB, ,DON DE BDAG LA BSTAN DU GSOL, ,BYANG CHUB SEMS NI BSKYED BYAS SHING, ,THUB PA KHYOD 'DRAR BDAG KYANG SMON, ,ZHES ZHUS PA NA, DE BZHIN GSHEGS PA 'BRUG SGRA'I DBYANGS KYI RGYAL POS, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GIS SMON LAM CI BTAB PA, ,DE 'DRA'I 'BRAS BU THOB PAR 'GYUR, ,RGYAL PO NGAS KYANG SNGON CHAD NI, ,RDZOGS PA'I BYANG CHUB SEMS SKYED GYUR, ,SEMS CAN KUN LA PHAN DON DU, ,NGAS NI SMON LAM DAM PA BTAB, ,SMON LAM JI LTAR BTAB TSUL DU, ,NGAS NI 'BRAS BU THOB PAR GYUR, ,BYANG CHUB DAM PA NGAS THOB PAS, ,NGA YI BSAM PA RDZOGS PAR GYUR, ,RGYAL PO CHEN PO BRTAN GYIS LA, ,MI 'GYUR SEMS NI BSKYED PAR GYIS, ,GAL TE SPYOD PA SPYAD BYAS NA, ,KHYOD KYANG YANG DAG SANGS RGYAS 'GYUR, ,ZHES GSUNGS SHING SEMS BSKYED PAR BSKUL BA NA 'KHOR LOS BSGYUR BA'I RGYAL PO NAM MKHAS PHYOGS BCU'I SANGS RGYAS THAMS CAD DBANG DU BZHAG STE, DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SNYING STOBS CHEN POS 'DI LTAR THUGS BSKYED CING SMON LAM BTAB STE, 'KHOR BA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BYA, ,'JIG RTEN MGON PO'I SPYAN SNGAR 'DIR, ,BYANG CHUB MCHOG TU SEMS BSKYED DO, ,'GRO BA THAMS CAD MGRON GNYER TE, ,

, ,DBUL ZHING PHONGS LAS SGROL BAR BYA, ,DE RING PHAN CHAD GAL TE YANG, ,BDAG GIS 'DOD CHAGS SEMS BSKYED NA, ,PHYOGS BCU DAG NA GANG BZHUGS PA'I, ,SANGS RGYAS THAMS CAD BSLUS BAR GYUR, , BYANG CHUB NAM ZHIG THOB BAR DU, ,THA BA'I SEMS DANG GNOD SEMS DANG, ,PHRAG DOG DANG NI SER SNA YANG, ,DE RING PHYIN CHAD MI BYA'O, ,TSANGS PA'I SPYOD BA BDAG GIS SPYAD, ,SDIG BA'I 'DOD PA YONGS SU BTANG, ,TSUL KHRIMS SDOM DANG DES PA LA, ,SANGS RGYAS RJES SU BSLAB PAR BYA, ,BDAG NI BYANG CHUB RINGS TSUL DU, ,'TSANG RGYAR MOS SHING SPRO BA MED, ,PHYI MTHAR THUG GI BAR DU YANG, ,SEMS CAN GCIG PHYIR SPYAD BAR BYA, ,TSAD MED BSAM GYIS MI KHYAB PA'I, ,SANGS RGYAS ZHING NI SBYANG BAR BYA, ,PHYOGS RNAMS BCU PO THAMS CAD DU, ,BDAG GI MING NI THOS PAR BYA, ,BDAG GIS BDAG LA LUNG BSTAN TE, ,SANGS RGYAS 'GYUR BAR DOGS PA MED, ,BDAG GI LHAG BSAM RNAM PAR DAG ,BDAG DBANG 'DI NA 'DREN PA RNAMS, ,LUS DANG NGAG GI LAS RNAMS KYANG, ,RNAM PA KUN TU BDAG GIS SBYANG, ,YID KYI LAS KYANG SBYANG BAR BYA, ,MI DGE'I LAS NI SPYAD MI BYA, ,ZHES THUGS BSKYED, BCOM LDAN 'DAS BSKAL PA BYE BA KHRAG KHRIG PHRAG 'BUM PHRAG BRGYA STONG GRANGS MA MCHIS PA NAS NYE BAR BZUNG STE, BDAG GIS SMON LAM BTAB PA NI, NAM BDAG GIS PHYOGS BCU MTHA' YAS MU MED PA'I 'JIG RTEN GYI KHAMS SU SANGS RGYAS KYI SPYAN SGRIB PA MED BAS

BLTAS NA, SANGS RGYAS BCOM LDAN 'DAS GANG JI SNYED PA DEDAG THAMS CAD BDAG GIS BYANG CHUB LA YANG DAG PAR BTZUD PA DANG, BDAG GIS BYANG CHUB KYI SEMS LA BKOD PA DANG, BDAG GIS SBYIN PA LA YANG DAG PAR BTZUD PA DANG, DE BZHIN DU BDAG GIS TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB LA YANG DAG PAR BTZUD PA DANG, BDAG GIS BSKUL BA DANG, BDAG GIS RJES SU BSTAN BAR GYUR PAR MA MTHONG BA DE SRID DU BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI BYA'I, NAM BDAG GIS SANGS RGYAS KYI SPYAN SGRIB PA MED PAS PHYOGS BCUR RNAM PAR BLTAS KYANG, BDAG GIS SANGS RGYAS NYID LA MA BKOD PA'I DE BZHIN GSHEGS PA DE LTA BU GANG YANG MTHONG BAR MA GYUR PA DE'I TSE BDAG KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O ZHES THUGS BSKYED CING SMON LAM BTAB BO; ;DE NAS RJE BTZUN 'JAM DPAL DBYANGS KYIS SNGON SROG CHAGS GRANGS MED MU MED PA DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SEMS BSKYED DU BCUG NAS SBYIN SOGS PHAR PHYIN DRUG GI LAM SGOM PA LA SBYAR TE SMIN PAR BYAS NAS SANGS RGYAS NAS CHOS KYI 'KHOR LO BSKOR TE, SANGS RGYAS GCIG MA GTOGS GZHAN THAMS CAD MYA NGAN LAS 'DAS ZIN, GCIG NI, 'JIG RTEN GYI KHAMS 'DI NAS 'OG TU DPAG TSAD GANG+G'A'I KLUNG BZHI KHRI BZHI

, ,STONG GI BYE MA SNYED 'DAS PA NA, 'JIG RTEN GYI KHAMS SA'I DBYINGS ZHES BYA BA NA DA LTA YANG BZHUGS TE DE BZHIN GSHEGS PA SA'I LHA ZHES BYA'O, ,GZHAN YANG RJE BTZUN 'JAM DBYANGS 'DI NYID, CHOS SMRA BA CHOS KYI RGYAL MTSAN DU GYUR PA'I TSE, BDAG CAG GI STON PA SH'AKYA'I RGYAL PO LA SOGS PA'I BSKAL BZANG GI SANGS RGYAS STONG PO THAMS CAD BYANG CHUB KYI MCHOG TU THUGS BSKYED DU BCUG STE DGE BA'I BSHES GNYEN MDZAD PA YIN TE, DBU MA LA 'JUG PA'I RANG 'GREL LAS, YONGS SU 'DZIN PA'I KHYAD BAR LAS NI 'PHAGS PA 'JAM DBAL BYANG CHUB SEMS DPAR GYUR BA NYID KYIS, DE BZHIN GSHEGS PA SH'AKYA THUB PA DANG, GZHAN YANG DE BZHIN GSHEGS PA THAMS CAD CHOS THOG MKHO NAR BYANG CHUB TU SEMS BSKYED DU BTZUG PAR 'DON PA YIN NO, ,ZHES GSUNGS PA'I PHYIR, GZHAN YANG, RJE BTZUN 'JAM DBYANGS 'DI NYID KYI THABS LA MKHAS PA CHEN PO, BYANG CHUB TU SEMS BSKYED DU BCUG STE SANGS RGYAS NAS CHOS KYI 'KHOR LO BSKOR BA'I SANGS RGYAS DE DANG DE'I MTSAN RKYANG BA BRJOD KYANG BSKAL BA BAS LHAG PAR MI ZAD CING, 'JAM DPAL GYIS BYANG CHUB TU BTZUD PA'I SANGS RGYAS RNAMS KYIS, 'JAM DPAL LA DRIN GZO'I TSUL DU GDUGS SOGS BSKUR BAS STONG GSUM KHEBS PAR BYUNG, YANG LAN CIG SPRUL PA'I KHYIM BDAG CIG GIS BCOM LDAN 'DAS LA LHUNG BZED ZAS KYIS BKANG STE PHUL BA NA, 'JAM DPAL GYIS, BCOM LDAN 'DAS LA ZHAL ZAS KYI PHUNG MA STZAL BAR GSOL NA BYAS PA MI GZO BAR 'GYUR RO ZHUS BAS, 'KHOR GZHAN RNAMS 'JAM DPAL 'DIS BCOM LDAN 'DAS LA GANG DU PHAN BTAGS BSAMS PA NA, STON PA'I LHUNG

BZED 'OG TU SONG STE 'JIG RTEN GYI KHAMS GANGG'A'I BYE SNYED BDUN CU RTZA GNYIS 'DAS PA'I 'JIG RTEN DU SONG BA NA MCHOG ZUNG SOGS LA LHUNG BZED TSOL BAR BKA' STZAL PAS, 'JIG RTEN GYI KHAMS STONG PHRAG BCU GNYIS TSUN DU BTZAL KYANG MA RNYED PA DANG, 'JAM DPAL RANG LA BKA' GNANG BAS 'JAM DPAL GYIS STAN DE LA 'DUG BZHIN DU LAG PA BRKYANGS NAS LHUNG BZED BLANGS NAS PHUL LO, ,'JAM DPAL GYIS STON PA LA PHAN BTAGS TSUL DNGOS NI, SNGON DE BZHIN GSHEGS PA MI THUB RGYAL MTSAN 'JIG RTEN DU BYON PA'I TSE RJE BTZUN 'JAM DPAL DGE SLONG YE SHES RGYAL POR GYUR PAS LHUNG BZED ZAS KYIS BKANG STE BSNAMS PA LA BDAG CAG GI STON PA KHYE'U DRI MED DPUNG PAR GYUR PAS SLONGS PAS ZAS BYIN NAS, DE BZHIN GSHEGS PA MI THUB RGYAL MTSAN GYI DRUNG DU KHRID NAS SKYABS 'GRO DANG BYANG CHUB KYI SEMS BSKYED DU BCUG PAS PHAN BTAGS PA'O, ,YANG RGYAL PO MA SKYES DGRAS PHA GZUGS CAN SNYING PO BSAD, STON PA LA GLANG CHEN RBAD, DGE 'DUN PHO MO'I 'TSO BA BCAD, DGRA BCOM MA SER SKYA BZANG MO CHUNG MAR DBANG MED DU BKUG PA SOGS KYI SDIG PA CHEN PO BYAS PAS 'GYOD DE STON PA LA SDIG PA DANG 'GYOD PA SEL BAR ZHUS PAS, STON PAS RJE BTZUN 'JAM DBYANGS MA GTOGS GZHAN GYIS KHYOD KYI 'GYONG PA DANG THE TSOM SEL BAR MI NUS GSUNGS PAS, RGYAL POS 'PHAGS PA 'JAM DPAL DANG, 'OD SRUNGS GNYIS RGYAL PO'I KHAB TU GDAN 'DREN PAR MDZAD 'DOD NAS SH'A RI'I BU LA, 'PHAGS PA 'JAM DPAL LA 'KHOR DU MCHIS DRIS BAS, LNGA BRGYA'O ZER BA LA, RGYAL BOS 'JAM DPAL LA SANGS RGYAL PO'I KHAB TU GDUGS TSOD LA

, ,GSHEGS PAR CI GNANG ZHUS PAS ZHAL GYIS BZHES NAS, DE'I SROD LA SHAR PHYOGS SU, DE BZHIN GSHEGS PA BSGRAGS PA'I DPAL GYI DRUNG DU BYON TE BYANG CHUB SEMS DPA' BRGYAD KHRI NYIS STONG KHRID NAS ZHING 'DIR BYON NAS 'KHOR RNAMS LA SROD DANG, GUNG DANG, THO RANGS CHOS BSTAN TE 'JAM DPAL 'KHOR BRGYAD KHRI NYIS STONG LNGA BRGYA DANG, 'OD SRUNGS 'KHOR LNGA BRGYA DANG BCAS PA RGYAL PO'I KHAB TU GSHEGS PA NA, RGYAL POS STONG GI BSHOL GRABS LAS MA CHUD PAS RGYAL POS PA 'KHUMS PA NA GNOD SBYIN KU BE RAS LUS DNGOS SU BSTAN NAS, RGYAL BO; 'PHAGS PA 'JAM DPAL NI THABS LA MKHAS PAS ZAS GCIG GIS KYANG THAMS CAD KHYEB PAR BYED BAS MA 'KHUMS SHING CES DBUGS DBYUNG, DE NAS GDUGS TSOD LA BAB PA NA, 'KHOR 'DI DAG LA LHUNG BZED MI SNANG BAS 'BRAS CHAN GANG DU BLUGS ZER BA LA 'JAM DPAL GYIS NGA'I 'KHOR 'DI DAG NAM ZA BA NA RANG RANG GI ZHING NAS LHUNG BZED 'DIR 'ONG NGO ZHES GSUNGS MA THAG 'KHOR DE DAG RNAMS LA RANG RANG GI LAG TU LHUNG BZED BYUNG ZHING ZOS ZIN NAS LHUNG BZED RNAMS MKHA' LA 'PHAGS TE SONG, RGYAL BOS BSHAMS PA'I BZA' BTUNG RNAMS CUNG ZAD KYANG NYUNG DU MA SONG BAS THAMS CAD NGO MTSAR DU GYUR TO, ,DE NAS 'PHAGS PA 'JAM DPAL GYIS RGYAL BO LA SDIG PA DANG 'GYOD PA'I NGO BO JI LTAR 'DUG LTOS SHIG CES SOGS DON DAM LA SBYAR BA'I CHOS GSUNGS PAS RGYAL PO'I 'GYOD BA DANG THE TSOM THAMS CAD BSAL BAS, RGYAL POS 'PHAGS PA 'JAM DPAL LA YON DU RIN PO CHE'I GOS ZHIG PHUL BA NA, 'JAM DPAL MA MTHONG NAS MYA NGAN DU GYUR BA LA, SU 'DUG

'DUG LA PHUL CIG ZER BA'I SGRA ZHIG BYUNG BA NA 'OD SRUNGS SOGS LA PHUL PAS KYANG SU YANG MA MTHONG ZHING, MTHAR RANG YANG MA MTHONG BAS BDAG TU 'DU SHES PA'I RNAM RTOG DANG BRAL NA STONG NYID KYI TING NGE 'DZIN GYI NGANG DU SONG, TING NGE 'DZIN LAS LANGS PA DANG 'PHAGS PA 'JAM DPAL LA SOGS PA DNGOS SU MTHONG NGO, ,YANG, SNGON MTSAMS MED KYI LAS BYAS PA'I LAS KYI LHAG MA CUNG ZAD YOD PA LA SPYOD PA'I BYANG SEMS LNGA 'DUG PA DE DAG DMIGS PA DANG BRAL BAR BYA BA'I PHYIR, 'PHAGS PA 'JAM DPAL GYIS PHYAG G-YAS KYIS RAL GRI BLANGS PA BRDAR NAS BCOM LDAN 'DAS GA LA BA DER BRGYUGS PA DANG, BCOM LDAN 'DAS KYIS NGA NI BSAD ZIN GYIS THONGS SHIG GSUNGS PAS, DMIGS PA LA SPYOD PA'I BYANG SEMS LNGA PO NGES, BDAG TU DMIGS PA BSAD NAS MED PAR GO ,CHOS THAMS CAD SGYU MA LTA BUR RTOGS TE, 'PHAGS PA 'JAM DPAL 'DI NI THABS MKHAS PA'O ZHES SOGS KYIS BSTOD NAS NA MKHAR 'PHAGS TE, CHOS KUN SGYU MA LTA BU STE, ,YONGS SU RTOG PAS KUN NAS BSKYED, ,'DI LA GRUB PA MA MCHIS TE, ,CHOS 'DI THAMS CAD STONG PA LAGS, ,ZHES SMRAS SO, ,YANG 'PHAGS PA 'JAM DPAL GYIS STONG PA NYID LAS BRTZAMS NAS SEMS NANG NA YANG MED, PHYI ROL NA YANG MED, BAR NA YANG MED PAS, DE LA NI CI YANG GROL RGYU YANG MED, THOB PA YANG MED, MNGON PAR RTOGS PA MED DO GSUNGS PAS, DE THOS PA TZAM GYIS DGE SLONG MANG PO RNAM PAR GROL, DGE SLONG KHA CIG GIS DE'I DON LAM DAD NAS CI YANG GROL RGYU YANG MED NA'O SKOL CHOS BYAS PA LA DON MI 'DUG PAS 'DONG ZER NAS SONG NGO, ,YANG 'PHAGS PA 'JAM DPAL GYIS DE RNAMS 'DUL BA'I PHYIR

, ,SPRUL PA'I DGE SLONG CIG SBRUL TE BTANG BAS, DE RNAMS DANG LAM DU PHRAD PAS KHONG RNAMS NA RE, DGE SLONG GAR 'GRO ZER, SPRUL PA'I DGE SLONG NA RE, NGA NI 'JAM DPAL GYIS CHOS BSTAN PA LA MA MOS YID MA CHES NAS 'GRO ZER, KHONG RNAMS NA RE; NGED KYANG 'JAM DPAL GYIS CHOS BSTAN PA LA MA MOS YID MA CHES PAR 'GRO BA YIN PAS 'DONG ZER, DER SPRUL PA NA RE, KHYED KYIS 'JAM DPAL GYIS CHOS JI SKAD BSTAN PA LAM DAD ZER, GROL RGYU YANG MED, THOB RGYU YANG MED ZER NAS MA DAD ZER, SPRUL PA NA RE, 'O NA KHYED KYI RTOGS RGYU DANG GROL RGYU DE GRU BZHI'AM, ZLUM PO'AM, NAR MO LA SOGS PA DBYIBS, DKAR PO LA SOGS PA KHA DOG ,PHYI DANG NANG LA SOGS PA JI LTAR 'DUG LTOS SHIG GSUNGS PAS, KHONG RNAMS KYIS BTAGS DON BTZAL BAS MA RNYED PAS; SPRUL PA NA RE, DE LA BSAMS NAS 'JAM DPAL GYIS GROL RGYU YANG MED, THOB RGYU YANG MED MNGON PAR RTOGS RGYU YANG MED PAR GSUNGS PA YIN NO BYAS PAS DGE SLONG DE DAG THAMS CAD SEMS RNAM PAR GROL BAR GYUR TE SLAR LOG NAS 'PHAGS PA 'JAM DPAL LA BSNYEN BKUR PHUN SUM TSOGS PA BYAS PA SOGS THABS LA MKHAS PA'I MDZAD PA'I SGO NAS SEMS CAN DPAG TU MED PA'I DON MDZAD DO, ,YANG LAN CIG 'PHAGS PA 'JAM DPAL GYIS RGYAL PO GSAL RGYAL GYI BTZUN MO'I KHROD DU DBYAR GNAS PA, RGYAL BYED TSAL DU BYON PA LA, DGE SLONG 'OD SRUNGS MA RANGS BAS 'JAM DPAL LA SKROD PA'I LAS BYA BA'I PHYIR GAndI BRDUNGS PA NA, PHYOGS BCU'I ZHING THAMS CAD 'JAM DPAL GYIS GANG BAR MTHONG BA DANG, BCOM LDAN 'DAS KYIS 'ONGS SRUNGS LA, KHYOD

KYIS 'JAM DPAL GRANGS MED PA 'DI DAG GI NANG NAS GANG SKROD 'DOD GSUNGS PAS 'OD SRUNGS SKYENGS TE, GAndI BOR BAR 'DOD KYANG 'JOG MA THUB PAS SGRA RGYUN NI 'CHAD PAR BYUNG BAS, 'JAM DPAL LA BZOD BAR GSOL BA DANG GAndI BZHAG THUB BO, ,GZHAN YANG 'PHAGS PA GANG POS GCER BU PA BDEN PA PO SOGS MU STEGS BYED MANG PO BDEN PA MTHONG BA'I SNOD DU GZIGS NAS CHOS BSTAN KYANG MI NYAN ZHING MA THUL BAR LUS PA NA, 'PHAGS PA 'JAM DPAL GYIS SPRUL PA LNGA BRGYA BKYE NAS BTUL BA SOGS KYI GTAM RGYUD YOD DO, ,'O NA 'PHAGS PA 'JAM DPAL 'DI DA LTA BYANG SEMS RANG RGYUD PA YIN NAM SANGS RGYAS ZIN GANG YIN SNYAM NA, 'DI NYID SNGON DE BZHIN GSHEGS PA KLU RIGS MCHOG TU SANGS RGYAS PA DANG, MDO KHA CIG TU KLU RIGS SGRON MAR SANGS RGYAS PAR GSUNGS, GZHAN YANG, 'PHAGS PA 'JAM DPAL GYIS RAB 'BYOR LA, KHO BO NI YANG DAG PAR RDZOGS PA'I SANGS RGYAS YIN TE BYA BA'I RGYUN BCAD BA NI MA YIN NO, ,ZHES RGYU MTSAN DANG BCAS PA GSUNGS SHING, 'JAM DPAL ZHING BKOD KYI MDO LAS, 'DI NI DE BZHIN GSHEGS PA'I STOBS BCU YONGS SU RDZOGS SO, ,'DI BYANG CHUB SEMS DPA'I SA BCU YONGS SU RDZOGS SO, ,'DI SANGS RGYAS KYI SA YONGS SU RDZOGS SO, ,ZHES SOGS MANG DU GSUNGS, DE LTAR SANGS RGYAS ZIN KYANG SLAR YANG RDUL MED YANG DAG BSAGS PA ZHES BYA BA'I ZHING DU RGYAL BA KUN TU GZIGS SU 'TSANG RGYA BA'I TSUL STON TO, ,ZHING DE NI LHO PHYOGS SU 'BYUNG ZHING 'JIG RTEN GYI KHAMS MI MJED 'DI NYID KYANG ZHING DE'I KHONGS SU CHUD PAR GSUNGS, ZHING DE'I RGYA KHYON NI GANGG'A'I KLUNG DU MA'I BYE MA SNYED KYI

, ,GRANGS DANG MNYAM PA'I ZHING GI THA GRU DANG MNYAM ZHING, MTHO KHYAD SRID BA'I RTZE MO DANG MNYAM PA 'OG GZHI RIN PO CHE SNA TSOGS LAS GRUB PA, ZHING DER MI KHOM PA DANG, SDUG BSNGAL MI DGO BA'I SGRA DANG, SKYON DU 'GYUR BA'I SGRA MED CING, SGRA 'BYUNG BA RNAMS KYANG CHOS KYI SGRAR 'BYUNG, SANGS RGYAS KYI ZHING GZHAN GYI SNOD KYI YON TAN KUN 'DI'I SNOD KYI ZHING LA TSANG BA YIN LA, ZHING DE'I DBUS NA, BYANG CHUB KYI SHING STONG GSUM GYI STONG CHEN PO BCU'I 'JIG RTEN GYI KHYON DANG MNYAM PA, DE'I RTZA BAR SENG GE CHEN PO BRGYAD KYIS BTEG BA'I RIN PO CHE'I KHRI'I STENG NA RGYAL BA KUN TU GZIGS SKU MDOG GSER BTZOM LTA BU RDO RJE'I SKYIL MO KRUNG GIS BZHUGS SHING, PHYAG G-YAS SKYABS SBYIN, G-YON MNYAM GZHAG MDZAD PA, SKU'I TSAD DPAG TSAD BRGYAD KHRI BZHI STONG DANG LDAN BA, ZHING DE'I GDUL BYA RNAMS KYIS SKU BLTA BAR 'DOD TSE, KHRI'I STENG NA SKU BZHUGS PA, RANG GI MDUN DU BZHUGS PAR MTHONG BA'I MOD LA, CHOS ZHU MI DGOS PAR CHOS KYI TSIG DON MTHA' DAG KHONG DU CHUD NAS MKHAS BAR 'GYUR BA YIN, ZHING DE NA, NYAN RANG DANG, PUD MED DANG, MNGAL NAS SKYE BA MED CING, ZHE SDANG DANG, THA BA DANG 'CHAB PA MED PAR TSANGS BAR SPYOD PA'I CHA LUGS CAN, NAM MKHA' LA SKYIL MO KRUNG BCAS BA, RDZUS TE SKYE BA, SKU DPAG TSAD BZHI KHRI NYIS STONG YOD PA BYANG CHUB SEMS DPA' SHA STAG ,MNGON SHES LNGA DANG LDAN PA, BZA' BTUNG YID LA 'DOD PA'I TSE RO MCHOG DANG LDAN PA'I BZA' BTUNG GIS GANG BA'I SNOD LAG PA G-YAS PAR

'BYUNG, DE YANG GZHAN LA PUD MA PHUL BAR RANG GIS SPYOD PA TSUL MA YIN NA SNYAM NAS RDZU 'PHRUL GYIS PHYOGS BCU'I SANGS RGYAS 'KHOR DANG BCAS PA LA PHUL, PHONGS SHING SDUG BSNGAL BA DANG, YI DVAGS RNAMS TSIM PAR BYAS TE, RANG GI ZHING DU 'ONGS NAS LONGS SPYOD PAR BYED CING, DE BZHIN DU GOS DANG LONGS SPYOD GZHAN LA YANG DE LTAR BYED DO, ,DES NA SANGS RGYAS GZHAN THAMS CAD KYI MTSAN BRJOD PA LAS, 'PHAGS BA 'JAM DPAL GYI MTSAN BRJOD PA PHAN YON CHE ZHING, DE BAS KYANG RGYAL BA KUN TU GZIGS KYI MTSAN BRJOD BA PHAN YON CHE BA YIN TE, ZHING BKOD KYI MDO LAS, RIGS KYI BU DAG SANGS RGYAS BYE BA PHRAG KHRIG PHRAG 'BUM GYI MTSAN BRJOD BA BAS NI, GANG GIS 'JAM DPAL GZHON NUR GYUR BA'I MING BRJOD PA BSOD NAMS CHES MANG DU BSKYED NA, BCOM LDAN 'DAS KUN TU GZIGS KYI MTSAN BRJOD PA LTA CI SMOS, DE CI'I PHYIR ZHE NA 'JAM DPAL GZHON NUR GYUR PAS BSKAL PA RE RE ZHING, SEMS CAN GYI DON JI SNYED DU BYAS PA'I SEMS CAN GYI DON DE NI, SANGS RGYAS BYE BA PHRAG KHRIG 'BUM GYIS KYANG MA MDZAD DO, ,ZHES GSUNGS PA'I PHYIR, 'O NA; 'JIG RTEN GYI KHAMS BDE BA CAN DANG, KUN GZIGS KYI ZHING GNYIS GANG KHYAD PAR 'PHAGS NA, BDE BA CAN GYI YON TAN NI RGYA MTSO CHEN PO NAS SKRA'I RTZE MOS BLANGS PA'I CHU THIGS GCIG TZAM, KUN TU GZIGS KYI ZHING GI YON TAN NI RGYA MTSO CHEN PO'I CHU'I MANG NYUNG LTA BU YIN NO, ,'O NA; RGYAL BKUR TU GZIGS PA'I ZHING KHAMS

, ,LTA BU GZHAN YOD DAM MED SNYAM NA YOD DE, DE BZHIN GSHEGS PA KUN GZIGS KYI ZHING DANG, DE BZHIN GSHEGS PA KUN NAS 'OD ZER YON TAN RTAG TU MNGA' BA RGYA MTSO'I RGYAL PO'I ZHING SMON LAM LA RAB TU GNAS BA MNGON PAR 'PHAGS PA GNYIS LA YON TAN LHAG CHAD MED, GZHAN YANG RGYAL BA KUN TU GZIGS PA'I ZHING LAMS LTA BU YOD DE, BYANG CHUB SEMS DPA' 'OD KYI TOG DANG, BYANG CHUB SEMS DPA' YE SHES BLA MA DANG, BYANG CHUB SEMS DPA' DBANG PO ZHI BA DANG, BYANG CHUB SEMS DPA' SMON LAM BLO GROS RNAMS SANGS RGYAS PA'I SANGS RGYAS KYI ZHING YANG DE DANG 'DRA BAR 'BYUNG BAR GSUNGS PAS BYANG CHUB SEMS DPA' BRGYAD KHRI BZHI STONG GIS KYANG, 'PHAGS PA 'JAM DPAL GYI ZHING LTAR BSGRUB PA'I SMON LAM BTAB PAS, DE DAG GI NANG NAS BYANG CHUB SEMS DPA' BCU DRUG GIS 'PHAGS PA 'JAM DPAL GYI ZHING LTAR 'GRUB CING, LHAG MA RNAMS KYIS DE LTAR MI 'GRUB KYANG, BDE BA CAN LTAR 'GRUB PAR GSUNGS SO, ,'O NA, BDE BA CAN GYI GDUL BYA DANG, RGYAL BA KUN TU GZIGS PA'I GDUL BYA LA MANG NYUNG GI KHYAD PAR JI LTAR YOD NA KHYAD PAR YOD DE, BDE BA CAN NA NYAN THOS YOD CING, RGYAL BA KUN TU GZIGS BA'I ZHING KHAMS RDUL MED YANG DAG BSAGS NA, 'KHOR BYANG CHUB SEMS DPA' SHA STAG LAS NYAN RANG MED, BDE BA CAN GYI ZHING GI GDUL BYA NI RGYAL BA KUN TU GZIGS KYI ZHING GI GDUL BYA LA

LTOS NA TIL GYI RDZANG BA ZHIG GI TIL 'BRU GCIG LTA BU, RGYAL BA KUN TU GZIGS PA'I ZHING GI GDUL BYA'I GRANGS RJANG NANG GI TIL BYINGS PO TZAM GYI TSOD YIN PAR GSUNGS, GZHAN YANG RGYAL BA KUN TU GZIGS PA'I ZHING KHAMS SU SKYE BAR SMON LAM BTAB PAS, LONGS SKU DANG SPRUL SKU'I ZHING THAMS CAD DU SKYE BA'I SMON LAM BTAB BAR 'GRO ZHING, 'JAM DPAL DANG, RGYAL BA KUN TU GZIGS LA YI DAM BYAS PAS MDO SNGAGS KYI LHA TSOGS THAMS CAD LA YI DAM BYAS PAR 'GRO BAR GSUNGS SO,, DES NA ZHING DER SKYE BA'I RGYU'I GTZO BO NI, ZHING DE'I YON TAN YID LA YANG YANG SEMS PA, ,BYANG CHUB TU SEMS BSKYED PA, SPYOD PA PHYIN DRUG GI GSAL BA'I DBYE BA MTHA' DAG LA SLOB PA, 'PHAGS PA 'JAM DPAL DANG, RGYAL BA KUN TU GZIGS KYI MTSAN NAS BRJOD PA, SNGAGS BZLA BA, DE GNYIS KYI SKU BZHENG BA, DE'I GSUNG RAB 'DRI KLOG SOGS BYA BA YIN NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS KYI SKU GSUNG THUGS KYI YON TAN RNAMS BSAMS NAS DAD GUS CHEN POS GSOL BA 'DEBS PA SHIN TU GAL CHE STE, SPYIR BYANG CHUB LAM RIM LA GO BA CHAGS PA DANG, NGES SHES KHYAD PAR CAN BSKYED PA LA CHOS RAB TU RNAM 'BYED KYI SHES RAB RGYAS DGOS LA, LHAG BAR ZAB MO DBU MA'I LTA BA PHU THAG CHOD PA ZHIG RNYED PA LA SO SOR RTOG PA'I SHES RAB SHIN TU GSAL ZHING RNO BA ZHIG DGOS, SHES RAB DE LTA BU ZHIG SKYE BA LA BLA MA DANG RJE BTZUN 'JAM DPAL DBYANGS DBYER MA MCHIS PA LA GSOL BA SHUGS DRAG

, ,LA RGYUN RING BA BTAB STE SEMS RGYUD LA BYIN RLABS ZHUGS BA ZHIG DGOS ZHES MGON PO 'JAM DPAL DBYANGS KYIS RJE BDAG NYID CHEN PO LA DNGOS SU GDAMS PA LTAR YIN PAS NA RJE BTZUN 'JAM DPAL DBYANGS LA GSOL BA SHUGS DRAG 'DEBS SHING BYANG CHUB LAM GYI RIM BA'I NYAMS LEN LA 'BAD PAR BYA'O,, ` ,,ZAB MO'I DON GZIGS 'PHAGS MCHOG KLU SGRUB ZHABS, ,ZHES BSNGAGS PA DPAL MGON 'PHAGS BA KLU SGRUB NI, SNGON BSKAL BA GRANGS MED MU MED PA'I DUS NAS THUGS BSKYED, BSKAL CHEN GRANGS MED MANG POR TSOGS GNYIS BAR MA CHAD DU BSAGS, 'JIG RTEN GYI KHAMS BRJOD KYIS MI LANG BA'I YANG BRJOD KYIS MI LANG BAR SEMS CAN GRANGS MED BA'I DON MDZAD BZHIN BAS LAS, ZHING 'DIR THUB PA'I BSTAN PA SPEL BA'I SLAD DU BSAM BZHIN DU BYON BA ZHIG STE, DE YANG DPAL MGON 'PHAGS PA KLU SGRUB ZHING 'DIR BYON NAS RGYAL BA'I BSTAN PA SPEL BAR RGYAL BA RANG NYID KYIS LUNG BSTAN TE, DPAL MGON 'PHAGS PA KLU SGRUB ZHING 'DIR THUB PA'I BSTAN PA SPEL BA'I PHYIR 'BYON PA DANG JI LTAR THUGS BSKYED PA LTAR RGYAL BA MYA NGAN LAS 'DAS NAS BSTAN PA NYAMS DMAS BAR GYUR BA NA 'PHAGS PA KLU SGRUB BYON NAS BSTAN PA RGYA CHER SPEL BAR RGYAL BA NYID KYIS LUNG BSTAN PA NI, SNGON THUGS BSKYED TSUL SPRIN CHEN PO'I MDO LAS JI LTAR GSUNGS BA NI, SNGON BYUNG BA 'DAS PA'I DUS NA BSKAL BA GRANGS MED MU MED PA 'DAS PA'I SNGON ROL

TU BDAG NYID CHEN PO 'DI CHOS KYI RGYAL PO BRTZON 'GRUS CHEN PO'I KLU ZHES BYA BAR 'KHRUNGS BA'I TSE, DE BZHIN GSHEGS PA KLU RIGS SGRON MA ZHES BYA BA DANG MJAL TE, DE'I TSE DE BZHIN GSHEGS PA KLU RIGS SGRON MA LA MCHOD PA'I DNGOS PO TSAD MED PAS MCHOD CING RIN PO CHE RIN THANG MED BA SPAR BA GANG GTOR TE THUGS BSKYED DANG SMON LAM RGYA CHEN PO MDZAD CING, LHAG PAR MA 'ONGS PA'I DUS NA BCOM LDAN 'DAS SH'AKYA THUB BA'I BSTAN PA NUB PA LA THUG PA'I TSE, BDAG RAB TU BYUNG STE CHOS KYI SGRA CHEN PO LAN GSUM BSGRAGS LA DAM PA'I CHOS KYI PHYIR BDAG GI SROG KYANG 'DOR BAR GYUR CIG ,CES ZHING 'DIR STON PA'I BSTAN PA SPEL BA'I THUGS BSKYED DANG DAM BCA' MDZAD DO, ,DE LTAR THUGS BSKYED PA LTAR ZHING 'DIR STON PA THUB PA'I DBANG PO BYON PA'I TSE LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES BYA BAR 'KHRUNGS PA NA, THUB PA'I DBANG POS 'KHOR TSOGS RGYA MTSO LTA BU'I DBUS SU GZHON NU DE'I YON TAN RGYA CHER BSNGAGS SHING; RGYAL BA RANG NYID MYA NGAN LAS 'DAS PA'I 'OG TU LO BZHI BRGYA LON PA NA 'PHAGS PA KLU SGRUB TU GYUR NAS RGYAL BA'I BSTAN PA RGYAS PAR BYED PAR LUNG BSTAN, LANG KAR GSHEGS PA'I MDO LAS KYANG, LHO PHYOGS BE DA'I YUL DU NI, , DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,

, ,ZHES DANG, 'JAM DPAL RTZA RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD 'BYUNG, ,BSTAN PA LA NI DAD CING PHAN, ,RAB TU DGA' BA'I SA THOB BA, ,LO NI DRUG BRGYA DAG TU 'TSO, ,RIG PA RMA BYA CHEN MO NI, ,BDAG NYID CHEN PO DES KYANG 'GRUB, ,BSTAN BCOS SNA TSOGS DON DANG NI, ,DNGOS PO MED PA'I DON DE RIG ,GANG TSE LUS DE BOR BA NA, ,BDE BA CAN DU SKYE BAR 'GYUR, ,DE NI MTHAR GYI SANGS RGYAS NYID, ,NGES PA KHO NAR YANG DAG THOB, ,CES DANG, GSER 'OD DAM PA'I MDO LAS LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES RGYA CHER BSNGAGS PA DE YANG BDAG NYID CHEN PO 'PHAGS PA KLU SGRUB 'DI NYID YIN TE, 'PHAGS PA SPRIN CHEN PO STONG PHRAG BCU GNYIS PA'I MDO 'JUG 'GREL DU DANGS PA LAS, KUN DGA' BO, LI TZ'A BYI GZHON NU SEMS CAN THAMS CAD KYIS MTHONG NA DGA' BA ZHES BYA BA 'DI NI, DA MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS NGA'O BSTAN PA RGYAS PAR BYAS TE, MTHAR RAB TU DANG BA'I 'OD CES BYA BA'I ZHING DU DE BZHIN GSHEGS PA YE SHES 'BYUNG GNAS 'OD CES CES BYA BAR 'GYUR RO, ,ZHES GSUNGS, RDA BO CHE'I MDO LAS KYANG, LATZ'A BYI GZHON NU 'JIG RTEN THAMS CAD KYIS MTHONG NA DGA' BA 'DI STON PA 'DAS NAS LO BRGYAD CU PA LA BSTAN PA NYAMS PA'I TSE, STON PA'I MTSAN 'CHANG BA'I DGE SLONG DU GYUR NAS BSTAN PA RGYAS PAR BYAS TE LO

BRGYA LON PA'I 'OG TU 'DAS NAS BDE BA CAN DU SKYE BAR GSUNGS SO, ,DUS KYI 'KHOR LO'I RGYUD PHYI MA LAS KYANG BDAG NYID CHEN PO 'DIS BSTAN PA DANG SEMS CAN GYI DON RGYA CHEN PO BYED PAR LUNG BSTAN CING, SNGAR SMOS PA DE DAG KYANG BYUNG BA'I SNGA LTAS YIN, ZHES GSUNG HAGS PA KLU SGRUB LUNG BSTAN PA'I MDO RGYUD KYI GSUNG RAB ?BRGYA PHRAG TZAM YOD CES 'PHAGS YUL MKHAS PA RNAMS LA GTAM DU GRAGS SO, ,DPAL MGON 'PHAGS PA KLU SGRUB DUS JI TZAM LA BYON PA NI RGYAL BA MYA NGAN LAS 'DAS PA'I 'OG TU RGYAL BA'I BSTAN PA 'DZIN PA'I SKYES BU JI LTAR 'BYUNG BA RGYAL BA NYID KYI GSUNG TSAD MAR GYUR PA LAS SHES TE, SNYING RJE PAD DKAR LAS, STON PA 'DAS NAS BSTAN PA SUS 'DZIN ZHES ZHUS PA'I LAN DU, KUN DGA' BO DGE SLONG 'OD SRUNGS DANG KHYOD GNYIS KYIS LO BZHI BCU LHAG TZAM DU NGA'I DAM PA'I CHOS 'DZIN PA 'GYUR RO, ,ZHES SOGS LUNG BSTAN PA LTAR RGYAL BA MYA NGAN LAS 'DAS NAS GNAS BRTAN 'OD SRUNGS CHEN PO DANG 'PHAGS PA KUN DGA' BO DANG GNAS BRTAN NYE BAR 'KHOR GSUM GYIS RGYAL BAS GSUNGS PA'I SDE SNOD GSUM MA LUS PAR BSDUS TE BKA' BSDU DANG PO MDZAD NAS 'JIG RTEN DU RGYAL BA'I BSTAN PA MI NUB PAR DANG ZHING RGYAS PAR BYAS, DE NAS 'OD SRUNGS CHEN PO MYA NGAN LAS 'DAS NAS 'PHAGS PA KUN DGA' BOS RGYAL BA'I BSTAN PA BZUNG STE LO BZHI BCU'I RING LA RGYA CHER SPEL, DE NAS RIM GYIS LEGS MTHONG CHEN PO'I BAR BSTAN PA'I GTAD

, ,RABS BDUN GYIS RGYAL BSTAN MI NUB PAR SPEL BAR MDZAD, DE NAS RGYAL BA MYA NGAN LAS 'DAS NAS LO BRGYA LON PA TZAM NA DGE SLONG RTZING SPYOD CAN MANG PO ZHIG GIS GSER DNGUL GYI RUNG BA ZHES PA LA SOGS PA 'DUL BA'I BSLAB PA DANG 'GAL BA'I GZHI BCU DAR BA NA DKAR PHYOGS KYI LHA RNAMS KYIS RGYAL BA'I BSTAN PA LA RMA PHYUNG NGO ZHES MYA NGAN CHEN PO BYAS SHING SMRE SNGAGS BTON TE 'DZAM BU'I GLING DANG RGYAL CHEN BZHI'I LHA GNAS DANG SUM CU RTZA GSUM SOGS LHA GNAS GONG MA RNAMS SU'ANG BSGRAGS TE DKAR PHYOGS KYI LHA RNAMS MYA NGAN CHEN POR GYUR CING BDUD RIGS RNAMS DGA' BA'I CA CO SGROG BA ZHIG BYUNG BA NA SNGON GYI THUGS BSKYED DANG SMON LAM GYI MTHUS CHOS RGYAL MYA NGAN MED CES BYA BA BYON TE, CHOS RGYAL DES SBYIN BDAG BYAS, GNAS BRTAN GRANGS PA LA SOGS BA DGRA BCOM PA BDUN BRGYA TSOGS TE LOG PAR SMRA BA RNAMS BSUN PHYUNG STON PA THUGS RJE CAN DES 'DUL BA'I BSLAB KHRIMS JI LTAR BCAS PA DE KHO NA LTAR BYA BAR BSGRUBS TE BKA' BSDU GNYIS BA MDZAD, DE'I TSE DKAR PHYOGS KYI LHA RNAMS DGA' BA'I CA CO SGROG CING YID TSIM PAR GYUR, DE NAS DUS RIM GYIS SNYIGS BAR GYUR PA DANG SEMS CAN RNAMS BSOD NAMS DMAN PA'I DBANG GIS DAM PA'I CHOS 'DUL BA LA LOG PAR SMRA BA MANG DU DAR ZHING, LHAG BAR SDE PA BCO BRGYAD DU GYES TE DE DAG THAMS CAD NANG MI MTHUN PAR KHO BO CAG GI 'DI KHO NA BDEN GYI GZHAN NI GTI MUG GO ZHES

RTZOD PAS DUS 'DA' BAR GYUR CING DAM PA'I CHOS 'DUL BA LA KLOG PA THOS BSAM DANG, SPONG BA BSAM GTAN BYA BA'I TSUL RNAMS CHES CHER NYAMS SHING NYAN THOS KYI GRUB MTHA' SMRA BA MANG PO ZHIG GIS THEG CHEN GYI MDO SDE RNAMS NI RGYAL BA'I BKA' MIN NO ZHES LOG PAR SMRA PA'I GTAM RGYA CHER BSGRAGS TE RGYAL BA'I BSTAN PA CHES CHER NYAMS PA NA STON PA THUGS RJE CAN NYID KYI THUGS BSKYED DANG SMON LAM GYI MTHUS NAM ZHIG NA RGYAL PO KRI KRI'I RMI LTAS LUNG BSTAN PA'I MDO RNYED NAS BLTAS PAS, RGYAL BA 'OD SRUNGS KYIS RGYAL PO KRI KRI LA KHYOD KYI RMI LTAS DE RNAMS BCOM LDAN 'DAS SH'AKYA THUB PA'I BSTAN PA LA 'DI LTAR 'BYUNG BA'I SNGA LTAS YIN, ZHES GSUNGS SHING, RGYAL PO KRI KRI'I RMI LTAS JI LTAR BYUNG TSUL NI, MA GA DHA BZANG MO'I RTOGS PA BRJOD PA LAS, SANGS RGYAS 'OD SRUNGS KYI DUS SU DE'I SPYIN BDAG RGYAL PO KRI KRI ZHES BYA BA BYUNG BA DE'I RMI LAM DU, GLANG PO'I RGYAL PO SKAR KHUNG NAS BYUNG BA LA DE'I MJUG MA THOGS PA DANG, SKOM PAS PHYI NAS KHRON PA BSNYEGS PA DANG, PHYE BRE GANG DANG MU TIG BRE GANG 'TSONG BYED PA DANG, TZAN DAN DANG SHING PHAL PA RIN MNYAM PAR BYED PA DANG, KUN DGA' RAB BA'I ME TOG DANG 'BRAS BU PHUN SUM TSOGS PA MA BYIN PAR LEN BAS PHROGS PA DANG, GLANG PO'I PHRUG GUS SPOS KYI GLANG PO 'JIGS PAR BYED PA DANG, SPRE'U MI GTZANG BAS GOS PAS GZHAN LA SKUD PA DANG, SPRE'U RGYAL POR DBANG BSKUR BA MTHONG BA DANG, RAS YUG GCIG MI BCO BRGYAD KYIS BGOS PA LAS RE RE'I LAG TU

, ,YANG RAS YUG TSANG MA RE RE BYUNG BA DANG, SKYE BO'I TSOGS CHEN PO 'DUS NAS 'THAB RTZOD BYED PA MTHONG STE, RMI LAM BCU RMIS PAS BDAG NYES SU DOGS PAS 'JIGS TE, BCOM LDAN 'DAS 'OD SRUNG LA ZHUS SO, ,BCOM LDAN 'DAS KYIS DE DAG RGYAL PO KHYOD LA NYES DMIGS SU 'GYUR BA MA YIN GYI, MA 'ONGS PA NA TSE LO BRGYA PA'I TSE YANG DAG PAR RDZOGS PA'I SANGS RGYAS SH'AKYA THUB PA'I BSTAN PA LA MA SBYANGS PA'I DGE SLONG RNAMS KHYIM NAS BYUNG YANG GTZUG LAG KHANG DANG RNYED PA LA CHAGS PA 'BYUNG BAS, GLANG PO LUS THON NAS MJUG MA THOGS PA DE NI DE'I LTAS SO, ,SKOM PAS PHYI NAS KHRON PA BSNYEGS PA NI, GTZUG LAG KHANG NA GNAS BA LA GZHAN GYIS CHOS BSHAD PA NA NYAN PAR MI BYED PA'I LTAS SO, ,PHYE DANG MU TIG BRJE BA NI DE'I TSE NYAN THOS RNAMS BZA' BA'I CHED DU CHOS STON PA 'BYUNG BAS DE'I LTAS SO, ,TZAN DAN DANG SHING GZHAN MNYAM PAR MTHONG BA DE NI, DE'I TSE NYAN THOS RNAMS MU STEGS KYI GZHUNG DANG, SANGS RGYAS KYI BKA' MNYAM PAR 'DZIN PA 'BYUNG BAS DE'I LTAS SO, ,KUN DGA' RA BA'I ME TOG LA SOGS PA PHUN SUM TSOGS PA CHOM POS PHROGS PA NI, DE'I TSE NYAN THOS MA BSDAMS PA RNAMS DGE 'DUN GYI LONGS SPYOD KYIS KHYIM PA'I NGO BSRUNG BA 'BYUNG BAS DE'I LTAS SO, ,GLANG PO'I PHRUG GUS SPOS KYI GLANG PO 'JIGS PAR BYED PA NI, DGE SLONG SDIG CAN GYIS TSUL KHRIMS DANG LDAN PA'I DGE SLONG ZIL GYIS GNON PA 'BYUNG BAS

DE'I LTAS SO, ,MI GTZANG BAS GOS PA'I SPRE'US GZHAN LA SKUD PA NI, TSUL KHRIMS NYAMS PAS TSUL KHRIMS DANG LDAN PA LA BSKUR PA 'DEBS PAR 'GYUR BAS DE'I LTAS SO, ,SPRE'U RGYAL POR DBANG BSKUR BA NI, DE'I DUS SU RMONGS PA RNAMS RGYAL POR DBANG BSKUR BA 'BYUNG BAS DE'I LTAS SO, ,MI BCO BRGYAD KYIS RAS YUG GCIG BGOS PAS SO SO'I LAG TU MA NYAMS PAR BYUNG BA NI, SH'AKYA THUB BA'I BSTAN PA LA SDE PA BCO BRGYAD DU GYES KYANG THAMS CAD RNAM PAR GROL BA'I SKAL BA CAN YIN PAS DE'I LTAS SO, ,SKYE BO'I TSOGS 'DUS NAS 'THAB RTZOD BYED PA DE NI SH'AKYA THUB PA'I BSTAN PA RTZOD PA'I CHOS KYIS NUB PAR 'GYUR BAS DE'I LTAS SO, ,ZHES 'BYUNG NGO, ,MDO DE MTHONG NAS SDE PA BCO BRGYAD PO THAMS CAD BLO MTHUN PAR GYUR TE GNAS BRTAN SO SO'I SKAD MI 'DRA BA DANG, CHA LUGS CUNG ZAD KYI KHYAD PAR LAS, DON DU RGYAL BA'I BKA' NYID LA MTHUN ZHING THAMS CAD LAM BSLAB PA GSUM NYAMS SU BLANGS TE RNAM GROL THAR PA SGRUB PA'I 'BRAS BU CAN DU MTSUNGS PAR MTHONG NAS KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN 'PHEL BAR GYUR TE, DE LA NI BSDU BA GSUM PA ZHES GRAGS SO, ,DE NAS YANG RGYAL BSTAN RIM GYIS NYAMS DAMS SHING LHAG PAR THEG PA CHEN PO'I BSTAN PA MING TZAM YANG NUB PA LA PHYOGS PA, RGYAL BA MYA NGAN LAS 'DAS NAS LO BZHI BRGYA TZAM LON PA NA BDAG NYID CHEN PO DPAL MGON 'PHAGS PA KLU SGRUB ZHING 'DIR BYON NO, ,'PHAGS

, ,PA KLU SGRUB GANG DU 'KHRUNGS PA'I YUL NI, RGYA GAR LHO PHYOGS BEE DARGHA'I YUL TE YUL DER BRAM ZE CHEN PO ZHIG LA BU MED PA NA, RMI LAM DU BRAM ZE PA RGYAL CHOS STON DRANGS NA BU RNYED PA'I LUNG BSTAN BYUNG BAR DE LTAR BYAS PAS, BU GCIG BTZAS TE MTSAN MKHAN LA BSTAN PAS, MTSAN BZANG MOD KYI ZHAG BDUN GYI TSE LAS MED ZER BAR, THABS CI YOD DRIS PAS, BRAM ZE BRGYA LA CHOS STON DRANGS NA ZLA BA BDUN DANG, DGE SLONG BRGYA LA CHOS STON DRANGS NA LO BDUN 'TSO, DE NAS THABS MED ZER BAS, DE LTAR BYAS TE LO BDUN DU NYE BA NA, BU'I RO MTHONG BA PHA MAS MA BZOD PAS, G-YOG DANG BCAS PA 'KHYAM DU BTANG NGO, ,DE NAS RIM GYIS SONG STE KHA SARB'A nI'I ZHAL BLTAS TE, RIM GYIS DPAL N'A LANDRA'I SA RA HA'I SGO DRUNG DU SONG STE, SNYAN DNGAGS KYI RIG BYED DAG STON PA NA BRAM ZE CHEN POS RGYAL SRAS GZHON NU DE NANG DU KHRID NAS 'DIR 'ONG BA'I RGYU MTSAN GANG YIN DRIS, JI LTAR GYUR PA'I RGYU MTSAN BSHAD PAS, RAB TU 'BYUNG NUS NA THABS YOD GSUNGS PAS, PHYIS RAB TU 'BYUNG BAR KHAS BLANGS TE, TSE DPAG MED 'CHI BDAG 'JOMS PA'I DKYIL 'KHOR DU DBANG BSKUR NAS GZUNGS 'DON DU BCUG ,KHYAD PAR LO BDUN PA'I NUB MO MTSAN THOG THAG BTON PAS, 'CHI BDAG GI CHAD PA LAS GROL, LO BRGYAD LON PA NA RAB TU BYUNG NAS, SHES BYA RIG PA'I GNAS RNAMS DANG, THEG PA CHE CHUNG

THAMS CAD LA MKHAS PAR SBYANGS SO, ,PHYIS PHA MA DANG MJAL ZHING BRAM ZE CHEN PO DE NYID LAS DPAL GSANG BA 'DUS PA LA SOGS PA'I GSANG SNGAGS KYI CHOS MANG DU ZHUS PAS, RGYUD DANG SNYAN RGYUD KYI GDAMS PA DANG RJES SU BSTAN PA MA LUS PA GNANG ZHING, DE NYID LA MKHAN PO ZHUS TE BSNYEN PAR RDZOGS PAR MDZAD DE, MTSAN DGE SLONG DPAL LDAN ZHES GRAGS SO, ,DE LTAR N'A LANDRAR SDE SNOD GSUM DANG RGYUD SDE BZHI'I BSHAD SROL GANG YOD PA RNAMS GSAN ZHING, GTZO BOR NI TSE RABS THAMS CAD DU RJE BTZUN 'JAM DPAL DBYANGS KYIS RJES SU BZUNG BA YIN PAS RJE BTZUN 'JAM DBYANGS LHA'I BU'I TSUL BZUNG BA BYANG SEMS BLO GROS RIN CHEN LA MDO DANG SNGAGS KYI DAM PA'I CHOS MA LUS PA GSAN TE, STON PA SH'AKYA'I RGYAL PO ZHING 'DIR BYON NAS MDO SNGAGS KYI CHOS JI SNYED GSUNGS PA'I GSANG BA'I GNAS THAMS CAD THUGS LA CHUD PAR MDZAD DO, ,DE'I TSE MU GE CHEN PO ZHIG BYUNG NAS N'A LANDRA'I DGE 'DUN RNAMS 'TSO BAS PHONGS PAR GYUR PA NA GNAS BRTAN SGRA GCAN 'DZIN BZANG POS DPAL MGON 'PHAGS PA KLU SGRUB LA N'A LANDRA'I ZHAL TA PA MDZAD NAS DGE 'DUN RNAMS SKYONG DGOS PAR BSKUL BA NA, DPAL MGON 'PHAGS PA KLU SGRUB KYIS KYANG DE LTAR MDZAD PAR ZHAL GYIS BZHES TE GLING BAR NAS GSER 'GYUR GYI RTZI BZHES NAS ZANGS MANG PO GSER DU BSGYUR TE MU GE MED PA'I SA NAS 'BRAS DANG NAS LA SOGS PA 'TSO BA'I YO BYAD THAMS CAD DRANGS

, ,TE LO BCU GNYIS KYI BAR DU DGE 'DUN RNAMS 'TSO BAS PHONGS PA MED PAR MJAD, DE NAS BSLAB KHRIMS 'CHAL PAR SPYOD PA MANG PO ZHIG GIS SA'I STENG KHYAB STE RGYAL BA'I BSTAN PA'I NANG MDZOD 'DUL BA CHOS CHER NYAMS PAR BYAS PA THUGS KYIS MA BZOD NAS BSLAB KHRIMS 'CHAL PAR SPYOD PA STONG PHRAG MANG PO GNAS NAS PHYUNG, SKAL BA DANG LDAN PA RNAMS LA SDE SNOD GSUM GYI CHOS RGYA CHER BSTAN CING LHAG PAR DAM PA'I CHOS 'DUL BA RGYA CHER BSGRAGS TE SNGON STON PA THUB PA'I DBANG POS W'A RA n'A SIR BKA' DANG PO BDEN PA BZHI'I CHOS 'KHOR BSKOR BA DANG MTSUNGS PA LTA BU ZHIG MDZAD PAS, MDZAD PA DE LA SNGON GYI MKHAS PA RNAMS KYIS 'PHAGS PA KLU SGRUB KYIS DAM PA'I CHOS KYI SGRA CHEN PO LAN GSUM BSGRAGS PA'I NANG NAS DANG PO DAM BA'I CHOS 'DUL BA NYAMS PA GSOS TE 'DUL BA'I CHOS RGYA CHER BSGRAGS PA ZHES GTAM DU GRAGS SO, ,DE'I TSE BDUD SDIG TO CAN GYIS BYIN GYIS BRLABS PA DGE SLONG BDE BYED CES PAS THEG PA CHEN PO BSUN 'BYIN PA'I BSTAN BCOS GLEGS BAM MANG PO BRTZAMS TE THEG PA CHEN PO'I LTA SPYOD GNYIS KA BSUN 'BYIN PA ZHIG BYUNG BA NA, BDAG NYID CHEN PO 'PHAGS PA KLU SGRUB KYIS LOG PAR SMRA BA DE'I GNYEN POR CHOS RGYA CHER GSUNGS TE LTA BA LOG PA DE RNAMS BSUN PHYUNG, SKAL BA DANG LDAN PA MTHA' YAS PA LA SDE SNOD GSUM GYI CHOS RGYA CHER STON PAR MDZAD PA DE'I TSE BYIS PA GNYIS CHOS NYAN DU 'ONGS PA'I DRI ZHIM POS 'KHOR KUN TU KHYAB

PAR GYUR CING, SONG BA DANG DRI ZHIM PO DE MED PAR GYUR PA DANG, DE'I RGYU MTSAN DRIS PAS DE DAG NA RE NGED KLU'I RGYAL PO 'JOG PA'I BU YIN, MI YUL DU 'GRO BA LA TZAN DAN GOR SHIRshA'I BSRUNG BA BYAS PA YIN ZER RO, ,TZAN DAN DE BLANG DU YOD DAM DRIS PAS, YAB LA 'DRI YIS ZER NAS DRIS PAS, SLOB DPON KLU'I YUL DU 'BYON NA 'BUL ZER BA NA SLOB DPON GYIS KLU'I YUL DU GDUL BYA MTHA' YAS PA LA DGE BA'I RTZA BA BSKYED PA DANG, SHES RAB KYI PHA ROL TU PHYIN PA STONG PHRAG BRGYA PA GDAN DRANG BA SOGS DGOS PA MANG PO ZHIG NYE BAR GZIGS NAS 'BYON PAR ZHAL GYIS BZHES TE KLU'I YUL DU BYON, KLU'I RGYAL PO 'JOG PO LA SOGS PA KLU RGYAL MTHU BO CHE RNAMS KYIS GTZOS DKAR PHYOGS KYI KLU BGRANG BA LAS 'DAS PAS MCHOD PA'I DNGOS PO TSAD MED PAS MCHOD DE CHOS STON PAR GSOL BA BTAB PA NA BDAG NYID CHEN PO 'PHAGS PA KLU SGRUB KYIS KLU'I RGYAL PO 'KHOR DANG BCAS PA LA CHOS BSTAN, KLU RNAMS KYIS BZHUGS PAR ZHUS PAS, NGA MCHOD RTEN BYE BA BZHENG BA'I 'DAM TSOL BA DANG 'BUM GDAN 'DREN DU 'ONGS KYI BSDAD MI KHOM PHYIS 'ONG SRID GSUNGS TE, KLU'I 'DAM MANG PO DANG, SHES RAB KYI PHA ROL TU PHYIN PA STONG PHRAG BRGYA PA DANG, GZUNGS MANG PO SPYAN DRANGS TE 'DZAM BU'I GLING DU BYON, DE'I TSE KLU RNAMS KYIS SLOB DPON SLAR YANG KLU'I YUL DU NGES PAR 'BYON DGOS ZHES GTA' MA LTA BUR

, ,'BUM GYI GSHAM NAS BAG TZAM MA BSKUR CES GRAGS TE KLU YUL NAS SPYAN DRANGS PA'I YUM RGYAS PA LA RTAG TU DU'I LE'U DANG CHOS 'PHAGS KYI LE'U RNAMS MA BYUNG BAS BRGYAD STONG PA'I GSHAM GYI LE'U GNYIS PO DE YUM RGYAS PA'I GSHAM DU SBYAR TE LE'U GNYIS PO DE YUM RGYAS BSDUS LA KHYAD GANG YANG MED DO, ,DE NAS SLOB DPON KLU SGRUB KYIS KLU YUL NAS BZHES PA'I 'DAM DES MCHOD RTEN BYE BA LA SOGS PA BYAS, KLU RNAMS KYIS GROGS BYAS PAS, DE NAS KLU SGRUB TU MTSAN CHAGS, DE NAS LI KHA RA SHING 'PHEL DU PHEBS, GSER 'GYUR MDZAD DE SBYIN PA RGYA CHEN PO MDZAD NAS, BRAM ZE RGAN PO BZA' MI GNYIS LA GSER MANG PO GNANG BAS DAD DE, RGAN POS NYE GNAS BYAS CHOS MNYAN TE SHI NAS SLOB DPON KLU'I BYANG CHUB TU GYUR TO, ,GZHAN YANG LHA KHANG MANG PO BZHENGS SHING, DRIL BU LTA BU'I BRAG GSER DU BSGYUR BAR RTZOM PA'I TSE SGROL MA'I SPRUL PA RGAN MO'I RNAM PA CAN CIG GIS, DE BAS MCHOG BSGRUBS NA DON CHE BAS DPAL GYI RI LA SGRUB PA GYIS SHIG GSUNGS TE, DER SGROL MA'I SGRUB THABS KYANG MDZAD DO, ,DE NAS SLOB DPON KLU SGRUB KYIS RGYA GAR YUL DBUS KYI GRONG KHYER CHEN PO DRUG GIS GTZOS PHYOGS THAMS CAD DU GTZUG LAG KHANG DANG MCHOD RTEN MANG DU BRTZIGS, CHOS SMRA BA RNAMS LA MCHOD GZHI MANG DU GTZUGS, 'DZAM BU'I GLING GI RGYAL BA'I BSTAN PA LA ZHUGS NAS CHOS DON DU GNYER BA PHAL MO CHE 'DUS PA LA DAM PA'I CHOS

RGYA CHER STZAL, KHYAD PAR DU YANG RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES SHER PHYIN GYI MDO SDE RIN PO CHE'I DON CHOS RNAMS KYI GNAS LUGS STONG PA NYID NI SHIN TU RTOGS PAR DKA' BAS 'KHRUL MED DU RTOGS PA SRID MTHA' TZAM DU SNANG BA DANG, PHAL MO CHE NI THOS PA TZAM GYIS SKRAG STE SPONG BA DANG, 'GA' ZHIG NI MOS BLO BYED KYANG RANG BZHIN GYIS MED PA'I DON GTAN NAS MED PA'I DON DU BZUNG STE CHAD MTHAR LHUNG NAS PHUNG BAR 'GYUR BA DANG, STONG PA NYID KYI DON MA RTOGS NA THAR PA DANG THAMS CAD MKHYEN PA GANG GI'ANG LAM BGROD PA'I THABS MED PAR GZIGS NAS THUGS SNYING RJE CHEN POS RANG DBANG MED PAR BSKUL TE CHOS RNAMS KYI GNAS LUGS RTEN CING 'BREL PAR 'BYUNG BA DON DAM PAR RANG BZHIN GYIS GRUB PA RDUL TZAM YANG MED PA DANG, THA SNYAD DU DKAR NAG GI LAS 'BRAS NAM YANG BSLU BA MED PAR NGES PA GNYIS 'GAL MED DU RTOGS PA DBU MA'I LAM BZANG PO RGYA CHER BSGRAGS TE, GANG GIS RTEN CING 'BREL PAR 'BYUNG, ,ZHES SOGS DBU MA RTZA BA'I TSIG LE'UR BYAS PA DANG, DE'I YAN LAG GI RIGS TSOGS RNAMS MDZAD DE SNGON STON PA THUB PA'I DBANG POS BYA RGOD PHUNG PO'I RIR SHER PHYIN GYI MDO SDE RIN PO CHE BKA' STZAL PA JI LTA BAR 'DZAM BU'I GLING DU SHER PHYIN GYI MDO SDE RIN PO CHE'I DON CHES CHER GSAL BAR MDZAD DE THEG PA CHEN PO'I CHOS KYI SGRA BSGRAG PAR

, ,MDZAD DO, ,DE LA NI BDAG NYID CHEN PO KLU SGRUB KYIS 'DZAM BU'I GLING DU CHOS KYI SGRA CHEN PO LAN GSUM BSGRAGS PA'I NANG NAS CHOS KYI SGRA CHEN PO BSGRAGS PA GNYIS PA ZHES MKHAS PA RNAMS LA GTAM DU GRAGS SO; ;DE NAS GDUL BYA MANG PO ZHIG GI DON LA DGONGS TE BYANG SGRA MI SNYAN DU 'BYON PAR BZHED NAS BYON PA'I LAM KHAR BYIS PA CIG DZE TA KA'I LAG RIS LAS RGYAL POR LUNG BSTAN NAS SGRA MI SNYAN DU PHEBS, DER NA BZA' SHING LA BKAL NAS KHRUS MDZAD PAS, DE GZHAN GYIS KHYER BA LA NGA YI YIN GSUNGS PAS NGA BDAG CAN ZER, DE NAS SGRA MI SNYAN DU GDUL BYA'I DON MDZAD NAS TSUR PHEBS TSE SNGAR RGYAL POR LUNG BSTAN PA'I BYIS PA DE RGYAL POR GYUR PA RGYAL PO BDE SPYOD BZANG PO'I MCHOD GNAS SU LO GSUM BZHUGS TE DAM PA'I CHOS RGYA CHER STON PAR MDZAD, DE NAS RJE BTZUN MA SGROL MAS BSKUL BA LTAR LHO PHYOGS DPAL GYI RIL BYON TE GTZO BOR SGRUB PA SNYING POR MDZAD CING SRAS KYI THU BO A'ARYA DE WA DANG SANGS RGYAS BSKYANGS LA SOGS PA BSTAN 'DZIN CHEN PO MANG POS GTZOS MI DANG MI MIN GYI GDUL BYA MTHA' YAS PA LA DAM PA'I CHOS RGYA CHER STZAL TE RGYAL BA RANG NYID SLAR 'JIG RTEN DU BYON PA LTA BUR BSTAN PA CHES CHER RGYAS PAR MDZAD, RGYAL BA'I BSTAN PA NAM YANG MI NUB PAR YUN RING DU GNAS PA'I PHYIR RDO RJE GDAN LA RDO'I DRA MIG GI RA BA DANG, MCHOD RTEN BRGYA PHRAG MANG PO DANG, DPAL LDAN 'BRAS SPUNGS KYI BKOD PA CHEN PO DANG, DGE 'DUN GYI SDE RNAMS LA MCHOD GZHI MANG PO BTZUGS,

NAG PO CHEN PO LA SOGS PA CHOS SKYONG RNAMS LA 'PHRIN LAS BCOL, TZAndI KA DANG NOR RGYUN MA LA SOGS PA NOR LHA MANG PO LA RGYAL BA'I BSTAN PA BSTAN 'DZIN DANG BCAS PA LA MCHOD CING BSNYEN BKUR BYA BAR BSKOS TE RGYAL PA'I BSTAN PA SGO KUN NAS 'PHEL BAR MDZAD, SKU TSE'I SMAD LA GTZO CHER, LHO PHYOGS DPAL GYI RI LA BZHUGS SHING RGYAL BA RANG NYID SLAR BYON PA LTAR MDO SNGAGS GNYIS KA'I CHOS KYI 'KHOR LO RGYA CHER BSKOR, LHAG PAR CHOS DBYINGS BSTOD PA SOGS MDZAD NAS CHOS KYI SGRA CHEN PO GSUM PA BSGRAGS TE SNGON RGYAL BAS CHOS KYI 'KHOR LO BSKOR BA DANG MTHUN PAR GDUL BYA BGRANG BA LAS 'DAS PA THEG PA CHEN PO'I LAM LA 'KHRID PAR MDZAD CING, RGYAL BAS GSUNGS PA'I NGES DON GYI MDO RNAMS SUS KYANG DON GZHAN DU BSGYUR MI THUB PAR NGES PA BRTAN PAR MDZAD DO, ,PHYI RABS KYI GDUL BYA RNAMS KYI DON DU SDE SNOD GSUM DANG RGYUD SDE BZHI'I DGONGS PA 'GREL BA'I BSTAN BCOS MANG DU MDZAD PA NI 'DI LTAR, RGYAL BA'I BSTAN PA YONGS SU RDZOGS PA'I SNYING PO THEG PA CHEN PO'I LAM GYI LUS YONGS SU RDZOGS PA BYANG CHUB LAM GYI RIM PA RIGS PA'I LAM NAS DRANGS TE STON PA RIN PO CHE'I PHRENG BA DANG, DE NYID LUNG GIS BSGRUB PA MDO SDE KUN LAS BTUS PA MDZAD, LAM GYI RIM PA'I GNAD MTHA' DAG RGYAL BA'I BKA' DANG SBYAR TE STON PA LA, SA LU LJANG PA'I MDO 'GREL DANG, RJE BTZUN 'JAM DPAL GYI DON DAM PA'I BSTOD PA SOGS BSTOD TSOGS DANG, DPAL GSANG BA 'DUS PA'I SGRUB THABS MDOR BYAS PA, SGRUB THABS

, ,MDO DANG BSRES PA, BYANG CHUB SEMS 'GREL, RDZOGS RIM RIM PA LNGA PA, DBU MA RTZA BA'I TSIG LE'UR BYAS PA SHES RAB CES BYA BA, RIGS PA DRUG CU PA, ZHIB MO RNAM 'THAG, STONG NYID BDUN CU PA, RTZOD PA BZLOG PA'I TSIG LE'UR BYAS PA, BSHES PA'I SPRING YIG, SHES RAB BRGYA PA, SEMS CAN MGU BAR BYA BA'I TSIGS SU BCAD PA BCU GCIG PA, SBOM PO'I LTUNG BA BRGYAD PA, 'PHAGS PA BZANG PO SPYOD PA'I SMON LAM GYI BSHAD SBYAR, RMI LAM YID BZHIN NOR BU'I GTAM, SBYIN PA'I GTAM, SRID PA LAS 'DAS PA'I GTAM, SBYOR BA BRGYAD PA, LUGS KYI BSTAN BCOS SHES RAB SDONG BU, LUGS KYI BSTAN BCOS SKYE BO SO THIGS SOGS MDO RGYUD KYI DGONGS 'GREL DANG, MDO SNGAGS KYI LAM GYI RIM PA DANG, RGYUD SDE BZHI NAS GSUNGS PA'I LHA MANG PO'I SGRUB THABS SOGS BSTAN BCOS MANG DU MDZAD DO, ,DE LTAR BDAG NYID CHEN PO 'PHAGS PA KLU SGRUB KYIS RGYAL BA'I BSTAN PA LA BYA BA RGYA CHER MDZAD PA NA BDUD SDIG TO CAN DPUNG DANG BCAS PAS PHRAG DOG GIS MA BZOD PAR YOD PA LA, THABS GZHAN MA RNYED PAR, RGYAL PO BDE SPYOD KYI BTZUN MO'I MNGAL DU ZHUGS PA PHYIR BTZAS PAS RGYAL BU GZHON NU NUS LDAN DU GRAGS PA LA, MAS GOS SRUBS MED PA 'JIG RTEN NA RNYED PAR DKA' BA ZHIG BYIN PAS, BU NA RE, 'DI DA LTA SPOS LA NGA RGYAL SRID SKYONG BA NA BGO BAR BYA'O ZHES ZER BAR, MAS KHYOD KYI PHA SLOB DPON KLU SGRUB DANG TSE MNYAM PA'I BCUD LEN GRUB PAS SLOB DPON MA GRONGS BAR DU MI

'CHI BAS, KHYOD RGYAL SRID SKYONG BA MI YONG ZER BAS, PU MYA NGAN SKYES TE DUS PA DANG, MA NA RE, DU MI DGOS KYIS SLOB DPON BYANG CHUB SEMS DPA'I SPYOD PA RLABS PO CHE LA GNAS PAS, DBU BSLANG NA STER BAR 'GYUR ZHING, DER YAB KYANG 'GUM PAS KHYOD KYIS RGYAL SRID THOB PAR 'GYUR RO ZER, DE NAS RGYAL BUS SLOB DPON GYI DRUNG DU PHYIN NAS DBU BSLANGS BAS, BDAG NYID CHEN PO 'PHAGS PA KLU SGRUB KYIS 'DI LTAR DGONGS TE SNGON STON PA THUGS RJE CAN GYIS SLOB PA LAM GYI GNAS SKABS SU DBU SBYIN PAR BTANG BA SOGS BYA DKA' BA'I RGYAL SRAS KYI SPYOD PA MDZAD PA DE LTAR DU NGAS KYANG STON PA'I RNAM THAR BSKYANG BA DANG, BDUD SDIG TO CAN SPA BKONG BAR BYA BA DANG, PHYI MA'I SKYE BO RNAMS LA SNANG BAR BYA BA DANG, RGYAL SRAS RNAMS LA SNYING STOBS BSKYED PAR BYA BA'I PHYIR SPYIN BAR BYA'O SNYAM DU DGONGS NAS DBU STER BAR ZHAL GYIS BZHES PAS, RAL GRIS DBU BCAD KYANG MCHOD PAR, SLOB DPON GYI ZHAL NAS, NGAS SNGON 'JAG MA ZHIG BCAD PA'I ZHAR LA 'BU GCIG GI SKE GCAD PA'I NYES PA YOD PAS RTZVA KU SHAS CHOD CIG GSUNGS NAS BCAD PAS CHOD, DE'I TSE KHRAG 'O MAR BYUNG ZHING DBU DE'I ZHAL NAS, NGA NI 'DI NAS BDE BA CAN DU 'GRO, PHYI NAS LUS 'DI LA NI 'JUG PAR GYUR, CES PA'I TSIG BYUNG BAR GRAGS, DE NAS RGYAL PU DES DBU SLAR 'BYAR GYIS DOGS NAS DPAG TSAD TZAM DU DOR BA SLOB DPON BCUD LEN GRUB PAS SKU LUS DANG DBU RDO RU GYUR CING SLAR RIM GYIS DBU DANG SKU LUS GNYIS KA MA NYAMS PAR LO RE BZHIN JE NYE JE NYER SONG NAS MTHAR

, ,DBU DANG SKU LUS 'BYAR NAS SLOB DPON RANG NYID ZHAL BZHUGS DUS LTAR BSTAN PA DANG 'GRO BA'I DON RGYA CHAR MDZAD PAR GSUNGS SO, ,BDAG NYID CHEN PO 'DI NI SNGON YUN RING PO NAS SA'I DBANG PHYUG TU GSHEGS PA ZHIG YIN PAS DBU SBYIN PAR GTONG BA LA YANG BA MED PAR DGA' BZHIN SPRO BZHIN DU GTONG BAR MDZAD PA NI SA THOB PA'I RTAGS STON PAR MDZAD PA STE, DBU MA LA 'JUG PA LAS, JI LTAR BYIN CIG CES SGRA THOS BSAMS LAS, RGYAL SRAS BDE 'BYUNG DE LTAR THUB RNAMS LA, ,ZHI BAR ZHUGS PAS BDE BA BYED MIN NA, ,THAMS CAD BTANG BAS LTA ZHIG SMOS CI DGOS, ,ZHES SA THOB NAS DBU SBYIN PAR GTONG BA LA SDUG BSNGAL MED PAR MA ZAD DGE SLONG BSAM GTAN DANG PO LA MNYAM BAR BZHAG PA'I BDE BA LAS KYANG LHAG PA'I DGA' BA DANG BDE BA BSKYED PAR GSUNGS PA LTAR RO, ,'PHAGS PA KLU SGRUB NI SA THOB PAR RGYAL BAS MDO SDE NAS GSAL BAR GSUNGS SHING YONGS SU GRAGS PA LTAR YIN LA, DE YANG THUN MONG BA'I SNANG NGOR DPAL GYI RI LA LO NYIS BRGYA'I BAR DU SGRUB BA MDZAD NAS SA LAM GONG NAS GONG DU BGROD DES BDUN PA THOB PAR GRAGS SHING, SA DANG PO THOB PA NAS BZUNG 'JIG RTEN GYI KHAMS BRGYAR SPRUL PA'I BKOD PA BRGYA STON PA DANG, SANGS RGYAS BRGYA LA SKU'I BKOD PA BRGYAS DUS GCIG TU CHOS MNYAN PA SOGS YON TAN BRGYA PHRAG BCU GNYIS THOB CING, YON TAN DE DAG SA GNYIS PA NAS BZUNG GONG 'PHEL DU 'GRO BAR GSUNGS PAS BSAM GYIS MI KHYAB BA'I YON TAN DANG

LDAN PA YIN ZHING, THUN MONG MIN PAR NI SGRON GSAL LAS DE LTAR SLOB DPON CHEN PO DPAL KLU SGRUB KYI ZHAL SNGA NAS KYIS NYID KYI DON RJES SU BRNYES NAS, SO SOR RANG RIG BA RDO RJE 'DZIN PA CHEN PO'I TING NGE 'DZIN 'JIG RTEN DU BSTAN NAS, LHA DANG MI'I BDE BA LAS 'DAS SHING, MU STEGS DANG NYAN THOS DANG RANG SANGS RGYAS KYI BSAM GTAN DANG SNYOMS PAR 'JUG PA'I BDE BA LAS 'DAS NAS, SKYE BA DANG 'GAG PA DANG BRAL BA'I DE BZHIN GSHEGS PA'I SKU, RNAM PA THAMS CAD KYI MCHOG DANG LDAN PA, SKU LTA BAS CHOG MI SHES PA STOBS BCU DANG MI 'JIGS PA LA SOGS PA SANGS RGYAS KYI YON TAN RNAMS KYIS BRGYAN BA BRNYES NAS BDE BA CAN DU GSHEGS TE, YON TAN GYI DBANG PHYUG BRGYAD DANG LDAN PAS BZHUGS SO, , ZHES 'PHAGS PA KLU SGRUB KYIS SKU TSE DE LA GSANG BA 'DUS PA'I LAM LA BRTEN NAS ZUNG 'JUG RDO RJE 'CHANG GI GO 'PHANG BRNYES PAR GSUNGS SO, ,DPAL MGON 'PHAGS PA KLU SGRUB KYIS RGYAL BAS GSUNGS PA'I CHOS PHUNG BRGYAD KHRI BZHI STONG GI DRANG NGES DRI MA MED PA'I RIGS PAS LEGS PAR PHYE NAS RGYAL PA'I DGONGS PA 'KHRUL MED DU GTAN LA PHAB PA'I LAM SROL DE NYID 'DZIN CING SPEL BAR BYED BA'I THUGS SRAS BSTAN 'DZIN DAM PA MTHA' YAS PA ZHIG BYON ZHING, THAMS CAD KYI NANG NAS GTZO BOR GYUR PA THUGS SRAS BZHI, NYE BA'I THUGS SRAS GSUM STE BDUN DU GRAGS TE, SLOB DPON KLU SGRUB KYI THUGS SRAS BZHI NI, 'JAM DPAL ZHAL MTHONG SH'AKYA MI TRA, SGROL MA'I ZHAL MTHONG N'A GA BO DHI, SA BRGYAD

, ,NON PA A'ARYA DE WA, SPYAN RAS GZIGS ZHAL MTHONG MA TANGKI PA BZHI'O,, NYE BA'I THUGS SRAS GSUM NI, SANGS RGYAS BSKYANGS, LEGS LDAN 'BYED, SLOB DPON DPA' BO GSUM ZHES 'BYUNG NGO, ,DE DAG GI NANG NAS KYANG ZLA DANG BRAL BA NI SLOB DPON A'ARYA DE WA STE, SLOB DPON A'ARYA DE WA NI MDO SNGAGS GANG GI THAD LA'ANG 'KHRUL PA'I DRI MA PHRA MO'ANG MED PAR SLOB DPON KLU SGRUB KYI DGONGS PA JI BZHIN DU GTAN LA 'BEBS PA'I BSTAN BCOS MANG DU MDZAD PA PO STE, SLOB DPON A'ARYA DE WAS SLOB DPON KLU SGRUB KYI DGONGS PA LTAR ZAB PA DANG RGYA CHE BA'I LAM GYI RIM PA YONGS SU RDZOGS PA DRI MA MED PA'I RIGS PA'I LAM NAS DRANGS TE STON PA'I BSTAN BCOS BZHI BRGYA PA DANG, DPAL GSANG BA 'DUS PA GTZO BOR BYAS PA'I BLA MED KYI LAM RIM GNYIS KYI GNAD MTHAR THUG PA RNAMS STON PA'I GZHUNG SPYOD BSDUS SGRON MDZAD CING GZHAN YANG BSTAN BCOS MANG DU MDZAD DO, ,'PHAGS YUL GYI MKHAS PA THAMS CAD SLOB DPON KLU SGRUB YAB SRAS ZHES 'PHAGS PA KLU SGRUB DANG 'PHAGS PA LHA GNYIS LA RNAM PA KUN TU TSAD MAR 'DZIN CING SNGON GYI DBU MA PA RNAMS SLOB DPON 'DI GNYIS LA GZHUNG PHYI MO'I DBU MA PA ZHES KHUNGS MTHAR THUG TU BYED DO, ,SLOB DPON SH'AKYA MI TRAS RIM LNGA'I RIM PA GNYIS PA'I STOD RNAMS SLOB DPON KLU SGRUB NYID KYIS RJES SU GNANG BA BYIN NAS BRTZAMS BAR GRAGS SHING, 'DIS MDZAD PA'I BRTZAM CHOS GZHAN MI SNANG YANG SLOB DPON 'DIS SKAL BA DANG LDAN PA MANG PO LA 'PHAGS PA KLU SGRUB

KYI LUGS BZANG RGYA CHER SPEL BAR MDZAD DO, ,NA GA BO DHI ZHES PA SLOB DPON KLU'I BYANG CHUB NI 'PHAGS PA KLU SGRUB KYI MAN NGAG LA BRTEN NAS 'JA' LUS RDO RJE'I SKU BRNYES TE DPAL GYI RI SOGS GRUB PA'I GNAS RNAMS SU BZHUGS NAS DPA' BO DANG MKHA' 'GRO BGRANG BA LAS 'DAS PA DAG DANG SKAL BA DANG LDAN PA'I MI DAG KYANG RJES SU 'DZIN PAR MDZAD DO, BKA' GDAMS GONG MA'I DUS SLOB DPON 'DIS BKA' GDAMS KYI BSHES GNYEN CHEN PO MANG PO LA ZHAL BSTAN NAS GDAMS PA DANG RJES SU BSTAN PA MANG DU STZAL BA'I RNAM THAR SNANG ZHING, GRUB CHEN CHOS RDO RJE DANG YANG DANG YANG DU 'TSOGS TE RDO RJE THEG PA'I BKA' BGRO BAR MDZAD PA DANG, PAn CHEN BLO BZANG CHOS KYI RGYAL MTSAN GYIS BKRA SHIS LHUN PO'I DBEN 'DUMS MCHOD RTEN BZHENGS NAS RAB GNAS MDZAD PA'I TSE SLOB DPON KLU'I BYANG CHUB DANG GRUB CHEN CHOS RDO RJE GNYIS DNGOS SU PHEBS TE MCHOD RTEN GYI RTZE MOR LHAN DU BZHUGS NAS RAB GNAS MDZAD CING, PAn CHEN BLO BZANG CHOS KYI RGYAL MTSAN LA GDAMS PA DANG RJES SU BSTAN PA YANG STZAL TO, ,SLOB DPON 'DIS DPAL GSANG BA 'DUS PA'I DKYIL 'KHOR GYI CHO GA DANG, SKU GSUM LAM KHYER GYI NGO SPROD CHES KHYAD PAR DU 'PHAGS PA RNAM GZHAG RIM PA ZHES BYA BA'I BSTAN BCOS MDZAD CING, GZHAN YANG MANG DU MDZAD DO, ,MA TANGKI PAS NI 'PHAGS PA KLU SGRUB KYI SNYAN RGYUD KYI MAN NGAG RNAMS GRUB CHEN TEE LO PA LA YONGS SU RDZOGS PA GNANG ZHING SKAL BA DANG LDAN PA GZHAN MANG PO LA YANG RGYA CHER SPEL LO, ,SLOB

, ,DPON SANGS RGYAS BSKYANGS NI LHO PHYOGS TAMBA LA'I YUL GYI BYE BRAG NGANG PAS RTZE BA ZHES BYA BAR SKU 'KHRUNGS, RGYAL BA'I BSTAN PA LA ZHUGS NAS RAB TU BYUNG ZHING BSNYEN PAR RDZOGS TE SDE SNOD GSUM DANG RGYUD SDE BZHI LA SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS LA BSNYEN TE MDO SNGAGS KYI MAN NGAG RNAMS GSAN, SGRUB PA LHUR MDZAD PAS RJE BTZUN 'JAM PA'I DBYANGS DNGOS SU GRUB CING, LAM RIM GYIS BGROD DE GRUB PA'I GO 'PHANG MTHON POR GSHEGS NAS BSTAN PA'I DON DU 'PHAGS PA KLU SGRUB KYI DGONGS ZAB MTHAR THUG PA ZAB MO RTEN CING 'BREL PAR 'BYUNG BA'I TSUL RIGS PA'I RNAM 'GYUR BRGYA PHRAG MANG POS GSAL BAR BYED PA DBU MA RTZA SHE'I 'GREL PA MDZAD DE, DE LA NI RTZA SHE'I 'GREL PA BUDDHA B'A LI TA ZHES YONGS SU GRAGS TE, RTZA SHE'I 'GREL BA JI SNYED MCHIS BA THAMS CAD KYI NANG NAS RGYAL MTSAN GYI TOG LTAR CHES KHYAD PAR DU 'PHAGS PA ZHIG YIN PAR SLOB DPON ZLA BA GRAGS PA DANG RJE BDAG NYID CHEN POS RGYA CHER BSNGAGS PA MDZAD DO, ,SLOB DPON 'DIS GZHAN YANG MDO RGYUD KYI DGONGS PA 'GREL BA'I BSTAN BCOS MANG DU MDZAD DO, ,SLOB DPON LEGS LDAN 'BYED NI ZAB MO DBU MA'I LAM BZANG GSAL BAR MDZAD PHYIR 'PHAGS PA KLU SGRUB KYI SRAS KYI THU BO'I TSUL DU BSAM BZHIN DU BYON PA ZHIG STE, BDAG NYID CHEN PO 'DI NI 'PHAGS

MCHOG RAB 'BYOR GYI SPRUL PA YIN PAR YONGS SU GRAGS PA LTAR RO, ,SLOB DPON 'DIS 'PHAGS PA KLU SGRUB KYI LUGS BZANG GSAL BAR BYA BA'I PHYIR, RTZA SHE'I 'GREL PA SHES RAB SGRON MA MDZAD CING, GZHAN YANG BSTAN BCOS MANG DU MDZAD LA, SHES RAB SGRON MAR RANG RGYUD PA'I GRUB MTHA' 'CHA' BAR MDZAD PA NI RGYAL BA'I DGONGS PA 'PHAGS PA KLU SGRUB KYIS BKRAL BA'I DBU MA'I LTA BA MTHAR THUG PA DE SHIN TU RTOGS DKA' BAS DE RTOGS PA'I THABS SU GDUL BYA RNAMS RIM GYIS BKRI BA'I PHYIR THABS MKHAS KYIS MDZAD PA ZHIG GO, 'PHAGS PA KLU SGRUB KYIS 'DZAM BU'I GLING DU LO DRUG BRGYA BZHUGS NAS BSTAN PA'I DON RGYA CHER MDZAD PAS SKU TSE'I STOD SMAD BAR GSUM GYI SLOB MA RIM PA MANG PO YOD PA LAS, SKU TSE'I SMAD KYI SLOB MA'I GTZO BO BSTAN 'DZIN THAMS CAD KYI GTZUG GI NOR BU LTA BUR GYUR PA NI SLOB DPON ZLA BA GRAGS PA STE, SLOB MA'I THA MA ZLA GRAGS LA, ,CHOS KYI THA MA SKYE MED BSTAN, ,CES 'PHAGS PA KLU SGRUB BDE BA CAN DU GSHEGS KHAR GSUNGS ZHES SNGON GYI CHOS 'BYUNG DAG LAS 'BYUNG BA LTAR RO, ,BDAG NYID CHEN PO 'DIS RGYAL BA'I BSTAN PA LA BYA BA JI LTAR MDZAD PA'I TSUL NI DA LTA NYID DU 'CHAD PAR 'GYUR RO, ,'PHAGS PA KLU SGRUB KYIS LO DRUG BRGYAR BSTAN PA'I

, ,BYA BA MDZAD NAS BDE BA CAN DU GSHEGS TE, SLAR YANG 'DZAM BU'I GLING DU SNGAR GYI SKU LUS DANG DBU 'BYAR TE 'GRO BA'I DON RGYA CHER MDZAD PAR GRAGS SHING, MTHAR DANG BA'I 'OD CES BYA BA'I 'JIG RTEN DU DE BZHIN GSHEGS PA YE SHES 'BYUNG GNAS ZHES BYA BAR MNGON PAR RDZOGS PAR 'TSANG RGYA BAR GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DPAL MGON 'PHAGS PA KLU SGRUB LA GSOL BA 'DEBS SHING SLOB DPON BDAG NYID CHEN PO 'DIS JI LTAR GSUNGS PA LTAR BSHES GNYEN BSTEN TSUL NAS ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA LUNG DANG RIGS PAS NGES PA RNYED PAR BYAS LA BRTZON PA CHEN POS NYAMS SU BLANG BAR BYA'O,, ` ,,'PHAGS PA'I DGONGS PA GSAL MDZAD ZLA BA GRAGS, ,ZHES BSNGAGS PA, DPAL LDAN ZLA BA GRAGS PA NI, RGYA GAR LHO PHYOGS SA MA NA ZHES BYA BA'I YUL DU SKU 'KHRUNGS TE, YUL DER BRAM ZE PHO MO GNYIS LA BU SBRUL PA'I MTSAN RTAGS DANG LDAN PA ZHIG BYUNG NAS MTSAN MKHAN RNAMS LA BSTAN PAS 'DI NI MTSAN SHIN TU BZANG STE, 'DI NI RGYAL BA'I BSTAN PA LA ZHUGS NAS BSTAN 'DZIN CHEN PO ZHIG TU 'GYUR RO, ,ZHES LUNG BSTAN, JI LTAR LUNG BSTAN PA LTAR PHA MA GNYIS KYIS KYANG GNANG STE NA LANDRAR RAB TU BYUNG, NA LANDRA'I MKHAN PO ZLA BA MGON PO ZHES BYA BA LAS TSIGS SNGA MA DGE TSUL GYI

SDOM PA BZHES, MKHAN PO NYID KYI MTSAN LAS DRAS TE ZLA BA GRAGS PA ZHES MTSAN BTAGS, DE NAS RIM GYIS BSNYEN RDZOGS KYI SDOM PA BZHES SHING SDE SNOD GSUM DANG RGYUD SDE BZHI LA SBYANGS PAS MKHAS PA'I PHUL DU PHYIN PAR GYUR TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS RDUL SPYI BOS BLANGS TE, MDO SNGAGS KYI MAN NGAG YONGS SU RDZOGS PAR GSAN, JI LTAR GSAN PA LTAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA RTZE GCIG TU MDZAD PAS RTOGS PA MCHOG THOB STE PHYI NANG GI SPROS PA THAMS CAD DOR NAS NYIN MTSAN KHOR YUG TU DON DAM PA'I BYANG CHUB KYI SEMS BSGOM BZHIN BZHUGS PAS THA MAL PA DAG GI SNANG BA LA BZA' BTUNG BYED PA DANG, BSHANG GCI 'DOR BA TZAM MA GTOGS BYA BA GZHAN GANG YANG MI BYED PAR NYAL BA 'BA' ZHIG LHUR MDZAD PA ZHIG TU MTHONG NAS DE DAG MA RANGS TE, ZLA BA GRAGS PA 'DI THOS BSAM SGOM PA DANG, DGE 'DUN GYI LAS GANG YANG MI BYED BAR ZOS KYIN NYAL SDOD PA CIG BYUNG BAS, DGE 'DUN RNAMS KYIS, 'DI SNGAR MU STEGS PA YIN PAS, DA DUNG MU STEGS PAR LDOG PAR 'DUG ,'DI SGYU THABS SU GNAS NAS DA GZOD 'O SKOL LA GNOD NAS 'ONG, 'DI NI LAS NGAN SME SHA CAN, ,MU STEGS NYID KYANG MA DOR BAS, ,DGE 'DUN BYA BA MI BYED DE, ,'DI YIS GNOD SKYEL 'DON PAR RIGS, ,BYAS PAS, MKHAN PO ZLA BA MGON POS BDAG NYID CHEN PO 'DI'I NGANG

, ,TSUL RTOGS PAS 'DI GNAS NAS DBYUNG BAR MI RIGS ZHES BKAG CING THUGS DAM LA GCIG TU GZHOL BA'I MDZAD PA DE LA SHIN TU DGYES SO, ,DE NAS NA LANDRA'I MKHAN POS SLOB DPON ZLA BA GRAGS PA LA RANG NYID THUGS DAM LAS G-YO BA MED KYANG DGE 'DUN GYI KHROD NA THA MAL PA MANG PO ZHIG NYID KYI NGANG TSUL MA RTOGS PAR SDIG GSOG PAR 'DUG PAS, KHYOD KYIS GNYER CIG GYIS, NYI MA GRAGS GROGS LA BTANG GIS GSUNGS BAS GNYER MDZAD NAS MA HE DANG BA LANG LA SOGS PA NAGS LA YAN DU BCUG NAS, RI MO'I BA ZHIG BYAS NAS YOD PA LA, DGE 'DUN RNAMS KYIS MA HE LA SOGS PA NAGS LA BRGYAB NAS, DA 'DI CI BYED BLTA'O BYAS PAS, NYI MA GRAGS PAS G-YOG BYAS NAS ZHO DANG 'O MA MANG PO KHYER BYUNG BAS NYI MA GRAGS KYIS MA HE SOGS RA LI BRGYAB NAS ZHO DANG 'O MA 'DI TZAM 'ONG BCI YIN BYAS NAS JI LTAR BYED BLTAS PAS, RI MO'I BA LAS BZHOS NAS 'ONG BA MTHONG BA GSANG NAS BSDAD PAS, DE NAS GNYER THON NAS 'BRAS LA SOGS PA MANG PO GTAD PAS, KHYOD KYIS MA HE SOGS RA LI BRGYAB NAS, 'BRAS DANG MAR LA SOGS PA MA ZAD PA CI LAS BYUNG ZER BA LA, NYI MA GRAGS NA RE, DPAL LDAN ZLA BA GRAGS PA YIS, ,RI MO'I BA LAS ZHO BZHOS NAS, ,DGE 'DUN 'TSO BA LEGS PAR BSGRUBS, ,BYAS PAS, MKHAN PO NA RE, SEMS LA DBANG THOB PAS RI MO'I BA LAS ZHO 'JO BA NGO MTSAR CHE GSUNG, YANG LAN CIG ,TU RUshKA'I

DMAG BYUNG NAS N'A LANDRAR ZLA BA PHYED KYI LAM NA SLEBS ZER NAS, PAndI TA DANG, NUS PA CAN THAMS CAD LA DMAG BZLOG PA'I THABS YOD DAM ZHUS PAS, THABS MA BYUNG BA'I TSE, N'A LANDRA'I CHOS SKYONG GI THUGS KA NAS, BYA ROG CIG BYUNG NAS, ZLA BA GRAGS PA LA ZHUS ZER NAS ZHUS PAS, ZLA BA'I ZHAL NAS THABS YOD KYIS, RDO'I SENG GE GCIG GYIS LA, SANGS RGYAS PA RNAMS KYIS DKON MCHOG GSUM LA GSOL BA THOB, MU STEGS PA RNAMS KYIS KYANG DBANG PHYUG CHEN PO LA GSOL BA THOB CIG GSUNGS NAS, DER RDO'I SENG GE BCOS ZIN PA DANG, DE GAS SHING, DE'I NANG NAS MI GCIG BYUNG NAS, NGAS BYA DGOS ZER LEGS PA CIG BCOS ZIN PA DANG, ZLA BA GRAGS PA PHEBS NAS, N'A LANDRA'I BYANG PHYOGS SU DPAG TSAD BCO LNGA PA'I BAR GYI RDO'I SENG GE BZHAG PA CAN DU DMAG RNAMS SLEBS BYUNG BA NA, DMAG RNAMS SLEBS BYUNG NGO BYAS KYENG SENG GE 'GROR MA 'DOD PA LA, DGE 'DUN RNAMS NA RE 'DIS BSLUS, 'O SKOL PHUNG NGO ZER BA LA, SLOB DPON ZLA BA GRAGS PA KOG GIS BZHENGS NAS TZAN DAN GYI DBYUG PA 'DOM GANG BA CIG KHYER NAS SENG GE'I MGO LA THENG GSUM BRGYAB PAS G-YU RAL LAN GSUM SPRUGS DMAG THAMS CAD BSKRAD NAS SENG GE'I GDONG PA KHRAG TU SONG NAS 'DUG PAS, DE'I DUS RGYAL PO STOBS LDAN GZHON NUS, DPAL LDAN ZLA BA GRAGS PA YIS, ,STOBS LDAN RDO YI SENG GE BSKUL, ,TU RUshKA YI DMAG BZLOG KYANG, ,SHI RMAS MED PA NGO MTSAR CHE, ,ZHES ZER RO, ,

, ,DE NAS DGE 'DUN RNAMS NA RE, 'DI ZLA BA GRAGS PA'I NUS PA MIN, DGE 'DUN RNAMS KYI RAB GNAS BYA DGOS ZER NAS, RAB GNAS BYAS BAS SENG GE SA'I NANG DU NUB PAS, MKHAN PO NA RE, 'DI ZLA BA GRAGS PA SEMS LA DBANG THOB PA'I BYIN RLABS YIN GSUNG, YANG SLOB DPON NAGS NA SGOM GYIN BZHUGS PA LA NAGS LA ME SHOR BA'I TSE, N'A LANDRA PA LA SOGS PA'I YUL MI RNAMS KYIS BLTAR PHYIN PAS, SHING GI LHA MO ZHIG GIS RO STOD BTON NAS, BYAMS MGON SNYING RJE'I BLO CAN NYID, ,ME YIS MI 'TSIG CHUS MI 'KHYER, ,RLUNG GIS 'THOR BAR GA LA NUS, ,ZHES ZER, MI RNAMS KYIS PHYIN PAS SLOB DPON GYI RTZVA'I SPYIL BU'I 'DOM GANG TSUN CHAD MES MA 'TSIG PAR 'DUG CING; SLOB DPON GYI ZHAL NAS, NGA YI BLA MA KLU SGRUB KYIS, ,SKYE BA MED PA'I MES DNGOS PO'I, ,BUD SHING THAMS CAD BSREGS PA YIN, ,MKHAN PO YIS KYANG BSREGS PA YIN, ,NGAS KYANG SKYE BA MED PA'I MES, ,DNGOS PO'I BUD SHING BSREGS PA YIN, ,DNGOS PO'I ME YIS GA LA TSUGS, ,ZHES GSUNGS SO, ,MNGON PAR SHES PA THOGS MED MNGA' BA YIN TE, MU STEGS KU MA RI KA NA RE, SLOB DPON LA MNGON SHES YOD PA MI BDEN YONG, BDEN NA BRGYA BYIN DA LTA CI BYED DRIS PAS, SLOB DPON GYI GSUNG NAS BRGYA BYIN DNGOS NI SUM CU RTZA GSUM NA YOD LA, SPRUL PA CIG DGA' LDAN NA BYAMS PA LA CHOS NYAN GYI YOD GSUNGS PAS, KU MA RI YI DAM CHES PA LA, SLOB DPON GYI PHYAG YAB MDZAD PAS, ,

BRGYA BYIN DNGOS 'ONGS BA DE KHOS MA MTHONG, YANG PHYAG YAB MDZAD PAS, SBRUL PA 'ONGS PA KHOS MTHONG NAS, KHYOD BRGYA BYIN YIN NAM BYAS PAS DNGOS MIN, DNGOS YIN NA MIG STONG YOD PA LAS, NGA LA RJES LAS MED ZER NAS, BLTAS PAS RJES LAS MI 'DUG BAS KU MA RI YID CHES SO, ,DES NA SLOB DPON 'DI NYID PAndI TA RNAMS KYI MCHOG TU GYUR PA YIN TE, N'A LANDRA NA PAndI TA MANG PO YOD KYANG, MU STEGS KYI RGOL BA TSAR GCOD MI NUS NA PHYIR CHOS 'CHAD MI NUS LA, SLOB DPON 'DI NYID PHYIR CHOS 'CHAD PA NA, LHO PHYOGS KYI MKHAS PA CHEN PO TZANDRA GOO MI SLOB DPON CHOS 'CHAD PA'I SAR 'ONGS TE 'DUD PA MI BYED PAR 'GRENGS TE GNAS PA NA SLOB DPON ZLA BA GRAGS PA'I DGONGS PA LA RTZOD DAM BGRO BAR 'DOD PA CIG 'ONGS PA YIN SNYAM NAS DE LA, PHYOGS GANG NAS 'ONGS, CHOS CI SHES DRIS BAS, LHO PHYOGS NAS 'ONGS, SGRA PA nI, SHER PHYIN TSUL BRGYA LNGA BCU PA, 'JAM DPAL MTSAN BRJOD SHES ZER, SGRA DANG, MTSAN NYID KYI RTZA BA DANG, SNGAGS KYI RTZA BA SMOS PAS, LUNG RIGS LA MKHAS PAR KHAS BLANGS KYANG, TSIG KHENGS SKYUNGS BAR 'DUG BAS, TZANDRA GOO MI MIN NAM DRIS PAS, DE LTAR 'JIG RTEN PA RNAMS 'DOGS SO GSUNGS, 'O NA PAndI TA CHEN PO THOG BABS SU PHEBS BA MA LEGS, BSU BA BYA DGOS PAS RE SHIG PHYIR GSHEGS SHIG BSU BA BGYI'O BYAS NAS, CHOS 'CHAD 'PHRO BCAD DE, GAndI BRDUNGS PAndI TA RNAMS BSAGS TE, 'DIR MKHAS PA CHEN PO TZANDRA GOO MI BYON GYIS, BSU BA BYA

, ,DGOS PAS SHING RTA GNYIS 'CHOS LA GCIG LA 'JAM DPAL GYI SKU BZHUGS, GCIG LA TZANDRA GOO MI BZHUGS LA MCHOD PA'I TSOGS KYIS SPYAN DRONGS SHIG CES BSGOS TE, DE LTAR BGYIS PA'I TSE, 'JAM DPAL LA TZANDRA GOO MIS BSTOD PAS, SKU DE DGYES TE SLOB DPON LA ZHAL PHYIR GZIGS TE, DA LTA YANG N'A LANDRA NA BYIN RLABS CAN SHING SKU 'JING YON DU GRAGS PA BZHUGS, DE NAS TZANDRA GOO MI N'A LANDRAR BYON PA LA BSNYEN BKUR ZHING, SLOB DPON ZLA BA GRAGS PA DANG GDAN 'DZOM, PHAN TSUN CHOS KYI BGRO BA MDZAD PAS, SLOB DPON ZLA BA GRAGS PAS GANG DRIS PA'I LAN THOGS MED DU BTAB, TZANDRAS SPYAN RAS GZIGS LA DRIS SHING LAN THOGS BCAS SU 'DEBS, DE'I TSE DPAL LDAN ZLA BAS GZIGS PAS, SPYAN RAS GZIGS KYI RDO SKU BZHUGS PA'I KHANG PA NAS BYUNG BAS, LAN CIG DER SONG STE RGYAB NAS NYAN BAS CHOS 'CHAD CING 'DUG PA DANG, ZHAL LTA DGOS DGONGS TE NANG DU PHYIN PA DANG SPRUL SKU ZHAL BRTUL TE, DER SLOB DPON GYIS SA THE BTZUGS NAS, KHONG LA ZHAL STON PA LTAR BDAG LA'ANG BSTAN DU GSOL ZHES GSOL BA BTAB PAS, MNAL LAM DU BYON TE, KHYOD 'JAM DPAL GYIS BYIN GYIS BRLABS PA'I MKHAS PA CHEN PO YIN PAS NGAS BYIN GYIS BRLAB MI DGOS, TZANDRA GOO MI LA CUNG ZAD BYIN GYIS BRLABS PA YIN GYIS DE SKAD MA ZER GSUNG, MNAL SAD TSE DE LTAR LAGS KYANG ZHAL STON PAR ZHU ZHUS PAS ZHAL MNGON SUM DU BSTAN TO, ,DE'I TSE BDAG GI SPYI GTZUG TU BZHUGS

LA SEMS CAN THAMS CAD KYI MTHONG BAR MDZOD CIG CES GSOL PAS, SPYAN RAS GZIGS KYI ZHAL NAS NGAS SEMS CAN THAMS CAD KYI DRUNG DU SONG YANG, DE RNAMS LAS KYI SGRIB PAS NGA MTHONG BAR MI 'GYUR GSUNGS, CIS KYANG BZHUGS SHIG CES GSOL BA BTAB NAS, 'PHAGS PA SPYI BOR KHYER NAS THAMS CAD DU PHEBS NAS BDAG GI SPYI BO NA 'PHAGS PA BZHUGS SO, ,PHYAG MCHOD GYIS BYAS KYANG LA LAS CI YANG MA MTHONG, LA LAS KHYI ROR MTHONG, PHAL CHE BAS CHOS MANG DU BSHAD PAS RLUNG SMYO YIN ZER, CHANG TSONG MA ZHIG GIS ZHABS TZAM MTHONG BAS KYANG THUN MONG GI DNGOS GRUB THOB PA ZHIG BYUNG ZHES GRAG GO ,SLOB DPON 'DIS 'PHAGS PA KLU SGRUB KYI DGONGS PA LTAR SHER PHYIN GYI MDO SDE RIN PO CHE'I DON ZAB PA DANG RGYA CHE BA'I LAM GYI RIM PA'I LUS YONGS SU RDZOGS SHING SA LAM 'BRAS BU DANG BCAS PA RGYAS PAR STON PA'I GZHUNG DBU MA LA 'JUG PA RANG 'GREL NGANG BCAS PA MDZAD CING, CHOS RNAMS KYI GNAS LUGS STONG PA NYID RIGS PA BRGYA PHRAG GI SGO NAS GTAN LA 'BEBS PA DBU MA RTZA BA'I 'GREL PA TSIG GSAL DANG, LAM THUN MONG BAS RGYUD SBYANGS NAS THUN MONG MIN PA BLA MED KYI LAM LA 'JUG PA'I 'JUG SGO DBANG DANG DAM TSIG ,ZHUGS NAS SGOM BYA'I LAM RIM PA GNYIS 'BRAS BU DANG BCAS PA MTHA' DAG YONGS SU RDZOGS PAR STON PA RGYUD KYI RGYAL PO DPAL GSANG BA 'DUS PA'I RTZA RGYUD KYI 'GREL PA SGRON MA GSAL BA MDZAD DE, TSIG GSAL DANG, SGRON GSAL GNYIS LA NI SNGON GYI MKHAS PA RNAMS KYIS, MKHA' LA NYI ZLA RNAM GNYIS,

, ,SA LA GSAL BA RNAM GNYIS ZHES SA'I STENG NA 'GRAN ZLA MED BA'I BSTAN BCOS SU BSNGAGS SO, ,GZHAN YANG SLOB DPON 'DIS LAM GYI RIM PA'I LTA BA'I GNAD RNAMS STON PA'I BSTAN BCOS BZHI BRGYA PA'I 'GREL PA DANG, RIGS PA DRUG CU PA'I 'GREL PA DANG, DBU MA PHUNG PO LNGA PA, STONG NYID BDUN CU PA'I 'GREL PA, SKYABS 'GRO BDUN CU PA, THUGS RJE CHEN PO LA SMRE SNGAGS SU GSOL PA, GSANG BA 'DUS PA'I SBYOR BA YAN LAG DRUG PA'I 'GREL PA, GSANG BA 'DUS PA'I MNGON BAR RTOGS PA'I RGYAN GYI 'GREL PA, RDO RJE SEMS DPA'I SGRUB THABS, KHRO BO BDUD RTZI 'KHYIL BA'I SGRUB THABS, SGROL MA'I BSTOD PA RNAMS MDZAD DO, ,SLOB DPON ZLA BA GRAGS PA 'DI NI 'PHAGS PA KLU SGRUB KYI LUGS BZANG GSAL BAR MDZAD PHYIR BSAM BZHIN DU BYON PA ZHIG STE, RJE BDAG NYID CHEN POS RJE BTZUN 'JAM DPAL DBYANGS LA 'PHAGS PA KLU SGRUB KYI DGONGS PA 'GREL BA LA SLOB DPON ZLA BA GRAGS PA 'KHRUL MED 'BA' ZHIG TU BZUNG BAS AE CHOG ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI ,DE BZHIN GSHEGS PA CIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL PAR BYA BA'I SLAD DU BSAM BZHIN DU SKYE BA BZUNGS PA YIN PAS, 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED BAS, 'DI LA RNAM PA

THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO ZHES GSUNGS PA LTAR RO, ,SLOB DPON ZLA BA GRAGS PA 'DI NI, RGYA GAR GRUB CHEN BRGYAD CU'I NANG TSAN ZHIG KYANG YIN TE, BLA MA RDO RJE GDAN PAS GRUB CHEN BRGYAD CU LA BSTOD PA LAS, 'JAM DPAL SKU YI SPRUL PAR 'KHRUNGS, ,KLU SGRUB DGONGS PA THUGS SU CHUD, ,ZLA BA GRAGS PA ZHES BYA BA'I, ,BLA MA DE LA PHYAG 'TSAL LO, ,ZHES BSTOD PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LAM GYI RIM PA'I GNAD RNAMS LA NGES PA PHUL PHYIN BSKYED PA LA SLOB DPON BDAG NYID CHEN PO 'DI LA GSOL BA 'DEBS PA DANG, 'DI'I GZHUNG RNAMS LA THOS BSAM GYIS 'JUG PA SHIN TU GAL CHE'O, ,SLOB DPON 'DI LA SNYING NAS GSOL BA BTAB NA BYIN RLABS MYUR DU 'JUG STE, SLOB DPON 'DI NI RDO RJE'I SKU BRNYES NAS DA LTA'ANG 'DZAM BU'I GLING NA GDUL BYA'I DON MDZAD BZHIN PA YIN PA NI SDON P'A TSAB LO TZ'A BAS SLOB DBON 'DI LA DAD CING GUS PAS YUN DU GSOL BA BTAB STE KHA BA CAN GYI LJONGS 'DIR DBU MA'I LAM SROL BZANG PO 'DI RGYA CHER 'PHEL NA CI MA RUNG SNYAM STE RGYA GAR DU PHEBS PAS SLOB DPON ZLA BA GRAGS PAS DNGOS SU ZHAL BSTAN TE, GDAMS PA DANG RJES SU BSTAN PA RGYA CHER STZAL ZHING BOD DU DBU MA'I LAM SROL RGYA CHER SPEL NUS PAR BYIN GYIS BRLABS PA LTAR RO,, ` ,,DE SRAS THU BO RIGS PA'I KHU BYUG CHE, ,ZHES BSNGAGS PA RIGS PA'I KHU BYUG CHE BA NI SKU

, ,GZHON NU NAS RGYAL BA'I BSTAN PA LA RAB TU BYUNG, LO LON NAS BSNYEN PAR RDZOGS, BI KA MA LA SH'I LAR SDE SNOD GSUM LA SBYANGS TE MKHAS PA'I PHUL DU PHYIN PAR GYUR, SLOB DPON ZLA BA GRAGS PA LA 'PHAGS PA KLU SGRUB NAS BRGYUD PA'I MDO SNGAGS KYI MAN NGAG RNAMS RDZOGS PAR GSAN, NANG DU YANG DAG 'JOG LA RTZE GCIG TU BZHUGS TE THEG PA CHEN PO'I LAM GYI RIM PA LA NYAMS RTOGS PHUL DU PHYIN PA THOB, LTA BA'I DKA' GNAD PHRA MO 'GA' ZHIG LA NGES PA DRANG PA'I PHYIR BLA MA DANG LHAG PA'I LHA DBYER MED PA LA GSOL BA SHUGS DRAG LA RGYUN RING BA BTAB, BSAG SBYANG RGYA CHEN PO LA 'BAD PAS DPAL MGON 'PHAGS PA KLU SGRUB KYIS DNGOS SU ZHAL BSTAN NAS LTA BA'I DKA' GNAS PHRA MO RNAMS ZHIB TU BSTAN TE MTSAN 'DZIN GYI 'CHING BA MA LUS PA DRUNG PHYUNG BAR MDZAD, MNGA' RIS CHOS RGYAL BYANG CHUB 'OD KYIS NAG TSO LO TZ'A BA JO BO SPYAN 'DREN DU BTANG BA'I TSE NAG TSO LO TZ'A BAS BI KA MA LA SH'I LAR PHYIN NAS JO BO GANG DU BZHUGS BTZAD DPYAD PA'I TSE BI KA MA LA SH'I LA'I TSOGS SU PAndI TA KUN GYI GRAL DBU LA BZHUGS PA SKU BGRES SHING BRJID CHAGS PA 'DI MGON PO AA TI SHA AE YIN ZHES DRIS PAS, BOD KYI TSE DANG LDAN PA CI ZER, 'DI DPAL LDAN ZLA BA GRAGS PA LA CHOS DNGOS SU NYAN PA RIGS PA'I KHU BYUG BYA BA AA TI SHA'I YANG BLA MA YIN ZER, RIGS PA'I KHU BYUG 'DI MGON PO KLU SGRUB KYI YANG DNGOS SLOB YIN TE, MKHAS GRUB RIN PO CHE'I GSANG BA'I RNAM THAR DU YANG

RIGS PA'I KHU BYUG TU SKYE BA BZHES DUS 'PHAGS PA KLU SGRUB BYON NAS LTA BA'I GNAD SHIN TU PHRA BA BSTAN NAS DNGOS 'DZIN GYI 'KHRUL PA RTZA BA NAS DRUNG PHYUNG BAR MDZAD CING, KLU SGRUB KYI ZHAL NAS, NGED RGYA GAR GYI GRUB THOB RNAMS 'JAM DBYANGS LA BRTEN PA YIN, DE'I RGYU MTSAN YANG GSUNG RAB KYI DKA' BA'I GNAD SHIN TU PHRA BA BYUNG NA RJE BTZUN 'JAM DBYANGS LA GSOL BA BTAB NAS ZAB MO'I DON LA DPYOD PA YIN, KHYOD KYANG RJE BTZUN 'JAM DBYANGS BSTEN PAR BYOS SHIG CES GSUNGS SO, ,ZHES SOGS DANG, YANG KLU SGRUB KYI ZHAL NAS BDAG KYANG MA 'ONGS PA'I DUS SU MTHA' 'KHOB TU 'GRO BA'I DON BYED PAR SMON, KHYOD KYANG DE'I DUS SU 'KHOR GYI THOG MAR GDUL BYA RNAMS KYI MCHOG TU 'GYUR RO; ;ZHES MA 'ONGS LUNG BSTAN DANG BCAS GSUNGS SO, ,DE BZHIN DU SLOB DPON ZLA BA GRAGS PAS KYANG RIGS PA'I KHU BYUG CHE BA 'DI LA MA 'ONGS PA'I DUS SU RJE BTZUN 'JAM DBYANGS DGE SLONG GI TSUL DU BSAMS BZHIN DU MTHA' 'KHOB TU SKYE BA BZHES PAR 'DUG PAS KHYOD KYANG DER SKYE BA LONGS LA BKA' SGRUB PA DANG BSTAN PA RGYAS PAR GYIS ZHES GSUNGS SO, ,TSUL DE DAG NI MKHAS GRUB THAMS CAD MKHYEN PA'I GSANG BA'I RNAM THAR DU JI LTAR GSUNGS PA LTAR BKOD PA YIN NO,, ` ,,RGYAL SRAS RIGS PA'I KHU BYUG GNYIS PA'I ZHABS, ,ZHES BSNGAGS PA, RIGS PA'I KHU BYUG CHUNG BA NI BLA MA AA WA DHU TI PA ZHES YONGS SU GRAGS PA DE YIN PAR MNGON TE, BKA'

, ,GDAMS GLEGS BAM LAS, KLU SGRUB ZLA GRAGS RIGS PA'I KHU BYUG DANG, ,BLA MA AA WA DHU TI GSER GLING PA, ,THUN MONG MA YIN GDAMS PA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, , ZHES JO BO RJES ZAB MO LTA BA'I BLA BRGYUD DU DE LTAR GSUNGS SO, ,DE LTAR NA BLA MA AA WA DHU TI PA CHEN PO NI SNGON YUN RING PO NAS LAM LA GOMS PA'I MTHUS SRID GSUM ME 'BAR BA'I KLONGS LTAR GZIGS TE 'KHOR BA'I PHUN TSOGS GANG LA YANG MA CHAGS PAR RGYAL BA'I BSTAN PA'I SNYING PO MTHAR THUG PA ZHIG LA NYAMS LEN SNYING POR MDZAD BZHED NAS RIGS PA'I KHU BYUG CHE BA'I ZHABS LA GTUGS TE 'PHAGS PA KLU SGRUB NAS BRGYUD PA'I MAN NGAG RNAMS YONGS SU RDZOGS PAR GSAN NAS DBEN PA'I GNAS SU SGRUB PA RTZE GCIG TU MDZAD PAS GRUB PA'I GO 'PHANG MTHON POR GSHEGS PA NA SNYING NAS RNAM GROL DON DU GNYER BA'I SKAL LDAN RNAMS RJES SU 'DZIN PAR MDZAD CING, LHAG PAR JO BO RJE DPAL LDAN AA TI SHA LA 'PHAGS PA KLU SGRUB NAS BRGYUD PA'I MAN NGAG RNAMS RDZOGS PAR GNANG, JO BO RJES KYANG BDAG NYID CHEN PO 'DI LO BDUN GYI BAR DU 'BRAL MED DU BSTEN PAR MDZAD CING BLA MA 'DI NYID RANG DANG GZHAN GYI TSE RABS BRGYA STONG DRAN PA DANG LKOG TU GYUR PA'I DON RNAMS JI BZHIN DU MKHYEN PA'I MNGON SHES RGYA CHEN PO DANG LDAN PA ZHIG STE JO BO RJES BLA MA 'DI LA GDAMS NGAG ZHU BA'I TSE RES 'GA' MAndAL PHUL TE GSOL BA JI TZAM BTAB KYANG

GANG YANG GSUNG BAR MI MDZAD, RES 'GA' RI CHEN PO'I G-YANG SA NYAM NGA BA BGROD PA DANG CHU BO CHEN PO'I ZAM PA'I STENG LA 'GRO BA SOGS SHIN TU NYAM NGA BA'I SKABS SU'ANG GANG YANG MA ZHUS KYANG ZHAL PHYIR BSGYUR TE HE BHA TAN TA PAndI TA 'DI DANG 'DI ZHES BYA BA DMYAL BA 'DI DANG 'DI NA 'DUG GO ,JI SRID SANGS RGYAS MA THOB BAR DU DKAR NAG GI LAS PHRA MO'ANG NAM YANG MI BSLU BAS GZAB DGOS PAR 'DUG GO ,ZHES GSUNG 'BYON PA ZHIG YOD GSUNG, JO BO RJES RIGS PA'I KHU BYUG CHE BA DANG, BLA MA AA WA DHU TI PA GNYIS KA LA CHOS GSAN ZHING GTZO BOR BLA MA AA WA DHU TI PA LA ZAB MO'I LAM GYI RIM PA'I MAN NGAG RNAMS RDZOGS PAR GSAN, JO BO LA PAndI TA DANG GRUB CHEN GYI BLA MA MANG DU YOD PA LAS DBU MA'I LTA BA STON PA LA BLA MA 'DI NYID BZANG BAR BYUNG STE ZAB MO DBU MA'I LTA BA MTHAR THUG PA STON PA SHIN TU DKON PAS JO BOS BLA MA SHAN TI PA LA PHAR PHYIN GYI SKOR GSAN PA'I TSE BRGYAD STONG PA 'CHAD PA NA, BRGYAD STONG 'GREL CHEN DU SLOB DPON SENG GE BZANG POS 'PHAGS PA KLU SGRUB KYI MAN NGAG LTAR DBU MA'I RIGS PA PHRA MO RNAMS BYUNG RES KYIS DGAG PA MDZAD PA NA JO BO'I THUGS LA DBU MA'I LTA BA GSAL BTAB PA BZHIN DU ZAB MO DBU MA'I LTA BA LA NGES SHES CHER 'GRO PA ZHIG YOD GSUNG, BLA MA GSER GLING PA LAM RIM 'CHAD PA'I TSE LTA BA'I THAD DU GSER GLING PA RANG NYID SEMS TZAM RNAM BDEN GYI LTA BA 'DZIN PAS LTA BA DE NYID RANG STON PAR MDZAD, JO BO LA YANG KHYOD LTA BU'I SHES RAB CHEN PO

, ,'DI 'DRA DBU MA THAL 'GYUR BA'I LTA BA 'DZIN PA NGO MTSAR ZHES YANG YANG GSUNG, JO BO RJE LA NI BLA MA GSER GLING PAS DE LTAR GSUNGS RES KYIS 'PHAGS PA KLU SGRUB KYI DGONGS PA SLOB DPON ZLA BA GRAGS PAS JI LTAR BKRAL BA LTAR GYI DBU MA'I LTA BA MTHAR THUG DE NYID LA GSAL BTAB PA BZHIN DU NGES SHES JE CHER 'GRO BA ZHIG YOD GSUNG, JO BO RJE NI THEG PA CHEN PO'I LAM GYI RIM PA'I BDAG POR YONGS SU GRAGS PA LTAR YIN BAS BLA MA'I MDZAD SPYOD LA SKYON RTOG MI SKYE BAR MA ZAD CI MDZAD THAMS CAD LAM GYI RIM PA'I BOGS 'DON DU 'GYUR BA DANG, LHAG PAR SLOB DPON ZLA BA GRAGS PAS 'PHAGS PA KLU SGRUB KYI DGONGS PA JI LTAR BKRAL BA'I DKA' GNAS MTHAR THUG THA SNYAD DU RTEN 'BREL BSLU BA MED PA DANG, DON DAM PAR RANG BZHIN GYIS GRUB PA RDUL TZAM YANG MED PA'I TSUL RTEN 'BREL ZAB MO DE NYID MNGON SUM DU GZIGS PA YIN PAS SUS KYANG BSGYUR DU MED PA'O, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RIGS PA'I KHU BYUG CHE BA DANG BLA MA AA WA DHU TI PA GNYIS LA GSOL PA 'DEBS SHING BDAG NYID CHEN PO 'DI GNYIS KYI RNAM THAR BZANG PO 'DI DAG BSAMS LA DON MED PA'I BYA BA THAMS CAD BOR NAS THEG PA CHEN PO'I LAM DANG LAN CIG MJAL BA'I SKABS 'DIR SHES RGYUD LA THEG PA CHEN PO'I LAM YONGS RDZOGS KYI BAG CHAGS CI THEBS ZHIG BYA BA LA 'BAD PAR BYA'O, ,RIGS PA'I KHU BYUG CHE CHUNG GNYIS PO 'DI GANG DU 'KHRUNGS

PA SOGS MDZAD PA RNAM THAR ZHIB MOR 'KHOD PA MA MTHONG BAS SLAR RNYED NA 'DIR BSNAN PAR BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA GSAN PA'I BLA MA BRGYUD RIM LA, RJE BTZUN BYAMS PA NAS THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, RJE BTZUN 'JAM DBYANGS NAS 'PHAGS PA KLU SGRUB YAB SRAS SOGS LA RIM GYIS BRGYUD PA'I ZAB MO LTA RGYUD DANG, YANG RJE BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD BA'I RLABS CHEN SPYOD RGYUD GSUM DU YOD DE RGYUD PA 'DI GSUM GA'I MAN NGAG YONGS SU RDZOGS PA JO BO RJE LA MNGA' BAS BRGYUD PA'I CHU BO GSUM 'DRES ZHES BRJOD DO, ,RGYA CHE BA'I LAM GYI RIM PA'I BRGYUD RIM LA GNYIS SU BYAS PA NI SKYES BU CHUNG 'BRING DANG, SPYOD PA SPYI BSLAB DANG, ZHI LHAG GI SKOR LA KHYAD CHER MED KYANG BYANG CHUB KYI SEMS RIN PO CHE SGOM PA'I GDAMS DAG LA LUGS MI 'DRA BA GNYIS BYUNG STE, LUGS DANG PO NI SHER PHYIN GYI MDO SDE RIN PO CHE'I DGONGS DON LTAR BYANG CHUB KYI SEMS RIN PO CHE BSKYED PA'I THABS SU THOG MAR SEMS CAN THAMS CAD LA NYE RING MED PA'I SEMS SNYOMS PA'I BTANG SNYOMS BSGOMS, DE NAS SEMS CAN THAMS CAD RANG GI MA DRIN CAN DU SGOM, DE NAS DRIN DRAN DANG DRIN GZO RIM GYIS BSGOMS TE YID 'ONG GI BYAMS PA BSKYED, DE NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI RGYU 'BRAS MAN NGAG BDUN GYI SGO NAS

, ,BLO SBYOD BA ZHES BRJOD DO, ,LUGS GNYIS PA NI SDONG PO BKOD PA'I MDO SOGS KYI DGONGS DON BSLAB BTUS DANG SPYOD 'JUG GNYIS LAS JI LTAR GSUNGS PA LTAR BDAG GCES 'DZIN GYI SKYON DANG, GZHAN GCES 'DZIN GYI PHAN YON SGO DU MA NAS BSAMS TE SEMS CAN THAMS CAD RANG LA RNAM PA KUN TU PHAN BDE STENG BA'I YID BZHIN GYI NOR BU LTA BUR BSGOMS NAS YID 'ONG GI BYAMS PA BSKYED, DE LA BRTEN NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI BDAG GZHAN MNYAM BRJE'I SGO NAS BLO SBYOD BA ZHES BRJOD CING, DE'I MAN NGAG ZUR DU BKOL BA LA BLO SBYONG DON BDUN MA'I KHRID CES KYANG BRJOD DO, ,'DI'I BRGYUD RIM NI BKA' GDAMS GLEGS BAM LAS, 'JAM PA'I DBYANGS DANG BLO GROS MI ZAD PA, ,AE LA DHA RI DPA' BO RDO RJE DANG, ,BYANG CHUB SEMS DPA' CHEN PO RIN CHEN DPAL, ,RTZA BA'I BLA MA MGON PO GSER GLING PA, ,BDAG LA RGYA CHEN SPYOD BA SBYIN MDZAD PA'I, ,DRIN CAN BLA MA DRUG LA PHYAG 'TSAL LO, , ZHES GSUNGS PA LTAR TE, MGON PO 'JAM DPAL DBYANGS KYIS RGYAL SRAS ZHI BA LHA LA GNANG, DES SLOB DPON AE LA DHA RI LA GNANG, DES SLOB DPON DPA' BO RDO RJE LA GNANG, DES SLOB DPON MA H'A SHR'I RATNA BO DHI SATVA ZHES PA BOD SKAD DU BYANG CHUB SEMS DPA' CHEN PO RIN CHEN DPAL LA GNANG, DES MGON PO GSER GLING PA LA GNANG, DES JO BO RJE LA GNANG NGO, ,'DI'I BLO GROS MI ZAD PA ZHES PA RGYAL SRAS ZHI BA LHA'I MTSAN GYI RNAM GRANGS YIN NO, ,BRGYUD RIM 'DI'I BLA MA RNAMS KYI

RNAM PAR THAR PA NI STON PA THUB PA'I DBANG PO DANG RJE BTZUN 'JAM PA'I DBYANGS GNYIS KYI RNAM THAR SNGAR BRJOD ZIN PA LTAR YIN LA, RGYAL SRAS ZHI BA LHA GANG DU 'KHRUNGS PA'I YUL NI, RDO RJE GDAN GYI NUB PHYOGS YUL 'KHOR MO BZANG ZHES BYA BA STE, YUL DER YAB RGYAL PO DGE BA'I GO CHA DANG, YUM RDO RJE RNAL 'BYOR MA'I SPRUL PAR GRAGS PA ZHIG YOD PA DE GNYIS KYI SRAS SU RGYAL SRAS BDAG NYID CHEN PO 'DI BSAM BZHIN DU SKU 'KHRUNGS, MTSAN ZHI BA'I GO CHA ZHES BTAGS, MTHUN PA'I DNGOS PO RNAMS KYIS BSKYED BSRINGS, SKU NA PHRA MO NAS RIG GNAS THAMS CAD LA MKHAS PA'I PHUL DU PHYIN, DGUNG LO DRUG LON PA'I TSE SBAS PA'I BRTUL ZHUGS 'DZIN PA'I GRUB THOB ZHIG DANG MJAL TE 'JAM DPAL RNON PO'I DBANG DANG SGRUB THABS ZHUS NAS SGOM BZLAS LA 'BAD PAS RING POR MA THOGS PAR RJE BTZUN 'JAM PA'I DBYANGS ZHAL GZIGS, GDAMS PA MANG DU STZAL, DUS RE SHIG NA YAB RGYAL PO 'DAS NAS RGYAL SRAS BDAG NYID CHEN PO DE YUL KHAMS DE'I 'BANGS THAMS CAD KYIS BLO MTHUN PAR RGYAL PO'I KHRI LA 'BYON PAR GSOL BA BTAB PA NA, TSE RABS MANG POR RGYAL SRAS KYI SPYOD PA LA BSLABS TE GOMS PA KLONG DU GYUR PA ZHIG YIN PAS SRID PA'I PHUN TSOGS LA CHAGS PA'I SKABS MED PA ZHIG YIN NA'ANG GZHAN GYI NGO BSRUNG BA LA GOMS PAS YUL DE'I 'BANGS RNAMS KYI NGO MA BZLOG PAR RGYAL SRID LA PHEBS PAR ZHAL GYIS BZHES TE NANG PAR KHRI LA MNGA' GSOL RGYU'I DO NUB RMI LAM NA, SANG RANG NYID SDOD PAR 'GYUR BA'I KHRI DE LA RJE BTZUN 'JAM DBYANGS BZHUGS NAS, BU GCIG 'DI

, ,NI NGA YI STAN YIN TE, ,NGA NI KHYOD KYI DGE BA'I BSHES GNYEN YIN, ,NGA DANG KHYOD GNYIS STAN GCIG LA 'DUG PA, ,'DI NI RNAM PA KUN TU RIGS MA YIN, ,ZHES GSUNGS PA RMIS PAS MNAL SAD PA NA RGYAL SRID KYI DPAL LA LONGS SPYOD MI RIGS DGONGS TE, BROS NAS N'A LANDRAR PAndITA LNGA BRGYA'I KHYU MCHOG RGYAL BA'I LHA LAS RAB TU BYUNG STE, MTSAN ZHI BA'I LHA ZHES BTAGS, MKHAN PO LA BRTEN TE SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING RJE BTZUN 'JAM PA'I DBYANGS LA YUN DU CHOS GSAN TE MDO SNGAGS KYI BKA' DANG GDAMS NGAG MA LUS PA THUGS SU CHUD, PHYI NANG GI G-YENG BA THAMS CAD BCAD DE, NANG DU YANG DAG 'JOG LA RTZE GCIG TU BZHUGS PAS SA LAM MTHON POR BYON ZHING BSLAB PA KUN LAS BTUS PA DANG, MDO SDE KUN LAS BTUS PA SOGS RGYAL SRAS KYI SPYOD BRLABS PO CHE STON PA'I BSTAN BCOS RTZOM PA SOGS NANG DU MKHAS PA'I BYA BA RNAM PA GSUM DANG SA LAM GONG NAS GONG DU 'PHAR BA DANG GZUNGS DANG SPOBS BA DANG RANG DANG GZHAN GYI TSE RABS BRGYA STONG DRAN PA'I MNGON PAR SHES PA DANG RDZU 'PHRUL GYI YUL LA THOGS PA MED PAR 'JUG PA SOGS NANG DU RGYAL SRAS SA'I DBANG PHYUG GI MDZAD PAS DUS 'DA' YANG PHYI ROL DAM PA MA YIN PA'I SKYE BO RNAMS KYI NGOR 'TSO BA BSTEN PA DANG, NYAL BA DANG, BSHAD GCIG 'DOR BA MA GTOGS GLEGS BAM KLOG PA SOGS GZHAN GANG YANG MA MDZAD PAS BHU SU KU

STE 'DU SHES GSUM PA ZHES GRAGS SO, ,DE'I TSE MNGON SHES MED PA RNAMS KYIS RAB TU BYUNG BA'I BYA BA NI 'KHOR LO GSUM GYI ROL PAR GNAS PA SHA STAG YIN PA LA, 'DI NI GANG DANG YANG MI LDAN PAS DAD PAS BYIN PA LA LONGS SPYAD DU MI RUNG BAS BSKRAD PAR BYA, DE YANG MDO 'DON RES BYAS PAS RANG BUD DU 'GRO'O SNYAM NAS MDO 'DON PAR GSOL BAS, RGYAL SRAS 'DIS DE LTA BU BDAG GIS GA LA NUS ZHES ZHAL GYIS MA BZHES PAS, SLAR YANG NAN TAN BSKYED DE GSOL BAS DE LTAR NA BGYI'O ZHES ZHAL GYIS BZHES PA NA BRNYAS PA BYED PA DE DAG GIS DPAL N'A LANDRA'I DGE 'DUN THAMS CAD 'DUS PA'I DBUS SU, 'JIGS BRAL GDONG LNGAS BTEG PA'I KHRI MTHON PO BSHAMS NAS DE LA JI LTAR 'DZEG PA DAG KYANG MI SHES SO SNYAM PA NA, RGYAL SRAS 'DIS PHYAG GIS CUNG ZAD MNAN NAS STENG DU THOGS PA MED PAR GSHEGS, DE NAS MDO SNGON CHAD GRAGS PA ZHIG 'DON NAM, MA GRAGS PA ZHIG 'DON ZHES BKA' STZAL PAS SNGON MA GRAGS PA ZHIG GSUNG BAR ZHU ZHUS PAS, BDE GSHEGS CHOS KYI SKU MNGA' SRAS BCAS DANG, ,PHYAG 'OS KUN LA'ANG GUS PAR PHYAG 'TSAL TE, ,BDE GSHEGS SRAS KYI SDOM LA 'JUG PA NI, ,LUNG BZHIN MDOR BSDUS NAS NI BRJOD PAR BYA, ,ZHES PA NAS, GANG TSE DNGOS DANG DNGOS MED DAG ,CES PA'I BAR GSUNGS NAS, DE PHYIN GSUNGS BZHIN DU RDZU 'PHRUL GYIS NAM MKHA' LA 'PHAGS TE JE MTHO JE MTHOR MKHA' DANG MKHYEN PA 'GRAN PA BZHIN DU GSHEGS

, ,NAS MTHAR SKU MI SNANG BAR GSUNG GRAG PA'I SGO NAS RDZOGS PAR BTON TE GSHEGS SO, ,DE'I SHUL DU RNA BA'I MNGON PAR SHES PA DANG, MI BRJED PA'I GZUNGS LA DBANG 'BYOR PA'I PAndI TA RNAMS KYIS GZHUNG BTUS PA NA, KHA CHE BA RNAMS KYIS LE'U DGU YOD PAR BZUNG ZHING, YUL DBUS PA RNAMS KYIS LE'U BCU YOD PAR BZUNG BA DANG, BSLAB PA KUN LAS BTUS PA YANG, ,NGES PAR YANG DANG YANG DU BLTA, ,YANG NA RE SHIG MDOR BSDUS PA; ;MDO SDE KUN LAS BTUS PA BLTA, ,ZHES GSUNGS PA'I BSTAN BCOS GNYIS PO YANG JI LTAR YIN THE TSOM DU GYUR PA NA, DUS NAM ZHIG GI TSE LHO PHYOGS MCHOD RTEN DPAL YON CAN ZHES BYA BA NA BZHUGS PA THOS TE, DGE SLONG GNYIS SPYAN 'DREN DU BTANG BAS, MA BYON PAR GZHUNG GI TSAD YUL DBUS PA RNAMS KYIS BSDUS PA LTAR YIN, BSLAB BTUS DANG MDO BTUS GNYIS BO KHO BO'I SPONG KHANG GI GDUNG GSEB NA PAndI TA'I YI GE PHRA MO BRIS NAS YOD CES GSUNGS SHING SPYOD 'JUG DANG BSLAB BTUS GNYIS KA'I MAN NGAG RNAMS KYANG RDZOGS PAR GNANG NGO, ,DE NAS RGYAL SRAS ZHI BA LHAS SEMS CAN GYI DON JI LTA BU ZHIG BYA SNYAM DU MNGON PAR SHES PAS GZIGS PA NA, RTZOD PAS RGYUD 'KHRUGS PA'I SEMS CAN MANG PO ZHIG GI DON BYA DGOS PAR GZIGS NAS SHAR PHYOGS SU BYON TE RTZOD PA CHEN PO BYED PA ZHIG GI 'THAB ZLA MDZAD PAS, RDZU 'PHRUL GYIS THAMS CAD 'DUMS PAR GYUR TE BDE BA LA BKOD DO, ,

DE NAS YANG SEMS CAN KYI DON JI LTA BU ZHIG BYA DGOS SNYAM DU DGONGS PA NA LTA BA NGAN PA'I G-YANG SAR LHUNG BA MANG PO ZHIG 'DUL DGOS PAR GZIGS NAS YUL MA GA DHA'I NUB PHYOGS HA CANG MI RING BA ZHIG NA, YA MTSAN CAN GYI LTA BA LOG PA 'DZIN PA LNGA BRGYA GNAS PA DE DAG GI 'KHOR DU BZHUGS NAS DE RNAMS MGU BAR MDZAD DO, ,DE NAS RGYAL SRAS BDAG GNYID CHEN PO 'DI'I MTHU PHUN SUM TSOGS PA DANG, LOG PAR SMRA BA DE DAG GI SNGON GYI SMON LAM RNAM PAR DAG PA'I MTHUS DUS NAM ZHIG GI TSE ZHAG BDUN GYI BAR DU BU YUG CHEN PO BYUNG BAS BZA' BTUNG CHAD DE NYON MONGS PAR GYUR NAS SU SLONG NUS PA DPON DU BSKO ZHING BSGO BA NYAN PAR BYAS PA DANG, SLOB DPON GYIS 'BRAS CHAN LHUNG BZED GANG BLANGS TE BYIN GYIS BRLABS NAS THAMS CAD TSIM PAR MDZAD DE SNGAR GYI LTA BA NGAN PA DE RNAMS BSUN PHYUNG STE THUB PA'I BSTAN PA LA BTZUD DO, ,DE NAS YANG SEMS CAN SU ZHIG LA PHAN GDAGS PAR BYA SNYAM DU MNGON SHES KYIS GZIGS PA NA MU GES NYAM THAG PA'I 'GRO BA MANG PO ZHIG LA PHAN GDAGS DGOS PAR GZIGS NAS MU GE CHEN PO PHYUNG BAS SPRANG PO STONG TZAM ZHIG BRU BA TSA BAS NYEN TE 'CHI BA LA THUG PA NA, RGYAL SRAS BDAG NYID CHEN PO 'DIS 'TSO BA SBYAR ZHING CHOS BSTAN TE BDE BA LA BKOD DO, ,DE NAS YANG RGYAL BA'I BSTAN PA LA BYA BA JI LTAR BYA SNYAM DU DGONGS PA NA RGYAL PO GDUG CAN ZHIG BTUL NA SKYE 'GRO MANG PO DANG BSTAN PA LA PHAN CHE BAR GZIGS NAS SHAR PHYOGS SU PHEBS TE AA RI BI SHA NA ZHES BYA BA'I RGYAL PO'I

, ,PHO BRANG GI NYE LOGS KYI BZHI MDO RNAMS MYUL ZHING BZHUGS PA NAM TZA LA'I GNOD PA ZHES BYA BA 'TSO BAM PHYID PAS GZHAN GYI RDZAS 'JOMS PA LA DGA' ZHING, SNYING RJE MED PA DRAG SHUL CAN RTZUB PA MI BSRUN BA MANG DU GNAS TE, YUL GZHAN NAS KYANG DE DANG TSUL MTSUNGS PA DU MA 'DUS PA GRANGS SHIN TU MANG BA DAG RGYAL PO DE'I 'BYOR PA LA BLTAS NAS 'ONGS PA NA, RGYAL PO DE MI DGA' BAR GYUR TE, GNOD BYED 'DI RNAMS 'BYOR PA KUN GYIS MGU BAR BYAS NA NI BDAG GIS RGYAL SRID THOB PA'ANG CHU SHING GI SNYING PO LTAR 'GYUR LA, 'DI DAG RE BA BZHIN MA BGYIS NA NI SKYE BO G-YON CAN 'DI DAG GIS BDAG GI LUS SEMS GNYIS SO SOR 'BRAL BAR GDON MI ZA'I SNYAM NAS RGYAL PO DE MYA NGAN GYIS NON PA NA, RGYAL SRAS BDAG NYID CHEN PO 'DIS RGYAL PO DE LA THUGS BRTZE BAS DE DAG BSRUNG BAR ZHAL GYIS BZHES TE SKU BSRUNG MDZAD PA NA, BDAG NYID CHEN PO 'DI'I MTHU TSAD MED PAS GNOD BYED DE RNAMS ZIL GYIS MNAN TE RGYAL PO 'BANGS DANG BCAS PA BDE BAR MDZAD PA NA, RGYAL PO 'KHOR BCAS SHIN TU DAD DE BKUR STI PHUN SUM TSOGS PAS MCHOD PA NA, DAM PA 'DI LA RJE BTZUN GYI PHYAG CHAR BCANGS PA'I SHING GI RAL GRI ZHIG MA GTOGS MTSON CHA GZHAN MED PA GROGS PHRAG DOG CAN GYIS MTHONG BA NA GROGS NGAN DES MA BZOD PAR, RGYAL PO LA 'DI NI SKYES BU G-YON CAN ZHIG STE MTSON YANG SHING GI RAL GRI ZHIG LAS MED PAS LHA NYID KYI SKU BSRUNG BAR MI NUS PAS

BRTAG 'TSAL LO ZHES GSOL PA NA, RGYAL PO KHROS TE, RGYAL SRAS BDAG NYID CHEN PO 'DI LA KHYOD KYI RAL GRI PHYUNG ZHIG CES SMRAS PAS, LHA NYID LA GNOD PAR 'GYUR RO ZHES GSUNGS PA NA GNOD KYANG BLA YIS NGES PA PHYUNG ZHIG ZER RO; ;'O NA LHA'I SPYAN GCIG BKAB STE GCIG GIS GZIGS SHIG CES GSUNGS PAS, DE LTAR BYAS TE RAL GRI PHYUNG BAS DE'I 'OD ZER MIG GIS MA BZOD DE MIG GCIG ZHAR BA DANG, BZOD PAR GSOL TE SKYABS SU SONG STE CHOS LA BTZUD DO, ,DE NAS YANG BDAG NYID CHEN POS MNGON PAR SHES PAS GZIGS PA NA RGYAL BA'I BSTAN PA LA LOG PAR 'KHRU BA'I MU STEGS MANG PO ZHIG 'DUL DGOS PAR GZIGS NAS DPAL GYI RI'I LHO PHYOGS SU BYON TE, AUTZTSU SMA'I SPYOD PA ZHES PA SPRANG PO'I CHA BYAD GCER BU KHRUD MA PHO BA'I TSIGS MAS 'TSO BAR BYED PA NA, KHA TI BI HA RA'I RGYAL PO'I BRAN MO KA TZA MA HAS KHRUD MA PHO BA'I CHU'I ZEGS MA SLOB DPON GYI ZHABS LA PHOG PAS LCAGS BSREGS LA BRAN PA LTAR KHOL BA MTHONG, DE'I TSE RGYAL PO DE LA MU STEGS KYI STON PA SHANG KAR DE BA ZHES BYA BAS NANG PA'I PAndI TA DANG RTZOD CING RDZU 'PHRUL 'GRAN PAR BYAS TE, DE YANG SU PHAM PA DE SU RGYAL BA'I BSTAN PA LA 'JUG CING DE'I CHOS DAD GTZUG LAG KHANG SOGS KYANG MER SREG PAR BYED PAS KHYOD KYIS GNANG BAR MDZAD CING DRANG POR BZHUGS SU GSOL, ZHES GSOL BA LTAR, RGYAL POS PHO NYA BKYE STE NANG PA'I DGE 'DUN RNAMS BSDUS NAS DON DE BSNYAD PA NA SUS KYANG KHAS

, ,LEN MA NUS PAS RGYAL PO MYA NGAN DU GYUR PA NA, BRAN MO KA TZAM HA SA RGYAL PO LA SNGAR MTHONG BA DE BSHAD PAS, DE LTA BU'I SEMS DPA' CHEN PO DE GA NA 'DUG KYANG TSOL CIG GSUNGS NAS PHYOGS KUN TU BTZAL BAS SHING SDONG GCIG GI DRUNG NA BZHUGS PA DANG MJAL NAS, MU STEGS KYI RTZOD PA DAN RDZU 'PHRUL PHAM PAR MDZAD DGOS PAR GSOL BA BTAB PAS, DE LTA BU KHO BOS NUS KYIS CHU BUM PA GANG, RAS YUG GNYIS, ME RNAMS STA GON GYIS SHIG GSUNGS NAS DE LTAR BYAS SO, ,DE NAS SKYE BO'I TSOGS MANG PO 'DUS PA'I DBUS SU GDAN KHRI BSHAMS TE RGYAL PO DANG, G-YAS G-YON DU SEMS DPA' CHEN PO DANG MU STEGS KYI STON PA RNAMS 'KHOD NAS RTZOD PAS BDAG NYID CHEN PO 'DI'I LUNG DANG RIGS PA'I MTHU PHUL DU BYUNG BAS PHYIR BRGOL DE NYID SPOBS BA LAN MED DU MDZAD DO, ,SLAR YANG MU STEGS BYED DES RDZU 'PHRUL 'GRAN PAR CHAD DE BAR SNANG LA DBANG PHYUG CHEN PO'I DKYIL 'KHOR BRIS TE SHAR SGO TZAM ZIN PA NA, BDAG NYID CHEN PO 'DIS ZAD PAR RLUNG GI TING NGE 'DZIN LA SNYOMS PAR ZHUGS PAS 'TSUB MA CHEN PO LANG STE RTZVA DANG SHING DANG GRONG KHYER THAMS CAD KYANG 'GYEL LAM 'GYEL LA THUG PAR LDEG ,RGYAL PO DANG BTZUN MO DANG DER TSOGS PA'I MI RNAMS KYANG BDAS, DKYIL 'KHOR DANG BCAS PA'I MU STEGS KYI STON PA YANG 'THOR RLUNG GIS BDAS PA'I BYE'U

BZHIN DU PHYOGS MTSAMS THAMS CAD DU 'KHYER ZHING MUN PA CHEN POR GYUR TO, ,DE NAS BDAG NYID CHEN PO 'DIS SMIN MTSAMS NAS 'OD PHYUNG STE RGYAL PO DANG, BTZUN MO LA LAM BSTAN NAS MDUN DU BKUG STE GOS DANG BRAL ZHING RDUL GYIS G-YOGS PA LA CHUS BKRUS NAS RAS GSAR PA G-YOGS ME LA BSROS TE BDE BAR BYAS SO, ,DE NAS MU STEGS KYI LHA KHANG RNAMS BSHIG MU STEGS KYI GTZO BO DANG RJES SU 'JUG PA MANG PO SANGS RGYAS KYI BSTAN PA LA BTZUD PAS DA LTA'I BAR DU YANG GNAS DE LA MU STEGS PHAM PA'I YUL ZHES GRAGS SO, ,BDAG NYID CHEN PO 'DI'I MDZAD PA DE DAG THAMS CAD BSTAN PA DANG SEMS CAN GYI DON DU MDZAD PA SHA STAG STE, RGYAL BAS MI NI AA MRA'I 'BRAS BU DANG MTSUNGS PAS PHYI SMIN LA NANG MA SMIN PA DANG, NANG SMIN LA PHYI MA SMIN PA DANG, PHYI NANG GNYIS KA SMIN PA DANG, PHYI NANG GNYIS KA MA SMIN PA SNA TSOGS SU YOD PAR GSUNGS PA LTAR SO SO SKYE BO RANG DGA' BA DAG GIS GZHAN GYI RGYUD TSOD SHES PA SHIN TU DKA' BAS, SPYIR YANG SEMS CAN SU LA'ANG SKYON RTOG GI BLO MA SHOR BAR BYA BA DANG, LHAG PAR RGYAL BA'I BSTAN PA LA ZHUGS PA RNAMS LA SKYON BRJOD PA NI THAL BAS G-YOGS PA'I ME DONG DANG MTSUNGS PAR SHIN TU NYEN CHE BA'I GNAS YIN PAS PHA ROL SU LA'ANG SKYON BRJOD MI BYA BAR DAG SNANG SBYONG DGOS SO ZHES 'DOMS PA DANG, BYANG CHUB LAM RIM LA

, ,BLO SBYONG BA RNAMS KYIS LAM LTAR SNANG DANG PHYOGS RE BAS TSIM PAR MI BYA BAR LAM GYI LUS YONGS SU RDZOGS PA LA SLOB TSUL SPYOD 'JUG DANG BSLAB BTUS GNYIS SU BRJOD PA LTAR BYA DGOS SO ZHES 'DOMS PA DANG, RJE BTZUN 'JAM DPA'I DBYANGS LHAG PA'I LHAR BSTEN NA 'DI LTA BU'I YON TAN THOB PAR 'GYUR RO ZHES 'DOMS PA DANG, MU STEGS KYI GZHUNG LUGS NI RNAM PA KUN TU YID BRTAN MI RUNG BA'I GNAS DANG, RGYAL BA'I BSTAN PA KHO NA THAR 'DOD RNAMS GYI 'JUG NGOGS YIN NO ZHES 'DOMS PA SOGS KYI CHED DU MDZAD PA DE LTAR MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RGYAL SRAS ZHI BA LHA LA GSOL BA 'DEBS SHING BDAG NYID CHEN PO 'DI'I GZHUNG 'DI DAG LA GTZIS PO CHER BZUNG NAS THOB BSAM SGOM BAS 'JUG PA LA 'BAD PAR BYA'O,, ` ,,SLOB DPON AE LA DHA RI NI, RGYAL SRAS ZHI BA LHA'I SRAS KYI THU BO STE, RGYAL SRAS ZHI BA LHA LAS THEG PA CHEN PO'I LAM GYI RIM PA'I MAN NGAG YONGS SU RDZOGS PA MNYAN NAS SGRUB PA RTZE GCIG TU MDZAD PAS LAM GONG MA'I RTOGS PA MCHOG THOB CING, RJE BTZUN 'JAM PA'I DBYANGS KYI ZHAL MTHONG NAS RGYAL SRAS ZHIB LHA DANG RTOGS PA MNYAM PA ZHIG YIN ZHES BKA' GDAMS GLEGS BAM LAS GSUNGS SO,, ` ,,SLOB DPON DPA' BO RDO RJE NI ,SLOB DPON AE LA DHA RI YONGS 'DZIN DU BSTEN NAS THEG PA CHEN PO'I LAM GYI RIM PA YONGS SU RDZOGS PA GSAN TE SGRUB PA RTZE GCIG TU MDZAD PAS SRID BA MTHA' DAG LA ZHEN PA LOG PA'I NGES 'BYUNG GIS RGYUD BSKUL NAS ZAS BSOD SNYOMS PA DANG, ZAS STAN

GCIG PA DANG, BRAS PHYIS MI LEN PA DANG, CHOS GOS GSUM PA BA DANG, PHYING PA BA DANG, PHYAG DAR KHROD PA DANG, DGON PA BA DANG, SHING DRUNG PA DANG, BLA GAB MED PA DANG, DUR KHROD BA DANG, TZOG BU PA DANG, GZHI JI BZHIN PA STE SBYANGS PA'I YON TAN BCU GNYIS DANG LDAN ZHING BDAG PAS GZHAN GCES PA'I BYANG CHUB KYI SEMS DANG SRID GSUM RMI LAM LTA BUR GZIGS PA'I LTA BA'I GDENG THOB STE, PHYI MA'I SKYE BO RNAMS LA SNANG BAR BYA BA'I PHYIR DBEN PA'I RI SUL DU SGRUB PA LA RTZE GCIG TU GZHOL BA ZHIG YIN ZHES BKA' GDAMS GLEGS BAM LAS GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON AE LA DHA RI DANG DPA' BO RDO RJE GNYIS LA GSOL BA 'DEBS SHING, BDAG NYID CHEN PO 'DI GNYIS KYI RNAM THAR LTAR DBEN BA'I GNAS SU LAM CHA TSANG LA SGRUB PA SNYING POR BYA'O,, ` ,,SLOB DPON MAH'A SHR'I RATNA BO DHI SATVA, BOD SKAD DU BYANG CHUB SEMS DPA' CHEN PO RIN CHEN DPAL ZHES PA NI, SKYES MCHOG BYAMS PA'I RNAL 'BYOR PA STE 'DI'I RNAM PAR THAR PA SNGAR BRJOD ZIN PA LTAR RO, ,BLA MA GSER GLING PA CHEN PO'I RNAM THAR YANG SNGAR BRJOD ZIN LA, BLA MA GSER GLING PA'I ZHABS DRUNG DU JO BO RJE DPAL LDAN AA TI SHAS BDAG GZHAN MNYAM BRJE'I BYANG CHUB KYI SEMS SBYOD BA'I GDAMS NGAG CES BA BLO SBYONG DON BDUN MA'I KHRID LO BCU GNYIS KYI BAR DU PHYI NANG GI G-YENG BA GANG GIS KYANG BAR MCHOD PAR GSAN PAR MDZAD DE JO BO RJE'I RNAM PAR THAR PA NI DA LTA NYID DU 'CHAD PAR 'GYUR RO, ,RLABS CHEN SPYOD RGYUD KYI GDAMS NGAG GI SNYING BO BDAG PAS GZHAN GCES PA'I BYANG CHUB KYI SEMS MA SKYES PA BSKYED PA

, ,DANG SKYES ZIN GONG 'PHEL DU BYAS TE SEMS RIN PO CHE 'DI'I SGO NAS SA LAM BGROD TSUL STON PA'I GZHUNG MCHOG TU GYUR PA NI MDO SDE PHAL PO CHE DANG, DE'I DGONGS PA 'GREL BA'I GZHUNG RIN CHEN PHRENG BA DANG, RMI LAM YID BZHIN NOR BU'I GTAM DANG, SEMS CAN MGU BA'I TSIGS BCAD DANG, SPYOD 'JUG DANG BSLAB BTUS RNAMS DANG, MDO DANG BSTAN BCOS DE DAG GI MAN NGAG RTZA TSIG TU DRIL BA BLA MA GSER GLING PA DANG ,JO BO RJE GNYIS KYIS MDZAD PA'I BLO SBYONG RTZA TSIG DANG, DHARMA RAKshI TAS MDZAD PA'I BLO SBYONG MTSON CHA 'KHOR LO DANG, BYAMS PA'I RNAL 'BYOR BAS MDZAD PA'I GYER SGOM RDO RJE'I GLU DANG, BLA MA GONG MA GCIG NAS GCIG TU BRGYUD PA'I BLO SBYONG GI KHRID DMIGS MDOR BSDUS SU BKOD PA RGYAL SRAS THOGS MED BZANG POS MDZAD PA'I BLO SPYOD DON BDUN MA DANG, RJE RIN PO CHES BLO SBYONG GI KHRID RGYAS PA GNANG DUS SEMS DPA' CHEN PO HOR STON PAS ZIN BRIS SU BTAB PA'I BLO SBYONG GI KHRID YIG CHEN MO DANG, ,RJE DGE 'DUN GRUB KYIS MDZAD PA'I THEG CHEN BLO SBYONG DANG, PAn CHEN BLO BZANG CHOS KYI RGYAL MTSAN YAB SRAS KYIS MDZAD BA'I BLO SBYONG CHE CHUNG DU MA YOD CING, RGYA BOD DU SNGON BYUNG BA'I BLO SBYONG GI YIG CHA PHAL MO CHE'I LEGS CHA BSDUS SHING, RJE BDAG NYID CHEN PO'I SNYAN RGYUD KYI MAN NGAG GIS BRGYAN NAS BDAG GZHAN MNYAM BRJE'I BYANG CHUB KYI SEMS SGOM TSUL RTZAL DU BTON PA BDAG GIS SBYAR BA'I BLO SBYONG GI KHRID YIG

CHEN MO BLO BZANG DGONGS RGYAN ZHES BYA BA ZHIG KYANG YOD DO, ,DES NA BYANG CHUB LAM RIM LA NYAMS LEN SNYING POR BYA 'DOD PA RNAMS KYIS BYANG CHUB KYI SEMS SGOM TSUL LA SHING RTA CHEN PO'I MAN NGAG KHYAD PAR CAN GNYIS YOD PA SO SO'I MAN NGAG LEGS PAR MNYAN LA GO BA PHU THAG CHOD PA BTZAL NAS MAN NGAG GNYIS PO GCIG TU BSRES NAS NYAMS SU LEN TSUL SHES PAR BYAS LA BYANG CHUB KYI SEMS RIN PO CHE LA BAG CHAGS CI THEBS BYA'O,, ` ,, SHING RTA CHEN PO'I SROL 'DZIN MAR ME MDZAD, ,CES BSNGAGS PA LEGS SBYAR GYI SKAD DU D'I PAm KA RA SHR'I DZNY'E NA BOD KYI SKAD DU DPAL MAR ME MDZAD YE SHES, MTSAN GZHAN JO BO RJE DPAL LDAN AA TI SHA ZHES YONGS SU GRAGS PA'I BDAG NYID CHEN PO DE GANG DU 'KHRUNGS PA'I YUL NI, RGYA GAR SHAR PHYOGS ZA KHOR TE ,DE NA BHAm GA LA ZHES BYA BA'I GRONG KHYER CHEN PO MI KHYIM 'BUM PHRAG DU MA YOD PA, DE'I DBUS NA RGYAL PO'I PHO BRANG GSER GYI RGYAL MTSAN CAN ZHES BYA BA LONGS SPYOD MNGA' THANG BSAM GYIS MI KHYAB PA YOD PA, YUL DE'I KHO RA KHOR YUG TU SHING LJON PA SNA TSOGS KYI PHRENG BA 'KHRIGS PA, PADMA DANG AUTPA LA LA SOGS PA'I ME TOG SNA TSOGS KYIS SA GZHI KHYAB PA, RAB RIM PA DU MA DANG, 'OBS RIM PA DU MAS BSKOR BA ZHIG STE, DE LTA BU'I RGYAL PO'I PHO BRANG DU YAB RGYAL PO DGE PA'I DPAL ZHES BYA BA DANG, YUM DPAL MO 'OD ZER CAN ZHES BYA BA GNYIS KYI SRAS SU CHU PHO RTA'I LO BDAG NYID CHEN PO 'DI BSAM BZHIN DU SKU BLTAMS SO, RGYAL

, ,SRAS BDAG NYID CHEN PO 'DI SKU BLTAMS BA'I TSE DKAR PHYOGS KYI LHA RNAMS KYIS NA MKHA' LAS ME TOG GI CHAR PHAB ,NA MKHA'I NGOS RNAMS 'JA' TSON GYI GUR KHYIM GYIS BLTAMS, LHA RNAMS KYIS DGA' BA'I GLU DBYANGS DANG ROL MO'I SGRA BSGRAGS PA MI RNAMS KYIS KYANG THOS PA SOGS NGO MTSAR YA MTSAN BSAM GYIS MI KHYAB PA BYUNG NGO, ,RGYAL SRAS DE NI 'JIG RTEN KUN GYI MIG GI BDUD RTZI LTA BU ZHAL DKYIL ZLA BA LTAR DKAR ZHING, DPRAL BA'I DBYES CHE LA SNA'I GZENGS MTHO BA, SPYAN DA KYUS RING ZHING MCHU SGROS BIM BA LTAR DMAR BA SOGS SKYE BO DAM PA'I MTSAN RTAGS DANG LDAN PAS MTHONG BA TZAM GYIS NYON MONGS DANG SDUG BSNGAL ZHI ZHING, YID LA DGA' BA DANG BDE BA SKYE LA DGE BA'I SA BON BSKRUN NUS PA ZHIG BYUNG STE, RGYAL SRAS GZHON NU DE LA YAB YUM GNYIS KYIS ZLA BA'I SNYING PO ZHES MTSAN BTAGS SO, ,RGYAL SRAS GZHON NU DE MA MA BRGYAD LA GTAD DE MTHUN PA'I DNGOS PO DAG GIS BSKYED BSRINGS SHING YAB YUM GNYIS DANG BCAS PHO BRANG GI YANG THOG NA MNAL ZHING BZHUGS PA NA PHO BRANG GI THOG NAS TSEG SGRA CHEN PO 'JIGS SU RUNG BA ZHIG BYUNG BA NA YAB YUM 'KHOR DANG BCAS PA CI ZHIG GU SNYAM DU RTAB CING PHYOGS PHYOGS SU BLTA, RGYAL SRAS GZHON NU DE NI 'JIGS PA MED PAR DGA' BA'I RNAM 'GYUR STON ZHING GNAS SO, ,DE MA THAG YAB YUM SOGS KYI MTHONG SNANG LA AU TPAL SNGON PO 'DAB MA MA NYAMS PA YID DU 'ONG BA ZHIG

BABS LA, RGYAL SRAS GZHON NU DE LA NI TSE RABS KUN GYI LHAG BA'I LHA RJE BTZUN MA SGROL MAS ZHAL BSTAN TE GSUNG GI GNANG BA STZAL LO, ,DUS DE NAS BZUNG STE RJE BTZUN SGROL MA RGYUN DU GZIGS SHING BYA BA GAL CHE BA THAMS CAD KYANG RJE BTZUN SGROL MA NYID LA ZHUS NAS MDZAD DO, ,GZHON NU DE 'KHRUNGS NAS LO GCIG DANG ZLA BA DRUG SONG BA NA, PHO BRANG DE DANG HA CANG THAG MI RING BA ZHIG NA BI KA MA LA PU RI ZHES BYA BA'I GTZUG LAG KHANG YOD PA DER RGYAL PO YAB YUM GYIS RGYAL SRAS GZHON NU 'DI RIN PO CHE'I SHING RTA'I NANG DU GDAN DRANGS, SHING RTA LNGA BRGYA'I 'KHOR DANG BCAS RGYAL PO'I YO LANGS CHEN POS GTZUG LAG KHANG DER GSHEGS BA NA, GRONG KHYER GYI SKYE BO THAMS CAD PHYOGS PHYOGS SU 'DUS NAS 'KHRUNGS PA'I TSE NA LHA RNAMS KYIS MCHOD PA BYED PA'I RGYAL BU NGO MTSAR CAN DE DA GDOD MTHONG NGO ZHES SKYE BO THAMS CAD KYIS MIG MI 'DZUM PAR RGYAL BU NYID LA BLTA ZHING DGA' BA'I CA CO'I SGRA BSGRAGS PA NA RGYAL SRAS GZHON NU DES YAB YUM GNYIS LA SKYE BO 'DI DAG SU ZHIG YIN ZHES DRIS PA NA YAB YUM GNYIS KYIS 'DI DAG NI KHYOD NYID KYI 'BANGS 'KHOR DAG YIN NO, ,ZHES ZHUS BA NA ,RGYAL BU GZHON NU DES SKYE BO 'DI DAG BDAG BZHIN PHUN SUM TSOGS PA DANG LDAN PA DANG, THAMS CAD DGE BA'I RTZA BA BSKRUN TE DAM PA'I CHOS KYIS 'TSO BAR SHOG CES GSUNG SNYAN POS BRJOD PA NA THAMS CAD AA LA LA ZHES NGO MTSAR BA'I TSIG BRJOD CING THAL MO SBYAR TE GNAS SO, ,DE NAS YAB YUM

, ,SRAS DANG BCAS BA GTZUG LAG KHANG DU PHEBS NAS DGE 'DUN RNAMS LA BSNYEN BKUR DANG MCHOG GSUM GYI RTEN RNAMS LA MCHOD PA PHUL TE PHYAG 'TSAL ZHING SMON LAM 'DEBS PA NA YAB YUM GNYIS SOGS GZHAN THAMS CAD TSE RING ZHING NAD MED PA DANG, LONGS SPYOD PHUN SUM TSOGS PA DANG, PHYI MA NGAN SONG DU MI LTUNG BAR BDE 'GROR SKYES NAS MCHOG GSUM LA BSNYEN BKUR BGYID PA SOGS KYI SMON LAM 'DEBS, RGYAL SRAS BDAG NYID CHEN PO 'DIS NI ,BDAG NI DAL 'BYOR MI DBANG LUS THOB CING, ,SKYON MED DBANG POS DKON MCHOG GSUM MTHONG ZHING, ,RTAG TU GUS PAS DKON MCHOG SPYI BOR BLANGS, ,DE RING NYID NAS SKYABS GNAS MDZAD DU GSOL, ,NAM YANG KHYIM PA'I CHOS KYIS MA BCINGS PAR, ,DGE 'DUN DBUS SU CHOS 'BYOR THOB BA DANG, ,NGA RGYAL MED PAR DKON MCHOG MCHOD BYED CING, ,SKYE BO YONGS LA SNYING RJES LTA BAR SHOG, CES SMON LAM MDZAD PA NA, DER TSOGS PA'I SKYE BO THAMS CAD DANG DKAR PHYOGS KYI LHA RNAMS KYANG DGA' ZHING MGU NAS BDAG NYID CHEN PO 'DI LA DAD PA LHUR BYED PAR GYUR TO, ,JO BO RJES SKU TSE 'DI LA CHOS GSUNG BA'I THOG MA DE YIN PAR BKA' GDAMS GLEGS BAM LAS GSUNGS SO, ,RGYAL SRAS GZHON NU 'DIS 'KHRUNGS MA THAG NAS KHYIM GYI 'DU 'DZI LA CHAGS PA MED CING LHAG PA'I LHA'I ZHAL MTHONG BA DANG, CHOS KYI SGRA DBYANGS SGROGS PA LA THOGS PA MED PAR GYUR PAS KHYIM GYI 'DU 'DZIL

CHAGS PA'I SKABS MED NA'ANG YAB YUM GNYIS 'BANGS DANG BCAS PAS KHYIM DU BZHUGS PA ZHIG BYUNG NA CI MA RUNG SNYAM DU GLU GAR DANG RTZED MO'I BYE BRAG RNAM PA SNA TSOGS SBYAR ZHING RGYAL PO MANG PO'I BU MO KHAB TU BZHES PA'I GRABS BSHAMS PA NA RJE BTZUN MA SGROL MAS RGYAL SRAS GZHON NU DE LA ZHAL BSTAN NAS, LHA CIG MA CHAGS MA CHAGS SKAL BA CAN, ,'DAM PU'I TSAL DU GLANG PO BYING BA LTAR, ,'DOD PA'I 'DAM 'DIR DPA' BO KHYOD BYING NA, ,TSUL KHRIMS GOS CAN BSNUBS PAR MI 'GYUR RAM, ,SKYE BA LNGA BRGYA LNGA BCU RTZA GNYIS SU, ,PAn CHEN DGE SLONG GTZANG MA'I LUS BRGYUD NAS, ,PADMA'I MTSO LA NGANG PA 'JUG PA LTAR, ,KHYOD NI TSE 'DIR RAB TU 'BYUNG 'GYUR LEGS, ,ZHES RGYAL SRID LA MA CHAGS PA RA CHOS MDZAD DGOS PAR BSKUL MA BTAB ,RGYAL SRAS GZHON NU RANG NYID KYANG DE LTAR DU SMON PAR MDZAD CING BZO DANG, GSO BA DANG, SGRA DANG, GTAN TSIGS DANG, NANG RIG PA STE RIG GNAS CHE BA LNGA DANG, SNYAN NGAG DANG RTZIS LA SOGS PA RIG GNAS CHUNG BA RNAMS LA'ANG SBYANGS TE MKHAS PA'I PHUL DU PHYIN PAR GYUR, KHYAD PAR DU LO BCO LNGA BZHES PA'I TSE RIGS THIGS TSAR GCIG GSAN PAS PHYI ROL PA'I RTOG GE PA MKHAS PAR GRAGS PA CIG DANG RTZOD PAS DE PHAM PAR MDZAD PAS SNYAN PA'I GRAGS PA KUN TU RGYAS SO, ,DE NAS RGYAL BU GZHON NU DES 'DI LTAR DGONGS TE, 'KHOR BA'I PHUN TSOGS GANG LA'ANG MA CHAGS PAR RGYAL BA'I BSTAN PA YONGS

, ,RDZOGS LA BSLABS TE SA LAM MTHAR PHYIN PA ZHIG CIS KYANG BYED, DE LTA BU ZHIG 'BYUNG BA LA LEGS TSOGS THAMS CAD KYI RTZA BA BSHES GNYEN DAM PA ZHIG GIS RJES SU GZUNG DGOS PAR 'DUG PAS LAM MA NOR BAR STON PA'I BSHES GNYEN DAM PA SU ZHIG LA BRTEN DGONGS PA NA, PHO BRANG DE DANG HA CANG THAG MI RING BA'I GNAS ZHIG NA DZE T'A RI DGRA LAS RNAM RGYAL BZHUGS PAR THOS NAS RI BRAG BSKOR DU 'GRO ZHES SNYAD BTAGS NAS DMAG CHAS SU ZHUGS PA'I RTA PA SUM BRGYA TZAM DANG BCAS DZE T'A RI'I DRUNG DU PHEBS NAS ZHABS SPYI BOR BLANGS TE SKYABS 'GRO DANG SEMS BSKYED ZHUS, RGYAL SRID LA MA CHAGS PAR CHOS RNAM DAG CIG 'DOD PAS RJES SU 'DZIN DGOS ZHES ZHUS PA NA DZE T'A RIS RE SHIG N'A LANDRAR BLA MA BYANG CHUB BZANG PO'I SPYAN SNGAR SONGS ZHES LUNG BSTAN, DE NAS RGYAL BU DMAG GI DPUNG DANG BCAS PAS N'A LANDRAR PHEBS NAS BLA MA BYANG CHUB BZANG PO'I ZHABS SPYI BOR BLANGS TE SEMS BSKYED ZHUS ,DE NAS BLA MA BYANG CHUB BZANG POS N'A LENDRA'I BYANG PHYOGS NA TSE'I RIG 'DZIN BRNYES SHING SPROS BRAL DBU MA'I DON GZIGS PA'I RGYAL SRAS RIGS PA'I KHU BYUG BZHUGS PAS DE'I DRUNG DU SONGS ZHES BTANG ,DE NAS RGYAL BU GZHON NU RGYAL SRAS RIGS PA'I KHU BYUG GI DRUNG DU PHEBS TE, RIGS PA'I KHU BYUG GI ZHABS LA BSNYEN TE GSOL BA BTAB PAS, RIGS PA'I KHU BYUG GIS BYANG CHUB LAM GYI RIM

PA'I GDAMS PA SPYI DANG, KHYAD PAR DPAL MGON 'PHAGS PA KLU SGRUB NAS BRGYUD PA'I LTA BA'I MAN NGAG RNAMS ZHIB PAR GNANG STE, DA DUNG BLA MA AA WA DHU TI PA ZHES BYA BA DBU MA'I LAM LA MNGA' BRNYES PA ZHIG YOD PAS DE'I DRUNG DU SONGS ZHES BTANG, DE NAS RGYAL BU GZHON NUS RIGS PA'I KHU BYUG GI BKA' LUNG LTAR BLA MA AA WA DHU TI PA'I ZHABS DRUNG DU PHEBS NAS RJES SU 'DZIN PAR ZHUS PA NA, ,BLA MA AA WA DHU TI PAS CHOS RNAM DAG BYED PA LA RGYAL SRID KYI 'BYOR PA SPANG DGOS TE RGYAL SRID KYI 'BYOR PA NI DUG GI MTSO DANG 'DRA ZHING, ME'I 'OBS DANG 'DRA BAR RNAM PA KUN TU PHUNG BA'I RGYU YIN PAS LAN CIG PHAR SONGS LA RGYAL SRID BLOS THONGS LA DE NAS TSUR SHOG CES LUNG BSTAN; DE NAS RGYAL SRAS GZHON NU DES BLA MAS JI LTAR LUNG BSTAN PA LTAR PHO BRANG DU PHEBS NAS YAB YUM LA GNANG BA NAN GYIS ZHUS TE RGYAL SRID MCHIL MA'I THAL BA BZHIN DU SPANGS NAS BLA MA AA WA DHU TI PA'I ZHABS LA GTUGS, AA WA DHU TI PAS LUNG BSTAN NAS RI NAG PO'I GTZUG LAG KHANG GI RNAL 'BYOR GYI DBANG PHYUG DPAL KYEE RDO RJE'I ZHAL GZIGS SHING RDO RJE MKHA' 'GRO MAS LUNG BSTAN PA THOB PA'I BLA MA R'A HU LA GUPTA LA DBANG YONGS SU RDZOGS PAR ZHUS SHING ,GSANG MTSAN YE SHES GSANG BA'I RDO RJE ZHES BYA BAR BTAGS, DE NAS LO BDUN GYI RING LA BLA MA AA WA DHU TI PA GTZO BOR BSTEN CING ,GZHAN YANG DNGOS GRUB BRNYES PA'I BLA MA DU MA'I SPYAN SNGAR

, ,RDO RJE THEG PA LA SBYANGS PAS GZHUNG DANG GDAMS NGAG MA LUS PA LA MKHAS PAR GYUR TE GSANG SNGAGS LA NGA NYID MKHAS SO SNYAM DU DGONGS PA BYUNG BA NA, d'A KI MA RNAMS KYIS SNGAGS KYI GLEGS BAM SNGAR MTHONG MA MYONG BA MANG PO MNAL LAM DU BSTAN NAS THUGS RGYAL BCAG GO, DE LTAR DGUNG LO NYI SHU RTZA GCIG NAS DGUNG LO NYER DGU'I BAR DU RGYUD SDE BZHI'I DBANG LUNG MAN NGAG MTHA' DAG LA SBYANGS SHING THUGS NYAMS SU BZHES PAS LHAG PA'I LHA MANG PO'I ZHAL GZIGS ,TING NGE 'DZIN DANG MNGON PAR SHES PA RGYA CHEN PO THOB ,DA TSE 'DI LA SNGAGS KYI BRTUL ZHUGS KYI SPYOD PA SPYAD DE PHYAG RGYA CHEN PO MCHOG GI DNGOS GRUB THOB PA ZHIG BYED SNYAM DU DGONGS PA NAR MAR BYUNG BA NA NUB GCIG RMI LAM DU ,DPAL HE RU KA MDUN GYI NAM MKHA' LA BYON NAS, RIGS KYI BU AA WA DHU TI'I SPYOD PAS GANG YANG MI PHYIN GYIS, KHYOD RAB TU PHYUNG NA DUS PHYIS TZA NA RAB TU BYUNG BA'I GDUL BYA MANG PO 'ONG BAR 'DUG GO ZHES LUNG BSTAN TO; ;YANG NUB GCIG GI RMI LAM DU, BCOM LDAN 'DAS SH'AKYA THUB PA DGE 'DUN MANG PO'I 'KHOR DANG BCAS NAS, GDUGS TSOD GSOL GYIN 'DUG, DE'I GRAL ZHABS NA JO BO NYID KYANG BZHUGS 'DUG PA LA, BCOM LDAN 'DAS KYIS JO BO LA GZIGS NAS, MI MA GI CI LA CHAGS NAS RAB TU MI 'BYUNG, ZHES GSUNG BA CIG RMIS PA NA DA NGES PAR RAB TU 'BYUNG BAR BYA'O SNYAM DU DGONGS NAS, DPAL RDO RJE GDAN BYANG CHUB CHEN PO BRNYES PA'I GNAS MA TI BHI HA RA'I GTZUG

LAG KHANG DU DGE 'DUN PHAL CHEN SDE PA, DE'I NANG NAS 'JIG RTEN LAS 'DAS PAR SMRA BA'I SDE PA SLOB DPON SANGS RGYAS YE SHES KYI BKA' RGYUD, GNAS BRTAN 'DUL BA 'DZIN PA CHEN PO SBYOR BA'I LAM PA, DE KHO NA NYID KYI PHYOGS GCIG LA ZHUGS PA'I TING 'DZIN BRNYES PA'I SH'I LA RAKshI TA ZHES BYA BA LA MKHAN PO ZHUS NAS RAB TU BYUNG, MTSAN 'DI PAm KA RA SHR'I DZNY'A NA ZHES BYA BAR BTAGS SO, ,DE NAS MTSAN NYID KYI THEG PA'I SDE SNOD GSUM GA LA ZHIB TU SBYANGS SHING, KHYAD PAR BLA MA DHARM'A RAKshI TA'I SPYAN SNGAR 'DUL BA LUNG SDE BZHI'I GNAD KUN BSDUS SHING, MNGON PA SDE BDUN GYI GNAD KUN BSDUS PA'I BSTAN BCOS BYE BRAG TU BSHAD PA CHEN PO ZHES BYA BA BAM PO BRGYAD BRGYA TZAM YOD PA'I BSTAN BCOS CHEN PO DE LA BCU GNYIS KYI BAR DU GSAN NAS MTHA' CHOD PAR SBYANGS, SDE PA BCO BRGYAD PO SO SO'I BYIN LEN DANG RUNG CHU SOGS PHYAG LEN PHRA MO MTHA' DAG MA 'DRES PAR MKHYEN NAS 'PHAGS YUL GYI SDE PA BCO BRGYAD PO THAMS CAD KYI GTZUG GI NOR BUR GYUR TO, ,DE LTAR MDO SNGAGS KYI CHOS 'PHAGS YUL NA DE DUS BZHUGS PA MTHA' DAG GSAN CING THUGS NYAMS SU BZHES NAS MYUR DU 'TSANG RGYA BA LA LAM GANG ZHIG MYUR SNYAM PA NAR MAR YOD PA NA RI NAG PO'I KHONG GSENG NA BZHUGS PA'I BLA MA R'A HU LA GUBTAS MNGON PAR SHES PAS MKHYEN TE, DER BYON NAS JO BO LA GSUNGS PA, YI DAM GYI LHA ZHAL MTHONG BA DANG, DKYIL 'KHOR GYI LHA TSOGS MANG PO

, ,MNGON DU GYUR PA DANG, THUN MONG GI DNGOS GRUB MANG PO THOB PA DANG ,TING NGE 'DZIN RI RGYUD TZAM YOD PAS GAR YANG MI PHYIN, BYAMS PA DANG SNYING RJE BYANG CHUB KYI SEMS LA BLO SBYONGS, THUGS RJE CHEN PO SNYING RJE'I LHA YIN PAS YI DAM DU ZUNGS, 'KHOR BA MA STONGS KYI BAR DU SEMS CAN GYI DON BYED PAR DAM 'CHOS SHIG GSUNGS, YANG RDO RJE GDAN GYI KHOR SA NA PHAR BSKOR BA MDZAD PA'I TSE LDER BZO GCIG GIS GCIG LA DRI BA DANG LAN 'DEBS PA'I TSUL DANG, RDO RJE GDAN GYI LHO PHYOGS KYI NA MKHA' LA MI'I LUS LAS 'DAS PA'I BU MO GNYIS GCIG GIS GCIG LA DRI BA'I TSUL DU ,MYUR DU MNGON PAR RDZOGS PAR 'TSANG RGYA BAR 'DOD PAS CHOS GANG LA BSLAB PAR BYA ZHES ZER BA LA, CIG SHOS NA RE BYANG CHUB KYI SEMS LA BSLAB BAR BYA'O, ,ZHES GSUNGS NAS, BYANG CHUB KYI SEMS SBYANGS THABS BZANG BA CIG GSUNG GI 'DUG PA LA, BSKOR BA 'PHRO BCAD NAS GSAN PAS SNOD GCIG NAS GCIG TU BYO BA BZHIN DU THUGS SU CHUD, SLOB DPON KLU SGRUB KYIS BZHENGS PA'I RDOR NA BZHUGS TZA NA, BUD MED RGAN GZHON GNYIS 'DUG PAS, GZHON PA DE LA RGAN PA DES MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS SBYONGS GSUNG BA DANG, YANG RDO RJE GDAN GYI GANDHO LA LA BSKOR BA MDZAD PA'I TSE, BYA 'DAB 'OG NA DE BZHIN GSHEGS PA'I SKU GCIG BZHUGS PA'I ZHAL NAS, HE BHA DANDA MYUR DU MNGON PAR RDZOGS PAR 'TSANG RGYA BAR 'DOD PAS, BYAMS SNYING RJE BYANG CHUB KYI SEM SBYONGS SHIG GSUNGS, YANG RDO RA KHANG BU LA BSKOR

BA MDZAD PA'I TSE, BA SO'I RGYAL BA SH'AKYA THUB PA GCIG 'DU PA DE'I ZHAL NAS, DZOKI, MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS LA SBYONGS GSUNG, DE NAS JO BO RJES BYANG CHUB KYI SEMS RIN PO CHE MA SKYES PA BSKYED PA DANG SKYES ZIN GONG 'PHEL DU BYAS TE MTHAR PHYIN PA'I PHYIR DE'I MAN NGAG YONGS SU RDZOGS PA MNGA' BA SU ZHIG YOD SNYAM BTZAD DPYAD PA NA DUS DE'I TSE BLA MA GSER GLING PA CHEN PO BYANG CHUB KYI SEMS KYI BDAG POR GRAGS PAS BLA MA GSER GLING PA CHEN PO'I ZHABS DRUNG DU BYANG CHUB KYI SEMS KYI GDAMS NGAG RDZOGS PAR GSAN PA'I PHYIR GSER GLING DU 'BYON PAR BZHED NAS 'DZAM BU GLING NAS GSER GLING DU TSONG LA 'GRO BA'I TSONG PA LAM RGYUS CAN DANG BCAS RGYA MTSO LA GRU GZINGS BCAS NAS ZLA BA BCU GSUM GYI RING MTSO'I STENG LA BYON TE DE'I TSE BDUD DGA' RAB DBANG PHYUG GIS SANGS RGYAS KYI BSTAN PA DAR BA MA BZOD NAS JO BO RJE'I BYANG CHUB KYI SEMS LA BAR CHAD BYA BA'I PHYIR MI MTHUN PA'I RLUNG BTANG STE GRU GZINGS LAM LOG PAR BSGYUR BA DANG, CHU SRIN NYA MIG CHEN PO RI LTA BUS GRU GZINGS KYI MDUN BKAG PA DANG ,NAM MKHA' LAS THOG BABS PA SOGS GNOD PA TSABS CHEN PO BYAS PA NA PAndI TA SA'I SNYING POS JO BO RJE LA THUGS DAM BSKUL BA'I GSOL 'DEBS SHUGS DRAG TU BYAS PAS, JO BO RJES GSHIN RJE'I GSHED DMAR PO'I TING NGE 'DZIN GYI SGO NAS BDUD SDE DPUNG DANG BCAS PA BTUL TE RIM GYIS GSER GLING DU PHEBS, GSER GLING GI SNE ZIN MA THAG BLA MA GSER GLING PA

, ,CHEN PO'I SLOB MA BSAM GTAN PA 'GA' ZHIG BZHUGS PA DANG MJAL, DER ZHAG BCU'I RING DPON SLOB TSANG MAS NGAL BSOS SHING BSAM GTAN PA DE DAG LA BLA MA GSER GLING PA PHYOGS GANG DU BZHUGS DANG MDZAD PA RNAM THAR JI LTAR YOD RNAMS DRI GTUGS MDZAD BSAM GTAN PA DE DAG GIS KYANG PAndI TA SA'I SNYING PO LA SOGS PA JO BO'I SLOB MA RNAMS LA JO BO RJE'I SKU GSUNG THUGS KYI YON TAN DANG MDZAD SPYOD RNAMS ZHIB TU DRI GTUGS BYAS PAS YID CHES KYI DAD PA CHEN PO SKYES NAS BSAM GTAN PA DE DAG GIS MYUR BAR PHYIN TE BLA MA GSER GLING BA CHEN PO LA 'DI SKAD GSOL TO, ,KYEE BLA MA DAM PA GSAN DU GSOL, DENG SANG GLING 'DIR RGYA GAR GYI MKHAN PO D'I BAm K'A RA SHR'I DZNY'A NA BYA BA DE, SLOB MA BRGYA DANG NYI SHU RTZA LNGA'I TSOGS DANG LHAN CIG TU, RGYA MTSO CHEN PO LA ZLA BA BCU GSUM GYI BAR DU BYON PA BDUD DANG MU STEGS KYI LHA DBANG PHYUG CHEN POS BAR CHANG BYAS PA BYAMS PA DANG SNYING RJES 'CHING ZHING SKU GSUNG THUGS MDANGS MA SHOR BAR BDAG CAG GA NA BA DER LHAGS SO, ,DE LA ZHAG BCU BZHI'I BAR DU CHOS KYI GTAM BGRO BAR BYAS BAS, BDAG CAG SEMS RANGS SHING TSIM PAR GYUR TO, ,DA NI SKABS KYI DON LA MKHAS PA CHEN PO DE KHYED KYI DRUNG DU 'ONGS TE DUS GSUM GYI RGYAL BA THAMS CAD SKYED BAR BYED PA'I YUM GTZO BOR NYAN PA DANG ,SMON 'JUG BYANG CHUB MCHOG TU SEMS BSKYED DE THEG PA CHEN PO'I BLO SPYONG BAR BGYI, GZHAN YANG BLA MA'I GZHUNG LUGS RGYA MTSO LTA BU NYIN MTSAN DU SPYAD PAR 'DOD PAR GDA' BAS

THUGS RJE CHEN POS GO SKABS DBYE ZHIG, CES ZHUS, DE NAS JO BO RJE DPON SLOB RNAMS BLA MA GSER GLING PA CHEN PO'I PHO BRANG DANG NYE BAR PHEBS BA NA BLA MA GSER GLING PAS DGE SLONG CHOS GOS GSUM KHA DOG MTHUN PAR GSOL BA, THAMS CAD MTHUN PAR RIL BA SPYI BLUGS 'DZIN PA, THAMS CAD KYANG 'KHAR GSIL MDZES PAR BSNAMS BA SHIN TU DANG BA 'DREN PA DGRA BCOM BA LTA BU LNGA BRGYA DANG SUM CU RTZA LNGA'I SNA BLA MA GSER GLING BAS DRANGS NAS DGE TSUL DRUG CU RTZA GNYIS KYIS BRTEN TE, MDOR NA RAB TU BYUNG BA LNGA BRGYA DANG DGU BCU RTZA BDUN GYIS RGYANG RING PO NAS BSU BA'I PHYIR NAR GYIS BYUNG BA GZIGS SO, ,DE MA THAG TU BCOM LDAN 'DAS ZHAL BZHUGS PA'I DUS NA DGRA BCOM PA RNAMS KYIS BSKOR BA LTAR SHIN TU DANG BA 'DREN ZHING THUGS NYAMS DGA' BA'I MTHAR THUG PAR GYUR TO, ,DE NAS JO BO RJES PAndI TA SA'I SNYING PO LA SOGS PA RIGS PA'I GNAS LNGA LA MKHAS PA'I PAndI TA DANG, SDE SNOD GSUM LA MKHAS PA'I DGE SLONG RNAMS PHYAGS LHAM 'BRING MIG MA GSOL BA KHA CHE GUR KUM GYIS LEGS PAR KHA BSGYUR BA'I CHOS GOS RNAM GSUM PHAL CHEN SDE BAS LEGS PAR BSNGAGS PA MDZES PAR GSOL BA, THAMS CAD KYANG RTEN 'BREL GYI CHE BAS LCAGS KYI LHUNG BZED RAB TSAD RDOL BUG MED PA BSNAMS PA, ZANGS KYI RIL BA SPYI BLUGS MA GA DHA'I BRE GANG SHONG BA DANG, BSTAN PA'I BDAG POS RAB TU BSNGAGS PA'I 'KHAR GSIL LA SOGS PA'I RTAGS MTSAN THAMS CAD LEGS PAR TSANG BA YOD PA, THAMS CAD KYANG PAndI TA'I ZHVA NGA RGYAL MED PA GSOL BA, RNGA YAB DKAR PO RE PHYAG NA BSNAMS PA BRGYA DANG NYI SHU RTZA LNGAS

, ,JO BO'I RJES LA BAR DU MI RE SHONG TZAM DU MA 'BYAR BA, RGYANGS CHES MA DRAGS PA, BAR MA CHAD PAR 'JA' TSON SNA LNGA'I GUR BZHIN DU MGON PO GSER GLING PA GANG NA BZHUGS PA DER BYON PA DANG, THAMS CAD PHUN SUM TSOGS PA SHA STAG TU GYUR PAS DKAR PHYOGS KYI LHA RNAMS DGA' ZHING MGU NAS ME TOG GI CHAR PA PHAB, GSER GLING NA GNAS PA'I SKYE BO THAMS CAD BLA MA GNYIS KYI MDZAD PA LA NGO MTSAR RMAD DU BYUNG BA'I DAD PA THOB BO, ,DE NAS JO BO RJES RIN PO CHE'I BUM PA LTO BA CHE LA DBYIBS ZLUM PA, RTZA BA BRTAN LA MGRIN PA RING BA, KHA YEL LA MCHU 'PHYANG BA, NANG NA DNGOS PO CI YOD PHYI NAS GSAL ZHING RIN PO CHE GSER DANG, DNGUL DANG, MU TIG DANG, BYU RU DANG, BEE d'URYAS BKANG STE BLA MA GSER GLING PA CHEN PO'I PHYAG TU PHUL, PAndI TA SA'I SNYING PO LA SOGS PA JO BO'I SLOB MA GZHAN THAMS CAD KYIS KYANG GSER ZHO RE PHYAG RTEN DU PHUL LO, ,DE NAS JO BO RJES GSER GLING PA'I GZIM KHANG PHO BRANG GSAR GDUGS CAN GYI NANG DU PHEBS TE, BLA MA GSER GLING PA LA MAndAL PHUL NAS DUS GSUM GYI SANGS RGYAS THAMS CAD KYI YUM GCIG PU SHES RAB KYI PHA ROL TU PHYIN PA'I MDO SDE RIN PO CHE'I DON GYI SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, DE'I THABS SU THEG PA CHEN PO'I LAM GYI RIM PA'I LUS YONGS SU RDZOGS PA MGON PO BYAMS PA NAS 'PHAGS PA THOGS MED SKU MCHED SOGS LA BRGYUD PA DANG, RJE

BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I GDAMS NGAG YONGS SU RDZOGS PA GNANG DGOS TSUL ZHUS PA NA, BLA MA GSER GLING PAS DE LA LO MANG PO 'GOR BAS NYID RANG GIS BZHUGS NUS NA CIS KYANG 'BUL ZHES GSUNGS, DE LA JO BO RJES LO JI TZAM 'GOR YANG YONGS SU RDZOGS PA ZHIG CIS KYANG ZHU ZHES GSOL BA BTAB NAS LO BCU GNYIS KYI RING DBU SNGAS SPREL TE THEG PA CHEN PO'I LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BLO SBYONG BA'I GDAMS NGAG RNAMS BUM PA GANG BYO'I TSUL DU GSAN, DE NAS RGYA MTSOR 'JUG PA'I DED DPON GYIS YID BZHIN GYI NOR BU RIN PO CHE RNYED NAS RANG YUL DU LDOG PA LTAR JO BO RJE YANG THUGS LEGS PAR TSIM NAS RGYA GAR DU PHEBS PAR PHYOGS PA NA BLA MA GSER GLING PA CHEN POS KHONG RANG LA CHUNG DU'I DUS NAS RNYED PA'I THUB DBANG GI GSER SKU DE JO BO RJE'I PHYAG TU PHUL NAS BSTAN PA'I BDAG POR BYIN GYIS BRLABS SO, ,DE NAS JO BO RJE DPON SLOB RNAMS RGYA MTSO LA GZINGS BCAS TE RGYA GAR DU PHEBS NAS BSTAN PA'I BDAG PO MDZAD CING BZHUGS, DE'I TSE JO BO RJE RDO RJE GDAN NA BZHUGS DUS, MA GA DHA'I RGYAL PO NEERYA P'A LA DANG, NUB PHYOGS KARnA'I RGYAL PO GNYIS HUG ? LA WAL GYIS BYUNG NAS LAN BTAB PAS PAndI TA DE TSAR BCAD, SLO THUB PAR GNAS GZHI RNAMS SU DRANGS PAS RAB TU BYUNG BA BZHI, DGE BSNYEN GCIG DANG LNGA BKRONGS, YO BYAD MANG PO BA'I DUS SU KO LONG MA MDZAD PAR

, ,BYANG CHUB KYI SEMS BSGOMS, PHYIS G-YUL LOG NAS MA GA DHA'I RGYAL BOS KARnA'I DMAG MI THAMS CAD GSOD PA LA THUG PA NA KARnA'I RGYAL PO DANG DMAG MI THAMS CAD KYI SROG BSKYABS NAS BTANG, SLAR YANG DE GNYIS 'THABS PA NA JO BO RJES ZANG ZING GI NOR TSAD MED PA SO SOR GNANG STE CHU BO CHEN PO BRGAL NAS DMAG PHAN TSUN 'DUMS PAR MDZAD DE SEMS CAN GRANGS MED PA'I SROG BSKYABS SO, ,DE YANG, BSTOD PA LAS, RGYAL PO NEERYA P'A LA DANG, ,NUB PHYOGS KARnA'I RGYAL PO GNYIS, ,RTZOD PA CHEN PO BYUNG BA'I TSE, ,NUB PHYOGS KARnA'I RGYAL PO YIS, ,MA GA DHAR NI DMAG DRANGS PAS, ,GRONG KHYER MA THUB GNAS GZHIR DRANGS, ,RAB BYUNG DGE BSNYEN LNGA YANG BSAD, ,YO BYAD MANG BO GZHAN DU KHYER, ,KHYOD LA ZHE SDANG MI MNGA' BAS, ,KO LONG MA MDZAD SNYING RJE 'KHRUNGS, ,G-YUL LOG TSE NA DMAG MI BSKYABS, ,PHYI NAS BLA MAS 'DUMS MDZAD DE, ,'TSO BA'I YO BYAD MA GTOGS PA, ,YO BYAD LHAG MA MED PAR BTANG, ,LUS DANG SROG LA MA GZIGS PAR, ,CHU BO CHEN PO YANG YANG BRGAL, ,DE GNYIS 'DUMS NAS MDZA' BOR MDZAD, ,CES GSUNGS, YANG JO BO RJE RDO RJE GDAN DU BSKOR BA MDZAD KYIN BYAMS SNYING RJE BYANG CHUB KYI SEMS LA THUGS SBYONG BA NA, LHO PHYOGS NAS MU STEGS PA'I PAndI TA GDUGS BCU GSUM PHUB PA GCIG BYUNG NAS SANGS RGYAS PA'I BSTAN PA'I BDAG PO KHYOD YIN, MU STEGS PA'I BSTAN PA'I BDAG PO NI KHO BO YIN PAS RANG CAG GNYIS RTZOD

PA BYAS LA SU RGYAL BA DE'I BSTAN PA LA 'JUG DGOS ZER NAS, RGYAL PO DPANG DU BTZUGS TE RTZOD PA BYAS PAS, JO BOS TSEGS MED PAR TSAR BCAD PAS GDUGS BCU GSUM PO JO BO LA PHUL, ZHABS SPYI BO'I GTZUG TU BLANGS, SLOB MA BYAS NAS PHYI ROL PA THAMS CAD NANG PA'I BSTAN PA LA BTZUD DO, ,YANG SANG PHOD LO DUS SU MU STEGS PA'I STON PA GDUGS BRGYAD PHUB PA GCIG BYUNG BA'ANG SNGA MA BZHIN DU TSAR BCAD DO, ,YANG DE'I SANG PHOD MU STEGS KYI STON PA GDUGS LNGA PHUB PA SGRA TSAD LA SHIN TU MKHAS PA GCIG BYUNG NAS, SNGA MA KHO NA BZHIN DU ZER BA LA, JO BOS KYANG RTZOD PAR ZHAL GYIS BZHES NAS RTZOD PA'I DUS BOR, RGOL PHYIR RGOL GYI STAN BSHAMS, PAndI TA MANG PO DANG, SKYE BO'I TSOGS 'DUS PAR GYUR PA'I DBUS SU RTZOD PA BYAS PAS THOG MAR PAndI TA SUM CU TZAM GYIS GO, DE NAS BCO LNGA TZAM GYIS GO, DE NAS PHRA BAR GYUR PAS BCU TZAM GYIS GO, DE NAS WA TZAM GYIS GO, DE NAS RAB TU PHRA BAR GYUR PAS KHONG RANG GNYIS KYIS GO GZHAN GYIS MI GO BAR GYUR TO, ,DER MU STEGS PA DES SGRA'I TSIGS SU BCAD PA GCIG GI DON DRIS PAS JO BOS MA DGONGS PA NA, KHYOD DER SDOD CIG GSUNGS NAS NANG DU PHEBS TE JO MO SGROL MA LA MAndAL PHUL GSOL BA BTAB PAS, THUGS LA WAL GYIS BYUNG NAS LAN BTAB PAS PAndI TA DE TSAR BCAD, SLOB MAR KHAS BLANGS NAS SANGS RGYAS KYI BSTAN PA LA BTZUD DO, ,DE NAS RGYAL PO MAH'A PA LA'I RING LA JO BO RJE BI KA MA LA SH'I LA'I GTZUG LAG KHANG DU SPYAN DRANGS, GTZUG LAG KHANG

, ,BCO BRGYAD KYI BDAG PO MDZAD NAS SANGS RGYAS KYI BSTAN PA RGYA CHER SPEL, DUS DE'I TSE RGYA GAR SHAR NUB YUL DBUS DANG BCAS PA'I DGE 'DUN THAMS CAD KYI GTZUG GI NOR BU LTA BUR GYUR TE RGYAL BA'I BSTAN PA LA RGYAL BA RANG NYID SLAR BYON PA LTAR SDE SNOD GSUM DANG RGYUD SDE BZHIS BSDUS PA'I MDO SNGAGS KYI BSTAN PA YONGS RDZOGS KYI BDAG POR BZHUGS SO, ,DE NAS JO BO RJE'I SNGON GYI THUGS BSKYED DANG SMON LAM GYI MTHU DANG, KHA BA CAN GYI MGON PO RJE BTZUN SPYAN RAS GZIGS KYI THUGS RJE'I MTHUS BOD DU SANGS RGYAS KYI BSTAN PA RGYA CHER SPEL BA'I DUS LA BAB STE MNGA' RIS CHOS RGYAL YE SHES 'OD KYIS DKA' BA BRGYA PHRAG DU MA'I SGO NAS RGYAL BA'I BSTAN PA YONGS SU RDZOGS PA ZHIG BOD KHAMS 'DIR DAR BAR BYA PA'I PHYIR BRTZON PA NAR MAR MDZAD DE, MNGA' RIS STOD NAS BLO GSAL YID GZHUNG BA MANG PO RGYA GAR DU BRDZANGS, SAm SKRi TA'I SKAD BSLABS NAS CHOS BSGYUR DU BTZUD, LHAG PAR LO CHEN RIN CHEN BZANG POS SMON LAM RLABS PO CHE'I MTHU GRUB PAS SAm SKRI TA'I SKAD PHUL PHYIN MKHYEN, MDO SNGAGS KYI CHOS MTHA' YAS PA BSGYUR, LHA BLA MAS SBYIN BDAG BYAS TE MTHO LDING GSER GYI LHA KHANG PA ZHENGS, SNGON GLANG DAR MAS RGYAL BA'I BSTAN PA BSNUBS PA NAS LO BDUN CU TZAM GYI RING LA BOD DU RAB TU BYUNG BA GCIG KYANG MED PAR BOD MUN PA'I GLING DU GYUR PA NA MNGA' RIS CHOS RGYAL BYANG CHUB SEMS DPA' RNAMS DANG, LO CHEN RIN CHEN BZANG PO YAB SRAS RNAMS KYI MTHUS MNGA' RIS STOD DU DGE 'DUN

GYI SDE CHAGS TE MAR RIM GYIS 'PHEL, MDO KHAMS SU BLA CHEN DGE BA RAB GSAL GYIS DGE 'DUN GYI SDE DANG 'DUL BA'I BSHAD NYAN BTZUGS TE MDO KHAMS NAS YAR DAR TE DBUS GTZANG GI LJONGS SU DGE 'DUN GYI SDE RGYA CHER 'PHEL, DE LTA NA'ANG 'GA' ZHIG 'DUL BA LA MOS BLOS SNGAGS KHYAD DU GSOD, 'GA' ZHIG SNGAGS LA MOS BLOS 'DUL BA KHYAD DU GSOD, PHAL MO CHE GRUB MTHA'I KHA 'DZIN GYI BSHAD PA TZAM LAS THEG PA CHEN PO'I LAM GYI RIM PA'I LUS YONGS SU RDZOGS PA NYAMS SU LEN PA LTA ZHOG, PHYOGS MTHONG GI GO BA CHAGS PA'ANG DKON ZHING RGYA GAR NAS PAndI TAR RLOM PA GSER 'TSOL BA MANG PO ZHIG BOD DU LHAGS NAS SNGAGS LA SNYAD BTAGS PA'I RTZING SPYOD DANG RANG GZHAN PHUNG LA 'DEBS PA'I NGAN SNGAGS MANG POS BOD KYI SKYE BO BLUN PO RNAMS BSLUS TE RGYAL BA'I BSTAN PA RNAM PAR DAG BA CHAGS BA LA BAR CHAD CHER BYUNG BA NA, LHA BLA MA THUGS RJE CAN RNAMS THUGS MA BDE BAR RGYA BRTZON SENG LA SOGS PA BLO GSAL SNYING STOBS CAN MANG PO RGYA GAR DU BRDZANGS TE SAm SKRi TA'I SKAD BSLABS NAS CHOS SGYUR SHES PA ZHIG BYED PA DANG, LHAG PAR PAndI TA THUGS RGYUD 'BYONGS PA BSTAN PA LA PHAN THOGS NGES 'DRA GBAN 'DREN DGOS PA'I BKA' PHAB NAS GSER PHON CHE BA BSKUR TE BRDZANGS, RGYA BRTZON SENG LA SOGS PA DE DAG GIS KYANG LHA BLA MA'I BKA' BZHIN RGYA GAR LA PHYIN TE, LEGS SBYAR GYI SKAD BSLABS, MKHAS GRUB

, ,MANG PO LA GTUGS TE MDO SNGAGS KYI CHOS MANG DU BSLABS, LHAG PAR BOD LA PHAN THOGS PA'I PAndI TA THUGS RJE CAN JI LTA BU ZHIG YOD SNYAM DU BTZAD DPYAD PA NA DE DUS RGYA GAR NA PAndI TA BGRANG BA LAS 'DAS PA BZHUGS KYANG THAMS CAD KYI GTZUG GI NOR BU LTA BUR BZHUGS SHING, BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA MNGA' BAS BOD KHAMS KYI SKYE BOD MU RGOD 'DUL DKA' BA RNAMS 'DUL NUS PA JO BO RJE DPAL LDAN AA TI SHA NYID DU MTHONG NAS JI TZAM GSOL BA BTAB KYANG GDAN 'DREN NUS PA MA BYUNG BAR LO TZ'A BA DPON SLOB RNAMS TSUR LOG STE MNGA' RIS CHOS RGYAL KHU DBON LA DE'I RGYU MTSAN ZHUS PA NA CHOS RGYAL YE SHES 'OD KYIS DA DUNG GSER PHON CHE BA BTZAL NAS JO BO RJE GDAN 'DREN THUB PA ZHIG BYED DGOS, CIS KYANG MA THUB NA DE'I 'OG NAS PAndI TA CHE BA 'DRA GDAN DRANGS NAS BOD DU SANGS RGYAS KYI BSTAN PA RNAM PAR DAG PA TSUGS PA ZHIG CIS KYANG BYED DGONGS NAS GSER 'TSOL DU BYON PAS GAR LOG GI RGYAL POS CHOS KYI RGYAL PO YE SHES 'OD PAndI TA GDAN 'DREN PHYIR GSER 'TSOL BAR RIG NAS, 'DI'I PHA MES RNAMS KYIS SNGON YANG SANGS RGYAS KYI BSTAN PA DAR BAR BYAS ZER, 'DI MA BZUNG NA 'DIS PAndI TA GDAN DRANGS NAS, SANGS RGYAS KYI BSTAN PA DAR BAR BYED 'ONG BAS BZUNG LA BTZON KHANG DU CHUG CIG ZER NAS CHOS RGYAL YE SHES 'OD BZUNG NAS MNAR, DE CHOS RGYAL

BYANG CHUB 'OD KYIS THOS NAS RTA PA BRGYA BYAS TE KHU BO BZLOG TU PHYIN PAS, GAR LOG GI RGYAL PO PHA TSAN CHES NAS MA BZLOG ,YANG DMAG BYAS NAS KHO LA RGYAB NA LHOGS PAR SNANG STE, DE'I BAR DU 'GRO BA MANG PO'I SROG 'CHAD PAR SNANG BA DANG, NGA RANG LA YANG BAR CHOD BYUNG NA JO BO CHEN PO SPYAN MI 'DRONGS PAR DGA' BAS KHO DANG THABS MKHAS PAS BSTUN TE KHU BO BLU'I SNYAM DU DGONGS NAS BLUS BA DANG, KHO NA RE, 'O NA KHYED RANG PAndI TA GDAN 'DREN PA'I 'PHRO BSHOL, KHYED RANG YANG NGA'I 'OG TU ZHUGS, YANG NA GSER RGYAL PO RANG DANG MNYAM PA CIG KHYER LA SHOG ,DE NAS RGYAL PO BTANG GIS ZER BA LA, GSER LA 'DAMS NAS GSER SRANG BRGYA THAM PA KHYER TE, RGYAL PO BLUS PAS KYANG KHO MA NYAN, DE NAS LUS DANG MNYAM PA CIG KHYER NAS BLUS PAS KYANG THAMS CAD TSANG BA CIG DGOS ZER NAS KHO MA NYAN, DER KHU BO KHRIMS MUN NA BTZUD DE 'O BRGYAL BAR BZHUGS PA'I SGO DRUNG DU PHYI NAS KHU BO LA BOS TE, BKA' DRIN CHEN PO, SNGON GYI LAS THOG TU BAB PA YIN PAS, NGAS KHO LA DMAG RGYAB NAS BZLOG NA NI SKYE BO TSAN PO CHE PHUNG LA GTAD NAS RANG RE GNYIS KYANG NGAN SONG DU 'GRO DGOS PAR SNANG, PAndI TA GDAN MA DRANGS PAR KHYED RANG NGED KYI 'OG TU ZHUGS ZER BA LA NI, CHOS BLOS BTANG NAS SDIG RGYAL GYI 'OG TU ZHUGS PA LAS, KHYED CHOS LDAN DU GSHEGS PA DRAG SNYAM DU BSAMS, DE NAS GSER KHYED RANG TZAM ZHIG DGOS ZER BA LA GSER BTZAL BAS, KHYED KYI SKU LUS DANG MNYAM PA'I TSOD TZAM ZHIG RNYED,

, ,DES KHO MA NYAN PAS DA NGAS DBU TZAM ZHIG RNYED PA DANG BLUR 'ONG GIS, DE'I BAR DU SNGON GYI LAS LA SEMS PA DANG, DKON MCHOG GSUM LA GSOL BA 'DEBS PA DANG, SNYING PO CHE BRANG 'OG TU BCUG PA'I BSOD NAMS MDZAD DGOS PA YIN, ZHES ZHUS PA DANG, KHU BO BZHAD CIG MDZAD NAS, KHYOD LA'ANG GCES PHRUG SNUM ZAN MA'I BAGS CIG YOD, DKA' SPYAD DANG SNYING RUS MI NUS SNYAM PA YIN TE, NGA SHI YANG KHYOD KYIS PHA MES KYI SROL SKYONG BAR SNANG, KHYOD KYI DE GO BA CHE, NGA DES CHOG ,NGA'I BSAM PA LA BOD 'DIR CHOS KHRIMS ZHIG MA 'CHOS PAR NGA SHI NA MI RUNG BAR 'DUG SNYAM PA YIN TE, DA NGA NA SO YANG RGAS 'DIR NGA DA LAN MA SHI YANG TSE LO BCU YIN SNGAR TSE 'KHOR BA THOG MA MED PA NAS CHOS KYI PHYIR GCIG KYANG SHI BA MED, DA LAN CHOS PHYIR SHI NA LEGS PA YIN PAS RGYAL PO 'DI LA GSER SE BAR TI CIG KYANG MA STER, GSER NGA RAD TZAM RNYED PA SHIN TU RNGAM CHE NA, DA MGO PO TZAM PA GA NA RNYED, GSER THAMS CAD RGYA GAR DU KHYER LA DA DUNG PAndI TA DE GDAN CI 'DRONGS GYIS, PAndI TA CHEN PO'I SNYAN DU YANG, NGAN RE, NGAS KHYED DANG SANGS RGYAS KYI BSTAN PA'I PHYIR LUS SROG GAR LOG GI RGYAL PO NGAN PA LA BYIN YOD PAS TSE RABS THAMS CAD DU BDAG LA THUGS RJES 'DZIN PA DANG, NGA'I BSAM PA'I GTZO BO KHYED BOD DU BYON NAS SANGS RGYAS KYI BSTAN PA DAR BAR BYED PA YIN PAS DE KHO NA BZHIN DU MDZAD PA DANG, SKYE BA 'DI'I 'OG ROL TU KHYED DANG

NGES PAR MJAL BAR BYIN GYIS BRLAB TU GSOL, ZHES NGA'I 'PHRIN MDZOD CIG, DE LTAR LAGS PAS NGA BLOS THONGS LA SANGS RGYAS KYI BSTAN PA LA SOMS SHIG GSUNG, DE NAS LHA BLA MA BYANG CHUB 'OD KYIS NAG TSO LO TZ'A BA SKU MDUN DU BOS TE, DGE BSHES PA, JO BO SPYAN 'DREN DU RGYA GAR DU 'BYON DGOS PAR 'DUG CES BYA DGA' CHEN PO GNANG STE GSER PHON CHE BA DANG, G-YOG JI TZAM DGOS PA GTONG, RGYA GAR DU BYON NAS JO BO RJE LA 'DI SKAD ZHUS SHIG, SNGON DUS CHOS RGYAL GONG MA RNAMS KYIS DKA' BA CHEN POS RGYAL BA'I BSTAN BA BTZUGS KYANG GLANG DAR MAS BSNUBS, DE NAS NGED KYI YAB SEMS CHOS RGYAL RNAMS KYIS DKA' BA CHEN POS RGYAL BA'I BSTAN PA BTZUGS KYANG MDO SNGAGS GNYIS PO PHAN TSUN TSA GRANG LTAR SONG BA LAS BSTAN PA YONGS RDZOGS NYAMS LEN DU 'KHYER SHES PA SHIN TU DKON PAR SNANG ZHING, RTZING SPYOD CAN MANG POS BSTAN PA LA GNOD PA CHEN PO BYAS, NGED KYI KHU BO YE SHES 'OD KYIS TSUL DE MA BZOD NAS JO BO RJE KHYED GDAN 'DREN PHYIR GSER 'TSOL DU BYON PAS KHU BO GAR LOG GI RGYAL POS MED PAR BYAS PA'I GTAM DE RNAMS MGON PO AA TI SHA'I SNYAN DU THONGS, NGA'I KHU BO SNYING RJE CAN DE 'O AE BRGYAL, NGAS KYANG KHU BO DE BZHAG NAS 'ONG PHOD PA SGO'I GSENG NAS PHAR BLTAS PAS SKU LUS RNAMS NI DAR GYIS BCINGS, GSUNG GI MDANGS NI SHOR, SNGAR GYI DE LAS RNAM PA THAMS CAD 'GYUR, SKU LUS BUNG BA TZAM ZHIG TU SONG, NGE'I KHUNG NA'ANG BOD KYI SEMS CAN DANG SANGS RGYAS KYI BSTAN PA DANG

, ,JO BO 'BA' ZHIG THUGS LA SEMS, NGED BOD MTHA' 'KHOB KYI SEMS CAN MA RIG PA RNAMS KYI SNYING STOBS DE 'DRA NA KHYED 'GRO BA'I SKYABS GNAS THUGS RJE CAN RNAMS JI TZUG LA SONG, ZHES ZHUS SHIG CES MNGAGS GSER SRANG BDUN BRGYA BSKUR TE NAG TSO LO TZ'A BA DPON G-YOG RNAMS RGYA GAR DU JO BO SPYAN 'DREN DU BRDZANGS SO, ,DE NAS NAG TSO LO TZ'A BA DPON G-YOG 'GAS LHA BLA MA'I BKA' BZHIN RGYA GAR DU BYON, LAM PAR RNAMS SU CHOM KUN GYI 'JIGS PA SOGS BAR CHAD MANG BO BYUNG BA RNAMS THUGS RJE CHEN PO'I SPRUL BA SNA TSOGS PAS BSAL TE NYE ZHO MED PAR BI KA MA LA SH'I LAR SLEBS, RGYA BRTZON SENG DANG GROS BYAS TE JO PO GDAN 'DREN PA'I BKOD PA BYAS PA NA RE SHIG JO BO'I ZHAL MJAL BA SHIN TU DKA' BA BYUNG, DE NAS THUGS RJE CHEN PO'I SPRUL PAS JO BO BOD DU 'BYON PA'I RTEN 'BREL SGO DU MA NAS BSGRIGS TE, NYIN CIG RGYA GAR GYI PAndI TA DANG RGYAL PO GZHAN GYIS MTSOR BAR DBEN PA ZHIG GI DUS RGYA BRTZON SENG GIS NAG TSO LO TZ'A BA LA SHOG GSUNGS NAS JO BO'I GZIM KHANG DU KHRID, MAndAL KHRU GANG PA CIG YOD PA'I STENG DU GSER LING BA DE BZHAG, GSIL MA RNAMS TSOM BUR BKOD NAS JO BO LA PHUL TE, LO TZ'A BA RGYA BRTZON 'GRUS SENG GES GTAM BTANG BA, BOD KYI RGYAL PO BYANG CHUB SEMS DPA' YIN LUGS, CHOS RGYAL MES DBON GSUM GYI RING LA CHOS JI LTAR DAR LUGS, GLANG DAR MAS BSTAN PA BSNUBS LUGS, BLA CHEN PO'I DRIN LAS

DGE 'DUN JI LTAR 'PHEL LUGS, LHA BLA MA KHU DBON GYIS JO BO SPYAN 'DREN PA'I PHYIR DKA' SPYAD BYAS LUGS, DA LTA BOD NA CHOS LOG JI LTAR DAR LUGS ZHIB RGYAS DANG BCAS PA ZHUS NAS, DA YANG BOD KYI RGYAL PO BYANG CHUB SEMS DPA' DES TSE DANG LDAN PA 'DI MGON PO KHYED SPYAN 'DREN DU BTANG NAS GDA' BAS, NA NING SKAD MI GSUNG BAR BOD LA THUGS RJES GZIGS PAR ZHU ZHUS PAS, JO BO'I ZHAL NAS BOD KYI RGYAL PO BYANG CHUB SEMS DPA' YIN PAR 'DUG ,CHOS RGYAL MES DBON RNAM GSUM YANG BYANG CHUB SEMS DPA'I RNAM 'PHRUL YIN TE, DE BAS BLA CHEN PO YANG BYANG CHUB SEMS DPA'I RNAM 'PHRUL YIN, DE MIN NA BSTAN PA'I ME RO BSLANG BAR MI NUS, JO BO LHA BLA MA DE KUN BYANG CHUB SEMS DPA' YIN PAR 'DUG, BYANG CHUB SEMS DPA'I BKA' BCAG TU YANG MI RUNG BA YIN, RGYAL PO DE LA NGO YANG GNONG BAR YOD, KHONG GI MI NOR MANG PO CHUD ZOS LA SONG, KHYED BOD RNAMS SNYING RJE BAR YANG 'DUG STE, NGA YANG NA SO RGAS, LDE MIG MANG PO'ANG 'DZIN, BYA BA MANG PO'I 'PHRO YANG YOD PAS BOD DU THON RE MI 'ONG NGAM, 'ON KYANG NGAS BRTAG BA CIG BYA YI, RE ZHIG KHYED RANG GI GSER TSAGS GYIS GSUNGS NAS PHYIR LA GTOD PAR MDZAD, DE NAS JO BO RJES BOD KHAMS KYI GDUL BYA RNAMS LA THUGS BRTZE PAS BOD DU BYON NA SANGS RGYAS KYI BSTAN PA LA PHAN MI PHAN DANG, DE LA GEGS BAR CHAD KYIS GNOD PA YOD MED SOGS BRTAG BA MDZAD DE LHAG BA'I LHA RNAMS LA GSOL 'DEBS SHUGS DRAG

, ,TU MDZAD CING RDO RJE GDAN DU BZHUGS PA'I DUS, LHA DANG BLA MA RNAMS KYIS BYANG CHUB KYI SEMS JI LTAR SBYONG BAR BSKUL BA BZHIN THUGS RJE CHEN PO YI DAM DU BZUNG NAS RDO RJE'I GDAN GYI NUB PHYOGS NA 'OD DPAG TU MED PA'I LHA KHANG ZHIG YOD PA DE'I NANG DU BYAMS PA'I THUGS DAM LA BZHUGS PAS, JO BO THUGS RJE CHEN PO'I ZHAL MNGON SUM DU GZIGS, THUGS RJE CHEN PO'I ZHAL NAS, SKYES BU DAM PA LEGS SO LEGS SO DUS GSUM GYI SANGS RGYAS THAMS CAD KYI GSANG BA'I MDZOD GANG YIN PA DE KHYOD KYIS SHES SO, ,'DI NAS BYANG PHYOGS NA NGA'I ZHING KHAMS YOD, KHYOD KYI YI DAM JO MO SGROL MA YANG DE NA SEMS CAN GYI DON MDZAD CING BZHUGS, KHYOD KYI GDUL BYA MANG PO YANG DE NA YOD PAS BYANG PHYOGS SU SONGS SHIG GSUNGS NAS BOD KHA BA CAN 'DUL BAR LUNG BSTAN TO, ,YANG JO BO RJES RJE BTZUN MA SGROL MA'I RTEN GYI SPYAN SNGAR MCHOD PA BSHAMS, MAndAL PHUL NAS GSOL BA BTAB PA NI, NGAS BOD DU PHYIN NA BSTAN PA DANG SEMS CAN LA PHAN THOGS SAM MI THOGS BYA BA DANG, RGYAL PO BYANG CHUB SEMS DPA'I THUGS DGONGS RDZOGS SAM MI RDZOGS BYA BA DANG, RANG GI LUS SROG GI BAR CHAD DU 'GYUR RAM MI 'GYUR BYA BA GSUM GSOL BA BTAB PAS, DE'I NUB MO RMI LAM NA, GNAS 'DI 'DRA BA ZHIG NA NANG PA'I LHA KHANG CHUNG DU ZHIG YOD, NANG PAR DER SONGS LA RNAL 'BYOR MA ZHIG 'ONG GI DE LA DRIS DANG GSUNG BA RMIS, NANG

PAR JO BOS ME TOG SNYIM PA GANG BSNAMS NAS LHA KHANG DER ZHUGS BA NA RNAL 'BYOR MA RAL PA SA LA ZHAM ME BA ZHIG BYUNG, DE LA ME TOG RNAMS PHUL NAS NGA BOD KYI RGYAL POS SPYAN 'DREN NA NGAS BOD DU PHYIN NA BOD KYI SEMS CAN LA PHAN THOGS SAM MI THOGS ZHUS PAS, BOD DU BYON NA PHAN NI THOGS NAS 'ONG, KHYAD PAR AU PA SI KA GCIG LA BRTEN NAS PHAN THOGS TE 'ONG BAR 'DUG, DE BYIN GYIS RLOBS SHIG GSUNGS, DA DUNG RDO RJE GDAN LA MCHOD PA CHEN PO ZHIG BYAS LA GSOL BA GDAB DGOS SNYAM NAS 'BYON BAR CHAS PA NA, MKHAN PO DZNY'A NA SHR'I MI TRAS 'GRON BU SPAR GANG BSKUR NAS RDO RJE GDAN NA RGAN MO RAL PA SE SHA RE BA GCIG YOD DE LA PHUL GSUNG SKAD, DE NAS RDO RJE GDAN DU BYON TZA NA RGAN MO RAL PA SE SHA RE BA GCIG NA RE, NGA LA BSKUR BA'I 'GRON BU TSUR THONG GSUNG, DE LA YANG YID KYIS PHYAG DANG DRI BA MDZAD PAS KYANG GONG DANG MTHUN PAR BYUNG, BOD DU BYON NA PHAN THOGS PAR LUNG BSTAN PA NA, LUS SROG GI BAR CHAD DU 'GYUR RAM MI 'GYUR ZHUS PAS, TSE NI BOD DU BYON NA THUNG BAR 'DUG GSUNG, JI TZAM GYIS THUNG ZHUS PAS, BOD DU MA BYON NA DGU BCU GO GNYIS THUB, PHYIN NA BDUN CU RTZA GSUM LAS MI THUB GSUNG, DON LA NYI SHU THAMS PAS THUNG DU SONG BA YIN SKAD; DE'I TSE JO BO'I THUGS DGONGS LA BOD LA PHAN THOGS NA TSE THUNG NA YANG THUNG STE, TSE LA MI LTA SNYAM PA'I THUGS STOBS CHEN PO SKYES SO, ,DE NAS JO BO RJE RGYA GAR GYI DGE 'DUN GYI SDE RNAMS DANG SBYIN BDAG RNAMS KYIS BOD DU BYON NA

, ,RGYA GAR CHOS KYI 'BYUNG GNAS NYAMS PAR 'GYUR ZHES THAMS CAD KYIS MTHUN PAR BKAG NAS BOD DU 'BYON MI 'JUG PA LA, JO BO RJES THABS MKHAS KYIS BOD DU 'BYON BA'I 'PHROS MED PAR RDO RJE GDAN SOGS GNAS CHEN RNAMS SU MCHOD PA RGYA CHE BA RE BGYID BA YIN GSUNGS NAS GNAS RNAMS SU PHAR PHEBS TSUR PHEBS MDZAD, JO BO 'JAM DPAL RDO RJE SOGS SKU RTEN BYIN RLABS CAN MANG PO DANG GSUNG RTEN GLEGS BAM MANG DU YOD PA RNAMS 'BROM CHOS KYI RGYAL PO'I THABS MKHAS KYI SPRUL PA TSONG PA'I RNAM PA CAN ZHIG GIS SUS KYANG MA TSOR BAR GDAN DRANGS, JO BO DPON SLOB RNAMS RGYA GAR NAS LCAGS PHO 'BRUG GI MJUG LA PHYAGS BTEG ,LCAGS MO SBRUL LA BAL YUL DU PHEBS, BAL YUL GYI RGYAL PO GRAGS PA MTHA' YAS SOGS SDE DPON RNAMS DANG, PAndI TA RNAMS KYIS GTZOS DAD LDAN THAMS CAD KYIS GUS PA CHEN POS MCHOD PA'I BYE BRAG SNA TSOGS PAS BSUS SHING GSOL BA BTAB NAS BAL YUL DU LO GCIG BZHUGS TE CHOS KYI 'KHOR LO RGYA CHEN PO BSKOR, THANG BHI HA RA'I GTZUG LAG KHANG BZHENGS TE DGE 'DUN GYI SDE BTZUGS, DE NAS JO BO RJE DPON SLOB RNAMS KYIS BAL PO RDZONG DU PHYAGS PHEBS PA NA LHA BTZUN PA'I RTA PA SUM BRGYA TZAM BSU BA LA GOS DKAR PO 'BA' ZHIG GYON, RGYA THAMS CAD KYANG DKAR PO 'BA' ZHIG BYAS, BLON PO CHEN PO LHA'I DBANG PHYUG DANG, LHA'I BLO GROS DANG,

LHA'I SHES RAB DANG, LHA'I SRID 'DZIN ZHES BYA BA BZHI LA DPA' BO DAR MDUNG DKAR PO THOGS PA BCU DRUG BCU DRUG GIS BSKOR, GZHAN THAMS CAD LA YANG BA DAN CHUNG DU RE DANG, CHU DAR GYI GDUGS NYI SHU DANG, PI WAm DANG, GLING BU'I SGRA SNYAN 'KHROL BA DANG, DPON G-YOG THAMS CAD KYANG NGAG MTHUN PAR DKON MCHOG GSUM LA SKYABS 'GRO BYED PA DANG, BOD DU SANGS RGYAS KYI BSTAN PA DAR BAR 'GYUR RO BYA BA'I KHA BRDA BZANG PO BYED BA DANG, AA TI SHA LA BDO BA'I PHAS RGOL THAMS CAD BDAG GIS GZHOM PAR BYA'O ZHES DPA' BSKYED PA DANG, THAMS CAD RTA LAS MI 'BAB PAR GRAL SGOR MOR BYAS TE, DBUS SU AA TI SHA DPON G-YOG 'KHOR DANG BCAS PA RNAMS BCUG NAS MI RTA THAMS CAD KYI MGO BO NANG DU RUG GIS BSTAN, BLON PO CHEN PO BZHIS DBUS SU 'ONGS, SNGON CHOS RGYAL KHRI SRONG LDE BTZAN GYIS MKHAN PO BO DHI SATVA SPYAN DRANGS PA'I DRUNG DU BLON PO RIG PA CAN RNAMS KYIS ZOR MA'I GLU BLANGS PA LTAR BLON PO RNAMS KYIS BLU BLANGS BA NI, LO ZHES BYA BA GRAG STONG SNYAN PA'I GLU DBYANGS LO, ,ZHES SOGS BKRA SHIS PA'I GLU DBYANGS MANG PO DANG BCAS SPYAN DRANGS, LO TZ'A BA CHEN PO GUNG THANG PA LA SOGS PA RAB TU BYUNG BA'I RTA PA SUM CU RTZA LNGAS BSKOR BA'I DBUS NA CHIBS CANG SHES MTHONG SMON DANG BA'I STENG NA JO BO RJE DPAL LDAN AA TI SHA KHRU GANG TZAM GYIS SGA LA MA REG PAR MDZAD NAS SKU'I DKYIL 'KHOR BABS CHAGS PA, MDZES PA, BLTA NA SDUG PA, 'JIG

, ,RTEN LHA DANG BCAS PAS MCHOD PAR 'OS PA, 'JIG RTEN MKHYEN CING SKYES BU 'DUL BA KHA LO BSGYUR BA BLA NA MED PA'I ZHAL 'DZUM PA DANG BCAS PA, SAm SKRi TA'I GSUNG 'KHROL BA, RUS BA CHAGS PA, TSIG GI LHAD MED LA GSUNG GI GDANGS SNYAN PA, GSUNG GI NGAR CHE LA DRANG POR SMRA BA DE KHROL MDZAD NAS, AE MA HO, AA TI AA TI, PHA LA PHA LA, PHA LA HO ZHES SOGS SAm SKRi TA'I SKAD DU BKRA SHIS MANG DU BRJOD PAR MDZAD CING RIM GYIS PHEBS TE GANGS RI CHEN POR PHEBS, GANGS RI CHEN PO LA ZHABS SKOR MDZAD PA NA GNAS BRTAN CHEN PO YAN LAG 'BYUNG 'KHOR DGRA BCOM PA RNAMS DANG BCAS GSO SBYOD MDZAD PA'I GAndI'I SGRA GSAN ZHING GNAS BRTAN CHEN PO DANG DNGOS SU MJAL NAS BKA' BGRO BAR MDZAD, MTSO MA PHAM GYI 'GRAM DU PHEBS NAS CHAB GTOR MDZAD BA'I TSE THUGS RJE CHEN PO'I ZHAL GZIGS SHING, KLU RNAMS KYIS GUS PAS MCHOD PA SOGS NGO MTSAR YA MTSAN CHE BA'I RNAM THAR MANG DU MCHIS, PHYOGS DE'I DAD LDAN RNAMS LA CHOS MANG DU GSUNGS, DE NAS RIM GYIS PHEBS TE GU GE MTHO LDING DU PHEBS SU NYE BA NA NAG TSO LO TZ'A BAS LHA BLA MA BYANG CHUB 'OD LA RING POR MI THOGS PAR JO BO RJE 'KHOR BCAS MTHO LDING GSER GYI LHA KHANG DU 'BYON PAR YOD PAS THUGS DGYES PAR ZHU ZHUS PAS LHA BTZUN CHEN PO DGYES PA'I MTHAR THUG NAS, NGAS DAD GUS MA LOG BAR GSOL BA RGYUN DU BTAB NAS YUN RING SONG STE LHA CIG DANG MJAL BA YIN, MDANG

RMI LAM NA NUB PHYOGS NAS NYI MA'I DKYIL 'KHOR CHEN PO GCIG SHAR BYUNG BA DANG, SHAR PHYOGS NAS ZLA BA'I DKYIL 'KHOR NYA GANG BA 'DRA BA ZHIG SHAR NAS BYUNG BAS, DE GNYIS LHAN CIG 'TSOGS MA THAG SPRIN DANG KHU RDUL THAMS CAD RANG SAR DENGS, SKAR TSOGS THAMS CAD NAM GUNG BZHIN DU GRA MA NYAMS PAR NYI ZLA GNYIS LA 'DUD KYIN SNANG BA RMIS, DA ZLA BA DE NGA YIN SNYAM NA YANG, SHAR PHYOGS MA GI NAS BYUNG BA SU YIN GANG YIN CHA MED SU YIN YANG DES GO CHOD PAR SNANG, RMI LTAS KYANG SHIN TU BZANG GSUNGS, DE NAS JO BO RJE GZHIS BYES KYI RTA PA LNGA BRGYA TZAM GYIS BSKOR BA'I DBUS NA CHIBS MTHONG SMON RLUNG GSHOG LA KHRU GANG TZAM MA REG PAR NYI MA'I DKYIL 'KHOR LTAR LHAM ME, YE RE, LHOD DE, SHIG GE, YAR BGRES MA DRAGS PA, MAR GZHON MA DRAGS PA DANG BA 'DREN PA'I SGANG DU GYUR BA, GTZANG CHOS NAS 'BYUNG BA BZHIN DU PAn CHEN GYI DBU ZHVA SHIN TU MDZES PA DES NAM MKHA'I MTHONGS SNYEG PA, DPON SLOB SUM CU RTZA BZHI PO THAMS CAD LTA SPYOD DANG NA BZA'I CHA LUGS KHYAD PAR MED NA'ANG, JO BO'I NA BZA' DE RDO TSOS MA SNUM ZHING DRI ZHIM LA MDANGS CHAGS PA, SKU SHA CHE BA LTA BU LA BRJID CHAGS PA, SKU LUS DRANG ZHING MDZES LA SKABS THAMS CAD PHYED PA, PHYAG DANG SOR MO THAMS CAD ZLUM ZHING RGYAS PA, BYIN GYIS PHRA BA, DBU SKRA GANG CING SNUM LA MTSAMS PHYED PA, DPRAL BA'I DBYES

, ,CHE BA; THAMS CAD NAS BLTAS KYANG 'DZUM CHAGS PA, SMIN MA BZANG LA MDANGS 'BREL BA, SNA'I GZENGS MTHO BA, ZHAL GYI DKYUS LEGS PA, MCHU'I CHAG THON PA, SNYAN SHAL RING LA MDZES BA, BAG DRO BA, ZIL CHE BA, YANG DANG YANG DU LTA SNYING 'DOD PA, DANG BA 'DREN PA'I STOBS KYIS BLTAS NAS MIG SDUD MI SHES BA, GSUNG KHROL LA SNYAN PA, GSUNG CHE LA DRANG BA, LDABS KYIN MI MDZAD PA, DAM PA'I CHOS KYI GSUNG KHO NAR 'BYON PA, DAD BA YE MED PA DAG GIS THOS KYANG DAD PA GLO BUR DU SKYE ZHING RGYUD DUL TE 'GRO BA, PHYOGS GA NAS BLTAS KYANG SANGS RGYAS BCOM LDAN 'DAS KYI DRUNG DU LHA DANG BCAS PA'I 'JIG RTEN GYIS 'DUD PA LTAR LHAM ME LHAN NE BSAM GYIS MI KHYAB PA'I RNAM THAR DANG LDAN PA CIG SNANG BA DE SKYE BO'I TSOGS SUS MTHONG YANG MTHONG MA THAG TU SKYABS SU MCHI'O, ,ZHES LAN GSUM GSUM THAMS CAD KYI KHA NAS 'BYUNG ZHING GCIG GIS GCIG LA STON CING TZAG SGRA DI RI BYAS NAS NGO MTSAR CHE 'DI NI MI RANG GA BA MIN, SANGS RGYAS BCOM LDAN 'DAS SAM DE YIN LA CHE ZER ZHING THAMS CAD RANG SA NAS SHES PA GZUNG RGYU MED PA SKAD CHEN POS 'BOD DE, SKYABS SU MCHI'O, ,SANGS RGYAS BCOM LDAN 'DAS RGYA GAR CHOS KYI RGYAL PO PAn CHEN LNGA BCU RTZA GNYIS KYI GTZUG GI NOR BU RIN PO CHE, MGON PO AA TI SHA SANGS RGYAS BSTAN PA'I BDAG PO, BDAG CAG

BOD KYI SEMS CAN LAS NGAN CAN RNAMS LA THUGS RJES GZIGS SHIG, KHYOD KYI PHYOGS SU DKA' LAS BYED PA LHA KHU DBON SHIN TU BDEN PAR SNANG NGO, ,BOD KYI MI NOR THAMS CAD ZAD KYANG 'GYOD PA MA MCHIS SO, ,KHYED GDAN 'DREN PA LA DKA' LAS CHEN BO 'ONG BA RE BDEN, DA NI 'JIG RTEN GYI MGON PO BOD DU BYON NO, ,ZHES THAMS CAD DAD PAS PHYOGS GCIG TU 'UR BA DANG, MGON PO AA TI SHA YANG SHIN TU MNYES NAS BOD KYI SEMS CAN RNAMS KHO BO LA 'DI LTAR DAD PA CHE BA, BLA MA SANGS RGYAS BSTAN PA'I BDAG PO THAMS CAD THEG PA CHEN PO'I RIGS CAN, AE MA PHAN BDE'I 'BYUNG GNAS DKON MCHOG GSUM, NGA'I GDUL BYA RNAMS LA THUGS RJES ZUNGS SHIG GSUNGS NAS KHROM THAMS CAD LA GZIGS SHING BYIN BRLABS MDZAD, LHA BLA MA'I AA nI LHA CIG CHOS 'BUM GYIS JO BO'I ZHAL GYI DKYIL 'KHOR LA BLTAS TE THAL MO SBYAR NAS MKHAS PA 'DI'I PHYOGS SU NGA'I MING PO GSER GYI RI RAB 'DRA BA CIG GSHEGS TE, NGA SEMS MI KHRAL, MYA MI NGAN, MING PO DE'I SROG DANG PAndI TA 'DI BRJES PA YIN TE, BAL PON HA SU, MNGA' RIS NA RIN BZANG, PHYOGS NAS NGA CHE ZER BA RNAMS LA NGOM PA YIN, NGA'I TSA BO 'DI SRIN BU 'DRA BA ZHIG BSKYANGS PAS DA LTA SA'I BDAG PO SNYING RUS CHE LA SKABS DON YOD PA 'DI 'DRA ZHIG BYUNG ZER NAS LHA BLA MA'I MYA NGAN RIS NON PA TZAM YOD PA SANGS PAR

, ,BYAS; MGUL G-YU GSER SRANG LNGA BCU RI BA ZHIG YOD PA DE MGON PO AA TI SHA'I PHYAG TU PHUL NAS, THAL MO SBYAR NAS 'DI SKAD ZER, MGON PO AA TI SHA G-YU RDOG 'DI MCHOD PAR BZHES LA ZHU BA 'DI GSON DANG, NGA'I MING PO LHA BLA MA YE SHES 'OD BYA BA DE MES PO CHOS KYI RGYAL PO DE RNAMS KYI CHOS KYI RNAM SROL SNYEG PA DANG, SNYIGS MA'I DUS 'DIR SANGS RGYAS KYI BSTAN PA LA LUS LONGS SPYOD DGE BA'I RTZA BA RNAMS LA SPRUGS PAS, KHYED LTA BU'I BLA MA DKON MCHOG THUGS RJE CHEN PO DANG LDAN PA RNAMS KYI THUGS RJE'I GO BAR NAS SNYING STOBS CAN DE MI 'DOD PA'I LAG TU SHOR, DA NI MING PO DE'I TSAB MA KHYED LA ZHU BA LAGS PAS SKYE BO NGAN PA RNAMS KYI LOG RTOG NGAN PA GCIG PHU SBYANG BA'I CHED DU YANG BOD DU YUN BSRINGS NAS RGYUN DU BZHUGS PA ZHU 'TSAL ZHES GSOL BA BTAB, DE NAS JO PO RJES MTHO LDING GSER GYI LHA KHANG DU PHEBS, LHA BLA MAS PHEBS STON RGYA CHEN PO MDZAD, LO CHEN RIN CHEN BZANG POS KYANG RANG GI GNAS GTZUG LAG KHANG DU SPYAN DRANGS, MCHOD PA'I DNGOS PO TSAD MED PAS MCHOD, DBU MA SNANG BA SOGS CHOS MTHA' YAS PA GSAN ZHING, LHAG PAR BDE MCHOG GI DBANG DANG RJE BTZUN MA'I BYIN RLABS GNYIS ZHUS, BYIN RLABS THOB PA DANG RTOGS PA DANG NYAMS

BZANG PO SKYES, DPE DANG MCHOD GNAS MA GTOGS PA NOR DNGOS PO CI YOD JO BO LA PHUL NAS, JO BO'I BDE MCHOG DANG RJE BTZUN MA LA THUGS DAM GYI MTHIL MDZAD, JO BO'I ZHAL NAS, NGA'I LO TZ'A LA 'GRO DGOS GSUNGS PAS, LO TZ'A BAS DBU BSTAN TE, MGO BO DKAR PO 'DI BZHIN DU SONG BAS KHO BO SGRUB PA CIG BYED PAR ZHU BA PHUL BAS, KVA YE RIN CHEN BZANG PO KHYOD SGRUB PA GSH'AM CIG BYED NA SKYE BA SNGA MA PHAN CHAD KYI DGE BA'I TSONG, DPAG TU MED PA'I MTHU NI YOD, DAL 'BYOR GYI MI LUS RIN PO CHE THOB PAR DKA' BA NI THOB, SANGS RGYAS KYI BSTAN PA DANG NI PHRAD, DE STON PA'I DGE BA'I BSHES GNYEN DANG NI MJAL, SRID PA'I NANG RAB TU ZHI BAR BYED PA DAM PA'I CHOS KYI BDUD RTZI'I SMAN NI RNYED, GTI MUG GI MUN PA SEL BAR BYED PA DAM PA'I CHOS KYI SGRON ME DANG NI PHRAD, SRID PA'I CHU BO LAS SGROL BA'I THABS SHES KYI GRU GZINGS RNYED PA'I SKABS 'DIR, SEMS BYA BA NGAN PA RNAMS KYIS MA G-YENGS PAR MDZOD CIG GSUNGS, LO CHEN RIN CHEN BZANG POS JO BO'I ZHAL GDAMS DE THUGS LA BZHAG NAS SGRUB KHANG GI SGO LA LCAGS GZER BTAB NAS CHOS STON BUG PA GCIG NAS TSUR BLANGS, SGO'I YA THEM LA GNAS KHANG 'DI'I NANG DU THA MAL PA'I RTOG PA SKYES NA CHOS SKYONG BA'I SRUNG MA RNAMS KYIS MGO BO KHOS BYA BA BRIS NAS JO BO THEGS RJES LO BCU'I BAR DU

, ,SGRUB PA RTZE GCIG TU MDZAD PAS, BDE MCHOG GI DKYIL 'KHOR MNGON SUM DU GZIGS SO, ,DE NAS LHA BLA MA BYANG CHUB 'OD KYIS JO BO RJE LA GSOL BA 'DI LTAR BTAB STE BYANG PHYOGS KHA BA CAN GYI LJONGS 'DIR SNGON DUS CHOS RGYAL MES DBON RNAM GSUM GYIS DKA' BA BRGYA PHRAG DU MA'I SGO NAS SANGS RGYAS KYI BSTAN PA BTZUGS LUGS, DE NAS GLANG DAR GYIS BSTAN PA BSNUBS LUGS, DE NAS RANG GI YAB MES MNGA' RIS CHOS RGYAL RNAMS KYIS LUS SROG KHYAD DU BSAD NAS BOD 'DIR SANGS RGYAS KYI BSTAN PA BTZUGS KYANG LOG PAR SMRA BA MANG POS BSTAN PA CHAL CHOL DU SONG TSUL SOGS SPYAN MCHI MA 'KHRUG BZHIN DU ZHIB TU ZHUS NAS DA JO BO THUGS RJE CAN KHYOD KYIS BOD KYI GDUL BYA DMU RGOD CAN 'DI RNAMS LA CHOS ZAB ZAB MO DANG, MTSAR MTSAR PO MI 'TSAL KYI LAS RGYU 'BRAS KYI CHOS KYIS BSKYANG BAR ZHU, LHAG PAR RGYAL BA'I GSUNG RAB DGONGS 'GREL DANG BCAS PA THAMS CAD HRIL GYIS DRIL BA NYAMS SU BLANG BDE BA BOD SPYI LA PHAN PA'I CHOS ZHIG THUGS RJES 'DZIN PA ZHU, ZHES ZHUS PAS ZHU BA DE LA JO BO RJE SHIN TU DGYES NAS, DUS GSUM RGYAL BA THAMS CAD DAG DANG DE YI CHOS, ,DGE 'DUN RNAMS LA GUS PA CHEN POS PHYAG BYAS TE; ;SLOB MA BZANG PO BYANG CHUB 'OD KYIS BSKUL GYUR PAS, ,BYANG CHUB LAM GYI SGRON MU RAB TU GSAL BAR BYA, ,ZHES SOGS BYANG CHUB LAM GYI SGRON MA MDZAD, JO BOS MNGA' RIS GU GER BYANG CHUB LAM GYI SGRON MA MDZAD PA NA JO BO'I

THUGS BSKYED LHAG PAR BZANG BA'I MTHUS, JI LTAR NYI MA SHAR BA NA, 'UG PA DANG SRIN BYA SOGS 'BYUNG PO'I BYA RNAMS SGRA MI GRAG PAR RANG RANG GI KHUNG BUR YIB PA JI LTA BAR RTZING SPYOD CAN MTHA' DAG RE SHIG NUB PA ZHIG BYUNG ZHES SNGON GYI MKHAS PA RNAMS GTAM DU GLENG NGO, ,DE NAS JO BO RJE NYID BOD DBUS GTZANG GI MTHIL DU PHEBS NAS RGYAL BA'I BSTAN PA RGYA CHER SPEL BAR BZHED CING DON DE LTAR DU NGES MOD KYANG, JO BO RGYA GAR NAS 'BYON DUS BI KA MA LA SH'I KA'I GNAS BRTAN GYIS NAG TSO LO TZ'A BA LA 'PHAGS YUL GYI BSTAN PA'I BDAG PO JO BO RJE 'DI BOD DU RGYUN RING BZHUGS MI CHOG PAS LO GSUM GYI KHONGS SU TSUR BSKYEL THUB BA BGYI DGOS, DE LTAR MA BYAS NA LO TZ'A BA KHYOD KYI CHOS DAM TSIG GI 'BREL PA NYAMS SO ZHES DAM TSIG LA BKAR TE LO TZ'A BAS KHAS LEN BYED DGOS BYUNG BAS, LO TZ'A BAS RGYA GAR DU DA 'BYON DGOS ZHES BSKUL, JO BOS KYANG 'BYON PA LTAR BYAS TE PU HRENG DU PHEBS, JO BO LA SNGAR NAS RJE BTZUN SGROL MAS BOD DU DGE BSNYEN CHEN PO ZHIG LA BRTEN NAS BSTAN PA LA PHAN PA RGYA CHEN PO 'ONG ZHES YANG DANG YANG DU GSUNGS SHING, DE SKABS KYANG DGE BSNYEN MYUR DU 'ONG ZHES YANG YANG GSUNG BAS JO BO RJES NYIN LTAR BYA RA MDZAD CING, NGA'I AU PA SI KA MA BYUNG T'A RE BRDZUN NI CANG GSUNG NGAM ZHES GSUNG BAR MDZAD, NYIN GCIG SBYIN BDAG CIG GIS JO BO GDAN DRANGS PA'I SHUL DU 'BROM RIN PO CHE PHEBS JO BO'I GZIM KHANG DU PHEBS PA NA, JO BO DA LTA SBYIN BDAG ZHIG GIS GDAN DRANGS SONG BAS DA LTA

, ,PHEBS YOD ZHES BRJOD PA NA, 'BROM RIN PO CHES NGA THEG PA CHEN PO'I DGE BA'I BSHES GNYEN DANG MJAL BA SKAD CIG MA SNGA PHYI LA'ANG SNGA MA 'DAM PAS SGUG MI THUB GAR BZHUGS KYI SAR 'GRO ZHES PHEBS PAS SRANG BAR ZHIG TU MJAL, 'BROM RIN PO CHES BRKYANG PHYAG MDZAD DE JO BO'I SKU MDUN DU PHEBS PA NA JO BO RJES 'BROM GYI DBU THOG TU PHYAG BZHAG NAS SAm SKRi TA'I SKAD DU SHIS BRJOD MANG DU MDZAD, DE NYIN SBYIN BDAG DE LA NGA'I AU PA SI KA'I SKAL BA DGOS ZHES BSNAMS NAS YOD PA DE GNANG, JO BO RJE NI SKU TSE HRIL PO SHA MI BZHES PAR DKAR SNGOR MDZAD PA YIN PAS DE NYIN GYI STON SKAL DE LA ZAN DANG MAR SBRAGS NAS YOD PA 'BROM GYIS ZAN DE BZHES MAR DE MA BZHES PAR MAR ME KONG BU MTSAN THUB CIG BJOS NAS JO BO'I DBU SNGAS SU PHUL, DE NAS BZUNG STE SKU TSE HRIL PO JO BO'I DBU SNGAS SU MAR ME MTSAN THUB RGYAN MA CHAD PA PHUL BA YIN GSUNG, JO BOS 'BROM PHEBS PA MKHYEN NAS BUM PA BSGUBS ZIN PAS MJAL BA'I NUB MO DE RANG 'BROM RIN PO CHE LA DBANG BSKUR SRAS KYI THU BOR BZUNG NGO, ,DE NAS PU HRENG NAS RIM GYIS PHEBS TE MANG YUL SKYID GRONG DU PHEBS, DE'I TSE JO BO RJE NYID KYI THUGS BSKYED DANG BOD KYI GDUL BYA RNAMS KYI BSOD NAMS KYIS JO BO RJE SKYID GRONG NAS PAL PO RDZONG BRGYUD DE RGYA GAR LA GDAN 'DREN RTZIS BYAS KYANG BLA PO RDZONG DU DUS 'KHRUG LANGS PAS DMAG ZINGS CHEN POS LAM 'GAGS NAS SKYID GRONG DU LO GCIG BZHUGS, 'BROM

RIN PO CHES THABS MKHAS KYIS JO BO'I SNYAN DU BOD NA SKU GSUNG THUGS RTEN MTHA' YAS PA YOD TSUL DANG DGE 'DUN GYI SDE MANG PO CHAGS TE DGE 'DUN STONG PHRAG MANG PO YOD TSUL SOGS ZHUS PA NA JO BO DGYES NAS BOD LA ZHAL GZIGS TE PHYAG THAL MO SBYAR DGE 'DUN DE SNYED BZHUGS NA DGRA BCOM PA YANG YOD DES, BYANG CHUB SEMS DPA' YANG MANG PO YOD DU NGES GSUNG NAS MNYES MNYES MDZAD, BOD DU 'BYON PAR BZHED PA NA 'BROM RIN PO CHES DBUS PHYOGS KYI DGE 'DUN GYI SDE RNAMS SU 'PHRIN YIG BRDZANGS TE, DE'I TSE DBUS NA BSTAN PA'I KHUR BZHES PA'I BSHES GNYEN CHE BA RNGOG LEGS PA'I SHES RAB DANG, KHU STON BRTZON 'GRUS G-YUNG DRUNG SOGS MANG DU BZHUGS YOD KYANG ZHU YIG GI GNYER KHA KA BA SH'AKYA DBANG PHYUG LA GTAD DE BOD KYI BLA CHEN MI CHEN RNAMS KYIS JO BO AA TI SHA GDAN 'DREN PAR STON DUS TSUN LA 'BYOR PA CIS KYANG MDZOD CES ZHU 'PHRIN PHUL BA DGE BSHES KA BAS BOD KYI BLA CHEN RNAMS LA BRDA BYAS TE THAMS CAD BLO MTHUN PAR MANG YUL SKYID GRONG PHYOGS SU JO BO GDAN 'DREN DU 'BYON PA'I GRABS BYAS PA NA, KHU STON GYIS SOGS KHONGS SU 'JOG PA'I MI DE NGA MIN NGAS SNGON LA PHYIN NAS JO BO GDAN 'DREN THUB PA ZHIG BYED GSUNGS NAS SNGON LA PHEBS PA NA GZHAN THAMS CAD LA LCAG BTAB PA LTAR THAMS CAD 'UR LANGS KYIS 'PHRAL DU THON TE PHEBS BSU LA 'DZOM, JO BO RJES SKYID GRONG DU LO GCIG BZHUGS RING DE

, ,LA GTZO BOR RANG BYUNG 'PHAGS PA'I LHA KHANG DU SKAL BA DANG LDAN PA MANG PO LA CHOS KYI 'KHOR LO BSKOR, RANG BYUNG 'PHAGS PA'I BYANG RI NAGS KHROD PHUN SUM TSOGS PA ZHIG YOD PA'I NGOS LA PHEBS TE GNAS DER SANGS RGYAS KYI BSTAN PA DAR BA'I RTEN 'BREL BSGRIGS, JO BOS GNAS DER BYON NAS BYIN GYIS BRLABS SO ZHES PHYI MA'I SKYE BO RNAMS LA SNANG BAR BYA BA'I PHYIR RDO LA PHYAG MDZUB KYIS MA nI BRIS TE BZHAG PAS GNAS DE LA MA nI LA KHA ZHES MING CHAGS, GNAS DE NI DENG SANG BKRA SHIS BSAM GTAN GLING GI SGRUB SDE CHAGS PA'I GNAS 'DI YIN TE, MA nI JO BO'I PHYAG BRIS MA DE NI DENG SANG YANG BLTAR YOD DO, ,DE LO JO BOS DBYAR GNAS MDZAD PA'I SA DE LA GNAS ZHES MING DU CHAGS, DER JO BOS SKAL BA DANG LDAN PA MANG PO LA CHOS STON PAR MDZAD, YANG JO BOS SKAL LDAN MANG PO LA CHOS 'KHOR RGYA CHER BSKOR BA'I GNAS LA CHOS 'KHOR ZHES MING CHAGS TE, DENG SANG YANG GRA CHOS 'KHOR DANG LA LDEBS CHOS 'KHOR ZHES MING DU CHAGS SHING YUL DE DANG DE DAG NA GNAS PA'I SKYE BO RNAMS JO BO RJE LA GSOL BA 'DEBS PA LHUR BYED DO, ,DE'I TSE NAG TSO LO TZ'A BA JO BO RGYA GAR LA 'PHRAL DU SBYAN 'DREN NI MA THUB, BI KA MA LA SH'I LA'I GNAS BRTAN GYIS DAM TSIG LA BKAR BA DRAN NAS YID SLONG SLONG POR GYUR BA NA JO BO RJES MKHYEN NAS, LO TZ'A BA DE TZAM GYI SEMS NGAL BYA MI DGOS SGRUB PAR MA NUS PA LA NYES PA MED GSUNGS PA NA, LO TZ'A BA GTING THAG PA NAS

DGA' ZHING MGU STE DE LTAR NA JO BO BOD LA 'BYON PAR ZHU ZHES GSOL BA BTAB, DE NAS DBUS GTZANG GI BLA CHEN MI CHEN RNAMS KYI BSU BA SLEBS, DE'I TSE BOD KYI BLA MA CHEN PO RNAMS KYIS BOD KYI GZAB 'PHYOR GYI CHAS BSE THEB DANG RTA PHYING GYON RTA BZANG PO LA CHIBS NAS 'ONGS PA NA JO BOS RGYANG RING PO NAS GZIGS MA THAG ,AU PA SI KA 'DRE MANG PO SLEBS BYUNG CI YIN ZHES DBU NA BZAS GTUMS NAS BZHUGS, DE NAS 'BROM RIN PO CHES BOD KYI BLA CHEN RNAMS LA RAB BYUNG GI CHAS RNAM DAG MDZAD NAS BYON ZHES ZHUS NAS THAMS CAD KYIS CHOS GOS RNAM PA GSUM LEGS PAR BGOS TE PHEBS PA NA JO BO MNYES NAS BZHENGS TE PHYAG LAN MDZAD, DE NAS RIM GYIS GTZANG PHYOGS LA PHEBS TE DPAL KHUD THANG DU MAR PA LO TZ'A RGYA GAR DU BRTING MA PHEBS PA DANG MJAL, MAR PAS JO BO'I ZHABS SPYI BOR BLANGS TE CHOS ZHUS, JO BOS NGA'I LO TZ'A LA 'GRO GSUNGS PAS, DA RES CIS KYANG RGYA GAR DU PHYIN CHOG PA DGOS SLAR MJAL CHOG PA ZHU ZHES ZHUS, DE NAS RIM GYIS PHEBS TE SA SKYA'I THAD DU PHEBS PA NA, SA SKYA LA PHYAG MDZUB GTAD DE GNAS 'DIR 'JAM DBYANGS KYI SPRUL PA BDUN 'BYUNG ZHES LUNG BSTAN, DE NAS RGYANG DU PHEBS GNAS DE'I DGE 'DUN RNAMS LA CHOS MANG DU GNANG, DER 'BROG MI LO TZ'A BAS JO BO'I ZHABS LA GTUGS, BSNYEN BKUR PHUN SUM TSOGS PA MDZAD, DE NAS RIM GYIS PHEBS TE SNAR THANG GI THAD DU PHEBS PA NA GNAS 'DIR 'PHAGS PA'I GNAS BRTAN

, ,GYI SPRUL PA 'BYUNG ZHES LUNG BSTAN, DE NAS TSONG DUS SU PHEBS TE ZHA LU MTHIL GYI LHA KHANG DANG, KHYAD PAR RI SBUG TU BZHUGS NAS CHOS MANG DU GSUNGS SHING BYIN GYIS BRLABS, DE NAS MYANG STOD NYAN TSOR BYON NAS DBYAR GNAS MDZAD, DBYAR ZLA BA GSUM GYI RING LA PHYOGS PHYOGS NAS 'DUS PA'I DAD LDAN MANG PO LA CHOS RGYA CHER STZAL, YOL CHOS DBANG, YOL DRANG SRONG, YOL THOG 'BEBS GSUM DANG, RJE 'GOS LOS KYANG GNAS DER PHEBS NAS JO BO'I ZHABS LA GTUGS, DGE BA'I BSHES GNYEN DGON PA BAS KYANG GNAS DER PHEBS NAS JO BO'I ZHABS LA GTUGS TE JO BO'I MCHOD GNAS MDZAD, DBYAR GNAS GROL NAS RONG BRGYUD DBUS SU PHEBS, GAN PA BYANG THANG DU PHEBS PA NA LHA SA'I THAD KYI RI LA PHYAG MDZUB GTAD NAS PHA GI NA CI YOD PA YIN GSUNG, LHA SA'I GTZUG LAG KHANG BDOG PA LAGS ZHUS PAS, DE THAD 'JA'I GUR GSUM BRTZEGS 'DUG ,LHA'I BU DANG BU MO MANG POS MCHOD PA BYED KYI 'DUG GSUNG, DE NAS CHOS 'KHOR BSAM YAS SU PHYAGS PHEBS, LHA BTZUN BO DHI R'A DZAS ZHABS TOG LEGS PAR MDZAD, BOD KYI MI CHEN MANG PO'ANG 'DUS PA LA CHOS RGYA CHER STZAL, BSAM YAS SU JO BOS LHA KHANG LA THOGS MED DU BYON PA DANG, ZHABS SA LA MA REG PAR BSKOR BA MDZAD PA SOGS RDZU 'PHRUL MANG PO BSTAN TE PHYOGS DE'I GDUL BYA RNAMS MI PHYED PA'I DAD PA LA BKOD DO, ,DE NAS KHU STON GYIS YAR KLUNGS SU SPYAN DRANGS, THANG PO

CHER RA KHRI BZANG BYA BAS BRTZIGS PA'I RA BRTZIGS KHANG BAR BZHUGS, CHOS MANG DU GSUNGS, DER 'BROM GYIS KYANG SPYAN SNGAR BYON, KHUS ZHABS TOG BZANG BA KHO NA MA BYUNG BAS, DPON SLOB RNAMS BROS TE MYANG BO'I GRU LA ZHUGS PA NA, KHU STON GYIS KYANG RJES BSNYEGS SU SLEBS NAS AA TI SHA DER BZHUGS ZHES SKAD CHEN PO BTANG, ZHU BA BYAS KYANG MA GSAN PAR, DBU ZHVA PHYIR BYIN RLABS KYI RTEN DU 'PHANGS, DE NAS 'ON GYI LHA KHANG KE RUR ZLA BA GCIG BZHUGS, DE'I RTZIG NGOS LA NYID KYI SKU 'DRA GCIG BRI BAR MDZAD DE, DING SANG YANG MCHOD PA'I GNAS SU GYUR, DE NAS BSAM YAS SU PHEBS NAS PE HAR GLING DU BZHUGS, RGYA DPE MANG PO 'DUG PA GZIGS PAS, SHIN TU DGYES TE SNGON BOD DU BSTAN PA BYUNG BA 'DRA BA RGYA GAR DU YANG BYUNG BA DKA' GSUNG, BYANG CHUB CHEN PO GZIGS PAS MAH'A BO DHI DANG KHYAD MI SNANG GSUNG, GNAS DANG GTZUG LAG KHANG LA THUGS SHIN TU DGYES, DE NAS BANG STON GYI BSU BA RTA PA NYIS BRGYA TZAM SLEBS TE DPON G-YOG RNAMS RGOD DKAR LA LA THEGS, SRI'I RGYA PHIBS SU ZLA BA PHYED BZHUGS, DE NAS RNGOG LEGS PA'I SHES RAB KYIS LHA SA 'PHRUL SNANG DU SPYAN DRANGS, BSU BA MDZAD PA'I DUS SU JO BO THUGS RJE CHEN POS KYANG BSU BA MDZAD DE, MI RENG SKYA BO ZHIG BYUNG NAS, MAH'A PAndI TA BYON PA LEGS SO, ,RGYAL BAR GYUR CIG GSUNGS NAS BZHUD PAS, JO BOS CHIBS LAS BABS TE BRGYUGS PAS MA ZIN, DE LTAR MDZAD PA CI LAGS ZHUS PAS, KHYED KYIS MI RENG SKYA BO DE MTHONG NGAM GSUNGS, MTHONG LAGS ZHUS PAS, DE NGA'I

, ,YI DAM THUGS RJE CHEN PO YIN, PHYAG BYA BAR 'DOD NAS BRGYUGS PAS MA ZIN GSUNG, 'PHRUL SNANG GI THUGS RJE CHEN PO 'DI LAS NGO MTSAR CHE BA MED, THUGS RJE CHEN PO DNGOS YIN GSUNG, JO BO SH'AKYA MU NE GZIGS PAS SPRUL PA'I SKU DNGOS YIN GSUNGS NAS RGYA GAR GYI LHA BZO BA MKHAS PA GCIG LA 'DI KHO NA 'DRA BA ZHIG BZHENGS SHIG GSUNGS NAS BZHENGS SU BCUG ,CHOS RGYAL BYANG CHUB SEMS DPA' DES SPRUL PA'I GTZUG LAG KHANG CHEN BO 'DI LTA BU BZHENGS PA'I LO RGYUS SHIG 'ONG DAM SNYAM DU DGONGS PA'I TSE, SPRANG MO SMYON MA BYA BA GCIG NA RE GTZUG LAG KHANG 'DI JI LTAR BZHENGS PA'I LO RGYUS 'TSAL LAM ZER, DE RANG BZHIN GYI RNAL 'BYOR MAR MKHYEN NAS YID KYIS PHYAG DANG MCHOD PA BYAS NAS CIS KYANG 'TSAL LAGS ZHUS PAS, 'O NA KA BA BUM PA CAN NAS 'DOM PHYED DANG GSUM GZHAL BA'I SA NA YOD, GZHAN LA MA SMRA ZHIG GSUNG, DE JO BOS RNYED PAS GTER SRUNG GNYAN PO ZHIG 'DUG PA NA RE, DE RING JI TZAM ZIN PA CIG 'DRIR GNANG GI ZER BAS, RNAL 'BYOR PAS DBU MDZAD STON PA BZHI GAS PRIS PAS LHAG BAG TZAM ZHIG LUS GSUNG NGO, ,DON 'DI LA DGONGS NAS JO BO'I BSTOD PA SUM CU PA LAS, GANG DU RGYAL POS BKA' 'CHEMS GTER DU SBAS, ,MKHA' 'GROS GTER KHA PHYE NAS KHYOD LA BSTAN, ,SH'AKYA MU NE'I 'JA' SA KHYOD KYI DRIN, ,JO BO BKA' DRIN CAN LA GSOL BA 'DEBS, ,ZHES GSUNGS, LHA SAR DGUN GCIG

BZHUGS, CHOS KYANG DOR GSUNGS PA RNAMS ZAB, GZHAN YANG RTAGS KHYAD PAR DU 'PHEBS PA MANG PO BYUNG GSUNG, DE'I DBYAR RDOG BYANG CHUB 'BYUNG GNAS GYIS SPYAN DRANGS NAS YER PAR BZHUGS, 'GRO BA'I DON RGYA CHER MDZAD, KA BA SH'AKYA DBANG PHYUG GIS 'PHAN YUL DU SPYAN DRANGS, LAN PA SPYIL BUR BZHUGS CHOS MANG DU GSUNGS, DE NAS YER PAR BYON, DE'I DUS SU BAR STON GYIS SPYAN 'DREN BYUNG STE PHYIR LAM LHA SA BRGYUD SNYE THANG DU PHEBS, DE'I TSE 'BROM RIN PO CHES DUS GSUM GYI RGYAL BA KUN GYI BGROD PA GCIG PA'I LAM PO CHE SHES RAB KYI PHA ROL TU PHYIN PA'I MDO SDE RIN PO CHE'I DGONGS DON BYANG CHUB LAM GYI RIM PA'I DKA' GNAS RNAMS LA NYIN MTSAN KUN TU DRI GTUGS NAR MAR MDZAD CING, SANGS RGYAS 'JIG RTEN DU BYON PA JI LTA BAR LHA MI BGRANG BA LAS 'DAS PA LA CHOS KYI 'KHOR LO RGYA CHER BSKOR BA NA DKAR PHYOGS KYI LHA RNAMS DGA' ZHING MGU NAS MCHOD CING BSNYEN BKUR BA DANG, CHED DU BRJOD PA'I DBYANGS RGYA CHER BSGRAGS SHING LHA'I DBANG PO BRGYA BYIN GYIS RIN PO CHE SNA LNGA'I ME TOG GI CHAR PA PHAB PA SOGS NGO MTSAR BA'I LTAS BSAM GYIS MI KHYAB PA BYUNG NGO, ,DE NAS YER PA LHA RI SNYING PO'I MGUL DU PHEBS NAS JO BO YAB SRAS KYIS LO GSUM GYI RING LA BYANG CHUB LAM GYI RIM PA'I DBU BSHES GNYEN BSTEN TSUL NAS MTHAR 'BRAS BU ZUNG 'JUG GRUB PA'I BAR GYI SA LAM 'BRAS BU DANG BCAS PA'I DKA' BA'I GNAS RNAMS LA BRGAL ZHING BRTAG PA DANG LUNG DANG RIGS PAS MTHA' GCOD PAR MDZAD CING,

, ,BYANG CHUB LAM GYI RIM PA'I SNYING PO'I YANG SNYING PO BKA' GDAMS LHA CHOS BDUN LDAN GYI MAN NGAG GSANG BA LAS KYANG CHES CHER GSANG BA, THIG LE BCU DRUG GI DBANG DANG GDAMS NGAG RNAMS GNANG STE, DE'I TSE RJE BTZUN SGROL MA'ANG RGYUN DU DNGOS SU BYON, RGYUD PA GSUM GYI BLA MA RNAMS KYANG DNGOS SU BYON TE BLA MA YI DAM RGYAL BA SRAS BCAS ZHAL 'DZOM PA'I DBUS SU RJE BTZUN MA SGROL MAS THIG LE BCU DRUG GI RTZA TSIGS GSUNGS, 'BROM RIN PO CHE'I SKU 'OD DU YAL TE RGYAL BA RGYA MTSO'I DKYIL 'KHOR DU DNGOS SU BZHENGS, 'OD ZER GYI SPRO BSDUS BSKYED RDZOGS KYI LAM MTHAR THUG PA RNAMS TSUL 'DI LTAR RO ZHES MIG LA STON PA LTA BU MDZAD, DE'I TSE RJE BTZUN 'JAM PA'I DBYANGS KYIS BYIN GYIS BRLABS PA GSANG PHU BA LEGS PA'I SHES RAB KYIS JO BO YAB SRAS GNYIS LA MAndAL PHUL TE YAB SRAS GNYIS KA'I GSANG BA THUN MONG MIN PA'I BKOD PA RNAMS STON PAR YANG DANG YANG DU GSOL BA BTAB PA NA, 'BROM RIN PO CHE'I SKYES RABS ZAB MO RNAMS JO BOS GSUNGS, 'BROM RIN PO CHE NYID KYIS BKA' RGYA SHIN TU DAM PAR MDZAD PA SPRUL PA'I GLEGS BAM ZHES PA DENG SANG BKA' GDAMS GLEGS BAM DU GRAGS PA 'DI GSUNGS, MI RABS MANG PO'I BAR DU TSIG BRGYUD KHO NA LAS RGYA CHER SPEL BA'I GNANG BA MA THOB, PHYIS SU 'BROM RIN PO CHE'I SPRUL PA 'BROM KU MA RAS BKA' RGYA BKROL TE RE GNYIS LA SPEL, DE NAS DPAL SNAR THANG GI CHOS SDER RIM GYIS 'PHEL NAS DENG

SANG PHYOGS THAMS CAD DU KHYAB PA 'DI BYUNG BA YIN NO, ,DE LTAR JO BO RJE DPAL LDAN AA TI SHA NI RGYA BOD THAMS CAD DU NYI ZLA LTAR GRAGS SHING BSTAN 'GRO'I DON MDZAD PA'I RNAM THAR MTHA' DAG BRJOD PAR GA LA NUS, SNGAR BSHAD PA DE DAG NI PHYOGS TZAM ZHIG BRJOD PA YIN LA, RNAM THAR DE DAG GI SNYING PO BSDU NA, RIGS PHUN SUM TSOGS PAR SKYE BA BZHES PA'I TSUL, RTEN DE LA YON TAN BRNYES PA'I TSUL, BRNYES NAS BSTAN PA LA BYA BA MDZAD PA'I TSUL GSUM DU 'DUB YIN LA, DANG PO NI JO BO'I BSTOD PA BRGYAD CU PA LAS, SHAR PHYOGS ZA HOR YUL MA CHOG NA, ,DE NA GRONG KHYER CHEN PO YOD, ,BI KRA MA NI BU RA YIN, ,DE YI DBUS NA RGYAL PO'I KHAB, ,PHO BRANG SHIN TU YANGS PA YOD, ,GSER GYI RGYAL MTSAN CAN ZHES BYA, ,LONGS SPYOD MNGA' THANG 'BYOR PA NI, ,RGYA NAG STONG KHUN RGYAL PO 'DRA, ,YUL DE'I RGYAL PO DGE BA'I DANG LA, ,BTZUN MO DPAL MO 'OD ZER CAN, ,YAB YUM GNYIS LA SRAS GSUM MNGA', ,PADMA'I SNYING DANG ZLA BA'I SNYING, ,DPAL GYI SNYING PO ZHES BYA'O, ,RGYAL BU PADMA'I SNYING PO LA, ,BTZUN MO LNGA YOD SRAS NI DGU, ,SRAS KYI THU BO BSOD NAMS DPAL, ,DA LTA'I DUS NA MKHAS PA CHE, ,DHA NA SHR'I ZHES BYA BAR GRAGS, ,CHUNG BA DPAL GYI SNYING PO NI, ,DGE SLONG B'IRYA TZAN DRA YIN, , 'BRING PO ZLA BA'I SNYING PO NI, ,DA LTA BLA MA RJE BTZUN YIN, ,ZHES 'BYUNG BA LTAR RO, ,YON TAN BRNYES TSUL LA LUNG RTOGS GNYIS LAS, LUNG GI YON TAN BRNYES PA'I TSUL NI, PHYI NANG THUN MONG BA'I RIG GNAS CHE CHUNG MTHA' DAG DANG,

, ,RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA LA SBYANGS PA MTHAR PHYIN PAR MDZAD PAS, RANG DANG GZHAN GYI SDE PA'I GRUB PA'I MTHA' RGYA MTSO LTA BU'I PHA ROL TU SON PAS NA LUNG GI BSTAN PA'I GNAD THAMS CAD PHYIN CI MA LOG PAR THUGS SU CHUD PA YIN NO, ,RTOGS PA'I YON TAN PA RNYES TSUL NI, RTOGS PA'I YON TAN THAMS CAD BSDU NA BSLAB PA GSUM DU 'DU LA, TSUL KHRIMS KYI BSLAB PA LA YANG, SO THAR GYI TSUL KHRIMS DANG, BYANG SEMS KYI TSUL KHRIMS DANG, GSANG SNGAGS KYI TSUL KHRIMS GSUM LAS, SO THAR GYI TSUL KHRIMS RNAM PAR DAG PAR MDZAD TSUL NI, DGE SLONG GI SDOM PA MNOS NAS RNGA RTZID LA CHAGS PA'I G-YAG GIS RNGA MA NYAG MA RE RE SHING LA THOGS PA NA RNGON PAS SROG DANG 'PHRAL BAR MTHONG NA YANG SROG DANG BSDOS TE RNGA MA MI GCOD PAR BSRUNG BA LTAR, KHAS BLANGS PA'I BSLAB PA'I GZHI CHEN PO LTA CI SMOS, BSLAB PA'I GZHI PHRA MO RE RE YANG SROG DANG BSDOS NAS BSRUNGS PAS GNAS BRTAN 'DUL BA 'DZIN PA CHEN POR GYUR TO, ,BYANG SEMS KYI TSUL KHRIMS DANG LDAN TSUL NI, BYAMS PA DANG SNYING RJE'I RTZA BA CAN GYI BYANG CHUB KYI SEMS SBYONG BA'I GDAMS PA MANG PO DANG, KHYAD PAR GSER GLING PA BSTEN NAS RJE BTZUN BYAMS PA DANG, 'JAM PA'I DBYANGS NAS THOGS MED DANG, ZHI BA LHA LA BRGYUD PA'I GDAMS PA MCHOG LA RING DU SBYANGS PAS, BSTOD PA LAS, RANG

DON YAL BAR DOR NAS GZHAN GYI DON, ,LHUR MDZAD DE NI BDAG GI BLA MA LAGS, ,ZHES 'BYUNG BA LTAR BDAG PAS GZHAN GCES BA'I BYANG CHUB KYI SEMS THUGS RGYUD LA 'KHRUNGS SHING, SMON PA'I SEMS DES KUN TU DRANGS PA'I 'JUG PA'I SEMS BYANG CHUB SEMS DPA'I SPYOD BA RLABS PO CHE LA SLOB PAR KHAS BLANGS PA'I RJES SU 'GRO BA'I BSLAB PA LA SLOB PA'I SPYOD PA BZANG POS RGYAL SRAS RNAMS KYI BCAS PA'I MTSAMS LAS MI 'DA' BAR MDZAD DO, ,GSANG SNGAGS KYI TSUL KHRIMS DANG LDAN TSUL NI, RANG GI LUS LHAR GZIGS PA'I BSKYED PA'I RIM PA DANG, RDO RJE'I THUGS RDZOGS PA'I RIM PA'I TING NGE 'DZIN DANG LDAN PAS RNAL 'BYOR PA'I GTZO BO ZHES SPYIR BSTOD CING, KHYAD PAR DU BCAS PA'I MTSAMS LAS MI 'DA' BAR DAM TSIG TSUL BZHIN DU SRUNG BA YANG, BSTOD PA LAS, DRAN DANG SHES BZHIN LDAN PA YIS, ,TSUL KHRIMS MA YIN YID MI MDZAD, ,BAG YOD DRAN DANG G-YO SGYU MED, ,LTUNG BA'I NYES PAS KHYOD MA GOS, ,ZHES GSUNGS PA LTAR RO, ,DON 'DI LA RJE BDAG NYID CHEN POS SDOM PA GSUM GYI YON TAN DANG LDAN TSUL DE DAG GSUNGS NAS, DE LTAR SDOM PA GSUM GYI TSUL KHRIMS KYI BSLAB PA RNAMS KHAS LEN PA LA DPA' BA TZAM MIN PAR JI LTAR KHAS BLANGS PA'I RJES SU 'BRANGS TE BCAS PA'I MTSAMS LAS MI 'DA' BAR SRUNG ZHING, BRGYA LA CUNG ZAD 'DAS NA YANG MYUR BA MYUR BAR RANG RANG GI PHYIR BCOS KYI CHO GAS DAG PAR BYED PA'I RNAM PAR THAR PA 'DI NI GSUNG

, ,RAB KYI GNAD SHES BA'I MKHAS PA RNAMS DGA' BA SKYED PA'I RNAM PAR THAR PAR SHES PAR BYAS LA DAM PA RNAMS KYI RJES SU BSLAB PAR BYA'O, ,ZHES GSUNGS SO, ,TING NGE 'DZIN GYI BSLAB BA DANG LDAN TSUL NI, THUN MONG PA ZHI LHAG ZUNG 'BREL DANG THUN MONG MA YIN PA BSKYED RIM MTHAR PHYIN PAR MDZAD PA'I TSUL NI RNAM THAR CHEN MOR GSAL BA LTAR RO, ,SHES RAB KYI BSLAB PA DANG LDAN TSUL NI, THUN MONG BA ZHI LHAG ZUNG 'BREL DANG THUN MONG MIN PA RDZOGS RIM GYI RTOGS PA KHYAD PAR CAN BRNYES PA RNAM THAR CHEN MO DANG RDO RJE'I GLUR GSAL BA LTAR RO, ,BSTAN PA LA BYA PA MDZAD TSUL NI RGYA BOD GNYIS KAR RGYAL BA'I BSTAN PA LA BYA BA MDZAD TSUL BSAM GYIS MI KHYAB PA SNGAR BRJOD ZIN PA LTAR RO, ,DE LTAR JO BO RJES RGYA BOD GNYIS KAR BSTAN PA LA BYA BA RGYA CHEN PO MDZAD CING, SLAR YANG RGYAL BA'I BSTAN PA YUN RING DU GNAS PAR BYA BA'I PHYIR DANG, PHYI MA'I SKYE BO RNAMS JO BO RJES 'DI LTAR GSUNGS ZHES GO BAR BYA BA'I PHYIR DU, RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA MTHA' DAG LAS YI GE NA GCIG KYANG DOR DU MED PAR GANG ZAG GCIG GI NYAMS LEN GYI RIM PAR HRIL GYIS DRIL NAS STON PA'I MAN NGAG BYANG CHUB LAM GYI SGRON MA MDZAD, BKA' GDAMS GONG MA'I GSUNG SGROS LAS, 'DZAM BU GLING NA GLEGS BAM GCIG LA LAM SGRON LAS CHE BA MED GSUNG, DE NI SHOG BU GRANGS MANG BAS

DE LTAR BRJOD PA MIN GYI BRJOD BYA RGYA CHE BAS DE LTAR BRJOD DE, GDUL BYA LAS DANG PO PA CHOS LA THOG MAR 'JUG PA ZHIG 'CHI BA DRAN NAS 'JIG RTEN PHYI MA'I DON SGRUB PA'I BSAM PA BSKYED PA NAS BZUNG MTHAR THUG SANGS RGYAS KYI SA'I BAR GYIS LAM 'BRAS BU DANG BCAS PA MTHA' DAG LAM SGRON GYI BRJOD BYAR 'DU BAS SO, ,BYANG CHUB LAM GYI SGRON MA NAS GSUNGS PA'I LAM GYI RIM PA'I GNAD RNAMS LA NGES PA BSKYED PAR BYA BA DANG, DE SGOM PA LA RGYUD BSKUL BAR BYA BA DANG, LAM DE DAG GI GEGS SEL BOGS 'DON SHES PA'I PHYIR BSTAN BCOS MTHA' YAS PA MDZAD DE, SNYING PO BSDU BA, SNYING PO NGES PAR BSDU BA GSANG 'DUS KYI DKYIL 'KHOR SPYAN RAS GZIGS GTZO BOR STON PA GSANG BA 'DUS PA 'JIG RTEN DBANG PHYUG GI SGRUB THABS, 'PHAGS PA 'JIG RTEN DBANG PHYUG GI SGRUB THABS GSANG BA 'DUS PA LA BSTOD BA GNYIS, 'KHOR BA LAS YID NGES BAR 'BYUNG BA'I GLU, SPYOD BA'I GLU, CHOS KYI DBYINGS SU LTA BA'I GLU, TING NGE 'DZIN GYI TSOGS KYI LE'U DANG, 'JIG RTEN LAS 'DAS PA'I YAN LAG BDUN PA'I CHO GA, SKU GSUNG THUGS RAB TU GNAS PA'I CHO GA, LAS KYI SGRIB PA THAMS CAD RGYUN GCOD PAR BYED PA'I GZUNGS RNAL 'BYOR RGYUD DU DGONGS PA BKRAL BA MI 'KHRUGS PA'I SGRUB THABS RGYAS BSDUS GNYIS, DE'I DKYIL CHOG LAS KYI SGRIB PA THAMS CAD RNAM PAR SBYONG BA, MI 'KHRUGS PA'I SBYIN SREG GI CHO GA, PHYAG NA RDO RJE LA MNGON RTOGS

, ,KYI SGO NAS BSTOD PA, RTA MGRIN ZHAL GSUM PHYAG DRUG GI SGRUB THABS DANG, ZHAL GSUM PHYAG BZHI PA'I SGRUB THABS GNYIS, 'PHAGS PA MI G-YO BA LA BSTOD PA GNYIS, DE BZHIN GSHEGS PA THAMS CAD KYI DAM TSIG BSRUNG BA ZHES BYA BA'I GTZUG TOR DRI MED 'OD KYI SGRUB THABS, MCHOD RTEN LNGA GDAB PA'I CHO GA GZUNGS CHOG CHA GNYIS, SGROL MA'I SGRUB THABS, LHA MO SGROL MA SGOM PA'I CHO GA RGYAS PA, SGROL MA 'JIGS PA BRGYAD SKYOB KYI SGRUB THABS DANG BSTOD PA, 'PHAGS MA SGROL MA'I SGRUB THABS, DAM TSIG THAMS CAD BSDUS PA ZHES BYA BA, TSOGS BDAG CHAGS PA RDO RJE'I BSTOD PA, BDUD RTZI 'BYUNG BA ZHES BYA BA'I GTOR CHOG, CHAB GTOR DRI MED, KLU GTOR GYI CHOG, YI GE DRUG PA'I SGRUB THABS, SPYAN RAS GZIGS KHA SARBA nI'I SGRUB THABS, KHRO RGYAL MI G-YO BA'I SGRUB THABS, GTUM PO KHRO BO CHEN PO'I SGRUB THABS DON DAM PA, MGON PO GRI GUG GI SGRUB THABS, TSOGS BDAG ZHI BA'I SGRUB THABS, TSOGS BDAG GSANG SGRUB, NOR BDAG GTZO 'KHOR LNGA'I BSTOD PA, RTEN 'BREL SNYING PO'I SNGAGS THEMS, BDEN PA GNYIS LA 'JUG PA ZHES BYA BA DBU MA'I MAN NGAG, DBU MA'I MAN NGAG RIN PO CHE'I ZA MA TOG BKOD PA, DRAN PA GCIG BA'I MAN NGAG, MDO KUN LAS BTUS PA'I DON BSDUS PA, BYANG CHUB SEMS DPA'I SPYOD PA MDO

TZAM GDAMS NGAG TU BYAS PA, BYANG CHUB SEMS DPA'I NOR BU'I PHRENG BA, BYANG CHUB SEMS DPA'I LAS DANG PO PA'I LAM LA 'JUG PA BSTAN PA, SKYABS SU 'GRO BA BSTAN PA ZHES BYA BA, THEG PA CHEN PO'I LAM GYI SGRUB THABS YI GE BSDUS PA, THEG PA CHEN PO'I LAM GYI SGRUB THABS SHIN TU BSDUS PA, RANG GI BYA BA'I RIM PA LA BSKUL BA DANG BCAS PA YI GER BRIS PA, MI DGE BA BCU'I LAS KYI LAM BSTAN PA, LAS RNAM BAR 'BYED PA ZHES BYA BA, SPYOD PA BSDUS PA'I SGRON MA, MDO KUN LAS BTUS PA'I MAN NGAG, MDO KUN LAS BTUS PA CHEN PO, BYANG CHUB TU SEMS BSKYED PA'I CHO GA, BYANG CHUB SEMS DPA'I SDOM PA'I CHO GA , KHA TON DANG GLEGS BAM BKLAG PA'I SNGON DU BYA BA'I CHOG, PHA ROL TU PHYIN PA'I S'ATZTSA GDAB PA'I CHO GA, BLA MA'I BYA BA'I RIM PA CIG, RGYAL PO NERYA P'A L'A LA BRDZANGS PA DRI MA MED PA'I RIN PO CHE'I 'PHRIN YIG , BYANG CHUB SEMS DPA'I SPYOD PA LA 'JUG PA'I BSHAD PA, SHER PHYIN DON BSDUS SGRON ME, SMAN BLA'I SGRUB THABS, LAS SGRIB RNAM PAR SBYONG PA'I CHO GA SOGS MDZAD DO, ,DE LTAR JO BO RJE BOD DU BYON NAS MNGA' RIS SU LO GSUM, SNYE THANG DU LO DGU, DBUS GTZANG GZHAN DU LO LNGA'I BAR DU SKAL BA DANG LDAN PA RNAMS LA MDO SNGAGS KYI GZHUNG GDAMS NGAG MA LUS PA BSTAN NAS BSTAN PA'I SROL NUB PA RNAMS GSAR DU BTZUGS ,

, ,SROL CUNG ZAD YOD PA RNAMS 'PHEL PAR MDZAD, LOG PAR RTOG PA'I DRI MAS SBAGS PA RNAMS LEGS PAR BSAL TE BSTAN PA RIN PO CHE DRI MA DANG BRAL BAR MDZAD DO, ,DE NAS SKU TSE DE'I DNGOS KYI GDUL BYA RNAMS RDZOGS PA NA ZHING GZHAN DU 'BYON PAR BZHED DE, SHING PHO RTA'I LO DBYUG PA ZLA BA'I TSES GSUM NAS BCO BRGYAD KYI BAR ZHAG BCU DRUG GI RING LA THIG LE BCU DRUG GI RIM PA DANG MTHUN PAR THUGS DAM SDUD RIM MDZAD NAS, CHU BO GYEN DU LDOG GAM LTOS SHIG GSUNGS, BLTAR PHYIN PAS GYEN DU LDOG GIN GDA' ZHUS PAS, 'O NA DE YAN CHAD KYIS DON 'DI STON, NYAMS SU BLANGS RGYU 'DI YIN GSUNGS NAS BRGYAD STONG PA GSUNG 'PHRO BCAD, PHYAG TU RDO RJE DRIL BU BZUNG NAS THUGS DAM RTZE GCIG TU MDZAD DON LA 'DAS GRONGS MI MNGA' YANG GDUL BYA THUN MONG BA'I SNANG NGOR DGUNG LO BDUN CU RTZA GSUM PA SHING PHO RTA'I LO STON ZLA 'BRING PO'I TSES BCO BRGYAD LA SNYE THANG DU MYA NGAN LAS 'DA' BA'I TSUL BSTAN TE 'OD GSAL CHOS SKU MNGON DU MDZAD NAS GZUGS SKUR BZHENGS NAS DGA' LDAN CHOS KYI PHO BRANG DU PHEBS SO, ,DE YANG BSTOD PA SUM CU PA LAS, KHO BO 'DI NAS DGA' LDAN GNAS SU 'GRO, NGA LA DAD CING GUS PAR BYED PA RNAMS, ,DGA' LDAN GNAS SU MJAL BAR 'GYUR ZHES GSUNGS, ,MA 'ONGS MNGON SUM GZIGS LA GSOL BA 'DEBS, ,ZHES GSUNGS PA LTAR DGA' LDAN CHOS KYI PHO BRANG DU NAM MKHA' DRI MA MED PA ZHES MTSAN

GRAGS SHING RJE BTZUN MA PHAM PA'I SRAS KYI THU BO'I TSUL DU BZHUGS TE DGA' LDAN GYI LHA RNAMS DANG, PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG PA LAS 'DAS PA DAG LA THEG PA CHEN PO'I CHOS RGYA CHER STON PAR MDZAD CING, MIG 'PHRUL BZHIN DU PHYOGS BCU'I ZHING RAB 'BYAMS THAMS CAD DU SPRUL BA BKYE NAS GDUL BYA'I DON RGYUN MI 'CHAD DU MDZAD CING BZHUGS SO, ,DES NA RGYAL BA DGYES PA'I LAM LA 'JUG PAR 'DOD PA RNAMS KYIS MGON PO AA TI SHA'I SKU YID LA BYAS TE RGYUN DU GSOL BA 'DEBS PA DANG, MGON PO DE'I GSUNG SKYES BU GSUM GYI LAM GYI RIM PA LA NYIN RE BZHIN DU YANG DANG YANG DU SHAR SGOM BYAS TE BAG CHAGS CI THEBS BYA BA LA 'BAD BAR BYA'O, ,JO BO RJE LA RGYA BOD GNYIS KAR RGYUD 'DZIN GYI SLOB MA BSAM GYIS MI KHYAB PA YOD KYANG, GTZO BO NI RGYA GAR NA JO BO DANG MKHYEN PA MNYAM PA'I PAndI TA CHEN PO BI TO PA, DHARM'A AA KA RA MA TI, DBU MA SENG+GE, SA'I SNYING PO STE BZHI, GZHAN YANG BSHES GNYEN GSANG BA SOGS BSTAN PA 'DZIN PA'I PAndI TA DANG, DBEN PA'I RI SUL DU SGRUB PA SNYING POR BYED PA'I KU SU LU BGRANG PA LAS 'DAS PA YOD DO, ,BOD DU BYON NAS GDUL BYA BGRANG BA LAS 'DAS PA LA CHOS 'KHOR BSKOR BAR MDZAD PAS RGYUD 'DZIN BGRANG BA LAS 'DAS PA YOD MDO KYANG, GTZO BO NI MNGA' RIS NAS LO TZ'A BA RIN CHEN BZANG PO, NAG TSO LO TZ'A BA, LHA BLA MA BYANG CHUB 'OD, GTZANG NAS 'GAR DGE BA, 'GOS LO CHEN PO

, ,YOL SKU MCHED, LHO BRAG NAS PHYAG KHRI MCHOG DANG DGE BA SKYONG, KHAMS NAS RNAL 'BYOR PA CHEN PO, DGON PA PA, SHES RAB RDO RJE, PHYAG DAR STON PA, DBUS NAS KHU RDOG 'BROM GSUM RNAMS JO BO'I THUGS SRAS GTZO BOR GRAGS SHING GZHAN YANG MTHA' YAS SO, ,DE LA LO CHEN RIN CHEN BZANG PO NI SA PHO RTA'I LO LA YAB GZHON NU DBANG PHYUG DANG, YUM COG RO KUN BZANG SHES BRTAN MA'I SRAS SU SKU 'KHRUNGS, RIGS G-YU RI G-YU SGRA, DGUNG LO BCU GSUM BZHES BA'I TSE MKHAN PO YE SHES BZANG PO LA RAB TU BYUNG, DE'I MOD LA 'DUL BA RGYA CHER 'GREL THUGS SU CHUD, DE NAS RGYAL PO'I BKAS KHA CHER BYON, LO TZ'A MKHAS BAR BSLABS, PAndI TA KA RA RNAM GSUM SOGS PAn GRUB DU MA LA GTUGS TE SNGAGS MTSAN NYID KYI GZHUNG MANG PO LA SPYANGS, MKHYEN PA SHIN TU CHE BAS MDO SNGAGS KYI CHOS MANG PO BSGYUR, PHA ROL TU PHYIN PA DANG RGYUD KYI PHYOGS GNYIS KA'I BSHAD PA RGYA CHER MDZAD, DBANG DANG SGRUB PA'I LAG LEN MANG DU BSTAN TE BSTAN PA SNGA DAR LAS PHYI DAR SNGAGS KYI BSTAN PA BOD DU DAR BA YANG LO TZ'A BA 'DI KHO NA'I BKA' DRIN YIN, PAndI TA BDUN CU RTZA LNGA BSTEN NAS DAM PA'I CHOS MANG DU GSAN; BLA CHEN PO LHA LDE BTZAN GYIS DBU'I MCHOD GNAS DANG RDO RJE SLOB DPON DU BSKUR, PU RANGS ZHER GYI GNAS GZHI PHUL, GTZUG LAG KHANG YANG BZHENGS, KHA CHE'I GTZUG LAG KHANG DANG RONG GI GTZUG LAG KHANG LA SOGS PA

GNAS GZHI DANG GTZUG LAG KHANG DANG MCHOD RTEN MANG DU BZHENGS, GUR SHING BRTZON 'GRUS RGYAL MTSAN LA SOGS PA'I SLOB MA MKHAS GRUB MANG PO DANG ZHUS CHEN PHER BA'I LO TZ'A YANG BCU LHAG TZAM THON, 'PHRAL GYI MDZAD PA YANG SKU GZUGS BZHENGS PA DANG, 'GYUR MDZAD PA LA SOGS RE RE'I RJES KYANG GZHAN GYIS MI RNYOGS PA DANG, MTSAN YANG DAG PAR BRJOD PA YANG SAm SKRi TA'I SKAD DU 'BUM PHRAG GCIG BOD SKAD DU 'BUM PHRAG GCIG, GZHAN LA YON BYIN TE 'BUM PHRAG GCIG RNAMS BTON, DGUNG LO BRGYAD CU RTZA LNGA BZHES PA CHU RTA LA JO BO BOD DU BYON PA DANG MJAL TE SNGAR BSGYUR BA MANG PO LA ZHUS DAG ZHUS, JO BO NYID KYIS MDZAD PA'I DAM TSIG BSDUS PA BSGYUR BAS 'GYUR BZANG BA CIG BYUNG, DE NAS LO CHEN GYIS GSER SRANG BDUN DANG BCAS PA'I MAndAL PHUL NAS BDE MCHOG GI DBANG DANG BSKYED RDZOGS KYI GDAMS NGAG RNAMS ZHUS TE JO BO'I GDAMS NGAG SKYES BU GSUM GYI LAM GYI RIM PA DANG BSKYED RDZOGS KYI RIM PA RNAMS LA RTZE GCIG TU SGRUB PA MDZAD PAS DPAL GSANG BA 'DUS PA DANG, BDE MCHOG GI ZHAL GZIGS SHING GRUB PA BRNYES TE DGUNG LO DGU BCU RTZA BRGYAD PA SHING MO LUG GI DGUN ZLA THA CHUNG GI TSES BCU BDUN LA MYA NGAN LAS 'DAS PA'I TSUL BSTAN PA'I TSE NAM MKHA' GANG BA'I LHA RNAMS KYIS ROL MO RGYA CHER SGROG PA DANG, ME TOG GI CHAR 'BEBS PA LA SOGS PA GRONG PA'I SKYE BO THAMS CAD KYI MNGON SUM DU GYUR, GDUNG RTEN MA BYUNG BAS MKHA' SPYOD DU GSHEGS BAR GRAGS, RING BSREL 'O MA SE'I

, ,MDOG LTA BU GSUM BYUNG BA JI ZHIG NA 'BRUG LTA BU'I SGRA DANG BCAS TEN MKHAR SONG BA ZHIG BYUNG ZHES GRAGS SO, ,DGE BSHES NAG TSO LO TZ'A BA NI LCAGS MO PHAG LA GUNG THANG ZHES GRAGS PA MNGA' RIS RDZONG DGA'I LHA GDONG DU SKU 'KHRUNGS, GDUNG NAG TSO, RAB TU BYUNG BA'I MTSAN TSUL KHRIMS RGYAL BA, 'DUL BA MKHAS PAR MKHYEN PAS 'DUL BA 'DZIN PAR GRAGS, RGYA BRTZON SENG LA MNGON PA GSAN, DGUNG LO NYER BDUN PA LA JO BO SPYAN 'DREN LA RGYA GAR DU BYON, JO BO RJE LO BCU DGU'I BAR TSUL BZHIN BSTEN, YON TAN THAMS CAD RDZOGS PAR MDZAD, JO BO RJE BOD DU SPYAN DRANGS BAS BOD KHAMS SPYI LA BKA' DRIN CHE BA YIN PAS, BOD STON THAMS CAD KYIS KYANG SLOB DPON ZHES BRJOD PA YIN, JO BO'I CHOS RNAMS KHONG GIS KHUNGS PHYUNG NAS ZHUR BCUG PAS GZHAN RNAMS KYIS KYANG GDAMS PA PHAL CHE BA THOB PAS KHONG BKA' DRIN SHIN TU CHE BAR BYED, NAG TSO SNYE THANG NAS MNGA' RIS SU 'BYON KHAR JO BOS BSLAB BYA MANG BAR MDZAD DE, DAM TSIG GSUM BKOD KYI SKU PHYAG TU BZUNG NAS BYIN RLABS MDZAD, 'DUL BA MDO RTZA DANG, GSANG BA 'DUS BA'I RGYUD DPE DANG, 'GRO CHOS SU THUN MONG MA YIN PA'I SPYAN RAS GZIGS KYI SGRUB SKOR SOGS SBAS CHOS NYI SHU GNANG LUNG BSTAN MANG DU MDZAD DE JO BO NYID KYI SKU MTHE BONG TZAM SENG LDENG LA BRIS TE GA'UR BCUG NAS DPUNG PA LA BTAGS, MNYES MNYES RGYA CHEN MDZAD, DE NAS YAR BYON NAS RAS KHRU BCU DRUG PA

GCIG LA RI MO MKHAN MKHAS BA KRIshnA BYA BA RGYA GAR BA CIG YOD PA 'DRIR BCUG NAS, STOD LA JO BO'I YI DAM GYI LHA RNAMS BRIS, DE'I 'OG NA PHAR LA JO BO'I BLA MA BCU GNYIS PO BRIS, DE NAS JO BO RJE NYID KYI SKU TSAD KHRUS GZHAL TE BRIS, G-YAS G-YON GNYIS NA NYE GNAS RE LDEM SKUR BRIS, G-YAS G-YON GYI MTHA' RAS LA JO BO'I MDZAD PA RNAMS DANG, 'OG NA TSUR KHU RNGOG 'BROM GSUM LA SOGS PA BOD STON RNAMS CHOS GRVA'I TSUL DU BRIS, DE'I MDUN DU LO TZ'A BA NYID GSOL BA 'DEBS PA'I TSUL DU BRIS, DE'I RGYAB LA JO BO'I BSTOD PA BRGYAD CU BA BRIS, RAB GNAS MDZAD BA'I TSE, JO BO RJE NYID DGA' LDAN NAS 'BYON PAR ZHAL GYIS BZHES BAS 'DI JO BO RJE NYID DANG KHYAD MED PA YIN, MNGA' RIS SKOR GSUM GYI RTEN LA BYIN RLABS CHE SHOS YIN GSUNG, DE'I RJES SU DZNY'A NA A'A KA RA DANG, BAL PO SHR'INTAm BHA DRA, NAG PO DAM TSIG RDO RJE LA SOGS BA BSTEN NAS 'GYUR YANG MANG DU MDZAD DO, ,DE NAS JO BOS LUNG BSTAN PA BZHIN SGRUB PA MDZAD PAS JO BO YI GE DRUG PA, SGROL MA, 'JAM DPAL RDO RJE RNAMS ZHAL GZIGS, KHONG RANG GI YI GE LAS KYANG, NAG TSO BDAG NYID GCIG PU MA GTOGS PA, ,JO BO'I SLOB MA GZHAN LA YOD RE SKAN, ,ZHES JO BO'I MAN NGAG THUN MONG MA YIN PA RNAMS KHANG RANG LA YOD BAR ZHAL GYIS BZHES SHING JO BO RJE BOD DU GDAN 'DREN MDZAD PAS LO TZ'A BA 'DI NI BOD KHAMS YONGS LA BKA' DRIN BLA LHAG TU CHE BA ZHIG GO, LHA BLA MA BYANG CHUB 'OD NI MNGA' RIS CHOS RGYAL

, ,GYI SRAS SU SKU 'KHRUNGS, RGYAL SRID LA MA CHAGS PAR RAB TU BYUNG ZHING BSNYEN PAR RDZOGS NAS BSTAN PA DANG SEMS CAN GYI KHUR KHYER TE JO BO SPYAN 'DREN PA'I BYED PA PO MDZAD, BSTAN PA SPYI KHYAB TU BYANG CHUB LAM GYI SGRON MA ZHUS TE, LO TZ'A BA RMA DGE BA'I BLO GROS KYIS BSGYUR, KHONG GIS JO BO LA BDAG RGYUD GSANG BA 'DUS PA MAN NGAG YE SHES ZHABS LUGS YI DAM THUGS RJE CHEN PO LA MOS PAS, 'JIG RTEN DBANG PHYUG GIS DKYIL 'KHOR GYI GTZO BO BYAS PA'I SGRUB THABS SHIG ZHU ZHUS PAS, 'JIG RTEN DBANG PHYUG LHA BCU DGU'I DKYIL 'KHOR GYI DBANG GNANG ZHING SGRUB THABS CHE CHUNG GNYIS BSTON BA DANG BCAS MDZAD DE LO TZ'A BAS BSGYUR, JO BO'I 'JIG RTEN DBANG PHYUG LA THUGS DAM DU MDZAD PAS ZHAL MNGON SUM DU GZIGS, DBUS SU PHEBS NAS KYANG JO BO'I ZHABS TOG MDZAD CING CHOS KYANG MANG DU GSAN, JO BO'I GSUNG LA GCES SPRAS SU MDZAD PAS JO BO RJE SHIN TU MNYES, LHA BTZUN BO DHI R'A DZAS JO BO LA LHA BTZUN PAS PHYAG MDZAD TZA NA MI BZHENG, KHO BOS PHYAG BGYIS TZA NA SKU LUS RDO RJE SKYIL KRUNG MDZAD KYANG BZHENG BA JI LTAR LAGS ZHUS PAS, LHA BTZUN PA DE'I SLOB MA YIN KHYED BOD KYI R'A DZA YIN GSUNG, 'O NA KHO BO SLOB MA MA LAGS SAM ZHUS PAS, JO BO SPYAN ZIM ME MDZAD NAS LAGS LAGS BZOD PA MDZOD GSUNG, SLOB MA BZANG PO BYANG CHUB 'OD KYIS BSKUL GYUR BAS, ZHES JO BO RJE THUGS SHIN TU MNYES PAS SRAS KYI

THU BOR GYUR PA ZHIG STE, BYANG CHUB LAM GYI SGROL MA ZHES 'DZAM GLING BSTAN PA'I SGRON ME GCIG PU 'DI KHONG GI BKA' DRIN LAS BYUNG BAS RGYAL BA'I BSTAN PA LA BYA BA CHEN PO BYAS BA ZHIG GO, GTZANG GI SLOB MA RNAMS KYI GTZO BO RJE 'GOS LA TZ'A BA NI, RTA NAG PHU'I KHUG PA ZHES BYA BA'I SA'I CHAR YUM SGROL MA'I SPRUL PA YIN ZER BA ZHIG LA 'KHRUNGS, MTSAN NI LHAS BTZAS TE LHAS SKYABS ZHES BYA BA YIN LA, DANG POR ZUR PA'I SAR SLOB GNYER LA BYON PAS LAS KHO NA BCOL BAS 'BROG MI'I THAD DU BYON, CHOS 'BREL TZAM GNANG YANG RGYUD NYAN PAR 'DOD PA LA GSER KHYER SHOG GSUNGS NAS MA GNANG BAS, RANG GI SPOBS PA BSKYED DE RGYA GAR DU PHYIN LA KHONG 'DRA BA ZHIG BYA SNYAM NAS, GYI JO ZLA BA'I 'OD ZER DANG 'GROGS TE RGYA GAR DU BYON, PAndI TA RNAMS KYI THAD DU CHOS GSAN PA'I TSE NA BRTZON 'GRUS MA BSKYED NA 'BROG 'DOM DE LA NGO TSA BAR YOD GSUNGS NAS SNYING NAS BSKYED DE SLOB GNYER LA 'BAD PA CHEN PO MDZAD, KHONG LA BAL PO PHAN CHAD NA PAndI TA'I BLA MA BDUN CU DANG, MKHA' 'GRO MA'I BLA MA GNYIS TE BDUN CU RTZA GNYIS YOD BAR GRAGS, GSANG BA 'DUS PA GSAN PA'I GTZO BO NI BHAm GA LA'I MNGON SHES CAN, ZA HOR GYI BTZUN MO CAN, KONG KA NA'I RGYAL BU SPRIN GYI SHUGS CAN, RDO RJE GDAN GYI NAG PO DAM TSIG RDO RJE, JO BO RJE, KHA CHE GRIB STAN GYI MKHAS PA TZANDRA R'A HU LA, RGYAL PO'I KHAB KYI ZHIB BZANG PO, YE RANG GI BAL PO THUGS RJE CHEN PO, BAL PO RDZONG GI NA BA KU t'I BA, N'A RO BA'I

, ,SLOB MA KHA CHE DZNY'A NA A'A KA RA RNAMS BSTEN NAS GSANG BA 'DUS PA'I RGYUD 'GREL PA CHA LAG DANG BCAS PA MKHAS PAR BSLABS NAS BSHAD PA MDZAD PAS 'PHRIN LAS KYI DAR RGYAS SHIN TU CHE, RGYUD 'GREL PA DANG BCAS PA LA 'GYUR BCOS KYANG LAN GNYIS SU MDZAD, GZHAN YANG 'GYUR MANG DU MDZAD, LHAG PAR GSANG BA 'DUS PA 'PHAGS LUGS LA 'PHRIN LAS KYI BKA' BAB PAS BOD DU 'DUS PA'I BSHAD SROL RGYA CHER SPEL LO; ;CHOS RJE BU STON RIN PO CHE DANG RJE BDAG NYID CHEN PO YAB SRAS RNAMS KYIS RJE 'GOS KYI 'DUS PA'I BSHAD SROL NYID RTZAL DU BTON NAS SPEL BAS DENG SANG GI BAR DU BSHAD SROL RGYUN MA CHAD PAR YOD PA 'DI BYUNG BA YIN PAS BKA' DRIN SHIN TU CHE BA ZHIG GO, YOL SKU MCHED GSUM NI, YOL CHOS DBANG, YOL DRANG SRONG, YOL THOGS 'BEBS TE, GSUM GA JO BO'I DNGOS SLOB YIN YANG, DANG PO JO BO NYAN TSOR PHEBS DUS JO BO'I ZHAL NAS; DA NANG THO RANGS NAM MKHA' LA HR'I: DKAR PO SGRA DANG BCAS PA CIG BYUNG, DE BCU GCIG ZHAL GYI SKU LI MA 'DI LA PHOG, DE LAS 'OD 'PHROS BOD THAMS CAD 'OD KYIS KHYAB NAS 'OD DE BAN CHUNG GZHON NU GCIG LA PHOG PAS DE'I SGYU LUS 'OD GSAL DU SHAR BA RMIS GSUNG, NYI MA RTZE SHAR LA YOL CHOS DBANG BTZUN CHUNG LO BCU DRUG LON PA GCIG GIS DAR SER PO ZHIG PHUL, BDAG LA THUGS RJE CHEN PO'I GDAMS NGAG CIG ZHU ZER

BAS JO BO DGYES NAS BCU GCIG ZHAL GYI SKU DE YANG GNANG, SPYAN RAS GZIGS KYI CHOS SKOR RNAMS RDZOGS PAR GNANG, DE NAS RANG GI GNAS SU JO BO SPYAN DRANGS TE ZLA BA GSUM DU ZHABS TOG MDZAD, DE'I TSE TSOGS CHOS SU PHA ROL TU PHYIN PA GSUNGS, LKOG CHOS SU YUL MCHED GSUM LA KRi YA'I SGRUB THABS RNAMS GSUNGS, YOL GYIS JO BO LA SRUNG BA ZAB MO ZHIG ZHU ZHUS PAS MA nI GSUNGS, DES MI 'ONG ZHUS PAS MI G-YO BA GSUNGS, STON PAS BYIN RLABS CHE BA ZHIG ZHU BYAS PAS, YI GE DRUG PA DANG ZHAL BCU GCIG PA GSUNGS, LO TZ'A BAS MTHU CHE BA ZHIG ZHU ZHUS PAS GSHIN RJE GSHED GSUNGS, SGRUB THAG NYE BA ZHIG ZHUS PAS SGROL MA GSUNGS, YOL GYIS THUGS RJE CHEN PO ZHI KHRO'I SKOR ZHUS NAS SGRUB PA MDZAD PAS ZLA BA DRUG NAS ZHI BA'I LHA'I ZHAL GZIGS, DE NAS KHRO BO'I ZHAL GZIGS, THUGS RJE CHEN PO'I CHOS SKOR LA YOL LAS MKHAS PA MED GSUNGS, PHYIS DBUS SU YANG BYON TE CHOS MANG DU GSAN, KHYAD PAR RTA MGRIN SHVA NA BZHI BSKOR GYI SGRUB THABS DE LO TZ'A BA DANG LHA BTZUN PA SOGS KYIS ZHUS KYANG MA GNANG BAR YOL LA 'DI SNYING RJE'I LHA YIN KHYOD SNYING RJE CHE BAS STER BA YIN GSUNGS NAS GNANG, YOL LA BRTEN NAS JO BO LUGS KYI THUGS RJE CHEN PO GTZO 'KHOR GSUM GYI GDAMS PA GRUB MTHA' RIS SU MA CHAD PA DAG LA RGYA CHER 'PHEL LO, ,RONG PA 'GAR DGE NI, RTEN DGE BSNYEN YIN, JO BO SPYAN 'DREN TU MANG YUL DU BYON, BSAM YAS

, ,SU YANG BYON TE, GSANG SNGAGS KYI GDAMS PA MANG DU GSAN ZHING PHYIS JO BO RJE SNYE THANG DU BZHUGS PA'I DUS NYANG RO'I STON PA BSOD NAMS YE SHES DANG LHAN DU PHEBS, DE NAS DGE BSHES STON PAS MCHIMS PHU NAS LO TZ'A BA SPYAN DRANGS, STON PA DGE BAS ZHUS NAS DPAL DGYES PA RDO RJE SLOB DPON SHANTI PAS MDZAD BA'I LHAN CIG SKYES PA'I RNAL 'BYOR DANG, JO BO RJE NYID KYIS MDZAD PA'I dOMBI HE RU KA'I BDUD RTZI'I 'OD KYI 'GREL PA DANG, DPAL 'KHOR LO SDOM PA'I GZHUNG MANG PO DANG, DPAL MAH'A MA YA'I SGRUB THABS SLOB DPON KU KU RI PA DANG SHANTI PAS MDZAD PA LA SOGS PA GSAN, SBYIR NA 'GAR 'GOS GNYIS LA GSANG SNGAGS MTHA' DAG GI GDAMS PA MA LUS PAR GNANG, KHYAD PAR GSANG SNGAGS 'PHAGS SKOR LA RTZAL THON, L'U AI PA'I DBANG BKA', LHA SBAS KYI 'GREL BA'I BSHAD BKA', CHOS CHEN DGU LA SOGS PA'I RDZOGS RIM YONGS SU RDZOGS PA GSAN NAS RANG GI THUGS NYAMS SU BZHES SHING SKAL BA DANG LDAN PA GZHAN DAG LA'ANG RGYA CHER SPEL LO, ,LHO BRAG PA PHYAG KHRI MCHOG NI, 'KHRUNGS YUL LHO BRAG PA, LHA SAR JO BO MJAL BA'I LAM ZHOR LA SNYE THANG DU JO BO RJE DANG MJAL TE GDAMS NGAG MANG DU THOB, LO LNGA BSTEN, CHOS MNGON PA LA RTZAL THON, 'JIG RTEN DBANG PHYUG DANG, JO MO SGROL MA'I ZHAL GZIGS SHING KHAMS GONG MA'I TING NGE 'DZIN LA MNGA' BRNYES, JO BO'I RNAL 'BYOR MI BZHI'I

YA GYAL GCIG YIN, JO BO MYA NGAN LAS 'DA' KHAR, TSE 'DI BLOS THONG TSE GZHUG 'BROM STON PA DANG MA BRAL BA GYIS SHIG GSUNGS PA LA BRTEN NAS 'BROM GYI PHYAG PHYIR RA SGRENG DU 'PHEBS, DE NAS JO BO'I GDUNG KHANG GI DNGUL 'DON PA DANG, JO BO'I PHYAG DPE KHA CIG RGYA GAR DU RDZONG BA'I SLAD DU BAL YUL DU BYON, RGYA GAR DU RGYA DPE 'PHRIN YIG DANG BCAS PA'I MI MANG PO BRDZANGS, DNGUL RNAMS LA LJANG PA BYAS NAS KA BA LIR BCUG, TSUR BYON PA'I LAM DU RMI LAM LA JO MO SGROL MA'I ZHAL NAS BRAM ZE'I KHYE'U LO BCU LON PA GCIG RAS TSONG DU 'ONG GI DE NYOS LA NGA LA PHUL ZHIG, DE LTAR BYAS NA LAM DU BAR CHAD KYIS MI TSUGS PA'I GNYER KHA THAMS CAD NGAS BYED ZER PA ZHIG RMIS, SANG RAS TSONG BA GCIG BYUNG STE JO MO LA BSNGOS NAS DPAL MO DBAL THANG LA BYON TZAN JAG PA MANG BO BYUNG BAS ZLA BO THAMS CAD BCOM, PHYAG KHRI MCHOG GI DNGUL LJANG PA DE RNAMS GAD SKYIBS ZHIG NA PHAR LA BZHAG PAS JAG PAS MA MTHONG BAR TSUR THON, LO RGYUS DER SGRENG DU DGON PA BA LA ZHUS PAS, SGROL MA DKAR SNGO GNYIS GANG DU 'DUG GSUNG, DE MA DRAN ZHUS PAS DE GNYIS KA BZHENGS GSUNGS NAS RAS DE LA SGROL MA DKAR SNGO GNYIS KA BZHENGS NAS DA LTA RA SGRENG NA BZHUGS PA LAGS, GLANG RI THANG BA'I ZHAL NAS RI MO GSAL RGYU MI 'DUG STE SPRUL PA'I SKU DNGOS YIN GSUNGS, DE NAS RE SHIG NA JA LUNG RDO GANG GI MANG SKOL MDZAD, DE RING NI GTAM RI GZAR GYI RBAB 'DRA BA CIG 'ONG BAS SO

, ,SO NAS BZOD PA MDZAD PA ZHU GSUNGS NAS BZOD GSOL SNGON LA MDZAD, DGE BSHES STON PA LA DGE BA'I BSHES GNYEN PA LAGS, KHYED LA JO BO'I GDAMS NGAG THAMS CAD BUM PA GANG BYO'I TSUL DU MNGA' BA LAGS PAS, DES KYANG MI PHAN, DES KYANG MI PHAN MI GSUNG BAR JO BO'I GDAMS NGAG RNAMS RGYUN MI GCOD PAR GSUNG BAR ZHU, RNAL 'BYOR BA LA, KHYOD RNAL 'BYOR PA MI CHOS SU NGAN TE, JO BO'I G-YOG BZHAG NAS RBA RGYA MTSO'I RJES LA PHYIN, LHA CHOS SU NGAN TE JO BO'I GDAMS NGAG BSGOM PA BZHAG NAS SBAS CHUNG STON PA'I BDAG MED MA'I SGRUB THABS BSLABS PA YIN ZHES DANG, RNAL 'BYOR PA GONG 'OG LA YANG BKA' PHAB LAM ME BA ZHIG MDZAD NAS, DA KHO BO JO BO'I THUGS DGONGS SKONG DGOS PA YOD PAS, SANG NAS MTSAMS GCOD BAR ZHU GSUNG BAS, RNAL 'BYOR BA GONG 'OG GI THUGS DGONGS LA KHONG MTSAMS BCAD NAS MI DANG MI PHRAD PA YIN 'ONG SNYAM TZA NA SHUG GSEB LA SOGS PA GAR THOD THOD DU ZHUGS NAS GDA' SKAD, DE DUS GSANG PHU NAS RNAL 'BYOR BA SHES RAB RDO RJE RA SGRENG DU BYON, KHONG DANG CHOS KYI GSUNG GLENG KHO THAG CHOD PA CIG BYA SNYAM NAS BYON PA DANG, RNAL 'BYOR PA MI BZHUGS PAR GDA' SKAD, GAR BZHUD BYAS PAS, SHUG GSEB KYI PHA GI YIN ZER BAS, DER BYON TE GSANG PHU BA DGE SLONG YIN, KHRI MCHOG DGE BSNYEN YIN PAS GSANG PHU BA LA TSUR PHYAG GSUM MDZAD NAS, KHO BO LA MI'I TIG PO

TZAM MI BDOG GSUNGS NAS, SHUG GSEB NA PHAR GSHEGS PAR MDZAD, GSANG PHU BA'I ZHAL NAS, DE LAS YI MUG PA DANG, DE LAS KHO THAG MA CHOD PA CIG MA BYUNG GSUNG ,KHONG 'JIG RTEN GYI RNAM PAR RTOG BA LA MTSAMS BO CHE PAD KYIS BCAD NAS BZHUGS PA YIN TE, 'JIG RTEN BLOS BTANG NAS BYAMS SNYING RJE BYANG CHUB KYI SEMS BSGOM PA LA SOGS PA JO BO'I THUGS DGONGS JI LTA BA BZHIN DU BSGRUB BAR MDZAD, LAN CIG YUL NAS GSER ZHO KHA YAR ZHIG BYUNG BA NA, GSER GYI THUM PO RNAMS BKROL NAS PHYAG GI MTHIL DU BLUGS, KA GNYIS MA'I MDUN DU BYON NAS, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,GSUNG ZHING RTEN GYI GSEB TU GTOR TE BTANG, RVA'I ZE'U CHUNG CHUNG ZHIG LA SKOR BA MDZAD PA LA, MYA NGAN 'DAS RTING BLTAS PAS, NANG NA JO BO'I NA BZA' BRUL PA CIG SNANG, GZHAN RTEN GYI DNGOS PO CI YANG MI 'DUG ,DGON PA BA'I ZHAL NAS, WA, RA SGRENG BA'I MTHA' 'DI LTAR SONG BA GSUNG, DE CI NONGS ZHUS PAS, NGAS JO BO'I THUGS DAM GYI LHA BZHENGS, RNAL 'BYOR PAS MDO MANG BRIS, STON PA 'DAS, KHRI MCHOG YOD NA'ANG 'DI LTAR MI 'GRO BA LA GSUNG, KHRI MCHOG GIS CI PHAN ZHUS PAS, DE 'JIGS NAS BYED MI PHOD GSUNG, SHA RA BA'I ZHAL NAS, DA LTA'I BKA' GDAMS PA'I SROL GANG YIN CHA MED, SNGON DGE BSHES STON PA DANG, KHRI MCHOG DANG, RNAL 'BYOR PA RNAMS KYIS SKYE SA'I YUL SPANGS TE NYE DU 'BREL PA

, ,LA SHI BA LTAR BYAS NAS CHOS LA NAN TAN CHER BYED BA YIN GSUNG, DGE BA SHES GRO LUNG PA'I ZHAL NAS, RNAL 'BYOR PA PHYAG KHRI MCHOG CHOS GRVA'I SLOB DPON SPYOD PA GZHAN GYI SEMS SHES PA MNGA' BA JO BO RJE GSHEGS KHAR THA MAL PA'I RTOG PA MA RGYU BAR BYANG CHUB KYI SEMS SBYONGS SHIG ,STON PA DANG MA BRAL BAR GYIS SHIG CES GDAMS PA DANG, LHAG PAR DGONGS PA LO BZHIR THA MAL PA'I RTOG PA MA SHOR BAR GRAGS PA STE, RNYED PA NI 'PHRAL 'TSO TZAM LAS MED, MGRON GYI SNA LEN LA SOGS PA TSUL BZHIN MDZAD PA NA, NYE GNAS SKYO NAS 'DI LTA BU MI 'GRUB CES ZHUS PA DANG, BKYON TE, GCIG PUR 'DUG PA TA SO GSOD DE CHIG SKYA MI THUB PAS DGE BSHES STON PA LA BRTEN PA YIN GSUNG NGO, ,DE LTAR THA MAL GYI RNAM PAR RTOG PA'I RGYU BA BCAD DE DGUNG LO ZHE GNYIS 'GRO BA'I TSE RA SGRENG DU SKU'I BKOD PA BSDUS NAS DGA' LDAN CHOS KYI PHO BRANG DU GSHEGS SO, ,LHO BRAG BA DGE BA SKYONG GI RNAM THAR RNYED NA 'DIR 'JUG ,KHAMS PA SKU MCHED BZHI NI, RNAL 'BYOR BA CHEN PO BYANG CHUB RIN CHEN, DGON PA PA DBANG PHYUG RGYAL MTSAN, SHES RAB RDO RJE, PHYAG DAR STON PA RNAMS SO, ,DE LA RNAL 'BYOR PA CHEN PO BYANG CHUB RIN CHEN NI, MDO KHAMS SMAD DU SHING MO YOS LA SKU 'KHRUNGS, SKU GZHON NU NAS RAB TU BYUNG STE JO BO RJE BOD DU 'BYON PA'I SNYAN PA GSAN NAS MJAL BAR 'DOD DE BYON PAS

,TZANG GI NYAN TSOR JO BO DANG MJAL, JO BOS SNGON GYI 'BREL BA DANG CHOS KYI BAG CHAGS YOD PAR MKHYEN NAS MJAL MA THAG TU DAM TSIG GSUM BKOD PA'I RGYAL PO'I LUNG DANG, 'DU SHES BSKYED PA'I CHOS BCU BYA BA'I GDAMS NGAG GNANG, RGYUN GYI ZHABS TOG PA NYE GNAS MDZAD CING, RGYA GAR DU JO BO'I BLA MA RNAMS LA 'BUL SKYEL DANG, RDO RJE GDAN GYI MCHOD PA SOGS BYA BAR LAN GSUM BYON, LAN CIG DBUS SU NYANG PO'I GRU LA JO BO'I PHYAG PHYI MDZAD CING PHEBS DUS JO BO LA GRU GLA CI SBYIN ZHUS PAS JO BOS PHYAG RGYA ZHIG MDZAD BAS DE GO NAS KA RA BAM PO LNGA BYIN BAS JO BO DGYES TE NGAS RKANG MGYOGS BSGRUBS NAS 'DZAM BU'I GLING LAN GSUM SKOR YANG KHYOD 'DRA PA'I SLOB MA MI RNYED GSUNG, JO BO SNYE THANG DU BZHUGS DUS RNAL 'BYOR PA'I THUGS DGONGS LA NYIN MTSAN DANG STON DPYID MED PAR BLA MA'I ZHABS TOG BYED BYED NAS BSGOM BYA RGYU MA BYUNG BAS NGA BSOD NAMS CHUNG SNYAM PA'I BLO ZHIG SKYES PA JO BOS MKHYEN NAS LUS NGAG YID GSUM BLA MA'I ZHABS TOG TU BKOL NA SGOM GYI DMIGS PA GZHAN NAS BTZAL MI DGOS GSUNGS, DE'I GNAD KAS DGE BSHES RNAL 'BYOR PA LAS RTOGS PA MTHO LA SGOM BZANG BA MA BYUNG BA YIN, DAM TSIG GSUM BKOD PA'I RGYAL PO'I BZLAS PA STONG PHRAG BRGYAD THON TZA NA ZHAL GZIGS, LAS SNA TSOGS LA RTZAL THON, DAM TSIG GSUM BKOD RGYAL BO DANG 'JAM DPAL BGRO BA

, ,MDZAD PA'I ZHAL GZIGS, JO BO MYA NGAN LAS 'DAS NAS ZHAL 'CHEMS BZHIN DGE BSHES STON PA'I PHYAG PHYIR BYON NAS RA SGRENG DU BZHUGS, DGE BA SHES STON PA ZHI BAR GSHEGS RJES RA SGRENG GI GDAN SA LO BCU GSUM MDZAD, RA SGRENG GI KHYAMS SMAD LA SOGS PA MDZAD BA LHAG MA RNAMS BSGRUBS SHING TSOGS PA BSKYANGS BAS 'PHRIN LAS SHIN TU CHE BA BYUNG, BU SLOB CHE BA MANG RA BA BYANG TSUL, STOD LUNG PA CHEN PO, LHAG MI, G-YAG RUM, SMYUG RUM PA CHEN PO RNAMS DANG, BKA' GDAMS SKU MCHED GSUM GYIS KYANG 'DI'I ZHABS LA GTUGS PAR SNANG NGO, BDAG NYID CHEN PO 'DI NI MNGON SHES DANG RDZU 'PHRUL THOGS PA MED PA MNGA' BA ZHIG STE, 'BROM RIN PO CHE SKU SNYUN PA'I SKABS SHIG RDZU 'PHRUL GYIS RTZIGS PA LA'ANG THOGS PA MED BAR BYON NAS SNYUN DRIS PA'I GTAM RGYUD KYANG YOD CING, RDZOGS RIM GYI RLUNG MNYAM 'JUG GI TING NGE 'DZIN KHYAD PAR CAN THOB PA ZHIG YIN BAR GSUNGS, DGUNG LO DRUG CU RE GSUM PA ME MO SBUL GYI LO'I RGYAL ZLA'I YAR TSES BRGYAD LA NGO MTSAR BA'I LTAS DANG BCAS DGA' LDAN DU GSHEGS SO, ,DGON PA BA CHEN PO'I RNAM THAR NI 'OG TU 'CHAD DO, ,RNAL 'BYOR PA SHES RAB RDO RJE NI, JO BO'I GDAMS PA MANG DU MNGA' ZHING KHYAD PAR GRUB MTHA' LA RTZAL THON, THUGS DAM YI GE DRUG PA'I ZHAL GZIGS,

JO BO LO GSUM DU BSTEN PAR GRAGS, LAN CIG GI TSE MA nI BZLAS PAS ZHAL NAS 'OD ZER SHVA SH'A 'ONG BA LA RNAL 'BYOR BA CHEN PO'I ZHAL NAS, SGOM CHEN 'DI KHA NA RE SKYID, BYANG CHUB KYI THUGS MNGA' BA GSUNG, JO BO GSHEGS NAS GSANG PHUR BZHUGS TE THUGS DAM TSIG CHOD DU MDZAD, KHONG DANG RNAL 'BYOR PA KHRI MCHOG GNYIS THUGS GCUGS PAS GSANG PHU DANG RA SGRENG GNYIS LA YAR SNYEGS MAR SNYEGS BYED PA LA DRO ZAN 'KHYER MI DGOS GSUNGS TE, RKANG MGYOGS KYI RDZU 'PHRUL THOB PAR GRAGS, DGE BSHES SPYAN SNGA'I BLA MA YIN PAS SLOB DPON SGOM CHEN ZHES 'BOD, GSANG PHUR SKU GSHEGS PAS GDUNG BZHUGS PA'I SA 'BUM CHUNG NGU ZHIG GSANG PHU'I SKOR LAM NUB PHYOGS NA DA LTA'ANG BZHUGS SO, ,'DI LA GONG MA RNAMS GSANG PHUR SKU YAL ZHES BSNGAGS PA CHE BAR MDZAD DO, ,PHYAG DAR STON PA NI, SPYIR JO BO'I CHOS MANG DU MKHYEN CING, KHYAD PAR PHA ROL TU PHYIN PA LA RTZAL THON, JO BOS PHYAG DAR LA LOGS SU BLA MA'I MAN NGAG BYA BA GSANG BAS 'GRUB PA YIN TE, BSTAN PA NYAMS DMA' BA'I DUS SU BZLO DGOS, KHYOD SHES RAB SHIN TU CHE BAS JI SKAD BSHAD PA BZHIN DU GO ,NGAS JI SKAD ZER BA BZHIN DU BYED, GZHAN RNAMS KYIS BSTAN KYANG MA GO BAS DE MIN ZHIG LOGS NA YOD SNYAM NAS 'ONG, KHYOD BYAMS SNYING RJE BYANG CHUB KYI SEMS SGOMS SHIG GSUNGS, YANG DGE BSHES PHYAG DAR

, ,LA SOGS PA BOD STON KHA CIG GIS, JO BO'I SKU SKYE SNGA MA JI LTAR BZHES PA DANG, PHYI MA GANG DU 'KHRUNGS PA DANG, 'TSANG JI LTAR RGYA BA'I LO RGYUS SHIG YI GER 'DRI BAR ZHUS PAS, JO BO'I ZHAL NAS, KHYOD KYIS GTZUG TOR 'DON MA MYONG NGAM GSUNGS, MYONG LAGS ZHUS PAS, GTZUG TOR NAS, BCAD DO, ,PHUR BUS GDAB BO, ,BYA BA BGEGS LA NUS PA MED PAR BYAS PA YIN, DE BZHIN DU BKA' DANG BLA MA'I MAN NGAG LA TSIG GI PHUR BUS BTAB PAS BYIN RLABS NYAMS 'GRO BA YIN, DE BAS NA TSIG ZIN PA DANG DON GO BAR BYA YIS, YI GER 'DRI BA'I 'OS MA YIN GSUNG, PHYAG DAR STON PA LA NAN TAN DU MDZAD NAS YON TAN GSANG BAS 'GRUB PA YIN NO GSUNG, SNYE THANG DU JO BOS BOD STON RNAMS LA PHAR PHYIN THOG MAR PAndI TA'I BSHAD LUGS DANG, DE NAS JO BO NYID KYI BZHED PA RTON PA BZHI'I SGO NAS KHRID TSUL GSUNGS PA LA 'DIS ZIN BRIS MDZAD PA'I PHAR PHYIN KHAMS LUGS MAR GRAGS PA'ANG SNANG STE, SNGON GTZIGS CHE BAR BYUNG 'DUG GO, JO BO GSHEGS NAS RA SGRENG DU BYON, STON PA'I SLOB MA MDZAD, SKU MCHED GSUM GYI'ANG SLOB DPON DU SNANG ZHING, PHYIS KHAMS SU PHEBS NAS BSTAN 'GRO'I DON RGYA CHER MDZAD CES GRAGS SO,, ,,DBUS KYI SLOB MA'I GTZO BO KHU RNGOG 'BROM GSUM GYI NANG NAS DGE BSHES KHU STON NI

YUL YAR KLUNGS, MTSAN BRTZON 'GRUS G-YUNG DRUNG, LCAGS MO PHAG LA SKU 'KHRUNGS TE NAG TSO DANG 'KHRUNGS LO GCIG, KHONG DANG RNGOG LEGS PA'I SHES RAB BANG STON GSUM GYIS KHAMS SU BYON TE, JO BO SE BTZUN LA CHOS MANG DU GSAN, GAR MI YON TAN G-YUNG DRUNG LA MNGON PA BSLABS TE MKHAS PAR MKHYEN, KLU MES THAMS CAD KYI GNAS BRTAN MDZAD, DE'I DUS SU KHONG LAS MI CHE BA MED PA YIN PA LA, DGE BSHES STON PAS DBUS KYI MI CHEN RNAMS LA GNANG BA'I BKA' SHOG NA KHU'I MTSAN MA CHUD PAS, THUGS RGYAL SKYES TE JO BO NGA RANG GIS THOB BA CIG BYA'O SNYAM NAS SNGON LA LCAG BTAB STE BYON PAS, GZHAN RNAMS KYI'ANG BSKUL MAR GYUR TE, ZHANG ROM GYI ZHAL NAS, KHU MTSUNG PA DE GO BCAD GSUNG STE, DA YANG DGE BSHES STON PA DKYEL CHE BA'I YON TAN YIN, DGE BSHES DES JO BO YUN DU BSTEN NAS GDAMS PA MANG DU GSAN, KHYAD PAR DU PHA ROL TU SBYIN PA'I GDAMS PA DANG, GSHIN RJE'I MAN NGAG LA RTZAL THON, THANG PO CHER SPYAN DRANGS TE CHOS KYI 'KHOR LO BSKOR, SNYE THANG DU KHUS PHAR PHYIN BSHAD PAS CHOS NYAN STONG TZAM 'DUS PA BYUNG, MTHAR DGUNG LO DRUG CU RTZA LNGA BZHES PA SHING MO YOS LA GSHEGS SO,, ,, RDOG LEGS PA'I SHES RAB NI, CHOS RGYAL KHRI SRONG LDE BTZAN GYI BLON PO, RDOG CHEN PO BYA BA BYUNG STE, BTZAN POS RGYA YUL DU DMAG DRANGS PA'I TSE RGYAL PO RI DE'U ZHIG GI KHAR BZHUGS, DMAG RNAMS YUL 'JOMS SU BTANG

, ,BA NA, RGYAL PO'I SKU LA BSNGO BA'I SKYEN PO 'GA' ZHIG BYUNG BA NA, BLON PO RNGOG GIS 'GA' ZHIG BSAD, 'GA' ZHIG NI PHYIR BROS, DE NAS RGYA ZHO HAB KYIS BTAB, RGYA PHRUG BRAG LA BRDABS ZER BA DE'I RGYUD PA YIN TE, YAR 'BROG DO'I PHYI ROL GYI MTSO CHEN PO'I 'GRAM DU GRONG CHAGS PA'I SNGAGS RNYING MA BA'I DGE BSHES RDO RJE GZHON NU BYA BA LA SRAS LNGA BYUNG BA'I CHE BA LEGS PA'I SHES RAB, GNYIS PA KLU KHRI, GSUM PA KLU BYANG, BZHI PA CHOS SKYABS, LNGA PA THUB PA RNAMS LAS CHE BA LEGS PA'I SHES RAB KYIS 'BRING YE SHES YON TAN LA RAB TU BYUNG, KHAMS SU BYON NAS JO BO SE BTZUN LA SDE SNOD RNAMS GSAN PAS MKHAS PAR MKHYEN TE STON BA BZHUD PA'I PHYI LO BYI BA'I LO LA DBUS SU PHEBS, BSHAD PA'I GRA BTZUG NAS SLOB MA YANG MANG DU BYUNG, DE NAS DBUS GTZANG GI MI CHEN RNAMS DANG LHAN DU MANG YUL DU JO BO DANG MJAL, CHOS MANG DU GSAN, THUGS RGYUD SHIN TU BZANG BAS JO BO'I SLOB MA SU DANG YANG MI MTHUN BA MED, LHA SAR JO BO DPON G-YOG SPYAN DRANGS NAS ZHABS TOG RGYA CHER MDZAD, RNGOG GIS DBU MDZAD BA'I BOD STON KHA CIG LA DBANG BSKUR BA'I CHO GA RGYAS PAR GNANG, RTOG GE 'BAR BA BSGYUR BA'I ZHU BA PHUL, JO BOS GNANG NAS NAG TSOS TSANG BAR BSGYUR, DE'I ZHAR LA DBU MA'I MAN NGAG KYANG MDZAD, RNAL 'BYOR BA LA GZIGS SU PHUL BAS NGED LA LKOG TU JI LTAR KHRID PA BZHIN DU BRIS 'DUG,

CUNG YANG ZAB DRAGS GSUNG, DE LO TZ'A BAS BSGYUR, DE'I ZHABS NA, RA SA 'PHRUL SNANG GTZUG LAG KHANG CHEN DU, ,MAR ME MDZAD DPAL ZHES BYA'I MKHAS PA LA, ,SH'AKYA'I DGE SLONG RNGOG BTZUN LEGS SHE YIS, ,GSOL BA BTAB NAS YI GER BKOD PA YIN, ,BYA BA DE JO BO'I GSUNG YIN, MTSAN NI MAR ME MDZAD CES GRAGS PA YI, ,MKHAS PA 'DI YI GZHUNG LUGS SU 'DZIN PA, ,GOL BA'I LAM DU MI 'GRO ZHES, NAG TSO TSUL KHRIMS RGYAL BA SMRA, ZHES GSUNGS, DGE BSHES GSANG PHU BA DES JO BO LO BCU BSTEN CING, LAM RIM SHLOO KA DRUG DANG DE'I GSAL BYED MDZAD, SPYIR JO BO'I CHOS MANG DU MKHYEN KYANG DBU MA'I LTA BA LA RTZAL THON, RJE BTZUN MA SGROL MA'I ZHAL GZIGS, LAN CIG JO BO'I PHYAG PHYIR BYON PAS GSANG PHU LA PHYAG MDZUB BTZUGS TE LUNG PA YA GI'I NANG NA DUNG G-YAS SU 'KHYIL BA 'DRA BA YOD, LEGS SHE KHYOD KYIS DER GTZUG LAG KHANG THOB LA BSHAD NYAN GYIS DANG BSTAN PA LA PHAN THOGS RGYA CHEN 'BYUNG ZHES LUNG BSTAN PA BZHIN GSANG PHU NE'U THOG TU GTZUG LAG KHANG BTAB BSHAD NYAN MDZAD PAS TSOGS PA LNGA BRGYA TZAM 'DUS, DGE BSHES DES SPYIR BSTAN PA LA BYA BA RGYA CHEN PO MDZAD CING, LHAG PAR JO BO YAB SRAS KYI GSANG CHOS BKA' GDAMS GLEGS BAM RIN PO CHE DANG THIG LE BCU DRUG GI MAN NGAG RNAMS BSHES GNYEN CHEN PO 'DI'I BKA' DRIN LAS BYUNG BAS BKA' DRIN MA TSUNGS PA MED PA ZHIG GO ,GSANG BU BA CHEN PO DE'I

, ,DBON PO RNGOG LO CHEN PO BLO LDAN SHES RAB NI, CHOS SKYABS KYI SRAS SU SA MO PHAG LA SKU 'KHRUNGS, GZHON NU'I DUS NAS KHU BO'I DRUNG DU BYON, KHU BO DANG GZUS KYI SLOB MA SBO CHUNG BA TSUL KHRIMS SHES RAB GNYIS LA BRTEN NAS RAB TU BYUNG STE DE GNYIS LA GSAN PA MANG DU MDZAD PAS KHONG GI SHES RAB LA KHU BO MNYES NAS, LO BCU BDUN BZHES PA'I TSE KHA CHER SLOB GNYER LA BRDZANGS, DE'I TSE RVA LO, GNYAN LO, KHYUNG BO CHOS BRTZON, RDO STON, BTZAN KHA BO CHE RNAMS DANG 'GROGS NAS BYON BAS, MNGA' BDAG RTZE LDES DBUS GTZANG KHAMS GSUM GYI SDE SNOD 'DZIN PA RAGS PA RNAMS SPYAN DRANGS NAS ME PHO 'BRUG LO'I CHOS 'KHOR MDZAD PA DANG THUG, RTZE LDE'I SRAS PO DBANG PHYUG LDES RNGOG GI YON BDAG BYA BAR CHAD NAS KHA CHER BYON, PAndI TA SADZDZA NA DANG PA RA HI TA BHA DRA LA SOGS PA DRUG TZAM BSTEN, BAR DU RGYAGS CHAD NAS KHA CHE NAS GSER SLONG BYA BA'I YI GE MNGA' RIS SU BTANG BA LAS DBANG LDES GSER MANG PO YANG BSKUR, TSAD MA RGYAN SGYUR CIG BYA BA'I ZHU BA BYUNG BAS, PAndI TA SKAL LDAN RGYAL PO DANG, RNGOG GIS BSGYUR, DER KHA CHER LO BCU BDUN DU YANG DAG PAR SBYANGS SLAR BOD DU BYON, BOD DU YANG PAndI TA 'BUM PHRAG GSUM PA DANG, SU MA TI K'IRTI GNYIS LA CHOS GSAN ZHING BAL POR YANG YUD CIG BYON NAS AA

RU LA BADZRA DANG, BA RENDRA RU TZI LA SOGS PA LA SNGAGS KYI GSAN PA YANG MDZAD, SLAR BOD DU PHEBS 'GYUR MANG PO MDZAD PA YANG DAG CING SHIN TU 'GYUR BZANG, 'GYUR MDZAD PA'I TSAD NI, GRO LUNG PAS, DAM CHOS SGYUR LA MNGA' BRNYES PA, ,RGYAL YUM GNYIS DANG BSTAN BCOS GZHUNG, 'BUM PHRAG GCIG DANG KHRI KHRAG GSUM, ,STONG PHRAG BDUN NI LHAG BCAS BSGYUR, ,ZHES 'BYUNG BA DE'O, ,LHA SA DANG, BSAM YAS DANG, GNYAL SGANG THOG DANG, GTZANG RGYAD MKHAR DANG, NGAN LAM GYI MYU GU SNA LA SOGS PAR BSHAD PA MDZAD PA'I TSE, MKHAS BTZUN GRVA PA RIM PA BZHIN DU LHA SAR KHRI DANG SUM STONG BDUN BRGYA ,BSAM YAS DANG SGANG THOG GNYIS SU STONG TSO BCU GSUM RE DANG, RGYANG MKHAR DU KHRE TSO GNYIS, NGAN LAM DU DGE BSHES KHRI TSO GCIG DANG, RNAL 'BYOR PHO MO KHRI TSO GNYIS TE KHRI TSO GSUM 'TSOG SO, ,ZUR CHOS PA'I GRANGS KYANG, RGYAN DANG CHOS MCHOG 'CHAD MKHAN LNGA BCU RTZA LNGA, RNAM NGES 'CHAD MKHAN NYIS BRGYA RTZA LNGA; LUNG CHOS SMRA BA STONG LNGA BRGYA BDUN CU DON LNGA, DRIL BAS CHOS SMRA BA STONG BRGYAD BRGYA BRGYAD CU RTZA LNGA BYUNG, TSAD MA DANG BYAMS CHOS DANG, DBU MA LA SOGS PA'I RNAM PAR BSHAD PA MANG DU MDZAD, PHA ROL TU PHYIN PA DRUG GI SPYOD PA THAMS CAD RDZOGS PAR SPYOD PA'I SEMS DPA' CHEN PO DE NI DBUS GTZANG DU LO BCU BDUN 'GRO DON MDZAD DE DGUNG LO LNGA BCU RTZA GCIG BZHES PA'I TSE, BSAM YAS MA RI'I DRUNG DU ZHING BRJES NAS DGA' LDAN CHOS KYI PHO BRANG DU PHEBS SO,, ,,

, ,GRO LUNG PA CHEN PO BLO GROS 'BYUNG GNAS NI, GZHON NU'I DUS NA JO BO YAB SRAS KYI ZHABS LA GTUGS SNANG STE KHONG RANG GI BSTAN RIM LAS, BDAG GIS JO BO RJE LA CHOS LAN CIG 'KHUMS PA NA, 'PHAGS PA RTAG TU DU'I BRTZON 'GRUS LTA BU BYA'O ZHES GSUNG LA ,DGE BSHES BA'ANG MDOR NA GZHAN CI YANG MI BSAM PAR RDZOGS PA'I BYANG CHUB DON DU GNYER BAR BYA'O ZHES GSUNGS, YANG SKYABS 'GRO'I SKABS SU, 'DI LA BDAG GI BLA MA NI MCHOD PA DANG BCAS PA'I MAndAL GSUM BYED DU BCUG STE, ZHES GSUNGS PA'I DGE BSHES DANG BLA MA NI 'BROM NYID YIN PAR GNA' MCHAN GYIS BSHAD SNANG NGO, ,SPYAN SNGA LA NI RDO RJE NAM MKHA'I GOS CAN MA GSAN ZHING, KHAM PA LUNG PA DANG, PO TO BA LA YANG CHOS GSAN ZHING SLOB DPON ZHES 'BOD PA MDZAD, GZHAN YANG JO BO NAS BRGYUD PA'I CHOS DANG, GZHAN MDO SNGAGS KYI GZHUNG PHAL CHE BA RNGOG KHU DBON GNYIS LA GSAN TE SBYANGS PAS, SNGAGS MTSAN NYID LA SHIN TU MKHAS SHING BRGYAD STONG PA'I 'GREL PA DANG, BYAMS CHOS SDE LNGA'I 'GREL PA SOGS YIG CHA'ANG MANG DU MDZAD, KHYAD PAR DU BSTAN PA'I RIM PA CHE CHUNG GNYIS DANG, JO BO'I GZHUNG CHUNG RNAMS GTZO BOR GYUR PA'I CHOS CHUNG BRGYA RTZA LA DON GYI KHOG 'CHING BA'I t'IKKA BSDUS PA CIG KYANG MDZAD DO, ,SKU TSE'I STOD LA LONGS SPYOD KYIS PHONGS SE BYUNG BAS, GUN PA LHA RJES DZAMBHA LA DKAR PO'I SGRUB SKOR BYIN PAS LAN CIG GRO LUNG PA'I DKAR YOL GYI NANG DU DZAMBHA LA GTZO 'KHOR LNGA DNGOS SU BYON PA

MI GZHAN GYI MTHONG GI DOGS NAS PHYAG GIS SKYOR BAS, GUN PA'I ZHAL NAS DE TZUG MDZAD MI DGOS GZHAN GYI MTHONG DOGS MED GSUNG, DE NAS BRTZAMS TE GRO LUNG PA LA GRVA TSOGS MANG DU 'DUS, SKU BSOD SKYES TE BRIN LHAS KYI GTZUG LAG KHANG BTAB, DER RNGOG LO'I CHOS KHRI SNYING POR GYUR PA'I MCHOD RTEN BRTZIGS, DE'I BUM PAR ZANGS CHEN STONG BA CIG GI KHAR TZAN DAN GYI DRA BAS BKAB, DE'I STENG DU RNGOG LO'I THUGS ZA MA TOG TU BZHUGS, ZANGS DE'I KHAR LHO PHYOGS KYI BU GNAS SHING GI WA GTAD NAS BZHAG, PHYIS GRO LUNG PA DGUNG LO BRGYAD CU PA LA GSHEGS DUS NGA'I RING BSREL GANG BYUNG MA ZAGS BAR MCHOD RTEN GYI LHO'I BU GA LA SKYUR CIG CES ZHAL CHEMS BZHAG GO, SKU GDUNG ZHU DUS PHYAG RIN TSUL GYI PANG DU PHYAG G-YAS PA DANG, ZAM KHA PA'I PANG DU THUGS SBUR KHANG NAS YAR TE BYON, DE NAS ZHAL CHEMS BZHIN RING BSREL RNAMS MCHOD RTEN GYI BU GAR BSKYUR BAS ZANGS GANG BA DANG 'GRIG PA ZHIG BYUNG ZHES GRAGS SO,, BDAG NYID CHEN PO 'DIS MDZAD PA'I BSTAN RIM CHEN MO NI BYANG CHUB LAM GYI SGRON MA'I DGONGS PA 'GREL BA LA ZLA DANG BRAL BA ZHIG STE CHOS KYI RGYAL PO TZONG KHA PA CHEN POS KYANG GRO LUNG PA CHEN PO'I BSTAN RIM 'DI DANG MJAL BA'I TSI MCHOD PA'I BYE BRAG SNA TSOGS PAS BSU BA MDZAD CING, SKYES BU GSUM GYI LAM SO SO'I NGO BO, GRANGS NGES, GO RIM, SO SO'I DMIGS RNAM YID LA BYED TSUL, BSGOMS PA LAS NYAMS MYONG JI LTAR SKYE BA'I RIM PA

, ,SOGS BYANG CHUB LAM GYI RIM PA'I DON STON PA LA 'GRAN ZLA MED PA'I BSTAN BCOS SU BSNGAGS PA MDZAD DO, ,'BROM RIN PO CHE'I RNAM THAR NI DA LTA NYID DU 'CHAD BAR 'GYUR RO,, ` ,,LAM BZANG GSAL MDZAD STON PA RIN PO CHE, ,ZHES BSNGAGS PA, 'BROM STON PA RGYAL BA'I 'BYUNG GNAS ZHES MTSAN YONGS SU GRAGS PA DE NI, SNGON BSKAL PA DPAG TU MED PA'I SNGA ROL NAS THUGS BSKYED DE RDZOGS SMIN SBYANG GSUM MTHAR PHYIN NAS 'PHAGS PA THUGS RJE CHEN PO ZHES SANGS RGYAS KYI ZHING THAMS CAD DU GRAGS SHING SPRUL PA'I BKOD PAS SANGS RGYAS KYI ZHING THAMS CAD DANG MA DAG PA'I 'JIG RTEN GYI KHAMS THAMS CAD KHYAB CING, BDE BA CAN DU MGON PO 'OD DPAG TU MED PA'I SRAS KYI THU BO'I TSUL BZUNG BA SOGS PHYOGS BCU'I SANGS RGYAS THAMS CAD KYI DRUNG NA SRAS KYI THU BO'I TSUL 'DZIN PA DANG, ZHING KHAMS LA LAR 'TSANG RGYA BA'I TSUL STON PA DANG, 'JIG RTEN GYI KHAMS LA LAR 'KHOR LOS 'RGYUR BA'I RGYAL PO DANG, LA LAR BLON PO, LA LAR SDE DPON, LA LAR MKHAN PO, LA LAR PHA MA, LA LAR BYA DANG RI DVAGS TSUN CHAD KYI TSUL BZUNG STE GANG LA GANG 'DUL GYI SKU'I BKOD PAS SEMS CAN GYI DON MDZAD BZHIN PA LAS MI MJED 'JIG RTEN GYI KHAMS 'DIR BSKAL BZANG GI SANGS RGYAS STONG GANG DU 'TSANG RGYA BA'I TSUL STON PA'I GNAS 'DZAM BU'I GLING GI LHO PHYOGS NA PO TA LA ZHES BYA BA'I SPRUL PA'I ZHING KHAMS ZHIG NA BZHUGS PA LAS, PHYOGS BCU'I

RGYAL BA SRAS DANG BCAS BA GDAN 'DZOM STE BYANG CHUB SEMS DPA' SGRIB PA RNAM SEL PHO NYAR MNGAGS TE BYANG PHYOGS KHA BA CAN GYI LJONGS 'DI'I GDUL BYA RGYAL BA GZHAN GYIS 'DUL BAR MA NUS PA'I DMU RGOD CAN 'DI RNAMS THUGS RJE CHEN PO NYID KYIS 'DUL BAR 'OS SO ZHES BOD KHAMS KYI MGON POR 'BYON PA'I THUGS RJE BSKUL, DE BZHIN DU CHOS RGYAL DKON MCHOG 'BANGS YON GYI YUL DU BYON PA'I TSE BLA MA DRI MA MED PA MKHA' 'GRO BYE BA'I CHOGS DANG BCAS PAS KYANG KHA BA CAN DU BYON NAS SEMS CAN GYI DON MDZAD DGOS PAR BSKUL BA LA BRTEN NAS 'PHAGS PA THUGS RJE CHEN POS MI RJE'I TSUL BZUNG NAS BOD DU RGYAL KHRIMS BTZAN POS THAMS CAD DBANG DU BSDUS, DGE BCU'I KHRIMS KYIS CHOS KYI SNOD RUNG DU BYAS SANGS RGYAS KYI BSTAN PA'I GZHI CHAGS PA NA BLA MA DRI MA MED PA RGYA GAR DU GNAS LNGA MKHYEN PA'I PAn CHEN DPAL MAR ME MDZAD YE SHES ZHES BYA BAR SKU 'KHRUNGS NAS GDUL BYA 'DUL BA'I DUS LA BAB PA NA, THUGS RJE CHEN PO 'BROM RJER SKU'I BKOD PA BSTAN TE, DE YANG 'BROM RIN PO CHE GANG DU 'KHRUNGS PA'I GNAS NI, GANGS RI'I PHRENG BAS YONGS BSKOR SA YI GZHI, ,LHA CHEN ZUR PHUD LNGA PAS BSTEN PA'I 'DABS, ,RJE'U'I RIGS LAS 'BROM ZHES RAB GRAGS PAR,, GTZO BO'I RIGS SU 'KHRUNGS LA PHYAG 'TSAL LO, ,ZHES GSUNGS PA LTAR DBU RU'I BYANG GI PHYOGS LHA CHEN THANG LHA'I ZHOL, STOD LUNG GI PHU RTZVA SGYE MO'I SA'I CHAR YAB SKU GSHEN YAG GZHER 'PHEN DANG, YUM KHU 'OD BZA' LAN CIG MA

, ,GNYIS KYI SRAS SU SHING PHO 'BRUG GI LO SKU 'KHRUNGS, DE YANG YAB KYIS MA YAR GCIG BZHES TE DE DANG 'GROGS NAS YOD PA LA, DE DANG THUGS MA MTHUN PA'I RKYEN GYIS BSKUL TE GZHU RU ZHANG PO'I SAR LO BCU GSUM TZAM LA BYON, DGE BA SHES G-YUNG CHOS MGON BYA BA LA KLOG YIG BSLABS, DER LO BZHI BZHUGS, DGUNG LO BCU BDUN LON TZA NA JO BO SE BTZUN GZHON NU GRUM GYI MKHAN BU CHEN BO DE RGYA GAR DU BZHUD PA'I THUGS DGONGS KYIS BYON PA DANG GDAN 'DZOM PAS SHIN TU DAD BAR GYUR TE BLA MA SE BTZUN LA JO BO THUGS RJE CHEN PO YI GE DRUG PA'I GDAMS PA ZHUS, DE NAS SE BTZUN YAR BZHUD BAL YUL DU BYON NAS PHYI ROL PA'I PAndI TA ZHIG DANG CHOS GTAM BYAS BAS SE BTZUN RGYAL ,PHYI ROL PA'I MNGON SHES DANG KHONG GI DBYAD 'GRAN BAS SE BTZUN MA THUB NAS DER SE BTZUN GYI THUGS DGONGS LA PHYI ROL BAS NGAN BYAS DGOS BA DANG, RGYA GAR NA'ANG NGA RANG BAS MKHAS BA MED DAM SNYAM NAS PHYIR LOG BYON PA DANG GDAN 'DZOM PAS 'BROM RIN PO CHES BLA MA SE BTZUN LA PHYAG PHYIR 'KHRID BAR ZHUS PAS SANG PHOD TSONG PA DANG 'GROGS LA SHOG, DA RES KHRID NA BYIS BA BRKUS NAS KHRID ZER DU 'ONG GSUNG, DE NAS 'BROM RIN PO CHES RGYAL GYI ZHANG SNA NAM RDO RJE DBANG PHYUG LA DGE BSNYEN GYI SDOM BA MNOS TE MTSAN RGYAL BA'I 'BYUNG GNAS SU GSOL, DGUNG LO BCU DGU BA LA BAB PA NA MDO KHAMS PHYOGS SU 'GRO BA'I TSONG BA DANG 'GROGS TE MDO

KHAMS LDAN MA'I YUL DU BYON NAS BLA MA SE BTZUN BSAM SBYOR GNYIS KYI SGO NAS TSUL BZHIN DU BSTEN TE, SANGS RGYAS THAMS CAD MCHOD PA BAS BLA MA MCHOD PA PHAN YON CHE'O ZHES GDUL BYA RNAMS LA 'DOMS PA'I PHYIR BLA MA SE BTZUN GYI NANG GI ZHABS TOG PHYE 'THAG PA YAN CHOD DANG, PHYI ROL TU RTA PHYUGS MANG PO YOD PAS NYIN BAR DE RNAMS KYI RDZI BO MDZAD, NUB MO RTA BZANG LA ZHON 'KHOR GSUM TSER MA 'DRA BA BYAS TE ME LA TSE MDZAD, PHYE 'THAG BA NA DPE CHA RANG THAG GI STENG DU BZHAG STE GZIGS PA LA SOGS PA'I SLOB GNYER LA BRTZON PAR MDZAD, PHYE BTAGS PAS PHYAG MTHIL GLANG RGAN GYI MJING PA LTAR SONG, JO BO SE BTZUN DE YO BYAD LA CHAGS PA MI MNGA', GTONG BAR YANG MI MDZAD KYANG MA DAD PA MA BYUNG, SE BTZUN GYI BYA BYED LA YANG DKA' BA MA BYUNG GSUNG, 'BROM RIN PO CHE 'DI NI LAS GYI RTZA BA BSHES GNYEN BSTEN PA'I TSUL LA RGYAL BA SRAS BCAS KUN GYIS BSNGAGS PAR 'OS PA ZHIG BYUNG STE, SHER PHYIN GYI MDO SDE RIN PO CHER BA SHES GNYEN BSTEN PA'I TSUL LA BYANG CHUB SEMS DPA' RTAG TU DU BSNGAGS 'OS SU MDZAD PA LTAR 'BROM RIN PO CHE 'DI YANG BYANG CHUB SEMS DPA' RTAG TU DU DANG LUS KYI RKANG BTANG MA BTAB GI KHYAD LAS MED BA ZHIG BYUNG, DE'I TSE BLA MA SE BTZUN GYI SPYAN SNGAR MDO SNGAGS KYI GZHUNG MTHA' YAS PA LA SBYANGS SHING, KHYAD BAR BDAG NYID CHEN PO 'PHAGS BA KLU SGRUB YAB SRAS KYI GZHUNG DBU MA'I SKOR DANG, BYAMS CHOS SDE LNGA DANG, THOGS MED SKU MCHED KYI GZHUNG RNAMS SOGS

, ,SPYOD PHYOGS RNAMS LA RTZAL DU THON BAR SBYANGS TE CHOS GRAR DGE 'DUN BYING DANG BGRO GLENG MDZAD BA NA BDAG NYID CHEN PO 'DI LA SUS KYANG LAN 'DON SPOBS BAR MA NUS NAS MKHAS PA'I PHUL DU PHYIN BAR GRAGS, DE'I TSE DGE 'DUN RNAMS KYIS MKHAS BA CHEN PO 'DI LTA BU RTA BONG GI RDZI BO DANG YOS 'THAG BA SOGS NGAN LAS LA BKOL DU PHANGS PAS DA PHYIN CHAD NGAN LAS BGYI MI DGOS BAR CHOS GRANG PHEBS CHOG BA DGOS ZHES BLA MA SE BTZUN LA ZHUS NAS DE BZHIN DU GNANG, DUS DE'I TSE KHU STON BRTZON 'GRUS G-YUNG DRUNG DANG RDOG LEGS PA'I SHES RAB GNYIS KYANG CHOS GRA DER BZHUGS BAS KHU RDOG 'BROM GSUM ZHES PA'ANG KHAMS SU GRAGS BA YIN, DE NAS 'BROM RIN PO CHE'I THUGS DGONGS LA, DAL 'BYOR GYI MI LUS THOB PAR DKA' BA RNYED DUS 'DIR CHOS RNAL MA ZHIG BYED NA 'DI TZAM GYIS CHOG GAM MI CHOG ,RGYA GAR MKHAS PA CIG LA 'DRI BA LA BAR DU LO TZ'A MI DGOS BA ZHIG BYA DGONGS TE BAndI TA SGRA'I TSER MA ZHES BYA BA SMRi TI DZNY'A NA KIRTI PHYOGS DER BYON PA LAS SAm SKRi TA'I SKAD DANG RGYA YIG KYANG BSLABS BAS LEGS PAR MKHYEN, DE DUS 'BROM RIN PO CHES PAndI TA SMRi TI LA RGYA GAR NA DA LTA PAndI TA CHE BA JI SKAD BYA BA YOD DRIS PAS, CHE BA BGRES N'A RO PA DANG SH'ANTI PA BYA BA YOD, DE GNYIS DA TZAM 'DAS SAM, DA LTA PAndI TA D'I PAm KA RA BYA BA RGYAL RIGS LAS RAB TU BYUNG BA CIG YOD DE, DE RANG CHE BAR 'OD ZER BAS 'BROM RIN PO CHE'I THUGS LA DE DANG MJAL NA DGA' BA LA, DE DANG CI MJAL BYA

DGOS SNYAM PA BYUNG, DE LTAR 'BROM RIN PO CHES MDO KHAMS SU BLA MA SE BTZUN GYI SPYAN SNGAR LO NYI SHU'I BAR DU BZHUGS TE MDO SNGAGS KYI CHOS MANG DU GSAN PAS MKHAS PA'I PHUL DU PHYIN, DGE BSNYEN CHOS 'PHEL DU'ANG GRAGS PA BYUNG STE, DE LTAR DU 'BYUNG BAR RGYAL BA NYID KYIS MDO LAS LUNG BSTAN BA NI, SNYING RJE PAD DKAR DU, BYANG PHYOGS SU BSTAN PA LA DAD PA LHAR SKYE ZHING, RAB BYUNG CHOS BZHIN MI SPYOD PA LOG BAR LTUNG, DER DGE BSNYEN CHOS 'PHEL ZHES BA RDZU 'PHRUL DANG LDAN PA 'BYUNG, ZHES PA DANG ,SANGS RGYAS PHAL PO CHER, ,BYANG PHYOGS SU DGE BSNYEN CHOS 'PHEL BYA BA 'BYUNG ZHES LUNG BSTAN PA DANG MTHUN NO, ,DE NAS JO BO MNGA' RIS SU PHEBS PA 'GRUL BA LAS GSAN PAS SE BTZUN LA MNGA' RIS SU 'GRO BAR ZHUS, KHONG GIS KYANG MI DGYES BA MED BAR DPE RTA KHAL GCIG GNANG NAS BYON NO, ,BYANG LAM DU SLEB TZA NA MNGA' RIS KYI LHA BLA MA KHU DPON GYIS JO BO RJE LHA CIG BYA BA'I PAndI TI CHEN PO ZHIG GDAN DRANGS NAS YOD, DE RING POR MI THOGS PAR RGYA GAR DU BZHUD PAR 'DUG BYA BA GSAN PAS DER JO BO'I MTSAN THOS PA TZAM GYIS THUGS RANG DBANG MED BAR G-YOS TE DAD GUS BSAM GYIS MI KHYAB PA 'KHRUNGS, ,MDZAL DU 'BYON PA'I 'DUN PA DRAG TU 'KHRUNGS SO, ,DE NAS JI LTAR BZHED PA LTAR BYON TE SOG CHU KHAR PHEBS PA NA KHANG PA CIG NA KU DI RU 'DUG PAS, 'DI NA CI YOD DRIS PAS, 'PHRANG KHA BER CHUNG YAB BER CHEN GYI 'DED DANG SRID PO RNAMS BSDU BA'I CHANG YOD BA YIN ZER

, ,BAS; THAG RING NAS BYON PAS DER SKYEM BSKRUR BYON PA LA 'PHRANG KHA BER CHUNG GIS KHYOD CHOS GRA NAS 'ONGS PA'I DGE BSNYEN ZHIG 'DUG STE NGA YANG ZHANG 'PHRANG KHA BER CHUD BYA BA'I MI CHEN ZHIG YIN, KHYOD KYIS DE NA YAR LA PHYAG WA 'KHYUG BA 'DRA BA CIG GYIS ZER PAS 'BROM RIN PO CHES KYANG DE BZHIN DU MDZAD, DER BER CHUNG CHOS GTAM LA DGA' BAS CHOS GTAM MANG PO BYAS PA'I TSE 'BREM GYIS KHONG GI TSIG SNA RE NAS BRDUNGS PAS KHO THE TSOM SKYES NAS, KHAMS MA GI NA 'BROM STON PA ZER BA'I DGE BSNYEN CHOS MKHAN ZHIG YOD ZER, DE KHYOD YIN NAM ZER BAR, YIN BA'ANG SRID GSUNGS PAS KHONG HA LAS TE KHONG RANG GI 'OG GI GRUM TZE PHYUNG STE DGE BSHES STON BA LA BTINGS, RTA BZANG PO GCIG GI THUR MDA' DAR YUG GIS BYAS NAS PHUL, DA CI NAS PHYAG BLANGS PA'I BZOD GSOL BYAS, DE NAS BGRO GLENG BYAS PA'I BZOD GSOL BYAS, RA SGRENG GI SA CHA 'DIR DGON SA MDZAD DE MCHOD GNAS MDZAD PAR ZHUS PA NA 'BROM RIN PO CHE'I ZHAL NAS, NGA DA RES SDOD MI KHOM, MNGA' RIS STOD YA GIR PAndI TA CHEN PO ZHIG BYON ZER BAS DER 'GRO GSUNG, 'O NA YAS MAR PHEBS NAS NGA'I MCHOD GNAS BYA DGOS ZER BAS, STON PA'I ZHAL NAS; RTZIGS KHA GSUM 'DZIN DGOS TE STER NA BYA GSUNG, GANG BZHED ZHUS PAS, PHOD MDO'I MKHAR 'DI BSHIG LA GTZUG LAG KHANG ZHIG BZHENGS, SHA ZAN DANG RTZAM ZAN GYI 'KHRUG BA NI BSDUMS, NGA'I PHYI

NAS YAR LA RDOG LEGS PA'I SHES RAB BYA BA 'ONG GI DE LA CHOS TSUGS, DE MA BYUNG NA G-YON RU NA KHU STON BLO RNON BO BYA BA YOD, DE SPYAN DRONGS LA CHOS TSUGS GSUNGS, KHONG NA RE GNYIS PO BYAS PAS CHOG, SHA ZAN GYI 'KHRUG PA 'DI LA NGA RE BA YIN, SNGAR YANG 'BRI DRUG CU TZAM ZOS ZIN, ,'O NA YANG KHAM TZAM MED, BSDUMS BYAS PAS CHOG ZER NAS RTZIGS GSUM PO KHAS BLANGS, DE NAS DGE BSHES STON PAS RGYAL GYI ZHANG CHEN PO BSLAB PA'I SLOB DPON YIN BAS PHYAG 'TSAL DU BYON, ,DE'I TSE DBUS PHYOGS NA DGE BA SHES KA BA MI CHE BAS RGYA MO'I PHUR BZHUGS PA MJAL, LHA BTZUN BO DHI R'A DZA LA SOGS PA BOD KYI MI CHEN RNAMS LA ZHES MDZAD NAS, DA LTA MNGA' RIS NA LHA BLA MA BYANG CHUB 'OD KYIS JO BO LHA GCIG BYA BA'I PAndI TA MKHAS PA CIG GDAN DRANGS NAS YOD ZER, NGAS DE GDAN 'GRONGS NA ZHAL MTHONG DANG BCAS PA'I DBUL BGYIS SHIG PA'I ZHU BA PHUL, KA BA SH'AKYA DBANG PHYUG LA CHAB SHOG KHYED KYI PHYAG TU BRDZANGS KYI ,DE TZA NA BSKU LAM GYIS LA LA STOD DU BSU BAS SLEB PAR MDZOD CIG PA'I ZHU BA PHUL BAS, KA BA NA RE, KHYOD KYIS SPYAN CI 'DRONGS GYIS, NGAS BSKUL MA BYAS NAS LA STOD DU SLEB BAR BSU BA BYA GSUNG, DE NAS MI CHOS RNAMS LA GSER SLONG LA BYON PAS, DA LTA NYUNG BA LAS MI 'ONG, ,PHYIS MANG DU DBUL ZHUS PAS, NYUNG YANG DA LTA 'DOD, PAndI TA CAN DU RINGS GSUNGS, NYUNG YANG BLANGS TE DE NAS MI GRONG MA BRGYUD BAR BYANG LAM LA THEGS PAS LAM NGO MA SHES

, ,PA'I SKABS SU BANDE HRAL PO ZHIG BYUNG NAS LAM BSTAN, YA TSAD SKYEL THUNG BYAS NAS BDE BAR BZHUD CIG, DA SNA SHUD KYI 'KHRUG PA LANGS PAS NGA 'GRO MI KHOM ZER NAS 'TSUB MAR RED GIS SONG, PE HA RA 'DI YANG CHOS GSHA' MAR BYED PA LA GROGS BYED PAR 'DUG GSUNG, YANG LAM MA RNYED PA CIG LA SHA BA CIG SONG BA'I RJES LA BYON PAS LAM TIG GIS BYUNG, DE JO MO SGROL MA'I SPRUL PA YIN GSUNG, DE TZA NA JO BO RJE LA RJE BTZUN SGROL MA'I ZHAL NAS, DA STE ZHAG GSUM DRO DANG BZHI'I NYIN PAR BOD KYI AU PA SI KA CHEN PO 'BYON BAS, DE LA BYIN GYIS RLOBS SHIG CES LUNG BSTAN, JO BO NYID KYIS KYANG, DE LTAR DU DGONGS TE JO BO'I ZHAL NAS, DA ZHAG GSUM DRO DANG BZHI NA KHO BO'I SKYE BA SNGA MA'I SLOB MA AU PA SI KA CHEN PO ZHVA SPYI RING RGYANG DE BA GSOL BA CIG 'ONG BAR 'DUG GSUNGS NAS DBU SNGAS 'GOR BUM PA BZHENGS SU GSOL TE, ZHAG GSUM GYI NANG PAR AU PA SI KA LA BYA RA MDZAD, DRO KHA TSUN CHAD MA BYON PAS, T'A RE RDZUN NI GSUNG BA CANG SRID DAM GSUNGS NAS GRONG GSEB CIG TU CHOS STON LA BYON BA'I SHUL DU DGE BSHES STON PA DPON G-YOG PHEBS PA LA, 'KHOR KUN GYIS DA LTA RANG 'BYON PAS BZHUGS SHIG BYAS PA LA NGA THEG BA CHEN PO'I BLA MA DANG MJAL BA SKAD CIG MA SNGA MA DANG PHYI MA GNYIS KYANG SNGA MA LA 'DAM PA YIN GSUNGS NAS BZHUD PAS, JO BA DANG SRAD BAR ZHIG TU MJAL TE PHYAG MDZAD NAS, PHYAG RTEN DU

GSER PHUL, DER JO BO'I PHYAG STON PA'I DBU THOG TU BZHAG NAS, SAm SKRi TA'I SKAD DU SHIS BRJOD MDZAD CING BYIN GYIS BRLABS SO, ,DE NAS 'BROM RIN PO CHES GSOL BA BZHES NAS JO BO'I GZIM KHANG DU BYON PA NA JO BO RJES BUM PA DBU THOG TU BZHAG STE DBANG BSKUR YANG LEGS PAR GNANG, DE'I TSE DGE BSHES STON PAS JO BO LA DRI BA GSUM MDZAD, RGYA GAR NA PAndI TA JI LTA BU YOD BYA BA DANG, NGA'I SNGA MA'I CHOS DE LAM DU SONG NGAM MA SONG BYA BA DANG, BLA MA NYID KYI SPYAN SNGAR BSDAD NA JI LTAR MCHI BYA BA DANG GSUM ZHUS PAS, JO BO'I ZHAL NAS RGYA GAR NA PAndI TA MKHAS PA MANG PO YOD, NGA BOD DU 'ONG TZA NA SHAR PHYOGS BHAm GA LA NA'ANG NYIN RE MA CHAD BAR GRUB THOB RE 'BYON GYI YOD, KHYOD KYI SNGA MA'I CHOS DE LAM DU YE MA SONG, BLA MA'I ZHABS TOG LAM DU SONG, DA KHYOD 'DI RANG DU SDOD, NGA'I LHA MO SGROL MAS KHYOD LUNG BSTAN PA YIN GYI NGA'I BKA' BRGYUD 'DI LA BYIN RLABS YOD KYI GSUNG, DE'I NYIN PAR GYI YON BDAG DES STON SKAL GYI MAR TSAL GCIG BYIN PA DE BZHU NAS DE'I NUB MO MAR ME MTSAN THUB CIG DBU SNGAGS SU PHUL, DE NAS JO BO ZHING GSHEGS KYI BAR DANG, GSHEGS NAS KYA NGAR SGRENG DU SKU GDUNG LA DKAR ME MTSAN THUB RGYUN MA CHAD PAR 'BUL BAR MDZAD, DE NAS PHAL CHEN SDE PA'I LUGS KYI RAS YOL GYIS NUB LHAG THUB PAR 'DOD PAS, DE'I NUB MO NAS DBU SNGAS SBREL NAS CHOS RGYUN DU GSAN PAR MDZAD, SANG NANG BAR DGE BSHES STON PA LA

, ,CHED DU DGONGS NAS BYANG CHUB LAM GYI SGRON MA LA CHOS THUN GCIG MDZAD DE TSAR GCIG GSUNGS, DE NAS BZUNG STE CHOS GANG GSAN THAMS CAD SKYES BU GSUM GYI LAM GYI RIM PA'I STENG DU 'BAB BAR MDZAD 'BROM RIN PO CHES JO BO RGYA GAR DU ZHAG GSUM NA THEGS PA LA SLEBS NAS BOD DU BZHUGS PAR ZHU BA PHUL BAS, JO BO'I ZHAL NAS, GRAGS PA NGAN PA SPONG MI BYED, BYA BA BYANG CHUB SEMS DPA'I NYES PA YIN PAS RGYA GAR DU 'GRO GSUNG NAS MA GNANG, DE'I DUS SU RGYA GAR NA JO BO TZAM PA YANG GSER LA DMIGS NAS BOD DU SONG BYA BA DANG, BOD BA LANG DANG 'DRA BA'I GSEB NA CHOS THAMS CAD STONG PA NYID YIN ZER ZHING 'DUG LO BYA BA DANG, GSANG SNGAGS MA RGYUD KYIS 'GRO BA'I DON MDZAD KYI 'DUG LO BYA BA'I GRAGS PA BYUNG BAS DE RNAMS BSAL BA'I CHED DU JO BO NYID KYANG RGYA GAR DU 'BYON BAR DGONGS PA LTAR MDZAD, DE'I TSE 'BROM RIN PO CHES JO BO BOD DU 'BYON PAR BSKUL BA'I PHYIR DU THABS MKHAS KYIS NGED KYI LHA SA DANG BSAM YAS LA SOGS PA'I GTZUG LAG KHANG NA SLOB DPON BO DHI SATVA DANG KA MA LA SH'I LA LA SOGS PAS GDAN DRANGS PA'I RGYA DPE MANG PO DANG JO BO SH'AKYA MU NE SOGS RTEN KHYAD PAR CAN MANG DU BZHUGS SHING DGE 'DUN STONG PHRAG 'DI TZAM BZHUGS PA SOGS KYI LO RGYUS MANG BO SNYAN DU GSOL, DE THAMS CAD KYANG JO BO BOD DU BYON PA LA DGYES PA LAGS ZHUS PAS, JO BO SHIN TU DGYES NAS SNYIGS MA'I DUS SU TSANGS

PAR SPYOD PA GRANGS MANG BA DE TZAM PA RGYA GAR NA'ANG MI BZHUGS, DE TZAM BZHUGS NA NGES PA KHO NAR DGRA BCOM PA YANG BZHUGS TE MCHI GSUNG, BYIN PA 'DAR PHRIL PHRIL BOD KYI PHYOGS SU PHYAG MDZAD, DE THAMS CAD KYANG KHO BO 'ONG BA LA DGA' BA YIN NA NGAS DGE 'DUN GYI CHOS LDAN GYI NGAG MI GTZOG PAR DAM BCAS PA YIN GSUNGS PAS 'BROM RIN PO CHE SPOBS PA SKYES NAS JO BO LA BOD DU 'BYON PAR ZHU BA PHUL, JO BOS KYANG ZHAL GYIS BZHES PA LAGS, DGE BSHES LO TZ'A BA'I ZHAL NAS NGAL DMYAL BAR 'GRO MI NUS, SLOB DPON GNAS BRTAN DANG CHAD DON YOD PA THUGS LA MNGA' MOD GSUNG BAS BOD DU BZHUGS DBANG MA BYUNG, JO BO'I ZHAL NAS, DANG PO TSUR LA SPYAN MA 'DRONGS DOGS, DE NAS PHAR LA SPYAN MA 'DRONGS DOGS, NGAS LO TZ'A BA SBYONG BYA BA'I ZHAL KYANG YANG GSUNG, DER 'BROM RIN PO CHE'I THUGS DGONGS LA BOD KYI MI CHEN RNAMS GROGS SU SBRAN LA SPYAN DRANG DGOS DGONGS NAS BKA' 'PHRIN BRDZANGS BZHI SHING RTA'I DBYIBS 'DRA 'DZAM GLING GI, BYE BRAG BRJID LDAN GANGS RI'I BYANG, ,LO HA TI 'GRAM RIN CHEN KHUNGS, ,KHA BA CAN ZHES MING GRAGS NA, ,BLO CHEN STOBS LDAN MI BSRU NA PA, ,BOD CES BYA BA GNAS PA'I PHYIR, ,MI RGYAL BYANG CHUB SEMS DPA' CHE, ,DPA' CHEN MANG PO 'KHOR BCAS KYIS, ,SMAN GDAGS THABS SU DAM CHOS BSGYUR, ,RGYU BZANG BKOD LEGS GTZUG LAG KHANG, ,BSAM YAS LA SOGS GNAS MCHOG NA, ,SNGON RGYAL 'PHRUL RJE'I

, ,DGONGS BKANG PHYIR, ,BSTAN PA BDUD RTZI RGYAS MDZAD CING, ,RGYAL SRAS 'DREN PA DKYIL CHE BA, ,MI YI RGYAL BO SH'AKYA'I SRAS, ,LHA BTZUN BO DHI R'A DZA DANG, ,DANG PO'I DGE SLONG LUGS 'BYIN DPON, ,BTZUN CHEN YE SHES BLO GROS DANG, ,THEG CHEN GDUNG BRGYUD BRTAN MDZAD PA'I, ,THEG CHEN KA BA RNAM GSUM DANG, ,MIG 'BYED DGE BSHES RNAM GNYIS KYI, ,RJES SLOB DPAL LDAN BCU GNYIS DANG, ,CHOS 'KHOR KHRIMS BZHIN SKYONG MDZAD PA'I, ,RING LUGS CHEN PO GNYIS PO DANG, ,CHOS GRVA'I SLOB DPON THUGS RGYAL CAN, ,KA BA GAR MI MCHED GNYIS DANG, ,DGE BSHES CHE RNAMS DGONGS SKYONG PA'I, ,KUN PHAN DBANG PHYUG RGYAL MTSAN DANG, ,GNAS BRTAN BAN SKYA'I RE GNAS PA, ,SH'AKA GZHON RGYAL BA'I SRAS GNYIS DANG, ,MKHAS PA BTZUN CHEN POR SNYAN GRAGS PA, ,LEGS PA'I SHES RAB LA SOGS PA'I, ,'PHAGS PA'I DGE SLONG DGE 'DUN CHE, ,SLOB MA YON BDAG 'KHOR BCAS LA; ;DGE BSNYEN RGYAL BA'I 'BYUNG GNAS KYIS, ,GUS PAS SNGON 'GRO'I MCHED GSOL PA, ,KHYED KYI BYANG CHUB SPYOD PA LA, ,BAR CHAD MI BDE MI MNGA' 'AM, ,MDOR BSDUS GCES PA'I DON GSOL BA, ,RGYA GAR YUL GYI MKHAS BTZUN MCHOG, YON TAN MTHA' YAS RGYAS MNGA' ZHING, ,YE SHES MTHA' CAN MTSAN LDAN PA'I, ,MKHAS PA CHEN PO 'DIR BYON PA, ,KHYED KYIS LO RGYUS MKHYEN PA LAGS, ,DE LA DNGOS NYID DAD 'KHRUNGS NAS, ,LHA BTZUN

BKA' STZAL MCHIS PA YIS, ,SNGAR NI DBUS SU GSHEGS ZHUS NA, ,PHAR RINGS GSUNGS NAS BKA' MA GNANG, ,SLAD NAS BAL YUL SHUL KHA NAS, ,DBUS KYI DGE 'DUN RGYUS GSOL BAS, ,DAD NAS PHYAG 'TSAL DGYES GYUR TE; ;TSANGS SPYOD GRANGS MANG DE LTA BU, ,RGYA GAR YUL NA'ANG DKON ZHES GSUNG, ,DES KYANG DNGOS NYID SPOBS SKYES TE, ,KHYED KYANG DANG PAR KHUMS LAGS PAS, ,YANG DANG YANG DU ZHUS PA LAS, ,NGA YI DGE 'DUN DON SGRUB CING, ,BKA' MI GCOG PAR DAM BCAS PHYIR, ,DGE 'DUN DAG LA GROS YOD CING, ,SPYAN 'DREN 'ONG NA 'GRO GSUNG BAS, ,DGE SLONG GZHON NU BLO RNON PO, ,LO TZ'A SMAN THOGS GCIG MCHIS NA, ,KHYED CAG DAM CHOS DON GNYER RNAMS, ,MOS SHING BKA' GROS MTHUN PA NA, ,SPYI SGOS GANG BDE'I SPYAN 'DREN PA, ,DGE SLONG RTA MANG ZHAL MTHONG BCAS, ,STON DUS TSUN CHAD 'DIR BYON MDZAD, ,BYA BA DANG, GZHAN YANG BDAG GIS DGRAR RTEN SNGAGS DANG 'KHRUL PA'I RGYU GZHAN GYIS, TSUL KHRIMS NYAMS PA SOGS NYES MTHONG DE'I PHYIR BDAG GIS PHAN BSAM SPRINGS, MOS PA SNA TSOGS MCHIS PAS 'DI LA MI DGE GANG, ,RANG 'DOD GTZO BOR MA 'DZIN THUGS GZHIGS GZOD PAR MDZOD, ,DON LDAN YON TAN BRJOD PA'I MTSAN GYI SNGON 'GRO PA, ,SH'AKYA'I DGE SLONG DGE 'DUN RNAMS KYI SPYAN LAM DU, ,KUN LA PHAN BSAM DGE BAS YI GE 'DI BSDEBS PA'I, ,DGE BAS DGONGS GRUB LEGS PA'I DPAL 'BYUNG DON LDAN CHER RGYAS SMON, ,BYA BA'I CHAB

, ,SHOG DBANG PHYUG MGON LA BRDZANGS NAS DGE BSHES KA BA'I PHYAG TU GTANG DO, ,DE NAS 'BROM RIN PO CHES JO BO DPON G-YOG GSHEGS PA'I PHYAG PHYIR BYON TE BOD STON RNAMS 'BYON DU RE NAS CI 'GOR MDZAD, LO TZ'A BAS PHAR LA CI MGYOGS MDZAD DO, ,DER BOD STON RNAMS MA SLEB PAR JO BO DPON G-YOG MANG YUL SKYID GRONG DU PHEBS, DE NAS BAL PO RDZONG RGYUD DE RGYA GAR DU PHEBS BAR CHAS PA LTAR MDZAD PA NA SA MAN SDE GSUM BYA BA'I 'KHRUG PA LANGS NAS BAL PO RDZONG 'GAGS PAS MA THON, DE BOD KYI BSOD NAMS SU BYUNG BA LAGS, DER DGE BSHES LO TZ'A BA DE THUGS SHIN TU MA BDE BA LA JO BO'I ZHAL NAS, KHYOD BLO MI BDE BA MI DGOS, SGRUB PAR MA NUS PA LA NYES PA GTAN MED PA YIN GSUNG, DER LO TZ'A BA DGYES TE DA 'O NA BOD DU 'BYON PAR ZHU ZER NAS BOD DU SPYAN DRANGS SO, ,DE'I DUS SU GSER KO GTUM ZHIG DANG LAM SGRON JO BO'I PHYAG BRIS YIN PA CIG PU RANGS PA'I BANDE GNYIS LA BSKUR NAS GSER 'DI SLOB DPON GNAS BRTAN LA PHUL LA DA RES JO BO GDAN DRANGS PA YIN TE BAL PO'I LAM 'GAGS NAS PHYIR LOG, DA SBYAN DRONGS GSUNG NA YANG SPYAN 'DREN, JO PO YANG BOD LA MNYES SHING 'GRO DON YANG CHEN PO 'DUG PAS BZHUGS CHOG GAM BYA BA DANG, BSTAN BCOS 'DI BI KA MA LA SH'I LA'I PAndI TA RNAMS LA GZIGS SU PHUL ZHIG PA'I 'PHRIN BSKUR BTANG BAS GNYIS POS KYANG LAM LA NYE ZHO MED PAR BI KA MA LA SH'I LAR

SLEB STE GNAS BRTAN DKON MCHOG 'BYUNG GNAS LA GSER RNAMS PHUL, JO BO'I LO RGYUS DANG LO TZ'A BA'I 'PHRIN RGYAS BAR GSOL, BSTAN BCOS DE PAndI TA RNAMS LA GZIGS SU PHUL BAS NAN TAR MNYES NAS BSTAN BCOS 'DI LEGS, YI GE PHYAG BRIS MA NOR BAR 'DUG GSUNG STE RGYAL MTSAN GYI RTZE LA BTAGS NAS ZHAG NYI SHU RTZA GCIG TU MCHOD PA RGYA CHEN PO MDZAD, DER GNAS BRTAN GYI ZHAL NAS JO BO 'BYON DU RE BA YIN TE CHOS 'DI PHEBS PAS JO BO DANG KHYAD MED, DE JO BO BOD NA 'GRO DON CHE BA DE LHAG PAR DGA', JO BO BOD LA DANG PO NAS MNYES PA NGA RANG LA RGYUS YOD, DA SKU NA SO BYON PAS BSHUL THAG RING PO LA TSUR SBYAN MA DRANG BAR BSTAN BCOS 'DI LA 'GREL BA CIG MDZAD NAS BSKUR BA ZHU GSUNGS NAS GNYIS PO TSUR BTANG, KHONG GNYIS POS KYANG TSUR 'KHOR NAS JO BO DPON G-YOG LA ZHU 'PHRIN SNYAN DU GSOL BAS NAN TAR MNYES SHING, KHYAD PAR LO TZ'A BA'I ZHAL NAS SLOB DPON GNAS BRTAN GYIS RI BAS KYANG LCI BA'I KHUR GCIG BSKUR BA DE DA SANGS KYI SONG GSUNG, JO BOS KYANG DE 'PHRAL DU 'GREL PA'I DBU BTZUG NAS DKA' 'GREL ZHIG MDZES DE SLAR KHONG GNYIS PO LA BSKUR BAS PAndI TA RNAMS KYIS NYIN LAM MANG PO NAS BSU BA BYAS, RGYAL MTSAN GYI RTZER BTAGS NAS MCHOD PA CHEN PO MDZAD DO, ,DE YANG, DENG SANG BSTAN 'GYUR NANG NA LAM SGRON RANG 'GREL ZHES GRAGS PA 'DI LA JO BOS MDZAD NGES PA DANG, JO BOS MA MDZAD PAR GZHAN GYIS GSAR DU BSNAN PA'I CHA GNYIS YOD DE RGYA GAR GYI PAndI TA

, ,RNAMS KYIS BSKUL BA LTAR JO BOS LAM SGRON LA RANG 'GREL MDOR BSDUS SHIG MDZAD NAS RGYA GAR DU BRDZANGS, DE LA JO BO'I SLOB MA BOD STON MKHAS PA 'GA' ZHIG GIS JO BO'I GSUNG SGROS LA GZHI BLANGS PA'I BSHAD PA RE MANG ZHIG BSNAN PAR SNANG STE, DE LA LEGS PAR BSHAD PA'ANG MANG DU BYUNG MOD KYI NOR BAR MNGON PA 'GA' ZHIG KYANG BYUNG NGO ZHES RJE BDAG NYID CHEN POS GSUNGS SO, ,DE LTAR BLA MA RJE BTZUN CHEN PO 'DIS RGYA GAR DU BZHUD PA BZHIN DU MDZAD, LO TZ'A BAS SKYEL BA BZHIN MDZAD KYANG BOD RANG DU BZHUGS PA'I RGYU MTSAN NI DANG PO NAS NGES PA YIN TE, KHYOD SNGON SO MA PU RIN, ,RTOG GE 'BAR BA GSUNGS BA'I TSE, ,DA NI LO NI NYI SHU NA; ;TSE YI 'DU BYED GTONG ZHES GSUNGS, ,DE NAS LO GNYIS LON PA NA, ,BOD DU 'BYON KHA'I DUS SU NI, ,BI KA MA LA SH'I LAR NI, ,DA NI LO NI BCO BRGYAD NA, ,TSE YI 'DU BYED BTANG NAS SU, ,LUS 'DI BCOD DU 'JOG GO GSUNGS, , JI SKAD GSUNG BZHIN MA 'KHRUL BAR, ,BYUNG BA DE NI NGO MTSAR CHE, ,ZHES GSUNGS PA LTAR RO, ,DGE BA'I BSHES GNYEN SHAR BA'I ZHAL NAS, JO BO BOD DU BZHUGS PAR RGYA GAR RANG NAS NGES PA DPE CHA DANG THUGS DAM GYI LHA MA LUS PA SPYAN 'DREN LUGS DES KYANG SHES GSUNG NGO, ,'BROM RIN PO CHE THUGS DGONGS BZANG BA DANG, DE DUS KYI MI RNAMS KYANG BSAM PA BZANG PAS BOD KYI MI CHEN RNAMS KYIS KYANG SO SO NAS GSER RDANG RTA LA SOGS

PA'I KHRAL BKRAL NAS BOD DBUS GTZANG GI MI CHEN THAMS CAD KYIS JO BO RJE BSU BA LA BYON, ,DE'I TSE BOD STON RNAMS 'BYON PA LA JO BOS NYIN RE BZHIN BYA RA MDZAD TZA NA BOD STON RNAMS KYIS TSAG ZHU DANG PER GYON, ,RTA LA CHIBS BYON PAS JO BOS GZIGS MA THAG, AU PA SI KA, MI MA YIN MANG PO BYUNG NGO GSUNG NAS DBU RIL GYI GTUMS, DE NAS BOD KYI MI CHEN RNAMS KYIS CHOS GROS GYON SER SBRENG MDZAD NAS PHYAG RTEN PHUL BAS JO BO YANG DGYES NAS PHYAG LAN MANG PO MDZAD, DE NAS JO BO RJE DPON G-YOG LA BOD STON RNAMS KYIS SNA LEN DU BSNYEN BKUR BZANG PO ZHIG MDZAD PAS RGYA GAR GYI RAB TU BYUNG BA BAS BOD KYI RAB BYUNG 'TSO BA BZANG BAR 'DUG GSUNG ,DE NAS GTZANG LA BSTOD LDOG GI TSA SNA BYA BAR DO HA RDO RJE'I MGUR GSUNGS PAS 'BROM RIN PO CHES BOD DU 'DI MI LEGS, BSKAL PA SNYIGS PAS SDOM BA BSRUNG BA DANG TSOGS GSOG PA MI MCHI, ,LAS RGYU 'BRAS LA SOGS PA BSTAN PA SPYI LA PHAN PA'I CHOS GSUNG BAR ZHUS PAS, AA TI SHA YANG SHIN TU MYES TE, SEMS CAN CHEN PO KHYOD LTA BU BOD NA BZHUGS PA BOD BSOD NAMS CHE YI, KHO BOS KHYOD RGYA GAR DU THOS NA BOD DU 'ONG MI DGOS PA 'DUG PA LA GSUNG, SNE'U ZUR PA'I ZHAL NAS, 'U CAG YIN NA GZHAN SU LA'ANG MED PA'I CHOS SHIG KHO NA ZHU, DGE BSHES STON PA DE THUGS DGONGS SHIN TU BZANG PAS BOD SPYI LA PHAN CHE BA'I CHOS SHIG KHO NA ZHU BAR LAGS PAR GDA' GSUNG, DE NAS

, ,GTZANG RONG NA MAR BYON TZAN KHANG BA DOG PAS GNAS KHANG 'DOD RIGS MA RNYED PA LA 'BROM RIN PO CHES JO BO PHYIR BZHUGS SU BCUG NAS DE'I BAR DU KHANG PA'I GAD BDAR BYAS, JO BO'I DBU SNGAS SU MAndAL ZHIG KYANG TSAR PAR BYAS 'DUG PAS JO BO'I ZHAL NAS, NGA LA SLOB MA KHYOD 'DRA BA GCIG RGYA GAR NA'ANG YOD GSUNG, PO TO BA'I ZHAL NAS DON LA MED, YOD NA KHA SKAD 'DRA BA 'ONG THANG BA LA GSUNG NGO, ,YANG LAN CIG GI TSE JO BOS BYIS PA LTAR MDZAD NAS NANG GI GNAS RNAMS PHYIS CHUNG DU RES BKANG BAS DE RNAMS 'BROM RIN PO CHES LEGS PAR PHYAGS, SKU'I SPYOD PA LA MA DAD PA MA SKYES PAS BYA RGOD KYI NYIN LAM BCO BRGYAD KYI BAR GYI GZHAN GYI SEMS SHES PA'I MNGON PAR SHES BA SKYES GSUNGS, DE NAS JO BO RJE KHU STON GYIS YAR KLUNGS SU SPYAN DRANGS TE THANG PO CHER PHEBS, 'BROM RIN PO CHES THANG PO CHER MA PHEBS PAR SNYE THANG DU PHEBS NAS BANG STON GYI SAR BYON TE DA LTA NI JO BO KHUS SPYAN DRANGS NAS PHEBS KHUS ZHABS TOG 'O MI BRGYAL BA MI 'ONG, DE TZA NA JO BO'I BZHUGS SA CIG DGOS PAS KHYED KYI SNYE THANG 'DIR BZHUGS SA BYED, NGAS THABS MKHAS KYIS JO BO BSAM YAS SU GDAN DRANGS KYIS, DE TZA NA KHYED KYIS RTA PA NYIS BRGYA'I ZHAL MTHONG DANG BCAS PA'I BSU BGYIS SHIG GSUNGS PAS KHONG GIS KYANG ZHAL GYIS BZHES SO, ,DE NAS 'BROM RIN PO CHES JO BO'I SPYAN SNGAR 'GRO DGONGS NAS YAR

KLUNGS NAS YAR BYON PA DANG THANG PO CHE BA'I MI CIG NA RE, KHYOD GAR 'GRO ZER, THANG PO CHER 'GRO GSUNGS PAS, SMA PHAB PAR 'OD ZER, JO BO DANG MJAL NA SMA PHAB NA'ANG PHAB SNYAM PA CIG BYUNG GSUNG, DE NAS BANDE ZHIG LA JO BO'I GZIM KHANG GAN YOD DRIS PAS, STON DU MA BTUB PA LA JO BO'I SLOB MA AA TZA RA CIG BYUNG BAS NGO SHES NAS 'BROM RIN PO CHE'I RTZAR RGYUGS BYUNG, DES NANG DU KHRID NAS JO BO DANG MJAL BAS YUN ZLA BA GCIG LAS MA LON PA LA 'O SHIN TU BRGYAL BAR BYAS NAS GDA', DER JO BO'I ZHAL NAS, AU PA SI KA CHEN PO, NGA RANG DANG PO GANG NAS 'ONGS PA'I SAR SKYOL, BKA' 'KHOR 'DI KUN YANG 'O BRGYAL, RTA KHAL 'DI KUN KYANG MA RGAN YIN, KHU STON NI 'KHOR LOS BSGYUR BA'I RGYAL PO LTA BU, KHO BO NI DMANGS PHAL PA LTA BU, KHU STON NI SUM CU RTZA GSUM GYI LONGS SPYOD DANG LDAN BA LTA BU, KHO BO NI PRE TA PHU RI'I GRONG KHYER NA GNAS PA LTA BU BYUNG GSUNGS PA LA, 'BROM RIN PO CHES BDAG GIS JO BO'I BZHUGS GNAS SNYE THANG ZER BA, DBYAR BSIL BA DGUN DROB, NAGS TSAL DANG NE'U GSING YOD PA, DGUN YANG ME TOG SKYE BA ZHIG BTZAL BDOG ZHUS PAS, AU PA SI KA DA LTA RANG GSHEGS GSUNG BA LA, KHU YANG DBANG CHE BAS KHAD LA THABS MKHAS BYED DGOS ZHUS PAS, KHU STON GYIS MI TSOR BA'I THABS NGA RANG GIS BYED GSUNG NAS, DE'I NUB MO GRU BSPOGS BYAS TE NAM LANGS PA DANG LAM DU CHUD PAR BYAS NAS

, ,GSHEGS PA BANDE MO ZHIG GIS MTHONG NAS KHU STON LA BYA GTONG DU PHYIN, DE NAS JO BO DPON G-YOG GIS MYANG PO'I GRU LA BYON, 'BROM RIN PO CHE'I ZHAL NAS MNYAN PA LA SNGON LA NGA SGROL CIG DA LTA RANG RDUNG GTAG THAMS CAD NGA LA 'ONG GSUNGS PAS MNYAN PAS SNGON LA BSGRAL, DE'I NUB MO 'BROM RIN PO CHE DPON G-YOG GIS 'ON DU MA BZHUGS PAR KA CHUR PHEBS, JO BO DPON G-YOG SGROL KYIN YOD TZA NA DGE BSHES KHU AA TI SHA ZER CING RGYUGS BYUNG BA GZIGS PAS JO BO'I ZHAL NAS MKHAS PA CHEN PO BYON, GRU PHYIR THEN CIG GSUNGS NAS BZHUGS PA DANG KHU YUS CHE BAS CHIBS PA THAL NAS CHU NANG DU DE'U GRONGS BYUNG, DER KHU STON GYIS JO BO LA LDOG PAR ZHU BA PHUL YANG MA GNANG BAR DBU ZHVA PHYIR 'PHANGS TE BYIN RLABS KYI RTEN DU GNANG, DE NAS JO BO DPON G-YOG GIS 'ON DU ZLA BA GCIG BZHUGS NAS BSAM YAS SU PHEBS, DE'I DUS SU ZHANG 'PHRANG KHA BER CHUNG GIS 'BROM RIN PO CHE SPYAN 'DREN PA'I MI GNYIS BTANG NAS YANG YANG BSKUL BA LA 'BROM RIN PO CHE'I ZHAL NAS, NGA DA LTA 'ONG MI KHOM, JO BO SKU NA MTHO LA SKU GCONG MANG BAS ZHABS TOG GAL CHE, DE'I BAR DU THUGS MI CHAD PAR CHOS 'DI TSO LA DGONGS PAR ZHU GSUNGS NAS 'PHRIN YIG BSKUR BA, YAB MES CHO RIGS BZANG PO'I RJES 'BRANGS SHING, ,DGE BA'I BLO MNGA' DAL 'BYOR LDAN RNAMS LA, ,PHAN PAR DGONGS PA'I SEMS KYIS KUN BSLANGS NA, ,BDUD

RTZI 'DRA BA'I GROS SHIG YONGS LA 'DEBS, ,SNYOMS PAR 'CHAR BA'I NYI MA'I 'OD ZER BZHIN, ,SANGS RGYAS BSTAN PAS KUN LA YONGS KHYAB KYANG, ,BYANG DU BLTAS PA'I BRAG PHUG JI BZHIN DU, ,DAM PA'I LHA CHOS MI MDZAD BLO RE RMONGS,, 'O SKOL DAL 'BYOR MI LUS THOB PA YANG, ,DA LTA NYID KYI SKU SPYOD MA LAGS TE, ,YAB YUM LAS 'PHRO MTHUN PA'I 'DU 'PHROD DANG, ,TSE SNGON BSOD NAMS BSAGS PA'I RGYU LAS GRUB, ,DE LTAR RNYED DKA'I MI LUS THOB TZA NA, ,SDIG PA SPANGS TE DGE BA MA SPYAD NA, ,MTHON PO'I RI LA PHYIN NAS SLAR LHUNG BZHIN, ,MI LUS THOB PA DON MED CHUD MA GZON, ,'O SKOL STON PA SANGS RGYAS BYON NAS KYANG, ,DAM CHOS BDUD RTZI JI SNYED GSUNGS PA DAG ,RTAG PA'I DON DU GSUNGS PA MA YIN TE, ,MI RTAG NGES NAS GSUNGS PA MA YIN NAM, ,RTAG GAM MI RTAG DPER NA 'DI 'DRA STE, ,'O SKOL YAB MES SNGA RABS 'DAS PA DAG ,DA LTA MING TZAM LUS NAS MA SONG NGAM, ,RTAG PA LAGS NA DA LTA GANG NA GDA', ,'O SKOL NYID KYI SKU RING 'DI LA YANG, ,NA TSOD MTHUN PA'I RGAN GZHON MTHO DMAN SOGS, ,JI SNYED GUM PA THUGS MTSOR MI MNGA' 'AM, ,SNYAN GYIS GSAN BA DE BAS SHIN TU MANG, ,NA NING DING SANG DO CIG BAR LA YANG, ,'DAS PA'I MI DANG YUL MI KHYIM MTSES LAS, ,MTSON GYIS RMAS DANG DE BZHIN BRO 'TSAL NAS, ,GRANGS KYIS GUM PA SPYAN GYIS MA GZIGS SAM, ,KUN KYANG CHOS NYID 'DI LAS MA 'DAS TE, ,'CHI BA'I RE MOS 'O SKOL KUN LA 'ONG, ,DE RING SANG GI DBANG

, ,YANG MA MCHIS TE, ,THAMS CAD MI RTAG 'JA' TSON RI MO 'DRA, ,GZUGS NI LHO SPRIN 'DRA STE KHAD KYIS 'JIG ,SROG NI BA THAG 'DRA STE GYI NA TZAM, ,DBUGS NI NA BUN 'DRA STE YOD LA MED, ,TSE NI GLOG DANG 'DRA STE SKAD CIG MA, ,'O SKOL PHUNG PO 'DI LA PHANGS MDZAD KYANG, ,KHREL MED SLES LA BOR BA MTHONG BZHIN DU, ,SGYU MA RTAG TU RE BA BLO RE RMONGS, ,STONG PA DNGOS POR LTA BA BLO RE 'KHRUL, ,JI LTAR BGYIS KYANG RANG DANG PHUNG PO 'DI, , 'BRAL BAR MI 'DOD 'GROGS PAR RE 'DOD KYANG, ,GOS RNYING BRJE BA BZHIN DU PHYIR LUS NAS, ,LUS SEMS SO SOR CHA BA MA DGONGS SAM, ,BSOD NAMS LAS GRUB 'BYUNG BZHI 'DUS BSKYED PA'I, ,PADMA LTA BUR RGYAS PA'I LUS 'DI LA; ;DGRA SDANG RNAM SHES BRGYAD NI DUG SBYOR NA, ,SGYU MA'I PHUNG PO DA LTA JI SNYAM MDZAD, ,DE LA SKYES BU DAM PA'I SMAN PA YIS, ,RNAM THAR BRGYAD KYI SMAN GYIS MA BCOS NA, ,'CHI BDAG BDUD KYI BGEGS NI GDON NGO MTHO, ,MA RIG DUG GSUM GTAN GYI NAD GZHI CHE, ,MI RTAG 'CHI BA'I NAD KYIS ZIN PA LA, ,'TSO BYED GZHON NU'I SMAN GYIS CANG PHAN NAM, ,BDUD KYI ZHAGS PA NAG POS ZIN PA LA, ,MO BON LTO DPYAD RIM GROS CANG PHAN NAM, ,DBANG MED DUS KYIS RGYAS 'DEBS BYED BA LA, ,GNYEN BSHES NYE DUS BSKOR BAS CANG PHAN NAM, ,RTAG PA MA LAGS KUN KYANG MI RTAG STE, ,RTAG TU BTUB NA SANGS RGYAS SKU 'DI DAG ,YOD PA MA LAGS KUN KYANG MED PA STE, ,YOD DU BTUB NA RNAM

SHES SEMS 'DI YOD, ,BDEN PA MA LAGS KUN KYANG BRDZUN PA STE, ,BDEN DU BTUB NA DAM PA'I CHOS 'DI BDEN, ,NGES PA MA LAGS KUN KYANG MA NGES TE, ,NGES SU BTUB NA DGE SDIG RGYU 'BRAS NGES, ,'DOD CHAGS ZHE SDANG MA RIG DE DAG LAS, ,MI SHES GTI MUG GNYID NI MA CHE BAR, ,DGE BA BCU YI MEL TSE 'BAD LA MDZOD, ,MA RIG GNYID LAS SANGS PA'I DUS BYUNG NA, ,YANG DAG BDEN PA'I NAM ZHIG LANGS TZA NA, ,MTHO DMAN MKHA' LA NYI SHAR JI BZHIN DU,, 'GRO MGON SANGS RGYAS DE DANG PHRAD PAR MDZOD, ,CES BYA BA'I TSIGS SU BCAD PA BCO BRGYAD DANG, GANG GI DRIN GYIS BDAG BLO RGYAS MDZAD PA'I, ,BLA MA DAM PA RNAMS KYI ZHABS LA 'DUD, ,GTING MTHA' MED PA'I 'KHOR BA'I RGYA MTSO 'DIR; ;DE SNGA PHAN CHAD JI TZAM PA CIG 'KHYAMS, ,DA YANG JI TZAM PA CIG 'KHYAM DGOS PAS, ,BLA MA DAM PA'I GDAMS NGAG THOS BSAM BYA, ,DE LAS THAR BA'I DUS NI DA RES YIN, ,GLO BUR BAR DU GCOD PA MA BYUNG YANG, ,TSE LA LONG MED YUN RING MI SDOD NGES, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA SKYED, ,GNYID DANG SNYOM LAS DBANG DU MA GTANG BAR, ,STONG PA SNYING RJES ZIN PA RTZE GCIG SGOMS, ,TSE LA LONG MED 'CHI BDAG PHO NYAS SLEB, ,BYA BA THAMS CAD BYED 'PHRO BTANG NAS NI, ,RANG BZHIN MNYAM PA NYID LA BLO BZHAG NAS, ,CHOS NYID RNAM DAG 'DI LA LTA BA BYA, ,MI RTOG BDE GSAL 'DI LA BSGOM BA BYA, ,MA BCOS RANG

, ,BZHIN 'DI LA SPYOD PA BYA, ,SKU BZHI YE SHES LNGA LA 'BRAS BU BYA, ,LTA SGOM SPYOD PA 'BRAS BU RNAM PA BZHI, ,SO SO THA DAD MED PA'I LAM DU SEMS, ,LTA BA STONG NYID SGOM ZHES KHAS BLANGS NAS, ,SPYOD PA DNGOS POR 'DZIN LAS MA GROL NA, ,LTA SPYOD 'JOL TE LOG PA'I LAM DU 'GRO, RANG GIS RANG BSLUS GZHAN GYIS ZHE YANG KHREL, ,CHAGS SDANG SKYE BA'I GROGS NGAN THABS KYIS SPONGS, ,DER YANG KUN DANG 'DRIS PAR MI BYA'O, ,CHAGS NA LHA PA CHAGS KYANG MI GROL TE, ,ZHEN NA CHOS LA ZHEN YANG 'CHING BA'I RGYU, ,PHYUG PO GSER SRANG STONG LA CHAGS PA DANG, ,DBUL PO KHAB SKUD TZAM LA CHAGS PA GNYIS, ,THAR PA'I BAR DU GCOD LA KHYAD PAR MED, ,DES NA CI LA'ANG ZHEN CHAGS MED PAR BYA, ,'KHRUL PA'I RTOG PA MA ZHIG BAR DU NI, ,DAD PAS BLA MA DAG DANG DKON MCHOG MCHOD, ,YI DAM LHA LA GSOL BA RGYUN DU THOB, ,LUS NGAG YID GSUM DGE BA NUS TSAD GYIS, ,BSAM DU MED PA'I CHOS NYID DON BSGOMS LA, ,'GRO BA RNAMS LA SNYING RJE RGYUN DU SKYED, ,STONG PA NYID DANG SNYING RJE DBYER MED PA, ,SGOM PA GOL SA MED PA'I LAM YIN GSUNG, ,TSE LA LONG MED YUN RING MI SDOD NGES, ,'JIG RTEN LTO RGYAB SPRANGS KYANG PHYID DE MCHIS,, CHOS DANG MTHUN NA LTOGS RIR SHI DOGS MED, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA THON, ,GNYID DANG SNYOM LAS DBANG DU MA GTANG BAR, ,STONG PA SNYING RJE'I

SNYING PO RTZE GCIG SGOMS, ,PHUNG PO NYAMS BAS LUS NGAG MTHU NYAMS KYANG, ,YID LA CIS KYANG GDUNG BAR MI BYA'O, ,DA NI LE LO'I GLAGS MED RING MI SDOD, ,NYIN MTSAN GNYIS KYIS TSE 'DZAD DGE MYUR MDZOD, ,'CHI KHAR 'GYOD PAS MI PHAN DA LTA 'BAD, ,DNGOS PO CIS KYANG BYAR MED GDAMS NGAG SGOMS, ,DRAN SNANG THAMS CAD SKYE MED RGYAS BTAB CING, ,BYED SPYOD THAMS CAD SGYU MA LTA BUR BYA, ,BDE SDUG THAMS CAD MNYAM PA NYID DU BSLAB, ,NYES LTUNG PHRA MO TZAM YANG PHYIR BCOS BYA; ;DENG NAS SKYE BA 'DI YI 'OG ROL TU, ,SDOM PA GSUM DANG LDAN PA'I RTEN ZHIG GIS, ,PHYAG RGYA CHEN PO'I DNGOS GRUB THOB 'GYUR BAR, ,SMON LAM GDAB CING DE YI RGYU LA 'BAD, ,LUS NGAG BYA BYED MANG NA SEMS RJES 'BRANG, ,GNYUG MA'I SEMS 'DI BCOS MAS MI BSLAD CING, ,SDIG DANG SDUG BSNGAL 'PHEL BA'I LAM BOR LA, ,MKHA' LA BYA SONG BZHIN DU RJES MED BYA, ,CI 'DRAS MI SDUG BYAS PA'I LAN MI BLAN, ,SHES MTHUN RTOG PA BSDUR NA DRANG POR SMRA, ,MDOR NA CHOS NYID RTOGS PA'I PHYI RTAGS SU, ,BRNYAS PA BYUNG YANG KO LONG MI BYA ZHING, ,TSIG NGAN SMRAS KYANG KHRO BAR MI BYA LA, ,KHYAD GSOD BYAS KYANG NGA RGYAL MI SKYED DO, ,'GAL BA JI LTAR BYUNG YANG 'DI BSAM STE, ,'KHRUL PAS BCINGS PA'I SEMS CAN SNYING RE RJE, ,SKYE MED CHOS LA BDAG DANG GZHAN BZUNG BA, ,'DI LA DNGOS PO CI YANG MED DO ZHES, ,CHOS DBYINGS NYID DU NGES BAR BSAM PAR BYA, ,DE LTAR DA LTAR NYID NAS GOMS BYAS NA, ,KLONG DU GYUR TSE CIS KYANG GNOD MI NUS, ,RDZAS

, ,DANG LONGS SPYOD CHE CHUNG CI YOD KYANG, ,RANG DBANG YOD TSE PHRAL BSNGO PHRAL SPYAD BYA, ,KHA CIG NA RE 'CHI KHAR DGOS ZER TE, ,'CHI DUS 'BYUNG BA'I NAD KYIS BTAB BA LA, ,NAD G-YOG MANG BAS SDUG BSNGAL BGO THABS MED, ,G-YOG MED SDUG BSNGAL 'GROGS NAS KHYER BA MED, ,DES NA NAD G-YOG YOD MED GNYIS KA 'DRA, ,SHI BA'I RO DE TZAN DAN MER BSREGS SAM, ,CHUR BOR DONG BSKYUR BYA KHYIS ZOS PAR MNYAM, ,SHUL DU GTAM SNYAN GTAM NGAN CI BYUNG YANG, ,BDAG GI RJES SU 'BRANGS NAS MI 'ONG STE, ,GSON TSE DGE SDIG GNYIS PO GANG BYAS BA'I, ,'BRAS BU DE YI DUS SU 'BYUNG BAR 'GYUR, ,RNAL 'BYOR PA YI 'CHI LUGS RNAM PA GSUM, ,SMYON PA LTA BUR SHI BA RAB YIN TE, ,RI DVAGS LTA BUR SHI BA 'BRING YIN NO, ,RGYAL PO LTA BUR SHI BA THA MA YIN, ,DES NA SHUL DU LUS PA MED PAR BYA, ,'DOD CHUNG CHOG SHES NGA RGYAL MED PA DANG, ,GZHAN DANG 'BREL BSKYUNGS RANG LA NGAN SHOS BYA, ,DMAN SA BZUNG NA SLAR YANG GZHAN DAG DANG, ,RANG YANG NYON MONGS MI GSOG DGE SBYOR 'PHEL, ,DES NA CI LA'ANG KHENG DREGS MI BYA'O, ,DE PHYIR BYANG CHUB SEMS NI RTAG TU SBYONGS, ,CHOS KYI DBYINGS NI GNYIS MED RNAM DAG LAS, ,BYANG CHUB CES NI DE LA BRJOD PA YIN, ,DE DON SEMS PAR BYED PA'I SEMS DPA' NI, ,DE NI BYANG CHUB SEMS DPA' ZHES BYA STE, ,BYANG CHUB DANG NI SEMS LA GNYIS MED SPYOD, ,GANG ZHIG DE RTOGS 'DOD PA'I SKYES BU NI, ,DE NI BYANG CHUB SEMS DPA' ZHES BYA'O,,

DES NA DAM PA RNAMS KYI RJES SU BSLAB, ,MAR ME CHUNG DU RLUNG GIS GSOD PAR BYED, ,NAGS TSAL ME LA RLUNG GIS GROGS KYANG BYED, ,DE PHYIR DANG POR RKYEN NGAN DAG LA BYOL, ,BRTAN PA THOB NAS THAMS CAD GROGS SU 'GYUR, ,NYAM CHUNG RNAMS LA RKYEN NGAN GNOD PA CHE, ,DE LA GCIG BUR GNAS SHING 'DU 'DZI SPANG, ,TSE 'DI'I LTO RGYAB JI LTAR BYAS KYANG PHYID, ,TSE RABS PHYI MCHOS DANG PHRAD PAR DKA', ,DE BAS TSE 'DIR CHOS LA 'BAD PAR KYIS, ,DA LTA DGE BA'I LAS LA MA 'BAD NA, , PHYI MAR SDUG BSNGAL MYONG BAR 'GYUR TA RE, ,BLA MA DAM PA RNAMS KYI MAN NGAG GIS, ,GZHUNG LUGS RNAMS NI NYAMS SU BLANG BAR BYA, ZHES BYA BA'I BAR GYI TSIGS SU BCAD PA'I GDAMS PA DANG, KHO 'GYUR GYI DOGS NAS THUGS DAM 'JAM PA'I RDO RJE YANG DE'I DUS SU BSKUR NAS NGA JO BO DANG SHI 'BRAL BYED, DE NAS TSE LA BAR CHAD MA BYUNG NA KHYOD KYI MCHOD GNAS NGAS BYED PA YIN BYA BA'I ZHAL 'PHRIN YANG BSKUR BAR MDZAD, DE NAS 'BROM RIN PO CHES JO BO'I PHYAGS PHYIR LHA SAR PHEBS, DE'I DUS SU JO BOS CHAD GI NYES DMIGS LA SOGS BA CHOS MANG DU GSUNGS NAS GNAS PHAL CHEN SDE BA 'DZUGS GSUNG BA LA, 'BROM RIN PO CHES, AA TI SHA, DE MI MDZAD PAR ZHU, BOD DU 'DI MI LEGS ZHES ZHUS SO, ,DE'I RGYU MTSAN YANG SNGON DUS CHOS RGYAL KHRI SRONG LDE BTZAN GYIS MKHAN CHEN BO DHI SATVA BOD DU SPYAN DRANGS NAS RGYAL BA'I BSTAN PA 'DZUGS PAR GSOL BA BTAB PA NA, MKHAN CHEN BO DHI SATVAS SBA YE SHES DBANG PO SOGS MI BDUN RAB TU BYUNG ZHING

, ,SO THAR GYI BSLAB KHRIMS LA BKOD PAS DE DAG RAB TU BYUNG MA THAG MNGON SHES DANG RDZU 'PHRUL THOB CING SDE SNOD GSUM LA MKHAS PAR GYUR, DE NAS RIM GYIS DGE 'DUN GYI SDE RGYA CHER 'PHEL, MKHAN RGYUD 'DI NI GZHI THAMS CAD YOD PAR SMRA BA'I SDE PA'I BRGYUD PA YIN PAS CHOS RGYAL KHRI SRONG LDE BTZAN GYIS DA PHYIN CHAD BOD 'DIR MKHAN CHAN BO DHI SATVA'I LUGS LTAR THAMS CAD YOD SMRA BA'I SDE PA LAS SDE PA GZHAN MI BYA BA DANG, 'PHAGS PA KLU SGRUB YAB SRAS KYI LTA BA LAS LTA BA GZHAN MI 'DZIN PAR BKAS BCAD MDZAD PA DE DANG MTHUN PAR MDZAD BZHED PA DANG, BOD KYI GDUL BYA YONGS KYI KHAMS DANG BSAM PA LA GZIGS NAS PHAL CHEN SDE PA'I LUGS KYI BCAS PA 'GA' ZHIG BOD KYI GDUL BYAS BSRUNG DKA' BA SOGS LA GZIGS NAS JO BO RJE LA DE LTAR ZHUS SO, ,DE NAS RNGOG LEGS PA'I SHES RAB KYIS JO BO DPON G-YOG YER PAR SPYAN DRANGS PA'I DUS SU DGE BSHES STON PAS BYANG DU MI CHOS LA GSER SLONG MDZAD DU BYON, MI CHOS RNAMS KYIS 'BROM RIN PO CHE MJAL BA'I GRABS BYAS NAS TSUR 'ONG KHAM DANG THUG, DE'I BAR DU YAB GRONGS 'DUG PAS MI CHOS RNAMS KYIS 'BROM RIN PO CHE LA MA LEGS BYA SNYAM TZA NA 'BROM RIN PO CHES SNGON LA TSUR MDZAD, DE KUN YANG PHYI RABS LA DGONGS BA YIN GSUNG, DE NAS GSER SLONG MDZAD DE TSUR PHEBS NAS LHA RI SNYING PO'I MGUL DU 'BUL BA MDZAD DE, 'BROM RIN PO CHE'I ZHAL NAS BLA MA RJE BTZUN CHEN PO ZANG ZING LA MNYES BA MA LAGS TE, KHO BO TSOGS GSOG

PA'I CHED DU ZANG ZING GI MCHOD PA CUNG ZAD BGYID GSUNGS NAS, GSER ZHO DGU DGU LA SRANG RER BRTZIS PA'I GSER SRANG BRGYA RTZA BRGYAD, RTA NYI SHU RTZA GCIG, 'BRI BCU GCIG, BER GNYIS, DBYI SBYANG GI PAGS PA BZHI, KHRAB ZHI, DNGUL SKYOGS GNYIS, GLA GOR GYI YOL GO GCIG, DE LA SOGS PA'I NOR SNA BRGYA RTZA BRGYAD PHUL, DE'I TSE JO BO RJE MNYES NAS 'BROM RIN PO CHE LA THUGS MNYES PA'I BKA' LUNG MANG DU GSUNGS SHING, JO BO NYID KYIS CHOS LA DKA' BA SPYAD LUGS, SGRUB PA NYAMS SU BLANGS LUGS YAM ME BA ZHIG GSUNGS NAS KHYOD KYIS DKA' BA'I LAS MA BGYIS PAR SNYING BO'I DON RNYED PA BSOD NAMS SHIN TU CHE YI, DA LEGS PAR NAN TAN DU GYIS SHIG GSUNG, RTAG TU DU DANG CHOS 'PHAGS DANG NOR BZANG GI GTAM RGYUD GSUNGS NAS BLA MA'I ZHABS TOG BYED PA 'DI LA, BLA MA DE LA 'DOD PA MI MNGA' YANG RTEN CING 'BREL PAR 'BYUNG BA'I CHE BAS BYA DGOS PA YIN GSUNGS, 'BROM RIN PO CHES GSER SLONG LA BYON DUS KYI ZLA BA GCIG DANG, KHU STON GYIS SPYAN DRANGS DUS ZLA BA GCIG STE, ZLA BA GNYIS MA GTOGS PA DANG POR JO BO DANG MJAL NAS ZHI BAR MA GSHEGS KYI BAR SKAD CIG KYANG 'BRAL MA MYONG BA YIN GSUNG, YANG JO BO'I ZHAL NAS, AUS SI KA'I RIGS CI YIN GSUNG, RJE'U'I RIGS LAGS ZHUS PAS, RJE'U'I RIGS KYI NGA RGYAL MA MDZAD GSUNG, YE MA MCHIS ZHUS PAS, BAG TZAM BDOG STE MCHI, YE MI RUNG GSUNG, 'BROM RIN PO CHE LA KHENGS PA DANG CHE 'GYINGS MI MNGA' BAS BER CHUNG GIS PHYAG GYIS ZER BA LA'ANG DE

, ,BZHIN DU MDZAD PA DANG, SNYE THANG DU KHU STON BYON PA LA'ANG PHYAG MDZAD CING, 'BROM RIN PO CHE LAN PA SPYIL BUR SPYAN DRANGS DUS LAM DU SNGAGS PA GCIG DANG 'PHRAD PAS KHA CHANG DRI CHIL LE BYAS NAS KHO NA RE, DGE BSNYEN 'DI YA TSAD KHUR ZER NAS LHAM KHRES ZHIG DANG GAL LTE BSKUR BAS BGYI'O GSUNGS NAS KHUR BYON PAS SPYIL BU BA'I DGE 'DUN RNAMS KYIS BSU BA'I SER SBRENGS BYAS PA SNGAGS PAS MTHONG NAS DGE BSNYEN 'DI CI YIN ZER BA LA, KHO BO LA BSU BA BYED BA'I ZHAD DU GDA' GSUNGS PAS, KHO SKYENGS TE BROS PA LA SOGS PA'I GTAM RGYUD GZHAN YANG MANG NGO, ,DE NAS JO BO DPON G-YOG SNYE THANG DU SPYAN DRANGS NAS BZHUGS PA'I DUS SU JO BO'I ZHAL NAS, AU PA SI KA, KHYOD NA RE DGUN YANG ME TOG 'CHAR BA ZHIG YOD ZER BA ME TOG GA RE GSUNGS PAS, 'BROM RIN PO CHES SNYE'I NA MO CHER JO BO RJE GDAN DRANGS NAS GSING MA'I ME TOG GZIGS PHUL BAS, JO BO'I ZHAL NAS BRDZUN MA BTANG TZAM 'DUG GSUNG, NGAS SA PHYOGS 'DIR ME TOG MANG PO 'CHAR BAR BYIN GYIS RLABS KYIS GSUNG, JO BO'I BYIN RLABS KYIS SNYE THANG GIS SKOR NA ME TOG GI RIGS GZHAN NA MED PA MANG PO YOD, JO BO'I ZHAL NAS, DUG GI ME TOG DKON MCHOG LA DBUL MI RUNG, SPANG RGYAN 'DI AUTPA LA'I RGYU RU 'DUG BA LA BOD GRANG BAS KHA MA BYE BAR 'DUG ,ME TOG SHANG SHANG NI RGYA GAR NA YANG MED, YOD NA NGAS GSER 'JAL NUS GSUNG, DE'I TSE 'BROM RIN PO CHES LJAGS KYI STENG DU ME TOG NGO MTSAR BA ZHIG SPRUL PA SOGS RDZU

'PHRUL GYI BKOD PA SNA TSOGS BSTAN PA BKA' GDAMS GLEGS BAM LAS 'BYUNG BA NI, JO BO RJES, KYE MA CHUNG CHUNG 'BROM RJE GZIGS, ,'OL LA 'DAB MA'ANG SKYES TE GDA', ,DOD DOD BRDZUN PHUG MA RDIB TZAM, ,GSUNG BA'I LJAGS DE NGA LA STON DE NAS 'BROM RJES LJAGS BRKYANGS PA, ,GZIGS PAS DE LA'ANG ME TOG GCIG, SKYES PA GZIGS NAS JO BO MNYES, ,KYE MA'O YA MTSAN DE NA 'DUG ,'BROM GYI LCE NI NE THANG 'DRA, ,BUNG BA ZHAL DU MI 'TSANG TZAM, ,'O NA'ANG DNGAR RTZI MED DAM CI; ;SLAR YANG 'BROM RJES LJAGS BRKYANG BA'I, ,ME TOG STENG NA'ANG JO BO GDA', ,JO BOS GZIGS NAS 'DI SKAD GSUNG, ,AA RE CI YANG DGOD RE BRO, ,BDAG LA 'BROM GYIS BUNG BA BYAS, ,KHO BO RE CHUNG NAS RDOG TZAM, ,RE DOD GSUNG ZHING PHYAG GIS REG, PADMA'I STENG GI JO BO BZHAD, ,DE NAS JO BO'I BZHAD SRIN LANGS, ,YANG DANG YANG DU BZHAD PAR GYUR, ,DE NAS 'BROM GYIS 'DI SKAD SMRAS, ,DGUN DUS 'KHRUNGS BA'I ME TOG DKAR 'DUR BA, ,KHO BO ZOG MAR MA BTANG DRIN CHE'O SBYIR YANG MTHA' 'KHOB GNAS 'DIR GRANG GZHI CHE, ,KHYAD PAR DBU RU CHU 'KHRIS SA 'KHYAGS MANG, ,DING SANG DGUN DUS ME TOG 'DAB LNGA PA, ,SA LA SKYES PAS JO BO MNYES GYUR NA, ,KHYAD PAR RDZUN MED 'BROM GYI LCE LA 'KHRUNGS, ,BUNG BA DRIS BAS BDE GSHEGS SKU GZUGS BYON, ,BZHAD PA RAB BZHAD BDE GSHEGS 'DI 'DRAR BZHAD, ,MTSAR MOS RANG GI BYAD MTHONG BZHIN DU BZHAD, ,LHA MO RANG GZUGS STON PA BZHIN DU BZHAD, ,BKRA SHIS BLA MA MNYES BA'I BKRA SHIS SHOG, SLAR YANG BLA MA

, ,RJE BTZUN 'DI SKAD GSUNG, ,'BROM RJE DA DUNG LJAGS KYI ME TOG STON, ,SLAR YANG LJAGS BRKYANG GZIGS SU PHUL BA YI, BLA MA'I MDUN NA'ANG 'BROM CHUNG CHUNG CHUNG GCIG ,'JUM 'DZUM BLA MA'I ZHAL LA RAB LTA ZHING, ,BU CHUNG SKAD 'DRA SNYAM PA'I SGRA 'BYIN GSAN, ,GZIGS MA THAG TU SHIN TU DGYE SGYUR NAS, ,ME TOG 'DI 'DRA RGYA GAR YUL NA'ANG MED, ,ZAB MO'I YAB SRAS LJAGS KYI STENG NA'ANG GDA', ,NGO MTSAR CHE'O NANG GI YA GI GNYIS, ,'BROM RJE LJAGS DGUL GUL MA MDZAD CIG ,SKU KHAMS GSO PHYIR 'BROM GYIS RAB G-YOS PAS, ,LEGS LEGS LDEG LDEG 'BRUL LA KHANG DE GDA', ,RAB TU BZHAD CING 'BROM RJE GA LE MJOD, ,KHYE'U GZHON NU SRAN RDOG ZA DANG MTSUNGS, ,LCE YI STENG NA RAL RIL LTAD MOR CHE, ,BDE GSHEGS LJAGS KYI PADMO LAS 'KHRUNGS BA'I, ,DANG POR BZHUGS BA'I GZUGS CAN YA GI GNYIS, ,MAR BYON BDAG CAG GNYIS NI NANG DU 'GRO, ,'BROM RJE'I ZHAL NAS LAN DU 'DI SKAD ZHUS, ,'JIG RTEN SGRON MA YAR LA GSHEGS SU GSOL, ,KHO BOS PHYIN PAS KHONG GNYIS MI LUS MCHI, ,DE NAS RGYAL BA SRAS BCAS MNYES BZHIN DU, ,GZIM KHANG NANG DU GSHEGS TE BYON PA'I TSE, , LHA YI TSOGS KYIS ME TOG DPAG MED GTOR, ,DE NAS JO BO'I ZHAL NAS 'DI SKAD GSUNG, 'BROM RJE ME TOG MCHOG LA MNYES GYUR NA, ,KHO BOS SA PHYOGS 'DI DAG BYIN BRLABS LA, ,RIN CHEN LNGA YI ME TOG 'BYUNG BAR BYA, ,LAN

DU 'BROM RJES THUGS LA THOGS ZHUS PAS, ,GSER DNGUL LA SOGS ME TOG BZANG PO YIS, ,SNYE THANG KHONGS RNAMS RAB TU GANG BAR GYUR, ,DE NAS JO BO'I ZHAL NAS 'DI SKAD GSUNGS, ,BLA MAS BYIN BRLABS MAR ME MDZAD DPAL NGAS, , BYIN GYIS BRLABS PA'I ME TOG 'DI BSKRUN PAS, ,'BROM GYI RJES 'BRANG MCHOD TSOGS 'PHEL BAR SHOG ,CES BKA' GDAMS GLEGS BAM LAS 'BYUNG NGO, ,JO BO RJES 'BROM RIN PO CHE JO BO RANG NYID DANG MNYAM PA 'GRAN ZLA MED PAR BSNGAGS TE; 'BROM RIN PO CHES JO BO LA, KHO BO ZAB MO DBU MA'I LTA BA 'DI LTAR 'DZIN ZHES SLOB DPON ZLA BA GRAGS PA'I LUGS KYI LTA BA'I RTOGS PA PHUL BAS, JO BOS PHYAG THAL MO SHAR PHYOGS SU SBYAR NAS DA LTA RGYA GAR SHAR PHYOGS NA'ANG LTA BA 'DI KHO NA 'DZIN PA YIN, KHYOD LTA BU'I SEMS DPA' CHEN PO BOD BSOD NAMS MI CHUNG GI, KHO BO BOD DU 'ONG MI DGOS PA 'DUG PA LA GSUNGS NAS GDAMS BA SHAS SHIG GNANG NGO, ,DE LTAR 'BROM RIN PO CHES JO BO RJE MNYES PA GSUM GYI SGO NAS MNYES PAR MDZAD CING, LHAG PAR YER BA LHA RI SNYING PO'I MGUL DU LO GSUM GYI RING LA JO BO RJE RNYED BA DANG BKUR STI TSAD MED BAS MCHOD CING, SDIG BA CAN GYI SKYE BOS DBEN PAR BYAS TE BYANG CHUB LAM GYI RIM PA'I 'GO BSHES GNYEN BSTEN TSUL NAS MTHAR 'BRAS BU MI SLOB BA'I ZUNG 'JUG 'GRUB PA'I BAR LAM SO SO'I NGO BO GANG YIN PA DANG, LAM DE DANG DE RGYUD LA BSKYED PA LA RGYU TSOGS GANG DANG GANG ZHIG DGOS PA DANG,

, ,DANG POR GANG NYAMS SU BLANG BAR BYA BA DE NAS RIM GYI RIM GYIS BSGRUB DGOS PA'I GO RIM NGES PA DANG, LAM DE DANG DE DAG SGRUB PA LA GEGS JI LTA BU 'BYUNG BA DANG, LAM DE DANG DE DAG STON PA'I BLA MA DANG SLOB MA JI LTA BU ZHIG DGOS PA DANG, YI DAM GANG LA BYA DGOS BA SOGS MTHA' DAG BAR ZHUS SHING NYIN RE BZHIN DU DRI GTUGS DANG BRGAL BRTAG MANG DU MDZAD DE GTAN LA PHAB, DE'I TSE 'BROM RIN PO CHES LAM GYI GNAD MTHAR THUG PA 'DI DAG KHONG GZHAN 'GA' ZHIG LA'ANG GNANG NA LEGS PA LA GZHAN SU LA'ANG MI GNANG BAR KHO BO GCIG PU LA GNANG BA CI YIN ZHES ZHUS PA NA, JO BO'I ZHAL NAS NGAS KHYOD MIN PA GZHAN LA GTAD SA MA RNYED BA YIN GSUNG, TSUL 'DI DAG LA BLO GROS CAN RNAMS KYIS LEGS PAR DPYAD NA JO BO RJE NYID BSTAN PA YONGS RDZOGS KYI BDAG PO YIN PA DANG JO BO RJES 'BROM RIN PO CHE LA BSTAN PA YONGS RDZOGS KYI MAN NGAG RNAMS BUM BA GANG BYO'I TSUL DU GNANG BAR GO NUS LA, DE LTAR GO NA JO BO RJES 'BROM RIN PO CHE LA GNANG BA NAS BZUNG CHOS KYI RGYAL BO TZONG KHA PA YAB SRAS LA RIM GYIS BRGYUD DE BSTAN PA YONGS RDZOGS KYI MAN NGAG RGYUN MCHAD PAR YOD PA 'DI LA YID CHES KYI DAD PA RKANG TSUGS PA SKYE'O, ,'DI DAG LA BLO CHUNG 'GA' ZHIG 'BROM RIN PO CHES JO BO LA SKYES BU GSUM GYI LAM RIM RDZOGS PAR GSAN MOD KYANG GSANG SNGAGS RGYUD SDE BZHI'I MAN NGAG RNAMS RDZOGS PAR MA GSAN TE JO BO RJES DO NYA

GSUNG BA'I TSE 'BROM RIN PO CHES AA TI SHA 'DI BOD DU MI LEGS ZHES BKAG BAS SO SNYAM PA SKYE SRID DE, DE NI DE LTA MA YIN TE 'BROM RIN PO CHE NI THUGS NAM MKHA' LTAR RGYA CHE ZHING RGYA MTSO LTAR GTING ZAB PAS SPYIR GSANG SNGAGS GSANG NAS BYA DGOS PA DANG, LHAG PAR DO HA SOGS BLA MED KYI RDZOGS RIM MTHAR THUG 'DI DAG SHIN TU GSANG BAR BYA DGOS KYI DE LTA MIN BAR KHROM BSGRAGS SU SONG NA 'CHAD PA PO RNAMS LA RTZA LTUNG 'BYUNG NYE BA DANG, NYAN PA PO BSOD NAMS DMAN ZHING BLO GROS CHUNG BA DAG LA PHAN PA LAS GNOD PA CHE BA ZHIG 'BYUNG STE, GSANG SNGAGS SGRA JI BZHIN BAR BZUNG NAS NAG CHANG LA BAG MED DU SPYOD BA SOGS RANG NYID PHUNG BAR MA ZAD BSTAN PA RIN PO CHE RMANGS NAS 'JIG PA'I RKYEN DU 'GYUR BAR GZIGS NAS PHYI LTAR DU DAM DOG CHE BAR MDZAD PA YIN GYI, GSANG BA'I GNAS SU JO BO RJES 'BROM RIN PO CHE LA RGYUD SDE BZHI'I MAN NGAG YONGS RDZOGS GNANG ZHING KHYAD PAR PHA RGYUD GSANG BA 'DUS PA DANG, MA RGYUD 'KHOR LO SDOM PA'I MAN NGAG MTHA' DAG DANG, BLA MED SPYI'I MAN NGAG MTHAR THUG PA GRUB PA SDE BDUN DANG, SNYING PO SKOR GSUM GYI MAN NGAG RNAMS BUM PHA GANG BYO'I TSUL DU YONGS SU RDZOGS PAR GNANG NGO, ,'BROM RIN PO CHE NI JO BO RJE LAS MAN NGAG YONGS RDZOGS GSAN PA TZAM DU MA ZAD RANG NYID DKYIL 'KHOR GYI BDAG POR LHUN GYIS GRUB PA ZHIG YIN TE, YER PA LHA RI SNYING PO'I MGUL DU JO BO YAB SRAS GNYIS LO GSUM GYI RING LA LAM GYI DKA' GNAS RNAMS

, ,LA BGRO BA MDZAD BA DE'I TSE RJE BTZUN 'JAM PA'I DBYANGS KYI SRAS KYI THU BO RDOG LEGS PA'I SHES RAB KYIS ZHABS 'BRING PA GCIG MA GTOGS RANG GI GRA BU SLOB SBYIN BDAG DANG BCAS PA SUS KYANG MA TSOR BAR GSANG STABS KYIS YER PAR BYON NAS DNGUL GYI MAndAL LA DUNG GI TSOM BU BKOD DE 'BROM CHOS KYI RGYAL PO'I SKYES RABS SOGS GSANG BA ZAB MO RNAMS GNANG DGOS ZHES JO BO RJE LA GSOL BA BTAB PA NA RJE BO RJES KYANG DE BZHIN DU GNANG NAS, DA LAM 'BROM RIN PO CHE NYID LA GSOL BA GDAB DGOS ZHES 'BROM NYID KYIS GSUNG BAR BSKUL, RJE BTZUN MA SGROL MA'ANG DNGOS SU BYON, BRGYUD PA GSUM LDAN GYI BLA MA THAMS CAD KYANG DNGOS SU PHEBS, NAM MKHA'I KHAMS SANGS RGYAS DANG BYANG CHUB SEMS DPAS GANG BA RNAMS KYIS KYANG BYIN GYIS BRLABS PA NA 'BROM RIN PO CHES RANG NYID SPYAN RAS GZIGS DNGOS YIN BA DANG, SNGON GYI THUGS BSKYED DANG, SANGS RGYAS BYANG SEMS MANG POS KYANG BSKUL BA LA RTEN NAS SPRUL PA GRANGS MED PAS BOD YUL 'DIR SANGS RGYAS KYI BSTAN PA BTZUGS PA DANG, LHAG PAR SNGON GYI CHOS RGYAL LO PAn BKA' DRIN CAN DE DAG JO BO YAB SRAS GNYIS KYI SPRUL PA YIN TSUL SOGS SKU GSUNG THUGS KYI GSANG BA MANG DU GSUNGS PA'I MTHAR SKU THIG LE SER PO ZHIG TU KHYIL KHYIL 'DUG PA'I 'PHRO LA SKU MI SNANG BAR YAL, DER DGE BSHES GSANG PHU BA DANG, NAG TSO LO TZ'A BA DANG ,

DGE BSHES KA BA GSUM 'BROM RIN PO CHE'I SKU MA MTHONG BAS YID GDUNG NAS MGRIN GCIG TU, SPRUL PA'I CHOS RGYAL GANG DU THAL, ,RGYAL BRGYA MTSO GANG DU GSHEGS, ,ZHES SOGS GDUNG DBYANGS KYIS GSOL 'DEBS SHUGS DRAG MDZAD PA NA, JO BO'I ZHAL NAS, RGYAL BA'I 'BYUNG GNAS MTHONG 'DOD NA, ,KHO YI RANG BZHIN SNYING RJE YIN, ,'GRO BA THAMS CAD YUL BYAS NAS, ,BZOD GLAGS MED PA'I SNYING RJE SGOMS, ,RING POR MI THOGS MNGON DU 'GYUR, , ZHES GSUNGS PA NA KHONG GSUM GYIS SNYING RJE CHEN PO SHUGS DRAG TU BSGOMS PAS, JO PO'I THUGS KA SHED NAS THIG LE DKAR PO ZHIG KHYIL KHYIL BYED PA SNYAM BYED BA SNYAM BYUNG BA LA, THIG LE DE LAS 'OD ZER DKAR PO DRUG BYUNG BAS BZHI PHYOGS BZHIR 'PHROS, GNYIS STENG 'OG TU 'PHROS, DE NAS SLAR 'KHOR TE BYUNG NAS STENG GI 'OD BLA GAB KYI RNAM PA KHYIL LE BA KHANG BA KA BA BZHI TZAM RGYA KHEBS PA BTUD NAS BLTAS NA AOm GYI RNAM PAR GNAS PA ZHIG 'DUG GO ,DE BZHIN DU 'OG GI 'OD DE YANG DNGUL DKAR GYI ME LONG LTAR MTHO DMA' MED PAR BLA GAB DANG RGYA MNYAM PAR GNAS TE BTUD DE BLTAS NA H'Um GI RNAM PAR GNAS SO, ,DE BZHIN DU SHAR GYI 'OD DE YANG LHO BYANG DU NGOS PHUN SUM TSOGS PAR GNAS BA BTUD DE BLTAS NA MA'I RNAM PAR GNAS SO, ,DE BZHIN DU NUB KYI 'OD DE YANG LHO BYANG DU NGOS PHUN SUM TSOGS PAR GNAS PA BTUD DE BLTAS NA PAD KYI RNAM PAR GNAS SO, ,BYANG GI 'OD DE YANG DE BZHIN DU SHAR NUB TU NGOS PHUN

, ,SUM TSOGS PAR GNAS PA BTUD DE BLTAS NA ME'I RNAM PAR GNAS SO, ,LHO'I 'OD DE YANG DE BZHIN DU SHAR NUB TU NGOS PHUN SUM TSOGS BAR GNAS PA BTUD DE BLTAS NA nI'I RNAM PAR GNAS TE, MDOR NA 'OD DKAR PO'I GZHAL YAS KHANG GI RNAM PA PHUN SUM TSOGS PA DGA' BA BDE BA RNAM PAR RTOG PAS MA BCINGS PA DE LTA BU'I GZHAL YAS KHANG GI STENG 'OG DANG NGOS GANG NAS BYUNG CHA MED BAR THIG LE DKAR PO SRAN MA'I GA'U TZAM ZHIG BYUNG STE, DE LA SEMS BHUD DE BLTAS BAS DE 'GYUR BA SNYAM BYED PA NA DE'I GSEB SHENG NAS HR'I: DKAR PO BKRAG 'TSER BA ZHIG BYUNG, DE YANG 'OD KHA DOG RNAM PA LNGAS GTUM NAS 'OD KYI RNAM PAR HRIL HRIL YOD PA'I GSEB SHED NAS RES 'GA' AA'I RNAM PA, RES 'GA' ZLA BA'I RNAM PA 'DRA BA ZHIG BYUNG STE 'OD DE BTEG GO ,DE NAS CUNG ZHIG NAS 'OD DE'I GSEB NAS TSUR, AOm MA nI PADME H'Um, ZHES PA'I YIG 'BRU DRUG RANG SGRA DANG BCAS STENG 'OG PHYOGS BZHI DANG BCAS PAR 'OD ZER GYI RNAM PAR 'PHROS SHING SLAR YANG 'OD DE'I DKYIL DU THIM, DE NAS RE ZHIG NAS 'OD DE JE SRAB TU SONG NAS 'OD CUNG ZAD YOD PA'I GSAL PHANG LA BLTAS PAS, DA CI NAS GNAS NGA'I HR'I: DE LA YIG 'BRU DRUG POS G-YAS PHYOGS NAS BSKOR TE, DE DAG LA YANG DBUS KYI YIG 'BRU DE LAS YIG 'BRU DRUG PO DE DAG GI RNAM PA'I 'OD ZER 'PHROS, DRUG PO DE LAS KYANG YIG 'BRU RE RE LA'ANG YIG 'BRU DRUG DRUG GI

RNAM PA'I 'OD ZER PHYOGS BCUR 'PHROS TE MDOR NA 'OD ZER DRUG CU DRUG CU BYUNG, DER 'OD THAMS CAD DANG, SA PHYOGS THAMS CAD KYANG YI GE DRUG PA, AOm MA nI PADME H'Um ZHES PA'I SGRA 'UR 'UR BA'I SNANG BA BYUNG, DE NAS 'OD ZER DRUG CU DRUG CU PO DE DAG TSUR 'DUS TE LA LA STENG LA LA 'OG DANG NGOS BZHI LA THIM, LA LA DBUS KYI YIG 'BRU LA BSKOR BA'I YIG 'BRU DRUG LA THIM, LA LA DBUS KYI GTZO BO NYID LA THIM, DE NAS RE ZHIG NA HR'I: DE NYID BSHES GNYEN PAR 'GYUR BA SNYAM BYED PA 'AM, YIG 'BRU DRUG PO DE DAG GI GSEB NAS BYUNG BA SNYAM BYED PA'AM, 'OG GZHI ZLA BA'I DKYIL 'KHOR DE G-YO ZHING 'DUG PA'I GSENG NAS BYUNG BA SNYAM BYED PA 'AM, RES 'GA' STENG 'OG NGOS BZHI'I GSEB NAS BYUNG BA SNYAM BYED DE, MDOR NA DAG PA'I SNANG BA 'PHAGS PA'I RNAM 'PHRUL GSAL LA MI RTOG PA'I 'OD KYI RNAM PAR BYON TE, HR'I: DE 'GYUR BA LAS 'OD KYI GSEB NAS 'BROM RIN PO CHE BYON PA'I ZHAL NAS CHOS THAMS CAD 'DI LTA BU'I RNAM PAR GDA' GSUNG, DE NAS DBUS KYI YI GE LA BSKOR BA'I YIG 'BRU DRUG PO DE DBUS KYI YIG 'BRU LA THIM, DBUS KYI YIG 'BRU DE YANG THIG LE GCIG TU KHYIL, THIG LE DE YANG 'OD KYI RNAM PAR 'OD KYI GZHAL YAS KHANG LA THIM, 'OD KYI GZHAL YAS KHANG DE YANG ZLA BA'I DKYIL 'KHOR LA THIM, ZLA BA DE YANG AA 'OD KYI RNAM PA CAN ZHIG TU GYUR, DE 'BROM RIN PO CHE LA G-YAS PHYOGS NAS KHYIL LE BSKOR

, ,ZHING BYUNG BA, 'BROM RIN PO CHE'I ZHAL NAS AA GSUNGS PAS LJAGS KYI STENG KHAR TZEN TE SONG STE CHOS THAMS CAD SKYE BA MED PA'I SGO GSUNGS TE, 'BROM RIN PO CHE'I SKU RIL PO AA'I RNAM PAR LAM ME BYUNG, DER RNGOG LEGS PA'I SHES RAB LA SOGS PA RNAMS KYIS 'BROM RIN PO CHE LA NAM BLTAS BLTAS KYI TSE AA RE LAM LAM BYUNG NAS, CHOS THAMS CAD SKYE BA MED PA'I RNAM PA LAM PA RE BYUNG, DE NAS AA'I RNAM PA DE MI SNANG BAR 'BROM RIN PO CHE'I SKU 'BA' ZHIG TU SNANG NGO, ,DE'I TSE 'BROM RIN PO CHE'I ZHAL NAS, DE RING 'U CAG DPON SLOB KYI RNAM 'PHRUL DE KUN RTOG GE PA KUN 'GAL BAR BRTZI, 'O NA'ANG BRTZIR CHUG, CHOS KYI GNAS LUGS DE 'DRA ZHIG MIN RI ZHES RGYA BOD 'GRIMS NAS MNA' SKYAL YANG THON NO, ,ZHES GSUNGS SO, ,NGES PA DON DU DE LTAR YIN MOD, THA MAL PA'I SNANG NGOR YANG JO BO RJES 'BROM RIN PO CHE LA MDO SNGAGS KYI MAN NGAG YONGS SU RDZOGS PA GNANG NGO ZHES SKYE BO KUN GYIS GO BA'I CHED DU JO BO'I ZHAL NAS NGAS KHYOD LA 'DI MA BSHAD NGAM GSUNGS NAS CHOS RE RE LA LAN RE RE BSKYAR ZHING GSUNGS, DE LTAR THUGS LA 'DOGS PAS JO BO'I YON TAN THAMS CAD SNOD GCIG NAS SNOD GCIG TU BYO BLTA BU 'BROM RIN PO CHE YIN GSUNG, 'BROM RIN PO CHES JO BO'I CHOS MANG DU MKHYEN CING, KHYAD PAR SKYES BU GSUM GYI LAM GYI RIM PA LA RTZAL THON, YI DAM GYI LHA DPAG TU MED PA'I ZHAL GZIGS, KHYAD PAR BLA MA LA GSOL PA

THEBS PAS RA SGRENG DU BZHUGS DUS JO BO DNGOS SU BYON, SLAR YANG GSOL BA BTAB PAS BCOM LDAN 'DAS SH'AKYA THUB PA'I ZHAL MNGON SUM DU GZIGS SO, ,JO BO RJE ZHING GSHEGS SU NYE BA NA YANG 'BROM RIN PO CHE LA JO BO RANG NYID KYI 'BRAL SPANG AU RGYAN NAS 'ONGS PA'I RUS RGYAN DANG, 'OD MA'I TSAL GYI SHING LA BSIL BA'I TSAL GYI MI LBAGS KYI G-YOGS CAN GYI d'A MA RU DANG, RIGS LNGA'I DBU RGYAN DANG, RDO RJE DRIL BU DANG BCAS PA SMYUG DONG MTHO GANG PA GCIG TU SHONG BAR MDZAD DE PHYAG TU GTAD PA DANG, JO BO'I SLOB MA RNAMS KYIS JO BO RJE ZHING GSHEGS NA GDAN SA SUS 'DZIN RGYAL TSAB SUS BYED CES ZHUS PA NA JO BO RJES DA PHYIN CHAD THAMS CAD KYIS 'BROM LA BRTEN GSUNGS, DE LA DGE BSHES DGON BA BAS DE GANG YIN ZHES ZHUS PAS, KHO NGAS BYIN GYIS BRLABS PA YIN ZHES GSUNGS PA SOGS BKA' GDAMS GLEGS BAM NA JO BO RJES 'BROM RIN PO CHE BSTAN PA'I BDAG POR MNGA' GSOL BA DANG, BRGYUD PA GSUM LDAN GYI BLA MA THAMS CAD DANG RJE BTZUN MA SGROL MA SOGS LHAG PA'I LHA RNAMS DANG, SGROL MA BCU GNYIS SOGS MKHA' 'GRO CHOS SKYONG RNAMS KYIS KYANG 'BROM RIN PO CHE JO BO'I CHOS RGYUD 'DZIN PA'I BDAG POR MNGA' GSOL BA LTAR RO, ,DE NAS SHING PHO RTA'I LO DBYUG PA ZLA BA'I TSES BCO BRGYAD LA JO BO RJE SKU GSHEGS PA NA JO BO'I SLOB MA RNAMS 'DUS TE GSOL BA 'DEBS PA'I TSE 'BROM RIN PO CHES LDE MIG RNAMS DGE BSHES KA BA'I PHYAG TU PHUL, KABS KYANG 'BROM RIN PO CHE

, ,JI LTAR BZHED PA BZHIN DU MDZAD DE, JO BO'I GDUNG DANG RGYA DPE, GSER GLING PA'I DNGUL GDUGS CAN LA SOGS PA RTEN GTZIGS CHE SHOS RNAMS 'BROM RIN PO CHE LA GTAD, BU CHEN GZHAN RNAMS LA'ANG RTEN SKAL RE MDZAD, DE NAS LUG GI LO LA JO BO'I 'DAS MCHOD CHEN MO MDZAD, DE'I TSE DGE BSHES KA BAS TSOGS SU GTAM BTANG BA GZHAN RNAMS CI TZUG BYED KYANG NGA PHA RBA RAG GI BU TSO RNAMS KYIS 'BUL BA 'DIR ZHOG CIG, JO BO'I GDAN SAR LHA KHANG BRE TZAM ZHIG BZHENG DGOS BYAS PAS THAMS CAD KYIS 'BUL BA MA KHYER BAR BZHAG STE 'OR GYI GTZUG LAG KHANG BZHENGS, DE'I DUS SU 'BROM RIN PO CHE'I ZHAL NAS, DA JO BO'I GDUNG 'DI RNAMS DGE BSNYEN DANG DGE TSUL LA YANG MI BSKUR, KHANG NAG DU BA CAN DU YANG MI BZHUGS GSUNGS NAS DGE SLONG TSUL KHRIMS RNAM PAR DAG PA GNYIS SPYAN 'DREN DU BCUG STE, STOD LUNG ZHONG PA'I NA LA SBRA DKAR NAG GNYIS PHUB NAS DKAR PO'I NANG DU GDUNG BZHUGS TE MCHOD PA MDZAD, NAG PO'I NANG DU G-YOS MDZAD, DER DGUNG GCIG BZHUGS, SA RA LHAB KYI NA LA DGUNG GCIG ,YAL SA SBUB KYI NA LA DGUNG GCIG ,LAM PA GSER PHUG GI NA LA DGUNG GCIG ,DE NAS GNAM GYI BYE MA LUNG DU BYON, DE NAS 'PHRANG KHA BER CHUNG GIS ZHU BA BSKYAR NAS 'BUL DU BTANG BYUNG BAS 'BROM RIN PO CHE'I ZHAL NAS, 'U CAG RNAMS LA SPYAN 'DREN MKHAN GDA' NA 'GRO'AM MI 'GRO GSUNGS PAS, DGON BA BA'I ZHAL NAS KHONG GI

MI SKYIN LA 'GRO MI DGOS SAM GSUNG, DER KHONG YUS CHE BAS 'BROM RIN PO CHES ZHAL GYIS BZHES NAS SNGON LA YI DAM DNGUL GDUGS CAN BSKUR, DE'I RJES LAR SGRENG DU BYON TE, ME PHO SPRE'U'I LO GSAR MTSAMS LA PHYAGS PHEBS NAS RA SGRENG GI DGON PA GZIGS PAS, RGYAB NA BRAG RDO RJE 'DRA BA 'DUG ,MDUN NA MTSO G-YUNG DRUNG 'KHYIL BA 'DRA BA 'DUG ,G-YON GYI RI RGYAL SRID RIN PO CHE SNA BDUN 'DRA BA 'DUG ,PHA BONG THANG 'KHOR LO RTZIBS BRGYAD 'DRA BA 'DUG , SHUG PA RA TZAM LUG TZAM PA LA GSER LO G-YU LO GNYIS LA KA BA PHER BA 'DUG ,CHU MIG BRGYA RTZA BRGYAD 'DUG ,BYA RNAM PA SNA TSOGS KU DI RE BA 'DUG ,MI MA YIN RJES PO CHE BYA BA DKAR PHYOGS LA DGA' BA DANG, SDONG PO KUS 'DEBS BYA BA NAG PO LA DGA' BA GCIG DANG GNYIS 'DUG ,DGON PA LA THUGS MNYES NAS DE'I NUB MO SENG GE'I BRAG PHUG TU BZHUGS TE RMI LAM BRTAGS PAS, DBU RTZE RNYING MA'I SHUL NA GSER GYI MCHOD RTEN GCIG 'DUG PA LAS 'OD ZER 'PHROS PAS, DE'I SNA LA DBU RTZE GAn JI RA MANG PO BYUNG NAS BOD KYI YUL THAMS CAD KHYAB PAR BYAS TSUR 'DUS PAS RA SGRENG GI SHUG PA'I GSEB THAMS CAD DU DBU RTZE GAn JI RA BTZUGS PAS GANG BA DA LTA YOD PA BZHIN RMIS, GZHAN YANG PHA BONG? THANG GI RDO RIN PO CHE'I PHUNG POR SONG BA 'ANG RTZE 'PHYING DKAR MAR GYI PHUNG POR SONG BA RMIS, NANG PAR SUM PA MTHU CHEN DANG, RNAL 'BYOR PA CHEN PO DANG, DGON PA BA GSUM BYON NAS RTAGS

, ,BZANG NGAM ZHUS PAS, BZANG BAR GDA' GSUNG, DE NAS DGON PA 'DEBS PAR THUGS THAG BCAD NAS SA 'DUL LA BRGYAD STONG 'GREL CHEN GSUNGS, SA CHOG PAndI TA SHR'I STHA RA LA ZHUS BSAM GNANG, DGON PA BA LA ZHUS PAS KYANG MA GNANG BA LA, DA GSANG PHU BA LA ZHU SNYAM BA LA RNAL 'BYOR PA'I ZHAL NAS, STON PA LA MI KUN JO BO'I YON TAN KHYED LA YOD PAR BYED KHYED 'DI 'DRA BA ZER BAS, 'BROM GYI ZHAL NAS, NGAS SHES PA YIN TE GCIG TU RTEN DMAN, GNYIS SU KHYED GONG MA RNAMS KYIS KHREL GYI DOGS, GSUM DU MI MA YIN LA 'TSER BAS LAN, DA 'DI BZHIN DU BYED PA YIN GSUNGS NAS SNGON LA JO BO'I SKU 'BAG DANG 'JAM DPAL RDO RJE GNYIS SPYAN DRANGS, GSOL BA BTAB NAS CHU MIG BSUBS, SKYER PHUNG RTZA BA NAS BTON PA LA SBRUL MYOG CHER BYUNG BAS JI SNYAM DU YANG MA BSAMS, DE NAS KHRI BRTZIGS, THIG BTAB SBRA PHUB NAS 'DIR JO BO'I GDUNG BZHUGS PAS KHYED RNAMS KYIS KYANG MCHIL SNABS LA SOGS PA MA 'DOR ZHIG GSUNG NGO, ,DE'I DUS SU RNAL 'BYOR PA PHYAG KHRI MCHOG GIS BAL YUL DU DNGUL 'DON DU PHYIN NAS PHYIR PHEBS PA RGYA GAR GYI LHA BZO MKHAS PA AA TZA RA MA NU BYA BA LA JO BO'I GDUNG KHANG DU DNGUL GYI MCHOD RTEN NANG DKYIL 'KHOR GYI LHA TSOGS, PHYI MCHOD RTEN GYI RNAM PAR BZHENGS SU GSOL, NANG RDZONGS KYI GZUNGS RNAMS DNGUL GYI LJANG PA LA YI GE BRKOS MA BRIS NAS

BZHUGS, RI RAB NI THEG PA CHEN PO PHA ROL TU PHYIN PA'I LUGS SU BGYIS TE MDUN DU ZHAL GZIGS PA THUB BA GCO 'KHOR GSUM, NUB TU ZHAL GZIGS PA DAM TSIG GSUM BKOD PA GTZO 'KHOR GSUM, BYANG DU ZHAL GZIGS PA BYAMS PA MNGON PAR BYANG CHUB PA GTZO 'KHOR GSUM, SHAR DU ZHAL GZIGS PA SMAN BLA GTZO 'KHOR GSUM, BUM PA NI THEG PA CHEN PO GSANG SNGAGS KYI LUGS SU BGYIS TE, DPAL GSANG BA 'DUS PA LHA BCU DGU PHYI NANG DU 'BUR DU DOD PA LA PHYOGS BZHIN YAB BZHI, MTSAMS BZHIN YUM BZHI, GTZO BO 'JAM DPAL RDO RJE BRE'I MGUL NA BZHUGS, LHA MO DRUG NANG DU 'BUR DOD DU BZHUGS, KHRO BO BZHI NAS TZAM RE ZUR GYI MCHOD RTEN GYI NANG NA BZHUGS PA GCIG BZHENGS SU GSOL TE, 'BROM RIN PO CHES RNAL 'BYOR BA RNAMS DANG BKA' BGROS MDZAD NAS BYA LO LA GDUNG KHANG DANG GTZUG LAG KHANG KHYUNG MGO CAN GYI RNGA KHANG YAN CHOD TSAR BAR MDZAD NAS DA 'DI MEN CHAD LA BYED PA PO ZHIG 'ONG GI GSUNG STE, 'DZIN RDO YON TAN 'BAR BYA BA LA BOD PA MDZAD NAS KHYOD 'JIG RTEN GYI SHES CHE BA YIN PAS SHES GYIS DANG KHO BOS 'JIG RTEN GYI RNAM PAR RTOG PA SPONG BLO ZHIG BGYI GSUNGS NAS KHYUNG MGO CAN LA BSKOR BA MDZAD DE SHANGS SNABS KYIS KYANG LKOG MA NA MAR SLEB PAR BYAS NAS, 'JIG RTEN MKHYEN PA RNYED DANG MA RNYED DANG, ,ZHES BYA BA'I TSIGS BCAD DE 'DON ZHING CHOS BRGYAD PO DE LA BTANG SNYOMS SU MDZAD CING BZHUGS PA LAGS,

, ,DE LTAR 'BROM STON PA RGYAL BA'I 'BYUNG GNAS THUGS ZAB LA DKYEL CHE BA MKHYEN PA'I TSAD RGYA MTSO CHEN PO DANG MTSUNGS PA DES RA SGRENG DU JO BO'I SROL BZANG GIS BTZUGS NAS YOD PA'I DUS SU, THUGS KYI SRAS SKU MCHED GSUM RIM PAR BYON PA YIN TE, PHU CHUNG BAS NI SNYE THANG NYID NAS PHYAGS PHYI MDZAD, SPYAN SNGAS ME MO BYA'I LO LA RA SGRENG DU BYON, BO TO BAS DE'I PHYI LO LA RA SGRENG DU BYON, DE LTAR ZHABS DRUNG DU BSNYEN PA'I SLOB MA RNAMS 'JIG RTEN LA ZHEN PA BZLOG TU BCUG NAS CHOS KHO NA SEMS SU BCUG PA LA 'BROM RIN PO CHE'I DUS NA DGE 'DUN LNGA BCU TZAM LAS MED DE, DE RNAMS KYI DBANG DU BYAS NA, TING NGE 'DZIN BZANG PO THUGS RGYUD LA 'KHRUNGS SHING TSUL KHRIMS RNAM PAR DAG BA, YI DAM GYI LHA'I ZHAL GZIGS PA, MNGON PAR SHES PA RGYA CHEN PO DANG LDAN PA, CHOS RNAMS KYI RANG DANG SPYI'I MTSAN NYID RIG PA'I SHES RAB PHUN SUM TSOGS PA MNGA' BA, NUB PHYOGS AYON DANG 'DRA BA GRUB THOB DU SPUNG DE BA GCIG BYON TE, MTSOL PADMAS BRGYAN PA 'DRA BA'I 'KHOR SKAD PA DE DGE BSHES STON PA'I 'KHOR DE KUN LA ZER BA YIN, DE BAS NA MANG KHA NA MED GRUNG GTZO BA YIN GSUNG, DGE BSHES PO TO BAS KYANG, NGA'I DON GYI MKHAN PO DE RA SGRENG GI DGE BSNYEN RGAN PO DER SNANG GSUNGS NAS, 'BROM RIN PO CHE'I GDAMS PA THUGS NYAMS SU BZHES PAS NGES 'BYUNG GI BSAM PA MA BCOS PA THUGS LA 'KHRUNGS PA NA SNGAR GYI SO SO THAR

PA'I SDOM PA NGES 'BYUNG GI SDOM PAR SONG GSUNG BA LAGS, DE LA SPYIR JO BO BOD DU PHEBS NAS BDAG GNYER 'BROM RIN PO CHES MDZAD, JO BO RJE NYID KYANG 'BROM RIN PO CHE KHO NA LA THUGS GTOD PAR MDZAD, BSAM YAS SU BZHUGS PA'I TSE JO BO RJES 'BROM RIN PO CHE LA GSANG SNGAGS KYI SPYOD PA'I THABS MANG PO DANG, MCHIMS PHUR DO HA LA SOGS PA'I GDAMS PA ZAB MO RNAMS GNANG ZHING NANG DU THUGS NYAMS SU BZHES PAR MDZAD KYANG GSANG SNGAGS SGRA JI BZHIN PAR SPYOD PA'I RTZING SPYOD RNAMS JO BO'I DRIN LAS MED PA CIG BYUNG NA DGONGS PAS GSANG SNGAGS ZAB MO RNAMS GSAN PA SKAD DU YE MI MDZAD PAR THEG PA CHEN PO'I BLA MA BYA BA BSHAD PA NA 'BYAMS KLAS PAR GO BA BSKYED LA, LAG TU LEN PA NA BSTAN PA'I THA MA LA GANG PHAN DANG, THAD KAR DON DU GANG 'GYUR STON PA CIG DGOS GSUNG ZHING 'BROM RIN PO CHE NYID KYANG DE LTAR DU 'DOMS PAR MDZAD, 'BROM RIN PO CHES ZHANG CHOS KYI RGYAL PO, JO BO LEGS, YONGS RDZOGS RNAL 'BYOR PA, SPYAN SNGA DANG BZHI MIN PA LA SNGAGS KYI DBANG BSKUR MA GNANG BA YIN GSUNG, PO TO BAS 'BROM RIN PO CHE'I SPYAN SNGAR LO NGO BDUN BZHUGS PA LA BUM PA 'CHA' BA LAN CIG LAS MA GZIGS GSUNG, SNGON RNAL 'BYOR PA CHEN POS 'BROM RIN PO CHE LA BSRUNG SDOM RNAM PAR DAG PA'I STANGS PHUL, TING NGE 'DZIN PHUN SUM TSOGS PA'I RTOGS PA PHUL BAS, 'BROM RIN PO CHE'I ZHAL NAS, KHYOD BSRUNG SDOM RNAM PAR DAG STE BSDAM PAR BYA

, ,BA'I NYES BYAS PHRA MOS KYANG MA GOS, TING NGE 'DZIN BZANG STE RNA RTZAR RNGA BO CHE BRDUNGS KYANG MI CHOR BA YOD KYANG DE BAS NGA'I BYAMS PHA SNYING RJE BYANG CHUB KYI SEMS MED NA NYIN MTSAN DU BSHAGS PA BYA DGOS PA'I SAR SKYES DOGS YOD DO GSUNG NGO, ,YANG LAN CIG MU GE ZHIG BYUNG BA'I DUS SU 'BROM ZA LO MTSO MA BYA BA ZHIG GIS NAS MI KHUR LNGA BCU PHUL NAS DE'I MING PO 'BROM TSIG BA DA RE BYA BAS GTAM BTANG BA, JO BO LHA CIG 'DZAM BU GLING GI RGYAN DAM PA YIN, DE'I MAN NGAG BUM PA GANG BYO'I TSUL DU MNGA' BA DGE BA'I BSHES GNYEN STON PA KHYED YIN, PHYOGS PHYOGS NAS BYON BA'I GRA PA KUN YANG MAN NGAG 'DOD PA YIN PAS DE RING JO BO'I MAN NGAG GSUNG BAR ZHU ZHUS PAS, 'BROM RIN PO CHE'I ZHAL NAS BYA BYA GSUNGS NAS 'CHI BA MI RTAG PA DANG LAS DANG 'BRAS BU MANG DU BSAMS LA, KHAS BLANGS PA'I SNGOM BA DAG PAR BYA, BYAMS PA DANG SNYING RJE MANG DU SGOMS LA BYANG CHUB KYI SEMS BRTAN PAR BYA; DES 'PHAGS NAS TSOGS SGO SNA TSOGS NAS GSOG CING SDIG BA SGO SNA TSOGS NAS SBYONG BA DE BLA MA'I MAN NGAG YIN BAS, SANG TZA NA JO BO RJE LHA CIG DANG MA PHRAD SNYAM NA'ANG DE LAS MED DO, ,'BROM DGE BSNYEN RGAN PO DE DANG MA PHRAD SNYAM NA'ANG DE LAS MED GSUNG, YANG 'BROM RIN PO CHE'I ZHAL NAS, NGA'I LAM GYI RIM BA 'DI LA SU YID CHES, KHAMS MA GI NA STONG ZOM YON TAN SNYING PO BYA BA ZHIG YOD DE, DE LA BZLAS NA YID CHES SAM GSUNG, 'BROM

RIN PO CHES DGON PA BA LA NYIN GCIG THUGS DAM SKYEL DU BYON TZA NA MAndAL RDUL CHING NGE 'DUG PA LA, SGOM PA DBANG PHYUG RGYAL MTSAN, MCHOD PA MI BRJE BA TZUG YIN GSUNGS PAS, BAG RE NANG DU BSAM 'TSAL BAR GDA' BAS ZHUS BAS, KHYOD GCIG PU LA SGOM YOD SNYAM MAM, KHYOD BAS AA TI SHA SGOM BZANG STE'ANG MCHOD PA 'DI DANG 'DI RNAMS MDZAD PA YIN, NGA LA YID MA CHES NA MDO SDE LTOS GSUNG, YANG 'BROM RIN PO CHE SKU KHAMS CUNG MA BDE BA ZHIG GI DUS SU RNAL 'BYOR PA CHEN POS RTZIG PA LA THAG THOGS MED PAR BYON TE BSNYUN DRIS PAS, JO BO PA, KHYOD GANG NGO TSA BA'I YAN LAG DES DREGS SAM, SEMS CAN BZHAG NAS GAR CHA, DE NI NYIN MTSAN DU BSHAGS PA BYA DGOS PA'I SAR SKYE BA YIN GSUNG NAS BKA' BKYON, YANG DGON PA GONG NA 'BROM RIN PO CHE DANG, RNAL 'BYOR PA RNAM PA DANG, SKU MCHED GSUM RNAMS 'TSOGS NAS KU RE BZHAD GAD TZIG SE MDZAD TZA NA, NYE GNAS NA RE KU RE NI KU RE STE'U CAG RNAMS DE RING CI ZA ZER BA LA, DGON PA BA'I ZHAL NAS, AA PO NI SPUS SNA GDONG NA YAR BYUNG BA 'O NI KUN ZA BA YIN GSUNG, DAR CIG LON TZA NA YON BDAG GCIG GIS PHYE DANG MAR THUD 'KHUR BA ZHO LA SOGS PA RTA RGYAB GCIG BKAL NAS BYUNG BAS BSNYEN BKUR BZANG PO BYAS, DER 'BROM RIN PO CHES BSNGO BA YON BSHAD MDZAD NAS YON BDAG DE SONG BA'I SHUL DU BKA' PHAB MDZAD DE, SGOM CHEN BA KUN KYANG YON TAN BAG RES SBOS NAS PHYIN CHAD DE 'DRA BA GSUNG RGYU MA LAGS GSUNG

, ,NAS BKYON BAR MDZAD, 'BROM RIN PO CHE BRGYAD STONG 'GREL CHEN GSUNG BA'I DUS SU, MKHYEN GSUM THON NAS RNAM KUN LA MA ZUG BA'I SKABS SU SKU KHAMS LTEM PA CIG BYUNG NAS 'GREL PA GSUNG MA SPYOD PAR 'DI MAN CHOD KYI DOD PO GCIG BYA GSUNGS NAS, PHA ROL TU PHYIN PA DRUG GSUM BCO BRGYAD DU PHYE BA'I NYAMS SU BLANG BDE BA CIG GSUNGS PAS, SPYAN SNGA'I ZHAL NAS, GSUNG MA SPYOD PA RANG GIS 'TSENGS BSAM PA CIG BYUNG GSUNG, DE LTAR NA 'BROM RIN PO CHE DES G-YUNG CHOS MGON LO BZHIR BSTEN, RGYAL GYI ZHAD LA DGE BSNYEN GYI SDOM PA MNOS NAS KHAMS SU JO BO SE BTZUN GYI ZHABS DRUNG DU LO NYI SHU, DE NAS JO BO DANG MJAL NAS JO BO ZHING MA GSHEGS KYI BAR DU MI 'BRAL BAR ZHABS TOG MDZAD, JO BO'I YON TAN MA LUS PA THUGS SU CHUD PAR MDZAD NAS RA SGRENG DU LO DGUR BSTAN PA'I MNGA' BDAG MDZAD DE, SPYIR SANGS RGYAS KYI BSTAN PA RIN PO CHE YANG SGOS SU BKA' GDAMS KYI BSTAN PA RIN PO CHE NYI MA SHAR BA LTA BUR MDZAD, PHYI RABS KYI GDUL BYA RNAMS KYI DON DU JO BO RJE DANG 'BROM RIN PO CHE RANG NYID KYI THABS MKHAS KYI SPRUL PA 'BYON TSUL GSANG BA ZAB MO'I GNAS RNAMS KYANG STON PAR MDZAD DE, RJE BTZUN 'JAM PA'I DBYANGS KYI SPRUL PA RDOG LEGS PA'I SHES RAB KYI GSOL BA SHUGS DRAG TU BTAB, JO BO RJES KYANG GSUNG BAR BSKUL NAS 'BROM RIN PO CHES PHYOGS BCU'I SANGS RGYAS THAMS CAD KYIS 'PHAGS PA SPYAN RAS GZIGS

KYI THUGS RJE BSKUL NAS BOD KHA BA CAN GYI MGON POR BYON BA'I LO RGYUS RNAM THAR ZHIB TU GSUNGS SHING, MA 'ONGS PA NA'ANG JO BO RJE DANG 'BROM RIN PO CHE GNYIS KYI SPRUL BA RGYUN MI 'CHAD PA BYON NAS RGYAL BSTAN 'DZIN CING SPEL BA DANG, DE DANG DE'I TSE DGON GNAS JI LTA BU 'BYUNG BA DANG, MTSAN JI LTA BU 'BYUNG DANG, MDZAD BA JI LTA BU MDZAD RNAMS LUNG BSTAN PA'I GLEGS BAM MDZAD, BKA' GDAMS BSTAN PA'I CHU 'GO BTZUGS, BKA' GDAMS KYI BSTAN PA'I SNYING PO'I YANG SNYING PO THIG LE BCU DRUG GI GDAMS NGAG CHA LAG DANG BCAS PA THOR BU THOR BUR BSTAN BA DANG, KHYAD BAR RGYAL BA'I BKA' DANG DGONGS 'GREL MA LUS GANG ZAG GCIG GI NYAMS LEN GYI RIM BAR HRIL GYIS DRIL BA SKYES BU GSUM GYI LAM GYI RIM PA RGYUD LA SBYOR TSUL SHIN TU GSAL ZHING GO BDE BA, BLO MTHO DMA' SUS BLTAS KYANG RGYUD 'KHUL BA RANG RGYUD LA BSKUL 'DEBS DAD PA'I LJON SHING SOGS GDAMS NGAG GI YIG 'JOG KYANG MANG DU MDZAD NAS MYA NGAN LAS 'DA' KHAR PO TO BA'I PANG DU DBU BZHAG NAS YOD PA'I TSE PO TO BA'I THUGS LA 'JIGS SAR SKYEL MAS BOR BA 'DRA BA ZHIG 'ONG BAR 'DUG NA DA SU LA BRTEN SNYAM ZHING SPYAN CHAB 'BROM RIN PO CHE'I NA BZA'I GONG TZA NA MAR NYIL GYIS BYUNG BAS 'BROM RIN PO CHES MKHYEN NAS, ZHAL 'CHEMS LA DA PHAN 'CHAD DGE BA'I BSHES GNYEN 'DI KHO NA LA BRTEN DGOS BYA BA YE MED KYI, MDO SDE LTOS, DGE BA'I BSHES GNYEN MDO SDE LA GYIS ,

, ,GROGS PO MIG ZUR LA LCI BA DANG 'GROGS, KHA MNYAM LAG MNYAM DES KYANG MI 'ONG BAR SNANG, GNYIS DANG GSUM YANG NYUNG, GCIG PUR YE MA 'DUG ,BZHI LNGA MAN CHOD TZAM RAN, DE LAS MANG DU YANG MI RUNG, SEMS BZANG POR GYIS DANG, KHYAD PAR CAN DANG PHRAD DE 'ONG GI GSUNGS NAS, MDUN NA JO BO LEGS YOD PAS, SEMS BZANG PO BYANG CHUB KYI SEMS LA ZER BA MA LAGS SAM ZHUS PAS, YIN MOD GSUNGS NAS SKU DNGOS KYI GDUL BYA RNAMS RDZOGS PA NA SHING PHO 'BRUG GI LO SNON GYI ZLA BA'I TSES NYI SHU LA RA SGRENG DU SKU'I BKOD PA BSDUS TE DGA' LDAN CHOS KYI PHO BRANG DU RGYAL BA MA PHAM PA DANG NAM MKHA' DRI MA MED PA 'KHOR BCAS KYI ZHABS DRUNG DU PHEBS SHING, GZHAN YANG NAM MKHAS GAR KHYAB TU SPRUL PA'I BKOD PAS KHYAB STE, GDUL BYA GANG DANG GANG NA YOD PA DER RANG RANG GI KHAMS DANG BSAM PA DANG MTHUN PAR SKU'I BKOD PA BSTAN NAS 'GRO BA'I DON MDZAD CING BZHUGS SO, ,'BROM RIN PO CHE 'DI LA LHA DANG MI'I SLOB MA BSAM GYIS MI KHYAB PA YOD CING, BSTAN PA YONGS RDZOGS 'DZIN PA'I SLOB MA'ANG CHES MANG BAR YOD LA, YONGS SU GRAGS PA'I SLOB MA'I GTZO BO NI DGE BSHES KHAmS PA LUNG PA CHEN PO DANG, RNAL 'BYOR RNAM PA BZHI DANG BKA' GDAMS SKU MCHED GSUM STE, KHAMS PA LUNG PA CHEN PO NI, 'PHAN YUL YUNG BAR SHING MO GLANG LA 'KHRUNGS, RUS SGANG, RTEN DGE BSNYEN YIN MTSAN SH'AKYA YON TAN, GZHON PA'I DUS SDE SNOD LA YANG

SBYANGS PA MDZAD DE, NYID KYI ZHAL NAS, NGAS LHA SA SNYE THANG DU BA MA YIN PA DANG RTA MA YIN PA LA MI TSE BSKYAL ZHES GRAGS, SNYE THANG DU JO BO NYID DANG MJAL ZHING PHYIS RVA SGRENG DU DGE BSHES STON PA YUN RING DU BSTEN CING SKU MCHED GSUM MAM BZHI ZHES GRAGS, PO TO BA'I ZHAL NAS, YUNG BA'I DGE BSHES SGANG SH'AKYA YON TAN GYIS CHOS BDEN PAR BZUNG NAS SKYABS SU MCHI BYAS PAS, DA LTA YUNG BA LUNG PA NA KHONG LAS BDE SKYID CHE BA MED GSUNG, DE LTAR DGE BSHES KHAMS LUNG PAS DGUNG LO DGU BCU'I BAR SGRUB PA'I RGYAL MTSAN BTZUGS SHING SEMS CAN GYI DON MDZAD NAS SHING MO LUG DGU BCU RTZA GCIG PA RTA'I ZLA BA'I TSE BCU BZHI LA KHAMS LUNG DU SKU GSHEGS, CHOS LA THUN BRGYAD MAR MING THOGS TSOGS PA STONG PHRAG RE TZAM 'TSOGS, BYANG CHUB KYI THUGS 'BYONGS PAS ZHAL MTHONG BA THAMS CAD DAD PAR GYUR, PHYOGS MTHA' DAG NAS MJAL MI BYUNG BA NA, KHYED CAG GI YUL NA MI RGAN MED DAM GSUNG BA LA, MI RGAN TA YOD DE KHYED DU LTA BU MED CES ZHUS MDOR NA MTHONG THOS DRAN REG DON LDAN DU 'GYUR NGES PA'I SKYES BU CHEN POR GRAGS SO, ,SKU MCHED GSUM GYI RNAM PAR THAR PA NI PHYI NAS 'CHAD PAR 'GYUR LA, RNAL 'BYOR PA RNAM PA BZHI NI, RNAL 'BYOR PA CHEN PO BYANG CHUB RIN CHEN, RNAL 'BYOR DGON PA BA CHEN PO DBANG PHYUG RGYAL MTSAN, RNAL 'BYOR PA SHES RAB RDO RJE, RNAL 'BYOR PHYAG DANG STON PA BZHI STE DE DAG GI RNAM THAR NI SNGAR JO BO'I RNAM THAR GYI SKABS SU BSHAD PA LTAR RO, ,GZHAN MA DGE PA SHES KA BA CHEN PO, GSANG

, ,PHU BA LEGS BA'I SHES RAB, YER PA'I DGE BSHES JO BO LEGS SOGS SEMS DPA' CHEN PO NGO MTSAR BSAM GYIS MI KHYAB PA'I RNAM THAR DANG LDAN PA MANG DU YOD MOD KYI YI GE'I KHUR GYIS 'JIGS PAS 'DIR MTHA' DAG MA SPROS SO, ,DES NA BYANG CHUB LAM RIM LA BLO SPYONG BAR 'DOD PA RNAMS KYIS THUGS RJE CHEN PO RGYAL BA 'BROM GYI RNAM THAR RNAMS DRAN PAR BYAS LA SKU'I RNAM PA YID YUL DU BYAS TE YANG DANG YANG DU GSOL BA GDAB PA DANG, LHAG PAR TSE 'DI BLOS GTONG BA DANG MKHA' KHYAB KYI SEMS CAN LA BYAMS SNYING RJE SBYONG BA SOGS 'BROM RIN PO CHE'I GSUNG RNAMS DRAN PAR BYAS LA NYIN RE BZHIN BYANG CHUB LAM GYI RIM PA LA BAG CHAGS CI THEBS BYA'O,, ` ,,JO BO RJES BYANG CHUB LAM GYI RIM PA'I MAN NGAG GSAN BRGYUD LA RGYA CHEN SPYOD RGYUD DANG, ZAB MO LTA RGYUD GNYIS BYUNG ZHING, JO BO RJES 'BROM RIN PO CHE LA RGYA CHEN SPYOD RGYUD DANG, ZAB MO LTA RGYUD KYI MAN NGAG GNYIS GCIG TU BSRES NAS BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I LUS GCIG TU DRIL NAS GNANG BAS DE PHYIN LA RGYUD PA GNYIS SO SOR MED KYI JO BO YAB SRAS LA SLOB MA BSAM GYIS MI KHYAB PA BYUNG BAS BRGYUD TSUL MTHA' YAS PA YOD MOD KYANG GTZO BO YONGS SU GRAGS PA NI JO BO YAB SRAS NAS DGE BSHES DGON PA BA, DE NAS SNE'U ZUR PA SOGS LA RIM GYIS BRGYUD PA DANG, 'BROM RIN PO CHE NAS DGE BSHES SPYAN SNGA BA, DE NAS BYA YUL BA SOGS LA BRGYUD

PA DANG, 'BROM RIN PO CHE NAS DGE BSHES PO TO BA, DE NAS SHA RAB SOGS LA BRGYUD PA GSUM BYUNG NGO, ,DGE BSHES SPYAN SNGA BA NAS BRGYUD PA LA BKA' GDAMS GDAMS NGAG PA DANG, DGE BSHES PO TO BA NAS BRGYUD PA LA BKA' GDAMS GZHUNG PA ZHES THA SNYAD MDZAD DO, ,DE LA, RNAL 'BYOR DBANG PHYUG DPAL LDAN DGON PA BA, ,ZHES BSNGAGS PA, DGE BSHES DGON PA BA NI, MDO KHAMS SGANG DU SNGAGS PA CIG GI SRAS SU ME PHO 'BRUG LA 'KHRUNGS, GDUNG RUS 'DZENG YIN PAS PHYIS DGON PA BA RA SGRENG NA BZHUGS PA'I TSE 'DZENG SGOM ZHES BRJOD PA YANG RUS MING NAS BRJOD PA YIN NO, ,DE NI SKU GZHON NU NAS RAB TU BYUNG, MTSAN DBANG PHYUG RGYAL MTSAN ZHES BTAGS, NAM ZHIG NA DUS KYI CHOS NYID KYIS YAB YUM GNYIS KA GRONGS NAS YAB LA DPE CHA MANG PO YOD PA GROGS PO ZHIG DANG GROS BYAS TE, RI KHROD DPEN PA CIG TU LTA RTOG BYED CING DGE SBYOR BYED PA'I GROS BYAS, PO TI MANG PO'I KHRES PO ZHIG BCOS, BRGYAGS PHYE TSUN BSDOGS NAS 'GRO BAR CHAS YOD PA'I DUS SU, DBUS NAS YONGS PA'I CHONG PA TSAN CIG DANG PHRANG PAS MNGA' RIS STONG DU PAndI TA CHEN PO ZHIG BYON LO BYA BA GSAN PAS SNGON GYI BAG CHAGS SAD DE PAndI TA CHEN PO DE DANG MJAL NAS CHOS PHU THAG CHOD PA ZHIG ZHUS TE TSE THUNG 'DI LA RKYEN GANG GI'ANG DBANG DU MA SONG BAR SGYUB PA MTHAR PHYIN PA ZHIG BYED SNYAM PA'I 'DUN PA SHUGS DRAG PO BYUNG NAS RANG YUL NYE DU NOR LONGS SPYOD GANG LA'ANG MA CHAGS PAR DPE CHA DANG BRGYAGS PHYE GROGS PO LA BZHAG ,DBUS SU 'GRO BA'I TSONG BA TSAN

, ,CIG BYUNG BAS, BRGYAGS MED PAR DE DAG DANG LHAN DU 'GRON PO RNAMS LA SLONG GIN BYON TE GTZANG GI NYAN TSOR JO BO DANG MJAL CHOS ZHUS PAS, NGA'I BLA MCHOD BYED NA CHOS BSHAD GSUNG, KHO BOS BLA MCHOD RNGO MI THOG ,CHOS SHIG THUGS LA 'DOGS PAR ZHU BYAS PAS, BLA MCHOD MI BYED NA NGA YANG CHOS MI BSHAD GSUNGS PAS, DER BLA MCHOD DU KHAS BLANGS NAS BZHUGS, JO BO RJES 'BROM RIN PO CHE LA LKOG TU GSUNGS PA RNAMS MA GTOGS CHOS GANG GSUNGS THAMS CAD ZHUS, LHAG PAR KHONG RANG LA CHED DU SKYES BU GSUM GYI LAM GYI RIM PA'I KHRID RDZOGS PAR GNANG NAS BSGOMS PAS MYONG BA PHUL DU PHYIN PA THON, SNGAGS KYI GDAMS PA'ANG MANG DU ZHUS SHING KHYAD PAR JO BO MI G-YO PA'I SGRUB YIG CHEN MO DMIGS PA SKOR GSUM DANG BCAS PA LO TZ'A BAS KYANG BAR DU MA BCAD PAR TSANG BAR MDZAD CES SNGON GYI CHOS 'BYUNG 'GA' ZHIG LAS 'BYUNG STE, JO BOS BOD SKAD DU GSUNGS PA'AM, KHONG RANG GIS RGYA SKAD LOBS TE LO TZ'A BA LA MI BLTOS PAR JO BO LAS DNGOS SU GSAN PA GANG RIS SU MNGON NO, ,JO BO RJES SKAL LDAN GYI GDUL BYA KHYAD PAR CAN DU GZIGS NAS CHOS DANG ZANG ZING GNYIS KAS BSKYANGS TE BLA MCHOD MDZAD CING LAM YONGS RDZOGS RGYUD LA SKYE BAR BYIN GYIS BRLABS, KHONG RANG GIS KYANG JO BO RJES GNANG BA'I MAN NGAG THAMS CAD LA SGRUB PA RTZE GCIG TU MDZAD PAS LAM RGYUD LA SKYE BA'I RGYU TSOGS THAMS CAD CHENG STE,

LAM GYI RTZA BA BSHES GNYEN BSTEN TSUL LA THUG PAS JO BO RJE LA SANGS RGYAS DNGOS KYI 'DU SHES BCOS MA MIN PA SKYES, SKYES BU CHUNG NGU'I LAM LA SBYANGS TE TSE 'DI LA CHAGS PA'I BSAM PA GTAN NAS LOG STE PHYI MA'I DON 'BA' ZHIG SGRUB PA'I BSAM PA DANG, LAS 'BRAS LA GTING NAS YID CHES PA'I DAD PA DANG, SKYES BU 'BRING GI LAM LA SBYANGS PAS 'KHOR BA MTHA' DAG LA ZHEN PA LOG BA'I NGES 'BYUNG BCOS MA MIN PA SKYES TE KHAS BLANGS PA'I TSUL KHRIMS LA BSDAM PAR BYA BA'I NYES PA PHRA MO TZAM GYIS KYANG MA GOS PAR MDZAD, LAM SGRUB PA LA BRTZON PA SHUGS DRAG LA RGYUN RING BA NAR MAR MDZAD DE, LAN CIG GZIM MAL DU SKYIL KRUNG LAM GYIS MDZAD PAS BREL SHA LA SPEN MA YOG SHING TZAM ZHIG THAM GYIS ZUG ,DE 'DRA BA LA DBYUNG RIN MED, DGE SBYOR RANG GAL CHE SNYAM NAS THUGS DAM DU HRIL GYIS SONG, NAM LANGS TZA NA GZIM MAL THAMS CAD KHRAG GIS GANG, SKU'I BRLA SHA THAMS CAD NUR NAS SHIN TU BSNYUNG BA BYUNG, DE DGE BSHES STON PAS GSAN PAS YE KHAMS PA GLEN BA DE PHYUNG NAS BSGOMS PAS CI MA KHYAB GSUNG, LKOG TU KHONG GI DE 'DRA ZHIG DGOS PA YIN GSUNGS NAS BSNGAGS PA BRJOD PAR MDZAD, DE LTAR BLA MA LA DAD PA DANG, TSUL KHRIMS DAG PA DANG, BSAM GTAN SGOM PA LA BRTZON PA SHUGS DRAG PA STE RGYU GSUM PO DE LA BRTEN NAS TING NGE 'DZIN PHUN SUM TSOGS PA NI KHAMS GONG MA'I TING NGE 'DZIN BRNYES PA YIN GSUNG,

, ,LAN CIG TZA NA RLUNG BZUNG STE BA SPU YANG MI 'GUL BAR DROD TSA LAM ME BYAS NAS ZHAG GSUM GSUM TZAM BZHUGS PAS, SLOB MA RNAMS DA NI GRONGS ZIN SNYAM PA LA, AA HA HA GSUNG NAS KOG GIS BZHENGS, DE TZUG MDZAD PA CI TZUG LAGS ZHUS PAS, KHAMS CUNG ZHIG MA BDE BAS RLUNG BAG TZAM BZUNG BA YIN GSUNG, RGYA GAR NAG CHUNG BYA BDE YANG RA SGRENG DU BYON PAS, DGON PA BA'I GRANG KHANG LA MDZUB MO BTZUGS TE 'DI LA TING NGE 'DZIN DANG MNGON SHES YOD ZER BA'ANG BYUNG, PO TO BA KLUNGS SHOD NA 'GO NA BZHUGS PA'I DUS SU, PHU CHUNG BA DANG SNE'U ZUR PA GNYIS KYIS DGON PA BA'I SKU CHE BA'I YON TAN GLENG BA LA, PHU CHUNG BA'I ZHAL NAS, ZHANG SGOM KHYED 'PHYI BA YIN, NGED SNGON DGE BA SHES DGON PA BA DANG JA GRAL GCIG NA BZHUGS PA'I DUS NA, DGON PA BA'I ZHAL NAS, NGAS BAR DER SANGS RGYAS RJES SU DRAN PA BAG TZAM ZHIG YID LA BYA'O GSUNGS NAS SPYAN ZIM TZAM MDZAD NAS BZHUGS, RJES LA NGAS DA LTA TING NGE 'DZIN LA MNYAM PAR GZHAG PAS 'OG GI PHYOGS NA SANGS RGYAS SHIG BYANG CHUB SEMS DPA' DPAG TU MED PAS BSKOR NAS CHOS GSUNGS PA DE NGA'I LHA'I SPYAN GYIS MTHONG BA YIN; LHA'I SNYAN GYIS GSAN PA YIN GSUNG, YANG DGON PA DBANG PHYUG 'OD BYA BA MTSAMS BCAD MDZAD PA CIG BRGYAGS CHAD NAS DRO GZAN MED PAS MTSAMS BTON LA DRO GZAN BTZAL DGOS SNYAM NAS, PHAR TZAM

TSUR TZAM 'DUG TZA NA, DGON PA BA LA NYE GNAS KYIS BSHOS DRANGS BYIN LEN ZHUS TZA NA, BSHOS DE PHYAG TU BSNAMS NAS LA 'UR 'DI KHO LA SKYOL SHOG ,KHO LA DRO GZAN MED GSUNG, NYE GNAS KYIS SKYEL DU PHYIN TZA NA, MTSAMS BTON LA KHAD GDA' SKAD NA JI LTA BA BZHIN GZIGS PA CIG BDEG PAR GDA', YANG DGON PA GONG DU DGE BSHES STON PAS DBU MDZAD RNAL 'BYOR PA RNAMS 'TSOGS NAS BZHAD GAD SHIG GE 'DUG TZA NA, NYE GNAS KYIS 'U CAG DE RING CI ZA ZHUS PAS, DGON PA BAS AA PO NI PUS SNA GDONG NA YAR BYUNG BA 'DI KUN ZA BA YIN GSUNGS PAS, DE LA STON PAS KYANG BKYON PAS, PHYIS DGE BSHES STON PAS BKYON DU 'ONG GSUNGS NAS DE TZAM MI GSUNG BA YIN , YANG SNE'U ZUR PA SKU KHAMS LTEMS PA CIG LA STON PA TSUL SENG BYA BA'I GROGS PO ZHIG YOD PAN RE, DGON PA BA'I MAN NGAG SPYI BOR ME 'BAR BA 'DI LTA BU ZHIG YOD DE SGOMS ZER BAS, BSGOMS BAS JI LTA BA BZHIN DU BTUB PAR BYUNG, DER DGON PA BA'I SBYAN SNGAR BYON NAS MDANG DA NANG KHAMS LTEMS PA CIG GDAB ZHUS PAS, SPYI BO NA ME 'BAR BA DE SGOMS GSUNG, DE MI SHES ZHUS PAS 'O NA MDANG DA NANG SPYI BO NA ME ZHIG 'BAR GYIN 'DUG PA KHO NAR TSOR GSUNG STE, JI LTA BA BZHIN THIGS BYUNG STE STON PA TSUL SENG DE SKAD ZER BAS BSGOMS PA LAGS ZHUS PAS, 'O GROGS LA THOS PA'I CHOS NYAMS SU BLANG DU MI BTUB, 'DRI BA NI MI TO, DA 'DI BZHIN DU GYIS GSUNGS NAS, DMIGS

, ,PA SKOR GSUM GYI GDAMS NGAG RNAMS GSUNGS, YANG SNE'U ZUR PA RTZE DROR YON BDAG CIG GIS BSHOS DRANGS TE BZHUGS PA'I DUS STENG CHUNG ZHIG TU THUGS DAM MDZAD PAS DGE SBYOR SHIN TU 'PHEL BAR BYUNG, DGE BSHES KYI SBYAN SNGAR BYON DUS KHYOD MDANG DA NANG STENG CHUNG LTE BLTEB DE NA DGE SBYOR SHIN TU 'PHEL BAR 'DUG AANG GSUNG, ROG THOM DU LHA BZO BA'I LUGS BYED PA LA RA SGRENG DU SGOM CHEN RNAMS LA GTOR MA ZHUS PAS, DGON PA BAS, 'U AU GSUNG, CI LAGS ZHUS PAS, LUGS BRDOL GSUNG, DRIS PAS DE TZA NA BRJOD 'DUG SKAD, YANG SNE'U ZUR PAS BSGOMS NAS RTOGS PA SHOG PA RE BYUNG BA'I DUS SU, BLA MA'I ZHABS LA GTUGS PA'I PHYAG GCIG BYA DGOS SNYAM NAS SPYAN SNGAR BYON DUS, ZHABS G-YAS PA DE SHAD KYIS BRKYANGS NAS 'ONG BA LAGS PAR GDA', CHOS 'DI LTA BU ZHIG ZHU SNYAM PA DE ZHU MI DGOS PAR BSHAD KYIS GSUNG 'ONG BA YIN, DAM TSIG GSUM BKOD PA'I RGYAL PO LHAG PA'I LHAR BZUNG NAS BZLAS PA STONG PHRAG BRGYAD SONG TZA NA ZHAL GZIGS, DE NAS STONG PHRAG BRGYAD NAM SONG SONG NA ZHAL MA GZIGS PA BYED MA MYONG, GZHAN YANG DE BZHIN GSHEGS PA'I PHAN YON GYI LE'U NAS GSUNGS PA RNAMS LA NGAS NYAMS SU MA MYONG BA MED GSUNG, LE'U DE NAS GSUNGS PA LA NI DKYIL 'KHOR THAMS CAD DU ZHUGS PAR 'GYUR RO, ,TSE 'DI NYID LA SANGS RGYAS KYI MDZAD LA BYED PAR 'GYUR RO, ,ZHES GSUNGS TE BSAM

GYIS MI KHYAB BO, ,DGE BSHES DGON PA BA DE TING NGE 'DZIN SHIN TU BRTAN PAS LHA'I GZIGS SNANG DANG MNGON PAR SHES PA RGYA CHEN PO MNGA' BDE LTAR YIN YANG DGON PA BA RANG GI THUGS KYI BZHED PA'I GTING LA LHA'I ZHAL MTHONG BA DANG MNGON SHES SKYES PA DGE SBYOR GYI 'BRAS BU GTZO BOR 'DZIN PAR MI MDZAD KYI LAM GYI RIM PA'I DMIGS SKOR SO SO LA MYONG BA BCOS MIN SKYES PA ZHIG DAB LHAG BAR LAS 'BRAS LA YID CHES NAS SDOM PA GSUM GYI BCAS MTSAMS DAG PA GTZO BOR 'DZIN PAR MDZAD DE, DGON BA BA'I ZHAL NAS, SNE'U ZUR PA LA, YE 'BAR SANG NAS TZA NA KHYED KYI DGE BA SHES PA DE KUN MAN NGAG GI MTHIL GANG LA BYED ZER NAS 'DRI NA, MNGON PAR SHES PA'AM YI DAM GYI LHA ZHAL MTHONG BA LA BYED BYAS PA 'ONG NGO, ,LAS RGYU 'BRAS LA RJE NGES RJE NGES SONG NAS JI LTAR KHAS BLANGS PA'I SDOM PA NGAG BAR SRUNG BA ZHIG LA BYED ZER BA YIN GSUNG NGO, ,JO BO'I MAN NGAG LAM GYI RIM PA'I 'GO BSHES GNYEN BSTEN TSUL NAS MTHAR THUG 'BRAS BU ZUNG 'JUG 'GRUB PA'I BAR RANG GI RGYUD LA SBYAR NAS SGOM BAR MDZAD PAS SGOM GEGS KYANG MANG BAR BYUNG STE JO BOS 'PHRAL LA SEL BAR MDZAD PAS JO BO'I SLOB MA SGOM GYI GEGS SEL BA LA RTZAL THON PAR GRAGS, JO BO RJE DANG NYAN TSOR MJAL BA NAS MTHAR SNYE THANG DU JO BO ZHING GSHEGS PA'I BAR 'BRAL MED DU BSTEN CING, JO BO GSHEGS NAS JO BO'I GSUNG BZHIN RA SGRENG DU DGE BSHES STON PA'I PHYAG PHYI

, ,MDZAD DE, DGE BSHES STON PA DANG RNAL 'BYOR PA GDAN SAR BZHUGS RING LA'ANG DGON PA GONG DU SGRUB PA RTZE GCIG TU MDZAD, RTA LO LA RNAL 'BYOR BA GSHEGS PA'I LO DE NYID GTOGS PA'I LO LNGA GDAN SA MDZAD DE SKAL PA DANG LDAN PA DAG LA JO BO'I MAN NGAG RGYA CHER SPEL LO, ,DE LTAR DGE BA'I BSHES GNYEN DGON PA BA CHEN PO DES RANG GI SRAS KYI THU BO SNE'U ZUR PA LA JO BO'I MAN NGAG RDZOGS PAR GNANG ZHING GZHAN YANG DNGOS KYI GDUL BYA RNAMS SMIN BAR MDZAD NAS, DGUNG LO DRUG CU RTZA BDUN PA CHU PHO KHYI'I LO MNGON PAR BYANG CHUB PA'I NYA LA SKU GSHEGS TE DGA' LDAN CHOS KYI PHO BRANG DU PHEBS SO, ,DGE BSHES DGON PA BA DE LA SLOB MA BSAM GYIS MI KHYAB PA BYUNG BA'I NANG NAS YONGS SU GRAGS PA SNE'U ZUR PA, ZHANG KA MA BA, DGE BSHES 'BAN GUNG RGYAL, KHA RAG SGOM CHUNG BA, RGYA LCAGS RI BA SOGS BSTAN PA YONGS RDZOGS 'DZIN PA'I BSHES GNYEN MANG DU BYON NO, ,DE LA KA MA BA NI; JO BO LAN PA SPYIL BUR PHEBS DUS, YUM DES JO BO LA BYIN RLABS ZHUS PAS, 'DI LA BUM BZANG PO ZHIG 'ONG ZHES LUNG BSTAN BA BZHIN, ME MO BYA LA KLUNGS SHID RUG PAR SKU 'KHRUNGS, YAB ZHANG 'BEN PHYUG GI SRAS YIN PAS ZHANG BU GCIG PAR GRAGS, MTSAN SHES RAB 'OD, PHYIS DGON PA BA MJAL DU BYON BAS, CHOS DAN ZANG ZING GNYIS KYIS BSKYANGS SHING PO TO BA LA YANG CHOS GSAN, MNGON PAR RTOGS PA'I YON TAN TSAD MED PA DANG LDAN ZHING,

RGYA BOD SKAD GNYIS SBYOR BA'I LO TZ'A YANG 'BRING ZHIG MKHYEN, PHYI ROL GYI DNGOS PO NGAN PA RNAMS BZANG POR BSGYUR NUS PA'I TING NGE 'DZIN BRTAN PO MNGA', PHYIS KA MA DGON PA BTAB STE 'PHRIN LAS BRKYANGS PAS, TSOGS PA BDUN BRGYA TZAM 'DUS SO, ,BDUN CU RTZA LNGA PA LCAGS MO PHAG GI LO'I RTA'I ZLA BA'I NYI SHU GSUM LA KA MAR SKU GSHEGS SO, ,DGON PA BA'I SLOB MA DGE BSHES 'BAN NI, PHAN YUL GYI SA'I CHAR SKU 'KHRUNGS, RAB TU BYUNG BA'I MTSAN TSUL KHRIMS RGYAL BA, KO DE LUNG DU BZHUGS PAS KO DE LUNG PAR GRAGS, KHONG GIS GZHON DUS SPRANG BA 'BA' ZHIG MDZAD NAS THUGS KYANG MDUL BA CIG YOD BA YIN, PHYIS DGON PA BA BSTEN NAS LAM RIM THUGS NYAMS SU BZHES PAS, CHOS RNAL MA THUGS RGYUD LA 'KHRUNGS PA CIG BYUNG BAS, DGE BSHES PO TO BA'I GSUNG NAS KYANG, BOD KYI RGYAL KHAMS NA 'CHI BA GSHA' MAR BLO LA SKYES PA 'BAN GUNG RGYAL YIN GSUNGS TE, KHONG RAB TU 'BYUNG BA'I SNGA ROL DU, PHYIS 'DI 'DRA BA NUS SAM MI NUS BTAL BA'I PHYIR, RGYU MO'I GROG PO BYA BA GNYAN PO ZHIG YOD PA'I SAR NUB GCIG NYAL DU PHYIN SKAD, DE NAS RAB TU BYUNG NAS THAMS CAD SPANGS TE BSOD SNYOMS MDZAD PAS, 'TSO BA MED BA YANG LAN MANG DU BYUNG, RANG LA RNGAN BGRANG 'DI LTAR MDZAD DE, DE RING SANG GI DBANG BYAR MED PAR GTAN DU 'DUG RTZIS MA BYED TSUL KHRIMS RGYAL BA GSUNGS NAS CHIG SMRAS MDZAD, 'GRO SNYING 'DOD TZA NA SGO GTAN LA ZHON NAS RKANG PA THAG

, ,PAS BCINGS TE BZHUGS GSUNG, CHOS NAN TAR BYED NA HUR CHEN PO ZHIG 'BYIN MI DGOS SAM, MI NGOR MA SONG BCIG MI DGOS SAM, MTHA' RGYA CHOD PA CIG MI DGOS SAM, NGA DGE TSUL YIN NA GTZANG PHU SGOM CHUNG TZAM ZHIG 'ONG, GROGS PO GCIG SHI BA'I RO SKYEL DU SONG BA'I SHUL DU BZHUGS BAS BAG TZAM 'JIGS PA'I ZHAD CIG BYUNG BAS, ME SGRON BTEG NAS KHYOD SU LA 'JIGS, GANG NA CI YOD GSUNG SKAD, YANG KHONG GI GSUNG NAS, SNGON NGA PHO RANG MI GCIG LA STON THOG KHAL BZHI BCU'ONG, GRONG PA RNAMS KYIS MING BZHI BCU SDIGS SU BTAGS, NYIN MO LA KHA'I MI RGOD BYAS, NUB MO RKUN PHUG BYAS BAS LTO MA PHYID, DA MCHIL MA RDO LA MI 'DEBS TE LTO PHYID, MU GE CHEN PO BYUNG YANG SU PHYUG PA CIG DANG MJING SBREL NAS BSDAD CHOG ,CHOS BDEN SEMS PA NYIS BSTUD GSUM BSTUD DU 'CHOR GSUNG, SNGAR NGA'I KHAS ZAS MI RNYED DA ZAS KYIS NGA'I KHA MI RNYED GSUNG, RES 'DI SKAD GSUNG, NGA NI TSUL KHRIMS RGYAL BA YIN NO; ;KHYOD NI 'BAN GUNG RGYAL YIN NO, ,DGE SLONG TSUL KHRIMS RGYAL BA LA 'BAN GUNG RGYAL 'GRAN MA CHE ZHIG GSUNG ZHING KOR YUG YUG MDZAD LO, ,PHAN YUL STOD KYI DGON BA MANG PO 'JOMS MI BYUNG BA LA, DGON PA THAMS CAD KYIS RUG CHOS BYAS PAS 'BAN GYIS CHOS GOS GSOL CHU BUM PHYAG TU THOGS NAS, DA NGA'I RUB CHOS 'DI LAS BYA THABS YOD DAM ZER SKAD, DE PHYIS SU PO TO BAS GSAN BAS, SHIN TU MNYES NAS KHO'I RUB CHOS DE YIN, 'BAN GUNG

RGYAL GYI RUB CHOS DE YIN, 'U CAG KYANG BAN DE SLOB NA DE TZUG TU SLOB DGOS GSUNG SKAD, KHA CHE PAn CHEN BYON BA'I DUS SU BOD STON RNAMS RTA RMIG LCAGS KYIS DRIL LTA BA RTZAD DPYOD DU BYON PA LA, KHONG MI TSE THOS PA LA BSKYAL BA KUN KYANG DA GDOD LTA BA RTZAD DBYOD NA, NGA THOS CHUNG SANG 'DRES 'KHYER, GNANG PA? 'DRAS 'KHYER ZER BA CIG BSDAD PAS GA NA 'ONG, NGA YANG 'GRO BSAM PA CIG BYUNG BA LA, GA RE THOS PA BYAS PAS NYON MONGS PA CHUNG BAR 'GYUR, NYON MONGS PA CHUNG BA LA BDUD KYIS GLAGS MI RNYED ZER BA LA, NGAS THOS PA TZAM MA BYAS KYANG NYON MONGS PA CHUNG DU SONG NAS 'DUG ,KHONG THOS PA BYAS PA KUN GYI NYON MONGS CHUNG DU MA SONG BA 'DI CIS LAN SNYAM PA LA, KHA LA BRGYUD PAR SONG BAS LAN SNYAM PA CIG BYUNG GSUNG, DA NI STON BA CIG BYAS KYANG 'ONG NGAM SEMS, SGOM CHEN ZHIG BYAS KYANG 'ONG NGAM SEMS, GNAS BRTAN ZHIG BYAS KYANG 'ONG NGAM SEMS, GTZO BO ZHIG BYAS KYANG 'ONG NGAM SEMS GSUNG LO, ,KHONG STONG NGA NYID KYI TSIG KHO NA ZHAL NAS 'ONG BA LA, PO TO BA'I ZHAL NAS, GUNG RGYAL 'DRA BA 'DI KHA LA STONG PA THOGS NAS GSUNGS TE BKYON, DGE BSHES KYIS BKYON PAS 'DI MA LEGS PA YIN TE 'ONG SNYAM NAS BZHAG PAS, BZHAG TU MA BTUB BAR STONG BA NYID DU CHAM RTZER SONG BAS, DGE BA'I BSHES GNYEN PA KHO BO LAS NI KHYAD DU MI GSOD, STONG PA BZHAG TU MI BTUB PAR GDA' ZHUS PAS, KHYOD RANG SGOMS SHIG NGAS GZHAN LA BYAS PA YIN GSUNG SKAD YANG 'BAN GYI ZHAL NAS,

, ,NYON MONGS PA'I MKHAR SGOR GNYEN PO'I MDUNG THUNG ZHIG BZUNG NAS SDOD PA MIN PA GZHAN BYA RGYU MED, KHO SGRIM NA NGA YANG SGRIM, KHO GLOD NA NGA YANG GLOD GSUNG, YANG KHONG GIS TSUL SHE LA GSUNGS PA, MI RTAG RTAG TU RE PA'I SEMS CAN SNYING RE RJE, ,SKYE 'GRO SNGA MA SHI PA MA MTHONG NGAM, ,PHYI MA 'CHI BA MA TSOR RAM, 'JIG RTEN LAS LA ZIN DUS MED, ,SKYE SHI GNYIS LA THAR DUS MED, ,GTAN BDE BOR KYANG 'GYOD DUS MED, ,CHOS KYI NGO BO MTHONG DUS MED, ,NGAL BA DON MED GTAN KHANG BRTZIGS, ,BUD MED MANG PO SDUG BSNGAL SNOD, ,BRAN G-YOG MANG PO KHA MCHU'I RGYU, ,NOR RDZAS MANG PO G-YENG BA'I RGYU, ,BU MO BZANG SDUG LDAN PA YANG, ,DRO GANG TZAM GYI GRANG BA'I SA, , CI LA BSAMS KYANG PHAN PAR MI 'GYUR BAS, ,RANG GI SEMS LA LTA BA KHO NAR BYA, ,ZHES GSUNGS SO, ,DE LTAR DGE BSHES 'BAN 'DI NI DGON PA BA DANG SKU MCHED GSUM LA SOGS PA'I DGE BA'I BSHES GNYEN MANG POS BSKYANGS, 'CHI BA MI RTAG PA THUGS LA 'KHRUNGS PAS 'DOD PA LA MDUNG THEBS, STONG PA NYID KYI LTA BAS 'KHOR BA'I RTZA BA DRUNGS PHYUNG, BYANG CHUB KYI SEMS KYIS BDAG GZHAN MNYAM PAR DGONGS PA'I DPA' BO CHEN PO ZHIG BYUNG NGO,, ,, DGON PA BA'I SLOB MA KHA RAG SGOM CHUNG ZHES GRAGS PA DE NI, GTZANG STOD KYI DUNG ZHUR BYA BAR, YAB DGON PA DKON MCHOG RTEN GYI SRAS SU 'KHRUNGS, MTSAN DBANG PHYUG BLO GROS ZHES BTAGS ,SKU GZHON NU NAS BAM PO GNAS

SU MKHAN PO MAR SGOM LA RAB TU BYUNG, SBAS SGOM DANG DPON SLOB GNYIS POS RA SGRENG DU BYON PAS, DGE BSHES STON PA GSHEGS RTING, RNAL 'BYOR PAS TSOGS PA SKYONG GIN 'DUG, DER GTZANG BU RA SGRENG GI SGOM CHEN RNAMS LA MOS PA BYUNG BAS RNAL 'BYOR PA DANG, DGON PA BA LO BDUN BSTAN, JO BO'I GDAMS PA RNAMS TSANG BAR ZHUS, DE NAS THUGS DGONGS LA DA NI RANG GIS KYANG CHIG SKYA THUB STE 'ONG SNYAM STE, NYUNG MA'I SA BON PHUL GANG 'KHYER NAS SPRAGS KYI KE RU RU BYON, DBYAR LO THUG GSOL, DGUN NYUNG THUG LA PHYE THUN RE BTAB NAS GSOL TE, SGRUB BA LO BCU GCIG RTZE GCIG TU MDZAD, DE NAS PHAN YUL DU GCIG PUR RI LA BSGOMS PA NA, MDUN DU MI NAG PO ZHIG BYUNG NAS KHYOD KYI MGO 'DOD DO ZHES ZER RO, ,RE ZHIG SDOD CIG SBYIN NO GSUNGS NAS, RANG GI MAN NGAG BZHIN MDZAD NAS KHYER CIG CES GSUNGS TE, BLTAS PAS DE SPYAN RAS GZIGS DBANG PHYUG ZHAL BCU GCIG PAR GYUR NAS DE'I ZHAL GZIGS SO, ,DE LA DGA' MI DGA'I RTOG PA MA BYUNG GI, DON RANG GI NGO BOS GRUB PA MED MOD KYI, 'ON KYANG SEMS 'KHRUL PA'I SNANG BA'O ZHES MKHYEN NO, ,NAM ZHIG NA DGE BSHES PO TO BA CHEN PO DE'I PHYOGS SU 'CHAG PA NA, DES PO TO BA LA PHYAG MDZAD CING, PHAN TSUN CHOS KYI GTAM 'DRI BA DANG, PO TO BA'I ZHAL NAS, GCIG PUR RIL BSGOM PA NA BAR CHAD MA BYUNG NGAM GSUNG, DES RANG GI SGRUB LUGS DANG NYAMS PHUL

, ,ZHING MI NAG BO JI LTAR BYUNG TSUL ZHUS PAS, DGE BSHES PO TO BAS DE LA THABS JI LTAR BYAS GSUNGS PAS, SNGA MA LTAR JI LTAR GYUR LUGS DANG RTOGS PA BRJOD PAS, PO TO BA THUGS DGYES NAS, SKYES BU DE KHO NA BZHIN DU SGRUBS SHIG ,SU LA YANG DE LAS LHAG PA'I THABS MED DO GSUNGS NAS GSHEGS, THUGS SHIN TU MNYES PAS NYIN RE BZHIN PO TO BAS CHOS KYI GTAM RE CHED DU SKYEL PAR MDZAD DO, ,DGE BSHES KHA RAG SGOM CHUNG PA 'DIS RAG MA'I PHUR SGOM ZHING BZHUGS PA NA NAGS LA ME MCHED PAS SROG CHAGS GRIB SO LTAR GROS KYANG MA THAR BAR TSIG PA LA, MI BZOD PA'I BRTZE BAS RJE BTZUN SGROL MA LA 'PHRAL DU RANG GIS BRTZAMS PA'I BSTOD PAS BSTOD NAS MER MCHONGS PAS ,ME RANG ZHING GYUR TE, NGES PAR DRONG RTAGS DANG LDAN ZHING, BYAMS SNYING RJE BYANG CHUB KYI SEMS 'BYONGS PAS BYA RI DVAGS RNAMS LA ZAS BSTABS PA PHYAG NAS LEN NO, ,YANG LAN CIG PO TO BA'I SPYAN SNGAR BYON, LAM RIM BLO LDOG BZHI'I RTOGS PA PHUL BAS MNYES TE, SKYES BU SMRA BA'I SENG GER SONG GSUNG NGO, ,DE NAS DGE BSHES SGOM CHUNG BA KHA RAG TU SGOM DU 'BYON BAR BZHED NAS DGE BSHES PO TO BA LA PHYAG 'TSAL DU BYON, 'BRAL MI PHOD PAR GNYIS KA SPYAN CHAB BYUNG, PHAN YUL RGYAL DU PHEBS PA NA, CHOS ZHU BA DANG 'BUL BA CHEN PO YANG BYUNG, DE NAS KHA RAG TU BYON NAS KHA RAG PHUG PA NAG POR THUGS DAM MDZAD, KHA

RAG SGOM CHUNG ZHES GRAGS SNYAN PAS PHYOGS THAMS CAD DU KHYAB, DER TSOGS PA STONG TZAM 'DUS BA LA BYANG CHUB LAM GYI RIM PA RGYA CHER SPEL LO, ,KHA RAG SGOM CHUNG PA'I ZHAL NAS, DAD PA MED PA'I MI LA YON TAN GYI RNAM PA GANG YANG MI 'BYUNG BAS, DGE BA'I BSHES GNYEN BSTEN CING MDO SDE BLTA, BRTZON 'GRUS MED BA'I MI LA YON TAN GYI RNAM PA GANG YANG MI 'BYUNG BAS, 'CHI BA MI RTAG PA SGOM ZHING LE LO SPONG, NGA RGYAL CAN GYI GANG ZAG LA YON TAN GYI RNAM PA GANG YANG MI 'BYUNG BAS, RANG MGO SMAD LA DMAN SA BZUNG, CHOS DE GSUM DANG LDAN NA NYAN THOS KYI RTEN DU'ANG RUNG, BYANG CHUB SEMS DPA'I RTEN DU'ANG RUNG, GSANG SNGAGS KYI RTEN DU'ANG RUNG, MDOR NA YON TAN THAMS CAD KYI RTEN DU RUNG BA YIN GSUNG NGO, ,GSHEGS KHAR YANG LHO PA LA, SKYE SA'I YUL SPONGS, NYE DU DANG THAG BSRINGS, BSHES GNYEN RTAG TU BSTEN, HRUL PO'I GOS GYON, DMAN PA'I SA BZUNG, NGAN PA'I ZAS ZO, ,RGYA SKAD CHU BZHIN 'THUNG LA SGRUB PA GYIS GSUNG BA'I GDAMS NGAG GNANG, DE NAS STON MO BZANG PO ZHIG MDZAD DE 'DI THA MA'I ZAS YIN NO GSUNG, NGA'I RUS BU LHAG ROL BSDUS LA, BYANG RA SGRENG NA DBAL LDAN DGON PA BA'I SKU 'BUM YOD PAS, DE'I GRIB MA DANG BSER BU PHOG SAR SKYOL CIG GSUNG NAS MYA NGAN LAS 'DAS SO,, ,,DGE BSHES DGON BA BA'I THUGS SRAS RGYA LCAGS RI BA DE NI, SKYES BU GSUM GYI LAM GYI RIM PA LA RTZAL THON, YI DAM LHA'I

, ,ZHAL GZIGS, MNGON PAR SHES PA RGYA CHEN PO DANG LDAN PA ZHIG BYUNG STE, LAM GYI RIM PA RGYA CHER SPEL BAR MDZAD, DAGS PO LHA RJE YANG DGE BSHES RGYA LCAGS RI BA 'DI'I SAR BYON NAS BYANG CHUB LAM GYI RIM PA'I MAN NGAG RDZOGS PAR GSAN NAS NYAMS BZHES MTHAR PHYIN PAR MDZAD CING, RJE MI LA'I ZHABS DRUNG NAS N'A RO CHOS DRUG DANG PHYAG CHEN GSAN NAS NYAMS RTOGS PHUL PHYIN 'KHRUNGS TE SKAL BA DANG LDAN PA MTHA' YAS PA LA JO BO RJE'I MAN NGAG BYANG CHUB LAM RIM DANG, RJE MI LA NAS BRGYUD PA'I MAN NGAG RNAMS ZUNG 'BREL DU 'DOMS PAR MDZAD PAS SGAM PO PA LA BKA' PHYAG CHU BO GNYIS 'DRES ZHES GRAGS PA'ANG RGYU MTSAN DE LTAR YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGON PA BA LA GSOL BA 'DEBS SHING BDAG NYID CHEN PO 'DI'I MDZAD PA RNAM THAR LTAR BYANG CHUB LAM GYI RIM PA LA SGRUB PA MTHAR PHYIN PA ZHIG BYA'O,, ` ZAB MO'I TING 'DZIN BRTAN PA'I SNE'U ZUR PA, ZHES BSNGAGS PA, DGE BA'I BSHES GNYEN SNE'U ZUR PA NI, SPRAS SNE'U ZUR GYI SA SKOR THONG BA ZHES BYA BAR, YAB ZHANG STAG PO ZHES PA'I SRAS SU CHU PHO STAG LA SKU 'KHRUNGS, SKU CHE SNGA MA RNAMS SU BSAM GTAN BSGOMS PA'I BAG CHAGS MTHU BRTAS PAS BYIS PA'I DUS NYID NAS SKYE PAS THOB PA'I TING NGE 'DZIN BRTAN PO MNGA' BA ZHIG BYUNG ZHING, KHYIM GYI 'DU 'DZIL CHAGS PA MED PAR GZHAN GYI LAD MO

DANG GZHAN GYIS DBANG MED DU BSKUL BA TZAM MIN PAR NGES 'BYUNG SHUGS DRAG POS GZHON NU NAS BRAG RGYAB TU RAB TU BYUNG, MTSAN YE SHES 'BAR ZHES BTAGS, LO LON NAS BSNYEN PAR RDZOGS, 'DUL BA NAS GSUNGS BA'I DGAG SGRUB GNANG GSUM GYI BCAS MTSAMS RNAMS MIG GI 'BRAS BU LTAR BSRUNGS TE TSUL KHRIMS RNAM PAR DAG PA LA GNAS NAS SDE SNOD GSUM LA MANG DU THOS PA BTZAL, DGE 'DUN SPYI'I LAS GANG LA YANG SKYO NGAL MED PAR BYAS TE BRAG RGYAB KYI GNYER YANG LO GCIG MDZAD, DER BZHUGS DUS BRAG RGYAB PA'I STON PA SH'AKA TSUL ZHES BYA BA ZHIG RA SGRENG DU DGON PA BA'I SPYAN SNGAR BYON PAS, DER KHONG GIS NGED KYI DE NA BTZUN CHUNG SKYES THOB KYI TING NGE 'DZIN MNGA' BA 'DI LTA BU ZHIG BDOG ZHUS PAS DGON PA BA SKU LUS SGYED MDZAD NAS, AA HA HA AA RE SKYID AA RA SKYID, YANG NA KHO'I DE LA BLA MA MI DGOS PAR TAL GYIS 'GRO BA'ANG SRID, YANG NA BLA MA ZHIG DGOS PA'ANG SRID GSUNGS NAS THUGS DGYES PA'I MTSAN MA MDZAD, DER STON PA SH'AKA TSUL GYIS BRAG RGYAB TU 'ONGS NAS KHYED 'DIR MA SDOD PAR RA SGRENG DU SONGS, DGON PA GONG MA BAS THUGS LA 'DOGS PAR 'DUG BYAS PAS, DGE BSHES DGON PA BA'I MTSAN THOS PA TZAM GYIS SNANG BA 'GYUR TE LUS KYI SBU GZING ZHES BYED CING JO BO YAB SRAS GNYIS KA'I MAN NGAG MNGA' BA DGE BA'I BSHES GNYEN DE LTA BU ZHIG DANG MJAL NAS BYANG CHUB LAM GYI RIM PA'I MAN

, ,NGAG YONGS SU RDZOGS PA ZHIG THOB NA CI MA RUNG SNYAM DU SMON PAS RA SGRENG DU BYON TE DGE BSHES DGON PA BA MJAL BAR ZHUS PAS, SKU MTSAMS DAM PAS MJAL SA MED ZER BAS GZIM KHANG DE LA BSKOR BA LAN GSUM BYAS, BYANG PHYOGS KYI CHU MIG GI KHA DE NAS PHYAG LAN GSUM MDZAD DE SKYE BA 'DI LA SKYES BU DAM PA KHYOD KYI GDUL BYAR MA GYUR KYANG MA 'ONGS PA NA SKYES BU DAM PA KHYOD KYI GDUL BYAR GYUR CIG BYAS NAS SMON LAM BTAB, SPOS RENG BU GCIG KYANG BSREGS NAS PHUL, CHU MIG KHA DER DRO BTAB, RNAL 'BYOR PA CHEN PO LA CHOS CI RIGS GSAN ZHING BZHUGS BA NA DGE BSHES DGON PA BAS MNGON PAR SHES PAS MKHYEN TE NYE GNAS BTANG NAS SHOG GSUNG, DGE BSHES DGON BA BA'I ZHABS DRUNG DU BYON NAS MJAL TE TSES KYI GSOL BA BTAB PA NA DGE BSHES DGON PA BA'I ZHAL NAS, AA TI SHAS NGA LA DANG POR MJAL MA THAG CHOS 'DI GNANG BA YIN GSUNGS NAS BSTAN PA LA 'JUG PA'I SGO DAM PA SKYABS 'GRO'I KHRID DANG GTOR MA'I KHRID GNYIS GNANG STE, 'O, MA BSAMS PA'I CHOS KYIS PHAN MED PAS ZLA BA PHYED PHYED SOMS LA SHOG GSUNG, DGON PA BA CHEN POS JI LTAR GSUNG BA LTAR, SNE'U ZUR PAS RANG GI SPYIL POR SKYABS 'GRO DANG GTOR MA GNYIS LA ZLA BA PHYED PHYED BLA MAS JI LTAR GSUNG BA LTAR BSKYANGS TE MYONG BA THON PA BYAS, DE NAS ZANG THING GI YO BYAD RGYA CHEN PO MED KYANG SBOS RENG BU RE

BSNAMS TE RANG GIS JI LTAR BSKYANGS BA RNAMS ZHUS, DGON PA BA CHEN POS KYANG DGYES BZHIN DU SNGAR BSKYANGS PA RNAMS LA GEGS SEL BOGS 'DON DANG, GSAR DU SKYONG DGOS RNAMS MGON PO AA TI SHA'I MAN NGAG LTAR SKYES BU GSUM GYI LAM LA RIM GYIS KHRID DE PHAS BU LA SLOB PA LTAR MDZAD, LAN CIG SPYAN SNGA NA MI KHA CIG 'DUG PA LA, KHO KHA SANG NAS MA 'ONGS PA YIN PAS SNGON LA THONGS GSUNGS NAS GANG DANG MI SNYOMS PAR MDZAD, DGE BSHES DGON PA BAS SNE'U ZUR BA LA CHOS GSUNG BA'I DUS SU AA TI SHA 'DI GSUNG, AA TI SHA 'DI GSUNG GSUNGS NAS CHOS MI MANG TZAM RE GSUNG, DA DUNG ZHIG GSUNGS NA NYUNGS SAM SNYAM TZA NA TSIG MANG KHA NA MED, DON SEMS PA GAL CHE BA YIN GSUNG, DE KA LA 'PHRO BCAD NAS MI GSUNG, DE LTA BU'I TSUL GYIS GDAMS NGAG RNAMS TSANG BAR THUGS LA BTAGS, RES 'GA' PHYAG PHUL TE DA LAN ZHABS KYIS BYIN RLABS GNANG BA BYUNG NA BSAMS PA NA DGON PA BAS ZHABS NAR GYIS BRKYANGS NAS 'ONG, DGON PA BA CHEN PO SNE'U ZUR PA LA THUGS SHIN TU MNYES PAS LAN CIG PHYAG SOR GSUM GYIS MGO LA BYIN RLABS MDZAD PAS ,DBU LA PHYAG SOR GSUM PO THIM PA'I SHUL SKYONG LOG GE BA JI SRID 'TSO'I BAR DU YOD GSUNG NGO, ,LAM THUN MONG BA LA KHRID NAS MYONG BA PHUL PHYIN 'KHRUNGS PA NA GSANG SNGAGS RDO RJE THEG PA'I DBANG DANG MAN NGAG RNAMS GNANG ZHING, LHAG PAR MI G-YO BA YI DAM DU ZUNGS GSUNGS NAS DE'I DBANG DANG GDAMS

, ,PA LAS TSOGS DANG BCAS PA TSANG BAR GNANG, SNE'U ZUR BAS KYANG MI G-YO BA LHAG PA'I LHAR BZUNG NAS BSNYEN PA MDZAD PAS MI G-YO PA ZHAL GZIGS, LAS TSOGS LA NUS BA THON ZHES GRAGS SO, ,DE LTAR SNE'U ZUR PAS DGE BSHES DGON PA BA THOG MAR MJAL BA NAS MTHAR ZHING GSHEGS BA'I BAR 'BRAL MED DU BSTEN CING BKA' BZHIN DU BSGRUBS PAS THUGS SRAS THU BOR GYUR, DGON PA BA GSHEGS NAS SKU MCHED GSUM GA LA CHOS 'BREL MDZAD ,KHYAD PAR DU PO TO BA'I BLA MCHOD MDZAD NAS LO BCU BZHIR CHOS GSAN, LAM GYI RIM PA YANG DGON PA BA'I DE GZHIR MDZAD, PO TO BA'I LEGS LAGS RNAMS KYANG BTUS PA YIN GSUNG, DE NAS SNE'U ZUR PA'I THUGS DGONGS LA 'DI LTAR SHAR TE, DA NI DPAL AA TI SHA'I MAN NGAG BYANG CHUB LAM GYI RIM PA 'DI LA SGRUB PA SNYING POR BYA BA'I PHYIR RANG YUL NYE DU GRVA SA GANG LA'ANG MA CHAGS PAR NAM SHI BAR SGRUB PA LA RTZE GCIG TU GNAS PAR BYA'O DGONGS NAS SPRAS THONG PA NA SNGON GYI DUS SU G-YOG BYAS PA'I YON BDAG GCIG GIS ZHABS TOG BYAS NAS SNE'U ZUR GYI DBEN TSA GOG PO DE LA BRTEN TE KHANG CHUNG ZHIG BRTZIGS NAS THUGS DAM RTZE GCIG TU MDZAD PAS, DGE SBYOR SHIN TU 'PHEL BAS 'DI BZHIN BSGOMS NA NI 'KHOR BA 'DI LA 'UR BZLOG STE 'ONG BAR 'DUG DGONGS PA CIG BYUNG GSUNG ,DGE BA'I BSHES GNYEN PO TO BA CHEN PO STAG LUNG DU GRVA TSOGS SKYONG ZHING BZHUGS BA'I TSE DGE SLONG BCU LHAG TZAM

LA KLU NAD BYUNG BA LA SNE'U ZUR PA LA KHYOD KYIS KLU NAD KYIS BTAB PA 'DI DAG GSOS GSUNGS PAS DGE BSHES PO TO BA'I BKA' BZHIN DU SNE'U ZUR PAS NAD PA DE DAG BCOS TE BDE PAR BYAS PAS PO TO BA THUGS SHIN TU MNYES PA BYUNG, PHYIS PO TO BA SKU KHAMS BSNYEL BA'I TSE'ANG, 'KHOR GYIS DGE BA'I BSHES GNYEN 'DI DANG 'DI SNGAS SRUNG DU GDAN DRANGS NA ZHUS DUS GSAN DU MA BZHED ,SNE'U ZUR PA SPYAN DRANG NGAM ZHUS PAS, ZHAL NAS, DE BYUNG NA DE KA RANG GIS CHEG STE GSUNG BAS SNGAS BSRUNGS KYANG MDZAD, DER THUGS DAM MDZAD PAS NAMKHA' LA MTHO BAR 'PHAGS PA'I SNANG BA BYUNG ZHUS PAS, PO TO BA'I ZHAL NAS, AE 'DI NGA'I DON BYED SNYAM TZA NA KHO RANG GI DON BYAS NAS 'DUG GSUNG, SNE'U ZUR PA'I ZHAL NAS, NGA YANG RNAL 'BYOR PA 'BRING PO ZHIG YIN ,SDE DPON DANG MI NAG PA'I THEM PA 'GOM MA MYONG NAS LO BZHI BCU SONG BA YIN GSUNG, RNAL 'BYOR PA 'BRING POS MI TSANG BOD DU BYON PA'I BKA' GDAMS PA GCIG LA KHONG LAS TSUGS THUB PA MA BYUNG BA YIN ZHES DBON STON RIN PO CHE GSUNG NGO, ,DE LTAR DGE BSHES SNE'U ZUR BAS DGE BSHES DGON PA BA DANG ,DGE BSHES PO TO BA GNYIS KA LA LAM RIM GYI KHRID GSAN NAS SGRUB PA DAR DRAG LA RGYUN RING BA MDZAD PAS RTOGS PA MCHOG THOB STE, DE YANG BCAS PA DANG RANG BZHIN GYI KHA NA MA THO BA PHRA MO TZAM GYIS KYANG MA GOS PA'I TSUL KHRIMS RNAM PAR DAG PA DANG, TSE 'DI'I BYA BA GANG GI'ANG DBANG DU MA BTANG BAR DA LTA RANG 'CHI PA

, ,LTA BU'I BRTZON PA SHUGS DRAG POS MTSAN MO GNYID KYANG YE MI YONG BAR NYIN MTSAN KHOR YUG TU DGE SBYOR LA CHIG SGRIL MDZAD DE GZHAN GYIS MDANG SANG RMI LAM 'DRA CI GDA' ZHUS PAS, AA 'DI CI ZER, GNYID MED PAR RMI LAM GA NA 'ONG GSUNG, DE LTAR MDZAD PAS TING NGE 'DZIN PHUL PHYIN THOB STE 'BRE CHUNG BAS DGE BSHES LA TING NGE 'DZIN TSAD JI TZAM MNGA' ZHUS PAS, NGAS TING NGE 'DZIN GCIG LA MNYAM PAR GZHAG NA NYIN ZHAG BCU BZHI TZAM GNAS THUB PAR 'DUG GSUNG, SPYAN SNGA'I ZHAL NAS, NGED RA SGRENG PA RNAMS LA TING NGE 'DZIN GYI TSAN KA DE ZHANG SGOM KHO NA CHE BA YIN GSUNG, TING NGE 'DZIN SHIN TU BRTAN CING DBEN PAR DGE SBYOR LA CHIG SGRIL MDZAD PAS RJE BTZUN MI LA DANG DNGOS SU MA MJAL YANG THUGS MTHUN PA'I GROGS SU MDZAD, LAN CIG G-YOG PO DAR TSUL BYA BAS, THUGS DAM GTOR MA TSAR NAS GZIM MAL DU SKYIL KRUNG LAM GYI BCAS NAS NA BZA' GSOL, DE'I STENG NA PHAR LA RE KHA THEN NAS BZHAG STE NANG BAR BLTAS TZA NA SPU GAS TZAM YANG MI YONG BA YIN, MNYAM GZHAG BYA BA DE 'DRA BA DGOS PA YIN, RGYU MTSAN 'DI DAG LA DGONGS NAS RJE BDAG NYID CHEN POS, ZAB MO'I TING 'DZIN BRTAN PA'I SNE'U ZUR BA ZHES BSTOD BA MDZAD DO, ,BDAG NYID CHEN PO 'DI SEMS LA DBANG THOB BA ZHIG STE, SNE'U ZUR BA NYID KYI ZHAL NAS, NGA'I SEMS 'DI NGA RANG GIS KHA LO SGYUR BTUB BA CIG BYUNG GSUNG, YANG ZHAL NAS, SNGON GYI DUS

SU NGA RANG GI SEMS 'DI KHA LO SGYUR DU BTUB, MIS NI MI TSOR ,DA YONG 'KHOR BA 'DI LA 'UR BZLOG STE 'ONG BAR 'DUG SNYAM TZA NA, PHYIS LHA YIN KLU YIN ZER NAS GCIG 'TSOGS GNYIS 'TSOGS ME TOG SHVA SHVA BYAS NAS RANG GI DGE SBYOR BCAG, MI LA 'DI GYIS BYAS PAS NI NYAN DU MA 'DOD GSUNG STE, KHONG RANG GAR 'DOD DU BKOL DU BTUB PA CIG GA SNANG NGO GSUNG, BYANG CHUB LAM RIM LA MYONG BA PHUL PHYIN THON PA'I RTAGS SU THUGS RJE SHIN TU CHE BAS LONG BA DANG SPRANG PO LA SOGS PA DMAN PA RNAMS LA SHIN TU BYAMS PAR MDZAD, LAN CIG G-YOR PO GCIG GIS 'JAM PHRUG GIS NA BZA' SPYAN MA GCIG PHUL BAS, PHA TSAD NA MDZE PO GCIG DGE BA'I BSHES GNYEN GOS GCIG ZHU 'TSAL ZER PAS, 'DI KHYER GSUNGS NAS PHRUG SBYAR MA DE GNANG, G-YOR PO DE NA RE, DE LA DGE BSHES PA'I NA BZA' BGYI BSAMS NAS DKA' LAS CI YANG BGYIS PA LAGS, ZHAG GCIG MI GSOL BA ZER BAS CI ZER KHYOD RANG GI MA LA BYIN PA LA YANG MI DGA' 'AM GSUNG, NGAS TSE 'DI LA GSER SRANG BDUN STONG SBYIN BAR THONGS GSUNGS, LAN CIG MU GE CHE BA CIG BYUNG BAS BSHOS DE GSOL BA BZHIN MDZAD NAS NA BZA'I PHAG TU SBAS TE SPRANG PO RNAMS LA BYIN PAS SBRANG PO MANG PO'I BRGYAGS BYUNG, SKU SHA NAG RID KYIS SONG PA'I DUS SU GLANG THANG PA DE PHYAGS PHYI LA BYON PA'I ZHAL RAS ZLA BA SHAR BA BZHIN GDA' PAS, RIN PO CHE'I ZHAL NAS, BYANG CHUB SEMS DPA' BYA DKA' BA'I SBYIN PA

, ,BYAR YOD PA'I DUS SU ,BRGYAGS TSAD KHYOD RANG GIS ZOS NAS KHYOD LA BSAM RLAG NYAM PO CHE ZER BA YIN GSUNGS NAS BKYON PAS, GLANG RI THANG BA 'DAR PHRI LI LI BYUNG ZHES GRAG, SNE'U ZUR BA 'DI KHRO BO'I DBANG PO MI G-YO BA LA BSNYEN SGRUB MTHAR PHYIN PA ZHIG YIN PAS LHA 'DI'I SGO NAS 'GRO DON MDZAD PA LA NUS PA THON PA ZHIG STE, DGE BSHES PADMA BYANG CHUB BYA BA LA KLU'I GNOD PA BYUNG NAS, KHONG GI SNANG BA LA SPRUL GCIG THOD BZHIN DU DKRIS NAS SPRUL MGO DE DPRAL BA'I STENG NA GDENGS KA BZHIN YOD PA MIS MTHONG GI DOGS NAS BKAB STE SNE'U ZUR BA'I SPYAN SNGAR 'ONGS BAS, DE NGA DANG KHYOD RANG MIN PA GZHAN GYIS MI MTHONG, SBED MI DGOS, DA NGA DE'I STENG DU SGOMS DANG GSUNGS PAS, KHOS DE BZHIN DU BSGOMS PAS GAR SONG CHA MED BAR SONG, LAN CIG RA SPRENG LA BYON PA'I TSE, PHA BONG GCIG LA ZHABS GTAD DE ZHABS SGROGS BCINGS BAS SPRUL DKAR PO GCIG PHA BONG 'OG DE NAS 'THON TE SONG, DE NA MDZE PO CIG YOD BA GZHAN CI YANG MA DGOS PAR DE GCIG PUS NAD GSOS, DGE BSHES KYI ZHAL NAS, BOD KYI SRUNG BA'I SKOR DU GTOGS PA RNAMS PHYOGS GCIG TU BZHAG PA BAS, NGAS DMIGS PA SKOR GSUM GYI MDZE BSOS PA MANG BA YIN GSUNG, KHAMS PA LUNG PA LA MI MA YIN TSAN CIG GIS ,SMYUG RUM DU GTOR MA GTONG DER 'GRO ZER, 'O NA SNE'U ZUR DU GTOR MA ZAR MI 'GRO 'AM BYAS PAS, DE NA RDO RJE'I

RAB DANG ME RI BCAS PAS MI TSUD ZER, SNE'U ZUR PA'I ZHAL NAS BKA' RGYUD 'DI BYIN GYIS BRLABS PA'I BKA' BRGYUD YIN PAS, GTOR MA 'DRE LA MI 'CHOR TZAM PA'I BKA' BRGYUD YIN GSUNG NGO, ,SNE'U ZUR PAS DGE BSHES DGON PA BA LA GEGS SEL BOGS 'DON GYI MAN NGAG MTHA' DAG ZHUS TE THUGS NYAMS SU BSTAR BAS GZHAN GYI SGOM GEGS SEL BA LA SHIN TU MKHAS PA ZHIG STE, AA MES TSUL KHRIMS 'BAR BYA BAS GTZANG G-YAS RUR PHYIN NAS RI BO CHE'I SGOM SEMS 'DZIN BAG RE BSLABS PA CIG BDOG PAR GDA' BAS SPYAN SNGAR 'ONGS TE RTOGS PA PHUL BAS, DES MI 'ONG GSUNG ,'O NA JI LTAR BGYI ZHUS PAS, 'DI BZHIN DU SGOMS DANG GSUNG BA LA, SGOM BSLAB NYES BYA BA YIN PAS SNGAR GYI STENG DU SONG NAS MA BTUB, YANG GCIG BSLABS PAS MA BTUB PAS, DA 'ON TZAM GYIS ZHOG LA ZHAG SHAS GSOL BA THOB CIG GSUNGS, DE NAS ZHAG KHA YAR GSOL BA BTAB PAS DGE BSHES KYI GZIM KHANG NAS BCOM LDAN 'DAS SH'AKYA THUB PA'I SKU MTHO GANG TZAM PA 'OD LHAG PA CIG NAR GYIS BYUNG NAS AA ME'I SPYI BOR THIM BA SNYAM BYED TZA NA DE NYID DU TING NGE 'DZIN DU LHAN GYIS SONG BAS DGA' DRAGS RTOGS PA 'BUL DGOS SNYAM PHYIN PAS GZIM KHANG GI SGO NA MIS BCER NAS SPYAN SNGAR MA THON, PHYI NAS SKE RMYANG RMYANG BYAS BAS ZHAL NAS, 'O AA MES DE TZUG 'ONG BA YIN GSUNGS NAS TIG GIS MKHYEN PA ZHIG BYUNG ZHES GRAG GO ,BDAG NYID CHEN PO 'DI LA GZHAN SEMS

, ,SHES PA'I MNGON PAR SHES PA'ANG RGYA CHEN BO MNGA' STE, SNE'U ZUR PA'I SPYAN SNGA NA JO STAN TSANG RONG PA BYA BA'I 'DUL 'DAIN DE NUB GCIG BZHIN DU BSAM PAS, CHAS RKYEN MED PA'I KHANG PA 'DI BRAG PHUG GCIG DANG KHYAD MED, YUL DU 'GRO DGOS SNYAM PA CIG BYUNG, SANG DGE BSHES DES NYE GNAS BTANG NAS 'DIR SHOG DANG GSUNG, SPYAN SNGAR PHYIN PAS, 'O BLA MA BSTEN PA'I DUS SU KHANG PA LA BRAG PHUG TU SGOM PA MIN, CHAS RKYEN MED NA 'DI NAS LONGS GSUNGS NAS, NAS SGRO BA GANG ,MAR TSUD GCIG, JA ZHIB MA GANG GNANG, YANG LHO BRAG PA GSHID STON KHA 'DAR BYA BA LA DGE BSHES KYI ZHAL NAS ,KHA 'DAR BA LA 'UR SONGS ,MA LA GNYID MED NAS ZLA BA KHYUR PO GNYIS SONG NA GSUNG, DER YUL DU PHYIN PAS MA RGAN SHED, KHYOD MED PAS SNYING MA DGA' NAS GNYID MED NAS ZLA BA KHYUR PO GNYIS LON ZER TE TIG GIS DGONGS, YANG DGE BSHES DGYER GYIS SNE'U ZUR PA'I SPYAN SNGAR BYON, DE NA 'PHYING PA DRAS NAS STAN CHUNG GCIG GI BZO MDZAD KYIN GDA', DER KHONG GI THUGS DGONGS LA ,DGE BSHES 'DI THUGS RGYUD RANG JI TZAM PA YIN NAM, MNGON SHES MNGA' 'AM MI MNGA' SNYAM PA CIG BYUNG TZA NA ,'GRAM PA LA THAL LCAG CIG RGYAB NAS, AA NA CI GDA' LO GSUNGS ,BDAG NYID CHEN BO 'DIS RANG DANG GZHAN GYI TSE RABS SNGA PHYI MANG BO MKHYEN PA NI, DGE BSHES SNE'U ZUR BA NYID KYI ZHAL NAS, NGA SKYE BA SNGA MA MI DBUL BO ZHIG

LAS TSE 'PHOS PA YIN, SKYE BA PHYI MA DGA' LDAN DU SMON LAM 'DEBS GSUNGS, BDAG NYID CHEN PO 'DI LA TING NGE 'DZIN BRTAN PO'I MTHUS RDZU 'PHRUL DANG MNGON SHES KYANG MNGA' STE, LAN CIG TZA NA NYE GNAS ZHANG BTZUN BYA GAS NA BZA' KHUR NAS PHU CHUNG PA'I 'BUM PA'I RTZA NAS PHAR DPON G-YOG GNYIS KYIS BYON, 'BUM PA'I ZUR DU SLEB TZA NA STON PA SH'AKA TSUL GYIS PHYAG BYAS, PHYAG GTOD MDZAD PA'I BAR DER ZHANG BTZUN GYIS NA BZA' RNAMS THANG LA BZHAG NAS STON PA SH'AKA TSUL LA PHYAG BYAS, NA BZA' KHUR NAS 'BUM CHUNG ZUR DU 'ONGS TZA NA JI LTAR BYAS CHA MED PAR GZIM KHANG NA PHAR YUD BZHUD PA CIG BYUNG ZHES GRAG GO, YANG NUB GCIG CHAR CHEN PO BYUNG BAS GZIM KHANG GI WA RTZA SHOR NAS CHU NAR GYIS BYUNG BAS, NYE GNAS KYIS JI LTAR MDZAD DAM SNYAM NAS BRDZUS BSDAD PAS, GZIM MAL NAS KOG GIS BZHENGS NAS SA SKAS LA THEGS PA BZHIN RTZEN GYIS GSHEGS TE WA KHA DER CAG CAG CIG MDZAD NAS YANG SA SKAS LA 'BYON PA BZHIN BYON PA NYE GNAS KYIS DNGOS SU MTHONG, YANG GROG CES BYA BA'I YUL NA SHA 'DZUL SMON NE BYA BA DAD GUS SHIN TU CHE BA YOD PA TSE'I DUS BYAS PAS NANGS GCIG ZHAL NAS, NYE GNAS LA 'U CAG GI YANG GROG GI YON BDAG DE SHI BA 'DRA GSUNG, JI TZUG GDA' ZHUS PAS, DA NANG YON BDAG DE GOS GSAR PA CIG GYON, ME TOG TSAN ZHIG THOGS NAS NGA'I DRUNG DU BYUNG GSUNGS TE, DE'I DUS KHO NAR TSE'I DUS BYAS PA JI LTA BA BZHIN MKHYEN PAR GDA', YANG

, ,BYA YUL BA CHEN POS SPYAN SNGA GSHEGS PA'I SKU SKAL ZHIG DANG NA BZA' ZHIG SKYEL DU BYON, DER GSUNG GLENG 'DRA MDZAD DE, SNE'U ZUR PA'I ZHAL NAS DUS TSOD 'DI KHON LA 'DAS TE 'ONG ,TSES GRANGS 'DI'I NYI MA'I DUS TSOD 'DI TZAM LA SHAR PHYOGS NAS 'OD ZER ZHIG BYUNG NAS 'JAM DPAL SKU MDOG DMAR SER ZHIG NAM MKHA' LA GSHEGS PA'I SNANG BA CIG BYUNG, PHYIS 'DI LTAR BRTZIS TZA NA DUS TSOD DANG TSES GRANGS KYANG TIG GE PAR 'DUG PA LA ;RTOG PA CIG GIS BSGRIBS NAS CHOS ZHU RGYU 'DRA YOD PA MA ZHUS GSUNGS NAS 'GYOD PA MDZAD DO, ,DGE BSHES SNE'U ZUR PA DE GTZO BOR DGE BSHES DGON PA PA LA BRTEN ZHING SKU MCHED GSUM LA'ANG BRTEN LA, DGE BSHES SPYAN SNGA BA LA MI G-YO BA'I SGRUB SGOR ZHUS, DGE BSHES DGON PA BA DANG SPYAN SNGA BA GNYIS KAS GNANG BA'I JO BO MI G-YO BA'I BSNYEN PA MANG DU MDZAD PAS ZHAL GZIGS DGE BSHES SGRE BA DE SPYAN SNGA'I SLOB MAR GDA' NA, JO BO MI G-YO BA'I YI GE BCU BA KHO NA BGRANGS BAS MI G-YO BA DMAR PO ZHAL GZIGS, KA MA BA LA DRIS PAS CHA MED BZLAS PA 'DRA BA GYIS DANG GSUNG, DGE BSHES KYI SPYAN SNGAR BYON PAS, 'O SKYES BU DAD PAS GO BCAD NAS 'DUG GI GSUNG, 'O NA DMAR POR 'ONG BA JI LTAR LAGS ZHUS PAS KHYOD THUGS RJE CHE BA'I RTAGS YIN GSUNG, 'O NA DE'I SNGON DU JO MO'I SNANG BA CIG KYANG GDA' NA ZHUS PAS, YI DAM GYI LHA GANG GI ZHAL MTHONG YANG LAS KYI LHA MO YIN PAS SNGON LA JO MO'I ZHAL MTHONG BA CHOS NYID YIN GSUNG, DER DGE BSHES SGRE

BAS DGE BA'I BSHES GNYEN LA YANG DE LTA BU'I YON TAN MNGA' 'AM ZHUS PAS NGA LA BSTAN PA'I SGOR ZHUGS MA THAG NAS DE 'DRA'I SNANG BA MANG DU BYUNG GSUNG ,DGON PA BA'I GDAMS PA LA BRTEN NAS DAM TSIG GSUM BKOD BA'I RGYAL PO'I SGOM ZLAS MDZAD PAS KYANG SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS SO, ,DGE BSHES SNE'U ZUR PA RANG NYID SMIN PAR MA ZAD GDUL BYA GZHAN GYI RGYUD BYIN GYIS RLOBS PA LA'ANG MNGA' BRNYES PA ZHIG STE, DGE BSHES SNE'U ZUR BA'I DRUNG NA 'DUG PA KUN KYANG LAS DANG NYON MONGS PA 'GO NON PA DANG, YON TAN RIN PO CHE RNAMS ME LONG GI NGOS LA SHAR BA BZHIN GSAL PA CHOS NYID YIN, DBYAR GCIG CHAR CHES PAS GZIM CHUNG GI RTZIG PA'I ZUR DE ZHIG, DER ZHANG BTZUN DGE 'DUN GYIS G-YOG BYAS NAS 'DAG PA DANG RDO BTANG, DGE BSHES KYI THUGS DAM 'PHRENG BA DE DBU LA BSKOR NAS RTZIG PA MDZAD PA'I TSE DE MA TSAR GYI RING LA ZHANG BTZUN GYIS KYANG MI PHYUGS MANG PO'I SEMS SHES PA BYUNG ZHES ZER, DGE BSHES SNE'U ZUR PAS SKAL PA DANG LDAN PA GZHAN MANG PO LA LAM RIM GYI KHRID RGYA CHER STZAL TE, DGE BA'I BSHES GNYEN DGON PA BA DE RANG LA BLO GTAD PA'I SLOB MA RNAMS LA DBYAR DUS LAM RIM TSAR RE DANG DGUN DUS LAM RIM TSAR RE GNANG BA, DGE BSHES SNE'U ZUR BA'ANG DGON PA BA'I RNAM THAR RJES SU BSKYANGS TE LAM GYI RIM PA DE DBYAR TSAR RE DGUN TSAR RE GSUNG ,SKAL BA DANG LDAN

, ,PA MANG PO LAM GYI RIM PA LA KHRID PAS BSKYANG BTUB BAR BYUNG GSUNG, LAM RIM GYI KHRID RGYAS PAR GSUNGS PA LA SLOB MAS ZIN BRIS SU BYAS PA'ANG MANG DU YOD, DE LA BRTEN NAS BOD 'DIR SNE'U ZUR PA'I LUGS KYI LAM GYI RIM PA SHIN TU DAR BAR BYUNG NGO, ,DE LTAR BSTAN PA LA BYA BA RGYA CHEN PO MDZAD PAS SLOB MA MTHA' YAS PA BYUNG ZHING, PO TO BA GSHEGS NAS GRVA PA MANG PO SNE'U ZUR DU LHAGS, SMYUG RUM PA 'DA' PA'I DUS SU, NGA LA BLA MAR 'DZIN PA RNAMS SPRAS THONG PA NA DGON PA BA'I SLOB MA MI G-YO BA'I BSKYED RIM LA BRTAN PA THOB PA CIG YOD PAS DER SONGS GSUNGS NAS KHONG GI GRVA PA MANG PO ZHIG KYANG BYON, KHAMS PA LUNG PA GSHEGS RJES JA RDZA TSUN CHAD KHUR NAS BYUNG BAS GRVA PA DE YANG 'UR GYIS SONG, TSA RONG GI JO STAN NAG PO LA SOGS PA'I 'DUL BA 'DZIN PA CHEN PO MANG POS KYANG ZHABS LA GTUGS, GZHAN YANG DGE BA'I BSHES GNYEN RIN CHEN SGANG PA, LHA 'BRI SGANG PA, 'DUL 'DZIN THAG MA BA SOGS BSTAN PA YONGS RDZOGS 'DZIN PA'I DGE BA'I BSHES GNYEN YANG MANG DU BYUNG NGO, ,TSOGS PA YANG MANG DUS SU NYIS STONG LHAG TZAM 'DUS, PHU CHUNG BA'I RTEN 'BREL DE YANG MKHAS BA'I TSAD CIG MKHYEN, BSLAB PHYOGS DANG PHA ROL TU PHYIN PA DE YANG MKHAS PA'I TSAD CIG MKHYEN, LAN CIG BRGYAD STONG 'GREL CHEN ZHIG GSUNGS PAS SKABS DANG PO GCIG PU LA ZLA BA GSUM

SONG GSUNGS SO, ,BDAG NYID CHEN PO 'DI SPRUL PA'I SKUR YANG GRAGS TE, DE DUS PHAN YUL DU NAD YAMS CHEN PO BYUNG BAS MI MANG PO'ANG SHI, DE NAS MI MA YIN RNAMS SNE'U ZUR DU 'GRO BAR BRTZAMS PA NA NAM MKHA' LAS, DE NI BYANG CHUB SEMS DPA' KUN TU BZANG PO'I SPRUL PA YIN NO BYA BA'I SGRA BYUNG BAS MI MA YIN RNAMS PHYIR LOG STE, BYANG CHUB SEMS DPA' KUN TU BZANG PO'I SPRUL PAR YANG GRAGS SO, ,DE LTAR DGE BA'I BSHES GNYEN SNE'U ZUR PAS BSTAN PA'I BYA BA RGYA CHEN PO MDZAD NAS SKU DNGOS KYI GDUL BYA RNAMS PHAL CHER RDZOGS TE ZHING GSHEGS PA LA NYE BA NA CHOS SHIG GNANG BA'I DUS SU BYANG SHAR MTSAMS DER BRAG BRDABS PA 'DRA PA'I SGRA CHEN PO DANG, 'OD DANG SA G-YO BA LA SOGS PA'ANG BYUNG, DE NAS SKU KHAMS CUNG ZAD LTEM PA CIG BYUNG BA LA NYE GNAS DPON RDOG CHUNG BA BYA BA SNE'U ZUR BA JI SKAD GSUNG BA BZHIN SGRUB PA CIG YOD PA DES LHA RJE YE 'BYUNG BYA BA'I SMAN PA CIG BOS NAS SPYONG CHUNG CIG BYAS PAS 'PHRO MA CHOD NAS SKU SHED DE ZHAN TZAM BYUNG, NAM MKHA' LAS BDUD RIGS KYI YE DVAGS MING 'DI ZHES BYA BAS DGE BSHES KYI THUGS DAM LA PAR CHAD BYED PA 'DUG PAS BZLAS PA GYIS BYA BA'I SGRA SPYAN SNGAR BZHUGS PA RNAMS KYIS KYANG TSOR BAR BYUNG GAS, KHYED RNAMS KYIS SNGAGS RING DE LA MING SPEL CHUG LA BZLAS PA GYIS GSUNG BAS DGE 'DUN RNAMS KYIS BZLAS BA BYAS, DE NAS ZHAG BDUN SONG BA NA SMAN PA GCIG DANG TSUL KHRIMS 'OD ZER

, ,GNYIS ZHABS DRUNG NA YOD DUS SKYIL KRUNG LAM GYI MDZAD NAS THUGS DAM DU LHAN GYIS SONG, KHONG GNYIS KYIS BLTAS PAS ZHAL KO PHYANG GIS SONG BYUNG TZA NA SPYI BO NAS YAR LA 'OD 'JAG MA TZAM ZHIG DKAR NAR GYIS SONG, PHYIN YOD PA KUN GYIS SBA LCAG TZAM DKAR NAR NAR MTHONG, DE JE CHE LA SONG NAS NAM MKHA' LA 'OD RDZA MA TZAM ZHIG TU SONG BA ZHIG BYUNG NGO, ,DE LTAR DGE BA'I BSHES GNYEN SNE'U ZUR PA DE DGUNG LO BDUN CU RTZA BDUN PA SA PHO RTA'I LO LA ZHING GSHEGS TE DGA' LDAN CHOS KYI PHO BRANG DU PHEBS SO, ,SLOB MA RNAMS KYIS SPUR GANG DU SBYONG SNYAM PA LA SPUR LA 'JA' GCIG ZUG PA'I SNE MO SHOD DE NA ZHING GCIG YOD PA'I STENG DU ZUG , DER 'OD G-YUL THANG TZAM ZHIG ZHAG GNYIS GSUM DU BYUNG BAS, DGE BSHES NYID KYIS BSTAN PA YIN TE 'ONG SNYAM NAS DER SPUR SBYANGS PA'I DUS NYI MA'I DKYIL 'KHOR GYI DBUS NAS 'OD ZER CIG SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA GDUGS KYI YU BA 'DRA BA CIG BYUNG, NYI MA DE LA SPRIN SRIB SE BA CIG BYUNG BAS 'JA' TSON GDUGS 'DRA BAS BSKOR BA'ANG BYUNG, SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA BZHI DANG, GZHAN YANG 'JA' TSON 'PHAN 'DRA BA DANG RGYAL MTSAN 'DRA BA MANG PO'ANG BYUNG, DE'I DUS SU LTA BKA' GDAMS PA DE ZHABS TOG KYANG CHE, MI YANG CHA BAS MANG BSKOL ZHIG BYAS NAS 'DI LA RTEN KHYAD PAR CAN BYON 'ONG BAS, DE BYON NA

'AM BU LA THUGS LA 'DOGS PAR ZHU ZER NAS SPYI ZHUS BYAS, GDUNG RNAMS GDAN DRANGS PA'I DUS SU DGON PA BAS PHYAG G-YAS PA BZHAG PA'I RJES KYI DBU THOD DE LHA BKA' GDAMS PA LA PHUL BAS DNGUL GYI GDUNG RTEN ZHIG BZHENGS, PHYIS 'BRI SGANG NAS GDAN DRANGS TE DON STENG GI GDUNG RTEN CHEN MO'I NANG NA BZHUGS, PHYAG MNYAL SMAD GSER PHYE 'BUM PA'I NANG NA BZHUGS PAR GRAGS, ZHAL KO RIN CHEN SGANG GI MCHOD RTEN NANG NA BZHUGS, GZHAN YANG RING BSREL DPAG TU MED LA BYON NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN SNE'U ZUR PA LA GSOL BA 'DEBS SHING GSOL BA BTAB NA SEMS RGYUD LAS SU RUNG BA DANG, DBEN PAR SGRUB TSUGS ZIN PA DANG, SGRUB PA BYED PA LA MA MI YIN GYI BAR CHAD MI 'BYUNG BA DANG, LHAG PAR KLU NAD ZHI BA LA SHIN TU BSNGAGS SO, , GTZO BOR NI BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA SPYIR SKYE BO MANG PO DANG BSRE BSLAD MI BYA BA DANG, LHAG PAR GRONG KHROD DU RGYU BA SPANGS TE DBEN PA'I GNAS SU LAM GYI RIM PA'I NYAMS LEN MTHAR PHYIN PA ZHIG BYA'O,, ` ,,'DUL BA'I SDE SNOD KUN 'DZIN THAG MA BA, ,ZHES BSNGAGS PA DGE BSHES SNE'U ZUR PA'I THUGS SRAS 'DUL 'DZIN CHEN PO THAG MA BA NI, SKU GZHON NU'I DUS NAS

, ,SPYIR 'KHOR BA'I CHOS THAMS CAD LA ZHEN PA LOG CING, KHYAD PAR KHYIM GYI GNAS NI NYON MONGS PA DANG NYES PAR SPYOD PA MANG PO'I 'BYUNG GNAS SU MTHONG NAS KHYIM NAS KHYIM MED PAR RAB TU BYUNG, SPYIR SDE SNOD GSUM GA LA SBYANGS SHING, KHYAD PAR 'DUL 'DZIN CHEN PO SHA MI SMON LAM TSUL KHRIMS TSUL BZHIN DU BSTEN TE 'DUL BA LUNG SDE BZHI'I TSIG DON MTHA' DAG LA MKHAS PAR BSLABS, 'DUL BA NAS JI LTAR GSUNGS PA'I BCAS MTSAMS PHRA RAGS THAMS CAD PHYAG LEN LA BTAB STE TSUL BZHIN DU BSRUNG BAR MDZAD PAS 'DUL 'DZIN CHEN POR GRAGS, DGE BA'I BSHES GNYEN SNE'U ZUR PA'I ZHABS DRUNG DU BYON NAS SNE'U ZUR PA BSAM SPYOR GNYIS KYIS TSUL BZHIN DU BSTEN TE DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID YONGS SU RDZOGS PAR GSAN TI NYAMS SU BLANGS NAS MYONG PA THON PAR MDZAD, SKAL BA DANG LDAN PA GZHAN DAG LA'ANG RGYA CHER SPEL ZHING STOD LUNG THAG MA BZUNG NAS 'DUL BA'I BSHAD SROL RGYA CHER SPEL BAS RANG GI DBON RGYUNG THAG MA BA PHYI MA DPAL CHEN RDOR GZHON DANG 'DUL 'DZIN CHEN PO SBAL TI JO SRAS LA SOGS PA'I 'DUL 'DZIN MKHAS PA MANG DU BYUNG ZHING, KHYAD PAR SPRUL PA'I SKYES MCHOG SANGS RGYAS DPON GYIS KYANG 'DI'I ZHABS LA GTUGS TE 'DUL BA MKHAS PAR BSLABS NAS SKAL BA DANG LDAN PA BGRANG BA LAS 'DAS PA LA 'DUL BA RGYA CHER SPEL

BAS 'DUL BA'I BSHAD SROL GYI 'PHRIN LAS CHER BYUNG BAS RJE BDAG NYID CHEN POS KYANG, 'DUL BA'I SDE SNOD KUN 'DZIN THAG MA BA, ,ZHES BSNGAGS PA MDZAD DO, ,'DUL 'DZIN THAG MA BA 'DI'I MTSAN DNGOS NI KA BA DAR SENG ZHES BYA LA, 'DUL 'DZIN THAG MA BA NAS BRGYUD PA'I LAM RIM GYI KHRID KA NI LHO BRAG PHYOGS SU RGYA CHER 'PHEL TE, LHO BRAG MKHAN CHEN NAM MKHA' SENG GES 'DUL 'DZIN THAG MA BA'I ZHABS LA GTUGS TE DGON PA BA NAS BRGYUD PA'I LAM RIM GYI KHRID RDZOGS PAR GSAN, MKHAN CHEN NAM MKHA' SENG GES, MKHAN CHEN NAM MKHA' RGYAL PO LA GNANG, DES MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG STE, LHO BRAG MKHAN CHEN NAM MKHA' SENG GE'I RNAM THAR NI DA LTA NYID DU 'CHAD LA, MKHAN CHEN NAM MKHA' RGYAL PO NAS LHO BRAG GRUB CHEN GYI BAR BLA MA BZHI PA 'DI'I RNAM THAR NI 'OG TU DGE BSHES SPYAN SNGA BA NAS BRGYUD PA'I BKA' GDAMS GDAMS NGAG PA'I BLA MA RNAMS KYI RNAM THAR 'CHAD PA'I SKABS SU 'CHAD DO, ,'DUL 'DZIN THAG MA BA 'DI'I RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN THAG MA BA'I RNAM THAR DRAN PAR BYAS LA GSOL BA GDAB PA DANG, BYANG CHUB LAM RIM LA BLO SBYONG BA'I TSE 'DUL BA'I BCAS MTSAMS YAL BAR DOR NAS CHOS GZHAN ZHIG LA

, ,BLO SBYONG BA SKAD BYED PA RTZA BA MED PA'I YAL GA 'TSOL BA'I NGAL BA MI BYA BAR, BSTAN PA'I RTZA BA 'DUL BA'I BSLAB BYA LA NAN TAN DU BYAS NAS LAM GYI RTZA BA TSUGS PA ZHIG BYA'O,, ` ,, BRTZON PAS SGRUB PA LHUR LEN NAM SENG ZHABS, ,ZHES BSNGAGS PA, LHO BRAG MKHAN CHEN NAM MKHA' SENG GE NI, CHOS RGYAL KHRI SRONG SDE'U BTZAN GYI CHOS BLON SHUD PU DPAL GYI SENG GE'I RGYUD DU LHO BRAG TU SKU 'KHRUNGS, SNGAGS RNYING MA'I KHYIM BTZUN GYI RIGS BRGYUD YIN YANG SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS 'KHRUNGS TZAM NYID NAS CHOS 'BA' ZHIG SENG SHING SMRA SHES PA NAS BZUNG DAM PA'I CHOS 'DUL BA LA MOS SHING BKA' GDAMS LAM RIM LA MOS BRTZE GCIG BYED BA ZHIG BYUNG NAS DGUNG LO BCU GSUM PA LA DGRA BCOM BA SBRAL TI JO SRAS KYI ZHABS LA GTUGS NAS RAB TU BYUNG, 'DUL BA'I GSAN SBYONG MTHAR PHYIN PAR MDZAD, SNGON GYI LAS 'BREL BZANG POS 'DUL 'DZIN THAG MA BA DANG MJAL, GUS PA CHEN POS GSOL BA BTAB PA NA 'DUL 'DZIN THAG MA BAS TSE DANG LDAN PA'I TSUL KHRIMS 'OG THON PA 'ONG GI GSUNG, DE NAS 'DUL 'DZIN THAG MA BA CHEN PO BSAM SBYOR GNYIS KYIS CHU LA BZHIN DU BSTEN NAS RGYAL BA'I GSUNG RAB KUN GYI SNYING PO BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR GSAN NAS THUGS SU CHUNG PAR MDZAD, LAM THUN MONG

BA'I STENG DU THUN MONG MIN PA RDO RJE THEG PA LA SLOB PA'I PHYIR THAG MA BA CHEN POS MI G-YO BA DKAR PO LHAG PA'I LHAR ZUNGS GSUNGS NAS DE'I SGRUB THABS DANG MAN NGAG GNANG BA LTAR BSGRUBS PAS ZHAL GZIGS THUN MONG DANG THUN MONG MIN PA'I LAM GYI RIM PA LA BRTZON PA SHUGS DRAG LA RGYUN RING BA MDZAD PAS MYONG BA PHUL PHYIN THON, DON 'DI LA DGONGS NAS RJE THAMS CAD MKHYEN PAS, BRTZON PAS SGRUB PA LHUR LEN NAM SENG ZHABS, ,ZHES BSNGAGS SO, ,DE NAS MKHAN CHEN NAM MKHA' SENG GES DGE BA'I BSHES GNYEN DON STENG PA LA SGROL MA'I CHOS SKOR ZHUS, GZHAN YANG DAM TSIG GSUM BKOD, DZAM BHA LA, TSOGS BDAG RNAMS ZHUS TE BSGRUBS PAS LHA DE DANG DE'I ZHAL GZIGS, DE LTAR BRTZON PA CHEN POS SGRUB PA RGYUN RING DU MDZAD NAS RANG NYID MI NYAMS PA'I GDENG THOB PA NA RANG GI DBON SRAS MKHAN CHEN NAM MKHA' RGYAL PO SOGS SKAL BA DANG LDAN PA MTHA' YAS PA LA BYANG CHUB LAM GYI RIM PA'I KHRID RGYA CHER SPEL, LHO BRAG PHYOGS SU GZHI GSUM GYI PHYAG LEN SOGS 'DUL KHRIMS RNAM PAR DAG PA 'PHEL BAR MDZAD DE LHO PHRAG SGRO BA DGON PA SOGS KYI MKHAN PO MDZAD DE LHO PHYOGS SPYI DANG KHYAD PAR SHUD PHU PA'I RGYUD LA BKA' GDAMS BSTAN 'DZIN RIM PAR BYON PA THAMS CAD MKHAN CHEN 'DI'I BKA' DRIN LAS BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' SENG GE LA GSOL BA 'DEBS SHING DAM PA 'DI'I RNAM

, ,THAR LTAR 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,'BROM RIN PO CHE NAS DGE BA'I BSHES GNYEN PO TO BA LA BRGYUD PA'I BKA' GDAMS GZHUNG PA'I BLA MA RNAMS KYI RNAM THAR 'CHAD PA LA, RGYAL BA'I GDUNG 'TSO BA BSHES GNYEN PO TO BA, ,ZHES BSNGAGS PA, GANGS RI'I KHROD 'DIR RGYAL BA'I BSTAN PA SPEL BA'I SLAD DU BSAMS BZHIN DU BYON PA'I SPRUL PA'I SKYES MCHOG DKA' THUB KYI RI SUL DU DRANG SRONG GI SBYOD TSUL GYIS GNAS NAS BSTAN PA'I BDAG PO MDZAD PA DGE BA'I BSHES GNYEN PO TO BA NI, 'PHAN YUL SPRAS KYI BA'O THANG DU YAB SKU GSHEN SRING LA PHYUG STE SRING PO ZHES GRAGS PA DANG, YUM RIGS RNAM PAR DAG PA LE MO ZHES GRAGS PA GNYIS KYI SRAS SU ME MO YOS KYI LO LA SKU 'KHRUNGS, GDUNG GNYOS, BYIS PA'I DUS NYID NAS BYAMS SNYING RJE BYANG CHUB KYI SEMS RLABS CHEN PO RANG 'KHRUNGS SU BYUNG STE 'GRO BA GZHAN SDUG BSNGAL BA GZIGS NA GTING NAS MI DGA' ZHING 'DI'I SDUG BSNGAL 'DI THABS GANG GIS SEL BAR NUS SNYAM PA DANG, GZHAN BDE BA GZIGS NA THUGS DGA' ZHING 'DI'I BDE BA 'DI NAM YANG MI NYAMS PAR GONG 'PHEL DU SONG NA SNYAM PA 'BYUNG BA ZHIG YOD, SKYE BO GZHAN DAG GIS DBUS GTZANG GI CHU 'DI THAMS CAD KONG CHU RLAG BYA BA CIG TU 'GRO, DE NA BYA 'DAM SEL BYA BA YOD PAS CHU DES MI RO RTA TO THAMS CAD BSAL, BYA DE SHIN DE

PAS LA MKHAN MED PAS CHU 'KHYIL 'OD ZER BA GSAN PAS BYA DE SHIN TU GCES PAR 'DUG GO GSUNGS NAS BYA DE SHI DOGS NAS THUGS LAS MDZAD, RGYA LAM GYI 'GRON PO'I SAR BYON NAS 'GRON PO KUN KHYED CAG GI YUL DU LO LEGS PAR SHOG ,BYES SU DON 'GRUB PAR SHOG CIG CES SMON LAM 'DEBS, DGE BSHES PO TO BA NYID KYI ZHAL NAS, RANG GIS DRAN PA RNYED PA NAS PHA ROL PO RGYAL NA DGA', BDE NA DGA', SKYID NA DGA' BA LAS, RANG RGYAL BA SOGS BYUNG NA DGA' SNYAM PA'I RTOG PA 'ONG MA MYONG, MI GNYIS 'GROGS NAS 'GRO BA MTHONG NA YANG 'DI GNYIS MTHUN NA RUNG STE SNYAM DU DGONGS PA KHO NA 'ONG BA YIN GSUNG, DGE BSHES SHA RA BAS BSTOD PA MDZAD PA NA YANG, BRDA PHRAD TSUN CHAD BYIS PA'I DUS NYID NAS, ,GZHAN GYI BDE SDUG THUN MONG NYID DU GYUR, ,CES GSUNGS, YAB DE BON YIN PAS DGE BSHES PO TO PA CHEN POS KYANG BYIS PA'I DUS BON CHOG 'DRA YANG MDZAD PAS BON GYI CHO GA 'DI DKON MCHOG GSUM LAS PHYI ROL TU GYUR PA 'DI 'DRA CI RUNG ZHES THUGS MA MNYES PA'I BKA' YANG STZAL, DE TZA NA SGOM CHEN ZHIG SHI BA'I SBUR SBYANGS PAS 'JA' DANG 'OD LA SOGS PA BYUNG, DE YAB LA DRIS PAS SGOM CHEN ZHIG GRONGS PA YIN ZER BAS NGAS KYANG BSLABS NA SGOM CHEN ZHIG 'OD SNYAM PA BYUNG GSUNG, YAB LA BLA MCHONG SBA SGOM ZHES PA GANG ZAG KHYAD PAR CAN CIG YOD, DE LA BYIS PA'I DUS SU BSNYEN GNAS KYI SDOM PA BLANGS NAS SANG BSRUNG BA'I

, ,DE RING CHANG 'THUNGS PAS BAD KAN LA PHOG NAS SKYUGS, YAB KYIS KHAMS NGAN PAR 'DUG PAS DE RING MA SRUNGS, NYA STONG BRGYAD GSUM BYA BA YIN PAS SANG SRUNGS BYAS PAS, YAB CI DGA' DGA' ZER DUS NAM YIN PA NA SRUNG BA YIN, KHAMS BZANG NA BSRUNG LA, KHAMS NGAN NA MA BSRUNGS PAS GA NA 'ONG GSUNG, DE LA SBA SGOM MNYES NAS, GNYEN PO DANG LDAN PA CIG 'ONG BAR 'DUG RAB TU BYUNG LA CHOS SHIG BYED DU GZHUG DGOS ZHES PHA MA GNYIS LA YANG YANG BSKUL ZHING GZHON NU RANG NYID KYANG SNGON GOMS PA'I BAG CHAGS 'THUG PO'I MTHUS SPYIR 'KHOR BA'I GNAS THAMS CAD YID BRTAN MI RUNG BA SDUG BSNGAL GYI RANG BZHIN CAN DU RIG CING, KHYAD PAR KHYIM GYI GNAS NI NYON MONGS DANG NYES PAR SPYOD PA'I 'BYUNG GNAS SDUG BSNGAL GYI RTZA BA BRTZON RA LTA BUR GZIGS NAS RAB TU 'BYUNG BAR 'DOD PA'I 'DUN PA DRAG POS BSKUL ZHING PHA MA GNYIS KYIS KYANG GNANG STE YER PA BA RNGOG BYANG CHUB 'BYUNG GNAS KYIS MKHAN PO, GLAN TSUL BYANG LA SLOB DPON ZHUS NAS RAB TU BYUNG MTSAN RIN CHEN GSAL ZHES BYA BAR GSOL, SLOB DPON SBA SGOM LA SGOM ZHIG BSLABS PAR ZHU BYAS PAS KHONG GI GSUNG NAS, KHYOD SGOM GSHA' MAR BYED NA CHOS AEN CIG NYAN DGOS, DE LTA MIN NA SGOM CHEN GYI SGOM MCHAN KHUNG BAS PHU THAG THUNG STE 'GRO BA YIN GSUNGS PAS THOG MAR BKA' GDAMS KYI CHOS SPYOD RNAMS BSLABS, KHAS BLANGS PA'I

BSLAB KHRIMS DAG PAR BSRUNG BA GZHIR BZHAG NAS KHU STON LA SOGS PA MKHAS PA MANG PO LA BRTEN TE SDE SNOD GSUM LA SBYANGS NAS MKHAS PA'I PHUL DU PHYIN PAR MDZAD, BDAG NYID CHEN PO 'DI GZHON NU'I DUS SU JO BO RJE YANG BZHUGS PAS JO BO LA YER PAR DGE BSHES STON PA BYANG DU GSER 'TSOL DU BZHUD PA'I SHUL DU NAG TSOS LO TZ'A BYAS NAS SGOM RIM BAR PA GCIG GSAN PA LA SKAD NI MA SHES, BAN GSAR DU SONG BAS BRDA GZHAN MED PAndI TA LA BZLA RGYU MANG PO 'ONG BAR 'DUG PA LA LO TZ'A BA LA CUNG ZAD LAS MI 'ONG BAR SNANG GSUNG, BRAG RGYAB PA'I BZA' MI YIN PAS PHYUGS SA NA BRAG KA JO BTZUN BYA BA DANG LHAN DU BZHUGS PA NA JO BTZUN GNYID LOG KHONG GIS MNGON RTOGS ZHAL 'DON MDZAD PA LA JO BTZUN NA RE THON CIG GRVA PA MANG PO BYUNG NGO ZER, GNYID SAD NAS GLENG BAS KHYED KHA TON BYED PA LA MI MA YIN DPAG TU MED PA 'DUS NAS CHOS NYAN PA RMOS ZER, SHA RA BA'I ZHAL NAS, MI MA YIN LA'ANG MNGON SHES YOD PA YIN GSUNG, BRAG RGYAB TU GNYER CIG MDZAD PA LOG SHIN TU CHOD PA CIG MDZAD DE, MDO MANG GCIG GI PHYAG LAN KYANG MDZAD, DE'I BAR LA DGE 'DUN SPYI BAS LHAG PA ZHO BA SHAL GCIG LAS 'THUNG MA MYONG GSUNG, BRAG RGYAB PA'I DBON RA ZHAG SH'AKYA RIN CHEN NA RE, RA BA ZLUM PO LA SOGS PA'I GNYER BYED DGOS ZER BA LA SKYO SHAS CHEN PO MNGA' BAS MI BYED GSUNGS NAS DON MED PA'I BYA BA THAMS CAD SPANGS TE RAB TU BYUNG BA'I BYA BA'I GTZO BO

, ,KLOG PA THOS BSAM DANG, SPONG BA BSAM GTAN LA KHOR YUG TU BRTZON BAR MDZAD, DE NAS DBEN BA'I GNAS ZHIG TU RTZE GCIG TU SGOM BAR BZHED NAS YAB KYI MCHOD GNAS RANG NYID KYIS BSNYEN GNAS KYI SDOM PA ZHUS PA'I SLOB DPON SBA SGOM LA GROS ZHUS PAS, SBA SGOM GYIS KHYOD SGRUB BA GSHA' MA ZHIG BYA 'DOD NA BYANG RA SGRENG NA JO BO RJE DPAL LDAN AA TI SHA'I MAN NGAG YONGS SU RDZOGS PAR MNGA' BA 'BROM STON PA ZHES BYA BA BZHUGS PAS, DE'I ZHABS DRUNG DU PHYIN NAS MAN NGAG RNAMS ZHUS NA LEGS ZHES BSKUL BA LTAR RANG NYID KYANG DAD GUS CHEN POS DE LTAR BYA BAR 'DOD NA RA SGRENG DU DGE BSHES STON PA'I SPYAN SNGAR PHYIN LA DBYAR DGUN GCIG TZAM BSDAD, GDAMS GNAG ZHUS NAS KHAMS SU PHYIN LA MING RUS TSUN CHAD SPOS LA SGOM ZHIG BYA SNYAM NAS CHAD STON DANG GNYIS 'GROGS NAS RGYAL GYI GLAN TSUL BYANG DGE TSUL GYI SLOB DPON YIN PAS PHYAG 'TSAL DU BYON, DE NAS RA SGRENG DU BYON PA LA BRAG RGYAB PA'I DPON GYIS KYANG DGE BSHES STON PA LA KHYED KYI SPYAN SNGAR NGA'I MI ZHIG THAL GYI, DE GZHAN DU MA GTONG ZHIG ZER BA'I 'PHRIN YIG SLEBS, DE NAS 'BROM RIN PO CHE BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM PA'I KHRID ZHUS PA NA 'BROM RIN PO CHES RANG GI SRAS KYI THU BO BSTAN PA'I BDAG POR 'GYUR BAR GZIGS NAS SPYAN GYI 'BRAS BU LTAR BSKYANGS SHING, LAM GYI RMI PA'I DBU BSHES GNYEN

BSTEN TSUL NAS THAR CHAGS SU GDAMS SHING DMIGS SKOR RE RE NAS BSHAD CHOS CAM DU MA LUS BAR RGYUD LA SKOR TE MYONG BA THON NGES SU 'KHRID PAR MDZAD PAS DGE BA'I BSHES GNYEN STON PA RIN PO CHE'I YON TAN DANG, JI LTAR GSUNGS PA'I LAM GYI GNAD RNAMS LA YID CHES KYI DAD PA BRTAN PO SKYES SHING KHYAD PAR DU SPYOD 'JUG GI, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,ZHES PA LA BRTEN PA'I MAN NGAG GSUNGS PA'I THAD KAR THUGS SNA 'GYUR TE TSE 'DI'I RTOG PA BSKYUR, DGE BA'I BSHES GNYEN 'BROM RIN PO CHE 'BRAL MED DU BSTEN PA YIN, NGA DANG POR 'ONG DUS NA THOG CIG MAN NGAG ZHUS NAS GNAS GZHAN ZHIG TU 'GRO BSAMS PA YIN TE, DANG NGA 'GRES SMAD TZAM DU SONG ZER YANG MI CHA GSUNG, DES NA MAN NGAG CHUNG DU 'GA' TZAM GYIS MI CHOG LA, DE YANG ZHUS NAS GZHAN DU PHYIN PAS MI CHOG PAR DGE BSHES MTSAN NYID DANG LDAN PA DANG MI 'BRAL BAR BSTEN DGOS PAR DGONGS NAS LO BDUN BSTEN PA LAS DGE BSHES STON PA'I THUGS KYANG ZIN, BA'O THANG 'DIR JI LTA BU'I MI CHEN PO ZHIG 'BYON PAR 'DUG GSUNGS, DGE BSHES RNAL 'BYOR PA DANG DGON PA BA YANG MA 'DAS BAR DU RA SGRENG DU BZHUGS NAS SGRUB PA RTZE GCIG TU MDZAD, BAR SKABS SHIG SPA SGOM DANG LHAN DU MDO SDE RGYAN GYI RTZA BA DGZIGS SHING BZHUGS, DER NUB GCIG SPANG LEB GCIG LA MDA' MANG PO RGYAB NAS BTON PAS

, ,MDE'U KHA YAR LUS PA RMIS, BYAS t'IKKA DANG SBYAR NAS GZIGS PAS MDE'U MA LUS PAR THON PA RMIS TE RJE BTZUN BYAMS PA'I DGONGS PA JI LTA BA BZHIN DU LONGS BA YIN GSUNGS, DE LTAR DGE BA'I BSHES GNYEN PO TO BAS 'BROM RIN PO CHE THOG MA MJAL BA NAS MTHAR NAM GSHEGS BAR DU SKAD CIG KYANG 'BRAL MA PHOD PAR BSAM SBYOR GNYIS KYIS TSUL BZHIN DU BSTEN, 'BROM RIN PO CHES KYANG SRAS KYI THU BOR BZUNG, LAN CIG 'BROM RIN PO CHE SKU BSNYUN PA ZHIG GI SKABS PO TO BA'I BANG DU DBU BZHAG NAS YOD BA'I TSE, PO TO BA'I THUGS DGONGS LA 'JIGS SAR SKYEL MAS BOR BA 'DRA BA ZHIG 'ONG BA 'DUG NA DA SU LA BRTEN SNYAM PA DANG SPYAN CHAB GONG BA'I RTZA NA MAR NYIL GYIS BYUNG BA DGE BSHES STON PAS MKHYEN NAS, NGAS KHYOD KYI BRTEN SA SU YANG MA MTHONG BAS NGA PHAN CHAD GSUM YAN CHAD LNGA MAN CHAD DPUNG GDANG CHOS, DGE BA'I BSHES GNYEN MDO SDE LA GYIS LA SEMS BZANG PO GYIS DANG KHYAD PAR CAN DANG PHRAD DE 'ONG GSUNGS BAS, MDUN NA JO BO LEGS YOD PAS SEMS BZANG PO GANG LA ZER ZHUS PAS, 'O NA BYANG CHUB KYI SEMS LA ZER BA YIN MOD CES LAN GNYIS BSTUD NAS GSUNGS PAS, DE SNGA NAS KYANG MA GO RGYU MED PA LA DES GSAL BTAB PA 'DRA BA ZHIG BYUNG NAS DE'I THABS LKOG TU MAN NGAG TU YANG GSUNGS, TSOGS SU LUNG DANG SBYAR NAS KYANG GSUNGS, BKA' BKYON TSUN CHAD KYIS KYANG DE'I THABS SU

GSUNG NAS YOD PAS LO GNYIS TZAM DU MYA NGAN YANG SANGS PA 'DRA ZHIG BYUNG BA LA, PHYIS SEMS BZANG PO LA KHONG RANG DGOS PAR SONG BAS MYA NGAN LA SANGS DUS MED GSUNG, MTHAR 'BROM RIN PO CHE MYA NGAN 'DA' KHAR DGE BSHES PO TO BAS 'BROM RIN PO CHE LA BLA MA MA BZHUGS NA SU LA BRTEN ZHUS BAS, BOD PHU THUNG TZAM 'DI NA KHYOD KYI DGE BSHES NGAS MA MTHONG GI DGE BSHES MDO SDE LA GYIS GSUNG, DGE BSHES STON PA MYA NGAN LAS 'DAS PA'I DUS SU MNAL LAM DU RTZE PHYING DKAR GYI STENG DU BYON NAS RAL GRI ZHIG LAG TU THOGS TE DUNG ZHIG BUS BAS 'DZAM BU'I GLING THAMS CAD DU THOS SAM SEMS PA CIG RMIS, MNAL SAD PA DANG RAL GRI THOGS PA RMIS PA NI SHES RAB JE CHE JE CHER 'GRO, DUNG BUS PA RMIS PAS CHOS NI 'GA' RE TZAM 'CHAD PA CIG 'ONG GSUNG, DE'I ZANG ZING GI BGO SKAL NI CI YANG MED; THUGS DAM DU DGE BSHES STON PA'I RAG SHA'I PHRENG BA NYI SHU RTZA GCIG DANG, PHYAG 'KHAR GNYAL DU SPYAN DRANGS BA DE GNYIS YOD GSUNG, DGON PA BA 'DAS NAS RA SGRENG BSKYANG BAR DGONGS TE, DBYAR DE SKYO BSANGS LA BSLAB BTUS SHIG GSUNGS PA LA GZHAN GYI SHES PA SGYUR NUS PA LTA BU ZHIG BYUNG BA LA, DER DPON CHOS KYI RGYAL PO LA YANG MA BTUB, RMI LAM NA KHONG RANG GIS THONG MKHAN MDZAD DE, ZHING RA DE RMOS PAS 'OG THAMS CAD RDZA RONG DU SONG NAS RMOR MA BTUB PA CIG RMIS PAS, ZHING SBYANG DU MA BTUB PA YIN GSUNG NAS RA SGRENG GI CHAS DNGOS GANG YOD BSKYUR TE GCIG PUR GSHEGS, DE NAS DGE BSHES PO TO

, ,BA DANG PHU CHUNG BA DANG, SPYAN SNGA BA STE SKU MCHED GSUM GA YANG TSE 'DI LA SHA GZUG RANG BZA' BAR CHAD NAS, RA SGRENG CHOS KYI MU GES THEBS YOD, DE TZA NA YON BSHAD PHU CHUNG BAS MDZAD PA LA NYIN GCIG PO TO BA MDZAD DU BCUG PAS, GZHAN GYI SHES PA SGYUR NUS PA 'DRA BA CIG BYUNG BAS PHU CHUNG BA'I ZHAL NAS, 'U CI'I JO BOS CHOS GAD MED G-YANG MED DGONGS TE GDA', JO BO CHEN PO'I GSUNG BZHAG NAS NGAS YON BSHAD BYAS GSUNGS NAS MDZAD MA NYAN, DE PHYIN PO TO BAS MDZAD, RA SGRENG NAS BYON TE SKU MCHED LHAN CIG TU KLUNGS SHOD NA 'GOR BSGOMS, DE NAS SPYAN SNGAS PHYOR PHUR SKU MTSAMS MDZAD NAS BZHUGS, GNYIS POS 'PHAN YUL STOD DANG RGYAL NGOS SU BSOD SNYOMS MDZAD CING BZHUGS, LA MOR SGYE ZER BA DER YANG BZHUGS, DE LTAR RANG RGYUD SMIN NAS GZHAN DON GYI TSOGS BSDUS PA'I DANG PO SGRO LAG DGON PA YIN PAR GSAL TE, DGE BSHES NGOL PAS SGRO LAG TU MJAL TZA NA TSOGS NAS LO NGO GSUM SONG ZHING, GRVA PA SUM CU TZAM 'DUG GSUNG, DE NAS KHRAB 'DZAB KHUNG MIG TU DBYAR GNYIS BZHUGS NAS LAM SGRON DANG, YON TAN MTHA' YAS PAR BSTOD PA DANG, BSHES PA'I SPRINGS YIG GSUNGS PAS GRVA PA BRGYA TZAM 'DUS, DGUN RGYAL GYI GANGS RGYAL MOR BSLAB BTUS GSUNGS, GRVA PA SUM BRGYA TZAM 'DUS, DE NAS KAM YUNG BA'I GRVA BA MANG PO BYUNG, BZLOG KYANG NYAN DU MA 'DOD NAS DPYAR GCIG CHOS MA GSUNGS BAR SKU MCHED GNYIS LA MO SDING BO CHER BZHUGS, DE'I DBYAR TSUL 'JUG

YANG DAG PA CIG BYAS TE DGE BSHES PO TO BA'I ZHAL NAS, NGA LA DE'I DBYAR THA MAL GYI RTOG PA SKAD CIG KYANG MA SKYES GSUNG, PHU CHUNG BA'I ZHAL NAS, NGAS RTEN 'BREL 'BA' ZHIG BSGOMS PAS RTEN 'BREL RANG DU SONG GSUNG, DE NAS DAR YUL KO RU NA BZHUGS PA'I TSE PO TO BA CHEN PO'I YAB DGE BSHES KYI SPYAN SNGAR BYUNG STE PHYAG BTZAL NAS, PHYI MA LA THUGS LA GDAGS PAR ZHU, GOS DUG 'DI KUN DGE BSNYEN GYIS BGOR BTUB BAM, GLANG GCIG YOD PA GRVA BA'I KHAL GYIS ZER NAS BZHUD, DGE BSHES PO TO BA'I ZHAL NAS, AA NA PHA RGAN DE LTOS DANG GSUNGS NAS BLTAS PAS MAL NA 'DAS NAS 'DUG, DE NAS DGUNG LO DRUG CU RTZA GCIG PA LA SPRAS KYI PO TO DGON PA NA BZHUGS PA'I DUS SU 'PHAN YUL STOD DU SDE RTZOD CHEN PO ZHIG BYUNG BAS SA PHUG PA'I JO BO MANG PO DANG, RGYAL NAS BROS PA MANG DU BYUNG, DE THAMS CAD LA DGUN 'DI JI LTAR BTUB BTUB GYIS SHIG DBYAR NAS SBRAS SU BSDAD KYI GSUNG, DE NAS DPYID LUNG STONGS MA ZIN PAR DOG NAS SDUD MO BTAB PAS, DPER NA SENG GE RI SUL BRTEN NAS 'JIGS MED PAR, ZHES PA DE LAN GSUM GYI BAR DU BYUNG NAS, DBYAR STAG LUNG THANG DU BZHUGS GRVA PA DRUG BRGYA TZAM 'TSOGS, PHYIS STAG LUNG DU CHOS NYAN PA DGE 'DUN RNAMS LA GSER ZHO PHYED PHYED GNANG BAS GSER SRANG BRGYAD CU TZAM SONG, GRVA BA STONG DANG SUM BRGYA TZAM BZHUGS PAR GSAL, GZHU MKHAN BRAG DANG DBYAR SA DGUN SA MDZAD DE GNYIS KAR BZHUGS, DE NAS DGE BSHES SBRAGS

, ,PA ZHES GRAGS PA BYUNG, DE NAS KYANG NA 'GOR BZHUGS PAR GSAL TE, SHAR BA'I ZHAL NAS, SNGAR NA 'GON BZHUGS PA NA DE RING MNGON PAR BYANG CHUB PA'I DUS YIN GSUNGS TE MDZAD RGYU CANG MED, PHYIS DUS DER MCHOD PA CHE BA RE MDZAD DE KHO BO SNGA MA DE LA SMON GSUNG, NA 'OG NA BZHUGS DUS SA DE GNYAN PAS SPYI LA PO BRTZIGS PA DANG RKO RLOG SOGS BYAS PAS GRVA PA RNAMS KYI RMI LAM DU SDIG SPRUL DANG SPAL LJONG SOGS RMIS PA LA DGE BSHES PO TO BA'I ZHAL NAS, KHYED SKRAG MI DGOS NGA'I RGYAB 'DI NA NUB PHYOGS KYI RGYAL BO SPYAN MI BZANG LUS DANG GRIB MA BZHIN DU RTAG TU YOD KYI GSUNGS, BAR CHAD KYIS MI TSUGS PA'I RGYU YANG BYANG CHUB SEMS DPA' NYAN THOS KYI CHA LUGS KYIS SEMS CAN GYI DON MDZAD PA'I GNAS BRTAN BCU DRUG GI GCIG YIN GSUNG, RAM SDINGS MA BA LA KHYED MA 'JEM NAS YID CHAD MI DGOS NGA GNAS BRTAN BCU DRUG GI GCIG YIN PAS NGA DANG MJAL BA KHYOD BSOD NAMS MI CHUNG GSUNG, DE LA DGE BSHES PO TO BA CHEN PO DE GNAS BRTAN YAN LAG 'BYUNG GI SPRUL BAR GRAGS SHING GRAGS PA LTAR DU RANG NYID KYIS KYANG ZHAL GYIS BZHES, BKA' GDAMS GLEGS BAM LAS DGE BSHES PO TO BA 'DI NYID BSHES GNYEN 'BROM RIN PO CHE RGYAL PO DAD PA BRTAN POR SKU 'KHRUNGS BA'I TSE SRAS CHE BA SANGS RGYAS 'DZIN PO TO BA, DHARM'A 'DZIN PHU CHUNG BA, DGE 'DUN 'DZIN SPYAN SNGA BAR 'GYUR BAR LUNG BSTAN TE DAD PA BRTAN PA'I 'KHRUNGS RABS

LAS, SRAS SANGS RGYAS 'DZIN NI 'DI NAS LO NI MI MANG BAR RIN CHEN GSAL ZHES BYA BA RGYAL BA'I 'BYUNG GNAS KYI SRAS KYI THU BOR 'GYUR, DHARM'A 'DZIN GZHON NU RGYAL MTSAN ZHES BYA BA 'DI DENG SANG GI ZHUS LAN 'DI DAG GI BDAG PO DAM PA CIG TU 'GYUR, DGE 'DUN 'DZIN NI TSUL KHRIMS 'BAR ZHES BYA BA RGYAL BA'I 'BYUNG GNAS KYI GDAMS PA MANG PO NYAMS SU LEN CING SANGS RGYAS KYI BSTAN PA LA PHAN PA'I BSHES GNYEN DAM PA CIG TU 'GYUR RO ZHES GSUNGS, YANG GLEGS BAM DU SKU MCHED GSUM PO DE, RIGS GSUM MGON PO'I SPRUL PA YIN TE, BKA' GDAMS GLAGS BAM GYI LUNG BSTAN GYI LE'U NAS, 'DI NAS SPYAN RAS GZIGS DBANG DANG, ,'JAM PA'I DBYANGS DANG GSANG BA'I BDAG ,GZHAN YANG 'JAM DBYANGS NYID SPRUL PA, ,SPRUL PA'I KHYE'U GZUGS MDZES SO, ,RTZE LNGA'I RI LAS 'DIR LHAGS GDA', ,DANG PO GSUM NI NGA YI SRAS, ,PO TO BA DANG PHU CHUNG BA, ,SPYAN SNGA ZHES BYA SKU MCHED GSUM, ,ZHES GSUNGS, 'BROM RIN PO CHES, JO BO LA 'BUL CHEN MDZAD PA'I TSE, JO BO'I ZHAL NAS HU 'UM, KHYE'U DKAR PO 'DI LA DA LTA NGAS BOD 'DI NA BKOD PA DRUG CU RTZA LNGA MTHONG GSUNG BA 'DI PHU CHUNG BA, KHYE'U SER PO NA RE KHO BO LA BKOD PA DGU BCU MCHIS, PO TO BA, KHYE'U SNGON PO NA RE, KHO BO LA'ANG BYANG PHYOGS NA BRGYA DANG DRUG CU RTZA LNGA, 'DI NA DRUG GI GDUL BYA LAS MA MCHIS GSUNG BA SPYAN SNGA TSUL KHRIMS 'BAR YIN PAR GO, ZHES GSUNGS, YANG SNGON BAL YUL DU 'PHAGS PA SHING KUN

, ,LA NUB THUN DANG THO RANG GNYIS MIS SKOR BA BYED, GUNG THUN 'BYUNG BA BZHI GNYID LOG PA'I DUS SU MI MA YIN RNAMS SKOR BA BYED, DE'I DUS GRUB THOB MIN PAS BSKOR BA BYED NA BAR CHAD 'ONG, RNAL 'BYOR BA CIG GIS PHAG MO'I DNGOS GRUB BRNYES NAS MI MA YIN RNAMS KYI GSEB TU SKOR BA BYAS PAS, DE RNAMS GLU LEN GYI 'DUG PA'I NANG NA MAR, SNGON NAS SNGON GYI DUS TZA NA, ,THUGS DGONGS BLA NA MED PA DE, ,JO BO AA TI SHA LA BYUNG, , DA LTA MA RIG 'KHRUL PAR 'KHYAMS, ,AA TI SHA YI GDUNG GSOB PA, ,'PHAGS PA SKU MCHED GSUM PO DE, ,GCIG TZAM LHO BAL GYI MTSAMS NA YOD, ,'PHAGS PA 'JAM DPAL DANG GNYIS SU MED, ,GCIG TZAM BAL PO'I YUL NA YOD, ,'PHAGS PA WA TI DANG GNYIS SU MED, ,GCIG TZAM MANG YUL GYI GRONG NA YOD, ,'PHAGS PA DBU KHANG DANG GNYIS SU MED, ,ZER BA GSAN, RTEN DE RNAMS RIGS GSUM MGON PO DNGOS YIN PAS BKA' GDAMS SKU MCHED GSUM PO 'DI YANG RIGS GSUM MGON PO'I SPRUL PA YIN ZHES BKA' GDAMS CHOS 'BYUNG LAS BSHAD DO, ,NGAS DON DU SPRUL PA'I SKYES BU YIN PAR BSHAD MOD, THUN MONG BA GDUL BYA'I SNANG NGOR YANG MDZAD PA RNAM THAR BSAM GYIS MI KHYAB STE, DGE BSHES PO TO BA CHEN PO DE 'BROM RIN PO CHE KHO NA LA BRTEN NAS BYANG CHUB LAM GYI RIM PA'I 'GO BSHES GNYEN BSTEN TSUL NAS 'BRAS BU MI SLOB ZUNG 'JUG 'GRUB PA'I BAR DMIGS SKOR

RE RE NAS MYONG BA PHUL PHYIN BTON TE BSKYANGS PAS RTZOL MED KYI MYONG BA PHUL PHYIN 'KHRUNGS TE SKYES BU CHUNG 'BRING GI LAM LA SBYANGS PA'I 'BRAS BU TSE 'DI'I LUS LONGS SPYOD RNYED BKUR SNYAN GRAGS 'KHOR G-YOG GANG LA'ANG CHAGS PA SKAD CIG KYANG MI SKYE BAR RI DVAGS RNAMS MA BZHIN DU DBEN PA NAS DBEN PAR 'PHO BAR MDZAD, LAN CIG SBYIN BDAG CIG GIS G-YU GRU DMAR CHEN PO ZHIG PHUL BA NA PHYAG TU MA BZHES PAR MDUN DU ZHOG CIG PA'I BRDA MDZAD, BSNGO BA LEGS BAR MDZAD, SANG NYIN DGE BSHES DPON SLOB RNAMS PHYOGS GZHAN ZHIG TU PHEBS PA NA SBYIN BDAG DE YID MA CHES PAR BZHUGS SAR BLTAS PHYIN PAS G-YU DE MDANGS GANG BZHAGS DE KHA RANG NA 'DUG ZER, DGE BSHES PO TO BA DANG DE'I 'KHOR THAMS CAD KYANG ZANG ZING GI DNGOS PO GANG LA'ANG MI CHAGS PAR TSE BLOS BTANG SHA STAG TU BYUNG STE RNAM PAR THAR PA DE TZAM YANG BSTAN PA RIN PO CHE'I RGYAN DU CHE'O, ,DGE BSHES PO TO BA CHEN PO DE LA TSE BLOS BTANG GI GRVA PA RNAM GROL SGRUB PA SHA STAG STONG TZAM RE 'KHOR DU 'DUS SHING, DE THAMS CAD SDOM GSUM GYI BCAS MTSAMS DAG PA BSTAN PA YONGS RDZOGS KYI NYAMS LEN LA GCIG TU GZHOL BA, SGO GSUM GYI SPYOD PA THAMS CAD DGE BSHES PO TO BA NYID KYI RJES SU SLOB PA SHA STAG BYUNG BAS 'DZAM BU'I GLING GI SA'I CHA THAMS CAD DU SNYEN PA'I GRAGS PAS KHYAB STE RGYA GAR 'PHAGS PA'I YUL DU'ANG BOD NA RAB TU BYUNG BA STONG TZAM RNAM THAR GCIG LA 'GOD NUS PA'I SEMS

, ,DPA' CHEN PO ZHIG BZHUGS YOD 'DUG CES GRAGS PA BYUNG NGO, ,YANG LAN CIG DGE BSHES PO TO BA MKHAR THOG NA KHA BA 'CHAGS NAS DO NUB GZHON NU MA BDUN GYI RTOGS BRJOD NAS BSHAD PA DANG 'DRA BA CIG BYUNG BAS DGA' BA ZHIG BYUNG GSUNG, GZHON NU MA BDUN GYI RTOGS BRJOD LAS JI LTAR 'BYUNG BA NI, SKRA RNAMS BREGS PAR GYUR NAS NI, ,PHYAG DAR KHROD KYI GOS 'CHANG ZHING, ,DGON PA YUL DU 'DOD PAR NI, ,NAM ZHIG DE LTAR 'GYUR ZHIG GU ,ZHES GSUNGS PA LTAR RO, ,DGE BSHES PO TO BA'I MDZAD PA RNAM THAR BKA' GDAMS KYI BSHES GNYEN CHEN PO ZHIG GIS BSDUS PA NI 'DI LTAR, DGE BSHES PO TO BA DE SKYES THOB KYI LHAG BSAM CAN, GNAS BRTAN CHEN PO'I GRAGS PA CAN, BSTAN PA'I KHYAB GDAL CHE BA, SDE SNOD KYI DON SPYIR SHAR BA, GZHUNG GI BYED PA MKHAS PA, 'DUL BA'I PHYAG LEN MTHEMS PA, RAB TU BYUNG BA'I CHA THINGS PA, BSTAN PA'I BDAG PO ZHIG BYON PAS; DGUNG DUS DING SANG GI BAR DU KHAS BLANGS LA RTOG DPYOD BYED PA 'AM, SDOM BA'I RTZIS GZHI 'DING BA'AM, SDE SNOD LA BLO KHA PHYOGS PA 'AM, 'DOD PA LA SKYON DU LTA BA'AM, YON TAN LA NGOMS PA BAG TZAM ZHIG MCHIS BA 'DI DE'I 'ONG LA BRTEN PA ZHIG LAGS PAR GDA' GSUNGS, DGE BSHES PO TO BA DE SDE SNOD GSUM LA MKHYEN PA RGYAS SHING, DE THAMS CAD GDAMS NGAG TU SHAR BA ZHIG BYUNG STE, 'BROM RIN PO CHES BSTAN PA'I KHYAB GDAL

GSUNG TZA NA PO TO BA'I NGOS SU ZHAL BSTAN NAS GSUNG, PO TO BA CHEN PO DE GNAS BRTAN BCU DRUG GI YA BA GCIG YIN KYANG GSUNG, THUGS RAB SHIN TU CHE BAS MDUN DU PO TI CI BYUNG YANG SKYES BU GSUM GYIS KHOG BCINGS NAS PO TI LA ZIN BSHAD DU MDZAD, PO TO BA'I ZHAL NAS, RGYAL GYI ZHANG CHEN PO DANG, 'BROM RGAN PO DE MIN PA LHA 'DRE MI GSUM THAMS CAD RGYA SKAD KYIS BTZUN NAS BZHAG GSUNG, 'BROM BSTEN YUN THUNG STE KHYUR PO LO NGO MTHONG BDUN DU BSTEN, , 'BROM GSHEGS NAS KYANG RNAL 'BYOR BA DANG, DGON BA BAS SKU MCHED GSUM MIG GI 'BRAS BU LTAR BSKYANGS, DGON PA BA 'DAS NAS SKU MCHED GSUM GYIS PHA BONG THANG DU GROS MDZAD SKAD NA, 'U CAG TSE 'DI LA MI LA CHOS BSHAD MI BYA; BAN MO'I BSNYEN BKUR MI BZA', SDE PA DANG DGON PA BDAG TU MI BZUNG, SKYE BA PHYI MA BYAMS PA DANG, JO BO'I SPYAN SNGAR SMON LAM BTAB, GCIG LA GCIG BRTEN DU BYAS LA DGE SBYOR STABS CIG TU BYA'O ZHES GROS MDZAD DO,, DGE BSHES PO TO BA'I MDZAD SPYOD RAGS RIM RNAMS GLANG BYA RAB PAS SDOMS SU BKOD PA NI, GZHAN GYI DPON DANG G-YOG MI BYA, GZHAN SEMS MI DKRUG SEMS MI BZUNG, ,BSRE BSLAD MI BYA 'BREL MI BYA, ,LTOGS 'DZIN MI BYA 'DRIS MI BYA; ;GYONG DU BYA ZHING 'GROGS DKAR BYA, ,RTEN BZHENG BA DANG RTEN LA MCHOD, ,KLOG 'DON SBYIN GTONG BYA BA YANG, ,RGYA CHEN YONGS SU SPANG NAS NI, ,RANG GI ZAS GOS 'TSO BA YANG, ,NGAN DON TZAM GYIS CHO GA BYA ZHING, ,DBEN PA'I GNAS

, ,SU SONG NAS NI, ,SGRUB PA SNYING POR BLANG BAR BYA, ,ZHES GSUNGS SO, ,DGE BSHES PO TO BA'I RNAM THAR MDZES PA'I PADMO RTZA 'GREL LAS GSUNGS TSUL NI, SPANG BYA'I GNAS KYI DBANG DU BYAS NAS, RANG YUL GNAS GZHI DAG DANG GZHI DGON DANG, ,GRONG DANG 'DU 'DZI SPYOD YUL MA YIN LNGA, ,MI GTZANG 'CHAL PA DAM TSIG NYAMS PA'I GNAS, ,MI DANG MI MIN BAR CHAD GNAS KUN SPANGS, ,ZHES DANG, SPANG BAR BYA BA'I GROGS NI, 'CHAL PA DAM NYAMS 'DRES KHYER BUD MED DANG, ,LTA SPYOD MI MTHUN TSE 'DI DON DU GNYER, ,MI GZHI MA GRUB BLUN DANG 'DOD PA CHE, ,NYE 'BREL LA SOGS SDIG GROGS MTHA' DAG SPANG, ,ZHES SO, ,SPANG BYA'I ZAS NI, SHA CHANG SGOG BTZONG 'BAGS BTZOG MI GTZANG DANG; ;DKOR DANG GLUD DANG LAS KYIS 'TSO BA DANG, ,LOG 'TSO LNGA DANG RDE'U 'CHA' CHU 'THUNG SOGS, ,MTHA' GNYIS SPYOD PA'I MA DAG 'TSO BA SPANG, ,ZHES SO, ,SPANG BYA'I GOS NI, GCAN GZAN RE BA PHU DUNG MA LA SOGS, ,RGYU DANG KHA DOG MI RUNG TSAD LAS 'DAS, ,HA CANG BZANG DANG NGAN DRAGS MDZES CHOS CAN, ,CHOS 'DUL GZHUNG DANG 'GAL BA'I GOS KUN SPANG, ,ZHES PA'O, ,SPANG BYA'I NOR NI, DGE SPYOD KUN GYIS BCANG DU MI RUNG NOR, ,RIN PO CHE SOGS MA BRTAGS DNGOS PO BRGYAD, ,DKOR DANG GLUD DANG GANG LA ZHEN 'GYUR BA, ,YONGS SU 'DZIN PA THAMS CAD DGRA BZHIN SPANG, ,ZHES SO, ,SPANG BYA'I LAS NI, ZHING LAS TSONG DANG BUN SKYED DUD 'GRO SKYONG, ,SMAN DANG BZO DANG GNYEN BSHES BSKYANG RAN DANG,,

GRONG CHOG BYED DANG CHAR 'BEBS SER BA BSRUNG, ,GTZO BO GNAS GZHI'I BANG CHEN LAS RNAMS SPANG, ,ZHES PA STE, DE DAG NI BKA' RGYUD 'DI'I SPANG BYA BA BA RNAM PA DRUG GO ,BSGRUB PAR BYA BA'AM BLANG BAR BYA BA NI, MDO RGYUD GSUNG RAB KUN GYI SNYING PO SKYES BU GSUM GYI LAM GYI RIM PA'I NYAMS LEN RNAM PAR THAR PA DU MA'I RGYAN GYIS SBRAS PA'I LAM GYI CHA LAG DANG BCAS PA RNAMS SO, ,NYAMS SU BLANG BAR BYA BA LA BLA MA BSTEN TSUL GYI KHYAD PAR NI, BLA MA THA DAD SNA TSOGS MI 'TSO ZHING; ;MTSAN NYID LDAN PA GCIG LA LEGS BRTEN NAS, ,DE YI DAM TSIG SROG PAS GCES PAR BYED, ,RNAM THAR THAMS CAD DE YI RJES SU SLOB, ,CES DANG, SDOM KHRIMS KYI KHYAD PAR NI, RGYUD DANG MTSAMS PA'I SDOM KHRIMS LEGS PAR BLANGS, ,DE YI BSLAB BYA DE NYID GZHUNG BZHIN SLOB, ,CES DANG, BLO SBYONG TSUL NI, BLO SBYONG BLO RNAMS RIM BZHIN DU SBYONG, ,MNYAM GZHAG RTOGS PA RJES KYIS GTAN LA 'BEBS, ,ZHES SO, ,SHES BYA SHES PA'I KHYAD PAR NI, MAN NGAG RIGS PA SNA TSOGS MI 'TSOL ZHING, ,BSLAB 'OS SHES BYA KUN LA BLO GROS SBYANGS, ,ZHES DANG, MAN NGAG GI KHYAD PAR NI, KHA PHO CAN GYI MAN NGAG MI 'TSOL LA, ,MAN NGAG DAM PA SDE SNOD GSUM LA BYED, ,CES SO, ,TSE 'DI'I 'KHRI BA GCOD TSUL GYI KHYAD PAR, SKYES PA'I YUL SPANGS NYE DU'I 'BREL THAG BCAD, ,SDE DANG YON BDAG PHYOGS 'DZIN KUN LAS GROL, ,DUD 'GRO'I G-YOG DANG ZHING LAS MA ZIN DANG, ,MI SEMS 'DZIN SOGS SDUG BSNGAL KUN DANG BRAL, ,ZHES DANG, BYA BA'I KHYAD PAR NI,

, ,BLO SBYONG DGE SBYOR LA SOGS BYA BA KUN, ,MNGON TSAN CHUNG LA DON GYIS SA PHYOD CHE, ,LAG RJES DAG LA GTZO BOR MI MDZAD CING, ,THOS BSAM SGOM GSUM STAN THOG GCIG TU MDZAD, ,CES DANG, THO CO MI MDZAD PA NI; 'DOD PA PHUGS BCUG CHAGS MED LTAR STON DANG, ,RANG DON PHUGS BCUG GZHAN PHAN LTAR BYED DANG, ,TSE 'DIR MNGON ZHEN RTOG LDAN LA SOGS PA,, RDZUN DANG 'DRES BA'I THO CO MI MDZAD CING, ,ZHES DANG, MKHAS PA'I KHYAD PAR NI, RNAM DAG SDE SNOD GSAL BA'I ME LONG LA, ,CHOS DANG CHOS MIN GNAS LUGS LEGS MTHONG BA'I, ,'JIG RTEN LEGS PA'I LAM LA MI BRTEN BAR, ,MKHAS RNAMS ZHUGS PA'I LAM LA RJES SU 'JUG, CES DANG, LTA SPYOD DAG BA'I KHYAD PAR NI; LUS NGAG KUN SPYOD CHOS 'DUL JI BZHIN LA, ,BRTZE STONG DBYER MED THEG PA MCHOG SEMS BRTAN, ,BLANG DOR GNYIS MED GNAS LUGS DON SHES KYANG, ,RNAM RTOG MA ZAD ZAD TSUL STON MI BYED, ,CES DANG, BRTAN PA'I KHYAD PAR NI, 'KHOR BA'I RANG BZHIN JI BZHIN RTOGS GYUR BAS, ,SKYID SDUG KUN GYIS SPYOD PA MI 'GYUR ZHING, ,LEGS NYES RKYEN GYIS CHOS LAS MI BSKYED LA, ,SKYO BA'I SEMS KYIS THAR LAM DGE LA 'DREN, ,ZHES DANG, CHOS BRGYAD SPANGS PA'I KHYAD PAR NI, GANG LA ZHEN PAS SDUG BSNGAL KUN 'BYUNG ZHING, ,CI BYAS CHOS KUN LTAR SNANG NYID 'GYUR BA, ,'JIG RTEN KUN GYIS BSGRUB BYA 'JIG RTEN GYI, ,CHOS BRGYAD SPANGS KYANG SPANG BA LTAR MI MNGON, ,ZHES SO, ,THUGS RJE'I KHYAD PAR NI, MAR

GYUR 'GRO BA'I SDUG BSNGAL MA BZOD PAS, ,GZHAN DON MIN PA YID LA MI DRAN YANG, ,THUGS RJE CAN DU MNGON MNGON MI MDZAD CING, ,CI BYED THAMS CAD GZHAN DON NYID DU MDZAD, ,CES DANG, SHES RAB KYI KHYAD PAR NI, CHOS RNAMS THAMS CAD SNANG LA RANG BZHIN MED, ,SGYU MA NAM MKHA'I NGO BOR SHES GYUR KYANG, ,DKAR NAG LAS DANG LAS KYI RNAM SMIN LA, ,YID CHES DAD BAS SHIN TU GUS PA YIN, ,ZHES SO, ,RGYAL SRAS KYI SPYOD PA LA SLOB PA'I TSE PHAR PHYIN DRUG GI MI MTHUN PHYOGS SPONG TSUL NI, GZHAN LAS BSDUS NAS GZHAN LA 'GYED PA DANG, SNYAN GRAGS 'DOD DANG RNYED PA 'DOD PA DANG, ,THOS BSAM KUN DOR NYES LTUNG KHYAD DU BSAD, ,MA DAG SBYIN PA CHOS SU MI MDZAD CING, ,RAB BYUNG MKHAN SLOB BYAS KYANG BSTAN PA LA; ;RMA 'BYIN RE LAS BSKYANGS 'DOD MI 'ONG ZHES, ,SPYIR YANG MKHAN SLOB MI MDZAD KHYAD PAR DU, ,BAN MO SKYAR CHOG BAR CHAD CAN GYI MIN, ,MA SHI TZAM GYI ZAS GOS NGAN LA BRTEN, ,CHOS KYI DON DU SROG KYANG 'DOR NUS PA, ,GZHAN DANG 'THAB RTZOD DO ZLA MI BYED PAR, ,GANG DU MA BDE SA DE NYID NAS 'GRO, ,RNYED DANG SNYAN GRAGS DON DU MI GNYER BAS, ,'JIG RTEN LEGS PA CI YANG MI SGRUB CING, ,BYA NGAN LAS KUN NGAN SKYUGS DGRA BZHIN DOR, ,DUS BZHI KUN TU CHOS SPYOD BCU LA 'BAD, ,'DOD DANG MI DGE SPONG BYED MNGON SHES SOGS, ,YON TAN 'BYUNG BYED BSAM GTAN MA GTOGS PA, ,GNAS PA TSAM TSOM SGOM DU MI 'TSAL ZHING, ,SGO GSUM DGE LA RTZE GCIG NYAMS PA MED, ,DRI MED SDE SNOD MIG DANG SGRON ME

, ,DANG; ;SMAN GYUR MANG DU THOS BAS MI NGOMS SHING, ,THOS PA KUN KYANG NYI MA DE RING NAS, ,DNGOS DANG MOS BAS NYAMS SU BLANG BYAR NYAN, ,BRGAL LAN SUN 'BYIN CHOS DMAG ZER MCHU NYUNG, ,DBANG ZA RANG GZO BSDUS DON MI MDZAD CING, ,DON GYI MTHA' CHOD TSIG NYUNG DON KUN GO ,MANG THOS LUNG LDAN DON GYIS MTSAMS PHYED, ,GRUB MTHA' MA 'DRES CHOS SKAD BZANG LA BRTEN, ,CI BSHAD SGOM DON BLO SNA SGYUR LA MKHAS, ,NYAMS PA ZUR GSO TSIG 'BRU DAM PA BKROL, ,'KHRUGS PA KUN BSDEBS 'BYAMS PA DAG TU 'DRIL, ,BKA' CHAD 'GYUR 'KHRUGS 'GYUR MANG DAG LA BLTA, ,MKHAS PA'I RTZOM LUGS 'GREL t'IKA DU MA DANG, ,BLA MA'I MAN NGAG RANG GI BLO GROS LA, ,BRTEN NAS RNAM DAG CHOS BSHAD DE LTAR MDZAD, ,LNGA BRGYA THA MAR RANG NYID MI NYAMS SHING, ,SGRUB PA TSUL BZHIN ZHE NAS BYED GYUR NA, ,CHOS KYI DPON DANG SGRUB G-YOG LA SOGS PA, ,TSAD LDAN DON MTHUN DGA' ZHIG MA GTOGS PA, ,GZHAN GYI DPON DANG G-YOG PO MI BYED CING, ,BLA MA SGRUB G-YOG LA SOGS MA GTOGS PA, ,GZHAN SEMS MI GZUNG KUN GYI SEMS MI DKRUG, ,LTOS 'JEN 'BREL 'DRIS LA SOGS BYA BA SPANG, ,GYONG ZHING 'GROGS DKA' RNAM THAR GTZANG PA DANG, ,DMAN PA'I SA BZUNG ZAS GOS NGAN LA BRTEN, ,DAD BRTZON BLO DANG SNYING RJE CHE BSKYED LA, ,MI RJES MI SNYEG CHOS DANG GANG MTHUN BYA, ,DBEN ZHING NYAMS DGA' 'TSO BA 'BAD RTZOL CHUNG, ,GNOD TSE KUN BRAL DE NI BSGRUB

PA'I GNAS, ,BAG YANGS SOS DAL NYID DU MA SONG BAR, ,CHU BO'I RGYUN LTAR RGYUN CHAD MED PAR SGRUBS, ,TSE 'DIR MA CHAGS BYA RGYU CHOS LAS MED, ,KHAS BLANGS GTZANG ZHING LAS 'BRAS SROG LTAR 'DZIN, ,'KHOR BAS YID 'BYUNG MAR GYUR 'GRO LA BRTZE, ,BDAG 'DZIN DGRA THUL MA NOR RTOGS PAR 'DOD, ,CES GSUNGS PA RNAMS TE RGYAS BAR NI MDZES PA'I PADMO RTZA 'GREL GNYIS LAS SHES PAR BYA'O, ,DGE BSHES PO TO BA DE 'BROM RIN PO CHE LA GSANG SNGAGS KYI MAN NGAG RNAMS MTHIL PHYIN PAR ZHUS NAS BLA MED KYI LAM RIM GNYIS KYI NYAMS LEN MTHAR PHYIN PAR MDZAD PA ZHIG YIN YANG GSANG SNGAGS SHIN TU GSANG BAR MDZAD NAS RGYUN GYI DAM TSIG GI RDOR DRIL NYE GNAS KYIS KYANG ZHING GSHEGS NAS MA GTOGS MA MTHONG, GSANG SNGAGS KYI BZLAS BRJOD MTHAR PHYIN PAS CHOS SRUNG RNAMS KYANG BRAN DU KHOL BA ZHIG STE 'OL BA STON CHUNG GIS DPAL LHA MO RBAD PAS DGE BSHES MKHAR PHU BA 'DAS, 'KHOR RJES NA 'DUG PA LA YANG GNOD PAS DGE BSHES PO TO BAS DPAL LHA MO LA 'DI LTAR BKA' BKYON TE, UKHYOD SANGS RGYAS LA CHOS DNGOS SU NYAN PAS KYANG 'DI LTAR BYED NA, DED LUNG LA BRTEN PAS JI LTAR BYED GSUNGS PAS, NUB GCIG MNAL LAS NA BU MO GZHON NU MA GCIG GIS G-YAG RGOD GNYIS GNYA' BCAG NAS DED SONG, PHA TSAD SONG BA DANG DE THAMS CAD NAM MKHA' LA 'PHUR NAS SONG BA CIG RMIS, DE NAS PHYIS GNOD PA YE MA BYUNG GSUNG, DGE BSHES PO TO BA CHEN PO DE'I SU'I RNAM PA NI

, ,GDONG DKYUS THUNG NGE BA, ZHAL DKYIL DKAR LA DMAR BA'I MDANGS CHAGS PA, SBYAN RTZA HUR RE MDZAD BA CIG BZHUGS, CHOS GSUNG DUS HUR BTON NAS GSUNGS BAS DANG POR PHYAM TSE ZHUS, DE NAS BLA GOS KYANG RKED PA TZAM DU ZHUS 'GRO BA, THUGS SHES RAB SHIN TU CHE BAS TSIG BZHI BA RE LA YANG 'DI'I CHA NAS 'DI LTAR 'GRO 'DI'I CHA NAS 'DI LTAR 'GRO ZHES DON MI 'DRA BA BCU BCU TZAM 'CHAD BA ZHIG YOD PAR GSUNGS, DGE BSHES PO TO BA DE LAM RIM 'CHAD PA'I TSE LAM SGRON RTZA BAR BYAS NAS, BKA' GDAMS GZHUNG DRUG DANG, RIN CHEN PHRENG BA, SLOB SPRINGS, BSHES SPRINGS, KA MA LA SH'I LA'I SGOM RIM RNAMS DANG SBYAR TE MTHA' CHOD PAR MDZAD, GZHAN YANG JO BO'I BDEN GNYIS LA SOGS PA PO TI LA BYUNG BSHAD MDZAD PAS SLOB DPON PAS CHOS 'DI TZAM SU LAS BSLABS PA LAGS ZHUS PAS, SLOB DPON PRADZNY'A LA BSLABS PA YIN GSUNG, BKA' GDAMS ZER BA'I SGRA BO CHE DE YANG DGE BSHES PO TO BA CHEN PO'I DUS SU GRAGS PA YIN, ,RNAM THAR GTZANG BA DANG, KHYAB GDAL CHE BA'ANG DE DUS BYUNG BA YIN GSUNG, SHIN TU GTING ZAB PAS NGA LA YON TAN 'DI YOD MI GSUNG YANG BYANG CHUB KYI THUGS MNGA' BA, YI DAM GYI ZHAL GZIGS PA, MNGON PAR SHES PA RGYA CHEN PO DANG LDAN PA ZHIG GO ,DE NAS SHING MO BYA'I LO DBYAR ZLA 'BRING PO'I NYAL DBYAR GNAS MDZAD NAS, TSES BCU BDUN LA SLOB MA LA SPRINGS PA'I DBU BTZUGS, NYI SHU GSUM GYI

NYIN RGAS PA'I SDUG BSNGAL YAN CHAD THON, KA BA LI ZHAL BSDAMS NAS KHYED CAG NGA LA DGE BSHES SHIG RE TE DA LTA MING LAS MED MA 'ONGS PA NA MTSAN NYID DANG LDAN PA ZHIG CI 'GRUB BYA, 'U CAG RNAMS GTOR MA CHEN PO ZHIG BSHAMS LA MNA' THO ZHIG GCAD DGOS, DA PHYIN CHAD SDUG TU 'JUG MKHAN TSE 'DI'I RNAM RTOG YIN PAS, DE MI BOR RI, SANGS RGYAS KYI BSTAN BA 'UR BYID DU GTONG BA'I BYA ROG DANG 'UG PA BYED RI BYAS LA MNA' SKYOL GSUNGS NAS, SPYAN CHAB SGOR SGOR MDZAD CING STAN LAS BZHENGS NAS NANG DU GSHEGS SO, ,DE'I NUB MO NAS CUNG ZAD BSNYUNG, SANG DRO'I DUS SU CHOS STON THON NAS JO RIN NGA YANG 'GRO BAR 'DUG STE MA SNGAS RAN PA YIN, 'GYOD PA MED PAR 'GRO GSUNGS NAS GZIM KHANG DU GSHEGS SO, ,DE'I NYIN PAR CHOS MA GSUNGS, MTSAN MO CANG STON LA SOGS PA SNYUN G-YOG BA RNAMS LA NGA GNYID ZI BA 'DRA BA CIG LA PHYOGS BCU'I NAM MKHA' GANG BA'I SANGS RGYAS DANG BYANG CHUB SEMS DPA' THAMS CAD MTHONG NAS; DE DAG LA GSOL BA BTAB PA'I SNANG BA CIG BYUNG GSUNGS DE'I DUS SU GRVA PA RNAMS KYIS SKU RIM BYED PA'I KHRAL BSDUS PA NA, THEG PA CHEN PO'I BLA MA'I RIM GRO BYED PA LA BRE SRANG KROG KROG BYAD PAS CIR YANG MI 'GYUR, DUG HRUL GYON NAS SA SKYONG LA PHAR MNYES CHUR MNYES BYED PA CIG DGOS PA YIN GSUNG, NYI SHU DGU'I NUB MO BGRES PA RNAMS ZHAL MJAL DU 'ONG BAS, MAR ME MDUN DU KHYER LA SHOG GSUNGS NAS KHO THAG CHOD PA LTAR GNANG NAS DA SONGS

, ,GSUNG, DE NAS CUNG ZAD LON PA NA ZHABS 'BRING NANG 'KHOR BDAG DANG, MCHOD GNAS RNAMS SPYAN SNGAR BYON PA LA, KHYED RNAMS KYIS DGE BA'I BSHES GNYEN MNYES PAR BYAS TE, SPYAN DANG LDAN PA'I JO BO AA TI SHA'I ZHAL NAS, BLA MA'I ZHABS TOG BYAS PA DON MED PA MA YIN, DON CHUNG BA MA YIN GSUNGS PAS, NGA'I TSIG LA YID CHES PAR GYIS, KHYED RNAMS LA LAS NGA'I MIG GI DOD BYAS, LA LAS LAG PA'I DOD BYAS TE DON CHE BA YIN GSUNG, GNAM STONG NYIN CANG STON DKON MCHOG 'BAR GYIS TSOGS PA LA ZHAL GCIG STON PAR ZHU, GRA PA RNAMS DE SNGA BKAG PAS BDAG CAG LA 'BAR ZHING BDOG LAGS ZHUS PAS, RGAN PO 'CHI KHA MA CIG BLTAS PA LA DGOS PA CANG YOD DAM GSUNGS, NAN GYIS ZHUS PAS 'O NA KHRI BRTZIGS MCHOD PA BZANG PO SHOMS SHIG GSUNGS, GRA PA RNAMS KYIS DE LTAR BYAS PA'I TSE DGE BSHES PO TO BA CHEN PO KHRI LA BYON NAS CHOS SHIG GNANG NAS PHYAG THAL MO SBYAR TE SEMS CAN SKYABS MED PA RNAMS KYI SKYABS, MGON MED PA RNAMS KYI MGON, DE BZHIN DU GNAS DANG, GLING DANG, DPUNG GNYEN DANG, 'KHRA SA MED PA RNAMS KYI 'KHRA SAR GYUR CIG GSUNGS NAS, THAL MO PHYIR LA SHIG GIS SONG STE SKU'I BKOD PA BSDU BAR BRTZAMS, DE LTAR DGE BA'I BSHES GNYEN PO TO BA 'DI ME MO YOS LA 'KHRUNGS, BDUN CU DON DGU'I BAR BSTAN 'GRO'I DON MDZAD NAS BDUN CU DON DGU PA SHING MO BYA'I DBYAR ZLA 'BRING PO'I

GNAM STONG GI SNGA DRO PO TO DGON PAR SKU GSHEGS TE DGA' LDAN CHOS KYI PHO BRANG DU PHEBS SO, ,DE NAS GNAM STONG GI MTSAN MO SKU GDUNG 'KHYAMS SU SPYAN DRANGS NAS SROD DANG, GUNG DANG, THO RENGS GSUM DU G-YOR GCONG DANG, CHU 'KHRIS PA DANG, 'PHAN YUL BA GSUM GYI MCHOD PA RGYA CHEN PO MDZAD, TSES GCIG LA G-YOR STON CHOS 'BAR DANG, GTZANG BA JO BTZUN YE RGYAL DANG, CHU 'KHRIS PA STON PA DBANG GZHON DANG, ZHANG BTZUN SHES RAB RGYA MTSO DANG, STOD LUNG PA STON PA RGYAL PO DANG, 'PHAN YUL BA STON PA SH'AKA GZHON RNAMS KYIS GDUNG GNYER MDZAD NAS SPUR SBYANGS PA'I TSE, SPUR KHANG GI PHYOGS BZHIR RIN PO CHE'I MCHOD RTEN BZHI BYUNG BA DANG, DKAR PHYOGS KYI LHA RNAMS KYIS PHYAG DANG MCHOD PA BYAS SHING PHYAG 'TSAL LO ZHES PA'I SGRA MI RNAMS KYIS KYANG THOS PA BYUNG, LAS TSAN GSUM DANG, BRAG RGYAB PAS PHYOGS BZHI NAS MCHOD PA PHUL, THUGS LJAGS RING BSREL LA SOGS PA'I RTEN NGO MTSAR CAN MANG DU BYON, TSES GNYIS LA GDUNG CHA LNGAR BGOS, TSES GSUM LA NA BZA' BGOS DBYAR GRA PA RNAMS DER BZHUGS NAS SPUR SBYANGS PA'I SAR MCHOD RTEN BZHENGS TE DGAG DBYE THON NAS SO SOR BYON NO, ,GDUNG KHANG DU DNGUL GYI MCHOD RTEN BYED PA DGE BSHES PHU CHUNG PAS GSAN NAS, GDUNG RTEN DNGUL LAS BYAS NA DNGUL MI NGAN GYIS KHYER NAS NGA'I GROGS PO'I SKU GDUNG GROG NANG DU SPUNG DE 'ONG DOGS YOD DGONGS NAS JO BO TSUL BSOD LA 'DIR SHOG GYIS GSUNGS PAS, TSUL BSOD 'BYON DU MA

, ,GNANG, PHYIS RAB GNAS LA PHU CHUNG BA SPYAN DRANGS PA'I DUS SU ZHAL NAS DNGUL MA BYAS NA LEGS PA YIN TE, DA BYAS KYI RTING LA RAB GNAS LA BAB PAS DBYAR DO BO DGON PAR SDOD PA'I LAM GZHOR LA BYA YA, 'KHOR LO YAN CHAD RGYAN YIN PAS MA TSAR YANG BTUB, BRE MAN CHAD TSAR BAR GYIS GSUNGS NAS TSUR LAM GDUNG RTEN GYI RAB GNAS MDZAD DO, ,DGE BA'I BSHES GNYEN PO TO BA CHEN PO DES BSTAN PA'I BYA BA RGYA CHEN PO MDZAD PAS SPYIR GDUL BYA BGRANG BA LAS 'DAS SHING, DUS GCIG TU 'DUS PA LA'ANG LAS DANG SKAL BAR LDAN PA'I GRA PA NYIS STONG TZAM 'DUS PA'I NANG NAS, BKA' BAB KYI BU CHEN BRGYAD DU GRAGS PA NI, DANG TSUGS MCHOG ZUNG GCIG LA 'GRAN PA ZHIG YOD PA'I BKA' DGE BSHES PHO BRANG SDING PA LA BAB ,RTZOD PA PAndI TA'I RGOL BA YANG BZLOG NUS PA'I BKA' DGE BSHES DOL BA CHEN PO LA BAB ,BYAMS SNYING RJE BYANG CHUB KYI SEMS BDAG PA'I YE SHES LA MNGA' BRNYES PA 'DRA BA 'ONG BA'I BKA' ZHANG RO COG LA GZHUNG BSHAD BYED PA THAMS CAD MKHYEN PA'I YE SHES LA MNGA' BRNYES PA 'DRA BA 'ONG BA'I BKA' ZHANG SHA RA BA LA BAB, STONG NYID KYI LTA BAS DNGOS PO DANG MTSAN MAR 'DZIN PA THAMS CAD 'JIG NUS PA YOD PA'I BKA' RAM SDINGS MA BA LA BAB, GSUNG RAB THAMS CAD SKYES BU GSUM GYI GDAMS NGAG TU DRIL NAS SMAN PA MKHAS PAS NAD BRTAGS TE NAD THOG TU SMAN GTONG BA 'DRA BA YOD PA'I BKA' SNANG DRI'U LHAS PA YE SHES RGYAL

MTSAN LA BAB ,MCHOD PA KUN TU BZANG PO'I MCHOD SPRIN LA 'GRAN NUS PA CIG YOD PA'I BKA' DGE BSHES BRAG DKAR BA LA BAB, BLA MA LA SANGS RGYAS DNGOS KYI MOS GUS RGYUN CHAD MED PA YOD PA'I BKA' GNYAL BA CHOS 'BAR LA BAB BO, ,GZHAN YANG BSTAN PA YONGS RDZOGS 'DZIN PA'I BU CHEN SKYES BU DAM PA MANG PO BYON NO, ,DE LA DGE BA'I BSHES GNYEN PHO BRANG SDING PA NI, ,GDUNG GNYOS 'KHRUNGS YUL GRAB PA, MTSAN GZHON NU 'OD, DGE BSHES PO TO BA YUN RING DU BSTEN PA YIN TE, DBYAR DGUN CUNG ZAD MA GTOGS ZHAL MJAL NAS MYA NGAN LAS 'DAS BAR DU ZHABS DRUNG DU BZHUGS NAS CI MDZAD THAMS CAD LA YON TAN DU 'DZIN PA LAS MI MTHUN PAR 'DZIN PAR BYED MA MYONG BA'I SKYES BU DE LA PO TO BA MYA NGAN LAS 'DA' KHAR KHYOD KYANG BCU BCO LNGA TZAM DANG 'GROGS, GCIG PUR BSDAD NA BRA BA BZHIN DU DGRAS 'KHYER RO GSUNG, DGE BSHES PO TO BA'I GDAMS PA MA LUS PA THUGS SU CHUD, KHYAD BAR CHOS GSUNG BA THAMS CAD DPE SNA TSOGS DANG SBYAR NAS GSUNGS PA LA NGO MTHAR SKYES NAS PHO BRANG SDING BAS DGE BSHES PO TO BA LA DPE RNAMS PHYOGS GCIG TU BSDEBS PAR ZHUS PAS, DAR CIG THUGS DGONGS MDZAD ,DE NAS 'O NA BYED NA YANG GYIS GSUNGS PAS, PHO BRANG SDING PAS DPE RNAMS PHYOGS GCIG TU DANG POR BSDEBS PA LA, PO TO BA MKHAR THOG NA BZHUGS PA'I DUS SU, GNAS BRTAN RGYAL 'BAR BYA BAS BSHES GNYEN PAS GSUNGS

, ,PA'I DPE CHOS 'DI RNAMS LA NYAMS SU LEN PA'I GO RIM ZHIG GSUNG BAR ZHU ZHUS NAS GSUNGS PA DGE BSHES BRAG DKAR PAS THUGS LA BZUNG STE ,PO TO BA GSHEGS NAS LO DRUG LON PA NA DGE BSHES BRAG DKAR BAS GRAB BA CAN DU BYON NAS ,DGE BA'I BSHES GNYEN GYIS GSUNGS PA'I DPE CHOS 'DI LA ZHU GTUGS 'DRA DGOS PAR BDOG PAS DPE CHOS TSAR GCIG ZHU ZHUS PAS GRAB PA'I ZHAL NAS, KHYED RANG DGE BSHES PO TO BA'I DRUNG DU BZHUGS YUN NGA BAS RING NA DPE LA KHYED RANG MKHAS PA MIN NAM GSUNG BA LA, HA CANG NAN TAN MA BYAS ZHUS PAS GRAB PAS BRAG DKAR BA LA TSAR GCIG GSUNG, DE NAS KHONG LA RTOGS PA GSAR PA 'KHRUNGS TE THOG MAR GNAS BRTAN RGYA LE 'BAR LA DPE CHOS RGYAS BA CIG GSUNGS, DE NAS GRAB BAS BSDEBS PA'I GZHUNG LA BRTEN, KHONG GI DE NA MA TSANG BA KUN BSNAN, ZUR MA THON PA KUN GSAL BAR BYAS GONG 'OG 'KHRUGS PA KUN SO SOR BSDEBS, BAG TZAM BCOS TE GRAB PA'I DE BAS KYANG ZAB LA RGYA CHE BA'I DPE CHOS MDZAD, DGE BSHES BRAG DKAR BA LA SLOB DPON 'PHAN YUL BA BYANG CHUB SNANG BAS GSAN, DE LA RTA NAG MDA' RU 'KHRUNGS PA'I LCE SGOM RDZONG BA SHES RAB RDO RJES GSAN ZHING GO BDE BAR YANG BCOS NAS GZHAN LA DAR BAR MDZAD DO, ,DGE BSHES GRAB BAS GRAB GNAS GSAR DANG PHO BRANG SDINGS BTAB, GRAB BZHI BRGYA TZAM 'DUS, DGUNG LO RE LNGA PA LA GRAB GNAS GSAR DU GSHEGS, ,DGE BSHES BRAG

DKAR BA NI, SPRE'U'I LO LA SKU 'KHRUNGS, DGE BSHES PO TO BA YUN RING DU BSTEN NAS DGE BSHES PO TO BA'I GSUNG SGROS DPE CHOS RTZA 'GREL BRTZAMS, PO TO BA GSHEGS NAS PHO BRANG SDINGS PA LA'ANG GTUGS, DGE BSHES BRAG DKAR BA'I ZHAL NAS MDUNG DGON PA LA, 'GRO DRUG SEMS CAN THAMS CAD LA, ,PHYOGS BZHIR GTOR MA GTONG BA BZHIN, ,'BA' SA 'BUS 'KHYER BYED PA NI, NAM ZHIG BDAG NYID 'GYUR ZHIG GU ,BYA BA YIN NO GSUNGS, BRAG DKAR PA'I ZHAL NAS, MI 'DI SBYANG SLA BAR 'DUG GSUNG, MDUNG DGON PA'I ZHAL NAS, MI MA YIN SBYANG SLA, MI LA GO BA 'DZOL BA 'ONG, MI MA YIN LA MNGON SHES YOD PAS GO BA 'DZOL BA MI 'ONG GSUNG, 'DIS GNAS KHANG GCIG TU LO NYI SHU RTZA GSUM BZHUGS PA LA, KO MTHIL GCIG GIS LO GSUM THUB, MAR LOG GCIG GIS ZLA BA GCIG DANG ZHAG BCU GSUM THUB, ZLA BA RE RE LA NAS BRE LNGA LNGA LAS MI 'DZAD, NGAS CHOS KHA LUS GNYIS KAS BSHAD KYANG KHYED KYIS MI GO, BRAG DKAR NAS STAG RTZER 'PHO RTZAN KHAM POR BRGYAD DANG BUM PA GCIG LAS 'KHYER RGYU MED GSUNG, DE NAS DGUNG LO BRGYAD CU PA YOS LO'I DGUN ZLA THA CHUNG GI NYI SHU GNYIS LA GSHEGS, DGE BSHES 'DIS LAM RIM 'CHAD DUS GRA LA GSUM BRGYA TZAM 'DUS SO, ,DGE BSHES DOL PA NI, SA MO PHAG GI LO LA YAB DGE BSHES LEGS PA'I RGYA MTSO ZER BA THEG PA CHEN PO GSANG SNGAGS KYI MKHYEN BA SHIN TU CHE BA, MI GZHI YANG

, ,LEGS PA CIG YOD PA DE LA SRAS GNYIS MNGA' BA'I CHE SHOS SU 'KHRUNGS, GDUNG ROG SKYENGS PA YIN, BCES NAS LO LNGA'I BAR DU SKU LUS LA RTAG TU 'OD 'KHOR BA CIG BYUNG, LO LNGA LON NAS KLOG YIG SLOB PAR MDZAD, DE NAS LO BCU BZHI LON GYI BAR DU DGE BSHES CHOS KYI LA MNGON PAR GSAN, DE NAS LO BCU DGU'I BAR DU KHYUNG PO GRAGS SENG LA SOGS PA LA DBU TSAD GSAN, DE NAS YAB LA RAB TU 'BYUNG BAR ZHUS PAS NGED SNGAGS PA'I BRGYUD YIN GSUNGS NAS MA GNANG, YANG YANG ZHUS PAS KHYOD RAB TU 'BYUNG NA CHUNG BA 'DI LA SNGAGS PA CIG 'TSOL BA LAS 'OS MED GSUNG, DE NAS LO NYI SHU LON PA NA 'ON DU CHOS 'KHOR ZHIG GI DUS SU LHAB STON GSHEN GSUM BYA BA 'TSOGS PA YIN TE, DE'I DUS SU MI CHE SHOS YIN, DER DGE BSHES GSHEN LA MKHAN PO ZHUS NAS, SNGA DRO DGE TSUL ,PHYI DRO DGE SLONG, SROD LA SEMS BSKYED GNANG STE NAN TAN BYED NA DE TZUG BYED DGOS PA YIN BYA BA'I ZHAL KYANG YANG GSUNG, DE NAS RGYA 'DUL BA 'DZIN PA LA 'DUL BA GSAN ,LO GSUM NA GNAS MAL GYI GZHI MA GTOGS PA MDO RTZA BLO NAS RTZAR GYIS BSHAD, DGE BSHES RGYA GRONG 'DUL MDZAD PAS, NGES ZUR CHOS PA RNAMS KYIS DAD LDAN RNAMS LA RE MOS KYIS CHOS 'CHAD PA LA, NGAS THEG CHEN RNAL 'BYOR BSHAD PAS DAD LDAN RNAMS DAD PA SKYES NAS NGU STENG RANG LA BRIG PA CIG KYANG MA BYUNG ,PHYIS DGE BSHES PO TO BA'I GSUNG GI

'KHRIGS BCUG PAS, SNGAR GYI DE JI TZUG SONG NA SNYAM PA CIG BYUNG GSUNG, YAB KYI ZHAL NAS NGA'I GROGS PO 'BROM STON GYI SLOB MA SGOM SLOB PA CIG YOD PAR 'DUG PAS DER SONG GSUNGS TE, NGA'I DGE BA'I BSHES GNYEN GYI THOG MA PHA RGAN DER GYUR NAS 'DUG GSUNG, DE NAS LO NYI SHU RTZA DRUG PA LA PO TO BA SGRO LAG DGON PA NA BZHUGS PA'I SPYAN SNGAR BYON ,JA DKON PAS GA BUR GYI THANG SMAN BANDA BCU LHAG TZAM LA DRANGS, CHOS GOS LING BZANG PO ZHIG YOD PA PHUL NAS CHOS KYI ZHU BA BYAS PAS, KHYOD LAM NOR BA YIN, LHA SA NA NYAN BSHAD NYI MA SHAR BA LTA BU YOD PA DER MI SDOD PAR NGA LA NI 'CHI BA RJES SU DRAN PA BYA BA'I CHOS GCIG LAS MED, DE LA MGU NA LO BZHI SDOD, CHOS GOS 'DI YANG TSONGS LA BRGYA GAS GYIS GSUNGS NAS TSUR LA GNANG, DE NAS DGONGS CHOS KYI DUNG BYUNG NAS BYON PA NA RIN CHEN PHRENG BA'I RGYAL PO'I TSUL BSTAN PA'I LE'U LA SLEB NAS, KHYOD KYIS MKHYEN PAR MDZAD SLAD DANG, , 'GRO BA LA YANG BRTZE SLAD DU, ,KHYOD LA MI SNYAN YANG SMAN PA, ,BDAG LTA GCIG PU TO POR GSOL, ,ZHES PA DE NAS THOB PA YIN TE, TSOGS CHOS THOS PA'I SNGA SHOS 'DI YIN GSUNG, DE THON NAS MDO SDE RGYAN ZHIG GSUNGS, DE DUS TSOGS BSDUS NAS LO GSUM LON NAS 'DUG ,GRA PA SUM CU TZAM BZHUGS KYI 'DUG PA LA LKOG CHOS KHRID PA GSUM BZHI TZAM LAS YOD YOD MI 'DRA, THUGS MA MNYES CEN KHYED LEGS PAR BYED NA GYIS, MI BYED NA

, ,NGA LA BLO MI BDE BA GSUM BZHI TZAM LAS MED DO GSUNG GI 'DUG, DE NAS DBYAR GNAS KYI DUS LA BAB NAS YON SHEL ZHU SNA BCOL NAS DBYAR 'DI'I BYA BA ZHU BA'I GNAS KYI SLOB DPON ZHIG KYANG ZHU ZHUS PAS JI LTA BU'I YON SHE YANG 'ONG BA GSUNGS NAS BZHENGS NAS BZHUD, THUGS MA DGYES PAS MA LEGS PA BYAS SNYAM PA NA, SANG DGONGS DE 'DIR SHOG GSUNGS NAS BYON PAS, JO BO STON PA NGA LA GNAS KYI SLOB DPON ZHU ZER TE DA LTA GNAS KYI SLOB DPON MTSAN NYID DANG LDAN PA MED, RA SGRENG GI SHUG PA'I GSEB DER DGE BSHES STON PA GNAS KYI SLOB DPON DU 'OS PA CIG BYUNG BA YIN TE, SUS KYANG GNAS MA BCAS PAR SKU GSHEGS SO, ,BCOM LDAN 'DAS KYIS GNAS DRAN PA NYE BAR BZHAG PA BZHI LA CHOS SHIG GSUNGS PAS, 'U CAG KYANG DE LA GNAS 'CHA' DGOS PA YIN GSUNG, DOL BA NYID KYI ZHAL NAS, NGAS PO TO BA'I GSUNG DE SKAD GZHAN DAG LA BZLAS PAS GNAS DGE BSNYEN LA 'CHA' 'AM SNYAM STE, CHE 'DI PHYI THAMS CAD KYI MDUN MA DE LA BLTOS PAS GNAS SU NGES PAR 'ONG BA YIN GSUNGS, SPYAN SNGA'I ZHAL NAS KYANG, NGA'I DON GYI MKHAN PO DGE BSNYEN RGAN PO DER 'DUG BYA BA GSUNGS, DGE BSHES DOL BAS CHOS LA 'PHRIG BAG RE RNYED PAS, SNGAR GYI CHOS THAMS CAD KYIS GO MI CHOD PAR GRO, PHYI MA PHAN CHAD GAL CHE BA'I BLO BAG RE BYUNG BAS, AAN RE BSAM SNYAM PA MIN PA BSHAD SNYAM PA MED PAS DPE DANG YIG

SNA KUN KYANG MI LA BYIN, KA BA LI RANG STONG PAR BZHAG GSUNG, DE BAS NA DGE BA'I BSHES GNYEN DGOS SNYAM PA CIG BYUNG GSUNG, DGE BSHES DE DANG MA PHRAD KYI RING LA NGES GLEN PA CHEN POR 'DUG, RAB TU BYUNG DGE BA'I BSHES GNYEN DE DANG MJAL BAS, BDE SKYID SNYAN GRAGS THAMS CAD NGED CHE GSUNG, LO NYI SHU RTZA GNYIS SU PO TO BA'I DRUNG DU BSDAD PA YIN TE, DES NGOMS PA'AM CHOG SNYAM PA YE MA BYUNG GSUNG ,DGE BSHES DOL PA CHEN POS DBYAR DGUN PO TO BA'I SAR BZHUGS NAS, STON DPYID SKU MCHED GNYIS PO'I SPYAN SNGAR RE MOS SU BZHUGS, DE NAS PO TO BA BYA LO'I DBYAR GNAS KYI ZLA BA'I GNAM STONG LA MYA NGAN LAS 'DAS NAS DBYAR DER BZHUGS, STON CHOD PA DANG TSUR BYON NAS DPON G-YOG BCU TZAM CHU SNA DGON PAR BZHUGS, TSUR 'BYON KHAR KHAMS PA LUNG PA LA YANG CHOS 'BREL GSAN, DE NAS DPON 'PHAGS PAS DPYID LA GANG DU SPYAN DRANGS TE PHUL, KHYI LO LA YA GAD BZUNG STE LO GNYIS SU GZHUNG MA GSUNGS PAR STONG THUN SKYA RE MA CHAG PAR GSUNGS, DE NAS 'KHOR RNAMS KYIS ZHUS NAS, DANG POR SLOB MA LA SBRINGS PA CIG GSUNGS, DE NAS BE'U BUM SNGON POR GRAGS PA 'DI GSUNGS TE DGE BSHES DE'I ZHAL NAS, RANG GI RGYUD LA CI PHAN BYA BA'I CHED DU 'PHANGS 'PHANGS RNAMS BRJED KYIS DOGS NAS BRIS PA YIN, BSHAD PA'I GO CHA MA BYAS, GO CHA BYAS NA DBYAR DGUN RE'I CHOS GSUNGS TSOD RNAMS BZUNG YANG ZAD PA MED PA 'ONG STE, GCIG PUR SDOD NA DGOS SNYAM

, ,NAS KHA YAR BRIS NAS YOD PA LA DGE BSHES PHO BRANG SDINGS PAS DPE CHOS DE BSDEBS 'DUG PA GSAN PAS, 'O NA NGA'I DE RNAMS KYANG LHAN CIG TU BSDEBS NA GZHAN LA PHAN PA SRID DAM SNYAM NAS YA GAD DU BSDEBS PA YIN TE, RTZOM YANG LEGS PA CIG BYUNG, DE NAS DGUN BE'U BUM GSUNG BAR DGONGS PA LA JO MO DPE MO BYA BA NA RE, DGE BSHES LA RMI LAM NGAN PA CIG BYUNG DGE BSHES KYI NANG KHROL YIN ZER BA CIG DOL LUNG BA LA 'GYED KYIN SNANG ZER BA CIG RMIS ZER BAS, NANG KHROL ZHIG NI 'GYED NYEN YOD DE, SKU RIM MI DGOS GSUNG NAS DGUN DE NAS GSUNG BAR MDZAD DE 'GRO BA DPAG TU MED PA'I DON MDZAD DO, ,DGE BSHES SHAR BA'I PHYAG TU BE'U BUM 'DI BYON PAS DGE BSHES DE BSTAN BCOS RTZOM PA'I 'BRING TSAD DU SKYOL NAS 'DUG GSUNG STE TSAR GCIG BZHENGS PAS MDZAD, SLOB DPON DON STENG BA'I ZHAL NAS, NGA YANG 'DI GCIG THOS PAR 'DOD PAS GSUNGS NAS YOD TZA NA DPYID CIG GSUNG ZER BA THOS NAS YA GANG DU PHYIN PAS DE'I NUB MO RDO RJE GDAN DU PHYIN PA CIG RMIS, DE NAS DGE BSHES DE'I GSUNG GIS BYIN GYIS BRLABS PAS PHAN PAR BYUNG NAS DGE BSHES LA SMAN PAR MCHI BAR GDA' ZHUS PAS, GCIG PUR SDOD NA 'DIS DGE BSHES BTUB PA YIN GSUNGS, GZHAN YANG DGE BA'I BSHES GNYEN 'DI JO BO NYID KYIS KYANG LUNG BSTAN, SKYE BA BDUN PA'I RTAGS DANG LDAN, BLA MA RNAMS KYIS JI SKAD BSTAN PA

BZHIN THUGS LA 'KHRUNGS, BDE BAR GSHEGS PA MANG PO'I ZHAL GZIGS, MNGON PAR SHES PA RGYA CHEN PO MNGA', DE YANG SNYE THANG 'ONG DU RAB GNAS SHIG LA SPYAN DRANGS PA'I TSE STOD LUNG BA'I BTZUN CHUNG GNYIS KYIS SEMS BSKYED ZHU SNYAM NAS YANG YANG BRTZAMS PA LA, DGE BSHES MI MANG POS G-YENGS NAS ZHU BA'I SKABS MA BYUNG BAS, THUGS KYIS MKHYEN NAS KHYED RANG GRABS KYIS, TSAR BA DANG NGA BOS GSUNG, JO STON MNGA' RIS PAS YI GE DRUG PA LI MA DE SPYAN DRANGS NAS BYON BA DGE BSHES DGOL BAS YE MA GSAN PA LA, KHONG DOL PA'I GZIM KHANG DU BYON NAS PHYAG BYA BAR BRTZAMS PAS, SNGON LA LHA TSUR SPYAN DRONGS GSUNGS NAS MNGON SHES KYIS MKHYEN, BZANG YUL DU BYON PA'I DUS NA LCE DVA LA SGANG PA'I ZHAL NAS, NGA LA SNGAR BAS SGOM BZANG BA CIG SKYES PA LA, CI'I PHAN YON YIN SNYAM PA NA DGE BSHES DOL PA DER BYON PA GZIGS PAS KHONG GI BYIN RLABS YIN GSUNGS NAS BSNYEN BKUR CHE BAR MDZAD, PHYIS KYANG DER BYON PA'I DUS NA DE KHO NA BZHIN DU BYUNG BAS DAD GUS SHIN TU CHE BAR MDZAD GSUNG, DGE BSHES MON BU CHUNG BA'I ZHAL NAS, DGE BSHES YA GAD PA DE RING 'DI NA YAR LA 'BYON PAR 'DUG ,MDANGS CHOS BSAM DU BTUB PA CIG BYUNG GSUNGS NAS, DGE BSHES DPON G-YOG 'BYON PA LA BYA RA MDZAD DE, MON BU CHUNG GI LUNG PA'I MDOR PHEBS PA NA BZANG SPOS MANG PO BSREGS NAS GSOL BA 'DEBS PA YIN GSUNG ,GZHAN

, ,YANG DGE BSHES 'DI MTHONG BA DANG, GSUNG THOS BA DANG, DRAN PA TZAM GYIS KYANG GZHAN GYI NYON MONGS PA'I GNYEN POR 'GRO BA CIG YOD PA YIN GSUNG STE, LHOR BYON BA'I DUS RGAN PO ZHIG NA RE, PHA SPUN ZHIG GIS CI BYED PA BYED DU MA STER, DUG BTANG NAS BSAD SNYAM PA LAGS TE KHA SANG KHYED DANG MJAL BAS BSAM PA DE LOG ,DA NGAN BU LA BZA' KHRIMS SHIG DANG SROG GCOD KYI SDOM BA CIG ZHU ZER BA LA, KHO CI LA GSOD KHYOD RANG GIS SKYE BA SNGA MA LA KHO LA GNOD PA BYAS PA'I RTAGS YIN GSUNGS NAS, PHAM PHABS SHIG DANG BZA' KHRIMS GNANG, YANG BUD MED GCIG NA RE, NGAN BU LA BU NOR RUNG ZHIG BDOG PA KHONG GIS BSAD NAS ZHE SDANG CHEN PO SKYES PA LA KHA SANG KHYED MTHONG BAS CHUNG DU THAL, MI KUN NA RE SKYE BA BDUN PA'I BYANG CHUB SEMS DPA' LAGS ZER NA LAGS SAM, NGAN BU LA BZA' KHRIMS SHIG KYANG ZHU ZER BA LA, MA RGAN SKYE BA BDUN PA MI 'DRA NA, 'U CAG BZA' KHRIMS SHIG BYA DGOS GSUNGS NAS BU'I MYA NGAN SEL BA'I GDAMS NGAG DANG BZA' KHRIMS GNANG, DE LTAR DGE BSHES DOL PA MTSAN DNGOS SHES RAB RGYA MTSO, YA GAD PA ZHES KYANG GRAGS PA DE DGUNG LO NYI SHU RTZA DRUG TU TSOGS DPON MDZAD DE 'GRO BA DPAG TU MED PA SMIN PAR MDZAD NAS SMIN DRUG GI ZLA SMAD LA GRAR PHEBS DUS SKU KHAMS CUNG ZAD BSNYEL NAS YAR BYON, ZLA BA PHYI MA LA CHOS CHEN PO ZHIG 'CHAD DE 'DI

RNAMS KYIS MI GO NYEN YOD GSUNG, SKU GSHEGS KHAR DGUN DE CHOS CHEN PO ZHIG 'CHAD DE KHYED KYIS MI GO BAR GDA' GSUNGS PA LA, GZHAN GYIS MA GO BAR, BE'U BUM GSUNG NGAM, BSLAB BTUS GSUNG ZER, DGE BSHES DOL PA'I GSUNG DE THOS PA TZAM GYIS KYANG BLO SNA BSGYUR NUS PA ZHIG YOD PAR GSUNGS, DE LTAR BSTAN 'GRO'I DON RGYA CHER MDZAD NAS DGUNG LO DON GSUM PA LCAGS MO PHAG GI LO DGUN ZLA 'BRING PO'I TSES BDUN GYI DRO THON PA NA YA GAD NYID DU SKU GSHEGS SO, ,YA GANG DU TSOGS PA STONG TZAM 'DUS PA'I NANG NAS BU SLOB CHE BA NI LHA 'BRI SGANG PA, DON STENG BA CHEN PO, BYA 'CHAD KHA BA, DPAL PHAG MO GRU PAS KYANG 'DI LA CHOS 'BREL GSAN SNANG NGO, ,DBUS KYI NYI ZLA ZUNG GCIG CES YONGS SU GRAGS PA BSHES GNYEN CHEN PO PO TO BA'I THUGS SRAS GLANG RI THANG PA DANG SHA RA BA GNYIS LAS, SHAR BA'I RNAM THAR NI 'CHAD PAR 'GYUR LA, DGE BA'I BSHES GNYEN GLANG RI THANG PA NI 'PHAN YUL GNYAN GONG GSER MA SHONGS SU YAB JO BO DAR MA MNGO BZANG GI SRAS SU SHING PHO RTA LA 'KHRUNGS, RUS SHUGS TSANGS, KHO RANG GI ZHANG PO BSHES GNYEN GROG MO MKHAR PA LA RAB TU BYUNG, MTSAN RDO RJE SENG GER BTAGS, RGYAL BA 'OD DPAG TU MED PA'I SPRUL PAR BYED LA, SNGON LO TZ'A BA SKA BA DPAL BRTZEGS SU SPRUL NAS BSTAN PA CHES CHER GSAL BAR MDZAD CING, 'DIR GDUL BYA BLO DMAN PA RNAMS KYI NGOR DANG POR SHIN TU BKREN PA'I TSUL MDZAD DE 'TSO BA

, ,DKA' THUB LA GNAS NAS SDE SNOD GSUM LA SBYANGS SHING, SDE SNOD GSUM GYI BRJOD BYA'I DON THAMS CAD SKYES BU GSUM GYI LAM GYI RIM PAR DRIL NAS NYAMS SU LEN PA'I MAN NGAG BYANG CHUB LAM GYI RIM PA LA THUGS RTZE CHIG SGRIL DU MDZAD NAS BKA' GDAMS SKU MCHED GSUM GA LA GTUGS SHING GTZO BOR NI DGE BA'I BSHES GNYEN PO TO BA CHEN PO LA BKA' GDAMS GZHUNG DRUG GI BSHAD BA MTHA' DAG PA DANG, LKOG CHOS SU BDAG BAS GZHAN GCES PA'I BYANG CHUB KYI SEMS SGOM PA'I MAN NGAG BLO SBYONG DON BDUN MA'I KHRID LEGS PAR GSAN TE NYAMS LEN GYI MTHIL DU MDZAD DO, ,DGE BSHES SNE'U ZUR BA LA'ANG LAM RIM GYI KHRID GSAN NO, ,DGE BSHES GLANG THANG PAS LOR SPYAN SNGA LA CHOS GSAN DUS YOS SPAR BA RES GDAN NON MDZAD KYIN BZHUGS, DE NAS BSOD SNYOMS MDZAD PA'I RNYED PA GANG BYUNG SBYIR DGE 'DUN DANG, KHYAD PAR PO TO BA DPON SLOB RNAMS LA DRANGS PAS SKU BSOD SKYES TE GRVA PA NYIS STONG TZAM 'TSOGS BA'I BRGYAGS KHONG RANG GIS GNANG, GNAS NGES MED MDZAD, SPYAN SNGA LO'I MCHOD RTAN BZHENGS DUS GRVA PA LNGA BRGYA KHRID DE MCHOD RTEN BRTZIG PA'I ZHABS TOG KYANG MDZAD, GTZO BOR PO TO BA'I RNAM THAR DANG GSUNG SGROS 'DZIN, PO TO BA GSHEGS KHANG DGE BSHES GLANG THANG PA LA KHYED GNAS GCIG TU MA BZHUGS, DNGOS PO CI YANG BDAG GIR MA 'DZIN, DE GNYIS SEMS LA ZHOG GSUNG, SPYAN SNGA LA DGE

BSHES GLANG THANG PAS KHO BO MI TSE HRIL GYIS BYAMS PA KHO NA SGOM PAR ZHU ZHUS PAS, SPYAN SNGAS DBU ZHVA PHUD NAS JO BO PA CHA BYAD BZANG GSUNGS NAS DBU DUNG DUD MDZAD, LAN CIG GI TSE TSE RABS THAMS CAD DU DGE SLONG GI DNGOS PO DANG MI 'BRAL BA'I DAM BCA' BRTAN PO MDZAD PAS, DPAL LHA MO DRE'U'I SKAD LHANG NGE BYON NAS DE'I BAR DU NGAS KHYOD KYI GROGS BYA'O GSUNG, GLANG THANG PA'I ZHAL NAS, CI TZUG SONG NGAM, BSRUNG SDOM BAG RE YANG BYAS, BSAM SGOM BAG RE YANG BYAS, BSOD NAMS KYI LAS BAG RE YANG BYAS BA LA CI 'DRA'I PO TI ZAB MO ZHIG ZHAL PHYE YANG SKYON THAMS CAD RANG GI YIN, YON TAN THAMS CAD JO BO SEMS CAN GYI YIN, DE'I GNAD KAS KHE DANG RGYAL KHA THAMS CAD GZHAN LA BYIN LA, GYONG DANG BUB KHA THAMS CAD RANG GIS BLANG SEMS PA MIN PA GO RGYU MA RNYED GSUNG ,YANG ZHAL NAS, 'GRO BA RIGS DRUG GAR SKYE CHA MED DE, GAR SKYES KYANG SEMS CAN LA PHAN 'DOGS PA 'DI MI BRJED DAM SEMS, MIG LONG YANG CHOS MI 'CHOR, RNA BA 'ON PA DANG, MDZES KHYER BA DANG, RKANG LAG ZHA BA DANG, LCE LKUGS KYANG CHOS MI 'CHOR GSUNGS TE DON LA PHYIR MI LDOG BAR ZHAL GYIS BZHES PA YIN, PO TO BA ZHING GSHEGS NAS THANG GRONG LTAG TU GTOR MA MDZAD DUS GTOR SDER BYA ROG GIS KHYER TE GLANG THANG GI SHAR GYI RI DE'U DE'I KHAR BZHAG PAS GLANG THANG PAS DER BYON, DPON SH'AKYA BYA BAS ZHABS TOG BYAS TE DER LO GSUM SGRUB PA MDZAD, ZHOL DU SGRUB CHU YANG BYUNG ,NYIN

, ,MTSAN DBYER MED DU BYANG CHUB KYI SEMS KYI TING NGE 'DZIN SGOM PAR MDZAD PAS KLU MO SPUN GSUM GYIS GLANG THANG GI GNAS PHUL ,DGE 'DUN GYI SDE 'DZUGS PAR ZHUS ,PHYIS RI DE'I STENG NAS YAR 'PHUR TE THUGS PHRENG SKYUR SAR KHRON PA BRUS, DBU ZHVA SGYUR SAR BLA BRANG BYAS TE GLANG THANG GI DGON PA BTAB, PO TO BA'I MDZAD PA BZHIN DU BKA' GDAMS GZHUNG DRUG DANG, LAM SGRON BYAMS CHOS LA SOGS PA'I GZHUNG CHE BA RNAMS KYIS SLOB MA BSKYANGS ,GLANG THANG PA LA MO CHAGS DE'UR BZHUGS DUS BYA YUL BAS KYANG 'DUL BA MDO RTZA GSAN, PHYIS GLANG THANG PA SNE'U ZUR BA'I YANG SLOB MAR GYUR CING, SNE'U ZUR PAS GLANG THANG PA LA KHYED KYI YON TAN DANG BDE BA 'DI RNAMS GZHAN GANG LAS KYANG MA BYUNG BYANG CHUB KYI SEMS LAS BYUNG BA YIN NO GSUNG STE, DE KHO NA BZHIN DU BDAG GZHAN BRJE BA'I BYANG CHUB KYI SEMS KHO NA LA GTZO BOR MDZAD DE, GLANG THANG BA NYID KYI ZHAL NAS KHO BOS RLUNG THA MAL DU GTONG MA MYONG GSUNGS TE GTONG LEN SGOM PA DANG NAM YANG MA BRAL BAR MDZAD PA'I GSUNG NGO, ,GLANG THANG PA ZHAL PA ZHUGS RING GLANG THANG GI LCAGS RI'I NANG DU SROG CHAGS RNAMS GCIG LA GCIG MI 'TSE BAR GRAGS, BLA MA RDO RJE GDAN PAS KHYUD PO RNAL 'BYOR LA SANGS RGYAS SNANG BA MTHA' YAS KYI SPRUL PA GLANG RI THANG PA LAS BSNYEN PAR RDZOGS SHIG CES LUNG BSTAN PA LTAR DGE BSHES GLANG THANG PAS MKHAS GRUB KHYUD PO RNAL 'BYOR GYI MKHAN PO MDZAD DO, ,LAN CIG DGE BSHES,

PO TO BA KLUNGS SHOD NA 'GON BZHUGS RTZA NA, GLANG RI THANG PA DER BYON DUS GLANG THANG BA SKU KHAMS MA BDE, DANG KHA NGAN PAS, SPYIR RIGS DRUG GI SDUG BSNGAL 'DI 'DRA ,DRAG SHOS MI YIN DE'I NANG NAS KYANG RAB TU BYUNG BA YIN TE 'DI 'DRA BA SNYAM NAS LAS 'BRAS DANG 'KHOR BA'I NYES DMIGS BSAM PAS SKYO ZHING YID 'BYUNG BA NI SKYES ,LUS LA SDIG PA SBYONG BA'I NUS PA MED SNYAM NAS, PO TO BA BSKOR BA MDZAD PA'I LAM KHAR NA BZA' GDAN DU BTINGS NAS DGE BA'I BSHES GNYEN PA 'DIR BZHUGS BA ZHU DANG ZHUS PAS, CI BYED NGA BSKOR BA BYED GSUNG NAS MA GNANG BA LA DON GAL CHE BA CIG BDOG BZHUGS PAR ZHU DANG ZHUS PAS, DGE BSHES PA STAN THOG TU BZHUGS PA LA GLANG RI THANG PAS KHO BO DBYAR KHAMS NGAN PAR BYUNG, DANG KHA YANG NGAN PAR BYUNG, MI RTAG PA DANG 'KHOR BA'I NYES DMIGS BSGOMS PAS YID 'BYUNG SKYES, DGE SBYOR BYED PA'I NUS PA MED PAS SHES PA SHIN TU MA BDE, GDAMS NGAG CIG ZHU 'TSAL ZHUS PAS ,PO TO BA'I ZHAL NAS, JO BO KHAMS DAG GRANG DRO SNYOMS PA'I NYAMS BDE STE TSE PHYI MA LA PHAN NAM GSUNG NAS DGRA BCOM PA GNYIS KYI GTAM RGYUD DRANGS NAS, GZHAN YANG SDUG BSNGAL YON TAN NI, ,SKYO BAS DREGS BA SEL BAR BYED, ,'KHOR BA PA LA SNYING RJE SKYE,, SDIG LA 'DZEM ZHING DGE LA DGA', ,BYA BA YIN PAR SONGS DANG NGA SKOR BA BYED GSUNGS NAS BZHUD, GLANG THANG PA DE'I NUB MO NAS BDE BSNYUNG DVANGS SO, ,GLANG THANG PA BSOD NAMS GSOG PA LA DGYES, ZVA THUG NUR NUR BA SKOL

, ,BA MI GANG GAL CHE BA LA 'DREN, LAN CIG JA NI MED, RTZA BAS RE DANG BCAS PA'I TSA BA CIG PO TO BA DPON SLOB LA DRANGS, BSNGO BA BYED TZAN KHA BA THUL GYIS BYUNG BAS, PO TO BA'I ZHAL NAS SGOM NAG KHYOD NYI MA DE RING NAS DBUL DANG BRAL BA YIN NO GSUNG, DGE BSHES GLANG THANG PAS LHA SAR BSKOR BA YUN RING MDZAD DUS DGONG MO PHYI SE BA CIG LA BYON PAS SKAD CIG LHANG LHANG GRAG PA GZIGS SU BYON PAS BUD MED GZHON NU CIG SKYIGS 'DUG PA BKROL NAS BUD MED DE GOS KYI 'THU BAR BSNYAL, KHYOD RANG NGA LA PHA DANG BU'I 'DU SHES ZHOG, NGAS KHYOD LA MA DANG SRING MO'I 'DU SHES 'JOG GSUNGS NAS BZHUGS, SANG MO LA NA BZA' CIG BYIN NAS BTANG, PHYIS BUD MED DES YON BDAG GI RTZA BA BYAS GLANG THANG SHAR GYI RI DE'U DE'I KHAR SGRUB KHANG BRTZIGS NAS SGRUB PA MDZAD ,DE NAS BSHES GNYEN CHEN PO 'DIS GDUL BYA 'DUL BA'I DUS LA BAB PA NA, GLANG THANG GI DGON PA BTAB TSUL DANG BYANG CHUB LAM RIM BKA' GDAMS GZHUNG DRUG DANG SBYAR TE RGYA CHER BSTAN PA'I TSUL SNGAR BSHAD ZIN CING, RANG RGYUD 'DUL BA GTZO BOR MDZAD DE 'DOD YON GYI 'KHRI BA CHOD PA YANG 'GRON PO GZHUNG 'GRON PA LAM LA 'GRO KHA MA CIG GIS JA LEGS PA ZHIB MA GANG PHUL, SKOL NAS BZHES PA'I ZHU BA PHUL NAS YOD PA LA YON BDAG DE MDO NAS YAR 'KHOR NAS MJAL DU PHYIN PAS JA RDUL KHAD DE 'DUG PA LA JA MA SKOL LAM ZHUS PAS NGAS KYANG KHO MA SKOL ,KHOS KYANG NGA MA SKOL GSUNG, NYE GNAS

KYIS NGED RANG LA MI RNAMS KYIS GLANG RI THANG PA NGO NAG PA ZHU YI 'DUG, MJAL MI BYUNG BA RNAMS LA GSUNG GLENG RE DANG ZHAL NGO DKAR PA RE MDZAD NA ZHUS PAS, DE'ANG YIN TE 'KHOR BA'I NYES DMIGS BSAM NA NGO DKAR SA 'DUG GE, DES NA 'KHOR BA 'DI GSOS DUS MED PA'I NAD DANG, THAR DUS MED PA'I BTZON DU 'DUG GO GSUNG, RAB TU BYUNG NAS SKU TSE RIL PO LA ZHAL 'DZUM PA LAN GSUM LAS MA BYUNG, DA LTAR DGE BSHES GLANG THANG PAS SGRUB PA DAR DRAG LA RGYUN RING BA MDZAD CING THEG CHEN GYI CHOS MTHA' DAG LA SKAD CIG KYANG G-YEL BA MED PAR SBYANGS TE GZUNGS DANG TING NGE 'DZIN LA SOGS PA SANGS RGYAS KYI CHOS GRANGS MED PA LA RNAM PAR RTZE ZHING, SPYAN DANG MNGON PAR MKHYEN PA LA SOGS PA YON TAN THAMS CAD KYIS PHYUG PA, BDE BAR GSHEGS PA NA MKHA'I SKAR TSOGS TZAM GYI ZHAL GZIGS, SPYOD 'JUG LAS, BDAG BDE GZHAN GYI SDUG BSNGAL DAG, YANG DAG BRJE BA MA BYAS NA, ,SANGS RGYAS NYID DU MI 'GRUB CING,, 'KHOR BA NA YANG BDE BA MED, ,CES GSUNGS PA LTAR BDAG GZHAN BRJE BA'I NYAMS LEN GTONG LEN RLUNG LA SKYON NAS BSGOM PAS 'BAD MED LHUN GRUB TU BYUNG STE, KHO BOS RLUNG THA MAL DU GTONG MA MYONG GSUNG, LAN CIG GLANG THANG PA CHOS GSUNG BA'I PANG DU BUD MED ZHIG GIS BU CHUNG SKYES MA THAG CIG BSKYAL NAS 'DI KHYED RANG GI BU YIN NO NGAS MI GSOS SO ZER NAS SONG, DE LA ZHAL NGO 'GYUR BA TZAM YANG MED PAR DANG BLANGS MDZAD, 'O 'DU BTZAL NAS MA

, ,RGYAGS BU RGYAGS GNANG, BU DE CHER SKYES PA DANG SNGAR GYI MI TSANG GIS BSNYEN BKUR BYAS NAS DE GONG BU CHUNG 'DRA BYUNG BA MA GSOS, 'DI YANG 'DI BZHIN MA BYAS NA MI GSOS PA MO DANG RTZIS LA BYUNG BAS DE LTAR BYAS PA LAGS, BZOD PA MDZAD CING BU GNANG BA ZHUS PAS CI DGAR GNANG STE 'DI NI BYANG CHUB SEMS DPA'I SPYOD PA BYA DKA' BA'I GNAS LA BSLABS PA'O, ,LHA MO LUNG GI DGON PA NA BZHUGS DUS DBYAR CIG SE LCEG, PA'I ZHING LA CHU'I GNOD PA BYUNG BA LA, CHU SGYUR ZHUS PAS RVA CO KHA BCAD PA THE RTZES MNAN PA ZHIG BSKUR NAS CHU'I GNOD PA 'ONG BA'I LOGS LA SBOS GSUNG, DE BZHIN BYAS PAS CHU PHAR 'GYUR, PHYIS RVA CO KHA PHYE NAS BLTAS PAS, 'DI NA DGE SLONG RDO RJE SENG GE YOD PAS CHU KHYOD PHAR RGYUG ZER BA CIG 'DUG GO, ,DE NI, BDEN PA'I BYIN GYIS BRLABS KYIS MI YI PHUNG PO ZHI, ,DE NI MI LDOG LUNG BSTAN YIN PAR RIG PAR BYA, ,ZHES GSUNGS PA DANG TSUL MTSUNGS PA'O, ,GLANG RI THANG GI THUGS DAM 'BUM PA RGYAL BA SRAS BCAS KYI PHO BRANG MTHONG BA DON LDAN BZHENGS GRUB NAS RTEN DAM TSIG PA LA YE SHES PA RAB TU GNAS PA'I BRTAN PA ZHUGS DANG, ME TOG GI MNGA' DBUL PHYOGS BZHI RE RE NAS BSHES GNYEN CHEN PO PO TO BA LA SOGS PA DGE SLONG RNAM DAG SNAM SBYAR BZHES PA BRGYA RTZA BRGYAD TZAM GYIS ME TOG GI CHAR PHAB PA'I TSE, NAM MKHA' LA 'JA' TSON RNAM PAR BKRA BA'I GUR BKRA SHIS RTAGS BRGYAD LTA BU NGO MTSAR BAS GANG, BAR SNANG NAS LHAS ME

TOG GI CHAR PHAB PA'I DRI BSUNG KHYAD PAR CAN DUD 'GROS KYANG MNAM DU RUNG BA BYUNG, ZHAL BSRO LA DKON MCHOG GI MCHOD PA RGYA CHEN PO DANG, DGE 'DUN 'DUS PA RGYA MTSO'I TSOGS LA BSNYEN BKUR DANG, SKYE BO MTHA' YAS PA LA SBYIN GTONG RGYA CHEN PO DANG, PHONGS PA LA PHAM BABS CHER STZAL TE, DE YANG, BDOG PA THAMS CAD 'BRAS BCAS TE, ,SKYE BO KUN LA BTANG SEMS KYIS, ,SBYIN PA'I PHA ROL PHYIN GSUNGS TE, ,CES PA LTAR RO, ,DANG PO'I DUS SU GLANG THANG PA DANG SHA BA SGANG PA GNYIS CHOS PHAR GSAN TSUR GSAN BYED, SHA BO SGANG PA'I ZHAL NAS, GLANG THANG BA BYANG CHUB KYI SEMS TSAN CHE, NGAS PHAN 'DOGS PA LA SROG GTONG NUS TE, GNOD PA SKYEL BA LA MI NUS, KHONG GIS GNYIS KA LA NUS GSUNG, GNYAN RNA MO BA DANG, KHONG RNAM GSUM 'DZOM PA LA, DA LTA 'CHI NA JI LTAR BYED BYAS PAS, RNA MO'I ZHAL NAS 'DI TZUG KYANG BYED, 'DI TZUG KYANG BYED BYA BA KHA YAR BYUNG STE MANGS PA YIN GSUNG, SHA BO SGANG BA'I ZHAL NAS BYANG CHUB KYI SEMS SBYONG BA MIN PA GZHAN BYA RGYU MED GSUNG, GLANG THANG PA'I ZHAL NAS, KHO BO DA LTA RANG 'CHI YANG BSKYED 'DON RGYU SPU TZAM YANG MED GSUNG, SEMS DPA' CHEN PO GLANG RI THANG PA SKU MYA NGAN LAS 'DA' KHAR SEMS CAN GYI DON DU DMYAL BAR SKYE BAR SMON LAM BTAB PA YIN TE MI 'GRUB PA 'DRA, DAG PA'I SNANG BA 'BA' ZHIG 'CHAR YIN 'DUG GSUNG NAS THUGS KHRAL MDZAD PAR GSUNGS, DGE BA'I BSHES GNYEN 'CHAD KHA BAS DGE BA'I BSHES GNYEN LCAGS ZHING PA LA GLANG THANG BA'I BLO SBYONG

, ,TSIG BRGYAD MA GSAN NAS, THUGS 'GYUR BA'I TSIG BRGYAD MA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG ,GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG, SPYOD LAM KUN TU RANG RGYUD LA, ,RTOG CING NYON MONGS SKYES MA THAG, BDAG GZHAN MA RUNG BYED BAS NA, ,BTZAN THABS GDONG NAS BZLOG PAR SHOG, RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG, BDAG LA GZHAN GYIS PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN BA DANG, ,RGYAL KHA GZHAN LA 'BUL BAR SHOG, GANG LA BDAG GIS PHAN BTAGS PA'I, ,RE BA CHE BA GANG ZHIG GIS, ,SHIN TU MI RIGS GNOD BYED NA'ANG, ,BSHES GNYEN DAM PAR BLTA BAR SHOG, MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN BAR SHOG, DE DAG KUN KYANG CHOS BRGYAD KYI, ,RTOG PA'I DRI MAS MA SPAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG, CES GSUNGS PA 'DI'O, ,DE LTAR SEMS DPA' CHEN PO GLANG RI

THANG PAS BSTAN 'GRO'I DON RGYA CHER MDZAD NAS MTHAR DGUNG LO BDUN CU BZHES PA CHU MO YOS LO'I DPYID ZLA THA CHUNG SA GA'I NYI SHU GSUM LA, GLANG THANG DU SKU GSHEGS NAS DGA' LDAN CHOS KYI PHO BRANG DU PHEBS SO, ,SKU GSUNG LA MCHOD PA'I BYE BRAG BSAM GYIS MI KHYAB PA DANG BCAS TE ZHUGS LA PHUL BA'I TSE, NAM MKHA' LA 'JA'I GUR GYI RIM PA DANG, ME TOG GI CHAR DANG, LHA'I SPOS KYI NGAD LDANG BA DANG, RAB BYUNG DANG SKYE BO'I TSOGS KHRI KHRAG TZAM TSOGS PA LA MTHONG SNANG DAG PA DANG, BYANG CHUB KYI SEMS DANG DAD PA MI PHYED PA SKYES PA PHAL CHER LA BYUNG ZHING, GDUNG RUS LA LHA SKU DANG, THUGS DANG, GDUNG SHA RI RAM DANG, RING BSREL DANG BCAS PA BSAM GYIS MI KHYAB PA BYUNG STE GDUNG RING BSREL GYIS KYANG 'GRO BA'I DON RGYA CHER MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO PO TO BA SRAS DANG BCAS BA LA MCHOD CING GSOL BA GDAB PA DANG, SEMS DPA' CHEN PO 'DI'I RNAM PAR THAR PA DRAN PAR BYAS LA LAG TU CI LON BYA BA DANG, THA NA SMON LAM GYI YUL DU BYAS NAS KYANG MDZAD PA RNAM THAR DE DAG BSAMS LA BAG CHAGS CI THEBS BYA'O,, ` ,,RNAM DPYOD 'GRAN ZLA BRAL BA'I SHA RA BA; ZHES BSNGAGS PA, BYANG PHYOGS GANGS RI'I KHROD 'DIR RGYAL BA'I BSTAN PA'I SNYING PO JO BO YAB SRAS KYI MAN NGAG BYANG CHUB LAM GYI RIM PA SBEL BA'I SLAD DU BSAM BZHIN DU BYON PA SEMS DPA' CHEN PO SHA RA BA GANG DU 'KHRUNGS

, ,PA'I YUL NI, BYANG RA SGRENG NAS YA TSANG PHYIN PA'I YUL ROM PO ZHES PA YIN LA, GNAS DER PA TSAB ROM PO'I RGYUD DU LCAGS PHO KHYI'I LO YUM PHYUGS MA SKYONG BA'I PHYIR RDO LEB CHEN PO ZHIG GI STENG NA BZHUGS PA'I DUS SU 'KHRUNGS TE, PHYIS RDO LEB DE LA SHA RA BA BLTAMS SA ZHES GRAGS SHING RDO LEB DE'I STENG NA SHAR BA 'KHRUNGS NAS ZHABS BRKYANGS PA'I SHUL RDO LA ZHABS RJES KYANG YOD CES RJE BTZUN BLA MA BLO BZANG YE SHES GSUNG, GNAS DE DA LTA KUN GYI PHYAG MCHOD KYI GNAS SU BYED DO, ,DE NAS DGUNG LO BCO BRGYAD KYI BAR YAB YUM GNYIS KYIS BSKYANGS SHING KHYIM DU BZHUGS, DER BZHUGS RING BYIS PA'I SPYOD PA MTHA' DAG LAS DANG GIS LOG, SNGAR YUN RING PO NAS GOMS PA'I BAG CHAGS BRTAGS PAS YI GE 'DRI KLOG SOGS NI TSEGS MED PAR MKHYEN, DKON MCHOG MCHOD PA SOGS DGE BA'I LAS LA NI NGANG GIS 'JUG, SKAL BA MNYAM PA'I SEMS CAN GZHAN DAG MTHONG NA BYAMS PA'I MIG GIS BLTA ZHING BRTZE BA'I 'DZUM GYIS BSU BA LAS GZHAN LA KHRO BA DANG SKYON BRJOD PA SOGS SGO GSUM NYES PAR SPYOD PA LA NI NGO TSAR BLTAS TE 'JUG PA'I SKABS MED, GZHAN DU NA BSAM PA 'DI LTA BU DAG 'KHRUNGS BAR NGES TE, SKYES RABS LAS, BTZON RA 'DRA BA'I KHYIM LA NI, ,NAM YANG BDE BAR MA SEMS SHIG, PHYUG GAM YANG NA DBUL YANG RUNG, ,PHYIM NA GNAS PA NAD DU CHE, ,GCIG NI BSRUNG BAS NYON MONGS LA, ,GNYIS

PA 'TSOL BAS SHA THANG NGO, ,PHYUG GAM YANG NA DBUL YANG RUNG, ,GANG NA BDE BA MED GYUR PA, ,DE LA DGA' BAR RMONGS PA NI, ,SDIG PA'I 'BRAS BU SMIN PA NYID, ,CES GSUNGS PA LTAR, KHYIM NA GNAS PA NI NYON MONGS PA DANG, NYES PAR SPYOD PA DANG SDUG BSNGAL DU MA'I 'BYUNG GNAS SU RIG NAS BDAG NAM ZHIG NA BTZON DONG DANG 'DRA BA'I KHYIM GYI GNAS 'DI NAS BYUNG STE RGYAL BA'I BSTAN PA LA ZHUGS LAS THOS BSAM SGOM GSUM LA 'BAD PA ZHIG NAM 'ONG SNYAM DU DE 'BA' ZHIG BSAM ZHING MDO SNGAGS KYI GSUNG RAB RNAMS LA YANG DANG YANG DU BLTA BA LHUR LEN PAR BYED DO, ,DE NAS PHA MA DANG NYE DU RNAMS KYIS BAG MA LEN PA'I SBYOR BA BSHAMS PAN RANG YUL NYE DU NOR LONGS SPYOD GANG LA'ANG MA CHAGS PAR MCHIL SNABS BZHIN DU DOR TE DGUNG LO BCO BRGYAD PA'I DBYID BROS NAS KLUNGS SHOD DU PHEBS NAS RAB TU BYUNG, MTSAN YON TAN GRAGS SU BTAGS, RAB TU BYUNG BA'I SA DE LA KLUNGS SHOD CHOR BA ZHES GRAGS, DER YANG NYE DU RNAMS KYIS 'DZIN MI BYUNG DOGS NAS KLUNGS SHOD PHYUR BU ZHES BYA BA NA DGE BA'I BSHES GNYEN SPYAN SNGA BA CHEN PO MTSAMS DAM PAR BCAD PA'I SAR BYON, SPYAN SNGA BA CHEN POS KYANG BKA' GDAMS BSTAN 'DZIN CHEN PO ZHIG TU 'GYUR BAR GZIGS NAS, DGYES BZHIN DU RJES SU BZUNG NAS GDAMS PA DANG RJES SU BSTAN PA MANG DU STZAL, DE'I TSE SHA RA BA YON TAN GRAGS KYI THUGS DGONGS LA BKA' GDAMS SKU MCHED GSUM PO LA JO BO RJE'I MAN NGAG ZHUS NAS

, ,GTZANG PHYOGS SU GSANG SNGAGS KYI CHOS MANG PO ZHIG ZHU BAR 'BYON BZHED NAR MAR 'KHRUNGS TE, DUS DE'I TSE GTZANG NA 'BROG MI LO TZ'A BA DANG RJE 'GOS LO CHEN PO BZHUGS TE GSANG SNGAGS RGYUD SDE BZHI'I 'CHAD NYAN SHIN TU DAR BA YOD PAS RDO RJE 'DZIN PA CHEN PO DE DAG GI ZHABS LA GTUGS TE RGYUD SDE BZHIG DANG, KHYAD PAR GSANG SNGAGS BLA MED KYI MAN NGAG RNAMS ZHUS TE SNGAGS LAM SGOM PA ZHIG GTZO BOR BYED DGONGS PA BYUNG, DE NAS DE KHA'I DBYAR DUS DGE BA'I BSHES GNYEN PO TO BA CHEN PO STAG LUNG THANG NA BZHUGS PA'I SPYAN SNGAR BYON, CHOS KYI GSOL BA BTAB PA NA DGE BSHES PO TO BA CHEN POS KYANG RANG GI SRAS KYI THU BO BSTAN PA'I BDAG BAR 'GYUR BAR GZIGS NAS SPYAN GYI 'BRAS BU LTAR BSKYANGS TE DUS GSUM GYI RGYAL BA THAMS CAD GANG NAS GSHEGS PA'I LAM PO CHE, RGYAL BAS GSUNGS PA'I CHOS PHUNG BRGYAD KHRI BZHI STONG PO THAMS CAD NYAMS LEN GYI LUS GCIG TU DRIL BA BYANG CHUB LAM GYI RIM PA'I KHRID GNANG STE, THOG MAR GANG NYAMS SU BLANG BAR BYA BA DE NAS BZUNG STE MTHAR 'BRAS BU 'GRUB PA'I BAR GYI LAM GYI GRANGS DANG GO RIM LAM SO SO'I NGO BO RNAMS RGYAL BA'I BKA' DANG SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS CHES ZHIB PAR MIG LA MNGON SUM DU SNANG BA'I DPE DANG BCAS KHRID PAR MDZAD PA NA SHA RA BA CHEN PO SNGON YUN RING PO NAS LAM LA SBYANGS PA'I BAG CHAGS SAD DE LAM

GYI GRANGS DANG GO RIM LA LDOG TU MAD PA'I DAD PA DANG, TSIG TZAM MIN PAR RIGS PA'I LAM NAS DRANGS PA'I NGES SHES BRTAN PO RNYED NAS RE SHIG SNGAGS LAM MTHON PO LA 'JUG PA'I RE BA MI 'DUG SNYAM NAS GTZANG DU 'GRO BA'I 'DUN PA LOG ,LAM MA NOR BAR STON PA'I DGE BA'I BSHES GNYEN 'DI LTA BU DANG LAN CIG MJAL BA 'DI GA LA 'DOR SNYAM DU SKAD CIG GCIG KYANG 'BRAL MI PHOD PAR DANG POR MJAL BA DE NAS BZUNG MTHAR DGE BSHES PO TO BA CHEN PO ZHING GSHEGS KYI BAR NAM YANG MA BRAL BAR BSAM SBYOR GNYIS KYIS TSUL BZHIN DU BSTEN TE LAM GYI RIM PA'I GDAMS NGAG MA LUS PA BUM PA GANG BYOR GSAN, BAR SKABS SHIG NYE DU RNAMS DANG YUL PHYOGS KYI MI MANG PO ZHIG GIS RANG GI KHU BO'I GNAS ROM PA RE ZHES PA'I DGON GNAS ZHIG GI CHOS DPON DU 'BYON DGOS PAR BSKUL BA NA SLAR ZHIG 'BYON NAM SNYAM DU DGONGS PA BYUNG BA LA DGE BSHES PO TO BA CHEN POS BSLAB BTUS GSUNG BA'I SKABS BYANG SEMS KYI LAM BGROD PA'I BAR CHAD GNOD 'GYUR RNAMS GSUNG BA'I TSE ZHAL TA PA'I GNOD PA ZHIB TU GSUNGS PAS THUGS NGES BRTAN PO 'KHRUNGS TE, DE NAS CHOS DPON DU 'GRO BA'I SPROS PA CHOD GSUNG, THOG MAR DGE BSHES PO TO BA'I GRAB BYING GRAS LO DGU MDZAD, DE NAS DGE BSHES PO TO BA CHEN PO THUGS SHIN TU MNYES PAS SKU 'KHOR NANG MA LO DGU MDZAD DE KHYON DGE BSHES PO TO BA CHEN PO LO BCO BRGYAD BSTEN TE DE'I RING LA BYANG CHUB LAM GYI RIM PA'I KHRID

, ,MTHA' CHOD PAR GSAN TE, DE YANG RJE BTZUN BYAMS BAS MDZAD PA'I MNGON PAR RTOGS PA'I RGYAN BYANG CHUB LAM GYI RIM PA'I RTZA BA MAN NGAG TU BYAS, DE'I STENG DU MDO SDE RGYAN DANG, SLOB DPON DPA' BOS MDZAD PA'I SKYES RABS SO BZHI PA DANG, RGYAL SRAS ZHI BA LHAS MDZAD PA'I SPYOD 'JUG DANG BSLAB BTUS GNYIS DANG CHED DU BRJOD PA'I TSOM DANG, BYANGS STE BKA' GDAMS GZHUNG DRUG GUNG BSGRIGS TE BYANG CHUB LAM GYI RIM PA'I MAN NGAG RNAMS DMIGS SKOR RE RE NAS GZHUNG DRUG PO DE DAG GANG RIGS NAS RGYAS BAR BSHAD, GZHAN YANG SLOB DPON 'PHAGS PA KLU SGRUB KYIS MDZAD BA MDO SDE KUN LAS BTUS PA DANG, RIN CHEN PHRENG BA DANG RTZA SHE LA SOGS BA'I RIGS CHOGS RNAMS DANG SLOB DPON KA MA LA SH'I LAS MDZAD PA'I SGOM RIM GSUM LA SOGS PA GSUNG RAB DGONGS 'GREL DANG BCAS PA THAMS CAD BYANG CHUB LAM GYI RIM PA'I GDAMS NGAG TU NGO SPRAD NAS STON PAR MDZAD PAS RGYAL BA'I GSUNG RAB DGONGS 'GREL DANG BCAS PA 'CHAD PA LA MI 'JIGS PA'I SPOB PA THOB, RANG DANG GZHAN GYI GRUB MTHA' RGYA MTSO'I PHA ROL TU SON, SDE SNOD GSUM DANG SHING RTA CHEN PO'I GZHUNG RNAMS PHAL CHER THUGS LA GZUNG STE SKAL PA DANG LDAN PA GZHAN DAG LA GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS NAS 'DOMS PA LA DBANG 'BYOR PAS BOD DU SKYES PA'I MI ZHIG LA SHAR BA CHEN PO LAS

MKHYEN RAB RLABS CHE BA MED CES BKA' GDAMS GONG MA'I GSUNG BSGROS LAS 'BYUNG, DON 'DI DAG LA DGONGS NAS RJE THAMS CAD MKHYEN PAS KYANG, RNAM DPYOD 'GRAN ZLA BRAL BA'I SHA RA BA, ZHES BSNGAGS PA MDZAD DO, ,SHA RA BA CHEN PO NYID KYI ZHAL NAS, DENG DUS CHOS BYED KUN CHOS 'CHAD BA PO GANG NA YOD ZER BA THAMS CAD KYI RTZAR 'GRO STE, STON PA RIN PO CHE YAB SRAS KYI LUGS DE MIN, DGE BSHES STON BAS SKU TSE DE LA BLA MA LNGA LAS MA BSTEN, DA YANG DGE BSNYEN GYI SDOM PA'I SLOB DPON DANG, KLOG YIG SLOB PA'I SLOB DPON DANG, BLA MA SE BTZUN DANG, PAndI TA SMRi TI DANG, JO BO RJE STE, DE RNAMS KYI NANG NAS KYANG GZHAN RNAMS LA CHOS 'BREL RE TZAM YIN BLA MA SE BTZUN PA LA MTSAN NYID KYI GZHUNG RNAMS GSAN, GTZO BO NI JO BO RJE NYID LA BRTEN NAS BYANG CHUB LAM GYI RIM PA MTHA' DAG PAR GSAN TE, JO BO RJE MNGA' RIS SU MJAL BA NAS MTHAR SNYE THANG DU ZHING GSHEGS PA'I BAR JO BO RJE NYID BSAM SBYOR GNYIS KYIS TSUL BZHIN DU BSTEN DE MDO SNGAGS KYI GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS TE GSAN ZHING DE 'BA' ZHIG THUGS NYAMS SU BZHES BAS BSTAN PA YONGS RDZOGS KYI BDAG POR BYON PA YIN, DGE BSHES PO TO BA CHEN BOS KYANG KHYIM DU BZHUGS SKABS SRU SGOM LA BSNYEN GNAS KYI SDOM PA ZHIG ZHUS BLA MA DE DANG, DGE TSUL GYI SDOM PA'I MKHAN SLOB DANG ,MTSAN NYID LA BSLAB SBYONG MDZAD PA'I SKABS KYI SLOB DPON DANG, 'BROM RIN PO CHE RNAMS MA GTOGS BA BLA MA MA

, ,BSTEN, DE YANG GTZO BOR 'BROM RIN PO CHE NYID LA BRTEN TE, DANG PO MJAL BA NAS MTHAR ZHING NAM GSHEGS KYI BAR BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM BA NYID LA SBYANGS PAS BSTAN PA YONGS RDZOGS KYI BDAG POR BYON, KHO BOS KYANG BKA' GDAMS SKU MCHED RIN PO CHE GSUM LA BRTEN CING DE'I NANG NAS KYANG DGE BA'I BSHES GNYEN PO TO BA CHEN PO NYID LA BRTEN ,GZHAN DAG DGE TSUL GYI MKHAN SLOB MA GTOGS BLA MA GZHAN MA BSTEN, DGE BSHES PO TO BA CHEN PO NI LO BCO BRGYAD KYI BAR DU BSTEN TE MI MNYES PA SKAD CIG KYANG BYED MA MYONG GSUNG, MTHAR DGE BSHES PO TO BA ZHING GSHEGS NAS DGE BSHES PO TO BA'I SLOB MA PHAL CHER SHAN BA'I RJES SU 'BRANG STE 'KHOR BRGYA PHRAG MANG PO DANG BCAS KLUNGS SHOD DU BYON NAS TSOGS BSDUS, YO BYAD GANG BYUNG THAMS CAD DGE 'DUN LA BSNGOS, DE NAS SNYAN PA'I GRAGS PAS 'DZIN MA'I KHYON KUN KHYAB STE BYANG CHUB LAM GYI RIM BRGYA CHER BSHAD PAS CHOS GSAN BA MANG DUS SUM STONG 'DUS PA BYUNG, PHAL CHER NYIS STONG LHAG TZAM RGYUN DU 'DUS, DE THAMS CAD KYANG DGE BSHES SHAR BA CHEN PO NYID KYI RNAM THAR RJES SU SKYONG BA SHA STAG BYUNG STE, SHAR BA CHEN PO NYID KYIS RANG GI 'KHOR DU 'DUS PA'I GDUL BYA THAMS CAD TSUL KHRIMS RNAM PAR DAG PA GZHIR BZUNG NAS SKYES BU GSUM GYI LAM GYI RIM PA SGOM PA LA SBYAR, LAM GYI RIM PA'I YANG RTZA PA BSHES GNYEN BSTEN TSUL RNAM PAR DAG BA ZHIG DGOS ZHES 'DOMS PAR MDZAD, SHA RAB

NYID KYI ZHAL NAS THEG PA CHEN PO'I LAM GYI RTZA BA DGE BA'I BSHES GNYEN YIN, DGE BA'I BSHES GNYEN LAM BSTEN PAR LAM GANG YANG SKYE BA MI SRID PA YIN, SA BCU'I BYANG CHUB SEMS DPA' BSKAL BA GRANGS MED GSUM DU TSOGS BSAGS PA LA YANG PHYOGS BCU'I SANGS RGYAS RNAMS KYIS PHYAG G-YAS PA DBU THOG TU BZHAG NAS BYIN GYIS MA BRLABS PAR RDO RJE LTA BU'I TING NGE 'DZIN THOB MI SRID PAS DE BZHIN GSHEGS PA DE DAG GNAS SKABS DE NA DGE BA'I BSHES GNYEN BYA BAR 'DOD PA YIN; DA LTA 'U CAG THAMS CAD KA CA KHO NA LA RTZI BA LA SKU MCHED GSUM PO LA RES GSUM GA SPYIR 'BUL BA 'ONG, RES GNYIS LA 'ONG BA LA, DUS DE THAMS CAD NA GSUM LA PHUL NA GNYIS LA 'BUL, GNYIS LA PHUL NA GCIG LA 'BUL GYI BA 'DI 'DOD YE MI GSUNG DE LTA BU LA DAD GSUNG, DGE BSHES SHAR PA CHEN PO DE, DGE BSHES PO TO BA'I RNAM THAR SKYONG BA MA GTOGS SU LA'ANG MI 'DUD SU DANG YANG MI KHO NA, GANG DU 'DUG KYANG DMA' SA 'DZIN RKYEN BZANG NGAN GANG BYUNG YANG BYANG CHUB LAM GYI RIM PA SGOM PA KHO NA LAS THABS GZHAN GANG YANG MI MDZAD, SKU MTHONG BA DANG GSUNG THOS PA THAMS CAD DAD PA RANG DBANG MED PAR SKYE, DAD RDZAS DANG GSHIN RDZAS GANG BYUNG YANG DKON MCHOG GI MCHOD BA DANG, DGE 'DUN GYI BSNYEN BKUR KHO NA LA GTONG BA LAS MI DGOS PA'I SAR YE MI GTONG MA DAG BA'I RDZAS YE MI 'CHANG GZHAN GYIS ZHING DANG KHANG KHYIM DANG PHYUGS MA SOGS PHUL YANG GTAN NAS MI BZHES, LAN CIG SBYIN BDAG ZHIG GIS ZHING RNGAS BA'I THOG CIG PHUL BA NA DGE 'DUN LA PHUL NGA LA MI DGOS RTZA SOG TSUR

, ,SKYOL GRA PA RNAMS KYI RGYAGS SKYEL MI'I KHAL MA LA PHAN 'GRO GSUNG, DGE BSHES PO TO BA DANG SHA RA BA GNYIS POS THABS LTOS BCOS GANG YANG MA MDZAD PAR LAM RIM KHO NA SGOM BAR MDZAD PAS RANG DANG SLOB MA RNAMS LA NAD GDON GYI 'TSE BA NYUNG, LHA 'DRE MI GSUM BYAMS TSE RING BAR BYUNG, DGE BSHES SPYAN SNGA BA DANG BYA YUL BA DPON SLOB RNAMS THABS RIM MAN NGAG 'DI MI MKHYEN BYA BA MED PAS GDUL BYA RNAMS KYANG MAN NGAG SNA TSOGS LAG LEN BYED PA BYUNG YANG NAD GDON GYI 'TSE BA MANG ZHES BKA' GDAMS GONG MA'I GSUNG SGROS LAS 'BYUNG, SHAR BA NYID KYI ZHAL NAS SPYIR LEGS NYES CI BYUNG TSES LA BRTEN PA, DE'I NANG NAS KYANG 'DUL BA LA BRTEN NA LDAB KYANG MI DGOS PA; ZHE GTZANG BA, RTAG THUB PA, NYAMS DGA' BA, MTHA' BZANG BA YIN GSUNG, YANG ZHAL NAS RTEN DANG BSRUNG BA MI DGOS PA'I GANG ZAG GSUM YIN, DGE SLONG CHOS GOS RNAM GSUM LAS YONGS SU BZUNG BA THAMS CAD SPANGS TE NYES PA PHRA ZHING PHRA BAS KYANG MA GOS PA ZHIG BYUNG NA RTEN DE NYID MCHOD GNAS YIN PAS MI DGOS, BYANG CHUB KYI SEMS SMON 'JUG GNYIS RNAL MAR YOD PA DE SEMS CAN THAMS CAD KYI MCHOD GNAS YIN PAS MI DGOS, SNGAGS PA MTSAN NYID DANG LDAN PA SNANG BA THAMS CAD LHA DANG LHA MOR SHES PA LA MI DGOS GSUNG, BKA' RGYUD ZAM MA CHAD PA'I GDAMS PA LA BRTEN NAS SHES BZHIN CHEN POS THAMS CAD MIG 'OG TU CHUD PAR BYAS TE, SPYOD LAM

RNAM BZHIR CI BYED THAMS CAD THAR PA'I RGYUR DKAR LAM GYIS GTONG SHES PA CIG DGOS GSUNG, YANG ZHAL NAS BYA YUL BA'I BKA' RGYUD 'DI LA SRUNG BA ZAD PA MED PA CIG YOD DE 'TSE BA SHIN TU MANG, MI DBANG DU BSDU BA'I THABS ZAD PA MED DE NGAN SMRA DE MANG DE SNANG, TSE SPEL THABS KHO NA MDZAD DE SKU TSE RING BA TZAM MA BYUNG LA, PO TO BA'I BKA' RGYUD 'DI LA BSTAN PA RIN PO CHE KHAS BLANGS KYI CHOS KHO NA LAS SPAN SPUN YE MI MDZAD DE 'TSE BA NYUNG MI BYAMS SKU TSE RING BAR BYUNG STE, KHO BOS NI MAN NGAG DE MNGON SUM DU GO BAR BYUNG GSUNG, LAN CIG SHAR BA CHEN POS LAM RIM GYI KHRID GNANG BA'I RJES LA 'DI SKAD GSUNG STE KHAMS NGAN YANG CHOS KYIS PHAN NA PHAN PA YIN SNYAM NAS 'BAD DE BSHAD PA YIN, CHOS KYIS PHAN NA PHAN PAR BRTZI, GZHAN GYIS PHAN PA TA PHA MAS KYANG 'DI LTAR BYED DE DES THAR PA LA CANG MA PHAN, GRA PA CHOS LA MA MGU NAS SONG NA DE RANG GI NYES BAR BRTZI, GZHAN LAM MGU NAS SONG BA RANG GI NYES PAR MI BRTZI GSUNG, SGOM PA KLOG 'BAR GYIS BYA YUL DU PHYIN PA'I DUS SU RTZABS 'BREN DU BYUNG BA LA NGA GCONG LUNG BA'I GRA PA LA RTZABS 'DREN NAM ZER NAS 'THUNG MA 'DOD, DE LA SHIN TU MNYES PAR MDZAD, LAN CIG SHA RA BA CHEN PO LA SLOB MA RNAMS KYIS PHYOGS GZHAN ZHIG TU 'BYON PAR ZHUS PA NA CHOS 'PHEL NA GANG DU PHYIN KYANG CHOG ,GNYEN NYE DU LA CHAGS PA'ANG MED, GNAS GZHI SDE DGON LA CHAGS PA'ANG MED, KHO BO'I STENG NA DBANG CHE BA GZHAN NGO SRUNG DGOS PA'ANG SU YANG MED GSUNG SHA RAB CHEN PO THUGS

, ,BSKYED SHIN TU BZANG BAS 'KHOR SUM STONG TZAM 'DUS PA DE THAMS CAD KYANG THOS BSAM SGOM PAS DUS 'DA' BA, ZAS GOS GNAS MAL DANG SDE DGON LA CHAGS PA SPANGS BA SHA STAG BZHUGS, CHOS GNANG BA THAMS CAD KYANG SKYES BU GSUM GYI LAM GYI RIM PA NYID LA SKOR NAS DE'I THOG TU 'BAB PA KHO NA MDZAD, TSONG DANG BUN BSKYED KYIS NOR BSGRUBS NAS DKON MCHOG MCHOD PA DANG DBUL PHONGS LA SBYIN GTONG BYED PA BYUNG NA NGA NI KHYED LA GTONG BA'I PHAN YON MI BRJOD KYIS 'DZIN PA'I NYES DMIGS BRJOD PA YIN GSUNG NAS MI DGYES, DBEN PA'I RI SUL DU TSUL KHRIMS RNAM PAR DAG PA LA GNAS PA BYUNG NA SHIN TU DGYES TE DBEN PA'I RI SUL DU DRANG SRONG GI SBYOD TSUL GYIS GNAS PA CIG BYUNG NA GZOD PHAS BU GSOS BYA BA YIN GSUNG, RAB TU BYUNG BA ZHING LAS BYED PA GZIGS NA SHIN TU MI DGYES TE, SHAR BA NYID KYI ZHAL NAS RAB TU BYUNG BA BYA BA SO NAM RNAM BZHI SPANGS PA CIG LA ZER BA YIN, DGE SLONG BYA BA 'DOD BA SPANGS PA CIG LA ZER BA YIN, BYANG CHUB SEMS DPA' BYA BA RANG DON SPANGS PA CIG LA ZER BA YIN, SGOM CHEN BYA BA 'DU 'DZI SPANGS PA CIG LA ZER BA YIN GSUNGS, SEMS DPA' CHEN PO 'DI NI JO BO RJES, 'PHRAL LA ZAS 'TSOL BYA DANG 'DRA, ,KHAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES GSUNGS PA LTAR JO BO YAB SRAS KYI RNAM THAR GTZANG MA GZHAN 'DRES MED BAR SKYONG BA, PHYI RABS KYI GDUL BYA KUN GYI SMON GNAS SU 'OS

PA ZHIG BYUNG STE, SHA RA BA NYID KYI ZHAL NAS, RUG PA'I JO BO GZHON NU GRAGS BYA BA DE DANG, LAN TSA RAB KYI SGOM PA DBANG PHYUG RGYAL MTSAN BYA BA DE GNYIS LO BDUN CU TZAM LA 'DAS PA LA, 'TSO BA NI DGE 'DUN GYI NANG NAS LEN, SANG GI BYA BA NI DE RING BYED PA MA YIN BYA BA GZHAN GANG YANG MED PAR DGE SBYOR BAR MA CHAD PAR 'DAS TE DE GNYIS KHO NA LA SMON GSUNG, YANG NA NING 'DAS PA GRA PA CHOS MTHUN DE CHOS LAS GZHAN GYIS NI BLO MA SBAGS, DGE BSHES LA NI YI DAM LHA DANG KHYAD PAR MED PAR SHES, SEMS NI BKOL DU BTUB DGE SBYOR LAS BYA BA GZHAN NI CI YANG MED DE LTA BU LA SMON GSUNG, BOD SNGA RABS SU BYON PA'I BSHES GNYEN RNAMS LA SPYOD PA RNAM PAR DAG PA JO BO YAB SRAS KYI DGONGS PA LTAR BYED PA MANG BAR BYUNG NA'ANG LTA BA RNAM PAR DAG PA JO BO YAB SRAS KYI DGONGS PA LTAR 'PHAGS PA KLU SGRUB KYI DBU MA RIGS TSOGS KYI DON SLOB DPON SANGS RGYAS BSKYANGS DANG SLOB DPON ZLA BA GRAGS PAS BKRAL BA'I DBU MA'I LTA BA MTHAR THUG PA RTOGS PA DKON PAR BYUNG 'DUG PA NA SEMS DPA' CHEN PO SHAR BA 'DI BZHUGS PA'I DUS SU PA TSAB LO TZ'A BAS RGYA GAR DU BYON TE SLOB DPON ZLA BA GRAGS PA LA GSOL BA SHUGS DRAG LA RGYUN RING BA BTAB PAS SLOB DPON ZLA BA GRAGS PAS DNGOS SU ZHAL BSTAN TE BYIN GYIS BRLABS PAS DBU MA'I LTA BA THUN MONG MA YIN PA RTOGS, BOD DU 'PHAGS PA KLU SGRUB KYI LTA BA THUN MONG MA YIN PA DE DAR NA CI MA RUNG SNYAM DU DGONGS NAS DBU MA LA 'JUG PA BSGYUR, BOD DU LUGS BZANG

, ,DE SPEL BA'I 'PHRIN LAS MDZAD PA NA BLUN PO RMONGS PA'I KHYU DAG GIS CHOS THAMS CAD RANG BZHIN GYIS MA GRUB PA BTAGS YOD MING RKYANG TZAM GYI TSUL DE THOS PA NA, CHOS THAMS CAD RANG BZHIN GYIS MED BAR LTA BA NI CHAD LTA'O ZHES SMRAS NAS KLU SGRUB LUGS BZANG SPEL BA'I 'PHRIN LAS BKAG PA NA DGE BA'I BSHES GNYEN SHAR BAS KLU SGRUB YAB SRAS KYI DGONGS PA YIN MIN NGA SHES GSUNGS NAS BA TSAB LO TZ'A BA LA DBU MA'I LUGS KYI GZHI LAM 'BRAS GSUM GYI RNAM GZHAG JI LTAR YIN DANG, DBU MA'I LTA BA'I DGAG BYA GANG YIN DANG, DE 'GOG BYED RIGS PA'I GTZO BO GANG LA BYED DANG, DBU MA'I LTA BA SGOM PA'I TSE SBYOR DNGOS RJES GSUM DU JI LTAR BYED CES DRI BA ZHIB TU BSKUR NAS GRA GZHON SHES RAB CAN GNYIS PA TSAB LO TZ'A BA'I SAR BTANG BAS, PA TSAB LO TZ'A BAS DE'I LAN DU 'PHAGS PA KLU SGRUB KYI DGONGS PA SLOB DPON ZLA BA GRAGS PAS BKRAL BA'I DBU MA'I LTA BA MTHA' THUG 'DI YIN DANG, DE SGOM PA'I TSE SBYOR DNGOS RJES GSUM DU JI LTAR BYA BA 'PHAGS PA KLU SGRUB YAB SRAS KYI MAN NGAG 'DI LTAR YOD CES LAN ZHIB TU PHUL BA DGE BSHES SHA RA BA CHEN PO DGE 'DUN SUM STONG LA NYE BA'I TSOGS DBUR BZHUGS NAS BUR STON ZHIG GSOL LA KHAD DU YOD PA'I THOG TU SLEBS PAS TSOGS DBU'I SA DE KHAR LEGS PAR GZIGS PAS SPYAN CHAB MANG PO BYON BU RAM PHYAG GIS GANG GCOGS SHIG GNAM DU GTOR NAS KLU SGRUB YAB SRAS MCHOD, PA TSAB LO TZ'A BA MCHOD CHOS 'DI 'DRA

ZHIG GIS 'KHOR 'DAS KYI SHAN 'BYED PA YIN, SHER PHYIN GYI MDO SDE RIN PO CHE'I DGONGS PA 'DI YIN GSUNG NAS BTZUN CHUNG LNGA BCU TZAM ZHIG PA TSAB LO TZ'A BA LA DBU MA MNYAN DU BTANG, DBU MA'I LUGS BZANG SPEL BA LA MTHUN PA'I RKYEN ZANG ZING MANG PO BSKUR, PA TSAB LO TZ'A BA LA BSNGAGS BRJOD CHE BAR MDZAD PAS LOG PAR RTOG PA'I SMRA BA NGAN PA RNAMS RANG SHUGS KYIS 'GAGS, PA TSAB LO TZ'A BA LA 'PHRIN LAS CHER 'PHEL BAR GYUR TO, ,DE DUS PA TSAB LO TZ'A BAS RANG NYID KYIS BSGYUR BA'I DBU MA 'JUG PA DGE BSHES SHA RA BA LA GZIGS SU PHUL BAS, SHAR BA CHEN POS LEGS PAR GZIGS TE, 'DI LA 'DI LTAR 'ONG THANG ZHES 'GYUR SKYON GANG BYUNG THAMS CAD BRIS NAS RGYA DPE LA LTOS ZHES BSKUR BA NA PA TSAB LO TZ'A BAS RGYA DPE LA GZIGS PAS SHA RABS GANG GSUNG BA DE KHO NA BZHIN DU BYUNG BAS DGE BA'I BSHES GNYEN SHAR PA LA RGYAL BA'I BKA' 'GYUR RO COG THUGS LA MNGA'O ZHES GRAGS PA BYUNG NGO, ,DGE BA'I BSHES GNYEN SHAR BA 'DI NYID BKA' GDAMS GLEGS BAM LAS GSAL BAR LUNG BSTAN PA YIN TE, DAD PA RAB TU BRTAN PA'I 'KHRUNGS RABS LAS, DES NA RGYAL PO DGE BA DPAL, ,KHYOD KYI SRAS KYI SROL 'DZIN PA, ,SHAR BA BZHES YUL LAS GRAGS, ,ZHES PA DANG, LUNG BSTAN GYI LE'U LAS, YON TAN GRAGS PAS ZAB GZHUNG RNAMS, ,RDZOGS PAR MDZAD NAS DAR YUL MDAR, ,DAG SNANG GANG SHAR DGON PA BZHENGS, ,DE NAS SHAR BA ZHES GRAGS,,

, ,ZHANG RJE ROM PO'I MI RIGS GCIG ,GTAN GYI DON GNYER GUS PAS MCHI, ,ZHES DANG, DAG PA'I SNANG BA RAB SHAR BA, ,RGYAL BA RGYA MTSO LAS 'KHRUNGS SHING, ,MKHAS PA NGA NI LAS CAN RNAMS, ,PHYOGS BZHIR 'GRO ZHING 'DREN NA YANG, ,DBUS 'DIR SHAR BA PA ZHES GRAGS, ,'DI NI SHAR GYI MTHA' 'KHOB 'DUL, ,DE NAS NUB PHYOGS MTHA' 'KHOB TU, ,SHAR PA CI 'DRA RTZVA YUL DANG, ,ZHING DANG GRONG PA DAG GIS DBEN, ,SKYA BO RGYA CHEN ZHAG MED CIG ,SNUM ZHING SKAL BZANG DU MA SDUD, ,CES GSUNGS SO, ,DE LTAR SEMS DPA' CHEN PO SHA RA BAS BSTAN 'GRO'I DON RGYA CHER MDZAD NAS MA 'ONGS PA'I GDUL BYA RNAMS KYI DON DU BYANG CHUB LAM GYI RIM PA'I KHRID YIG CHE CHUNG GNYIS DANG DGE BA'I BSHES GNYEN PO TO BA'I RNAM THAR TSIGS BCAD MA ZHIG KYANG MDZAD, DGE BSHES SHA RA BA 'DIS BYANG CHUB LAM GYI SGRONG MA 'CHAD SKABS JI LTAR GSUNGS PA RNAMS ZIN BRIS SU BKOD PA LAM SGRON GYI 'GREL PA RGYAS SHING NGO MTSAR RMAD DU BYUNG BA ZHIG KYANG SNANG NGO, ,BDAG NYID CHEN PO 'DIS LO SUM CU RTZA DRUG TU TSOGS PA BSKYANGS NAS BSTAN PA'I BYA BA RGYA CHER MDZAD CING, DE YANG JO BO RJE DPAL LDAN AA TI SHA'I MAN NGAG SKYES BU GSUM GYI LAM GYI RIM PA KHO NAS GDUL BYA'I DON MDZAD CING, RGYAL BA'I BKA' DANG SHING RTA CHEN PO'I GZHUNG THAMS CAD SKYES BU GSUM GYI LAM RIM KHO NA'I STENG DU 'BAB PAR MDZAD, RKYEN BZANG NGAN GANG BYUNG YANG TSUL KHRIMS RNAM PAR

DAG PA BSRUNG BA GZHIR BZHAG NAS BYANG CHUB LAM GYI RIM PA SGOM PA NYID MDZAD PA LAS RANG NYID DANG SLOB MA SU LA'ANG MO BON GYI BCOS KA SOGS TZAB TZUB YE MI MDZAD, DGE 'DUN SUM STONG 'DUS TE DE THAMS CAD RGYAL BA RANG NYID KYIS JI LTAR GSUNGS PA'I TSUL KHRIMS RNAM PAR DAG PA DANG LAM RNAM PAR DAG PA SGOM PA LA SBYAR TE THAMS CAD RNAM THAR GTZANG MA RGYAL BA RANG NYID DNGOS SU BZHUGS PA'I DUS KYI MDZAD PA RNAM THAR JI BZHIN DU SKYONG BAR MDZAD DO; ;DE LTAR DGE BA'I BSHE GNYEN SHA RA BA CHEN POS BSTAN PA'I DON RGYA CHER MDZAD NAS DGUNG LO BDUN CU DON GNYIS PA LCAGS MO BYA'I LO RGYAL GYI ZLA BA'I TSES NYER DRUG LA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DE NAS DER TSOGS PA'I DGE 'DUN RNAMS KYIS ZLA BA PHYED KYI BAR SKU GDUNG RIL POR BZHUGS PA'I MDUN DU RGYAL BA'I YUM BSGRAGS SHING MCHOD PA RGYA CHER PHUL, DE NAS PUR SBYANGS TE GDUNG DANG RING BSREL NA BZA' RNAMS DGE 'DUN STONG DANG BDUN BRGYAS BGOS TE PHYOGS PHYOGS SU PHYAG DANG MCHOD PA'I RTEN DU BZHUGS SHING, SLOB MA RNAMS KYIS BDAG NYID CHEN PO'I GSUNG LTAR PHYOGS PHYOGS SU SGRUB PA'I RGYAL MTSAN BTZUGS TE DGONGS PA YONGS SU RDZOGS PAR MDZAD DO, ,DE LTAR DGE BA'I BSHES GNYEN SHA RA BA CHEN PO LA SLOB MA STONG PHRAG MANG PO 'DUS PA'I NANG NAS 'GRAN PA'I ZLA THAMS CAD DANG BRAL BA BKA' GDAMS BSTAN PA'I SROG SHING DU GYUR PA RGYAL BA'I GDUR 'TSO BA

, ,CHEN PO NI SEMS DPA' CHEN PO 'CHAD KHA BA YIN LA, SEMS DPA' CHEN PO 'DI'I RNAM THAR NI 'CHAD BAR 'GYUR LA, GZHAN YANG GTUM STON BLO GROS GRAGS LA SOGS PA 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DE LA GTUM STON BLO GROS GRAGS PA NI SHAB SGO LNGA'I LCAGS MKHAR RTZE'I DBU MANG DU ME PHO KHYIL 'KHRUNGS, GDUNG RUS GTUM, RDOG TSO'I MKHAN PO LDOG COD PA CHEN PO LAS RAB TU BYUNG ZHING BSNYEN PAR RDZOGS, MKHAN PO DE NYID DANG RGYA 'DUL 'DZIN LA 'DUL BA LEGS PAR BSLABS TE 'DUL BA'I BSHAD PA YANG MDZAD, DE NAS DBUS SU BYON TE SHA RA BA LO BCU'I BAR DU BSTEN CING MNYES PAR MDZAD DE, BKA' GDAMS KYI YON TAN MA LUS PA THUGS SU CHUD PAR MDZAD, SHAR BA MYA NGAN LAS 'DA' KHAR, DGE 'DUN LA ZHAL CHEMS GNANG BA'I RJES LA GTUM STON BLO GROS GRAGS PA LA GTZANG PA 'DUL 'DZIN ZHES BOS TE, CHOS KYI 'PHRO CUNG ZAD GNANG NAS, LHAG MA SKYES BA PHYI MA LA BYED PA YIN NO, ,KHYOD KYANG DGE SLONG BZHI SDE RE DANG 'GROGS SHIG CES GSUNGS NAS SHA RA BA LCAGS BYA LA SKU GSHEGS, DE NAS CHU BYA'I BAR GNAS CI RIGS PAR BZHUGS NAS DE RJES SNAR THANG GI MDA'I THANG STONG LA LO RA CIG YOD PAR SBYIL PO MDZAD NAS 'AM BU 'DIR DGE SBYOR BYED PA YIN GSUNGS TE, THOG MAR CHU MO BYA LA PHEBS DGE SLONG BZHI SDE DANG BCAS TE DGON PA BTAB NAS LO BCU BZHI BZHUGS, DE

RJES LA STOD BYANG GI RTA SDE CHOS LUNG DU BYON NAS THUGS DAM MDZAD, DRUG CU RTZA GCIG PA ME PHO KHYI'I LO RGYAL GYI ZLA BA'I NYI SHU GSUM LA MYA NGAN LAS 'DAS, 'DI LA CHES LUNG SKU GSHEGS ZHES KYANG GRAGS SO, ,GTUM STON BLO GROS GRAGS KYI RJES SU SNAR THANG GI GDAN SAR SDO STON SHES RAB GRAGS PA, ZHANG BTZUN RDO RJE 'OD, DPAL LDAN GRO MO CHE, CHOS KYI BLA MA, THUGS RJE CHEN PO'I SPRUL PA SANGS RGYAS SGOM PA, MCHIMS CHEN MO NAM MKHA' GRAGS SOGS RIM GYIS BYON TE, MCHIMS NAM MKHA' GRAGS 'DIS SNAR THANG DU SDE SNOD GSUM GYI BSHAD PA RGYA CHER SPEL ZHING, SHING RTA CHEN PO RNAMS KYI GZHUNG PHAL CHE BA 'GA' ZHIG LA 'GREL PA, 'GA' ZHIG LA BSDUS DON MDZAD, 'DIS MDZAD PA'I MNGON PA MDZOD KYI tIKA CHEN NGO MTSAR RMAD DU BYUNG BA ZHIG KYANG YOD DO, ,BDAG NYID CHEN PO 'DI 'PHAGS PA'I GNAS BRTAN GYI SPRUL BAR GRAGS SHING 'DI'I RING LA GNAS BRTAN BCU DRUG SNAR THANG DU YANG YANG ZHAL 'DZOM PA BYUNG ZHING; 'GRO MGON CHOS RGYAL 'PHAGS PA DANG, BCOM LDAN RIG RAL DANG, DBUS PA BLO GSAL DPON SLOB SOGS BSTAN 'DZIN CHEN PO MANG POS KYANG 'DI'I ZHABS LA GTUGS SHING, GTZO BOR BYANG CHUB LAM GYI RIM PA RGYA CHER BSHAD NAS DPAL SNAR THANG BSTAN PA MA TSANG BA MED PA'I 'BYUNG GNAS SU BSGRUBS SO, ,'DI'I RJES SU SNAR THANG GI GDAN SAR SKYO STON PA DANG MKHAN CHEN NYI MA RGYAL MTSAN PA SOGS RIM PAR BYON ZHING, RJE SHES RAB

, ,SENG GE DANG, RJE DGE 'DUN GRUB DANG, 'DUL 'DZIN BLO GROS SBAS PA SOGS BSTAN PA'I NYI MA CHEN PO MANG DU BYON TE RJE DGE 'DUN GRUB PA YAB SRAS KYI BAR DU BYON PA THAMS CAD TSUL KHRIMS RNAM BAR DAG CING, SDE SNOD LA NANG BYAN CHUD BA, 'CHAL PA DANG, DAM NYAMS DANG, 'DRES KHYER GYIS MA BSLAD PA, DGE BSHES STON PA NAS BRGYUD PA'I RNAM PAR THAR PA DRI MA MED PA 'DZIN PA SHA STAG YIN LA, BKA' GDAMS GZHUNG PA'I BSHAD SROL LA BRTEN NAS SKYES BU GSUM GYI LAM GYI RIM PA 'CHAD PA DANG NYAN PA DANG SGOM PAR NAMS GTZO BOR 'DON ZHING, SHING RTA CHEN PO'I GZHUNG SBYI DANG KHYAD PAR BYANG SA DANG MDO SDE RGYAN SKYES RABS DANG TSOM, BSLAB BTUS DANG SPYOD 'JUG STE GZHUNG DRUG PO DE SKYES BU GSUM PO'I LAM GYI MAN NGAG TU RTZAL DU BTON NAS 'CHAD NYAN MDZAD CING BLO SBYONG DON BDUN MA DANG BKA' GDAMS THIG LE BCU DRUG LKOG CHOS SU MDZAD DE NYAMS LEN MDZAD DO; ;DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN SHA RA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR BSTAN PA YONGS RDZOGS NYAMS LEN GYI LUS GCIG TU DRIL BA'I MAN NGAG BYANG CHUB LAM GYI RIM PA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,BYANG CHUB THUGS KYI BKA' BAB 'CHAD KHA BA, ,ZHES

BSNGAGS PA SEMS DPA' CHEN PO 'CHAD KHA BA NI, LCAGS MO SBRUL LA LO ROR YAB 'PHAGS PA SKYABS DANG, YUM BSOD NAMS SKYID GNYIS KYI SRAS SU 'KHRUNGS, ZHABS LA 'KHOR LO'I MTSAN DANG LDAN PA SOGS SKYE BO DAM PA'I RTAGS DANG LDAN PA ZHIG BYUNG, GZHON NU NAS CHOS KYI BAG CHAGS SAD DE LO ROR BLA MA RAS CHUNG PA DANG MJAL BAS KHONG GI SAR ZLA BA GNYIS TZAM BZHUGS, GDAMS PA MANG DU GSAN NAS TSUR 'BYON KHAR BLA MA'I ZHAL NAS 'DIR BZHUGS KHYOD LA CHOS KYIS PHAN PA CIG 'ONG BAR SNANG GSUNG BAS DER 'BYON PA'I RTZIS SU BYAS NAS TSUR PHEBS, YUL NAS RTA SNGON PO ZHIG LA KHAL BKAL NAS BYON TZA NA LO RO ZHING GSAR NA GNYAL PA CHEN PO CHOS BAR MDZAD CING BZHUGS PAS DAD DE RGYAL BA'I BSTAN PA LA RAB TU 'BYUNG BAR MDZAD BZHED NAS GNAS DER DGUNG LO NYI SHU RTZA GCIG GI THOG BSHES GNYEN RTZI BOR BA LA MKHAN PO ZHUS, CHAG RIN CHEN 'CHANG LA SLOB DPON ZHUS NAS RAB TU BYUNG MTSAN YE SHES RDO RJER BTAGS, DER RDO RJE BTZAN PO RA'I CHOS 'KHOR GYI RIM GRO LA BLA MA RAS CHUNG BA SPYAN DRANGS PA'I PHYAG PHYIR THEGS, BLA MAS SBYIN SREG LAN NYI SHU LHAG TZAM MDZAD NAS DA RES KYI 'DI LA RTA GCIG GI TSIGS PA BUR BA ZHIG KYANG MI 'ONG BA NGA RANG GIS KHAS LEN GSUNGS NAS CHOS 'KHOR LA NI MA BZHUGS PAR BZHUD, CHOS 'KHOR DE LA GLANG GNYOS LA SOGS PA'I GNYAL LO

, ,RO BYAR GSUM GYI DGE BSHES DPAG TU MED PA 'TSOGS, LO TZ'A BA YANG GSUM BZHI BYON, CHOS 'KHOR DE LA RDOG LO LA SOGS PA'I SDE SNOD 'DZIN PA MANG PO DBU MA DANG SEMS TZAM SOGS KYI GLENG SLANG MANG PO MDZAD KYIN SNANG BAS DE CHOS JI SKAD BYA BA YIN DRIS PAS GRUB MTHA' BYA BA YIN ZER, DES THUGS PHROGS NAS GNYAL DU YANG GRUB MTHA' RTZAD DPYAD GNAS DER 'DUL BA 'DZIN PA TSA RONG PA DANG, ZHANG SHES RAB SBRING DVAGS PO GTZANG 'DUL BA RNAMS LA MKHAN SLOB ZHUS NAS DGUNG LO NYI SHU RTZA GSUM LA BSNYEN RDZOGS MDZAD, DE NAS SHA MI LA 'DUL BA GSAN CING BZHUGS TZA NA YAR KLUNGS SU CHOS 'KHOR CHEN PO ZHIG BYUNG BA'I DUS DGE BSHES GNYAGS DANG, SHA MI DANG, MAR 'GOS LA SOGS PA DGE BSHES BTZAN LA MDO SDE RGYAN GSAN PA GZIGS PAS DER BTZAN LA DAD PAR BYUNG STE DGE BSHES BTZAN LA MDO SDE RGYAN TSAR DRUG GSAN, ZHAR CHOS PA DANG BCAS PAS RTZA 'GREL TSAR PHYED DANG BCU GNYIS GSAN, DGE BSHES 'CHAD KHA BA 'DI SNGAGS PA ZHIG GI RIGS SU 'KHRUNGS TE YAB KYI PHA CHOS SNGAGS RNYING MA'I GLEGS BAM MANG PO LA'ANG GZIGS, RAS CHUNG BA LAS RJE BTZUN MI LA'I GDAMS NGAG RNAMS ZHUS TE SNGAGS GSAR MA'I RGYUD DANG RGYUD 'GREL GYI GLEGS BAM MANG PO LA'ANG GZIGS, DGE BSHES BTZAN DANG BYA YUL BA LA SOGS PA BLA MA GZHAN YANG MANG PO LA GTUGS TE SDE SNOD GSUM DANG GZHUNG LUGS MANG PO LA'ANG SBYANGS, KHYAD PAR GRUB MTHA' BZHI LA MKHAS PAR SBYANGS TE MDO SNGAGS KYI PO TI

BRGYA TZAM ZHIG THUGS LA BZHUGS KYANG, THUGS KYI GTING NA NGES PAR 'TSANG RGYA BA LA CHOS GZHAN ZHIG YOD YONG DGONGS TE THUGS KYI GTING MI BDE ZHING BLO THAG MA CHOD PA ZHIG NAR MAR BYUNG, DE NAS DGE BSHES MYANG LCAGS ZHING PA LA BLO SBYONG TSIG BRGYAD MA GSAN, DE NAS LUGS SMAD PA CAN DU BYON NAS SNE'U ZUR PA'I LUGS KYI LAM RIM GYI KHRID GSAN LUGS SMAD PAS DANG PO PHU CHUNG BA'I LUGS KYI RTEN 'BREL YANG PHA BONG KHA PA LAS GSAN PAS DGE BSHES LUGS SMAD PA LA RTEN 'BREL GYI KHRID DE YANG GSAN, NYAN SA DANG, BYANG CHUB SEMS DPA'I SA LA SOGS PA GSAN TE LO BZHI BSTEN, DGE BSHES DOL BA LO LNGA BSTEN NAS BE'U BUM SNGON PO LA SOGS PA GSAN, GRA'I SO THANG PA LA RDO RJE RNAM 'JOMS GSAN, KHONG LA BDAG DBU RU BYANG DU BKA' GDAMS SHIG NYAN DU 'GRO BAS BRTAG PA CIG MDZAD DGOS ZHUS PAS, KHYOD YANG DAG PA'I DGE BA'I BSHES GNYEN ZHIG DANG MA MJAL BAR LA DMYAL BA'I ME NANG DU BSREGS KYANG BAR CHAD MI 'BYUNG BAR NGAS SHES KYI GSUNG, DE NAS GLANG RI THAD PA LA DAD NAS MJAL DU BYON TE LHA SAR PHEBS DUS GLANG RI THANG PA 'DAS ZER BA GSAN, DA 'O NA KHONG GI SHUL NA RTOGS PA GANG MTHO DRIS PAS, GNYAN MTHO ZER NAS 'KHOR GNYIS BLTAR BTANG, KHONG RANG GIS LHA SAR GSOL BA 'DEBS KYIN BZHUGS, DER 'KHOR GNYIS LOG BYUNG NAS, GNYAN DANG, BA WA, MDO SDE GSUM GDAN SA LA MA MTHUN PAR 'DUG ZER BA GSAN PAS, GDAN SA LAM MTHUN NA

, ,BLO SBYONG GI RE BA MED SNYAM DU GLANG THANG DU 'BYON RTZIS BSHOL, 'ON KYANG DGE BSHES DE GSUM GDAN SA LAM MTHUN PA DE CHE 'DOD KYIS MA MTHUN PA MIN, DGE BSHES GLANG THANG PA'I RNAM THAR LTAR GSUM GAS DMA' SA BZUNG STE GCIG LA GDAN SA BSKOS NA NGA BAS NYID CAG YON TAN CHE BAS NGA MI 'OS NYID CAG GIS MDZAD DGOS ZHES ZER, GZHAN GNYIS KYANG DE LTAR ZER NAS MA MTHUN PA YIN ZHES BKA' GDAMS GONG MA'I GSUNG SGROS LAS 'BYUNG NGO, ,DE NAS DGE BSHES 'CHAD KHA BA RANG LO SUM CU PA LCAGS KHYI LA SHAR BA CHEN PO ZHO'I KHANG PAN BZHUGS PA'I SPYAN SNGAR MJAL, DBYAR DE NYAN THOS KYI SA GSUNG ZHING 'DUG PA NYAN PAS, BYINGS SE NYOG SE BA CIG LAS BLO KHUL BA MA BYUNG, DER BLO SBYONG GI TSIG GSAL BAR MA BYUNG BA LA NYIN GCIG GRVA BA RNAMS STON MO LA SONG NAS, DGE BA'I BSHES GNYEN SHA RA BA 'BUM PA LA BSKOR BA MDZAD PA'I DRUNG DU PHYIN NAS KHONG RANG GI PHYAM TSE BTINGS TE, DGE BA'I BSHES GNYEN PA 'DIR BZHUGS PAR ZHU DANG ZHUS PAS, DER SDAD NAS CI BYED GSUNG, GROS SHIG ZHU BA LAGS BYAS PAS, NGAS GROS THAG THAMS CAD CHOS KHRI'I KHA NAS BCAD PA YIN, DER MA CHOD PA CI YOD GSUNGS, BDAG GIS MTHONG BA'I DPE CIG NA, ,KHE DANG RGYAL KHA GZHAN LA BYIN, ,GYONG DANG BUB KHA RANG GIS LONG, ,ZER BA CIG GDA' BA 'DI ZAB MI ZAB JI LTAR LAGS, GNAS KHANG MA RNYED PA DANG, GROGS KYIS BLO RTZA

G-YENGS PA SOGS BYUNG DUS SEMS LA PHAN BAR BYUNG BA LAGS ZHUS PAS, DGE BA'I BSHES GNYEN SHAR BA'I ZHAL NAS, JO BO STON PA, KHYOD KYI SEMS LA PHAN MI PHAN GYI KHA NA CI YOD, YANG DAG PA'I SANGS RGYAS MI SGRUB NA PHAR ZHOG ,SGRUB NA CHOS DE LA MA BRTEN PAR 'GRUB MI SRID GSUNG, 'O NA BDAG CAG LUNG CHOS PA LAGS PAS, DE LA LUNG ZHIG DRANG BAR ZHU ZHUS PAS, MGON PO KLU SGRUB LA TSAD MAR MI 'DZIN PA SU YOD, DES RIN PO CHE'I PHRENG BAR, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES BYA BA GSUNGS PA LAGS GSUNG, 'O NA BDAG LA DE'I GDAM PA CIG ZHU 'TSAL ZHUS PAS, JO BO RANG RKYEN THUB PAR GYIS SHIG ,NGAS GDAMS NGAG RNAMS RIM GYIS BYA'O GSUNGS NAS BLO SBYONG GI KHRID LO BCU GNYIS NYAMS KHRID DU BSKYANGS PAS, BYANG CHUB KYI SEMS KYIS THUGS RGYUD GANG NAS BDAG GCES 'DZIN GYI 'KHRI BRTZAD NAS CHOD PA BYUNG STE, ZHAL NAS, SNGON SBYANGS LAS KYI 'PHRO SAD PAS, ,RANG GI MOS BA MANG BA'I RGYUS, ,SDUG BSNGAL GTAM NGAN KHYAD BSAD NAS, ,BDAG 'DZIN 'DUL BA'I GDAMS NGAG ZHUS, ,DA NI SHI YANG MI 'GYOD DO, ,ZHES BLO SBYONG LA GDENG THOB PA'I GSUNG BYON NO, ,DGE BSHES SHA RA BA DE TSOGS PA STONG PHRAG MANG PO LA LAM RIM GYI KHRID DANG, BYAMS CHOS SDE LNGA, SA SDE RNAMS RGYUN DU RGYA CHER GSUNG BAR MDZAD KYANG BDAG GZHAN MNYAM BRJE'I MAN NGAG MTHAR THUG PA RNAMS DGE BSHES 'CHAD KHA BA SOGS RE GNYIS LA

, ,LKOG TU GNANG BA LAS TSOGS SU MI GSUNG, LAN CIG RGYUD BLA GSUNG BA NA, BDAG GI DGE BA DANG BDE BA JO BO SEMS CAN LA GTONG, SEMS CAN GYI SDIG BA DANG SDUG BSNGAL THAMS CAD RANG GIS BLANGS DGOS PA YIN TE, THUGS KYIS LCOGS NA DE BZHIN DU MDZOD CIG GSUNG BAS, NGA LA 'KHRIG YOD PAS GO ,GZHAN GO BA TZAM YANG MI 'DUG GSUNG, YANG DGE BSHES 'CHANG KHA BA'I ZHAL NAS, SHA RA BA LA 'DI RTZAD MCHOD KYI RING LA JI TZAM BA'I CHOS DANG GDAMS NGAG THOS KYANG SANGS RGYAS SGRUB BA LA DA DUNG 'DI TZUG MIN BA CIG GSHED NA YOD DE 'ONG SEMS PA MIN PA KHO THAG CHOD PA MA BYUNG BA LA, DGE BSHES SHAR BA LAS 'DI RTZAD CHOD PA DANG, DA BYUNG 'DI LAS LHAG PA GANG NA'ANG MED SNYAM NAS THAG CHOD, 'GRAM CHU MI LDANG NYAN SNYING MI 'DOD, LHOD SONG BA CIG BYUNG GSUNG, DGE BSHES 'CHAD KHA BA 'DIS DANG POR DGE BA'I BSHES GNYEN SHAR BA DANG ZHO'I KHANG PAR MJAL BA NAS GNAS DER LO GNYIS, CONG LUNG DGE GONG DU LO DRUG ,SHAR BA'I GDAN SA NYID DU LO BRGYAD DE SHAR BA LO BCU GNYIS 'BRAL MED BSTEN TE JO BO RJE YAB SRAS KYI LKOG CHOS BDAG GZHAN MNYAM BRJE'I BYANG CHUB KYI SEMS KYI MAN NGAG RNAMS BUM PA GANG BYOR THOB STE THEG CHEN BSTAN PA'I BDAG POR GYUR TO, ,DE YANG DGE BSHES 'CHAD KHA BA CHEN PO 'DIS DANG POR GNYAL GYI CHOS 'KHOR NAS BZUNG STE, GRUB MTHA' KHO NA RTZAD BCAD, GNYAN

LA MNGON PA NYAN PAS KYANG GRUB MTHA' MANG PO BYUNG, SBYIR DGE BSHES CHEN PO SHAR BA LAS GRUB MTHA' THAMS CAD BYUNG BA YIN, SHAR BA CHEN PO GRUB MTHA' LOGS SU GSUNG BA MED KYANG, SHES RAB LE'U LAS, GRUB MTHA' GSUNG BA'I SA BON DE TZAM LA BRTEN NAS RTZAD BCAD PA YIN, GRUB MTHA' PHYOGS MTHA' DAG RGYUS YOD PA SHAR BA CHEN PO LAS MI SNANG, TSOGS SU GRUB MTHA'I ZUR TZAM LAS MI 'ONG BAR SNANG GSUNG, SHA RA BA GSHEGS NAS 'CHAD KHA PAS 'KHOR RNAMS LA GRUB MTHA' BZHI'I CHOS 'DI STONG THUN DU GSUNGS, DE NAS SGYER SGOM CHOS GRAGS KYIS NAS RJANG BA GANG PHUL NAS YI GER BSDEBS PAR ZHUS NAS MKHA' RU BYA BA DER YI GER BSDEBS, DANG POR YI GE 'DI SU'I LAG TU SONG BA NGA DANG KHYAD MED PA 'ONG, RANG GI RGYUD LA SEMS PA MIN PA BSHAD DGOS SNYAM PA MED PA LA, KHA ZAD ZAD DU BSHAD KYANG MI GO BA CIG BYUNG, DBU MA PA'I TSIG BDUN PO DE LA BSHAD PA ZHIG DGOS SNYAM PA CIG YOD CES GSUNG, SHA RAB GSHEGS RTING LO SUM CU RTZA BZHI BZHUGS TE BAS MTHA' RNAMS SU THUGS DAM GYI GTZO BO BYANG CHUB KYI SEMS GNYIS LA MDZAD CING, ZHABS DRUNG DU NYE BAR LHAGS PA RNAMS LA'ANG SHAR BA'I MDZAD PA BZHIN SDE SNOD KYI BSHAD PA DANG, GRUB MTHA'I DKA' GNAD DANG, LAM RIM GYI KHRID 'DEBS BAR MDZAD CING, RE RE GNYIS GNYIS LA BLO SBYONG GI GDAMS BA LKOG CHOS SU MDZAD PAS PHAN THOGS PA'ANG 'GA' RE BYUNG BAS, PHYIS 'DRES PHU SGOM CHEN SDINGS SU

, ,BZHUGS DUS CHOS 'DI TSOGS CHOS SU BSHAD PA'I 'OS MIN, BTUB PA 'GA' LA LKOG KHRID DU BYED PA YIN TE, SU LA PHAN DANG SU LA MI PHAN MI SHES PAR 'DUG ,NYE GNAS KHYOD LA MAR DANG BU RAM YOD NA NANG BAR SGOM CHEN PA RNAMS LA MAR KHU'I BA SHOR 'DREN DANG BUR STON GYIS, NGA'I CHOS 'DI LA MING GCIG 'DOGS PA'I MING STON BYED PA YIN GSUNGS NAS, DE'I DUS SU THEG CHEN BLO SBYONG SNYAN RGYUD CHEN MO'I DON THAMS CAD BSDUS TE, SNGON 'GRO RTEN GYI CHOS BZHI BSTAN PA, DNGOS GZHI BYANG CHUB KYI SEMS GNYIS SBYANG BA, RKYEN NGAN BYANG CHUB KYI LAM DU BSGYUR BA, TSE GCIG GI NYAMS LEN DRIL NAS BSTAN PA, BLO 'BYONGS PA'I TSAD, BLO SBYONG GI NGAM TSIG ,BLO SBYONG GI BSLAB BYA STE DON TSAN BDUN DU BSDUS NAS SA BCAD MDZAD DE YI GER BTAB, BLO SBYONG DON BDUN MA ZHES MTSAN BTAGS, TSOGS CHOS BYED BA'I SROL DE NAS BYUNG BA YIN, DE'I RJES SU MAL GROR BYON NAS 'CHAD KHA RNYING MA'I DGON PA BTAB, DER 'GRO DON LO BCU GCIG BSKYANGS, TSOGS PA DGU BRGYA TZAM 'DUS, SE SPYIL BU BA LA 'CHAD KHA GSAR MA 'DEBS PA'I LUNG BSTAN MDZAD, BYA RGAN GYI MI TSE MTHA' RU SKYEL GSUNG NAS MTHA' PHUR BYON, MTHAR THUG GSUM GYI GDAMS PA LA SOGS BA MDZAD, BLO RGOD GAR SKYES SU SKYAS 'GO SGYUR, ,RTOG DBYOD KUN JI LTAR DGYES DGYES MDZOD, ,BSOD SNYOMS BYED CING RI KHROD 'GRIM, ,SDE DGON KUN JI LTAR DGYES DGYES MDZOD, ,

LHA DANG BLA MA LA GSOL BA 'DEBS, ,YON BDAG KUN JI LTAR DGYES DGYES MDZOD, ,BRAG PHUG TU TSEM BER GYON NAS 'DUG ,PHRUG CHUNG KUN JI LTAR DGYES DGYES MDZOD, ,MA RGAN LHA KLU LA KHA TON BSNGO, ,CHOS BSHAD KUN JI LTAR DGYES DGYES MDZOD, ,GCIG PUR CHU THUG GI MI TSE SKYEL, ,SGYED KHA KUN JI LTAR DGYES DGYES MDZOD, ,GCIG BUR DGE CHOS SPEL BAR BYED, ,BKA' 'KHOR KUN JI LTAR DGYES DGYES MDZOD, ,CES SOGS DANG, LTO RGYAB GNYIS LA GYONG BSKUR NAS, ,RI DVAGS RMAS MA'I BRTUL ZHUGS SPYAD, ,RANG GI 'DOD PA KHYAD BSAD NAS, ,BLA MA'I BKA' STZAL GZHUNG BZHIN BSGRUBS, ,DA NI SHI YANG MI 'GYOD DO, ,ZHES GSUNGS, 'DA' KHA TZA NA YANG 'JIG RTEN NA SGRA GCIG THOS PA LA BLO SBYONG GI SGRA LAS SNYAN PA MED PAS, KHYOD KYIS NGA'I RNA BAR SGROGS SHIG CES PA DANG, DA RES NI 'DOD BTZUG KHA NA'ANG MA BYUNG, SEMS CAN GYI DON DU DMYAL BAR 'GRO 'DOD PA KHO NA YIN PA LA, DA NI BDE PA CAN GYI SNANG BA CIG KHO NA BYUNG GSUNG, GCUNG POS SKU KHAMS ZHAN PAR GDA', THUGS DAM MDZOD CIG ZHUS PAS, BLO SBYONG GI TSIG KHA YAR GSUNGS NAS, KHAMS ZHAN YANG DE LTA BU ZHIG MIN BA GNAS PA TSAM TSOM GYIS SA PHYOD BAR MA MTHONG GSUNG, DE NAS MTHA' PHUR ZLA BA BRGYAD BZHUGS NAS RANG LO DON LNGA BA SHING MO LUG GI SMAL PO ZLA BA'I TSES LNGA'I SROD LA GNAS DE NYID DU MYA NGAN LAS 'DAS, SPUR SBYANGS PAS THUGS LJAGS SPYAN GSUM DANG ME TOG

, ,GI CHAR LA SOGS PA NGO MTSAR CAN MANG DU BYUNG NGO, ,SEMS DPA' CHEN PO 'CHAD KHA BA 'DI BKA' GDAMS GLEGS BAM LAS LUNG BSTAN TE, BKA' GDAMS GLEGS BAM GYI BKA' GDAMS BSTAN 'DZIN RNAMS LUNG BSTAN PA'I THAD LAS, KHYAD PAR DU THEG PA CHEN PO LA BLO SBYONG BA BOD KYI BYANG CHUB SEMS DPA'I YAB GCIG GI YUL MAL GRO'I NANG DU BYON TE 'CHAD PA CHEN PO ZHIG GI STENG DU BLO SBYONG SGOM ZHES SOGS GSAL BAR LUNG BSTAN TO, ,'CHAD KHA BA YE SHES RDO RJE ZHES GRAGS PA'I BDAG NYID CHEN PO 'DIS PHYI MA'I SKYE BO RNAMS KYI DON DU JO BO YAB SRAS KYI DGONGS PA GSAL BAR BYED PA'I BSTAN BCOS MANG DU MDZAD DO, ,BDAG NYID CHEN PO 'DI LA GSUNG LAS SKYES PA'I SRAS MANG DU BYON ZHING MAN NGAG THAMS CAD BUM PA GANG BYOR YOD PA'I BSTAN 'DZIN CHEN PO NI SE SPYIL BU BA'O, ,DES NA BYANG CHUB LAM RIM LA BLO SBYONG BAR 'DOD PA'I GDUL BYA RNAMS KYIS SEMS DPA' CHEN PO 'CHAD KHA BA LA GSOL BA 'DEBS SHING, BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA THEG PA CHEN PO'I LAM GYI 'JUG SGO DANG, GZHUNG SHING DANG SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, MTHAR 'BRAS BU GRUB NAS SEMS CAN GYI DON BYA BA'I BAR GYI LAM GYI GNAD LA NGES PA GTING TSUGS PA BSKYED NAS SA LAM 'BRAS BU DANG BCAS PA THAMS CAD BYANG CHUB KYI SEMS RIN PO

CHE'I KHONGS SU 'DU BAR SHES PAR BYAS NAS BYANG CHUB KYI SEMS RIN PO CHE SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,LUNG RTOGS MNGA' BDAG BYANG SEMS SPYAL BU BA, ,ZHES BSNGAGS PA, SEMS DPA' CHEN PO SE SPYIL BU BA NI, GNYAL STOD DAR MA SGANG DU LCAGS MO GLANG LA 'KHRUNGS, SE ZHES PA RUS MING NGO, ,SNGON YUN RING PO NAS LAM LA SBYANGS PA'I MTHUS SKU GZHON NU NAS GZHAN GYIS BSKUL BA LA MA BLTOS PAR NGES 'BYUNG GI BSAM PA SHUGS DRAG POS KUN NAS BSLANGS TE DGE BSHES CHA PA'I DRUNG DU RAB TU BYUNG, LO LON NAS MKHAN PO DE NYID LAS BSNYEN PAR RDZOGS MTSAN CHOS KYI RGYAL MTSAN ZHES BTAGS, LHAN CIG SKYES PA'I BLO GROS RAB TU GSAL BAS SDE SNOD GSUM GYI BRJOD BYA'I GNAS RNAMS LA MKHAS PA'I PHUL DU PHYIN PAR GYUR, DE'I TSE THUGS BSAM 'DI LTA BU DAG 'KHRUNGS PAR NGES TE, RGYAL BA'I BKA' DANG DGONGS 'GREL GYI BSTAN BCOS THAMS CAD RANG GI RGYUD 'DUL BA'I CHED DU GSUNGS SHING, SHES RGYUD 'DUL BA'I THABS MCHOG TU GYUR PA NI BYANG CHUB LAM GYI RIM PA DANG, DE'I YANG SNYING PO THEG PA CHEN PO'I BLO SBYONG 'DI YIN PAR NGES PAS THEG CHEN BLO SBYANG GI BDAG PO SEMS DPA' CHEN PO 'CHAD KHA BA'I ZHABS LA GTUGS TE LAM RIM BLO SBYONG GI GDAMS PA SLAR SU LA'ANG 'DRI MI DGOS PA PHU THAG CHOD PA ZHIG ZHUS LA TSE DANG SGRUB PA MNYAM PA ZHIG BYED SNYAM PA'I 'DUN PA SHUGS DRAG PO 'KHRUNGS NAS DGE BA'I BSHES

, ,GNYEN 'CHAD KHA BA CHEN PO'I ZHABS DRUNG DU PHEBS TE, DGE BSHES 'CHAD KHA BA LHA SDINGS SU BZHUGS DUS MJAL, BLO SBYONG GI GDAMS PA THOG MAR DER GSAN, LO NYI SHU RTZA BZHI'I BAR DU DGE BSHES 'CHAD KHA BA CHEN PO BSTEN NAS BLO SBYONG KHO NA LA NYAN BSAM BYAS GSUNGS TE, DGE BSHES 'CHAD KHA BA THOG MAR MJAL BA NAS BZUNG NAM GSHEGS KYI BAR DU 'BRAL MED DU BSTEN NAS BLO SBYONG GI GDAMS NGAG ZHUS, SGO GSUM GYI SPYOD PA THAMS CAD BLO SBYONG KHO NA'I GROGS SU 'GRO BA ZHIG MDZAD NAS LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BCOS MIN GYI MYONG BA 'KHRUNGS NAS BDAG NYID MI NYAMS PA'I GDENG THOB PA NA SKAL BA DANG LDAN PA GZHAN MANG PO LA'ANG CHOS KYI BDUD RTZI STZAL, SNGAR 'CHAD KHA BA CHEN POS LUNG BSTAN PA BZHIN, SHING SPRE LA 'CHAD KHA GSAR MA BTAB, BYA 'CHAD KYI NANG RTEN LA SKU LDER RIN PO CHE DANG, PHYI RTEN GYI 'BUM PA LA SOGS PA BZHENGS TE TSOGS BSDUS NAS 'CHAD KHA DANG LHA SDINGS LA SOGS PAR CHOS MANG DU GSUNGS SHING, BLO SBYONG LA'ANG TSOGS CHOS KHO NAR MDZAD, DE NAS DUS NAM ZHIG NA SHIN TU DBEN PA'I GNAS SHIG TU 'BYON BZHED DE BYEN NA BZHUGS PA'I DUS, SPYIL DU 'PHO KHAR DGE SLONG SKYE'U CHUNG NA RE, DGE BSHES CHEN PO'I SLOB MA MANG BA CIG BYON PA LA, SKU TSE THUNG BAR BYUNG BA DE CIS LAN NA NGA'I BSAM PA LA SNGAGS DANG PHA ROL

TU PHYIN PA GNYIS KA LA BLO SBYONG 'DI LAS ZAB BA GANG NA'ANG MI 'DUG PA LA DA LA TSOGS CHOS BYAS PAS DES LAN NGES SNYAM PA CIG BYUNG ZER BAS, DE BDEN, 'DI BAS ZAB BA MED, TSOGS SU BSHAD PA'I 'OS MIN, DGE BSHES 'CHAD KHA BA CHEN PO LA 'DZAM BU GLING GI SA'I CHA MTHA' DAG NAS BLO SBYONG DON DU GNYER BA'I GDUL BYA 'DUS PA NA RE RE NAS KHRID KYIS MA LANG BAS TSOGS CHOS SU GSUNGS, DE SROL DU SONG BA YIN GSUNGS NAS DAM PAR MDZAD, DE NAS SHIN TU DBEN PA LA DGYES PAS, KLUNGS SHOD DU SPYIL BU'I DGON PA BTAB STE RNAM G-YENGS SPANGS NAS STOD DU MKHAR GONG LA KHA DANG, SMAD DU NYUNG ZHING SGANG DU MTSAMS THOB RGYAB NAS LO BDUN MTSAMS DAM POR BCAD NAS LAM RIM BLO SBYONG RTZE GCIG TU SGOM PAR MDZAD, SPYIL DU BZHUGS RANG LA TSOGS CHOS SU LAN GSUM LAS MA GNANG, DE RNAMS KYI DUS SU'ANG TSOGS CHOS KYI 'OS MA YIN TE, KHONG MI CHEN GYIS ZHUS PAS NGO MA BZOD PA YIN, DA TSOGS SU 'DI LAS 'CHAD PA MI 'ONG BAS KHYED RANG THAMS CAD NAN CHAGS GYIS SHIG GSUNG, SPYIL DU MCHOD KHANG RANG YANG MED PAR 'DI KHO NA SBYANG SNYAM PA YIN PA LA GSUNG, THUGS DAM YANG 'DI KHO NA LA MDZAD PAS, YENGS PA LA SOGS PA CI BYUNG YANG BLO SBYONG MI 'CHOR, RTOGS PA YANG 'DI TSIG GIS BGRANGS PA'I DUS SU SKYES PA YIN GSUNG, DE NAS BRAG DKAR GNAS BRTAN LA SOGS PA 'CHAD KHA BA RNAMS KYIS SPYAN DRANGS PAS DGUN CHOS LA 'BYON PAR ZHAL

, ,GYIS BZHES NAS BYON, DE NAS ZHING NAM GSHEGS KYI BAR DBYAR GYI TSUL 'JUG SBYIL BUR MDZAD, DGUN CHOS 'CHAD KHAR MDZAD PA'I SROL BYUNG, 'CHAD KHA BA GSHEGS NAS ME SPRE NAS SA BYA'I BAR DGON PA GONG 'OG TU LO BCU BZHI BZHUGS TE, RANG LO DRUG CU RTZA DGU PA SA MO BYA'I DBYAR ZLA RA BA'I TSES BCU GSUM LA SPYIL BUR DED DPON RGYA MTSO CHEN BO NAS YID BZHIN GYI NOR BU THOB STE RANG YUL DU 'GRO BA DANG, BU BYES SU 'KHYAMS PA PHA KHYIM DU 'GRO BA LTAR DGA' BZHIN SPRO BZHIN DU ZHI BAR GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN PO 'DI NI BKA' GDAMS GLEGS BAM RIN PO CHE NAS GSAL BAR LUNG BSTAN TE, GLEGS BAM LAS, RE ZHIG SPYIL BU MDZAD NAS BZHUGS PAS, DGE SLONG DANG DGE TSUL GYI BYANG CHUB SEMS DPA' DU MA 'DUS TE, SENG LDENG NAGS KYI RI BO LA SENG LDENG NAGS KYI SGROL MAS BYIN GYIS BRLABS PA'I SKYES BU DAM PA GCIG DRUNG DU BSTEN PA LA, BYANG CHUB SEMS DPA' PA'I ZHAL NAS, KHYED SNGON BDAG CAG GI BLA MA RGYAL BA'I 'BYUNG GNAS KYI BLA MA SE BTZUN BYA BA ZHIG YOD, DE YIN PAR 'DUG DE'I RIGS SU'ANG GDA', DA KHYED RANG KLUNGS SHOD KYI NANG NA SPYIL BU BYA BA'I LUNG PA YOD, DE LHAS BYIN GYIS BRLABS PA'I YUL YIN DER SONG, KHYED LA SH'AKYA'I GDUNG RIGS 'DZIN PA LHA'I LHA ZHIG NAS LNGA LAS MI NYUNG BAR 'BYUNG, ZHES GNAS DANG

BCAS PA GSAL BAR LUNG BSTAN TO, ,'DIS NI LHA LUNG GI DBANG PHYUG DANG, LHA 'GRO BA'I MGON PO GNYIS KYANG BKA' GDAMS BSTAN 'DZIN CHEN POR LUNG BSTAN PA YIN NO, ,SEMS DPA' CHEN PO SPYIL BU BA 'DI LA BSTAN 'DZIN GYI SLOB MA MANG DU BYUNG BA'I NANG NAS BYANG CHUB LAM GYI RIM PA'I MAN NGAG YONGS SU RDZOGS PA BUM PA GANG BYOR THOB PA'I SRAS KYI THU BO NI LHA LUNG GI DBANG PHYUG GO ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO 'DI LA GSOL BA 'DEBS SHING, SEMS DPA' CHEN PO 'DI'I RNAM THAR LTAR BRTZON PA THAMS CAD GCIG TU DRIL TE BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,, DRI MED LUNG GI DBANG PHYUG MKHAS PA'I MCHOG ,CES BSNGAGS BA, BSHES GNYEN CHEN PO LHA LUNG GI DBANG PHYUG NI, PHO BRANG KHANG DMAR DU YAB JO BO RNAL 'BYOR, YUM SNA NAM BZA'I DPAL 'DREN GNYIS KYI SRAS SU SA PHO STAG GI LO CHO 'PHRUL ZLA BA'I TSES BCO LNGA'I NYI MA SHAR BA DANG DUS MTSUNGS PAR SKU 'KHRUNGS, BYIS PA CHUNG DU'I GNAS SKABS NYID NAS SGO GSUM GYI SPYOD PA THAMS CAD ZHI ZHING DUL BA DANG, GZHAN GYIS BSKUL BA LA MI BLTOS PAR DAM PA'I CHOS 'TSOL BA LA NGANG GIS ZHUGS PA ZHIG BYUNG ZHING, DGUNG LO BRGYAD BZHES PA'I TSE, GU RI BA CHEN PO LA BSNYEN GNAS DANG, CHOS SPYOD MANG PO'I LUNG ZHUS TE CHOS BZHIN SPYOD PAS DUS 'DA' BAR MDZAD, DE'I DUS SU THUGS

, ,BSAM 'DI LTA BU DAG 'KHRUNGS PAR NGES TE, BDAG RIGS MTHON POR SKYES SHING 'BYOR PA DANG LDAN YANG YUD TZAM NAS NGES PAR 'DOR DGOS PAS MI RTAG PA, MI BRTAN PA, YID BRTAN MI RUNG BA, BSLU BA'I CHOS CAN 'DI LA CHAGS BAS CI ZHIG RUNG, DA LTA RGYAL BA'I BSTAN PA'I SNYING BO MTHAR THUG PA DPAL LHA CIG DI PAm KA RA'I CHOS RGYUD MA NYAMS PAR YOD PA'I SKABS 'DIR RGYAL BA'I BSTAN PA LA ZHUGS NAS RGYAL BA DGYES PA'I CHOS RNAM PAR DAG PA ZHIG CI NAS KYANG BYA SNYAM DU 'DUN PA DRAG PO 'KHRUNGS SHING, DAM PA GONG MA'I RNAM THAR LA YID SMON RGYUN DU MDZAD, DE DUS SNE'U ZUR PA'I MTSAN THOS BA TZAM GYIS DAD PA SKYES, DE NAS DA NI NGES PAR MI GTZANG BA'I 'DAM RDZAB LTA BU KHYIM GYI GNAS 'DI DOR NAS RAB TU 'BYUNG BAR BYA'O SNYAM DU THAG BCAD DE DGUNG LO BCU BZHI BA LA GU RI BA LA DGE BSNYEN GYI SDOM PA MNOS, BCO LNGA LA RGYA DUR GYI MKHAN PO KLUBS DKAR DANG, DGE BSHES GTZANG PA KHYUNG PO SPYAN DRANGS TE, KLUBS DKAR GYIS SLOB DPON DANG, KHYUNG PO LA MKHAN PO ZHUS TE BYA SAR RAB TU BYUNG, MTSAN BYANG CHUB RIN CHEN DU BTAGS, DE'I TSE MKHAN SLOB LA 'DUL BA'I BSLAB BYA LEGS PAR GSAN NAS PHYAG LEN LA THEBS PAR MDZAD CING, KA RI KA LNGA BCU PA GSAN NAS THUGS SU CHUD PAR MDZAD, DGE TSUL GYI BSLAB BYA RGYAS PAR STON PA 'DUL BA SUM BRGYA PA TSAR GNYIS GSAN, 'DUL BA LUNG LA'ANG LEGS PAR GZIGS

TE BSLAB BYA PHRA RAGS RNAMS MA 'DRES PAR MKHYEN CING JI LTAR MKHYEN PA LTAR PHYAG LEN LA BTAB, 'DUL BA'I BSLAB BYA BSRUNG BA GZHIR BZUNG NAS SDE SNOD GSUM GA LA SBYANGS TE MKHAS PA'I PHUL DU PHYIN PAR GYUR, SKAL BA DANG LDAN PA KHA SHAS LA CHOS KYANG GSUNGS, DGE BSHES 'CHAD KHA BA'I SKU 'BAG GCIG GZIGS PAS SHIN TU DAD DE, 'DI JI SKAD BYA BA YIN BYAS PAS 'CHAD KHA BA YIN 'DAS ZER, DA LTA SE BZHUGS BYAS PAS DAD DE SEMS DPA' CHEN PO SE SPYIL BU BA'I SAR BYON TE BSAM SBYOR GNYIS KYIS TSUL BZHIN DU BSTEN, GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA'I KHRID GSAN TE NYAMS SU BZHES, RGYAL BA'I GSUNG RAB DGONGS 'GREL DANG BCAS PA THAMS CAD DANG, KHYAD PAR BKA' GDAMS GZHUNG DRUG BYANG CHUB LAM GYI RIM PA'I MAN NGAG TU NGO 'PHROD DE BYANG CHUB LAM RIM LA NYAMS LEN CHIG SGRIL DU MDZAD PAS SEMS DPA' CHEN PO SE SPYIL BU BA THUGS GTING NAS DGYES PAR GYUR, DER BZHUGS PA'I GRVA PA THAMS CAD KYIS DANG BA CHEN POS SPYIL BU ZHIG BRTZIGS, DGUNG LO NYI SHU RTZA BZHI LA SE'I ZHAL NAS DGE SLONG GYIS GSUNG BAS, RGYA SAR SGANG NAS MKHAN PO GLAN GDAN DRANGS NAS MKHAN PO ZHUS , SLOB DPON ZHANG GIS LAS CHOG PA MDZAD, GNYAGS KYIS GSANG STE BA MDZAD DE BSNYEN PAR RDZOGS, DUS DE'I TSE KHA CHE PAn CHEN SH'AKYA SHR'I YANG BOD DU BYON PAS KHA CHE PAn CHEN LA CHOS MANG DU ZHUS, GZHAN YANG DGE BA'I BSHES GNYEN

, ,MKHAS PA MANG DU BSTEN TE RGYAL BA'I BKA' BOD DU 'GYUR RO COG THAMS CAD KYI LUNG THOB PAR MDZAD, BKA' GDAMS GZHUNG DRUG SOGS SHING RTA CHEN PO'I GZHUNG RNAMS LAS BOD NA LUNG RGYUN GANG BZHUGS THAMS CAD RTZAD DPYAD DE THOB PAR MDZAD, DRI MA MED PA'I RIGS PA'I SNANG BA CHES CHER RGYAS TE BSTAN PA YONGS RDZOGS KYI GNAD LA 'KHRUL MED KYI NGES PA BRTAN PO RNYED PA NA TSE 'DI'I G-YENG BA THAMS CAD BCAD DE RUG PAR SKU MTSAMS DAM PO MDZAD, DE DUS BSAG SBYANG GTZO BOR BTON PAS THOG MAR BCOM LDAN 'DAS SMAN BLA'I LHA TSOGS RNAMS ZHAL GZIGS, JI LTAR DANG BA'I CHU NANG DU ZLA GZUGS 'CHAR BA LTAR SANGS RGYAS DANG BYANG SEMS MANG PO'I ZHAL MTHONG ZHING, LHA SAR BYON DUS JO BO RIN PO CHE'I THUGS KA NAS 'OD ZER 'PHROS TE NYID GYI THUGS KAR THIM PA'I SNANG BA BYUNG, BYAMS SNYING RJE BYANG CHUB KYI SEMS SGOM PA LHUR MDZAD PAS MGON PO SPYAN RAS GZIGS NAM 'DOD DU ZHAL GZIGS, DE'I GNAD KYIS LHA KHU DBON GYI THANG KA ZHAL SPROD 'DI 'DRI BA'I DBUS SU BCU GCIG ZHAL 'DRI BA'I SROL YANG DAR, LUNG RIGS DU MA LA DBANG BSGYUR ZHING BKA' 'GYUR RO 'TSAL GYI LUNG BZHUGS PAS LHA LUNG GI DBANG PHYUG CES GRAGS SHING; LHA CHEN PO'ANG ZER, DON 'DI LA DGONGS NAS RJE THAMS CAD MKHYEN PAS KYANG, DRI MED LUNG GI DBANG PHYUG MKHAS PA'I MCHOG ,CES BSNGAGS PA MDZAD DO, ,MKHAS PA CHEN PO 'DI'I GSUNG SGROS LA BRTEN PA'I 'CHAD KHA

BA'I GRUB MTHA' GCES BSDUS LA t'IKKA CHEN PO ZHIG DANG, BLO SBYONG GI ZIN BRIS RGYAS PA LEGS PA CIG KYANG YOD CES BKA' GDAMS CHOS 'BYUNG LAS GSUNGS SO, ,LHA LUNG GI DBANG PHYUG 'DIS DGE BA'I BSHAS GNYEN SE SBYIL BU BA CHEN PO THOG MAR MJAL BA NAS NAM GSHEGS KYI BAR TSUL BZHIN DU BSTEN, SPYIL BU BA GSHEGS NAS LCAGS PHO KHYI'I LO SPYIL BU DANG 'CHAD KHA'I GDAN SA MDZAD DE BKA' GDAMS GZHUNG PA'I LUGS SROL LEGS PAR BSKYANG BA'I SGO NAS CHU PHO 'BRUG GI BAR LO BZHI BCU RTZA GSUM GDAN SA MDZAD CING BSTAN 'GRO'I DON RGYA CHER MDZAD DE, RANG LO BDUN CU RTZA LNGA PA CHU 'BRUG GI CHO 'PHRUL ZLA BA'I TSES BCO LNGA LA ZHI BAR GSHEGS SO, ,MKHAS PA CHEN PO 'DI LA SLOB MA MANG DU BYUNG ZHING SRAS KYI THU BO BKA' GDAMS GZHUNG PA'I MAN NGAG THAMS CAD BUM PA GANG BYOR MNGA' BA NI LHA 'GRO BA'I MGON PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR RGYAL BA'I GSUNG RAB DGONGS 'GREL DANG BCAS PA MTHA' DAG TSIG DANG DON GYI SGO NAS 'DZIN PA'I SMON LAM GDAB CING, GTZO BOR GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA SGOM PA LA BLO NUS CI YOD KYIS 'BAD PAR BYA'O,, ` ,,KHAMS GSUM 'GRO BA'I MGON PO RIN PO CHE, ,ZHES BSNGAGS PA, LHA 'GRO BA'I MGON PO NI PHO BRANG KHANG DMAR DU YAB

, ,JO 'BAG DANG, YUL LHA 'BRI SGANG BA'I LCAM MO LHA CIG 'DZAM GLING RGYAN GNYIS KYI SRAS SU ME PHO RTA LA 'KHRUNGS, SKU GZHON NU NAS DAM PA'I CHOS 'TSOL BA LHUR LEN PA ZHIG BYUNG STE, LO DRUG LON PA'I TSE KONG 'DUL BA 'DZIN PA CHEN PO LA BSNYEN GNAS KYI SDOM PA MA NOS, DE NAS KHYIM GYI GNAS BTZON RA LTA BUR MTHONG STE NGES 'BYUNG SHUGS DRAG POS BSKUL NAS LO BCU DRUG PA LA 'CHAR KHAR KHU BO'I DRUNG DU BYON NAS DGE BSNYEN GYI SDOM PA MA NOS, DE'I MOD LA SKYOR MO LUNG DU SPAL TI LA MKHAN PO DANG, GROS BA'I DGE BSHES GNAS BRTAN LA SLOB DPON ZHUS TE RAB TU BYUNG NAS MTSAN DBANG PHYUG 'OD DU BTAGS, PHYIS PO TOR DGE BSHES GNAS BRTAN LA MKHAN PO DANG, SU GU DO NAS DGE BSHES RGYAL TSA GDAN DRANGS NAS LAS KYI SLOB DPON ZHUS, JO BTZUN PAS GSANG STE STON PA MDZAD DE BSNYEN PAR RDZOGS NAS 'DUL BA'I BSLAB BYA RNAMS LEGS PAR BSLABS TE PHYAG LEN LA THEBS PAR MDZAD, DE NAS RANG GI KHU BO LHA LUNG GI DBANG PHYUG BSAM SBYOR GNYIS KYIS TSUL BZHIN DU BSTEN TE SPYIR CHOS MANG DU GSAN CING, LHAG PAR JO BO YAB SRAS NAS DGE BA'I BSHES GNYEN PO TO BA CHEN PO LA BRGYUD PA'I BKA' GDAMS GZHUNG PA'I MAN NGAG BYANG CHUB LAM GYI RIM PA'I 'OG BSHES GNYEN BSTEN TSUL NAS ZHI LHAG GI BAR DMIGS SKOR RE RE NAS SNYAN RGYUD KYI MAN NGAG GIS NGO SPROD DANG RGYAL BA'I BKA' DANG SHING RTA CHEN PO'I GZHUNG GI STENG NAS NGES PA

PHUL PHYIN 'DREN TSUL RNAMS YONGS SU RDZOGS PAR GSAN ZHING THUGS NYAMS SU BZHES TE GDENG THOB PAR MDZAD, KHU BO LHA LUNG GI DBANG PHYUG ZHING GSHEGS NAS SPYIL BU DANG 'CHAD KHA'I GDAN SA MDZAD DE, CHU MO SPRUL NAS, SA MO LUG GI BAR LO NYI SHU RTZA BDUN BZHUGS NAS BSTAN PA'I BDAG PO MDZAD, PO TO GNAS BRTAN DANG, BKA' GDAMS GZHUNG PA'I BSHES GNYEN RNAMS GROS MDZAD DE PO TO SDE MA LAG DANG BCAS BA PHUL, KONG PO NAS RTA BAR, BU CHU BYANG LUNG GSUM GYIS THOG DRANGS PA'I SDE BA SUM CU TZAM GYIS GTZUG LAG KHANG GI LDE MIG GTAD NAS PHUL, DVAGS PO NAS BLA MDA', KAN NA MO SHOD KYIS THOG DRANGS PA'I SDE PA MI SDE DANG BCAS PA PHUL, PHYIS KYANG YUN RING POR DE RNAMS SU DKON GNYER DANG MI DBON BSKOS, GNYAL NAS ZANGS BO CHE PAS GDAN DRANGS TE SKU 'BUM CHEN MO'I RAB GNAS MDZAD, ZANGS PO CHE SDE MA LAG DANG BCAS PA PHUL NAS GTZUG LAG KHANG GI LDE MIG PHUL, RONG RTZE DKAR DU GDUNG KHANG CHEN MO'I RAB GNAS LA SPYAN DRANGS NAS SDE MA LAG DANG BCAS PA PHUL, DUS PHYIS KYANG ZANGS PO CHE DANG, GRVA SKOR NA SPYIL BU BA'I CHOS RGYUD 'DZIN PA MANG DU BYUNG NGO, AE NA'ANG BU DAL LA SOGS PA NAS YON BDAG DANG BU SLOB MANG DU BYUNG, THUN MONG BA BYANG CHUB LAM GYI RIM PA DANG, THUN MONG MIN PA RDO RJE THEG PA'I LAM LA SPYANGS TE BSNYEN SGRUB MDZAD BAS YI DAM MANG PO'I ZHAL GZIGS SHING LHAG BAR MI G-YO BA DNGOS SU GRUB PAS MI G-YO BA'I SPRUL BAR GRAGS PA BYUNG, YAR

, ,KLUNGS SU GONG PO RIR SENG GE SGRA'I ZHAL GZIGS, PO TO NA DGE BSHES 'DI LA CHOS GSUNG BA'I THUB PA'I SKU GCIG KYANG BZHUGS, BSTAN PA'I NANG MDZOD 'DUL BA GTZO BOR MDZAD PAS SPYIL BUR TSUL BZHUGS GCIG GI STENG DU GNAS BRTAN BCU DRUG DNGOS SU BYON PAS, 'GRO BA'I MGON PO LA GNAS BRTAN BCU DRUG GIS BSKOR BA'I THANG SKU YANG MANG DU 'PHEL, DBYAR GNAS KYI TSE GNAS BRTAN BCU DRUG GI TSUL SHING RE YANG LEN; MANG JA'I DUS SU GNAS BRTAN GSOL 'DEBS 'CHAG MED MDZAD, LHA SAR JO BOS CHOS GSUNGS SHING RA SGRENG DU BYON PA'I TSE JO BO RJE DPAL LDAN AA TI SHAS ZHAL DNGOS SU BSTAN NAS GDAMS PA DANG RJES SU BSTAN PA MANG DU STZAL, BDAG NYID CHEN PO 'DI YI DAM LHA'I BSNYEN SGRUB MTHAR PHYIN PAS 'DAM DU LHA MO CHE ZHIG LA GDON ZHUGS NAS SUS KYANG MA THON PA LA DER BYON NAS BGEGS SKROD MDZAD PAS LHA'I MCHAN KHUNG GNYIS NAS PHUG RIN RE 'PHUR ZHING, DE GNYIS SPYANG KIR SONG PA KUN GYIS MTHONG BA BYUNG STE, DE NAS RAB GNAS LEGS PAR MDZAD, 'GRO MGON CHOS RGYAL 'PHAGS PA PHYIR THEGS DUS DGE BA'I BSHES GNYEN GZHAN RNAMS PHYIR LOG ,DGE BA'I BSHES GNYEN 'GRO MGON RIN PO CHE KHYED DANG 'BRAL MI PHOD BAR 'DUG LHAN CIG TU GSHEGS GSUNGS NAS SHA PHO SRANG BAR TSUN BYON, MKHAS BTZUN DANG MI CHEN MANG PO'I DON MDZAD NAS RANG LA DON BZHI PAS MO LUG GI LO STON

ZLA THA CHUNG GI NYER GCIG LA SPYIL BUR GSHEGS SO, ,DE NAS SLOB MA RNAMS KYIS MCHOD PA RGYA CHER BYAS TE SKU GDUNG BZHU BAS LHA SKU LA SOGS PA'I RTEN MANG DU BYON ZHING, KHYAD PAR THUGS LJAGS SPYAN GSUM BYON PA SPYAN SPYIL BU'I NANG RTEN GSER SKU'I NANG DU BZHUGS, THUGS 'CHAD KHA BAS GDAN DRANGS NAS NGO SGRA'I GDUNG KHANG NA BZHUGS, LJAGS SU GU DOR GDAN DRANGS NAS BYANG CHUB CHEN PO'I NANG NA BZHUGS, DUNG G-YAS 'KHYIL BZHI BYON PA LA GCIG RUG PA'I GSER SKUR BZHUGS, GCIG SPANGS BA'I RTEN SKAL LA GDUNG KHANG NA BZHUGS NAS NGO SGRA NA YOD, GCIG DA LTA SPYIL BU'I NANG RTEN LA BZHUGS SO, ,LHA LUNG GI DBANG PHYUG DANG, LTA 'GRO BA'I MGON PO GNYIS PO 'DI DANG 'DI GNYIS KYI CHOS RGYUD 'DZIN PA SPYIL BU DANG 'CHAD KHA'I GDAN SA BA GSUM TZAM DANG BCAS BKA' GDAMS GLEGS BAM LAS GSAL BAR LUNG BSTAN PA NI, SO SPYIL BA LUNG BSTAN PA'I 'PHRO NAS, KHYED LA SH'AKYA'I GDUNG RIGS 'DZIN PA LHA'I LHA ZHIG NAS BZUNG LNGA LAS MI NYUNG BA 'BYUNG, ZHES SOGS GSAL BAR LUNG BSTAN TO, ,BDAG NYID CHEN PO 'DI 'PHRIN LAS KYI KHYAB BDAL BLA LHAG TU CHE BA ZHIG BYUNG BAS RJE THAMS CAD MKHYEN PAS, KHAMS GSUM 'GRO BA'I MGON PO RIN PO CHE, ,ZHES BSNGAGS PA CHE BAR MDZAD DO, ,'GRO MGON RIN PO CHE 'DI LA SLOB MA BSAM GYIS MI KHYAB PA ZHIG YOD KYANG, SRAS KYI THU BO BKA' GDAMS GZHUNG PA'I RGYUD 'DZIN CHEN PO NI

, ,DGE BA'I BSHES GNYEN BZANG CHEN PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LHA 'GRO BA'I MGON PO 'DI LA GSOL BA 'DEBS SHING, 'DI'I RNAM THAR LTAR BKA' GDAMS KYI RNAM THAR GTZANG MA BSRE BSLAD MED PAR SKYONG ZHING BYANG CHUB LAM GYI RIM PA'I LAM THUN MONG PA DANG THUN MONG MIN PA GNYIS KA LA BAG CHAGS CI THEBS BYA'O,, ` ,,RNAM DAG TSUL KHRIMS NGAD LDANG BZANG CHEN PA, ,ZHES BSNGAGS BA, DGE PA'I BSHES GNYEN BZANG CHEN PA NI, GNYAL SMAD DU NGO MTSAR BA'I LTAS DANG BCAS TE SKU 'KHRUNGS, CHUNG DU'I DUS NAS KHYIM GYI 'DU 'DZI LA MA CHAGS PAR RGYAL BA'I BSTAN PA LA ZHUGS NAS DAM PA'I CHOS RNAM PAR DAG PA ZHIG BYA BAR 'DOD PA'I 'DUN PA SHUGS DRAG PO NAR MAR BYUNG STE SUS KYANG BZLOG MA THUB PAR BZANG CHEN GYI GDAN SA BA MKHAN PO BSOD NAMS 'BYUNG GNAS LAS RAB TU BYUNG ZHING TSIGS SNGA MA DGE TSUL GYI SDOM PA MNOS, MTSAN DAR MA BSOD NAMS SU BTAGS MKHAN PO DE NYID LA BRTEN TE DGE TSUL GYI BSLAB BYA RNAMS LEGS PAR BSLABS SHING CHOS SPYOD RNAMS THUGS SU CHUD PAR MDZAD, DE NAS GZHUNG LUGS RNAMS LA SBYANGS TE SDE SNOD GSUM LA MKHAS PAR BSLABS, NGES 'BYUNG GI BSAM PA RNAM PAR DAG PAS RGYUD BSKUL TE MKHAN PO NGAR YE BA, KHA SKONG GI DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS, LHA

'GRO BA'I MGON PO'I ZHABS RDUL SPYI BOS BLANGS TE 'DUL BA LUNG SDE BZHI'I BRJOD BYA'I DON THAMS CAD SLOB DPON YON TAN 'OD KYIS 'DUL BA'I MDOR GTAN LA PHAB PA LTAR BYIN LEN DANG RUNG CHU 'DEBS PA YAN CHAD DGE SLONG GI BSLAB BYA PHRA RAGS THAMS CAD THUGS SU CHUD BAR MDZAD DE LAG TU BDAR NAS 'DUL BA NAS BSHAD PA'I BCAS RANG GI NYES PA PHRA MOS KYANG MGOS PA'I TSUL KHRIMS RNAM PAR DAG PAR BSRUNG BAR MDZAD, TSUL KHRIMS KYI MTHU LAS SKYES PA'I DRI BZANG PO RDZI PHYOGS MIN PAR 'PHRO BA ZHIG YOD PAR GRAGS, DON 'DI LA DGONGS NAS RJE THAMS CAD MKHYEN PAS BSHES GNYEN CHEN PO 'DI LA, RNAM DAG TSUL KHRIMS DANG LDANG BZANG CHEN PA, ,ZHES BSNGAGS SO, ,LHA 'GRO BA'I MGON PO LA RGYAL BA'I BKA' DANG SHING RTA CHEN PO'I GZHUNG MANG PO GSAN TE GZHUNG LUGS RNAMS LA MKHAS PA'I PHUL DU PHYIN PAR GYUR PA NA RANG GI YON TAN GYI STOBS KYIS DGE 'DUN TSANG MAS BZANG CHEN GYI GDAN SAR BSKOS TE CHOS GRVA CHEN PO DE'I SENG GE'I KHRI LA BZHUGS NAS SHING RTA CHEN PO'I GZHUNG LUGS RNAMS RGYA CHER SPEL BAS DGE BA'I BSHES GNYEN BZANG CHEN PA ZHES PHYOGS KUN TU SNYAN PAR GRAGS, DE NAS LHA 'GRO BA'I MGON PO BZANG CHEN DU GDAN DRANGS NAS MCHOD CING BSNYEN BKUR TE RGYAL BA'I GSUNG RAB DGONGS 'GREL DANG BCAS BA MTHA' DAG GI DON GANG ZAG GCIG GI NYAMS LEN GYI RIM PAR DRIL BA DPAL AA TI SHA'I MAN NGAG BYANG CHUB LAM GYI RIM PA'I MYONG KHRID LEGS PAR GSAN,

, ,DE YANG THOS LO TZAM LA MA BZHAG PAR TSUL BZHIN DU NYAMS SU BLANGS PAS MYONG BA LEGS PAR THON, LTA 'GRO BA'I MGON PO LA BKA' GDAMS GZHUB DRUG GSAN TE LAM GYI RIM PA'I DMIGS SKOR MTHA' DAG SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB, KHA CHE PAn CHEN SH'AKYA SHR'I BZANG CHEN DU GDAN DRANGS TE MDO SNGAGS KYI CHOS MANG DU GSAN, SRAS KYI THU BO MTSO SNA BA CHEN PO SOGS SKAL BA DANG LDAN PA MANG PO LA BYANG CHUB LAM GYI RIM PA'I KHRID DANG SHING RTA CHEN PO'I GZHUNG LUGS RNAMS RGYA CHER SPEL BAR MDZAD NAS MTHAR DGUNG LO BDUN CU RTZA LNGAR RU PHEBS PA'I TSE SHA DUG ZHIG GIS SKU BSNYUN PA NA DGE 'DUN THAMS CAD KYIS RIM GRO RGYA CHER MDZAD CING, CHOS SKYONG MGON PO TRAKSHAD KYIS KYANG BYA ROG TU SPRUL NAS RGYA BAL NAS AA RUR RLON PA BLANGS TE PHUL BA SOGS THABS DANG RIM GRO CI BYAS KYANG MA BZLOG PAR ZHING GSHEGS, DGE 'DUN RNAMS KYIS MCHOD PA RGYA CHER BYAS TE SPUR GYI MCHOD RTEN BZHENGS PA'I DRUNG NA CHOS SKYONG TRAKSHAD KYIS PHUL BA'I AA RUR RLON PA DE BZHAG ,SPUR GYI ZHAL NUB PHYOGS SU BSTEN PA ZHIG BYUNG BAS GRVA SKOR DU BKA' GDAMS KYI BSTAN PA RGYA CHER 'PHEL BA'I RTEN 'BREL DU BYUNG ZHES GLENG NGO, ,BSHES GNYEN CHEN PO 'DI LA RGYUD 'DZIN GYI SLOB MA MANG DU BYUNG BA LAS SRAS KYI THU BO NI MTSO SNA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS

BSHES GNYEN CHEN PO 'DI LA GSOL BA 'DEBS SHING 'DI'I RNAM THAR LTAR TSUL KHRIMS RNAM PAR DAG PA GZHIR BZUNG NAS BYANG CHUB LAM GYI RIM PA LA BLO SBYONG ZHING GZHUNG LUGS GDAM PAR 'CHAR BA ZHIG 'ONG BAR BYA'O,, ,, ` 'DUL BA 'BUM SDE'I MNGA' BDAG MTSO SNA BA, ,ZHES BSNGAGS PA 'DUL 'DZIN MTSO SNA PA CHEN PO NI, MON MTSO SNA STOD DU SKU 'KHRUNGS, BYIS PA SMRA SHES TZAM NAS CHOS BYED PA'I 'DUN PA KHO NAS SGO GSUM GYI SPYOD PA THAMS CAD CHOS DANG MTHUN PAR MDZAD PA LAS BYIS PA'I NGANG TSUL DU MI 'GRO BA ZHIG BYUNG ZHING, DGUNG LO BRGYAD LON PA'I TSE BLA MA'I DRUNG DU 'GRO ZER NAS SUS BKAG KYANG MA THUB PAR DGE BA'I BSHES GNYEN BZANG CHEN PA'I THAD DU BROS TE RAB TU BYUNG, TSIGS SNGA MA DGE TSUL GYI SDOM PA MA NOS TE MTSAN SHES RAB BZANG PO ZHES BTAGS, DUS DE'I TSE PAndI TA MKHAS PA'I NYAMS DANG LDAN PA ZHIG RANG SHUGS KYIS BYUNG BAS SDE SNOD 'DZIN PA BLO GROS SENG GE'I SKYE BAR GRAGS PA BYUNG NGO, ,DE NAS DGE BA'I BSHES GNYEN BZANG CHEN PA BSAM SBYOR GNYIS KYIS TSUL BZHIN DU BSTEN NAS BKA' GDAMS GZHUNG DRUG LA SOGS PA'I SHING RTA CHEN PO'I GZHUNG RNAMS LA LEGS PAR SBYANGS SHING, KHYAD PAR DU 'DUL BA LUNG SDE BZHI DANG, DE THAMS CAD KYI BRJOD BYA'I DON GCIG TU BSDUS PA 'DUL BA MDO RTZA BA LA SBYANGS TE TSIG DON MTHA' DAG THUGS SU

, ,CHUD PAR MDZAD CING, DGE BA'I BSHES GNYEN BZANG CHEN PA LA MKHAN PO ZHUS TE MKHAN SLOB DGE 'DUN GRANGS TSANG BA'I DBUS SU BSNYEN PAR RDZOGS TE, 'DUL BA'I BSLAB BYA MTHA' DAG CHES ZHIB PAR THUGS LA MNGA' BA LTAR PHYAG LEN LA THEBS PAR MDZAD BAS 'PHAGS PA NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DGE BA'I BSHES GNYEN BZANG CHEN PA LAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL, DPAL AA TI SHAS GANGS RI'I KHROD 'DIR GSAL BAR MDZAD PA'I MAN NGAG BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR MTHA' DAG BAR GSAN NAS NYAMS SU BLANGS TE GDENG THOB PAR MDZAD, BDAG NYID CHEN PO 'DI NI RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PA ZHIG YIN PAS GSUNG RAB DGONGS 'GREL DANG BCAS PA LA THOS PA NYIN PAR MDZAD PAR MA ZAD RMI LAM SGYU MA'I RNAM THAR 'BYONGS BAS MTSAN MO MNAL LAM DU YANG SLOB DPON YON TAN 'OD LA 'DUL BA GSAN, RGYAL SRAS ZHI BA LHA LA SPYOD 'JUG GSAN, SLOB DPON DBYIG GNYEN LA MNGON PA MDZOD GSAN, SLOB DPON PHYOGS KYI GLANG PO LA TSAD MA'I MDO GSAN, SLOB DPON CHOS KYI GRAGS PA LA RNAM 'GREL SOGS TSAD MA SDE

BDUN GSAN, SLOB DPON ZLA BA GRAGS PA LA GSANG 'DUS GSAN, RJE BTZUN BYAMS PA MGON PO LA MNGAN RTAGS RGYAN GSAN PAR GRAGS, DE LTAR THOS PA RGYA MTSO'I PHA ROL TU BYON ZHING, LHAG PAR 'DUL BA LA MKHAS PA'I PHUL DU GYUR BAS MGON PO LA SOGS PA'I CHOS SRUNG RNAMS DANG, DKAR PHYOGS KYI LHA MANG POS 'DUL BA'I BSTAN BCOS GANGS RI'I KHROD KYI GDUL BYA RNAMS KYIS GO SLA BA LUNG SDE BZHI'I GNAD BSDUS BA ZHIG RTZOMS SHIG ,DE LA THOS BSAM BYED PA THAMS CAD NGED KYIS BU BZHIN SKYONG NGO ZHES BSKUL ZHING, DGE 'DUN MANG POS GRVA SKOR GYI GDAN SAR 'BYON DGOS PAR BSKUL TE CHOS GRVA CHEN PO GRVA SKOR GYI SENG GE'I KHRI LA BZHUGS TE, SHING RTA CHEN PO'I GZHUNG LUGS RNAMS RGYA CHER SPEL ZHING LUNG SDE BZHI'I GNAD KUN BSDUS PA 'DUL BA'I MDO'I RNAM BSHAD NYI MA'I 'OD ZER ZHES BYA BA BRTZAMS TE, DKAR PHYOGS KYI LHA RNAMS KYIS CHOS 'DI LA BSNGAGS PA BRJOD PHYIR BRTZAMS MA THAG DKAR PHYOGS KYI LHA RNAMS KYIS GLEGS BAM GDAN DRANGS TE SLAR YANG LAN GNYIS PA BRTZAMS ZHES GRAGS SO, ,GZHAN YANG, BDAG NYID CHEN PO 'DIS LAM RIM LA SOGS PA'I BSTAN BCOS KYANG MANG DU MDZAD DO, ,BDAG NYID CHEN PO 'DI NI DGE BA'I BSHES GNYEN PO TO BA'I RNAM THAR LTAR SKYES BU GSUM GYI LAM GYI RIM PA SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB CING, PHYI LTAR DU GSANG

, ,SNGAGS LA DAM DOG CHE BAR MDZAD KYANG NANG DU RANG NYID SNGAGS KYI NYAMS LEN PHUL DU PHYIN PA MNGA' BAS, DPAL GSANG BA 'DUS PA'I RDZOGS RIM GYI RMI LAM 'DZIN PA LA MNGA' BRNYES PAS RMI LAM DU SANGS RGYAS KYI ZHING GZHAN DU BGROD PA DANG, GDUL BYA LA CHOS STON PA DANG, SANGS RGYAS BYANG SEMS LAS CHOS NYAN PA SOGS SPRUL BSGYUR SNA TSOGS NUS PA ZHIG STE, DE'I TSUL ZUR TZAM NI SNGAR SMOS BA LTAR RO, ,DE LTAR BSTAN 'GRO'I DON RGYA CHER MDZAD NAS DGUNG LO DON GNYIS BZHES PA'I CHE DGE 'DUN RNAMS LA BSLAB BYA RGYAS PAR MDZAD DE GRVA SKOR GYI GDAN SA MON GRAB LA GTAD NAS ZHI BAR GSHEGS SO, ,'DUL 'DZIN CHEN PO 'DI LA SLOB MA BSAM GYIS MI KHYAB PA YOD KYANG THUGS SRAN THU BO RANG GI RGYAL TSAB TU MNGA' GSOL BA NI DGE BA'I BSHES GNYEN MON GRA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN CHEN PO 'DI LA GSOL BA 'DEBS SHING BSTAN PA'I NANG MDZOD 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA LA BLO SBYANG BAR BYA'O,, ` ,,CHOS MNGON RGYA MTSO'I MTHAR SON MON GRA PA, ZHES BSNGAGS PA, DGE BA'I BSHES GNYEN MON GRA PA NI, MON DANG MTSO SNA'I BAR GYI YUL MON GRAB TU SKU 'KHRUNGS, GZHON NU NYID NAS CHOS KYI BAG CHAGS BRTAS PAS RANG YUL NYE DU DANG BCAS PA LA MA CHAGS PAR MCHIL MA'I THAL BA BZHIN DOR TE GRVA SKOR DU MKHAN

CHEN MTSO SNA PA'I ZHABS DRUNG DU PHEBS NAS RAB TU BYUNG, MTSAN TSUL KHRIMS BKRA SHIS ZHES BTAGS, MKHAN CHEN MTSO SNA PA BSAM SBYOR GNYIS KYIS TSUL BZHIN DU BSTEN TE, SDE SNOD GSUM GYI DGONGS BA 'GREL BA'I SHING RTA CHEN PO'I GZHUNG RNAMS LA SBYANGS BAS MKHAS PA'I GO 'PHANG THOB CING, KHYAD BAR MNGON PA SDE BDUN DGONGS 'GREL DANG BCAS PA LA MKHAS PA'I PHUL DU PHYIN BAR GYUR TE CHOS MNGON PA'I DON LA MI 'JIGS PA'I SPOBS BA THOB , MKHAN CHEN MTSO SNA PA LAS BSNYEN PAR RDZOGS TE 'DUL BA'I BSLAB BYA RNAMS GSAN NAS LAG TU BLANGS, 'DUL BA 'DZIN PA'I MCHOG TU GYUR, DE LTAR GZHUNG LUGS RGYA MTSO LTA BU LA SBYANGS BAS MKHAS PA'I PHUL DU PHYIN PA NA MTSO SNA PA CHEN PO LA BYANG CHUB LAM GYI RIM BA'I KHRID BKA' GDAMS GZHUNG PA'I BSHAD SROL LTAR GSAN TE NYAMS LEN LA SBYAR BAS MYONG BA KHYAD PAR CAN THON TE MKHAS BTZUN BZANG GSUM 'DZOM BA'I BSHES GNYEN CHEN BOR GYUR PA NA MTSO SNA BA CHEN BOS RANG GI RGYAL TSAB BSTAN 'DZIN MCHOG TU 'GYUR BAR GZIGS NAS BSNGAGS 'OS SU MDZAD CING, GRVA SKOR GYI GDAN SA BGYI DGOS ZHES YANG YANG GSUNGS KYANG BDAG NYID CHEN PO 'DI BYANG CHUB LAM RIM LA MYONG BA PHUL PHYIN THON PAS TSANGS PA DANG BRGYA BYIN GYI DPAL LA'ANG MI SMON NA TSE 'DI'I RNYED BKUR SNYAN GRAGS LA SMON PA MED PA LTA CI SMOS PAR GYUR NAS BDAG LTA BUS BLA MA'I GDAN SA SKYONG BAR GA LA NUS ZHES MDZAD DU MA BZHED, MTHAR MKHAN CHEN MTSO SNA BA GSHEGS KHAR

, ,DGE 'DUN RNAMS LA ZHAL GDAMS RGYA CHER MDZAD NAS GDAN SA 'DI MON GRA PA LA GTOD GSUNGS NAS ZHI BAR GSHEGS PA NA BLA MA'I GSUNG GI THA MA ZHAL CHEMS LTA BUR SONG GSHIS MDZAD THABS MA BYUNG BAR GRVA SKOR GYI GDAN SAR PHEBS NAS GTZO BOR 'DUL BA DANG MNGON PA RGYA CHER BSHAD CING, PHAR TSAD BU MA RNAMS KYANG SNGAR SROL GANG YOD BSHAD NAS SHING RTA CHEN PO'I GZHUNG LUGS SHIN TU DAR BAR MDZAD, SKAL BA DANG LDAN PA DAG LA BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR ZHIB TU BSHAD PAS CHOS KYI BDUD RTZIS CHIMS PA MANG DU BYUNG ZHING, PHYI RABS KYI GDUL BYA RNAMS KYI DON DU LAM RIM GYI KHRID YIG KYANG MDZAD DO, ,MKHAN CHEN MON GRA PA 'DI LA MKHAS SHING GRUB PA'I SLOB MA GRUB CHEN LAS KYI RDO RJE DANG, MKHAN CHEN CHOS SKYABS BZANG PO SOGS BSTAN PA LA BYA BA RGYA CHER BGYID PA MANG DU BYUNG NGO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN MON GRA PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR SHING RTA CHEN PO'I GZHUNG LUGS RNAMS LA SBYANGS NAS GZHUNG LUGS GDAMS PAR 'CHAR BAR BYED PA DANG, GZHUNG LUGS GDAMS PAR SHAR BA'I MAN NGAG, BYANG CHUB LAM GYI RIM PA'I NYAMS LEN LA 'BAD NAS RANG GI RGYUD BTUL TE GDUL BYA GZHAN LA'ANG PHAN NGES PA ZHIG BYA'O,, ` ,,ZAB CING RGYA CHE'I CHOS LA MNGA' BRNYES PAS,,

SKAL LDAN 'GRO BA KUN GYI SKYABS SU GYUR, ,'PHRIN LAS BZANG POS BSTAN PA RGYAS MDZAD PA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA MKHAN CHEN CHOS SKYABS BZANG PO NI GNYAL DU RIGS RUS PHUN SUM TSOGS PA ZHIG TU SKU 'KHRUNGS, CHUNG NGU'I DUS SU YAB YUM GNYIS KYIS BSNAMS NAS MKHAN CHEN MTSO SNA PA CHOS GRVAR PHEBS PA DANG THUG STE MJAL BA'I TSE, MTSO SNA PA'I SKU CHOS RLUNG GIS BSKYOD BA BYIS PA CHUNG DU 'DI'I STENG DU G-YOGS PA LTAR BKAB PAR GYUR PAS MKHAN CHEN MTSO SNA PA BZHAD CING CHER DGYES NAS BYIS PA 'DI NGA'I CHOS GOS KYIS BSKYABS PA LTAR 'DUG PAS 'DI NGA LA BYIN CIG CES YAB YUM GNYIS LA GSUNGS PAS YAB YUM GNYIS KYIS KYANG MTSO SNA PA'I BKA' LDOG MA NUS PAR PHUL BAS MKHAN CHEN MTSO SNA PAS BZHES TE CHOS SKYABS BZANG PO ZHES MING BTEGS, LO BDUN LON BA NA RAB TU BYUNG ZHING SDE SNOD GSUM LEGS PAR BSLABS, LO LON PA NA BSNYEN PAR RDZOGS PAR MDZAD DE SPYAN GYI 'BRAS BU LTAR BSKYANGS, RANG NYID LA YOD PA'I LUNG DANG MAN NGAG THAMS CAD GNANG ZHING, LHAG PAR BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I MAN NGAG MA LUS PAR GNANG, MKHAN CHEN MTSO SNA PA ZHING GSHEGS NAS DGE BA'I BSHES GNYEN MON GRVA PA TSUL BZHIN DU BSTEN NAS MON GRVA PA LA MNGA' BA'I BKA' DANG GDAMS NGAG MANG PO GSAN ZHING LHAG PAR BYANG CHUB LAM GYI RIM PA'I KHRID YANG DANG YANG DU

, ,GSAN TE, NYAMS SU BZHES PAS BYANG CHUB LAM GYI RIM PA'I MAN NGAG BKA' GDAMS GZHUNG PA'I BSHAD SROL LTAR RANG GI RGYUD LA SKOR NAS NYAMS SU LEN PA DANG, GZHAN LA STON PA LA MI 'JIGS PA'I SPOBS PA THOB PAR GYUR TO, ,BDAG NYID CHEN PO 'DI NI THOS PA RGYA MTSO'I PHA ROL TU SON ZHING, LAM GYI RTOGS BA MTHON POR BYON TE PHYIR MI LDOG PA'I RTAGS THOB PA ZHIG YIN ZHES GRAGS SO, ,MKHAN CHEN CHOS SKYABS BZANG PO 'DIS DGE BA'I BSHES GNYEN MTSO SNA PA DANG MON GRA PA GNYIS KA LA GTUGS TE BKA' GDAMS GZHUNG PA'I BSHAD SROL LTAR GYI SKYES BU GSUM GYI LAM GYI RIM BA YANG DANG YANG DU GSAN TE SBYANGS PA MTHAR PHYIN MDZAD PA NI, RJE BTZUN CHOS KYI RGYAL PO TZONG KHA PA CHEN POS KHONG PA LA BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN PAR 'GYUR BA 'DI LA DGONGS PAR MNGON ZHING, RJE THAMS CAD MKHYEN PAS BKA' GDAMS GZHUNG PA'I BSHAD SROL LTAR GYI LAM RIM GYI KHRID GSAN NAS SKAL BA DANG LDAN PA BGRANG BA LAS 'DAS PA LA GNANG NAS SA CHEN PO'I KHYON 'DI THAMS CAD CHOS 'DI'I 'PHRIN LAS KYIS KHYAB PA 'DI BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS PHYIR MI LDOG PA'I SEMS DPA' CHEN PO MKHAN CHEN CHOS SKYABS BZANG PO LA GSOL BA 'DEBS SHING, BDAG NYID CHEN PO 'DI'I RNAM THAR LTAR RGYAL BA'I BKA' DANG

GZHUNG LUGS MA LUS 'DU BA'I CHOS KYI RGYA MTSO CHEN PO BYANG CHUB LAM GYI RIM PA LA SLOB PA'I TSE BKLAGS LUNG TZAM RE THOB PA DANG, DMIGS SKOR RE GNYIS GO BAD TSIM PAR MI BYA BAR DGE BA'I BSHES GNYEN MKHAS PA LA GTUGS TE YANG DANG YANG DU MNYAN NAS NGES PA GTING TSUGS PA BSKYED PA DANG, JI TZAM THOS PA DE TZAM DU RGYUD LA SBYAR NAS NYAMS SU LEN PA LA 'BAD PAR BYA'O,, ` ,,DGE BSHES STON PA NAS DGE BSHES PO TO BA, DE NAS GRVA SKOR MKHAN CHEN CHOS SKYABS BZANG PO'I BAR GYI BRGYUD RIM DE NI RJE THAMS CAD MKHYEN PAS BKA' GDAMS GZHUNG PA'I LAM RIM GSAN BRGYUD YIN LA, BKA' GDAMS GDAMS NGAG PAR GRAGS PA DGE BSHES STON PA NAS SPYAN SNGA TSUL KHRIMS 'BAR LA BRGYUD PA'I BLA MA RNAMS KYI RNAM THAR NI, GRUB PA'I DBANG PHYUG CHEN PO TSUL KHRIMS 'BAR, ,ZHES BSNGAGS PA, ,DGE BSHES SPYAN SNGA BA NI NYAN GYI SNANG RA SGANG DU YAB SH'AKYA RDO RJE DANG, YUM LI MO YE SHES SGRON GNYIS KYI SRAS SU CHU MO BYA'I LO LA 'KHRUNGS, MTSAN STAG TSAB 'BAR ZHES BTAGS, SNGON YUN RING PO NAS LAM LA SBYANGS PA'I BAG CHAGS BRTAS PAS GZHAN GYIS BSKUL BA LA MA BLTOS PAR SKYES BU GSUM GA'I LAM GYI GNAD RNAMS LA BAG CHAGS SAD DE BYIS PA'I DUS SU SPYIR 'DUS BYAS 'DI THAMS CAD SDOD PA'I MTHU MED PAR 'JIG PA DANG, KHYAD PAR RANG GI LUS MYUR DU 'JIG PA'I NGANG TSUL DRAN NAS RGYUN DU BSHUM PA ZHIG BYUNG BAS YUM

, ,DES KHYOD 'JIGS MI DGOS MYUR DU SHI 'GRO SNYAM PA'I BLO DE SLAR BRJED 'GRO ZER SPYAN SNGA'I YUM DE NI RANG BZHIN GYI RNAL 'BOR MA ZHIG YIN PAR GRAGS PAS DENG SANG RANG CAG THA MAL PA RNAMS LA BLA MA RE'I BKA' DRIN LAS 'CHI BA DRAN PA'I BLO RIB TZAM RE BYUNG YANG SNANG SHAS MTHU CHE BAS CHU LA DBYUG GUS BRIS PA LTAR DE MA THAG BRJED NAS RTAG 'DZIN GYI DBANG DU 'GRO BA'I DANG TSUL DE YUM DES BRJOD PA'O, ,DE DUS YUM GYIS PAD DU KHYER NAS; SLOB DPON GRONG 'DUL BA CIG LA PHUNG PO LNGA'I RAB BYED GSAN PAS, PHUNG PO 'DI LNGAR 'BYED TSOD KYIS MTHAR STONG PA NYID DU 'DUG SNYAM STE BDAG MED PA'I LTA BA RANG 'KHRANGS SU BYUNG, GZHAN YANG BYIS PA'I GNAS SKABS DER LHAG PA'I LHA MANG PO'I SNANG BA YANG YANG 'CHAR BA ZHIG BYUNG, LO BCU GNYIS LON TZA NAR RNAL 'BYOR MA GONG MO SGANG BA BYA BA BYON NAS GDAMS NGAG CIG GSUNGS PAS MYONG PA KHYAD PAR CAN SKYES PA ZHIG BYUNG STE, DE NI RANG BZHIN GYI RNAL 'BYOR MAS BYIN GYIS BRLABS PA YIN PAR GSUNGS, YANG LAN CIG TZAN RA LUG 'TSOR RI ZHIG GI RTZER BYON PAS ,DA STE LO BRGYA THAM PA NA 'DI NAS MTHONG BA'I MI THAMS CAD 'CHI BA YIN DGONGS THUGS PHYUNG BA'I MGUR GSUNGS BA RI ZHOL GYI BTZAS MI BA RNAMS LA SNYAN PAR BYUNG NAS, 'OR CHE STAG TSAB 'BAR SNYAN RANG SNYAN DA DUNG ZHIG LONGS DANG ZER BAS, NGA MA DGA' CHES NAS BLANGS BA LA KHONG DA DUNG LONGS ZER AANG GSUNG ,DE NAS

DGUNG LO BCO BRGYAD PA LA STOD LUNG TSA THOG DGON PAR MAL SHES RAB SEMS DPA'I DRUNG DU RAB TU BYUNG ,MTSAN TSUL KHRIMS 'BAR DU BTAGS ,DER YUM GYI RMI LAM DU DUNG DKAR ZHIG BUS PA 'DZAM BU GLING PA THAMS CAD KYIS THOS PA ZHIG BYUNG BAS, NGA'I BU 'DI LA RAB TU BYUNG NAS GRAGS PA YANG CHE BA CIG 'ONG BAR 'DUG ZER, SLOB GNYER MDZAD DUS TSA THOG DGON PAR BYON PA'I ZHOR LA ,JO BO SNYE'I NA MO CHER BZHUGS PA DANG MJAL, SEMS BSKYED GSUNG BA GSAN, DE DUS JO BOS 'DI PA'I SPYI BOR PHYAG BZHAG ,SAm SKRi TA'I SKAD DU BKRA SHIS KYI TSIGS BCAD MANG PO MDZAD, GSER GLING PA'I BUM PA PADMA'I CHUm CAN GNANG, NGA'I CHOS RGYUD 'DZIN PA CIG 'OD GSUNG, DE NAS LAN TSA RAB DANG, RUG PAR SDE SNOD KYI GSAN SBYONG MANG DU MJAD, RGYA GAR RDO RJE GDAN CHOS KYI 'BYUNG KHUNGS YIN PAS DER 'BYON DGONGS TE SKAD DOD DANG RGYA YIG MANG DU BSLABS, DE'I DUS SU MDO SDE GZIGS PAS CHOS THOG TU HRIL HRIL 'GRO BAR BYUNG BAS SO SO SKYE BO'I SA NAS SANGS RGYAS KYI SAR 'GRO BA LA BLA MA MI DGOS PAR SNANG SNYAM BA BYUNG, PHYIS SU BSAMS TZA NA SNGAR GYI DES GAR YANG MI PHYIN PAR 'DUG GSUNG, DE'I DUS SU YUM RUG PAR BYON NAS RUG PA'I BAN DE RNAMS LA 'DI NI DGRAS BDAS PA YIN, 'DI 'DRES BDAS PA YIN, SNYING NAS CHOS BYA BSAM NAS RAB TU BYUNG BA NI KHYOD DANG SLOB DPON ZHANG BTZUN GNYIS YIN KHYOD CHOS GSHA' MA ZHIG BYED NA RA SGRENG DU DGE BSHES STON PA'I SPYAN SNGAR

, ,'GRO GSUNGS NAS YUM GYIS KHRID DE DGUNG LO NYER LNGA PA LA DGE BSHES STON PA DANG MJAL, SPYAN SNGA'I ZHAL NAS ,NGA'I MA DE RANG BZHIN GYI RNAL 'BYOR MA YIN PAS 'DIR BSKYAL BA YIN GSUNG, DE'I TSE DGE BSHES STON PA LA LAM GYI 'GRO CHOS ZHUS NAS RGYA GAR DU RNAL 'BYOR PA CIG LA GTUG SNYAM DU DGONGS BA LA DGE BSHES STON PA'I ZHAL NAS, KHYOD RGYA GAR DU MA 'GRONGS THUGS LA GDAGS KYI GSUNG BAS, DGE BSHES STON PAS THUGS LA 'DOGS NA RGYA GAR DU 'GRO DON MI 'DUG DGONGS PA BYUNG NAS BSHES GNYEN STON PA RIN PO CHE BSAM SBYOR GNYIS KYIS TSUL BZHIN DU BSTEN NAS DUS GSUM GYI SANGS RGYAS THAMS CAD GANG NAS GSHEGS PA'I LAM PO CHE BKA' DANG DGONGS 'GREL THAMS CAD KYI SNYING PO'I DON BYANG CHUB LAM GYI RIM PA'I MYONG KHRID GSAN PAS LAM GYI RIM PA'I DMIGS SKOR RNAMS BSAM DU BTUB PAR BYUNG BA LA, DGE BSHES STON PA'I ZHAL NAS, DUS TSOD 'DI TZAN SHOG GSUNG BAS SPYAN SNGAR PHYIN DUS GROG PO'I GSEB LA NYI MA BYUNG BDE, SPYAN SNGA'I NA BZA' LA SHAR BAS BKRA SHIS RDZAS BRGYAD LA SOGS PA'I GZUGS MANG PO BYUNG BAS RTEN 'BREL SHIN TU BZANG GSUNGS NAS MNYES PA YIN, DGE BSHES STON PA DE PHAR PHYIN GSUNG BA'I DUS SU SKU MCHED GSUM KA BA LI GCIG LA GZIGS PA YIN PAR GDA', DGE BSHES STON PA GRUB MTHA' ZHIG GSUNG BA GSAN DU BYON PAS, STON PA'I ZHAL NAS, NGA KHYOD LA

SGOM CHEN ZHIG RE BA YIN, KHYOD RANG NANG DU SGOMS SHIG GSUNG BAS, SPYAN SNGAS PHYAG MDZAD NAS BYON PA DANG ,STON PA'I ZHAL NAS ,BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN BA LA SPYOD PA BYA BA DE KHO 'DRA BA ZHIG LA ZER BA YIN GSUNGS, YONGS RDZOGS RNAL 'BYOR PA'I ZHAL NAS, DGE BSHES STON PAS THUGS LA 'DGOS PAR SNANG BAS, KHYED RANG GSANG SNGAGS KYI CHOS ZHUS NA 'OD GSUNG BAS, SKU MCHED GZHAN GNYIS KYI DRO'I DU BA RED BYUNG DUS SPYAN SNGAS DRO THON PAR BYAS, DER DGE BSHES STON PA DRO'I DUS BZHES SKYO SUN RE GSOL BAS, DE DUS SU GDAMS NGAG ZHUS PAS THEG PA CHEN PO GSANG SNGAGS KYI GDAMS BA MA LUS PA GNANG BA YIN, SPYAN SNGA'I ZHAL NAS ,YONGS RDZOGS RNAL 'BYOR PA 'DI NGAL BKA' DRIN CHE GSUNG, YANG DGE BSHES STON PA'I ZHAL NAS ,JO BO PA NYON MONGS PA BRGYAD KHRI BZHI STONG GI GNYEN POR CHOS KYI SGO MO BRGYAD KHRI BZHI STONG GSUNGS PA DE, 'DOD CHAGS KYI GNYEN POR GSUNGS PA RNAMS KYIS ZHE SDANG 'JOMS MI NUS, ZHE SDANG GI GNYEN POR GSUNGS PA RNAMS KYIS 'DOD CHAGS 'JOMS MI NUS PAS NYON MONGS SO SO'I GNYEN PO SO SOR BSTEN DGOS PA YIN NYON MONGS THAMS CAD KYI GNYEN PO BYED NUS PA'I CHOS NI RTEN CING 'BREL PAR 'BYUNG BA ZAB MO STONG PA NYID SGOM PA 'DI YIN GSUNGS NAS 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG DBU MA'I GDAMS NGAG RNAMS LEGS PAR GNANG ,DE LTAR DANG POR

, ,DGE BSHES STON PA DANG MJAL PA NAS NAM GSHEGS KYI BAR 'BRAL MED DU LO BRGYAD BSTEN ,DE NAS DGE BSHES STON PA SKU GSHEGS PAS THUGS NGAL CHEN PO BYUNG BA NA, NUB GCIG RMI LAM NA NYI MA ZHIG LUS LA SHAR BA RMIS, DE DGE BSHES STON PA'I YON TAN MA LUS PA RANG GIS THOB PA YIN AANG SNYAM PA BYUNG, DE NAS THUGS DGONGS LA RNAL 'BYOR PA GONG 'OG 'DI RNAMS LA JO BO'I YON TAN MA LUS PA MNGA' BA YIN SNYAM NAS BSTEN TE RNAL 'BYOR PA CHEN PO DE BDEN PA GNYIS DANG LAS KHA TSAR LA DGE BSHES STON PA BAS KYANG CI ZHIB TZAM DU BYUNG, DGON PA BDE SGOM SKYON SEL BA DANG CHOS ZAB MO THAMS CAD LA DGE BSHES STON PA BAS KYANG CI ZHIB TZAM DU BYUNG; RNAL 'BYOR PA SHES RAB RDO RJE DE GRUB MTHA' LA DGE BSHES STON PA BAS KYANG CI ZHIB TZAM DU BYUNG, DE NAS SPYAN SNGA BAS RVA SGRENG DU JO BO'I SLOB MA RNAL 'BYOR PA CHEN PO DANG, DGE BSHES DGON PA BA SOGS BSTEN CING TSE 'DI'I BYA BA THAMS CAD BLOS BTANG STE BYANG CHUB LAM GYI RIM PA SGOM BA LA DKA' SPYAD DRAG PO'I SGO NAS BRTZON PA LHUR MDZAD, DE DUS SPYAN SNGA BA 'TSO CHAS SHIN TU BKREN PAS NA BZA' RNAMS HRAL HRUL DU GYUR TE MTHANG GOS LA KO BA'I LHAN PA BYAS PAS SPYAN SNGA KO SHAM PA ZHES GRAGS PA BYUNG , NGES 'BYUNG SHUGS DRAG POS RGYUD BSKUL NAS MTSAN MO MNAL YE MED PAR LAM RIM SGOM PA LA KHOR YUG TU 'BAD PAS RNAL 'BYOR PA CHEN POS BAG RE

CHOGS DE TZAM BRTZON PA CHES NA KHAMS LOG NYEN YOD GSUNG BA LA, SPYAN SNGAS DE LTA LAGS TE, DAL 'BYOR 'DI RNYED PAR DKA' BAS ZHES GSUNGS SPYAN SNGA BA THUGS DAM LA 'JUG RES KYIS, GANG TSE RANG DBANG 'JUG CING MTHUN GNAS BA, , GAL TE 'DI BDAG 'DZIN PAR MI BYED NA, ,G-YANG SAR LHUNG BAS GZHAN DBANG 'JUG 'GYUR BA, ,DE LAS PHYIS NAS GANG GIS SLONG BAR 'GYUR, ,ZHES 'JUG PA NAS GSUNGS PA DE LAN RE BTON TE DAL 'BYOR RNYED DKAS RGYUD BSKUL TE 'JUG, YANG SPYAN SNGAS BYA YUL PA LA DAL PA 'BYOR PA MI'I LUS THOB PA DRAN NAM ZHES YANG YANG GSUNG BAR MDZAD DE, DAL 'BYOR DON CHE RNYED DKA' DANG NAM 'CHI CHA MED DRAN BAS RGYUD BSKUL TE SKAD CIG KYANG YONGS LONG MED PAR LAM RIM SGOM PA LA BRTZON BA CHU BO'I RGYUN BZHIN MDZAD DO, ,DE LTAR SGRUB BA DAR DRAG LA RGYUN RING BA MDZAD PAS LAM GYI RIM PA LA MYONG BA PHUL PHYIN THON ZHING, ME LONG G-YA' DAG PA LA GZUGS BRNYAN 'CHAR BA JI BZHIN DU SANGS RGYAS DANG BYANG SEMS MANG POS ZHAL BSTAN NAS DNGOS SU BYIN GYIS BRLABS, NANGS CIG BCOM LDAN 'DAS GAR GYI DBANG PHYUG PHYAG TU BUM PA BSNAMS PA CIG BYON NAS SKU KHRUS GSOL BAS SKU LUS KYI MI GTZANG BA THAMS CAD SANGS KYIS DAG PA'I SNANG BA BYUNG, LAN CIG KHONG RANG JO BO MI G-YO BA ZHVA THAB CHUNG CHUNG GSOL BA GCIG TU GZIGS SO, ,SPYAN SNGA BA 'DI NI RIG GNAS MTHA' DAG LA MKHAS PA ZHIG STE, RGYA YIG RANG YANG RIGS MI 'DRA BA BDUN TZAM MKHYEN, NGAS LO TZ'A BYAS KYANG

, ,'BRING PO ZHIG 'ONG NGAM SNYAM PA YIN, NGAS THEG PA CHEN PO GSANG SNGAGS LA PHAN YON CHE ZER BA RNAMS LA BSNYEN BA TSAD DU MA BSKYAL BA MED, LAS TSOGS RNAMS LA'ANG NYAMS SU MA BLANGS PA MED, S'ATZTSA GCIG PU'ANG RI DE'U TZAM BTAB PA YIN, SPANG SPOS GCIG PU'ANG KHANG PA GNAG BA TZAM GTAMS PA YIN GSUNGS, DE NAS SHING MO PHAG GI LO DGUNG LO DRUG CU RE GSUM BZHES DUS LO DGON PA GDAB PAR DGONGS NAS RGYA YON BDAG LA RMI LAM BRTAG PA ZHUS PAS, RGYA'I ZHAL NAS CHOS BGRES PO ZHIG YUL DU 'GRO ZER BA BYUNG, SPYAN SNGA'I ZHAL NAS RMI LAM RNO GSUNG SKAD, DE NAS NYAN DU BYON, YON BDAG BYA RJE STOD PAS MAR GYI ME TOG MANG PO PHUL BAS NGA'I YON BDAG DPAL GSUM PHU BA GSUNGS NAS MNYES, DE NAS LO'I GTZUG LAG KHANG KA BZHI MA BZHENGS, RTEN GTZOL DGE BSHES STON PA, RNAL 'BYOR PA CHEN PO, DGON PA BA GSUM GYI NANG RTEN DU DNGUL GYI GDUNG KHANG DANG, GSER 'BUM G-YU PHRA CAN, PHYI RTEN DU MCHOD RTEN GSUM BZHENGS, DE RNAMS KYI RTZIG 'PHRENG RE RE LA RAB TU GNAS BA LAN RE RE MDZAD CING SLOB DPON N'A GA BO DHIS KYANG DE BZHIN DU MDZAD PAS BYIN RLABS SHIN TU CHE BA LAGS, BYA YUL BAS SPYAN SNGA LA, SLOB DPON N'A GA BO DHI ZHAL GZIGS ZER BA MED DAM ZHUS PAS, AA NA MA BTZUN CHUNG 'DRA 'DRIR BCUG PA'I CHOS MI 'DRI BAR, 'DRIR MA BCUG PA'I DE 'DRA BAS CI BYA GSUNGS NAS MA GNANG ,YANG ZHUS

PAS; NGAS SLOB DPON N'A GA BO DHI'I ZHAL MTHONG CHOS THOS KHYOD RANG YANG GSOL BA THOB DANG BYIN GYIS RLOB PA YIN GYI GSUNG, SNGON RA SGRENG DU BYON PA CIG LA PHA BOD THANG NA YAR SLOB DPON N'A GA BO DHI DGE BSHES STON PA'I RNAM PAR BYAS NAS BZHUGS PA ZHAL GZIGS, DE NAS GAR BZHUD CHA MED PAR BZHUD, NGA RANG DAD GUS CHUNG BAS LAN SNYAM NAS GSOL BA SHUGS DRAG BTAB PAS DNGOS SU BYON NAS BYIN GYIS BRLABS, CHOS BZHI TSAN BZHI LA SOGS PA GDAMS PA DANG RJES SU BSTAN PA MANG DU STZAL LO, ,DE NAS DGE BSHES SPYAN SNGA BAS SMYUG RUM DU BYON TE PHA BOD DKAR LEB BYA BA'I STENG NAS BYA YUL GYI RGYAB RI GZIGS PAS, RI DE RGYAL BA'I GTZUG TOR 'DRA, ,YAN LAG BRGYAD LDAN CHU BO 'BAB, ,DE YI SHAR LHO'I PHYOGS MTSAMS NA, ,TSE DANG LDAN PA'I DGON GNAS YOD, ,RI BYA YUL YUL BA PHA GI'I THAD DU GTZUG LAG KHANG BZHENGS NAS SEMS CAN LA PHAN PA RGYA CHEN PO GYIS ZHES LUNG BSTAN, NGAR ZHABS RJES KYANG BYON, DE NAS CUNG ZAD BSNYEL BA'I DUS SHIG RNAL 'BYOR PA CHEN PO GAR GSHEGS GSUNGS, DE NI RNAL 'BYOR PA CHEN PO DANG MJAL BAR NGES, YANG LAN CIG NYI MA SHAR AANG GSUNG, LAN CIG 'KHOR LO 'KHOR AANG GSUNG, CI LAGS ZHUS PAS, 'JAM DPAL BRTAN PA'I 'KHOR LO GSUNG, DA SNGAR MA MYONG BA'I BDE BA CIG MYONG BAR SNANG GSUNG ,DE NAS DGUNG LO BDUN CU DON GCIG PA CHU MO LUG GI SMAL PO ZLA BA'I TSES NYI SHU GCIG LA ZHI BAR GSHEGS ,DE NAS LO PA'I

, ,SDE PA RNAMS KYIS SPUR BRKUS NAS GDAN 'DREN RTZIS BYAS PA LA GDAN 'DREN MA THUB PAR GTZANG KHA DER ZHUGS LA ZHEN, DE'I TSE SPYAN SNGA'I THUGS NA MKHA' LA BYON TE BYA YUL BA CHEN PO SMYUG RUM GYI GDONG DE NA GSOL BA 'DEBS KYIN BZHUGS PA'I PANG DU BYUNG BAS THUGS KYI GTOD SA NGA RANG YIN SNYAM DU DGONGS PA BYUNG GSUNGS, DE LTAR SEMS DPA' CHEN PO SPYAN SNGA BA 'DIS RGYAL BA'I BSTAN PA LA BYA BA RGYA CHER MDZAD DE DGE 'DUN GYI SDE MANG DU BTZUGS, SKU GSUNG THUGS KYI RTEN MTHA' YAS PA BZHENGS, SKAL BA DANG LDAN PA MTHA' YAS PA LA LAM GYI RIM PA'I KHRID GNANG STE TSOGS PA BDUN BRGYA TZAM 'DUS PAS BSTAN PA 'DZIN PA'I SLOB MA MANG DU BYUNG ZHING THAMS CAD KYI NANG NAS 'GRAN ZLA MED PA'I THUGS SRAS NI BYA YUL PA CHEN PO, STOD LUNG PA CHEN PO, SMYUG RUM PA CHEN PO GSUM STE 'DI GSUM LA SPYAN SNGA'I SLOB MA 'GRAN GYI DO MED GSUM ZHES GRAGS SO, ,BYA YUL BA CHEN PO'I RNAM THAR NI 'CHAD PAR 'GYUR LA, ,STOD LUNG PA CHEN PO RIN CHEN SNYING PO NI, GSER PHUG LCANG MA CAN DU CHU PHO SPRE'U LA SKU 'KHRUNGS, DE LKOG TU KHYUNG PO JO GSOD LAS RAB TU BYUNG, DE NAS GZHON NU NAS GTZANG DU BYON NAS, BLA MA SENG GE SGRA GCAN 'DZIN BZANG PO, PAndI TA 'BUM PHRAG GSUM PA LA SOGS PA MKHAS PA MANG PO LA MDO SNGAGS KYI GSAN SBYONG RGYA CHER MDZAD, RTZOD PA YANG BZANG, DE NAS STOD LUNG THAG MAR DBUS GTZANG GI STON CHEN THAMS CAD 'TSOGS NAS CHOS KYI

BGRO GLENG 'BA' ZHIG MDZAD PAS KHONG GIS KYANG GRVA SKOR LA BYON, RTZOD PA MDZAD PAS, GLOG SKYA GTZO RGAN BYA BAS NYAN NAS, KHO NA RE POD DBUS GTZANG GI STON CHEN 'DI TZAM ZHIG NYIN RE BZHIN 'TSOGS NAS MAR 'KHOR BA SPONG LUGS ,YAR THAR PA SGRUB LUGS KYI CHOS TSIG BZHI PA GCIG MED PAR KLAD PA GAS GAS BA LANG DKAR ZAL LA 'CHI BA 'DI BYUR RE CHE ZER BA STOD LUNG RIN CHEN SNYING POS GSAN PAS, KHONG KYANG DE TZAM ZHIG GO 'DUG NAS, NGA RGYA GAR DU CHOS 'TSOL BA LA 'GRO DGONGS NAS BYON PA DANG, MKHA' RU BA'I GRVA PA DGE SLONG SNAM SBYAR PHRAG PAR BZHAG PA TSUL KHRIMS KYI DRI BRO BA ZHIG DANG MJAL, TE , TSE 'DI YUN THUNG SHES BYA'I RNAM PA MANG, ,TSE YI TSAD KYANG JI TZAM MI SHES PAS, ,NGANG PAS CHU LAS 'O MA LEN PA LTAR, ,RANG GI 'DOD PA DANG DU BLANG BAR BYA, ,ZHES GSUNG BAS, DE SUS MDZAD BYAS PAS JO BO'I GSUNG YIN ZER ,GANG NAS BYON BYAS PAS, MKHA' RU DGON PA NAS 'ONG ZER, DE NAS MKHA' RU BA'I DRUNG DU BYON TE SKYABS 'GRO'I CHOS SKOR GSUNG PA GSAN, MKHA' RU BAS LUNG BSTAN NAS RA SGRENG DU RNAL 'BYOR PA CHEN PO'I SPYAN SNGAR BYON, LTA BA'I DRI BA MANG PO MDZAD PAS, SNGON DU THABS GOMS PAS RGYUD SMIN DGOS PA YIN GSUNGS NAS, THOG MAR SKYABS 'GRO DANG, BYAMS SNYING RJE NAS RIM GYIS KHRID DE CHOS MANG DU GSAN, LO BCU GCIG LON DUS JO BO BOD DU PHEBS PA LA SHAM THABS KHRAL KYANG 'JAL BAR SNANG , STOD LUNG PA CHEN POS RA SGRENG DU RNAL

, ,'BYOR PA CHEN PO'I SPYAN SNGAR BYON PA'I DUS, RTEN DGE SLONG YIN PA DANG MI CHE BA'I DON GYIS BRANG KHANG DE RNYED PA DKA' TZAM ZHIG BYUNG BA LA, RNAL 'BYOR PA CHEN POS SGROL SGOM GZHON NU SMON LAM BYA BA LA GNAS KHANG LEGS PO ZHIG YOD DE, KHO KHYED LA NYAM NGA ZER BA GDA' GSUNGS PAS, STOD LUNG PAS SGROL SGOM GZHON NU SMON LAM GYI SGO GANG YIN DRIS TE NANG DU TZANGS KYIS BYON NAS, SGROL SGOM KHYOD NGA LA NYAM NGA ZER BA NYAM NGA MI DGOS ,CHU YANG NGA RANG GIS LEN, YOS KYANG NGA RANG GIS 'THAG , PHYE SKYO YANG NGA RANG GIS BSKOL, NGA'I MAL DE 'DI KHO NAR 'OS PA SNANG GSUNG NAS SA GCIG TU GZIM MAL MDZAD , DER SGROL SGOM DAD PA BCOS MIN SKYES NAS SLOB MAR GYUR, LAN CIG RNAL 'BYOR PA'I SKU MDUN DU BYON ZER BA BYUNG BAS, DER BYON TZA NA STAN THON PO ZHIG BSHAMS 'DUG PA LA, RNAL 'BYOR PAS JO BO STON PA STAN LA GSHEGS GSUNGS PAS , BDAG 'DIL MI MCHI ZHUS PAS , RNAL 'BYOR PA'I ZHAL NAS , JO BO STON PA DA DUNG MTSAN NYID PA'I SKYA DRI MA SANGS PAR 'DUG GSUNG BAS ,KHONG GI THUGS LA NGAS 'DIR THIM GYIS SONG NA RUNG BA LA DGONGS PA BYUNG GSUNG ,RNAL 'BYOR PA LO BRGYAD DANG, DGON PA BA LO LNGA BSTEN PAR GDA', DE DUS SPYAN SNGA SKU MTSAMS LA BZHUGS PAS SPYAN SNGA LA DAD PA 'KHRUNGS TE RNAL 'BYOR PAS NGO CHEN MDZAD NAS CHOS THUN BZHI TSAN GCIG THOG MAR GSAN,

RNAL 'BYOR PA SKU GSHEGS NAS SPYAN SNGA LA BRTEN, GSER SRANG BRGYAD BRGYA 'BUL BA'I DAM BCA' MDZAD PA LA, PHYED DANG DRUG BRGYA PHYAG TU THOBS DUS SPYAN SNGA SKU GSHEGS PAS , PHYED DANG SUM BRGYAS DGONGS PA RDZOGS PA'I DON DU STOD LUNG BTZAN GRO DGON PA GTZUG LAG KHANG DANG BCAS PA DGUNG LO BDUN CU RTZA GNYIS PA CHU MO LUG LA BZHENGS , SKU GSUNG THUGS KYI RTEN SNGA PHYIR DPAG TU MED PA BZHENGS PA'I GRAGS CHE BA, RAB GNAS KYI DUS SPYAN SNGA LA CHOS GSUNGS PA'I 'JAM DPAL DPA' BO'I SKU LA SOGS PA RGYUD SBYANGS MA BDUN DANG , RNAL 'BYOR PAS RAB GNAS MDZAD PA PO TO'I GSUNG 'BYON ,MKHA' RU'I LJANG SKYES , BTZAN GRO'I CHU KHOL ZHES RTEN RTAGS THON GSUM DU GRAGS PA'I CHU KHOL THUB PA SOGS MANG DU BZHENGS , KHONG GI ZHAL NAS , STOD LUNG PA'I BAN DE LA CHOS STON DRANGS PA BAS, LO PA'I KHYIL ZAN BYIN PA BSOD NAMS CHE ZHES GSUNGS TE , PHYOGS BCU'I SANGS RGYAS THAMS CAD MCHOD PA BAS BLA MA'I BA SPU'I BU GA GCIG MCHOD PA PHAN YON CHE BA GSANG BA 'DUS PA'I RGYUD SOGS RGYUD DANG GRUB CHEN GYI GZHUNG MANG PO LAS 'BYUNG BA DANG, BYANG CHUB LAM GYI RIM PA'I RTZA BA BSHES GNYEN BSTEN TSUL LA THUG PAS 'DI'I THAD NAS RTEN 'BREL GYI SGO MA 'PHYUGS PA ZHIG DGOS ZHES 'DOMS PA'O, ,DE LTAR STOD LUNG PA CHEN POS SPYAN SNGA LO BDUN BSTEN NAS MNYES PA GSUM

, ,GYIS MNYES PAR MDZAD, SPYAN DANG MNGON PAR SHES PA MNGA', YI DAM MANG PO'I ZHAL GZIGS, BDEN GNYIS KYI RTOGS PA THUGS LA 'KHRUNGS, 'GRO BA'I DON RGYA CHEN PO MDZAD DE DGUNG LO BRGYAD CU RTZA LNGA PA ME PHO SPRE'U'I LO MNGON PAR BYANG CHUB PA'I ZLA BA'I TSES BRGYAD LA LAM DGON DU SKU GSHEGS SO, ,SPYAN SNGA'I SLOB MA SMYUG RUM PA CHEN PO NI, SPYAN SNGA'I ZHABS LA BSNYEN NAS GDAMS PA MANG DU GSAN, KLUNGS SHOD MDAR SMYUG RUM GYI DGON PA BTAB, PHYIS SPYAN SNGA PHEBS NAS GNAS DE RDO RJE GDAN DU BYIN GYIS RLOB PAR MDZAD, RJE SGAM PO BAS KYANG BLA MA 'DI'I ZHABS LA BTUGS TE BKA' GDAMS LAM RIM GSAN NAS SKAL BA DANG LDAN PA MTHA' YAS PA LA 'DOMS PAR MDZAD DO, ,DGE BSHES SMYUG RUM PA 'DI NI DUS SKABS KUN TU RANG GI RGYUD LA BRTAGS NAS RANG RGYUD 'DUL BA GTZO BOR MDZAD DE YI DAM LHA'I BSNYEN PA BYED PA'I TSE YANG RANG GI NYON MONGS 'DUL BA'I THABS KHO NAR MDZAD DE SMYUG RUM PA'I ZHAL NAS, NYON MONGS PA NYUG GIS BYUNG TZA NA LE LO MI BYA BAR MOD LA GNYEN POS BZLOG ,MA NUS NA LANG LA MAndAL DANG MCHOD PA BSHAM BLA MA DANG YI DAM LA PHUL LA GSOL BA GDAB, DE LA DMIGS NAS KHRO BO'I BZLAS PA BYAS PAS NYAL GYIS 'GRO GSUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BKA' GDAMS SKU MCHED GSUM GYI NANG NAS SKU NA GZHON PA 'BROM CHOS KYI RGYAL PO'I

GSANG BA'I MDZOD 'DZIN PA SPYAN SNGA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR DAL 'BYOR RNYED PAR DKA' BA DANG, TSE LA LONG MED PA'I TSUL YANG YANG BSAMS LA SGRUB PA LA NANG NAS BSKUL TE BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,BSHES GNYEN TSUL BZHIN BSTEN MDZAD GZHON NU 'OD, ,CES BSNGAGS PA, DGE BA'I BSHES GNYEN BYA YUL PA CHEN PO NI, STOD LUNG GOL GO LUNG DU YAB G-YUNG DRUNG 'BAR DANG, YUM STOD LUNG PA'I LCAM MO GYI LJANG BZA' LCAM BU GNYIS KYI SRAS SU SHING MO YOS LA 'KHRUNGS, MTSAN 'BUM RTAG CES BTAGS, SNGON YUN RING PO NAS LAM LA SBYANGS PA'I BAG CHAGS SAD PAS BYIS PA'I SPYOD TSUL RGYANG BSRINGS TE DAM PA'I CHOS 'TSOL BA LHUR MDZAD PA ZHIG YOD PA LAS, DGUNG LO BDUN PA LA STOD LUNG PA CHEN PO DANG MJAL, DGE BA'I BSHES GNYEN BSTEN TSUL KHYAD PAR DU 'PHAGS PA ZHIG YOD PAS STOD LUNG PA CHEN PO SHIN TU MNYES NAS CHOS CI RIGS GNANG, DE NAS DGUNG LO BCU GNYIS PA LA TSA THOG DGON PAR RNAL 'BYOR PA'I SLOB MA SGOM PA BYANG GRAGS KYIS MKHAN PO DANG, SPYAN SNGA'I SLOB MA YE SHES RGYAL MTSAN GYIS SLOB DPON MDZAD NAS RAB TU BYUNG, MTSAN GZHON NU 'OD DU BTAGS, BCU GSUM PA LA GOL GO LUNG GI GNYER LO GCIG MDZAD, BCU BZHI PA LA YUM 'DA' LA KHANG PA'I SAR BYON NAS SKYABS 'GRO DANG SEMS BSKYED 'BOGS

, ,BAR MDZAD, YUM GRONGS PA GZIGS PAS RKYEN BYAS SRID PA MTHA' DAG LA ZHEN PA LOG STE THUGS LA SKYO SHAS CHEN PO SKYES NAS STOD LUNG PA MAR GRO ZAR NA BZHUGS PA'I SAR DGUNG LO BCU DRUG LA BYON, BSLAB BTUS SPYOD 'JUG LA SOGS PA'I LAM GYI RIM PA'I MAN NGAG GI GZHUNG RNAMS LEGS PAR GSAN NAS THUGS LA NGES PAR MDZAD, DGE BA'I BSHES GNYEN STOD LUNG PA CHEN PO BSAM SBYOR GNYIS KYIS TSUL BZHIN DU BSTEN TE ZHABS TOG LO LNGA TZAM ZHIG MDZAD, LAN CIG SPYAN SNGA PHYOR PA NA BZHUGS PA'I SAR, STOD LUNG PA DPON SLOB GNYIS KYIS MJAL DU BYON PAS, SPYAN SNGA'I MNGON PAR SHES PAS GZIGS NAS, JO BO STON PA RE SKYID NA 'KHOR 'DI LTA BU YOD PA ZHES YANG YANG GSUNG BAS, DGE BA'I BSHES GNYEN BZHED NA 'BUL ZHUS PAS, JO BO STON PAS CANG 'BUL PHOD DAM GSUNG BAS, MNYES PAR BYUNG SNYAM NAS, DAR YUG GCIG BTAGS NAS PHUL BAS LO GCIG SONG BA NA JO BO STON PA RANG LA DGOS GSUNGS NAS, NA BZA' PHRUG CIG BSKON NAS STOD LUNG PA'I SAR BTANG, DE TZA NA STONG LUNG BA'I ZHAL NAS, NGA'I DGE BA'I BSHES GNYEN MA MNYES PAR BYAS AANG GSUNG, MA MNYES PAR MA BGYIS, STON PA RANG LA DGOS RGYUG GSUNG BAS 'ONGS PA LAGS ZHUS PAS, 'DI CI ZER BA YIN, NGAS KHYOD PHUL ZIN PA YIN PAS DO NUB LAS MA SDOD PAR RGYUG CIG GSUNG, SNGAR BKYON PAS 'TSER BA LA DA RES LAS

DGA' BA CIG MA BYUNG GSUNG, DE NAS SPYAN SNGA'I SKU MDUN DU BYON PAS SPYAN SNGA'I ZHAL NAS, 'U CAG PHA BU GNYIS DA GDOD SKYID GCIG BYA'O GSUNG, LO DGU'I BAR DU ZHABS TOG TSUL BZHIN DU MDZAD PAS, SPYAN SNGA MNYES PA'I GSUNG MANG PO'ANG BYON, MTSAN MO MAndAL BYAS NAS GSOL BA BTAB PAS, SPYAN SNGA'I PHYAG NA RING BSREL MANG DU YOD PA 'PHEL, SPYAN SNGA'I LZHAL NA, KHYOD KHO NA TSE RABS SU SKYID CIG GSUNG, PO TO BA'I ZHAL NAS, KHYED RNAM PA LAS DGA' BA CIG SMAD MA GIN LI ME'I BU LA NYE GNAS SHIG YOD KYI, KHYOD DER SONG LA LTOS DANG MA THA'ANG KHONG 'DZUM PA CIG BYAS NAS GTONG GI GSUNGS, SPYAN SNGA'I GSUNG NAS, KHYOD KYI SHES RAB 'DIS LHA SA SNYE THANG PHYAGS SHING THOGS PA CIG BYAS NA 'ONG GSUNG, YANG KHYOD NI THAR ZIN GYI NGA MA 'JOG CIG GSUNG, SPYAN SNGA SHIN TU MNYES PAS, KHONG BTZUN CHUNG BYUNG TZA NA, NGED RGAN PO KUN KHYI DANG 'DRA ZER NAS PHRAG DOG BYED PA YANG BYUNG, LAN CIG STOD LUNG PAS SPYAN SNGA MJAL DU BYON TZA NA, BTZUN CHUNG 'DI CI 'DRA ZHUS PAS, KHO SGOR SONG NAS BSHAD GSUNGS NAS BYA YUL BA SGOR BZHUD PA DANG BTZUN CHUNG 'DI'I DBANG DU BYAS NA, DAD PA NGA BAS CHE, SHES RAB NGA BAS CHE, BRTZON 'GRUS NGA BAS CHE, SNYING RJE NGA BAS CHE, NAM MKHA' LA MDUNG BSKOR GSUNG, CHOS GSUNG TSAD THAMS CAD KYI RTZAR 'JOG, LAN CIG NYAN PHU'I DGON PAR MANG RA DANG BYA YUL BA GNYIS LA DBANG STABS SHIG TU MDZAD, SPYIN SNGAS RAB GNAS KYI CHO GA RNAL MAR

, ,BSLABS PA DGE BSHES KOR CHEN PO DANG, MANG RA SGOM PA GNYIS YIN, SMYUG RUM NA BZHUGS DUS, KHYOD LA DGOS GSUNG NAS RAB TU GNAS PA'I CHO GA RGYAS PA RNAL MA CIG BYA YUL BA LA GDOD BSLABS PA YIN GSUNG, YANG SPYAN SNGA'I ZHAL NAS, BYA YUL BA LA KHYOD SGRUB PA PO ZHIG 'ONG SNYAM TZA NA, TSOGS SDUD PA CIG 'ONG BAR 'DUG GSUNG, NUB CIG GI RMI LAM NA 'BUM BA CIG LA ME LONG MANG PO BKAB BA CIG RMIS ZHUS PAS, KHYOD KHAN RE SDUG ,RTAG TU MI NGO ZHI TSE LTA DGOS BYA BA'I RTAGS YIN GSUNG BA LA, DE THUGS MAD PAR GDA', DGE BA'I BSHES GNYEN GYI ZHABS TOG BYED TZA NA, GRVA BA DE TZAM ZHIG GI NGO LTA DGOS PA BYUNG, DA LTA 'DI TZAM ZHIG GI NGO LTA DGOS BYUNG GSUNG, MI GZHAN GYI BSAM PA LA, SPYAN SNGA'I ZHABS TOG KHON LA 'KHOL BAS CHOS SHES PA CANG 'ONG NGAM SNYAM NAS DE SKAD ZER BA LA, NGA'I RNA BA'I LAM DU BYUNG BAS CHOG PA YIN GSUNG, NANGS CIG THAL BA 'BOD DU BYON PAS, SKAS GDANG GSUM PA'I KHAR PHEBS PA'I TSE, BKA' SDE SNOD KYI DON MA LUS PAR THUGS LA LAM GYIS SHAR, TING NGE 'DZIN GYI NGANG DU KHYUR GYIS 'GRO BA ZHIG BYUNG BAS BLA MA'I ZHABS TOG LA YID CHES TE, SKYID SMAD PA'I DGE PA SHES 'DI RNAMS BLA MA'I ZHABS TOG LA MI 'BAD PAR THOS PA KHO NA LA 'BAD PA 'DI NOR BA YIN GSUNG, LAN CIG SPYAN SNGA'I ZHAL NAS, KHYOD KYIS TSA BA DER CI BTAB BAM, MDANG DA NANG SHED AEN RE SKYES GSUNG, ZLA BA

GCIG LA NA BZA' DROD MA RANG YANG BCU GSUM PHUL GSUNG, NGAS RIN PO CHE DE RDZAS YO BYAD DAD PA SHES RAB KYIS MNYES PA MA LAGS TE, LUS LA ZHO SHA YOD PAS SHA KHRAG LBU BAR SONG SONG DU 'BUNGS PA YIN, DA LTA MKHAS BTZUN STON SGOM THAMS CAD 'DUN PA 'DI YANG DGE BSHES DE MNYES PAR BYAS PA LAS BYUNG BA YIN GSUNG, LAN CIG YUL DU BYON NAS THUGS RTZOL MDZAD BAS GSER SRANG BCU GNYIS RNYED, STOD LUNG PAS BRGYAD GNANG BYUNG BAS GSER SRANG NYI SHU'I 'BUL BA MDZAD, SPYAN SNGA 'DA' KHAR MA 'ONGS PA NA THUGS LA GDAGS PAR ZHU ZHUS PAS, SPYAN SNGA'I ZHAL NAS, JI SRID CHOS KYI SKU ZHIG TU MA GYUR GYI BAR DU 'U CAG GNYIS PHA SPAD BYED PA YIN MOD GSUNG STE NGA DE LA RE BA YIN GSUNG, SPYAN SNGA GSHEGS RTING PHU CHUNG BA DANG, PO TO BA'I SAR GSER SRANG RE'I 'PHUL BA BSKYAL, BO TO BA'I ZHAL NAS, NGA'I 'DIR SDOD KHANG PA YANG RTZIG ,BRGYAGS KYANG NGAS SBYAR TE SGOM DU GZHUG GI GSUNG BA LA, STOD LUNG PAS BKYON GYI DOGS NAS MA BZHUGS GSUNG, PHU CHUNG DU BYON DUS JO BO MI G-YO PA'I ZHAL GZIGS, SPYAN SNGA'I THUGS DAM YIN PAS MYA NGAN SEL BA LA BYON BA'I ZHAD DU GDA', LAN CIG MGON PO GRI GUG THOD PA CAN GYI ZHAL GZIGS, THUGS RJE CHEN PO'I RIGS DPAG TU MED PA'I ZHAL GZIGS, DE NAS SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS GSUNG, LAN CIG BRUL GYIS RA BA SKOR BAR BZHUGS DUS SKYOB SANGS LA BYON PAS, SLOB DPON N'A GA

, ,BO DHI DANG ZHAL MJAL ZHING CHOS GSUNGS, DE NAS NANG DU BYON NAS MCHOD PA PHUL GSOL BA BTAB BAS, MKHA' 'GRO MA MANG PO GAR BYED CING BYUNG BA ZHAL GZIGS GSUNG, SPYAN SNGA 'DA' KHAR KHYOD 'TSENGS BYA BA LAN GSUM GSUNGS, KHYOD MI CHOS KYI YUL DU MA 'GRO ,DGE SLONG MA BYED GSUNG BA LA, PHYIS MANG RA SGOM PA'I ZHAL NAS, BYA YUL BA LA KHYOD DGE SLONG BYA DGOS GSUNG BAS, SPYAN SNGA LA GSOL BA BTAB STE RMI LAM BRTAG PAR MDZAD BAS, GDUNG RTEN GCIG LA LUGS LAN GNYIS MI DGOS BYA BA CIG BYUNG, DER MI GNANG BA YIN SNYAM YOD TZA NA DGE BSHES MANG RAS DBANG MA BYUNG BAS, YANG DGE SLONG BYED PAR GSOL BA BTAB BAS, SNAM SBYAR RGYA GAR MA CIG GNANG BA RMIS NAS, DGE SLONG BYED PAR GNANG BA BYUNG SNYAM NAS MKHAN PO 'CHAD 'U PAS MDZAD, MANG RAS LAS SLOB, RGYA SHES RAB 'BAR GYIS GSANG STE BA MDZAD NAS BSNYEN PAR RDZOGS, DE NAS GLANG RI THANG PA LA MDO RTZA TSAR GCIG GSAN, RGYA SHES RAB 'BAR LA TSAR GNYIS, STONG LUNG GI SLOB DPON SHES RAB BLA MA LA TSAR GCIG STE TSAR BZHI NYAN GSUNG, GZHAN GYIS CHOS GSAN DUS NA ZIN BRIS MDZAD DAM MA MDZAD ZHUS BAS, ZIN BRIS 'DRA BAS GAR YANG MI PHYIN, CHOS THAMS CAD DUS GCIG LA LAM GYIS SHES DGOS PA YIN GSUNG, SPYAN SNGA'I ZHABS TOG LO DGU MDZAD DE, RTAG TU DUS CHOS 'PHAGS BSTEN PA DANG, 'BROM RIN PO CHES JO BO BSTEN PA DANG MTSUNGS PAR LAM

GYI RTZA BA BSHES GNYEN BSTEN TSUL LA RGYAL BA SRAS BCAS KUN GYIS BSNGAGS 'OS SU GYUR PA ZHIG MDZAD, DGUNG LO NYI SHU RTZA DGU'I THOG TU SPYAN SNGA BA SKU GSHEGS, DE RJES LO BZHI SKU MTSAMS LA BZHUGS, TSOGS BSDUS PA'I SNGA SHOS GNYER DU BYAN DAR MA RATNAS SPYAN DRANGS TE CHOS GSUNGS, DE NAS DGON PA 'DEBS PAR DGONGS PA LA, BYA YUL GYI SHUL DE NA SNGAGS BTZUN BZA' MI GNYIS YOD PAS, DE GNYIS KYIS GNAS DE ZHA PA LA PHUL, ZHA PAS GLANG RI THANG PA LA PHUL, KHONG GIS BRTAG PA MDZAD PAS SA DE GNYAN PAR 'DUG GSUNG NAS MA BZHES, SLAR ZHA BAS BYA YUL BA LA PHUL BAS THUGS DGYES TE, SA BDAG PHAL CHE BA GNAS GZHAN DU SPO BA'I CHO GA MDZAD, KLU GNYAN CHE BA GCIG GI STENG DU GZIM MAL BCAS NAS BTUL, DE NAS SA DE PHA BONG THAG THUG TU YOD PA LA LA BCAG ,LA LA SBED PA LA SOGS BA'I RTZOL BA CHEN PO MDZAD DE, DBU RTZE KA BA BCU GNYIS, KHYAMS KA BA BZHI BCU RTZA GNYIS YOD PA RNAMS SHING PHO RTA'I LO LA RMANG BTINGS NAS, LO BCU GSUM PA ME RTA'I NANG TSUN DU DGON PA GTOR TSUGS YAN RDZOGS PAR GRUB, SHA RA BA DANG YANG THUGS GCUGS PAS KHONG GI GRVA PA RNAMS KYANG GTZUG LAG KHANG BRTZIG PA'I LAS MI LA BTANG, NYE GNAS SHER SENG BYA BAS SHING RNAMS NYANG PO NAGS SHOD NAS DRANGS, DBU RTZE TSAR NAS SHER SENG NA RE, CHEN PO ZHIG NI TSAR, DA KHENGS PAR MDZOD CIG ZER BA LA DGE BSHES KYI ZHAL NAS SHONG BAR GYIS SHIG GSUNGS, KHYAMS STOD TSAR KHYAMS SMAD MTSAR

, ,BA LA GNAS BRTAN SE CHUNG BYA BAS SHER SENG LA DUG BTANG BAS, 'CHI KHAR DGE BSHES KYIS KHYOD 'JIGS MI DGOS, NGA DANG LHAN DU 'ONG GI GSUNGS NAS BUM CHOG MDZAD PAS NGAN SONG NAS THON GSUNG, GTZUG LAG KHANG LEGS PAR TSAR NAS DBU RTZER 'BUM CHA BDUN CU TZAM GYIS THOG DRANGS PA'I RTEN DANG BCAS PA SA RGYAN GNAM RGYAN MI SHONG BA TZAM BYUNG, SPYAN SNGA'I THUGS BZHUGS PA'I DNGUL GYI GDUNG KHANG DAR CO GA CAN LA SOGS PA DGE BSHES NYID KYIS BZHENGS PA'ANG MANG DU YOD DO, ,LAN CIG TSOGS SU DGE BSHES KYI ZHAL NAS, GTZUG LAG KHANG BZHENG BA RGYAL BLON BYANG CHUB SEMS DPA'I LAS YIN, RAB TU BYUNG BA'I LAS MIN ZER TE, SNGON GYI DUS SU SLOB DPON SANGS RGYAS YE SHES ZHABS KYIS GTZUG LAG KHANG BZHENGS PA DANG, JO BOS BAL YUL DU THANG BI HA RA'I GTZUG LAG KHANG BZHENGS PAS CHOS TSUGS SHIN TU BZANG BAR BYUNG BA DANG, JO BO'I BKA' LUNG GIS DGE BSHES STON BAS RVA SGRENG GI GTZUG LAG KHANG BZHENGS SU GSOL BA LAGS, 'U CAG GIS KYANG BLA MA RNAMS KYI THUGS DGONGS BSKANG BA'I CHED DANG, DKON MCHOG GSUM GYI ZHABS TOG DANG, GZHAN LA PHAN GDAGS PAR BYA BA'I CHED DU BZHENGS SU GSOL BA YIN, 'U CAG GIS DE GONG LO BCU GNYIS BCU GSUM GZHAN LA 'CHI BA MI RTAG PA SHA STAG BSHAD DE, NGA RANG LA PHYI NANG GI MI RTAG PA RNAL MA CIG MDANG DA NANG RGYUD LA SKYES, LAS 'BRAS LA YID CHES

PA'I DAD PA RNAL MA CIG GDOD RGYUD LA SKYES, 'KHOR BA LA YID 'BYUNG RNAL MA CIG ,BYAMS SNYING RJE BYANG CHUB KYI SEMS RNAL MA CIG ,KUN RDZOB SGYU MA LTA BU NAS GNAS LUGS PHYIN CI MA LOG PA'I BAR LA NGES PA RNAL MA GCIG KYANG GDOD RGYUD LA SKYES, DES NA NGA RANG LA GO BA CIG YOD AANG GSUNG, DGE BSHES MTHA' BZHI SGOM BRTZON GYIS, BYANG CHUB SEMS DBA' ZHI BA SKYONG BYA BA DE BYA YUL BA LA ZER PA YIN GSUNGS PA DANG, BYA YUL BA PHU CHUNG NA BZHUGS DUS MANG RA SGOM PA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG, LAN CIG BYA YUL DU LHA RJE SNYING SGOM GYIS DGE BA'I BSHES GNYEN LAGS, KHYED KYI THUGS LA BDEN PA GNYIS CI TZUG SKYES GSUNG BAR ZHU ZHUS PAS, DGE BSHES KYI ZHAL NAS KUN RDZOB BYANG CHUB KYI SEMS DANG DON DAM BYANG CHUB KYI SEMS RGYUD LA SKYES GSUNGS, DE LA SNYING SGOM GYIS RANG GI SEMS NYID GZHIGS NAS STONG PAR GTONG BA LAGS SAM, PHYI ROL GYI YUL GZHIGS NAS STONG PAR GTONG BA LAGS ZHUS PAS, DGE BSHES KYI ZHAL NAS, MDA' DUM KHONG DU BZHAG NAS RMA KHA TSIL BUS BSKUS PA'I CHOS KYIS GAR YANG MI PHYIN, RKUN MA NAGS LA SONG BA LA RJES GRAM PA LA DPYOD PA'I CHOS KYIS GAR YANG MI PHYIN PAS, RANG GI SEMS NYID STONG PAR GTONG BA YIN, DES PHYI ROL GYI SGROG RANG GROL LA 'GRO, THAMS CAD STONG PA NYID YIN GSUNG, 'DI JI TZAM NA THUGS LA 'KHRUNGS ZHUS PAS, NGA DANG PO SPYAN

, ,SNGA'I ZHABS TOG BYED PA'I DUS NA SKYES PA YIN GSUNG, YANG RJE SGAM PO PAS BLA MA RIN PO CHE 'KHOR ZAR ZIR MANG PO DANG GTZUG LAG KHANG BZHENG BA SOGS MDZAD PA MANG PO 'DI RNAMS KYIS THUGS DAM LA MI GNOD DAM ZHUS PAS, MI GNOD GSUNGS, YANG LAN CIG SLOB MA CIG GTZANG DU 'GRO BA LA NGA LA LO KHYUD SKOR GCIG 'JIG RTEN GYI RNAM PAR RTOG PA SKYE MA MYONG BA YIN, NGA LA GSOL BA 'BAD LA THOB, BAR CHAD MI 'BYUNG ZHING BYIN RLABS 'BYUNG GSUNG, LAN CIG DGE BSHES KYI ZHAL NAS, BKA' GDAMS PA'I DGE BSHES MANG PO ZHIG GIS SNGAGS MI SHES, SHES KYANG DGE BA'I BSHES GNYEN LA LUNG MA THOB, 'U CAG GIS SNGAGS SHES PA YIN, DGE BA'I BSHES GNYEN LA LUNG LEGS PAR THOB PA YIN PAS 'CHAD 'TSAL GSUNGS NAS, GSANG SNGAGS KYI GDAMS PA'ANG MANG DU GNANG BAR MDZAD, DGE BSHES SHA RA BA SU LA'ANG MNYES PA MED PA CIG YIN TE, BYA YUL BA DE'I THUGS SUS KYANG DPOGS MI NUS PA CIG SNANG GSUNG SKAD, DGE BSHES SHA RA BA DBYE GONG DU BZHUGS PA CIG LA PHYAG LA BYON, DE NAS PHYIR 'BYON KHAR DGE BSHES SHA RA BAS SKYEL THUNG MDZAD PA LA, BYA YUL BA'I ZHAL NAS; MA 'ONGS PA NA DGA' LDAN DU MJAL BAR ZHU GSUNG BA LA, DGE BSHES SHA RA BA'I ZHAL NAS, 'U CAG GNYIS RGAN PO MIN, DA DUNG THANG GCIG MJAL GSUNGS PA LA, DE NAS MA MJAL BAR 'DAS, DE NAS BYA

YUL BA RNAMS LA KHYED RANG GI MDUN MA BYUNG NA, CHAS RKYEN GYIS 'THOGS PA MED KYI GSUNG BA DANG, SANG PHOD MYA NGAN LAS 'DA' BA'I DA LO SPYAN SNGA'I 'DAS MCHOD LA BU RAM LAG PAS THEG TSAD GTONG DGOS, SANG PHOD NAS 'GRUB NGES MED GSUNG BA LA, DGAG DBYE'I DUS SU LAS BYED DKON GNYER RNAMS KYIS DA RES 'BUNGS SHIG ,PHYIS NAS DGOS TE MI 'ONG GSUNG BA DANG, TSUL THON NAS GNAS BRTAN BRTZON 'GRUS RDO RJES RAB GNAS SHIG MDZAD NAS 'DI NGA'I RAB GNAS KYI PHYI MA YIN GSUNGS NAS MYA NGAN LAS 'DA' BA'I GSUNG BYON, GZHAN YANG BYA YUL, KLUNGS SHOD, MAL GRO GSUM DU DUS GCIG LA GRAL DBU MDZAD PA DANG, MDO SMAD DU DANG TSANG BA'I GTZUG LAG KHANG GI RAB GNAS DANG, DVAGS PO SHA BA GLING PA'I MCHOD RTEN GYI RAB GNAS ZHUS PAS, DUS TSOD TSES GRANGS 'DI LA MCHOD PA RGYA CHEN PO SHOMS, GSOL BA THOB, NGAS GZIM CHUNG 'DI'I STENG NAS RAB GNAS BYED PA YIN GSUNGS TE, KUN GYIS MTHONG SAR GTZUG LAG KHANG DANG MCHOD RTEN GYI STENG DU PHYAG NAS BABS PAS, DE NAS SPRUL PA'I SKUR GRAGS, MI MA YIN MANG PO LA CHOS GSUNGS PA DANG, BSKYED RDZOGS KYI TING NGE 'DZIN BRTAN PO DANG LDAN ZHING MNGON PAR SHES PA RGYA CHEN PO MNGA' BA'I LO RGYUS MANG DU SNANG NGO, ,DE LTAR BDAG NYID CHEN PO 'DIS 'GRO BA'I DON YUN RING DU MDZAD DE, DGUNG LO DRUG CU RTZA BZHI PA SA PHO RTA'I SMIN DRUG ZLA BA'I TSES BCO BRGYAD LA GSHEGS PA'I TSUL BSTAN,

, ,GSHEGS KHAR JO BO PA TSAN CIG GIS NGED RNAMS JI LTAR BYA ZHUS PAS, KHYED THAMS CAD BSRUNG SDOM DAG TU GYIS, NGA LA DAD PA DANG GUS PA SGOMS, NGA'I RUS BU 'DI SREGS SHIG GSUNGS, DE NAS 'U CAG GI DGE BSHES 'U CAG GI DGE BSHES GSUNGS NAS, BLA MA RDO RJE GDAN DU YUN RING AANG GSUNG, DE NAS ZHAL BSIL NAS 'JUG PA'I CHO GA GCIG MDZAD, 'CHI BA BYA BA MED MYA NGAN BYA MI DGOS GSUNGS NAS, SKYIL MO KRUNG BCAS NAS THUGS DAM MDZAD, DE NAS SGOM PA BYANG BLA LA MNYES MNYES TZAM MDZAD, SENG GE'I NYAL STABS BYA GSUNGS NAS SPYI BO NAS YAR RLANG PA CHEN PO ZHIG PHYUR GYIS BYUNG NAS, DBU ZIL PA PHROM ME BA LA MYA NGAN LAS 'DA' BA'I TSUL BSTAN, DGUNG LO DRUG CU RTZA BZHI PA SMIN DRUG ZLA BA'I TSES BCO BRGYAD LA GSHEGS PA'I PHYI DE NYIN PAR NAM MKHA' LA 'JA' TSON DPAG TU MED PA BYUNG, DE NAS SPUR DBON SHES RAB LA SOGS PA'I GNAS BRTAN RNAMS KYIS BDAG BYAS NAS GRVA PA NYIS STONG LA DBANG MA BYUNG BA LA, DGE BSHES SHA RA BAS, BYANG CHUB SEMS DPA' CHEN PO DE'I SPUR RUL DU BCUG NA DRI MI ZHIM PAR TSOR BA THAMS CAD DMYAL BAR 'GRO BAS SPUR SPYONGS GSUNG BA LA BRTEN NAS, SKU STOD RDO RGYUS KYI SPANG KHEBS KYIS DRIL NAS SKU SMAD BZHU BAR GNAS BRTAN RNAMS KYIS GNANG NAS SBYANGS PAS, DU BAS GAR KHYAB TU RING BSREL BYUNG BA DANG, DUNG G-YAS 'KHYIL, RNAM RGYAL MCHOD RTEN, SGROL MA RNAMS BYON, RGYA STON

GYIS RING BSREL NYIS BRGYA LNGA BCU RTZA BDUN, SGOM PA BRTZON 'GRUS RGYAL MTSAN GYIS BRGYA NYI SHU RTZA BDUN, MANG RA GZHON NU G-YUNG DRUNG LA DRUG CU, GAD SHAGS LA PHYED DANG NYIS BRGYA, YAR KLUNGS PA SMON STON LA NYIS BRGYA, NYANG PO GZHON SHA'I RING BSREL GCIG LA DGUR 'PHEL, RTA SHA SKYON GU LA SUM BRGYA, GOL GO LUNG GI DNGUL GYI GDUNG RTEN NA RING BSREL BRGYA RTZA BRGYAD, JO BTZUN BYAMS PA LA SUM CU, LHA BZO SGOG SKYA LA SUM CU, NGAR PA LA BCO LNGA, GDUNG SOL KHYOR GANG GI NANG DU RING BSREL BDUN CU RNAMS BYON PAS GDUL BYA RNAMS TSIM PAR BYAS SO, ,BDAG NYID CHEN PO DE LA TSOGS PA NYIS STONG LNGA BRGYA TZAM 'DUS PA'I NANG NAS BYANG CHUB LAM GYI RIM PA'I KHRID RGYA CHER SPEL BA'I RGYUD 'DZIN CHEN PO NI SGYER SGOM PA CHEN PO YIN LA, GZHAN YANG RJE SGAM PO PA SOGS BSTAN 'DZIN DAM PA MANG DU BYON NO, ,SGYER SGOM PA CHEN PO'I RNAM THAR NI 'CHAD PAR 'GYUR LA, ,RJE SGAM PO PA NI, GNYAL STOD BOD SNYIR YAB DBU GTZO RGYAL 'BAR DANG, YUM SHO ROM BZA'I SRAS SU SA MO LUG LA 'KHRUNGS, DGUNG LO NYI SHU RTZA DRUG LA DVAGS PO RONG KHAR MAR YUL BLO LDAN GYIS MKHAN PO DANG, SHA BA GLING PA LA SLOB DPON ZHUS TE CHIG RDZOGS MDZAD, MTSAN BLO GROS GRAGS SU BTAGS SHING, YONGS LA BSOD NAMS RIN CHEN ZHES GRAGS SO, ,RJE SGAM PO PAS DGE BA'I BSHES GNYEN BYA YUL BA CHEN PO, SHA BA GLING PA, RGYA YON BDAG ,DGE BSHES SGRE PA, SMYUG RUM PA CHEN PO,

, ,RGYA LCAGS RI GONG KHA BA CHEN PO RNAMS BSTEN NAS BKA' GDAMS KYI GDAMS PA MA LUS PA GSAN TE SGRUB PA BYA DGONGS NAS, YAB MES KYIS BRTZIGS PA'I GSER KHA BYA BA'I GNAS GZHIR BRANG KHANG BRTZIGS, PHA ZHING GIS MTHUN RKYEN BYAS NAS SGRUB PA YUN RING DU MDZAD PAS BYANG CHUB LAM GYI RIM PA LA MYONG BA THON TE, SRID PA MTHA' DAG LA ZHEN PA LOG PA'I NGES 'BYUNG DANG BYAMS SNYING RJE BYANG CHUB KYI SEMS BCOS MA MA YIN PA DANG; GNAS LUGS RTOGS PA'I LTA BA RNAMS RGYUD LA SKYES SHING, NYIN ZHAG MANG PO'I BAR DU TING NGE 'DZIN RE'I NANG DU GNAS NUS PA BYUNG, DE NAS RGYA LCAGS RIR ZHABS BSKOR MDZAD PA'I TSE SPRANG PO GSUM LAS RJE BTZUN MI LA'I SNYAN PA GSAN PAS, DAD PA'I RKYEN BYAS TE PHA ZHING GSER DU BTZONGS, BKA' GDAMS KYI BLA MA RNAMS LA PHYI PHYAG MDZAD, DE NAS RJE BTZUN MI LA'I SPYAN SNGAR BYON TE BLA MED KYI RGYUD SDE MTHA' DAG GI SNYING PO'I BCUD BSDUS PA N'A RO'I CHOS DRUG DANG, DE'I YAN LAG GI GDAMS PA RNAMS LEGS PAR GSAN NAS THUGS NYAMS SU BZHES PAS RTOGS PA THOB NAS GDUL BYA 'DUL BA'I DUS LA BAB PA NA DVAGS LHA SGAM PO BTAB STE 'GRO DON BSKYANGS PAS; BKA' PHYAG CHU BO GNYIS 'DRES PAR GRAGS SHING, SLOB MA'ANG MKHAS SHING GRUB PA BRNYES PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN BYA YUL BA CHEN

PO LA GSOL BA 'DEBS SHING BDAG NYID CHEN PO 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN TE SKYES BU GSUM GYI LAM GYI RIM PA NYAMS SU LEN PA LA SKYES BU'I RTZAL CI YOD KYIS 'BAD PAR BYA'O,, ` ,,THEG MCHOG LAM GYIS RGYUD SBYANGS DGYER SGOM ZHABS, ,ZHES BSNGAGS PA, DGE BA'I BSHES GNYEN DGYER SGOM PA CHEN PO NI, BRAM ZE DGYER LHA SNANG GI RIGS SU SNON GYI MDAR YAB DGYER SHES RAB SKYABS DANG, YUM G-YANG MO KLU LCAM GNYIS KYI SRAS SU LCAGS PHO RTA LA 'KHRUNGS, GZHON NU'I DUS NAS CHOS KYI BAG CHAGS SAD PAS CHOS BZHIN SPYOD PAS DUS 'DA' BA ZHIG BYUNG ZHING, DGUNG LO BCU GNYIS LON DUS YAB GRONGS PAS YUM GYIS BYIS PA CHE BA GNYIS PHRAG DU BCUG ,CHUNG BA RGYAB TU KHUR NAS GNYER NA ZHANG PO BYAN DAR MA RATNA BYA BAS GNYER GYI DPON MDZAD PAS DE LA GTAD NAS RGYAL SRAS 'DI GNYER DU DGUNG LO BCU GNYIS LA RAB TU BYUNG, MTSAN GZHON NU GRAGS PAR GSOL, RAB TU BYUNG TZAM NYID NAS 'DUL BA'I BCAS MTSAMS RNAMS LEGS PAR BSLABS TE MIG GI 'BRAS BU LTAR GCES BAR BSRUNG ZHING BKA' GDAMS KYI CHOS SPYOD 'DZIN PA SOGS LA BRTZON PA CHER MDZAD DO, ,DE NAS GLANG RI THAD PA'I PHYAGS PHYIR BYON TE, GLANG RI THANG PA'I ZHAR CHOS PA 'DUL BA 'DZIN PA CIG LA 'DUL BA GSAN, DE NAS BYA YUL BA CHEN PO GNYER DU BYON PA CIG LA TSOGS CHOS GSAN, BYA YUL BAS TSOGS CHOS KYI SNGA SHOS GNYER DU GNANG BA YIN PA 'DUG ,DE'I DUS

, ,SU DGE BSHES DGYER 'DI'I BSLAB PA'I SLOB DPON CIG GI ZHAL NAS, BYA YUL BA LA 'DI LA THUGS LA GDAGS PAR ZHU, 'DI LA RE CHE BA LAGS 'DIS SDOM PA BLANGS PA'I NUB MO S'ATZTSA LEGS PA KOR PHOR NAS PHYUNG BA RMIS GSUNG BA LA, BYA YUL BA'I ZHAL NAS, NGA'I SKYE BA SNGA MA'I SLOB DPON CIG YIN PAR 'DUG GSUNGS NAS DGE BSHES BYA YUL BA CHEN POS DBU ZHVA PHUD DE DGYER SGOM PA'I DBU LA GSOL NAS PHYAG BZHAG BYIN RLABS MDZAD, SGOM CHEN CHE NGES PA CIG CI 'ONG BYED DGOS BSOD NAMS CAN ZHIG 'ONG BAR 'DUG GI ,NGA BAS KYANG KHYOD BSOD NAMS CHE BA YIN GSUNGS, PHYIS SU SONG TZA NA BYA YUL BA CHEN PO LAS NGA TSE RING BAR BYUNG, DE'I STOBS KYIS BSAM PA THAMS CAD 'GRUB PAR BYUNG GSUNG, NYIN CIG BYA YUL BA SKYOB SANGS LA 'BYON PA'I PHYI NA PHAR BYON PAS ME TOG KHUG CHOS GTZANG SING BA GSUM RNYED, BYA YUL BA LA PHUL BAS RTEN 'BREL BZANG, KHYOD LA SDE SNOD GSUM PA CIG BYA DGOS GSUNG, DE NAS BYA YUL BA CHEN PO BSAM SBYOR GNYIS KYIS TSUL BZHIN DU BSTEN TE GTZO BOR LAM RIM GYI KHRID DANG GZHAN YANG BYA YUL BA LA MNGA' BA'I CHOS RNAMS MA LUS PAR GSAN, BYA YUL BA LA LAM RIM GYI KHRID JI LTAR GSAN PA LTAR THUGS NYAMS SU BZHES SHING CHOS GANG GSAN PA THAMS CAD TSIG GCIG KYANG CHUD MA ZOS PAR MKHYEN RAB RLABS CHEN POS LEGS PAR BZUNG NAS MNYEL BA MED PAR MDZAD DE DGE BSHES DGYER SGOM PA RANG NYID KYI ZHAL NAS, NGAS

BYA YUL BA CHEN BO'I ZHAL LAS GANG THOS PA THAMS CAD DA DUNG MA BRJED PAR GSAL BAR YOD GSUNG, DE NAS DGE BSHES RTZI SGOM BYA BAS SNE'U ZUR DU BYIN NAS, NGED CAG GI DE NA BTZUN CHUNG BLO RNO BA 'DI LTA BU ZHIG BDOG ,'DI KHA'I SPYAN SNGAR BYUNG NA THUGS LA 'DOGS BAR ZHU BYAS BAS THUGS MNYES NAS DE KHRID LA SHOG GSUNGS, DE NAS RTZI SGOM GYIS DGYER SGOM LA SPRAS KYI THOD PA BYA BA NA, DGE BSHES SNE'U ZUR PA BYA BA JO BO MI G-YO BA'I SKU LA BRTAN BA THOB PA CIG YOD PAS KHYED DER SONGS, THUGS LA 'DOGS PAR 'DUG GI GSUNG, DE NAS DGE BSHES DGYER SGOM GYIS SNE'U ZUR DU 'BYON PA'I THUGS DGONGS GTAD, SANG 'BYON PA'I DO NUB SNE'U ZUR GYI GZIM KHANG DANG, BRANG KHANG DANG 'BUM PA LA SOGS PA JI LTA BA BZHIN GZIGS, SANG NANG PAR GZHAN LA LA BYON TE BYAN GYI PHU BCAD, LA MO'I PHU DANG KA BA KLUNGS LA BYON, YUNG BAR DGONG MO PHYI BAR SLEB, SGOM CHEN PA ZHIG GIS GNAS KHANG DANG GNAS MAL SHIN TU 'DZOM PA CIG THUGS LA BTAGS, DE NAS SANG KHAMS PA LUNG PA'I GRVA PA TSAN CIG DANG 'GROGS NAS KHAMS PA LUNG LA BYON, DER ZHAG GCIG BZHUGS, NANG PAR KHAMS LUNG NAS SNE'U ZUR DU 'GRO BA TSAN CIG DANG 'GROGS NAS BYON PAS 'PHYI MO LAS MA SLEB, DER SPYAN SNGAR BYON PAS, KHYED GANG NAS BYON PA YIN GSUNG, KHO BO SNON NAS MCHIS PA LAGS ZHUS PAS, 'O NA RTZI SGOM GYIS ZER BA DE YIN

, ,NAM GSUNG, LAGS ZHUS PAS, DA NGO SHES 'DRA YOD NA DO NUB DER NYOL LA SANG KHA SNANG MIG SNANG LA SHOG GSUNG, NANGS PAR BYON PAS JO BO MI G-YO BA'I DMIGS SKOR GSUM GYI BZLAS LUNG DANG, KHA 'BAR MA'I GTOR MA GNYIS GNANG NAS DE YI GE CIG LA 'DZIN DGOS GSUNG ,JI LTA BA BZHIN ZIN BYUNG LAGS ZHUS PAS, KHYED KYIS NI KHO BO THUGS LAS CHUNG NGUR GZHOL BAS CHOG PA CIG 'ONG BAR 'DUG GO GSUNG, DA KHYOD 'DIR SNGAD CHOG GAM GSUNG BA LA, DA RES SKOR GCIG 'GRO, BRGYAGS KYI RTZOL BSGRUB BYAS NAS 'ONG BA LAGS ZHUS PAS, 'O NA CI THON GYIS SHIG GSUNGS NAS MAR TSUD GCIG, JA BZANG PO MON ZHAL GANG, SKU 'GAG GSOL 'PHRO GCIG RNAMS GNANG, DE NAS TSUR BYON NAS BRGYAGS KYI RTZOL BSGRUB BYAS TE SPYAN SNGAR BYON TZA NA, DA KHYOD NGA'I G-YOG BYED DAM CHOS SEMS GSUNG BA LA, CHOS SEMS LAGS ZHUS PAS, 'O NA CHOS SEMS PA LA KHANG PA RANG DBANG THOB PA CIG DGOS GSUNGS NAS, GSER ZHO DO SKU RKED LAS PHYUNG NAS, 'DIS KHANG CHUNG ZHIG NYOS GSUNG, DE NAS GDAMS NGAG BTAB STE GZHAN RNAMS KYIS NGA MA RNYED PAR 'DUG STE, NGAS KHYOD PHAR BTZAL BA YIN NO DGE SBYOR GYIS GSUNGS NAS GDAMS NGAG THAMS CAD TSAR BAR MDZAD DE THUGS LA SHIN TU BTAGS, SNE'U ZUR DU BZHUGS RING CHOS GSAN PA'I SKABS MA GTOGS MTSAMS LA BRTEN

NAS DGE SBYOR LA BRTZON PAR MDZAD, TSOGS CHOS THUN GCIG CHAG GZHAN YE MA CHAG BAR NAN TAN BYAS PA YIN GSUNG, NGAS SNE'U ZUR DU LO DGU BSDAD DE DBYAR DGUN BSDAD NAS STON DPYID 'GRO YIN MA BYAS GSUNG, DE DUS SNE'U ZUR PA LA TSOGS PA SHIN TU CHE NA SEMS CAN LA PHAN THOGS PA BAG RE GDA' 'AM ZHES GZHAN GYIS ZHUS PA LA, PHYA BA'I BTZUN CHUNG 'DI LA RE BA LAGS GSUNG BAR GDA', DE TZA NA BRANG DPON PHYA PA CIG YOD PAS DGE BSHES 'DI LA PHYA BA'I BTZUN CHUNG BYA BAR GRAGS, SNE'U ZUR PAS TSOGS SU YANG KHYED RNAMS KHO LA MA 'GRAN PAR DGE SBYOR BYED CHUG GSUNGS NAS ,SU DANG YANG MI MNYAM PAR MDZAD, DE NAS SGOM PA LA GTZO BOR MDZAD PAS DGYER SGOM CHEN PO ZHES GRAGS SO, ,DGE BSHES DGYER SGOM CHEN PO ZHES GRAGS PA 'DI NI, DGE BA'I BSHES GNYEN BSAM SBYOR GNYIS KYIS TSUL BZHIN BSTEN NAS BYANG CHUB LAM GYI RIM PA SGOM PA LA BRTZON PA SHUGS DRAG LA RGYUN RING BA MDZAD PAS LAM GYI RIM PA'I RTOGS PA RNAMS BCOS MA MIN PAR THOB PA ZHIG STE NGES 'BYUNG GI BSAM PA RNAM PAR DAG PA RGYUD LA SKYES PAS 'DOD PA'I YUL LA NAM YANG MI G-YENG BAR DRAN SHES BAG YONG BRTAN POS BSDAM BAR BYA BA'I NYES PA PHRA MO TZAM GYIS KYANG MA GOS PA ZHIG STE, THA NA SAm PRASTA ZHES MA BRJOD PAR BZHES PA MI MDZAD PA SOGS 'DUL BA'I BCAS MTSAMS PHRA RAGS THAMS CAD NYAMS PA MED PAR BSRUNG BAR MDZAD, BRTZON 'GRUS SHIN TU CHE BAS MI

, ,G-YO BA'I GZUNGS DUNG PHYUR MANG PO BZLA BAR MDZAD DE, NYID KYI ZHAL NAS, DGE BA'I BSHES GNYEN SPYAN SNGA BAS NGAS YI GE BCU PA 'DI RANG YANG DUNG PHYUR BCU GSUM SONG GSUNG BA LAGS PAR GDA' STE, NGAS KYANG DE TZAM ZHIG 'GRO BAR SNANG GSUNG, GZHAN YANG LUS NGAG YID GSUM THA MAL DU SDOD MA MYONG GSUNG, TSOGS CHOS LKOG CHOS GANG MDZAD KYANG THUGS GO CHA SHIN TU CHE, DANG PO TSOGS MI SDUD PA YIN, BSDUS KYI RTING LA YAN PAR BZHAG PAS MI 'ONG GSUNGS NAS BRTZON 'GRUS CHEN PO MDZAD DO, ,BYAMS SNYING RJE BYANG CHUB KYI SEMS SHUGS DRAG PAS SEMS CAN DMAN PA SU 'DRA ZHIG LA'ANG PHAN THOGS NUS PA BYUNG NA DE LA NGES PAR PHAN THOGS MDZAD; GRONG PA'I SKYE BO NYAM THAG GIS GDAN DRANGS KYANG DE LA PHAN PAR 'GYUR NA NGES PAR 'BYON PAR MDZAD PAS GZHAN DAG GIS GRONG CHOG SOGS LA MI GSHEGS PA'I ZHU BA PHUL PA NA SEMS CAN GYI DON 'GRUB BZHIN DU MI BYED NA, BYANG CHUB SEMS DPA'I BAG MED PA'I GNAS BYA BA YIN GSUNGS NAS ZHI BAR MA GSHEGS KYI BAR GRONG CHOG MDZAD, BRGYAD CU RTZA GNYIS KYI BAR DU MO RENG MA ZHIG NA YANG SNGAS KHAR BYON NAS, SKYABS 'GRO SEMS BSKYED 'BOGS BAR MDZAD, NGA CHUNG DU NAS ZHE SDANG CHER SKYE MA MYONG, GZHAN LA PHAN SEMS DE NGANG GIS BYUNG GSUNG NGO, ,DON 'DI LA DGONGS NAS RJE THAMS CAD MKHYEN PAS ,THEG MCHOG LAM GYIS RGYUD SBYANGS DGYER

SGOM ZHABS, ,ZHES BSNGAGS SO, ,THUGS RAB SHIN TU CHE BAS LAM GYI RIM PA'I GNAD RNAMS LA RIGS PA'I RNAM GRANGS MTHA' YAS PAS DPYOD PAR MDZAD DO, ,BSHES GNYEN BSTEN TSUL GYI NYAMS RTOGS BCOS MA MIN PA 'KHRUNGS TE, LAM STON PA'I DGE BA'I BSHES GNYEN LA SANGS RGYAS KYI 'DU SHES MIN PA THA MAL PA'I 'DU SHES SKYE MA MYONG GSUNG, DE LTAR BSHES GNYEN LA GUS PA BCOS MA MIN PA 'KHRUNGS PAS SANGS RGYAS THAMS CAD MCHOD PA BAS BLA MA MCHOD PA BYIN RLABS CHE BAR GSUNGS PA YANG DGE BSHES 'DI LA DNGOS SU BYUNG STE, BLA MA LA GSOL BA BTAB PA NA SANGS RGYAS THAMS CAD KYIS BYIN GYIS BRLABS TE, LHAG PA'I LHA MANG PO'I ZHAL GZIGS PA DANG, SPYAN DANG MNGON SHES SOGS GONG MA'I YON TAN MTHA' YAS PA THUGS RGYUD LA 'KHRUNGS, BLA MA GONG MA'I MAN NGAG TSIG GCIG KYANG CHUD MA ZOS PAR THUGS LA BZUNG NAS SRAS KYI THU BO SANGS RGYAS DBON LA SOGS PA SKAL LDAN MTHA' YAS PA LA GDAMS NGAG 'DOMS PAR MDZAD DO, ,DGE SBYOR LA BRTZON PA SHUGS DRAG LA RGYUN RING BA MDZAD PAS TING NGE 'DZIN MTSAN NYID TSAD BA SHING RTA CHEN PO'I GZHUNG LAS JI LTAR GSUNGS PA LTAR THUGS RGYUD LA 'KHRUNGS TE, TING NGE 'DZIN MTSAN NYID BZHI LDAN THUGS RGYUD LA 'KHRUNGS NAS, RIN PO CHE LA RTOGS PA PHUL BAS, KHYOD LA LO DRUG CU BDUN CU LON TZA NA SE BO THAL MO SBYOR BA LONG NGE BA CIG 'ONG PAR 'DUG GI, DE'I DUS SU 'BUM PA GCIG BRTZIGS

, ,SHIG MA BRTZIGS NA SAD CHEN PO HA PA YIN NO GSUNG, DGE BSHES RTAG THOG BA'I ZHAL NAS, RIN PO CHE SNE'U ZUR PA LA NUB GCIG LA RTOGS PA 'BUL BA BZHI BYUNG BA LA, TING NGE 'DZIN MTSAN NYID BZHI LDAN THUGS RGYUD LA 'KHRUNGS PA GCIG BYUNG BAS, DE KHO NA LA DAD PAR BYUNG STE, PHYIS RTZAD DPYAD TZAN DGE BSHES RIN CHEN SGANG PA DE YIN PAR SNANG GSUNG NGO, ,TING NGE 'DZIN GSAL CHA SHIN TU CHE BAS SANGS RGYAS DANG BYANG SEMS MANG PO'I ZHIL GZIGS TE YUM GYI BUS MO LA BRTEN NAS BYA RA BYED PA'I DUS SU LHA ZHIG GI ZHAL MTHONG, DE TZA NA NGOS MA ZIN PA LA PHYIS RGYUD SDE MTHONG BAS, GSHIN RJE GSHED YIN PAR SNANG GSUNG, SNE'U ZUR NA BZHUGS PA'I DUS SU JO BO MI G-YO BA'I ZHAL GZIGS, SNE'U ZUR PA GSHEGS NAS DGUNG LO NYI SHU RTZA DGU BA LA YON BDAG KUN GYIS GDAN DRANGS, DBYAR GCIG LHAB MOR BZHUGS, LAM RIM TSAR GCIG GSUNGS, DE NAS RIN CHEN SGANG DU BYON NAS GTZUG LAG KHANG RNYING MA DANG DGON PA RIN CHEN SGANG SA MO PHAG LA RMANG BTINGS, 'DIR BZHUGS PA'I DUS SU, LHO PHYOGS KYI RGYUD 'DIR BCOM LDAN 'DAS SH'AKYA THUB PA ZHAL GZIGS, LHO NUB MTSAMS SU SANGS RGYAS SMAN GYI BLA'I ZHAL GZIGS, NUB PHYOGS RGYA MTSO'I 'GRAM NA JO BO THUGS RJE CHEN PO GANGS RI LTA BU'I ZHAL GZIGS PA YIN GSUNG, YANG KHONG RANG GI SKU LUS DKYIL 'KHOR GYI LHA TSOGS SU GZIGS PA DANG,

LUS GZHAL YAS KHANG DU SONG BA'I NANG NA RIGS LNGA BZHUGS PA CIG GZIGS, YANG GZIM CHUNG MCHOD KHANG GI KA BA'I RTZA DER JO BO THUGS RJE CHEN PO DANG, JO MO SGROL MA GNYIS MNYAM DU ZHAL GZIGS, JO MO PHYAG BRGYAD MA LA DE'I DUS SU SGRUB THABS DE'ANG GSAN, PHYIS BYA YUL DU BYON NAS DGE BA'I BSHES GNYEN BYA YUL BA LA 'DI 'DRA'I SNANG BA CIG GDA' ZHUS PAS, NGO MTSAR CHE THA MAL PAR MI GDA' GSUNG, BYA YUL BA'I ZHAL NAS JO BO DGYER SGOM PA LA DGOS TE MI MCHI NA'ANG, 'O NA YANG 'AM BUS DRAN PA GSO BA TZAM ZHIG BGYI GSUNGS NAS JO MO PHYAG BRGYAD MA'I SGRUB THABS TSAR GCIG GSUNGS PAS SNGA MA JO MOS DNGOS SU GSUNGS BA DANG KHYAD MA BYUNG GSUNG, YANG DGE BSHES BYA YUL BA'I ZHAL NAS, RAB GNAS LA SOGS PA DGYER SGOM PA NYID KYIS KYANG MKHYEN NAS MCHI STE, 'TSAL NA NGAN BUS ZHABS TOG BGYI GSUNGS NAS, CHOS THAMS CAD MA ZHUS PAR GNANG, YANG DGE BSHES BYA YUL BA'I ZHAL NAS, DGON PA 'DIR BZHUGS LA NGA'I BSHOS RE GSOL, NGA LA DRIN CHE BA LAGS GSUNG, YON BDAG TSO CIG GIS DGON PA BRTZIGS ZIN 'GRO DGOS BAR BDOG ZHUS PAS, 'O NA NGAS KYANG DGYER SGOM PA'I BSRUNG BA BGYI, DGYER SGOM PAS KYANG NGA LA DE BZHIN MDZAD PAR ZHU GSUNG, NGAS DE TZA NA DE BZHIN DU BYAS NA RGYA SNUBS DGON GSUM GYI MING YANG MI 'ONG GSUNG, GZHAN YANG DAM TSIG GSUM BKOD PA'I RGYAL PO'I ZHAL GZIGS, ,RDO RJE

, ,GDAN YIN SNYAM PA CIG TU BYUNG CHUB CHEN PO GTZO 'KHOR GSUM PA DE ZHAL GZIGS, BYA YUL NA BZHUGS PA'I TSE CHOS SKYONG MA DE'I ZHAL GZIGS GSUNG, YI DAM LHA'I BZLAS BRJOD MTHAR PHYIN PAR MDZAD PAS GZHAN PHAN GYI NUS PA KHYAD PAR CAN THOB STE, RTAG PA TSOD 'DZIN BZLAS LUNG THUG PA MED PA CIG MDZAD PA LA, GZHAN LA PHAN MA THOGS PA YE MA BYUNG, SKU LUS RDO RJE 'DRA BAS TSEMS BSNYUNG BA GCIG KYANG MA BYUNG GSUNG, BYIS PA'I DUS NA NAD YAMS CHEN PO ZHIG BYUNG BAS BYIS PA MANG PO GUM, RO THAMS CAD MKHAR RGYAB TU BSKYAL GCUNG PO GNYIS KYANG NA BAS NGAS KHONG GNYIS G-YAS G-YON DU BZHAG STE GTZUG TOR BTON PAS NUB CIG GI RMI LAM NA MKHAR RGYAB TU PHYIN PAS, BYA MGO BRNYAN MI 'DRA BA MANG PO THIB THIB 'DUG, KHRON PA GCIG GI KHA NA'ANG BYA MANG PO THIB THIB 'DUG BAS, KHRON PA DER BLTAS PAS KHONG GNYIS PO DE SHI LA KHAD PA RE BYAS 'DUG PAS, NGAS LAG PA NAS BZUNG STE TZAR TZAR BTON PA RMIS, SANG NANGS PAR KHONG GNYIS PO SANGS DRAG PA CIG BYUNG GSUNG, GZHAN SEMS SHES PA'I MNGON PAR SHES PA'ANG RLABS CHEN PO MNGA' STE, THUGS SRAS SANG RGYAS DBON STON CHEN PO GZHON PA'I DUS SU PHRENG BA 'DI BYIN NA RUNG STE SNYAM TZA NA, PHRENG BA DE PHYAG TU BSNAMS NAS DGOS PA MED 'DI KUN 'DRA BA MNGON TSAN CHE BA YIN GSUNG, YANG DBON STON GYI ZHAL NAS, DGE SBYOR BYED 'DOD MA BYUNG BA'I DUS SU SPYAN SNGAR

PHYIN TZA NA, ZHAL RAS NAG THING MDZAD NAS DGOS PA MED GSUNG, NANGS CIG DGE SBYOR BYED 'DOD LHAN GYIS BYUNG BAS SPYAN SNGAR PHYIN TZA NA ,DA NANGS CI TZUG BYUNG GSUNG, 'DI TZUG GDA' ZHUS PAS DE NGAS BYIN GYIS BRLABS PA YIN, DA NGA RGAS CHOS 'DI YANG DGOS, 'DI YANG DGOS PA YIN GSUNG, DE DAG NI GZHAN GYI SEMS SHES PA'I YON TAN NO, ,RDZU 'PHRUL GYI YUL SHES PA'I YON TAN NI, JO BTZUN YE SHES BLA MAS CHOS ZHU SNYAM NAS GZIM CHUNG DU BYON PAS, SGO NANG NAS BSDAMS NAS BZHUGS, DER THEM PA LA SNYES NAS BZHUGS TZA NA, DGE BSHES CHEN BO PHYI NGOS NAS BYON BYUNG GSUNG NGO, ,DE LTAR DGUNG LO BRGYAD CU RTZA GNYIS KYI BAR DU DGON PA RIN CHEN SGANG DU BZHUGS NAS LAM GYI RIM PA 'DIS GDUL BYA MANG PO'I DON MDZAD PA YIN TE, RTZA TSIG 'DI RNAMS AA TI SHAS DGON PA BA LA KHRID PA DE KA NYID YIN, BSHAD PA DANG LUNG KUN BO TO BA CHEN PO'I GZHI CHE, RANG RE'I YIG SNAS MA CHOG BAR GZHAN LA BLTAS NAS BSHAD PA TSIG KHA YAR RE BYED DE, TSIG MANG KHA NA MED, MDA' GZHU PANG PA GANG YANG GTAD SA MDE'U RTZE GANG LAS MED PA YIN, 'U CAG THEG PA CHEN PO BA'I DBANG DU BYAS NA GTAD SA BLO SNA GZHAN DON DU 'GYUR BA LA BYA'O GSUNG, YANG BLA MA ZHAL BZHUGS PA'I DUS SU THE TSOM DANG SGRO 'DOGS THAMS CAD CHOD PAR BYAS NAS ZHAL MI BZHUGS PA'I DUS SU DOD THUB PAR BYAS TE DGE SBYOR BYED DGOS PA YIN GSUNG, GZHAN YANG BLA MA

, ,GONG MA DE SKU YAL NAS BLA MA DE'I GDAMS NGAG MI NYAMS SHING 'PHEL BA'I DGE BSHES DANG GROGS PO LA BRTEN PA GAL CHE, RANG GI BLA MA'I MDZAD SPYOD DANG MI MTHUN PA'I BLA MA GNYIS PA MI BTZAL, BTZAL NA BLA MA SNGA MA'I BYIN RLABS DUNG GI RDUL PHYIS PA BZHIN DU 'GRO GSUNG, YANG BLA MA ZHAL MI BZHUGS PA'I DUS SU DGE 'DUN CHOS DANG MTHUN PA'I GROGS LA BRTEN NAS BLA MA'I MAN NGAG GI RGYAB TU MDO SDE BLTAS NA YANG MI NYAMS PA YIN GSUNG, YANG RANG GI BLA MA 'DAS NAS DE'I GDAMS NGAG DANG RJES SU BSTAN PA NYAMS SU LEN PA'I BLA MA PHYI MA CIG LA BRTAN NA'ANG RANG MI NYAMS PA YIN BYA BA NAN TAN DANG BCAS PA GSUNG, YANG DBON STON LA GDAN 'DREN PA GNYIS BYUNG GSUNGS, DE'I NUB MO DBON STON GYI RMI LAM NA LHA'I BU'I MCHOD PA YIN ZER BA TSAN CIG DANG MI DKAR PO GTZANG SING BA GCIG BYUNG, DGE BSHES DGYER SGOM CHEN BO NA BZA' MTHANG RKYANG GCIG DANG DBU ZHVA LTEB MO DE GSOL, PHYAG 'KHAR DE BSNAMS NAS MI DKAR PO DE DANG GNYIS BYON NAS, DBON STON GYI DBU SNGAS SU PHYAG 'KHAR DE BTZUGS GDAMS NGAG KHA YAR ZHIG GSUNG, MI DKAR PO DE DANG DGYER SGOM CHEN PO GNYIS SHAR LHO MTSAMS KYI NAM MKHA' LA GSHEGS PA CIG RMIS, DE NAS TSA BA THON RJES LA ZHAL CHEMS KHA YAR ZHIG GSUNGS PA NA, DBON STON SKU NA GZHON PAS MCHI MA MA THUB, DE MIN NA DE'I TSE GSUNG KHA YAR 'ONG BA

'DUG PA LA GSUNG, GZHAN YANG RTEN BYIN RLABS CAN 'DI DANG 'DI YOD, KA BA LI DANG BE'U BUM NA CHOS 'DI DANG 'DI YOD, MI LAG 'GRIM DU MA GZHUG ,NGA LA DUS RTAG TU SNANG DMIGS KYI DNGOS PO 'DI 'OD DAM 'JA'I RNAM PAR YOD PA YIN, KHYOD LA'ANG DE LTAR BYUNG NA CHOS BSHAD DANG RAB GNAS DANG GTOR CHEN BZLAS LUNG LA SOGS PA RNAMS GYIS GSUNG, KHYOD RANG YANG CHOS DANG MTHUN PAR GYIS LA SDE DGON 'DI GNYIS CHOS DANG MTHUN PAR BYUNG NA SKYONGS, MA MTHUN NA ZHOG GSUNG BAS BYA STABS BDE BAR BYUNG, DE NAS DGUNG LO BRGYAD CU RTZA GNYIS PA LCAGS MO YOS KYI NYER DGU LA RIN CHEN SGANG DU MYA NGAN LAS 'DA' BA'I MDZAD PA BSTAN TE, SKYIL KRUNG LAM GYIS MDZAD NAS, PHYAG SA GNON MNYAM GZHAG MDZAD; DBU'I STENG NA YAR RLANG PA BUM PA'I KHA TSANGS 'DRA BA CIG BYUNG, 'U CAG SNANG BA MA DAG PAS DE LAS MA MTHONG GZHAN DU NA 'OD DU 'ONG BA YIN GSUNG ,DE NAS GDUL BYA RNAMS KYIS SKU GDUNG LA MCHOD PA DANG SMON LAM RGYA CHEN PO MDZAD DO; ;BDAG NYID CHEN PO 'DI LA SLOB MA BRGYAD BRGYA TZAM 'TSOGS PA'I NANG NAS SLOB MA CHE BA NI, THUGS KYI SRAS 'GRO MGON SANGS RGYAS DBON STON YIN LA GZHAN YANG BSTAN 'DZIN GYI SKYES BU DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGYER SGOM PA CHEN PO LA GSOL BA 'DEBS SHING, BSHES GNYEN CHEN PO 'DI'I RNAM THAR LTAR SKYES BU GSUM GYI LAM GYI RIM PA LA BLO SBYANGS NAS MYONG BA BCOS

, ,MIN THON PAR BYA ZHING, THA NA SMON LAM GYI YUL DU BYAS TE YANG BLO SBYANG BAR BYA'O,, ` ,,RMAD BYUNG YON TAN MDZOD 'DZIN SANGS RGYAS DBON, ,ZHES BSNGAGS PA, DGE BA'I BSHES GNYEN SANGS RGYAS DBON STON RIN PO CHE NI, BSKAL PA DPAG TU MED PA'I SNGA ROL NAS THEG PA CHEN PO'I LAM LA SBYANGS TE PHYIR MI LDOG PA'I GDENG THOB NAS SNYIGS MA'I 'GRO BA NYAM THAG RNAMS LA LHAG PAR BRTZE BA THUGS RJE CHEN PO'I GZHAN DBANG DU GYUR PAS NYER LEN MDZAD DE, BRAM ZE DGYER LHA SNANG GI RIGS SU YAB YON BDAG BU MO STAG DANG, YUM SHA MO MDOG GI SRAS SU SKU 'KHRUNGS, ,DE YANG YUM MNAL THUM PA CIG GI SKABS SU BLTAMS ZIN 'DUG PA MIN PA MA TSOR BAR SNANG, DE'I NUB MO YAB KYI RMI LAM NA NYI MA CHEN PO ZHIG SHAR BA'I SNANG BAS 'DZAM BU'I GLING KHYAB PA CIG BYUNG, NGA'I BU 'DI BSOD NAMS CAN ZHIG 'ONG BA 'DRA GSUNG, DE NAS KHU BO DGE BSHES DGYER SGOM PA CHEN PO'I ZHAL NAS, YON BDAG GI BYIS PA DE NGA'I DRUNG DU SKYOL, DER BZHAG TU PHANGS, BTZUN PA CIG BYED DGOS GSUNG ,BYIS PA'I DUS RTZED MO'I SAR PHA BONG LA ZHABS RJES BYON, DE NAS RIN CHEN SGANG DU RANG GI KHU BO DGE BSHES DGYER SGOM PA CHEN PO'I SPYAN SNGAR BYON PAS DGE BSHES CHEN PO'I ZHAL NAS, 'KHOR RNAMS LA KHYED KUN GYIS YON BDAG GI BYIS PA 'DI LA GUS PAR GYIS SHIG ,'DI NGO MTSAR CAN ZHIG YIN NO GSUNGS NAS THUGS LA BTAGS

PAR MDZAD, YANG ZHAL NAS, KHYOD KYI PHA DE NGA LA DRIN CHE BAS BYAMS PAR BYAS PA YIN NO GSUNG, DE NAS DGUNG LO BCU BDUN BZHES DUS DGE BSHES 'BEN THANG PAS MKHAN PO DANG, SLOB DPON LTE'U SGOM GYIS SLOB DPON MDZAD NAS RAB TU BYUNG, MTSAN GZHON NU 'BYUNG GNAS SU BTAGS, MKHAN PO'I ZHAL NAS, 'DI LA BSOD NAMS 'UR THAG CHAD PA CIG RE BA YIN, MDANG RMI LAM DU YID BZHIN GYI NOR BU YIN ZER BA CIG LA PHYI BDAR BYAS PA RMIS GSUNG ,SLOB DPON SGOM PA'I ZHAL NAS NYI ZLA GNYIS DUS GCIG LA SHAR BA RMIS GSUNG, DGE BA'I BSHES GNYEN DGYER SGOM PA CHEN PO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID GSAN TE, DGE TSUL GYI RING LA LAM RIM GYI KHRID DANG JO BO'I SGRUB YIG TSAR BAR MDZAD, LO NYI SHU BZHES PA NA DGE BSHES DGYER SGOM GYI ZHAL NAS KHYOD DGE SLONG ZHIG BYED DGOS GSUNGS NAS, DGE BSHES NYANG BRAN GYIS MKHAN PO DANG, DGE BSHES CHOS DANG, DGE BSHES KHA CHES LAS SLOB DANG GSANG STON MDZAD NAS BSNYEN PAR RDZOGS 'DUL BA'I BSLAB BYA RNAMS LA TSUL BZHIN DU BSLABS, DBYAR DGUN GSUM TZAM MKHAN PO'I DRUNG DU BZHUGS TE SPYOD PHYOGS RNAMS GSAN NAS MKHYEN PAR MDZAD, 'BEN THANG PA LA 'DUL BA'I BSLAB BYA GSAN PAR MDZAD DO, ,DE NAS DGE BSHES KA BA DAR SENG GI THAD DU 'DUL BA'I SLOB GNYER RNAMS LO GSUM LA TSAR BAR MDZAD DE 'DUL BA LA SHIN TU MKHAS

, ,BAR GYUR NAS SKAL BA DANG LDAN PA MANG PO LA KA RI KA'I STENG NAS DGE TSUL GYI BSLAB BYA DANG 'DUL BA MDO RTZA BRGYA CHER BSHAD BAR MDZAD DO, ,DE NAS DGE BA'I BSHES GNYEN DGYER SGOM PA CHEN PO SKU NA BYON PAS YAR BYON TE BRANG KHANG ZHIG BZUNG NAS THUGS DAM RTZE GCIG MDZAD CING SGRUB BAS BLA MA MNYES PAR MDZAD, LAN CIG DGE BSHES DGYER SGOM PA CHEN PO LA THUGS LA GDAGS PAR ZHU ZHUS PAS, NGAS DUS RTAG TU RTZAR BZHAG PA 'DI THUGS LA BTAGS PA YIN, DGE BSHES TSAN CIG GIS NYE DU DANG 'BREL BA PHYOGS SU NYER MI STER BAR MDZAD BA YIN GSUNG, GTZANG PA'I GRVA PA KUN GYIS DGE BSHES DGYER SGOM CHEN PO LA NGO CHEN ZHUS NAS NGA LA 'DUL BA 'CHAD DGOS GSUNG BA LA NGAN BU LA BKA' GDAMS RA RI ZHIG 'ONG BAR 'DUG NA CHOS BSHAD MI BGYI, DE MI 'ONG NA 'DUL BA BSHAD PAS RANG NYID MKHAS SU'ANG 'GRO BAS BGYI ZHUS PAS CANG MI GSUNG BAS THUGS LA BTAGS SNYAM PA BYUNG GSUNG, DE NI BKA' GDAMS GONG MA'I RNAM THAR SHA GZUG RANG ZA'I DPE LTAR THOG MAR DBEN PA'I GNAS SU RANG RGYUD BTUL NAS RANG NYID MI NYAMS PA'I GDENG THOB PA NA GDUL BYA GZHAN LA CHOS 'CHAD PA SOGS GZHAN DON MDZAD CES PA'I DON NO, ,DE NAS DGYER SGOM PA CHEN PO SKU NA MTHO BAR BYON ZHING BLA MA'I ZHABS TOG BYED PA NYID RANG GI TSIGS RDZOGS PA'I THABS MCHOG YIN PAR DGONGS NAS PHYIS GZIM

CHUNG DU BZHUGS NAS GZIM G-YOG MDZAD, CHOS ZHUS BA LAS KYANG GLENG SLANG ZHUS BA MANG GSUNG, SPRUL PA'I SKYES MCHOG DBON STON RIN PO CHE 'DI NI SKU TSE SNGON NAS SBYANGS PA'I MTHU CAN YIN PAR MA ZAD, SKU TSE 'DIR YANG DGE BA'I BSHES GNYEN RNAM PA KUN TU MNYES PAR BYAS NAS BYANG CHUB LAM GYI RIM PA LA NYAMS LEN SNYING POR MDZAD PAS LAM GYI RIM PA'I RTOGS PA RNAMS PHUL DU PHYIN PAR THOB PA ZHIG STE, SKYES BU CHUNG 'BRING GI LAM LA SBYANGS NAS NGES 'BYUNG GI BSAM PA RNAM PAR DAG PA SKYES TE TSUL KHRIMS KYI BSLAB PA LA BSDAM PAR BYA BA'I NYES BYAS PHRA MOS KYANG MA GOS PAS BDEN PA'I TSIG GRUB PA ZHIG GO, BSHES GNYEN BSTEN TSUL LA MYONG BA PHUL PHYIN THON TE BLA MA LA DUS RTAG TU SANGS RGYAS KYI 'DU SHES MNGA' STE, DGE BSHES DGYER SGOM PA CHEN PO LOGS SU BZHAG PA'I YI DAM GYI LHA GZHAN MED GSUNG ,BLA MA SANGS RGYAS SU MTHONG BA'I MOS GUS BCOS MIN SKYES PAS BLA MA'I SKU'I BYIN RLABS ZHUGS PAS YI DAM GYI LHA DPAG TU MED PA'I ZHAL GZIGS TE, RIN CHEN SGANG DU 'JUG PA SEMS BSKYED ZHUS PA'I THO RANGS KYI DUS SU 'OD ME LONG TZAM ZHIG GI NANG DU BLA MA BRGYA RTZA BCU GNYIS LA BRTEN NAS BYANG CHUB SEMS DPA'I BSLAB PA YONGS SU RDZOGS PAR MDZAD PA YIN GSUNG, 'PHRANG 'OG TU DBANG ZHUS BA'I DUS SU DGE BSHES DGYER SGOM PA CHEN PO'I BYANG KHOG NANG NA GSANG BA 'DUS PA'I LHA BCU DGU MA'I GTZO BO DGE BSHES DGYER

, ,SGOM PA NYID KYIS MDZAD NAS DBANG BZHI RDZOGS PAR BSKUR BAS DBANG BZHI PA'I DON THUGS RGYUD LA 'KHRUNGS PA YIN GSUNG, NUB CIG GI RMI LAM NA SLOB DPON LA BA PA BYON NAS GSANG SNGAGS KYI DGONGS PA MANG DU GSUNGS, DE DGE BSHES DGYER SGOM PA LA ZHUS PAS, THUGS DGYES PA'I MTSAN MA MDZAD LO BCO BRGYAD KYI BAR DU DGE BSHES DGYER SGOM PA CHEN PO BSTEN NAS CHOS LA NAN CHAGS SU BGYIS TE SGRUB PA'I MCHOD PAS BLA MA MNYES PAR MDZAD DO, ,DGE BSHES DGYER SGOM PA CHEN PO GSHEGS PA'I SPUR LA SANGS RGYAS BYANG SEMS DPAG TU MED BAS MCHOD PA MDZAD PA ZHAL GZIGS, THUGS NGAN MDZAD PAS DGE BSHES DGYER SGOM PA NYID DNGOS SU BYON NAS NGA RTAG TU DRAN PAR GYIS GSUNG BAS THUGS NGAN SANGS, 'U CAG LA NI NAM 'DOD KYIS DGE BSHES DGYER SGOM PA CHEN PO DANG MJAL NAS LUNG THAMS CAD ZHU BA YIN GSUNG, LAN CIG TZA NA 'U CAG LA TSE RING PO 'ONG NGES MED, GDAN SA 'DI DGE BSHES LHO PA LA GTAD LA RI KHROD CIG BYA DGONGS TZA NA DGE BSHES DGYER SGOM PAS MI DKAR PO GCIG KHRID NAS, 'DI LA GZHAN MI 'TSAL BAR GDA'I, TSE RING BA CIG MDZAD PAR ZHU GSUNG BA CIG RMIS, SANG GSOL BA CIG BTAB PAS, DGE BSHES DGYER SGOM PA RMI LAM DU BYON NAS JO BO THUGS RJE CHEN POS SKU TSE RING BAR BYIN GYIS BRLABS PA YIN

NO GSUNG, GDUNG KHANG GI RAB GNAS MDZAD PA'I TSE, SANGS RGYAS BYANG SEMS THAMS CAD KYI THUGS KA NAS 'OD ZER DKAR SHARRA RA BYUNG BA'I SNANG BA BYUNG GSUNG ,BYA SA'I RAB GNAS KYI STA GON GYI DUS SU SLOB DPON N'A GA BO DHI DANG MJAL, SLOB DPON N'A GA BO DHI 'DI NGA'I RTZA BA'I BLA MA CIG YIN, GSOL BA BTAB TZA NA MI MJAL BA BYED MA MYONG GSUNG, RIN CHEN SGANG NA BZHUGS TZA NA RMI LAM DU NAGS GSEB CIG NA BRAG PHUG LEGS PA CIG 'DUG, DE'I NANG DU BYON TZA NA, JO BO N'A RO PA BDUD RTZI KA P'A LA GANG THOGS NAS 'DUG, KHYED 'DI 'DOD DAM GSUNG, ZHU 'TSAL ZHUS PAS, BDUD RTZI DE NAS GNANG, DBANG DANG BYIN RLABS KYANG MDZAD GSUNG, SKAM NA BZHUGS PA'I TSE DBON STON CHEN PO RI LA BZHUD, SLOB DPON BZANG MO BAS PHYIR BYON TZA NA BRAG SGANG ZHIG NA BZHUGS 'DUG ,DBON STON GYI ZHAL NAS ,DE NA MAR RNAL 'BYOR PA BZA' MI GNYIS SONG BA YIN TE KHYED DANG AE PHRAD GSUNG, MA PHRAD ZHUS PAS 'O NA DE THA MAL PAR MI 'DUG GSUNG, CI 'DRA ZHIG GDA' ZHUS PAS RAS KYI AANG KA RAG RE GYON, RNAL 'BYOR MA DES KHOG MA CIG KHUR NAS 'DUG, NGA LA RANG BZHIN MED PA'I NGANG LAS RTZA RLUNG GI 'DU 'PHROD 'DRA BA SGOMS DANG BDE STONG GI NYAMS 'PHEL BA YIN GSUNG, BRAG SNGON LA SKU MTSAMS MDZAD PA'I DU SU KLU SGRUB YAB SRAS BYON NAS 'GRO BA GZHAN GYI RNAM PA BSTEN PA NA DGE SLONG GI 'DU SHES YOD PA NYID LA'O BYA BA DE LA BGRO GLENG MDZAD PA CIG GZIGS, RA SGRENG DU BYON PA'I TSE JO BO'I

, ,PHYAG DPE 'DI RNAMS GZIGS DGONGS TZA NA AA TI SHA RMI LAM DU BYON NAS 'DI 'DI SKAD BYA BA YIN GSUNGS NAS PHYAG DPE RNAMS CAG GE BSTAN, YANG DGA' LDAN DU MGON PO BYAMS PA DANG MJAL CHOS KYANG GSAN GSUNG, BZANG MO'I DGON PA RMANG 'DING TZA NA BYANG CHUB CHEN PO GTZO 'KHOR GSUM ZHAL GZIGS, GZHAN YANG JO BO MI G-YO BA DANG SGROL MA DANG GSHIN RJE GSHED DANG RTA MGRIN LA SOGS PA'I ZHAL GZIGS, BZANG MOR DE DUS DPAL LHA MO DPON G-YOG GSUM ZHAL JI LTAR GZIGS PA BZHIN GZIM CHUNG BRAG LOGS LA RANG BYUNG DU BYUNG, YANG DER NANGS GCIG JO MO SGROL MA LHA MO DBYANGS CAN MA KU RU KULLE GSUM GYIS DBON STON CHEN PO LA BSNYEN BKUR MDZAD NAS KU RU KALLES GTAM BTANG BAS RDUGS, DBYANGS CAN MAS THAL MO BRDABS, SGROL MAS ZHAL BKAB GSUNG, YANG RMI LAM NA, RGYAL PO AINDRA BHU DHI'I ZHABS LA RTZVA AA BA GNYIS SKYES NAS 'DUG PA LA GCIG GSOL BAS SNGAR MA MYONG BA'I RO BZANG PO ZHIG BYUNG, 'DI CI LAGS ZHUS PAS, BDUD RTZI ZIL MNGAR BYA BA DNGOS GRUB KYI ZAS YIN GSUNG BAS 'O NA GCIG PUS ZA BA PHANGS, SEMS CAN THAMS CAD LA SBYIN DGOS SNYAM NAS RTZVA AA BA GCIG BZHAG GSUNG ,MGON PO GRI GUG DANG BENG SOGS CHOS SKYONG MANG PO ZHIG BYIS PA'I DUS RANG NAS ZHAL GZIGS PA YIN GSUNG NGO, ,BLA MA LA SANGS RGYAS KYI 'DU SHES BCOS MA MIN PA

'KHRUNGS PAS BLA MA'I GSUNG GI BYIN RLABS ZHUGS TE BKA' BSTAN BCOS THAMS CAD LA THOGS PA MED PA'I SPOBS PA MNGA' ,NUB CIG RMI LAM NA DGE BSHES DGYER SGOM PA CHEN PO BYON NAS STON PAS CHOS KHRI 'DI'I STENG NAS CHOS GSUNG BAR ZHU GSUNG, DE NAS KHRI KHA DE NAS CHOS GSUNGS PAS TSOGS PA RNAMS KYIS 'OR CHE BTAB, DGE BSHES DGYER SGOM PA CHEN PO BZHAD KYIN 'DUG STE CHOS BSHAD BYA BA'I GNANG BA BYIN PA 'DRA GSUNG ,DE NAS GNYER DU CHOS 'GO MA GSUNG BA'I DUS SU DBON STON PA'I LTE BA'I KHUNG BU NAS NYI MA CHEN PO CIG SHAR BAS, 'DZAM BU'I GLING GI SEMS CAN RNAMS KYI RGYUD DROS PA'I SNANG BA BYUNG, DE NAS SEMS CAN LA PHAN NAM BSAMS NAS CHOS BSHAD BYAS PA YIN GSUNG, GNYER DU TSOGS CHOS SHIG GSUNG TZA NA, TSIGS BCAD GCIG LA THOGS PA CIG BYUNG BAS, CHOS THUN DE LAD SNYAM BYUNG TZA NA, CHOS THON NAS GZIM CHUNG DU BYON PAS, GSANG BA 'DUS PA'I DKYIL 'KHOR GYI GTZO BO DGE BSHES DGYER SGOM PA CHEN POS MDZAD; ZHAL 'DZUM MDZAD NAS CHOS BSHAD BYA BA YANG DKA' MO LAGS NGA LA GSOL BA THOB GSUNG ,DE NAS SDE SNOD 'DZIN PA BRGYAS BSKOR KYANG NYAM NGA BA SPU TZA ME YANG MED, THAMS CAD LA RDO RUS THUG PAR BYAS PA YIN, YA GI GSANG BA 'DUS PA NAS K'A RI KA YAN CHAD LA KHUG PAR LUS PA GCIG KYANG MED, DA RES 'DI 'DRA ZHIG BSHAD DE NYAN THOS KYI SA'AM, RANG SANGS RGYAS KYI SA'AM, RTAG CHAD KYI MTHAR LHUNG SNYAM PA NI GCIG KYANG MED, THAMS CAD LA BLA NA MED

, ,BA'I BYANG CHUB KYI LAM TSANG LA MA NOR BA BSHAD DAM SEMS PA YIN GSUNG, BLA MA'I THUGS KYI BYIN RLABS THOB PAS SPYIR TING NGE 'DZIN GYI SGO DU MA LA MNGA' BRNYES, KHYAD PAR DU SGYU MA LTA BU'I TING NGE 'DZIN THUGS LA 'KHRUNGS SHING, LHAG PA'I BSAM PA RNAM PAR DAG PAS RANG BAS GZHAN GCES PAR 'DZIN PA SGYU MA'I RNAM PAR THAR BAS 'GRO BA'I DON MDZAD PA YIN TE, ZHAL NAS KYANG, TING 'DZIN NANG NAS SGYU MA LTA BU DANG, , SNYING RJE'I NANG NAS BDAG GZHAN BRJE BA STE, ,'GRO BA'I NANG DU RANG 'BYUNG SANGS RGYAS 'GYUR, ,ZHES GSUNGS, LHAG MTHONG GI DMIGS SKOR LA MYONG BA THON TE, RTAG CHAD KYI MTHA' GNYIS DANG BRAL BA'I DBU MA CHEN PO THUGS SU CHUD PA YIN TE, NUB CIG RMI LAM NA GYANG RO STONG PA 'DRA PA CIG TU BYON PAS, GCIG NA RE, 'DI 'PHAGS PA KLU SGRUB KYI RE SHUL YIN, KHYOD LA 'BUL ZER BA CIG BYUNG STE, KLU SGRUB KYI LTA BA DE JI LTA BA BZHIN DU RTOGS SAM SEMS , BDEN GNYIS KYI DGONGS PA DE LON NAM SEMS GSUNG, STONG PA RTEN 'BREL DU SHAR TE RGYU 'BRAS KYI SHES BYA MA LUS PA MKHYEN PA YIN TE, ZHAL NAS, RGYU 'BRAS MA LUS PA MKHYEN PA SANGS RGYAS NYAG GCIG YIN, 'U CAG GIS KYANG RGYU 'BRAS THAMS CAD 'OL LE SHES PAR 'DUG STE, MO LONG GI NGOS LA SHAR BA BZHIN SNANG, BSNYON TOL GZUGS PA GANG NA'ANG MED GSUNGS, RGYAL SRAS KYI SPYOD PA LA SLOB BA LA GDENG THOB STE SEMS CAN RNAMS LA MA BU GCIG PA LA BRTZA

BA BZHIN DU BYAMS PAR MDZAD, KHYAD PAR MI CHEN 'OG TU LHUNG BA'AM, 'TSE ZHING SDIG PA GSOG PA LA SHIN TU BYAMS TE, GTZANG THOG GI GNAS BRTAN BTZUN CHUNG SHAD RIN CHEN SGANG PA LA SDIG BSAGS NA BZA' 'OD ZER NGAS SDIG GSOG PA LA ZAS NOR BYIN TE MI 'GYOD GSUNG, TING NGE 'DZIN SHIN TU BRTAN PA'I STOBS KYIS RDZU 'PHRUL GYI MNGON SHES THOB STE, GYE RE SGOM SHE DANG, DBON STON CHEN PO GNYIS 'GROGS NAS GZIM CHUNG DU BYON TZA NA LDE MIG MED PAS SGOM SHES LDE MIG BLANGS NAS 'ONG TZA NA NANG NA PHEBS 'DUG ,YANG NYE GNAS DAR MA 'OD KYIS SKAS THOG KHAR DRANGS NAS NYIM LA BSDAD TZA NA DBON STON RGYA MTHONGS LA BYON NAS, AA NA MA BAG MED PA'I SPYOD PA BYAS MI LA MA BSHAD GSUNG, YANG RI LA BYON PA CIG LA DPON STON SHUL NA BZHUGS, 'KHOR RNAMS KYIS MAR SNGON LA 'ONGS PAS LAM KHAR CHAR PA BTANG TZA NA DRIL BU SIL GYIS BYUNG BAS DBON STON GZIM CHUNG NA BZHUGS 'DUG ,LAN CIG KA GNYIS MA'I SKAS DE MED PA CIG LA RGYA MA THONGS KYI NA MKHA' LA SKAS LA GSHEGS PA BZHIN DU PHEBS PA RGYAL YES MTHONG, DE LA SOGS PA SA RDO RI BRAG LA THOGS RDUGS MI MNGA'O, ,LHA'I RNA BA'I MNGON SHES THOB STE, NGAS CHED DU GTAD NA 'DZAM BU GLING GI CHE BA 'BRUG GI SGRA NAS CHUNG BA SHIG SRO YAN CHAD KYI SGRA THOS PAR 'DUG GSUNG, GZHAN SEMS SHES PA'I MNGON SHES THOB STE GZHAN GYI YID LA DRAN PA RNAMS CAR PHOG TU MKHYEN TE, BYA SAR BZHUGS PA'I NUB MO ZHIG DA LTA RIN CHEN SGANG NA LHO PA'I

, ,SGOM CHEN GSUM 'U CHAG LA TSOD 'DZIN BYED CING MA MNYES PAR 'DUG GSUNG, DE RTING DU SGOM CHEN GSUM POS THOS PAS 'JIGS CHUM GYIS SONG ZER, LHA'I MIG GI MNGON SHES THOB STE, NGAS MNYAM PAR BZHAG STE BLTAS NA 'DZAM BU GLING GI GZUGS CAN GYI DNGOS PO RNAMS LA MI MTHONG BA MED, KHRI KHA NAS SHOD DU BLTA BA DANG KHYAD MED GSUNG, SGOM PA JO SRAS PAS SLOB DPON GYIS BRTAG PA MDZAD PA 'DI JI LTA BU ZHIG GIS GZIGS PA LAGS ZHUS PAS, 'DI NAS SHAR PHYOGS KYI 'JIG RTEN GYI KHAMS BLTA BAR BYA'O SNYAM DU 'PHEN PA BTANG NAS MNYAM PAR BZHAG PAS TING NGE 'DZIN GSAL BA LA BRTEN NAS ME LONG NANG GI GZUGS BRNYAN LA BLTA BA'I TSOD TZAM DU MTHONG BA YIN GSUNG, SNGON GNAS RJES DRAN GYI MNGON SHES THOB STE, GTZANG MA'I GNAS NAS SKU SKYE BA 'PHOS PA DRAN PA DANG, SKYE BA PHYI MA LA 'KHOR LOS SGYUR BA'I RGYAL BOR 'GYUR GSUNG STE, SNGON TSE GNAS GTZANG LHA NAS 'PHOS, ,DBUS SU MI LUS GTZANG MA BLANGS, ,RGYAL BA'I BSTAN LA RAB BYUNG NAS, ,LO GSUM 'DUL BA'I SDE SNOD BSLABS, ,BTZO BRGYAD SANGS RGYAS GNYIS PA BSTEN, ,MA 'ONGS 'KHOR LOS SGYUR BA BYED, ,CES BYA BA GSUNGS, 'O NA BYA YUL BA CHEN PO YIN PA'I GRAGS PA GDA' BA LAGS SAM ZHUS PAS, BYA YUL GYI BAG CHAGS KYANG MANG BAR 'DUG ,SNGA MA DE YIN ZHAD DU GDA' GSUNG, DGE BSHES DGYER SGOM CHEN PO'I 'BUM PA

'DI BZHENGS TZA NA NGA LA 'KHOR LOS SGYUR BA'I RGYAL BOR SKYE BA'I SNANG PA MANG PO BYUNG, 'BUM PA 'DI DE'I RGYU'I GTZO BO YIN GSUNG, DER 'KHOR LO DE GANG DU GDA' ZHUS PAS GSER GYI 'KHOR LOR SNANG, RGYAL SRID RIN CHEN SNA BDUN DANG, NYE BA'I RIN PO CHE SNA BDUN RNAMS GDA' GSUNG, BLA MA'I BYIN RLABS ZHUGS PAS DGE BSHES DGYER SGOM PA CHEN PO'I PHYI'I GDUNG RTEN DANG NANG GI GDUNG RTEN GNYIS LA SOGS PA'I MDZAD PA RLABS PO CHE THAMS CAD JI LTAR BZHED PA BZHIN DU GRUB, CHU TSAN LA GSHEGS DUS 'CHAD KHA BA CHEN PO'I ZHAL NAS, KHYOD KYIS 'GRO BA LA PHAN PA'I RTAGS KHYAD PAR CAN NGA LA BYUNG BAS THUGS GO CHA CHEN PO MDZAD 'TSAL GSUNG, YANG RIN CHEN SGANG NA BZHUGS DUS LHA MO SKUL BYED MA BYON NAS, RDO RJE SEMS DPA' SEMS CAN GYI DON LA GSHEGS SU GSOL ZHES GSOL BA BTAB PAS, DVAGS PO LHA SA SOGS G-YOR PO'I RGYAL KHAMS RNAMS BSKOR BAS PO TI RANG LA'ANG NYIS STONG DANG BZHI BCU RTZA GNYIS BYON, ZANG ZING GI DNGOS PO ZAD PA MED PA CIG BYUNG, DE LA BRTEN NAS GTZUG LAG KHANG GSAR MA BZHENG BAR BRTZAMS, GTZUG LAG KHANG NGE BYANG PHYOGS SU BRTZAM PA'I DUS SU GSOL BA CIG BTAB PAS RMI LAM DU NUB PHYOGS DE NA KHRI ZHIG GI STENG NA SPYAN SNGA RIN PO CHE, G-YAS NA MGON PO, G-YON NA DPAL LHA MO, CHOS SKYONG BA'I BSRUNG MA THAMS CAD 'TSOGS NAS 'DUG ,'DI BZHIN MDZAD DGOS GSUNGS NAS BSLAB BYA MANG DU MDZAD PA CIG RMIS, DE NAS CHU PHO STAG

, ,GI DPYID SA GA ZLA BA'I TSES BCU GSUM GYI GZA' SPEN PA DANG SKAR MA SBO LA RMANG BTINGS TE DBU RTZE KA CHEN BCU GNYIS, KHYAMS CHEN KA BA DRUG CU RTZA BZHI, MGON KHANG KA BA GNYIS RNAMS LO SKOR GCIG GI NANG DU GRUB PAR MDZAD DO, ,DE DUS DPON DAR MA RDO RJE NAGS SHOD LA SHING 'DREN DU RDZONG PA'I TSE GTOR CHEN ZHIG MDZAD PAS, DPAL LHA MO DE BONG BU LA CHIBS NAS MKHA' 'GRO MA'I 'KHOR GYIS BSKOR BA ZHAL GZIGS, RGYAS PA'I 'PHRIN LAS LA MNGA' BRNYES TE BYA SAR RAB GNAS LA GSHEGS PA'I DUS SU MI KUN NA RE, NA SO GZHON DRAGS PAS RAB GNAS CANG 'ONG NGAM ZER TE, MI TSE SGRUB PA LA BSGYAL BA RNAMS DANG 'U CAG GNYIS GSANG SNGAGS KYI BZLAS PA SKYOL BA GANG MANG CI CHA GSUNG, DE'I DUS SU STONG PAR MA'I SEMS CAN YIN ZER BA MANG PO LA LA 'GRO BA'I ZLA BO MED PAR 'DUG PAS NGAS LA DE LA BSGRAL, 'DI RNAMS PHYIR MI LDOG PAR GYUR CIG PA'I SMON LAM BTAB PA CIG RMI LAM DU BYUNG, SKYID SHOD NA BZHUGS PA'I DUS SU BYA YUL GYI LA KHA YIN NAM SNYAM BYED PA CIG NAS DUNG DKAR PO ZHIG BUS PAS 'DZAM BU'I GLING TZAM DU THOS PA CIG RMIS, 'UG CAG GI MING 'DI 'DZAM BU'I GLING TZAM DU THOS PA CIG 'ONG PAR 'DUG GSUNG, SKYID SHOD DU SKU KHAMS LTEM PA CIG GI DUS SU MGON PO TRAKA SHAD BYUNG NAS NGA RIN CHEN SGANG PA'I DPON STON 'DOD PA YIN ZER BA LA, NGAS TING NGE 'DZIN GYI DMIGS PA CIG GIS BCINGS PAS 'GUL MA NUS PAR DA KHYED KYI ZHABS TOG BYED

GTOR MA GCIG KYANG ZHU ZER BAS, DE NAS DAM LA BTAGS NAS BZHAG GSUNG, ZHANG TSAL PA'I LHA CHEN DPAL 'BAR LA'ANG BGEGS SKROD DANG RAB TU GNAS PA RI BO MAndAL GYI RTZE NAS MDZAD PAR GRAGS, GZHAN YANG RA SGRENG DANG BYA YUL GYI GTZUG LAG KHANG GI ZHIG GSOS DANG DGE 'DUN LA 'BUL NOD RGYA CHEN PO MDZAD, DE DUS JO BO 'JAM DPAL RDO RJES 'OD ZER GYI SNA LA CHOS GSUNG, RGYA MAR GTZUG LAG KHANG GI RTEN GTZOR DNGUL GYI GDUNG KHANG GIS THOG DRANGS PA'I SKU GSUNG THUGS KYI RTEN DPAG TU MED PA DANG BCAS PA LEGS PAR MDZAD DO, ,DE LTAR LAM LA SBYANGS PA MTHAR PHYIN PAR MDZAD PAS PHYIR MI LDOG PA'I RTAGS THOB STE, LAN CIG SGOM TSUL GYIS 'JAM DPAL RTZA BA'I RGYUD NAS SLOB DPON PA LUNG BSTAN PA CIG ZHUS PAS, SNGON 'U CAG 'DUL GRVA NA 'DUG TZA NA SLOB DPON KA BA DAR SENG GI ZHAL NAS, MDZOD SPU 'DI'I YOD LUGS KYIS NYID MDO NAS LUNG BSTAN PA CIG YOD NGES GSUNG BA LA, GANG NA MCHI ZHUS TE DUS DING SANG NI LUNG BSTAN 'ONG DGOS PA'I TSOD DU 'DUG ,'U CAG GIS KYANG SANGS RGYAS DGYES PA'I SPYOD BA BYAS PA YIN GSUNG, 'O NA LUNG BSTAN PA TSOD JI TZAM NAS MCHI BA LAGS ZHUS PAS, SA THOB NAS 'OD BA LAGS GSUNG, SLOB DPON BZANG MO BAS SPYAN SNGAR BYON PA CIG LA, DA NANG SANGS RGYAS THAMS CAD KYI THUGS KA NAS 'OD ZER DPAG TU MED PA 'PHROS NAS RJE BTZUN MA PHYAG BRGYAD SGROL MA LA PHOG ,SGROL MA'I THUGS KA NAS 'OD ZER DPAG TU MED PA 'PHROS

, ,PAS; RANG LA PHOG NAS NGA'I SKU LUS THAMS CAD 'OD KYIS KHYAB PA'I SNANG BA BYUNG GSUNG, DE BZANG MO BAS KHA CHEN PAn CHEN LA ZHUS PAS PAn CHEN GYI ZHAL NAS, SANGS RGYAS THAMS CAD KYIS 'OD ZER GYIS DBANG BSKUR BA BYA BA SA BCU PA THOB PA'I RTAGS YIN GSUNG, DE DBON STON CHEN PO LA BLA MA PAn CHEN 'DI SKAD GSUNG ZHUS PAS, NGAS MTHONG LAM TZAM LAS MA THOB SNYAM PA YIN TE RTAGS RNAMS DANG BSTUN NA SGOM LAM YANG RDZOGS PA'I RIGS SU SNANG GSUNG, LAN CIG ZHUGS ME LA BZHUGS DUS GCIG LA SGOM TSUL GYIS, SLOB DPON PA'I PHYAG ZHABS LA 'KHOR LO RTZIBS BRGYAD GDA' BA LA MU KHYUD PHYI MA 'DI MA 'BYAR TZAM DU GDA' BA JI LTAR LAGS ZHUS PAS, GSAL LA RDZOGS PA SANGS RGYAS KYI MTSAN YIN 'KHOR LOS SGYUR BA'I RGYAL BO DANG, SA LA GNAS PA'I BYANG CHUB SEMS DPA' GNYIS LA 'DI BZHIN DU BAG MA RDZOGS TZAM 'ONG BA YIN GSUNG, SMIN MTSAMS NA MDZOD SPU 'THEN NA SOR BZHI YOD PA, BZHAG NA G-YAS SU 'KHYIL BA, ZHABS MTHIL LA BKRA SHIS RTAGS BRGYAD KYI RI MO, PHYAG LA KA KHA SUM CU'I RI MO YOD PA THAMS CAD LA MTHUN SNANG DU YOD, SKU KHAMS LTEM BA CIG LA BZANG MO BAS MAN LA BSRUNGS PAS, DE'I DUS SU SLOB DPON PAS YI DAM GYI LHA JI TZAM ZHIG ZHAL GZIGS, THUGS DAM GYI MTHIL GANG LA MDZAD GSUNGS BAR ZHU ZHUS PAS, NGAS ZHAL BLTA BAR 'DOD NA SKAD CIG RE RE LA YANG

SANGS RGYAS BYANG SEMS NYI ZER GYI RDUL TZAM LTAR YOD, 'O SGOL GYI BKA' RGYUD 'DI'I DBANG DU BYAS NAS YI DAM GYI LHA ZHAL GZIGS PA DANG, MNGON PAR SHES PA THUGS DAM GYI GTZO BOR MI BYED, BYANG CHUB KYI SEMS KYIS KUN NAS BSLANG BA'I ZUNG 'JUG SGYU MA LTA BU LA THUGS DAM GYI MTHIL BYED PA YIN GSUNG NGO, ,SANGS RGYAS DBON STON 'DI NI PHYIR MI LDOG PA'I SEMS DPA' LUNG BSTAN THOB PA ZHIG YIN PA NI KHA CHE PAn CHEN GYI RNAM THAR LAS SHES TE, SING GA GLING NA DGRA BCOM PA CIG BZHUGS PA DES KHA CHE'I PAndI TA SH'AKYA SHR'I'I GCUNG PO LA ME TOG BZHI ZA MA TOG TU BCUG NAS, DGRA BCOM PA DE'I ZHAL NAS, ME TOG 'DI RNAMS KHYOD KYI PHU BO DE BOD DU 'GRO BAR SNANG BAS DE LA BSKUR LA, GCIG 'BRI ZHES BYA BA'I SA PHYOGS NA SLOB DPON KLU SGRUB BYANG CHUB SEMS DPA' RIN CHEN DPAL ZHES BYA BAR SKYE BA BLANGS NAS YOD BDE LA SPROD, GCIG RATNA KU tI ZHES BYA BA'I GTZUG LAG KHANG NA BYANG CHUB SEMS DPA' SKAL LDAN SHING RTA'I SKYE BA YOD PA DE LA SPROD, GCIG DVI BHA GI ZHiG YOD PA DE LA SPROD, GCIG DVI BHA GI DES LHA CHEN PO ZHIG BZHENGS PA DE'I THUGS KAR ZHOG ,CES GSUNGS PA BZHIN DU KHA CHE'I PAndI TAS KYANG DE BZHIN DU SO SOR SPRAD DO, ,YANG DBON STON RIN PO CHES BSAM YAS SU CHOS 'KHOR MDZAD PA CIG GI DUS SU, KHA CHE PAn CHEN GYIS DE RING BSKAL BZANG SANGS RGYAS STONG GI YA GYAL SKAL LDAN SHING RTA BYA BA MJAL DGOS BAR 'DUG GI ,DGE SBYOR GYI THUN MYUR DU GYIS

, ,SHIG BYA BA'I SGRA ZHIG THOS, DE'I RJES DE MA THAG TU RIN CHEN SGANG PA MJAL KHA ZHU BAR SLEBS ZHES 'BYUNG NGO, ,DE LTAR 'GRO BA'I MGON PO DBON STON RIN PO CHES DGUNG LO BDUN CU RTZA GSUM CHUN CHAD DU SANGS RGYAS KYI BSTAN PA RIN PO CHE LEGS PAR BSKYANGS DBU RU BYANG PHYOGS KYI BKA' GDAMS KYI BSTAN PA'I BDAG PO MDZAD, DGE BSHES STON PA'I DGONGS BA BSGRUBS, BSAM GYIS MI KHYAB PA'I 'PHRIN LAS KYI MDZAD PA DU MAS 'GRO BA RANG RANG GI MOS PA MTHA' DAG TSIM BAR MDZAD NAS, SNYIGS MA'I SEMS CAN LA THUGS SKYO BA MI MNGA' YANG 'PHRIN LAS KYI THA MA DE NYID KYIS SEMS CAN GYI DON DU 'GYUR BA DANG, ZHING KHAMS GZHAN DAG TU 'GRO BA'I DON RLABS CHE BAR DGONGS NAS, GNAM LO RTA'I LO 'GO NAS SLOB DPON N'A GA BO DHI 'DI SKAD GSUNG, DGE BSHES CHEN PO 'DI SKAD GSUNG, DA NI ZHING KHAMS GZHAN ZHIG TU BYED DGOS BA 'DRA, ZHES BYA BA LA SOGS PA SKYO BA BSKYED PA'I CHOS MANG DU GSUNGS, DBYAR TSUL NANG DU'ANG LAN CIG 'DI SKAD GSUNG, 'U CAG DGE BSHES CHEN PO'I DGUNG LO'I TSAD TZAM DU SDOD SEMS PA YIN TE DA TSOD RAN PA 'DRA, 'U CAG LTA BU MED NA DBU RU BYANG PHYOGS KYI BSTAN PA LA KHA'I NA BUN BZHIN DU YAL NAS 'GRO BA 'DI LA BAG TSER TZAM DU SNANG, GZHAN TSER BA MED GSUNG, DE NAS LCAGS PHO RTA'I LO DGUN ZLA 'BRING PO MGO ZLA BA'I TSES GNYIS KYI DGONGS MO SPYAN SNGAR PHAG SHES

RAB DBANG PHYUG BYUNG BA LA, KHYOD KYIS STON MO JI TZAM NA BYED GSUNG BAS, TSES BCU GSUM LA SGRUB RTZIS LAGS ZHUS PAS, 'U CAG LA YANG DUS THUG PA 'DRA BA YOD PAS GNANGS TSES BZHI'I NYIN MO CI 'GRUB GYIS GSUNG, DE NAS TSES GSUM GYI DGONGS MO GZIM CHUD DU BYON NAS, 'U CAG GIS LO NYI SHU RTZA LNGA LA 'DUL BA'I BSHAD PA BYAS, SUM CU RTZA GSUM LA GDAN SAR BTON, SUM CU RTZA BZHI LA DGE BSHES DGYER SGROM PA CHEN PO BDE BAR GSHEGS, SUM CU RTZA LNGA'I NGO LA BKA' GDAMS KYI BSHAD PA BYAS NAS NYI MA DE RING PHAN CHAD LA CI PHAN CI BZOD BYAS PA YIN, DGE BSHES CHEN PO'I THUGS DGONGS KYANG MA LUS PAR BSKANGS PA YIN, DA NI RI BRAG GAM DBEN PA CIG TU SNYEG SNYING 'DOD, DGE BSHES CHEN PO DE 'DA' BA'I DUS SU BSNYUN NAD LA SOGS PA'I TSAN MA MA BYUNG, 'U CAG LA YANG MI 'ONG, STON PA'I NAD 'DI KUN 'OD MI THAR BA YIN TE, DE SNGA PHAN CHAD YAGS RAB 'ONG DU RE BA YIN PA LA DKYEL CHE BAR SNANG, 'U CAG GI BKA' RGYUD 'DI BYIN RLABS CHE BA YIN GYI, NGA DANG DGE BSHES CHEN PO GNYIS DRAN PAR GYIS BYA BA ZHAL CHEMS KYI TSUL DU GSUNGS, DE NAS GRAL TSES BZHI'I NYIN BAR RIN CHEN GRAGS KYI DGE RTZA NAS BZUNG STE; 'BAR RDZOGS LA SOGS BAR MI RTAG PA'I CHOS MANG DU GSUNGS, DE NAS NYI MA MA RGAS TZAM DE LA RGYA MAR BYON, RGYUN GTOR MDZAD BA'I RJES LA, SKYIL KRUNG LAM ME MDZAD NAS TSES BZHI'I SROD 'KHOR RJES DE LA DGONGS PA MYA

, ,NGAN LAS 'DA' BA'I TSUL BSTAN, SLOB DPON STON PAS GSOL BA BTAB PAS SKU MDANGS DE SNGAR BAS KYANG GZI BRJID CHER SONG, DE NAS ZHAG BZHI'I BAR DU MCHOD PA RGYAS PAR BYAS, ZHAG LNGA'I NYIN PAR TSOGS PA LA SPUR GYI ZHAL BSTAN, ZHAG DRUG GI NYIN PAR GDUNG GI ZHABS TOG BYAS, ZHAG BDUN GYI DGONGS MO MCHOD KHANG CHEN MO'I RNGA KHANG DU SKU GDUNG GDAN DRANGS TE DAD LDAN THAMS CAD KYIS MCHOD PA RGYA CHER PHUL TE SMON LAM BTAB BO, ,BDAG NYID CHEN PO 'DI LA SPYIR CHOS THOB PA'I SLOB MA BSAM GYIS MI KHYAB PA BYUNG ZHING LAM RIM GYI KHRID SPEL NUS PA'I BSTAN 'DZIN DAM PA'ANG MANG DU BYON LA, BKA' GDAMS GDAMS NGAG PA'I MAN NGAG LTAR GYI SKYES BU GSUM GYI LAM GYI RIM PA RGYA CHER SPEL BA'I SLOB MA'I GTZO BO NI LHO BRAG MKHAN CHEN NAM MKHA' RGYAL PO'O, ,MKHAN CHEN NAM MKHA' RGYAL POS MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG NGO, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SPRUL PA'I SKYES MCHOG SANGS RGYAS DBON STON RIN PO CHER GSOL BA 'DEBS SHING BDAG NYID CHEN PO 'DI'I RNAM THAR LTAR BSHES GNYEN BSTEN TSUL NAS BZUNG, ZHI LHAG ZUNG 'BREL GYI BAR SKYES BU GSUM GYI LAM GYI RIM PA LA SGO GSUM BRTZON PA CHIG SGRIL DU BLO SBYANGS NAS MYONG BA THON NGES SHIG

BYA BA LA 'BAD PAR BYA'O,, ` ,,DAM PAS BYIN BRLABS NAM MKHA' RGYAL PO DANG, ZHES BSNGAGS PA, MKHAN CHEN NAM MKHA' RGYAL PO NI SHUD PHU BA'I RIGS SU MKHAN CHEN NAM MKHA' SENG GE'I GCUNG BO'I SRAS SU 'KHRUNGS, GZHON NU'I DUS NAS RIGS RGYUD DANG KHYIM GYI LONGS SPYOD GANG LA'ANG MA CHAGS PAR KHU BO MKHAN CHEN NAM MKHA' SENG GE'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, MKHAN CHEN MTSO SNA BA DANG, MON GRAB SOGS DGE BA'I BSHES GNYEN MANG PO'I ZHABS LA GTUGS TE, 'DUL BA DANG, MNGON PA MDZOD DANG, BYAMS CHOS RNAMS DANG DBU MA'I GZHUNG RNAMS LA SBYANGS BA MTHAR PHYIN BAR MDZAD, SANGS RGYAS DBON STON GYI ZHABS LA GTUGS TE BKA' GDAMS GDAMS NGAG PA'I BYANG CHUB LAM GYI RIM PA'I KHRID LEGS BAR GSAN TE THUGS LA CHUNG PAR MDZAD, SLAR YANG KHU BO MKHAN CHEN NAM MKHA' SENG GE'I DRUNG DU BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN NAS THUGS NYAMS SU BZHES TE MKHAN CHEN 'DI LA BKA' GDAMS GZHUNG PA DANG GDAMS NGAG PA'I BSHAD SROL GNYIS KA MNGA' BAS BRGYUD PA'I CHU BO GNYIS 'DRAS ZHES BSNGAGS SO, ,DE NAS RJE BTZUN SGROL MAS LHO MON PHYOGS SU LAM GYI RIM PA'I 'PHRIN LAS 'PHEL BAR LUNG BSTAN PA BZHIN LAM RIM GYI KHRID RGYA CHER GNANG BAS BSTAN 'DZIN MANG DU

, ,BYON ZHING RGYUD 'DZIN GYI GTZO BO NI RANG GI DBON SRAS MKHAN CHEN SENG GE BZANG PO'O, ,BDAG NYID CHEN PO 'DI LA THUB PA DAM TSIG GSUM BKOD DANG RJE BTZUN SGROL MA DANG MI G-YO BA DANG, BDE MCHOG LA SOGS PA LHAG BA'I LHA MANG POS ZHAL BSTAN CING GSUNG GI GNANG BA STZAL, PHYI RABS KYIS GDUL BYA RNAMS KYI DON DU BSTAN BCOS KYANG MANG DU MDZAD DO, ,DE LTAR BSTAN 'GRO'I DON RGYA CHE MDZAD NAS RJE BTZUN SGROL MAS LUNG BSTAN PA LTAR SKU'I BKOD PA BSDUS NAS BDE BA CAN DU GSHEGS SO, ,BDAG NYID CHEN PO 'DI LA 'BROM RIN PO CHE NAS DGE BSHES PO TO BA LA BRGYUD BA DANG, 'BROM RIN PO CHE NAS DGE BA'I BSHES GNYEN SPYAN SNGA BA LA BRGYUD PA'I MAN NGAG GNYIS KA MNGA' ZHING, BLA MA RNAMS KYIS BYIN GYIS BRLABS PA'I BKA' BAB CHE BAS NA RJE THAMS CAD MKHYEN PAS KYANG, DAM PAS BYIN BRLABS NAM MKHA' RGYAL PO ZHES BSNGAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' RGYAL PO LA GSOL BA 'DEBS SHING, DNGOS GRUB THAMS CAD KYI RTZA BA BLA MA DAM PA'I BYIN RLABS THOB BAR BYAS LA BYANG CHUB LAM RIM SGOM PA LA 'BAD PAR BYA'O,, ` ,,'JIG RTEN CHOS BRGYAD SPANGS PA'I SENG GE BZANG, ZHES BSNGAGS PA, MKHAN CHEN SENG GE BZANG BO NI SHUD PHU BA'I BRGYUD DU MKHAN CHEN NAM MKHA' RGYAL PO'I DBON SRAS SU 'KHRUNGS, SNGON

GYI BAG CHAGS BZANG PO'I MTHUS DGUNG LO BDUN LON DUS 'DOD PA'I YON TAN GANG LA'ANG MA CHAGS PAR SUS KYANG MTHONG TSOR MED PAR PHUG PA ZHIG TU PHEBS TE, KHAMS ZAS RAGS PA LA MI BLTOS PAR RDE'U GSOL NAS SGRUB PA KHO NA MDZAD BAS LHAG PA'I LHA MANG POS BYIN GYIS BRLABS SHING NYAMS RTOGS KHYAD PAR CAN SKYES, DGUNG LO NYI SHU RTZA BRGYAD PA LA MKHAN CHEN NAM MKHA' RGYAL PO'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, ZHANG YE SHES MDZES KYI DRUNG DU 'DUL BA MDO RTZA BA LA THUGS SBYONG MDZAD, DE NAS MKHAN CHEN NAM MKHA' RGYAL PO'I DRUNG DU BYANG CHUB LAM GYI RIM PA'I KHRID GSAN NAS THUGS NYAMS SU BZHES TE GDENG THOB PAR MDZAD, MKHAN CHEN NAM MKHA' RGYAL PO ZHING GSHEGS NAS GDAN SAR PHEBS TE GZHI GSUM GYI PHYAG LEN SOGS 'DUL BA'I BSLAB BYA PHRA RAGS THAMS CAD LA DAG TER MDZAD, GLA BO DGON GSAR GYI CHOS SDE GSAR DU BTZUGS, 'DUL 'DZIN MTSO SNA BA CHEN PO SBYAN DRANGS DGE 'DUN MANG DU TSOGS PA LA CHOS 'KHOR BSKOR BA SOGS BSTAN PA'I BYA BA RGYA CHER MDZAD DO, ,BDAG NYID CHEN PO 'DIS 'DOD YON LA CHAGS BA SPANGS TE, DKA' THUB GYI SGO NAS SGRUB PA RGYUN RING DU MDZAD BAS NYAMS RTOGS KHYAD PAR CAN BRNYES BAS NA RJE THAMS CAD MKHYEN BAS KYANG, 'JIG RTEN CHOS BRGYAD SPANGS PA'I SENG GE BZANG, ,ZHES BSNGAGS SO, ,DE LTAR BSTAN PA LA BYA BA RGYA CHER MDZAD NAS SKU'I BKOD PA BSDU BA'I TSE LCANG LO CAN DU

, ,'GRO GSUNGS NAS ZHING GSHEGS TE, DE'I TSE ME TOG SNGON PO'I CHAR BABS PA SOGS NGO MTSAR BA'I LTAS BYUNG NGO, ,BDAG NYID CHEN PO 'DIS SKAL BA DANG LDAN PA MANG PO LA LAM RIM GYI KHRID GNANG BAS SLOB MA MANG DU BYUNG YANG RGYUD 'DZIN GYI GTZO BO NI MKHAN CHEN RGYAL SRAS BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN SENG GE BZANG PO LA GSOL BA 'DEBS SHING DAM PA 'DI'I RNAM THAR LTAR 'DOD YON LA CHAGS PA'I DBANG DU MA SONG BAR SBYANGS PA'I YON TAN LA GNAS NAS BYANG CHUB LAM GYI RIM PA SGOM PA LA BRTZON PA LHUR BYA'O,, ` ,,RGYAL SRAS BZANG PO ZHES BSNGAGS PA, MKHAN CHEN RGYAL SRAS BZANG PO NI, NGO MTSAR BA'I LTAS DANG BCAS SHUNG PHU BA'I RIGS SU SKU 'KHRUNGS, KHYIM GYI 'DU 'DZI LA MA CHAGS PAR NGES 'BYUNG GI BSAM PAS RGYUD BSKUL TE, DGUNG LO BCU GCIG PA LA MKHAN CHEN SENG GE BZANG PO'I DRUNG DU RAB TU BYUNG, 'DUL 'DZIN MTSO SNA BA DANG DGE BA'I BSHES GNYEN MON GRA PA SOGS DAM PA MANG PO'I ZHABS LA GTUGS TE, DKA' CHEN BZHI LA SBYANGS PA MTHAR PHYIN PAR MDZAD NAS DGUNG LO BCO LNGA LON PA'I TSE 'DUL BA'I BSHAD PA'ANG MDZAD, MKHAN CHEN SENG GE BZANG PO'I DRUNG DU BYANG CHUB LAM GYI RIM PA'I KHRID DANG LAM RIM GYI MAN NGAG SPYOD 'JUG LA SOGS PA BKA' GDAMS KYI CHOS RNAMS GSAN, THUGS RJE CHEN PO'I CHOS SKOR RNAMS

KYANG YONGS SU RDZOGS PAR GSAN NAS LAM THUN MONG BA DANG THUN MONG MA YIN PA'I LAM GYI RIM PA RNAMS LA MYONG BA THON PAR MDZAD, SGRO BA DGON PA'I GDAN SAR PHEBS TE SKU GSUNG THUGS RTEN MANG DU BZHENGS, MON GRA PA CHEN PO DGE 'DUN GYI SDE MANG PO DANG BCAS SPYAN DRANGS TE CHOS 'KHOR BTZUGS, LHO BRAG GRUB CHEN SOGS SKAL BA DANG LDAN PA MANG PO LA LAM GYI RIM PA'I KHRID DANG BKA' GDAMS KYI CHOS RNAMS RGYAS PAR GNANG, DE NAS LHO BRAG GRUB CHEN NAM MKHA' RGYAL MTSAN LA LUGS GNYIS KYI ZHAL TA LEGS PAR GNANG NAS NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, LHO BRAG PHYOGS SU BKA' GDMAS KYI BSTAN PA YUN RING DU GNAS PA'I RTEN 'BREL DU SKU GDUNG RIL POR SGOR BA DGON BA'I GSER 'BUM GYI NANG DU BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN RGYAL SRAS BZANG PO LA GSOL BA 'DEBS SHING DAM PA 'DI'I RNAM THAR LTAR LAM MA NOR BAR STON PA'I BSHES GNYEN DAM BA TSUL BZHIN DU BSTEN NAS SKYES BU GSUM GYI LAM GYI RIM PA BSGOM PA LA BRTZON PAR BYA'O,, ` ,,BYANG CHUB THUGS KYIS 'GRO KUN BU BZHIN GZIGS, ,LHAG PA'I LHA YIS RJES BZUNG BYIN GYIS BRLABS, ,SNYIGS DUS 'GRO BA 'DREN PA'I BSHES GNYEN MCHOG ,NAM MKHA' RGYAL MTSAN ZHABS LA GSOL BA 'DEBS, ,ZHES BSNGAGS BA LHO BRAG MKHAN CHEN NAM MKHA' RGYAL MTSAN NI

, ,YAB SLOB DPON NAM MKHA' BZANG PO DANG, YUM RIN CHEN RGYAN CES BYA BA'I SRAS SU ME PHO STAG GI LO LA SHUD PHU'I RIGS SU SKU BLTAMS, 'KHRUNGS TZAM NYID NAS SAm SKRI TA'I SKAD DU DE BZHIN GSHEGS PA'I MTSAN BRJOD PA SOGS SMRA SHES SHING, BSAMS BZHIN DU BYON PA'I SPRUL PA ZHIG YIN PA'I RTAGS BSTAN, DGUNG LO GNYIS PA LA SNGON GYI SKYE BA DRAN PA'I STOBS KYIS GTOR MA GTONG BA'I LAD MO MDZAD, LO GSUM PA'I DUS SU LHAG PA'I LHA MANG PO'I ZHAL MTHONG BA BYUNG, DGUNG LO BDUN PA LA KHU BO MKHAN CHEN RGYAL SRAS PA LA DGE BSNYEN GYI SDOM PA MNOS, KHYIM GYI 'DU 'DZI LA MA CHAGS PAR NGES 'BYUNG GI BSAM PA SHUGS DRAG POS BSKUL TE MKHAN CHEN RGYAL SRAS BZANG PO'I DRUNG DU RAB TU BYUNG ZHING DGE TSUL GYI SDOM PA BZHES, THUGS RJE CHEN PO'I CHOS SKOR RNAMS GSAN, DE'I TSE BUD MED PADMA'I PHOR PA NA 'O THUG GI TSOD MA KHYER BA BZHIS 'DI SKAD DU, SKYE RGA NA 'CHI'I SNANG TSUL 'DI, ,THOS PAS YI MUG SKYE 'GYUR NA, ,NGAN SONG SDUG BSNGAL BZOD DKA' BAS, ,GZHAN PHAN BYANG SEMS BDUD RTZI THUNGS, ,ZHES GSUNGS NAS PAD PHOR GYI 'O MA DE BYIN NAS SHAR PHYOGS KYI NAM MKHA' LA BZHUNG, DE NAS SPYAN RAS GZIGS KYI BSNYEN PA MANG DU MDZAD, LO BCU PA LA KHU BO'I DRUNG DU SNE'U ZUR PA NAS BRGYUD PA DANG BYA YUL BA NAS BRGYUD PA'I LAM RIM DANG THUGS RJE CHEN PO DANG MI G-YO BA RTA MGRIN LHA BZHI SGROL MA NYER GCIG LA SOGS

PA'I CHOS SKOR MANG DU ZHUS, RTAGS KHYAD PAR CAN YANG MANG DU BYUNG, LO BCU GSUM PA'I KEG LA DGE SBYOR NYIN MTSAN YENGS PA MED PAR MDZAD, NU MO SGRO BA DGON PA'I 'BUM PA LA SKOR BRA MDZAD PAS SKU LUS LAS 'ONG 'PHRO BA RGYANG RING PO NA GNAS PA'I SKYE BO DAG GIS KYANG MTHONG NAS 'BUM PA LA MES SKOR BA BYED KYI 'DUG ZER BA BYUNG, DGUNG LO BCO LNGA PA LA 'DUL BA'I SLOB GNYER MDZAD, BCU BDUN PA LA 'CHAD NYAN MTSON RE MDZAD KYANG THUGS LA LUNG STONG ZHIG TU SGOM SGRUB 'BA' ZHIG MDZAD DGONGS PA BYUNG GSUNG, LO BCU DGU'I DUS LHA SAR JO BO MJAL DU BYON NAS NYIN MTSAN GNYIS KA SKOR BA MANG DU MDZAD, NUB GCIG RA MO CHE'I KHYAMS SU BZHUGS PAS LCAGS SGO DE PHYE NAS MI NAG PO 'JIGS SU RUNG BA DAR NAG GI GOS GYON PA CIG BYUNG NAS, KHYOD NI LAS KYI RDO RJE BDE LDAN ZHES BYA BA YIN NO, ,DA RIN CHEN SGANG DU SONGS LA 'JAM DBYANGS KYI SPRUL PA GCIG DANG MJAL NAS 'ONG GI GSUNG BA BYUNG, MI NAG PO DE MGON BO GRI GUG YIN PAR 'DUG GSUNG, DE NAS RIN CHEN SGANG DU BYON, RIN PO CHE BKRAS RGYAL BA'I DRUNG DU BSNYEN PAR RDZOGS, LAM RIM BLO SBYONG SEMS BSKYED KYI CHOS SKOR DANG GZHAN YANG GSANG SNGAGS KYI SGRUB LUGS MANG DU GSAN, DE'I TSE RIN PO CHE'I ZHAL NAS KHYOD KYIS YI DAM GANG LA BYAS, RAB TU BYUNG NAS LO DU SONG, SLOB GNYER GANG LA BYAS, KHYED LA CHOS PA AA THO BA CIG

, ,'ONG BAR 'DUG GSUNGS NAS MNYES PA'I ZHAL TA MANG DU GNANG, DE NAS RI ZANGS RDOG PA'I DRUNG DU BYON TE 'DUL BA RGYA CHER 'GREL, KARMA SHA TAM, NYI KHRI SNANG BA, BSLAB PA KUN LAS BTUS, JO BO'I CHOS CHUNG BRGYA RTZA, NYI MA SBAS PA'I SGROL MA NYER GCIG GI LAS TSOGS SOGS CHOS MANG DU GSAN, DE NAS LHO BRAG TU PHEBS TE CHE SAR BTON, DE NAS LO NYER GNYIS LON PA'I TSE KHYE'U DKAR PO ZHIG BYUNG NAS, KHYOD LA TSE SNGON GYI RNAM SMIN YOD PAS BYANG CHUB LTUNG BSHAGS KYI SGRUB PA GYIS ZER NAS 'JA' BZHIN YAL, DE NAS LTUNG BSHAGS KYI SGRUB PA LA ZHUGS THUN RE LA PHYAG BDUN BRGYA RE'I DAM BCA' MDZAD, NUB GCIG GI RMI LAM DU BTZUN CHUNG LO BRGYAD PA'I NA TSOD TZAM PA SUM CU RTZA LNGA BYON NAS, SDUG BSNGAL RGYA MTSOR BYING BA'I GZHI CHEN PO, ,CHAGS DANG SDANG BA'I NGAN RTOG SNA TSOGS 'DI, ,NGO BO RANG BZHIN MED PAR RTOGS PA NA, ,SPANG BLANGS RGYU RKYEN MED PA CHOS KYI SKU, ,ZHES PA LA SOGS PA'I CHOS TSIGS BCAD RE RE GSUNGS NAS NAM MKHA' LA BZHUD PA RMIS, THUGS DAM SHIN TU 'PHEL TE KHAMS 'DUS SHIG YOD BA ZHI ZHING BYANG CHUB KYI SEMS DANG SNYING RJE BCOS MA MA YIN PA RGYUD LA SKYES NAS NYIN MTSAN 'PHRO MI CHOD PA BYUNG GSUNG, DGUNG LO NYER GSUM LON DUS SGRO BA DGON PAR ZLA BA DRUG MTSAMS BCAD NAS 'JAM DPAL DANG DON ZHAGS LA GSOL BA BTAB, NYER LNGA LON DUS BLA MA BDE BA'I 'BYUNG GNAS KHAR CHUR BYON PA LA CHOS MANG DU GSAN, YANG DE'I

LO MKHAN CHEN RGYAL SRAS PAS MON GRVA PA GDAN DRANGS TE CHOS 'KHOR CHEN MO MDZAD, MON GRVA PA LA PHYAG RDOR KHYUNG LNGA'I DBANG LUNG DANG BLO SBYONG TSIG BRGYAD MA SOGS CHOS MANG DU GSAN, DGUNG LO SUM CU RTZA GCIG LON DUS RGYAL SRAS PA ZHING GZHAN DU GSHEGS PA'I DGONGS RDZOGS LA GSER SKU CHEN PO BZHENGS, PHYOGS DE'I SER SKYA TSANG MAS GDAN SA MDZAD DGOS PAR GSOL BA BTAB STE SGRO BA DGON PA'I CHOS KYI KHRI LA PHEBS, DE'I TSE GSANG BDAG GI ZHAL NAS, LAS KYI RDO RJE; KHA YI CHOS KYIS 'TSANG MI RGYA, ,GSHOG MED BYA YIS 'PHUR MI NUS, ,SMIG RGYU'I CHU YIS SKOM MI SEL, ,RGYA MTSOR SKOM RIR MI 'CHI 'TSAL, ,KHU BO MEE TRI 'DI SKAD GSUNG, ,DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,ZHES SOGS SEMS BSKYED NYI SHU RTZA GNYIS KYI GDAMS PA GNANG, DGUNG LO BZHI BCU BZHES DUS GSANG BDAG LA ZHUS PAS, SDOM PA GSUM GYI NYES LTUNG DANG DAM TSIG NYAMS CHAGS SBYONG BA'I THABS GSANG BA BSAM GYIS MI KHYAB PA'I GDAMS PA ZAB MO GSUNGS, PHYIS YI GER 'DEBS PAR MDZAD DO, ,DGUNG LO ZHE GNYIS PA'I DUS GSANG BDAG GI ZHAL NAS, LAS KYI RDO RJE, BLA MA LA MOS GUS MA THOB BAR YI DAM LHA'I ZHAL MTHONG ZER BA DANG NYAMS RTOGS BZANG PO SKYES ZER BA RDZUN YIN, 'CHI BA SNYING NAS MA DRAN PAR 'JIG RTEN BLOS BTANG ZER BA DANG, LAS RGYU 'BRAS LA YID CHES MED PAR SDIG PA MA BYAS ZER BA DANG, PHAN SEMS RDUL TZAM MED PAR BYAMS PA SNYING RJE RGYUD LA SKYES ZER BA DANG,

, ,KUN RDZOB KYI CHOS THAMS CAD BDEN MED DU MA RTOGS PAR STONG BA NYID RTOGS ZER BA RNAMS RDZUN YIN, CHOS GSHA' MA CIG BYED NA GZHI DAD PA GAL CHE GSUNG, DAD PA SKYE BA'I RGYU GANG LAGS ZHUS PAS BLA MA SANGS RGYAS LTA BU BSTEN NA DAD PA SKYE, 'CHI BA MI RTAG BA DRAN NA DAD PA SKYE, MCHED GROGS DAD PA CAN DANG 'GROGS NA DAD PA SKYE, 'KHOR BA'I NYES DMIGS DRAN NA DAD PA SKYE, ZHES PA LA SOGS PA'I GDAMS PA MANG DU GSUNGS SO, ,YANG LAN CIG BRAM ZE CHEN PO SA RA HA YIN ZER BA GRUB THOB CIG DANG MJAL, DES RDO RJE'I LUS KYI GNAS LUGS RGYAS PA CIG GSUNGS, DGUNG LO RE GCIG BZHES DUS LI YUL YIN ZER BA'I LUNG PA GSUM GSHIB 'DUG PA'I DBUS MA DE'I DKYIL STOD NA PHO BRANG CHEN PO ZHIG 'DUG ,PHO BRANG DE NA SU BZHUGS PA YIN DRIS PAS JO BO 'DI PAm KA RA SHR'I DZNY'A NA BZHUGS PA YIN GSUNG, JO BO DE DANG MJAL BA ZHIG BYUNG NA SNYAM NAS GSOL BA 'DEBS KYIN PHYIN PAS JO BO CHEN PO ZHAL RAS DKAR LA SKU BONG CHE BA PAn ZHVA DMAR PO GSOL BA CIG BZHUGS 'DUG ,THUGS RJES GZUNG DU GSOL ZHES GSOL BA BTAB PAS JO BO RJES GDAMS PA MANG DU STZAL LO, ,DGUNG LO BDUN CU BZHES DUS 'JAG DKAR DU RDO RJE RNAM 'JOMS KYI DBANG BYAS PA'I THO RANGS YI DAM LHA'I LUNG BSTAN LA, BCOM LDAN 'DAS MGON PO BYAMS PA'I SPRUL PA CIG GI GSUNG YIG KHYER BA'I MI BZHI 'ONG BAR YOD GSUNG BA BYUNG, SANG DE MI BZHI BYUNG, DGE BA'I BSHES GNYEN BLO BZANG GRAGS

PA'I GSUNG YIG YIN PAR 'DUG ,KHONG GI LO RGYUS RNAMS THOS PA NA SNGON GYI DPON SLOB KYI 'BREL PAS YID SPRO BA CIG BYUNG GSUNG, DE NAS NUB GCIG RMI LAM DU DGE BSHES BLO BZANG GRAGS PAS SANGS RGYAS RAB BDUN SPYAN DRANGS YOD ZER BA'I SKAD LHANG BA CIG BYUNG, DE DANG BDAG MJAL NA DGA' BA LA SNYAM TZA NA, 'JA' TSON SNA LNGA'I STENG NA TSUR SANGS RGYAS BDUN PO DGUNG LO BCU GNYIS PA'I NA TSONG LTA BU GTZUG TOR KRONG DE YOD PA BYON BYUNG BAS, GNYID SANG DE BLTAS PAS YUN RANG DU BZHUGS 'DUG ,DE DUS KHONG RDZING PHYI'I MCHOD KHANG LA RAB GNAS MDZAD KYIN YOD PAR 'DUG GSUNG, YANG LAN CIG BU MO DKAR MO ZHIG NA RE, BYAMS PAS BYIN GYIS BRLABS PA'I GANG ZAG 'JAM PA'I DBYANGS DANG GNYIS SU MED PA LHA MO DBYANGS CAN MAS RIGS PA STER BAR BYED PA CIG DANG SKYE BA BCO LNGA'I GONG NAS 'BREL BA ZHIG 'ONG BAR YOD BAS, DE LA CHOS BKA' LA BSRIS MA 'JUG PAR BYIN, PHAR LA'ANG CHOS ZHUS ZER BA ZHIG BYUNG GSUNG, YANG LAN CIG MGON PO BYAMS PA 'BYON KYIN YOD ZER BA'I SKAD LHANG BA CIG BYUNG, DE DUS CHOS RJE DKA' BZHI BRGYA MO RI 'PHRENG LA PHEBS PA'I TSOD DU 'DUG ,SANGS RGYAS KYIS CHOS 'KHOR BSKOR BA'I DUS DRUG PA'I TSES BZHI'I NYIN SGRO BA DGON PAR PHEBS PA LA, BSU BA LA THEGS PAS RJE BTZUN 'JAM DBYANGS PHEBS BYUNG BAR GZIGS, RJE BTZUN TZONG KHA PAS BDAG PHYAG NA RDO RJER DNGOS SU GZIGS 'DUG GSUNG, DE'I NUB MO RJE RIN PO CHE LA BLA MA'I RNAL 'BYOR ZHIG PHOG BAS, PHYAG NA RDO RJE BYON NAS RJE RIN PO CHE LA

, ,THIM SONG GSUNG, DE NAS TSES BCO LNGA'I THO RANGS SHIG BYAMS PA NYID LA BSLAB BTUS ZHUS ZER BA ZHIG BYUNG, DE NAS RJE BTZUN TZONG KHA PA LA BSLAB BTUS GSUNG BAR ZHUS PAS, RJE BTZUN TZONG KHA PAS GSUNGS NAS YI DAM LHA DE SKAD GSUNG NGAM GSUNG NAS BSLAB BTUS GSUNGS, DE DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DBUNG PA G-YAS NA 'JAM DKAR, G-YON NA DBYANGS CAN MA, CHOS SKYONG DANG MKHA' 'GRO MANG POS BSKOR ZHING, LHA 'DRE MANG PO'ANG CHOS NYAN KYIN 'DUG BAS MOS GUS THUN MONG MA YIN BA SKYES ZHES GSUNG, SO SOR 'BRANG MA'I DBANG DANG SEMS BSKYED KYANG GSAN, RJE TZONG KHA PA LA BDAG GIS CHOS BKA' MA LUS PA RDZOGS PAR PHUL, RJE TZONG KHA PA'I 'KHOR BLA MA 'JAM DKAR BA SOGS PHUN SUM TSOGS PA RNAMS LA'ANG CHOS LUNG MANG DU BYAS, DPON SLOB THAMS CAD LA DAD PA THOB, DE'I STOBS KYIS KHO BO LA'ANG YON TAN BAG RE SKYES PA BYUNG, BDAG GIS CHOS BSTAN PA'I DUS SU RJE TZONG KHA PA'I GZIGS SNANG LA NGA'I MGO THOG TU SH'AKYA THUB PA, G-YAS SU PHYAG NA RDO RJE, G-YON DU GDUNGS DKAR CAN RNAMS BZHUGS 'DUG PA GZIGS 'DUG GSUNG, DE LTAR LHO BRAG GRUB CHEN NAM MKHA' RGYAL MTSAN ZHES MTSAN YONGS SU GRAGS PA'I BDAG NYID CHEN PO 'DIS DGE BSHES STON PA NAS DGON PA BA, DE NAS SNE'U ZUR PA SOGS LA BRGYUD PA'I LAM RIM DANG, DGE BSHES STON PA NAS SPYAN SNGA BA,

DE NAS BYA YUL BA SOGS LA RIM GYIS BRGYUD PA'I LAM RIM STE BYANG CHUB LAM GYI RIM PA BRGYUD PA'I CHU BO GNYIS 'DRES KYI MAN NGAG RNAMS RANG GIS THUGS NYAMS SU BZHES NAS RTOGS PA MCHOG THOB CING SKAL BA DANG LDAN PA GZHAN DAG LA'ANG RGYA CHER SPEL BAS BRGYUD PA'I SROL 'DZIN JI LTAR BYUNG BA NI YI DAM GSANG BA'I BDAG PO'I LUNG BSTAN LAS, DAD PA THOB PA 'BUM TSO GCIG ,NGES PAR GROL BA LNGA BCU STE, ,RTZOD MED GRUB THOB BRGYAD DU NGES, ,'GRAN GYI DO MED BLO BZANG YIN, ,ZHES GSUNGS PA LTAR BSTAN 'DZIN DAM PA MANG DU BYON ZHING, 'PHRIN LAS RGYA CHER SPEL BA GANGS RI'I KHROD NA 'GRAN PA'I ZLA THAMS CAD DANG BRAL BA NI RJE BTZUN CHOS KYI RGYAL PO TZONG KHA PA CHEN PO'O, ,DE LTAR LHO BRAG GRUB CHEN NAM MKHA' RGYAL MTSAN GYIS BSTAN PA DANG 'GRO BA'I DON RGYA CHER MDZAD NAS SKU TSE 'DI'I DNGOS KYI GDUL BYA RNAMS RDZOGS PA NA, DGUNG LO BDUN CU DON DRUG TU PHEBS PA LCAGS MO SBRUL GYI LO NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, SKU GDUNG ZHUGS LA PHUL BAS LHA SKU RANG BYUNG DANG RING BSREL KHRI KHRAG MANG PO PHEBS TE SKU GDUNG RING BSREL GYIS KYANG GDUL BYA MTHA' YAS PA'I BSOD NAMS KYI ZHING MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BLA MA PHYAG RDOR BA ZHES KYANG GRAGS, GRUB CHEN LAS KYI RDO RJE ZHES KYANG GRAGS, LHO BRAG MKHAN CHEN ZHES KYANG GRAGS PA MKHAN CHEN NAM MKHA' RGYAL MTSAN LA GSOL BA 'DEBS SHING, BDAG NYID

, ,CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA 'DEBS SHING, RGYAL BA'I BKA' DANG DGONGS 'GREL MA LUS PA'I DON GCIG TU BSDUS PA'I MAN NGAG BYANG CHUB LAM GYI RIM BA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,DMIGS MED BRTZE BA'I GTER CHEN SPYAN RAS GZIGS, ,DRI MED MKHYEN PA'I DBANG PO 'JAM PA'I DBYANGS, ,BDUD DPUNG MA LUS 'JOMS MDZAD GSANG BA'I BDAG ,GANGS CAN MKHAS PA'I GTZUG RGYAN TZONG KHA PA, ,BLO BZANG GRAGS PA'I ZHABS LA GSOL BA 'DEBS, ,ZHES BSNGAGS PA SNYIGS MA'I DUS SU GANGS RI'I KHROD 'DIR RGYAL BA'I BSTAN PA SPEL BA LA MKHYEN BRTZE NUS GSUM GANG GI THAD NAS KYANG 'GRAN PA'I ZLA DANG BRAL BA RIGS GSUM MGON PO DANG MTSUNGS SHING, RGYAL BSTAN YONGS RDZOGS 'DZIN CING SPEL BA LA RGYAL BA RANG NYID SLAR BYON PA LTA BUR GYUR PA RJE BTZUN CHOS KYI RGYAL PO TZONG KHA PA CHEN PO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I DUS NAS BYANG CHUB MCHOG TU THUGS BSKYED DE RGYAL BA GRANGS MED PA MCHOD CING BSNYEN BKUR, TSOGS GNYIS YONGS SU RDZOGS TE STOBS BCU DANG, MI 'JIGS PA BZHI DANG, MA 'DRES PA'I CHOS BCO BRGYAD LA SOGS PA SANGS RGYAS KYI YON TAN THAMS CAD YONG SU RDZOGS NAS NAM MKHA'I MTHAS KLAS PA'I ZHING KHAMS RAB 'BYAMS THAMS CAD DU GDUL BYA RNAMS KYI KHAMS DANG BSAM PA DANG

BAG LA NYAL DANG MTHUN PAR SANGS RGYAS KYI MDZAD PAS 'DUL BAR 'OS PA RNAMS LA SANGS RGYAS KYI MDZAD PA STON, BYANG CHUB SEMS DPA'I GZUGS KYIS 'DUL BAR 'OS PA RNAMS LA BYANG CHUB SEMS DPA'I GZUGS STON, NYAN RANG GIS 'DUL BAR 'OS PA RNAMS LA NYAN THOS DANG RANG SANGS RGYAS KYI GZUGS SU STON, RGYAL POS 'DUL BAR 'OS PA RNAMS LA RGYAL PO'I GZUGS SU STON, THA MAL PA'I GZUGS KYIS 'DUL BAR 'OS PA RNAMS LA GDUL BYA RANG RANG DANG SKAL BA MNYAM PA'I THA MAL PA'I GZUGS STON CING, GANG LA GANG 'TSAMS KYI SPRUL PAS 'GRO BA RNAMS SMIN CING GROL BAR MDZAD PA LA 'BAD RTZOL DANG RNAM RTOG MI MNGA' BAR LHUN GYIS GRUB PA'I 'PHRIN LAS KYIS KHYAB PAR MDZAD CING BZHUGS PA LAS MI MJED 'JIG RTEN GYI ZHING 'DIR STON PA THUB PA'I DBANG POS SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS KYI 'KHOR LO BSKOR BAR MDZAD PA 'DI NYID SANGS RGYAS KYI MDZAD PA THAMS CAD KYI NANG NAS RAB DANG PHUL DANG MCHOG DANG GONG NA MED PAR GZIGS NAS MDO SNGAGS YONGS SU RDZOGS PA'I BSTAN PA 'DI NYID BYANG PHYOGS GANGS RI'I LJONGS 'DIR CHES CHER GSAL PAR MDZAD PHYIR BSAMS BZHIN DU BYON PA ZHIG GO ;RJE BTZUN TZONG KHA PA CHEN PO 'DI NYID RGYAL BA'I MDO SNGAGS KYI BSTAN PA YONGS SU RDZOGS PA SPEL BA'I PHYIR BSAM BZHIN BYON PA GANG GIS SHES SNYAM NA, DE NI RGYAL BA'I BKA' LUNG TSAD MA DPANG POR GYUR PA LAS SHES TE,

, ,SKYOB PA NYID GZIGS LAM GSUNG BA, ,'BRAS MED PHYIR NA RDZUN MI GSUNG, ,ZHES GSUNGS PA LTAR STON PA THUB PA'I DBANG PO DUS GSUM GYI SHES BYA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS SHING, RANG GI YE SHES SGRIB PA MED PAS JI LTAR GZIGS PA DE KHO NA LTAR GSUNG BA LAS RDZUN GSUNG BA RNAM PA KUN TU MI SRID PAR BDEN PA GSUNG BA'I BKA' MDO DANG SNGAGS KYI LUNG MANG PO DANG SNGON GYI SKYES BU DAM PA MANG PO'I GSUNG TSAD MA DAG LAS SHES TE, DE YANG RJE BLA MA 'DI NYID GANGS RI'I LJONGS 'DIR RGYAL BSTAN SPEL BA'I PHYIR DU 'BYON PAR MDO LAS LUNG BSTAN TSUL NI, MDO SDE GDAMS NGAG 'BOGS PA'I RGYAL PO'I BSTAN PA DVANGS SNYIGS 'BYED PA'I LE'U LAS, KUN DGA' BO, DA LTA NGA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,MA 'ONGS SNYIGS MA'I DUS SU NI, ,'BRI DANG LDAN GYI SA MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA, ,DBU RGYAN 'BUL ZHING MCHOD PA BYED, , STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU,

SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES RJE BLA MA TZONG KHA PA CHEN PO MDZAD PA RNAM THAR DANG BCAS PA GSAL BAR LUNG BSTAN TO, ,RJE BLA MA 'DI SNGON SANGS RGYAS ZHAL BZHUGS PA'I DUS SU BRAM ZE'I KHYE'UR 'KHRUNGS PA BYANG CHUB SEMS DPA' MOS PA'I BLO GROS ZHES BYA BAS KHRID NAS STON PA THUB PA'I DBANG PO RDO RJE GDAN DU BZHUGS PA DANG MJAL TE, SHEL DKAR PO'I 'PHRENG BA DRI MA MED PA BRGYA RTZA GCIG PHUL NAS BYANG CHUB TU THUGS BSKYED CING, RGYAL BA MYA NGAN LAS 'DAS PA'I 'OG TU BSTAN BA NYAMS PA LA PHYOGS PA'I TSE BYANG PHYOGS GANGS RI'I KHROD DU SPYIR THUB PA'I BSTAN PA YONGS SU RDZOGS PA GSAL BAR BYED PA DANG, LHAG PAR BSTAN PA'I SNYING PO ZAB MO DBU MA'I LTA BA RNAM PAR DAG PA RGYAL BA RANG NYID KYI DGONGS PA BZHIN DU CHES CHER RGYAS PAR BYED NUS PA'I SMON LAM BTAB PA NA DE KHO NA LTAR 'GRUB BO ZHES LUNG STON PA LA KUN DGA' BO, DA LTA BA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,ZHES SOGS GSUNGS, DE LTAR LUNG BSTAN PA DE YANG RJE BTZUN BLA MA TZONG KHA PA CHEN PO 'DI NYID KHO NA LA GO BA'I PHYIR BZHUGS GNAS DANG MTSAN GSAL BAR LUNG BSTAN PA NI, MA 'ONGS SNYIGS MA'I DUS SU NI, ,'BRI DANG LDAN GYIS MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,ZHES 'BRI KHUNG DANG

, ,SKYID SHOD LDAN GYI MTSAMS SU DGE LDAN ZHES BYA BA'I DGON PA 'DEBS PA DANG, DE'I RJES 'JUG RNAMS LA'ANG DGE LUGS PA ZHES ZER BA 'BYUNG BA DANG, MTSAN BLO BZANG GRAGS PA ZHES BRJOD PA 'BYUNG BAR GSAL BAR LUNG BSTAN, RJE 'DI'I MDZAD PA RNAM THAR LUNG STON PA LA, 'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA; ;DBU RGYAN 'BUL ZHING MCHOD PA BYED, ,STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,ZHES GSUNGS TE, RJE BDAG NYID CHEN PO KHA BA CAN GYI LJONGS 'DIR BYON NAS GDUL BYA 'DUL BA'I DUS LA BAB PA NA, RJE BTZUN SPYAN RAS GZIGS DANG RJE BTZUN GSANG BA'I BDAG PO LA SOGS PA PHYOGS BCU'I ZHING NAS RGYAL SRAS MTHU CHEN MANG PO ZHIG RJE 'DI'I BSTAN PA SPEL BA'I GROGS SU BYON TE, DBANG PHYUG DANG, STOBS DANG, LONGS SPYOD KYIS 'KHOR DBANG MED DU BSDUS PA MA YIN PAR SKAD CIG NYID LA NUB PHYOGS DZA LANDHA RA NAS SHAR PHYOGS RGYA MTSO CHEN PO LA THUG GI BAR RJE BLA MA'I 'KHOR THUB BSTAN YONGS RDZOGS 'DZIN PA'I BSHES GNYEN CHEN PO DAG GIS KHYAB STE RNAM PAR DKAR BA'I CHOS KYI 'PHRIN LAS KYIS SA CHEN PO'I KHYON 'DI YONGS SU GANG BA MCHOG DMAN BAR MA KUN GYI MIG LA SNANG BA 'DI RGYAL BAS LUNG BSTAN PA LTAR MNGON SUM

DU GRUB PA YIN LA, GANGS RI'I KHROD 'DIR THUB PA'I BSTAN PA YUN RING DU GNAS PA'I RTEN 'BREL BSGRIG PHYIR CHOS RGYAL SRONG BTZAN SGAM POS SPRUL PA'I BZO BO MTHA' YAS PA SPRUL TE BZHENGS PA LHA LDAN SPRUL PA'I GTZUG LAG KHANG; GANG DU BKA' CHEMS GTER DU SBAS PA'I KA BA SHING LO CAN ZHES BYA BA YOD PA'I LHA KHANG GI RTEN GYI GTZO BO STON PA'I SKU GZUGS BSTAN PA 'DI LA STON PA RANG NYID DNGOS SU BZHUGS PA DANG MTSUNGS PAR BYIN RLABS CAN DU GRAGS PA JO BO SH'AKYA MU NE DANG, MI BSKYOD RDO RJE GNYIS LA DBU RGYAN 'BUL ZHING CHO 'PHRUL GYI MCHOD PA RGYA CHEN PO BLA NA MED PA BYED PA DANG, DE'I DUS SU DGE 'DUN KHRI KHRAG BRGAL BA 'TSAGS TE GSOL BA 'DEBS PA RNAMS GSAL BAR LUNG BSTAN, DE LTAR MDZAD PA'I MTHUS THUB PA'I BSTAN PA NYAMS PA GSOS TE LO STONG GI BAR DU 'PHEL ZHING GNAS PA DANG, RJE 'DI NYID MA 'ONGS PA NA NGO MTSAR RMAD BYUNG BKOD PA'I 'JIG RTEN DU RGYAL BA SENG GE'I NGA RO ZHES BYA BAR 'TSANG RGYA BAR 'GYUR BA DANG, RJE BLA MA 'DI LA DAD PA BYED PA RNAMS KYANG ZHING DER SKYE BAR 'GYUR RO ZHES STON PA LA, DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU, ,SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES GSAL BAR GSUNGS SO, ,LHA MO DRI MA

, ,MED PAS ZHUS PA'I MDO LAS, BYANG PHYOGS GANGS RI'I RGYUD KYI SAR, ,DGE BA LDAN PA'I SA PHYOGS SU, ,DAM PA'I CHOS NI RGYAS PAR 'GYUR, ,ZHES RJE BLA MA 'DI NYID GANG DU 'BYON PA'I DGON GNAS GSAL BAR LUNG BSTAN TO, ,LANG KAR GSHEGS PA'I MDO LAS LUNG BSTAN PA NI, MDO DE NYID RGYA NAG TU 'GYUR BA LAS, BCOM LDAN 'DAS LA KLU'I RGYAL PO MA DROS PAS DUNG DKAR PO ZHIG PHUL BA MOO 'GAL GYI BU LA GNANG NAS 'DI KHYOD KYIS 'GOG PA'I RIR SBOS SHIG ,MA 'ONGS PA NA DGE SLONG PADMA'I DANG LDAN 'DIS GTER NAS 'DON PAS DE'I TSOGS DUNG DU 'GYUR GYI GTER BDAG SPRE'U'I GNAS BYED DO, ,ZHES RJE BDAG NYID CHEN PO 'DIS, 'GOG PA RI ZHES BYA BA 'BROG RI BO CHE DGA' LDAN GYI BYANG NGOS NAS DUNG GER NAS BZHES TE LHA SA SMON LAM CHEN MO'I TSOGS DUNG MDZAD, DE NAS 'JAM DBYANGS CHOS RJE LA GNANG STE 'BRAS SPUNGS SU RJE'I BSTAN PA CHES CHER 'PHEL BA'I RTEN 'BREL BSGRIG PAR MDZAD, THUGS SMON MDZAD PA LTAR GRUB STE DA LTA YANG 'DZAM BU'I GLING NA MDO SNGAGS KYI BSHAD SGRUB 'PHEL BA DANG, DGE 'DUN GRANGS MANG BAR BZHUGS SHING, GTER DUNG YANG KUN GYI MIG LA BLTAR YOD PA 'DI LTAR RO, ,RJE BTZUN 'JAM PA'I DBYANGS KYIS KYANG RJE RIN PO CHE NYID LA SPRUL PA'I GLEGS BAM CHEN MO GNANG DUS GTER DUNG 'DI'I LO RGYUS GSAL BAR GSUNGS PA GRUB

CHEN DBEN SA PAS LUNG BSTAN GSAL BA'I ME LONG YI GER BKOD PA DBEN SA BKA' 'BUM NA BZHUGS PA LTAR RO, ,RJE BLA MA 'DI NYID RGYUD NAS LUNG BSTAN TSUL NI, 'JAM DPAL RTZA RGYUD LAS, 'JIG RTEN NGA NI MYA NGAN 'DAS, SA YI STENG 'DI STONGS GYUR NA, ,KHYOD NYID BYIS PA'I GZUGS KYIS NI, ,SANGS RGYAS MDZAD PA BYED PAR 'GYUR, ,DE TSE DGON CHEN RAB DGA' BA, ,KHA BA CAN NANG YOD PA YIN, ,ZHES GSAL BAR LUNG BSTAN TE, DE YANG RGYAL BA MYA NGAN LAS 'DAS NAS 'GRO BA MGON SKYABS DANG BRAL BAR GYUR PA NA RJE BTZUN 'JAM PA'I DBYANGS BYIS PA STE THA MAL PA'I TSUL BZUNG NAS SEMS CAN GYI DON RGYA CHER MDZAD PA DANG, LHAG PAR BYANG PHYOGS KHA BA CAN DU DGA' LDAN ZHES BYA BA'I DGON PAR SANGS RGYAS KYI MDZAD PA BYED PA DANG, MTSAN YANG BLO BZANG GRAGS PA ZHES 'BYUNG BAR LUNG BSTAN, YANG 'JAM DPAL RTZA RGYUD LAS, BLO LDAN DANG POR YI GE MA, ,DE BZHIN SDOM BRTZON DAD PA 'BYUNG, ,RNAM PA DU MAR SDOM BRTZON GSUNGS, ,DE TSE MTHA' YAS 'BYUNG BAR 'GYUR, ,SDOM BRTZON THAMS CAD BSGRAGS PA YANG, ,STON PA'I BSTAN PA GSAL BAR BYED, ,BSTAN PA DE TSES STENG DU, ,RNAM PAR NYAMS SHING SNANG MED LA, ,STON PA'I GZUGS BRNYAN YID DU 'ONG, ,BYED PAR 'GYUR BAR THE TSOM MED, ,THAMS CAD BYANG CHUB LUNG BSTAN TE, ,NGA YI BYANG CHUB MCHOG THOB 'GYUR, ,DER NI 'JIG RTEN SBYIN GNAS 'GYUR, ,SRID

, ,PA GSUM GYI MTHAR YANG BYED, ,SNGAGS DANG RGYUD LA MNGON BRTZON PA'I, ,GRAGS PA 'DZIN PAR SHES PAR BYA, ,ZHES SHIN TU GSAL BAR LUNG BSTAN TE, YI GE MA ZHES PA NI, BLO BZANG GRAGS PA ZHES PA'I SAm SKRI TA'I SKAD KYI MING YIG DANG PO STE, BLO BZANG GRAGS PA ZHES PA'I SKAD DOD LA, MA TI BHA DRA KIRTI ZHES 'BYUNG NGO, ,DE YANG MA TI ZHES PA GZHAN DANG 'KHRUL GZHI MI 'BYUNG BA'I PHYIR RJE 'DI'I MDZAD CHEN BZHI'I YA GYAL CHO 'PHRUL MCHOD PA'I MDZAD PA JO BO LA DBU RGYAN PHUL TE YID 'ONG DU BYED PA DANG, DE'I TSE GDUL BYA BGRANG BA LAS 'DAS PA LA DGE BA'I RTZA BA BSKYED DE BYANG CHUB TU LUNG BSTAN PA THOB PAR 'GYUR BA DANG, DE LTA BU'I BSTAN PA 'DZIN PA'I BDAG NYID CHEN PO DE GRAGS PA'I MTSAN CAN ZHIG 'BYUNG NGO, ,ZHES GZHAN SU DANG YANG MI NOR BAR BYA BA'I PHYIR GSER BRTAG PA'I RDO KA ZHI PA LTAR LUNG BSTAN MDZAD DO, ,DE LTAR MDO RGYUD DU MA NAS LUNG BSTAN CING SNGON GYI SKYES BU DAM PA DU MAS KYANG BSTAN PA'I BDAG PO RJE BLA MA 'DI LTAR 'BYON PA LUNG BSTAN TE, CHOS RGYAL SRONG BTZAN SGAM POS, DE NAS KHYAD PAR BSNYEN BKUR CHER MDZAD PA, DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'CHANG ZHING SKYES CHEN DAM PA NI, ,SNYING PO'I MTHA' RTEN RNAL 'BYOR CHEN PO DES, ,ZHAL YANG BSGYUR ZHING BSNYEN BKUR CHEN PO MDZAD, ,DE LA BSNYEN BKUR CHER BYED DE DAG NI, ,'PHAGS

PA'I GANG ZAG DGE SBYONG SHA STAG GO ,DE PHYIR DE DAG KUN LA GUS PA BSKYED, ,DE DAG CI PHYIR 'PHAGS PA YIN ZHE NA, ,SANGS RGYAS RNAMS LA MDZAD PA CHEN PO MDZAD, ,DE PHYIR DE DAG 'PHAGS PA'I GANG ZAG GO ,DE LTAR 'PHAGS PA'I GANG ZAG RNAMS 'BYUNG ZHING, ,'KHOR NI LEGS GNAS STON PA'I GSUNG RAB DANG, ,STON PA'I SKU GZUGS DNGOS SU BZHUGS PA DANG, ,RI BO YON TAN CAN YANG DE NA YOD, ,CES BDAG NYID CHEN PO 'DI 'KHRUNGS YUL DANG; ;DGE BSNYEN GYI SDOM PA BZHES PA'I MTSAN DANG, JO BO RNAM GNYIS LA DBU RGYAN 'BUL BA DANG, MCHOD PA RGYA CHEN PO MDZAD DE BSTAN PA RGYAS PAR MDZAD PA DANG, GSUNG LAS SKYES PA'I 'PHAGS PA'I GANG ZAG MTHA' YAS PA 'BYUNG ZHING STON PA'I BSTAN PA CHES CHER GSAL BAR MDZAD PA RNAMS GSAL BAR LUNG BSTAN TO, ,JO BO RJE DPAL LDAN AA TI SHA DANG 'BROM RIN PO CHE GNYIS KYIS YER PA LHA RI SNYING POR LO GSUM GYI BAR DU 'GRO BA MDZAD PA'I GSANG CHOS BKA' GDAMS GLEGS BAM LAS, BLA MA DRI MA MED PAS, BDAG KYANG GNAS DER LHA 'DRE 'DUL DU 'GRO ,ZHES SLOB DPON PADMA DANG, SPRUL PA GCIG NI RGYA GAR GNAS SU 'GRO ,ZHES JO BO CHEN PO DANG, SPRUL PA GCIG NI BAL PO'I MTHIL DU 'GRO, ,ZHES PAndI TA PADMA BADZRA DANG, SPRUL PA GCIG NI MDO KHAMS SMAD LA 'GRO ,ZHES MDO SMAD DU 'KHRUNGS PA 'JAM MGON BLA MA DANG, MAR ME MDZAD KYANG GNAS MCHOG 'DIR, ,SGROL MAR BCAS

, ,TE SPRUL STONG 'GYED, ,LHAG PAR CHAGS MED BSOD SNYOMS PAS, ,SNYAN PA'I DBYANGS KYIS GSOL BA 'DEBS, ,PHYOGS BZHI'I LAS CAN DBANG DU SDUD, ,NGA YI MCHOD TSOGS RGYAS PAR BYED, ,MAR ME MDZAD DANG BYAMS PA YANG, ,KHYOD KYI GROGS BZANG SPEL BAR BYED, ,RING POR MI THOGS GNAS MCHOG 'DIR, ,MCHOD TSOGS RGYA MTSO 'DU BAR 'GYUR, ,SPYAN RAS GZIGS DBANG BZANG POR SPRUL, ,ZHES DANG, GLEGS BAM PHA CHOS LAS, GRAGS DANG YANG GRAGS RIN CHEN GYI, ,GRAGS PA'I MTHA' BZANG DPAL DU GRAGS, ,BLO GROS SHES RAB GZHAN DU GSOL, ,GZHAN YANG GRAGS PA'I MTSAN RAB CAN, ,MANG POS 'GRO BA'I BDE SKYID BSKRUN, ZHES DANG; DE NYID LAS, BDAG GI SPRUL PA DAM PA CIG ,RES 'GA' DGE SLONG NYID DU SPRUL, ,DES NI GNAS DE SKYONG BAR BYED, ,RES 'GA' BYIS PA'I GZUGS SU 'ONG, ,RES 'GA' DBUL PHONGS SPRANG PO'I GZUGS, ,RES 'GA' BYOL SONG BYA KHYI'I GZUGS, ,RES 'GA' GSOL 'DEBS DBYANGS KYI GZUGS, ,RES 'GA' YIG 'BRU GZUNGS KYI GZUGS, ,GRAGS PA CAN NI DGE SLONG NGO, ,BSTAN GNAS BAR DU YANG YANG 'ONG, ,DE NI RGYUD PA NYID DANG MTSUNGS, ,KHRIMS LDAN DE YIS BYIN BRLABS SHING, ,SKYES BU GSUM NI DON GNYER BA'I, ,BYA BA MYONG BA BRGYA PHRAG TZAM, ,GNAS DER BSAM GTAN SGOM PAR BYED, ,CES DANG, LHA DANG BCAS PA'I MCHOD PA'I GNAS, ,

BKUR 'OS NYID DU NGES PAR 'GYUR, ,MDOR NA GNAS MCHOG DE DAG TU, ,DANG PO BZHI GRVA NAS BZUNG STE, ,THA MAR STONG PHRAG PHYED DANG GSUM, ,BSLAB PA GSUM LDAN SH'AKYA'I SRAS, ,'GRO BA KUN GYI MGON DU 'GYUR, ,GNAS DER PHYOGS DANG PHYOGS MTSAMS NAS, ,DGE 'DUN DPAG MED 'DU BAR 'GYUR, ,SPYIR YANG LAS CAN PHYOGS BCUR 'PHRO, ,PHYI YI RGYA MTSO DAG DANG MTSUNGS, ,CHU BO BRGYA YIS GANG MI NUS, ,CI TZAM ZHIG GIS DMA' MI NUS, ,ZHES DANG, YANG; THA MAR BSTAN PA'I ME RO DAG ,GRAGS PA'I MTSAN GYIS GSO BAR BYED, ,DU MA'I PHAN BDE SGRUB BYED PA'I, ,DE YANG GNAS MCHOG DAM PA YIN, ,ZHES RJE BDAG NYID CHEN PO 'KHOR DANG BCAS PA GSAL BAR LUNG BSTAN TO, ,RJE BTZUN 'JAM PA'I DBYANGS KYIS GRUB CHEN 'JAM DPAL RGYA MTSO LA GSUNGS PA'I LUNG BSTAN LAS KYANG, SNGON BSKAL PA GRANGS MED DPAG TU MED PA'I SNGA ROL TU, DE BZHIN GSHEGS PA DBANG PO'I TOG CES BYA BA 'JIG RTEN DU BYUNG STE, 'KHOR TSOGS RGYA MTSO'I DBUS SU THEG PA MCHOG TU GYUR PA RDO RJE THEG PA'I CHOS KYI 'KHOR LO BSKOR BAR MDZAD DO, ,DE'I TSE RJE BDAG NYID CHEN PO 'DI NYID RJE BTZUN 'JAM DPAL DBYANGS KYI SRAS KYI THU BO, GZUNGS DANG, SPOBS PA DANG, MNGON PAR SHES PA DANG, TING NGE 'DZIN DANG, BDEN GNYIS MNGON SUM DU GZIGS PA DAG BA'I YE SHES LA SOGS PA YON TAN BSAM GYIS MI KHYAB BA DANG

, ,LDAN PAR GYUR TO, ,DE NAS RJE BTZUN 'JAM DPAL DBYANGS 'KHOR DANG BCAS PA DE BZHIN GSHEGS PA DBANG PO'I TOG RDO RJE THEG PA'I CHOS 'KHOR BSKOR BA'I MDUN SAR GSHEGS SHING BZHUGS PA NA, BCOM LDAN 'DAS RGYAL BA DBANG PO'I TOG GIS TSANGS PA'I DBYANGS KYIS, BYANG CHUB SEMS DPA' GANG DAG MA DAG PA'I ZHING KHAMS GRANGS MED PA RNAMS SU ZAB MO DBU MA'I LAM DANG 'BREL BA'I RDO RJE THEG PA'I LAM BZANG LUS DANG SROG LA MI LTA BAR RGYAS PAR BYED PA DE NI, RGYAL SRAS RNAMS KYI RLABS CHEN SPYOD PA RGYA MTSO'I RAB DANG, PHUL DANG, MCHOG TU GYUR PA'O, ,ZHES SENG GE'I SGRA SGRAGS PA NA, BDAG NYID CHEN PO 'DI SNYING STOBS CHES CHER RGYAS PAS 'KHOR TSOGS RGYA MTSO'I DBUS SU BZHENGS TE ZHUM PA MED PA'I SGRA DBYANGS KYIS, DENG NAS BRTZAMS TE LUS DANG SROG LA MI LTA BAR MA DAG PA'I ZHING GRANGS MED PAR ZAB MO DBU MA'I LTA BA DANG 'BREL BA'I RDO RJE THEG PA'I LAM BZANG RGYAS PAR BYA'O ZHES DE BZHIN GSHEGS PA DBANG PO'I TOG SOGS PHYOGS BCU'I RGYAL BA SRAS BCAS DBANG DU BZHAG STE DAM BCAS SHING BDEN PA'I TSIG GI SGRA DBYANGS BSGRAGS SO, ,DE'I TSE DE BZHIN GSHEGS PA DBANG PO'I TOG SOGS PHYOGS BCU'I SANGS RGYAS THAMS CAD KYIS LEGS SO, ,KHYOD NI BYANG CHUB SEMS DPA' SNYING STOBS CHEN PO'O, ,ZHES DBUGS DBYUNG ZHING, DE NAS BZUNG STE SANGS RGYAS KYI ZHING THAMS CAD DU'ANG BDAG NYID CHEN PO 'DI'I MTSAN BYANG CHUB SEMS DPA' SNYING STOBS

CHEN POR GRAGS SO, ,DE NAS RGYAL BA DBANG PO'I TOG SKU LAS 'OD ZER GYI TSOGS BYE BA DPAG TU MED PA 'GYED CING ZHAL 'DZUM PA DANG LDAN PAS, KHYOD KYIS JI LTAR DAM BCAS PA BZHIN DU DENG NAS BZUNG STE MA DAG PA'I ZHING GRANGS MED PA RNAMS SU MDO SNGAGS KYI DAM CHOS RGYAS PAR BYAS TE, MTHAR GYIS NGO MTSAR RMAD BYUNG BKOD PA'I ZHING DU DE BZHIN GSHEGS PA SENG GE'I NGA RO ZHES BYA BA'I RDZOGS PA'I SANGS RGYAS SU 'GYUR RO ZHES LUNG BSTAN PAR MDZAD DO, ,YE SHES KYI MKHA' 'GRO MA MA CIG LAB KYI SGRON MAS GCOD GZHUNG CHEN MOR BSTAN PA'I 'PHEL 'GRIB LUNG BSTAN PA LAS, YUM GYIS DE LTA BU'I RGYAL KHRIMS DANG CHOS KHRIMS 'PHYUGS PA'I DUS SANGS RGYAS KYI BSTAN PA MUN NAG TU GLOG 'KHYUG PA LTA BU ZHIG 'BYUNG ZHES GSUNGS PA LA, BSOD NAMS RGYAN LA SOGS PA BU MO BZHIS, DE LTA BU'I BKA' DRIN CAN DE SU LAGS, ZHES SOGS MANG DU ZHUS PA'I LAN DU, BU MO KHYOD KYIS DRIS PA'I BYANG SEMS DE, ,MA 'ONGS BSKAL BZANG SANGS RGYAS BDUN PA YIN, ,DA LTA BYANG CHUB SEMS DPA' SNYING STOBS CHE, ,SNYIGS DUS LOG SPYOD BOD YUL BYUNG BA'I TSE, ,DGE SLONG TSUL 'DZIN GRAGS PA'I MTSAN THOGS TE, ,GANG GI ZHING DU SENG GE'I NGA ROR GRAGS, ,KHRIMS 'CHAL LOG SPYOD SPOBS PA ZIL GNON PAS, ,KHRIMS 'CHAL BAG MED YANG DAG KHRIMS LA SBYOR, ,THUB NYID SROL BTOD BSTAN PA'I PHYAG RTAGS 'DZIN, ,BSTAN PA GSAL BAR BYED PA'I DGE SLONG NGO, ,MTHA' YAS RGYUD SDE'I

, ,TSOGS LA DBANG BSGYUR ZHING, ,RGYUD SDE RGYA MTSO'I DGONGS PA'I BCUD PHYUNG NAS, ,GDUL BYAR GYUR PA'I SKAL LDAN TSIM PAR MDZAD, ,CES BDAG NYID CHEN PO 'DI SNYIGS MA'I DUS 'DIR BSAMS BZHIN DU BYON TE MDO SNGAGS KYI BSTAN PA YONGS SU RDZOGS PA CHES CHER SPEL BAR MDZAD PA GSAL BAR LUNG BSTAN TO, ,DE LTAR MDO RGYUD BSTAN BCOS MANG PO NAS LUNG BSTAN TSUL BRJOD PA DE DAG NI, RJE 'DI 'BYON PA'I DUS TSOD DANG, 'KHRUNGS YUL DANG, DGON GNAS DANG, MTSAN DANG, MDZAD PA RNAM THAR RNAMS 'DI DANG 'DI LTAR 'BYUNG NGO, ,ZHES GSAL BAR LUNG BSTAN PA 'GA' ZHIG BRJOD PA YIN GYI, DON GYIS LUNG BSTAN PA NI SHES RAB KYI PHA ROL TU PHYIN PA STONG PHRAG BRGYAD PA LAS, SHES RAB KYI PHA ROL TU PHYIN PA ZAB MO 'DI RGYAL BA RANG NYID MYA NGAN LAS 'DAS PA'I 'OG TU RGYA GAR LHO PHYOGS SU DAR BAR 'GYUR BA DANG, DE NAS RGYA GAR GYI BYANG PHYOGS KHA BA CAN 'DIR DAR BAR 'GYUR BA LUNG BSTAN TE, RGYA GAR LHO PHYOGS SU DAR BA NI RGYAL BA MYA NGAN LAS 'DAS NAS LO BZHI BRGYA TZAM SONG BA NA 'PHAGS PA KLU SGRUB 'JIG RTEN DU BYON TE SHER PHYIN GYI DON ZAB MO DBU MA'I LTA BA CHES CHER DAR BAR MDZAD PA'O, ,'PHAGS PA KLU SGRUB CES BYA BA DE YANG RJE BDAG NYID CHEN PO 'DI YIN TE, RJE 'DI NYID 'PHAGS PA KLU SGRUB DANG THUGS RGYUD GCIG PAR SNGON BYON PA'I DAM PA MANG POS GSUNGS SHING, DON DE LA

'JAM DBYANGS KHA CHES KYANG, N'A GA DZU NA'I RNAM 'PHRUL TZONG KHA PA, ZHES BSNGAGS SO, ,BYANG PHYOGS SU DAR BAR 'GYUR ZHES GSUNGS PA DE LA, 'DI LTA BU'I SHER PHYIN ZAB MO 'DI DUS KYI THA MA LA BYANG PHYOGS SU JI LTAR DAR BAR 'GYUR, SHER PHYIN ZAB MO 'DI 'DZIN PA MANG PO'AM NYUNG NGU JI LTA BU ZHIG 'BYUNG ZHES ZHUS PA NA BCOM LDAN 'DAS KYIS BKA' STZAL PA, SH'A RI'I BU BYANG GI YUL DANG BYANG GI PHYOGS KYI CHAR BYANG CHUB SEMS DPA' SEMS DPA' CHEN PO MANG ZHING SHIN TU MANG DU 'BYUNG BAR 'GYUR RO, ,SH'A RI'I BU DE DAG MANG MOD KYI MANG PO DE DAG LAS SHES RAB KYI PHA ROL TU PHYIN PA 'DI NYAN PA DANG 'DRI BA DANG 'DZIN PA DANG 'CHANG PA DANG KLOG PA DANG KUN CHUB PAR BYED PA DANG RAB TU 'DON PA DANG STON PA DANG NYE BAR STON PA DANG LUNG 'BOGS PA DANG KHA TON BYED PAR 'GYUR BA DANG DE BZHIN NYID DU SLOB PA DANG DE BZHIN NYID DU SGRUB PA DANG DE BZHIN NYID DU RNAL 'BYOR DU BYED PAR 'GYUR BA DANG SHES RAB KYI PHA ROL TU PHYIN PA 'DI BSHAD PA NA 'GOD BAR MI 'GYUR KUN TU ZHUM PAR MI 'GYUR BAG TSA BAR MI 'GYUR BAG 'KHUMS PAR MI 'GYUR YID PHYIR PHYOGS PAR MI 'GYUR DANG 'PAR MI 'GYUR KUN TU SKRAG PAR MI 'GYUR KUN TU SKRAG PA DANG LDAN PAR MI 'GYUR BA'I BYANG CHUB SEMS DPA' SEMS DPA' CHEN PO DE DAG NI CHES NYUNG BAR 'GYUR TE, BYANG CHUB SEMS DPA' SEMS DPA' CHEN PO DE DAG NI YUN RING PO NAS THEG PA LA YANG DAG PAR ZHUGS PAR RIG PAR BYA'O,,

, ,DE DAG NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI RJES SU 'BRANG ZHING YONGS SU DRIS PA DANG YONGS SU ZHUS PA DANG YONGS SU DRI BA BYAS SHING GANG ZAG BYANG CHUB SEMS DBA'I THEG PA CAN RIGS KYI BU 'AM RIGS KYI BU MO DE DAG GIS SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA MCHOD PA YIN NO, ,DE DAG NI TSUL KHRIMS YONGS SU RDZOGS PAR BYED PAR 'GYUR RO, ,DE DAG NI 'DI LTA STE BLA NA MED PAR YANG DAG PAR RDZOGS PA'I BYANG CHUB 'DI NYID LAS BRTZAMS TE SKYE BO MANG PO'I DON BYED PAR 'GYUR RO, ,DE CI'I PHYIR ZHE NA, DE NI 'DI LTAR RIGS KYI BU DANG RIGS KYI BU MO DE DAG LA NGA NYID KYIS THAMS CAD MKHYEN BA NYID DANG LDAN PA'I GTAM BYAS SO, ,DE DAG NI TSE RABS 'PHOS KYANG THAMS CAD MKHYEN PA NYID DANG LDAN PA DANG SHES RAB KYI PHA ROL TU PHYIN PA DANG LDAN PA 'DI NYID LA YANG DAG PAR SPYOD PAR 'GYUR RO, ,'DI LTA STE BLA NA MED PA YANG DAG PAR RDZOGS PA'I BYANG CHUB LAS BRTZAMS NAS DE NYID KYI GTAM BYED PAR 'GYUR DE NYID KYI GTAM LA MNGON PAR DGA' BAR 'GYUR RO, ,DE DAG LA LEGS PAR GNAS SHING SHES RAB KYI PHA ROL TU PHYIN PA 'DI LA MNYAM PAR BZHAG PAR 'GYUR TE BDUD KYIS KYANG DBYE BAR BYED MI NUS NA 'DI LTA STE SEMS CAN GZHAN DAG GIS 'DUN PA'AM SNGAGS KYI SGO NAS DBYE BA LTA CI SMOS, DE CI'I PHYIR ZHE NA,

DE NI 'DI LTAR BLA NA MED PA YANG DAG PAR RDZOGS PA'I BYANG CHUB TU MTHU BRTAN PA'I PHYIR RO, ,RIGS KYI BU DANG RIGS KYI BU MO DAG GIS DE THOS NAS SHES RAB KYI PHA ROL TU PHYIN PA 'DI LA DGA' BA DANG DANG BA DANG RAB TU DANG BA RGYA CHEN PO THOB PAR 'GYUR RO, ,DE DAG GIS NI 'DI LTA STE BLA NA MED PA YANG DAG BAR RDZOGS PA'I BYANG CHUB LA SKYE BO MANG PO DAG GIS DGE BA'I RTZA BA BSKYED PAR 'GYUR RO, ,DE CI'I PHYIR ZHE NA 'DI LTAR RIGS KYI BU DANG RIGS KYI BU MO DE DAG GIS NI NGA'I MNGON SUM DU TSIG 'DI SKAD DU, BYANG CHUB SEMS DPA'I SPYAD PA SPYOD PA NA BDAG GIS SROG CHAGS BRGYA PHRAG MANG PO DANG SROG CHAGS STONG PHRAG MANG PO DANG SROG CHAGS BRGYA STONG PHRAG MANG PO DANG SROG CHAGS BYE BA BRGYA PHRAG MANG PO DANG SROG CHAGS BYE BA STONG PHRAG MANG PO DANG SROG CHAGS BYED PA BRGYA STONG PHRAG MANG PO DANG SROG CHAGS BYE BA KHRAG KHRIG BRGYA STONG MANG PO RNAMS BLA NA MED BA YANG DAG PAR RDZOGS PA'I BYANG CHUB LA YANG DAG PAR BZHAG PAR BYA'O, ,YANG DAG PAR BSTAN PAR BYA'O, ,YANG DAG PAR 'GOD PAR BYA'O, ,YANG DAG PAR GZENGS BSTOD PAR BYA'O, ,YANG DAG PAR DGA' BA BSKYED PAR BYA'O, ,YANG DAG PAR RAB TU DBYE BAR BYA'O, ,RDZOGS PA'I BYANG CHUB LA GNAS PAR BYA'O, ,SLAR MI LDOG PAR BYA'O, ,ZHES SMRAS SO, ,ZHES LUNG BSTAN TE, ,'DIS RJE BDAG NYID CHEN PO JI LTAR LUNG BSTAN SNYAM NA ,BYANG PHYOGS GANGS RI'I LJONGS 'DIR SHER PHYIN ZAB MO 'DI 'DZIN CING KLOG PA MANG PO

, ,ZHIG 'BYUNG NA'ANG DON PHYIN CI MA LOG PAR RTOGS NAS RGYA CHER SPEL BAR BYED NUS PA NI NYUNG NGU LAS MI 'BYUNG BA DANG, DE LTAR STON NUS PA'I SEMS DPA' CHEN PO DE NI SNGON YUN RING PO NAS LAM LA SBYANGS PA BYAS PA TSOGS GNYIS MTHAR PHYIN PA GDUL BYA'I DON DU BSAM BZHIN DU BYON PA ZHIG 'BYUNG BA DANG, DE 'DRA BA'I SEMS DPA' CHEN PO DE RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS SHING SMON LAM BTAB PA YIN PAR GSUNGS PA 'DIS RJE BLA MA 'DI NYID LUNG BSTAN PA YIN PAR SHES TE, SHER PHYIN ZAB MO 'DI'I DON LA SBAS DON MNGON RTOGS KYI RIM PA DANG, DNGOS BSTAN STONG NYID KYI RIM PA GNYIS YOD CING, SBAS DON MNGON RTOGS KYI RIM PA BSHES GNYEN DAM PA TSUL BZHIN DU BSTEN NAS DANG POR THAR PA CHA MTHUN GYI DGE RTZA BSKYED, DE NAS SA LAM RIM GYIS BGROD TSUL DANG, MTHAR 'BRAS BU THOB NAS 'PHRIN LAS NYI SHU RTZA BDUN GYI SGO NAS GDUL BYA'I DON BYED TSUL GYI BAR LAM GYI GRANGS DANG GO RIM DANG NGO BO RNAMS RGYAL BA'I DGONGS PA SHING RTA CHEN POS BKRAL BA JI BZHIN DU MTHA' DAG PAR GTAN LA 'BEBS NUS BA DANG, JI LTAR GTAN LA PHAB PA'I DON RNAMS SKYES BU GSUM GYI LAM GYI RIM PAR BSDUS TE SKAL BA DANG LDAN PA'I GDUL BYA LAS DANG PO PA'I SA NAS SANGS RGYAS KYI SA'I BAR LA MTHAR GYIS KHRID BAR MDZAD PA

RJE BLA MA 'DI DANG MTSUNGS PA GANGS RI'I KHROD 'DIR SU YANG MA BYUNG BA DANG, DNGOS BSTAN STONG NYID KYI RIM PA LA'ANG SHER PHYIN GYI MDO'I DON 'PHAGS PA KLU SGRUB YAB SRAS KYIS JI LTAR BKRAL BA LTAR ZAB MO DBU MA'I LTA BA 'KHRUL PA'I DRI MA THAMS CAD DANG BRAL BA RIGS PA'I LAM NAS GTAN LA PHAB STE JI LTAR SGOM PA'I TSUL DANG, BSGOMS NAS SA LAM RIM GYIS BGROD DE 'BRAS BU CHOS SKU 'GRUB TSUL RNAMS MTHA' DAG PAR STON NUS PA RJE BLA MA 'DI DANG MTSUNGS BA BYANG PHYOGS 'DIR SU YANG MA BYUNG BAS NA RGYAL BAS BYANG PHYOGS SU SHER PHYIN GYI MDO SDE ZAB MO'I DON RGYAL BA RANG NYID KYI DGONGS PA LTAR STON NUS BA'I SEMS DPA' CHEN PO 'BYUNG NGO ZHES LUNG BSTAN PA DE RJE 'DI NYID LUNG BSTAN PAR 'OS MED KYIS 'GRUB PO, ,GZHAN YANG DE LTAR SHER PHYIN ZAB MO STON NUS PA'I SEMS DPA' CHEN PO DES RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS PA YIN PAR GSUNGS PA DES KYANG RJE BLA MA 'DI NYID LUNG BSTAN PA YIN PAR GSAL BAR GRUB STE RJE 'DIS SNGON STON PA THUB PA'I DBANG PO DANG THUGS RGYUD GCIG BA'I RGYAL BA DBANG PO'I TOG GI SPYAN SNGAR SNYIGS MA'I DUS SU ZAB MO DBU MA'I LTA BA RGYA CHER SPEL BAR DAM BCAS PA DANG, STON PA RDO RJE GDAN DU BZHUGS PA'I TSE SHEL DKAR PO'I PHRENG BA PHUL TE ZAB MO DBU MA'I LTA BA SPEL BAR THUGS BSKYED CING DAM BCAS PA SNGAR DRANGS ZIN PA LTAR RO, ,BDAG CAG GIS RJE

, ,BLA MA 'DI LTAR LUNG BSTAN TO ZHES BRJOD PA 'DI YANG RJE'I RJES 'JUG YIN PA RGYU MTSAN DU BYAS PA'I RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RGYAL BA'I DGONGS PA 'GREL BA LA RJE 'DI NYID DANG MTSUNGS PA GZHAN MED DO ZHES SMRAS PA DE NI SNANG RUNG MA DMIGS PA'I RTAGS YANG DAG PAS GRUB PA YIN NO, ,GZHAN YANG LHO BRAG GRUB CHEN LA GSANG BDAG PHYAG NA RDO RJES LUNG BSTAN BYUNG BA DANG, BLA MA DBU MA PA LA RJE BTZUN 'JAM DPAL DBYANGS KYIS LUNG BSTAN BYUNG BA SOGS LHAG PA'I LHA RNAMS KYIS LUNG BSTAN BA'I TSUL MANG DU YOD DE 'OG TU RIM BZHIN 'CHAD DO, ,DE LTAR MDO RGYUD BSTAN BCOS RNAMS NAS LUNG BSTAN PA LTAR, RJE BLA MA 'DI NYID GANG DU 'KHRUNGS PA'I YUL NI MDO KHAMS SMAD KYI SA'I CHA SHAR TZONG KHA ZHES GRAGS PA DE YIN LA ,DER JI LTAR 'KHRUNGS PA'I TSUL NI, ME PHO SPRE'U'I LO DGUN GYI DUS RJE 'DI'I YAB KYI MNAL LAM DU ,RGYA NAG RI BO RTZE LNGA NAS 'ONGS ZER BA'I BTZUN BA ME TOG GI PHRENG BA DU MA SBREL BA'I CHOS GOS DANG, SUM CU RTZA GSUM GYI SHING LO YIN ZER BA DAR SER PO 'DRA BA'I SHAM THABS CAN PO TI KHYER BA ZHIG BYUNG NAS, NGA KHYED LA GNAS SHIG G-YOR BA YIN ZER NAS MCHOD KHANG ZHIG YOD PA'I NANG DU SONG BA'I SNANG BA BYUNG, YUM GYI MNAL LAM DU YANG ME TOG GI THANG CHEN PO ZHIG TU BUD MED STONG PHRAG TZAM GRAL BYAS PA'I

NANG NA YUM RANG YANG BSDAD PAR, SHAR NAS KHYE'U DKAR PO BUM PA 'DZIN PA CIG DANG, NUB NAS BU MO DMAR MO RMA BYA'I SGRO MDONGS SDER MA TZAM YOD PA CIG LAG PA G-YAS NA BZUNG, ME LONG CHEN PO ZHIG G-YON NA BZUNG NAS BYUNG BAS, DE GNYIS GROS BYAS TE BUD MED THAMS CAD LA 'DIS RUNG NGAM 'DIS RUNG NGAM ZHES KHYE'U DES BU MO DE LA 'DRI ZHING BU MO DES GZHAN RNAMS RE RE LA SKYON RE BTAGS, KHYE'U DES YUM LA MDZUB MO BTZUGS NAS 'DIS RUNG NGAM ZHES 'DRI BA LA, BU MO DES 'DZUM BYAS NAS RUNG ZER, 'O NA 'DI LA KHRUS GYIS ZER NAS, JI LTAR BLTAMS PA ZHES SOGS DBYANGS DANG BCAS KHRUS BYAS PAS LUS KYI DRI MA DAG NAS BDE SANGS SANGS BA'I SNANG BA ZHIG BYUNG BA DANG, GNYID SAD NAS LUS YANG BA DANG SEMS BDE BA LA SOGS PA'I DGE MTSAN DU MA BYUNG NGO, ,DUS DE NAS PA ZUNG STE KHYIM MCHES DANG YUL MI RNAMS KYI RMI LAM DU'ANG DGE 'DUN MANG POS JO BO RIN PO CHE DBUS NAS GDAN DRANGS BYUNG BA SOGS RMI LTAS NGO MTSAR BA MANG DU BYUNG BA DANG, NYI ZLA SKAR GSUM DUS GCIG LA SHAR BA DANG, ME TOG GI CHAR YANG YANG 'BAB PA DUS DANG SPOS KYI DRI BZANG PO BRO BA DANG, NAM MKHA' LA ROL MO'I GRAG PA DANG, SA G-YO BA LA SOGS PA'I NGO MTSAR BA'I LTAS YUL DER KUN GYI MTHUN SNANG DU GRUB PA DU MA BYUNG NGO,, DE NAS BYA LO ZLA BA DANG PO'I TSES BCU'I NUB MO YUM GYI MNAL LAM DU DGE 'DUN BSAM GYIS MI KHYAB PAS GDUGS DANG RGYAL MTSAN DANG RNGA BO CHE LA SOGS PA MCHOD PA'I BYE BRAG MTHA' YAS PA BZUNG STE, SPYAN RAS GZIGS 'BYON

, ,PA LA BSU BA BYED ZER KYIN 'DUG PAS PHYOGS KUN TU BLTAS KYANG MA MTHONG, RJES LA BLTAS PAS SPRIN GYI THAD TZAM DU GSER SKU RI BO TZAM PA 'OD ZER NYI MA LTAR PHYOGS THAMS CAD DU 'PHRO BA DANG CHOS KYI SGRA DBYANGS DANG BCAS PA CIG LHA'I BU DANG BU MO YIN ZER BA'I CHA LUGS PHUN SUM TSOGS PA DANG LDAN PA DU MAS BSKOR BA ZHIG MAR MAR BABS BYUNG BAS GSER SKU DE JE CHUNG JE CHUNG LA SONG, SPYI GTZUG GI THAD TZAM DU SLEBS PA'I TSE MTHOG GANG TZAM PA SHIN TU MDZES PA ZHIG TU GYUR NAS RANG LA THIM ,DE'I 'KHOR RNAMS DANG BSU MI RNAMS KYANG RANG LA THIM PAR MTHONG BAS RANG LA PHYAG DANG BSKOR BA DANG MCHOD BA BYED CING BKRA SHIS BRJOD PA SOGS RMIS PAS PHYI DE'I NYIN PAR NAS RIG PA GSAL BA SKYID SNANG CHE BA BYUNG ,DE PHYIN MA BRTAGS MA DPYAD PA'I DUS NA'ANG NGA'I LUS 'DI LA BRNYAS MI RUNG SNYAM NAS GCES SPRAS DANG GTZANG SPRA LA BTZON PA SOGS RANG SHUGS KYIS BYUNG ,YAB KYI MNAL LAM DU LCANG LO CAN NAS PHYAG NA RDO RJES 'PHANGS SEM SNYAM PA'I GSER GYI RDO RJE 'BAR PA GCIG YUM LA THIM PA RMIS PAS BU STOBS LDAN CIG SKYE BA YIN NAM ZHES GLENG BA BYUNG NGO, ,SKU BLTAMS PA'I DUS LA BAB PA'I TSE YUM GYI MNAL LAM DU, DGE 'DUN MANG PO DANG SKYE BO'I KHROM CHEN BOS MCHOD PA RNAM LNGA KHYER NAS MCHOD KHANG MJAL ZER ,DE GANG NA YOD DRIS PAS SNGAR GYI KHYE'U DKAR PO DES CHU SHEL GYI LDE MIG GCIG BZUNG NAS 'DI NA YOD ZER ZHING YUM RANG GI BRANG NA SGO CHUNG SER PO ZHIG

'DUG PA PHYE BA'I NANG NAS SNGAR LUS LA THIM PA'I GSER SKU DE BTON NAS DRI MAS CUNG ZAD NOGS PA LA SNGAR GYI BU MO DE BYUNG NAS DE LA BUM CHUS KHRUS BYAS, RMA BYA'I SGROS BYABS RGYA GAR GYI SKAD YIN NAM SNYAM PA'I DAR DIR MANG PO DBYANGS SU LEN ZHING LHA DE LA MCHOD PA 'BUL KYIN 'DUG PA'I SNANG BA BYUNG, GNYID SAD NAS THO RANGS SKAR CHEN SHAR BA DANG STABS CIG PAR RAB BYUNG DRUG PA'I ME MO BYA'I LO NGO MTSAR PA'I LTAS MANG PO DANG BCAS BDE BAR 'KHRUNGS SO, ,DE'I CHE CHENGS PA DANG BRGYA BYIN LA SOGS PA'I DKAR PHYOGS KYI LHA RNAMS KYIS DA NI 'GRO BA MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD KYI SDE PHAM MO, ,DKAR PHYOGS KYI LHA RNAMS RGYAL LO ZHES SHIS PA BRJOD PA'I TSIG 'DZAM BU'I GLING NAS 'OG MIN GYI BAR DU BSGRAGS SHING, PHYOGS BCU'I RGYAL BA SRAS DANG BCAS PA THAMS CAD KYIS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR, GSANG BA'I BDAG PO PHYAG NA RDO RJE DANG, RGYAL PO CHEN PO RNAM THOS SRAS LA SOGS PA G-YEL BA MED PAR RJES SU 'BRANGS TE BAR CHAD BSRUNG BA LA BRTZON PAR GYUR TO, ,RGYAL BA THAMS CAD KYI GDUNG 'TSO BA RGYAL BA'I MYU GU GANGS CAN GSER GYIS GZHIR GSAR DU 'KHRUNGS PA GZHON NU'I GZUGS CAN DE'I DBU NI GDUGS LTA BU DANG, DPRAL BA DBYES CHE ZHING SMIN MA 'BYAR LA SHANGS KYI GZENGS MTHO PA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL

, ,ZHING PAGS PA'I MDOG NI ME TOG KUNDA LTAR DKAR BA, LJAGS PADMA'I 'DAB MA LTAR 'JAM ZHING MNYEN LA RING BA, MCHU SGROS BIM PA LTAR DMAR BA SOGS MTSAN BZANG GIS MJES PA 'JIG RTEN KUN GYI MIG GI BDUD RTZI LTA BU ZHIG BYUNG BAR GYUR TO, ,YAB YUM DE GNYIS KYANG THA MAL PA MIN PAR SNGON YUN RING PO NAS BDAG NYID CHEN PO 'DIS BSTAN 'GRO'I DON RGYA CHEN BO MDZAD PA'I TSE MTHUN PA'I RKYEN SGRUB PAR SMON LAM BTAB NAS BSAM BZHIN DU BYON BA ZHIG STE; YAB DE NI DPA' MDZANGS BRTUL PHOD CAN 'BYOR PA DANG LDAN ZHING GTONG BA LA DGA' BA RIGS MTHO BA MAL GYI RIGS ,RIGS RUS 'BYOR BA PHUN TSOGS DANG LDAN YANG KHENGS PA MED PAR SLONG BA RNAMS LA BYAMS BA, RJE BTZUN 'JAM PA'I DBYANGS KYI RNAL 'BYOR DANG LDAN PA, RGYUN DU 'JAM DPAL MTSAN BRJOD KHA TON DU MDZAD PA ZHIG GO, YUM DE NI GZUGS BZANG ZHING MDZES LA G-YO SGYU CHUNG BA, NYAM CHUNG RNAMS LA SNYING RJE CHE BA, RGYAL BA BSKYED PA'I YUM DU 'OS PA ZHIG GO, RGYAL SRAS GZHON NU DE 'KHRUNGS PA'I SANG NYIN YUL DE'I PHUN RDO RJE 'JIGS BYED KYI GRUB THOB TU GRAGS PA'I BDAG NYID CHEN PO CHOS RJE DON GRUB RIN CHEN ZHES BYA BA BZHUGS YOD PA DES YAB YUM GNYIS LA LEGS SO'I BSNGAGS BA DANG GNANG SBYIN, RGYAL SRAS GZHON NU DE LA BZHES RGYU'I BDUD RTZI RIL BU SKU LA BCANG RGYU'I SRUNG MDUD, RTEN 'BREL BSGRIG PAR DGONGS TE RDO RJE 'JIGS BYED KYI BRIS SKU BYIN RLABS CAN GCIG DANG, BU CHUNG SKYONG LUGS KYI YI GE LA SOGS BA NYE GNAS TSUL KHRIMS

DANG LDAN PA ZHIG LA BSKUR NAS BYUNG STE BLA MA DES THUGS MKHYEN GYIS MKHYEN BAR 'DUG ,PHYIS RGYU MTSAN ZHUS PAS, NGAS RMI LAM DU RDO RJE 'JIGS BYED DANG MJAL BAS GSOL BA BTAB, KHYAD PAR DU ZHAL YANG YANG BSTAN DU GSOL ZHES ZHUS PAS, SANG PHOD DA TZAM LUNG BA 'DI'I MDA' RU YONG, DE BAR B'U DE BAR GYIS GSUNG BAS, DE GANG YIN DPYAD PA'I PHYIR TING NGE 'DZIN LA MNYAM PAR BZHAG PAS KHYED KYI BUR 'DUG PA THIGS PA YIN GSUNG BA LA SOGS PA'I GSANG BA'I GNAS DU MA GSUNGS NAS, PHYIS KYANG BU CHUNG BSKYED BSRING BA DANG, 'JAM DPAL DBYANGS DANG DBYANGS CAN MA LA SOGS PA'I SGO NAS SHES RAB 'PHEL BA'I THABS DU MA'ANG MDZAD DO, ,RGYAL SRAS GZHON NU DE YUM GYI MNGAL NAS 'KHRUNGS MA THAG LTE BA BCAD PA'I MTSAL KHRAG SA LA LHUNG BA LAS TZANDAN DKAR PO'I SDONG PO ZHIG GSAR DU SKYES BA DE LA YAL GA MANG DU GYES SHING LO MA 'BUM YOD PA, LO MA RE RE LA DE BZHIN GSHEGS PA SENG GE'I NGA RO'I SKU RE RE YOD BA ZHIG BYUNG BAS SKU 'BUM ZHES GRAGS, DUS PHYIS RGYAL BA BSOD NAMS RGYA MTSO GNAS DER BYON NAS GUS PA CHEN POS MCHOD BA RGYA CHEN PO MDZAD CING, SHING 'DRA LAS LHAG PA'I BYIN RLABS CAN DKON ZHES SHING DE'I PHYI DNGUL GYIS BSTUMS TE BYANG CHUB MCHOD RTEN GYI RNAM PAR BYAS; GNAS DER RJE BLA MA'I MDO SNGAGS KYI BSTAN PA YONGS SU RDZOGS PA LA BSHAD SGRUB BYED PA'I DGE 'DUN GYI SDE ZHIG GSAR DU 'DZUGS PAR BZHED DE ZHAL BKOD GNANG BA THUGS BZHED LTAR GRUB NAS SKU 'BUM BYAMS PA GLING ZHES BTAGS,

, ,MCHOD SDONG DE'I PHYI ROL TU TZAN DAN GYI SDONG PO GSAR PA ZHIG THON PA DE LA YANG YAL GA DANG LO MA RNAMS LA AA RA PA TZA NA DANG, DH'I: DANG H'Um LA SOGS PA YI GE'I GZUGS RANG BYON DU 'BYUNG BA DANG, DE'I YAL GA DANG LO MA ZOS NA SHES RAB SKYE ZHING RIMS NAD SOGS ZHI BA KUN GYI MTHUN SNANG DU YOD DO, ,DE LTA BU'I RGYAL SRAS GZHON NU DE NYID SNYIGS MA'I DUS 'DIR BYON YANG 'DAM GYI DBUS SU SKYES PA'I PADMA 'DAM GYIS MI GOS PA LTAR SNYIGS MA'I SKYON GANG GIS KYANG MA GOS SHING, BYIS BA'I TSUL BZUNG YANG BYIS PA'I RGUD BA THAMS CAD LAS YANG DAG PAR 'DAS, BAG MED PAR RTZE BA MTHA' DAG LAS NI NGANG GIS LOG, NYES BAR SPYOD PA RNAMS NI RANG BZHIN GYIS BSDAMS, KUN LA SNYAN PAR SMA ZHING KHRO BA SPANGS PA DANG, 'GROGS NA BDE ZHING SLONG BA'I SKYE BO DAG LA GTONG BA'I LAG BRKYANGS BA DANG, MGON MED PA DAG LA SNYING BRTZE ZHING BDEN BAR SMRA BA DANG, BLO GROS DPAG PAR DKA' ZHING CHOS 'TSOL BA LA NGANG GIS ZHUGS PA LA SOGS BA BYANG CHUB SEMS DPA'I SPYOD PA RLABS PO CHEN DAG NI BYIS PA GZHAN DAG SKYES TZAM NYID NAS NU ZHO LEN BA'I KUN TU SPYOD PA DAG CHED DU BSLAB BAR BYA MI DGOS PA JI LTA BA DE BZHIN DU GYUR TO, ,RGYAL SRAS GZHON NU DE DGUNG LO GSUM PA LA BAB PA NA CHOS RJE KARMA BA ROL BA'I RDO RJE LAS DGE BSNYEN GYI SDOM PA YONGS SU RDZOGS PAR MNOS TE ,MTSAN YANG KUN DGA' SNYING PO ZHES BTAGS SO, ,LO DE LA CHOS RJE DON GRUB RIN CHEN PA DE NYID RJE 'DI'I YAB KYIS GDAN DRANGS PA ZHIG GI DUS NA CHOS

RJE DON GRUB RIN CHEN PAS YAB YUM GNYIS LA RTA DANG LUG LA SOGS PA ZANG ZING GI GNANG SBYIN DPAG TU MED PA MDZAD NAS KHYED KYI BU 'DI LNGA LA PHUL ZHING CES BKA' GNANG BA YAB YUM GNYIS KYIS KYANG DANG DU BLANGS TE SPRO DGA' DANG BCAS PAS PHUL; DE NAS DGUNG LO BDUN PA LA NYE BAR BAB PA NA RJE 'DIS CHOS RJE DE'I ZHABS DRUNG DU PHEBS PAR MDZAD DES RAB TU MA BYUNG BA'I SNGA ROL NYID DU CHOS RJE DES RJE 'DI PA DPAL RDO RJE 'JIGS BYED LHA BCU GSUM MA'I DKYIL 'KHOR DU BCUG NAS DBANG BSKUR TE GSANG SNGAGS RDO RJE THEG PA'I SKOR SMIN PAR MDZAD CING, DE NAS BCOM LDAN 'DAS 'KHOR LO BDE MCHOG DRIL BU PA DANG, KYEE RDO RJE DANG PHYAG NA RDO RJE LA SOGS PA'I DKYIL 'KHOR DU BCUG CING DBANG BSKUR, GSANG MTSAN DON YOD RDO RJE ZHES BTAGS, RJE 'DI PAS RIG PA 'DZIN PA'I SDOM BA DANG DAM TSIG YONGS SU RDZOGS PAR MNOS TE DBANG DUS SU JI LTAR ZHAL GYIS BZHES PA LTAR MIG GI 'BRAS BU LTAR GCES PAR SRUNG BAR MDZAD DO; ;CHOS RJE DE'I DRUNG DU THOG MAR PHEBS MKHAD NAS GSUNG RAB KLOG PA BO MANG DU 'DUG PA RNAMS LA GZIGS SHING THUGS KYIS DPYAD PAS DE TZAM GYIS KLOG RANG NYID KYIS THOGS MED DU 'DON PAR NUS PA BYUNG ZHING CHED DU GTAD NAS BSLAB DGOS PA MA BYUNG, DBANG THOB NAS RAB TU MA BYUNG BA'I GONG DGUNG LO BDUN DU NYE BA TZAM GYI DUS NYID DU 'ANG, BDE MCHOG DGYES RDOR KUN RIG GSHIN RJE GSHED LA SOGS PA'I MNGON RTOGS DANG DKYIL CHOG MANG PO THUGS LA BZUNG,

, ,GSHIN RJE'I GSHED DANG BDE MCHOG GI BSNYEN PA YANG MDZAD NAS BDE MCHOG DRIL BU BA'I BDAG 'JUG KYANG LAN MANG DU MDZAD CING, LHA'I RNAL 'BYOR DANG BZLAS PA'I RIM PA LA SOGS PA LA GCIG TU GZHOL BAR MDZAD DO, ,DE'I TSE NA RJE 'DI LA BCOM LDAN 'DAS PHYAG NA RDO RJE GTUM PO PHYAG GNYIS PA'I RNAM PA ZHIG YUN RING PO'I BAR DU NUB RE BZHIN MNAL LAM DU GSAL BAR 'CHAR BA DANG, GZHAN YANG SANGS RGYAS DANG BYANG SEMS MANG PO'I SNANG BA SHAR ZHING, KHYAD PAR JO BO CHEN PO DPAL LDAN AA TI SHA MNAL LAM DU NAR MAR 'ONG BA ZHING BYUNG, PHYIS DBUS SU PHEBS DUS SKU 'DRA GZIGS PA NA, SNGAR MNAL LAM DU GZIGS PA DE'I RNAM PA JI LTA BAR 'DUG CES GSUNG STE, DE NI JO BO NYID KHA BA CAN 'DIR BSTAN PA NYAMS PA GSO BA'I SLAD DU BYON PA LTAR, MDO SNGAGS KYI LAM GYI RIM PA YONGS SU RDZOGS PAS GDUL BYA RNAMS SMIN CING GROL BAR MDZAD DE BSTAN PA RIN PO CHE MI NUB PA'I RGYAL MTSAN 'DZIN PA RNAMS KYI GTZUG GI NOR BUR 'GYUR BA 'DI NYID KYI SNGA LTAS SO, ,DE LTAR RJE 'DI PA DE'I TSE RGYAL SRAS GZHON NU'I TSUL BZUNG BA DE DGUNG LO BDUN LA BAB PA'I TSE, KHYIM NAS KHYIM MED PAR RAB TU 'BYUNG BAR MDZAD DE, NGUR SMRIG GI RGYAL MTSAN YANG DAG PAR BZHES SO, ,DE YANG RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING LUNG DANG RTOGS PA'I YON TAN GYI TSOGS KYIS MNGON PAR MTHO BA'I BLA MA DON GRUB RIN CHEN PAS MKHAN PO MDZAD DBUS GTZANG DANG BAL PO SOGS SU

MKHAS GRUB DANG PAndI TA DU MA LA GTUGS NAS MDO SNGAGS MANG PO LA SBYANGS PA'I BSHES GNYEN CHEN PO TE DBEN GZHON NU SENG GE ZHES GRAGS PA'I SLOB MA GZHON NU BYANG CHUB CES BYA BAS SLOB DPON MDZAD DE TSIGS SNGA MA DGE TSUL GYI SDOM PA YANG DAG BAR MNOS SHING, MTSAN YANG BLO BZANG GRAGS PA'I DPAL ZHES BYA BAR GSOL TO, ,RJE 'DI CHOS RJE DON GRUB RIN CHEN PA 'DIS BYIS PA NYID NAS BDAG GIR MDZAD DE BSTAN PA RIN PO CHE'I BDAG PO CHOS KYI RGYAL POR 'GYUR BAR DGONGS NAS THUGS KYI YUL DU SHIN TU GCES PAR BZUNG STE, SMAN GYI SHING LJON PA CHEN PO'I MYU GU LTAR LEGS PAR BSKYANGS, RAB TU PHYUNG ZHING RDO RJE THEG PA'I SGOR SMIN PAR MDZAD DE DBUS GTZANG DU 'BYON BA'I CHAS RKYEN DANG BSKUL MA YANG DAG MDZAD PAS BKA' DRIN ZLA MED DU 'DZIN PAR MDZAD DE, RJE 'DIS CHOS RJE DON GRUB RIN CHEN GYI MTSAN THOS PA NA PHYAG THAL MO SBYOR ZHING CHOS RJE DE NYID KYI DUS MCHOD KYANG 'CHAG MED MDZAD DO, ,DE NAS DE'I TSE RJE 'DI'I THUGS LA 'DI LTA BU DAG 'KHRUNGS PAR NGES TE, RGYAL BA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG SPONG BA BSAM GTAN NO, ,DE LA BDAG GIS KYANG 'DI GNYIS KA BYA STE RGYAL BA'I DGONGS PA SHING RTA CHEN PO RNAMS KYIS BKRAL BA'I GZHUNG LUGS CHEN MO RNAMS LA THOS BSAM PHU THAG CHOS PA ZHIG BYAS LA GZHUNG DON GDAMS PAR 'CHAR BA'I NYAMS LEN LA 'BAD DE RGYAL BSTAN YONGS SU RDZOGS PA RANG GI RGYUD LA 'DZIN CING SKAL BA DANG LDAN

, ,PA GZHAN DAG LA'ANG RGYA CHER SPEL TE RGYAL BA'I BSTAN PA RIN PO CHE 'JIG RTEN 'DIR DAR ZHING RGYAS PA ZHIG CI NAS BYA'O SNYAM DU THUGS BSAM RLABS PO CHE DE LTA BU 'KHRUNGS PAR GYUR TO, ,DE NAS DGUNG LO BCU DRUG LA BAB PA'I TSE CHOS RJE DON GRUB RIN CHEN PAS KYANG BSKUL ZHING BDAG NYID KYANG SPRO BA SHUGS DRAG POS SNGON GYI CHOS RGYAL LO PAn RNAMS KYI BKA' DRIN LAS RGYAL BSTAN YONGS SU RDZOGS PA GANG DU DAR BA'I SA DBUS GTZANG GI LJONGS SU 'BYON PAR BZHED PA NA, CHOS RJE DON GRUB RIN CHEN PAS DBUS GTZANG GI LJONGS SU BYON NAS THOS BSAM SGOM GSUM 'DI LTAR BYA DGOS SO ZHES ZHAL GDAMS RGYAS PAR GNANG NAS DON DE NYID THUGS LA GZUNG BA DE BA'I PHYIR TSIGS SU BCAD PA'I SGO NAS KYANG GDAMS PA NI, GZHON NU BLO BZANG GRAGS PA KHYOD, ,SNGON SPYANGS DGE BA'I LAS 'PHRO CAN, ,SNGON TSE DAM CHOS BDUD RTZI'I RO, ,'THUNGS PA'I BAG CHAGS YOD PAR NGES, ,ZHES PA DANG, YUM CHEN RGYAS 'BRING SDUS GSUM GYI, ,RGYAN DU GYUR PA'I MNGON RTOGS RGYAN, ,THOG MAR BSLAB CING NAN TAN BYA, ,DE LA MKHAS PAR GYUR PA NA, ,LUNG CHOS KUN LA 'PHRIG TSUD 'GYUR, ,DE YANG SEMS KYI ZUR LA ZHOG ,DE NAS BYANG CHUB SEMS DPA' YI, ,LAM DANG SPYOD PA'I RNAM GZHAG DAG ,STON PAR BYED PA'I MDO SDE RGYAN, ,MKHAS PA'I YAN LAG DAG TU BSLAB, ,'KHOR BA MYA NGAN 'DAS PA YI, ,RTEN DU STON PA'I CHOS DANG NI, ,CHOS NYID RNAM 'BYED

BSTAN BCOS DANG, ,THOG MA MTHA' MA RNAM SPANGS PA'I, ,DBU MA'I LAM NI STON PAS NA, ,DBUS DANG MTHA' NI RNAM 'BYED DANG, ,SEMS KYI CHOS NYID DAG PA NI, ,SEMS CAN KUN LA YOD PA STE, ,DE NYID BDE GSHEGS SNYING POR NI, ,STON BYED THEG CHEN RGYUD BLA MA, ,BYAMS CHOS LNGA BO DE DAG LA, ,MKHAS PAR BYED PA'I GO CHA GYIS, ,RGYAS PA'I BSTAN BCOS RNAM 'GREL DANG, ,'BRING DU STON PA'I RNAM NGES DANG, ,SHIN TU BSDUS PA RIGS THIGS TE; ;LUS DANG 'DRA BA'I BSTAN BCOS GSUM, ,GTAN TSIGS THIGS PA 'BREL BRTAG DANG, ,RGYUD GZHAN SGRUB PA RTZOD RIG STE, ,'PHROS PA YAN LAG LTA BU ZER, ,CHOS KYI GRAGS PA LAS BYUNG BA'I, ,TSAD MA SDE BDUN 'DZAM GLING NA; ;SANGS RGYAS BSTAN PA GSAL BYED PA, ,NYI MA ZLA BA LTA BUR GRAGS, ,'DI YI 'OG TU DE RNAMS SLOBS, ,ZHES SOGS DANG, BLO GROS BZANG LDAN KHYOD KYIS NI, ,MTHA' BRAL CHEN PO'I LTA BA LA, ,GAL TE MOS PA YOD GYUR NA, , 'PHAGS PA KLU SGRUB KYIS MDZAD PA'I, ,DBU MA RIGS PA'I TSOGS RNAMS DANG, ,ZHES SOGS, SHING RTA CHEN PO GNYIS RJES 'BRANG DANG BCAS PA'I GZHUNG RNAMS LA THOS PA PHU THAG CHOS PA ZHIG BYA DGOS PA DANG, THOS PA'I DON LA NYAMS LEN SNYING POR MDZAD DE GDENG THOB PA ZHIG BYA DGOS PA DANG, RANG GIS JI LTAR DGONGS PA LTAR SKAL BA DANG LDAN PA GZHAN DAG LA'ANG SPEL TE RGYAL BSTAN YONGS SU RDZOGS PA 'DZIN CING SPEL THUB PA ZHIG CI NAS KYANG BYA DGOS SO ZHES NAN

, ,TAN DU GDAMS SHING, TSE RABS GTAN GYI LHAG PA'I LHA YI DAM RDO RJE 'JIGS BYED DANG, BAR CHAD SRUNG BA'I LHA PHYAG RDOR 'KHOR CHEN DANG, SHES RAB BSKYED PA'I LHA 'JAM DPAL AA RA BA TZA NA DANG, TSE BSRING BA'I LHA TSE DPAG MED DANG, MTHUN RKYEN SGRUB PA'I LHA RNAM THOS SRAS DANG, 'GAL RKYEN SEL ZHING MTHUN RKYEN SGRUB PA'I LHA YE SHES KYI MGON PO PHYAG DRUG PA DANG DAM CAN CHOS RGYAL RNAMS NGED KYI SBYIN PA LTAR BSTEN LA BSNYEN SGRUB DANG MCHOD GTOR MA 'CHAG PAR GYIS ZHES GDAMS SO, ,DE NAS RJE 'DI BAS CHOS RJE DON GRUB RIN CHEN LA BKA' BZHIN BGYI'O ZHES ZHUS SHING PHYAG BTZAL TE BYIN RLABS ZHUS NAS 'BRI KHUNG MTHEL PA'I 'BUL DPON LDAN MA RIN CHEN DPAL GYIS GDAN DRANGS NAS 'PHRIN LAS PA DANG 'GROGS TE BYON, GLANG LO'I STON GYI DUS SU 'BRI KHUNG DPAL GYI NAGS KHROD DU PHEBS, DE'I TSE 'BRI KHUNG GI SPYAN SNGA RIN PO CHE CHOS KYI RGYAL PO BZHUGS PAS KHONG GI SPYAN SNGAR MJAL, THEG CHEN SEMS BSKYED KYI CHO GA DANG PHYAG CHEN LNGA LDAN LA SOGS PA ZAB KHRID MANG DU GSAN, DE NAS SLOB GNYER ZHIG LA 'BYON PAR BZHED PA LA GROGS 'GA' ZHIG GI DBANG GIS TSAL PA'I SMAN PA MKHAS PA DPON DKON MCHOG SKYABS ZHES PA'I GAM DU BYON NAS GSO DPYAD KYI GZHUNG LA SBYANGS SHING, YAN LAG BRGYAD PA THUGS LA BZUNG STE GSO DPYAD KYI SKOR RNAMS BSLABS PAS GZHUNG MAN NGAG LAG LEN DANG BCAS PA LA SHIN

TU MKHAS PAR GYUR TE, PHYIS BSNYUNG DUS SU SMAN PA BCU BDUN BCO BRGYAD TZAM 'TSOGS BA'I DUS SU'ANG NAD GANG LA SMAN GANG 'JUG PA DANG, SMAN GYI SBYOR SDE, BSIL DROD LA SOGS PA'I KHYAD PAR THAMS CAD DRUNG DU ZHUS NAS LAG LEN BDAG CAG RNAMS KYIS BYED PA YIN ZER BA DANG, SMAN PA MKHAS PAR GRAGS PA THAMS CAD KYANG DA LTA KHA BA CAN NA CHOS RJE RIN PO CHE LAS SMAN PA MKHAS PA MI 'DUG PA'I GNAD KYIS BDAG CAG RNAMS KYANG DRUNG DU SMAN SBYOR LA PHYIN PAS SMAN GYI RNAM DBYE MANG DU GSUNG BA THOS PA LA BRTEN NAS, SNGAR LO MANG DU BSLABS PA BAS BLO BSKYED CHE BAR BYUNG ZHES GLENG NGO, ,DER YUN HA CANG MI RING BA ZHIG BZHUGS NAS, CHOS GRVA CHEN PO BDE BA CAN DU BYON, , BDE BA CAN PA'I RIN PO CHE SNYE THANG PA BKRA SHIS SENG GE DANG, GDAN SA PA DGE BSKONG PA GNYIS LA CHOS 'BREL GSAN, KLOG PA'I SLOB DPON YON TAN RGYA MTSO DANG, ZHAR CHOS PA SLOB DPON AU RGYAN PAS MDZAD NAS SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN RTZA 'GREL LA LEGS PAR THUGS SBYONGS MDZAD, ZHAG BCO BRGYAD TZAM GYIS GZHUNG GI TSIG MTHA' DAG SHIN TU BYANG BAR THUGS SU CHUD DE, 'JAM SKYA'I tIKKA'I STENG NAS CHOS GSAN ZHING DON KUN CHUB PAR MDZAD DE, SBYOR BA BRTZI BA SOGS KYI THUGS BRTZON CHER MA MDZAD KYANG RING PO MA LON PAR SHES RAB KYI PHA ROL TU PHYIN PA'I TSIG DON LA SHIN TU MKHAS PAR GYUR NAS, SLOB

, ,DPON DANG GROGS MCHED THAMS CAD KYANG RJE 'DI'I BLO GROS KYI RTZAL DPAG PAR DKA' BA LA CHOS CHER NGO MTSAR BA'I GNAS SU 'DZIN LA, THEG PA CHEN PO MDO SDE'I RGYAN NI, SNGAR MDO SMAD DU BZHUGS PA'I DUS NAS THUGS LA CHUD CING, BSHAD GSAR DANG 'CHAD PA SOGS MDZAD KYANG BDE BA CAN PA'I BLA MA 'JAM RIN PA ZHES GRAGS PA'I DGE BSHES CHEN PO DE BYAMS CHOS LA SHIN TU MKHAS PAR BYED KYIN 'DUG PAS, MDO SDE RGYAN LA SOGS PA'I BYAMS CHOS RNAMS LEGS PAR GSAN ZHING THUGS SU CHUD PAR MDZAD, BDE BA CAN DU THUGS SBYONGS LA BZHUGS PA'I TSE SKABS SHIG TU RJE BTZUN 'JAM PA'I DBYANGS KYI RNAM 'PHRUL SA SKYONG MI'I DBANG PO'I COD PAN DPAL LDAN BLA MA DAM PA BSOD NAMS RGYAL MTSAN PA DBEN GNAS CHOS RDZONG DU PHYAGS PHEBS PA'I SPYAN SNGAR MJAL, 'JAM DBYANGS AA RA PA TZA NA'I RJES GNANG, BDE MCHOG DRIL BU PA'I LUS DKYIL GYI DBANG , GUR GYI MGON PO'I RJES GNANG RNAMS GSAN NO, ,DE LTAR LO GNYIS TZAM LA PHAR PHYIN GYI TSIG DON LA SHIN TU MKHAS PAR GYUR NAS DGUNG LO BCU DGU'I STENG DU GSANG PHU DANG BDE BA CAN LA SOGS PA RNAMS SU GRVA SKOR LA BYON , BLO GROS DANG CHOS SKAD PHUN SUM TSOGS PA'I SNYAN PA RING DU SONG ZHING, BSHES GNYEN MKHAS PA DAG GI YID KYI DBANG PO RNAM PAR DPYOD PA'I LCAGS KYUS DRANGS PAR GYUR TO, ,DE NAS GTZANG PHYOGS LA 'BYON PAR BZHED DE, RIN

SPUNGS KYI PHU'I LA LA BYON MYANG STOD MKHAR KHA BRGYUD NAS ZHA LUR PHEBS, BU STON RIN PO CHE'I DAM PA'I CHOS KYI RGYAL SRID 'DZIN PA'I GDAN SA PA LO TZ'A BA MKHAN CHEN RIN CHEN RNAM RGYAL PA'I DRUNG DU MJAL, BDE MCHOG MEE TRI BCU GSUM MA'I DBANG ZHIG GSAN, DE NAS SNAR THANG LA BYON, DE NAS GDAN SA CHEN PO DPAL LDAN SA SKYAR PHEBS, SA SKYA'I DUS CHOS MA TSUGS KYI RING LA SA BZANG DU BYON NAS SA BZUNG PAn CHEN MA TI BA'I DRUNG DU CHOS BKA' CI RIGS PA GSAN, DUS CHOS TSUGS NAS SA SKYAR PHAR PHYIN GYI GRVA SKOR MDZAD, DE NAS LA STOD BYANG LA BYON, 'DRA BZANG LDAN NGAM RING 'GA' RONG CHOS SDE RNAMS SU'ANG GRVA SKOR MDZAD NAS JO MO NANG DU PHEBS, CHOS RJE PHYOGS LAS RNAM RGYAL BA'I DRUNG DU SBYOR BA YAN LAG DRUG GI KHRID LA SOGS PA GSAN, DE NAS BO DONG LA BYON, MAR RES SPYI BO LHAS SU PHEBS, DE'I MKHAN CHEN PA LA BKA' GDAMS LAM RIM GYI LUNG THOB CIG MDZAD, DE NAS CHOS GRVA CHEN PO AER GRVA SKOR MDZAD NAS SNAR THANG DU PHEBS, SNAR THANG GI MKHAS PA BLA MA LO TZ'A BA DON BZANG PA LA MDZOD KYI BSHAD PA TSAR GCIG GSAN NO, ,DE NAS MYANG STONG DU PHEBS TE GNAS RNYING PA'I GZUNGS SGRUB KYI STENG DU PHAR PHYIN GYI GRVA SKOR MDZAD, DBYAR CHOS LA RTZE CHEN DU PHEBS PAR MDZAD NAS MKHAS PA'I DBANG PO NYA DPON KUN DGA' DPAL BA'I SPYAN SNGAR PHAR PHYIN GYI GZABS BSHAD TSAR GCIG GSAN, THUGS RAB GSAL ZHING RNAM DPYOD YONGS SU RNO BA DANG, BSHAD PAR BYA

, ,BA'I GNAS RNAMS BRDA' SPROD PA PHUL DU BYUNG BAS GDUL BYA'I RNA BAR 'BAB CING, MKHAS PA'I RNAM 'GYUR GYIS SHIN TU THUGS RANGS PAR GYUR, DE'I TSE KHONG PA LA MNGON PA MDZOD CIG GSUNG BAR ZHUS PAS, NGAS LEGS PO SHOD PAR YOD DE DON GNYER BYED MKHAN MA BYUNG BAS LTA RTOG KYANG 'GA' RE DGOS, KHAMS KYANG MA BDE ZHING PHAR TSAD 'CHAD DGOS PA 'DIS 'PHRAL LA 'CHAD PA MI 'GRUB PA 'DUG , NGED KYI SLOB MA RED MDA' BA 'DI BLO GROS CAN MNGON PA LA SHIN TU MKHAS PA ZHIG YOD PAS KHYOD RANG YANG 'DI LA NYAN NA 'THAD CING, NYAN PAR MI SPRO NA MDZUB KHRID CIG BCOL BA DRAG CES YANG YANG GSUNG GIN 'DUG PA DANG, KHONG GI SLOB MA SNGAR NAS ZHAL 'TSO BA YOD PAS KYANG 'TSAMS SBYAR NAS, RJE BTZUN RDA MDA' PA DBYAR DES SKYA NAS RTZE CHEN NA PHEBS 'DUG PA LA MNGON PA MDZOD KYI RANG 'GREL GYI STENG NAS MDZUB KHRID DU MDZAD DE GSAN PAS, GZHUNG GI TSIG RIGS TZAM LA BRTEN PA MA YIN BAR BSTAN BCOS KYI LUS YONGS SU RDZOGS PA'I DON GYI KHOG LEGS PAR BSGRIGS NAS 'GANGS CHUN PA'I GO BA BOGS CHOD DU STER NUS PA ZHIG 'DUG PAS DANG BA CHEN PO 'KHRUNGS, GANG GSUNGS THAMS CAD LAN RE KHO NAS TSIG DON LHAG MA MED PAR THUGS SU CHUD CING, DKA' BA'I GNAS RNAMS LA DRI GTUGS LEGS PAR MDZAD PAS RJE BTZUN RED MDA' PA YANG SHIN TU THUGS PHROGS

PAR GYUR TE KHYED LA MDZUB KHRID BYED PA LA LEGS PAR SGRIM DGOS PAR 'DUG CES GSUNG NGO, ,RJE RIN PO CHE 'DI NYID KYIS RGYAL BA'I GSUNG RAB KYI DRANG NGES RNAM PAR 'BYED PA'I SHING RTA CHEN PO DAG GI LAM SROL, DBU TSAD KYI RIGS PA'I SGO DANG PO RJE BTZUN 'DI NYID LAS RNYED PAS DE'I PHYIR RJE RED MDA' PA 'DI 'GRAN ZLA MED PA'I BLA MA'I GTZO BOR MDZAD PA YIN NO, ,DE LTA BU'I BLA MA DE NYID LA MDZOD KYI CHOS THUN 'GA' ZHIG MDZUB KHRID KYI LUGS SU MDZAD, DE LHAG DON LA KHYAD PAR MI 'DUG KYANG DA LTA'I MTSAN NYID PA RNAMS LA GRAGS PA DANG BSTUN NAS CHOS NYAN BSHAD KYI LUGS SU BYAS NAS GSAN GSUNG, RTZE CHEN GYI DBYAR CHOS DE GROL NAS STON BLA MA RJE BTZUN PA DANG DPON SLOB GNYIS KAS MYANG STOD BSAM GLING DU CHOS BAR LA BYON NAS RJE BTZUN RED MDA' PA LA DBU MA LA 'JUG BA TSAR GCIG GSAN, RJE BTZUN RED MDA' PAS KYANG DBU MA GSUNG BA'I SNGA SHOS DER 'DUG ,DE'I DUS SU GRUB PA BRNYES PA'I RNAL 'BYOR GYI DBANG PHYUG CHEN PO GNAS LNGA RIG PA'I MKHAS PA MKHAN CHEN LO TZ'A BA BYANG CHUB RTZE MO DBUS SU BYON, DGUN CHOS LA SKYID SHOD KYI PO TA LAR MNGON PA KUN LAS BTUS GSUNG BA 'DUG CES GSAN NAS, DE DUS KHONG MNGON PA'I BDAG POR BYED KYIN 'DUG PAS CI NAS KYANG KUN LAS BTUS TSAR GCIG GSAN PAR BZHED DE, STON GYI MJUG LA MYANG STOD NAS PHYOGS BTEG NAS DBUS SU PHEBS PAR MDZAD, PO TA LAR BYON NAS LO CHEN BYANG RTZE LA

, ,MNGON PA GSUNG BAR ZHUS PAS KHONG PA RANG SHIN TU GSUNG BAR BZHED PA 'DUG PA LA, 'ON KYANG DGUNG LO MANG DU BZHES PA SOGS KYI DBANG GIS MYUR DU KHONG RANG GI GDAN SAR PHEBS PA 'THAD SNYAM PA YID LA BZHAG NAS, MYUR BAR GTZANG PHYOGS SU THEGS PAR 'DUN PA'I ZHU BA RDZONG JI BAS PHUL BA LA BRTAN NAS, DE 'PHRAL DBUS NAS GTZANG PHYOGS SU PHYAG BTEG PAS MNGON PA'I THUGS BZHED MA GRUB KYANG CHOS 'BREL ZHIG GSAN, DE'I DGUN CHOS BDE BA CAN DU BYON NAS BZHUGS, DE RJES SKYOR MO LUNG PA'I MKHAN PO DKA' BZHI PA BLO GSAL BA ZHES GRAGS PA 'DUL MDZAD LA SHIN TU MKHAS PAR BYED PA DE'I DRUNG DU SKYOR MO LUNG DU BYON, KHONG SNGON DUS KYI 'DUL BA 'DZIN PA RGYA MTSO'I KHROD NA NYI MA LTAR GRAGS PA'I 'DUL 'DZIN CHEN PO DGE BA'I BSHES GNYEN THAG MA PA'I BU CHEN SBAL TI DGRA BCOM PA'I BSHAD RGYUN 'DZIN PA'I GDAN SA 'DUL BA LA SHIN TU MKHAS PAR 'DUG PAS, DE'I LEGS PAR BSHAD PA'I BOG SKAL BLANG BAR BZHED DE KHONG LA 'DUL BA MDO RTZA BA 'GREL PA CHA LAG DANG BCAS PA RDZOGS PAR GSAN TE ,KHONG GI THUGS LA MNGA' BA'I 'DUL BA'I BSHAD SROL LHAG MA MED PAR THUGS SU CHUD CING KHYAD PAR LHAG POR RTOGS, DE'I TSE CHOS GSAN PA'I ZHAR LA MDO RTZA BA'I RGYA CHER 'GREL GYI DBU NAS NYIN RE BZHIN SHOG BU MDA' TSAD BCU BDUN RE TZAM MA CHAG PAR THUGS LA BZUNG, DUS DE DAG GI

TSE NA TSOGS SU MANG JA LA BYON PA SOGS KYI SKABS SU DGE 'DUN RNAMS YUM GYI MDO 'DON PA'I RING LA SHER PHYIN GYI DON BSAMS PA NA CHOS THAMS CAD SNANG LA NGOS BZUNG MED PA'I DON LA MNYAM PAR BZHAG PAS, DGE 'DUN GYI CHOS SPYOD DANG BDUD BZLOG SOGS KYI TSIG 'BRU TZAM YANG THUGS KYIS MA NGES PAR RNAM RTOG GI RGYU BA RAGS PA THAMS CAD LOG NAS GSAL STONG 'DZIN MED KYI NGANG LA THUGS RTZE GCIG TU GNAS PA MANG JA'I 'OG MJUG 'KHYONGS PA 'BAD RTZOL MED PAR GNAS PA BYUNG, BOD KYI GRUB THOB TU BYED PA'I RTOGS PA BZANG SHOS MTHAR THUG PA DE THUGS LA 'KHRUNGS 'DUG NA'ANG, GSUNG RAB KYI GNAD MA LUS PA THUGS SU CHUD PA'I BDAG NYID CHEN PO 'DI NI DE 'DRA BA LA'ANG SEMS GNAS KYI NYAMS BZANG PO THUGS LA 'KHRUNGS PA'I TING NGE 'DZIN THUN MONG BA'I KHYAD PAR TZAM MA GTOGS, DE KHO NA NYID RTOGS PA'I TING NGE 'DZIN THUN MONG MA YIN PAR 'KHRUL PA'I DRI TZAM YANG MI BRO BA 'DI LTA BU NI MKHAS PA MGU BA'I YON TAN DPAG PAR DKA' BA YIN NO, ,DE'I TSE RGYA CHER 'GREL GYI BAM PO BZHI BCU LHAG TZAM THUGS LA CHUD PAR MDZAD, DE'I TSE SKU STOD LA BSNYUN GZHI DRAG PO ZHIG RGYUN RING TZAM BYUNG YANG RGYAL SRAS RTAG TU DU SHER PHYIN 'TSOL BA'I TSE LUS DANG SROG LA'ANG MI LTA BAR SHER PHYIN BTZAL BA JI LTA BA BZHIN DU BSNYUN GZHI DE LA JI MI SNYAM PAR SLOB MA 'GA' ZHIG DANG BCAS GTZANG PHYOGS LA BYON, SA SKYAR 'BYON BZHED PA LA LAM

, ,DU HA CANG GRANG BA'I REG PAS 'O BRGYAL BAR 'DUG PA DANG BSHUL THAG RING BAS DUR SMRIG GI PHU LA LAM MDZAD DE GNAS RNYING DU BYON, DE'I DGUN GNAS RNYING DU BZHUGS, GNAS RNYING BA'I DON GNYER BA DANG PHYAG PHYIL BYON PA 'GA' ZHIG GIS NAN CHER GSOL BA BTAB PA LA BRTEN NAS, DE GONG MNGON PA KUN LAS BTUS LA CHED DU GTAD PA'I GZIGS RTOG MA MDZAD KYANG, DE DUS TSIG LA GZIGS PA TZAM GYIS DON YING THUGS LA CIG CAR DU GSAL BAR SHAR BAS THOG MAR GZIGS PA'I RIM PA BZHIN GZHAN LA YANG 'DOMS PA'I SGO NAS, MNGON BA KUN LAS BTUS TSAR GCIG RTZAL BSHAD MDZAD DO, ,DE NAS SA SKYAR BYON, DE'I TSE SA SKYA NA BLA MA RJE BTZUN RED MDA' PA CHEN PO LAM 'BRAS GSAN KYIN 'DUG PA DANG MJAL DE NAS BZUNG STE ZLA BA BCU GCIG TZAM GYI RING LA SA SKYAR RJE RED MDA' PA'I SPYAN SNGAR BZHUGS, RJE BTZUN PA KHONG RANG LAM 'BRAS SOGS GSAN PA'I NGANG NAS, RJE 'DI LA MNGON PA KUN LAS BTUS GZABS BSHAD TSAR GCIG MDZAD, GZHAN YANG DE'I TSE TSAD MA RNAM 'GREL LA GTZO BOR SBYANGS SHING GSAN PA DANG, DBU MA 'JUG PA SOGS KYI BSHAD PA DANG, 'DUL BA LUNG LA SOGS PA BKA' BSTAN BCOS MANG PO'I LUNG YANG GSAN, BLA MA RDO RJE RIN CHEN PA'I DRUNG DU BRTAG

GNYIS PA LUGS KYI BSHAD PA TSAR GCIG KYANG GSAN ZHING, SA SKYAR BLA MA RJE BTZUN PAS 'TSAMS SBYOR MDZAD NAS BLA BRANG SHAR PA TSANG GI SNGAGS KYI DGE BSHES BGRES PO MAN NGAG LA MKHAS PAR BYED PA ZHIG 'DUG PA LAS MAN NGAG BLANGS TE BLA GRANG RIN CHEN SGANG GI RGYAB PHYOGS DE LA BYON GYIN MA NING GI HA 'DON PA SOGS LAN 'GA' YAR MDZAD PAS SNGAR GYI SKU STOD KYI BSNYUN GZHI DE LHAG MA MED PAR 'THON, SA SKYA NAS DPON SLOB RNAMS KYIS LA STOD BYANG GI SA'I CHA NGAM RING DU CHOS BAR LA BYON NAS, DPYID DANG DBYAR GNYIS KA NGAM RING DU BZHUGS, BLA MA RJE BTZUN PAS DER MNGON PA KUN LAS BTUS KYI t'IKKA CHEN MO DE'I RTZOM PA MDZAD, BRTZAMS TSAR RIM BZHIN RJE 'DI PAS KYANG THUGS LA CHUD PAR MDZAD CING, RGYAS PA'I BSTAN BCOS TSAD MA RNAM 'GREL GYI RANG 'GREL DE ZHIB TU GSUNG BAR ZHUS NAS TSAR GCIG GSAN NO, ,DE'I STON 'KHRUNGS YUL NAS RKYEN DU BAB PA'I 'TSOG BCAS CI RIGS PA PHRIN LAS PA'I NANG DU 'BUL BA BSKUR YOD PA 'DRA ZER NAS DE BZHES PA LA SOGS PA'I SLAD DU NGAM RING NAS SA SKYA LA LAM MDZAD DE DBUS SU BYON, DBUS SU PHEBS NAS GROGS DANG SLOB 'BREL MANG POS BSKUL ZHING MDO SMAD NAS YUM GYIS KYANG ZHU BA NAN CHER BYUNG BAS RKYEN BYAS NAS, LAN CIG MDO SMAD LA 'BYON PAR BZHED PA 'KHRUNGS TE, MAL GRO LHA LUNG DU BYON, LAG

, ,LEN 'GA' ZHIG LA THUGS SBYONG YANG MDZAD PAR BRTZAMS PA LA MTSAMS SHIG NAS, CI BYED DE 'DRA LA DGOS PA MI 'DUG ,DA NI MDO KHAMS RANG YUL GYI PHYOGS LA GTAN NAS MI 'GRO BA'I YID DAm BCA' BAR BYA'O SNYAM DU DGONGS PA SHUGS DRAG PO SKYO SHAS DANG BCAS PA ZHIG 'KHRUNGS NAS DE 'PHRAL DU MDO SMAD LA MI 'BYON PA'I THUGS THAG BCAD DO, ,DE YANG BDAG NYID CHEN PO 'DI LA CHED DU BSAM PA'I SGO NAS RNYED BKUR DANG, SNYAN GRAGS DANG, 'KHOR BA'I PHUN TSOGS GZHAN GANG YANG RUNG BA, THA NA TSANGS PA DANG BRGYA BYIN GYI DPAL LA'ANG MNGON PAR 'DOD BA'I SRED PA SKYE MA MYONG BA LTA ZHOG GI , PHUN SUM TSOGS PA'I DPAL JI TZAM 'BYOR PA DE TZAM GYIS SLAR ZHING SRED PA ZAD PA'I STOBS CHES CHER RGYAS PAR 'GYUR BA'I GROGS BYED PA NI DAM PA RNAMS KYIS DRAN SHES KYI LCAGS KYUS YID KYI GNYIS 'THUNG YONGS SU BZUNG BA'I 'BAD PA LA BLTOS NAS NYAMS SU BLANG BA YANG SHIN TU BYA DKA' BA'I GNAS YIN NA, 'DI NI BLO SNGON DU GTONG BA LA CUNG ZAD KYANG BLTOS PA MED PAR GZHAN DAG GIS BSNYEN BKUR BA DANG, SNYAN PAR SMRA ZHING LEGS PAR BSNGAGS PA DANG, 'BYOR BA'I KHYAD PAR MCHOG TU GYUR PA RGYA CHEN POS MNGON PAR MCHOD PA SOGS PHUN SUM TSOGS PA JI TZAM ZHIG BYUNG BA DE TZAM GYIS KYANG SLAR ZHING 'DU BYED THAMS CAD LA MI RTAG

BA'I 'DU SHES DANG, MGON MED BA THAMS CAD LA BSKYAB PAR 'DOD PA'I BRTZE BA DANG, RGYAL BA SRAS BCAS THAMS CAD BSNYEN BKUR BAR BZHED PA'I DAD PA RNAMS PHAN TSUN 'GRAN PA BZHIN DU 'PHEL BAR 'GYUR GYI; GZHAN DU NA SRED PA 'PHEL BA DANG RJES SU MTHUN PA NI GNAS MED CING GO SKABS MED DO, ,'DI NI RJE 'DI'I SKYE BAS THOB PA LHAN SKYES KYI YON TAN YIN GYI, SKU TSE 'DI NYID DU GNYEN POS GSAR DU BSKYED PA'I SBYOR BYUNG NI MA YIN NO, ,DE YANG RJE NYID KYI ZHAL NAS KHO BO LA GZHAN GYIS STAN BZANG PO BSHAMS PA DANG, GUS PA'I BSNYEN BKUR SOGS CI TZAM BYAS PA TZAM GYIS CHED DU BSAM MI DGOS PAR DUS DE'I SKABS RANG DU 'DI THAMS CAD MI RTAG CING YID BRTAN DU MI RUNG BA SGYU MA'I BLO BRID DANG 'DRA BA YIN SNYAM PA'I SKYO BA SHUGS DRAG PO SNANG BA BUN LONG DU THONGS PA YID GTING NAS 'GYUR BA RGYUN RING PO RE SKYE BA ZHIG DANG PO NYID NAS RANG CHAS SU YOD PA YIN ZHES GSUNG NGO, ,'DI NI SHIN TU MTHO BA'I RTOGS PA KHYAD PAR CAN DU BOD LA GRAGS PA MANG PO ZHIG GIS CHA TZAM DU YANG BSGRUN PAR MI NUS PA'I MNGON PAR RTOGS PA'I YON TAN YIN LA, ZAG BCAS KYI PHUN TSOGS LA SRED PA 'GOG PA MED DU MI RUNG BA'I DGOS PA NYE BAR GZIGS NAS CHOS KYI RJE SANGS RGYAS BCOM LDAN 'DAS KYIS KYANG, DE'I GNYEN PO YID LA BYED PA THEG PA CHE CHUNG GI MDO SDE RNAMS SU LAN CIG MA YIN

, ,PAR BKA' STZAL PA LTA ZHOG GI ,THA NA DGE SLONG RNAMS LA RIN PO CHE'I KHRI LA 'DUG PA SOGS BYA DGOS PA BYUNG NA'ANG MI RTAG PAS NYEN PA'I 'DU SHES NYE BAR BZHAG PAR BYA BA SOGS KYI BSLAB PA BCAS PA'I SGO NAS KYANG DON DE SGRUB PAR MDZAD PA YIN NO, ,DE BAS NA TSUL 'DI NI MKHAS PA MGU BSKYED PA'I RNAM PAR THAR PA CHES NGO MTSAR RMAD DU BYUNG BA ZHIG GO ,DE NAS STON DE LA MAL GRO LHA LUNG PA'I BLA MA BSOD NAMS GRAGS PA LA CHOS LUNG YANG MANG RAB GSAN ZHING, BAR ZHIG TU SKU MTSAMS BCAD NAS THUGS DAM MDZAD, RNAL 'GREL GYI RNAM BSHAD RIGS MDZOD LA GZIGS RTOG MDZAD CING, LE'U GNYIS PA'I SKABS KYI LAM GYI RNAM GZHAG STON PA'I SKABS LA LEGS PAR GZIGS PAS RKYEN BYAS NAS, CHOS KYI GRAGS PA'I GZHUNG LUGS DANG RIGS PA'I SROL LA LDOG TU MED PA'I DAD PA SHUGS DRAG PO MNAN PAS MI NON PA 'KHRUNGS SHING, STON DER BZHUGS KYI RING LA RNAM 'GREL GYI GZHUNG LA GZIGS TZAM NAS DAD PA'I SPU LONG G-YOS TE SPYAN CHAB KYI RGYUN BCAD PAR MI NUS PA RTAG TU 'ONG BA ZHIG BYUNG GSUNG NGO, ,DE'I DGUN CHOS BDE BA CAN DU BZHUGS, DPYID CHOS SNGON MA LA, GRVA SKOR MDZAD BZHED PA'I PO TI 'GA' YAR GYI GZIGS RTOG MDZAD NAS GTZANG LA BYON, SNAR THANG DU PHEBS, BLA MA LO TZ'A BA DON BZANG PAS TSAD MA'I t'IKKA ZHIG MDZAD 'DUG PA DE TSAR GCIG CIS KYANG

NYON; ZHES BKA' GNANG NAS GSAN, DBYAR CHOS DE SNAR THANG DU RNAM 'GREL MNGON PA GONG 'OG MDO RTZA DANG BCAS PA'I GRVA SKOR MDZAD, SNAR THANG DU GZHUNG BSKYUR BTZUGS PA'I THOG MA DE YIN PA 'DUG, DE NAS STON CHOS LA BLA MA RJE BTZUN RED MDA' PA CHEN PO BO DONG DU CHOS BAR LA PHEBS PA GSAN NAS AER BYON, BLA MA LO TZ'A BA NAM MKHA' BZANG PO LA SNYAN DNGAGS ME LONG GI BSHAD PA LA SOGS PA GSAN, GTZO BOR RJE BTZUN RED MDA' PA LA DBU TSAD MNGON PA SOGS GSAN ZHING PHAR PHYIN DANG 'DUL BA YANG RJE BTZUN NYID KYI DRUNG DU TSAR RE NYAN NA RTEN 'BREL GYI KHYAD PAR ZHIG 'ONG DU RE BAS GSUNG 'TSAL ZHUS NAS TSAR RE GSAN, DBU MA 'JUG PA'I BSHAD PA ZHIB TU GSAN ZHING, RTZA SHE LA SOGS PA'I RIGS TSOGS KYI BSHAD PA GSAN PA MA BYUNG ZHING, DBU MA RIGS TSOGS RNAMS KYI LUNG ZHIG SNAR THANG MKHAN PO KUN DGA' RGYAL MTSAN PA LA GSAN, KHONG GIS NI KHONG RANG GI ZUR CHEN GYI GO SA DE SNGAR DBU MA'I ZUR CHOS PA ZHIG GI GO SAR 'DUG PAS DE NAS BRGYUD PAR 'DUG GSUNG ZHING, BDE BA CAN PA'I BLA MA 'JAM RIN PA LA'ANG LUNG GSAN KHONG GIS CHOS RJE BLA MA LA GSAN PAR 'DUG, BLA MA RJE BTZUN GYIS DBU MA RIGS TSOGS RNAMS KYI LUNG BRANG MO CHE'I GDAN SA PA BLA MA CHOS SHES PA LA GSAN, KHONG GIS SNAR THANG PA SHER SENG GI DRUNG DU GSAN PAR 'DUG GSUNG STE,

, ,MDOR NA DE'I TSE RJE RIN PO CHE DPON SLOB LA RIGS TSOGS RNAMS KYI BSHAD PA LTA ZHOG, LUNG TZAM ZHU BA'I YUL YANG DKA' BAR BYUNG 'DUG GO, DE NAS DPON SLOB GNYIS KA THABS CIG TU SA SKYAR BYON, RJE RIN PO CHE 'DIS DE'I TSE SA SKYAR GONG DU SMOS PA'I DKA' CHEN RNAMS KYI GRVA SKOR MDZAD, DE DUS PO TI GZHAN BCU LHAG TZAM GYI GRVA SKOR YANG MDZAD PAS CHOG PA YOD KYANG, DE DUS KYI GRVA SA RNAMS NA PO TI GZHAN RNAMS KYI GRVA SKOR BYED PA'I LUGS MA DAR 'DUG PAS MA BYAS GSUNG NGO, ,DE NAS DE 'PHRAL DBUS LA BYON NAS SOS TSAL GUNG THANG NAS BRTZAMS TE RIM PA BZHIN DU GSANG PHU DANG RTZES DANG LA SOGS PA'I GRVA SA CHEN PO RNAMS SU PHAR PHYIN SNGAR NAS MDZAD TSAR BAS DE MA GTOGS BA DKA' CHEN LHAG MA BZHI'I GRVA SKOR MDZAD CING, DE'I TSE DBUS GTZANG GI GRVA SA CHEN PO RNAMS KYI DGE BA'I BSHES GNYEN SDE SNOD 'DZIN PA RGYA MTSO LTA BU MTHA' DAG KYANG RJE BLA MA 'DI'I SKU GSUNG THUGS KYI RNAM THAR LA SNYING NAS NGAD PA THOB CING BDAG NYID CHEN PO 'DI NI SNGON YUN RING PO NAS LAM LA SBYANGS PA MTHAR PHYIN PA ZHIG ZHING 'DIR GDUL BYA'I DON DU BSAM BZHIN DU BYON PA ZHIG YIN PA NI GOR MA CHAG GO, ZHES MTHUN BAR BRJOD CING DAM PA'I MGON 'DI LTA BU LA BRTEN PA LAS LHAG PA GANG NA'ANG MED DO ZHES RJE 'DI'I ZHABS RDUL SPYI BOR BLANGS TE BKA' BZHIN DU SGRUB BA LA 'BAD PAR GYUR TO, ,DE'I TSE CHOS GRVA CHEN PO RNAMS SU GRVA SKOR LA BYON PA'I SKABS DAG TU'ANG DAD PA'I SHUGS KYIS GSOL

BA 'DEBS SHING DAM PA'I CHOS KYI BKA' STZAL MNYAN NAS RJE NYID KYI SLOB MAR KHAS LEN PA'I SDE SNOD 'DZIN PA'ANG DU MA ZHIG BYUNG LA, BDAG LEGS SU 'DOD PA DAG NI 'DI 'DRA BA'I DAM PA'I MGON LA BRTEN PA LAS 'DOD PA'I GNAS 'THOB PAR 'GYUR GYI, GZHAN GYIS NI MA YIN NO SNYAM DU BSAM NAS BDAG NYID CHEN PO 'DI'I ZHABS 'BRING DU KHAS LEN PAR YANG BYED DO, ,DE NAS RTZES DANG GI GRVA SKOR TSAR NAS YAR KLUNGS RNAM RGYAL DU MA BYON SANGS RGYAS GSUM PA KHA CHE'I PAndI TA BSOD SNYOMS PA CHEN PO SH'AKYA SHR'I BHA DRA'I MKHAN BRGYUD TSOGS CHEN PO'I MKHAN PO DKA' BZHI PA TSUL KHRIMS RIN CHEN GYIS MKHAN PO MDZAD, TSOGS PA BYI RDZING PA'I MKHAN PO GNAS BRTAN 'DUL BA 'DZIN PA SHES RAB MGON POS LAS KYI SLOB DPON MDZAD, BYI RDZING PA'I DBU MDZAD SDOM BRTZON BSOD NAMS RDO RJES GSANG STE STON PA MDZAD CING, TSOGS PA GNYIS KYI DGE SLONG KHA SKONG DU 'OS PA GRANGS TSANG BAS DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE GNAS BRTAN CHEN PO 'OD SRUNGS GANGS RI'I LJONGS 'DIR SLAR YANG BYON PA JI LTA BA BZHIN DU LHA DANG BCAS PA'I 'GRO BA THAMS CAD KYI BSOD NAMS KYI ZHING GCIG BUR GYUR TO, ,DE NAS GDAN SA THEL DU BYON, SPYAN SNGA RIN PO CHE GRAGS PA BYANG CHUB PA'I DRUNG DU MJAL, LEGS BSHAD KYI SKYES PHUL ZHING DAM PA'I CHOS KYI BKA' MCHID MDZAD BAS CHOS RJE SPYAN SNGA BA DAD PA'I SHUGS KYIS SPYAN CHAB BYUNG, PHYIS KYANG DRUNG NA 'KHOD PA DAG DANG 'BEL BA'I BKA'

, ,MCHID GLENG BA NA SKU NA GZHON NU 'DI 'DRA BA LA'ANG YON TAN GYI GTER CHEN PO 'DI LTA BU 'DUG NA KHO BO'I SKYE SA 'DI 'DRA BA ZHES THUGS PHYUNG BA'I GSUNG YANG YANG 'BYON PAR MDZAD DO, ,DE'I TSE SPYAN SNGA RIN PO CHE DE NYID LA LAM 'BRAS BU DANG BCAS PA'I MAN NGAG YONGS SU RDZOGS PA DANG N'A RO PA'I CHOS DRUG DANG RJE PHAG MO GRU PA DANG CHOS RJE 'JIG RTEN MGON PO'I BKA' 'BUM LA SOGS PA LHO BRAG MAR PA NAS RJE BTZUN MI LA LA BRGYUD PA'I GDAMS NGAG GANG YOD DANG, LHO BRAG MAR PA NAS RDOG CHOS SKU RDO RJE LA BRGYUD PA'I MAN NGAG GANG YOD DANG, 'GRO MGON PHAG MO GRU PA'I GSUNG GANG YOD DANG MAN NGAG GANG YOD GSAN TE MAN NGAG DE DANG DE DAG GI NUS PA THON PAR MDZAD DO, ,DE NAS 'ON GYI LHA KHANG KE RUR CHOS BAR LA BYON, TSA GO DBON PO SOGS SDE SNOD 'DZIN PA MANG PO ZHIG LA PHAR TSAD DBU MA SOGS KYI CHOS MANG DU GSUNGS, DE NAS SKYID SHOD DU PHEBS TE TSAL DU BZHUGS NAS BKA' DANG BSTAN BCOS BOD YUL DU 'GYUR RO 'TSAL LA GZIGS RTOG ZHIB PAR MDZAD, GSUNG RAB MTHA' DAG GI DON LA RNAM PAR DPYOD PA'I SGO DU MA ZHIG THUGS LA 'KHRUNGS, MNGON PAR RTOGS PA'I RGYAN 'GREL PA DANG BCAS PA'I RNAM BSHAD CHEN MO'I RTZOM PA'ANG MDZAD, DE'I TSE 'DZIN BZANG BAR GRAGS PA GLING MTSUNGS MED DANG, MDO SMAD PA 'JAM DPAL BKRA SHIS DANG, SH'AKYA GRUB CES PA GSUM DANG, RJE 'DIS 'DZIN GYI KHYAD PAR CHE CHUNG NYAMS SAD MDZAD PAS,

RJE 'DIS NAM LANGS PA NAS TSAL DBUS GLING GI GTZUG LAG KHANG GI TOG GI RTZE LA NYI MA SHAR BA DANG MNYAM DU SNGON GZIGS MA MYONG BA'I DPE MDA' TSAD PHRENG DGU MA ZHIG GI SHOG LDEBS BZHI SHIN TU DAG PAR THUGS LA CHUD 'DUG CING, GLING MTSUNGS MED KYIS PHYED DANG GSUM THO RE BA ZHIG DANG, GZHAN GNYIS KYIS RE RE LAS MA ZIN NO, ,SKABS SHIG TU TSA GO DBON PO MKHAN CHEN NGAG DBANG GRAGS PA PHYAGS PHYI LA KHRID NAS LHA SAR JO BO THUGS RJE CHEN PO RANG BYUNG LNGA LDAN GYI DRUNG DU BYON NAS SMYUNG GNAS MANG DU MDZAD, DE'I NUB GCIG GI TSE DPON SLOB GNYIS KAS GSOL BA DRAG TU BTAB NAS MNAL LAM GYI LTAS BRTAGS PAS, TSA GO BA LA DUNG DKAR CHEN PO GNYIS NAM MKHA' LAS BABS NAS KHONG GI THU BAR LHUNG BYUNG BA DE MA KHAD DE GNYIS 'DRES NAS GCIG TU SONG 'DUG, DE LAG TU BLANGS NAS BUS PAS SGRA CHEN PO DPAG TU MED PA GRAGS PA ZHIG RMIS 'DUG STE, PHYIS KHONG GIS RGYAL MO RONG GI SMAD DU SANGS RGYAS KYI BSTAN PA DAR ZHING RGYAS PAR MDZAD DE 'PHRIN LAS RGYA CHEN PO BYUNG 'DUG PA DE'I LTAS YIN PAR GSUNGS, RJE 'DI PA'I MNAL LAM DU SNYE THANG GI YAR 'PHRANG YAR LA THON PA'I BRAG MDA' SGRO ZER BA DE 'DRA BA ZHIG GI BRAG RI GZAR PO ZHIG LA 'DZEGS BYON PAS RDO LEB DKAR PO SHIN TU 'JAM PA ZHIG GI STENG NA AUTPA LA SNGON PO CHES CHER RGYAS SHING KHA DOG GSAL BA, 'DAB MA MA BRNYINGS PA, YU BA DANG BCAS PA ZHIG 'DUG, DE PHYAG TU BLANGS, 'DI RJE BTZUN SGROL MA'I PHYAG MTSAN DU 'DUG

, ,PAS DES RJES SU 'DZIN PA'I LTAS YIN NAM DGONGS PA NA, DA LAN DE MA YIN TSE'I LTAS YIN GSUNG BA ZHIG BYUNG, TSAL NAS DGUN CHOS LA BDE BA CAN DU BYON, SDE SNOD MANG DU GSUNGS, DPYID DBUS STOD BYA YUL DU PHEBS, DGE BA'I BSHES GNYEN BDUN CU TZAM ZHIG LA PHAR TSAD DBU MA 'JUG PA MNGON PA KUN LAS BTUS RNAMS GSUNGS, SLAR YANG TSAL DU BYON NAS PHAR PHYIN GYI RNAM BSHAD KYI 'PHRO MDZAD CING MJUG BDE BA CAN DU RDZOGS PAR MDZAD, DE NAS, MDO RGYUD KYI GZHUNG CHE CHUNG DU MA LA MKHAS PAR SBYANGS SHING, KHYAD PAR DUS KYI 'KHOR LO CHA LAG DANG BCAS PA LA MKHAS PAR GRAGS PA TSAL PA BLA MA RTOGS LDAN YE SHES RGYAL MTSAN PA LA DUS 'KHOR GSUNG BAR ZHUS, KHONG GIS KYANG ZHAL GYIS BZHES NAS DPON SLOB GNYIS KAS SKYOR MO LUNG DU BZHUGS TE DUS KYI 'KHOR LO'I 'GREL CHEN DRI MA MED PA'I 'OD KYI BSHAD BA ZHIB PAR GSAN ZHING; RGYU MTSAN RTZIS DANG LAG LEN RNAMS LA'ANG MKHAS PAR SBYANGS, SKYOR MO LUNG DU SDE SNOD 'DZIN PA MANG PO LA GZHUNG CHE CHUNG MANG PO'I BSHAD PA'ANG GSUNGS NAS, SLAR YANG DE'I PHYI LO DBYAR CHOS BDE BA CAN DU BZHUGS, BLO GSAL 'DUS PA RGYA MTSO'I TSOGS LA SDE SNOD KYI BSHAD PA MANG DU GNANG, DE NAS DGUN STOD LUNG MTSO SMAD NGANG DKAR DU DUS 'KHOR LA THUGS SBYONG SHIN TU 'GRUS PAR MDZAD, BSHES GNYEN BLO GSAL MANG PO LA SDE SNOD

KYANG MANG DU GSUNGS, DE NAS RDZONG CHE GRAGS PA RIN CHEN PA DE RJE 'DI PA LA DE GONG NAS MI PHYED PA'I DAD PA YOD PAS SNGA PHYIR GSOL BA MANG DU BTAB PA LA DGONGS NAS YAR KLUNGS PHYOGS LA 'BYON PAR BZHED DE SRIN PO RIR PHEBS PA NA, DE DUS GONG DKAR NA SGOM PA CHOS RGYAL YOD PA KHONG YANG RJE 'DI LA SNYING NAS DAD PA YOD PA'I DBANG GIS ZHU BA NAN CHER PHUL TE SOS DE RIGS LNGA LHA KHANG DU BZHUGS, SDE SNOD 'DZIN PA BDUN CU LHAG TZAM LA PHAR TSAD MNGON PA GONG 'OG 'DUL BA MDO RTZA DBU MA 'JUG PA SOGS GSUNGS, GONG DKAR NAS BSNYEN BKUR SDE GONG 'OG GI DKYIL 'KHOR CHEN PO RNAMS SU, SKAL BA DANG SMON MKHAR DU BZHUGS TE SDE SNOD MANG DU GSUNGS SHING, RDZONG CHIBS YO BYAD MKHO DGU THAMS CAD KYIS GUS PAS MCHOD, DE LTAR SNGA PHYIR SDE SNOD DPAG TU MED PA NAR MAR GSUNG BA DE DAG GI SKABS RNAMS SU'ANG, RGYUD SDE GONG 'OG GI DKYIL 'KHOR CHEN PO RNAMS SU, SKAL PA DANG LDAN PA'I GDUL BYA DBANG GIS SMIN PAR MDZAD PA DANG, GZHAN YANG LHA SO SO'I RJES GNANG DANG, LUNG DANG MAN NGAG LA SOGS PA GANG LA GANG 'TSAM GYI CHOS KYIS GDUL BYA DPAG TU MED PA SMIN CING GROL BAR MDZAD DO, ,LHAG PAR YANG DE'I TSE RJE 'DI NYID NGAG GI LHA MO DBYANGS CAN MAS RJES SU BZUNG BAR GRAGS SHING, DE'I RJES GNANG ZHU BA GAR BYON DU MANG BA ZHIG 'ONG ZHES GRAG GO, DE NAS DGUN MON MKHAR BKRA SHIS GDONG DU BZHUGS, DE DUS NUB CIG

, ,ZHUGS ME LA BZHUGS NAS BOD KYI MKHAS GRUB RNAMS KYI RNAM PAR THAR PA CI RIGS PA GSUNG PA'I SKABS SU, DKA' BZHI PA SHER SENG GIS CHOS THOG GCIG LA PO TI BCU GCIG GSUNGS 'DUG, DUS PHYIS BOD DU PO TI DUS GCIG LA GSUNGS PA DE MANG SHOS SU 'ONG BA 'DRA GSUNG, DE NAS DGE BSHES SHA STON LA SOGS PAS RJE NYID NAS KYANG DE TZAM ZHIG DUS GCIG TU GSUNG 'TSAL ZHUS BAS, RTZOL BA BYAS NA DE TZAM ZHIG 'CHAD THUB PA 'DRA GSUNG, 'O NA CIS KYANG GSUNG 'TSAL ZHES NAN GYIS GSOL BA BTAB PAS ZHAL GYIS BZHES TE ZLA BA DE'I TSES BCU NAS GNAM GANG GI BAR SKU MTSAMS BCAD NAS GZIGS RTOG MDZAD, GNAM GANG GI NYIN PHYAG DPE THAMS CAD KYI SKU RAGS BCINGS, TSES GCIG NAS CHOS 'DZUGS PAR BZHED PA LA GSANG PHU SOGS NAS 'BYON PA'I DON GNYER BA SDE SNOD 'DZIN PA MANG PO ZHIG SGUG DGOS PA BYUNG BAS NYI MA GSUM TZAM GYI BAR DU MI LA DANG MAR BA SOGS KYI GSUNG RGYUN THOR BU 'GA' GSUNGS, TSES LNGA NAS NYI MA GCIG LA RGYA GAR SKAD BCO LNGA'I DBU DUS GCIG LA BTZUGS NAS NYIN RE ZHING THO RANGS NAS SROD KYI BAR LA CHOS THUN BCO LNGA RE MA CHAG PAR THUGS BSHAD MDZAD, DE'I NANG NAS PO TI CHUNG BA GNYIS RDZOGS BAR GSUNGS TSAR BA NA DE'I DOD DU SLAR YANG CHUNG BA GNYIS BTZUGS NAS, TSAD MA RNAM 'GREL, PHAR PHYIN, MNGON PA GONG 'OG GNYIS, 'DUL BA MDO RTZA BA, BYAMS

CHOS PHYI MA BZHI, DBU MA RIGS PA'I TSOGS LNGA, 'JUG PA, BZHI BRGYA PA, SPYOD 'JUG STE BSTAN BCOS BCU BDUN GYI BSHAD BA DKA' CHEN 'GA' ZHIG BOD KYI t'IKKA CHEN MO RE GZHIR BZHAG PA'I THOG TU 'GREL BA'I 'CHAD TSUL DU MA DGAG SGRUB DANG BCAS PAS GTAN LA PHAB CING, GZHUNG GZHAN RNAMS PHAL CHE BA RANG RANG GI 'GREL PA'I STENG NAS GZHUNG PHRA RAGS MA LUS PA LA BSHAD PA ZHIB PAR MDZAD DE ZLA BA GSUM LA RDZOGS PAR MDZAD CING, DE'I SKABS SU'ANG, SROD CHOS GROL NAS RDO RJE 'JIGS BYED KYI BDAG 'JUG LA SOGS PA THUGS DAM RIM GNYIS KYI RNAL 'BYOR RNAMS MA CHAG PAR MDZAD DE, SKYE BO KUN YANG 'DI NI LHAG PA'I LHAS DNGOS SU BYIN GYIS BRLABS PA'AM, GZUNGS THOB PA'I BYANG CHUB SEMS DPA'I CHEN PO ZHIG YIN PAR NGES KYI GZHAN LA 'DI LTA BU 'BYUNG MI SRID DO ZHES MTHUN PAR GLENG NGO, ,DE'I DBYAR KHA YAR KLUNGS AO KAR BRAG TU BZHUGS NAS SKU MTSAMS DAM PO MDZAD, BCOM LDAN 'DAS DPAL 'KHOR LO BDE MCHOG GI SGOM BZLAS DANG THUN BZHI'I RNAL 'BYOR, BDAG 'JUG SHIN TU MANG BAR MDZAD CING NE GU CHOS DRUG GI DMIGS SKOR RNAMS THUGS NYAMS SU BSTAR NAS LEGS PAR SBYANGS TE ZHAG RE LA GTUM MO'I RLUNG SBYOR YANG BRGYAD BRGYA RE TZAM MDZAD DO ZHES GSUNG ZHING GTUM MO LA SOGS PA'I THUGS DAM GYI NYAMS BZANG PO MANG DU 'KHRUNGS SO, ,DE NAS STON SKYID SHOD DU PHEBS,

, ,RJE BTZUN RED MDA' PA'I ZHAL SNGA NAS KYANG DBUS SU CHOS BAR LA PHEBS PAS DPON SLOB GNYIS KAS PO TA LAR BZHUGS NAS DAM PA'I CHOS KYI BKA' BGRO BA MANG DU MDZAD CING GDUL BYA RNAMS LA'ANG LEGS PAR BSHAD PA'I SKYES STZAL NAS RJE BTZUN PA SLAR YANG GTZANG LA BYON, RJE BLA MA 'DI NYID KYIS DE'I DGUN SKYOR MO LUNG GI BRAG TU BZHUGS NAS SDE SNOD 'DZIN PA CHEN PO DU MA LA DUS 'KHOR DANG PHAR TSAD MNGON PA SOGS MANG DU GSUNGS SO, ,DE NAS DE'I DPYID RTA'I LO LA RGYUD SDE CHEN PO RNAMS KYI BSHAD PA DANG, DBANG LAG LEN MAN NGAG DANG BCAS PA MTHA' DAG RDZOGS PA ZHIG RTZAD GCOD MDZAD PAR BZHED PA DANG, ,BLA MA RJE BTZUN RED MDA' BA DANG DPON SLOB GSUNG GLENG MDZAD PA'I DGOS PA 'GA' ZHIG GI PHYIR DU GTZANG LA BYON, RONG GI SNUBS CHOS LUNG DU BZHUGS, TSOGS BA'I MKHAN PO RIN CHEN GRAGS PA BSHES GNYEN PA LA BKA' LUNG CI RIGS PA GSAN, DE DUS RJE 'DI PA'I ZHABS 'BRING LA YOD PA'I SNGO PHYI DPON PO BSOD NAMS GRAGS DANG, MDO SMAD PA DGE BSHES SHES RAB GRAGS ZHES BA GNYIS KYIS BLA MA DBU MA PA BRTZON 'GRUS SENG GE BDE MCHOG STENG ZHES PA'I DBEN GNAS ZHIG NA BZHUGS PA'I DRUNG DU MJAL BA LA PHYIN CHOS 'BREL ZHUS GSUNG GLENG BYUNG BAS, DBU MA PA'I ZHAL NAS, NGED KHYED KYI SLOB DPON PA DE LA DBYANGS CAN MA'I RJES GNANG ZHIG ZHU DGOS GSUNG, DE NAS BLA MA DBU MA PA DANG RJE 'DI PA

ZHAL 'DZOM MDZAD DE, BLA MA DBU MA PAS RJE 'DI LA DBYANGS CAN MA'I RJES GNANG ZHUS, DE'I TSE GSUNG GLENG ZHIB TU MDZAD PAS BLA MA DBU MA PA KHONG RANG LA MDO KHAMS NA PHYUGS MA SKYONG BA'I DUS NYID NAS RJE BTZUN 'JAM PA'I DBYANGS KYI SKU DANG GSUNG GI SNANG BA NAR MAR 'ONG TSUL DANG, DE LA SNGA PHYIR BRTAG PA BYAS TSUL LA SOGS PA ZHIB PAR ZHUS NAS, DA DUNG NGED 'DI LA GTING NAS NGES BRNYED PA MED PAS BRTAG DPYAD YANG DAG CIG THUGS LA 'DOGS PAR ZHU DA LA NA YANG RJE BTZUN GYI SKU'I SNANG BA DE'I GSUNG NAS, RJE NYID LA DBYANG CAN MA'I RJES GNANG ZHU BA LA RGYUG GSUNG NAS 'ONGS PA YIN, ZHES GSUNGS BA LA RJE 'DI PAS DBU MA'I LTA BA SOGS CHOS KYI GNAD ZAB MO RNAMS KYI DRI GTUGS MDZAD PA SOGS KYI SGO NAS LEGS PAR BRTAGS PAS RTAG THUB PA 'DUG PAS THUGS YID GNYIS ZA DGOS PAR MI GDA', GSOL BA DRAG TU THOB MDZAD, 'ON KYANG RJE BTZUN GYI SKU DANG GSUNG RANG MTSAN PA DA LTA DBANG SHES LA SNANG BA MIN, YI DAM GYI SKU DNGOS KYIS GTAD PA'I RNAM PA YID SHES LA DNGOS SU SNANG BA ZHIG YIN, NGED KYANG 'JAM PA'I DBYANGS KYI SGRUB SKOR MAN NGAG SOGS 'DI PHYOGS LA SHES 'DOD CHE BAR YOD PAS ZHU DGOS NA'ANG DA LAN RJE BTZUN RENG MDA' PA'I DRUNG NAS STAG TSANG DU 'BYON PA DANG DPON SLOB DUS NGES MDZAD PA'I MJAL PHRAD DGOS PAR YOD PA SOGS KYIS BREL NAS MI 'GRUB 'DUG, RJES SU RTEN 'BREL CIG CIS KYANG SGRIG 'TSA

, ,ZHES GSUNGS NAS STAG TSANG RDZONG KHAR BYON, MKHAN CHEN LO TZ'A BA GRAGS PA RGYAL MTSAN PA DANG, RJE BTZUN DAM PA RED MDA' PA DANG, BLA MA LO TZ'A BA DON BZANG BA DANG, RJE'I ZHAL SNGA NAS DANG, DE DAG GI ZHABS 'BRING DU LHAGS PA'I BSHES GNYEN SDE SNOD 'DZIN PA PHUN SUM TSOGS PA DU MA DANG, GNYUG MAR GNAS PA'I DGE 'DUN GYI TSOGS DANG BCAS PA'I YUL MCHOG TU GYUR PA GDAN MNGON PAR 'JOM PA THAMS CAD KYI NYE BAR MKHO BA'I 'TSOGS CHAS, ZHAL ZAS DANG GNAS MAL LA SOGS PA PHUN SUM TSOGS PA'I MTHIL LEN GYI THUGS KHUR RGYA CHEN PO DAG RGYAL SRAS 'DUL BA 'DZIN PA CHEN PO GZHUNG LUGS RAB 'BYAMS LA MKHYEN PA RGYAS SHING; GCIG TU BSTAN PA RIN PO CHE'I KHUR 'KHYER BA LA MI MNYAM PA'I BRTUL ZHUGS CAN CHOS RJE LO TZ'A BA SKYABS MCHOG DPAL BZANG POS BZHES SO, ,DE'I TSE RIN PO CHE GRAGS PA RGYAL MTSAN PAS PHAR PHYIN DANG, CHOS RJE SKYABS MCHOG PAS BRTAG GNYIS GSUNGS SHING, RJE BTZUN DAM PA RED MDA' PA'I ZHAL SNGA NAS, KHONG RANG GIS MDZAD PA'I RNAM 'GREL RGYAN GYI 'GREL BSHAD CHEN MO DE GSUNG BA RJE 'DIS GSAN ZHING, DPON SLOB GNYIS KYIS DKA' PA'I GNAS GTAN LA 'BEBS PA'I RIGS PA'I BRTAL BRTAGS KYANG MANG DU MDZAD, DE NAS DPON SLAB GNYIS KYIS 'BA' 'U 'BA' GNYER DU CHOS BAR BTEG NAS BYON, RJE RIN PO CHE 'DIS BLA MA RJE BTZUN RED MDA' PA'I

ZHAL SNGA NAS LA RGYUD KYI RGYAL PO DPAL GSANG BA 'DUS PA'I RTZA RGYUD KYI BSHAD PA TSAR GCIG GSAN, DE'I TSE GONG GSUM BDE CHEN PA'I BLA MA RIN PO CHE CHOS KYI DPAL BA'I DRUNG DU DUS 'KHRO ZHIG GSAN DGOS DGONGS PA BYUNG BA'I NUB GCIG MNAL LAM DU, CHOS KYI DPAL GYIS BU STON RIN PO CHE LA DUS 'KHOR 'GREL CHEN TSAR BCU BDUN NYAN PA YIN NO ZER BA ZHIG BYUNG, PHYIS KHONG DANG MJAL DUS RIN PO CHES BU STON GYI DRUNG DU DUS 'KHOR TSAR DU GSAN PA LAGS ZHUS PAS, BCU BDUN NYAN ZHES GSUNG NGO, ,DE DUS RJE BTZUN RED MDA' PA'I ZHAL NAS, SNGAGS KYI RTZAD GCOD DE TZAM MDZAD PA LA YUN RING 'GYAL, DA LTA SDE SNOD KYI BSHAD PAS PHAN THOGS RGYA CHEN PO 'ONG GIN 'DUG PAS RE ZHIG BSHAD PA MDZAD PA MI 'THAD DAM ZHES GSUNG BA LA ,BDAG SNGAGS KYI PHYOGS LA 'DUN PA DRAG PO BDOG PAS SNGON LA SNGAGS PHYOGS KYI RTZAD GCOD BGYID PA LAGS ZHES GSUNGS, DE YANG RJE RIN PO CHE 'DI'I ZHAL NAS NGED SNGAGS KYI PHYOGS LA GZHAN GYIS BSKUL DGOS PA MED, CHUNG DU NAS 'DI LA SHES 'DOD DRAG PO YOD CING ,DE YANG RGYUD SDE MTHA' DAG YONGS SU RDZOGS PAR BSLAB DGOS SNYAM PA ZHIG DANG PO NAS YOD CES GSUNG NGO, ,DE NAS BLA MA RJE BTZUN PAS SA SKYA LA PHYAGS BTEG, RJE 'DI PAS RONG CHOS LUNG DU BYON, ,BLA MA DBU MA BA DANG CHOS KYI GSUNG GLENG MANG DU MDZAD, RJE BTZUN 'JAM PA'I DBYANGS KYI CHOS SKOR YANG MANG DU GSAN, BLA MA DBU MA PAS KYANG RJE RIN PO CHE

, ,'DI NYID LA DBU MA LA 'JUG PA'I RANG 'GREL SOGS CHOS BKA' CI RIGS GSAN PAR MDZAD DO, ,RJE RIN PO CHE 'DI PAS STON GYI RING RONG GI RI LUNG PHUG TU THUGS DAM LA BZHUGS, STON GZHUG MYANG STOD SMAD KYI MTSAMS GONG GSUM BDE CHEN DU PHEBS NAS ,THAMS CAD MKHYEN PA BU STON RIN PO CHE'I BU CHEN RNAMS KYI NANG NAS DUS KYI 'KHOR LO LA MKHAS PA'I MCHOG TU GYUR PA ,GZHAN YANG SNGAGS KYI GZHUNG DANG LAG LEN MAN NGAG SOGS MTHA' YAS PA LA MNGA' 'BYOR PA'I RIN PO CHE CHOS KYI DPAL BA'I DRUNG DU MJAL, THOG MAR MJAL BA'I DGONGS MO DE PHYAG PHYIS DAR SER PO ZHIG PHUL, SANG NYIN JA ZHAL ZHIG MDZAD DE GOS NE TZO KHA YUG GCIG PHUL NAS DUS KYI 'KHOR LO'I 'GREL CHEN CHA LAG DANG BCAS PA GSUNG BAR ZHUS, DE DUS KYANG 'GREL CHEN GSUNG BA'I LE'U DANG PO RDZOGS PA'I MTSAMS LA 'DUG PAS, KHONG GI ZHAL NAS, MDANG GI DAR SER PO DE SA'I KHAMS SDUD RIM DANG MTHUN PAS RDZOGS RIM YONGS SU RDZOGS PAR 'ONG BA 'DUG ,DA NANGS KYI GOS YUG 'DI LJANG KHU NAM MKHA'I KHAMS YIN BSKYED RIM DANG MTHUN PAS BSKYED RIM YONGS SU RDZOGS PAR 'ONG BAR 'DUG ,CHOS MTSAMS LE'U GNYIS PA'I 'OG GANG ZHIG CHEN PO'I MI RNAMS SMIN PAR BYA BA'I DON DU ,ZHES PA'I SKABS LA SLEB BYUNG BAS RTEN 'BREL SHIN TU LEGS, CHOS THAMS CAD YONGS SU RDZOGS PAR BYED DGOS ,ZHES DGYES

BZHIN DU ZHAL GYIS BZHES, LE'U DE NAS DBU BTZUGS TE GSUNGS SHING, SLAR YANG LE'U DANG PO'I 'OG NAS SKYAR TE GSUNGS, STON GZHUG DE NAS DPYID SNGA MA MA RDZOGS RING LA BZHUGS NAS RGYUD 'GREL GYI BSHAD PA PHYAG LEN GYI MDZUB KHRID; SBYOR DRUG GI NYAMS KHRID SOGS RDZOGS PAR GSAN NO, ,DE NAS YO GA'I BKA' LUNG BSHAD PA MTHA' DAG GSAN PAR BZHED PA LA SNGON DU PHYAG LEN ZHIG SBYANG BAR BZHED NAS ,ZHA LU NA DE DUS BU STON RIN PO CHE BA'I MCHOD G-YOG PA GTZO BO ZHIG YIN PA YO GA'I LAG LEN LA SHIN TU MKHAS PAR GRAGS PA'I YO GA BA TSE DBANG ZHES PA'I SLOB MA DRAG PA YO GA BA MGON BZANG ZHES BYA BA GDAN DRANGS NAS, KHONG DANG RJE RIN PO CHE GNYIS KYIS MYANG STOD SMAD KYI MTSAMS 'KHRIS RTZA KHANG ZHES PAR BZHUGS NAS RDO RJE DBYINGS DANG DPAL MCHOG RTZE MO LA SOGS PA YO GA'I DKYIL 'KHRO CHEN PO MTHA' DAG GI BRIS THIG GAR DBYANGS, DKYIL CHOG GI CHOG KHRID, PHYAG RGYA 'CHING BA SOGS LA SHIN TU BYANG BAR SBYANGS, DE'I TSE NUB GCIG MNAL LAM DU, KHRI CHEN PO ZHIG GI STENG NA BLA MA KHYUNG BO LHAS PA YIN ZER BA'I BLA MA BGRES PO DBU RGYAN GSOL, RDO RJE DRIL BU PHYAG NA BZUNG BA ZHIG BZHUGS, DE'I SKU MDUN RJE RIN PO CHE NYID KYANG BZHUGS 'DUG PA LA, BLA MA DE BZHENGS NAS RDO RJE'I 'GROS KYIS DRIL STABS DANG BCAS RJE 'DI NYID LA G-YAS SU BSKOR BA LAN GSUM MDZAD CING, PHRENG BA NAS BYUNG BA'I AE K'A PA TZIK'A PA ZHES SOGS KYI SGA BSGRAGS NAS RJE'I DBU'I STENG DU

, ,RDO RJE DRIL BU BZUNG STE KARMA BADZRA ZHES BYA BA'O, ,ZHES GSUNGS NAS KHRI LA BZHUGS SONG BA ZHIG BYUNG, MNAL SOD NAS BRTAGS PA NA SNGAR GYI GSANG MTSAN DON YOD RDO RJE YIN BA DANG, KARMA BADZRA YANG DON GRUB KYI RIGS KYI MING DU 'DUG PAS 'DRA BA 'DUG DGONGS PA ZHIG BYUNG GSUNG NGO, ,SLAR YANG DPYID SMAD DE NAS DBYAR DANG STON 'OG MA'I RING LA GONG GSUM BDE CHEN DU BYON NAS, RIN CHEN CHOS KYI DPAL BA LA RDO RJE PHRENG BA'I DBANG LUNG MDZUB KHRID BSHAD PA GAR THIG DBYANGS GSUM GYI PHYAG LEN KHRID DANG BCAS PA'I SGO NAS PHRENG BA SKOR GSUM LA MKHAS PAR SBYANGS, GZHAN YANG BCOM LDAN 'DAS PHYAG NA RDO RJE 'KHOR LO CHEN PO LA SOGS PA'I DBANG LUNG MAN NGAG DANG BCAS PA LA SOGS PA ZAB CING RGYA CHE BA'I CHOS MANG DU GSAN, DE NAS ZHA LUNG RIN PO CHE KHYUNG PO LHAS PA LA YO GA'I SKOR GSAN PA LA 'BYON PAR DGONGS YOD PA LA, NUB GCIG MNAL LAM DU KHRI CHEN PO ZHIG GI STENG NA RIN PO CHE KHYUNG PO BA YIN ZER BA'I BLA MA BGRES PO ZHIG BZANG PO'I 'DUG STANGS MDZAD NAS BZHUGS, DE'I DRUNG NA RJE 'DI PA'ANG BZHUGS YOD PA LA, BLA MA DES PHYAG GNYIS KYIS THUGS KA'I NA BZA' BSAL NAS THUGS KA STON GYIN 'DUG PA LA GZIGS PAS, BLA MA DE'I THUGS KA NAS SNGAGS KYI PHRENG BA RING PO RIM PA DU MAS BSKOR BA'I 'KHOR LO YIG 'BRU RNAMS HRA MA ME 'DUG PA GZIGS PAS SNGAGS RNAMS PHAL CHE BA BKLAGS PA ZHIG RMIS,

PHYIS MJAL BA NA SKU'I RNAM PA MNAL LAM DU BYUNG BA DE NYID RANG DU 'DUG GSUNG NGO, ,DE NAS STON PHYI MA DGUN DPYID DBYAR RNAMS SBREL NAS ZHA LUR BZHUGS, SNGAGS 'CHANG RDO RJE 'DZIN PA CHEN PO RIN PO CHE KHYUNG PO LHAS PA' DRUNG DU YO GA'I DKYIL 'KHOR CHEN PO RNAMS KYIS THOG DRANGS RGYUD SDE 'OG MA RNAMS KYI BKA' DA LTA BOD NA RNAM PAR DAG BA'I DBANG GI CHU BO RGYUN MA CHAD PAR YOD PA PHAL CHE BA YONGS SU RDZOGS PAR GSAN ZHING, BCOM LDAN 'DAS 'KHOR LO BDE MCHOG L'U AI PA DANG NAG PO PA'I LUGS LA SOGS PAS THOG DRANGS PA'I BLA MED KYI BKA' LUNG YANG DPAG TU MED PA GSAN, KHONG LA MNGA' BA'I BKA' LUNG PHAL CHER BUM PA GANG BYO'I TSUL DU THUGS RGYUD LA GTAMS PAR MDZAD, DE'I TSE 'BUL BA TSOGS 'KHOR ZHABS TOG NAR MA SOGS KYIS MNYES PAR MDZAD DO, ,DE DUS RJE BTZUN KHYUNG LHAS PA'I ZHAL SNGA NAS KYIS DBANG RE RE GNANG TSAR BA'I MJUG TU 'DI NGA LA YANG BLA MA 'DI ZHES BYA BAS DGYES BZHIN DU GNANG BA YIN BYA BA RE CIS KYANG GSUNG ZHING, BKA' LUNG RNAMS RDZOGS PA NA, DA NI CHOS BDAG PO LA 'PHROD PAS 'GYOD PA MED DO ZHES GSUNG ZHING, DANG PO BU STON THAMS CAD MKHYEN PA DANG, BLA MA KHYUNG LHAS PA GNYIS KAS KUN MKHYEN 'PHAGS 'OD PA'I DRUNG DU DPAL GSANG BA 'DUS PA DANG YO GA LA SOGS PA'I DKYIL 'KHOR CHEN PO RNAMS KYI DBANG GSAN DUS TSOGS 'KHOR ZHIG GI GRAL DU, KUN MKHYEN PA'I ZHAL NAS, RJE MAR PAS, NYI

, ,MA SHAR DU KA CHEN BTZUGS PA DE, ZHES SOGS KYI MGUR MA DE 'DON PA SPOS NAS, NYI MA SHAR DU KA CHEN BTZUGS PA DE, KHYUNG PO STON SGOM KHYOD LA MI ZER RAM, ZHES GSUNGS PA'I LO RGYUS KYANG GSUNGS, DE NI RJE BTZUN KHYUNG LHAS PAS KUN MKHYEN 'PHAGS PA DANG, BU STON THAMS CAD MKHYEN PA GNYIS LAS SNGAGS KYI GDAM PA RGYA MTSO LTA BU BZHES PA'I BYIN RLABS KYI BCUD MA NYAMS PAR RJE RIN PO CHE 'DI PA'I PHYAG TU RDO RJE THEG PA'I BSTAN PA YONGS SU RDZOGS PAR 'PHROD NAS PHYOGS 'DIR SKYE DGU THAMS CAD KYI PHAN BDE'I RTZA LAG TU GYUR PA 'DI'I DON LA DGONGS PAR GSAL LO, ,RJE RIN PO NYID KYI ZHAL NAS, SNGAGS KYI DNGOS GRUB THAMS CAD KYI RTZA BA GTZO BOR BLA MA MNYES PAR BYAS PA 'BA' ZHIG LA RAG LAS 'DUG PAS DBANG GNANG BA'I DUS THAMS CAD DU BLA MAS MNYES BZHIN DU GNANG BA YIN NO, ,ZHES GSUNGS PA DE LA DPYAD RGYU CHEN PO ZHIG 'DUG GO ZHES GSUNG NGO, ,DE NAS RJE BTZUN DAM PA KHYUNG PO LHAS PA LAS GSAN DGOS RNAMS KYI THUGS THAG LEGS PAR CHOD NAS, PA SNAM GYI PHAG PA RIN BLA MA BDE CHEN PA CHOS KYI DPAL BA GDAN DRANGS NAS BZHUGS 'DUG PA'I SPYAN SNGAR BYON, SLAR YANG RDO RJE SNYING 'GREL, PHYAG RDOR BSTOD 'GREL, N'A RO 'GREL CHEN LA SOGS PA DUS 'KHOR GYI CHA LAG MANG PO ZHIG GSAN ZHING DPAL GSANG BA 'DUS PA LUGS GNYIS LA BU STON RIN PO CHES YIG CHA MDZAD PA CI YOD KYI BSHAD LUNG LA

SOGS PA CHOS BKA' MANG DU GSAN, DE NAS KHONG BA GONG GSUM BDE CHEN DU THEGS ,RJE RIN PO CHES PHAG PA RIR ZHA LU BA'I YO GA BA MKHAS PA SDE SNOD 'DZIN PO CHEN PO RGYAL MTSAN GRAGS PA SPYAN DRANGS NAS YO GA'I GAR DBYANGS SOGS PHYAG LEN RNAMS KYI DAG TER YANG DAG MDZAD, CHOS BKA' YANG CI RIGS PA GSAN, KHYAD PAR BU STON GYIS MDZAD PA'I RDO RJE 'BYUNG BA'I RNAM BSHAD CHEN MO GSAN ZHING, YO GA'I RTZA RGYUD DE NYID BSDUS PA, BSHAD RGYUD RDO RJE RTZE MO, DPAL MCHOG ,NGAN SONG SBYONG BA'I RGYUD LA SOGS PA DANG, DE NYID SNANG BA, KO SA LA'I RGYAN, DPAL MCHOG 'GREL CHEN LA SOGS PA RGYUD DANG 'GREL PA RGYA GZHUNG GI RIGS DPAG TU MED PA'I LUNG YANG GSAN NO, ,DE NAS SPRE LO'I STON BLA MA DBU MA PA DANG LHAN CIG TU DPON SLOB GNYIS KAS DBUS KYI DGA' BA GDONG DU PHYAGS PHEBS, LHA SAR JO BO RIN PO CHE'I DRUNG DU GSOL BA 'DEBS PA LA BYON NAS, DPON SLOB GNYIS KAS DGA' BA GDONG DU SKU MTSAMS LEGS PAR BCAD NAS BZHUGS, DE YANG SKYE RABS MANG PO NAS RJE BTZUN 'JAM PA'I DBYANGS KYIS RJES SU BZUNG STE SA LAM MTHON BOR BYON ZHING SKU TSE 'DIR YANG 'KHRUNGS TZAM NYID NAS RJE BTZUN 'JAM PA'I DBYANGS KYIS RJES SU BZUNG STE GSUNG GI GNANG BRGYUN DU STZOL BA SOGS YON TAN GYI TSOGS KYIS MNGON BAR MTHO BA'I BLA MA DBUM PA DANG THABS CIG TU DGA' BA GDONG DU BZHUGS RING LA'ANG KHONG LA RJE BTZUN 'JAM PA'I DBYANGS KYI CHOS SKOR MANG DU

, ,GSAN ZHING, BLA MA DANG YI DAM THA MI DAD DU BYAS PA LA GSOL BA DRAG TU 'DEBS PA DANG, YI DAM GYI BSNYEN SGRUB LA SHIN TU 'GRUS PAR MDZAD, KHYAD PAR RJE RIN PO CHE 'DI NI BSKAL BA BGRANG BA LAS 'DAS PA'I SNGON ROL NAS LAM LA LEGS PAR SBYANGS PA'I RIGS KYI NUS PA YONGS SU SMIN PA'I DBANG GIS GSUNG RAB DGONGS 'GREL DANG BCAS PA LA THOS BSAM SGOM PA JI SNYED CIG MDZAD PA THAMS CAD LA'ANG TSE 'DI'I RNYED BKUR DANG, SNYAN GRAGS DANG, 'KHOR DANG, 'DU 'GOD PHUN SUM TSOGS PA DANG, BDAG NYID GZHAN LAS KHYAD BAR 'PHAGS PA NYID DU MTHONG BAR GYUR NA CI MA RUNG SNYAM PA SOGS KYI KUN SLONG GI DRI TZAM YANG MA 'DRES PAR SEMS CAN THAMS CAD KYI DON DU RNAM PA THAMS CAD MKHYEN PA'I CHED DU DMIGS PA 'BA' ZHIG GIS THUGS RANG DBANG MED PAR PHROGS PAS, TSIG 'GRIG 'GRIG MO DANG, DON MKHAS PA GZHAN GYIS BSHAD PA LAS KHYAD DU THON THON MO DANG, MANG PO TSOGS PA'I DBUS SU RANG GI LUGS RNAM PAR BZHAG PA LA GZHAN GYIS BRGAL BAR MI NUS SHING, GZHAN GYI 'DOD PA THABS SNA TSOGS KYI SGO NAS DGAG NUS PA TZAM GYIS THUGS TSIM PA DANG, DE 'DRA BA TZAM ZHIG LHUR MDZAD PA'I DRI TZAM YANG MI MNGA' ZHING, BDAG NYID RGYAL ZHING PHA ROL SMA DBAB PAR BZHED PA DANG, RANG NYID MKHAS PAR RLOM PA'I NGA RGYAL GYIS RANG GIS GANG SHES PA DE NYID GZHAN LA GRAGS PAR BYA BA'I CHED DU, 'CHAD

BA'AM; RTZOD PA'AM, RTZOM PA 'DI LTA BU ZHIG DANG PO THOS BSAM GTZO BOR LHUR MDZAD PA'I THOG MA NAS BRTZAMS TE ZHING GSHEGS PA'I BAR GANG GIS SKABS SU'ANG DUS 'DI'I TSE TSUL 'DI LTAR MDZAD DO ZHES GZU BOR GNAS BA SUS KYANG LAN CIG KYANG DRANG POR GLENG BA'I SKABS MED PA 'DI NI, CHOS LA BLO KHA CUNG ZAD CIG PHYOGS PA YAN CHAD SUS BSAMS KYANG GZU BO'I BLOS BSAM NA NI ,RANG DBANG MED PA NYID DU DAD PA LHAG PAR SKYES PA'I SKYES BU DAM PA'I RNAM THAR NGO MTSAR BA YIN NO, ,DE'I PHYIR GSUNG RAB DGONGS 'GREL DANG BCAS PA'I DON RNAM PAR GTAN LA 'BEBS PA NA'ANG, THAR PA DANG THAMS CAD MKHYEN PAR BGROD PA'I LAM GONG 'OG THAMS CAD RGYAL BA'I DGONGS PA JI LTA BA DANG, SHING RTA CHEN PO RNAMS KYI LUGS JI LTA BA BZHIN DU RNYED PA ZHIG JI LTAR BYAS NA 'ONG ZHIG GU SNYAM DU 'DI NYID 'BA' ZHIG THUGS LA BCAGS PAS DPYOD PAR MDZAD CING, DE YANG DBANG PO RNON PO CHOS KYI RJES SU 'BRANG BA'I RIGS MCHOG TU GYUR PAS GZHAN GYI TSIG TZAM LA BRTEN NAS RNAM PAR DPYOD PA LUNG TZAM SKYABS SU GYUR PA RNAMS KYI NGANG TSUL NI NGO BO NYID KYIS MI MNGA' BAS, 'DI SNYAM DU RGYAL BA'I GSUNG RAB 'GREL BA'I MCHOG TU LUNG BSTAN PA'I SHING RTA'I SROL 'BYED CHEN PO DAG GIS BSTAN PA'I RIGS PA LA BRTEN NAS RGYAL BA'I GSUNG RAB KYI DRANG NGES TSUL BZHIN DU PHYE BA'I NGES DON GYI GSUNG RAB KYI DON SHIN TU PHRA BA'I RIGS PAS RNAM PAR DPYAD KYANG MTHA' GZHAN DU MI

, ,'GYUR BA'I TSUL GYIS RNYED PA ZHIG, SKYES BU SKOM PAS GDUNGS PAS BTUNG BA DON DU GNYER BA LTA BU'I THUGS KYIS, TSUL 'DIS GSUNG RAB KYI DON 'TSOL BA 'BA' ZHIG LHUR MDZAD DO, ,DE YANG RJE NYID KYI ZHAL NAS, DA LTA BOD NA SHES RAB CHE BA GO BA BZANG BA'I MTHAR THUG TU RTZI BA 'DI TSO LTAR GSUNG RAB DGONGS 'GREL DANG BCAS PA'I BSTAN BCOS PHAL CHER LA BLTAS PA TZAM NAS 'DI'I DON 'DIR 'DUG SNYAM PA 'BAD MED DU LAM LAM 'CHAR BA, DE GZHAN LA BSTAN NA GO BA CHEN PO BLO YUL DU BDE SANG SANG BA 'CHAR THUB PA ZHIG NGA LA SNGA MO NAS YOD DE, DE 'DRA LA YID BRTAN BYAR MI RUNG, RIGS PA PHRA MOS LEGS PAR DPYAD PA NA DANG POR YIN YIN 'DRA BA'I GO BRNYED PA RNAMS KYANG PHAL CHER ZHIG 'GRO BA KA MANG, DES NA RIGS PA RNAM PAR DAG PA PHRA MO ZHIG GIS LEGS PAR DPYAD PA'I DPYAD PA MA RDZOGS PAR DU DON DER KHA TSON BCAD KYANG SHAB SHOB TU 'GRO BA YIN ZHES GSUNG NGO, ,DE YANG DE'I TSE 'PHAGS PA KLU SGRUB YAB SRAS KYI DGONGS PA MTHAR THUG PA'I LTA BA DANG, GSANG BA 'DUS PA'I LAM RIM PA LNGA, DE'I NANG NAS KYANG SGYU LUS 'DI SHIN TU RTOGS DKA' BA DANG, RTOGS NA DON CHE ZHING MA RTOGS NA NI LOG PAR LTUNG BA'I G-YANG SA'ANG SHIN TU CHE LA, DE KHO NA NYID SGOM PA DANG, SNGAGS BLA MED KYI LAM LA BRTEN NAS SANGS RGYAS 'TSOL BA SOGS TSIG TZAM DU 'GYUR BAR DGONGS TE, 'DI DAG MGON PO KLU

SGRUB YAB SRAS KYI DGONGS PA BZHIN 'KHRUL MED DU STON PA'I BSHES GNYEN DAM PA RGYA BOD BA LA GSUM, DBUS GTZANG KHAMS GSUM SOGS GANG NA YOD KYANG DE'I KHUNGS SHIG RNYED NA NI DE 'TSOL BA'I PHYIR DU LUS SROG THED LA BOR NAS DKA' BA CI BYUNG YANG DANG DU BLANGS TE DA LTA NYID DU'ANG 'GRO DGOS DGONGS PA SNYING NAS SHUGS DRAG PO DE'I TSE YOD DO, ,ZHES RJE NYID GSUNG NGO, ,DE'I DUS SU'ANG BLA MA DBU MA PAS LO TZ'A BYAS NAS RJE BTZUN 'JAM PA'I DBYANGS LA DBU MA'I LTA BA DANG, SNGAGS MTSAN NYID KYI KHYAD PAR, SNGAGS BLA MED KYI LAM GYI GNAD CHE SHOS RNAMS DANG, RIM PA LNGA'I GO RIM GRANGS NGES SOGS MTHA' YAS PA ZHIG GI DRI BA DANG, DOGS PA CHOD PA'I CHED DU BRGAL ZHING BRTAGS PA'I SGO NAS 'DRI BA LA SOGS PA 'BA' ZHIG GTZO BOR MDZAD DO, ,RJE RIN PO CHE 'DIS DE'I TSE RJE BTZUN 'JAM PA'I DBYANGS LA ZAB MO DBU MA'I LTA BA SOGS MDO SNGAGS KYI LAM GYI GNAD MTHAR THUG PA RNAMS LA DRI BA DANG BRGAL BRTAG MANG DU MDZAD PA'I SKABS SU RJE BTZUN 'JAM DPAL DBYANGS KYIS THAL RANG GI KHYAD PAR, LHAN SKYES DANG KUN BRTAGS KYI BDAG 'DZIN GNYIS KYIS JI LTAR BZUNG BA LTAR GYI BDAG DANG, RTAGS KYI DGAG BYA'I TSAD PHRA RAGS, LTA BA RTOGS PA'I TSAD; THAL 'GYUR BA'I LTA BA 'DI'I LUGS KYI KUN RDZOB RNAM PAR 'JOG PA'I TSUL LA SOGS PA RNAMS KYI DPYAD PA ZHIB TU MDZAD PA'I SA BON SHIN TU 'DRIL BA RE DANG, SNGAGS MTSAN NYID KYI LAM THUN MONG

, ,BA DANG THUN MONG MA YIN PA'I KHYAD PAR, DPAL GSANG BA 'DUS PA'I RIM PA LNGA'I NGO BO DANG, GO RIM GRANGS NGES LA SOGS PA RNAMS KYI GNAD THUN MONG MA YIN PA SHIN TU 'DRIL BA RE GSUNGS, MI GO BAR 'DUG LAGS ZHUS PAS, 'DI RNAMS MA BRJED PA GYIS LA ZIN BRIS SU GYIS, BLA MA DANG YI DAM THA MI DAD DU BYAS PA LA GSOL BA 'DEBS SHING BSNYEN SGRUB BYED PA DANG, BSAG SBYANG GNYIS LA LEGS BAR 'BAD PA DANG, GZHUNG LUGS KYI DON LA RIGS PAS RNAM PAR DPYOD CING ZHIB TU SEMS PA RNAMS SUM SGRIL DU NYAMS SU LONGS LA TSIM MA SLA BAR RGYUN BSRINGS LA LEGS PAR DPYOD CIG DANG, SKABS SU BAB NA NGAS SA BON BTAB PA 'DI RNAMS KYIS KYANG RKYEN BYAS NAS LEGS PAR GO BA ZHIG MYUR DU 'ONG BA 'DUG CES GSUNG NGO, ,'PHAGS PA KLU SGRUB YAB SRAS KYI LUGS KYI DBU MA DANG GSANG BA 'DUS PA LA SHES 'DOD SHIN TU CHE BAR YOD PAS RTZAD GCOD PA'I BLA MA BOD NA SU DRAG ZHUS PA LA, RED MDA' BA LAS DRAG PA MED, ,'ON KYANG KHYOD LA MTHA' MA LUS PAR CHOD PA'I GO BA RDZOGS PAR BSKYED MI THUB, DBU MA PAS LO TZ'A BYAS NAS NGAS KHYOD LA BSHAD NA DE KA DRAG PAR 'ONG NA'ANG KHO YANG MYUR DU MDO KHAMS LA 'GRO DGOS PAR SNANG, ,DES NA DA LTA NAS BSHAD PA MA BYED PAR BYA BRAL GYIS LA DBEN PA STEN, GONG DU BSHAD PA LTAR SUM SGRIL DU NYAMS SU LEN PA DANG DMIGS RNAM SKYONG BA SOGS LA LEGS PAR

'BAD NA RING POR MI THOGS PAR DE RNAMS KYI DON RNYED BAR 'GYUR RO ZHES GSUNG NGO, ,GZHAN YANG CHOS KYI GNAD DANG GZHUNG GANG LA BRTAN NAS 'TSOL BA SOGS GSUNGS PA LA TSAD MED, RGYA GAR GYI PAndI TA MKHAS BA RNAMS LA'ANG 'GA' ZHIG GI GZHUNG LA 'KHRUL MED RANG 'BA' ZHIG TU GZUNG MI NYAN PA'I DMIGS BSAL RE TZAM YANG BYUNG BAS, 'O NA 'PHAGS PA KLU SGRUB KYI DGONGS PA LA SLOB DPON ZLA BA GRAGS PA 'KHRUL MED RANG 'BA' ZHIG TU BZUNG PAS AE CHO GA ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI DE BZHIN GSHEGS PA ZHIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL BAR BYA BA'I SLAD DU BSAM BZHIN DU SKYE BA BZUNG BA YIN PAS 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED PAS 'DI LA RNAM PA THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO, ,ZHES GSUNG NGO, ,BLA MA DBU MA PAS RJE BTZUN 'JAM DBYANGS LA RJE RIN PO CHE 'DI'I SKU SKYE SNGA PHYI SOGS KYI ZHU BA MDZAD PAS, RJE BTZUN GYI ZHAL NAS, SNGON SANGS RGYAS 'JIG RTEN NA BZHUGS PA'I DUS SU BLA MA 'DI RGYA GAR DU BRAM ZE'I KHYE'U ZHIG TU 'KHRUNGS, DE'I TSE DGE SLONG GI CHA LUGS 'DZIN PA'I BYANG CHUB SEMS DPA' MOS PA'I BLO GROS ZHES BYA BA LA DANG MJAL NAS DE NYID MNYES PAR BYAS SHING

, ,ZHABS 'BRING DU 'BRANG CHOS MANG DU GSAN, DES KHRID DE STON PA SH'AKYA THUB PA'I ZHABS DRUNG DU MJAL ZHING SEMS BSKYED, DE'I TSE STON PA LA SHEL DKAR PO DRI MA MED PA BRGYA RTZA'I PHRENG BA ZHIG DAD BAS PHUL NAS SMON LAM BTAB PAS STONG BA NYID KYI LTA BA PHYIN CI MA LOG PA RTOGS PA'I SA BON BZHAG PA YIN, DE SKU SKYE 'DI'I PHYI MA LA DGA' LDAN DU RGYAL BA MA PHAM PA'I CHOS KYI MDUN SAR THEG PA CHEN PO'I CHOS KYI 'BYOR PA DPAG TU MED PA LA LONGS SPYOD BAR 'GYUR ZHING; MTSAN NI BYANG CHUB SEMS DPA' 'JAM DPAL SNYING BO ZHES BYA BAR 'GYUR RO ZHES GSUNGS, RJE RIN PO CHE 'DI PA SKU SKYE PHYI MA DGA' LDAN DU PHEBS PA SOGS KYI LO RGYUS MKHAS GRUB THAMS CAD MKHYEN PAS RJE RIN PO CHE NYID LA JI LTAR LAGS ZHES ZHUS PA NA RJE RIN PO CHE'I ZHAL NAS 'DI'I PHYI MA DGA' LDAN DU 'GRO BA 'DI LA RANG BLA MA DBU MA PA DANG BLA MA PHYAG RDOR BA SOGS MANG PO ZHIG ZHAL MTHUN PAR 'DUG CES NANG THUGS KYI SRAS GCIG MKHAS GRUB THAMS CAD MKHYEN PA LA GSUNGS SO, ,DE DUS RJE RIN PO CHE RANG YANG CUNG ZAD 'CHAD NYAN LA THUGS BZHED CHE, BLA MA DBU MA PA YANG DE DANG MTHUN BAS, SKU NA TSOD SHIN TU GZHON ZHING MKHYEN RAB DANG PHAN 'DOGS SHIN TU CHE BA 'DI 'DRA BA LA NGA RUNG BSHAD NYAN NGOS MDZAD NA BSTAN PA LA PHAN THOGS SHIN TU CHE ZHING, 'CHAD NYAN 'PHEL PO 'DI 'DRA BA'I 'PHRO LA BYA BRAL LA BYON NA NGED LA'ANG SKYE BO RNAMS KYIS KHA ZER DU 'ONG BAS RE ZHIG 'CHAD NYAN MDZAD PAS CHOG BA ZHIG 'TSAL ZHES ZHUS PAS, RJE

BTZUN GYI ZHAL NAS BSTAN PA DANG SEMS CAN LA GANG PHAN KHYOD KYIS MI SHES, KHA ZER BA LA BZOD PA SGOMS, DBEN PA BSTEN NAS THUGS DAM MA BYAS NAS SKU TSE RING PO MI 'ONG, PHAN 'DOGS KYANG LTAR SNANG ZHIG LAS MI 'ONG BAS BYA BRAL LA PHYIN PA 'THAD CES GSUNG NGO, ,SKYID SHOD DGA' BA GDONG DU BLA MA DBU MA PA DANG RJE RIN PO CHE GNYIS PO LAS MED PA'I SKU MTSAMS NGAM PO BCAD, GNYIS PO'ANG GZIM KHANG SO SOR BYAS NAS GSOL JA SOGS LA 'TSOG PAR MDZAD CING, GSOL JA BZHES PA'I SKABS SU'ANG BLA MA DBU MA PAS LO TZ'A MDZAD NAS RJE BTZUN 'JAM PA'I DBYANGS LA CHOS MANG DU GSAN ZHING DRI PA DPAG TU MED PA MDZAD, DE DUS THOG MAR BLA MA DBU MA PA LA RJE BTZUN GYIS GNANG BA'I ZHI GNAS KYI DMIGS PA GSAN NAS SGOM GYIN YOD PA LA, DO ZHAG RANG 'DI LAS KYANG RJE BTZUN 'JAM PA'I DBYANGS NYID LA GSOL BA BTAB CING BSNYEN BSGRUB BYAS NA DE NGOS DON CHE BA 'DRA DGONGS NAS BLA MA DBU MA PA LA DE LTAR ZHUS PAS DE BZHIN MDZAD PAS CHOG CES GSUNGS NAS, NYIN MTSAN DU BLA MA DANG RJE BTZUN THA MI DAD DU BYAS PA LA GSOL BA BTAB CING BSNYEN BSGRUB MDZAD PAS, ZHAG MANG PO MA SONG BA LA NYIN GCIG DKYIL GYI LTE BA'I RGYA KHYON 'TSAM PA ZHIG KHA DOG RGYA MTHING BZANG POS LEGS PAR BYUGS PA 'DRA BA LA, SHIN TU DANGS PA BLTA BAS CHOG MI SHES PA ZHIG GI DBYIBS SHIN TU ZLUM POR 'DUG PA'I MTHA' THAMS CAD 'OD ZER KHA DOG SNA LNGA PA 'JA' TSON LTA BU'I DRA BAS 'KHRIGS PA'I DBUS KYI LTE BA SNGON PO DE'I RGYA KHYON DANG 'TSAM PAR, RDO RJE'I SKYIL KRUNG GIS

, ,BZHUGS PA'I RJE BTZUN 'JAM PA'I DBYANGS AA RA PA TZA NA GUR KUM MDOG CAN BLTA BAS CHOG MI SHES PA ZHIG GI SKU'I SNANG BA DNGOS SU GZIGS, DE BLA MA DBU MA PA LAM ZHUS KYANG BLA MA DBU MA PAS KHYED RANG LA'ANG SKU'I SNANG BA YOD PA 'DRA GSUNGS NAS THIG BYUNG, DE 'DRA BA'I SKU'I SNANG BA DE NAM 'DOD RES KYI GSOL BA BTAB BA'I DUS PHAL CHER DNGOS SU NAR MAR 'BYUNG BA ZHIG DE NAS BRTZAMS TE DUS RTAG TU YOD CES NANG THUGS KYI SRAS GCIG MKHAS GRUB SMRA BA'I NYI MA LA SHIN TU GSANG BAR BYAS TE GSUNGS, DE YANG RJE RIN PO CHE 'DIS RJE BTZUN 'JAM BA'I DBYANGS DPA' GCIG DANG, BLA MED LA SOGS PA RNAMS DANG, BKA' SDOD GSHIN RJE CHOS KYI RGYAL PO PHYI NANG GSANG GSUM LA SOGS PA RNAMS KYI RJES GNANG DANG BYIN RLABS, TING NGE 'DZIN GYI DBANG BZHI SOGS NI, RJE BTZUN 'JAM PA'I DBYANGS RANG NYID LA GSAN LA, DE YANG DPA' GCIG GI RJES GNANG MDZAD PA'I RING LA RJE BTZUN YANG DPA' BO GCIG PA RANG GI SKU'I RNAM PAR YOD PA LA NANG SGRUB DANG, GSANG SGRUB SOGS KYI DBANG MDZAD PA'I TSE DPA' BO GCIG PA DE, DE MA THAG YAB YUM ZHAL SBYOR GYI RNAM PAR 'GYUR 'GRO BA DANG, CHOS SKYONG GI RJES GNANG MDZAD PA'I SKABS SU ,DE MA THAG BCOM LDAN 'DAS RDO RJE 'JIGS BYED KYI RNAM PAR 'GYUR NAS GSHIN RJE CHOS KYI RGYAL PO LA BKA' BSGO BAR MDZAD PA LA SOGS PA DE 'DRA BA'I RNAM 'PHRUL NGO MTSAR BA STON PAR MDZAD PAR GSUNGS, DE NAS RJE BTZUN 'JAM PA'I DBYANGS KYIS BLA MA DBU MA LA GNANG BA'I LAS

TSOGS DANG, DMIGS PA SKYONG BA'I RIM PA SOGS MANG PO ZHIG GI LUNG NI BLA MA DBU MA PA NYID LA GSAN NO, ,DE NAS SGRUB PA LA 'BYON PA'I THUGS THAG BCAD, 'KHOR JI LTA BU 'KHRID RJE BTZUN LA ZHUS PAS BLA MA 'JAM DPAL RGYA MTSO BA SOGS MDO KHAMS PA BZHI DANG, DBUS PA BZHI STE BRGYAD PO DE 'KHRID PA'I GNANG BA BYUNG ,DE NAS BLA MA DBU MA PA MDO KHAMS LA 'BYON PA'I SKYEL MA LA LHA SAR BYON DUS DA DPON SLOB RE ZHIG MI MJAL BAS GNAS BYIN RLABS CAN 'DIR RJE BTZUN 'JAM PA'I DBYANGS LA GSOL BA BTAB, NYAMS LEN GYI GNAD BSDUS PA'I GDAMS PA ZHIG ZHUS PA DRAG CES BKA' BGROS NAS, LHA SA'I THOG STENG MA RANG GI LHO PHYOGS KYI GSER PHUB KYI BYA 'DABS 'OG DER MCHOD PA BSHAMS, GSOL BA DRAG TU BTAB PAS RJE BTZUN 'JAM PA'I DBYANGS KYIS NYAMS LEN GYI GNAD BSDUS PA'I TSIGS SU BCAD PA 'GA' ZHIG GSUNGS, RJE BLA MA 'DIS DE KA'I DUS SU GSUNG RIM BZHIN YI GER 'GOD PAR MDZAD DO, ,DE'I DUS SU RJE BTZUN 'JAM PA'I DBYANGS KYIS GSUNGS PA'I MAN NGAG GI RTZA TSIG YI GER 'GOD PAR MDZAD PA NI BKA' 'BUM THOR BUR GSAL PA LTAR RO, ,GZHAN YANG GSUNG RAB KYI GNAD DANG, DPYOD PA MDZAD PA'I SGO BSTAN PA LA TSAD MED DO, ,DE'I TSE GZHAN YANG RJE BTZUN 'JAM PA'I DBYANGS KYI ZHAL NAS, DA PHYIN CHAD BLA MA DANG YI DAM THA MI DAD DU BYAS PA LA GSOL BA 'DEBS PA, SNGAR BSAGS KYI SDIG LTUNG SBYONG ZHING TSOGS RGYA CHEN PO GONG NAS GONG DU SPEL BA'I BSAG SBYANG LA 'BAD PA, SHING RTA CHEN PO RNAMS KYI

, ,RIGS PA LA BRTEN NAS MDO RGYUD DGONGS 'GREL DANG BCAS PA'I DON LA ZHIB TU DPYOD PA SUM SGRIL DU GYIS LA RGYUN MA CHAD PAR NYAMS SU LONGS DANG, RING PO MI THOGS PAR LTA BA'I GNAD MTHAR THUG PA DANG MDO RGYUD KYI DON MTHA' DAG LA MI 'KHRUL BA'I NGES PA RNYED PAR 'GYUR, DA LTA NAS BSHAD PA BYAS KYANG PHAN THOGS LTAR SNANG LAS MI 'ONG BAS RE SHIG BYA BRAL BYAS, DBEN PA BSTEN NAS SGRUB PA SNYING POR GYIS SHIG CES GSUNGS SHING, DMU RGOD GDUL DKA'I SEMS CAN 'DI RNAMS LA, ,BSHAD PAS PHAN THOGS CHEN PO GA LA 'GYUR, ,DE BAS SGRUB BA LHUR BLANGS DBEN BA STEN, ,RANG GZHAN GNYIS KA 'TSENGS PA'I LAM RNYED SNYAM, ,ZHES NAN TAN DU GDAMS SHING BSKUL BAR MDZAD DO, ,DE LTAR BSKUL BA DANG, RJE 'DI NYID KYIS KYANG TSUL DE LEGS PAR DGONGS NAS BYA BRAL MDZAD CING, DBEN PA BSTEN NAS SGRUB PA SNYING POR MDZAD PA LA THUGS THAG BCAD DO, ,DE NAS BLA MA DBU MA PA DE GA'I STON MDO KHAMS LA 'BYON PAR CHAS, RJE'I ZHAL SNGA NAS KYANG LHA SAR SKYEL MA LA BYON, DPON SLOB GNYIS KAS GSOL BA DRAG TU BTAB, LHA SA'I SGO KHANG STENG GI GTZUG LAG KHANG DU, BLA MA DBU MA PA LA RJE 'DIS DPAL GSANG BA 'DUS PA MI BSKYOD PA'I DBANG BZHI RDZOGS PAR GNANG, DE NAS RJE RIN PO CHES SBYOR MO LUNG DU PHEBS, STON MJUG DE CHOS MANG DU GSUNGS, DGUN LA NYE BA SPRE'U'I LO ZLA BA BCU PA LA BAB PA, DGUNG LO SUM CU RTZA DRUG PA LA SKYOR MO LUNG

NAS PHYAGS BTEG ,SLOB DPON RIN PO CHE 'JAM DKAR BA ZHES GRAGS PA DPAL LDAN BZANG PO DANG, RTOGS LDAN BYANG SENG BA, GNAS BRTAN RIN CHEN RGYAL MTSAN PA, GNAS BRTAN BZANG SKYONG BA STE DBUS PA BZHI, BLA MA RTOGS LDAN 'JAM DPAL RGYA MTSO BA, DGE BSHES SHES RAB GRAGS, DGE BSHES 'JAM DPAL BKRA SHIS, DGE BA SHES DPAL SKYONG STE MDO SMAD PA BZHI DANG BCAS PA PHYAG PHYIR KHRID, DE GONG NAS, GZHIS KHA SNE'U RDZONG PAS ZHABS TOG LEGS PO MDZAD KYIN YOD CING, DE DUS KYANG KHONG GIS ZHABS TOG BSGRUBS TE DPON SLOB DGUS GZHUNG KO MDZAD NAS BYA BRAL LA BYON TE 'OL KHAR PHEBS, DE'I DGUN DPYID RNAMS 'OL KHA CHOS LUNG DU BZHUGS SHING, DE NAS BZUNG STE 'OL KHA BA YAB SRAS RNAMS KYIS DAD PA CHEN POS SBYIN BDAG MDZAD DE ZHABS TOG PHUN SUM TSOGS PA BSGRUBS, 'OL KHA CHOS LUNG DU BZHUGS RING LA YANG THOG MAR BSAG SBYANG GNAD CHE BAR DGONGS TE DPON SLOB THAMS CAD KYIS STOBS BZHI TSANG BA'I BSAG SBYANG LA SHIN TU 'GRUS PAR MDZAD, RJE RIN PO CHE NYID KYIS KYANG LTUNG BSHAGS BRGYA PHYAG DANG BCAS PA DANG, PHYAG SOR GYI RTZE MO RNAMS SER KHAR SONG GI BAR DU MAndAL 'BUL BA SOGS LA DPAG PAR DKA' BA'I BRTZON PA DRAG PO MDZAD CING, DGE BA'I BSHES GNYEN GRO LUNG PA CHEN PO'I GSUNG LAS, MDO SANGS RGYAS PHAL PO CHE 'DI MA 'GYUR NA BOD KYI BYANG CHUB SEMS DPA' RNAMS SPYOD PA LA SLOB TSUL JI LTAR BYED DAM ZHES 'BYUNG

, ,BA LTAR DU, SANGS RGYAS PHAL PO CHEL SOGS PA BYANG CHUB SEMS DPA'I SPYOD PA RLABS PO CHE RNAMS STON PA'I MDO SDE RNAMS LA GZIGS RTOG ZHIB PAR MDZAD DE THEG PA CHEN PO'I RIGS KYI NUS PA YONGS SU RGYAS PAR BYED PA'I THABS RMAD DU BYUNG BA BYANG CHUB SEMS DPA'I SNYING STOBS DPAG PAR DKA' BAS RGYAL SRAS KYI SPYOD PA RLABS SHIN TU CHE ZHING RNAM PA MTHA' YAS PA RNAMS LA SNGAR GYI BYANG CHUB SEMS DPA' CHEN PO RNAMS KYIS BSLABS SHING, DA LTA DANG MA 'ONGS PA'I BYANG CHUB SEMS DPA' CHEN PO RNAMS KYIS SLOB PA DANG, SLOB PAR 'GYUR BA'I TSUL MDO SDE MTHA' YAS PA NAS GSUNGS PA DE RNAMS LA, BDAG NYID KYANG DA LTA NAS DE LTA BU'I TSUL LA 'JUG PA LA ZHUM PA GTAN MI SKYE ZHING, SPRO DGA' SHUGS DRAG POS 'JUG PAR BYA BA'I CHED DU MDO SDE NAS 'BYUNG BA'I RGYAL SRAS KYI SNYING STOBS DANG SPYOD PA GANG RLABS CHE CHE RNAMS LA RE RE NAS DMIGS PHUG GIN THUGS SBYONG BA'I DMIGS RNAM NAR MAR BSTEN PAS DANG PO ZHIG CUNG DKA' TZAM BYUNG YANG, PHYIS LEGS PAR GOMS NAS 'BAD RTZOL MI DGOS PAR RANG SHUGS KYIS RGYAL SRAS KYI SNYING STOBS DANG SPYOD PA RMAD DU BYUNG BA JI 'DRA'I DBAG DKA' BA ZHIG LA'ANG ZHUM PA NAM YANG MI SKYE ZHING, SPRO DGA' SHUGS DRAG POS NGANG GIS 'JUG PA ZHIG BYUNG ZHES RJE THAMS CAD MKHYEN PA NYID KYIS NANG THUGS KYI SRAS GCIG MKHAS GRUB SMRA BA'I NYI MA LA GSUNGS SO, ,DE LTAR 'OL KHA CHOS LUNG DU

RJE RIN PO CHE 'KHOR DAG PA RNAM BRGYAD DANG BCAS PAS BSAG SBYANG RLABS CHEN PO LA 'BAD PA'I TSE RJE 'DIS LTUNG BSHAGS DANG BRGYA PHYAG SBRAGS NAS MDZAD RES KYI, SANGS RGYAS SUM CU RTZA LNGA'I SKU'I SNANG BA DNGOS SU GZIGS PA NAR MAR BYUNG; DE'I TSE RJE BTZUN BYAMS PA MGON PO SKU GSER BTZO MA'I KHA DOG LTA BU LA RIN PO CHE'I RGYAN DANG CHOS 'CHAD KYI PHYAG RGYAS ME TOG GI SDONG BU BSNAMS PA, RIN PO CHE'I KHRIL SKYIL KRUNG GIS BZHUGS PA DE 'DRA BA'I SKU SHIN TU CHE BA DANG; RGYAL BA SMAN GYI BLA BLA GOS SER PO MNABS PA DANG, RJE BTZUN BYAMS MGON BZANG PO'I 'DUG STANGS MDZAD PA RAB BYUNG GI CHA BYAD CAN SNAM SBYAR GSOL BA PHYAG GIS KLU SHING GI SDONG BU RIL BAS MTSAN PA 'DZIN PA DE 'DRA BA DANG, GZHAN YANG RGYAL BA TSE DPAG TU MED PA SOGS SANGS RGYAS BYANG SEMS MANG PO'I SKU'I SNANG BA GZIGS PA MANG DU BYUNG, 'DI RNAMS NYAMS SNANG YIN PAS NGES PA CHER MED DGONGS NAS DE TZAM DU CHED CHER MA MDZAD NA'ANG, BLA MA RTOGS LDAN 'JAM DPAL RGYA MTSO BA LA RJE BTZUN GYI SKU DANG GSUNG GI SNANG BA DNGOS SU BYUNG BA 'KHRUL MED CIG YOD PAS, KHONG LA RJE BTZUN 'JAM DPAL DBYANGS KYIS GSUNG NAS RJE LA GZIGS SNANG BYUNG BA DE RNAMS NYAMS SNANG RANG DGA' BA MIN PAS GSOL BA DRAG TU THOB, PHYIS RTEN 'BEL KHYAD PAR CAN YOD PA YIN GSUNG BA BYUNG 'DUG GSUNG NGO, ,RTOGS LDAN PA'I SNANG BA DE LA'ANG RJE'I DRUNG NAS BRTAG DPYAD MANG DU MDZAD CING, CHOS KYI GNAD ZAB MO DRIS PA

, ,RNAMS PHAL CHER 'PHYUG MED DU 'ONG BAR 'DUG BAS THUGS LEGS PAR CHES SO, ,DE NAS RJE RIN PO CHE 'KHOR BCAS KYIS RDZING PHYI'I JO BO BYAMS PA MJAL, MCHOD PA DANG SMON LAM RLABS PO CHE MANG DU MDZAD, DE NAS DVAGS PO SMAN LUNG GI RGYA SOG PHUR BYON DGUN GYI RING DER BZHUGS THUGS DAM SHIN TU 'PHEL ZHING YON TAN GYI KHYAD PAR BSAM GYIS MI KHYAB PA MANG DU BRNYES TE DE DUS RJE BTZUN 'JAM PA'I DBYANGS KYI SKU SHIN TU CHE BA GZI BRJID PHUN SUM TSOGS PA ZHIG LA SANGS RGYAS DANG BYANG CHUB SEMS DPA' DPAG TU MED PA'I 'KHOR GYIS BSKOR BA DANG, 'PHAGS PA KLU SGRUB, A'ARYA D'E BA, SANGS RGYAS BSKYANGS, KLU BYANG, ZLA BA GRAGS PA, THOGS MED SKU MCHED, PHYOGS GLANG, CHOS GRAGS, YON TAN 'OD DANG SH'AKYA 'OD, LHA DBANG BLO, RGYAN MKHAN PO, KA MA LA SH'I LA, AA BHYA YA LA SOGS PA'I PAndI TA DU MA DANG, RGYAL PO AINDRA BO DHI, BRAM ZE CHEN PO SA RA HA, L'U AI PA, DRIL BU PA, NAG PO SPYOD PA LA SOGS PA'I GRUB CHEN DU MA'I SKU'I SNANG BA DNGOS SU GZIGS, NYAMS SNANG LA GTANG PA MED LAS CHE DGONGS PAS, RJE BTZUN 'JAM PA'I DBYANGS KYIS SNGAR BZHIN NYAMS SNANG RANG DGA' BA MIN PAS GSOL BA DRAG TU THOB, 'DI RNAMS KYI GZHUNG LA BRTEN NAS RANG GZHAN LA PHAN THOGS RGYA CHEN PO 'ONG BA'I RTEN 'BREL YIN, ZHES GSUNG NGO, ,DE'I TSE BCOM LDAN 'DAS RDO RJE 'JIGS BYED KYI SKU ZHAL PHYAG YONGS SU RDZOGS BA SHIN TU CHE BA GZI BRJID BZOD PAR DKA' BA ZHIG ZHAL GZIGS, DE

DUS NAS 'JIGS BYED KYI BDAG 'JUG NYIN RE BZHIN MDZAD PA NAM YANG 'CHAG MED DU MDZAD DO, ,YANG DER SNGAR DANG 'DRA BA'I RJE BTZUN 'JAM BA'I DBYANGS KYI SKU'I SNANG BA DNGOS SU GZIGS PA'I THUGS KA'I NANG NA PHAR RAL GRI'I YU BA ZUG CING; RJE'I THUGS KAR RTZE MO ZUG PA LA, BDUD RTZI'I RGYUN KHA DOG DKAR SER SHIN TU SNUM PA 'OD KYI CHU RGYUN 'DRA BA ZHIG RJE BTZUN GYI THUGS KA NAS RAL GRI'I STENG LA BRGYUD DE NAR RE BYUNG NAS RJE'I THUGS KAR ZHUGS BAS SKU'I NANG THAMS CAD BDE BA CHEN PO DPAG TU MED PAS GANG BA BRJOD PAR MI NUS PA ZHIG 'KHRUNGS, DE DUS NGO MKHYEN PA DANG MI MKHYEN PA'I 'KHOR DU MA KHA GDANGS NAS BZED 'DUG PAS, 'GA' ZHIG GI KHAR MANG DU 'GRO ZHING, 'GA' ZHIG GI KHAR NYUNG ZAD RE DANG, 'GA' ZHIG GIS KHA GDANGS KYANG CUNG ZAD KYANG MI 'GRO BA DE 'DRA'ANG 'DUG GSUNG NGO, ,MDOR NA GNAS DER DE 'DRA BA'I DAG BA'I SNANG BA DANG THUGS RGYUD LA MNGON PAR RTOGS PA'I YON TAN DPAG TU MED PA ZHIG 'KHRUNGS SO, ,DE NAS RJE BTZUN 'JAM BA'I DBYANGS KYIS RDZING PHYI'I GTZUG LAG KHANG LA ZHIG GSO MDZAD NA BSTAN PAR PHAN CHE ZHES BSKUL BA LA BRTEN NAS RDZING PHYI'I GTZUG LAG KHANG LA ZHIG GSO MDZAD PAR BRTZAMS SO, ,DE YANG RDZING PHYI'I GTZUG LAG KHANG DE SNGON GAR MI YON TAN G-YUNG DRUNG GIS BZHENGS PA, JO BO BYAMS PA'I SKU LI KHRA MI TSAD LHAG TZAM SHIN TU BYIN RLABS CHE ZHING NGO MTSAR BA BZHUGS PA PHUL DU BYUNG BA ZHIG 'DUG NA'ANG, PHYIS LHA RIS THAMS CAD NYAMS SHING GOGS, JO BO'I SKU DE

, ,YANG RDUL KHROD NA 'O BRGYAL ZHING, SKU LA BYA THAL SOGS MI GTZANG BAS GOS PAR GYUR PA GZIGS PAS THUGS KYIS MA BZOD PAR SPYAN CHAB BYUNG ZHING, DE'I ZHIG GSOS MDZAD PAR DGONGS NAS 'OL KHA STAG RTZE BA LA ZHAL TA GNANG STE, RTZIG PA DANG THOG DANG ZHAL BA SOGS 'CHOS DGOS RNAMS KHONG GIS LEGS PAR BSGRUBS SHING, DE NAS LDEBS BRIS RNAMS DPON SLOB RNAMS RANG GIS CHA RKYEN DANG ZHAL TA MDZAD NAS SGRUB PAR BRTZAMS PA'I TSE, DPON SLOB BCU GNYIS YOD PA'I PHYAG RDZAS GTOR CHA SOGS GANG YOD LA RIN BTAB PAS ZHO BCU GNYIS LAS MA BYUNG BAS JI LTAR MDZAD KYI RNGO MA THOGS PA LA, RNAM SRAS KYI 'DZIN GTOR ZHIG BCAS NAS 'PHRIN LAS 'TSEL BAR DGONGS PA'I TSE MAR MED PA LA BTZUN PA ZHIG GIS MAR GROD BU GANG PHUL, DE LA MAR GYI 'DZIN GTOR BCAS NAS 'PHRIN LAS BCOL BAS DE'I SANG NYIN RANG LA 'BROG PA 'GAS MAR THUD MANG BO BKAL BYUNG STE PHUL, DE NAS BZUNG STE 'BUL BA MANG PO RIM PA BZHIN BYUNG BAS YO BYAD KYIS MA 'THOGS, 'DIR MA ZAD CHOS LDAN GYI DGOS PA KHYAD PAR CAN GZIGS PA'I SKABS GZHAN DU'ANG RNAM SRAS LA MAR GYI GTOR MA DANG BCAS TE 'PHRIN LAS BCOL BAS YO BYAD DPAG TU MED PA GLO BUR DU BYUNG BA'I LO RGYUS MANG DU YOD DO, ,DE NAS YAR KLUNGS PHYOGS NAS KYANG LHA BZO BA TSON RTZI KHYER NAS RI MO'I DAD BLANGS LA 'ONGS PA'ANG MANG DU BYUNG NGO, ,DE NAS RJE BTZUN 'JAM PA'I DBYANGS KYIS RJE BTZUN BYAMS MGON GYI BSTOD PA

RIN CHEN GSAL BA'I SGRON ME ZHES BYA BA RJE BTZUN BYAMS MGON LA PHYOGS BCU'I SANGS RGYAS THAMS CAD KYIS 'OD ZER CHEN PO'I DBANG BSKUR BA LA GZHI GYIS LA RTZOMS GSUNGS PA LA BRTEN NAS RJE BTZUN BYAMS MGON GYI BSTOD PA RIN PO CHE GSAL BA'I SGRON ME MDZAD CING, DE BZHIN DU BDE BA CAN DU SKYE BA 'DZIN PA'I SMON LAM ZHING MCHOG SGO 'BYED DANG, RANG NYID MA 'ONGS PA NA GANG DU SPRUL PA'I SKUR 'TSANG RGYA BA'I MDZAD PA STON PA'I ZHING YONGS SU GZUNG BA'I SMON LAM YANG RJE BTZUN GYI GSUNG GIS BSKUL NAS, DON GYI NGO BO DANG GO RIM SOGS RJE BTZUN GYIS GSUNGS PA NGED KYI TSIG SBYOR GYIS BSGRIGS PA YIN NO GSUNGS, DE'I TSE LHA BZO BA RNAMS KYANG BSNYEN GNAS DANG GSO SBYONG GI SDOM PA LA BKOD NAS 'DRIR 'JUG PA DANG, LAS BYED PA'I MI PHAL PA RNAMS KYANG THA MAL PA'I TSIG SMRA BA SPANGS NAS SMON LAM GYI TSIGS SU BCAD PA SOGS SHAS CHER KHA TON DU BYED PAS LAS SGRUB BA LA GZHOL BAR MDZAD LA, DE'I TSE RJE BTZUN 'JAM PA'I DBYANGS KYI ZHING BKOD BZHENGS PA'I SKYA RIS BTAB TSAR BA DE LA RAB GNAS SHIG MDZAD PAS RJE BTZUN 'JAM PA'I DBYANGS KYI SKU DNGOS SU BYON NAS THIM SONG BA'I GZIGS SNANG BYUNG ZHING SANGS RGYAS SUM CU RTZA LNGA'I SKU 'DRI BAR BRTZAMS PA LA; LHA BZO BA RNAMS KYIS SKU MDOG PHYAG RGYA SOGS JI LTAR 'DRI BA MA SHES NAS RJE'I DRUNG DU ZHUS PA DE'I TSE GSOL BA BTAB PAS JI LTAR 'DRI BA'I GO RIM DANG MTHUN PAR RGYAL BA SUM CU RTZA LNGA'I SKU RIM BZHIN GZIGS PA'I GZIGS SNANG BZHIN

, ,DU SKU MDOG SOGS 'DI LTAR BRIS SHIG CES ZHAL TA GNANG NAS 'DRIR BCUG ,DER MA ZAD ZHING BKOD GZHAN RNAMS LA'ANG RAB GNAS KYI DUS SU YE SHES PA DGUG GZHUG MDZAD PA NA LHA DE DANG DE'I RNAM PA RE THIM SONG BA'I SNANG BA MA BYUNG BA MED CES GSUNG NGO, ,ZHING BKOD RE BRIS TSAR RIM GYIS RAB GNAS MDZAD DE, MAR ME PHUL BA LAM BZUNG BA GCIG KYANG MA BYUNG, DE LTAR RI MO RNAMS LEGS PAR GRUB NAS, 'JAM DPAL GSANG LDAN GYI DKYIL 'KHOR BZHENGS TE, RJE NYID KYIS RAB TU GNAS PA RGYAS PAR MDZAD CING, DE'I TSE SLOB MA SKAL LDAN BCU LHAG PA ZHIG LA GSANG LDAN GYI DBANG YANG GNANG LA, RAB STON MDZAD PA'I SKABS SU GDAN SA PHAN TSUN GYI MDO SMAD PA SOGS KYIS GOS DAR SOGS 'BUL BA MANG DU BYUNG BAS RTEN 'BUR DU DOD PA RNAMS KYI NA BZA', LOGS BRIS THAMS CAD LA ZHAL KHEBS DANG BCAS PA LEGS PAR GRUB BO, ,DE'I TSE RAB GNAS DNGOS GZHI'I NYIN THUGS DAM NAR MAR MDZAD PA DANG, LAS BYED DANG BYA BA'I DUS TSIGS 'DZIN PA MANG PO ZHIG GI THUGS DAM DANG BYA BA SOGS SNGAR LAS CHES SNGA BA'I TSOD LA ZIN NAS 'DI CI ZHIG SNYAM DU GRIB TSOD BTZUGS SHING ZHIB TU BRTAGS PAS, DE NYIN NYI MA TSAD LAS CHES RING DU GYUR PA ZHIG KUN GYI MTHUN SNANG DU BYUNG NGO, ,GZHAN YANG 'GA' ZHIG GI RMI LAM NA MKHA' 'GROS RI MO 'DRI BA MTHONG BA DANG, LHO BRAG MKHAN CHEN PHYAG RDOR BA'I GZIGS SNANG LA, SANGS RGYAS RABS BDUN

NAM MKHA' LA BYANG PHYOGS SU 'BYON BA GZIGS, GANG DU BZHUD CES GSOL BAS RDZING PHYI'I RAB GNAS LA SPYAN 'DREN GYIN 'DUG CES GSUNG BA'I TSES GRANGS DANG RAB GNAS MDZAD PA'I TSES GRANGS GNYIS PHYIS BRTZIS PAS MTHUN PAR BYUNG NGO, ,DE NAS LHO BRAG MKHAN CHEN NAM MKHA' RGYAL MTSAN PAS 'DIR CIG CI NAS PHYAGS PHEBS PAR ZHU, BKA' 'DRA ZHU BA'I 'DOD PA YANG YOD, SKU TSE BSRING BA'I RTEN 'BREL SGRIG PA SOGS KYI SNYAN BSKUL 'DRA YANG 'BUL BA LAGS, ZHES PA'I GSUNG YIG NAN CHER BYUNG ZHING RJE RANG NYID KYANG LHO BRAG MKHAN CHEN GYI DRUNG NAS BKA' GDAMS GDAMS NGAG PA NAS BRGYUD PA'I LAM RIM GYI KHRID SOGS CHOS BKA' CI RIGS GSAN PAR BZHED NAS LHO BRAG BRA'O DGON PAR BYON, DE'I TSE LHO BRAG MKHAN CHEN DANG RJE RIN PO CHE GNYIS KA LA DAG PA'I GZIGS SNANG NGO MTSAR BA MANG DU BYUNG BA NI LHO BRAG MKHAN CHEN GYI ZHAL NAS BDAG GIS LO BDUN CU LON DUS LHA MO DKAR MO ZHIG NA RE BYAMS PAS BYIN GYIS BRLABS PA'I GANG ZAG 'JAM DPAL DBYANGS DANG GNYIS SU MED PA, LHA MO DBYANGS CAN MAS RIG PA STER BAR BYED PA PHUN SUM TSOGS PA CIG DANG SKYE BA BCO LNGA'I GONG NAS 'BREL PA YOD CING, PHAN TSUN DPON SLOB TU 'BREL PA CIG 'ONG BA YOD PAS, DE LA CHOS BKA' LA BSRIS MA 'JUG PAR BYIN, PHAR YANG CHOS ZHUS ZER BA CIG BYUNG BAS BDAG MOS GUS DPAG TU MED PA SKYES SO, ,YANG LAN CIG MGON PO BYAMS PA 'BYON GYIN YOD ZER BA'I SKAD

, ,LHANG BA CIG BYUNG, DE DUS CHOS RJE DKA' BZHI BA RGYA MO RI 'PHRED LA PHEBS PA'I TSOD DU 'DUG ,BCOM LDAN 'DAS KYIS CHOS KYI 'KHOR LO BSKOR BA'I DUS DRUG PA'I TSES BZHI'I NYIN LHO BRAG SGRO BA DGON PAR PHYAGS PHEBS BYON PA BDAG GIS BSU BA LA PHYIN PAS, RJE BTZUN 'JAM DBYANGS 'OD KYI DRA BAS MDZES PA ZHIG PHEBS BYUNG BAR MTHONG, RJE TZONG KHA BAS BDAG PHYAG NA RDO RJER DNGOS SU GZIGS SHING, DE'I GSUS PA'I DKYIL 'KHOR SHIN TU LDIR ZHING BEE d'URYA LTAR DVANGS PA SBRUL SNGO KHRAS SPRAS PA GZIGS 'DUG ,DE NI SNGAR LAS KYANG GDUL BYA 'PHRIN LAS RGYAS SU 'GRO BA'I BRDA YIN, DE'I NUB MO RJE TZONG KHA BAS BLA MA'I RNAL 'BYOR ZHIG ZHU GSUNG, BDAG GIS BLA MA'I RNAL 'BYOR ZHIG PHOG PAS, PHYAG NA RDO RJE BYON NAS RJE TZONG KHA PA LA THIM SONG, YANG TSES BCO LNGA'I THO RANGS BYAMS PA NYID LA BSLAB BTUS ZHUS ZER BA ZHIG BYUNG, RJE TZONG KHA PA LA BSLAB BTUS GSUNG BAR ZHU ZHUS PAS, RJE TZONG KHA PAS YI DAM LHA DE SKAD GSUNG NGAM GSUNG, GSUNG LAGS ZHUS PAS BSLAB BTUS GSUNGS, CHOS NYAN DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DPUNG PA G-YAS NA 'JAM DBYANGS DKAR BO; G-YON NA LHA MO DBYANGS CAN MA BZHUGS 'DUG, MGON PO PHYAG BZHI PA DANG PHYAG DRUG PAS GTZO BYAS PA'I CHOS SKYONG DANG MKHA' 'GRO BSAM GYIS MI KHYAB PAS BSKOR NAS 'DUG GO ,GZHAN YANG DKAR PHYOGS LA DGA' BA'I

LHA 'DRE'I TSOGS MANG PO CHOS NYAN ZHING 'DUG PAS MOS GUS THUN MONG MA YIN PA SKYES SO, ,SO SO 'BRANG MA'I DBANG DANG SEMS BSKYED KYANG ZHUS SO, ,RJE TZONG KHA PAS BDAG LA TSUR CHOS ZHUS PA LA BYANG CHUB LAM GYI RIM PA'I BKA' BABS GNYIS KYI KHRID, PHYAG NA RDO RJES GSUNGS PA'I GSANG BA BSAM GYIS MI KHYAB PA'I KHRID LUNG RJES GNANG, PHYAG RDOR SKU LNGA'I RJES GNANG, ZHU LAN RDO RJE PHRENG BA, ZHU LAN GCES PHRENG GI LUNG RJES GNANG, PHYAG NA RDO RJE KHYUNG LNGA'I DBANG DANG RJES GNANG, DREGS PA KUN 'DUL GYI DBANG, RTA MGRIN DPA' BO GCIG PA ZHAL GSUM PHYAG DRUG PA'I RJES GNANG SOGS BYAS PA'I DUS, RJES GNANG DANG DBANG GI BYA BA d'A K'I RNAMS KYIS BYED PA DANG, BDUD RTZI K'A PA LA GANG RJE TZONG KHA PA LA PHUL BAS DER LBU BA SHAR BA'I NANG DU 'JAM DBYANGS, DZAM LHA RNAM SRAS RNAMS RE RE BZHUGS PA GZIGS SHING RTAGS NGO MTSAR CAN MANG ZHIG BYUNG STE BSHAD KYIS MI LANG NGO ZHES GSUNGS, DE DUS RJE RIN PO CHES LHO BRAG GRUB CHEN NAM MKHA' RGYAL MTSAN LA DGE BA'I BSHES GNYEN SBYAN SNGA BA NAS BYA YUL BA LA BRGYUD PA DANG DGON PA BA NAS SNE'U ZUR PA LA BRGYUD PA'I BKA' GDAMS GDAMS NGAG PA'I LAM RIM GYI KHRID RGYAS PAR GSAN TE LHO BRAG MKHAN CHEN LA, SPYAN SNGA BA NAS BYA YUL BA LA BRGYUD PA DANG, DGE BSHES DGON PA BA NAS SNE'U ZUR PA LA BRGYUD PA'I LAM RIM GNYIS KA MNGA'O, ,LHO BRAG MKHAN CHEN PA DE NI GSANG BA'I BDAG PO PHYAG NA RDO RJES RGYUN DU RJES SU BZUNG STE BYA BA THAMS CAD

, ,GSANG BDAG LA ZHUS TE BYED PA ZHIG YIN PAS LHO BRAG GRUB CHEN ZHES GRAGS SHING, LHO BRAG PHYAG RDOR BA ZHES KYANG GRAGS SO, ,DE LTA BU'I BLA MA BDAG NYID CHEN PO DES RJE RIN PO CHE 'DI'I RNAM THAR LA YID CHES KYI DAD PA THOB STE BSLAB PA KUN LAS BTUS BZHU BAR MDZAD, BSLAB BTUS ZHU BA'I TSE LHO BRAG MKHAN CHEN 'KHOR DGE 'DUN MANG PO DANG BCAS ZHUS SHING, LHO BRAG MKHAN CHEN RANG NYID GCIG BUS GRA LNGA'I DBANG DANG DBYANGS CAN MA'I RJES GNANG SOGS ZAB CHOS MANG DU GSAN, DE'I TSE RJE RIN PO CHE ZAB MO DBU MA'I LTA BA MTHAR THUG PA DANG, GSANG PA 'DUS PA'I SGYU LUS SOGS MDO SNGAGS GNYIS KA'I LAM GYI DKA' GNAS MTHAR THUG PA 'GA' ZHIG RTZAD DPYOD PHYIR RGYA GAR DU SLOB DPON KLU'I BYANG CHUB DANG GRUB CHEN MI TRA SOGS MJAL BAR PHEBS BZHED NAS DPON SLOB BCU GSUM RTEN 'BREL BSGRIGS TE PHEBS RTZIS MDZAD PA NA GSANG BDAG PHYAG NA RDO RJE'I GSUNG LTAR LHO BRAG MKHAN CHEN NAM MKHA' RGYAL MTSAN GYIS RJE RIN PO CHE RGYA GAR DU PHEBS NA SLOB DPON KLU'I BYANG CHUB DANG GRUB CHEN MI TRA SOGS DANG DNGOS SU MJAL NAS YON TAN KHYAD PAR CAN BRNYES PA DANG, RGYA GAR RDO RJE GDAN GYI MKHAN PO MDZAD NAS SLAR BOD DU 'BYON MI THUB PA DANG, 'KHOR SEMS DPA' CHEN PO 'DI DAG TSAD PAS GUM PAR 'GYUR BA SOGS DGAG BYA MANG PO MCHIS BAS RGYA GAR DU MI 'BYON PAR BOD RANG DU BZHUGS PA ZHIG CIS KYANG MKHYEN ZHES NAN CHEN POS GSOL BA BTAB

RJE NYID KYIS KYANG DON DE LTAR DU DGONGS NAS RGYA GAR DU PHEBS BA SHOL TE BOD DU BZHUGS PAR MDZAD PAS NA LHO BRAG MKHAN CHEN NAM MKHA' RGYAL MTSAN PA NA BYANG PHYOGS KHA BA CAN GYI GDUL BYA RNAMS LA BKA' DRIN MTSUNGS PA MED PA ZHIG GO ,RJE RIN PO CHE RGYA GAR LA 'BYON PAR CHAS PA'I DUS DE'I TSE RJE BTZUN 'JAM BA'I DBYANGS KYIS RDZING PHYI'I JO BO LA DGE SBYONG GI RTAGS TSANG MA'I SKYES 'BUL BA DANG BCAS PA'I BSTOD CING GSOL BA 'DEBS PA'I TSIG TSANGS PA'I COD PAN ZHES BYA BA DON GYI RIM PA 'DI LTAR GYIS LA RTZOMS LA PHUL CIG DANG, PHYIS 'DUL BA'I BSLAB KHRIMS RNAM BAR DAG PA LA BRTEN NAS BSTAN PA LA PHAN PA RGYA CHEN PO 'BYUNG BA'I RTEN 'BREL YOD DO, ,ZHES GSUNG BA LA BRTEN NAS DE LTAR DU BRTZAMS TE PHUL LO, ,PHYIS KYANG RJE BTZUN GYI GSUNG GIS NAN GYIS BSKUL ZHING, BSTAN PA'I RTZA BA YIN PA'I THUGS NGES SHUGS DRAG PO 'KHRUNGS PA DANG, BSTAN PA NYAMS PA THUGS KYIS BSRAN BAR MA BZOD PA'I STOBS KYIS 'DUL PA'I LAG LEN PHYIR BCOS YAN CHAD YONGS SU RDZOGS PA SNGA MA'I SROL KA TZAM LA MA LTOS PAR LEGS PAR 'DZUGS PAR MDZAD DO, ,DON 'DI LA RJE NYID KYI ZHAL NAS BSTAN PA'I NANG MDZOD 'DUL BA'I BSLAB KHRIMS NYAMS PA SEMS KYIS MA BZOD NAS RUNG CHU GDAB PA YAN CHAD 'DUL BA'I BCAS MTSAMS PHRA RAGS THAMS CAD GSAR DU BTZUGS PA YIN GYI, GZHAN LAS KHYAD PAR THON PA ZHIG DON DU GNYER NAS BYAS PA

, ,GA LA YIN ZHES GSUNG NGO, ,DE NAS RJE RIN PO CHE GNYAL LA BYON, GNYAL LO ROR PHEBS NAS, LO RO STONG STAG TU ZLA PA LNGA TZAM BZHUGS, DER DGE BA'I BSHES GNYEN CHEN PO BRIN KHAS BAS MDZAD PA'I BSTAN RIM CHEN MO GDAN DRANGS BYUNG BA LA BSU BA MDZAD, MCHOD BA PHUL, ZHIB BAR GZIGS PAS THUGS NGES CHEN PO 'KHRUNGS, DER BSTAN RIM TSAR GCIG GSUNGS, SLAR YANG BYA BRAL LA BYON PA NYID NAS RGYAL BA'I GSUNG RAB MTHA' DAG GI DON TSIG SPYI TZAM LA MA LUS BAR DA LTA LAS DANG PO BA NYID NAS RANG GI RGYUD LA BSKOR NAS NYAMS SU BLANGS PAS CHOG BA'I TSUL LAM GYI NGO BO, GRANGS NGES GO RIM SOGS THAMS CAD SHING RTA CHEN PO RNAMS KYI LAM SROL DANG MTHUN PA ZHIG MED DU MI RUNG BAR GZIGS NAS BLA MA YI DAM LA GSOL BA SHUGS DRAG TU BTAB CING, GSUNG RAB DGONGS 'GREL DANG BCAS BA MTHA' DAG LA ZHIB TU DPYOD PA RGYUN MI 'CHAD DU MDZAD BAS; THOG MAR BSHES GNYEN BSTEN PA NAS 'GO BRTZAMS TE MTHAR ZHI GNAS DANG LHAG MTHONG LA BSLAB TSUL GYI BAR THEG BA CHE CHUNG THUN MONG DANG, THEG CHEN THUN MONG MA YIN PA'I LAM SPYI DANG, DE'I STENG DU SNGAGS KYI THABS MKHAS KYI KHYAD PA 'THUN MONG MA YIN PA RNAMS BSNON PA BTAB NAS NYAMS SU LEN TSUL GYI LAM GYI NGO BO DANG GO RIM DANG GRANGS NGES LA PHYIN CI MA LOG BA'I NGES PA 'KHRUNGS NAS GSUNG RAB DGONGS 'GREL DANG BCAS BA LANG LA'ANG

KHOL BTON RE TZAM MA YIN PAR THAMS CAD GANG ZAG GCIG 'CHANG RGYA BA'I CHA RKYEN DU SBYAR NAS NYAMS LEN GYI PHYOGS SU 'KHYER SHES PA, DE YANG BSHAD PA TZAM MA YIN PAR DA LTA BLO MTHO DMAN DBANG PO RAB 'BRING THAM GANG YIN GYI RGYUD LA BSKOR NAS DMIGS RNAM GYI RIM PAR NYAMS SU LEN PA'I LAG LEN DU 'KHYER PA DE ZHING 'CHUN CHE LA, SEMS 'DUL BA'I RIM BA 'BA' ZHIG LHUR MDZAD PA'I SGO NAS GDUL BYA MCHOG DMAN THAMS CAD JI LTAR BKRI BA'I RIM PA LA MNGA' BRNYES SHING, GANGS RI'I KHROD 'DIR TSUL 'DI NI SEMS DPA' CHEN PO DPAL MAR ME MDZAD YE SHES KYI GDAMS PA BYANG CHUB LAM GYI RIM PA'I MTSAN NYID DANG SNGAGS KYI THEG PA'I LAM GYI RIM PA PHYIN CI MA LOG PAR GTAN LA PHAB BA'I SHING RTA'I SROL 'DI NYID YA MTSAN PAR GZIGS SHING DE'I SROL LA BRTEN NAS THUGS NGES CHER 'KHRUNGS, DPAL LDAN AA TI SHA'I GDAMS PA'I SROL LA YANG DGE BA'I BSHES GNYEN CHEN PO PO TO BA SOGS KYI GDAMS PA LA YANG RMAD DU BYUNG BA'I THUGS NGES YOD MOD KYI, 'ON KYANG LHAG PAR BLA MA LA LO TZ'A PA CHEN PO BLO LDAN SHES RAB KYIS MDZAD PA'I BSTAN RIM DANG, DE'I SRAS KYI THU BO DPAL LDAN GRO LUNG BAS MDZAD PA'I BSTAN RIM CHEN MO SOGS DANG, RANG NYID KYIS DGONGS PA'I LAM GYI RIM PA RNAMS MTHUN SHAS CHE ZHING SROL PHUL DU BYUNG BAR GZIGS SO, ,DPAL LDAN AA TI SHA'I GDAMS PA DE YANG GSUNG RAB DANG DGONGS

, ,'GREL GYI BSTAN BCOS MAN NGAG MTHA' DAG LAM GYI RIM PA GCIG TU DRIL NAS STON PAR SNANG PAS 'CHAD SHES PA DANG NYAN SHES PA GNYIS KYIS BSHAD CING NYAMS SU BLANGS NA MAN NGAG CHANG CHUNG DU MA ZAD GSUNG RAB MTHA' DAG GI GUNG 'GRIG NAS 'ONG BAR SNANG BAS, LAM THUN MONG BA LA BLO SBYONG BA NAS 'KHRID DGOS PA'I GDUL BYA RNAMS LA KHRID KYI RNAM GRANGS MANG PO STON PA MA BYAS GSUNG ZHING, 'DI KHO NA'I STONG NAS 'KHRID PAR MDZAD DO, ,DE NAS RJE RIN PO CHE DPON SLOB SUM CU LHAG TZAM GYIS RTZA RI MA CHEN LA BYON, ZHAG 'GA' BZHUGS RI PA RNAMS LA MANG JA GNANG SBYIN DANG BCAS PA MDZAD, RI KHROD GZIGS SHING BDE MCHOG GI BDAG 'JUG LA SOGS PA MDZAD NGO MTSAR BA'I LTAS MANG DU BYUNG, TZA RIR PHEBS DUS GNAS 'DIR YANG NANG MCHOD DANG BCAS PA'I TSOGS 'KHOR RANG BYED PA MI 'ONG DGONGS BA ZHIG THUGS LA 'KHRUNGS PAS, DE MA KHAD NAS ZHABS KYI KHOL BU ZHIG LA GLO BUR DU TSE RAM ZUG PA 'DRA BA'I TSA ZUG DANG BSNYUN ZUG CHEN BO RANG YOD PA SKRANGS PA NAG PO ZHIG BYUNG BA LA, SKABS SHIG TU NANG MCHOD DANG BCAS PA'I BDE MCHOG GI TSOGS 'KHOR ZHIG MDZAD PAS TSOGS 'KHOR MA GROL TZAM NAS ZUG MED BAR DAM KHAD DVANGS SO, ,DE NAS TZA RI NAS YAR PHEBS TE GNYAL LA 'BYON PA'I LAM DU MO LA'I RTZAR ZHAG BZHUGS MDZAD BA'I NUB RJA BTZUN BYAMS MGON GYI SKU SHIN TU CHE BA,

LHUN PO LTAR MNGON PAR BRJID CING NYI MA LTAR GZI BRJID 'BAR BA ZHIG GIS RIGS KYI BU KHYOD SANGS RGYAS 'JIG RTEN DU BYON PA 'DRA PA ZHIG 'ONG BAS SHES PAR BYOS SHIG CES SENG GE'I SGRAS DBUGS PHYUNG ZHING SPRO BA BSKYED PAR MDZAD PA'I SNANG BA DNGOS SU BYUNG GSUNG NGO, ,DE NAS GNYAL SMAD SENG GE RDZONG NA BZHUGS PA'I DUS SU DPAL DUS KYI 'KHOR LO'I RDZOGS RIM SBYOR BA YAN LAG DRUG LA SOGS PA'I LAM GYI GNAD RNAMS LA DPYAD PA MANG DU MDZAD PAS MI 'KHRUL BA'I NGES PA 'KHRUNGS SHING 'PHYUG MAD KYI GZER THEBS NAS MI 'JIGS PA BRNYES, BCOM LDAN 'DAS DUS KYI 'KHOR LO DPA' BO GCIG PA ZHIG GI GZIGS SNANG NAR MAR 'ONG ZHING NUB GCIG GI MNAL LAM DU DUS KYI 'KHOR LO'I ZHAL NAS KHYOD KYIS DUS KYI 'KHOR LO 'DI LA RGYAL PO ZLA BA BZANG PO BYON PA 'DRA BA ZHIG 'ONG BAR YOD DO ZHES GSUNG, GNYAL SMAD SENG GE RDZONG DU BZHUGS DUS GSER PHYE 'BU MA BA LA MCHOD PA CHEN PO PHUL ZHING DER 'DUL PA'I CHOS MANG DU GSUNGS, LAN LEN PHRAN TSEGS RUNG CHU 'DEBS PA YAN CHAD ZHIB PAR MDZAD, DE'I TSE RJE'I ZHAL NAS YON TAN THAMS CAD KYI GZHI MKHAS BLANGS PA'I TSUL KHRIMS DAG DGOS PA YIN, NGED LA NI SO SOR THAR PA'I PHAM LHAG SBOM PO DANG BCAS PA'I LTUNG BA 'ONG MA MYONG, LTUNG BYED NYES BYAS DANG BCAS PA 'GA' RE BYANG BA RNAMS BSHAGS BSDAMS BYED GSUNG NAS MDZAD CING 'KHOR RNAMS KYANG TSUL DE NYID LA SBOR BAR MDZAD DE, GANGS

, ,RI'I KHROD 'DIR SANGS RGYAS KYI BSTAN PA CHES CHER NYAMS PAR GYUR PA GTING NAS MA BZOD PA'I THUGS KYIS BSTAN PA RIN PO CHE'I RMAD DKA' BA CHEN POS GZHI NAS 'DZUGS PAR MDZAD PAS PHYI RABS GANGS RI'I KHROD KYI SKYE BO YONGS LA RGYAL PA NYID DANG MTSUNGS PAR BKA' DRIN CHE BA YIN NO, ,GNYAL DU BZHUGS DUS DBYANGS CAN MA'I GSUNG GIS DGUNG LO LNGA BCU RTZA BDUN THUB DE BAR RANG GZHAN GYI DON DPAG TU MED PA 'GRUB GSUNG BA LA, RJE BTZUN MA RNAM PAR RGYAL MA SOGS LA GSOL BA BTAB CING BSNYEN BSGRUB MANG DU BYAS BAS DE LAS RING ZHIG THUB PAR MI 'GYUR RAM ZHES ZHUS PAS DE THAMS CAD PHAL CHER SNGON GYI SMON LAM GYI SHUGS DANG, CHOS RAB TU RNAM 'BYED KYI SHES RAB LA THUGS 'DUN CHES PA LA SOGS PA'I DNGANG GIS BLO GROS GONG NAS GONG DU 'PHEL BA'I RGYU 'BA' ZHIG TU SONG BAS SKU CHE LA DE TZAM DU PHAN PA MA BYUNG ZHES GSUNG BA ZHIG BYUNG, RJE BTZUN 'JAM BA'I DPYANGS KYI SKU DANG GSUNG GI SNANG BA RGYUN DU 'BYUNG BA'I GRUB CHEN 'JAM DPAL RGYA MTSO BA LA RJE BTZUN 'JAM PA'I DBYANGS KYIS DA PHAN CHAD SKU TSE'I BAR CHAD LA SGOS SU DMIGS PA'I BZLOG THABS DANG, SKU TSE BSRING BA'I PHYI NANG GI RTEN 'BREL LEGS BAR BSGRIGS NA DKA' SE BA ZHIG LA BZLOG PAR NUS SO ZHES GSUNG BA BYUNG, YANG GNYAL GYI SENG GE RDZONG NA BZHUGS DUS RJE BTZUN 'JAM PA'I DBYANGS LA, SNGAGS MTSAN NYID KYI LAM GYI NGO BO DANG,

GO RIM GRANGS NGES SOGS DANG KHYAD PAR ZHI LHAG GI NYAMS LEN GYI GNAD RNAMS ZHUS PAS, DA NGED LA YANG YANG 'DRI MI DGOS, GZHUNG CHEN MO RNAMS LA ZHIB PAR DPYOD DANG, NGED KYIS BSTAN PA RNAMS DANG PHAL CHER MTHUN BA SHA STAG 'ONG, MI MTHUN PA RE TZAM BYUNG NA 'DOR SBUS GDAMS NGAG TU 'DOD PA RNAMS LA 'BAB KYI GZHUNG CHEN MO RNAMS 'DOR DU MI RUNG NGO ZHES GSUNG ZHING, MAN NGAG GIS LDE MIG BYAS NAS MDO RGYUD DGONGS 'GREL DANG BCAS PA RNAMS LA DPYAD BAS, DPYAD PA RDZOGS PA'I TSAD NI LUNG RIGS KYI LAM NAS DRANGS PA'I NGES PA RNYED NAS BLOS DON DER THAG BCAD PA NA GTING NA MI BDE BA'I RNAM PA MED PA CIG 'ONG, DE DUS DON DE LA DPYAD PA RDZOGS PA YIN NO ZHES GSUNG STE, PHYIN CHAD 'KHRUL MED RANG ZHIG BYUNG GSUNG NGO, ,DE NAS DPYID GNYAL GYI SGANG CHUNG DU BZHUGS, DGE 'DUN RNAMS LA CHOS MANG DU GSUNGS, GRONG PA SKYE BO'I TSOGS DPAG TU MED PA DAD PA DRAG PO DANG BCAS TE 'DUS PA THAMS CAD KYANG BSNYEN GNAS DANG SKYABS 'GRO SOGS 'PHRAL DANG YUN DU PHAN PA'I DGE PA LA LEGS PAR SBYAR ZHING, RJE NYID KYIS THOG MA MDZAD DE THAMS CAD BSKUL NAS TSVA TSVA 'BUM THER MANG PO BTAB CING PHYIS KYANG TSUL DE NYID SGRUB PA LA SBYOR BAR MDZAD DO, ,DE NAS GNYAL SDONG RAB KRONG DU BYON, DBYAR BZHUGS MDZAD, GNAS DER SRAS KYI THU BO RJE DAR MA RIN CHEN GYIS MJAL, RNAM 'GREL GYI LAM KHRID GSAN

, ,PAS RJE RIN PO CHE'I GSUNG LA YID CHES KYI DAD PA BRTAN PO RNYED NAS DE PHYIN RJE'I ZHABS 'BRING DU BZHUGS SO, ,DE NAS GNYAL PHYOGS KYI SDE SNOD 'DZIN PA THAMS CAD 'DUS PA LA CHOS 'KHOR RGYA CHEN PO MDZAD DO, ,DE LTAR GNYAL PHYOGS SU BSTAN PA DANG SEMS CAN GYI DON RMAD DU BYUNG BA RNAMS LEGS PAR MDZAD NAS SLAR YANG 'OL KHAR PHEBS, DE NAS 'O DE GUNG RGYAL GYI LHA ZHOL DBEN GNAS LHA SDINGS SU LO GCIG BZHUGS CHOS MANG DU GSUNGS RJE 'DIS THAL RANG GI LTA BA'I GNAD RNAMS LA BYA BRAL LA 'BYON PA'I GONG NYID NAS DE BAR DU DPYAD PA NAR MAR MDZAD NA'ANG, MTHAR THUG PA'I GNAD LA MI BDE BA GTAN NAS LOG PA'I NGES PA 'DREN MA THUB GSUNGS TE, DENG SANG GI GDUL BYA MI RTAG PA PHRA MO'I GNAS TSUL TZAM YANG MA RTOGS PAR ZAB MO DBU MA'I LTA BA RTOGS PAR KHAS 'CHE PA DANG LAS 'BRAS LA YID CHES PA'I BSAM PA MED PAR DBU MA'I LTA BA RTOGS PAR KHAS 'TSO BA RNAMS LA THUGS BRTZE PAS DGONGS TE 'DI LTA BU'I TSUL BSTAN TE ZAB MO DBU MA'I LTA BA SHIN TU RTOGS DKA' BA NI RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES CHOS THAMS CAD KYI GNAS LUGS SPROS PA'I MTHA' THAMS CAD DANG BRAL BA'I STONG BA NYID NI SHIN

RTOGS DKA' BAS MTHA' DAG BAR RTOGS PA SRID MTHA' TZAM DU GSUNGS BA DANG, 'PHAGS PA KLU SGRUB KYI ZHAL NAS, RE SHIG LUS 'DI MI GTZANG NYID, ,RAGS SHING MNGON SUM SPYOD YUL BA, ,RTAG TU SNANG BA'ANG GANG GI TSE; ;SEMS LA GNAS PA MA YIN PA, ,DE TSE DAM CHOS GNAS MED PA, ,PHRA RAB MNGON SUM MA YIN PA, ,ZAB MO DE KO JI LTA BUR, ,SEMS LA BDE BLAG 'JUG PAR 'GYUR, ,CHOS 'DI ZAB PHYIR SKYE BO YIS, ,SHES PAR DKA' BA THUGS CHUD DE, ,DES NA THUB PA SANGS RGYAS NAS, ,CHOS BSTAN PA LAS LOG PAR GYUR, ,CAS MI RTAG PA LA NGES SHES MA 'DRONGS PAR DBU MA'I LTA BA RTOGS PA MI SRID PAR GSUNGS PA LTAR RO, ,RJE RIN PO CHES GNAS DER BLA MA DANG RJE BTZUN 'JAM PA'I DBYANGS THA MI DANG DU BYAS PA LA GSOL BA DRAG TU 'DEBS PA DANG, RIGS PA'I DPYAD PA ZHIB PAR MDZAD PAS BYIN GYIS BRLABS PA'I MTSAN MA KHYAD PAR CAN BYUNG, SLOB DPON SANGS RGYAS BSKYANGS KYI 'GREL PA BUDDHA P'A LI TA LA LEGS PAR GZIGS PAS KYANG 'TSAMS SBYAR TE, MGON PO KLU SGRUB YAB SRAS KYI LTA BA'I GNAD MTHAR THUG PA DANG, DGAG BYA'I MTSAMS 'DZIN SOGS LA SNGAR DANG MI 'DRA BA'I NGES PA GTING TSUGS PA 'KHRUNGS SHING MTSAN 'DZIN GYI DMIGS GTAD THAMS CAD ZHIG ,DE KHO NA NYID KYI DON LA MTHA' GZHAN DU DOGS PA'I SGRO 'DOGS LHAG MA MED PAR DRUNGS PHYUNG BAR GYUR TE, STON BA LA SHES NAS DAD PA THOB PA'I

, ,SHUGS KYIS DRANGS PA ZAB MO RTEN CING 'BREL PAR 'BYUNG BA GSUNG BA'I SGO NAS BSTOD PA LEGS PAR BSHAD PA'I SNYING PO ZHES BYA BA MDZAD DO, ,RJE RIN PO CHE'I MDZAD BA RNAM THAR 'DI DAG LA BLO GROS CAN RNAMS KYIS LEGS PAR DPYOD SHES NA BYANG CHUB LAM GYI RIM PA'I GO RIM LA NGES PA PHUL PHYIN STER ZHING BYANG CHUB LAM RIM GYI RTZA BA'I GDAMS NGAG GI GZHUNG MNGON RTOGS RGYAN DU, SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,ZHES GSUNGS PA'I DON LA NGES PA CHEN PO SKYE'O, ,DBU MA'I LTA BA 'KHRUL MED RNYED PA'I TSE SNANG PA JI LTAR 'CHAR BA NI RJE NYID KYI ZHAL NAS DA LTA LEGS BAR GOMS PAS RJES THOB TU'ANG SNA TSOGS PA'I SNANG BA 'DI THAMS CAD STONG BZHIN DU SNANG BA'I SGYU MA LTAR 'CHAR GYI, STONG PA NYID KYI RGYAS MA THEBS PA'I SNANG BA RANG DGA' BA CHER MI 'CHAR BAR 'DUG ,CES GSUNG NGO, , RJE BLA MA 'DIS BYANG CHUB LAM GYI RIM PA LA MYONG BA THON BAR BYED PA LA TSUL 'DI LTAR BYA DGOS SO ZHES GDUL BYA RNAMS LA 'DOMS PA'I PHYIR BLA MA DANG YI DAM THA MI DAD DU BYAS NAS GSOL BA 'DEBS PA DANG, BSAG SBYANG LA RTZE GCIG TU BRTZON PAR MDZAD CING, SKYE BO PHAL BA RNAMS KYI BLO YUL DU SHONG DKA' BA'I BSNYEN SGRUB LA RGYUN MI 'CHAD DU BRTZON PAR MDZAD PAS LHAG PA'I LHA DU MAS BYIN GYIS BRLABS PA'I TSUL DPAG PAR DKA' BA YOD LA, KHYAD

PAR; RGYAL BA KUN GYI YAB GCIG RJE BTZUN 'JAM PA'I DBYANGS KYI ZHAL MNGON SUM DU GZIGS SHING RGYUN DU DGE BA'I BSHES GNYEN MDZAD PA'I STOBS KYIS GSUNG RAB MTHA' DAG GI DON LA 'KHRUL PA MI MNGA' BAR GYUR BA YIN LA, GSUNG RAB KYI DON CI 'DRA BA'I RTOGS DKA' BA ZHIG YIN NA'ANG, THOG MAR RIGS PAS ZHIB TU DPYAD PAS PHAL CHER DGONGS 'ONG, DE LTAR MDZAD KYANG THUGS NGES MTHA' CHOD PA 'DREN MA THUB PA RNAMS LA, BLA MA DANG RJE BTZUN 'JAM PA'I DBYANGS THA MI DAD LA GSOL BA DRAG TU BTAB CING MAndAL PHUL BAS, DE MA THAG 'BAD MED DU DPYIS PHYIN PAR DGONGS NAS 'ONG BA NI RJE NYID KYI THUGS SRAS THAMS CAD LA MTHUN SNANG DU YOD PAR GSUNGS, GZHAN YANG RJE BTZUN 'JAM PA'I DBYANGS KYI SKU DANG GSUNG GI SNANG BA JI LTAR BYUNG PA SOGS DAG PA'I GZIGS SNANG MTHA' YAS PA'I RNAM BAR THAR PA NI RGYAL BA NANG PHAN TSUN GYI SPYOD YUL YIN PAS MTHA' DAG BRJOD BAR GA LA NUS, RJE BTZUN 'JAM BA'I DBYANGS KYIS RGYUN DU ZHAL BSTAN NAS BYA BA THAMS CAD RJE BTZUN 'JAM PA'I DBYANGS LA ZHUS NAS MDZAD PA NI, RJE NYID KYI ZHAL NAS GSUNG RAB KYI DON LA TSUL JI LTAR DPYOD, DPYAD PA RDZOGS MA RDZOGS, NYAMS LEN GYI GNAD, GDUL BYA JI LTAR BKRI, 'KHOR JI LTA BU BSTEN, GNAS JI LTA BUR SDOD PA SOGS PHAL CHER RANG BZOS ZHUGS PA MA BYAS ZHES GSUNG NGO, ,DE NAS STON 'OL KHAR BYON, DGUN DPYID

, ,'GAR PHUG TU BZHUGS NAS 'OL KHA'I DGE 'DUN RNAMS LA CHOS MANG DU GSUNGS SO, ,DE NAS AE'I TE'U RAR BYON, DBYAR BZHUGS MDZAD, AE PA'I DGE 'DUN RNAMS LA CHOS MANG DU GSUNGS SHING SKYE BO THAMS CAD DGE BA'I LAM LA BKOD, DE NAS 'OL KHA'I BRAG GDONG DU BYON, DGUN BZHUGS MDZAD, DE NAS RDZING PHYIR JO BO BYAMS PA'I DRUNG DU ZHAG BCO LNGA'I RING LA MCHOD PA RGYA CHE ZHING BKOD PA YID 'PHROG PA RGYUN MI 'CHANG PAR MDZAD DE BSTAN PA DANG SEMS CAN 'BA' ZHIG LA DGONGS NAS 'PHRAL DANG YUN DU PHAN BDE RGYAS PA'I SMON LAM RLABS CHE BA MDZAD DO, ,DE NAS SMAN LUNG GI RGYA SOG PHUR CHO 'PHRUL CHEN PO'I DUS MCHOD ZHAG BCO LNGA'I RING LA MCHOD PA RGYA CHE ZHING BKOD PA PHUN SUM TSOGS PA BSHAMS TE TING NGE 'DZIN GYIS BYIN GYIS BRLABS NAS MCHOD YUL THAMS CAD MNYES PAR BYED PA'I MCHOD BA'I CHO GA DANG, 'PHRAL DANG YUN GYI PHAN BDE RGYAS PA'I SMON LAM DPAG TU MED PA MDZAD PA'I SKABS SU, MCHOD PA'I ZHING PHYOGS BCU'I DE BZHIN GSHEGS PA RNAMS SPYAN 'DREN BA'I THUGS KYI 'DUN PA SHUGS DRAG PO MDZAD BA NA, SHAR PHYOGS KYI DE BZHIN GSHEGS PA THAMS CAD SKU MDOG DKAR PO RNAM SNANG GI RNAM PAS SHAR PHYOGS KYI NAM MKHA'I KHYON THAMS CAD GANG BAR 'KHRIGS PA DANG, DE BZHIN DU LHO PHYOGS DANG NUB DANG BYANG DANG DBUS SAM STENG GI NAM MKHA'I KHYON THAMS CAD RIM

PA BZHIN DU, RIN 'BYUNG, 'OD DPAG MED, DON GRUB, MI BSKYOD PA'I RNAM PA CAN GYI DE BZHIN GSHEGS PAS KHYAB CING, BKOD BDE 'DRA BA'I SGO NAS STENG DANG LOGS KYI NAM MKHA'I KHAMS THAMS CAD BAR MTSAMS MED PAR DE BZHIN GSHEGS PA'I SKUS GUR PHUB PA LTAR GYUR TE MCHOD PA BDAG GIR MDZAD PA'I GZIGS SNANG DNGOS SU 'CHAR PA YANG YANG BYUNG, PHYIS LHA SAR CHO 'PHRUL CHEN PO'I MCHOD PA RGYA CHEN PO BSAM GYIS MI KHYAB PA SMON LAM CHEN MOR GRAGS PA MDZAD PA'I DUS SU'ANG GZIGS SNANG DE 'DRA BA NAR MAR BYUNG STE, DE DUS MCHOD YUL DANG MCHOD BA THAMS CAD LA BDE STONG GI RGYAS BTAB CING MCHOD PA PHUL BAS DE THAMS CAD BDE STONG GI RAM ROL DU 'CHAR BA BYUNG GSUNG NGO; ;DE NAS DPYID RJE DAR MA SRIN CHEN GYI ZHAL SNGA NAS GTZO MDZAD, SDE SNOD 'DZIN PA NYIS BRGYA LHAG TZAM LA CHOS MANG DU GSUNGS, DE NAS NYANG PO PHYOGS NAS DAD PA CHEN BOS GSOL BA BTAB PA LA BRTEN NAS NYANG PO MDANG MDO'I DGON PAR BYON, DPYAR BZHUGS MDZAD, NYANG PO PHYOGS KYI DGE 'DUN RNAMS LA CHOS MANG DU GSUNGS SHING SKYE BO'I TSOGS LA PHAN PA RGYA CHEN PO MDZAD, DE'I SKABS SU DPON NAM MKHA' BZANG PO BAS RDOG LO CHEN BO'I GDAN SA PA SLOB DPON CHEN PO DKON MCHOG TSUL KHRIMS BA NGO CHEN LA SBRAN TE SKYID SHOD PHYOGS SU PHEBS BAR ZHU BA'I GSOL BA 'DEBS PA SNGA MO NAS NAR MAR YOD PA'I GTING BSKUL GYI GSOL 'DEBS PAS SLEBS BA DANG, JO BO RIN

, ,BO CHE MJAL BAR BZHED PAS KYANG THUGS DRANGS TE STON SKYID SHOD DU PHEBS, BO TA LAR BZHUGS NAS GSANG BDE GUNG GSUM, DGA' SKYOR ZUL GSUM GYI GDAN SA BA RNAMS KYIS THOG DRANGS PA'I SDE SNOD 'DZIN PA BRGYA PHRAG DU MA LA DBU MA SNANG BA, 'DUL BA, LAM RIM LA SOGS PA'I CHOS MANG DU GSUNGS, DE'I PHYI RES SOS KA DGA' BA GDONG DU BYON, THEG PA CHEN POR 'JUG BA RNAMS KYIS SANGS RGYAS DANG BYANG CHUB SEMS DPA' THAMS CAD DBANG POR BYAS TE KHAS BLANGS PA'I SEMS BSKYED KYI BSLAB BYA RNAMS LA JI LTAR BSLAB TSUL MTHA' DAG BAR SHES NAS TSUL BZHIN DU SLOB BA ZHIG MA BYUNG NA DE'I THEG PA CHEN PO BA MING TZAM DU 'GYUR BAR DGONGS SHING, GSANG SNGAGS RDO RJE THEG PA LA 'JUG PAR 'DOD NA LAM MTHUN MONG PA LA LEGS PAR BLO SBYANGS PA'I STENG DU BLA MA BSTEN TSUL THEG CHEN THUN MONG BA'I SKABS SU BSTAN PA LAS KYANG CHES KHYAD PAR DU GYUR PA ZHIG GI SGO NAS DBANG BSKUR RGYUD SDE DANG MTHUN PA ZHIG BLA MA MTSAN NYID DANG LDAN BA LAS MNOS TE, DE'I DUS SU KHAS BLANGS PA'I DAM TSIG DANG SDOM PA RNAMS MIG GI 'BRAS BU LTAR GCES BAR 'DZIN CING, KHYAD BAR RTZA LTUNG LA SROG BSDOS BYAS NAS LEGS PAR SDOM PA ZHIG MA BYUNG NA KHAS BLANGS PA'I DAM TSIG YAL BAR DOR NAS SNGAGS KYI LAM LA SLOB PA SKAD BYAS KYANG NGAN 'GRO MI BZAD PA'I SGO 'BYED BAR DGONG NAS, AE MA THEG PA CHEN PO SPYI DANG KHYAD PAR BA LA SLOB PAR 'DOD PA

DAG TSUL 'DI LTA BUS SPYOD PAR GYUR NA CI MA RUNG SNYAM DU SNYING NAS SHAS MA BZOD PA'I THUGS BRTZE BA CHEN POS KUN NAS BSLANGS TA GDUL BYA RNAMS LA'ANG TSUL DE NYID 'DOMS PAR MDZAD DO, ,DER YANG BYANG SA'I TSUL KHRIMS LE'U; BLA MA LNGA BCU PA, RTZA LTUNG BCU BZHI BA RNAMS KYI BSHAD PA SHIN TU ZHIB PAR GSUNGS, DE'I CHOS MJUG LA BLA MA RJE BTZUN RED MDA' PA CHEN PO'I ZHAL SNGA NAS MNGA' RIS NAS BYON, DBYAR GNAS STAG TSANG DU MDZAD DE DBUS SU BYON NAS DGA' BA GDONG DU PHYAGS PHEBS, BSU BA DANG, BSNYEN BKUR DANG, ZHABS TOG RMAD DU BYUNG BA MDZAD NAS DPON SLOB GNYIS KAS CHOS MANG DU GSUNGS, DE NAS YAB SRAS GNYIS KA'ANG DBEN PA LA DGYES SHING, BYANG RA SGRENG GI DBEN PA'I GNAS KYI BSNGAGS BA GTAM DU BRJOD PA SNYAN DU SON PAS KYANG THUGS G-YOS PAR GYUR LA DPAL LDAN AA TI SHAS LUNG BSTAN PA'I GNAS, STON PA RIN PO CHE YAB SRAS KYI GDAN SA, BKA' GDAMS PA'I DAM PA'I CHOS KYI CHU BO THAMS CAD KYI 'BYUNG KHUNGS SU GYUR PAS KYANG GZIGS PAR BZHED DE YAB SRAS GNYIS KYIS THOG MA MDZAD PA'I DGE 'DUN SDE SNOD 'DZIN PA MANG PO'I TSOGS DANG BCAS PAR SGRENG LA PHYAGS BTEG GDAN BZHUGS RA SGRENG DU MDZAD, BLA MA RJE BTZUN CHEN POS RIGS PA DRUG CU BA DANG GSANG 'DUS RIM LNGA SOGS GSUNGS, RJE RIN PO CHES THEG PA CHEN PO MDO SDE RGYAN DANG, DBUS MTHA' DANG, KUN LAS BTUS DANG, NYAN SA LA SOGS PA

, ,THAMS CAD GUNG LEGS PAR BSGRIGS TE ZHI GNAS KYI BSHAD PA MTHA' DAG PAR GSUNGS SHING, SGOM DU BCUG PAS 'GA' ZHIG GI RGYUD LA GSUNG RAB DANG MTHUN PA'I ZHI GNAS KYI MYONG BA KHYAD PAR CAN 'KHRUNGS, YAB SRAS GNYIS KYIS SNGAGS DANG MTSAN NYID KYI LAM GYI GNAD DU MA LA 'BEL BA'I GTAM GYI BKA' MCHID SHIN TU ZHIB BAR MDZAD, DE NAS CHOS RJE LO TZ'A BA DANG, 'BRI KHUNG CHOS RJE GNYIS KAS ZHAL 'DZOM PAR ZHU BA'I PHO NYA DANG GSUNG 'PHRIN NAR MAR BYUNG BAS, RJE RIN BO CHES DPYID 'OG 'BRI KHUNG DU BYON, CHOS MANG DU GSUNGS, SPYAN SNGA RIN PO CHE CHOS KYI RGYAL PO LA N'A RO CHOS DRUG DANG, PHYAG CHEN LHAN CIG SKYES SBYOR LA SOGS BA GSAN, DE NAS RJE RIN PO CHE DANG RJE RED MDA' BA DANG CHOS RJE LO TZ'A BA SKYABS MCHOG DPAL BZANG GSUM GA GNAM TZENG LTENG DU AAR CHEN PO BYANG CHUB YE SHES KYI GTZUG LAG KHANG DU ZHAL MNGON PAR 'DZOM ZHING, DBON YON TAN RGYA MTSO BAS DAD PA DANG GTONG BA SHIN TU YANGS PA'I BSAM PA RGYA CHEN POS ZHABS TOG BYAS TE SDE SNOD GSUM 'DZIN PA'I MKHAS PA'I DBANG PO DU MAS THOG DRANGS PA'I DGE 'DUN DRUG BRGYA LHAG TZAM GYIS DBYAR GNAS PAR ZHAL GYIS BZHES NAS CHOS RJE GSUM GAS KYANG BSTAN PA RIN PO CHE'I DAG TER RNAM PAR DAG PA ZHIG MDZAD PAR DGONGS SHING, DE YANG JI SRID DU RGYAL BA'I BSTAN PA'I NANG MDZOD 'DUL BA RDZOGS PAR YOD BA DE SRID DU SANGS RGYAS KYI BSTAN PA YOD LA,

DE MED NA MED PAR GSUNGS PA DE NYID THUGS LA LCI BAR GYUR NAS BSTAN PA 'BA' ZHIG LA DGONGS PA'I THUGS KYIS 'DUL BA MDO RTZA BA'I BSHAD PA RGYAS PA RE GSUNGS SHING DE'I DUS SU GZHI BCU BDUN NAS GSUNGS PA'I BCAS PA PHRA MO ZHIG YAN CHAD DA LTA'I GANG ZAG GIS NYAMS SU BLANG NUS RNAMS DANG, RNAM 'BYED NAS 'BYUNG BA'I BCAS PA RNAMS LAS 'DAS PA'I LTUNG BA THAMS CAD RANG RANG GI MING RIGS KYIS PHYIR 'CHOS PA'I CHO GA JI LTAR BSHAD PA BZHIN GYI PHYAG LEN RNAM PAR DAG PA'I SROL LEGS PAR BTZUGS TE, DE'I TSE 'DUL BA GSAN PA PHAL CHE BA SKYANG RANG RANG GI RGYUD LA BRTAGS NAS LTUNG BA PHRA RAGS THAMS CAD BSHAGS YUL MANG NYUNG GI BYE BRAG DANG, DNGOS PO SPANGS PA'I CHAD LAS SNGON DU GTONG BA SOGS JI LTAR BSHAD PA BZHIN DU PHYAG LEN LA BTAB NAS PHYIR BCOS MDZAD DE, DE PHYIN CHAD PHYAG PHYI LA GNYUG MAR GNAS PA LA PHAL CHE PAS NYIN RE BZHIN RANG RANG GI RGYUD LA BRTAGS NAS LTUNG BA NGANG YUN DU MI 'GROGS PAR PHYIR 'CHOS PA DANG, YO BYAD BYIN BRLAB, RUNG KHANG GCOD PA, NUB LHAG NYAL BSRUNG SOGS KYI PHYAG LEN DAG LA'ANG CHES BRTZON PAR MDZAD NA DE TZAM DU BSGRUB MI DKA' BA RNAMS LA NI LTA SMOS KYANG CI DGOS, DE BAS NA SANGS RGYAS KYI BSTAN PA'I RTZA PA SO SOR THAR PA'I RMANG RDZOGS PAR GSOS PAS BSTAN PA LA BYA BA MDZAD PA ZHIG LA 'DI YA MTSAN BA YIN NO, ,ZHES MKHAS GRUB THAMS CAD MKHYEN PA

, ,GSUNGS TE, GANGS RI'I KHROD 'DIR 'DUL BA LUNG SDE BZHI'I DON SLOB DPON YON TAN 'OD KYIS BKRAL BLTAR DGAG SGRUB GNANG GSUM GYI BCAS MTSAMS MTHA' DAG RGYAL BA RANG NYID KYI DGONGS PA JI LTA BA BZHIN DU 'CHAD SHES PA DANG, BSHAD PA LTAR DU BCAS MTSAMS MTHA' DAG LAG TU LONGS BA DANG, DE YANG BYANG CHUB LAM GYI RIM PA DANG SBYAR TE THEG BA CHE CHUNG GNYIS KA'I LAM GYI GZHI RTEN DU 'GYUR BA DANG, RGYAL SRAS KYI SPYOD PA LA SLOB PA'I TSE 'BRAS BU GZUGS SKU BSGRUB PA'I THABS SU 'GYUR BAR BYED PA SOGS RGYAL BA DGYES PA'I LAM LA SLOB BAR 'DOD PA RNAMS LA BKA' DRIN ZLA MED DU MDZAD DO, ,GZHAN YANG GNAS DER DBU MA DANG TSAD MA RNAM 'GREL LA SOGS PA'I CHOS GYI 'KHOR LO MANG DU BSKOR, DGAG DBYE THON NAS RJE BTZUN RED MDA' BA GCANG LA PHEBS RJE RIN PO CHE DANG LO CHEN SKYABS MCHOG DPAL BZANG GNYIS 'KHOR DANG BCAS PA SLAR RA SGRENG DU BYON NAS BRAG SENG GE'I ZHOL DU RJE RIN PO CHE'I BZHUGS GNAS BTAB STE JO BO'I SKU 'DRA DBU YON MAR GRAGS PA SPYAN DRANGS RJE RIN PO CHES SKU MTSAMS MDZAD DE JO BO'I SPYAN SNGAR MCHOD PA RGYA CHEN PO BSHAMS NAS GSOL BA SHUGS DRAG LA RGYUN RING BAR 'DEBS BAR MDZAD PAS STON PA THUB PA'I DBANG PO NAS LHO BRAG GRUB CHEN DANG GRVA SKOR MKHAN CHEN GYI BAR LAM RiM BRGYUD BA'I BLA MA RNAMS ZHAL GZIGS, DE'I TSE LAM RIM BLA MA BRGYUD PA'I GSOL

'DEBS LAM MCHOG SGO 'BYED GSAR RTZOM MDZAD DE, DE'I SGO NAS GSOL BA SHUGS DRAG LA RGYUN RING BA 'DEBS PAR MDZAD BAS BYIN GYIS BRLABS PA'I MTSAN MA KHYAD BAR CAN MAR DU BYUNG ZHING GDAMS PA DANG RJES SU BSTAN PA'ANG MANG DU GSUNGS, MTHAR LAM RIM BRGYUD PA'I BLA MA RNAMS RIM GYIS THIM STE JO BO RJE DANG, PO TO BA, SHA RA BA RNAMS YUN RING DU ZHAL GZIGS, MTHAR PO TO BA DANG SHA RA BA YANG JO BO LA THIM, JO BO RJES RJE RIN PO CHE'I DBU THOG TU PHYAG BZHAG STE BSTAN PA LA BYA BA RGYA CHEN PO GYIS, BYANG CHUB SGRUB PA DANG SEMS CAN GYI DON BYED PA'I GROGS BDAG GIS BGYI GSUNG NAS MI SNANG BAR GYUR, DE NAS RJE RIN PO CHES RGYAL BA'I BSTAN PA LA BYA BA BYED PA'I MCHOG NI GSUNG RAB DGONGS 'GREL DANG BCAS PA MTHA' DAG GI DON GANG ZAG GCIG GI NYAMS LEN GYI RIM PAR BSDUS TE PHYI RABS KYI GDUL BYA RNAMS KYIS NYAMS SU BLANG BDE BA ZHIG RTZOM PAR BZHED PA 'KHRUNGS SHING, LO CHEN SKYABS MCHOG DPAL BZANG PO SOGS MANG POS KYANG BYANG CHUB LAM GYI RIM PA'I KHRID YIG RGYAS PA ZHIG CI NAS KYANG MDZAD DU GSOL ZHES GSOL BA SHUGS DRAG TU BTAB, PHYOGS BCU'I RGYAL BA SRAS BCAS THAMS CAD KYIS KYANG THUGS RJE BSKUL BAR MDZAD, DKAR PHYOGS KYI LHA DANG SRUNG MA MANG POS MTHUN BA'I RKYEN SBYAR TE RGYAL BA'I GSUNG RAB MTHA' DAG GI GNAD BSDUS PA, SHING RTA CHEN PO KLU SGRUB DANG THOGS MED GNYIS KYI LAM SROL, BYANG CHUB LAM GYI RIM PA'I

, ,SGO NAS SKAL BA DANG LDAN PA SANGS RGYAS KYI SAR 'KHRID PA'I TSUL RGYAS PAR STON PA LAM RIM CHEN MO'I RTZOM PA MDZAD, DE LTAR RA SGRENG GI BRAG SENG GE'I ZHOL DU BYANG CHUB LAM RIM CHEN MO RTZOM PA MDZAD PA'I TSE PHYOGS BCU'I RGYAL BA SRAS BCAS THAMS CAD KYIS BYIN GYIS BRLABS BA DANG, RMA CHEN SPOM RA DANG GNYEN CHEN THANG LHA SOGS BOD KYI GZHI BDAG LHA CHEN RNAMS KYIS KYANG MTHUN PA'I RKYEN SBYAR ZHING BDAG CAG RNAMS LA'ANG SMON PA'I TSIG SBYAR BA ZHIG DGOS ZHES ZHUS PA LTAR RJE RIN PO CHES LAM RIM CHEN MO'I MJUG TU, SRAS BCAS RGYAL BA'I RMAD BYUNG 'PHRIN LAS LAS, ,LEGS GRUB BYANG CHUB LAM GYI RIM BAS KYANG, ,THAR 'DOD RNAMS KYI YID LA DPAL STER ZHING, ,RGYAL BA'I MDZAD PA RING DU SKYONG GYUR CIG ,LAM BZANG SGRIG PA'I MTHUN RKYEN SGRUB BYED CING, ,'GAL RKYEN SEL BYED MI DANG MI MIN KUN, ,TSE RABS KUN TU RGYAL BAS BSNGAGS PA YI, ,RNAM DAG LAM DANG 'BRAL BAR MA GYUR CIG ,CES SMON LAM MDZAD PA YIN ZHES LAM RIM CHEN MO'I BSHAD LUNG GI SKABS BLA MA GONG MA GCIG NAS GCIG TU BRGYUD PA'I GSUNG RGYUN LAS 'BYUNG NGO, ,DE LTAR LAM RIM CHEN MO'I RTZOM PA GRUB NAS 'KHOR RNAMS LA 'DI LTAR BKA' STZAL TE, DA PHYIN CHAD SNGAGS KYI CHOS THAN THUN 'CHANG 'DOD PAS, KHYED DRAG PA 'GA' RES CHOS RJE LO TZ'A BA LA DPAL GSANG BA 'DUS PA MI BSKYOD PA'I DBANG ZHUS LA SNGAGS

KYI SDOM PA GSOR CHUG GSUNG, DE NAS BLA MA 'JAM DKAR BA DANG, 'DUL 'DZIN GRAGS PA RGYAL MTSAN GNYIS KYIS GTZO MDZAD, NYI SHU RTZA LNGAS DBANG ZHUS, DE YANG RJE RIN PO CHE RANG GIS SMON 'JUG GI SDOM PA PHOG PA 'GA' ZHIG MA GTOGS GZHAN RNAMS LA CHOS RJE LO TZ'A BAS SMON 'JUG GI SDOM PA PHOG CING, DE NAS DBANG BSKUR BAR MDZAD DO, ,GZHAN YANG GNAS DE NYID DU, RJE RIN PO CHE RANG NYID KYIS SNGAR GNAM RTZENG LTENG DANG LAM PA DGON PA SOGS SU SMON 'JUG GI SDOM PA GNANG BA 'GA' ZHIG GI GTZOS THEG PA CHEN PO'I LAM LA SLOB PAR 'DOD PA RNAMS LA THUGS BRTZE BAS DGONGS NAS BYANG SA'I TSUL KHRIMS LE'U'I RGYA CHER 'GREL YANG MDZAD CING, DON GNYER CAN MANG POS GSOL BA DRAG TU BTAB PA LA BRTEN NAS, RTZA LTUNG DANG BLA MA LNGA BCU PA'I RNAM BSHAD KYANG MDZAD DO, ,DE NAS LO CHEN SKYABS MCHOG DPAL BZANG PO BYANG CHUB LAM RIM GYI GLEGS BAM PHYAG TU BZHES SHING LEGS BSHAD RIN PO CHE'I SKYES KYIS THUGS KYI BANG MDZOD GTAMS TE GTZANG LA PHYAGS BTEG ,RJE RIN PO CHES DBYAR DGUN GNYIS TZAM DE NYID DU BZHUGS NAS LAM RIM LA SOGS PA CHOS MANG DU GSUNGS, CHO 'PHRUL CHEN PO'I DUS MCHOD LA MCHOD PA DANG SMON LAM SHIN TU RLABS CHE ZHING NGO MTSAR BA MDZAD DO, ,DE NAS RIM GYIS BYON NAS LHAS PHU DGON GSAR DU PHYAGS PHEBS, BLO GROS DANG LDAN PA'I SDE SNOD 'DZIN PA DU MA

, ,LA TSAD MA RNAM 'GREL GYI BRJOD BYA'I GTZO BO MTHA' DAG RIGS PA'I LAM NAS DRANGS TE GZHUNG LAM GYI RIM PAR BSGRIGS NAS NYAMS LEN LA SBYAR TE GSUNGS PAS, SDE SNOD 'DZIN PA THAMS CAD SNGON LAN CIG KYANG MA MYONG BA'I LEGS PAR BSHAD PA'I BDUD RTZI'I RO PHUL DU BYUNG BA MYONG BAS YID RANG DBANG MED PAR PHROGS TE NGO MTSAR BA'I GTAM GYIS DUS 'DA' BAR BYED CING, DE PHYIN CHAD KYANG SKABS SKABS SU GSUNGS PAS, SNGON CHAD GANGS RI'I KHROD 'DIR TSAD MA TSIG GI NA YAM MAM, PHYI'I GO RGYA GCOD PA'I TSE BSTAN BCOS GZHAN BLTA BA LA BLO CUNG ZAD DRAG TU 'GRO BA'I YAN LAG TZAM DU NYE BAR MKHO BAR ZAD KYI, 'DI NYAMS LEN LA MKHO BA'I THE TSOM TZAM YANG SU LA'ANG MED PAS, PHAL MO CHE ZHIG DON MA YIN PA SKYED PAR BYED BA LA, DA LTA BLO GROS DANG LDAN ZHING GZU BOR GNAS PA DAG LA, 'DI NYID NYAMS LEN STON PA'I BSTAN BCOS SHIG LA RMAD DU BYUNG BA'I PHYOGS MTHONG TZAM YOD PA 'DI NI RJE RIN PO CHE 'DI 'BA' ZHIG GI THUGS RJE LA BRTEN PA YIN TE, 'DI TZAM GYI BKA' DRIN YANG GANGS CAN PA YONGS KYIS GSAB PAR SLA BA MA YIN NO, ,DE DUS RJE RIN PO CHES TSAD MA'I LAM BSGRIGS GSUNGS PA RNAMS RJE DAR MA RIN CHEN GYIS ZIN BRIS SU BTAB STE DENG SANG TSAD MA'I BRJED BYANG DU GRAGS PA 'DI YIN NO, ,DE NAS MI'I DBANG PO GRAGS PA RGYAL MTSAN BAS NAN CHER GSOL BA BTAB BA

LA BRTEN NAS 'ON BDE CHEN STENG DU PHEBS, SDE SNOD 'DZIN PA BRGYA PHRAG DU MA 'DUS PA RNAMS KYIS DE NYID DU DBYAR GNAS PAR ZHAL GYIS BZHES TE, RGYAL BZANG SMON MKHAR NAS ZHABS TOG BSAM GYIS MI KHYAB PA BSGRUBS, BYANG CHUB LAM GYI RIM PA'I KHRID DANG, DBU TSAD KYI DKA' BA'I GNAS 'GROL BA'I CHOS MANG DU GSUNGS, DE NAS 'O DE GUNG RGYAL GYI LHA ZHOL 'OL KHA'I BYAMS PA GLING DU PHYAGS PHEBS DON GNYER CAN RNAMS LA LAM RIM DANG BSKYED RDZOGS KYI CHOS MANG DU GSUNGS, DE NAS RJE RIN PO CHE SKU MTSAMS SHIN TU DAM PA LA BZHUGS TE BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG TU 'DEBS PAR MDZAD PAS, RJE BTZUN 'JAM PA'I DBYANGS KYIS SLOB DPON KLU'I BYANG CHUB KYIS MDZAD PA'I GSANG BA 'DUS PA'I MAN NGAG RNAM GZHAG RIM PA'I t'IKKA ZHIG BYAS NA BSTAN PAR PHAN CHE ZHES GSUNGS PA LTAR RNAM GZHAG RIM PA'I t'IKKA MDZAD DE DON GNYER CAN RNAMS LA ZHIB PAR GSUNGS, DE YANG SPYIR RIM LNGA'I DON DANG, KHYAD PAR RIM PA GSUM PA'I SGYU LUS KYI SGRUB TSUL SOGS DPAL GSANG BA 'DUS PA'I RTZA BSHAD KYI RGYUD DANG, 'PHAGS PA YAB SRAS LNGA'I GZHUNG NAS 'BYUNG BA'I DON THUN MONG MA YIN PA RAGS PA RNAMS DPYIS PHYIN PA ZHIG LEGS PAR GO NAS DE DUS LO BCU LHAG SONG BA LA DE BAR DU SMRA MA NUS ,DE NAS DE DUS ZUR TZAM SMRAS PA YIN ZHES GSUNG NGO, ,DE NAS LO CHEN SKYABS MCHOG DPAL BZANG PO DANG, SPYAN SNGA BSOD

, ,NAMS BZANG PO SOGS DAM PA MANG POS GSOL BA BTAB BA LA BRTEN NAS, RGYUD SDE BZHI'I LAM GYI LUS YONGS SU RDZOGS PA STON PA'I BSTAN BCOS CHEN BO GSANG CHEN LAM GYI RIM PA MDZAD DE GANGS RI'I KHROD 'DIR GSANG SNGAGS RGYUD SDE BZHI'I LAM GYI RIM BA LA SNGON MED PA'I SHING RTA'I LAM SROL PHYE BAR MDZAD DO, ,DE NAS SDE SNOD 'DZIN PA DU MA LA GSANG SNGAGS LAM RIM GSUNGS, DE'I TSE BAR CHAD KYI LTAS SHIN TU RTZUB BA CI RIGS BA BYUNG, DGE BSHES GCIG GNYIS KYANG 'DAS PA LA, DPON SLOB RNAMS KYIS SKU MTSAMS DAM BAR MDZAD DE THUGS DAM DANG ZLOG PA SOGS LA SHIN TU 'GRUS PAR MDZAD PAS TSEGS MED PAR BZLOG ,DE'I TSE BCOM LDAN 'DAS RDO RJE 'JIGS BYED KYI SGRUB THABS BDUD THAMS CAD LAS RNAM BAR RGYAL BA DANG SBYIN SREG GI CHO GA RGYAS BA'I RTZOM PA YANG MDZAD DO, ,RJE RIN PO CHE 'DI NYID THUGS DAM SGOM BZLAS SOGS MDZAD PA'I SKABS SU SKU MDUN NA YOD BA RNAMS KYIS SGO GSUM GYI SPYOD PA CI BYAS KYANG CHED DU GTANG NAS THUGS BCUG NA MA GTOGS THUGS KYIS DE RNAMS CI YANG MI NGES PA ZHIG YOD BAR GSUNGS, DE DUS THUGS SRAS RNAMS KYIS THUGS DAM RKYEN GANG GIS KYANG MI G-YENG BA 'DI DUS JI TZAM NAS LAGS ZHUS BAS, DGE SBYOR GYI DUS SU DE LTAR 'ONG BA BYAMS BA GLING NAS YIN, LTA

RTOG DANG DPYAD PA ZHIB PO BYED BA'I SKABS SU DE LTAR 'ONG BA SNGA MO NAS YOD CES GSUNG NGO, ,GNAS DER LO GNYIS BZHUGS, DE NAS BYANG CHUB LUNG DU DGUN BZHUGS MDZAD, SNGAGS MTSAN NYID KYI SDE SNOD 'DZIN PA BRGYA PHRAG DU MA LA GSANG SNGAGS LAM RIM GSUNGS, SOS KA SKYID SHOD DU BYON, SNE'U NAS DAD PA DRAG POS ZHABS TOG TSAD MED PA NAR MAR MDZAD DE DBYAR GNAS SER CHOS SDINGS SU BZHUGS, SKU MTSAMS SHIN TU DAM PAR MDZAD, GSANG 'DUS RIM LNGA DANG, DPYID THIG SOGS MA RGYUD KYI RDZOGS RIM 'GA' ZHIG GSUNGS, GNAS DER MKHAS GRUB BSTAN PA'I NYI MA DGE LAGS DPAL BZANG POS KYANG MJAL, DER GSOL BA 'DEBS PA MANG PO'I NGOR DBU MA RTZA SHE'I RGYA CHER 'GREL MDZAD PAR BZHED NAS GZHUNG GI RIGS PA'I DKA' GNAS PHRA MO RNAMS LA DPYAD PA ZHIB TU MDZAD PAS, RIGS PA PHRA MO 'GA' ZHIG LA DOGS PA CUNG ZAD DPYAD DKA' BA BYUNG NAS, BLA MA DANG RJE BTZUN 'JAM PA'I DBYANGS LA GSOL BA DRAG TU BTAB PAS, SKABS SHIG NA, SHES RAB KYI PHA ROL TU PHYIN PA'I MDO'I STONG NYID NYI SHU'I 'GRES RKANG RNAMS GSER BTZOM YI GER BKOD PA'I RNAM PAS BAR SNANG KHRIG GIS GANG BAR GZIGS PA YANG YANG BYUNG BAS, RTZA SHE'I RIGS PA SHIN TU PHRA BA RNAMS LA'ANG DOGS PA LHAG MA MED PAR 'BAD MED DU CHOD SONG GSUNG NGO, ,DE NAS RA KHA BRAG TU PHEBS NAS DRANG BA DANG NGES PA'I DON RNAM PAR 'BYED PA'I

, ,BSTAN BCOS LEGS BSHAD SNYING PO MDZAD, SE RA CHOS SDINGS SU RTZA SHE'I RNAM BSHAD CHEN MO MDZAD, DE'I TSE RGYA NAG GI RGYAL PO CHEN PO TA MING GIS RJE RIN PO CHE 'DI LA DAD PA CHEN POS LUNG DANG GNANG SBYIN DPAG TU MED PA'I 'BUL SKYEL DANG, RGYA YUL DU BSOD NAMS KYI ZHING DANG, SKYE BO MTHA' DAG LA DAM PA'I CHOS KYI BKA' DRIN MDZAD PA'I SLAD DU SPYAN 'DREN PA'I GSOL BA NAN CHER 'DEBS PA LA GSER YIG PA T'A ZHING BZHIS 'GO BYAS BRGYA PHRAG MANG PO MNGAGS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG, RJES SU MI DBANG GRAGS PA RGYAL MTSAN PAS GTZO MDZAD, DPON NAMKHA' BZANG PO BA DANG BCAS PA NGO CHEN LA SBRAN NAS GSER YIG PA RNAMS KYIS MCHI MA PHYUNG ZHING ZHU BA NAN GYIS PHUL BAS RJE RIN PO CHES SE RAR PHEBS, MJAL KHA GNANG, 'BUL BA RNAMS BZHES, RGYA YUL LA 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA NAN CAN ZHIB PAR BYON NAS BYAMS CHEN CHOS RJE SKU TSAB TU MNGAGS TE ^ GONG MA'I GSER YIG PA RNAMS PHYIR SLOG, DE NAS SE RA CHOS SDINGS SU SDE SNOD 'DZIN PA BRGYA PHRAG MANG BO TSOGS PA LA RTZA SHE; DRANG NGES RNAM 'BYED, BZHI BRGYA PA, GSANG SNGAGS LAM RIM, RTZA LTUNG DANG BLA MA LNGA BCU PA LA SOGS PA'I BSHAD PA ZHIB PAR GSUNGS SHING BYANG CHUB LAM GYI RIM PA'I KHRID KYANG GNANG, DE NAS GSANG PHU, BDE BA CAN,

DGA' SKYOR ZUL GSUM BCAS KYI GDAN SA PA, THANG SAG PA'I GDAN ZUR LA SOGS PA DGE BA'I BSHES GNYEN SDE SNOD 'DZIN PA DRUG BRGYA TZAM 'DUS PA LA SNE'U NAS DBYAR GNAS KYI BDAG RKYEN DANG, DPON SLOB RNAMS KYI SPYI SGOS ZHABS TOG PHUN SUM TSOGS PA MDZAD, DE LTAR SE RA CHOS SDINGS SU LO GNYIS TZAM BZHUGS NAS DGAG DBYE THON PA DANG ,MI DBANG GRAGS PA RGYAL MTSAN PAS GSOL PA BTAB PA LA BRTEN NAS SKYID SMAD GRUM BU LUNG DU PHYAGS BTEG, PHYAGS PHYIR BYON BA'I BSHES GNYEN LNGA BRGYA TZAM LA PHOGS DANG ZHABS TOG PHUL DU BYUNG BA MDZAD CING, GZHAN YANG PHYOGS MTHA' DAG NAS DAM PA'I CHOS GSUNG GI BDUD RTZI LEN PA LA 'DUS PA DANG BCAS DGE 'DUN STONG LONGS PA TZAM 'TSOGS SHING, DGUN BZHUGS DER MDZAD LAM RIM DANG BDE MCHOG L'U AI PA'I SGRUBS THABS DANG, MA RGYUD KYI RDZOGS RIM SOGS RGYAS PAR GSUNGS SO, ,DE NAS RJE RIN PO CHES GANGS RI'I LJONGS 'DIR RGYAL BA'I BSTAN PA RIN PO CHE MI NYAMS SHING 'PHEL BA'I RTEN 'BREL DU DGONGS NAS GANGS RI'I MGON PO CHOS RGYAL SRONG BTZAN SGAM POS GANGS RI'I KHROD 'DIR THUB PA'I DBANG PO'I BSTAN PA RIN PO CHE'I SGRON ME GSAR DU BTZUGS PA'I GNAS LHA LDAN SPRUL BA'I GTZUG LAG KHANG LA ZHIG GSO LEGS PAR MDZAD DE RTEN DANG BRTEN PAR BCAS PA THAMS CAD GSAR DU BZHENGS PA LTA BUR MDZAD DE GLANG GI LO ZLA PA DANG BO'I TSAS GCIG NAS BCO LNGA'I BAR DU CHO 'PHRUL CHEN PO'I DUS KYI MCHOD PA DNGOS GZHI MDZAD PA LA, JO BO RIN PO CHE'I DRUNG DU

, ,DE BZHIN GSHEGS PA RIGS RNAM PA LNGA 'PHUL LAS BTON PA DAR DPYANGS DANG BCAS PA'I DBU RGYAN RGYU GSER BZANG PO 'BA' ZHIG LAS BSGRUBS PA, RIN PO CHE NAL DANG, MU TIG DANG, G-YU LA SOGS PA'I PHRA BZANG PO BKOD PAS MDZES PAR BYAS PA DANG, JO BO MI BSKYOD RDO RJE DANG BCU GCIG ZHAL LA ,DNGUL BZANG PO LAS BYAS PA'I DBU RGYAN PHUN SUM TSOGS PA DANG BCAS PA PHUL ZHING ,JO BO RIN PO CHE'I DRUNG DU DNGUL GYI LHUNG BZED CHE TSAD DU LONGS PA DE'I KHA LA 'TSAM PA'I DNGUL GYI MAndAL DANG BCAS PA DANG, JO SH'AKA RNAM GNYIS BCU GCIG ZHAL DANG BCAS PA LA CHO 'PHRUL GYI RING NYIN RE BZHIN ZHAL GSER, TSES BRGYAD DANG BCO LNGA LA SKU YONGS RDZOGS LA GSER CHAB DANG BCAS BA PHUL ZHING ,JO SH'AKA RNAM GNYIS DANG THUB PA GANGS CHEN MTSOS GTZO MDZAD SPRUL SKU'I RNAM PA CAN GYI SKU 'BUR DU DOD PA THAMS CAD LA GOS DAR PHUN SUM TSOGS PA LAS BYAS PA'I BLA GOS DANG SNAM SBYAR DANG ,SEMS DPA' SEMS MA BCU DRUG LA SOGS PA DANG KHRO BO'I RNAM PAR BZHUGS PA LA SOGS PA RNAMS LA NI DAR CHEN DANG GAN GOS LA SOGS PA'I STOD G-YOGS DANG SMAD G-YOGS DANG, GZHAN YANG GTZUG LAG KHANG CHE CHUNG RNAMS KYI TOG DANG BYA 'DAB LA SOGS BA'I RTZE ZUR PHAN TSUN DU THA GUS SPREL BA THAMS CAD LA BA DAN DANG RNGA YAB DANG DRIL BU LA SOGS PAS BAR MA CHAD PAR MDZES PAR BYAS SHING, PHYI'I SKOR LAM CHEN MO'I PHYI ROL NAS SHING CHEN PO 'PHANG SHIN TU MTHO BA RNAMS LA

GOS DAR SOGS LAS BYAS PA'I BA DAN CHEN PO 'JIGS SU RUNG BA LA PHYOGS SKYONG DE DANG DE'I SKUS TOG LA BRGYAN CING, DE DANG DE'I SNGAGS BA DAN NYID LA BRIS PA BCO LNGA PHYOGS SKYONG BA BCO LNGA BO RANG RANG GI KHA DOG DANG MTHUN BA RANG RANG GI PHYOGS SU LEGS PAR BTZUGS NAS NUB RE BZHIN DE DAG GI RTZA BA'I GTOR STAGS KHAR PHYOGS GTOR GTONG BA DANG, DE DAG GI BAR BAR DU GDUGS DKAR LA SOGS PA'I RGYAL MTSAN RANG RANG GI CHOG BZHIN DU LEGS PAR BTZUGS SHING, BA DAN DANG RGYAL MTSAN DE DAG GI SHING RNAMS THA GUS SBREL BA LA 'PHAN DANG RNGA YAB DANG, DRIL BU LA SOGS PAS BAR MA CHAD PAR MDZES PAR BYAS PA NI 'JA' TSON KUN NAS BKRA BAS NAMKHA'I LAM KHYAB PAR BYAS PA LTA BU DANG ,GZHAN YANG NYIN PAR YANG KHYAMS NANG MA YAN CHAD LA DKAR MI BRGYA PHRAG BZHI RE TZAM DANG, BAR SKOR LA BRGYA PHRAG LHAG PA DANG, PHYI SKOR LA RDO RING GI 'GRAM, JO BO RIN PO CHE'I ZHAL GYI DRANG THAD DU KONG BU CHEN PO GRU BZHI PA PHYOGS RE LA 'DOM TSAD MA GSUM GSUM YOD PA DE NYID MAR KHUS LEGS PAR BKANGS BA LA 'TSAM BA'I SDONG BU LAS 'BAR BA'I ME LCE NI GSER GYI MCHOD SDONG GIS NAM MKHA'I LAM 'GOG PAR BYED PA LTA BUS THOG DRANGS, RDZA'I KHOG MA CHEN PO MAR KHUS BKANG BA'I SDONG BU MI CHEN PO'I LAG PA'I SBOMS TZAM LA 'PHANG MDA' TSAD LHAG TZAM GYI MAR ME BAR THAG 'TSAM PAR BKOD PAS PHYI SKOR GYI PHYI RIM 'KHOR BA DANG, GZHAN YANG RA MO CHE, KLU PHUG, PO TA LA, GUNG THANG RNAMS SU'ANG DKAR

, ,ME DU MA DANG, MTSAN MO NI BAR SKOR GYI RTZIG 'GRAM 'KHOR BA DANG, KHYAMS GRVA PHYI MA'I KA TSAR JI LTAR YOD PA BZHIN DU MAR ME'I PHRENG BA BKOD PAS MIG GIS BLTA BA TZAM YANG BZOD DKA' BAR BYAS TE, MTSAN MO'I GUNG LA'ANG STENG DU MNGON PAR BLTAS PA NA NAM MKHA' MAR ME'I 'OD KYI GOS DANG BCAS PAS KHA DOG DMAR SKYA NYID DU MTHONG BA MA GTOGS SKAR MA GCIG GI GZUGS KYANG MTHONG BA'I YUL LAS 'DAS PAR GYUR TO, ,GZHAN YANG YON CHAB BRGYA PHRAG BRGAL BA NYIN RE BZHIN GSAR DU MNGON PAR BSHAMS PA RNAMS LA KHA CHE GUR KUM SPANGS PA'I KHU BAS KHA LEGS PAR BSGYUR BA'I GUR KUM GYI RO MA NI NYIN RE LA'ANG BRES GZHAL DGOS PA DANG, GZHAN YANG SPOS KYI RGYAL MCHAN DANG, GDUGS DANG, SPOS SNOD THA DAD DU MNGON PAR BSREGS PA LA SOGS PA'I DRI BZANG POS PHYI ROL GYI KHOR YUG THAMS CAD DU'ANG NYIN MTSAN GNYIS KA MNGON PAR KHYAB CING ,DU BA RNAMS NI BAR SNANG LA SPRIN GYI SNA RING BO DAG PHAN TSUN MDUD PA'I LNGA SDI BRES BA LTA BU, THA NA PHYI SKOR GYI SKOR LAM RNAMS KYANG SPOS KYI CHUS CHAG CHAG BTAB PAR BYAS NA GZHAN LTA CI SMOS, ZHAL ZAS MDA' TSAD LHAG TZAM LA MAR GYI RGYAL SRID RIN PO CHE SNA BDUN LA SOGS PA'I RGYAN YID 'PHROG PAS BRGYAN PA BRGYA RTZA BRGYAD RE NYIN RE BZHIN GSAR PA GSAR PA PHUL ZHING, KONG BU CHEN PO'I G-YAS G-YON DU SA STEGS LA RTZAM PA KHAL BZHI BRGYA RE LAS BYAS PA'I LHA BSHOS

RGYAN BZANG PO DPAG TU MED PAS SPRAS PA, 'PHYAR DAR BTZUGS PA DANG BCAS PA MNGON PAR BSHAMS PA'I ZHAL ZAS RNYING PA RNAMS NI BDAG GIR BYED PA MED PAR SKYE BO PHONGS PA SBRANG PO'I TSOGS LA BLTOS PA MED PAR BYIN ,GZHAN YANG MCHOD PA'I BYE BRAG MTHA' YAS PA DANG ,RGYAL SRID RIN PO CHE SNA BDUN LA SOGS PA'I BKOD PA YID 'PHROG PA DPAG TU MED PA DANG BCAS PAS MNGON PAR MCHOD DE, RJE BLA MA NYID KYIS SNGAGS DANG PHYAG RGYA DANG TING NGE 'DZIN GYIS BYIN GYIS BRLABS NAS MDO SDE DANG RGYUD SDE NAS BYUNG BA'I CHO GA RNAM PAR DAG PAS MNGON PAR MCHOD CING ,BSTAN PA DANG SEMS CAN 'BA' ZHIG LA DGONGS PA'I THUGS BSKYED SHUGS DRAG POS BSTAN PA RGYAS PA DANG SEMS CAN LA PHAN BDE 'BYUNG BA'I SMON LAM RNAM PAR DAG PA NYIN RE BZHIN MDZAD LA, DGE 'DUN SKYE BO'I TSOGS DANG BCAS PA LA NYIN RE BZHIN SLOB DPON DPA' BOS MDZAD PA'I SKYES RABS KYI CHOS THUN RE GSUNGS TE DE'I DUS SMON LAM LA 'DUS PA'I SKYE BO THAMS CAD RANG BZHIN GYIS RGYUD 'JAM PA DANG, DANG BA DANG, DGE BA LA SPRO BA SOGS KYI GZHAN DBANG DU GYUR PAS NYIN MTSAN KHOR YUG TU CHOS MNYAN PA DANG ,PHYAG DANG ,SKOR BA DANG, SMON LAM 'DEBS PA DANG ,GZUNGS KHA TON DU BYED BA SOGS DGE BA'I BYA BA 'BA' ZHIG GIS DUS 'DA' BAR GYUR CING, DE YANG MTSAN PHYED LA BAB PA'I DUS RANG NA PHYI SKOR BYED PA NYIN MO BAS CUNG ZAD NYUNG BAR MNGON PA TZAM MA GTOGS, SKOR BA BYED PA BAR CHAD PA NI CUNG ZAD KYANG MA BYUNG NGO, ,DE LTA BU'I SMON

, ,LAM BSAM LAS 'DAS PA'I SGO NAS BSTAN PA DANG SEMS CAN GYI GSOS SU 'GYUR BAR MDZAD DE, DE'I TSE THUGS DAM BA NYAMS SNANG SHIN TU BZANG PO ZHIG GI MNAL LAM DU, LHA SA'I NYE SKOR GYI GZHI LAS SKYE BO'I TSOGS GRANGS LAS 'DAS PA THON NAS, THAMS CAD NAM MKHA' LA YAR THAL BYUNG DU 'GRO YI 'DUG, 'DI CI YIN BYAS PAS NGED RNAMS JO BO RIN PO CHE LA 'DI LTAR MCHOD PAS TSANGS PA'I 'JIG RTEN DU 'GRO BA YIN ZER BA DE 'DRA BA'I RMI LAM YANG BYUNG STE, RGYAL BAS SNGON MNYAN YOD DU CHO 'PHRUL CHEN PO BSTAN PA'I DUS SU GDUL BYA'I DON JI LTAR MDZAD PA DE KHO NA BZHIN DU LHA MI BGRANG BA LAS 'DAS PA ZHIG SMIN CING GROL BAR MDZAD DE NGAN SONG GI RGYUN LAM NI BCAD, MTHO RIS DANG THAR BA'I LAM NI LAM PO CHE BZHIN DU BYAS TE, RGYAL BA'I BSTAN PA LA RGYAL BA RANG NYID SLAR BYON PA LTA BUR MDZAD DO, ,DE'I TSE RJE RIN PO CHE LA GANGS CAN GYI BSTAN 'DZIN DAM PA MANG PO DANG, YON BDAG CHE PHRA MANG POS RGYUN DU SA GCIG TU BZHUGS CHOG PA'I DGON GNAS SHIG BTAB CHOG PA DGOS ZHES YANG DANG YANG DU GSOL BA BTAB PA NA RJE RIN PO CHES KYANG MA 'ONGS PA NA BSTAN PA'I RGYUN LA PHAN PAR DGONGS ZHAL GYIS BZHES TE JO BO RIN PO CHE'I SKU MDUN DU DGON GNAS GANG BZANG BRTAGS PAS 'BROG RI BO CHE BZANG BAR BYUNG ZHING, LHO BRAG GRUB CHEN LA GSANG BA'I BDAG POS, DBANG BSKUR RI YI LDEBS DAG TU, ,BTZUN MO SDINGS KYI NGOS

PHYOGS SU, ,DGE 'DUN DPAG MED 'DU BAR 'GYUR, ,RI NI GANG YIN 'JAM DBYANGS 'CHAD, ,DBUS GTZANG MDO KHAMS RGYA YUL GYI, ,MCHOD GNAS DAM PA TSOGS GSOG RTEN, ,MNGA' RIS BOD KHAMS KUN GYI SKYABS, ,PHYOGS BCUR SDE DGON RGYAS PA 'BYUNG, ,ZHES LUNG BSTAN PA LTAR 'BROG RI BO CHER DGON GNAS 'DEBS PAR DGONGS NAS SMON LAM GROL 'PHRAL 'BROG RI BO CHER ZHABS KYIS BCAGS NAS SA GZHI BYIN GYIS BRLABS, SRAS KYI THU BO RNAMS LA 'DI LTAR BGYIS KYI BKA' LUNG STZAL, DE NAS DPYID SNGON MA SE RA CHOS SDINGS SU BZHUGS, SDE SNOD 'DZIN PA DRUG BRGYA TZAM LA DBU MA RTZA SHE, TSUL KHRIMS LE'U, SGRUBS THABS KUN BZANG, LAM RIM LA SOGS PA MDO SNGAGS KYI CHOS MANG DU GSUNGS, DE NAS SPYAN SNGA RIN PO CHE BSOD NAMS BZANG PO BAS GSOL BA NAN CHER BTAB PA LA BRTEN NAS, DPYID RTING MA RJE RIN PO CHE DPON SLOB NYIS BRGYA TZAM GYIS ZANGS RI'I PHU MCHIN DU BYON, SPYAN SNGA RIN PO CHE BSOD NAMS BZANG PO DANG, MKHAN CHEN RGYAL BZANG BAS GTZO MDZAD THEL PA'I RI DGE MANG PO DANG, GZHAN YANG SDE SNOD 'DZIN PA MANG DU 'DUS PA RNAMS LA LAM RIM LA SOGS PA'I CHOS MANG DU GSUNGS, SRAS KYIS THU BO RJE DAR MA RIN CHEN PA DANG, 'DUL 'DZIN GRAGS PA RGYAL MTSAN GNYIS KYIS THOG MA MDZAD PA'I DGE 'DUN PHAL CHE BAS 'BROG RI BO CHER BYON TE DGE LDAN RNAM PAR RGYAL BA'I GLING BTAB, PHYOGS KYI YON BDAG DANG, NYE SKOR GYI BAN SKYA'I SDE THAMS CAD KYIS DAD BSLANGS TSAD MED PA DGA'

, ,SPRO DANG BCAS PAS BSGRUBS PAS DE KHA'I LO LA GZIM KHANG GIS THOG DRANGS BRANG KHANG RDZOGS PAR GRUB PA BDUN CU LHAG TZAM DANG, GZHI BTING BA BRGYA PHRAG BRGAL BA BYUNG, BRANG KHANG SO SO PHAL CHE BA LA'ANG 'DUL BA NAS JI LTAR GSUNGS PA BZHIN DU, DANG POR GZHI BRTAG PA DANG, BRTAGS NAS DGE 'DUN LA GSOL BA DANG, DE NAS DGE 'DUN GYIS GNANG BA SBYIN PA DANG, LAG GI BLA BSKO BA DANG, RDO BTEG PA'I MTHA' LAS BYUNG PA'I RUNG KHANG GCOD PA DANG, KHANG PA'I TSAD LAS MA LHAG PAR RTZIG PA SOGS KYI PHYAG LEN DAG TER CAN MDZAD PAS, MKHAR LAS KYI PHYAG LEN TZAM GYIS KYANG BSTAN PA RIN PO CHE GSAL BAR MDZAD DO, ,RJE NYID KYIS LO DE'I DBYAR GNAS 'OL KHA BAS GDAN DRANGS NAS 'OL KHA BSAM GTAN GLING DU MDZAD DE RJE RIN PO CHES SKU MTSAMS DAM PO BCAD NAS BLA MA DANG YI DAM THA MI DAD DU DMIGS PA LA GSOL BA SHUGS DRAG PO 'DEBS PAR MDZAD CING ,DPAL GSANG BA 'DUS PA'I RDZOGS RIM RIM PA LNGA'I NGO SPRONG CHEN MO RIM PA LNGA GSAL BA'I SGRON ME RTZOM PA'I THUGS 'DUN BTANG, ZIN BRIS 'DEBS PA MDZAD PA'I SKABS SU ,MNAL LAM GYI LTAS NGO MTSAR BA BYUNG BA DAG MNYEL BAR GYUR NA MI RUNG SAM DU DGONGS NAS, BRNGA'I TSIG GIS RNAM PAR BCINGS BA'I TSIGS SU BCAD PA YI GER MDZAD DE, KUN GYI MIG LAM DU 'GYUR BA'I GNAS JI LTA BAR BZHAG PAR MDZAD DO, ,DE NI BKA' 'BUM THOR BUR GSAL BA LTAR DANG,

BRDA CHIG DE DAG GI DON MKHAS GRUB THAMS CAD MKHYEN PAS ZHIB TU BKRAL BA LTAR RO, ,DE NAS GNAS DER MDO SNGAGS KYI CHOS MANG DU GSUNGS, STAG LO ZLA BA GNYIS PA'I TSES LNGA LA RI BO DGE LDAN RNAM PAR RGYAL BA'I GLING DU PHYAGS PHEBS; LAM RIM GSANG 'DUS SGRON GSAL RIM LNGA DANG BCAS PA GSUNGS SHING, MNGON PA KUN LAS BTUS DANG SA SDE LA SOGS PA'I 'GANGS KYI RNAM GZHAG DANG, TSAD MA'I DKA' GNAS KYANG MANG DU GSUNGS, DPAL GSANG BA 'DUS PA'I BSHAD RGYUD LHA MO BZHI ZHUS DANG YE SHES RDO RJE KUN LAS BTUS GNYIS KYI RNAM BSHAD RGYAS PA'I RTZOM PA'ANG MDZAD, DE'I PHYI LO DPAL GSANG BA 'DUS PA'I RDZOGS RIM RIM PA LNGA RAB TU GSAL BA'I SGRON MA ZHES BYA BA'I LEGS PAR BSHAD PA'I GTER CHEN PO DE NYID DANG, RIM LNGA GDAN RDZOGS KYI KHRID YIG DANG BCAS PA'ANG MDZAD NAS THEG PA CHEN PO'I CHOS KYI 'BYOR PA DPAG TU MED PA STZOL BAR MDZAD DO, ,DE NAS DGUNG LO LNGA BCU NGA BDUN PA'I THOG TU RGYAL BA'I BSTAN PA CHES CHER RGYAS PA BDUD SDIG TO CAN GYIS MA BZOD NAS BAR CHAD KYI MTSAN MA CI RIGS BYUNG BA BYAMS SNYING RJE BYANG CHUB KYI SEMS KYI MTHU DANG, 'OD GSAL BDE BA CHEN PO'I YE SHES KYI MTHUS BZLOG PAR MDZAD, DE YANG SNGON THUB PA'I DBANG POS BDUD BYE BA PHRAG DUNG PHYUR BYAMS PA'I DPUNG GIS BZLOG PAR MDZAD PA JI LTA BA DE BZHIN DU MDZAD DE LHA DANG BCAS PA'I 'GRO BA THAMS CAD KYI DBUGS PHYIN PA THOB PAR GYUR TO, ,DE NAS LO DE'I PHYI LO MI DBANG GRAGS

, ,PA RGYAL MTSAN PAS GSOL BA BTAB NAS 'ON BKRA SHIS RDO KHAR GDAN DRANGS, SDE SNOD 'DZIN PA BRGYA PHRAG DU MA LA DBU TSAD DANG LAM RIM LA SOGS PA'I CHOS MANG DU GSUNGS NAS PHYOGS DE'I SKYE BO MTHA' DAG TSIM PAR MDZAD DO, ,RJE RIN PO CHE'I SKU BKRA SHIS RDO KHA MAR GRAGS PA'I BYIN RLABS CAN 'DI RNAMS KYANG DE DUS BYUNG BA YIN NO, ,DE NAS DGA' LDAN RNAM PAR RGYAL BA'I GLING DU TSUR PHEBS, DE NAS BRTZAMS TE RIM PA BZHIN DU DBAL 'KHOR LO BDE MCHOG L'U AI BA'I t'IKKA CHEN MO DANG, RDZOGS RIM RNAL 'BYOR BZHI LDAN GYI KHRID YIG CHE CHUNG, BDE MCHOG GI SGRUB THABS, DPAL GSANG BA 'DUS PA'I RTZA RGYUD DANG 'GREL PA SGRON GSAL GYI ZHUS DAG DAG TER CAN MDZAD NAS ,TSIG DON SHIN TU ZHIB PAR 'CHAD PA'I MCHAN BU DANG, LE'U SO SO DANG SPYI'I DKA' BA'I GNAS RNAM PAR GTAN LA 'BEBS PA'I MTHA' GCOD DANG, DON TSAN SO SO'I DMIGS 'BYED PA'I BSDUS DON DANG BCAS PA MDZAD CING, RGYUD SDE BZHI DANG 'BREL BA'I BSHAD BA MTHA' DAG PA RGYUN MA CHAD PAR GSUNGS PAS RGYAL BA'I BSTAN BA RIN PO CHE'I SNYING PO MTHA' DAG NYAMS NAS MING TZAM YANG MED PAR GYUR PA GZHI NAS BSLANGS TE LEGS PAR GSAL BAR GDZAD PAS GANGS CAN PA RNAMS LA RGYAL BA BAS KYANG BKA' DRIN CHE BAR GYUR PA YIN NO, ,DE NAS LUG LO'I DBYAR NAS 'GO BRTZAMS SNGAGS KYI BSGRUB MCHOD KHANG PA ZHIG GSAR DU BSGRUB PA'I ZHAL BKOD

MDZAD DE GTZUG LAG KHANG KHYAMS GTZANG KHANG DANG BCAS PA LA KA BA BDUN CU RTZA GNYIS KYIS LA, DBUS KYI GTZANG KHANG DU STON BA'I SKU JO BO RIN PO CHE'I SKU TSAD LAS CUNG ZHIG GIS CHE BA DANG, STENG GI GTZANG KHANG DU, DPAL GSANG BA 'DUS PA LHA SUM CU RTZA GNYIS, DPAL 'KHOR LO BDE MCHOG L'U AI PA LHA DRUG CU RTZA GNYIS, DPAL RDO RJE DBYINGS KYI DKYIL 'KHOR CHEN PO RNAMS KYI RTEN DANG BRTEN PAR BCAS PA'I GZHAL YAS KHANG BLOS BSLANGS RNAMS RGYU RIN PO CHE 'BA' ZHIG LAS BSGRUBS, DE YANG GZHAL YAS KHANG DANG LHA GZHAN RNAMS ZANGS LA GSER GSOL PA, GTZO BO RNAMS DANG ,PHYOGS KYI DE BZHIN GSHEGS BA DANG SNYING PO'I RNAL 'BYOR MA RNAMS DNGUL BZANG PO 'BA' ZHIG LAS BZHENGS PA'I GTZO BO YUM DANG BCAS PA RNAMS RE RE LA'ANG DNGUL BRE CHEN GNYIS LHAG RE DANG RDOR DBYINGS KYI GTZO BO LA DNGUL BRE CHEN GNYIS MA LONGS TZAM DANG, 'KHOR GYI LHA BCU GNYIS LA RE RE LA'ANG DNGUL BRE CHEN PHYED DANG GNYIS RE CUNG MA LONGS TZAM DANG BCAS PA DANG; DE DAG LA RIN PO CHE DANG, G-YU RNYING BZANG PO DPAG TU MED BA'I PHRA BSAM GYIS MI KHYAB BA DANG, GZHAN YANG RJE BTZUN 'JAM PA'I DBYANGS, RGYAL PA TSE DPAG MED, RJE BTZUN BYAMS MGON, BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA RNAMS KYI GSER SKU MDA' TSAD RE DANG, BCOM LDAN 'DAS MA GTZUG TOR RNAM PAR RGYAL MA DANG, GTZUG TOR GDUGS DKAR GNYIS KYI GSER SKU KHRU TSAD RE DANG, GOS DAR BZANG PO MTHA' YAS

, ,PA BRDUNGS PA'I DAR 'DAM 'BA' ZHIG LAS BSGRUBS PA'I BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA'I SKU LA RGYAB MTHO BCU BDUN YOD PA RNAMS BZHENGS SHING, DE DAG THAMS CAD KYANG LHA BZO'I BZO THIG DANG PHYAG TSAD PHAL PA MA YIN PAR, SH'A RI'I BU DANG TSANGS PA AE dA'I BU LA SOGS BAS ZHUS PA'I PHYAG TSAD KYI YI GE'ANG MANG DU YOD MOD KYI GTZO BOR, DBAL 'KHOR LO BDE MCHOG SDOM PA 'BYUNG BA'I RGYUD KYI LE'U GCIG GIS LHA'I PHYAG TSAD ZHIB PAR STON CING, DE'I RGYA CHER 'GREL RATAN RAKshI TAS KHYAD PAR ZHIB TU GTAN LA PHAB PA DANG ,DPAL GSHIN RJE GSHED DMAR PO DANG NAG PO'I RGYUD GNYIS KYI LE'U RE RES LHA'I PHYAG TSAD STON PA RNAMS GUNG LEGS PAR BSGRIGS PA'I THIG KHOG NAS DRANGS TE, LHA RNAMS RGYAL BAS GSUNGS PA'I PHYAG TSAD DANG LDAN PAR BZHENGS SHING, DE DAG RNAMS LA'ANG RGYU'I BYIN RLABS SOGS TSUL BZHIN DU MDZAD PAS GEGS MED CING KHYAD PAR CAN GRUB STE, LUGS BTANG BA LA 'DI 'DRA BA'I LUGS 'DREN BDE BA DANG MTSAR BA SNGAR 'ONG MA MYONG ZHES LHA BZO BA DAG ZER LA, THAMS CAD KYANG BLTAS PA TZAM GYIS YID 'PHROG PAR BYED PA'I MIG GI BDUD RTZI 'BA' ZHIG NYE BAR BYON NO, ,DE DAG LAS KYANG, KHYAD PAR DU GZHAL YAS KHANG GSUM BZHENGS BA'I LUGS SNGA MA BTANG BA'I LUGS PHUD LA, DPA' BO KHAndA KA P'A LA 'JA' TSON MA BYON TE, DE YANG RGYU ZANGS YIN YANG LUGS KONG NAS

BYON MA KHAD LA ZANGS KYI KHA DOG YUNGS 'BRU'I RJES TZAM YANG MI MNGON PAR SKU THAMS CAD 'OD ZER LNGA'I GONG BUR GYUR PA'I SNGON PO RNAMS NI RGYA MTHING BZANG PO'I MDANGS KYIS BSGRUN DU MED LA, DMAR PO DAG NI DA CHU BTUL MA BZANG PO'I KHA DOG LAS BDUN 'GYUR GYI LHAG CING, DMAR SER DAG NI LI KHRI'I MDANGS MOG MOG POR BYED LA, SER PO DAG NI GSER BZANG PO'I RGYAN GYI MDANGS KYANG RA GAN LTAR BYED PA, GZHAN YANG DKAR PO DANG, LJANG GU DANG; BTZOD KYI KHA DOG SOGS DU MA SPEL BA NAM MKHA'I 'JA' TSON SKU LA 'KHYUD PA'I RNAM PA LTA BU MIG GIS BZOD PAR DKA' BA'I 'OD ZER GYI PHUNG PO CHEN PO ZHIG BYON TE, BRAD BRDAR SOGS CUNG ZAD KYANG MA BYAS KYANG SHIN TU 'JAM ZHING GTZANG BA SHIN TU NGO MTSAR BAR GYUR NAS, 'DI LTA BU CI ZHIG CES GZIGS PHUL ZHING, DAG BYED KYI RDZAS DU MAS SHIN TU DAG PAR BYI DOR BYAS KYANG SNGAR LAS KYANG 'OD ZER RNAMS CHES CHER KHA DOG GSAL BAR GYUR NAS ,LUGS KHA BCAD PA'I MTSAMS LA BLTAS PAS ZANGS KYI KHA DOG THAMS CAD KYANG DE 'DRA BA 'BA' ZHIG TU GNAS 'GYUR NAS BCAD MTSAMS 'OD ZER SNA LNGAR KHRIG GE SNANG NGO, ,RJE'I ZHAL NAS RTEN 'DI LA RGYAN DANG NA BZA' KHYAD PAR CAN PHUL LA GSOL BA THOB BRAD BRDAR MA BYED CES GSUNG NGO, ,DE LTAR RTEN DE RNAMS DANG GTZUG LAG KHANG DANG BCAS PA RAGS RIM ZHIG LO DE KHA'I KHONGS SU GRUB, NYE SKOR GYI DGE 'DUN GYI SDE RNAMS DANG, PHYUGS LHAS KYI GRONG

, ,BA SKYE BO'I TSOGS DANG BCAS PA THAMS CAD BSAGS TE RAB STON BZANG PO RMAD DU BYUNG BA MDZAD CING ,RGYUD SDE NAS GSUNGS PA'I CHO GA RNAM PAR DAG PAS RAB TU GNAS PA PHUN SUM TSOGS PA RGYAS PAR MDZAD DE, DE PHYIN CHAD DBU RU STOD SMAD KYI PHYOGS KUN TU LO LEGS PA DANG, CHAR CHU DUS SU 'BAB PA DANG, BSHAD SGRUB RGYAS PA LA SOGS PA'I KHYAD PAR SNGAR LAS PHUL DU BYUNG BA'I NGO MTSAR DANG LDAN PAR GYUR TO; ;KHYI LO LA SDE SNOD 'DZIN PA BRGYA PHRAG DU MA PHYOGS MTHA' DAG NAS BYON PA DANG, GNYUG MAR GNAS PA'I DGE 'DUN DANG BCAS PA LA DGE LDAN NYID DU CHOS KYI 'KHOR LO RGYUN MA CHAD PAR BSKOR ZHING, DPAL GSANG BA 'DUS PA'I 'GREL PA SGRON GSAL MCHAN DANG BCAS PA DANG, BSHAD RGYUD 'GA' ZHIG DANG, RIM LNGA'I KHRID RGYAS PA DANG, SBYOR BA YAN LAG DRUG PA'I KHRID RGYAS PA DANG, DUS KYI 'KHOR LO'I 'GREL CHEN DRI MA MED PA'I 'OD KYI BSHAD PA CHES ZHIB PA DANG, GZHAN YANG DBU TSAD, BDE MCHOG, LAM RIM LA SOGS PA'I CHOS ZAB CING RGYA CHE BA DPAG TU MED PA GSUNGS, DE'I DBYAR DANG STON LA GTZUG LAG KHANG GI KHYAMS LA LOGS BRIS KYANG GRUB BAR MDZAD, DBU MA LA 'JUG PA'I RNAM BSHAD CHEN MO MDZAD PA'ANG LEGS PAR RDZOGS PAR MDZAD DO, ,LO DE'I GZHUG NAS THUGS KYI DGONGS PA DANG STA GON MDZAD NAS, DPAL GSANG BA 'DUS PA'I RTZA RGYUD 'GREL

PA SGRON GSAL DANG BCAS PA PAR DU BRKO BA'I SBYOR BA NYE BAR BRTZAMS PAS 'BAD RTZOL MED PAR PHAG LO'I NANG DU LEGS PAR MTHAR PHYIN PAR MDZAD LA PHAG LO LA SDE SNOD 'DZIN BA MTHA' YAS PA LA DPYID DANG DBYAR GYI RING LA DPAL 'KHOR LO BDE MCHOG GI RTZA BA'I RGYUD LA SOGS PA'I CHOS DPAG TU MED PA GSUNGS SHING, BDE MCHOG RTZA RGYUD KYI t'IKKA RMAD DU BYUNG BA'I RTZOM PA'ANG RDZOGS PAR MDZAD DO, ,RJE THAMS CAD MKHYEN PA CHEN PO'I MDZAD PA'I GTZO BO NI GDUL BYA RNAMS LA CHOS BSTAN NAS SMIN CING GROL BAR MDZAD PA 'DI YIN LA, MDZAD PA DE NI PHYOGS BCU'I RGYAL BA SRAS BCAS THAMS CAD KYI YANG MDZAD PA'I GTZO BO YIN TE, MDZAD PA KUN LAS GSUNG GI NI, ,MDZAD PA MCHOG YIN DE YANG NI; ;'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR RO, ,DES NA GANGS RI'I KHROD 'DIR RJE THAMS CAD MKHYEN PA DANG MDZAD PA MTSUNGS PA SU YANG MA BYON TE, SNGON RGYA GAR 'PHAGS PA'I YUL DU RGYAL BA MYA NGAN LAS 'DAS NAS RGYAL BA'I BSTAN PA 'DZIN CING SPEL BA LA 'PHAGS PA KLU SGRUB DANG MCHUNGS PA SU YANG MA BYUNG BAS 'PHAGS PA KLU SGRUB NI RGYAL BA'I BSTAN PA LA RGYAL BA NYID LTAR BKA' DRIN MTSUNGS PA MED PA'O ZHES 'PHAGS YUL GYI MKHAS GRUB THAMS CAD MTHUN PAR GLENG LA, DE BZHIN DU BOD YUL GANGS CAN GYI LJONGS 'DIR YANG RGYAL BA'I BSTAN PA 'DZIN CING SPEL BA'I SEMS DPA' CHEN PO BGRANG BA LAS 'DAS PA BYON MOD KYANG,

, ,RGYAL BAS GSUNGS PA'I MDO SNGAGS KYI BSTAN PA YONGS SU RDZOGS PA 'DZIN CING SPEL BA LA RJE THAMS CAD MKHYEN PA 'DI DANG MTSUNGS PA SU YANG MA BYUNG BAS GANGS RI'I KHROD 'DIR RGYAL BSTAN SPEL BA LA RGYAL BA RANG NYID SLAR BYON PA LTAR RNAM PA KUN NAS MTSUNGS PA MED CING BKA' DRIN ZLA MED PAR GYUR TO, ,DE YANG BDAG CAG GIS RJE BDAG NYID CHEN PO LA DE LTAR BSNGAGS BA DE RANG NYID RJES 'JUG YIN PA GYU MTSAN DU BYAS TE MI BDEN BZHIN DU 'DU SHES BSGYUR NAS BRJOD BA MA YIN GYI, DON LA GNAS PA'I RANG BZHIN BRJOD BA STE, THUB BSTAN PADMO'I TSAL LA 'JIG RTEN 'DIR, ,KHYOD NI RGYAL BA'I NYI MA JI BZHIN ZHES, ,MI PHAM MGON POS KHYOD LA MNGON SUM DU; ;DBUGS DBYUNG MCHOG TU BSNGAGS LA GSOL BA 'DEBS, ,ZHES GSUNGS PA LTAR RJE RIN PO CHE TZA RI NAS BYON TE MO LA'I LA RTZAR PHEBS PA'I TSE RJE BTZUN BYAMS PA MGON PO DNGOS SU BYON TE, PHYAG G-YAS BA RJE'I DBU THOG TU BZHAG NAS RIGS KYI BU KHYOD NI RGYAL BA'I BSTAN PA LA RGYAL BA RANG NYID SLAR BYON PA LTA BUR 'GYUR BA SHES PAR GYIS SHIG CES LUNG BSTAN PA DANG DBUGS DBYUNG BA MDZAD PA LTAR RO, ,DE LA'ANG 'DI SNYAM DU MDO LAS, DGE SLONG DAG GAM MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ,ZHES DANG, ,TSAD MA

RNAM 'GREL LAS, BRJOD PAR 'DOD PA'I GZHAN DBANG PHYIR, ,SGRA RNAMS GANG NA'ANG MED MA YIN, ,DE YOD BAS NI DON GRUB NA, ,THAMS CAD KYIS NI THAMS CAD GRUB, ,CES GSUNGS PA LTAR, 'DI 'DI'O ZHES BRJOD BA'I TSIG TZAM DANG LUNG TZAM GYIS MCHOG TU SGRUB PAR MI NUS TE, GZHAN DU NA BLA MA GZHAN DAG THAMS CAD LA'ANG 'DI 'BA' ZHIG ZLA MED BA'O ZHES BRJOD PAS CHOG GO SNYAM NA, DE NI BDEN TE, GSANGS RI'I KHROD 'DIR RGYAL BSTAN 'DZIN CING SPEL BA LA RJE THAMS CAD MKHYEN PA NYID MTSUNGS ZLA MED PA'O ZHES BRJOD PA NI LUNG TZAM LA SKYABS BCOL NAS BRJOD BA MIN GYI, TSUL 'DI NI DRI MA MED PA'I RIGS PAS LEGS PAR GRUB PA YIN NO; ;JI LTAR ZHE NA TSUL 'DI LA 'BRAS BU'I RTAGS DANG, SNANG RUNG MA DMIGS PA'I RTAGS DANG, YID CHES KYI RTAGS YANG DAG GSUM GYI SGO NAS NGES SHES BSKYED PAR BYAR YOD DE, 'BRAS BU'i RTAGS LAS SHES TSUL NI, RJE BTZUN BYAMS PAS, GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,ZHES GSUNG PA LTAR GDUL BYA RNAMS LA MTHO RIS DANG THAR PA DANG, THAMS CAD MKHYEN PAR BGROD PA'I LAM TSANG LA MA NOR BA, SANGS RGYAS DNGOS SU BYON YANG DE PHAN DU GSUNG DU MED BA BYANG CHUB LAM RIM CHE CHUNG DANG, RDO RJE 'CHANG CHEN PO'I LAM GYI RIM BA DANG, RIM LNGA GSAL BA'I

, ,SGRON ME SOGS MDO SNGAGS KYI GSUNG RAB DGONGS 'GREL DANG BCAS PA'I DON GYI SNYING PO MTHA' DAG DRI MA MED PA'I RIGS PA'I LAM NAS DRANGS TE NGES PA GTING TSUGS PAR BSKYED PA'I BSTAN BCOS CHEN PO 'DI DAG LAS DPAG PAR NUS SO, ,DE YANG TSAD MA RNAM 'GREL LAS, BLANG DANG DOR BYA'I DE NYID NI, ,THABS DANG BCAS PA RIGS MDZAD PA, ,GANG DE TSAD MA NYID 'DOD KYI, ,THAMS CAD RIG MDZAD MA YIN NO, ,RING PO MTHONG NGAM MIN YANG RUNG, ,'DOD PA'I DE NYID MTHONG BA YIN, ,ZHES GSAL BAR GSUNGS PA LTAR RO, ,SNANG RUNG MA DMIGS PA'I RTAGS KYIS BSGRUB PA NI, ,RGYAL BA'I MDO SNGAGS KYI BSTAN PA SPEL BAL PHYOGS 'DIR RJE THAMS CAD MKHYEN PA DANG MTSUNGS PA GZHAN MA BYUNG STE, RJE BLA MA 'DI DANG MTSUNGS PA GZHAN ZHIG YOD NA 'DI'O ZHES BSTAN RGYU DGOS PA LA MI SNANG BA'I PHYIR RO, ,DE YANG SNGON DUS 'PHAGS MCHOG THUGS RJE CHEN PO MI RJE'I RNAM PAR BYON PA CHOS RGYAL SONG BTZAN SGAM PO SOGS SPRUL PA'I CHOS RGYAL MES DPON RNAM GSUM DANG, SAD MI MI BDUN SOGS BSTAN PA SNGA DAR LA BYON PA DE RNAMS DANG, BSTAN PA PHYI DAR LA LHO BRAG MAR PA LO TZ'A DANG; 'BROG MI LO TZ'A BA DANG, RJE 'GOS DANG, RVA LO CHEN PO SOGS LO TZ'A BA BKA' DRIN CAN MANG PO DANG, RNAL 'BYOR GYI DBANG PHYUG MI LA RAS PA SOGS GRUB PA'I GO 'PHANG MTHON POR BYON PA'I SKYES BU DAM PA MANG DU BYON MOD

KYANG RGYAL BAS GSUNGS PA'I MDO SNGAGS KYI BSTAN BA YONGS RDZOGS SPEL BA LA RJE BLA MA 'DI DANG MTSUNGS PA SU YANG MED DE, SNGON BYON PA DE DAG LAS 'GA' ZHIG GIS SNGAGS PHYOGS MANG DU SPEL YANG BSTAN PA'I RTZA BA 'DUL BA SPEL NUS PA MA BYUNG, SNGAGS LA'ANG RGYUD SDE BZHI GA'I 'JUG SGO DBANG DANG DAM TSIG ,SO SO'I LAM BGROD TSUL SOGS RDO RJE 'CHANG GI DGONGS PA JI BZHIN DU MTHA' DAG BAR 'DZIN CING SPEL NUS PA DKON PAR BYUNG NGO, ,'GA' ZHIG GIS 'DUL KHRIMS GTZO BOR BYAS TE CUNG ZAD RE SPEL NUS PA BYUNG YANG THEG PA CHEN PO SPYI DANG KHYAD PAR GSANG SNGAGS SPEL NUS BA MA BYUNG, 'GA' ZHIG LA RANG RANG GI THUGS RGYUD LA SA LAM GYI RTOGS PA KHYAD PAR CAN 'KHRUNGS KYANG GDUL BYA 'KHRID PA'I TSE YI DAM RE'I SGOM BZLAS LA GTZO BOR 'KHRID PA DANG ,SNGAGS KYI BSKYED RDZOGS GANG RUNG RE GTZO BOR STON PA LAS BSTAN PA YONGS RDZOGS SPEL NUS PA MA BYUNG LA ,RJE THAMS CAD MKHYEN PA 'DIS NI RGYAL BA'I BSTAN PA'I NANG MDZOD 'DUL BA SPEL BA LA RGYAL BA RANG NYID SLAR BYON PA LTA BUR MDZAD DE, 'DUL BA LUNG SDE BZHI NAS GSUNGS PA'I DGAG SGRUB GNANG GSUM GYI BCAS MTSAMS PHRA RAGS MTHA' DAG GDUL BYA LA NGO SPRAD DE BCAS PA SO SO'I DGAG BYA NYON MONGS DANG NYES SPYOD GANG GI GNYEN POR GSUNGS PA DANG, DGOS PA BCAS BA DE DANG DE DAG BSRUNGS PA LAS SEMS RGYUD LA RTOGS PA GANG DANG GANG ZHIG SKYE BA DANG, JI LTAR BSRUNG TSUL LUNG GANG GI THAD NAS

, ,GSUNGS PA DANG, GLENG GZHI GANG LA BRTEN NAS BCAS PA DE MDZAD PA SOGS MTHA' DAG PAR NGO 'PHROD PA DANG, DE YANG SHES PA TZAM LA MA BZHAG PAR CHAB LEN LHAM 'BUD, NUB LHAG GCOD PA, RUNG CHU GDAB BA YAN CHAD BCAS MTSAMS MTHA' DA LAG LEN LA SBYAR ZHING YUL DUS KYI DBANG GIS BCAS 'GAL GYI NYES PA BYUNG NA DE MA THAG BSHAGS PA DANG, BSNGAM PA DANG, BYIN GYIS BRLAB PA RNAMS 'DUL BA NAS GSUNGS PA LTAR BYAS TE SDIG LTUNG DANG ZHAG TU MI 'GROGS PA'I TSUL KHRIMS RNAM PAR DAG PA LA SBYAR TE NUB JE LAN DHA RA NAS SHAR PHYOGS RGYA MCHO CHEN PO LA THUG GI BAR 'DUL BA'I BCAS MTSAMS RNAM PAR DAG PA BSRUNG BA'I DGE 'DUN GYI SDES KHYAB PA DA LHA'I BAR DU MA NYAMS PAR THAMS CAD KYI MIG LA SNANG BA 'DI YIN LA, 'DI LTA BU'I SANGS RGYAS KYI MDZAD PA BYED PA PO BYANG PHYOGS 'DIR SU YANG MA BYUNG NGO, ,DE BZHIN DU BYANG CHUB SEMS DPA'I BSLAB PA'I GNAS LA'ANG DANG POR SMON SEMS DANG 'JUG SDOM LEN LUGS, BLANGS NAS SMON BA'I BSLAB BYA THUN MONG DANG THUN MONG MA YIN PA RNAMS DANG, 'JUG SDOM GYI BSLAB BYAR RTZA LTUNG DANG NYES BYAS BSRUNG TSUL, 'JUG SDOM GYI SGRUB PA'I BSLAB BYA TSUL KHRIMS RNAM PA GSUM MAM PHYIN DRUG DANG BSDU BZHI LA SLOB TSUL, DE DAG THAMS CAD THEG CHEN GYI MDO GANG DANG GANG NAS GSUNGS TSUL, MDO'I DGONGS PA SHING RTA CHEN BOS BKRAL TSUL, SHING RTA CHEN

PO'I LAM SROL 'DZIN PA'I BLA MA GONG MA GCIG NAS GCIG TU BRGYUD PA'I PHYAG LEN LA SRUNG THABS JI LTAR YOD TSUL, DE DAG LAS 'DAS NA BSHAGS PA JI LTAR BYED TSUL, ,DE DAG THAMS CAD PHYAG LEN LA 'DEBS TSUL RNAMS MTHA' DAG PAR THUGS SRAS SEMS DPA' CHEN PO RNAMS LA KHRID CING PHYI RABS KYI GDUL BYA RNAMS KYI DON DU TSUL KHRIMS LE'U'I RNAM BSHAD BYANG CHUB GZHUNG LAM SOGS SU MTHA' DAG PAR GTAN LA 'BEBS PAR MDZAD DE, 'DI LTA BU DANG MTSUNGS PA GANG RI'I KHROD 'DIR SNGON MA BYUNG BA KUN LA GSAL BSTAR RO, ,THEG PA THUN MONG BA'I LAM GYI GNAD THAMS CAD NYAMS LEN GYI RIM PAR BSDUS TE RGYAL BA'I GSUNG RAB DGONGS 'GREL DANG BCAS PA LAS YI GE NA GCIG KYANG DOR DU MED PAR GANG ZAG GCIG LAS DANG PO PA'I SA NAS SANGS RGYAS KYI SA'I BAR DU RIM GYIS 'KHRID PA'I NYAMS LEN DU SBYAR TE GTAN LA 'BEBS PA BYANG CHUB LAM RIM CHE CHUNG DANG, DE YANG SHER PHYIN GYI MDO SDE RIN PO CHE'I DON RJE BTZUN BYAMS PAS GSUNGS PA'I MAN NGAG GI BSTAN BCOS MNGON PAR RTOGS PA'I RGYAN DANG SBYAR TE MTHA' DAG PAR GTAN LA 'BEBS PA'I BSTAN BCOS LEGS BSHAD GSER GYI PHRENG BA DANG, 'PHAGS PA KLU SGRUB KYI DGONGS PA LTAR ZAB MO DBU MA'I LTA PA MTHA' DAG PAR GTAN LA 'BEBS PA RTZA SHE'I RNAM BSHAD CHEN MO RIGS PA'I RGYA MTSO DANG, DBU MA LA 'JUG PA'I RNAM BSHAD DGONGS PA RAB GSAL DANG, DRANG BA DANG NGES PA'I DON RNAM PAR 'BYED PA

, ,LEGS BSHAD SNYING PO CHE BA DANG, RGYAL BA'I DGONGS PA 'PHAGS PA KLU SGRUB KYIS BKRAL BA'I NGES DON MTHAR THUG RTEN 'BREL ZAB MO'I TSUL CHES GSAL BAR STON PA LEGS BSHAD SNYING PO CHUNG BA SOGS SNGON MED PA'I BSTAN BCOS CHEN PO 'DI DAG MDZAD CING, BSTAN BCOS CHEN PO DE DAG GI BSHAD RGYUN YANG DA LTA'I BAR DU MA NYAMS PAR BZHUGS PAS 'DI LTA BU'I SANGS RGYAS KYI 'PHRIN LAS LA 'GRAN BZOD PA SU YANG MED DO, ,TSUL 'DI DAG LA GZU BO'I BLOS DPYAD NA DE DE BZHIN NO ZHES THAL MO SBYOR PA LAS 'OS MED DE, SNGON DUS GANGS RI'I KHROD 'DIR RIG GNAS MTHA' DAG LA MKHAS PA'I DBANG POR GRAGS PA STAG TSANG LO TZ'A BAS KYANG THOG MAR KHONG RANG RJE'I RJES 'JUG MIN GSHIS BRAG CA'I SGRA BZHIN GZHAN ZER GYI RJES SU 'BRANGS TE RJE'I GSUNG LA DGAG PA CI RIGS MDZAD KYANG RJES SU LEGS BSHAD GSER PHRING SOGS RJE'I GSUNG RNAMS LA BLTAS TE LEGS PAR BRTAGS PA NA SNGAR BYAS LA GNONG ZHING 'GYOD PA DANG, RJE RIN PO CHE'I BSTAN PA LA YID CHES KYI DAD PA GTING TSUGS PA SKYES TE BSHAGS PA DANG SMON LAM GYI TSIG ,BLO CHEN RGYAL BA RNAMS KYI SPYAN SNGA RU, ,BZANG PO'I SMON LAM RLABS CHEN GRUB PA'I MTHUS, ,GRAGS PA'I SGRA CHEN THUB BSTAN 'GRO BA'I DPAL, ,BLO BZANG GRAGS PA'I DPAL LA GUS PHYAG 'TSAL, ,ZHES SOGS BSHAGS PA DANG SMON LAM MANG DU MDZAD CING, DE'I RGYU MTSAN

YANG; KHYOD BLO'I NYI MA GZHON NU'I DUS KYI TSE, ,MDO DANG RGYAN GYI PAD TSAL RGYAS MTHONG NAS, ,BDAG BLO KHENGS PA'I KU MUD LHAG PAR ZUM, ,ZAB YANGS MKHYEN PA'I GTER LA GSOL BA 'DEBS, ,ZHES SOGS RJE'I GSUNG RAB RNAMS LA GZU BO'I BLOS DPYAD NAS YID CHES SKYES PA YIN TSUL GSAL BAR GSUNGS 'DUG PA DANG, DE BZHIN DU KARMA PA MI BSKYOD RDO RJES KYANG PHAR PHYIN GYI t'IKKA SOGS YIG CHA 'GA' ZHIG TU GZHAN GYI 'DOD NGO DANG BSTUN NAS RJE RIN PO CHES 'PHAGS PA KLU SGRUB KYI DGONGS PA THUN MONG MIN PA JI BZHIN BKRAL BA'I LTA BA'I GNAD RNAMS LA DGAG PA CUNG ZAD MJED KYANG, RJES SU KHONG RANG GIS MDZAD PA'I PHAR PHYIN GYI t'IKKA DE RGYAL BA DGE 'DUN RGYA MTSO LA PHUL NAS SE 'BRAS KYI CHOS RJE RNAMS KYIS 'DI LA GZIGS NAS 'THAD MI 'THAD KYI DPYAD PA MDZOD GSUNGS PA NA, SE RA RJE BTZUN PAS DPAL MGON 'PHAGS PA KLU SGRUB KYI DGONGS PA RJE RIN PO CHES BKRAL BA DANG MI MTHUN PA RNAMS DRI MA MED PA'I RIGS PAS SUN DBYUNG STE MTHA' CHOD PAR MDZAD PA KAR LAN KLU SGRUB DGONGS RGYAN MDZAD NAS, KARMA PA MI BSKYOD RDO RJE LA PHUL BA NA, RJE KARMA PA SHIN TU MNYES NAS, SE RA RJE BTZUN PA LA ZHU YIG GNANG BAR YANG, DENG SANG GI SKYE BO BLO CHUNG 'GA' ZHIG RANG RANG GI LUGS LA RMONGS ZHEN GYIS 'DI KHO NA BDEN GYI GZHAN NI GTI MUG GO ZHES BRJOD PA DAG GI 'DOD PA DANG BSTUN PA'I BRJOD TSUL TZAM LAS NGED RANG NI RJE'I GSUNG RAB

, ,RNAMS LA YID CHES KYI DAD PA GTING TSUGS BAR YOD CES GSUNGS 'DUG PA DANG, 'BRUG PA MI PHAM PADMA DKAR POS KYANG SKU TSE'I STOD LA PHYOGS SU LHUNG BA'I SKYE BO 'GA' ZHIG GI TSIG GI RJES SU ZHUGS TE RJE'I GSUNG LA SKYON BRJOD CI RIGS SHOR YANG RJES SU RJE'I GSUNG RAB RNAMS LA ZHIB TU GZIGS PA NA THUGS 'GYOD CHEN PO SKYES TE DGA' LDAN DU PHEBS NAS RJE RIN PO CHE'I SKU GDUNG LA MCHOD PA TSAD MED PA PHUL TE BSHAGS SHING SMON LAM 'DEBS PAR MDZAD PA DANG, RJE LA BSTOD PA MDZAD PA'I TSIGS BCAD LAS KYANG, CHOS KYI RGYAL PO CHEN PO SHAR TZONG KHA PA BLO BZANG GRAGS PA'I DBAL GYI ZHABS KYI PADMO DRI MA MED PA LA PHYAG 'TSAL LO, , DGE LEGS CHU GTER CHEN POS 'JIG RTEN LA, ,BLO BZANG NYIN MOR BYED PA KHYOD SBYIN TSUN, ,SA 'DI RMONGS PA'I MUN LAS RNAM RGYAL ZHES, ,GRAGS PA'I GZHIR GYUR DE LA PHYAG 'TSAL LO, ,GANG DANG RGYAL BA KUN GYI YON TAN NI, ,SRANG LA GZHAL BZHIN LCI YANG MA MCHIS BAS, ,LNGA BRGYA PA YI GTZUG RGYAN DU 'OS PA, ,THAMS CAD MKHYEN PA KHYOD LA PHYAG 'TSAL LO, ,SENG GE'I KHRI LA SENG GE'I SGRA BSGRAGS PAS, ,SMRA BA'I GLANG CHEN THAMS CAD DNGANGS GYUR PHYIR, , MTSUNGS BRAL KHYOD NI SENG GE'I NGA RO'I MTSAN, ,BSKAL BZANG SGRON MAR GYUR LA PHYAG 'TSAL LO, ,LHAG PA'I TSUL KHRIMS HA RI TZAN DAN BSUNG, ,KHYOD DRIN DRI BZHON GYIS 'DIR KHYONGS PAS SU, ,'KHOR BA'I TSA GDUNG MING TZAM LHAG GYUR

BAS; SLOB MAR BCAS BA BSNGAGS 'OS DER PHYAG 'TSAL, ,ZHES SOGS BSNGAGS PA'I TSIGS BCAD MANG DU 'BYUNG BA LTAR RO, ,SNGAGS KYI SKOR LA 'JUG SGO DBANG DANG DBANG DUS SU KHAS BLANGS PA'I DAM TSIG DANG SDOM PA DAG PAR BYED TSUL , DE NAS LAM BGROD TSUL RNAMS MTHA' DAG PAR 'DOMS BA LA RJE RIN PO CHE 'DI GANGS RI'I KHROD NA MTSUNGS ZLA MED PA ZHIG STE, DE YANG GSANG SNGAGS RGYUD SDE BZHI LA 'JUG SGO DBANG BSKUR TSUL MI 'DRA BA DANG, DE'I DUS SU THOB PA'I DAM TSIG DANG SDOM PA BSRUNG TSUL LA THUN MONG MA YIN BA'I KHYAD PAR YOD BA RNAMS DANG, DE NAS LAM BGROD TSUL LA RGYUD SDE 'OG MA LA MTSAN BCAS DANG MTSAN MED KYI RNAL 'BYOR, BLA MED LA RIM GNYIS KYI RNAL 'BYOR, DE LA 'ANG PHA RGYUD MA RGYUD GNYIS KYI THUN MONG MIN PA'I KHYAD PAR MI 'DRA BA MANG DU YOD PA RNAMS RJE RIN PO CHE 'DIS RGYAL BA RDO RJE 'CHANG SLAR YANG PHYOGS 'DIR DNGOS SU BYON PA JI LTA BAR RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR BYE BA ZHES BYA BA SNGON MED PA'I LEGS PAR BSHAD PA'I GTER CHEN PO 'DI MDZAD CING, BYE BRAG TU PHA RGYUD GSANG BA 'DUS PA'I LAM GYI GNAD RNAMS MTHA' DAG PAR GTAN LA 'BEBS PA LA RTZA RGYUD KYI 'GREL BA SGRON MA GSAL BA'I MTSAN 'GREL, DKA' GNAS MTHA' GCOD, BSDUS DON BCAS DANG, RIM LNGA'I NGO SPROD CHEN MO RIM LNGA GSAL BA'I SGRON ME SOGS SNGON MED PA'I LEGS BSHAD CHES MANG BA DANG, MA RGYUD BDE MCHOG L'U AI BA'I SGRUB THABS KYI RNAM BSHAD

, ,'DOD 'JO DANG, RDZOGS RIM GYI KHRID YIG CHE CHUNG DANG BDE MCHOG RTZA RGYUD KYI t'IKKA NGO MTSAR RMAD DU BYUNG BA SNGON MED PA'I LEGS BSHAD KYI GTER CHEN PO 'DI SOGS RDO RJE 'CHANG DNGOS SU BYON YANG DE PHAN DU GSUNG DU MED PA'I SNGAGS KYI BSTAN BCOS MANG PO 'OG TU GSAL BA LTAR MDZAD DE, RJE 'DI'I MDZAD PA LTA BU GANGS RI'I KHROD 'DIR SNGON CHAD MA BYUNG BA KUN LA MNGON SUM DU SNANG BA LTAR RO, ,RJE BTZUN BLA MA 'DIS GANGS RI'I KHROD 'DIR SANGS RGYAS KYI MDZAD PA MDZAD PAR YID CHES PA'I RTAGS KYIS SGRUB PA NI, ,LHO BRAG GRUB CHEN LA GSANG PA'I BDAG POS RJE 'DI'I MDZAD PA RNAM THAR KHYAD PAR DU 'PHAGS PA 'DI LTAR GSUNGS PA RNAMS DANG; RJE BTZUN 'JAM BA'I DBYANGS KYIS DBU MA BA DPA' BO RDO RJE LA GSUNGS PA DANG, YANG GRUB CHEN 'JAM DPAL RGYA MTSO LA GSUNGS PA DANG, RJE RIN PO CHE RANG NYID LA SANGS RGYAS DANG BYANG SEMS MANG POS ZHAL GZIGS NAS LUNG BSTAN DANG DBUGS DBYUNG BA MDZAD PA SNGAR DRANGS ZIN PA LTAR SHIN TU YID CHES PA'I GNAS SU YOD MOD, 'ON KYANG DE TZAM GYI LUNG LA 'CHOL BA MIN PAR DRI MA MED PA'I RIGS PA'I LAM SROL SHES BA'I MKHAS PA RNAMS LA RJE 'DIS, SANGS RGYAS KYI MDZAD PA MDZAD PAR YID CHES PA'I RTAGS SU MI 'GYUR BAS RGYAL BA NYID KYI MDO SDE DANG RGYUD SDE RTZOD MED RGYA BOD GNYIS KAR YONGS SU GRAGS BA ZHIG GI STENG NAS SGRUB DGOS LA, DE NI SNGAR DRANGS ZIN PA LTAR LANGKAR

GSHEGS PA'I MDO DANG, MDO SDE GDAMS NGAG 'BOGS PA'I RGYAL PO DANG, 'JAM DPAL RTZA RGYUD RNAMS LAS SGRUB PA YIN LA, DE'I NANG NAS KYANG 'JAM DPAL RTZA RGYUD LAS, 'JIG RTEN NGA NI MYA NGAN 'DAS, ,SA YI STENG 'DI STONGS PA NA, ,KHYOD NYID BYIS PA'I GZUGS KYIS NI, ,SANGS RGYAS MDZAD BA BYED BAR 'GYUR, ZHES SOGS RGYAL BA MYA NGAN LAS 'DAS BA'I 'OG TU 'JIG RTEN MGON MED 'DREN PA MED PAR GYUR PA NA RJE BTZUN 'JAM PA'I DBYANGS THA MAL PA'I GZUGS BZUNG STE BYANG PHYOGS KHA BA CAN 'DER SANGS RGYAS KYI MDZAD PA MDZAD BA DANG, DE LTAR MDZAD PA PO DE'I MING LA BLO BZANG ZHES PA DANG GRAGS BA ZHES BA'I MTSAN 'BYUNG BA DANG, DE'I DGON GNAS KYI MING LA DGA' LDAN ZHES 'BYUNG BA GSAL BAR LUNG BSTAN PA 'DIS RJE 'DI NYID KYIS GANGS RI'I KHROD 'DIR SANGS RGYAS DNGOS SU BYON BA LTA BU'I MDZAD PA MDZAD PAR KUN GYIS YID CHES PAR GRUB PO, ,DE LTAR RJE RIN PO CHE 'DIS SANGS RGYAS KYI MDZAD PA'I GTZO BO CHOS KYI 'KHOR LO BSKOR BA'I MDZAD PA NGO MTSAR RMAD DU BYUNG BA ZHING 'DIR BYON PA NAS MTHAR DGA' LDAN LA BYON PA'I BAR GONG 'PHEL DU MDZAD DE PHYI RABS KYI GDUL BYA RNAMS LA THUGS BRTZE BAS DGONGS TE MDO SNGAGS KYI LAM BZANG PO RNAMS 'DI LTAR YOD DO ZHES YI GER 'GOD PAR MDZAD BA NI, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYIS RGYAL BA'I DGONGS PA DRI MA MED PA'I RIGS LAM NAS DRANGS TE YONGS SU

, ,RDZOGS PA BKRAL BA'I LAM SROL SKYES BU CHUNG 'BRING CHE GSUM GYIS NYAMS SU BLANG BA'I RIM PA THAMS CAD MTSANG BA MED PAR STON PA'I MAN NGAG BYANG CHUB LAM RIM CHEN MO, DE'I SNYING PO'I GNAD BSDUS PA LAM RIM CHUNG BA, BYANG CHUB LAM GYI RIM PA'I KHRID KYI SA BCAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA, BYANG CHUB SEMS DPA'I TSUL KHRIMS KYI RNAM BSHAD BYANG CHUB GZHUNG LAM, ZHI LHAG GNYIS KYI DKA' BA'I GNAS RGYAL BA'I DGONGS PA PHYIN CI MA LOG PAR BSHAD PA, DRANG BA DANG NGES PA'I DON RNAM PAR PHYE BA'I BSTAN BCOS LEGS BSHAD SNYING PO, RJE BTZUN 'JAM PA'I DBYANGS KYIS RJE LA GNANG BA'I LTA BA'I GNAD 'GAG RJE RED MDA' BAR PHUL BA, DBU MA'I LTA KHRID, TSIG SBYOR PHUN SUM TSOGS PA'I SNYAN NGAG GI LAM NAS DRANGS PA'I BLO SBYONG, DBU MA RGYAN GYI ZIN BRIS RJE RANG GIS GNANG BA; YID DANG KUN GZHI'I DKA' BA'I GNAS RGYA CHER 'GREL, SDE BDUN LA 'JUG PA'I SGO DON GNYER YID KYI MUN SEL, BSAM GZUGS ZIN BRIS, DBU MA'I LTA KHRID BSDUS PA, DGE 'DUN NYI SHU BSDUS PA DANG ZHUGS GNAS SKYES BU CHEN PO'I DKA' GNAS ,DBU MA RTZA SHE'I RNAM BSHAD RIGS PA'I RGYA MTSO, BSTAN BCOS CHEN PO DBU MA LA 'JUG PA'I RNAM BSHAD DGONGS PA RAB GSAL, RGYAL BA KHYAB BDAG RDO RJE 'CHANG CHEN PO'I LAM GYI RIM PA GSANG BA

KUN GYI GNAD RNAM PAR PHYE BZHES BYA BA, RGYUD KYI RGYAL PO DPAL GSANG BA 'DUS PA'I MAN NGAG RIM PA LNGA GSAL BA'I SGRON ME, RNAM GZHAG RIM PA'I RNAM BSHAD DPAL GSANG BA 'DUS PA'I GNAD DON GSAL BA, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, 'DUS PA'I BSHAD RGYUD LHA MO BZHI ZHUS KYI RGYA CHER BSHAD PA SROG RTZOL GYI DE KHO NA NYID GSAL BA DPAL GSANG BA 'DUS PA'I BSHAD RGYUD YE SHES RDO RJE KUN LAS BTUS PA'I t'IKKA, BSHAD RGYUD RDO RJE PHRENG BA'I ZIN BRIS, RGYUD KYI RGYAL PO DPAL GSANG BA 'DUS PA'I RTZA BA'I RGYUD SGRON MA RAB TU GSAL BAR BYED PA'I RGYA CHER BSHAD PA 'CHAD PA'I SA BCAD BSDUS DON, DPAL GSANG BA 'DUS PA'I DKA' BA'I GNAS KYI MTHA' GCOD RIN PO CHE'I MYU GU, RGYUD THAMS CAD KYI RGYAL PO DPAL GSANG BA 'DUS PA'I RGYA CHER BSHAD PA SGRON MA GSAL BA'I TSIG DON JI BZHIN 'BYED PA'I MCHAN GYI YANG 'GREL, RJE BTZUN 'JAM PA'I DBYANGS KYI GSUNG THUN MONG MA YIN PA RJE RED MNGA' BAR PHUL BA, DPAL GSANG BA 'DUS PA'I SGRUB THABS KYI LHAN THABS, DPAL GSANG BA 'DUS PA'I MNGON RTOGS DANG BSAM GTAN GYI SGRUB MCHOD NGAG TU 'DON PA'I LHAN THABS ,DPAL GSANG BA 'DUS PA'I SGRUB THABS RNAL 'BYOR DAG PA'I RIM PA, BZHI BRGYA LNGA BCU PA'I SKOR GYI ZIN BRIS, DPAL GSANG BA 'DUS PA MI BSKYOD RDO RJE'I DKYIL 'KHOR GYI CHO GA DBANG GI DON GYI DE NYID RAB TU GSAL BA, RDO RJE BZLAS PA'I RIM PA'I ZIN BRIS, DGONGS

, ,PA BLA NA MED PA'I RIM PA'I ZIN BRIS, MAN NGAG GI MTHAR THUG BDAG BYIN RLABS, MAN NGAG GI MTHAR THUG MNGON PAR BYANG CHUB PA'I RIM PA'I BSHAD PA, RIM LNGA BSDUS BA'I ZIN BRIS, RNAL 'BYOR BZHI RIM, RNAL 'BYOR BZHI'I RIM PA'I t'IKKA , 'DUS PA'I DKA' GNAD KYI ZIN BRIS, RGYAL BAS BYIN DANG SH'ANTA'I BA'I GSANG 'DUS KYI 'GREL PA DANG DUL BAS BYIN GYIS SGYU 'PHRUL DKYIL CHOG GI ZIN BRIS, KHRE BCU'I ZIN BRIS, LHAG PA YI NI LHA GCIG NYID CES PA'I DON BSHAD PA, BSAM GTAN PHYI MA, GSANG BA KHYAD GZHI, GRUB CHEN BRGYAD KYI BZHUGS TSUL, 'JAM DPAL GSANG LDAN GYI DPYAD PA YONGS SU RDZOGS NAS ZIN BRIS SU GNANG BA, ZHE DGU MA'I ZIN BRIS, 'JAM DPAL ZHI DRAG GI BSRUNG BA, 'JIGS BYED KYI PHYAG MTSAN SOGS KYI BSHAD PA'I ZIN BRIS, RDO RJE 'JIGS BYED LHA BCU GSUM MA'I SGRUB THABS RIN PO CHE'I BRA MA TOG ,RDO RJE 'JIGS BYED CHEN PO'I SGRUB THABS BDUD THAMS CAD LAS RNAM PAR RGYAL BA, GSHIN RJE DGRA NAG GI SGRUB PA'I THABS RIN PO CHE 'BAR BA, GSHIN RJE GSHED LHA BCU GSUM MA RNAMS KYI DKYIL 'KHOR DU DBANG BSKUR BA'I CHO GA RIN PO CHE'I PHRENG BA, 'JAM DBYANGS ZHI KHRO SBRAGS SGRUB THUN MONG MA YIN PA, RDO RJE 'JIGS BYED SER PO LA BRTEN BA'I SHIN TU ZAB PA'I MAN NGAG ,YI GE BZHI PA'I BSRUNG BA MAN NGAG RTZA GSUM DANG GSHIN RJE SBYOR TSUL RNAMS DANG RTZA DANG GSHIN RJE SBYOR TSUL , 'JIGS BYED KYI DGE SBYOR,

RDO RJE 'JIGS BYED KYI 'PHRIN LAS BZHI'I SBYIN SREG DNGOS GRUB RGYA MTSO, BLA MA LNGA BCU PA'I RNAM BSHAD SLOB MA'I RE BA KUN SKONG, BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL, BCOM LDAN 'DAS DPAL 'KHOR LO BDE MCHOG GI MNGON PAR RTOGS PA'I RGYA CHER BSHAD PA 'DOD PA 'JO BA, RNAL 'BYOR GYI DBANG PHYUG L'U AI PA'I LUGS KYI BCOM LDAN 'DAS 'KHOR LO SDOM PA'I SGRUB PA'I THABS BDE CHEN GSAL BA, RNAL 'BYOR GYI DBANG PHYUG L'U AI PA'I LUGS KYI BDE MCHOG RDZOGS RIM GYI RNAM BSHAD DNGOS GRUB SNYE MA, RNAL 'BYOR GYI DBANG PHYUG L'U AI PA'I LUGS KYI BDE MCHOG GI RDZOGS RIM RNAL 'BYOR CHEN PO'I KHRID KYI RIM PA MDOR BSDUS PA, DPAL MNGON PAR RTOGS PA'I 'GREL PA KHYAD PAR GSAL BYED LAS ZUR DU PHYUNG BA, MKHA' 'GRO RGYA MTSO'I SKOR GYI ZIN BRIS, GSANG SNGAGS KYI TSUL KHRIMS KYI RNAM BSHAD DNGOS GRUB KYI SNYEM, RJE BTZUN 'JAM DPAL RDO RJE'I SGRUB THABS 'JAM PA'I DBYANGS KYI DGONGS PA GSAL BA, CHO GA NYI SHU'I KHUNGS DGOD PA, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI MNGON RTOGS DGONGS PA RAB GSAL, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI DBANG CHOG RIN PO CHE'I BANG MDZOD, DPAL 'KHOR LO BDE MCHOG RIM LNGA'I RNAM BSHAD SBAS DON LTA BA'I MIG RNAM PAR 'BYED PA, MKHA' SPYOD MA DMAR MO'I SGRUB THABS, RDO RJE MKHA' 'GRO'I 'GREL PA'I ZIN BRIS, RDO RJE RNAL 'BYOR MA'I 'GREL PA TSES BCU'I

, ,MCHOD PA'I RTOG PA'I CHO GA GRUB CHEN D'A RI KA PAS MDZAD PA'I ZIN BRIS, MAN NGAG SNYE MA'I ZIN BRIS, DPAL 'KHOR LO SDOM PA'I PHYI ROL MCHOD PA'I CHO GA LAG MCHOD DANG DPYID KYI RGYAL PO'I GLU, RDZOGS RIM DBYID KYI THIG LE, ZAB LAM N'A RO'I CHOS DRUG GYI SGO NAS KHRID PA'I RIM PA YID CHES GSUM LDAN ,RGYUD BRTAG PA GNYIS PA'I ZIN BRIS, KYEE RDO RJE'I RGYUD KYI ZIN BRIS DANG, KYEE RDO RJE'I ZIN BRIS, RJE BRTZUN MA BDAG MED MA'I DKYIL 'KHOR GYI SGRUB THABS ZIN BRIS, DPAL MCHOG GI ZIN BRIS, SANGS RGYAS THONG PA'I MI 'JIGS GZHUNG 'GREL SOGS KYI ZIN BRIS, KUN RIG CHO GA'I ZIN BRIS, MDOR BSDUS DANG PO LA AA TZA LA GARBAS DON TSAN BDUN DU BYED PA, 'PHO KHRID KYI RTZA TSIG BRTAG PA BRGYAD PA'I RAB TU BYED PA GSUM PA, RNAM SHES GONG DU 'PHO BA'I RGYA CHER BSHAD PA GSER GYI SGO 'BYED, SPRIN BRAL BA'I MAN NGAG DANG RTA MGRIN SHVA NA BZHI BSKOR, RI KHROD LO MA CAN GYI SGRUB THABS, LHA MO DBYANGS CAN MA'I SGRUB THABS, DBYANGS CAN MA'I SGRUB THABS, BCOM LDAN 'DAS RME BRTZEGS KYI SGRUB THABS, DE NYID BSDUS PA'I 'GREL PA'I ZIN BRIS, RDO RJE DBYINGS KYI SA CHOG GI ZIN BRIS, RDO RJE DBYINGS KYI 'KHOR BSGYUR GYI BSNYEN PA'I RIM PA SOGS KYI ZIN BRIS, SBYOR DRUG GI RDO RJE'I TSIGS BCAD, DE'I BSHAD PA, DUS 'KHOR GYI MNGON RTOGS DANG DBANG GI ZIN

BRIS; SBYOR DRUG NYER MKHO'I BRIN BRIS, 'CHI ZHAG DANG TSE LHAG JI TZAM YOD DPYAD PA, RDO RJE RTZE MO'I ZIN BRIS, YE SHES MKHA' 'GRO'I SGRUB THABS, 'PHO BA, BKA' BSGO BYA TSUL, SGRA MI SNYAN GYI TSE SGRUB, 'DUL BA MDO RTZA BA'I ZIN BRIS, GZHI NAS 'BYUNG BA'I BSLAB BYA'I ZIN BRIS, ZHUGS PA DANG GNAS PA'I SKYES BU CHEN PO RNAMS KYIS RNAM PAR BZHAG PA BLO GSAL BGROD PA'I THEM SKAS, GZUGS KYI CHUNG MTHA' DANG DUS KYI THUNG MTHA' SOGS LAS BRTZAMS PA'I DRIS LAN, BLA MA'I RNAL 'BYOR ZAB KHYAD CAN MKHAS GRUB RJE LA GNANG BA, BA SO CHOS RJE LA GCIG BRGYUD KYI TSUL DU GNANG BA'I BLA MA'I RNAL 'BYOR, ZHU LAN SMAN MCHOG BDUD RTZI'I PHRENG BA, SDOM PA GONG MA GNYIS KYI PHYIR BCOS, GTOR MA BRGYA RTZA'I RIM PA, RJE RANG NYID KYIS GSAN YIG ,BYANG CHUB LAM GYI RIM PA'I BLA MA BRGYUD PA LA GSOL BA 'DEBS PA'I TSUL LAM MCHOG SGO 'BYED SOGS BSTOD TSOGS DANG CHAB SHOG DRIS LAN SOGS GSUNG THOR BU BA, RJE RIN PO CHE RANG NYID KYIS JI LTAR THUGS NYAMS SU BZHES PA LTAR MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN 'DI LTAR BYA DGOS SO ZHES 'DOMS PA'I NYAMS MGUR LAM RIM BSDUS DON DU GRAGS PA RNAMS MDZAD, RJE RIN PO CHE'I GSUNG LA THUGS SRAS MKHAS GRUB CHEN PO RNAMS KYIS ZIN BRIS SU BYAS PA'I MDO SNGAGS KYI LEGS BSHAD MANG DU BZHUGS PA NI YONGS SU GRAGS PA LTAR RO, ,'DI LTA

, ,BU'I MDO SNGAGS KYI BSTAN BCOS RGYA CHEN PO 'DI SNYED CIG MDZAD PA 'DI DAG THAMS CAD RGYAL BA RANG NYID KYI GSUNG DANG, SHING RTA CHEN PO GNYIS KYI GZHUNG JI LTA BA BZHIN DU THEG PA GONG 'OG DANG RGYUD SDE GONG 'OG GRUB MTHA' RNAM BZHI GANG GI THAD LA'ANG RANG RANG GI LUGS MA 'DRES BAR STON PA LAS, PHAN TSUN 'DRES PA'I SKYON PHRA MO'ANG MED CING, SNGA PHYI 'GAL BA DANG RANG TSIG 'GAL BA DANG ZLOS BUR SMRA BA SOGS KYI SKYON YANG RNAM PA KUN NAS MED PAR DRI MA MED PA'I RIGS LAM LA SBYANGS PA'I MKHAS PA RNAMS KYIS GZU PO'I BLOS JI TZAM DPYAD KYANG 'DI'I THAD NAS NOR RO ZHES TSIG GCIG LA'ANG SKYON GDAGS SU MED PA DANG, THA SNYAD KYI GTZUG LAG DAG DANG YANG MI 'GAL BAR SNGON CHOS RGYAL SRONG BTZAN SGAM PO'I DUS CHOS RGYAL THUGS RJE CAN GYI BKA' LTAR 'JAM DBYANGS KYI SPRUL PA THON MIS YI GE'I BRDA CHAD 'DI LTAR BYA DGOS SO ZHES BOD KHAMS YONGS LA GDAMS PA'I BSTAN BCOS SUM CU PA DANG RTAGS 'JUG NAS JI LTAR BSHAD PA LTAR DON SO SO LA YI GE'I SNGON 'JUG SOGS THOB JI LTAR DOGS PA RNAMS CUNG ZAD KYANG MA 'PHYUGS PA DANG, SNGON GYI CHOS RGYAL LO PAn RNAMS KYIS BKAS BCAD MDZAD PA LTAR GYI CHOS KYI BRDA CHAD KHO NA LAS YUL MI RANG BZHIN PA'I PHAL SKAD DANG, RANG RANG GI YUL PHYOGS KYI SKAD SOGS KYI SKYON PHRA MO YANG MA 'DRES PAR DON BZANG BA, TSIG 'BRU BZANG BA, MA 'DRES PA, MA SBAGS

PA; YONGS SU RDZOGS PA, GDUL BYA'I RGYUD DANG 'TSAM PA ,SUS BLTAS KYANG PHAN THOGS PA SOGS RGYAL BAS CHOS KYI BSNGAGS PA JI LTAR MDZAD PA DANG RNAM PA KUN NAS MTHUN BA SHA STAG TU YOD DO, ,TSUL 'DIS KYANG RJE THAMS CAD MKHYEN PA 'DI NYID GANGS RI'I KHROD 'DIR MTSUNGS ZLA MED CING PHYI RABS KYI GDUL BYA YONGS LA BKA' DRIN ZLA MED PAR GRUB BO, ,RJE RIN PO CHE 'DI NYID KYI SKU GSUNG THUGS KYI RNAM THAR BSAM GYIS MI KHYAB PA SNGAR BRJOD PA DE LTAR YIN ZHING, 'PHRAL GYI MDZAD SPYOD KYANG SNYIGS MA'I SKYE BO SU DANG YANG MI MTSUNGS PA'I NGO MTSAR RMAD DU BYUNG BA ZHIG BZHUGS TE, RJE RIN PO CHE 'DI NYID MDO SMAD DU SKU 'KHRUNGS PA NAS MTHAR MYA NGAN LAS 'DAS PA'I BAR LA THUGS RGYUD 'KHRUGS TE GZHAN LA ZHE GCOD PA'I TSIG NGAN PA SMRA BA DE DUS KYI SKU DNGOS KYI GDUL BYA SU LA'ANG BSTAN RGYU MED CING, MTSAN NYID KYI SLOB GNYER MDZAD PA'I SKABS SU'ANG DENG SANG GI GDUL BYA PHAL CHER PHA ROL DANG RTZOD PA'I CHE PHA ROL SMA DBAB PA'I TSIG SMRA GANG THUB DANG, LUS KYI RNAM 'GYUR YANG 'GYING BA DANG KHENGS PA DANG PHA ROL GNON PA'I RNAM 'GYUR BYED PA 'DI 'DRA GTAN NAS MIN PAR RJE BLA MA 'DIS DBUS GTZANG GI GRAS CHEN PO RNAMS SU THUGS GNYER MDZAD PA DANG, GRVA SKOR MDZAD PA'I SKABS GANG DU'ANG RGOL BA PHA ROL PO LA NGAN SMRA MDZAD PA NAM YANG MI SRID CING SKU LUS KYI RNAM 'GYUR YANG ZHI ZHING DUL BA DANG 'JAM ZHING DES PA DANG,

, ,GSUNG SNYAN ZHING BRJID LA GSONG BOR SMRA BA DANG, PHA ROL BO LA PHAN BA'I TSIG KHO NA BRJOD PA LAS SKU DANG GSUNG GI RNAM 'GYUR LA SKYON CHAGS PA DE DUS SKU DNGOS SU MTHONG BA SU LA'ANG DUS 'DI'I TSE 'DI LTAR MDZAD DO ZHES BSTAN RGYU MED PA YONGS SU GRAGS PA LTAR YIN LA, DE'I DBANG GIS GRVA SA GANG DANG GANG DU BYON PA DE DANG DER RJE 'DI'I SKU MTHONG BA DANG GSUNG GI GDANGS THOS PA TZAM GYIS SNANG BA 'GYUR TE RJE 'DI'I ZHABS DRUNG DU BSNYEN TE SLOB MAR KHAS LEN PA SHA STAG BYUNG STE SKAD CIG NYID LA GANGS CAN GYI SA'I CHA THAMS CAD RJE 'DI'I SLOB MAS KHYAB PA'I DA BYUNG BA YIN NO, ,RJE 'DI LA RGYA MTSO'I GLING BAR TSUN CHAD NAS GDUL BYA 'DUS TE SA CHEN PO'I KHYON 'DI THAMS CAD SLOB MAS GANG BA DE LTA BU BYUNG YANG CHEN POR RLOM PA'I CHE 'GYING NAM YANG MI MDZAD CING, RANG NYID SHES BYA KUN LA THOGS PA MED PA'I MKHYEN PA MNGA' BA YIN YANG; SNGON BYON PA'I BSTAN 'DZIN GYI SKYES BU DAM PA RNAMS LA SKYON BRJOD NAM YANG MI MDZAD BAR DAG SNANG DANG BKA' DRIN DRAN PA'I GUS PA LHUR MDZAD DE, SNGON BYON PA'I LO TZ'A BA BKA' DRIN CAN RNAMS DANG, BSTAN PA'I GSAL BYED GRUB MTHA' RIS SU MA CHAD PA KUN LA DAG SNANG DANG GUS PA LHUR MDZAD DE SO SO'I YIG CHAR NOR 'KHRUL SOGS CI YOD KYANG DE RGYU MTSAN DU BYAS TE DAM BDE DANG DE DAG LA SKYON BRJOD PA NAM YANG MI MDZAD DE,

RJE'I MDO SNGAGS KYI GSUNG RAB JI SNYED CIG BZHUGS PA 'DI DAG GI NANG NA SNGON BYON PA'I LO TZ'A BA BKA' DRIN CAN DE DAG DANG ,SGRUB PA MDZAD PA'I SKYES BU DAM PA JI SNYED CIG BYON PA DE DAG DANG , DGE 'DUN GYI SDE 'DZUGS PA'I DAM PA GRUB MTHA' RIS MI 'DRA BA MANG PO ZHIG BYON PA DE DAG SU LA'ANG MTSAN NAS SMOS TE SKYON BRJOD PA BSTAN RGYU MED DO, ,'ON KYANG THIG RLANG POR BTAB NA KYOG PO ZUR LA THON PA CHOS NYID YIN PA LTAR RJE RIN PO CHE 'DIS RGYAL BA'I DGONGS BA SHING RTA CHEN PO KLU SGRUB DANG THOGS MED GNYIS KYIS JI LTAR BKRAL BA LTAR GTAN LA PHAB PA NA, SHING RTA CHEN POS RGYAL PA'I DGONGS PA BKRAL BA DANG MI MTHUN BAR SMRA BA RNAMS SKYON CAN DU RANG SHUGS KYIS THON 'ONG STE DE NI RJE 'DI'I SKYON DU GA LA 'GYUR TE SHING RTA CHEN PO GNYIS KYIS RGYAL BA'I DGONGS PA BKRAL BA BZHIN NO, ,GZHAN YANG RJE 'DIS SKU TSE HRIL BOR SO NAM DANG TSONG BUN BSKYED SOGS 'DUL BA DANG 'GAL BA'I LAS NAM YANG MA MDZAD DE BYA BRAL GYI SLOB MA STONG PHRAG MANG PO SKYONG DGOS PA'I TSE YANG CHOS DANG MTHUN PA'I 'TSO BA KHO NA LA SBYOR BA LAS BUN BSKYED SOGS LOG 'TSO'I RIGS LA SBAR BA DNGOS KYI GDUL BYA SUS KYANG MTHONG BA MED CING, DKON MCHOG GI MCHOD PA RLABS CHEN PO MDZAD PA DANG, DGE 'DUN GYI SDE SKYONG BA DANG , MCHOG GSUM GYI RTEN GSAR DU BZHENG BA SOGS

, ,LA MTHUN PA'I 'TSOG CHAS NGES PAR 'TSOL DOGS PA BYUNG NA RGYAL PO CHEN PO RNAM THOS SRAS LA GTOR MA PHUL TE SNGON THUB PA'I SPYAN SNGAR JI LTAR KHAS BLANGS PA LTAR RGYAL BA'I BSTAN PA SPEL PHYIR 'PHRIN LAS 'DI SGRUBS SHIG CES BSKUL BA TZAM GYIS GANG DGOS PA'I YO BYAD THAMS CAD 'BAD MED LHUN GRUB TU BYUNG BA NI SKU DNGOS KYI GDUL BYA THAMS CAD LA MTHUN SNANG DU GRUB PA'O, ,DE LTAR RJE RIN PO CHES BSTAN PA DANG GDUL BYA'I DON RMAD DU BYUNG BA RGYA CHER MDZAD PAS GANGS RI'I KHROD KYI SKAL BA DANG LDAN PA SKU DNGOS KYI GDUL BYA DAG GI DON PHAL CHER MDZAD ZIN PA NA STON PA MYA NGAN LAS 'DA' KHAR GRONG KHYER RTZVA CAN DU BYON NAS KUN TU RGYU RAB BZANG DANG DRI ZA'I RGYAL PO RAB DGA' 'DUL BAR MDZAD PA JI LTA BAR SKU TSE 'DI'I DNGOS KYI GDUL BYA'I THA MA 'GA' ZHIG GI DON BYA BAR DGONGS PA DANG, GANGS RI'I LJONGS 'DIR RGYUD KYI 'CHAD NYAN RKANG TSUGS PA'I GRVA TSANG ZHIG NGES PAR 'DZUGS BZHED PA DANG, GANGS CAN SKYE 'GRO YONGS KYI PHAN BDE'I RTZA LAG LHA LDAN SPRUL BA'I GTZUG LAG KHANG GI RTEN RNAMS LA MCHOD PA RGYA CHEN PO PHUL TE RGYAL BA'I BSTAN PA YUN RING GNAS PA'I THUGS SMON MDZAD PA SOGS DGOS PA MANG PO ZHIG GI PHYIR STOD LUNG GI CHU TSAN LA 'BYON BZHED PA LTAR BYAS TE RI BO DGA' LDAN NAS PHYAGS BTEG STE LHA SAR MCHOD PA DANG SMON LAM RNAM PAR DAG PA MDZAD NAS STOD LUNG GI CHAB TSAN KHAR BYON, 'ON KYANG CHAB TSAN GYIS NI ZHABS LA

CUNG ZAD TZAM BDUG PA LAS MA MDZAD, GTZO BOR STOD LUNG PHU MDA'I SKYE BO'I TSOGS MTHA' YAS BA DAG LA CHAS DANG BYIN RLABS KYI SKYES GNANG ZHING, DAD LDAN SO SOR BSNYEN BKUR PA DANG ZANG ZING GI DNGOS PO PHUL BA RNAMS DANG BA CAN DE DANG DE DAG GI DGE RTZA BSKYED PA'I PHYIR BZHES, ZHAL MTHONG ZHING GSUNG THOS PA TZAM GYIS KYANG DON DANG LDAN PAR MDZAD DE, SLAR 'BRAS SPUNGS SU BYON PA'I TSE 'JAM DBYANGS CHOS RJE BKRA SHIS DPAL LDAN PAS GTZOS 'DRAS SPUNGS KYI DGE 'DUN THAMS CAD KYIS MCHOD BA'I BYE BRAG SNA TSOGS BA THOGS, GSOL BA 'DEBS PA'I DBYANGS KYI NGA RO DANG BCAS BSUS, 'DU LI LA GDAN DRANGS PA'I 'DU LI'I SNA LA 'JA' TSON KHA DOG LNGA PA KUN NAS BKRA BA THAL BYUNG DU ZUG PA DANG, 'BRAS SPUNGS SU PHEBS NAS KYANG CHOS GSUNG BA'I TSE CHOS GRVA'I DBUS SU 'JA' TSON SNA LNGA PA NAM MKHA'I DBYINGS NAS KA BA BTZUG BLTAR CHES GSAL BAR ZUG BA SOGS RJE RIN PO CHE'I SKU TSE 'DI'I MDZAD PA PHAL CHER RDZOGS NAS ZHING KHAMS GZHAN DU 'BYON PAR BZHED PA NA DKAR PHYOGS KYI LHA RNAMS KYIS BSU BA'I BKOD PA BSHAMS PA DANG, LHAG PAR NAM MKHA'I DBYINGS NAS 'JA' KA BA BTZUGS BA LTAR BYUNG BA NI DGA' LDAN GYI LHA RNAMS KYIS RJE RIN PO CHE DGA' LDAN DU 'BYON PA LA BSU BA'I BKOD PA BSHAMS PA YIN BAR NGES PA DE LTA BU'I LDAS MNGON SUM DU BAB BAR GYUR LA, GZHAN YANG 'BRAS SPUNGS SU BZHUGS RING LA DGE BA'I BSHES GNYEN

, ,SDE SNOD 'DZIN PA STONG PHRAG GNYIS TZAM 'DUS SHING, SNE'U NAS ZHABS TOG DANG CI DGOS KYI PHOGS BSNYEN BKUR 'BUL NOD SOGS BSAM GYIS MI KHYAB PA MDZAD LA, DE'I TSE LAM RIM GYI KHRID, N'A RO CHOS DRUG ,DBU MA LA 'JUG PA, GSANG BA 'DUS PA'I RGYUD LA SOGS PA GSUNGS SHING, DE YANG SNGON CHAD GRONG PA'I SKYE BO PHO MO DU MA LA KHRID CHER MI GNANG, KHYAD PAR LAM RIM GYI KHRID LA'ANG 'TSOG TU MI RUNG BA LA SOGS PA'I DAM BZHAG CHE BAR YOD PA LA DE DUS GRONG PA'I SKYE BO JI TZAM ZHIG 'ONGS PA DANG, DUS NAM 'ONGS THAMS CAD LA KHYAD PAR MED PAR THA NA SPRANG PO'I TSOGS DU MA 'DUS BA YAN CHAD THAMS CAD LA LAM RIM DANG DBU MA LA SOGS BA'ANG BKAG PA MED PAR GNANG, 'BRAS SPUNGS SU SKABS SHIG NAS GZHAN PHAL MO CHE LA LKOG TU GYUR PA'I MNGON CHUNG BAR GYIS GSUNG NAS LHA BZO BA LA DAM BZHAG CHE BAR MDZAD DE BCOM LDAN 'DAS RNAM PAR SNANG MDZAD KYI DNGUL SKU CHEN PO ZHIG BZHENG BA'I ZHAL TA MDZAD, DE LTAR CHOS KYI 'KHOR LO RGYA CHER BSKOR NAS, SNGON CHAD DUS 'KHOR MA GTOGS PA'I RGYUD LA LE MTSAMS MDZAD PA'I LUGS MED PA LA DE'I TSE GSANG 'DUS KYI LE'U DGU PA'I MI BSKYOD SANGS RGYAS ZHING DAG TU, ,RGYAL BA'I SRAS SU SKYE BAR 'GYUR, ,ZHES PA'I MTSAMS SU CHOS MTSAMS MDZAD NAS, MYUR DU 'BROG RI BO CHE DGA' LDAN RNAM PAR RGYAL BA'I GLING NYID DU 'BYON BZHED PA'I ZHAL TA GNANG,

DE LA SBYIN BDAG DANG, CHOS GSAN PA RNAMS KYIS DA DUNG ZLA BA GCIG GAM ZLA PHYED TZAM DU'ANG BZHUGS NAS CHOS 'PHRO RDZOGS PAR GSUNG BA ZHIG THUGS RJES GZUNG 'TSAL, THA NA RGYUD KYI 'PHRO RNAMS BKLAGS LUNG MDZAD PA TZAM ZHIG KYANG GNANG 'TSAL ZHES GSOL BA NAN CHER BTAB KYANG GSAN DU MA BZHED NAS, DA LAN MYUR DU BTEG PA THAMS CAD LA DGA' BAS 'DEGS, RGYUD DANG LAM RIM 'PHRO LA 'JOG PA'I 'DUN PA KHA SING DU BTANG TSAR GSUNG NAS CHOS MCHAMS MDZAD DE, DE YANG DA DUNG DU SNGAGS DANG MTSAN NYID KYI GSUNG SGROS KYI BSHAD RGYUN RDZOGS PA MED PAR 'PHRO RING DU GNAS PA'I RTEN 'BREL BSGRIG PA'I DGONGS PA MDZAD, DE NAS LHA SAR PHYAGS BTEG, JO BO RIN PO CHE'I DRUNG DU BYON TE PHYAG DANG MCHOD PA DANG SMON LAM RNAM PAR DAG BA RGYA CHER MDZAD NAS DA DUNG YANG BSTAN PA RIN PO CHE YUN RING DU GNAS PA'I GSOL 'DEBS SHUGS DRAG MDZAD, DE NAS BYAMS CHEN CHOS RJE SH'AKYA YE SHES PAS SPYAN DRANGS TE SER CHOS SDINGS SU BYON, BYAMS CHEN CHOS RJE DPON SLOB RNAMS KYIS BSNYEN BKUR DANG MCHOD PA TSAD MED PAS MCHOD, BYAMS CHEN CHOS RJE LA SER RA SHING RTA CHEN PO'I GZHUNG LUGS RNAMS LA 'CHAD NYAN GYI BSTAN PA RGYA CHER SPEL BGOS PA'I ZHAL TA MANG DU GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAM PAR DAG PA YONG YE RNAM PA THAMS CAD DU NUB PAR GYUR NAS RING ZHIG LON, RJE RANG NYID KYIS

, ,BSHAD PA RNAM PAR DAG PA MDZAD PA'I GSUNG GI BDUD RTZI NYAMS SU MYONG PAS BLO GROS KYI LUS YONGS SU TSIM PA MANG DU BYON MONG KYI, DE LTA NA'ANG DA DUNG RGYUD SDE'I 'CHAD NYAN RKANG TSUGS PA'I GRVA SA THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN BA 'BA' ZHIG LA DGONGS PA'I THUGS KYI 'DUN PA SHUGS DRAG POS BYAMS CHEN CHOS RJE LA SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA GNAS NAS DPAL GSANG BA 'DUS PA DANG BDE MCHOG GNYIS KYI BSHAD SGRUB RKANG TSUGS PA'I RGYUD GRVA ZHIG 'DZUGS DGOS PA'I ZHAL TA GNANG STE SE RA CHOS SDINGS SU CHOS RJE BAS THUGS KHUR CHES CHER BZHES NAS, GZHI 'DUL BA'I BSLAB KHRIMS RNAM PAR DAG PA LA BRTEN TE, DPAL GSANG BA 'DUS PA DANG BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG CHOS DPON BSKO BA LA SOGS PA MDZAD CING, RTEN 'BREL KHYAD PAR CAN BSGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS SO, ,DE NAS RIM GYIS YAR LAM BDE CHEN RTZER PHYAGS PHEBS, DER YANG BRAG DKAR RDZONG DBON PA YAB YUM LA DPAL GSANG BA 'DUS PA DANG 'KHOR LO BDE MCHOG GNYIS KYI BSHAD GRVA RNAM PAR DAG PA TSUGS PA'I GRVA TSANG ZHIG 'DZUGS DGOS PA'I

ZHAL TA BYON ZHING, KHONG PAS KYANG DAD PA CHEN POS DGA' SPRO DANG BCAS TE BKA'I KHUR SPYI BOS MNOS NAS BDE CHEN RTZER DPAL GSANG BA 'DUS PA DANG 'KHOR LO SDOM PA GNYIS KYI 'CHAD NYAN RNAM PAR DAG PA RKANG TSUGS PA GZHI 'DUL BA'I BSLAB KHRIMS PHYAG SROL MA NYAMS PA LA BRTEN PA'I GRVA SA BTZUGS, RJE RANG NYID KYIS KYANG MTHUN RKYEN GYI NAS GZHI 'DZUGS PA SOGS KYI RKYEN DU BAB PA'I YO BYAD DPAG TU MED PA'I GNANG SBYIN MDZAD CING RDZONG DPON PAS BDAG RKYEN PHUN SUM TSOGS PA'I THUGS KHUR BZHES SO, ,DE NAS GNAS DE NYID LA RAB TU GNAS PA ZHUS PAS, DA LAN MIN PA RAB GNAS BYED PA MI 'ONG BAS DA LAN RGYAS PA ZHIG BYED DGOS GSUNG NAS RAB TU GNAS PA RGYAS PAR MDZAD DE, GNAS DE NYID KYI GTZUG LAG KHANG DE LA GSANG SNGAGS MKHAR ZHES BYA BAR MING DU GDAGS PA'ANG MDZAD DO, ,DE NAS BRAG DKAR DU BYON, DE NAS GRU BZHIR GDAN 'DREN ZHUS NAS BYON TE, DE YANG 'BRAS SPUNGS NAS PHYAGS BTEG NAS DGA' LDAN DU MA PHEBS KYI RING LA GANG DU SPYAN DRANGS PA THAMS CAD DU DA YANG YANG 'ONG BA MI 'ONG BAS DA LAN 'GRO DGOS GSUNG NAS ZHAL GYIS BZHES PAR MDZAD DO, ,GRU BZHIR PHEBS PA'I NUB GAndI BRDUNGS PA'I SGRA CHEN PO GRAG PAS THAMS CAD THE TSOM DU GYUR NAS BRTAGS KYANG, MI ZHIG GIS BRDUNGS PA MA YIN PAR NGES PA TZAM DU ZAD KYI, GZHAN DU NA RDUNG BAR BYED PA SU ZHIG GIS GNAS GANG DU BRDUNGS PA SOGS GANG DU'ANG BRTAG PAR MI NUS PAR YUN RING DU SGRA SHIN TU GRAG

, ,CING GSANG MTHO BA RDUNG BAR BYED PA ZHIG BYUNG NGO, ,GZHAN YANG 'BRAS SPUNGS NAS YAR LA PHYAGS MA BTEG PA'I GONG TZAM GYI SKABS SU'ANG, SA CHEN PO GLO BUR NYID DU G-YO BA DANG, NAM MKHA'I DBYINGS MTHA' MI MNGON PA'I LAM RING PO NAS 'ONGS PA'I 'JA' TSON RNAM PAR BKRA BA MTHA' YAS BA RI BO DGA' LDAN GYI RTZE LA YANG DANG YANG DU ZUG PA BYUNG STE, DE NI RJE RIN PO CHE 'DI NYID 'OD GSAL CHOS SKU MNGON DU MDZAD NAS GZUGS KYI SKUR BZHENG BA DANG MNYAM DU PHYOGS BCU'I ZHING RAB 'BYAMS THAMS CAD DU SPRUL PA 'GYED PAR MDZAD BAS, PHYOGS BCU'I SANGS RGYAS KYI ZHING DAG NAS MCHOD RDZAS SNA TSOGS THOGS PA'I LHA BGRANG BA LAS 'DAS PAS BSU BA BYAS PA YIN PAR GDON MI ZA STE, DPAL 'KHOR LO SDOM PA'I RTZA RGYUD LAS, 'KHOR LO SDOM PA'I RNAL 'BYOR PA DAM TSIG DANG SDOM PA TSUL BZHIN DU BSRUNG BA DAG 'CHI BA'I DUS BYED PA NA DPA' BO DANG DPA' MO BGRANG BA LAS 'DAS BAS MCHOD PA'I BYE BRAG SNA TSOGS BA THOGS TE MKHA' SPYOD DU 'KHRID PAR GSUNGS NA, RJE BDAG NYID CHEN PO 'DI LTA BU 'OD GSAL CHOS SKU MNGON DU MDZAD NAS ZUNG 'JUG GI SKUR BZHENGS PA LA PHYOGS BCU'I DPA' BO DANG DPA' MO THAMS CAD KYIS MCHOD PA BYED PA DANG, ZHING GANG DANG GANG DU BYON PA DE DANG DER MCHOD PA'I BYE BRAG SNA TSOGS THOGS PAS BSU BA BYED PA LTA CI SMOS SO, ,DE NAS GRU BZHI NAS PHYAGS BTEG NAS DGE LDAN DU PHEBS PA NA THOG MAR YANGS PA CAN GYI GTZUG LAG KHANG CHEN POR BYON TE 'DIR NGA YANG

YANG 'ONG BA MI 'ONG BAS MCHOD GTOR RGYA CHER SHOMS GSUNGS NAS STON PA'I SKU DANG, GZHAL YAS KHANG RNAMS DANG, YI DAM GYI DRUNG DU MCHOD PA DANG GTOR MA RGYA CHER MDZAD DE GSOL BA GDAB PA DANG SMON LAM GYI RIM PA LA SOGS PA MANG DU MDZAD, DE NAS 'DU KHANG DU DGE 'DUN GYI MANG JA 'DREN PA ZHIG GIS GDAN DRANGS PAS TSOGS KYI DBUS SU PHEBS TE SBYIN BDAG SOGS KYI CHED DU ZHU BA SU'ANG MED PAR BDE BA CAN GYI SMON LAM RGYAS PA DGE 'DUN TSOGS PA RGYA MTSO'I DBUS SU SHIS BRJOD DANG BCAS PA MDZAD DE, PHYI RABS KYI GDUL BYA RNAMS LA RJE NYID KYIS JI LTAR GSUNGS PA'I MDO SNGAGS YONGS SU RDZOGS PA'I LAM SROL BZANG PO 'DI NYID MI NYAMS SHING GONG NAS GONG DU 'PHEL BA'I RTEN 'BREL BSGRIG PA'I PHYIR 'DUS PA RGYA MTSO'I DBUS SU BYON NAS THUGS SMON DANG BKRA SHIS DE LTAR MDZAD DO, ,DE NAS GZIM KHANG DU PHEBS TE BZHUGS GDAN LA BZHUGS PA NA, DA NI RANG RE'I DGON PA RANG DBANG THOB PA 'DIR SLEB BYUNG BAS BLO BDE'O, ,ZHES BKA' STZAL, DE'I NYIN MO 'DAS PA'I MTSAN MO'I GUNG THUN LA BAB PA TZAM NAS SKU KHAMS CUNG ZHIG BSNYEL BA'I TSUL BSTAN TE, DE'I SANG NYIN NAS DGE 'DUN THAMS CAD KYIS KYANG SKU RIM LA 'BAD PA 'DON PAR MDZAD, DE LTA NA'ANG SANG GI NYI PHYED TZAM BAR DU SKU LUS KYI CHA SO SO LA BSNYUN ZUG TU MNGON BA CUNG ZAD YOD GSUNG BA MA GTOGS DE NAS BSNYUN ZUG KYANG CHEN PO MED PAR CUNG ZAD THUGS NYOG PAR GSAL TZAM GYI BAR LA NYIN ZHAG GNYIS

, ,KYI RING DU SKU RIM BSGRUBS, DE'I TSE SRAS KYI THU BO RJE DAR MA RIN CHEN LA BSTAN PA'I BYA BA MDZAD TSUL 'DI LTAR DGOS BYA BA LA SOGS PA'I ZHAL TA ZHIB PAR SNGA MO NAS GNANG TSAR BAS DE'I TSE RGYAS PAR MA GSUNGS SHING, DBU ZHVA SNA RING DANG GOS BER ZHIG GNANG STE DON GYIS RGYAL TSAB TU BSKO PAR MDZAD, GNAS BRTAN RIN CHEN RGYAL MTSAN PA LA SOGS PA SKU DRUNG NA 'KHOD PA LA, TSUL 'DI SHES PAR GYIS LA BYANG CHUB KYI SEMS SGOMS SHIG CES SOGS TZAM GSUNG, GZHAN SKU KHAMS CUNG ZAD BSNYEL BA'I TSUL BSTAN PA'I RING LA'ANG SNGAR GYI THUN BZHI'I RNAL 'BYOR DANG BDAG 'JUG LA SOGS PA'I THUGS DAM GYI RIM BA RNAMS 'CHAG MED DU MDZAD PA DANG , GZHAN YANG GTZO BOR NANG GI TING NGE 'DZIN LA MCHOG TU GZHOL BA'I THUGS DAM LA KHOR YUG TU BZHUGS BAR GYUR TO, ,DE NAS NYI SHU BZHI'I DGONGS MO BCOM LDAN 'DAS BDE MCHOG 'KHOR LO'I MCHOD PA RGYAS BA ZHIG MDZAD DE DE'I TSE KA B'A LA MAR MED PA CIG KHYER SHOG GSUNG NAS DER NANG MCHOD BYIN RLABS RGYAS PA ZHIG MDZAD DE, BDAG NYID KYIS BDUD RTZI MYANG BA LAN SUM CU RTZA GNYIS SAM, BCU DRUG PHRAG GNYIS SU MDZAD PA LA, DE YANG BDE MCHOG GI MCHOD PA DE DANG 'BREL BAS DE NYID KYI DBANG DU MDZAD PA YIN LA RAG CING, GZHAN DU NA LHA'I 'KHOR LO 'DI 'DRA BA ZHIG GI DBANG DU MDZAD NAS BDUD RTZI MYANG BA MDZAD DO ZHES BYA BAR NI SUS KYANG KHONG DU MA CHUD DE, SKU DRUNG NA

'KHONG PA KHA CIG NI GRANGS LA DPAGS NAS BCOM LDAN 'DAS DPAL GSANG BA 'DUS PA'I SGO NAS MDZAD PAR YANG RTOG GO ,GZHAN YANG DE DAG GI TSE YI DAM GYI KHYAD PAR MNGON SUM DU GZIGS PA LA SOGS PA'I GZIGS SNANG KHYAD PAR CAN MANG DU YOD PA'I RNAM PA DU MA MNGON MOD KYI, SKU DRUNG NA 'KHOD PA DAG GIS JI LTAR MCHIS PA ZHU BAR MA NUS SO, ,DE NAS MTSAN MO'I RING LA THUGS DAM LA RTZE GCIG TU BZHUGS TE, DE YANG PHYI ROL NAS MNGON PA LA RDO RJE BZLAS PA LA SOGS PA MDZAD PA SHAS CHE BAR MNGON NO ZHES ZER TE, MDOR NA 'CHI BA 'OD GSAL CHOS SKU DANG SRE BA'I MAN NGAG RNAMS THUGS NYAMS SU BSTAR BA YIN PAR NGES SO, ,DE'I SANG NYIN NYI SHU LNGA'I SNGA DRO DANG PO NAS ZHABS RDO RJE SKYIL MO KRUNG DU MDZAD, PHYAG GNYIS MNYAM PAR BZHAG STE THUGS DAM LA RTZE GCIG TU BZHUGS PA LAS NYI MA SHAR RJES TZAM LA STONG PA GSUM RIM GYIS THIM NAS THAMS CAD STONG PA 'OD GSAL DON DAM PA'I BDEN PA MNGON DU MDZAD DE NANG DU 'OD GSAL CHOS SKU MNGON DU MDZAD PA DANG DUS MNYAM DU PHYI'I SKU LUS 'GYUR TE, ZHAL GYI DKYIL 'KHOR DE GANG CUNG ZAD SKU KHAMS BSNYEL BA SOGS KYIS SNGAR LAS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU ZHAL GYI DKYIL 'KHOR ZLA BA LTAR RGYAS PAR GYUR TE SKU'I CHA THAMS CAD 'OD KYI LUS CAN GYI LHA BU GZHON NU LTAR GYUR CING, SKU'I SHA ZHU BA DANG, LTAR LTAR POR GYUR PA DANG, KHAM KHUM DU GYUR PA LA SOGS PA CUNG ZAD KYANG MED LA, SNGAR GYI SKU'I GNYER MA RNAMS KYANG SKRA'I RTZE MO

, ,BRGYAR BSHAGS PA'I TSOD TZAM DU'ANG THAMS CAD KYI THAMS CAD DU MED PAR GYUR TE BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG NI SKU'I 'OD DMAR SER DU SNANG NGO ZHES ZER, KHA CIG NI DKAR SER DU SNANG NGO ZHES ZER, KHA CIG NI GSER BTZOM LTA BUR SNANG NGO ZHES ZER TE, LO BCU DRUG LON PA'I NA TSOD DANG LDAN PA'I LHA'I LUS CAN, JI LTAR 'JAM DPAL GZHON NUR GYUR PA RGYAN DANG CHA LUGS SPANGS NAS NANG DU YANG DAG 'JOG LA MNYAM PAR BZHAG PA JI LTA BA DE LTAR GYUR TO, ,'DI NI CHOS NYID YIN TE THEG PA THUN MONG BA LA YANG, GANG GI RGYUD LA MTHONG BA'I LAM SKYES PA DANG, DGRA BCOM PA MNGON DU BYAS PA LA SOGS BA'I SGO NAS BDUD RTZI THOB PAR GYUR PA NA, DBANG PO YONGS SU GSAL ZHING, BZHIN GYI MDOG NI DAG LA, PAGS PA'I MDOG NI DKAR BA LA SOGS PA LUS KYI MDANGS SNGAR LAS GNAS 'GYUR BA 'BYUNG BAR 'DUL BA LUNG LAS GSUNGS SO, ,DE BAS NA RJE 'DI YANG DE'I TSE 'OD GSAL DON DAM PA'I BDEN BA MNGON DU MDZAD DE, 'CHI BA CHOS KYI SKUR BSGYUR BA'I SGO NAS BAR DO SGYU MA'I SKUR BZHENGS TE, BAR DO LONGS SPYOD RDZOGS PA'I SKU MCHOG GI DNGOS GRUB KYI GO 'PHANG MTHAR THUG PA MNGON DU MDZAD PA YIN NO ZHES NANG THUGS KYI SRAS GCIG MKHAS GRUB SMRA BA'I NYI MA DANG GRUB CHEN 'JAM DPAL RGYA MTSO SOGS RJE'I THUGS SRAS RNAMS MTHUN PAR GSUNG NGO, ,DE LTAR RJE RIN PO CHES 'OD GSAL CHOS SKU MNGON DU MDZAD NAS 'OD GSAL DE LAS BZHENGS PA

DANG DUS MNYAM DU MTSAN DPES SPRAS PA'I GZUGS KYI SKU 'DUS PA'I RTZA RGYUD LAS, DPAG TSAD BRGYA YI KHYON TZAM DU, ,RDO RJE 'BAR BA'I 'OD DAG GIS, ,RGYAN RNAMS KUN GYIS BRGYAN PA YI, ,DAG PA'I BDAG NYID SNANG BAR 'GYUR, , TSANGS PA DRAG PO LA SOGS LHAS, ,NAM AANG MTHONG BAR MI NUS SO, ,ZHES GSUNGS PA LTAR NAM MKHA'I DBYINGS THAMS CAD 'OD ZER GYI DRA BAS 'GENGS SHING, TSANGS PA DANG BRGYA BYIN LA SOGS PA'I LHA MTHU BO CHE DAG GIS KYANG MTHONG BAR MI NUS NA GZHAN DAG GIS LTA CI SMOS PA YE SHES KYI SKU NAM MKHA' MA ZAD KYI BAR DU 'GYUR BA MED PA, GSUNG TSANGS PA'I DBYANGS LA 'GAG PA MED PA, THUGS BDEN PA GNYIS MNGON SUM DU GZIGS PA LAS NAM YANG NYAMS PA MED PA, SKU LAS SPRUL PA PHYOGS BCUR SPROS PAS NAM MKHA'I DBYINGS THAMS CAD KHYAB PAS SEMS CAN RNAMS LA GANG LA GANG 'DUL GYI DON MDZAD BZHIN DU ZHING 'DI'I GDUL BYA RNAMS KYI DON DU SNGAR LHAG PA'I LHA MANG POS LUNG BSTAN PA LTAR DGA' LDAN CHOS KYI PHO BRANG DU PHEBS NAS RJE BTZUN BYAMS PA MGON PO'I SRAS KYI THU BO'I TSUL BZUNG BA 'JAM DPAL SNYING PO ZHES BYA BA DGA' LDAN GYI LHA RNAMS KYIS GTZOS PHYOGS BCU'I ZHING NAS 'DUS PA'I GDUL BYA SA'I RDUL DANG MNYAM PA DGE LA THEG PA CHEN PO'I CHOS KYI DGA' STON 'GYED CING BZHUGS SO, ,DE NAS SRAS KYI GTZO BO RNAMS KYIS GTZOS DGA' LDAN DU SNYUG MAR GNAS PA RNAMS DANG, PHYOGS PHYOGS NAS 'DUS PA'I DAD LDAN BGRANG

, ,BA LAS 'DAS PA DAG DANG, DKAR PHYOGS KYI LHA DANG KLU LA SOGS PAS DANG BAR SNANG GI KHYON THAMS CAD YONGS SU GANG BA'I DAD LDAN DAG GIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE RJE RIN PO CHES GANGS RI'I KHROD 'DIR RGYAL BSTAN YONGS RDZOGS GSAR DU 'DZUGS PAR MDZAD PA 'DI NYID NAM YANG RGYUN MI 'CHAD CING MI NYAMS PAR GNAS PA'I RTEN 'BREL DU SKU GDUNG RIL PO TZAN DAN GYI SGROM GYI NANG DU BZHUGS, DE YANG RIN PO CHE'I SGROM GYI NANG DU BZHUGS TE DGA' LDAN RNAM PAR RGYAL BA'I GLING NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BZHUGS SO, ,DE LTAR RJE RIN PO CHES SANGS RGYAS 'JIG RTEN DU SLAR BYON PA LTAR MDO SNGAGS KYI BSTAN PA YONGS SU RDZOGS PA RGYA CHER SPEL BAR MDZAD PAS RGYUD 'DZIN GYI SLOB MA PHYOGS KYI THA GRU KUN TU BZHUGS PAS MTHA' DAG BRJOD PAR SU ZHIG GIS NUS, BSIL LDAN GYI LJONGS 'DIR BSTAN PA 'DZIN SKYONG SPEL GSUM MDZAD PA'I BSTAN 'DZIN CHEN PO JI SNYED BYON PA DAG KYANG BGRANG BAR MI NUS LA, SNGON GYI MKHAS PA DAG GIS GTZO BO DAG LAS PHYOGS TZAM RE BRJOD PA LA'ANG MANG DU MCHIS SHING, BRJOD TSUL 'ANG MI 'DRA BA MANG DU SNANG STE, MKHAS GRUB NOR BZANG RGYA MTSOS NI RJE'I THUGS SRAS BSAM GYIS MI KHYAB PA BYUNG BA RNAMS KYI NANG NAS KHYAD PAR DU 'PHAGS PA 'GA' ZHIG BRJOD PA NI, GTZANG NAS RGYAL TSAB DAR MA RIN CHEN SOGS

DGU; DBUS NAS 'DUL 'DZIN GRAGS PA RGYAL MTSAN SOGS BCU GSUM, KHAMS NAS TSA KHO MKHAN CHEN NGAG DBANG GRAGS PA SOGS LNGA, MNGA' RIS NAS BYANG SEMS SHES RAB BZANG PO SOGS LNGA RNAMS GTZO BOR MDZAD DE, DE DAG GI MTSAN RNAMS NI MKHAS GRUB NOR BZANG RGYA MTSO NYID KYIS MDZAD PA'I RJE'I BU SLOB BYUNG TSUL DU GSAL LO, ,RJE RIN PO CHE LA MI PHYED PA'I DAD PA CAN BZANG BZANG NE RING PA 'CHI MED RAB RGYAS KYIS NI RJE'I THUGS SRAS GTZO BO RNAMS BSDUS PA'I SDOM 'DI LTAR MDZAD DE, LUNG BSTAN RNAM DAG YOD PA'I BU CHEN THUGS SRAS BDUN, SNGON DUS BYA BRAL MDZAD DUS KYI PHYAGS PHYI BA BLOS BTANG BRGYAD, SKU BSNYUN DUS BSNYUN G-YOG DANG, SKU RIM RKANG TSUGS MDZAD PA'I BU CHEN BDUN; GDAN SA'I LUGS GNYIS SPEL BA'I BU CHEN MKHAS GRUB BRGYAD, YI GES THUGS ZIN PA'I BU CHEN GSUM, 'PHRIN LAS RTZOD PA MED PA'I BU CHEN GSUM, SGRUB PA GTZO BOR MDZAD PA'I BU CHEN RTOGS LDAN GYI MTSAN CAN BZHI DANG; RI SGRUB GNYIS, GZHUNG LUGS RAB 'BYAMS MKHYEN PA'I MKHAS MCHOG GNYIS, STOD SMAD KYI SHES RAB BZANG PO RNAM GNYIS, BYANG SEMS RNAM GNYIS, SEMS DPA' RNAM GNYIS, GRAGS PA RNAM GNYIS, BKA' BAB KYI BU CHEN DRUG, SDE DPON GRUB THOB KYI BU CHEN RTZOD MED GSUM, RIGS RUS KHUNGS BTZUN GYI MKHAS GRUB RNAM PA GSUM, RGYAL TSAB BSTAN 'DZIN GYI BU CHEN RIN PO CHE RNAM PA GSUM, SDE DPON THUGS GROL GYI MKHAS PA

, ,GCIG ,BYA BTANG SBAS PA'I GRUB THOB GCIG ,MKHAS MCHOG YONGS GRAGS KYI CHOS RJE GNYIS, BYA BTANG YONGS GRAGS KYI GRUB THOB GCIG CES SDE TSAN TSOMS SU BGRANGS SO, ,DE DAG SO SO'I MTSAN DANG NGOS 'DZIN NI KHONG PAS MDZAD PA'I RJE'I RNAM THAR GSER GYI MCHOD SDONG DU GSAL LO, ,PAn CHEN BSOD NAMS GRAGS PAS MDZAD PA'I CHOS 'BYUNG YID KYI MDZES RGYAN DU RJE RIN PO CHE'I SLOB MA GTZO BO DAG SDE TSAN DU BYAS NAS TSOMS SU BSDUS PA NI, BLA MA CHOS 'BREL GSAN PA GSUM, BYA BRAL LA MA PHEBS GONG GI SLOB MA LNGA TSAR BZHI, BYA BRAL LA THEGS DUS KYI 'KHOR DAG PA RNAM BRGYAD, SRAS KYI THU BO GNYIS, GNYIS PO DE'I STENG DU 'JAM DKAR BA BSNAN TE GSANG BDAG GIS LUNG BSTAN PA'I 'KHOR KHYAD 'PHAGS GSUM, NANG THUGS KYI SRAS GCIG ,'PHRIN LAS NAM MKHA' DANG MNYAM PA'I BU CHEN BZHI, DBUS GTZANG BSTAN PA'I SGRON ME BCU, GZHAN DON LHUN GYIS GRUB PA'I SEMS DPA' DRUG ,MI DBANG GTZUG NA MDZES PA'I TI SHR'I GNYIS, RGYA CHEN MANG DU THOS PA'I DBON SRAS GNYIS, SBYANGS PA'I YON TAN 'DZIN PA'I COG PU BA CHE CHUNG GNYIS, RNAM DPYOD PHUL DU BYUNG BA'I MKHAS PA GNYIS, BSTAN BA PHYOGS MTHAR SKYONG BA'I DAR CHEN DRUG ,SKAD GNYIS SMRA BA'I LO TZ'A BA GNYIS, SA SKYONG CHOS RJE DRUG ,GSUNG RAB MANG DU MKHYEN PA'I BSTAN 'DZIN BRGYAD, MDO RONG GI MKHAS PA BZHI, MKHA' SPYOD GRUB PA'I GDUNG RGYUD GNYIS, YA MTSAN

CAN GYI SKYES BU GNYIS, SKYE DGU'I GTZUG RGYAN SPYAN SNGA BRGYAD, KHRI STENG MDZES PA'I BLA CHEN BZHI, TSOGS PA SKYONG BA'I MKHAN PO BZHI, SDE DGON PHRA MO'I CHEN PO LNGA, DBANG BZHI SKUR BA'I CHOS BSGO BA GNYIS, LUNG RIGS SMRA BA'I DKA' BCU BA BZHI, TSIG DON SMRA BA'I DKA' BZHI PA BCU, BRTUL ZHUGS 'DZIN PA'I JO STAN BZHI, TSUL KHRIMS RNAM PAR DAG PA'I GNAS BRTAN DRUG ,TSE BLOS BTANG GI RTOGS LDAN LNGA, LHA GZIGS GRAGS PA RGYA MTSO SOGS BSTAN 'DZIN BCO LNGA RNAMS SDE TSAN DU BYAS TE BGRANGS SO, ,'DI DAG GI MTSAN DANG NGOS 'DZIN RNAMS CHOS 'BYUNG DE NYID DU GSAL LO, ,'DIR NI THAMS CAD BRJOD PAR MI NUS KYIS SRAS KYI THU BO GNYIS SOGS YONGS SU GRAGS PA 'GA' ZHIG GI RNAM THAR BRJOD PAR BYA'O, ,DE LA SRAS KYI THU BO RGYAL TSAB DAR MA RIN CHEN NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD PA RLABS PO CHE LA SLOB BZHIN PA LAS, ZHING 'DIR 'JAM MGON BLA MA'I BSTAN PA SPEL BA'I SLANG DU SMON LAM GYI MTHUS BYON PA ZHIG STE, SEMS DPA' CHEN PO 'DI GANG DU 'KHRUNGS PA'I YUL NI, DAM PA DU MAS BYIN GYIS BRLABS SHING BKRA SHIS PA'I DGE MTSAN DU MA DANG LDAN PA GTZANG MYANG STOD KYI SA'I CHA RI NANG ZHES BYA BA STE RI NANG GI LUNG LAG MDZO CHAD CES BYA BAR YAB BLON PO RNGA'I RIGS RGYUD RTA DPON PA DANG, YUM JO MO SHES RAB CES BYA BA'I SRAS SU RAB BYUNG DRUG PA'I SHING PHO 'BRUG GI LO LA BKRA SHIS PA'I DGE MTSAN DU MA DANG BCAS TE 'KHRUNGS, DGUNG

, ,LO BCU BZHES PA CHU MO GLANG GI LO GDAN SA CHEN PO GNAS RNYING DU MKHAN CHEN RIN CHEN RGYAL MTSAN PA DANG, BRAG THOG PA GZHON NU TSUL KHRIMS GNYIS LA MKHAN SLOB ZHUS NAS TSIGS SNGAM DAG TSUL GYI SDOM PA MNOS, MTSAN DAR MA RIN CHEN ZHES GSOL, DE NAS MKHAN SLOB KYI SPYAN SNGAR JI LTAR ZHAL GYIS BZHES PA'I SO THAR GYI BSLAB BYA RNAMS MIG GI 'BRAS BU LTAR BSRUNG ZHING SLOB DPON DPAL MGON PA'I DRUNG DU YI GE 'DRI KLOG PHUL DU PHYIN PAR BSLABS, DE NAS MKHAS PA'I DBANG PO KUN DGA' DPAL YONGS 'DZIN DU BSTEN TE TSAD MA RNAM 'GREL DANG TSAD MA RNAM NGES CHA LAG DANG BCAS PA LA SBYANGS, DE NAS MKHAS PA'I DBANG PO RI NANG PA RIN CHEN RDO RJE YONGS 'DZIN DU BSTEN TE PHAR PHYIN GYI GZHUNG RNAMS LA SBYANGS, DE NAS MKHAS PA'I DBANG PO BRAN MA BRAG KHA BA CHOS RJE DON GRUB RIN CHEN GYI DRUNG DU MNGON PA LA SBYANGS, 'DI RJE RIN PO CHE'I DGE TSUL GYI MKHAN PO CHOS RJE DON GRUB RIN CHEN ZHES PA DE MIN GYI DE DANG MTSAN GCIG PA MYANG STOD PA ZHIG GO ,DE NAS MKHAS PA'I DBANG PO BLO GROS BZANG PO'AM DKA' BZHI PA BLO GSAL ZHES YONGS SU GRAGS PA DE'I DRUNG DU 'DUL BA LA SBYANGS, GZHAN YANG LO CHEN SKYABS MCHOG DPAL BZANG DANG, SHANGS PA KUN MKHYEN PA SOGS DGE BA'I BSHES GNYEN DU MA LA MDO SNGAGS KYI CHOS MANG DU GSAN, KHYAD PAR GANGS CAN GYI SHING RTA CHEN PO RJE BTZUN RED MDA' PA'I ZHABS RDUL SPYI BOS BSTEN TE PHAR PHYIN TSAD MA 'DUL BA MNGON PA DBU MA

SOGS MDO PHYOGS KYI GZHUNG RNAMS DANG DPAL GSANG BA 'DUS PA SOGS SNGAGS KYI GZHUNG RNAMS PHAL CHE BA GSAN TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PA'I MKHAS PA'I DBANG POR GYUR TE RJE BTZUN RED MDA' PA'I SRAS KYI THU BO GZHUNG LUGS RAB 'BYAMS SHES PA'I BSHES GNYEN BDUN GYI NANG TSAN GCIG YIN NO, ,DE NAS DPAL LDAN SA SKYA SOGS GTZANG PHYOGS KYI CHOS GRVA CHEN PO RNAMS SU DKA' BCU'I GRVA SKOR MDZAD DE SNYAN PA'I GRAGS PAS SA'I STENG KHYAB PAR GYUR TO, ,DE NAS DGUNG LO NYER LNGA BZHES PA SA PHO 'BRUG GI LO LA GTZANG LA STOD LDOG LHO PA CHOS RJE KUN DGA' DPAL BAS MKHAN PO, RJE BTZUN RED MDA' PAS LAS SLOB, RJE GANGS CAN KUN DGA' DPAL BAS GSANG STON MDZAD, 'DUL BA 'DZIN PA DPAL LDAN BLO GROS DANG BLO GROS MTSUNGS MED SOGS DAD PA'I DGE 'DUN NYER GNYIS KYI DBUS SU BSNYEN PAR RDZOGS PA'I SDOM PA RNAM PAR DAG PA MNOS NAS BSLAB PA RIN PO CHE MIG GI 'BRAS BU LTAR GCES SPRAS SU MDZAD DE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DBUS PHYOGS KYI GRVA SA RNAMS SU GRVA SKOR MDZAD DE RTZES DANG GI GRVA SKOR GRUB NAS RJE RIN PO CHE GNYAL STOD RA GRONG DU BZHUGS PA'I TSE MJAL DU BYON, ZHAL GYI DKYIL 'KHOR MTHONG BA TZAM GYIS DAD PA'I SPU LONG G-YOS SHING, SKU MDUN DU BZHUGS TE CHOS KYI BKA' MCHID STZOL BAR ZHUS PAS RJE RIN PO CHES SEMS DPA' CHEN PO 'DI RIN PO CHE LTA BU'I GDUL BYAR GZIGS NAS GSUNG

, ,RAB DGONGS 'GREL DANG BCAS PA'I SNYING PO'I DON LAM GYI DKA' GNAS RNAMS DRI MA MED BA'I RIGS PA'I LAM NAS DRANGS TE RGYA CHER GSUNGS PAS YID CHES KYI DAD PA BRTAN PO 'KHRUNGS TE 'DI LTA BU'I DAM PA'I MGON LA BRTEN PA LAS LHAG PA GANG YANG MA MCHIS SHING, RGYAL BA'I GDUNG 'TSOB BSHES GNYEN DAM PA 'DI LTA BU BOR NAS GZHAN DU 'GRO BA GA LA RIGS SNYAM DU ZHABS KYI PADMO LA SPYI BOS GTUGS TE DA NAS BZUNG STE JI SRID 'TSO'I BAR DU ZHABS KYI PADMO LA BRTEN CHOG PA DGOS ZHES GSOL BA NAN CHER BTAB PAS RJE RIN PO CHES KYANG DGYES BZHIN DU ZHAL GYIS BZHES, DE NAS BZUNG STE RJE RIN PO CHE'I ZHABS DRUNG DU BCAR BZHUGS MDZAD NAS BYANG CHUB LAM GYI RIM PA'I KHRID DANG, BSKYED RDZOGS KYI KHRID SOGS MDO SNGAGS KYI LUNG KHRID MAN NGAG THAMS CAD YONGS SU RDZOGS PA GSAN, DE YANG THUGS RAB KYI RLABS PHUL DU PHYIN PAS RJE RIN PO CHES CHOS GANG GSUNGS THAMS CAD LAN RES BUM PA GANG BYO LTA BUR THUGS LA CHUD DE, RJE RIN PO CHES GNAM TZENG LTENG DU 'DUL BA'I BSLAB BYA RGYAS PAR GSUNGS PA'I TSE GANG GSUNGS THAMS CAD THUGS SU CHUD DE, DE MA THAG ZIN BRIS SU BTAB PA BSLAB BYA GNAM TZENG LTENG MAR YONGS SU GRAGS PA DANG, RJE RIN PO CHES SE RA CHOS SDINGS SU MA RGYUD RDZOGS RIM DPYID THIG GSUNG BA'I TSE GANG GSUNG THAMS CAD THUGS SU CHUD DE DE MA THAG ZIN BRIS SU BTAB PA RDZOGS RIM DPYID KYI THIG LE'I

ZIN BRIS LTA BU'O, ,DE NAS SA MO GLANG GI LO CHO 'PHRUL MCHOD PA GRUB RJES DGA' LDAN RNAM PAR RGYAL BA'I GLING 'DEBS PAR MDZAD TSE SEMS DPA' CHEN PO 'DI DANG 'DUL 'DZIN GRAGS PA RGYAL MTSAN GNYIS KYIS KHUR BZHES TE DGE 'DUN LA GNANG BZHU BA DANG, RDO BTEG PA'I MTHA' LAS BYUNG BA'I RUNG KHANG GCOD PA DANG, LAG GI BLA BSKO BA SOGS 'DUL BA NAS JI LTAR GSUNGS PA THAMS CAD JI BZHIN PHYAG LEN LA BTAB PAS MKHAR LAS KYIS KYANG RGYAL BA'I BSTAN PA GZHI NAS GSO BA'I BYAS MDZAD CING, RTAG TU DUS CHOS 'PHAGS BSTEN PA JI LTA BA BZHIN DU LUS SROG LONGS SPYOD GANG LA'ANG MI LTA BAR RJE RIN PO CHE'I BKA' BZHIN SGRUB PA LA NAM YANG G-YEL BA MED PAR MDZAD DO, ,DE LTAR MDZAD PAS RJE RIN PO CHE'I SRAS KYI THU BOR GYUR TE RJE RIN PO CHE ZHAL BZHUGS DUS NYID NAS RJE'I SLOB MA PHAL CHER BDAG NYID CHEN PO 'DI'I ZHABS LA GTUG CING, RJE RIN PO CHES RAB BYUNG BSNYEN RDZOGS GANG GNANG BA THAMS CAD BDAG NYID CHEN PO 'DIS SKYONG BAR MDZAD DO, ,DE NAS RJE RIN PO CHE ZHING GSHEGS PA LA PHYOGS PA'I TSE JI LTAR LHA'I BU DAM PA TOG DKAR POS 'DZAM BU'I GLING DU 'BYON PA LA PHYOGS PA'I TSE MI PHAM MGON PO RGYAL TSAB TU DBANG BSKUR BA JI LTA BA BZHIN DU CHOS KYI RGYAL PO TZONG KHA PA CHEN POS KYANG PAn ZHVA SNE RING DANG NA BZA' GOS BER BCAS BDAG NYID CHEN PO 'DI LA GNANG STE RGYAL TSAB TU DON GYIS BSKO BAR MDZAD, DE NAS DGUNG LO NGA DRUG BZHES PA SA MO PHAG GI LO HOR ZLA BCU

, ,GCIG PA'I GZA' SKAR DUS SBYOR BZANG PO LA RI BO DGE LDAN DU RGYAL BA TZONG KHA PA CHEN PO'I RGYAL TSAB TU DBANG BSKUR NAS GDAN SA LO BCU GSUM BAR DU MDZAD DE BSHAD SGRUB GNYIS KYI SGO NAS GDUL BYA RNAMS SMIN GROL LA 'GOD PAR MDZAD DO, ,BAR SKABS SHIG GNAS RNYING DU BYON, DGE 'DUN RNAMS LA CHOS DANG ZANG ZING GI SKYES RGYA CHEN PO MDZAD, MKHAN CHEN RIN CHEN RGYAL MTSAN PA DANG, MKHAN CHEN RIN CHEN GRUB PA GNYIS LA GAN GOS RE PHUL, JA DKAR GYI MANG JA, DGE 'DUN RNAMS LA DAR 'GYED, MTSAN NYID PA DANG CHOS 'CHAD SPYI LA DGE RGYUN NAR MA'I GZHI RTEN DANG GAN GOS RE 'BUL BAR MDZAD, KHYAD PAR ZHI PAR GSHEGS PA'I SNGA LO'I GONG TZAM DU GNAS RNYING DU PHEBS, MKHAN CHEN RIN CHEN RGYAL MTSAN PA'I NANG RTEN GYI DRUNG DU GU GU SHA'I MAndAL RIN PO CHE SNA TSOGS LAS GRUB PA'I RGYAN DANG BCAS PA DANG, DGE 'DUN RNAMS LA MANG JA MANG PO DANG, JA DKAR GYI GRAL 'GYED, 'BUL RKYEN BZANG PO DANG BCAS PA MDZAD, MKHAN CHEN RIN CHEN GRUB PA LA DNGUL LAS GRUB PA'I RGYAL BA RIGS LNGA, DNGUL GYI SPYI BLUGS, NA BZA' SOGS 'BUL BA MDZAD, DE DUS MKHAS GRUB RJE DANG ZHAL 'DZOM STE DGA' LDAN GYI GDAN SAR PHEBS DGOS PA'I BKA' GROS MDZAD, NYING RO SMAN CHU KHAR MKHAS GRUB GANG BZANG PA'I DRUNG DU GOS YUG NGUR KHA GCIG GIS GTZOS 'BUL BA MDZAD, MDOR NA GNAS RNYING DU DGE LDAN GDAN SAR MA PHEBS

BA'I GONG DANG PHEBS NAS KYANG BYON PA BCAS CHOS 'KHOR LAN BZHIR BSKOR, DE NAS DGUNG LO DRUG CU RE BRGYAD BZHES PA LCAGS MO PHAG LO HOR ZLA BCU PA'I GZA' TSES DGE BA LA, MKHAS GRUB DGE LEGS DPAL BZANG PO ZHES MTSAN YONGS SU GRAGS PA DE NYID DGE LDAN GYI GDAN SAR RANG GI RGYAL TSAB TU DBANG BSKUR BAR MDZAD DO, ,BDAG NYID CHEN PO 'DIS PHYI RABS KYI GDUL BYA RNAMS KYI DON DU MDZAD PA'I BSTAN BCOS KYANG MANG DU BZHUGS TE, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD SNYING PO RGYAN, DBU MA RIN CHEN PHRENG BA'I RNAM BSHAD SNYING PO'I DON GSAL BAR BYED PA, DBU MA BZHI BRGYA PA'I RNAM BSHAD LEGS BSHAD SNYING PO, BDEN GNYIS KYI RNAM GZHAG DANG LTA BA'I KHRID YIG RIN PO CHE'I PHRENG BA, DBU MA RTZA BA SHES RAB KYI DKA' GNAS CHEN PO BRGYAD KYI BSHAD PA, BSTAN BCOS TSAD MA RNAM NGES KYI t'IKA CHEN DGONGS PA RAB GSAL, TSAD MA RIGS THIGS KYI 'GREL PA LEGS BSHAD SNYING PO'I GTER, TSAD MA RNAM 'GREL GYI TSIG LE'UR BYAS PA'I RNAM BSHAD THAR LAM PHYIN CI MA LOG PAR GSAL BAR BYED PA, THEG PA CHEN PO RGYUD BLA MA'I t'IKKA ,MNGON PA KUN LAS BTUS KYI t'IKKA LEGS PAR BSHAD PA CHOS MNGON RGYA MTSO'I SNYING PO, BYANG CHUB SEMS DPA'I SPYOD PA LA 'JUG PA'I RNAM BSHAD RGYAL SRAS 'JUG NGOGS, TSAD MA MDO'I RNAM BSHAD, RJE'I GSUNG ZIN BRIS TSAD MA'I BRJED

, ,BYANG CHEN MO, MNGON PAR RTOGS PA'I RIM PA NYAMS SU LEN TSUL THEG MCHOG SGO 'BYED, MNGON PAR RTOGS PA BRGYAD DON BDUN CU DANG BCAS PA NYAMS SU LEN TSUL, MNGON PAR RTOGS PA'I RGYAN GYI BSDUS DON RIN PO CHE'I PHRENG BA, RNAM 'GREL GYI BSDUS DON THAR LAM GYI DE NYID GSAL BYED, RIGS PA DRUG CU PA'I t'IKKA, RIGS PA DRUG CU PA'I ZIN BRIS, 'BREL PA BRTAG PA'I RNAM BSHAD NYI MA'I SNYING PO, TSAD MA'I LAM SGRIGS, 'GAL 'BREL GYI RNAM GZHAG ,MNGON SUM LE'U'I BRJED BYANG, DBU MA RGYAN GYI BRJED BYANG, SHES RAB LE'U'I ZIN BRIS, DGE SLONG GI BSLAB BYA GNAM TZENG LTENG MA, DGE TSUL GYI BSLAB BYA GNAS TZENG LTANG MA; SANGS RGYAS SUM CU SO LNGA'I MTSAN GYI PHAN YON, DPAL GSANG BA 'DUS PA'I BLA BRGYUD GSOL 'DEBS MDO RGYUD MAR GRAGS PA, DPAL GSANG BA 'DUS PA 'JAM DPAL RDO RJE'I DKYIL 'KHOR GYI CHO GA DNGOS GRUB KYI SNYE MA, SGRUB THABS KUN BZANG GI DON BSHAD PA, DPAL GSANG BA 'DUS PA'I DKA' GNAS ZIN BRIS, DPAL DUS KYI 'KHOR LO'I LAM RIM PA GNYIS JI LTAR NYAMS SU LEN PA'I TSUL BDE BA CHEN PO'I LAM DU MYUR DU 'JUG PA, SGRUB LE'I PHYAG RGYA BZHI'I ZIN BRIS LA SOGS PA RNAMS MDZAD DO, ,DE NAS DGUNG LO RE DGU BZHES PA'I TSE ZHING KHAMS GZHAN GYI 'GRO DON LA DGONGS NAS CHU PHO BYI LO HOR ZLA LNGA PA'I SNRON GYI ZLA BA'I YAR NGO'I TSES BRGYAD LA LHA SA'I PO TA LAR

MYA NGAN LAS 'DA' BA'I TSUL BSTAN, DE NAS BZUNG STE BDUN PHRAG GSUM GYI BAR DU DBUS GTZANG THAMS CAD DANG, KHYAD PAR DGE LDAN DANG LHA SA GNAS RNYING RNAMS SU GSER BTZO MA'I ME TOG DANG, GZHAN YANG TZAM PA KA DANG, PADMA RA GA DANG, AINDRA NI LA LTA BU'I KHA DOG DANG LDAN PA'I CHAR CHEN PO BABS, KHYAD PAR SKU GDUNG DGA' LDAN DU GDAN 'DREN PA'I DUS DANG, ZHUGS 'BUL BA'I DUS RNAMS SU ROL MO'I SGRA DANG, 'JA' 'OD DANG, ME TOG GI CHAR LA SOGS PA NGO MTSAR BA'I LTAS BRJOD KYIS MI LANG BA BYUNG PA NI KUN GYI MTHUN SNANG DU GRUB PA YIN NO, ,DE'I TSE MKHAS GRUB RJES ZHAL BKOD GNANG NAS DGE LDAN DANG GNAS RNYING SOGS SU THUGS DAM GSOL 'DEBS KYI MANG JA TSAR 'BUL RGYUN GRAL 'GYED SOGS BSAM GYIS MI KHYAB PA BSGRUBS SO, ,SKU GDUNG RGYAL KHANG RTZER ZHUGS LA PHUL BA LAS PHYIS KYI GDUL BYA RNAMS LA GSOL BA 'DEBS PA'I RTEN DU RING BSREL MANG DU BYON PA DAD LDAN GYI GDUL BYA RNAMS LA GSOL BA 'DEBS PA'I RTEN DU RGYA CHER GNANG ZHING, SKU GDUNG BYINGS RNAMS DNGUL GYI MCHOD RTEN NANG DU BZHUGS TE DGA' LDAN RNAM PAR RGYAL BA'I GLING NA GDUL BYA RNAMS KYI BSOD NAMS KYI ZHING DU BZHUGS SO, , SRAS KYI THU BO 'DUL 'DZIN GRAGS PA RGYAL MTSAN NI BSKAL PA DPAG TU MED PA'I SNGON ROL NAS THUGS BSKYED DE, RGYAL SRAS KYI SPYOD PA RGYA MTSO LA SLOB BZHIN PA LAS ZHING 'DIR RJE RIN PO CHE'I BSTAN PA SPEL BA'I PHYIR SMON LAM GYI

, ,MTHUS BYON PA ZHIG STE, DE YANG DBUS STOD SBRANG DU KUN DGA' ZHES PA SHING PHO STAG GI LO SKU 'KHRUNGS, SKU GZHON NU NAS 'BRI KHUNG CHOS RJE LA GTUGS TE RAB TU BYUNG, DGE BA'I BSHES GNYEN MANG PO LAS MDO SNGAGS KYI CHOS MTHA' YAS PA GSAN, KHYAD PAR RJE THAMS CAD MKHYEN PA'I ZHABS LA GTUGS TE YUN DU BSTEN NAS SDE SNOD GSUM DANG RGYUD SDE BZHIS BSDUS PA'I GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I KHRID GSAN TE NYAMS SU BZHES PAS RTZOL MED KYI MYONG BA PHUL PHYIN THON, RGYUD SDE BZHIS BSDUS BA'I LHA'I RNAL 'BYOR PHRA RAGS RNAMS SGOM PA LA 'BAD PAS DKYIL 'KHOR GYI 'KHOR LO MNGON SUM DU GYUR, BSKYED RDZOGS KYI MAN NGAG RNAMS LA MYONG BA PHUL PHYIN THON, SDOM PA GSUM GYI BCAS MTSAMS PHRA ZHING PHRA BA'ANG NYAMS PA MED PAR BSRUNG ZHING BYANG CHUB KYI SEMS RIN PO CHE THUGS DAM GYI MTHIL DU MDZAD PAS LUNG DANG MNGON PAR RTOGS PA'I YON TAN GYI PHUNG PO CHEN BOR GYUR NAS CHOS KYI RGYAL PO TZONG KHA PA CHEN PO'I SRAS KYI THU BOR GYUR TE RJE'I SLOB MA THAMS CAD KYIS RJE NYID DANG 'DRA BAR GUS PAR BYED CING CHOS KYI BKA' DRIN NOD PAR BYED DO, ,SEMS DPA' CHEN PO 'DIS LEGS TSOGS THAMS CAD KYI RTZA BA BSHES GNYEN BSTEN TSUL LA THUG PAR GZIGS NAS RJE RIN PO CHE DUS RTAG TU MNYES PA GSUM GYIS MNYES

PAR BYED CING, LHAG PAR BKA' BZHIN SGRUB PA LAS NAM YANG MI 'DA' BAR DGA' LDAN RNAM PAR RGYAL BA'I GLING 'DEBS PA'I TSE RJE'I BKA' BZHIN GTZUG LAG KHANG BRTZIG PA DANG SPONG BA PA SO SO'I SPYIL BU BRTZIG PA SOGS LA NGAL BA KHYAD DU BSAD DE BRTZON PA CHER MDZAD CING, DE YANG 'DUL BA DANG MTHUN PA KHO NAR MDZAD DE, THOG MAR SA BRTAG PA, DE NAS DGE 'DUN LA GNANG BA ZHU BA, DGE 'DUN GYIS GNANG BA NA LAG GI BLA BSKOS TE RUNG KHANG GCOD PA NAS BZUNG MTHAR GTZUG LAG KHANG RTEN DANG BRTEN PAR BCAS PA YONGS SU RDZOGS PA GRUB PA'I BAR KHUR BZHES TE MTHAR PHYIN PAR MDZAD NAS RJE RIN PO CHE GDAN DRANGS TE MNYES PAR MDZAD PA SOGS 'KHOR LO GSUM GYI BYA BA MTHA' DAG GIS RJE RIN PO CHE RNAM PA KUN TU MNYES PAR MDZAD NAS MTHAR RJE RIN PO CHE ZHING GSHEGS PA'I TSE RANG NYID KYIS RJE'I GDAN SA MA MDZAD PAR RGYAL TSAB RIN PO CHE GDAN SAR MNGA' GSOL, SKU GDUNG RIN PO CHE MA NYAMS PAR TZAN DAN 'BA' ZHIG LAS GRUB PA'I SGROM DU BZHUGS SU BCUG ,DE YANG DNGUL BRE CHEN BCO BRGYAD LAS BRDUNGS PA'I GDUNG KHANG GI BUM PAR BZHUGS SU GSOL TE, GTZUG LAG KHANG GI GLO 'BUR BYANG MAR BZHUGS NAS MCHOD PA RGYA CHEN POS MCHOD PAR MDZAD PA LA SOGS PA'I BYA BA RNAMS RDZOGS PAR MDZAD NAS RJE RIN PO CHE'I DGONGS PA RDZOGS PA'I PHYIR DU BTZUN MO TSAL GYI DGON PA BTAB NAS TSOGS PA BSKYANGS PAS

, ,DGE 'DUN BRGYAD BRGYA LHAG TZAM 'DUS, RES 'GA' SPANGS SA SOGS DGON GNAS DANG RI KHROD GZHAN DU'ANG BZHUGS TE 'GRO DON DANG THUGS DAM 'PHEL BAR MDZAD, SKABS SHIG TU TSAL GUNG THANG DU PHEBS TE 'DUL BA'I BSLAB BYA DANG LAM RIM LEGS PAR GSUNGS, TSAL GUNG THANG GI DGE 'DUN THAMS CAD 'DUL KHRIMS RNAM PAR DAG PA DANG SKYES BU CHEN PO'I CHOS LUGS LA SBYOR BAR MDZAD PAS TSAL GUNG THANG GI CHOS SDE 'DI LA RJE NYID LAS KYANG BKA' DRIN CHE BAR GYUR PA YIN NO, ,BLA MA BYANG CHUB SEMS DPA' 'DI LA RJE'I GSANG SNGAGS DANG 'DUL BA'I BKA' BAB PAR SNANG STE, RJE'I BSHAD SROL PHYAG LEN BZANG PO MI NYAMS PA'I PHYIR DU 'DUL BA'I BSLAB BYA CHEN MOR GRAGS PA DANG, DGE TSUL GYI BSLAB BYA, GZHI GSUM GYI CHO GA'I LAG LEN, 'DUL BA'I GLENG 'BUM RNAMS MDZAD, RJE'I GSANG SNGAGS KYI SGRUB DKYIL RNAMS LA LHAN THABS DANG PHYAG BZHES, RAB GNAS KYI CHO GA ,'KHOR LO SDOM PA'I PHYI ROL MCHOD PA, GSANG 'DUS MI BSKYOD PA'I TSOM BU LA BRTEN PA'I MDUN BSKYED KYI MCHOD THABS, DRIL BU LHA LNGA'I SGRUB THABS, 'KHOR LO CHEN PO'I SGRUB DKYIL, L'U AI BA'I DKYIL CHOG ,DMAR NAG GI SGRUB THABS, RDO RJE DBYINGS KYI DKYIL 'KHOR GYI CHO GA, KUN RIG RNAM PAR SNANG MDZAD KYI CHO GA ,NGAN SONG SBYONG RGYUD KYI RNAM

BSHAD, BYA RGYUD RIGS GSUM LA BRTEN PA'I CHO GA'I LAG LEN SOGS RTZOM PA YANG MANG DU MDZAD DO, ,THUN MONG MA YIN PA'I RNAM THAR DANG SKYES RABS NI MKHAN CHEN LAS KYI RDO RJES GSANG BDAG LA ZHUS PA DANG, BLA MA DBU MA PAS RJE BTZUN 'JAM DBYANGS LA ZHUS PA DANG, BLA MA 'JAM DPAL RGYA MTSOS RJE BTZUN LA ZHUS PA RNAMS MTHUN PAR SNANG STE, DE YANG 'DI LTAR SLOB DPON GRAGS PA RGYAL MTSAN PA SKYE BA MANG PO'I SNGON DU BRAM ZE'I KHYE'U GO 'PHANG BYA BAR SKYES PA'I DUS NA, SANGS RGYAS LOG PAR DAD SEL GYI SPRUL PA'I RANG SANGS RGYAS SHIG LA BSOD SNYOMS BZANG PO LHUNG BZED GANG PHUL NAS BDAG 'DI NAS SKYE BA THAMS CAD DU RGYAL BA KUN GYI DAM PA'I CHOS MA LUS BAR 'DZIN CING, MTHA' 'KHOB RNAMS SU 'GRO BA MANG PO LA DAM PA'I CHOS STON CING THEG PA GSUM GYI LAM LA 'GOD PAR GYUR CIG ,CES SMON LAM BTAB PA'I MTHUS SKYE BA DRUG MTHA' 'KHOB KYI RGYAL POR SKYES NAS 'GRO BA MANG PO LA THEG PA GSUM GYI CHOS BSTAN TE LAM RNAM PAR DAG PA LA BKOD, DE NAS RAB TU BYUNG BA DANG THEG PA GSUM LA MKHAS PA'I DGE SLONG DANG, PAndI TA MKHAS SHING GSAL BA SHA STAG TU SKYE BA MANG PO BLANGS NAS DAM PA'I CHOS BSTAN TE MTHA' YAS PA'I SEMS CAN GYI DON RGYA CHER BYAS, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES NAS LHA MANG PO'I DON BYAS, DE NAS 'DIR SKYES PA YIN,

, ,'DIR RJE BTZUN BYAMS MGON GYI SKU RIN PO CHE LAS BYAS PA SOGS BKOD PA THO TSER BRIS PA LTAR BZHENGS NAS 'CHAD NYAN DANG THUGS DAM SOGS KYI DGE RTZA RJE BTZUN GYIS RJES SU 'DZIN PA'I CHED DU BSNGO ZHING BSTAN PA RGYAS PA SOGS KYI SMON LAM RGYA CHEN PO 'DEBS PAR MDZAD, DE LTAR BSGRUBS PAS 'DIR YANG BSTAN PA DANG SEMS CAN LA PHAN PA RGYA CHEN 'BYUNG, BYANG CHUB KYI SEMS LA BRTEN NAS RTOGS PA KHYAD PAR CAN SKYE, 'BREL TSAD DKAR PO'I SA BON THEBS, MDO SNGAGS LA BRTEN PA'I SLOB MA BSTAN PA 'DZIN PA DANG SEMS CAN LA PHAN PA RGYA CHEN PO DANG LDAN PA MANG DU 'BYUNG, SNYAN PA'I GRAGS PAS PHYOGS KUN TU KHYAB CING SANGS RGYAS KYI BSTAN PA RIN PO CHE SGO THAMS CAD NAS RGYAS PAR BYED DO, ,SKYE BA PHYI MA DGA' LDAN DU RGYAL TSAB MI PHAM MGON PO'I SRAS MCHOG LHA'I BU RGYAL SRAS ZHI BA'I SNYING PO ZHES BYA BAR SKYES NAS BYANG CHUB SEMS DPA'I SPYOD PA RLABS PO CHES 'GRO BA'I DON BYED CING, MTHAR DE BZHIN GSHEGS PA BYAMS PA'I DBANG PO ZHES BYA BAR 'GYUR RO, ,ZHES MKHAN CHEN LAS KYI RDO RJES GSANG BA'I BDAG PO PHYAG NA RDO RJE LA DNGOS SU ZHUS PA LAS 'BYUNG ZHING, DBU MA PA DPA' BO RDO RJES RJE BTZUN 'JAM DPAL DBYANGS LA ZHUS PA LAS KYANG DE BZHIN DU 'BYUNG YANG DUS PHYIS BLA MA 'JAM DPAL RGYA MTSOS RJE BTZUN 'JAM PA'I DBYANGS LA GSOL BA YUN

RING DU BTAB STE, SLOB DPON RIN PO CHE 'DUL BA PA 'DI PA'I SKU TSE SNGA PHYI RNAMS JI SKAD BYA BA LAGS, 'DIR BSTAN PA LA PHAN PA CHE CHUNG JI TZAM 'BYUNG, SKU TSE RING THUNG JI TZAM YONG, GANG DU BZHUGS NA 'GRO DON DANG THUGS DAM 'PHEL ZHES ZHUS PAS, RJE BTZUN GYIS 'DUL BA PA SNGON SKYE BA MANG PO'I SNGON ROL DU RGYA GAR DU BRAM ZE'I KHYE'U GO 'PHANG BYA BAR SKYES TE SANGS RGYAS LOG PAR DAD SEL GYI SPRUL PA'I RANG RGYAL ZHIG LA BSOD SNYOMS BZANG PO LHUNG BZED GANG PHUL NAS, BDAG SKYE BA THAMS CAD DU RGYAL BA'I DAM CHOS MTHA' DAG BZUNG NAS MTHA' 'KHOB KYI YUL RNAMS SU 'GRO BA GDUL DKA' BA RNAMS LA DAM PA'I CHOS BSTAN NAS THEG PA GSUM GYI LAM RNAM PAR DAG PA LA 'GOD PAR GYUR CIG ,CES SMON LAM BTAB PAS SKYE BA MANG BOR MTHA' 'KHOB KYI RGYAL PO SOGS SU SKYES NAS 'GRO BA GDUL DKA' BA MANG PO'I DON DPAG MED BYAS, STON PA 'DI 'JIG RTEN DU BYON DUS DGE SLONG 'DUL BA TOG CES BYA BA'I SDE SNOD GSUM LA MKHAS PA CIG TU SKYES, DE NAS BZUNG STE PAndI TA DANG RAB TU BYUNG BA DANG DGE SLONG THEG PA GSUM LA MKHAS PA SHA STAG TU SKYES SHING, DE'I DUS DKA' BZHI PA DANG DPON SLOB TU GYUR CING 'BREL, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES, DE NAS 'DIR SKYES PA YIN, 'DIR YANG SNGON GYI 'BREL PAS DKA' BZHI

, ,PA DANG DPON SLOB TU GYUR TE BLA NA MED PA'I DAD PA BRTAN PO THOB, BYANG CHUB KYI SEMS LA BRTEN NAS MNGON RTOGS KHYAD PAR CAN SKYES, MDO SNGAGS RNAM DAG GI SGO NAS BSTAN PA LA PHAN PA RGYA CHEN PO 'BYUNG, MI G-YO BA DKAR PO SKYE BA MANG PO'I YI DAM YIN PAS 'DIR YANG RJES SU BZUNG ZHING DNGOS DANG RMI LAM CI RIGS SU ZHAL STON, 'OD ZER CAN GYIS SKABS MANG POR BAR CHAD SEL, SKYE BA MANG POR DPAL LDAN 'DUS PA DANG HE RU KAS BYIN GYIS BRLABS, 'JAM DKAR GYIS SKYE BA GSUM DU RJES SU BZUNG NAS BYIN GYIS BRLABS KYANG DAM SEL CAN ZHIG LA RJES GNANG BYAS PAS CUNG ZAD 'GRIBS 'DUG ,DE LA BSHAGS BSDAM GYIS LA 'JAM DBYANGS KYI BLO 'PHEL BA'I GZUNGS RIN PO CHES BRIS PA BRGYA PHRAG GCIG 'DON PA LA YON BYIN NAS SMON LAM BTAB NA GZHAN PHAN CHE, TSE DRUG CU LHAG TZAM LAS PHAL CHER MI THUB, DE LA'ANG BAR CHAD MANG BAR SNANG BAS, DE BZLOG PA'I THABS RTA MGRIN SHVA NA'I BZLAS SGRUB DANG, PHYAG BZHI PA'I BSNYEN PA KHRI PHRAG RE ZHAG RE LA GYIS, 'DUG GNAS DPON SLOB RNAM GNYIS MNYAM DU PHAL CHER BSDAD NA DGE PHYOGS 'PHEL CHE, PHYI MA MGON PO MA PHAM PA'I CHOS KYI MDUN SAR RGYAL SRAS ZHI BA'I SNYING PO BYA BAR SKYES NAS, DKA' BZHI PA DANG DPON SLOB GNYIS MJAL NAS THEG PA MCHOG GI CHOS KYI DGA' STON LA LONGS SPYOD PAR 'GYUR RO, ,ZHES GSUNGS SO, ,DE LTAR 'DUL 'DZIN GRAGS PA RGYAL

MTSAN GYIS RJE BDAG NYID CHEN PO'I LUGS SROL BZANG PO NYAMS PA MED PAR BSKYANGS TE BSTAN PA DANG 'GRO BA'I DON RGYA CHER MDZAD CING, 'DUL BA 'DZIN PA ZHES MTSAN TZAM GYIS KYANG BSTAN PA LA PHAN PA ZHIG MDZAD NAS, SKU TSE 'DI'I DNGOS KYI GDUL BYA RDZOGS PA NA DGUNG LO RE GSUM PA ME PHO 'BRUG GI LO HOR ZLA LNGA PA'I TSES NYI SHU LA BTZUN MO TSAL DU ZHING GSHEGS TE, DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO,, ,, RJE'I THUGS SRAS TSA KHO DBON POR GRAGS PA MKHAN CHEN NGAG DBANG GRAGS PA NI, RGYAL MO RONG DU TSA KHO RGYAL PO'I RIGS SU 'KHRUNGS, DBUS GTZANG DU BYON TE RJE BDAG NYID CHEN PO SOGS MKHAS PA DU MA'I ZHABS PAD BSTEN NAS, SDE SNOD DANG RGYUD SDE LA SBYANGS PAS MKHAS PA'I GO 'PHANG BRNYES, RJE RIN PO CHE LAS BYANG CHUB LAM GYI RIM PA'I KHRID DANG, LAM GYI GTZO BO RNAM PA GSUM GYI KHRID GSAN TE MYONG BA THON PAR MDZAD, RJE RIN PO CHE LA RJE BTZUN 'JAM PA'I DBYANGS KYIS GSUNG RAB THAMS CAD KYI DON LAM GYI GTZO BO RNAM PA GSUM DU BSDUS NAS 'DOMS PAR MDZAD PA'I MAN NGAG GI RTZA TSIG BKA' 'BUM THOR BUR BZHUGS PA 'DI YANG RGYAL SRAS 'DI'I DON DU RJE RIN PO CHES YI GER 'GOD PAR MDZAD, RTZA TSIG DE'I MJUG TU, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN LA BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,

, ,ZHES RGYAL SRAS 'DI LA THUGS SHIN TU MNYES PA'I GSUNG YANG BYON NO, ,RJE RIN PO CHE LA BLA MED KYI DBANG DANG RIM GNYIS KYI MAN NGAG RNAMS LEGS PAR GSAN TE THUGS NYAMS SU BZHES PAS RIM PA GNYIS KYI TING NGE 'DZIN BRTAN PO THUGS RGYUD LA 'KHRUNGS, RGYAL SRAS 'DIS RJE RIN PO CHE DKA' BZHI'I GRVA SKOR MDZAD PA'I SKABS NAS BZUNG ZHABS 'BRING PA RGYUN RING DU MDZAD DE, MNYES PA GSUM GYIS MNYES PAR MDZAD CING, RJE RIN PO CHE DANG RGYAL SRAS 'DI GNYIS KYIS THUGS RJE CHEN PO RANG BYUNG LNGA LDAN GYI MDUN DU SMYUNG GNAS MANG DU MDZAD CING, DE'I TSE DPON SLOB GNYIS KAS THUGS RJE CHEN PO LA GSOL BA SHUGS DRAG LA RGYUN RING BA BTAB PAS, RGYAL SRAS 'DI LA SKU TSE'I MJUG LA 'PHRIN LAS RGYA CHEN PO YONG BA'I MTSAN LTAS SHAR, DE NAS RJE RIN PO CHES KYANG GNANG BA KHROL TE, RGYAL SRAS 'DIS MDO SMAD DU BYON NAS RJE BLA MA'I RING LUGS 'DZIN PA'I DGON SDE MANG DU BTZUGS TE, JA PHU STOD DU DA TSANG LHUN GRUB GLING ZER BA'I DGON PA DANG, JA PHU'I RKED NA BA MGO DGON PA, JA PHU'I SMAD NA SUM MDO DGON PA ,MU DGE'I SA CHAR BKRA SHIS 'KHOR LO'I DGON ZER BA RNAMS BTAB, GZHAN YANG DGON PA BRGYA RTZA BRGYAD BTAB PAR GRAGS, MKHAN CHEN 'DI LA RJE BDAG NYID CHEN PO THUGS SHIN TU DGYES PA ZHIG STE, CHAB SHOG LAS ,KHO BOS SMRAS PA'I RJES SU ZHUGS SHIG DANG, ,TSE RABS KUN TU SPYOD DANG SMON LAM KUN, ,MTSUNGS PAR SPYAD

DE NAM ZHIG 'TSANG RGYA TSE, ,BDUD RTZI'I BGO BSHA' THOG MAR SBYIN PAR BYA, ,ZHES GSUNGS SO,, ,,RJE RIN PO CHE BYA BRAL LA PHEBS SKABS RJE BTZUN 'JAM PA'I DBYANGS KYIS LUNG BSTAN PA'I 'KHOR DAG PA RNAM BRGYAD NI, BLA MA 'JAM DKAR BA ZHES GRAGS PA 'JAM DPAL CHOS BZANG, GNAS BRTAN BZANG SKYONG BA, GNAS BRTAN RIN CHEN RGYAL MTSAN ,GNAS BRTAN BYANG SENG PA, BLA MA 'JAM DPAL RGYA MTSO, DGE BSHES SHES RAB GRAGS, DGE BSHES 'JAM DPAL BKRA SHIS, DGE BSHES DPAL SKYONG RNAMS SO, ,BDAG NYID CHEN PO 'DI DAG NI SNGON YUN RING PO NAS RJE RIN PO CHES RJES SU BZUNG BA, SMON LAM STABS GCIG TU MDZAD PA, ,SRID PA MTHA' DAG ME 'BAR BA'I RLUBS LTAR MTHONG STE 'KHOR BA'I PHUN TSOGS LA RGYAB KYIS PHYOGS PA, RANG DON DU ZHI BDE'I GO 'PHANG LA'ANG MI SMON PA THUGS BYAMS PA DANG SNYING RJE'I GZHAN DBANG DU GYUR TE RGYAL SRAS KYI SPYOD PA RGYA MTSOR SLOB PA LA ZHUM PA MED PA, SRID GSUM DRI ZA'I GRONG KHYER LTAR GZIGS TE BDAG LTA'I BUD SHING YE SHES KYI MES BSREGS PA, RJE BTZUN 'JAM PA'I DBYANGS KYIS TSE RABS KUN TU RJES SU BZUNG BA, PHYI NANG GI RGYU RKYEN THAMS CAD TSANG BAS SKAD CIG RE RER YANG SA LAM GYI BGROD PA GONG 'PHEL DU 'BYON PA, RJE RIN PO CHE'I BSTAN PA MDZES PA'I RGYAN DU CHE BA, RGYAL BA SRAS BCAS KUN GYIS BSNGAGS PA'I GNAS SU GYUR PA ZHIG GO, 'DI DAG SO SOR GANG DU 'KHRUNGS PA DANG, SKU TSE

, ,HRIL PO'I MDZAD PA JI LTAR YIN PA RNAMS ZHIB TU BRIS NA YI GE'I KHUR CHES PAR 'GYUR BAS MA BKOD LA, BLA MA 'JAM DPAL RGYA MTSO BA NI, LAM RIM BRGYUD PAR BZHUGS PAS DE'I RNAM THAR NI 'OG TU 'CHAD DO,, ,,'JAM DBYANGS CHOS RJE BKRA SHIS DPAL LDAN PA NI, DON GRUB CES PAS MO LUG GI LO LA BSAM YAS SU SKU 'KHRUNGS, RTZES DANG DU RAB TU BYUNG STE GRAL 'DZIN MDZAD, GSANG PHUR GNYAL RGOD RIN BSAM DANG, LDAN MA DKON MCHOG SENG GE LA PHAR TSAD, SKYOR MO LUNG DU MKHAN CHEN DKA' BZHI PA LA 'DUL MNGON, DGE LDAN DU RJE RIN PO CHE NYID LA DRANG NGES RNAM 'BYED, RTZA 'JUG GI BSHAD PA, BYANG CHUB LAM RIM CHE CHUNG, SNGAGS RIM CHEN MO DPAL GSANG BA 'DUS PA'I RTZA RGYUD 'GREL PA SGRON MA GSAL BA DANG BCAS PA, BSHAD RGYUD LNGA, MDOR BYAS, MDO BSRE, RNAM GZHAG RIM PA, RDO RJE SEMS DPA'I SGRUB THABS, RIM LNGA, SPYOD BSDUS, RIM LNGA GSAL SGRON, RIM LNGA GDAN RDZOGS, BDE DGYES KYI CHOS SKOR, YO GA'I SKOR SOGS RGYA CHER GSAN PAS BKA' BSTAN BCOS MANG DU MKHYEN PA'I MKHYEN RAB LA SUS KYANG 'GRAN DU MED PAR GRAGS, RJE RIN PO CHE NYID KYIS MKHAN PO, 'DUL PA 'DZIN PAS LAS SLOB, RGYAL TSAB CHOS RJES GSANG STON MDZAD NAS BSNYEN PAR RDZOGS, RJE THAMS CAD MKHYEN PA NYID KYIS CHOS RJE 'DI PA DANG, CHOS RGYAL NAM MKHA' BZANG PO MCHOD YON GNYIS LA CHOS SDE 'DEBS DGOS PA'I BKA'

SNGA PHYIR PHEBS BA DANG, CHOS RJE BA'I MNAL LAM DU'ANG LHA GNAM THE DKAR PO YIN ZER BA ZHIG GIS DGON PA'I SA YUL BSTAN TE 'DIR KHYOD KYIS DGON PA ZHIG THOB, NGAS BTZUN PA STONG PHRAG LNGA 'BUL ZER, DE KA'I MDO LA DAN 'BAG MDA' NAS YAR BYON PAS LONGS SPYOD KYI CHU YIN ZER BA'I RDZING BU MANG PO 'DUG PA GZIGS SHING KHYAD PAR GLANG CHEN RI GDONG DU RDZING BU MANG PO'I 'GRAM NA RJE RIN PO CHE BZHUGS NAS 'DI RNAMS THOS BSAM GYI RDZING BU YIN PAS THUNGS GSUNG BA SOGS KYI LTAS YA MTSAN CAN BYUNG ZHING PHYI NANG GI RTEN 'BREL 'GRIG PA NA, NYID KYI DGUNG LO SO BRGYAD BA ME PHO SPRE'U'I LO LA DPAL LDAN 'BRAS SPUNGS KYI CHOS SDE CHEN PO BTAB, CHOS RJE RANG GDAN SAR BZHUGS NAS GRVA TSANG SO SOR SLOB DPON BSKO BA MDZAD CING, GZHIS KHA SNE'U NAS LO LO BZHIN SMON LAM CHEN MO DANG GDUGS DKAR 'DZUGS PA, DBYAR TSUL DGUN TSUL LTAR CHAGS PA, GZIM KHANG DANG 'CHAD NYAN KHANG TSOR NA BZA' GSOL CHAS NA MA DGOS SU PHUL BA LAS DGON BA MA BAS BU DGA' BA 'ONG BAR LUNG BSTAN PA LTAR GRVA TSOGS BCA' KHRIMS BSHAD NYAN SOGS PHUN TSOGS MTHA' DAG GONG NAS GONG DU 'PHEL BAR GYUR, CHOS NAM TSUGS SU MDO PHYOGS KYI PO TI BRGYAD BRGYAD RANG RANG GI 'GREL PA BOD t'IKA RE DANG SBYAR NAS GSUNG BA GNANG ZHING, SPYIR NA GZHUNG LUGS KYI PO TI CHEN MO BRGYA DANG SUM CU LA THUGS BSHAD MDZAD, GSANG 'DUS 'PHAGS LUGS, BDE MCHOG

, ,L'U NAG DRIL GSUM, DGYES RDOR, DGRA 'JIGS GSHED GSUM, MI G-YO BA, SGROL MA SOGS YI DAM GYI LHA MANG PO'I BSNYEN PA RGYUN DU MDZAD PA DANG, ZHAG RE LA AA RA PA TZA NA TSAR STONG PHRAG GNYIS RE DANG; MTSAN BRJOD TSAR GSUM RE, THUGS RJE CHEN PO'I GZUNGS YIG DRUG KHRI TSO RE BZLA BA 'CHAG MED DU MDZAD PAS PHYIS DUNG PHYUR GNYIS LHAG PAR LONGS, MTSAN NYID PA GCIG LA MA nI SONG BANG MANG ZHES GSUNG, DE LTAR LHA'I BSNYEN SGRUB LA 'GRUS PAR MDZAD PAS DBUS NA RJE BTZUN 'JAM DBYANGS, G-YAS NA MGON PO KLU SGRUB, G-YON NA ZHI BA 'TSO, MDUN NA RJE RIN PO CHE NGO CHEN GYI RNAM PA CAN DU 'KHOD PA ZHIG GI GZIGS SNANG DNGOS SU RGYUN MAR 'BYUNG BA DANG, MNAL LAM DU 'PHAGS PA KLU SGRUB GTZO 'KHOR, CHOS RGYAL SRONG BTZAN SGAM PO YAB YUM, RJE RIN PO CHE, YE SHES MGON PO PHYAG DRUG PA, LCAM DRAL, RGYAL CHEN BZHI SOGS KYIS RJES SU BZUNG BA'I MTSAN MA BYUNG BA SOGS BSAM GYIS MI KHYAB BO, ,RJE RIN PO CHE'I MAN NGAG LTAR RIM GNYIS KYI RNAL 'BYOR MTHAR PHYIN PAR MDZAD PAS BDE STONG DBYER MED KYI RDZOGS RIM ZAB MO THUGS RGYUD LA MNGA' BAS, RLUNG 'OD ZER LNGA PA'I KHA DOG GSAL BAR GZIGS PA SOGS SGYU LUS 'GRUB PA'I MTSAN MA THOB STE, RGYUD DANG GRUB CHEN GYI GZHUNG SHES PA ZHIG GIS BLTAS NA BSAM GYIS MI KHYAB PA'I RNAM THAR RO, ,'PHRAL GYI MDZAD SPYOD KYANG PHYAG TU BYUNG BA'I DNGOS PO

RNAMS CHA GSUM DU BGOS NAS CHA GCIG GIS PHYAG DPE DANG RTEN GSUM BZHENG, CHA GCIG GIS NAD BA RNAMS KYI PHYIR DU SMAN SBYIN MDZAD, CHA GCIG GIS GZIM KHANG GI THAB SPYOD DANG SLOB MA SKYONG BAR MDZAD DO, ,DE NAS DGUNG LO BDUN CU PA SA 'BRUG GI DGUN CHOS KYI MJUG LA, RTZE KHA BAS GDAN DRANGS NAS ZHAG SHAS BZHUGS, SLAR 'BRAS SPUNGS SU PHEBS NAS BSLAB BTUS KYI BRTZON 'GRUS LE'U'I MJUG CHOS THUN GNYIS KYIS RDZOGS PAR MDZAD LA, DE NI BRTZON 'GRUS MTHAR PHYIN ZHES PA'I DON TE, SKU TSE DE LA 'BRAS SPUNGS SU CHOS 'KHOR BSKOR BA'I THA MAR BYUNG SNANG, DUS DE NAS SKU CUNG ZAD BSNYUN PAS PHEBS BZHUGS DKA' BAR YOD NA'ANG BSTAN PA DANG SEMS CAN LA DGONGS TE RIM PAS GZHIS KHAR LO GSAR DANG LHA SAR SMON LAM CHEN MO'I GRAL DBUR PHEBS NAS JO BO RNAM GNYIS DANG, BCU GCIG ZHAL SOGS MJAL DUS DA LAN MIN PA AE MJAL MI SHES GSUNG, THUGS MDUN DRAG PO'I SGO NAS SMON LAM DPAG TU MED PA MDZAD, 'BRAS SPUNGS LA PHEBS ZHOR PO TA LAR ZHAG GSUM BZHUGS, NANG SO DANG YON MCHOD BZHUGS GDAN LA 'KHOD DUS SHIG ,CHOS RJE'I ZHAL NAS, RJE BTZUN GRAGS PA'I MNGON RTOGS LJON SHING DU; ;'DI DAG STON PA'I BLA MA'I BKA' DRIN NO, ,DRAN PA'I TSE NA DANG PAS MCHI MA LHUNG, ,ZHES GSUNGS TE RJE RNAM GNYIS KYI THUGS RGYUD NI MI SHES, GSUNG RAB NI RIM LNGA GSAL SGRON NYID ZLA DANG BRAL BAS MCHI MA LHUNG NA 'DI

, ,LA LHUNG RGYU YIN TE DA LEGS PAR 'CHAD PA DKON, BSTAN PA'I MJUG MA RNAM DAG CIG 'DUG STE 'JU MKHAN MI 'DUG ,DA NGED RANG GI KHA STABS NI 'DI LTAR SONG, GSUNGS NAS GSUNG 'DAR, SPYAN CHAB MANG PO MDZAD PAS NANG SO DPON BLON YANG SPYAN CHAB MANG PO LHUNG BAR SNANG, 'BRAS SPUNGS SU PHEBS NAS NANG SO DPON BLON DANG GRVA BU SLOB RNAMS KYIS ZLA BA SPREL NAS SKU RIM RGYA CHEN PO BSGRUBS SHING ZHABS PAD BRTAN DGOS PA'I ZHU BA PHUL BA NA NYID KYI ZHAL NAS, MDANGS RJE RIN PO CHE PHEBS NAS NGED RANG GNYIS RGYA NAG TU 'GRO RI BO RTZE LNGAR SGRUB PA BYED GSUNG BAS, DE RJE RIN PO CHE LA SDE SNOD GSUM DANG RGYUD SDE BZHI GSUNG GIN BZHUGS ZHUS DANG GSUNGS NAS PHYAG THAL MO SBYAR, SPYAN CHAB MANG PO'ANG MDZAD DO, ,DE NAS HOR ZLA GNYIS PA'I MJUG LA NUB CIG MNAL LAM DU RJE RIN PO CHE PHEBS NAS RJE BTZUN 'JAM PA'I DBYANGS KYI PHYAG DRIL YIN GSUNG BA ZHIG GNANG, DA KHYOD NGO GNYIS SDOD GSUNG BA ZHIG RMIS PA DRUNG 'KHOR BA RNAMS LA GSUNGS BAS, KHONG RNAMS ZLA BA DANG LO GANG YIN LA MA DON YANG DON LA ZLA BA YIN SNANG, DE NAS MYA NGAN LAS 'DA' BA'I LTAS BYUNG BA NA GZIM CHUNG DU PHEBS TE ZHABS GNYIS SKYIL KRUNG DANG PHYAG GNYIS MNYAM GZHAG MDZAD NAS THUGS DAM LA THUGS GTAD PAS SKU SMAD NAS DROD YAR LA RIM GYIS SDUD PA'I TSE RJE BTZUN 'JAM DBYANGS KYI ZHAL GZIGS BRIS SKU DE SKU MDUN DU SPYAN DRANGS, RJE BTZUN PHEBS YOD

LAGS ZHUS PAS SPYAN GYIS NI MA GZIGS, DBU DUD PA ZHIG MDZAD, CUNG ZHIG LON PA NA DA MI DGONGS PAR 'DUG SNYAM NAS BRIS SKU DE SKU RGYAB G-YON PHYOGS SU GDAN DRANGS PAS JI LTAR SPYAN DRANGS PA LTAR BRIS SKU LA SPYAN GDANGS TE AOG SKO SKU DPUNG G-YON PA'I STENG DU BZHAG NAS ZHAG 'GA' BZHUGS PAS PHAL CHER GYIS SKU'I GZI MDANGS LA DPAGS NAS 'KHRUL BA'ANG SKYES, DE NAS SA MO SPRUL LO DE'I ZLA BA BZHI PA SA GA ZLA BA'I TSES BCO BRGYAD LA DGA' LDAN CHOS KYI PHO BRANG MI PHAM RGYAL BA'I MDUN SAR RJE 'JAM DPAL SNYING PO'I ZHABS DRUNG DU PHEBS SO, ,PHYI RABS KYI GDUL BYA RNAMS KYI DON DU RJE'I DGONGS PA GSAL BAR MDZAD PA'I BRTZAMS CHOS KYANG RJE THAMS CAD MKHYEN PA'I GSANG BA'I RNAM THAR GSOL 'DEBS, SHES RAB KYI PHA ROL TU PHYIN PA'I DON TSANG LA MA NOR BA LAS DANG PO PAS NYAMS SU BLANG BDE BA, RJES RA SGRENG DU BSLAB BTUS GSUNGS PA'I ZIN BRIS, ZAB LAM GTUM MO'I GZHUNG KHRID; NYID KYI RGYUN GYI KHA TON MDZAD RGYUR 'JAM DBYANGS LA BSTOD PA, DUS 'KHOR RGYUD 'GREL GYI BRDA CHAD, BDE MCHOG NYUNG DU'I RGYUD LA LE'U NGA GCIG YOD PA'I LE'U DANG PO'I RGYUD DON MDOR BSTAN, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, GSANG 'DUS RIM LNGA GDAN RDZOGS KYI DMAR KHRID KHRID YIG LA MI GSAL BA RNAMS BRJED BYANG DU BRIS PA, GSANG 'DUS RIM LNGA GDAN RDZOGS KYI KHRID

, ,YIG; GSANG 'DUS RIM LNGA GSAL SGRON GYI SKABS SU NYE BAR MKHO BA 'GA' ZHIG BRJOD PA LA SOGS PA MANG DU YOD DO, ,'JAM DBYANGS CHOS RJE ZHING GSHEGS PA DE'I TSE NA MKHA' SHIN TU DANGS PA LA 'JA' DKAR PO DANG, KHA DOG SNA LNGA'I GUR LCAGS SGROG LTAR 'BREL BA, 'BRAS SPUNGS NAS DGE LDAN GYI BAR LA SHAR PA DANG, LHA'I ME TOG GI CHAR MANG DU BABS PA SOGS SKYE BO KUN GYI MIG LAM DU BYUNG NGO, ,SKU GDUNG NI BSHAD GRVA YUN RING DU GNAS PA'I RTEN 'BREL DU DNGUL GYI MCHOD RTEN NANG NA MA NYAMS PAR BZHUGS TE CHOS GRVA CHEN PO DPAL LDAN 'BRAS SPUNGS KYI GTZUG LAG KHANG NA BSOD NAMS KYI ZHING DU BZHUGS SO,, ` ,,BYAMS CHEN CHOS RJE SH'AKYA YE SHES NI, RGYAL BA ZHES PA SHING PHO RTA'I LO SNRON ZLA'I YAR NGO'I TSES GCIG GI NYIN TSAL GUNG THANG DU TSAL PAR GRAGS PA'I DPON RIGS SHIG TU SKU 'KHRUNGS, GZHON NU NYID NAS SNGON GYI SKYE GNAS MANG PO RJES SU DRAN PA SOGS MNGON PAR RTOGS PA'I YON TAN KYIS PHYUG NA'ANG, BLA MA MKHAS PA'I DBANG PO DU MA BSTEN NAS RGYAL BA'I GSUNG RAB MTHA' DAG LA MKHAS PAR SBYANGS TE MTHAR PHYIN PAR MDZAD, KHYAD PAR DU RJE BTZUN TZONG KHA PA CHEN PO'I SPYAN SNGAR MDO SNGAGS KYI ZAB KHRID MANG PO GSAN TE MKHAS PA'I DBANG BOR GYUR, DE DUS SU RGYA NAG GONG MA YUNG LO RGYAL POS CHOS KYI RGYAL PO TZONG KHA PA CHEN PO'I SNYAN PA GSAN NAS GONG MA'I RGYAL KHAB TU GDAN 'DREN PA'I PHYIR BLON PO HA'U ZHEN SOGS T'A ZHING BZHIS GTZO

BYAS GSER YIG PA MI SNA MANG PO MNGAGS TE LUNG DANG GNANG SBYIN 'BUL BA GYA NOM DANG BCAS KHYER NAS TZONG KHA PA CHEN PO GDAN 'DREN LA BTANG YANG, RJE RIN PO CHE SER CHOS SDINGS SU SKU MTSAMS SHIN TU DAM PAR MDZAD PA'I SKABS SU GSER YIG PA RNAMS SLEBS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG BA LA, ZHU BA NAN GYIS PHUL BAS SE RAR PHEBS NAS MJAL KHA GNANG, 'BUL BA RNAMS BZHES RGYA YUL DU 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA T'A ZHING RNAMS LA ZHIB RGYAS GNANG NAS RJE RIN PO CHE SPYAN MA 'DRONGS PAR RJE NYID KYI SKU TSAB TU LAS 'BREL GYI DBANG GIS SPRUL BA'I SKU BYAMS CHEN CHOS RJE MNGAGS PA GDAN DRANGS TE BLA MA GRVA SLOB T'A ZHING MI BZHI MI SNA MANG PO DANG BCAS LHO KHA KHAMS PHYOGS MI THANG BRGYUD NAS RIM GYIS RGYA NAG GONG MA'I PHO BRANG DU PHEBS TE YUNG LO RGYAL PO MJAL, GONG MA CHEN POS KYANG SRID ZHU BSNYEN BKUR PHUN SUM TSOGS PA MDZAD, DE NAS GONG MA RGYAL POS BYAMS CHEN CHOS RJE LA RGYAL KHAB 'DIR RGYAL BA TZONG KHA BA'I BSTAN PA'I SNYING PO RNAMS DAR BA ZHIG BYA 'DOD PAS MDO SNGAGS KYI CHOS SPYI DANG KHYAD PAR RGYUD SDE BZHI'I DKYIL 'KHOR CHEN PO RNAMS BSGRUB CING MCHOD PA BYED DGOS PA'I BKA' LUNG GNANG, DE NAS BYAMS CHEN CHOS RJES LO GSAR NAS DPYID ZLA 'BRING PO'I TSES 'GOR CHOG GRVA GSANG 'DUS DGYES RDOR BDE MCHOG

, ,'KHOR CHEN 'JIGS BYED ZHE DGU MA SMAN BLA RNAMS KYI SGRUB MCHOD KYI STA GON BTZUGS TE TSES DGU NAS BZUNG ZLA BA GSUM GYI BAR DU SGRUB MCHOD MDZAD DO, ,GRUB PA'I RTAGS NA MKHA' LA LHA'I ROL MO'I SGRA DANG, KHA DOG SNA LNGA'I 'JA' 'OD 'KHYIL ZHING DBYIBS RGYAL MTSAN LTA BU DANG, RDO RJE 'KHOR LO PADMA SNA TSOGS RDO RJE LTA BU SHAR BA RNAMS SKYA SER KUN GYIS MNGON SUM DU MTHONG, SPRIN MED PA'I NAM MKHA' LAS LHAS ME TOG GI CHAR 'BEBS PA SOGS LTAS KHYAD PAR CAN MANG DU BYUNG ZHING, RGYAL PO'I RMI LAM DU PHYOGS BCU'I SANGS RGYAS BYANG SEMS THAMS CAD HE YIN ZI'I NAM MKHAR BKRA LAM GYIS BZHUGS PA YANG YANG RMIS PA YANG BYUNG GSUNGS, CHOS RJE RANG NYID KYIS KYANG DKYIL 'KHOR LHA TSOGS RNAMS KYI ZHAL YANG YANG GZIGS, DE NAS GONG MA CHEN PO THUGS DAD TSAD MED PA SKYES TE GSER GYI 'KHOR LO YOD PA'I THAM KA 'BUL BA TSAD MED PA DANG BCAS GNANG STE BSNGAGS BRJOD GZENGS BSTOD MDZAD, DE NAS RGYAL PO'I DGUNG LO KHRI TSO KHRI TSOR SPEL BA'I PHYIR DU GRUB PA'I RGYAL MO'I LUGS KYI TSE DBANG RJES GNANG, GRUB CHEN TEE LO PA'I LUGS KYI BDE MCHOG 'CHI BA MTHAR BYED KYI DBANG BSKUR TE SPYI BOR BUM PA BZHAG PAS BDUD RTZIS BUM PA GANG STE 'PHYUR PAR KUN GYIS MTHONG BA BYUNG ZHING TSE RIL SOGS LA 'OD 'TSER BA LA SOGS PA'I GRUB RTAGS YANG MANG PO

BSTAN; ;RGYAL PO SHIN TU YA MTSAN TE GUS PA CHER MDZAD, RIN PO CHE GSER DNGUL GYI PHRAS BRGYAN PA'I BZHUGS KHRI, YI RTZI MDUN LCOG ,ZHABS STEGS BZHUGS STAN SOGS 'BUL BA TSAD MED PA GNANG, GZHAN YANG RGYA HOR GYI YUL GRU DE RNAMS SU RAB BYUNG BSNYEN RDZOGS, KHYIM PA RNAMS LA BSNYEN GNAS DANG DGE BSNYEN GYI SDOM PA SBYIN PA DANG, RANG RANG GI BLO DANG 'TSAM PA'I CHOS BSTAN NAS RJE RIN PO CHE'I BSTAN PAS PHYOGS DE KHYAB PAR MDZAD, DE NAS PHYOGS NAS CHED DU 'ONGS TE MJAL PHRAD BYED PA'I BLA DPON SKYE BO SER SKYA CHE PHRA THAMS CAD KYIS 'BUL BA ZHABS TOG PHUN SUM TSOGS PA BSGRUBS SHING DE DAG SO SO'I SKAL BA DANG 'TSAM PAR RAB BYUNG BSNYEN RDZOGS, DBANG LUNG RJES GNANG KHRID MAN NGAG BSNYEN GNAS SMYUNG GNAS KYI SDOM PA SOGS RANG RANG GI 'DOD MOS LTAR TSIM PAR STZAL TE SMIN CING GROL BAR MDZAD, DE NAS GONG MA RGYAL PO LA RGYAL BA TZONG KHA PA ZHAL MJAL BA DANG, MCHOD CING BSNYEN BKUR BA DANG, CHOS ZAB MO MANG PO'I BKA' DRIN ZHU BA SOGS KYI CHED DU DBUS GTZANG DU PHYIN CHOG PA DGOS ZHES DGONGS PA ZHU BAR MDZAD PAS, GONG MA CHEN POS KYANG DGONGS PA KHROL TE, GONG NAS GSER YIG PA SKYEL BA'I MI SNA DANG BCAS PHABS TE SHAN ZE'I LAM CHEN BRGYUD NAS RIM PAS LI THANG BYAMS CHEN CHOS 'KHOR SOGS NAS BOD YUL DBUS KYI SE RAR PHYAGS PHEBS TE RJE RIN PO CHE DANG MJAL, RGYAL POS GNANG BA'I GNAS BCU'I

, ,THAGS SKU, LJON SHING GI GUR, GSER DNGUL GYI MAndAL LA RIN PO CHE'I TSOM BU DANG BCAS PA, GOS DAR SNA TSOGS GTOS CHE BA PHUL NAS ZHABS BRTAN GSOL 'DEBS KYANG MDZAD, JO BO SH'AKYA MU NE RA GSER 'BUL ,MGUL RGYAN MCHOD CHA'I RIGS, RI BO DGA' LDAN GYIS GTZOS DGE 'DUN RNAMS LA 'GYED MANG JA SOGS GNANG, MI SNA LDOG DUS RGYAL PO LA LEGS GSOL ZHU 'BUL BYAS; MI SNA RDZONG BA MDZAD, DE NAS SNGA MO NAS RJE RIN PO CHE SE RAR BZHUGS DUS, RTZA SHE, DRANG NGES RNAM 'BYED, BZHI BRGYA PA, BYANG CHUB LAM RIM, GSANG SNGAGS LAM RIM GYI KHRID, RTZA LTUNG BCU BZHI PA DANG BLA MA LNGA BCU PA'I RNAM BSHAD GNYIS LA SOGS PA'I CHOS MANG PO GSAN NA'ANG , SLAR YANG DPAL GSANG BA 'DUS PA'I 'GREL PA SGRON GSAL MCHAN BU DANG BCAS PA, BSHAD RGYUD 'GA' ZHIG GI LUNG, RIM LNGA'I KHRID, SBYOR BA YAN LAG DRUG PA'I KHRID RGYAS PA, DUS 'KHOR GYI 'GREL CHEN DRI MED 'OD KYI BSHAD PA CHES ZHIB PA, N'A RO CHOS DRUG , DBU MA 'JUG PA, TSAD MA RNAM 'GREL, BDE MCHOG RTZA BA'I RGYUD LA SOGS PA'I CHOS ZAB CING RGYA CHE BA DPAG TU MED PA GSAN, DE NAS LO RE BZHIN GONG MA CHEN POR MTSAMS ZHU DANG CHOS KYI GDAMS PA GONG NAS GONG 'PHEL DU MDZAD, GONG MA CHEN

POS KYANG LO RE BZHIN GSER YIG 'BUL NOD GYA NOM PA DANG BCAS STZAL ,DE NAS RJE RIN PO CHE ZHING GSHEGS PA LA NYE BA'I TSE, STOD LUNG GI CHAB TSAN DANG, DE NAS 'BRAS SPUNGS SU BYON, DE NAS LHA SAR BYON PA'I TSE BYAMS CHEN CHOS RJE 'DI PAS RJE RIN PO CHE SE RAR GDAN 'DREN BYED PA'I GRABS KYANG SGRIGS TE SPYAN DRANGS NAS SE RA CHOS SDINGS SU BZHUGS, BSNYEN BKUR TSAD MED PAS MCHOD, DE'I TSE RJE RIN PO CHES BYAMS CHEN CHOS RJE 'DI PA LA SE RAR DGE 'DUN GYI SDE BTZUGS NAS BSHAD SGRUB RKANG TSUGS PA ZHIG BYED DGOS PA'I BSLAB STON ZHAL TA RGYAS PAR GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAMS PAR DAG BA NUB PAR GYUR NAS RING ZHIG LON, RJE RIN PO CHE NYID KYIS BSHAD PA RNAM PAR DAG PAR MDZAD PA'I GSUNG GI BDUD RTZI NYAMS SU MYONG BA'I BLO GROS KYI LUS YONGS SU TSIM PA MANG DU BYON MOD KYI, DE LTA NA YANG DA DUNG RGYUD SDE'I 'CHAD NYAN RKANG TSUGS PA'I GRVA SA GZHI THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN PA 'BA' ZHIG LA DGONGS PA'I THUGS KYI 'DUN PA SHUGS DRAG POS DE'I TSE BYAMS CHEN CHOS RJE 'DI PA LA BDE GSANG GNYIS KYI 'CHAD NYAN RKANG TSUGS PA'I SNGAGS GRVA ZHIG 'DZUGS PA'I ZHAL TA GNANG STE, BYAMS CHEN CHOS RJE 'DI PAS KYANG RJE RIN PO CHE'I BKA'

, ,BZHIN DU SGRUB PA'I THUGS KHUR RGYA CHER BZHES NAS, SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA BRTEN TE DPAL GSANG BA 'DUS PA DANG, BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG, CHOS DPON BSKO BA LA SOGS PA MDZAD CING RTEN 'BREL KHYAD PAR CAN SGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS PA LA SOGS PA RTEN 'BREL BSGRIG PAR MDZAD PA LA BRTEN TE SE RA THEG CHEN GLING BTAB, DE NAS RING POR MA LON PAR RJE RIN PO CHE GZHAN DON DU GSHEGS PA'I GDUNG MJAL RGYAN MCHOD ME SOGS GDUNG MCHOG RGYA CHEN PO MDZAD, SE RA CHOS SDINGS SU BYAMS CHEN CHOS RJE RANG NYID KYIS GTZOS DGE 'DUN MANG PO DANG BCAS GSANG BDE 'JIGS GSUM GYI DKYIL 'KHOR CHEN PO DAG ZHAL PHYE NAS, BLA MA RDO RJE 'CHANG DANG THA MI DAD PA LA PHYI NANG GSANG BA'I MCHOD PA RGYA CHEN POS MNYES PAR BYAS SHING, BDAG NYID 'JUG CING DBANG BLANG BA LA SOGS PAS DAM TSIG DANG SDOM PA RNAM PAR DAG PAR BGYIS TE, THUGS KYI DGONGS PA YONGS SU RDZOGS PA DANG, BLA MA MCHOG GI YE SHES KYIS GZIGS PA NAM DU YANG

'BRAL BA MED PA'I SMON LAM RGYA CHEN PO BTAB PAS NGO MTSAR BA'I LTAS MANG DU BYUNG STE, NAM MKHA' 'JA' YANG YANG SHAR BA DANG ME TOG GI CHAR YANG YANG BABS, BYI LO ZLA BA BCU PAR DGE LDAN DU RDO RJE 'DZIN PA BRGYA PHRAG DU MAS DKYIL 'KHOR DPAG TU MED PA BSGRUB CING MCHOD PA'I DUS KYI MCHOD PA BSGRUBS PA DE'I TSE DPON NAM MKHA' BZANG PO KHU DBON PA'I DRUNG NAS, RA KHA BRAG TU CHOS RJE BYAMS CHEN PA 'DIS GTZO BO MDZAD PA'I DGE BA'I BSHES GNYEN DU MA SPYAN DRANGS NAS DUS KYI MCHOD PA RGYA CHEN POR MDZAD DE GSOL BA BTAB PAS ME TOG GI CHAR BABS PA NI, ME TOG MU TIG GI MDOG LTA BU CHUNG DU SA LA KHA BA LTAR CHAGS PA DANG GZHAN YANG 'DAB MA DRUG PA LA SOGS PA KHA CIG GI MDOG NI DUNG DANG, KHA CIG NI GSER BTZO MA, KHA CIG NI MI KHRI LTA BU, KHA CIG NI RGYA MTHING BZANG POS BYUGS PA LTA BU MI'I LAG PA'I KHYON TZAM DPAG TU MED PA BABS SO, ,BYAMS CHEN CHOS RJE 'DIS RJE RIN PO CHE'I DGONGS RDZOGS SU MCHOD 'BUL MDZAD PA LA DE LTA BU'I RTAGS NGO MTSAR CAN 'BYUNG BA NI BYAMS CHEN CHOS RJE 'DI NYID RJE RIN PO CHE'I THUGS RJE'I BYIN RLABS ZHUGS PA'I SKYES BU DAM PA GZHAN DANG MI 'DRA BA ZHIG YIN PA'I RTAGS TE RNAM PAR THAR PA NGO MTSAR BA YIN NO, ,DE NAS SLAR YANG GONG MA CHEN PO YUNG RGYAL POS GDAN DRANGS TE RGYA NAG TU PHEBS,

, ,RGYAL PO CHOS DANG ZANG ZING GIS MNYES PAR BYAS, RGYA NAG GI YUL DU RDZU 'PHRUL GYI BKOD PA MANG DU BSTAN CING, RJE RIN PO CHE'I RING LUGS DRI MA MED PA PHYOGS KUN TU RGYA CHER SPEL, RJE RIN PO CHE'I THUGS BSKYED DANG BYAMS CHEN CHOS RJE NYID KYI SNGON GYI SMON LAM GYI DBANG GIS RGYA NAG THE RDZUNG YUNG LO RGYAL PO NAS ZON TE RGYAL PO'I BAR RGYAL RABS BZHIS MCHOD PA'I DPAL YON BLA NA MED PA MDZAD DE, DGUNG LO BRGYAD CU GYA GNYIS BZHES PA SHING MO YOS LO ZLA BA BCU PA'I TSES BCO BRGYAD KYI NYIN BU CHEN K'O SHI AA MO GHA DANG BSOD NAMS SHES RAB RNAM PA GNYIS LA ZHAL BKOD GNANG STE, PHYI NANG GI DO DAM MDZAD NAS SKU MTSAMS LA BZHUGS TE, THUGS DAM MDZAD, NYI SHU BZHI LA MDZO MO MKHAR DU ZHING GSHEGS SO, ,DE NAS YONGS KYI DGE BA'I BSHES GNYEN MANG POS DGONGS PA YONGS SU RDZOGS PA'I PHYIR DGE RTZA RGYA CHEN PO BSGRUBS SHING GDUNG MCHOD RGYA CHEN PO NYIN ZHAG BZHI BCU ZHE DGU'I BAR DU BSGRUBS DE'I TSE NAM MKHA' LA 'JA' 'OD 'KHRIGS SHING, LHAS ME TOG GI CHAR PHAB PA SOGS NGO MTSAR BA'I LTAS MANG DU BYUNG NGO, ,KHRA SA'I ZHES BYA BA'I SA CHA DER K'O SHRI DPAL LDAN PAS GTZOS DGE BA'I BSHES GNYEN MANG PO'I TSOGS DANG BLON CHEN MI CHEN DMAG DPON MI DPON SOGS SKYA SER MANG PO 'DUS NAS SKU GDUNG ZHUGS 'BUL MDZAD PA LA K'O SHRI DPAL LDAN PAS ME SBOR BA'I STANGS

KA CAM BYAS PA LA ME RANG 'BAR DU SONG ZHING, 'JA' TSON SNA LNGA'I GDUGS DANG RGYAL MTSAN BA DAN BKRA SHIS RTAGS BRGYAD KYI DBYIBS LTA BU'I LTAS BZANG KHYAD PAR CAN NAM MKHA'I KHAMS GANG BAR BYUNG BA KUN GYIS MTHONG ZHING NGO MTSAR BA'I GNAS SU GYUR TO, ,RJE RIN PO CHE'I THUGS SRAS BSTAN 'DZIN DAM PA SNGAR SMOS PA DE DAG THAMS CAD TSUL KHRIMS RNAM PAR DAG PA BYANG CHUB LAM GYI RIM PA LA NYAMS LEN SNYING POR MDZAD PA SA LAM GONG NAS GONG DU BGRONG BZHIN PA DANG 'GA' ZHIG LAM GYI BGROD PA MTHAR PHYIN TE SPRUL PAS 'GRO DON MDZAD PA, DAM NYAMS DANG 'CHAL PA DANG 'DRA CAN GYIS MA BSLAD PA RNAM THAR GTZANG BA, LUNG DANG RTOGS PA'I YON TAN GYIS MNGON PAR MTHO BA ,BSTAN PA LA BYA BA MDZAD PA SHA STAG BZHUGS TE, 'DIR MTHA' DAG BRI MA NUS LA, MKHAS GRUB SMRA BA'I NYI MA DGE LEGS DPAL BZANG DANG, BA SO CHOS KYI RGYAL MTSAN DANG, RJE BTZUN SHES RAB SENG GE DANG, THAMS CAD MKHYEN PA DGE 'DUN GRUB PA RNAMS NI LAM RIM BLA BRGYUD DU BZHUGS PAS DE DAG GI RNAM THAR RNAMS NI SO SO'I BRGYUD RIM DU 'CHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS RGYAL BA SRAS BCAS KUN GYI MKHYEN BRTZE NUS GSUM GCIG TU BSDUS PA'I NGO BO CHOS KYI RGYAL PO TZONG KHA PA CHEN PO LA GSOL BA 'DEBS PA LHUR BYA ZHING, RJE BDAG NYID CHEN PO'I RNAM THAR LTAR GANG NYAMS SU BLANG BAR BYA BA'I

, ,GNAS RNAMS LA SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS NGES PA RNYED PAR BYA BA DANG, JI LTAR NGES PA'I DON LA DBEN PA'I GNAS SU TSE 'DI'I KHRI BA BCAD DE SGRUB PA SNYING POR BYA BA DANG, BSTAN PA'I RTZA BA SO SOR THAR PA'I BCAS MTSAMS RNAMS MIG GI 'BRAS BU LTAR BSRUNG BA GZHIR BYAS NAS RGYAL BA'I BKA' DANG SHING RTA CHEN PO'I GZHUNG RNAMS GDAMS PA'I MCHOG TU 'KHYER BAR BYA BA DANG, LAM GYI YAN LAG PHRA MO RE LA ZHEN PA MIN PAR LAM GYI LUS YONGS SU RDZOGS PA LA SLOB PA DANG, MDO SNGAGS GNYIS TSA GRANG LTAR 'GAL BAR SONG BA MIN PAR GCIG GROGS SU GCIG 'GRO BAR BYAS LA BSHES GNYEN BSTEN TSUL NAS BZUNG MTHAR THUG GI 'BRAS BU MI SLOB PA'I ZUNG 'JUG GI BAR SA LAM 'BRAS BU DANG BCAS PA YONGS SU RDZOGS PA RANG GI RGYUD LA SBYAR TE NYIN RE BZHIN BAG CHAGS CI THEBS BYA BA LA SKYES BU'I RTZA LA CI YOD KYIS 'BAD PAR BYA'O,, ` ,,RJE BTZUN 'JAM PA'I DBYANGS KYI BKA' GRUB PAS, ,MDO RGYUD RGYA MTSO'I DPAL LA DBANG BSGYUR ZHING, ,BLO BZANG CHOS KYI MDUN SA MDZES PA'I RGYAN, ,'JAM DPAL RGYA MTSO'I ZHABS LA GSOL PA 'DEBS, ,ZHES BSNGAGS PA GRUB PA'I DBANG PHYUG 'JAM DPAL RGYA MTSO BA NI, MDO SMAD TZONG KHA'I YUL DU ME PHO SPRE'U'I LO SKU 'KHRUNGS, SNGON GYI BAG CHAGS BZANG PO'I

MTHU BRTZAS PAR GYUR PAS GZHON NU NYID NAS DAM PA'I CHOS 'TSAL BA'I THUGS BSAM KHO NA BYUNG NAS, ZLA BA SGRON MA'I MDO LA SOGS PA'I MDO DANG BSTAN BCOS MANG PO THUGS LA BZUNG, KHYAD PAR ZLA BA SGRON MA'I MDO RGYUN DU ZHAL 'DON DU MDZAD, SNGON YUN RING PO NAS LAM LA GOMS PA'I MTHUS SKU TSE 'DIR GZHAN GYIS BSKUL BA LA MA LTOS BAR NGES 'BYUNG GI BSAM PA SHUGS DRAG POS RGYAL BA'I BSTAN PA LA RAB TU BYUNG NAS KHAS BLANGS PA'I BCAS MTSAMS RNAMS MIG GI 'BRAS BU LTAR BSRUNG ZHING, DE'I TSE DAM PA'I CHOS KHO NAS THUGS DRANGS PAS DGUNG LO BCO BRGYAD TZAM LA DBUS SU PHEBS, GRVA SA RNAMS SU BZHUGS NA SO SO'I LAS TSAN DANG MI MANG GIS G-YENG DOGS NAS DAL 'BYOR RNYED DKA' DANG NAM 'CHI CHA MED DRAN PAS RGYUD BSKUL TE RTAG TU DU LTAR CHOS 'TSOL BA'I 'DUN BA SKYES TE DGE BA'I BSHES GNYEN MANG PO'I ZHABS LA GTUGS NAS MDO SNGAGS KYI LUNG MAN NGAG RNAMS GSAN ZHING KHYAD PAR RJE BTZUN TZONG KHA PA CHEN PO'I ZHABS LA GTUGS TE MAN NGAG RNAMS GSAN NAS TSE MJUG SGRUB PA MTHAR PHYIN PA ZHIG BYED DGONGS PA NAR MAR BYUNG, DE NAS RJE RIN PO CHE BDE BA CAN DU RGYUD BLA MA GSUNG GIN 'DUG PA GSAN DU BYON PAS LEGS PAR GO BA BYUNG GSUNGS, DE NAS RJE RIN PO CHES SGRUB PA SNYING POR BYED PA LA LAM CHA TSANG LA GO BA RNYED DGOS, DE 'ONG BA LA SHING RTA CHEN PO'I GZHUNG RNAMS LA SBYANGS NAS DRI MA MED PA'I RIGS PAS LAM DANG LAM MIN 'BYED

, ,THUB BA ZHIG DGOS PAS TSAD MA LA SOGS PA'I GZHUNG LUGS RNAMS LA SLOBS GSUNG BA'I BKA' PHEBS PA NA RJE RIN PO CHE'I BKA' LTAR BSGRUBS TE G-YANG PHU LA SOGS PA'I GRVA SA MANG POR GZHUNG LUGS RNAMS LA SBYANGS TE 'DRIS PAR MDZAD CING, KHYAD PAR RJE RIN PO CHE NYID LA GZHUNG LUGS RNAMS GSAN TE RIGS PA'I LAM SROL RNYED PAR MDZAD, DE LTAR GZHUNG CHEN MO RNAMS LA THUGS SBYONG MTHAR PHYIN PAR MDZAD DE DA NI SGRUB PA RTZE GCIG TU BYA DGONGS NAS SGOM KHRID RNAMS BLA MA MANG PO LA GSAN ZHING BSGOMS NAS MYONG BA THON PAR MDZAD, KHYAD PAR SKYOR MO LUNG DU BLA MA DBU MA PA DANG RJE RIN PO CHES 'JAM DBYANGS CHOS SKOR GYI BDE MCHOG GNANG BYUNG BA BSGOMS PAS RMI LAM DU RI BO RTZE LNGA SOGS YUL KHAMS MANG POR BYON PA SOGS BYUNG GSUNG, DE NAS BLA MA YON BZANG BA'I SAR BZHUGS DUS SU DA STE 'JIG RTEN MI DANG MI BSRE, SE MO DO 'AM KHA CHE'I YAN LAG GAN BHO LA'I SGRUB GNAS SU PHYIN LA TSE DANG SGRUB PA MNYAM PA ZHIG BYA DGONGS PA BYUNG, DE DUS RJE RIN PO CHE YANG GTZANG PHYOGS LA PHEBS BLA MA DBUS PA DANG MJAL, RJE BTZUN GYI ZHAL TA LA NYAN BSHAD LAS BYA BRAL GYIS GSUNG BA BYUNG NAS DE LA THUGS THAG BCANG, RJE RIN PO CHE SLAR GTZANG NAS PHEBS, DE DUS BLA MA 'DI PA'I THUGS LA RJE RIN PO CHE BYA BRAL MDZAD NA RJE'I PHYAGS PHYIR 'BRANG DGOS, DE LAS LHAG PA RANG GZHAN DU

PHYIN YANG MI 'ONG SNYAM NAS MJAL DU BYON, LO RGYUS ZHUS PAS, NGED KYANG SGRUB PA BYED KHYED RANG YANG LAM 'BRAS KYI CHA LAG LHAG MA RNAMS ZHUS LA SHOG GSUNG BAS DE LTAR MDZAD NAS BYON GSUNGS, RJE RIN PO CHES BYA BRAL LA 'BYON PA'I 'KHOR JI LTAR 'THANG RJE BTZUN LA ZHUS DUS, BLA MA 'DI PA DANG BLA MA 'JAM DKAR BA, BLA MA SHES RAB GRAGS, BLA MA RIN RGYAL PA, SLOB DPON BZANG SKYONG, BLA MA BYANG SENG BA, BLA MA 'JAM DPAL BKRA SHIS, DPON PO DPAL SKYONG RNAMS KHRID GSUNG BA BYUNG 'DUG ,DE NAS DPON SLOB RNAMS STOD LUNG NAS DVAGS PO PHYOGS LA 'BYOR PAR CHAS, CHU GZHUNG LA MKHAR LTAG LA LKOG PAR DU BYON, DE NAS 'OL KHAR BYON PAS 'OL KHA RDZONG DPON GYIS 'GO BYAS THAMS CAD DAD NAS LO KHA YAR BZHUGS PA'I ZHU BA PHUL, CHOS LUNG DU RJE RIN PO CHES SPYIL PO ZHIG LA BZHUGS, GZHAN BYINGS POS BONG SPYIL RE LA BRTEN NAS BZHUGS, DE DUS BKA' GDAMS PA RNAMS KYI PHYAG LEN LTAR LAM THUN MONG BA LA GTZO BOR BLO SBYANGS PA DANG, SO SO THAR PA'I 'DUL KHRIMS LA GZHI BYAS THUN MONG BA NAS RIM PAS BRTZEGS PA MIN PA DANG PO NAS SNGAGS LA ZHUGS KYANG GNYIS MED SENG GE 'ONG BAR DGONGS NAS SNGAGS KYI YIG CHA DANG THANG SKU SOGS KYANG KHYER BA MED, BLA MA 'DIS LAM 'BRAS ZHUS PA DANG RJE BTZUN LA MOS PAS THANG SKU CHUNG CHUNG GCIG DANG LAM 'BRAS KYI GZHUNG BSHAD GCIG GDAN DRANGS GZHAN YE MED GSUNG, BLA MA DBU MA BAS

, ,THOG MAR BLA MA 'DI NYID LA RJE BTZUN GYI SGRUB SKOR RNAMS BYIN GSUNGS PAS, RJE RIN PO CHES BLA MA 'DI LA RJE BTZUN 'JAM DBYANGS KYI SGRUB SKOR RNAMS RIM CAN DU TSANG BAR GNANG, JI LTAR GNANG BA LTAR RTZE GCIG TU SGRUB BA MDZAD PAS RJE BTZUN 'JAM PA'I DBYANGS KYI SKU DANG GSUNG GI SNANG BA GSAL ZHING BRTAN PA NAR MAR BYUNG, PHYIS MGAR PHUG TU GZHAN RNAMS LA'ANG GNANG STE BSGRUBS PAS BYIN RLABS KYI MTSAN MA BYUNG GSUNGS, DE DUS ZHAG BDUN BDUN RJE'I ZHABS TOG BYED RES BYAS TE BLA MA 'DI'I RES SHIG DBU MA PA'I LUNG BSTAN BYUNG TSUL THOR BU ZHIG GNANG BA'I 'KHOR GZHAN RNAMS LA'ANG GNANG BAR ZHU ZHUS NAS GZHAN RNAMS KYANG BOS, MCHOD PA BSHAMS TE DE GSUNG BAR GSOL BA BTAB NAS GSUNGS PAS, THAMS CAD BLO 'KHRUL TE RJE RIN PO CHE DANG, BLA MA 'JAM DKAR BA GNYIS LA BYINGS POS ZHU BA PHUL TE DKA' THUB MDZAD DU MA BCUG ,GZHAN RNAMS KYIS SHUGS PA'I DKA' THUB BYAS, DE YANG THOG MAR BLA MA 'DI BAS BRTZAMS, TSUL KHRIMS LA GUS PAS RIL BU'I RTA SING POS BYED PA 'DUG STE CHU LA BYAS, GZHAN RNAMS LA RIL BU BRGYAD CU TZAM RE DGOS PAR 'DUG ,BLA MA 'DI LA SUM CU TZAM RES CHOG BAR BYUNG, STAG RTZE PAS CHAS KA LONGS ZER TE, DE DUS SKYO SHAS CHE DRAGS PAS MI DANG SNANG BA MI BSTUN CI BYED BSAM NAS MA BLANGS PAR LO GSUM TZAM SHUG 'BRU'I BCUD LEN LA BRTEN GSUNGS, DE'I RGYU MTSAN GYIS BLA MA 'DI LA SHUG

'BRU PA BYA BAR GRAGS, DE LTAR BDAG NYID CHEN PO 'DIS RJE RIN PO CHE SGRUB PA'I MCHOD PAS MNYES PAR MDZAD, YUN RING DU BSTEN NAS GSUNG RAB THAMS CAD KYI SNYING PO'I DON GCIG TU BSDUS PA'I MAN NGAG BYANG CHUB LAM GYI RIM PA MAN NGAG ZHAL SHES GEGS SEL BOGS 'DON DANG BCAS PA DANG, GSANG BDE 'JIGS GSUM SOGS BSKYED RDZOGS KYI KHRID MAN NGAG ZHAL SHES GEGS SEL BOGS 'DON DANG BCAS PA DANG ,ZAB LAM GCOD KYI CHOS SKOR CHA LAG DANG BCAS PA DANG, LHAG PAR DGA' LDAN SNYAN RGYUD KYI LTA KHRID CHA LAG DANG BCAS PA SOGS GDAMS NGAG THAMS CAD RDZOGS PAR THOB, THE TSOM GYI DRA BA MTHA' DAG CHOD PAR MDZAD, RJE BTZUN 'JAM PA'I DBYANGS KYIS RJE RIN PO CHE DANG, BLA MA 'DI PA DGA' LDAN GYI LHA KHA SHAS BCAS LA MDO SNGAGS GNYIS KA'I LAM GYI GNAD BSDUS PA'I SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM CHEN MO DANG BCAS PA GNANG NAS SPRUL PA'I GLEGS BAM CHEN MO BLA MA 'DI'I PHYAG TU PHEBS, RJE RIN PO CHE'I GDUL BYA 'PHRIN LAS THAMS CAD SA 'UR RDO 'UR DU RDOL BA NA 'DI PAS SGRUB PA RTZE GCIG PA NYID KYIS THUGS DRANGS NAS, DA NI NGA RANG DBEN GNAS SHIG BTZAL NAS SGRUB PA BYA DGONGS TE MAL GRO RGYAL STENG DU THOGS GCIG BZHUGS, DE NAS SPANGS MKHAN POS GDAN DRANGS TE, RI RTZE'I KHANG GCIG MOR RE SHIG BZHUGS, DE NAS SPANG SA SPYAN SNGAS DBEN GNAS SE BA RONG GI GZIM KHANG PHUL BAS DER BZHUGS TE SPYAN

, ,SNGAS GTZO MDZAD SKAL LDAN RNAMS LA BYANG CHUB LAM GYI RIM PA SOGS CHOS MANG DU GSUNGS, DE NAS DGONGS PA LA 'ON KYANG 'PHAGS PA'I GO 'PHANG MA BRNYES BAR DU CHOS 'CHAD PA SOGS GZHAN LA PHAN CHUNG ZHING SANGS RGYAS SGRUB PA'I BAR CHAD YIN PAR DGONG SNAS BUG SGO 'DAG SBYAR GYIS DUS 'DA' BAR MDZAD, GSER DANG BONG BA SNYOMS DGRA GNYEN NYE RING SNYOMS CHOS BRGYAD 'GO SNYOMS, RNYED BKUR SNYAN GRAGS LA BLTA BA'I 'DOD PA NGAN BA RGYANG RING DU DOR TE BSAM GTAN GYI 'KHOR LOS DUS YOL BAR MDZAD DO, ,DE'I TSE RJE BTZUN 'JAM DBYANGS KYI SKU GSUNG THUGS KYI SNANG BA YOD TSUL SNYAN GRAGS CHES PAS PHYOGS NAS MKHAS BTZUN BZANG GSUM DANG MI DRAG ZHAN YO 'ONG NAS LUNG BSTAN ZHU BAS PHAL MO CHE LA MJAL KHA MI 'ONG ,RE RE TZAM MJAL DU BYUNG BA LA'ANG DANG PO NAS MTHA' 'GOG RANG MDZAD DE, YI DAM GYI ZHAL GZIGS PA SOGS YE MI MNGON PAR MDZAD, DE DUS PHAG MO GRUB PA'I MI DPON CHEN PO RNAMS DANG, KHYAD PAR 'OL KHA RDZONG DPON GYIS RANG RANG GI BSTI GNAS SU SPYAN 'DREN PA'I ZHU BA DANG, DBEN GNAS KYANG SO SOS GANG BZHED 'BUL BAS PHEBS PA'I ZHU BA PHUL DUS NGA DBEN GNAS 'DIR SU GANG GI'ANG NGO 'DZIN BYED MI DGOS 'TSO BA'ANG MTHA' GNYIS PRAL BAR SPYOD PA 'DI BSGYUR NAS DE NA BAR CI BYED, KHONG TSO'I ZHABS TOG DE 'DRAS MI 'TSENGS PAR SROG KHAG 'KHUR DGOS

PA 'ONG GSUNGS NAS PHEBS MA BZHED LAN CIG DGE BSTEN GCIG NA RE, DRUNG NAS MI RNAMS MJAL DU 'ONGS PA NA BKA' BKYON RE BYON BTANG BAS DGA' 'ONG BAR 'DUG, DAR KHA CHE MJAL DU BYUNG BA LA'ANG KHYOD 'BRI KHUNG PA'I SA KHOG 'DIR PHYI BKRUG NANG DKRUG YO BYED PAR SNANG GSUNGS NAS BKYON BAS, KHONG DRUNG NAS NGA LA THUGS TSA LA SBYAR BA'I GSUNG BYON ZER KYIN DGA' NAS SONG ZHUS PAS, NGAS SU GANG GI'ANG NGO 'DZIN MA MYONG BA YIN GSUNGS, DE LTAR CHAGS SDANG DGRA GNYEN GYI PHYOGS RIS MI MNGA' BAS 'DI 'DRA ZHIG DANG 'THAB RTZOD KHON 'DZIN 'DUG CES PA DE DUS KYI SKYE BO SUS KYANG MA TSOR, SDUG BSNGAL DANG DKA' SPYAD LA BZOD PA'I MTHU CHE BAS DUS THAMS CAD DU MGO 'AM GOS LA ME SHOR BA LTA BU'I BRTZON 'GRUS RTZOM PAR MDZAD, TSOGS CHOS SOGS GSUNG BAR ZHUS DUS CHOS NGA RANG LA 'CHAD DGOS PAR 'DUG, THOG MAR MI LA SNYING RJE BYED PA BAS RANG LA SNYING RJE BYED DGOS PA 'DUG GSUNGS NAS TSIG GSUNGS TSAD GO RGYU CHE BA DON 'DRIL BA CHOS MI 'CHAD GSUNG YANG GSUNGS TSAD CHOS KYI GNAD ZAB DGU 'BA' ZHIG TU 'ONG BA, GSUNG GANG 'BYON YANG RDO BCAG PA'I 'PHRO BZHIN DU SLAR LDOG TU MED PA CIG 'ONG, KHYAD PAR DU'ANG SNGAGS LA DAM DOG CHE BAR MDZAD, BDAG NYID CHEN PO 'DI THUGS KYI DPYAD PA GZHAN DANG MI 'DRA BA MNGA' BAS RJE RIN PO CHES KYANG BLA MA 'DI'I ZHU 'BUL SOGS LA ZOS MDZAD PA YIN PAR SNANG NA GZHAN GYIS LTA CI SMOS, RJE'I SKU MDUN DU

, ,GSHIBS PA'I BSHES GNYEN CI RIGS LA'ANG SDE BAN TSO GSUNG GIN BKA' BKYON, KHONG TSO SHES RAB CHE STE NGA DAD PA CHE ZHES GSUNG, GZHAN YANG PHYAG RDZAS CI BYUNG YANG GSOG PA YE MI MDZAD, GZHAN GYI BZHIN THAB KHA DANG BZA' BTUNG LA GTONG BA YE MI MDZAD BAR DGE PHYOGS SU GTONG, 'PHRAL DU'ANG SKYE BO THAMS CAD RLAG PAR BYED PA'I RANG BZHIN CAN 'DOD PA'I NYES DMIGS KHO NA GSUNG BAR MDZAD, DRI BA NI RJE BTZUN 'JAM DBYANGS LA CI BZHED ZHUS PAS CHOG PA DANG, RANG NYID YON TAN LA MNGA' BRNYES PAS NAD GDON BAR CHAD ZHI BA DANG TSE DANG BSOD NAMS RGYAS PA DANG GZHAN DBANG DU SDUD PA DANG, DRAG PO'I LAS SOGS JI LTAR BZHED PA BZHIN 'GRUB PAS RJE RIN PO CHE DANG, CHOS RJE 'DUL BA PA SOGS KYI'ANG SKU TSE BSRING BA'I CHO GA DANG, SKU RIM JI LTAR BSGRUB PA SOGS THAMS CAD BLA MA RIN PO CHE 'DI NYID KYIS LUNG STON CING GZHAN YANG BSTAN PA LA PHAN PA'I BSHES GNYEN CI RIGS LA'ANG LUNG STON PA DANG, DON CHEN POR 'GYUR PAR SNANG NA KHYIM PA CI RIGS LA'ANG PHAN THOGS MDZAD, TSUL KHRIMS KYI DBANG DU BYAS NA SDOM PA GSUM GYI NYES LTUNG PHRA MOS KYANG MA GOS PAR SPYAN GYI 'BRAS BU BZHIN DU BSRUNG BAR MDZAD, DUS THAMS CAD DU BRJED PA MED PA'I DRAN PA KHYAD PAR CAN MNGA' ZHING MNYEL BA'I RGYU 'DU 'DZI DANG RNAM G-YENG RGYANG RING DU SPANGS TE DUS THAMS CAD DU SGO GSUM GYI SPYOD PA LA SO SOR RTOG PAR

MDZAD, ZLA BA BYUNG NGO COG GI PHYED NA KHYAD PAR DU'ANG SGO GSUM GYI BYA BA LA BRTAGS NAS NYES PA BYUNG BA THAMS CAD LA MTHOL BSHAGS DANG, PHYIN CHAD SROG LA BAB KYANG MI BYED PA'I SDOM SEMS BTANG NAS GSO SBYOD BYA BA'I TSUL NAM YANG MA CHAG PAR MDZAD PAS BLANG DOR LA G-YEL PA'I BAG MED PA NI MI MNGA', DE LTAR SDOM PA GSUM LA RANG BZHIN DANG BCAS PA'I KHA NA MA THO BA'I DRI MA DANG BRAL BAS NYON MONGS PA'I RGYU BA 'GAGS TE ZHI ZHING DUL BA'I MCHOG TU GYUR TO, ,'OL KHA BSAM GTAN GLING DU RJE RIN PO CHES GSANG 'DUS KYI BSKYED RDZOGS GSUNGS NAS BSGOMS PAS GTZO 'KHOR THAMS CAD LA GSAL SNANG THON, BSKYED RDZOGS KYI GNAD ZAB MO ZHIG LA TSOGS 'KHOR BSHAMS GSER GYI MAndAL PHUL NAS ZHUS PAS GNANG, BSKYED RDZOGS LA SNOD BCUD THAMS CAD LA THA MAL GYI SNANG ZHEN BKAG PA DE DGOS, NGAS KYANG DE DUS ZHAG NYI SHU RTZA DRUG TU SBYANGS PAS BYUNG GSUNG, NYIN MTSAN KHOR YUG TU BYANG SEMS 'DZAG MED DU BZUNG BAS SKU LUS LANG TSO DAR LA BAB PA LTA BUR DKAR LA DMAR BA'I MDANGS CHAGS PA MNGA' BA BDE STONG GI TING NGE 'DZIN BRTAN PO BRNYES PA'I YON TAN DU SNANG ZHING, DGUNG LO BDUN CU LON DU SU'ANG, KHYOD KYI ZHAL GYI PADMA DANG, ,PADMA NYI MAS KHA BYED BA, ,BUNG BAS MTHONG NA PADMA NI, ,THE TSOM DBYANG THAG LA 'JUG 'GYUR, ,ZHES GSUNGS PA LTAR ZHAL RAS KHA BA'I GONG BU LTAR DKAR BA LA MKHUR

, ,CHOS KYI RTZE LA MTSAL BYUGS PA LTA BU'I MDANGS DANG LDAN ZHING, 'BYON BZHUGS SOGS LA'ANG ZOR YANG ZHING, SKU LUS MDA' LTAR DRANG ZHING SGUR KYOG GI RNAM PA YE MI MNGA' 'O,, DE LTAR BDE STONG GI TING NGE 'DZIN GYI YON TAN KHYAD PAR CAN THOB NA CHU NANG DU ZLA BA'I SNANG BRNYAN 'CHAR BA LTAR SANGS RGYAS BYANG SEMS MANG PO RANG GI NGANG GIS MTHONG BA YIN GSUNGS PA LTAR BLA MA RIN PO CHE 'DI LA'ANG SKU TSE SNGON ROL DU MA NAS RJE BTZUN 'JAM DBYANGS KYIS 'BRAL MED DU RJES SU 'DZIN PA'I RGYU TSOGS YOD PA DANG, SKU TSE 'DIR YANG RJE BTZUN 'JAM PA'I DBYANGS LA DAD PA DANG, RJE BTZUN GYI SKU RTZE GCIG TU BSGOMS PA'I TING NGE 'DZIN BRTAN PO LA MNGA' BRNYES PA'I GNAD KYIS, RJE BTZUN LA NAM BZHED DU MJAL NAS THUGS KYI THE TSOM THAMS CAD GCOD PA MDZAD, CI RIGS KYI NYAMS SNANG LA SANGS RGYAS BYANG SEMS MANG PO MTHONG BA DANG GSUNG 'BYON PA SOGS 'ONG YANG RMI LAM BZHIN DU 'KHRUL SNANG DU SONG NAS YID BRTAN MI THUB PA YIN PAR SNANG, BLA MA 'DI'I DE RNAMS LA RJE RIN PO CHES KYANG BRTAG DPYAD MANG DU MDZAD, KHYAD PAR CHOS KYI GNAD ZAB MO'I DRI BA MDZAD PA RNAMS KYI LAN 'PHYUG MED DU 'ONG BAS THUGS CHES NAS, THE TSOM GYI DRI BA RNAMS 'DI PA LA DRIS NAS GZOD THAG CHOD SOGS MDZAD PA YIN PAR SNANG, RJE RIN PO CHE SKU KHAMS BSNYEL BA DVANGS

PA'I SKABS SHIG RJE BTZUN 'JAM PA'I DBYANGS GZIGS PAS, DA PHYIN CHAD BSKYED RDZOGS KYI RNAL 'BYOR LA 'BAD NA RTOGS PA KHYAD PAR CAN 'BYUNG SLOB MA SKAL LDAN BDUN LA'ANG RTOGS PA KHYAD PAR CAN SKYE'O GSUNG BA LA, RJE'I ZHAL NAS NYAMS SNANG YIN NAM RTOGS LDAN PA LA 'DRI DGOS DGONGS PA NA BLA MA 'DI PAS RJE RIN PO CHE LA DA RJE BTZUN LA BSKYAR MA ZHU DGOS PA MED DE, LAM DE THUGS LA 'KHRUNGS PA'I RGYU BDE STONG GI YE SHES KHYAD PAR BA SNGAR NAS 'KHRUNGS ZIN, DA PHYI'I RKYEN ZHING SKYES KYI PHO NYAS GROGS MDZAD PA'ANG MYUR DU 'ONG BAS LAM DE MYUR DU 'KHRUNGS PA ZHIG 'ONG ZHES RJE BTZUN 'JAM PA'I DBYANGS GSUNG ZHUS PAS THUGS CHES PAR SNANG, YANG BLA MA'I 'DI'I GSUNGS NAS, RJE'I DRUNG DU BUD MED, ,DZES MA GOS YID DU 'ONG BA GYON PA THANG ZHVA DMAR BO LA LEB GYON BYAS PA CIG DUS RGYAN DU 'ONGS TE LHA'I RNAM PAR MI 'ONG, DE SNOD MIN LA SNGAGS KYI GSANG BA BSTAN PA'I SKYON YIN PAR SNANG, L'U AI PA'I 'GREL PA 'DOD 'JO BRTZAMS PHYIN CHAD RDO RJE RNAL 'BYOR MA LA SOGS PA'I RNAM PAR 'ONG, GROGS KHYAD PAR CAN MDZAD PA YIN PAR SNANG, TING 'DZIN PIR LEGS MA LA SOGS PA'I MCHOD GLU 'DI YANG GDANGS DANG BCAS BA DGA' LDAN GYI GTZUG LAG KHANG BZHENG DUS LHA MO RNAMS KYIS 'THEN GYIN 'DUG PA GZIGS PA YIN PAR SNANG GSUNGS, BLA MA 'DIS RJE BTZUN 'JAM DPAL DBYANGS LA RJE RIN PO CHE'I RNAM THAR ZHUS PAS, RJE'I

, ,RNAM THAR BSAM GYIS MI KHYAB RNAM THAR GYI GTZO BO CHOS RAB TU RNAM 'BYED KYIS CHOS ZAB MO THAMS CAD THUGS SU CHUD CING, DNGOS STOBS RIGS PAS GZHI LAM 'BRAS GSUM THAMS CAD THUGS SU CHUD PA 'DI YIN, GZUNGS SPOBS TING 'DZIN MNGON SHES RDZU 'PHRUL SOGS LA SKYE BA DU MA NAS MNGA' BRNYES SHING 'JAM DBYANGS KYIS RTAG TU RJE SU BZUNG, SANGS RGYAS DBANG PO'I TOG GI DRUNG DU RDO RJE THEG PA SOGS BSTAN PA MTHA' DAG RGYAS PAR BYED PAR DAM BCAS, SMON LAM BTAB PAS PHYOGS BCU'I SANGS RGYAS THAMS CAD KYIS DE LTAR BYIN GYIS BRLABS, SANGS RGYAS SENG GE'I NGA RO ZHES PAR GYUR TE GDUL BYA THAMS CAD TSE GCIG GIS SANGS RGYAS LA 'GOD, DE DA LTA NAS BSGOMS TE DE'I ZHING DU SKYE BA'I SMON LAM LA BRTZON PAR BYAS NA DAG PA'I ZHING DER SKYES NAS SANGS RGYAS 'GRUB GSUNGS, DER RJE BTZUN 'JAM PA'I DBYANGS KYIS JI LTAR GSUNGS BA LTAR RGYAL BA SENG GE'I NGA RO'I SKU'I RNAM PA YID LA BYAS TE DAD GUS CHEN POS RTZE GCIG TU SGOM PA LA BRTZON 'GRUS MDZAD PAS SANGS RGYAS SENG GE'I NGA RO ZHAG BCU GCIG GI BAR CHES GSAL BA BYUNG, GSOL BA BTAB SMON LAM 'GRUB PA'I RTAGS BYUNG GSUNGS, SLOB DPON BZANG SKYONG BA'I ZHAL NAS RJE RIN PO CHES RJE BTZUN 'JAM PA'I DBYANGS GZIGS DUS SKU'I GZI BRJID CHEN PO, GSUR CHER MI 'BYON BA DE 'DRA ZHIG YOD PAR SNANG, BLA MA RIN PO CHE 'DI PA'I DE GSUNG YANG YANG

'BYON PA CIG YOD PAR SNANG GSUNGS, DE LTAR BLA MA BDAG NYID CHEN PO 'DI LUNG DANG RTOGS PA'I YON TAN DPAG TU MED PA LA MNGA' BRNYES KYANG, SPYIR YON TAN THAMS CAD SHES RAB LA RAG LUS PA DANG, KHYAD PAR SRID PA'I RTZA BA GCOD PA SHES RAB NYID LA RAG LUS SHING, SHES RAB KYANG THOS PA LAS 'BYUNG BAR DGONGS NAS LEGS PAR BSHAD PA 'TSOL BA LA NGAL BA MED PA'I BRTZON 'GRUS MDZAD, DE LTAR RGYU TSOGS TSANG BA'I NYAMS LEN LA 'BAD PAS THUN MONG DANG THUN MONG MA YIN PA'I RTOGS PA THAMS CAD THUGS RGYUD LA 'KHRUNGS, NGAN SONG DU MI SKYE BA LA SOGS PA'I GDENGS TSAD CHEN PO RNYED PAR SNANG STE DANG LDAN 'GA' ZHIG GIS BLA MA 'DI PA LA, DE LTA BU'I SGRUB PA DAR DRAG LA YUN RING BA MDZAD PAS RTOGS PA KHYAD PAR CAN ZHIG BRNYES LAS CHE ZHES ZUR GYIS ZHUS DUS, GZHAN YON TAN CANG YANG MED PHYI MA NGAN SONG DU MI SKYE THAG CHOS SNYAM PA 'DI YOD, NA NING 'CHI LA KHAD PA CIG BYUNG DUS RLUNG SDUD LUGS LA BRTAGS NA YANG NGAN SONG DU 'GRO BA'I RLUNG SDUD LUGS MI SNANG GSUNG, MDO SNGAGS KYI CHOS KYI GNAD LA RGYUS CHUNG BA CI RIGS KYI BLO LA NGAN SONG DU MI SKYE BA'I GDENGS 'DRA BA KHAM CHE RGYU MED SNYAM PA 'ONG STE GSUNG RIS 'DI DAG LA RGYAL BA'I BKA' DANG, SHING RTA CHEN PO'I GZHUNG LA 'DRIS PA'I MKHAS PA DAG GIS BRTAGS NA BSAM GYIS MI KHYAB PA'I RTOGS PA MTHON PO MNGA' BA'I RTAGS TE, DE YANG NGAN 'GRO'I SDUG BSNGAL RGYU BCAS NI MTHONG

, ,SPANGS YIN PAR SHING RTA CHEN PO'I GZHUNG LAS BSHAD LA, DES NA NGAG SONG GI SDUG BSNGAL RGYU BCAS SPANGS PA NI MTHONG LAM THOB PA YIN PA DANG, SPANGS BA MIN YANG NGAN SONG DU MI SKYE BA'I GDENG THOB PA NI, BZOD THOB NGAN SONG YONG MI LTUNG, ,ZHES GSUNGS PA LTAR SBYOR LAM BZOD BA THOB NAS NGAN SONG DU MI LTUNG PA'I GDENG THOB PA YIN PAS BLA MA BDAG NYID CHEN PO 'DI NI RGYUD TSOD DE TZAM DU PHEBS PA'O, ,DES NA THEG PA CHEN PO'I TSOGS LAM CHEN PO THOB PA'I TSE NA CHOS RGYUN GYI TING NGE 'DZIN THOB STE MCHOG GI SPRUL SKU'I ZHAL MNGON SUM DU MTHONG BA DANG, DPAG TSAD BRGYA TSUN CHAD KYI RDUL PHRA RAB YAN CHAD KYI GZUGS MTHA' DAG MNGON SUM DU MTHONG BA DANG, SROG CHAGS GROG SBUR TSUN CHAD KYI SEMS RGYU BA SHES PA SOGS MNGON PAR SHES PA DANG, GZUNGS DANG SPOBS PA DANG, TING NGE 'DZIN DANG SHES RAB BSAM GYIS MI KHYAB PA THOB PAR GSUNGS NA, THEG PA CHEN PO'I SBYOR LAM THOB PA'I TSE DE LAS BRGYA 'GYUR GYIS LHAG PA'I YON TAN THOB DGOS SO, ,DON 'DI 'DRA LA DGONGS NAS, DGE BA'I BSHES GNYEN SNYUG RUM PA CHEN POS, NGAS THEG CHEN TSOGS LAM CHEN PO'I YON TAN GSANG BA CIG BSHAD NA, DA DE LAS LHAG PA'I SANGS RGYAS LA YON TAN JI LTA BU YOD SNYAM PA 'ONG GSUNGS, DE LTAR GRUB PA'I DBANG PHYUG 'JAM DPAL RGYA MTSO BA 'DIS 'JAM MGON BSTAN PA'I SGRUB RGYUD KYI CHU 'GO BTZUGS TE, RJE BLA

MA'I BSHAD SGRUB KYI BSTAN PA CHU KLUNG CHEN PO GANG G'A LTAR NAM YANG RGYUN 'CHAD PA MED PA'I RTEN 'BREL BSGRIGS, THUB PA'I BSTAN PA RIN PO CHE NAM YANG MI NUB PA'I RGYAL MTSAN BTZUGS, SRAS KYI THU BO SNYAN RGYUD 'DZIN PA'I BKA' BAB BA SO CHOS KYI RGYAL MTSAN LA SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA GTAD, THUGS KYI SRAS MCHOG SPYAN SNGA BLO GROS RGYAL MTSAN SOGS BSTAN 'DZIN DAM PA MANG PO LA MDO SNGAGS KYI MAN NGAG RNAMS RGYA CHER SPEL TE SKU TSE 'DI'I MDZAD PA PHAL CHER RDZOGS PA NA DPA' BO G-YUL LAS RGYAL BA 'AM TSONG PA KHE SPOGS GRUB PA LTAR DAL BA'I RTEN LA SNYING PO NI BLANGS, SKU TSE 'DIR SGRUB DGOS PA'I DGONGS PA THAMS CAD NI RDZOGS, RJE BLA MA GANG DU BZHUGS PA'I ZHING KHAMS DGA' LDAN CHOS KYI PHO BRANG DU GSHEGS PAR DGONGS TE, DGUNG LO BDUN CU RTZA GSUM BZHES PAS PHO SPRE'U'I LO DE YANG SNGA SOR ZLA BA GNYIS PA LA SGRUB MCHOD RE MDZAD CING DUS KYANG CHES LNGA DRUG NAS 'DZUGS PA YIN NA'ANG, DE LO ZLA BA DANG PO LA BTZUGS, DE YANG TSES GCIG RANG NAS TSUGS GSUNGS NAS BTZUGS PA'I NYIN RANG BDE BAR GSHEGS, DE'I TSE NGO MTSAR BA'I LTAS MANG DU BYUNG NGO, ,SKU GDUNG NI RIL POR SPANGS BA RNAMS KYIS DAD PA'I RTEN DU GSER 'BUM BZHENGS TE BZHUGS NAS GSOL BA 'DEBS PA'I RTEN DU BZHUGS SO, ,RJE GRUB PA'I DBANG PHYUG 'DI LA RJE RIN PO CHE'I SLOB MA PHAL CHER GYIS GUS 'DUD MDZAD PAS SLOB MA BSAM GYIS

, ,MI KHYAB BA YOD KYANG RGYUD 'DZIN GYI GTZO BO NI, RJE BTZUN 'JAM BA'I DBYANGS KYIS LUNG BSTAN PA SNYAN RGYUD BSTAN PA'I BDAG PO BA SO CHOS KYI RGYAL MTSAN DANG, RGYAL SRAS DPA' BO SPYAN SNGA BLO GROS RGYAL MTSAN GNYIS SO, ,BA SO CHOS KYI RGYAL MTSAN GYI RNAM THAR NI 'CHAD PAR 'GYUR LA, ,SPYAN SNGA BLO GROS RGYAL MTSAN NI LHAS LUNG PA GRA NAM KHANG ZHES BYA BAR DGYER BRAM ZE LHAS GNANG GI RIGS SU, YAB DGYER DBON PO CHOS SKYABS DANG, YUM JO MO BLA 'BUM GNYIS KYI SRAS SU CHU PHO RTA'I LO SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS BRTAS BAS 'KHRUNGS TZAM NYID NAS SRID PA MTHA' DAG LA ZHEN PA LOG BA'I NGES 'BYUNG SHUGS DRAG POS RGYUD BSKUL TE CHOS KHO NA YID LA SEMS PHA LAS BYA BA GZHAN GANG YANG MI SEMS BA ZHIG BYUNG ZHING, DGUNG LO BDUN PA'I DUS SU KHU BO SPYAN SNGA RIN CHEN KUN DGA' BLO GROS PA'I DRUNG DU RAB TU BYUNG , MTSAN BLO GROS RGYAL MTSAN DPAL BZANG POR GSOL, RAB TU BYUNG MA THAG NAS SO THAR GYI BCAS MTSAMS RNAMS MIG 'BRAS LTAR BSRUNG ZHING, MKHAS GRUB THAMS CAD MKHYEN PA DANG, CHOS RJE BLO GROS PA SOGS DAM PA MANG PO'I ZHABS LA GTUGS TE TSAD MA DANG, PHAR PHYIN DANG, 'DUL BA DANG, MNGON PA DANG, DBU MA RNAMS LA SBYANGS PA MTHAR PHYIN PAR MDZAD DE, GTZANG DBUS KYI GRVA SA RNAMS SU GRVA SKOR MDZAD, DGUNG LO NYI SHU LON PA'I TSE TSOGS

CHEN PO'I MKHAN PO YON TAN RIN CHEN PAS MKHAN PO DANG, LAS SLOB SLOB DPON NOR BZANG BA DANG, GSANG STON SOGS DGE 'DUN RNAM PAR DAG PA RNAMS KYI DBUS SU, BSNYEN PAR RDZOGS PAR MDZAD NAS GNAS BRTAN 'OD SRUNGS CHEN PO SLAR YANG LJONGS 'DIR BYON PA LTA BUR GYAR TO, ,DE NAS MAL GRO SPANG SAR RJE GRUB PA'I DBANG PHYUG 'JAM DPAL RGYA MTSO BA'I ZHABS DRUNG DU BYON TE, BSAM SBYOR GNYIS KYIS TSUL BZHIN DU BSTEN NAS RJE BTZUN TZONG KHA PA CHEN PO'I MDO SNGAGS KYI MAN NGAG RNAMS YONGS SU RDZOGS PAR GSAN, DE DUS RJE BTZUN 'JAM PA'I DBYANGS KYIS RJE GRUB PA'I DBANG PHYUG 'JAM DPAL RGYA MTSO BA LA BLA MA 'DI LA SNYAN RGYUD KYI MAN NGAG RNAMS MTHIL PHYIN PAR BSTAN DGOS PA'I LUNG BSTAN BYUNG BA LTAR RJE BTZUN DAM PA 'JAM DPAL RGYA MTSO BAS BLA MA 'DI LA GZHAN SU DANG YANG MI MNYAM PA'I MTHONG MDZAD DE GCES PAR BSKYANGS TE MAN NGAG MTHA' DAG RDZOGS PAR GNANG, DE NAS SEMS DPA' CHEN PO 'DIS TSE 'DI'I GNYEN LUS LONGS SPYOD GANG LA'ANG MA CHAGS PAR DBEN BA'I GNAS RNAMS SU SGRUB PA LA RTZE GCIG TU GZHOL BAR MDZAD PAS LAM THUN MONG BA DANG THUN MONG MIN PA'I RIM PA THAMS CAD LA RTOGS PA'I GDENG THOB, DE NAS SKAM DGON GYI GDAN SAR GDAN 'DREN YANG YANG ZHUS KYANG SRID PA'I PHUN TSOGS SRIN MO'I SLU BRID LTAR GZIGS NAS 'JIGS SHING SKRAG PAS BYOL THABS MDZAD DE PHEBS MA BZHED PAR DBEN BA'I GNAS SU SGRUB PA RTZE GCIG TU

, ,MDZAD, SKAM DGON GYI GDAN SA BA LAN BZHI TZAM BRJE RES KYI SEMS DPA' CHEN PO 'DI LA THAMS CAD KYIS GSOL BA BTAB KYANG PHEBS TU MA BZHED, LAN BZHI BA'I DUS SU PHYOGS DE'I GRVA BU SLOB SKYA SER TSANG MAS MGRIN GCIG TU GDONG MCHI MA DANG BCAS TE GTZUG LAG KHANG GI LDE MIG PHYAG TU PHUL TE DA GDAN SA 'DI'I BDAG PO MDZAD KYANG KHYED MKHYEN, MI MDZAD KYANG KHYED MKHYEN, ZHES GSOL BA BTAB PA NA RJE RIN PO CHE'I BSTAN RGYUN LA DGONGS NAS PHYIN CHAD 'JIG RTEN GYI BYA BYED GANG LA'ANG THE MI DGOS PA DANG, CHOS PHYOGS NAS BKA' GANG GNANG ZHU BA DANG, BKA' GDAMS KYI RNAM THAR GTZANG MA BSRE BSLAD MED PAR SKYONG BA SOGS KYI RTZIS KA BZUNG NAS ZHAL GYIS BZHES TE GDAN SAR PHEBS, DE NAS RGYUN BAR KHOR YUG TU SKU MTSAMS MDZAD CING, YAR NGO MAR NGO'I GSO SBYONG LA PHEBS TE CHOS GNANG, DUS DUS SU LAM RIM GYI KHRID DANG BLO SBYONG GI KHRID SOGS GNANG, JO BO RJE DPAL LDAN AA TI SHA DANG RGYAL BA TZONG KHA BA CHEN PO GNYIS KYI GSER SKU BZHENGS TE MCHOD PA TSAD MED PAS MCHOD PA DANG, NAM YANG MI NYAMS PA'I MCHOD PA'I RGYUN BTZUGS, GZHAN YANG SKU GSUNG THUGS RTEN MANG DU BZHENGS SHING DE DAG LA MCHOD PA RGYA CHEN PO PHUL ZHING 'BUL RGYUN BTZUGS, DE LTAR BSTAN 'GRO'I DON RGYA CHER MDZAD NAS BYA LO LA ZHABS CUNG BSNYEL BA ZHIG BYUNG BAS SKU RIM GSOS SMAN SOGS BSTEN PAS

DVANGS, DE LTAR SKU TSE RIL POR CHOS DANG MTHUN PA'I RNAM THAR GTZANG MA MTHAR PHYIN PAR MDZAD PA NI SPYAN SNGA NYID KYI ZHAL NAS, LO BDUN LO NAS CHOS LA 'BAD, ,SGRUB PA NYID LA RTZAL DU BTON, ,DAM PA'I CHOS KYI RO MCHOG MYONG; ;'DI NI MDUN MA LEGS PA'I TSAD, ,DA NI LO YANG BDUN CUNG NYE, ,DKON MCHOG GSUM GYI BYIN RLABS ZHUGS, ,SNYIGS DUS SKYID PA'I TSAD LA 'KHYOL, ,'DI NI MDUN MA LEGS PA'I TSAD, ,DAM CHOS BDUN GYI SNYING PO MCHOG ,RNAM DPYOD SHES RAB RTZAL DU BTON, ,MDO RGYUD KUN LA NANG BYANG TSUD, ,'DI NI MDUN MA LEGS PA'I TSAD, ,CES GSUNGS PA LTAR, THAR 'DOD RNAMS SO SOR RTOG PA'I SHES RAB KYIS YANG DAG PA'I LTA BA LA THE TSOM DANG BRAL BAR MDZAD, NYAN THOS KYI RIGS CAN RNAMS SO SOR THAR BA'I BSLAB PA MIG 'BRAS BZHIN BSRUNG BA'I TSUL KHRIMS LA BKOD, THEG CHEN GYI RIGS CAN RNAMS BDAG GCES 'DZIN GYI DRI MA DANG PHRAL NAS GZHAN GCES PAR 'DZIN PA'I BYAMS PA DANG SNYING RJE LA BKOD, SNGAGS PA RNAMS DAM TSIG LA BKOD, SKYE 'GRO PHAL MO CHE RNAMS BDE 'GRO THOB PHYIR DU BSNYEN GNAS DANG DGE BA BCU'I KHRIMS LA BKOD DE BSTAN PA LA BYA BA RGYA CHEN PO MDZAD, TSUL 'DI DAG LA SPYAN SNGA NYID KYI ZHAL NAS, RGYAL BA SRAS BCAS BSTAN 'DZIN MCHOG ,AA TI SHA YI CHOS LUGS SBYANGS, ,SKYES BU GSUM GYI CHOS LA 'BAD, ,'DI NI MDUN MA LEGS PA'I TSAD, ,CES GSUNGS, DE

, ,LTAR BSTAN 'GRO'I DON RGYA CHER MDZAD NAS, ZHING GSHEGS PA LA PHYOGS BA'I TSE RJES 'JUG RNAMS LA 'DI LTAR GSUNGS TE, BLA MA TSO LA ZHAL CHEMS ZER BA YONG BA YIN NA'ANG, DNGOS PO'I ZHAL CHEMS 'JOG RGYU MED PAS DE KHAS 'TSENGS, BLA MA GSHEGS PA'I SHUL DU DNGOS PO TSAN CHEN YOD PA DE BLA MA DE'I RKANG 'DREN DU 'GRO BAS MED PA RANG ZHIG DGOS, SNYE THANG DU JO BO SKU GSHEGS KHAR PHYAG KHRI CHOG GIS JO BO NI SKU GSHEGS PAR GDA', DE'I RJES SU CHOS BSHAD THANG RGYANGS LA BGYID BAR ZHU ZHUS PAS, BYA BA NGAN PA YIN BOR LA THONGS GSUNG, 'O NA SGRUB PA RTZE GCIG BGYID PAR ZHU ZHUS PAS KYANG DE SKAD GSUNG, 'O NA JI LTAR BGYI ZHUS PAS, TSE 'DI BLOS THONGS GSUNG BA GCIG BYUNG BAS, JO BO'I ZHAL TA THUGS LA BZHAG NAS, MI ZAS NGAN PA SPANGS NAS RA SGRENG GI SHUG GSEB TU SKU TSE 'DAR BCUG PA YIN, DE DANG MTHUN PAR RA SGRENG DU JO BO ZHIG GIS BSKOR BRKYANG PA LA SGRIL BAS 'BROM GYI ZHAL NAS, JO BO SKOR BA BYED PA YANG GLO BA DGA' STE CHOS SHIG RANG BYAS NA MI LEGS SAM GSUNG, KHOS PHYAG BYAS PAS KYANG DE SKAD GSUNG, KLOG PA BYAS BAS KYANG DE SKAD GSUNG BAS, DA 'O NA JI LTAR BGYI ZHUS BAS , TSE 'DI BLOS THONGS BYA BA LAN GSUM GSUNG, 'BROM NYID KYANG SKU GSHEGS KHAR SHUG GSEB NA PHAR LA ZHUGS 'JIG RTEN CHOS BRGYAD 'GO SNYOMS NAS, BDAG NI GROL PA DON GNYER LA, ,RNYED DANG BKUR STI'I 'CHING MI DGOS, ,GSUNG

YANG 'JIG RTEN MKHYEN PA RNYED DANG MA RNYED DANG, ,ZHES RES 'OG TZAM RE DANG RES PHYED TZAM DANG, RES TSANG BAR GSUNG, KHONG SPYAN RAS GZIGS LA DE DGOS ZHAD MI GDA' STE RJES 'JUG GI GDUL BYA RNAMS LA GSUNGS PAR GDA', CHOS SNYING NAS BYED NA TSE 'DI BLOS GTONG DGOS PAR 'DUG ,NGED BLA MA'I NGOS NAS GSON RING LA 'KHOR G-YOG RNAMS 'THAD RAB BYUNG STE 'DAS RJES SU JI LTAR YONG BSAM PA'I THE TSOM ZA BA MED, NGA RANG GI NGOS NAS DPAL AA TI SHA DANG , RGYAL BA TZONG KHA PA'I ZHABS DRUNG DU DGA' LDAN DU 'GRO BSAM PA YOD, DPAL LDAN AA TI SHA'I GSUNG RAB DANG, RJE TZONG KHA PA GNYIS KYI GSUNG RAB LA MI 'PHYUG PA'I GZER THEBS PAS DA NYES PA MED PA YIN, KHYED RANG RNAMS KYANG BLA MA DANG YI DAM DBYER MED DU GYIS LA GSOL BA THOB DANG, LAS LA GANG SHONG BA'I DNGOS GRUB 'BYUNG BA YIN, KHYAD BAR RTEN GSUM LOG BRIS 'DI RNAMS SANGS RGYAS BYANG SEMS DNGOS SU YOD PA YIN, MNGON SUM NYAMS SNANG RMI LAM GSUM GANG RUNG DU ZHAL GZIGS PAR 'DUG GSUNG MI 'BYON PA NI SEMS CAN GYI LAS LA MI SHONG BA YIN PAS BYA THABS MED, KHYED GNYIS BSLAB SBYANGS DANG THOS RGYA CHEN PO MED NA'ANG, CHOS RGYUN DU THOS PA RNAMS SEMS PA DANG, LTA RTOG GYIS LA BLA MA DE LA 'CHOL SNYIGS MA'I DUS SU THEG PA CHEN PO'I DGE BA'I BSHES GNYEN MTSAN NYID DANG LDAN PA NYIN SKAR LAS DKON PAS CHOS MI NYAN DGU NYAN MA BYED, RTEN GSUM 'DI TSO LA MCHOD PA 'O

, ,MA BRGYAL BA BYUNG NA, NGED KYI ZLA MCHOD LO MCHOD KYANG DE YIN PAS DE LA 'BUNGS, KHYED RANG GNYIS KYANG BEM RIG MA BRAL RING LA NANG 'DIR MA BRAL BA BYED DGOS PA YIN, DE BAR LA DON NYUNG BA BYA BA NYUNG BA LA BLO RTZE GTAD NAS, SKYES PA LHAS MA TSOR, SHI BA 'DRES MA TSOR BA ZHIG DGOS BA YIN GSUNG BA'I ZHAL TA GNANG, DE NAS ZHING BRJE BA'I SNGA LTAS SU YOS LO'I NANG DU ME TOG GI CHAR BABS PA DANG, KHYAD PAR ZLA BA LNGA PA'I NYI SHU LNGA'I DGONG KHA'I DUS ME TOG GI CHAR NYI MA SGRIB NUS PA TZAM BABS, GLING GANG YOD LA BABS PA DANG, DE'I NUB GRVA DGON SKAM DGON RNAMS SU YANG DE DANG 'DRA BA BABS BA BYUNG, TSES BCU BDUN GYI NYIN PAR ZHAL TA LA, SGRUB GSAR BA'I DBU MDZAD DE LA MING CI ZER GSUNG, MING LA GNAS BRTAN BLO BKRAS ZER BA YIN ZHUS PAS, KHONG BOS NAS KHYED RANG RNAMS BLA MA GONG MA RNAMS DANG SANGS RGYAS BYANG SEMS RNAMS KYI GSOL 'DEBS MA TSANG BA MED PA CIG GYIS GSUNGS BAS, DE RING SKU SHED CHEN PO YANG MI 'DUG PAS SKU MDUN DU BSDAD NAS SKU SHED CHER SONG BA DANG SANG GDAN DRANGS NAS JI LTAR GSUNG BA LTAR BYAS CHOG PA ZHU ZHUS PAS, DE RING CIG BYUNG NA BSAM, SANG NAS BREL 'OG ZUG NAS YONG BA YIN GSUNG, BCO BRGYAD KYI NYIN GANG STENG DU NYI MA LA PHEBS THUB PA BYUNG, BCU DGU'I NAM LANGS PA DANG ZHING GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN

PO 'DIS PHYI RABS KYI GDUL BYA RNAMS KYI DON DU BYANG CHUB LAM RIM LA THOG MAR BLO SBYANG BA CHOS KYI SGO 'BYED, BLO SBYONG MKHAS PA'I YID 'PHROG ,LUNG GI BANG MDZOD, DANG PO'I BLO SBYONG YID BZHIN NOR BU RTZA BA DANG, DA'I GZHUNG 'GREL NOR BU'I PHRENG BA, THEG PA CHEN PO'I BZOD PA'I BLO SBYONG PHAN BDE'I CHAR 'BEBS, BLO SBYONG GI KHRID YIG RNAM DAG GTZUG GI NOR BU, NGAN SONG SGO GCOD, THEG PA CHEN PO'I BLO SBYONG LHAN THABS MAN NGAG RAB GSAL, SKYID SDUG LAM KHYER GYI GDAMS NGAG RIN PO CHE'I SGRON ME, BLA MA DAM PA'I ZHAL GYI BDUD RTZI LEGS GDAMS, THEG PA CHEN PO'I BLO SBYONG RIGS PA'I RGU GTER, THEG PA CHEN PO'I BLO SBYONG GI NGO SPROD GSAL BA'I SGRON ME RTZA 'GREL DKA' GNAD 'PHROS DANG BCAS PA, BYANG CHUB LAM GYI RIM PA'I BSDUS DON MKHAS PA'I MGUL RGYAN, BYANG CHUB LAM GYI RIM PA BSDUS PA RTZA 'GREL, BLA MA'I RNAL 'BYOR GYI ZUR 'DEBS NYER MKHO, BYANG CHUB LAM GYI RIM PA'I KHRID YIG GZHAN PHAN SNYING PO'I ZUNG 'JUG RIN PO CHE, BYANG CHUB LAM GYI RIM BA'I KHRID YIG SNYAN RGYUD NOR BU'I PHRENG BA, LEGS PAR BSHAD PA NYON MONGS GDUNG SEL, RJE 'JAM DPAL RGYA MTSO'I RNAM THAR DAD PA'I CHU RGYUN, RGYA MA PA KHU DBON GYI RNAM THAR DAD PA'I CHU RGYUN, MAN NGAG BDUD RTZI'I THIGS PA, PHYAG CHEN SNYING PO RAB GSAL, LEGS BSHAD CHOG SHES LAM STON, GROS 'DEBS BDUN CUM, RANG GZHAN GYI SNYAN BSKUL RING PO, BSHES GNYEN LA ZHU 'BUL MA, CHOS

, ,GZHAS RKANG BRO MA, DBEN PA'I GTAM BRJOD PA, SGOM DON SNYING PO, BLA MA'I RNAL 'BYOR DNGOS GRUB CHAR 'BEBS, GEGS SEL YID BZHIN NOR MCHOG ,CHAGS PA MED BA'I GTAM, BSAM GTAN GNAD KYI NYAMS LEN, RANG LA GROS SU 'DEBS PA, 'DOD YON LA SRED PA 'GOG PA'I GTAM DGRA 'JOMS, AANG YIG BZHI BCU MA, BAS MTHA'I BSNGAGS PA BRJOD PA NOR BU'I PHRENG BA, GROS 'DEBS SNYING GI BDUD RTZI, GROS 'DEBS NYER BDUN MA, ZHAL GDAMS DRI BA MA, GROS 'DEBS BDE BA RAB SBYIN MA, GCIG PUR DGA' BA'I GTAM, GROS 'DEBS NYAMS MYONG, GROS 'DEBS SNYING GI MUN SEL, LEGS BSHAD MKHAS PA DGA' BYED, NYAMS LEN NGOS 'DZIN GYI GDAMS PA, GROS 'DEBS LEGS BSHAD SNYING PO, GROS 'DEBS GLU RU BLANGS PA, LUS LA YID 'BYUNG BAR BYED PA'I GTAM, 'GAL RKYEN LAM DU SLONG BA'I GLU, RKYEN DANG SRE BA'I NYAMS LEN BYED TSUL, RANG LA GROS 'DEBS SNYING GTAM, GROS 'DEBS BCU GNYIS, LEGS BSHAD BSOD SNYOMS BSNGAGS PA, SNYOMS LAS TSAR GCOD, PHAN BDE'I LAM STON, MKHAS PA BRTAG PA'I RAB TU BYED PA, RANG GZHAN CHOS LA BSKUL BA'I GTAM, JA DKAR 'GEGS PA'I GTAM SMYO CHU SUN 'BYIN, GROS 'DEBS RIN CHEN PHRENG BA, LEGS BSHAD GNAD KYI DON STON, GROS 'DEBS RIN CHEN 'OD 'BAR, SBYIN PA'I LEGS BSHAD KYI GTAM, LEGS BSHAD NYON MONGS GDUNG SEL, GDAMS

NGAG RIN CHEN PHRENG BA, LEGS PAR BSHAD PA ZHEN 'KHRIS KUN GCOD, 'CHI BDAG 'JOMS MA, BCOM LDAN 'DAS LA BSTOD PA ZAB DON RAB GSAL, THEG PA CHEN PO'I BLO SBYONG GZHAN DON DON GNYER GYI GDAMS PA'I RTZA BA, THEG PA CHEN PO'I BLO SBYONG GZHAN DON DON GNYER GYI 'GREL PA THEG CHEN RAB GSAL, GLANG RA THANG PA'I BLO SBYONG TSIG BRGYAD MA SMON LAM DU BYAS PA, SMON LAM RIN CHEN PHRENG BA, RNAL 'BYOR BLA NA MED PA'I RIM GNYIS DANG 'BREL BA'I SMON LAM, BAR GCOD BZLOG PA'I SMON LAM, THEG CHEN RTZE'I GTZUG LAG KHANG LHA RTEN DANG BCAS PA GRUB PA NA MCHOD PA DANG SMON LAM LHAN CIG TU BYAS PA, DRIL BU RIM LNGA'I SMON LAM BSDUS PA, DPAL 'KHOR LO BDE MCHOG DANG DUS KYI 'KHOR LO'I RDZOGS RIM GYI SMON LAM BSDUS PA RE, LAM 'BRAS KYI BSKYED RDZOGS KYI SMON LAM, BRTAG GNYIS KYI SMON LAM BSDUS PA, GSANG BA 'DUS BA YE SHES ZHABS LUGS KYI SMON LAM, AOm RGYAN BSNYEN SGRUB KYI SMON LAM, THEG PA CHEN PO'I BLO SBYONG BYANG SEMS DON GNYER, BLO SBYONG DGRA ZUN SHAN 'BYED, BLO SBYONG DGONGS PHA RAB GSAL, BLO SBYONG DGOS SEL, BLO SBYONG LAG LEN RAB GSAL, BLO SBYONG THE TSOM KUN SEL, LEGS BSHAD NGES DON RAB GSAL, LAS DANG NYON MONGS RNAM PAR BSHAD PA BLANG DOR RAB GSAL, STOBS KHYAD STON PA STE DGU, RJE LA BSTOD PA RIN CHEN SGRON ME LA SOGS PA'I BSTOD TSOGS DANG, CHAB SHOG SNA TSOGS, DON DAM BYANG SEMS KYI BLO SBYONG SANGS RGYAS BCOM LDAN 'DAS LA BSTOD PA BYIN RLABS MYUR 'JUG, BYANG

, ,CHUB DON GNYER GYI BLO SBYONG BCOM LDAN 'DAS LA BSTOD PA RIN PO CHE'I BANG MDZOD, STON PA LA BSTOD PA ZAB MO SPROS MED, BCOM LDAN 'DAS LA BSTOD PA DNGOS GRUB KUN 'BYUNG, BCOM LDAN 'DAS LA BSTONG PA ZAB DON RAB GSAL, STON PA LA BSTOD PA LTA NGAN MUN SEL, BCOM LDAN 'DAS LA BSTOD PA ZAB MO RTOGS PA'I TSAD DE BSTOD PA, CHOS SPYOD KYI RIM PA, 'DUL BA'I LAS CHOG SDOM TSIG ,THIG RTZA, RMI LAM BRTAG PA, THEG CHEN RTZE'I BCA' YIG DANG RTEN BSHAD, MNGON BRJOD BSDUS PA, GSUNG RAB LA GUS PA BSKYED PA'I THABS GSUNG RAB GSAL BYED, SNOD RUNG GSAL BYED NYI MA'I 'OD ZER, RIN CHEN SGANG GI BLO SBYONG DON BDUN MA, MNGON RTOGS RGYAN GYI SNYING PO BSDUS PA RGYAS BSDUS, SPYOD 'JUG GI BSDUS DON MKHAS PA'I MGUL RGYAN, BSHES SPRING GI BSDUS DON DGONGS PA RAB GSAL, DBU MA'I LTA KHRID ZAB LAM MTHAR THUG ,SRID ZHI MNYAM NYID KYI LTA KHRID RTZA BA RJE BTZUN 'JAM DBYANGS KYIS RJE LA GNANG BA DANG BLA MA DBU MA PA LA GNANG BA, DE DAG GI DON NYAMS SU LEN TSUL KHRID YIG ,GSANG BA BLA NA MED PA ZAB MO'I GTAM BRJOD PA, DBU MA'I NYAMS LEN LTA NGAN MUN SEL RTZA 'GREL, DBU MA'I LTA KHRID CHEN MO, RNAM 'GREL LA BRTEN PA'I LTA KHRID, GRUB MTHA' RNAM PAR DBYE BA ZHES BYA BA GRUB MTHA' LA BRTEN PA'I CHAGS SDANG 'GOG PHYIR THAMS CAD LA LEGS PHYOGS NAS BSNGAGS PA, 'DUL BA'I BSLAB BYA CHE BA GZHAN PHAN SNYING PO, DGE TSUL GYI BLANG DOR GSAL BYED, DUS DRAN BYED TSUL, 'DUL BA'I

BSLAB BYA BSDUS PA GZHAN PHAN 'OD PHRENG, BSLAB BYA GNANG BKAG RAB GSAL, BSNYEN GNAS KYI CHO GA RGYAS PA DNGOS GRUB RGYA MTSO, LEGS PAR BSHAD PA MI CHOS GNAD PHRENG, LEGS BAR BSHAD PA RIN PO CHE'I 'BYUNG GNAS LUNG GI BANG MDZOD, 'KHOR LO SDOM PA'I BSKYED RDZOGS SNYAN RGYUD BDE CHEN RGYA MTSO, BDE MCHOG L'U AI PA'I LUGS KYI RDZOGS RIM SNYING PO SGOM TSUL, BDE BAR GSHEGS PA'I SKU'I RTEN SGRUB TSUL DANG DE'I PHAN YON BSTAN PA RIN PO CHE'I PHUNG PO, MCHOD RTEN GYI TSAD STON PA LEGS BSHAD GSER GYI PHRENG BA, RNYING MA DANG BON GYI RNAM GZHAG DANG, BON GYI 'DOD TSUL RAGS PA, SMON SEMS SKYABS 'GRO'I BSLAB BYA, GSHIN PO DMAN MCHOG LA PHAN GDAGS TSUL, 'JIG RTEN BYA BA'I RNAM PAR BSHAD PA MKHAS PA'I YID 'PHROG ,RANG NYID KYI RTOGS PA BRJOD PA MDUN LEGS MA RNAMS MDZAD DE, LEGS BSHAD 'DI DAG NI DPAL AA TI SHA DANG RGYAL BA TZONG KHA PA'I MAN NGAG LA BSRE BSLAD PHRA MO'ANG MA ZHUGS PA, RGYAL BA DGYES PA'I LEGS BSHAD PHYI RABS KYI GDUL BYA RNAMS LA THEG PA CHEN PO'I LAM LA 'JUG PA LA SHIN TU MKHO BA'I MAN NGAG GCES BSDUS SHA STAG SNANG NGO, ,SEMS DPA' CHEN PO 'DI'I RNAM THAR RGYAS BAR SPYAN SNGA BLO GROS 'JIGS MED RGYAL MTSAN DPAL BZANG POS MDZAD PA BZHUGS PAS DE LAS SHES BAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE GRUB PA'I DBANG PHYUG 'JAM DPAL RGYA MTSO LA GSOL BA SHUGS DRAG TU 'DEBS SHING DAM PA DE NYID KYI RNAM THAR LTAR CHOS BRGYAD KYI 'CHING BA

, ,PHRA MOS KYANG MA GOS PAR DBEN BA'I GNAS SU THEG BA CHEN PO'I LAM GYI RIM PA'I LUS YONGS SU RDZOGS BA LA SGRUB BA SNYING POR BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ` ,,DGE LEGS RAB DKAR TSOGS GNYIS GOMS PA'I MTHUS, ,DPAL LDAN SKU BZHI'I GO 'PHANG MCHOG BRNYES KYANG, ,BZANG BO'I MDZAD PAS GDUL BYA MI 'DOR BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, RJE RIN PO CHE'I NANG THUGS KYI SRAS GCIG MKHAS GRUB SMRA BA'I NYI MA DGE LEGS DPAL BZANG NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD BA RGYA MTSOR BSLABS NAS ZHING 'DIR 'JAM MGON BLA MA'I MDO SNGAGS KYI BSTAN BA'I SNYING PO MTHAR THUG BA 'DI NYID 'DZIN CING SPEL BA'I CHED DU SMON LAM GYI DBANG GIS BSAMS BZHIN DU BYON PA ZHIG STE, MKHAS GRUB CHEN PO 'DI LA STOD BYANG GI SA'I CHA LDOG GZHUNG DU BYANG PA'I DPON RIGS YAB BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU RAB BYUNG DRUG PA'I SHING MO GLANG GI LO NGO MTSAR BA'I LTAS DANG BCAS TE 'KHRUNGS SO, ,YAB YUM DE GNYIS LA SRAS GSUM YOD PA LAS, RJE 'DI CHE BA DANG, BA SO CHOS KYI RGYAL MTSAN BAR PA DANG, CHUNG BA BSOD NAMS BKRA SHIS ZHES PA ZHIG BYUNG NGO, ,DE LTAR MKHAS GRUB CHEN PO 'DI NI SNGON NAS LAM LA SBYANGS PA'I MTHU BRTAS PAS 'KHRUNGS TZAM NYID

NAS BYIS PA'I RGUD PA GANG YANG MED CING, CHOS DANG CHOS MIN 'BYED PA'I BLO GROS THOGS BA MED PA ZHIG BYUNG NAS BDAG NYID CHEN PO 'DI NI SKYES BU DAM PA ZHIG BSAMS BZHIN DU BYON PA'O, ,ZHES GLENG ZHING, MKHAS GRUB LHA DBANG PA'I SKYE BA YIN PAR GRAGS PAS MKHAS GRUB CES MTSAN CHUNG NGU NAS THOGS SO, ,DE NAS RGYAL BA SRAS DANG BCAS PA DANG, DAM CAN CHOS SRUNG THAMS CAD KYIS RJE 'DI PA 'JAM MGON BLA MA'I BSTAN PA'I SROG SHING 'DZIN PHYIR THUGS RGYUD BSKUL ZHING SNGON NAS GOMS PA'I MTHUS NGES 'BYUNG GI BSAM PA SHUGS DRAG POS RAB TU BYUNG BA'I LO TSIGS SU SLEBS MA THAG GNAS BRTAN 'DUL BA 'DZIN BA MKHAN CHEN SENG GE RGYAL MTSAN DPAL BZANG POS MKHAN PO MDZAD, RGYA MA BA YON TAN 'OD KYIS SLOB DPON MDZAD NAS RAB TU BYUNG ZHING DGE TSUL GYI SDOM PA BZHES, MTSAN DGE LEGS DPAL BZANG PO ZHES GSOL, DE NAS MKHAN SLOB GNYIS LAS BSLAB BYA GSANG TE DGE TSUL GYI BSLAB BYA YAN LAG DANG BCAS PA MIG GI 'BRAS BU LAS KYANG GCES PAR BSRUNGS TE TSUL KHRIMS RNAM PAR DAG PAR MDZAD PA GZIR BZUNG NAS GANGS CAN GYI PAndI TA CHEN PO RJE BTZUN RED MDA' PA'I ZHABS LA GTUGS TE TSAD MA SDE BDUN, MNGON PA GONG 'OG ,BYAMS CHOS SDE LNGA, DBU MA RIGS TSOGS, 'DUL BA RNAMS LA SBYANGS TE RING POR MA THOGS PAR MKHAS PA'I PHA ROL TU SON, RDO RJE 'DZIN PA YE SHES DPAL BA LA KYEE RDO RJE'I DBANG DANG LAM 'BRAS CHA LAG DANG BCAS BA YONGS SU RDZOGS PA GSAN, GZHAN YANG

, ,BLA MA DAM PA BSOD NAMS RGYAL MTSAN PA DANG, NA BZA' PA SOGS BSHES GNYEN DAM PA DU MA LAS MDO SNGAGS KYI CHOS MTHA' YAS PA GSAN TE, MDO SNGAGS KYI GZHUNG LUGS RAB 'BYAMS SMRA BA LA MI 'JIGS PA'I SPOBS PA THOB CING RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PAR GYUR TO, ,DE NAS GTZANG PHYOGS KYI GRVA SA RNAMS SU GRVA SKOR MDZAD CING, NGAM RING CHOS SDER PHEBS PA NA GANGS CAN GYI MKHAS PA CHEN PO PAn CHEN PHYOGS LAS RNAM RGYAL YANG DER PHEBS NAS 'JIGS MED SMRA BA'I GANG BRGYANGS BSGRAGS TE DAM BCA' BZHAG BA NA PHYOGS DE'I MKHAS PA SUS KYANG BRGOL BA'I GLAGS MA RNYED PA NA PAn CHEN PHYOGS RGYAL BAS SA PAn GYI RIG GTER 'DI NANG 'GAL GYI PHUNG PO YIN PAS NGAS THAR CHAGS SU DGAG PAR BYA YIS, LAN SPOBS PA YOD NA SMROS SHIG CES NGAM RING, SA SKYA, BO DONG SOGS CHOS SDE PHAL MO CHER DRIL BSGRAGS PA NA, JI LTAR SENG GE'I SKAD KYIS WA SKYES RNAMS 'DAR BA BZHIN DU PHYOGS DE'I MKHAS PAR RLOMS PA SUS KYANG LAN 'DON PAR MA NUS PA NA PHYOGS DE'I DGE 'DUN PHAL MO CHES GROS BYAS TE SKYES TZAM NYID NAS SHES RAB KYI SNANG BA RGYAS BA DKA' BCU DGE LEGS DPAL BA 'DI LA GSOL BA BTAB PA DRAG CES THAMS CAD KYIS MGRIN GCIG TU MKHAS GRUB CHEN PO LA ZHUS PA NA DE DUS MKHAS GRUB CHEN PO 'DI PA DGUNG LO BCU DRUG GI SKABS YIN PAS SKU NA SHIN TU PHRA BA YIN YANG 'JIGS PA MED BAR KHYU

MCHOG RLABS PO CHE'I GNAS SU DAM BCAS TE DE KHO BOS NUS SO ZHES ZHAL GYIS BZHES TE DGE 'DUN THAMS CAD TSOGS PA'I DBUS SU PAn CHEN PHYOGS RGYAL BAS DAM BCA' BZHAG ,DE LA MKHAS GRUB RIN PO CHES RE RE NAS 'DI NI MI RIGS PA, 'DI NI MI 'THAD PA, LUNG DANG 'GAL BA DANG RIGS PA DANG 'GAL BA STE, DE DAG MI 'THAD PA'I RGYU MTSAN 'DI DANG 'DI LTAR RO ZHES RIG GTER 'GOG PA'I DAM BCA' RE RE NAS DRI MA MED PA'I RIGS PA BRGYA PHRAG STONG GIS SUN PHYUNG NAS PAn CHEN PHYOGS RGYAL BA SPOBS BA LAN MED DU GYUR, SLAR YANG MKHAS GRUB RIN BO CHES RIGS PA'I NGA RO CHES CHER BSGRAGS PA NA RIGS PA'I 'PHUL MTSAMS CHES ZHIB CING PHRA BAR GYUR TE PAn CHEN PHYOGS RGYAL BAS MDO SDE PA'I LUGS LA RGYU LAS MA SKYES PA'I DNGOS PO YOD GSUNG DGOS PA BYUNG NAS DE MDO SDE PA RANG GI GRUB MTHA'I NANG 'GAL YIN GSUNG ZHING CUNG ZAD ZHAL SKYENGS TE PHYAG GIS ZHAL RGYAN LA NOM ZHING BZHUGS PA NA, MKHAS GRUB RIN PO CHES NYAMS MTSAR GYI TSUL DU, RGYU LAS MA SKYES PA'I DNGOS PO YOD GSUNG BA DE MDO SDE PA'I GRUB MTHA'I NANG 'GAL YIN GSUNG BA, DA KHA SPU 'THOG PA'I LAS LA BRTZON PAR BYOS SHIG ,CES GSUNGS PA NA TSOGS PA THAMS CAD GAD MO'I GNAS SU GYUR TO, ,DE DUS SU KHONG GNYIS KYIS RTZOD PA MDZAD PA'I TSE BDAG NYID CHEN PO DE GNYIS KA DRI MA MED PA'I RIGS PA'I RNAM 'GYUR

, ,GZHAN DANG MI 'DRA BAS MKHAS PA MANG POS RTZOD YIG ZIN BRIS SU MDZAD PA YOD 'DUG CING ,PHYIS MKHAS GRUB THAMS CAD MKHYEN PA NYID KYIS TSAD MA SDE BDUN GYI DKA' GNAS GSAL BAR STON PA YID KYI MUN SEL MDZAD PA'I NANG DU'ANG DE DUS KYI RTZOD PA'I TSIG RNAMS DRANGS SO, ,MKHAS MCHOG BSTAN 'DZIN DAM PA DE DAG DRI MA MED PA'I RIGS PA'I RTZE DGA' MDZAD PA NI BSTAN PA RIN PO CHE'I RGYAN DU CHE BA YIN PAS GUS BA BSKYED PAR BYA YIS, RIGS PA'I GSANG MI SHES PA'I BLUN RMONGS DAG GIS KHO BO CAG GI 'DI KHON BDEN GYI GZHAN NI GTI MUG GO ZHES SGROG BA DANG RTZOD PA MDZAD DO ZHES TSIG TZAM GYIS 'JIG RTEN PA BLA'I GRAR BSHAGS 'GYED PA'I DANG TSUL LTAR DU BZUNG STE PHYOGS SU LHUNG BA'I BSAM PAS SKYES BU DAM PA LA SMOD PA NI RNAM PA KUN TU BYA MI RUNG STE SKYES BU DAM PA LA SMOD PA NI RANG NYID NGAN 'GRO MI BZAD PA'I RGYU SGRUB PA YIN PAR MDO LAS GSUNGS PA'I PHYIR RO, ,DON 'DI 'DRA LA DGONGS NAS RJE BTZUN RED MDA' PA CHEN POS, DUS KYI 'KHOR LO LAS BRTZAMS TE DGAG SGRUB MDZAD PA LA BLUN RMONGS LUG LTAR LKUGS PA 'GA' ZHIG GIS PHYOGS SU LHUNG BA'I BSAM PAS RED MDA' PA 'DIS DUS 'KHOR RGYAL BA'I BKA' YIN PA LA DUS 'KHOR LA DGAG SGRUB BYED PA 'DI 'DRA ZHES SMAD PA BYAS PA NA ,RJE BTZUN RED MDA' PA CHEN POS KHO BOS 'KHYOG PO'I SHING BSRONG BA LTAR RGYAL BA'I BSTAN PA LA

ZHUS DAG BYAS PA YIN GYI ,SKYON BRJOD PA GA LA YIN, LAR NI, SANGS RGYAS BSTAN LA YIN MIN GYI, ,DGAG SGRUB MKHAS PA RNAMS KYIS BYED, ,MI RNAMS 'PHYING PA 'DRA BA LA, ,KHYI LA BCOL GNYER CI ZHIG YOD, CES GSUNGS PA LTAR MKHAS PA RNAMS RIGS PA'I RTZED 'JO BYED PAR BLUN RMONGS DAG 'TSANGS TE CI BYED GSUNGS BA LTAR RO, ,PHYIS PAn CHEN PHYOGS LAS RNAM RGYAL BAS MKHAS GRUB RIN PO CHE LA CHED DU BRJOD PA'I BSNGAGS PA MANG DU MDZAD DO, ,MKHAS GRUB RIN PO CHE NI SKU NA TSOD PHRA MO DE TZAM NAS 'CHAD RTZOD RTZOM GSUM GANG LA'ANG THOGS PA MED PA ZHIG STE, DGUNG LO BCO BRGYAD BZHES PA'I TSE RJE BTZUN 'JAM PA'I DBYANGS SMRA BA'I SENG GE LA BSTOD PA, 'JAM DPAL GZHON NUR GYUR PA LA PHYAG 'TSAL LO, ,MTSAN DPES RAB TU BRGYAN PA GZHON NU'I SKU, ,TSANGS DBYANGS LDAN PA CHOS RAB STON PA'I GSUNG, ,SHES BYA MA LUS CIG CAR MKHYEN PA'I THUGS, ,MNGA' BA 'JAM PA'I DBYANGS LA PHYAG 'TSAL LO, ,MA LUS SKYE DGU'I MGON GYUR BCOM LDAN 'DAS, ,MA RIG MUN SEL SMRA BA'I SENG GE LA, ,MA YENGS SEMS KYIS GUS PAS GSOL 'DEBS KYIS, ,MA DAG BLO CAN BDAG CAG RAB TU SKYONGS, ,RI DVAGS RGYAL PO RNAM PAR BSGYINGS PA'I STENG, ,CHU SKYES GZHON NU RAB TU RGYAS PA DANG, ,BDUD RTZI'I 'OD CAN KUN NAS GANG BA YI, ,GDAN LA ROL PAS BZHUGS PA ZHI BA'I SKU, ,PADMA R'A GA'I MDOG 'DRA RGYAL BA'I SRAS, ,ZHAL GYI DKYIL 'KHOR 'DZUM PA'I

, ,MDANGS LDAN ZHING, AUTPAL ZUNG GI RTZA BA NYER BSTEN PA'I, ,CHOS 'CHAD PHYAG GIS THUGS KAR RNAM PAR BRGYAN, ,SNYAN GYI THAD DU CHU 'PHROG 'DAB RGYAS PA'I, ,GE SAR SNYING PO G-YAS SU RAL GRI DANG; ,G-YON PA GLEGS BAM MCHOG GIS NYER MDZES SHING, ,SHIN TU 'GYING PA 'GRO BA'I MGON GCIG PU, ,MTHON MTHING RAL BA'I THOR TSUGS RAB 'KHYIL BAR, ,NYID KYI RIGS MTSON MI 'KHRUGS RGYAN LDAN ZHING, ,SNYAN CHA GDUB KOR DAR GYI COD PAN GYIS, ,MCHOG TU MDZES KYANG BLTA BAS NGOMS PA MIN, ,THUN MTSAMS PHAM BYED MDZES PA'I SKU DE LA, ,RIN CHEN PHRENG BA 'OD KYI DRA BA CAN, ,ZLA BA'I DUM BU LTAR DKAR NGO SHAL GYIS, ,MCHOG TU MDZES PAS BLO LDAN YID 'PHROG BYED, ,GANG ZHIG CUNG ZAD KHYOD LA BRTEN PAS KYANG, ,'KHOR BA'I SDUG BSNGAL MTHA' DAG BSNYIL BYED NA, ,KHYOD NYID KHO NA MGON DU BYED PA YIS, ,BLO LDAN RNAMS LA KUN MKHYEN GA LA RING, ,DES NA RGYAL SRAS THU BO YON TAN GTER, ,MTSUNGS MED SMRA BA'I DBANG PHYUG ZHABS PAD LA, ,RTAG TU GUS PAS MGO BO 'DUD PAR BGYI, ,SKYE BA KUN TU RJES SU GZUNG DU GSOL, ,DE LTAR BDAG GIS BSGRIMS TE BSTOD MDO KYIS, , BCOM LDAN KHYOD KYI YON TAN CHA TZAM YANG, ,BRJOD PAR MA NUS BLO GROS SHIN TU NGAL, ,DA NI THOGS MED SMRA BA'I MCHOG GYUR CIG, BDAG GIS 'DI LTAR RJE BTZUN 'JAM BA'I DBYANGS, ,CUNG ZAD BSTOD LAS DGE BA GANG

BSAGS PA, ,RAB DKAR DRI MED YID KYI MKHAR SHAR BAS, ,'GRO BLO'I MUN PA MA LUS MTHAR BYED SHOG, CES PA MDZAD PA SOGS 'CHAD RTZOD RTZOM PA GANG LA'ANG THOGS PA MED PA KUN LA MTHUN SNANG DU GRUB BO, ,DE NAS BSNYEN PAR RDZOGS PA'I LO GRANGS SU SON PA NA, STOD 'DUL BA'I MKHAN RGYUD GANGS RI'I KHROD KYI SHING RTA CHEN PO RED MDA' PA GZHON NU BLO GROS KYIS MKHAN PO, MKHAS PA'I DBANG PHYUG CHEN PO DPAL 'BYOR SHES RAB KYIS LAS SLOB, MTSAN DON DANG MTHUN PA'I GNYAL BA BLO GROS MTSUNGS MED KYIS GSANG STON, GZHAN YANG DAD PA'I DGE 'DUN GRANGS TSANG BA'I DBUS SU DGE SLONG GI SDOM PA YANG DAG PAR BZHES TE 'DUL 'DZIN GSER RI'I PHRENG BA LTA BU'I DBUS NA ZLA MED PA'I LHUN PO LTA BUR GYUR TO, ,DE NAS RJE BTZUN RED MDA' PA CHEN POS MKHAS GRUB RIN PO CHE LA KHYED RJE BTZUN TZONG KHA PA DANG MJAL NA GZHAN DANG MI 'DRA BA ZHIG 'OD ZHES BSKUL BA DANG, RANG NYID KYANG RJE RIN PO CHE'I SNYAN PA GSAN PAS DAD PAS CHES CHER BSKUL TE ME MO PHAG GI LOR KHAMS GSUM CHOS KYI RGYAL PO TZONG KHA PA CHEN PO BLO BZANG GRAGS PA MJAL RGYU'I NUB MO SNYE THANG DU BZHUGS PA'I MNAL LAM DU, MUN BA NAG PO PHYOGS GAR 'GRO'I GTOL MED PA ZHIG TU PHYIN PA NA, SHAR PHYOGS NAS RAL GRI'I 'KHOR LO RTZIBS STONG DANG LDAN BA'I RAL GRI'I SO RNAMS PHYI DANG YU BA NANG DU BSTAN PA RAL GRI RE RE'I RTZE NAS NYI MA'I DKYIL 'KHOR BRGYA PHRAG RE SHAR PA, 'KHOR LO DE'I LTE BA'I DBUS

, ,SU 'JA' TSON SNA LNGA'I DRA BAS BSKOR BA'I NANG DU RJE BTZUN 'JAM DPAL DBYANGS SKU MDOG DMAR SER RAL GRI DANG GLEGS BAM BSNAMS SHING RIN PO CHE'I RGYAN DPAG TU MED PAS SBRAS PA ,GZHON NU'I CHA BYAD CAN, RAL PA'I THOR TSUGS LA MU TIG GI PHRENG BAS DKRIS SHING SHIN TU MDZES BA BLTA BAS CHOG MI SHES PA ZHIG BYON BYUNG BAS, MUN PA THAMS CAD SANGS, 'JIG RTEN GYI KHAMS THAMS CAD SNANG BA CHEN POS KHYAB BA DANG, RJE BTZUN GYI SKU YANG RANG GI LUS LA THIM PAS BDE BA'I NYAMS KHYAD PAR CAN SKYES PA ZHIG BYUNG, SANG NYIN SE RA CHOS SDINGS SU PHEBS PA NA THOG MAR DGE SLONG ZHI DUL CAN ZHIG DANG MJAL BA NA DE LA CHOS RJE BLO BZANG GRAGS PA'I GZIM KHANG GANG YIN DRIS PAS, LAN MA SMRAS PAR NANG DU SONG NAS SPOS RENG SBAR NAS KHYER BYUNG STE, GZIM KHANG SER PO'I DRUNG DU SLEBS PA NA PHYAG GSUM BTZAL, PHYAG GNYIS KYIS SPOS RENG BZUNG STE, DON GYI SLAD DU MTSAN NAS SMOS TE BDAG GI MKHAN PO RIN PO CHE BLO BZANG GRAGS PA'I ZHAL SNGA NAS BZHUGS PA'I GTZUG LAG KHANG NI 'DI'O ZHES SPOS KYI RTZE MO DE PHYOGS SU BSTAN BAS DGE SLONG DE 'DUL BA NAS GSUNGS BA LTAR GYI KUN SPYOD YONGS SU DAG PA DANG, DGE BA'I BSHES GNYEN LA SHIN TU GUS PA'I TSUL RNAMS GZIGS PAS RJE TZONG KHA PA'I ZHABS 'BRING DGE SLONG 'DI DAG KYANG 'DI LTAR DAM PA'I CHOS 'DUL BA'I LAG LEN LA MKHAS SHING ZHI ZHING DUL BA BLA MA LNGA BCU PA NAS BSHAD PA'I

BSHES GNYEN BSTEN TSUL RNAMS KYANG PHYAG LEN LA THEBS PA 'DI 'DRA NA, RJE RIN PO CHE JI 'DRA ZHIG YOD SNYAM DU LUS KYI SPU ZING ZHES BYED CING 'JIGS SHING SPA ZHUM PAR GYUR, DE NAS RJE RIN PO CHE MJAL BAS DAD PA DPAG TU MED PA 'KHRUNGS, RJE RIN PO CHES KHYED LA LAM DU RMI LAM CI BYUNG GSUNGS PAR SNGAR SNYE THANG DU BYUNG BA RNAMS ZHUS PAS KHYED SNGAGS KYI GDUL BYA DBANG RNON YIN PAR 'DUG ,KHYED KYIS GDUL BYA MANG PO LA PHAN THOGS CHEN PO 'ONG GSUNG, DE DUS RJE RIN PO CHES KHYED YI DAM GANG LA BYED KYIN YOD GSUNGS PAS MKHAS GRUB RIN PO CHES BDAG YI DAM GSHED DMAR LA BYED KYIN YOD ZHUS PAR RJE RIN PO CHES GSHIN RJE GSHED DMAR PO LA YI DAM BYAS NA'ANG RJE BTZUN 'JAM DBYANGS KYIS RJES SU 'DZIN PA'I RGYUR 'GYUR MOD, 'ON KYANG 'JIGS BYED LA YI DAM BYED PA BYUNG NA RJE BTZUN 'JAM DBYANGS KYIS RJES SU 'DZIN PA'I RGYUR 'GRO BA LA GSHIN RJE GSHED GZHAN GNYIS LAS KHYAD PAR 'PHAGS PA'I CHOS MANG DU YOD GSUNGS PAR BRTEN ,MKHAS GRUB RIN PO CHES KYANG DE NAS BZUNG STE RDO RJE 'JIGS BYED LA YI DAM DU MDZAD CING, RJE RIN PO CHE LA RDO RJE 'JIGS BYED LA KHYAD PAR DU 'PHAGS PA'I CHOS JI LTA BU YOD CES GSOL BA BTAB PAS, 'O NA MAndAL RGYAS PA CIG PHUL GSUNGS NAS, MAndAL PHUL BAS ZHI KHRO SBRAGS SGRUB KYI MAN NGAG DANG ,RJE BTZUN 'JAM DPAL DBYANGS KYIS RJES SU 'DZIN PA'I RGYU GZHAN GNYIS DANG MI 'DRA BA'I KHYAD PAR YOD PA RNAMS

, ,RGYAS BAR GNANG, DE'I TSE MKHAS GRUB RIN PO CHES RDO RJE 'JIGS BYED KYI DBANG GI DON DU GSOL BA BTAB BAS RJE NYID KYIS DKYIL 'KHOR BRI THIG GNANG NAS 'JIGS BYED BCU GSUM MA'I DBANG, RTOG BDUN, RTOG GSUM, RNAL 'BYOR BZHI RIM GYI KHRID SOGS GNANG NAS, KHYOD BSTAN PA THAMS CAD GRU BZHI LAM GYIS 'KHYER SHES PA CIG 'ONG BAR 'DUG CES DGYES PA'I BKA' STZAL, RJE RIN PO CHE'I TSEMS BRUL BA YANG DGYES BZHIN DU GNANG BAR TSEMS YIG LUNG BSTAN DU GSUNGS SO, ,DE NAS MKHAS GRUB RIN PO CHES RJE BTZUN TZONG KHA PA CHEN PO LA MI PHYED PA'I DAD PA BRTAN PO THOB NAS GSUNG RAB DGONGS 'GREL DANG BCAS PA THAMS CAD KYI SNYING BO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID SNYAN RGYUD KYI MAN NGAG GEGS SEL BOGS 'DON DANG BCAS BA MTHA' DAG LA GSAN ZHING, SHING RTA CHEN PO GNYIS KYI LAM SROL DRI MA MED PA'I RIGS PA'I DKA' GNAS MTHA' DAG GSAN, RGYUD SDE BZHI DANG 'BREL BA'I MAN NGAG MTHA' DAG DANG, LHAG PAR DGA' LDAN RNAM PAR RGYAL BA'I GLING DU RJE RIN PO CHE LA TSOGS KYI 'KHOR LO LA SOGS BA'I MCHOD PA TSAD MED BAS MCHOD CING, GSER GYI MAndAL PHUL TE GSOL BA SHUGS DRAG TU 'DEBS PAR MDZAD PAS RJE RIN PO CHES ZLA BA BCU'I RING LA, NYIN MO RGYUD SDE DANG GZHUNG CHEN MO RNAMS KYI BSHAD PA MTSAN RE BZHIN

BSKYED RDZOGS KYI MAN NGAG RNAMS DANG KHYAD PAR ZHAL LAS SHES PAR BYA BA'I GNAD MTHA' DAG RGYUN MA CHAD PAR STZAL BA RNAMS TSIG ZUR PHRA MO TZAM YANG NYAMS PA MED PAR THUGS LA BZUNG ZHING NYAMS SU BZHES TE GDENG THOB BAR MDZAD DO, ,DE'I TSE MKHAS GRUB RIN PO CHES RJE THAMS CAD MKHYEN PA LA TSOGS KYI 'KHOR LO LA SOGS PA MCHOD PA TSAD MED PAS MCHOD CING GSER GYI MAndAL PHUL TE GSOL BA BTAB BAS, RJE BLA MA'I THUN MONG MA YIN PA'I GSANG BA'I RNAM THAR DANG SNGAGS KYI GDAMS PA MANG PO LKOG CHO SU GNANG NAS, DA KHYOD LA MAN NGAG RNAMS RDZOGS PAR BSHAD YOD PAS NGA'I SNGAGS KYI YIG CHA 'DI RNAMS KYI DKA' GNAD RNAMS LA ZIN BRIS THOB LA RANG YANG NYAMS SU LONGS; SNOD LDAN GYI GDUL BYA RE GNYIS TZAM BYUNG NA DE RNAMS LA SHOD, NGA'I MDO SNGAGS KYI BSTAN BCOS 'DI RNAMS LA DGONGS PA 'GREL BA'I BSTAN BCOS RNAM PAR DAG BA RTZOMS, KHYAD PAR DU ZAB MO DBU MA'I LTA BA DANG NGA'I SNGAGS KYI BSTAN PA 'DI RNAMS RGYAS PAR GYIS SHIG GSUNGS NAS BSTAN PA YONGS SU RDZOGS PA GTAD DO, ,GZHAN YANG, RJE'I THUGS SRAS RGYAL TSAB DAR MA RIN CHEN, 'DUL 'DZIN GRAGS PA RGYAL MTSAN SOGS LA'ANG MAN NGAG MANG DU GSAN NO; ;DE NAS RJE RIN PO CHE ZHING GSHEGS NAS PHAL CHER RI BO MDANGS CAN DU BZHUGS TE RJE RIN PO CHE'I MDO SNGAGS KYI MAN NGAG RNAMS THUN BZHIR BCAD DE NYAMS SU BZHES PAS BSHES GNYEN BSTEN TSUL NAS MI SLOB PA'I ZUNG 'JUG

, ,GI PAR MDO SNGAGS GNYIS KA'I LAM GYI LUS YONGS SU RDZOGS PA LA MYONG BA PHUL PHYIN THON TE PHYI RABS KYI GDUL BYA RNAMS LA SANGS RGYAS DNGOS SU BYON YANG DE PHAN CHAD DU GSUNG DU MED PA'I MDO SNGAGS KYI GDAMS PA ZAB MO 'DI 'DRA THOB NAS KHA PHYIR LTAR MA SONG BAR RANG GI RGYUD LA BSKOR TE NYAMS LEN MTHAR PHYIN PAR BYA DGOS SO, ,ZHES 'DOMS PHYIR DAM BCA' 'DI LTAR MDZAD DE ,NA MO GU RU MANYDZU GHO sh'A YA, BLA MA DANG SANGS RGYAS DANG BYANG CHUB SEMS DPA' THAMS CAD DANG THUGS RJE'I STOBS DANG SMON LAM GYI MTHU GRUB PA THOGS PA MED PA'I YE SHES KYI SPYAN DANG LDAN PA RNAMS LA GUS PA CHEN POS PHYAG 'TSAL ZHING SKYABS SU MCHI'O, ,LHAG PA'I BSAM PA RNAM PAR DAG BAS YI DAM DU BGYI BA'I DON MTHA' DAG GEGS MED PAR MTHAR PHYIN PAR MDZAD DU GSOL, GANG ZHIG THUGS RJE CHEN PO'I GZHAN DBANG GIS, ,BDAG BDER CUNG ZAD TZAM YANG MA GZIGS PAR, ,GZHAN PHYIR DPAG PAR DKA' BA'I SPYOD YUL LA, ,GRANGS MED BZOD DKA'I NGAL BAS MI SKYO BAR, ,THUGS BSKYED MTHAR PHYIN MDZAD PA'I 'GRO BA'I GNYEN, ,DGE LEGS RTZA BA DRIN CAN BLA MA DANG, ,SRAS BCAS RGYAL BA'I ZHABS LA PHYAG 'TSAL NAS, , DE DAG SPYAN SNGAR YANG DAG BLANGS PA'I KHRIMS, ,SDOM PA GSUM GYI BCAS PA'I MTSAMS RNAMS LAS, ,MA GTOGS KHAS LEN BGYI BA CI ZHIG MCHIS, ,'ON KYANG BDAG NI NYON MONGS DBANG GYUR CING, ,BAG MED SPYOD PA'I GOMS PA

SHUGS TSE BAS, ,PHAL CHER LOG PA'I RGYUN PHYOGS GZHOL GYUR BA, ,'DI LA DRAN SHES SKYE BAR 'GYUR SNYAM NAS, ,SLAR YANG RGYAL DANG DE SRAS SRUNG MA'I TSOGS, ,DPANG POR GSOL TE 'DUN PA DRAG PO YIS, ,DGE SBYONG BDAG GIS DAM BCA' BCU PO 'DI; ;DE NAS BRTZAMS TE JI SRID 'TSO YI BAR, ,SROG LA BAB KYANG DOR BAR MI BGYID CING, ,GAL TE 'DAS NA RGYAL BA SRAS BCAS KYIS, ,PHYUGS LTAR DGONGS NAS SRUNG MA'I TSOGS RNAMS KYIS, ,BAG MED BDAG GI KHONG PA'I SNYING PHYUNGS SHIG, DA LTAR MKHYEN PAR GSOL NAS DAM BCA' BA BCU RJES SU BRJOD PA 'DI DAG GO, DE YANG GANG GI TSE GZHAN GYI SEMS NGES PAR BSRUNG DGOS SHING, CHES NGO MTSAR BA LA SOGS PA'I CHOS LDAN GYI DMIGS BSAL RE RE TZAM MA GTOGS PA'I SKABS GANG DU YANG DMAG DANG, CHOM RKUN DANG, RGYAL PO'I GTAM LA SOGS PA 'DU 'DZI'I GTAM GYI SBYOR BA CUNG ZAD TZAM YANG MI BGYI BA NI DAM BCA' DANG PO'O, ,KUN SLONG SKYON CHAGS PA'AM, LUNG DU MA BSTAN PA RNAM PAR MA BRTAGS PA'I SEMS KYIS KUN NAS BSLANG BA YANG RUNG STE, DE NYID KYI NYES PA SEL BA'I CHOS LDAN GYI CHED DU PHAN PAR 'DOD PA 'BA' ZHIG GIS BRJOD BA MA GTOGS PA, RANG LAS RGYUD THA DAD PA'I GANG ZAG DMIGS KYIS BSAL BA'I MING NAS SMOS TE DE'I SGO GSUM GYI SKYON PHRA MO TZAM YANG TSIG TU BRJOD PAR MI BGYID PA NI DAM BCA' BA GNYIS PA'O, ,GAL TE RANG LA SEMS RGYUD CUNG ZAD TZAM YANG 'KHRUGS PA'I BSAM PA MI 'DREN CING, GZHAN LA

, ,THABS DES NGES PAR PHAN PAR YID CHES PA'I SKABS BYUNG NA MA GTOGS PA RANG LAS RGYUD THA DAD PA'I SEMS CAN DANG, DE LAS GZHAN SEMS CAN MIN PA YUL DU BYAS PA'ANG RUNG STE RTZUB MO'I CHIG CUNG ZAD TZAM YANG MI BGYID BA NI DAM BCA' BA GSUM PA'O, ,GANG GI TSE CHOS LDAN GYI BYA BA'I CHED DU DRAN SHES NYE BAR BZHAG STE NGES PAR BRTAG DGOS PA'I GNAS LA SEMS PA MA GTOGS PA, GNYEN BSHES DANG, RNYED BKUR DANG 'DU 'DZI DANG, CHAGS SDANG LA SOGS BA'I GNAS LA CUNG ZAD KYANG NYON MONGS PA DANG 'DRES PA'I SEMS KYIS BRTAG PAR MI BYA BA NI DAM BCA' BA BZHI PA'O, ,GANG GI TSE NAD DANG, LAM LA SOGS BAS HA CANG DUB PA'I SKABS MA GTOGS PAR, DGE BA'I SBYOR BA'I SKABS GANG GI TSE'ANG ,NYAL BA DANG, 'PHRES PA DANG, BRE MO'I GTAM DANG, BZA' BTUNG HA CANG BSTEN PA SOGS KYIS CHOS LDAN GYI DGOS PA MED CING LE LO SKYE BAR MTHONG BZHIN DU 'PHRO MI GCOD CING DANG DU LEN PA CUNG ZAD KYANG MI BGYI BA NI DAM BCA' BA LNGA PA'O, ,BDAG LA RDZAS DE BDOG CING DE GANG ZAG DE NYID LA SBYIN NA BDAG GI DGE BA'I BYA BA NYAMS PA'I RKYEN DANG, 'PHEL BA'I GEGS SU 'GYUR PA 'AM, YUL DE LA GNOD PAR 'GYUR BAR NGES PA'AM, CHED DU BYA BA CHOS LDAN GZHAN DANG YUL GZHAN LA BSNGOS ZIN PA MA GTOGS PA, GANG ZAG GANG YANG RUNG BAS YO BYAD BZANG NGAN CI

'DRA ZHIG SLONG YANG SER SNA'I BLOS MI STER BA SPANGS TE, DE MA THAG TU DGA' BA'I SEMS KYIS BYIN NAS RDZOGS PA'I BYANG CHUB TU BSNGO BAR BGYI BA NI DAM BCA' BA DRUG PA'O, ,GANG GI TSE BDAG GAM BDAG GI GNYEN BSHES, LONGS SPYOD, 'KHOR G-YOG GANG YANG RUNG PA LA SU YANG RUNG BAS CI YANG RUNG BA'I GNOD PA DANG, MI SNYAN PA BRJOD PA DANG, MTSANG NAS 'BRU BA DANG, SROG GCOD PA'I BAR DU BYED PA THAMS CAD LA DANG POR KHONG 'KHRUGS PA DANG, RJES SU KHON DU 'DZIN PAS LUS NGAG GI RNAM PAR 'GYUR PA PHRA MO YAN CHAD 'BAD PAS 'GOG CING CUNG ZAD KYANG DANG DU MA LEN LA CI NAS KYANG DE NYID KYI LAN DU DNGOS BRGYUD GANG YANG RUNG BA'I SGO NAS PHAN GDAGS PA'I BLO BSKYED CING SMON LAM GDAB PA NI DAM BCA' BA BDUN PA'O, ,BDAG NYID KYIS DBANG KHRID LUNG MAN NGAG STON PA, MDO RGYUD SOGS 'CHAD PA, BDUN TSIGS RAB GNAS SBYIN SREG GI YON DANG, CHOS PHYOGS LA DMIGS PA DANG, 'PHRAL DU LONGS SPYOD PA LA NYE BA'I STA GON 'DU BYAS PA 'TSEMS SHING DRUB PA'I CHOS GOS DANG, G-YOS SU BYAS PA 'AM DE NYID GYI TSE G-YOS SU BYED PAR CHAS PA LTA BU'I ZAS GOMS MA GTOGS PA YO BYAD CHE CHUNG GANG BYUNG YANG BDAG NYID KYI DON DU BDAG GIR MI 'DZIN CING BSOD NAMS GSOG PA'I THABS 'BA' ZHIG LA GTONG BA DANG, CHOS GYI SBYIN PA TSIG BZHI YAN CHAD KYANG BYANG CHUB KYI SEMS KYI RTZIS ZIN PAR BYED PA NI, DAM BCA' BA BRGYAD PA'O, ,BSTAN PA 'BA' ZHIG LA BSAM PA'I BLOS GSUNG RAB KYI

, ,DON LA LOG PAR RTOG PA 'GOG PA'I YAN LAG MA GTOGS PAR, BSHES GNYEN GZHAN SU LA'ANG MI BSNGAGS PA CUNG ZAD KYANG MI SMRA ZHING YON TAN BRJOD PA LHUR LEN PA DANG GANG ZAG MCHOG DMAN SU LA YANG PHUN SUM TSOGS PA'I RNAM PA CHE CHUNG CI 'DUG PA DANG, YON TAN GYI KHYAD PAR CHOS DANG MTHUN PA CI 'DUG PA MTHONG NGAM THOS PA NA YID LA ZUG RNGU CUNG ZAD KYANG MI BSKYED CING DE MA THAG TU SNYING LA DGA' BA'I BLO SBYANG BA NI DAM BCA' BA DGU PA'O, , NAD DANG CHOM RKUN SOGS DRAG POS GTZES PA'I GZHAN DBANG DU GYUR PAS BSGRUB PAR MA NUS PA'I SKABS BYUNG NA MA GTOGS PA JI SRID 'TSO'I BAR DU NYIN ZHAG RE'I NANG DU DGE SBYOR BCU PO 'CHAG MED DU BGYI BA STE, DE YANG 'DI LTA STE, SMON SEMS DANG 'JUG SEMS CHO GA NYUNG DUS THUN DRUG TU LEN CING, KHYAD PAR SNGA DRO SMON SEMS DANG BYANG SEMS KYI SDOM PA RANG GIS BLANGS PA'I CHO GA RGYAS PA, BYANG CHUB KYI SEMS GNYIS SBYANG BA'I DMIGS RNAM GANG SKABS DANG 'TSAM PAR THUN BZHING LEGS PAR BSGOMS NAS SPYOD LAM THAMS CAD DE NYID KYIS RTZIS MA ZIN PA'I RGYA YAN DU MA SHOR BAR DRAN SHES NAR MAR BSTEN PA LA 'BAD PA, 'KHOR BA'I SNANG SHAS ZIL GYIS GNON PA'I GNYEN POR SKYES BU CHUNG 'BRING GI DMIGS RNAM GTZO BO GANG SKABS DANG 'TSAM BAR THUN BZHIR BSGOMS NAS SNGA MA LTAR DRAN SHES BSTEN PA, SNGAGS BLA MED KYI DKYIL 'KHOR RTEN DANG BRTEN PAR BCAS PA YONGS SU RDZOGS PA'I THUN BZHI'I RNAL 'BYOR RNAMS TE DAM BCA' PA

BCU PA'O, ,'DI LTAR BDAG GI YI DAM RNAM PA BCU, ,MI 'DOD BZHIN DU GZHAN GYIS BTZAL BA DANG, ,RTOG DPYOD SPANGS TE BYUNG RGYAL SMRAS PA 'AM, ,JI TZAM 'BAD KYANG 'GRUB PA'I THABS MED PA, ,DE DAG MIN PHYIR RANG LA BRTAGS PA NA, ,BRTZON PAS 'BAD NA BSGRUB PAR NUS PA DANG, ,GRUB NA DGOS PA CHE BAR MTHONG NAS NI, ,RGYAL BA'I SRAS KYI RMAD BYUNG SPYOD PA LA, ,SNYING NAS GUS PA'I DAD PA SKYES PA BDAG, RGYAL BA SRAS BCAS MTHU LDAN SRUNG MA'I TSOGS, ,DBANG POR GSOL BA'I DAM BCA' 'DI LTAR 'DOR, ,DE PHYIR SROG LA BAB KYANG DAM BCA'I KHUR, ,'DI DAG MI SPANG SLAR YANG RGYAL SRAS KYI, ,'DI LAS GRANGS MED RLABS CHE'I SPYOD KUN LA, ,'DUN DANG SBYOR BA GONG DU SPEL BAR BGYI, ,TSUL 'DIS MTSON PA'I DUS GSUM DGE BA KUN, , GCIG TU BSDOMS PAS TSE RABS KUN TU BDAG, RMAD BYUNG BSHES GNYEN MCHOG GIS RJES BZUNG NAS, ,BYANG CHUB SEMS GNYIS NAM YANG MI GTONG ZHING, ,RLABS CHEN RGYAL SRAS SPYOD KUN BSGRUB PA LA, ,MA ZHUM SNYING STOBS MCHOG GIS SRID MTHA'I BAR, ,RGYAL BA'I DAM CHOS MA LUS 'DZIN PA DANG, ,'JAM PA'I DBYANGS KYIS RJES SU 'DZIN GYUR CIG, CES RGYAL BA'I DGONGS PA SHING RTA CHEN PO RNAMS DANG 'JAM MGON BLA MAS JI LTAR BKRAL BA LTAR MDO SNGAGS KYI LAM GYI LUS YONGS SU RDZOGS PA LA NYAMS LEN SNYING POR BYA BA LAS NAM YANG MI G-YEL BA'I DAM BCA' MDZAD CING, SKAL BA DANG LDAN PA GZHAN DAG LA'ANG RJE RIN PO CHE'I MDO SNGAGS KYI BSTAN PA BSRE BSLAD MED PA RNAM PAR DAG PA RGYA CHER SPEL ZHING,

, ,CHOS RGYAL BDAG PO RAB BRTAN PAS GDAN DRANGS TE DPAL 'KHOR CHOS SDER RJE RIN PO CHE'I LUGS BZANG 'DZIN PA'I DGE 'DUN GYI SDE MANG DU SPEL TE BSTAN PA'I BYA BA RGYA CHEN PO MDZAD, DE NAS DGUNG LO ZHE GSUM BZHES PA ME MO LUG GI LOR BDAG PO RAB BRTAN PAS DBUS NAS RONG STON CHEN PO GDAN DRANGS TE RJE 'DI DANG RTZOD PA MDZAD PAR DRIL BSGRAGS, MKHAS GRUB RIN PO CHES KYANG ZHAL GYIS BZHES, GTAM DE DBUS GTZANG YONGS LA BSGRAGS PAS MKHAS PA MANG BO DBANG POR BYON ZHING, BKA' BSTAN 'GYUR YANG BRTZIGS, RTZOD PA'I DUS TSES BTAB PAS RONG STON PAS RTZOD PAR MA NUS NAS BDAG PO RAB BRTAN PA DANG GNYIS KAS 'BYOL THABS KHON MDZAD PAS; MKHAS GRUB SMRA BA'I NYI MA DGE LEGS DPAL BZANG POS 'JIGS PA MED PA'I SGRA DBYANGS ZAB MO SGROG BAR MDZAD PA NI 'DI LTAR, AOm BDE LEGS SU GYUR CIG, BLO BZANG GSUNG GI LEGS BSHAD ME TOG PHRENG, , GRAGS PA'I MDANGS LDAN RIGS PA'I DRI BSUNG CAN, ,DPAL LDAN MKHAS PA KUN GYI MGO BO LA, ,NGAL BSO BGYIS PAS THUB BSTAN RGYAS GYUR CIG, THEG MCHOG RIGS KYI NUS PA MI DMAN TSOGS GNYIS RIN CHEN KHAMS LAS GRUB, ,RNAM DPYOD MGYOGS 'GRO'I RTA LJANG GIS DRANGS SHES BYA'I MKHA' LA THOGS MED CING, ,GSUNG RAB RGYA MTSO'I GOS CAN MA LUS RIGS PA'I ZER GYIS SNANG BYED PA, ,SNGON MED NAM MKHA'I NOR BU

DE DANG ME KHYER LHAN CIG JI LTAR BGROD, ,'ON KYANG RONG SKYES SH'AKYA YIS, ,BSTAN LA SDANG BA'I YID LDAN ZHING, ,GSHEN RAB GZHUNG LUGS RGYAL MTSAN 'DZIN, ,BYIS PA MKHAS PAR RLOM PA GANG, ,RING NA GNAS TSE KHO BO DANG, ,LHAN GCIG BRGAL LAN BYA'O ZHES, ,GYA GYU'I YID LDAN DRANG SRONG GI, DMOD PA'I TSIG BZHIN YANG YANG BSGRAGS, ,DE NAS NAM ZHIG 'DIR PHYIN TSE, ,ZHUM PA BZHIN DANG SKRAG PA BZHIN, ,GNONG BA BZHIN DANG 'GYOD PA BZHIN, ,SKYABS MED BZHIN DU SKYABS 'TSOL BYED, ,DPAL LDAN ZLA BA'I 'OD DKAR LA, ,GLAGS TSOL 'DOD PA'I MUN CAN DE, ,KHO BO'I RIGS TSUL RDO RJE YIS, ,GZHOM PAR BYA ZHES MNGON DU SMRAS, ,BLA MA'I LEGS BSHAD NYIN BYED ZER, ,SGRIB BYED PHRAG DOG RKANG 'THUNG RGYAS, ,NYES BSHAD NAGS TSAL 'KHRIGS PA KHYOD, ,DA LTA THAL PAR BYA ZHES SMRAS, ,DE'I TSE SKRAG PA'I YID LDAN DES, ,DE DAG BDAG GIS MA BKAG CES, ,GTOL MED GYUR PA'I TSIG SMRA ZHING ,RDZUN GYI KHUNG BUR YANG YANG BROS; ,KHREL YOD NGO TSA'I GOS DANG BRAL, ,SDOM PA'I SKA RAGS LHOD PA CAN, ,BLUN RMONGS SLOB MA'I TSIG NGAN GYI, ,YOL BAS BSGRIBS PA'I PHAG TU 'CHEL, ,PHYOGS 'DIR MKHAS PA'I BKA' MCHID DAG, BYA BAR 'OS PA MIN ZHES PA'I, ,SBYIN BDAG TSIG LA SKYABS BCAS NAS, ,BDAG LA BKA' DRIN CHE ZHES SMRAS, ,LUNG RIGS RLABS PHRENG ROL PA CAN, ,SDE CHEN RGYA MTSO SO SO NAS, ,MKHAS PA GDENG CAN DU MA DAG, GNAS 'DIR DPANG POR LHAGS

, ,PA YANG, ,DE YIS GANG LA MGON BCAS PA, ,DE NYID TSIG GIS RANG RANG GI, ,CHU GTER GNAS SU BSKRAD BYAS NAS, ,BRGOL PA'I DKYIL 'KHOR RDZOGS MA GYUR, ,'DI LTAR MNGON DU MA NUS PA'I, , ZHUM TSIG SMRAS PA DRAN BYOS LA, ,PHYIS NAS MKHAS PA'I LEGS BSHAD LA, ,LKOG TU NGAN SMRAS MA BYED CES, ,BDAG GIS GDAMS SHING TSAR BCAD PAS, ,BDEN MIN SMRA BA LHUR LEN ZHING, ,NGO TSAS GTOL MED GYUR DE DAG, LUG BONG BZHIN DU MKHAS RNAMS SGROGS, ,BDE GSHEGS BSTAN PA GANGS RI'I SUL NA GNAS, ,GZHUNG LUGS 'BUM PHRAG RAL PA'I KHUR GYIS BRJID, ,RIGS PA'I MCHE SDER MI BZAD STOBS LDAN PA, ,MKHAS MCHOG GDONG LNGA'I DBANG PO KHO BO TZAM, ,DRI MED RIGS PA'I GAD RGYANGS GCIG GIS KYANG, ,DREGS LDAN PHAS RGOL GLANG PO STONG GI SNYING, ,LKOG MAR PHYIN PA'I 'JIGS STER DGE LEGS DPAL, ,BZANG PO LAS GZHAN SMRA BA'I SENG GE GANG, ,ZHES DRI MA MED PA'I RIGS PA'I GANG RGYANGS RGYA CHER BSGRAGS PA DPAL 'KHOR CHOS SDE'I RGYAL SGO LA BLAN TE KUN GYIS MTHONG BAR MDZAD DO, ,'DI LTAR MKHAS PA CHEN PO GNYIS KYIS DRI MA MED PA'I RIGS BA'I NGA RO'I RTZE DGA' MDZAD PA NI BSTAN PA RGYAS PA'I CHED DU MDZAD PA YIN GYI, DENG SANG GI BLUN RMONGS DAG GI NGANG TSUL LTAR CHAGS SDANG GIS MDZAD PA MIN NO, ,DON 'DI LA MKHAS GRUB THAMS CAD MKHYEN PA NYID KYI ZHAL

NAS, KHA CIG DE LTAR CHOS DANG CHOS MA YIN PA'I RNAM DBYE LA BRGAL BRTAG MANG DU BYED PA NI SEMS RGYUD MA DUL BA YIN PAS SNYING PO MED, CHOS DE DAG THAMS CAD LA RANG RANG GI LUGS BZHIN NYAMS SU BLANGS PAS GANG ZAG BZANG PO MANG PO BYON 'DUG PA DANG CHOS THAMS CAD DU MA RO GCIG YIN ,CHOS KYI KHA ZIN BYED PA CHAGS SDANG RMONGS GSUM GYI RTZA BA YIN PAS BYAR MI NYAN, 'DOD PA DE DAG THAMS CAD PHUN SUM TSOGS PA 'BA' ZHIG YIN ZHES ZER BA YANG BLUN PO PHAL CHE BA CHOS PA RANG JO BO BZANG ZHES DAD PA LHAG PAR SKYE, KHO RANG YANG DE NYID DANG DU LEN ,RNYED BKUR 'DU BA YANG MANG BAR GYUR MOD KYI LUNG RIGS KYIS CHOS LOG TSAR GCOD PA SEMS RGYUD MA DUL BAR SMRA BA NI, SANGS RGYAS DANG 'DZAM GLING MDZES PAR BYED PA'I RGYAN DRUG LA SOGS PA RGYA BOD KYI LO PAn KHYAD PAR CAN MTHA' DAG LAS RANG NYID SEMS RGYUD DUL BAR DON GYIS KHAS LEN PA BRTAGS NA BLOS 'KHYUD PAR DKA' BA'I GTAM YIN NO, ,RANG NYID SKYE BO PHAL PA BLUN PO 'GA' ZHIG GI BLO YUL DU GRUB PAR BYA BA'I PHYIR DANG, RNYED BKUR CUNG ZAD 'DU BA'I SGO MI NYAMS SHING GONG NAS GONG DU 'PHEL BAR BYA BA'I PHYIR TZAM DU SHES BZHIN DU CHOS MA YIN PA CHOS SU STON PAR BYED PA NI, SEMS RGYUD GTING NAS MA DUL BA'I TSABS DE LAS CHE BA CI ZHIG YOD DE ,TSE 'DI'I DGOS PA CUNG ZAD TZAM GYI PHYIR DU CHOS SPONG BA'I LAS TSABS PO CHE BSAGS NAS RANG GZHAN SLU ZHING SANGS RGYAS KYI BSTAN PA NYAMS PAR BYED PA'I PHYIR RO, ,CHOS

, ,CHOS MA YIN PAR STON BA DANG, CHOS MA YIN PA CHOS SU STON PA GNYIS KA YANG CHOS SPONG GI LAS SU 'GYUR BA LA KHYAD PAR MED PAR 'PHAGS PA RNAM PAR 'THAG PA BSDUS PA'I MDO LAS GSUNGS SO, ,ZHES GSAL BAR GSUNGS SHING, MKHAS GRUB CHEN PO 'DI NYID KYIS RIGS PA'I DGAG BZHAG MDZAD PA NI, RGYAL BA'I BSTAN PA NYAMS PA THUGS KYIS MA BZOD PA DANG, SEMS CAN BLUN RMONGS RNAMS CHOS LTAR BCOS PAS PHUNG BAR 'GYUR BA THUGS KYIS MA BZOD NAS RANG YAL BAR DOR TE GZHAN GCES PAR 'DZIN PA'I BSAM PA KHO NAS MDZAD PA YIN TE, CHOS MIN CHOS SU STON BYED CING, ,DAM CHOS BTZONGS PAS 'TSO RNAMS KYIS, ,THUB BSTAN MING GI LHAG MAR BYAS, TSUL 'DI BDAG GIS JI LTAR BZOD, ,CES GSUNGS PA LTAR RO, ,DES NA MKHAS MCHOG GDONG LNGA'I DBANG PO GNYIS DRI MA MED PA'I RIGS PA'I NGA RO'I RTZE DGA' BYED PA'I BAR DU BLUN RMONGS WA SKYES DAG 'TSANGS NAS PHYOGS LHUNG MI BYA STE RANG NYID PHUNG BAR 'GYUR BA'I PHYIR RO, ,DES NA MDO LAS, NGA 'AM NGA DANG 'DRA BAS GANG ZAG GI TSOD BZUNG GI ,GANG ZAG GIS GANG ZAG GI TSOD MI BZUNG STE NYAMS PAR GYUR TA RE, ZHES GSUNGS PAS BDAG LEGS SU 'DOD PA DAG GIS SKYE BO DAM PA LA GNOD PA'I LAS RNAM PA KUN TU SPANGS TE GUS PA LHUR BYA'O, ,DE NAS MKHAS GRUB RIN PO CHES DPAL 'KHOR CHOS SDER MA BZHUGS PAR RI BO MDANGS CAN DU PHEBS TE BSTAN PA'I BYA BA

RGYA CHER MDZAD PA NA BDAG PO RAB BRTAN PA YID BZHIN GYI NOR BU LAG TU RNYED PA CHED DU BSAMS TE BRLAG PAR BYAS PA LTAR 'GYOD PA TSAD MED PA SKYES TE, MKHAS GRUB RIN PO CHE LA DNGOS SU ZHU MA SPOBS PAR NYE GNAS LA GSER MANG PO BYIN TE SLAR GDAN 'DREN PA'I ZHU BA BYAS PAR PHEBS SU MA BZHED PAR, AOm SVA STI, GANG GI BKA' DRIN DRAN PAS BDAG GI YID, ,SHIN TU BRTAN PA NYAMS PA'I DAD PA YIS, ,ZLA MED BLA MA'I ZHABS LA PHYAG BYAS TE, ,RANG GI YID LA GCAGS PA'I GTAM 'DI GLENG, ,SMRAS PA, 'DIN ZAB DANG RGYA CHE DAM PA'I CHOS ,,DGOS 'DOD KUN 'BYUNG DPAG BSAM LJON PA YANG, ,KHA ZAS DON GNYER BLUN PO'I CHOGS RNAMS KYIS, ,BUD SHING CHED DU CHUD GZON BYED PAR ZAD, ,MDO RGYUD GSUNG RAB MKHA' LA THOGS MED PA'I, ,LEGS BSHAD 'OD STONG LDAN PA'I NYIN BYED KYANG, ,DUS MTHAR LAS KYIS LA LTUNG BA NA, ,RTZVA SGRON TZAM GYI BYA BA'ANG BYED MA YIN, ,SKYON YON BYED PA'I BLO GROS MIG LDONG NAS, ,BLUN PO'I CHIG RJES 'BRANG LAS GZHAN MED PAS, ,RANG GI LAG THOGS NOR BU RIN CHEN YANG, ,PHYAG DAR PHUNG PO'I RDO DANG MTSUNGS PAR MTHONG, ,SEMS RTA DMU RGOD 'PHRAL DU DUL BYED PA, ,PHUL BYUNG DAM PA'I CHOS KYI DGA' STON YANG, ,NGAN SKYUGS DON GNYER KHVA TA'I TSOGS RNAMS KYIS, ,PADMO'I RTZA LAG BZHIN DU 'BAD PAS SPONGS, ,SANGS RGYAS LAS KYANG DKON PA'I GDAMS PA MCHOG ,TSANG LA MA NOR SNGON MED BDUD RTZI'I RGYUN, ,DKA' SPYAD LTOS MED BRTZEBS BYIN NA YANG, ,SKAL NGAN SKYE BOS

, ,DUG LTAR 'GAL BAR 'DZIN, ,RLABS CHEN LUNG RIGS BSHAD PA'I GRU SBYANG NAS, ,GZHUNG LUGS CHU GTER CHE LA LEGS KHRID NA, ,BLO CHUNG BYIS PA LTA BU 'DI DAG NI, ,SGYID LUG ZHUM DANG 'JIGS DANG GTOL MED 'GYUR, ,GZHUNG LUGS BSHAD PA RTZVA LTAR DOR BYAS NAS, ,BSDUS PA'I THAL PHRENG MDZUB KHRID KHO NA YANG, ,DON CHUNG LAS LA TSE ZAD 'GYUR MTHONG NAS, ,BDAG NI 'DI LA 'JUG PA LHOD PAR GYUR, ,THUN MONG STONG NYID GTAM YANG SNOD MIN LA, ,'CHAD PA BKAG NA BLA MED THEG PA'I LAM, ,MI 'DOD BZHIN DU STON PA SMOS CI DGOS, ,DE PHYIR KHO BO 'DI LA'ANG SKYID LUG GYUR, ,LTA BA'I MTHAR THUG DBU MA'ANG DE NYID DON, ,BDEN 'DZIN GNYEN POR BSGOM PHYIR MI SLOB PAR, ,GRANGS 'DZIN PHYIR DANG GANG SHES TSOGS NANG DU, ,SMRA PHYIR 'BAD PA BDAG 'DZIN GSOS 'DEBS YIN, ,BLANG DOR GNAS DANG LAM GYI YAN LAG KUN, ,TSED MAS GTAN LA DBAB PHYIR MA YIN PA'I, ,MANG PO'I DBUS SU 'GRAN ZLA ZIL MNAN NAS, ,GZHAN NGOR GRUB PHYIR 'BAD PA'ANG CHOS MIN YIN, ,GZHUNG LUGS DON LA CHA TZAM MA REG PA'I, ,RDZAS LDOG NA BZUNG CHOS CAN ZOL 'JOG SOGS, ,'BAD NAS SLOB PA KUN SLONG SKYON MED NA, ,LUNG MA BSTAN GYI LAS SU 'GYUR BA TZAM, ,CHAGS SDANG PHRAG DOG 'GRAN SEMS DRAG PO DANG, ,MI GZUGS TSOL PHYIR THOS BSAM SGOM GSUM LA, ,JI TZAM 'BAD KYANG CHOS MIN DU MA'I SGO, ,

NAD PA GSAD PHYIR ZAS MCHOG SBYIN PA BZHIN, ,LTO RGYAB TZAM PHYIR 'DUS PA'O 'KHOR NANG DU, ,CHAGS SDANG G-YO SGYUS 'THAB RTZONG LHUR BLANGS NAS, ,ZHAR LA SBYOR DAG TSIG GSUM BZLAS BRJOD KYIS, ,RANG GZHAN GNYIS KA 'DI PHYIR PHUNG BAR BYED; ;MKHAN SLOB MCHED GROGS CHOS DANG DAM TSIG NI, ,MDA' LTAR 'PHANGS NAS 'DU BA'I SGO 'PHROG CING, ,DAD RDZAS PHYIR RTZOD YUL 'KHOR 'JOMS PA'I DPUNG, ,JI TZAM TSOGS KYANG DMYAL BA'I 'DUN KHANG YIN, ,DMAN PA'I GZHUNG DANG MCHOG TU RNYED DKA'I LAM, ,'CHAD DANG 'DOMS PA LDOG STE DON GNYER BA, ,SKAL BA MED PA'AM SHIN TU BLUN PA 'AM, ,SNANG SHAS GDON CHEN SNYING LA ZHUGS PA YIN, ,TSE 'DI 'AM BAR DO SKYE BA BDUN TZAM GYIS, ,SANGS RGYAS 'THOB PA'I LAM BZANG THOB NAS KYANG, ,SANGS RGYAS MI 'DOD SMRA BA NGO TSA NAS, ,DE LA'ANG 'DI NYID DGOS PA'I ZOL SBYOR GYIS, ,BGROS NGAN TSIG GSUM GSHAGS SBYOR CUNG ZAD CIG ,SHES NAS LONG BAS LONG BA 'KHRID PA'AM, ,ZAS NOR BSGRUB PHYIR PHYI MA BLOS GTONG BA, ,'DI DAG MI YI GZUGS BRNYAN DUD 'GRO'I PHUL, ,DAM PA RNAMS KYIS TSE 'DI BLOS BTANG NAS, ,ZAB MO'I MAN NGAG RTZE GCIG NYAMS BLANGS PAS, ,DON GNYIS PHUL PHYIN MTHA' YAS RNAM THAR LA, ,YID G-YO'I 'DUN PA CHA TZAM MI SKYE BAR, ,DA LTA'I STON BA 'GA' YI RNYED GRAGS DANG, ,SLOB 'KHOR RGYA CHEN 'DU 'GOD MANG PO'I GTAM, ,THOS PA TZAM GYIS 'GRAM CHU LDANG BA NI, ,GZHI RTZA GTING NAS NYES PA'I RTAGS NGAN YIN, ,SNUM ZAD

, ,MAR ME LTA BU'I BSTAN PA 'DI, ,KHO BO'I LEGS BSHAD GO CHA BLO GROS KYIS, ,RDZOGS LDAN BZHIN DU BYA BAR NUS NA YANG, ,SKAL NGAN RNAMS KYIS SA 'OG GTER BZHIN SBAS, ,DA NI DUS LA SDOD PA MED PA DANG, ,LANG TSO'I DPAL YANG STON KA'I SPRIN LTAR G-YO, ,SKYE BO PHAL CHER SKAL BA MED MTHONG NAS, ,MANG THOS BDAG NI GCIG PUR CHOS DON SEMS, ,TSE 'DI 'BA' ZHIG DON GNYER 'KHOR NANG DU, ,CHAGS SDANG 'DU 'DZIS 'DA' BA'I GO SKABS NAS, ,RTZOD PA LHUR LEN TSIG 'GA'I BSHAD PA LA, ,MKHAS PA NGA NI SKYUGS PA BZHIN DU BLTA, ,RANG YUL NYE DU LONGS SPYOD KUN BOR NAS, ,RTZE GCIG DAM CHOS BSGRUB BAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED PA SMYON PA YIN, ,CHOS DANG CHOS MIN RNAM DBYE LEGS RTOGS NAS, ,DA DUNG CHOS LTAR BCOS PA'I GZUGS BRNYAN LA, ,CHAGS SHING BAG MED RNAM G-YENG LHUR LEN NA, ,BDAG LA SEMS MED GYUR PA GDON MI ZA, ,RGYAL BA'I DGONGS ZAB MTHAR THUG RGYAL BA DANG, ,MTSUNGS PA'I BLA MA'I MAN NGAG LEGS RTOGS NAS, ,DE DON RTZE GCIG BSGRUBS NA RANG GZHAN GYI, ,GTAN GYI MDUN MA 'GRUB BAR SHES BZHIN DU, ,DA DUNG GZHAN ZER SNYAN DANG MI SNYAN DANG, ,DON CHUNG TSE 'DI'I KHE NYEN BRTZI BRTZI NAS, ,PHYI BSHOL DANG LA DON MED DUS 'DA' NA, ,CHOS BRGYAD GDON GYIS ZIN

PA'I SNYING RUL YIN, ,GTING NAS NGES PA MA RNYED BLUN PO DAG ,ZAB MO BSGRUB LA MI GUS MTSAR CI YOD, ,GTING NAS ZAB MO'I LAM LA YID CHES NAS, ,DE DON MI BSGRUB DE LAS KHREL BOR SU, ,CI'ANG MI SHES KHA CIG TSE 'DI LA, ,BLTOS MED BSGRUB LA BRTZON PA MTHONG BA'I TSE, ,NYAMS LEN GNAD LA CHES MKHAS RNAM G-YENG GI ,RGYAR CHUD GYUR PA SHIN TU NGO YANG TSA, ,DE PHYIR MDO RGYUD BLA MA'I MAN NGAG DON, ,LEGS PAR KHONG DU CHUD PAS YID DRANGS NAS, ,NAM ZHIG 'DI DON BSGRUB PAR 'GYUR SNYAM DU, ,MKHAS PA NGA NI 'DI NYID 'BA' ZHIG SEMS, ,MI DBANG DU MA'I COD PAN NOR BU'I 'OD, ,RKANG MTHIL RDUL LA RTZE BA THOB PA DANG, ,RTZVA RTZE'I ZIL PAS SEN MO NYER MCHOD BA, ,MKHAS PA BDAG LA PHAN PAR PHYI MA 'GYUR, ,ZANG ZING LONGS SPYOD RMI LAM DPAL 'BYOR DANG, ,MTSUNGS BAR RIG CING RGYAL BAS SMAD MTHONG NAS, ,MKHAS PA BDAG NI BA TSVA'I MCHOD YON LTAR, ,RNYED BKUR GNAS LA MTHUN PAR 'DZIN MA YIN, ,BRAG CHA'I DBYANGS KYIS BDAG RGYUD KHENGS MI 'GYUR, ,DUS MIN SNYAN GRAGS BDUD KYI PHO NYA NI, ,DE LTA MIN ZHES TSIG GI MCHOD SBYIN LA, ,MKHAS PA BDAG NI RE BA LHUR MI BYED, ,MCHE BA MI BZAD SBAR MO'I SHUGS 'CHANG BA, ,GANGS RI 'DZIN PA'I GDONG LNGA'I DBANG PO NI, ,LCAGS KYIS BCINGS NAS BTZOG CHUS 'TSO BA YI, ,SGO KHYIR BYED 'DOD MKHAS PA'I BZHAD GAD YIN, ,DE LTAR SMRAS 'DI DAM PA'I MDZAD PA LA, ,BLTA BAR 'DOD PA'I DGE

, ,SLONG DGE LEGS DPAL, ,BZANG POS MDANGS CAN RI BO'I NGOS LAS NI, ,RANG GI RTOGS BA GTAM DU BSNYAD PA YIN, ,ZHES BKA' STZAL TO, ,MKHAS GRUB THAMS CAD MKHYEN PA 'DI NI RANG DANG GZHAN GYI GRUB MTHA' RGYA MTSO LTA BU'I PHA ROL TU BYON ZHING, RJE BTZUN 'JAM PA'I DBYANGS DANG BCOM LDAN DPAL HE RU KA LA SOGS PA LHAG PA'I LHA MANG BOS RJES SU BZUNG BA DPAL YE SHES KYI MGON PO PHYAG DRUG PA DAM CAN CHOS KYI RGYAL PO GUR GYI MGON PO DPAL MGON ZHAL BZHI PA SOGS DAM CAN CHOS SRUNG RNAMS KYIS RGYUN DU ZHAL BSTAN TE BKA' BZHIN DU BSGRUBS PAS ZHI RGYAS DBANG DRAG GI LAS GANG LA'ANG THOGS PA MED PA DANG, RJE BTZUN 'JAM PA'I DBYANGS KYIS ZHAL BSTAN PA DANG, ,RDO RJE RNAL 'BYOR MAS ZHAL BSTAN PA DANG, ,LHA MO DBYANGS CAN MAS ZHAL BSTAN PA DANG, ,SA RA HA DANG 'PHAGS PA KLU SGRUB SOGS PAn GRUB MANG POS ZHAL BSTAN TE BYIN GYIS BRLABS PA'I RNAM THAR MANG DU MCHIS TE, 'DIR MTHA' DAG BKOD NA MANG DU DOGS PA DANG, GSANG BA BSGRAGS PAR YANG 'GYUR DOGS NAS MA BKOD PAS GSANG BA'I RNAM THAR DAG LAS SHES PAR BYA'O, ,DON 'DI DAG LA THAMS CAD MKHYEN PA DGE 'DUN GRUB PAS, ZHING 'DIR KHYOD SKU'I NYIN BYED SHAR BA'I TSE, ,LOG SMRA 'BYUNG PO'I BYA RNAMS LONG GYUR CING, ,GSUNG RAB 'DAB RGYA'I TSAL KUN RGYAS MDZAD PA, ,

SNGON MED NYI MA MCHOG LA GSOL BA 'DEBS, ,LHA DANG BCAS PA'I RGYAL SRID YONGS RDZOGS LA, ,CHOS KYI 'KHOR LOS 'DOD DGUR DBANG BSGYUR BA, ,CHOS KYI RGYAL PO MKHAS GRUB DGE LEGS DPAL, ,BZANG PO'I ZHABS LA GUS PAS GSOL BA 'DEBS, ,RGYA CHEN BSOD NAMS RING NAS BSKRUN PA'I MTHUS, ,RANG DANG GZHAN GYI TSE RABS BRGYA STONG KUN, ,JI BZHIN DRAN PA'I SNGON GNAS MKHYEN PA SOGS, ,MNGON SHES THOGS MED MNGA' LA GSOL BA 'DEBS, ,GZHON NU NYID NAS KHYOD SKU'I LHUN PO NI, ,CHOS GOS MTSAMS SPRIN GZHON NUS RAB 'KHYUD CING, ,MKHAS MANG GSER RI'I DBUS NA YON TAN GYI, ,BANG RIM MNGON PAR MTHOL GSOL BA 'DEBS, ,TSE RAB KUN TU LHAG PA'I LHA RNAMS KYIS, ,RJES SU BZUNG NAS LEGS PAR SBYANGS PA LAS, ,BKA' DANG BSTAN BCOS KUN GYI TSIG DON LA, ,MKHAS PA'I MKHAS PA KHYOD LA GSOL BA 'DEBS, ,ZHES DANG, 'DI NA CHOS KYI DUNG CHEN 'BUD PA LA; ;DA LTA KHYOD LAS MCHOG GZHAN MA MA CHIS ZHES, ,DAM CAN RGYA MTSO'I TSOGS KYIS MGRIN GCIG TU, ,MGON KHYOD MCHOG TU BSNGAGS LA GSOL BA 'DEBS, ,BGEGS DPUNG 'JOMS PA'I MTHU RTZAL MTHA' YAS PA'I, ,PHYI NANG BSTAN SRUNG RGYA MTSO'I TSOGS RNAMS KYIS, ,KHYOD KYI BKA' DANG DAM LAS MI 'DA' BAR, ,TSUL BZHIN 'PHRIN LAS BSGRUBS LA GSOL BA 'DEBS, ,ZHES BSNGAGS SO, ,MKHAS GRUB CHEN PO 'DI

, ,NI BLA MA DANG LHAG PA'I LHA DBYER MED PA'I RNAL 'BYOR LA THUGS DAM GYI MTHIL DU MDZAD PAS RJE BTZUN TZONG KHA PA CHEN PO ZHING GSHEGS NAS KYANG DNGOS DANG RMI LAM CI RIGS PAR YANG DANG YANG DU ZHAL BSTAN NAS GDAMS PA DANG RJES SU BSTAN PA YANG YANG STZOL BAR MJED PA ZHIG STE, LAN CIG ZAB MO DBU MA'I LTA BA'I DKA' GNAS PHRA MO ZHIG LA DOGS PA ZHIG BYUNG BA'I TSE RMI LAM DU, RJE BTZUN TZONG KHA PA CHEN PO GSAL BAR BYON NAS MDO SDE DKON MCHOG BRTZEGS PA'I 'OD SRUNGS KYI LE'U GSAL BAR GSUNGS PAS DGOGS PA LHAG MA MED PAR CHOD DE ZAB MO'I GNAS LA 'KHRUL PA'I DRI MA THAMS CAD DANG BRAL BA ZHIG BYUNG, DON 'DI LA THAMS CAD MKHYEN PA DGE 'DUN GRUB PAS, RMI LAM DU YANG RJE BTZUN TZONG KHA PAS, 'ONG SRUNGS LE'U GSAL BAR GSUNGS PA'I TSE, ,LTA BA 'KHRUL PA'I DRI MA KUN BCOM NAS, ,CHOS NYID MNGON DU GYUR LA GSOL BA 'DEBS, ,ZHES BSNGAGS SO, ,KHYAD PAR DU YANG RJE BLA MA LA GSOL BA TAB PA TZAM GYIS ZHAL GZIGS PA CIG YOD PAS, LAN CIG CHOS GROL NAS NANG DU PHEBS PA'I SKABS SHIG LA RJE BLA MA DRAN NAS, LAR SEMS CAN 'DI RNAMS BSOD NAMS MA BSAGS PAS YONGS 'DZIN DAM PAS MA ZIN, 'DUS BYAS RTAG PAR BSGOMS, CHOS RNAMS BDEN GRUB TU 'DZIN, ,LONGS SPYOD LA 'BAD RTZOL CHER BTANG NAS BSGRUBS,

TSE 'DI'I SNYAN GRAGS LA THOB BYA MTHAR THUG TU BZUNG, RJE RIN PO CHE'I LEGS BSHAD 'KHRUL PA PHRA MO TZAM YANG MED PA BSTAN PA'I SNYING PO CHOS PHUNG BRGYAD KHRI BZHI STONG GI BRJOD BYA MTHAR THUG CHES CHER DKON PA RDO RJE 'CHANG GI GO 'PHANG TSE 'DI NYID LA MNGON DU BYED NUS PA'I LAM ZAB MO ZHAL SHES DANG BCAS PA 'DI LTA BU NYIN MTSAN DU 'BAD NAS BSHAD KYANG, SKAL BA DANG MI LDAN PAS BSHES GNYEN NGAN PA CI YANG MA BSLABS SHING DAM PA'I GDAMS NGAG MED PA, SHES RAB DANG BRAL ZHING BDUD KYI BAR CHAD KYIS KHYER BA, TSE 'DI'I 'DOD YON LA SRED PAS NGO TSA KHREL MED LA YON TAN DU BYAS NAS MI TSE HRIL PO GTI MUG GAM, CANG MED BSGOM PA DUD 'GRO LTA BU ZHIG GI MDUN DU CHOS BRGYAD KYI TSIG RE NYAN ZHING, ,KUN SPYOD KHYI PHAG LTAR ROL PA 'DI DAG BLANG DOR SHES PA CIG GIS LTOS DANG, GTAM DRANG POR SMRAS NA MTSANG LA PHOG ,MA SMRAS NA SEMS CAN 'DI RNAMS LA SNYING BRTZE BAS MI BZOD PAR 'DUG ,DES NA CUNG ZAD SMRAS PA YIN, LOG PA'I LAM DU ZHUGS PA'I SEMS CAN 'DI RNAMS LA GZIGS DANG ZHES THUGS SHIN TU SKYO NAS SPYAN CHAB MANG DU SHOR SHING, MCHOD PA BZANG PO BSHAMS NAS GSOL BA BTAB PAS, GLANG PO CHE DKAR PO MCHE BA DRUG LDAN LUS GSER GYI DRIL BU DANG RIN PO CHE'I RGYAN GYIS BRGYAN PA'I STENG DU RJE RIN PO CHE SNGAR GYI DBYIBS JI LTA BAR BYON NAS, BU SEMS MI DGA' BA MI DGOS, BLA MA

, ,DRAN NA SNGAR BSAGS KYI SDIG PA 'DAG CING BSOD NAMS KYI TSOGS GSOG PA YIN, NGED RANG DPON SLOB KYI MDUN MA LEGS, RJE BTZUN MI LAS KYANG BLA MA DRAN NAS BLA MA DRAN MGUR MDZAD PA YIN, NGA'I BSTAN PA RGYAS PAR GYIS GSUNG, YANG LAN CIG LTA BA DANG BSKYED RDZOGS KYI GNAD PHRA BA CIG LA THE TSOM BYUNG NAS BDAG GI BLA MA DE BZHUGS NA ZHU BA YIN PA LA, DA THAG CHOD PA'I ZHU SA GZHAN NI MED SNYAM DU DGONGS NAS MAndAL PHUL NAS GSOL BA BTAB PAS, GSER GYI KHRI RIN PO CHE'I RGYAN GYIS SPRAS PA ZHIG LHA'I BU MANG POS BTEG PA'I STENG DU RJE BLA MA BZHUGS PA DNGOS SU BYON NAS, NGA'I STAGS MTSAN NYID KYI LAM RIM GNYIS KYIS GTZO BYAS PA'I YIG CHA RNAMS LTOS DANG KHA CHEMS KYI TSAB YIN GSUNGS NAS GANG LA THE TSOM BYUNG BA'I LTA BA DANG BSKYED RDZOGS KYI BKA' GNAD RNAMS ZHIB TU GSUNGS SHING DBANG RJES GNANG KHA YAR GNANG, YANG SKABS SHIG TU RJE'I GSUNG RAB RNAMS KYIS THUGS PHROGS NAS, SDE SNOD GSUM DANG RGYUD SDE BZHI'I GSUNG RAB DGONGS 'GREL DANG BCAS PA'I DGONGS DON LAM GYI GO RIM GRANGS NGES, SHING RTA'I SROL 'BYED RNAMS KYI BZHED PA JI LTAR YIN PA DANG, KHYAD PAR SGYU LUS 'OD GSAL SOGS ZAB LAM GYI RNAM GZHAG, DE YANG, 'DUL BA NAS BZUNG STE SHIN TU SPROS MED KYI BAR THAMS CAD GANG ZAG GCIG 'TSANG RGYA BA'I THABS

SU HRIL GYIS DRIL NAS STON CING LAM GYI LUS YONGS SU RDZOGS PA 'DI LTA BU STON PA NGA'I BLA MA TZONG KHA PA CHEN PO MA GTOGS RGYA BOD GANG DU YANG MA BYUNG 'DUG SNYAM PA'I DAD PA CHEN PO 'KHRUNGS NAS, GSOL BA DRAG TU BTAB PAS , RJE RIN PO CHE SENG GE LA CHIBS PA, SKU MDOG DMAR SER RAL GRI DANG GLEGS BAM 'DZIN PA GZHON NU RAL PA'I THOR TSUGS DANG RIN PO CHES BRGYAN PA'I RJE BTZUN 'JAM DBYANGS KYI CHA BYAD DU BYON NAS, NGA'I BU SEMS MI DGA' BA BYA MI DGOS SPYIR SEMS CAN GYI RIGS LA SNA TSOGS 'ONG, KHYAD PAR DA LTA SNYIGS MA'I DUS SU MI RTAG PA DANG NGAN SONG GI SDUG BSNGAL MA DRAN PAS RNYED BKUR SOGS LA ZHEN CING TSE 'DI'I MDUN MA BSGRUBS NAS PHYI MA'I DON LTA ZHOG TSE PHYI MA JI LTAR 'GYUR SNYAM PA'ANG DKON, CHOS BYED 'DOD CUNG ZAD YOD KYANG PHYI BSHOL DU SONG, CHOS BYED BAR SHOM PA TSO YANG BSHES GNYEN MTSAN NYID DANG LDAN PA RNYED DKA' ZHING, DE'I LEGS BSHAD GO BAR DKA', SHES KYANG TSE 'DI BLOS BTANG NAS SGRUB PA SNYING POR BYED PA NYIN MO'I SKAR MA LAS DKON PAR 'DUG ,KHO BOS BLA MA DANG YI DAM LA GSOL BA BTAB NAS TSOGS BSAGS SGRIB PA SBYANGS GZHUNG LUGS KYI DON LA BRTAGS SHING MTHA' DPYAD PA'I LEGS BSHAD RNAMS BLTAS LA YID CHES PAR BYAS NAS NYAMS SU BLANGS NA SANGS RGYAS LAG MTHIL DU RNYED PA LTAR THOB SLA BAR YOD KYANG BYED MKHAN NYUNG, 'ON KYANG SNOD RUNG

, ,GI GDUL BYA RE GNYIS BYUNG NA DE DAG LA PHAN PAR GYIS, KHYAD PAR SNGAGS KYI GZHUNG RNAMS RGYAS BAR GYIS DANG SKYE BA PHYI MA 'PHRAD PA YIN GSUNGS, YANG SKABS SHIG TU MYUR MDZAD YE SHES KYI MGON PO 'KHOR BCAS BYON TE ZHAL NAS SH'A SA NA'I SNGAGS 'DREN ZHING BSKOR BA BYAS TE, KHYOD KYIS NGA'I SGRUB SKOR LAS KHA TSAR DANG BCAS PA TSANG BAR RTZOMS SHIG GSUNG BA ZHIG BYUNG BAS , MGON PO'I BE'Um BUM CHA LAG DANG BCAS BA MDZAD DO, ,DE NAS LCAGS MO PHAG GI LO RGYAL TSAB THAMS CAD MKHYEN BA GNAS RNYING DU PHEBS PA MJAL BAR BYON BAS RGYAL TSAB RIN PO CHES MKHAS GRUB RIN PO CHE LA DGA' LDAN GYI GDAN SA BYED DGOS PA'I BKA' GNANG BA BZHIN YAB SRAS LHAN DU DBUS SU BYON, 'JAM DBYANGS CHOS RJE SOGS 'BRAS SPUNGS KYI DGE 'DUN TSANG MAS YAB SRAS GNYIS KA LA GUS 'DUD BLA MED MDZAD CING CHOS KYI BKA' DRIN ZHUS, DE NAS DGA' LDAN DU PHEBS PA NA GNAS BRTAN RIN CHEN RGYAL MTSAN BAS GTZOS DGA' LDAN GYI DGE 'DUN TSANG MAS ZHABS SPYI BOR BLANGS TE GUS PA BLA MED MDZAD CING, RGYAL TSAB THAMS CAD MKHYEN PA ZUR BZHUGS MDZAD DE, MKHAS GRUB THAMS CAD MKHYEN PA GSER KHRIR PHEBS TE RGYAL TSAB TU MNGA' GSOL, DE NAS RJE BLA MA'I GDAN SA LUGS GNYIS KYI SGO NAS LEGS BAR BSKYANGS TE,

LO RE BZHIN LAM RIM GYI KHRID RGYAS PA RE DANG GZHAN YANG DBANG LUNG MAN NGAG MTHA' YAS PA STZAL ZHING RGYAL BA GNYIS PA'I BSTAN PA RIN PO CHE MI NUB BA'I RGYAL MTSAN BTZUGS, CHOS KYI 'KHOR LO BSKOR, CHOS KYI SGRA DBYANGS CHEN PO BSGRAGS TE SMRA BA NGAN BA THAMS CAD TSAR BCAD, RJE BLA MA'I BSTAN PA RGYAL MTSAN GYI RTZE MO'I YID BZHIN GYI NOR BU LTAR GUS PAS MCHOD CING, RNAM PA KUN NAS BSRE BSLAD MED PAR RNAM PAR DAG PA 'DZIN BAS 'DZIN MA'I KHYON KUN KHYAB PAR MDZAD, GSER GDUNG GI DBU THOG TU GSER PHIBS GSAR BSKRUN SOGS SRI ZHU PHU DUD BLA NA MED PA MDZAD, DGA' LDAN DU SHING RTA CHEN PO'I GZHUNG LUGS RNAMS LA BSHAD GRA GSAR 'DZUGS MDZAD DE, MKHAS PA CHEN BO SH'AKYA SHR'I, SNON PA DPAL LDAN PA, BLA MA YAR 'BROG PA, RJE CHOS GRAGS PA DANG BZHI SLOB DPON DU BSKOS NAS MTSAN NYID KYI BSHAD GRVA BTZUGS TE CHES CHER DAR BAR MDZAD DO, , MKHAS GRUB RIN PO CHE 'DI NI SKU DANG SROG LA'ANG BLTOS PA MED BAR 'JAM MGON BLA MA'I BSTAN PA 'DZIN PA LA RNAM PA KUN TU G-YEL BA MED PA ZHIG STE, DGA' LDAN DU BZHUGS SKABS SPOM 'BOR SGANG GNAS GDAN 'DREN GYI ZHU BA NAN CHER BYUNG YANG RJE RIN PO CHE'I BSTAN BA'I SROG SHING 'DZIN PA LA SKAD CIG KYANG MI G-YEL BAR GZHAN GYI BSNYEN BKUR GYI PHYIR 'BYON PAR MA MDZAD BAR, AOm SVA STI, DGE BA'I BSHES GNYEN SHES RAB BZANG PO BDE BAR 'DOD

, ,PA'I GNAS SU PHYIN TE, KHO BO LA 'PHRIN YIG DGOS PA CHEN PO'I GTAM RGYU MTSAN DU MAS BSNYAD PA DANG BCAS PA BSKUR BA DANG, GZHAN YANG BSHES GNYEN BGRES PA RNAMS KYIS THUN MONG DU BSNYAD PA'I YI GE DAR YUG BDUN GYI RTEN DANG BCAS PA MNGAGS PA'I DGE BSHES GNYIS KYIS 'PHROD PAS YID SIM, BRJOD PAR BYA BA NI, YAB RJE DAM PA'I BKA' SROL ZLA MED PA, ,YONGS SU RDZOGS PA'I BSTAN PA'I KHUR CHEN NI, ,SHIN TU LCI BAS BDAG SNYING CI YANG NON, ,'ON KYANG NGAL BA'I 'DU SHES MCHIS MA LAGS, ,DE PHYIR SNGON CHAD THUB BSTAN NYI MA'I 'OD, ,GANG DU BRAL BA'I MTHA' 'KHOB MUN GLING DU, ,DRI MED BSTAN PA'I SGRON ME 'DZUGS PA LA'ANG, ,BDAG NI NAM YANG ZHUM PA MA MCHIS MOD, ,DE LTA NA YANG GANGS CAN BSTAN PA'I GZHI, ,SKYES MCHOG DU MAS GANG DU BTZUGS PA'I GNAS, DA LTA'ANG DAM CHOS MA LUS 'BYUNG BA'I KHUNGS, ,DBUS GTZANG DAG PA'I ZHING ZHES GRAGS MOD KYI, ,LEGS PAR BRTAGS NA BSTAN PA'I GZUGS BRNYAN TZAM, ,'DI YANG SNUM ZAD MAR ME JI BZHIN GYUR, ,THUB PA'I GCES MDZOD GANG YIN RTZVA LTAR 'DOR, ,BLO NGAN LOG PA'I GZHUNG LUGS NYIN BZHIN 'PHEL, ,RANG DGAR SPYOD PA BDUD KYI PHO NYA NI, ,MANG POS BKUR BA'I BSHES GNYEN TSUL 'DZIN PA, ,BSTAN PA'I RGYAL MTSAN SNYIL LA CHER

BRTZON PA'I, ,DPUNG TSOGS DU MAS THA GRU KUN TU KHYAB, ,TSUL 'DIR GYUR KYANG BLO GROS MIG LDAN PA, ,CHOS DANG CHOS MIN 'BYED LA MA ZHUM PA'I, ,BSTAN PA'I KHUR 'DZIN BSHES GNYEN CHES CHER DKON, ,DE BAS DE RJES 'JUG PA'ANG SHIN TU DKON, ,TSUL 'DI YID LA SHIN TU BRANG DKA' NAS, ,BDAG KYANG 'BAD PA DU MAS BSTAN PA'I KHUR, ,YAB RJE DAM PA'I RING LUGS YONGS RDZOGS PA, ,PHYOGS 'DIR 'DZIN LA BLO GROS SHIN TU 'CHEL, ,PHYOGS 'DIR BSTAN PA'I LJON SHING RTZA BA NAS, ,CHOS MIN NYES BSHAD STA RES BCAD PA NA, ,LAN CIG YAL GA CUNG ZAD PHYOGS GZHAN DU, ,'PHEL YANG DGOS PA CHUNG BAR BDAG GIS MTHONG, ,DA LTA PHYOGS 'DIR CHOS MIN DPUNG TSOGS DGRA, LEGS BSHAD BSTAN PA'I RU MTSON KHO BOS 'DZIN, ,DE PHYIR KHO BOS PHYOGS 'DI GTANG BA NA, ,THUB PA'I GCES MDZOD SU YIS 'DZIN PA SMROS, ,DE PHYIR KHYED CAG LHAG BSAM DGE MOD KYI, ,BDAG GIS KHYED KYI JI LTAR BZHED PA'I DON, ,KHAS BLANG BGYI BA'I DAM BCA' RDO MI THOG ,DON 'DI DGONGS NAS RING 'ONGS SKYE BO KUN, ,RNAM DAG DGONGS PA RDZOGS PA'I BSHES GNYEN MCHOG ,LTA SPYOD BZANG LDAN GZHAN LA GSOL BA THOB; ;BDAG LA KHYED KYIS BZOD PA'I BKA' DRIN MDZOD, ,'DI YI GNAS LUGS DGE BSHES RNAMS LA GSAL, ,PHYOGS DUS KUN TU BKRA SHIS 'PHEL GYUR CIG ,CES SPOM 'BOR SGANG DU CHOS BAR LA 'ONG BAR RIGS SO ZHES BSKUL

, ,PA'I LAN DU BTZUN PA DGE LEGS DPAL BZANG POS SMRAS PA'O, ,ZHES GSUNGS SO, ,DE NAS DUS NAM ZHIG NA RJE THAMS CAD MKHYEN PA DRAN NAS, NGA'I BLA MA GANG NA BZHUGS YOD SNYAM DU SKU LUS 'DAR BA DANG, BA SPU G-YO ZHING SPYAN CHAB DANG BCAS NAS, RJE BTZUN RDO RJE 'CHANG, SEMS CAN DMU RGOD KYI SPYOD PA LA GZIGS SHIG ,KHYED KYI BSTAN PA YANG MYUR DU SDUD PA 'DRA, KHO BO BLA MA KHYED KYI DRUNG DU NAM ZHIG 'ONG, ZHES GSOL BA DRAG TU BTAB PAS; RJE RIN PO CHE STAG CHEN PO 'JIGS SU RUNG BA ZHIG LA CHIBS NAS RNAL 'BYOR PA'I CHA LUGS SKU MDOG DMAR PO SPYAN DANG SHANGS CHE BA, SNUM ZHING BKRAG PA PHYAG G-YAS RAL GRI NAM MKHA' LA 'PHYAR ZHING, G-YON KA P'A LA BDUD RTZIS GANG BA THUGS KAR BZUNG BA, GRUB CHEN BRGYAD CUS BSKOR BA ZHIG BYON NAS, BU SNYING MI DGA' BA BYA MI DGOS, ,NGAS KHYOD BZHAG NAS GANG DU YANG MI 'GRO, NGA DRAN NA NGA YI YIG CHA 'DI RNAMS LTOS, ,NGA DNGOS SU YOD KYANG 'DI LAS SMRA RGYU GZHAN MED, SEMS CAN RNAMS BSOD NAMS CHUNG NGUR SONG NYON MONGS RAGS BSTAN PA'I MJUG SDUD PA'I 'GO YANG BRTZAMS 'DUG ,KHYOD RANG YANG MKHA' SPYOD DU 'ONG BA'I 'DUN PA THONGS GSUNGS, DE NAS MI RING BA NA DA RANG 'GRO BA'I 'DUN PA BYAS NA LEGS PA 'DRA SNYAM DU DGONGS NAS GSER GYI MAndAL DANG BCAS GSOL BA BTAB PAS, RJE RIN PO CHE SNGAR GYI JI LTA BA BZHIN DU SPRIN DKAR PO ZHIG GI NANG DU BYON NAS, BU DA NI MYUR DU 'ONG BA'I GRABS GYIS

BDAG GIS BSU MKHAN GTONG GSUNGS, DE'I TSE RJE RIN PO CHE DA LTA GANG DU BZHUGS BDAG KYANG DER 'ONG LAGS ZHUS PAS, SPYIR NGA'I SPRUL PA DGA' LDAN MKHA' SPYOD 'DZAM BU'I GLING SOGS SU MANG, DA LTA RGYA NAG RI BO RTZE LNGAR DGE SLONG RDO RJE 'DZIN PA STONG PHRAG BRGYAD BRGYA RE TZAM LA SNGA DRO DBU MA DANG LAM RIM ,PHYI DRO BDE GSANG 'JIGS GSUM GYI BSKYED RDZOGS 'CHAD KYIN YOD KHYOD RANG YANG DER 'ONG BA'I 'DUN PA THONGS, RING POR MI THOGS PAR PHRAD PA YIN GSUNG, 'O NA GDUL BYA GZHAN GYIS GSOL BA BTAB NA ZHING DER SKYE ZHING GSUNG GI BDUD RTZI MYONG NGAM ZHUS PAS, KHO BO DANG RJE BTZUN 'JAM DBYANGS DBYER MED DU GSOL BA BTAB NA RJES SU 'DZIN CING ZHING DER SKYE YANG DE LTAR BYED MKHAN MED PAS LAN GSUNGS PAS, RJE RIN PO CHE DANG RJE BTZUN GYIS RJES SU 'DZIN PA'I RGYU LA JI LTAR DGOS ZHUS PAS, RGYU THUN MONG MA YIN PA NI, NGES 'BYUNG DANG BYANG CHUB KYI SEMS DANG LTA BA RNAM PAR DAG PA GSUM RGYUD LA BSKYED CING BLA MA DANG RJE BTZUN 'JAM PA'I DBYANGS DBYER MED PA LA RTZE GCIG TU MOS PA CIG DGOS GSUNGS ,GZHAN JI LTAR BSGRUB DGOS LAGS ZHUS PAS ,NGA DANG RJE BTZUN GYI SKU GSUNG THUGS RTEN BZHENGS, BLA MA DANG RJE BTZUN 'JAM PA'I DBYANGS DBYER MED 'BRAL MI RUNG DU GSOL PA BTAG BSTOD PA DANG, SMON LAM TSIG TZAM MIN PAR 'DEBS, LAS 'BRAS LA YID CHES DANG STOBS BZHI'I BSHAGS BSDAM LA 'BAD PAR BYAS NA RJES SU 'DZIN PAR THE TSOM MED GSUNG, DE'I TSE, RJE BTZUN BLA MA BLO BZANG GRAGS PA'I DPAL, MOS GUS SNYING NAS

, ,YID KYIS GSOL 'DEBS NA, ,MGON KHYOD GANG DU BZHUGS PA'I ZHING KHAMS DER, ,BDAG KYANG MYUR DU 'ONG BAR BYIN GYIS RLOBS, ,ZHES SMON LAM BTAB BO, ,DE NAS SKU TSE 'DI'I DNGOS KYI GDUL BYA RDZOGS NAS RJE RIN PO CHE'I ZHABS DRUNG DU 'BYON PAR DGONGS PA'I TSE MYUR MDZAD YE SHES KYI MGON PO BYON NAS BSTAN PA'I BDAG PO KHYED MED NA RJE'I BSTAN PA SUS 'DZIN ZHES DANG, MGON PO ZHAL BYON NAS, RJE DANG MGON PO KLU SGRUB LA KHYAD MED, KHYOD MED NA KLU SGRUB NAS BRGYUD PA'I RJE BLA MA'I LTA BA RNAM DAG SUS 'DZIN, KHA LTA MKHAN MANG STE ZHES ZHAL NAM MKHA' LA GZIGS SO, ,DE NAS DAM CAN CHOS RGYAL 'KHOR DANG BCAS PA BYON NAS, BDAG CAG RNAMS RJE BLA MA'I BKA' SDOD THUN MONG MA YIN PAR GSHIN RJE'I GSHED KYIS BKA' BSGOS PA YIN, RJE BLA MAS BDAG CAG RNAMS NYID BSU BA LA BTANG BA YIN ZER BA DANG, LHA'I BU MANG PO GDUGS DANG RGYAL MTSAN DANG BA NGAN LA SOGS PA MCHOD RDZAS MANG PO KHYER NAS BSU BA SOGS ZHING GZHAN DU 'BYON PA'I LTAS NGO MTSAR BA MANG DU BYUNG ZHING, DGUNG LO NGA BZHIR PHEBS PAS PHO RTA'I LO HOR ZLA GNYIS PA'I TSES NYER GCIG LA DGA' LDAN KHRI THOG TU SKU'I BKOD PA BSDUS TE BU PHA KHYIM DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,DE NAS SKU GDUNG ZHUGS LA PHUL BAS GDUNG

RING BSREL MANG DU BYON PA RNAMS DNGUL DKAR LAS GRUB PA'I RNAM RGYAL MCHOD RTEN BZHENGS TE DE'I NANG DU BZHUGS NAS DGA' LDAN RNAM PAR RGYAL BA'I GLING DU 'GRO BA'I BSOD NAMS KYI ZHING DU BZHUGS SO, ,MKHAS GRUB BDAG NYID CHEN PO 'DIS PHYI RABS KYI GDUL BYA RNAMS KYI DON DU BSTAN BCOS MDZAD PA NI RJE BDAG NYID CHEN PO'I NGO MTSAR RMAD DU BYUNG BA'I RNAM PAR THAR PA DAD PA'I 'JUG DOGS, RJE BDAG NYID CHEN PO'I GSANG BA'I RNAM THAR RIN PO CHE'I SNYE MA, RJE BDAG NYID CHEN PO'I DGONGS PA LTAR DRI MA MED PA'I RIGS PA'I LAM SROL GSAL BAR BYED PA'I BSTAN BCOS TSAD MA RNAM 'GREL GYI t'IKA CHEN RIGS PA'I RGYA MTSO, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA'I RNAM BSHAD RTOGS DKA'I SNANG BA, STONG THUN SKAL BZANG MIG 'BYED, BYANG BDAG PO NANG SO RNAM RGYAL GRAGS PA'I DRIS LAN RGOL NGAN TSAR GCOD, PHYIN CI LOG GI GTAM GYI SBYOR BA LA ZHUGS PA'I SMRA BA NGAN PA RNAM PAR 'THAG PA'I BSTAN BCOS GNAM LCAGS 'KHOR LO, TSAD MA SDE BDUN GYI RGYAN YID KYI MUN SEL, MNGON SUM LE'U'I t'IKKA RJE'I GSUNG BZHIN BKOD PA, DAM BCA' BCU PA, YIG RIGS DRUG CU RTZA BZHI'I RNAM GRANGS, SDOM PA GSUM GYI RNAM PAR BZHAG PA MDOR BSDUS TE GTAN LA DBAB PA'I RAB TU BYED PA THUB BSTAN RIN PO CHE'I BYI DOR, BYANG SEMS DANG RIG PA 'DZIN PA'I PHYIR BCOS, SDOM PA NYI SHU PA, RTZA

, ,LTUNG BCU BZHI PA, SBOM PO BRGYAD PA DANG BCAS PA'I RNAM BSHAD SNGAGS BYANG SEMS KYI BSLAB BYA MDOR BSDUS, DPAL GSANG BA 'DUS PA'I MNGON RTOGS KYI LHAN THABS, GSANG BA 'DUS PA'I MDUN BSKYED KYI LHAN THABS, GSANG BA 'DUS PA'I DKYIL CHOG GI LHAN THABS, 'DUS PA'I RDO RJE SEMS DPA' MNYES PAR BYED PA'I CHO GA'I NGAG 'DON, GSANG BA 'DUS PA'I RDZOGS RIM ZIN BRIS, GSANG BA 'DUS 'JAM PA'I RDO RJE LHA BCU DGU'I SGRUB THABS KYI LHAN THABS, DPAL RDO RJE 'JIGS BYED KYI BSKYED RIM CHEN MO, 'JIGS BYED KYI BSRUNG 'KHOR, GSHIN RJE CHOS KYI RGYAL PO'I GTOR CHOG BAR CHAD KUN SEL, BCOM LDAN 'DAS 'KHOR LO BDE MCHOG YAB YUM LA MNGON PAR BSTOD PA'I RAB TU BYED PA, DPAL 'KHOR LO BDE MCHOG L'U AI PA'I LUGS KYI DKYIL 'KHOR GYI TSE GA BDE CHEN ROL MTSO, DPAL KYEE RDO RJE LHA DGU'I DKYIL 'KHOR GYI 'KHOR LO SGRUB PA'I THABS 'KHRUL PA SPONG BA, KYEE RDO RJE'I ZUR 'DEBS KYI CHO GA, KYEE RDO RJE'I MCHOD PHRENG SMON LAM SHIS BRJOD DANG BCAS PA, DUS KYI 'KHOR LO'I NYE BAR MKHO BA'I ZUR 'DEBS, DGE BA'I BSHES GNYEN BSOD NAMS RGYAL MTSAN GYI DRIS LAN, THAL LDOG GI DKA' GNAS DRIS LAN, DGE BA'I BSHES GNYEN SANGS RGYAS RIN CHEN GYI DRI BA'I LAN, LTA BA'I ZHAL SHES YIG CHUNG, ZAB MO RDO RJE THEG PA'I RNAL 'BYOR LA 'JUG PA'I LAM BSTAN PA

STONG PHRAG BCU GNYIS PA DRI MA MED PA'I 'OD KYI DKA' BA'I GNAS RNAM PAR 'BYED PA'I BRJED BYANG, 'DOD KHAMS DBANG PHYUG MA LA BSTOD PA, DPAL DUS KYI 'KHOR LO'I 'GREL CHEN DRI MA MED PA'I 'OD KYI RGYA CHER BSHAD PA LAS 'JIG RTEN KHAMS LE'I 'GREL BSHAD, 'GREL CHEN DRI MED 'OD KYI NANG LE'I 'GREL BSHAD, 'GREL CHEN DRI MED 'OD KYI DBANG LE'I 'GREL BSHAD, DPAL DUS KYI 'KHOR LO'I 'GREL CHEN DRI MED 'OD KYI RGYA CHER BSHAD PA LAS SGRUB LE'I 'GREL BSHAD, GSAN YIG ,GSUNG THOR BU, DKYIL 'KHOR GCIG THUN BZHIR BYED TSUL DANG DKYIL 'KHOR THA DAD PA THUN BZHIR SGOM TSUL GYI RNAM GZHAG, BCOM LDAN 'DAS DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI 'KHOR LO SGRUB PA'I THABS PADMA DKAR PO'I ZHAL LUNG, BCOM LDAN 'DAS DUS KYI 'KHOR LO'I DKYIL 'KHOR GYI LHA TSOGS LA MCHOD PA'I CHO GA KUN TU BZANG PO'I MCHOD SPRIN; DPAL DUS KYI 'KHOR LO'I SKU GSUNG THUGS YONGS SU RDZOGS PA'I THIG GDAB TSUL, DPAL DUS KYI 'KHOR LO'I DKYIL 'KHOR GYI CHO GA DGONGS PA RAB GSAL, DUS 'KHOR GYI DBANG BSKUR TSUL RJE'I GSUNG RGYUN BZHIN BKOD PA, DUS 'KHOR GYI DRI LAN, SA LAM GYI RNAM GZHAG MKHAS PA'I YID 'PHROG ,RGYUD KYI RGYAL PO DPAL GSANG BA 'DUS PA'I BSKYED RIM GYI RNAM BSHAD DNGOS GRUB RGYA MTSO, SBYOR BA YAN LAG DRUG GI RTZA TSIG DANG

, ,BCAS PA'I ZIN BRIS, SBYOR BA YAN LAG DRUG GI KHRID YIG GI SNGON 'GRO'I SKOR, RJE BTZUN MAR PA'I SNYAN RGYUD DPAL GSANG BA 'DUS PA'I KHYAD CHOS BSRE 'PHO SKOR GSUM DANG PHYAG RGYA BSTEN TSUL RTZA THIG RLUNG GSUM GYI GEGS SEL BOGS 'DON SOGS ZHAL SHES KYI GDAMS PA RJE BTZUN TZONG KHA PA CHEN PO'I ZHAL LAS BYUNG BA THUN MONG MA YIN PA SHIN TU GSANG BA, DPAL GSANG BA 'DUS PA'I SGRUB THABS KYI CHO GA'I NGAG 'DON LHAN THABS, DPAL GSANG BA 'DUS PA'I ZHI RGYAS KYI SBYIN SREG ,GSANG 'DUS 'JAM RDOR GYI LHAN THABS, BDE MCHOG DRIL BU LUS DKYIL GYI DBANG DU BYAS PA'I BSKYED RIM GYI DKA' GNAS 'GA' ZHIG, RDO RJE 'JIGS BYED LHA BCU GSUM MA'I BSKYED RIM RNAM PAR BSHAD PA, GSHIN RJE GSHED KYI 'KHRUL 'KHOR GYI CHO GA'I RNAM PAR BSHAD PA KHAMS GSUM LAS RNAM PAR RGYAL BA'I NYI 'OD, 'KHRUL 'KHOR RNAM BSHAD CHEN PO'I ZHAL SHES YIG CHUNG DANG YANG CHUNG, BCOM LDAN 'DAS DPAL KYEE RDO RJE'I SGRUB THABS 'KHRUL PA SPONG BA, KYEE RDO RJE LHA DGU'I DKYIL 'KHOR GYI CHO GA BDE BA CHEN PO'I 'JUG NGOGS, KYEE RDO RJE'I DKYIL 'KHOR GYI 'KHOR LO MCHOD PA'I CHO GA, MAN NGAG YID BZHIN NOR BU, MYUR MDZAD YE SHES KYI MGON PO 'KHOR DANG BCAS PA SGRUB CING GTOR MA 'BUL BA RGYUN GYI RNAL 'BYOR NYAMS SU LEN TSUL, SBAS PA'I GDAMS NGAG BE'U BUM NAG PO'I MAN NGAG ,YE SHES

MGON PO PHYAG DRUG PA'I CHOS SKOR LAS YIG CHUNG DMAR NAG GNYIS KYI MAN NGAG ZAB PA ZHUS THIG MA, RGYUD SDE SPYI'I RNAM PAR BZHAG PA RGYAS PAR BSHAD PA, DPAL BRTAG PA GNYIS PA'I RNAM PAR BSHAD PA RDO RJE MKHA' 'GRO MA RNAMS KYI GSANG BA'I MDZOD, LTA BA'I MTHA' DPYOD, THUN DRUG GI RNAL 'BYOR, DPAL KYE RDO RJE'I BSKYED RIM MNGON RTOGS KYI DRI LAN, RJE RIN PO CHE'I THUGS KYI BCUD PHYUNG BA'I MAN NGAG GSANG CHEN RGYUD SDE RGYA MTSO'I SNYING PO'I BCUD BSDUS PA SNYAN RGYUD ZAB MO YIG CHUNG NYER GCIG TU GRAGS PA RNAMS MDZAD DO, ,BDAG NYID CHEN PO 'DI LA RGYUD 'DZIN GYI SLOB MA NUB DZA LANDHA RA NAS SHAR PHYOGS RGYA MTSO CHEN PO LA THUG GI BAR DU KHYAB PAR BZHUGS PAS MTHA' DAG BGRANG BAR SU YIS NUS, GANGS RI'I KHROD 'DIR BSTAN 'DZIN DAM PA YONGS SU GRAGS PA'ANG CHES MANG LA RJE'I SNYAN RGYUD KYI MAN NGAG YONGS SU RDZOGS PAR 'DZIN PA'I THUGS SRAS MCHOG NI GCUNG BA SO BA RJE CHOS KYI RGYAL MTSAN TE; DE'I RNAM THAR NI DA LTA NYID DU 'CHAD PAR 'GYUR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB THAMS CAD MKHYEN PA LA GSOL BA 'DEBS SHING BDAG NYID CHEN PO 'DI'I RNAM THAR LTAR RJE BLA MA LA MI PHYED PA'I DAD PA BRTAN PO THOB PA DANG YANG DAG PA'I LAM LA DRI MA MED PA'I RIGS PA'I LAM NAS DRANGS PA'I NGES SHES BRTAN PO RNYED NAS MDO SNGAGS KYI LAM CHA TSANG LA BAG CHAGS CI THEBS BYA'O,, ,,

, ,` RAB 'BYAMS CHOS KYI DGONGS DON 'BYED PA LA, ,MKHAS MANG DBUS NA RGYAL MTSAN TOG LTAR MDZES, ,DPAL LDAN KLU SGRUB GNYIS PA CHOS KYI RJE, ,BZANG PO'I MTSAN CAN ZHABS LA GSOL BA 'DEBS, ,ZHES BSNGAGS PA, SNYAN RGYUD GDAMS PA'I MDZOD BSTAN PA RIN PO CHE'I SGOR ZHUGS, RAB TU BYUNG NAS RJE RIN PO LDOG GZHUNG DU YAB BYANG PA'I DPON RIGS BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU CHU PHO RTA'I LO SKU 'KHRUNGS SKU GZHON NU NAS KHYIM GYI 'DU 'DZI LA MA CHAGS PAR RGYAL BA'I BSTAN PA RIN PO CHE'I SGOR ZHUGS, RAB TU BYUNG NAS RJE RIN PO CHE YAB SRAS RNAMS KYI ZHABS LA GTUGS NAS DAM PA'I CHOS MANG DU GSAN ZHING KHYAD PAR MKHAS GRUB RIN PO CHE YONGS 'DZIN DU BSTEN NAS SDE SNOD GSUM DANG RGYUD SDE BZHIS BSDUS PA'I RGYAL BA'I BKA' DGONGS 'GREL DANG BCAS PA LA SBYANGS PAS MKHAS PA'I PHUL DU PHYIN BAR GYUR, DE NAS MANG DU THOS PA'I DON GZHUNG LUGS GDAMS PAR SHAR BA'I MAN NGAG MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA BAR BZHED DE, MKHAS GRUB THAMS CAD MKHYEN PA LA BYANG CHUB LAM GYI RIM PA'I KHRID DANG GSANG BDE 'JIGS GSUM SOGS BLA MED KYI DBANG DANG RIM GNYIS KYI KHRID RNAMS LEGS PAR GSAN, DE NAS RGYAL BA SRAS BCAS THAMS CAD KYI THUGS RJE

DANG NUS PA THUGS RGYUD LA ZHUGS SHING RJE BTZUN 'JAM DPAL DBYANGS KYIS LUNG BSTAN TE, GRUB CHEN 'JAM DPAL RGYA MTSO BA LA BYANG CHUB LAM GYI RIM PA'I KHRID SNYAN RGYUD KYI MAN NGAG ZHAL SHES DANG BCAS BA, GSANG BDE 'JIGS GSUM GYI KHRID MAN NGAG ZHAL SHES DANG BCAS PA, ZAB LAM GCOD KYI KHRID MAN NGAG ZHAL SHES DANG BCAS PA, LHAG PAR RJE THAMS CAD MKHYEN PA LA MGON PO 'JAM PA'I DBYANGS KYIS GNANG BA'I SNYAN RGYUD KYI MAN NGAG LAM GYI LUS YONGS SU RDZOGS PA'I ZAB LAM BLA MA LHA'I RNAL 'BYOR GYI SGO NAS SNYIGS DUS KYI TSE THUNG GCIG LA ZUNG 'JUG SGRUB PA'I THABS BLA NA MED PA GSANG BA LAS KYANG CHES GSANG BA RNAMS YONGS SU RDZOGS PAR GSAN ZHING; GRUB CHEN 'JAM DPAL RGYA MTSO BA LA RJE BTZUN 'JAM DPAL DBYANGS KYIS LUNG BSTAN BYUNG BA LTAR DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM CHEN MO YANG GNANG STE RE SHIG TSIG BRGYUD DU BKA' RGYAS BTAB BO, ,DE NAS CHOS RJE 'DI NYID KYIS GSANG PHU'I 'CHAD NYAN THOG SHAS SHIG MDZAD, DE RJES MA 'ONGS PA'I 'BYUNG 'GYUR LA DGONGS TE GTZANG GI LHAN DU PHEBS TE BA SO LHUN GRUB BDE CHEN BZUNG NAS GTZO BOR SGRUB PA LA RTZE GCIG TU BZHUGS SHING SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PA CHES CHER RGYAS TE BA SO CHOS RJER GRAGS, DE NAS DBEN GNAS GZHAN DU MAR YANG SGRUB

, ,PA SNYING POR MDZAD CING SKAL LDAN MANG PO LA DAM PA'I CHOS KYI BKA' DRIN STZAL TE SHAB STOD SENG GE RTZE DANG NYE BA'I SA'I CHAR RI BO BDE CHEN ZHES PA'I DBEN GNAS SHIG BTAB STE GNAS DER THUGS DAM GTZO BOR MDZAD CING PHYOGS DE'I SKYE 'GRO MANG PO LA RANG RANG GI SKAL BA DANG 'TSAM PA'I CHOS KYI 'DUD RTZI STZAL, DE NAS NGES 'BYUNG SKYO SHAS DRAG POS RGYUD BSKUL NAS DA LTA DAL BA'I RTEN BZANG PO THOB SANGS RGYAS DNGOS SU BYON YANG DE PHAN CHAD DU GSUNG DU MED CING SANGS RGYAS KYI ZHING GANG DU BTZAL YANG RNYED PAR DKA' BA RJE BLA MA'I SNYAN RGYUD MDO SNGAGS KYI MAN NGAG ZAB MO 'DI 'DRA DANG LAN CIG MJAL BA'I SKABS 'DIR DON MED PA'I TSE 'DI'I BYA BA MTHA' DAG SPANGS TE SUS KYANG MTHONG TSOR MED PA, KHA CHE'I YUL GYI YAN LAG SEN MO DO 'AM, LHO PHYOGS DPAL GYI RI LTA BU DBEN PA'I GNAS KHYAD PAR CAN ZHIG TU PHYIN LA SGRUB BA MTHAR PHYIN PA DPAL SHA WA RI DANG MTSUNGS PA ZHIG BYED SNYAN PA'I 'DUN PA SHUGS DRAG PO 'KHRUNGS TE, DE LTAR BYED PAR BRTZAMS PA NA MNAL LAM DU RJE RIN PO CHE BYON NAS DGA' LDAN GYI KHRI LA 'BYON DGOS PAR BSKUL BA DANG, RDO RJE RNAL 'BYOR MAS DGA' LDAN GYI KHRI THOG TU BZHUGS RING RJE'I SNYAN RGYUD KYI MAN NGAG 'DZIN PA'I SKYES BU 'BYUNG BAR LUNG BSTAN BYUNG, DE'I TSE CHOS RJE BLO GROS CHOS SKYONG DGA' LDAN GYI GDAN SAR BZHUGS PA LAS KUN SPANGS MDZAD BZHED DE

GDAN SA'I 'OS BTZAL BA NA, DE'I TSE BKRA SHIS LHUN POR THAMS CAD MKHYEN PA DGE 'DUN GRUB DPAL BZANG PO 'PHRIN LAS DBYAR MTSO LTAR RGYAS PAR BZHUGS PAS KHRI RIN PO CHES GTZOS DGA' LDAN PA'I BLA CHEN PHAL MO CHES RJE DGE 'DUN GRUB LA RGYAL BA GNYIS PA'I RGYAL TSAB TU 'BYON DGOS PAR GSOL BA BTAB PAS RJE DGE 'DUN GRUB KYIS KHO BO DGRA YUL DU DGRA MKHAR BRTZIG DGOS PA YOD PAS 'DI KHA RANG DU RJE'I BSTAN PA 'DZIN PA YIN, DA LAM MKHAS GRUB RIN PO CHE'I GCUNG PO BA SO CHOS RJE 'DI LUNG RTOGS KYI YON TAN GANG SA NAS GZHAN DANG MI 'DRA BAS DGA' LDAN GYI KHRI LA 'DI GDAN DRANGS NA LEGS ZHES LUNG BSTAN, THAMS CAD MKHYEN PA DGE 'DUN GRUB KYIS JI LTAR LUNG BSTAN PA LTAR CHOS RJE BLO GROS CHOS SKYONG SOGS TSANG MAS CHOS RJE 'DI PA SHABS STOD NAS GDAN DRANGS TE, BKRA SHIS LHUN POR PHEBS, THAMS CAD MKHYEN PA DGE 'DUN 'GRUB DANG MJAL RJE DGE 'DUN GRUB KYI ZHAL NAS DA LAM NYID RJE BTZUN TZONG KHA PA CHEN PO'I GSAN SAR PHEBS PA LA NGES NAS PHYAG BGYID PAS PHYAG LAN MA MDZAD CIG CES BSGO NAS RJE THAMS CAD MKHYEN PA DGE 'DUN GRUB 'KHOR DANG BCAS PAS PHYAG MDZAD, DE NAS RIM GYIS PHEBS TE RAB BYUNG BDUN PA'I CHU MO LUG GI LOR DGA' LDAN RNAM PAR RGYAL BA'I GLING DU PHEBS NAS RGYAL BA GNYIS PA'I RGYAL TSAB TU MNGA' GSOL, DE NAS 'JAM MGON BLA MA'I CHOS KYI RGYAL SRID BZUNG STE SKAL BA DANG LDAN PA BGRANG

, ,BA LAS 'DAS PA LA RAB BYUNG BSNYEN RDZOGS DBANG LUNG MAN NGAG MTHA' YAS PA STZAL ZHING, LHAG PAR DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYI LAM SROL 'JAM MGON BLA MA'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I CHOS KYI 'KHOR LO RGYA CHER BSKOR BA PAn CHEN CHOS KYI RGYAL PO ZHES RGYA MTSO'I GOS CAN MA LUS SNYAN PA'I GRAGS PAS KHYAB PAR GYUR TO, ,BA SO CHOS RJE 'DI NI LUNG RTOGS KYI YON TAN BSAM GYIS MI KHYAB PA BRNYES SHING LHAG PAR RJE RIN PO CHE'I SNYAN RGYUD BYIN RLABS KYI BKA' BAB GZHAN LAS CHE BA ZHIG STE, GNAS RNYING ZHABS DRUNG KUN DGA' BDE LEGS PA'I ZHAL NAS, KHO BO LA GNAS RNYING BA'I RIGS SU SKYES SNYAM PA'I NGA RGYAL MED KYI BA SO CHOS RJE'I SLOB MA YIN SNYAM PA'I NGA RGYAL YOD GSUNGS TE GSUNG 'DI LA DBYAD NA BA SO CHOS RJE 'DI NYID MTHONG THOS DRAN REG THAMS CAD RJES SU 'DZIN NUS BA BYIN RLABS KYI GTER CHEN PO ZHIG YIN PAR NGES SO, ,PHYAG RJES SU DGA' LDAN GYI GTZUG LAG KHANG CHEN MOR DRI GTZANG KHANG GTOD DE RGYAL BA SENG GE'I NGA RO'I SKU RIN PO CHE LAS GRUB PA NGO MTSAR RMAD DU BYUNG BA DANG, GDAN SA PA GONG MA RNAMS KYI SKU 'DRA YANG BZHENGS TE BZHUGS SU GSOL BA SOGS CHOS ZANG ZING GNYIS KA'I SGO NAS DGA' LDAN RNAM PAR RGYAL BA'I GLING DAR RGYAS SU MDZAD, KHYAD PAR RJE BTZUN 'JAM PA'I DBYANGS KYIS LUNG BSTAN PA LTAR

RIN PO CHE LTA BU'I GDUL BYA GSUM LA SNYAN RGYUD KYI MAN NGAG LKOG CHOS SU MDZAD PAS ZUNG 'JUG GRUB PA'I SLOB MA MCHED GSUM BYUNG STE, GRUB CHEN CHOS RDO RJE, STOD LUNG PA DPAL LDAN RDO RJE, KHAM PA RDO RJE DPAL BA GSUM MO, , 'DI GSUM NI 'JAM MGON BLA MA'I BSTAN PA 'DI LA TSE GCIG LUS GCIG LA 'JA' LUS GRUB PA'I SLOB MA RDO RJE MCHED GSUM DU GRAGS PA STE, 'JAM MGON BLA MA'I RJES SU SLOB BAR 'DOD PA RNAMS LA GDUL BYA RANG NGOS NAS NYAMS LEN BYUNG PHYIN BSTAN PA 'DI LA 'DI LTA BU'I MCHOG 'GRUB PA'I THABS YOD DO ZHES YID CHES PA'I GNAS SU GYUR BA YIN PAS YRJE'I RJES 'JUG RNAMS KYIS TSUL 'DI NGES PAR GO DGOS PA YOD DO, ,ZUNG 'JUG GRUB PA'I RDO RJE MTSAD GSUM PO DE LAS KHAM PA RDO RJE DPAL BA NI THOG MAR PAn CHEN CHOS KYI RGYAL PO LA SNYAN RGYUD GYI MAN NGAG GSAN DUS DANG DGE 'PHEL DU BZHUGS PA'I SKABS DANG RJES SU KHONG RANG RDO RJE GSUM PO DE ZHAL 'DZOM PA'I SKABS 'DRA LAS SKYE BO THA MAL BA GZHAN SUS KYANG MTHONG TSOR GANG YANG MED PAR GRUB PA'I GNAS MCHOG GZHAN ZHIG TU DPA' BO MKHA' 'GRO'I DBUS SU BZHUGS PA'AM DAG PA'I ZHING GZHAN ZHIG TU BYON PA JI 'DRA ZHIG YIN YANG LJONGS 'DIR CHOS KYI BKA' DRIN THOB PA MNGON CHE BA MA BYUNG NGO, ,STOD LUNG PA DPAL LDAN RDO RJES SKAL BA DANG LDAN PA RE GNYIS LA MAN NGAG GI BDUD RTZI STZAL TE RGYAL BA DGE 'DUN RGYA MTSOS KYANG ZUNG

, ,'JUG GRUB PA'I DPA' BO 'DI LA CHOS KYI BKA' DRIN THOB BO, ,GZHAN YANG ZHAL MJAL ZHING GSUNG THOS PA KHA YAR BYUNG SNANG NGO, ,GRUB CHEN CHOS RDO RJE NI RJE BTZUN 'JAM PA'I DBYANGS DANG RDO RJE RNAL 'BYOR MAS LUNG BSTAN PA LTAR SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA'I BDAG POR BZHUGS TE, GRUB CHEN 'DI'I NGO MTSAR RMAD DU BYUNG BA'I RNAM PAR THAR PA NI DA LTA NYID DU 'CHAD BAR 'GYUR RO, ,DE NAS PAn CHEN CHOS KYI RGYAL MTSAN GYIS SKU TSE 'DI'I MDZAD PA PHAL CHER RDZOGS PA NA RLUNG LTAS LOG PA GZIGS NAS CHOS RJE BLO GROS BRTAN PA GDAN SAR BZHUGS SU GSOL NAS KUN SPANGS MDZAD DE THUGS DAM LA RTZE GCIG TU BZHUGS PA LAS DGUNG LO DON GNYIS SU PHEBS PA CHU MO SBRUL GYI LO'I MJUG LA ZHING GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,RJE BA SO BA 'DIS PHYI RABS KYI GDUL BYA RNAMS KYI DON DU DUS 'KHOR GYI BSKYED RDZOGS KYI KHRID, DBU MA'I LTA KHRID CHEN MO, RDO RJE 'JIGS BYED KYI BSKYED RDZOGS KYI KHRID, SNYING PO DON GSUM GYI KHRID SOGS MDZAD, RJE 'DIS BSTAN PA LA BYA BA RGYA CHEN PO MDZAD PAS SLOB MA BSTAN 'DZIN DAM PA BGRANG BA LAS 'DAS PA BYON ZHING RGYUD 'DZIN GYI GTZO BO NI ZUNG 'JUG GRUB BA'I DPA' BO GRUB CHEN CHOS RDO RJE'O, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SNYAN RGYUD

GDAMS PA'I MDZOD 'DZIN BA SO CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR LTA GRUB GTZANG ZHING RNAM THAR GTZANG MA RGYAL BA DGYES BA'I LAM BZANG PO LA SGRUB BA SNYING POR BYA BA DANG DAM NYAMS DANG 'CHAL PA DANG 'DRES KHYER DANG ZOG PO DANG BSRE BSLAD SPANGS SHING SANGS RGYAS NAS BZUNG STE DAM PA BAR MA CHAD PA'I SNYAN RGYUD KYI MAN NGAG THOB PAR BYAS LA MAN NGAG DE LA NUS PA THON PA ZHIG BYA'O,, ` ,, RGYAL BA KUN GYIS GSUNGS PA'I CHOS RNAMS KYI, ,BCUD RNAMS BSDUS NAS NYAMS SU BLANGS PA'I MTHUS, ,TSE GCIG NYID LA RDO RJE'I SKU BRNYES PA, ,'CHI MED RNAL 'BYOR MCHOG LA GSOL BA 'DEBS, ,ZHES BSNGAGS PA, GRUB CHEN CHOS KYI RDO RJE NI, SNGON STON PA THUB PA'I DBANG PO'I SPYAN SNGAR BYANG CHUB MCHOG TU THUGS BSKYED MDO SNGAGS BSTAN PA'I SNYING PO YONGS SU RDZOGS PA 'DZIN CING SPEL BA'I SMON LAM BTAB, DE'I TSE SMON LAM JI LTAR BTAB, BA LTAR GRUB STE, DE NAS BZUNG STE MKHAS GRUB KYI SKYE BA BRGYUD MAR BZHES SHING, KHYAD PAR JO BO RJE DPAL LDAN AA TI SHA SHAR PHYOGS BHAm GA LAR 'KHRUNGS NAS RGYA GAR GYI SA'I CHA KUN TU DAM PA'I CHOS 'TSOL BA LA ZHUGS PA'I TSE GRUB CHEN 'DI BLA MA AA BA DH'U TI PA ZHES BYA BAR SKU SKYE BA BZHES TE 'PHAGS PA KLU SGRUB NAS BRGYUD PA'I ZAB MO DBU MA'I LTA BA'I MAN NGAG 'DOMS PA LA MI 'JIGS PA'I SPOBS PA THOB STE JO BO RJE DPAL LDAN AA TI SHA LA ZAB MO'I

, ,LAM GYI RIM PA RNAMS RGYAS PAR 'DOMS PAR MDZAD CING, GRUB PA'I GNAS MCHOG DU MAR PHEBS TE DBEN PA NAS DBEN PAR RGYU ZHING SNANG STONG SGYU MA LTA BU'I RNAL 'BYOR LA GOMS PA LHUR BZHES PAR MDZAD, DE NAS KYANG MKHAS GRUB KYI SKYE BA RIM PAR BRGYUD DE BOD YUL DU 'GRO MGON CHOS RGYAL 'PHAGS PAR SKYE BA BZHES TE BYANG PHYOGS GANGS RI'I LJONGS 'DI THAMS CAD LA DBANG BSGYUR ZHING RGYAL BA'I BSTAN PA RGYA CHER SPEL BAR MDZAD BA ZHIG STE GRUB CHEN 'DI LA RGYAL BA DBEN SA BA CHEN POS SKU TSE SNGA MA'I 'KHRUNGS RABS LAS BRTZAMS TE BSTOD PA LAS, DGYES SHING SRAS BCAS RGYAL BA'I SPYAN SNGA RU, ,BDEN TSIG SMON LAM DPAG MED MCHOG BSGRUBS PAS, ,MKHAS DANG GRUB PA'I RNAM ROL BGRANG YAS KYIS, ,'DZAM GLING MDZES MDZAD KHYOD LA GSOL BA 'DEBS, ,KUN SPANGS NYIN BYED MKHYEN BRTZE'I 'OD STONG GIS, ,PHUL BYUNG PAD DKAR DBANG PO ZHAL PHYE NAS, ,ZAB DON SBRANG RTZI RGYAS MDZAD SKAL BZANG CAN, ,RKANG DRUG TSOGS KYI DPAL LA GSOL BA 'DEBS, ,CHOS KYI RGYAL PO'I RING LUGS MCHOG BZUNG NAS, ,RGYA BOD DAD CAN 'PHAGS PA'I GNAS BKOD CING, , GANGS CAN 'DOD DGU'I DPAL GYIS TSIM PAR MDZAD, ,DNGOS GRUB 'BYUNG GNAS MCHOG LA GSOL BA 'DEBS, ,ZHES GSUNGS PA LTAR RO, ,DE NAS 'JAM MGON BLA MA'I SNYAN RGYUD BSTAN PA'I BDAG POR 'BYON BA'I DUS

LA BAB PA NA, RJE RIN PO CHE GANG DU 'KHRUNGS PA'I YUL SHAR PHYOGS TZONG KHA DANG KHAD NYE BA'I SA'I CHA NAS KUN DGA' RGYAL PO DANG, DPAL 'DZOM ZHES BYA BA'I BYA BRAL PHO MO GNYIS DBUS GTZANG GI GNAS SKOR LA 'ONGS PA'I LHUMS SU ZHUGS TE, RTA NAG RDO RJE GDAN DU SLEBS PA NA GLANG GI LO RJE RIN PO CHE'I SNYAN RGYUD BSTAN PA'I BDAG POR 'GYUR BA'I RIN PO CHE LTA BU'I GDUL BYA BDAG NYID CHEN PO 'DI NGO MTSAR BA'I LTAS DANG BCAS 'KHRUNGS SO, ,DE YANG GRUB CHEN 'DI NYID LA RGYAL BA DBEN SA PA CHEN POS GANG DU 'KHRUNGS PA'I TSUL LAS BRTZAMS TE BSTOD PA LAS, BDE CHEN THUGS RJES 'DUL BA'I DUS LA GZIGS, ,SLAR YANG RIG 'DZIN DBANG MO'I LHUMS SU ZHUGS, , RDO RJE GDAN MTSUNGS GRUB PA'I GNAS MCHOG TU, ,BSAM BZHIN BLTAMS PA KHYOD LA GSOL BA 'DEBS, ,ZHES GSUNGS PA LTAR RO, ,DE NAS, DE LTA BU'I GZHON NU DE YAB YUM GNYIS KYIS BSKYED BSRINGS PAS CHU NANG GI PADMA LTAR SKYE DRAG PAR GYUR TE DGUNG LO BCU GCIG TU PHEBS PA NA YAB YUM GNYIS KYIS SRAS GZHON NU DE KHRID DE SNGON GYI SKYES BU DAM PA RNAMS GANG DANG GANG DU 'KHRUNGS PA DANG, GANG DANG GANG DU SGRUB PA MDZAD PA DANG, GANG DANG GANG DU GRUB PA BRNYES PA DANG, GANG DANG GANG DU CHOS KYI 'KHOR LO BSKOR BA'I SA DE DANG DE RNAMS SU RIM GYIS RGYU ZHING SMON LAM BTAB STE SONG SONG BA LAS PHYOGS BCU'I RGYAL BA SRAS BCAS THAMS CAD KYI THUGS RJE DANG, 'JAM MGON

, ,BLA MA'I THUGS BSKYED DANG, DAM CAN CHOS KYI RGYAL PO SOGS 'JAM MGON BLA MA'I BSTAN SRUNG RNAMS KYI MTHUS BSKUL TE DGA' LDAN RNAM PAR RGYAL BA'I GLING DU PHEBS SO, ,GZHON NU BDAG NYID CHEN PO DE DGA' LDAN RNAM PAR RGYAL BA'I GLING DU SANG PHEBS RGYU'I DO NUB PAn CHEN CHOS KYI RGYAL MTSAN LA RDO RJE RNAL 'BYOR MAS SANG NYIN RJE RIN PO CHE'I SNYAN RGYUD 'DZIN NUS PA'I SKAL LDAN ZHIG 'ONG BA YOD PAS RJES SU BZUNG LA RJE RIN PO CHE'I SNYAN RGYUD KYI MAN NGAG RNAMS YONGS SU RDZOGS PAR STON CIG CES LUNG BSTAN BYUNG, SANG NYIN DE PAn CHEN CHOS KYI RGYAL PO'I THUGS LA 'JAM MGON BLA MA'I SNYAN RGYUD KYI BSTAN PA 'DZIN NUS PA'I SKAL LDAN JI 'DRA ZHIG 'ONG SNYAM DU SGUG CING BZHUGS PA NA BYA BRAL BA YAB YUM GNYIS SRAS DANG BCAS PA PAn CHEN CHOS KYI RGYAL PO'I GZIGS LAM DU PHEBS PA NA PAn CHAN CHOS KYI RGYAL POS YE SHES KYI MKHA' 'GRO MAS LUNG BSTAN PA'I BDAG NYID CHEN PO DE NI BYIS PA GZHON NU 'DI'O SNYAM DU MKHYEN NAS YAB YUM DE GNYIS LA BZA' BA DANG BTUNG BA GYA NOM PA DANG GSER DANG DNGUL DANG NYE BAR MKHO BA'I LUS KYI YO BYAD LA SOGS PA 'JIG RTEN DANG MTHUN PA'I GNANG SBYIN DPAG TU MED PA GNANG NAS KHYED GNYIS KYI BU 'DI NGA LA BYIN CIG CES BKA' STZAL PA NA YAB YUM DE GNYIS KYIS KYANG DGA' BZHIN SPRO BZHIN DU GUS PAS PHUL, DE'I TSE RGYAL SRAS GZHON NU DE NI BU PHA'I GAM DU SLEBS

PA LTAR PAn CHEN CHOS KYI RGYAL PO LA RTZE GCIG DAD CING GUS PAS ZHABS DRUNG DU 'KHOD NAS TSE 'DI'I PHA MA SOGS GZHAN GANG YANG SEMS PAR MA GYUR TO, ,DE NAS PAn CHEN CHOS KYI RGYAL POS RGYAL SRAS GZHON NU DE KHRUS BYAS, KHYIM PA'I RTAGS CHA LUGS RNAMS DOR, SKRA BCAD, GOS DUR SMRIG BSKON NAS RAB TU BYUNG STE MTSAN CHOS KYI RDO RJE ZHES BTAGS SO, ,DE NAS SNGON YUN RING PO NAS LAM LA SBYANGS PA'I MTHU CAN RGYAL SRAS GZHON NU DE BRDA SPROD KYI GTZUG LAG SLOB PA SOGS LA BLTOS PA MED PAR LAM YONGS RDZOGS LA SLOB NUS PA'I SKAL BA CAN DU GYUR PA NA PAn CHEN CHOS KYI RGYAL MTSAN GYIS RGYAL SRAS GZHON NU DE LA CHOS KYI PHUNG PO BRGYAD KHRI BZHI STONG GI NYING KHU RGYAL BA SRAS BCAS THAMS CAD GANG NAS GSHEGS PA'I LAM PO CHE CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID BTAB STE RGYA LAS RGYA YI 'DUR 'BYUNG BA BZHIN DU RGYAL SRAS BDAG NYID CHEN PO DE LA BSHES GNYEN BSTEN TSUL NAS ZHI LHAG GI BAR SKYES BU GSUM GYI LAM RNAMS RIM GYIS RGYUD LA 'KHRUNGS SO, ,DE NAS BYANG CHUB LAM GYI RIM PA'I DMIGS SKOR MAN NGAG ZHAL SHES GEGS SEL BOGS 'DON DANG BCAS PA MTHA' DAG GNANG, DE NAS BDAG NYID CHEN PO DE BYANG CHUB KYI SEMS CHES SHUGS DRAG PAS NYE LAM RDO RJE THEG PAR 'JUG PAR SPRO BA NA, GSANG BDE 'JIGS GSUM DUS KYI 'KHOR LO SOGS RGYUD SDE

, ,BZHI DANG 'BREL BA'I DBANG LUNG MAN NGAG MTHA' DAG GNANG, KHYAD BAR RGYAL BA TZONG KHA PA LA MGON PO 'JAM DPAL DBYANGS GYIS GNANG BA'I SNYAN RGYUD THUN MONG MIN PA MDO SNGAGS GNYIS KA'I LAM GYI LUS RDZOGS PA'I ZAB LAM BLA MA LHA'I RNAL 'BYOR MAN NGAG ZHAL SHES DANG BCAS PA RDZOGS PAR GNANG BA'I MTHAR SPRUL PA'I GLEGS BAM CHEN MO PHYAG TU GTAD DE RJE'I SNYAN RGYUD 'DI DAG MKHA' 'GROS LUNG BSTAN PA'I SKAL LDAN GYI SLOB MA RE RE TZAM MA GTOGS GZHAN LA MA STON, THA NA SKYE BO GZHAN DAG LA 'DI 'DRA YOD PA'I GTAM TZAM YANG MA SMRA ZHIG CES BKA' RGYA DAM PO BTAB, DE LTAR LO LNGA'I BAR DU SRAS KYI THU BOR BZUNG STE GDAMS PA MTHA' DAG RDZOGS PAR MDZAD NAS 'BYON KHAR PAn CHEN CHOS KYI RGYAL POS BDAG NYID CHEN PO 'DI LA TSE MJUG DBEN PA'I GNAS SU NYAMS LEN 'DI DANG 'DI LTAR GYIS DUS LA BAB BA NA SKAL LDAN GYI SKYES BU LA GDAMS PA 'DI LTAR STON CES PHYIS 'BYUNG GI LUNG BSTAN DANG BCAS BKA' STZAL ZHIB TU GNANG, RGYAL SRAS BDAG NYID CHEN PO 'DIS KYANG PAn CHEN CHOS KYI RGYAL BO'I BKA' LUNG SPYI BOS MNOS SHING ZHABS LA PHYAG BYAS TE SMON LAM BTAB BO, ,DON DE DAG LA RGYAL BA DBEN SA BA CHEN POS GRUB CHEN CHOS RDO RJE LA SNYAN RGYUD KYI MAN NGAG THOB BA'I TSUL LAS BRTZAMS TE BSTOD PA LAS, DE NAS YE SHES MKHA' 'GROS LUNG BSTAN BZHIN, ,GRUB PA'I

DBANG PHYUG CHOS KYI RGYAL MTSAN GYIS, ,DUR SMRIG GIS KLUBS CHOS KYI RDO RJE ZHES, ,MNGON PAR MNGA' GSOL KHYOD LA GSOL BA 'DEBS, ,MGON DE'I ZHABS ZUNG RING DU GUS BSTEN NAS, ,THUGS KYI BCUD PHYUNG ZAB LAM BDUD RTZI'I RGYUN, ,MA LUS RDZOGS PAR GSOL BAS MGON PO KHYOD, ,SRAS KYI THU BOR GYUR LA GSOL BA 'DEBS, ,ZHES GSUNGS PA LTAR RO, ,DE NAS RGYAL SRAS BDAG NYID CHEN PO DES RJE'I SNYAN RGYUD KYI MAN NGAG RNAMS LA SHING RTA CHEN PO'I GZHUNG DANG SBYAR TE DRI MA MED PA'I RIGS BA'I LAM NAS DRANGS PA'I NGES SHES BSKYED PAR BYA BA'I PHYIR 'BRAS SPUNGS SU PHEBS NAS MKHAS PA'I DBANG PO BDE LEGS STOBS LDAN PA'I SPYAN SNGAR PHAR PHYIN DANG, DBU MA GNYIS GTZO BOR BYAS TE SHING RTA CHEN PO'I GZHUNG LUGS RNAMS LA SBYANGS PA MTHAR PHYIN BAR MDZAD, GZHUNG LUGS LA SBYANGS BA MTHAR PHYIN PA NA RJE YAB SRAS KYI RNAM THAR DANG MTHUN BAR BYA BA'I PHYIR CHOS GRVA DER RJE DBON BLO BZANG NYI MAS MKHAN PO DANG, CHOS RJE BDE LEGS STOBS LDAN PA LA SLOB DPON ZHUS NAS DGE SLONG GI DNGOS PO BZHES TE BCAS MTSAMS PHRA ZHING PHRA BA YANG SROG GI DBANG PO LTAR BSRUNGS TE GNAS BRTAN 'DUL BA 'DZIN PA CHEN POR GYUR TO; ;DE NAS 'JAM DBYANGS SMON LAM DPAL BA LA YANG MDO SNGAGS KYI CHOS MANG DU ZHUS NAS GTZANG DU PHEBS TE 'DUL BA 'DZIN PA BLO GROS SBAS PA LA 'DUS PA'I KHRID LAG RJES YIG CHUNG THOR BU BA, LAM RIM GYI KHRID, RIM LNGA'I

, ,KHRID; MGON PO ZHAL DANG, LHA MO DMAG ZOR MA'I RJES GNANG RNAMS GSAN, DE LTAR MKHAS GRUB DAM PA MANG DU BSTEN NAS THOS PA RGYA MTSO'I PHA ROL TU SON PAR MDZAD DO, ,DE YANG BDAG NYID CHEN PO 'DI NI SNGON YUN RING PO NAS LAM YONGS RDZOGS LA SBYANGS PA YIN PAR MA ZAD PAn CHEN CHOS KYI RGYAL MTSAN LAS MDO SNGAGS GNYIS KA'I LAM GYI GNAD MTHAR THUG PA MTHA' DAG YONGS SU RDZOGS PAR GSAN CING GANG GSAN PA MTHA' DAG LA NGES PA GTING TSUGS PAR DRANGS TE THUGS NYAMS SU BZHES NAS GDENG THOB PA ZHIG YIN MOD KYANG PHYI RABS KYI GDUL BYA RNAMS LA RGYAL BA DGYES BA'I LAM LA SGRUB PA SNYING POR BYA 'DOD NA BKLAGS LUNG TZAM RE DANG BLA MA RE LAS KHRID BSDUS PA RE THOB PA TZAM GYIS CHOG BAR MI BYA BAR GANG NYAMS SU BLANG BAR BYA BA'I LAM GYI GNAD RNAMS LA SHING RTA CHEN PO'I GZHUNG LUGS LAS 'BYUNG BA'I DRI MA MED PA'I RIGS PAS DPYAD NAS NGES PA BRTAN PO RNYED PA DGOS SO ZHES 'DOMS PA'I PHYIR GZHUNG LUGS LA SBYONG BA DANG MANG DU THOS BA 'TSOL BA'I TSUL DE LTAR MDZAD DO, ,DE NAS RGYAL BAS BSNGAGS PA'I DBEN PA'I GNAS RNAMS SU LAM GYI LUS YONGS SU RDZOGS PA LA SGRUB BA SNYING POR MDZAD CING GANG LA'ANG CHAGS PA MED PAR DBEN PA NAS DBEN BAR RGYU ZHING, DGE SBYOR YAR NGO'I ZLA BA BZHIN 'PHEL BAR GYUR TO, ,DUS RE

SHIG GI TSE, PAn CHEN CHOS KYI RGYAL MTSAN GYI BKA' DRIN DRAN TE, RIGS GSANG CHEN RGYAL BA RDO RJE 'CHANG, ,RJE SKU BZHI'I NGO BO BA SO BA, ,MTSAN YONGS SU GRAGS PA'I CHOS RGYAL ZHABS, ,PHA RTZE GCIG DRAN PAS GSOL BA 'DEBS, ,GNAS 'KHOR BA'I RGYA MTSO GTING ZAB CING, ,BLO MA RIG 'KHYAGS PA'I SBUBS CHUD NA, ,RJE ZAB DON MKHYEN PA'I 'OD ZER GYIS, ,NYAMS BDE STONG RTOGS PA SBAR DU GSOL, ,DUS SNYIGS MA'I SKYE 'GRO YONGS KYI MGON, ,LAR BSAMS KYIN RJE BTZUN SPRUL PA'I SKU, ,MI KHO BO'I GTZUG RGYAN CHOS KYI RJE, ,YID GDUNG SHUGS DRAG BOS GSOL BA 'DEBS, ,RANG GCES PAR 'DZIN PA'I TSA GDUNG 'DIS, , BYAMS SNYING RJE RGYAS PA'I LO TOG SREG ,RJE BYANG CHUB SEMS KYI SPRIN CHEN LAS, ,GZHAN GCES 'DZIN CHAR RGYUN PHAB TU GSOL, ,ZHES GSOL 'DEBS SHUGS DRAG PO MDZAD CING NYAMS KYI SNANG BA DANG BSTUN PA'I MGUR MANG PO BZHES SO, ,DE NAS PAn CHEN CHOS KYI RGYAL MTSAN GYI BKA' BZHIN DU, GANGS DANG, RI SUL DANG, NAGS KHROD SOGS SKYE BOS DBEN PA'I SA PHYOGS DU MAR RGYU ZHING NYAMS RTOGS GONG NAS GONG DU 'PHEL BAR MDZAD LA, KHYAD PAR SNGON BYON DAM PA DU MAS GRUB PA BRNYES PA'I SA DBA' BO MKHA' 'GRO SPRIN BZHIN 'DU BA'I GNAS CHEN PA SNAM JO MO LHA RI'I GSANG CHEN GRUB PA'I GNAS PADMA CAN DU BSKYED RIM MTHAR SON NAS RDZOGS RIM

, ,LA CHIG BSGRIL MDZAD PAS SEMS DBEN DPE'I 'OD GSAL DANG, MA DAG PA'I SGYU LUS GRUB BO, ,DE 'DRA BA'I GNAS BYIN RLABS CAN DE NI RDO RJE BTZUN MO'I BHA GA'I DBYIBS CAN DU YOD PAS PADMA CAN ZHES MTSAN THOGS SHING, DE'I DRANG THAD KYI SHAR PHYOGS NA BKRA SHIS RDZONG DGA'I RGYAB RI'I RTZE MO NA LING GA'I DBYIBS CAN GYI RDO CHEN PO ZHIG YOD PA TSES BCO LNGA'I ZLA BA SHAR BA'I TSE RDO DE'I GRIB MA PADMA CAN DU BABS PA NA LING GA CHOS 'BYUNG DU ZHUGS PA JI LTA BAR 'BYUNG, DE'I TSE PADMA CAN GYI SGRUB CHU'I NYE SKOR GYIS RNAM SKAD CIG DE LA SINDHU RAR 'GYUR BA ZHIG YOD PAS YUL NYER BZHI DNGOS DANG MTSUNGS PA ZHIG YOD CES GRAG GO ,GNAS BYIN RLABS CAN DER RDZOGS RIM DANG 'BREL BA'I BLA MA LHA'I RNAL 'BYOR SGOM PAR MDZAD PAS CHOS KYI RGYAL PO TZONG KHA PA CHEN PO'I ZHAL GZIGS, DE'I TSE RJE RIN PO CHES DAM PA 'DI LA THUN MONG DANG THUN MONG MA YIN BA'I SNYAN RGYUD KYI GDAMS NGAG YONGS SU RDZOGS BAR GNANG, LHAG PAR RJE RIN PO CHE PHYI PAndI TA'I CHA LUGS NANG GI PHUNG KHAMS SKYE MCHED RNAMS 'DUS PA'I LHA TSOGS SU GSAL BA THUGS KAR RGYAL BA SH'AKYA THUB PA DE'I THUGS KAR RDO RJE 'CHANG BZHUGS PA'I BLA MA'I RNAL 'BYOR THUN MONG MIN PA SEMS DPA' SUM BRTZEGS CAN 'DI GNANG NGO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA RGYAL

BA TZONG KHA PAS ZHAL GZIGS NAS SNYAN RGYUD KYI MAN NGAG GNANG BA'I TSUL LAS BRTZAMS TE BSTOD PA LAS, RJE BTZUN CHEN BO MA TI BHA DRA SOGS, ,DNGOS SU ZHAL GZIGS BYIN BRLABS MCHOG THOB BAS, ,ZAB RGYAS CHOS KYI DPAL LA DBANG 'BYOR NAS, ,GDAMS PA'I GTER CHEN GYUR LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES PADMA CAN GYI GONG NA SGRUB PHUG CIG YOD BA DER RGYAL BA TZONG KHA PAS GNANG BA'I BLA MA'I RNAL 'BYOR THUN MONG MIN PA 'DI RTZE GCIG TU SGOM PAR MDZAD PA NA, 'PHAGS PA THUGS RJE CHEN PO'I ZHAL MNGON SUM DU GZIGS, DES RKYEN BYAS TE PHYOGS BCU'I RGYAL BA SRAS BCAS MA LUS PA'I ZHAL MNGON SUM DU GZIGS PAR GYUR TO, ,TSUL DE NI RGYAL BA DBEN SA PA CHEN POS GRUB CHEN CHOS RDO RJE LA 'PHAGS MCHOG PHYAG NA PA DMOS BYIN GYIS BRLABS PA'I MTHUS PHYOGS BCU'I RGYAL BA SRAS BCAS THAMS CAD MNGON SUM DU GZIGS PA'I TSUL LAS BRTZAMS TE BSTOD PA LAS, PHYAG NA PADMOS DNGOS SU BYIN BRLABS PAS, ,MA LUS RGYAL BA'I 'KHOR LO GSAL BAR GZIGS, ,DNGOS GRUB RGYA MTSO'I DPAL LA DBANG 'BYOR PAS; ;DON GNYIS LHUN GRUB KHYOD LA GSOL BA 'DEBS, ,ZHES GSUNGS PA LTAR RO, ,DE NAS SLAR YANG SGRUB GNAS DER ZAB LAM RIM GNYIS SPYI DANG KHYAD PAR RDZOGS RIM ZAB MO'I RNAL 'BYOR RTZE GCIG TU SGOM

, ,PAR MDZAD PAS ZUNG 'JUG 'GRUB PA'I MTSAN MA THOB PA NA SHIN TU SPROS MED KYI SPYOD PA LA BRTEN NAS 'OD GSAL RTZE GCIG TU SGOM PAR MDZAD BAS DON DAM PA'I 'OD GSAL MNGON DU BYAS PA LAS ZUNG 'JUG RDO RJE 'CHANG GI GO 'PHANG BRNYES TE NAM MKHA' JI SRID GNAS KYI BAR DU ZUNG 'JUG GI SKU LAS G-YO BA MED PAR SEMS CAN RANG RANG GI SKAL BA DANG 'TSAM PAR SPRUL PA BSTAN TE CHOS STON PA SOGS 'GRO BA'I DON LA G-YEL BA MED PAR BZHUGS SO, ,DE 'DRA BA'I SGRUB GNAS DE LA ZUNG 'JUG PHUG CES GRAGS SO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA ZUNG 'JUG BRNYES PA'I TSUL LAS BRTZAMS TE BSTOD PA LAS, DE NAS MKHAS DANG GRUB PA MANG BSTEN CING, ,PADMA CAN SOGS GRUB PA'I GNAS RNAMS SU, ,CHOS KUN SNYING PO RTZE GCIG NYAMS BZHES PAS, ,GRUB PA MCHOG BRNYES KHYOD LA GSOL BA 'DEBS,, ZHES DANG, BRGYA PHRAG LAS LHAG LOR NI BSTAN PA BSKYANGS, ,'CHI MED DPA' BO MKHA' 'GRO'I GTZOR BZHUGS NAS, ,NAM MKHA' JI SRID SKAL LDAN 'GRO BA 'DREN, ,'PHRIN LAS KUN TU DGE LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES RE SHIG RNAM SMIN GYI SKU LUS RAGS PA MA DOR BAR ZUNG 'JUG DBANG GI RGYAL PO'I ZA MA TOG DE LA GNAS NAS SKAL BA DANG LDAN PA MTHA' YAS

BA LA CHOS KYI BDUD RTZI STZAL, RJE BTZUN 'JAM PA'I DBYANGS KYIS LUNG BSTAN PA'I SNYAN RGYUD BSTAN PA'I BDAG PO DBEN SA PA CHEN PO RE SHIG MA BYON PAR DGUNG LO BRGYA PHRAG BRGAL BA'I BAR DU ZUNG 'JUG DBANG GI RGYAL BO'I ZA MA TOG DE LA GNAS NAS MI SKAL LDAN DU MA DANG, GTZO BOR GNAS GSUM GYI DPA' BO MKHA' 'GRO BGRANG BA LAS 'DAS PA LA RDO RJE THEG PA'I LAM BZANG STON CING BZHUGS PA LAS RGYAL BA DBEN SA BA CHEN PO ZHING 'DIR BYON NAS DGUNG LO BCU BDUN BZHES PA'I TSE 'BRUM BU'I BSNYUN GZHIS ZIN NAS DBEN SA NA BZHUGS PA'I TSE GRUB CHEN 'DIS DBEN SA BA GANG NA BZHUGS PA'I SGO DRUNG DU PHEBS NAS, GANG ZHIG GZIGS SHING GSUNG BA YI, ,MKHYEN DANG STON BA BLA NA MED, ,RGYAL BRTEN CING 'BREL BAR 'BYUNG, ,GZIGS SHING 'DOMS PA DE LA 'DUD, ,CES SOGS ZAB MO RTEN 'BYUNG GSUNG BA'I SGO NAS THUB DBANG LA BSTOD BA LEGS PAR BSHAD PA'I SNYING PO GSUNG DBYANGS MTHON POS ZHAL 'DON DU MDZAD BA NA, RGYAL BA DBEN SA BA CHEN POS GSUNG GI GDANGS THOS PA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG STE, 'DI NI GRUB PA'I SKYES BU BDAG NYID CHEN PO ZHIG YIN PAR GOR MA CHAG GO SNYAM DU DGONGS NAS SGO DRUNG DU BYON TE BRTAGS PA NA, RJE'I SNYAN RGYUD 'DZIN PA'I GRUB CHEN YIN

, ,PAR MKHYEN NAS RJES SU 'DZIN PAR GSOL BA BTAB BA NA DUS TSOD 'DI GA TZAM LA BKRA SHIS RDZONG DGA'I PHU'I 'GAR MO CHOS RDZONG DU SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL BA MED PAR DBEN GNAS 'GAR MO CHOS RDZONG DU PHEBS GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL PA TZONG KHA PA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM BAR DRIL BA LAS DANG PO PA'I SA NAS SANGS RGYAS KYI SA'I BAR GYIS LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD KYI MAN NGAG MA LUS PA'I BDAG POR GYUR TO, ,DE'I TSE GRUB CHEN LA SNYAN RGYUD KYI MAN NGAG RNAMS ZHU BAR MDZAD PA PO RGYAL

BA DBEN SA PA GTZO BO YIN ZHING GZHAN KHA SHAS KYANG YOD LA, RIN PO CHE LTA BU'I GDUL BYA GZHAN GNYIS KYANG YOD DE GZHAN GNYIS PO DE NI SBAS PA'I BRTUL ZHUGS BZUNG STE SKYE BO YONGS LA MTSAN TZAM YANG GRAG PAR MA GYUR TO, ,GRUB CHEN GYIS RJE'I SNYAN RGYUD KYI MAN NGAG YONGS RDZOGS GNANG BA'I TSE RGYAL BA DBEN SA PA CHEN PO DANG RIN PO CHE LTA BU'I GDUL BYA GZHAN GNYIS BCAS GSUM YOD PA NI RGYAL BA DBEN SA BA CHEN PO'I GSUNG TSAD MA DBANG POR GYUR PA LAS SHES TE, RGYAL BA DBEN SA PA'I ZHAL NAS, BDAG GIS RJE BTZUN CHOS KYI RDO RJE LA GDAMS NGAG 'DI YONGS SU RDZOGS PAR ZHUS PA'I DUS SU, RJE BTZUN CHOS KYI RDO RJES KHO BO LA PAn CHEN CHOS KYI RGYAL MTSAN GYIS GDAMS PA 'DI GNANG BA'I TSE, GDAMS PA 'DI SU LA YANG MA SMRA GSUNG BA SOGS BKA' RGYA SHIN TU DAM PA YOD, CES GSUNG ZHING, YANG BDAG GI BLA MA LA YANG BDAG GROGS MCHED GSUM TZAM GYIS 'DI NYID ZHU BA'I DUS SU YANG, BDAG GSUM DANG, KHYAD PAR BDAG LA BTZUN CHUNG NA GZHON PA DANG, KHA YANG BA'I STOBS KYIS 'DI NYID SMRAS PA 'ONG BAS, SU LA YANG YOD PA'I GTAM TZAM YANG MA SMRA GSUNG, ZHES GSUNGS PA LTAR RO, ,DE NAS SLAR YANG GRUB CHEN CHOS RDO RJE DANG RGYAL BA DBEN SA PA CHEN PO DPON SLOB LHAN CIG DBUS GTZANG GI

, ,LJONGS DE DANG DER SKAL LDAN GYI GDUL BYA TU MA RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB PA'I RTEN 'BREL KHYAD PAR CAN BSKRUN PA'I PHYIR; GANGS RI'I KHROD KYI GNAS DANG YUL JONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD DO, ,DE LTAR GRUB CHEN CHOS RDO RJES RGYAL BA DBEN SA PA CHEN PO LA DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM GTAD NAS BKA' RGYA DAM PO BTAB STE RE SHIG DBEN GNAS DU MAR SGRUB PA SNYING POR BYAS NAS LAM THUN MONG BA DANG THUN MONG MA YIN PA RIM GNYIS KYI RTOGS PA YONGS SU RDZOGS PA RANG GI RGYUD LA BSKYED NAS RANG NYID MI NYAMS PA'I GDENG THOB PA NA GDUL BYA'I DON JI LTAR BYA TSUL DANG RJE'I SNYAN RGYUD KYI BSTAN PA BSRE BSLAD MED PAR 'DZIN CING SPEL LUGS SOGS ZHAL GDAMS RGYAS PAR GNANG STE RGYAL PA DBEN SA PA SNYAN RGYUD BSTAN PA'I BDAG POR BYIN GYIS BRLABS SO, , DE NAS GRUB CHEN CHOS RDO RJES RANG NYID RNAM SMIN GYI LUS RAGS PA BZUNG NAS GNAS PA'I DGOS PA LEGS PAR GRUB NAS ZUNG 'JUG DBANG GI RGYAL PO'I ZA MA TOG RNAM SMIN GYI LUS RAGS PA 'OD GSAL DU BSDUS TE 'JA'

LUS RDO RJE'I SKU'I RANG BZHIN DU BZHUGS NAS MKHA' KHYAB IKYI 'GRO BA THAMS CAD KYI KHAMS DANG BSAM PA DANG BAG LA NYAL DANG DBANG PO'I RIM PA DANG MTHUN PAR SPRUL PA BSTAN NAS DE DANG DE'I DON MDZAD PA LA 'BAD RTZOL DANG RNAM RTOG MI MNGA' ZHING YID BZHIN GYI NOR BU DANG DPAG BSAM GYI SHING BZHIN DU GDUL BYA RANG RANG GIS GANG DANG GANG DU GSOL BA BTAB PA DE DANG DER DBANG PO DANG 'TSAM PA'I SPRUL PA 'BYUNG LA, GANGS RI'I LJONGS 'DIR YANG SKAL BA DANG LDAN PA DAG LA SKU'I BKOD PA SNA TSOGS SU BSTAN TE, PAn CHEN BLO BZANG CHOS KYI RGYAL MTSAN LA SNGON RNAM SMIN GYI LUS RAGS PA BZUNG BA'I GNAS SKABS JI BZHIN DU, DGE SLONG BGRES BO DBU SKRA DANG SMA RA DKAR PO CAN ZHIG GI RNAM PAR ZHAL BSTAN PA LTA BU'O, ,JO MO LHA RI'I ZUNG 'JUG PHUG PAR YANG SKAL BA DANG LDAN PA 'GA' RE LA GANG YANG RUNG BA'I SKU'I RNAM PAR BSTAN PA DANG SKU MI SNANG BAR GSUNG GI GDANGS THOS PA DANG, SKU DANG GSUNG GI SNANG BA MED PAR TSUL KHRIMS KYI DRI NGAD ZHIM PO TSOR BA BYUNG BA SOGS LO RGYUS MANG DU SNANG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GRUB CHEN CHOS RDO RJE LA GSOL BA 'DEBS SHING GRUB CHEN 'DI'I RNAM THAR LTAR THEG PA CHEN PO'I DGE BA'I BSHES GNYEN MTSAN NYID DANG LDAN PA ZHIG BTZAL LA DE BSAM SBYOR GNYIS KYIS TSUL BZHIN DU BSTEN TE

, ,SANGS RGYAS NAS BZUNG DAM PA BAR MA CHAD BA LAS BRGYUD PA'I SNYAN RGYUD KYI MAN NGAG MDO SNGAGS GNYIS KA'I LAM GYI GNAD TSANG BA DE LA CHIG BSGRIL DU BYAS CHOG PA ZHIG THOB PAR BYAS, DE NAS TSE 'DI'I 'KHRI BA BCAD DE DBEN PA'I RI SUL DU 'TSO BA DKA' THUB LA GNAS NAS SGRUB PA RTZE GCIG TU BYAS LA MDO SNGAGS KYI LAM GYI RIM PA YONGS SU RDZOGS PA RGYUD LA BSKYED THUB PA ZHIG BYA, GRUB CHEN GYI RNAM THAR DE LTA BU MA ZIN YANG LAM GYI LUS YONGS SU RDZOGS PA LA THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,, 

*, ,BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA BZHUGS SO, ,

[DD1] !, ,TSUL TSE GRANG MAS RJE BTZUN MI PHAM MA YIN,, #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, MTSAN TZAM THOS BAS NGAN 'GRO'I 'JIGS LAS SKYOB, ,GSOL BA BTAB NA DNGOS GRUB KUN STZOL ZHING, ,BKA' BZHIN BSGRUBS NA SKU GSUM THOB MDZAD PA, ,STON PA THUB PA'I DBANG PO LA PHYAG 'TSAL, ,RAB 'BYAMS ZHING KUN SPRUL BAS LEGS BKANG STE, ,RGYAL BA'I MDZAD PA MTHA' DAG SGRUB MDZAD PA, ,RGYAL TSAB [DD2] !, ,'DREN PA MNYAM MED STON PA BCOM LDAN 'DAS, [DD3] !, ,RGYAL BA'I MKHYEN RAB KUN BSDUS 'JAM DPAL DBYANGS,,

[DD1] !, ,THAB MO'I DON GZIGS 'PHAGS MCHOG KLU SGRUB ZHABS,, *, ,MI PHAM MGON DANG 'JAM PA'I DBYANGS, ,BYANG CHUB SNYING PO'I BAR DU GTZUG GIS MCHOD, ,RAB BRTAN BYANG CHUB SEMS KYI SDONG PO LA, ,RLABS CHEN SPYOD PA'I YAL 'DAB RAB TU RGYAS, ,DON GNYIS 'BRAS BUS 'GRO KUN TSIMS MDZAD PA, ,RGYA CHEN SPYOD RGYUD BLA MA RNAMS LA 'DUD, ,ZAB ZHI SPROS DANG BRAL BA'I MKHA' DBYINGS DBUS, ,YE SHES RDO RJE'I NYIN BYED 'OD SNANG GIS, ,'GRO BLO'I MA RIG MUN PA SEL MDZAD PA, ,ZAB MO LTA RGYUD BLA MA RNAMS LA 'DUD, ,ZAB DANG RGYA CHE'I LAM GYI RIM PA KUN, ,RAB GSANG BYIN RLABS RIN CHEN 'BYUNG GNAS CHER, ,THABS MKHAS GRU YIS MYUR DU BGROD MDZAD PA, ,BYIN RLABS NYE RGYUD BLA MA RNAMS LA 'DUD, ,BRGYUD PA GSUM LDAN MAN NGAG SNYING PO'I BCUD, ,RIN CHEN BYANG [DD2] !, ,RGYAL BAS LUNG BSTAN 'PHAGS PA THOGS MED ZHABS,,

[DD1] !, ,SHING RTA CHEN PO'I SRAL 'DZIN MAR ME MDZAD,, CHUB SEMS KYI BDUD RTZI YIS, ,BYANG PHYOGS DMU RGOD 'GRO RNAMS 'DUL MDZAD PA, ,MGON PO AA TI SHA LA GSOL BA 'DEBS, ,BLO TSAN RGYAL DANG RGYAL SRAS KUN GYI MDZAD PA 'PHRIN LAS BZANG PO MA LUS GANG GI SNYING STOBS YANGS PA'I GRVA GCIG NA, ,NGAL BSO BGYIS PAS RGYAL BA KUN LAS LHAG PA'I THUGS RJE CAN ZHES SNYAN PA'I GRAGS PA PHYOGS KYI BU MOS RAB SGROGS PA, ,BYANG PHYOGS GANG RI'I KHROD KYI ZAS GTZANG SRAS PO 'JAM MGON BLA MA BDAG GI SPYI GTZUG MDZES PA'I RGYAN DU RTAG BZHUGS LA, ,NYID KYI LEGS BSHAD BDUD RTZI'I CHU YIS BDAG BLO'I 'DAB BRGYA CHA TSANG LAM GYI BDUD RTZI'I SNYING PO CAN DU MDZAD DU GSOL, ,RAB 'BYAMS RGYAL BA KUN GYI THUGS RJE'I GZUGS, ,BDAG GI DGE BA'I BSHES SU LEGS SHAR BA, ,MA NOR LAM STON DRIN CAN [DD2] !, ,RGYAL BA KUN DNGOS RJE BTZUN TZONG KHA PA,,

[DD1] !, ,GANGS CAN MGON PO 'JAM DPAL RGYA MTSO'I SDE,, *, ,BLA MA LA, ,SNYING NAS 'DUD DO RAB 'BRAS LDAN MDZOD, ,LHA BCAS 'GRO BA KUN GYI PHAN BDE'I GZHI, ,RGYAL BA'I GSUNG RAB KUN GYI SNYING PO'I DON, ,BYANG CHUB LAM RIM BLA MA BRGYUD PA YI, ,RTOGS PA BRJOD LA BDAG BLO SPRO BA SKYES, ,DE LA 'DIR MKHA' KHYAB KYI SEMS CAN THAMS CAD LA PHAN PA DANG BDE BA MA LUS GANG LAS 'BYUNG BA'I RGYU GCIG PU RGYAL BAS GSUNGS PA'I CHOS PHUNG BRGYAD KHRI BZHI STONG GI SNYING PO'I DON THAMS CAD GANG ZAG GCIG GI NYAMS LEN GYI RIM PAR HRIL GYIS DRIL BA BYANG CHUB LAM GYI RIM PA'I MAN NGAG LEGS PAR STON PA'I RTZA BRGYUD KYI BLA MA RNAMS KYI RNAM PAR THAR PA NI GANG BSHAD PAR BYA BA'O, ,DE YANG CHU 'GO GANGS LA THUG PA ZHIG DGOS PA LTAR DAM PA'I CHOS KYI BRGYUD PA'ANG [DD2] !, ,LAM 'DI GSAL MDZAD DZNY'A NA BHVA DZA'I ZHABS, ,

YANG DAG PAR RDZOGS PA'I SANGS RGYAS LA THUG PA ZHIG DGOS PAS THOG MAR BSTAN PA'I BDAG PO STON PA BCOM LDAN 'DAS SH'AKYA THUB PA THUGS RJE CAN DE NYID KYI RNAM PAR THAR PA PHYOGS TZAM ZHIG BRJOD PAR BYA'O, ,DE LA SANGS RGYAS 'JIG RTEN DU 'BYON PA NI BRGYA LAM NA AU DUM WA RA'I ME TOG LTAR SHIN TU DKON PAR GSUNGS LA, DE'I RGYU MTSAN YANG SANGS RGYAS 'JIG RTEN DU 'BYUNG BA LA DANG POR BYANG CHUB MCHOG TU THUGS BSKYED, BAR DU BSKAL PA GRANGS MED PA GSUM LA SOGS PA DUS RING DPAG TU MED PAR TSOGS GNYIS RLABS PO CHE BSAGS TE, SANGS RGYAS KYI ZHING YONGS SU DAG PA DANG, SMON LAM YONGS SU RDZOGS PA DANG, GDUL BYA RNAMS RGYUD YONGS SU SMIN PA SOGS RTEN 'BREL MTHA' YAS PA ZHIG 'GRIG PA NA SANGS RGYAS 'JIG RTEN DU 'BYON PA YIN LA, DE LTA BU'I RTEN 'GREL 'GRIG PA SHIN TU DKA' BAS 'JIG RTEN 'DI PHAL CHER MUN BSKAL SHA STAG TU GNAS SHING, SANGS RGYAS 'BYON PA'I SGRON BSKAL NI BRGYA LAM NA SRID PA TZAM MO, ,DE TZAM DU DKON PA CI YIN SNYAM NA, SPYOD 'JUG LAS, JI LTAR MTSAN MO MUN NAG SPRIN RUM NA, ,GLOG 'GYU SKAD CIG RAB SNANG STON PA

, ,LTAR; ;DE BZHIN SANGS RGYAS MTHU YIS BRGYA LAM NA, ,'JIG RTEN BSOD NAMS BLO GROS THANG 'GA' 'BYUNG, ,ZHES GSUNGS PA LTAR, KHAMS GSUM GYI 'KHOR BA'I SEMS CAN RNAMS LA DGE SEMS PHRA MO RE SKYE BA YANG SHIN TU DKA' ZHING, DGE SEMS GANG SKYE BA THAMS CAD SANGS RGYAS KYI MTHU KHO NA LA BLTOS LA, SANGS RGYAS LA DAD PA SOGS DGE SEMS PHRA MO RE SKYE BA YANG SHIN TU DKON NA, DKON MCHOG GSUM LA DAD PA RNYED NAS LAS DKAR NAG GI SPANG BLANGS TSUL BZHIN DU BYED PA DANG, SRID PA MTHA' DAG LA ZHEN PA LOG PA'I NGES 'BYUNG GIS BSKUL NAS THAR PA'I LAM LA SLOB PA RNAMS DKON PA LTA CI SMOS, NGES 'BYUNG GI BSAM PAS KUN NAS BSLANGS TE THAR LAM LA SLOB PA'ANG SHIN TU DKON NA, BDAG PAS GZHAN GCES PA'I BYANG CHUB KYI SEMS RIN PO CHES KUN NAS BSLABS TE RGYAL SRAS KYI SPYOD PA RGYA MTSO LTA BU LA DUS BSKAL PA GRANGS MED MANG POR BAR MA CHAD DU SLOB PA DANG BSLABS PA MTHAR PHYIN PA SHIN TU DKON PA LTA SMOS KYANG CI DGOS, DE'I PHYIR SANGS RGYAS 'JIG RTEN DU 'BYON PA SHIN TU DKON PAR DRI MA MED PA'I RIGS PAS LEGS PAR

GRUB BO, ,DE LTAR SANGS RGYAS 'BYON DKA' BA LAS BSKAL PA 'DI LA NI SANGS RGYAS STONG 'BYON PAS BSKAL PA BZANG PO ZHAS BRJOD PA YIN TE, SNGON MI MJED KYI 'JIG RTEN 'DI THOG MAR CHAGS PA'I DUS CHU'I DKYIL 'KHOR CHAGS PA'I TSE MTSO NANG NAS PADMA STONG 'THON PA, GNAS GTZANG MA'I LHA RNAMS KYIS MTHONG NAS 'DI GANG GI LTAS YIN SNYAM DU BRTAGS PA NA BSKAL PA 'DI LA SANGS RGYAS STONG 'BYUNG BA'I LTAS SU GO NAS; AE MA BSKAL PA 'DI NI BZANG PO'O ZHES CHED DU BRJOD PAR SNYING RJE PADMA DKAR PO LAS BSHAD DO, ,DE LA SKYE DGU RNAMS KYI TSE LO BZHI KHRI PA'I DUS SU SANGS RGYAS 'KHOR BA 'JIG BYON, TSE LO SUM KHRI PA'I DUS SU SANGS RGYAS GSER THUB BYON, TSE LO NYI KHRI PA'I DUS SU RGYAL BA 'OD SRUNGS BYON, RTZOD LDAN TSE LO BRGYA PA'I DUS SU STON PA BCOM LDAN 'DAS SH'AKYA THUB PA 'DI NYID BYON PA YIN LA, STON PA THUGS RJE CAN 'DI NYID KYIS THOG MAR THUGS JI LTAR BSKYED PA'I TSUL NI, MDO SDE BSKAL BZANG LAS, NGA NI SNGON TSE DMAN PAR GYUR PA'I TSE, ,DE BZHIN GSHEGS PA SH'AKYA THUB CHEN LA, ,'JAM GANG ZHIG GI DBUL BA BYAS NAS KYANG; ;DANG POR BYANG CHUB TU NI SEMS BSKYED DO; ,ZHES GSUNGS PA LTAR, RDZA MKHAN GYI BU KHYE'U SNANG BYED DU SKU 'KHRUNGS PA'I TSE, DE BZHIN GSHEGS PA SH'AKYA THUB CHEN ZHES BYA BA 'JIG RTEN DU BYON PA DANG MJAL

, ,TE RDZA'I BUM PA 'JAM GYIS BKANG BA ME LONG GIS KHA BRGYAN PA SOGS MCHOD PA'I YO BYAD CI YOD PHUL TE, DE BZHIN GSHEGS PA KHYED SKU CI 'DRA DANG, ,'KHOR DANG SKU TSE'I TSAD DANG ZHING KHAMS DANG, ,KHYED KYI MTSAN MCHOG BZANG PO CI 'DRA BA, ,DE 'DRA KHO NAR BDAG KYANG 'GYUR BAR SHOG ,CES BRJOD NAS BYANG CHUB TU THUGS BSKYED PAR MDZAD DO, ,GZHAN YANG STON PA THUGS RJE CAN 'DI NYID KYIS RANG CAG KHAMS GSUM GYI 'GRO BA 'KHOR BA'I GNAS NA NYON MONGS SHING SDUG BSNGAL BRGYA PHRAG DU MAS MNAR BA RNAMS THUGS KYIS MA BZOD NAS, DE BZHIN GSHEGS PA BGRANG BA LAS 'DAS PA DAG GI SPYAN SNGAR THUGS BSKYED CING SMON LAM 'DEBS PAR MDZAD DE, DE YANG, STON PAS SNGON DE BZHIN GSHEGS PA BGRANG BA LAS 'DAS PA'I SPYAN SNGAR THUGS BSKYED MDZAD PA LAS, 'DIR MDO SDE LAS 'BYUNG BA LTAR GTZO CHE BA 'GA' ZHIG SMOS NA, DRIN LAN BSAB PA'I MDO LAS GSUNGS TSUL NI, STON PA THUGS RJE CAN 'DI NYID SNGON DMYAL BA'I SHING RTA 'DREN PAR 'KHRUNGS PA NA, GROGS ZLA BO ZHIG DANG GNYIS KYIS LCAGS BSREGS KYIS GZHIR GSHIN RJE AA GLANG GI SHING RTA 'DREN PA LAS ZLA BO DE NYAM CHUNG BAS SHING RTA 'DREN MA NUS PA NA, GSHIN RJE AA GLANG GIS LCAGS KYI MDUNG RTZE GSUM PA BRANG LA BSNUN PAS KHRAG GI

CHAR BAB CING SDUG BSNGAL GYIS NYAM THAG NAS SMRE SNGAGS 'DON PA NA, DAL BZOD GLAGS MED PA'I SNYING RJE 'KHRUNGS NAS SEMS CAN 'DI SDUG BSNGAL LAS THAR BAR BYAS TE DMYAL BA'I SDUG BSNGAL 'DI NGA GCIG PUS BZOD PAR BYA'O SNYAM DU THUGS BSKYED CING, SEMS CAN DES MTSON NAS LAS NGAN PA'I DBANG GIS DMYAL BAR LHUNG BA DANG LTUNG BAR 'GYUR BA'I SEMS CAN THAMS CAD LA BZOD GLAGS MED PA'I SNYING RJE SKYES NAS BYANG CHUB TU THUGS BSKYED DE, GSHIN RJE AA GLANG LA SEMS CAN NYAM THAG 'DI THONGS LA 'DI'I THAG PA'ANG NGA'I MGO LA SKON CIG ,NGA GCIG PUS DRANG BAR BYA'O ZHES GSUNGS PA NA, AA GLANG KHROS NAS LCAGS KYI MDUNG RTZE GSUM PA BSNUN BAS BSKAL PA BRGYAR BSAGS PA'I SDIG PA DAG CING, DE NAS TSE 'PHOS TE SUM CU RTZA GSUM GYI LHAR SKYES BAR GSUNGS SO, ,'DI BCOM LDAN 'DAS KYIS BYAMS PA'I THUGS BSKYED PA'I THOG MA YIN PA DANG, DE NAS BZUNG STE MNGON PAR RDZOGS PAR SANGS RGYAS PA'I BAR DU SEMS CAN THAMS CAD LA BYAMS PA DANG SNYING RJE'I SEMS RGYUN MA CHAD PAR BSKYED PAR MDZANGS BLUN LAS GSUNGS SO, ,THUGS BSKYED TSUL 'DUL BA LUNG LAS GSUNGS PA NI, LUNG SMAN GYI GZHI LAS, STON PA LA RGYAL PO GSAL RGYAL GYIS STON PAS THOG MAR GANG DU SEMS BSKYED LAGS ZHUS PA NA, STON PAS BKA' STZAL BA, SNGON RGYAL

, ,PO 'OD LDAN ZHES BYA BA'I YUL DU GLANG PO RIN PO CHE ME TOG KU MU DA'I MDOG LTAR DKAR BA, YAN LAG BDUN SHIN TU GNAS PA ZHIG BYUNG STE, DE RGYAL PO 'OD LDAN GYIS MTHONG NAS GLANG PO 'DUL MKHAN LA 'DI DUL BAR BYOS LA NGA LA PHUL CIG CES GSUNGS PAS, GLANG PO 'DUL MKHAN GYIS BKA' BZHIN 'TSAL ZHES ZER TE, DE DUL BAR BYAS NAS RGYAL PO LA PHUL BA DANG, RGYAL POS GLANG PO LA ZHON 'DUL MKHAN YANG GONG DU ZHON TE RI DVAGS GSHOR DU SONG BA NA, GLANG PO CHE DES GLANG MO'I DRI TSOR TE RJES BZHIN DU BRGYUGS NAS RLUNG LTAR KHYER BA DANG, RGYAL PHO 'OD LDAN GYIS GLANG PO 'DUL MKHAN LA, NAM MKHA' 'GUL BA 'DRA ZHING PHYOGS KUN MYUR DU 'GRO BA 'DRA BA 'DI BZLOG CIG ,DES BZLOG MA NUS TE RGYAL PO LA GLANG PO 'DI MI THUB KYIS SHING GI YAL GA LA 'JUS MDZOD CIG BYAS PAS, RGYAL POS SHING GI YAL GA LA 'JUS PAS SROG GI 'JIGS PA LAS THAR RO, ,DE NAS RGYAL POS GLANG PO 'DUL MKHAN LA KHYOD KYIS GLANG PO MA THUL BAR NGA LA PHUL LO, ,DES SMRAS PA, LHA; BDAG GIS SHIN TU DUL MOD KYIS, GLANG MO'I DRI TSOR NAS NYAN DU MA BTUB LAGS SO, ,'ON KYANG DPYAD DRAN TE LOG NAS MCHI'O ZHES ZHUS SO, ,DE NAS GLANG PO DE MYOS PA DANG BRAL TE ZHAG BDUN LON PA DANG, DPYAD DRAN TE RANG GI GNAS SU 'ONGS SO, ,DE NAS 'DUL MKHAN GYIS RGYAL PO LA GLANG PO MCHIS LAGS SO, ,

RGYAL POS SMRAS PA, KHYOD KYIS 'DI MA THUL LO, ,LHA; THUL LO, ,CIS MNGON, LHA'I SPYAN SNGAR PHAB PAR BGYI'O ZHES DES LCAGS KYI THU LUM MES BSREGS TE DPYAD KYI SAR KHYER NAS LEN DU GZHUG PAR BRTZAMS PAS, BAG TSA BA MED PAR LEN NO, ,DE MTHONG NAS GLANG RDZIS RGYAL PO LA GSOL PA, LHA; LEN DU NI BTUB KYANG 'GUM LAGS SO, ,RGYAL POS SMRAS PA, KYE MKHAS PA, DE LTAR SHIN TU DUL BA 'DIS BDAG CAG G-YENGS BA 'DI LA RGYU CI ZHIG YOD, GLANG RDZIS GSOL BA, LHA; BDAG GIS SNGAR LUS DUL GYI SEMS MDUL LO ZHES MA GSOL TAM, BDAG NI LUS 'DUL BA LAGS KYI, SEMS 'DUL BA NI MA LAGS SO, ,RGYAL POS SMRAS PA, SEMS 'DUL BA 'GA' YOD PA THOS SAM ZHES DRIS PA NA, GLANG PO CHE 'DUL MKHAN DE LA PHYOGS BCU'I SANGS RGYAS RNAMS KYI BYIN RLABS DANG NUS MTHU ZHUGS NAS DES SMRAS PA, LHA; LUS DANG SEMS GNYIS KA 'DUL BAR BYED PA SANGS RGYAS BCOM LDAN 'DAS MCHIS SO, ,RGYAL PO CHEN PO SANGS RGYAS MTHU BO CHE, ,NYON MONGS SPANGS PA DPA' BO STOBS LDAN PA, ,DE DANG GANG DAG DE LTAR RJES 'BRANG BA, ,DE DBANG 'DIR NI GZUGS MED SEMS 'GYUR RO, ,ZHES SOGS SANGS RGYAS RNAMS KYI YON TAN RGYA CHER BSGRAGS SO, ,DE NAS RGYAL PO 'OD LDAN GYIS SANGS RGYAS BCOM LDAN 'DAS RNAMS KYI BRTZON 'GRUS DANG STOBS THOS NAS SHIN TU

, ,DAD DE SBYIN PA DAG BYIN, BSOD NAMS DAG BYAS TE BLA NA MED PAR YANG DAG PAR RDZOGS PA'I BYANG CHUB TU SMON LAM BTAB PA, SBYIN PA RGYA CHEN GYUR PA 'DI YIS SU, ,'GRO BAR RANG BYUNG SANGS RGYAS GYUR NAS NI, ,SNGON GYI RGYAL BA RNAMS KYIS MA BSGRAL BA, ,SKYE BO'I TSOGS DAG BDAG GIS BSGRAL BAR BYA, ,BDAG GIS SKYE DGU LEGS BSKYANGS LAS BYUNG BA'AM, BTANG BA LAS BYUNG BSOD NAMS YOD PA GANG, ,DES NI SANGS RGYAS NYID THOB 'JIG RTEN DAG ,'DOD PA'I RIMS NAD LAS NI THAR BAR BYA, ,ZHES BYANG CHUB MCHOG TU THUGS BSKYED PAR GSUNGS SO, ,MA SKYES DGRA'I 'GYOD PA BSAL BA'I MDO LAS THUGS BSKYED TSUL GSUNGS PA NI, DE BZHIN GSHEGS PA SNGON 'DAS PA'I BSKAL PA BYE BA KHRAG KHRIG BRGYA STONG GRANGS MED PA'I SNGON ROL GYI YANG SNGON ROL NA TSONG DPON GYI BU DRI MA MED PA'I DPUNG BA ZHES BYA BAR 'KHRUNGS PA'I CHE, RJE BTZUN 'JAM DPAL DGE SLONG CHOS SMRA BA YE SHES RGYAL PO ZHES BYA BAR 'KHRUNGS PA DES BSKUL NAS DE BZHIN GSHEGS PA MI THUB ZLA BA'I RGYAL MTSAN GYI SPYAN SNGAR KHRID NAS DE BZHIN GSHEGS PA 'KHOR DANG BCAS PA LA BSOD SNYOMS 'BUL DU BCUG PA NA, TSONG DPON GYI BU DRI MA MED PA'I DPUNG BA ZHES BYA BA DES KYANG BSOD SNYOMS PHUL NAS BSOD SNYOMS GCIG

PHUL BAS, DE BZHIN GSHEGS PA MI THUB ZLA BA'I RGYAL MTSAN 'KHOR NYAN THOS BRGYAD KHRI BZHI STONG DANG BYANG CHUB SEMS DPA' KHRI NYIS STONG DANG BCAS PA KHYAB CING THAMS CAD KYIS TSIM PAR BZHES KYANG BSOD SNYOMS DE ZAD BAR MA GYUR PA NA KHYE'U DE RAB TU DGA' ZHING DAD PA LHAG PAR SKYES NAS DE BZHIN GSHEGS PA DE'I SPYAN SNGAR 'DUG PA DANG, DE BZHIN GSHEGS PA MI THUB ZLA BA'I RGYAL MTSAN GYIS KHYE'U DE LA BYANG CHUB KYI LAM BSTAN PA NA, TSONG DPON GYI BU DRI MA MED PA'I DPUNG PAS PHYIR MI LDOG PA'I DAD PA CHEN POS SKYABS SU SONG ZHING BYANG CHUB TU THUGS BSKYED PAR GSUNGS SO, ,BYANG CHUB SEMS DPA'I SDE SNOD LAS STON PAS SNGON THUGS BSKYED TSUL DANG SA, LAM RIM GYIS BGROD TSUL GSUNGS PA NI MDO DE NYID LAS, DE BZHIN GSHEGS PA SNGON 'DAS PA'I BSKAL PA GRANGS MED BSAM GYIS MI KHYAB PA'I SNGON ROL NA, CHOS KYI RGYAL PO TSE RNAM PAR RGYAL BA ZHES BYA BA'I BU GZHON NU BRTZON 'GRUS SPYOD PA ZHES BYA BAR 'KHRUNGS PA'I TSE DE BZHIN GSHEGS PA PHUNG PO CHEN PO ZHES BYA BA 'JIG RTEN DU BYON PA DANG MJAL TE, DE BZHIN GSHEGS PA DES RDZU 'PHRUL GYI BKOD PA BSAM GYIS MI KHYAB BA BSTAN NAS GZHON NU BRTZON 'GRUS SPYOD PA YID 'DUN PAR BYAS TE BYAMS SNYING RJE BYANG CHUB KYI SEMS BSKYED TSUL DANG, SBYIN PA LA SOGS PA'I PHA ROL TU PHYIN PA DRUG DANG BSDU BA'I DNGOS PO BZHIS BSDUS PA'I

, ,RGYAL SRAS KYI SPYOD LA RLABS PO CHE RNAMS LA SLOB TSUL RGYAS PAR BSTAN CING, STOBS BCU DANG MI 'JIGS PA BZHI DANG, MA 'DRES PA BCO BRGYAD SOGS SANGS RGYAS KYI YON TAN RNAMS RGYA CHER BSGRAGS PA NA, GZHON NU BRTZON 'GRUS SPYOD PA THEG PA CHEN PO'I LAM LA PHYIR MI LDOG PA'I NGES PA BRTAN PO THOB NAS, BCOM LDAN 'DAS DE BZHIN GSHEGS PA DGRA BCOM PA YANG DAG BAR RDZOGS PA'I SANGS RGYAS PHUNG PO CHEN PO NYAN THOS KYI DGE 'DUN DANG BCAS PA LA LO BYE BA PHRAG DGU BCU RTZA DRUG TU MCHOD PA'I DNGOS PO THAMS CAD KYIS MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR GSUNGS SO, ,DE NAS BSKAL PA CHEN PO GRANGS MED PA GCIG 'DAS PA NA TSONG DPON SHES RAB BZANG PO ZHES BYA BAR 'KHRUNGS PA'I TSE, DE BZHIN GSHEGS PA DKON MCHOG YAN LAG CES BYA BA 'JIG RTEN DU BYON PA DANG MJAL TE, DE BZHIN GSHEGS PA DKON MCHOG YAN LAG GIS TSONG DPON SHES RAB BZANG PO LA BYANG CHUB KYI LAM RGYAS PAR BSTAN CING, RDZU 'PHRUL GYI BKOD PA DU MA'ANG BSTAN PAS DAD PA DANG DGA' BA RGYA CHEN PO DANG BYANG CHUB KYI LAM LA PHYIR MI LDOG PA'I NGES PA BRTAN PAR GYUR NAS, TSONG DPON SHES RAB BZANG POS DE BZHIN GSHEGS PA DKON MCHOG YAN

LAG NYAN THOS KYI DGE 'DUN DANG BCAS PA LA LO STONG DU MCHOD CING BSNYEN BKUR NAS BLA NA MED PA YANG DAG PAR RDZOGS PA'I BYANG CHUB TU THUGS BSKYED CING BYANG CHUB KYI LAM RNAMS YONGS SU BSGRUB BO, ,DE NAS BSKAL PA GRANGS MED PA GCIG 'DAS PA NA BRAM ZE'I KHYE'U GZHON NU SPRIN DU 'KHRUNGS PA'I TSE, DE BZHIN GSHEGS PA MAR ME MDZAD 'JIG RTEN DU BYON PA DANG MJAL TE, DGA' BA DANG, MGU BA DANG, DAD PA RGYA CHEN POS DE BZHIN GSHEGS PA MAR ME MDZAD KYI SPYAN SNGAR LO BCU GNYIS SU RAL PA GSER GYI MDOG CAN BTING NAS, BDAG BLA NA MED PA YANG DAG PAR RDZOGS PA'I BYANG CHUB TU LUNG MI STON NA BDAG 'DI NYID DU LUS BSKAM PAR BYA'O ZHES YI DAM BCAS SO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KUN NAS SPYAN KUN NAS MKHYEN PA DUS GSUM GANG YANG MI MKHYEN BA CUNG ZAD KYANG MED PA DES BRAM ZE'I KHYE'U SPRIN GYI BSAM PA MKHYEN NAS, DE'I RAL BA GSER GYI KHA DOG LTA BU LA ZHABS BZHAG GO ,DE NAS BRAM ZE'I KHYE'U SPRIN GYIS LANGS NAS DE BZHIN GSHEGS PA MAR ME MDZAD LA AUTPA LAS SNYIM PA BKANG STE GTOR RO, ,GTOR MA THAG TU DE'I TSE DE BZHIN GSHEGS PA'I DBU'I GTZUG GI STENG GI THAD DU AUTPA LA'I KHANG PA BRTZEGS PA GRVA BZHIR KA BA

, ,BZHI ZUG BA, CHA MNYAM PA, SHIN TU RNAM PAR PHYE BA, NYAMS DGA' BA, YID DU 'ONG BA ZHIG GNAS PAR GYUR TE, KHANG PA BRTZEGS PA DE NA'ANG DE BZHIN GSHEGS PA'I SKU SNANG NGO, ,DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I KHYE'U SPRIN LA 'DI SKAD CES BKA' STZAL TO, ,BRAM ZE'I KHYE'U KHYOD DGE BA'I RTZA BA 'DIS MA 'ONGS PA'I DUS BSKAL PA GRANGS MED PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA ZHES BYA BA RIG PA DANG ZHABS SU LDAN PA; BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS SU 'GYUR RO, ,ZHES LUNG BSTAN TO, ,DE NAS BRAM ZE'I KHYE'U SPRIN BDAG NYID LUNG BSTAN PA THOS NAS DGA' ZHING MGU LA YI RANGS TE, RAB TU DGA' BA DANG YID BDE BA SKYES NAS DE'I TSE MI SKYE BA'I CHOS LA BZOD PA RAB TU THOB BO; ;DE BZOD PA THOB NAS STENG GI NAM MKHA' TA LA BDUN SRING DU 'PHAGS NAS TING NGE 'DZIN DRUG STONG MNGON DU GYUR CING, DE BZHIN GSHAGS PA GANGGA'I KLUNG GI BYE MA SNYED DAG KYANG MNGON DU

GYUR TO, ,ZHES GSUNGS, LHAG PAR STON PA THUGS RJE CAN 'DIS RANG CAG RTZOD LDAN SNYIGS MA LNGA BDO'I 'GRO BA SANGS RGYAS DANG BYANG CHUB SEMS DPA' GZHAN THAMS CAD KYIS 'DUL MA NUS PAR YAL BAR BOR BA RNAMS THUGS RJES MA BZOD PAR BRAM ZE RGYA MTSO'I RDUL DU 'KHRUNGS PA NA DE BZHIN GSHEGS PA RIN CHEN SNYING PO'I SPYAN SNGAR PHYOGS BCU'I SANGS RGYAS DANG BYANG CHUB SEMS DPA' THAMS CAD DPANG DU BZHAG STE, SPYIR PHYOGS BCU'I SANGS RGYAS THAMS CAD KYIS 'DUL MA NUS PAR LUS SHING, KHYAD PAR BSKAL BA BZANG PO 'DI LA 'BYON PA'I SANGS RGYAS 'KHOR BA 'JIG NAS, THA MA MOS PA SNANG MDZAD LA THUG GI BAR DGU BRGYA DANG DGU BCU RTZA DGU BO DE DAG THAMS CAD KYIS RANG RANG GI ZHING BZUNG BA NA RTZOD LDAN TSE LO BRGYA PA'I DUS 'DI NI JI LTAR ME DPUNG 'BAR BA'I NANG DU SU YANG 'JUG PAR MI SPRO BA BZHIN DU DGU BRGYA DANG DGU BCU RTZA DGU PO DE DAG THAMS CAD KYIS SNYIGS MA LNGA BDO'I SEMS CAN MA RUNGS BA RMU RGOD PA GDUL DKA' BA PHA LA PHAR MI 'DZIN PA MA LA MAR MI 'DZIN PA SLOB DPON LA SLOB DPON DU MI 'DZIN PA DRIN LAN LOG PAR 'JAL BA MA RUNGS BA DE DAG GI NANG DU SU ZHIG 'JUG CES YAL BAR POR BA NA, BRAM ZE RGYA MTSO'I RDUL GYIS DE BZHIN GSHEGS BA RIN CHEN SNYING BO'I SPYAN SNGAR PHYOGS BCU'I SANGS RGYAS THAMS CAD DPANG DU BZHAG STE MKHYEN PAR GSOL NAS, RTZOD LDAN TSE LO BRGYA PA'I DUS KYI SAMS

, ,CAN DE DAG SNYING RE RJE, DE DAG NGA 'BA' ZHIG GIS GDUL BAR BYA'O, ,DE'I BAR DU 'TSANG RGYA BAR RANG DBANG YOD KYANG 'TSANG MI RGYA BAR DE'I DUS KHO NAR NGES BAR 'TSANG RGYA BA'I MDZAD PA BSTAN PAR BYA'O, , ZHES DAM BCAS SHING RANG CAG SNYIGS MA LNGA BDO'I 'GRO BA RNAMS KYI DON DU SMON LAM CHEN PO LNGA BRGYA BTAB PA NA DE BZHIN GSHEGS PA RIN CHEN SNYING PO DANG PHYOGS BCU'I SANGS RGYAS THAMS CAD KYIS MGRIN GCIG TU LEGS SO BRJOD CING ME TOG GTOR TE BDAG NYID CHEN PO KHYOD NI BYANG CHUB SEMS DPA' THAMS CAD KYI NANG NA ZLA MED PA STE ME TOG THAMS CAD KYI NANG NA MTSUNGS PA MED PA ME TOG PADMA DKAR PO LTA BU'I ZHES RGYA CHER BSNGAGS SO, ,STON PA THUGS RJE CAN 'DI'I MDZAD PA GZHAN LTA ZHOG ,SNGON THUGS BSKYED PA'I MDZAD PA 'DI NYID BSAMS NAS KYANG BKA' DRIN DANG THUGS RJE DRAN PA'I DAD PA CHEN PO'I SGO NAS MCHOD CING GSOL BA 'DEBS PA LA BRTZON PA LHUR BYA'O, ,DE LTAR STON PAS THUGS BSKYED NAS BAR DU TSOGS BSAGS TSUL NI, MDZOD LAS, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,DANG PO SH'AKYA THUB BA YIN, ,ZHES GSUNGS PA LTAR, DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA GTZUG TOR CAN 'JIG RTEN DU BYON PA'I BAR LA GRANGS MED DANG PO DANG, DE NAS DE BZHIN GSHEGS PA MAR ME MDZAD 'JIG RTEN DU BYON PA'I BAR LA GRANGS MED GNYIS PA DANG,

DE NAS DE BZHIN GSHEGS PA RNAM GZIGS 'JIG RTEN DU BYON PA'I BAR LA GRANGS MED GSUM PA STE BSKAL CHEN GRANGS MED GSUM DU TSOGS BSAGS , DE YANG 'DUL BA LUNG LAS , SANGS RGYAS SH'AKYA THUB PA NAS, ,'DREN PA YUL 'KHOR SKYONG GI BAR , BDUN KHRI LNGA STONG TSANG BA YI, ,SANGS RGYAS RNAMS NI NGAS MCHOD DO, ,SANGS RGYAS LEGS MDZAD NAS BZUNG STE, ,DBANG PO RGYAL MTSAN THUB PA'I BAR, ,BDUN KHRI DRUG STONG TSANG BA YI, , SANGS RGYAS RNAMS NI NGAS MCHOD DO, ,SANGS RGYAS MAR ME MDZAD NAS NI, ,SANGS RGYAS 'OD SRUNGS BAR DAG TU, ,BDUN KHRI BDUN STONG TSANG BA YI, ,SANGS RGYAS RNAMS NI NGAS MCHOD DO, ,ZHES 'BYUNG BA LTAR, GRANGS MED DANG PO LA DE BZHIN GSHEGS PA SH'AKYA THUB CHEN NAS BZUNG DE BZHIN GSHEGS PA YUL 'KHOR SKYONG GI BAR SANGS RGYAS BDUN KHRI LNGA STONG DANG, GRANGS MED GNYIS PA LA DE BZHIN GSHEGS PA LEGS MDZAD NAS BZUNG STE DE BZHIN GSHEGS PA DBANG PO RGYAL MTSAN GYI BAR SANGS RGYAS BDUN KHRI DRUG STONG DANG, GRANGS MED GSUM PA LA DE BZHIN GSHEGS PA MAR ME MDZAD NAS BZUNG DE BZHIN GSHEGS PA 'OD SRUNGS KYI BAR SANGS RGYAS BDUN KHRI BDUN STONG LA BSNYEN BKUR ZHING MCHOD PAS MNYES PAR MDZAD CING TSOGS GNYIS BAR MA CHAD DU BSAGS SO, ,DE LTAR GRANGS MED GSUM DU TSOGS BSAGS TSUL DE YANG THEG PA THUN MONG BA'I DBANG DU BYAS NAS GSUNGS PA YIN GYI ,

, ,THEG PA CHEN PO'I MDO NAS GRANGS MED GSUM DU TSOGS BSAGS TSUL JI LTAR GSUNGS PA NI SNGAR BYANG CHUB SEMS DPA'I SDE SNOD LAS JI LTAR GSUNGS TSUL BSHAD PA LTAR DANG, MDO SDE DKON MCHOG SPRIN LAS, RIGS KYI BU DE BZHIN GSHEGS PA NI BSKAL PA GRANGS MED PA DU MAS YANG DAG PAR GRUB PA YIN TE, RIGS KYI BU DE BZHIN GSHEGS PA NA DPAG BA DANG, BSAM PA DANG, BRTAG PAR MI NUS SO, ,BYANG CHUB SEMS DPA' SGRIB PA THAMS CAD RNAM PAR SEL BAS GSOL PA, BCOM LDAN 'DAS BSKAL BA GRANGS MA MCHIS PA GSUM GYIS DE BZHIN GSHEGS PA RNAMS YANG DAG PAR 'GRUB PA MA LAGS SAM, BCOM LDAN 'DAS KYIS BKA' STZAL BA, RIGS KYI BU DE CI'I PHYIR ZHE NA, BYANG CHUB SEMS DPA' DE BZHIN GSHEGS PA'I YUL BSGRUB PAR BYA BA NI BSAM GYIS MI KHYAB STE, DE NI BSKAL PA GRANGS MED PA GSUM GYIS YANG DAG PAR BSGRUB PAR MI NUS KYI, NAM BYANG CHUB SEMS DPA' CHOS MNYAM PA NYID DU ZHUGS PAR GYUR PA DE'I TSE DE NAS BRTZAMS TE BSKAL PA BGRANG BAR BYA YI, THOG MA'I SEMS NAS BRTZAMS TE NI MA YIN NO, , ZHES GSUNGS, ZLA BA SGRON MA'I MDO LAS, SANGS RGYAS NGAG NI BYE BA KHRAG KHRIG DANG, ,DE LAS LHAG PA GANGGA'I BYE BA SNYED, ,KUN KYANG BYA RGOD PHUNG PO 'DIR BZHUGS TE, ,MI DBANG DE KUN NGA

YIS BKUR BSTI BYAS, ,ZHES SOGS RGYA CHER GSUNGS PA LTAR, STON PAS SNGON SLOB PA LAM GYI GNAS SKABS SU SANGS RGYAS GRANGS MED DPAG TU MED PA GANGGA'I KLUNG GI BYE MA SNYED DAG LA BSNYEN BKUR ZHING MCHOD PAR MDZAD NAS RDZOGS SMIN SBYANGS GSUM GYI SPYOD PA MTHAR PHYIN PAR MDZAD DE BZHI DANG SNYING PO ME TOG GIS BRGYAN PA ZHES BYA BA'I 'OG MIN GYI ZHING DU NGES PA LNGA LDAN LONGS SPYOD RDZOGS SKU MNGON DU MDZAD DO , SKU DE LAS NAM YANG G-YO BA MED BZHIN DU MKHA' KHYAB KYI ZHING THAMS CAD DU GDUL BYA RANG RANG GI DBANG PO DANG 'TSAM PA'I SPRUL PA BSTAN NAS SEMS CAN GYI DON MDZAD PA LAS , SNGON GYI THUGS BSKYED DANG SMON LAM DUS SU SMIN TE MI MJED 'JIG RTEN GYI ZHING 'DIR MCHOG GI SPRUL SKU'I MDZAD PA STON DU NYE BA NA , RGYAL BA 'OD SRUNGS 'JIG RTEN 'DIR BYON PA'I TSE STON PA THUGS RJE CAN 'DI NYID BRAM ZE'I KHYE'U BLA MA ZHES BYA BAR 'KHRUNGS NAS RGYAL BA 'OD SRUNGS KYI SPYAN SNGAR TSANGS PAR SPYOD CING BZHUGS PA NA RGYAL BA 'OD SRUNGS KYIS BRAM ZE'I KHYE'U BLA MA KHYOD NI NGA MYA NGAN LAS 'DAS PA'I 'OG TU TSE LO BRGYA PA'I DUS SU MI MJED 'JIG RTEN GYI KHAMS 'DIR DE BZHIN GSHEGS PA DGRA BCOM PA YANG DAG PA RDZOGS PA'I SANGS RGYAS RIG PA DANG ZHABS SU LDAN PA , BDE BAR GSHEGS PA , 'JIG RTEN MKHYEN PA SKYES BU 'DUL BA'I KHA LO BSGYUR BA BLA NA MED PA , LHA DANG MI RNAMS KYI STON PA , SANGS

, ,RGYAS SH'AKYA THUB PA ZHES BYA BAR 'GYUR TE, LO BRGYAD CU'I BAR DU CHOS KYI 'KHOR LO BSKOR NAS MYA NGAN LAS 'DAS PA'I 'OG TU 'ANG DAM PA'I CHOS YUN RING DU GNAS PAR 'GYUR RO, ,ZHES LUNG BSTAN TE PHYOGS BCU'I ZHING KHAMS THAMS CAD DU GRAGS PAR MDZAD DO, ,BRAM ZE'I KHYE'U BLA MA DE NAS 'PHOS TE DGA' LDAN DU LHA'I BU DAM PA TOG DKAR PO ZHES BYA BA SKYE BA GCIG THOGS KYI BYANG CHUB SEMS DPA'I TSUL BZUNG STE DGA' LDAN GYI LHA RNAMS LA CHOS STON CING ZHING 'DIR 'BYON PA'I BAR DU BZHUGS SO, ,DE NAS BYANG CHUB SEMS DPA' DAM PA TOG DKAR PO ZHING 'DIR 'BYON DU NYE BA NA, GANG DU BYANG CHUB SEMS DPA' SKU BLTAMS PAR 'GYUR BA'I SA LUM BI NA'I TSAL DU LNGA LTAS BCU BYUNG STE , SA THAMS CAD LAG MTHIL LTAR MNYAM, SA GZHI RDO RJE LAS GRUB CING RIN PO CHES GANG , RIN PO CHE'I SHING GIS 'KHRIGS , SPOS KYI MYU GU DANG PHYE MA'I MDZOD 'THON ZHING RGYAL MTSAN GYI SPRIN GTIBS, LHA RDZAS KYI ME TOG DANG GOS KYI MDZOD RGYAS, LJON SHING THAMS CAD LA NOR BU RIN PO CHE'I MDZOD GRUB , CHU LAS 'PHAGS PA'I PADMAS GANG, ,SDE BRGYAD SOGS 'JIG RTEN GYI DBANG PO RNAMS THAL MO SBYAR TE 'KHOD , SDE BRGYAD KYI BU MO RNAMS KYIS LJON PA'I RGYAL PO PLAKsh'I SDONG PO LA BLTA ZHING PHYOGS BCU'I RGYAL BA THAMS CAD KYI SKU'I LTE PA NAS

BKYE BA'I 'OD ZER GYIS TSAL THAMS CAD SNANG BAR BYAS SHING 'OD KYI DKYIL 'KHOR DU BYANG CHUB SEMS DPA' SKU BLTAMS PA'I RNAM 'PHRUL GZUGS BRNYAN DU 'CHAR LA SKU BLTAMS PA'I SGRA GRAG PA RNAMS BYUNG NGO, ,LUM PA NA'I TSAL ZHES BYA BA NI GRONG KHYER SER SKYA DANG NYE BA'I PHYOGS NA SNGON LHA RNAMS KYIS 'DIR GRONG KHYER RTZIGS SHIG CES BKOD PA BYAS PA'I SA LHAS BSTAN CES BYA BA'I GRONG KHYER CHEN PO NA RGYAL PO LEGS PAR RAB SAD CES BYA BA ZHIG YOD DE , DE LA BTZUN MO'I MCHOG LUM PI NI ZHES BYA BA SMON LAM GYI MTHU GRUB PA ZHIG YOD PA DE LA BYANG CHUB SEMS DPA'I BYIN RLABS ZHUGS TE , SER SKYA DANG LHAS BSTAN GYI BAR DU KUN DGA' RA BA ZHIG YOD PA DE NGA'I SKYED TSAL DU BYUNG NA SNYAM DU SMON ZHING DE LTAR DU RGYAL PO LEGS PAR RAB SAD LA ZHUS PA NA, RGYAL PO LEGS PAR RAB SAD KYIS DER SKYED TSAL PHUN SUM TSOGS PA YO BYAD THAMS CAD DANG LDAN PA ZHIG BCOS TE LUM BI NI LA BYIN PAS LUM BI NA'I TSAL ZHES GRAGS SO, ,DE NAS BYANG CHUB SEMS DPA' DAM PA TOG DKAR PO NI DGA' LDAN GYI LHA'I GNAS NA, GZHAL MED KHANG SUM KHRI NYIS STONG RAB TU GNAS PA LHA'I GZHAL MED KHANG GI YON TAN DANG RGYAN BKOD PA PHUN SUM TSOGS PA BYE BAS RAB TU PHYUG CING DPAL DANG LDAN PA DE NA BDE BAR GNAS SHING , SIL SNYAN

, ,DANG GLU DBYANGS BRGYAD KHRI BZHI STONG GI SGRA SGROG PA LAS, NYID KYI BSOD NAMS KYI MTHU DANG SANGS RGYAS RNAMS KYI BYIN RLABS KYIS ROL MO'I SGRA DBYANGS DE DAG LAS, BSOD NAMS RGYA CHE TSOGS MNGA' DRAN RTOGS DANG, ,BLO GROS MTHA' YAS SHES RAB 'OD MDZAD PA, ,MTSUNGS MED STOBS MNGA' SGYU RTZAL RGYA CHE BA, ,MAR ME MDZAD KYIS LUNG BSTAN DGONGS PAR MDZOD, , SKYES MCHOG KHYOD KYI BSOD NAMS DPAL GYIS NI, ,DGA' LDAN PHO BRANG SHIN TU MDZES MOD KYI, ,'ON KYANG THUGS RJE'I THUGS DANG LDAN PAS NA, ,'DZAM BU'I RGYAL MTSAN DU NI CHAR PA PHOB, , CES PA NAS, 'DI NI DUS LAGS BTANG SNYOMS MA MDZAD CES, ,SNYING RJE'I YID DANG LDAN LA SKUL BAR BYED, ,CES PA LA SOGS PAS 'DZAM BU'I GLING DU 'BYON PA'I DUS LA BAB PAR BSKUL TE, DE YANG SNGON BSKAL PA BGRANG BA LAS 'DAS PA NAS RTZOD LDAN TSE LO BRGYA PA'I DUS SU 'DZAM BU'I GLING DU SANGS RGYAS KYI MDZAD PA STON PAR THUGS DAM BCAS SHING, RGYAL BA MAR ME MDZAD DANG RGYAL BA 'OD SRUNGS LA SOGS PA SANGS RGYAS BGRANG BA LAS 'DAS PA DAG GIS KYANG DE LTAR DU LUNG BSTAN PA DE RNAMS DGONGS PAR MDZOD CIG CES ROL MO'I SGRA DAG LAS YANG DANG YANG DU BSKUL LO, ,DE'I TSE

GNAS GTZANG MA'I LHA'I BU RNAMS BYANG CHUB SEMS DPA' MNGAL DU 'JUG PA'I LO BCU GNYIS KYI GONG NAS BRAM ZER SPRUL TE, 'OG NAS 'CHAD PA'I RNAM PAS MNGAL DU ZHUGS PAR GYUR NA MTSAN DPE DANG LDAN TE , 'KHOR LOS BSGYUR RGYAL LAM, SANGS RGYAS SU 'GYUR RO ZHES 'DON DU 'JUG CING RANG SANGS RGYAS RNAMS LA , LO BCU GNYIS NA BYANG CHUB SEMS DPA' LHUMS SU 'JUG GIS ZHING 'DI BOR CIG CES ZER ZHING , DE RGYAL PO'I KHAB KYI MJUG MA SGYUR BA'I RIL RANG RGYAL GLANG PO ZHES PAS THOS TE, RDO LA RKANG RJES BZHAG STE 'DAS SO, ,W'A RA n'A SIR RANG RGYAL LNGA BRGYA MA'I KHAMS LA ZHUGS TE 'DAS NAS RING BSREL LHUNG BAS DRANG SRONG LHUNG BAR GRAGS SO, ,DE NAS BYANG CHUB SEMS DPA' GZHAL MED KHANG CHEN PO DE NAS BYUNG STE , CHOS KYIS MTHO BA'I KHANG BZANG LHA RNAMS LA CHOS STON PA'I SA DER ZHUGS NAS SENG GE'I KHRI CHOS BZANG PO ZHES BYA BA LA BZHUGS TE , BYANG CHUB SEMS DPA' BYAMS PA DANG, LHA'I BU YONGS SU DGA' LDAN DANG, GANG YANG BYANG CHUB SEMS DPA' PHYOGS KUN NAS 'DUS PA RNAMS LA CHOS RGYA CHER STON PAR MDZAD CING , MYUR DU SANGS RGYAS KYI MDZAD PA STON PAR BZHED NAS GZIGS PA LNGA LA GZIGS SO, ,GZIGS PA LNGA NI, DUS LA GZIGS PA, YUL LA GZIGS PA, RIGS

, ,LA GZIGS PA, RUS LA GZIGS PA, GANG GIS YUM BYED PAR NUS PA'I BUD MED LA GZIGS PA LNGA'O, ,DE'I DANG PO DUS LA GZIGS PA NI, SNGON DE BZHIN GSHEGS PA RIN CHEN SNYING PO'I SPYAN SNGAR BRAM ZE RGYA MTSO'I RDUL GYIS RTZOD LDAN TSE LO BRGYA PA'I DUS 'DIR SANGS RGYAS KYI MDZAD PA STON PAR THUGS DAM BCAS SHING, DE BZHIN GSHEGS PA MAR ME MDZAD NAS BZUNG RGYAL BA 'OD SRUNGS KYI BAR DU BYON PA'I SANGS RGYAS RNAMS KYIS KYANG DE LTAR DU LUNG BSTAN PA LTAR BYANG CHUB SEMS DPA' DAM PA TOG DKAR POS DON DE THUGS LA DGONGS SHING, PHYOGS BCU'I SANGS RGYAS RNAMS KYIS KYANG SNYIGS MA'I 'GRO BA MGON SKYABS DANG BRAL BA 'DI RNAMS KYI MGON SKYABS SU MYUR DU 'BYON DGOS SO ZHES YANG YANG BSKUL BA LTAR 'DZAM BU'I GLING DU 'BYON PA'I DUS LA BAB PAR GZIGS PA'O, ,YUL LA GZIGS PA NI, SANGS RGYAS 'JIG RTEN DU 'BYON PA NI GDUL BYA'I DON KHO NAR 'BYON PA YIN LA, GDUL BYA'I GTZO BO NI LHA DANG MI GNYIS TE, DE LA LHA YUL DU MCHOG GI SPRUL SKU BYON NA NI MI RNAMS LA LHA YUL DU BGROD PA'I MTHU MED PAS DE DAG LA MI PHAN PA DANG, LHA RNAMS KYANG 'DOD PAS G-YENGS SHING NGES 'BYUNG SKYE DKA' BAS SO THAR GYI SDOM PA'I RTEN DU MI RUNG BA SOGS KYIS PHAN CHUNG BA DANG, LHA RNAMS CHOS MNYAN PA'I PHYIR 'DZAM BU'I GLING DU BGROD NUS PAS MI'I NANG KHO NAR MCHOG GI SPRUL SKU'I MDZAD PA STON PA YIN LA, MI LA YANG GLING

BZHI LAS GLING GZHAN GSUM NI LONGS SPYOD PHUN SUM TSOGS PA YOD KYANG DBANG PO RTUL ZHING NGES 'BYUNG SHUGS DRAG PO SKYE DKA' BA DANG, 'DZAM BU'I GLING GI MI RNAMS NI DBUL ZHING TSE THUNG YANG DBANG PO SHIN TU RNO BA MANG BA DANG, NGES 'BYUNG SHUGS DRAG PO SKYE SLAB DANG, TSE STONG LA BSAGS PA'I LAS TSE SMAD LA SMIN NUS PA'ANG SRID PA DANG, 'DZAM BU'I GLING GI SHAR PHYOGS NA RJE BTZUN 'JAM DPAL DBYANGS KYI SPRUL PA'I ZHING KHAMS RI BO RTZE LNGA'I GNAS DANG, LHO PHYOGS NA THUGS RJE CHEN PO'I ZHING KHAMS PO TA LA'I GNAS DANG, NUB PHYOGS NA DPA' BO DANG RNAL 'BYOR MA RNAMS KYI GNAS AOO tI Y'A NA DANG, BYANG PHYOGS NA DPAL PHYAG NA RDO RJE SOGS NYE BA'I SRAS BRGYAD KYI RGYAL PO'I TSUL BZUNG STE SEMS CAN GYI DON BYED PA'I GNAS SHAMBHA LA RNAMS YOD CING, GZHAN YANG 'DZAM BU'I GLING GI PHYOGS DANG PHYOGS MTSAMS RNAMS NA ZUNG 'JUG GRUB PA'I DPA' BO DANG DPA' MO BZHUGS PA'I GNAS MANG DU YOD PAS 'DZAM BU'I GLING 'DIR MDO DANG SNGAGS KYI BSTAN PA RGYAS PAR 'GYUR BAR DGONGS NAS BYANG CHUB SEMS DPA' DAM PA TOG DKAR PO 'DZAM BU'I GLING 'DIR SANGS RGYAS KYI MDZAD PA STON PHYIR 'BYON BZHED PA'O, ,RIGS LA GZIGS PA NI, RGYAL BA RNAMS MCHOG GI SPRUL SKU'I MDZAD PA STON PA'I TSE RGYAL RIGS DANG BRAM ZE'I RIGS GANG RUNG ZHIG TU 'KHRUNGS NAS SANGS RGYAS KYI MDZAD PA MDZAD KYI, DE GNYIS LAS RIGS DMA' BAR 'KHRUNG PA'I MDZAD PA MI STON NO, ,DE YANG 'JIG RTEN

, ,NA RIGS GNYIS PO DE GANG BTZUN PAR BYED PA DER 'KHRUNG BAR MDZAD PAS DUS 'DIR RGYAL RIGS BTZUN PAR BYED PAS NA 'JIG RTEN CHAGS TE 'DZAM BU'I GLING DU RGYAL PO THOG MAR BYUNG BA DE NAS BZUNG GDUNG RGYUN MA CHAD PA'I RGYAL RIGS SU 'KHRUNG BAR BZHED NAS DE LA GZIGS TE, DE LTA BU'I RGYAL RIGS KYI GDUNG DRI MA MED PA NI SH'AKYA'I RGYAL PO ZAS GTZANG MA YIN PAR GZIGS SO, ,DE'I TSUL NI, 'JIG RTEN THOG MAR CHAGS PA NA MI RNAMS 'OD GSAL GYI LHA LAS 'PHOS TE BRDZUS TE SKYES PA, KHAMS ZAS RAGS PA LA MI BLTOS PAR DGA' BA'I ZAS KYIS 'TSO BA, LUS DVANGS GSAL 'OD KYI RANG BZHIN CAN, 'KHRUG RTZOD GANG YANG MED CING 'KHRIG PA'I 'DOD CHAGS KYANG MED LA, BRDZUN DU SMRA BA'ANG MED PAR RANG BZHIN GYIS DGE BA'I NGANG DU GNAS PAS DUS DE LA NI BSKAL PA RDZOGS LDAN GYI DUS ZHES BYA'O, ,DE NAS BSKAL PA BZANG PO RIM GYIS BRi NAS BDUD RTZI'I ZAS KYIS 'TSO BA DANG, MA RMOS PA'I LO TOG GIS 'TSO BA RNAMS RIM GYIS BYUNG STE MI RNAMS KYI LUS KYI 'OD NUB CING LUS LCI LA BSHANG GCI DANG LDAN PAS PHO MO'I DBANG PO DOD DE 'KHRIG PA SPYOD CING, DE NAS KYANG BSKAL PA BZANG PO RIM GYIS BRI STE MA RMOS PA'I LO TOG KYANG MED PAR SA LA ZHING RMOS TE 'TSO BAR BYED PA NA, NGED KYI ZHING DANG KHYOD KYI ZHING ZHES PHAN TSUN 'KHRUG RTZOD DU GYUR CING, MA BYIN PAR LEN PA DANG, BRDZUN DU SMRA BAS PHAN TSUN 'THAB CING RTZOD PAR GYUR PA NA 'DZAM BU'I GLING GI

MI THAMS CAD KYIS SPYI MTHUN DU RGYAL PO BSKOS PA NI MANG POS BKUR BA'I RGYAL PO ZHES BYA BA BYUNG NGO, ,RGYAL PO DE'I BU 'OD MDZES, DE'I BU DGE BA, DE'I BU DGE MCHOG ,DE'U BU GSO SBYONG 'PHAGS, DE RNAMS LA SNGON GYI RGYAL PO LNGA ZER; GSO SBYONG 'PHAGS KYI SPYI BO'I SHA RMEN LAS SKYES PA NGA LAS NU, DE NAS MDZES PA, NYE MDZES, MDZES LDAN, NYE MDZES LDAN, DE LNGA NI SUM CU RTZA GSUM MAN DANG, GLING BZHI NAS GCIG GI BAR LA DBANG BA'I 'KHOR LOS BSGYUR BA'I RGYAL PO LNGA'O, ,NYE MDZES LDAN GYI BU BZANG PO NAS RGYAL LO SA YA GCIG DANG BZHI KHRI DRUG STONG SUM BRGYA BDUN CU RTZA DGU 'DAS PA NA RGYAL PO KRI KRI BYUNG STE, RGYAL PO KRI KHRIS NI SANGS RGYAS 'OD SRUNGS LA BSNYEN BKUR ZHING, SANGS RGYAS 'OD SRUNGS MYA NGAN LAS 'DAS NAS DE'I SKU GDUNG GI MCHOD RTEN YANG BYAS SO, ,RGYAL BO KRI RI'I BU LEGS SKYES NAS RGYAL PO BRGYA 'DAS PA NA, GRONG KHYER GRU 'DZIN DU RGYAL PO RNA BA CAN BYUNG STE, DE LA BU GOO TA MA ZHES PA RIGS MCHOG NGANG; BHA RA DV'A DZA GNYIS LAS, GOO TA MA DRANG SRONG MDOG NAG LAS RAB TU BYUNG NAS GRONG 'DAB TU GNAS PAS BHA RA DV'A DZAS RGYAL SRID BSKYANGS SO, ,DE'I TSE GOO TA MA NYES PA MED PAR MI G-YON CAN ZHIG GI G-YO THABS KYI MTHUS RGYAL PO'I KHRIMS KYIS GSAL SHING LA BSKYON PA DANG, DRANG SRONG MDOG NAG GOO TA MA'I SPYIL BOR DUS DUS SU 'GRO BAS PHYIN PA NA, DE MA MTHONG NAS BTZAL BA DANG GOO TA MA GSAL SHING LA BSKYON PA MTHONG NAS, BUD CI YIN, RMA MA BYUNG

, ,NGAM; BDAG GI SEMS KYIS RMA MA PHYUNG BA'I BDEN PA'I TSIG GIS MKHAN PO'I PAGS BA GSER MDOG TU GYUR CIG ,CES SMRAS MA THAG GSER MDOG TU GYUR TE YID CHES SO, ,DE NAS DRANG SRONG GSER MDOG GIS BSAMS PA, RGYAL BO BHA RA DV'A DZA LA BU MI 'BYUNG BAS GOO TA MA SHIN MANG POS BKUR BA'I RGYAL RGYUD CHAD PAR 'GYUR LA, ,DE CHAD NA 'JIG RTEN SPYI LA MI LEGS SO SNYAM DU BSAMS NAS GOO TA MA LA DRIS PA, KHYOD LA BU BSKYED PA'I NUS BA YOD DAM, MKHAN PO, BDAG GZHON NU NAS RAB TU BYUNG BAS BUD MED KYI RGYUS MA 'TSAL NA BU BSKYED PA LTA GA LA MCHIS, BU; SNGON SPYAD PA'I YUL DRAN PAR GYIS SHING, ,MKHAN PO, GNAD CHAD BA'I TSOR BAS NYEN NA YUL DRAN PAR GAL 'GYUR, DER RDZU 'PHRUL GYIS RDZI CHAR CHEN BO PHAB STE CHAR PA'I THiGS PA LUS LA PHOG CING RLUNG GRANG MOS REG PAS SDUG BSNGAL MNAN NAS, SNGON GYI YUL DRAN PAR BYAS TE 'KHRIG PA'I 'DOD CHAGS DRAN NAS KHU BA KHRAG DANG 'DRES PA GNYIS LHUNG NGO, ,DE GNYIS SGO NGA GNYIS SU GYUR NAS NYI MA'I 'OD ZER GYIS SMIN PA RDOL BA DANG KHYE'U GNYIS BYUNG STE DE DANG NYE BA'I BU RAM SHING GSEB TU ZHUGS SO, ,GOO TA MA NYI MA'I ZER GYIS SHIN TU TSA NAS SHI'O, ,DRANG SRONG 'ONGS NAS NYE 'KHOR DU BLTAS PAS SGONG SKOGS MTHONG STE BTZAL BAS BU RAM SHING GI TSA LAN KHYE'U GNYIS 'DUG BA DE DE'I BUR SHES TE GNAS SU KHRID NAS MNUN BSNYOD DE

GSOS PA NYI MA'I 'OD KYIS SMIN PAR BYAS PAS NYI MA'I RIGS, GOO TA MA'I BU YIN PAS GOO TAM, BUR MA SHING GI TSAL NAS RNYED PAS BU RAM SHING BZHES MING BTAGS SO, ,DE NAS DUS NAM ZHIG NA RGYAL PO BHA RA DV'A DZA BU MED PAR SHI NAS KHYE'U GNYIS RGYAL SAR BOS TE, PHU BO RGYAL SRID LA BZHAG PA NA DE LA'ANG BU MA BYUNG BAS NU BO RGYAL SRID LA DBANG BSKUR BAS, RGYAL PO BU RAM SHING PA ZHES BYA BAR GYUR, DE'I BU RGYUD LA RGYAL PO BU RAM SHING PA BRGYA THA MA PA YUL GRU 'DZIN DU BYUNG, DE'I THA MA BU RAM SHING PA 'PHAGS SKYES PO, DE'I BU RKANG GDUB CAN, DE'I BU GNAS 'JOG STE, RGYAL PO GNAS 'JOG 'DI NI SH'AKYA'I RGYAL RGYUD KYI THOG MA YIN NO, ,DE'I BU SA KHYIM STE DE SER SKYA'I RGYAL SAR BZHAG STE; SER SKYA'I RGYAL PO SA KHYIM 'DI NI SER SKYAR SH'AKYA'I RGYAL RGYUD BYUNG BA'I THOG MA YIN NO, ,RGYAL POS KHYIM NAS BRGYUD PA SH'AKYA'I RGYAL PO LNGA KHRI LNGA STONG BRGYA BCU GNYIS SER SKYAR BYUNG PA'I THA MA RGYAL PO GZHU BRTAN, DE'I BU SENG GE 'GRAM, SH'AKYA'I RGYAL PO SENG GE 'GRAMS BU BZHI BYUNG STE, ZAS GTZANG, ZAS DKAR, BRE BO ZAS, BDUD RTZI ZAS SO, ,DE BZHI LAS RGYAL PO ZAS GTZANG LA BTZUN MO BLANGS TE SH'AKYA'I RGYAL POR DBANG BSKUR TO, ,RUS LA GZIGS PA NI, YAB YUM GNYIS KA BDUN BRGYUD TSUN CHAD MNYAMS PA SKYON MED PA ZHIG LA GZIGS PA STE, YAB ZAS GTZANG DANG, YUM SGYU MA LHA MDZES GNYIS KYI SRAS SU 'KHRUNG BZHED PA'O, ,DE LA YAB KYI GDUNG RGYUD

, ,NI BRJOD ZIN LA, YUM NI LHAS BSTAN GYI RGYAL PO LEGS PAR RAB SAD DANG BTZUN MO LUM BI NI GNYIS LA SRAS GCIG DANG SRAS MO GNYIS BYUNG STE, SRAS MO CHE BA NI SGYU 'PHRUL MA STE, SGYU 'PHRUL MA 'KHRUNGS PA'I TSE LTAS KHYAD PAR CAN BYUNG ZHING MI'I BU MO LAS 'DAS PA SHIN TU GZUGS BZANG ZHING PA LTA NA SDUG PA LHA'I BZO BOS BCOS PA LTA BU ZHIG BYUNG BAS MING SGYU 'PHRUL MA ZHES BTAGS, DE MTSAN MKHAN LA BSTAN PAS MTSAN SHIN TU BZANG ZHING 'DI LA BU STOBS KYI 'KHOR LOS BSGYUR BA ZHIG 'BYUNG PAR LUNG BSTAN, DE'I RJES SU SRAS MO CHUNG BA 'KHRUNGS PA NA 'JIG RTEN THAMS CAD 'OD KYIS KHYAB PA DANG, SANGS RGYAS KYI MDZAD PA BCU GNYIS STON PA'I SGRA GRAG PA SOGS NGO MTSAR BA'I LTAS BSAM GYIS MI KHYAB PA BYUNG ZHING, SRAS MO CHE BA LAS KYANG GZUGS BZANG ZHING MDZES PA, LHA'I BU MO JI LTA BA ZHIG BYUNG BAS MING SGYU 'PHRUL CHEN MO ZHES KYANG BYA, LHA MO SGYU 'PHRUL MA ZHES KYANG BYA, SGYU MA LHA MDZES ZHES KYANG BYA BAR GRAGS SO, ,DE MTSAN MKHAN LA BSTAN PAS, 'DI LA BU SKYES BU CHEN PO'I MTSAN SUM CU RTZA GNYIS DANG LDAN PA ZHIG 'BYUNG, KHYIM DU BZHUGS NA 'KHOR LOS BSGYUR RGYAL DANG, RAB TU BYUNG NA RDZOGS PA'I SANGS RGYAS SU 'GYUR RO ZHES LUNG BSTAN TO, ,DE NAS RGYAL PO LEGS PAR RAB SAD KYIS SH'AKYA'I RGYAL PO SENG GE 'GRAM LA BDAG LA BU MO KHYAD PAR DU 'PHAGS PA GNYIS,

SHIG BYUNG NA 'DI GNYIS LAS GZHON NU ZAS GTZANG GI BTZUN MOR GANG 'OS PA ZHIG BZHES DGOS ZHES BSKUL BA NA RGYAL PO SENG GE 'GRAM GYIS SNGON LA BU MO CHUNG BA SGYU MA LHA MDZES ZAS GTZANG GI BTZUN MOR BLANGS SHING, RJES SU CHE BA SGYU 'PHRUL MA YANG BLANGS SO, ,DE NI MTSAN MKHAN DAG GIS JI LTAR BSTAN PA LTAR, SGYU MA LHA MDZES LA SKYES BU CHEN PO'I MTSAN SUM CU RTZA GNYIS DANG LDAN PA BYANG CHUB SEMS DPA' 'KHRUNGS, CHE BA SGYU 'PHRUL MA LA BU STOBS KYI 'KHOR LOS BSGYUR BA'I MTSAN RTAGS DANG LAN PA DGA' BO 'KHRUNGS SO, ,GANG GIS YUM BYED BAR NUS PA'I BUD MED LA GZIGS PA NI, SNGON YUN RING PO NAS DE BZHIN GSHEGS PA 'JIG RTEN 'DIR 'BYON PA'I TSE YUM BYED PAR SMON LAM BTAB PA YUM SGYU MA LHA MDZES KYI RUM DU SKYE BA BZHES PAR BZHED PA'O, ,DE LTAR BYANG CHUB SEMS DPA' DAM BA TOG DKAR POS, DUS DANG, YUL DANG, RIGS DANG, RUS DANG, YUM BUD MED LNGA LA GZIGS NAS DGA' LDAN GYI GZHAL MED KHANG CHU DANG RGYAR DPAG TSAD DRUG CU RTZA BZHI YOD PA DE NA CHOS STON PA'I GNAS RGYAL MTSAN MTHON PO ZHES BYA BA YOD PAS, DER BYON NAS BSOD NAMS MCHOG GI SENG GE'I KHRI LA BZHUGS TE, LHA'I 'KHOR RNAMS LA, GROGS PO DAG NGA'I LUS BSOD NAMS BRGYA'I MTSAN GYIS BRGYAN PA LA LTOS, PHYOGS BCU NA BYANG CHUB SEMS DPA' NGA DANG 'DRA BA BGRANG BA LAS 'DAS PA LA YANG LTOS, ZHES

, ,GSUNGS PA DANG, 'KHOR DE DAG KYANG DE'I BYIN RLABS KYIS PHYOGS KUN NA BYANG CHUB SEMS DPA' DGA' LDAN GYI GNAS NA 'KHOD PA 'DI DANG 'DRA BA TSAD MED PA MTHONG NAS KYANG CHED DU BRJOD DO, , DE NAS BYANG CHUB SEMS DPA' DAM PA TOG DKAR POS RJE BTZUN BYAMS PA LA SOGS PA'I DGA' LDAN NA GNAS PA'I LHA RNAMS LA, GROGS PO DAG, DAD PA NI CHOS SNANG BA'I SGO STE, BSAM PA MI PHYED PAR 'GYUR RO, ,DANG BA NI CHOS SNANG BA'I SGO STE, SEMS RNYOG BA CAN DANG BAR 'GYUR RO, ,ZHES PA NAS, PHYIR MI LDOG PA'I SA NI CHOS SNANG BA'I SGO STE, SANGS RGYAS KYI CHOS THAMS CAD YONGS SU RDZOGS PAR 'GYUR RO, ,SA NAS SAR 'PHAR BA'I YE SHES NI CHOS SNANG BA'I SGO STE, THAMS CAD MKHYEN PA'I YE SHES KYI DBANG BSKUR BAR 'GYUR RO, ,DBANG BSKUR BA'I SA NI CHOS SNANG BA'I SGO STE, MNGAL DU 'JUG PA DANG, BTZAS PA DANG, MNGON PAR 'BYUNG BA DANG, DKA' BA SPYAD PA DANG, BYANG CHUB KYI SNYING POR 'GRO BA DANG, BDUD 'DUL BA DANG, BYANG CHUB MNGON PAR 'TSANG RGYA BA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO STON PAR 'GYUR RO, ,ZHES CHOS SNANG BA'I SGO BRGYA RTZA BRGYAD RGYAS PAR BSTAN NAS RIN PO CHE'I COD PAN MA PHAM PA'I DBU LA BCINGS NAS, GROGS PO DAG KHO BO 'DZAM BU'I GLING DU 'CHANG RGYAR 'GRO STE, KHYED LA MA PHAM PAS CHOS STON TO, ,ZHES BYAMS

MGON RGYAL TSAB TU DBANG BSKUR TO, ,DE TSE RGYAL PO ZAS GTZANG GI KHYIM DU SNGA LTAS BRGYAD BYUNG STE, SA GZHI MNYAM ZHING KHYIM DU RDUL MED LA CHAG CHAG BTAB PA SBRANG BU DANG PHYE MA LEB DANG SDIG SPRUL MED CING ME TOG GIS BKRAM PA DANG, GANGS RI'I BYA KHU BYUNG SOGS KHYIM DE'I STEGS BU SOGS SU 'DUG NAS SKAD SNYAN PA SGROGS PA DANG, DE'I KUN DGA' RAB DANG SKYED MOS TSAL GYI ME TOG RGYAS PA DANG, DE'I RDZING LA SOGS PAR PADMA 'DAB MA BYE BA KHRAG KHRIG BRGYA STONG DANG LDAN PAS KHEBS PA DANG, MAR DANG SBRANG RTZI SOGS LONGS SPYOD KYANG ZAD PAR MI 'GYUR BA DANG, ROL MO RNAMS MA BLANGS PAR 'KHROL BA DANG, RIN PO CHE SNA BDUN GYI SNOD RANG BYE STE 'BAR PA DANG, NYI ZLA'I 'OD ZIL GYIS GNON CING LUS SEMS BDE BA BSKYED PA'I 'OD SNANG BA RNAMS BYUNG NGO, ,DE NAS BYANG CHUB SEMS DPA' RGYAL MTSAN MTHON PO NAS KHANG PA CHEN PO BSOD NAMS THAMS CAD KYIS YANG NGAG PAR BYUNG BA NOR BU DANG DPAL GYI SNYING PO LHA RNAMS KYIS KUN NAS BLTA BA'I KHANG BRTZEGS GNAS KYI RGYAN DU BYON NAS DER BZHUGS TE, BYANG CHUB SEMS DPA' DANG LHA MANG POS BSKOR ZHING MDUN DU BDAR NAS BSKYOD PAR BRTZAMS SO, ,DE'I TSE BYANG CHUB SEMS DPAS BDE BA'I RGYAN ZHES BYA BA'I 'OD ZER DGU LA SOGS PA 'OD ZER GRANGS MED PA BRGYA STONG PHRAG BCU BKYE BAS, STONG

, ,GSUM GYI MUN PA MUN NAG KUN SNANG BAR BYAS NAS NYI ZLA'I 'OD ZIL GYIS MNAN TE, NGAN SONG GI SDUG BSNGAL SKAD CIG DE LA ZHI BA DANG, SEMS CAN SU LA YANG NYON MONGS BAS MI GNOD PA DANG, SNOD MA YIN PA DAG SEL BA DANG, LAG NA RDO RJE PHYI BZHIN DU 'BRANG BA DANG, 'DUL BA SNA TSOGS PA DAG MTHONG BA SNA TSOGS PAS MTHONG BZHIN PA'I LAS DE DAG LA SOGS PA DAG BYED DO, ,YUM LA KHYAD PAR DU BYA BA'I 'OD, YUM GYI YON TAN GYI DKYIL 'KHOR LAS BYUNG BA'I SNANG BA ZHES BYA BA'I 'OD BA SPU'I SGO THAMS CAD NAS BKYE BAS, LHA MO SGYU 'PHRUL GSO SBYONG BLANGS PA'I LUS LA ZHUGS MA THAG ,DE'I LUS BDE LA 'GRO BA THAMS CAD KYI LUS LAS MNGON PAR 'PHAGS SHING RUM NAM MKHA'I KHYON LTAR YANGS PAR GYUR KYANG MI'I LUS LAS MA 'DAS LA, YUM GYI GLO G-YAS BAR BYANG CHUB SEMS DPA'I YONGS SU SPYAD PA RIN PO CHE BKOD PA ZHES BYA BA, TZAN DAN SPRUL GYI SNYING PO'I KHANG PA BRTZEGS PA MDZES SHING BLTA NA SDUG PA, GRU BZHI KA BZHI PA, STENG KHANG PA BRTZEGS PAS BRGYAN PA, 'PHANG DU BYIS PA BCAS NAS ZLA BA DRUG LON PA'I TSAD TZAM PA, DE'I NANG NA KHANG PA BRTZEGS PA GNYIS PA DANG, DE BZHIN DU GSUM PA YANG DE DANG MA REG BAR 'DUG PA SRA ZHING BRTAN LA MI SHIGS PA REG NA BDE BA, SNGON PO MCHOG GI KHA DOG CAN,

'DOD LHA'I GNAS KYI BKOD PA CI SRID PA DER SNANG BA, DE'I PHYE MA SRANG PHYED LA STONG GSUM 'DI RIN PO CHES BKAD BAS RIN DU MI CHOG PA, DE'I 'KHOR SA NA LHA'I ME TOG LAS 'DAS PA'I ME TOG SKYE ZHING 'DOD PA'I YAN TAN LNGAS 'BYOR PA, KHANG PA BRTZEGS PA GSUM PA'I NANG NA BYIS PA BTZAS NAS ZLA BA DRUG LON PA LA 'TSAM PA'I KHRI ZLUM PO, CHANGS PA CHEN PO'I GOS KYANG DE'I 'OD KYIS MOG MOG POR BYED PA'I STENG NA MCHOG GI GDAN LA GOS STONG PHRAG BRGYA'I RGYAN ZHES BYA BA PHRUGS GCIG KYANG YOD PA LONGS SPYOD KYI DON DU GRUB BO, ,BRGYA BYIN GYIS KYANG YUM GYI GZI BRJID BSGRUB PA DANG, LHUMS GTZANG MAR BYED PA LA 'BAD DO, ,DE NAS BYANG CHUB SEMS DPA' DAM PA TOG DKAR PO LHA'I 'KHOR GRANGS MED PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' LDAN NAS RIM GYIS PHEBS TE GLANG PO CHE'I PHRUG GU THAL KAR MCHE BA DRUG DANG LDAN PA'I GZUGS KYIS NAM GYI GUNG THUN LA YUM GYI GLO G-YAS PA NAS ZHUGS TE, ZHUGS MA THAG BYIS PA BTZAS NAS ZLA BA DRUG LON PA'I TSAD TZAM MTSAN GYIS BRGYAN PAR GYUR TE, YUM GYI GLO G-YAS PA'I KHANG PA BRTZEGS PA'I NANG GI KHRI STAN LA SKYIL MO KRUNG BCAS TE NA BZA' PHRUGS DE YANG GSOL NAS ZHING BCU'I RDUL SNYED KYI BYANG CHUB SEMS DPA' SKAL BA MNYAM PA KLU'I SNYING PO'I KHANG PA BRTZEGS PA

, ,'KHOD PA DAG DANG LHAN CIG YUM GYI RUM DU BZHUGS SO, ,BYANG CHUB SEMS DPA' YUM GYI LHUMS SU ZHUGS PA'I NUB MO SNGON ZHING DAM PA LA ZAS KYI PHUD PHUL BA'I RNAM SMIN LAS BYUNG BA'I PADMA CHEN POS RGYA MTSO DANG SA CHEN PO BRTOL TE ZHAG BDUN LA TSANGS PA'I 'JIG RTEN GYI BAR DU 'PHAGS PA SKYES SO, ,STONG GSUM GYI BCUD JI SNYED PA PADMA DE LA ZIL DNGAR GYI THIGS PA BZHIN DU CHAGS PA DE TSANGS PA CHEN PO GCIG PUS MTHONG NAS BEE d'URYA'I SNOD BZANG POR BLANGS TE PHUL BA BYANG CHUB SEMS DPAS BZHES TE SKU LUS BRTAS PAR BYED DO, ,DE 'JU BAR NUS PA'I SEMS CAN NI GZHAN MED DO, ,YUM GYI LHUMS NA BZHUGS PA'I SKU ME'I PHUNG PO LTA BU 'DUG PA'I SNANG BAS DPAG TSAD LNGA'I BAR KHYAB BO, ,MI RNAMS BYANG CHUB SEMS DPA' BLTA BAR 'ONGS PA DE DAG GIS ME LONG GI NANG DU GZUGS BRNYAN MTHONG BA LTAR, YUM GYI LHUMS NA KHANG PA BRTZEGS PA'I NANG NA BYANG CHUB SEMS DPA' BZHUGS PA MTHONG BAR GYUR PA LA THOG MAR BYANG CHUB SEMS DPAS DGA' BAR BYED PA'I GSUNG STZOL LO, ,DE NAS YUM GYIS SMRA'O, ,BYANG CHUB SEMS DPA' LA CHOS MNYAN PA'I PHYIR RGYAL PO CHEN PO BZHI DANG, GNOD SBYIN GYI SDE DPON RNAMS SNGA DRO 'ONGS PA LA BYANG CHUB SEMS DPAS PHYAG G-YAS BRKYANG BA'I MDZUB MO BSGRENGS NAS STAN STON TO, ,DE RNAMS KYANG STAN LA 'KHOD NAS 'DUG PA LA CHOS STON TE, SLAR 'GRO

BAR 'DOD PA DANG, PHYAG G-YAS PA BRKYANG STE DE DAG 'DOD PA'I BRDA STON NO, ,DE BZHIN DU NYI MA'I GUNG LA BRGYA BYIN LA SOGS PA'I LHA RNAMS BYUNG BA DANG, PHYI DRO TSANGS PAS ZIL DNGAR GYI THIGS PA 'BUL BA DANG, NUB THUN DANG PO LA PHYOGS BCU'I BYANG CHUB SEMS DPA' RNAMS 'ONGS PA LA, SKU LAS BKYE PA'I 'OD RNAMS SENG GE'I KHRIR SPRUL PA LA DE DAG 'KHOD DU BCUG STE, SNGAR BZHIN PHYAG BRKYANG BSKUM MDZAD DE CHOS KYI BRDA'I SGO CHEN POS BGRO BAR BYED DO, ,DE LTAR ZLA BA BCU'I RING LA YUM GYI LHUMS KYI GZHAL MED KHANG DU BZHUGS NAS PHYOGS BCU NAS 'DUS PA'I BYANG CHUB SEMS DPA' BGRANG BA LAS 'DAS PA DAG DANG, TSANGS PA DANG BRGYA BYIN DANG 'JIG RTEN SKYONG BA BZHI LA SOGS PA DKAR PHYOGS KYI LHA DANG KLU DANG GNOD SBYIN LA SOGS PA GDUL BYA BGRANG BA LAS 'DAS PA ZHIG SMIN GROL LA BKOD NAS, BLTAM PA'I DUS LA BAB PA NA RGYAL PO ZAS GTZANG MA'I SKYED MOS TSAL DU SNGA LTAS SUM CU RTZA GNYIS BYUNG STE, ME TOG THAMS CAD DANG, RDZING GI ME TOG DANG, SHING LJON PA'I ME TOG KHA 'BUS NAS RGYAS PAR GYUR, RIN PO CHE'I SHING LJON PA BRGYAD SKYES, GTER CHEN PO NYI KHRI KHA 'BUS, KHYIM GYI NANG DU RIN PO CHE'I MYU GU 'THON, SPOS CHU'I DPAL GYI WA 'BRU MAR DRI ZHIM POS SPAGS PA 'DZAG ,GANGS RI LAS 'ONGS PA'I SENG GE'I PHRUG GU NGAG SER SKYA'I GRONG KHYER LA BSKOR BA BYAS NAS SGO NA

, ,GNAS KYANG SEMS CAN LA 'TSE BA MI BYED, GLANG PO'I PHRUG GU THAL KAR LNGA BRGYA 'ONGS NAS RGYAL PO'I RKANG PA LA SNA'I RTZE MOS NYUG ,RGYAL PO ZAS GTZANG MA'I BTZUN MO'I 'KHOR GYI PHANG PA NAS PHANG PA DAG TU LHA'I BYIS PA DAG 'DRE LDOG ,KLU'I BU MO MCHOD PA'I YO BYAD THOGS PA LUS PHYED PHYUNG NAS NAM MKHA' LA RGYU, RMA BYA'I MDONGS THOGS PA'I LHA'I BU MO KHRI NAM MKHA' LA 'KHOD, BUM PA GANG BA KHRI YANG SER SKYA LA SKOR BA BYED, LHA'I BU MO SPOS CHU'I RIL BA BHRiNG GA RA KLAD LA THOGS NAS 'KHOD, LHA'I BU MO KHRI GDUGS DANG BA DAN THOGS NAS 'KHOD, LHA'I BU MO BRGYA STONG MANG PO DUNG DANG RNGA SOGS MGUL NAS DPYANGS TE SDOD, RLUNG DANG RDUL MI LDANG, CHU THAMS CAD MI 'GUL ZHING MI RGYU, NYI ZLA DANG SKAR MA RNAMS NI MI RGYU, SKAR MA RGYAL DANG YANG LDAN, ZAS GTZANG GI KHYIM RIN PO CHE'I DRA BAS YOG ,ME YANG MI 'BAR, KHANG BRTZEGS DANG RGYA PHUB DANG RTA BABS DAG LA NOR BU DANG RIN CHEN 'BAR BA 'PHYANG, RAS BCOS BU DANG RIN PO CHE SNA TSOGS KYIS MDZOD RNAMS GANG NAS SGO BYE, 'UG PA LA SOGS PA'I SKAD MED, SNYAN PA'I SGRA SKAD GRAG ,SKYE BO RNAMS KYI LAS KYI MTHA' RGYUN CHAD, PHYOGS THAMS CAD MNYAM, LAM GYI BZHI MDO DANG TSONG DUS KYI GZHI RNAMS ME TOG SIL MAS BKRAM, SBRUM MA BDE BAR BTZA' BAR GYUR, S'A LA'I NAGS TSAL GYI LHA RNAMS SHING GI LO MA'I

NANG NAS LUS PHYED PHYUNG STE PHYAG 'TSAL ZHING GNAS PA RNAMS BYUNG NGO, ,DE LTAR LHA MO SGYU 'PHRUL LUM BI NA'I TSAL DU 'BYON BZHED PA NA RGYAL PO ZAS GTZANG DANG, LHAS BSTAN GYI RGYAL PO LEGS PAR RAB SAD GNYIS KAS LUM BI NA'I CHAL BYI DOR BYAS SHING, RGYAN GYI KHYAD PAR THAMS CAD DANG, MCHOD PA'I BYE BRAG BSAM GYIS MI KHYAB PA BYAS SO, ,DE'I TSE TSAL DER SNGA LTAS KYI SNANG BA CHEN PO SA'I STENG GI RIN PO CHE'I KHANG BZANG THAMS CAD DU SNANG BA BYUNG BA DANG, RIN PO CHE'I PADMA KHA BYE BA'I 'DAB MA THAMS CAD LAS BLTAM MAM ZHES PA'I SGRA DANG BCAS PA'I 'OD DU BYUNG BAS KHYAB PA DANG, PHYOGS BCU'I RGYAL SRAS RNAMS KYIS SEMS BSKYED PA NAS BYANG CHUB PA'I BAR GYI SNANG BA SOGS TSAL DER SNGA LTAS BCU BYUNG NGO, ,DE NAS RGYAL PO ZAS GTZANG MAS RANG GI 'KHOR RNAMS LA BKA' BSGOS TE, SER SKYA'I PHO BRANG NAS LUM BI NA'I TSAL GYI BAR GYI LAM THAMS CAD BYI DOR LEGS PAR BYAS SHING DRI BZANG GI CHUS CHAG CHAG GDAB PA DANG, ME TOG SNA TSOGS DGRAM BA DANG, BUD MED KHRI KHRAG MANG POS GLU DBYANGS DANG ROL MO'I BYE BRAG BSAM GYIS MI KHYAB PA'I MCHOD PA DANG, RIN PO CHE'I SHING RTA KHRI KHRAG MANG PO BSHAMS PA DANG, BSRUNG MAR BSKOS PA'I DPA' BO KHRI KHRAG MANG PO PHYOGS PHYOGS SU 'KHOD PA DANG, SHING RTA RNAMS RIN PO CHE'I RGYAN THAMS CAD KYIS BRGYAN PA SOGS BYAS NAS SGYU MA LHA MDZES SPYAN DRANGS SO, ,DE NAS YUM SGYU MA LHA MDZES SHING RTA'I

, ,NANG DU ZHUGS TE NOR BUS BRGYAN PA'I SHING RTA 'JIG RTEN SKYONG BA BZHIS 'DREN ZHING, LHA'I DBANG PO BRGYA BYIN NI MDUN DU LAM GYI BYI DOR BYED, TSANGS PA NI SNAM LOGS NAS BSIL YAB G-YOB PAR BYED, DKAR PHYOGS KYI LHA BGRANG BA LAS 'DAS PA DAG NI YUM GYI RUM NA BYANG CHUB SEMS DPA' KHANG PA BRTZEGS PA'I NANG NA BZHUGS PA LA MIG MI 'DZUM PAR BLTA ZHING PHYAG 'TSAL BA DANG SMON LAM 'DEBS PAR BYED CING SONG NGO, ,DE NAS LHA MO SGYU 'PHRUL LUM BI NA'I TSAL DU PHYIN NAS SHING RTA LAS BABS TE, NAGS TSAL NAS NAGS TSAL DU 'CHAG, LJON PA NAS LJON PA LA BLTA ZHING RIM GYIS SONG BA DANG, SA PHYOGS MNYAM LA YANGS PA RTZVA SNGON BOS GANG ZHING REG NA BDE BA NA SNGON GYI RGYAL BA'I YUM GYIS BRTEN PA GNAS GTZANG MA'I LHA RNAMS KYIS PHYAG BYAS BA'I SHING RIN PO CHE MCHOG 'OD 'BAR BA RTZA BA DANG SDONG BU DANG YAL GA DANG LO MA RIN PO CHES BRGYAN PA, MI DANG LHA'I ME TOG SNA TSOGS RGYAS PA, SPOS MCHOG GI DRI DANG LDAN BA, GOS KHA DOG SNA TSOGS DPYANGS PA'I LJON PA'I RGYAL PO PLAKshA ZHES BYA BA'I RIN PO CHE'I SHING GI YAL GA LA PHYAG G-YAS PAS 'JUS NAS BYA RMYANG BYED CING GNAM DU GZIGS PA NA, RTZIB LOGS G-YAS NAS GSER GYI MCHOD SDONG NYI MA BYE BA'I MDANGS DANG LDAN PA GLO BUR DU 'THON PA LTAR DU SKU BLTAMS SO, ,DE'I TSE NAM MKHA' THAMS CAD LHA'I MCHOD

RDZAS KYIS GANG ZHING, TSANGS PA DANG BRGYA BYIN GNYIS KYIS LHA'I GOS KA SHI KAS LCIBS TE BLANGS, KLU'I RGYAL PO DGA' BO DANG NYE DGA' GNYIS KYIS BDUD RTZIS MCHOD, LHA DANG LHA MO BGRANG BA LAS 'DAS PAS SPOS CHU'I BUM PA THOGS TE SKU KHRUS GSOL, DE'I TSE TSANGS PA DANG BRGYA BYIN GNYIS KYIS BYANG CHUB SEMS DPA'I SKU LUS NAM MKHA' LA BLANGS PA NA NGA THONGS GSUNGS TE SA LA ZHABS BZHAG NAS PHYOGS BZHIR GOM PA BDUN BDUN BOR TE, 'JIG RTEN 'DI NA NGA NYID MCHOG GO ,ZHES SOGS SENG GE'I SGRA DBYANGS CHEN PO BSGRAGS SO, ,BYANG CHUB SEMS DPA' SGYU MA LHA MDZES KYI RTZIB LOGS G-YAS PA NAS NA BZA' DANG BCAS BZHIN DU BLTAMS PA'I TSE NYI MA STONG DUS GCIG TU SHAR BA LAS KYANG CHES CHER GSAL BA'I SKU'I 'OD KYIS 'JIG RTEN GYI KHAMS THAMS CAD SNANG BAS KHYAB PAR MDZAD CING, SA 'OG GI GTING RNAMS KYANG SNANG BAS KHYAB CING 'OD KYI SNANG BA DE GANG LA REG PA'I SEMS CAN THAMS CAD SKAD CIG DE LA SDUG BSNGAL DANG NYON MONGS PA THAMS CAD RGYUN BCAD CING BDE BAS KHYAB PAR MDZAD DO, ,BYANG CHUB SEMS DPA' YUM GYI RUM NA TZAN DAN GYI KHANG PA BRTZEGS PA'I NANG NA BZHUGS PA'I KHANG BRTZEGS DE MI MJED KYI BDAG PO TSANGS PAS TSANGS GNAS SU KHYER TE TSANGS RIS KYI LHA RNAMS KYI PHYAG DANG MCHOD PA'I GNAS SU BZHUGS SO, ,DE'I TSE SHING

, ,THAMS CAD KYI ME TOG RGYAS SHING 'BRAS BU CHAGS, ME TOG GI CHAR BABS, NGAN SONG GSUM RGYUN BCAD, SEMS CAN KUN LA NYON MONGS PAS MI 'TSE, DBANG PO MED PA RNAMS DBANG PO DANG LDAN, SA G-YOS SO, ,BYANG CHUB SEMS DPA' BLTAMS PA DE'I SKAD CIG DE LA GRONG KHYER CHEN PO BZHIR RGYAL PO CHEN PO BZHI LA YANG BU BTZAS TE, MNYAN YOD DU RTZIBS KYI 'PHUR TSANGS BYIN GYI BU BTZAS PA NA YUL PRA PHAB PA GSAL BA BZHIN DU SNANG BAS DE'I MING GSAL RGYAL ZHES DANG, RGYAL PO'I KHYAB TU PADMA CHEN PO'I BU BTZAS PA NA NYI MA'I GZUGS SHAR BA LTAR SNANG ZHING GZUGS CAN MA'I BU YIN PAS GZUGS CAN SNYING PO ZHES DANG, KOO SHA MA BIR DMAG BRGYA PA'I BU BTZAS PA NA 'JIG RTEN NYI MA SHAR BA LTAR SNANG BAR GYUR PAS SHAR PA ZHES DANG, 'PHAGS RGYAL DU MU KHYUD MTHA' YAS KYI BU BTZAS PA NA 'JIG RTEN SGRON MAS SNANG BA LTA BUR GYUR PAS RAB SNANG ZHES BYA BAR BTAGS TE, DE RNAMS RANG RANG GI BU'I YON TAN DU RLOM MO, ,DE'I TSE SH'AKYA'I GRONG DU BZANG LDAN DGA' BO SOGS RAB LNGA BRGYA DANG, SH'AKYA GZHAN 'BUM PHRAG LNGA DANG, 'DUN PA LA SOGS PA 'BANGS BRGYAD BRGYA DANG, GRAGS 'DZIN MA LA SOGS PA SH'AKYA'I BU MO KHRI DANG, 'DUN MA LA SOGS PA BRAN MO BRGYAD BRGYA DANG, RGYAL RIGS DANG BRAM

ZE DANG KHYIM BDAG GI BU MO NYI KHRI DANG, GSER GYI 'OD DANG LDAN ZHING MDOG DKAR BA'I CHIBS PA BSNGAGS LDAN LA SOGS PA RTE'U PHO MO NYI KHRI DANG, GLANG PO CHE MCHOG KHRI DANG, BA GLANG PHO MO DRUG STONG RNAMS BTZAS SO, ,GSER GYIS BRGYAN PA'I GLANG PO CHE NYI KHRI NAM MKHA' NAS SGRA 'BYIN CING SER SKYAR 'ONGS LA, ZAS GTZANG GI MDUN NA 'DON 'CHAR PO'I BU 'CHAR KA YANG SKYES SO, ,'DZAM BU'I GLING GI DBUS SU AA SHVATTHA'I SDONG PO DANG, MA DROS PA'I 'GRAM DU AU DUM BA RA'I ME TOG DAG KYANG KHA 'BUS, GLING PHRA MO RNAMS SU TZAN DANG GYI TSAL DANG, RI'I RTZE MO RNAMS SU BYU RU'I MYU GU DAG 'THON PAR GYUR TO, ,'BAB CHU RO HI TA'I 'GRAM DU SHING DGE BA'I SNYING PO ZHES BYA BA NYI MA GCIG BZHIN KHRU BRGYA SKYE BAR 'GYUR BA, NYI MA MA SHAR BA DE SRING DU SEN MOS KYANG BCAD DU RUNG BA, NYI MA SHAR NAS MES KYANG TSIG TU MI RUNG BA ZHIG SKYES SO, , LUM BI NA'I TSAL DU PADMA SPUNGS PA LTA BU'I MCHOD RTEN BRTZIGS TE SKU BLTAMS PA'I MCHOD RTEN DU GRAGS SO, ,BYANG CHUB SEMS DPAS LONGS SPYOD PA'I DON DU BKOD PA DRI MA MED PA LA SOGS PA SKYED MOS TSAL LNGA BRGYA DANG, GTER LNGA BRGYA YANG BYUNG, KHAMS KYI RGYAL PHRAN NYI KHRI YANG DPYAD 'BUL ZHING 'DUD PAR GYUR TO, ,DE LTAR GYUR PA NA RGYAL PO ZAS GTZANG MAS BU 'DI BTZAS MA THAG BDAG GI 'DOD PA'I DON THAMS

, ,CAD GRUB PAS NA 'DI'I MING DON THAMS CAD GRUB PAR GDAGS SO SNYAM DU BSAMS NAS MTSAN DE LTAR DU BTAGS SO, ,DE NAS YAB YUM GNYIS KYIS MTSAN MKHAN RNAMS LA DRIS PA DANG, DE DAG GIS LUNG BSTAN PA GANGS KYI NGO DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I BSTI GNAS DANG HA CANG MI RING BAR SH'AKYA RNAMS KYI GZHON NU BYUNG BA NI, GAL TE PHO BRANG GI NANG DU BZHUGS PAR GYUR NA 'KHOR LOS BSGYUR BA'I RGYAL PO MTHA' BZHI LAS RNAM PAR RGYAL BA RIN PO CHE SNA BDUN DANG LDAN PAR 'GYUR RO, ,GAL TE SKRA DANG KHA SPU BREGS GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO ZHES LUNG BSTAN TO, ,DE LTAR BYANG CHUB SEMS DPA'I RNAM PAR 'PHRUL PA BSAM GYIS MI KHYAB PAS SEMS CAN BGRANG BA LAS 'DAS PA ZHIG SMIN GROL LA BKOD CING, LHA DANG MI'I MCHOD PA'I BYE BRAG TSAD MED PAS MCHOD CING ZHAG BDUN LUM BA'I TSAL DU BZHUGS SO, ,BYANG CHUB SEMS DPA' SKU BLTAMS PA'I 'OD KYIS 'JIG RTEN KUN SNANG BAR BYAS PA DE'I TSE GANGS RI KUN 'DZIN GYI NGOS LA GNAS PA'I DRANG SRONG NAG PO NYON MONGS MED LA SOGS PA DRANG SRONG MNGON SHES LNGA DANG LDAN PA MANG POS 'OD DE MTHONG ZHING

DKAR PHYOGS KYI LHA RNAMS NAM MKHA' LA DGA' BA'I CA CO SGROG CING BYANG CHUB SEMS DPA' SKU BLTAMS TE MYUR DU SANGS RGYAS NAS CHOS KYI 'KHOR LO BSKOR BAR 'GYUR RO ZHES DGA' BA'I SGRA RGYA CHER SGROGS PA'ANG THOS NAS GCIG LA GCIG 'DI SKAD DU, BYANG CHUB SEMS DPA' DE LA PHYAG BYA BA'I PHYIR 'DOD DO ZHES BGROS PA NA, DRANG SRONG BLO GROS DANG LDAN PA 'GA' ZHIG GIS DA LTA NI TSANGS BA DANG BRGYA BYIN LA SOGS PA LHA DBANG CHE BAR GRAGS PA MANG POS MDUN DU BDAR BAS BYANG CHUB SEMS DPA' MJAL BA'I SKABS MI RNYED KYIS, BYANG CHUB SEMS DPA' SER SKYA'I PHO BRANG DU PHEBS NAS MJAL LO ZHES BGROS SO, ,DE NAS BYANG CHUB SEMS DPA' LHA DANG MI'I MCHOD PA TSAD MED PAS MCHOD BZHIN DU SER SKYA'I PHO BRANG DU SPYAN DRANGS SO, ,DE NAS SKYE BO RNAMS KYI YUL CHOS KYIS BYIS PA SKYES NAS RING PO MA LON PAR RANG RANG GI YUL LHA MCHOD PAR BYED PAS, CHOS NYID KYIS SH'AKYA RNAMS NI SH'AKYA SU YANG RUNG BA LA KHYE'U 'AM BU MO GANG BTZAS PA DE GNOD SBYIN SH'AKYA 'PHEL ZHES BYA BA GNYUG MAR GNAS PA LTAR GRAGS PA ZHIG YOD DE, DE'I RKANG PA LA PHYAG 'TSAL BA'I PHYIR LHA KHANG DU 'KHRID PA YIN PAS SH'AKYA RGAN RABS RNAMS 'DUS TE RGYAL PO LA GZHON NU LHA KHANG DU BKUR DU GSOL, RGYAL POS GNANG STE, GRONG KHYER THAMS CAD DGE MTSAN

, ,DANG BKRA SHIS KYIS BRGYAN PAR BYAS NAS, RGYAL PO NYID KYIS SKYE DGU'I BDAG MO LA GZHON NU LHA KHANG DU BKUR GYI RGYAN THOGS SHIG ,DES KYANG BYANG CHUB SEMS DPA'I RNA BA PHUG NAS RNA RGYAN SENG GE CAN BTAGS TE LHA KHANG DU BKUR RO ZHES SMRAS PA DANG, GZHON NUS SMRAS PA, LHA RNAMS KYIS BDAG GI RKANG PA LA BTUD NA SU ZHIG BDAG GI GONG NA 'PHAGS, 'ON KYANG 'JIG RTAN GYI RJES SU SNYEG PA TZAM DANG, BDAG MTHONG NA SKYE BO RNAMS DGA' BAR 'GYUR BAS MCHI'O, ,ZHES SMRAS PA DANG, RGYAL POS GZHON NU PANG DU BLANGS TE GLANG PO CHES DRANGS PA'I RIN PO CHE SNA BZHIS BRGYAN PA'I SHING RTA LA 'KHOD NAS BKOD PA CHEN POS BYON PA NA, SH'AKYA GTUM PO DE DAG THAMS CAD KYANG BYANG CHUB SEMS DPA'I GZI BRJID MA BZOD PAR BAG 'KHUM PAR GNAS SHING, SROG CHAGS GTUM PO GZHAN DAG KYANG CA CO'I SGRA MED PAR BYANG CHUB SEMS DPA'I GDONG LA GUS PAR BLTA ZHING GNAS PAS SH'AKYA THUB PA ZHES MTSAN BTAGS SO, ,DE NAS BYANG CHUB SEMS DPA' LHA KHANG DU 'JUG PAR BRTZAM PA NA GNOD SBYIN SH'AKYA 'PHEL GYIS BYANG CHUB SEMS DPA' RANG GI GNAS DANG NYE BAR BYON PA MTHONG NAS DES BSU BA'I PHYIR PHYIR BYUNG STE, BYANG CHUB SEMS DPA'I ZHABS GNYIS LA SPYI BOS GTUGS PA

DANG, LHA KHANG DER GZHON NU'I ZHABS G-YAS PA BZHAG MA THAG ,ZLA BA DANG, NYI MA DANG, 'JIG RTEN SKYONG BA BZHI DANG, BRGYA BYIN DANG, SKEM BYED DANG, DBANG PHYUG CHEN PO DANG, TSANGS PA LA SOGS PA LHA'I GZUGS RNAMS RANG RANG GI GNAS LAS LANGS TE BYANG CHUB SEMS DPA'I ZHABS LA PHYAG BYAS PA NA SA YANG G-YOS SO, ,DE ZAS GTZANG LA SMRAS PA DANG, RGYAL POS LHAS KYANG GZHON NU'I RKANG PA LA GTUGS PAS LHA'I YANG LHA ZHES MTSAN BTAGS SO, ,DE NAS DRANGS SRONG NYON MONGS MED 'KHOR DANG BCAS PA BYANG CHUB SEMS DPA'I ZHAL BLTA BAR 'ONGS PA NA, DE'I TSE DRANG SRONG DE DAG 'GRO BA THAMS CAD KYI MCHOD GNAS SU BKUR ZHING NAM MKHA' LAS 'GRO 'ONG BYED PA YIN YANG, SER SKYA'I GRONG MTHONG BA NA BYANG CHUB SEMS DPA'I GZI BRJID KYI MTHUS DRANG SRONG DE DAG GI RDZU 'PHRUL NYAMS TE RKANG PAS 'ONGS NAS RGYAL PO ZAS GTZANG LA GZHON NU MJAL BAR ZHUS PA NA RGYAL PO ZAS GTZANG GIS DRANG SRONG DE DAG GUS PAS MCHOD DE STAN BZANG PO LA BZHAG NAS GZHON NU'I SKU GZUGS BLTAR BCUG GO ,DE NAS DRANG SRONG DE DAG GIS GZHON NU'I SKU LUS LA MTSAN BZANG PO SUM CU RTZA GNYIS DANG DPE BYANG BRGYAD CUS SPRAS PAR MTHONG NAS DAD PA LHAG PAR SKYES TE, GZHON NU 'DIS NAM ZHIG NA CHOS KYI 'KHOR LO BSKOR SNYAM DU MNGON SHES KYIS BRTAGS PA NA, LO NYI SHU RTZA DGU NI

, ,KHAB TU BZHUGS, DE NAS LO DRUG TU DKA' BA SPYAD, DE NAS DKA' SPYAD DE LAS BZHENGS TE 'TSANG RGYA BA DANG, DE NAS CHOS KYI 'KHOR LO BSKOR BAR MTHONG LA, RANG LA DE'I BAR DU SDOD PA'I TSE MED PAR CHOS KYI BDUD RTZI MA MYONG BAR 'CHI BAR MTHONG NAS SDUG BSNGAL DANG MYA NGAN DRAG POS NON TE NGUS SO, ,DE LA RGYAL PO ZAS GTZANG MAS DRANG SRONG CHEN PO DU BCI YIN, GZHON NU 'DI LA MI LEGS PA'I MTSAN MA MA MTHONG NGAM ZHES DRIS PA NA, DRANG SRONG DE DAG GIS SMRAS PA, GZHON NU LA MTSAN MA NGAN PA GANG YANG MED KYI, 'DI NI NGES PAR SANGS RGYAS NAS CHOS KYI 'KHOR LO BSKOR TE, RANG LA DE'I BAR DU SDOD PA'I DBANG MED PAR 'CHI BAR RIG NAS RANG GI NYES PA MTHONG STE DU PA YIN NO ZHES ZER RO, ,DE NAS DRANG SRONG DE DAG GIS BYANG CHUB SEMS DPA'I SKU GZUGS LA SMON LAM LEGS PAR BTAB STE RANG GNAS SU SONG NGO, ,TSUL 'DI DAG LA LEGS PAR DPYOD SHES NA BYANG CHUB LAM GYI RIM PA'I NYAMS LEN GYI GNAD LA NGES PA LHAG PAR SKYE STE, TSANGS PA DANG BRGYA BYIN GYI DPAL THOB PA DANG, DRANG SRONG MNGON SHES LNGA DANG LDAN PA'I GO 'PHANG THOB PA LAS BYANG CHUB LAM GYI RIM PA'I CHOS THOS PA RNYED DKA' BAR GRUB BO, ,DES NA BYANG CHUB LAM GYI RIM PA LA NYAMS LEN BYA RGYU YOD PA'I SKABS 'DIR BSKAL MANG STONG DU RNYED DKA' BA SHES PAR BYAS LA LAN CIG RNYED PA 'DI CHUD BZOS PAR LA ? KYI RIM PA'I DMIGS RNAM BSKYANG BAR BYA'O, ,DE NAS BYANG CHUB SEMS

DPA' DGUNG LO BDUN LA BAB PA NA GTZUG PHUD BZHAG CING DE'I DUS STON YANG BYAS LA, SKAR MA RGYAL LA BAB PA'I DUS SU RGYAN 'DOGS PAR BRTZAMS TE, THOG MAR SH'AKY'A RGYAL PO BZANG POS GZHON NU'I PHYIR RGYAN JI SNYED CIG BYAS PA BYANG CHUB SEMS DPA'I LUS LA BTAGS MA THAG RGYAN RNAMS MOG MOG POR GYUR TE, TSAL DE'I LHA MO DRI MA MED PA ZHES BYA BAS RANG GI LUS MNGON SUM DU BSTAN TE 'DI LA NI RANG BZHIN GYI MTSAN GYIS SPRAS PA'I RGYAN MDZES KYI, BCOS MA'I RGYAN MI MDZES SO ZHES SMRAS TE MI SNANG BAR GYUR TO, ,DE NAS BYANG CHUB SEMS DPA' BZO RIG PA'I SGYU RTZAL GYIS SEMS CAN GYI DON MDZAD PAR BZHED PA NA YAB ZAS GTZANG GIS BSKUL NAS DANG POR YI GE'I GRVAR BYON TE BKOD PA CHEN PO BSHAMS NAS, BYIS PA'I SLOB DPON KUN GYI BSHES GNYEN, MING GZHAN SRIN BU GO CHAR GRAGS PA DE NYID YI GE'I RIGS THAMS CAD LA MKHAS PA YIN PAS, DE'I GAN DU BYON PA DANG BYANG CHUB SEMS DPA'I GZI BRJID MA BZOD NAS KHA BUB TU 'GYEL TO, ,DE LTAR 'GYEL BA DGA' LDAN GYI LHA'I BU YAN LAG BZANG POS BSLANG STE, ZAS GTZANG DANG SKYE BO'I TSOGS LA BYANG CHUB SEMS DPA'I GONG NA SLOB DPON GZHAN MED MOD KYIS, SEMS CAN SMIN PAR BYA PHYIR YI GE'I GRVAR ZHUGS SO, ,ZHES SMRAS NAS MI SNANG BAR GYUR TO, ,DE NAS ZAS GTZANG DANG 'KHOR GZHAN RNAMS LOG STE 'KHROR BYIS PA KHRI DANG DE'I NANG NAS MCHOG TU GYUR PA LNGA BRGYA DANG LHAN CIG PAR YI GE'I GRVAR ZHUGS NAS ,

, ,TZAN DAN SBRUL GYI SNYING PO LAS BYAS PA'I YI GE'I BYANG SHING LHA'I TSON GYIS BYUGS PA GSER GYI YANG MIG GIS BTAGS PA THA MA NOR BU RIN PO CHES BRGYAN PA THOGS SO, ,SRIN BU GO CHAS YI GE GCIG NAS LNGA BRGYA'I BAR BRIS PA THOGS PA DANG, BYANG CHUB SEMS DPAS 'DI DAG NGAS SHES KYI GZHAN SMROS SHIG, GSOL PA, 'JIG RTEN NA 'DI TZAM SPYOD KYI GZHAN NI MA 'TSAL TO, ,ZHES BRJOD PA NA, BYANG CHUB SEMS DPAS TSANGS PA'I YI GE LA SOGS PA YI GE'I RNAM GRANGS SNGON SUS KYANG MA THOS PA BGRANG BA LAS 'DAS PA ZHIG GSUNGS SHING, YI GE'I PHYI MO SLOB PA NA AA ZHES BRJOD PA'I TSE CHOS THAMS CAD STONG PA NYID LA SOGS PA STONG PA DANG, BDAG MED PA DANG, 'DU BYED THAMS CAD SDUG BSNGAL GYI RANG BZHIN CAN LA SOGS PA'I NGES PAR 'BYUNG BA'I CHOS KYI SGRA DBYANGS DPAG TU MED BA BSGRAGS TE YI GE'I SLOB DPON DU BYED PA DE DANG, BYIS PA KHRI KHRAG MANG PO DANG SROG CHAGS GZHAN NYI KHRI DANG NYIS STONG BYANG CHUB TU SMIN PAR BYAS SO, ,DE BZHIN DU RTZIS PA SRID SGRUB KYI THAD DU RTZIS SLOB PA'I TSUL BSTAN PA NA, BYANG CHUB SEMS DPAS RTZIS KYI SLOB DPON SRID SGRUB KYIS SNGON CHAD MING TZAM YANG MA THOS PA'I RTZIS KYI RNAM GRANGS DAG GSUNGS SHING, RDUL PHRA RAB LA 'JUG BA ZHES BYA BA'I RTZIS BSTAN TE, STONG GSUM GYI STONG CHEN PO'I 'JIG RTEN GYI KHAMS 'DI LA RDUL PHRA MO'I GRANGS JI CAM YOD PA SHES PAR NUS PA'I RTZIS BSTAN PA NA LHA MI THAMS CAD

NGO MTSAR DU GYUR CING, SROG CHAGS GRANGS MED PA ZHIG BYANG CHUB TU SMIN PAR MDZAD DO, ,DE BZHIN DU MDA' 'PHANG BA DANG, MCHOD PA BYED PA DANG, GYAD KYI 'DZIN STANGS LA SOGS PA SGYU RTZAL THAMS CAD RE RE NAS SNGON CHAD SUS KYANG MA NUS PA DAG BSTAN TE THABS MKHAS KYI 'PHRUL DE DANG DES LHA MI BGRANG BA LAS 'DAS PA SMIN GROL LA BKOD DO, ,DE NAS GRAGS 'DZIN MA LA SOGS BA'I BTZUN MO DRUG KHRI KHAB TU BZHES TE BYANG CHUB SEMS DPA' RANG NYID 'DOD CHAGS KYI DBANG DU GYUR PA MA YIN YANG, DPA' BAR 'GRO BA'I TING NGE 'DZIN GYI 'PHRUL GYIS BTZUN MO DRUG KHRI PO DE DAG THAMS CAD LA RANG RANG DANG MNYAM DU BYANG CHUB SEMS DPA' RE RE BZHUGS BAR SNANG ZHING, THABS MKHAS KYI SPYOD PA DES BTZUN MO DE DAG DANG, GZHAN YANG SROG CHAGS BGRANG BA LAS 'DAS PA ZHIG SMIN CING GROL BAR MDZAD DO, ,DE'I TSE BYANG CHUB SEMS DPA' RANG NYID SNGON BSKAL PA GRANGS MED PA'I SNGON ROL NAS RTZOD LDAN TSE LO BRGYA PA'I DUS KYI 'GRO BA RNAMS KYI MGON DU 'BYON PAR THUGS BSKYED CING, DON DE THUGS LA BRANGS NAS NAM ZHIG 'TSANG RGYA BA'I DUS NGES PAR MKHYEN PA YIN YANG, PHYOGS BCU'I SANGS RGYAS RNAMS DANG DKAR PHYOGS KYI LHA RNAMS KYIS BYANG CHUB SEMS DPA' BTZUN MO'I 'KHOR DU YUN RING NA GDUL BYA MANG PO ZHIG DUS LAS YOL BAR 'GYUR BAS DA NI KHAB NAS BYUNG STE 'TSANG RGYA BA'I MDZAD PA MYUR DU STON DGOS SO ZHES YANG DANG YANG DU BSKUL ZHING, SANGS RGYAS RNAMS KYI MTHUS GLU DBYANGS DANG SIL SNYAN GYI SGRA

, ,LAS; SDUG BSNGAL BRGYAS GANG SEMS CAN MTHONG NAS NI, ,'GRO BA'I MGON DANG SKYABS DANG GNAS GYUR CING, ,PHAN BYED MGON DANG DPUNG GNYEN GYUR CIG CES, ,KHYOD KYIS SNGON NI SMON LAM DE SKAD BTAB, ,DGE BA DPA' BO SNGON GYI SPYOD PA DANG, ,'GRO PHAN BYA ZHES SMON LAM DRAN PAR BYOS, ,'DI NI KHYOD KYI DUS DANG TSOD YIN GYIS, ,DRANG SRONG MTSOG RAB KHYIM NAS 'BYUNG BAR BYOS, ,ZHES SOGS KYIS BSKUL ZHING, BTZUN MO RNAMS KYI ROL MO'I SGRA LAS KYANG SNGON GYI SKYES RABS DAG GLANGS TE, SRID GSUM RGA DANG NAD KYI SDUG BSNGAL 'BAR, ,'CHI MED RAB 'BAR 'DI NI MGON MED PA, ,SRID LAS 'BYUNG LA 'GRO BA RTAG TU RMONGS, ,BUM PAR CHUD PA'I BUNG BA 'KHOR BA BZHIN, ,SRID GSUM MI BRTAN STON KA'I SPRIN DANG 'DRA, ,'GRO BA'I SKYE 'CHI GAR LA BLTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU LTA BUR MYUR MGYOGS 'GRO, ZHES SOGS NAS, SNGON GYI SPYAD DE RJES SU DRAN GYIS LA, ,GTI MUG MA RIG MUN PAS BSGRIBS PA YI, ,'GRO LA SHES RAB DAM BA 'OD BZANG BA, ,CHOS MIG DRI MED NYON MONGS MED PA BYIN, ,ZHES SOGS RGYA CHER BSKUL BA NA BYANG CHUB SEMS DPA' YANG MYUR DU RAB TU 'BYUNG BA'I DUS LA BAB PAR DGONGS SO, ,DE NAS BYANG CHUB SEMS DPA' SKYED TSAL GZIGS PA'I PHYIR SHAR SGO NAS PHEBS PA NA GNAS

GCENG MA'I LHA DAG GIS SPRUL PA'I RGAN PO RGAS SHING 'KHOGS PA, RGAS PA'I SDUG BSNGAL GYIS NYEN PA GZIGS TE, 'DUN PA LA, KHA LO SGYUR BA MI RED NYAM CHUNG ZHING, ,SHA KHRAG BSKAMS LA RGYUS PAGS NYI TSES DKRIS, ,MGO DKAR SO RGAL LUS NI RAB SKEM LA, ,'KHAR BA BRTEN CING MI BDE 'KHYOR 'GRO SU, ,DES SMRAS PA, LHA CIG MI 'DI RGI BAS ZIL GYIS NON, ,DBANG PO NYAMS SHING SDUG BSNGAL BRTZON STOBS NYAMS, ,GNYEN GYI SKYE BOS BRNYAS SHING MGON MED GYUR, ,DON BGYID MI NUS NAGS KHROD SHING LTAR BOR, ,BYANG CHUB SEMS DPAS SMRAS PA, 'DI YI CHOS 'DI RIGS KYI YIN NAM 'ON TAM NI, ,'GRO BA 'DI KUN LA YANG 'DI SRID DE SMROS SHIG, TSIG 'DI YANG DAG JI BZHIN MYUR DU SMROS SHIG DANG, ,THOS NAS DE BZHIN DON LA 'DIR NI TSUL BZHIN BSAM, ,DES SMRAS PA, LHA 'DI RIGS CHOS MA YIN YUL 'KHOR CHOS MA LAGS, ,SKYE BO KUN GYI DAR LA BAB PA RGA BAS 'JOMS, ,KHYOD KYI YAB DANG YUM DANG NYE DU GNYEN TSOGS KYANG, ,RGA LAS MI THAR 'BROS PA'I THABS NI GZHAN MA MCHIS, ,BYANG CHUB SEMS DPAS SMRAS PA, KHA LO SGYUR BA BYIS PA'I SKYE BO MI MKHAS PA'I, ,BLO NGAN GZHON PAS RGYAGS SHING MYOS PAS RGAS MA MTHONG, ,NGA NI SLAR 'GRO NGA YI SHING RTA MYUR DU SGYUR, ,DA YANG RGAS LA GNAS PAS RTZE

, ,DAGS CI ZHIG BYA, ZHES GSUNGS NAS NANG DU LOG GO ,YANG LHO SGOR PHEBS PAS, NA BA GZIGS TE SMRAS PA, KHA LO BSGYUR BA MI RTZUB LUS KYI MDOG NGAN LA, ,DBANG PO THAMS CAD NYAMS SHING DBUGS DBYUNG RAB TU DKA', ,YAN LAG KUN BSKAMS LTO BAS DKRUGS SHING NYAM THAG GYUR, ,RANG GI GCIN RTUG SMAD PA'I GNAS NA 'DUG 'DI SU, ,DES SMRAS PA, LHA CIG MI 'DI SHIN TU NAD KYIS BTAB PA STE, ,NAD KYI 'JIGS PA NYE BAR MCHIS PAS 'GUM LA THUG ,NAD MED GZI BRJID MA MCHIS STOBS KYANG RNAM PAR NYAMS, ,MGON DANG SKYABS DANG GLING DANG DPUNG GNYEN MA MCHIS LAGS, BYANG CHUB SEMS DPAS SMRAS PA, NAD MED PA YANG RMI LAM NA NI RTZE DANG MTSUNGS, ,NAD KYI 'JIGS PA 'DI LTAR SHIN TU MI BZAD PA, ,SKYES BU MKHAS PAS GNAS 'DI MTHONG NAS JI LTA BUR, ,RTZE LA DGA' DANG SDUG PA'I 'DU SHES SKYED PAR 'GYUR, ,ZHES GSUNGS NAS NANG DU LOG GO ,YANG NUB TU SHI BA GZIGS TE SMRAS PA, KHA LO BSGYUR BA MI 'DI KHYOGS LA BLANGS NAS NI, ,'DI DAG SKRA BSHIG MGO LAS YIS 'THOR BYED CING, , SNA TSOGS NGAG GI TSIG NI BRJOD LA BRANG BRDUNG BAS, ,KUN NAS BSKOR BA BYAS TE KHYER BA SU ZHIG YIN, ,DES SMRAS PA, LHA CIG MI 'DI 'DZAM BU'I GLING DU GUM PA STE, ,SLAN CHAD PHA MA MCHIS BRANG BU RNAMS MTHONG MI

'GYUR, ,LONGS SPYOD KHYIM DANG MDZA' BSHES GNYEN TSOGS SPANGS NAS NI, 'JIG RTEN PHA ROL MCHIS TE SLAN CHAD GNYEN MI MTHONG, ,BYANG CHUB SEMS DPAS SMRAS PA, RGA BAS GNOD PAR 'GYUR BA'I GZHON PA CIR MI RUNG, , SNA TSOGS NAD KYIS GNOD 'GYUR NAD MED CIR MI RUNG, ,RING DU MI GNAS GSON PA MKHAS LA CIR MI RUNG, ,DGA' LA CHAGS PA SKYES BU MKHAS PA CIR MI RUNG, ,GAL TE RGA MED NA MED 'CHI BA MED GYUR KYANG, ,'ON KYANG PHUNG PO LNGA 'DZIN SDUG BSNGAL CHE YIN NA, ,RGA NA 'CHI BA RTAG TU 'BRANG BA SMOS CI DGOS, ,LEGS PAR SLAR LOG RAB TU THAR BAR BYA BA BSAM, ,ZHES GSUNGS NAS NANG DU LOG GO, YANG, BYANG SGOR DGE SLONG GZIGS TE SMRAS PA, KHA LO BSGYUR BA SKYES BU SEMS ZHI RAB ZHI ZHING, ,MIG PHAB 'GRO LA GNYA' SHING GANG TZAM LTA BYED CING, ,DUR SMRIG GOS GYON SHIN TU RAB TU ZHI BAR SPYOD, ,LHUNG BZED THOGS NAS MI RGOD MA KHENGS SU ZHIG YIN, ,DES SMRAS PA, LHA CIG MI 'DI DGE SLONG ZHES NI BGYI BA LAGS, ,'DOD PA'I DGA' BA SPANGS SHING SHIN TU DUL BAR SPYOD, ,BDAG NYID ZHI BA 'TSOL ZHING RAB TU BYUNG BAR GYUR, ,'DOD CHAGS ZHE SDANG BRAL BA BSOD SNYOMS SPYOD CING RGYU; ;BYANG CHUB SEMS DPAS SMRAS PA, 'DI NI DGE BAR LEGS SMRAS NGA YANG 'DOD PA STE, ,RAB TU BYUNG BA MKHAS PA RNAMS KYIS RTAG TU BSNGAGS, ,DE NI BDAG LA PHAN ZHING SEMS CAN GZHAN LA'ANG PHAN, ,'TSO BA

, ,BDE ZHING NYAMS MTHUN 'CHI MED 'BRAS BUR 'GYUR, ,ZHES GSUNG ZHING SHING RTA KHA BSGYUR TE NANG DU BYON NO, ,DE NAS BYANG CHUB SEMS DPA' DGUNG LO NYI SHU RTZA DGU LA BAB PA KUN 'DZIN CES PA SA PHO BYI BA'I LO STON ZLA RA BA'I YAR TSES BRGYAD KYI THO RANGS SKAR MA RGYAL SHAR BA DANG DUS MNYAM DU KHANG BZANG GI STENG DU PHEBS NAS PHYOGS BCU'I SANGS RGYAS THAMS CAD LA PHYAG BTZAL TE SNYIGS MA'I 'GRO BA RNAMS KYI DON DU MYUR DU 'TSANG RGYA BAR THUGS SMON MDZAD PA NA, NAM MKHA'I DBYINGS 'DI THAMS CAD BYANG CHUB SEMS DPA' RNAMS DANG, TSANG BA DANG, BRGYA BYIN DANG, 'JIG RTEN SKYONG BA BZHI LA SOGS PA DKAR PHYOGS KYI LHA RNAMS DANG, GZHAN YANG GNOD SBYIN DANG, DRI ZA DANG, KLU LA SOGS PA MCHOD PA'I BYE BRAG SNA TSOGS THOGS PAS YONGS SU GANG ZHING, GSANG BA'I BDAG PO PHYAG NA RDO RJE DANG SDE DPON CHEN PO RNAM THOS SRAS KYIS LNGAS RTZEN LA BKA' BSGOS TE RGYAL PO'I PHO BRANG GI CHAB SGO THAMS CAD BSRUNG MA GO MTSON THOGS PA BRGYA PHRAG MANG POS BKAG PAS KHANG BZANG GI STENG NAS CHIBS BA BSNGAGS LDAN GYI THAD DU LHA'I BZO BOS BCOS PA'I SKAS TSUGS SHIG CES BKA' BSGOS BAN LNGAS RTZEN GYIS DE MA THAG SKAS BTZUGS SO, ,DE NAS BYANG CHUB SEMS DPA' LHA'I SKAS DE LA BABS NAS BSNGAGS LDAN LA CHIBS PA NA, BRGYA

BYIN GYIS BKRA SHIS KYI SHAR SGO PHYE, TSANGS RIS KYI LHA RNAMS KYIS G-YAS LOGS NAS BRTEN, 'DOD PA'I LHA RNAMS KYIS G-YON LOGS NAS BRTEN, TSANGS PA DANG BRGYA BYIN GNYIS KYIS SNA DRANGS, NAM MKHA'I DBYINGS THAMS CAD MCHOD PA'I BYE BRAG GIS GANG, DKAR PHYOGS KYI LHA MANG POS GOS KYI G-YAB MO G-YOB BZHIN DU 'JIG RTEN SKYONG BA BZHIS BSNGAGS LDAN GYI SUG PA BZHI NAS BTEG STE MYUR BAR PHEBS NAS SH'AKYA'I YUL DANG, KE'U RTA'I YUL DANG, GYAD YUL RNAMS LAS 'DAS, ME NE YA'I YUL GYI GRONG BRDAL LAS KYANG DPAG TSAD DRUG PHYIN PA YUL SPONG BYED KYI GRONG GI NYE 'DABS CHU KLUNG YID 'ONG LDAN GYI 'GRAM DU BYON PAN NAM LANGS SO, ,CHOS 'BYUNG 'GA' ZHIG LAS SH'AKYA'I PHO BRANG NAS ME NE YA'I YUL GYI BAR LA DPAG TSAD DRUG YOD CING, YUL DE NAS CHU KLUNG YID 'ONG LDAN GYI BAR LA DPAG TSAD DRUG YOD PAS THO RANGS DE LA DPAG TSAD BCU GNYIS KYI BAR DU PHEBS PA YIN ZHES 'BYUNG NGO, ,GNAS DE NA SNGON 'DAS PA'I SANGS RGYAS GSUM GYI GTZUG PHUD BREGS PA'I MCHOD RTEN RNAM DAG GSUM YOD PAR BSHAD CING, MCHOD RTEN RNAM DAG DE DAG GI DRUNG DU BYANG CHUB SEMS DPAS KHA LO BSGYUR BA 'DUN PA LA DA'I RGYAN DANG BSNGAGS LDAN KHYER LA GNYEN RNAMS KYI DRUNG DU SONGS SHIG CES BKA'

, ,STZAL PA NA 'DUN PAS MCHI MCHAR BZHIN DU PHAB STE DU BZHIN DU GZHON NU RGYAL PO'I PHO BRANG NA 'KHOR KHRI KHRAG MANG PO DANG BCAS BZHUGS PA, DA NAGS KHROD DBEN PAR GCIG PHUR JI LTAR BZHUGS ZHUS PA NA, BYANG CHUB SEMS DPAS BKA' STZAL PA, SKYE DGU 'DI NI SKYE NA'ANG GCIG PU SKYE, ,DE BZHIN 'CHI NA'ANG GCIG PU 'CHI BAR 'GYUR, ,'DI NA GCIG PUS SDUG BSNGAL MYONG 'GYUR GYI, ,'KHOR BA LA NI GROGS YOD MA YIN NO, ,ZHES GSUNG, DE NAS BYANG CHUB SEMS DPAS RANG GI DBU SKRA RANG GIS BCAD DE GNAM DU GTOR BA NA, BRGYA BYIN GYIS MKHA' LAS BLANGS TE SUM CU RTZA GSUM DU KHYER NAS LHA RNAMS KYI MCHOD PA'I RTEN BYED CING LO RE BZHIN GTZUG PHUNG KYI DUS STON YANG BYED CES GRAG GO ,DE NAS BYANG CHUB SEMS DPAS NA BZA' KA SHI KA'I RAS KHYAD PAR CAN 'DI LTA BU GYON PA RAB TU BYUNG BA'I TSUL DANG MI MTHUN NO SNYAM DU DGONGS NAS DUR SMRIG GI GOS GYON PAR BZHED PA NA BRGYA BYIN GYIS SNGON GYI DRANG SRONG RNAMS KYIS BYANG CHUB SEMS DPA'I CHED DU SMON LAM BTAB STE BZHAG PA'I DUR SMRIG GI GOS BLANGS TE BYANG CHUB SEMS DPA' LA PHUL, KA SHI KA'I NA BZA' RNAMS BRGYA BYIN GYIS BLANGS TE SPYI BOR KHYER NAS SUM CU RTZA GSUM DU MCHOD PA'I RTEN DU BZHUGS SHING LO RE BZHIN NA BZA'I DUS STON YANG BYED

CES GRAG GO ,GNAS DER GTZUG PHUD DOR BA'I MCHOD RTEN DANG, DUR SMRIG BLANGS PA'I MCHOD RTEN DANG, 'DUN PA PHYIR LOG PA'I MCHOD RTEN GSUM YOD PAR GRAGS SO, ,DE NAS BYANG CHUB SEMS DPAS SH'AKYA'I GRONG NAS DE'I BAR LA DPAG TSAD BCU GNYIS YOD MOD KYANG, DA DUNG NYE DU DANG THAG NYE BA NI MI LEGS PAR DGONGS NAS CHU BO GANGG'A BRGAL TE MA GA DHAR BYON NO, ,DE LTAR STON PAS 'KHOR LOS BSGYUR BA'I DPAL THAMS CAD MCHIL MA'I THAL BA BZHIN DU DOR ZHING, SKU'I RGYAN DANG NA BZA' TSUN CHAD DOR TE RAB TU BYUNG NAS BSOD SNYOMS MDZAD PA NI GDUL BYA RNAMS LA 'DI LTAR BYA DGOS SO ZHES 'DOMS PA STE, SNGON BYUNG STON PA'I RNAM THAR RJES 'JUG GDUL BYA'I NYAMS LEN DU 'KHYER BAR BYA BA YIN PAS BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS STON PA THUGS RJE CAN GYI MDZAD PA RNAM THAR 'DI DAG DRAN PAR BYAS LA THOG MAR RANG YUL NYE DU DANG BCAS PA GANG LA'ANG MA CHAGS PAR DOR NAS RGYAL BA'I BSTAN PA LA RAB TU BYUNG STE , BYA DANG RI DVAGS BZHIN DU GSOG 'JOG GANG YANG MI BYA BAR 'TSO BA BSOD SNYOMS KYIS 'TSO BAR BYAS TE BYANG CHUB LAM RIM GYI NYAMS LEN BYA DGOS PA YIN PAS STON PA THUGS RJE CAN GYI RNAM THAR BZANG PO 'DI DAG YANG DANG YANG DU BSAMS TE

, ,RANG GI NYAMS LEN DU 'KHYER SHES PA ZHIG BYA'O, ,DE NAS BYANG CHUB SEMS DPAS RGYAL PO'I KHAB TU BSOD SNYOMS LA BYON PA NA RGYAL PO GZUGS CAN SNYING PO 'KHOR BCAS KYIS MTHONG STE NGO MTSAR NAS BYANG CHUB SEMS DPA'I DRUNG DU PHYIN TE BRTAGS PAN GZHON NU DON THAMS CAD GRUB PA YIN PAR NGO SHES NAS BLOR MA SHONG BAR BRGYAL LO, ,BRGYAL BA DE LAS SANGS NAS BYANG CHUB SEMS DPA' LA PHYAG BTZAL TE GSOL PA, KHYOD LA RGYAL SRID KYI PHYED 'BUL GYI, BDAG GI GROGS MDZOD LA PHYIN CHAD RI'I SUL DANG RTZVA'I GDING BA LA MA BZHUGS SHIG CES ZHUS PA NA, LAN GSUNGS PA, RTZE MO SNA TSOGS YANGS PAR GYUR PA YI, ,LHUN PO GANGS CAN RLUNG GIS BSKYOD SRID KYIS, ,NGA YI BLO NI THAR PA LA BRTEN PA, ,'DOD PA'I SHUGS KYIS BSKYOD PAR MI NUS SO, ,ZHES GSUNGS, DE NAS BYANG CHUB SEMS DBAS DRANG SRONG RNAMS KYI KHROD DU BYON TE DRANG SRONG DKA' THUB SBYOD PA DE DAG GIS DKA' THUB GANG DANG GANG SPYOD PA DE DANG DE LAS NYIS 'GYUR NYIS 'GYUR DU MDZAD PA NA DRANG SRONG DE DAG NGO MTSAR TE DGE SBYONG 'DI NI CHEN PO ZHIG GO ZHES BRJOD PAS DE PHYIN CHAD DGE SBYONG CHEN PO ZHES MTSAN DU GRAGS SO, ,DE NAS YAB ZAS GTZANG MAS BYANG CHUB SEMS DPA' G-YOG MED PAR 'KHYAM MO ZHES THOS NAS, RGYAL PO ZAS GTZANG MAS G-YOG SUM BRGYA DANG, SRU SKYE DGU'I BDAG MOS LHAS

BSTAN NAS MI NYIS BRGYA ZHABS 'BRING DU BTANG NGO, ,DE NAS BYANG CHUB SEMS DPAS 'KHOR LNGA BRGYA YOD PA DE DANG MNYAM DU SPYOD PA NA DBEN PAR 'KHOR MANG PO BSTEN PA 'DI MA LEGS SO SNYAM DU DGONGS NAS BYINGS RNAMS PHYIR SLOG CING; YAB DANG SRU'I PHYOGS KYI NGO BSRUNG BA DANG LNGA PO DE LA DGE BA'I RTZA BA YOD PAR MKHYEN NAS KO'U DI N+YA LA SOGS PA MI LNGA ZHABS 'BRING DU BSTEN NO, ,DE NAS BYANG CHUB SEMS DPAS CHU KLUNG NEE RANYDZA NA'I 'GRAM GYI SHING DRUNG ZHIG TU DKA' THUB LA BZHUGS TE THOG MAR 'BRAS 'BRU RE RE TZAM GSOL ZHING, DE NAS RIM GYIS 'BRU RE RE GSOL BA DE YANG SPANGS NAS LO DRUG TU SKYIL MO KRUNG BCAS NAS TING NGE 'DZIN LA BZHUGS SO, ,DE LTAR DKA' BA SPYAD BA'I BRTUL ZHUGS LO DRUG PO DES LHA DANG MI KHRAG KHRIG PHRAG BCU GNYIS DANG, BYE BA PHRAG DRUG CU RTZA BZHI THEG PA GSUM LA SMIN PAR MDZAD DO, ,DE'I TSE LHA NAS LTO 'PHYE'I BAR SDE BRGYAD RNAMS KYIS NYIN MTSAN DU MCHOD CING SMON LAM 'DEBS SO; ;LHA DANG MI GANG DAG RGYA CHEN PO LA MOS PA DE DAG GIS NI BYANG CHUB SEMS DPA' RIN PO CHE'I KHANG PA BRTZEGS BA NA 'DUG CING, BDE BA MYONG BAR MTHONG NGO, ,LHA DANG MI CHOS BSTAN PAS ZSMIN PAR MDZAD PA RNAMS KYIS CHOS 'BA' ZHIG 'CHAD PAR MTHONG NGO, ,SEMS CAN SPYI MTHUN GYIS NI DKA' BA SPYOD PA SNGAR SMOS PA BZHIN DU MTHONG NGO, ,DKA' SPYAD MDZAD PA DES PHYI ROL PA'I DRANG SRONG SA YA PHRAG BZHI DANG NYIS 'BUM BTUL TE BYANG CHUB TU SMIN PAR MDZAD

, ,DO; ;DE NAS BYANG CHUB SEMS DPAS 'DI SNYAM DU DGONGS TE, DKA' THUB GCIG PUS 'TSANG RGYA BAR MI NUS KYI MTHA' GNYIS SPANGS PA'I DBU MA'I LAM LA BRTEN TE 'TSANG RGYA BAR BYA'O SNYAM DU DGONGS SHING, PHYOGS BCU'I SANGS RGYAS RNAMS KYIS KYANG DKA' THUB LAS BZHENGS TE BYANG CHUB KYI SNYING POR 'TSANG RGYA BA'I MDZAD PA STONG DGOS SO ZHES YANG DANG YANG DU BSKUL BA LA BRTEN NAS, DKA' THUB LAS BZHENGS TE DBUGS 'BYUNG RDUB CI BDER MDZAD PA DANG, ZHAL ZAS RAGS PA GSOL TE SKU LUS KYI STOBS BSKYED DO, ,DE NAS CHU KLUNG NEE RANYDZA NAR SKU KHRUS MDZAD DE PHYAG DAR KHROD KYI GOS GSOL NAS, SNGON YUN RING PO NAS SMON LAM BTAB BA GRONG PA'I BU MO LEGS SKYES MA DANG DGA' STOBS MA GNYIS KYI TSOGS RDZOGS PAR BYA BA DANG, SKU'I GZI MDANGS BSKYED NAS GDUL BYA RNAMS LA MTSAN DPE'I SKU GSAL BAR BSTAN PAR BYA BA'I PHYIR BU MO DE GNYIS KYI THAD DU BYON NAS BSOD SNYOMS MDZAD PO NA; DBYID ZLA THA CHUNG SA GA ZLA BA'I TSES BCU BZHI'I NYIN BU MO DE GNYIS KYIS BA MCHOG STONG GI 'O MA NYID KHUR BYAS PA GSER GYI GZHONG PAR BLUGS TE PHUL BA NA DRO'I DUS SU BU MO GNYIS KYI BYANG CHUB KYI CHOS RDZOGS PAR BYA BA'I PHYIR 'O THUG DE LHAG MA MA LUS PAR GSOL TE, YOL GO NEE RANYDZA NAR BOR BA KLU'I RGYAL PO RGYA MTSOS MCHOD PA'I PHYIR KHYER BAS, BRGYA BYIN GYIS MKHA' LDING DU SPRUL NAS DE PHROGS TE RANG GI GZUGS KYIS SUM CU RTZA GSUM DU KHYER NAS

YOL GO'I DUS STON BTZUGS SO, ,SENG GE'I KHRI YANG KLU'I BU MOS MCHOD PA'I RTEN DU KHYER TO, ,BU MO DE GNYIS KYIS KYANG BYANG CHUB SEMS DPA' THOG MA NAS DE'I BAR JI LTA BAR MA 'TSAL TO, ,BYANG CHUB SEMS DPA'I BSOD NAMS DANG SHES RAB KYI STOBS KYIS 'O THUG GSOL MA THAG SKU SNGA KHO LTAR KHA DOG BZANG PO RGYAS PA DANG MTSAN BZANG PO SUM CU RTZA GNYIS DANG DPE BYAD BZANG PO BRGYAD CU DANG 'OD 'DOM GANG PA RNAMS KYIS BRGYAN PAR GYUR TO, ,GZHAN YANG LHA NAS LTO 'PHYE'I BAR GYI SDE BRGYAD PO GANG DAG BYE BA PHRAG DRUG CUS KYANG RANG RANG GI ZAS THOGS TE BYANG CHUB SEMS DPA' LA PHUL BA DANG, BYANG CHUB SEMS DPAS DE DAG PHAN TSUN GCIG GIS GCIG MTHONG BA MED BAR BYIN GYIS BRLABS NAS GSOL TO, , RANG RANG GI GANG PHUL BA DE GSOL BAR MTHONG BA'I MOD LA DE DAG THAMS CAD BYANG CHUB TU YONGS SU SMIN PAR MDZAD DO, ,DE NAS BYANG CHUB SEMS DPAS GANG DU MNGON PAR RDZOGS PAR 'TSANG RGYA SNYAM DU GNAS BRTAGS PA NA DKAR PHYOGS KYI LHA RNAMS KYIS CHU KLUNG NEE RANYDZA NA BRGAL BA'I NUB PHYOGS NA RDO RJE GDAN ZHES BYA BA DUS GSUM SANGS RGYAS THAMS CAD GANG DU MNGON PAR RDZOGS PAR 'TSANG RGYA BA'I GNAS MCHIS PAS DER GSHEGS SU GSOL ZHES ZHUS SHING, BYANG CHUB SEMS DPA' RANG NYID KYANG DE LTAR DU DGONGS NAS BYANG CHUB KYI SNYING POR GSHEGS SO, ,DE'I TSE LHA'I BUS BZANG SOGS SA LA SPYOD PA'I LHA RNAMS KYIS NI STONG CHEN PO PHYAG BDAR BYED CING SPOS CHUS CHAG CHAG 'DEBS SO, ,LAG NA GZHONG

, ,THOGS DANG, PHRENG THOGS KYIS NI ME TOG GI CHAR 'BEBS SO, ,'JIG RTEN SKYONG BA BZHIS NI GSER GYI DRA BA DANG, BRGYA BYIN GYIS NI RNAM PAR RGYAL BA'I KHANG BZANG DRA BAS MDZES PAR BRGYAN TO, ,'THAB BRAL BAS NI BEE d'URYA'I DRA BA DANG, DGA' LDAN PAS NI MU TIG GI DRA BA DANG, 'PHRUL DGA' BAS NI 'DZAM BU CHU BO'I GSER GYI DRIL BU'I DRA BA DANG, DBANG BSGYUR GYIS NI LHA'I RIN PO CHE'I DRA BAS BKAB BO, ,CHU KLUNG NEE RANYDZA NA DANG BYANG CHUB KYI SNYING PO'I BAR GYI LAM RLUNG GI LHA RNAMS DANG SPRIN GYI LHA RNAMS KYIS PHYAG BDAR BYAS, SPOS CHUS CHAG CHAG BTAB BO, ,STONG CHEN 'DI'I SHING LJON PA DANG BYIS PA BTZAS PA JI SNYED PA RNAMS BYANG CHUB KYI SNYING PO LOGS SU MGO BTUD DO, ,'DOD PA'I LHA'I BU RNAMS KYIS NI DE'I BAR RGYANG GRAGS TZAM TSUN CHAD KYI LAM MNGON PAR BKOD DE LAM DE'I 'GRAM G-YAS G-YON DU RIN PO CHE SNA BDUN GYI STEGS BU 'PHANG DU SHING TA LA BDUN TZAM DU MTHO BA, STENG DU RIN PO CHE'I DRA BA BRES PA, LHA'I GDUGS DANG RGYAL MCHAN DANG BA DAN GYIS LEGS PAR BRGYAN PA SPRUL TO, ,MDA' RGYAD GANG TZAM DU NI RIN PO CHE SNA BDUN GYI SHING TA LA STEGS BU DE BAS MTHO BA MNGON PAR SPRUL TE SHING TA LA DE RNAMS RIN PO CHE BRGYUS PAS PHAN TSUN DU 'BREL BAR 'DUG GO ,SHING TA LA GNYIS GNYIS KYI BAR DU RDZING SPOS CHUS YONGS SU GANG BA GSER GYI BYE MA BDAL BA, AUTPAL LA SOGS PAS GANG BA, RIN PO CHE'I STEGS BUS BSKOR BA, NOR BU RIN PO CHE BEEd'URYAS THEM SKAS

BRGYAN PA, RMA BYA DANG CHU BYA SNA TSOGS PA SGRA 'BYIN PA'I RDZING DAG BYAS SO, ,LAM DE NA LHA'I BU MO BRGYAD KHRI BRGYAD KHRIS SPOS CHUS GTOR ZHING ME TOG GIS BKRAM MO, ,TA LA THAMS CAD KYI MDUN DU RIN PO CHE'I MKHA' RTEN BZHAG PA LA TZAN DAN DANG AA KA RU'I SPOS PHOR THOGS PA BRGYAD KHRI DANG, GLU DBYANGS LEN PA'I LHA'I BU MO LNGA KHRI DAG 'KHOD DO, ,DE NAS MI MJED KYI BDAG PO TSANGS PA DBANG BSGYUR CHEN POS TSANGS RIS PA RNAMS LA BSGO BA GROGS PO DAG SKYES BU CHEN PO 'DI NI SNGON GYI DAM BCAS PA MTHAR PHYIN PA'I PHYIR BYANG CHUB KYI SNYING POR BZHUD KYI KHYED RNAMS KYIS MCHOD PAR GYIS SHIG ,'DOD PA'I LHA RNAMS KYIS MCHOD PAS STONG CHEN BRGYAN PAR BYAS PA LA LTOS ZHES BSKUL BA DANG, GZUGS KYI LHA RNAMS KYIS 'JIG RTEN GYI KHAMS 'DI RIN PO CHE'I RANG BZHIN LA GSER GYI PADMA BKRAM PA KHA KHYER RIM PA BDUN GYIS BSKOR BA DANG, GSHEGS LAM DU SHING RTA BDUN YANG SPRUL TO, ,LHA'I BU MO BYE BA DRUG CUS RDO RJE'I GDAN RIN PO CHES BKRAM PA LA SOGS BYAS TE MCHOG GI BKOD PA DANG LDAN PA DGA' TSAL LTA BUR BYAS SO, ,TSANGS PA RANG NYID KYANG SKAD CIG DE LA STONG CHEN 'DIR PHYIN TE SA GZHI MNYAM PA RIN PO CHE SNA BDUN GYIS GANG BA RAG NA BDE BAR BYAS SO, ,DE BZHIN DU PHYOGS BCU'I BRGYA BYIN DANG, TSANGS PA DANG, 'JIG RTEN SKYONG BA RNAMS KYIS KYANG ZHING 'DI SANGS RGYAS KYI ZHING BRGYA STONG GIS BRGYAN TO, ,BYANG CHUB SEMS DPA' RNAMS KYIS KYANG BKOD PA DPAG TU MED PA'I SANGS RGYAS KYI ZHING BKOD

, ,PA SNA TSOGS PAS ZHING 'DI GCIG PU BRGYAN PAR BYAS SO, ,BYANG CHUB KYI SNYING PO SKYONG BAR BYED PA'I LHA'I BU AU KHA LI LA SOGS PA LHA'I BU BCU DRUG GIS BYANG CHUB KYI SHING DE LA DPAG TSAD BRGYAD CU'I KHOR YUG TU RIN PO CHE SNA BDUN GYI STEGS BU DANG, TA LA'I PHRENG BA DANG G-YER KHA'I DRA BA DANG, RIN PO CHE'I PHRENG BA RNAMS RIM PA BDUN BDUN GYIS LEGS PAR BSKOR BA, GSER GYI GLEGS MA DANG TSONG TSONG DANG PADMA DAG GIS KHEBS PAR BYAS SO, ,'OD MA LA SOGS PA BYANG CHUB KYI SHING GI LHA MO BZHIS KYANG BYANG CHUB KYI SHING DE MDZES SHING BKRA BA DANG, NANG RIM LA RIN PO CHE SNA BDUN GYI STEGS BU DANG, TA LA DANG G-YER KHA DANG RIN PO CHE'I PHRENG BA BDUN BDUN GYIS BSKOR TO, ,DE NAS NYI MA DGUNG YOL GYI DUS SU BYANG CHUB KYI SNYING POR GSHEGS PA NA, ZHABS KYI MTHIL LAS NGAN SONG GSUM RGYUN GCOD CING SEMS CAN RNAMS KYI SDUG BSNGAL DANG NYON MONGS PA BCIL BA BDE BA DANG LDAN ZHING SANGS RGYAS KYI ZHING THAMS CAD SNANG BAR BYED PA'I 'OD BKYE STE, SANGS RGYAS KYI ZHING RNAMS NI RAB TU BSKYOD, SIL SNYAN SGROG ,ME TOG GI CHAR 'BEBS, LAM GYI BKOD PA RGYA CHEN POS BYANG CHUB KYI SNYING POR GSHEGS PA NA GANG DANG GANG BZHABS BZHAG PA DER PADMA DAG BYUNG STE, SA CHEN PO 'DI YANG KHAR PA'I SNOD BZHIN DU SGRA 'BYIN TO, ,DE LTAR BYANG CHUB SEMS DPA' BYANG CHUB KYI SNYING POR GSHEGS PA NA, SNGON GYI SANGS RGYAS RNAMS RTZVA'I GDAN LA BZHUGS PAR DGONGS SHING, GNAS GTZANG MA'I LHA'I BU RNAMS

KYIS KYANG DE BZHIN DU GSOL PA DANG, LHA'I DBANG PO BRGYA BYIN GYIS BYANG CHUB SEMS DPA'I DGONGS PA SHES NAS, RI SPOS NGAD LDAN PAS SHING BAL LTAR REG NA BDE BA'I RTZVA KHUR GCIG BLANGS NAS BDAG NYID RTZVA 'TSONG BKRA SHIS KYI GZUGS SU SPRUL NAS PHUL BAS RTZVA DE BYANG CHUB SEMS DPAS BZHES TE, SLAR YANG RTZVA 'TSONG BKRA SHIS KYI DGE BA'I RTZA BA RDZOGS PAR BYA BA'I PHYIR RTZVA 'TSONG BKRA SHIS LAM GYI G-YAS ROL NA RTZVA SNGO SER DAG BRDAB GZIGS NAS DE LA, BKRA SHIS RTZVA DAG NGA LA MYUR DU BYIN, ,DE RING NGA LA RTZVA NI DON CHEN 'GYUR, ,DBUNG DANG BCAS PA'I BDUD NI BCOM NAS SU, ,BYANG CHUB DAM PA ZHI BA REG PAR 'GYUR, ,ZHES GSUNGS PAS, RTZVA 'TSONG BKRA SHIS SNGON KHYIM BDAG BLO GROS LDAN DU GYUR PA'I TSE SANGS RGYAS RNAM GZIGS KYI DRUNG DU SMON LAM BTAB PA'I MTHUS RAB TU DGA' BAS RTZVA SNGON PO RMA BYA'I MGRIN PA LTAR G-YAS SU 'KHYIL BA DRI ZHIM PA REG NA 'JAM PA SPAR BA GANG THOGS NAS BYANG CHUB SEMS DPA' LA PHUL TE, RTZVA YIS BYANG CHUB 'CHI MED PA; ;SNGON GYI RGYAL BA'I LAM 'THOB NA, ,YON TAN RGYA MTSO KHYOD BZHES SHIG ,BDAG KYANG THOG MAR 'TSANG RGYA BGYI, ,ZHES GSOL TO, ,DE NAS BYANG CHUB SEMS DPAS BYANG CHUB KYI SHING LA LAN BDUN DU BSKOR BA MDZAD DE PHYAG BTZAL NAS SEMS CAN DMAN PA LA MOS BA RNAMS KYI BLO TSIM BAR BYA BA DANG, RTZVA'I GDAN GYIS CHOG SHES PAR BYA BA'I PHYIR DANG, SNGON GYI RGYAL BA'I RJES SU BSLAB PA'I PHYIR, RANG NYID KYIS SHING DE'I DRUNG DU RTZVA'I RTZE MO NANG DU BSTAN NAS RTZVA RNAMS MA 'KHRUGS PA DANG

, ,STUG SRAB MED PAR BKRAM PAS BSKOR THABS SU LHUNG BA DANG, MTSAN MA 'DI LAS BDAG GDON MI ZA BAR 'TSANG RGYA BAR 'GYUR RO SNYAM NAS CHED DU YANG BRJOD DO, ,DE LTAR RTZVA'I GDING BA GTING BA'I STENG DU SKYIL MO KRUNG BCAS NAS SKU DRANG POR BSRANG STE DRAN PA MNGON DU BZHAG ,ZHAL SHAR PHYOGS SU GZIGS NAS, JI SRID SDUG BSNGAL KUN GYI MTHA'I, ,ZAG ZAD YANG DAG MA THOB PAR, ,DE SRID SROG GI MTHAR GYUR KYANG, ,SKYIL KRUNG 'DI NI GZHIG MI BYA, ,ZHES BYA BA LA SOGS PA GSUNGS, ,DE NAS PHYOGS BCU'I ZHING NAS BYANG CHUB SEMS DPA' BGRANG BA LAS 'DAS PA 'DUS TE, RGYAL BA'I SRAS PO MANG PO DE DAG RANG RANG GI RDZU 'PHRUL GYI RNAM PAR 'PHRUL PA THA DAD PA DAG BYED DE, ME TOG GI GZHAL YAS KHANG STON PA DANG, LUS LAS KHA DOG STONG 'DON PA DANG, NYI MA LTA BUR 'OD 'GYED PA DANG, SA G-YO BA DANG, RGYA MTSO BZHI MGO BOR THOGS NAS SA LA SPOS CHU 'DEBS PA DANG, RIN PO CHE'I MCHOD SDONG 'BUL BA DANG, PAR SNANG LA GNAS NAS LUS DOR BA ME TOG GI PHRENG BAR GYUR PAS STONG GSUM 'GENGS PA DANG, BA SPU'I KHUNG NAS MDO SDE KHRAG KHRIG BRJOD PA DANG, LUS CHEN POR BSGYUR BA DANG, LO MA LA BYANG CHUB SEMS DPA' LUS PHYED GNAS PA'I LJON PA THOGS PA DANG, LHUN PO LAG NA THOGS PA DANG, RKANG GIS CHU'I PHUNG PO 'BOG PA DANG, RNGA BO CHE BRDUNG BA'I SGRAS PHYOGS BCU BYE BA'I ZHING KHYAB PAR DO MOD BYANG CHUB SEMS DPA' 'TSANG RGYA'O ZHES RGYA CHER SGROG PA SOGS LHAGS SO, ,ZHING KUN NA BZHUGS PA'I RGYAL BA THAMS CAD KYIS

PHYAG G-YAS PA BRKYANGS TE, DED DPON CHEN PO RGYAL BAR GYUR CIG CES GSUNG BRJOD DO, ,DE NAS BDUD SDIG TO CAN GYIS BDUD KYI DMAG BYE BA PHRAG DUNG PHYUR BSKUL TE BYANG CHUB SEMS DPA' LA MCHON CHA'I CHAR 'BEBS PA SOGS BYANG CHUB LAS G-YO BA'I PHYIR BAR CHAD BYA BAR BRTZAMS SO, ,BYANG CHUB SEMS DPA' NI THUGS KA DPAL GYI BE'US BRGYAN PA SOGS RDO RJE LTAR BRTAN PA'I STOBS MNGA' BA DANG, CHOS KUN SGYU MA DANG MTSUNGS PAR GZIGS PAS BDUD KYI DMAG DE RNAMS KYIS BAG TSA BA DANG G-YO BA MED DO, ,BDUD KYI DPUNG DE DAG MTHU CHUNG BAR BYA BA'I PHYIR BDUD KYI DPUNG ZHAL GYI NANG DU ZHUGS PA DE LTA BU'I MTHU BSTAN PA DANG BDUD RNAMS BROS SO, ,BROS NAS KYANG CI YANG MA YIN NO SNYAM NAS SLAR LOG STE 'KHOR DANG BCAS PAS MTSON CHA SNA TSOGS 'PHANGS PA ME TOG GI BLA BRE DANG GZHAL MED KHANG DU GYUR TO, ,DBUGS GDUG PA'I ME LCE GTONG BA DAG KYANG 'OD KYIS PADMA 'DAB MA BRGYA PA BZHIN DU BSKYOD DO, ,DE NAS BYANG CHUB SEMS DBAS PHYAG G-YAS PA MGO LA BYUGS PA DANG, BDUD KYIS BYANG CHUB SEMS DPA'I PHYAG NA RAL GRI 'BAR BA THOGS PAR MTHONG NAS LHO'I PHYOGS SU BROS PA DANG CI YANG MA YIN NO SNYAM NAS YANG SLAR LOG STE MTSON CHA RNAMS DRAG TU 'PHANGS PA DE DAG KYANG ME TOG GI PHRENG BAR GYUR TE BYANG CHUB KYI SHING BRGYAN PAR BYAS SO, ,DE LTAR BYANG CHUB SEMS DPA'I YON TAN DE MTHONG NAS BDUD SDIG CAN PHRAG DOG DANG ZHE SDANG GIS RGYUD 'KHRUGS TE, BYANG CHUB SEMS DPA' LA SMRAS PA, KHYOD CI'I PHYIR BYANG CHUB KYI

, ,SNYING PO LA 'DUG ,BKA' STZAL BA, BLA NA MED PA'I YE SHES THOB PAR BYA BA'I PHYIR RO, ,BDUD KYIS SMRAS PA, KYE RGYAL BU GZHON NU, BZHENGS LA RGYAL SRID LA SPYOD CIG ,KHYOD KYI BSOD NAMS DE TZAM GYIS THAR PA GA LA THOB; CES 'KHOR LO'I MTSON CHA 'PHANGS PAS ME TOG TU GYUR CING, 'KHOR RNAMS KYIS RI 'PHANGS PAS ME TOG GI CHUN POR GYUR TO, ,BKA' STZAL PA, SDIG CAN, KHYOD KYIS NI GTAN PA MED PA'I MCHOD SBYIN GCIG GIS 'DOD PA'I DBANG PHYUG THOB TU ZAD NA, NGAS BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG DU MAS GTAN PA MED PA'I MCHOD SBYIN BYAS SHING, SEMS CAN RNAMS KYI PHYIR YONGS SU GTANG BAR DKA' BA RNAMS BTANG BAS BLA NA MED PA'I YE SHES THOB STE BLA NA MED PA'I YE SHES THOB PAR MI 'GYUR BA DE SRID RE SKAN, DE SKAD CES BKA' STZAL PA DANG, BDUD KYIS SMRAS PA, JI LTAR BDAG GIS MCHOD SBYIN GCIG GIS 'DOD PA'I KHAMS KYI DBANG PHYUG THOB PAR GYUR PA'I DBANG PO NI KHYOD NYID YIN NA, JI LTAR KHYOD KYIS BLA NA MED PA'I YE SHES THOB PA'I PHYIR BSKAL PA GRANGS MED PA GSUM DU MCHOD SBYIN BYAS PA'I DPANG PO SU YOD, CES SGRA GSANG CHEN PO BSGRAGS SO, ,DE NAS BYANG CHUB SEMS DPA' SNYING RJE CHEN PO'I THUGS KYIS BAG TSA BA MED PAR PHYAG G-YAS PA 'KHOR LO DANG G-YUNG DRUNG GIS MTSAN PAS SKU LUS THAMS CAD LA BYUGS NAS, 'JIG RTEN GYI KHAMS THAMS CAD KYI SANGS RGYAS THAMS CAD MNGON DU BYAS TE, TSUL DU SHIS PAR

SA CHEN PO LA BRDABS NAS NGA'I DPANG DU SA 'DI YOD DO, ,SA 'DI 'GRO BA KUN GYI GNAS YIN TE, ,RGYU DANG MI RGYU SNYOMS SHING NYE 'KHON MED, ,'DI NI BDAG GI DPANG STE BDAG RDZUN MED, ,'DI LA KHYOD NI BDAG GI DPANG BYOS SHIG ,CES SA LA PHYAG G-YAS PA REG MA THAG TU SA CHEN PO RNAM PA DRUG TU G-YOS SHING LTAS CHEN PO BCO BRGYAD DAG KYANG BYUNG NGO, ,DE NAS SA'I LHA MO BSTAN MA SA'I LHA MO'I 'KHOR BYE BA PHRAG BRGYA DANG LDAN PA DES RIG NAS SA BRTOL TE LUS RGYAN GYIS BRGYAN PA, LTE BA YAN PHYUNG NAS BYANG CHUB SEMS DPA'I LOGS SU BTAD DE THAL MO SBYAR NAS GSOL PA, DE DE BZHIN NO SKYES BU DAM PA, KHYOD JI SKAD GSUNGS PA BZHIN TE, 'DI NI BDAG LA MNGON SUM MO, ,DE LTA LAGS MOD, KHYOD NYID LHA DANG BCAS PA'I DPANG DU GYUR PA YIN NO, ,BDUD LA YANG SMRAS PA, SDIG CAN, BCOM LDAN 'DAS KYIS JI SKAD BKA' STZAL PA DE BZHIN NO, ,ZHES SMRAS NAS DE NYID DU MI SNANG BAR GYUR TO, ,TSUL DES BDUD SDIG CAN ZHUM ZHING CANG MI SMRA LA SPYI BO SMAD NAS SEMS KHONG DU CHUD NAS 'DUG GO ,DE'I TSE BYANG CHUB SEMS DPA'I PHYAG G-YAS SA LA BRDABS PA'I SGRA DE LAS THUG BCOM DANG 'UR SGRA DANG, SOD CIG CES SDIG CAN RNAMS KYIS THOS SO, ,'KHOR DE LAS BDUD BYE BA KHRAG KHRIG BRGYA STONG GIS NI 'DI LA SKYABS SU 'GRO BAR GYIS ZHES PA LA SOGS PA'I TSIGS SU BCAD PA THOS TE, KHA BUB TU 'GYEL NAS SKYES BU DAM PA SKYAB TU GSOL ZHES SMRAS SO, ,BDUD SDIG CAN DPUNG DANG BCAS PA DES DNGANGS SHING 'BROS 'DOD KYANG 'BROS MA NUS TE, BYANG

, ,CHUB SEMS DPAS 'OD PHYUNG NAS DE 'JIGS PA LAS BSKYAB SO, ,DE NAS BDUD KYI 'KHOR GNOD SBYIN BYE BA KHRAG KHRIG BRGYA STONG PHRAG BRGYAD CU DANG, SROG CHAGS BYE BA KHRAG KHRIG BRGYA STONG PHRAG DGU BCU RTZA DGUS BYANG CHUB TU SEMS BSKYED DO, ,SNGON SBYANG PA BYAS PA'I LHA BRGYAD KHRI BZHI STONG MI SKYE BA'I CHOS LA BZOD PA THOB BO, ,DE'I TSES CHEN PO 'DI RNAM PA DRUG TU G-YOS SHING, 'JIG RTEN SU SNANG BA CHEN POS KHYAB PAR 'GYUR BA'I 'OD SKU LAS SPROS TE NGAN SONG GSUM GYI SDUG BSNGAL ZHI BAR MDZAD, MI KHOM PA RGYUN BCAD, SEMS CAN SU LA YANG THA BA DANG, RGYAGS BA DANG, SDANG BAS GNOD BA MED PAR MDZAD DO, ,DE LTAR BCOM LDAN 'DAS KYIS THAMS CAD MKHYEN PA NYID THOB MA THAG TU PHYAG NA RDO RJE RANG GI THUGS LA BZHUGS PA LA MTSAN BRGYA RTZA BRGYAD PAS BSTOD DE, PHYAG RDOR LA DE BZHIN GSHEGS PA THAMS CAD KYIS LEGS SO ZHES BYA BA BYIN NO, ,DE NAS LHA'I BU RNAMS KYIS SMRAS PA, GROGS PO DAG ,'DI MNGON PAR RDZOGS PAR SANGS RGYAS KYIS ME TOG 'THOR CIG CES SMRAS PA DANG, SNGON GYI RGYUS SHES PA'I LHA RNAMS KYIS SMRAS PA, BRDA MA MDZAD KYI BAR GTOR BAR MI BYA'O ZHES SMRAS SO, ,DE'I TSE PHYOGS BCU'I SANGS RGYAS RNAMS KYIS DE BZHIN GSHEGS PA MNGON PAR RDZOGS PAR SANGS RGYAS PA LEGS SO ZHES PHYAG G-YAS PA BRKYANGS TE SKU MA MNYEL TAM ZHES SNYUN GSOL TE MNYEL BA MI MNGA' BAR BYANG CHUB BAM, RANG BYUNG DU CHOS THAMS CAD LA DBANG BSGYUR RAM,

ZHES 'DRI ZHING BYANG CHUB SEMS DPA' RNAMS BKYE STE STONG CHEN 'DI KHEBS PA'I RIN PO CHE'I GDUGS 'OD ZER GYI DRA BA SNANG BA CHEN PO DANG LDAN PA DAG BSKUR RO, ,BYANG CHUB SEMS DPA' DE DAG GIS KYANG BCOM LDAN 'DAS SH'AKYA THUB PA'I ZHABS LA PHYAG BTZAL NAS TSUL DANG MTHUN PAR PHUL LO, ,DE NAS BCOM LDAN 'DAS SKYIL KRUNG DANG BCAS BZHIN PAR SHING TAL BDUN TZAM DU NAM MKHA' LA 'PHAGS TE, LAM GYI RGYUN CHAD DO, ,SDUG BSNGAL NYE BAR ZHI'O, ,ZAG PA BSKAMS SO, ,ZHES CHED DU BRJOD PAS; LHA'I BU THAMS CAD KYIS ME TOG GTOR RO, ,DE NAS GNAS GTZANG MA'I LHA RNAMS KYIS TZAN DAN GYI PHYE MA DANG 'OD GSAL GYI LHA RNAMS KYIS GDUGS DANG RGYAL MTSAN DANG, TSANGS RIS PA RNAMS KYIS RIN PO CHE'I DRA BA DANG, BDUD KYI BU DKAR PHYOGS PA DAG GIS RIN PO CHE'I BLA BRE DANG, DBANG BSGYUR SOGS KYIS GSER GYI PADMA DANG, 'PHRUL DGA' BAS DAR GYI LDA LDI DANG, DGA' LDAN PAS LHA'I GOS KYI DRA BA DANG, 'THAB BRAL BAS SPOS PHRENG DANG, BRGYA BYIN GYIS BYUG PA DANG, RGYAL CHEN BZHIS ME TOG SNA TSOGS PA DANG, BAR SNANG GI LHA RNAMS KYIS G-YER KHA'I DRA BA DANG, SA BLA'I LHA RNAMS KYIS SA GZHI RNAMS LA ME TOG BKRAM NAS PHUL ZHING BSTOD DE BYANG CHUB KYI SNYING PO LEGS PAR BRGYAN TO, ,DE LTAR BYANG CHUB SEMS DPA' NAM MKHA'I KHAMS YONG SU GANG BDAG GIS MCHOD CING BSTOD LA, RGYAL BA RANG NYID KYIS KYANG, BSOD NAMS RNAM SMIN BDE STER SDUG BSNGAL THAMS CAD SEL, ,BSOD NAMS LDAN PA'I MI YI BSAM PA RNAM KYANG 'GRUB, ,BDUD BCOM NAS NI BYANG CHUB MYUR DU RAG PAR GYUR, ,MYA NGAN LAS 'DAS ZHI BA BSIL BA'I DNGOS

, ,PO THOB, ,CES CHED DU BRJOD DO, ,DE LTAR 'TSANG RGYA BA'I MDZAD PA BSTAN PA NI GDUL BYA'I DON DU MCHOG GI SPRUL SKU'I MDZAD PA YIN GYI, STON PA 'DI NYID SNGON BSKAL PA BGRANG BA LAS 'DAS PA'I SNGA ROL TU SANGS RGYAS PA YIN PA NI SNGAR BRJOD ZIN CING, SNYING RJE PAD DKAR DU YANG, STON PA 'DI NYID SNGON BSKAL PA BRJOD KYIS MI LANG BA'I SNGA ROL TU RGYAL BA DBANG BO'I TOG TU SANGS RGYAS SHING, ZHING 'DIR SNYIGS MA'I 'GRO BA RNAMS KYI DON DU MCHOG GI SPRUL SKU'I MDZAD PA BSTAN PA YIN PA DANG, DA DUNG SEMS CAN MA ZAD KYI BAR DU SPRUL PA RGYUN MI 'CHAD DU STON PAR GSUNGS SO, ,SNGAR BSHAD PA'I 'TSANG RGYA TSUL DE NI THUN MONG BA'I DBANG DU BYAS PA'I 'TSANG RGYA TSUL YIN GYI, SNGAGS LAM GYIS 'TSANG RGYA BA'I TSUL NI SA GA ZLA BA'I TSES BRGYAD KYI NYIN RNAM SMIN GYI LUS CHU KLUNG NEE RANYDZA NA'I 'GRAM DU BZHAG NAS YID LUS KYIS 'OG MIN DU PHEBS TE RDO RJE DBYINGS KYI DKYIL 'KHOR CHEN POR ZHUGS NAS MNGON BYANG LNGA'I SGO NAS 'TSANG RGYA BA'I MDZAD PA BSTAN TE RNAL 'BYOR RGYUD GSUNGS PA DANG, YANG GSANG BA 'DUS PA'I DKYIL 'KHOR DU ZHUGS NAS BYANG CHUB RDO RJES LHAN CIG SKYES PA'I YE SHES MTSON PA'I DBANG BSKUR TE GNYIS SNANG PHRA MO YANG DAG NAS ZUNG 'JUG GI SKUR BZHENGS TE BLA MED KYI RGYUD GSUNGS PA DANG, BDUD 'DUL BA'I TSE GSHIN RJE'I GSHED DMAR NAG GI SKUR BZHENGS NAS GSHIN RJE'I GSHED KYI RGYUD RNAMS GSUNGS PA'I TSUL LA SOGS

PA GSANG BA BSAM GYIS MI KHYAB PA'I TSUL MTHA' YAS PA YOD DO, ,DE LTAR DGUNG LO SO LNGA LA BAB PA RGYAL BA ZHES PA SHING PHO RTA'I LO SA GA ZLA BA'I TSES BCO LNGA'I THO RANGS MNGON PAR RDZOGS PAR SANGS RGYAS PA'I TSUL BSTAN NAS ZHAG BDUN BYANG CHUB KYI SHING LA BRTEN TE BZHUGS, BDUN GNYIS PA LA STONG GSUM GYI STONG CHEN PO'I 'JIG RTEN GYI KHAMS LA RGYANG RING DU 'CHAG PAR MDZAD, BDUN GSUM PA LA BYANG CHUB KYI SHING LA SBYAN MI 'DZUM PAR GZIGS SHING BZHUGS BDUN BZHI PA LA GLING BZHI PA'I 'JIG RTEN GYI SHAR NUB KYI RGYA MTSO'I BAR LA 'CHAG CING BZHUGS, BDUN LNGA PA LA KLU'I RGYAL PO BTANG BZUNG GI GNAS SU BZHUGS, BDUN DRUG PA LA SHING NE GRO DHA RA SKYONG DU GSHEGS TE KUN TU RGYU MANG PO ZHIG BYANG CHUB TU SMIN PAR MDZAD, BDUN PHRAG BDUN PA LA SHING SBRUL RGYU'I TSAL DU BZHUGS TE TSONG DPON GA GON DANG BZANG PO GNYIS RJES SU BZUNG NAS DE GNYIS KYIS PHUL BA'I ZHAL ZAS BZHES SHING, DE'I TSE RGYAL PO CHEN PO BZHIS RDO'I LHUNG BZED RE PHUL BA GCIG TU BYIN GYIS BRLABS TE, DER ZHAL ZAS BZHES SO, ,DE NAS TSONG DPON GA GON DANG BZANG PO GNYIS KYI DON DU BKRA SHIS KYI TSIGS BCAD MDZAD NAS DE GNYIS BYANG CHUB TU LUNG BSTAN TO, ,DE NAS BCOM LDAN 'DAS 'DI SNYAM DU DGONGS TE, BDAG GIS CHOS ZAB MO ZAB PAR SNANG BA, KHONG DU TSUD PAR DKA' BA, RTOG GE PA RNAMS KYIS RTOG GE'I SPYOD YUL MA YIN PA, MKHAS PAS SHES PA 'DI RTOGS NA, GZHAN LA SMRAS KYANG MI SHES

, ,PAS BDE BAR GNAS PA'I RNAL 'BYOR LA RJES SU BRTZON PAR GNAS PAR BYA'O ZHAS DGONGS NAS, ZAB ZHI RDUL BRAL 'OD GSAL 'DUS MA BYAS, ,BDUD RTZI CHOS 'DI BDAG GIS THOB PAR GYUR, ,BDAG GIS BSTAN KYANG GZHAN GYIS MI SHES TE, ,MI SMRA NAGS 'DAB GNAS PAR BYA BA SNYAM, ,ZHES BYA BA LA SOGS PA GSUNGS TE THUGS LAS CHUNG DUR BZHUGS PA NA, PHYOGS BCU'I ZHING NAS LHAGS PA'I BYANG CHUB SEMS DPA' BGRANG BA LAS 'DAS PA DAG DANG, DKAR PHYOGS KYI LHA BGRANG BA LAS 'DAS PA DAG GIS CHOS STON PAR GSOL BA BTAB CING, KHYAD PAR STONG GSUM MI MJED KYI BDAG PO TSANGS PA CHEN POS BCOM LDAN 'DAS LA CHOS GSUNG BAR GSOL BA BTAB BAS, CANG MI GSUNG BAS GNANG BAR RIG STE TSANGS PA RANG GI GNAS SU SONG NGO, ,DE NAS BCOM LDAN 'DAS KYIS GZHAN DAG CHOS LA GUS PA BSKYED PAR 'GYUR BA DANG, TSANGS PAS YANG YANG BSKUL NA DGE BA DAG 'PHEL BAR 'GYUR BA DANG, CHOS KYANG ZAB PAR BSTAN PA'I PHYIR THUGS LAS CHUNG DUR BZHUGS SO, ,DE TSANGS PAS SHES NAS BRGYA BYIN LA BSKUL TE, DBANG PHYUG CHEN PO SOGS 'DOD GZUGS KYI LHA MANG BO DANG LHAN CIG BCOM LDAN 'DAS KYI SPYAN SNGAR PHYIN NAS CHOS GSUNG BAR BSKUL LO, ,DE LTA NA'ANG CHOS GSUNG BA DKA' DKA' LTAR MDZAD NAS CHOS STON PAR MA MDZAD PA NA TSANGS PA GTZUG PHUD CAN GYIS DE SHES NAS NAM SROD LA TSANGS PA DRUG KHRI BRGYAD STONG GIS BSKOR NAS, BCOM LDAN 'DAS KYI SBYAN SNGAR

PHYIN TE THAL MO SBYAR NAS GSOL PA, MA GA DHAR NI SNGON CHAD CHOS BYUNG BA, ,DAG PA MA LAGS DRI MAR BCAS PAS RTOGS, ,BDUD RTZI CHOS KYI SGO NI PHYE MDZOD LA, ,DRI MA MED PAS RTOGS PA BSHAD PAR MDZOD, ,THUB BA CHOS KYI SGRON MAS MUN PA SOL, ,DE BZHIN GSHEGS PA'I RGYAL MTSAN KHYOD KYIS BSGRENG, ,SNYAN PA'I GSUNG BRJOD PA YI DUS LA BAB, ,RNGA SGRA RI DVAGS DBANG LTAR BSGRAG TU GSOL, ,BKA' STZAL PA, TSANGS PA NGAS NI TSEGS CHEN GYIS, ,SKYON RNAMS BCOM NAS RTOGS GYUR PA, ,SRID DANG CHAGS PAS DKRIS RNAMS KYIS, ,CHOS NI LEGS PAR RTOGS MI 'GYUR, ,GSOL PA, 'JIG RTEN NA DBANG PO RNON PO DANG 'BRING DANG RTUL PO DANG, GDUL SLA BA'I SEMS CAN GANG DAG MCHIS TE, DE DAG GIS CHOS MTHOS NA NYAMS PAR 'GYUR BAS CHOS BSHAD DU GSOL, ZHES DANG, SNGON CHOS 'TSOL BA'I PHYIR DBU STONG TZAM YANG BTANG NGO ZHES BSTOD DO, ,DE NAS TSANGS RIS KYI LHA'I BU DE RNAMS KYIS KYANG BCOM LDAN 'DAS SNGON KHA DOG DAM PA LA SOGS PA RGYAL PO LNGA DANG, DRANG SRONG AUDTA LAR GYUR PA'I TSE DAM PA'I CHOS KYI PHYIR DKA' BA DE LTA BU SPYAD NA, DA BCOM LDAN 'DAS CHOS KYI RGYA MTSO NI RDZOGS, CHOS KYI SGRON ME YANG GSAL BAR MDZAD NA, CI'I SLAD DU CHOS MA BSTAN PAR MYA NGAN LAS 'DA' BAR DGONGS, ZHES GSOL TO, ,BCOM LDAN 'DAS KYIS BKA' STZAL PA, BDUD RTZI'I SGO MO DAG NI DBYE BAR BYA, ,NYAN PAR SU 'DOD SOM NYI GSOL CIG DANG, ,TSANGS PA MI RNAMS LA NI GYA NOM

, ,CHOS; ;KLAN KA MI BTZAL MDO TZAM BSHAD PAR BYA, ,ZHES GSUNGS NAS CHOS GSUNG BAR ZHAL GYIS BZHES SO, ,DE NAS DE BZHIN GSHEGS PA CHOS 'CHAD PAR DGONGS PA DANG LHA'I BU RNAMS KYIS DO MOD BCOM LDAN 'DAS KYIS CHOS KYI 'KHOR LO BSKOR BA GNANG STE, DES NI PHAN PA DANG BDE BAR 'GYUR RO, ,ZHES SGRA BSGRAGS SO, ,BYANG CHUB KYI SHING GI LHA CHOS SRED SOGS BZHIS BCOM LDAN 'DAS LA GSOL PA, CHOS KYI 'KHOR LO GANG DU BSKOR, W'A RA n'A SIR RO, ,DER NI SKYE BO'I TSOGS NYUNG BAS GZHAN DU BSKOR DU GSOL, ZHES ZHUS PA NA, STON PAS W'A RA n'A SI NI SNGON GYI DRANG SRONG RNAMS KYI GNAS YIN ZHING DER MCHOD SBYIN BYE BA STONG PHRAG DU MA BYAS PA YIN BAS DER CHOS KYI 'KHOR LO BSKOR BAR BYA'O SNYAM DU DGONGS NAS BYON PA DANG, KUN TU RGYU NYER 'GRO DANG MJAL TE, DES BCOM LDAN 'DAS BZHIN MDOG LAGS PAR MTHONG NAS, GOO'U TA MA KHYOD KYI DBANG BO RNAMS NI SHIN TU GSAL NA SU LAS TSANGS PAR SPYAD BA SPYOD, BKA' STZAL PA, NGA LA SLOB DPON GANG YANG MED, ,NGA DANG 'DRA BA YOD MA YIN, ,NGA NI GCIG BU RDZOGS SANGS RGYAS, ,BSIL GYUR ZAG PA MED PA YIN, ,GSOL PA, GO'U TA MA SANGS RGYAS SU ZHAL GYIS 'CHES SAM, DE BZHIN NO, ,GAR BZHUD, NGA NI W'A RA n'A SIR 'GRO, GRONG KHYER GSAL LDAN SONG NAS NI, ,LONG BA LTA BU'I 'JIG RTEN LA, ,MTSUNGS BA MED PA'I 'OD BYA'O, ,ZHES GSUNGS SO, ,DE NAS BCOM LDAN 'DAS YUL K'A SHIR

LJONGS RGYU ZHING GRONG KHYER W'A RA n'A SIR GSHEGS NAS BSOD SNYOMS BZHES TE DRANG SRONG LHUNG PA RI DVAGS KYI NAGS SU BYON PA NA LNGA SDES RGYANG RING PO NAS GSHEGS PA MTHONG STE, DGE SBYONG GO TA MA MANG DU ZA BA SPONG BA LAS NYAMS PA 'DI 'ONGS NA BDAG CAG RNAMS KYIS 'DI LA SMRA BAR MI BYA, LDANG BAR MI BYA, PHYAG MI BYA, STAN STOB PAR MI BYA, ZHES 'OG KHRIMS BCAS PA LA KOO D'U N+YAS NI SEMS KYIS KHAS MA BLANGS SO, ,DE NAS BCOM LDAN 'DAS 'BAB CHU GNOD PA CAN GYI 'GRAM GYI LNGA SDE'I GNAS SU BYON MA THAG BCOM LDAN 'DAS KYI DPAL DANG GZI BRJID MA BZOD NAS STAN GYI STENG NA 'DAR ZHING KUN GYIS 'OG KHRIMS DRAL TE STAN LAS LANGS NAS KOO'U DI N+YAS RIM GRO BYED, RTA THUL GYIS NI BSUS TE CHOS GOS DANG LHUNG BZED BLANGS, RLANGS PAS NI GDAN BSHAMS, MING CHEN GYIS NI ZHABS RTEN STOB, BZANG LDAN GYIS NI ZHABS BSIL PHUL TE TSE DANG LDAN PA GOO TA MKHYOD BYON PA LEGS SO, ,GDAN BSHAMS PA LA BZHUGS SHIG CES GSOL TO, ,DE NAS BCOM LDAN 'DAS GDAN BSHAMS BA LA BZHUGS PA NA LNGA SDE RNAMS KYIS LHAG PAR YANG BCOM LDAN 'DAS LA MTSAN DANG GDUNG DANG TSE DANG LDAN PAS BRJOD PA KUN TU BRJOD DO, ,BKA' STZAL BA, KHYED RNAMS DE BZHIN GSHEGS PA LA DE LTA BU'I TSUL GYIS KUN TU BRJOD BAR MA BYED CIG ,KHYED LA YUN RING POR GNOD PA DANG SDUG BSNGAL BAR 'GYUR RO, ,GOO TA MA, KHYOD KYIS SNGON GYI TSUL DANG DKA' BA SPYAD PA DES MI'I CHOS BLA MA 'PHAGS PA'I CHOS MA THOB NA DA

, ,SPYOD TSUL 'DIS MI CHOS BLA MA 'PHAGS PA'I CHOS THOB PAR NUS SAM ZHES MA RANGS PAR GSOL BAS, BKA' STZAL PA, RAB TU BYUNG BAS MTHA' 'DI GNYIS LA BRTEN BAR MI BYA STE, GNYIS GANG ZHE NA, 'DOD PA RNAMS LA 'DOD PA'I BSOD NYAMS KYI RJES SU BRTZON PA DMAN PA NGAN PA THA CHAD MA RABS GANG YIN PA DANG, BDAG NYID DUB PA LA RJES SU BRTZON PAS 'PHAGS PA'I LAM LA GNOD PA DANG LDAN PA GANG YIN PA'O, ,KHYED KYIS MTHA' 'DI GNYIS LA MI RTEN BAR DBU MA'I LAM MIG DANG YE SHES PHYED PA NYE BAR ZHI BA DANG, MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DA' BAR 'GYUR BA YOD DE, DBU MA'I LAM GANG ZHE NA 'PHAGS PA'I LAM YAN LAG BRGYAD PA'O, ,ZHES GSUNGS SO, ,DE NAS BCOM LDAN 'DAS KYIS DRANG SRONG LHUNG BA 'DI NYID KYI SA'I PHYOGS GANG DU CHOS KYI 'KHOR LO BSKOR MNYAM DU DGONGS PA NA, GANG DU SNGON GYI RGYAL BA RNAMS KYIS CHOS KYI 'KHOR LO BSKOR BA'I SA PHYOGS DER NI RIN PO CHE SNA BDUN GYI KHRI STONG BYUNG ZHING, TSANGS PAS KYANG SENG+GE'I KHRI 'PHANG DU DPAG TSAD BZHI KHRI NYIS STONG YOD PA BSHAMS, SO; ;DE BZHIN DU TSANGS PA GZHAN DANG, BRGYA BYIN DANG BYANG CHUB SEMS DPA' BYE BA PHRAG BCU BCUS KYANG SENG+GE'I KHRI DE LTA BU DAG BSHAM SO, ,SA BLA'I LHA RNAMS KYIS CHOS KYI 'KHOR LO BSKOR BA'I 'KHOR GYI KHYAMS CHEN PO BKRAB BLTA NA SDUG PA, RGYA CHE BA CHU ZHENG DU DPAG TSAD BDUN BRGYA YOD PA SPRUL TE, STENG GI NAM MKHA' LA GDUGS DANG BLA BREL SOGS PAS BRGYAN CING 'DOD LHA'I BU RNAMS KYIS SENGGE'I KHRI BRGYAD STONG PHUL NAS 'DI LA BZHUGS NAS 'KHOR LO BSKOR DU GSOL ZHES GSOL TO, ,DE NAS BCOM LDAN 'DAS KYIS SNGON GYI RGYAL BA

RNAMS LA GUS PAR MDZAD PA'I PHYIR KHRI GSUM LA BSKOR BA MDZAD NAS SENG+GE LTAR BAG TSA BA MI MNGA' BAR KHRI BZHI PA LA SKYIL MO KRUNG BCAS TE BZHUGS SHING, TSANGS PA DANG, BRGYA BYIN DANG, BYANG CHUB SEMS DPA' RNAMS KYIS SENG+GE'I KHRI LA YANG BZHUGS PAR KUN TU BSTAN TO; ;DGE SLONG LNGA POS KYANG DE BZHIN GSHEGS PA LA PHYAG BTZAL NAS DUL BA'I TSUL GYIS 'DUG GO, DE'I TSE BCOM LDAN 'DAS KYI SKU LAS 'OD ZER BKYE BAS RIGS DRUG GI SDUG BSNGAL RGYUN BCAD, LTAS CHEN PO BCO BRGYAD BYUNG, MI MJED KYI ZHING MNYAM ZHING SEMS CAN KUN BYAMS PA DANG LDAN PAR GYUR TO, ,'OD DE LAS, RGYAL BAS BSKAL PA KHRAG KHRIG BSGRUBS, ,CHOS DE NYAN PAR GANG 'DOD PA, ,DE NI RINGS PAR LA GOR DU, ,CHOS MNYAN PA YI PHYIR SHOG CIG, ,CES BSKUL BA'I TSE, LHA; KLU; GNOD SBYIN, DRI ZA, LHA MA YIN, NAM MKHA' LDING, MI'AM CI, LTO 'PHYE CHEN PO STE, SDE BRGYAD PO DAG GIS KYANG SHES TE SPYAN SNGAR DONG NGO, ,PHYOGS BCU'I BYANG CHUB SEMS DPA' GRANGS MED PA DAG KYANG LHAGS TE MDOR NA STONG CHEN 'DI SKRA'I RTZE MO'I CHA SHAS TZAM YANG MA KHYAB PA MED DO, ,DE NAS BYANG CHUB SEMS DPA' PHYOGS BCU NAS LHAGS PA DAG DANG, MI MJED 'DI'I TSANGS PA DANG BRGYA BYIN LA SOGS PA DBANG CHE BAR GRAGS PA RNAMS KYIS BCOM LDAN 'DAS KYI ZHABS LA GTUGS TE SKYE BO MANG PO LA SMAN PA'I SLAD DU CHOS KYI 'KHOR LO BSKOR DU GSOL, ZHES DANG, TSANGS PAS, NYON MONGS CHOGS KYI NAD BRGYAS GTZES PA'I SKYE BO 'DI DAG LA, ,RGYAL BA SMAN PA 'KHOR LO DAM PA BSKOR TE THAR MDZAD GSOL, ,NOR BDUN BGO BSHA' MDZOD CIG 'DREN PA 'KHOR LO BSKOR BAR GSOL, ,DGONGS PA YONGS RDZOGS RIMS NAD MA MCHIS 'KHOR LO MCHOG BSKOR GSOL

, ,ZHES LHA'I 'DZAM BU CHU PO'I GSER LAS BYAS PA'I 'KHOR LO RTZIBS STONG PA, 'OD ZER STONG DANG LDAN PA SNGON GYI RGYAL BA RNAMS KYIS BZHES PA DE, BCOM LDAN 'DAS KYI DRUNG DU PHUL TE CHOS KYI 'KHOR LO BSKOR BAR GSOL BA BTAB BO, ,DE NAS NAM MKHA'I DBYINGS THAMS CAD YONGS SU KHYAB PA'I BYANG CHUB SEMS DPA' RNAMS DANG, LHA'I SRAS PO BRGYAD KHRIS GTZO BYAS PA'I LHA DANG KLU DANG GNOD SBYIN DANG DRI ZA DANG GRUL BUM DANG MI'AM CI DANG LTO 'PHYE CHEN PO DANG, KOO'U DI N+YA LA SOGS PA'I LNGA SDE DANG, GZHAN YANG CHOS NYAN PAR 'DUS PA'I 'KHOR DE DAG THA NA LUD PA'I SGRA TZAM YANG MED PAR RGYAL BA'I ZHAL 'BA' ZHIG LA BLTA'O, ,DE NAS BCOM LDAN 'DAS KYIS NAM GYI CHA SMAD KYI THUN LA LNGA SDE BZANG PO LA BOS TE, BDEN PA BZHI PO DAG GI MING DANG SPANG BLANG DANG, DE DAG YONGS SU SHES SPANGS MNGON DU BYAS BSGOMS PA'I GSHEGS SHUL YAN LAG BRGYAD MTHA' GNYIS SPANGS BA'I DBU MA'I LAM RNAM PA BCU GNYIS SU BZLAS TE CHOS KYI 'KHOR LO BSKOR, GSUNG GI SGRA DBYANGS DE LAS GANG DANG GANG GIS 'DUL BA'I SGRA DE DANG DE LA 'TSAM PA'I GTAM SNA TSOGS PA THEG PA GSUM PO SO SO DANG MTHUN PA'I CHOS THOS TE STONG CHEN 'DI NA BDEN BZHI'I MING BYE BA KHRAG KHRIG BRGYA STONG PHRAG DGU BCU RTZA BZHI YOD PA THAMS CAD SO SOR GO STE THAMS CAD KYANG JI LTA BA BZHIN GYI BDEN PAR 'DU BA'I DGONGS PAS CHOS BSTAN PA DES TSE DANG LDAN PA KO'U DI N+YA DANG, 'BAR BA'I GZI BRJID LA SOGS PA'I LHA BRGYAD KHRI BO RNAMS LA CHOS KYI MIG DRI MA DANG BRAL BA SKYES SO, ,DE NAS BCOM LDAN 'DAS KYIS KO'U DI N+YA LA BKA' STZAL PA, KHYOD KYIS CHOS KUN SHES SAM, GSOL PA, BCOM LDAN 'DAS KUN 'TSAL LAGS SO, ,DE NAS TSE DANG LDAN PA KO'U DI N+YA LA KUN SHES KO'U DI N+YA ZHES BYA BA'I MING CHAGS PAS 'JIG

RTEN DU DKON MCHOG GSUM PO DAG KYANG GRUB CING LHA RNAMS KYIS KYANG, GROGS PO DAG BCOM LDAN 'DAS KYIS W'A RA n'A SIR LAN GSUM DU BZLAS TE RNAM PA BCU'I SUM CHOS KYI 'KHOR LO CHOS DANG LDAN PA SUS KYANG 'JIG RTEN DU CHOS DANG MTHUN PAR 'GA' YANG MA BSKOR BA ZHIG BSKOR BAS, LHA'I RIS 'PHEL ZHING LHA MA YIN GYIS RIS NI YONGS SU NYAMS SO, ,ZHES BSGRAGS SO, ,DE NAS BCOM LDAN 'DAS KYIS LAN GNYIS SU YANG LNGA SDE RNAMS LA BDEN PA BZHI BSTAN BAS, KUN SHES KO'U DI N+YA LEN PA MED PAR ZAG PA LAS SEMS RNAM PAR GROL TE DGRA BCOM PAR GYUR TO; ;DE'I TSE 'JIG RTEN NA DGRA BCOM BA GCIG DANG, GNYIS PA NI BCOM LDAN 'DAS NYID YIN NO, ,DGE SLONG LHAG MA BZHI PO RTA THUL DANG, RLANGS PA DANG, MING CHEN DANG, BZANG LDAN RNAMS KYIS BDEN PA MTHONG NGO, ,DE LTAR LNGA SDES YE SHES KHONG DU CHUD MA THAG ,MU STEGS KYI RTAGS DANG RGYAL MTSAN CI YOD PA SKAD CIG LA NUB NAS, SKRA BREGS CHOS GOS GSUM DANG, LHUNG BZED DANG LDAN LA, BSNYEN PAR RDZOGS PA DGE SLONG GI DNGOS POR GYUR TE, BCOM LDAN 'DAS KYIS KYANG SNAM SBYAR GYI RGYAL MTSAN 'DZIN PA RNAMS KYI MCHOG NI KUN SHES KO'U DI N+YA 'DI YIN NO ZHES BSNGAGS SO, ,DE NAS BCOM LDAN 'DAS KYIS DGE SLONG LHAG MA BZHI PO LA GZUGS BDAG MA YIN PA DANG, SDUG BSNGAL BA DANG, MI RTAG PA YIN PAR RGYA CHER BKA' STZAL PAS LHAG MA BZHI POS KYANG DGRA BCOM PA MNGON DU BYAS TE, 'JIG RTEN NA DGRA BCOM PA LNGA DANG DRUG PA NI BCOM LDAN 'DAS NYID DO, ,

, ,DE LTAR BSTAN PA LAS LHA BYE BA PHRAG BRGYA BZHI BCU DANG, MI BRGYAD KHRI BZHI STONG GIS BDEN BA MTHONG NGO, ,DE LTAR BCOM LDAN 'DAS KYI TSANGS PA'I DBYANGS SNYAN PA DE PHYOGS BCU'I ZHING DAG TU GRAGS PAS, PHYOGS BCU'I SANGS RGYAS BCOM LDAN 'DAS DE DAG CANG MI GSUNG BAR BZHUGS PA NA, SO SO'I RIM GRO PA RNAMS KYIS CI'I PHYIR BKA' MCHID BKUM ZHES ZHUS PA DANG, BKA' STZAL PA, BCOM LDAN 'DAS SH'AKYA THUB PA BYANG CHUB BRNYES TE 'KHOR LO BSKOR BAR MDZAD PAS DE'I PHYIR MI SMRA'O, ,ZHES GSUNGS BAS SEMS CAN BYE BA PHRAG BRGYA BYANG CHUB TU SEMS BSKYED DO, ,STON PA MNGON PAR RDZOGS BAR SANGS RGYAS NAS CHOS GSUNG BA DKA' DKA' LTAR MDZAD NAS YANG DANG YANG DU GSOL BA GDAB DGOS BYUNG BA DANG, CHOS STON BA LA 'JUG BA'I TSE THOG MA NAS ZAB MO STONG BA NYID LA SOGS PA MA BSTAN PAR CHOS GOS ZLUM POR BGO BA DANG, PHYI DRO'I KHA ZAS SPONG BA DANG, ZAS GOS MTHA' GNYIS SU MA LHUNG BAR BYA DGOS PA SOGS 'DUL BA'I BSLAB BYA BSTAN NAS BDEN PA BZHI STON PAR MDZAD CING BDEN PA BZHI PO DE LAS KYANG THOG MAR SDUG BSNGAL BDEN PA STON PAR MDZAD, SDUG BSNGAL LA YANG RNAM PA BZHI YOD PA LAS, THOG MAR MI RTAG PA STON PAR MDZAD PA'I TSUL 'DI DAG LA RNAM DPYOD CAN GYIS LEGS PAR DPYOD SHES NA BYANG CHUB LAM GYI RIM BA'I NYAMS LEN LA NGES PA BRTEN PO RNYED PAR 'GYUR TE, THOG MAR LEGS TSOGS THAMS CAD KYI RTZA BA DGE BA'I PA SHES GNYEN ZHIG LA

BRTEN DGOS SHING, DE YANG GANG BYUNG GIS MI CHOG PAR SLOB MAS KYANG BLA MA MTSAN NYID DANG LDAN MI LDAN LEGS PAR BRTAGS NAS MTSAN NYID DANG LDAN PA ZHIG LA BRTEN DGOS PA DANG, BLA MAS KYANG SLOB MA MA BRTAGS PAR SU RUNG RUNG LA CHOS BSTAN MI RUNG BAS SLOB MA SNOD DANG LDAN MI LDAN LEGS PAR BRTAGS NAS BYA DGOS PA DANG, SLOB MA LA CHOS STON PA'I TSE NA'ANG MA MDZANGS MAS BU CHUNG GSO BA DANG, SMAN PA MKHAS PAS NAD PA LA SMAN STER BA DANG 'DRA BAR GDUL BYA'I KHAMS LA BRTAGS NAS RIM GYIS RGYUD SBYONG BAR BYA DGOS PA DANG, DKAR CHOS THAMS CAD KYI GZHI TSUL KHRIMS RNAM PAR DAG PA ZHIG LA THOG MAR SBYAR DGOS PA DANG, DE NAS KYANG THOG MAR TSE 'DI LAS BLO LOG PA ZHIG DANG, 'KHOR BA SPYI LAS BLO LOG PA ZHIG GI THABS SU SPYIR 'DUS BYAS THAMS CAD MI RTAG PA DANG, KHYAD PAR ZAG BCAS KYI LUS 'DI MI RTAG PAR BSTAN NAS TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BSKYED PA DANG, 'KHOR BA MTHA' DAG LA MA CHAGS PAR THAR PA DON GNYER GYI BSAM BA BRTAN PO BSKYED PA DANG, BSAM PA DE LTA BU ZHIG SKYES PA NA 'KHOR BA'I RTZA BA KUN 'BYUNG BDEN PA NGO SPRAD DE RIM GYIS LAM GONG MA LA KHRID DGOS PA'I TSUL RNAMS SHES NAS STON PA'I RNAM THAR NYAMS LEN DU 'KHYER SHES PA ZHIG 'ONG NGO, ,STON BAS CHOS KYI 'KHOR LO BSKOR BA'I SA W'A RA n'A SI DRANG SRONG LHUNG BA RI DVAGS KYI NAGS SU LHA DANG, LNGA SDE BZANG PO SOGS MI DAD PA CAN DAG GIS CHOS KYI 'KHOR LO BSKOR BA'I MCHOD RTEN, DBYIBS

, ,GRU BZHI PA BANG RIM BZHI PA, BANG RIM RE RE LA PHYOGS BZHIR GLO 'BUR DANG BCAS PA LA SGO BZHI'AM BRGYAD DAM BCU GNYIS SAM BCU DRUG YOD PA BRTZIGS SO, ,DE LA NI KA SHI'I YUL DU CHOS KYI 'KHOR LO BSKOR BA'I MCHOD RTEN ZHES SNGON GYI MKHAS PA RNAMS LA GTAM DU GRAGS SO, ,DE NAS RIM GYIS YUL GZHAN DANG DUS GZHAN DAG TU 'DUL BA LUNG DANG, MDO SDE DRAN PA NYER BZHAG DANG, RGYA CHER ROL PA'I MDO DANG, MDO SDE LAS BRGYA PA DANG, RTOGS BRJOD BRGYA PA LA SOGS PA 'KHOR LO DANG BO'I SDER GTOGS KYI MDO SDE MTHA' YAS PA ZHIG BKA' STZAL TO, ,DE LTAR STON PA MNGON PAR RDZOGS PAR SANGS RGYAS NAS KO'U DI N+YA LA SOGS BA'I LNGA SDE DANG, GRAGS PA LA SOGS PA NYE BA'I LNGA SDE DANG, RGYAL PO'I KHAB TU PHEBS NAS SH'A RI'I BU DANG MO'U 'GAL GYI BU 'KHOR LNGA BRGYA DANG BCAS PA DANG, 'OD SRUNGS CHEN PO LA SOGS PA BDAG NYID CHEN PO BGRANG BA LAS 'DAS PA ZHIG RJES SU BZUNG STE SNYAN PA'I GRAGS BAS SA'I STENG THAMS CAD KHYAB PA NA, RGYAL PO ZAS GTZANG MAS DE THOS TE DGA' ZHING MGU LA MJAL BAR 'DOD NAS YANG DANG YANG DU PHO NYA BTANG STE SER SKYA'I YUL DU 'BYON DGOS PAR GSOL BA BTAB PA NA BCOM LDAN 'DAS KYIS YAB ZAS GTZANG MA DANG, SRU SKYA DGU'I BDAG MO DANG, BDUD RTZI ZAS DANG, BRE BO ZAS DANG, SGRA GCAN 'DZIN DANG, KUN DGA' BO LA SOGS PA SH'AKYA BGRANG BA LAS 'DAS PA DAG 'DUL BA'I DGOS PA NYE BAR GZIGS NAS 'CHAR KA PHO NYAR 'ONGS PA LA 'BYON PAR ZHAL GYIS BZHES

TE; DE BZHIN GSHEGS PA DGE SLONG GI DGE 'DUN DANG BCAS PA RGYAL PO'I PHO BRANG DU MI BZHUGS KYI, GRONG LAS 'PHAGS PA'I GTZUG LAG KHANG DU BZHUGS SO ZHES 'PHRIN DANG BCAS BTANG NGO, ,DE NAS BCOM LDAN 'DAS KYIS MO'U 'GAL GYI BU LA BKA' STZAL PA, DGE SLONG RNAMS LA BCOM LDAN 'DAS SER SKYA'I GZHIR GSHEGS TE YAB SRAS GDAN 'DZOM NA, KHYED CAG LAS YAB SRAS MJAL BA SU BLTA BAR SPRO BA DE DAG CHOS GOS LONGS SHIG, DES KYANG DE BZHIN DU BYAS NAS BCOM LDAN 'DAS 'KHOR DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG LHAN CIG 'BAB CHU RO HI KA'I 'GRAM DU BYON TE, GRONG KHYER CHEN PO SER SKYA DANG NYE BAR BYON PAR GYUR TO, ,DE LTAR BYON PA RGYAL PO ZAS GTZANG MAS THOS NAS RGYAL POS GANG YANG 'BAB CHU RO HI KA NAS N+YA GRO DHA'I KUN DGA' RA BA'I BAR GYI LAM SHIN TU MDZES PAR BYAS TE, SA PHYOGS YANGS SHING RGYA CHE BAR GDAN RNAM PAR BKRA BDAG SHOM DU BCUG GO ,SER SKYA'I GZHI'I RDO BA DANG, GYO MO DANG, GSEG MA RNAMS BSAL NAS, TZAN DAN GYI CHUS CHAG CHAG BTAB, DRI ZHIM PO'I SPOS PHOR NYE BAR BSHAMS, DAR GYI CHUN 'PHYANG MANG PO DBYANGS TE, SH'AKYA RNAMS LA BSGO BA, KHYED KYIS BZHON PA'I MCHOG RNAMS STA GON GYIS SHIG ,DE CI'I PHYIR ZHE NA, DE RING BDAG CAG RNAMS KYIS BCOM LDAN 'DAS MCHOG TU BLTA NA SDUG PA DE BLTA ZHING 'DOD DO, ,LHA; LEGS SO ZHES GSOL NAS SH'AKYA RNAMS KYIS THEG PA'I MCHOG RNAMS MYUR DU STA GON BYAS SO, ,DE NAS RGYAL POS SER SKYA'I GNAS DANG N+YA GRODHA'I KUN

, ,DGA' RA BA'I BAR DE DAG THAMS CAD RGYAL PO'I GSHEGS SHUL DU MNYAM PAR BYED DU BCUG CING BYE MA GTZANG MA BDAL BA LA ME TOG GIS BKRAM, DAR GYI LNGA LDI BRES, GAR MKHAN DANG, GLU MKHAN DANG, GLANG DANG, BUM RNGA THOGS PA DAG BKOD NAS, RGYAL PO ZAS GTZANG BZHON PA ZHON, SH'AKYA GZHON NU BRGYAD KHRI MANG POS BSKOR TE, RGYAL PO'I DPAL CHEN PO DANG MTHU CHEN POS SONG NGO, ,DE LA SH'AKYA KHA CIG GIS SHING RTA YANG SNGO LA DE 'DREN PA'I RTA YANG SNGO BA DANG, RGYAN RNAMS DANG DRIL BU G-YER KHA'I DRA BA YANG SNGO BA DANG, 'KHOR RGYAN SNGON PO CAN GYIS BSKOR BA, GDUGS DANG RAL GRI DANG, THOD DANG, NOR BU CAN GYI RNGA YAB DANG, LHAM YANG SNGON PO DANG LDAN PA, KHA TSAR MA BCAD PA'I RAS SNGON PO GYON PA, RGYAN SNGON PO THOGS PA'I ZHAL TA PA RNAMS ZHAL TA BYED PA RGYAN SNGON PO CAN GYI LCAGS THOGS PA'I KHRID PA DU MA DANG LDAN PA, RGYAL MTSAN SNGON PO BSGRENG BA, SHING RTA RE RE ZHING YANG RGYAN SNGON PO CAN GYI MI BRGYA PHRAG RE RES BSKOR BA DAG DANG, DE BZHIN DU KHA CIG SER BA DANG, KHA CIG DMAR BA DANG, KHA CIG DKAR BA DANG, KHA CIG KHRA BOR GYUR PA SHA STAG GO ,SHING RTAD DAG RE RE'I PHYI BZHIN DU GLANG PO CHE BRGYAD KHRI GSER GYI RGYAN DANG GSER GYI RGYAL MTSAN CAN, GSER GYI DRA BAS G-YOGS PA'I STENG DU RIN PO CHE SNA BDUN GYI KHANG PA BRTZEGS PA BRGYAD KHRI BZHAG NAS DONG BAR GYUR TO, ,DE'I RJES SU RTA GSER GYI RGYAN GYIS BRGYAN PA, GSER GYI DRIL BU G-YER KHA BRGYUS PA, RIN PO CHE SNA BDUN GYI RGYAN

DANG LDAN PA BRGYAD KHRI BSHAMS NAS DONG BAR GYUR TO, ,DE LTAR RGYAL PO ZAS GTZANG SH'AKYA'I TSOGS KYIS ZLA BA KHAMS PA BZHIN DU BSKOR TE BYUNG BA GZIGS NAS, BCOM LDAN 'DAS KYIS DGE SLONG RNAMS LA BKA' STZAL PA, SH'AKYA RNAMS SER SKYA'I GNAS NAS BYUNG BA DE DAG NI SUM CU RTZA GSUM GYI LHA SKYED MOS TSAL DU DONG PA DANG RJES SU MTHUN NO, ,DE NAS BCOM LDAN 'DAS DGE SLONG GI DGE 'DUN MTHU CHE BA LNGA SDE BZANG PO DANG, GRAGS SPYIN DANG, 'CHAR KA DANG, LTENG RGYAS 'OD SRUNGS DANG, GA YA 'OD SRUNGS DANG, CHU KLUNG 'OD SRUNGS DANG, 'OD SRUNGS CHEN PO DANG, SH'A RI'I BU DANG, MO'U 'GAL GYI BU CHEN PO LA SOGS BA DGE SLONG STONG NYIS BRGYA LNGA BCUS BSKOR ZHING, LHA RNAMS 'DU BAR DGONGS PA NA RGYAL PO CHEN PO BZHI DANG, LHA MA YIN GYI DBANG PO THAGS BZANG RIS DANG, MDOR NA 'DOD PA DANG GZUGS NA SPYOD PA'I LHA'I BU MTHU CHE BA RNAMS KYANG DER 'DUS SO, ,DE NAS BCOM LDAN 'DAS KYIS RGYAL PO ZAS GTZANG MA NGA RGYAL CHE BAR MKHYEN CING, ZHABS KYIS SER SKYA'I GZHIR GSHEGS NA SH'AKYA RNAMS KYANG MI GUS PA SKYE BAR DGONGS NAS PHYOGS BZHIR 'BAR BA DANG, 'OD 'BYIN PA DANG, CHU'I RGYUN 'BEBS PA LA SOGS MDZAD NAS RDZU 'PHRUL DE BTUL TE BCOM LDAN 'DAS TA LA BDUN GYI SRID TZAM NA BZHUGS SO, ,DGE SLONG RNAMS TA LA DRUG GI SRID CAM GYI BAR MTHO DMAN DU GYUR NAS RGYAL PO 'DUS PA'I KHYAMS DER GSHEGS SO, ,DE'I MDO LA BCOM LDAN 'DAS MI GANG LHAG TZAM GYI STENG GI BAR SRANG LA 'CHAG PAR MDZAD PA'I G-YAS PHYOGS NA TSANGS PA 'GRO'O, ,G-YON DU NI BRGYA

, ,BYIN NO, ,ZHABS 'BRING DU 'DOD LHA RIS BZHI POS GDUGS 'DZIN CING BSIL YAB KYIS G-YOB BO, ,RGYAL PO CHEN PO BZHIS NI SHAR NUB TU THAL MO SBYAR TE 'DUG GO ,LHA RNAMS KYIS RIN PO CHE'I KHANG PAS BAR SNANG GANG BAR BYAS SHING, ME TOG DANG SPOS KYI PHYE MAS MCHOD, GLU DBYANGS DANG SIL SNYAN DAG SGRA 'BYIN CING, SPOS KYI CHAR SPRIN DAG LAS SPOS KYI CHAR ZIM BU ZIM BU DAG BABS SO, ,DE NAS DGE SLONG RAB TU MANG PO DANG, CHO 'PHRUL DE LTA BU DAG MTHONG NAS, YAB RGYAL POS BCOM LDAN 'DAS GANG YIN PA MA SHES TE RMONGS PAR GYUR NAS NAG PO 'CHAR KA RGYAL PO'I ZHABS 'BRING NA GNAS PA DE LA DRIS PA, DUR SMRIG GYON PA'I RAB TU BYUNG BA MANG PO ZHIG YOD NA GZHON NU GANG YIN, NAG PO 'CHAR KAS BCOM LDAN 'DAS BSTAN NAS SMRAS PA, 'DI NI BCOM LDAN 'DAS LAGS MI DBANG DA GZIGS SHIG, DE NAS BCOM LDAN 'DAS KYI MTHUS LHA DANG MI DE DAG PHAN TSUN DU YANG MTHONG BAR GYUR CING RGYAL POS KYANG BCOM LDAN 'DAS DANG, BCOM LDAN 'DAS LA MCHOD PA BYED PA'I LHA RNAMS DANG LHA'I RIN PO CHE SNA BDUN GYI KHANG PA BRTZEGS PAS BAR SNANG GANG BA MTHONG NAS, BCOM LDAN 'DAS KYIS GSUNGS PA DE NI NGO MTSAR CHE STE, 'DI GZHON NU'I DUS SU NGA NI CHOS KYI DBANG PHYUG LA DBANG BYA'O ZHES GSUNG NA DE NI 'DI YIN PA LTA STE, BDAG NI MI'I 'KHOR CAN DU ZAD NA, BCOM LDAN 'DAS NI LHA DANG MI'I 'KHOR CAN DU GYUR TO SNYAM MO, ,SER SKYA'I GZHI NA GNAS PA'I SH'AKYA RNAMS DGE BA'I RTZA BAS BSKUL NAS THAMS CAD

BYUNG STE, CI YAB SRAS LA PHYAG BYED DAM, 'ON TE SRAS YAB KYI ZHABS LA PHYAG BYED PA BLTA'O SNYAM NAS THAMS CAD TSOGS PAR GYUR TO, ,DE NAS RGYAL PO CHEN PO ZAS GTZANG MAS BLA GOS RIN THANG MA MCHIS PA PHRAG PA GCIG TU BYAS, PUS MO G-YAS PA'I LHA NGA SA LA BTZUGS NAS RANG GI THOR TZUGS NOR BU DANG COD PAN GYIS BRGYAN PA BCOM LDAN 'DAS KYI ZHABS LA BTUD NAS PHYAG BTZAL TE TSIGS SU BCAD PA, BLO GROS YANGS PA KHYOD LA 'DI DANG NI, ,KUN SPYAD ZHABS LA LAN GSUM PHYAG BGYIS TE, ,BLTAMS PA'I TSE NA SA NI G-YOS PA DANG, 'DZAM BU'I GRIB MA SKU LAS MA 'DAS PA'O, ,ZHES GSOL PA DANG, DE LTAR YAB KYIS SRAS KYI ZHABS LA PHYAG BYAS PA DE'I TSE SH'AKYA RNAMS KYIS 'DI CI'I THA TSIG CES MA DAD PA DANG, RGYAL PO ZAS GTZANG MAS SH'AKYA DE RNAMS LA SMRAS PA, SHES LDAN DAG DA GDOD KHO BOS GZHON NU'I ZHABS LA PHYAG BYAS BA MA YIN TE, 'DI DANG LAN GSUM DU PHYAG BGYIS SO ZHES GO BAR BYAS SO, ,DE NAS BCOM LDAN 'DAS KYIS RDZU 'PHRUL DE BTUL NAS, DGE SLONG GI DGE 'DUN GYI DGUNG LA 'DOD PA'I LHA'I BU RNAMS KYIS SENG GE'I KHRI LHA'I RAS SNA TSOGS SU SPEL NAS BSHAMS PA LA BZHUGS TE, 'DOD LHA RNAMS KYIS STENG DU LHA'I BLA BRE BRES SHING, KHYAMS DER YANG LHA'I RAS BCOS BU BTING NGO, ,DE NAS RGYAL PO ZAS GTZANG SKAD 'DZER CING SNYING SDANGS LA MIG MCHI MAS GANG BZHIN DU TSIGS SU BCAD PAS ZHU BA ZHUS PA, GZHAL MED KHANG GI GNAS RNAMS SU, ,YAB KYI KHAB NA BZHUGS PA LAS, ,DGON

, ,PA 'JIGS DANG BCAS RNAMS SU, ,JI LTA BUR NI 'BA' ZHIG BZHUGS, ,BCOM LDAN 'DAS KYIS BKA' STZAL PA, MI YI BDAG PO GANG DU NI, ,KHYIM GYI 'CHING BA LAS GROL BA, ,'PHAGS PA YI NI GNAS PA BCUS, ,THUB PA RNAMS NI GNAS PAR MDZAD, ,CES SOGS RGYA CHER YAB DANG SRAS GNYIS DE LTA BU'I BKA'I 'BEL MCHID GLENG BAR MDZAD DE, DES RGYAL PO ZAS GTZANG DGA' NAS ZHABS LA PHYAG BYAS TE, BDE BAR GSHEGS PA LA KUN NAS RTOG CING 'DUG GO, DE NAS RGYAL PO ZAS GTZANG 'DI SNYAM DU SEMS TE, GANG BDAG GI BUS 'DI LTA BU'I YON TAN THOB PA NI BDAG GIS RNYED PA LEGS PAR RNYED DO SNYAM MO, DE NAS BCOM LDAN 'DAS KYIS N+YA GRO DHA'I KUN DGA' RA BAR 'KHOR DE DANG MTHUN BA'I CHOS BSHAD PAS ZAS DKAR LA SOGS PA SH'AKYA BDUN KHRI BDUN STONG GIS BDEN PA MTHONG NGO, ,DE'I SANG TSANGS PAS BSKOR BA'I SKYED MOS TSAL DU GSHEGS TE CHOS BSTAN PAS BRE BO ZAS LA SOGS PA SH'AKYA BDUN KHRI DRUG STONG GIS BDEN PA MTHONG NGO, ,SH'AKYA BDUD RTZI ZAS KYI BU GZHON NU KUN DGA' BO SKYES NAS LO DRUG LON PA BCOM LDAN 'DAS KYI RIM GRO BGYID PAR MTSAN MKHAN RNAMS KYIS LUNG BSTAN PA DE, BDUD RTZI ZAS KYIS CI NAS KYANG BCOM LDAN 'DAS KYI SPYAN SNGAR MI 'BAB PAR BYA'O SNYAM STE, YANGS PA CAN DANG SER SKYA'I GRONG KHYER GNYIS PHAN TSUN DU SKYEL BA DANG LEN PAR BYED DO, ,DE BCOM LDAN 'DAS KYIS DGONGS NAS SER SKYAR KUN DGA' BO'I PHYIR GSHEGS PA NA, BDUD RTZI ZAS

KYIS KUN DGA' BO KHANG PHRAN DU SBAS PA DANG, BCOM LDAN 'DAS KYI MTHUS SGO DBYE BAS KUN DGA' BO THAL BYUNG DU 'ONGS NAS BSIL YAB THOGS TE BCOM LDAN 'DAS LA G-YO BO, ,BCOM LDAN 'DAS GSHEGS BA NA RJES BZHIN 'BRANGS NAS SUS KYANG BZLOG MA NUS PAS BDUD RTZI ZAS KYIS DUS STON BYAS TE KUN DGA' BO GLANG PO CHE LA BSKYON NAS N+YA GRO DHA'I KUN DGA' RA BAR BTANG BA DANG GLANG PO CHES AUTPA LA'I CHUN PO ZOS PAS MTSAN MKHAN RNAMS KYIS GZHON NU 'DI THOS PA 'DZIN PA'I MCHOG TU LUNG BSTAN NAS BCOM LDAN 'DAS KYI SPYAN SNGAR PHYIN TE, 'OD SRUNGS STOBS BCU PA LAS RAB TU BYUNG DU BCUG GO ,KUN DGA' BO YANG DE NYID NAS BCOM LDAN 'DAS KYI ZHABS 'BRING DU 'BRANG ZHING 'DZUM PA LUNG BSTAN PA YANG ZHU'O, ,DE'I SANG RO HA TI KA'I SKYED MOS TSAL DU CHOS BSHAD PAS BDUD RTZI ZAS LA SOGS PA BDUN KHRI LNGA STONG GIS 'BRAS BU THOB BO, ,LHA SBYIN NI BCOM LDAN 'DAS LA MA GUS PAS KHA ZER RO, ,DE NAS RGYAL PO ZAS GTZANG MAS BCOM LDAN 'DAS GDUGS TSOD LA SPYAN DRANGS TE GDUGS TSOD GSOL NAS RGYAL POS GSER GYI BYA MA BUM BLANGS TE N+YA GRO DHA'I KUN DGA' RA BA PHUL NAS BCOM LDAN 'DAS KYIS YON BSNGO BA MDZAD DE GSHEGS NAS BCOM LDAN 'DAS SHING N+YA GRO DHA'I KUN DGA' RA BA DE NYID DU DBYAR GNAS MDZAD DE RGYAL PO ZAS GTZANG SH'AKYA'I TSOGS KYIS BSKOR NAS DUS GSUM DU BCOM LDAN 'DAS KYI SPYAN SNGAR CHOS NYAN DU 'GRO'O, ,DE'I TSE RGYAL PO ZAS GTZANG NI HA CANG ZHUM PA DANG SHIN TU DGA' BA'I SEMS DANG LDAN PAS 'BRAS BU MA THOB STE,

, ,DE LA BCOM LDAN 'DAS KYIS RGYAL PO ZAS GTZANG GI DGA' BA'I SEMS NGA'I BU 'BA' ZHIG RDZU 'PHRUL CHE'O SNYAM PA 'DI SPANG BA'I PHYIR MO'U 'GAL GYI BU CHEN PO LA BSKUL BA DANG, MO'U 'GAL GYI BUS RGYAL PO'I PHO BRANG DU PHYIN NAS RDZU 'PHRUL GYI CHO 'PHRUL BSTAN TE GDAN BSHAMS PA LA 'DUG GO, ,RGYAL POS SMRAS PA, MO'U 'GAL GYI BU, NYAN THOS RDZU 'PHRUL CHE BA GZHAN YANG MCHIS SAM, SMRAS PA, GZHAN YANG RDZU 'PHRUL CHE BA MANG DU MCHIS SO, , DE NAS RGYAL PO ZAS GTZANG BDAG GI BU 'BA' ZHIG RDZU 'PHRUL CHE BAR MA ZAD KYI, RDZU 'PHRUL CHE BA GZHAN YANG YOD DO SNYAM NAS SHIN TU DGA' BA'I BLO DANG BRAL TO, ,DE NAS RGYAL PO ZAS GTZANG GI ZHUM PA'I BLO SNGON BCOM LDAN 'DAS LHA DANG MI DANG LHA MA YIN GYIS MCHOD NA DA LTAR MI 'BA' ZHIG GIS MCHOD DO SNYAM PA DE SPANG BA'I PHYIR BCOM LDAN 'DAS LHA'I 'KHOR LA CHOS STON PAR BZHED DO, ,DE BRGYA BYIN GYIS SHES NAS N+YA GRO DHA'I KUN DGA' RA BAR RIN PO CHE SNA BZHI'I KHANG PA BRTZEGS PA GDAN SNA TSOGS BSHAMS PA ZHIG GYIS SHIG CES LHA'I BU BI SHVA KARMA LA BSGOS NAS DES DE BZHIN DU BYAS SO, ,SGO BZHIN NI RGYAL PO CHEN PO BZHI 'DUG GO ,DER BCOM LDAN 'DAS SPYAN DRANGS TE 'DOD GZUGS KYI LHA'I BU RNAMS DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI RNAMS KYIS BSKOR ZHING NYAN THOS CHEN PO RNAMS KYANG 'DUG GO ,PHYI ROL NA NI KUN TU RGYU DRUG KHRI 'DUS SO, ,DE'I

TSE BCOM LDAN 'DAS GDAN BSHAMS PA RIN PO CHE SNA TSOGS KYIS BRGYAN PA LA BZHUGS TE, YAB DANG SRAS MJAL BA BYANG CHUB SEMS DPA'I TING NGE 'DZIN DE KHO NA NYID NGES PAR BSTAN PA ZHES BYA BA STON PAR BZHED DO, ,DE NAS TSE DANG LDAN PA MO'U 'GAL GYI BUS KYANG RGYAL PO ZAS GTZANG MA KHRID DE GRONG KHYER SER SKYA NAS LHAS SPRUL PA'I GZHAL MED KHANG DER 'ONGS SO, ,MO'U 'GAL GYI BU NANG DU ZHUGS TE RGYAL PO ZAS GTZANG NANG DU 'JUG PAR BRTZAMS PA'I THOG MA SHAR SGO NAS DONG PA DANG, RGYAL PO YUL 'KHOR SRUNG SGO NA 'DUG NAS DAS NANG DU MA 'GRO SDOD CIG CES BZLOG GO ,DE CI'I PHYIR ZHE NA, BCOM LDAN 'DAS LHA'I 'KHOR DAG PA LA CHOS 'CHAD DE, DER MIR GYUR PA 'JUG TU MI DBANG PO, ,BZHIN BZANG KHYOD SU ZHIG, RGYAL PO CHEN PO, BDAG YUL 'KHOR SRUNG NGO, ,DE NAS RGYAL PO ZAS GTZANG GIS LHO DANG NUB DANG, BYANG CHUB ZHUGS PA DANG, RGYAL PO LHAG MA GSUM GYIS KYANG DE BZHIN DU BYAS SO, ,DE NAS RGYAL PO ZAS GTZANG KYE MA'O BCOM LDAN 'DAS LHA'I 'KHOR DAG PA LA CHOS 'CHAD PA DE BDAG GIS BLTA'O SNYAM PA'I 'DOD PA SKYES TE ZHUM PA'I RGYUD DE DANG BRAL LO, ,DE NAS BCOM LDAN 'DAS KYIS DGONGS PA RGYAL PO ZAS GTZANG GIS GAL TE NGA MA MTHONG NA KHRAG DRON MO SKYUGS NAS 'CHI BAR 'GYUR BA'I GNAS YOD PAR DGONGS NAS, RIN PO CHE'I KHANG PA BRTZEGS PA DE SHEL LAS BYAS PAR SPRUL PA DANG, RGYAL PO ZAS GTZANG GIS SANGS RGYAS KYI SKU SGRIB PA MED PA MTHONG NGO, ,MTHONG NAS KYANG DGA' BA

, ,DANG MGU BA SKYES NAS BCOM LDAN 'DAS KYI ZHABS GNYIS LA PHYAG BYAS TE PHYOGS GCIG TU 'DUG GO, ,DE NAS BCOM LDAN 'DAS KYIS LHA MA YIN GYI DBANG PO THAGS BZANG RIS MCHOD PA BYED DU 'JUG PA'I MTSAN MA MDZAD DO, ,DE NAS LHA MA YIN THAGS BZANG RIS DE RIN PO CHE SNA BDUN GYI SHING RTA LA ZHON NAS BCOM LDAN 'DAS LA MCHOD PA'I PHYIR SHING RTA DANG RTA RIN PO CHES BRGYAN PA LA LHA MIN GYI BU MO MANG PO 'KHOR DE MCHOD PA SNA TSOGS THOGS PA RIN PO CHE'I PHO BRANG BKRA BDAG BSHAMS NAS LHAG PAR GUS PAS BCOM LDAN 'DAS LA BSTOD CING PHUL LO, ,DE BZHIN DU LHA MIN DBANG PO STOBS LDAN DANG, SGRA GCAN LA SOGS PA DANG, BYA'I RGYAL PO 'DAB BZANG RNAMS KYIS KYANG MCHOD DO, ,DE NAS KLU'I BU MO RNAMS KYIS RIN PO CHE'I GDUGS DAG DANG, KLU'I RGYAL PO DGA' BO DANG, NYE DGA' BOS MU TIG DMAR POS SNYIM PA BKANG ZHING RIN PO CHE SNA BDUN GYI KHANG BZANG NA NOR BU SNA TSOGS LAS ME DANG CHU 'BAR 'DZAG BYED PA DAG BYAS SO, ,GRUL BUM RNAMS DANG RGYAL CHAN BZHI'I LHAS RIN PO CHE'I BLA BRE DAG DANG, DRI ZA RNAMS KYIS SA SRUNGS KYI BU'I STENG DU RDZING BU PADMAS GTAMS PA DAG DANG, MI'AM CI'I RGYAL PO LJON PAS RIN PO CHE SNA BDUN GYI KHANG PA GDUGS KYIS BRGYAN PA DAG DANG, BRGYA BYIN GYIS RIN PO CHE'I KHANG PA DANG, SA SRUNGS KYI BU'I STENG DU RDZING YOD PA DAG DANG, GZHAN YANG 'DOD GZUGS KYI LHA'I BU THAMS CAD KYIS MCHOD CING BSTOD PAS, BCOM

LDAN 'DAS 'DZUM PA MDZAD PA NA RTA THUL GYIS DE'I RGYU ZHUS PAS DE DAG BYANG CHUB TU LUNG BSTAN CING, KUN TU RGYU RNAMS KYANG SO SOR LUNG BSTAN TO, ,DE'I TSE YANG RGYAL PO ZAS GTZANG MA BU LA CHAGS PAS KUN TU DKRIS PA NA, BCOM LDAN 'DAS KYIS DE 'DUL BA'I TING NGE 'DZIN YAB SRAS MJAL BA'I MDO BSTAN PAS RGYAL PO ZAS GTZANG MA THEG PA CHEN PO LA RGYUN DU ZHUGS PA'I 'BRAS BU THOB NAS MTHAR GYIS SH'AKYA BDUN KHRI DANG LHAN CIG MI SKYE BA'I CHOS LA BZOD PA THOB PA DANG, BCOM LDAN 'DAS KYIS 'DZUM PA MDZAD PA NA RTA THUL GYIS DE'I RGYU ZHUS NAS BCOM LDAN 'DAS KYIS RGYAL PO ZAS GTZANG DANG SH'AKYA RNAMS BYANG CHUB TU LUNG BSTAN CING SH'A RI'I BU LA MDO 'DI BSGRAG PAR BYA'O ZHES BKA' STZAL TO, ,YAB SRAS MJAL BA'I TSE JI LTAR MDZAD PA'I RNAM THAR BZANG PO 'DI DAG LA LEGS PAR DPYOD SHES NA CHOS RNAM DAG CIG BYED PA LA TSE 'DI'I GNYEN NYE DU LA MA CHAGS BA ZHIG NGES PAR DGOS PA DANG, RANG GI GNYEN NYE DU DANG G-YOG 'KHOR DANG MDZA' BSHES JI LTA BU ZHIG YIN YANG DE LA PHAN PAR SEMS NA TSE 'DI'I CHE THABS DANG , SRID PA'I PHUN TSOGS LA MI SBYOR BAR KHYIM NAS KHYIM MED PAR RAB TU BYUNG STE, TSUL KHRIMS RNAM PAR DAG PA LA GNAS NAS DBEN PA'I GNAS SU LAM SGRUB PA LA SBYOR DGOS PA SOGS BYANG CHUB LAM GYI RIM PA'I SBYOR DNGOS RJES

, ,GSUM GYI GNAD RNAMS LA NGES PA BRTAN PO SKYE BAR 'GYUR RO, ,DE NAS BCOM LDAN 'DAS DGUNG LO BZHI BCU ZHE GCIG TU PHEBS PA LCAGS PHO BYI BA'I LO SUM CU RTZA GSUM DU PHEBS NAS DBYAR GNAS MDZAD DE, DE YANG 'DI LTAR, BCOM LDAN 'DAS YUM SGYU MA LHA MDZES SUM CU RTZA GSUM DU SKYE BA BZHES PA DE RJES SU GZUNG BAR BZHED PA DANG, GZHAN YANG LHA BGRANG BA LAS 'DAS PA ZHIG LA DGE BA'I RTZA BA YOD PAR GZIGS NAS SUM CU RTZA GSUM DU GSHEGS TE, CHOS BZANG LHA'I MDUN SAR BZHUGS NAS, GDUGS DKAR MO CAN GYI GZUNGS DBU'I GTZUG TOR NAS PHYUNG NGO, ,DE NAS LHA'I DGA' BA'I TSAL DU GSHEGS TE BRGYA BYIN DANG TSANGS PA SOGS SDE BRGYAD DANG, BLO GROS CHEN PO LA SOGS PA BYANG CHUB SEMS DPA' MANG PO DANG LHAN CIG GO ,DE'I TSE 'OD BKYE BAS STONG GSUM 'DI'I NGAN SONG THAMS CAD SDUG BSNGAL LAS GROL BA RNAMS BCOM LDAN 'DAS KYI SPYAN SNGAR NOR BU'I STENG DU 'KHOD NAS CHED DU BRJOD PA DANG, BRGYA BYIN GYIS GSOL PA, LHA'I RIS 'DI NAS LHA'I BU NOR BU DRI MA MED PA'I 'OD SHI 'PHOS NAS DGUNG BDUN LON LAGS NA GANG DU SKYES, BKA' STZAL PA, LHA'I DBANG PO, DE NI MNAR MED PA'I DMYAL BAR SKYES SO, ,BRGYA BYIN GYIS DE LA BSKYAB PAR ZHUS PAS NGAN SONG SPYOD BA'I BRTAG PA GSUNGS TE, BRGYA BYIN LA NGAN SONG SBYONG BA'I CHO GA BSTAN, BRGYA BYIN GYIS DE'I LUS DKYIL 'KHOR DU BCUG NAS DBANG

BSKUR BAS DE SKAD CIG GIS DMYAL BA LAS THAR NAS DGA' LDAN DU SKYES TE GTZANG MA'I RIS KYI LHA RNAMS DANG LHAN CIG DGA' BA'I TSAL DER 'ONGS NAS BCOM LDAN 'DAS DANG BRGYA BYIN LA CHED DU BRJOD CING MCHOD PA'I SPRIN GYIS MCHOD DO, , DE NAS BCOM LDAN 'DAS LHA'I SHING YONGS 'DU SA BRTOL GYI DRUNG DU AAR MO NIG STE LA BA DKAR PO LTA BU'I RDO LEB KYI STENG DU BZHUGS TE, SH'A RI'I BU, 'OD SRUNGS CHEN PO, K'A TYA'I BU CHEN PO, GANG PO, NAM GRU, RTA THUL, KA PI NA, GSUS PO CHE, RAB 'BYOR LA SOGS PA DGRA BCOM PA BRGYAD STONG DANG, KUN DGA' BO DANG THABS CIG TU DBYAR GNAS PA MDZAD, DE'I TSE BYANG CHUB SEMS DPA' MANG PO YANG 'DUS SHING YUM SGYU 'PHRUL CHEN MO YANG MCHOG TU DGA' BAR MDZAD LA, RGYAL BA'I SRAS LEGS PAR GNAS LA DBYIG LDAN GYI GZUNGS STZAL TO, ,DE'I TSE LHA RNAMS THAGS BZANG RIS KYI DPUNG DANG 'THABS PAS PHAM NAS BCOM LDAN 'DAS KYI DRUNG DU BRGYA BYIN SKRAG BZHIN DU 'ONGS TE ZHUS PAS RGYAL MTSAN RTZE MO'I DPUNG RGYAN GYI GZUNGS STZAL NAS DBUGS PHYUNG NGO, ,SPYAN RAS GZIGS KYIS LHA RNAMS MCHOD RTEN BGYID PAR 'TSAL NA, DE'I BSOD NAMS 'PHEL BA'I THABS ZHUS PAS, RTEN 'BREL SNYING PO GSUNGS SO, , LHA'I BU SHIN TU BRTAN PAS ZHAG BDUN NAS SHI STE DMYAL BAR SKYE'O ZHES PA'I SGRA THOS PA BRGYA BYIN LA SMRAS TE, DES ZHUS PAS GTZUG TOR RNAM PAR RGYAL BA NGAN 'GRO RNAM SBYONG GSUNGS PAS LHA'I BU DE'I SDIG PA DAG CING TSE SRINGS SO, ,

, ,DE'I TSE SA BCU PA 'BA' ZHIG DANG THABS CIG TU BZHUGS TE, BYAMS PAS 'DZAM BU GLING PA RNAMS KYI 'TSE BA ZHI BAR GSOL BAS, BCOM LDAN 'DAS KYIS ZHABS SA LA BRDABS SHING, SPRUL PA'I KHRO BO SPROS TE GDUG PA CAN RNAMS BTUL NAS MI G-YO BA'I RGYUD GSUNGS SO, ,LHA'I BU ZHIG SHI 'PHOS NAS PHAG TU SKYE BAR MTHONG BAS SKRAG STE BRANG BRDUNGS PA DANG, BCOM LDAN 'DAS NGER GSHEGS TE DKON MCHOG GSUM LA SKYABS SU SONGS SHIG GSUNGS, DES DE LTAR BYAS PAS YANGS PA CAN DU TSONG DPON ZHIG GI BUR SKYES TE MING SHES LDAN ZHES BTAGS SO, ,BCOM LDAN 'DAS SUM CU RTZA GSUM DU BZHUGS PA'I RING MO'U 'GAL GYI BU CHEN PO'I 'DZAM BU'I GLING DU BSTAN PA SKYONG PHYIR BZHUGS, SKYE PO PHAL PA SUS KYANG BCOM LDAN 'DAS GANG NA BZHUGS MA SHES PA NA RGYAL PO GZUGS CAN SNYING PO DANG GSAL RGYAL DANG, 'KHOR RNAMS BZHI RNAMS KYIS MO'U 'GAL GYI BU CHEN PO MNYAN YOD NA DBYAR GNAS PA LA DRIS PA, BCOM LDAN 'DAS GDAN BZHUGS, LHA'I GNAS NA BZHUGS SO, ,DE RNAMS DGA' STE, DBYAR ZLA BA GSUM RDZOGS PA DANG SLAR YANG MO'U 'GAL GYI BU'I GAN DU SONG NAS, DA NI BCOM LDAN 'DAS MA MTHONG NAS YUN RING ZHIG LON PAS, BDAG CAG GI TSIG GIS BCOM LDAN 'DAS SPYAN 'DREN DU GSOL, MO'U 'GAL GYI BUS SKAD CIG LA LHA'I YUL DU PHYIN TE, BCOM LDAN 'DAS LA 'KHOR BZHI PO'I TSIG GIS BSNYUN GSOL

NAS, BCOM LDAN 'DAS 'DZAM BU GLING PA RNAMS KYIS LHA'I GNAS SU 'DZEG MI NUS SHING LHA RNAMS LA 'DZAMBU'I GLING DU 'BAB PA'I MTHU MCHIS PAS, DA NI 'DZAMBU'I GLING DU GSHEGS SU GSOL ZHES DE DAG GI MCHID GSOL PA DANG, MO'U 'GAL GYI BU KHYOD SONG LA BCOM LDAN 'DAS DENG ZHAG BDUN NA GRONG KHYER GSAL LDAN GYI AA PA DZA RI'I NAGS SHING AU DUM WA RA'I DRUNG DU GSHEGS SO ZHES BSGO SHIG ,DES KYANG SKAD CIG LA 'DZAMBU'I GLING DU PHYIN NAS MI RNAMS LA GO BAR BYAS TE SLAR MNYAN YOD NAS SUM CU RTZA GSUM DU PHYIN TO, ,MA 'GAGS PAS RGYAL PO AU TR'A Y'A NA LA SBRAN PAS DE DGA' STE GRONG KHYER GSAL LDAN GTZANG MAR BYAS NAS MCHOD PA'I YO BYAD DAG BSHAMS SHING, 'KHOR RNAM BZHIS KYANG PHYOGS DE LHA'I DGA' TSAL BZHIN DU BYAS SO, ,DE NAS STON ZLA 'BRING PO'I TSES NYI SHU GNYIS LA BCOM LDAN 'DAS 'DZAMBU'I GLING DU ZHABS KYIS GSHEGS PAR BZHED PA NA, BRGYA BYIN GYIS BI SHVA KARMA LA BSGOS PAS DES THEM SKAS GSUM SPRUL TE, DBUS MA BEE d'URYA'I THEM SKAS LA BCOM LDAN 'DAS 'KHOR DANG BCAS PA GSHEGS SO, ,G-YAS PA GSER GYI THEM SKAS LA TSANGS PA GZUGS KYI LHAS BSKOR TE NOR BU'I RNGA YAB KYIS BCOM LDAN 'DAS LA G-YOB CING SONG NGO, ,G-YON PA SHEL GYI SKAS LA BRGYA BYIN 'DOD PA'I LHA RNAMS KYIS BSKOR TE GDUGS THOGS NAS SONG NGO, ,BCOM LDAN 'DAS KYIS BI SHVA KARMA'I CHED DU PHYED NI ZHABS KYIS BYON LA, MA DAD BA BZLOG PA'I PHYIR DU PHYED NI

, ,RDZU 'PHRUL GYIS BYON TE, DPAG TSAD BCU GNYIS MAN CHAD MI'I DRI MNAM PAS LHA RNAMS 'OD MI BZOD PA LA TZAN DAN GYI DRIS KHYAB PAR MDZAD CING, SKYES PAS LHA'I BU MO DANG BUD MED KYIS LHA'I BU MTHONG NA 'CHI BAR 'GYUR PAS SKYES PA RNAMS KYIS LHA'I BU MTHONG ZHING BUD MED RNAMS KYIS LHA'I BU MO MTHONG BAR MDZAD DE GRONG KHYER GSAL LDAN DU GSHEGS NAS BRGYA BYIN GYIS BSHAMS PA'I SENG GE'I KHRIL BZHUGS SO, ,DE'I TSE RGYAL PO AU TR'A YA NA DANG 'KHOR RNAM BZHIS BSUS SHING DRI ZA CHOS KYI PHRENG BAS PI WANG BRDUNGS PAS NYAN THOS CHEN PO RNAMS KYI LUS KYANG G-YOS SO, ,GNAS DER LHA DANG MI DAD PA CAN GYIS LHA LAS BABS PA'I MCHOD RTEN BANG RIM BZHI PA'AM BRGYAD PA NGOS RER GLO 'BUR DANG BCAS PA'I GLO 'BUR GYI DBUS NA THEM SKAS YOD PA BRTZIGS SO, ,DE NAS BCOM LDAN 'DAS DGUNG LO NGA BDUN LA BAB PA ME PHO 'BRUG GI LO MNYAN YOD DU CHO 'PHRUL CHEN PO STON PAR MDZAD DE, DE YANG 'DI LTAR STON PA MNGON PAR RDZOGS PAR SANGS RGYAS NAS LHA MI BGRANG BA LAS 'DAS PA ZHIG SMIN CING GROL BAR MDZAD, 'DZAM BU'I GLING GI RGYAL PO CHE DGU THAMS CAD KYIS STON PA NYAN THOS KYI DGE 'DUN DANG BCAS PA MCHOD PA NA RDZOGS BYED LA SOGS PA'I MU STEGS KYI STON PA DRUG PO PHRAG DOG GIS YID DKRUGS TE STON PA LA 'GRAN PAR 'DOD PA NA BDUD SDIG TO CAN GYIS KYANG MU STEGS KYI STON PA DRUG PO'I RGYUD BSKUL TE, STON PA LA 'GRAN PA'I BSAM

PA CHES CHER SKYES NAS RDZOGS BYED LA SOGS PA MU STEGS PA DRUG PO DES RGYAL PO GZUGS CAN SNYING PO'I DRUNG DU PHYIN TE, RGYAL PO BDAG CAG DANG GOO TA MA GNYIS KA SHES PAR SMRA BA YIN NA LHAN CIG RDZU 'PHRUL 'GRAN DU GZHUG PA'I RIGS SO, ,RGYAL POS BGAD DE KHYED RNAMS RE GLEN, SANGS RGYAS RDZU 'PHRUL CHEN PO DANG LDAN NA JI LTAR 'GRAN, STON PA DRUG GIS SMRAS PA, BDAG CAG GNYIS KYIS ZHAG BDUN NA RDZU 'PHRUL CHEN PO 'GRAN NA MNGON TE, BSGRUN PA'I 'OG TU GANG RGYAL BA GZIGS SHIG ,RGYAL POS KYANG BDAG GIS DE BZHIN BGYI NA KHYED SKYENGS KYIS DOGS SO, ,ZHES SMRAS TE, RGYAL POS BCOM LDAN 'DAS LA DON DE GSOL PA DANG, NGA NYID DUS MKHYEN NO ZHES GNANG NGO, ,RGYAL POS CHO 'PHRUL STON PA'I GNAS BYED DU BCUG PA NA, ZHAG BCUN GYI NYIN PAR BCOM LDAN 'DAS DGE 'DUN DANG BCAS PA YANGS PA CAN DU GSHEGS SO, ,STON PA DRUG GIS KYANG GOO TA MA'I CHO 'PHRUL GYIS BDAG MI THUB BO ZHES BYAS NA KHYED YID MI CHES KYIS CHO 'PHRUL 'GRAN PA'I DUS BYAS PA LAS BROS SO ZHES BSGRAGS NAS NGA RGYAL SKYES TE RJES SU BSNYAGS SHING RGYAL PO GZUGS CAN SNYING PO YANG BCOM LDAN 'DAS KYI RJES SU YANGS PA CAN DU DONG NGO, ,YANGS PA CAN PA RNAMS KYIS BCOM LDAN 'DAS BSUS SO, ,STON PA DRUG GIS LI TZA BYI RNAMS LA GOO TA MA DANG CHO 'PHRUL 'GREN PAR GNANG NA ZHAG BDUN NA 'GRAN NO, ,DE BCOM LDAN 'DAS LA GSOL PA DANG, NGA NYID KYIS DUS MKHYEN NO, ,

, ,ZHES GSUNGS NAS, SANG 'GRAN PA LAS DE RING BCOM LDAN 'DAS YUL KOO SHAMBIR RGYAL PO AU TRA YA NA CAN DU GSHEGS SO, ,DER YANG 'GRAN PAR ZHUS PA LAS YUL WARGAR RGYAL PO SHUN TZID LA CAN DU GSHEGS SO, ,DER YANG 'GRAN PAR ZHUS BA LAS, YUL TZAM PAR RGYAL PO AINDRA WA RMI CAN DU GSHEGS SO, ,DER YANG 'GRAN PAR ZHUS PA LAS W'A RA n'A SI'I RGYAL PO TSANGS BYIN CAN DU GSHEGS SO, ,DER YANG 'GRAN PAR ZHUS PA LAS, SER SKYAR SH'AKA RIGS CEN DU GSHEGS SO, ,STON PA DRUG PO YANG NGA RGYAL LHAG PAR SKYES TE, RGYAL PO GZUGS CAN SNYING PO LA GOO TA MA DANG RDZU 'PHRUL 'GRAN DU CHUG CIG CES YANG NAS YANG DU BSKUL LO, , RGYAL POS GAL TE KHYOD DON 'DI LAN GSUM GYI BAR DU ZER NA SPYUGS TE BTANG NGO, ,ZHES SMRAS PA DANG, DE RNAMS 'DI SNYAM DU RGYAL PO 'DI NI GOO TA MA'I PHYOGS BYED KYIS, RGYAL PO GSAL RGYAL DE GZU BO ZHIG YOD CES GRAG GI ; DE'I GAN DU 'GRO'O ZHES BCOM LDAN 'DAS KYI RJES BZHIN DU BSNYAGS SO, ,BCOM LDAN 'DAS KYANG MNYAN YOD DU BYON NAS RGYAL BYED TSAL DU BZHUGS SO, ,DE'I TSE RGYAL PO GZUGS CAN SNYING PO BZHON PA LNGA BRGYA DANG 'KHOR 'BUM BZHI KHRI DANG, LI TZA BYA BZHON PA LNGA BRGYA DANG 'KHOR BDUN KHRI DANG, AU TRA YAN 'KHRO STONG PHRAG BRGYAD KHRI DANG, SHUN TZI DA LA 'KHOR LNGA KHRI DANG, AINDRA WAR MI DRUG KHRI DANG, TSANGS BYIN BRGYAD 'BUM DANG, SH'AKA RIGS KHRI KHRAG

DGU PO DAG RJES SU 'BRANGS TE, MNYAN YOD KYI LJONGS YONGS SU GANG BAR GYUR TO, ,DE NAS STON PA DRUG GIS, RGYAL PO GSAL RGYAL LA SMRAS PA, DGE SBYOD GOO TA MA DANG BDAG CAG CHO 'PHRUL 'GRAN PAR DUS BYAS PA LAS, DUS LA BAB PA DANG BYOL ZHING BROS TE, DA NI 'KHOR MANG PO YANG RGYAL PO'I YUL DU TSOGS KYIS, RGYAL PO NI SA DANG 'DRA BAS BYAMS SDANG MED PA'I ZHAL CHE GCOD PA'I RIGS SO, ,GOO TA MA RGYAL NA BDAG CAG DE'I DBANG DU MCHIL, BDAG CAG RGYAL NA BDAG CAG DBANG BAR MDZOD CIG ,RGYAL POS SMROS PA, CI'I PHYIR KHYED LTA BU'I MA RABS CI YANG MI SHES PAS CHOS KYI RGYAL PO CHEN PO DANG CHO 'PHRUL 'GRAN PAR BYED KHYED PHAM KYIS DOGS SO, ,SMRAS PA KHYOD KYANG GOO TA MAS BLUS ZIN NAM BSGRUN NA MNGON PAR 'GYUR RO, ,RGYAL POS SMRAS PA, GAL TE DE LTA NA BDAG GIS BCOM LDAN 'DAS LA ZHU'O, ,DE NAS RGYAL PO GSAL RGYAL GYIS BCOM LDAN 'DAS LA LAN GSUM GYI BAR DU GSOL BAS, BCOM LDAN 'DAS KYIS MNYAN YOD 'DIR SNGON GYI SANGS RGYAS RNAMS KYIS CHO 'PHRUL CHEN PO BSTAN ZHING SKYE BO'I TSOGS CHEN PO'ANG ZHAG BDUN NA 'DU BAR MKHYEN NAS, RGYAL PO CHEN PO ZHAG BDUN NA DE BZHIN BYA YI KHYOD SONGS LA 'DI MA YIN PA YANGS PA DAG TU 'DUN KHANG RTZIGS SHIG ,DE NAS RGYAL POS STON PA DRUG LA DON DE SMRAS PA DANG, DE RNAMS BGROS PA GOO TAM 'BROS PA'AM GROGS TSOL BA GNYIS LAS GDON MI ZA BAR

, ,GROGS 'TSOL BAR 'GYUR BAS, BDAG CAG GIS KYANG GROGS BTZAL LO ZHES, GYAD YUL GYI KUN TU RGYU RAB BZANG GI DRUNG DU SONG STE BDAG CAG GI GROGS GYIS LA GOO TAM DANG RDZU 'PHRUL 'GRAN PAR GYIS SHIG ,RAB BZANG GIS SMRAS PA, KHO BO NYIN MO DAL 'BAB KYI MTSO 'GRAM NA GNAS NAS BSOD SNYOMS BSLANGS PA MA DROS PAR ZAB NA, SH'A RI'I BU'I DGE TSUL SKUL BYED KYIS PHYAG DRA KHROD BA KHYER BA MA DROS PA'I LHAS BKRUS NAS 'BUL ZHING DE'I CHU BDAG GI MGOR 'DEBS PAS, BDAG CAG DE'I YANG SLOB DANG YANG MI MNYAM NA, RDZU 'PHRUL CHEN PO DE KHYED KYIS RDZU 'PHRUL LA BOS PA MA LEGS SO, ,DE NAS STON PA DRUG GIS DE BOR NAS GANGS RI'I SUL NA GNAS PA'I DRANG SRONG LNGA BRGYA LA TSUL DE SMRAS PA DANG, DE RNAMS KYIS KHAS BLANGS TE 'ONG RAN PA'I TSE MTSAN MA STON CIG CES SMRAS SO, ,DE'I TSE BLON POS DBYEN BYAS PAS RGYAL PO GSAL RGYAL GYIS, MAS DBEN GYI GCUNG NAG PO'I YAN LAG BCAD DE SRANG DU DOR BA, DE'I GNYEN BSHES RNAMS KYIS STON PA DRUG LA 'DI SOS PA'I BDEN TSIG MDZOD CIG CES SMRAS PAS DE DAG SPOBS PA MED NAS CANG MI ZER RO, ,PHYOGS DER KUN DGA' GO 'ONGS PA LA DE BZHIN DU SMRAS PA DANG, DES BCOM LDAN 'DAS LA ZHUS PAS BDEN PA'I TSIG 'DI BYON SHIG CES BKA' STZAL PA BZHIN, KUN DGA' BOS KYANG DKON MCHOG GSUM MCHOG YIN PA'I BDEN PAS 'DI'I YAN

LAG SNGAR BZHIN DU GYUR CIG CES SMRAS PA DANG, NAG PO'I YAN LAG SNGA KHO BZHIN DU SOS PAS SKYE BO'I TSOGS KYIS KUN DGA' BOS MU STEGS 'PHAM PAR BYAS SO ZHES AA LA LA'I SGRA BO CHE BTON TO, ,NAG PO LA BCOM LDAN 'DAS KYIS CHOS BSTAN PAS PHYIR MI 'OD THOB NAS RGYAL PO GSAL GYIS KHYIM DU BKUG KYANG MA NYAN PAR DES KUN DGA' RAB DE NYID DU 'CHAG SA BYAS PAS DUM BU'I KUN DGA' RAB PAR MING CHAGS TE BCOM LDAN 'DAS LA BSNYEN BKUR ZHING RDZU 'PHRUL YANG GRUB BO, ,RGYAL PO GSAL RGYAL GYIS MNYAN YOD NAS RGYAL BYED TSAL GYI BAR DU CHO 'PHRUL CHEN PO'I 'DUN KHANG GOS BRGYA STONG RI BAS G-YOGS PA TZAN DANG GYI CHAG CHAG BTAB PA, BA DAN DANG RGYAL MTSAN BSGRENG BA, DAR GYI CHUN PHYANG DBYANGS PA, LHA RNAMS KYI DGA' BA'I TSAL BZHIN DU BYAS NAS, DER BCOM LDAN 'DAS KYI BZHUGS GDAN RIN PO CHES SPRAS PA'I GSER GYI SENG GE'I KHRI YANG BSHAMS SO, ,MU STEGS CAN GYI DGE BSNYEN RNAMS KYIS KYANG RANG GI 'BYOR PA DANG BSTUN PA'I GOS KYIS G-YOGS PA'I 'DUN KHANG DRUG DANG STAN DRUG KYANG BSHAMS PA LA STON PA DRUG SNGAR 'ONGS TE 'DUG NAS, LHA, BDAG CAG NI MCHIS LAGS NA DGE SBYONG GOO TA MA DGUG TU GSOL ZHES PHO NYA BTANG NGO, ,RGYAL PO 'KHOR DANG BCAS BAS KYANG DE THOS NAS CHO 'PHRUL CHEN PO'I 'DUN KHANG DU SONG NAS, BCOM LDAN 'DAS SPYAN 'DREN PAR BRAM ZE'I KHYE'U BLA MA BTANG BAS DGUN ZLA THA CHUNG GI YAR NGO'I

, ,TSES GCIG GI NYIN BCOM LDAN 'DAS DANG BA'I RGYAL PO LTAR NAM MKHA' LAS CHO 'PHRUL CHEN PO'I 'DUN KHANG DU GSHEGS SO, ,DE MTHONG NAS RGYAL PO GSAL RGYAL GYIS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN NAD NI KHYED KYI RES LA BAB KYIS STON CIG ,DE RNAMS KYIS SMRAS PA, LHA; SKYE BO'I TSOGS CHEN PO 'DIR 'DUS LAGS NA, CHO 'PHRUL CHEN PO 'DI CI DGE SBYONG GOO TA MA'AM BDAG CAG GANG GI LAGS SUS 'TSAL, DE NAS DUM BU'I KUN DGA' RAB PA'I RDZU 'PHRUL GYIS RI SPOS NGAD LDANG LAS SHING A'A MR'A 'DAB MA DKAR POS KLUBS PA BYA'I TSOGS SKAD 'BYIN PA BLANGS NAS CHO 'PHRUL CHEN PO'I 'DUN KHANG GI BYANG PHYOGS SU BZHAG CING KHYIM BDAG NGAN PA BZANG SBYIN GYI RDZU 'PHRUL GYIS LHA'I DPAG BSAM GYI SHING BLANGS NAS, LHO PHYOGS NGES SU BZHAG PA DANG, RGYAL POS STON PA DRUG LA SMRAS PA, BCOM LDAN 'DAS KYIS RDZU 'PHRUL BSTAN ZIN NAD KHYED KYIS STON CIG SMRAS PA, LHA; CHO 'PHRUL 'DI SU'I YIN PA SUS 'TSUL, DE'I TSE CHO 'PHRUL CHEN PO BLTA BAR SPRO BA'I SROG BA'I SROG CHAGS GRANGS MED PA DANG, NAM MKHA' LA LHA BRGYA STONG DU MA YANG 'DUS PA NA, BCOM LDAN 'DAS GTZUG LAG KHANG DU GSHEGS NAS SGO 'PHAR GYI GSEB NAS 'OD ZER PHYUNG BAS CHO 'PHRUL CHEN PO'I 'DUN KHANG THAMS CAD BSREGS PA DANG, STON PA DRUG GIS SMRAS PA, LHA; DA NI DGE SBYONG GOO TA MA'I 'DUN KHANG TSIG NA GAL TE DES RNGO THOG NA 'DIR

MCHIS LA ZHI BAR BGYID GRANG, DES RGYAL PO DANG BTZUN MO PHRENG LDAN MA DANG, DBYAR TSUL MA DANG, BTZUN MO'I 'KHOR PHYA MKHAN DRANG SRONG BYIN DANG, SO PHAG MKHAN MNA' MI DANG, MGON MED ZAS SBYIN DANG, TZAM PA MO SOGS DAD PA CAN MANG PO CANG MI ZER BAR SEMS KHONG DU CHUD NAS 'DUG CING, STON PA DRUG DANG DE'I SLOB MA RNAMS NI RAB TU DGA' BAR GYUR TO, ,SANGS RGYAS KYI MTHUS ME DES CHO 'PHRUL CHEN PO'I 'DUN KHANG GI DRI MA THAMS CAD BSREGS NAS RANG NYID ZHI STE 'DUN KHANG MDZES PAR GYUR PA DANG, RGYAL PO DGA' NAS MU STEGS CAN RNAMS LA SMRAS PA, BCOM LDAN 'DAS KYIS CHO 'PHRUL BSTAN ZIN GYIS DA NI KHYED KYIS STON CIG ,DE DAG SPOBS PA MED NAS CAD MI ZER RO, ,DE NAS BCOM LDAN 'DAS CHO 'PHRUL GYI 'DUN KHANG DU BYON PA LA RGYAL PO GSAL RGYAL GYIS THOG MAR MCHOD PA'I YO BYAD DANG ZHAL ZAS BSHAMS TE BSNYEN BKUR BA NA, BCOM LDAN 'DAS KYIS TSEMS SHING SA LA BTZUGS MA THAG TU SKYES NAS RIN PO CHE SNA BDUN GYI LJON PA CHU ZHING DPAG TSANG LNGA BRGYA PA, ME TOG SHING RTA'I 'PHANG LO TZAM PA, 'BRAS BRE LNGA SHONG BA'I BUM PA TZAM GYI 'BRAS BU CAN, DRI BSUNG DANG LDAN PA CHOS KYI SGRA 'BYUNG BA NYI 'OD ZIL GYIS GNON PA ZHIG SPRUL TO, ,'DI NAS BRTZAMS TE ZLA BA PHYED KYI BAR DU NYIN RE BZHIN CHO 'PHRUL RE MTHONG BA TZAM GYIS DAD PAR 'GYUR PA'I SKYE BO'I TSOGS GRANGS MED PA LA CHOS BSTAN PAS LAM GSUM LA SO SOR NGES PAR MDZAD DO, ,TSES

, ,GNYIS LA RGYAL PO AU TRA YA NAS BSNYEN BKUR BA NA, BCOM LDAN 'DAS KYI SKU'I G-YAS G-YON DU RIN PO CHE'I RI GNYIS SHIN TU MTHO BA MDZES PA KHA DOG LNGAR 'TSER BA, ME TOG DANG 'BRAS BU RAB TU RGYAS PA'I SHING SNA TSOGS SKYES PA G-YAS KYI RI LA 'BRAS RO BRGYA DANG LDAN PA SKYES PA LA MI MANG PO DAG YID BZHIN DU TSIM PAR ZA'O, ,G-YON GYI RI LA RTZVA BZANG BA SKYES PA LA DUD 'GRO'I TSOGS ZA ZHING TSIM PAR GYUR TO, ,TSES GSUM LA RGYAL PO SHUN TZID LAS BSNYEN BKUR BA NA, BCOM LDAN 'DAS KYIS ZHAL BSIL BA'I CHU SA LA DOR BA RIN PO CHE'I RDZING BU DPAG TSAD NYIS BRGYA PA RIN PO CHE SNA BDUN GYIS SPRAS SHING PADMA KHA DOG SNA TSOGS PAS GANG BA; DE DAG GI KHA DOG DANG RJES SU MTHUN PA'I 'OD ZER GYIS GNAM SA KUN SNANG BAR BYAS PAS 'KHOR THAMS CAD KYIS RDZING DE LA BLTA ZHING BSTOD DO, ,TSES BZHI LA RGYAL PO AINDRA WARMIS BSNYEN BKUR BA NA RIN PO CHE'I RDZING DE'I NGOS BZHIR YUR BA CHEN PO BRGYAD BRGYAD LA CHU 'BAB PA LAS CHOS KYI SGRA 'BYUNG BA PHYIR YANG 'KHOR ZHING RDZING NYID DU 'BAB PA SPRUL TO, ,TSES LNGA LA RGYAL PO TSANGS BYIN GYIS BSNYEN BKUR BA NA, BCOM LDAN 'DAS KYI ZHAL NAS GSER GYI 'OD BKYE BAS STONG GSUM GYI STONG CHEN PO'I 'JIG RTEN GYI KHAMS SNANG BAR BYAS TE, 'OD DES REG PA'I SEMS CAN KUN SDUG BSNGAL GSUM DANG SGRIB PA LNGA DANG BRAL NAS LUS DANG SEMS RAB TU BDE BAR GYUR TO, ,TSES DRUG LA

LI TZI BYI RNAMS KYIS BSNYEN BKUR BA NA BCOM LDAN 'DAS KYIS 'KHOR MANG PO DAG GCIG GI BSAM PA GCIG GIS SHES PA DANG SO SO'I DGE BA DANG MI DGE BA'I LAS KYANG RTOGS PAR MDZAD PAS THAMS CAD DGA' STE BSTOD DO, , TSES BDUN LA SH'AKYA RNAMS KYIS BSNYEN BKUR BA NA 'KHOR DE DAG SO SO 'KHOR LOS BSGYUR BA'I RGYAL POR GYUR TE RIN PO CHE SNA BDUN DANG BU STONG DANG LDAN ZHING RGYAL PHRAN DANG BLON PO RNAMS KYIS BSTI STANG BYED PAR MTHONG BAS SPRO BA SKYES SO; ;TSES BRGYAD LA BRGYA BYIN GYIS SPYAN DRANGS TE BCOM LDAN 'DAS KYIS ZHABS G-YAS PA DRI GTZANG KHANG GI NANG DU BSNUN MA THAG SA G-YOS PAS STON PA DRUG GIS GROGS SU SHOG CIG BYAS PA'I DRANG SRONG LNGA BRGYA POS BRDA BYAS PA'O SNYAM NAS DER DONG PA DANG, SKU LAS 'OD ZER BKYE BAS DE RNAMS KYIS BCOM LDAN 'DAS NYI MA LTAR MDZES PA MTHONG NAS DAD PAS RAB TU BYUNG NAS DGRA BCOM STE, BCOM LDAN 'DAS DGRA BCOM PA LNGA BRGYA DANG LHAN CIG CHO 'PHRUL CHEN PO'I 'DUN KHANG DU BYON NAS 'KHOR BRGYA PHRAG DU MA'I GUNG LA BRGYA BYIN GYIS BSHAMS PA'I SENG GE'I KHRI LA BZHUGS SO, ,DE'I TSE MO'U 'GAL GYI BU CHEN POS BDAG GI RDZU 'PHRUL GYIS MU STE GES 'DI RNAMS PHAM PAR BGYI'O, , BKA' STZAL PA MU STEGS 'DI RNAMS NGA RDZU 'PHRUL LA 'BOD PAS NGA NYID KYIS RDZU 'PHRUL BSTAN PAR BYA'O, ,ZHES GSUNGS NAS RGYAL PO GSAL RGYAL LA BKA' STZAL PA, DE BZHIN GSHEGS PA MU STEGS CAN DANG LHAN CIG TU RDZU

, ,'PHRUL STON PAR GSOL BA 'DEBS PA SU YIN, RGYAL PO STAN LAS LANGS TE THAL MO SBYAR NAS, BCOM LDAN 'DAS CI NAS KYANG RDZU 'PHRUL GYI CHO 'PHRUL BSTAN DU GSOL, BCOM LDAN 'DAS NYID KYI GDAN LAS MI SNANG BAR GYUR NAS, PHYOGS BZHIR GSHEGS PA DANG, BZHENGS PA DANG, BZHUGS PA DANG, GZIMS PA'I SPYOD LAM BZHI MDZAD CING 'OD ZER SNA TSOGS PA 'BYIN, SKU'I SMAD NAS ME 'BAR STOD NAS CHU'I RGYUN 'BEBS PA DANG, GO ZLOG PA DAG KYANG MDZAD DE, 'DI NI NYAN THOS DANG THUN MONG BA'I CHO 'PHRUL YIN NO ZHES GSUNGS NAS SENG GE'I KHRI LA BZHUGS PA LA, TSANGS PA DANG BRGYA BYIN GYIS G-YAS G-YON NAS MCHOD DE BSNYEN BKUR RO, ,YANG BKA' STZAL PA, RGYAL PO CHEN PO, DE BZHIN GSHEGS PA LA CHO 'PHRUL STON PAR GSOL BA 'DEBS PA SU YIN, GSAL RGYAL GYIS KYANG BDAG LAGS SO, ,ZHES GSOL TO, ,DE NAS BCOM LDAN 'DAS KYIS PHYAG SA LA REG PAS KLU RNAMS KYIS PADMA SHING RTA'I 'PHANG LO TZAM GSER GYI 'DAB MA STONG DANG LDAN PA RDO RJE'I ZE BA CAN PHUL BA SA BRTOL NAS PHYUNG BA DANG, BCOM LDAN 'DAS PADMA DE'I SNYING PO LA BZHUGS SO, ,DE BZHIN DU PADMA DE 'DRA BA RAB TU MANG PO BYUNG BA RE RE LA SPRUL PA'I SANGS RGYAS MANG PO BZHUGS PAS 'OG MIN GYI BAR DU GANG ZHING SANGS RGYAS DE DAG KHA CIG NI 'BAR, KHA CIG NI GSAL BAR MDZAD, KHA CIG NI CHAR 'BEBS, KHA CIG

NI GLOG 'BYIN, KHA CIG NI KUN SHES PA LUNG STON, KHA CIG NI ZHU BA ZHU, KHA CIG NI LAN 'DEBS, KHA CIG NI 'CHAG PAR MDZAD, KHA CIG NI BZHES, KHA CIG NI BZHENGS, KHA CIG NI BZHUGS, KHA CIG NI GZIMS TE, JI LTAR BYIS PA RNAMS KYIS KYANG SGRIB PA MED PAR SANGS RGYAS KYI SKU MTHONG BA DE LTAR BYIN GYIS BRLABS SO, ,YUL SO SO NAS LHAGS PA'I RGYAL PO 'KHOR DANG BCAS PA DANG, LHA DANG MI 'BUM PHRAG DU MA CHO 'PHRUL LA MIG MI 'DZUM PAR BLTA ZHING RGYUN MI 'CHAD PAR PHYAG 'TSAL, DGA' BA SKYES NAS ME TOG DANG SPOS KYI PHYE MA DAG GIS GTOR TO, ,SPRUL PA'I SANGS RGYAS RNAMS KYIS KYANG, BRTZAMS PAR BYA ZHING ZHES PA LA SOGS PA CHIGS SU BCAD PA DAG GSUNGS NAS, BCOM LDAN 'DAS KYIS DGE SLONG DAG CHO 'PHRUL CHEN PO MI SNANG BAR 'GYUR GYIS MTSAN MA ZUNGS SHIG ,CES GSUNGS PA'I MDO LA MI SNANG BAR GYUR TO, ,GSAL RGYAL GYIS STON PA DRUG LA SMRAS PA, KYE BCOM LDAN 'DAS KYIS NI CHO 'PHRUL BSTAN ZIN GYIS, KHYED RNAMS KYI RES LA BAB PAS STON CIG ,DE'I TSE RDZOGS BYED CANG MI SMRA BAR GNAG LHAS KYI BU LA GRU PHUG BYAS PAS, DES KYANG YANG DAG RGYAL BA CAN LA, DES KYANG MI PHAM PA LA, DES KYANG K'A TYA'I BU NOG CAN LA, DES KYANG GNYEN GYI BU LA, DES KYANG RDZOGS BYED LA BYAS SO, ,RGYAL POS LAN GSUM GYI BAR DU SMRAS KYANG CANG MI ZER BAR GCIG LA GCIG GRU PHUG BYED CING YUL YUL PO DANG ZHUM ZHUM

, ,POR GYUR NAS MGO SMAD CING SPOBS PA MED DE SEMS KHONG DU CHUD NAS 'DAR ZHING 'DUG GO ,DE NAS BCOM LDAN 'DAS KYI PHYAG GIS SENG GE'I KHRI MNAN PAS DE LAS BA LANG GI SKAD LTA BU'I SGRA CHEN PO GRAG MA THAG SRIN PO CHEN PO LNGA BYUNG NAS STON PA DRUG GI KHRI BA SHIG GO ,PHYAG NA RDO RJES NI RTZE LA ME 'BAR BA'I RDO RJE THOGS NAS STON PA DRUG GI MGOR GZAS SHING RLUNG DMAR DANG CHAR DRAG PO BTANG BAS STON PA DRUG PO SDANGS SHING 'JIGS SKRAG NAS BYER TE, GNAG LHAS KYI BU RI'I GSEB TU ZHUGS, YANG DAG RGYAL BA CAN NI RTZVA'I TSANG TSING DU, MI PHAM SKRA'I LA BA CAN NAGS THIBS POR, K'A TYA'I BU NOG CAN 'DUN KHANG DU, GNYEN GYI BU NI LHA KHANG DU ZHUGS SO, ,RDZOGS BYED NI RDZING DU LCEBS TE DMYAL BA CHEN POR SONG NGO, ,DE NAS RDZOGS BYED DANG MING GCIG PA'I SLOB MA'I GTZO BO ZHIG TSAB TU BSKOS TE, STON PA DRUG PO BRAM ZE'I GRONG DU BROS SO, ,DE DAG GI 'KHOR DGU KHRI SANGS RGYAS LA DAD NAS RAB TU BYUNG STE DGRA BCOM THOB BO, ,DE NAS BCOM LDAN 'DAS KYI BA SPU'I KHUNG BU BRGYAD KHRI NAS 'OD BKYE STE, 'OD RE RE LA PADMA'I STENG DU SPRUL PA'I SANGS RGYAS CHOS 'CHAD PA BZHUGS PAR BSTAN TO, ,DE NAS TSES DGU LA TSANGS PAS BSNYEN BKUR BA NA BCOM LDAN 'DAS KYI SKU TSANGS GNAS LA THUG GI BAR DU MTHO BA 'OD ZER GYIS GNAM SA GSAL BAR MDZAD DE CHOS BSTAN TO, ,TSES BCU LA RGYAL CHEN BZHIS BSNYEN BKUR BA NA SRID PA'I RTZE LA THUG GI BAR GYI SKU

LAS 'OD ZER 'BAR BAR GYUR TO, ,TSES BCU GCIG LA KHYIM BDAG MGON MED ZAS SBYIN GYIS BSNYEN BKUR BA NA SENG GE'I KHRI LA BZHUGS BZHIN DU SKU MI SNANG BAR MDZAD NAS 'OD BKYE STE CHOS BSTAN TO, ,TSES BCU GNYIS LA KHYIM BDAG TZI TAS BSNYEN BKUR BA NA BCOM LDAN 'DAS BYAMS PA'I TING NGE 'DZIN LA BZHUGS NAS GSER GYI 'OD BKYE BAS DES REG PA'I SEMS CAN KUN BYAMS PA LA GNAS PAR MDZAD DO, ,TSES BCU GSUM LA RGYAL PO SHUN CING LAS BSNYEN BKUR BA NA STON PA SENG GE'I KHRI LA BZHUGS PA'I SKU'I LTE BA NAS 'OD ZER GNYIS BYUNG BA, SKU LAS 'DOM BDUN TZAM DU NA MKHA' LA 'PHAGS NAS 'OD ZER GNYIS PO DE'I STENG NAS PADMA GNYIS BYUNG BA LA SPRUL PA'I SANGS RGYAS GNYIS BYUNG ZHING, DE GNYIS KYI LTE BA NAS KYANG 'OD ZER GNYIS GNYIS BYUNG STE TSUL DE 'DRA BAS STONG CHEN PO'I 'JIG RTEN GANG BAR SPRUL TO, ,TSES BCU BZHI LA RGYAL PO AU TRA YA NAS BSNYEN BKUR BA NA DES ME TOG GTOR BA DE DAG TSANGS PA'I 'JIG RTEN LA THUG PA'I RIN PO CHE'I SHING RTA GSER LTAR 'BAR BA NOR BU RIN PO CHES SPRAS PA STON GNYIS BRGYA LNGA BCUR GYUR CING, DE RE RE'I STENG DU SPRUL PA'I SANGS RGYAS RE RE BZHUGS TE 'OD KYIS STONG GSUM MTHONG BAR MDZAD DO, ,TSES BCOM LNGA'I NYIN RGYAL PO GZUGS CAN SNYING POS BSNYEN BKUR BA NA SNOD THAMS CAD ZAS RO BRGYA DANG LDAN PAS GANG STE CHO 'PHRUL BLTA BA'I 'KHOR THAMS CAD TSIM PA DANG, BCOM LDAN 'DAS KYIS PHYAG SA LA REG

, ,PAS DMYAL KHAMS BCO BRGYAD KYI SEMS CAN SDUG BSNGAL SNA TSOGS MYONG BA ME 'BAR BAS SREG PA SOGS SDUG BSNGAL GYIS MNAR BA NGAG BDAG CAG SDUG BSNGAL 'DI LTA BU MYONG NGO ZHES SMRA BA 'KHOR RNAMS KYIS MTHONG ZHING THOS PAS SKRAG CING SNYING RJE SKYES LA, DMYAL BA PA RNAMS KYIS KYANG SANGS RGYAS MTHONG ZHING SANGS RGYAS KYI PHYAG SOR LNGA LAS GSER BTZOM LTA BU'I 'OD ZER THON NAS 'OD DES DMYAL BA PA RNAMS KYI LUS LA REG BA TZAM GYIS SDUG BSNGAL RNAMS ZHI ZHING CHOS THOS MA THAG MTHO RIS SU SKYES SO, ,DE LTAR STON BAS MNYAN YOD DU CHO 'PHRUL CHEN PO BSTAN PA NA LHA DANG MI DAD PA CAN DAG GIS GNAS DER CHO 'PHRUL BSTAN PA'I MCHOD RTEN DBYIBS GRU BZHI BANG RIM BZHI PA PHYOGS RER GLO 'BUR DANG BCAS PA BRTZIGS SO, ,DE NAS RIM GYIS LHA DANG MI'I YUL SNA TSOGS SU CHOS KYI 'KHOR LO MTHA' YAS PA BSKOR, DE NAS BYA RGOD PHUNG PO'I RIR PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG BA LAS 'DAS PA DANG, NYAN THOS BGRANG BA LAS 'DAS PA DANG LHA DANG KLU LA SOGS PA'I GDUL BYA BA GRANG BA LAS 'DAS BA LA SHER PHYIN GYI MDO SDE RIN PO CHE BKA' STZAL TE, DE LA BKA' BAR PA MTSAN NYID MED PA'I CHOS 'KHOR ZHES BRJOD DO, ,DE NAS YUL GZHAN DANG GZHAN DU TING NGE 'DZIN RGYAL PO'I MDO DANG, SANGS RGYAS PHAL PO CHE DANG, 'PHAGS

PA DKON MCHOG BRTZEGS PA CHEN PO SOGS BKA' BAR PA'I SDER GTOGS KYI MDO MTHA' YAS PA GSUNGS, DE NAS YANGS PA CAN LA SOGS PAR MDO SDE DGONGS 'GREL SOGS BKA' THA MA'I SDER GTOGS KYI MDO RNAMS GSUNGS, GSANG SNGAGS KYI CHOS 'KHOR BSKOR TSUL NI, BYA RGOD PHUNG POR SHER PHYIN GYI MDO GSUNG BA DANG DUS MNYAM DU DPAL LDAN 'BRAS SPUNGS KYI MCHOD RTEN DU DPAL DUS KYI 'KHOR LO SOGS SNGAGS BLA MED KYI CHOS MTHA' YAS PA GSUNGS, DE BZHIN DU RI RAB KYI RTZE DANG, SUM CU RTZA GSUM GYI GNAS DANG, DGA' LDAN GYI GNAS DANG, GNAS GTZANG MA LA SOGS PA'I LHA GNAS MANG PO DANG, KLU'I GNAS DANG, GNOD SBYIN GYI GNAS DANG, AOO d'I YA NA LA SOGS PA'I 'DZAM BU'I GLING GI GNAS KHYAD PAR CAN MANG POR GSANG SNGAGS RGYUD SDE BZHI'I CHOS MTHA' YAS PA GSUNGS SO, ,DE LA BLUN RMONGS 'GA' ZHIG 'DI SNYAM DU STON PA THUB PA'I DBANG POS MDO PHYOGS KYI CHOS RNAMS GSUNGS PA YIN GYI SNGAGS KYI RGYUD RNAMS MA GSUNGS SO SNYAM DU SEM ZHING DE SKAD DU SMRA BA NI RNAM PAR MI 'TSAM PA'I BAB COL TE, STON PAS SUM CU RTZA GSUM DU DBYAR GNAS MDZAD PA'I TSE CHOS BZANG LHA'I MDUN SAR DBU'I GTZANG TOR NAS 'PHAGS MA GDUGS DKAR MO CAN GZHAN GYIS MI THUB PA MCHOG TU GRUB PA'I GZUNGS BKA' STZAL TE, DE NAS BZUNG STE BYA RGYUD DE BZHIN GSHEGS PA'I RIGS

, ,'PHAGS MA GDUGS DKAR CAN GYI DBANG DANG GDAMS NGAG DA LTA'I BAR DU RGYUN MA CHAD BAR YOD DO, ,YANG BCOM LDAN 'DAS RI BO PO TA LAR PHEBS PA'I TSE THUGS RJE CHEN PO SENG GE SGRA'I GZUNGS GSUNGS SHING GZHAN YANG THUGS RJE CHEN PO DON YOD ZHAGS BA'I GZUNGS DANG, THUGS RJE CHEN PO PHYAG STONG SPYAN STONG GI GZUNGS SOGS BYA BA'I RGYUD MANG DU GSUNGS SHING, BYA RGYUD PADMA'I RIGS KYI DBANG DANG GDAMS NGAG KYANG DA LTA'I BAR DU RGYUN MA CHAD PAR YOD DO, ,YANG STON PAS RGYAL PO MA SKYES DGRA'I SDIG SGRIB SBYONG BA'I CHED DU BYA RGYUD RDO RJE'I RIGS RNAM 'JOMS KYI RGYUD GSUNGS SHING DE'I GDAMS NGAG KYANG RGYUN MA CHAD BAR YOD DO, ,GZHAN YANG DAM TSIG GSUM BKOD SOGS BYA BA'I RGYUD MTHA' YAS PA GSUNGS PA YONGS SU GRAGS PA LTAR DANG, SPYOD RGYUD RNAM SNANG MNGON BYANG DANG LAG NA RDO RJE DBANG BSKUR BA'I RGYUD SOGS GSUNGS PA DANG, RNAL 'BYOR GYI RGYUD RDO RJE DBYINGS KYI DKYIL 'KHOR DANG, DE NYID BSDUS PA SOGS MNGON PAR BYANG CHUB BA'I DUS SU 'OG MIN DU GSUNGS PA DANG, SUM CU RTZA GSUM DU DBYAR GNAS MDZAD PA'I TSE LHA'I BU NOR BU DRI MA MED PA SHI NAS DMYAL BAR SKYES PA BRGYA BYIN GYIS MTHONG NAS BCOM LDAN 'DAS LA DE NGAN SONG LAS THAR BA'I THABS ZHUS PAS, BCOM LDAN 'DAS KYIS NGAN SONG YONGS SU SBYONG BA'I RGYUD GSUNGS NAS BRGYA BYIN

LA DE'I GDAMS NGAG GNANG NAS BRGYA BYIN GYIS NGAN SONG SBYONG BA'I CHO GA BYAS PAS LHA'I BU DE DE MA THAG DMYAL BA NAS THAR TE LHA GNAS GONG MAR SKYES NAS STON PA LA BKA' DRIN DRAN PA'I DAD GUS CHEN POS PHYAG DANG MCHOD PA BYAS TE, AE MA SANGS RGYAS RNAMS KYI NI, ,SNGAGS KYI BYIN RLABS YA MTSAN CHE, ,GANG PHYIR MTSAMS MED LHUNG BA YI, ,SEMS CAN LHA GNAS MYUR DU SKYES, ,ZHES CHED DU BRJOD PA YONGS SU GRAGS PA LTAR DANG, RNAL 'BYOR BLA NA MED PA'I RGYUD STON PAS GSUNGS PA NI, BCOM LDAN 'DAS KYIS NAG PA'I NYA LA DPAL LDAN 'BRAS SPUNGS KYI MCHOD RTEN CHEN POR SHAM BHA LA'I RGYAL PO ZLA BA BZANG POS GSOL BA BTAB NAS 'KHOR BYE BA PHRAG DU MA LA DUS 'KHOR GYI RGYUD GSUNGS SHING RDO RJE 'JIGS BYED CHEN PO'I RTZA BA'I RGYUD LA SOGS PA BLA MED KYI RGYUD PHAL MO CHE GSUNGS NAS GSANG BA'I BDAG PO PHYAG NA RDO RJE LA RGYUD GTAD PAR MDZAD PA DANG, GZHAN YANG BLA MED KYI RGYUD THAMS CAD KYI RAB DANG PHUL DANG RTZE MOR GYUR PA NI DPAL GSANG BA 'DUS PA'I RGYUD YIN PAR GRUB CHEN THAMS CAD MTHUN PAR GSUNGS LA, GSANG BA 'DUS PA'I RGYUD BCOM LDAN 'DAS KYIS GSUNGS PA NI 'DUS PA'I GLENG GZHIR, BCOM LDAN 'DAS RDO RJE BTZUN MO'I BHA GA'I DBYIBS CAN GYI CHOS 'BYUNG GI NANG GI GZHAL YAS KHANG GI DBUS SU BZHUGS NAS NAM MKHA'I DBYINGS THAMS CAD YONGS SU GANG BA'I 'KHOR GYI TSOGS LA 'DUS

, ,PA'I RGYUD GSUNGS PAR BSHAD CING, RTZA RGYUD LE'U BCU BDUN PAR RJE BTZUN BYAMS PA MGON PO DANG PHYAG NA RDO RJE LA SOGS PA'I 'KHOR RNAMS KYIS BCOM LDAN 'DAS LA 'DI SKAD GSOL TE , BRJOD KYIS MI LANG BA'I YANG BRJOD KYIS MI LANG BA BSKAL PA GRANGS MED PA 'DAS PA'I SNGON RAL TU DE BZHIN GSHEGS PA MAR ME MDZAD 'DAS PA NAS BZUNG 'OD SRUNGS KYI BAR DU SANGS RGYAS RNAMS KYIS BLA MED KYI RGYUD MA GSUNGS PA LA BCOM LDAN 'DAS NYID KYIS GSUNGS PA LA NGO MTSAR CHE BA'I BSNGAGS PA RGYA CHER BRJOD PA LTAR DANG, BCOM LDAN 'DAS KYIS AOO d'I YA NA'I YUL DU RGYAL PO AINDRA BH'U TI RJES SU BZUNG BA'I PHYIR DU GSANG BA 'DUS PA'I RGYUD GSUNGS SHING PHYAG RDOR LA RGYUD GTAD BAR MDZAD, DER RGYAL PO AINDRA BHU TIS KYANG BSGOMS NAS TSE GCIG NYID LA ZUNG 'JUG GRUB PAR GRUB CHEN THAMS CAD MTHUN PAR GSUNGS PA LTAR RO, ,DE LA 'DI SNYAM DU BLA MED KYI RGYUD PHAL CHER DU RDO RJE 'CHANG GIS GSUNGS ZHES 'BYUNG GI ,BCOM LDAN 'DAS SH'AKYA THUB PAS GSUNGS ZHES MI 'BYUNG BAS BCOM LDAN 'DAS KYIS GSUNGS PA MIN NO ZHE NA, DE NI RNAM PAR MA BRTAGS PA'I GTAM STE, BCOM LDAN 'DAS KYIS LONGS SKU'I CHA LUGS KYIS DKYIL 'KHOR GYI GTZO BOR BZHENGS NAS RGYUD GSUNGS PA RNAMS BCOM LDAN 'DAS KYIS GSUNGS PA MIN ZHES JI LTAR SMRA, BCOM LDAN 'DAS KYIS CHA LUGS BSGYUR NAS

CHOS BSTAN PA 'DUL BA LUNG NA YANG SNANG STE, MTHA' 'KHOB KYI RGYAL PO KA PI NAS GRONG KHYER CHEN PO DRUG GI RGYAL PO THAMS CAD DANG, KHYAD PAR RGYAL PO GSAL RGYAL LA CHED DU DMIGS PA'I PHO NYA BTANG BA, KHYED RNAMS ZHAG BDUN NA NGA 'PHRAD PAR SHOG CIG ,DE LTAR MA 'ONGS NA DMAG DRANGS TE KHYED KYI YUL MED PAR BYED DO ZHES SPRINGS PA DANG, PHO NYA DES GRONG KHYER LDANG PHYIN TE GTAM DE SMRAS PA DANG, DE RNAMS SKRAG NAS MNYAN YOD DU LHAGS TE RGYAL PO GSAL RGYAL LA DON DE SMRAS BA DANG, PHAN TSUN BGROS TE BCOM LDAN 'DAS KYI SPYAN SNGAR PHYIN NAS DON DE ZHUS PA NA BCOM LDAN 'DAS KYIS PHO NYA DE NGA'I GAN DU THONGS SHIG CES GSUNGS BAS RGYAL PO GSAL RGYAL SOGS KYIS PHO NYAL NGED LAS LHAG PA'I 'PHRUL GYI RGYAL PO ZHIG BZHUGS PAS DE'I GAN DU SONGS SHIG ,DES RGYAL BYED TSAL DU SONG BA DANG, BCOM LDAN 'DAS 'KHOR LOS SGYUR BA'I CHA BYAD DU BZHUGS PA LA PHRIN YIG DE PHUL BA DANG, 'PHRUL GYI RGYAL POS YI GE DE RDOG PAS MNAN NAS, PHO NYA LA 'DI SKAD CES BKA' STZAL TO, ,NGA NI RGYAL PO CHEN PO GLING BZHI LA DBANG BA YIN NO KHYOD KYI RGYAL PO GLEN PA DE CI'I PHYIR BKA' MI NYAN, KHYOD SONGS LA NGAS 'DI SKAD CES BKA' STZAL TO, ,ZHES GYIS SHIG ,KHYOD ZHAG BDUN NA NGA'I GAN DU SHOG CIG ,DE MA 'ONGS NA KHRIMS LA SBYAR RO, ,ZHES GYIS SHIG,

, ,CES BSGO NAS BTANG BA NA, RGYAL PO KA PI NA MNYAN YOD DU LHAGS BA NYI 'OG GI RGYAL PO RNAMS KYIS KA PI NA BSUS TE RGYAL BYED TSAL DU PHYIN PA NA, DE'I TSE RGYAL BYED TSAL LHA'I GRONG KHYER BLTA NA SDUG 'DRA BAR SPRUL ZHING BCOM LDAN 'DAS KYANG 'KHOR LOS SGYUR BA'I CHA LUGS SU BZHUGS, MO'U 'GAL GYI BU CHEN PO NI BLON PO RIN PO CHER SPRUL TO, ,DE RGYAL PO KA PI NA CHEN POS MTHONG BA DANG, 'DI BDAG LAS BYAD GZUGS NI LHAG NA STOBS NI JI 'DRA BA ZHIG SNYAM PA DANG, BRGYA BYIN GYIS DBANG PO'I GZHU KHYER TE KHA LO BA'I CHAS SU BYAS NAS BLON PO CHEN PO LA PHUL LO, ,BLON POS KYANG RGYAL BO'I BKAS GSAR SA'I RGYAL PO LA BYIN BA DANG DES BLANGS KYANG MA THEG GO ,DE NAS 'PHRUL GYI RGYAL POS GZHU DE BLANGS TE MTHE CHUNG GIS BDUNGS NAS KA PI NA LA 'GENGS SU BCUG PA DANG, DES BSGUL BAR YANG MA NUS NAS 'PHRUL GYI RGYAL PO BCOM LDAN 'DAS KYIS GNAM RU DE'I GZHU RGYUD SBRENGS PA TZAM GYIS SA G-YOS MDA' GCIG 'PHANGS PAS LCAGS KYI RNGA BO CHE BDUN THAL PHYUNG DU SONG NAS MDA' LNGAR GYUR TE, DE DAG GI RTZE MO LAS 'OD ZER GRANGS MED PA BYUNG NAS 'OD ZER RE'I RTZEL 'KHOR LOS SGYUR BA'I RGYAL PO RE RE BYUNG NGO, ,'OD ZER DE DAG GIS SEMS CAN SO SO'I DON BYAS SHING CHEN DU BRJOD PA DANG CHOS STON PA'I SGRA DAG KYANG GRAG GO ,

DE NAS RGYAL PO KA PI NA STOBS KYI DREGS PA ZHI NAS AE MA 'DI CI ZHIG SNYAM PA DANG, BCOM LDAN 'DAS KYIS DE DANG MTHUN PA'I CHOS BSTAN PAS BDEN PA MTHONG NGO, ,DE NAS BCOM LDAN 'DAS RANG BZHIN GYI SKUR MDZAD BA DANG, RGYAL PO KA PI NA BLON PO KHRI BRGYAD STONG DANG LHAN CIG RAB TU BYUNG NAS DGRA BCOM PAR GYUR TE, TSE DANG LDAN PA KA PI NA CHEN POR GRAGS SO, ,DE LA RGYAL PO KA PI NA 'KHOR LOS BSGYUR BA'I RGYAL POS BTUL BA YIN GYI, BCOM LDAN 'DAS KYIS BTUL BA MIN ZHES SHES LDAN SU ZHIG SMRA, BCOM LDAN 'DAS SH'AKYA THUB PAS GSUNGS ZHES PA'ANG BLA MED KYI RGYUD LA MANG DU SNANG STE, DUS KYI 'KHOR LO'I RGYUD, BCOM LDAN 'DAS SH'AKYA THUB PAS GSUNGS PA NI YONGS SU GRAGS PA LTAR DANG, DUS 'KHOR GYI RGYUD LA SOGS PA BLA MED KYI RGYUD MANG PO ZHIG GI RTZA BA NI 'JAM DPAL MTSAN BRJOD YIN BAR GRAGS LA, MTSAN BRJOD LAS, DE NAS BCOM LDAN SH'AKYA THUB; ;GSANG SNGAGS RIGS CHEN THAMS CAD DANG, ,GSANG SNGAGS GSOR tA SNGAGS 'CHANG BA'I RIGS, ,RIGS GSUM LA NI RNAM PAR GZIGS, ,'JIG RTEN 'JIG RTEN 'DAS PA'I RIGS, ,'JIG RTEN SNANG BYED RIGS CHEN DANG, ,PHYAG RGYA CHEN PO'I RIGS MCHOG DANG, ,RIGS CHEN GTZUG TOR CHER GZIGS NAS, ,TSIG GI BDAG POS TSIGS SU BCAD, ,GSANG SNGAGS RGYAL PO DRUG LDAN ZHING, ,GNYIS SU MED PAR 'BYUNG BA DANG, ,

, ,MI SKYE CHOS CAN 'DI GSUNGS PA, ,ZHES DANG, 'PHAGS PA 'JAM DPAL GYI DON DAM PA'I MTSAN YANG DAG PAR BRJOD PA, BCOM LDAN 'DAS SH'AKYA THUB PAS GSUNGS PA RDZOGS SO, ,ZHES 'BYUNG BA LTAR RO, ,YANG BDE MCHOG GI RGYUD KYANG BCOM LDAN 'DAS SH'AKYA THUB PAS GSUNGS PA NI, BDE MCHOG GI BSHAD RGYUD MKHA' 'GRO RGYA MTSO LAS, RTZOD PA'I DUS SU SH'AKYA SENG GES GSUNGS PA ZHES GSAL BAR GSUNGS PA LTAR RO, ,DES NA BYANG CHUB LAM GYI RIM PA LA SNYING NAS NYAMS LEN BYA BAR 'DOD BDAG GIS BLUN PO'I 'CHAL GTAM LA YID GTAD PAR MI BYA BAR LAM GYI RTZA BA BSHES GNYEN BSTEN TSUL NAS BZUNG, MTHAR SNGAGS LAM GYI 'BRAS BU MTHAR THUG ZUNG 'JUG GRUB PA'I BAR THAMS CAD STON PA THUGS RJE CAN SH'AKYA'I RGYAL PO NYID KYIS BSTAN PA YIN PAR NGES PA GTING NAS 'DRONGS PAR BYAS LA, RGYAL BA'I BKA' LAS LHAG PA'I GDAMS NGAG MED PAR SHES PAR BYAS LA RGYAL BA'I BKA' NYID GDAMS PA'I MCHOG TU YID CHES PAR BYA'O, ,DE LTAR STON PA THUGS RJE CAN SH'AKYA'I RGYAL POS SDE SNOD GSUM DANG, RGYUD SDE BZHI'I CHOS MTHA' YAS MU MED PA ZHIG BKA' STZAL PA DE DAG KYANG, JI SKAD DU, LHA YI SKAD DANG KLU DANG GNOD SBYIN SKAD, ,GRUL BUM DAG DANG MI YI SKAD RNAMS DANG, ,'GRO BA KUN GYI SGRA RNAMS JI

TZAM PA, ,THAMS CAD SKAD DU BDAG GIS CHOS BSTAN TO, ,ZHES GANG GSUNGS PA LTAR, LHA DANG KLU LA SOGS PA 'GRO BA RANG RANG GI SKAD DANG MTHUN PAR STON PAR MDZAD CING GSUNG GCIG NYID 'GRO BA RANG RANG GI SKAD DANG MTHUN PAR GO BA DANG, RANG RANG GI DBANG PO DANG BSAM PA DANG 'TSAMS PA'I CHOS MTHA' YAS PA 'BYUNG BA DANG, SKU'I BA SPU'I KHUNG BU RE RE NAS KYANG CHOS KYI RNAM GRANGS MTHA' YAS MU MED PA RGYUN DU 'BYUNG BAS RGYAL BAS GSUNGS PA'I CHOS THAMS CAD NI RGYAL BA RANG NYID MA GTOGS SUS KYANG BRJOD PAR MI NUS LA, 'ON KYANG GDUL BYA'I NYON MONGS PA'I GNYEN PO DANG MTHUN PAR SDOM GYIS BSDUS PA NI CHOS KYI PHUNG PO BRGYAD KHRI BZHI STONG BKA' STZAL CES 'BYUNG NGO, ,DE LTAR STON PA THUGS RJE CAN DE NYID KYIS THEG PA CHE CHUNG GI CHOS KYI 'KHOR LO MTHA' YAS PA ZHIG BSKOR TE LHA MI BGRANG BA LAS 'DAS PA SMIN CING GROL BAR MDZAD NAS, SKU DNGOS KYI GDUL BYA KUN TU RGYU RAB BZANG DANG, DRI ZA'I RGYAL PO RAB DGA' GNYIS 'DUL BA'I DUS LA BAB PA NA GRONG KHYER RTZA CAN DU PHEBS NAS, STON PAS SKU DNGOS KYI GDUL BYA RAB BZANG DANG, RAB DGA' GNYIS LUS PA LA, RAB DGA' 'DUL BA'I PHYIR PI WANG RGYUD STONG PA KHOG PA BEE d'URYA LAS BYAS PA BSNAMS TE DRI ZAR SPRUL NAS RAB DGA'I SGO DRUNG DU PHYIN PA DANG, DE DANG GLU DBYANGS 'GRAN ZHING RGYUD

, ,RIM GYIS GCIG MA GTOGS PA BCAD KYANG SGRA GDANGS KHYAD MED DO, ,DE NAS STON PAS RGYUD GCIG KYANG BCAD DE NAM MKHA' KHO NA LAS SGRA GDANGS SNGAR BZHIN DU BYUNG BA DANG, RAB DGA' NGA RGYAL CHAG STE NGO MTSAR SKYES PA DANG, STON PAS SKU MNGON SUM DU BSTAN PAS DE LA RAB DGA' DAD NAS PHYAG BYAS TE CHOS NYAN PA'I PHYIR 'DUG PA LA CHOS BSTAN TE BDEN PA MTHONG NGO, , DE NAS RDZING BU DAL 'BAB KYI 'GRAM NA KUN TU RGYU RAB BZANG LO BRGYA NYI SHU LON PA DGRA BCOM PAR GRAGS PA ZHIG YOD PAS, RDZING DAL 'BAB KYI 'GRAM AU DUM W'A RA'I TSAL GYI ME TOG RNYINGS PA DANG STON PA MYA NGAN LAS 'DA'O ZHES THOS PA'I RGYUS BDAG GI THE TSOM SEL BAR 'GYUR SRID SNYAM STE SONG NAS KUN DGA' BO LA LAN GSUM ZHUS PAS MA GNANG BA STON PAS MKHYEN NAS, NGA DANG MU STEGS CAN GTAM GLENG BA'I THA MA 'DI YIN GYIS THONGS GSUNGS NAS, RAB BZANG LA DGA' BAR BYA BA'I GTAM MANG PO MDZAD NAS, RAB BZANG, NGA NI NA TSOD NYI SHU RTZA DGU LON TE RAB TU BYUNG NAS LO GRANGS LNGA BCU LHAG CIG TU DGE BA GANG YIN CI ZHES BYAS GYUR CING, RAB BZANG CHOS 'DUL BA GANG LA 'PHAGS LAM YAN LAG BRGYAD MED PA DE LA DGE SBYONG GI 'BRAS BU BZHI MED LA, YAN LAG BRGYAD YOD

NA YOD DE, 'DI LAS PHYI ROL NA DGE SBYONG MED CES SOGS GSUNGS PAS BDEN PA MTHONG, TSUR SHOG GIS BSNYEN PAR RDZOGS PAS DGRA BCOM THOB STE, STON PA MYA NGAN LAS 'DA' BA BLTA BAR MI BZOD DO SNYAM NAS GNAS LNGA BYIN GYIS BRLABS NAS MYA NGAN LAS 'DAS SO, ,DE NAS STON PAS 'KHOR RNAMS LA BKA' STZAL PA, 'KHOR RNAM BZHIS PHAN BDER 'GYUR BA'I GSUNG RAB YAN LAG BCU GNYIS BKLAG , STON PA SO THAR LA GYIS, RGAN PAS GZHON PA RNAMS YO BYAD KYIS BSDU, GZHON PAS RGAN PA'I MING 'BOD MI BYA, DAD PA CAN LA STON PA 'KHRUNGS PA, SANGS RGYAS PA, CHOS GSUNGS PA, MYA NGAN LAS 'DAS PA'I PHYOGS BZHI BSTAN PAR BYA'O, ,DGE SLONG DGE DKON MCHOG GSUM DANG BDEN BA BZHI LA THE TSOM YOD NA ZHUS SHIG ,CES GSUNGS NAS SKU'I STOD G-YOGS BSAL TE, DGE SLONG DAG DE BZHIN GSHEGS PA BLTA BA NI RNYED PAR DKA' YI DE BZHIN GSHEGS PA'I SKU LA LTOS SHIG ,DGE SLONG DAG RE SHIG CANG MA SMRA ZHIG DANG, 'DI LTAR 'DUS BYAS THAMS CAD NI 'JIG BA'I CHOS CAN YIN TE, DE LA 'DI NI DE BZHIN GSHEGS PA'I GSUNG GI THA MA YIN NO, ,ZHES GSUNGS NAS SHING S'A LA ZUNG GI 'GRAM DU MA 'ONGS PA NA BYANG PHYOGS GANGS RI'I LJONGS 'DIR RGYAL BA RANG NYID KYI BSTAN PA YONGS SU RDZOGS PA RGYA CHER

, ,DANG BAR 'GYUR RO ZHES STON PHYIR DBU BYANG PHYOGS SU BSTEN NAS, DGUNG LO BRGYAD CU SONG NAS GYA GCIG GI THOG TU PHEBS PA RNAM GNON ZHES PA LCAGS PHO 'BRUG GI LO SA GA ZLA BA'I TSES BCO LNGA'I NYIN DON DAM PAR NAM MKHA' MA ZAD KYI BAR DU GZUGS SKU'I BKOD PA DANG 'PHRIN LAS RGYUN CHAD PA MED KYANG GDUL BYA RTAG 'DZIN CAN RNAMS CHOS LA BSKUL BA DANG, DE BZHIN GSHEGS PA 'JIG RTEN DU 'BYUNG BA SHIN TU DKON ZHING RNYED PAR DKA'O ZHES 'DOMS PA DANG, SNGON GYI THUGS BSKYED DANG SMON LAM GYI DBANG SOGS KYIS MYA NGAN LAS 'DA' BA'I TSUL BSTAN TO, ,DE NAS RGYAL BA RANG NYID MYA NGAN LAS 'DA' BA'I TSUL BSTAN KYANG SNGON GYI THUGS BSKYED DANG SMON LAM GYI DBANG GIS BSTAN PA LO LNGA STONG DU GNAS BAR BYIN GYIS BRLABS SHING, SKU GDUNG DANG RING BSREL MANG DU 'PHEL TE 'DZAM BU'I GLING THAMS CAD MCHOD RTEN GYIS KHYAB PAR BYIN GYIS BRLABS SO, ,STON BA SKU BLTAMS PA, SANGS RGYAS PA, MYA NGAN LAS 'DAS PA, 'DI RNAMS KYI LO DUS LA SNGON GYI MKHAS PA RNAMS LA BZHED TSUL MI 'DRA BA MANG DU BYUNG STE, MKHAS PA 'GA' ZHIG NI STON PA SHING PHO BYI BA'I LO LHUMS SU ZHUGS, SHING MO GLANG LA SKU BLTAMS, SA MO PHAG LA SANGS RGYAS, SHING

PHO SPRE'U LOR MYA NGAN LAS 'DAS PAR BZHED PA DANG, MKHAS PA 'GA' ZHIG NI, ME MO YOS LA LHUMS SU ZHUGS, SA PHO 'BRUG LA SKU BLTAMS, CHU PHO STAG LA SANGS RGYAS, ME MO PHAG LA MYA NGAN LAS 'DAS PAR BZHED PA DANG, YANG MKHAS PA 'GA' ZHIG DUS 'KHOR GYI RTZIS KYI STENG NAS RNAM DAG YAR LOG GI RTZIS BYAS BA NA SNGAR GYI MKHAS PA DE DAG GI BZHED TSUL DE DAG LA, STON PA SANGS RGYAS PA'I SA GA ZLA BA'I TSES BCO LNGA'I NUB MO DUS ME'I RI MO SA GA'I STENG DU MI 'BAB PAS STON PA'I 'KHRUNGS LO SOGS LO KHAMS DE DAG MI 'THAD CES DE SUN PHYUNG NAS STON PA SKU BLTAMS PA SOGS KYI LO DUS GZHAN DU 'CHAD PA DANG, MYA NGAN LAS 'DAS PA'I DUS KYANG PHAL MO CHER SA GA'I NYA LA BZHED CA'I , MKHAS PA MANG PO ZHIG STON ZLA THA CHUNG GI YAR NGO'I TSES BRGYAD LA MYA NGAN LAS 'DAS PAR BZHED PA SOGS BZHED TSUL MANG DU SNANG NA'ANG, 'DIR BRJOD PA DE DAG NI MKHAS GRUB NOR BZANG RGYA MTSOS JI LTAR GSUNGS PA LTAR BRJOD PA YIN LA, JI LTAR YANG BYANG CHUB LAM RIM LA BLO SBYONG BA RNAMS KYIS STON PA'I 'KHRUNGS LO SOGS LA MKHAS BA MANG PO BZHED PA MI MTHUN PA DE DAG LA BLO MI BDE BA BYA MI DGOS TE, STON PA 'KHRUNGS PA DANG SANGS RGYAS PA SOGS LO DUS GANG LA YIN YANG RUNG, STON PA THUGS RJE CAN DE NYID KYIS BDAG CAG

, ,SNYIGS MA'I 'GRO BA NYAM THAG RNAMS KYI DON DU DGA' LDAN GYI GNAS NAS ZHING 'DIR BYON TE LHUMS SU ZHUGS PA DANG, SKU BLTAMS PA DANG, ROL RTZED MDZAD PA DANG, KHAB NAS BYUNG STE DKA' BA SPYAD PA DANG, BYANG CHUB SHING DRUNG DU BDUD BTUL NAS 'TSANG RGYA BA'I MDZAD PA RNAMS BSTAN CING MDZAD PA BZANG PO DE DAG RE RE NAS GDUL BYA BGRANG BA LAS 'DAS PA ZHIG SMIN GROL LA 'GOD PAR MDZAD PA DANG, LHA DANG MI'I MCHOD PA TSAD MED PAS MCHOD PA DANG, SPRUL PA'I BKOD PA BSAM GYIS MI KHYAB PA DE LTA BU STON PAR MDZAD DO SNYAM DU DAD GUS BSGOM PAR BYA BA DANG, LHAG PAR, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GANG GSUNGS PA LTAR CHOS KYI 'KHOR LO BSKOR BA'I MDZAD PA JI SNYED CIG MDZAD PA DE THAMS CAD GDUL BYA 'DUL BA'I DON KHO NAR MDZAD CING, DE YANG THOG MAR LNGA SDE LA STOD G-YOGS SMAD G-YOGS ZLUM POR BGO BA SOGS 'DUL PA'I BSLAB BYA DANG BDEN PA BZHI'I CHOS STON PAR MDZAD PA DE NAS BZUNG, THA MAR KUN TU RGYU RAB BZANG DGRA BCOM LA BKOD PA DANG, 'KHOR RNAMS LA MI RTAG PA BSTAN PA'I BAR CHOS JI SNYED CIG GSUNGS PA DE

THAMS CAD GDUL BYA RNAMS THAR PA DANG THAMS CAD MKHYEN PA THOB PA'I THABS SHA STAG TU GSUNGS PA YIN PAS NA, BYANG CHUB LAM RIM LA NYAMS LEN SNYING POR BYED PA RNAMS KYIS RGYAL BAS GSUNGS PA'I MDO SNGAGS KYI CHOS JI SNYED CIG YOD PA DE THAMS CAD GANG ZAG RANG NYID 'TSANG RGYA BA'I THABS SHA STAG TU GSUNGS PA YIN PAR SHES PAR BYAS LA STON PA THUGS RJE CAN DES BDAG 'KHOR BA DANG NGAN SONG GI SDUG BSNGAL LAS BSGRAL TE SANGS RGYAS KYI SA LA 'GOD PA'I CHED DU CHOS 'DI SNYED CIG GSUNGS SO SNYAM DU STON PA'I YON TAN DANG BKA' DRIN DANG THUGS RJE DRAN PA'I SGO NAS DAD CING GUS PAS MCHOD CING GSOL BA GDAB PA LHUR BYA'O, ,STON PAS CHOS STON PA'I THOG MAR YANG LNGA SDE LA SDUG BSNGAL BDEN PA'I RNAM PA MI RTAG PA NAS BRTZAMS TE STON PAR MDZAD, MTHAR MYA NGAN LAS 'DA' BA'I TSE 'DUS BYAS THAMS CAD NI 'JIG PA'I CHOS CAN YIN NO ZHES MI RTAG PA STON PAR MDZAD PA 'DI LA BLO GROS CAN RNAMS KYIS LEGS PAR DPYOD SHES NA BYANG CHUB LAM RIM LA NYAMS LEN SNYING POR BYA 'DOD PA RNAMS LA NYAMS LEN LA BSKUL BA'I GNAD KHYAD PAR CAN ZHIG YIN PAR SHES PAR NUS TE, THOG MAR CHOS LA BSKUL BA'I TSE NA TSE 'DI RING DU MI GNAS PAR MYUR DU 'JIG PA'I DANG TSUL BSAMS NAS DES BSKUL TE CHOS LA 'JUG DGOS PA DANG, SKYES BU

, ,'BRING GI SKABS SU MI RTAG PA'I TSUL BSAMS NAS 'KHOR BA'I PHUN TSOGS GANG LA'ANG YID BRTAN MED PA'I TSUL BSAMS TE DES BSKUL NAS LAM SGOM PA LA 'JUG DGOS PA DANG, SKYES BU CHEN PO'I SKABS SU'ANG MI RTAG PA BSAMS TE 'KHOR BA THOG MA MED PA NAS SKYE BA GCIG NAS GCIG TU RIM GYIS BRGYUD PA'I NGANG TSUL BSAMS LA SEMS CAN THAMS CAD RANG GI MAR SHES PA SOGS RGYU 'BRAS MAN NGAG BDUN GYI SGO NAS BYANG CHUB KYI SEMS SBYANGS TE RGYAL SRAS KYI SPYOD PA LA SLOB PA DANG, DBU MA'I LTA BA SGOM PA'I TSE NA'ANG, DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ZHES GSUNGS PA LTAR, THOG MAR MI RTAG PA BSGOMS NAS RTAG GCIG RANG DBANG CAN DU 'DZIN PA'I BLO BZLOG PAR BYAS, DES RGYUD SBYANGS NAS MTHAR SPROS PA'I MTHA' THAMS CAD DANG BRAL BA'I DBU MA'I LTA BA SGOM PA LA 'JUG PA DANG, LAM THUN MONG BAS RGYUD SBYANGS NAS SNGAGS LAM LA SLOB PA'I TSE NA'ANG MI RTAG PA DRAN PAS RGYUD BSKUL NAS LAM LA SLOB DGOS PA YIN PAS STON PA'I RNAM THAR GDUL BYA RANG NYID KYI NYAMS LEN DU 'KHYER BA'I TSUL DE LTAR DU SHES PAR BYA'O, ,STON PA THUB PA'I DBANG PO'I RNAM PAR THAR PA NI BSAM GYIS MI KHYAB BRJOD KYIS MI LANG BA STE, KHYOD KYI

SKU GSUNG THUGS KYI GSANG BA YI, ,TSUL 'DI RGYAL SRAS RANG RGYAL NYAN THOS KYIS, ,JI TZAM BRTAGS KYANG BLO YI YUL MIN NA, ,TSANGS DANG DBANG PO SOGS KYIS SMOS CI 'TSAL, ,MKHA' LDING DBANG POS MKHA' LA BGROD BGROD NAS, ,NAM ZHIG RANG STOBS BRI BAS LDOG 'GYUR GYI, ,NAM MKHA' ZAD PAS LDOG PAR MI 'GYUR BZHIN, ,KHYOD KYI YON TAN BRJOD PA'ANG DE LTAR LAGS, ,ZHES GSUNGS PA LTAR, SANGS RGYAS KYI GSANG BA GSUM GYI RNAM THAR NI RGYAL BA NANG PHAN TSUN MA GTOGS RGYAL SRAS BDAG NYID CHEN PO RNAMS DANG, RNAM THAR BRGYAD LA DBANG THOB PA'I DGRA BCOM PA RNAMS DANG, TSANGS PA DANG BRGYA BYIN LA SOGS PA MNGON SHES DANG LDAN PA'I LHA MTHU BO CHE RNAMS KYIS JI TZAM BRTAGS KYANG SHES PAR NUS PA MIN NA BLO CHUNG BDAG 'DRA BAS PHYOGS TZAM YANG SHES PAR GA LA NUS, DER MA ZAD THUN MONG BA'I GDUL BYA RNAMS KYIS SHES PAR NUS PA'I MDZAD PA RNAM THAR RNAMS KYANG BDAG 'DRA BAS CHA TZAM ZHIG KYANG BRJOD PAR GA LA NUS, SNGAR BRJOD PA DE DAG NI RGYAL BA NYID KYI GSUNG TSAD MA DBANG POR BYAS TE, RGYA CHER ROL PA'I MDO DANG, SNYING RJE PADMA DKAR PO'I MDO DANG, GZHAN YANG MDO MANG PO LA BRTEN NAS MDZAD PA BCU GNYIS KYI TSUL LAS BRTZAMS TE CUNG ZAD CIG BRJOD PA YIN LA, STON PA'I YON TAN BSAM PA NI RANG GI TSOGS GSOG PA DANG SGRIB PA SBYONG BA'I THABS BLA NA MED PA YIN PA

, ,DANG, THEG PA CHEN PO'I LAM GYI RTZA BA DANG GZHUNG SHING BYANG CHUB KYI SEMS SKYE BA LA SANGS RGYAS KYI YON TAN BSAMS NAS DE LA THOB 'DOD BSKYED PA ZHIG NGES PAR DGOS KYI, SANGS RGYAS KYI YON TAN LA DAD PA DANG THOB 'DOD MED NA BYANG CHUB KYI SEMS MTSAN NYID TSANG BA MI SKYE BAR RJE BTZUN BYAMS PA MGON POS GSUNGS PA LTAR RO, ,DES NA THEG PA CHEN PO'I LAM GYI RTZA BA BYANG CHUB KYI SEMS SKYE BA LA SANGS RGYAS KYI YON TAN BSAMS NAS DANG PA THOB PA ZHIG MED MI RUNG DU SNANG BAS BYANG CHUB LAM RIM LA NYAMS LEN SNYING POR BYA 'DOD PA RNAMS LA SANGS RGYAS KYI YON TAN MTHONG BA ZHIG GAL CHE BAR BSAMS NAS PHYOGS TZAM ZHIG BRJOD PA YIN NO, ,DE LTAR STON PA MYA NGAN LAS 'DAS PA'I TSUL BSTAN PA'I DBYAR DE RGYAL PO MA SKYES DGRAS SBYIN BDAG BYAS NAS RGYAL PO'I KHAB KYI BDE CHEN MA'I PHUG TU 'OD SRUNGS CHEN PO LA SOGS PA'I DGRA BCOM PA LNGA BRGYAS DBYAR GNAS MDZAD, DE'I TSE KUN DGA' BO LA MDO SDE BSDU BAR GSOL BA BTAB PA NA, DGRA BCOM PA LNGA BRGYA'I SNAM SBYAR RNAMS BRTZEGS PA GDAN DU BTING BA'I STENG DU 'PHAGS PA KUN DGA' BOS 'DZEGS TE, ZHAL MNYAN YOD DU PHYOGS, PHYAG THAL MO SBYAR, GDONG MCHI MA DANG BCAS BZHIN DU 'DI SKAD BDAG GIS THOS PA DUS GCIG NA ZHES BRJOD PA NA, LHA

GRANGS MED PA NAM MKHA' LAS BABS TE GUS PAR NYAN ZHING MDO SDE'I SDE SNOD BSDUS SO, ,DE YANG DANG PO BDEN BZHI'I CHOS 'KHOR NAS BZUNG THA MA KUN TU RGYU RAB BZANG LA GSUNGS PA DANG, 'KHOR RNAMS LA GSUNG GI THA MA MI RTAG PA BSTAN PA YAN CHAD MDO SDE JI SNYED CIG GSUNGS PA THAMS CAD TSIG GCIG KYANG MA LUS PAR BLO LAS BTON PA'O, ,DE LTAR 'PHAGS PA KUN DGA' BOS MDO SDE BSDUS NAS KHRI LAS BABS TE 'KHOD, DE NAS 'PHAGS PA NYE BAR 'KHOR KHRI LA 'DZEGS TE 'DUL BA'I SDE SNOD RNAMS BSDUS, DE NAS 'OD SRUNGS CHEN PO KHRI LA 'DZEGS TE MNGON PA'I SDE SNOD RNAMS BSDUS SO, ,DE NAS 'OD SRUNGS CHEN PO 'DI SNYAM DU BDAG GIS BSTAN PA'I BYA BA BYAS ZIN GYI, DA NI MYA NGAN LAS 'DA'O SNYAM DU DGONGS NAS 'PHAGS PA KUN DGA' BO LA BSTAN PA GTAD DE, KHYOD KYIS KYANG BSTAN PA SHA NA'I GOS CAN LA GTOD CIG CES GSUNGS NAS DE BZHIN GSHEGS PA'I MCHOD RTEN RNAMS LA PHYAG BYAS TE LHO PHYOGS KYI RI BYA RKANG CAN ZHES BYA BA'I RI BO GSUM 'DUS KYI DBUS SU BYON NAS RTZVA'I GDAN LA SKYIL MO KRUNG BCAS, BCOM LDAN 'DAS KYIS GNANG BA'I SNAM SBYAR SKU LUS LA BKAB STE, JI SRID BYAMS MGON MA BYON GYI BAR DU PUR MI NYAMS PAR BYIN GYIS BRLABS NAS MYA NGAN LAS 'DAS SO, ,DE NAS 'PHAGS PA KUN DGA' BOS 'KHOR RNAM BZHI LA RJES SU GDAMS SHING, BSTAN

, ,PA LO BZHI BCU TZAM GYI RING BSKYANGS NAS NAM ZHIG NA BSTAN PA SHA NA'I GOS CAN LA GTAD DE, KHYOD KYIS BSTAN PA NYER SPAS LA GTOD CIG CES LUNG BSTAN NAS MYA NGAN LAS 'DAS SO, ,DE NAS 'PHAGS PA SHA NA'I GOS CAN GYIS BSTAN PA'I BYA BA RGYA CHER MDZAD DE MTHAR BSTAN PA NYER SPAS LA GTAD, DE NAS 'PHAGS PA NYER SPAS KYIS SANGS RGYAS GNYIS PA BZHIN DU BSTAN PA'I BYA BA BSAM GYIS MI KHYAB PA MDZAD DE, SLOB MA DGRA BCOM THOB PA'ANG GRANGS MED PA BYUNG STE, DGRA BCOM THOB PA RE RE BYUNG BA NA SO SHING SOR LNGA BA RE RE DOR BAS BRAG PHUG 'DOM LNGA BCU YOD PA ZHIG SO SHING GIS YONGS SU GANG BAR GYUR TO, ,'PHAGS PA NYER SBAS KYIS BSTAN PA DHI DHI KA LA GTAD, 'PHAGS PA DHI DHI KAS BSTAN PA 'PHAGS PA NAG PO LA GTAD, DES LEGS MTHONG CHEN PO LA BSTAN PA GTAD DE, DE DAG LA BSTAN PA'I GTAD RABS BDUN DU GRAGS SO, ,THUB PA'I BSTAN PA DUS JI TZAM GNAS PA NI, STON PA THUB PA'I DBANG PO 'DI NYID RGYAL BA GZHAN LAS THUGS RJE CHES LHAG PAS RGYAL BA RANG NYID MYA NGAN LAS 'DAS NAS KYANG BSTAN PA LO LNGA STONG DU GNAS PAR BYIN GYIS BRLABS SHING, GNAS BRTAN CHEN PO SGRA GCAN 'DZIN LA SOGS PA GNAS BRTAN BCU DRUG LA BSTAN PA'I GNAS TSAD MA RDZOGS KYI BAR DU MYA NGAN LAS MI 'DA' BAR BSTAN PA SKYONGS SHIG CES BKA' BSGOS, RNAM THOS SRAS LA SOGS PA 'JIG RTEN

SKYONG BA BZHI LA BSTAN PA BSTAN 'DZIN DANG BCAS PA BSRUNG ZHING SKYONG BAR BKA' BSGO BAR MDZAD DO, ,DE LTAR RGYAL BA'I BSTAN PA LO LNGA STONG DU GNAS PA LAS LO STONG PHRAG RE RE LA PHYED PHYED DU BCAD PAS LNGA BRGYA PA PHRAG BCU LA LE'U BCUR 'GYUR TE, DE LA LNGA BRGYA DANG PO DANG, GNYIS PA DANG, GSUM PA RNAMS LA RIM PA LTAR, DGRA BCOM PA DANG, PHYIR MI 'ONG BA DANG, RGYUN DU ZHUGS PA MANG DU 'BYUNG BAS DGRA BCOM PA'I LE'U DANG, PHYIR MI 'ONG BA'I LE'U DANG, RGYUN DU ZHUGS PA'I LE'U ZHES BYA STE, KHONG DU CHUD PA'I LE'U GSUM DANG, DE NAS LNGA BRGYA BZHI PA DANG, LNGA PA DANG, DRUG PA RNAMS LA GO RIM BZHIN DU, LHAG MTHONG DANG, TING NGE 'DZIN DANG, TSUL KHRIMS DANG LDAN PA MANG DU 'BYUNG BAS LHAG MTHONG GI LE'U DANG, TING NGE 'DZIN GYI LE'U DANG, TSUL KHRIMS KYI LE'U ZHES BYA STE, SGRUB PA'I LE'U GSUM DANG, DE NAS LNGA BRGYA BDUN PA DANG, BRGYAD PA DANG, DGU PA LA RIM PA LTAR CHOS MNGON PA DANG, MDO SDE DANG, 'DUL BA STON PA MANG DU 'BYUNG BAS MNGON PA'I LE'U DANG, MDO SDE'I LE'U DANG, 'DUL BA'I LE'U STE; LUNG GI LE'U GSUM DANG, LNGA BRGYA PA BCU PA LA NI, RAB TU BYUNG BA'I RTAGS TZAM LAS LTA SPYOD RNAL MA DANG MI LDAN PAS RTAGS TZAM 'DZIN PA'I LE'U STE, 'DI NYID LA LNGA BRGYA THA MA ZHES BSHAD DO, ,DES NA BDAG LEGS SU 'DOD PA DAG GIS RGYAL BA'I BSTAN PA DANG LAN CIG MJAL BA'I SKABS 'DIR RGYAL BA'I BSTAN PA'I SNYING PO TSANG LA MA NOR BA BYANG CHUB LAM GYI RIM PA LA BAG CHAGS CI THEBS BYA'O,, ,,

, ,` JO BO RJE DPAL LDAN AA TI SHAS BYANG CHUB LAM GYI RIM PA STON PA'I BLA MA BRGYUD PA LA RGYA CHEN SPYOD RGYUD DANG, ZAB MO LTA RGYUD GNYIS SU MDZAD BA'I RGYA CHEN SPYOD RGYUD KYI BLA MA RNAMS KYI RNAM PAR THAR PA STON PA LA THOG MAR RJE BTZUN BYAMS PA MGON PO'I RNAM THAR NI, 'DREN PA MNYAM MED STON PA BCOM LDAN 'DAS, ,RGYAL TSAB DAM PA RJE BTZUN MI PHAM MGON, ,ZHES BSNGAGS PA, 'DREN PA MNYAM MED STON PA THUB PA'I DBANG PO DGA' LDAN DU SKYE BA SPRUL SKU'I TSUL BZUNG STE RGYAL BA 'OD SRUNGS KYI DUS NAS ZHING 'DIR 'BYON PA LA NYE BA'I BAR DGA' LDAN GYI LHA RNAMS LA CHOS BSTAN NAS 'DZAM BU'I GLING DU 'BYON PA LA NYE BAR PHYOGS PA'I TSE, RJE BTZUN BYAMS PA MGON PO LA PROG ZHU BSKON NAS RGYAL TSAB TU DBANG BSKUR BAS, DE NAS BZUNG RGYAL TSAB BYAMS PA MGON PO ZHES GRAGS PA RJE BTZUN BYAMS MGON 'DI NYID SNGON THUGS JI LTAR BSKYED PA'I TSUL NI, MDO SDE BSKAL BZANG LAS, BYANG CHUB SEMS DPA' BYAMS PA 'KHOR LOS SGYUR BA YI, ,RGYAL PO RNAM PAR SNANG BYED CES BYAR GYUR PA NA, ,BDE GSHEGS MTHU CHEN GDUGS TSOD DAG LA SPYAN DRANGS NAS, ,DANG POR BLA MED BYANG CHUB TU NI SEMS BSKYED DO, ,ZHES GSUNGS PA LTAR RJE BTZUN BYAMS PA MGON PO 'DI NYID SNGON BSKAL PA BRJOD KYIS MI LANG PA'I YANG BRJOD KYIS MI LANG BA'I SNGON ROL TU 'KHOR LOS SGYUR BA'I RGYAL PO RNAM PAR SNANG BYED CES BYA BAR GYUR PA'I TSE DE BZHIN GSHEGS PA THUB PA CHEN PO ZHES BYA BA 'JIG RTEN

DU BYON PA DANG MJAL TE, DE BZHIN GSHEGS PA DE LA GDUGS TSOD PHUL NAS MKHA' KHYAB KYI SEMS CAN THAMS CAD LA BYAMS PA DANG SNYING RJE CHEN POS GZIGS NAS SEMS CAN THAMS CAD 'KHOR BA LAS SGROL BA'I PHYIR DU BYANG CHUB MCHOG TU THUGS BSKYED PAR MDZAD DO, ,YANG BSKAL PA GRANGS MED PA BAS KYANG CHES GRANGS MED PA YUN RING ZHING TSAD MED BSAM GYIS MI KHYAB PA'I SNGA ROL TU, RJE BTZUN BYAMS PA GLING BZHI LA DBANG BA'I 'KHOR LOS BSGYUR BA'I RGYAL PO GSER MDOG CAN ZHES BYA BAR GYUR PA'I DUS RDZOGS PA'I SANGS RGYAS GSER ZANGS 'OD BYANG CHUB SEMS DPA'I 'KHOR DPAG TU MED PA NYAN THOS KYI DGE 'DUN DANG BCAS PA LA, RGYAL PO'I 'BYOR PA CHEN PO DANG BSOD NAMS KYI MTHU CHEN POS SUM CU RTZA GSUM GYI LHA RNAMS KYI 'BYOR PAS KYANG BSGRUN DU MED PA'I BKOD PA DANG, MCHOD PA DANG, BSNYEN BKUR BA THAMS CAD KYIS LO BYE PA PHRAG BRGYAD CU RTZA BZHIR BKUR STIR BYAS TE BLA NA MED PA'I BYANG CHUB TU THUGS BSKYED PAR MDZAD, YANG SNGON MI MJED 'JIG RTEN GYI KHAMS 'DI'I THAD DU BSKAL PA 'DZIN PA ZHES BYA BA BYUNG BA LA, BSKAL PA CHEN PO DE LA GLING BZHI PA'I SANGS RGYAS KYI ZHING 'DIR GLING BZHIR 'KHOR LOS BSGYUR BA'I RGYAL PO RTZIBS KYI MU KHYUD CES BYA BA ZHIG BYUNG NGO, ,RGYAL PO RTZIBS KYI MU KHYUD DE LA MDUN NA 'DON BRAM ZE RGYA MTSO'I RDUL ZHES BYA BA ZHIG YOD DO, ,DE LA BU SKYES BU CHEN PO'I MTSAN SUM CU RTZA GNYIS DANG LDAN ZHING DPE BYAD BZANG PO BRGYAD CUS LUS RNAM PAR MDZES LA BSOD NAMS BRGYA'I MTSAN DANG LDAN ZHING 'OD 'DOM GANG

, ,PA YOD LA SHING N+YA GRO DHA LTAR CHU ZHENG GAB CING BLTA BAS CHOG MI SHES PA ZHIG BTZAS SO, ,DE BTZAS MA THAG TU LHA 'BUM GYIS MCHOD PA BYAS NAS RGYA MTSO'I SNYING PO ZHES BYA BAR MING BTAG SO, ,DE DUS GZHAN ZHIG NA NGES PAR BYUNG NAS SKRA DANG KHA SBU BREGS TE GOS DUR SMRIG BGOS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, DE BZHIN GSHEGS PA RIN PO CHE'I SNYING PO ZHES BYA BAR GYUR NAS BCOM LDAN 'DAS DES CHOS KYI 'KHOR LO BSKOR TE SROG CHAGS BYE BA KHRAG KHRIG 'BUM PHRAG MANG PO DAG MTHO RIS DANG THAR PA'I 'BRAS BU LA RAB TU BKOD PAR GYUR TO, ,DE NAS BRAM ZE RGYA MTSO'I RDUL GYIS 'KHOR LOS BSGYUR BA'I RGYAL PO RTZIBS KYI MU KHYUD DANG RANG GI SLOB MA BRAM ZE RIG BYED KLOG PA STONG LA SOGS PA LA YANG DANG YANG DU BSKUL TE, DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DU BCUG GO ,DE'I TSE RGYAL PO RTZIBS KYI MU KHYUD KYIS DE BZHIN GSHEGS PA RIN CHEN SNYING PO'I SPYAN SNGAR SEMS BSKYED DE, BDE BA CAN GYI ZHING GI BKOD PA BLO YUL DU BZUNG NAS ZHING DE 'GRUB PA'I PHYIR DU BSKAL PA GRANGS MED PAR RDZOGS SMIN SBYANG GSUM GYI SPYOD PA SPYAD PA MTHAR PHYIN PAR MDZAD NAS BDE BA CAN GYI ZHING GRUB STE ZHING DER MNGON PAR RDZOGS PAR SANGS RGYAS SO, ,BRAM ZE RGYA MTSO'I RDUL GYI SLOB MA BRAM ZE RIG BYED KLOG PA STONG PO DES KYANG DE BZHIN GSHEGS PA RIN CHEN SNYING PO'I SPYAN SNGAR SEMS BSKYED CING, DE BZHIN GSHEGS PA RIN CHEN SNYING POS DE DAG BSKAL PA BZANG PO

'DI LA 'TSANG RGYA BAR LUNG BSTAN NAS DE DAG GIS RANG RANG GI ZHING BZUNG BA NA, DANG PO 'KHOR BA 'JIG NAS THA MA MOS PA SNANG MDZAD KYI BAR THAMS CAD KYIS RANG RANG GI SANGS RGYAS KYI ZHING GDUL SLA BA DANG ZHING DAG PA SHA STAG BZUNG NAS, RTZOD LDAN TSE LO BRGYA PA'I DUS 'DI DANG, MA 'ONGS PA'I TSE LO BRGYAD KHRI PA'I DUS GNYIS PO 'DI LUS TE, DE YANG RTZOD LDAN TSE LO BRGYA PA'I DUS 'DI NI DUS KYI SNYIGS MAR GYUR PAS SEMS CAN RNAMS TSE THUNG ZHING LONGS SPYOD DBUL LA NAD MANG ZHING PHAL CHER DUS MA YIN PA'I 'CHI RKYEN GYIS 'CHI BAR 'GYUR BA MA RUNGS PA DMU RGOD PA, DRIN LAN LOG PAR 'JAL BAS GANG BA 'DI NI RGYAL BA DE DAG THAMS CAD SKRAG NAS 'DI LTA BU'I DUS NGAN PA MA RUNGS PA 'DI DAG GI KHROD DU SU ZHIG 'JUG CES YAL BAR BOR BA NA BRAM ZE RGYA MTSO'I RDUL GYIS THUGS RJES MA BZOD PAR DUS 'DIR 'BYON PA'I THUGS BSKYED, MA 'ONGS PA'I TSE LO BRGYAD KHRI PA'I DUS DE NI SNOD BCUD THAMS CAD PHUN SUM TSOGS PAS GANG BA, SNOD RNAMS LHA'I YUL DANG MTSUNGS BA, MI RNAMS TSE RING ZHING GZUGS BZANG BA LONGS SPYOD CHE BA PHAN TSUN 'TSE BA GANG YANG MED CING RANG BZHIN GYIS DGE BA'I LAM LA GNAS PA SHA STAG 'BYUNG BAS 'DI DAG NI SHIN TU BZANG NGO ZHES THAMS CAD KYIS BTANG SNYOMS SU BZHAG STE LUS PA NA, RJE BTZUN BYAMS MGON 'DI NYID DE'I TSE RIG BYED KLOG PA STONG GI LNGA PA DRI MED 'OD CES BYA BAR GYUR PA DES THUGS RJES MA BZOD NAS TSE LO BRGYAD KHRI PA'I DUS KYI 'GRO BA 'DI RNAMS DE BZHIN GSHEGS PA THAMS CAD KYIS

, ,BTANG SNYOMS SU BZHAG PAS, 'DI DAG LA CHOS STON PA PO MED PAS, 'DI DAG LA GNAS SKABS SU 'KHOR BA'I BDE 'BYOR CUNG ZAD YOD KYANG LAS NYON GYIS BCINGS PAS 'KHOR BA LAS MA 'DAS SHING, SLAR YANG 'KHOR BA MTHA' MED DU 'KHYAMS NAS SDUG BSNGAL BRGYUD MAR MYONG BAR 'GYUR BA 'DI RNAMS SNYING RE RJE, 'DI RNAMS KYI MGON DU NGA NYID ZHING DER 'TSA' RGYA BAR BYA'O SNYAM DU THUGS BSKYED PA NA DE BZHIN GSHEGS PA RIN CHEN SNYING BOS KYANG; DE LTAR DU BSKAL BZANG GI SANGS RGYAS LNGA PAR 'GYUR BAR LUNG BSTAN TO, ,DON GYI DBANG 'DI GZIGS NAS RJE BDAG NYID CHEN POS BYAMS MGON LA BSTOD PA MDZAD BA NA, BDE GSHEGS SNGA MAS BTANG SNYOMS MDZAD PA YI, , GRANGS MED 'GRO LA BRTZE BAS MA BZOD NAS, ,ZHING 'DIR BYANG CHUB SNYING POR GSHEGS 'GYUR BA, ,MI PHAM CHOS RJE'I ZHABS LA GSOL BA 'DEBS, ,ZHES BSNGAGS PA MDZAD DO, ,YANG SNGON 'DAS PA'I BSKAL PA BRJOD KYIS MI LANG BA'I SNGON ROL TU 'KHOR LOS BSGYUR BA'I RGYAL PO YUL 'KHOR SKYONG ZHES BYA BA BYUNG STE, DE LA BU STONG YOD DO, ,DE'I TSE DE BZHIN GSHEGS PA YON TAN MTHA' YAS RIN PO CHE SNA TSOGS BKOD PA'I RGYAL PO ZHES BYA BA 'JIG RTEN DU BYON TE, DE BZHIN GSHEGS PA DE LA 'KHOR LOS BSGYUR BA'I RGYAL PO YUL 'KHOR SKYONG BU STONG DANG BCAS PAS DUS YUN RING BOR MCHOD CING BSNYEN BKUR NAS DE BZHIN GSHEGS PA DE'I SPYAN SNGAR BLA NA MED PA YANG DAG PAR RDZOGS PA'I BYANG

CHUB TU SEMS BSKYED PA NA DE BZHIN GSHEGS PA DES RGYAL BU STONG PO DE RNAMS KYI MING BUM PAR BCUG NAS RIM BZHIN LUNG BSTAN PA NA, RJE BTZUN BYAMS MGON 'DI NYID 'KHOR LOS BSGYUR BA'I RGYAL PO DE'I BU STONG GI NANG NAS BZHI BA SKA RAGS CAN ZHES BYA BA YIN PAS, DE BZHIN GSHEGS PA DES BU STONG PO DE RIM BZHIN BSKAL BA BZANG PO 'DI LA 'TSANG RGYA BAR LUNG BSTAN TE, DON 'DI LA DGONGS NAS, MTHUN PA'I SMON LAM DGE TSOGS RMAD BYUNG ZHING, ,SPYAD PA SPYOD TSE NA YANG MCHED GYUR LA, ,BSKAL BZANG 'DI LA MDZAD PA MTHAR PHYIN PA'I, ,RDZOGS PA'I SANGS RGYAS STONG LA PHYAG 'TSAL LO, ,ZHES BSTOD PA MDZAD DO, ,GZHAN YANG SANGS RGYAS MANG PO'I SPYAN SNGAR THUGS BSKYED PAR MDZAD CING BCOM LDAN 'DAS SH'AKYA THUB PA LA SOGS PA BSKAL BZANG GI SANGS RGYAS GZHAN THAMS CAD LAS BSKAL PA BZHI BCU RTZA GNYIS KYIS THUGS BSKYED PA SNGA BAR GSUNGS SO, ,DE LTAR RJE BTZUN BYAMS PA MGON POS THUGS BSKYED NAS BSKAL PA BGRANG BA LAS 'DAS PAR CHOGS GNYIS BAR MA CHAD DU BSAGS, BCOM LDAN 'DAS SH'AKYA THUB PAS MI SKYE BA'I CHOS LA BZOD PA BRNYES PA NAS BZUNG BCOM LDAN 'DAS SH'AKYA THUB PA NYID YONGS 'DZIN DU BSTEN TE DBU'I GTZUG TU 'BRAL MED DU BSGOMS BAS GDUL BYA RNAMS KYIS BYAMS MGON GYI DBU'I GTZUG NA BYANG CHUB MCHOD RTEN YOD PAR MTHONG STE, DA LTA BYAMS MGON GYI SKU LA DBU'I GTZUG TU BYANG CHUB MCHOD RTEN RE BYED SROL YOD BA 'DI YANG DE'I RGYU MTSAN GYIS YIN PAR GSUNGS, DE

, ,LTAR RJE BTZUN BYAMS PA MGON POS BSKAL PA GRANGS MED MU MED PAR TSOGS GNYIS BAR MA CHAD DU BSAGS NAS, DE BZHIN GSHEGS PA RIN CHEN GDUGS ZHES BYA BA 'JIG RTEN DU BYON PA'I TSE, BYAMS MGON 'DI NYID DGE SLONG BLO GROS BRTAN PA ZHES BYA BAR GYUR NAS DE BZHIN GSHEGS PA DE NYID LA BSNYEN BKUR ZHING LO BRGYAD KHRI BZHI STONG GI BAR DU NYIN RE BZHIN SEMS CAN BRGYA BRGYA TZAM BSLAB PA'I GZHI LNGA LA MA BKOD KYI BAR DU ZAS MI BZA', SROG CHAGS KYI DON DU 'GYUR BA MTHONG TSE ZHAG MANG PO'I BAR DU ZAS BCAD KYANG DES MI SKYO BAR SEMS CAN GYI DON LA BRTZON PAR MDZAD DE SROG CHAGS BYE BA KHRAG KHRIG 'BUM PHRAG SUM CU RTZA DRUG BSLAB PA'I GZHI LNGA LA BKOD DO, ,DE LTAR LO BRGYAD KHRI BZHI STONG GI BAR DU SEMS CAN GYI DON MDZAD NAS SROG CHAGS BYE BA PHRAG GSUM THEG PA CHEN PO'I LAM LA BKOD, SROG CHAGS BGRANG BA LAS 'DAS PA ZHIG THEG PA DMAN PA'I LAM LA BKOD, SROG CHAGS GRANGS MED MU MED PA ZHIG LA BYAMS PA'I TING NGE 'DZIN BSKYED PAR MDZAD, THAN GRONG DANG GRONG KHYER DANG TSONG DUS DANG YUL 'KHOR LA SOGS PA GANG DANG GANG DU BYON PA'I SEMS CAN DE DANG DE DAG GIS ZHAL MTHONG BA DANG, GSUNG THOS PA DANG PHYAG GIS REG PA DANG GANG DU ZHABS BZHAG PA'I SA DE DANG DE DAG NA GNAS PA'I SEMS CAN DE DAG THAMS CAD KYANG BYAMS PA'I TING NGE 'DZIN LA BKOD PAS PHYOGS BCU'I RGYAL BA SRAS BCAS THAMS CAD KYIS LEGS SO'I BSNGAGS PA BRJOD CING,

DKAR PHYOGS KYI LHA THAMS CAD KYIS 'DI LTA BUR SEMS CAN THAMS CAD BYAMS PA LA 'GOD PA NGO MTSAR RO, ,ZHES RGYA CHER BSNGAGS PAS PHYOGS BCU'I ZHING THAMS CAD DU BYANG CHUB SEMS DPA' SEMS DPA' CHEN PO BYAMS PA ZHES MTSAN GRAGS SHING; DE'I TSE DE BZHIN GSHEGS PA RIN CHEN GDUGS KYIS BYANG CHUB SEMS DPA' SEMS DPA' CHEN PO BYAMS PA 'DI DA NAS BZUNG STE SKYE BA THAMS CAD DU BYAMS PA'I MTSAN DANG LDAN PAR 'GYUR ZHING, MNGON PAR RDZOGS PAR SANGS RGYAS PA'I TSE YANG DE BZHIN GSHEGS PA BYAMS PA ZHES BYA BAR 'TSANG RGYA BAR 'GYUR RO, ,ZHES LUNG BSTAN TO, ,DE NAS RJE BTZUN BYAMS PA MGON POS TSOGS GNYIS PHAL CHER RDZOGS TE SA BCU PA LA GNAS PA'I TSE 'OD ZER CHEN PO'I DBANG BSKUR BA THOB STE, DE'I TSUL RGYAS PAR BRJOD NA YI GE MANG DU DOGS PAS RJE BDAG NYID CHEN POS TSIGS BCAD DU BSGRIGS NAS GSUNGS PA NI, MA LUS SEMS CAN BDE LA 'GOD PHYIR DU, ,RAB 'BYAMS ZHING GI RGYAL BA THAMS CAD KYIS, ,'OD ZER CHEN PO'I DBANG GIS MGON KHYOD LA, ,CHOS KYI RGYAL SRID GTAD PA DGONGS PAR RIGS, ,GANG TSE KHYOD KYIS DBANG BSKUR SA BRNYES TSE, ,GRANGS MED 'BUM PHRAG BCU YI TING 'DZIN DANG, ,KUN MKHYEN YE SHES NYID DU DBANG BSKUR BA'I, , TING NGE 'DZIN RNAMS MNGON DU GYUR PA'I MTHAR, ,STONG GSUM 'BUM PHRAG BCU YI RDUL SNYED KYI, ,PADMO'I 'KHOR GYIS BSKOR BA'I PADMA NI, ,RTZA BA RIN CHEN LTE BA TZAN DAN MCHOG ,ZE'U 'BRU RDO YI SNYING PO LO MA NI, ,'DZAM BU CHU BO'I GSER LTAR

, ,KUN TU SNANG, ,RIN CHEN KUN GYIS RAB SPRAS 'DAB BRGYA 'BYED, ,RIN CHEN DRA BAS KUN NAS G-YOGS PA LA, ,DE DANG 'TSAM PAR KHYOD SKU BZHUGS PA NI, ,'KHOR GYI PADMAR DE SNYED RGYAL BA'I SRAS, ,KHYOD KYI ZHAL DU PHYOGS NAS 'KHOD PA RNAMS, ,'BUM PHRAG BCU YI TING NGE 'DZIN LA ROL, ,DE TSE KHYOD KYI ZHABS MTHIL PUS MO DANG, ,LTE BA RTZIB LOGS PHYAG GI MTHIL GNYIS NAS, ,GRANGS MED 'BUM PHRAG BCU YI 'OD PHYUNG NAS, ,NGAN SONG GSUM DAN MI DANG LHA MIN LHA, ,GNAS KUN SNANG BYAS SDUG BSNGAL ZHI BAR MDZAD, ,PHRAG BA RGYAB MGUL ZHAL GYI SGO RNAMS NAS, ,SNGAR GYI 'OD KYIS NYAN RANG SA DGU'I BAR, ,BYANG SEMS GNAS RNAMS SNANG MDZAD RIM BZHIN DU, ,CHOS SNANG TING 'DZIN THABS SHES TSUL RNAMS BSGRUBS, ,SNGAR BZHIN MDZOD SPU NAS PHYUNG 'OD ZER GYIS, ,PHYOGS BCU'I BDUD GNAS THAMS CAD ZIL MNAN NAS, ,DBANG BSKUR BRNYES PA'I RGYAL BA'I SRAS RNAMS KYI, ,SKU YI DKYIL 'KHOR DAG TU NUB PAR MDZAD, ,YAN LAG MCHOG LAS STONG GSUM 'BUM PHRAG BCU'I, ,PHRA RAB RDUL SNYED 'OD ZER PHYUNG NAS KYANG, ,BDE GSHEGS 'KHOR GYI DKYIL 'KHOR SNANG BYAS TE, ,'JIG RTEN LAN BCUR BSKOR NAS BAR SNANG LA, ,'OD KYI DRA BA'I DKYIL 'KHOR CHEN PO YIS KUN BZANG MCHOD SPRIN RGYA MTSO'I CHAR PHAB NAS, ,'JIG RTEN LAN BCUR BSKOR NAS RGYAL RNAMS KYI, ,ZHABS KYI MTHIL DU KUN NAS NUB PAR GYUR, ,DE NAS SRAS BCAS RGYAL BAS DBANG PO KHYOD, ,DBANG BSKUR DUS LA BAB PAR

GZIGS GYUR NAS, ,DBANG BSKUR THOB PA'I RGYAL PA SRAS BCAS KYI, ,RDO RJE DPAL BE'U BKRA SHIS RI MO LAS, ,GRANGS MED 'BUM PHRAG BCU YI 'OD ZER GYIS, ,'KHOR BCAS 'OD PHYUNG PHYOGS KUN SNANG BYAS TE, ,MU MED CHO 'PHRUL BSTAN NAS KHYOD KYI NI, ,RDO RJE DPAL BE'U BKRA SHIS RNAMS SU NUB, ,DE NAS DE MA THAG TU KHYOD KYI STOBS, ,'BUM 'GYUR LAS KYANG LHAG PAR 'PHEL BA'I TSE, ,PHYOGS BCU'I RGYAL BA RNAMS KYI MDZOD SPU NAS, ,SNGAR BZHIN 'OD KYIS ZHING KUN SNANG BYAS NAS,, 'JIG RTEN LAN BCU BSKOR TE CHO 'PHRUL BSTAN, ,BYANG SEMS BYE BA MANG BSKUL ZHING KUN BSKYOD, ,NGAN 'GRO ZHI MDZAD BDUD RNAMS ZIL MNAN TE, ,BDE GSHEGS RNAMS KYI GDAN KUN RAB BSTAN NAS, ,'OD ZER GTZO BO KHYOD KYI SPYI BO DANG,, 'KHOR GYI 'OD ZER 'KHOR GYI SPYI BOR NUB, ,DE TSE BYANG SEMS RNAMS KYIS SNGON MED PA'I, ,STONG PHRAG BCU YI TING 'DZIN THOB BAR GYUR, ,DE LTAR GLANG PO RIN CHEN GSER KHRI YIS, ,BRGYAN PA'I SENG DU 'KHOR LOS SGYUR BA'I SRAS, ,RGYA MTSO BZHI YI CHUS BKANG GSER BUM GYIS, ,SPYI BO'I GNAS NAS RGYAS PAR DBANG BSKUR BA, ,DE BZHIN THUB PA'I CHOS KYI RGYAL TSAB TU, ,MNGON BAR DBANG BSKUR KHYOD KYIS 'KHOR BA RU, ,LAS KYIS KUN NAS MNAR BA'I SEMS CAN KUN, ,ZAG MED BDE BA'I DBAL LA 'GOD DU GSOL, ,ZHES GSUNGS PA LTAR RO, ,MA 'ONGS PA NA RJE BTZUN BYAMS PA MGON PO ZHING 'DIR BYON NAS 'TSANG RGYA BA'I MDZAD PA STON TSUL NI, THUB PA'I BSTAN PA LO LNGA STONG DU GNAS PA RIM GYIS RDZOGS

, ,NAS MTHAR RTAGS TZAM 'DZIN PA LO LNGA BRGYA DANG, DE NAS DE YANG NUB STE SEMS CAN RNAMS RMONGS SHING NYON MONGS PA KHO NA'I DBANG DU SONG STE PHAN TSUN GCIG LA GCIG 'TSE ZHING SDIG PA KHO NA SPYOD PAS BSOD NAMS JE DMAN JE DMAN LA SONG STE TSE LO NYI SHU DANG, DE YANG JE THUNG JE THUNG LA SONG STE MTHAR TSE LO BCU LA RING MTHA' BYED PA'I DUS 'BYUNG ZHING, DE NAS MU GE'I BSKAL PA DANG, NAD KYI BSKAL PA DANG, MTSON GYI BSKAL PA RNAMS RIM GYIS BYUNG STE SEMS CAN RNAMS PHAN TSUN 'THAB RTZOD KYIS SDUG BSNGAL ZHING NYAM THAG PA DMYAL BAR GNAS PA LTA BUR 'GYUR LA, DE'I DUS SU RJE BTZUN BYAMS PA MGON PO'I SPRUL PA KHRU GANG PA SKU LA CHOS GOS NGUR SMRIG GSOL BA, GZI BRJID 'BAR ZHING 'OD 'PHRO BA ZHIG BYON PA SEMS CAN DE RNAMS KYIS MTHONG NAS NGO MTSAR ZHING DAD PA SKYES TE 'DI LTA BU'I SKU GZUGS MDZES PA CI LAS BYUNG ZHES GSOL PAS, SPRUL PA'I BYAMS MGON DES NGAS BZOD PA BSGOMS PAS 'DI LTAR BYUNG PA YIN, KHYED RNAMS KYANG 'THAB RTZOD SPONGS LA BZOD PA SGOMS SHING, DE LTAR BYAS NANG DANG 'DRA BAR 'GYUR RO, ,ZHES GSUNG PAS, BYAMS MGON GYI THUGS BSKYED KYI MTHUS SEMS CAN DE DAG GIS BZOD PA BSGOMS PAS RIM GYIS BSOD NAMS RGYAS NAS TSE RING DU 'PHEL TE TSE LO NYI SHU PA DANG, SUM CU PA SOGS TSE JE RING JE RING DU GYUR CING BDE SKYID KYANG JE 'PHEL DU SONG STE 'DZAM BU'I GLING GI SA CHEN PO'I KHYON 'DI THAMS CAD LAG

MTHIL LTAR MNYAM ZHING YANGS PA, NGAM GROG DANG TSER MA DANG LJAN LJIN DANG GYO MO DANG GSEG MA LA SOGS PA MED CING, NE'U GSING MDZES PAS KHYAB PA, RKANG PA BTEG NA SOR BZHI 'PHAR ZHING MNAN NA NEM ZHES BYED PA SHA STAG STE, SHING BAL LTAR 'JAM PA, 'BRU DANG, LO TOG DANG, 'KHRI SHING GEL PA LA SOGS PAS GANG ZHING, HA CANG YANG MI DRO HA CANG YANG MI GRANG BA RLUNG SHIN TU CHUNG BA ,DUS DANG TSOD MNYAM PAR LDANG ZHING DRI PHUN SUM TSOGS PA, MNGAR ZHING ZHIM PA'I SA LU MA RMOS PAR SKYE ZHING, LHA'I CHAR BABS PAS SA'I BCUD 'PHEL BA, TSON SNA TSOGS KYIS SPRAS BA'I GOS KYI LJON SHING ME TOG DANG 'BRAS BU PHUN SUM TSOGS PA 'PHANG DU RGYANG GRAGS KYI TSAD TZAM YOD PAS GANG BA, BAR BAR NA LTENG KA DANG KHRUS KYI RDZING BU DANG LDAN PA STE YON TAN BRJOD KYIS MI LANG BA ZHIG 'BYUNG NGO, ,DER SKYES PA'I MI RNAMS NI, LUS LA HA RI TZAN DAN GYI DRI BRO BA, KU SHA'I GOS KHYAD PAR DU 'PHAGS PA GYON PA, LHA'I DPAL 'BYOR LA LONGS SPYOD CING TSE LO BRGYAD KHRI THUB PA, LUS NGAG YID GSUM MI DGE BA DANG BRAL BA, KHA DOG BZANG ZHING LUS GZUGS CHE BA, DE LA DA LTA'I KHRU BRGYAD CU 'AM BRGYAD CU RTZA BRGYAD PA, 'DOM NYI SHU RTZA GNYIS TZAM YOD PA, KUN KYANG TSAN PO CHE'I STOBS DANG LDAN PA, MI DE DAG LA 'DOD PA DANG ZA BA DANG RGAS PA STE DE TZAM MA GTOGS NAD KYI MING TZAM YANG MI GRAG PA LHA'I LUS DANG KHYAD PAR MED PAR 'GYUR RO, ,STON BA'I BSTAN PA RTAGS TZAM 'DZIN PA'ANG NUB PA YAN CHAD KYIS BSKAL PA YA THOG RING MO RDZOGS

, ,LA; DE NAS RJE BTZUN BYAMS PA MGON PO MA BYON GYI BAR LA RANG SANGS RGYAS MANG DU 'BYUNG ZHING, BAR GYI KHUG PA BCO BRGYAD KYI 'GOR RJE BTZUN BYAMS PA MGON PO 'BYON PAR GSUNGS SO, ,RJE BTZUN BYAMS PA MGON PO GANG DU 'BYON PA'I GNAS NI THUB PA'I DBANG PO MYA NGAN LAS 'DA' TSUL BSTAN PA'I SA GRONG KHYER RTZVA CAN DU TOG GI BLO GROS ZHES BYA BA'I RGYAL PO'I PHO BRANG 'BYUNG LA, PHO BRANG DE'I CHUR DPAG TSAD BCU GNYIS, ZHANG DU DPAG TSAD BDUN YOD PA, RIN PO CHE SNA BDUN GYI SO PHAG GI RTZIG PA RIM PA BDUN DANG, 'OBS RIM PA BDUN DANG, RIN PO CHE LAS GRUB PA'I TA LA'I PHRENG BA RIM PA BDUN GYIS BSKOR ZHING DRIL BU'I DRA BAS MDZES PA, DE DAG RLUNG GIS BSKYOD PA NA SIL SNYAN YAN LAG LNGA DANG LDAN PA'I SGRA 'BYUNG STE, SEMS CAN RNAMS DGA' BAR BYED PA, LHA RDZAS LAS GRUB PA'I ME TOG MANDHA RA DANG, KU MUD TA DANG, AUTPA LA DANG, MI YUL NA YOD PA'I ME TOG SNA TSOGS BA'I RGYAN BKRAM PA, YAN LAG BRGYAD DANG LDAN PA'I KHRUS KYI RDZING BU DANG, MTSO PADMAS BRGYAN PA RNAMS LA CHU BYA MANG PO SGRA SNYAN PA SNA TSOGS SGROG PA, SKYED MOS TSAL PHUN SUM TSOGS PA ME TOG GIS GANG BA YOD BA, GRONG KHYER DE'I PHYOGS BZHI DANG DBUS KUN NA GZHAN LAS KHYAD PAR DU 'PHAGS PA'I RIN PO CHE'I DPAG BSAM GYI SHING RE BA THAMS CAD SKONG BA YOD BAS, DES LHA'I 'BYOR BA YANG ZIL GYIS GNON PAR BYED DO, ,DER GLING BZHI LA DBANG BA'I 'KHOR LOS SGYUR BA'I RGYAL PO DPUNG TSOGS

YAN LAG BRGYAD DANG LDAN PA, RIN PO CHE SNA BDUN DANG, BU STONG DANG LDAN PA, BTZUN MO BRGYAD KHRI DANG, KHAMS KYI RGYAL PHRAN BZHI STONG BRGYAD CU LA DBANG BSGYUR BA CHOS KYI SRID SKYONG BA'I RGYAL BO DUNG ZHES BYA BA 'BYUNG ZHING, DE'I MDUN NA 'DON CHEN PO BRAM ZE TSANGS RAB CES PA THOS PA MANG ZHING RIG BYED KUN LA MKHAS BA, DE LA BTZUN MO TSANGS LDAN MA ZHES BYA BA SGYU RTZAL GYI YON TAN YONGS SU RDZOGS SHING MDZES PA ZHIG 'BYUNG STE, BRAM ZE YAB YUM DE GNYIS KYI SRAS SU RJE BTZUN BYAMS MGON 'BYON PAR 'GYUR RO, ,DE YANG RJE BTZUN BYAMS PA MGON POS DUS DANG YUL DANG RIGS DANG RUS DANG YUM LNGA LA GZIGS NAS DGA' LDAN GYI GNAS NAS BABS TE 'DZAM BU'I GLING DU 'BYON PA YIN NO, ,DE YANG DUS NI TSE LO BRGYAD KHRI PA SNOD BCUD THAMS CAD PHUN SUM TSOGS PA BYAMS MGON RANG NYID KYIS 'DUL BAR 'OS PA'I SEMS CAN RNAMS 'DUL BA'I DUS LA GZIGS PA'O, ,YUL NI 'DZAM BU'I GLING LA GZIGS PA'O, ,RIGS NI DE'I DUS KYI MI RNAMS BRAM ZE'I RIGS MCHOG TU BYED PAS BRAM ZE'I RIGS LA GZIGS PA'O, ,RUS NI YAB YUM GNYIS KA'I RIGS RGYUD SKYON MED BA LA GZIGS BA'O, ,YUM NI BRAM ZE TSANGS LDAN MA YON TAN THAMS CAD DANG LDAN ZHING SMON LAM GYI MTHU CAN DE LA GZIGS PA'O, ,DE LTAR GZIGS NAS DUS LA BAB PA NA LHA RNAMS GYIS MCHOD BA'I BYE BRAG BSAM GYIS MI KHYAB PA DANG BCAS DGA' LDAN NAS BABS TE 'DZAM BU'I GLING DU GSHEGS TE YUM TSANGS LDAN MA'I LHUMS SU ZHUGS SO,,

, ,DE NAS ZLA BA BCU'I RING LA DKAR PHYOGS KYI LHA RNAMS LA NUB RE BZHIN CHOS STON PA SOGS GDUL BYA'I DON RGYA CHER MDZAD NAS ZLA BA BCU SONG BA NA YUM TSANGS LDAN MA SKYED MOS TSAL ME TOG BZANG RGYAS ZHES BYA BAR BYON NAS PHYAG G-YAS PAS SHING GI YAL GA LA 'JUS TE GNAM DU GZIGS PA NA RTZIB LOGS G-YAS NAS SKU BLTAMS, DE'I 'OD KYIS 'JIG RTEN THAMS CAD BKANG STE SKAD CIG DE LA SEMS CAN RNAMS KYI SDUG BSNGAL RGYUN BCAD DE BDE BAS KHYAB PAR BYAS, LHA'I DBANG PO BRGYA BYIN GYIS BAR SNANG LAS BLANGS, KLU'I RGYAL PO RNAMS KYIS NAM MKHA' LAS BDUD RTZI'I KHRUS GSOL, DE NAS PHYOGS BZHIR GOM PA BDUN BDUN POR PA'I SHUL DU GTER CHEN PO RE DANG PADMA RE BYUNG ZHING, PHYOGS BZHIR GZIGS TE, NGA YI SKYE BA'I THA MA NI, ,'DI YIN YANG SRID YOD MA YIN, ,YANG DANG YANG DU PHYIR MI 'ONG, ,ZAG MED MYA NGAN 'DAS PAR 'GRO ,ZHES GSUNGS, DE'I TSE BYAMS MGON SKU BLTAMS PA DANG MNYAM DU 'KHOR LOS BSGYUR BA'I RGYAL PO DUNG LA SRAS STONG DANG, GZHAN YANG 'JIG RTEN NA YA RABS KYI RIGS MANG PO BTZA' ZHING GTER RNAMS KYANG KHA BYE, LHA RNAMS KYIS ME TOG GI CHAR 'BEBS, BYAMS MGON GYI DBU THOG TU GDUGS DKAR PO BZUNG, PHYOGS THAMS CAD ROL MO'I SGRA SOGS MCHOD PA'I BYE BRAG SNA TSOGS PAS KHYAB PAR BYED DO, ,DE NAS YAB YUM GNYIS KYIS GZHON NU DE MTSAN MKHAN LA BSTAN PA NA 'DI NI BYANG CHUB SEMS DPA' BYAMS PA ZHES BYA BA YIN PAS MYUR DU 'TSANG RGYA BAR 'GYUR

RO, ;ZHES LUNG STON, DE NAS BYAMS MGON GYIS SGYU RTZAL STON PA SOGS GZHON NU ROL RTZED MDZAD PAS SROG CHAGS GRANGS MED PA ZHIG SMIN GROL LA 'GOD CING LO NYI KHRI'I BAR DU KHYIM DU BZHUGS, DE NAS 'TSANG RGYA BA'I DUS LA BAB PA NA, RGYAL PO DUNG GIS RIN PO CHE SNA TSOGS KYIS BRGYAN PA'I MCHOD SDONG SBOMS SU 'DOM DRUG CU RTZA BZHI, 'PHANG DU 'DOM STONG YOD PA ZHIG BYAMS PA'I YAB TSANGS RABS LA PHUL LO, ,TSANGS RABS KYIS BRAM ZE RNAMS LA BYIN NO, ,BRAM ZE RNAMS KYIS DE MA THAG BGOS SO, ,RJE BTZUN BYAMS PAS MCHOD SDONG DE NYID MI RTAG PAR DGONGS TE YAB LA GNANG BA GSOL NAS BRAM ZE DANG RGYAL BU BZHI STONG BRGYAD CU DANG BCAS TE RAB TU BYUNG NAS KLU SHING ZHES PA'I BYANG CHUB KYI SHING 'PHANG DU DPAG TSAD TZAM DU 'PHAGS SHING, LO 'DAB DANG 'BRAS BUS MDZES PA'I YAL GAS KHOR KHOR YUG TU RGYANG GRAGS DRUG GI BAR KHEBS PA'I DRUNG DU 'KHOD DE RAB TU BYUNG BA'I NUB MO NYID LA MNGON PAR RDZOGS PAR SANGS RGYAS SO, ,DE NAS, DA NI GNAS BZANG MCHOG THOB PAS, ,DA BZOD GNAS GZHAN MI 'GRO STE, ,'CHI BDAG NA RGA LAS GROL BAS, ,ZAB MO BDUD RTZI'I SGO 'DI RNYED, ,CES GSUNGS NAS ZHAG BDUN DU CHOS MA GSUNGS PA LAS, TSANGS PAS GDUGS DKAR PO GSER GYI RTZA BA CAN KHA DOG SNA LNGA'I MU TIG DANG DRIL BU'I DRA BAS G-YOGS PA DPAG TSAD GSUM YOD PA 'DZIN CING, LHA'I RIN PO CHES BRGYAN PA'I GSER GYI 'KHOR LO RTZIBS SDONG DANG LDAN PA PHUL ZHING, ME TOG DANG RIN PO CHE DANG SPOS KYI CHAR RAB TU PHAB STE, RJE BTZUN

, ,BYAMS PA MGON PO KHYED NYID KYIS, ,CHOS KYI 'KHOR LO BLA MED BSKOR DU GSOL, ZHES SOGS KYIS GSOL BA BTAB PAS CANG MI GSUNG BAS GNANG STE, ME TOG MDZES PAR RGYAS PA'I SKYED MOS TSAL DU GSHEGS SO, ,DER GSHEGS PA'I RDZU 'PHRUL DANG CHO 'PHRUL DAG MTHONG BAS RGYAL PO DUNG YANG BU DANG BTZUN MO DANG BCAS RGYAL PO BZHI STONG BRGYAD CU, TSANGS RABS SOGS BRAM ZE BZHI STONG BRGYAD CU, SROG CHAGS STONG PHRAG GRANGS MED PA DAG KYANG 'KHOR DER 'DUS TE RAB TU BYUNG NGO, ,DE NAS CHOS KYI 'KHOR LO BSKOR BA'I 'DUS PA DANG PO LA DGRA BCOM PA DUNG PHYUR PHRAG DGU DANG BYE BA PHRAG DRUG GO ,GNYIS PA LA DUNG PHYUR PHRAG DGU DANG BYE BA PHRAG BZHI'O, ,GSUM PA LA DUNG PHYUNG PHRAG DGU DANG BYE BA PHRAG GNYIS SO, ,DE'I TSE RGYAL BA'I 'OD ZER GYI MTHUS MUN BA'I CHA SHAS MA MCHIS SHING NYI ZLA'I 'OD KYANG ZIL GYIS MNAN PA LTAR GYUR NAS, NYIN MTSAN GYI DBYE BA ME TOG RNAMS KHA BYE BA'I TSE NYIN MO, , ZUM PA'I TSE MTSAN MO'O, ,YANG BYA RNAMS SGRA GRAG PA'I TSE NYIN MO, MI GRAG PA'I TSE MTSAN MO'O, ,DE TZAM MA GTOGS MTSAN MO'I MUN PA MA MCHIS TE YUL 'KHOR KUN RTZE ZHING DGA' MGUR SPYOD LA, THAMS CAD KYANG BYAMS MGON GYI MTHUS PHAN TSUN BYAMS PA LA GNAS SHING CHOS BZHIN SPYOD BA SHA STA GO, DE NAS RGYAL BA NYAN THOS RNAMS DANG THABS GCIG TU GRONG KHYER DU BSOD SNYOMS LA RGYU BA NA, BRGYA BYIN DANG TSANGS PA SOGS LHA THAMS CAD KYIS LHA RDZAS

KYI ME TOG SNA TSOGS PA DANG, PHRENG BA DANG MCHOD PA'I BYE BRAG RNAMS KYI CHAR MNGON PAR 'BEBS LA, GANG DU BZHUGS PA'I SA DER RIN PO CHE'I KHRI DANG 'JAM ZHING REG NA BDE BA'I GDING BA RGYA NOM PA 'DING BAR BYED DO, ,SKYE DGU KUN YANG BSTOD PA'I DBYANGS SNYAN PO SOGS KYIS MCHOD DO, ,DE LTAR LO DRUG KHRI'I BAR DU SEMS CAN GRANGS MED DPAG TU MED BRJOD DU MED PA'I DON MDZAD CING 'KHOR LO BSKOR NAS YONGS SU MYA NGAN LAS 'DA' STE, SKU GDUNG NI RIL PO GCIG TU BZHUGS SO, , RJE BTZUN BYAMS PA MGON PO MNGON PAR RDZOGS PAR 'TSANG RGYA BA'I TSE YAB YUM DANG, 'KHOR 'DUS PA DANG SKU TSE'I TSID LA SOGS PA NI MDO SDE BSKAL BZANG LAS, DE BZHIN GSHEGS PA BYAMS BA SKYE BA'I YUL NI RGYAL PO'I PHO BRANG GRONG KHYER TOG GI BLO GROS ZHES BYA'O, ,RIGS NI BRAM ZE'O, ,'OD NI DPAG TSAD GCIG GO ,YAB NI TSANGS BZANG ZHES BYA'O, ,YUM NI TSANGS BDAG MA ZHES BYA'O, ,SRAS NI BSOD NAMS STOBS CHEN ZHES BYA'O, ,RIM GRO PA NI RGYA MTSO ZHES BYA'O, ,SHES RAB CAN RNAMS KYI MCHOG NI YE SHES 'OD CES BYA'O, ,RDZU 'PHRUL CAN RNAMS KYI MCHOG NI BRTZON 'GRUS BRTAN ZHES BYA'O, ,'DUS PA DANG PO LA NI NYAN THO DAG BCOM PA DUD PHYUR PHRAG DGU DANG BYE BA PHRAG DRUG GO ,GNYIS PA LA NI DUNG PHYUR PHRAG DGU DANG BYE BA PHRAG BZHI'O, ,GSUM PA LA NI DUNG PHYUR PHRAG DGU DANG BYE BA PHRAG GNYIS SO, ,SKU TSE'I TSAD NI LO BRGYAD KHRI BZHI STONG NGO, ,DAM PA'I CHOS NI LO BRGYAD KHRI'I BAR DU GNAS SO, ,SKU GDUNG NI RIL PO GCIG TU 'DUG GO ,

, ,MCHOD RTEN YANG GCIG TU ZAD DO, ,ZHES GSUNGS PA LTAR RO, ,STON PA SH'AKYA'I RGYAL PO 'DI'I BSTAN PA LA RAB TU BYUNG NAS BSLAB PA'I GZHI RNAMS LEGS PAR BSRUNG ZHING THOS BSAM SGOM GSUM LA 'BAD KYANG THEG PA GSUM GYI 'BRAS BU MA THOB PA RNAMS RJE BTZUN BYAMS PA MGON PO ZHING 'DIR BYON NAS CHOS KYI 'KHOR LO BSKOR BA'I TSE RJES SU 'DZIN PAR THUB PAS GSUNGS SHING BYAMS MGON NYID KYIS KYANG ZHAL GYIS BZHES TE, BYAMS BA LUNG BSTAN PA'I MDO LAS, SH'AKYA SENG GE'I BSTAN PA LA, ,BSLAB GZHI YANG DAG BLANGS NAS NI, ,JI LTAR GSUNGS BZHIN RAB BSGRUBS NA,, NGA YI BSTAN LA LHAGS PA YIN, ,DGE 'DUN LA YANG CHOS GOS DANG, ,ZHAL ZAS DANG NI BTUNG BA DANG, ,BSNYUN GSOS SNA TSOGS SBYIN PA RNAMS, ,PHUL NA NGA YI BSTAN LA LHAGS, ,BCU BZHI DANG NI BCO LNGA DANG, ,DE BZHIN ZLA PHYED TSES BRGYAD DANG, ,CHO 'PHRUL GYI NI ZLA BA LA, , BSNYEN GNAS YAN LAG BRGYAD BSRUNGS SHING, ,MCHOD DANG GSO SBYONG LEGS BYAS NA, ,NGA YI BSTAN LA LHAGS PA YIN, ,ZHES GSUNGS PA LTAR RO, ,DGA' LDAN DU RJE BTZUN BYAMS PA MGON PO'I ZHABS DRUNG DU SKYES NAS BYAMS MGON LAS BYUNG CHUB LAM GYI RIM PA'I GNAD RNAMS THOS PAR 'DOD PA RNAMS KYIS RJE BTZUN BYAMS PA MGON PO'I SKU YID LA BYAS TE YAN LAG BDUN PA MNYAL DANG BCAS BA YANG DANG YANG DU 'BUL BA DANG, KHAS BLANGS PA'I

BSLAB KHRIMS DAG PAR BSRUNG BA DANG, STON PA THUB PA'I DBANG PO DANG MGON PO BYAMS PA GNYIS KA LA GSOL BA BTAB NA JI LTAR SMON PA DE BZHIN DU 'GRUB PAR MDO LAS GSUNGS, BYAMS PAS DAM BCAS PA'I GZUNGS KHA TON DU BYAS NA'ANG DGA' LDAN DU SKYE PA DANG, BYAMS PA MGON POS NGES PAR RJES SU 'DZIN PAR ZHAL GYIS BZHES SHING, SNGON GYI DAM PA MANG POS ZHING GSHEGS KHAR DGA' LDAN DU PHEBS BZHED NAS BYAMS PAS DAM BCAS PA'I GZUNGS KHA TON DU MDZAD PA DANG, BYAMS PA'I SKU BZHENG BA DANG, BYAMS PA'I SMON LAM 'DON ZHING GZHAN LA'ANG RGYA CHER SPEL BAR MDZAD PA'I RNAM THAR MANG DU SNANG NGO, ,BYANG CHUB LAM GYI RIM PA'I GDAMS NGAG GI GZHUNG RTZA BA MTHAR THUG PA NI SHER PHYIN GYI MDO SDE RIN PO CHE YIN LA, SHER PHYIN GYI MDO SDE RIN PO CHE'I DON RNAMS BYANG CHUB LAM GYI RIM PA'I MAN NGAG TU SBYAR TE STON PA'I GZHUNG NI RJE BTZUN BYAMS MGON GYIS MDZAD PA'I SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN YIN TE, MNGON RTOGS RGYAN GYIS SHER PHYIN GYI MDO SDE RIN PO CHE'I DON THAMS CAD BRJOD BYA DNGOS PO BRGYAD, DE LA NANG GSES KYIS PHYE BAS DON BDUN CUR GTAN LA PHAB, DE'I DANG PO SEMS BSKYED NAS THA MA 'PHRIN LAS KYI BAR THAMS CAD GANG ZAG GCIG GIS NYAMS SU LEN TSUL GSAL BAR STON PA NI BYANG CHUB LAM GYI RIM PA STE, RJE BDAG NYID CHEN POS BYANG CHUB LAM GYI RIM PA 'DI MNGON PAR RTOGS PA'I RGYAN GYI

, ,GDAMS NGAG YIN LA, ZHES SOGS RGYA CHER GSUNGS PA LTAR RO, ,DE LTAR RJE BTZUN BYAMS PA MGON POS BYANG CHUB LAM GYI RIM PA'I GDAMS NGAG GI GZHUNG RTZA BA MNGON RTOGS RGYAN DANG, DE'I NYAMS LEN GYI GNAD RNAMS MDO MANG PO NAS BTUS TE, RGYAS PAR STON PA MDO SDE RGYAN DANG, BYANG CHUB LAM GYI RIM PA'I ZHI LHAG GNYIS KYI NYAMS LEN ZUR DU BKAR NAS STON PA DBUS MTHA' RNAM 'BYED DANG, CHOS DANG CHOS NYID RNAM 'BYED GNYIS BYANG CHUB LAM GYI RIM PA'I LTA BA'I GNAD MTHAR THUG PA MGON PO KLU SGRUB KYIS RGYAL BA'I DGONGS PA BKRAL BA'I DBU MA'I LTA BA DANG MTHUN PAR SEMS KYI CHOS NYID SPROS PA'I MTHA' THAMS CAD DANG BRAL BA'I RANG BZHIN GNAS RIGS GTAN LA PHAB STE MTHAR THUG THEG PA GCIG TU BSGRUB PA RGYUD BLA MA RNAMS MDZAD DE, DE DAG LA BYAMS CHOS SDE LNGA ZHES YONGS SU GRAGS SO, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RJE BTZUN BYAMS PA MGON PO LA GSOL BA GDAB PA DANG, BYAMS MGON GYI GZHUNG 'DI DAG LA GCIS PO CHER BZUNG NAS THOS BSAM SGOM GSUM LA 'BAD PAR BYA'O,, ` ,, RGYAL BAS LUNG BSTAN 'PHAGS PA THOGS MED ZHABS, ,ZHES BSNGAGS PA 'PHAGS PA THOGS MED NI ,'JAM DPAL RTZA RGYUD LAS, NGA NI MYA NGAN 'DAS 'OG TU, ,LO NI DGU BRGYA LON BA NA, ,THOGS MED CES BYA'I DGE

SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL CAN DU 'GYUR, ,DE YI RIG PA GRUB PA NI, ,SA LA'I PHO NYA MO ZHES BRJOD, ,DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN BA YUN RING GNAS BYA'I PHYIR, ,MDO YI DE NYID BSDUS DON BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, ZHES GSAL BAR LUNG BSTAN PA THUB PA'I BSTAN PA NYAMS DMAS PA GSO BA'I PHYIR DU SNYING RJE DANG SMON LAM GYI DBANG GIS ZHING 'DIR BSAM BZHIN DU BYON PA ZHIG STE, DE YANG, RGYAL BA MYA NGAN LAS 'DAS NAS RING PO MA LON PA NA NANG PA'I BSTAN PA SDE PA BCO BRGYAD DU GYES PA DANG, DE NAS KYANG NYAN THOS KYI GRUB MTHA' SMRA BA MANG BO ZHIG GIS THEG CHEN RGYAL BA'I BKA' MIN NO ZHES LOG PAR BZUNG STE THEG BA CHEN PO'I BSTAN PA CHES CHER NYAMS DMAS BAR BYAS SHING NYAN THOS KYI GRUB MTHA' SMRA BA RNAMS KYANG PHAN TSUN RTZOD PAR BYED PAS 'DI NI BDEN GYI GZHAN NI GTI MUG GO ZHES PHYOGS PHYOGS SU GYES PAS RGYAL BA'I BSTAN PA SHIN TU NYAMS SHING, LHAG PAR BDUD SDIG TO CAN GYIS BYIN GYIS BRLABS TE YID BSGYUR BA'I MU STEGS KYI RGAN MO ZHIG NA RE, NANG PA'I GAndI'I SGRA LAS 'GEMS ZHES PA ZHIG SNANG STE, 'O SKOL LA GNOD MI GNOD BRTAG BAR RIGS SO, ,ZER NAS BRTAGS PAS, LHA DANG KLU DANG GNOD SBYIN GYIS

, ,MCHOD PA'I, ,DKON MCHOG GSUM GYI TOG SDE 'DI BRDUNGS PAS, ,MU STEGS 'CHAL PA'I KLAD PA RNAM PAR 'GEMS, ,ZHES PAR RIG NAS DMAG DRANGS TE BSTAN PA BSNUBS SO, ,DE NAS CUNG ZAD 'PHEL NAS YOD PA'I TSE, DBUS KYI RGYAL POS STAG GZIG GI RGYAL PO LA RAS KYI NA BZA' SRUBS MED PA ZHIG SKYES SU BSKUR TE, DE'I SNYING GAR RKANG RJES 'DRA BA ZHIG YOD PAS, NGAN SNGAGS BYAS SO ZER NAS DMAG DRANGS TE BSNUBS SO, ,DE NAS YANG CUNG ZAD 'PHEL NAS YOD PA'I TSE, NANG PA'I GTZUG LAG KHANG ZHIG TU PHYI PA'I SPRANG PO GNYIS SLONG DU 'ONGS PA LA BKRU CHU GTOR BAS KHROS TE NYI MA BSGRUBS NAS NANG PA'I GTZUG LAG KHANG DANG GSUNG RAB MANG PO BSREGS NAS BSNUBS SO, ,DE'I TSE BRAM ZE MO GSAL BA'I TSUL KHRIMS ZHES PA SNGON YUN RING PO NAS BYANG CHUB TU SEMS BSKYED DE RGYAL BA'I BSTAN PA GSO BA'I SMON LAM GYI MTHU CAN ZHIG YOD PA DE'I BSAM PA LA THUB PA'I BSTAN PA LA DGRA LAN GSUM BYUNG STE NUB PAS, DA 'DI DAR BAR BYED NUS PA GZHAN YANG MI SNANG, BDAG KYANG BUD MED DU SONG BAS MI NUS KYI, LUS LAS BU BSKYED LA DAR BAR BYED DU GZHUG GO SNYAM STE RGYAL RIGS DANG 'DUS PAS THOGS MED 'KHRUNGS SO, ,DE NAS YUM GYIS SRAS 'KHRUNGS MA THAG LCE LA GZHI HANG GIS YI GE AA 'DRI BA SOGS BLO RNO BA'I THABS BYAS SHING RNAM PA

KUN NAS GTZANG SPRA LA GNAS TE BU 'DIS RGYAL BA'I BSTAN PA 'DZIN PA ZHIG NAM 'ONG SNYAM DU DE 'BA' ZHIG YID LA BRNAGS TE DE'I THABS LA 'BAD CING YI GE DANG RTZIS DANG BRAM ZE'I RIG BYED SOGS RIG GNAS THUN MONG BA RNAMS YUM RANG NYID KYIS BSLABS, DE CHER SKYES PA'I TSE GZHON NU DES, YUM, PHA'I LAS GANG YIN ZHUS PAS YUM GYIS KHYOD PHA'I RIGS SKYONG BA'I PHYIR BSKYED PA MIN GYI, SANGS RGYAS KYI BSTAN PA NYAMS PA SEMS KYIS MA BZOD NAS DE'I PHYIR BSKYED PA YIN PAS RGYAL BA'I BSTAN PA LA RAB TU BYUNG LA SDE SNOD GSUM KLOG PA DANG, BSAM GTAN LA 'BAD NAS RGYAL BA'I BSTAN PA DAR BAR GYIS SHIG CES GSUNGS NAS RAB TU BYUNG STE DGE TSUL DANG ,DE NAS MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE SDE SNOD GSUM LA SBYANGS NAS LO RE LA TSIGS BCAD 'BUM 'BUM GYI TSIG DON GNYIS KA THUGS SU CHUD PAR MDZAD PAS RING POR MA THOGS PAR SDE SNOD GSUM THUGS SU CHUD, 'ON KYANG SHER PHYIN GYI MDO SDE RIN PO CHE'I SBAS DON MNGON RTOGS KYI RIM PA RNAMS RTOGS DKA' BAR BYUNG NAS SHER PHYIN GYI MDO SDE'I DON THEG PA CHEN PHO'I LAM GYI LUS YONGS SU RDZOGS PA NAM ZHIG NA RNYED SNYAM DU DE 'BA' ZHIG THUGS LA BCANGS NAS TSUL KHRIMS DAG PAR BYA BA DANG, TSOGS BSAG PA DANG, SGRIB BA SBYONG BA'I SGO DU MA LA 'BAD PA DANG, NANG DU YANG DAG 'JOG LA RTAG TU 'GRUS PAR MDZAD DO, ,DE NAS

, ,SNGAGS KYI RDO RJE SLOB DPON ZHIG LA SGYU 'PHRUL DRA BA'I DBANG ZHU BAR MDZAD NAS DE'I DKYIL 'KHOR DU ZHUGS TE LHAG PA'I LHA GANG LA 'BREL CHE DANG ,GANG LA GSOL BA BTAB NA BYIN RLABS MYUR BRTAG PA'I PHYIR ME TOG DOR BA NA ME TOG BYAMS MGON LA BABS SO, ,DE NAS RJE BTZUN BYAMS BA BSGRUBS LA BSTAN PA DAR BAR BYA'O SNYAM DU DGONGS TE RI BYA RKANG GI PHUG TU BSGRUB TU BYON TE LO GSUM DU BSGRUBS PAS MTSAN MA CUNG ZAD KYANG MA MTHONG BAS SKYO STE PHYIR 'THON PA NA RGAN PO SHING BAL GYI 'DAB MAS LCAGS KYI SDONG PO LA KHAB BYED PA MTHONG NAS, KHAB JI LTAR 'BYUNG ZHES DRIS PAS, SNYING STOBS LDAN PA'I SKYES BU YIS, ,BSGRUBS NA MI 'GRUB GANG YANG MED, ,DKA' YANG BRNAGS PA MA DOR NA, ,RI BO RNAMS KYANG THAL BAR RLOG; ZER BAS BRTZON 'GRUS BRTZOM DGOS PAR DGONGS NAS SLAR YANG LO GSUM DU MTSAMS BCAD DE BSGRUBS KYANG 'GRUB BA'I MTSAN MA GANG YANG MA BYUNG BAS SKYO STE PHYIR 'THON PA NA CHU THIGS KYIS BRAG ZAD PA MTHONG NAS BRTZON PAS YUN RING DU BSGRUB DGOS PAR MTHONG NAS YANG LO GSUM DU MTSAMS BCAD DE BSGRUBS KYANG 'GRUB PA'I MTSAN MA GANG YANG MA MTHONG BA NA SKYO STE PHYIR 'THON PAS BYA SGROS BRAG ZAD PA MTHONG STE DA DUNG BRTZON PA BYED DGOS BAR DGONGS NAS SLAR YANG LO GSUM MTSAMS BCAD DE BSGRUBS, DE LTAR LO BCU GNYIS SU BSGRUBS KYANG 'GRUB PA'I MTSAN MA MA BYUNG BAS SKYO STE 'THON NAS PHYIN BA NA KHYI MO RO SMAD 'BUS GZHIGS BA, RO STOD ZUGS SHING ZA BA ZHIG MTHONG NAS

SNYING RJE LHAG PAR SKYES TE, 'BU RNAMS BSAL NA 'BU 'CHI, MA BSAL NA KHYI MO 'CHI BAR SNANG BAS RANG GI LUS LAS SHA BCAD DE DER 'BU RNAMS BLANG DO SNYAM STE GRONG KHYER AA TZAN TA ZHES BYA BAR PHYIN TE, GSEG SHANG GTENG BAR BCUG NAS GSER GYI SPU GRI YAR TE RANG GI LUS LAS SHA BCAD ,LAG PAS BLANGS NA 'BU RNAMS SHI YI DOGS TE, SPYAN BTZUMS TE LJAGS KYIS BLANGS PA NA KHYI MO MED PAR RJE BTZUN 'OD DANG BCAS PAR MTHONG NAS, KYE MA YAB GCIG BDAG GI SKYABS, ,NGAL BRGYAS 'BAD KYANG 'BRAS MA MCHIS, ,CI PHYIR CHAR SPRIN RGYA MTSO'I DPUNG, ,GDUNG BAS BSREGS TE SKOM TSAD 'BAB, ,BDAG GIS DE TZAM BSGRUBS KYANG RTAGS KYANG MA BYUNG NA THUGS RJE RE CHUNG ZHES 'KHENGS PAS RJE BTZUN GYIS, LHA YI RGYAL POS CHAR PHAB KYANG; ;SA BON MI RUNG MI 'KHRUNGS LTAR, ,SANGS RGYAS RNAMS NI BYON GYUR KYANG, ,SKAL BA MED PAS BZANG MI MYONG, ,DE DANG PO NAS YOD DE KHYOD RANG GI SGRIB PAS MA MTHONG LA, DA LTA SNYING RJE CHEN PO SKYES PAS LAS SGRIB DAG NAS MTHONG BA YIN ,DE LTAR YIN PAR KHYOD RANG NGA PHRAG GONG DU KHYER LA MI RNAMS LA STON CIG GSUNGS NAS BSTAN PAS MTHONG BA MA BYUNG BAS DES YID CHES SO, ,KHYOD CI 'DOD GSUNG BA LA THEG CHEN DAR BAR ZHU 'TSAL BYAS PAS, NGA'I CHOS GOS LA 'JUS SHIG GSUNGS NAS DGA' LDAN DU BYON TA LHA'I GRO SKAD GCIG, MI LO LNGA BCUR BZHUGS TE RJE BTZUN BYAMS PA MGON PO LA THEG PA CHEN PO'I CHOS MTHA' YAS PA GSAN ZHING, LHAG PAR SHER PHYIN GYI MDO SDE RIN PO CHE'I DON THEG

, ,PA CHEN PO'I LAM GYI RIM BA'I GNAD RNAMS GTING PHYIN BAR ZHUS TE JI LTAR GSUNGS PA'I DON RNAMS LA SEMS PA DANG 'JAL BA DANG RTOG PAR BYED CING BSGOMS PA'I MTHUS TING NGE 'DZIN GYI SGO BRGYA PHRAG DU MA THOB CING, MI BRJED PA'I GZUNGS DANG, THOGS BA MED PA'I SPOBS PA DANG, THEG BA CHEN PO'I CHOS RNAM PAR 'BYED PA'I SHES RAB THOB CING CHOS NYID MNGON DU GYUR TE 'PHAGS PA'I SA THOB, DE NAS GDUL BYA'I DON DU SHER PHYIN GYI MDO SDE RIN PO CHE'I SBAS DON MNGON RTOGS LAM GYI RIM PA TSANG BAR STON PA'I BSTAN BCOS RTZOM PAR ZHUS PAS RJE BCUN BYAMS PA MGON BOS SHER PHYIN GYI MDO SDE RIN PO CHE'I SBAS DON BYANG CHUB LAM GYI RIM PA STON PA'I BSTAN BCOS MNGON PAR RTOGS PA'I RGYAN DANG, MDO SDE RGYAN DANG, 'BYED RNAM GNYIS DANG, RGYUD BLA MA STE CHOS LNGA BRTZAMS SO, ,'PHAGS PA THOGS MED KYIS DGA' LDAN DU BZHUGS PA'I YUN TSAD LA LHA'I GRO SKAD GCIG MI LO LNGA BCU GSUNGS PA 'DI LA GRO SKAD GCIG LA MI LO LNGA BCU JI LTAR 'ONG SNYAM DU DOGS PAR MI BYA STE MJOD LAS, MI RNAMS KYI LO LNGA BCU LA, 'DOD PA DAG GI LHA RNAMS LAS, ,'OG MA RNAMS KYI NYIN ZHAG GCIG ,GONG MA GNYIS KA NYIS 'GYUR RO, ,ZHES GSUNGS PA LTAR, RGYAL CHEN RIS BZHI BA'I ZHAG GCIG LA MI LO LNGA BCU 'ONG LA, LHA GNAS GONG MA RNAMS NYIS 'GYUR DU GSUNGS PA'I SUM CU RTZA GSUM PA'I ZHAG GCIG LA MI LO BRGYA, 'THAB BRAL BA'I ZHAG GCIG LA MI LO NYIS BRGYA, DGA' LDAN PA'I ZHAG GCIG LA MI LO BZHI BRGYA 'ONG BAS DGA' LDAN GYI LHA'I SNGA DRO'I CHA GCIG LA MI LO LNGA

BCU NGES PAR 'ONG NGO, ,DE NAS 'PHAGS PA THOGS MED CHOS KYI BDUD RTZIS CHIM NAS 'DZAM BU'I GLING DU RGYAL BA'I BSTAN PA SPEL PHYIR 'BYON PA NA SNGAR DGA' LDAN DU YAR 'BYON DUS BYAMS MGON GYI NA BZA' LA 'JUS TE DE'I RDZU 'PHRUL GYIS BYON PA YIN YANG, 'DZAM BU'I GLING DU MAR 'BYON PA'I TSE 'PHAGS PA THOGS MED RANG NYID KYI RDZU 'PHRUL GYIS BYON TE MA GA DHA'I YUL GYI PHYOGS DBEN PA'I NAGS TSAL ZHIG TU MANG DU THOS BA'I SLOB MA NYUNG SHAS DANG BCAS BZHUGS TE ,DE DAG LA THEG PA CHEN PO'I LAM GYI RIM PA BSTAN PAS DE DAG THAMS CAD KYIS BZOD PA THOB CING RDZU 'PHRUL DANG MNGON BAR SHES PA RGYA CHEN PO THOB STE BSTAN PA'I BYA BA RGYA CHER NUS PA SHA STAG BYUNG BAS GNAS DE LA CHOS KYI MYU GU'I DGON BA ZHES GRAGS PAR CHOS 'BYUNG 'GA' ZHIG LAS BSHAD, GNAS DER BYAMS CHOS SDE LNGA YI GER BKOD CING MNGON BAR RTOGS BA'I RGYAN DANG YUM GYI DON STON BA DE NYID RNAM NGES BRTZAMS, RIM GYIS RGYUD BLA MA'I 'GREL PA DANG, MDO SDE DGONGS 'GREL GYI 'GREL PA MDZAD CING, RJE BTZUN GYI MAN NGAG LA BRTEN NAS THEG PA CHEN PO'I LAM GYI RIM BA RGYAS BAR STON PA BYANG CHUB SEMS DPA'I SA SOGS SA SDE LNGA DANG SDOM RNAM PA GNYIS MDZAD DE, SA SDE LNGA NI SA'I DNGOS GZHI, ,GZHI BSDU BA, RNAM GRANGS BSDUB, RNAM PAR BSHAD PA'I SGO BSDU BA, RNAM PAR GTAN LA DBAB PA BSDU BA RNAMS SO, ,SDOM GNYIS NI, THEG PA

, ,CHEN PO'I SDOM THEG BSDUS DANG, THEG PA THUN MONG GI SDOM MNGON PA KUN BTUS GNYIS SO, ,SHES RAB KYI PHA ROL TU PHYIN PA GSER MDOG CAN GYI SGRUB THABS, SHES RAB KYI PHA ROL TU PHYIN MA'I SGRUB THABS, GSER MDOG CAN GYI SHER PHYIN GYI SGRUB THABS, YANG SHER PHYIN GYI SGRUB THABS, SANGS RGYAS RJES DRAN GYI MDO'I 'GREL PA, CHOS RJES DRAN GYI MDO'I 'GREL PA, DGE 'DUN RJES DRAN GYI MDO'I 'GREL PA, BSAM GTAN GYI SGRON MA, 'PHAGS PA BYAMS PA'I SGRUB THABS, CHOS SKU'I YON TAN THUN MONG MA YIN PA'I BSTOD PA RNAMS MDZAD DO, ,SLOB DPON 'PHAGS PA THOGS MED 'DI SA GSUM PA BRNYES PAR GRAGS SHING, DE LTAR NAS DANG PO THOB PA'I TSE SPRUL PA MI 'DRA BA BRGYA PHRAG DUS GCIG LA STON PA DANG, SANGS RGYAS KYI ZHING BRGYA PHRAG TU DUS GCIG LA PHYIN NAS SANGS RGYAS BRGYA PHRAG LA DUS GCIG TU MCHOD PA DANG BSNYEN BKUR BYA NUS PA DANG, 'JIG RTEN GYI KHAMS BRGYA PHRAG TU SPRUL PA BRGYA PHRAG BKYE NAS DE DANG DE'I GDUL BYA RNAMS LA DUS GCIG TU CHOS STON NUS BA DANG, RANG DANG GZHAN GYI TSE RABS BRGYA PHRAG MANG PO MNGON SUM DU MTHONG BA DANG, MTSAN DPE RJES MTHUN PA THOB CING LAS NYON GYI DBANG DU MI 'GRO BAR SNYING RJE DANG SMON LAM GYI DBANG KHO NAS SKYE BA LEN PA DANG, MCHOG GI SBRUL SKU'I ZHAL MNGON SUM DU MTHONG STE NAM 'DOD DU SANGS RGYAS LAS CHOS NYAN NUS BA SOGS YON TAN MTHA' YAS PA MDO LAS GSUNGS PAS

BDAG NYID CHEN PO 'DI'I YON TAN NIS LA GNAS PA'I SEMS DPA' NANG PHAN TSUN DANG SANGS RGYAS RNAMS KYIS MKHYEN PA MA GTOGS BLO DMAN DAG GIS PHYOGS TZAM YANG SHES NUS PA MA YIN NO, ,SLOB DPON BDAG NYID CHEN PO 'DI'I SKU LA MTSAN DPE RJES MTHUN PA YOD PA DANG, DGUNG LO BRGYA PHRAG BRGAL BA'I TSE NA'ANG SKU LA SKRA DKAR DANG GNYER MA MED CING GZHON NU'I NYAMS LTAR SKU BLTA BAS CHOG MI SHES SHING GZHON SHA CHAGS PA ZHIG YOD PAR BSHAD, SLOB DPON BDAG NYID CHEN PO 'DIS RGYAL BA'I BSTAN PA RGYA CHER SPEL BA'I TSE MU STEGS KYI SMRA BA NGAN PA RNAMS PHAL TSAR NUB, SANGS RGYAS KYI BSTAN PA CHES CHER 'PHEL NAS 'DZAM BU'I GLING GI CHE DGU THAMS CAD KYIS BDAG NYID CHEN PO 'DI LA MCHOD CING BSNYEN BKUR, RGYAL BA'I BSTAN PA LA ZHUGS NAS RGYAL BA DGYES PA'I LAM LA SLOB PAR 'DOD PA THAMS CAD BDAG NYID CHEN PO 'DI'I SLOB MAR GYUR TE SLOB DPON 'DIS CHOS STON PA'I TSE THEG PA CHEN PO'I CHOS NYAN PA KHRI PHRAG BRGAL BA BYUNG ZHES GRAGS SHING THUB BSTAN MI NUB PA'I RGYAL MTSAN 'DZAM GLING MDZES PAR BYED PA'I RGYAN GCIG BU ZHES GTAM DU GRAGS SO, ,SLOB DPON 'DIS SKU TSE'I MJUG LA N'A LANDRA'I MKHAN PO MDZAD DE LO BCU GNYIS SU N'A LANDRA BSKYANGS TE BSTAN PA'I BDAG PO MDZAD, RGYA GAR GYI GNAS THAMS CAD DU MCHOD GZHI MANG DU BTZUGS, DGE 'DUN GYI SDE CHES CHER 'PHEL BAR MDZAD, MTHAR RGYAL PO'I KHAB TU SKU'I BKOD PA BSDUS TE, DGA'

, ,LDAN DU RGYAL BA MI PHAM PA'I ZHABS DRUNG DU PHEBS NAS THEG PA CHEN PO'I CHOS KYI BDUD RTZI LA LONGS SPYOD CING DGA' LDAN GYI LHA RNAMS LA THEG PA CHEN PO'I CHOS STON PA DANG 'DUL BAR 'OS PA'I GDUL BYA GANG DANG GANG NA YOD BA'I ZHING DE DANG DER SPRUL BA'I BKOD PA BSAM GYIS MI KHYAB PAS GDUL BYA BGRANG BA LAS 'DAS PA SKAD CIG DANG SKAD CIG LA 'KHOR BA DANG NGAN SONG LAS BSGRAL TE MTHO RIS DANG THAR PA DANG THAMS CAD MKHYEN BA'I LAM LA 'KHRID CING BZHUGS SO, ,BDAG NYID CHEN PO 'DI GANG DU MYA NGAN LAS 'DAS PA'I GNAS DER DAD PA CAN DAG GIS MCHOD RTEN BRTZIG SO, ,SLOB DPON 'DI LA SLOB MA BSTAN PA 'DZIN PA BSEM GYIS MI KHYAB PA YOD CING, SRAS KYI THU BO BSTAN BA'I BDAG BOR GYUR PA NI MKHAS MCHOG DBYIG GNYEN NO, ,SLOB DPON 'DI THUGS BSKYED SHIN TU RGYA CHE BAS DE SANG YANG SLOB DPON 'DI'I GSUNG SA SDE RNAMS PHYOGS THAMS CAD DU KHYAB PAR GNAS SO, ,DES NA BYANG CHUB LAM GYI RIM PA LA BLO SBYONG BAR 'DOD BA'I GDUL BYA RNAMS KYIS 'PHAGS PA THOGS MED LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA SHUGS DRAG LA RGYUN RING BA 'DEBS PA DANG, THEG PA CHEN PO'I LAM GYI RTZA BA BYAMS SNYING RJE BYANG CHUB KYI SEMS THUGS DAM GYI MTHIL DU BYED

PA DANG, SKYES BU GSUM GYI LAM LA BLO SBYONG BA'I TSE SKYES BU CHUNG NGU'I SKABS KYI LAS 'BRAS KYI DMIGS SKOR LA SA'I DNGOS GZHI NAS GSUNGS PA LTAR BSAM, SKYABS 'GRO'I DMIGS SKOR LA GTAN LA DBAB PA BSDU BA NAS GSUNGS PA LTAR BSAM, THEG CHEN THUN MONG MIN PA'I SKYABS 'GRO NI RGYUD BLA DANG DE'I 'GREL PA SLOB DPON 'DIS MDZAD PA NAS GSUNGS PA LTAR BSAM, SKYES BU 'BRING GI DMIGS SKOR LA BDEN BZHI'I GNAS TSUL BSAMS TE SRID PA MTHA' DAG LA ZHEN PA LOG PA'I NGES 'BYUNG BSKYED TSUL NYAN SA DANG MNGON PA KUN BTUS NAS GSUNGS PA LTAR BSAM, BSLAB PA GSUM RGYUD LA BSKYED CHUL NYAN SA NAS GSUNGS PA LTAR BSAM, BYAMS SNYING RJE BYANG CHUB KYI SEMS DANG, RGYAL SRAS KYI SPYOD PA RLABS PO CHE LA SLOB TSUL RNAMS BYANG SA NAS GSUNGS BA LTAR BSAM, ZHI GNAS BSGRUB CHUL DANG SPYIR LHAG MTHONG GI RTOGS PA SKYE LUGS RNAMS NYAN SA NAS GSUNGS PA LTAR BSAM, ZAB MO DBU MA'I LTA BA THUN MONG MIN PA NI RGYUD BLA MA'I 'GREL PA SLOB DPON 'DIS MDZAD PA LAS GSUNGS BA LTAR BSAMS LA BYANG CHUB LAM GYI RIM BA LA NGES PA PHU THAG CHOD PA RNYED BAR BYAS LA NYAMS LEN SNYING POR BYA'O,, ,, ` 'DZAM GLING MKHAS PA'I GTZUG RGYAN DBYIG GI GNYEN, ,ZHES BSNGAGS PA, MKHAS MCHOG DBYIG GNYEN NI, 'PHAGS PA THOGS MED DANG YUM GCIG PAR 'KHRUNGS TE 'PHAGS PA THOGS MED 'KHRUNGS NAS THUN MONG

, ,BA'I RIG GNAS RNAMS LA SBYANGS SHING RAB TU BYUNG NAS RING ZHIG LON PA NA SNGON YUN RING PO NAS BYANG CHUB KYI SEMS CHES CHER RGYAS PA RGYAL BA'I BSTAN PA SPEL BA'I SMON LAM GYI MTHU CAN YUM BRAM ZE MA GSAL BA'I TSUL KHRIMS DE NYID KYIS BRAM ZE DANG 'DUS PA LAS KHYE'U MTSAN DANG LDAN PA ZHIG BTZAS TE, KHYE'U DE'I LCE LA GHI HANG GI YI GE AA 'DRI BA SOGS BRAM ZE'I RIG BYED LAS 'BYUNG BA LTAR GYI BLO RNO BA'I CHO GA BYAS SHING KHRUS DANG GTZANG SBRA LA GNAS PA'I SGO NAS BSKYED BSRINGS TE NAR SON PA NA YI GE DANG, RTZIS DANG, RIG BYED BZHI LA SOGS PA THUN MONG BA'I RIG NAS RNAMS YUM NYID KYIS LEGS PAR BSLABS TE KHONG DU CHUD PAR BYAS, DE NAS YUM GYIS SRAS LA 'DI SKAD DU, BU; KHYOD SKYED BA NI RIGS SPEL BA SOGS 'JIG RTEN GYI BYA BA'I CHED DU BSKYED BA MA YIN GYI, RGYAL BA'I BSTAN PA SBEL BA'I PHYIR BSKYED PA YIN PAS RAB TU BYUNG LA SDE SNOD GSUM LA SBYANGS TE RGYAL BA'I BSTAN PA DAR BAR GYIS SHIG ,CES BSKUL NAS NA LANDRAR RAB TU BYUNG, RAB TU BYUNG TZAM NYID NAS MKHAN SLOB KYIS BSTAN PA LTAR 'DUL BA'I BCAS MTSAMS PHRA ZHING PHRA BA MTHA' DAG MIG 'BRAS LTAR BSRUNG BA GZHIR BZHAG NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR, DE NAS MNGON PA'I SDE SNOD KYI DGONGS DON PHRA ZHING PHRA BA DAG RTOGS BAR BYA BA'I PHYIR DANG, SDE PA BCO BRGYAD

SO SO'I LUGS MA 'DRES PAR SHES PAR BYA BA'I PHYIR DANG, GZHAN YANG RANG DANG ZHAN GYI GRUB PA'I MTHA' RGYA MTSO LTA BU'I PHA ROL TU PHYIN PAR BYA BA'I PHYIR MKHAS GRUB DU MA'I 'BYUNG GNAS KHA CHE'I YUL DU PHEBS NAS MKHAS PA CHEN PO 'DUN BZANG GI DRUNG DU SNGON DGRA BCOM PA RNAMS KYIS MNGON PA SDE BDUN DANG 'DUL BA LUNG SDE BZHI'I GNAD RNAMS BSDUS TE GTAN LA PHAB PA'I BSTAN BCOS BYE BRAG TU BSHAD PA CHEN PO GZHUNG 'BUM PHRAG GCIG TU LONGS PA YOD PA DE LA SBYANGS SO, ,BSTAN BCOS 'DI LA SNGON GYI GZHAN YANG SLOB DPON 'DUN BZANG LA MNGA' BA'I SDE SNOD GSUM BRJOD, PHYE BRAG BSHAD MDZOD CES KYANG BRJOD DO, ,DE LTA BU'I BSTAN BCOS CHEN PO DE YONGS SU RDZOGS PA THUGS LA BZUNG NAS DON GYI GNAD MTHA' DAG LA 'KHRUL PA'I DRI MA PHRA MO'ANG MED PAR DRI MA MED PA'I RIGS PA PHRA MOS LEGS PAR DPYAD NAS MTHA' DAG PAR THUGS LA CHUD PAR MDZAD, GZHAN YANG SLOB DPON 'DUN BZANG LA MNGA' BA'I SDE SNOD GSUM GYI BSHAD SROL MTHA' DAG LA SBYANGS NAS MKHAS PA'I PHUL DU PHYIN PAR GYUR TE, KHA CHE'I YUL DU GDUL BYA BGRANG BA LAS 'DAS PA LA CHOS MANG DU BSTAN CING DRI MA MED PA'I RIGS LAM RGYAS PAR MDZAD, DE NAS RGYA GAR DU 'BYON PAR BZHED PA'I TSE BDUD SDIG TO CAN GYIS BDAG NYID CHEN PO 'DIS RGYAL BA'I BSTAN PA LA BYA BA RGYA CHEN PO MDZAD PA MA BZOD NAS CHOM RKUN PA MANG PO DANG SHO GAM BSRUNG BA'I GNOD SBYIN GYI YID BSGYUR TE DE DAG GIS

, ,SLOB DPON GYI LHA RTEN DANG GLEGS BAM LA SOGS PA YO BYAD THAMS CAD PHROGS, YANG GLEGS BAM LA SOGS PA GSAR DU BZHENGS NAS PHEBS PAR LAN GSUM GYI BAR DU PHROGS PA NA SLOB DPON GYI THUGS LA DA NOR NI MED GLEGS BAM MED KYANG CHOS THAMS CAD NI BLO LA YOD PA SUS KYANG DBROG TU MI BTUB PAS YO BYAD GANG YANG MED PAR 'GRO'O SNYAM DU DGONGS NAS PHEBS TE NA LANDRAR BYON, DER SDE SNOD 'DZIN PA MANG PO LA CHOS RGYA CHER STON CING BZHUGS PA NA, GCEN 'PHAGS PA THOGS MED KYIS BSTAN BCOS MANG DU BRTZAMS PA GSAN NAS, KYE MA THOGS MED NAGS SU LO, ,BCU GNYIS BAR DU TING 'DZIN BSGRUBS, ,TING 'DZIN MA GRUB GLANG CHEN GYI; ;RGYAB KHAL LONGS BA'I GRUB MTHA' BRTZAMS, ,ZHES THEG CHEN GYI GANG ZAG DANG CHOS LA SKUR PA BYAS PA GCEN GYIS GSAN NAS, LOG SGRUB DON MIN DU 'GYUR BA MKHYEN NAS, DE BZLOG PA'I PHYIR SLOB MA GNYIS SA BCU PA DANG, BLO GROS MI BZAD PAS BSTAN PA 'DZIN DU BCUG NAS, GCUNG CAN DU SONGS LA SROD DANG THO RANGS THON CIG CES BSGO BA LTAR BSGRUBS PAS, MDO BTON PAS DE SLOB DPON DBYIG GNYEN GYIS GSAN PA NA, SROD LA THEG CHEN 'DI RGYU BZANG 'BRAS BU KHA G-YEL BA 'DRA GSUNG, THO RANGS RGYU 'BRAS GNYIS KA BZANG BAR 'DUG PA LA NGAS SKUR PA BTAB PHA LCE 'DIS LAN BAS GCOD GSUNG NAS SPU GRI 'TSOL BA'I CHE KHONG GNYIS KYIS LJAGS DGUM MI

'TSAL, DE'I SGRIB PA SBYANG THABS GCEN LA MNGA' BAS DER GSHEGS PAR ZHU ZHUS PAS, SLOB DPON DBYIG GNYEN 'PHAGS PA THOGS MED KYI SAR BYON TE CHOS GSAN PAS DAD NAS 'PHAGS PA THOGS MED LA NYES PA BSHAGS TE THEG PA CHEN PO'I CHOS RNAMS RIM GYIS GSAN ZHING, DE'I TSE 'PHAGS PA THOGS MED LA RJE BTZUN BYAMS PA MGON PO 'BRAL MED DU BZHUGS NAS BYA BA THAMS CAD RJE BTZUN LA ZHU ZHING MDZAD PA DE GCUNG GIS MKHYEN NAS LHAG PA'I LHA DE BDAG LA BSTAN PAR ZHU BYAS PAS, RJE BTZUN LA ZHU YI GSUNGS NAS ZHUS PAS, RJE BTZUN GYI ZHAL NAS, KHYOD SO SO'I SKYE BO YIN ZHING DANG POR THEG CHE LA SKUR BA BTAB PAS TSE 'DI LA NGA MTHONG BA'I SKAL BA MED KYIS, SGRIB PA SBYANG BAR BYA BA'I PHYIR THEG CHEN GYI MDO 'GREL MANG DU RTZOMS, GTZUG TOR RNAM RGYAL GYI GZUNGS THON, PHYI MA LA MJAL GSUNGS, DE NAS SLOB DPON DBYIG GNYEN GCEN LA LHAG PAR DAD DE, NGA YI PHU'O KLU DANG 'DRA, NGA NI CHAR SDOD BYA DANG 'DRA, ,KLU YI RGYAL POS CHAR PHAB KYANG, ,BYA YI GRE BAR SONG BA MED, ,CES GSUNGS SHING RJE BTZUN BYAMS PA MGON PO'I BKA' BZHIN BSGRUBS TE THOG MAR BYANG CHUB LAM GYI RIM PA'I SKYES BU CHUNG A'BRING GNYIS KYI DMIGS BA DANG, SKYES BU CHEN PO'I YANG SGRUB PA'I DMIGS PA BDEN PA BZHI'I GNAS TSUL ZHIB TU STON PA CHOS MNGON PA MDZOD KYI TSIG LE'UR BYAS PA BRTZAMS TE SKYES DANG BCAS PA 'DUN BZANG LA SPRINGS SO, ,DE'I SLOB MA DAG GIS LO DANG GRAGS LA SOGS PA

, ,'DI 'O SKOL GYI GRUB MTHA' LA ZUR ZA'O, ,ZHES SMRAS PA DANG, KHONG BSTAN BCOS RTZOM PA LA MKHAS PAS TSIG RGYAN YIN GSUNG ZHING, SHIN TU MNYES NAS 'DI LA RANG 'GREL ZHIG MDZOD CES BSKUL MA MDZAD, DE NAS SLOB DPON 'PHAGS PA THOGS MED LA THEG BA CHEN PO'I MDO SDE MTHA' DAG GSAN TE LAN RE TZAM GYIS THUGS SU CHUD, BYAMS MGON GYI BKA' LTAR LHAG PA'I LHA BSGRUB PAR BZHED NAS RDO RJE SLOB DPON ZHIG LA RJE BTZUN RNAM RGYAL MA'I DBANG, PHYAG RDOR GYI DBANG DANG GDAMS NGAG GSAN TE GZUNGS SNGAGS BZLAS PAS MYUR DU GRUB STE LHAG PA'I LHA DE GNYIS KYI ZHAL GZIGS, TING NGE 'DZIN GYI SGO MANG PO THUGS RGYUD LA 'KHRUNGS, RGYAL BA'I BKA' 'DZAM BU GLING NA BZHUGS PA MTHA' DAG THUGS SU CHUD DE DE'I TSE NYAN THOS KYI SDE SNOD GSUM LA MDO LNGA BRGYA SHO LO KA 'BUM PHRAG GSUM YOD PAR GRAGS PA DANG, THEG PA CHEN PO LA 'PHAGS PA DKON MCHOG BRTZEGS PA CHEN PO'I MDO, 'DUS PA RIN PO CHE'I MDO, SHER PHYIN STONG PHRAG BRGYA PA SOGS MDO LNGA BRGYA, GSANG SNGAGS KYI GZUNGS RGYUD SDE LNGA BRGYA RNAMS THUGS SU CHUD DE LO RE'I NANG DU LAN RE KHA TON DU MDZAD DE, DE YANG LCAGS KYI GZHONG RING TIL MAR GYIS BKANG BA'I NANG DU ZHUGS NAS NYIN MTSAN SPREL MA ZHAG BCO LNGA RE'I RING LA GONG DU SMOS PA'I MDO DE RNAMS TSAR RE KHA TON DU 'GRO BAR MDZAD, SHES RAB KYI PHA ROL TU PHYIN PA BRGYAD STONG PA NI NYIN RE BZHIN KHA TON DU

MDZAD DE, RGYAL BA MYA NGAN LAS 'DAS PA'I 'OG TU BDAG NYID CHEN PO 'DI LAS MANG DU THOS PA RGYA CHE BA SU YANG MED DO ZHES 'PHAGS YUL GYI MKHAS PA RNAMS GTAM DU GLENG NGO, ,DE NAS RJE BTZUN BYAMS MGON GYI BKA' BZHIN THEG PA CHEN PO'I MDO 'GREL RNAMS RIM GYIS MDZAD DE BYANG CHUB LAM GYI RIM PA'I MAN NGAG GI GNAD RNAMS ZHIB TU STON PA MDO SDE RGYAN GYI 'GREL PA DANG, DBUS MTHA' RNAM 'BYED KYI 'GREL PA, CHOS NYID RNAM 'BYED KYI 'GREL PA, THEG BSDUS KYI 'GREL PA, CHOS THAMS CAD RNAM RIG TZAM DU STON PA SUM CU PA'I TSIG LE'UR BYAS PA, PHYI ROL GYI DON 'GOG PA NYI SHU PA'I TSIG LE'UR BYAS PA, NYI SHU PA'I RANG 'GREL, RANG BZHIN GSUM NGES PAR BSTAN PA; PHUNG PO LNGA'I RAB TU BYED PA, RNAM PAR BSHAD PA'I RIGS PA MDO SDE'I DUM PA BRGYA PA, RNAM PAR BSHAD PA'I RIGS PA, LAS GRUB PA'I RAB TU BYED PA, THEG PA CHEN PO'I CHOS BRGYA GSAL BA'I BSTAN BCOS, CHOS MNGON PA MDZOD KYI THIG LE'UR BYAS PA, DE'I RANG 'GREL, BSTAN BCOS TSIGS SU BCAD PA BSDUS PA, DE'I RANG 'GREL, DKON MCHOG GSUM GYI BSTOD PA, SGO DRUG PA'I GZUNGS KYI RNAM PAR BSHAD PA, YON TAN BDUN BRJOD PA'I GTAM, TSUL KHRIMS GYI GTAM, TSOGS KYI GTAM, SANGS RGYAS RJES SU DRAN PA'I 'GREL PA, CHOS RJES SU DRAN PA'I 'GREL PA, DGE 'DUN RJES SU DRAN PA'I 'GREL PA, 'DOD PA'I YON TAN LNGA'I NYES DMIGS

, ,BSHAD PA, TSIGS SU BCAD PA GCIG PA'I BSHAD PA, GA YA GO RI'I MDO'I BSHAD PA, MDO SDES BCU BA'I RNAM PAR BSHAD PA, BLO GROS MI BZANG PAS BSTAN PA'I MDO'I RGYA CHER 'GREL, RTEN CING 'BREL PAR 'BYUNG PA DANG PO DANG RNAM PAR DBYE BA BSHAD PA, MDO SDE SA BCU PA'I 'GREL PA, BZANG SPYOD SMON LAM GYI 'GREL PA RNAMS MDZAD DO, ,'PHAGS PA THOGS MED MYA NGAN LAS 'DAS PA'I 'OG TU N'A LANDRA'I MKHAN PO MDZAD DE NYIN RE BZHIN RAB TU BYUNG BA DANG BSNYEN PAR RDZOGS PA MANG PO'I MKHAN PO MDZAD PA DANG, THEG PA CHEN PO'I MDO SDE MI 'DRA BA'I CHOS THUN NYI SHU RE 'CHAG MED GNANG BA DANG, MU STEGS KYI SMRA BA NGAN PA BYUNG NA DE MA THAG TSAR GCOD PA DANG, BSTAN BCOS RTZOM PA SOGS MKHAS PA'I BYA BA RNAM PA GSUM GYIS DUS 'DA' BAR MDZAD, DE DUS 'DZAM BU GLING GI CHE DGU MTHA' DAG GIS BDAG NYID CHEN PO 'DI'I ZHABS LA GTUGS NAS MCHOD CING BSNYEN BKUR BA DANG, RANG RANG GI DBANG PO DANG 'TSAMS PA'I CHOS KYI BGO SKAL LEN PAR BYED PAS DAD PA CAN DAG GIS GSOL BA BTAB PA LTAR YUL GZHAN DANG ZHAN DU'ANG BYON NAS GANG DANG GANG DU RGYAL BA'I BSTAN PA NYAMS PA DE DAG GSOS, SNGAR YOD PA RNAMS CHES CHER 'PHEL BAR MDZAD, SLOB DPON 'DI SHAR PHYOGS G'OO RI'I YUL DU BYON NAS SKAL BA DANG LDAN BA MANG PO ZHIG LA THEG PA CHEN PO'I MDO SDE RGYA CHER GSUNGS PAS DKAR PHYOGS KYI LHA

RNAMS KYIS GSER GYI ME TOG GI CHAR PHAB PA KUN GYI MTHUN SNANG DU GRUB PA BYUNG BAS THAMS CAD DAD PA LHAG PAR 'PHEL TE SLOB DPON 'DI'I BKA' BZHIN BSGRUBS PAS PHYOGS DER RGYAL BA'I BSTAN PA RGYA CHER 'PHEL, RGYAL BA'I BSTAN PA RING DU GNAS PA'I PHYIR DGE 'DUN GYI SDE GANG DANG GANG NA YOD PA DE DANG DER MCHOD GZHI RGYA CHEN PO 'DZUGS PAR MDZAD, AO dI BI SHA'I YUL DU BRAM ZE CHEN PO ZHIG GIS SBYIN BDAG BYAS TE THEG BA CHEN PO'I DGE 'DUN STONG PHRAG BCU GNYIS LA ZLA BA GSUM DU CHOS 'KHOR BTZUGS TE DUS STON RGYAS PAR BYAS, SLOB DPON 'PHAGS PA THOGS MED KYI DUS LAS KYANG THEG PA CHEN PO'I 'CHANG NYAN RGYAS BAR BYUNG STE BDAG NYID CHEN PO 'DI'I SLOB MA THEG PA CHEN PO'I DGE SLONG DRUG KHRI LONGS PA BYUNG ZHES GRAGS SO, ,SLOB DPON RANG NYID DANG LHAN CIG TU GNAS PA'I DGE SLONG SDE SNOD 'DZIN PA'ANG STONG TZAM RE YOD CING, DE THAMS CAD KYANG TSUL KHRIMS RNAM PAR DAG PA, SDE SNOD GSUM LA MANG DU THOS BA DANG LDAN PA, RGYAL BA'I BSTAN BA 'DZIN CING SPEL NUS PA SHA STAG BYUNG ZHES GRAG GO ,DE LTAR SLOB DPON DBYIG GNYEN GYIS DGUNG LO BRGYAR NYE BA'I BAR DU RGYA GAR DU BSTAN PA LA BYA BA RGYA CHEN PO MDZAD NAS MTHAR DGOS PA MANG PO ZHIG LA GZIGS NAS SLOB MA SDE SNOD 'DZIN PA STONG DANG BCAS BAL YUL DU BYON TE BAL YUL NA GNAS PA'I DGE 'DUN RNAMS LA THEG PA CHEN PO'I CHOS RGYA CHER BSTAN CING BSTAN PA YUN RING DU GNAS PA'I

, ,PHYIR PHYOGS DER MCHOD GZHI YANG MANG DU 'DZUGS PAR MDZAD, DE NAS RANG BYUNG GI MCHOD RTEN DU GRAGS PA MCHOD RTEN GO MA S'A LA GANDHE LA ZHABS BSKOR MDZAD CING BZHUGS PA NA HANG DU ZHES BA RAB BYUNG GI CHA BYAD 'DZIN PA'I KHYIM BTZUN ZHIG GIS ZHING RMOD PA DANG CHANG GI BUM PA THOGS PA GZIGS PAS RGYAL PA'I BSTAN PA 'DI LTAR NYAMS DMAS SO SNYAN DU THUGS PHYUNG NAS DGE 'DUN RNAMS LA THA MA'I GSUNG CHOS MANG DU STZAL TE GTZUG TOR RNAM RGYAL GYI GZUNGS 'GO GSHAM LDOG NAS BZLAS TE SKU TSE'I 'DU BYED BTANG STE DE NYID DU SKU'I BKOD PA BSDUS NAS RJE BTZUN BYAMS PA MGON PO DANG 'PHAGS PA THOGS MED GANG DU BZHUGS PA'I GNAS DGA' LDAN CHOS KYI PHO BRANG DU PHEBS SO, ,SLOB DPON DBYIG GNYEN GANG DU MYA NGAN LAS 'DAS PA'I SA DER SLOB MA DAD PA CAN DAG GIS SKU GDUNG BZHUGS PA'I MCHOD RTEN BRTZIGS PA DA LTA'ANG YOD DO, ,SLOB DPON BDAG NYID CHEN PO 'DI LA SLOB MA BSTAN PA 'DZIN NUS PA BSAM GYIS MI KHYAB PA BYUNG ZHING, DE THAMS CAD KYI NANG NAS MCHOG TU GYUR BA BZHI STE, 'DUL BA LA MKHAS PA'I MCHOG TU GYUR PA SLOB DPON YON TAN 'OD, MNGON PA LA MKHAS PA'I MCHOG TU GYUR PA SLOB DPON BLO GROS BRTAN PA, TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO, PHAR PHYIN LA MKHAS PA'I MCHOG TU GYUR PA SLOB DPON 'PHAGS PA RNAM GROL SDE BZHI'O, ,DE

LA 'DUL BA LA MKHAS PA'I MCHOG TU GYUR PA SLOB DPON YON TAN 'OD NI YUL BCOM BRLAG TU BRAM ZE'I RIGS SU 'KHRUNGS, CHUNG DU'I DUS NAS RIG GNAS MTHA' DAG LA MKHAS PAR SBYANGS, DE NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS NAS MKHAS MCHOG DBYIG GNYEN GYI DRUNG DU PHEBS TE SDE SNOD GSUM LA SBYANGS SHING THEG PA CHEN PO'I LAM GYI RIM PA GSAN NAS THIG CHEN GYI MDO SDE MTHA' DAG LA SBYANGS, SDE PA BCO BRGYAD BO SO SO'I LUGS MA 'DRES PAR MKHYEN CING 'DUL BA 'BUM SDE THUGS LA BZUNG STE RGYUN DU KHA TON DU MDZAD, DE LTAR KLOG PA THOS BSAM DANG SPONG BA BSAM GTAN LA BRTZON PAR MDZAD PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING GZUNGS DANG, SPOBS PA DANG, MNGON BAR SHES BA DANG, TING NGE 'DZIN GYI SGO BRGYA PHRAG MANG PO THUGS LA 'KHRUNGS, LHAG PAR SLOB DPON DBYIG GNYEN GYI MAN NGAG LA BRTEN NAS LAM RIM GYIS BGROD DE 'PHAGS PA'I SA THOB PAS SLOB DPON 'PHAGS PA YON TAN 'OD CES SNYAN PA'I GRAGS PAS PHYOGS KUN KHYAB PAR GYUR CING, RGYAL BA'I BSTAN PA LA BYA BA MDZAD PHYIR 'DUL BA LUNG SDE BZHI'I GNAD THAMS CAD BSDUS PA 'DUL BA RGYA MTSO'I SNYING PO ZHES BYA BA'I BSTAN BCOS CHEN PO MDZAD DE, DE LA NI 'DUL BA'I MDO ZHES YONGS SU GRAGS SHING RGYAL PA'I BKA' DANG KHYAD PAR MED PAR RGYAL BA'I BSTAN PA LA RAB TU BYUNG BA THAMS CAD KYIS TSAD MAR 'DZIN CING

, ,'DUL BA LUNG LA BLTA BA'I MIG LTA BU SANGS RGYAS KYI BSTAN PA'I SGRON ME SNGON BYON PA'I MKHAS GRUB THAMS CAD KYIS GTZIS BO CHER MDZAD DO, ,GZHAN YANG 'DUL BA'I LAS BRGYA RTZA GCIG GI CHO GA KARMA SHA TAM DU GRAGS PA YANG MDZAD DE, DA LTA RGYAL BA'I BSTAN PA LA ZHUGS NAS DGE BSNYEN DANG, BAR MA RAB BYUNG DANG, TSIGS SNGA MA DGE TSUL GYI SDOM PA DANG, BSLAB GZHI YONGS SU RDZOGS PA DGE SLONG GI SDOM PA LEN PA'I CHO GA DANG GZHI GSUM GYI CHO GA SOGS 'DUL BA'I LAS KYI CHO GA RNAMS BDAG NYID CHEN PO 'DI KHO NA'I BKA' DRIN LAS BYUNG BAS BSTAN PA 'DI LA BKA' DRIN MTSUNGS PA MED PA ZHIG GO ,BDAG NYID CHEN PO 'DI 'PHRIN LAS KYI KHYAB BDAL SHIN TU CHE BAS LHAN CIG GNAS PA'I DGE SLONG YANG STONG PHRAG LNGA RE TZAM YOD PAR BSHAD CING, DE THAMS CAD KYANG SDE SNOD GSUM LA MANG DU THOS PA DANG LDAN PA, NYIN ZHAG PHRUGS RE'I NANG DU LTUNG BA BSHAGS PAR 'OS PA RNAMS BSHAGS, BSDAM PAR 'OS PA RNAMS BSDAMS, BYIN GYIS BRLAB PAR 'OS PA RNAMS BYIN GYIS BRLABS TE TSUL KHRIMS RNAM BAR DAG PA SNGON RGYAL BA ZHAL BZHUGS DUS DANG BSTAN PA'I GTANG RABS KYI SKABS DGRA BCOM PA RNAMS KYIS BSTAN PA SKYONG BA'I DUS BZHIN YOD CES SNGON GYI MKHAS PA RNAMS LA GTAM DU GRAGS SO, ,BDAG NYID CHEN PO DBYIG GNYEN GYI SLOB MA MNGON PA LA MKHAS PA'I MCHOG TU GYUR PA SLOB DPON

BLO GROS BRTAN PA NI, SLOB DPON DBYIG GNYEN BHA GA B'I H'A RA ZHES BYA BA NA 'BRU MAR GYIS ZANGS BKANG BA'I NANG NA ZHUGS TE 'BUM SDE BRGYAD CU ZHAL TON MDZAD PA'I TSE PHUG RON ZHIG RGYUN DU NYAN NAS SDOD PA NAM ZHIG TSE 'PHOS TE MTHA' 'KHOB 'DRA MA ZHES BYA BAR DMANGS RIGS KYI BUR SKYES, SKYES MA THAG NGA'I SLOB DPON GANG NA BZHUGS ZHES 'DRI BA LA, PHAS KHYOD KYI SLOB DPON SU YIN DRIS PAS DBYIG GNYEN YIN ZER, PHAS YUL DBUS SU 'GRO BA'I TSONG PA LA DRIS PAS DBYIG GNYEN BZHUGS PAR THOS NAS, CUNG ZAD SKYES PA DANG SLOB DPON DBYIG GNYEN CAN DU BSKYAL, SLOB DPON GYIS DE LA YI GE PHYI MO SLOB PA NAS BZUNG STE RIG BA'I GNAS THAMS CAD LA MKHAS PAR BSLABS, CHUNG NGU'I DUS NA N'A LANDRA NA SGROL MA'I RTEN BZHUGS PA'I PHYAG TU SRAN MA'I PHUD PHUL LA BZA' SNYAM NAS 'GA' ZHIG PHUL BAS 'GRIL NAS BYUNG, YANG PHUL BAS 'GRIL, 'PHAGS MAS MA GSOL BAR RANG ZA BA MI BONG SNYAM NAS ZAD ZAD PHUL YANG 'GRIL BAS BYIS PA DUS SO, ,DER 'PHAGS MAS ZHAL DNGOS SU BSTAN TE DU MI DGOS, NGAS KHYOD LA BYIN GYIS BRLABS KYIS KHYIM DU SONGS GSUNGS, DE NAS MKHYEN RAB THOGS MED DU GYUR TE RTEN DE LA SRAN MA'I SGROL MA ZHES GRAGS SO, ,SLOB DPON DE LA MDO DKON MCHOG BRTZEGS PA'I LE'U BZHI BCU ZHE DGU YAN CHAD THUGS LA MNGA' ZHING 'GREL PA YANG MDZED CES GRAGS SO, ,DE'I CHA MKHAS PA'I GRAGS PAS PHYOGS KUN

, ,TU KHYAB CING, SLOB DPON DES MDZOD KYI 'GREL PA GNAM LCAGS THOG GZER, CHOS MNGON PA KUN LAS BTUS KYI 'GREL BA, RAB TU BYED BA SDE BRGYAD KYI 'GREL PA LA SOGS PA BSTAN BCOS MANG DU BRTZAMS SO, ,SLOB DPON DBYIG GNYEN GYI SLOB MA TSAD MA LA MKHAS PA'I MCHOG TU GYUR PA SLOB DPON PHYOGS KYI GLANG PO ZHES YONGS SU GRAGS PA'I BDAG NYID CHEN PO DE NI RGYA GAR LHO PHYOGS KYI GRONG KHYER SINGGA BAKTA CES BYA PAR BRAM ZE'I RIGS SU 'KHRUNGS, ,SKU 'KHRUNGS NAS RING POR MA LON PAR BRAM ZE'I RIG BYED THAMS CAD DANG, GZHAN YANG RIG GNAS THAMS CAD LA MKHAS PA'I PHUL DU PHYIN PAR GYUR, SNGON YUN RING PO NAS GOMS PA'I BAG CHAGS BRTAS PAS 'KHOR BA MTHA' DAG ME 'BAR BA'I RLUBS LTAR GZIGS NAS NGES 'BYUNG SHUGS DRAG BOS BRAM ZE'I RIGS DANG, LONGS SPYOD DANG SLOB 'KHOR RGYA CHEN PO LA MA CHAGS PAR GNAS MA BU PA'I SDE PA'I MKHAN PO GLANG PO BYIN ZHES BYA BA LAS RAB TU BYUNG, MTSAN PHYOGS KYI GLANG POR GSOL, MKHAN PO DE NYID LA BRTEN TE GNAS MA BU BA'I LUGS DANG MTHUN PA'I SDE SNOD GSUM LA MKHAS PAR BYAS SHING KHYAD PAR LHAG POR RTOGS, DE NAS THEG PA CHEN BO'I LUNG DANG MAN NGAG MTHA' DAG GSAN BAR BZHED NAS SLOB DPON DBYIG GNYEN GYI DRUNG DU BYON, SPYIR THEG BA CHE CHUNG GI SDE SNOD MTHA' DAG DANG, KHYAD PAR THEG PA CHEN PO'I MDO SDE RNAMS DANG, RJE BTZUN BYAMS PA NAS

BRGYUD PA'I THEG PA CHEN PO'I MAN NGAG RNAMS BUM BA GANG BYO'I TSUL DU LEGS PAR GSAN, THEG PA CHEN PO'I MDO SDE LNGA BRGYA TZAM KHA TON DU MDZAD, DE NAS RDO RJE SLOB DPON ZHIG LAS RJE BTZUN 'JAM DPAL DBYANGS KYI DBANG DANG SGRUB THABS LEGS PAR GSAN NAS SGRUB LA MDZAD PAS RJE BTZUN 'JAM PA'I DBYANGS KYI ZHAL MNGON SUM DU GZIGS SHING GDAMS PA DANG RJES SU BSTAN PA LEGS PAR THOB, DE NAS BZUNG NAM 'DOD DU RJE BTZUN 'JAM PA'I DBYANGS KYI ZHAL GZIGS SHING CHOS GSAN PAR MDZAD, DE NAS AO dI BI SHA'I YUL GYI NAGS TSAL SHIN TU DBEN PA'I BRAG RI'I PHUG CIG TU SGRUB PA LA RTZE GCIG TU BZHUGS, DE NAS N'A LANDRA RA MU STEGS KYI RTZOD PA BYED PA BYUNG BA NA SLOB DPON 'DIS TSAR BCAD DO, ,BDAG NYID CHEN PO 'DIS SBYIR RGYAL BA'I GSUNG RAB MTHA' DAG GI DGONGS PA BKRAL ZHING, LHAG BAR CHAD MA GTAN LA 'BEB PA LA DMIGS PA BRTAG PA SOGS TSAD MA'I BSTAN BCOS BRGYA RTZA MDZAD PAR GRAGS, SLAR YANG AO dI BI SHA'I YUL DU GSHEGS NAS SNGAR GYI PHUG PAR BSAM GTAN LA RTZE GCIG TU GZHOL BAR MDZAD, DUS NAM ZHIG NA RIGS PA'I MIG DANG BRAL BA'I GDUL BYA RNAMS LA THUGS BRTZE BA CHEN POS GZIGS TE RIGS PA'I MIG SPYIN PAR MDZAD BZHED PA NA, GDUL BYA RNAMS BLO GROS KYI MTHU SHIN TU CHUNG BA DANG, SNGAR BRTZAMS PA'I TSAD MA'I BSTAN BCOS RNAMS KYANG RNAM GRANGS MANG BAS KHA 'THOR BA LTA BUR GYUR PAR GZIGS TE, SNGAR MDZAD

, ,PA DE DAG THAMS CAD KYI GNAD BSDUS TE GSUNG RAB SPYI'I DGONGS 'GREL TSAD MA KUN LAS BTUS PA BRTZOM PAR BZHED NAS, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOB LA PHYAG 'TSAL TE, ,ZHES PA SGRUB PHUG GI BRAG NGOS LA RDO RGYUS KYIS BRIS PA TZAM GYIS 'JIG RTEN GYI KHAMS SU 'OD KYI SNANG BA CHEN PO BYUNG, SA G-YOS SHING SGRA CHEN PO GRAG ,MU STEGS KYI STON PA RNAMS KYI BYIN PA RENGS PAR GYUR, DE GANG GI LTAS YIN SNYAM DU MU STEGS THUB RGYAL NAG POS MNGON SHES KYIS BRTAGS PAS TSAD MA MDO'I MCHOD BRJOD BRIS PA'I BYIN RLABS KYI MTHUR MTHONG NAS, SLOB DPON BSOD SNYOMS LA GSHEGS PA'I SHUL DU RDZU 'PHRUL GYIS 'ONGS NAS MCHOD BRJOD KYI TSIG DE BSUBS NAS BZHAG ,DE LTAR LAN GSUM BYAS PA'I THA MA LA SLOB DPON GYIS KYAL KAS BSUBS PA YIN NA 'DI LA DGOS PA CHEN PO YOD PAS ZHO GCIG ,RTZOD BAR 'DOD NA GZUGS STON DANG RTZOD PAR BGYI'O, ,ZHES BRIS PAS BSOD SNYOMS LAS 'KHOR BA'I TSE KHO DNGOS SU BSDAD 'DUG PA RIGS PA DRI MA MED PAS LAN GSUM GYI BAR DU PHAM PAR BYAS PA'I TSE, DA RDZU 'PHRUL 'GRAN ZER NAS KHA NAS ME SLAR TE SLOB DPON GYI CHOS GOS RNAM GSUM DANG YO BYAD BSREGS PAS, SLOB DPON THUGS SHIN TU SKYO NAS SEMS CAN MA RUNGS PA 'DI 'DRA BA BSAM GYIS MI KHYAB PAS SEMS CAN THAMS CAD KYI DON BYA MI NUS KYI, THOD LE KOR NAM MKHAR 'PHANGS

NAS 'DI NAMS LA BABS PA'I TSE RANG NYID GCIG PU GROL BA DON DU GNYER BAR BGYI'O SNYAM DU DGONGS PAS, THOD LE KOR 'BAB DUS MA BYUNG BAS NAM MKHAR GZIGS PA NA RJE BTZUN 'JAM PA'I DBYANGS BLTA BAS CHOG MI SHES PA ZHIG GIS THOD LE KOR DE BSNAMS NAS, BU; MA BYED MA BYED THEG PA DMAN DANG PHRAD LAS BLO GROS NGAN SKYE STE, ,KHYOD KYI BSTAN BCOS 'DI LA MU STEGS TSOGS KYIS GNOD MI NUS PAR SHES, ,KHYOD KYIS MA THOB KYI BAR DU DGE PA'I BSHES SU NGA 'GYUR GYI, ,PHYI MA'I DUS NA 'GRO BA KUN GYI MIG GCIG TU NI 'DI 'GYUR RO, ,ZHES LUNG BSTAN CING DBUGS PHYUNG NAS TSAD MA KUN LAS BTUS BA RTZOM PAR SKUL MDZAD PA NA SLOB DPON PHYOGS KYI GLANG POS KYANG THUGS RJE DANG SNYING STOBS CHER BZHES NAS TSAD MA KUN LAS BTUS PA MDZAD DE, 'DZAM BU GLING GI 'GRO BA THAMS CAD LA BLO GROS KYI MIG SBYIN PAR MDZAD DO, ,DE NAS SLAR YANG BSAM GTAN LA RTZE GCIG TU BZHUGS PAS SANGS RGYAS MANG BO'I ZHAL MTHONG ZHING, TING NGE 'DZIN GYI SGO BRGYA PHRAG MANG PO THOB, LHA RNAMS KYIS ME TOG GI CHAR PHAB, NAGS TSAL DE'I LJON SHING DANG ME TOG RNAMS KYANG SLOB DPON GYI PHYOGS SU MGO 'DUD, GLANG PO CHE LA SOGS PA NAGS TSAL DE NA GNAS PA'I RI DVAGS RNAMS KYANG SLOB DPON GYI ZHABS LA MGO BOS GTUG CING GUS PA'I TSUL BYED, YUL DE'I RGYAL PO 'KHOR DANG BCAS PAS KYANG ZHABS LA PHYAG BYAS SO, ,DE NAS LHO PHYOGS SU BYON TE MU STEGS KYI SMRA BA

, ,NGAN PA RNAMS TSAR BCAD, DGE 'DUN GYI SDE RNAMS LA SDE SNOD GSUM RGYA CHER BSHAD DE SANGS RGYAS KYI BSTAN PA CHES CHER SPEL BAR MDZAD DO, ,DE NAS SLAR YANG AO dI BI SHA'I YUL DU BYON NAS YUL DE'I RGYAL PO 'KHOR BCAS SANGS RGYAS KYI BSTAN PA LA BRTZUD, BRAM ZE CHEN PO ZHIG GIS SBYIN BDAG BYAS TE DGE 'DUN GYI SDE MANG DU BTZUGS, YUL DE'I SKYE BO RNAMS SANGS RGYAS KYI BSTAN PA LA YID CHES RNYED PA'I PHYIR AA RU RA'I SDONG PO CHEN PO SKAL PO ZHIG BDEN TSIG BRJOD NAS SOR CHUD PAR MDZAD DO, ,DE LTAR 'PHAGS YUL GYI PHYOGS THAMS CAD DU SANGS RGYAS KYI BSTAN PAS KHYAB PAR MDZAD NAS MTHAR AO dI BI SHA'I NAGS TSAL DBEN PA'I SGRUB PHUG DE NYID DU NGO MTSAR BA'I LTAS DU MA DANG BCAS TE ZHING GZHAN DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS MCHOG DBYIG GNYEN LA YON TAN DANG BKA' DRIN DRAN PA'I DAD GUS CHEN POS GSOL BA 'DEBS SHING BDAG NYID CHEN PO 'DIS MDZAD PA'I LEGS BSHAD RNAMS LA BLTAS NAS LUNG TZAM SKYABS SU GYUR PA MIN PAR RGYAL BA'I GSUNG RAB KYI DGONGS DON DRI MA MED PA'I RIGS PAS RNYED PAR BYAS LA GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,DBU MA'I LAM BRNYES 'PHAGS

PA RNAM GROL SDE, ,ZHES BSNGAGS PA, KUN MKHYEN GNYIS PA SLOB DPON DBYIG GNYEN GYI SLOB MA MCHOG BZHI'I NANG TSAN, 'PHAGS PA RNAM GROL SDE NI, YUL DBUS DANG LHO PHYOGS KYI MTSAMS 'BAR BA'I PHUG DANG NYE BAR SLOB DPON SANGS RGYAS 'BANGS KYI DBON SRAS SU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE, SDE BA BCO BRGYAD KYI NANG NAS GNAS MA BU PA KU RU KU LLE'I SDE LAS RAB TU BYUNG ZHING LO LON NAS BSNYEN PAR RDZOGS PA'I SDOM PA BZHES, SDE PA DE'I LUGS KYI 'DUL BA'I BCAS MTSAMS CHE PHRA MTHA' DAG LA MKHAS PAR SBYANGS SHING PHYAG LEN LA THEBS PAR MDZAD, SNGON YUN RING PO NAS BYANG CHUB MCHOG TU THUGS BSKYED CING TSOGS GNYIS RGYA CHEN PO BSAGS, RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PAS SDE SNOD GSUM DANG KHYAD PAR THEG PA CHEN PO'I SDE SNOD, DE'I NANG NAS KYANG SHER PHYIN GYI MDO SDE RIN PO CHE'I MAN NGAG RNAMS GSAN BZHED NAS SLOB DPON DBYIG GNYEN GYI DRUNG DU PHEBS TE SLOB DPON DBYIG GNYEN BSAM SBYOR GNYIS KYIS TSUL BZHIN DU BSTEN NAS SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING, KHYAD PAR SHER PHYIN GYI MDO SDE RIN PO CHE RNAMS RDZOGS PAR GSAN NAS TSIG DON GNYIS KA THUGS SU CHUD PAR MDZAD, SHER PHYIN GYI MDO SDE'I DON RJE BTZUN BYAMS PA MGON POS BYANG CHUB LAM GYI RIM PA'I MAN NGAG TU SBYAR BA MNGON PAR RTOGS PA'I

, ,RGYAN GSAN TE DE'I DON THEG PA CHEN PO'I LAM GYI LUS YONGS SU RDZOGS PA THUGS NYAM SU BZHES PAS LAM RIM GYIS BGROD DE CHOS NYID MNGON SUM DU GZIGS PA 'PHAGS PA'I LAM THOB, GZUNGS DANG SPOBS PA DANG, MNGON PAR SHES PA RGYA CHEN PO DANG, DPA' BAR 'GRO BA'I TING NGE 'DZIN DANG, NAM MKHA' MDZOD KYI TING NGE 'DZIN LA SOGS PA MNGON DU GYUR, RJE BTZUN BYAMS BA MGON PO ZHAL MTHONG MNGON PAR RTOGS PA'I RGYAN GYI BRJOD BYA DANG PO SEMS BSKYED NAS BZUNG THA MA 'PHRIN LAS KYI BAR DON BDUN CU PO RE RE NAS SHER PHYIN GYI MDO DANG 'BYOR PA ZHIG BYUNG NA CI MA RUNG SNYAM DU SMON ZHING, DE LTAR DU BYAMS MGON LA GSOL BA SHUGS DRAG TU BTAB PAS, RJE BTZUN BYAMS MGON GYIS W'A RA n'A SI'I GTZUG LAG KHANG DU SONGS DANG 'DOD PA'I DON 'GRUB PAR 'GYUR RO ZHES LUNG BSTAN, RJE BTZUN GYI BKA' BZHIN W'A RA n'A SI'I GTZUG LAG KHANG DU BYON PA NA, DE'I TSE DGE BSNYEN ZHI BA'I GO CHA ZHES BYA BA ZHIG GIS SHER PHYIN STONG PHRAG NYI SHU LNGA PA PO TA LA NAS SPYAN DRANGS TE W'A RA n'A SI'I GTZUG LAG KHANG DU PHEBS PA DANG DUS 'GRIG ,DE YANG RGYAL BA MYA NGAN LAS 'DAS NAS BDUD SDIG TO CAN GYI MTHUS RGYAL BA'I BSTAN PA NYAMS PAR BYED PA'I MU STEGS CAN GYI GNOD PA RIM PAR BYUNG BAS 'PHAGS YUL NA BZHUGS PA'I RGYAL BA'I BKA'I GLEGS BAM MANG PO ZHIG NUB PAR GYUR PA LA, BDAG NYID CHEN PO 'PHAGS PA

KLU SGRUB KYIS SHES RAB KYI PHA ROL TU PHYIN PA STONG PHRAG BRGYA PA KLU YUL NAS SPYAN DRANGS TE RGYA GAR NA BZHUGS SHING, SHER PHYIN STONG PHRAG BRGYAD PA SNGAR NAS BZHUGS PAS 'PHAGS PA GROL SDES MNGAN RTOGS RGYAN SHER PHYIN DE GNYIS DANG SBYAR YANG 'GA' ZHIG GI THAD LA 'BYOR DKA' BAR BYUNG BA W'A RA n'A SI'I GTZUG LAG KHANG DU NYI KHRI LA GZIGS PAS THAMS CAD 'BYOR TE, DON BDUN CU'I DANG PO SEMS BSKYED STON PA LA NYI KHRIR, SHAR DVA TI'I BU, 'DI LA BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHER PHYIN LA BRTZON PAR BYA'O, ,ZHES GSUNGS, DE BZHIN DU BYANG CHUB DON GNYER MDOR BSTAN RGYAS BSHAD, GZHAN DON DON GNYER MDOR BSTAN RGYAS BSHAD, SA LTA BU'I SEMS BSKYED NAS CHOS KYI SPRIN LTA BU'I SEMS BSKYED KYI BAR SEMS BSKYED NYER GNYIS RE RE NAS MDO DANG 'BYOR ZHING, DE BZHIN DU GDAMS NGAG GI DANG PO SGRUB PA NAS BZUNG 'PHRIN LAS NYI SHU RTZA BDUN GYI BAR RE RE NAS RGYAL BAS GSUNGS PA'I MDO DANG 'BYOR PAS, RGYA MTSOR BGROD PA'I DED DPON GYIS YID BZHIN GYI NOR BU RNYED PA LTAR THUGS RAB TU TSIM BAR GYUR TO, ,DGE BSNYEN ZHI BA'I GO CHAS NYI KHRI GDAN DRANGS TSUL NI, DGE BSNYEN DE NAGS KHROD ZHIG NA 'PHAGS PA SPYAN RAS GZIGS KYI RNAL 'BYOR LA RTZE GCIG TU GNAS PA'I TSE YUL DE'I RGYAL PO ZHIG GIS BSKUL NAS BO TA LAR 'GRO BAR CHAS NAS 'PHAGS PA SPYAN RAS GZIGS LA GSOL BA RTZE GCIG

, ,TU BTAB STE SONG BA NA LHO PHYOGS DPAL LDAN 'BRAS SPUNGS KYI MCHOD RTEN DU SLEBS, DE NAS PO TA LAR 'GRO BA'I LAM YIG LTAR 'GA' ZHIG GI THANG DU SA 'OG TU BGROD PA DANG, RGYA MTSO LA GZINGS BCAS TE BGROD PA SOGS DKA' BA BRGYA PHRAG DU MA'I SGO NAS PHYIN TE PO TA LA'I RI BO'I GSHAM DU SLEBS PA NA G-YANG SA CHEN PO SUS KYANG BGROD MI NUS PA ZHIG BYUNG BAS LHA MO RAL GCIG MA LA GSOL BA BTAB PAS LHA MO'I MTHUS G-YANG SA CHEN PO DE LA ZAM PA ZHIG BYUNG NAS THAR, DE NAS GCAN GZAN GYI 'JIGS PA CHEN PO BYUNG BA LA 'PHAGS PA NYID LA GSOL BA BTAB PAS 'JIGS PA LAS GROL, DE NAS RI BO LA 'DZEGS PA NA RI BO'I GSHAM DU RJE BTZUN MA SGROL MA'I GNAS DANG, KHRO GNYER CAN MA'I GNAS DANG, RI'I RTZE MO NA 'PHAGS PA'I GZHAL MED KHANG YOD PA RNAMS SU RIM GYIS PHYIN TE 'PHAGS PA'I ZHAL DNGOS SU MJAL, NYI KHRI LE BRGYAD MA GDAN DRANGS, 'PHAGS PA THUGS RJE CHEN PO'I MTHUS GEGS MED PAR W'A RA n'A SIR SLEBS NAS DE'I GTZUG LAG KHANG DU NYI KHRI BZHUGS SO, ,DE NAS 'PHAGS PA RNAM GROL SDES MNGON RTOGS RGYAN DANG NYI KHRI SBYAR BA'I BSTAN BCOS CHEN PO NYI KHRI SNANG BA MDZAD, 'DZAM BU'I GLING DU MDO RGYAN SBYAR BA'I THOG MA 'DI YIN NO, ,SLOB DPON BDAG NYID CHEN PO 'DIS BSTAN PA'I DON DU MDO RGYAN SBYAR NAS SKAL BA DANG LDAN PA DAG LA RGYA CHER SPEL ZHING, DE'I TSI SHER PHYIN GYI GDAMS NGAG NYAN

PA'I SLOB MA STONG PHRAG MANG PO BYUNG ZHING THEG PA CHEN PO'I LAM GYI RIM PA LA SLOB PAR 'DOD PA MTHA' DAG BDAG NYID CHEN PO 'DI'I ZHABS RDUL LA BRTEN PA ZHIG BYUNG NGO, ,SLOB DPON 'DIS LO SUM CU TZAM GYI RING BSTAN PA'I BYA BA RGYA CHER MDZAD NAS DGA' LDAN DU RGYAL BA MA PHAM PA'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'PHAGS PA GROL SDE LA GSOL BA 'DEBS SHING BDAG NYID CHEN PO 'DIS MDO RGYAN SBYAR BA'I SHING RTA'I SROL PHYE BA LTAR BYANG CHUB LAM GYI RIM PA'I GNAD RNAMS RGYAL BA'I GSUNG RAB NYID LAS GSUNGS PA'I TSUL LA NGES PA RNYED PAR BYAS NAS GSUNG RAB THAMS CAD KYI SNYING PO'I DON MA TSANG BA MED PA BYANG CHUB LAM GYI RIM PA'I NYAMS LEN LA BRTZON PA CHIG BSGRIL DU BYA'O,, ` ,,DAD PA'I SAR GNAS BTZUN PA RNAM GROL SDE, ,ZHES BSNGAGS PA, BTZUN PA RNAM GROL SDE NI, GZHON NU NAS RGYAL BA'I BSTAN PA LA RAB TU BYUNG STE, SDE SNOD GSUM LA MKHAS PAR SBYANGS, 'PHAGS PA RNAM GROL SDE BSAM SBYOR GNYIS KYIS TSUL BZHIN DU BSTEN NAS SHER PHYIN GYI MDO SDE RIN PO CHE'I MAN NGAG MNGON PAR RTOGS PA'I RGYAN NYI KHRI DANG SBYAR BA GSAN TE, DE'I DON SKYES BU GSUM GYI LAM LA RIM GYIS SBYANGS PAS SRID PA MTHA' DAG LA ZHEN PA LOG PA'I NGES 'BYUNG DANG, BDAG PAS GZHAN GCES PA'I BYANG CHUB KYI SEMS RIN PO CHE BCOS MA MA YIN PA THUGS RGYUD LA 'KHRUNGS TE THEG PA CHEN PO'I

, ,TSOGS LAM DU ZHUGS TE THEG PA CHEN PO'I LAM RIM GYIS BGROD PHYIR LO BCU'I RING LA RJE BTZUN BYAMS MGON BSGRUBS TE THEG PA CHEN PO'I LAM GYI LUS YONGS SU RDZOGS PA LA SBYANGS SHING, RJE BTZUN BYAMS PA MGON PO'I ZHAL MNGON SUM DU MTHONG BA DANG, DE'I MTHUS THEG PA CHEN PO'I LAM RNAMS MYUR DU BGROD NUS PA ZHIG BYUNG NA CI MA RUNG SNYAM DU 'BAD KYANG BYAMS MGON GYI ZHAL MA MTHONG BA NA, BYAMS MGON GYI ZHAL MYUR DU MTHONG BA'I THABS GZHAN LA DRIS PAS SDIG SGRIB SBYONG BA'I DON DU SBYIN SREG BYAS NA LEGS ZHES ZER BA LTAR ZHI BA'I THAB KHUNG DU BYAMS MGON SPYAN DRANGS NAS SREGS BLUGS 'BUM PHRAG BCU GNYIS PHUL BAS BYAMS MGON GYI ZHAL GZIGS, DE NAS LUNG DANG RTOGS PA'I YON TAN THAMS CAD CHES CHER RGYAS TE 'PHAGS PA GROL SDE'I MAN NGAG LA BRTEN NAS BYANG CHUB LAM GYI RIM PA'I GNAD RNAMS RGYAS PAR STON PA NYI KHRI RNAM 'GREL MDZAD DO, ,SLOB DPON 'DI RJE BDAG NYID CHEN POS DAD PA'I SAR GNAS ZHES TSOGS LAM PA YIN PAR BSHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON BTZUN PA RNAM GROL SDE LA GSOL BA 'DEBS SHING BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I NYAMS LEN GYI GNAD THAMS CAD RGYAL BA'I YUM NYID LAS GSUNGS PA'I TSUL LA NGES PA RNYED PAR BYAS LA YID CHES KYI DAD PA BRTAN PO BSKYED NAS BYANG CHUB LAM GYI RIM PA

SGOM PA LA BRTZON PA CHIG BSGRIL DU BYA'O,, ` ,,RMAD BYUNG NGO MTSAR GNAS GYUR MCHOG GI SDE, ,ZHES BSNGAGS PA, SLOB DPON MCHOG GI SDE NI RGYAL BA'I BSTAN PA LA RAB TU BYUNG NAS SDE SNOD GSUM LA MKHAS PAR SBYANGS, BTZUN PA GROL SDE BSTEN NAS THEG PA CHEN PO'I MDO SDE MTHA' DAG DANG, KHYAD PAR SHER PHYIN GYI MDO SDE RIN PO CHE'I DON MNGON PAR RTOGS PA'I RGYAN LAS 'BYUNG BA LTAR THEG PA CHEN PO'I LAM GYI RIM PA'I LUS YONGS SU RDZOGS PA GSAN NAS SGRUB PA LA RTZE GCIG TU BZHUGS PAS MYONG BA PHUL DU PHYIN PA THON TE SKAL BA DANG LDAN PA MTHA' YAS PA LA SHER PHYIN GYI MAN NGAG 'DOMS PAR MDZAD CING MDO RGYAN SBYAR BA'I MAN NGAG RGYA CHER SPEL LO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON MCHOG GI SDE LA GSOL BA 'DEBS SHING SLOB DPON 'DIS JI LTAR BSTAN PA LTAR MDO RGYAN SBYAR BA'I MAN NGAG THOB PAR BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,ZAB MO'I LAM GYIS RGYUD SBYANGS DUL BA'I SDE, ,ZHES BSNGAGS PA, SLOB DPON DUL BA'I SDE NI, RGYAL BA'I BSTAN PA LA ZHUGS NAS SLOB DPON MCHOG GI SDE YONGS 'DZIN DU BSTEN NAS SDE SNOD GSUM LA SBYANGS SHING, KHYAD PAR SHES RAB KYI PHA ROL TU PHYIN PA'I MDO SDE RIN PO CHE'I GDAMS NGAG MNGON PAR RTOGS PA'I RGYAN LA SBYANGS NAS BYANG CHUB LAM GYI RIM PA'I GNAD THAMS CAD THUGS SU CHUD PAR MDZAD, DE NAS BYANG CHUB LAM GYI RIM PA'I NYAMS LEN

, ,LA 'BAD PAS RTOGS PA PHUL DU PHYIN PA THOB, RGYAL BA'I BSTAN PA SPEL BA'I PHYIR RJE BTZUN BYAMS PA MGON PO'I SKU BZHENGS, DE LA GSOL BA RTZE GCIG BTAB PAS, BYAMS MGON GYI SKU DES GSUNG BYON NAS BSTAN PA DANG SEMS CAN GYI DON BYED PA LA, RJE BTZUN SGROL MA LA GSOL BA 'DEBS DGOS PAS 'PHAGS MA SGROL MA'I SKU BZHENGS ZHES GSUNGS PA LTAR RJE BTZUN SGROL MA'I SKU BZHENGS, DE LA GSOL BA RTZE GCIG TU BTAB PAS RJE BTZUN MA SGROL MAS 'PHRIN LAS MDZAD DE SKAL BA DANG LDAN PA MANG PO LA SHER PHYIN GYI MAN NGAG RGYA CHER SPEL ZHING, KHYAD PAR DU YANG BSTAN PA YONGS RDZOGS KYI BDAG PO MKHAN CHEN ZHI BA 'TSO LA GROL SDE RNAM GNYIS LAS BYUNG BA'I MAN NGAG ,BYANG CHUB LAM GYI RIM PA'I GNAD THAMS CAD SHER PHYIN GYI MDO SDE RIN PO CHE DANG SBYAR TE NGES PA GTING TSUGS PAR BSKYED PA MDO RGYAN SBYAR BA'I MAN NGAG MTHA' DAG BUM PA GANG BYO'I TSUL DU YONGS SU RDZOGS PA GNANG STE BSTAN PA'I BDAG POR BYIN GYIS BRLABS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON DUL BA'I SDE LA GSOL BA 'DEBS SHING BDAG NYID CHEN PO 'DI NAS BRGYUD PA'I LAM GYI RIM PA LA BAG CHAGS CI THEBS BYA'O, ,GROL SDE RNAM GNYIS DANG, MCHOG SDE DUL SDE GNYIS TE SLOB DPON BZHI BO 'DI GANG DU 'KHRUNGS PA'I YUL DANG, RIGS DANG RUS GANG YIN PA DANG, SKU TSE RIL PO'I

MDZAD PA RNAM THAR ZHIB PA MA MTHONG BAS SLAR RNYED NA 'DIR BSNAN PAR BYA'O,, ` ,,RLABS CHEN SPYOD PA'I GTER GYUR RNAM SNANG MDZAD, ,CES BSNGAGS PA, MKHAN PO YANG DAG RNAM SNANG MDZAD, MTSAN GZHAN BO DHI SATVA ZHES KYANG BYA, LEGS SBYAR GYI SKAD LA SHAN TA RAKshI TA, BOD SKAD DU ZHI BA 'TSO ZHES BRJOD PA MKHAN CHEN ZHI BA 'TSO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE SA LAM MTHAR PHYIN NAS ZHING 'DIR THUB PA'I BSTAN PA SPEL BA'I SLAD DU SNYING RJE DANG SMON LAM GYI DBANG GIS BSAM BZHIN DU BYON PA ZHIG STE, DE YANG SHAR PHYOGS ZA HOR RGYAL PO'I SRAS SU SKU 'KHRUNGS, GZHON NU NAS KHYIM GYI GNAS NI SDUG BSNGAL DU MA'I 'BYUNG GNAS BTZON RA LTA BU DANG, NYON MONGS PA DANG NYES PAR SPYOD PA THAMS CAD KYI 'BYUNG KHUNGS SU RIG NAS SRID PA'I PHUN TSOGS LA CHAGS PA MED PAR RGYAL SRID MCHIL MA'I THAL BA BZHIN DU DOR TE MKHAN PO YE SHES SNYING PO'I DRUNG DU RAB TU BYUNG ZHING BSNYEN PAR RDZOGS PA'I SDOM PA BZHES, DE YANG RTZA BA'I SDE PA BZHI LAS GZHI THAMS CAD YOD PAR SMRA BA'I SDE PA YIN PAS, MKHAN BO DE NYID LA BRTEN NAS GZHI THAMS CAD YOD PAR SMRA BA'I LUGS KYI 'DUL BA LUNG SDE BZHI NAS GSUNGS BA'I DGAG SGRUB GNANG GSUM GYI BCAS PA CHE PHRA MTHA' DAG THUGS SU CHUD PAR MDZAD NAS BCAS PA DANG RANG BZHIN GYI KHA NA MA THO BA'I NYES LTUNG PHRA MOS KYANG MGOS PA'I TSUL KHRIMS RNAM PAR DAG PA LA GNAS NAS SDE SNOD GSUM LA SBYANGS TE MKHAS

, ,PA'I PHUL DU PHYIN PAR MDZAD, DE NAS BYANG CHUB LAM GYI RIM PA'I MAN NGAG RNAMS GSAN BZHED NAS SLOB DPON DUL BA'I SDE LA BSNYEN TE SHES RAB KYI PHA ROL TU PHYIN PA'I MAN NGAG MNGON PAR RTOGS PA'I RGYAN GSAN TE, DE'I MAN NGAG SHER PHYIN GYI MDO DANG BCAS PA'I TSIG DON MTHA' DAG THUGS SU CHUD PAR MDZAD, THEG PA CHEN PO'I LAM GYI RIM PA LA RGYA CHE BA'I LAM GYI RIM PA DANG ZAB MO'I LAM GYI RIM PA GNYIS YOD PA GNYIS KA MED MI RUNG DU GZIGS NAS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG MTHAR THUG PA DBU MA'I GZHUNG RNAMS LA LEGS PAR SBYANGS TE THUGS SU CHUD PAR MDZAD, GZHUNG DE DAG GI DON LA DRI MA MED PA'I RIGS PAS LEGS PAR DPYAD NAS NGES SHES GTING PHYIN PAR RNYED PA NA THUGS RGYUD LA SBYAR TE NYAMS SU BZHES PAS THEG PA CHEN PO'I LAM GYI RIM PA'I LUS YONGS SU RDZOGS PA LA NYAMS MYONG GI RTOGS PA KHYAD PAR CAN 'KHRUNGS PA NA SKAL BA DANG LDAN PA GZHAN DAG LA CHOS KYI BDUD RTZI RGYA CHER STZAL TE, THEG PA CHEN PO'I LAM GYI RIM PA ZAB PA DANG RGYA CHE BA GNYIS KA STON PA'I BSTAN BCOS DBU MA RGYAN 'GREL BA DANG BCAS PA MDZAD DE GDUL BYA MTHA' YAS PA LA RGYA CHER SPEL TE 'PHAGS YUL DU SHER PHYIN GYI MAN NGAG NYIN MO LTAR GSAL BAR MDZAD, BDAG NYID CHEN PO 'DI NI DGUNG LO BRGYA PHRAG MANG PO BZHUGS PAS, SKU TSE'I STOD SMAD BAR GSUM GYI SLOB MA RIM PA MANG DU YOD CING SRAS KYI THU BO 'GRAN ZLA DANG BRAL BA NI SLOB DPON SENG GE BZANG PO DANG,

MKHAS MCHOG K'A MA LA SH'I LA GNYIS SO, ,MKHAN CHEN ZHI BA 'TSO 'DI NI RGYAL SRAS GZHAN GYIS DPAG PAR DKA' BA'I SNYING STOBS DANG BYANG CHUB KYI SEMS SHIN TU STOBS CHE BAS SNYIGS MA'I DUS 'DIR 'GRO BA'I DON MDZAD PA LA RGYAL SRAS KYI SPYOD PA CHES PHUL DU BYUNG BA ZHIG STE, DON GYI DBANG 'DI LA GZIGS NAS RJE BDAG NYID CHEN POS, RLABS CHEN SPYOD PA'I GTER GYUR CES BSNGAGS PA YIN NO, ,MKHAN CHEN ZHI BA 'TSO 'DIS RGYA BOD THAMS CAD DU BSTAN PA LA BYA BA RGYA CHEN PO MDZAD PA YIN ZHING, LHAG PAR BYANG PHYOGS BOD YUL 'DI STON PA THUGS RJE CAN DE SKYANG 'DUL MA NUS BAR MUN PA'I GLING DU LUS SHING, SLOB DPON 'DI'I GONG DU BYON PA'I SHING RTA CHEN PO GNYIS SOGS BDAG NYID CHEN PO DE DAG THAMS CAD KYIS 'DUL BAR MA NUS PAR MTHA' 'KHOB MUN GLING DU LUS PA SLOB DPON 'DIS THUGS KYIS MA BZOD NAS ZHING 'DIR BYON ZHING DE LTA NA'ANG RTEN 'BREL SGO MANG PO ZHIG NAS 'GRIG DGOS PA'I DBANG GIS SLOB DPON 'DI BYON NAS LO DGU BRGYA LHAG TZAM GYI BAR DU BOD DU RGYAL BA'I BSTAN PA 'DZUGS PA'I RTEN 'BREL MA 'GRIG PAR NAM ZHIG NA BOD KHAMS MUN BA'I GLING DU RGYAL BA'I BSTAN PA'I SGRON ME 'DZUGS PAR NUS SNYAM DU DE 'BA' ZHIG THUGS LA BRNAGS NAS SKU TSE BYIN GYIS BRLABS TE BZHUGS PA LAS, DUS NAM ZHIG NA BOD KHAMS KYI RJE BO CHOS RGYAL SRONG BTZAN SGAM POS BOD DU RGYAL BSTAN GYI SROL BTZUGS, JO BO SH'AKYA MU NI DANG JO BO MI BSKYOD RDO RJE GNYIS RGYA BAL NAS SPYAN DRANGS LHA SAR GTZUG LAG KHANG BRTZIGS,

, ,MTHA' 'DUL YANG 'DUL GYI LHA KHANG DANG MCHOD RTEN RNAMS BRTZIGS, CHOS KYI BRDA SLOB PA SOGS BSTAN PA RIN PO CHE'I SROL BTZUGS KYANG SNYIGS MA'I SKYE BO RNAMS BSOD NAMS DMAN PA DANG, BDUD SDIG TO CAN 'KHOR NAG PHYOGS KYI 'BYUNG PO GDUG PA CAN RNAMS DANG BCAS PAS MI RNAMS KYI YID BSGYUR TE CHOS RGYAL SRONG BTZAN SGAM PO 'DAS NAS SDIG BLON MANG POS RGYAL BA'I BSTAN PA NYAMS PAR BYAS TE, JO BO SH'AKYA MU NE MUN KHANG DU SBA BA DANG, CHOS BYED RNAMS LA CHAD PAS GCOD PA SOGS RNAM PA KUN NAS 'TSE BAR BYAS SHING SLAR YANG NAG PHYOGS KYI STOBS CHER RGYAS TE JO BO RIN PO CHE BYE THEMS SU SPA BA DANG, DES KYANG MI CHOG PAR DE NAS BTON TE MANG YUL SKYID GRONG DU SPYUGS PA DANG; RGYAL BSTAN GYI MTSAN TZAM YANG 'DON DBANG MED PAR SDIG BLON MANG POS KHRIMS DAM PAR BYAS TE RGYAL BSTAN YI GE 'BRU RE YANG KLOG SA MED PAR MUN GLING KHO NAR GYUR PA NA, PHYOGS BCU'I SANGS RGYAS DANG BYANG CHUB SEMS DPA' THAMS CAD KYI MKHYEN BRTZE NUS GSUM GCIG TU BSDUS PA RIGS GSUM MGON POS BOD YUL DU RGYAL BSTAN 'DZUGS PAR THUGS BSKYED DE SPYAN RAS GZIGS SRONG BTZAN SGAM POS BOD YUL DU RGYAL BSTAN GYI SROL BTZUGS PA BDUD SDE DPUNG DANG BCAS PAS NYAMS BAR BYAS PA DE NYID GSO PHYIR RJE BTZUN 'JAM DPAL DBYANGS MI'I RJE BOR SPRUL PA CHOS RGYAL KHRI SRONG LDE BTZAN RGYA ZA KONG JO LAS SKU 'KHRUNGS NAS RING BO MA LON PA NA YAB GSHEGS, 'KHRUNGS MA

THAG NAS CHOS KYI BAG CHAGS BRTAS PA DE BDUD SDES MA BZOD PAR BDUD BLON RNAMS KYIS 'DI RGYA ZA'I BU MIN GYI ZHANG GI TSA BO YIN ZHES DBROG PAR BRTZAMS PA NA, RGYAL BU CHUNG DU DE'I ZHAL NAS, KHRI SRONG LDE BTZAN RGYA TSA LAGS, SNA RNAM ZHANG GIS CI BGYI 'TSAL, ZHES GSUNGS NAS RANG LA RANG GIS KHRI SONG LDE BTZAN ZHES MTSAN BTAGS, RGYA ZA'I SRAS YIN PAR YONGS SU GRAGS PAR BYAS, DE NAS RGYAL BU CHUNG DU DES SNGAR YAB MES BKA' DRIN CAN DE DAG GIS BOD 'DIR SANGS RGYAS KYI BSTAN PA BTZUGS PA DA LTA MING TZAM YANG MED PA 'DI THABS GANG ZHIG BYAS NA GSO BAR NUS SNYAM DU DE 'BA' ZHIG SEMS PAR MDZAD DO, ,DE NAS DUS NAM ZHIG NA RGYAL POS SPA GSAL SNANG LA SOGS PA KHA SHAS RGYA YUL DU RGYAL BA'I BKA' 'TSOL DU BTANG, DE DAG GIS KYANG RGYAL PO'I BKA' BZHIN RTZOL BA CHEN POS PHYIN TE RGYA NAG NAS RGYAL BA'I BKA' MANG PO SPYAN DRANGS, RGYAL PO'I SKU MDUN DU SLEBS KYANG SDIG BLON RNAMS DBANG CHE BAS RGYAL BA'I BKA' MTSAN TZAM YANG 'DON DBANG MED PAS RE SHIG BKA' RNAMS BRAG LA SBAS, DE NAS RGYAL BUS GSAL SNANG DANG GROS BYAS TE GSAL SNANG GIS RGYA GAR DU PYIN NAS RGYAL BA'I BKA' DANG DE'I DON STON PA'I PAndI TA 'TSOL RTZIS DANG, BDUD BLON RNAMS KYI SNANG NGOR MANG YUL SKYID GRONG GI DPON DU BSKOS TE BTANG, DE NAS GSAL SNANG GIS RGYA GAR DU PHYIN TE RDO RJE GDAN GYI MAH'A BO DHI DANG SHR'I NA LANDRAR MCHOD PA PHUL BAS ME TOG GI CHAR BABS, BYANG CHUB KYI SHING LAS 'O MA'I RGYUN BABS SHING DGE'O ZHES PA'I SGRA 'OD DANG

, ,BCAS PA BYUNG, DE NAS GSAL SNANG BAL YUL DU BYON PAS BAL RJE'I MCHOD GNAS SU MKHAS SHING GRUB PA'I PAn CHEN SHANT'A RAKshI TA BZHUGS PA MANG YUL SKYID GRONG DU SPYAN DRANGS, BZHUGS GNAS SU GTZUG LAG KHANG GNYIS BRTZIGS, SLOB DPON LA SEMS BSKYED ZHUS PAS, SEMS BSKYED ZHU BA LA YON DGOS GSUNGS, GSER DNGUL SOGS RIN PO CHE DANG, DAR ZAB SNAM GOS SOGS YO BYAD CI YOD PHUL BAS DA DUNG PHUL CIG GSUNGS, DA LUS LA BCINGS PA'I SKA RAGS GCIG MIN PA MED ZHUS PAS DE YANG PHUL CIG GSUNGS NAS PHUL, SEMS BSKYED ZHUS ZIN PA NA SLOB DPON GYIS 'BUL BA THAMS CAD CHUR GNANG NAS KHYOD DANG NGA GNYIS SKYE BA 'DI LA NGO SHES PA TZAM MA YIN; SKYE BA DU MA'I SNGA ROL NAS NGA'I DRUNG DU SEMS BSKYED PA'I SRAS KYI THU BO YIN, KHYOD KYI MING YE SHES DBANG PO BYA BAR 'GYUR RO GSUNGS NAS MGO LA PHYAG GIS BYIL BYIL MDZAD, DE NAS GSAL SNANG GIS SLOB DPON LA PHYAG BYAS TE, BOD YUL DU SANGS RGYAS KYI BSTAN PA DAR BA'I CHED DU BOD KYI RGYAL BO'I DGE BA'I BSHES GNYEN DU 'BYON PA CI GNANG, ZHES GSOL BA BTAB BAS SLOB DPON GYIS BOD NGA'I GDUL SKAL YIN, BOD KYI RGYAL PO DANG KHYOD LHAN CIG MA SKYES PAS KHYOD GNYIS KYI SKYE BA DGU'I BAR DU MANG YUL DANG ZA HOR GNYIS SU BSGUGS NAS BSDAD BA YIN, DA KHYED GNYIS KYANG NAR SON NAS DUS LA BAB PAR GDA' BAS NGAS BOD KYI RGYAL PO'I DGE BA'I BSHES GNYEN BYAS

LA YUL BYAN KAR CHU BO LO HI TA'I 'GRAM, RI HAS PU RI'I DRUNG DU BRAG DMAR BSAM YAS MI 'GYUR LHUN GYIS GRUB PA ZHES BYA BA'I GTZUG LAG KHANG GCIG KYANG BZHENGS SU GSOL, ZHES GSUNGS NAS SLOB DPON SLAR BAL YUL DU GSHEGS, GSAL SNANG BOD DU 'ONGS TE RGYAL PO'I SKU MDUN DU MCHIS NAS DBEN PA ZHIG TU CHOS BYA BAR RIGS PA DANG MKHAS PA CHEN PO SHANTA RAKshI TA ZHES BYA BA DA LTA BAL YUL NA BZHUGS YOD, BOD DU 'BYON PAR GSOL BA BTAB PAS ZHAL GYIS BZHES, PAndI TA DE'I BKA' MCHID KYANG 'DI LTAR GNANG ZHES RGYAL PO LA ZHIB TU GSOL BAS RGYAL PO'I ZHAL NAS, NGED GNYIS KYIS PAndI TA SPYAN DRANGS TE RGYAL BA'I BSTAN PA 'DZUGS PAR BDUD BLON 'DI DAG GIS SHES NA KHYOD SROG DANG 'BRAL BAR BYED CING DON CHEN PO LAS NYAMS PAR 'GYUR BAS KHYOD RE SHIG YUL DU SONG LA YIB LA SDOD CIG NGAS PA THABS KYIS DON GRUB PA ZHIG BYA'O GSUNGS NAS GSAL SNANG RE SHIG DBEN PAR BYOL, DE NAS RGYAL BO'I THABS MKHAS KYI MDZAD PA DU MAS BDUD BLON RNAMS KYI BSAM SBYOR MTHA' DAG BYE MA'I CHANGS BU LTAR ZHIG STE CHAB SRID CHOS KYIS SKYONG BA'I DUS LA BAB PA NA, RGYAL POS BLON PO RNAMS LA BKA' STZAL PA, NGA'I YAB MES RNAMS KYIS RGYAL BA'I BSTAN PA RIN PO CHE BTZUGS PA DE ZHANG MA ZHANG SOGS SDIG BLON RNAMS KYIS BSHIG ,JO BO SH'AKYA MU NE MANG YUL SKYID GRONG DU SPYUGS 'DUG PAS, DA JO BO SH'AKYA MU NE DE SPYAN DRANGS, NGED RANG RJE BLON 'BANGS DANG BCAS PA RNAMS CHOS BYED PA MI RUNG NGAM GSUNGS PAS, RGYAL PO'I BKA'

, ,BZHIN RJE BLON 'BANGS DANG BCAS PA RNAMS CHOS BYED PA LA 'CHAM NAS CHOS BYED PA LA RGYA GAR NAS 'ONGS PA'I RGYUS CAN DGOS PAS SU YOD CES GLENG BA NA, GSAL SNANG MANG YUL NAS 'ONGS PA MCHI BAS DE RJE'I SPYAN SNGAR DGUG 'TSAL ZER BA BZHIN GSAL SNANG RGYAL PO'I SPYAN SNGAR BKUG NAS BKA' STZAL PA, RGYA GAR DANG BAL YUL NA CHOS LA MKHAS PA'I PAndI TA SU YOD, DE KHYOD KYIS SPYAN DRONGS SHIG CES BSGO BA NA, GSAL SNANG GIS GSOL BA, ZA HOR RGYAL PO'I SRAS DGE SLONG SH'ANTA RAKshI TA ZHES BYA BA DA LTA BAL YUL NA MCHIS PA DE DAM PA'I CHOS DANG GTZUG LAG KUN LA MKHAS PA CIG BDOG CES GSOL PAS, RJE'I ZHAL NAS KHYOD YUL DU MA 'GRO BAR PAndI TA DE SPYAN DRANG BA'I PHYIR BA LA YUL DU SONGS LA BAL RJE LA NGA'I BKA'I SGROM BU 'DI PHUL LA PAndI TA DE NGES BAR SPYAN 'DRONGS PAR GYIS SHIG, CES MNGAGS NAS GSAL SNANG BAL YUL DU BRDZANGS, GSAL SNANG BAL YUL DU 'BYOR NAS BAL RJE LA RGYAL PO'I BKA'I SGROM BU PHUL NAS BO DHI SATVA BOD YUL DU SPYAN 'DREN PAR CHAD, RIM GYIS MANG YUL DU PHEBS PA NA BOD NAS RGYAL POS PHEBS BSUR KHANG LANG 'GRO SNAR DANG, GNYER STAG TSANG LDONG GZIGS, SBRANG RGYAR LEGS GZIGS GSUM BTANG PA 'BYOR, DE NAS RIM GYIS PHEBS TE RGYAL PO'I PHO BRANG DU PHEBS SU NYE BA NA, GSAL SNANG GIS SNGON LA PHYIN NAS RGYAL PO LA PHYAG PHUL, PAndI TA BYON YOD PA'I LO RGYUS RNAMS GSOL BAS RGYAL PO

DGYES TE GSAL SNANG KHAMS BZANG ZHING PAndI TA BDE BAR BYON PA LEGS ZHES RGYAL POS BKUR STI BGYIS PA NA ZHANG BLON DAG NA RI, RGYA BAL GYI MNGAN SNGAGS MKHAN YANG MANG PO 'ONG BAS SNGON LA RTOG DPYOD MDZAD PA LEGS ZER, SANGS SHI SOGS 'GA' ZHIG GIS BRTAGS KYANG A'A TZARYA'I SKAD MA GO, KHA CHE AA NAN TA LA LO TZ'A BCOL NAS DRIS PAS, SLOB DPON GYI ZHAL NAS, LHA DKON MCHOG MCHOD, DAM TSIG DANG SDOM PA LA GNAS, GTZO BOR SEMS CAN LA PHAN PA 'BA' ZHIG BYED GSUNGS, BLON PO DE DAG GIS RGYAL PO LA AA TZARYA 'DI SPYOD PA KHYAD PAR DU 'PHAGS PA 'DUG PAS THUGS 'PHRIG BYA MI 'TSAL ZHES GSOL NAS PHO BRANG DU SPYAN DRANGS, PHO BRANG GI CHAB SGOR BYON PA NA PHO NYAS RGYAL PO LA SLOB DPON SGO NA BYON NO ZHUS PAS, RGYAL POS GSER PHYE BRE GANG PHYAG RTEN DU PHUL NAS PHYAG BYAS ZHABS SPYI BOR BLANGS TE BYIN RLABS ZHUS PA NA, SLOB DPON GYI ZHAL NAS, RGYAL PO CHEN PO, KHYOD KYIS KHO BO MKHYEN NAM GSUNGS PAS, RGYAL POS SLOB DPON DANG SDAN CHAD ZHAL MA 'DZOM LAGS ZHUS PAS, SLOB DPON GYI ZHAL NAS, SNGON SANGS RGYAS 'OD SRUNGS KYI BSTAN PA LA GTZUG LAG KHANG GI RGYAN BSRUNG BA'I BYIS PA GSUM GYIS BYE MA'I MCHOD RTEN BYAS TE SMON LAM BTAB PA, MA 'ONGS PA NA NGAS PAndI TA BYA BA, KHYOD KYIS MTHA' 'KHOB KYI RGYAL PO BYA BA, GSAL SNANG GIS BRDA SBYOR GYI BANG PHYIN PA BYAS LA MTHA' 'KHOB KYI RGYAL KHAMS SU DAM PA'I CHOS DAR BAR BYED PA'I SMON LAM BTAB PA MNYEL LAM

, ,GSUNGS, RGYAL PO'I ZHAL NAS, DE MAD BDAG SGOM YUN THUNGS PAS LAN ZHES GSOL, DE NAS RGYAL POS BOD DU SANGS RGYAS KYI BSTAN PA DAR BAR GSOL BA BTAB NAS BRTAG BA ZHUS PA NA, SLOB DPON GYIS, NGED AA TZA RYA BYA BA RTEN 'BREL BRTAG PA LA MKHAS PA YIN, RGYAL PO KHYOD KYIS MGO LA THOD BCINGS PA DANG SBYAR NA STONG DU MNGA' RIS ZHVA TZAM ZHIG, ZHABS LA LHAM GSOL BAS SMAD DU MNGA' RIS LHAM TZAM ZHIG LA CHOS KHRIMS CHAGS, SKA RAGS MA BCINGS PA DANG SBYAR NA BAR DU RGYAL KHRIMS MYUR DU 'JIG NYEN YOD, 'ON KYANG RIN PO CHE'I PHYAG RTEN PHUL BAS RGYAL BA'I BSTAN PA 'DZUGS BTUB GSUNGS, DE NAS SLOB DPON GYIS PHO BRANG RLUNG TSUBS SU ZLA BA BZHIR DGE BA BCU KHAMS BCO BRGYAD RTEN 'BREL BCU GNYIS KYI CHOS BSHAD PAS, BOD KYI LHA SRIN KHROS TE 'PHANG THANG CHUS KHYER, DAM RO RIL THOG RGYAB, MI NAD PHYUGS NAD BYUNG BAS BOD 'ANGS YA LOG NAS CHOS BYAS PAS LAN ZER BA NA, RGYAL PO KHRI SRONG LDE BTZAN GYIS MKHAN CHEN BODHI SATVA'I ZHABS LA DBU GTUGS TE BSHUM BZHIN DU BOD BSOD NAMS DMAN PAS NAG PHYOGS KYI MI MA YIN RNAMS KYIS BAR CHAD 'DI 'DRA BYAS, BOD KYI RNAMS KYANG 'DI SKAD ZER BAS SLOB DON RE SHIG BAL YUL DU GSHEGS NAS SLAR 'BYON DGOS ZHES ZHUS TE SLOB DPON BLA YUL DU BYON, DE NAS RING ZHIG

NAS SPA GSAL SNANG RGYA YUL DU CHOS 'TSAL DU BTANG, SANG SHI LA SOGS PA SUM CU MKHAN CHEN ZHI BA 'TSO SPYAN 'DREN DU BTANG NGO, ,DE'I TSE RGYA NAG TU HA SHANG ZHIG NA RE, DA ZLA BA DRUG ZHAG DRUG NA 'PHAGS BA RTA SKAD KYI SPRUL PA 'DI 'DRA ZHIG 'ONG ZHES 'DRA 'BAG BYAS SHING, SANG SHI RGYA NAG TU SLEB PA DANG RGYA RJES BYA DGA' BYIN, HA SHANG LA BSGOM LUNG BLANGS TE SLAR BOD DU 'KHOR BA NA RGYAL PO LA SKYES PHUL LO, ,DE NAS RGYAL POS SANG SHI LA A'A TZARYA DA DUNG SPYAN MA 'DRONGS PAS KHYOD SONGS SHIG GSUNGS, DES BAL BOR PHYIN NAS MKHAN CHEN ZHI BA 'TSO SPYAN DRANGS TE BRAG DMAR 'BRIN BZANG DU PHEBS NAS RGYAL PO LA, BOD KYI LHA SRIN MA THUL BAS CHOS BYED DU MI STER ZHING BTZAN PO SKU TSE THUNG BA YANG DES LAN PAS, MI MA YIN GDUG PA CAN RNAMS 'DUL BA LA SLOB DPON PADMA SAMBHA WA ZHES BYA BA MTHU RTZAL DANG LDAN PA ZHIG YOD PAS DE SPYAN BDRONGS SHIG GSUNGS PA NA, BTZAN POS RMI LAM DU BYUNG BA SKAD BGYIS TE, SBA MANG RJE GSAL SNANG LOGS MI LNGA SPYAN 'DREN DU BTANG BAS, SLOB DPON GYIS MKHYEN TE MANG YUL GUNG THANG DU BYON PA DANG MJAL NAS RIM GYIS LHA SRIN GDUG PA CAN RNAMS DAM LA 'DOGS SHING BYIN TE, HA SA PO RIR PHYAG PHEBS TE BTZAN PO DANG MJAL, MAL GRO PHUR BYON NAS BOD KYI LHA SRIN THAMS CAD DAM LA BTAGS SO, ,DE NAS MKHAN CHEN

, ,BO DHI SATVA DANG, SLOB DPON PADMA SAMBHA WA GNYIS KYIS SA CHOG MDZAD DE AO T'ANTA P'U RI'I GTZUG LAG KHANG LA DPE BLANGS NAS RI RAB GLING BCU GNYIS, NYI ZLA ZUNG GCIG ,MTHA' LCAGS RIS BSKOR BA'I BKOD PA MDZAD DE ME MO YOS BU'I LO LA RMANG BTING, SA MO YOS LA TSAR NAS MKHAN CHEN BO DHI SATVA DANG SLOB DPON PADMA SAm BHA WAS RAB GNAS MDZAD DGA' STON BYAS TE, LUG GI LO LA THAMS CAD YOD SMRA'I SDE PA'I DGE SLONG BCU GNYIS SPYAN DRANGS TE BOD LA RAB BYUNG BTUB MI BTUB SAD PA'I PHYIR YE SHES DBANG PO LA SOGS PA MI BDUN RAB TU PHYUNG BA NA, RAB TU BYUNG MA THAG TU DE DAG LA MNGON PAR SHES PA LA SOGS PA'I YON TAN BSAM GYIS MI KHYAB PA DANG LDAN PAR GYUR, BDUN PO DE LA SAD MI MI BDUN ZHES GRAGS SO, ,DE NAS CHOS RGYAL KHRI SRONG LDE BTZAN GYIS GANGS RI'I KHROD 'DIR MKHAN CHEN ZHI BA 'TSO'I MKHAN RGYUD THAMS CAD YOD PAR SMRA BA'I LUGS 'DI DAR ZHING RGYAS LA YUN RING DU GNAS PA ZHIG BYUNG NA CI MA RUNG SNYAM DU 'DI'I MKHAN RGYUD 'PHAGS PA SH'A RI'I BU, SGRA GCAN ZIN, KLU SGRUB, LEGS LDAN 'BYED, DPAL SBAS, YE SHES SNYING PO, MKHAN PO BO DHI SATVA RNAMS BSAM YAS KYI GYANG RIS LA 'GOD PAR MDZAD DO, ,DE NAS CHOS RGYAL KHRI SRONG LDE BTZAN GYIS MKHAN CHEN PO DHI SATVA RNYED BKUR TSAD MED PAS MCHOD CING BOD KHAMS 'DIR SANGS RGYAS KYI BSTAN PA RGYA CHER SPEL BAR ZHUS TE, DE'I 'PHRIN LAS KYI GROGS SU LO TZ'A MKHAS PA

YANG MANG DU BSLABS RGYA GAR NAS SLOB DPON BI MA LA MI TRA DANG, SLOB DPON SANGS RGYAS GSANG BA SOGS MKHAS SHING GRUB PA'I PAndI TA CHEN PO MANG DU SPYAN DRANGS, RGYAL BA'I BKA' DANG BSTAN BCOS MTHA' YAS PA BSGYUR, GANG BSGYUR BA'I CHOS DE DAG THAMS CAD LA LO CHEN MKHAS PA RNAMS KYIS ZHUS TIG YANG DAG PAR BYAS, DE DAG THAMS CAD KYANG CHOS RGYAL NYID KYI SPYAN LAM DU PHAB NAS CHOS LTAR BCOS PA'I BSRE BSLAD PHRA MO'ANG MED PAR MDZAD, BOD KHAMS THAMS CAD LA KHRIMS 'DI LTAR BSGRAGS TE, BOD KYI MNGA' 'OG NA GNAS PA THAMS CAD KYIS DAM PA'I CHOS TSUL BZHIN DU BYA BA DANG, RGYAL BA'I BSTAN PA LA RAB TU BYUNG BA RNAMS LA BLA LHAG TU GUS PAR BYA BA DANG, CHOS BYED BA RNAMS KYIS KYANG MKHAN CHEN BODHI SATVAS BOD KHAMS 'DIR RGYAL BSTAN GYI SROL JI LTAR GTOD PA LTAR 'DUL BA'I BCAS KHRIMS RNAM PAR DAG PAS GZHI BZUNG NAS SPYOD PA RNAM PAR DAG PA DANG, 'PHAGS PA KLU SGRUB KYIS RGYAL BA'I DGONGS BA JI LTAR BKRAL BA'I LTA BA RNAM PAR DAG PA DE KHO NA BZHIN BYA DGOS PA'I BKA' KHRIMS BSGRAGS SO, ,DE LTAR MKHAN CHEN BO DHI SATVAS RGYAL BSTAN NYIN MO LTAR GSAL BAR MDZAD NAS SKU'I BKOD PA BSDU BA LA PHYOGS PA NA CHOS RGYAL KHRI SRONG LDE BTZAN LA 'DI LTAR BKA' STZAL TE, BOD DU MU STEGS NI MI 'BYUNG GIS, SANGS RGYAS KYI BSTAN PA NYID KHA GNYIS SU GYIS TE RTZOD PAR 'GYUR BAS, DE'I TSE NGA'I SLOB MA KA MA LA SH'I LA SPYAN DRONGS LA RTZOD PA BYED DU CHUG CIG ,

, ,RTZOD PA BYAS PAS RTZOD PA CHOS PHYOGS SU ZHI BAR 'GYUR RO, ,ZHES LUNG BSTAN TE ZHI BAR GSHEGS SO, ,DE NAS DUS NAM ZHIG NA MKHAN CHEN ZHI BA 'TSOS JI LTAR LUNG BSTAN PA BZHIN RGYA NAG GI HVA SHANG LTA BA LOG PA 'DZIN PA ZHIG BYUNG NAS DE'I LUGS DAR TE LUS NGAG GI CHOS SPYOD DGE BA BYAS PAS SANGS MI RGYA, BYAR MED LA GNAS NA SANGS RGYAS ZER NAS CHA DE LTA LA ZHEN TE DGE SBYOR MI BYED, 'OD PHAL CHER DE LA DGA' STE DE'I LUGS SLOB, DPAL DBYANGS DANG; SBA RATNA LA SOGS PA NYUNG SHAS SHIG MKHAN CHEN BODHI SATVA'I LUGS BYED PAS LTA SPYOD MA MTHUN TE RTZOD PA LA, BTZAN POS MKHAN CHEN BODHI SATVA'I LUGS BZHIN DU LTA SPYOD GYIS SHIG GSUNGS PAS, STON MUN PA RNAMS KHROS TE CHU GRI RNON PO RE BSREL ZHING TZEN MIN PA RIL GSOD ZER BAS RGYAL PO THUGS MA BDE NAS, YE SHES DBANG PO 'BOD DU BTANG PAS LAN GNYIS SU MKHUGS NAS GSUM PA LA MA KHUGS NA GSAD BAR BYAS TE BTANG BAS, BRAG PHUG 'DOM BCU GNYIS PA DPYANG THAG LA 'GRO DGOS PA ZHIG TU PHYIN TE GSHEGS PAR ZHU, MI GSHEGS NA BDAG GSOD DU 'ONG BAS LCE BA BYAS PAS BYON TE RGYAL PO LA BDAG DGUG MI 'TSAL, MKHAN PO'I ZHAL CHEMS 'DI LTAR BDOG ZHUS PAS RGYAL PO MNYEL BSOS TE SLOB DPON KA MA LA SH'I LA SPYAN 'DREN PA'I PHO NYA BTANG, DE HVA SHANG GIS TSOR NAS YUM RGYAS PA LA SOGS PA MDO SDE ZAB MO RNAMS SPYAN DRANGS TE BSHAD PA BSLABS, BSTAN BCOS LA CHOS BYA MI DGOS NYAL BAS CHO GA

CES STON PA BSAM GTAN NYAL BA'I 'KHOR LO, DE LA RTZOD PA SPONG BA BSAM GTAN GYI LON, YANG LON GNYIS, DE RIGS PAS BSGRUB PA LTA BA'I RGYAB SHA ,LUNG GIS BSGRUB PA MDO SDE BRGYAD CU KHUNGS LA SOGS PA BYAS, MDO SDE DGONGS PA NGES 'GEL RANG GI LTA SPYOD DANG 'GAL BAR MTHONG NAS RDOG PAS GRIL LO, ,DE'I TSE YE SHES DBANG POS MKHAN PO'I DGONGS PA 'DI BZHIN YIN ZHES SNYAN DU GSOL BAS BTZAN PO DGYES TE KHYOD NGA'I A'A TZARYA ZHES GSUNG NGO, ,DE NAS KA MA LA SH'I LA BYON PA DANG, BTZAN PO GUNG LA BZHUGS, HVA SHANG G-YAS GRAL DU BYAS, SLOB DPON G-YON GRAL DU BYAS TE RTZEN MIN RNAMS DE'I MJUG 'THUD, BTZAN POS GNYIS KA'I LAG TU ME TOG PHRENG BA GTAD DE KHYED GNYIS GSHAGS GYIS LA GANG RGYAL BA LA PHAM BAS ME TOG PHRENG BA PHUL CIG ,PHAM PA DE 'DIR MA SDOD CIG BKA' STZAL PA DANG, HVA SHANG NA RE LAS DGE DANG MI DGE SPYAD NA MTHO RIS DANG NGAN SONG DU 'GRO BAS 'KHOR BA LAS MI THAR ZHING SANGS RGYAS THOB PA LA BSGRIB PA YIN, DPER NA SPRIN DKAR NAG GANG GIS KYANG NAM MKHA' LA BSGRIB PA DANG 'DRA, GANG ZHIG CI LA YANG MI SEMS, CI YANG MI BSAM PA DE 'KHOR BA LAS YONGS SU THAR BAR 'GYUR RO, ,CI LA YANG MI SEMS MI RTOG MI DPYOD PA NI MI DMIGS PA YIN PAS, CIG CAR DU 'JUG PA NI SA BCU PA DANG 'DRA'O, ,ZER RO, ,KA MA LA SH'I LA'I ZHAL SNGA NAS, DE LTAR CI LA YANG MI BSAM ZER BA DE NI SO SOR RTOG PA'I SHES RAB SPANGS PA YIN NO, ,YANG DAG PA'I YE SHES

, ,KYI RTZA BSO SOR RTOG PA'I SHES RAB YIN PAS, DE SPANGS PAS 'JIG RTEN LAS 'DAS PA'I SHES RAB KYANG SPANGS PAR 'GYUR RO, ,SO SOR RTOG PA'I SHES RAB MED NA RNAL 'BYOR BA THABS GANG GIS RNAM BAR MI RTOG PA LA GNAS, GAL TE CHOS THAMS CAD DRAN PA MED CING YID LA BYA BA MED PA YIN NA, NYAMS SU MYONG BA THAMS CAD MI DRAN ZHING, YID LA MI BYA BAR MI NUS SO, ,GAL TE BDAG GIS CHOS DRAN BAR MI BYA'O SNYAM NA DE SHIN TU DRAN BA YID LA BYAS BAR 'GYUR RO, ,DRAN BA MED BA TZAM PO LA BYED NA BRGYAL BA'AM, 'BOG BA'I DUS SU RNAM PAR MI RTOG PAR 'GYUR RO, ,YANG DAG BA'I SO SOR RTOG PA MED BAR MI RTOG BA LA 'JUG PA'I THABS MED DO, ,DE DRAN BA TZAM BO BKAG KYANG YANG DAG BA'I SO SOR RTOG PA MED NA CHOS THAMS CAD NGO BO NYID MED BA LA JI LTAR 'JUG NUS, STONG BA NYID MA RTOGS BAR SGRIB BA SPANGS BAR MI 'GYUR BAS NA'O, ,DES NA YANG DAG BA'I SHES RAB KYIS PHYIN CI LOG GI SNANG BA RGYANG BSRINGS PA YIN NO, ,DES NA DRAN BZHIN DU MI DRAN BYAR MI RUNG NGO, ,DRAN PA DANG YID LA BYA BA MED PAR SNGON GYI GNAS RJES SU DRAN BA DANG THAMS CAD MKHYEN BAR JI LTAR 'GYUR, NYON MONGS BA YANG JI LTAR SPONG, DE BAS NA YANG DAG BA'I SHES RAB KYIS DON NGES BAR RTOGS PA'I RNAL 'BYOR BAS DUS GSUM PHYI NANG STONG BAR RTOGS NAS RTOG BA NYE BAR ZHI STE LTA BA NGAN BA THAMS CAD SPANGS, DE BRTAN NAS THABS SHES RAB LA MKHAS PAS SGRIB PA

THAMS CAD BSAL NAS SANGS RGYAS KYI CHOS THAMS CAD THOB PAR 'GYUR RO, ,ZHES GSUNGS SO, ,DE NAS BTZAN BO'I ZHAL NAS, 'KHOR KUN GYIS KYANG MCHID GSHAGS THOB CIG GSUNGS, DE NAS SPA YE SHES DBANG POS CIG CAR 'JUG BYA BA DANG, RIM GYIS 'JUG BYA BA GNYIS DPYOD DGOS TE, RIM GYIS 'JUG NA RGYU MA MCHIS PAS, NGED DANG MI 'DRA CIG CAR 'JUG NA KHYED DA RUNG CI BYED, DANG BO NAS SANGS RGYAS NA CI NYES, DE BAS NA RI LA 'DZEG BA'ANG GOM PA RE RES 'DZEG DGOS TE, GOM PA GCIG GIS BGROD MI NUS PA LTAR, SA DANG PO THOB PA'ANG DKA' NA, THAMS CAD MKHYEN PA LTA CI SMOS, NGED TZE NA MIN GYI LUGS KYIS GSUNG RAB KUN LA SHES RAB GSUM GYIS SBYANGS PAS DON MA NOR BAR SHES, CHOS SPYOD BCU LA BSLABS TE BSGOMS BAS BZOD PA THOB, SA DANG PO SKYON MED PA LA ZHUGS TE SA BCU RIM GYIS SBYANGS PAS TSOGS GNYIS RDZOGS NAS 'TSANG RGYA BA YIN, KHYAD LTAR NA TSOGS MA RDZOGS, BLO MA SBYANGS BAR 'JIG RTEN GYI BYA BA YANG MI SHES NA SHES BYA THAMS CAD SHES PAR JI LTAR 'GYUR, CI YANG MA BYAS PAR NYAL BAS ZAN YANG MI MYONG STE, LTOGS TE 'CHIN SANGS RGYAS GA LA 'GRUB, MA BRTAGS MA DPYAD PAR GOM PA BOR YANG BRDEGS 'CHOS NA CHOS GA LA RTOGS ZHES BYA BA LA SOGS PA RGYAS PAR SMRAS PAS, STON MUN BAS LAN SMRA BAR MA NUS TE ME TOG PHRENG BA SLOB DPON LA PHUL TE PHA MA BLANGS SO, ,DE'I TSE CO RMA RMA LA SOGS PA MYA NGAN SKYES TE RANG GI

, ,RTEN RDOS BRDUNGS TE SHI ZHES GRAGS SO, ,DE NAS BTZAN POS DA PHYIN CHANG LTA BA KLU SGRUB KYI LUGS BZUNG, SPYOD PA CHOS SPYOD BCU DANG PHA ROL PHYIN BSLOBS, STON MUN GYI LUGS BYED DU MI DBANG NGO ZHES BKA' STZAL TE HVA SHANG RGYA'I YUL DU RDZANGS, DPE RNAMS BSDUS TE GTER DU SBAS SO, ,DE LTAR MKHAN CHEN ZHI BA 'TSO DANG MKHAS MCHOG KA MA LA SH'I LA GNYIS NI BOD KHAMS BSTAN PA'I SGRON ME YIN PAS BKA' DRIN MTSUNGS PA MED PA ZHIG GO ,DE NAS CHOS RGYAL KHRI SRONG LDE BTZAN GYIS, MKHAS MCHOG KA MA LA SH'I LA LA BOD KHAMS SU BSTAN PA LA DAG THER MDZAD NAS LTA BA LOG PAR SMRA BA RNAMS SUN PHYUNG BA BKA' DRIN CHE ZHES GUS PAS MCHOD PA TSAD MED PA MDZAD CING LUNG DANG RIGS PA DRI MA MED PAS LTA NGAN LOG PAR SMRA BA BKAG BA DE LTAR PHYIS RABS KYI GDUL BYA'I DON DU YI GER 'KHOD PA ZHIG DGOS ZHES BSKUL BA LTAR MKHAS MCHOG KA MA LA SH'I LAS DBU MA SGOM RIM GSUM MDZAD, SLAR YANG CHOS RGYAL KHRI SRONG LDE BTZAN GYIS BDAG NYID CHEN PO 'PHAGS PA KLU SGRUB KYIS RGYAL BA'I DGONGS PA LEGS PAR BKRAL BA'I DBU MA'I LTA BA MTHAR THUG PA 'DI 'JIG RTEN 'DIR YUN RING DU GNAS PAR BYA BA'I PHYIR RIGS BAS GSAL BAR MDZAD BA'I BSTAN BCOS ZHIG MDZAD DGOS PAR BSKUL TE, MKHAS MCHOG KA MA LA SH'I LAS DBU MA'I LAM BZANG GSAL BAR STON PA'I BSTAN BCOS DBU MA SNANG BA MDZAD DO, ,DES NA BYANG CHUB LAM RIM LA NYAMS LEN SNYING BOR

BYA 'DOD PA RNAMS KYIS SLOB DPON ZHI BA 'TSO YAB SRAS KYIS MDZAD PA'I DBU MA RGYAN RTZA 'GREL DANG, DBU MA SGOM RIM GSUM PO 'DI DAG LA YANG DANG YANG DU BLTAS TE, LAM GYI RIM PA'I GNAD RNAMS LA NGES PA GTING TSUGS PAR BRNYED PAR BYA'O,, ` ,,LAM MCHOG SHER PHYIN RGYAS MDZAD SENG BZANG ZHABS, ,ZHES BSNGAGS PA, SLOB DPON SENG GE BZANG PO NI, SNGON YUN RING BO NAS THUGS BSKYED DE RGYAL SRAS KYI SPYOD PA RLABS PO CHE LA BSLABS NAS; ZHING 'DIR RGYAL BA'I BSTAN PA'I SNYING PO SHER PHYIN GYI MAN NGAG SPEL PHYIR BSAM BZHIN DU BYON PA ZHIG STE, DE YANG SLOB DPON 'DI RGYAL RIGS SU SKU 'KHRUNGS, SNGON GYI CHOS 'BYUNG 'GA' ZHIG TU SLOB DPON 'DI MA'I LTO NA GNAS PA'I TSE MA LA SENG GE'I GNOD PA BYUNG STE MA'I LUS SENG GES ZOS KYANG LTO NA GNAS PA'I KHYE'U SENG GES MA ZOS PAR BDE BAR SKYES PAS SENG GE BZANG PO ZHES BTAGS PAR BSHAD, DE NAS NAR SON BA NA KHYIM GYI 'DU 'DZI LA MA CHAGS PAR RGYAL BA'I BSTAN PA LA RAB TU BYUNG STE BSLAB GZHI YONGS SU RDZOGS BA DGE SLONG GI SDOM BA BZHES, RANG DANG GZHAN GYI GRUB PA'I MTHA' THAMS CAD LA SBYANGS PAS MKHAS PA'I PHUL DU PHYIN PAR GYUR, KHYAD PAR SHER PHYIN GYI DON 'TSOL BA LA BYANG CHUB SEMS DPA' RTAG TU DU LTAR LUS DANG SROG LA'ANG MI LTA BAR BRTZON PA CHER MDZAD DE SHES RAB KYI PHA ROL TU PHYIN PA'I MDO SDE RIN PO CHE'I DON THEG PA GSUM GA'I LAM GYI RIM PA'I LUS YONGS SU RDZOGS PA LA

, ,NGES BA GTING TSUGS PA GZHAN GYIS DKRI BAR MI NUS PA ZHIG NAM ZHIG NA 'ONG SNYAM DU DE 'BA' ZHIG 'TSOL BA LHUR MJAD DO, ,DE'I TSE MKHAN CHEN ZHI BA 'TSO BSTAN PA'I BDAG POR BZHUGS PAS MKHAN CHEN ZHI BA 'TSO BSAM SBYOR GNYIS KYIS TSUL BZHIN DU BSTEN TE, RJE BTZUN BYAMS PA NAS BRGYUD PA'I SHER PHYIN GYI MAN NGAG 'PHAGS PA THOGS MED SKU MCHED GNYIS DANG, 'PHAGS PA GROL SDE'I GZHUNG RNAMS LA ZHIB TU SBYANGS SHING, RGYAL BA'I DGONGS PA DPAL MGON 'PHAGS PA KLU SGRUB KYIS BKRAL BA'I DBU MA'I GZHUNG RNAMS LA'ANG ZHIB TU SBYANGS, YANG DAG PAR RDZOGS PA'I SANGS RGYAS NAS RJE BTZUN BYAMS PA MGON BO DANG, DE NAS THOGS MED SKU MCHED LA RIM GYIS BRGYUD PA'I RGYA CHE BA'I LAM GYI RIM BA'I MAN NGAG RNAMS DANG, RDZOGS PA'I SANGS RGYAS NAS RJE BTZUN 'JAM PA'I DBYANGS, DE NAS DPAL MGON 'PHAGS PA KLU SGRUB YAB SRAS LA RIM GYIS BRGYUD PA'I ZAB MA'I LAM GYI RIM PA'I MAN NGAG RNAMS RDZOGS PAR GSAN, JI LTAR GSAN BA'I DON LAM GYI RIM PA'I GNAD RNAMS LA YANG DANG YANG DU SEMS PA DANG, 'JAL BA DANG, RTOG PA DANG, RANG GI RGYUD LA 'DRIS PAR BYA BA'I PHYIR DMIGS RNAM GOMS PA LHUR LEN PA RNAMS LA 'BAD DE RGYAL BA'I BSTAN PA'I SNYING PO THEG PA GSUM GA'I LAM GYI RIM PA'I LUS YONGS SU RDZOGS PA LA MYONG BA KHYAD BAR CAN 'KHRUNGS, DE NAS SKAL BA DANG LDAN PA STONG PHRAG MANG PO DAG LA SHER PHYIN GYI GDAMS,

NGAG 'DOMS PAR MDZAD, DA DUNG RGYAL BA'I BSTAN PA LA BYA BA RGYA CHER MDZAD BZHENG NAS, MKHAN CHEN ZHI BA 'TSO LA RJE BTZUN BYAMS PA'I SGRUB THABS ZHUS NAS BSGRUBS PAS, RMI LAM DU DGE SLONG GUR KUM GYI MDOG CAN SPYOD LAM MDZES PA CIG RMIS TE, SHAR PHYOGS KHA SARB'A nIR SONGS SHIG ,CES LUNG BSTAN TO, ,JI LTAR LUNG BSTAN PA LTAR DER SONG NAS ZHAG GSUM DU SMYUNG GNAS BYAS TE RMI LAM BRTAGS BAS THO RANGS KYI RMI LAM NA, AO T'ANTA P'U RI BI DH'A RA'I GANDHO LA'I STENG GI NAM MKHA' LA SPRIN PHUNG THUG PO ZHIG GI GSEB NA LHA'I LUS STOD SPRIN GYI GSEB NAS BYUNG NAS MCHOD RDZAS SNA TSOGS KYIS MCHOD PA MTHONG STE, CI BYED DRIS PAS, RJE BTZUN BYAMS MGON BRGYAD STONG PA GSUNG BA LA MCHOD PA BYED PA YIN ZER TE, RING DU BLTAS PAS RJE BTZUN ZHAL GSER MDOG CAN SPYI GTZUG MCHOD RTEN GYIS SPRAS PA PHYAG G-YAS CHOS 'CHAD KYI PHYAG RGYA MDZAD PA ZHIG MTHONG NAS PHYAG DANG MCHOD PA BYAS TE, NYID KYI BSTAN BCOS LA DENG SANG 'GREL BA MANG DU MCHIS NA GANG GI RJES SU 'JUG PAR BGYI ZHES ZHUS PAS, THAMS CAD KYI GZHUNG LEGS PAR RTOGS LA 'THAD PA BSDUS TE KHYOD KYIS PHYOGS GCIG TU BSDUS LA RTZOMS SHIG CES GNANG BA THOB BO, ,MNAL SAD DE MCHOD PA BYAS NAS BSTAN BCOS BRTZAMS PA'I SBYIN BDAG BTZAL BA'I PHYIR SHAR PHYOGS KHA SARB'A NI NAS NUB TU BYON BA NA, RGYAL BO DHARM'A BA LAS YUM 'CHAD PA LA SLOB DPON SENG GE BZANG PO MKHAS PAR THOS NAS GDAN 'DREN DU BTANG BA'I PHO NYA DANG PHRAD NAS

, ,GDAN DRANGS TE TSA BA GSUM GYI GTZUG LAG KHANG DU PHEBS TE DGE 'DUN STONG PHRAG MANG PO LA SHER PHYIN GYI MAN NGAG RGYA CHER 'DOMS PAR MDZAD, RGYAL PO DHARM'A PA LAS SBYIN BDAG BYAS NAS BYAMS MGON GYIS LUNG BSTAN PA LTAR MNGON RTOGS RGYAN GYI 'GREL BA DON GSAL DANG, MNGON RTOGS RGYAN DANG BRGYAD STONG PA SBYAR BA'I MAN NGAG BRGYAD STONG 'GREL CHEN DANG, 'PHAGS PA GROL SDES MDZAD PA'I NYI KHRI SNANG BA DANG MTHUN PAR NYI KHRI'I BSDUS DON LE BRGYAD MA DANG, YON TAN RIN PO CHE SDUD BA'I 'GREL PA RTOGS PAR SLA BA DANG, SHER PHYIN SGOM PA, TZANDRA PA'I RNAM DBYE'I TSIG LA'UR BYAS PA RNAMS MDZAD DO, ,BDAG NYID CHEN PO 'DI NI MKHYEN RABS DANG THUGS RJE MTSUNGS PA MED PA DANG, RJE BTZUN BYAMS PA MGON POS BYIN GYIS BRLABS PA'I MTHUS 'GREL PA DON GSAL NI BYANG CHUB LAM GYI RIM PA LA BLO SBYONG BA RNAMS LA SHER PHYIN GYI MDO SDE BA LTA BA'I MIG LTA BUR GYUR CING, BRGYAD STONG 'GREL CHEN NI DANG PO GNAS KHANG BYI DOR BYA BA NAS BZUNG ZHI GNAS DANG LHAG MTHONG GNYIS ZUNG DU 'BREL BA'I RNAL 'BYOR SGOM PA'I BAR SKYES BU GSUM GYI LAM GYI RIM PA'I GNAD THAMS CAD SHER PHYIN GYI MDO SDE NAS JI LTAR GSUNGS PA LTAR LAM GYI NGO BO GANG YIN PA DANG, GRANGS JI TZAM DU NGES PA DANG, GO RIM JI LTAR YIN PA'I TSUL RNAMS 'KHRUL PA PHRA MO'ANG MED PAR SHIN TU GSAL BAR STON PA DANG, DMIGS SKOR RE RE NAS GCIG NYAMS SU LEN PA'I CHE GZHAN RNAMS 'DOR

DGOS PA MIN PAR, DMIGS SKOR RE RE'I STENG DU LAM GYI LUS YONGS SU RDZOGS PAR CHA TSANG BA RE BYAMS MGON GYI MAN NGAG LA BRTEN NAS RTZAL DU BTON TE 'CHAD PA DANG, DANG PO THAR PA CHA MTHUN NAS BZUNG MTHAR RDO RJE LTA BU'I TING NGE 'DZIN GYIS GNYIS SNANG 'KHRUL BA'I DNGOS GNYEN BYAS TE RNAM PA THAMS CAD MKHYEN PA'I YE SHES THOB PA'I BAR DANG, RNAM MKHYEN THOB NAS 'PHRIN LAS NYI SHU RTZA BDUN GYI SGO NAS SEMS CAN GYI DON JI LTAR BYED PA'I BAR THAMS CAD TSANG BAR BSTAN PAS 'DZAM BU GLING PA RNAMS LA BKA' DRIN ZLA MED DU MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON SENG GE BZANG PO LA GSOL BA 'DEBS SHING, SLOB DPON 'DI'I GZHUNG RNAMS LA YANG DANG YANG DU BLTAS TE RANG GIS GANG NYAMS SU BLANG BAR BYA BA'I LAM GYI RIM PA'I GNAD RNAMS LA BDUD DANG SDIG GROGS GANG GIS KYANG YID BZHIN DU BSGYUR MI THUB PA'I NGES PA BRTAN PO RNYED PAR BYA'O,, ,, ` RGYAL BA'I MAN NGAG KUN 'DZIN KU SA LI, ,ZHES BSNGAGS PA, MCHAN DNGOS RIN CHEN BZANG PO ZHES BRJOD PA'I BDAG NYID CHEN PO 'DI RGYAL BA'I BSTAN PA LA RAB TU BYUNG NAS BSNYEN PAR RDZOGS PA DGE SLONG GI SDOM PA BZHES, SLOB DPON SENGGE BZANG PO YONGS 'DZIN DU BSTEN NAS RJE BTZUN BYAMS PA MGON PO NAS BRGYUD PA'I SHER PHYIN GYI MAN NGAG RNAMS YONGS SU RDZOGS PAR GSAN ZHING, DPAL MGON 'PHAGS PA KLU SGRUB NAS BRGYUD BA'I DBU MA'I MAN NGAG RNAMS KYANG YONG SU RDZOGS PAR

, ,GSAN, DE DUS 'DZAMBU GLING NA MKHAS SHING GRUB PA'I SKYES BU GANG DANG GANG NA BZHUGS PA PHAL MO CHE'I ZHABS LA GTUGS NAS MDO SNGAGS KYI MAN NGAG MTHA' DAG GSAN PAR MDZAD DE, RJE BTZUN BYAMS PA NAS BRGYUD PA'I MAN NGAG MTHA' DAG GSAN PA NI, BKA' GDAMS GLEGS BAM LAS, BYAMS PA THOGS MED DBYIG GNYEN RNAM GROL SDE, ,BTZUN PA GROL SDE RGYAL SRAS MCHOG GI SDE, ,RGYAL SRAS DUL BA'I SDE DANG GRAGS PA'I DPAL, ,SENG BZANG RIN CHEN BZANG DANG RIN CHEN SDE,, RTZA BA'I BLA MA MNYAM MED GSER GLING BA, ,RGYA CHEN RNAM DAG SBYOD LA PHYAG 'TSAL LO, ,ZHES GSUNGS PA LTAR RO, ,'DI'I RIN CHEN BZANG PO ZHES PA NI KU SA LI CHE BA DANG, RIN CHEN SDE ZHES PA KU SA LI CHUNG BA YIN BAR SNGON GYI CHOS 'BYUNG DAG LAS BSHAD DO, 'PHAGS PA KLU SGRUB NAS BRGYUD PA'I MAN NGAG MTHA' DAG DANG, KHYAD PAR PHA RGYUD GSANG BA 'DUS PA'I MAN NGAG RNAMS BLA MA 'DIS RIG PA'I KHU BYUG LA GSAN TE, BKA' GDAMS GLEGS BAM LAS, KLU SGRUB ZLA GRAGS RIG PA'I KHU BYUG DANG, BLA MA AA WA DHU TI CHE CHUNG GNYIS, ,LTA BA'I BLA MA LNGA LA PHYAG 'TSAL LO, ,ZHES GSUNGS PA LTAR RO, ,YE SHES ZHABS LUGS KYI MAN NGAG MTHA' DAG BLA MA 'DIS SLOB DPON SANGS RGYAS ZHI BA LA GSAN TE BKA' GDAMS GLEGS BAM LAS, SANGS RGYAS YE SHES ZHABS DANG GSANG BA PA, ,ZHI BA KU SU LU DANG KU SU LU, ,GSANG SNGAGS MA LUS BDAG LA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, ,ZHES GSUNGS PA LTAR RO, ,RNAL 'BYOR RGYUD KYI MAN NGAG RNAMS BLA MA 'DIS SANGS RGYAS ZHI BA'AM SANGS

RGYAS GSANG BA GANG RIG LAS GSAN TE BKA' GDAMS GLEGS BAM LAS, SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA DANG NI KU SU LU, ,KU SU LU ZHES KRI YA YO GA YI, ,GDAMS PA SBYIN MDZAD LNGA LA PHYAG 'TSAL LO, , ZHES GSUNGS PA LTAR RO, ,MKHAS GRUB CHEN PO SANGS RGYAS BSKYANG NAS BRGYUD PA'I MAN NGAG RNAMS KYANG 'DIS YONGS SU RDZOGS PAR GSAN TE, BKA' GDAMS GLEGS BAM LAS, MKHAS GRUB CHEN PO BUDDHA P'A LI DANG, ,SANGS RGYAS YE SHES SANGS RGYAS ZHI BA DANG, ,SANGS RGYAS GSANG BA MNYAM MED KU SU LU, ,RTZA BA'I BLA MA DRIN CAN KU SU LU, ,BYIN BRLABS BLA MA DRUG LA PHYAG 'TSAL LO, ,ZHES GSUNGS PA LTAR RO, ,YANG BLA MA KU SA LI 'DIS THEG PA CHEN PO'I LAM GYI RIM PA'I MAN NGAG RNAMS SLOB DPON BLO GROS BRTAN PA LA YANG GSAN TE BKA' GDAMS GLEGS BAM LAS, BYAMS PA THOGS MED DBYIG GNYEN BLO GROS BRTAN, ,KU SU LU GNYIS BLA MA GSER GLING PA, ,BYANG CHUB MCHOG TU SEMS SKYED SBYIN MDZAD PA'I, ,DRIN CAN BLA MA BDUN LA PHYAG 'TSAL LO, ,ZHES GSUNGS PA LTAR RO, ,DE LTAR MDO SNGAGS KYI MAN NGAG MTHA' DAG KU SA LI CHE BA 'DI LA MNGA' BAS NA, DON 'DI LA DGONGS NAS RJE BDAG NYID CHEN POS, RGYAL BA'I MAN NGAG KUN 'DZIN ZHES BSNGAGS PA MDZAD DO, ,BDAG NYID CHEN PO 'DI NI RGYAL BA'I DAM CHOS MA LUS PA 'DZIN PA'I SMON LAM GYI MTHU GRUB PA ZHIG STE, 'DIS MDO SNGAGS KYI MAN NGAG MTHA' DAG GSAN NAS KU SA LI CHUNG BA LA YONGS SU

, ,RDZOGS PA GNANG, KU SA LI CHUNG BAS JO BO RJE DPAL LDAN AA TI SHA LA YONGS SU RDZOGS PAR GNANG STE JO BO MDO SNGAGS YONGS RDZOGS KYI BSTAN PA'I BDAG POR BZHUGS PA 'DI BYUNG BA YIN PAS KU SA LI ZHES BYA BA'I BDAG NYID CHEN PO 'DI NI SPYIR 'DZAM BU GLING PA THAMS CAD DANG, KHYAD PAR KHA BA CAN PA RNAMS LA BKA' DRIN MTSUNGS MED DU GYUR PA YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON KU SA LI CHE BA LA GSOL BA 'DEBS SHING SANGS RGYAS NAS BZUNG STE DAM PA BAR MA CHAD PA LAS BRGYUD PA'I LAM GYI RIM PA'I MAN NGAG RNAMS TSANG BAR THOB PAR BYAS LA DBEN PA'I GNAS SU BYANG CHUB LAM GYI RIM PA'I NYAMS LEN LA BRTZON PAR BYA'O,, ` ,,'GRO KUN BRTZE BAS RJES 'DZIN DGE BA CAN, ,ZHES BSNGAGS PA, DGE BA CAN NAM KU SA LI CHUNG BA, MTSAN DNGOS RIN CHEN SDE, RJES SU THUGS DAM NYAMS RTOGS LAS DPAGS TE MTSAN DU GSOL BA BLA MA BYAMS PA'I RNAL 'BYOR PA ZHES GRAGS PA 'DI NI, LUNG DANG RTOGS PA'I YON TAN GYIS MNGON BAR MTHO BA THUB BSTAN YONGS RDZOGS KYI BDAG BOR BZHUGS PA ZHIG STE, SKU GZHON NU NAS RGYAL BA'I BSTAN PA LA RAB TU BYUNG, BSNYEN PAR RDZOGS PA'I SDOM PA BZHES NAS SDE SNOD GSUM LA SBYANGS TE MKHAS PA'I PHUL DU PHYIN PAR GYUR CING, KU SA LI CHE BA BSAM SBYOR GNYIS KYIS TSUL BZHIN DU BSTEN TE SDE SNOD GSUM DANG RGYUD SDE BZHIS

BSDUS BA'I MAN NGAG MTHA' DAG GSAN TE YONGS SU RDZOGS PA THUGS LA CHUD PAR MDZAD, GDAMS NGAG DE DAG THAMS CAD KYANG THOS PA TZAM ZHIG TU MA LUS PAR MAN NGAG SO SO LA SBYANGS TE NYAMS LEN SNYING POR MDZAD NAS GDAMS NGAG SO SO'I NUS PA THON PAR MDZAD CING, LHAG PAR RJE BTZUN BYAMS PA NAS BRGYUD PA'I RGYA CHE BA'I LAM GYI RIM PA DANG, DPAL MGON 'PHAGS PA KLU SGRUB NAS BRGYUD PA'I ZAB MO'I LAM GYI RIM PA GNYIS LAM GYI RIM PA GCIG TU DRIL BA THEG PA CHEN PO'I LAM GYI RIM PA'I LUS YONGS SU RDZOGS PA LA CHU BO'I RGYUN BZHIN DU YUN BSRINGS NAS NYAMS LEN MDZAD PAS LAM GYI RIM PA'I RTOGS PA YONGS SU RDZOGS PA THUGS LA 'KHRUNGS SHING, DE'I NANG NAS KYANG BYAMS SNYING RJE BYANG CHUB KYI SEMS LA THUGS DAM GYI MTHIL DU MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE BCOS MA MIN PA THUGS LA 'KHRUNGS TE, BLA MA 'DI CHOS GSUNG BA'I RTZA RU MI GCIG GIS KHYI LA DBYUG PA BRGYAB PAS, BLA MA AA GSUNGS NAS 'GYEL BA LA GZHAN RNAMS KYI RTOG PA LA KHYI LA CI YANG MI STO BAR 'DUG PA LA TSUL 'CHOS RE CHE SNYAM PA BYUNG BAS, BLA MAS DE MKHYEN NAS SKU RGYAB BSTAN PAS KHYI LA BRGYAB BA'I THAD NA KHYU RE SKRANGS 'DUG PAS THAMS CAD YID CHES SO, ,DE LTAR KU SA LI CHUNG BA'AM BLA MA BYAMS PA'I RNAL 'BYOR PA ZHES BYA BA DE NI DBEN PA'I GNAS SU BYAMS SNYING RJE BYANG CHUB KYI SEMS LA THUGS DAM GTZO BOR MDZAD

, ,NAS; KVA YE PHA MAR GYUR PA'I 'GRO BA MA LUS DRANG BA'I PHYIR, ,BDAG LA YOD PA'I NYON MONGS DUG LNGA GANG DAG GIS, ,SEMS CAN RNAMS KYI DUG LNGA MA LUS DRANG BAR BYA, ,'DOD CHAGS LA SOGS MED PA'I DGE BA GANG YOD RNAMS, ,'GRO DRUG SEMS CAN RNAMS LA SNYOMS PAR BRIMS PAR BYA, ,NA TSA LA SOGS 'BRAS BUR GYUR PA'I SDUG BSNGAL GYIS, ,DE DANG RIGS MTHUN SDUG BSNGAL MA LUS DRANG BAR BYA, ,NA TSA LA SOGS MED PA'I PHAN BDE GANG YIN DE, ,'GRO DRUG SEMS CAN RNAMS LA SNYOMS PAR BRIMS PAR BYA, ,DE LTAR BYAS NA RANG NYID 'KHOR BA'I RGYA MTSO 'DIR, ,SKAD CIG TZAM YANG 'KHYAM PA'I GO SKABS GA LA SRID, ,'ON KYANG JI SRID BYANG CHUB MA THOB BAR, ,MYONG 'GYUR NYON MONGS RGYU 'BRAS JI SNYED PA, ,THAMS CAD SKYE BA 'DI LA YONGS SU RDZOGS PAR BYA, ,DE YANG NGA LO ZLA BA 'DI LA DRANG BAR BYA, ,DE YANG DE RING DA LTA NYID DU RDZOGS BYAS NAS, ,SDUG BSNGAL BRANG BRENG RAB CHAD TZAM ZHIG THABS SU BSTEN, ,BLO 'DI 'BYONGS PAR GYUR CIG BYAMS PA'I RNAL 'BYOR PA, ,ZHES BYAMS SNYING RJE BYANG CHUB KYI SEMS GYI NYAMS MGUR MDZAD CING CHU BO GANGG'A'I 'GRAM DU SGOM ZHING BZHUGS PA NA, RJE BTZUN BYAMS BA MGON PO MDUN DU BYON NAS ZHAL BSTAN TE, THOS PA TZAM GYIS NGAN 'GRO'I SDUG BSNGAL SEL BA'I GLU, ,BSAM BA TZAM GYIS 'KHOR BA'I LJON PA GCOD PA'I GLU, ,BSGOMS PA TZAM GYIS BYANG CHUB MYUR DU 'BYIN PA'I GLU, ,BYAMS PA SNYING RJE BYANG

CHUB SEMS KYI GLU 'DI MTSAR, ,NYON MONGS DUG LNGAS DAG BZHIN 'JOMS PAR RIG NA YANG, ,KHYOD KYI 'DI LTAR NA NI RGYUD LA BSTEN PA MTSAR, ,NA TSA SDUG BSNGAL KUN NAS BZOD PAR DKA' NA YANG, ,KHYOD KYI 'DI LTAR NA NI NGO MTSAR RMAD DU BYUNG, ,RANG DON YAL BAR DOR NAS GZHAN DON LHUR MDZAD TSE, ,RANG DBANG MED PAR 'KHOR BAR 'KHYAMS PA SU YI BKA', ,DES NA RANG DON BSAM PA SKAD CIG MA 'KHRIS PAR, ,GZHAN GYI MI 'DOD BDAG GIS LEN BA DAM PA YIN, , THEG PA CHEN PO'I GSUNG RAB MTHA' YAS MU MED KYANG, ,'DI RU MA 'DUS RDUL TZAM GANG YANG YOD MA YIN, ,DE PHYIR RNAL 'BYOR KHYOD KYI RDO RJE'I GLU DBYANGS 'DI, ,THOS SAM BSAM MAM BSGOM MAM BSHAD KYANG RUNG, ,'JIG RTEN LHA DANG BCAS PA'I SKYABS GNAS DAM PA STE, ,PHYOGS BCU'I RGYAL BA RNAMS KYI THUGS KYI NYING KHU DE, ,KHYOD KYI BLO LA SHAR BA NGO MTSAR SHIN TU CHE, ,ZHES THUGS SHIN TU MNYES PA'I SGO NAS DBUGS DBYUNG BAR MDZAD PAS, BYAMS SNYING RJE'I RTOGS PA RGYA CHER 'PHEL ZHING THE TSOM GYI MDUD PA GROL NAS, MTHONG THOS DRAN REG THAMS CAD LA PHAN PA'I NUS PA THOB STE, 'DI LTAR NYIN LAN GSUM MTSAN LAN GSUM DUS DANG GNAS SKABS THAMS CAD DU DRAN PA BRJED PA MA MCHIS PAR CHOS 'DI BLO LA SBYANGS SHING KHAMS BSOS RDO RJE'I GLU DBYANGS 'DI BLANGS PAS, LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE'I TSOGS DANG, SHA ZA DANG, SRIN PO LA

, ,SOGS PA MA RANG GI BU GCIG PU LA BYAMS PA BZHIN DU GUS PAR DBANG DU 'DUS PAR GYUR TO, ,GZHAN YANG YUL GYI RGYAL PO DANG, BLON PO DANG, BTZUN MO DANG, BRAM ZE DANG, KHYIM BDAG DANG, KHYE'U BU MO DMANGS RIGS LA SOGS PA THAMS CAD DBANG DU 'DUS TE, DGA' BAS RJES SU 'BRANG ZHING MTHONG BA DANG THOS PA THAMS CAD KYANG BYAMS BA'I RANG BZHIN CAN DU GYUR TO, ,GZHAN YANG RTA DANG GLANG PO DANG MA HE DANG SPRE'U DANG 'DAB CHAGS RNAMS DANG, GCAN GZAN GYI TSOGS RNAMS DANG, THA NA SROG CHAGS GROG SBUR YAN CHAD MI 'JIGS SHING, BAG PHEBS BAR RNAL 'BYOR PA'I DRUNG DU 'KHOD PAR GYUR TO, ,DE LTAR RNAL 'BYOR PA'I THUGS KYIS DGONGS NAS SLAR YANG, THOG MED DUS NAS NYE BAR 'BREL PA YI, ,PHA MAR GYUR PA'I SEMS CAN MA LUS PA, ,BYANG CHUB MCHOG LA 'GOD PA'I YI DAM BSAM, ,CHOS 'DIS BYAMS PA MGON LA MCHOD PAR BGYI, ,DE TSE RANG DON SKAD CIG MA 'KHRIS BAR, ,GZHAN DON 'BA' ZHIG SNYING LA GOMS PAR BYA, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD BAR BGYI, ,BDE SDUG BTANG SNYOMS TSOR BA CI BYUNG YANG, ,BYANG CHUB 'BYIN PA'I GROGS SU DANG DU BLANGS, ,BSKAL PA DU MAR BSOD NAMS CI GSOG KYANG, ,NYAN THOS SNGAR MA'I CHOS SU SHOR MA GYUR, ,CHOS 'DIS BYAMS PA MGON LA MCHOD PAR BGYI, ,DE TZAM ZHIG TU MI 'DOD CI BYUNG YANG, ,

BZOD PA'I GO CHA CUNG ZAD SHOR MA GYUR, ,LHAG PAR DRIN GYIS BSKYANGS PA'I SKYE BO YIS, ,LOG SGRUB BYAS KYANG 'DZUM PA'I BZHIN GYIS BSKYANGS, ,CHOS 'DIS BYAMS BA MGON LA MCHOD PAR BGYI, ,SDANG BA'I SKYE BO'I PHYOGS NAS SDIG BSAGS KYANG, ,NGAN PA'I BSAM PA SKAD CIG SHOR MA GYUR, ,SNANG SRID BDUD DANG LHA 'DRE DGRAR LANGS KYANG, ,RANG 'DOD 'KHRIS PA'I BSRUNG SKYOB BYED MA MYONG, ,CHOS 'DIS BYAMS PA MGON LA MCHOD PAR BGYI, ,NGES PAR 'CHI BA'I NAD KYIS BTAB GYUR KYANG, ,CHOS MIN DAG LA YID BRTAN 'CHA' MA MYONG, ,SER SNA GOM PAS 'BYOR PA CHUNG NA YANG, ,LOG PA'I 'TSO BAS LTO GOS BYED MA MYONG, ,CHOS 'DIS BYAMS PA MGON LA MCHOD BAR BGYI, ,NGAN PA'I GROGS KYIS KUN NAS BSKOR NA YANG, ,GNYEN PO'I RANG TSUGS GANG LA'ANG BSKYEL MA MYONG, ,MDOR NA 'GRO'AM 'DUG GAM CI BYED KYANG, ,MA BRTAGS BYA BA GANG YANG BYED MA MYONG, ,CHOS 'DIS BYAMS PA MGON LA MCHOD PAR BGYI, ,DE LTAR YIN MOD 'ON KYANG CHOS RNAMS LA, ,BDEN PAR RTOG PA RDUL TZAM YONG MA MYONG, ,'DI NI BYANG CHUB BSGRUB PA'I GTZO BO YIN, ,CHOS 'DIS BYAMS PA MGON LA MCHOD PAR BGYI, ,DE LTAR SGRUB PA'I MCHOD PA DAM PA 'DI, ,RNAL 'BYOR BDAG GI BSAM PA SBYANG BA'I PHYIR, ,BYAMS PA'I DPUNG GIS YON 'DI BZHES SU GSOL, ,BZHES LA BLO 'DI 'BYONGS BAR MDZAD DU GSOL, ,ZHES RJE BTZUN BYAMS PA MGON PO LA SGRUB PA'I MCHOD PA RGYA CHER PHUL, DE'I TSE BAR

, ,SNANG LA MCHOD PA'I LHA MO LNGA DANG, SGRA DANG 'OD LA SOGS PA YID DU 'ONG BA'I MCHOD PA GZHAN YANG DPAG TU MED PA'I RNAM PA BYUNG BAR GYUR TO, ,DE'I TSE BYAMS PA'I RNAL 'BYOR PA LA BLO SBYONG 'DI ZHU BA CHES MANG DU BYUNG YANG GTZO BOR GYUR PA NI JO BO RJE NYID DE, JO BO RJE DPAL LDAN AA TI SHA THUB BSTAN YONGS RDZOGS KYI BDAG POR GYUR PA DANG, LHAG PAR BYANG CHUB KYI SEMS KYI MNGA' BDAG TU GYUR NAS KHA BA CAN GYI GDUL BYA DMU RGOD CAN MTHA' DAG BYANG CHUB KYI SEMS RIN PO CHE'I BYIN RLABS KYIS SKU MTHONG BA DANG GSUNG THOS PA THAMS CAD RANG DBANG MED PAR SEMS DUL BAR 'GYUR BA DANG, THA NA MTSAN THOS PA TZAM GYIS KYANG NYON MONGS PA'I GDUG RTZUB ZHI NAS DAD PAS CHOS LA 'DUN PAR 'GYUR BA DA LTA'I BAR DU BYIN RLABS RGYUN MA CHAD PA 'DI BYUNG BA YIN NO, ,DES NA BYANG CHUB LAM RIM LA NYAMS LEN SNYING POR BYA 'DOD BA RNAMS KYI KU SA LI CHUNG BA SKYES MCHOG BYAMS BA'I RNAL 'BYOR PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR DRAN PAR BYAS LA BYANG CHUB LAM GYI RIM PA LA BLO SBYONG ZHING KHYAD PAR BYAMS SNYING RJE BYANG CHUB KYI SEMS DGE SBYAR GYI MTHIL DU BZUNG BAR BYA'O, ,KU SA LI CHE CHUNG GNYIS PO 'DI GANG DU 'KHRUNGS PA'I YUL JI LTAR YIN PA SOGS RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O,, ` ,,BYANG CHUB THUGS LA MNGA' BRNYES GSER GLING PA, ,ZHES BSNGAGS PA, SEMS DPA'

CHEN PO GSER GLING PA CHOS KYI GRAGS PA ZHES BYA BA DE NI TSE RABS MANG POR BYANG CHUB KYI SEMS LA GOMS PAR MDZAD PAS THUGS SNYING RJE'I DBANG DU GYUR TE THEG PA CHEN PO'I BSTAN PA'I SROG 'DZIN PA'I SMON LAM RLABS PO CHE'I MTHU GRUB STE GSER GLING DU RGYAL PO'I SRAS SU SKU 'KHRUNGS, GSER GLING DE NI GLING BZHI DANG GLING PHRAN BRGYAD GANG YANG MIN ZHING, 'DZAM BU'I GLING DANG CUNG ZAD NYE PA'I PHYOGS NA MTHA' RGYA MTSOS BSKOR ZHING GSER DANG DNGUL LA SOGS PA RIN PO CHE MANG PO'I 'BYUNG KHUNGS YOD PA, PHYOGS THAMS CAD NAGS TSAL SNGON PO'I 'PHRENG BA 'KHRIGS PAS BRGYAN PA, ME TOG PADMA DANG AUTPA LA LA SOGS PA YID DU 'ONG BA MANG PO SKYE BA'I GNAS LHA'I DGA' TSAL LTA BU ZHIG YOD DE, RANG BZHIN GYI DPA' BO DANG RNAL 'BYOR MA MANG PO BZHUGS PA'I GNAS YUL NYER BZHI'I NANG NAS SU WARnA D'I PA ZHES PA DE YIN PAR GRAGS SO, ,DE 'DRA BA'I GLING DER RGYAL SRAS BDAG NYID CHEN PO 'DI RGYAL PO'I SRAS SU 'KHRUNGS NAS RING PO MA LON PAR SI NA SI NA ZHES DKON MCHOG LA SKYABS SU 'GRO BA'I TSIG RGYUN DU BRJOD PA ZHIG BYUNG, YUL DER RES SANGS RGYAS KYI BSTAN PA DANG, NGES MU STEGS DAR BA LAS DE SKABS MU STEGS DAR BA'I SKABS YIN YANG RGYAL BO'I SRAS SU SONG BAS SUS KYANG BZLOG PAR BYED MA NUS SO, ,RGYAL BU DE CHER SKYES NAS RI PHUG CIG NAS RGYAL BA SH'AKYA THUB PA'I SKU LI MA GCIG RNYED DE BYUNG, DE LA MCHOD PA SNA TSOGS BYAS PAS GLING DE SNGAR LAS BDUN 'GYUR GYIS LO

, ,LEGS BA DANG, NAD MED BA DANG GNOD PA NYUNG BA LA SOGS PA BKRA SHIS PAR GYUR TO, ,DES GSER GLING PA THAMS CAD SANGS RGYAS KYI BSTAN PA LA DAD NAS RGYAL BU 'DI CHOS 'TSOL DU BTANG BA DRAG ZER BAS RGYAL BU SHIN TU DGES NAS, 'DZAM BU GLING DU BYON PAS RDO RJE GDAN DU SRIN PO RNAMS MCHOD PA LA 'ONGS BA DANG DUS MTSUNGS PAR GYUR, DE'I TSE GANG ZAG YON TAN CAN THAMS CAD DER 'DU BA YIN BAS MKHAS PA DANG GRUB PA MANG PO 'DUS KYANG BLA MA 'DI DAM BA GZHAN LA MOS PA MA SKYES, MAH'A SHR'I RATNA LA MOS PA CHER SKYES NAS ZHAG BDUN 'GROGS NAS SLOB DPON DE MED DE SONG, RGYAL BUS PHYOGS KUN TU BTZAL CING DRIS KYANG MA RNYED PAS NGAL NAS GNYID LOG PA'I RMI LAM DU BYIS PA GNYIS GLU LEN PA LA, RANG YUL 'KHOR DANG LONGS SPYOD BOR, ,SMIN PA GCIG GIS RTZAD MA CHOD, ,RING NAS PHUNG NGAM MYUR DU PHUNG, ,RIGS DAG BZANG STE SHES RAB CHUNG, ,ZER BA RMIS, DER RGYAL BU GNYID SAD PA NA SLOB DPON MAH'A SHR'I RATNA ZHES SKYES MCHOG BYAMS PA'I RNAL 'BYOR PA CHEN PO DNGOS SU BZHUGS PA MTHONG BA NA DAD GUS TSAD MED PAS MAndAL PHUL TE GSOL BA BTAB PAS BLA MA DES DGYES BZHIN DU ZHAL GYIS BZHES NAS RGYAL BA'I BSTAN PA LA RAB TU BYUNG ZHING BSNYEN PAR RDZOGS SDE SNOD GSUM DANG RGYUD SDE BZHIS BSDUS PA'I MAN NGAG PHAL MO CHE GSAN, KHYAD PAR DU YANG RGYAL BA'I DGONGS PA SHING RTA CHEN PO GNYIS KYIS BKRAL BA'I MAN NGAG ZAB

BA DANG RGYA CHE BA'I LAM GYI RIM PA'I LUS YONGS SU RDZOGS PA SKYES BU GSUM GYI LAM GYI RIM PA MTHA' DAG PAR GSAN PAS SNOD GCIG NAS GCIG TU BYO BA BZHIN DU THUGS SU CHUD, MTSAN YANG GSER GLING PA CHOS KYI GRAGS PA ZHES BTAGS, RGYA GAR GYI MKHAS GRUB GZHAN MANG PO LA'ANG MDO SNGAGS KYI CHOS MANG DU GSAN ZHING, GTZO CHER BLA MA BYAMS PA'I RNAL 'BYOR PA CHEN PO LA BRTEN TE LO BDUN GYI RING LA CHOS GSAN PA DANG BYANG CHUB LAM GYI RIM BA BSGOM BZHIN BZHUGS PAS LAM GYI RIM PA'I DMIGS SKOR MTHA' DAG LA NYAMS MYONG GI RTOGS PA PHUL DU BYUNG BA THOB, MNGON PAR RTOGS PA'I RGYAN DANG SHER PHYIN GYI MDO SDE SBYAR BA'I MAN NGAG LA SBYANGS PAS MKHAS PA'I PHUL DU PHYIN PAR GYUR, KHYAD PAR DU YANG MGON PO 'JAM PA'I DBYANGS NAS RGYAL SRAS ZHI BA LHA LA BRGYUD PA'I MAN NGAG BDAG PAS GZHAN GCES PA'I BYANG CHUB KYIS SEMS RIN PO CHE RLABS CHEN PO THUGS LA 'KHRUNGS TE DE KHO NA THUGS DAM GYI MTHIL DANG, SA LAM 'BRAS BU DANG BCAS PA GZHAN THAMS CAD DE'I YAN LAG TU 'GRO BA ZHIG BYUNG BAS DUS DE'I TSE BYANG CHUB KYI SEMS KYI BDAG POR GRAGS, DON GYI DBANG 'DI GZIGS NAS RJE BDAG NYID CHEN POS BYANG CHUB THUGS LA MNGA' BRNYES ZHES BSNGAGS PHA MDZAD PA YIN NO, ,BYAMS SNYING RJE BYANG CHUB KYI SEMS CHES CHER RGYAS PAS SKYE BO RNAMS KYIS MEE TRI BA ZHES BYAMS PA'I MTSAN NAS 'BOD DE, 'DI LA GSER GLING MEE TRI PA ZHES GRAGS

, ,SO; ;DE NAS GSER GLING BAS THUGS LA BZHED PA'I DON THAMS CAD GRUB NAS GSER GLING DU BYON TE RGYAL BA'I BSTAN PA RGYA CHER SPEL BAS YUL DE'I SKYE BO THAMS CAD KYI GTZUG GI NOR BU LTA BUR GYUR TO, , DE NAS GSER GLING PAS YUL DE'I SKYE BO THAMS CAD DANG 'DZAM BU'I GLING NAS CHOS DON GNYER GYIS LHAGS PA THAMS CAD LA THEG PA CHEN PO'I CHOS RGYA CHER BSTAN TE CHOS KYIS MTHO BA'I KHANG BZANG MI YUL DU BABS PA 'DRA BAR THEG PA CHEN PO'I CHOS KYI SGRA DBYANGS KYIS PHYOGS KUN TU KHYAB CING YUL DE'I SKYE BO PHAL PA DAG KYANG DKON MCHOG GSUM LA SKYABS SU 'GRO BA'I TSIG KHO NA KHA TON DU BYED CING, BYANG CHUB TU SMON LAM 'DEBS PA DANG RANG BZHIN GYI DGE BA'I LAS LA BRTZON ZHING DUS RTAG TU DKON MCHOG MCHOD PA LHUR BYED, MU STEGS KYI SMRA BA NGAN BA RNAMS NI NYIN BYED SHAR PA'I DUS KYI 'BYUNG PO'I BYA LTAR SMRA BA NUB PAR GYUR TO, ,DE NAS GSER GLING PA CHEN POS RGYAL BSTAN YUN RING DU GNAS PA'I PHYIR DU BYANG CHUB LAM GYI RIM BA'I MAN NGAG MDO RGYAN SBYAR BA'I 'GREL PA RMAD DU BYUNG BA ZHIG KYANG MDZAD CING, BLO SBYONG SEMS DPA'I RIM PA DANG, BLO SBYONG RTOGS PA 'BUR 'JOMS, 'PHAGS PA MI G-YO BA'I SGRUB THABS, MNGON RTOGS RGYAN GYI 'GREL PA GTZO BO'I DON BCU GCIG TU BSDUS PA, BSLAB PA KUN LAS BTUS BA'I MNGON PAR RTOGS PA, TSOGS BDAG KHRO BO'I SGRUB THABS SOGS MDZAD DO, ,DE LTAR BDAG NYID CHEN PO 'DIS SPYiR BSTAN PA LA BYA BA

RGYA CHER MDZAD CING, LHAG BAR JO BO RJE DPAL LDAN AA TI SHA LA GSER GLING GI PHO BRANG NYID DU LO BCU GNYIS BAR THEG PA CHEN PO'I LAM GYI RIM PA'I MAN NGAG YONGS SU RDZOGS BA GEGS SEL BOGS 'DON DANG BCAS PA GNANG BAS JO BO RJE'I THUGS KYI BUM BZANG BYANG CHUB KYI SEMS KYI BDUD RTZIS YONGS SU GANG BAS BYANG CHUB KYI SEMS RIN PO CHE'I MTHUS MTHONG THOS DRAN REG THAMS CAD RJES SU 'DZIN CING SMIN GROL LA 'GOD NUS PA DANG, PAn GRUB GZHAN LAS 'PHRIN LAS KYI KHYAB BRDAL CHE BA DANG, LHAG PAR BYANG PHYOGS GANGS RI'I KHROD KYI 'GRO BA DMU RGOD SHIN TU GDUL DKA' BA RNAMS KYANG JO BO RJE'I SKU MTHONG BA DANG, GSUNG THOS BA DANG, THA NA MTSAN TZAM THOS PA YAN CHAD DANG CING 'DUN PA DANG JO BO'I MTSAN THOS TE SKU'I RNAM PA YID LA DRAN PA NA RANG RANG GI NYON MONGS GDUG RTZUB RNAMS SKAD CIG LA ZHI NAS DAD PA DANG MOS BA NGANG GIS SKYE BA DANG, SNYIGS MA LAS KYANG CHES CHER SNYIGS PA'I DUS MTHA' 'DIR RANG RANG GI YUL GYI RGAN PO SNGA MA DAG GI ZER SGROS LA ZHEN TE BDAG CAG GI 'DI KHO NA BDEN GYI GZHAN NI GTI MUG GO ZHES CHAGS SDANG RLUNG DMAR 'TSUB PAS PHYOGS KUN GANG STE SKYE BO DAM PA CI 'DRA ZHIG BYON YANG DAD PA SKYE DKA' BA LA JO BO RJE DPAL LDAN AA TI SHA LA NI GRUB MTHA' DANG YUL DANG SDE DGON RIS SU MA CHAD BAR MCHOG DMAN BAR MA MTHA' DAG GIS MTSAN THOS PA TZAM GYIS THAL MO SBYOR BA'I 'OS SU BYED CING, GSUNG GI BDUD RTZI DAG LA'ANG RANG GIS NYAMS SU LEN

, ,BAR MA NUS KYANG 'DI NI GZHAN NO ZHES MI SPANG BAR SMON LAM GYI YUL DU BYED PA 'DI BYUNG BA YIN NO, ,DON GYI DBANG 'DI GZIGS NAS JO BSTOD DU, GSER GLING RGYAL POS SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES GSUNGS SO, ,DE LTAR GSER GLING PA CHEN PO CHOS KYI GRAGS PAS BSTAN 'GRO'I DON RGYA CHER MDZAD NAS SKU TSE DE'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU GSHAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA GSER GLING PA CHEN PO LA GSOL BA 'DEBS SHING RGYAL SRAS BDAG NYID CHEN PO 'DI'I RNAM THAR LTAR BYANG CHUB KYI SEMS RIN PO CHE DGE SBYOR GYI MTHIL DU BZUNG NAS GSUNG RAB DGONGS 'GREL DANG BCAS PA THAMS CAD BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU 'PHEL BA'I THABS SU GO BAR BYAS LA LAM GYI LUS YONGS SU RDZOGS PA'I NYAMS LEN LA BRTZON PA TSIG BSGRIL DU BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I BLA MA BRGYUD PA LA, RGYA CHEN SPYOD RGYUD DANG, ZAB MO LTA RGYUD GNYIS SU GSUNGS SHING, RGYA CHEN SPYOD RGYUD LA YANG, RGYA CHEN SPYOD PA'I RGYUD DANG, RLABS CHEN SPYOD PA'I RGYUD CES GNYIS SU GSUNGS, DE'I RLABS CHEN SPYOD PA'I RGYUD KYI

BLA MA RNAMS KYI RNAM THAR 'OG TU STON LA, ZAB MO LTA RGYUD KYI BLA MA RNAMS KYI RNAM PAR THAR PA NI, YANG DAG PAR RDZOGS PA'I SANGS RGYAS NAS RJE BTZUN 'JAM DPAL DBYANGS, DE NAS DPAL MGON 'PHAGS PA KLU SGRUB SOGS LA RIM BZHIN BRGYUD PA LA ZAB MO LTA RGYUD CES GSUNGS, DE LA, SMRA BA ZLA MED 'DREN MCHOG SH'AKYA'I TOG ,CES BSNGAGS BSTON PA THUB PA'I DBANG PO'I RNAM PAR THAR PA NI SNGAR BRJOD ZIN BA LTAR RO, ,RGYAL BA'I MKHYEN RAB KUN BSDUS 'JAM PA'I DBYANGS, ,ZHES BSNGAGS PA RJE BTZUN 'JAM PA'I DBYANGS KYI SKU GSUNG THUGS KYI YON TAN NI BSAM GYIS MI KHYAB BRJOD KYIS MI LANG STE SKU'I YON TAN GCIG PU'ANG PHYOGS BCU'I RGYAL BA THAMS CAD KYIS GSUNG DBYANGS 'GAG PA MED PAS RGYUN MA CHAD PAR BSKAL PA MU MED PA'I BAR DU BRJOD KYANG ZAD PA'I MTHA' MED NA, MKHA' KHYAB KYI SEMS CAN THAMS CAD KYIS JI TZAM BRJOD KYANG YON TAN CHA TZAM ZHIG KYANG BRJOD PAR GA LA NUS, DE LTAR YANG RJE BDAG NYID CHEN POS, BSOD NAMS TSOGS RAB RAB 'BYAMS RGYU LAS 'KHRUNGS PA'I SKU MCHOG MCHOG TU MDZES PA KHYOD KYI SKU, ,NAM MKHA'I MTHAS GTUGS GTUGS PA MED PA'I ZHING MCHOG KUN DU DU MA'I 'GRO LA MIG 'PHRUL BZHIN, , LA LAR BLTAM ZHING ZHING GZHAN DU YANG BYANG CHUB TSUL STON STON PA KHYOD KYI SKU YI NI, ,BKOD PA MCHOG 'DI 'DI DANG GZHAN DU MA LUS 'GRO KUN KUN MKHYEN GYUR KYANG BRJOD MI NUS, ,ZHES GSUNGS PA LTAR RO, ,DE LTA NA'ANG BYANG

, ,CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS LA GSOL BA 'DEBS PA'I TSE, YON TAN BSAMS NAS DANG BA BSKYED PA'I PHYIR PHYOGS TZAM ZHIG BRJOD PA NI, RJE BTZUN 'JAM PA'I DBYANGS KYIS SNGON THUGS BSKYED PA'I TSUL NI, SNGON BSKAL PA GRANGS MED PA BRGYA STONG GANG+G'A'I KLUNG GI BYE MA SNYED PHRAG BDUN 'DAS PA DE'I YANG PHA ROL NA, 'JIG RTEN GYI KHAMS 'BYUNG BA BZANG PO ZHES PAR DE BZHIN GSHEGS PA 'BRUG SGRA'I DBYANGS KYI RGYAL PO ZHES PA 'JIG RTEN DU BYON PA'I TSE, RJE BTZUN 'JAM DBYANGS 'DI NYID 'KHOR LOS SGYUR BA'I RGYAL PO NAM MKHA' ZHES PAR GYUR PA NA, BU DANG, CHUNG MA DANG, GNYEN 'DABS DANG, 'KHOR DU BCAS PA LA LAS GZHAN MED CING MI SKYE BA'I SEMS KYIS DE BZHIN GSHEGS PA 'BRUG SGRA'I DBYANGS KYI RGYAL PO NYAN THOS DANG, BYANG CHUB SEMS DPA'I 'KHOR DANG BCAS PA, LO BRGYAD KHRI BZHI STONG GI BAR DU MCHOD NAS DGE BA'I RTZA BA 'DI, BRGYA BYIN NAM, TSANGS PA'AM, NYAN RANG LA SOGS PA GANG GI DON DU BSNGO SNYAM PA LA, STENG GI NAM MKHA' LAS LHA MANG POS SGRA BSGRAGS PA, RGYAL PO CHEN PO DE LTAR SEMS MA BSKYED PAR BLA NA MED PAR RDZOGS PA'I BYANG CHUB TU SEMS BSKYED CIG CES BSKUL BA DANG, RGYAL PO NAM MKHA' SROG CHAGS BYE BA KHRAG KHRIG BRGYA STONG PHRAG BRGYAD CUS YONGS SU BSKOR NAS, DE BZHIN GSHEGS PA 'BRUG SGRA'I DBYANGS KYI RGYAL PO'I DRUNG DU DONG STE SNGAR GYI BYUNG TSUL ZHUS NAS, THUB BA JI LTAR

SEMS BSKYED NA, ,RDZOGS PA'I BYANG CHUB SKYE BAR 'GYUR, ,YE SHES DE NI GANG GIS THOB, ,DON DE BDAG LA BSTAN DU GSOL, ,BYANG CHUB SEMS NI BSKYED BYAS SHING, ,THUB PA KHYOD 'DRAR BDAG KYANG SMON, ,ZHES ZHUS PA NA, DE BZHIN GSHEGS PA 'BRUG SGRA'I DBYANGS KYI RGYAL POS, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU GNAS, ,GANG GIS SMON LAM CI BTAB PA, ,DE 'DRA'I 'BRAS BU THOB PAR 'GYUR, ,RGYAL PO NGAS KYANG SNGON CHAD NI, ,RDZOGS PA'I BYANG CHUB SEMS SKYED GYUR, ,SEMS CAN KUN LA PHAN DON DU, ,NGAS NI SMON LAM DAM PA BTAB, ,SMON LAM JI LTAR BTAB TSUL DU, ,NGAS NI 'BRAS BU THOB PAR GYUR, ,BYANG CHUB DAM PA NGAS THOB PAS, ,NGA YI BSAM PA RDZOGS PAR GYUR, ,RGYAL PO CHEN PO BRTAN GYIS LA, ,MI 'GYUR SEMS NI BSKYED PAR GYIS, ,GAL TE SPYOD PA SPYAD BYAS NA, ,KHYOD KYANG YANG DAG SANGS RGYAS 'GYUR, ,ZHES GSUNGS SHING SEMS BSKYED PAR BSKUL BA NA 'KHOR LOS BSGYUR BA'I RGYAL PO NAM MKHAS PHYOGS BCU'I SANGS RGYAS THAMS CAD DBANG DU BZHAG STE, DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SNYING STOBS CHEN POS 'DI LTAR THUGS BSKYED CING SMON LAM BTAB STE, 'KHOR BA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BYA, ,'JIG RTEN MGON PO'I SPYAN SNGAR 'DIR, ,BYANG CHUB MCHOG TU SEMS BSKYED DO, ,'GRO BA THAMS CAD MGRON GNYER TE, ,

, ,DBUL ZHING PHONGS LAS SGROL BAR BYA, ,DE RING PHAN CHAD GAL TE YANG, ,BDAG GIS 'DOD CHAGS SEMS BSKYED NA, ,PHYOGS BCU DAG NA GANG BZHUGS PA'I, ,SANGS RGYAS THAMS CAD BSLUS BAR GYUR, , BYANG CHUB NAM ZHIG THOB BAR DU, ,THA BA'I SEMS DANG GNOD SEMS DANG, ,PHRAG DOG DANG NI SER SNA YANG, ,DE RING PHYIN CHAD MI BYA'O, ,TSANGS PA'I SPYOD BA BDAG GIS SPYAD, ,SDIG BA'I 'DOD PA YONGS SU BTANG, ,TSUL KHRIMS SDOM DANG DES PA LA, ,SANGS RGYAS RJES SU BSLAB PAR BYA, ,BDAG NI BYANG CHUB RINGS TSUL DU, ,'TSANG RGYAR MOS SHING SPRO BA MED, ,PHYI MTHAR THUG GI BAR DU YANG, ,SEMS CAN GCIG PHYIR SPYAD BAR BYA, ,TSAD MED BSAM GYIS MI KHYAB PA'I, ,SANGS RGYAS ZHING NI SBYANG BAR BYA, ,PHYOGS RNAMS BCU PO THAMS CAD DU, ,BDAG GI MING NI THOS PAR BYA, ,BDAG GIS BDAG LA LUNG BSTAN TE, ,SANGS RGYAS 'GYUR BAR DOGS PA MED, ,BDAG GI LHAG BSAM RNAM PAR DAG ,BDAG DBANG 'DI NA 'DREN PA RNAMS, ,LUS DANG NGAG GI LAS RNAMS KYANG, ,RNAM PA KUN TU BDAG GIS SBYANG, ,YID KYI LAS KYANG SBYANG BAR BYA, ,MI DGE'I LAS NI SPYAD MI BYA, ,ZHES THUGS BSKYED, BCOM LDAN 'DAS BSKAL PA BYE BA KHRAG KHRIG PHRAG 'BUM PHRAG BRGYA STONG GRANGS MA MCHIS PA NAS NYE BAR BZUNG STE, BDAG GIS SMON LAM BTAB PA NI, NAM BDAG GIS PHYOGS BCU MTHA' YAS MU MED PA'I 'JIG RTEN GYI KHAMS SU SANGS RGYAS KYI SPYAN SGRIB PA MED BAS

BLTAS NA, SANGS RGYAS BCOM LDAN 'DAS GANG JI SNYED PA DEDAG THAMS CAD BDAG GIS BYANG CHUB LA YANG DAG PAR BTZUD PA DANG, BDAG GIS BYANG CHUB KYI SEMS LA BKOD PA DANG, BDAG GIS SBYIN PA LA YANG DAG PAR BTZUD PA DANG, DE BZHIN DU BDAG GIS TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB LA YANG DAG PAR BTZUD PA DANG, BDAG GIS BSKUL BA DANG, BDAG GIS RJES SU BSTAN BAR GYUR PAR MA MTHONG BA DE SRID DU BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI BYA'I, NAM BDAG GIS SANGS RGYAS KYI SPYAN SGRIB PA MED PAS PHYOGS BCUR RNAM PAR BLTAS KYANG, BDAG GIS SANGS RGYAS NYID LA MA BKOD PA'I DE BZHIN GSHEGS PA DE LTA BU GANG YANG MTHONG BAR MA GYUR PA DE'I TSE BDAG KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O ZHES THUGS BSKYED CING SMON LAM BTAB BO; ;DE NAS RJE BTZUN 'JAM DPAL DBYANGS KYIS SNGON SROG CHAGS GRANGS MED MU MED PA DE BZHIN GSHEGS PA 'BRUG SGRA'I DBYANGS KYI RGYAL PO'I SPYAN SNGAR SEMS BSKYED DU BCUG NAS SBYIN SOGS PHAR PHYIN DRUG GI LAM SGOM PA LA SBYAR TE SMIN PAR BYAS NAS SANGS RGYAS NAS CHOS KYI 'KHOR LO BSKOR TE, SANGS RGYAS GCIG MA GTOGS GZHAN THAMS CAD MYA NGAN LAS 'DAS ZIN, GCIG NI, 'JIG RTEN GYI KHAMS 'DI NAS 'OG TU DPAG TSAD GANG+G'A'I KLUNG BZHI KHRI BZHI

, ,STONG GI BYE MA SNYED 'DAS PA NA, 'JIG RTEN GYI KHAMS SA'I DBYINGS ZHES BYA BA NA DA LTA YANG BZHUGS TE DE BZHIN GSHEGS PA SA'I LHA ZHES BYA'O, ,GZHAN YANG RJE BTZUN 'JAM DBYANGS 'DI NYID, CHOS SMRA BA CHOS KYI RGYAL MTSAN DU GYUR PA'I TSE, BDAG CAG GI STON PA SH'AKYA'I RGYAL PO LA SOGS PA'I BSKAL BZANG GI SANGS RGYAS STONG PO THAMS CAD BYANG CHUB KYI MCHOG TU THUGS BSKYED DU BCUG STE DGE BA'I BSHES GNYEN MDZAD PA YIN TE, DBU MA LA 'JUG PA'I RANG 'GREL LAS, YONGS SU 'DZIN PA'I KHYAD BAR LAS NI 'PHAGS PA 'JAM DBAL BYANG CHUB SEMS DPAR GYUR BA NYID KYIS, DE BZHIN GSHEGS PA SH'AKYA THUB PA DANG, GZHAN YANG DE BZHIN GSHEGS PA THAMS CAD CHOS THOG MKHO NAR BYANG CHUB TU SEMS BSKYED DU BTZUG PAR 'DON PA YIN NO, ,ZHES GSUNGS PA'I PHYIR, GZHAN YANG, RJE BTZUN 'JAM DBYANGS 'DI NYID KYI THABS LA MKHAS PA CHEN PO, BYANG CHUB TU SEMS BSKYED DU BCUG STE SANGS RGYAS NAS CHOS KYI 'KHOR LO BSKOR BA'I SANGS RGYAS DE DANG DE'I MTSAN RKYANG BA BRJOD KYANG BSKAL BA BAS LHAG PAR MI ZAD CING, 'JAM DPAL GYIS BYANG CHUB TU BTZUD PA'I SANGS RGYAS RNAMS KYIS, 'JAM DPAL LA DRIN GZO'I TSUL DU GDUGS SOGS BSKUR BAS STONG GSUM KHEBS PAR BYUNG, YANG LAN CIG SPRUL PA'I KHYIM BDAG CIG GIS BCOM LDAN 'DAS LA LHUNG BZED ZAS KYIS BKANG STE PHUL BA NA, 'JAM DPAL GYIS, BCOM LDAN 'DAS LA ZHAL ZAS KYI PHUNG MA STZAL BAR GSOL NA BYAS PA MI GZO BAR 'GYUR RO ZHUS BAS, 'KHOR GZHAN RNAMS 'JAM DPAL 'DIS BCOM LDAN 'DAS LA GANG DU PHAN BTAGS BSAMS PA NA, STON PA'I LHUNG

BZED 'OG TU SONG STE 'JIG RTEN GYI KHAMS GANGG'A'I BYE SNYED BDUN CU RTZA GNYIS 'DAS PA'I 'JIG RTEN DU SONG BA NA MCHOG ZUNG SOGS LA LHUNG BZED TSOL BAR BKA' STZAL PAS, 'JIG RTEN GYI KHAMS STONG PHRAG BCU GNYIS TSUN DU BTZAL KYANG MA RNYED PA DANG, 'JAM DPAL RANG LA BKA' GNANG BAS 'JAM DPAL GYIS STAN DE LA 'DUG BZHIN DU LAG PA BRKYANGS NAS LHUNG BZED BLANGS NAS PHUL LO, ,'JAM DPAL GYIS STON PA LA PHAN BTAGS TSUL DNGOS NI, SNGON DE BZHIN GSHEGS PA MI THUB RGYAL MTSAN 'JIG RTEN DU BYON PA'I TSE RJE BTZUN 'JAM DPAL DGE SLONG YE SHES RGYAL POR GYUR PAS LHUNG BZED ZAS KYIS BKANG STE BSNAMS PA LA BDAG CAG GI STON PA KHYE'U DRI MED DPUNG PAR GYUR PAS SLONGS PAS ZAS BYIN NAS, DE BZHIN GSHEGS PA MI THUB RGYAL MTSAN GYI DRUNG DU KHRID NAS SKYABS 'GRO DANG BYANG CHUB KYI SEMS BSKYED DU BCUG PAS PHAN BTAGS PA'O, ,YANG RGYAL PO MA SKYES DGRAS PHA GZUGS CAN SNYING PO BSAD, STON PA LA GLANG CHEN RBAD, DGE 'DUN PHO MO'I 'TSO BA BCAD, DGRA BCOM MA SER SKYA BZANG MO CHUNG MAR DBANG MED DU BKUG PA SOGS KYI SDIG PA CHEN PO BYAS PAS 'GYOD DE STON PA LA SDIG PA DANG 'GYOD PA SEL BAR ZHUS PAS, STON PAS RJE BTZUN 'JAM DBYANGS MA GTOGS GZHAN GYIS KHYOD KYI 'GYONG PA DANG THE TSOM SEL BAR MI NUS GSUNGS PAS, RGYAL POS 'PHAGS PA 'JAM DPAL DANG, 'OD SRUNGS GNYIS RGYAL PO'I KHAB TU GDAN 'DREN PAR MDZAD 'DOD NAS SH'A RI'I BU LA, 'PHAGS PA 'JAM DPAL LA 'KHOR DU MCHIS DRIS BAS, LNGA BRGYA'O ZER BA LA, RGYAL BOS 'JAM DPAL LA SANGS RGYAL PO'I KHAB TU GDUGS TSOD LA

, ,GSHEGS PAR CI GNANG ZHUS PAS ZHAL GYIS BZHES NAS, DE'I SROD LA SHAR PHYOGS SU, DE BZHIN GSHEGS PA BSGRAGS PA'I DPAL GYI DRUNG DU BYON TE BYANG CHUB SEMS DPA' BRGYAD KHRI NYIS STONG KHRID NAS ZHING 'DIR BYON NAS 'KHOR RNAMS LA SROD DANG, GUNG DANG, THO RANGS CHOS BSTAN TE 'JAM DPAL 'KHOR BRGYAD KHRI NYIS STONG LNGA BRGYA DANG, 'OD SRUNGS 'KHOR LNGA BRGYA DANG BCAS PA RGYAL PO'I KHAB TU GSHEGS PA NA, RGYAL POS STONG GI BSHOL GRABS LAS MA CHUD PAS RGYAL POS PA 'KHUMS PA NA GNOD SBYIN KU BE RAS LUS DNGOS SU BSTAN NAS, RGYAL BO; 'PHAGS PA 'JAM DPAL NI THABS LA MKHAS PAS ZAS GCIG GIS KYANG THAMS CAD KHYEB PAR BYED BAS MA 'KHUMS SHING CES DBUGS DBYUNG, DE NAS GDUGS TSOD LA BAB PA NA, 'KHOR 'DI DAG LA LHUNG BZED MI SNANG BAS 'BRAS CHAN GANG DU BLUGS ZER BA LA 'JAM DPAL GYIS NGA'I 'KHOR 'DI DAG NAM ZA BA NA RANG RANG GI ZHING NAS LHUNG BZED 'DIR 'ONG NGO ZHES GSUNGS MA THAG 'KHOR DE DAG RNAMS LA RANG RANG GI LAG TU LHUNG BZED BYUNG ZHING ZOS ZIN NAS LHUNG BZED RNAMS MKHA' LA 'PHAGS TE SONG, RGYAL BOS BSHAMS PA'I BZA' BTUNG RNAMS CUNG ZAD KYANG NYUNG DU MA SONG BAS THAMS CAD NGO MTSAR DU GYUR TO, ,DE NAS 'PHAGS PA 'JAM DPAL GYIS RGYAL BO LA SDIG PA DANG 'GYOD PA'I NGO BO JI LTAR 'DUG LTOS SHIG CES SOGS DON DAM LA SBYAR BA'I CHOS GSUNGS PAS RGYAL PO'I 'GYOD BA DANG THE TSOM THAMS CAD BSAL BAS, RGYAL POS 'PHAGS PA 'JAM DPAL LA YON DU RIN PO CHE'I GOS ZHIG PHUL BA NA, 'JAM DPAL MA MTHONG NAS MYA NGAN DU GYUR BA LA, SU 'DUG

'DUG LA PHUL CIG ZER BA'I SGRA ZHIG BYUNG BA NA 'OD SRUNGS SOGS LA PHUL PAS KYANG SU YANG MA MTHONG ZHING, MTHAR RANG YANG MA MTHONG BAS BDAG TU 'DU SHES PA'I RNAM RTOG DANG BRAL NA STONG NYID KYI TING NGE 'DZIN GYI NGANG DU SONG, TING NGE 'DZIN LAS LANGS PA DANG 'PHAGS PA 'JAM DPAL LA SOGS PA DNGOS SU MTHONG NGO, ,YANG, SNGON MTSAMS MED KYI LAS BYAS PA'I LAS KYI LHAG MA CUNG ZAD YOD PA LA SPYOD PA'I BYANG SEMS LNGA 'DUG PA DE DAG DMIGS PA DANG BRAL BAR BYA BA'I PHYIR, 'PHAGS PA 'JAM DPAL GYIS PHYAG G-YAS KYIS RAL GRI BLANGS PA BRDAR NAS BCOM LDAN 'DAS GA LA BA DER BRGYUGS PA DANG, BCOM LDAN 'DAS KYIS NGA NI BSAD ZIN GYIS THONGS SHIG GSUNGS PAS, DMIGS PA LA SPYOD PA'I BYANG SEMS LNGA PO NGES, BDAG TU DMIGS PA BSAD NAS MED PAR GO ,CHOS THAMS CAD SGYU MA LTA BUR RTOGS TE, 'PHAGS PA 'JAM DPAL 'DI NI THABS MKHAS PA'O ZHES SOGS KYIS BSTOD NAS NA MKHAR 'PHAGS TE, CHOS KUN SGYU MA LTA BU STE, ,YONGS SU RTOG PAS KUN NAS BSKYED, ,'DI LA GRUB PA MA MCHIS TE, ,CHOS 'DI THAMS CAD STONG PA LAGS, ,ZHES SMRAS SO, ,YANG 'PHAGS PA 'JAM DPAL GYIS STONG PA NYID LAS BRTZAMS NAS SEMS NANG NA YANG MED, PHYI ROL NA YANG MED, BAR NA YANG MED PAS, DE LA NI CI YANG GROL RGYU YANG MED, THOB PA YANG MED, MNGON PAR RTOGS PA MED DO GSUNGS PAS, DE THOS PA TZAM GYIS DGE SLONG MANG PO RNAM PAR GROL, DGE SLONG KHA CIG GIS DE'I DON LAM DAD NAS CI YANG GROL RGYU YANG MED NA'O SKOL CHOS BYAS PA LA DON MI 'DUG PAS 'DONG ZER NAS SONG NGO, ,YANG 'PHAGS PA 'JAM DPAL GYIS DE RNAMS 'DUL BA'I PHYIR

, ,SPRUL PA'I DGE SLONG CIG SBRUL TE BTANG BAS, DE RNAMS DANG LAM DU PHRAD PAS KHONG RNAMS NA RE, DGE SLONG GAR 'GRO ZER, SPRUL PA'I DGE SLONG NA RE, NGA NI 'JAM DPAL GYIS CHOS BSTAN PA LA MA MOS YID MA CHES NAS 'GRO ZER, KHONG RNAMS NA RE; NGED KYANG 'JAM DPAL GYIS CHOS BSTAN PA LA MA MOS YID MA CHES PAR 'GRO BA YIN PAS 'DONG ZER, DER SPRUL PA NA RE, KHYED KYIS 'JAM DPAL GYIS CHOS JI SKAD BSTAN PA LAM DAD ZER, GROL RGYU YANG MED, THOB RGYU YANG MED ZER NAS MA DAD ZER, SPRUL PA NA RE, 'O NA KHYED KYI RTOGS RGYU DANG GROL RGYU DE GRU BZHI'AM, ZLUM PO'AM, NAR MO LA SOGS PA DBYIBS, DKAR PO LA SOGS PA KHA DOG ,PHYI DANG NANG LA SOGS PA JI LTAR 'DUG LTOS SHIG GSUNGS PAS, KHONG RNAMS KYIS BTAGS DON BTZAL BAS MA RNYED PAS; SPRUL PA NA RE, DE LA BSAMS NAS 'JAM DPAL GYIS GROL RGYU YANG MED, THOB RGYU YANG MED MNGON PAR RTOGS RGYU YANG MED PAR GSUNGS PA YIN NO BYAS PAS DGE SLONG DE DAG THAMS CAD SEMS RNAM PAR GROL BAR GYUR TE SLAR LOG NAS 'PHAGS PA 'JAM DPAL LA BSNYEN BKUR PHUN SUM TSOGS PA BYAS PA SOGS THABS LA MKHAS PA'I MDZAD PA'I SGO NAS SEMS CAN DPAG TU MED PA'I DON MDZAD DO, ,YANG LAN CIG 'PHAGS PA 'JAM DPAL GYIS RGYAL PO GSAL RGYAL GYI BTZUN MO'I KHROD DU DBYAR GNAS PA, RGYAL BYED TSAL DU BYON PA LA, DGE SLONG 'OD SRUNGS MA RANGS BAS 'JAM DPAL LA SKROD PA'I LAS BYA BA'I PHYIR GAndI BRDUNGS PA NA, PHYOGS BCU'I ZHING THAMS CAD 'JAM DPAL GYIS GANG BAR MTHONG BA DANG, BCOM LDAN 'DAS KYIS 'ONGS SRUNGS LA, KHYOD

KYIS 'JAM DPAL GRANGS MED PA 'DI DAG GI NANG NAS GANG SKROD 'DOD GSUNGS PAS 'OD SRUNGS SKYENGS TE, GAndI BOR BAR 'DOD KYANG 'JOG MA THUB PAS SGRA RGYUN NI 'CHAD PAR BYUNG BAS, 'JAM DPAL LA BZOD BAR GSOL BA DANG GAndI BZHAG THUB BO, ,GZHAN YANG 'PHAGS PA GANG POS GCER BU PA BDEN PA PO SOGS MU STEGS BYED MANG PO BDEN PA MTHONG BA'I SNOD DU GZIGS NAS CHOS BSTAN KYANG MI NYAN ZHING MA THUL BAR LUS PA NA, 'PHAGS PA 'JAM DPAL GYIS SPRUL PA LNGA BRGYA BKYE NAS BTUL BA SOGS KYI GTAM RGYUD YOD DO, ,'O NA 'PHAGS PA 'JAM DPAL 'DI DA LTA BYANG SEMS RANG RGYUD PA YIN NAM SANGS RGYAS ZIN GANG YIN SNYAM NA, 'DI NYID SNGON DE BZHIN GSHEGS PA KLU RIGS MCHOG TU SANGS RGYAS PA DANG, MDO KHA CIG TU KLU RIGS SGRON MAR SANGS RGYAS PAR GSUNGS, GZHAN YANG, 'PHAGS PA 'JAM DPAL GYIS RAB 'BYOR LA, KHO BO NI YANG DAG PAR RDZOGS PA'I SANGS RGYAS YIN TE BYA BA'I RGYUN BCAD BA NI MA YIN NO, ,ZHES RGYU MTSAN DANG BCAS PA GSUNGS SHING, 'JAM DPAL ZHING BKOD KYI MDO LAS, 'DI NI DE BZHIN GSHEGS PA'I STOBS BCU YONGS SU RDZOGS SO, ,'DI BYANG CHUB SEMS DPA'I SA BCU YONGS SU RDZOGS SO, ,'DI SANGS RGYAS KYI SA YONGS SU RDZOGS SO, ,ZHES SOGS MANG DU GSUNGS, DE LTAR SANGS RGYAS ZIN KYANG SLAR YANG RDUL MED YANG DAG BSAGS PA ZHES BYA BA'I ZHING DU RGYAL BA KUN TU GZIGS SU 'TSANG RGYA BA'I TSUL STON TO, ,ZHING DE NI LHO PHYOGS SU 'BYUNG ZHING 'JIG RTEN GYI KHAMS MI MJED 'DI NYID KYANG ZHING DE'I KHONGS SU CHUD PAR GSUNGS, ZHING DE'I RGYA KHYON NI GANGG'A'I KLUNG DU MA'I BYE MA SNYED KYI

, ,GRANGS DANG MNYAM PA'I ZHING GI THA GRU DANG MNYAM ZHING, MTHO KHYAD SRID BA'I RTZE MO DANG MNYAM PA 'OG GZHI RIN PO CHE SNA TSOGS LAS GRUB PA, ZHING DER MI KHOM PA DANG, SDUG BSNGAL MI DGO BA'I SGRA DANG, SKYON DU 'GYUR BA'I SGRA MED CING, SGRA 'BYUNG BA RNAMS KYANG CHOS KYI SGRAR 'BYUNG, SANGS RGYAS KYI ZHING GZHAN GYI SNOD KYI YON TAN KUN 'DI'I SNOD KYI ZHING LA TSANG BA YIN LA, ZHING DE'I DBUS NA, BYANG CHUB KYI SHING STONG GSUM GYI STONG CHEN PO BCU'I 'JIG RTEN GYI KHYON DANG MNYAM PA, DE'I RTZA BAR SENG GE CHEN PO BRGYAD KYIS BTEG BA'I RIN PO CHE'I KHRI'I STENG NA RGYAL BA KUN TU GZIGS SKU MDOG GSER BTZOM LTA BU RDO RJE'I SKYIL MO KRUNG GIS BZHUGS SHING, PHYAG G-YAS SKYABS SBYIN, G-YON MNYAM GZHAG MDZAD PA, SKU'I TSAD DPAG TSAD BRGYAD KHRI BZHI STONG DANG LDAN BA, ZHING DE'I GDUL BYA RNAMS KYIS SKU BLTA BAR 'DOD TSE, KHRI'I STENG NA SKU BZHUGS PA, RANG GI MDUN DU BZHUGS PAR MTHONG BA'I MOD LA, CHOS ZHU MI DGOS PAR CHOS KYI TSIG DON MTHA' DAG KHONG DU CHUD NAS MKHAS BAR 'GYUR BA YIN, ZHING DE NA, NYAN RANG DANG, PUD MED DANG, MNGAL NAS SKYE BA MED CING, ZHE SDANG DANG, THA BA DANG 'CHAB PA MED PAR TSANGS BAR SPYOD PA'I CHA LUGS CAN, NAM MKHA' LA SKYIL MO KRUNG BCAS BA, RDZUS TE SKYE BA, SKU DPAG TSAD BZHI KHRI NYIS STONG YOD PA BYANG CHUB SEMS DPA' SHA STAG ,MNGON SHES LNGA DANG LDAN PA, BZA' BTUNG YID LA 'DOD PA'I TSE RO MCHOG DANG LDAN PA'I BZA' BTUNG GIS GANG BA'I SNOD LAG PA G-YAS PAR

'BYUNG, DE YANG GZHAN LA PUD MA PHUL BAR RANG GIS SPYOD PA TSUL MA YIN NA SNYAM NAS RDZU 'PHRUL GYIS PHYOGS BCU'I SANGS RGYAS 'KHOR DANG BCAS PA LA PHUL, PHONGS SHING SDUG BSNGAL BA DANG, YI DVAGS RNAMS TSIM PAR BYAS TE, RANG GI ZHING DU 'ONGS NAS LONGS SPYOD PAR BYED CING, DE BZHIN DU GOS DANG LONGS SPYOD GZHAN LA YANG DE LTAR BYED DO, ,DES NA SANGS RGYAS GZHAN THAMS CAD KYI MTSAN BRJOD PA LAS, 'PHAGS BA 'JAM DPAL GYI MTSAN BRJOD PA PHAN YON CHE ZHING, DE BAS KYANG RGYAL BA KUN TU GZIGS KYI MTSAN BRJOD BA PHAN YON CHE BA YIN TE, ZHING BKOD KYI MDO LAS, RIGS KYI BU DAG SANGS RGYAS BYE BA PHRAG KHRIG PHRAG 'BUM GYI MTSAN BRJOD BA BAS NI, GANG GIS 'JAM DPAL GZHON NUR GYUR BA'I MING BRJOD PA BSOD NAMS CHES MANG DU BSKYED NA, BCOM LDAN 'DAS KUN TU GZIGS KYI MTSAN BRJOD PA LTA CI SMOS, DE CI'I PHYIR ZHE NA 'JAM DPAL GZHON NUR GYUR PAS BSKAL PA RE RE ZHING, SEMS CAN GYI DON JI SNYED DU BYAS PA'I SEMS CAN GYI DON DE NI, SANGS RGYAS BYE BA PHRAG KHRIG 'BUM GYIS KYANG MA MDZAD DO, ,ZHES GSUNGS PA'I PHYIR, 'O NA; 'JIG RTEN GYI KHAMS BDE BA CAN DANG, KUN GZIGS KYI ZHING GNYIS GANG KHYAD PAR 'PHAGS NA, BDE BA CAN GYI YON TAN NI RGYA MTSO CHEN PO NAS SKRA'I RTZE MOS BLANGS PA'I CHU THIGS GCIG TZAM, KUN TU GZIGS KYI ZHING GI YON TAN NI RGYA MTSO CHEN PO'I CHU'I MANG NYUNG LTA BU YIN NO, ,'O NA; RGYAL BKUR TU GZIGS PA'I ZHING KHAMS

, ,LTA BU GZHAN YOD DAM MED SNYAM NA YOD DE, DE BZHIN GSHEGS PA KUN GZIGS KYI ZHING DANG, DE BZHIN GSHEGS PA KUN NAS 'OD ZER YON TAN RTAG TU MNGA' BA RGYA MTSO'I RGYAL PO'I ZHING SMON LAM LA RAB TU GNAS BA MNGON PAR 'PHAGS PA GNYIS LA YON TAN LHAG CHAD MED, GZHAN YANG RGYAL BA KUN TU GZIGS PA'I ZHING LAMS LTA BU YOD DE, BYANG CHUB SEMS DPA' 'OD KYI TOG DANG, BYANG CHUB SEMS DPA' YE SHES BLA MA DANG, BYANG CHUB SEMS DPA' DBANG PO ZHI BA DANG, BYANG CHUB SEMS DPA' SMON LAM BLO GROS RNAMS SANGS RGYAS PA'I SANGS RGYAS KYI ZHING YANG DE DANG 'DRA BAR 'BYUNG BAR GSUNGS PAS BYANG CHUB SEMS DPA' BRGYAD KHRI BZHI STONG GIS KYANG, 'PHAGS PA 'JAM DPAL GYI ZHING LTAR BSGRUB PA'I SMON LAM BTAB PAS, DE DAG GI NANG NAS BYANG CHUB SEMS DPA' BCU DRUG GIS 'PHAGS PA 'JAM DPAL GYI ZHING LTAR 'GRUB CING, LHAG MA RNAMS KYIS DE LTAR MI 'GRUB KYANG, BDE BA CAN LTAR 'GRUB PAR GSUNGS SO, ,'O NA, BDE BA CAN GYI GDUL BYA DANG, RGYAL BA KUN TU GZIGS PA'I GDUL BYA LA MANG NYUNG GI KHYAD PAR JI LTAR YOD NA KHYAD PAR YOD DE, BDE BA CAN NA NYAN THOS YOD CING, RGYAL BA KUN TU GZIGS BA'I ZHING KHAMS RDUL MED YANG DAG BSAGS NA, 'KHOR BYANG CHUB SEMS DPA' SHA STAG LAS NYAN RANG MED, BDE BA CAN GYI ZHING GI GDUL BYA NI RGYAL BA KUN TU GZIGS KYI ZHING GI GDUL BYA LA

LTOS NA TIL GYI RDZANG BA ZHIG GI TIL 'BRU GCIG LTA BU, RGYAL BA KUN TU GZIGS PA'I ZHING GI GDUL BYA'I GRANGS RJANG NANG GI TIL BYINGS PO TZAM GYI TSOD YIN PAR GSUNGS, GZHAN YANG RGYAL BA KUN TU GZIGS PA'I ZHING KHAMS SU SKYE BAR SMON LAM BTAB PAS, LONGS SKU DANG SPRUL SKU'I ZHING THAMS CAD DU SKYE BA'I SMON LAM BTAB BAR 'GRO ZHING, 'JAM DPAL DANG, RGYAL BA KUN TU GZIGS LA YI DAM BYAS PAS MDO SNGAGS KYI LHA TSOGS THAMS CAD LA YI DAM BYAS PAR 'GRO BAR GSUNGS SO,, DES NA ZHING DER SKYE BA'I RGYU'I GTZO BO NI, ZHING DE'I YON TAN YID LA YANG YANG SEMS PA, ,BYANG CHUB TU SEMS BSKYED PA, SPYOD PA PHYIN DRUG GI GSAL BA'I DBYE BA MTHA' DAG LA SLOB PA, 'PHAGS PA 'JAM DPAL DANG, RGYAL BA KUN TU GZIGS KYI MTSAN NAS BRJOD PA, SNGAGS BZLA BA, DE GNYIS KYI SKU BZHENG BA, DE'I GSUNG RAB 'DRI KLOG SOGS BYA BA YIN NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RJE BTZUN 'JAM PA'I DBYANGS KYI SKU GSUNG THUGS KYI YON TAN RNAMS BSAMS NAS DAD GUS CHEN POS GSOL BA 'DEBS PA SHIN TU GAL CHE STE, SPYIR BYANG CHUB LAM RIM LA GO BA CHAGS PA DANG, NGES SHES KHYAD PAR CAN BSKYED PA LA CHOS RAB TU RNAM 'BYED KYI SHES RAB RGYAS DGOS LA, LHAG BAR ZAB MO DBU MA'I LTA BA PHU THAG CHOD PA ZHIG RNYED PA LA SO SOR RTOG PA'I SHES RAB SHIN TU GSAL ZHING RNO BA ZHIG DGOS, SHES RAB DE LTA BU ZHIG SKYE BA LA BLA MA DANG RJE BTZUN 'JAM DPAL DBYANGS DBYER MA MCHIS PA LA GSOL BA SHUGS DRAG

, ,LA RGYUN RING BA BTAB STE SEMS RGYUD LA BYIN RLABS ZHUGS BA ZHIG DGOS ZHES MGON PO 'JAM DPAL DBYANGS KYIS RJE BDAG NYID CHEN PO LA DNGOS SU GDAMS PA LTAR YIN PAS NA RJE BTZUN 'JAM DPAL DBYANGS LA GSOL BA SHUGS DRAG 'DEBS SHING BYANG CHUB LAM GYI RIM BA'I NYAMS LEN LA 'BAD PAR BYA'O,, ` ,,ZAB MO'I DON GZIGS 'PHAGS MCHOG KLU SGRUB ZHABS, ,ZHES BSNGAGS PA DPAL MGON 'PHAGS BA KLU SGRUB NI, SNGON BSKAL BA GRANGS MED MU MED PA'I DUS NAS THUGS BSKYED, BSKAL CHEN GRANGS MED MANG POR TSOGS GNYIS BAR MA CHAD DU BSAGS, 'JIG RTEN GYI KHAMS BRJOD KYIS MI LANG BA'I YANG BRJOD KYIS MI LANG BAR SEMS CAN GRANGS MED BA'I DON MDZAD BZHIN BAS LAS, ZHING 'DIR THUB PA'I BSTAN PA SPEL BA'I SLAD DU BSAM BZHIN DU BYON BA ZHIG STE, DE YANG DPAL MGON 'PHAGS PA KLU SGRUB ZHING 'DIR BYON NAS RGYAL BA'I BSTAN PA SPEL BAR RGYAL BA RANG NYID KYIS LUNG BSTAN TE, DPAL MGON 'PHAGS PA KLU SGRUB ZHING 'DIR THUB PA'I BSTAN PA SPEL BA'I PHYIR 'BYON PA DANG JI LTAR THUGS BSKYED PA LTAR RGYAL BA MYA NGAN LAS 'DAS NAS BSTAN PA NYAMS DMAS BAR GYUR BA NA 'PHAGS PA KLU SGRUB BYON NAS BSTAN PA RGYA CHER SPEL BAR RGYAL BA NYID KYIS LUNG BSTAN PA NI, SNGON THUGS BSKYED TSUL SPRIN CHEN PO'I MDO LAS JI LTAR GSUNGS BA NI, SNGON BYUNG BA 'DAS PA'I DUS NA BSKAL BA GRANGS MED MU MED PA 'DAS PA'I SNGON ROL

TU BDAG NYID CHEN PO 'DI CHOS KYI RGYAL PO BRTZON 'GRUS CHEN PO'I KLU ZHES BYA BAR 'KHRUNGS BA'I TSE, DE BZHIN GSHEGS PA KLU RIGS SGRON MA ZHES BYA BA DANG MJAL TE, DE'I TSE DE BZHIN GSHEGS PA KLU RIGS SGRON MA LA MCHOD PA'I DNGOS PO TSAD MED PAS MCHOD CING RIN PO CHE RIN THANG MED BA SPAR BA GANG GTOR TE THUGS BSKYED DANG SMON LAM RGYA CHEN PO MDZAD CING, LHAG PAR MA 'ONGS PA'I DUS NA BCOM LDAN 'DAS SH'AKYA THUB BA'I BSTAN PA NUB PA LA THUG PA'I TSE, BDAG RAB TU BYUNG STE CHOS KYI SGRA CHEN PO LAN GSUM BSGRAGS LA DAM PA'I CHOS KYI PHYIR BDAG GI SROG KYANG 'DOR BAR GYUR CIG ,CES ZHING 'DIR STON PA'I BSTAN PA SPEL BA'I THUGS BSKYED DANG DAM BCA' MDZAD DO, ,DE LTAR THUGS BSKYED PA LTAR ZHING 'DIR STON PA THUB PA'I DBANG PO BYON PA'I TSE LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES BYA BAR 'KHRUNGS PA NA, THUB PA'I DBANG POS 'KHOR TSOGS RGYA MTSO LTA BU'I DBUS SU GZHON NU DE'I YON TAN RGYA CHER BSNGAGS SHING; RGYAL BA RANG NYID MYA NGAN LAS 'DAS PA'I 'OG TU LO BZHI BRGYA LON PA NA 'PHAGS PA KLU SGRUB TU GYUR NAS RGYAL BA'I BSTAN PA RGYAS PAR BYED PAR LUNG BSTAN, LANG KAR GSHEGS PA'I MDO LAS KYANG, LHO PHYOGS BE DA'I YUL DU NI, , DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,

, ,ZHES DANG, 'JAM DPAL RTZA RGYUD LAS, DE BZHIN GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG KLU ZHES DE 'BOD 'BYUNG, ,BSTAN PA LA NI DAD CING PHAN, ,RAB TU DGA' BA'I SA THOB BA, ,LO NI DRUG BRGYA DAG TU 'TSO, ,RIG PA RMA BYA CHEN MO NI, ,BDAG NYID CHEN PO DES KYANG 'GRUB, ,BSTAN BCOS SNA TSOGS DON DANG NI, ,DNGOS PO MED PA'I DON DE RIG ,GANG TSE LUS DE BOR BA NA, ,BDE BA CAN DU SKYE BAR 'GYUR, ,DE NI MTHAR GYI SANGS RGYAS NYID, ,NGES PA KHO NAR YANG DAG THOB, ,CES DANG, GSER 'OD DAM PA'I MDO LAS LI TZ'A BYI GZHON NU 'JIG RTEN THAMS CAD KYIS MTHONG NA DGA' BA ZHES RGYA CHER BSNGAGS PA DE YANG BDAG NYID CHEN PO 'PHAGS PA KLU SGRUB 'DI NYID YIN TE, 'PHAGS PA SPRIN CHEN PO STONG PHRAG BCU GNYIS PA'I MDO 'JUG 'GREL DU DANGS PA LAS, KUN DGA' BO, LI TZ'A BYI GZHON NU SEMS CAN THAMS CAD KYIS MTHONG NA DGA' BA ZHES BYA BA 'DI NI, DA MYA NGAN LAS 'DAS NAS LO BZHI BRGYA LON PA NA KLU ZHES BYA BA'I DGE SLONG DU GYUR NAS NGA'O BSTAN PA RGYAS PAR BYAS TE, MTHAR RAB TU DANG BA'I 'OD CES BYA BA'I ZHING DU DE BZHIN GSHEGS PA YE SHES 'BYUNG GNAS 'OD CES CES BYA BAR 'GYUR RO, ,ZHES GSUNGS, RDA BO CHE'I MDO LAS KYANG, LATZ'A BYI GZHON NU 'JIG RTEN THAMS CAD KYIS MTHONG NA DGA' BA 'DI STON PA 'DAS NAS LO BRGYAD CU PA LA BSTAN PA NYAMS PA'I TSE, STON PA'I MTSAN 'CHANG BA'I DGE SLONG DU GYUR NAS BSTAN PA RGYAS PAR BYAS TE LO

BRGYA LON PA'I 'OG TU 'DAS NAS BDE BA CAN DU SKYE BAR GSUNGS SO, ,DUS KYI 'KHOR LO'I RGYUD PHYI MA LAS KYANG BDAG NYID CHEN PO 'DIS BSTAN PA DANG SEMS CAN GYI DON RGYA CHEN PO BYED PAR LUNG BSTAN CING, SNGAR SMOS PA DE DAG KYANG BYUNG BA'I SNGA LTAS YIN, ZHES GSUNG HAGS PA KLU SGRUB LUNG BSTAN PA'I MDO RGYUD KYI GSUNG RAB ?BRGYA PHRAG TZAM YOD CES 'PHAGS YUL MKHAS PA RNAMS LA GTAM DU GRAGS SO, ,DPAL MGON 'PHAGS PA KLU SGRUB DUS JI TZAM LA BYON PA NI RGYAL BA MYA NGAN LAS 'DAS PA'I 'OG TU RGYAL BA'I BSTAN PA 'DZIN PA'I SKYES BU JI LTAR 'BYUNG BA RGYAL BA NYID KYI GSUNG TSAD MAR GYUR PA LAS SHES TE, SNYING RJE PAD DKAR LAS, STON PA 'DAS NAS BSTAN PA SUS 'DZIN ZHES ZHUS PA'I LAN DU, KUN DGA' BO DGE SLONG 'OD SRUNGS DANG KHYOD GNYIS KYIS LO BZHI BCU LHAG TZAM DU NGA'I DAM PA'I CHOS 'DZIN PA 'GYUR RO, ,ZHES SOGS LUNG BSTAN PA LTAR RGYAL BA MYA NGAN LAS 'DAS NAS GNAS BRTAN 'OD SRUNGS CHEN PO DANG 'PHAGS PA KUN DGA' BO DANG GNAS BRTAN NYE BAR 'KHOR GSUM GYIS RGYAL BAS GSUNGS PA'I SDE SNOD GSUM MA LUS PAR BSDUS TE BKA' BSDU DANG PO MDZAD NAS 'JIG RTEN DU RGYAL BA'I BSTAN PA MI NUB PAR DANG ZHING RGYAS PAR BYAS, DE NAS 'OD SRUNGS CHEN PO MYA NGAN LAS 'DAS NAS 'PHAGS PA KUN DGA' BOS RGYAL BA'I BSTAN PA BZUNG STE LO BZHI BCU'I RING LA RGYA CHER SPEL, DE NAS RIM GYIS LEGS MTHONG CHEN PO'I BAR BSTAN PA'I GTAD

, ,RABS BDUN GYIS RGYAL BSTAN MI NUB PAR SPEL BAR MDZAD, DE NAS RGYAL BA MYA NGAN LAS 'DAS NAS LO BRGYA LON PA TZAM NA DGE SLONG RTZING SPYOD CAN MANG PO ZHIG GIS GSER DNGUL GYI RUNG BA ZHES PA LA SOGS PA 'DUL BA'I BSLAB PA DANG 'GAL BA'I GZHI BCU DAR BA NA DKAR PHYOGS KYI LHA RNAMS KYIS RGYAL BA'I BSTAN PA LA RMA PHYUNG NGO ZHES MYA NGAN CHEN PO BYAS SHING SMRE SNGAGS BTON TE 'DZAM BU'I GLING DANG RGYAL CHEN BZHI'I LHA GNAS DANG SUM CU RTZA GSUM SOGS LHA GNAS GONG MA RNAMS SU'ANG BSGRAGS TE DKAR PHYOGS KYI LHA RNAMS MYA NGAN CHEN POR GYUR CING BDUD RIGS RNAMS DGA' BA'I CA CO SGROG BA ZHIG BYUNG BA NA SNGON GYI THUGS BSKYED DANG SMON LAM GYI MTHUS CHOS RGYAL MYA NGAN MED CES BYA BA BYON TE, CHOS RGYAL DES SBYIN BDAG BYAS, GNAS BRTAN GRANGS PA LA SOGS BA DGRA BCOM PA BDUN BRGYA TSOGS TE LOG PAR SMRA BA RNAMS BSUN PHYUNG STON PA THUGS RJE CAN DES 'DUL BA'I BSLAB KHRIMS JI LTAR BCAS PA DE KHO NA LTAR BYA BAR BSGRUBS TE BKA' BSDU GNYIS BA MDZAD, DE'I TSE DKAR PHYOGS KYI LHA RNAMS DGA' BA'I CA CO SGROG CING YID TSIM PAR GYUR, DE NAS DUS RIM GYIS SNYIGS BAR GYUR PA DANG SEMS CAN RNAMS BSOD NAMS DMAN PA'I DBANG GIS DAM PA'I CHOS 'DUL BA LA LOG PAR SMRA BA MANG DU DAR ZHING, LHAG BAR SDE PA BCO BRGYAD DU GYES TE DE DAG THAMS CAD NANG MI MTHUN PAR KHO BO CAG GI 'DI KHO NA BDEN GYI GZHAN NI GTI MUG GO ZHES

RTZOD PAS DUS 'DA' BAR GYUR CING DAM PA'I CHOS 'DUL BA LA KLOG PA THOS BSAM DANG, SPONG BA BSAM GTAN BYA BA'I TSUL RNAMS CHES CHER NYAMS SHING NYAN THOS KYI GRUB MTHA' SMRA BA MANG PO ZHIG GIS THEG CHEN GYI MDO SDE RNAMS NI RGYAL BA'I BKA' MIN NO ZHES LOG PAR SMRA PA'I GTAM RGYA CHER BSGRAGS TE RGYAL BA'I BSTAN PA CHES CHER NYAMS PA NA STON PA THUGS RJE CAN NYID KYI THUGS BSKYED DANG SMON LAM GYI MTHUS NAM ZHIG NA RGYAL PO KRI KRI'I RMI LTAS LUNG BSTAN PA'I MDO RNYED NAS BLTAS PAS, RGYAL BA 'OD SRUNGS KYIS RGYAL PO KRI KRI LA KHYOD KYI RMI LTAS DE RNAMS BCOM LDAN 'DAS SH'AKYA THUB PA'I BSTAN PA LA 'DI LTAR 'BYUNG BA'I SNGA LTAS YIN, ZHES GSUNGS SHING, RGYAL PO KRI KRI'I RMI LTAS JI LTAR BYUNG TSUL NI, MA GA DHA BZANG MO'I RTOGS PA BRJOD PA LAS, SANGS RGYAS 'OD SRUNGS KYI DUS SU DE'I SPYIN BDAG RGYAL PO KRI KRI ZHES BYA BA BYUNG BA DE'I RMI LAM DU, GLANG PO'I RGYAL PO SKAR KHUNG NAS BYUNG BA LA DE'I MJUG MA THOGS PA DANG, SKOM PAS PHYI NAS KHRON PA BSNYEGS PA DANG, PHYE BRE GANG DANG MU TIG BRE GANG 'TSONG BYED PA DANG, TZAN DAN DANG SHING PHAL PA RIN MNYAM PAR BYED PA DANG, KUN DGA' RAB BA'I ME TOG DANG 'BRAS BU PHUN SUM TSOGS PA MA BYIN PAR LEN BAS PHROGS PA DANG, GLANG PO'I PHRUG GUS SPOS KYI GLANG PO 'JIGS PAR BYED PA DANG, SPRE'U MI GTZANG BAS GOS PAS GZHAN LA SKUD PA DANG, SPRE'U RGYAL POR DBANG BSKUR BA MTHONG BA DANG, RAS YUG GCIG MI BCO BRGYAD KYIS BGOS PA LAS RE RE'I LAG TU

, ,YANG RAS YUG TSANG MA RE RE BYUNG BA DANG, SKYE BO'I TSOGS CHEN PO 'DUS NAS 'THAB RTZOD BYED PA MTHONG STE, RMI LAM BCU RMIS PAS BDAG NYES SU DOGS PAS 'JIGS TE, BCOM LDAN 'DAS 'OD SRUNG LA ZHUS SO, ,BCOM LDAN 'DAS KYIS DE DAG RGYAL PO KHYOD LA NYES DMIGS SU 'GYUR BA MA YIN GYI, MA 'ONGS PA NA TSE LO BRGYA PA'I TSE YANG DAG PAR RDZOGS PA'I SANGS RGYAS SH'AKYA THUB PA'I BSTAN PA LA MA SBYANGS PA'I DGE SLONG RNAMS KHYIM NAS BYUNG YANG GTZUG LAG KHANG DANG RNYED PA LA CHAGS PA 'BYUNG BAS, GLANG PO LUS THON NAS MJUG MA THOGS PA DE NI DE'I LTAS SO, ,SKOM PAS PHYI NAS KHRON PA BSNYEGS PA NI, GTZUG LAG KHANG NA GNAS BA LA GZHAN GYIS CHOS BSHAD PA NA NYAN PAR MI BYED PA'I LTAS SO, ,PHYE DANG MU TIG BRJE BA NI DE'I TSE NYAN THOS RNAMS BZA' BA'I CHED DU CHOS STON PA 'BYUNG BAS DE'I LTAS SO, ,TZAN DAN DANG SHING GZHAN MNYAM PAR MTHONG BA DE NI, DE'I TSE NYAN THOS RNAMS MU STEGS KYI GZHUNG DANG, SANGS RGYAS KYI BKA' MNYAM PAR 'DZIN PA 'BYUNG BAS DE'I LTAS SO, ,KUN DGA' RA BA'I ME TOG LA SOGS PA PHUN SUM TSOGS PA CHOM POS PHROGS PA NI, DE'I TSE NYAN THOS MA BSDAMS PA RNAMS DGE 'DUN GYI LONGS SPYOD KYIS KHYIM PA'I NGO BSRUNG BA 'BYUNG BAS DE'I LTAS SO, ,GLANG PO'I PHRUG GUS SPOS KYI GLANG PO 'JIGS PAR BYED PA NI, DGE SLONG SDIG CAN GYIS TSUL KHRIMS DANG LDAN PA'I DGE SLONG ZIL GYIS GNON PA 'BYUNG BAS

DE'I LTAS SO, ,MI GTZANG BAS GOS PA'I SPRE'US GZHAN LA SKUD PA NI, TSUL KHRIMS NYAMS PAS TSUL KHRIMS DANG LDAN PA LA BSKUR PA 'DEBS PAR 'GYUR BAS DE'I LTAS SO, ,SPRE'U RGYAL POR DBANG BSKUR BA NI, DE'I DUS SU RMONGS PA RNAMS RGYAL POR DBANG BSKUR BA 'BYUNG BAS DE'I LTAS SO, ,MI BCO BRGYAD KYIS RAS YUG GCIG BGOS PAS SO SO'I LAG TU MA NYAMS PAR BYUNG BA NI, SH'AKYA THUB BA'I BSTAN PA LA SDE PA BCO BRGYAD DU GYES KYANG THAMS CAD RNAM PAR GROL BA'I SKAL BA CAN YIN PAS DE'I LTAS SO, ,SKYE BO'I TSOGS 'DUS NAS 'THAB RTZOD BYED PA DE NI SH'AKYA THUB PA'I BSTAN PA RTZOD PA'I CHOS KYIS NUB PAR 'GYUR BAS DE'I LTAS SO, ,ZHES 'BYUNG NGO, ,MDO DE MTHONG NAS SDE PA BCO BRGYAD PO THAMS CAD BLO MTHUN PAR GYUR TE GNAS BRTAN SO SO'I SKAD MI 'DRA BA DANG, CHA LUGS CUNG ZAD KYI KHYAD PAR LAS, DON DU RGYAL BA'I BKA' NYID LA MTHUN ZHING THAMS CAD LAM BSLAB PA GSUM NYAMS SU BLANGS TE RNAM GROL THAR PA SGRUB PA'I 'BRAS BU CAN DU MTSUNGS PAR MTHONG NAS KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN 'PHEL BAR GYUR TE, DE LA NI BSDU BA GSUM PA ZHES GRAGS SO, ,DE NAS YANG RGYAL BSTAN RIM GYIS NYAMS DAMS SHING LHAG PAR THEG PA CHEN PO'I BSTAN PA MING TZAM YANG NUB PA LA PHYOGS PA, RGYAL BA MYA NGAN LAS 'DAS NAS LO BZHI BRGYA TZAM LON PA NA BDAG NYID CHEN PO DPAL MGON 'PHAGS PA KLU SGRUB ZHING 'DIR BYON NO, ,'PHAGS

, ,PA KLU SGRUB GANG DU 'KHRUNGS PA'I YUL NI, RGYA GAR LHO PHYOGS BEE DARGHA'I YUL TE YUL DER BRAM ZE CHEN PO ZHIG LA BU MED PA NA, RMI LAM DU BRAM ZE PA RGYAL CHOS STON DRANGS NA BU RNYED PA'I LUNG BSTAN BYUNG BAR DE LTAR BYAS PAS, BU GCIG BTZAS TE MTSAN MKHAN LA BSTAN PAS, MTSAN BZANG MOD KYI ZHAG BDUN GYI TSE LAS MED ZER BAR, THABS CI YOD DRIS PAS, BRAM ZE BRGYA LA CHOS STON DRANGS NA ZLA BA BDUN DANG, DGE SLONG BRGYA LA CHOS STON DRANGS NA LO BDUN 'TSO, DE NAS THABS MED ZER BAS, DE LTAR BYAS TE LO BDUN DU NYE BA NA, BU'I RO MTHONG BA PHA MAS MA BZOD PAS, G-YOG DANG BCAS PA 'KHYAM DU BTANG NGO, ,DE NAS RIM GYIS SONG STE KHA SARB'A nI'I ZHAL BLTAS TE, RIM GYIS DPAL N'A LANDRA'I SA RA HA'I SGO DRUNG DU SONG STE, SNYAN DNGAGS KYI RIG BYED DAG STON PA NA BRAM ZE CHEN POS RGYAL SRAS GZHON NU DE NANG DU KHRID NAS 'DIR 'ONG BA'I RGYU MTSAN GANG YIN DRIS, JI LTAR GYUR PA'I RGYU MTSAN BSHAD PAS, RAB TU 'BYUNG NUS NA THABS YOD GSUNGS PAS, PHYIS RAB TU 'BYUNG BAR KHAS BLANGS TE, TSE DPAG MED 'CHI BDAG 'JOMS PA'I DKYIL 'KHOR DU DBANG BSKUR NAS GZUNGS 'DON DU BCUG ,KHYAD PAR LO BDUN PA'I NUB MO MTSAN THOG THAG BTON PAS, 'CHI BDAG GI CHAD PA LAS GROL, LO BRGYAD LON PA NA RAB TU BYUNG NAS, SHES BYA RIG PA'I GNAS RNAMS DANG, THEG PA CHE CHUNG

THAMS CAD LA MKHAS PAR SBYANGS SO, ,PHYIS PHA MA DANG MJAL ZHING BRAM ZE CHEN PO DE NYID LAS DPAL GSANG BA 'DUS PA LA SOGS PA'I GSANG SNGAGS KYI CHOS MANG DU ZHUS PAS, RGYUD DANG SNYAN RGYUD KYI GDAMS PA DANG RJES SU BSTAN PA MA LUS PA GNANG ZHING, DE NYID LA MKHAN PO ZHUS TE BSNYEN PAR RDZOGS PAR MDZAD DE, MTSAN DGE SLONG DPAL LDAN ZHES GRAGS SO, ,DE LTAR N'A LANDRAR SDE SNOD GSUM DANG RGYUD SDE BZHI'I BSHAD SROL GANG YOD PA RNAMS GSAN ZHING, GTZO BOR NI TSE RABS THAMS CAD DU RJE BTZUN 'JAM DPAL DBYANGS KYIS RJES SU BZUNG BA YIN PAS RJE BTZUN 'JAM DBYANGS LHA'I BU'I TSUL BZUNG BA BYANG SEMS BLO GROS RIN CHEN LA MDO DANG SNGAGS KYI DAM PA'I CHOS MA LUS PA GSAN TE, STON PA SH'AKYA'I RGYAL PO ZHING 'DIR BYON NAS MDO SNGAGS KYI CHOS JI SNYED GSUNGS PA'I GSANG BA'I GNAS THAMS CAD THUGS LA CHUD PAR MDZAD DO, ,DE'I TSE MU GE CHEN PO ZHIG BYUNG NAS N'A LANDRA'I DGE 'DUN RNAMS 'TSO BAS PHONGS PAR GYUR PA NA GNAS BRTAN SGRA GCAN 'DZIN BZANG POS DPAL MGON 'PHAGS PA KLU SGRUB LA N'A LANDRA'I ZHAL TA PA MDZAD NAS DGE 'DUN RNAMS SKYONG DGOS PAR BSKUL BA NA, DPAL MGON 'PHAGS PA KLU SGRUB KYIS KYANG DE LTAR MDZAD PAR ZHAL GYIS BZHES TE GLING BAR NAS GSER 'GYUR GYI RTZI BZHES NAS ZANGS MANG PO GSER DU BSGYUR TE MU GE MED PA'I SA NAS 'BRAS DANG NAS LA SOGS PA 'TSO BA'I YO BYAD THAMS CAD DRANGS

, ,TE LO BCU GNYIS KYI BAR DU DGE 'DUN RNAMS 'TSO BAS PHONGS PA MED PAR MJAD, DE NAS BSLAB KHRIMS 'CHAL PAR SPYOD PA MANG PO ZHIG GIS SA'I STENG KHYAB STE RGYAL BA'I BSTAN PA'I NANG MDZOD 'DUL BA CHOS CHER NYAMS PAR BYAS PA THUGS KYIS MA BZOD NAS BSLAB KHRIMS 'CHAL PAR SPYOD PA STONG PHRAG MANG PO GNAS NAS PHYUNG, SKAL BA DANG LDAN PA RNAMS LA SDE SNOD GSUM GYI CHOS RGYA CHER BSTAN CING LHAG PAR DAM PA'I CHOS 'DUL BA RGYA CHER BSGRAGS TE SNGON STON PA THUB PA'I DBANG POS W'A RA n'A SIR BKA' DANG PO BDEN PA BZHI'I CHOS 'KHOR BSKOR BA DANG MTSUNGS PA LTA BU ZHIG MDZAD PAS, MDZAD PA DE LA SNGON GYI MKHAS PA RNAMS KYIS 'PHAGS PA KLU SGRUB KYIS DAM PA'I CHOS KYI SGRA CHEN PO LAN GSUM BSGRAGS PA'I NANG NAS DANG PO DAM BA'I CHOS 'DUL BA NYAMS PA GSOS TE 'DUL BA'I CHOS RGYA CHER BSGRAGS PA ZHES GTAM DU GRAGS SO, ,DE'I TSE BDUD SDIG TO CAN GYIS BYIN GYIS BRLABS PA DGE SLONG BDE BYED CES PAS THEG PA CHEN PO BSUN 'BYIN PA'I BSTAN BCOS GLEGS BAM MANG PO BRTZAMS TE THEG PA CHEN PO'I LTA SPYOD GNYIS KA BSUN 'BYIN PA ZHIG BYUNG BA NA, BDAG NYID CHEN PO 'PHAGS PA KLU SGRUB KYIS LOG PAR SMRA BA DE'I GNYEN POR CHOS RGYA CHER GSUNGS TE LTA BA LOG PA DE RNAMS BSUN PHYUNG, SKAL BA DANG LDAN PA MTHA' YAS PA LA SDE SNOD GSUM GYI CHOS RGYA CHER STON PAR MDZAD PA DE'I TSE BYIS PA GNYIS CHOS NYAN DU 'ONGS PA'I DRI ZHIM POS 'KHOR KUN TU KHYAB

PAR GYUR CING, SONG BA DANG DRI ZHIM PO DE MED PAR GYUR PA DANG, DE'I RGYU MTSAN DRIS PAS DE DAG NA RE NGED KLU'I RGYAL PO 'JOG PA'I BU YIN, MI YUL DU 'GRO BA LA TZAN DAN GOR SHIRshA'I BSRUNG BA BYAS PA YIN ZER RO, ,TZAN DAN DE BLANG DU YOD DAM DRIS PAS, YAB LA 'DRI YIS ZER NAS DRIS PAS, SLOB DPON KLU'I YUL DU 'BYON NA 'BUL ZER BA NA SLOB DPON GYIS KLU'I YUL DU GDUL BYA MTHA' YAS PA LA DGE BA'I RTZA BA BSKYED PA DANG, SHES RAB KYI PHA ROL TU PHYIN PA STONG PHRAG BRGYA PA GDAN DRANG BA SOGS DGOS PA MANG PO ZHIG NYE BAR GZIGS NAS 'BYON PAR ZHAL GYIS BZHES TE KLU'I YUL DU BYON, KLU'I RGYAL PO 'JOG PO LA SOGS PA KLU RGYAL MTHU BO CHE RNAMS KYIS GTZOS DKAR PHYOGS KYI KLU BGRANG BA LAS 'DAS PAS MCHOD PA'I DNGOS PO TSAD MED PAS MCHOD DE CHOS STON PAR GSOL BA BTAB PA NA BDAG NYID CHEN PO 'PHAGS PA KLU SGRUB KYIS KLU'I RGYAL PO 'KHOR DANG BCAS PA LA CHOS BSTAN, KLU RNAMS KYIS BZHUGS PAR ZHUS PAS, NGA MCHOD RTEN BYE BA BZHENG BA'I 'DAM TSOL BA DANG 'BUM GDAN 'DREN DU 'ONGS KYI BSDAD MI KHOM PHYIS 'ONG SRID GSUNGS TE, KLU'I 'DAM MANG PO DANG, SHES RAB KYI PHA ROL TU PHYIN PA STONG PHRAG BRGYA PA DANG, GZUNGS MANG PO SPYAN DRANGS TE 'DZAM BU'I GLING DU BYON, DE'I TSE KLU RNAMS KYIS SLOB DPON SLAR YANG KLU'I YUL DU NGES PAR 'BYON DGOS ZHES GTA' MA LTA BUR

, ,'BUM GYI GSHAM NAS BAG TZAM MA BSKUR CES GRAGS TE KLU YUL NAS SPYAN DRANGS PA'I YUM RGYAS PA LA RTAG TU DU'I LE'U DANG CHOS 'PHAGS KYI LE'U RNAMS MA BYUNG BAS BRGYAD STONG PA'I GSHAM GYI LE'U GNYIS PO DE YUM RGYAS PA'I GSHAM DU SBYAR TE LE'U GNYIS PO DE YUM RGYAS BSDUS LA KHYAD GANG YANG MED DO, ,DE NAS SLOB DPON KLU SGRUB KYIS KLU YUL NAS BZHES PA'I 'DAM DES MCHOD RTEN BYE BA LA SOGS PA BYAS, KLU RNAMS KYIS GROGS BYAS PAS, DE NAS KLU SGRUB TU MTSAN CHAGS, DE NAS LI KHA RA SHING 'PHEL DU PHEBS, GSER 'GYUR MDZAD DE SBYIN PA RGYA CHEN PO MDZAD NAS, BRAM ZE RGAN PO BZA' MI GNYIS LA GSER MANG PO GNANG BAS DAD DE, RGAN POS NYE GNAS BYAS CHOS MNYAN TE SHI NAS SLOB DPON KLU'I BYANG CHUB TU GYUR TO, ,GZHAN YANG LHA KHANG MANG PO BZHENGS SHING, DRIL BU LTA BU'I BRAG GSER DU BSGYUR BAR RTZOM PA'I TSE SGROL MA'I SPRUL PA RGAN MO'I RNAM PA CAN CIG GIS, DE BAS MCHOG BSGRUBS NA DON CHE BAS DPAL GYI RI LA SGRUB PA GYIS SHIG GSUNGS TE, DER SGROL MA'I SGRUB THABS KYANG MDZAD DO, ,DE NAS SLOB DPON KLU SGRUB KYIS RGYA GAR YUL DBUS KYI GRONG KHYER CHEN PO DRUG GIS GTZOS PHYOGS THAMS CAD DU GTZUG LAG KHANG DANG MCHOD RTEN MANG DU BRTZIGS, CHOS SMRA BA RNAMS LA MCHOD GZHI MANG DU GTZUGS, 'DZAM BU'I GLING GI RGYAL BA'I BSTAN PA LA ZHUGS NAS CHOS DON DU GNYER BA PHAL MO CHE 'DUS PA LA DAM PA'I CHOS

RGYA CHER STZAL, KHYAD PAR DU YANG RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES SHER PHYIN GYI MDO SDE RIN PO CHE'I DON CHOS RNAMS KYI GNAS LUGS STONG PA NYID NI SHIN TU RTOGS PAR DKA' BAS 'KHRUL MED DU RTOGS PA SRID MTHA' TZAM DU SNANG BA DANG, PHAL MO CHE NI THOS PA TZAM GYIS SKRAG STE SPONG BA DANG, 'GA' ZHIG NI MOS BLO BYED KYANG RANG BZHIN GYIS MED PA'I DON GTAN NAS MED PA'I DON DU BZUNG STE CHAD MTHAR LHUNG NAS PHUNG BAR 'GYUR BA DANG, STONG PA NYID KYI DON MA RTOGS NA THAR PA DANG THAMS CAD MKHYEN PA GANG GI'ANG LAM BGROD PA'I THABS MED PAR GZIGS NAS THUGS SNYING RJE CHEN POS RANG DBANG MED PAR BSKUL TE CHOS RNAMS KYI GNAS LUGS RTEN CING 'BREL PAR 'BYUNG BA DON DAM PAR RANG BZHIN GYIS GRUB PA RDUL TZAM YANG MED PA DANG, THA SNYAD DU DKAR NAG GI LAS 'BRAS NAM YANG BSLU BA MED PAR NGES PA GNYIS 'GAL MED DU RTOGS PA DBU MA'I LAM BZANG PO RGYA CHER BSGRAGS TE, GANG GIS RTEN CING 'BREL PAR 'BYUNG, ,ZHES SOGS DBU MA RTZA BA'I TSIG LE'UR BYAS PA DANG, DE'I YAN LAG GI RIGS TSOGS RNAMS MDZAD DE SNGON STON PA THUB PA'I DBANG POS BYA RGOD PHUNG PO'I RIR SHER PHYIN GYI MDO SDE RIN PO CHE BKA' STZAL PA JI LTA BAR 'DZAM BU'I GLING DU SHER PHYIN GYI MDO SDE RIN PO CHE'I DON CHES CHER GSAL BAR MDZAD DE THEG PA CHEN PO'I CHOS KYI SGRA BSGRAG PAR

, ,MDZAD DO, ,DE LA NI BDAG NYID CHEN PO KLU SGRUB KYIS 'DZAM BU'I GLING DU CHOS KYI SGRA CHEN PO LAN GSUM BSGRAGS PA'I NANG NAS CHOS KYI SGRA CHEN PO BSGRAGS PA GNYIS PA ZHES MKHAS PA RNAMS LA GTAM DU GRAGS SO; ;DE NAS GDUL BYA MANG PO ZHIG GI DON LA DGONGS TE BYANG SGRA MI SNYAN DU 'BYON PAR BZHED NAS BYON PA'I LAM KHAR BYIS PA CIG DZE TA KA'I LAG RIS LAS RGYAL POR LUNG BSTAN NAS SGRA MI SNYAN DU PHEBS, DER NA BZA' SHING LA BKAL NAS KHRUS MDZAD PAS, DE GZHAN GYIS KHYER BA LA NGA YI YIN GSUNGS PAS NGA BDAG CAN ZER, DE NAS SGRA MI SNYAN DU GDUL BYA'I DON MDZAD NAS TSUR PHEBS TSE SNGAR RGYAL POR LUNG BSTAN PA'I BYIS PA DE RGYAL POR GYUR PA RGYAL PO BDE SPYOD BZANG PO'I MCHOD GNAS SU LO GSUM BZHUGS TE DAM PA'I CHOS RGYA CHER STON PAR MDZAD, DE NAS RJE BTZUN MA SGROL MAS BSKUL BA LTAR LHO PHYOGS DPAL GYI RIL BYON TE GTZO BOR SGRUB PA SNYING POR MDZAD CING SRAS KYI THU BO A'ARYA DE WA DANG SANGS RGYAS BSKYANGS LA SOGS PA BSTAN 'DZIN CHEN PO MANG POS GTZOS MI DANG MI MIN GYI GDUL BYA MTHA' YAS PA LA DAM PA'I CHOS RGYA CHER STZAL TE RGYAL BA RANG NYID SLAR 'JIG RTEN DU BYON PA LTA BUR BSTAN PA CHES CHER RGYAS PAR MDZAD, RGYAL BA'I BSTAN PA NAM YANG MI NUB PAR YUN RING DU GNAS PA'I PHYIR RDO RJE GDAN LA RDO'I DRA MIG GI RA BA DANG, MCHOD RTEN BRGYA PHRAG MANG PO DANG, DPAL LDAN 'BRAS SPUNGS KYI BKOD PA CHEN PO DANG, DGE 'DUN GYI SDE RNAMS LA MCHOD GZHI MANG PO BTZUGS,

NAG PO CHEN PO LA SOGS PA CHOS SKYONG RNAMS LA 'PHRIN LAS BCOL, TZAndI KA DANG NOR RGYUN MA LA SOGS PA NOR LHA MANG PO LA RGYAL BA'I BSTAN PA BSTAN 'DZIN DANG BCAS PA LA MCHOD CING BSNYEN BKUR BYA BAR BSKOS TE RGYAL PA'I BSTAN PA SGO KUN NAS 'PHEL BAR MDZAD, SKU TSE'I SMAD LA GTZO CHER, LHO PHYOGS DPAL GYI RI LA BZHUGS SHING RGYAL BA RANG NYID SLAR BYON PA LTAR MDO SNGAGS GNYIS KA'I CHOS KYI 'KHOR LO RGYA CHER BSKOR, LHAG PAR CHOS DBYINGS BSTOD PA SOGS MDZAD NAS CHOS KYI SGRA CHEN PO GSUM PA BSGRAGS TE SNGON RGYAL BAS CHOS KYI 'KHOR LO BSKOR BA DANG MTHUN PAR GDUL BYA BGRANG BA LAS 'DAS PA THEG PA CHEN PO'I LAM LA 'KHRID PAR MDZAD CING, RGYAL BAS GSUNGS PA'I NGES DON GYI MDO RNAMS SUS KYANG DON GZHAN DU BSGYUR MI THUB PAR NGES PA BRTAN PAR MDZAD DO, ,PHYI RABS KYI GDUL BYA RNAMS KYI DON DU SDE SNOD GSUM DANG RGYUD SDE BZHI'I DGONGS PA 'GREL BA'I BSTAN BCOS MANG DU MDZAD PA NI 'DI LTAR, RGYAL BA'I BSTAN PA YONGS SU RDZOGS PA'I SNYING PO THEG PA CHEN PO'I LAM GYI LUS YONGS SU RDZOGS PA BYANG CHUB LAM GYI RIM PA RIGS PA'I LAM NAS DRANGS TE STON PA RIN PO CHE'I PHRENG BA DANG, DE NYID LUNG GIS BSGRUB PA MDO SDE KUN LAS BTUS PA MDZAD, LAM GYI RIM PA'I GNAD MTHA' DAG RGYAL BA'I BKA' DANG SBYAR TE STON PA LA, SA LU LJANG PA'I MDO 'GREL DANG, RJE BTZUN 'JAM DPAL GYI DON DAM PA'I BSTOD PA SOGS BSTOD TSOGS DANG, DPAL GSANG BA 'DUS PA'I SGRUB THABS MDOR BYAS PA, SGRUB THABS

, ,MDO DANG BSRES PA, BYANG CHUB SEMS 'GREL, RDZOGS RIM RIM PA LNGA PA, DBU MA RTZA BA'I TSIG LE'UR BYAS PA SHES RAB CES BYA BA, RIGS PA DRUG CU PA, ZHIB MO RNAM 'THAG, STONG NYID BDUN CU PA, RTZOD PA BZLOG PA'I TSIG LE'UR BYAS PA, BSHES PA'I SPRING YIG, SHES RAB BRGYA PA, SEMS CAN MGU BAR BYA BA'I TSIGS SU BCAD PA BCU GCIG PA, SBOM PO'I LTUNG BA BRGYAD PA, 'PHAGS PA BZANG PO SPYOD PA'I SMON LAM GYI BSHAD SBYAR, RMI LAM YID BZHIN NOR BU'I GTAM, SBYIN PA'I GTAM, SRID PA LAS 'DAS PA'I GTAM, SBYOR BA BRGYAD PA, LUGS KYI BSTAN BCOS SHES RAB SDONG BU, LUGS KYI BSTAN BCOS SKYE BO SO THIGS SOGS MDO RGYUD KYI DGONGS 'GREL DANG, MDO SNGAGS KYI LAM GYI RIM PA DANG, RGYUD SDE BZHI NAS GSUNGS PA'I LHA MANG PO'I SGRUB THABS SOGS BSTAN BCOS MANG DU MDZAD DO, ,DE LTAR BDAG NYID CHEN PO 'PHAGS PA KLU SGRUB KYIS RGYAL BA'I BSTAN PA LA BYA BA RGYA CHER MDZAD PA NA BDUD SDIG TO CAN DPUNG DANG BCAS PAS PHRAG DOG GIS MA BZOD PAR YOD PA LA, THABS GZHAN MA RNYED PAR, RGYAL PO BDE SPYOD KYI BTZUN MO'I MNGAL DU ZHUGS PA PHYIR BTZAS PAS RGYAL BU GZHON NU NUS LDAN DU GRAGS PA LA, MAS GOS SRUBS MED PA 'JIG RTEN NA RNYED PAR DKA' BA ZHIG BYIN PAS, BU NA RE, 'DI DA LTA SPOS LA NGA RGYAL SRID SKYONG BA NA BGO BAR BYA'O ZHES ZER BAR, MAS KHYOD KYI PHA SLOB DPON KLU SGRUB DANG TSE MNYAM PA'I BCUD LEN GRUB PAS SLOB DPON MA GRONGS BAR DU MI

'CHI BAS, KHYOD RGYAL SRID SKYONG BA MI YONG ZER BAS, PU MYA NGAN SKYES TE DUS PA DANG, MA NA RE, DU MI DGOS KYIS SLOB DPON BYANG CHUB SEMS DPA'I SPYOD PA RLABS PO CHE LA GNAS PAS, DBU BSLANG NA STER BAR 'GYUR ZHING, DER YAB KYANG 'GUM PAS KHYOD KYIS RGYAL SRID THOB PAR 'GYUR RO ZER, DE NAS RGYAL BUS SLOB DPON GYI DRUNG DU PHYIN NAS DBU BSLANGS BAS, BDAG NYID CHEN PO 'PHAGS PA KLU SGRUB KYIS 'DI LTAR DGONGS TE SNGON STON PA THUGS RJE CAN GYIS SLOB PA LAM GYI GNAS SKABS SU DBU SBYIN PAR BTANG BA SOGS BYA DKA' BA'I RGYAL SRAS KYI SPYOD PA MDZAD PA DE LTAR DU NGAS KYANG STON PA'I RNAM THAR BSKYANG BA DANG, BDUD SDIG TO CAN SPA BKONG BAR BYA BA DANG, PHYI MA'I SKYE BO RNAMS LA SNANG BAR BYA BA DANG, RGYAL SRAS RNAMS LA SNYING STOBS BSKYED PAR BYA BA'I PHYIR SPYIN BAR BYA'O SNYAM DU DGONGS NAS DBU STER BAR ZHAL GYIS BZHES PAS, RAL GRIS DBU BCAD KYANG MCHOD PAR, SLOB DPON GYI ZHAL NAS, NGAS SNGON 'JAG MA ZHIG BCAD PA'I ZHAR LA 'BU GCIG GI SKE GCAD PA'I NYES PA YOD PAS RTZVA KU SHAS CHOD CIG GSUNGS NAS BCAD PAS CHOD, DE'I TSE KHRAG 'O MAR BYUNG ZHING DBU DE'I ZHAL NAS, NGA NI 'DI NAS BDE BA CAN DU 'GRO, PHYI NAS LUS 'DI LA NI 'JUG PAR GYUR, CES PA'I TSIG BYUNG BAR GRAGS, DE NAS RGYAL PU DES DBU SLAR 'BYAR GYIS DOGS NAS DPAG TSAD TZAM DU DOR BA SLOB DPON BCUD LEN GRUB PAS SKU LUS DANG DBU RDO RU GYUR CING SLAR RIM GYIS DBU DANG SKU LUS GNYIS KA MA NYAMS PAR LO RE BZHIN JE NYE JE NYER SONG NAS MTHAR

, ,DBU DANG SKU LUS 'BYAR NAS SLOB DPON RANG NYID ZHAL BZHUGS DUS LTAR BSTAN PA DANG 'GRO BA'I DON RGYA CHAR MDZAD PAR GSUNGS SO, ,BDAG NYID CHEN PO 'DI NI SNGON YUN RING PO NAS SA'I DBANG PHYUG TU GSHEGS PA ZHIG YIN PAS DBU SBYIN PAR GTONG BA LA YANG BA MED PAR DGA' BZHIN SPRO BZHIN DU GTONG BAR MDZAD PA NI SA THOB PA'I RTAGS STON PAR MDZAD PA STE, DBU MA LA 'JUG PA LAS, JI LTAR BYIN CIG CES SGRA THOS BSAMS LAS, RGYAL SRAS BDE 'BYUNG DE LTAR THUB RNAMS LA, ,ZHI BAR ZHUGS PAS BDE BA BYED MIN NA, ,THAMS CAD BTANG BAS LTA ZHIG SMOS CI DGOS, ,ZHES SA THOB NAS DBU SBYIN PAR GTONG BA LA SDUG BSNGAL MED PAR MA ZAD DGE SLONG BSAM GTAN DANG PO LA MNYAM BAR BZHAG PA'I BDE BA LAS KYANG LHAG PA'I DGA' BA DANG BDE BA BSKYED PAR GSUNGS PA LTAR RO, ,'PHAGS PA KLU SGRUB NI SA THOB PAR RGYAL BAS MDO SDE NAS GSAL BAR GSUNGS SHING YONGS SU GRAGS PA LTAR YIN LA, DE YANG THUN MONG BA'I SNANG NGOR DPAL GYI RI LA LO NYIS BRGYA'I BAR DU SGRUB BA MDZAD NAS SA LAM GONG NAS GONG DU BGROD DES BDUN PA THOB PAR GRAGS SHING, SA DANG PO THOB PA NAS BZUNG 'JIG RTEN GYI KHAMS BRGYAR SPRUL PA'I BKOD PA BRGYA STON PA DANG, SANGS RGYAS BRGYA LA SKU'I BKOD PA BRGYAS DUS GCIG TU CHOS MNYAN PA SOGS YON TAN BRGYA PHRAG BCU GNYIS THOB CING, YON TAN DE DAG SA GNYIS PA NAS BZUNG GONG 'PHEL DU 'GRO BAR GSUNGS PAS BSAM GYIS MI KHYAB BA'I YON TAN DANG

LDAN PA YIN ZHING, THUN MONG MIN PAR NI SGRON GSAL LAS DE LTAR SLOB DPON CHEN PO DPAL KLU SGRUB KYI ZHAL SNGA NAS KYIS NYID KYI DON RJES SU BRNYES NAS, SO SOR RANG RIG BA RDO RJE 'DZIN PA CHEN PO'I TING NGE 'DZIN 'JIG RTEN DU BSTAN NAS, LHA DANG MI'I BDE BA LAS 'DAS SHING, MU STEGS DANG NYAN THOS DANG RANG SANGS RGYAS KYI BSAM GTAN DANG SNYOMS PAR 'JUG PA'I BDE BA LAS 'DAS NAS, SKYE BA DANG 'GAG PA DANG BRAL BA'I DE BZHIN GSHEGS PA'I SKU, RNAM PA THAMS CAD KYI MCHOG DANG LDAN PA, SKU LTA BAS CHOG MI SHES PA STOBS BCU DANG MI 'JIGS PA LA SOGS PA SANGS RGYAS KYI YON TAN RNAMS KYIS BRGYAN BA BRNYES NAS BDE BA CAN DU GSHEGS TE, YON TAN GYI DBANG PHYUG BRGYAD DANG LDAN PAS BZHUGS SO, , ZHES 'PHAGS PA KLU SGRUB KYIS SKU TSE DE LA GSANG BA 'DUS PA'I LAM LA BRTEN NAS ZUNG 'JUG RDO RJE 'CHANG GI GO 'PHANG BRNYES PAR GSUNGS SO, ,DPAL MGON 'PHAGS PA KLU SGRUB KYIS RGYAL BAS GSUNGS PA'I CHOS PHUNG BRGYAD KHRI BZHI STONG GI DRANG NGES DRI MA MED PA'I RIGS PAS LEGS PAR PHYE NAS RGYAL PA'I DGONGS PA 'KHRUL MED DU GTAN LA PHAB PA'I LAM SROL DE NYID 'DZIN CING SPEL BAR BYED BA'I THUGS SRAS BSTAN 'DZIN DAM PA MTHA' YAS PA ZHIG BYON ZHING, THAMS CAD KYI NANG NAS GTZO BOR GYUR PA THUGS SRAS BZHI, NYE BA'I THUGS SRAS GSUM STE BDUN DU GRAGS TE, SLOB DPON KLU SGRUB KYI THUGS SRAS BZHI NI, 'JAM DPAL ZHAL MTHONG SH'AKYA MI TRA, SGROL MA'I ZHAL MTHONG N'A GA BO DHI, SA BRGYAD

, ,NON PA A'ARYA DE WA, SPYAN RAS GZIGS ZHAL MTHONG MA TANGKI PA BZHI'O,, NYE BA'I THUGS SRAS GSUM NI, SANGS RGYAS BSKYANGS, LEGS LDAN 'BYED, SLOB DPON DPA' BO GSUM ZHES 'BYUNG NGO, ,DE DAG GI NANG NAS KYANG ZLA DANG BRAL BA NI SLOB DPON A'ARYA DE WA STE, SLOB DPON A'ARYA DE WA NI MDO SNGAGS GANG GI THAD LA'ANG 'KHRUL PA'I DRI MA PHRA MO'ANG MED PAR SLOB DPON KLU SGRUB KYI DGONGS PA JI BZHIN DU GTAN LA 'BEBS PA'I BSTAN BCOS MANG DU MDZAD PA PO STE, SLOB DPON A'ARYA DE WAS SLOB DPON KLU SGRUB KYI DGONGS PA LTAR ZAB PA DANG RGYA CHE BA'I LAM GYI RIM PA YONGS SU RDZOGS PA DRI MA MED PA'I RIGS PA'I LAM NAS DRANGS TE STON PA'I BSTAN BCOS BZHI BRGYA PA DANG, DPAL GSANG BA 'DUS PA GTZO BOR BYAS PA'I BLA MED KYI LAM RIM GNYIS KYI GNAD MTHAR THUG PA RNAMS STON PA'I GZHUNG SPYOD BSDUS SGRON MDZAD CING GZHAN YANG BSTAN BCOS MANG DU MDZAD DO, ,'PHAGS YUL GYI MKHAS PA THAMS CAD SLOB DPON KLU SGRUB YAB SRAS ZHES 'PHAGS PA KLU SGRUB DANG 'PHAGS PA LHA GNYIS LA RNAM PA KUN TU TSAD MAR 'DZIN CING SNGON GYI DBU MA PA RNAMS SLOB DPON 'DI GNYIS LA GZHUNG PHYI MO'I DBU MA PA ZHES KHUNGS MTHAR THUG TU BYED DO, ,SLOB DPON SH'AKYA MI TRAS RIM LNGA'I RIM PA GNYIS PA'I STOD RNAMS SLOB DPON KLU SGRUB NYID KYIS RJES SU GNANG BA BYIN NAS BRTZAMS BAR GRAGS SHING, 'DIS MDZAD PA'I BRTZAM CHOS GZHAN MI SNANG YANG SLOB DPON 'DIS SKAL BA DANG LDAN PA MANG PO LA 'PHAGS PA KLU SGRUB

KYI LUGS BZANG RGYA CHER SPEL BAR MDZAD DO, ,NA GA BO DHI ZHES PA SLOB DPON KLU'I BYANG CHUB NI 'PHAGS PA KLU SGRUB KYI MAN NGAG LA BRTEN NAS 'JA' LUS RDO RJE'I SKU BRNYES TE DPAL GYI RI SOGS GRUB PA'I GNAS RNAMS SU BZHUGS NAS DPA' BO DANG MKHA' 'GRO BGRANG BA LAS 'DAS PA DAG DANG SKAL BA DANG LDAN PA'I MI DAG KYANG RJES SU 'DZIN PAR MDZAD DO, BKA' GDAMS GONG MA'I DUS SLOB DPON 'DIS BKA' GDAMS KYI BSHES GNYEN CHEN PO MANG PO LA ZHAL BSTAN NAS GDAMS PA DANG RJES SU BSTAN PA MANG DU STZAL BA'I RNAM THAR SNANG ZHING, GRUB CHEN CHOS RDO RJE DANG YANG DANG YANG DU 'TSOGS TE RDO RJE THEG PA'I BKA' BGRO BAR MDZAD PA DANG, PAn CHEN BLO BZANG CHOS KYI RGYAL MTSAN GYIS BKRA SHIS LHUN PO'I DBEN 'DUMS MCHOD RTEN BZHENGS NAS RAB GNAS MDZAD PA'I TSE SLOB DPON KLU'I BYANG CHUB DANG GRUB CHEN CHOS RDO RJE GNYIS DNGOS SU PHEBS TE MCHOD RTEN GYI RTZE MOR LHAN DU BZHUGS NAS RAB GNAS MDZAD CING, PAn CHEN BLO BZANG CHOS KYI RGYAL MTSAN LA GDAMS PA DANG RJES SU BSTAN PA YANG STZAL TO, ,SLOB DPON 'DIS DPAL GSANG BA 'DUS PA'I DKYIL 'KHOR GYI CHO GA DANG, SKU GSUM LAM KHYER GYI NGO SPROD CHES KHYAD PAR DU 'PHAGS PA RNAM GZHAG RIM PA ZHES BYA BA'I BSTAN BCOS MDZAD CING, GZHAN YANG MANG DU MDZAD DO, ,MA TANGKI PAS NI 'PHAGS PA KLU SGRUB KYI SNYAN RGYUD KYI MAN NGAG RNAMS GRUB CHEN TEE LO PA LA YONGS SU RDZOGS PA GNANG ZHING SKAL BA DANG LDAN PA GZHAN MANG PO LA YANG RGYA CHER SPEL LO, ,SLOB

, ,DPON SANGS RGYAS BSKYANGS NI LHO PHYOGS TAMBA LA'I YUL GYI BYE BRAG NGANG PAS RTZE BA ZHES BYA BAR SKU 'KHRUNGS, RGYAL BA'I BSTAN PA LA ZHUGS NAS RAB TU BYUNG ZHING BSNYEN PAR RDZOGS TE SDE SNOD GSUM DANG RGYUD SDE BZHI LA SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS LA BSNYEN TE MDO SNGAGS KYI MAN NGAG RNAMS GSAN, SGRUB PA LHUR MDZAD PAS RJE BTZUN 'JAM PA'I DBYANGS DNGOS SU GRUB CING, LAM RIM GYIS BGROD DE GRUB PA'I GO 'PHANG MTHON POR GSHEGS NAS BSTAN PA'I DON DU 'PHAGS PA KLU SGRUB KYI DGONGS ZAB MTHAR THUG PA ZAB MO RTEN CING 'BREL PAR 'BYUNG BA'I TSUL RIGS PA'I RNAM 'GYUR BRGYA PHRAG MANG POS GSAL BAR BYED PA DBU MA RTZA SHE'I 'GREL PA MDZAD DE, DE LA NI RTZA SHE'I 'GREL PA BUDDHA B'A LI TA ZHES YONGS SU GRAGS TE, RTZA SHE'I 'GREL BA JI SNYED MCHIS BA THAMS CAD KYI NANG NAS RGYAL MTSAN GYI TOG LTAR CHES KHYAD PAR DU 'PHAGS PA ZHIG YIN PAR SLOB DPON ZLA BA GRAGS PA DANG RJE BDAG NYID CHEN POS RGYA CHER BSNGAGS PA MDZAD DO, ,SLOB DPON 'DIS GZHAN YANG MDO RGYUD KYI DGONGS PA 'GREL BA'I BSTAN BCOS MANG DU MDZAD DO, ,SLOB DPON LEGS LDAN 'BYED NI ZAB MO DBU MA'I LAM BZANG GSAL BAR MDZAD PHYIR 'PHAGS PA KLU SGRUB KYI SRAS KYI THU BO'I TSUL DU BSAM BZHIN DU BYON PA ZHIG STE, BDAG NYID CHEN PO 'DI NI 'PHAGS

MCHOG RAB 'BYOR GYI SPRUL PA YIN PAR YONGS SU GRAGS PA LTAR RO, ,SLOB DPON 'DIS 'PHAGS PA KLU SGRUB KYI LUGS BZANG GSAL BAR BYA BA'I PHYIR, RTZA SHE'I 'GREL PA SHES RAB SGRON MA MDZAD CING, GZHAN YANG BSTAN BCOS MANG DU MDZAD LA, SHES RAB SGRON MAR RANG RGYUD PA'I GRUB MTHA' 'CHA' BAR MDZAD PA NI RGYAL BA'I DGONGS PA 'PHAGS PA KLU SGRUB KYIS BKRAL BA'I DBU MA'I LTA BA MTHAR THUG PA DE SHIN TU RTOGS DKA' BAS DE RTOGS PA'I THABS SU GDUL BYA RNAMS RIM GYIS BKRI BA'I PHYIR THABS MKHAS KYIS MDZAD PA ZHIG GO, 'PHAGS PA KLU SGRUB KYIS 'DZAM BU'I GLING DU LO DRUG BRGYA BZHUGS NAS BSTAN PA'I DON RGYA CHER MDZAD PAS SKU TSE'I STOD SMAD BAR GSUM GYI SLOB MA RIM PA MANG PO YOD PA LAS, SKU TSE'I SMAD KYI SLOB MA'I GTZO BO BSTAN 'DZIN THAMS CAD KYI GTZUG GI NOR BU LTA BUR GYUR PA NI SLOB DPON ZLA BA GRAGS PA STE, SLOB MA'I THA MA ZLA GRAGS LA, ,CHOS KYI THA MA SKYE MED BSTAN, ,CES 'PHAGS PA KLU SGRUB BDE BA CAN DU GSHEGS KHAR GSUNGS ZHES SNGON GYI CHOS 'BYUNG DAG LAS 'BYUNG BA LTAR RO, ,BDAG NYID CHEN PO 'DIS RGYAL BA'I BSTAN PA LA BYA BA JI LTAR MDZAD PA'I TSUL NI DA LTA NYID DU 'CHAD PAR 'GYUR RO, ,'PHAGS PA KLU SGRUB KYIS LO DRUG BRGYAR BSTAN PA'I

, ,BYA BA MDZAD NAS BDE BA CAN DU GSHEGS TE, SLAR YANG 'DZAM BU'I GLING DU SNGAR GYI SKU LUS DANG DBU 'BYAR TE 'GRO BA'I DON RGYA CHER MDZAD PAR GRAGS SHING, MTHAR DANG BA'I 'OD CES BYA BA'I 'JIG RTEN DU DE BZHIN GSHEGS PA YE SHES 'BYUNG GNAS ZHES BYA BAR MNGON PAR RDZOGS PAR 'TSANG RGYA BAR GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DPAL MGON 'PHAGS PA KLU SGRUB LA GSOL BA 'DEBS SHING SLOB DPON BDAG NYID CHEN PO 'DIS JI LTAR GSUNGS PA LTAR BSHES GNYEN BSTEN TSUL NAS ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA LUNG DANG RIGS PAS NGES PA RNYED PAR BYAS LA BRTZON PA CHEN POS NYAMS SU BLANG BAR BYA'O,, ` ,,'PHAGS PA'I DGONGS PA GSAL MDZAD ZLA BA GRAGS, ,ZHES BSNGAGS PA, DPAL LDAN ZLA BA GRAGS PA NI, RGYA GAR LHO PHYOGS SA MA NA ZHES BYA BA'I YUL DU SKU 'KHRUNGS TE, YUL DER BRAM ZE PHO MO GNYIS LA BU SBRUL PA'I MTSAN RTAGS DANG LDAN PA ZHIG BYUNG NAS MTSAN MKHAN RNAMS LA BSTAN PAS 'DI NI MTSAN SHIN TU BZANG STE, 'DI NI RGYAL BA'I BSTAN PA LA ZHUGS NAS BSTAN 'DZIN CHEN PO ZHIG TU 'GYUR RO, ,ZHES LUNG BSTAN, JI LTAR LUNG BSTAN PA LTAR PHA MA GNYIS KYIS KYANG GNANG STE NA LANDRAR RAB TU BYUNG, NA LANDRA'I MKHAN PO ZLA BA MGON PO ZHES BYA BA LAS TSIGS SNGA MA DGE TSUL GYI

SDOM PA BZHES, MKHAN PO NYID KYI MTSAN LAS DRAS TE ZLA BA GRAGS PA ZHES MTSAN BTAGS, DE NAS RIM GYIS BSNYEN RDZOGS KYI SDOM PA BZHES SHING SDE SNOD GSUM DANG RGYUD SDE BZHI LA SBYANGS PAS MKHAS PA'I PHUL DU PHYIN PAR GYUR TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON, 'PHAGS PA KLU SGRUB KYI ZHABS RDUL SPYI BOS BLANGS TE, MDO SNGAGS KYI MAN NGAG YONGS SU RDZOGS PAR GSAN, JI LTAR GSAN PA LTAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA RTZE GCIG TU MDZAD PAS RTOGS PA MCHOG THOB STE PHYI NANG GI SPROS PA THAMS CAD DOR NAS NYIN MTSAN KHOR YUG TU DON DAM PA'I BYANG CHUB KYI SEMS BSGOM BZHIN BZHUGS PAS THA MAL PA DAG GI SNANG BA LA BZA' BTUNG BYED PA DANG, BSHANG GCI 'DOR BA TZAM MA GTOGS BYA BA GZHAN GANG YANG MI BYED PAR NYAL BA 'BA' ZHIG LHUR MDZAD PA ZHIG TU MTHONG NAS DE DAG MA RANGS TE, ZLA BA GRAGS PA 'DI THOS BSAM SGOM PA DANG, DGE 'DUN GYI LAS GANG YANG MI BYED BAR ZOS KYIN NYAL SDOD PA CIG BYUNG BAS, DGE 'DUN RNAMS KYIS, 'DI SNGAR MU STEGS PA YIN PAS, DA DUNG MU STEGS PAR LDOG PAR 'DUG ,'DI SGYU THABS SU GNAS NAS DA GZOD 'O SKOL LA GNOD NAS 'ONG, 'DI NI LAS NGAN SME SHA CAN, ,MU STEGS NYID KYANG MA DOR BAS, ,DGE 'DUN BYA BA MI BYED DE, ,'DI YIS GNOD SKYEL 'DON PAR RIGS, ,BYAS PAS, MKHAN PO ZLA BA MGON POS BDAG NYID CHEN PO 'DI'I NGANG

, ,TSUL RTOGS PAS 'DI GNAS NAS DBYUNG BAR MI RIGS ZHES BKAG CING THUGS DAM LA GCIG TU GZHOL BA'I MDZAD PA DE LA SHIN TU DGYES SO, ,DE NAS NA LANDRA'I MKHAN POS SLOB DPON ZLA BA GRAGS PA LA RANG NYID THUGS DAM LAS G-YO BA MED KYANG DGE 'DUN GYI KHROD NA THA MAL PA MANG PO ZHIG NYID KYI NGANG TSUL MA RTOGS PAR SDIG GSOG PAR 'DUG PAS, KHYOD KYIS GNYER CIG GYIS, NYI MA GRAGS GROGS LA BTANG GIS GSUNGS BAS GNYER MDZAD NAS MA HE DANG BA LANG LA SOGS PA NAGS LA YAN DU BCUG NAS, RI MO'I BA ZHIG BYAS NAS YOD PA LA, DGE 'DUN RNAMS KYIS MA HE LA SOGS PA NAGS LA BRGYAB NAS, DA 'DI CI BYED BLTA'O BYAS PAS, NYI MA GRAGS PAS G-YOG BYAS NAS ZHO DANG 'O MA MANG PO KHYER BYUNG BAS NYI MA GRAGS KYIS MA HE SOGS RA LI BRGYAB NAS ZHO DANG 'O MA 'DI TZAM 'ONG BCI YIN BYAS NAS JI LTAR BYED BLTAS PAS, RI MO'I BA LAS BZHOS NAS 'ONG BA MTHONG BA GSANG NAS BSDAD PAS, DE NAS GNYER THON NAS 'BRAS LA SOGS PA MANG PO GTAD PAS, KHYOD KYIS MA HE SOGS RA LI BRGYAB NAS, 'BRAS DANG MAR LA SOGS PA MA ZAD PA CI LAS BYUNG ZER BA LA, NYI MA GRAGS NA RE, DPAL LDAN ZLA BA GRAGS PA YIS, ,RI MO'I BA LAS ZHO BZHOS NAS, ,DGE 'DUN 'TSO BA LEGS PAR BSGRUBS, ,BYAS PAS, MKHAN PO NA RE, SEMS LA DBANG THOB PAS RI MO'I BA LAS ZHO 'JO BA NGO MTSAR CHE GSUNG, YANG LAN CIG ,TU RUshKA'I

DMAG BYUNG NAS N'A LANDRAR ZLA BA PHYED KYI LAM NA SLEBS ZER NAS, PAndI TA DANG, NUS PA CAN THAMS CAD LA DMAG BZLOG PA'I THABS YOD DAM ZHUS PAS, THABS MA BYUNG BA'I TSE, N'A LANDRA'I CHOS SKYONG GI THUGS KA NAS, BYA ROG CIG BYUNG NAS, ZLA BA GRAGS PA LA ZHUS ZER NAS ZHUS PAS, ZLA BA'I ZHAL NAS THABS YOD KYIS, RDO'I SENG GE GCIG GYIS LA, SANGS RGYAS PA RNAMS KYIS DKON MCHOG GSUM LA GSOL BA THOB, MU STEGS PA RNAMS KYIS KYANG DBANG PHYUG CHEN PO LA GSOL BA THOB CIG GSUNGS NAS, DER RDO'I SENG GE BCOS ZIN PA DANG, DE GAS SHING, DE'I NANG NAS MI GCIG BYUNG NAS, NGAS BYA DGOS ZER LEGS PA CIG BCOS ZIN PA DANG, ZLA BA GRAGS PA PHEBS NAS, N'A LANDRA'I BYANG PHYOGS SU DPAG TSAD BCO LNGA PA'I BAR GYI RDO'I SENG GE BZHAG PA CAN DU DMAG RNAMS SLEBS BYUNG BA NA, DMAG RNAMS SLEBS BYUNG NGO BYAS KYENG SENG GE 'GROR MA 'DOD PA LA, DGE 'DUN RNAMS NA RE 'DIS BSLUS, 'O SKOL PHUNG NGO ZER BA LA, SLOB DPON ZLA BA GRAGS PA KOG GIS BZHENGS NAS TZAN DAN GYI DBYUG PA 'DOM GANG BA CIG KHYER NAS SENG GE'I MGO LA THENG GSUM BRGYAB PAS G-YU RAL LAN GSUM SPRUGS DMAG THAMS CAD BSKRAD NAS SENG GE'I GDONG PA KHRAG TU SONG NAS 'DUG PAS, DE'I DUS RGYAL PO STOBS LDAN GZHON NUS, DPAL LDAN ZLA BA GRAGS PA YIS, ,STOBS LDAN RDO YI SENG GE BSKUL, ,TU RUshKA YI DMAG BZLOG KYANG, ,SHI RMAS MED PA NGO MTSAR CHE, ,ZHES ZER RO, ,

, ,DE NAS DGE 'DUN RNAMS NA RE, 'DI ZLA BA GRAGS PA'I NUS PA MIN, DGE 'DUN RNAMS KYI RAB GNAS BYA DGOS ZER NAS, RAB GNAS BYAS BAS SENG GE SA'I NANG DU NUB PAS, MKHAN PO NA RE, 'DI ZLA BA GRAGS PA SEMS LA DBANG THOB PA'I BYIN RLABS YIN GSUNG, YANG SLOB DPON NAGS NA SGOM GYIN BZHUGS PA LA NAGS LA ME SHOR BA'I TSE, N'A LANDRA PA LA SOGS PA'I YUL MI RNAMS KYIS BLTAR PHYIN PAS, SHING GI LHA MO ZHIG GIS RO STOD BTON NAS, BYAMS MGON SNYING RJE'I BLO CAN NYID, ,ME YIS MI 'TSIG CHUS MI 'KHYER, ,RLUNG GIS 'THOR BAR GA LA NUS, ,ZHES ZER, MI RNAMS KYIS PHYIN PAS SLOB DPON GYI RTZVA'I SPYIL BU'I 'DOM GANG TSUN CHAD MES MA 'TSIG PAR 'DUG CING; SLOB DPON GYI ZHAL NAS, NGA YI BLA MA KLU SGRUB KYIS, ,SKYE BA MED PA'I MES DNGOS PO'I, ,BUD SHING THAMS CAD BSREGS PA YIN, ,MKHAN PO YIS KYANG BSREGS PA YIN, ,NGAS KYANG SKYE BA MED PA'I MES, ,DNGOS PO'I BUD SHING BSREGS PA YIN, ,DNGOS PO'I ME YIS GA LA TSUGS, ,ZHES GSUNGS SO, ,MNGON PAR SHES PA THOGS MED MNGA' BA YIN TE, MU STEGS KU MA RI KA NA RE, SLOB DPON LA MNGON SHES YOD PA MI BDEN YONG, BDEN NA BRGYA BYIN DA LTA CI BYED DRIS PAS, SLOB DPON GYI GSUNG NAS BRGYA BYIN DNGOS NI SUM CU RTZA GSUM NA YOD LA, SPRUL PA CIG DGA' LDAN NA BYAMS PA LA CHOS NYAN GYI YOD GSUNGS PAS, KU MA RI YI DAM CHES PA LA, SLOB DPON GYI PHYAG YAB MDZAD PAS, ,

BRGYA BYIN DNGOS 'ONGS BA DE KHOS MA MTHONG, YANG PHYAG YAB MDZAD PAS, SBRUL PA 'ONGS PA KHOS MTHONG NAS, KHYOD BRGYA BYIN YIN NAM BYAS PAS DNGOS MIN, DNGOS YIN NA MIG STONG YOD PA LAS, NGA LA RJES LAS MED ZER NAS, BLTAS PAS RJES LAS MI 'DUG BAS KU MA RI YID CHES SO, ,DES NA SLOB DPON 'DI NYID PAndI TA RNAMS KYI MCHOG TU GYUR PA YIN TE, N'A LANDRA NA PAndI TA MANG PO YOD KYANG, MU STEGS KYI RGOL BA TSAR GCOD MI NUS NA PHYIR CHOS 'CHAD MI NUS LA, SLOB DPON 'DI NYID PHYIR CHOS 'CHAD PA NA, LHO PHYOGS KYI MKHAS PA CHEN PO TZANDRA GOO MI SLOB DPON CHOS 'CHAD PA'I SAR 'ONGS TE 'DUD PA MI BYED PAR 'GRENGS TE GNAS PA NA SLOB DPON ZLA BA GRAGS PA'I DGONGS PA LA RTZOD DAM BGRO BAR 'DOD PA CIG 'ONGS PA YIN SNYAM NAS DE LA, PHYOGS GANG NAS 'ONGS, CHOS CI SHES DRIS BAS, LHO PHYOGS NAS 'ONGS, SGRA PA nI, SHER PHYIN TSUL BRGYA LNGA BCU PA, 'JAM DPAL MTSAN BRJOD SHES ZER, SGRA DANG, MTSAN NYID KYI RTZA BA DANG, SNGAGS KYI RTZA BA SMOS PAS, LUNG RIGS LA MKHAS PAR KHAS BLANGS KYANG, TSIG KHENGS SKYUNGS BAR 'DUG BAS, TZANDRA GOO MI MIN NAM DRIS PAS, DE LTAR 'JIG RTEN PA RNAMS 'DOGS SO GSUNGS, 'O NA PAndI TA CHEN PO THOG BABS SU PHEBS BA MA LEGS, BSU BA BYA DGOS PAS RE SHIG PHYIR GSHEGS SHIG BSU BA BGYI'O BYAS NAS, CHOS 'CHAD 'PHRO BCAD DE, GAndI BRDUNGS PAndI TA RNAMS BSAGS TE, 'DIR MKHAS PA CHEN PO TZANDRA GOO MI BYON GYIS, BSU BA BYA

, ,DGOS PAS SHING RTA GNYIS 'CHOS LA GCIG LA 'JAM DPAL GYI SKU BZHUGS, GCIG LA TZANDRA GOO MI BZHUGS LA MCHOD PA'I TSOGS KYIS SPYAN DRONGS SHIG CES BSGOS TE, DE LTAR BGYIS PA'I TSE, 'JAM DPAL LA TZANDRA GOO MIS BSTOD PAS, SKU DE DGYES TE SLOB DPON LA ZHAL PHYIR GZIGS TE, DA LTA YANG N'A LANDRA NA BYIN RLABS CAN SHING SKU 'JING YON DU GRAGS PA BZHUGS, DE NAS TZANDRA GOO MI N'A LANDRAR BYON PA LA BSNYEN BKUR ZHING, SLOB DPON ZLA BA GRAGS PA DANG GDAN 'DZOM, PHAN TSUN CHOS KYI BGRO BA MDZAD PAS, SLOB DPON ZLA BA GRAGS PAS GANG DRIS PA'I LAN THOGS MED DU BTAB, TZANDRAS SPYAN RAS GZIGS LA DRIS SHING LAN THOGS BCAS SU 'DEBS, DE'I TSE DPAL LDAN ZLA BAS GZIGS PAS, SPYAN RAS GZIGS KYI RDO SKU BZHUGS PA'I KHANG PA NAS BYUNG BAS, LAN CIG DER SONG STE RGYAB NAS NYAN BAS CHOS 'CHAD CING 'DUG PA DANG, ZHAL LTA DGOS DGONGS TE NANG DU PHYIN PA DANG SPRUL SKU ZHAL BRTUL TE, DER SLOB DPON GYIS SA THE BTZUGS NAS, KHONG LA ZHAL STON PA LTAR BDAG LA'ANG BSTAN DU GSOL ZHES GSOL BA BTAB PAS, MNAL LAM DU BYON TE, KHYOD 'JAM DPAL GYIS BYIN GYIS BRLABS PA'I MKHAS PA CHEN PO YIN PAS NGAS BYIN GYIS BRLAB MI DGOS, TZANDRA GOO MI LA CUNG ZAD BYIN GYIS BRLABS PA YIN GYIS DE SKAD MA ZER GSUNG, MNAL SAD TSE DE LTAR LAGS KYANG ZHAL STON PAR ZHU ZHUS PAS ZHAL MNGON SUM DU BSTAN TO, ,DE'I TSE BDAG GI SPYI GTZUG TU BZHUGS

LA SEMS CAN THAMS CAD KYI MTHONG BAR MDZOD CIG CES GSOL PAS, SPYAN RAS GZIGS KYI ZHAL NAS NGAS SEMS CAN THAMS CAD KYI DRUNG DU SONG YANG, DE RNAMS LAS KYI SGRIB PAS NGA MTHONG BAR MI 'GYUR GSUNGS, CIS KYANG BZHUGS SHIG CES GSOL BA BTAB NAS, 'PHAGS PA SPYI BOR KHYER NAS THAMS CAD DU PHEBS NAS BDAG GI SPYI BO NA 'PHAGS PA BZHUGS SO, ,PHYAG MCHOD GYIS BYAS KYANG LA LAS CI YANG MA MTHONG, LA LAS KHYI ROR MTHONG, PHAL CHE BAS CHOS MANG DU BSHAD PAS RLUNG SMYO YIN ZER, CHANG TSONG MA ZHIG GIS ZHABS TZAM MTHONG BAS KYANG THUN MONG GI DNGOS GRUB THOB PA ZHIG BYUNG ZHES GRAG GO ,SLOB DPON 'DIS 'PHAGS PA KLU SGRUB KYI DGONGS PA LTAR SHER PHYIN GYI MDO SDE RIN PO CHE'I DON ZAB PA DANG RGYA CHE BA'I LAM GYI RIM PA'I LUS YONGS SU RDZOGS SHING SA LAM 'BRAS BU DANG BCAS PA RGYAS PAR STON PA'I GZHUNG DBU MA LA 'JUG PA RANG 'GREL NGANG BCAS PA MDZAD CING, CHOS RNAMS KYI GNAS LUGS STONG PA NYID RIGS PA BRGYA PHRAG GI SGO NAS GTAN LA 'BEBS PA DBU MA RTZA BA'I 'GREL PA TSIG GSAL DANG, LAM THUN MONG BAS RGYUD SBYANGS NAS THUN MONG MIN PA BLA MED KYI LAM LA 'JUG PA'I 'JUG SGO DBANG DANG DAM TSIG ,ZHUGS NAS SGOM BYA'I LAM RIM PA GNYIS 'BRAS BU DANG BCAS PA MTHA' DAG YONGS SU RDZOGS PAR STON PA RGYUD KYI RGYAL PO DPAL GSANG BA 'DUS PA'I RTZA RGYUD KYI 'GREL PA SGRON MA GSAL BA MDZAD DE, TSIG GSAL DANG, SGRON GSAL GNYIS LA NI SNGON GYI MKHAS PA RNAMS KYIS, MKHA' LA NYI ZLA RNAM GNYIS,

, ,SA LA GSAL BA RNAM GNYIS ZHES SA'I STENG NA 'GRAN ZLA MED BA'I BSTAN BCOS SU BSNGAGS SO, ,GZHAN YANG SLOB DPON 'DIS LAM GYI RIM PA'I LTA BA'I GNAD RNAMS STON PA'I BSTAN BCOS BZHI BRGYA PA'I 'GREL PA DANG, RIGS PA DRUG CU PA'I 'GREL PA DANG, DBU MA PHUNG PO LNGA PA, STONG NYID BDUN CU PA'I 'GREL PA, SKYABS 'GRO BDUN CU PA, THUGS RJE CHEN PO LA SMRE SNGAGS SU GSOL PA, GSANG BA 'DUS PA'I SBYOR BA YAN LAG DRUG PA'I 'GREL PA, GSANG BA 'DUS PA'I MNGON BAR RTOGS PA'I RGYAN GYI 'GREL PA, RDO RJE SEMS DPA'I SGRUB THABS, KHRO BO BDUD RTZI 'KHYIL BA'I SGRUB THABS, SGROL MA'I BSTOD PA RNAMS MDZAD DO, ,SLOB DPON ZLA BA GRAGS PA 'DI NI 'PHAGS PA KLU SGRUB KYI LUGS BZANG GSAL BAR MDZAD PHYIR BSAM BZHIN DU BYON PA ZHIG STE, RJE BDAG NYID CHEN POS RJE BTZUN 'JAM DPAL DBYANGS LA 'PHAGS PA KLU SGRUB KYI DGONGS PA 'GREL BA LA SLOB DPON ZLA BA GRAGS PA 'KHRUL MED 'BA' ZHIG TU BZUNG BAS AE CHOG ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI ,DE BZHIN GSHEGS PA CIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL PAR BYA BA'I SLAD DU BSAM BZHIN DU SKYE BA BZUNGS PA YIN PAS, 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED BAS, 'DI LA RNAM PA

THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO ZHES GSUNGS PA LTAR RO, ,SLOB DPON ZLA BA GRAGS PA 'DI NI, RGYA GAR GRUB CHEN BRGYAD CU'I NANG TSAN ZHIG KYANG YIN TE, BLA MA RDO RJE GDAN PAS GRUB CHEN BRGYAD CU LA BSTOD PA LAS, 'JAM DPAL SKU YI SPRUL PAR 'KHRUNGS, ,KLU SGRUB DGONGS PA THUGS SU CHUD, ,ZLA BA GRAGS PA ZHES BYA BA'I, ,BLA MA DE LA PHYAG 'TSAL LO, ,ZHES BSTOD PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LAM GYI RIM PA'I GNAD RNAMS LA NGES PA PHUL PHYIN BSKYED PA LA SLOB DPON BDAG NYID CHEN PO 'DI LA GSOL BA 'DEBS PA DANG, 'DI'I GZHUNG RNAMS LA THOS BSAM GYIS 'JUG PA SHIN TU GAL CHE'O, ,SLOB DPON 'DI LA SNYING NAS GSOL BA BTAB NA BYIN RLABS MYUR DU 'JUG STE, SLOB DPON 'DI NI RDO RJE'I SKU BRNYES NAS DA LTA'ANG 'DZAM BU'I GLING NA GDUL BYA'I DON MDZAD BZHIN PA YIN PA NI SDON P'A TSAB LO TZ'A BAS SLOB DBON 'DI LA DAD CING GUS PAS YUN DU GSOL BA BTAB STE KHA BA CAN GYI LJONGS 'DIR DBU MA'I LAM SROL BZANG PO 'DI RGYA CHER 'PHEL NA CI MA RUNG SNYAM STE RGYA GAR DU PHEBS PAS SLOB DPON ZLA BA GRAGS PAS DNGOS SU ZHAL BSTAN TE, GDAMS PA DANG RJES SU BSTAN PA RGYA CHER STZAL ZHING BOD DU DBU MA'I LAM SROL RGYA CHER SPEL NUS PAR BYIN GYIS BRLABS PA LTAR RO,, ` ,,DE SRAS THU BO RIGS PA'I KHU BYUG CHE, ,ZHES BSNGAGS PA RIGS PA'I KHU BYUG CHE BA NI SKU

, ,GZHON NU NAS RGYAL BA'I BSTAN PA LA RAB TU BYUNG, LO LON NAS BSNYEN PAR RDZOGS, BI KA MA LA SH'I LAR SDE SNOD GSUM LA SBYANGS TE MKHAS PA'I PHUL DU PHYIN PAR GYUR, SLOB DPON ZLA BA GRAGS PA LA 'PHAGS PA KLU SGRUB NAS BRGYUD PA'I MDO SNGAGS KYI MAN NGAG RNAMS RDZOGS PAR GSAN, NANG DU YANG DAG 'JOG LA RTZE GCIG TU BZHUGS TE THEG PA CHEN PO'I LAM GYI RIM PA LA NYAMS RTOGS PHUL DU PHYIN PA THOB, LTA BA'I DKA' GNAD PHRA MO 'GA' ZHIG LA NGES PA DRANG PA'I PHYIR BLA MA DANG LHAG PA'I LHA DBYER MED PA LA GSOL BA SHUGS DRAG LA RGYUN RING BA BTAB, BSAG SBYANG RGYA CHEN PO LA 'BAD PAS DPAL MGON 'PHAGS PA KLU SGRUB KYIS DNGOS SU ZHAL BSTAN NAS LTA BA'I DKA' GNAS PHRA MO RNAMS ZHIB TU BSTAN TE MTSAN 'DZIN GYI 'CHING BA MA LUS PA DRUNG PHYUNG BAR MDZAD, MNGA' RIS CHOS RGYAL BYANG CHUB 'OD KYIS NAG TSO LO TZ'A BA JO BO SPYAN 'DREN DU BTANG BA'I TSE NAG TSO LO TZ'A BAS BI KA MA LA SH'I LAR PHYIN NAS JO BO GANG DU BZHUGS BTZAD DPYAD PA'I TSE BI KA MA LA SH'I LA'I TSOGS SU PAndI TA KUN GYI GRAL DBU LA BZHUGS PA SKU BGRES SHING BRJID CHAGS PA 'DI MGON PO AA TI SHA AE YIN ZHES DRIS PAS, BOD KYI TSE DANG LDAN PA CI ZER, 'DI DPAL LDAN ZLA BA GRAGS PA LA CHOS DNGOS SU NYAN PA RIGS PA'I KHU BYUG BYA BA AA TI SHA'I YANG BLA MA YIN ZER, RIGS PA'I KHU BYUG 'DI MGON PO KLU SGRUB KYI YANG DNGOS SLOB YIN TE, MKHAS GRUB RIN PO CHE'I GSANG BA'I RNAM THAR DU YANG

RIGS PA'I KHU BYUG TU SKYE BA BZHES DUS 'PHAGS PA KLU SGRUB BYON NAS LTA BA'I GNAD SHIN TU PHRA BA BSTAN NAS DNGOS 'DZIN GYI 'KHRUL PA RTZA BA NAS DRUNG PHYUNG BAR MDZAD CING, KLU SGRUB KYI ZHAL NAS, NGED RGYA GAR GYI GRUB THOB RNAMS 'JAM DBYANGS LA BRTEN PA YIN, DE'I RGYU MTSAN YANG GSUNG RAB KYI DKA' BA'I GNAD SHIN TU PHRA BA BYUNG NA RJE BTZUN 'JAM DBYANGS LA GSOL BA BTAB NAS ZAB MO'I DON LA DPYOD PA YIN, KHYOD KYANG RJE BTZUN 'JAM DBYANGS BSTEN PAR BYOS SHIG CES GSUNGS SO, ,ZHES SOGS DANG, YANG KLU SGRUB KYI ZHAL NAS BDAG KYANG MA 'ONGS PA'I DUS SU MTHA' 'KHOB TU 'GRO BA'I DON BYED PAR SMON, KHYOD KYANG DE'I DUS SU 'KHOR GYI THOG MAR GDUL BYA RNAMS KYI MCHOG TU 'GYUR RO; ;ZHES MA 'ONGS LUNG BSTAN DANG BCAS GSUNGS SO, ,DE BZHIN DU SLOB DPON ZLA BA GRAGS PAS KYANG RIGS PA'I KHU BYUG CHE BA 'DI LA MA 'ONGS PA'I DUS SU RJE BTZUN 'JAM DBYANGS DGE SLONG GI TSUL DU BSAMS BZHIN DU MTHA' 'KHOB TU SKYE BA BZHES PAR 'DUG PAS KHYOD KYANG DER SKYE BA LONGS LA BKA' SGRUB PA DANG BSTAN PA RGYAS PAR GYIS ZHES GSUNGS SO, ,TSUL DE DAG NI MKHAS GRUB THAMS CAD MKHYEN PA'I GSANG BA'I RNAM THAR DU JI LTAR GSUNGS PA LTAR BKOD PA YIN NO,, ` ,,RGYAL SRAS RIGS PA'I KHU BYUG GNYIS PA'I ZHABS, ,ZHES BSNGAGS PA, RIGS PA'I KHU BYUG CHUNG BA NI BLA MA AA WA DHU TI PA ZHES YONGS SU GRAGS PA DE YIN PAR MNGON TE, BKA'

, ,GDAMS GLEGS BAM LAS, KLU SGRUB ZLA GRAGS RIGS PA'I KHU BYUG DANG, ,BLA MA AA WA DHU TI GSER GLING PA, ,THUN MONG MA YIN GDAMS PA SBYIN MDZAD PA'I, ,DRIN CAN BLA MA LNGA LA PHYAG 'TSAL LO, , ZHES JO BO RJES ZAB MO LTA BA'I BLA BRGYUD DU DE LTAR GSUNGS SO, ,DE LTAR NA BLA MA AA WA DHU TI PA CHEN PO NI SNGON YUN RING PO NAS LAM LA GOMS PA'I MTHUS SRID GSUM ME 'BAR BA'I KLONGS LTAR GZIGS TE 'KHOR BA'I PHUN TSOGS GANG LA YANG MA CHAGS PAR RGYAL BA'I BSTAN PA'I SNYING PO MTHAR THUG PA ZHIG LA NYAMS LEN SNYING POR MDZAD BZHED NAS RIGS PA'I KHU BYUG CHE BA'I ZHABS LA GTUGS TE 'PHAGS PA KLU SGRUB NAS BRGYUD PA'I MAN NGAG RNAMS YONGS SU RDZOGS PAR GSAN NAS DBEN PA'I GNAS SU SGRUB PA RTZE GCIG TU MDZAD PAS GRUB PA'I GO 'PHANG MTHON POR GSHEGS PA NA SNYING NAS RNAM GROL DON DU GNYER BA'I SKAL LDAN RNAMS RJES SU 'DZIN PAR MDZAD CING, LHAG PAR JO BO RJE DPAL LDAN AA TI SHA LA 'PHAGS PA KLU SGRUB NAS BRGYUD PA'I MAN NGAG RNAMS RDZOGS PAR GNANG, JO BO RJES KYANG BDAG NYID CHEN PO 'DI LO BDUN GYI BAR DU 'BRAL MED DU BSTEN PAR MDZAD CING BLA MA 'DI NYID RANG DANG GZHAN GYI TSE RABS BRGYA STONG DRAN PA DANG LKOG TU GYUR PA'I DON RNAMS JI BZHIN DU MKHYEN PA'I MNGON SHES RGYA CHEN PO DANG LDAN PA ZHIG STE JO BO RJES BLA MA 'DI LA GDAMS NGAG ZHU BA'I TSE RES 'GA' MAndAL PHUL TE GSOL BA JI TZAM BTAB KYANG

GANG YANG GSUNG BAR MI MDZAD, RES 'GA' RI CHEN PO'I G-YANG SA NYAM NGA BA BGROD PA DANG CHU BO CHEN PO'I ZAM PA'I STENG LA 'GRO BA SOGS SHIN TU NYAM NGA BA'I SKABS SU'ANG GANG YANG MA ZHUS KYANG ZHAL PHYIR BSGYUR TE HE BHA TAN TA PAndI TA 'DI DANG 'DI ZHES BYA BA DMYAL BA 'DI DANG 'DI NA 'DUG GO ,JI SRID SANGS RGYAS MA THOB BAR DU DKAR NAG GI LAS PHRA MO'ANG NAM YANG MI BSLU BAS GZAB DGOS PAR 'DUG GO ,ZHES GSUNG 'BYON PA ZHIG YOD GSUNG, JO BO RJES RIGS PA'I KHU BYUG CHE BA DANG, BLA MA AA WA DHU TI PA GNYIS KA LA CHOS GSAN ZHING GTZO BOR BLA MA AA WA DHU TI PA LA ZAB MO'I LAM GYI RIM PA'I MAN NGAG RNAMS RDZOGS PAR GSAN, JO BO LA PAndI TA DANG GRUB CHEN GYI BLA MA MANG DU YOD PA LAS DBU MA'I LTA BA STON PA LA BLA MA 'DI NYID BZANG BAR BYUNG STE ZAB MO DBU MA'I LTA BA MTHAR THUG PA STON PA SHIN TU DKON PAS JO BOS BLA MA SHAN TI PA LA PHAR PHYIN GYI SKOR GSAN PA'I TSE BRGYAD STONG PA 'CHAD PA NA, BRGYAD STONG 'GREL CHEN DU SLOB DPON SENG GE BZANG POS 'PHAGS PA KLU SGRUB KYI MAN NGAG LTAR DBU MA'I RIGS PA PHRA MO RNAMS BYUNG RES KYIS DGAG PA MDZAD PA NA JO BO'I THUGS LA DBU MA'I LTA BA GSAL BTAB PA BZHIN DU ZAB MO DBU MA'I LTA BA LA NGES SHES CHER 'GRO PA ZHIG YOD GSUNG, BLA MA GSER GLING PA LAM RIM 'CHAD PA'I TSE LTA BA'I THAD DU GSER GLING PA RANG NYID SEMS TZAM RNAM BDEN GYI LTA BA 'DZIN PAS LTA BA DE NYID RANG STON PAR MDZAD, JO BO LA YANG KHYOD LTA BU'I SHES RAB CHEN PO

, ,'DI 'DRA DBU MA THAL 'GYUR BA'I LTA BA 'DZIN PA NGO MTSAR ZHES YANG YANG GSUNG, JO BO RJE LA NI BLA MA GSER GLING PAS DE LTAR GSUNGS RES KYIS 'PHAGS PA KLU SGRUB KYI DGONGS PA SLOB DPON ZLA BA GRAGS PAS JI LTAR BKRAL BA LTAR GYI DBU MA'I LTA BA MTHAR THUG DE NYID LA GSAL BTAB PA BZHIN DU NGES SHES JE CHER 'GRO BA ZHIG YOD GSUNG, JO BO RJE NI THEG PA CHEN PO'I LAM GYI RIM PA'I BDAG POR YONGS SU GRAGS PA LTAR YIN BAS BLA MA'I MDZAD SPYOD LA SKYON RTOG MI SKYE BAR MA ZAD CI MDZAD THAMS CAD LAM GYI RIM PA'I BOGS 'DON DU 'GYUR BA DANG, LHAG PAR SLOB DPON ZLA BA GRAGS PAS 'PHAGS PA KLU SGRUB KYI DGONGS PA JI LTAR BKRAL BA'I DKA' GNAS MTHAR THUG THA SNYAD DU RTEN 'BREL BSLU BA MED PA DANG, DON DAM PAR RANG BZHIN GYIS GRUB PA RDUL TZAM YANG MED PA'I TSUL RTEN 'BREL ZAB MO DE NYID MNGON SUM DU GZIGS PA YIN PAS SUS KYANG BSGYUR DU MED PA'O, ,DES NA BYANG CHUB LAM GYI RIM PA LA NYAMS LEN SNYING POR BYA 'DOD PA RNAMS KYIS RIGS PA'I KHU BYUG CHE BA DANG BLA MA AA WA DHU TI PA GNYIS LA GSOL PA 'DEBS SHING BDAG NYID CHEN PO 'DI GNYIS KYI RNAM THAR BZANG PO 'DI DAG BSAMS LA DON MED PA'I BYA BA THAMS CAD BOR NAS THEG PA CHEN PO'I LAM DANG LAN CIG MJAL BA'I SKABS 'DIR SHES RGYUD LA THEG PA CHEN PO'I LAM YONGS RDZOGS KYI BAG CHAGS CI THEBS ZHIG BYA BA LA 'BAD PAR BYA'O, ,RIGS PA'I KHU BYUG CHE CHUNG GNYIS PO 'DI GANG DU 'KHRUNGS

PA SOGS MDZAD PA RNAM THAR ZHIB MOR 'KHOD PA MA MTHONG BAS SLAR RNYED NA 'DIR BSNAN PAR BYA'O,, ` ,,JO BO RJE DPAL LDAN AA TI SHAS BYANG CHUB LAM GYI RIM PA GSAN PA'I BLA MA BRGYUD RIM LA, RJE BTZUN BYAMS PA NAS THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, RJE BTZUN 'JAM DBYANGS NAS 'PHAGS PA KLU SGRUB YAB SRAS SOGS LA RIM GYIS BRGYUD PA'I ZAB MO LTA RGYUD DANG, YANG RJE BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD BA'I RLABS CHEN SPYOD RGYUD GSUM DU YOD DE RGYUD PA 'DI GSUM GA'I MAN NGAG YONGS SU RDZOGS PA JO BO RJE LA MNGA' BAS BRGYUD PA'I CHU BO GSUM 'DRES ZHES BRJOD DO, ,RGYA CHE BA'I LAM GYI RIM PA'I BRGYUD RIM LA GNYIS SU BYAS PA NI SKYES BU CHUNG 'BRING DANG, SPYOD PA SPYI BSLAB DANG, ZHI LHAG GI SKOR LA KHYAD CHER MED KYANG BYANG CHUB KYI SEMS RIN PO CHE SGOM PA'I GDAMS DAG LA LUGS MI 'DRA BA GNYIS BYUNG STE, LUGS DANG PO NI SHER PHYIN GYI MDO SDE RIN PO CHE'I DGONGS DON LTAR BYANG CHUB KYI SEMS RIN PO CHE BSKYED PA'I THABS SU THOG MAR SEMS CAN THAMS CAD LA NYE RING MED PA'I SEMS SNYOMS PA'I BTANG SNYOMS BSGOMS, DE NAS SEMS CAN THAMS CAD RANG GI MA DRIN CAN DU SGOM, DE NAS DRIN DRAN DANG DRIN GZO RIM GYIS BSGOMS TE YID 'ONG GI BYAMS PA BSKYED, DE NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI RGYU 'BRAS MAN NGAG BDUN GYI SGO NAS

, ,BLO SBYOD BA ZHES BRJOD DO, ,LUGS GNYIS PA NI SDONG PO BKOD PA'I MDO SOGS KYI DGONGS DON BSLAB BTUS DANG SPYOD 'JUG GNYIS LAS JI LTAR GSUNGS PA LTAR BDAG GCES 'DZIN GYI SKYON DANG, GZHAN GCES 'DZIN GYI PHAN YON SGO DU MA NAS BSAMS TE SEMS CAN THAMS CAD RANG LA RNAM PA KUN TU PHAN BDE STENG BA'I YID BZHIN GYI NOR BU LTA BUR BSGOMS NAS YID 'ONG GI BYAMS PA BSKYED, DE LA BRTEN NAS SNYING RJE DANG LHAG BSAM DANG BYANG CHUB KYI SEMS RNAMS RIM GYIS SGOM PA STE TSUL DE LA NI BDAG GZHAN MNYAM BRJE'I SGO NAS BLO SBYOD BA ZHES BRJOD CING, DE'I MAN NGAG ZUR DU BKOL BA LA BLO SBYONG DON BDUN MA'I KHRID CES KYANG BRJOD DO, ,'DI'I BRGYUD RIM NI BKA' GDAMS GLEGS BAM LAS, 'JAM PA'I DBYANGS DANG BLO GROS MI ZAD PA, ,AE LA DHA RI DPA' BO RDO RJE DANG, ,BYANG CHUB SEMS DPA' CHEN PO RIN CHEN DPAL, ,RTZA BA'I BLA MA MGON PO GSER GLING PA, ,BDAG LA RGYA CHEN SPYOD BA SBYIN MDZAD PA'I, ,DRIN CAN BLA MA DRUG LA PHYAG 'TSAL LO, , ZHES GSUNGS PA LTAR TE, MGON PO 'JAM DPAL DBYANGS KYIS RGYAL SRAS ZHI BA LHA LA GNANG, DES SLOB DPON AE LA DHA RI LA GNANG, DES SLOB DPON DPA' BO RDO RJE LA GNANG, DES SLOB DPON MA H'A SHR'I RATNA BO DHI SATVA ZHES PA BOD SKAD DU BYANG CHUB SEMS DPA' CHEN PO RIN CHEN DPAL LA GNANG, DES MGON PO GSER GLING PA LA GNANG, DES JO BO RJE LA GNANG NGO, ,'DI'I BLO GROS MI ZAD PA ZHES PA RGYAL SRAS ZHI BA LHA'I MTSAN GYI RNAM GRANGS YIN NO, ,BRGYUD RIM 'DI'I BLA MA RNAMS KYI

RNAM PAR THAR PA NI STON PA THUB PA'I DBANG PO DANG RJE BTZUN 'JAM PA'I DBYANGS GNYIS KYI RNAM THAR SNGAR BRJOD ZIN PA LTAR YIN LA, RGYAL SRAS ZHI BA LHA GANG DU 'KHRUNGS PA'I YUL NI, RDO RJE GDAN GYI NUB PHYOGS YUL 'KHOR MO BZANG ZHES BYA BA STE, YUL DER YAB RGYAL PO DGE BA'I GO CHA DANG, YUM RDO RJE RNAL 'BYOR MA'I SPRUL PAR GRAGS PA ZHIG YOD PA DE GNYIS KYI SRAS SU RGYAL SRAS BDAG NYID CHEN PO 'DI BSAM BZHIN DU SKU 'KHRUNGS, MTSAN ZHI BA'I GO CHA ZHES BTAGS, MTHUN PA'I DNGOS PO RNAMS KYIS BSKYED BSRINGS, SKU NA PHRA MO NAS RIG GNAS THAMS CAD LA MKHAS PA'I PHUL DU PHYIN, DGUNG LO DRUG LON PA'I TSE SBAS PA'I BRTUL ZHUGS 'DZIN PA'I GRUB THOB ZHIG DANG MJAL TE 'JAM DPAL RNON PO'I DBANG DANG SGRUB THABS ZHUS NAS SGOM BZLAS LA 'BAD PAS RING POR MA THOGS PAR RJE BTZUN 'JAM PA'I DBYANGS ZHAL GZIGS, GDAMS PA MANG DU STZAL, DUS RE SHIG NA YAB RGYAL PO 'DAS NAS RGYAL SRAS BDAG NYID CHEN PO DE YUL KHAMS DE'I 'BANGS THAMS CAD KYIS BLO MTHUN PAR RGYAL PO'I KHRI LA 'BYON PAR GSOL BA BTAB PA NA, TSE RABS MANG POR RGYAL SRAS KYI SPYOD PA LA BSLABS TE GOMS PA KLONG DU GYUR PA ZHIG YIN PAS SRID PA'I PHUN TSOGS LA CHAGS PA'I SKABS MED PA ZHIG YIN NA'ANG GZHAN GYI NGO BSRUNG BA LA GOMS PAS YUL DE'I 'BANGS RNAMS KYI NGO MA BZLOG PAR RGYAL SRID LA PHEBS PAR ZHAL GYIS BZHES TE NANG PAR KHRI LA MNGA' GSOL RGYU'I DO NUB RMI LAM NA, SANG RANG NYID SDOD PAR 'GYUR BA'I KHRI DE LA RJE BTZUN 'JAM DBYANGS BZHUGS NAS, BU GCIG 'DI

, ,NI NGA YI STAN YIN TE, ,NGA NI KHYOD KYI DGE BA'I BSHES GNYEN YIN, ,NGA DANG KHYOD GNYIS STAN GCIG LA 'DUG PA, ,'DI NI RNAM PA KUN TU RIGS MA YIN, ,ZHES GSUNGS PA RMIS PAS MNAL SAD PA NA RGYAL SRID KYI DPAL LA LONGS SPYOD MI RIGS DGONGS TE, BROS NAS N'A LANDRAR PAndITA LNGA BRGYA'I KHYU MCHOG RGYAL BA'I LHA LAS RAB TU BYUNG STE, MTSAN ZHI BA'I LHA ZHES BTAGS, MKHAN PO LA BRTEN TE SDE SNOD GSUM LA SBYANGS PAS MKHAS PA'I PHUL DU PHYIN PAR GYUR CING RJE BTZUN 'JAM PA'I DBYANGS LA YUN DU CHOS GSAN TE MDO SNGAGS KYI BKA' DANG GDAMS NGAG MA LUS PA THUGS SU CHUD, PHYI NANG GI G-YENG BA THAMS CAD BCAD DE, NANG DU YANG DAG 'JOG LA RTZE GCIG TU BZHUGS PAS SA LAM MTHON POR BYON ZHING BSLAB PA KUN LAS BTUS PA DANG, MDO SDE KUN LAS BTUS PA SOGS RGYAL SRAS KYI SPYOD BRLABS PO CHE STON PA'I BSTAN BCOS RTZOM PA SOGS NANG DU MKHAS PA'I BYA BA RNAM PA GSUM DANG SA LAM GONG NAS GONG DU 'PHAR BA DANG GZUNGS DANG SPOBS BA DANG RANG DANG GZHAN GYI TSE RABS BRGYA STONG DRAN PA'I MNGON PAR SHES PA DANG RDZU 'PHRUL GYI YUL LA THOGS PA MED PAR 'JUG PA SOGS NANG DU RGYAL SRAS SA'I DBANG PHYUG GI MDZAD PAS DUS 'DA' YANG PHYI ROL DAM PA MA YIN PA'I SKYE BO RNAMS KYI NGOR 'TSO BA BSTEN PA DANG, NYAL BA DANG, BSHAD GCIG 'DOR BA MA GTOGS GLEGS BAM KLOG PA SOGS GZHAN GANG YANG MA MDZAD PAS BHU SU KU

STE 'DU SHES GSUM PA ZHES GRAGS SO, ,DE'I TSE MNGON SHES MED PA RNAMS KYIS RAB TU BYUNG BA'I BYA BA NI 'KHOR LO GSUM GYI ROL PAR GNAS PA SHA STAG YIN PA LA, 'DI NI GANG DANG YANG MI LDAN PAS DAD PAS BYIN PA LA LONGS SPYAD DU MI RUNG BAS BSKRAD PAR BYA, DE YANG MDO 'DON RES BYAS PAS RANG BUD DU 'GRO'O SNYAM NAS MDO 'DON PAR GSOL BAS, RGYAL SRAS 'DIS DE LTA BU BDAG GIS GA LA NUS ZHES ZHAL GYIS MA BZHES PAS, SLAR YANG NAN TAN BSKYED DE GSOL BAS DE LTAR NA BGYI'O ZHES ZHAL GYIS BZHES PA NA BRNYAS PA BYED PA DE DAG GIS DPAL N'A LANDRA'I DGE 'DUN THAMS CAD 'DUS PA'I DBUS SU, 'JIGS BRAL GDONG LNGAS BTEG PA'I KHRI MTHON PO BSHAMS NAS DE LA JI LTAR 'DZEG PA DAG KYANG MI SHES SO SNYAM PA NA, RGYAL SRAS 'DIS PHYAG GIS CUNG ZAD MNAN NAS STENG DU THOGS PA MED PAR GSHEGS, DE NAS MDO SNGON CHAD GRAGS PA ZHIG 'DON NAM, MA GRAGS PA ZHIG 'DON ZHES BKA' STZAL PAS SNGON MA GRAGS PA ZHIG GSUNG BAR ZHU ZHUS PAS, BDE GSHEGS CHOS KYI SKU MNGA' SRAS BCAS DANG, ,PHYAG 'OS KUN LA'ANG GUS PAR PHYAG 'TSAL TE, ,BDE GSHEGS SRAS KYI SDOM LA 'JUG PA NI, ,LUNG BZHIN MDOR BSDUS NAS NI BRJOD PAR BYA, ,ZHES PA NAS, GANG TSE DNGOS DANG DNGOS MED DAG ,CES PA'I BAR GSUNGS NAS, DE PHYIN GSUNGS BZHIN DU RDZU 'PHRUL GYIS NAM MKHA' LA 'PHAGS TE JE MTHO JE MTHOR MKHA' DANG MKHYEN PA 'GRAN PA BZHIN DU GSHEGS

, ,NAS MTHAR SKU MI SNANG BAR GSUNG GRAG PA'I SGO NAS RDZOGS PAR BTON TE GSHEGS SO, ,DE'I SHUL DU RNA BA'I MNGON PAR SHES PA DANG, MI BRJED PA'I GZUNGS LA DBANG 'BYOR PA'I PAndI TA RNAMS KYIS GZHUNG BTUS PA NA, KHA CHE BA RNAMS KYIS LE'U DGU YOD PAR BZUNG ZHING, YUL DBUS PA RNAMS KYIS LE'U BCU YOD PAR BZUNG BA DANG, BSLAB PA KUN LAS BTUS PA YANG, ,NGES PAR YANG DANG YANG DU BLTA, ,YANG NA RE SHIG MDOR BSDUS PA; ;MDO SDE KUN LAS BTUS PA BLTA, ,ZHES GSUNGS PA'I BSTAN BCOS GNYIS PO YANG JI LTAR YIN THE TSOM DU GYUR PA NA, DUS NAM ZHIG GI TSE LHO PHYOGS MCHOD RTEN DPAL YON CAN ZHES BYA BA NA BZHUGS PA THOS TE, DGE SLONG GNYIS SPYAN 'DREN DU BTANG BAS, MA BYON PAR GZHUNG GI TSAD YUL DBUS PA RNAMS KYIS BSDUS PA LTAR YIN, BSLAB BTUS DANG MDO BTUS GNYIS BO KHO BO'I SPONG KHANG GI GDUNG GSEB NA PAndI TA'I YI GE PHRA MO BRIS NAS YOD CES GSUNGS SHING SPYOD 'JUG DANG BSLAB BTUS GNYIS KA'I MAN NGAG RNAMS KYANG RDZOGS PAR GNANG NGO, ,DE NAS RGYAL SRAS ZHI BA LHAS SEMS CAN GYI DON JI LTA BU ZHIG BYA SNYAM DU MNGON PAR SHES PAS GZIGS PA NA, RTZOD PAS RGYUD 'KHRUGS PA'I SEMS CAN MANG PO ZHIG GI DON BYA DGOS PAR GZIGS NAS SHAR PHYOGS SU BYON TE RTZOD PA CHEN PO BYED PA ZHIG GI 'THAB ZLA MDZAD PAS, RDZU 'PHRUL GYIS THAMS CAD 'DUMS PAR GYUR TE BDE BA LA BKOD DO, ,

DE NAS YANG SEMS CAN KYI DON JI LTA BU ZHIG BYA DGOS SNYAM DU DGONGS PA NA LTA BA NGAN PA'I G-YANG SAR LHUNG BA MANG PO ZHIG 'DUL DGOS PAR GZIGS NAS YUL MA GA DHA'I NUB PHYOGS HA CANG MI RING BA ZHIG NA, YA MTSAN CAN GYI LTA BA LOG PA 'DZIN PA LNGA BRGYA GNAS PA DE DAG GI 'KHOR DU BZHUGS NAS DE RNAMS MGU BAR MDZAD DO, ,DE NAS RGYAL SRAS BDAG GNYID CHEN PO 'DI'I MTHU PHUN SUM TSOGS PA DANG, LOG PAR SMRA BA DE DAG GI SNGON GYI SMON LAM RNAM PAR DAG PA'I MTHUS DUS NAM ZHIG GI TSE ZHAG BDUN GYI BAR DU BU YUG CHEN PO BYUNG BAS BZA' BTUNG CHAD DE NYON MONGS PAR GYUR NAS SU SLONG NUS PA DPON DU BSKO ZHING BSGO BA NYAN PAR BYAS PA DANG, SLOB DPON GYIS 'BRAS CHAN LHUNG BZED GANG BLANGS TE BYIN GYIS BRLABS NAS THAMS CAD TSIM PAR MDZAD DE SNGAR GYI LTA BA NGAN PA DE RNAMS BSUN PHYUNG STE THUB PA'I BSTAN PA LA BTZUD DO, ,DE NAS YANG SEMS CAN SU ZHIG LA PHAN GDAGS PAR BYA SNYAM DU MNGON SHES KYIS GZIGS PA NA MU GES NYAM THAG PA'I 'GRO BA MANG PO ZHIG LA PHAN GDAGS DGOS PAR GZIGS NAS MU GE CHEN PO PHYUNG BAS SPRANG PO STONG TZAM ZHIG BRU BA TSA BAS NYEN TE 'CHI BA LA THUG PA NA, RGYAL SRAS BDAG NYID CHEN PO 'DIS 'TSO BA SBYAR ZHING CHOS BSTAN TE BDE BA LA BKOD DO, ,DE NAS YANG RGYAL BA'I BSTAN PA LA BYA BA JI LTAR BYA SNYAM DU DGONGS PA NA RGYAL PO GDUG CAN ZHIG BTUL NA SKYE 'GRO MANG PO DANG BSTAN PA LA PHAN CHE BAR GZIGS NAS SHAR PHYOGS SU PHEBS TE AA RI BI SHA NA ZHES BYA BA'I RGYAL PO'I

, ,PHO BRANG GI NYE LOGS KYI BZHI MDO RNAMS MYUL ZHING BZHUGS PA NAM TZA LA'I GNOD PA ZHES BYA BA 'TSO BAM PHYID PAS GZHAN GYI RDZAS 'JOMS PA LA DGA' ZHING, SNYING RJE MED PA DRAG SHUL CAN RTZUB PA MI BSRUN BA MANG DU GNAS TE, YUL GZHAN NAS KYANG DE DANG TSUL MTSUNGS PA DU MA 'DUS PA GRANGS SHIN TU MANG BA DAG RGYAL PO DE'I 'BYOR PA LA BLTAS NAS 'ONGS PA NA, RGYAL PO DE MI DGA' BAR GYUR TE, GNOD BYED 'DI RNAMS 'BYOR PA KUN GYIS MGU BAR BYAS NA NI BDAG GIS RGYAL SRID THOB PA'ANG CHU SHING GI SNYING PO LTAR 'GYUR LA, 'DI DAG RE BA BZHIN MA BGYIS NA NI SKYE BO G-YON CAN 'DI DAG GIS BDAG GI LUS SEMS GNYIS SO SOR 'BRAL BAR GDON MI ZA'I SNYAM NAS RGYAL PO DE MYA NGAN GYIS NON PA NA, RGYAL SRAS BDAG NYID CHEN PO 'DIS RGYAL PO DE LA THUGS BRTZE BAS DE DAG BSRUNG BAR ZHAL GYIS BZHES TE SKU BSRUNG MDZAD PA NA, BDAG NYID CHEN PO 'DI'I MTHU TSAD MED PAS GNOD BYED DE RNAMS ZIL GYIS MNAN TE RGYAL PO 'BANGS DANG BCAS PA BDE BAR MDZAD PA NA, RGYAL PO 'KHOR BCAS SHIN TU DAD DE BKUR STI PHUN SUM TSOGS PAS MCHOD PA NA, DAM PA 'DI LA RJE BTZUN GYI PHYAG CHAR BCANGS PA'I SHING GI RAL GRI ZHIG MA GTOGS MTSON CHA GZHAN MED PA GROGS PHRAG DOG CAN GYIS MTHONG BA NA GROGS NGAN DES MA BZOD PAR, RGYAL PO LA 'DI NI SKYES BU G-YON CAN ZHIG STE MTSON YANG SHING GI RAL GRI ZHIG LAS MED PAS LHA NYID KYI SKU BSRUNG BAR MI NUS PAS

BRTAG 'TSAL LO ZHES GSOL PA NA, RGYAL PO KHROS TE, RGYAL SRAS BDAG NYID CHEN PO 'DI LA KHYOD KYI RAL GRI PHYUNG ZHIG CES SMRAS PAS, LHA NYID LA GNOD PAR 'GYUR RO ZHES GSUNGS PA NA GNOD KYANG BLA YIS NGES PA PHYUNG ZHIG ZER RO; ;'O NA LHA'I SPYAN GCIG BKAB STE GCIG GIS GZIGS SHIG CES GSUNGS PAS, DE LTAR BYAS TE RAL GRI PHYUNG BAS DE'I 'OD ZER MIG GIS MA BZOD DE MIG GCIG ZHAR BA DANG, BZOD PAR GSOL TE SKYABS SU SONG STE CHOS LA BTZUD DO, ,DE NAS YANG BDAG NYID CHEN POS MNGON PAR SHES PAS GZIGS PA NA RGYAL BA'I BSTAN PA LA LOG PAR 'KHRU BA'I MU STEGS MANG PO ZHIG 'DUL DGOS PAR GZIGS NAS DPAL GYI RI'I LHO PHYOGS SU BYON TE, AUTZTSU SMA'I SPYOD PA ZHES PA SPRANG PO'I CHA BYAD GCER BU KHRUD MA PHO BA'I TSIGS MAS 'TSO BAR BYED PA NA, KHA TI BI HA RA'I RGYAL PO'I BRAN MO KA TZA MA HAS KHRUD MA PHO BA'I CHU'I ZEGS MA SLOB DPON GYI ZHABS LA PHOG PAS LCAGS BSREGS LA BRAN PA LTAR KHOL BA MTHONG, DE'I TSE RGYAL PO DE LA MU STEGS KYI STON PA SHANG KAR DE BA ZHES BYA BAS NANG PA'I PAndI TA DANG RTZOD CING RDZU 'PHRUL 'GRAN PAR BYAS TE, DE YANG SU PHAM PA DE SU RGYAL BA'I BSTAN PA LA 'JUG CING DE'I CHOS DAD GTZUG LAG KHANG SOGS KYANG MER SREG PAR BYED PAS KHYOD KYIS GNANG BAR MDZAD CING DRANG POR BZHUGS SU GSOL, ZHES GSOL BA LTAR, RGYAL POS PHO NYA BKYE STE NANG PA'I DGE 'DUN RNAMS BSDUS NAS DON DE BSNYAD PA NA SUS KYANG KHAS

, ,LEN MA NUS PAS RGYAL PO MYA NGAN DU GYUR PA NA, BRAN MO KA TZAM HA SA RGYAL PO LA SNGAR MTHONG BA DE BSHAD PAS, DE LTA BU'I SEMS DPA' CHEN PO DE GA NA 'DUG KYANG TSOL CIG GSUNGS NAS PHYOGS KUN TU BTZAL BAS SHING SDONG GCIG GI DRUNG NA BZHUGS PA DANG MJAL NAS, MU STEGS KYI RTZOD PA DAN RDZU 'PHRUL PHAM PAR MDZAD DGOS PAR GSOL BA BTAB PAS, DE LTA BU KHO BOS NUS KYIS CHU BUM PA GANG, RAS YUG GNYIS, ME RNAMS STA GON GYIS SHIG GSUNGS NAS DE LTAR BYAS SO, ,DE NAS SKYE BO'I TSOGS MANG PO 'DUS PA'I DBUS SU GDAN KHRI BSHAMS TE RGYAL PO DANG, G-YAS G-YON DU SEMS DPA' CHEN PO DANG MU STEGS KYI STON PA RNAMS 'KHOD NAS RTZOD PAS BDAG NYID CHEN PO 'DI'I LUNG DANG RIGS PA'I MTHU PHUL DU BYUNG BAS PHYIR BRGOL DE NYID SPOBS BA LAN MED DU MDZAD DO, ,SLAR YANG MU STEGS BYED DES RDZU 'PHRUL 'GRAN PAR CHAD DE BAR SNANG LA DBANG PHYUG CHEN PO'I DKYIL 'KHOR BRIS TE SHAR SGO TZAM ZIN PA NA, BDAG NYID CHEN PO 'DIS ZAD PAR RLUNG GI TING NGE 'DZIN LA SNYOMS PAR ZHUGS PAS 'TSUB MA CHEN PO LANG STE RTZVA DANG SHING DANG GRONG KHYER THAMS CAD KYANG 'GYEL LAM 'GYEL LA THUG PAR LDEG ,RGYAL PO DANG BTZUN MO DANG DER TSOGS PA'I MI RNAMS KYANG BDAS, DKYIL 'KHOR DANG BCAS PA'I MU STEGS KYI STON PA YANG 'THOR RLUNG GIS BDAS PA'I BYE'U

BZHIN DU PHYOGS MTSAMS THAMS CAD DU 'KHYER ZHING MUN PA CHEN POR GYUR TO, ,DE NAS BDAG NYID CHEN PO 'DIS SMIN MTSAMS NAS 'OD PHYUNG STE RGYAL PO DANG, BTZUN MO LA LAM BSTAN NAS MDUN DU BKUG STE GOS DANG BRAL ZHING RDUL GYIS G-YOGS PA LA CHUS BKRUS NAS RAS GSAR PA G-YOGS ME LA BSROS TE BDE BAR BYAS SO, ,DE NAS MU STEGS KYI LHA KHANG RNAMS BSHIG MU STEGS KYI GTZO BO DANG RJES SU 'JUG PA MANG PO SANGS RGYAS KYI BSTAN PA LA BTZUD PAS DA LTA'I BAR DU YANG GNAS DE LA MU STEGS PHAM PA'I YUL ZHES GRAGS SO, ,BDAG NYID CHEN PO 'DI'I MDZAD PA DE DAG THAMS CAD BSTAN PA DANG SEMS CAN GYI DON DU MDZAD PA SHA STAG STE, RGYAL BAS MI NI AA MRA'I 'BRAS BU DANG MTSUNGS PAS PHYI SMIN LA NANG MA SMIN PA DANG, NANG SMIN LA PHYI MA SMIN PA DANG, PHYI NANG GNYIS KA SMIN PA DANG, PHYI NANG GNYIS KA MA SMIN PA SNA TSOGS SU YOD PAR GSUNGS PA LTAR SO SO SKYE BO RANG DGA' BA DAG GIS GZHAN GYI RGYUD TSOD SHES PA SHIN TU DKA' BAS, SPYIR YANG SEMS CAN SU LA'ANG SKYON RTOG GI BLO MA SHOR BAR BYA BA DANG, LHAG PAR RGYAL BA'I BSTAN PA LA ZHUGS PA RNAMS LA SKYON BRJOD PA NI THAL BAS G-YOGS PA'I ME DONG DANG MTSUNGS PAR SHIN TU NYEN CHE BA'I GNAS YIN PAS PHA ROL SU LA'ANG SKYON BRJOD MI BYA BAR DAG SNANG SBYONG DGOS SO ZHES 'DOMS PA DANG, BYANG CHUB LAM RIM LA

, ,BLO SBYONG BA RNAMS KYIS LAM LTAR SNANG DANG PHYOGS RE BAS TSIM PAR MI BYA BAR LAM GYI LUS YONGS SU RDZOGS PA LA SLOB TSUL SPYOD 'JUG DANG BSLAB BTUS GNYIS SU BRJOD PA LTAR BYA DGOS SO ZHES 'DOMS PA DANG, RJE BTZUN 'JAM DPA'I DBYANGS LHAG PA'I LHAR BSTEN NA 'DI LTA BU'I YON TAN THOB PAR 'GYUR RO ZHES 'DOMS PA DANG, MU STEGS KYI GZHUNG LUGS NI RNAM PA KUN TU YID BRTAN MI RUNG BA'I GNAS DANG, RGYAL BA'I BSTAN PA KHO NA THAR 'DOD RNAMS GYI 'JUG NGOGS YIN NO ZHES 'DOMS PA SOGS KYI CHED DU MDZAD PA DE LTAR MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS RGYAL SRAS ZHI BA LHA LA GSOL BA 'DEBS SHING BDAG NYID CHEN PO 'DI'I GZHUNG 'DI DAG LA GTZIS PO CHER BZUNG NAS THOB BSAM SGOM BAS 'JUG PA LA 'BAD PAR BYA'O,, ` ,,SLOB DPON AE LA DHA RI NI, RGYAL SRAS ZHI BA LHA'I SRAS KYI THU BO STE, RGYAL SRAS ZHI BA LHA LAS THEG PA CHEN PO'I LAM GYI RIM PA'I MAN NGAG YONGS SU RDZOGS PA MNYAN NAS SGRUB PA RTZE GCIG TU MDZAD PAS LAM GONG MA'I RTOGS PA MCHOG THOB CING, RJE BTZUN 'JAM PA'I DBYANGS KYI ZHAL MTHONG NAS RGYAL SRAS ZHIB LHA DANG RTOGS PA MNYAM PA ZHIG YIN ZHES BKA' GDAMS GLEGS BAM LAS GSUNGS SO,, ` ,,SLOB DPON DPA' BO RDO RJE NI ,SLOB DPON AE LA DHA RI YONGS 'DZIN DU BSTEN NAS THEG PA CHEN PO'I LAM GYI RIM PA YONGS SU RDZOGS PA GSAN TE SGRUB PA RTZE GCIG TU MDZAD PAS SRID BA MTHA' DAG LA ZHEN PA LOG PA'I NGES 'BYUNG GIS RGYUD BSKUL NAS ZAS BSOD SNYOMS PA DANG, ZAS STAN

GCIG PA DANG, BRAS PHYIS MI LEN PA DANG, CHOS GOS GSUM PA BA DANG, PHYING PA BA DANG, PHYAG DAR KHROD PA DANG, DGON PA BA DANG, SHING DRUNG PA DANG, BLA GAB MED PA DANG, DUR KHROD BA DANG, TZOG BU PA DANG, GZHI JI BZHIN PA STE SBYANGS PA'I YON TAN BCU GNYIS DANG LDAN ZHING BDAG PAS GZHAN GCES PA'I BYANG CHUB KYI SEMS DANG SRID GSUM RMI LAM LTA BUR GZIGS PA'I LTA BA'I GDENG THOB STE, PHYI MA'I SKYE BO RNAMS LA SNANG BAR BYA BA'I PHYIR DBEN PA'I RI SUL DU SGRUB PA LA RTZE GCIG TU GZHOL BA ZHIG YIN ZHES BKA' GDAMS GLEGS BAM LAS GSUNGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SLOB DPON AE LA DHA RI DANG DPA' BO RDO RJE GNYIS LA GSOL BA 'DEBS SHING, BDAG NYID CHEN PO 'DI GNYIS KYI RNAM THAR LTAR DBEN BA'I GNAS SU LAM CHA TSANG LA SGRUB PA SNYING POR BYA'O,, ` ,,SLOB DPON MAH'A SHR'I RATNA BO DHI SATVA, BOD SKAD DU BYANG CHUB SEMS DPA' CHEN PO RIN CHEN DPAL ZHES PA NI, SKYES MCHOG BYAMS PA'I RNAL 'BYOR PA STE 'DI'I RNAM PAR THAR PA SNGAR BRJOD ZIN PA LTAR RO, ,BLA MA GSER GLING PA CHEN PO'I RNAM THAR YANG SNGAR BRJOD ZIN LA, BLA MA GSER GLING PA'I ZHABS DRUNG DU JO BO RJE DPAL LDAN AA TI SHAS BDAG GZHAN MNYAM BRJE'I BYANG CHUB KYI SEMS SBYOD BA'I GDAMS NGAG CES BA BLO SBYONG DON BDUN MA'I KHRID LO BCU GNYIS KYI BAR DU PHYI NANG GI G-YENG BA GANG GIS KYANG BAR MCHOD PAR GSAN PAR MDZAD DE JO BO RJE'I RNAM PAR THAR PA NI DA LTA NYID DU 'CHAD PAR 'GYUR RO, ,RLABS CHEN SPYOD RGYUD KYI GDAMS NGAG GI SNYING BO BDAG PAS GZHAN GCES PA'I BYANG CHUB KYI SEMS MA SKYES PA BSKYED PA

, ,DANG SKYES ZIN GONG 'PHEL DU BYAS TE SEMS RIN PO CHE 'DI'I SGO NAS SA LAM BGROD TSUL STON PA'I GZHUNG MCHOG TU GYUR PA NI MDO SDE PHAL PO CHE DANG, DE'I DGONGS PA 'GREL BA'I GZHUNG RIN CHEN PHRENG BA DANG, RMI LAM YID BZHIN NOR BU'I GTAM DANG, SEMS CAN MGU BA'I TSIGS BCAD DANG, SPYOD 'JUG DANG BSLAB BTUS RNAMS DANG, MDO DANG BSTAN BCOS DE DAG GI MAN NGAG RTZA TSIG TU DRIL BA BLA MA GSER GLING PA DANG ,JO BO RJE GNYIS KYIS MDZAD PA'I BLO SBYONG RTZA TSIG DANG, DHARMA RAKshI TAS MDZAD PA'I BLO SBYONG MTSON CHA 'KHOR LO DANG, BYAMS PA'I RNAL 'BYOR BAS MDZAD PA'I GYER SGOM RDO RJE'I GLU DANG, BLA MA GONG MA GCIG NAS GCIG TU BRGYUD PA'I BLO SBYONG GI KHRID DMIGS MDOR BSDUS SU BKOD PA RGYAL SRAS THOGS MED BZANG POS MDZAD PA'I BLO SPYOD DON BDUN MA DANG, RJE RIN PO CHES BLO SBYONG GI KHRID RGYAS PA GNANG DUS SEMS DPA' CHEN PO HOR STON PAS ZIN BRIS SU BTAB PA'I BLO SBYONG GI KHRID YIG CHEN MO DANG, ,RJE DGE 'DUN GRUB KYIS MDZAD PA'I THEG CHEN BLO SBYONG DANG, PAn CHEN BLO BZANG CHOS KYI RGYAL MTSAN YAB SRAS KYIS MDZAD BA'I BLO SBYONG CHE CHUNG DU MA YOD CING, RGYA BOD DU SNGON BYUNG BA'I BLO SBYONG GI YIG CHA PHAL MO CHE'I LEGS CHA BSDUS SHING, RJE BDAG NYID CHEN PO'I SNYAN RGYUD KYI MAN NGAG GIS BRGYAN NAS BDAG GZHAN MNYAM BRJE'I BYANG CHUB KYI SEMS SGOM TSUL RTZAL DU BTON PA BDAG GIS SBYAR BA'I BLO SBYONG GI KHRID YIG

CHEN MO BLO BZANG DGONGS RGYAN ZHES BYA BA ZHIG KYANG YOD DO, ,DES NA BYANG CHUB LAM RIM LA NYAMS LEN SNYING POR BYA 'DOD PA RNAMS KYIS BYANG CHUB KYI SEMS SGOM TSUL LA SHING RTA CHEN PO'I MAN NGAG KHYAD PAR CAN GNYIS YOD PA SO SO'I MAN NGAG LEGS PAR MNYAN LA GO BA PHU THAG CHOD PA BTZAL NAS MAN NGAG GNYIS PO GCIG TU BSRES NAS NYAMS SU LEN TSUL SHES PAR BYAS LA BYANG CHUB KYI SEMS RIN PO CHE LA BAG CHAGS CI THEBS BYA'O,, ` ,, SHING RTA CHEN PO'I SROL 'DZIN MAR ME MDZAD, ,CES BSNGAGS PA LEGS SBYAR GYI SKAD DU D'I PAm KA RA SHR'I DZNY'E NA BOD KYI SKAD DU DPAL MAR ME MDZAD YE SHES, MTSAN GZHAN JO BO RJE DPAL LDAN AA TI SHA ZHES YONGS SU GRAGS PA'I BDAG NYID CHEN PO DE GANG DU 'KHRUNGS PA'I YUL NI, RGYA GAR SHAR PHYOGS ZA KHOR TE ,DE NA BHAm GA LA ZHES BYA BA'I GRONG KHYER CHEN PO MI KHYIM 'BUM PHRAG DU MA YOD PA, DE'I DBUS NA RGYAL PO'I PHO BRANG GSER GYI RGYAL MTSAN CAN ZHES BYA BA LONGS SPYOD MNGA' THANG BSAM GYIS MI KHYAB PA YOD PA, YUL DE'I KHO RA KHOR YUG TU SHING LJON PA SNA TSOGS KYI PHRENG BA 'KHRIGS PA, PADMA DANG AUTPA LA LA SOGS PA'I ME TOG SNA TSOGS KYIS SA GZHI KHYAB PA, RAB RIM PA DU MA DANG, 'OBS RIM PA DU MAS BSKOR BA ZHIG STE, DE LTA BU'I RGYAL PO'I PHO BRANG DU YAB RGYAL PO DGE PA'I DPAL ZHES BYA BA DANG, YUM DPAL MO 'OD ZER CAN ZHES BYA BA GNYIS KYI SRAS SU CHU PHO RTA'I LO BDAG NYID CHEN PO 'DI BSAM BZHIN DU SKU BLTAMS SO, RGYAL

, ,SRAS BDAG NYID CHEN PO 'DI SKU BLTAMS BA'I TSE DKAR PHYOGS KYI LHA RNAMS KYIS NA MKHA' LAS ME TOG GI CHAR PHAB ,NA MKHA'I NGOS RNAMS 'JA' TSON GYI GUR KHYIM GYIS BLTAMS, LHA RNAMS KYIS DGA' BA'I GLU DBYANGS DANG ROL MO'I SGRA BSGRAGS PA MI RNAMS KYIS KYANG THOS PA SOGS NGO MTSAR YA MTSAN BSAM GYIS MI KHYAB PA BYUNG NGO, ,RGYAL SRAS DE NI 'JIG RTEN KUN GYI MIG GI BDUD RTZI LTA BU ZHAL DKYIL ZLA BA LTAR DKAR ZHING, DPRAL BA'I DBYES CHE LA SNA'I GZENGS MTHO BA, SPYAN DA KYUS RING ZHING MCHU SGROS BIM BA LTAR DMAR BA SOGS SKYE BO DAM PA'I MTSAN RTAGS DANG LDAN PAS MTHONG BA TZAM GYIS NYON MONGS DANG SDUG BSNGAL ZHI ZHING, YID LA DGA' BA DANG BDE BA SKYE LA DGE BA'I SA BON BSKRUN NUS PA ZHIG BYUNG STE, RGYAL SRAS GZHON NU DE LA YAB YUM GNYIS KYIS ZLA BA'I SNYING PO ZHES MTSAN BTAGS SO, ,RGYAL SRAS GZHON NU DE MA MA BRGYAD LA GTAD DE MTHUN PA'I DNGOS PO DAG GIS BSKYED BSRINGS SHING YAB YUM GNYIS DANG BCAS PHO BRANG GI YANG THOG NA MNAL ZHING BZHUGS PA NA PHO BRANG GI THOG NAS TSEG SGRA CHEN PO 'JIGS SU RUNG BA ZHIG BYUNG BA NA YAB YUM 'KHOR DANG BCAS PA CI ZHIG GU SNYAM DU RTAB CING PHYOGS PHYOGS SU BLTA, RGYAL SRAS GZHON NU DE NI 'JIGS PA MED PAR DGA' BA'I RNAM 'GYUR STON ZHING GNAS SO, ,DE MA THAG YAB YUM SOGS KYI MTHONG SNANG LA AU TPAL SNGON PO 'DAB MA MA NYAMS PA YID DU 'ONG BA ZHIG

BABS LA, RGYAL SRAS GZHON NU DE LA NI TSE RABS KUN GYI LHAG BA'I LHA RJE BTZUN MA SGROL MAS ZHAL BSTAN TE GSUNG GI GNANG BA STZAL LO, ,DUS DE NAS BZUNG STE RJE BTZUN SGROL MA RGYUN DU GZIGS SHING BYA BA GAL CHE BA THAMS CAD KYANG RJE BTZUN SGROL MA NYID LA ZHUS NAS MDZAD DO, ,GZHON NU DE 'KHRUNGS NAS LO GCIG DANG ZLA BA DRUG SONG BA NA, PHO BRANG DE DANG HA CANG THAG MI RING BA ZHIG NA BI KA MA LA PU RI ZHES BYA BA'I GTZUG LAG KHANG YOD PA DER RGYAL PO YAB YUM GYIS RGYAL SRAS GZHON NU 'DI RIN PO CHE'I SHING RTA'I NANG DU GDAN DRANGS, SHING RTA LNGA BRGYA'I 'KHOR DANG BCAS RGYAL PO'I YO LANGS CHEN POS GTZUG LAG KHANG DER GSHEGS BA NA, GRONG KHYER GYI SKYE BO THAMS CAD PHYOGS PHYOGS SU 'DUS NAS 'KHRUNGS PA'I TSE NA LHA RNAMS KYIS MCHOD PA BYED PA'I RGYAL BU NGO MTSAR CAN DE DA GDOD MTHONG NGO ZHES SKYE BO THAMS CAD KYIS MIG MI 'DZUM PAR RGYAL BU NYID LA BLTA ZHING DGA' BA'I CA CO'I SGRA BSGRAGS PA NA RGYAL SRAS GZHON NU DES YAB YUM GNYIS LA SKYE BO 'DI DAG SU ZHIG YIN ZHES DRIS PA NA YAB YUM GNYIS KYIS 'DI DAG NI KHYOD NYID KYI 'BANGS 'KHOR DAG YIN NO, ,ZHES ZHUS BA NA ,RGYAL BU GZHON NU DES SKYE BO 'DI DAG BDAG BZHIN PHUN SUM TSOGS PA DANG LDAN PA DANG, THAMS CAD DGE BA'I RTZA BA BSKRUN TE DAM PA'I CHOS KYIS 'TSO BAR SHOG CES GSUNG SNYAN POS BRJOD PA NA THAMS CAD AA LA LA ZHES NGO MTSAR BA'I TSIG BRJOD CING THAL MO SBYAR TE GNAS SO, ,DE NAS YAB YUM

, ,SRAS DANG BCAS BA GTZUG LAG KHANG DU PHEBS NAS DGE 'DUN RNAMS LA BSNYEN BKUR DANG MCHOG GSUM GYI RTEN RNAMS LA MCHOD PA PHUL TE PHYAG 'TSAL ZHING SMON LAM 'DEBS PA NA YAB YUM GNYIS SOGS GZHAN THAMS CAD TSE RING ZHING NAD MED PA DANG, LONGS SPYOD PHUN SUM TSOGS PA DANG, PHYI MA NGAN SONG DU MI LTUNG BAR BDE 'GROR SKYES NAS MCHOG GSUM LA BSNYEN BKUR BGYID PA SOGS KYI SMON LAM 'DEBS, RGYAL SRAS BDAG NYID CHEN PO 'DIS NI ,BDAG NI DAL 'BYOR MI DBANG LUS THOB CING, ,SKYON MED DBANG POS DKON MCHOG GSUM MTHONG ZHING, ,RTAG TU GUS PAS DKON MCHOG SPYI BOR BLANGS, ,DE RING NYID NAS SKYABS GNAS MDZAD DU GSOL, ,NAM YANG KHYIM PA'I CHOS KYIS MA BCINGS PAR, ,DGE 'DUN DBUS SU CHOS 'BYOR THOB BA DANG, ,NGA RGYAL MED PAR DKON MCHOG MCHOD BYED CING, ,SKYE BO YONGS LA SNYING RJES LTA BAR SHOG, CES SMON LAM MDZAD PA NA, DER TSOGS PA'I SKYE BO THAMS CAD DANG DKAR PHYOGS KYI LHA RNAMS KYANG DGA' ZHING MGU NAS BDAG NYID CHEN PO 'DI LA DAD PA LHUR BYED PAR GYUR TO, ,JO BO RJES SKU TSE 'DI LA CHOS GSUNG BA'I THOG MA DE YIN PAR BKA' GDAMS GLEGS BAM LAS GSUNGS SO, ,RGYAL SRAS GZHON NU 'DIS 'KHRUNGS MA THAG NAS KHYIM GYI 'DU 'DZI LA CHAGS PA MED CING LHAG PA'I LHA'I ZHAL MTHONG BA DANG, CHOS KYI SGRA DBYANGS SGROGS PA LA THOGS PA MED PAR GYUR PAS KHYIM GYI 'DU 'DZIL

CHAGS PA'I SKABS MED NA'ANG YAB YUM GNYIS 'BANGS DANG BCAS PAS KHYIM DU BZHUGS PA ZHIG BYUNG NA CI MA RUNG SNYAM DU GLU GAR DANG RTZED MO'I BYE BRAG RNAM PA SNA TSOGS SBYAR ZHING RGYAL PO MANG PO'I BU MO KHAB TU BZHES PA'I GRABS BSHAMS PA NA RJE BTZUN MA SGROL MAS RGYAL SRAS GZHON NU DE LA ZHAL BSTAN NAS, LHA CIG MA CHAGS MA CHAGS SKAL BA CAN, ,'DAM PU'I TSAL DU GLANG PO BYING BA LTAR, ,'DOD PA'I 'DAM 'DIR DPA' BO KHYOD BYING NA, ,TSUL KHRIMS GOS CAN BSNUBS PAR MI 'GYUR RAM, ,SKYE BA LNGA BRGYA LNGA BCU RTZA GNYIS SU, ,PAn CHEN DGE SLONG GTZANG MA'I LUS BRGYUD NAS, ,PADMA'I MTSO LA NGANG PA 'JUG PA LTAR, ,KHYOD NI TSE 'DIR RAB TU 'BYUNG 'GYUR LEGS, ,ZHES RGYAL SRID LA MA CHAGS PA RA CHOS MDZAD DGOS PAR BSKUL MA BTAB ,RGYAL SRAS GZHON NU RANG NYID KYANG DE LTAR DU SMON PAR MDZAD CING BZO DANG, GSO BA DANG, SGRA DANG, GTAN TSIGS DANG, NANG RIG PA STE RIG GNAS CHE BA LNGA DANG, SNYAN NGAG DANG RTZIS LA SOGS PA RIG GNAS CHUNG BA RNAMS LA'ANG SBYANGS TE MKHAS PA'I PHUL DU PHYIN PAR GYUR, KHYAD PAR DU LO BCO LNGA BZHES PA'I TSE RIGS THIGS TSAR GCIG GSAN PAS PHYI ROL PA'I RTOG GE PA MKHAS PAR GRAGS PA CIG DANG RTZOD PAS DE PHAM PAR MDZAD PAS SNYAN PA'I GRAGS PA KUN TU RGYAS SO, ,DE NAS RGYAL BU GZHON NU DES 'DI LTAR DGONGS TE, 'KHOR BA'I PHUN TSOGS GANG LA'ANG MA CHAGS PAR RGYAL BA'I BSTAN PA YONGS

, ,RDZOGS LA BSLABS TE SA LAM MTHAR PHYIN PA ZHIG CIS KYANG BYED, DE LTA BU ZHIG 'BYUNG BA LA LEGS TSOGS THAMS CAD KYI RTZA BA BSHES GNYEN DAM PA ZHIG GIS RJES SU GZUNG DGOS PAR 'DUG PAS LAM MA NOR BAR STON PA'I BSHES GNYEN DAM PA SU ZHIG LA BRTEN DGONGS PA NA, PHO BRANG DE DANG HA CANG THAG MI RING BA'I GNAS ZHIG NA DZE T'A RI DGRA LAS RNAM RGYAL BZHUGS PAR THOS NAS RI BRAG BSKOR DU 'GRO ZHES SNYAD BTAGS NAS DMAG CHAS SU ZHUGS PA'I RTA PA SUM BRGYA TZAM DANG BCAS DZE T'A RI'I DRUNG DU PHEBS NAS ZHABS SPYI BOR BLANGS TE SKYABS 'GRO DANG SEMS BSKYED ZHUS, RGYAL SRID LA MA CHAGS PAR CHOS RNAM DAG CIG 'DOD PAS RJES SU 'DZIN DGOS ZHES ZHUS PA NA DZE T'A RIS RE SHIG N'A LANDRAR BLA MA BYANG CHUB BZANG PO'I SPYAN SNGAR SONGS ZHES LUNG BSTAN, DE NAS RGYAL BU DMAG GI DPUNG DANG BCAS PAS N'A LANDRAR PHEBS NAS BLA MA BYANG CHUB BZANG PO'I ZHABS SPYI BOR BLANGS TE SEMS BSKYED ZHUS ,DE NAS BLA MA BYANG CHUB BZANG POS N'A LENDRA'I BYANG PHYOGS NA TSE'I RIG 'DZIN BRNYES SHING SPROS BRAL DBU MA'I DON GZIGS PA'I RGYAL SRAS RIGS PA'I KHU BYUG BZHUGS PAS DE'I DRUNG DU SONGS ZHES BTANG ,DE NAS RGYAL BU GZHON NU RGYAL SRAS RIGS PA'I KHU BYUG GI DRUNG DU PHEBS TE, RIGS PA'I KHU BYUG GI ZHABS LA BSNYEN TE GSOL BA BTAB PAS, RIGS PA'I KHU BYUG GIS BYANG CHUB LAM GYI RIM

PA'I GDAMS PA SPYI DANG, KHYAD PAR DPAL MGON 'PHAGS PA KLU SGRUB NAS BRGYUD PA'I LTA BA'I MAN NGAG RNAMS ZHIB PAR GNANG STE, DA DUNG BLA MA AA WA DHU TI PA ZHES BYA BA DBU MA'I LAM LA MNGA' BRNYES PA ZHIG YOD PAS DE'I DRUNG DU SONGS ZHES BTANG, DE NAS RGYAL BU GZHON NUS RIGS PA'I KHU BYUG GI BKA' LUNG LTAR BLA MA AA WA DHU TI PA'I ZHABS DRUNG DU PHEBS NAS RJES SU 'DZIN PAR ZHUS PA NA, ,BLA MA AA WA DHU TI PAS CHOS RNAM DAG BYED PA LA RGYAL SRID KYI 'BYOR PA SPANG DGOS TE RGYAL SRID KYI 'BYOR PA NI DUG GI MTSO DANG 'DRA ZHING, ME'I 'OBS DANG 'DRA BAR RNAM PA KUN TU PHUNG BA'I RGYU YIN PAS LAN CIG PHAR SONGS LA RGYAL SRID BLOS THONGS LA DE NAS TSUR SHOG CES LUNG BSTAN; DE NAS RGYAL SRAS GZHON NU DES BLA MAS JI LTAR LUNG BSTAN PA LTAR PHO BRANG DU PHEBS NAS YAB YUM LA GNANG BA NAN GYIS ZHUS TE RGYAL SRID MCHIL MA'I THAL BA BZHIN DU SPANGS NAS BLA MA AA WA DHU TI PA'I ZHABS LA GTUGS, AA WA DHU TI PAS LUNG BSTAN NAS RI NAG PO'I GTZUG LAG KHANG GI RNAL 'BYOR GYI DBANG PHYUG DPAL KYEE RDO RJE'I ZHAL GZIGS SHING RDO RJE MKHA' 'GRO MAS LUNG BSTAN PA THOB PA'I BLA MA R'A HU LA GUPTA LA DBANG YONGS SU RDZOGS PAR ZHUS SHING ,GSANG MTSAN YE SHES GSANG BA'I RDO RJE ZHES BYA BAR BTAGS, DE NAS LO BDUN GYI RING LA BLA MA AA WA DHU TI PA GTZO BOR BSTEN CING ,GZHAN YANG DNGOS GRUB BRNYES PA'I BLA MA DU MA'I SPYAN SNGAR

, ,RDO RJE THEG PA LA SBYANGS PAS GZHUNG DANG GDAMS NGAG MA LUS PA LA MKHAS PAR GYUR TE GSANG SNGAGS LA NGA NYID MKHAS SO SNYAM DU DGONGS PA BYUNG BA NA, d'A KI MA RNAMS KYIS SNGAGS KYI GLEGS BAM SNGAR MTHONG MA MYONG BA MANG PO MNAL LAM DU BSTAN NAS THUGS RGYAL BCAG GO, DE LTAR DGUNG LO NYI SHU RTZA GCIG NAS DGUNG LO NYER DGU'I BAR DU RGYUD SDE BZHI'I DBANG LUNG MAN NGAG MTHA' DAG LA SBYANGS SHING THUGS NYAMS SU BZHES PAS LHAG PA'I LHA MANG PO'I ZHAL GZIGS ,TING NGE 'DZIN DANG MNGON PAR SHES PA RGYA CHEN PO THOB ,DA TSE 'DI LA SNGAGS KYI BRTUL ZHUGS KYI SPYOD PA SPYAD DE PHYAG RGYA CHEN PO MCHOG GI DNGOS GRUB THOB PA ZHIG BYED SNYAM DU DGONGS PA NAR MAR BYUNG BA NA NUB GCIG RMI LAM DU ,DPAL HE RU KA MDUN GYI NAM MKHA' LA BYON NAS, RIGS KYI BU AA WA DHU TI'I SPYOD PAS GANG YANG MI PHYIN GYIS, KHYOD RAB TU PHYUNG NA DUS PHYIS TZA NA RAB TU BYUNG BA'I GDUL BYA MANG PO 'ONG BAR 'DUG GO ZHES LUNG BSTAN TO; ;YANG NUB GCIG GI RMI LAM DU, BCOM LDAN 'DAS SH'AKYA THUB PA DGE 'DUN MANG PO'I 'KHOR DANG BCAS NAS, GDUGS TSOD GSOL GYIN 'DUG, DE'I GRAL ZHABS NA JO BO NYID KYANG BZHUGS 'DUG PA LA, BCOM LDAN 'DAS KYIS JO BO LA GZIGS NAS, MI MA GI CI LA CHAGS NAS RAB TU MI 'BYUNG, ZHES GSUNG BA CIG RMIS PA NA DA NGES PAR RAB TU 'BYUNG BAR BYA'O SNYAM DU DGONGS NAS, DPAL RDO RJE GDAN BYANG CHUB CHEN PO BRNYES PA'I GNAS MA TI BHI HA RA'I GTZUG

LAG KHANG DU DGE 'DUN PHAL CHEN SDE PA, DE'I NANG NAS 'JIG RTEN LAS 'DAS PAR SMRA BA'I SDE PA SLOB DPON SANGS RGYAS YE SHES KYI BKA' RGYUD, GNAS BRTAN 'DUL BA 'DZIN PA CHEN PO SBYOR BA'I LAM PA, DE KHO NA NYID KYI PHYOGS GCIG LA ZHUGS PA'I TING 'DZIN BRNYES PA'I SH'I LA RAKshI TA ZHES BYA BA LA MKHAN PO ZHUS NAS RAB TU BYUNG, MTSAN 'DI PAm KA RA SHR'I DZNY'A NA ZHES BYA BAR BTAGS SO, ,DE NAS MTSAN NYID KYI THEG PA'I SDE SNOD GSUM GA LA ZHIB TU SBYANGS SHING, KHYAD PAR BLA MA DHARM'A RAKshI TA'I SPYAN SNGAR 'DUL BA LUNG SDE BZHI'I GNAD KUN BSDUS SHING, MNGON PA SDE BDUN GYI GNAD KUN BSDUS PA'I BSTAN BCOS BYE BRAG TU BSHAD PA CHEN PO ZHES BYA BA BAM PO BRGYAD BRGYA TZAM YOD PA'I BSTAN BCOS CHEN PO DE LA BCU GNYIS KYI BAR DU GSAN NAS MTHA' CHOD PAR SBYANGS, SDE PA BCO BRGYAD PO SO SO'I BYIN LEN DANG RUNG CHU SOGS PHYAG LEN PHRA MO MTHA' DAG MA 'DRES PAR MKHYEN NAS 'PHAGS YUL GYI SDE PA BCO BRGYAD PO THAMS CAD KYI GTZUG GI NOR BUR GYUR TO, ,DE LTAR MDO SNGAGS KYI CHOS 'PHAGS YUL NA DE DUS BZHUGS PA MTHA' DAG GSAN CING THUGS NYAMS SU BZHES NAS MYUR DU 'TSANG RGYA BA LA LAM GANG ZHIG MYUR SNYAM PA NAR MAR YOD PA NA RI NAG PO'I KHONG GSENG NA BZHUGS PA'I BLA MA R'A HU LA GUBTAS MNGON PAR SHES PAS MKHYEN TE, DER BYON NAS JO BO LA GSUNGS PA, YI DAM GYI LHA ZHAL MTHONG BA DANG, DKYIL 'KHOR GYI LHA TSOGS MANG PO

, ,MNGON DU GYUR PA DANG, THUN MONG GI DNGOS GRUB MANG PO THOB PA DANG ,TING NGE 'DZIN RI RGYUD TZAM YOD PAS GAR YANG MI PHYIN, BYAMS PA DANG SNYING RJE BYANG CHUB KYI SEMS LA BLO SBYONGS, THUGS RJE CHEN PO SNYING RJE'I LHA YIN PAS YI DAM DU ZUNGS, 'KHOR BA MA STONGS KYI BAR DU SEMS CAN GYI DON BYED PAR DAM 'CHOS SHIG GSUNGS, YANG RDO RJE GDAN GYI KHOR SA NA PHAR BSKOR BA MDZAD PA'I TSE LDER BZO GCIG GIS GCIG LA DRI BA DANG LAN 'DEBS PA'I TSUL DANG, RDO RJE GDAN GYI LHO PHYOGS KYI NA MKHA' LA MI'I LUS LAS 'DAS PA'I BU MO GNYIS GCIG GIS GCIG LA DRI BA'I TSUL DU ,MYUR DU MNGON PAR RDZOGS PAR 'TSANG RGYA BAR 'DOD PAS CHOS GANG LA BSLAB PAR BYA ZHES ZER BA LA, CIG SHOS NA RE BYANG CHUB KYI SEMS LA BSLAB BAR BYA'O, ,ZHES GSUNGS NAS, BYANG CHUB KYI SEMS SBYANGS THABS BZANG BA CIG GSUNG GI 'DUG PA LA, BSKOR BA 'PHRO BCAD NAS GSAN PAS SNOD GCIG NAS GCIG TU BYO BA BZHIN DU THUGS SU CHUD, SLOB DPON KLU SGRUB KYIS BZHENGS PA'I RDOR NA BZHUGS TZA NA, BUD MED RGAN GZHON GNYIS 'DUG PAS, GZHON PA DE LA RGAN PA DES MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS SBYONGS GSUNG BA DANG, YANG RDO RJE GDAN GYI GANDHO LA LA BSKOR BA MDZAD PA'I TSE, BYA 'DAB 'OG NA DE BZHIN GSHEGS PA'I SKU GCIG BZHUGS PA'I ZHAL NAS, HE BHA DANDA MYUR DU MNGON PAR RDZOGS PAR 'TSANG RGYA BAR 'DOD PAS, BYAMS SNYING RJE BYANG CHUB KYI SEM SBYONGS SHIG GSUNGS, YANG RDO RA KHANG BU LA BSKOR

BA MDZAD PA'I TSE, BA SO'I RGYAL BA SH'AKYA THUB PA GCIG 'DU PA DE'I ZHAL NAS, DZOKI, MYUR DU MNGON PAR RDZOGS PAR 'TSANG RGYA BAR 'DOD PAS BYANG CHUB KYI SEMS LA SBYONGS GSUNG, DE NAS JO BO RJES BYANG CHUB KYI SEMS RIN PO CHE MA SKYES PA BSKYED PA DANG SKYES ZIN GONG 'PHEL DU BYAS TE MTHAR PHYIN PA'I PHYIR DE'I MAN NGAG YONGS SU RDZOGS PA MNGA' BA SU ZHIG YOD SNYAM BTZAD DPYAD PA NA DUS DE'I TSE BLA MA GSER GLING PA CHEN PO BYANG CHUB KYI SEMS KYI BDAG POR GRAGS PAS BLA MA GSER GLING PA CHEN PO'I ZHABS DRUNG DU BYANG CHUB KYI SEMS KYI GDAMS NGAG RDZOGS PAR GSAN PA'I PHYIR GSER GLING DU 'BYON PAR BZHED NAS 'DZAM BU GLING NAS GSER GLING DU TSONG LA 'GRO BA'I TSONG PA LAM RGYUS CAN DANG BCAS RGYA MTSO LA GRU GZINGS BCAS NAS ZLA BA BCU GSUM GYI RING MTSO'I STENG LA BYON TE DE'I TSE BDUD DGA' RAB DBANG PHYUG GIS SANGS RGYAS KYI BSTAN PA DAR BA MA BZOD NAS JO BO RJE'I BYANG CHUB KYI SEMS LA BAR CHAD BYA BA'I PHYIR MI MTHUN PA'I RLUNG BTANG STE GRU GZINGS LAM LOG PAR BSGYUR BA DANG, CHU SRIN NYA MIG CHEN PO RI LTA BUS GRU GZINGS KYI MDUN BKAG PA DANG ,NAM MKHA' LAS THOG BABS PA SOGS GNOD PA TSABS CHEN PO BYAS PA NA PAndI TA SA'I SNYING POS JO BO RJE LA THUGS DAM BSKUL BA'I GSOL 'DEBS SHUGS DRAG TU BYAS PAS, JO BO RJES GSHIN RJE'I GSHED DMAR PO'I TING NGE 'DZIN GYI SGO NAS BDUD SDE DPUNG DANG BCAS PA BTUL TE RIM GYIS GSER GLING DU PHEBS, GSER GLING GI SNE ZIN MA THAG BLA MA GSER GLING PA

, ,CHEN PO'I SLOB MA BSAM GTAN PA 'GA' ZHIG BZHUGS PA DANG MJAL, DER ZHAG BCU'I RING DPON SLOB TSANG MAS NGAL BSOS SHING BSAM GTAN PA DE DAG LA BLA MA GSER GLING PA PHYOGS GANG DU BZHUGS DANG MDZAD PA RNAM THAR JI LTAR YOD RNAMS DRI GTUGS MDZAD BSAM GTAN PA DE DAG GIS KYANG PAndI TA SA'I SNYING PO LA SOGS PA JO BO'I SLOB MA RNAMS LA JO BO RJE'I SKU GSUNG THUGS KYI YON TAN DANG MDZAD SPYOD RNAMS ZHIB TU DRI GTUGS BYAS PAS YID CHES KYI DAD PA CHEN PO SKYES NAS BSAM GTAN PA DE DAG GIS MYUR BAR PHYIN TE BLA MA GSER GLING BA CHEN PO LA 'DI SKAD GSOL TO, ,KYEE BLA MA DAM PA GSAN DU GSOL, DENG SANG GLING 'DIR RGYA GAR GYI MKHAN PO D'I BAm K'A RA SHR'I DZNY'A NA BYA BA DE, SLOB MA BRGYA DANG NYI SHU RTZA LNGA'I TSOGS DANG LHAN CIG TU, RGYA MTSO CHEN PO LA ZLA BA BCU GSUM GYI BAR DU BYON PA BDUD DANG MU STEGS KYI LHA DBANG PHYUG CHEN POS BAR CHANG BYAS PA BYAMS PA DANG SNYING RJES 'CHING ZHING SKU GSUNG THUGS MDANGS MA SHOR BAR BDAG CAG GA NA BA DER LHAGS SO, ,DE LA ZHAG BCU BZHI'I BAR DU CHOS KYI GTAM BGRO BAR BYAS BAS, BDAG CAG SEMS RANGS SHING TSIM PAR GYUR TO, ,DA NI SKABS KYI DON LA MKHAS PA CHEN PO DE KHYED KYI DRUNG DU 'ONGS TE DUS GSUM GYI RGYAL BA THAMS CAD SKYED BAR BYED PA'I YUM GTZO BOR NYAN PA DANG ,SMON 'JUG BYANG CHUB MCHOG TU SEMS BSKYED DE THEG PA CHEN PO'I BLO SPYONG BAR BGYI, GZHAN YANG BLA MA'I GZHUNG LUGS RGYA MTSO LTA BU NYIN MTSAN DU SPYAD PAR 'DOD PAR GDA' BAS

THUGS RJE CHEN POS GO SKABS DBYE ZHIG, CES ZHUS, DE NAS JO BO RJE DPON SLOB RNAMS BLA MA GSER GLING PA CHEN PO'I PHO BRANG DANG NYE BAR PHEBS BA NA BLA MA GSER GLING PAS DGE SLONG CHOS GOS GSUM KHA DOG MTHUN PAR GSOL BA, THAMS CAD MTHUN PAR RIL BA SPYI BLUGS 'DZIN PA, THAMS CAD KYANG 'KHAR GSIL MDZES PAR BSNAMS BA SHIN TU DANG BA 'DREN PA DGRA BCOM BA LTA BU LNGA BRGYA DANG SUM CU RTZA LNGA'I SNA BLA MA GSER GLING BAS DRANGS NAS DGE TSUL DRUG CU RTZA GNYIS KYIS BRTEN TE, MDOR NA RAB TU BYUNG BA LNGA BRGYA DANG DGU BCU RTZA BDUN GYIS RGYANG RING PO NAS BSU BA'I PHYIR NAR GYIS BYUNG BA GZIGS SO, ,DE MA THAG TU BCOM LDAN 'DAS ZHAL BZHUGS PA'I DUS NA DGRA BCOM PA RNAMS KYIS BSKOR BA LTAR SHIN TU DANG BA 'DREN ZHING THUGS NYAMS DGA' BA'I MTHAR THUG PAR GYUR TO, ,DE NAS JO BO RJES PAndI TA SA'I SNYING PO LA SOGS PA RIGS PA'I GNAS LNGA LA MKHAS PA'I PAndI TA DANG, SDE SNOD GSUM LA MKHAS PA'I DGE SLONG RNAMS PHYAGS LHAM 'BRING MIG MA GSOL BA KHA CHE GUR KUM GYIS LEGS PAR KHA BSGYUR BA'I CHOS GOS RNAM GSUM PHAL CHEN SDE BAS LEGS PAR BSNGAGS PA MDZES PAR GSOL BA, THAMS CAD KYANG RTEN 'BREL GYI CHE BAS LCAGS KYI LHUNG BZED RAB TSAD RDOL BUG MED PA BSNAMS PA, ZANGS KYI RIL BA SPYI BLUGS MA GA DHA'I BRE GANG SHONG BA DANG, BSTAN PA'I BDAG POS RAB TU BSNGAGS PA'I 'KHAR GSIL LA SOGS PA'I RTAGS MTSAN THAMS CAD LEGS PAR TSANG BA YOD PA, THAMS CAD KYANG PAndI TA'I ZHVA NGA RGYAL MED PA GSOL BA, RNGA YAB DKAR PO RE PHYAG NA BSNAMS PA BRGYA DANG NYI SHU RTZA LNGAS

, ,JO BO'I RJES LA BAR DU MI RE SHONG TZAM DU MA 'BYAR BA, RGYANGS CHES MA DRAGS PA, BAR MA CHAD PAR 'JA' TSON SNA LNGA'I GUR BZHIN DU MGON PO GSER GLING PA GANG NA BZHUGS PA DER BYON PA DANG, THAMS CAD PHUN SUM TSOGS PA SHA STAG TU GYUR PAS DKAR PHYOGS KYI LHA RNAMS DGA' ZHING MGU NAS ME TOG GI CHAR PA PHAB, GSER GLING NA GNAS PA'I SKYE BO THAMS CAD BLA MA GNYIS KYI MDZAD PA LA NGO MTSAR RMAD DU BYUNG BA'I DAD PA THOB BO, ,DE NAS JO BO RJES RIN PO CHE'I BUM PA LTO BA CHE LA DBYIBS ZLUM PA, RTZA BA BRTAN LA MGRIN PA RING BA, KHA YEL LA MCHU 'PHYANG BA, NANG NA DNGOS PO CI YOD PHYI NAS GSAL ZHING RIN PO CHE GSER DANG, DNGUL DANG, MU TIG DANG, BYU RU DANG, BEE d'URYAS BKANG STE BLA MA GSER GLING PA CHEN PO'I PHYAG TU PHUL, PAndI TA SA'I SNYING PO LA SOGS PA JO BO'I SLOB MA GZHAN THAMS CAD KYIS KYANG GSER ZHO RE PHYAG RTEN DU PHUL LO, ,DE NAS JO BO RJES GSER GLING PA'I GZIM KHANG PHO BRANG GSAR GDUGS CAN GYI NANG DU PHEBS TE, BLA MA GSER GLING PA LA MAndAL PHUL NAS DUS GSUM GYI SANGS RGYAS THAMS CAD KYI YUM GCIG PU SHES RAB KYI PHA ROL TU PHYIN PA'I MDO SDE RIN PO CHE'I DON GYI SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, DE'I THABS SU THEG PA CHEN PO'I LAM GYI RIM PA'I LUS YONGS SU RDZOGS PA MGON PO BYAMS PA NAS 'PHAGS PA THOGS MED SKU MCHED SOGS LA BRGYUD PA DANG, RJE

BTZUN 'JAM DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I GDAMS NGAG YONGS SU RDZOGS PA GNANG DGOS TSUL ZHUS PA NA, BLA MA GSER GLING PAS DE LA LO MANG PO 'GOR BAS NYID RANG GIS BZHUGS NUS NA CIS KYANG 'BUL ZHES GSUNGS, DE LA JO BO RJES LO JI TZAM 'GOR YANG YONGS SU RDZOGS PA ZHIG CIS KYANG ZHU ZHES GSOL BA BTAB NAS LO BCU GNYIS KYI RING DBU SNGAS SPREL TE THEG PA CHEN PO'I LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BLO SBYONG BA'I GDAMS NGAG RNAMS BUM PA GANG BYO'I TSUL DU GSAN, DE NAS RGYA MTSOR 'JUG PA'I DED DPON GYIS YID BZHIN GYI NOR BU RIN PO CHE RNYED NAS RANG YUL DU LDOG PA LTAR JO BO RJE YANG THUGS LEGS PAR TSIM NAS RGYA GAR DU PHEBS PAR PHYOGS PA NA BLA MA GSER GLING PA CHEN POS KHONG RANG LA CHUNG DU'I DUS NAS RNYED PA'I THUB DBANG GI GSER SKU DE JO BO RJE'I PHYAG TU PHUL NAS BSTAN PA'I BDAG POR BYIN GYIS BRLABS SO, ,DE NAS JO BO RJE DPON SLOB RNAMS RGYA MTSO LA GZINGS BCAS TE RGYA GAR DU PHEBS NAS BSTAN PA'I BDAG PO MDZAD CING BZHUGS, DE'I TSE JO BO RJE RDO RJE GDAN NA BZHUGS DUS, MA GA DHA'I RGYAL PO NEERYA P'A LA DANG, NUB PHYOGS KARnA'I RGYAL PO GNYIS HUG ? LA WAL GYIS BYUNG NAS LAN BTAB PAS PAndI TA DE TSAR BCAD, SLO THUB PAR GNAS GZHI RNAMS SU DRANGS PAS RAB TU BYUNG BA BZHI, DGE BSNYEN GCIG DANG LNGA BKRONGS, YO BYAD MANG PO BA'I DUS SU KO LONG MA MDZAD PAR

, ,BYANG CHUB KYI SEMS BSGOMS, PHYIS G-YUL LOG NAS MA GA DHA'I RGYAL BOS KARnA'I DMAG MI THAMS CAD GSOD PA LA THUG PA NA KARnA'I RGYAL PO DANG DMAG MI THAMS CAD KYI SROG BSKYABS NAS BTANG, SLAR YANG DE GNYIS 'THABS PA NA JO BO RJES ZANG ZING GI NOR TSAD MED PA SO SOR GNANG STE CHU BO CHEN PO BRGAL NAS DMAG PHAN TSUN 'DUMS PAR MDZAD DE SEMS CAN GRANGS MED PA'I SROG BSKYABS SO, ,DE YANG, BSTOD PA LAS, RGYAL PO NEERYA P'A LA DANG, ,NUB PHYOGS KARnA'I RGYAL PO GNYIS, ,RTZOD PA CHEN PO BYUNG BA'I TSE, ,NUB PHYOGS KARnA'I RGYAL PO YIS, ,MA GA DHAR NI DMAG DRANGS PAS, ,GRONG KHYER MA THUB GNAS GZHIR DRANGS, ,RAB BYUNG DGE BSNYEN LNGA YANG BSAD, ,YO BYAD MANG BO GZHAN DU KHYER, ,KHYOD LA ZHE SDANG MI MNGA' BAS, ,KO LONG MA MDZAD SNYING RJE 'KHRUNGS, ,G-YUL LOG TSE NA DMAG MI BSKYABS, ,PHYI NAS BLA MAS 'DUMS MDZAD DE, ,'TSO BA'I YO BYAD MA GTOGS PA, ,YO BYAD LHAG MA MED PAR BTANG, ,LUS DANG SROG LA MA GZIGS PAR, ,CHU BO CHEN PO YANG YANG BRGAL, ,DE GNYIS 'DUMS NAS MDZA' BOR MDZAD, ,CES GSUNGS, YANG JO BO RJE RDO RJE GDAN DU BSKOR BA MDZAD KYIN BYAMS SNYING RJE BYANG CHUB KYI SEMS LA THUGS SBYONG BA NA, LHO PHYOGS NAS MU STEGS PA'I PAndI TA GDUGS BCU GSUM PHUB PA GCIG BYUNG NAS SANGS RGYAS PA'I BSTAN PA'I BDAG PO KHYOD YIN, MU STEGS PA'I BSTAN PA'I BDAG PO NI KHO BO YIN PAS RANG CAG GNYIS RTZOD

PA BYAS LA SU RGYAL BA DE'I BSTAN PA LA 'JUG DGOS ZER NAS, RGYAL PO DPANG DU BTZUGS TE RTZOD PA BYAS PAS, JO BOS TSEGS MED PAR TSAR BCAD PAS GDUGS BCU GSUM PO JO BO LA PHUL, ZHABS SPYI BO'I GTZUG TU BLANGS, SLOB MA BYAS NAS PHYI ROL PA THAMS CAD NANG PA'I BSTAN PA LA BTZUD DO, ,YANG SANG PHOD LO DUS SU MU STEGS PA'I STON PA GDUGS BRGYAD PHUB PA GCIG BYUNG BA'ANG SNGA MA BZHIN DU TSAR BCAD DO, ,YANG DE'I SANG PHOD MU STEGS KYI STON PA GDUGS LNGA PHUB PA SGRA TSAD LA SHIN TU MKHAS PA GCIG BYUNG NAS, SNGA MA KHO NA BZHIN DU ZER BA LA, JO BOS KYANG RTZOD PAR ZHAL GYIS BZHES NAS RTZOD PA'I DUS BOR, RGOL PHYIR RGOL GYI STAN BSHAMS, PAndI TA MANG PO DANG, SKYE BO'I TSOGS 'DUS PAR GYUR PA'I DBUS SU RTZOD PA BYAS PAS THOG MAR PAndI TA SUM CU TZAM GYIS GO, DE NAS BCO LNGA TZAM GYIS GO, DE NAS PHRA BAR GYUR PAS BCU TZAM GYIS GO, DE NAS WA TZAM GYIS GO, DE NAS RAB TU PHRA BAR GYUR PAS KHONG RANG GNYIS KYIS GO GZHAN GYIS MI GO BAR GYUR TO, ,DER MU STEGS PA DES SGRA'I TSIGS SU BCAD PA GCIG GI DON DRIS PAS JO BOS MA DGONGS PA NA, KHYOD DER SDOD CIG GSUNGS NAS NANG DU PHEBS TE JO MO SGROL MA LA MAndAL PHUL GSOL BA BTAB PAS, THUGS LA WAL GYIS BYUNG NAS LAN BTAB PAS PAndI TA DE TSAR BCAD, SLOB MAR KHAS BLANGS NAS SANGS RGYAS KYI BSTAN PA LA BTZUD DO, ,DE NAS RGYAL PO MAH'A PA LA'I RING LA JO BO RJE BI KA MA LA SH'I LA'I GTZUG LAG KHANG DU SPYAN DRANGS, GTZUG LAG KHANG

, ,BCO BRGYAD KYI BDAG PO MDZAD NAS SANGS RGYAS KYI BSTAN PA RGYA CHER SPEL, DUS DE'I TSE RGYA GAR SHAR NUB YUL DBUS DANG BCAS PA'I DGE 'DUN THAMS CAD KYI GTZUG GI NOR BU LTA BUR GYUR TE RGYAL BA'I BSTAN PA LA RGYAL BA RANG NYID SLAR BYON PA LTAR SDE SNOD GSUM DANG RGYUD SDE BZHIS BSDUS PA'I MDO SNGAGS KYI BSTAN PA YONGS RDZOGS KYI BDAG POR BZHUGS SO, ,DE NAS JO BO RJE'I SNGON GYI THUGS BSKYED DANG SMON LAM GYI MTHU DANG, KHA BA CAN GYI MGON PO RJE BTZUN SPYAN RAS GZIGS KYI THUGS RJE'I MTHUS BOD DU SANGS RGYAS KYI BSTAN PA RGYA CHER SPEL BA'I DUS LA BAB STE MNGA' RIS CHOS RGYAL YE SHES 'OD KYIS DKA' BA BRGYA PHRAG DU MA'I SGO NAS RGYAL BA'I BSTAN PA YONGS SU RDZOGS PA ZHIG BOD KHAMS 'DIR DAR BAR BYA PA'I PHYIR BRTZON PA NAR MAR MDZAD DE, MNGA' RIS STOD NAS BLO GSAL YID GZHUNG BA MANG PO RGYA GAR DU BRDZANGS, SAm SKRi TA'I SKAD BSLABS NAS CHOS BSGYUR DU BTZUD, LHAG PAR LO CHEN RIN CHEN BZANG POS SMON LAM RLABS PO CHE'I MTHU GRUB PAS SAm SKRI TA'I SKAD PHUL PHYIN MKHYEN, MDO SNGAGS KYI CHOS MTHA' YAS PA BSGYUR, LHA BLA MAS SBYIN BDAG BYAS TE MTHO LDING GSER GYI LHA KHANG PA ZHENGS, SNGON GLANG DAR MAS RGYAL BA'I BSTAN PA BSNUBS PA NAS LO BDUN CU TZAM GYI RING LA BOD DU RAB TU BYUNG BA GCIG KYANG MED PAR BOD MUN PA'I GLING DU GYUR PA NA MNGA' RIS CHOS RGYAL BYANG CHUB SEMS DPA' RNAMS DANG, LO CHEN RIN CHEN BZANG PO YAB SRAS RNAMS KYI MTHUS MNGA' RIS STOD DU DGE 'DUN

GYI SDE CHAGS TE MAR RIM GYIS 'PHEL, MDO KHAMS SU BLA CHEN DGE BA RAB GSAL GYIS DGE 'DUN GYI SDE DANG 'DUL BA'I BSHAD NYAN BTZUGS TE MDO KHAMS NAS YAR DAR TE DBUS GTZANG GI LJONGS SU DGE 'DUN GYI SDE RGYA CHER 'PHEL, DE LTA NA'ANG 'GA' ZHIG 'DUL BA LA MOS BLOS SNGAGS KHYAD DU GSOD, 'GA' ZHIG SNGAGS LA MOS BLOS 'DUL BA KHYAD DU GSOD, PHAL MO CHE GRUB MTHA'I KHA 'DZIN GYI BSHAD PA TZAM LAS THEG PA CHEN PO'I LAM GYI RIM PA'I LUS YONGS SU RDZOGS PA NYAMS SU LEN PA LTA ZHOG, PHYOGS MTHONG GI GO BA CHAGS PA'ANG DKON ZHING RGYA GAR NAS PAndI TAR RLOM PA GSER 'TSOL BA MANG PO ZHIG BOD DU LHAGS NAS SNGAGS LA SNYAD BTAGS PA'I RTZING SPYOD DANG RANG GZHAN PHUNG LA 'DEBS PA'I NGAN SNGAGS MANG POS BOD KYI SKYE BO BLUN PO RNAMS BSLUS TE RGYAL BA'I BSTAN PA RNAM PAR DAG BA CHAGS BA LA BAR CHAD CHER BYUNG BA NA, LHA BLA MA THUGS RJE CAN RNAMS THUGS MA BDE BAR RGYA BRTZON SENG LA SOGS PA BLO GSAL SNYING STOBS CAN MANG PO RGYA GAR DU BRDZANGS TE SAm SKRi TA'I SKAD BSLABS NAS CHOS SGYUR SHES PA ZHIG BYED PA DANG, LHAG PAR PAndI TA THUGS RGYUD 'BYONGS PA BSTAN PA LA PHAN THOGS NGES 'DRA GBAN 'DREN DGOS PA'I BKA' PHAB NAS GSER PHON CHE BA BSKUR TE BRDZANGS, RGYA BRTZON SENG LA SOGS PA DE DAG GIS KYANG LHA BLA MA'I BKA' BZHIN RGYA GAR LA PHYIN TE, LEGS SBYAR GYI SKAD BSLABS, MKHAS GRUB

, ,MANG PO LA GTUGS TE MDO SNGAGS KYI CHOS MANG DU BSLABS, LHAG PAR BOD LA PHAN THOGS PA'I PAndI TA THUGS RJE CAN JI LTA BU ZHIG YOD SNYAM DU BTZAD DPYAD PA NA DE DUS RGYA GAR NA PAndI TA BGRANG BA LAS 'DAS PA BZHUGS KYANG THAMS CAD KYI GTZUG GI NOR BU LTA BUR BZHUGS SHING, BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA MNGA' BAS BOD KHAMS KYI SKYE BOD MU RGOD 'DUL DKA' BA RNAMS 'DUL NUS PA JO BO RJE DPAL LDAN AA TI SHA NYID DU MTHONG NAS JI TZAM GSOL BA BTAB KYANG GDAN 'DREN NUS PA MA BYUNG BAR LO TZ'A BA DPON SLOB RNAMS TSUR LOG STE MNGA' RIS CHOS RGYAL KHU DBON LA DE'I RGYU MTSAN ZHUS PA NA CHOS RGYAL YE SHES 'OD KYIS DA DUNG GSER PHON CHE BA BTZAL NAS JO BO RJE GDAN 'DREN THUB PA ZHIG BYED DGOS, CIS KYANG MA THUB NA DE'I 'OG NAS PAndI TA CHE BA 'DRA GDAN DRANGS NAS BOD DU SANGS RGYAS KYI BSTAN PA RNAM PAR DAG PA TSUGS PA ZHIG CIS KYANG BYED DGONGS NAS GSER 'TSOL DU BYON PAS GAR LOG GI RGYAL POS CHOS KYI RGYAL PO YE SHES 'OD PAndI TA GDAN 'DREN PHYIR GSER 'TSOL BAR RIG NAS, 'DI'I PHA MES RNAMS KYIS SNGON YANG SANGS RGYAS KYI BSTAN PA DAR BAR BYAS ZER, 'DI MA BZUNG NA 'DIS PAndI TA GDAN DRANGS NAS, SANGS RGYAS KYI BSTAN PA DAR BAR BYED 'ONG BAS BZUNG LA BTZON KHANG DU CHUG CIG ZER NAS CHOS RGYAL YE SHES 'OD BZUNG NAS MNAR, DE CHOS RGYAL

BYANG CHUB 'OD KYIS THOS NAS RTA PA BRGYA BYAS TE KHU BO BZLOG TU PHYIN PAS, GAR LOG GI RGYAL PO PHA TSAN CHES NAS MA BZLOG ,YANG DMAG BYAS NAS KHO LA RGYAB NA LHOGS PAR SNANG STE, DE'I BAR DU 'GRO BA MANG PO'I SROG 'CHAD PAR SNANG BA DANG, NGA RANG LA YANG BAR CHOD BYUNG NA JO BO CHEN PO SPYAN MI 'DRONGS PAR DGA' BAS KHO DANG THABS MKHAS PAS BSTUN TE KHU BO BLU'I SNYAM DU DGONGS NAS BLUS BA DANG, KHO NA RE, 'O NA KHYED RANG PAndI TA GDAN 'DREN PA'I 'PHRO BSHOL, KHYED RANG YANG NGA'I 'OG TU ZHUGS, YANG NA GSER RGYAL PO RANG DANG MNYAM PA CIG KHYER LA SHOG ,DE NAS RGYAL PO BTANG GIS ZER BA LA, GSER LA 'DAMS NAS GSER SRANG BRGYA THAM PA KHYER TE, RGYAL PO BLUS PAS KYANG KHO MA NYAN, DE NAS LUS DANG MNYAM PA CIG KHYER NAS BLUS PAS KYANG THAMS CAD TSANG BA CIG DGOS ZER NAS KHO MA NYAN, DER KHU BO KHRIMS MUN NA BTZUD DE 'O BRGYAL BAR BZHUGS PA'I SGO DRUNG DU PHYI NAS KHU BO LA BOS TE, BKA' DRIN CHEN PO, SNGON GYI LAS THOG TU BAB PA YIN PAS, NGAS KHO LA DMAG RGYAB NAS BZLOG NA NI SKYE BO TSAN PO CHE PHUNG LA GTAD NAS RANG RE GNYIS KYANG NGAN SONG DU 'GRO DGOS PAR SNANG, PAndI TA GDAN MA DRANGS PAR KHYED RANG NGED KYI 'OG TU ZHUGS ZER BA LA NI, CHOS BLOS BTANG NAS SDIG RGYAL GYI 'OG TU ZHUGS PA LAS, KHYED CHOS LDAN DU GSHEGS PA DRAG SNYAM DU BSAMS, DE NAS GSER KHYED RANG TZAM ZHIG DGOS ZER BA LA GSER BTZAL BAS, KHYED KYI SKU LUS DANG MNYAM PA'I TSOD TZAM ZHIG RNYED,

, ,DES KHO MA NYAN PAS DA NGAS DBU TZAM ZHIG RNYED PA DANG BLUR 'ONG GIS, DE'I BAR DU SNGON GYI LAS LA SEMS PA DANG, DKON MCHOG GSUM LA GSOL BA 'DEBS PA DANG, SNYING PO CHE BRANG 'OG TU BCUG PA'I BSOD NAMS MDZAD DGOS PA YIN, ZHES ZHUS PA DANG, KHU BO BZHAD CIG MDZAD NAS, KHYOD LA'ANG GCES PHRUG SNUM ZAN MA'I BAGS CIG YOD, DKA' SPYAD DANG SNYING RUS MI NUS SNYAM PA YIN TE, NGA SHI YANG KHYOD KYIS PHA MES KYI SROL SKYONG BAR SNANG, KHYOD KYI DE GO BA CHE, NGA DES CHOG ,NGA'I BSAM PA LA BOD 'DIR CHOS KHRIMS ZHIG MA 'CHOS PAR NGA SHI NA MI RUNG BAR 'DUG SNYAM PA YIN TE, DA NGA NA SO YANG RGAS 'DIR NGA DA LAN MA SHI YANG TSE LO BCU YIN SNGAR TSE 'KHOR BA THOG MA MED PA NAS CHOS KYI PHYIR GCIG KYANG SHI BA MED, DA LAN CHOS PHYIR SHI NA LEGS PA YIN PAS RGYAL PO 'DI LA GSER SE BAR TI CIG KYANG MA STER, GSER NGA RAD TZAM RNYED PA SHIN TU RNGAM CHE NA, DA MGO PO TZAM PA GA NA RNYED, GSER THAMS CAD RGYA GAR DU KHYER LA DA DUNG PAndI TA DE GDAN CI 'DRONGS GYIS, PAndI TA CHEN PO'I SNYAN DU YANG, NGAN RE, NGAS KHYED DANG SANGS RGYAS KYI BSTAN PA'I PHYIR LUS SROG GAR LOG GI RGYAL PO NGAN PA LA BYIN YOD PAS TSE RABS THAMS CAD DU BDAG LA THUGS RJES 'DZIN PA DANG, NGA'I BSAM PA'I GTZO BO KHYED BOD DU BYON NAS SANGS RGYAS KYI BSTAN PA DAR BAR BYED PA YIN PAS DE KHO NA BZHIN DU MDZAD PA DANG, SKYE BA 'DI'I 'OG ROL TU KHYED DANG

NGES PAR MJAL BAR BYIN GYIS BRLAB TU GSOL, ZHES NGA'I 'PHRIN MDZOD CIG, DE LTAR LAGS PAS NGA BLOS THONGS LA SANGS RGYAS KYI BSTAN PA LA SOMS SHIG GSUNG, DE NAS LHA BLA MA BYANG CHUB 'OD KYIS NAG TSO LO TZ'A BA SKU MDUN DU BOS TE, DGE BSHES PA, JO BO SPYAN 'DREN DU RGYA GAR DU 'BYON DGOS PAR 'DUG CES BYA DGA' CHEN PO GNANG STE GSER PHON CHE BA DANG, G-YOG JI TZAM DGOS PA GTONG, RGYA GAR DU BYON NAS JO BO RJE LA 'DI SKAD ZHUS SHIG, SNGON DUS CHOS RGYAL GONG MA RNAMS KYIS DKA' BA CHEN POS RGYAL BA'I BSTAN BA BTZUGS KYANG GLANG DAR MAS BSNUBS, DE NAS NGED KYI YAB SEMS CHOS RGYAL RNAMS KYIS DKA' BA CHEN POS RGYAL BA'I BSTAN PA BTZUGS KYANG MDO SNGAGS GNYIS PO PHAN TSUN TSA GRANG LTAR SONG BA LAS BSTAN PA YONGS RDZOGS NYAMS LEN DU 'KHYER SHES PA SHIN TU DKON PAR SNANG ZHING, RTZING SPYOD CAN MANG POS BSTAN PA LA GNOD PA CHEN PO BYAS, NGED KYI KHU BO YE SHES 'OD KYIS TSUL DE MA BZOD NAS JO BO RJE KHYED GDAN 'DREN PHYIR GSER 'TSOL DU BYON PAS KHU BO GAR LOG GI RGYAL POS MED PAR BYAS PA'I GTAM DE RNAMS MGON PO AA TI SHA'I SNYAN DU THONGS, NGA'I KHU BO SNYING RJE CAN DE 'O AE BRGYAL, NGAS KYANG KHU BO DE BZHAG NAS 'ONG PHOD PA SGO'I GSENG NAS PHAR BLTAS PAS SKU LUS RNAMS NI DAR GYIS BCINGS, GSUNG GI MDANGS NI SHOR, SNGAR GYI DE LAS RNAM PA THAMS CAD 'GYUR, SKU LUS BUNG BA TZAM ZHIG TU SONG, NGE'I KHUNG NA'ANG BOD KYI SEMS CAN DANG SANGS RGYAS KYI BSTAN PA DANG

, ,JO BO 'BA' ZHIG THUGS LA SEMS, NGED BOD MTHA' 'KHOB KYI SEMS CAN MA RIG PA RNAMS KYI SNYING STOBS DE 'DRA NA KHYED 'GRO BA'I SKYABS GNAS THUGS RJE CAN RNAMS JI TZUG LA SONG, ZHES ZHUS SHIG CES MNGAGS GSER SRANG BDUN BRGYA BSKUR TE NAG TSO LO TZ'A BA DPON G-YOG RNAMS RGYA GAR DU JO BO SPYAN 'DREN DU BRDZANGS SO, ,DE NAS NAG TSO LO TZ'A BA DPON G-YOG 'GAS LHA BLA MA'I BKA' BZHIN RGYA GAR DU BYON, LAM PAR RNAMS SU CHOM KUN GYI 'JIGS PA SOGS BAR CHAD MANG BO BYUNG BA RNAMS THUGS RJE CHEN PO'I SPRUL BA SNA TSOGS PAS BSAL TE NYE ZHO MED PAR BI KA MA LA SH'I LAR SLEBS, RGYA BRTZON SENG DANG GROS BYAS TE JO PO GDAN 'DREN PA'I BKOD PA BYAS PA NA RE SHIG JO BO'I ZHAL MJAL BA SHIN TU DKA' BA BYUNG, DE NAS THUGS RJE CHEN PO'I SPRUL PAS JO BO BOD DU 'BYON PA'I RTEN 'BREL SGO DU MA NAS BSGRIGS TE, NYIN CIG RGYA GAR GYI PAndI TA DANG RGYAL PO GZHAN GYIS MTSOR BAR DBEN PA ZHIG GI DUS RGYA BRTZON SENG GIS NAG TSO LO TZ'A BA LA SHOG GSUNGS NAS JO BO'I GZIM KHANG DU KHRID, MAndAL KHRU GANG PA CIG YOD PA'I STENG DU GSER LING BA DE BZHAG, GSIL MA RNAMS TSOM BUR BKOD NAS JO BO LA PHUL TE, LO TZ'A BA RGYA BRTZON 'GRUS SENG GES GTAM BTANG BA, BOD KYI RGYAL PO BYANG CHUB SEMS DPA' YIN LUGS, CHOS RGYAL MES DBON GSUM GYI RING LA CHOS JI LTAR DAR LUGS, GLANG DAR MAS BSTAN PA BSNUBS LUGS, BLA CHEN PO'I DRIN LAS

DGE 'DUN JI LTAR 'PHEL LUGS, LHA BLA MA KHU DBON GYIS JO BO SPYAN 'DREN PA'I PHYIR DKA' SPYAD BYAS LUGS, DA LTA BOD NA CHOS LOG JI LTAR DAR LUGS ZHIB RGYAS DANG BCAS PA ZHUS NAS, DA YANG BOD KYI RGYAL PO BYANG CHUB SEMS DPA' DES TSE DANG LDAN PA 'DI MGON PO KHYED SPYAN 'DREN DU BTANG NAS GDA' BAS, NA NING SKAD MI GSUNG BAR BOD LA THUGS RJES GZIGS PAR ZHU ZHUS PAS, JO BO'I ZHAL NAS BOD KYI RGYAL PO BYANG CHUB SEMS DPA' YIN PAR 'DUG ,CHOS RGYAL MES DBON RNAM GSUM YANG BYANG CHUB SEMS DPA'I RNAM 'PHRUL YIN TE, DE BAS BLA CHEN PO YANG BYANG CHUB SEMS DPA'I RNAM 'PHRUL YIN, DE MIN NA BSTAN PA'I ME RO BSLANG BAR MI NUS, JO BO LHA BLA MA DE KUN BYANG CHUB SEMS DPA' YIN PAR 'DUG, BYANG CHUB SEMS DPA'I BKA' BCAG TU YANG MI RUNG BA YIN, RGYAL PO DE LA NGO YANG GNONG BAR YOD, KHONG GI MI NOR MANG PO CHUD ZOS LA SONG, KHYED BOD RNAMS SNYING RJE BAR YANG 'DUG STE, NGA YANG NA SO RGAS, LDE MIG MANG PO'ANG 'DZIN, BYA BA MANG PO'I 'PHRO YANG YOD PAS BOD DU THON RE MI 'ONG NGAM, 'ON KYANG NGAS BRTAG BA CIG BYA YI, RE ZHIG KHYED RANG GI GSER TSAGS GYIS GSUNGS NAS PHYIR LA GTOD PAR MDZAD, DE NAS JO BO RJES BOD KHAMS KYI GDUL BYA RNAMS LA THUGS BRTZE PAS BOD DU BYON NA SANGS RGYAS KYI BSTAN PA LA PHAN MI PHAN DANG, DE LA GEGS BAR CHAD KYIS GNOD PA YOD MED SOGS BRTAG BA MDZAD DE LHAG BA'I LHA RNAMS LA GSOL 'DEBS SHUGS DRAG

, ,TU MDZAD CING RDO RJE GDAN DU BZHUGS PA'I DUS, LHA DANG BLA MA RNAMS KYIS BYANG CHUB KYI SEMS JI LTAR SBYONG BAR BSKUL BA BZHIN THUGS RJE CHEN PO YI DAM DU BZUNG NAS RDO RJE'I GDAN GYI NUB PHYOGS NA 'OD DPAG TU MED PA'I LHA KHANG ZHIG YOD PA DE'I NANG DU BYAMS PA'I THUGS DAM LA BZHUGS PAS, JO BO THUGS RJE CHEN PO'I ZHAL MNGON SUM DU GZIGS, THUGS RJE CHEN PO'I ZHAL NAS, SKYES BU DAM PA LEGS SO LEGS SO DUS GSUM GYI SANGS RGYAS THAMS CAD KYI GSANG BA'I MDZOD GANG YIN PA DE KHYOD KYIS SHES SO, ,'DI NAS BYANG PHYOGS NA NGA'I ZHING KHAMS YOD, KHYOD KYI YI DAM JO MO SGROL MA YANG DE NA SEMS CAN GYI DON MDZAD CING BZHUGS, KHYOD KYI GDUL BYA MANG PO YANG DE NA YOD PAS BYANG PHYOGS SU SONGS SHIG GSUNGS NAS BOD KHA BA CAN 'DUL BAR LUNG BSTAN TO, ,YANG JO BO RJES RJE BTZUN MA SGROL MA'I RTEN GYI SPYAN SNGAR MCHOD PA BSHAMS, MAndAL PHUL NAS GSOL BA BTAB PA NI, NGAS BOD DU PHYIN NA BSTAN PA DANG SEMS CAN LA PHAN THOGS SAM MI THOGS BYA BA DANG, RGYAL PO BYANG CHUB SEMS DPA'I THUGS DGONGS RDZOGS SAM MI RDZOGS BYA BA DANG, RANG GI LUS SROG GI BAR CHAD DU 'GYUR RAM MI 'GYUR BYA BA GSUM GSOL BA BTAB PAS, DE'I NUB MO RMI LAM NA, GNAS 'DI 'DRA BA ZHIG NA NANG PA'I LHA KHANG CHUNG DU ZHIG YOD, NANG PAR DER SONGS LA RNAL 'BYOR MA ZHIG 'ONG GI DE LA DRIS DANG GSUNG BA RMIS, NANG

PAR JO BOS ME TOG SNYIM PA GANG BSNAMS NAS LHA KHANG DER ZHUGS BA NA RNAL 'BYOR MA RAL PA SA LA ZHAM ME BA ZHIG BYUNG, DE LA ME TOG RNAMS PHUL NAS NGA BOD KYI RGYAL POS SPYAN 'DREN NA NGAS BOD DU PHYIN NA BOD KYI SEMS CAN LA PHAN THOGS SAM MI THOGS ZHUS PAS, BOD DU BYON NA PHAN NI THOGS NAS 'ONG, KHYAD PAR AU PA SI KA GCIG LA BRTEN NAS PHAN THOGS TE 'ONG BAR 'DUG, DE BYIN GYIS RLOBS SHIG GSUNGS, DA DUNG RDO RJE GDAN LA MCHOD PA CHEN PO ZHIG BYAS LA GSOL BA GDAB DGOS SNYAM NAS 'BYON BAR CHAS PA NA, MKHAN PO DZNY'A NA SHR'I MI TRAS 'GRON BU SPAR GANG BSKUR NAS RDO RJE GDAN NA RGAN MO RAL PA SE SHA RE BA GCIG YOD DE LA PHUL GSUNG SKAD, DE NAS RDO RJE GDAN DU BYON TZA NA RGAN MO RAL PA SE SHA RE BA GCIG NA RE, NGA LA BSKUR BA'I 'GRON BU TSUR THONG GSUNG, DE LA YANG YID KYIS PHYAG DANG DRI BA MDZAD PAS KYANG GONG DANG MTHUN PAR BYUNG, BOD DU BYON NA PHAN THOGS PAR LUNG BSTAN PA NA, LUS SROG GI BAR CHAD DU 'GYUR RAM MI 'GYUR ZHUS PAS, TSE NI BOD DU BYON NA THUNG BAR 'DUG GSUNG, JI TZAM GYIS THUNG ZHUS PAS, BOD DU MA BYON NA DGU BCU GO GNYIS THUB, PHYIN NA BDUN CU RTZA GSUM LAS MI THUB GSUNG, DON LA NYI SHU THAMS PAS THUNG DU SONG BA YIN SKAD; DE'I TSE JO BO'I THUGS DGONGS LA BOD LA PHAN THOGS NA TSE THUNG NA YANG THUNG STE, TSE LA MI LTA SNYAM PA'I THUGS STOBS CHEN PO SKYES SO, ,DE NAS JO BO RJE RGYA GAR GYI DGE 'DUN GYI SDE RNAMS DANG SBYIN BDAG RNAMS KYIS BOD DU BYON NA

, ,RGYA GAR CHOS KYI 'BYUNG GNAS NYAMS PAR 'GYUR ZHES THAMS CAD KYIS MTHUN PAR BKAG NAS BOD DU 'BYON MI 'JUG PA LA, JO BO RJES THABS MKHAS KYIS BOD DU 'BYON BA'I 'PHROS MED PAR RDO RJE GDAN SOGS GNAS CHEN RNAMS SU MCHOD PA RGYA CHE BA RE BGYID BA YIN GSUNGS NAS GNAS RNAMS SU PHAR PHEBS TSUR PHEBS MDZAD, JO BO 'JAM DPAL RDO RJE SOGS SKU RTEN BYIN RLABS CAN MANG PO DANG GSUNG RTEN GLEGS BAM MANG DU YOD PA RNAMS 'BROM CHOS KYI RGYAL PO'I THABS MKHAS KYI SPRUL PA TSONG PA'I RNAM PA CAN ZHIG GIS SUS KYANG MA TSOR BAR GDAN DRANGS, JO BO DPON SLOB RNAMS RGYA GAR NAS LCAGS PHO 'BRUG GI MJUG LA PHYAGS BTEG ,LCAGS MO SBRUL LA BAL YUL DU PHEBS, BAL YUL GYI RGYAL PO GRAGS PA MTHA' YAS SOGS SDE DPON RNAMS DANG, PAndI TA RNAMS KYIS GTZOS DAD LDAN THAMS CAD KYIS GUS PA CHEN POS MCHOD PA'I BYE BRAG SNA TSOGS PAS BSUS SHING GSOL BA BTAB NAS BAL YUL DU LO GCIG BZHUGS TE CHOS KYI 'KHOR LO RGYA CHEN PO BSKOR, THANG BHI HA RA'I GTZUG LAG KHANG BZHENGS TE DGE 'DUN GYI SDE BTZUGS, DE NAS JO BO RJE DPON SLOB RNAMS KYIS BAL PO RDZONG DU PHYAGS PHEBS PA NA LHA BTZUN PA'I RTA PA SUM BRGYA TZAM BSU BA LA GOS DKAR PO 'BA' ZHIG GYON, RGYA THAMS CAD KYANG DKAR PO 'BA' ZHIG BYAS, BLON PO CHEN PO LHA'I DBANG PHYUG DANG, LHA'I BLO GROS DANG,

LHA'I SHES RAB DANG, LHA'I SRID 'DZIN ZHES BYA BA BZHI LA DPA' BO DAR MDUNG DKAR PO THOGS PA BCU DRUG BCU DRUG GIS BSKOR, GZHAN THAMS CAD LA YANG BA DAN CHUNG DU RE DANG, CHU DAR GYI GDUGS NYI SHU DANG, PI WAm DANG, GLING BU'I SGRA SNYAN 'KHROL BA DANG, DPON G-YOG THAMS CAD KYANG NGAG MTHUN PAR DKON MCHOG GSUM LA SKYABS 'GRO BYED PA DANG, BOD DU SANGS RGYAS KYI BSTAN PA DAR BAR 'GYUR RO BYA BA'I KHA BRDA BZANG PO BYED BA DANG, AA TI SHA LA BDO BA'I PHAS RGOL THAMS CAD BDAG GIS GZHOM PAR BYA'O ZHES DPA' BSKYED PA DANG, THAMS CAD RTA LAS MI 'BAB PAR GRAL SGOR MOR BYAS TE, DBUS SU AA TI SHA DPON G-YOG 'KHOR DANG BCAS PA RNAMS BCUG NAS MI RTA THAMS CAD KYI MGO BO NANG DU RUG GIS BSTAN, BLON PO CHEN PO BZHIS DBUS SU 'ONGS, SNGON CHOS RGYAL KHRI SRONG LDE BTZAN GYIS MKHAN PO BO DHI SATVA SPYAN DRANGS PA'I DRUNG DU BLON PO RIG PA CAN RNAMS KYIS ZOR MA'I GLU BLANGS PA LTAR BLON PO RNAMS KYIS BLU BLANGS BA NI, LO ZHES BYA BA GRAG STONG SNYAN PA'I GLU DBYANGS LO, ,ZHES SOGS BKRA SHIS PA'I GLU DBYANGS MANG PO DANG BCAS SPYAN DRANGS, LO TZ'A BA CHEN PO GUNG THANG PA LA SOGS PA RAB TU BYUNG BA'I RTA PA SUM CU RTZA LNGAS BSKOR BA'I DBUS NA CHIBS CANG SHES MTHONG SMON DANG BA'I STENG NA JO BO RJE DPAL LDAN AA TI SHA KHRU GANG TZAM GYIS SGA LA MA REG PAR MDZAD NAS SKU'I DKYIL 'KHOR BABS CHAGS PA, MDZES PA, BLTA NA SDUG PA, 'JIG

, ,RTEN LHA DANG BCAS PAS MCHOD PAR 'OS PA, 'JIG RTEN MKHYEN CING SKYES BU 'DUL BA KHA LO BSGYUR BA BLA NA MED PA'I ZHAL 'DZUM PA DANG BCAS PA, SAm SKRi TA'I GSUNG 'KHROL BA, RUS BA CHAGS PA, TSIG GI LHAD MED LA GSUNG GI GDANGS SNYAN PA, GSUNG GI NGAR CHE LA DRANG POR SMRA BA DE KHROL MDZAD NAS, AE MA HO, AA TI AA TI, PHA LA PHA LA, PHA LA HO ZHES SOGS SAm SKRi TA'I SKAD DU BKRA SHIS MANG DU BRJOD PAR MDZAD CING RIM GYIS PHEBS TE GANGS RI CHEN POR PHEBS, GANGS RI CHEN PO LA ZHABS SKOR MDZAD PA NA GNAS BRTAN CHEN PO YAN LAG 'BYUNG 'KHOR DGRA BCOM PA RNAMS DANG BCAS GSO SBYOD MDZAD PA'I GAndI'I SGRA GSAN ZHING GNAS BRTAN CHEN PO DANG DNGOS SU MJAL NAS BKA' BGRO BAR MDZAD, MTSO MA PHAM GYI 'GRAM DU PHEBS NAS CHAB GTOR MDZAD BA'I TSE THUGS RJE CHEN PO'I ZHAL GZIGS SHING, KLU RNAMS KYIS GUS PAS MCHOD PA SOGS NGO MTSAR YA MTSAN CHE BA'I RNAM THAR MANG DU MCHIS, PHYOGS DE'I DAD LDAN RNAMS LA CHOS MANG DU GSUNGS, DE NAS RIM GYIS PHEBS TE GU GE MTHO LDING DU PHEBS SU NYE BA NA NAG TSO LO TZ'A BAS LHA BLA MA BYANG CHUB 'OD LA RING POR MI THOGS PAR JO BO RJE 'KHOR BCAS MTHO LDING GSER GYI LHA KHANG DU 'BYON PAR YOD PAS THUGS DGYES PAR ZHU ZHUS PAS LHA BTZUN CHEN PO DGYES PA'I MTHAR THUG NAS, NGAS DAD GUS MA LOG BAR GSOL BA RGYUN DU BTAB NAS YUN RING SONG STE LHA CIG DANG MJAL BA YIN, MDANG

RMI LAM NA NUB PHYOGS NAS NYI MA'I DKYIL 'KHOR CHEN PO GCIG SHAR BYUNG BA DANG, SHAR PHYOGS NAS ZLA BA'I DKYIL 'KHOR NYA GANG BA 'DRA BA ZHIG SHAR NAS BYUNG BAS, DE GNYIS LHAN CIG 'TSOGS MA THAG SPRIN DANG KHU RDUL THAMS CAD RANG SAR DENGS, SKAR TSOGS THAMS CAD NAM GUNG BZHIN DU GRA MA NYAMS PAR NYI ZLA GNYIS LA 'DUD KYIN SNANG BA RMIS, DA ZLA BA DE NGA YIN SNYAM NA YANG, SHAR PHYOGS MA GI NAS BYUNG BA SU YIN GANG YIN CHA MED SU YIN YANG DES GO CHOD PAR SNANG, RMI LTAS KYANG SHIN TU BZANG GSUNGS, DE NAS JO BO RJE GZHIS BYES KYI RTA PA LNGA BRGYA TZAM GYIS BSKOR BA'I DBUS NA CHIBS MTHONG SMON RLUNG GSHOG LA KHRU GANG TZAM MA REG PAR NYI MA'I DKYIL 'KHOR LTAR LHAM ME, YE RE, LHOD DE, SHIG GE, YAR BGRES MA DRAGS PA, MAR GZHON MA DRAGS PA DANG BA 'DREN PA'I SGANG DU GYUR BA, GTZANG CHOS NAS 'BYUNG BA BZHIN DU PAn CHEN GYI DBU ZHVA SHIN TU MDZES PA DES NAM MKHA'I MTHONGS SNYEG PA, DPON SLOB SUM CU RTZA BZHI PO THAMS CAD LTA SPYOD DANG NA BZA'I CHA LUGS KHYAD PAR MED NA'ANG, JO BO'I NA BZA' DE RDO TSOS MA SNUM ZHING DRI ZHIM LA MDANGS CHAGS PA, SKU SHA CHE BA LTA BU LA BRJID CHAGS PA, SKU LUS DRANG ZHING MDZES LA SKABS THAMS CAD PHYED PA, PHYAG DANG SOR MO THAMS CAD ZLUM ZHING RGYAS PA, BYIN GYIS PHRA BA, DBU SKRA GANG CING SNUM LA MTSAMS PHYED PA, DPRAL BA'I DBYES

, ,CHE BA; THAMS CAD NAS BLTAS KYANG 'DZUM CHAGS PA, SMIN MA BZANG LA MDANGS 'BREL BA, SNA'I GZENGS MTHO BA, ZHAL GYI DKYUS LEGS PA, MCHU'I CHAG THON PA, SNYAN SHAL RING LA MDZES BA, BAG DRO BA, ZIL CHE BA, YANG DANG YANG DU LTA SNYING 'DOD PA, DANG BA 'DREN PA'I STOBS KYIS BLTAS NAS MIG SDUD MI SHES BA, GSUNG KHROL LA SNYAN PA, GSUNG CHE LA DRANG BA, LDABS KYIN MI MDZAD PA, DAM PA'I CHOS KYI GSUNG KHO NAR 'BYON PA, DAD BA YE MED PA DAG GIS THOS KYANG DAD PA GLO BUR DU SKYE ZHING RGYUD DUL TE 'GRO BA, PHYOGS GA NAS BLTAS KYANG SANGS RGYAS BCOM LDAN 'DAS KYI DRUNG DU LHA DANG BCAS PA'I 'JIG RTEN GYIS 'DUD PA LTAR LHAM ME LHAN NE BSAM GYIS MI KHYAB PA'I RNAM THAR DANG LDAN PA CIG SNANG BA DE SKYE BO'I TSOGS SUS MTHONG YANG MTHONG MA THAG TU SKYABS SU MCHI'O, ,ZHES LAN GSUM GSUM THAMS CAD KYI KHA NAS 'BYUNG ZHING GCIG GIS GCIG LA STON CING TZAG SGRA DI RI BYAS NAS NGO MTSAR CHE 'DI NI MI RANG GA BA MIN, SANGS RGYAS BCOM LDAN 'DAS SAM DE YIN LA CHE ZER ZHING THAMS CAD RANG SA NAS SHES PA GZUNG RGYU MED PA SKAD CHEN POS 'BOD DE, SKYABS SU MCHI'O, ,SANGS RGYAS BCOM LDAN 'DAS RGYA GAR CHOS KYI RGYAL PO PAn CHEN LNGA BCU RTZA GNYIS KYI GTZUG GI NOR BU RIN PO CHE, MGON PO AA TI SHA SANGS RGYAS BSTAN PA'I BDAG PO, BDAG CAG

BOD KYI SEMS CAN LAS NGAN CAN RNAMS LA THUGS RJES GZIGS SHIG, KHYOD KYI PHYOGS SU DKA' LAS BYED PA LHA KHU DBON SHIN TU BDEN PAR SNANG NGO, ,BOD KYI MI NOR THAMS CAD ZAD KYANG 'GYOD PA MA MCHIS SO, ,KHYED GDAN 'DREN PA LA DKA' LAS CHEN BO 'ONG BA RE BDEN, DA NI 'JIG RTEN GYI MGON PO BOD DU BYON NO, ,ZHES THAMS CAD DAD PAS PHYOGS GCIG TU 'UR BA DANG, MGON PO AA TI SHA YANG SHIN TU MNYES NAS BOD KYI SEMS CAN RNAMS KHO BO LA 'DI LTAR DAD PA CHE BA, BLA MA SANGS RGYAS BSTAN PA'I BDAG PO THAMS CAD THEG PA CHEN PO'I RIGS CAN, AE MA PHAN BDE'I 'BYUNG GNAS DKON MCHOG GSUM, NGA'I GDUL BYA RNAMS LA THUGS RJES ZUNGS SHIG GSUNGS NAS KHROM THAMS CAD LA GZIGS SHING BYIN BRLABS MDZAD, LHA BLA MA'I AA nI LHA CIG CHOS 'BUM GYIS JO BO'I ZHAL GYI DKYIL 'KHOR LA BLTAS TE THAL MO SBYAR NAS MKHAS PA 'DI'I PHYOGS SU NGA'I MING PO GSER GYI RI RAB 'DRA BA CIG GSHEGS TE, NGA SEMS MI KHRAL, MYA MI NGAN, MING PO DE'I SROG DANG PAndI TA 'DI BRJES PA YIN TE, BAL PON HA SU, MNGA' RIS NA RIN BZANG, PHYOGS NAS NGA CHE ZER BA RNAMS LA NGOM PA YIN, NGA'I TSA BO 'DI SRIN BU 'DRA BA ZHIG BSKYANGS PAS DA LTA SA'I BDAG PO SNYING RUS CHE LA SKABS DON YOD PA 'DI 'DRA ZHIG BYUNG ZER NAS LHA BLA MA'I MYA NGAN RIS NON PA TZAM YOD PA SANGS PAR

, ,BYAS; MGUL G-YU GSER SRANG LNGA BCU RI BA ZHIG YOD PA DE MGON PO AA TI SHA'I PHYAG TU PHUL NAS, THAL MO SBYAR NAS 'DI SKAD ZER, MGON PO AA TI SHA G-YU RDOG 'DI MCHOD PAR BZHES LA ZHU BA 'DI GSON DANG, NGA'I MING PO LHA BLA MA YE SHES 'OD BYA BA DE MES PO CHOS KYI RGYAL PO DE RNAMS KYI CHOS KYI RNAM SROL SNYEG PA DANG, SNYIGS MA'I DUS 'DIR SANGS RGYAS KYI BSTAN PA LA LUS LONGS SPYOD DGE BA'I RTZA BA RNAMS LA SPRUGS PAS, KHYED LTA BU'I BLA MA DKON MCHOG THUGS RJE CHEN PO DANG LDAN PA RNAMS KYI THUGS RJE'I GO BAR NAS SNYING STOBS CAN DE MI 'DOD PA'I LAG TU SHOR, DA NI MING PO DE'I TSAB MA KHYED LA ZHU BA LAGS PAS SKYE BO NGAN PA RNAMS KYI LOG RTOG NGAN PA GCIG PHU SBYANG BA'I CHED DU YANG BOD DU YUN BSRINGS NAS RGYUN DU BZHUGS PA ZHU 'TSAL ZHES GSOL BA BTAB, DE NAS JO PO RJES MTHO LDING GSER GYI LHA KHANG DU PHEBS, LHA BLA MAS PHEBS STON RGYA CHEN PO MDZAD, LO CHEN RIN CHEN BZANG POS KYANG RANG GI GNAS GTZUG LAG KHANG DU SPYAN DRANGS, MCHOD PA'I DNGOS PO TSAD MED PAS MCHOD, DBU MA SNANG BA SOGS CHOS MTHA' YAS PA GSAN ZHING, LHAG PAR BDE MCHOG GI DBANG DANG RJE BTZUN MA'I BYIN RLABS GNYIS ZHUS, BYIN RLABS THOB PA DANG RTOGS PA DANG NYAMS

BZANG PO SKYES, DPE DANG MCHOD GNAS MA GTOGS PA NOR DNGOS PO CI YOD JO BO LA PHUL NAS, JO BO'I BDE MCHOG DANG RJE BTZUN MA LA THUGS DAM GYI MTHIL MDZAD, JO BO'I ZHAL NAS, NGA'I LO TZ'A LA 'GRO DGOS GSUNGS PAS, LO TZ'A BAS DBU BSTAN TE, MGO BO DKAR PO 'DI BZHIN DU SONG BAS KHO BO SGRUB PA CIG BYED PAR ZHU BA PHUL BAS, KVA YE RIN CHEN BZANG PO KHYOD SGRUB PA GSH'AM CIG BYED NA SKYE BA SNGA MA PHAN CHAD KYI DGE BA'I TSONG, DPAG TU MED PA'I MTHU NI YOD, DAL 'BYOR GYI MI LUS RIN PO CHE THOB PAR DKA' BA NI THOB, SANGS RGYAS KYI BSTAN PA DANG NI PHRAD, DE STON PA'I DGE BA'I BSHES GNYEN DANG NI MJAL, SRID PA'I NANG RAB TU ZHI BAR BYED PA DAM PA'I CHOS KYI BDUD RTZI'I SMAN NI RNYED, GTI MUG GI MUN PA SEL BAR BYED PA DAM PA'I CHOS KYI SGRON ME DANG NI PHRAD, SRID PA'I CHU BO LAS SGROL BA'I THABS SHES KYI GRU GZINGS RNYED PA'I SKABS 'DIR, SEMS BYA BA NGAN PA RNAMS KYIS MA G-YENGS PAR MDZOD CIG GSUNGS, LO CHEN RIN CHEN BZANG POS JO BO'I ZHAL GDAMS DE THUGS LA BZHAG NAS SGRUB KHANG GI SGO LA LCAGS GZER BTAB NAS CHOS STON BUG PA GCIG NAS TSUR BLANGS, SGO'I YA THEM LA GNAS KHANG 'DI'I NANG DU THA MAL PA'I RTOG PA SKYES NA CHOS SKYONG BA'I SRUNG MA RNAMS KYIS MGO BO KHOS BYA BA BRIS NAS JO BO THEGS RJES LO BCU'I BAR DU

, ,SGRUB PA RTZE GCIG TU MDZAD PAS, BDE MCHOG GI DKYIL 'KHOR MNGON SUM DU GZIGS SO, ,DE NAS LHA BLA MA BYANG CHUB 'OD KYIS JO BO RJE LA GSOL BA 'DI LTAR BTAB STE BYANG PHYOGS KHA BA CAN GYI LJONGS 'DIR SNGON DUS CHOS RGYAL MES DBON RNAM GSUM GYIS DKA' BA BRGYA PHRAG DU MA'I SGO NAS SANGS RGYAS KYI BSTAN PA BTZUGS LUGS, DE NAS GLANG DAR GYIS BSTAN PA BSNUBS LUGS, DE NAS RANG GI YAB MES MNGA' RIS CHOS RGYAL RNAMS KYIS LUS SROG KHYAD DU BSAD NAS BOD 'DIR SANGS RGYAS KYI BSTAN PA BTZUGS KYANG LOG PAR SMRA BA MANG POS BSTAN PA CHAL CHOL DU SONG TSUL SOGS SPYAN MCHI MA 'KHRUG BZHIN DU ZHIB TU ZHUS NAS DA JO BO THUGS RJE CAN KHYOD KYIS BOD KYI GDUL BYA DMU RGOD CAN 'DI RNAMS LA CHOS ZAB ZAB MO DANG, MTSAR MTSAR PO MI 'TSAL KYI LAS RGYU 'BRAS KYI CHOS KYIS BSKYANG BAR ZHU, LHAG PAR RGYAL BA'I GSUNG RAB DGONGS 'GREL DANG BCAS PA THAMS CAD HRIL GYIS DRIL BA NYAMS SU BLANG BDE BA BOD SPYI LA PHAN PA'I CHOS ZHIG THUGS RJES 'DZIN PA ZHU, ZHES ZHUS PAS ZHU BA DE LA JO BO RJE SHIN TU DGYES NAS, DUS GSUM RGYAL BA THAMS CAD DAG DANG DE YI CHOS, ,DGE 'DUN RNAMS LA GUS PA CHEN POS PHYAG BYAS TE; ;SLOB MA BZANG PO BYANG CHUB 'OD KYIS BSKUL GYUR PAS, ,BYANG CHUB LAM GYI SGRON MU RAB TU GSAL BAR BYA, ,ZHES SOGS BYANG CHUB LAM GYI SGRON MA MDZAD, JO BOS MNGA' RIS GU GER BYANG CHUB LAM GYI SGRON MA MDZAD PA NA JO BO'I

THUGS BSKYED LHAG PAR BZANG BA'I MTHUS, JI LTAR NYI MA SHAR BA NA, 'UG PA DANG SRIN BYA SOGS 'BYUNG PO'I BYA RNAMS SGRA MI GRAG PAR RANG RANG GI KHUNG BUR YIB PA JI LTA BAR RTZING SPYOD CAN MTHA' DAG RE SHIG NUB PA ZHIG BYUNG ZHES SNGON GYI MKHAS PA RNAMS GTAM DU GLENG NGO, ,DE NAS JO BO RJE NYID BOD DBUS GTZANG GI MTHIL DU PHEBS NAS RGYAL BA'I BSTAN PA RGYA CHER SPEL BAR BZHED CING DON DE LTAR DU NGES MOD KYANG, JO BO RGYA GAR NAS 'BYON DUS BI KA MA LA SH'I KA'I GNAS BRTAN GYIS NAG TSO LO TZ'A BA LA 'PHAGS YUL GYI BSTAN PA'I BDAG PO JO BO RJE 'DI BOD DU RGYUN RING BZHUGS MI CHOG PAS LO GSUM GYI KHONGS SU TSUR BSKYEL THUB BA BGYI DGOS, DE LTAR MA BYAS NA LO TZ'A BA KHYOD KYI CHOS DAM TSIG GI 'BREL PA NYAMS SO ZHES DAM TSIG LA BKAR TE LO TZ'A BAS KHAS LEN BYED DGOS BYUNG BAS, LO TZ'A BAS RGYA GAR DU DA 'BYON DGOS ZHES BSKUL, JO BOS KYANG 'BYON PA LTAR BYAS TE PU HRENG DU PHEBS, JO BO LA SNGAR NAS RJE BTZUN SGROL MAS BOD DU DGE BSNYEN CHEN PO ZHIG LA BRTEN NAS BSTAN PA LA PHAN PA RGYA CHEN PO 'ONG ZHES YANG DANG YANG DU GSUNGS SHING, DE SKABS KYANG DGE BSNYEN MYUR DU 'ONG ZHES YANG YANG GSUNG BAS JO BO RJES NYIN LTAR BYA RA MDZAD CING, NGA'I AU PA SI KA MA BYUNG T'A RE BRDZUN NI CANG GSUNG NGAM ZHES GSUNG BAR MDZAD, NYIN GCIG SBYIN BDAG CIG GIS JO BO GDAN DRANGS PA'I SHUL DU 'BROM RIN PO CHE PHEBS JO BO'I GZIM KHANG DU PHEBS PA NA, JO BO DA LTA SBYIN BDAG ZHIG GIS GDAN DRANGS SONG BAS DA LTA

, ,PHEBS YOD ZHES BRJOD PA NA, 'BROM RIN PO CHES NGA THEG PA CHEN PO'I DGE BA'I BSHES GNYEN DANG MJAL BA SKAD CIG MA SNGA PHYI LA'ANG SNGA MA 'DAM PAS SGUG MI THUB GAR BZHUGS KYI SAR 'GRO ZHES PHEBS PAS SRANG BAR ZHIG TU MJAL, 'BROM RIN PO CHES BRKYANG PHYAG MDZAD DE JO BO'I SKU MDUN DU PHEBS PA NA JO BO RJES 'BROM GYI DBU THOG TU PHYAG BZHAG NAS SAm SKRi TA'I SKAD DU SHIS BRJOD MANG DU MDZAD, DE NYIN SBYIN BDAG DE LA NGA'I AU PA SI KA'I SKAL BA DGOS ZHES BSNAMS NAS YOD PA DE GNANG, JO BO RJE NI SKU TSE HRIL PO SHA MI BZHES PAR DKAR SNGOR MDZAD PA YIN PAS DE NYIN GYI STON SKAL DE LA ZAN DANG MAR SBRAGS NAS YOD PA 'BROM GYIS ZAN DE BZHES MAR DE MA BZHES PAR MAR ME KONG BU MTSAN THUB CIG BJOS NAS JO BO'I DBU SNGAS SU PHUL, DE NAS BZUNG STE SKU TSE HRIL PO JO BO'I DBU SNGAS SU MAR ME MTSAN THUB RGYAN MA CHAD PA PHUL BA YIN GSUNG, JO BOS 'BROM PHEBS PA MKHYEN NAS BUM PA BSGUBS ZIN PAS MJAL BA'I NUB MO DE RANG 'BROM RIN PO CHE LA DBANG BSKUR SRAS KYI THU BOR BZUNG NGO, ,DE NAS PU HRENG NAS RIM GYIS PHEBS TE MANG YUL SKYID GRONG DU PHEBS, DE'I TSE JO BO RJE NYID KYI THUGS BSKYED DANG BOD KYI GDUL BYA RNAMS KYI BSOD NAMS KYIS JO BO RJE SKYID GRONG NAS PAL PO RDZONG BRGYUD DE RGYA GAR LA GDAN 'DREN RTZIS BYAS KYANG BLA PO RDZONG DU DUS 'KHRUG LANGS PAS DMAG ZINGS CHEN POS LAM 'GAGS NAS SKYID GRONG DU LO GCIG BZHUGS, 'BROM

RIN PO CHES THABS MKHAS KYIS JO BO'I SNYAN DU BOD NA SKU GSUNG THUGS RTEN MTHA' YAS PA YOD TSUL DANG DGE 'DUN GYI SDE MANG PO CHAGS TE DGE 'DUN STONG PHRAG MANG PO YOD TSUL SOGS ZHUS PA NA JO BO DGYES NAS BOD LA ZHAL GZIGS TE PHYAG THAL MO SBYAR DGE 'DUN DE SNYED BZHUGS NA DGRA BCOM PA YANG YOD DES, BYANG CHUB SEMS DPA' YANG MANG PO YOD DU NGES GSUNG NAS MNYES MNYES MDZAD, BOD DU 'BYON PAR BZHED PA NA 'BROM RIN PO CHES DBUS PHYOGS KYI DGE 'DUN GYI SDE RNAMS SU 'PHRIN YIG BRDZANGS TE, DE'I TSE DBUS NA BSTAN PA'I KHUR BZHES PA'I BSHES GNYEN CHE BA RNGOG LEGS PA'I SHES RAB DANG, KHU STON BRTZON 'GRUS G-YUNG DRUNG SOGS MANG DU BZHUGS YOD KYANG ZHU YIG GI GNYER KHA KA BA SH'AKYA DBANG PHYUG LA GTAD DE BOD KYI BLA CHEN MI CHEN RNAMS KYIS JO BO AA TI SHA GDAN 'DREN PAR STON DUS TSUN LA 'BYOR PA CIS KYANG MDZOD CES ZHU 'PHRIN PHUL BA DGE BSHES KA BAS BOD KYI BLA CHEN RNAMS LA BRDA BYAS TE THAMS CAD BLO MTHUN PAR MANG YUL SKYID GRONG PHYOGS SU JO BO GDAN 'DREN DU 'BYON PA'I GRABS BYAS PA NA, KHU STON GYIS SOGS KHONGS SU 'JOG PA'I MI DE NGA MIN NGAS SNGON LA PHYIN NAS JO BO GDAN 'DREN THUB PA ZHIG BYED GSUNGS NAS SNGON LA PHEBS PA NA GZHAN THAMS CAD LA LCAG BTAB PA LTAR THAMS CAD 'UR LANGS KYIS 'PHRAL DU THON TE PHEBS BSU LA 'DZOM, JO BO RJES SKYID GRONG DU LO GCIG BZHUGS RING DE

, ,LA GTZO BOR RANG BYUNG 'PHAGS PA'I LHA KHANG DU SKAL BA DANG LDAN PA MANG PO LA CHOS KYI 'KHOR LO BSKOR, RANG BYUNG 'PHAGS PA'I BYANG RI NAGS KHROD PHUN SUM TSOGS PA ZHIG YOD PA'I NGOS LA PHEBS TE GNAS DER SANGS RGYAS KYI BSTAN PA DAR BA'I RTEN 'BREL BSGRIGS, JO BOS GNAS DER BYON NAS BYIN GYIS BRLABS SO ZHES PHYI MA'I SKYE BO RNAMS LA SNANG BAR BYA BA'I PHYIR RDO LA PHYAG MDZUB KYIS MA nI BRIS TE BZHAG PAS GNAS DE LA MA nI LA KHA ZHES MING CHAGS, GNAS DE NI DENG SANG BKRA SHIS BSAM GTAN GLING GI SGRUB SDE CHAGS PA'I GNAS 'DI YIN TE, MA nI JO BO'I PHYAG BRIS MA DE NI DENG SANG YANG BLTAR YOD DO, ,DE LO JO BOS DBYAR GNAS MDZAD PA'I SA DE LA GNAS ZHES MING DU CHAGS, DER JO BOS SKAL BA DANG LDAN PA MANG PO LA CHOS STON PAR MDZAD, YANG JO BOS SKAL LDAN MANG PO LA CHOS 'KHOR RGYA CHER BSKOR BA'I GNAS LA CHOS 'KHOR ZHES MING CHAGS TE, DENG SANG YANG GRA CHOS 'KHOR DANG LA LDEBS CHOS 'KHOR ZHES MING DU CHAGS SHING YUL DE DANG DE DAG NA GNAS PA'I SKYE BO RNAMS JO BO RJE LA GSOL BA 'DEBS PA LHUR BYED DO, ,DE'I TSE NAG TSO LO TZ'A BA JO BO RGYA GAR LA 'PHRAL DU SBYAN 'DREN NI MA THUB, BI KA MA LA SH'I LA'I GNAS BRTAN GYIS DAM TSIG LA BKAR BA DRAN NAS YID SLONG SLONG POR GYUR BA NA JO BO RJES MKHYEN NAS, LO TZ'A BA DE TZAM GYI SEMS NGAL BYA MI DGOS SGRUB PAR MA NUS PA LA NYES PA MED GSUNGS PA NA, LO TZ'A BA GTING THAG PA NAS

DGA' ZHING MGU STE DE LTAR NA JO BO BOD LA 'BYON PAR ZHU ZHES GSOL BA BTAB, DE NAS DBUS GTZANG GI BLA CHEN MI CHEN RNAMS KYI BSU BA SLEBS, DE'I TSE BOD KYI BLA MA CHEN PO RNAMS KYIS BOD KYI GZAB 'PHYOR GYI CHAS BSE THEB DANG RTA PHYING GYON RTA BZANG PO LA CHIBS NAS 'ONGS PA NA JO BOS RGYANG RING PO NAS GZIGS MA THAG ,AU PA SI KA 'DRE MANG PO SLEBS BYUNG CI YIN ZHES DBU NA BZAS GTUMS NAS BZHUGS, DE NAS 'BROM RIN PO CHES BOD KYI BLA CHEN RNAMS LA RAB BYUNG GI CHAS RNAM DAG MDZAD NAS BYON ZHES ZHUS NAS THAMS CAD KYIS CHOS GOS RNAM PA GSUM LEGS PAR BGOS TE PHEBS PA NA JO BO MNYES NAS BZHENGS TE PHYAG LAN MDZAD, DE NAS RIM GYIS GTZANG PHYOGS LA PHEBS TE DPAL KHUD THANG DU MAR PA LO TZ'A RGYA GAR DU BRTING MA PHEBS PA DANG MJAL, MAR PAS JO BO'I ZHABS SPYI BOR BLANGS TE CHOS ZHUS, JO BOS NGA'I LO TZ'A LA 'GRO GSUNGS PAS, DA RES CIS KYANG RGYA GAR DU PHYIN CHOG PA DGOS SLAR MJAL CHOG PA ZHU ZHES ZHUS, DE NAS RIM GYIS PHEBS TE SA SKYA'I THAD DU PHEBS PA NA, SA SKYA LA PHYAG MDZUB GTAD DE GNAS 'DIR 'JAM DBYANGS KYI SPRUL PA BDUN 'BYUNG ZHES LUNG BSTAN, DE NAS RGYANG DU PHEBS GNAS DE'I DGE 'DUN RNAMS LA CHOS MANG DU GNANG, DER 'BROG MI LO TZ'A BAS JO BO'I ZHABS LA GTUGS, BSNYEN BKUR PHUN SUM TSOGS PA MDZAD, DE NAS RIM GYIS PHEBS TE SNAR THANG GI THAD DU PHEBS PA NA GNAS 'DIR 'PHAGS PA'I GNAS BRTAN

, ,GYI SPRUL PA 'BYUNG ZHES LUNG BSTAN, DE NAS TSONG DUS SU PHEBS TE ZHA LU MTHIL GYI LHA KHANG DANG, KHYAD PAR RI SBUG TU BZHUGS NAS CHOS MANG DU GSUNGS SHING BYIN GYIS BRLABS, DE NAS MYANG STOD NYAN TSOR BYON NAS DBYAR GNAS MDZAD, DBYAR ZLA BA GSUM GYI RING LA PHYOGS PHYOGS NAS 'DUS PA'I DAD LDAN MANG PO LA CHOS RGYA CHER STZAL, YOL CHOS DBANG, YOL DRANG SRONG, YOL THOG 'BEBS GSUM DANG, RJE 'GOS LOS KYANG GNAS DER PHEBS NAS JO BO'I ZHABS LA GTUGS, DGE BA'I BSHES GNYEN DGON PA BAS KYANG GNAS DER PHEBS NAS JO BO'I ZHABS LA GTUGS TE JO BO'I MCHOD GNAS MDZAD, DBYAR GNAS GROL NAS RONG BRGYUD DBUS SU PHEBS, GAN PA BYANG THANG DU PHEBS PA NA LHA SA'I THAD KYI RI LA PHYAG MDZUB GTAD NAS PHA GI NA CI YOD PA YIN GSUNG, LHA SA'I GTZUG LAG KHANG BDOG PA LAGS ZHUS PAS, DE THAD 'JA'I GUR GSUM BRTZEGS 'DUG ,LHA'I BU DANG BU MO MANG POS MCHOD PA BYED KYI 'DUG GSUNG, DE NAS CHOS 'KHOR BSAM YAS SU PHYAGS PHEBS, LHA BTZUN BO DHI R'A DZAS ZHABS TOG LEGS PAR MDZAD, BOD KYI MI CHEN MANG PO'ANG 'DUS PA LA CHOS RGYA CHER STZAL, BSAM YAS SU JO BOS LHA KHANG LA THOGS MED DU BYON PA DANG, ZHABS SA LA MA REG PAR BSKOR BA MDZAD PA SOGS RDZU 'PHRUL MANG PO BSTAN TE PHYOGS DE'I GDUL BYA RNAMS MI PHYED PA'I DAD PA LA BKOD DO, ,DE NAS KHU STON GYIS YAR KLUNGS SU SPYAN DRANGS, THANG PO

CHER RA KHRI BZANG BYA BAS BRTZIGS PA'I RA BRTZIGS KHANG BAR BZHUGS, CHOS MANG DU GSUNGS, DER 'BROM GYIS KYANG SPYAN SNGAR BYON, KHUS ZHABS TOG BZANG BA KHO NA MA BYUNG BAS, DPON SLOB RNAMS BROS TE MYANG BO'I GRU LA ZHUGS PA NA, KHU STON GYIS KYANG RJES BSNYEGS SU SLEBS NAS AA TI SHA DER BZHUGS ZHES SKAD CHEN PO BTANG, ZHU BA BYAS KYANG MA GSAN PAR, DBU ZHVA PHYIR BYIN RLABS KYI RTEN DU 'PHANGS, DE NAS 'ON GYI LHA KHANG KE RUR ZLA BA GCIG BZHUGS, DE'I RTZIG NGOS LA NYID KYI SKU 'DRA GCIG BRI BAR MDZAD DE, DING SANG YANG MCHOD PA'I GNAS SU GYUR, DE NAS BSAM YAS SU PHEBS NAS PE HAR GLING DU BZHUGS, RGYA DPE MANG PO 'DUG PA GZIGS PAS, SHIN TU DGYES TE SNGON BOD DU BSTAN PA BYUNG BA 'DRA BA RGYA GAR DU YANG BYUNG BA DKA' GSUNG, BYANG CHUB CHEN PO GZIGS PAS MAH'A BO DHI DANG KHYAD MI SNANG GSUNG, GNAS DANG GTZUG LAG KHANG LA THUGS SHIN TU DGYES, DE NAS BANG STON GYI BSU BA RTA PA NYIS BRGYA TZAM SLEBS TE DPON G-YOG RNAMS RGOD DKAR LA LA THEGS, SRI'I RGYA PHIBS SU ZLA BA PHYED BZHUGS, DE NAS RNGOG LEGS PA'I SHES RAB KYIS LHA SA 'PHRUL SNANG DU SPYAN DRANGS, BSU BA MDZAD PA'I DUS SU JO BO THUGS RJE CHEN POS KYANG BSU BA MDZAD DE, MI RENG SKYA BO ZHIG BYUNG NAS, MAH'A PAndI TA BYON PA LEGS SO, ,RGYAL BAR GYUR CIG GSUNGS NAS BZHUD PAS, JO BOS CHIBS LAS BABS TE BRGYUGS PAS MA ZIN, DE LTAR MDZAD PA CI LAGS ZHUS PAS, KHYED KYIS MI RENG SKYA BO DE MTHONG NGAM GSUNGS, MTHONG LAGS ZHUS PAS, DE NGA'I

, ,YI DAM THUGS RJE CHEN PO YIN, PHYAG BYA BAR 'DOD NAS BRGYUGS PAS MA ZIN GSUNG, 'PHRUL SNANG GI THUGS RJE CHEN PO 'DI LAS NGO MTSAR CHE BA MED, THUGS RJE CHEN PO DNGOS YIN GSUNG, JO BO SH'AKYA MU NE GZIGS PAS SPRUL PA'I SKU DNGOS YIN GSUNGS NAS RGYA GAR GYI LHA BZO BA MKHAS PA GCIG LA 'DI KHO NA 'DRA BA ZHIG BZHENGS SHIG GSUNGS NAS BZHENGS SU BCUG ,CHOS RGYAL BYANG CHUB SEMS DPA' DES SPRUL PA'I GTZUG LAG KHANG CHEN BO 'DI LTA BU BZHENGS PA'I LO RGYUS SHIG 'ONG DAM SNYAM DU DGONGS PA'I TSE, SPRANG MO SMYON MA BYA BA GCIG NA RE GTZUG LAG KHANG 'DI JI LTAR BZHENGS PA'I LO RGYUS 'TSAL LAM ZER, DE RANG BZHIN GYI RNAL 'BYOR MAR MKHYEN NAS YID KYIS PHYAG DANG MCHOD PA BYAS NAS CIS KYANG 'TSAL LAGS ZHUS PAS, 'O NA KA BA BUM PA CAN NAS 'DOM PHYED DANG GSUM GZHAL BA'I SA NA YOD, GZHAN LA MA SMRA ZHIG GSUNG, DE JO BOS RNYED PAS GTER SRUNG GNYAN PO ZHIG 'DUG PA NA RE, DE RING JI TZAM ZIN PA CIG 'DRIR GNANG GI ZER BAS, RNAL 'BYOR PAS DBU MDZAD STON PA BZHI GAS PRIS PAS LHAG BAG TZAM ZHIG LUS GSUNG NGO, ,DON 'DI LA DGONGS NAS JO BO'I BSTOD PA SUM CU PA LAS, GANG DU RGYAL POS BKA' 'CHEMS GTER DU SBAS, ,MKHA' 'GROS GTER KHA PHYE NAS KHYOD LA BSTAN, ,SH'AKYA MU NE'I 'JA' SA KHYOD KYI DRIN, ,JO BO BKA' DRIN CAN LA GSOL BA 'DEBS, ,ZHES GSUNGS, LHA SAR DGUN GCIG

BZHUGS, CHOS KYANG DOR GSUNGS PA RNAMS ZAB, GZHAN YANG RTAGS KHYAD PAR DU 'PHEBS PA MANG PO BYUNG GSUNG, DE'I DBYAR RDOG BYANG CHUB 'BYUNG GNAS GYIS SPYAN DRANGS NAS YER PAR BZHUGS, 'GRO BA'I DON RGYA CHER MDZAD, KA BA SH'AKYA DBANG PHYUG GIS 'PHAN YUL DU SPYAN DRANGS, LAN PA SPYIL BUR BZHUGS CHOS MANG DU GSUNGS, DE NAS YER PAR BYON, DE'I DUS SU BAR STON GYIS SPYAN 'DREN BYUNG STE PHYIR LAM LHA SA BRGYUD SNYE THANG DU PHEBS, DE'I TSE 'BROM RIN PO CHES DUS GSUM GYI RGYAL BA KUN GYI BGROD PA GCIG PA'I LAM PO CHE SHES RAB KYI PHA ROL TU PHYIN PA'I MDO SDE RIN PO CHE'I DGONGS DON BYANG CHUB LAM GYI RIM PA'I DKA' GNAS RNAMS LA NYIN MTSAN KUN TU DRI GTUGS NAR MAR MDZAD CING, SANGS RGYAS 'JIG RTEN DU BYON PA JI LTA BAR LHA MI BGRANG BA LAS 'DAS PA LA CHOS KYI 'KHOR LO RGYA CHER BSKOR BA NA DKAR PHYOGS KYI LHA RNAMS DGA' ZHING MGU NAS MCHOD CING BSNYEN BKUR BA DANG, CHED DU BRJOD PA'I DBYANGS RGYA CHER BSGRAGS SHING LHA'I DBANG PO BRGYA BYIN GYIS RIN PO CHE SNA LNGA'I ME TOG GI CHAR PA PHAB PA SOGS NGO MTSAR BA'I LTAS BSAM GYIS MI KHYAB PA BYUNG NGO, ,DE NAS YER PA LHA RI SNYING PO'I MGUL DU PHEBS NAS JO BO YAB SRAS KYIS LO GSUM GYI RING LA BYANG CHUB LAM GYI RIM PA'I DBU BSHES GNYEN BSTEN TSUL NAS MTHAR 'BRAS BU ZUNG 'JUG GRUB PA'I BAR GYI SA LAM 'BRAS BU DANG BCAS PA'I DKA' BA'I GNAS RNAMS LA BRGAL ZHING BRTAG PA DANG LUNG DANG RIGS PAS MTHA' GCOD PAR MDZAD CING,

, ,BYANG CHUB LAM GYI RIM PA'I SNYING PO'I YANG SNYING PO BKA' GDAMS LHA CHOS BDUN LDAN GYI MAN NGAG GSANG BA LAS KYANG CHES CHER GSANG BA, THIG LE BCU DRUG GI DBANG DANG GDAMS NGAG RNAMS GNANG STE, DE'I TSE RJE BTZUN SGROL MA'ANG RGYUN DU DNGOS SU BYON, RGYUD PA GSUM GYI BLA MA RNAMS KYANG DNGOS SU BYON TE BLA MA YI DAM RGYAL BA SRAS BCAS ZHAL 'DZOM PA'I DBUS SU RJE BTZUN MA SGROL MAS THIG LE BCU DRUG GI RTZA TSIGS GSUNGS, 'BROM RIN PO CHE'I SKU 'OD DU YAL TE RGYAL BA RGYA MTSO'I DKYIL 'KHOR DU DNGOS SU BZHENGS, 'OD ZER GYI SPRO BSDUS BSKYED RDZOGS KYI LAM MTHAR THUG PA RNAMS TSUL 'DI LTAR RO ZHES MIG LA STON PA LTA BU MDZAD, DE'I TSE RJE BTZUN 'JAM PA'I DBYANGS KYIS BYIN GYIS BRLABS PA GSANG PHU BA LEGS PA'I SHES RAB KYIS JO BO YAB SRAS GNYIS LA MAndAL PHUL TE YAB SRAS GNYIS KA'I GSANG BA THUN MONG MIN PA'I BKOD PA RNAMS STON PAR YANG DANG YANG DU GSOL BA BTAB PA NA, 'BROM RIN PO CHE'I SKYES RABS ZAB MO RNAMS JO BOS GSUNGS, 'BROM RIN PO CHE NYID KYIS BKA' RGYA SHIN TU DAM PAR MDZAD PA SPRUL PA'I GLEGS BAM ZHES PA DENG SANG BKA' GDAMS GLEGS BAM DU GRAGS PA 'DI GSUNGS, MI RABS MANG PO'I BAR DU TSIG BRGYUD KHO NA LAS RGYA CHER SPEL BA'I GNANG BA MA THOB, PHYIS SU 'BROM RIN PO CHE'I SPRUL PA 'BROM KU MA RAS BKA' RGYA BKROL TE RE GNYIS LA SPEL, DE NAS DPAL SNAR THANG GI CHOS SDER RIM GYIS 'PHEL NAS DENG

SANG PHYOGS THAMS CAD DU KHYAB PA 'DI BYUNG BA YIN NO, ,DE LTAR JO BO RJE DPAL LDAN AA TI SHA NI RGYA BOD THAMS CAD DU NYI ZLA LTAR GRAGS SHING BSTAN 'GRO'I DON MDZAD PA'I RNAM THAR MTHA' DAG BRJOD PAR GA LA NUS, SNGAR BSHAD PA DE DAG NI PHYOGS TZAM ZHIG BRJOD PA YIN LA, RNAM THAR DE DAG GI SNYING PO BSDU NA, RIGS PHUN SUM TSOGS PAR SKYE BA BZHES PA'I TSUL, RTEN DE LA YON TAN BRNYES PA'I TSUL, BRNYES NAS BSTAN PA LA BYA BA MDZAD PA'I TSUL GSUM DU 'DUB YIN LA, DANG PO NI JO BO'I BSTOD PA BRGYAD CU PA LAS, SHAR PHYOGS ZA HOR YUL MA CHOG NA, ,DE NA GRONG KHYER CHEN PO YOD, ,BI KRA MA NI BU RA YIN, ,DE YI DBUS NA RGYAL PO'I KHAB, ,PHO BRANG SHIN TU YANGS PA YOD, ,GSER GYI RGYAL MTSAN CAN ZHES BYA, ,LONGS SPYOD MNGA' THANG 'BYOR PA NI, ,RGYA NAG STONG KHUN RGYAL PO 'DRA, ,YUL DE'I RGYAL PO DGE BA'I DANG LA, ,BTZUN MO DPAL MO 'OD ZER CAN, ,YAB YUM GNYIS LA SRAS GSUM MNGA', ,PADMA'I SNYING DANG ZLA BA'I SNYING, ,DPAL GYI SNYING PO ZHES BYA'O, ,RGYAL BU PADMA'I SNYING PO LA, ,BTZUN MO LNGA YOD SRAS NI DGU, ,SRAS KYI THU BO BSOD NAMS DPAL, ,DA LTA'I DUS NA MKHAS PA CHE, ,DHA NA SHR'I ZHES BYA BAR GRAGS, ,CHUNG BA DPAL GYI SNYING PO NI, ,DGE SLONG B'IRYA TZAN DRA YIN, , 'BRING PO ZLA BA'I SNYING PO NI, ,DA LTA BLA MA RJE BTZUN YIN, ,ZHES 'BYUNG BA LTAR RO, ,YON TAN BRNYES TSUL LA LUNG RTOGS GNYIS LAS, LUNG GI YON TAN BRNYES PA'I TSUL NI, PHYI NANG THUN MONG BA'I RIG GNAS CHE CHUNG MTHA' DAG DANG,

, ,RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA LA SBYANGS PA MTHAR PHYIN PAR MDZAD PAS, RANG DANG GZHAN GYI SDE PA'I GRUB PA'I MTHA' RGYA MTSO LTA BU'I PHA ROL TU SON PAS NA LUNG GI BSTAN PA'I GNAD THAMS CAD PHYIN CI MA LOG PAR THUGS SU CHUD PA YIN NO, ,RTOGS PA'I YON TAN PA RNYES TSUL NI, RTOGS PA'I YON TAN THAMS CAD BSDU NA BSLAB PA GSUM DU 'DU LA, TSUL KHRIMS KYI BSLAB PA LA YANG, SO THAR GYI TSUL KHRIMS DANG, BYANG SEMS KYI TSUL KHRIMS DANG, GSANG SNGAGS KYI TSUL KHRIMS GSUM LAS, SO THAR GYI TSUL KHRIMS RNAM PAR DAG PAR MDZAD TSUL NI, DGE SLONG GI SDOM PA MNOS NAS RNGA RTZID LA CHAGS PA'I G-YAG GIS RNGA MA NYAG MA RE RE SHING LA THOGS PA NA RNGON PAS SROG DANG 'PHRAL BAR MTHONG NA YANG SROG DANG BSDOS TE RNGA MA MI GCOD PAR BSRUNG BA LTAR, KHAS BLANGS PA'I BSLAB PA'I GZHI CHEN PO LTA CI SMOS, BSLAB PA'I GZHI PHRA MO RE RE YANG SROG DANG BSDOS NAS BSRUNGS PAS GNAS BRTAN 'DUL BA 'DZIN PA CHEN POR GYUR TO, ,BYANG SEMS KYI TSUL KHRIMS DANG LDAN TSUL NI, BYAMS PA DANG SNYING RJE'I RTZA BA CAN GYI BYANG CHUB KYI SEMS SBYONG BA'I GDAMS PA MANG PO DANG, KHYAD PAR GSER GLING PA BSTEN NAS RJE BTZUN BYAMS PA DANG, 'JAM PA'I DBYANGS NAS THOGS MED DANG, ZHI BA LHA LA BRGYUD PA'I GDAMS PA MCHOG LA RING DU SBYANGS PAS, BSTOD PA LAS, RANG

DON YAL BAR DOR NAS GZHAN GYI DON, ,LHUR MDZAD DE NI BDAG GI BLA MA LAGS, ,ZHES 'BYUNG BA LTAR BDAG PAS GZHAN GCES BA'I BYANG CHUB KYI SEMS THUGS RGYUD LA 'KHRUNGS SHING, SMON PA'I SEMS DES KUN TU DRANGS PA'I 'JUG PA'I SEMS BYANG CHUB SEMS DPA'I SPYOD BA RLABS PO CHE LA SLOB PAR KHAS BLANGS PA'I RJES SU 'GRO BA'I BSLAB PA LA SLOB PA'I SPYOD PA BZANG POS RGYAL SRAS RNAMS KYI BCAS PA'I MTSAMS LAS MI 'DA' BAR MDZAD DO, ,GSANG SNGAGS KYI TSUL KHRIMS DANG LDAN TSUL NI, RANG GI LUS LHAR GZIGS PA'I BSKYED PA'I RIM PA DANG, RDO RJE'I THUGS RDZOGS PA'I RIM PA'I TING NGE 'DZIN DANG LDAN PAS RNAL 'BYOR PA'I GTZO BO ZHES SPYIR BSTOD CING, KHYAD PAR DU BCAS PA'I MTSAMS LAS MI 'DA' BAR DAM TSIG TSUL BZHIN DU SRUNG BA YANG, BSTOD PA LAS, DRAN DANG SHES BZHIN LDAN PA YIS, ,TSUL KHRIMS MA YIN YID MI MDZAD, ,BAG YOD DRAN DANG G-YO SGYU MED, ,LTUNG BA'I NYES PAS KHYOD MA GOS, ,ZHES GSUNGS PA LTAR RO, ,DON 'DI LA RJE BDAG NYID CHEN POS SDOM PA GSUM GYI YON TAN DANG LDAN TSUL DE DAG GSUNGS NAS, DE LTAR SDOM PA GSUM GYI TSUL KHRIMS KYI BSLAB PA RNAMS KHAS LEN PA LA DPA' BA TZAM MIN PAR JI LTAR KHAS BLANGS PA'I RJES SU 'BRANGS TE BCAS PA'I MTSAMS LAS MI 'DA' BAR SRUNG ZHING, BRGYA LA CUNG ZAD 'DAS NA YANG MYUR BA MYUR BAR RANG RANG GI PHYIR BCOS KYI CHO GAS DAG PAR BYED PA'I RNAM PAR THAR PA 'DI NI GSUNG

, ,RAB KYI GNAD SHES BA'I MKHAS PA RNAMS DGA' BA SKYED PA'I RNAM PAR THAR PAR SHES PAR BYAS LA DAM PA RNAMS KYI RJES SU BSLAB PAR BYA'O, ,ZHES GSUNGS SO, ,TING NGE 'DZIN GYI BSLAB BA DANG LDAN TSUL NI, THUN MONG PA ZHI LHAG ZUNG 'BREL DANG THUN MONG MA YIN PA BSKYED RIM MTHAR PHYIN PAR MDZAD PA'I TSUL NI RNAM THAR CHEN MOR GSAL BA LTAR RO, ,SHES RAB KYI BSLAB PA DANG LDAN TSUL NI, THUN MONG BA ZHI LHAG ZUNG 'BREL DANG THUN MONG MIN PA RDZOGS RIM GYI RTOGS PA KHYAD PAR CAN BRNYES PA RNAM THAR CHEN MO DANG RDO RJE'I GLUR GSAL BA LTAR RO, ,BSTAN PA LA BYA PA MDZAD TSUL NI RGYA BOD GNYIS KAR RGYAL BA'I BSTAN PA LA BYA BA MDZAD TSUL BSAM GYIS MI KHYAB PA SNGAR BRJOD ZIN PA LTAR RO, ,DE LTAR JO BO RJES RGYA BOD GNYIS KAR BSTAN PA LA BYA BA RGYA CHEN PO MDZAD CING, SLAR YANG RGYAL BA'I BSTAN PA YUN RING DU GNAS PAR BYA BA'I PHYIR DANG, PHYI MA'I SKYE BO RNAMS JO BO RJES 'DI LTAR GSUNGS ZHES GO BAR BYA BA'I PHYIR DU, RGYAL BA'I BKA' SDE SNOD GSUM DANG RGYUD SDE BZHI DGONGS 'GREL DANG BCAS PA MTHA' DAG LAS YI GE NA GCIG KYANG DOR DU MED PAR GANG ZAG GCIG GI NYAMS LEN GYI RIM PAR HRIL GYIS DRIL NAS STON PA'I MAN NGAG BYANG CHUB LAM GYI SGRON MA MDZAD, BKA' GDAMS GONG MA'I GSUNG SGROS LAS, 'DZAM BU GLING NA GLEGS BAM GCIG LA LAM SGRON LAS CHE BA MED GSUNG, DE NI SHOG BU GRANGS MANG BAS

DE LTAR BRJOD PA MIN GYI BRJOD BYA RGYA CHE BAS DE LTAR BRJOD DE, GDUL BYA LAS DANG PO PA CHOS LA THOG MAR 'JUG PA ZHIG 'CHI BA DRAN NAS 'JIG RTEN PHYI MA'I DON SGRUB PA'I BSAM PA BSKYED PA NAS BZUNG MTHAR THUG SANGS RGYAS KYI SA'I BAR GYIS LAM 'BRAS BU DANG BCAS PA MTHA' DAG LAM SGRON GYI BRJOD BYAR 'DU BAS SO, ,BYANG CHUB LAM GYI SGRON MA NAS GSUNGS PA'I LAM GYI RIM PA'I GNAD RNAMS LA NGES PA BSKYED PAR BYA BA DANG, DE SGOM PA LA RGYUD BSKUL BAR BYA BA DANG, LAM DE DAG GI GEGS SEL BOGS 'DON SHES PA'I PHYIR BSTAN BCOS MTHA' YAS PA MDZAD DE, SNYING PO BSDU BA, SNYING PO NGES PAR BSDU BA GSANG 'DUS KYI DKYIL 'KHOR SPYAN RAS GZIGS GTZO BOR STON PA GSANG BA 'DUS PA 'JIG RTEN DBANG PHYUG GI SGRUB THABS, 'PHAGS PA 'JIG RTEN DBANG PHYUG GI SGRUB THABS GSANG BA 'DUS PA LA BSTOD BA GNYIS, 'KHOR BA LAS YID NGES BAR 'BYUNG BA'I GLU, SPYOD BA'I GLU, CHOS KYI DBYINGS SU LTA BA'I GLU, TING NGE 'DZIN GYI TSOGS KYI LE'U DANG, 'JIG RTEN LAS 'DAS PA'I YAN LAG BDUN PA'I CHO GA, SKU GSUNG THUGS RAB TU GNAS PA'I CHO GA, LAS KYI SGRIB PA THAMS CAD RGYUN GCOD PAR BYED PA'I GZUNGS RNAL 'BYOR RGYUD DU DGONGS PA BKRAL BA MI 'KHRUGS PA'I SGRUB THABS RGYAS BSDUS GNYIS, DE'I DKYIL CHOG LAS KYI SGRIB PA THAMS CAD RNAM PAR SBYONG BA, MI 'KHRUGS PA'I SBYIN SREG GI CHO GA, PHYAG NA RDO RJE LA MNGON RTOGS

, ,KYI SGO NAS BSTOD PA, RTA MGRIN ZHAL GSUM PHYAG DRUG GI SGRUB THABS DANG, ZHAL GSUM PHYAG BZHI PA'I SGRUB THABS GNYIS, 'PHAGS PA MI G-YO BA LA BSTOD PA GNYIS, DE BZHIN GSHEGS PA THAMS CAD KYI DAM TSIG BSRUNG BA ZHES BYA BA'I GTZUG TOR DRI MED 'OD KYI SGRUB THABS, MCHOD RTEN LNGA GDAB PA'I CHO GA GZUNGS CHOG CHA GNYIS, SGROL MA'I SGRUB THABS, LHA MO SGROL MA SGOM PA'I CHO GA RGYAS PA, SGROL MA 'JIGS PA BRGYAD SKYOB KYI SGRUB THABS DANG BSTOD PA, 'PHAGS MA SGROL MA'I SGRUB THABS, DAM TSIG THAMS CAD BSDUS PA ZHES BYA BA, TSOGS BDAG CHAGS PA RDO RJE'I BSTOD PA, BDUD RTZI 'BYUNG BA ZHES BYA BA'I GTOR CHOG, CHAB GTOR DRI MED, KLU GTOR GYI CHOG, YI GE DRUG PA'I SGRUB THABS, SPYAN RAS GZIGS KHA SARBA nI'I SGRUB THABS, KHRO RGYAL MI G-YO BA'I SGRUB THABS, GTUM PO KHRO BO CHEN PO'I SGRUB THABS DON DAM PA, MGON PO GRI GUG GI SGRUB THABS, TSOGS BDAG ZHI BA'I SGRUB THABS, TSOGS BDAG GSANG SGRUB, NOR BDAG GTZO 'KHOR LNGA'I BSTOD PA, RTEN 'BREL SNYING PO'I SNGAGS THEMS, BDEN PA GNYIS LA 'JUG PA ZHES BYA BA DBU MA'I MAN NGAG, DBU MA'I MAN NGAG RIN PO CHE'I ZA MA TOG BKOD PA, DRAN PA GCIG BA'I MAN NGAG, MDO KUN LAS BTUS PA'I DON BSDUS PA, BYANG CHUB SEMS DPA'I SPYOD PA MDO

TZAM GDAMS NGAG TU BYAS PA, BYANG CHUB SEMS DPA'I NOR BU'I PHRENG BA, BYANG CHUB SEMS DPA'I LAS DANG PO PA'I LAM LA 'JUG PA BSTAN PA, SKYABS SU 'GRO BA BSTAN PA ZHES BYA BA, THEG PA CHEN PO'I LAM GYI SGRUB THABS YI GE BSDUS PA, THEG PA CHEN PO'I LAM GYI SGRUB THABS SHIN TU BSDUS PA, RANG GI BYA BA'I RIM PA LA BSKUL BA DANG BCAS PA YI GER BRIS PA, MI DGE BA BCU'I LAS KYI LAM BSTAN PA, LAS RNAM BAR 'BYED PA ZHES BYA BA, SPYOD PA BSDUS PA'I SGRON MA, MDO KUN LAS BTUS PA'I MAN NGAG, MDO KUN LAS BTUS PA CHEN PO, BYANG CHUB TU SEMS BSKYED PA'I CHO GA, BYANG CHUB SEMS DPA'I SDOM PA'I CHO GA , KHA TON DANG GLEGS BAM BKLAG PA'I SNGON DU BYA BA'I CHOG, PHA ROL TU PHYIN PA'I S'ATZTSA GDAB PA'I CHO GA, BLA MA'I BYA BA'I RIM PA CIG, RGYAL PO NERYA P'A L'A LA BRDZANGS PA DRI MA MED PA'I RIN PO CHE'I 'PHRIN YIG , BYANG CHUB SEMS DPA'I SPYOD PA LA 'JUG PA'I BSHAD PA, SHER PHYIN DON BSDUS SGRON ME, SMAN BLA'I SGRUB THABS, LAS SGRIB RNAM PAR SBYONG PA'I CHO GA SOGS MDZAD DO, ,DE LTAR JO BO RJE BOD DU BYON NAS MNGA' RIS SU LO GSUM, SNYE THANG DU LO DGU, DBUS GTZANG GZHAN DU LO LNGA'I BAR DU SKAL BA DANG LDAN PA RNAMS LA MDO SNGAGS KYI GZHUNG GDAMS NGAG MA LUS PA BSTAN NAS BSTAN PA'I SROL NUB PA RNAMS GSAR DU BTZUGS ,

, ,SROL CUNG ZAD YOD PA RNAMS 'PHEL PAR MDZAD, LOG PAR RTOG PA'I DRI MAS SBAGS PA RNAMS LEGS PAR BSAL TE BSTAN PA RIN PO CHE DRI MA DANG BRAL BAR MDZAD DO, ,DE NAS SKU TSE DE'I DNGOS KYI GDUL BYA RNAMS RDZOGS PA NA ZHING GZHAN DU 'BYON PAR BZHED DE, SHING PHO RTA'I LO DBYUG PA ZLA BA'I TSES GSUM NAS BCO BRGYAD KYI BAR ZHAG BCU DRUG GI RING LA THIG LE BCU DRUG GI RIM PA DANG MTHUN PAR THUGS DAM SDUD RIM MDZAD NAS, CHU BO GYEN DU LDOG GAM LTOS SHIG GSUNGS, BLTAR PHYIN PAS GYEN DU LDOG GIN GDA' ZHUS PAS, 'O NA DE YAN CHAD KYIS DON 'DI STON, NYAMS SU BLANGS RGYU 'DI YIN GSUNGS NAS BRGYAD STONG PA GSUNG 'PHRO BCAD, PHYAG TU RDO RJE DRIL BU BZUNG NAS THUGS DAM RTZE GCIG TU MDZAD DON LA 'DAS GRONGS MI MNGA' YANG GDUL BYA THUN MONG BA'I SNANG NGOR DGUNG LO BDUN CU RTZA GSUM PA SHING PHO RTA'I LO STON ZLA 'BRING PO'I TSES BCO BRGYAD LA SNYE THANG DU MYA NGAN LAS 'DA' BA'I TSUL BSTAN TE 'OD GSAL CHOS SKU MNGON DU MDZAD NAS GZUGS SKUR BZHENGS NAS DGA' LDAN CHOS KYI PHO BRANG DU PHEBS SO, ,DE YANG BSTOD PA SUM CU PA LAS, KHO BO 'DI NAS DGA' LDAN GNAS SU 'GRO, NGA LA DAD CING GUS PAR BYED PA RNAMS, ,DGA' LDAN GNAS SU MJAL BAR 'GYUR ZHES GSUNGS, ,MA 'ONGS MNGON SUM GZIGS LA GSOL BA 'DEBS, ,ZHES GSUNGS PA LTAR DGA' LDAN CHOS KYI PHO BRANG DU NAM MKHA' DRI MA MED PA ZHES MTSAN

GRAGS SHING RJE BTZUN MA PHAM PA'I SRAS KYI THU BO'I TSUL DU BZHUGS TE DGA' LDAN GYI LHA RNAMS DANG, PHYOGS BCU'I ZHING RAB 'BYAMS NAS 'DUS PA'I BYANG CHUB SEMS DPA' BGRANG PA LAS 'DAS PA DAG LA THEG PA CHEN PO'I CHOS RGYA CHER STON PAR MDZAD CING, MIG 'PHRUL BZHIN DU PHYOGS BCU'I ZHING RAB 'BYAMS THAMS CAD DU SPRUL BA BKYE NAS GDUL BYA'I DON RGYUN MI 'CHAD DU MDZAD CING BZHUGS SO, ,DES NA RGYAL BA DGYES PA'I LAM LA 'JUG PAR 'DOD PA RNAMS KYIS MGON PO AA TI SHA'I SKU YID LA BYAS TE RGYUN DU GSOL BA 'DEBS PA DANG, MGON PO DE'I GSUNG SKYES BU GSUM GYI LAM GYI RIM PA LA NYIN RE BZHIN DU YANG DANG YANG DU SHAR SGOM BYAS TE BAG CHAGS CI THEBS BYA BA LA 'BAD BAR BYA'O, ,JO BO RJE LA RGYA BOD GNYIS KAR RGYUD 'DZIN GYI SLOB MA BSAM GYIS MI KHYAB PA YOD KYANG, GTZO BO NI RGYA GAR NA JO BO DANG MKHYEN PA MNYAM PA'I PAndI TA CHEN PO BI TO PA, DHARM'A AA KA RA MA TI, DBU MA SENG+GE, SA'I SNYING PO STE BZHI, GZHAN YANG BSHES GNYEN GSANG BA SOGS BSTAN PA 'DZIN PA'I PAndI TA DANG, DBEN PA'I RI SUL DU SGRUB PA SNYING POR BYED PA'I KU SU LU BGRANG PA LAS 'DAS PA YOD DO, ,BOD DU BYON NAS GDUL BYA BGRANG BA LAS 'DAS PA LA CHOS 'KHOR BSKOR BAR MDZAD PAS RGYUD 'DZIN BGRANG BA LAS 'DAS PA YOD MDO KYANG, GTZO BO NI MNGA' RIS NAS LO TZ'A BA RIN CHEN BZANG PO, NAG TSO LO TZ'A BA, LHA BLA MA BYANG CHUB 'OD, GTZANG NAS 'GAR DGE BA, 'GOS LO CHEN PO

, ,YOL SKU MCHED, LHO BRAG NAS PHYAG KHRI MCHOG DANG DGE BA SKYONG, KHAMS NAS RNAL 'BYOR PA CHEN PO, DGON PA PA, SHES RAB RDO RJE, PHYAG DAR STON PA, DBUS NAS KHU RDOG 'BROM GSUM RNAMS JO BO'I THUGS SRAS GTZO BOR GRAGS SHING GZHAN YANG MTHA' YAS SO, ,DE LA LO CHEN RIN CHEN BZANG PO NI SA PHO RTA'I LO LA YAB GZHON NU DBANG PHYUG DANG, YUM COG RO KUN BZANG SHES BRTAN MA'I SRAS SU SKU 'KHRUNGS, RIGS G-YU RI G-YU SGRA, DGUNG LO BCU GSUM BZHES BA'I TSE MKHAN PO YE SHES BZANG PO LA RAB TU BYUNG, DE'I MOD LA 'DUL BA RGYA CHER 'GREL THUGS SU CHUD, DE NAS RGYAL PO'I BKAS KHA CHER BYON, LO TZ'A MKHAS BAR BSLABS, PAndI TA KA RA RNAM GSUM SOGS PAn GRUB DU MA LA GTUGS TE SNGAGS MTSAN NYID KYI GZHUNG MANG PO LA SPYANGS, MKHYEN PA SHIN TU CHE BAS MDO SNGAGS KYI CHOS MANG PO BSGYUR, PHA ROL TU PHYIN PA DANG RGYUD KYI PHYOGS GNYIS KA'I BSHAD PA RGYA CHER MDZAD, DBANG DANG SGRUB PA'I LAG LEN MANG DU BSTAN TE BSTAN PA SNGA DAR LAS PHYI DAR SNGAGS KYI BSTAN PA BOD DU DAR BA YANG LO TZ'A BA 'DI KHO NA'I BKA' DRIN YIN, PAndI TA BDUN CU RTZA LNGA BSTEN NAS DAM PA'I CHOS MANG DU GSAN; BLA CHEN PO LHA LDE BTZAN GYIS DBU'I MCHOD GNAS DANG RDO RJE SLOB DPON DU BSKUR, PU RANGS ZHER GYI GNAS GZHI PHUL, GTZUG LAG KHANG YANG BZHENGS, KHA CHE'I GTZUG LAG KHANG DANG RONG GI GTZUG LAG KHANG LA SOGS PA

GNAS GZHI DANG GTZUG LAG KHANG DANG MCHOD RTEN MANG DU BZHENGS, GUR SHING BRTZON 'GRUS RGYAL MTSAN LA SOGS PA'I SLOB MA MKHAS GRUB MANG PO DANG ZHUS CHEN PHER BA'I LO TZ'A YANG BCU LHAG TZAM THON, 'PHRAL GYI MDZAD PA YANG SKU GZUGS BZHENGS PA DANG, 'GYUR MDZAD PA LA SOGS RE RE'I RJES KYANG GZHAN GYIS MI RNYOGS PA DANG, MTSAN YANG DAG PAR BRJOD PA YANG SAm SKRi TA'I SKAD DU 'BUM PHRAG GCIG BOD SKAD DU 'BUM PHRAG GCIG, GZHAN LA YON BYIN TE 'BUM PHRAG GCIG RNAMS BTON, DGUNG LO BRGYAD CU RTZA LNGA BZHES PA CHU RTA LA JO BO BOD DU BYON PA DANG MJAL TE SNGAR BSGYUR BA MANG PO LA ZHUS DAG ZHUS, JO BO NYID KYIS MDZAD PA'I DAM TSIG BSDUS PA BSGYUR BAS 'GYUR BZANG BA CIG BYUNG, DE NAS LO CHEN GYIS GSER SRANG BDUN DANG BCAS PA'I MAndAL PHUL NAS BDE MCHOG GI DBANG DANG BSKYED RDZOGS KYI GDAMS NGAG RNAMS ZHUS TE JO BO'I GDAMS NGAG SKYES BU GSUM GYI LAM GYI RIM PA DANG BSKYED RDZOGS KYI RIM PA RNAMS LA RTZE GCIG TU SGRUB PA MDZAD PAS DPAL GSANG BA 'DUS PA DANG, BDE MCHOG GI ZHAL GZIGS SHING GRUB PA BRNYES TE DGUNG LO DGU BCU RTZA BRGYAD PA SHING MO LUG GI DGUN ZLA THA CHUNG GI TSES BCU BDUN LA MYA NGAN LAS 'DAS PA'I TSUL BSTAN PA'I TSE NAM MKHA' GANG BA'I LHA RNAMS KYIS ROL MO RGYA CHER SGROG PA DANG, ME TOG GI CHAR 'BEBS PA LA SOGS PA GRONG PA'I SKYE BO THAMS CAD KYI MNGON SUM DU GYUR, GDUNG RTEN MA BYUNG BAS MKHA' SPYOD DU GSHEGS BAR GRAGS, RING BSREL 'O MA SE'I

, ,MDOG LTA BU GSUM BYUNG BA JI ZHIG NA 'BRUG LTA BU'I SGRA DANG BCAS TEN MKHAR SONG BA ZHIG BYUNG ZHES GRAGS SO, ,DGE BSHES NAG TSO LO TZ'A BA NI LCAGS MO PHAG LA GUNG THANG ZHES GRAGS PA MNGA' RIS RDZONG DGA'I LHA GDONG DU SKU 'KHRUNGS, GDUNG NAG TSO, RAB TU BYUNG BA'I MTSAN TSUL KHRIMS RGYAL BA, 'DUL BA MKHAS PAR MKHYEN PAS 'DUL BA 'DZIN PAR GRAGS, RGYA BRTZON SENG LA MNGON PA GSAN, DGUNG LO NYER BDUN PA LA JO BO SPYAN 'DREN LA RGYA GAR DU BYON, JO BO RJE LO BCU DGU'I BAR TSUL BZHIN BSTEN, YON TAN THAMS CAD RDZOGS PAR MDZAD, JO BO RJE BOD DU SPYAN DRANGS BAS BOD KHAMS SPYI LA BKA' DRIN CHE BA YIN PAS, BOD STON THAMS CAD KYIS KYANG SLOB DPON ZHES BRJOD PA YIN, JO BO'I CHOS RNAMS KHONG GIS KHUNGS PHYUNG NAS ZHUR BCUG PAS GZHAN RNAMS KYIS KYANG GDAMS PA PHAL CHE BA THOB PAS KHONG BKA' DRIN SHIN TU CHE BAR BYED, NAG TSO SNYE THANG NAS MNGA' RIS SU 'BYON KHAR JO BOS BSLAB BYA MANG BAR MDZAD DE, DAM TSIG GSUM BKOD KYI SKU PHYAG TU BZUNG NAS BYIN RLABS MDZAD, 'DUL BA MDO RTZA DANG, GSANG BA 'DUS BA'I RGYUD DPE DANG, 'GRO CHOS SU THUN MONG MA YIN PA'I SPYAN RAS GZIGS KYI SGRUB SKOR SOGS SBAS CHOS NYI SHU GNANG LUNG BSTAN MANG DU MDZAD DE JO BO NYID KYI SKU MTHE BONG TZAM SENG LDENG LA BRIS TE GA'UR BCUG NAS DPUNG PA LA BTAGS, MNYES MNYES RGYA CHEN MDZAD, DE NAS YAR BYON NAS RAS KHRU BCU DRUG PA

GCIG LA RI MO MKHAN MKHAS BA KRIshnA BYA BA RGYA GAR BA CIG YOD PA 'DRIR BCUG NAS, STOD LA JO BO'I YI DAM GYI LHA RNAMS BRIS, DE'I 'OG NA PHAR LA JO BO'I BLA MA BCU GNYIS PO BRIS, DE NAS JO BO RJE NYID KYI SKU TSAD KHRUS GZHAL TE BRIS, G-YAS G-YON GNYIS NA NYE GNAS RE LDEM SKUR BRIS, G-YAS G-YON GYI MTHA' RAS LA JO BO'I MDZAD PA RNAMS DANG, 'OG NA TSUR KHU RNGOG 'BROM GSUM LA SOGS PA BOD STON RNAMS CHOS GRVA'I TSUL DU BRIS, DE'I MDUN DU LO TZ'A BA NYID GSOL BA 'DEBS PA'I TSUL DU BRIS, DE'I RGYAB LA JO BO'I BSTOD PA BRGYAD CU BA BRIS, RAB GNAS MDZAD BA'I TSE, JO BO RJE NYID DGA' LDAN NAS 'BYON PAR ZHAL GYIS BZHES BAS 'DI JO BO RJE NYID DANG KHYAD MED PA YIN, MNGA' RIS SKOR GSUM GYI RTEN LA BYIN RLABS CHE SHOS YIN GSUNG, DE'I RJES SU DZNY'A NA A'A KA RA DANG, BAL PO SHR'INTAm BHA DRA, NAG PO DAM TSIG RDO RJE LA SOGS BA BSTEN NAS 'GYUR YANG MANG DU MDZAD DO, ,DE NAS JO BOS LUNG BSTAN PA BZHIN SGRUB PA MDZAD PAS JO BO YI GE DRUG PA, SGROL MA, 'JAM DPAL RDO RJE RNAMS ZHAL GZIGS, KHONG RANG GI YI GE LAS KYANG, NAG TSO BDAG NYID GCIG PU MA GTOGS PA, ,JO BO'I SLOB MA GZHAN LA YOD RE SKAN, ,ZHES JO BO'I MAN NGAG THUN MONG MA YIN PA RNAMS KHANG RANG LA YOD BAR ZHAL GYIS BZHES SHING JO BO RJE BOD DU GDAN 'DREN MDZAD PAS LO TZ'A BA 'DI NI BOD KHAMS YONGS LA BKA' DRIN BLA LHAG TU CHE BA ZHIG GO, LHA BLA MA BYANG CHUB 'OD NI MNGA' RIS CHOS RGYAL

, ,GYI SRAS SU SKU 'KHRUNGS, RGYAL SRID LA MA CHAGS PAR RAB TU BYUNG ZHING BSNYEN PAR RDZOGS NAS BSTAN PA DANG SEMS CAN GYI KHUR KHYER TE JO BO SPYAN 'DREN PA'I BYED PA PO MDZAD, BSTAN PA SPYI KHYAB TU BYANG CHUB LAM GYI SGRON MA ZHUS TE, LO TZ'A BA RMA DGE BA'I BLO GROS KYIS BSGYUR, KHONG GIS JO BO LA BDAG RGYUD GSANG BA 'DUS PA MAN NGAG YE SHES ZHABS LUGS YI DAM THUGS RJE CHEN PO LA MOS PAS, 'JIG RTEN DBANG PHYUG GIS DKYIL 'KHOR GYI GTZO BO BYAS PA'I SGRUB THABS SHIG ZHU ZHUS PAS, 'JIG RTEN DBANG PHYUG LHA BCU DGU'I DKYIL 'KHOR GYI DBANG GNANG ZHING SGRUB THABS CHE CHUNG GNYIS BSTON BA DANG BCAS MDZAD DE LO TZ'A BAS BSGYUR, JO BO'I 'JIG RTEN DBANG PHYUG LA THUGS DAM DU MDZAD PAS ZHAL MNGON SUM DU GZIGS, DBUS SU PHEBS NAS KYANG JO BO'I ZHABS TOG MDZAD CING CHOS KYANG MANG DU GSAN, JO BO'I GSUNG LA GCES SPRAS SU MDZAD PAS JO BO RJE SHIN TU MNYES, LHA BTZUN BO DHI R'A DZAS JO BO LA LHA BTZUN PAS PHYAG MDZAD TZA NA MI BZHENG, KHO BOS PHYAG BGYIS TZA NA SKU LUS RDO RJE SKYIL KRUNG MDZAD KYANG BZHENG BA JI LTAR LAGS ZHUS PAS, LHA BTZUN PA DE'I SLOB MA YIN KHYED BOD KYI R'A DZA YIN GSUNG, 'O NA KHO BO SLOB MA MA LAGS SAM ZHUS PAS, JO BO SPYAN ZIM ME MDZAD NAS LAGS LAGS BZOD PA MDZOD GSUNG, SLOB MA BZANG PO BYANG CHUB 'OD KYIS BSKUL GYUR BAS, ZHES JO BO RJE THUGS SHIN TU MNYES PAS SRAS KYI

THU BOR GYUR PA ZHIG STE, BYANG CHUB LAM GYI SGROL MA ZHES 'DZAM GLING BSTAN PA'I SGRON ME GCIG PU 'DI KHONG GI BKA' DRIN LAS BYUNG BAS RGYAL BA'I BSTAN PA LA BYA BA CHEN PO BYAS BA ZHIG GO, GTZANG GI SLOB MA RNAMS KYI GTZO BO RJE 'GOS LA TZ'A BA NI, RTA NAG PHU'I KHUG PA ZHES BYA BA'I SA'I CHAR YUM SGROL MA'I SPRUL PA YIN ZER BA ZHIG LA 'KHRUNGS, MTSAN NI LHAS BTZAS TE LHAS SKYABS ZHES BYA BA YIN LA, DANG POR ZUR PA'I SAR SLOB GNYER LA BYON PAS LAS KHO NA BCOL BAS 'BROG MI'I THAD DU BYON, CHOS 'BREL TZAM GNANG YANG RGYUD NYAN PAR 'DOD PA LA GSER KHYER SHOG GSUNGS NAS MA GNANG BAS, RANG GI SPOBS PA BSKYED DE RGYA GAR DU PHYIN LA KHONG 'DRA BA ZHIG BYA SNYAM NAS, GYI JO ZLA BA'I 'OD ZER DANG 'GROGS TE RGYA GAR DU BYON, PAndI TA RNAMS KYI THAD DU CHOS GSAN PA'I TSE NA BRTZON 'GRUS MA BSKYED NA 'BROG 'DOM DE LA NGO TSA BAR YOD GSUNGS NAS SNYING NAS BSKYED DE SLOB GNYER LA 'BAD PA CHEN PO MDZAD, KHONG LA BAL PO PHAN CHAD NA PAndI TA'I BLA MA BDUN CU DANG, MKHA' 'GRO MA'I BLA MA GNYIS TE BDUN CU RTZA GNYIS YOD BAR GRAGS, GSANG BA 'DUS PA GSAN PA'I GTZO BO NI BHAm GA LA'I MNGON SHES CAN, ZA HOR GYI BTZUN MO CAN, KONG KA NA'I RGYAL BU SPRIN GYI SHUGS CAN, RDO RJE GDAN GYI NAG PO DAM TSIG RDO RJE, JO BO RJE, KHA CHE GRIB STAN GYI MKHAS PA TZANDRA R'A HU LA, RGYAL PO'I KHAB KYI ZHIB BZANG PO, YE RANG GI BAL PO THUGS RJE CHEN PO, BAL PO RDZONG GI NA BA KU t'I BA, N'A RO BA'I

, ,SLOB MA KHA CHE DZNY'A NA A'A KA RA RNAMS BSTEN NAS GSANG BA 'DUS PA'I RGYUD 'GREL PA CHA LAG DANG BCAS PA MKHAS PAR BSLABS NAS BSHAD PA MDZAD PAS 'PHRIN LAS KYI DAR RGYAS SHIN TU CHE, RGYUD 'GREL PA DANG BCAS PA LA 'GYUR BCOS KYANG LAN GNYIS SU MDZAD, GZHAN YANG 'GYUR MANG DU MDZAD, LHAG PAR GSANG BA 'DUS PA 'PHAGS LUGS LA 'PHRIN LAS KYI BKA' BAB PAS BOD DU 'DUS PA'I BSHAD SROL RGYA CHER SPEL LO; ;CHOS RJE BU STON RIN PO CHE DANG RJE BDAG NYID CHEN PO YAB SRAS RNAMS KYIS RJE 'GOS KYI 'DUS PA'I BSHAD SROL NYID RTZAL DU BTON NAS SPEL BAS DENG SANG GI BAR DU BSHAD SROL RGYUN MA CHAD PAR YOD PA 'DI BYUNG BA YIN PAS BKA' DRIN SHIN TU CHE BA ZHIG GO, YOL SKU MCHED GSUM NI, YOL CHOS DBANG, YOL DRANG SRONG, YOL THOGS 'BEBS TE, GSUM GA JO BO'I DNGOS SLOB YIN YANG, DANG PO JO BO NYAN TSOR PHEBS DUS JO BO'I ZHAL NAS; DA NANG THO RANGS NAM MKHA' LA HR'I: DKAR PO SGRA DANG BCAS PA CIG BYUNG, DE BCU GCIG ZHAL GYI SKU LI MA 'DI LA PHOG, DE LAS 'OD 'PHROS BOD THAMS CAD 'OD KYIS KHYAB NAS 'OD DE BAN CHUNG GZHON NU GCIG LA PHOG PAS DE'I SGYU LUS 'OD GSAL DU SHAR BA RMIS GSUNG, NYI MA RTZE SHAR LA YOL CHOS DBANG BTZUN CHUNG LO BCU DRUG LON PA GCIG GIS DAR SER PO ZHIG PHUL, BDAG LA THUGS RJE CHEN PO'I GDAMS NGAG CIG ZHU ZER

BAS JO BO DGYES NAS BCU GCIG ZHAL GYI SKU DE YANG GNANG, SPYAN RAS GZIGS KYI CHOS SKOR RNAMS RDZOGS PAR GNANG, DE NAS RANG GI GNAS SU JO BO SPYAN DRANGS TE ZLA BA GSUM DU ZHABS TOG MDZAD, DE'I TSE TSOGS CHOS SU PHA ROL TU PHYIN PA GSUNGS, LKOG CHOS SU YUL MCHED GSUM LA KRi YA'I SGRUB THABS RNAMS GSUNGS, YOL GYIS JO BO LA SRUNG BA ZAB MO ZHIG ZHU ZHUS PAS MA nI GSUNGS, DES MI 'ONG ZHUS PAS MI G-YO BA GSUNGS, STON PAS BYIN RLABS CHE BA ZHIG ZHU BYAS PAS, YI GE DRUG PA DANG ZHAL BCU GCIG PA GSUNGS, LO TZ'A BAS MTHU CHE BA ZHIG ZHU ZHUS PAS GSHIN RJE GSHED GSUNGS, SGRUB THAG NYE BA ZHIG ZHUS PAS SGROL MA GSUNGS, YOL GYIS THUGS RJE CHEN PO ZHI KHRO'I SKOR ZHUS NAS SGRUB PA MDZAD PAS ZLA BA DRUG NAS ZHI BA'I LHA'I ZHAL GZIGS, DE NAS KHRO BO'I ZHAL GZIGS, THUGS RJE CHEN PO'I CHOS SKOR LA YOL LAS MKHAS PA MED GSUNGS, PHYIS DBUS SU YANG BYON TE CHOS MANG DU GSAN, KHYAD PAR RTA MGRIN SHVA NA BZHI BSKOR GYI SGRUB THABS DE LO TZ'A BA DANG LHA BTZUN PA SOGS KYIS ZHUS KYANG MA GNANG BAR YOL LA 'DI SNYING RJE'I LHA YIN KHYOD SNYING RJE CHE BAS STER BA YIN GSUNGS NAS GNANG, YOL LA BRTEN NAS JO BO LUGS KYI THUGS RJE CHEN PO GTZO 'KHOR GSUM GYI GDAMS PA GRUB MTHA' RIS SU MA CHAD PA DAG LA RGYA CHER 'PHEL LO, ,RONG PA 'GAR DGE NI, RTEN DGE BSNYEN YIN, JO BO SPYAN 'DREN TU MANG YUL DU BYON, BSAM YAS

, ,SU YANG BYON TE, GSANG SNGAGS KYI GDAMS PA MANG DU GSAN ZHING PHYIS JO BO RJE SNYE THANG DU BZHUGS PA'I DUS NYANG RO'I STON PA BSOD NAMS YE SHES DANG LHAN DU PHEBS, DE NAS DGE BSHES STON PAS MCHIMS PHU NAS LO TZ'A BA SPYAN DRANGS, STON PA DGE BAS ZHUS NAS DPAL DGYES PA RDO RJE SLOB DPON SHANTI PAS MDZAD BA'I LHAN CIG SKYES PA'I RNAL 'BYOR DANG, JO BO RJE NYID KYIS MDZAD PA'I dOMBI HE RU KA'I BDUD RTZI'I 'OD KYI 'GREL PA DANG, DPAL 'KHOR LO SDOM PA'I GZHUNG MANG PO DANG, DPAL MAH'A MA YA'I SGRUB THABS SLOB DPON KU KU RI PA DANG SHANTI PAS MDZAD PA LA SOGS PA GSAN, SBYIR NA 'GAR 'GOS GNYIS LA GSANG SNGAGS MTHA' DAG GI GDAMS PA MA LUS PAR GNANG, KHYAD PAR GSANG SNGAGS 'PHAGS SKOR LA RTZAL THON, L'U AI PA'I DBANG BKA', LHA SBAS KYI 'GREL BA'I BSHAD BKA', CHOS CHEN DGU LA SOGS PA'I RDZOGS RIM YONGS SU RDZOGS PA GSAN NAS RANG GI THUGS NYAMS SU BZHES SHING SKAL BA DANG LDAN PA GZHAN DAG LA'ANG RGYA CHER SPEL LO, ,LHO BRAG PA PHYAG KHRI MCHOG NI, 'KHRUNGS YUL LHO BRAG PA, LHA SAR JO BO MJAL BA'I LAM ZHOR LA SNYE THANG DU JO BO RJE DANG MJAL TE GDAMS NGAG MANG DU THOB, LO LNGA BSTEN, CHOS MNGON PA LA RTZAL THON, 'JIG RTEN DBANG PHYUG DANG, JO MO SGROL MA'I ZHAL GZIGS SHING KHAMS GONG MA'I TING NGE 'DZIN LA MNGA' BRNYES, JO BO'I RNAL 'BYOR MI BZHI'I

YA GYAL GCIG YIN, JO BO MYA NGAN LAS 'DA' KHAR, TSE 'DI BLOS THONG TSE GZHUG 'BROM STON PA DANG MA BRAL BA GYIS SHIG GSUNGS PA LA BRTEN NAS 'BROM GYI PHYAG PHYIR RA SGRENG DU 'PHEBS, DE NAS JO BO'I GDUNG KHANG GI DNGUL 'DON PA DANG, JO BO'I PHYAG DPE KHA CIG RGYA GAR DU RDZONG BA'I SLAD DU BAL YUL DU BYON, RGYA GAR DU RGYA DPE 'PHRIN YIG DANG BCAS PA'I MI MANG PO BRDZANGS, DNGUL RNAMS LA LJANG PA BYAS NAS KA BA LIR BCUG, TSUR BYON PA'I LAM DU RMI LAM LA JO MO SGROL MA'I ZHAL NAS BRAM ZE'I KHYE'U LO BCU LON PA GCIG RAS TSONG DU 'ONG GI DE NYOS LA NGA LA PHUL ZHIG, DE LTAR BYAS NA LAM DU BAR CHAD KYIS MI TSUGS PA'I GNYER KHA THAMS CAD NGAS BYED ZER PA ZHIG RMIS, SANG RAS TSONG BA GCIG BYUNG STE JO MO LA BSNGOS NAS DPAL MO DBAL THANG LA BYON TZAN JAG PA MANG BO BYUNG BAS ZLA BO THAMS CAD BCOM, PHYAG KHRI MCHOG GI DNGUL LJANG PA DE RNAMS GAD SKYIBS ZHIG NA PHAR LA BZHAG PAS JAG PAS MA MTHONG BAR TSUR THON, LO RGYUS DER SGRENG DU DGON PA BA LA ZHUS PAS, SGROL MA DKAR SNGO GNYIS GANG DU 'DUG GSUNG, DE MA DRAN ZHUS PAS DE GNYIS KA BZHENGS GSUNGS NAS RAS DE LA SGROL MA DKAR SNGO GNYIS KA BZHENGS NAS DA LTA RA SGRENG NA BZHUGS PA LAGS, GLANG RI THANG BA'I ZHAL NAS RI MO GSAL RGYU MI 'DUG STE SPRUL PA'I SKU DNGOS YIN GSUNGS, DE NAS RE SHIG NA JA LUNG RDO GANG GI MANG SKOL MDZAD, DE RING NI GTAM RI GZAR GYI RBAB 'DRA BA CIG 'ONG BAS SO

, ,SO NAS BZOD PA MDZAD PA ZHU GSUNGS NAS BZOD GSOL SNGON LA MDZAD, DGE BSHES STON PA LA DGE BA'I BSHES GNYEN PA LAGS, KHYED LA JO BO'I GDAMS NGAG THAMS CAD BUM PA GANG BYO'I TSUL DU MNGA' BA LAGS PAS, DES KYANG MI PHAN, DES KYANG MI PHAN MI GSUNG BAR JO BO'I GDAMS NGAG RNAMS RGYUN MI GCOD PAR GSUNG BAR ZHU, RNAL 'BYOR BA LA, KHYOD RNAL 'BYOR PA MI CHOS SU NGAN TE, JO BO'I G-YOG BZHAG NAS RBA RGYA MTSO'I RJES LA PHYIN, LHA CHOS SU NGAN TE JO BO'I GDAMS NGAG BSGOM PA BZHAG NAS SBAS CHUNG STON PA'I BDAG MED MA'I SGRUB THABS BSLABS PA YIN ZHES DANG, RNAL 'BYOR PA GONG 'OG LA YANG BKA' PHAB LAM ME BA ZHIG MDZAD NAS, DA KHO BO JO BO'I THUGS DGONGS SKONG DGOS PA YOD PAS, SANG NAS MTSAMS GCOD BAR ZHU GSUNG BAS, RNAL 'BYOR BA GONG 'OG GI THUGS DGONGS LA KHONG MTSAMS BCAD NAS MI DANG MI PHRAD PA YIN 'ONG SNYAM TZA NA SHUG GSEB LA SOGS PA GAR THOD THOD DU ZHUGS NAS GDA' SKAD, DE DUS GSANG PHU NAS RNAL 'BYOR BA SHES RAB RDO RJE RA SGRENG DU BYON, KHONG DANG CHOS KYI GSUNG GLENG KHO THAG CHOD PA CIG BYA SNYAM NAS BYON PA DANG, RNAL 'BYOR PA MI BZHUGS PAR GDA' SKAD, GAR BZHUD BYAS PAS, SHUG GSEB KYI PHA GI YIN ZER BAS, DER BYON TE GSANG PHU BA DGE SLONG YIN, KHRI MCHOG DGE BSNYEN YIN PAS GSANG PHU BA LA TSUR PHYAG GSUM MDZAD NAS, KHO BO LA MI'I TIG PO

TZAM MI BDOG GSUNGS NAS, SHUG GSEB NA PHAR GSHEGS PAR MDZAD, GSANG PHU BA'I ZHAL NAS, DE LAS YI MUG PA DANG, DE LAS KHO THAG MA CHOD PA CIG MA BYUNG GSUNG ,KHONG 'JIG RTEN GYI RNAM PAR RTOG BA LA MTSAMS BO CHE PAD KYIS BCAD NAS BZHUGS PA YIN TE, 'JIG RTEN BLOS BTANG NAS BYAMS SNYING RJE BYANG CHUB KYI SEMS BSGOM PA LA SOGS PA JO BO'I THUGS DGONGS JI LTA BA BZHIN DU BSGRUB BAR MDZAD, LAN CIG YUL NAS GSER ZHO KHA YAR ZHIG BYUNG BA NA, GSER GYI THUM PO RNAMS BKROL NAS PHYAG GI MTHIL DU BLUGS, KA GNYIS MA'I MDUN DU BYON NAS, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,GSUNG ZHING RTEN GYI GSEB TU GTOR TE BTANG, RVA'I ZE'U CHUNG CHUNG ZHIG LA SKOR BA MDZAD PA LA, MYA NGAN 'DAS RTING BLTAS PAS, NANG NA JO BO'I NA BZA' BRUL PA CIG SNANG, GZHAN RTEN GYI DNGOS PO CI YANG MI 'DUG ,DGON PA BA'I ZHAL NAS, WA, RA SGRENG BA'I MTHA' 'DI LTAR SONG BA GSUNG, DE CI NONGS ZHUS PAS, NGAS JO BO'I THUGS DAM GYI LHA BZHENGS, RNAL 'BYOR PAS MDO MANG BRIS, STON PA 'DAS, KHRI MCHOG YOD NA'ANG 'DI LTAR MI 'GRO BA LA GSUNG, KHRI MCHOG GIS CI PHAN ZHUS PAS, DE 'JIGS NAS BYED MI PHOD GSUNG, SHA RA BA'I ZHAL NAS, DA LTA'I BKA' GDAMS PA'I SROL GANG YIN CHA MED, SNGON DGE BSHES STON PA DANG, KHRI MCHOG DANG, RNAL 'BYOR PA RNAMS KYIS SKYE SA'I YUL SPANGS TE NYE DU 'BREL PA

, ,LA SHI BA LTAR BYAS NAS CHOS LA NAN TAN CHER BYED BA YIN GSUNG, DGE BA SHES GRO LUNG PA'I ZHAL NAS, RNAL 'BYOR PA PHYAG KHRI MCHOG CHOS GRVA'I SLOB DPON SPYOD PA GZHAN GYI SEMS SHES PA MNGA' BA JO BO RJE GSHEGS KHAR THA MAL PA'I RTOG PA MA RGYU BAR BYANG CHUB KYI SEMS SBYONGS SHIG ,STON PA DANG MA BRAL BAR GYIS SHIG CES GDAMS PA DANG, LHAG PAR DGONGS PA LO BZHIR THA MAL PA'I RTOG PA MA SHOR BAR GRAGS PA STE, RNYED PA NI 'PHRAL 'TSO TZAM LAS MED, MGRON GYI SNA LEN LA SOGS PA TSUL BZHIN MDZAD PA NA, NYE GNAS SKYO NAS 'DI LTA BU MI 'GRUB CES ZHUS PA DANG, BKYON TE, GCIG PUR 'DUG PA TA SO GSOD DE CHIG SKYA MI THUB PAS DGE BSHES STON PA LA BRTEN PA YIN GSUNG NGO, ,DE LTAR THA MAL GYI RNAM PAR RTOG PA'I RGYU BA BCAD DE DGUNG LO ZHE GNYIS 'GRO BA'I TSE RA SGRENG DU SKU'I BKOD PA BSDUS NAS DGA' LDAN CHOS KYI PHO BRANG DU GSHEGS SO, ,LHO BRAG BA DGE BA SKYONG GI RNAM THAR RNYED NA 'DIR 'JUG ,KHAMS PA SKU MCHED BZHI NI, RNAL 'BYOR BA CHEN PO BYANG CHUB RIN CHEN, DGON PA PA DBANG PHYUG RGYAL MTSAN, SHES RAB RDO RJE, PHYAG DAR STON PA RNAMS SO, ,DE LA RNAL 'BYOR PA CHEN PO BYANG CHUB RIN CHEN NI, MDO KHAMS SMAD DU SHING MO YOS LA SKU 'KHRUNGS, SKU GZHON NU NAS RAB TU BYUNG STE JO BO RJE BOD DU 'BYON PA'I SNYAN PA GSAN NAS MJAL BAR 'DOD DE BYON PAS

,TZANG GI NYAN TSOR JO BO DANG MJAL, JO BOS SNGON GYI 'BREL BA DANG CHOS KYI BAG CHAGS YOD PAR MKHYEN NAS MJAL MA THAG TU DAM TSIG GSUM BKOD PA'I RGYAL PO'I LUNG DANG, 'DU SHES BSKYED PA'I CHOS BCU BYA BA'I GDAMS NGAG GNANG, RGYUN GYI ZHABS TOG PA NYE GNAS MDZAD CING, RGYA GAR DU JO BO'I BLA MA RNAMS LA 'BUL SKYEL DANG, RDO RJE GDAN GYI MCHOD PA SOGS BYA BAR LAN GSUM BYON, LAN CIG DBUS SU NYANG PO'I GRU LA JO BO'I PHYAG PHYI MDZAD CING PHEBS DUS JO BO LA GRU GLA CI SBYIN ZHUS PAS JO BOS PHYAG RGYA ZHIG MDZAD BAS DE GO NAS KA RA BAM PO LNGA BYIN BAS JO BO DGYES TE NGAS RKANG MGYOGS BSGRUBS NAS 'DZAM BU'I GLING LAN GSUM SKOR YANG KHYOD 'DRA PA'I SLOB MA MI RNYED GSUNG, JO BO SNYE THANG DU BZHUGS DUS RNAL 'BYOR PA'I THUGS DGONGS LA NYIN MTSAN DANG STON DPYID MED PAR BLA MA'I ZHABS TOG BYED BYED NAS BSGOM BYA RGYU MA BYUNG BAS NGA BSOD NAMS CHUNG SNYAM PA'I BLO ZHIG SKYES PA JO BOS MKHYEN NAS LUS NGAG YID GSUM BLA MA'I ZHABS TOG TU BKOL NA SGOM GYI DMIGS PA GZHAN NAS BTZAL MI DGOS GSUNGS, DE'I GNAD KAS DGE BSHES RNAL 'BYOR PA LAS RTOGS PA MTHO LA SGOM BZANG BA MA BYUNG BA YIN, DAM TSIG GSUM BKOD PA'I RGYAL PO'I BZLAS PA STONG PHRAG BRGYAD THON TZA NA ZHAL GZIGS, LAS SNA TSOGS LA RTZAL THON, DAM TSIG GSUM BKOD RGYAL BO DANG 'JAM DPAL BGRO BA

, ,MDZAD PA'I ZHAL GZIGS, JO BO MYA NGAN LAS 'DAS NAS ZHAL 'CHEMS BZHIN DGE BSHES STON PA'I PHYAG PHYIR BYON NAS RA SGRENG DU BZHUGS, DGE BA SHES STON PA ZHI BAR GSHEGS RJES RA SGRENG GI GDAN SA LO BCU GSUM MDZAD, RA SGRENG GI KHYAMS SMAD LA SOGS PA MDZAD BA LHAG MA RNAMS BSGRUBS SHING TSOGS PA BSKYANGS BAS 'PHRIN LAS SHIN TU CHE BA BYUNG, BU SLOB CHE BA MANG RA BA BYANG TSUL, STOD LUNG PA CHEN PO, LHAG MI, G-YAG RUM, SMYUG RUM PA CHEN PO RNAMS DANG, BKA' GDAMS SKU MCHED GSUM GYIS KYANG 'DI'I ZHABS LA GTUGS PAR SNANG NGO, BDAG NYID CHEN PO 'DI NI MNGON SHES DANG RDZU 'PHRUL THOGS PA MED PA MNGA' BA ZHIG STE, 'BROM RIN PO CHE SKU SNYUN PA'I SKABS SHIG RDZU 'PHRUL GYIS RTZIGS PA LA'ANG THOGS PA MED BAR BYON NAS SNYUN DRIS PA'I GTAM RGYUD KYANG YOD CING, RDZOGS RIM GYI RLUNG MNYAM 'JUG GI TING NGE 'DZIN KHYAD PAR CAN THOB PA ZHIG YIN BAR GSUNGS, DGUNG LO DRUG CU RE GSUM PA ME MO SBUL GYI LO'I RGYAL ZLA'I YAR TSES BRGYAD LA NGO MTSAR BA'I LTAS DANG BCAS DGA' LDAN DU GSHEGS SO, ,DGON PA BA CHEN PO'I RNAM THAR NI 'OG TU 'CHAD DO, ,RNAL 'BYOR PA SHES RAB RDO RJE NI, JO BO'I GDAMS PA MANG DU MNGA' ZHING KHYAD PAR GRUB MTHA' LA RTZAL THON, THUGS DAM YI GE DRUG PA'I ZHAL GZIGS,

JO BO LO GSUM DU BSTEN PAR GRAGS, LAN CIG GI TSE MA nI BZLAS PAS ZHAL NAS 'OD ZER SHVA SH'A 'ONG BA LA RNAL 'BYOR BA CHEN PO'I ZHAL NAS, SGOM CHEN 'DI KHA NA RE SKYID, BYANG CHUB KYI THUGS MNGA' BA GSUNG, JO BO GSHEGS NAS GSANG PHUR BZHUGS TE THUGS DAM TSIG CHOD DU MDZAD, KHONG DANG RNAL 'BYOR PA KHRI MCHOG GNYIS THUGS GCUGS PAS GSANG PHU DANG RA SGRENG GNYIS LA YAR SNYEGS MAR SNYEGS BYED PA LA DRO ZAN 'KHYER MI DGOS GSUNGS TE, RKANG MGYOGS KYI RDZU 'PHRUL THOB PAR GRAGS, DGE BSHES SPYAN SNGA'I BLA MA YIN PAS SLOB DPON SGOM CHEN ZHES 'BOD, GSANG PHUR SKU GSHEGS PAS GDUNG BZHUGS PA'I SA 'BUM CHUNG NGU ZHIG GSANG PHU'I SKOR LAM NUB PHYOGS NA DA LTA'ANG BZHUGS SO, ,'DI LA GONG MA RNAMS GSANG PHUR SKU YAL ZHES BSNGAGS PA CHE BAR MDZAD DO, ,PHYAG DAR STON PA NI, SPYIR JO BO'I CHOS MANG DU MKHYEN CING, KHYAD PAR PHA ROL TU PHYIN PA LA RTZAL THON, JO BOS PHYAG DAR LA LOGS SU BLA MA'I MAN NGAG BYA BA GSANG BAS 'GRUB PA YIN TE, BSTAN PA NYAMS DMA' BA'I DUS SU BZLO DGOS, KHYOD SHES RAB SHIN TU CHE BAS JI SKAD BSHAD PA BZHIN DU GO ,NGAS JI SKAD ZER BA BZHIN DU BYED, GZHAN RNAMS KYIS BSTAN KYANG MA GO BAS DE MIN ZHIG LOGS NA YOD SNYAM NAS 'ONG, KHYOD BYAMS SNYING RJE BYANG CHUB KYI SEMS SGOMS SHIG GSUNGS, YANG DGE BSHES PHYAG DAR

, ,LA SOGS PA BOD STON KHA CIG GIS, JO BO'I SKU SKYE SNGA MA JI LTAR BZHES PA DANG, PHYI MA GANG DU 'KHRUNGS PA DANG, 'TSANG JI LTAR RGYA BA'I LO RGYUS SHIG YI GER 'DRI BAR ZHUS PAS, JO BO'I ZHAL NAS, KHYOD KYIS GTZUG TOR 'DON MA MYONG NGAM GSUNGS, MYONG LAGS ZHUS PAS, GTZUG TOR NAS, BCAD DO, ,PHUR BUS GDAB BO, ,BYA BA BGEGS LA NUS PA MED PAR BYAS PA YIN, DE BZHIN DU BKA' DANG BLA MA'I MAN NGAG LA TSIG GI PHUR BUS BTAB PAS BYIN RLABS NYAMS 'GRO BA YIN, DE BAS NA TSIG ZIN PA DANG DON GO BAR BYA YIS, YI GER 'DRI BA'I 'OS MA YIN GSUNG, PHYAG DAR STON PA LA NAN TAN DU MDZAD NAS YON TAN GSANG BAS 'GRUB PA YIN NO GSUNG, SNYE THANG DU JO BOS BOD STON RNAMS LA PHAR PHYIN THOG MAR PAndI TA'I BSHAD LUGS DANG, DE NAS JO BO NYID KYI BZHED PA RTON PA BZHI'I SGO NAS KHRID TSUL GSUNGS PA LA 'DIS ZIN BRIS MDZAD PA'I PHAR PHYIN KHAMS LUGS MAR GRAGS PA'ANG SNANG STE, SNGON GTZIGS CHE BAR BYUNG 'DUG GO, JO BO GSHEGS NAS RA SGRENG DU BYON, STON PA'I SLOB MA MDZAD, SKU MCHED GSUM GYI'ANG SLOB DPON DU SNANG ZHING, PHYIS KHAMS SU PHEBS NAS BSTAN 'GRO'I DON RGYA CHER MDZAD CES GRAGS SO,, ,,DBUS KYI SLOB MA'I GTZO BO KHU RNGOG 'BROM GSUM GYI NANG NAS DGE BSHES KHU STON NI

YUL YAR KLUNGS, MTSAN BRTZON 'GRUS G-YUNG DRUNG, LCAGS MO PHAG LA SKU 'KHRUNGS TE NAG TSO DANG 'KHRUNGS LO GCIG, KHONG DANG RNGOG LEGS PA'I SHES RAB BANG STON GSUM GYIS KHAMS SU BYON TE, JO BO SE BTZUN LA CHOS MANG DU GSAN, GAR MI YON TAN G-YUNG DRUNG LA MNGON PA BSLABS TE MKHAS PAR MKHYEN, KLU MES THAMS CAD KYI GNAS BRTAN MDZAD, DE'I DUS SU KHONG LAS MI CHE BA MED PA YIN PA LA, DGE BSHES STON PAS DBUS KYI MI CHEN RNAMS LA GNANG BA'I BKA' SHOG NA KHU'I MTSAN MA CHUD PAS, THUGS RGYAL SKYES TE JO BO NGA RANG GIS THOB BA CIG BYA'O SNYAM NAS SNGON LA LCAG BTAB STE BYON PAS, GZHAN RNAMS KYI'ANG BSKUL MAR GYUR TE, ZHANG ROM GYI ZHAL NAS, KHU MTSUNG PA DE GO BCAD GSUNG STE, DA YANG DGE BSHES STON PA DKYEL CHE BA'I YON TAN YIN, DGE BSHES DES JO BO YUN DU BSTEN NAS GDAMS PA MANG DU GSAN, KHYAD PAR DU PHA ROL TU SBYIN PA'I GDAMS PA DANG, GSHIN RJE'I MAN NGAG LA RTZAL THON, THANG PO CHER SPYAN DRANGS TE CHOS KYI 'KHOR LO BSKOR, SNYE THANG DU KHUS PHAR PHYIN BSHAD PAS CHOS NYAN STONG TZAM 'DUS PA BYUNG, MTHAR DGUNG LO DRUG CU RTZA LNGA BZHES PA SHING MO YOS LA GSHEGS SO,, ,, RDOG LEGS PA'I SHES RAB NI, CHOS RGYAL KHRI SRONG LDE BTZAN GYI BLON PO, RDOG CHEN PO BYA BA BYUNG STE, BTZAN POS RGYA YUL DU DMAG DRANGS PA'I TSE RGYAL PO RI DE'U ZHIG GI KHAR BZHUGS, DMAG RNAMS YUL 'JOMS SU BTANG

, ,BA NA, RGYAL PO'I SKU LA BSNGO BA'I SKYEN PO 'GA' ZHIG BYUNG BA NA, BLON PO RNGOG GIS 'GA' ZHIG BSAD, 'GA' ZHIG NI PHYIR BROS, DE NAS RGYA ZHO HAB KYIS BTAB, RGYA PHRUG BRAG LA BRDABS ZER BA DE'I RGYUD PA YIN TE, YAR 'BROG DO'I PHYI ROL GYI MTSO CHEN PO'I 'GRAM DU GRONG CHAGS PA'I SNGAGS RNYING MA BA'I DGE BSHES RDO RJE GZHON NU BYA BA LA SRAS LNGA BYUNG BA'I CHE BA LEGS PA'I SHES RAB, GNYIS PA KLU KHRI, GSUM PA KLU BYANG, BZHI PA CHOS SKYABS, LNGA PA THUB PA RNAMS LAS CHE BA LEGS PA'I SHES RAB KYIS 'BRING YE SHES YON TAN LA RAB TU BYUNG, KHAMS SU BYON NAS JO BO SE BTZUN LA SDE SNOD RNAMS GSAN PAS MKHAS PAR MKHYEN TE STON BA BZHUD PA'I PHYI LO BYI BA'I LO LA DBUS SU PHEBS, BSHAD PA'I GRA BTZUG NAS SLOB MA YANG MANG DU BYUNG, DE NAS DBUS GTZANG GI MI CHEN RNAMS DANG LHAN DU MANG YUL DU JO BO DANG MJAL, CHOS MANG DU GSAN, THUGS RGYUD SHIN TU BZANG BAS JO BO'I SLOB MA SU DANG YANG MI MTHUN BA MED, LHA SAR JO BO DPON G-YOG SPYAN DRANGS NAS ZHABS TOG RGYA CHER MDZAD, RNGOG GIS DBU MDZAD BA'I BOD STON KHA CIG LA DBANG BSKUR BA'I CHO GA RGYAS PAR GNANG, RTOG GE 'BAR BA BSGYUR BA'I ZHU BA PHUL, JO BOS GNANG NAS NAG TSOS TSANG BAR BSGYUR, DE'I ZHAR LA DBU MA'I MAN NGAG KYANG MDZAD, RNAL 'BYOR BA LA GZIGS SU PHUL BAS NGED LA LKOG TU JI LTAR KHRID PA BZHIN DU BRIS 'DUG,

CUNG YANG ZAB DRAGS GSUNG, DE LO TZ'A BAS BSGYUR, DE'I ZHABS NA, RA SA 'PHRUL SNANG GTZUG LAG KHANG CHEN DU, ,MAR ME MDZAD DPAL ZHES BYA'I MKHAS PA LA, ,SH'AKYA'I DGE SLONG RNGOG BTZUN LEGS SHE YIS, ,GSOL BA BTAB NAS YI GER BKOD PA YIN, ,BYA BA DE JO BO'I GSUNG YIN, MTSAN NI MAR ME MDZAD CES GRAGS PA YI, ,MKHAS PA 'DI YI GZHUNG LUGS SU 'DZIN PA, ,GOL BA'I LAM DU MI 'GRO ZHES, NAG TSO TSUL KHRIMS RGYAL BA SMRA, ZHES GSUNGS, DGE BSHES GSANG PHU BA DES JO BO LO BCU BSTEN CING, LAM RIM SHLOO KA DRUG DANG DE'I GSAL BYED MDZAD, SPYIR JO BO'I CHOS MANG DU MKHYEN KYANG DBU MA'I LTA BA LA RTZAL THON, RJE BTZUN MA SGROL MA'I ZHAL GZIGS, LAN CIG JO BO'I PHYAG PHYIR BYON PAS GSANG PHU LA PHYAG MDZUB BTZUGS TE LUNG PA YA GI'I NANG NA DUNG G-YAS SU 'KHYIL BA 'DRA BA YOD, LEGS SHE KHYOD KYIS DER GTZUG LAG KHANG THOB LA BSHAD NYAN GYIS DANG BSTAN PA LA PHAN THOGS RGYA CHEN 'BYUNG ZHES LUNG BSTAN PA BZHIN GSANG PHU NE'U THOG TU GTZUG LAG KHANG BTAB BSHAD NYAN MDZAD PAS TSOGS PA LNGA BRGYA TZAM 'DUS, DGE BSHES DES SPYIR BSTAN PA LA BYA BA RGYA CHEN PO MDZAD CING, LHAG PAR JO BO YAB SRAS KYI GSANG CHOS BKA' GDAMS GLEGS BAM RIN PO CHE DANG THIG LE BCU DRUG GI MAN NGAG RNAMS BSHES GNYEN CHEN PO 'DI'I BKA' DRIN LAS BYUNG BAS BKA' DRIN MA TSUNGS PA MED PA ZHIG GO ,GSANG BU BA CHEN PO DE'I

, ,DBON PO RNGOG LO CHEN PO BLO LDAN SHES RAB NI, CHOS SKYABS KYI SRAS SU SA MO PHAG LA SKU 'KHRUNGS, GZHON NU'I DUS NAS KHU BO'I DRUNG DU BYON, KHU BO DANG GZUS KYI SLOB MA SBO CHUNG BA TSUL KHRIMS SHES RAB GNYIS LA BRTEN NAS RAB TU BYUNG STE DE GNYIS LA GSAN PA MANG DU MDZAD PAS KHONG GI SHES RAB LA KHU BO MNYES NAS, LO BCU BDUN BZHES PA'I TSE KHA CHER SLOB GNYER LA BRDZANGS, DE'I TSE RVA LO, GNYAN LO, KHYUNG BO CHOS BRTZON, RDO STON, BTZAN KHA BO CHE RNAMS DANG 'GROGS NAS BYON BAS, MNGA' BDAG RTZE LDES DBUS GTZANG KHAMS GSUM GYI SDE SNOD 'DZIN PA RAGS PA RNAMS SPYAN DRANGS NAS ME PHO 'BRUG LO'I CHOS 'KHOR MDZAD PA DANG THUG, RTZE LDE'I SRAS PO DBANG PHYUG LDES RNGOG GI YON BDAG BYA BAR CHAD NAS KHA CHER BYON, PAndI TA SADZDZA NA DANG PA RA HI TA BHA DRA LA SOGS PA DRUG TZAM BSTEN, BAR DU RGYAGS CHAD NAS KHA CHE NAS GSER SLONG BYA BA'I YI GE MNGA' RIS SU BTANG BA LAS DBANG LDES GSER MANG PO YANG BSKUR, TSAD MA RGYAN SGYUR CIG BYA BA'I ZHU BA BYUNG BAS, PAndI TA SKAL LDAN RGYAL PO DANG, RNGOG GIS BSGYUR, DER KHA CHER LO BCU BDUN DU YANG DAG PAR SBYANGS SLAR BOD DU BYON, BOD DU YANG PAndI TA 'BUM PHRAG GSUM PA DANG, SU MA TI K'IRTI GNYIS LA CHOS GSAN ZHING BAL POR YANG YUD CIG BYON NAS AA

RU LA BADZRA DANG, BA RENDRA RU TZI LA SOGS PA LA SNGAGS KYI GSAN PA YANG MDZAD, SLAR BOD DU PHEBS 'GYUR MANG PO MDZAD PA YANG DAG CING SHIN TU 'GYUR BZANG, 'GYUR MDZAD PA'I TSAD NI, GRO LUNG PAS, DAM CHOS SGYUR LA MNGA' BRNYES PA, ,RGYAL YUM GNYIS DANG BSTAN BCOS GZHUNG, 'BUM PHRAG GCIG DANG KHRI KHRAG GSUM, ,STONG PHRAG BDUN NI LHAG BCAS BSGYUR, ,ZHES 'BYUNG BA DE'O, ,LHA SA DANG, BSAM YAS DANG, GNYAL SGANG THOG DANG, GTZANG RGYAD MKHAR DANG, NGAN LAM GYI MYU GU SNA LA SOGS PAR BSHAD PA MDZAD PA'I TSE, MKHAS BTZUN GRVA PA RIM PA BZHIN DU LHA SAR KHRI DANG SUM STONG BDUN BRGYA ,BSAM YAS DANG SGANG THOG GNYIS SU STONG TSO BCU GSUM RE DANG, RGYANG MKHAR DU KHRE TSO GNYIS, NGAN LAM DU DGE BSHES KHRI TSO GCIG DANG, RNAL 'BYOR PHO MO KHRI TSO GNYIS TE KHRI TSO GSUM 'TSOG SO, ,ZUR CHOS PA'I GRANGS KYANG, RGYAN DANG CHOS MCHOG 'CHAD MKHAN LNGA BCU RTZA LNGA, RNAM NGES 'CHAD MKHAN NYIS BRGYA RTZA LNGA; LUNG CHOS SMRA BA STONG LNGA BRGYA BDUN CU DON LNGA, DRIL BAS CHOS SMRA BA STONG BRGYAD BRGYA BRGYAD CU RTZA LNGA BYUNG, TSAD MA DANG BYAMS CHOS DANG, DBU MA LA SOGS PA'I RNAM PAR BSHAD PA MANG DU MDZAD, PHA ROL TU PHYIN PA DRUG GI SPYOD PA THAMS CAD RDZOGS PAR SPYOD PA'I SEMS DPA' CHEN PO DE NI DBUS GTZANG DU LO BCU BDUN 'GRO DON MDZAD DE DGUNG LO LNGA BCU RTZA GCIG BZHES PA'I TSE, BSAM YAS MA RI'I DRUNG DU ZHING BRJES NAS DGA' LDAN CHOS KYI PHO BRANG DU PHEBS SO,, ,,

, ,GRO LUNG PA CHEN PO BLO GROS 'BYUNG GNAS NI, GZHON NU'I DUS NA JO BO YAB SRAS KYI ZHABS LA GTUGS SNANG STE KHONG RANG GI BSTAN RIM LAS, BDAG GIS JO BO RJE LA CHOS LAN CIG 'KHUMS PA NA, 'PHAGS PA RTAG TU DU'I BRTZON 'GRUS LTA BU BYA'O ZHES GSUNG LA ,DGE BSHES BA'ANG MDOR NA GZHAN CI YANG MI BSAM PAR RDZOGS PA'I BYANG CHUB DON DU GNYER BAR BYA'O ZHES GSUNGS, YANG SKYABS 'GRO'I SKABS SU, 'DI LA BDAG GI BLA MA NI MCHOD PA DANG BCAS PA'I MAndAL GSUM BYED DU BCUG STE, ZHES GSUNGS PA'I DGE BSHES DANG BLA MA NI 'BROM NYID YIN PAR GNA' MCHAN GYIS BSHAD SNANG NGO, ,SPYAN SNGA LA NI RDO RJE NAM MKHA'I GOS CAN MA GSAN ZHING, KHAM PA LUNG PA DANG, PO TO BA LA YANG CHOS GSAN ZHING SLOB DPON ZHES 'BOD PA MDZAD, GZHAN YANG JO BO NAS BRGYUD PA'I CHOS DANG, GZHAN MDO SNGAGS KYI GZHUNG PHAL CHE BA RNGOG KHU DBON GNYIS LA GSAN TE SBYANGS PAS, SNGAGS MTSAN NYID LA SHIN TU MKHAS SHING BRGYAD STONG PA'I 'GREL PA DANG, BYAMS CHOS SDE LNGA'I 'GREL PA SOGS YIG CHA'ANG MANG DU MDZAD, KHYAD PAR DU BSTAN PA'I RIM PA CHE CHUNG GNYIS DANG, JO BO'I GZHUNG CHUNG RNAMS GTZO BOR GYUR PA'I CHOS CHUNG BRGYA RTZA LA DON GYI KHOG 'CHING BA'I t'IKKA BSDUS PA CIG KYANG MDZAD DO, ,SKU TSE'I STOD LA LONGS SPYOD KYIS PHONGS SE BYUNG BAS, GUN PA LHA RJES DZAMBHA LA DKAR PO'I SGRUB SKOR BYIN PAS LAN CIG GRO LUNG PA'I DKAR YOL GYI NANG DU DZAMBHA LA GTZO 'KHOR LNGA DNGOS SU BYON PA

MI GZHAN GYI MTHONG GI DOGS NAS PHYAG GIS SKYOR BAS, GUN PA'I ZHAL NAS DE TZUG MDZAD MI DGOS GZHAN GYI MTHONG DOGS MED GSUNG, DE NAS BRTZAMS TE GRO LUNG PA LA GRVA TSOGS MANG DU 'DUS, SKU BSOD SKYES TE BRIN LHAS KYI GTZUG LAG KHANG BTAB, DER RNGOG LO'I CHOS KHRI SNYING POR GYUR PA'I MCHOD RTEN BRTZIGS, DE'I BUM PAR ZANGS CHEN STONG BA CIG GI KHAR TZAN DAN GYI DRA BAS BKAB, DE'I STENG DU RNGOG LO'I THUGS ZA MA TOG TU BZHUGS, ZANGS DE'I KHAR LHO PHYOGS KYI BU GNAS SHING GI WA GTAD NAS BZHAG, PHYIS GRO LUNG PA DGUNG LO BRGYAD CU PA LA GSHEGS DUS NGA'I RING BSREL GANG BYUNG MA ZAGS BAR MCHOD RTEN GYI LHO'I BU GA LA SKYUR CIG CES ZHAL CHEMS BZHAG GO, SKU GDUNG ZHU DUS PHYAG RIN TSUL GYI PANG DU PHYAG G-YAS PA DANG, ZAM KHA PA'I PANG DU THUGS SBUR KHANG NAS YAR TE BYON, DE NAS ZHAL CHEMS BZHIN RING BSREL RNAMS MCHOD RTEN GYI BU GAR BSKYUR BAS ZANGS GANG BA DANG 'GRIG PA ZHIG BYUNG ZHES GRAGS SO,, BDAG NYID CHEN PO 'DIS MDZAD PA'I BSTAN RIM CHEN MO NI BYANG CHUB LAM GYI SGRON MA'I DGONGS PA 'GREL BA LA ZLA DANG BRAL BA ZHIG STE CHOS KYI RGYAL PO TZONG KHA PA CHEN POS KYANG GRO LUNG PA CHEN PO'I BSTAN RIM 'DI DANG MJAL BA'I TSI MCHOD PA'I BYE BRAG SNA TSOGS PAS BSU BA MDZAD CING, SKYES BU GSUM GYI LAM SO SO'I NGO BO, GRANGS NGES, GO RIM, SO SO'I DMIGS RNAM YID LA BYED TSUL, BSGOMS PA LAS NYAMS MYONG JI LTAR SKYE BA'I RIM PA

, ,SOGS BYANG CHUB LAM GYI RIM PA'I DON STON PA LA 'GRAN ZLA MED PA'I BSTAN BCOS SU BSNGAGS PA MDZAD DO, ,'BROM RIN PO CHE'I RNAM THAR NI DA LTA NYID DU 'CHAD BAR 'GYUR RO,, ` ,,LAM BZANG GSAL MDZAD STON PA RIN PO CHE, ,ZHES BSNGAGS PA, 'BROM STON PA RGYAL BA'I 'BYUNG GNAS ZHES MTSAN YONGS SU GRAGS PA DE NI, SNGON BSKAL PA DPAG TU MED PA'I SNGA ROL NAS THUGS BSKYED DE RDZOGS SMIN SBYANG GSUM MTHAR PHYIN NAS 'PHAGS PA THUGS RJE CHEN PO ZHES SANGS RGYAS KYI ZHING THAMS CAD DU GRAGS SHING SPRUL PA'I BKOD PAS SANGS RGYAS KYI ZHING THAMS CAD DANG MA DAG PA'I 'JIG RTEN GYI KHAMS THAMS CAD KHYAB CING, BDE BA CAN DU MGON PO 'OD DPAG TU MED PA'I SRAS KYI THU BO'I TSUL BZUNG BA SOGS PHYOGS BCU'I SANGS RGYAS THAMS CAD KYI DRUNG NA SRAS KYI THU BO'I TSUL 'DZIN PA DANG, ZHING KHAMS LA LAR 'TSANG RGYA BA'I TSUL STON PA DANG, 'JIG RTEN GYI KHAMS LA LAR 'KHOR LOS 'RGYUR BA'I RGYAL PO DANG, LA LAR BLON PO, LA LAR SDE DPON, LA LAR MKHAN PO, LA LAR PHA MA, LA LAR BYA DANG RI DVAGS TSUN CHAD KYI TSUL BZUNG STE GANG LA GANG 'DUL GYI SKU'I BKOD PAS SEMS CAN GYI DON MDZAD BZHIN PA LAS MI MJED 'JIG RTEN GYI KHAMS 'DIR BSKAL BZANG GI SANGS RGYAS STONG GANG DU 'TSANG RGYA BA'I TSUL STON PA'I GNAS 'DZAM BU'I GLING GI LHO PHYOGS NA PO TA LA ZHES BYA BA'I SPRUL PA'I ZHING KHAMS ZHIG NA BZHUGS PA LAS, PHYOGS BCU'I

RGYAL BA SRAS DANG BCAS BA GDAN 'DZOM STE BYANG CHUB SEMS DPA' SGRIB PA RNAM SEL PHO NYAR MNGAGS TE BYANG PHYOGS KHA BA CAN GYI LJONGS 'DI'I GDUL BYA RGYAL BA GZHAN GYIS 'DUL BAR MA NUS PA'I DMU RGOD CAN 'DI RNAMS THUGS RJE CHEN PO NYID KYIS 'DUL BAR 'OS SO ZHES BOD KHAMS KYI MGON POR 'BYON PA'I THUGS RJE BSKUL, DE BZHIN DU CHOS RGYAL DKON MCHOG 'BANGS YON GYI YUL DU BYON PA'I TSE BLA MA DRI MA MED PA MKHA' 'GRO BYE BA'I CHOGS DANG BCAS PAS KYANG KHA BA CAN DU BYON NAS SEMS CAN GYI DON MDZAD DGOS PAR BSKUL BA LA BRTEN NAS 'PHAGS PA THUGS RJE CHEN POS MI RJE'I TSUL BZUNG NAS BOD DU RGYAL KHRIMS BTZAN POS THAMS CAD DBANG DU BSDUS, DGE BCU'I KHRIMS KYIS CHOS KYI SNOD RUNG DU BYAS SANGS RGYAS KYI BSTAN PA'I GZHI CHAGS PA NA BLA MA DRI MA MED PA RGYA GAR DU GNAS LNGA MKHYEN PA'I PAn CHEN DPAL MAR ME MDZAD YE SHES ZHES BYA BAR SKU 'KHRUNGS NAS GDUL BYA 'DUL BA'I DUS LA BAB PA NA, THUGS RJE CHEN PO 'BROM RJER SKU'I BKOD PA BSTAN TE, DE YANG 'BROM RIN PO CHE GANG DU 'KHRUNGS PA'I GNAS NI, GANGS RI'I PHRENG BAS YONGS BSKOR SA YI GZHI, ,LHA CHEN ZUR PHUD LNGA PAS BSTEN PA'I 'DABS, ,RJE'U'I RIGS LAS 'BROM ZHES RAB GRAGS PAR,, GTZO BO'I RIGS SU 'KHRUNGS LA PHYAG 'TSAL LO, ,ZHES GSUNGS PA LTAR DBU RU'I BYANG GI PHYOGS LHA CHEN THANG LHA'I ZHOL, STOD LUNG GI PHU RTZVA SGYE MO'I SA'I CHAR YAB SKU GSHEN YAG GZHER 'PHEN DANG, YUM KHU 'OD BZA' LAN CIG MA

, ,GNYIS KYI SRAS SU SHING PHO 'BRUG GI LO SKU 'KHRUNGS, DE YANG YAB KYIS MA YAR GCIG BZHES TE DE DANG 'GROGS NAS YOD PA LA, DE DANG THUGS MA MTHUN PA'I RKYEN GYIS BSKUL TE GZHU RU ZHANG PO'I SAR LO BCU GSUM TZAM LA BYON, DGE BA SHES G-YUNG CHOS MGON BYA BA LA KLOG YIG BSLABS, DER LO BZHI BZHUGS, DGUNG LO BCU BDUN LON TZA NA JO BO SE BTZUN GZHON NU GRUM GYI MKHAN BU CHEN BO DE RGYA GAR DU BZHUD PA'I THUGS DGONGS KYIS BYON PA DANG GDAN 'DZOM PAS SHIN TU DAD BAR GYUR TE BLA MA SE BTZUN LA JO BO THUGS RJE CHEN PO YI GE DRUG PA'I GDAMS PA ZHUS, DE NAS SE BTZUN YAR BZHUD BAL YUL DU BYON NAS PHYI ROL PA'I PAndI TA ZHIG DANG CHOS GTAM BYAS BAS SE BTZUN RGYAL ,PHYI ROL PA'I MNGON SHES DANG KHONG GI DBYAD 'GRAN BAS SE BTZUN MA THUB NAS DER SE BTZUN GYI THUGS DGONGS LA PHYI ROL BAS NGAN BYAS DGOS BA DANG, RGYA GAR NA'ANG NGA RANG BAS MKHAS BA MED DAM SNYAM NAS PHYIR LOG BYON PA DANG GDAN 'DZOM PAS 'BROM RIN PO CHES BLA MA SE BTZUN LA PHYAG PHYIR 'KHRID BAR ZHUS PAS SANG PHOD TSONG PA DANG 'GROGS LA SHOG, DA RES KHRID NA BYIS BA BRKUS NAS KHRID ZER DU 'ONG GSUNG, DE NAS 'BROM RIN PO CHES RGYAL GYI ZHANG SNA NAM RDO RJE DBANG PHYUG LA DGE BSNYEN GYI SDOM BA MNOS TE MTSAN RGYAL BA'I 'BYUNG GNAS SU GSOL, DGUNG LO BCU DGU BA LA BAB PA NA MDO KHAMS PHYOGS SU 'GRO BA'I TSONG BA DANG 'GROGS TE MDO

KHAMS LDAN MA'I YUL DU BYON NAS BLA MA SE BTZUN BSAM SBYOR GNYIS KYI SGO NAS TSUL BZHIN DU BSTEN TE, SANGS RGYAS THAMS CAD MCHOD PA BAS BLA MA MCHOD PA PHAN YON CHE'O ZHES GDUL BYA RNAMS LA 'DOMS PA'I PHYIR BLA MA SE BTZUN GYI NANG GI ZHABS TOG PHYE 'THAG PA YAN CHOD DANG, PHYI ROL TU RTA PHYUGS MANG PO YOD PAS NYIN BAR DE RNAMS KYI RDZI BO MDZAD, NUB MO RTA BZANG LA ZHON 'KHOR GSUM TSER MA 'DRA BA BYAS TE ME LA TSE MDZAD, PHYE 'THAG BA NA DPE CHA RANG THAG GI STENG DU BZHAG STE GZIGS PA LA SOGS PA'I SLOB GNYER LA BRTZON PAR MDZAD, PHYE BTAGS PAS PHYAG MTHIL GLANG RGAN GYI MJING PA LTAR SONG, JO BO SE BTZUN DE YO BYAD LA CHAGS PA MI MNGA', GTONG BAR YANG MI MDZAD KYANG MA DAD PA MA BYUNG, SE BTZUN GYI BYA BYED LA YANG DKA' BA MA BYUNG GSUNG, 'BROM RIN PO CHE 'DI NI LAS GYI RTZA BA BSHES GNYEN BSTEN PA'I TSUL LA RGYAL BA SRAS BCAS KUN GYIS BSNGAGS PAR 'OS PA ZHIG BYUNG STE, SHER PHYIN GYI MDO SDE RIN PO CHER BA SHES GNYEN BSTEN PA'I TSUL LA BYANG CHUB SEMS DPA' RTAG TU DU BSNGAGS 'OS SU MDZAD PA LTAR 'BROM RIN PO CHE 'DI YANG BYANG CHUB SEMS DPA' RTAG TU DU DANG LUS KYI RKANG BTANG MA BTAB GI KHYAD LAS MED BA ZHIG BYUNG, DE'I TSE BLA MA SE BTZUN GYI SPYAN SNGAR MDO SNGAGS KYI GZHUNG MTHA' YAS PA LA SBYANGS SHING, KHYAD BAR BDAG NYID CHEN PO 'PHAGS BA KLU SGRUB YAB SRAS KYI GZHUNG DBU MA'I SKOR DANG, BYAMS CHOS SDE LNGA DANG, THOGS MED SKU MCHED KYI GZHUNG RNAMS SOGS

, ,SPYOD PHYOGS RNAMS LA RTZAL DU THON BAR SBYANGS TE CHOS GRAR DGE 'DUN BYING DANG BGRO GLENG MDZAD BA NA BDAG NYID CHEN PO 'DI LA SUS KYANG LAN 'DON SPOBS BAR MA NUS NAS MKHAS PA'I PHUL DU PHYIN BAR GRAGS, DE'I TSE DGE 'DUN RNAMS KYIS MKHAS BA CHEN PO 'DI LTA BU RTA BONG GI RDZI BO DANG YOS 'THAG BA SOGS NGAN LAS LA BKOL DU PHANGS PAS DA PHYIN CHAD NGAN LAS BGYI MI DGOS BAR CHOS GRANG PHEBS CHOG BA DGOS ZHES BLA MA SE BTZUN LA ZHUS NAS DE BZHIN DU GNANG, DUS DE'I TSE KHU STON BRTZON 'GRUS G-YUNG DRUNG DANG RDOG LEGS PA'I SHES RAB GNYIS KYANG CHOS GRA DER BZHUGS BAS KHU RDOG 'BROM GSUM ZHES PA'ANG KHAMS SU GRAGS BA YIN, DE NAS 'BROM RIN PO CHE'I THUGS DGONGS LA, DAL 'BYOR GYI MI LUS THOB PAR DKA' BA RNYED DUS 'DIR CHOS RNAL MA ZHIG BYED NA 'DI TZAM GYIS CHOG GAM MI CHOG ,RGYA GAR MKHAS PA CIG LA 'DRI BA LA BAR DU LO TZ'A MI DGOS BA ZHIG BYA DGONGS TE BAndI TA SGRA'I TSER MA ZHES BYA BA SMRi TI DZNY'A NA KIRTI PHYOGS DER BYON PA LAS SAm SKRi TA'I SKAD DANG RGYA YIG KYANG BSLABS BAS LEGS PAR MKHYEN, DE DUS 'BROM RIN PO CHES PAndI TA SMRi TI LA RGYA GAR NA DA LTA PAndI TA CHE BA JI SKAD BYA BA YOD DRIS PAS, CHE BA BGRES N'A RO PA DANG SH'ANTI PA BYA BA YOD, DE GNYIS DA TZAM 'DAS SAM, DA LTA PAndI TA D'I PAm KA RA BYA BA RGYAL RIGS LAS RAB TU BYUNG BA CIG YOD DE, DE RANG CHE BAR 'OD ZER BAS 'BROM RIN PO CHE'I THUGS LA DE DANG MJAL NA DGA' BA LA, DE DANG CI MJAL BYA

DGOS SNYAM PA BYUNG, DE LTAR 'BROM RIN PO CHES MDO KHAMS SU BLA MA SE BTZUN GYI SPYAN SNGAR LO NYI SHU'I BAR DU BZHUGS TE MDO SNGAGS KYI CHOS MANG DU GSAN PAS MKHAS PA'I PHUL DU PHYIN, DGE BSNYEN CHOS 'PHEL DU'ANG GRAGS PA BYUNG STE, DE LTAR DU 'BYUNG BAR RGYAL BA NYID KYIS MDO LAS LUNG BSTAN BA NI, SNYING RJE PAD DKAR DU, BYANG PHYOGS SU BSTAN PA LA DAD PA LHAR SKYE ZHING, RAB BYUNG CHOS BZHIN MI SPYOD PA LOG BAR LTUNG, DER DGE BSNYEN CHOS 'PHEL ZHES BA RDZU 'PHRUL DANG LDAN PA 'BYUNG, ZHES PA DANG ,SANGS RGYAS PHAL PO CHER, ,BYANG PHYOGS SU DGE BSNYEN CHOS 'PHEL BYA BA 'BYUNG ZHES LUNG BSTAN PA DANG MTHUN NO, ,DE NAS JO BO MNGA' RIS SU PHEBS PA 'GRUL BA LAS GSAN PAS SE BTZUN LA MNGA' RIS SU 'GRO BAR ZHUS, KHONG GIS KYANG MI DGYES BA MED BAR DPE RTA KHAL GCIG GNANG NAS BYON NO, ,BYANG LAM DU SLEB TZA NA MNGA' RIS KYI LHA BLA MA KHU DPON GYIS JO BO RJE LHA CIG BYA BA'I PAndI TI CHEN PO ZHIG GDAN DRANGS NAS YOD, DE RING POR MI THOGS PAR RGYA GAR DU BZHUD PAR 'DUG BYA BA GSAN PAS DER JO BO'I MTSAN THOS PA TZAM GYIS THUGS RANG DBANG MED BAR G-YOS TE DAD GUS BSAM GYIS MI KHYAB PA 'KHRUNGS, ,MDZAL DU 'BYON PA'I 'DUN PA DRAG TU 'KHRUNGS SO, ,DE NAS JI LTAR BZHED PA LTAR BYON TE SOG CHU KHAR PHEBS PA NA KHANG PA CIG NA KU DI RU 'DUG PAS, 'DI NA CI YOD DRIS PAS, 'PHRANG KHA BER CHUNG YAB BER CHEN GYI 'DED DANG SRID PO RNAMS BSDU BA'I CHANG YOD BA YIN ZER

, ,BAS; THAG RING NAS BYON PAS DER SKYEM BSKRUR BYON PA LA 'PHRANG KHA BER CHUNG GIS KHYOD CHOS GRA NAS 'ONGS PA'I DGE BSNYEN ZHIG 'DUG STE NGA YANG ZHANG 'PHRANG KHA BER CHUD BYA BA'I MI CHEN ZHIG YIN, KHYOD KYIS DE NA YAR LA PHYAG WA 'KHYUG BA 'DRA BA CIG GYIS ZER PAS 'BROM RIN PO CHES KYANG DE BZHIN DU MDZAD, DER BER CHUNG CHOS GTAM LA DGA' BAS CHOS GTAM MANG PO BYAS PA'I TSE 'BREM GYIS KHONG GI TSIG SNA RE NAS BRDUNGS PAS KHO THE TSOM SKYES NAS, KHAMS MA GI NA 'BROM STON PA ZER BA'I DGE BSNYEN CHOS MKHAN ZHIG YOD ZER, DE KHYOD YIN NAM ZER BAR, YIN BA'ANG SRID GSUNGS PAS KHONG HA LAS TE KHONG RANG GI 'OG GI GRUM TZE PHYUNG STE DGE BSHES STON BA LA BTINGS, RTA BZANG PO GCIG GI THUR MDA' DAR YUG GIS BYAS NAS PHUL, DA CI NAS PHYAG BLANGS PA'I BZOD GSOL BYAS, DE NAS BGRO GLENG BYAS PA'I BZOD GSOL BYAS, RA SGRENG GI SA CHA 'DIR DGON SA MDZAD DE MCHOD GNAS MDZAD PAR ZHUS PA NA 'BROM RIN PO CHE'I ZHAL NAS, NGA DA RES SDOD MI KHOM, MNGA' RIS STOD YA GIR PAndI TA CHEN PO ZHIG BYON ZER BAS DER 'GRO GSUNG, 'O NA YAS MAR PHEBS NAS NGA'I MCHOD GNAS BYA DGOS ZER BAS, STON PA'I ZHAL NAS; RTZIGS KHA GSUM 'DZIN DGOS TE STER NA BYA GSUNG, GANG BZHED ZHUS PAS, PHOD MDO'I MKHAR 'DI BSHIG LA GTZUG LAG KHANG ZHIG BZHENGS, SHA ZAN DANG RTZAM ZAN GYI 'KHRUG BA NI BSDUMS, NGA'I PHYI

NAS YAR LA RDOG LEGS PA'I SHES RAB BYA BA 'ONG GI DE LA CHOS TSUGS, DE MA BYUNG NA G-YON RU NA KHU STON BLO RNON BO BYA BA YOD, DE SPYAN DRONGS LA CHOS TSUGS GSUNGS, KHONG NA RE GNYIS PO BYAS PAS CHOG, SHA ZAN GYI 'KHRUG PA 'DI LA NGA RE BA YIN, SNGAR YANG 'BRI DRUG CU TZAM ZOS ZIN, ,'O NA YANG KHAM TZAM MED, BSDUMS BYAS PAS CHOG ZER NAS RTZIGS GSUM PO KHAS BLANGS, DE NAS DGE BSHES STON PAS RGYAL GYI ZHANG CHEN PO BSLAB PA'I SLOB DPON YIN BAS PHYAG 'TSAL DU BYON, ,DE'I TSE DBUS PHYOGS NA DGE BA SHES KA BA MI CHE BAS RGYA MO'I PHUR BZHUGS PA MJAL, LHA BTZUN BO DHI R'A DZA LA SOGS PA BOD KYI MI CHEN RNAMS LA ZHES MDZAD NAS, DA LTA MNGA' RIS NA LHA BLA MA BYANG CHUB 'OD KYIS JO BO LHA GCIG BYA BA'I PAndI TA MKHAS PA CIG GDAN DRANGS NAS YOD ZER, NGAS DE GDAN 'GRONGS NA ZHAL MTHONG DANG BCAS PA'I DBUL BGYIS SHIG PA'I ZHU BA PHUL, KA BA SH'AKYA DBANG PHYUG LA CHAB SHOG KHYED KYI PHYAG TU BRDZANGS KYI ,DE TZA NA BSKU LAM GYIS LA LA STOD DU BSU BAS SLEB PAR MDZOD CIG PA'I ZHU BA PHUL BAS, KA BA NA RE, KHYOD KYIS SPYAN CI 'DRONGS GYIS, NGAS BSKUL MA BYAS NAS LA STOD DU SLEB BAR BSU BA BYA GSUNG, DE NAS MI CHOS RNAMS LA GSER SLONG LA BYON PAS, DA LTA NYUNG BA LAS MI 'ONG, ,PHYIS MANG DU DBUL ZHUS PAS, NYUNG YANG DA LTA 'DOD, PAndI TA CAN DU RINGS GSUNGS, NYUNG YANG BLANGS TE DE NAS MI GRONG MA BRGYUD BAR BYANG LAM LA THEGS PAS LAM NGO MA SHES

, ,PA'I SKABS SU BANDE HRAL PO ZHIG BYUNG NAS LAM BSTAN, YA TSAD SKYEL THUNG BYAS NAS BDE BAR BZHUD CIG, DA SNA SHUD KYI 'KHRUG PA LANGS PAS NGA 'GRO MI KHOM ZER NAS 'TSUB MAR RED GIS SONG, PE HA RA 'DI YANG CHOS GSHA' MAR BYED PA LA GROGS BYED PAR 'DUG GSUNG, YANG LAM MA RNYED PA CIG LA SHA BA CIG SONG BA'I RJES LA BYON PAS LAM TIG GIS BYUNG, DE JO MO SGROL MA'I SPRUL PA YIN GSUNG, DE TZA NA JO BO RJE LA RJE BTZUN SGROL MA'I ZHAL NAS, DA STE ZHAG GSUM DRO DANG BZHI'I NYIN PAR BOD KYI AU PA SI KA CHEN PO 'BYON BAS, DE LA BYIN GYIS RLOBS SHIG CES LUNG BSTAN, JO BO NYID KYIS KYANG, DE LTAR DU DGONGS TE JO BO'I ZHAL NAS, DA ZHAG GSUM DRO DANG BZHI NA KHO BO'I SKYE BA SNGA MA'I SLOB MA AU PA SI KA CHEN PO ZHVA SPYI RING RGYANG DE BA GSOL BA CIG 'ONG BAR 'DUG GSUNGS NAS DBU SNGAS 'GOR BUM PA BZHENGS SU GSOL TE, ZHAG GSUM GYI NANG PAR AU PA SI KA LA BYA RA MDZAD, DRO KHA TSUN CHAD MA BYON PAS, T'A RE RDZUN NI GSUNG BA CANG SRID DAM GSUNGS NAS GRONG GSEB CIG TU CHOS STON LA BYON BA'I SHUL DU DGE BSHES STON PA DPON G-YOG PHEBS PA LA, 'KHOR KUN GYIS DA LTA RANG 'BYON PAS BZHUGS SHIG BYAS PA LA NGA THEG BA CHEN PO'I BLA MA DANG MJAL BA SKAD CIG MA SNGA MA DANG PHYI MA GNYIS KYANG SNGA MA LA 'DAM PA YIN GSUNGS NAS BZHUD PAS, JO BA DANG SRAD BAR ZHIG TU MJAL TE PHYAG MDZAD NAS, PHYAG RTEN DU

GSER PHUL, DER JO BO'I PHYAG STON PA'I DBU THOG TU BZHAG NAS, SAm SKRi TA'I SKAD DU SHIS BRJOD MDZAD CING BYIN GYIS BRLABS SO, ,DE NAS 'BROM RIN PO CHES GSOL BA BZHES NAS JO BO'I GZIM KHANG DU BYON PA NA JO BO RJES BUM PA DBU THOG TU BZHAG STE DBANG BSKUR YANG LEGS PAR GNANG, DE'I TSE DGE BSHES STON PAS JO BO LA DRI BA GSUM MDZAD, RGYA GAR NA PAndI TA JI LTA BU YOD BYA BA DANG, NGA'I SNGA MA'I CHOS DE LAM DU SONG NGAM MA SONG BYA BA DANG, BLA MA NYID KYI SPYAN SNGAR BSDAD NA JI LTAR MCHI BYA BA DANG GSUM ZHUS PAS, JO BO'I ZHAL NAS RGYA GAR NA PAndI TA MKHAS PA MANG PO YOD, NGA BOD DU 'ONG TZA NA SHAR PHYOGS BHAm GA LA NA'ANG NYIN RE MA CHAD BAR GRUB THOB RE 'BYON GYI YOD, KHYOD KYI SNGA MA'I CHOS DE LAM DU YE MA SONG, BLA MA'I ZHABS TOG LAM DU SONG, DA KHYOD 'DI RANG DU SDOD, NGA'I LHA MO SGROL MAS KHYOD LUNG BSTAN PA YIN GYI NGA'I BKA' BRGYUD 'DI LA BYIN RLABS YOD KYI GSUNG, DE'I NYIN PAR GYI YON BDAG DES STON SKAL GYI MAR TSAL GCIG BYIN PA DE BZHU NAS DE'I NUB MO MAR ME MTSAN THUB CIG DBU SNGAGS SU PHUL, DE NAS JO BO ZHING GSHEGS KYI BAR DANG, GSHEGS NAS KYA NGAR SGRENG DU SKU GDUNG LA DKAR ME MTSAN THUB RGYUN MA CHAD PAR 'BUL BAR MDZAD, DE NAS PHAL CHEN SDE PA'I LUGS KYI RAS YOL GYIS NUB LHAG THUB PAR 'DOD PAS, DE'I NUB MO NAS DBU SNGAS SBREL NAS CHOS RGYUN DU GSAN PAR MDZAD, SANG NANG BAR DGE BSHES STON PA LA

, ,CHED DU DGONGS NAS BYANG CHUB LAM GYI SGRON MA LA CHOS THUN GCIG MDZAD DE TSAR GCIG GSUNGS, DE NAS BZUNG STE CHOS GANG GSAN THAMS CAD SKYES BU GSUM GYI LAM GYI RIM PA'I STENG DU 'BAB BAR MDZAD 'BROM RIN PO CHES JO BO RGYA GAR DU ZHAG GSUM NA THEGS PA LA SLEBS NAS BOD DU BZHUGS PAR ZHU BA PHUL BAS, JO BO'I ZHAL NAS, GRAGS PA NGAN PA SPONG MI BYED, BYA BA BYANG CHUB SEMS DPA'I NYES PA YIN PAS RGYA GAR DU 'GRO GSUNG NAS MA GNANG, DE'I DUS SU RGYA GAR NA JO BO TZAM PA YANG GSER LA DMIGS NAS BOD DU SONG BYA BA DANG, BOD BA LANG DANG 'DRA BA'I GSEB NA CHOS THAMS CAD STONG PA NYID YIN ZER ZHING 'DUG LO BYA BA DANG, GSANG SNGAGS MA RGYUD KYIS 'GRO BA'I DON MDZAD KYI 'DUG LO BYA BA'I GRAGS PA BYUNG BAS DE RNAMS BSAL BA'I CHED DU JO BO NYID KYANG RGYA GAR DU 'BYON BAR DGONGS PA LTAR MDZAD, DE'I TSE 'BROM RIN PO CHES JO BO BOD DU 'BYON PAR BSKUL BA'I PHYIR DU THABS MKHAS KYIS NGED KYI LHA SA DANG BSAM YAS LA SOGS PA'I GTZUG LAG KHANG NA SLOB DPON BO DHI SATVA DANG KA MA LA SH'I LA LA SOGS PAS GDAN DRANGS PA'I RGYA DPE MANG PO DANG JO BO SH'AKYA MU NE SOGS RTEN KHYAD PAR CAN MANG DU BZHUGS SHING DGE 'DUN STONG PHRAG 'DI TZAM BZHUGS PA SOGS KYI LO RGYUS MANG BO SNYAN DU GSOL, DE THAMS CAD KYANG JO BO BOD DU BYON PA LA DGYES PA LAGS ZHUS PAS, JO BO SHIN TU DGYES NAS SNYIGS MA'I DUS SU TSANGS

PAR SPYOD PA GRANGS MANG BA DE TZAM PA RGYA GAR NA'ANG MI BZHUGS, DE TZAM BZHUGS NA NGES PA KHO NAR DGRA BCOM PA YANG BZHUGS TE MCHI GSUNG, BYIN PA 'DAR PHRIL PHRIL BOD KYI PHYOGS SU PHYAG MDZAD, DE THAMS CAD KYANG KHO BO 'ONG BA LA DGA' BA YIN NA NGAS DGE 'DUN GYI CHOS LDAN GYI NGAG MI GTZOG PAR DAM BCAS PA YIN GSUNGS PAS 'BROM RIN PO CHE SPOBS PA SKYES NAS JO BO LA BOD DU 'BYON PAR ZHU BA PHUL, JO BOS KYANG ZHAL GYIS BZHES PA LAGS, DGE BSHES LO TZ'A BA'I ZHAL NAS NGAL DMYAL BAR 'GRO MI NUS, SLOB DPON GNAS BRTAN DANG CHAD DON YOD PA THUGS LA MNGA' MOD GSUNG BAS BOD DU BZHUGS DBANG MA BYUNG, JO BO'I ZHAL NAS, DANG PO TSUR LA SPYAN MA 'DRONGS DOGS, DE NAS PHAR LA SPYAN MA 'DRONGS DOGS, NGAS LO TZ'A BA SBYONG BYA BA'I ZHAL KYANG YANG GSUNG, DER 'BROM RIN PO CHE'I THUGS DGONGS LA BOD KYI MI CHEN RNAMS GROGS SU SBRAN LA SPYAN DRANG DGOS DGONGS NAS BKA' 'PHRIN BRDZANGS BZHI SHING RTA'I DBYIBS 'DRA 'DZAM GLING GI, BYE BRAG BRJID LDAN GANGS RI'I BYANG, ,LO HA TI 'GRAM RIN CHEN KHUNGS, ,KHA BA CAN ZHES MING GRAGS NA, ,BLO CHEN STOBS LDAN MI BSRU NA PA, ,BOD CES BYA BA GNAS PA'I PHYIR, ,MI RGYAL BYANG CHUB SEMS DPA' CHE, ,DPA' CHEN MANG PO 'KHOR BCAS KYIS, ,SMAN GDAGS THABS SU DAM CHOS BSGYUR, ,RGYU BZANG BKOD LEGS GTZUG LAG KHANG, ,BSAM YAS LA SOGS GNAS MCHOG NA, ,SNGON RGYAL 'PHRUL RJE'I

, ,DGONGS BKANG PHYIR, ,BSTAN PA BDUD RTZI RGYAS MDZAD CING, ,RGYAL SRAS 'DREN PA DKYIL CHE BA, ,MI YI RGYAL BO SH'AKYA'I SRAS, ,LHA BTZUN BO DHI R'A DZA DANG, ,DANG PO'I DGE SLONG LUGS 'BYIN DPON, ,BTZUN CHEN YE SHES BLO GROS DANG, ,THEG CHEN GDUNG BRGYUD BRTAN MDZAD PA'I, ,THEG CHEN KA BA RNAM GSUM DANG, ,MIG 'BYED DGE BSHES RNAM GNYIS KYI, ,RJES SLOB DPAL LDAN BCU GNYIS DANG, ,CHOS 'KHOR KHRIMS BZHIN SKYONG MDZAD PA'I, ,RING LUGS CHEN PO GNYIS PO DANG, ,CHOS GRVA'I SLOB DPON THUGS RGYAL CAN, ,KA BA GAR MI MCHED GNYIS DANG, ,DGE BSHES CHE RNAMS DGONGS SKYONG PA'I, ,KUN PHAN DBANG PHYUG RGYAL MTSAN DANG, ,GNAS BRTAN BAN SKYA'I RE GNAS PA, ,SH'AKA GZHON RGYAL BA'I SRAS GNYIS DANG, ,MKHAS PA BTZUN CHEN POR SNYAN GRAGS PA, ,LEGS PA'I SHES RAB LA SOGS PA'I, ,'PHAGS PA'I DGE SLONG DGE 'DUN CHE, ,SLOB MA YON BDAG 'KHOR BCAS LA; ;DGE BSNYEN RGYAL BA'I 'BYUNG GNAS KYIS, ,GUS PAS SNGON 'GRO'I MCHED GSOL PA, ,KHYED KYI BYANG CHUB SPYOD PA LA, ,BAR CHAD MI BDE MI MNGA' 'AM, ,MDOR BSDUS GCES PA'I DON GSOL BA, ,RGYA GAR YUL GYI MKHAS BTZUN MCHOG, YON TAN MTHA' YAS RGYAS MNGA' ZHING, ,YE SHES MTHA' CAN MTSAN LDAN PA'I, ,MKHAS PA CHEN PO 'DIR BYON PA, ,KHYED KYIS LO RGYUS MKHYEN PA LAGS, ,DE LA DNGOS NYID DAD 'KHRUNGS NAS, ,LHA BTZUN

BKA' STZAL MCHIS PA YIS, ,SNGAR NI DBUS SU GSHEGS ZHUS NA, ,PHAR RINGS GSUNGS NAS BKA' MA GNANG, ,SLAD NAS BAL YUL SHUL KHA NAS, ,DBUS KYI DGE 'DUN RGYUS GSOL BAS, ,DAD NAS PHYAG 'TSAL DGYES GYUR TE; ;TSANGS SPYOD GRANGS MANG DE LTA BU, ,RGYA GAR YUL NA'ANG DKON ZHES GSUNG, ,DES KYANG DNGOS NYID SPOBS SKYES TE, ,KHYED KYANG DANG PAR KHUMS LAGS PAS, ,YANG DANG YANG DU ZHUS PA LAS, ,NGA YI DGE 'DUN DON SGRUB CING, ,BKA' MI GCOG PAR DAM BCAS PHYIR, ,DGE 'DUN DAG LA GROS YOD CING, ,SPYAN 'DREN 'ONG NA 'GRO GSUNG BAS, ,DGE SLONG GZHON NU BLO RNON PO, ,LO TZ'A SMAN THOGS GCIG MCHIS NA, ,KHYED CAG DAM CHOS DON GNYER RNAMS, ,MOS SHING BKA' GROS MTHUN PA NA, ,SPYI SGOS GANG BDE'I SPYAN 'DREN PA, ,DGE SLONG RTA MANG ZHAL MTHONG BCAS, ,STON DUS TSUN CHAD 'DIR BYON MDZAD, ,BYA BA DANG, GZHAN YANG BDAG GIS DGRAR RTEN SNGAGS DANG 'KHRUL PA'I RGYU GZHAN GYIS, TSUL KHRIMS NYAMS PA SOGS NYES MTHONG DE'I PHYIR BDAG GIS PHAN BSAM SPRINGS, MOS PA SNA TSOGS MCHIS PAS 'DI LA MI DGE GANG, ,RANG 'DOD GTZO BOR MA 'DZIN THUGS GZHIGS GZOD PAR MDZOD, ,DON LDAN YON TAN BRJOD PA'I MTSAN GYI SNGON 'GRO PA, ,SH'AKYA'I DGE SLONG DGE 'DUN RNAMS KYI SPYAN LAM DU, ,KUN LA PHAN BSAM DGE BAS YI GE 'DI BSDEBS PA'I, ,DGE BAS DGONGS GRUB LEGS PA'I DPAL 'BYUNG DON LDAN CHER RGYAS SMON, ,BYA BA'I CHAB

, ,SHOG DBANG PHYUG MGON LA BRDZANGS NAS DGE BSHES KA BA'I PHYAG TU GTANG DO, ,DE NAS 'BROM RIN PO CHES JO BO DPON G-YOG GSHEGS PA'I PHYAG PHYIR BYON TE BOD STON RNAMS 'BYON DU RE NAS CI 'GOR MDZAD, LO TZ'A BAS PHAR LA CI MGYOGS MDZAD DO, ,DER BOD STON RNAMS MA SLEB PAR JO BO DPON G-YOG MANG YUL SKYID GRONG DU PHEBS, DE NAS BAL PO RDZONG RGYUD DE RGYA GAR DU PHEBS BAR CHAS PA LTAR MDZAD PA NA SA MAN SDE GSUM BYA BA'I 'KHRUG PA LANGS NAS BAL PO RDZONG 'GAGS PAS MA THON, DE BOD KYI BSOD NAMS SU BYUNG BA LAGS, DER DGE BSHES LO TZ'A BA DE THUGS SHIN TU MA BDE BA LA JO BO'I ZHAL NAS, KHYOD BLO MI BDE BA MI DGOS, SGRUB PAR MA NUS PA LA NYES PA GTAN MED PA YIN GSUNG, DER LO TZ'A BA DGYES TE DA 'O NA BOD DU 'BYON PAR ZHU ZER NAS BOD DU SPYAN DRANGS SO, ,DE'I DUS SU GSER KO GTUM ZHIG DANG LAM SGRON JO BO'I PHYAG BRIS YIN PA CIG PU RANGS PA'I BANDE GNYIS LA BSKUR NAS GSER 'DI SLOB DPON GNAS BRTAN LA PHUL LA DA RES JO BO GDAN DRANGS PA YIN TE BAL PO'I LAM 'GAGS NAS PHYIR LOG, DA SBYAN DRONGS GSUNG NA YANG SPYAN 'DREN, JO PO YANG BOD LA MNYES SHING 'GRO DON YANG CHEN PO 'DUG PAS BZHUGS CHOG GAM BYA BA DANG, BSTAN BCOS 'DI BI KA MA LA SH'I LA'I PAndI TA RNAMS LA GZIGS SU PHUL ZHIG PA'I 'PHRIN BSKUR BTANG BAS GNYIS POS KYANG LAM LA NYE ZHO MED PAR BI KA MA LA SH'I LAR

SLEB STE GNAS BRTAN DKON MCHOG 'BYUNG GNAS LA GSER RNAMS PHUL, JO BO'I LO RGYUS DANG LO TZ'A BA'I 'PHRIN RGYAS BAR GSOL, BSTAN BCOS DE PAndI TA RNAMS LA GZIGS SU PHUL BAS NAN TAR MNYES NAS BSTAN BCOS 'DI LEGS, YI GE PHYAG BRIS MA NOR BAR 'DUG GSUNG STE RGYAL MTSAN GYI RTZE LA BTAGS NAS ZHAG NYI SHU RTZA GCIG TU MCHOD PA RGYA CHEN PO MDZAD, DER GNAS BRTAN GYI ZHAL NAS JO BO 'BYON DU RE BA YIN TE CHOS 'DI PHEBS PAS JO BO DANG KHYAD MED, DE JO BO BOD NA 'GRO DON CHE BA DE LHAG PAR DGA', JO BO BOD LA DANG PO NAS MNYES PA NGA RANG LA RGYUS YOD, DA SKU NA SO BYON PAS BSHUL THAG RING PO LA TSUR SBYAN MA DRANG BAR BSTAN BCOS 'DI LA 'GREL BA CIG MDZAD NAS BSKUR BA ZHU GSUNGS NAS GNYIS PO TSUR BTANG, KHONG GNYIS POS KYANG TSUR 'KHOR NAS JO BO DPON G-YOG LA ZHU 'PHRIN SNYAN DU GSOL BAS NAN TAR MNYES SHING, KHYAD PAR LO TZ'A BA'I ZHAL NAS SLOB DPON GNAS BRTAN GYIS RI BAS KYANG LCI BA'I KHUR GCIG BSKUR BA DE DA SANGS KYI SONG GSUNG, JO BOS KYANG DE 'PHRAL DU 'GREL PA'I DBU BTZUG NAS DKA' 'GREL ZHIG MDZES DE SLAR KHONG GNYIS PO LA BSKUR BAS PAndI TA RNAMS KYIS NYIN LAM MANG PO NAS BSU BA BYAS, RGYAL MTSAN GYI RTZER BTAGS NAS MCHOD PA CHEN PO MDZAD DO, ,DE YANG, DENG SANG BSTAN 'GYUR NANG NA LAM SGRON RANG 'GREL ZHES GRAGS PA 'DI LA JO BOS MDZAD NGES PA DANG, JO BOS MA MDZAD PAR GZHAN GYIS GSAR DU BSNAN PA'I CHA GNYIS YOD DE RGYA GAR GYI PAndI TA

, ,RNAMS KYIS BSKUL BA LTAR JO BOS LAM SGRON LA RANG 'GREL MDOR BSDUS SHIG MDZAD NAS RGYA GAR DU BRDZANGS, DE LA JO BO'I SLOB MA BOD STON MKHAS PA 'GA' ZHIG GIS JO BO'I GSUNG SGROS LA GZHI BLANGS PA'I BSHAD PA RE MANG ZHIG BSNAN PAR SNANG STE, DE LA LEGS PAR BSHAD PA'ANG MANG DU BYUNG MOD KYI NOR BAR MNGON PA 'GA' ZHIG KYANG BYUNG NGO ZHES RJE BDAG NYID CHEN POS GSUNGS SO, ,DE LTAR BLA MA RJE BTZUN CHEN PO 'DIS RGYA GAR DU BZHUD PA BZHIN DU MDZAD, LO TZ'A BAS SKYEL BA BZHIN MDZAD KYANG BOD RANG DU BZHUGS PA'I RGYU MTSAN NI DANG PO NAS NGES PA YIN TE, KHYOD SNGON SO MA PU RIN, ,RTOG GE 'BAR BA GSUNGS BA'I TSE, ,DA NI LO NI NYI SHU NA; ;TSE YI 'DU BYED GTONG ZHES GSUNGS, ,DE NAS LO GNYIS LON PA NA, ,BOD DU 'BYON KHA'I DUS SU NI, ,BI KA MA LA SH'I LAR NI, ,DA NI LO NI BCO BRGYAD NA, ,TSE YI 'DU BYED BTANG NAS SU, ,LUS 'DI BCOD DU 'JOG GO GSUNGS, , JI SKAD GSUNG BZHIN MA 'KHRUL BAR, ,BYUNG BA DE NI NGO MTSAR CHE, ,ZHES GSUNGS PA LTAR RO, ,DGE BA'I BSHES GNYEN SHAR BA'I ZHAL NAS, JO BO BOD DU BZHUGS PAR RGYA GAR RANG NAS NGES PA DPE CHA DANG THUGS DAM GYI LHA MA LUS PA SPYAN 'DREN LUGS DES KYANG SHES GSUNG NGO, ,'BROM RIN PO CHE THUGS DGONGS BZANG BA DANG, DE DUS KYI MI RNAMS KYANG BSAM PA BZANG PAS BOD KYI MI CHEN RNAMS KYIS KYANG SO SO NAS GSER RDANG RTA LA SOGS

PA'I KHRAL BKRAL NAS BOD DBUS GTZANG GI MI CHEN THAMS CAD KYIS JO BO RJE BSU BA LA BYON, ,DE'I TSE BOD STON RNAMS 'BYON PA LA JO BOS NYIN RE BZHIN BYA RA MDZAD TZA NA BOD STON RNAMS KYIS TSAG ZHU DANG PER GYON, ,RTA LA CHIBS BYON PAS JO BOS GZIGS MA THAG, AU PA SI KA, MI MA YIN MANG PO BYUNG NGO GSUNG NAS DBU RIL GYI GTUMS, DE NAS BOD KYI MI CHEN RNAMS KYIS CHOS GROS GYON SER SBRENG MDZAD NAS PHYAG RTEN PHUL BAS JO BO YANG DGYES NAS PHYAG LAN MANG PO MDZAD, DE NAS JO BO RJE DPON G-YOG LA BOD STON RNAMS KYIS SNA LEN DU BSNYEN BKUR BZANG PO ZHIG MDZAD PAS RGYA GAR GYI RAB TU BYUNG BA BAS BOD KYI RAB BYUNG 'TSO BA BZANG BAR 'DUG GSUNG ,DE NAS GTZANG LA BSTOD LDOG GI TSA SNA BYA BAR DO HA RDO RJE'I MGUR GSUNGS PAS 'BROM RIN PO CHES BOD DU 'DI MI LEGS, BSKAL PA SNYIGS PAS SDOM BA BSRUNG BA DANG TSOGS GSOG PA MI MCHI, ,LAS RGYU 'BRAS LA SOGS PA BSTAN PA SPYI LA PHAN PA'I CHOS GSUNG BAR ZHUS PAS, AA TI SHA YANG SHIN TU MYES TE, SEMS CAN CHEN PO KHYOD LTA BU BOD NA BZHUGS PA BOD BSOD NAMS CHE YI, KHO BOS KHYOD RGYA GAR DU THOS NA BOD DU 'ONG MI DGOS PA 'DUG PA LA GSUNG, SNE'U ZUR PA'I ZHAL NAS, 'U CAG YIN NA GZHAN SU LA'ANG MED PA'I CHOS SHIG KHO NA ZHU, DGE BSHES STON PA DE THUGS DGONGS SHIN TU BZANG PAS BOD SPYI LA PHAN CHE BA'I CHOS SHIG KHO NA ZHU BAR LAGS PAR GDA' GSUNG, DE NAS

, ,GTZANG RONG NA MAR BYON TZAN KHANG BA DOG PAS GNAS KHANG 'DOD RIGS MA RNYED PA LA 'BROM RIN PO CHES JO BO PHYIR BZHUGS SU BCUG NAS DE'I BAR DU KHANG PA'I GAD BDAR BYAS, JO BO'I DBU SNGAS SU MAndAL ZHIG KYANG TSAR PAR BYAS 'DUG PAS JO BO'I ZHAL NAS, NGA LA SLOB MA KHYOD 'DRA BA GCIG RGYA GAR NA'ANG YOD GSUNG, PO TO BA'I ZHAL NAS DON LA MED, YOD NA KHA SKAD 'DRA BA 'ONG THANG BA LA GSUNG NGO, ,YANG LAN CIG GI TSE JO BOS BYIS PA LTAR MDZAD NAS NANG GI GNAS RNAMS PHYIS CHUNG DU RES BKANG BAS DE RNAMS 'BROM RIN PO CHES LEGS PAR PHYAGS, SKU'I SPYOD PA LA MA DAD PA MA SKYES PAS BYA RGOD KYI NYIN LAM BCO BRGYAD KYI BAR GYI GZHAN GYI SEMS SHES PA'I MNGON PAR SHES BA SKYES GSUNGS, DE NAS JO BO RJE KHU STON GYIS YAR KLUNGS SU SPYAN DRANGS TE THANG PO CHER PHEBS, 'BROM RIN PO CHES THANG PO CHER MA PHEBS PAR SNYE THANG DU PHEBS NAS BANG STON GYI SAR BYON TE DA LTA NI JO BO KHUS SPYAN DRANGS NAS PHEBS KHUS ZHABS TOG 'O MI BRGYAL BA MI 'ONG, DE TZA NA JO BO'I BZHUGS SA CIG DGOS PAS KHYED KYI SNYE THANG 'DIR BZHUGS SA BYED, NGAS THABS MKHAS KYIS JO BO BSAM YAS SU GDAN DRANGS KYIS, DE TZA NA KHYED KYIS RTA PA NYIS BRGYA'I ZHAL MTHONG DANG BCAS PA'I BSU BGYIS SHIG GSUNGS PAS KHONG GIS KYANG ZHAL GYIS BZHES SO, ,DE NAS 'BROM RIN PO CHES JO BO'I SPYAN SNGAR 'GRO DGONGS NAS YAR

KLUNGS NAS YAR BYON PA DANG THANG PO CHE BA'I MI CIG NA RE, KHYOD GAR 'GRO ZER, THANG PO CHER 'GRO GSUNGS PAS, SMA PHAB PAR 'OD ZER, JO BO DANG MJAL NA SMA PHAB NA'ANG PHAB SNYAM PA CIG BYUNG GSUNG, DE NAS BANDE ZHIG LA JO BO'I GZIM KHANG GAN YOD DRIS PAS, STON DU MA BTUB PA LA JO BO'I SLOB MA AA TZA RA CIG BYUNG BAS NGO SHES NAS 'BROM RIN PO CHE'I RTZAR RGYUGS BYUNG, DES NANG DU KHRID NAS JO BO DANG MJAL BAS YUN ZLA BA GCIG LAS MA LON PA LA 'O SHIN TU BRGYAL BAR BYAS NAS GDA', DER JO BO'I ZHAL NAS, AU PA SI KA CHEN PO, NGA RANG DANG PO GANG NAS 'ONGS PA'I SAR SKYOL, BKA' 'KHOR 'DI KUN YANG 'O BRGYAL, RTA KHAL 'DI KUN KYANG MA RGAN YIN, KHU STON NI 'KHOR LOS BSGYUR BA'I RGYAL PO LTA BU, KHO BO NI DMANGS PHAL PA LTA BU, KHU STON NI SUM CU RTZA GSUM GYI LONGS SPYOD DANG LDAN BA LTA BU, KHO BO NI PRE TA PHU RI'I GRONG KHYER NA GNAS PA LTA BU BYUNG GSUNGS PA LA, 'BROM RIN PO CHES BDAG GIS JO BO'I BZHUGS GNAS SNYE THANG ZER BA, DBYAR BSIL BA DGUN DROB, NAGS TSAL DANG NE'U GSING YOD PA, DGUN YANG ME TOG SKYE BA ZHIG BTZAL BDOG ZHUS PAS, AU PA SI KA DA LTA RANG GSHEGS GSUNG BA LA, KHU YANG DBANG CHE BAS KHAD LA THABS MKHAS BYED DGOS ZHUS PAS, KHU STON GYIS MI TSOR BA'I THABS NGA RANG GIS BYED GSUNG NAS, DE'I NUB MO GRU BSPOGS BYAS TE NAM LANGS PA DANG LAM DU CHUD PAR BYAS NAS

, ,GSHEGS PA BANDE MO ZHIG GIS MTHONG NAS KHU STON LA BYA GTONG DU PHYIN, DE NAS JO BO DPON G-YOG GIS MYANG PO'I GRU LA BYON, 'BROM RIN PO CHE'I ZHAL NAS MNYAN PA LA SNGON LA NGA SGROL CIG DA LTA RANG RDUNG GTAG THAMS CAD NGA LA 'ONG GSUNGS PAS MNYAN PAS SNGON LA BSGRAL, DE'I NUB MO 'BROM RIN PO CHE DPON G-YOG GIS 'ON DU MA BZHUGS PAR KA CHUR PHEBS, JO BO DPON G-YOG SGROL KYIN YOD TZA NA DGE BSHES KHU AA TI SHA ZER CING RGYUGS BYUNG BA GZIGS PAS JO BO'I ZHAL NAS MKHAS PA CHEN PO BYON, GRU PHYIR THEN CIG GSUNGS NAS BZHUGS PA DANG KHU YUS CHE BAS CHIBS PA THAL NAS CHU NANG DU DE'U GRONGS BYUNG, DER KHU STON GYIS JO BO LA LDOG PAR ZHU BA PHUL YANG MA GNANG BAR DBU ZHVA PHYIR 'PHANGS TE BYIN RLABS KYI RTEN DU GNANG, DE NAS JO BO DPON G-YOG GIS 'ON DU ZLA BA GCIG BZHUGS NAS BSAM YAS SU PHEBS, DE'I DUS SU ZHANG 'PHRANG KHA BER CHUNG GIS 'BROM RIN PO CHE SPYAN 'DREN PA'I MI GNYIS BTANG NAS YANG YANG BSKUL BA LA 'BROM RIN PO CHE'I ZHAL NAS, NGA DA LTA 'ONG MI KHOM, JO BO SKU NA MTHO LA SKU GCONG MANG BAS ZHABS TOG GAL CHE, DE'I BAR DU THUGS MI CHAD PAR CHOS 'DI TSO LA DGONGS PAR ZHU GSUNGS NAS 'PHRIN YIG BSKUR BA, YAB MES CHO RIGS BZANG PO'I RJES 'BRANGS SHING, ,DGE BA'I BLO MNGA' DAL 'BYOR LDAN RNAMS LA, ,PHAN PAR DGONGS PA'I SEMS KYIS KUN BSLANGS NA, ,BDUD

RTZI 'DRA BA'I GROS SHIG YONGS LA 'DEBS, ,SNYOMS PAR 'CHAR BA'I NYI MA'I 'OD ZER BZHIN, ,SANGS RGYAS BSTAN PAS KUN LA YONGS KHYAB KYANG, ,BYANG DU BLTAS PA'I BRAG PHUG JI BZHIN DU, ,DAM PA'I LHA CHOS MI MDZAD BLO RE RMONGS,, 'O SKOL DAL 'BYOR MI LUS THOB PA YANG, ,DA LTA NYID KYI SKU SPYOD MA LAGS TE, ,YAB YUM LAS 'PHRO MTHUN PA'I 'DU 'PHROD DANG, ,TSE SNGON BSOD NAMS BSAGS PA'I RGYU LAS GRUB, ,DE LTAR RNYED DKA'I MI LUS THOB TZA NA, ,SDIG PA SPANGS TE DGE BA MA SPYAD NA, ,MTHON PO'I RI LA PHYIN NAS SLAR LHUNG BZHIN, ,MI LUS THOB PA DON MED CHUD MA GZON, ,'O SKOL STON PA SANGS RGYAS BYON NAS KYANG, ,DAM CHOS BDUD RTZI JI SNYED GSUNGS PA DAG ,RTAG PA'I DON DU GSUNGS PA MA YIN TE, ,MI RTAG NGES NAS GSUNGS PA MA YIN NAM, ,RTAG GAM MI RTAG DPER NA 'DI 'DRA STE, ,'O SKOL YAB MES SNGA RABS 'DAS PA DAG ,DA LTA MING TZAM LUS NAS MA SONG NGAM, ,RTAG PA LAGS NA DA LTA GANG NA GDA', ,'O SKOL NYID KYI SKU RING 'DI LA YANG, ,NA TSOD MTHUN PA'I RGAN GZHON MTHO DMAN SOGS, ,JI SNYED GUM PA THUGS MTSOR MI MNGA' 'AM, ,SNYAN GYIS GSAN BA DE BAS SHIN TU MANG, ,NA NING DING SANG DO CIG BAR LA YANG, ,'DAS PA'I MI DANG YUL MI KHYIM MTSES LAS, ,MTSON GYIS RMAS DANG DE BZHIN BRO 'TSAL NAS, ,GRANGS KYIS GUM PA SPYAN GYIS MA GZIGS SAM, ,KUN KYANG CHOS NYID 'DI LAS MA 'DAS TE, ,'CHI BA'I RE MOS 'O SKOL KUN LA 'ONG, ,DE RING SANG GI DBANG

, ,YANG MA MCHIS TE, ,THAMS CAD MI RTAG 'JA' TSON RI MO 'DRA, ,GZUGS NI LHO SPRIN 'DRA STE KHAD KYIS 'JIG ,SROG NI BA THAG 'DRA STE GYI NA TZAM, ,DBUGS NI NA BUN 'DRA STE YOD LA MED, ,TSE NI GLOG DANG 'DRA STE SKAD CIG MA, ,'O SKOL PHUNG PO 'DI LA PHANGS MDZAD KYANG, ,KHREL MED SLES LA BOR BA MTHONG BZHIN DU, ,SGYU MA RTAG TU RE BA BLO RE RMONGS, ,STONG PA DNGOS POR LTA BA BLO RE 'KHRUL, ,JI LTAR BGYIS KYANG RANG DANG PHUNG PO 'DI, , 'BRAL BAR MI 'DOD 'GROGS PAR RE 'DOD KYANG, ,GOS RNYING BRJE BA BZHIN DU PHYIR LUS NAS, ,LUS SEMS SO SOR CHA BA MA DGONGS SAM, ,BSOD NAMS LAS GRUB 'BYUNG BZHI 'DUS BSKYED PA'I, ,PADMA LTA BUR RGYAS PA'I LUS 'DI LA; ;DGRA SDANG RNAM SHES BRGYAD NI DUG SBYOR NA, ,SGYU MA'I PHUNG PO DA LTA JI SNYAM MDZAD, ,DE LA SKYES BU DAM PA'I SMAN PA YIS, ,RNAM THAR BRGYAD KYI SMAN GYIS MA BCOS NA, ,'CHI BDAG BDUD KYI BGEGS NI GDON NGO MTHO, ,MA RIG DUG GSUM GTAN GYI NAD GZHI CHE, ,MI RTAG 'CHI BA'I NAD KYIS ZIN PA LA, ,'TSO BYED GZHON NU'I SMAN GYIS CANG PHAN NAM, ,BDUD KYI ZHAGS PA NAG POS ZIN PA LA, ,MO BON LTO DPYAD RIM GROS CANG PHAN NAM, ,DBANG MED DUS KYIS RGYAS 'DEBS BYED BA LA, ,GNYEN BSHES NYE DUS BSKOR BAS CANG PHAN NAM, ,RTAG PA MA LAGS KUN KYANG MI RTAG STE, ,RTAG TU BTUB NA SANGS RGYAS SKU 'DI DAG ,YOD PA MA LAGS KUN KYANG MED PA STE, ,YOD DU BTUB NA RNAM

SHES SEMS 'DI YOD, ,BDEN PA MA LAGS KUN KYANG BRDZUN PA STE, ,BDEN DU BTUB NA DAM PA'I CHOS 'DI BDEN, ,NGES PA MA LAGS KUN KYANG MA NGES TE, ,NGES SU BTUB NA DGE SDIG RGYU 'BRAS NGES, ,'DOD CHAGS ZHE SDANG MA RIG DE DAG LAS, ,MI SHES GTI MUG GNYID NI MA CHE BAR, ,DGE BA BCU YI MEL TSE 'BAD LA MDZOD, ,MA RIG GNYID LAS SANGS PA'I DUS BYUNG NA, ,YANG DAG BDEN PA'I NAM ZHIG LANGS TZA NA, ,MTHO DMAN MKHA' LA NYI SHAR JI BZHIN DU,, 'GRO MGON SANGS RGYAS DE DANG PHRAD PAR MDZOD, ,CES BYA BA'I TSIGS SU BCAD PA BCO BRGYAD DANG, GANG GI DRIN GYIS BDAG BLO RGYAS MDZAD PA'I, ,BLA MA DAM PA RNAMS KYI ZHABS LA 'DUD, ,GTING MTHA' MED PA'I 'KHOR BA'I RGYA MTSO 'DIR; ;DE SNGA PHAN CHAD JI TZAM PA CIG 'KHYAMS, ,DA YANG JI TZAM PA CIG 'KHYAM DGOS PAS, ,BLA MA DAM PA'I GDAMS NGAG THOS BSAM BYA, ,DE LAS THAR BA'I DUS NI DA RES YIN, ,GLO BUR BAR DU GCOD PA MA BYUNG YANG, ,TSE LA LONG MED YUN RING MI SDOD NGES, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA SKYED, ,GNYID DANG SNYOM LAS DBANG DU MA GTANG BAR, ,STONG PA SNYING RJES ZIN PA RTZE GCIG SGOMS, ,TSE LA LONG MED 'CHI BDAG PHO NYAS SLEB, ,BYA BA THAMS CAD BYED 'PHRO BTANG NAS NI, ,RANG BZHIN MNYAM PA NYID LA BLO BZHAG NAS, ,CHOS NYID RNAM DAG 'DI LA LTA BA BYA, ,MI RTOG BDE GSAL 'DI LA BSGOM BA BYA, ,MA BCOS RANG

, ,BZHIN 'DI LA SPYOD PA BYA, ,SKU BZHI YE SHES LNGA LA 'BRAS BU BYA, ,LTA SGOM SPYOD PA 'BRAS BU RNAM PA BZHI, ,SO SO THA DAD MED PA'I LAM DU SEMS, ,LTA BA STONG NYID SGOM ZHES KHAS BLANGS NAS, ,SPYOD PA DNGOS POR 'DZIN LAS MA GROL NA, ,LTA SPYOD 'JOL TE LOG PA'I LAM DU 'GRO, RANG GIS RANG BSLUS GZHAN GYIS ZHE YANG KHREL, ,CHAGS SDANG SKYE BA'I GROGS NGAN THABS KYIS SPONGS, ,DER YANG KUN DANG 'DRIS PAR MI BYA'O, ,CHAGS NA LHA PA CHAGS KYANG MI GROL TE, ,ZHEN NA CHOS LA ZHEN YANG 'CHING BA'I RGYU, ,PHYUG PO GSER SRANG STONG LA CHAGS PA DANG, ,DBUL PO KHAB SKUD TZAM LA CHAGS PA GNYIS, ,THAR PA'I BAR DU GCOD LA KHYAD PAR MED, ,DES NA CI LA'ANG ZHEN CHAGS MED PAR BYA, ,'KHRUL PA'I RTOG PA MA ZHIG BAR DU NI, ,DAD PAS BLA MA DAG DANG DKON MCHOG MCHOD, ,YI DAM LHA LA GSOL BA RGYUN DU THOB, ,LUS NGAG YID GSUM DGE BA NUS TSAD GYIS, ,BSAM DU MED PA'I CHOS NYID DON BSGOMS LA, ,'GRO BA RNAMS LA SNYING RJE RGYUN DU SKYED, ,STONG PA NYID DANG SNYING RJE DBYER MED PA, ,SGOM PA GOL SA MED PA'I LAM YIN GSUNG, ,TSE LA LONG MED YUN RING MI SDOD NGES, ,'JIG RTEN LTO RGYAB SPRANGS KYANG PHYID DE MCHIS,, CHOS DANG MTHUN NA LTOGS RIR SHI DOGS MED, ,'JIG RTEN 'DI YI BYA BA RGYAB TU BOR, ,'DI DANG PHYI MA GNYIS KA MI 'GRUB KYI, ,PHYI MA GAL CHE CHOS LA 'BAD PA THON, ,GNYID DANG SNYOM LAS DBANG DU MA GTANG BAR, ,STONG PA SNYING RJE'I

SNYING PO RTZE GCIG SGOMS, ,PHUNG PO NYAMS BAS LUS NGAG MTHU NYAMS KYANG, ,YID LA CIS KYANG GDUNG BAR MI BYA'O, ,DA NI LE LO'I GLAGS MED RING MI SDOD, ,NYIN MTSAN GNYIS KYIS TSE 'DZAD DGE MYUR MDZOD, ,'CHI KHAR 'GYOD PAS MI PHAN DA LTA 'BAD, ,DNGOS PO CIS KYANG BYAR MED GDAMS NGAG SGOMS, ,DRAN SNANG THAMS CAD SKYE MED RGYAS BTAB CING, ,BYED SPYOD THAMS CAD SGYU MA LTA BUR BYA, ,BDE SDUG THAMS CAD MNYAM PA NYID DU BSLAB, ,NYES LTUNG PHRA MO TZAM YANG PHYIR BCOS BYA; ;DENG NAS SKYE BA 'DI YI 'OG ROL TU, ,SDOM PA GSUM DANG LDAN PA'I RTEN ZHIG GIS, ,PHYAG RGYA CHEN PO'I DNGOS GRUB THOB 'GYUR BAR, ,SMON LAM GDAB CING DE YI RGYU LA 'BAD, ,LUS NGAG BYA BYED MANG NA SEMS RJES 'BRANG, ,GNYUG MA'I SEMS 'DI BCOS MAS MI BSLAD CING, ,SDIG DANG SDUG BSNGAL 'PHEL BA'I LAM BOR LA, ,MKHA' LA BYA SONG BZHIN DU RJES MED BYA, ,CI 'DRAS MI SDUG BYAS PA'I LAN MI BLAN, ,SHES MTHUN RTOG PA BSDUR NA DRANG POR SMRA, ,MDOR NA CHOS NYID RTOGS PA'I PHYI RTAGS SU, ,BRNYAS PA BYUNG YANG KO LONG MI BYA ZHING, ,TSIG NGAN SMRAS KYANG KHRO BAR MI BYA LA, ,KHYAD GSOD BYAS KYANG NGA RGYAL MI SKYED DO, ,'GAL BA JI LTAR BYUNG YANG 'DI BSAM STE, ,'KHRUL PAS BCINGS PA'I SEMS CAN SNYING RE RJE, ,SKYE MED CHOS LA BDAG DANG GZHAN BZUNG BA, ,'DI LA DNGOS PO CI YANG MED DO ZHES, ,CHOS DBYINGS NYID DU NGES BAR BSAM PAR BYA, ,DE LTAR DA LTAR NYID NAS GOMS BYAS NA, ,KLONG DU GYUR TSE CIS KYANG GNOD MI NUS, ,RDZAS

, ,DANG LONGS SPYOD CHE CHUNG CI YOD KYANG, ,RANG DBANG YOD TSE PHRAL BSNGO PHRAL SPYAD BYA, ,KHA CIG NA RE 'CHI KHAR DGOS ZER TE, ,'CHI DUS 'BYUNG BA'I NAD KYIS BTAB BA LA, ,NAD G-YOG MANG BAS SDUG BSNGAL BGO THABS MED, ,G-YOG MED SDUG BSNGAL 'GROGS NAS KHYER BA MED, ,DES NA NAD G-YOG YOD MED GNYIS KA 'DRA, ,SHI BA'I RO DE TZAN DAN MER BSREGS SAM, ,CHUR BOR DONG BSKYUR BYA KHYIS ZOS PAR MNYAM, ,SHUL DU GTAM SNYAN GTAM NGAN CI BYUNG YANG, ,BDAG GI RJES SU 'BRANGS NAS MI 'ONG STE, ,GSON TSE DGE SDIG GNYIS PO GANG BYAS BA'I, ,'BRAS BU DE YI DUS SU 'BYUNG BAR 'GYUR, ,RNAL 'BYOR PA YI 'CHI LUGS RNAM PA GSUM, ,SMYON PA LTA BUR SHI BA RAB YIN TE, ,RI DVAGS LTA BUR SHI BA 'BRING YIN NO, ,RGYAL PO LTA BUR SHI BA THA MA YIN, ,DES NA SHUL DU LUS PA MED PAR BYA, ,'DOD CHUNG CHOG SHES NGA RGYAL MED PA DANG, ,GZHAN DANG 'BREL BSKYUNGS RANG LA NGAN SHOS BYA, ,DMAN SA BZUNG NA SLAR YANG GZHAN DAG DANG, ,RANG YANG NYON MONGS MI GSOG DGE SBYOR 'PHEL, ,DES NA CI LA'ANG KHENG DREGS MI BYA'O, ,DE PHYIR BYANG CHUB SEMS NI RTAG TU SBYONGS, ,CHOS KYI DBYINGS NI GNYIS MED RNAM DAG LAS, ,BYANG CHUB CES NI DE LA BRJOD PA YIN, ,DE DON SEMS PAR BYED PA'I SEMS DPA' NI, ,DE NI BYANG CHUB SEMS DPA' ZHES BYA STE, ,BYANG CHUB DANG NI SEMS LA GNYIS MED SPYOD, ,GANG ZHIG DE RTOGS 'DOD PA'I SKYES BU NI, ,DE NI BYANG CHUB SEMS DPA' ZHES BYA'O,,

DES NA DAM PA RNAMS KYI RJES SU BSLAB, ,MAR ME CHUNG DU RLUNG GIS GSOD PAR BYED, ,NAGS TSAL ME LA RLUNG GIS GROGS KYANG BYED, ,DE PHYIR DANG POR RKYEN NGAN DAG LA BYOL, ,BRTAN PA THOB NAS THAMS CAD GROGS SU 'GYUR, ,NYAM CHUNG RNAMS LA RKYEN NGAN GNOD PA CHE, ,DE LA GCIG BUR GNAS SHING 'DU 'DZI SPANG, ,TSE 'DI'I LTO RGYAB JI LTAR BYAS KYANG PHYID, ,TSE RABS PHYI MCHOS DANG PHRAD PAR DKA', ,DE BAS TSE 'DIR CHOS LA 'BAD PAR KYIS, ,DA LTA DGE BA'I LAS LA MA 'BAD NA, , PHYI MAR SDUG BSNGAL MYONG BAR 'GYUR TA RE, ,BLA MA DAM PA RNAMS KYI MAN NGAG GIS, ,GZHUNG LUGS RNAMS NI NYAMS SU BLANG BAR BYA, ZHES BYA BA'I BAR GYI TSIGS SU BCAD PA'I GDAMS PA DANG, KHO 'GYUR GYI DOGS NAS THUGS DAM 'JAM PA'I RDO RJE YANG DE'I DUS SU BSKUR NAS NGA JO BO DANG SHI 'BRAL BYED, DE NAS TSE LA BAR CHAD MA BYUNG NA KHYOD KYI MCHOD GNAS NGAS BYED PA YIN BYA BA'I ZHAL 'PHRIN YANG BSKUR BAR MDZAD, DE NAS 'BROM RIN PO CHES JO BO'I PHYAGS PHYIR LHA SAR PHEBS, DE'I DUS SU JO BOS CHAD GI NYES DMIGS LA SOGS BA CHOS MANG DU GSUNGS NAS GNAS PHAL CHEN SDE BA 'DZUGS GSUNG BA LA, 'BROM RIN PO CHES, AA TI SHA, DE MI MDZAD PAR ZHU, BOD DU 'DI MI LEGS ZHES ZHUS SO, ,DE'I RGYU MTSAN YANG SNGON DUS CHOS RGYAL KHRI SRONG LDE BTZAN GYIS MKHAN CHEN BO DHI SATVA BOD DU SPYAN DRANGS NAS RGYAL BA'I BSTAN PA 'DZUGS PAR GSOL BA BTAB PA NA, MKHAN CHEN BO DHI SATVAS SBA YE SHES DBANG PO SOGS MI BDUN RAB TU BYUNG ZHING

, ,SO THAR GYI BSLAB KHRIMS LA BKOD PAS DE DAG RAB TU BYUNG MA THAG MNGON SHES DANG RDZU 'PHRUL THOB CING SDE SNOD GSUM LA MKHAS PAR GYUR, DE NAS RIM GYIS DGE 'DUN GYI SDE RGYA CHER 'PHEL, MKHAN RGYUD 'DI NI GZHI THAMS CAD YOD PAR SMRA BA'I SDE PA'I BRGYUD PA YIN PAS CHOS RGYAL KHRI SRONG LDE BTZAN GYIS DA PHYIN CHAD BOD 'DIR MKHAN CHAN BO DHI SATVA'I LUGS LTAR THAMS CAD YOD SMRA BA'I SDE PA LAS SDE PA GZHAN MI BYA BA DANG, 'PHAGS PA KLU SGRUB YAB SRAS KYI LTA BA LAS LTA BA GZHAN MI 'DZIN PAR BKAS BCAD MDZAD PA DE DANG MTHUN PAR MDZAD BZHED PA DANG, BOD KYI GDUL BYA YONGS KYI KHAMS DANG BSAM PA LA GZIGS NAS PHAL CHEN SDE PA'I LUGS KYI BCAS PA 'GA' ZHIG BOD KYI GDUL BYAS BSRUNG DKA' BA SOGS LA GZIGS NAS JO BO RJE LA DE LTAR ZHUS SO, ,DE NAS RNGOG LEGS PA'I SHES RAB KYIS JO BO DPON G-YOG YER PAR SPYAN DRANGS PA'I DUS SU DGE BSHES STON PAS BYANG DU MI CHOS LA GSER SLONG MDZAD DU BYON, MI CHOS RNAMS KYIS 'BROM RIN PO CHE MJAL BA'I GRABS BYAS NAS TSUR 'ONG KHAM DANG THUG, DE'I BAR DU YAB GRONGS 'DUG PAS MI CHOS RNAMS KYIS 'BROM RIN PO CHE LA MA LEGS BYA SNYAM TZA NA 'BROM RIN PO CHES SNGON LA TSUR MDZAD, DE KUN YANG PHYI RABS LA DGONGS BA YIN GSUNG, DE NAS GSER SLONG MDZAD DE TSUR PHEBS NAS LHA RI SNYING PO'I MGUL DU 'BUL BA MDZAD DE, 'BROM RIN PO CHE'I ZHAL NAS BLA MA RJE BTZUN CHEN PO ZANG ZING LA MNYES BA MA LAGS TE, KHO BO TSOGS GSOG

PA'I CHED DU ZANG ZING GI MCHOD PA CUNG ZAD BGYID GSUNGS NAS, GSER ZHO DGU DGU LA SRANG RER BRTZIS PA'I GSER SRANG BRGYA RTZA BRGYAD, RTA NYI SHU RTZA GCIG, 'BRI BCU GCIG, BER GNYIS, DBYI SBYANG GI PAGS PA BZHI, KHRAB ZHI, DNGUL SKYOGS GNYIS, GLA GOR GYI YOL GO GCIG, DE LA SOGS PA'I NOR SNA BRGYA RTZA BRGYAD PHUL, DE'I TSE JO BO RJE MNYES NAS 'BROM RIN PO CHE LA THUGS MNYES PA'I BKA' LUNG MANG DU GSUNGS SHING, JO BO NYID KYIS CHOS LA DKA' BA SPYAD LUGS, SGRUB PA NYAMS SU BLANGS LUGS YAM ME BA ZHIG GSUNGS NAS KHYOD KYIS DKA' BA'I LAS MA BGYIS PAR SNYING BO'I DON RNYED PA BSOD NAMS SHIN TU CHE YI, DA LEGS PAR NAN TAN DU GYIS SHIG GSUNG, RTAG TU DU DANG CHOS 'PHAGS DANG NOR BZANG GI GTAM RGYUD GSUNGS NAS BLA MA'I ZHABS TOG BYED PA 'DI LA, BLA MA DE LA 'DOD PA MI MNGA' YANG RTEN CING 'BREL PAR 'BYUNG BA'I CHE BAS BYA DGOS PA YIN GSUNGS, 'BROM RIN PO CHES GSER SLONG LA BYON DUS KYI ZLA BA GCIG DANG, KHU STON GYIS SPYAN DRANGS DUS ZLA BA GCIG STE, ZLA BA GNYIS MA GTOGS PA DANG POR JO BO DANG MJAL NAS ZHI BAR MA GSHEGS KYI BAR SKAD CIG KYANG 'BRAL MA MYONG BA YIN GSUNG, YANG JO BO'I ZHAL NAS, AUS SI KA'I RIGS CI YIN GSUNG, RJE'U'I RIGS LAGS ZHUS PAS, RJE'U'I RIGS KYI NGA RGYAL MA MDZAD GSUNG, YE MA MCHIS ZHUS PAS, BAG TZAM BDOG STE MCHI, YE MI RUNG GSUNG, 'BROM RIN PO CHE LA KHENGS PA DANG CHE 'GYINGS MI MNGA' BAS BER CHUNG GIS PHYAG GYIS ZER BA LA'ANG DE

, ,BZHIN DU MDZAD PA DANG, SNYE THANG DU KHU STON BYON PA LA'ANG PHYAG MDZAD CING, 'BROM RIN PO CHE LAN PA SPYIL BUR SPYAN DRANGS DUS LAM DU SNGAGS PA GCIG DANG 'PHRAD PAS KHA CHANG DRI CHIL LE BYAS NAS KHO NA RE, DGE BSNYEN 'DI YA TSAD KHUR ZER NAS LHAM KHRES ZHIG DANG GAL LTE BSKUR BAS BGYI'O GSUNGS NAS KHUR BYON PAS SPYIL BU BA'I DGE 'DUN RNAMS KYIS BSU BA'I SER SBRENGS BYAS PA SNGAGS PAS MTHONG NAS DGE BSNYEN 'DI CI YIN ZER BA LA, KHO BO LA BSU BA BYED BA'I ZHAD DU GDA' GSUNGS PAS, KHO SKYENGS TE BROS PA LA SOGS PA'I GTAM RGYUD GZHAN YANG MANG NGO, ,DE NAS JO BO DPON G-YOG SNYE THANG DU SPYAN DRANGS NAS BZHUGS PA'I DUS SU JO BO'I ZHAL NAS, AU PA SI KA, KHYOD NA RE DGUN YANG ME TOG 'CHAR BA ZHIG YOD ZER BA ME TOG GA RE GSUNGS PAS, 'BROM RIN PO CHES SNYE'I NA MO CHER JO BO RJE GDAN DRANGS NAS GSING MA'I ME TOG GZIGS PHUL BAS, JO BO'I ZHAL NAS BRDZUN MA BTANG TZAM 'DUG GSUNG, NGAS SA PHYOGS 'DIR ME TOG MANG PO 'CHAR BAR BYIN GYIS RLABS KYIS GSUNG, JO BO'I BYIN RLABS KYIS SNYE THANG GIS SKOR NA ME TOG GI RIGS GZHAN NA MED PA MANG PO YOD, JO BO'I ZHAL NAS, DUG GI ME TOG DKON MCHOG LA DBUL MI RUNG, SPANG RGYAN 'DI AUTPA LA'I RGYU RU 'DUG BA LA BOD GRANG BAS KHA MA BYE BAR 'DUG ,ME TOG SHANG SHANG NI RGYA GAR NA YANG MED, YOD NA NGAS GSER 'JAL NUS GSUNG, DE'I TSE 'BROM RIN PO CHES LJAGS KYI STENG DU ME TOG NGO MTSAR BA ZHIG SPRUL PA SOGS RDZU

'PHRUL GYI BKOD PA SNA TSOGS BSTAN PA BKA' GDAMS GLEGS BAM LAS 'BYUNG BA NI, JO BO RJES, KYE MA CHUNG CHUNG 'BROM RJE GZIGS, ,'OL LA 'DAB MA'ANG SKYES TE GDA', ,DOD DOD BRDZUN PHUG MA RDIB TZAM, ,GSUNG BA'I LJAGS DE NGA LA STON DE NAS 'BROM RJES LJAGS BRKYANGS PA, ,GZIGS PAS DE LA'ANG ME TOG GCIG, SKYES PA GZIGS NAS JO BO MNYES, ,KYE MA'O YA MTSAN DE NA 'DUG ,'BROM GYI LCE NI NE THANG 'DRA, ,BUNG BA ZHAL DU MI 'TSANG TZAM, ,'O NA'ANG DNGAR RTZI MED DAM CI; ;SLAR YANG 'BROM RJES LJAGS BRKYANG BA'I, ,ME TOG STENG NA'ANG JO BO GDA', ,JO BOS GZIGS NAS 'DI SKAD GSUNG, ,AA RE CI YANG DGOD RE BRO, ,BDAG LA 'BROM GYIS BUNG BA BYAS, ,KHO BO RE CHUNG NAS RDOG TZAM, ,RE DOD GSUNG ZHING PHYAG GIS REG, PADMA'I STENG GI JO BO BZHAD, ,DE NAS JO BO'I BZHAD SRIN LANGS, ,YANG DANG YANG DU BZHAD PAR GYUR, ,DE NAS 'BROM GYIS 'DI SKAD SMRAS, ,DGUN DUS 'KHRUNGS BA'I ME TOG DKAR 'DUR BA, ,KHO BO ZOG MAR MA BTANG DRIN CHE'O SBYIR YANG MTHA' 'KHOB GNAS 'DIR GRANG GZHI CHE, ,KHYAD PAR DBU RU CHU 'KHRIS SA 'KHYAGS MANG, ,DING SANG DGUN DUS ME TOG 'DAB LNGA PA, ,SA LA SKYES PAS JO BO MNYES GYUR NA, ,KHYAD PAR RDZUN MED 'BROM GYI LCE LA 'KHRUNGS, ,BUNG BA DRIS BAS BDE GSHEGS SKU GZUGS BYON, ,BZHAD PA RAB BZHAD BDE GSHEGS 'DI 'DRAR BZHAD, ,MTSAR MOS RANG GI BYAD MTHONG BZHIN DU BZHAD, ,LHA MO RANG GZUGS STON PA BZHIN DU BZHAD, ,BKRA SHIS BLA MA MNYES BA'I BKRA SHIS SHOG, SLAR YANG BLA MA

, ,RJE BTZUN 'DI SKAD GSUNG, ,'BROM RJE DA DUNG LJAGS KYI ME TOG STON, ,SLAR YANG LJAGS BRKYANG GZIGS SU PHUL BA YI, BLA MA'I MDUN NA'ANG 'BROM CHUNG CHUNG CHUNG GCIG ,'JUM 'DZUM BLA MA'I ZHAL LA RAB LTA ZHING, ,BU CHUNG SKAD 'DRA SNYAM PA'I SGRA 'BYIN GSAN, ,GZIGS MA THAG TU SHIN TU DGYE SGYUR NAS, ,ME TOG 'DI 'DRA RGYA GAR YUL NA'ANG MED, ,ZAB MO'I YAB SRAS LJAGS KYI STENG NA'ANG GDA', ,NGO MTSAR CHE'O NANG GI YA GI GNYIS, ,'BROM RJE LJAGS DGUL GUL MA MDZAD CIG ,SKU KHAMS GSO PHYIR 'BROM GYIS RAB G-YOS PAS, ,LEGS LEGS LDEG LDEG 'BRUL LA KHANG DE GDA', ,RAB TU BZHAD CING 'BROM RJE GA LE MJOD, ,KHYE'U GZHON NU SRAN RDOG ZA DANG MTSUNGS, ,LCE YI STENG NA RAL RIL LTAD MOR CHE, ,BDE GSHEGS LJAGS KYI PADMO LAS 'KHRUNGS BA'I, ,DANG POR BZHUGS BA'I GZUGS CAN YA GI GNYIS, ,MAR BYON BDAG CAG GNYIS NI NANG DU 'GRO, ,'BROM RJE'I ZHAL NAS LAN DU 'DI SKAD ZHUS, ,'JIG RTEN SGRON MA YAR LA GSHEGS SU GSOL, ,KHO BOS PHYIN PAS KHONG GNYIS MI LUS MCHI, ,DE NAS RGYAL BA SRAS BCAS MNYES BZHIN DU, ,GZIM KHANG NANG DU GSHEGS TE BYON PA'I TSE, , LHA YI TSOGS KYIS ME TOG DPAG MED GTOR, ,DE NAS JO BO'I ZHAL NAS 'DI SKAD GSUNG, 'BROM RJE ME TOG MCHOG LA MNYES GYUR NA, ,KHO BOS SA PHYOGS 'DI DAG BYIN BRLABS LA, ,RIN CHEN LNGA YI ME TOG 'BYUNG BAR BYA, ,LAN

DU 'BROM RJES THUGS LA THOGS ZHUS PAS, ,GSER DNGUL LA SOGS ME TOG BZANG PO YIS, ,SNYE THANG KHONGS RNAMS RAB TU GANG BAR GYUR, ,DE NAS JO BO'I ZHAL NAS 'DI SKAD GSUNGS, ,BLA MAS BYIN BRLABS MAR ME MDZAD DPAL NGAS, , BYIN GYIS BRLABS PA'I ME TOG 'DI BSKRUN PAS, ,'BROM GYI RJES 'BRANG MCHOD TSOGS 'PHEL BAR SHOG ,CES BKA' GDAMS GLEGS BAM LAS 'BYUNG NGO, ,JO BO RJES 'BROM RIN PO CHE JO BO RANG NYID DANG MNYAM PA 'GRAN ZLA MED PAR BSNGAGS TE; 'BROM RIN PO CHES JO BO LA, KHO BO ZAB MO DBU MA'I LTA BA 'DI LTAR 'DZIN ZHES SLOB DPON ZLA BA GRAGS PA'I LUGS KYI LTA BA'I RTOGS PA PHUL BAS, JO BOS PHYAG THAL MO SHAR PHYOGS SU SBYAR NAS DA LTA RGYA GAR SHAR PHYOGS NA'ANG LTA BA 'DI KHO NA 'DZIN PA YIN, KHYOD LTA BU'I SEMS DPA' CHEN PO BOD BSOD NAMS MI CHUNG GI, KHO BO BOD DU 'ONG MI DGOS PA 'DUG PA LA GSUNGS NAS GDAMS BA SHAS SHIG GNANG NGO, ,DE LTAR 'BROM RIN PO CHES JO BO RJE MNYES PA GSUM GYI SGO NAS MNYES PAR MDZAD CING, LHAG PAR YER BA LHA RI SNYING PO'I MGUL DU LO GSUM GYI RING LA JO BO RJE RNYED BA DANG BKUR STI TSAD MED BAS MCHOD CING, SDIG BA CAN GYI SKYE BOS DBEN PAR BYAS TE BYANG CHUB LAM GYI RIM PA'I 'GO BSHES GNYEN BSTEN TSUL NAS MTHAR 'BRAS BU MI SLOB BA'I ZUNG 'JUG 'GRUB PA'I BAR LAM SO SO'I NGO BO GANG YIN PA DANG, LAM DE DANG DE RGYUD LA BSKYED PA LA RGYU TSOGS GANG DANG GANG ZHIG DGOS PA DANG,

, ,DANG POR GANG NYAMS SU BLANG BAR BYA BA DE NAS RIM GYI RIM GYIS BSGRUB DGOS PA'I GO RIM NGES PA DANG, LAM DE DANG DE DAG SGRUB PA LA GEGS JI LTA BU 'BYUNG BA DANG, LAM DE DANG DE DAG STON PA'I BLA MA DANG SLOB MA JI LTA BU ZHIG DGOS PA DANG, YI DAM GANG LA BYA DGOS BA SOGS MTHA' DAG BAR ZHUS SHING NYIN RE BZHIN DU DRI GTUGS DANG BRGAL BRTAG MANG DU MDZAD DE GTAN LA PHAB, DE'I TSE 'BROM RIN PO CHES LAM GYI GNAD MTHAR THUG PA 'DI DAG KHONG GZHAN 'GA' ZHIG LA'ANG GNANG NA LEGS PA LA GZHAN SU LA'ANG MI GNANG BAR KHO BO GCIG PU LA GNANG BA CI YIN ZHES ZHUS PA NA, JO BO'I ZHAL NAS NGAS KHYOD MIN PA GZHAN LA GTAD SA MA RNYED BA YIN GSUNG, TSUL 'DI DAG LA BLO GROS CAN RNAMS KYIS LEGS PAR DPYAD NA JO BO RJE NYID BSTAN PA YONGS RDZOGS KYI BDAG PO YIN PA DANG JO BO RJES 'BROM RIN PO CHE LA BSTAN PA YONGS RDZOGS KYI MAN NGAG RNAMS BUM BA GANG BYO'I TSUL DU GNANG BAR GO NUS LA, DE LTAR GO NA JO BO RJES 'BROM RIN PO CHE LA GNANG BA NAS BZUNG CHOS KYI RGYAL BO TZONG KHA PA YAB SRAS LA RIM GYIS BRGYUD DE BSTAN PA YONGS RDZOGS KYI MAN NGAG RGYUN MCHAD PAR YOD PA 'DI LA YID CHES KYI DAD PA RKANG TSUGS PA SKYE'O, ,'DI DAG LA BLO CHUNG 'GA' ZHIG 'BROM RIN PO CHES JO BO LA SKYES BU GSUM GYI LAM RIM RDZOGS PAR GSAN MOD KYANG GSANG SNGAGS RGYUD SDE BZHI'I MAN NGAG RNAMS RDZOGS PAR MA GSAN TE JO BO RJES DO NYA

GSUNG BA'I TSE 'BROM RIN PO CHES AA TI SHA 'DI BOD DU MI LEGS ZHES BKAG BAS SO SNYAM PA SKYE SRID DE, DE NI DE LTA MA YIN TE 'BROM RIN PO CHE NI THUGS NAM MKHA' LTAR RGYA CHE ZHING RGYA MTSO LTAR GTING ZAB PAS SPYIR GSANG SNGAGS GSANG NAS BYA DGOS PA DANG, LHAG PAR DO HA SOGS BLA MED KYI RDZOGS RIM MTHAR THUG 'DI DAG SHIN TU GSANG BAR BYA DGOS KYI DE LTA MIN BAR KHROM BSGRAGS SU SONG NA 'CHAD PA PO RNAMS LA RTZA LTUNG 'BYUNG NYE BA DANG, NYAN PA PO BSOD NAMS DMAN ZHING BLO GROS CHUNG BA DAG LA PHAN PA LAS GNOD PA CHE BA ZHIG 'BYUNG STE, GSANG SNGAGS SGRA JI BZHIN BAR BZUNG NAS NAG CHANG LA BAG MED DU SPYOD BA SOGS RANG NYID PHUNG BAR MA ZAD BSTAN PA RIN PO CHE RMANGS NAS 'JIG PA'I RKYEN DU 'GYUR BAR GZIGS NAS PHYI LTAR DU DAM DOG CHE BAR MDZAD PA YIN GYI, GSANG BA'I GNAS SU JO BO RJES 'BROM RIN PO CHE LA RGYUD SDE BZHI'I MAN NGAG YONGS RDZOGS GNANG ZHING KHYAD PAR PHA RGYUD GSANG BA 'DUS PA DANG, MA RGYUD 'KHOR LO SDOM PA'I MAN NGAG MTHA' DAG DANG, BLA MED SPYI'I MAN NGAG MTHAR THUG PA GRUB PA SDE BDUN DANG, SNYING PO SKOR GSUM GYI MAN NGAG RNAMS BUM PHA GANG BYO'I TSUL DU YONGS SU RDZOGS PAR GNANG NGO, ,'BROM RIN PO CHE NI JO BO RJE LAS MAN NGAG YONGS RDZOGS GSAN PA TZAM DU MA ZAD RANG NYID DKYIL 'KHOR GYI BDAG POR LHUN GYIS GRUB PA ZHIG YIN TE, YER PA LHA RI SNYING PO'I MGUL DU JO BO YAB SRAS GNYIS LO GSUM GYI RING LA LAM GYI DKA' GNAS RNAMS

, ,LA BGRO BA MDZAD BA DE'I TSE RJE BTZUN 'JAM PA'I DBYANGS KYI SRAS KYI THU BO RDOG LEGS PA'I SHES RAB KYIS ZHABS 'BRING PA GCIG MA GTOGS RANG GI GRA BU SLOB SBYIN BDAG DANG BCAS PA SUS KYANG MA TSOR BAR GSANG STABS KYIS YER PAR BYON NAS DNGUL GYI MAndAL LA DUNG GI TSOM BU BKOD DE 'BROM CHOS KYI RGYAL PO'I SKYES RABS SOGS GSANG BA ZAB MO RNAMS GNANG DGOS ZHES JO BO RJE LA GSOL BA BTAB PA NA RJE BO RJES KYANG DE BZHIN DU GNANG NAS, DA LAM 'BROM RIN PO CHE NYID LA GSOL BA GDAB DGOS ZHES 'BROM NYID KYIS GSUNG BAR BSKUL, RJE BTZUN MA SGROL MA'ANG DNGOS SU BYON, BRGYUD PA GSUM LDAN GYI BLA MA THAMS CAD KYANG DNGOS SU PHEBS, NAM MKHA'I KHAMS SANGS RGYAS DANG BYANG CHUB SEMS DPAS GANG BA RNAMS KYIS KYANG BYIN GYIS BRLABS PA NA 'BROM RIN PO CHES RANG NYID SPYAN RAS GZIGS DNGOS YIN BA DANG, SNGON GYI THUGS BSKYED DANG, SANGS RGYAS BYANG SEMS MANG POS KYANG BSKUL BA LA RTEN NAS SPRUL PA GRANGS MED PAS BOD YUL 'DIR SANGS RGYAS KYI BSTAN PA BTZUGS PA DANG, LHAG PAR SNGON GYI CHOS RGYAL LO PAn BKA' DRIN CAN DE DAG JO BO YAB SRAS GNYIS KYI SPRUL PA YIN TSUL SOGS SKU GSUNG THUGS KYI GSANG BA MANG DU GSUNGS PA'I MTHAR SKU THIG LE SER PO ZHIG TU KHYIL KHYIL 'DUG PA'I 'PHRO LA SKU MI SNANG BAR YAL, DER DGE BSHES GSANG PHU BA DANG, NAG TSO LO TZ'A BA DANG ,

DGE BSHES KA BA GSUM 'BROM RIN PO CHE'I SKU MA MTHONG BAS YID GDUNG NAS MGRIN GCIG TU, SPRUL PA'I CHOS RGYAL GANG DU THAL, ,RGYAL BRGYA MTSO GANG DU GSHEGS, ,ZHES SOGS GDUNG DBYANGS KYIS GSOL 'DEBS SHUGS DRAG MDZAD PA NA, JO BO'I ZHAL NAS, RGYAL BA'I 'BYUNG GNAS MTHONG 'DOD NA, ,KHO YI RANG BZHIN SNYING RJE YIN, ,'GRO BA THAMS CAD YUL BYAS NAS, ,BZOD GLAGS MED PA'I SNYING RJE SGOMS, ,RING POR MI THOGS MNGON DU 'GYUR, , ZHES GSUNGS PA NA KHONG GSUM GYIS SNYING RJE CHEN PO SHUGS DRAG TU BSGOMS PAS, JO PO'I THUGS KA SHED NAS THIG LE DKAR PO ZHIG KHYIL KHYIL BYED PA SNYAM BYED BA SNYAM BYUNG BA LA, THIG LE DE LAS 'OD ZER DKAR PO DRUG BYUNG BAS BZHI PHYOGS BZHIR 'PHROS, GNYIS STENG 'OG TU 'PHROS, DE NAS SLAR 'KHOR TE BYUNG NAS STENG GI 'OD BLA GAB KYI RNAM PA KHYIL LE BA KHANG BA KA BA BZHI TZAM RGYA KHEBS PA BTUD NAS BLTAS NA AOm GYI RNAM PAR GNAS PA ZHIG 'DUG GO ,DE BZHIN DU 'OG GI 'OD DE YANG DNGUL DKAR GYI ME LONG LTAR MTHO DMA' MED PAR BLA GAB DANG RGYA MNYAM PAR GNAS TE BTUD DE BLTAS NA H'Um GI RNAM PAR GNAS SO, ,DE BZHIN DU SHAR GYI 'OD DE YANG LHO BYANG DU NGOS PHUN SUM TSOGS PAR GNAS BA BTUD DE BLTAS NA MA'I RNAM PAR GNAS SO, ,DE BZHIN DU NUB KYI 'OD DE YANG LHO BYANG DU NGOS PHUN SUM TSOGS PAR GNAS PA BTUD DE BLTAS NA PAD KYI RNAM PAR GNAS SO, ,BYANG GI 'OD DE YANG DE BZHIN DU SHAR NUB TU NGOS PHUN

, ,SUM TSOGS PAR GNAS PA BTUD DE BLTAS NA ME'I RNAM PAR GNAS SO, ,LHO'I 'OD DE YANG DE BZHIN DU SHAR NUB TU NGOS PHUN SUM TSOGS BAR GNAS PA BTUD DE BLTAS NA nI'I RNAM PAR GNAS TE, MDOR NA 'OD DKAR PO'I GZHAL YAS KHANG GI RNAM PA PHUN SUM TSOGS PA DGA' BA BDE BA RNAM PAR RTOG PAS MA BCINGS PA DE LTA BU'I GZHAL YAS KHANG GI STENG 'OG DANG NGOS GANG NAS BYUNG CHA MED BAR THIG LE DKAR PO SRAN MA'I GA'U TZAM ZHIG BYUNG STE, DE LA SEMS BHUD DE BLTAS BAS DE 'GYUR BA SNYAM BYED PA NA DE'I GSEB SHENG NAS HR'I: DKAR PO BKRAG 'TSER BA ZHIG BYUNG, DE YANG 'OD KHA DOG RNAM PA LNGAS GTUM NAS 'OD KYI RNAM PAR HRIL HRIL YOD PA'I GSEB SHED NAS RES 'GA' AA'I RNAM PA, RES 'GA' ZLA BA'I RNAM PA 'DRA BA ZHIG BYUNG STE 'OD DE BTEG GO ,DE NAS CUNG ZHIG NAS 'OD DE'I GSEB NAS TSUR, AOm MA nI PADME H'Um, ZHES PA'I YIG 'BRU DRUG RANG SGRA DANG BCAS STENG 'OG PHYOGS BZHI DANG BCAS PAR 'OD ZER GYI RNAM PAR 'PHROS SHING SLAR YANG 'OD DE'I DKYIL DU THIM, DE NAS RE ZHIG NAS 'OD DE JE SRAB TU SONG NAS 'OD CUNG ZAD YOD PA'I GSAL PHANG LA BLTAS PAS, DA CI NAS GNAS NGA'I HR'I: DE LA YIG 'BRU DRUG POS G-YAS PHYOGS NAS BSKOR TE, DE DAG LA YANG DBUS KYI YIG 'BRU DE LAS YIG 'BRU DRUG PO DE DAG GI RNAM PA'I 'OD ZER 'PHROS, DRUG PO DE LAS KYANG YIG 'BRU RE RE LA'ANG YIG 'BRU DRUG DRUG GI

RNAM PA'I 'OD ZER PHYOGS BCUR 'PHROS TE MDOR NA 'OD ZER DRUG CU DRUG CU BYUNG, DER 'OD THAMS CAD DANG, SA PHYOGS THAMS CAD KYANG YI GE DRUG PA, AOm MA nI PADME H'Um ZHES PA'I SGRA 'UR 'UR BA'I SNANG BA BYUNG, DE NAS 'OD ZER DRUG CU DRUG CU PO DE DAG TSUR 'DUS TE LA LA STENG LA LA 'OG DANG NGOS BZHI LA THIM, LA LA DBUS KYI YIG 'BRU LA BSKOR BA'I YIG 'BRU DRUG LA THIM, LA LA DBUS KYI GTZO BO NYID LA THIM, DE NAS RE ZHIG NA HR'I: DE NYID BSHES GNYEN PAR 'GYUR BA SNYAM BYED PA 'AM, YIG 'BRU DRUG PO DE DAG GI GSEB NAS BYUNG BA SNYAM BYED PA'AM, 'OG GZHI ZLA BA'I DKYIL 'KHOR DE G-YO ZHING 'DUG PA'I GSENG NAS BYUNG BA SNYAM BYED PA 'AM, RES 'GA' STENG 'OG NGOS BZHI'I GSEB NAS BYUNG BA SNYAM BYED DE, MDOR NA DAG PA'I SNANG BA 'PHAGS PA'I RNAM 'PHRUL GSAL LA MI RTOG PA'I 'OD KYI RNAM PAR BYON TE, HR'I: DE 'GYUR BA LAS 'OD KYI GSEB NAS 'BROM RIN PO CHE BYON PA'I ZHAL NAS CHOS THAMS CAD 'DI LTA BU'I RNAM PAR GDA' GSUNG, DE NAS DBUS KYI YI GE LA BSKOR BA'I YIG 'BRU DRUG PO DE DBUS KYI YIG 'BRU LA THIM, DBUS KYI YIG 'BRU DE YANG THIG LE GCIG TU KHYIL, THIG LE DE YANG 'OD KYI RNAM PAR 'OD KYI GZHAL YAS KHANG LA THIM, 'OD KYI GZHAL YAS KHANG DE YANG ZLA BA'I DKYIL 'KHOR LA THIM, ZLA BA DE YANG AA 'OD KYI RNAM PA CAN ZHIG TU GYUR, DE 'BROM RIN PO CHE LA G-YAS PHYOGS NAS KHYIL LE BSKOR

, ,ZHING BYUNG BA, 'BROM RIN PO CHE'I ZHAL NAS AA GSUNGS PAS LJAGS KYI STENG KHAR TZEN TE SONG STE CHOS THAMS CAD SKYE BA MED PA'I SGO GSUNGS TE, 'BROM RIN PO CHE'I SKU RIL PO AA'I RNAM PAR LAM ME BYUNG, DER RNGOG LEGS PA'I SHES RAB LA SOGS PA RNAMS KYIS 'BROM RIN PO CHE LA NAM BLTAS BLTAS KYI TSE AA RE LAM LAM BYUNG NAS, CHOS THAMS CAD SKYE BA MED PA'I RNAM PA LAM PA RE BYUNG, DE NAS AA'I RNAM PA DE MI SNANG BAR 'BROM RIN PO CHE'I SKU 'BA' ZHIG TU SNANG NGO, ,DE'I TSE 'BROM RIN PO CHE'I ZHAL NAS, DE RING 'U CAG DPON SLOB KYI RNAM 'PHRUL DE KUN RTOG GE PA KUN 'GAL BAR BRTZI, 'O NA'ANG BRTZIR CHUG, CHOS KYI GNAS LUGS DE 'DRA ZHIG MIN RI ZHES RGYA BOD 'GRIMS NAS MNA' SKYAL YANG THON NO, ,ZHES GSUNGS SO, ,NGES PA DON DU DE LTAR YIN MOD, THA MAL PA'I SNANG NGOR YANG JO BO RJES 'BROM RIN PO CHE LA MDO SNGAGS KYI MAN NGAG YONGS SU RDZOGS PA GNANG NGO ZHES SKYE BO KUN GYIS GO BA'I CHED DU JO BO'I ZHAL NAS NGAS KHYOD LA 'DI MA BSHAD NGAM GSUNGS NAS CHOS RE RE LA LAN RE RE BSKYAR ZHING GSUNGS, DE LTAR THUGS LA 'DOGS PAS JO BO'I YON TAN THAMS CAD SNOD GCIG NAS SNOD GCIG TU BYO BLTA BU 'BROM RIN PO CHE YIN GSUNG, 'BROM RIN PO CHES JO BO'I CHOS MANG DU MKHYEN CING, KHYAD PAR SKYES BU GSUM GYI LAM GYI RIM PA LA RTZAL THON, YI DAM GYI LHA DPAG TU MED PA'I ZHAL GZIGS, KHYAD PAR BLA MA LA GSOL PA

THEBS PAS RA SGRENG DU BZHUGS DUS JO BO DNGOS SU BYON, SLAR YANG GSOL BA BTAB PAS BCOM LDAN 'DAS SH'AKYA THUB PA'I ZHAL MNGON SUM DU GZIGS SO, ,JO BO RJE ZHING GSHEGS SU NYE BA NA YANG 'BROM RIN PO CHE LA JO BO RANG NYID KYI 'BRAL SPANG AU RGYAN NAS 'ONGS PA'I RUS RGYAN DANG, 'OD MA'I TSAL GYI SHING LA BSIL BA'I TSAL GYI MI LBAGS KYI G-YOGS CAN GYI d'A MA RU DANG, RIGS LNGA'I DBU RGYAN DANG, RDO RJE DRIL BU DANG BCAS PA SMYUG DONG MTHO GANG PA GCIG TU SHONG BAR MDZAD DE PHYAG TU GTAD PA DANG, JO BO'I SLOB MA RNAMS KYIS JO BO RJE ZHING GSHEGS NA GDAN SA SUS 'DZIN RGYAL TSAB SUS BYED CES ZHUS PA NA JO BO RJES DA PHYIN CHAD THAMS CAD KYIS 'BROM LA BRTEN GSUNGS, DE LA DGE BSHES DGON BA BAS DE GANG YIN ZHES ZHUS PAS, KHO NGAS BYIN GYIS BRLABS PA YIN ZHES GSUNGS PA SOGS BKA' GDAMS GLEGS BAM NA JO BO RJES 'BROM RIN PO CHE BSTAN PA'I BDAG POR MNGA' GSOL BA DANG, BRGYUD PA GSUM LDAN GYI BLA MA THAMS CAD DANG RJE BTZUN MA SGROL MA SOGS LHAG PA'I LHA RNAMS DANG, SGROL MA BCU GNYIS SOGS MKHA' 'GRO CHOS SKYONG RNAMS KYIS KYANG 'BROM RIN PO CHE JO BO'I CHOS RGYUD 'DZIN PA'I BDAG POR MNGA' GSOL BA LTAR RO, ,DE NAS SHING PHO RTA'I LO DBYUG PA ZLA BA'I TSES BCO BRGYAD LA JO BO RJE SKU GSHEGS PA NA JO BO'I SLOB MA RNAMS 'DUS TE GSOL BA 'DEBS PA'I TSE 'BROM RIN PO CHES LDE MIG RNAMS DGE BSHES KA BA'I PHYAG TU PHUL, KABS KYANG 'BROM RIN PO CHE

, ,JI LTAR BZHED PA BZHIN DU MDZAD DE, JO BO'I GDUNG DANG RGYA DPE, GSER GLING PA'I DNGUL GDUGS CAN LA SOGS PA RTEN GTZIGS CHE SHOS RNAMS 'BROM RIN PO CHE LA GTAD, BU CHEN GZHAN RNAMS LA'ANG RTEN SKAL RE MDZAD, DE NAS LUG GI LO LA JO BO'I 'DAS MCHOD CHEN MO MDZAD, DE'I TSE DGE BSHES KA BAS TSOGS SU GTAM BTANG BA GZHAN RNAMS CI TZUG BYED KYANG NGA PHA RBA RAG GI BU TSO RNAMS KYIS 'BUL BA 'DIR ZHOG CIG, JO BO'I GDAN SAR LHA KHANG BRE TZAM ZHIG BZHENG DGOS BYAS PAS THAMS CAD KYIS 'BUL BA MA KHYER BAR BZHAG STE 'OR GYI GTZUG LAG KHANG BZHENGS, DE'I DUS SU 'BROM RIN PO CHE'I ZHAL NAS, DA JO BO'I GDUNG 'DI RNAMS DGE BSNYEN DANG DGE TSUL LA YANG MI BSKUR, KHANG NAG DU BA CAN DU YANG MI BZHUGS GSUNGS NAS DGE SLONG TSUL KHRIMS RNAM PAR DAG PA GNYIS SPYAN 'DREN DU BCUG STE, STOD LUNG ZHONG PA'I NA LA SBRA DKAR NAG GNYIS PHUB NAS DKAR PO'I NANG DU GDUNG BZHUGS TE MCHOD PA MDZAD, NAG PO'I NANG DU G-YOS MDZAD, DER DGUNG GCIG BZHUGS, SA RA LHAB KYI NA LA DGUNG GCIG ,YAL SA SBUB KYI NA LA DGUNG GCIG ,LAM PA GSER PHUG GI NA LA DGUNG GCIG ,DE NAS GNAM GYI BYE MA LUNG DU BYON, DE NAS 'PHRANG KHA BER CHUNG GIS ZHU BA BSKYAR NAS 'BUL DU BTANG BYUNG BAS 'BROM RIN PO CHE'I ZHAL NAS, 'U CAG RNAMS LA SPYAN 'DREN MKHAN GDA' NA 'GRO'AM MI 'GRO GSUNGS PAS, DGON BA BA'I ZHAL NAS KHONG GI

MI SKYIN LA 'GRO MI DGOS SAM GSUNG, DER KHONG YUS CHE BAS 'BROM RIN PO CHES ZHAL GYIS BZHES NAS SNGON LA YI DAM DNGUL GDUGS CAN BSKUR, DE'I RJES LAR SGRENG DU BYON TE, ME PHO SPRE'U'I LO GSAR MTSAMS LA PHYAGS PHEBS NAS RA SGRENG GI DGON PA GZIGS PAS, RGYAB NA BRAG RDO RJE 'DRA BA 'DUG ,MDUN NA MTSO G-YUNG DRUNG 'KHYIL BA 'DRA BA 'DUG ,G-YON GYI RI RGYAL SRID RIN PO CHE SNA BDUN 'DRA BA 'DUG ,PHA BONG THANG 'KHOR LO RTZIBS BRGYAD 'DRA BA 'DUG , SHUG PA RA TZAM LUG TZAM PA LA GSER LO G-YU LO GNYIS LA KA BA PHER BA 'DUG ,CHU MIG BRGYA RTZA BRGYAD 'DUG ,BYA RNAM PA SNA TSOGS KU DI RE BA 'DUG ,MI MA YIN RJES PO CHE BYA BA DKAR PHYOGS LA DGA' BA DANG, SDONG PO KUS 'DEBS BYA BA NAG PO LA DGA' BA GCIG DANG GNYIS 'DUG ,DGON PA LA THUGS MNYES NAS DE'I NUB MO SENG GE'I BRAG PHUG TU BZHUGS TE RMI LAM BRTAGS PAS, DBU RTZE RNYING MA'I SHUL NA GSER GYI MCHOD RTEN GCIG 'DUG PA LAS 'OD ZER 'PHROS PAS, DE'I SNA LA DBU RTZE GAn JI RA MANG PO BYUNG NAS BOD KYI YUL THAMS CAD KHYAB PAR BYAS TSUR 'DUS PAS RA SGRENG GI SHUG PA'I GSEB THAMS CAD DU DBU RTZE GAn JI RA BTZUGS PAS GANG BA DA LTA YOD PA BZHIN RMIS, GZHAN YANG PHA BONG? THANG GI RDO RIN PO CHE'I PHUNG POR SONG BA 'ANG RTZE 'PHYING DKAR MAR GYI PHUNG POR SONG BA RMIS, NANG PAR SUM PA MTHU CHEN DANG, RNAL 'BYOR PA CHEN PO DANG, DGON PA BA GSUM BYON NAS RTAGS

, ,BZANG NGAM ZHUS PAS, BZANG BAR GDA' GSUNG, DE NAS DGON PA 'DEBS PAR THUGS THAG BCAD NAS SA 'DUL LA BRGYAD STONG 'GREL CHEN GSUNGS, SA CHOG PAndI TA SHR'I STHA RA LA ZHUS BSAM GNANG, DGON PA BA LA ZHUS PAS KYANG MA GNANG BA LA, DA GSANG PHU BA LA ZHU SNYAM BA LA RNAL 'BYOR PA'I ZHAL NAS, STON PA LA MI KUN JO BO'I YON TAN KHYED LA YOD PAR BYED KHYED 'DI 'DRA BA ZER BAS, 'BROM GYI ZHAL NAS, NGAS SHES PA YIN TE GCIG TU RTEN DMAN, GNYIS SU KHYED GONG MA RNAMS KYIS KHREL GYI DOGS, GSUM DU MI MA YIN LA 'TSER BAS LAN, DA 'DI BZHIN DU BYED PA YIN GSUNGS NAS SNGON LA JO BO'I SKU 'BAG DANG 'JAM DPAL RDO RJE GNYIS SPYAN DRANGS, GSOL BA BTAB NAS CHU MIG BSUBS, SKYER PHUNG RTZA BA NAS BTON PA LA SBRUL MYOG CHER BYUNG BAS JI SNYAM DU YANG MA BSAMS, DE NAS KHRI BRTZIGS, THIG BTAB SBRA PHUB NAS 'DIR JO BO'I GDUNG BZHUGS PAS KHYED RNAMS KYIS KYANG MCHIL SNABS LA SOGS PA MA 'DOR ZHIG GSUNG NGO, ,DE'I DUS SU RNAL 'BYOR PA PHYAG KHRI MCHOG GIS BAL YUL DU DNGUL 'DON DU PHYIN NAS PHYIR PHEBS PA RGYA GAR GYI LHA BZO MKHAS PA AA TZA RA MA NU BYA BA LA JO BO'I GDUNG KHANG DU DNGUL GYI MCHOD RTEN NANG DKYIL 'KHOR GYI LHA TSOGS, PHYI MCHOD RTEN GYI RNAM PAR BZHENGS SU GSOL, NANG RDZONGS KYI GZUNGS RNAMS DNGUL GYI LJANG PA LA YI GE BRKOS MA BRIS NAS

BZHUGS, RI RAB NI THEG PA CHEN PO PHA ROL TU PHYIN PA'I LUGS SU BGYIS TE MDUN DU ZHAL GZIGS PA THUB BA GCO 'KHOR GSUM, NUB TU ZHAL GZIGS PA DAM TSIG GSUM BKOD PA GTZO 'KHOR GSUM, BYANG DU ZHAL GZIGS PA BYAMS PA MNGON PAR BYANG CHUB PA GTZO 'KHOR GSUM, SHAR DU ZHAL GZIGS PA SMAN BLA GTZO 'KHOR GSUM, BUM PA NI THEG PA CHEN PO GSANG SNGAGS KYI LUGS SU BGYIS TE, DPAL GSANG BA 'DUS PA LHA BCU DGU PHYI NANG DU 'BUR DU DOD PA LA PHYOGS BZHIN YAB BZHI, MTSAMS BZHIN YUM BZHI, GTZO BO 'JAM DPAL RDO RJE BRE'I MGUL NA BZHUGS, LHA MO DRUG NANG DU 'BUR DOD DU BZHUGS, KHRO BO BZHI NAS TZAM RE ZUR GYI MCHOD RTEN GYI NANG NA BZHUGS PA GCIG BZHENGS SU GSOL TE, 'BROM RIN PO CHES RNAL 'BYOR BA RNAMS DANG BKA' BGROS MDZAD NAS BYA LO LA GDUNG KHANG DANG GTZUG LAG KHANG KHYUNG MGO CAN GYI RNGA KHANG YAN CHOD TSAR BAR MDZAD NAS DA 'DI MEN CHAD LA BYED PA PO ZHIG 'ONG GI GSUNG STE, 'DZIN RDO YON TAN 'BAR BYA BA LA BOD PA MDZAD NAS KHYOD 'JIG RTEN GYI SHES CHE BA YIN PAS SHES GYIS DANG KHO BOS 'JIG RTEN GYI RNAM PAR RTOG PA SPONG BLO ZHIG BGYI GSUNGS NAS KHYUNG MGO CAN LA BSKOR BA MDZAD DE SHANGS SNABS KYIS KYANG LKOG MA NA MAR SLEB PAR BYAS NAS, 'JIG RTEN MKHYEN PA RNYED DANG MA RNYED DANG, ,ZHES BYA BA'I TSIGS BCAD DE 'DON ZHING CHOS BRGYAD PO DE LA BTANG SNYOMS SU MDZAD CING BZHUGS PA LAGS,

, ,DE LTAR 'BROM STON PA RGYAL BA'I 'BYUNG GNAS THUGS ZAB LA DKYEL CHE BA MKHYEN PA'I TSAD RGYA MTSO CHEN PO DANG MTSUNGS PA DES RA SGRENG DU JO BO'I SROL BZANG GIS BTZUGS NAS YOD PA'I DUS SU, THUGS KYI SRAS SKU MCHED GSUM RIM PAR BYON PA YIN TE, PHU CHUNG BAS NI SNYE THANG NYID NAS PHYAGS PHYI MDZAD, SPYAN SNGAS ME MO BYA'I LO LA RA SGRENG DU BYON, BO TO BAS DE'I PHYI LO LA RA SGRENG DU BYON, DE LTAR ZHABS DRUNG DU BSNYEN PA'I SLOB MA RNAMS 'JIG RTEN LA ZHEN PA BZLOG TU BCUG NAS CHOS KHO NA SEMS SU BCUG PA LA 'BROM RIN PO CHE'I DUS NA DGE 'DUN LNGA BCU TZAM LAS MED DE, DE RNAMS KYI DBANG DU BYAS NA, TING NGE 'DZIN BZANG PO THUGS RGYUD LA 'KHRUNGS SHING TSUL KHRIMS RNAM PAR DAG BA, YI DAM GYI LHA'I ZHAL GZIGS PA, MNGON PAR SHES PA RGYA CHEN PO DANG LDAN PA, CHOS RNAMS KYI RANG DANG SPYI'I MTSAN NYID RIG PA'I SHES RAB PHUN SUM TSOGS PA MNGA' BA, NUB PHYOGS AYON DANG 'DRA BA GRUB THOB DU SPUNG DE BA GCIG BYON TE, MTSOL PADMAS BRGYAN PA 'DRA BA'I 'KHOR SKAD PA DE DGE BSHES STON PA'I 'KHOR DE KUN LA ZER BA YIN, DE BAS NA MANG KHA NA MED GRUNG GTZO BA YIN GSUNG, DGE BSHES PO TO BAS KYANG, NGA'I DON GYI MKHAN PO DE RA SGRENG GI DGE BSNYEN RGAN PO DER SNANG GSUNGS NAS, 'BROM RIN PO CHE'I GDAMS PA THUGS NYAMS SU BZHES PAS NGES 'BYUNG GI BSAM PA MA BCOS PA THUGS LA 'KHRUNGS PA NA SNGAR GYI SO SO THAR

PA'I SDOM PA NGES 'BYUNG GI SDOM PAR SONG GSUNG BA LAGS, DE LA SPYIR JO BO BOD DU PHEBS NAS BDAG GNYER 'BROM RIN PO CHES MDZAD, JO BO RJE NYID KYANG 'BROM RIN PO CHE KHO NA LA THUGS GTOD PAR MDZAD, BSAM YAS SU BZHUGS PA'I TSE JO BO RJES 'BROM RIN PO CHE LA GSANG SNGAGS KYI SPYOD PA'I THABS MANG PO DANG, MCHIMS PHUR DO HA LA SOGS PA'I GDAMS PA ZAB MO RNAMS GNANG ZHING NANG DU THUGS NYAMS SU BZHES PAR MDZAD KYANG GSANG SNGAGS SGRA JI BZHIN PAR SPYOD PA'I RTZING SPYOD RNAMS JO BO'I DRIN LAS MED PA CIG BYUNG NA DGONGS PAS GSANG SNGAGS ZAB MO RNAMS GSAN PA SKAD DU YE MI MDZAD PAR THEG PA CHEN PO'I BLA MA BYA BA BSHAD PA NA 'BYAMS KLAS PAR GO BA BSKYED LA, LAG TU LEN PA NA BSTAN PA'I THA MA LA GANG PHAN DANG, THAD KAR DON DU GANG 'GYUR STON PA CIG DGOS GSUNG ZHING 'BROM RIN PO CHE NYID KYANG DE LTAR DU 'DOMS PAR MDZAD, 'BROM RIN PO CHES ZHANG CHOS KYI RGYAL PO, JO BO LEGS, YONGS RDZOGS RNAL 'BYOR PA, SPYAN SNGA DANG BZHI MIN PA LA SNGAGS KYI DBANG BSKUR MA GNANG BA YIN GSUNG, PO TO BAS 'BROM RIN PO CHE'I SPYAN SNGAR LO NGO BDUN BZHUGS PA LA BUM PA 'CHA' BA LAN CIG LAS MA GZIGS GSUNG, SNGON RNAL 'BYOR PA CHEN POS 'BROM RIN PO CHE LA BSRUNG SDOM RNAM PAR DAG PA'I STANGS PHUL, TING NGE 'DZIN PHUN SUM TSOGS PA'I RTOGS PA PHUL BAS, 'BROM RIN PO CHE'I ZHAL NAS, KHYOD BSRUNG SDOM RNAM PAR DAG STE BSDAM PAR BYA

, ,BA'I NYES BYAS PHRA MOS KYANG MA GOS, TING NGE 'DZIN BZANG STE RNA RTZAR RNGA BO CHE BRDUNGS KYANG MI CHOR BA YOD KYANG DE BAS NGA'I BYAMS PHA SNYING RJE BYANG CHUB KYI SEMS MED NA NYIN MTSAN DU BSHAGS PA BYA DGOS PA'I SAR SKYES DOGS YOD DO GSUNG NGO, ,YANG LAN CIG MU GE ZHIG BYUNG BA'I DUS SU 'BROM ZA LO MTSO MA BYA BA ZHIG GIS NAS MI KHUR LNGA BCU PHUL NAS DE'I MING PO 'BROM TSIG BA DA RE BYA BAS GTAM BTANG BA, JO BO LHA CIG 'DZAM BU GLING GI RGYAN DAM PA YIN, DE'I MAN NGAG BUM PA GANG BYO'I TSUL DU MNGA' BA DGE BA'I BSHES GNYEN STON PA KHYED YIN, PHYOGS PHYOGS NAS BYON BA'I GRA PA KUN YANG MAN NGAG 'DOD PA YIN PAS DE RING JO BO'I MAN NGAG GSUNG BAR ZHU ZHUS PAS, 'BROM RIN PO CHE'I ZHAL NAS BYA BYA GSUNGS NAS 'CHI BA MI RTAG PA DANG LAS DANG 'BRAS BU MANG DU BSAMS LA, KHAS BLANGS PA'I SNGOM BA DAG PAR BYA, BYAMS PA DANG SNYING RJE MANG DU SGOMS LA BYANG CHUB KYI SEMS BRTAN PAR BYA; DES 'PHAGS NAS TSOGS SGO SNA TSOGS NAS GSOG CING SDIG BA SGO SNA TSOGS NAS SBYONG BA DE BLA MA'I MAN NGAG YIN BAS, SANG TZA NA JO BO RJE LHA CIG DANG MA PHRAD SNYAM NA'ANG DE LAS MED DO, ,'BROM DGE BSNYEN RGAN PO DE DANG MA PHRAD SNYAM NA'ANG DE LAS MED GSUNG, YANG 'BROM RIN PO CHE'I ZHAL NAS, NGA'I LAM GYI RIM BA 'DI LA SU YID CHES, KHAMS MA GI NA STONG ZOM YON TAN SNYING PO BYA BA ZHIG YOD DE, DE LA BZLAS NA YID CHES SAM GSUNG, 'BROM

RIN PO CHES DGON PA BA LA NYIN GCIG THUGS DAM SKYEL DU BYON TZA NA MAndAL RDUL CHING NGE 'DUG PA LA, SGOM PA DBANG PHYUG RGYAL MTSAN, MCHOD PA MI BRJE BA TZUG YIN GSUNGS PAS, BAG RE NANG DU BSAM 'TSAL BAR GDA' BAS ZHUS BAS, KHYOD GCIG PU LA SGOM YOD SNYAM MAM, KHYOD BAS AA TI SHA SGOM BZANG STE'ANG MCHOD PA 'DI DANG 'DI RNAMS MDZAD PA YIN, NGA LA YID MA CHES NA MDO SDE LTOS GSUNG, YANG 'BROM RIN PO CHE SKU KHAMS CUNG MA BDE BA ZHIG GI DUS SU RNAL 'BYOR PA CHEN POS RTZIG PA LA THAG THOGS MED PAR BYON TE BSNYUN DRIS PAS, JO BO PA, KHYOD GANG NGO TSA BA'I YAN LAG DES DREGS SAM, SEMS CAN BZHAG NAS GAR CHA, DE NI NYIN MTSAN DU BSHAGS PA BYA DGOS PA'I SAR SKYE BA YIN GSUNG NAS BKA' BKYON, YANG DGON PA GONG NA 'BROM RIN PO CHE DANG, RNAL 'BYOR PA RNAM PA DANG, SKU MCHED GSUM RNAMS 'TSOGS NAS KU RE BZHAD GAD TZIG SE MDZAD TZA NA, NYE GNAS NA RE KU RE NI KU RE STE'U CAG RNAMS DE RING CI ZA ZER BA LA, DGON PA BA'I ZHAL NAS, AA PO NI SPUS SNA GDONG NA YAR BYUNG BA 'O NI KUN ZA BA YIN GSUNG, DAR CIG LON TZA NA YON BDAG GCIG GIS PHYE DANG MAR THUD 'KHUR BA ZHO LA SOGS PA RTA RGYAB GCIG BKAL NAS BYUNG BAS BSNYEN BKUR BZANG PO BYAS, DER 'BROM RIN PO CHES BSNGO BA YON BSHAD MDZAD NAS YON BDAG DE SONG BA'I SHUL DU BKA' PHAB MDZAD DE, SGOM CHEN BA KUN KYANG YON TAN BAG RES SBOS NAS PHYIN CHAD DE 'DRA BA GSUNG RGYU MA LAGS GSUNG

, ,NAS BKYON BAR MDZAD, 'BROM RIN PO CHE BRGYAD STONG 'GREL CHEN GSUNG BA'I DUS SU, MKHYEN GSUM THON NAS RNAM KUN LA MA ZUG BA'I SKABS SU SKU KHAMS LTEM PA CIG BYUNG NAS 'GREL PA GSUNG MA SPYOD PAR 'DI MAN CHOD KYI DOD PO GCIG BYA GSUNGS NAS, PHA ROL TU PHYIN PA DRUG GSUM BCO BRGYAD DU PHYE BA'I NYAMS SU BLANG BDE BA CIG GSUNGS PAS, SPYAN SNGA'I ZHAL NAS, GSUNG MA SPYOD PA RANG GIS 'TSENGS BSAM PA CIG BYUNG GSUNG, DE LTAR NA 'BROM RIN PO CHE DES G-YUNG CHOS MGON LO BZHIR BSTEN, RGYAL GYI ZHAD LA DGE BSNYEN GYI SDOM PA MNOS NAS KHAMS SU JO BO SE BTZUN GYI ZHABS DRUNG DU LO NYI SHU, DE NAS JO BO DANG MJAL NAS JO BO ZHING MA GSHEGS KYI BAR DU MI 'BRAL BAR ZHABS TOG MDZAD, JO BO'I YON TAN MA LUS PA THUGS SU CHUD PAR MDZAD NAS RA SGRENG DU LO DGUR BSTAN PA'I MNGA' BDAG MDZAD DE, SPYIR SANGS RGYAS KYI BSTAN PA RIN PO CHE YANG SGOS SU BKA' GDAMS KYI BSTAN PA RIN PO CHE NYI MA SHAR BA LTA BUR MDZAD, PHYI RABS KYI GDUL BYA RNAMS KYI DON DU JO BO RJE DANG 'BROM RIN PO CHE RANG NYID KYI THABS MKHAS KYI SPRUL PA 'BYON TSUL GSANG BA ZAB MO'I GNAS RNAMS KYANG STON PAR MDZAD DE, RJE BTZUN 'JAM PA'I DBYANGS KYI SPRUL PA RDOG LEGS PA'I SHES RAB KYI GSOL BA SHUGS DRAG TU BTAB, JO BO RJES KYANG GSUNG BAR BSKUL NAS 'BROM RIN PO CHES PHYOGS BCU'I SANGS RGYAS THAMS CAD KYIS 'PHAGS PA SPYAN RAS GZIGS

KYI THUGS RJE BSKUL NAS BOD KHA BA CAN GYI MGON POR BYON BA'I LO RGYUS RNAM THAR ZHIB TU GSUNGS SHING, MA 'ONGS PA NA'ANG JO BO RJE DANG 'BROM RIN PO CHE GNYIS KYI SPRUL BA RGYUN MI 'CHAD PA BYON NAS RGYAL BSTAN 'DZIN CING SPEL BA DANG, DE DANG DE'I TSE DGON GNAS JI LTA BU 'BYUNG BA DANG, MTSAN JI LTA BU 'BYUNG DANG, MDZAD BA JI LTA BU MDZAD RNAMS LUNG BSTAN PA'I GLEGS BAM MDZAD, BKA' GDAMS BSTAN PA'I CHU 'GO BTZUGS, BKA' GDAMS KYI BSTAN PA'I SNYING PO'I YANG SNYING PO THIG LE BCU DRUG GI GDAMS NGAG CHA LAG DANG BCAS PA THOR BU THOR BUR BSTAN BA DANG, KHYAD BAR RGYAL BA'I BKA' DANG DGONGS 'GREL MA LUS GANG ZAG GCIG GI NYAMS LEN GYI RIM BAR HRIL GYIS DRIL BA SKYES BU GSUM GYI LAM GYI RIM PA RGYUD LA SBYOR TSUL SHIN TU GSAL ZHING GO BDE BA, BLO MTHO DMA' SUS BLTAS KYANG RGYUD 'KHUL BA RANG RGYUD LA BSKUL 'DEBS DAD PA'I LJON SHING SOGS GDAMS NGAG GI YIG 'JOG KYANG MANG DU MDZAD NAS MYA NGAN LAS 'DA' KHAR PO TO BA'I PANG DU DBU BZHAG NAS YOD PA'I TSE PO TO BA'I THUGS LA 'JIGS SAR SKYEL MAS BOR BA 'DRA BA ZHIG 'ONG BAR 'DUG NA DA SU LA BRTEN SNYAM ZHING SPYAN CHAB 'BROM RIN PO CHE'I NA BZA'I GONG TZA NA MAR NYIL GYIS BYUNG BAS 'BROM RIN PO CHES MKHYEN NAS, ZHAL 'CHEMS LA DA PHAN 'CHAD DGE BA'I BSHES GNYEN 'DI KHO NA LA BRTEN DGOS BYA BA YE MED KYI, MDO SDE LTOS, DGE BA'I BSHES GNYEN MDO SDE LA GYIS ,

, ,GROGS PO MIG ZUR LA LCI BA DANG 'GROGS, KHA MNYAM LAG MNYAM DES KYANG MI 'ONG BAR SNANG, GNYIS DANG GSUM YANG NYUNG, GCIG PUR YE MA 'DUG ,BZHI LNGA MAN CHOD TZAM RAN, DE LAS MANG DU YANG MI RUNG, SEMS BZANG POR GYIS DANG, KHYAD PAR CAN DANG PHRAD DE 'ONG GI GSUNGS NAS, MDUN NA JO BO LEGS YOD PAS, SEMS BZANG PO BYANG CHUB KYI SEMS LA ZER BA MA LAGS SAM ZHUS PAS, YIN MOD GSUNGS NAS SKU DNGOS KYI GDUL BYA RNAMS RDZOGS PA NA SHING PHO 'BRUG GI LO SNON GYI ZLA BA'I TSES NYI SHU LA RA SGRENG DU SKU'I BKOD PA BSDUS TE DGA' LDAN CHOS KYI PHO BRANG DU RGYAL BA MA PHAM PA DANG NAM MKHA' DRI MA MED PA 'KHOR BCAS KYI ZHABS DRUNG DU PHEBS SHING, GZHAN YANG NAM MKHAS GAR KHYAB TU SPRUL PA'I BKOD PAS KHYAB STE, GDUL BYA GANG DANG GANG NA YOD PA DER RANG RANG GI KHAMS DANG BSAM PA DANG MTHUN PAR SKU'I BKOD PA BSTAN NAS 'GRO BA'I DON MDZAD CING BZHUGS SO, ,'BROM RIN PO CHE 'DI LA LHA DANG MI'I SLOB MA BSAM GYIS MI KHYAB PA YOD CING, BSTAN PA YONGS RDZOGS 'DZIN PA'I SLOB MA'ANG CHES MANG BAR YOD LA, YONGS SU GRAGS PA'I SLOB MA'I GTZO BO NI DGE BSHES KHAmS PA LUNG PA CHEN PO DANG, RNAL 'BYOR RNAM PA BZHI DANG BKA' GDAMS SKU MCHED GSUM STE, KHAMS PA LUNG PA CHEN PO NI, 'PHAN YUL YUNG BAR SHING MO GLANG LA 'KHRUNGS, RUS SGANG, RTEN DGE BSNYEN YIN MTSAN SH'AKYA YON TAN, GZHON PA'I DUS SDE SNOD LA YANG

SBYANGS PA MDZAD DE, NYID KYI ZHAL NAS, NGAS LHA SA SNYE THANG DU BA MA YIN PA DANG RTA MA YIN PA LA MI TSE BSKYAL ZHES GRAGS, SNYE THANG DU JO BO NYID DANG MJAL ZHING PHYIS RVA SGRENG DU DGE BSHES STON PA YUN RING DU BSTEN CING SKU MCHED GSUM MAM BZHI ZHES GRAGS, PO TO BA'I ZHAL NAS, YUNG BA'I DGE BSHES SGANG SH'AKYA YON TAN GYIS CHOS BDEN PAR BZUNG NAS SKYABS SU MCHI BYAS PAS, DA LTA YUNG BA LUNG PA NA KHONG LAS BDE SKYID CHE BA MED GSUNG, DE LTAR DGE BSHES KHAMS LUNG PAS DGUNG LO DGU BCU'I BAR SGRUB PA'I RGYAL MTSAN BTZUGS SHING SEMS CAN GYI DON MDZAD NAS SHING MO LUG DGU BCU RTZA GCIG PA RTA'I ZLA BA'I TSE BCU BZHI LA KHAMS LUNG DU SKU GSHEGS, CHOS LA THUN BRGYAD MAR MING THOGS TSOGS PA STONG PHRAG RE TZAM 'TSOGS, BYANG CHUB KYI THUGS 'BYONGS PAS ZHAL MTHONG BA THAMS CAD DAD PAR GYUR, PHYOGS MTHA' DAG NAS MJAL MI BYUNG BA NA, KHYED CAG GI YUL NA MI RGAN MED DAM GSUNG BA LA, MI RGAN TA YOD DE KHYED DU LTA BU MED CES ZHUS MDOR NA MTHONG THOS DRAN REG DON LDAN DU 'GYUR NGES PA'I SKYES BU CHEN POR GRAGS SO, ,SKU MCHED GSUM GYI RNAM PAR THAR PA NI PHYI NAS 'CHAD PAR 'GYUR LA, RNAL 'BYOR PA RNAM PA BZHI NI, RNAL 'BYOR PA CHEN PO BYANG CHUB RIN CHEN, RNAL 'BYOR DGON PA BA CHEN PO DBANG PHYUG RGYAL MTSAN, RNAL 'BYOR PA SHES RAB RDO RJE, RNAL 'BYOR PHYAG DANG STON PA BZHI STE DE DAG GI RNAM THAR NI SNGAR JO BO'I RNAM THAR GYI SKABS SU BSHAD PA LTAR RO, ,GZHAN MA DGE PA SHES KA BA CHEN PO, GSANG

, ,PHU BA LEGS BA'I SHES RAB, YER PA'I DGE BSHES JO BO LEGS SOGS SEMS DPA' CHEN PO NGO MTSAR BSAM GYIS MI KHYAB PA'I RNAM THAR DANG LDAN PA MANG DU YOD MOD KYI YI GE'I KHUR GYIS 'JIGS PAS 'DIR MTHA' DAG MA SPROS SO, ,DES NA BYANG CHUB LAM RIM LA BLO SPYONG BAR 'DOD PA RNAMS KYIS THUGS RJE CHEN PO RGYAL BA 'BROM GYI RNAM THAR RNAMS DRAN PAR BYAS LA SKU'I RNAM PA YID YUL DU BYAS TE YANG DANG YANG DU GSOL BA GDAB PA DANG, LHAG PAR TSE 'DI BLOS GTONG BA DANG MKHA' KHYAB KYI SEMS CAN LA BYAMS SNYING RJE SBYONG BA SOGS 'BROM RIN PO CHE'I GSUNG RNAMS DRAN PAR BYAS LA NYIN RE BZHIN BYANG CHUB LAM GYI RIM PA LA BAG CHAGS CI THEBS BYA'O,, ` ,,JO BO RJES BYANG CHUB LAM GYI RIM PA'I MAN NGAG GSAN BRGYUD LA RGYA CHEN SPYOD RGYUD DANG, ZAB MO LTA RGYUD GNYIS BYUNG ZHING, JO BO RJES 'BROM RIN PO CHE LA RGYA CHEN SPYOD RGYUD DANG, ZAB MO LTA RGYUD KYI MAN NGAG GNYIS GCIG TU BSRES NAS BSHES GNYEN BSTEN TSUL NAS ZHI LHAG GI BAR BYANG CHUB LAM GYI RIM PA'I LUS GCIG TU DRIL NAS GNANG BAS DE PHYIN LA RGYUD PA GNYIS SO SOR MED KYI JO BO YAB SRAS LA SLOB MA BSAM GYIS MI KHYAB PA BYUNG BAS BRGYUD TSUL MTHA' YAS PA YOD MOD KYANG GTZO BO YONGS SU GRAGS PA NI JO BO YAB SRAS NAS DGE BSHES DGON PA BA, DE NAS SNE'U ZUR PA SOGS LA RIM GYIS BRGYUD PA DANG, 'BROM RIN PO CHE NAS DGE BSHES SPYAN SNGA BA, DE NAS BYA YUL BA SOGS LA BRGYUD

PA DANG, 'BROM RIN PO CHE NAS DGE BSHES PO TO BA, DE NAS SHA RAB SOGS LA BRGYUD PA GSUM BYUNG NGO, ,DGE BSHES SPYAN SNGA BA NAS BRGYUD PA LA BKA' GDAMS GDAMS NGAG PA DANG, DGE BSHES PO TO BA NAS BRGYUD PA LA BKA' GDAMS GZHUNG PA ZHES THA SNYAD MDZAD DO, ,DE LA, RNAL 'BYOR DBANG PHYUG DPAL LDAN DGON PA BA, ,ZHES BSNGAGS PA, DGE BSHES DGON PA BA NI, MDO KHAMS SGANG DU SNGAGS PA CIG GI SRAS SU ME PHO 'BRUG LA 'KHRUNGS, GDUNG RUS 'DZENG YIN PAS PHYIS DGON PA BA RA SGRENG NA BZHUGS PA'I TSE 'DZENG SGOM ZHES BRJOD PA YANG RUS MING NAS BRJOD PA YIN NO, ,DE NI SKU GZHON NU NAS RAB TU BYUNG, MTSAN DBANG PHYUG RGYAL MTSAN ZHES BTAGS, NAM ZHIG NA DUS KYI CHOS NYID KYIS YAB YUM GNYIS KA GRONGS NAS YAB LA DPE CHA MANG PO YOD PA GROGS PO ZHIG DANG GROS BYAS TE, RI KHROD DPEN PA CIG TU LTA RTOG BYED CING DGE SBYOR BYED PA'I GROS BYAS, PO TI MANG PO'I KHRES PO ZHIG BCOS, BRGYAGS PHYE TSUN BSDOGS NAS 'GRO BAR CHAS YOD PA'I DUS SU, DBUS NAS YONGS PA'I CHONG PA TSAN CIG DANG PHRANG PAS MNGA' RIS STONG DU PAndI TA CHEN PO ZHIG BYON LO BYA BA GSAN PAS SNGON GYI BAG CHAGS SAD DE PAndI TA CHEN PO DE DANG MJAL NAS CHOS PHU THAG CHOD PA ZHIG ZHUS TE TSE THUNG 'DI LA RKYEN GANG GI'ANG DBANG DU MA SONG BAR SGYUB PA MTHAR PHYIN PA ZHIG BYED SNYAM PA'I 'DUN PA SHUGS DRAG PO BYUNG NAS RANG YUL NYE DU NOR LONGS SPYOD GANG LA'ANG MA CHAGS PAR DPE CHA DANG BRGYAGS PHYE GROGS PO LA BZHAG ,DBUS SU 'GRO BA'I TSONG BA TSAN

, ,CIG BYUNG BAS, BRGYAGS MED PAR DE DAG DANG LHAN DU 'GRON PO RNAMS LA SLONG GIN BYON TE GTZANG GI NYAN TSOR JO BO DANG MJAL CHOS ZHUS PAS, NGA'I BLA MCHOD BYED NA CHOS BSHAD GSUNG, KHO BOS BLA MCHOD RNGO MI THOG ,CHOS SHIG THUGS LA 'DOGS PAR ZHU BYAS PAS, BLA MCHOD MI BYED NA NGA YANG CHOS MI BSHAD GSUNGS PAS, DER BLA MCHOD DU KHAS BLANGS NAS BZHUGS, JO BO RJES 'BROM RIN PO CHE LA LKOG TU GSUNGS PA RNAMS MA GTOGS CHOS GANG GSUNGS THAMS CAD ZHUS, LHAG PAR KHONG RANG LA CHED DU SKYES BU GSUM GYI LAM GYI RIM PA'I KHRID RDZOGS PAR GNANG NAS BSGOMS PAS MYONG BA PHUL DU PHYIN PA THON, SNGAGS KYI GDAMS PA'ANG MANG DU ZHUS SHING KHYAD PAR JO BO MI G-YO PA'I SGRUB YIG CHEN MO DMIGS PA SKOR GSUM DANG BCAS PA LO TZ'A BAS KYANG BAR DU MA BCAD PAR TSANG BAR MDZAD CES SNGON GYI CHOS 'BYUNG 'GA' ZHIG LAS 'BYUNG STE, JO BOS BOD SKAD DU GSUNGS PA'AM, KHONG RANG GIS RGYA SKAD LOBS TE LO TZ'A BA LA MI BLTOS PAR JO BO LAS DNGOS SU GSAN PA GANG RIS SU MNGON NO, ,JO BO RJES SKAL LDAN GYI GDUL BYA KHYAD PAR CAN DU GZIGS NAS CHOS DANG ZANG ZING GNYIS KAS BSKYANGS TE BLA MCHOD MDZAD CING LAM YONGS RDZOGS RGYUD LA SKYE BAR BYIN GYIS BRLABS, KHONG RANG GIS KYANG JO BO RJES GNANG BA'I MAN NGAG THAMS CAD LA SGRUB PA RTZE GCIG TU MDZAD PAS LAM RGYUD LA SKYE BA'I RGYU TSOGS THAMS CAD CHENG STE,

LAM GYI RTZA BA BSHES GNYEN BSTEN TSUL LA THUG PAS JO BO RJE LA SANGS RGYAS DNGOS KYI 'DU SHES BCOS MA MIN PA SKYES, SKYES BU CHUNG NGU'I LAM LA SBYANGS TE TSE 'DI LA CHAGS PA'I BSAM PA GTAN NAS LOG STE PHYI MA'I DON 'BA' ZHIG SGRUB PA'I BSAM PA DANG, LAS 'BRAS LA GTING NAS YID CHES PA'I DAD PA DANG, SKYES BU 'BRING GI LAM LA SBYANGS PAS 'KHOR BA MTHA' DAG LA ZHEN PA LOG BA'I NGES 'BYUNG BCOS MA MIN PA SKYES TE KHAS BLANGS PA'I TSUL KHRIMS LA BSDAM PAR BYA BA'I NYES PA PHRA MO TZAM GYIS KYANG MA GOS PAR MDZAD, LAM SGRUB PA LA BRTZON PA SHUGS DRAG LA RGYUN RING BA NAR MAR MDZAD DE, LAN CIG GZIM MAL DU SKYIL KRUNG LAM GYIS MDZAD PAS BREL SHA LA SPEN MA YOG SHING TZAM ZHIG THAM GYIS ZUG ,DE 'DRA BA LA DBYUNG RIN MED, DGE SBYOR RANG GAL CHE SNYAM NAS THUGS DAM DU HRIL GYIS SONG, NAM LANGS TZA NA GZIM MAL THAMS CAD KHRAG GIS GANG, SKU'I BRLA SHA THAMS CAD NUR NAS SHIN TU BSNYUNG BA BYUNG, DE DGE BSHES STON PAS GSAN PAS YE KHAMS PA GLEN BA DE PHYUNG NAS BSGOMS PAS CI MA KHYAB GSUNG, LKOG TU KHONG GI DE 'DRA ZHIG DGOS PA YIN GSUNGS NAS BSNGAGS PA BRJOD PAR MDZAD, DE LTAR BLA MA LA DAD PA DANG, TSUL KHRIMS DAG PA DANG, BSAM GTAN SGOM PA LA BRTZON PA SHUGS DRAG PA STE RGYU GSUM PO DE LA BRTEN NAS TING NGE 'DZIN PHUN SUM TSOGS PA NI KHAMS GONG MA'I TING NGE 'DZIN BRNYES PA YIN GSUNG,

, ,LAN CIG TZA NA RLUNG BZUNG STE BA SPU YANG MI 'GUL BAR DROD TSA LAM ME BYAS NAS ZHAG GSUM GSUM TZAM BZHUGS PAS, SLOB MA RNAMS DA NI GRONGS ZIN SNYAM PA LA, AA HA HA GSUNG NAS KOG GIS BZHENGS, DE TZUG MDZAD PA CI TZUG LAGS ZHUS PAS, KHAMS CUNG ZHIG MA BDE BAS RLUNG BAG TZAM BZUNG BA YIN GSUNG, RGYA GAR NAG CHUNG BYA BDE YANG RA SGRENG DU BYON PAS, DGON PA BA'I GRANG KHANG LA MDZUB MO BTZUGS TE 'DI LA TING NGE 'DZIN DANG MNGON SHES YOD ZER BA'ANG BYUNG, PO TO BA KLUNGS SHOD NA 'GO NA BZHUGS PA'I DUS SU, PHU CHUNG BA DANG SNE'U ZUR PA GNYIS KYIS DGON PA BA'I SKU CHE BA'I YON TAN GLENG BA LA, PHU CHUNG BA'I ZHAL NAS, ZHANG SGOM KHYED 'PHYI BA YIN, NGED SNGON DGE BA SHES DGON PA BA DANG JA GRAL GCIG NA BZHUGS PA'I DUS NA, DGON PA BA'I ZHAL NAS, NGAS BAR DER SANGS RGYAS RJES SU DRAN PA BAG TZAM ZHIG YID LA BYA'O GSUNGS NAS SPYAN ZIM TZAM MDZAD NAS BZHUGS, RJES LA NGAS DA LTA TING NGE 'DZIN LA MNYAM PAR GZHAG PAS 'OG GI PHYOGS NA SANGS RGYAS SHIG BYANG CHUB SEMS DPA' DPAG TU MED PAS BSKOR NAS CHOS GSUNGS PA DE NGA'I LHA'I SPYAN GYIS MTHONG BA YIN; LHA'I SNYAN GYIS GSAN PA YIN GSUNG, YANG DGON PA DBANG PHYUG 'OD BYA BA MTSAMS BCAD MDZAD PA CIG BRGYAGS CHAD NAS DRO GZAN MED PAS MTSAMS BTON LA DRO GZAN BTZAL DGOS SNYAM NAS, PHAR TZAM

TSUR TZAM 'DUG TZA NA, DGON PA BA LA NYE GNAS KYIS BSHOS DRANGS BYIN LEN ZHUS TZA NA, BSHOS DE PHYAG TU BSNAMS NAS LA 'UR 'DI KHO LA SKYOL SHOG ,KHO LA DRO GZAN MED GSUNG, NYE GNAS KYIS SKYEL DU PHYIN TZA NA, MTSAMS BTON LA KHAD GDA' SKAD NA JI LTA BA BZHIN GZIGS PA CIG BDEG PAR GDA', YANG DGON PA GONG DU DGE BSHES STON PAS DBU MDZAD RNAL 'BYOR PA RNAMS 'TSOGS NAS BZHAD GAD SHIG GE 'DUG TZA NA, NYE GNAS KYIS 'U CAG DE RING CI ZA ZHUS PAS, DGON PA BAS AA PO NI PUS SNA GDONG NA YAR BYUNG BA 'DI KUN ZA BA YIN GSUNGS PAS, DE LA STON PAS KYANG BKYON PAS, PHYIS DGE BSHES STON PAS BKYON DU 'ONG GSUNGS NAS DE TZAM MI GSUNG BA YIN , YANG SNE'U ZUR PA SKU KHAMS LTEMS PA CIG LA STON PA TSUL SENG BYA BA'I GROGS PO ZHIG YOD PAN RE, DGON PA BA'I MAN NGAG SPYI BOR ME 'BAR BA 'DI LTA BU ZHIG YOD DE SGOMS ZER BAS, BSGOMS BAS JI LTA BA BZHIN DU BTUB PAR BYUNG, DER DGON PA BA'I SBYAN SNGAR BYON NAS MDANG DA NANG KHAMS LTEMS PA CIG GDAB ZHUS PAS, SPYI BO NA ME 'BAR BA DE SGOMS GSUNG, DE MI SHES ZHUS PAS 'O NA MDANG DA NANG SPYI BO NA ME ZHIG 'BAR GYIN 'DUG PA KHO NAR TSOR GSUNG STE, JI LTA BA BZHIN THIGS BYUNG STE STON PA TSUL SENG DE SKAD ZER BAS BSGOMS PA LAGS ZHUS PAS, 'O GROGS LA THOS PA'I CHOS NYAMS SU BLANG DU MI BTUB, 'DRI BA NI MI TO, DA 'DI BZHIN DU GYIS GSUNGS NAS, DMIGS

, ,PA SKOR GSUM GYI GDAMS NGAG RNAMS GSUNGS, YANG SNE'U ZUR PA RTZE DROR YON BDAG CIG GIS BSHOS DRANGS TE BZHUGS PA'I DUS STENG CHUNG ZHIG TU THUGS DAM MDZAD PAS DGE SBYOR SHIN TU 'PHEL BAR BYUNG, DGE BSHES KYI SBYAN SNGAR BYON DUS KHYOD MDANG DA NANG STENG CHUNG LTE BLTEB DE NA DGE SBYOR SHIN TU 'PHEL BAR 'DUG AANG GSUNG, ROG THOM DU LHA BZO BA'I LUGS BYED PA LA RA SGRENG DU SGOM CHEN RNAMS LA GTOR MA ZHUS PAS, DGON PA BAS, 'U AU GSUNG, CI LAGS ZHUS PAS, LUGS BRDOL GSUNG, DRIS PAS DE TZA NA BRJOD 'DUG SKAD, YANG SNE'U ZUR PAS BSGOMS NAS RTOGS PA SHOG PA RE BYUNG BA'I DUS SU, BLA MA'I ZHABS LA GTUGS PA'I PHYAG GCIG BYA DGOS SNYAM NAS SPYAN SNGAR BYON DUS, ZHABS G-YAS PA DE SHAD KYIS BRKYANGS NAS 'ONG BA LAGS PAR GDA', CHOS 'DI LTA BU ZHIG ZHU SNYAM PA DE ZHU MI DGOS PAR BSHAD KYIS GSUNG 'ONG BA YIN, DAM TSIG GSUM BKOD PA'I RGYAL PO LHAG PA'I LHAR BZUNG NAS BZLAS PA STONG PHRAG BRGYAD SONG TZA NA ZHAL GZIGS, DE NAS STONG PHRAG BRGYAD NAM SONG SONG NA ZHAL MA GZIGS PA BYED MA MYONG, GZHAN YANG DE BZHIN GSHEGS PA'I PHAN YON GYI LE'U NAS GSUNGS PA RNAMS LA NGAS NYAMS SU MA MYONG BA MED GSUNG, LE'U DE NAS GSUNGS PA LA NI DKYIL 'KHOR THAMS CAD DU ZHUGS PAR 'GYUR RO, ,TSE 'DI NYID LA SANGS RGYAS KYI MDZAD LA BYED PAR 'GYUR RO, ,ZHES GSUNGS TE BSAM

GYIS MI KHYAB BO, ,DGE BSHES DGON PA BA DE TING NGE 'DZIN SHIN TU BRTAN PAS LHA'I GZIGS SNANG DANG MNGON PAR SHES PA RGYA CHEN PO MNGA' BDE LTAR YIN YANG DGON PA BA RANG GI THUGS KYI BZHED PA'I GTING LA LHA'I ZHAL MTHONG BA DANG MNGON SHES SKYES PA DGE SBYOR GYI 'BRAS BU GTZO BOR 'DZIN PAR MI MDZAD KYI LAM GYI RIM PA'I DMIGS SKOR SO SO LA MYONG BA BCOS MIN SKYES PA ZHIG DAB LHAG BAR LAS 'BRAS LA YID CHES NAS SDOM PA GSUM GYI BCAS MTSAMS DAG PA GTZO BOR 'DZIN PAR MDZAD DE, DGON BA BA'I ZHAL NAS, SNE'U ZUR PA LA, YE 'BAR SANG NAS TZA NA KHYED KYI DGE BA SHES PA DE KUN MAN NGAG GI MTHIL GANG LA BYED ZER NAS 'DRI NA, MNGON PAR SHES PA'AM YI DAM GYI LHA ZHAL MTHONG BA LA BYED BYAS PA 'ONG NGO, ,LAS RGYU 'BRAS LA RJE NGES RJE NGES SONG NAS JI LTAR KHAS BLANGS PA'I SDOM PA NGAG BAR SRUNG BA ZHIG LA BYED ZER BA YIN GSUNG NGO, ,JO BO'I MAN NGAG LAM GYI RIM PA'I 'GO BSHES GNYEN BSTEN TSUL NAS MTHAR THUG 'BRAS BU ZUNG 'JUG 'GRUB PA'I BAR RANG GI RGYUD LA SBYAR NAS SGOM BAR MDZAD PAS SGOM GEGS KYANG MANG BAR BYUNG STE JO BOS 'PHRAL LA SEL BAR MDZAD PAS JO BO'I SLOB MA SGOM GYI GEGS SEL BA LA RTZAL THON PAR GRAGS, JO BO RJE DANG NYAN TSOR MJAL BA NAS MTHAR SNYE THANG DU JO BO ZHING GSHEGS PA'I BAR 'BRAL MED DU BSTEN CING, JO BO GSHEGS NAS JO BO'I GSUNG BZHIN RA SGRENG DU DGE BSHES STON PA'I PHYAG PHYI

, ,MDZAD DE, DGE BSHES STON PA DANG RNAL 'BYOR PA GDAN SAR BZHUGS RING LA'ANG DGON PA GONG DU SGRUB PA RTZE GCIG TU MDZAD, RTA LO LA RNAL 'BYOR BA GSHEGS PA'I LO DE NYID GTOGS PA'I LO LNGA GDAN SA MDZAD DE SKAL PA DANG LDAN PA DAG LA JO BO'I MAN NGAG RGYA CHER SPEL LO, ,DE LTAR DGE BA'I BSHES GNYEN DGON PA BA CHEN PO DES RANG GI SRAS KYI THU BO SNE'U ZUR PA LA JO BO'I MAN NGAG RDZOGS PAR GNANG ZHING GZHAN YANG DNGOS KYI GDUL BYA RNAMS SMIN BAR MDZAD NAS, DGUNG LO DRUG CU RTZA BDUN PA CHU PHO KHYI'I LO MNGON PAR BYANG CHUB PA'I NYA LA SKU GSHEGS TE DGA' LDAN CHOS KYI PHO BRANG DU PHEBS SO, ,DGE BSHES DGON PA BA DE LA SLOB MA BSAM GYIS MI KHYAB PA BYUNG BA'I NANG NAS YONGS SU GRAGS PA SNE'U ZUR PA, ZHANG KA MA BA, DGE BSHES 'BAN GUNG RGYAL, KHA RAG SGOM CHUNG BA, RGYA LCAGS RI BA SOGS BSTAN PA YONGS RDZOGS 'DZIN PA'I BSHES GNYEN MANG DU BYON NO, ,DE LA KA MA BA NI; JO BO LAN PA SPYIL BUR PHEBS DUS, YUM DES JO BO LA BYIN RLABS ZHUS PAS, 'DI LA BUM BZANG PO ZHIG 'ONG ZHES LUNG BSTAN BA BZHIN, ME MO BYA LA KLUNGS SHID RUG PAR SKU 'KHRUNGS, YAB ZHANG 'BEN PHYUG GI SRAS YIN PAS ZHANG BU GCIG PAR GRAGS, MTSAN SHES RAB 'OD, PHYIS DGON PA BA MJAL DU BYON BAS, CHOS DAN ZANG ZING GNYIS KYIS BSKYANGS SHING PO TO BA LA YANG CHOS GSAN, MNGON PAR RTOGS PA'I YON TAN TSAD MED PA DANG LDAN ZHING,

RGYA BOD SKAD GNYIS SBYOR BA'I LO TZ'A YANG 'BRING ZHIG MKHYEN, PHYI ROL GYI DNGOS PO NGAN PA RNAMS BZANG POR BSGYUR NUS PA'I TING NGE 'DZIN BRTAN PO MNGA', PHYIS KA MA DGON PA BTAB STE 'PHRIN LAS BRKYANGS PAS, TSOGS PA BDUN BRGYA TZAM 'DUS SO, ,BDUN CU RTZA LNGA PA LCAGS MO PHAG GI LO'I RTA'I ZLA BA'I NYI SHU GSUM LA KA MAR SKU GSHEGS SO, ,DGON PA BA'I SLOB MA DGE BSHES 'BAN NI, PHAN YUL GYI SA'I CHAR SKU 'KHRUNGS, RAB TU BYUNG BA'I MTSAN TSUL KHRIMS RGYAL BA, KO DE LUNG DU BZHUGS PAS KO DE LUNG PAR GRAGS, KHONG GIS GZHON DUS SPRANG BA 'BA' ZHIG MDZAD NAS THUGS KYANG MDUL BA CIG YOD BA YIN, PHYIS DGON PA BA BSTEN NAS LAM RIM THUGS NYAMS SU BZHES PAS, CHOS RNAL MA THUGS RGYUD LA 'KHRUNGS PA CIG BYUNG BAS, DGE BSHES PO TO BA'I GSUNG NAS KYANG, BOD KYI RGYAL KHAMS NA 'CHI BA GSHA' MAR BLO LA SKYES PA 'BAN GUNG RGYAL YIN GSUNGS TE, KHONG RAB TU 'BYUNG BA'I SNGA ROL DU, PHYIS 'DI 'DRA BA NUS SAM MI NUS BTAL BA'I PHYIR, RGYU MO'I GROG PO BYA BA GNYAN PO ZHIG YOD PA'I SAR NUB GCIG NYAL DU PHYIN SKAD, DE NAS RAB TU BYUNG NAS THAMS CAD SPANGS TE BSOD SNYOMS MDZAD PAS, 'TSO BA MED BA YANG LAN MANG DU BYUNG, RANG LA RNGAN BGRANG 'DI LTAR MDZAD DE, DE RING SANG GI DBANG BYAR MED PAR GTAN DU 'DUG RTZIS MA BYED TSUL KHRIMS RGYAL BA GSUNGS NAS CHIG SMRAS MDZAD, 'GRO SNYING 'DOD TZA NA SGO GTAN LA ZHON NAS RKANG PA THAG

, ,PAS BCINGS TE BZHUGS GSUNG, CHOS NAN TAR BYED NA HUR CHEN PO ZHIG 'BYIN MI DGOS SAM, MI NGOR MA SONG BCIG MI DGOS SAM, MTHA' RGYA CHOD PA CIG MI DGOS SAM, NGA DGE TSUL YIN NA GTZANG PHU SGOM CHUNG TZAM ZHIG 'ONG, GROGS PO GCIG SHI BA'I RO SKYEL DU SONG BA'I SHUL DU BZHUGS BAS BAG TZAM 'JIGS PA'I ZHAD CIG BYUNG BAS, ME SGRON BTEG NAS KHYOD SU LA 'JIGS, GANG NA CI YOD GSUNG SKAD, YANG KHONG GI GSUNG NAS, SNGON NGA PHO RANG MI GCIG LA STON THOG KHAL BZHI BCU'ONG, GRONG PA RNAMS KYIS MING BZHI BCU SDIGS SU BTAGS, NYIN MO LA KHA'I MI RGOD BYAS, NUB MO RKUN PHUG BYAS BAS LTO MA PHYID, DA MCHIL MA RDO LA MI 'DEBS TE LTO PHYID, MU GE CHEN PO BYUNG YANG SU PHYUG PA CIG DANG MJING SBREL NAS BSDAD CHOG ,CHOS BDEN SEMS PA NYIS BSTUD GSUM BSTUD DU 'CHOR GSUNG, SNGAR NGA'I KHAS ZAS MI RNYED DA ZAS KYIS NGA'I KHA MI RNYED GSUNG, RES 'DI SKAD GSUNG, NGA NI TSUL KHRIMS RGYAL BA YIN NO; ;KHYOD NI 'BAN GUNG RGYAL YIN NO, ,DGE SLONG TSUL KHRIMS RGYAL BA LA 'BAN GUNG RGYAL 'GRAN MA CHE ZHIG GSUNG ZHING KOR YUG YUG MDZAD LO, ,PHAN YUL STOD KYI DGON BA MANG PO 'JOMS MI BYUNG BA LA, DGON PA THAMS CAD KYIS RUG CHOS BYAS PAS 'BAN GYIS CHOS GOS GSOL CHU BUM PHYAG TU THOGS NAS, DA NGA'I RUB CHOS 'DI LAS BYA THABS YOD DAM ZER SKAD, DE PHYIS SU PO TO BAS GSAN BAS, SHIN TU MNYES NAS KHO'I RUB CHOS DE YIN, 'BAN GUNG

RGYAL GYI RUB CHOS DE YIN, 'U CAG KYANG BAN DE SLOB NA DE TZUG TU SLOB DGOS GSUNG SKAD, KHA CHE PAn CHEN BYON BA'I DUS SU BOD STON RNAMS RTA RMIG LCAGS KYIS DRIL LTA BA RTZAD DPYOD DU BYON PA LA, KHONG MI TSE THOS PA LA BSKYAL BA KUN KYANG DA GDOD LTA BA RTZAD DBYOD NA, NGA THOS CHUNG SANG 'DRES 'KHYER, GNANG PA? 'DRAS 'KHYER ZER BA CIG BSDAD PAS GA NA 'ONG, NGA YANG 'GRO BSAM PA CIG BYUNG BA LA, GA RE THOS PA BYAS PAS NYON MONGS PA CHUNG BAR 'GYUR, NYON MONGS PA CHUNG BA LA BDUD KYIS GLAGS MI RNYED ZER BA LA, NGAS THOS PA TZAM MA BYAS KYANG NYON MONGS PA CHUNG DU SONG NAS 'DUG ,KHONG THOS PA BYAS PA KUN GYI NYON MONGS CHUNG DU MA SONG BA 'DI CIS LAN SNYAM PA LA, KHA LA BRGYUD PAR SONG BAS LAN SNYAM PA CIG BYUNG GSUNG, DA NI STON BA CIG BYAS KYANG 'ONG NGAM SEMS, SGOM CHEN ZHIG BYAS KYANG 'ONG NGAM SEMS, GNAS BRTAN ZHIG BYAS KYANG 'ONG NGAM SEMS, GTZO BO ZHIG BYAS KYANG 'ONG NGAM SEMS GSUNG LO, ,KHONG STONG NGA NYID KYI TSIG KHO NA ZHAL NAS 'ONG BA LA, PO TO BA'I ZHAL NAS, GUNG RGYAL 'DRA BA 'DI KHA LA STONG PA THOGS NAS GSUNGS TE BKYON, DGE BSHES KYIS BKYON PAS 'DI MA LEGS PA YIN TE 'ONG SNYAM NAS BZHAG PAS, BZHAG TU MA BTUB BAR STONG BA NYID DU CHAM RTZER SONG BAS, DGE BA'I BSHES GNYEN PA KHO BO LAS NI KHYAD DU MI GSOD, STONG PA BZHAG TU MI BTUB PAR GDA' ZHUS PAS, KHYOD RANG SGOMS SHIG NGAS GZHAN LA BYAS PA YIN GSUNG SKAD YANG 'BAN GYI ZHAL NAS,

, ,NYON MONGS PA'I MKHAR SGOR GNYEN PO'I MDUNG THUNG ZHIG BZUNG NAS SDOD PA MIN PA GZHAN BYA RGYU MED, KHO SGRIM NA NGA YANG SGRIM, KHO GLOD NA NGA YANG GLOD GSUNG, YANG KHONG GIS TSUL SHE LA GSUNGS PA, MI RTAG RTAG TU RE PA'I SEMS CAN SNYING RE RJE, ,SKYE 'GRO SNGA MA SHI PA MA MTHONG NGAM, ,PHYI MA 'CHI BA MA TSOR RAM, 'JIG RTEN LAS LA ZIN DUS MED, ,SKYE SHI GNYIS LA THAR DUS MED, ,GTAN BDE BOR KYANG 'GYOD DUS MED, ,CHOS KYI NGO BO MTHONG DUS MED, ,NGAL BA DON MED GTAN KHANG BRTZIGS, ,BUD MED MANG PO SDUG BSNGAL SNOD, ,BRAN G-YOG MANG PO KHA MCHU'I RGYU, ,NOR RDZAS MANG PO G-YENG BA'I RGYU, ,BU MO BZANG SDUG LDAN PA YANG, ,DRO GANG TZAM GYI GRANG BA'I SA, , CI LA BSAMS KYANG PHAN PAR MI 'GYUR BAS, ,RANG GI SEMS LA LTA BA KHO NAR BYA, ,ZHES GSUNGS SO, ,DE LTAR DGE BSHES 'BAN 'DI NI DGON PA BA DANG SKU MCHED GSUM LA SOGS PA'I DGE BA'I BSHES GNYEN MANG POS BSKYANGS, 'CHI BA MI RTAG PA THUGS LA 'KHRUNGS PAS 'DOD PA LA MDUNG THEBS, STONG PA NYID KYI LTA BAS 'KHOR BA'I RTZA BA DRUNGS PHYUNG, BYANG CHUB KYI SEMS KYIS BDAG GZHAN MNYAM PAR DGONGS PA'I DPA' BO CHEN PO ZHIG BYUNG NGO,, ,, DGON PA BA'I SLOB MA KHA RAG SGOM CHUNG ZHES GRAGS PA DE NI, GTZANG STOD KYI DUNG ZHUR BYA BAR, YAB DGON PA DKON MCHOG RTEN GYI SRAS SU 'KHRUNGS, MTSAN DBANG PHYUG BLO GROS ZHES BTAGS ,SKU GZHON NU NAS BAM PO GNAS

SU MKHAN PO MAR SGOM LA RAB TU BYUNG, SBAS SGOM DANG DPON SLOB GNYIS POS RA SGRENG DU BYON PAS, DGE BSHES STON PA GSHEGS RTING, RNAL 'BYOR PAS TSOGS PA SKYONG GIN 'DUG, DER GTZANG BU RA SGRENG GI SGOM CHEN RNAMS LA MOS PA BYUNG BAS RNAL 'BYOR PA DANG, DGON PA BA LO BDUN BSTAN, JO BO'I GDAMS PA RNAMS TSANG BAR ZHUS, DE NAS THUGS DGONGS LA DA NI RANG GIS KYANG CHIG SKYA THUB STE 'ONG SNYAM STE, NYUNG MA'I SA BON PHUL GANG 'KHYER NAS SPRAGS KYI KE RU RU BYON, DBYAR LO THUG GSOL, DGUN NYUNG THUG LA PHYE THUN RE BTAB NAS GSOL TE, SGRUB BA LO BCU GCIG RTZE GCIG TU MDZAD, DE NAS PHAN YUL DU GCIG PUR RI LA BSGOMS PA NA, MDUN DU MI NAG PO ZHIG BYUNG NAS KHYOD KYI MGO 'DOD DO ZHES ZER RO, ,RE ZHIG SDOD CIG SBYIN NO GSUNGS NAS, RANG GI MAN NGAG BZHIN MDZAD NAS KHYER CIG CES GSUNGS TE, BLTAS PAS DE SPYAN RAS GZIGS DBANG PHYUG ZHAL BCU GCIG PAR GYUR NAS DE'I ZHAL GZIGS SO, ,DE LA DGA' MI DGA'I RTOG PA MA BYUNG GI, DON RANG GI NGO BOS GRUB PA MED MOD KYI, 'ON KYANG SEMS 'KHRUL PA'I SNANG BA'O ZHES MKHYEN NO, ,NAM ZHIG NA DGE BSHES PO TO BA CHEN PO DE'I PHYOGS SU 'CHAG PA NA, DES PO TO BA LA PHYAG MDZAD CING, PHAN TSUN CHOS KYI GTAM 'DRI BA DANG, PO TO BA'I ZHAL NAS, GCIG PUR RIL BSGOM PA NA BAR CHAD MA BYUNG NGAM GSUNG, DES RANG GI SGRUB LUGS DANG NYAMS PHUL

, ,ZHING MI NAG BO JI LTAR BYUNG TSUL ZHUS PAS, DGE BSHES PO TO BAS DE LA THABS JI LTAR BYAS GSUNGS PAS, SNGA MA LTAR JI LTAR GYUR LUGS DANG RTOGS PA BRJOD PAS, PO TO BA THUGS DGYES NAS, SKYES BU DE KHO NA BZHIN DU SGRUBS SHIG ,SU LA YANG DE LAS LHAG PA'I THABS MED DO GSUNGS NAS GSHEGS, THUGS SHIN TU MNYES PAS NYIN RE BZHIN PO TO BAS CHOS KYI GTAM RE CHED DU SKYEL PAR MDZAD DO, ,DGE BSHES KHA RAG SGOM CHUNG PA 'DIS RAG MA'I PHUR SGOM ZHING BZHUGS PA NA NAGS LA ME MCHED PAS SROG CHAGS GRIB SO LTAR GROS KYANG MA THAR BAR TSIG PA LA, MI BZOD PA'I BRTZE BAS RJE BTZUN SGROL MA LA 'PHRAL DU RANG GIS BRTZAMS PA'I BSTOD PAS BSTOD NAS MER MCHONGS PAS ,ME RANG ZHING GYUR TE, NGES PAR DRONG RTAGS DANG LDAN ZHING, BYAMS SNYING RJE BYANG CHUB KYI SEMS 'BYONGS PAS BYA RI DVAGS RNAMS LA ZAS BSTABS PA PHYAG NAS LEN NO, ,YANG LAN CIG PO TO BA'I SPYAN SNGAR BYON, LAM RIM BLO LDOG BZHI'I RTOGS PA PHUL BAS MNYES TE, SKYES BU SMRA BA'I SENG GER SONG GSUNG NGO, ,DE NAS DGE BSHES SGOM CHUNG BA KHA RAG TU SGOM DU 'BYON BAR BZHED NAS DGE BSHES PO TO BA LA PHYAG 'TSAL DU BYON, 'BRAL MI PHOD PAR GNYIS KA SPYAN CHAB BYUNG, PHAN YUL RGYAL DU PHEBS PA NA, CHOS ZHU BA DANG 'BUL BA CHEN PO YANG BYUNG, DE NAS KHA RAG TU BYON NAS KHA RAG PHUG PA NAG POR THUGS DAM MDZAD, KHA

RAG SGOM CHUNG ZHES GRAGS SNYAN PAS PHYOGS THAMS CAD DU KHYAB, DER TSOGS PA STONG TZAM 'DUS BA LA BYANG CHUB LAM GYI RIM PA RGYA CHER SPEL LO, ,KHA RAG SGOM CHUNG PA'I ZHAL NAS, DAD PA MED PA'I MI LA YON TAN GYI RNAM PA GANG YANG MI 'BYUNG BAS, DGE BA'I BSHES GNYEN BSTEN CING MDO SDE BLTA, BRTZON 'GRUS MED BA'I MI LA YON TAN GYI RNAM PA GANG YANG MI 'BYUNG BAS, 'CHI BA MI RTAG PA SGOM ZHING LE LO SPONG, NGA RGYAL CAN GYI GANG ZAG LA YON TAN GYI RNAM PA GANG YANG MI 'BYUNG BAS, RANG MGO SMAD LA DMAN SA BZUNG, CHOS DE GSUM DANG LDAN NA NYAN THOS KYI RTEN DU'ANG RUNG, BYANG CHUB SEMS DPA'I RTEN DU'ANG RUNG, GSANG SNGAGS KYI RTEN DU'ANG RUNG, MDOR NA YON TAN THAMS CAD KYI RTEN DU RUNG BA YIN GSUNG NGO, ,GSHEGS KHAR YANG LHO PA LA, SKYE SA'I YUL SPONGS, NYE DU DANG THAG BSRINGS, BSHES GNYEN RTAG TU BSTEN, HRUL PO'I GOS GYON, DMAN PA'I SA BZUNG, NGAN PA'I ZAS ZO, ,RGYA SKAD CHU BZHIN 'THUNG LA SGRUB PA GYIS GSUNG BA'I GDAMS NGAG GNANG, DE NAS STON MO BZANG PO ZHIG MDZAD DE 'DI THA MA'I ZAS YIN NO GSUNG, NGA'I RUS BU LHAG ROL BSDUS LA, BYANG RA SGRENG NA DBAL LDAN DGON PA BA'I SKU 'BUM YOD PAS, DE'I GRIB MA DANG BSER BU PHOG SAR SKYOL CIG GSUNG NAS MYA NGAN LAS 'DAS SO,, ,,DGE BSHES DGON BA BA'I THUGS SRAS RGYA LCAGS RI BA DE NI, SKYES BU GSUM GYI LAM GYI RIM PA LA RTZAL THON, YI DAM LHA'I

, ,ZHAL GZIGS, MNGON PAR SHES PA RGYA CHEN PO DANG LDAN PA ZHIG BYUNG STE, LAM GYI RIM PA RGYA CHER SPEL BAR MDZAD, DAGS PO LHA RJE YANG DGE BSHES RGYA LCAGS RI BA 'DI'I SAR BYON NAS BYANG CHUB LAM GYI RIM PA'I MAN NGAG RDZOGS PAR GSAN NAS NYAMS BZHES MTHAR PHYIN PAR MDZAD CING, RJE MI LA'I ZHABS DRUNG NAS N'A RO CHOS DRUG DANG PHYAG CHEN GSAN NAS NYAMS RTOGS PHUL PHYIN 'KHRUNGS TE SKAL BA DANG LDAN PA MTHA' YAS PA LA JO BO RJE'I MAN NGAG BYANG CHUB LAM RIM DANG, RJE MI LA NAS BRGYUD PA'I MAN NGAG RNAMS ZUNG 'BREL DU 'DOMS PAR MDZAD PAS SGAM PO PA LA BKA' PHYAG CHU BO GNYIS 'DRES ZHES GRAGS PA'ANG RGYU MTSAN DE LTAR YIN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGON PA BA LA GSOL BA 'DEBS SHING BDAG NYID CHEN PO 'DI'I MDZAD PA RNAM THAR LTAR BYANG CHUB LAM GYI RIM PA LA SGRUB PA MTHAR PHYIN PA ZHIG BYA'O,, ` ZAB MO'I TING 'DZIN BRTAN PA'I SNE'U ZUR PA, ZHES BSNGAGS PA, DGE BA'I BSHES GNYEN SNE'U ZUR PA NI, SPRAS SNE'U ZUR GYI SA SKOR THONG BA ZHES BYA BAR, YAB ZHANG STAG PO ZHES PA'I SRAS SU CHU PHO STAG LA SKU 'KHRUNGS, SKU CHE SNGA MA RNAMS SU BSAM GTAN BSGOMS PA'I BAG CHAGS MTHU BRTAS PAS BYIS PA'I DUS NYID NAS SKYE PAS THOB PA'I TING NGE 'DZIN BRTAN PO MNGA' BA ZHIG BYUNG ZHING, KHYIM GYI 'DU 'DZIL CHAGS PA MED PAR GZHAN GYI LAD MO

DANG GZHAN GYIS DBANG MED DU BSKUL BA TZAM MIN PAR NGES 'BYUNG SHUGS DRAG POS GZHON NU NAS BRAG RGYAB TU RAB TU BYUNG, MTSAN YE SHES 'BAR ZHES BTAGS, LO LON NAS BSNYEN PAR RDZOGS, 'DUL BA NAS GSUNGS BA'I DGAG SGRUB GNANG GSUM GYI BCAS MTSAMS RNAMS MIG GI 'BRAS BU LTAR BSRUNGS TE TSUL KHRIMS RNAM PAR DAG PA LA GNAS NAS SDE SNOD GSUM LA MANG DU THOS PA BTZAL, DGE 'DUN SPYI'I LAS GANG LA YANG SKYO NGAL MED PAR BYAS TE BRAG RGYAB KYI GNYER YANG LO GCIG MDZAD, DER BZHUGS DUS BRAG RGYAB PA'I STON PA SH'AKA TSUL ZHES BYA BA ZHIG RA SGRENG DU DGON PA BA'I SPYAN SNGAR BYON PAS, DER KHONG GIS NGED KYI DE NA BTZUN CHUNG SKYES THOB KYI TING NGE 'DZIN MNGA' BA 'DI LTA BU ZHIG BDOG ZHUS PAS DGON PA BA SKU LUS SGYED MDZAD NAS, AA HA HA AA RE SKYID AA RA SKYID, YANG NA KHO'I DE LA BLA MA MI DGOS PAR TAL GYIS 'GRO BA'ANG SRID, YANG NA BLA MA ZHIG DGOS PA'ANG SRID GSUNGS NAS THUGS DGYES PA'I MTSAN MA MDZAD, DER STON PA SH'AKA TSUL GYIS BRAG RGYAB TU 'ONGS NAS KHYED 'DIR MA SDOD PAR RA SGRENG DU SONGS, DGON PA GONG MA BAS THUGS LA 'DOGS PAR 'DUG BYAS PAS, DGE BSHES DGON PA BA'I MTSAN THOS PA TZAM GYIS SNANG BA 'GYUR TE LUS KYI SBU GZING ZHES BYED CING JO BO YAB SRAS GNYIS KA'I MAN NGAG MNGA' BA DGE BA'I BSHES GNYEN DE LTA BU ZHIG DANG MJAL NAS BYANG CHUB LAM GYI RIM PA'I MAN

, ,NGAG YONGS SU RDZOGS PA ZHIG THOB NA CI MA RUNG SNYAM DU SMON PAS RA SGRENG DU BYON TE DGE BSHES DGON PA BA MJAL BAR ZHUS PAS, SKU MTSAMS DAM PAS MJAL SA MED ZER BAS GZIM KHANG DE LA BSKOR BA LAN GSUM BYAS, BYANG PHYOGS KYI CHU MIG GI KHA DE NAS PHYAG LAN GSUM MDZAD DE SKYE BA 'DI LA SKYES BU DAM PA KHYOD KYI GDUL BYAR MA GYUR KYANG MA 'ONGS PA NA SKYES BU DAM PA KHYOD KYI GDUL BYAR GYUR CIG BYAS NAS SMON LAM BTAB, SPOS RENG BU GCIG KYANG BSREGS NAS PHUL, CHU MIG KHA DER DRO BTAB, RNAL 'BYOR PA CHEN PO LA CHOS CI RIGS GSAN ZHING BZHUGS BA NA DGE BSHES DGON PA BAS MNGON PAR SHES PAS MKHYEN TE NYE GNAS BTANG NAS SHOG GSUNG, DGE BSHES DGON BA BA'I ZHABS DRUNG DU BYON NAS MJAL TE TSES KYI GSOL BA BTAB PA NA DGE BSHES DGON PA BA'I ZHAL NAS, AA TI SHAS NGA LA DANG POR MJAL MA THAG CHOS 'DI GNANG BA YIN GSUNGS NAS BSTAN PA LA 'JUG PA'I SGO DAM PA SKYABS 'GRO'I KHRID DANG GTOR MA'I KHRID GNYIS GNANG STE, 'O, MA BSAMS PA'I CHOS KYIS PHAN MED PAS ZLA BA PHYED PHYED SOMS LA SHOG GSUNG, DGON PA BA CHEN POS JI LTAR GSUNG BA LTAR, SNE'U ZUR PAS RANG GI SPYIL POR SKYABS 'GRO DANG GTOR MA GNYIS LA ZLA BA PHYED PHYED BLA MAS JI LTAR GSUNG BA LTAR BSKYANGS TE MYONG BA THON PA BYAS, DE NAS ZANG THING GI YO BYAD RGYA CHEN PO MED KYANG SBOS RENG BU RE

BSNAMS TE RANG GIS JI LTAR BSKYANGS BA RNAMS ZHUS, DGON PA BA CHEN POS KYANG DGYES BZHIN DU SNGAR BSKYANGS PA RNAMS LA GEGS SEL BOGS 'DON DANG, GSAR DU SKYONG DGOS RNAMS MGON PO AA TI SHA'I MAN NGAG LTAR SKYES BU GSUM GYI LAM LA RIM GYIS KHRID DE PHAS BU LA SLOB PA LTAR MDZAD, LAN CIG SPYAN SNGA NA MI KHA CIG 'DUG PA LA, KHO KHA SANG NAS MA 'ONGS PA YIN PAS SNGON LA THONGS GSUNGS NAS GANG DANG MI SNYOMS PAR MDZAD, DGE BSHES DGON PA BAS SNE'U ZUR BA LA CHOS GSUNG BA'I DUS SU AA TI SHA 'DI GSUNG, AA TI SHA 'DI GSUNG GSUNGS NAS CHOS MI MANG TZAM RE GSUNG, DA DUNG ZHIG GSUNGS NA NYUNGS SAM SNYAM TZA NA TSIG MANG KHA NA MED, DON SEMS PA GAL CHE BA YIN GSUNG, DE KA LA 'PHRO BCAD NAS MI GSUNG, DE LTA BU'I TSUL GYIS GDAMS NGAG RNAMS TSANG BAR THUGS LA BTAGS, RES 'GA' PHYAG PHUL TE DA LAN ZHABS KYIS BYIN RLABS GNANG BA BYUNG NA BSAMS PA NA DGON PA BAS ZHABS NAR GYIS BRKYANGS NAS 'ONG, DGON PA BA CHEN PO SNE'U ZUR PA LA THUGS SHIN TU MNYES PAS LAN CIG PHYAG SOR GSUM GYIS MGO LA BYIN RLABS MDZAD PAS ,DBU LA PHYAG SOR GSUM PO THIM PA'I SHUL SKYONG LOG GE BA JI SRID 'TSO'I BAR DU YOD GSUNG NGO, ,LAM THUN MONG BA LA KHRID NAS MYONG BA PHUL PHYIN 'KHRUNGS PA NA GSANG SNGAGS RDO RJE THEG PA'I DBANG DANG MAN NGAG RNAMS GNANG ZHING, LHAG PAR MI G-YO BA YI DAM DU ZUNGS GSUNGS NAS DE'I DBANG DANG GDAMS

, ,PA LAS TSOGS DANG BCAS PA TSANG BAR GNANG, SNE'U ZUR BAS KYANG MI G-YO BA LHAG PA'I LHAR BZUNG NAS BSNYEN PA MDZAD PAS MI G-YO PA ZHAL GZIGS, LAS TSOGS LA NUS BA THON ZHES GRAGS SO, ,DE LTAR SNE'U ZUR PAS DGE BSHES DGON PA BA THOG MAR MJAL BA NAS MTHAR ZHING GSHEGS BA'I BAR 'BRAL MED DU BSTEN CING BKA' BZHIN DU BSGRUBS PAS THUGS SRAS THU BOR GYUR, DGON PA BA GSHEGS NAS SKU MCHED GSUM GA LA CHOS 'BREL MDZAD ,KHYAD PAR DU PO TO BA'I BLA MCHOD MDZAD NAS LO BCU BZHIR CHOS GSAN, LAM GYI RIM PA YANG DGON PA BA'I DE GZHIR MDZAD, PO TO BA'I LEGS LAGS RNAMS KYANG BTUS PA YIN GSUNG, DE NAS SNE'U ZUR PA'I THUGS DGONGS LA 'DI LTAR SHAR TE, DA NI DPAL AA TI SHA'I MAN NGAG BYANG CHUB LAM GYI RIM PA 'DI LA SGRUB PA SNYING POR BYA BA'I PHYIR RANG YUL NYE DU GRVA SA GANG LA'ANG MA CHAGS PAR NAM SHI BAR SGRUB PA LA RTZE GCIG TU GNAS PAR BYA'O DGONGS NAS SPRAS THONG PA NA SNGON GYI DUS SU G-YOG BYAS PA'I YON BDAG GCIG GIS ZHABS TOG BYAS NAS SNE'U ZUR GYI DBEN TSA GOG PO DE LA BRTEN TE KHANG CHUNG ZHIG BRTZIGS NAS THUGS DAM RTZE GCIG TU MDZAD PAS, DGE SBYOR SHIN TU 'PHEL BAS 'DI BZHIN BSGOMS NA NI 'KHOR BA 'DI LA 'UR BZLOG STE 'ONG BAR 'DUG DGONGS PA CIG BYUNG GSUNG ,DGE BA'I BSHES GNYEN PO TO BA CHEN PO STAG LUNG DU GRVA TSOGS SKYONG ZHING BZHUGS BA'I TSE DGE SLONG BCU LHAG TZAM

LA KLU NAD BYUNG BA LA SNE'U ZUR PA LA KHYOD KYIS KLU NAD KYIS BTAB PA 'DI DAG GSOS GSUNGS PAS DGE BSHES PO TO BA'I BKA' BZHIN DU SNE'U ZUR PAS NAD PA DE DAG BCOS TE BDE PAR BYAS PAS PO TO BA THUGS SHIN TU MNYES PA BYUNG, PHYIS PO TO BA SKU KHAMS BSNYEL BA'I TSE'ANG, 'KHOR GYIS DGE BA'I BSHES GNYEN 'DI DANG 'DI SNGAS SRUNG DU GDAN DRANGS NA ZHUS DUS GSAN DU MA BZHED ,SNE'U ZUR PA SPYAN DRANG NGAM ZHUS PAS, ZHAL NAS, DE BYUNG NA DE KA RANG GIS CHEG STE GSUNG BAS SNGAS BSRUNGS KYANG MDZAD, DER THUGS DAM MDZAD PAS NAMKHA' LA MTHO BAR 'PHAGS PA'I SNANG BA BYUNG ZHUS PAS, PO TO BA'I ZHAL NAS, AE 'DI NGA'I DON BYED SNYAM TZA NA KHO RANG GI DON BYAS NAS 'DUG GSUNG, SNE'U ZUR PA'I ZHAL NAS, NGA YANG RNAL 'BYOR PA 'BRING PO ZHIG YIN ,SDE DPON DANG MI NAG PA'I THEM PA 'GOM MA MYONG NAS LO BZHI BCU SONG BA YIN GSUNG, RNAL 'BYOR PA 'BRING POS MI TSANG BOD DU BYON PA'I BKA' GDAMS PA GCIG LA KHONG LAS TSUGS THUB PA MA BYUNG BA YIN ZHES DBON STON RIN PO CHE GSUNG NGO, ,DE LTAR DGE BSHES SNE'U ZUR BAS DGE BSHES DGON PA BA DANG ,DGE BSHES PO TO BA GNYIS KA LA LAM RIM GYI KHRID GSAN NAS SGRUB PA DAR DRAG LA RGYUN RING BA MDZAD PAS RTOGS PA MCHOG THOB STE, DE YANG BCAS PA DANG RANG BZHIN GYI KHA NA MA THO BA PHRA MO TZAM GYIS KYANG MA GOS PA'I TSUL KHRIMS RNAM PAR DAG PA DANG, TSE 'DI'I BYA BA GANG GI'ANG DBANG DU MA BTANG BAR DA LTA RANG 'CHI PA

, ,LTA BU'I BRTZON PA SHUGS DRAG POS MTSAN MO GNYID KYANG YE MI YONG BAR NYIN MTSAN KHOR YUG TU DGE SBYOR LA CHIG SGRIL MDZAD DE GZHAN GYIS MDANG SANG RMI LAM 'DRA CI GDA' ZHUS PAS, AA 'DI CI ZER, GNYID MED PAR RMI LAM GA NA 'ONG GSUNG, DE LTAR MDZAD PAS TING NGE 'DZIN PHUL PHYIN THOB STE 'BRE CHUNG BAS DGE BSHES LA TING NGE 'DZIN TSAD JI TZAM MNGA' ZHUS PAS, NGAS TING NGE 'DZIN GCIG LA MNYAM PAR GZHAG NA NYIN ZHAG BCU BZHI TZAM GNAS THUB PAR 'DUG GSUNG, SPYAN SNGA'I ZHAL NAS, NGED RA SGRENG PA RNAMS LA TING NGE 'DZIN GYI TSAN KA DE ZHANG SGOM KHO NA CHE BA YIN GSUNG, TING NGE 'DZIN SHIN TU BRTAN CING DBEN PAR DGE SBYOR LA CHIG SGRIL MDZAD PAS RJE BTZUN MI LA DANG DNGOS SU MA MJAL YANG THUGS MTHUN PA'I GROGS SU MDZAD, LAN CIG G-YOG PO DAR TSUL BYA BAS, THUGS DAM GTOR MA TSAR NAS GZIM MAL DU SKYIL KRUNG LAM GYI BCAS NAS NA BZA' GSOL, DE'I STENG NA PHAR LA RE KHA THEN NAS BZHAG STE NANG BAR BLTAS TZA NA SPU GAS TZAM YANG MI YONG BA YIN, MNYAM GZHAG BYA BA DE 'DRA BA DGOS PA YIN, RGYU MTSAN 'DI DAG LA DGONGS NAS RJE BDAG NYID CHEN POS, ZAB MO'I TING 'DZIN BRTAN PA'I SNE'U ZUR BA ZHES BSTOD BA MDZAD DO, ,BDAG NYID CHEN PO 'DI SEMS LA DBANG THOB BA ZHIG STE, SNE'U ZUR BA NYID KYI ZHAL NAS, NGA'I SEMS 'DI NGA RANG GIS KHA LO SGYUR BTUB BA CIG BYUNG GSUNG, YANG ZHAL NAS, SNGON GYI DUS

SU NGA RANG GI SEMS 'DI KHA LO SGYUR DU BTUB, MIS NI MI TSOR ,DA YONG 'KHOR BA 'DI LA 'UR BZLOG STE 'ONG BAR 'DUG SNYAM TZA NA, PHYIS LHA YIN KLU YIN ZER NAS GCIG 'TSOGS GNYIS 'TSOGS ME TOG SHVA SHVA BYAS NAS RANG GI DGE SBYOR BCAG, MI LA 'DI GYIS BYAS PAS NI NYAN DU MA 'DOD GSUNG STE, KHONG RANG GAR 'DOD DU BKOL DU BTUB PA CIG GA SNANG NGO GSUNG, BYANG CHUB LAM RIM LA MYONG BA PHUL PHYIN THON PA'I RTAGS SU THUGS RJE SHIN TU CHE BAS LONG BA DANG SPRANG PO LA SOGS PA DMAN PA RNAMS LA SHIN TU BYAMS PAR MDZAD, LAN CIG G-YOR PO GCIG GIS 'JAM PHRUG GIS NA BZA' SPYAN MA GCIG PHUL BAS, PHA TSAD NA MDZE PO GCIG DGE BA'I BSHES GNYEN GOS GCIG ZHU 'TSAL ZER PAS, 'DI KHYER GSUNGS NAS PHRUG SBYAR MA DE GNANG, G-YOR PO DE NA RE, DE LA DGE BSHES PA'I NA BZA' BGYI BSAMS NAS DKA' LAS CI YANG BGYIS PA LAGS, ZHAG GCIG MI GSOL BA ZER BAS CI ZER KHYOD RANG GI MA LA BYIN PA LA YANG MI DGA' 'AM GSUNG, NGAS TSE 'DI LA GSER SRANG BDUN STONG SBYIN BAR THONGS GSUNGS, LAN CIG MU GE CHE BA CIG BYUNG BAS BSHOS DE GSOL BA BZHIN MDZAD NAS NA BZA'I PHAG TU SBAS TE SPRANG PO RNAMS LA BYIN PAS SBRANG PO MANG PO'I BRGYAGS BYUNG, SKU SHA NAG RID KYIS SONG PA'I DUS SU GLANG THANG PA DE PHYAGS PHYI LA BYON PA'I ZHAL RAS ZLA BA SHAR BA BZHIN GDA' PAS, RIN PO CHE'I ZHAL NAS, BYANG CHUB SEMS DPA' BYA DKA' BA'I SBYIN PA

, ,BYAR YOD PA'I DUS SU ,BRGYAGS TSAD KHYOD RANG GIS ZOS NAS KHYOD LA BSAM RLAG NYAM PO CHE ZER BA YIN GSUNGS NAS BKYON PAS, GLANG RI THANG BA 'DAR PHRI LI LI BYUNG ZHES GRAG, SNE'U ZUR BA 'DI KHRO BO'I DBANG PO MI G-YO BA LA BSNYEN SGRUB MTHAR PHYIN PA ZHIG YIN PAS LHA 'DI'I SGO NAS 'GRO DON MDZAD PA LA NUS PA THON PA ZHIG STE, DGE BSHES PADMA BYANG CHUB BYA BA LA KLU'I GNOD PA BYUNG NAS, KHONG GI SNANG BA LA SPRUL GCIG THOD BZHIN DU DKRIS NAS SPRUL MGO DE DPRAL BA'I STENG NA GDENGS KA BZHIN YOD PA MIS MTHONG GI DOGS NAS BKAB STE SNE'U ZUR BA'I SPYAN SNGAR 'ONGS BAS, DE NGA DANG KHYOD RANG MIN PA GZHAN GYIS MI MTHONG, SBED MI DGOS, DA NGA DE'I STENG DU SGOMS DANG GSUNGS PAS, KHOS DE BZHIN DU BSGOMS PAS GAR SONG CHA MED BAR SONG, LAN CIG RA SPRENG LA BYON PA'I TSE, PHA BONG GCIG LA ZHABS GTAD DE ZHABS SGROGS BCINGS BAS SPRUL DKAR PO GCIG PHA BONG 'OG DE NAS 'THON TE SONG, DE NA MDZE PO CIG YOD BA GZHAN CI YANG MA DGOS PAR DE GCIG PUS NAD GSOS, DGE BSHES KYI ZHAL NAS, BOD KYI SRUNG BA'I SKOR DU GTOGS PA RNAMS PHYOGS GCIG TU BZHAG PA BAS, NGAS DMIGS PA SKOR GSUM GYI MDZE BSOS PA MANG BA YIN GSUNG, KHAMS PA LUNG PA LA MI MA YIN TSAN CIG GIS ,SMYUG RUM DU GTOR MA GTONG DER 'GRO ZER, 'O NA SNE'U ZUR DU GTOR MA ZAR MI 'GRO 'AM BYAS PAS, DE NA RDO RJE'I

RAB DANG ME RI BCAS PAS MI TSUD ZER, SNE'U ZUR PA'I ZHAL NAS BKA' RGYUD 'DI BYIN GYIS BRLABS PA'I BKA' BRGYUD YIN PAS, GTOR MA 'DRE LA MI 'CHOR TZAM PA'I BKA' BRGYUD YIN GSUNG NGO, ,SNE'U ZUR PAS DGE BSHES DGON PA BA LA GEGS SEL BOGS 'DON GYI MAN NGAG MTHA' DAG ZHUS TE THUGS NYAMS SU BSTAR BAS GZHAN GYI SGOM GEGS SEL BA LA SHIN TU MKHAS PA ZHIG STE, AA MES TSUL KHRIMS 'BAR BYA BAS GTZANG G-YAS RUR PHYIN NAS RI BO CHE'I SGOM SEMS 'DZIN BAG RE BSLABS PA CIG BDOG PAR GDA' BAS SPYAN SNGAR 'ONGS TE RTOGS PA PHUL BAS, DES MI 'ONG GSUNG ,'O NA JI LTAR BGYI ZHUS PAS, 'DI BZHIN DU SGOMS DANG GSUNG BA LA, SGOM BSLAB NYES BYA BA YIN PAS SNGAR GYI STENG DU SONG NAS MA BTUB, YANG GCIG BSLABS PAS MA BTUB PAS, DA 'ON TZAM GYIS ZHOG LA ZHAG SHAS GSOL BA THOB CIG GSUNGS, DE NAS ZHAG KHA YAR GSOL BA BTAB PAS DGE BSHES KYI GZIM KHANG NAS BCOM LDAN 'DAS SH'AKYA THUB PA'I SKU MTHO GANG TZAM PA 'OD LHAG PA CIG NAR GYIS BYUNG NAS AA ME'I SPYI BOR THIM BA SNYAM BYED TZA NA DE NYID DU TING NGE 'DZIN DU LHAN GYIS SONG BAS DGA' DRAGS RTOGS PA 'BUL DGOS SNYAM PHYIN PAS GZIM KHANG GI SGO NA MIS BCER NAS SPYAN SNGAR MA THON, PHYI NAS SKE RMYANG RMYANG BYAS BAS ZHAL NAS, 'O AA MES DE TZUG 'ONG BA YIN GSUNGS NAS TIG GIS MKHYEN PA ZHIG BYUNG ZHES GRAG GO ,BDAG NYID CHEN PO 'DI LA GZHAN SEMS

, ,SHES PA'I MNGON PAR SHES PA'ANG RGYA CHEN BO MNGA' STE, SNE'U ZUR PA'I SPYAN SNGA NA JO STAN TSANG RONG PA BYA BA'I 'DUL 'DAIN DE NUB GCIG BZHIN DU BSAM PAS, CHAS RKYEN MED PA'I KHANG PA 'DI BRAG PHUG GCIG DANG KHYAD MED, YUL DU 'GRO DGOS SNYAM PA CIG BYUNG, SANG DGE BSHES DES NYE GNAS BTANG NAS 'DIR SHOG DANG GSUNG, SPYAN SNGAR PHYIN PAS, 'O BLA MA BSTEN PA'I DUS SU KHANG PA LA BRAG PHUG TU SGOM PA MIN, CHAS RKYEN MED NA 'DI NAS LONGS GSUNGS NAS, NAS SGRO BA GANG ,MAR TSUD GCIG, JA ZHIB MA GANG GNANG, YANG LHO BRAG PA GSHID STON KHA 'DAR BYA BA LA DGE BSHES KYI ZHAL NAS ,KHA 'DAR BA LA 'UR SONGS ,MA LA GNYID MED NAS ZLA BA KHYUR PO GNYIS SONG NA GSUNG, DER YUL DU PHYIN PAS MA RGAN SHED, KHYOD MED PAS SNYING MA DGA' NAS GNYID MED NAS ZLA BA KHYUR PO GNYIS LON ZER TE TIG GIS DGONGS, YANG DGE BSHES DGYER GYIS SNE'U ZUR PA'I SPYAN SNGAR BYON, DE NA 'PHYING PA DRAS NAS STAN CHUNG GCIG GI BZO MDZAD KYIN GDA', DER KHONG GI THUGS DGONGS LA ,DGE BSHES 'DI THUGS RGYUD RANG JI TZAM PA YIN NAM, MNGON SHES MNGA' 'AM MI MNGA' SNYAM PA CIG BYUNG TZA NA ,'GRAM PA LA THAL LCAG CIG RGYAB NAS, AA NA CI GDA' LO GSUNGS ,BDAG NYID CHEN BO 'DIS RANG DANG GZHAN GYI TSE RABS SNGA PHYI MANG BO MKHYEN PA NI, DGE BSHES SNE'U ZUR BA NYID KYI ZHAL NAS, NGA SKYE BA SNGA MA MI DBUL BO ZHIG

LAS TSE 'PHOS PA YIN, SKYE BA PHYI MA DGA' LDAN DU SMON LAM 'DEBS GSUNGS, BDAG NYID CHEN PO 'DI LA TING NGE 'DZIN BRTAN PO'I MTHUS RDZU 'PHRUL DANG MNGON SHES KYANG MNGA' STE, LAN CIG TZA NA NYE GNAS ZHANG BTZUN BYA GAS NA BZA' KHUR NAS PHU CHUNG PA'I 'BUM PA'I RTZA NAS PHAR DPON G-YOG GNYIS KYIS BYON, 'BUM PA'I ZUR DU SLEB TZA NA STON PA SH'AKA TSUL GYIS PHYAG BYAS, PHYAG GTOD MDZAD PA'I BAR DER ZHANG BTZUN GYIS NA BZA' RNAMS THANG LA BZHAG NAS STON PA SH'AKA TSUL LA PHYAG BYAS, NA BZA' KHUR NAS 'BUM CHUNG ZUR DU 'ONGS TZA NA JI LTAR BYAS CHA MED PAR GZIM KHANG NA PHAR YUD BZHUD PA CIG BYUNG ZHES GRAG GO, YANG NUB GCIG CHAR CHEN PO BYUNG BAS GZIM KHANG GI WA RTZA SHOR NAS CHU NAR GYIS BYUNG BAS, NYE GNAS KYIS JI LTAR MDZAD DAM SNYAM NAS BRDZUS BSDAD PAS, GZIM MAL NAS KOG GIS BZHENGS NAS SA SKAS LA THEGS PA BZHIN RTZEN GYIS GSHEGS TE WA KHA DER CAG CAG CIG MDZAD NAS YANG SA SKAS LA 'BYON PA BZHIN BYON PA NYE GNAS KYIS DNGOS SU MTHONG, YANG GROG CES BYA BA'I YUL NA SHA 'DZUL SMON NE BYA BA DAD GUS SHIN TU CHE BA YOD PA TSE'I DUS BYAS PAS NANGS GCIG ZHAL NAS, NYE GNAS LA 'U CAG GI YANG GROG GI YON BDAG DE SHI BA 'DRA GSUNG, JI TZUG GDA' ZHUS PAS, DA NANG YON BDAG DE GOS GSAR PA CIG GYON, ME TOG TSAN ZHIG THOGS NAS NGA'I DRUNG DU BYUNG GSUNGS TE, DE'I DUS KHO NAR TSE'I DUS BYAS PA JI LTA BA BZHIN MKHYEN PAR GDA', YANG

, ,BYA YUL BA CHEN POS SPYAN SNGA GSHEGS PA'I SKU SKAL ZHIG DANG NA BZA' ZHIG SKYEL DU BYON, DER GSUNG GLENG 'DRA MDZAD DE, SNE'U ZUR PA'I ZHAL NAS DUS TSOD 'DI KHON LA 'DAS TE 'ONG ,TSES GRANGS 'DI'I NYI MA'I DUS TSOD 'DI TZAM LA SHAR PHYOGS NAS 'OD ZER ZHIG BYUNG NAS 'JAM DPAL SKU MDOG DMAR SER ZHIG NAM MKHA' LA GSHEGS PA'I SNANG BA CIG BYUNG, PHYIS 'DI LTAR BRTZIS TZA NA DUS TSOD DANG TSES GRANGS KYANG TIG GE PAR 'DUG PA LA ;RTOG PA CIG GIS BSGRIBS NAS CHOS ZHU RGYU 'DRA YOD PA MA ZHUS GSUNGS NAS 'GYOD PA MDZAD DO, ,DGE BSHES SNE'U ZUR PA DE GTZO BOR DGE BSHES DGON PA PA LA BRTEN ZHING SKU MCHED GSUM LA'ANG BRTEN LA, DGE BSHES SPYAN SNGA BA LA MI G-YO BA'I SGRUB SGOR ZHUS, DGE BSHES DGON PA BA DANG SPYAN SNGA BA GNYIS KAS GNANG BA'I JO BO MI G-YO BA'I BSNYEN PA MANG DU MDZAD PAS ZHAL GZIGS DGE BSHES SGRE BA DE SPYAN SNGA'I SLOB MAR GDA' NA, JO BO MI G-YO BA'I YI GE BCU BA KHO NA BGRANGS BAS MI G-YO BA DMAR PO ZHAL GZIGS, KA MA BA LA DRIS PAS CHA MED BZLAS PA 'DRA BA GYIS DANG GSUNG, DGE BSHES KYI SPYAN SNGAR BYON PAS, 'O SKYES BU DAD PAS GO BCAD NAS 'DUG GI GSUNG, 'O NA DMAR POR 'ONG BA JI LTAR LAGS ZHUS PAS KHYOD THUGS RJE CHE BA'I RTAGS YIN GSUNG, 'O NA DE'I SNGON DU JO MO'I SNANG BA CIG KYANG GDA' NA ZHUS PAS, YI DAM GYI LHA GANG GI ZHAL MTHONG YANG LAS KYI LHA MO YIN PAS SNGON LA JO MO'I ZHAL MTHONG BA CHOS NYID YIN GSUNG, DER DGE BSHES SGRE

BAS DGE BA'I BSHES GNYEN LA YANG DE LTA BU'I YON TAN MNGA' 'AM ZHUS PAS NGA LA BSTAN PA'I SGOR ZHUGS MA THAG NAS DE 'DRA'I SNANG BA MANG DU BYUNG GSUNG ,DGON PA BA'I GDAMS PA LA BRTEN NAS DAM TSIG GSUM BKOD BA'I RGYAL PO'I SGOM ZLAS MDZAD PAS KYANG SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS SO, ,DGE BSHES SNE'U ZUR PA RANG NYID SMIN PAR MA ZAD GDUL BYA GZHAN GYI RGYUD BYIN GYIS RLOBS PA LA'ANG MNGA' BRNYES PA ZHIG STE, DGE BSHES SNE'U ZUR BA'I DRUNG NA 'DUG PA KUN KYANG LAS DANG NYON MONGS PA 'GO NON PA DANG, YON TAN RIN PO CHE RNAMS ME LONG GI NGOS LA SHAR BA BZHIN GSAL PA CHOS NYID YIN, DBYAR GCIG CHAR CHES PAS GZIM CHUNG GI RTZIG PA'I ZUR DE ZHIG, DER ZHANG BTZUN DGE 'DUN GYIS G-YOG BYAS NAS 'DAG PA DANG RDO BTANG, DGE BSHES KYI THUGS DAM 'PHRENG BA DE DBU LA BSKOR NAS RTZIG PA MDZAD PA'I TSE DE MA TSAR GYI RING LA ZHANG BTZUN GYIS KYANG MI PHYUGS MANG PO'I SEMS SHES PA BYUNG ZHES ZER, DGE BSHES SNE'U ZUR PAS SKAL PA DANG LDAN PA GZHAN MANG PO LA LAM RIM GYI KHRID RGYA CHER STZAL TE, DGE BA'I BSHES GNYEN DGON PA BA DE RANG LA BLO GTAD PA'I SLOB MA RNAMS LA DBYAR DUS LAM RIM TSAR RE DANG DGUN DUS LAM RIM TSAR RE GNANG BA, DGE BSHES SNE'U ZUR BA'ANG DGON PA BA'I RNAM THAR RJES SU BSKYANGS TE LAM GYI RIM PA DE DBYAR TSAR RE DGUN TSAR RE GSUNG ,SKAL BA DANG LDAN

, ,PA MANG PO LAM GYI RIM PA LA KHRID PAS BSKYANG BTUB BAR BYUNG GSUNG, LAM RIM GYI KHRID RGYAS PAR GSUNGS PA LA SLOB MAS ZIN BRIS SU BYAS PA'ANG MANG DU YOD, DE LA BRTEN NAS BOD 'DIR SNE'U ZUR PA'I LUGS KYI LAM GYI RIM PA SHIN TU DAR BAR BYUNG NGO, ,DE LTAR BSTAN PA LA BYA BA RGYA CHEN PO MDZAD PAS SLOB MA MTHA' YAS PA BYUNG ZHING, PO TO BA GSHEGS NAS GRVA PA MANG PO SNE'U ZUR DU LHAGS, SMYUG RUM PA 'DA' PA'I DUS SU, NGA LA BLA MAR 'DZIN PA RNAMS SPRAS THONG PA NA DGON PA BA'I SLOB MA MI G-YO BA'I BSKYED RIM LA BRTAN PA THOB PA CIG YOD PAS DER SONGS GSUNGS NAS KHONG GI GRVA PA MANG PO ZHIG KYANG BYON, KHAMS PA LUNG PA GSHEGS RJES JA RDZA TSUN CHAD KHUR NAS BYUNG BAS GRVA PA DE YANG 'UR GYIS SONG, TSA RONG GI JO STAN NAG PO LA SOGS PA'I 'DUL BA 'DZIN PA CHEN PO MANG POS KYANG ZHABS LA GTUGS, GZHAN YANG DGE BA'I BSHES GNYEN RIN CHEN SGANG PA, LHA 'BRI SGANG PA, 'DUL 'DZIN THAG MA BA SOGS BSTAN PA YONGS RDZOGS 'DZIN PA'I DGE BA'I BSHES GNYEN YANG MANG DU BYUNG NGO, ,TSOGS PA YANG MANG DUS SU NYIS STONG LHAG TZAM 'DUS, PHU CHUNG BA'I RTEN 'BREL DE YANG MKHAS BA'I TSAD CIG MKHYEN, BSLAB PHYOGS DANG PHA ROL TU PHYIN PA DE YANG MKHAS PA'I TSAD CIG MKHYEN, LAN CIG BRGYAD STONG 'GREL CHEN ZHIG GSUNGS PAS SKABS DANG PO GCIG PU LA ZLA BA GSUM

SONG GSUNGS SO, ,BDAG NYID CHEN PO 'DI SPRUL PA'I SKUR YANG GRAGS TE, DE DUS PHAN YUL DU NAD YAMS CHEN PO BYUNG BAS MI MANG PO'ANG SHI, DE NAS MI MA YIN RNAMS SNE'U ZUR DU 'GRO BAR BRTZAMS PA NA NAM MKHA' LAS, DE NI BYANG CHUB SEMS DPA' KUN TU BZANG PO'I SPRUL PA YIN NO BYA BA'I SGRA BYUNG BAS MI MA YIN RNAMS PHYIR LOG STE, BYANG CHUB SEMS DPA' KUN TU BZANG PO'I SPRUL PAR YANG GRAGS SO, ,DE LTAR DGE BA'I BSHES GNYEN SNE'U ZUR PAS BSTAN PA'I BYA BA RGYA CHEN PO MDZAD NAS SKU DNGOS KYI GDUL BYA RNAMS PHAL CHER RDZOGS TE ZHING GSHEGS PA LA NYE BA NA CHOS SHIG GNANG BA'I DUS SU BYANG SHAR MTSAMS DER BRAG BRDABS PA 'DRA PA'I SGRA CHEN PO DANG, 'OD DANG SA G-YO BA LA SOGS PA'ANG BYUNG, DE NAS SKU KHAMS CUNG ZAD LTEM PA CIG BYUNG BA LA NYE GNAS DPON RDOG CHUNG BA BYA BA SNE'U ZUR BA JI SKAD GSUNG BA BZHIN SGRUB PA CIG YOD PA DES LHA RJE YE 'BYUNG BYA BA'I SMAN PA CIG BOS NAS SPYONG CHUNG CIG BYAS PAS 'PHRO MA CHOD NAS SKU SHED DE ZHAN TZAM BYUNG, NAM MKHA' LAS BDUD RIGS KYI YE DVAGS MING 'DI ZHES BYA BAS DGE BSHES KYI THUGS DAM LA PAR CHAD BYED PA 'DUG PAS BZLAS PA GYIS BYA BA'I SGRA SPYAN SNGAR BZHUGS PA RNAMS KYIS KYANG TSOR BAR BYUNG GAS, KHYED RNAMS KYIS SNGAGS RING DE LA MING SPEL CHUG LA BZLAS PA GYIS GSUNG BAS DGE 'DUN RNAMS KYIS BZLAS BA BYAS, DE NAS ZHAG BDUN SONG BA NA SMAN PA GCIG DANG TSUL KHRIMS 'OD ZER

, ,GNYIS ZHABS DRUNG NA YOD DUS SKYIL KRUNG LAM GYI MDZAD NAS THUGS DAM DU LHAN GYIS SONG, KHONG GNYIS KYIS BLTAS PAS ZHAL KO PHYANG GIS SONG BYUNG TZA NA SPYI BO NAS YAR LA 'OD 'JAG MA TZAM ZHIG DKAR NAR GYIS SONG, PHYIN YOD PA KUN GYIS SBA LCAG TZAM DKAR NAR NAR MTHONG, DE JE CHE LA SONG NAS NAM MKHA' LA 'OD RDZA MA TZAM ZHIG TU SONG BA ZHIG BYUNG NGO, ,DE LTAR DGE BA'I BSHES GNYEN SNE'U ZUR PA DE DGUNG LO BDUN CU RTZA BDUN PA SA PHO RTA'I LO LA ZHING GSHEGS TE DGA' LDAN CHOS KYI PHO BRANG DU PHEBS SO, ,SLOB MA RNAMS KYIS SPUR GANG DU SBYONG SNYAM PA LA SPUR LA 'JA' GCIG ZUG PA'I SNE MO SHOD DE NA ZHING GCIG YOD PA'I STENG DU ZUG , DER 'OD G-YUL THANG TZAM ZHIG ZHAG GNYIS GSUM DU BYUNG BAS, DGE BSHES NYID KYIS BSTAN PA YIN TE 'ONG SNYAM NAS DER SPUR SBYANGS PA'I DUS NYI MA'I DKYIL 'KHOR GYI DBUS NAS 'OD ZER CIG SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA GDUGS KYI YU BA 'DRA BA CIG BYUNG, NYI MA DE LA SPRIN SRIB SE BA CIG BYUNG BAS 'JA' TSON GDUGS 'DRA BAS BSKOR BA'ANG BYUNG, SPUR KHANG GI KHRI'I ZUR BZHI LA 'JA' TSON 'PHYAR DAR 'DRA BA BZHI DANG, GZHAN YANG 'JA' TSON 'PHAN 'DRA BA DANG RGYAL MTSAN 'DRA BA MANG PO'ANG BYUNG, DE'I DUS SU LTA BKA' GDAMS PA DE ZHABS TOG KYANG CHE, MI YANG CHA BAS MANG BSKOL ZHIG BYAS NAS 'DI LA RTEN KHYAD PAR CAN BYON 'ONG BAS, DE BYON NA

'AM BU LA THUGS LA 'DOGS PAR ZHU ZER NAS SPYI ZHUS BYAS, GDUNG RNAMS GDAN DRANGS PA'I DUS SU DGON PA BAS PHYAG G-YAS PA BZHAG PA'I RJES KYI DBU THOD DE LHA BKA' GDAMS PA LA PHUL BAS DNGUL GYI GDUNG RTEN ZHIG BZHENGS, PHYIS 'BRI SGANG NAS GDAN DRANGS TE DON STENG GI GDUNG RTEN CHEN MO'I NANG NA BZHUGS, PHYAG MNYAL SMAD GSER PHYE 'BUM PA'I NANG NA BZHUGS PAR GRAGS, ZHAL KO RIN CHEN SGANG GI MCHOD RTEN NANG NA BZHUGS, GZHAN YANG RING BSREL DPAG TU MED LA BYON NO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN SNE'U ZUR PA LA GSOL BA 'DEBS SHING GSOL BA BTAB NA SEMS RGYUD LAS SU RUNG BA DANG, DBEN PAR SGRUB TSUGS ZIN PA DANG, SGRUB PA BYED PA LA MA MI YIN GYI BAR CHAD MI 'BYUNG BA DANG, LHAG PAR KLU NAD ZHI BA LA SHIN TU BSNGAGS SO, , GTZO BOR NI BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA SPYIR SKYE BO MANG PO DANG BSRE BSLAD MI BYA BA DANG, LHAG PAR GRONG KHROD DU RGYU BA SPANGS TE DBEN PA'I GNAS SU LAM GYI RIM PA'I NYAMS LEN MTHAR PHYIN PA ZHIG BYA'O,, ` ,,'DUL BA'I SDE SNOD KUN 'DZIN THAG MA BA, ,ZHES BSNGAGS PA DGE BSHES SNE'U ZUR PA'I THUGS SRAS 'DUL 'DZIN CHEN PO THAG MA BA NI, SKU GZHON NU'I DUS NAS

, ,SPYIR 'KHOR BA'I CHOS THAMS CAD LA ZHEN PA LOG CING, KHYAD PAR KHYIM GYI GNAS NI NYON MONGS PA DANG NYES PAR SPYOD PA MANG PO'I 'BYUNG GNAS SU MTHONG NAS KHYIM NAS KHYIM MED PAR RAB TU BYUNG, SPYIR SDE SNOD GSUM GA LA SBYANGS SHING, KHYAD PAR 'DUL 'DZIN CHEN PO SHA MI SMON LAM TSUL KHRIMS TSUL BZHIN DU BSTEN TE 'DUL BA LUNG SDE BZHI'I TSIG DON MTHA' DAG LA MKHAS PAR BSLABS, 'DUL BA NAS JI LTAR GSUNGS PA'I BCAS MTSAMS PHRA RAGS THAMS CAD PHYAG LEN LA BTAB STE TSUL BZHIN DU BSRUNG BAR MDZAD PAS 'DUL 'DZIN CHEN POR GRAGS, DGE BA'I BSHES GNYEN SNE'U ZUR PA'I ZHABS DRUNG DU BYON NAS SNE'U ZUR PA BSAM SPYOR GNYIS KYIS TSUL BZHIN DU BSTEN TE DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID YONGS SU RDZOGS PAR GSAN TI NYAMS SU BLANGS NAS MYONG PA THON PAR MDZAD, SKAL BA DANG LDAN PA GZHAN DAG LA'ANG RGYA CHER SPEL ZHING STOD LUNG THAG MA BZUNG NAS 'DUL BA'I BSHAD SROL RGYA CHER SPEL BAS RANG GI DBON RGYUNG THAG MA BA PHYI MA DPAL CHEN RDOR GZHON DANG 'DUL 'DZIN CHEN PO SBAL TI JO SRAS LA SOGS PA'I 'DUL 'DZIN MKHAS PA MANG DU BYUNG ZHING, KHYAD PAR SPRUL PA'I SKYES MCHOG SANGS RGYAS DPON GYIS KYANG 'DI'I ZHABS LA GTUGS TE 'DUL BA MKHAS PAR BSLABS NAS SKAL BA DANG LDAN PA BGRANG BA LAS 'DAS PA LA 'DUL BA RGYA CHER SPEL

BAS 'DUL BA'I BSHAD SROL GYI 'PHRIN LAS CHER BYUNG BAS RJE BDAG NYID CHEN POS KYANG, 'DUL BA'I SDE SNOD KUN 'DZIN THAG MA BA, ,ZHES BSNGAGS PA MDZAD DO, ,'DUL 'DZIN THAG MA BA 'DI'I MTSAN DNGOS NI KA BA DAR SENG ZHES BYA LA, 'DUL 'DZIN THAG MA BA NAS BRGYUD PA'I LAM RIM GYI KHRID KA NI LHO BRAG PHYOGS SU RGYA CHER 'PHEL TE, LHO BRAG MKHAN CHEN NAM MKHA' SENG GES 'DUL 'DZIN THAG MA BA'I ZHABS LA GTUGS TE DGON PA BA NAS BRGYUD PA'I LAM RIM GYI KHRID RDZOGS PAR GSAN, MKHAN CHEN NAM MKHA' SENG GES, MKHAN CHEN NAM MKHA' RGYAL PO LA GNANG, DES MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG STE, LHO BRAG MKHAN CHEN NAM MKHA' SENG GE'I RNAM THAR NI DA LTA NYID DU 'CHAD LA, MKHAN CHEN NAM MKHA' RGYAL PO NAS LHO BRAG GRUB CHEN GYI BAR BLA MA BZHI PA 'DI'I RNAM THAR NI 'OG TU DGE BSHES SPYAN SNGA BA NAS BRGYUD PA'I BKA' GDAMS GDAMS NGAG PA'I BLA MA RNAMS KYI RNAM THAR 'CHAD PA'I SKABS SU 'CHAD DO, ,'DUL 'DZIN THAG MA BA 'DI'I RNAM THAR RGYAS PA MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN THAG MA BA'I RNAM THAR DRAN PAR BYAS LA GSOL BA GDAB PA DANG, BYANG CHUB LAM RIM LA BLO SBYONG BA'I TSE 'DUL BA'I BCAS MTSAMS YAL BAR DOR NAS CHOS GZHAN ZHIG LA

, ,BLO SBYONG BA SKAD BYED PA RTZA BA MED PA'I YAL GA 'TSOL BA'I NGAL BA MI BYA BAR, BSTAN PA'I RTZA BA 'DUL BA'I BSLAB BYA LA NAN TAN DU BYAS NAS LAM GYI RTZA BA TSUGS PA ZHIG BYA'O,, ` ,, BRTZON PAS SGRUB PA LHUR LEN NAM SENG ZHABS, ,ZHES BSNGAGS PA, LHO BRAG MKHAN CHEN NAM MKHA' SENG GE NI, CHOS RGYAL KHRI SRONG SDE'U BTZAN GYI CHOS BLON SHUD PU DPAL GYI SENG GE'I RGYUD DU LHO BRAG TU SKU 'KHRUNGS, SNGAGS RNYING MA'I KHYIM BTZUN GYI RIGS BRGYUD YIN YANG SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS 'KHRUNGS TZAM NYID NAS CHOS 'BA' ZHIG SENG SHING SMRA SHES PA NAS BZUNG DAM PA'I CHOS 'DUL BA LA MOS SHING BKA' GDAMS LAM RIM LA MOS BRTZE GCIG BYED BA ZHIG BYUNG NAS DGUNG LO BCU GSUM PA LA DGRA BCOM BA SBRAL TI JO SRAS KYI ZHABS LA GTUGS NAS RAB TU BYUNG, 'DUL BA'I GSAN SBYONG MTHAR PHYIN PAR MDZAD, SNGON GYI LAS 'BREL BZANG POS 'DUL 'DZIN THAG MA BA DANG MJAL, GUS PA CHEN POS GSOL BA BTAB PA NA 'DUL 'DZIN THAG MA BAS TSE DANG LDAN PA'I TSUL KHRIMS 'OG THON PA 'ONG GI GSUNG, DE NAS 'DUL 'DZIN THAG MA BA CHEN PO BSAM SBYOR GNYIS KYIS CHU LA BZHIN DU BSTEN NAS RGYAL BA'I GSUNG RAB KUN GYI SNYING PO BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR GSAN NAS THUGS SU CHUNG PAR MDZAD, LAM THUN MONG

BA'I STENG DU THUN MONG MIN PA RDO RJE THEG PA LA SLOB PA'I PHYIR THAG MA BA CHEN POS MI G-YO BA DKAR PO LHAG PA'I LHAR ZUNGS GSUNGS NAS DE'I SGRUB THABS DANG MAN NGAG GNANG BA LTAR BSGRUBS PAS ZHAL GZIGS THUN MONG DANG THUN MONG MIN PA'I LAM GYI RIM PA LA BRTZON PA SHUGS DRAG LA RGYUN RING BA MDZAD PAS MYONG BA PHUL PHYIN THON, DON 'DI LA DGONGS NAS RJE THAMS CAD MKHYEN PAS, BRTZON PAS SGRUB PA LHUR LEN NAM SENG ZHABS, ,ZHES BSNGAGS SO, ,DE NAS MKHAN CHEN NAM MKHA' SENG GES DGE BA'I BSHES GNYEN DON STENG PA LA SGROL MA'I CHOS SKOR ZHUS, GZHAN YANG DAM TSIG GSUM BKOD, DZAM BHA LA, TSOGS BDAG RNAMS ZHUS TE BSGRUBS PAS LHA DE DANG DE'I ZHAL GZIGS, DE LTAR BRTZON PA CHEN POS SGRUB PA RGYUN RING DU MDZAD NAS RANG NYID MI NYAMS PA'I GDENG THOB PA NA RANG GI DBON SRAS MKHAN CHEN NAM MKHA' RGYAL PO SOGS SKAL BA DANG LDAN PA MTHA' YAS PA LA BYANG CHUB LAM GYI RIM PA'I KHRID RGYA CHER SPEL, LHO BRAG PHYOGS SU GZHI GSUM GYI PHYAG LEN SOGS 'DUL KHRIMS RNAM PAR DAG PA 'PHEL BAR MDZAD DE LHO PHRAG SGRO BA DGON PA SOGS KYI MKHAN PO MDZAD DE LHO PHYOGS SPYI DANG KHYAD PAR SHUD PHU PA'I RGYUD LA BKA' GDAMS BSTAN 'DZIN RIM PAR BYON PA THAMS CAD MKHAN CHEN 'DI'I BKA' DRIN LAS BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' SENG GE LA GSOL BA 'DEBS SHING DAM PA 'DI'I RNAM

, ,THAR LTAR 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,'BROM RIN PO CHE NAS DGE BA'I BSHES GNYEN PO TO BA LA BRGYUD PA'I BKA' GDAMS GZHUNG PA'I BLA MA RNAMS KYI RNAM THAR 'CHAD PA LA, RGYAL BA'I GDUNG 'TSO BA BSHES GNYEN PO TO BA, ,ZHES BSNGAGS PA, GANGS RI'I KHROD 'DIR RGYAL BA'I BSTAN PA SPEL BA'I SLAD DU BSAMS BZHIN DU BYON PA'I SPRUL PA'I SKYES MCHOG DKA' THUB KYI RI SUL DU DRANG SRONG GI SBYOD TSUL GYIS GNAS NAS BSTAN PA'I BDAG PO MDZAD PA DGE BA'I BSHES GNYEN PO TO BA NI, 'PHAN YUL SPRAS KYI BA'O THANG DU YAB SKU GSHEN SRING LA PHYUG STE SRING PO ZHES GRAGS PA DANG, YUM RIGS RNAM PAR DAG PA LE MO ZHES GRAGS PA GNYIS KYI SRAS SU ME MO YOS KYI LO LA SKU 'KHRUNGS, GDUNG GNYOS, BYIS PA'I DUS NYID NAS BYAMS SNYING RJE BYANG CHUB KYI SEMS RLABS CHEN PO RANG 'KHRUNGS SU BYUNG STE 'GRO BA GZHAN SDUG BSNGAL BA GZIGS NA GTING NAS MI DGA' ZHING 'DI'I SDUG BSNGAL 'DI THABS GANG GIS SEL BAR NUS SNYAM PA DANG, GZHAN BDE BA GZIGS NA THUGS DGA' ZHING 'DI'I BDE BA 'DI NAM YANG MI NYAMS PAR GONG 'PHEL DU SONG NA SNYAM PA 'BYUNG BA ZHIG YOD, SKYE BO GZHAN DAG GIS DBUS GTZANG GI CHU 'DI THAMS CAD KONG CHU RLAG BYA BA CIG TU 'GRO, DE NA BYA 'DAM SEL BYA BA YOD PAS CHU DES MI RO RTA TO THAMS CAD BSAL, BYA DE SHIN DE

PAS LA MKHAN MED PAS CHU 'KHYIL 'OD ZER BA GSAN PAS BYA DE SHIN TU GCES PAR 'DUG GO GSUNGS NAS BYA DE SHI DOGS NAS THUGS LAS MDZAD, RGYA LAM GYI 'GRON PO'I SAR BYON NAS 'GRON PO KUN KHYED CAG GI YUL DU LO LEGS PAR SHOG ,BYES SU DON 'GRUB PAR SHOG CIG CES SMON LAM 'DEBS, DGE BSHES PO TO BA NYID KYI ZHAL NAS, RANG GIS DRAN PA RNYED PA NAS PHA ROL PO RGYAL NA DGA', BDE NA DGA', SKYID NA DGA' BA LAS, RANG RGYAL BA SOGS BYUNG NA DGA' SNYAM PA'I RTOG PA 'ONG MA MYONG, MI GNYIS 'GROGS NAS 'GRO BA MTHONG NA YANG 'DI GNYIS MTHUN NA RUNG STE SNYAM DU DGONGS PA KHO NA 'ONG BA YIN GSUNG, DGE BSHES SHA RA BAS BSTOD PA MDZAD PA NA YANG, BRDA PHRAD TSUN CHAD BYIS PA'I DUS NYID NAS, ,GZHAN GYI BDE SDUG THUN MONG NYID DU GYUR, ,CES GSUNGS, YAB DE BON YIN PAS DGE BSHES PO TO PA CHEN POS KYANG BYIS PA'I DUS BON CHOG 'DRA YANG MDZAD PAS BON GYI CHO GA 'DI DKON MCHOG GSUM LAS PHYI ROL TU GYUR PA 'DI 'DRA CI RUNG ZHES THUGS MA MNYES PA'I BKA' YANG STZAL, DE TZA NA SGOM CHEN ZHIG SHI BA'I SBUR SBYANGS PAS 'JA' DANG 'OD LA SOGS PA BYUNG, DE YAB LA DRIS PAS SGOM CHEN ZHIG GRONGS PA YIN ZER BAS NGAS KYANG BSLABS NA SGOM CHEN ZHIG 'OD SNYAM PA BYUNG GSUNG, YAB LA BLA MCHONG SBA SGOM ZHES PA GANG ZAG KHYAD PAR CAN CIG YOD, DE LA BYIS PA'I DUS SU BSNYEN GNAS KYI SDOM PA BLANGS NAS SANG BSRUNG BA'I

, ,DE RING CHANG 'THUNGS PAS BAD KAN LA PHOG NAS SKYUGS, YAB KYIS KHAMS NGAN PAR 'DUG PAS DE RING MA SRUNGS, NYA STONG BRGYAD GSUM BYA BA YIN PAS SANG SRUNGS BYAS PAS, YAB CI DGA' DGA' ZER DUS NAM YIN PA NA SRUNG BA YIN, KHAMS BZANG NA BSRUNG LA, KHAMS NGAN NA MA BSRUNGS PAS GA NA 'ONG GSUNG, DE LA SBA SGOM MNYES NAS, GNYEN PO DANG LDAN PA CIG 'ONG BAR 'DUG RAB TU BYUNG LA CHOS SHIG BYED DU GZHUG DGOS ZHES PHA MA GNYIS LA YANG YANG BSKUL ZHING GZHON NU RANG NYID KYANG SNGON GOMS PA'I BAG CHAGS 'THUG PO'I MTHUS SPYIR 'KHOR BA'I GNAS THAMS CAD YID BRTAN MI RUNG BA SDUG BSNGAL GYI RANG BZHIN CAN DU RIG CING, KHYAD PAR KHYIM GYI GNAS NI NYON MONGS DANG NYES PAR SPYOD PA'I 'BYUNG GNAS SDUG BSNGAL GYI RTZA BA BRTZON RA LTA BUR GZIGS NAS RAB TU 'BYUNG BAR 'DOD PA'I 'DUN PA DRAG POS BSKUL ZHING PHA MA GNYIS KYIS KYANG GNANG STE YER PA BA RNGOG BYANG CHUB 'BYUNG GNAS KYIS MKHAN PO, GLAN TSUL BYANG LA SLOB DPON ZHUS NAS RAB TU BYUNG MTSAN RIN CHEN GSAL ZHES BYA BAR GSOL, SLOB DPON SBA SGOM LA SGOM ZHIG BSLABS PAR ZHU BYAS PAS KHONG GI GSUNG NAS, KHYOD SGOM GSHA' MAR BYED NA CHOS AEN CIG NYAN DGOS, DE LTA MIN NA SGOM CHEN GYI SGOM MCHAN KHUNG BAS PHU THAG THUNG STE 'GRO BA YIN GSUNGS PAS THOG MAR BKA' GDAMS KYI CHOS SPYOD RNAMS BSLABS, KHAS BLANGS PA'I

BSLAB KHRIMS DAG PAR BSRUNG BA GZHIR BZHAG NAS KHU STON LA SOGS PA MKHAS PA MANG PO LA BRTEN TE SDE SNOD GSUM LA SBYANGS NAS MKHAS PA'I PHUL DU PHYIN PAR MDZAD, BDAG NYID CHEN PO 'DI GZHON NU'I DUS SU JO BO RJE YANG BZHUGS PAS JO BO LA YER PAR DGE BSHES STON PA BYANG DU GSER 'TSOL DU BZHUD PA'I SHUL DU NAG TSOS LO TZ'A BYAS NAS SGOM RIM BAR PA GCIG GSAN PA LA SKAD NI MA SHES, BAN GSAR DU SONG BAS BRDA GZHAN MED PAndI TA LA BZLA RGYU MANG PO 'ONG BAR 'DUG PA LA LO TZ'A BA LA CUNG ZAD LAS MI 'ONG BAR SNANG GSUNG, BRAG RGYAB PA'I BZA' MI YIN PAS PHYUGS SA NA BRAG KA JO BTZUN BYA BA DANG LHAN DU BZHUGS PA NA JO BTZUN GNYID LOG KHONG GIS MNGON RTOGS ZHAL 'DON MDZAD PA LA JO BTZUN NA RE THON CIG GRVA PA MANG PO BYUNG NGO ZER, GNYID SAD NAS GLENG BAS KHYED KHA TON BYED PA LA MI MA YIN DPAG TU MED PA 'DUS NAS CHOS NYAN PA RMOS ZER, SHA RA BA'I ZHAL NAS, MI MA YIN LA'ANG MNGON SHES YOD PA YIN GSUNG, BRAG RGYAB TU GNYER CIG MDZAD PA LOG SHIN TU CHOD PA CIG MDZAD DE, MDO MANG GCIG GI PHYAG LAN KYANG MDZAD, DE'I BAR LA DGE 'DUN SPYI BAS LHAG PA ZHO BA SHAL GCIG LAS 'THUNG MA MYONG GSUNG, BRAG RGYAB PA'I DBON RA ZHAG SH'AKYA RIN CHEN NA RE, RA BA ZLUM PO LA SOGS PA'I GNYER BYED DGOS ZER BA LA SKYO SHAS CHEN PO MNGA' BAS MI BYED GSUNGS NAS DON MED PA'I BYA BA THAMS CAD SPANGS TE RAB TU BYUNG BA'I BYA BA'I GTZO BO

, ,KLOG PA THOS BSAM DANG, SPONG BA BSAM GTAN LA KHOR YUG TU BRTZON BAR MDZAD, DE NAS DBEN BA'I GNAS ZHIG TU RTZE GCIG TU SGOM BAR BZHED NAS YAB KYI MCHOD GNAS RANG NYID KYIS BSNYEN GNAS KYI SDOM PA ZHUS PA'I SLOB DPON SBA SGOM LA GROS ZHUS PAS, SBA SGOM GYIS KHYOD SGRUB BA GSHA' MA ZHIG BYA 'DOD NA BYANG RA SGRENG NA JO BO RJE DPAL LDAN AA TI SHA'I MAN NGAG YONGS SU RDZOGS PAR MNGA' BA 'BROM STON PA ZHES BYA BA BZHUGS PAS, DE'I ZHABS DRUNG DU PHYIN NAS MAN NGAG RNAMS ZHUS NA LEGS ZHES BSKUL BA LTAR RANG NYID KYANG DAD GUS CHEN POS DE LTAR BYA BAR 'DOD NA RA SGRENG DU DGE BSHES STON PA'I SPYAN SNGAR PHYIN LA DBYAR DGUN GCIG TZAM BSDAD, GDAMS GNAG ZHUS NAS KHAMS SU PHYIN LA MING RUS TSUN CHAD SPOS LA SGOM ZHIG BYA SNYAM NAS CHAD STON DANG GNYIS 'GROGS NAS RGYAL GYI GLAN TSUL BYANG DGE TSUL GYI SLOB DPON YIN PAS PHYAG 'TSAL DU BYON, DE NAS RA SGRENG DU BYON PA LA BRAG RGYAB PA'I DPON GYIS KYANG DGE BSHES STON PA LA KHYED KYI SPYAN SNGAR NGA'I MI ZHIG THAL GYI, DE GZHAN DU MA GTONG ZHIG ZER BA'I 'PHRIN YIG SLEBS, DE NAS 'BROM RIN PO CHE BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM PA'I KHRID ZHUS PA NA 'BROM RIN PO CHES RANG GI SRAS KYI THU BO BSTAN PA'I BDAG POR 'GYUR BAR GZIGS NAS SPYAN GYI 'BRAS BU LTAR BSKYANGS SHING, LAM GYI RMI PA'I DBU BSHES GNYEN

BSTEN TSUL NAS THAR CHAGS SU GDAMS SHING DMIGS SKOR RE RE NAS BSHAD CHOS CAM DU MA LUS BAR RGYUD LA SKOR TE MYONG BA THON NGES SU 'KHRID PAR MDZAD PAS DGE BA'I BSHES GNYEN STON PA RIN PO CHE'I YON TAN DANG, JI LTAR GSUNGS PA'I LAM GYI GNAD RNAMS LA YID CHES KYI DAD PA BRTAN PO SKYES SHING KHYAD PAR DU SPYOD 'JUG GI, BDAG NI GROL BA DON GNYER LA, ,RNYED DANG BKUR STIS 'CHING MI DGOS, ,ZHES PA LA BRTEN PA'I MAN NGAG GSUNGS PA'I THAD KAR THUGS SNA 'GYUR TE TSE 'DI'I RTOG PA BSKYUR, DGE BA'I BSHES GNYEN 'BROM RIN PO CHE 'BRAL MED DU BSTEN PA YIN, NGA DANG POR 'ONG DUS NA THOG CIG MAN NGAG ZHUS NAS GNAS GZHAN ZHIG TU 'GRO BSAMS PA YIN TE, DANG NGA 'GRES SMAD TZAM DU SONG ZER YANG MI CHA GSUNG, DES NA MAN NGAG CHUNG DU 'GA' TZAM GYIS MI CHOG LA, DE YANG ZHUS NAS GZHAN DU PHYIN PAS MI CHOG PAR DGE BSHES MTSAN NYID DANG LDAN PA DANG MI 'BRAL BAR BSTEN DGOS PAR DGONGS NAS LO BDUN BSTEN PA LAS DGE BSHES STON PA'I THUGS KYANG ZIN, BA'O THANG 'DIR JI LTA BU'I MI CHEN PO ZHIG 'BYON PAR 'DUG GSUNGS, DGE BSHES RNAL 'BYOR PA DANG DGON PA BA YANG MA 'DAS BAR DU RA SGRENG DU BZHUGS NAS SGRUB PA RTZE GCIG TU MDZAD, BAR SKABS SHIG SPA SGOM DANG LHAN DU MDO SDE RGYAN GYI RTZA BA DGZIGS SHING BZHUGS, DER NUB GCIG SPANG LEB GCIG LA MDA' MANG PO RGYAB NAS BTON PAS

, ,MDE'U KHA YAR LUS PA RMIS, BYAS t'IKKA DANG SBYAR NAS GZIGS PAS MDE'U MA LUS PAR THON PA RMIS TE RJE BTZUN BYAMS PA'I DGONGS PA JI LTA BA BZHIN DU LONGS BA YIN GSUNGS, DE LTAR DGE BA'I BSHES GNYEN PO TO BAS 'BROM RIN PO CHE THOG MA MJAL BA NAS MTHAR NAM GSHEGS BAR DU SKAD CIG KYANG 'BRAL MA PHOD PAR BSAM SBYOR GNYIS KYIS TSUL BZHIN DU BSTEN, 'BROM RIN PO CHES KYANG SRAS KYI THU BOR BZUNG, LAN CIG 'BROM RIN PO CHE SKU BSNYUN PA ZHIG GI SKABS PO TO BA'I BANG DU DBU BZHAG NAS YOD BA'I TSE, PO TO BA'I THUGS DGONGS LA 'JIGS SAR SKYEL MAS BOR BA 'DRA BA ZHIG 'ONG BA 'DUG NA DA SU LA BRTEN SNYAM PA DANG SPYAN CHAB GONG BA'I RTZA NA MAR NYIL GYIS BYUNG BA DGE BSHES STON PAS MKHYEN NAS, NGAS KHYOD KYI BRTEN SA SU YANG MA MTHONG BAS NGA PHAN CHAD GSUM YAN CHAD LNGA MAN CHAD DPUNG GDANG CHOS, DGE BA'I BSHES GNYEN MDO SDE LA GYIS LA SEMS BZANG PO GYIS DANG KHYAD PAR CAN DANG PHRAD DE 'ONG GSUNGS BAS, MDUN NA JO BO LEGS YOD PAS SEMS BZANG PO GANG LA ZER ZHUS PAS, 'O NA BYANG CHUB KYI SEMS LA ZER BA YIN MOD CES LAN GNYIS BSTUD NAS GSUNGS PAS, DE SNGA NAS KYANG MA GO RGYU MED PA LA DES GSAL BTAB PA 'DRA BA ZHIG BYUNG NAS DE'I THABS LKOG TU MAN NGAG TU YANG GSUNGS, TSOGS SU LUNG DANG SBYAR NAS KYANG GSUNGS, BKA' BKYON TSUN CHAD KYIS KYANG DE'I THABS SU

GSUNG NAS YOD PAS LO GNYIS TZAM DU MYA NGAN YANG SANGS PA 'DRA ZHIG BYUNG BA LA, PHYIS SEMS BZANG PO LA KHONG RANG DGOS PAR SONG BAS MYA NGAN LA SANGS DUS MED GSUNG, MTHAR 'BROM RIN PO CHE MYA NGAN 'DA' KHAR DGE BSHES PO TO BAS 'BROM RIN PO CHE LA BLA MA MA BZHUGS NA SU LA BRTEN ZHUS BAS, BOD PHU THUNG TZAM 'DI NA KHYOD KYI DGE BSHES NGAS MA MTHONG GI DGE BSHES MDO SDE LA GYIS GSUNG, DGE BSHES STON PA MYA NGAN LAS 'DAS PA'I DUS SU MNAL LAM DU RTZE PHYING DKAR GYI STENG DU BYON NAS RAL GRI ZHIG LAG TU THOGS TE DUNG ZHIG BUS BAS 'DZAM BU'I GLING THAMS CAD DU THOS SAM SEMS PA CIG RMIS, MNAL SAD PA DANG RAL GRI THOGS PA RMIS PA NI SHES RAB JE CHE JE CHER 'GRO, DUNG BUS PA RMIS PAS CHOS NI 'GA' RE TZAM 'CHAD PA CIG 'ONG GSUNG, DE'I ZANG ZING GI BGO SKAL NI CI YANG MED; THUGS DAM DU DGE BSHES STON PA'I RAG SHA'I PHRENG BA NYI SHU RTZA GCIG DANG, PHYAG 'KHAR GNYAL DU SPYAN DRANGS BA DE GNYIS YOD GSUNG, DGON PA BA 'DAS NAS RA SGRENG BSKYANG BAR DGONGS TE, DBYAR DE SKYO BSANGS LA BSLAB BTUS SHIG GSUNGS PA LA GZHAN GYI SHES PA SGYUR NUS PA LTA BU ZHIG BYUNG BA LA, DER DPON CHOS KYI RGYAL PO LA YANG MA BTUB, RMI LAM NA KHONG RANG GIS THONG MKHAN MDZAD DE, ZHING RA DE RMOS PAS 'OG THAMS CAD RDZA RONG DU SONG NAS RMOR MA BTUB PA CIG RMIS PAS, ZHING SBYANG DU MA BTUB PA YIN GSUNG NAS RA SGRENG GI CHAS DNGOS GANG YOD BSKYUR TE GCIG PUR GSHEGS, DE NAS DGE BSHES PO TO

, ,BA DANG PHU CHUNG BA DANG, SPYAN SNGA BA STE SKU MCHED GSUM GA YANG TSE 'DI LA SHA GZUG RANG BZA' BAR CHAD NAS, RA SGRENG CHOS KYI MU GES THEBS YOD, DE TZA NA YON BSHAD PHU CHUNG BAS MDZAD PA LA NYIN GCIG PO TO BA MDZAD DU BCUG PAS, GZHAN GYI SHES PA SGYUR NUS PA 'DRA BA CIG BYUNG BAS PHU CHUNG BA'I ZHAL NAS, 'U CI'I JO BOS CHOS GAD MED G-YANG MED DGONGS TE GDA', JO BO CHEN PO'I GSUNG BZHAG NAS NGAS YON BSHAD BYAS GSUNGS NAS MDZAD MA NYAN, DE PHYIN PO TO BAS MDZAD, RA SGRENG NAS BYON TE SKU MCHED LHAN CIG TU KLUNGS SHOD NA 'GOR BSGOMS, DE NAS SPYAN SNGAS PHYOR PHUR SKU MTSAMS MDZAD NAS BZHUGS, GNYIS POS 'PHAN YUL STOD DANG RGYAL NGOS SU BSOD SNYOMS MDZAD CING BZHUGS, LA MOR SGYE ZER BA DER YANG BZHUGS, DE LTAR RANG RGYUD SMIN NAS GZHAN DON GYI TSOGS BSDUS PA'I DANG PO SGRO LAG DGON PA YIN PAR GSAL TE, DGE BSHES NGOL PAS SGRO LAG TU MJAL TZA NA TSOGS NAS LO NGO GSUM SONG ZHING, GRVA PA SUM CU TZAM 'DUG GSUNG, DE NAS KHRAB 'DZAB KHUNG MIG TU DBYAR GNYIS BZHUGS NAS LAM SGRON DANG, YON TAN MTHA' YAS PAR BSTOD PA DANG, BSHES PA'I SPRINGS YIG GSUNGS PAS GRVA PA BRGYA TZAM 'DUS, DGUN RGYAL GYI GANGS RGYAL MOR BSLAB BTUS GSUNGS, GRVA PA SUM BRGYA TZAM 'DUS, DE NAS KAM YUNG BA'I GRVA BA MANG PO BYUNG, BZLOG KYANG NYAN DU MA 'DOD NAS DPYAR GCIG CHOS MA GSUNGS BAR SKU MCHED GNYIS LA MO SDING BO CHER BZHUGS, DE'I DBYAR TSUL 'JUG

YANG DAG PA CIG BYAS TE DGE BSHES PO TO BA'I ZHAL NAS, NGA LA DE'I DBYAR THA MAL GYI RTOG PA SKAD CIG KYANG MA SKYES GSUNG, PHU CHUNG BA'I ZHAL NAS, NGAS RTEN 'BREL 'BA' ZHIG BSGOMS PAS RTEN 'BREL RANG DU SONG GSUNG, DE NAS DAR YUL KO RU NA BZHUGS PA'I TSE PO TO BA CHEN PO'I YAB DGE BSHES KYI SPYAN SNGAR BYUNG STE PHYAG BTZAL NAS, PHYI MA LA THUGS LA GDAGS PAR ZHU, GOS DUG 'DI KUN DGE BSNYEN GYIS BGOR BTUB BAM, GLANG GCIG YOD PA GRVA BA'I KHAL GYIS ZER NAS BZHUD, DGE BSHES PO TO BA'I ZHAL NAS, AA NA PHA RGAN DE LTOS DANG GSUNGS NAS BLTAS PAS MAL NA 'DAS NAS 'DUG, DE NAS DGUNG LO DRUG CU RTZA GCIG PA LA SPRAS KYI PO TO DGON PA NA BZHUGS PA'I DUS SU 'PHAN YUL STOD DU SDE RTZOD CHEN PO ZHIG BYUNG BAS SA PHUG PA'I JO BO MANG PO DANG, RGYAL NAS BROS PA MANG DU BYUNG, DE THAMS CAD LA DGUN 'DI JI LTAR BTUB BTUB GYIS SHIG DBYAR NAS SBRAS SU BSDAD KYI GSUNG, DE NAS DPYID LUNG STONGS MA ZIN PAR DOG NAS SDUD MO BTAB PAS, DPER NA SENG GE RI SUL BRTEN NAS 'JIGS MED PAR, ZHES PA DE LAN GSUM GYI BAR DU BYUNG NAS, DBYAR STAG LUNG THANG DU BZHUGS GRVA PA DRUG BRGYA TZAM 'TSOGS, PHYIS STAG LUNG DU CHOS NYAN PA DGE 'DUN RNAMS LA GSER ZHO PHYED PHYED GNANG BAS GSER SRANG BRGYAD CU TZAM SONG, GRVA BA STONG DANG SUM BRGYA TZAM BZHUGS PAR GSAL, GZHU MKHAN BRAG DANG DBYAR SA DGUN SA MDZAD DE GNYIS KAR BZHUGS, DE NAS DGE BSHES SBRAGS

, ,PA ZHES GRAGS PA BYUNG, DE NAS KYANG NA 'GOR BZHUGS PAR GSAL TE, SHAR BA'I ZHAL NAS, SNGAR NA 'GON BZHUGS PA NA DE RING MNGON PAR BYANG CHUB PA'I DUS YIN GSUNGS TE MDZAD RGYU CANG MED, PHYIS DUS DER MCHOD PA CHE BA RE MDZAD DE KHO BO SNGA MA DE LA SMON GSUNG, NA 'OG NA BZHUGS DUS SA DE GNYAN PAS SPYI LA PO BRTZIGS PA DANG RKO RLOG SOGS BYAS PAS GRVA PA RNAMS KYI RMI LAM DU SDIG SPRUL DANG SPAL LJONG SOGS RMIS PA LA DGE BSHES PO TO BA'I ZHAL NAS, KHYED SKRAG MI DGOS NGA'I RGYAB 'DI NA NUB PHYOGS KYI RGYAL BO SPYAN MI BZANG LUS DANG GRIB MA BZHIN DU RTAG TU YOD KYI GSUNGS, BAR CHAD KYIS MI TSUGS PA'I RGYU YANG BYANG CHUB SEMS DPA' NYAN THOS KYI CHA LUGS KYIS SEMS CAN GYI DON MDZAD PA'I GNAS BRTAN BCU DRUG GI GCIG YIN GSUNG, RAM SDINGS MA BA LA KHYED MA 'JEM NAS YID CHAD MI DGOS NGA GNAS BRTAN BCU DRUG GI GCIG YIN PAS NGA DANG MJAL BA KHYOD BSOD NAMS MI CHUNG GSUNG, DE LA DGE BSHES PO TO BA CHEN PO DE GNAS BRTAN YAN LAG 'BYUNG GI SPRUL BAR GRAGS SHING GRAGS PA LTAR DU RANG NYID KYIS KYANG ZHAL GYIS BZHES, BKA' GDAMS GLEGS BAM LAS DGE BSHES PO TO BA 'DI NYID BSHES GNYEN 'BROM RIN PO CHE RGYAL PO DAD PA BRTAN POR SKU 'KHRUNGS BA'I TSE SRAS CHE BA SANGS RGYAS 'DZIN PO TO BA, DHARM'A 'DZIN PHU CHUNG BA, DGE 'DUN 'DZIN SPYAN SNGA BAR 'GYUR BAR LUNG BSTAN TE DAD PA BRTAN PA'I 'KHRUNGS RABS

LAS, SRAS SANGS RGYAS 'DZIN NI 'DI NAS LO NI MI MANG BAR RIN CHEN GSAL ZHES BYA BA RGYAL BA'I 'BYUNG GNAS KYI SRAS KYI THU BOR 'GYUR, DHARM'A 'DZIN GZHON NU RGYAL MTSAN ZHES BYA BA 'DI DENG SANG GI ZHUS LAN 'DI DAG GI BDAG PO DAM PA CIG TU 'GYUR, DGE 'DUN 'DZIN NI TSUL KHRIMS 'BAR ZHES BYA BA RGYAL BA'I 'BYUNG GNAS KYI GDAMS PA MANG PO NYAMS SU LEN CING SANGS RGYAS KYI BSTAN PA LA PHAN PA'I BSHES GNYEN DAM PA CIG TU 'GYUR RO ZHES GSUNGS, YANG GLEGS BAM DU SKU MCHED GSUM PO DE, RIGS GSUM MGON PO'I SPRUL PA YIN TE, BKA' GDAMS GLAGS BAM GYI LUNG BSTAN GYI LE'U NAS, 'DI NAS SPYAN RAS GZIGS DBANG DANG, ,'JAM PA'I DBYANGS DANG GSANG BA'I BDAG ,GZHAN YANG 'JAM DBYANGS NYID SPRUL PA, ,SPRUL PA'I KHYE'U GZUGS MDZES SO, ,RTZE LNGA'I RI LAS 'DIR LHAGS GDA', ,DANG PO GSUM NI NGA YI SRAS, ,PO TO BA DANG PHU CHUNG BA, ,SPYAN SNGA ZHES BYA SKU MCHED GSUM, ,ZHES GSUNGS, 'BROM RIN PO CHES, JO BO LA 'BUL CHEN MDZAD PA'I TSE, JO BO'I ZHAL NAS HU 'UM, KHYE'U DKAR PO 'DI LA DA LTA NGAS BOD 'DI NA BKOD PA DRUG CU RTZA LNGA MTHONG GSUNG BA 'DI PHU CHUNG BA, KHYE'U SER PO NA RE KHO BO LA BKOD PA DGU BCU MCHIS, PO TO BA, KHYE'U SNGON PO NA RE, KHO BO LA'ANG BYANG PHYOGS NA BRGYA DANG DRUG CU RTZA LNGA, 'DI NA DRUG GI GDUL BYA LAS MA MCHIS GSUNG BA SPYAN SNGA TSUL KHRIMS 'BAR YIN PAR GO, ZHES GSUNGS, YANG SNGON BAL YUL DU 'PHAGS PA SHING KUN

, ,LA NUB THUN DANG THO RANG GNYIS MIS SKOR BA BYED, GUNG THUN 'BYUNG BA BZHI GNYID LOG PA'I DUS SU MI MA YIN RNAMS SKOR BA BYED, DE'I DUS GRUB THOB MIN PAS BSKOR BA BYED NA BAR CHAD 'ONG, RNAL 'BYOR BA CIG GIS PHAG MO'I DNGOS GRUB BRNYES NAS MI MA YIN RNAMS KYI GSEB TU SKOR BA BYAS PAS, DE RNAMS GLU LEN GYI 'DUG PA'I NANG NA MAR, SNGON NAS SNGON GYI DUS TZA NA, ,THUGS DGONGS BLA NA MED PA DE, ,JO BO AA TI SHA LA BYUNG, , DA LTA MA RIG 'KHRUL PAR 'KHYAMS, ,AA TI SHA YI GDUNG GSOB PA, ,'PHAGS PA SKU MCHED GSUM PO DE, ,GCIG TZAM LHO BAL GYI MTSAMS NA YOD, ,'PHAGS PA 'JAM DPAL DANG GNYIS SU MED, ,GCIG TZAM BAL PO'I YUL NA YOD, ,'PHAGS PA WA TI DANG GNYIS SU MED, ,GCIG TZAM MANG YUL GYI GRONG NA YOD, ,'PHAGS PA DBU KHANG DANG GNYIS SU MED, ,ZER BA GSAN, RTEN DE RNAMS RIGS GSUM MGON PO DNGOS YIN PAS BKA' GDAMS SKU MCHED GSUM PO 'DI YANG RIGS GSUM MGON PO'I SPRUL PA YIN ZHES BKA' GDAMS CHOS 'BYUNG LAS BSHAD DO, ,NGAS DON DU SPRUL PA'I SKYES BU YIN PAR BSHAD MOD, THUN MONG BA GDUL BYA'I SNANG NGOR YANG MDZAD PA RNAM THAR BSAM GYIS MI KHYAB STE, DGE BSHES PO TO BA CHEN PO DE 'BROM RIN PO CHE KHO NA LA BRTEN NAS BYANG CHUB LAM GYI RIM PA'I 'GO BSHES GNYEN BSTEN TSUL NAS 'BRAS BU MI SLOB ZUNG 'JUG 'GRUB PA'I BAR DMIGS SKOR

RE RE NAS MYONG BA PHUL PHYIN BTON TE BSKYANGS PAS RTZOL MED KYI MYONG BA PHUL PHYIN 'KHRUNGS TE SKYES BU CHUNG 'BRING GI LAM LA SBYANGS PA'I 'BRAS BU TSE 'DI'I LUS LONGS SPYOD RNYED BKUR SNYAN GRAGS 'KHOR G-YOG GANG LA'ANG CHAGS PA SKAD CIG KYANG MI SKYE BAR RI DVAGS RNAMS MA BZHIN DU DBEN PA NAS DBEN PAR 'PHO BAR MDZAD, LAN CIG SBYIN BDAG CIG GIS G-YU GRU DMAR CHEN PO ZHIG PHUL BA NA PHYAG TU MA BZHES PAR MDUN DU ZHOG CIG PA'I BRDA MDZAD, BSNGO BA LEGS BAR MDZAD, SANG NYIN DGE BSHES DPON SLOB RNAMS PHYOGS GZHAN ZHIG TU PHEBS PA NA SBYIN BDAG DE YID MA CHES PAR BZHUGS SAR BLTAS PHYIN PAS G-YU DE MDANGS GANG BZHAGS DE KHA RANG NA 'DUG ZER, DGE BSHES PO TO BA DANG DE'I 'KHOR THAMS CAD KYANG ZANG ZING GI DNGOS PO GANG LA'ANG MI CHAGS PAR TSE BLOS BTANG SHA STAG TU BYUNG STE RNAM PAR THAR PA DE TZAM YANG BSTAN PA RIN PO CHE'I RGYAN DU CHE'O, ,DGE BSHES PO TO BA CHEN PO DE LA TSE BLOS BTANG GI GRVA PA RNAM GROL SGRUB PA SHA STAG STONG TZAM RE 'KHOR DU 'DUS SHING, DE THAMS CAD SDOM GSUM GYI BCAS MTSAMS DAG PA BSTAN PA YONGS RDZOGS KYI NYAMS LEN LA GCIG TU GZHOL BA, SGO GSUM GYI SPYOD PA THAMS CAD DGE BSHES PO TO BA NYID KYI RJES SU SLOB PA SHA STAG BYUNG BAS 'DZAM BU'I GLING GI SA'I CHA THAMS CAD DU SNYEN PA'I GRAGS PAS KHYAB STE RGYA GAR 'PHAGS PA'I YUL DU'ANG BOD NA RAB TU BYUNG BA STONG TZAM RNAM THAR GCIG LA 'GOD NUS PA'I SEMS

, ,DPA' CHEN PO ZHIG BZHUGS YOD 'DUG CES GRAGS PA BYUNG NGO, ,YANG LAN CIG DGE BSHES PO TO BA MKHAR THOG NA KHA BA 'CHAGS NAS DO NUB GZHON NU MA BDUN GYI RTOGS BRJOD NAS BSHAD PA DANG 'DRA BA CIG BYUNG BAS DGA' BA ZHIG BYUNG GSUNG, GZHON NU MA BDUN GYI RTOGS BRJOD LAS JI LTAR 'BYUNG BA NI, SKRA RNAMS BREGS PAR GYUR NAS NI, ,PHYAG DAR KHROD KYI GOS 'CHANG ZHING, ,DGON PA YUL DU 'DOD PAR NI, ,NAM ZHIG DE LTAR 'GYUR ZHIG GU ,ZHES GSUNGS PA LTAR RO, ,DGE BSHES PO TO BA'I MDZAD PA RNAM THAR BKA' GDAMS KYI BSHES GNYEN CHEN PO ZHIG GIS BSDUS PA NI 'DI LTAR, DGE BSHES PO TO BA DE SKYES THOB KYI LHAG BSAM CAN, GNAS BRTAN CHEN PO'I GRAGS PA CAN, BSTAN PA'I KHYAB GDAL CHE BA, SDE SNOD KYI DON SPYIR SHAR BA, GZHUNG GI BYED PA MKHAS PA, 'DUL BA'I PHYAG LEN MTHEMS PA, RAB TU BYUNG BA'I CHA THINGS PA, BSTAN PA'I BDAG PO ZHIG BYON PAS; DGUNG DUS DING SANG GI BAR DU KHAS BLANGS LA RTOG DPYOD BYED PA 'AM, SDOM BA'I RTZIS GZHI 'DING BA'AM, SDE SNOD LA BLO KHA PHYOGS PA 'AM, 'DOD PA LA SKYON DU LTA BA'AM, YON TAN LA NGOMS PA BAG TZAM ZHIG MCHIS BA 'DI DE'I 'ONG LA BRTEN PA ZHIG LAGS PAR GDA' GSUNGS, DGE BSHES PO TO BA DE SDE SNOD GSUM LA MKHYEN PA RGYAS SHING, DE THAMS CAD GDAMS NGAG TU SHAR BA ZHIG BYUNG STE, 'BROM RIN PO CHES BSTAN PA'I KHYAB GDAL

GSUNG TZA NA PO TO BA'I NGOS SU ZHAL BSTAN NAS GSUNG, PO TO BA CHEN PO DE GNAS BRTAN BCU DRUG GI YA BA GCIG YIN KYANG GSUNG, THUGS RAB SHIN TU CHE BAS MDUN DU PO TI CI BYUNG YANG SKYES BU GSUM GYIS KHOG BCINGS NAS PO TI LA ZIN BSHAD DU MDZAD, PO TO BA'I ZHAL NAS, RGYAL GYI ZHANG CHEN PO DANG, 'BROM RGAN PO DE MIN PA LHA 'DRE MI GSUM THAMS CAD RGYA SKAD KYIS BTZUN NAS BZHAG GSUNG, 'BROM BSTEN YUN THUNG STE KHYUR PO LO NGO MTHONG BDUN DU BSTEN, , 'BROM GSHEGS NAS KYANG RNAL 'BYOR BA DANG, DGON BA BAS SKU MCHED GSUM MIG GI 'BRAS BU LTAR BSKYANGS, DGON PA BA 'DAS NAS SKU MCHED GSUM GYIS PHA BONG THANG DU GROS MDZAD SKAD NA, 'U CAG TSE 'DI LA MI LA CHOS BSHAD MI BYA; BAN MO'I BSNYEN BKUR MI BZA', SDE PA DANG DGON PA BDAG TU MI BZUNG, SKYE BA PHYI MA BYAMS PA DANG, JO BO'I SPYAN SNGAR SMON LAM BTAB, GCIG LA GCIG BRTEN DU BYAS LA DGE SBYOR STABS CIG TU BYA'O ZHES GROS MDZAD DO,, DGE BSHES PO TO BA'I MDZAD SPYOD RAGS RIM RNAMS GLANG BYA RAB PAS SDOMS SU BKOD PA NI, GZHAN GYI DPON DANG G-YOG MI BYA, GZHAN SEMS MI DKRUG SEMS MI BZUNG, ,BSRE BSLAD MI BYA 'BREL MI BYA, ,LTOGS 'DZIN MI BYA 'DRIS MI BYA; ;GYONG DU BYA ZHING 'GROGS DKAR BYA, ,RTEN BZHENG BA DANG RTEN LA MCHOD, ,KLOG 'DON SBYIN GTONG BYA BA YANG, ,RGYA CHEN YONGS SU SPANG NAS NI, ,RANG GI ZAS GOS 'TSO BA YANG, ,NGAN DON TZAM GYIS CHO GA BYA ZHING, ,DBEN PA'I GNAS

, ,SU SONG NAS NI, ,SGRUB PA SNYING POR BLANG BAR BYA, ,ZHES GSUNGS SO, ,DGE BSHES PO TO BA'I RNAM THAR MDZES PA'I PADMO RTZA 'GREL LAS GSUNGS TSUL NI, SPANG BYA'I GNAS KYI DBANG DU BYAS NAS, RANG YUL GNAS GZHI DAG DANG GZHI DGON DANG, ,GRONG DANG 'DU 'DZI SPYOD YUL MA YIN LNGA, ,MI GTZANG 'CHAL PA DAM TSIG NYAMS PA'I GNAS, ,MI DANG MI MIN BAR CHAD GNAS KUN SPANGS, ,ZHES DANG, SPANG BAR BYA BA'I GROGS NI, 'CHAL PA DAM NYAMS 'DRES KHYER BUD MED DANG, ,LTA SPYOD MI MTHUN TSE 'DI DON DU GNYER, ,MI GZHI MA GRUB BLUN DANG 'DOD PA CHE, ,NYE 'BREL LA SOGS SDIG GROGS MTHA' DAG SPANG, ,ZHES SO, ,SPANG BYA'I ZAS NI, SHA CHANG SGOG BTZONG 'BAGS BTZOG MI GTZANG DANG; ;DKOR DANG GLUD DANG LAS KYIS 'TSO BA DANG, ,LOG 'TSO LNGA DANG RDE'U 'CHA' CHU 'THUNG SOGS, ,MTHA' GNYIS SPYOD PA'I MA DAG 'TSO BA SPANG, ,ZHES SO, ,SPANG BYA'I GOS NI, GCAN GZAN RE BA PHU DUNG MA LA SOGS, ,RGYU DANG KHA DOG MI RUNG TSAD LAS 'DAS, ,HA CANG BZANG DANG NGAN DRAGS MDZES CHOS CAN, ,CHOS 'DUL GZHUNG DANG 'GAL BA'I GOS KUN SPANG, ,ZHES PA'O, ,SPANG BYA'I NOR NI, DGE SPYOD KUN GYIS BCANG DU MI RUNG NOR, ,RIN PO CHE SOGS MA BRTAGS DNGOS PO BRGYAD, ,DKOR DANG GLUD DANG GANG LA ZHEN 'GYUR BA, ,YONGS SU 'DZIN PA THAMS CAD DGRA BZHIN SPANG, ,ZHES SO, ,SPANG BYA'I LAS NI, ZHING LAS TSONG DANG BUN SKYED DUD 'GRO SKYONG, ,SMAN DANG BZO DANG GNYEN BSHES BSKYANG RAN DANG,,

GRONG CHOG BYED DANG CHAR 'BEBS SER BA BSRUNG, ,GTZO BO GNAS GZHI'I BANG CHEN LAS RNAMS SPANG, ,ZHES PA STE, DE DAG NI BKA' RGYUD 'DI'I SPANG BYA BA BA RNAM PA DRUG GO ,BSGRUB PAR BYA BA'AM BLANG BAR BYA BA NI, MDO RGYUD GSUNG RAB KUN GYI SNYING PO SKYES BU GSUM GYI LAM GYI RIM PA'I NYAMS LEN RNAM PAR THAR PA DU MA'I RGYAN GYIS SBRAS PA'I LAM GYI CHA LAG DANG BCAS PA RNAMS SO, ,NYAMS SU BLANG BAR BYA BA LA BLA MA BSTEN TSUL GYI KHYAD PAR NI, BLA MA THA DAD SNA TSOGS MI 'TSO ZHING; ;MTSAN NYID LDAN PA GCIG LA LEGS BRTEN NAS, ,DE YI DAM TSIG SROG PAS GCES PAR BYED, ,RNAM THAR THAMS CAD DE YI RJES SU SLOB, ,CES DANG, SDOM KHRIMS KYI KHYAD PAR NI, RGYUD DANG MTSAMS PA'I SDOM KHRIMS LEGS PAR BLANGS, ,DE YI BSLAB BYA DE NYID GZHUNG BZHIN SLOB, ,CES DANG, BLO SBYONG TSUL NI, BLO SBYONG BLO RNAMS RIM BZHIN DU SBYONG, ,MNYAM GZHAG RTOGS PA RJES KYIS GTAN LA 'BEBS, ,ZHES SO, ,SHES BYA SHES PA'I KHYAD PAR NI, MAN NGAG RIGS PA SNA TSOGS MI 'TSOL ZHING, ,BSLAB 'OS SHES BYA KUN LA BLO GROS SBYANGS, ,ZHES DANG, MAN NGAG GI KHYAD PAR NI, KHA PHO CAN GYI MAN NGAG MI 'TSOL LA, ,MAN NGAG DAM PA SDE SNOD GSUM LA BYED, ,CES SO, ,TSE 'DI'I 'KHRI BA GCOD TSUL GYI KHYAD PAR, SKYES PA'I YUL SPANGS NYE DU'I 'BREL THAG BCAD, ,SDE DANG YON BDAG PHYOGS 'DZIN KUN LAS GROL, ,DUD 'GRO'I G-YOG DANG ZHING LAS MA ZIN DANG, ,MI SEMS 'DZIN SOGS SDUG BSNGAL KUN DANG BRAL, ,ZHES DANG, BYA BA'I KHYAD PAR NI,

, ,BLO SBYONG DGE SBYOR LA SOGS BYA BA KUN, ,MNGON TSAN CHUNG LA DON GYIS SA PHYOD CHE, ,LAG RJES DAG LA GTZO BOR MI MDZAD CING, ,THOS BSAM SGOM GSUM STAN THOG GCIG TU MDZAD, ,CES DANG, THO CO MI MDZAD PA NI; 'DOD PA PHUGS BCUG CHAGS MED LTAR STON DANG, ,RANG DON PHUGS BCUG GZHAN PHAN LTAR BYED DANG, ,TSE 'DIR MNGON ZHEN RTOG LDAN LA SOGS PA,, RDZUN DANG 'DRES BA'I THO CO MI MDZAD CING, ,ZHES DANG, MKHAS PA'I KHYAD PAR NI, RNAM DAG SDE SNOD GSAL BA'I ME LONG LA, ,CHOS DANG CHOS MIN GNAS LUGS LEGS MTHONG BA'I, ,'JIG RTEN LEGS PA'I LAM LA MI BRTEN BAR, ,MKHAS RNAMS ZHUGS PA'I LAM LA RJES SU 'JUG, CES DANG, LTA SPYOD DAG BA'I KHYAD PAR NI; LUS NGAG KUN SPYOD CHOS 'DUL JI BZHIN LA, ,BRTZE STONG DBYER MED THEG PA MCHOG SEMS BRTAN, ,BLANG DOR GNYIS MED GNAS LUGS DON SHES KYANG, ,RNAM RTOG MA ZAD ZAD TSUL STON MI BYED, ,CES DANG, BRTAN PA'I KHYAD PAR NI, 'KHOR BA'I RANG BZHIN JI BZHIN RTOGS GYUR BAS, ,SKYID SDUG KUN GYIS SPYOD PA MI 'GYUR ZHING, ,LEGS NYES RKYEN GYIS CHOS LAS MI BSKYED LA, ,SKYO BA'I SEMS KYIS THAR LAM DGE LA 'DREN, ,ZHES DANG, CHOS BRGYAD SPANGS PA'I KHYAD PAR NI, GANG LA ZHEN PAS SDUG BSNGAL KUN 'BYUNG ZHING, ,CI BYAS CHOS KUN LTAR SNANG NYID 'GYUR BA, ,'JIG RTEN KUN GYIS BSGRUB BYA 'JIG RTEN GYI, ,CHOS BRGYAD SPANGS KYANG SPANG BA LTAR MI MNGON, ,ZHES SO, ,THUGS RJE'I KHYAD PAR NI, MAR

GYUR 'GRO BA'I SDUG BSNGAL MA BZOD PAS, ,GZHAN DON MIN PA YID LA MI DRAN YANG, ,THUGS RJE CAN DU MNGON MNGON MI MDZAD CING, ,CI BYED THAMS CAD GZHAN DON NYID DU MDZAD, ,CES DANG, SHES RAB KYI KHYAD PAR NI, CHOS RNAMS THAMS CAD SNANG LA RANG BZHIN MED, ,SGYU MA NAM MKHA'I NGO BOR SHES GYUR KYANG, ,DKAR NAG LAS DANG LAS KYI RNAM SMIN LA, ,YID CHES DAD BAS SHIN TU GUS PA YIN, ,ZHES SO, ,RGYAL SRAS KYI SPYOD PA LA SLOB PA'I TSE PHAR PHYIN DRUG GI MI MTHUN PHYOGS SPONG TSUL NI, GZHAN LAS BSDUS NAS GZHAN LA 'GYED PA DANG, SNYAN GRAGS 'DOD DANG RNYED PA 'DOD PA DANG, ,THOS BSAM KUN DOR NYES LTUNG KHYAD DU BSAD, ,MA DAG SBYIN PA CHOS SU MI MDZAD CING, ,RAB BYUNG MKHAN SLOB BYAS KYANG BSTAN PA LA; ;RMA 'BYIN RE LAS BSKYANGS 'DOD MI 'ONG ZHES, ,SPYIR YANG MKHAN SLOB MI MDZAD KHYAD PAR DU, ,BAN MO SKYAR CHOG BAR CHAD CAN GYI MIN, ,MA SHI TZAM GYI ZAS GOS NGAN LA BRTEN, ,CHOS KYI DON DU SROG KYANG 'DOR NUS PA, ,GZHAN DANG 'THAB RTZOD DO ZLA MI BYED PAR, ,GANG DU MA BDE SA DE NYID NAS 'GRO, ,RNYED DANG SNYAN GRAGS DON DU MI GNYER BAS, ,'JIG RTEN LEGS PA CI YANG MI SGRUB CING, ,BYA NGAN LAS KUN NGAN SKYUGS DGRA BZHIN DOR, ,DUS BZHI KUN TU CHOS SPYOD BCU LA 'BAD, ,'DOD DANG MI DGE SPONG BYED MNGON SHES SOGS, ,YON TAN 'BYUNG BYED BSAM GTAN MA GTOGS PA, ,GNAS PA TSAM TSOM SGOM DU MI 'TSAL ZHING, ,SGO GSUM DGE LA RTZE GCIG NYAMS PA MED, ,DRI MED SDE SNOD MIG DANG SGRON ME

, ,DANG; ;SMAN GYUR MANG DU THOS BAS MI NGOMS SHING, ,THOS PA KUN KYANG NYI MA DE RING NAS, ,DNGOS DANG MOS BAS NYAMS SU BLANG BYAR NYAN, ,BRGAL LAN SUN 'BYIN CHOS DMAG ZER MCHU NYUNG, ,DBANG ZA RANG GZO BSDUS DON MI MDZAD CING, ,DON GYI MTHA' CHOD TSIG NYUNG DON KUN GO ,MANG THOS LUNG LDAN DON GYIS MTSAMS PHYED, ,GRUB MTHA' MA 'DRES CHOS SKAD BZANG LA BRTEN, ,CI BSHAD SGOM DON BLO SNA SGYUR LA MKHAS, ,NYAMS PA ZUR GSO TSIG 'BRU DAM PA BKROL, ,'KHRUGS PA KUN BSDEBS 'BYAMS PA DAG TU 'DRIL, ,BKA' CHAD 'GYUR 'KHRUGS 'GYUR MANG DAG LA BLTA, ,MKHAS PA'I RTZOM LUGS 'GREL t'IKA DU MA DANG, ,BLA MA'I MAN NGAG RANG GI BLO GROS LA, ,BRTEN NAS RNAM DAG CHOS BSHAD DE LTAR MDZAD, ,LNGA BRGYA THA MAR RANG NYID MI NYAMS SHING, ,SGRUB PA TSUL BZHIN ZHE NAS BYED GYUR NA, ,CHOS KYI DPON DANG SGRUB G-YOG LA SOGS PA, ,TSAD LDAN DON MTHUN DGA' ZHIG MA GTOGS PA, ,GZHAN GYI DPON DANG G-YOG PO MI BYED CING, ,BLA MA SGRUB G-YOG LA SOGS MA GTOGS PA, ,GZHAN SEMS MI GZUNG KUN GYI SEMS MI DKRUG, ,LTOS 'JEN 'BREL 'DRIS LA SOGS BYA BA SPANG, ,GYONG ZHING 'GROGS DKA' RNAM THAR GTZANG PA DANG, ,DMAN PA'I SA BZUNG ZAS GOS NGAN LA BRTEN, ,DAD BRTZON BLO DANG SNYING RJE CHE BSKYED LA, ,MI RJES MI SNYEG CHOS DANG GANG MTHUN BYA, ,DBEN ZHING NYAMS DGA' 'TSO BA 'BAD RTZOL CHUNG, ,GNOD TSE KUN BRAL DE NI BSGRUB

PA'I GNAS, ,BAG YANGS SOS DAL NYID DU MA SONG BAR, ,CHU BO'I RGYUN LTAR RGYUN CHAD MED PAR SGRUBS, ,TSE 'DIR MA CHAGS BYA RGYU CHOS LAS MED, ,KHAS BLANGS GTZANG ZHING LAS 'BRAS SROG LTAR 'DZIN, ,'KHOR BAS YID 'BYUNG MAR GYUR 'GRO LA BRTZE, ,BDAG 'DZIN DGRA THUL MA NOR RTOGS PAR 'DOD, ,CES GSUNGS PA RNAMS TE RGYAS BAR NI MDZES PA'I PADMO RTZA 'GREL GNYIS LAS SHES PAR BYA'O, ,DGE BSHES PO TO BA DE 'BROM RIN PO CHE LA GSANG SNGAGS KYI MAN NGAG RNAMS MTHIL PHYIN PAR ZHUS NAS BLA MED KYI LAM RIM GNYIS KYI NYAMS LEN MTHAR PHYIN PAR MDZAD PA ZHIG YIN YANG GSANG SNGAGS SHIN TU GSANG BAR MDZAD NAS RGYUN GYI DAM TSIG GI RDOR DRIL NYE GNAS KYIS KYANG ZHING GSHEGS NAS MA GTOGS MA MTHONG, GSANG SNGAGS KYI BZLAS BRJOD MTHAR PHYIN PAS CHOS SRUNG RNAMS KYANG BRAN DU KHOL BA ZHIG STE 'OL BA STON CHUNG GIS DPAL LHA MO RBAD PAS DGE BSHES MKHAR PHU BA 'DAS, 'KHOR RJES NA 'DUG PA LA YANG GNOD PAS DGE BSHES PO TO BAS DPAL LHA MO LA 'DI LTAR BKA' BKYON TE, UKHYOD SANGS RGYAS LA CHOS DNGOS SU NYAN PAS KYANG 'DI LTAR BYED NA, DED LUNG LA BRTEN PAS JI LTAR BYED GSUNGS PAS, NUB GCIG MNAL LAS NA BU MO GZHON NU MA GCIG GIS G-YAG RGOD GNYIS GNYA' BCAG NAS DED SONG, PHA TSAD SONG BA DANG DE THAMS CAD NAM MKHA' LA 'PHUR NAS SONG BA CIG RMIS, DE NAS PHYIS GNOD PA YE MA BYUNG GSUNG, DGE BSHES PO TO BA CHEN PO DE'I SU'I RNAM PA NI

, ,GDONG DKYUS THUNG NGE BA, ZHAL DKYIL DKAR LA DMAR BA'I MDANGS CHAGS PA, SBYAN RTZA HUR RE MDZAD BA CIG BZHUGS, CHOS GSUNG DUS HUR BTON NAS GSUNGS BAS DANG POR PHYAM TSE ZHUS, DE NAS BLA GOS KYANG RKED PA TZAM DU ZHUS 'GRO BA, THUGS SHES RAB SHIN TU CHE BAS TSIG BZHI BA RE LA YANG 'DI'I CHA NAS 'DI LTAR 'GRO 'DI'I CHA NAS 'DI LTAR 'GRO ZHES DON MI 'DRA BA BCU BCU TZAM 'CHAD BA ZHIG YOD PAR GSUNGS, DGE BSHES PO TO BA DE LAM RIM 'CHAD PA'I TSE LAM SGRON RTZA BAR BYAS NAS, BKA' GDAMS GZHUNG DRUG DANG, RIN CHEN PHRENG BA, SLOB SPRINGS, BSHES SPRINGS, KA MA LA SH'I LA'I SGOM RIM RNAMS DANG SBYAR TE MTHA' CHOD PAR MDZAD, GZHAN YANG JO BO'I BDEN GNYIS LA SOGS PA PO TI LA BYUNG BSHAD MDZAD PAS SLOB DPON PAS CHOS 'DI TZAM SU LAS BSLABS PA LAGS ZHUS PAS, SLOB DPON PRADZNY'A LA BSLABS PA YIN GSUNG, BKA' GDAMS ZER BA'I SGRA BO CHE DE YANG DGE BSHES PO TO BA CHEN PO'I DUS SU GRAGS PA YIN, ,RNAM THAR GTZANG BA DANG, KHYAB GDAL CHE BA'ANG DE DUS BYUNG BA YIN GSUNG, SHIN TU GTING ZAB PAS NGA LA YON TAN 'DI YOD MI GSUNG YANG BYANG CHUB KYI THUGS MNGA' BA, YI DAM GYI ZHAL GZIGS PA, MNGON PAR SHES PA RGYA CHEN PO DANG LDAN PA ZHIG GO ,DE NAS SHING MO BYA'I LO DBYAR ZLA 'BRING PO'I NYAL DBYAR GNAS MDZAD NAS, TSES BCU BDUN LA SLOB MA LA SPRINGS PA'I DBU BTZUGS, NYI SHU GSUM GYI

NYIN RGAS PA'I SDUG BSNGAL YAN CHAD THON, KA BA LI ZHAL BSDAMS NAS KHYED CAG NGA LA DGE BSHES SHIG RE TE DA LTA MING LAS MED MA 'ONGS PA NA MTSAN NYID DANG LDAN PA ZHIG CI 'GRUB BYA, 'U CAG RNAMS GTOR MA CHEN PO ZHIG BSHAMS LA MNA' THO ZHIG GCAD DGOS, DA PHYIN CHAD SDUG TU 'JUG MKHAN TSE 'DI'I RNAM RTOG YIN PAS, DE MI BOR RI, SANGS RGYAS KYI BSTAN BA 'UR BYID DU GTONG BA'I BYA ROG DANG 'UG PA BYED RI BYAS LA MNA' SKYOL GSUNGS NAS, SPYAN CHAB SGOR SGOR MDZAD CING STAN LAS BZHENGS NAS NANG DU GSHEGS SO, ,DE'I NUB MO NAS CUNG ZAD BSNYUNG, SANG DRO'I DUS SU CHOS STON THON NAS JO RIN NGA YANG 'GRO BAR 'DUG STE MA SNGAS RAN PA YIN, 'GYOD PA MED PAR 'GRO GSUNGS NAS GZIM KHANG DU GSHEGS SO, ,DE'I NYIN PAR CHOS MA GSUNGS, MTSAN MO CANG STON LA SOGS PA SNYUN G-YOG BA RNAMS LA NGA GNYID ZI BA 'DRA BA CIG LA PHYOGS BCU'I NAM MKHA' GANG BA'I SANGS RGYAS DANG BYANG CHUB SEMS DPA' THAMS CAD MTHONG NAS; DE DAG LA GSOL BA BTAB PA'I SNANG BA CIG BYUNG GSUNGS DE'I DUS SU GRVA PA RNAMS KYIS SKU RIM BYED PA'I KHRAL BSDUS PA NA, THEG PA CHEN PO'I BLA MA'I RIM GRO BYED PA LA BRE SRANG KROG KROG BYAD PAS CIR YANG MI 'GYUR, DUG HRUL GYON NAS SA SKYONG LA PHAR MNYES CHUR MNYES BYED PA CIG DGOS PA YIN GSUNG, NYI SHU DGU'I NUB MO BGRES PA RNAMS ZHAL MJAL DU 'ONG BAS, MAR ME MDUN DU KHYER LA SHOG GSUNGS NAS KHO THAG CHOD PA LTAR GNANG NAS DA SONGS

, ,GSUNG, DE NAS CUNG ZAD LON PA NA ZHABS 'BRING NANG 'KHOR BDAG DANG, MCHOD GNAS RNAMS SPYAN SNGAR BYON PA LA, KHYED RNAMS KYIS DGE BA'I BSHES GNYEN MNYES PAR BYAS TE, SPYAN DANG LDAN PA'I JO BO AA TI SHA'I ZHAL NAS, BLA MA'I ZHABS TOG BYAS PA DON MED PA MA YIN, DON CHUNG BA MA YIN GSUNGS PAS, NGA'I TSIG LA YID CHES PAR GYIS, KHYED RNAMS LA LAS NGA'I MIG GI DOD BYAS, LA LAS LAG PA'I DOD BYAS TE DON CHE BA YIN GSUNG, GNAM STONG NYIN CANG STON DKON MCHOG 'BAR GYIS TSOGS PA LA ZHAL GCIG STON PAR ZHU, GRA PA RNAMS DE SNGA BKAG PAS BDAG CAG LA 'BAR ZHING BDOG LAGS ZHUS PAS, RGAN PO 'CHI KHA MA CIG BLTAS PA LA DGOS PA CANG YOD DAM GSUNGS, NAN GYIS ZHUS PAS 'O NA KHRI BRTZIGS MCHOD PA BZANG PO SHOMS SHIG GSUNGS, GRA PA RNAMS KYIS DE LTAR BYAS PA'I TSE DGE BSHES PO TO BA CHEN PO KHRI LA BYON NAS CHOS SHIG GNANG NAS PHYAG THAL MO SBYAR TE SEMS CAN SKYABS MED PA RNAMS KYI SKYABS, MGON MED PA RNAMS KYI MGON, DE BZHIN DU GNAS DANG, GLING DANG, DPUNG GNYEN DANG, 'KHRA SA MED PA RNAMS KYI 'KHRA SAR GYUR CIG GSUNGS NAS, THAL MO PHYIR LA SHIG GIS SONG STE SKU'I BKOD PA BSDU BAR BRTZAMS, DE LTAR DGE BA'I BSHES GNYEN PO TO BA 'DI ME MO YOS LA 'KHRUNGS, BDUN CU DON DGU'I BAR BSTAN 'GRO'I DON MDZAD NAS BDUN CU DON DGU PA SHING MO BYA'I DBYAR ZLA 'BRING PO'I

GNAM STONG GI SNGA DRO PO TO DGON PAR SKU GSHEGS TE DGA' LDAN CHOS KYI PHO BRANG DU PHEBS SO, ,DE NAS GNAM STONG GI MTSAN MO SKU GDUNG 'KHYAMS SU SPYAN DRANGS NAS SROD DANG, GUNG DANG, THO RENGS GSUM DU G-YOR GCONG DANG, CHU 'KHRIS PA DANG, 'PHAN YUL BA GSUM GYI MCHOD PA RGYA CHEN PO MDZAD, TSES GCIG LA G-YOR STON CHOS 'BAR DANG, GTZANG BA JO BTZUN YE RGYAL DANG, CHU 'KHRIS PA STON PA DBANG GZHON DANG, ZHANG BTZUN SHES RAB RGYA MTSO DANG, STOD LUNG PA STON PA RGYAL PO DANG, 'PHAN YUL BA STON PA SH'AKA GZHON RNAMS KYIS GDUNG GNYER MDZAD NAS SPUR SBYANGS PA'I TSE, SPUR KHANG GI PHYOGS BZHIR RIN PO CHE'I MCHOD RTEN BZHI BYUNG BA DANG, DKAR PHYOGS KYI LHA RNAMS KYIS PHYAG DANG MCHOD PA BYAS SHING PHYAG 'TSAL LO ZHES PA'I SGRA MI RNAMS KYIS KYANG THOS PA BYUNG, LAS TSAN GSUM DANG, BRAG RGYAB PAS PHYOGS BZHI NAS MCHOD PA PHUL, THUGS LJAGS RING BSREL LA SOGS PA'I RTEN NGO MTSAR CAN MANG DU BYON, TSES GNYIS LA GDUNG CHA LNGAR BGOS, TSES GSUM LA NA BZA' BGOS DBYAR GRA PA RNAMS DER BZHUGS NAS SPUR SBYANGS PA'I SAR MCHOD RTEN BZHENGS TE DGAG DBYE THON NAS SO SOR BYON NO, ,GDUNG KHANG DU DNGUL GYI MCHOD RTEN BYED PA DGE BSHES PHU CHUNG PAS GSAN NAS, GDUNG RTEN DNGUL LAS BYAS NA DNGUL MI NGAN GYIS KHYER NAS NGA'I GROGS PO'I SKU GDUNG GROG NANG DU SPUNG DE 'ONG DOGS YOD DGONGS NAS JO BO TSUL BSOD LA 'DIR SHOG GYIS GSUNGS PAS, TSUL BSOD 'BYON DU MA

, ,GNANG, PHYIS RAB GNAS LA PHU CHUNG BA SPYAN DRANGS PA'I DUS SU ZHAL NAS DNGUL MA BYAS NA LEGS PA YIN TE, DA BYAS KYI RTING LA RAB GNAS LA BAB PAS DBYAR DO BO DGON PAR SDOD PA'I LAM GZHOR LA BYA YA, 'KHOR LO YAN CHAD RGYAN YIN PAS MA TSAR YANG BTUB, BRE MAN CHAD TSAR BAR GYIS GSUNGS NAS TSUR LAM GDUNG RTEN GYI RAB GNAS MDZAD DO, ,DGE BA'I BSHES GNYEN PO TO BA CHEN PO DES BSTAN PA'I BYA BA RGYA CHEN PO MDZAD PAS SPYIR GDUL BYA BGRANG BA LAS 'DAS SHING, DUS GCIG TU 'DUS PA LA'ANG LAS DANG SKAL BAR LDAN PA'I GRA PA NYIS STONG TZAM 'DUS PA'I NANG NAS, BKA' BAB KYI BU CHEN BRGYAD DU GRAGS PA NI, DANG TSUGS MCHOG ZUNG GCIG LA 'GRAN PA ZHIG YOD PA'I BKA' DGE BSHES PHO BRANG SDING PA LA BAB ,RTZOD PA PAndI TA'I RGOL BA YANG BZLOG NUS PA'I BKA' DGE BSHES DOL BA CHEN PO LA BAB ,BYAMS SNYING RJE BYANG CHUB KYI SEMS BDAG PA'I YE SHES LA MNGA' BRNYES PA 'DRA BA 'ONG BA'I BKA' ZHANG RO COG LA GZHUNG BSHAD BYED PA THAMS CAD MKHYEN PA'I YE SHES LA MNGA' BRNYES PA 'DRA BA 'ONG BA'I BKA' ZHANG SHA RA BA LA BAB, STONG NYID KYI LTA BAS DNGOS PO DANG MTSAN MAR 'DZIN PA THAMS CAD 'JIG NUS PA YOD PA'I BKA' RAM SDINGS MA BA LA BAB, GSUNG RAB THAMS CAD SKYES BU GSUM GYI GDAMS NGAG TU DRIL NAS SMAN PA MKHAS PAS NAD BRTAGS TE NAD THOG TU SMAN GTONG BA 'DRA BA YOD PA'I BKA' SNANG DRI'U LHAS PA YE SHES RGYAL

MTSAN LA BAB ,MCHOD PA KUN TU BZANG PO'I MCHOD SPRIN LA 'GRAN NUS PA CIG YOD PA'I BKA' DGE BSHES BRAG DKAR BA LA BAB, BLA MA LA SANGS RGYAS DNGOS KYI MOS GUS RGYUN CHAD MED PA YOD PA'I BKA' GNYAL BA CHOS 'BAR LA BAB BO, ,GZHAN YANG BSTAN PA YONGS RDZOGS 'DZIN PA'I BU CHEN SKYES BU DAM PA MANG PO BYON NO, ,DE LA DGE BA'I BSHES GNYEN PHO BRANG SDING PA NI, ,GDUNG GNYOS 'KHRUNGS YUL GRAB PA, MTSAN GZHON NU 'OD, DGE BSHES PO TO BA YUN RING DU BSTEN PA YIN TE, DBYAR DGUN CUNG ZAD MA GTOGS ZHAL MJAL NAS MYA NGAN LAS 'DAS BAR DU ZHABS DRUNG DU BZHUGS NAS CI MDZAD THAMS CAD LA YON TAN DU 'DZIN PA LAS MI MTHUN PAR 'DZIN PAR BYED MA MYONG BA'I SKYES BU DE LA PO TO BA MYA NGAN LAS 'DA' KHAR KHYOD KYANG BCU BCO LNGA TZAM DANG 'GROGS, GCIG PUR BSDAD NA BRA BA BZHIN DU DGRAS 'KHYER RO GSUNG, DGE BSHES PO TO BA'I GDAMS PA MA LUS PA THUGS SU CHUD, KHYAD BAR CHOS GSUNG BA THAMS CAD DPE SNA TSOGS DANG SBYAR NAS GSUNGS PA LA NGO MTHAR SKYES NAS PHO BRANG SDING BAS DGE BSHES PO TO BA LA DPE RNAMS PHYOGS GCIG TU BSDEBS PAR ZHUS PAS, DAR CIG THUGS DGONGS MDZAD ,DE NAS 'O NA BYED NA YANG GYIS GSUNGS PAS, PHO BRANG SDING PAS DPE RNAMS PHYOGS GCIG TU DANG POR BSDEBS PA LA, PO TO BA MKHAR THOG NA BZHUGS PA'I DUS SU, GNAS BRTAN RGYAL 'BAR BYA BAS BSHES GNYEN PAS GSUNGS

, ,PA'I DPE CHOS 'DI RNAMS LA NYAMS SU LEN PA'I GO RIM ZHIG GSUNG BAR ZHU ZHUS NAS GSUNGS PA DGE BSHES BRAG DKAR PAS THUGS LA BZUNG STE ,PO TO BA GSHEGS NAS LO DRUG LON PA NA DGE BSHES BRAG DKAR BAS GRAB BA CAN DU BYON NAS ,DGE BA'I BSHES GNYEN GYIS GSUNGS PA'I DPE CHOS 'DI LA ZHU GTUGS 'DRA DGOS PAR BDOG PAS DPE CHOS TSAR GCIG ZHU ZHUS PAS GRAB PA'I ZHAL NAS, KHYED RANG DGE BSHES PO TO BA'I DRUNG DU BZHUGS YUN NGA BAS RING NA DPE LA KHYED RANG MKHAS PA MIN NAM GSUNG BA LA, HA CANG NAN TAN MA BYAS ZHUS PAS GRAB PAS BRAG DKAR BA LA TSAR GCIG GSUNG, DE NAS KHONG LA RTOGS PA GSAR PA 'KHRUNGS TE THOG MAR GNAS BRTAN RGYA LE 'BAR LA DPE CHOS RGYAS BA CIG GSUNGS, DE NAS GRAB BAS BSDEBS PA'I GZHUNG LA BRTEN, KHONG GI DE NA MA TSANG BA KUN BSNAN, ZUR MA THON PA KUN GSAL BAR BYAS GONG 'OG 'KHRUGS PA KUN SO SOR BSDEBS, BAG TZAM BCOS TE GRAB PA'I DE BAS KYANG ZAB LA RGYA CHE BA'I DPE CHOS MDZAD, DGE BSHES BRAG DKAR BA LA SLOB DPON 'PHAN YUL BA BYANG CHUB SNANG BAS GSAN, DE LA RTA NAG MDA' RU 'KHRUNGS PA'I LCE SGOM RDZONG BA SHES RAB RDO RJES GSAN ZHING GO BDE BAR YANG BCOS NAS GZHAN LA DAR BAR MDZAD DO, ,DGE BSHES GRAB BAS GRAB GNAS GSAR DANG PHO BRANG SDINGS BTAB, GRAB BZHI BRGYA TZAM 'DUS, DGUNG LO RE LNGA PA LA GRAB GNAS GSAR DU GSHEGS, ,DGE BSHES BRAG

DKAR BA NI, SPRE'U'I LO LA SKU 'KHRUNGS, DGE BSHES PO TO BA YUN RING DU BSTEN NAS DGE BSHES PO TO BA'I GSUNG SGROS DPE CHOS RTZA 'GREL BRTZAMS, PO TO BA GSHEGS NAS PHO BRANG SDINGS PA LA'ANG GTUGS, DGE BSHES BRAG DKAR BA'I ZHAL NAS MDUNG DGON PA LA, 'GRO DRUG SEMS CAN THAMS CAD LA, ,PHYOGS BZHIR GTOR MA GTONG BA BZHIN, ,'BA' SA 'BUS 'KHYER BYED PA NI, NAM ZHIG BDAG NYID 'GYUR ZHIG GU ,BYA BA YIN NO GSUNGS, BRAG DKAR PA'I ZHAL NAS, MI 'DI SBYANG SLA BAR 'DUG GSUNG, MDUNG DGON PA'I ZHAL NAS, MI MA YIN SBYANG SLA, MI LA GO BA 'DZOL BA 'ONG, MI MA YIN LA MNGON SHES YOD PAS GO BA 'DZOL BA MI 'ONG GSUNG, 'DIS GNAS KHANG GCIG TU LO NYI SHU RTZA GSUM BZHUGS PA LA, KO MTHIL GCIG GIS LO GSUM THUB, MAR LOG GCIG GIS ZLA BA GCIG DANG ZHAG BCU GSUM THUB, ZLA BA RE RE LA NAS BRE LNGA LNGA LAS MI 'DZAD, NGAS CHOS KHA LUS GNYIS KAS BSHAD KYANG KHYED KYIS MI GO, BRAG DKAR NAS STAG RTZER 'PHO RTZAN KHAM POR BRGYAD DANG BUM PA GCIG LAS 'KHYER RGYU MED GSUNG, DE NAS DGUNG LO BRGYAD CU PA YOS LO'I DGUN ZLA THA CHUNG GI NYI SHU GNYIS LA GSHEGS, DGE BSHES 'DIS LAM RIM 'CHAD DUS GRA LA GSUM BRGYA TZAM 'DUS SO, ,DGE BSHES DOL PA NI, SA MO PHAG GI LO LA YAB DGE BSHES LEGS PA'I RGYA MTSO ZER BA THEG PA CHEN PO GSANG SNGAGS KYI MKHYEN BA SHIN TU CHE BA, MI GZHI YANG

, ,LEGS PA CIG YOD PA DE LA SRAS GNYIS MNGA' BA'I CHE SHOS SU 'KHRUNGS, GDUNG ROG SKYENGS PA YIN, BCES NAS LO LNGA'I BAR DU SKU LUS LA RTAG TU 'OD 'KHOR BA CIG BYUNG, LO LNGA LON NAS KLOG YIG SLOB PAR MDZAD, DE NAS LO BCU BZHI LON GYI BAR DU DGE BSHES CHOS KYI LA MNGON PAR GSAN, DE NAS LO BCU DGU'I BAR DU KHYUNG PO GRAGS SENG LA SOGS PA LA DBU TSAD GSAN, DE NAS YAB LA RAB TU 'BYUNG BAR ZHUS PAS NGED SNGAGS PA'I BRGYUD YIN GSUNGS NAS MA GNANG, YANG YANG ZHUS PAS KHYOD RAB TU 'BYUNG NA CHUNG BA 'DI LA SNGAGS PA CIG 'TSOL BA LAS 'OS MED GSUNG, DE NAS LO NYI SHU LON PA NA 'ON DU CHOS 'KHOR ZHIG GI DUS SU LHAB STON GSHEN GSUM BYA BA 'TSOGS PA YIN TE, DE'I DUS SU MI CHE SHOS YIN, DER DGE BSHES GSHEN LA MKHAN PO ZHUS NAS, SNGA DRO DGE TSUL ,PHYI DRO DGE SLONG, SROD LA SEMS BSKYED GNANG STE NAN TAN BYED NA DE TZUG BYED DGOS PA YIN BYA BA'I ZHAL KYANG YANG GSUNG, DE NAS RGYA 'DUL BA 'DZIN PA LA 'DUL BA GSAN ,LO GSUM NA GNAS MAL GYI GZHI MA GTOGS PA MDO RTZA BLO NAS RTZAR GYIS BSHAD, DGE BSHES RGYA GRONG 'DUL MDZAD PAS, NGES ZUR CHOS PA RNAMS KYIS DAD LDAN RNAMS LA RE MOS KYIS CHOS 'CHAD PA LA, NGAS THEG CHEN RNAL 'BYOR BSHAD PAS DAD LDAN RNAMS DAD PA SKYES NAS NGU STENG RANG LA BRIG PA CIG KYANG MA BYUNG ,PHYIS DGE BSHES PO TO BA'I GSUNG GI

'KHRIGS BCUG PAS, SNGAR GYI DE JI TZUG SONG NA SNYAM PA CIG BYUNG GSUNG, YAB KYI ZHAL NAS NGA'I GROGS PO 'BROM STON GYI SLOB MA SGOM SLOB PA CIG YOD PAR 'DUG PAS DER SONG GSUNGS TE, NGA'I DGE BA'I BSHES GNYEN GYI THOG MA PHA RGAN DER GYUR NAS 'DUG GSUNG, DE NAS LO NYI SHU RTZA DRUG PA LA PO TO BA SGRO LAG DGON PA NA BZHUGS PA'I SPYAN SNGAR BYON ,JA DKON PAS GA BUR GYI THANG SMAN BANDA BCU LHAG TZAM LA DRANGS, CHOS GOS LING BZANG PO ZHIG YOD PA PHUL NAS CHOS KYI ZHU BA BYAS PAS, KHYOD LAM NOR BA YIN, LHA SA NA NYAN BSHAD NYI MA SHAR BA LTA BU YOD PA DER MI SDOD PAR NGA LA NI 'CHI BA RJES SU DRAN PA BYA BA'I CHOS GCIG LAS MED, DE LA MGU NA LO BZHI SDOD, CHOS GOS 'DI YANG TSONGS LA BRGYA GAS GYIS GSUNGS NAS TSUR LA GNANG, DE NAS DGONGS CHOS KYI DUNG BYUNG NAS BYON PA NA RIN CHEN PHRENG BA'I RGYAL PO'I TSUL BSTAN PA'I LE'U LA SLEB NAS, KHYOD KYIS MKHYEN PAR MDZAD SLAD DANG, , 'GRO BA LA YANG BRTZE SLAD DU, ,KHYOD LA MI SNYAN YANG SMAN PA, ,BDAG LTA GCIG PU TO POR GSOL, ,ZHES PA DE NAS THOB PA YIN TE, TSOGS CHOS THOS PA'I SNGA SHOS 'DI YIN GSUNG, DE THON NAS MDO SDE RGYAN ZHIG GSUNGS, DE DUS TSOGS BSDUS NAS LO GSUM LON NAS 'DUG ,GRA PA SUM CU TZAM BZHUGS KYI 'DUG PA LA LKOG CHOS KHRID PA GSUM BZHI TZAM LAS YOD YOD MI 'DRA, THUGS MA MNYES CEN KHYED LEGS PAR BYED NA GYIS, MI BYED NA

, ,NGA LA BLO MI BDE BA GSUM BZHI TZAM LAS MED DO GSUNG GI 'DUG, DE NAS DBYAR GNAS KYI DUS LA BAB NAS YON SHEL ZHU SNA BCOL NAS DBYAR 'DI'I BYA BA ZHU BA'I GNAS KYI SLOB DPON ZHIG KYANG ZHU ZHUS PAS JI LTA BU'I YON SHE YANG 'ONG BA GSUNGS NAS BZHENGS NAS BZHUD, THUGS MA DGYES PAS MA LEGS PA BYAS SNYAM PA NA, SANG DGONGS DE 'DIR SHOG GSUNGS NAS BYON PAS, JO BO STON PA NGA LA GNAS KYI SLOB DPON ZHU ZER TE DA LTA GNAS KYI SLOB DPON MTSAN NYID DANG LDAN PA MED, RA SGRENG GI SHUG PA'I GSEB DER DGE BSHES STON PA GNAS KYI SLOB DPON DU 'OS PA CIG BYUNG BA YIN TE, SUS KYANG GNAS MA BCAS PAR SKU GSHEGS SO, ,BCOM LDAN 'DAS KYIS GNAS DRAN PA NYE BAR BZHAG PA BZHI LA CHOS SHIG GSUNGS PAS, 'U CAG KYANG DE LA GNAS 'CHA' DGOS PA YIN GSUNG, DOL BA NYID KYI ZHAL NAS, NGAS PO TO BA'I GSUNG DE SKAD GZHAN DAG LA BZLAS PAS GNAS DGE BSNYEN LA 'CHA' 'AM SNYAM STE, CHE 'DI PHYI THAMS CAD KYI MDUN MA DE LA BLTOS PAS GNAS SU NGES PAR 'ONG BA YIN GSUNGS, SPYAN SNGA'I ZHAL NAS KYANG, NGA'I DON GYI MKHAN PO DGE BSNYEN RGAN PO DER 'DUG BYA BA GSUNGS, DGE BSHES DOL BAS CHOS LA 'PHRIG BAG RE RNYED PAS, SNGAR GYI CHOS THAMS CAD KYIS GO MI CHOD PAR GRO, PHYI MA PHAN CHAD GAL CHE BA'I BLO BAG RE BYUNG BAS, AAN RE BSAM SNYAM PA MIN PA BSHAD SNYAM PA MED PAS DPE DANG YIG

SNA KUN KYANG MI LA BYIN, KA BA LI RANG STONG PAR BZHAG GSUNG, DE BAS NA DGE BA'I BSHES GNYEN DGOS SNYAM PA CIG BYUNG GSUNG, DGE BSHES DE DANG MA PHRAD KYI RING LA NGES GLEN PA CHEN POR 'DUG, RAB TU BYUNG DGE BA'I BSHES GNYEN DE DANG MJAL BAS, BDE SKYID SNYAN GRAGS THAMS CAD NGED CHE GSUNG, LO NYI SHU RTZA GNYIS SU PO TO BA'I DRUNG DU BSDAD PA YIN TE, DES NGOMS PA'AM CHOG SNYAM PA YE MA BYUNG GSUNG ,DGE BSHES DOL PA CHEN POS DBYAR DGUN PO TO BA'I SAR BZHUGS NAS, STON DPYID SKU MCHED GNYIS PO'I SPYAN SNGAR RE MOS SU BZHUGS, DE NAS PO TO BA BYA LO'I DBYAR GNAS KYI ZLA BA'I GNAM STONG LA MYA NGAN LAS 'DAS NAS DBYAR DER BZHUGS, STON CHOD PA DANG TSUR BYON NAS DPON G-YOG BCU TZAM CHU SNA DGON PAR BZHUGS, TSUR 'BYON KHAR KHAMS PA LUNG PA LA YANG CHOS 'BREL GSAN, DE NAS DPON 'PHAGS PAS DPYID LA GANG DU SPYAN DRANGS TE PHUL, KHYI LO LA YA GAD BZUNG STE LO GNYIS SU GZHUNG MA GSUNGS PAR STONG THUN SKYA RE MA CHAG PAR GSUNGS, DE NAS 'KHOR RNAMS KYIS ZHUS NAS, DANG POR SLOB MA LA SBRINGS PA CIG GSUNGS, DE NAS BE'U BUM SNGON POR GRAGS PA 'DI GSUNGS TE DGE BSHES DE'I ZHAL NAS, RANG GI RGYUD LA CI PHAN BYA BA'I CHED DU 'PHANGS 'PHANGS RNAMS BRJED KYIS DOGS NAS BRIS PA YIN, BSHAD PA'I GO CHA MA BYAS, GO CHA BYAS NA DBYAR DGUN RE'I CHOS GSUNGS TSOD RNAMS BZUNG YANG ZAD PA MED PA 'ONG STE, GCIG PUR SDOD NA DGOS SNYAM

, ,NAS KHA YAR BRIS NAS YOD PA LA DGE BSHES PHO BRANG SDINGS PAS DPE CHOS DE BSDEBS 'DUG PA GSAN PAS, 'O NA NGA'I DE RNAMS KYANG LHAN CIG TU BSDEBS NA GZHAN LA PHAN PA SRID DAM SNYAM NAS YA GAD DU BSDEBS PA YIN TE, RTZOM YANG LEGS PA CIG BYUNG, DE NAS DGUN BE'U BUM GSUNG BAR DGONGS PA LA JO MO DPE MO BYA BA NA RE, DGE BSHES LA RMI LAM NGAN PA CIG BYUNG DGE BSHES KYI NANG KHROL YIN ZER BA CIG DOL LUNG BA LA 'GYED KYIN SNANG ZER BA CIG RMIS ZER BAS, NANG KHROL ZHIG NI 'GYED NYEN YOD DE, SKU RIM MI DGOS GSUNG NAS DGUN DE NAS GSUNG BAR MDZAD DE 'GRO BA DPAG TU MED PA'I DON MDZAD DO, ,DGE BSHES SHAR BA'I PHYAG TU BE'U BUM 'DI BYON PAS DGE BSHES DE BSTAN BCOS RTZOM PA'I 'BRING TSAD DU SKYOL NAS 'DUG GSUNG STE TSAR GCIG BZHENGS PAS MDZAD, SLOB DPON DON STENG BA'I ZHAL NAS, NGA YANG 'DI GCIG THOS PAR 'DOD PAS GSUNGS NAS YOD TZA NA DPYID CIG GSUNG ZER BA THOS NAS YA GANG DU PHYIN PAS DE'I NUB MO RDO RJE GDAN DU PHYIN PA CIG RMIS, DE NAS DGE BSHES DE'I GSUNG GIS BYIN GYIS BRLABS PAS PHAN PAR BYUNG NAS DGE BSHES LA SMAN PAR MCHI BAR GDA' ZHUS PAS, GCIG PUR SDOD NA 'DIS DGE BSHES BTUB PA YIN GSUNGS, GZHAN YANG DGE BA'I BSHES GNYEN 'DI JO BO NYID KYIS KYANG LUNG BSTAN, SKYE BA BDUN PA'I RTAGS DANG LDAN, BLA MA RNAMS KYIS JI SKAD BSTAN PA

BZHIN THUGS LA 'KHRUNGS, BDE BAR GSHEGS PA MANG PO'I ZHAL GZIGS, MNGON PAR SHES PA RGYA CHEN PO MNGA', DE YANG SNYE THANG 'ONG DU RAB GNAS SHIG LA SPYAN DRANGS PA'I TSE STOD LUNG BA'I BTZUN CHUNG GNYIS KYIS SEMS BSKYED ZHU SNYAM NAS YANG YANG BRTZAMS PA LA, DGE BSHES MI MANG POS G-YENGS NAS ZHU BA'I SKABS MA BYUNG BAS, THUGS KYIS MKHYEN NAS KHYED RANG GRABS KYIS, TSAR BA DANG NGA BOS GSUNG, JO STON MNGA' RIS PAS YI GE DRUG PA LI MA DE SPYAN DRANGS NAS BYON BA DGE BSHES DGOL BAS YE MA GSAN PA LA, KHONG DOL PA'I GZIM KHANG DU BYON NAS PHYAG BYA BAR BRTZAMS PAS, SNGON LA LHA TSUR SPYAN DRONGS GSUNGS NAS MNGON SHES KYIS MKHYEN, BZANG YUL DU BYON PA'I DUS NA LCE DVA LA SGANG PA'I ZHAL NAS, NGA LA SNGAR BAS SGOM BZANG BA CIG SKYES PA LA, CI'I PHAN YON YIN SNYAM PA NA DGE BSHES DOL PA DER BYON PA GZIGS PAS KHONG GI BYIN RLABS YIN GSUNGS NAS BSNYEN BKUR CHE BAR MDZAD, PHYIS KYANG DER BYON PA'I DUS NA DE KHO NA BZHIN DU BYUNG BAS DAD GUS SHIN TU CHE BAR MDZAD GSUNG, DGE BSHES MON BU CHUNG BA'I ZHAL NAS, DGE BSHES YA GAD PA DE RING 'DI NA YAR LA 'BYON PAR 'DUG ,MDANGS CHOS BSAM DU BTUB PA CIG BYUNG GSUNGS NAS, DGE BSHES DPON G-YOG 'BYON PA LA BYA RA MDZAD DE, MON BU CHUNG GI LUNG PA'I MDOR PHEBS PA NA BZANG SPOS MANG PO BSREGS NAS GSOL BA 'DEBS PA YIN GSUNG ,GZHAN

, ,YANG DGE BSHES 'DI MTHONG BA DANG, GSUNG THOS BA DANG, DRAN PA TZAM GYIS KYANG GZHAN GYI NYON MONGS PA'I GNYEN POR 'GRO BA CIG YOD PA YIN GSUNG STE, LHOR BYON BA'I DUS RGAN PO ZHIG NA RE, PHA SPUN ZHIG GIS CI BYED PA BYED DU MA STER, DUG BTANG NAS BSAD SNYAM PA LAGS TE KHA SANG KHYED DANG MJAL BAS BSAM PA DE LOG ,DA NGAN BU LA BZA' KHRIMS SHIG DANG SROG GCOD KYI SDOM BA CIG ZHU ZER BA LA, KHO CI LA GSOD KHYOD RANG GIS SKYE BA SNGA MA LA KHO LA GNOD PA BYAS PA'I RTAGS YIN GSUNGS NAS, PHAM PHABS SHIG DANG BZA' KHRIMS GNANG, YANG BUD MED GCIG NA RE, NGAN BU LA BU NOR RUNG ZHIG BDOG PA KHONG GIS BSAD NAS ZHE SDANG CHEN PO SKYES PA LA KHA SANG KHYED MTHONG BAS CHUNG DU THAL, MI KUN NA RE SKYE BA BDUN PA'I BYANG CHUB SEMS DPA' LAGS ZER NA LAGS SAM, NGAN BU LA BZA' KHRIMS SHIG KYANG ZHU ZER BA LA, MA RGAN SKYE BA BDUN PA MI 'DRA NA, 'U CAG BZA' KHRIMS SHIG BYA DGOS GSUNGS NAS BU'I MYA NGAN SEL BA'I GDAMS NGAG DANG BZA' KHRIMS GNANG, DE LTAR DGE BSHES DOL PA MTSAN DNGOS SHES RAB RGYA MTSO, YA GAD PA ZHES KYANG GRAGS PA DE DGUNG LO NYI SHU RTZA DRUG TU TSOGS DPON MDZAD DE 'GRO BA DPAG TU MED PA SMIN PAR MDZAD NAS SMIN DRUG GI ZLA SMAD LA GRAR PHEBS DUS SKU KHAMS CUNG ZAD BSNYEL NAS YAR BYON, ZLA BA PHYI MA LA CHOS CHEN PO ZHIG 'CHAD DE 'DI

RNAMS KYIS MI GO NYEN YOD GSUNG, SKU GSHEGS KHAR DGUN DE CHOS CHEN PO ZHIG 'CHAD DE KHYED KYIS MI GO BAR GDA' GSUNGS PA LA, GZHAN GYIS MA GO BAR, BE'U BUM GSUNG NGAM, BSLAB BTUS GSUNG ZER, DGE BSHES DOL PA'I GSUNG DE THOS PA TZAM GYIS KYANG BLO SNA BSGYUR NUS PA ZHIG YOD PAR GSUNGS, DE LTAR BSTAN 'GRO'I DON RGYA CHER MDZAD NAS DGUNG LO DON GSUM PA LCAGS MO PHAG GI LO DGUN ZLA 'BRING PO'I TSES BDUN GYI DRO THON PA NA YA GAD NYID DU SKU GSHEGS SO, ,YA GANG DU TSOGS PA STONG TZAM 'DUS PA'I NANG NAS BU SLOB CHE BA NI LHA 'BRI SGANG PA, DON STENG BA CHEN PO, BYA 'CHAD KHA BA, DPAL PHAG MO GRU PAS KYANG 'DI LA CHOS 'BREL GSAN SNANG NGO, ,DBUS KYI NYI ZLA ZUNG GCIG CES YONGS SU GRAGS PA BSHES GNYEN CHEN PO PO TO BA'I THUGS SRAS GLANG RI THANG PA DANG SHA RA BA GNYIS LAS, SHAR BA'I RNAM THAR NI 'CHAD PAR 'GYUR LA, DGE BA'I BSHES GNYEN GLANG RI THANG PA NI 'PHAN YUL GNYAN GONG GSER MA SHONGS SU YAB JO BO DAR MA MNGO BZANG GI SRAS SU SHING PHO RTA LA 'KHRUNGS, RUS SHUGS TSANGS, KHO RANG GI ZHANG PO BSHES GNYEN GROG MO MKHAR PA LA RAB TU BYUNG, MTSAN RDO RJE SENG GER BTAGS, RGYAL BA 'OD DPAG TU MED PA'I SPRUL PAR BYED LA, SNGON LO TZ'A BA SKA BA DPAL BRTZEGS SU SPRUL NAS BSTAN PA CHES CHER GSAL BAR MDZAD CING, 'DIR GDUL BYA BLO DMAN PA RNAMS KYI NGOR DANG POR SHIN TU BKREN PA'I TSUL MDZAD DE 'TSO BA

, ,DKA' THUB LA GNAS NAS SDE SNOD GSUM LA SBYANGS SHING, SDE SNOD GSUM GYI BRJOD BYA'I DON THAMS CAD SKYES BU GSUM GYI LAM GYI RIM PAR DRIL NAS NYAMS SU LEN PA'I MAN NGAG BYANG CHUB LAM GYI RIM PA LA THUGS RTZE CHIG SGRIL DU MDZAD NAS BKA' GDAMS SKU MCHED GSUM GA LA GTUGS SHING GTZO BOR NI DGE BA'I BSHES GNYEN PO TO BA CHEN PO LA BKA' GDAMS GZHUNG DRUG GI BSHAD BA MTHA' DAG PA DANG, LKOG CHOS SU BDAG BAS GZHAN GCES PA'I BYANG CHUB KYI SEMS SGOM PA'I MAN NGAG BLO SBYONG DON BDUN MA'I KHRID LEGS PAR GSAN TE NYAMS LEN GYI MTHIL DU MDZAD DO, ,DGE BSHES SNE'U ZUR BA LA'ANG LAM RIM GYI KHRID GSAN NO, ,DGE BSHES GLANG THANG PAS LOR SPYAN SNGA LA CHOS GSAN DUS YOS SPAR BA RES GDAN NON MDZAD KYIN BZHUGS, DE NAS BSOD SNYOMS MDZAD PA'I RNYED PA GANG BYUNG SBYIR DGE 'DUN DANG, KHYAD PAR PO TO BA DPON SLOB RNAMS LA DRANGS PAS SKU BSOD SKYES TE GRVA PA NYIS STONG TZAM 'TSOGS BA'I BRGYAGS KHONG RANG GIS GNANG, GNAS NGES MED MDZAD, SPYAN SNGA LO'I MCHOD RTAN BZHENGS DUS GRVA PA LNGA BRGYA KHRID DE MCHOD RTEN BRTZIG PA'I ZHABS TOG KYANG MDZAD, GTZO BOR PO TO BA'I RNAM THAR DANG GSUNG SGROS 'DZIN, PO TO BA GSHEGS KHANG DGE BSHES GLANG THANG PA LA KHYED GNAS GCIG TU MA BZHUGS, DNGOS PO CI YANG BDAG GIR MA 'DZIN, DE GNYIS SEMS LA ZHOG GSUNG, SPYAN SNGA LA DGE

BSHES GLANG THANG PAS KHO BO MI TSE HRIL GYIS BYAMS PA KHO NA SGOM PAR ZHU ZHUS PAS, SPYAN SNGAS DBU ZHVA PHUD NAS JO BO PA CHA BYAD BZANG GSUNGS NAS DBU DUNG DUD MDZAD, LAN CIG GI TSE TSE RABS THAMS CAD DU DGE SLONG GI DNGOS PO DANG MI 'BRAL BA'I DAM BCA' BRTAN PO MDZAD PAS, DPAL LHA MO DRE'U'I SKAD LHANG NGE BYON NAS DE'I BAR DU NGAS KHYOD KYI GROGS BYA'O GSUNG, GLANG THANG PA'I ZHAL NAS, CI TZUG SONG NGAM, BSRUNG SDOM BAG RE YANG BYAS, BSAM SGOM BAG RE YANG BYAS, BSOD NAMS KYI LAS BAG RE YANG BYAS BA LA CI 'DRA'I PO TI ZAB MO ZHIG ZHAL PHYE YANG SKYON THAMS CAD RANG GI YIN, YON TAN THAMS CAD JO BO SEMS CAN GYI YIN, DE'I GNAD KAS KHE DANG RGYAL KHA THAMS CAD GZHAN LA BYIN LA, GYONG DANG BUB KHA THAMS CAD RANG GIS BLANG SEMS PA MIN PA GO RGYU MA RNYED GSUNG ,YANG ZHAL NAS, 'GRO BA RIGS DRUG GAR SKYE CHA MED DE, GAR SKYES KYANG SEMS CAN LA PHAN 'DOGS PA 'DI MI BRJED DAM SEMS, MIG LONG YANG CHOS MI 'CHOR, RNA BA 'ON PA DANG, MDZES KHYER BA DANG, RKANG LAG ZHA BA DANG, LCE LKUGS KYANG CHOS MI 'CHOR GSUNGS TE DON LA PHYIR MI LDOG BAR ZHAL GYIS BZHES PA YIN, PO TO BA ZHING GSHEGS NAS THANG GRONG LTAG TU GTOR MA MDZAD DUS GTOR SDER BYA ROG GIS KHYER TE GLANG THANG GI SHAR GYI RI DE'U DE'I KHAR BZHAG PAS GLANG THANG PAS DER BYON, DPON SH'AKYA BYA BAS ZHABS TOG BYAS TE DER LO GSUM SGRUB PA MDZAD, ZHOL DU SGRUB CHU YANG BYUNG ,NYIN

, ,MTSAN DBYER MED DU BYANG CHUB KYI SEMS KYI TING NGE 'DZIN SGOM PAR MDZAD PAS KLU MO SPUN GSUM GYIS GLANG THANG GI GNAS PHUL ,DGE 'DUN GYI SDE 'DZUGS PAR ZHUS ,PHYIS RI DE'I STENG NAS YAR 'PHUR TE THUGS PHRENG SKYUR SAR KHRON PA BRUS, DBU ZHVA SGYUR SAR BLA BRANG BYAS TE GLANG THANG GI DGON PA BTAB, PO TO BA'I MDZAD PA BZHIN DU BKA' GDAMS GZHUNG DRUG DANG, LAM SGRON BYAMS CHOS LA SOGS PA'I GZHUNG CHE BA RNAMS KYIS SLOB MA BSKYANGS ,GLANG THANG PA LA MO CHAGS DE'UR BZHUGS DUS BYA YUL BAS KYANG 'DUL BA MDO RTZA GSAN, PHYIS GLANG THANG PA SNE'U ZUR BA'I YANG SLOB MAR GYUR CING, SNE'U ZUR PAS GLANG THANG PA LA KHYED KYI YON TAN DANG BDE BA 'DI RNAMS GZHAN GANG LAS KYANG MA BYUNG BYANG CHUB KYI SEMS LAS BYUNG BA YIN NO GSUNG STE, DE KHO NA BZHIN DU BDAG GZHAN BRJE BA'I BYANG CHUB KYI SEMS KHO NA LA GTZO BOR MDZAD DE, GLANG THANG BA NYID KYI ZHAL NAS KHO BOS RLUNG THA MAL DU GTONG MA MYONG GSUNGS TE GTONG LEN SGOM PA DANG NAM YANG MA BRAL BAR MDZAD PA'I GSUNG NGO, ,GLANG THANG PA ZHAL PA ZHUGS RING GLANG THANG GI LCAGS RI'I NANG DU SROG CHAGS RNAMS GCIG LA GCIG MI 'TSE BAR GRAGS, BLA MA RDO RJE GDAN PAS KHYUD PO RNAL 'BYOR LA SANGS RGYAS SNANG BA MTHA' YAS KYI SPRUL PA GLANG RI THANG PA LAS BSNYEN PAR RDZOGS SHIG CES LUNG BSTAN PA LTAR DGE BSHES GLANG THANG PAS MKHAS GRUB KHYUD PO RNAL 'BYOR GYI MKHAN PO MDZAD DO, ,LAN CIG DGE BSHES,

PO TO BA KLUNGS SHOD NA 'GON BZHUGS RTZA NA, GLANG RI THANG PA DER BYON DUS GLANG THANG BA SKU KHAMS MA BDE, DANG KHA NGAN PAS, SPYIR RIGS DRUG GI SDUG BSNGAL 'DI 'DRA ,DRAG SHOS MI YIN DE'I NANG NAS KYANG RAB TU BYUNG BA YIN TE 'DI 'DRA BA SNYAM NAS LAS 'BRAS DANG 'KHOR BA'I NYES DMIGS BSAM PAS SKYO ZHING YID 'BYUNG BA NI SKYES ,LUS LA SDIG PA SBYONG BA'I NUS PA MED SNYAM NAS, PO TO BA BSKOR BA MDZAD PA'I LAM KHAR NA BZA' GDAN DU BTINGS NAS DGE BA'I BSHES GNYEN PA 'DIR BZHUGS BA ZHU DANG ZHUS PAS, CI BYED NGA BSKOR BA BYED GSUNG NAS MA GNANG BA LA DON GAL CHE BA CIG BDOG BZHUGS PAR ZHU DANG ZHUS PAS, DGE BSHES PA STAN THOG TU BZHUGS PA LA GLANG RI THANG PAS KHO BO DBYAR KHAMS NGAN PAR BYUNG, DANG KHA YANG NGAN PAR BYUNG, MI RTAG PA DANG 'KHOR BA'I NYES DMIGS BSGOMS PAS YID 'BYUNG SKYES, DGE SBYOR BYED PA'I NUS PA MED PAS SHES PA SHIN TU MA BDE, GDAMS NGAG CIG ZHU 'TSAL ZHUS PAS ,PO TO BA'I ZHAL NAS, JO BO KHAMS DAG GRANG DRO SNYOMS PA'I NYAMS BDE STE TSE PHYI MA LA PHAN NAM GSUNG NAS DGRA BCOM PA GNYIS KYI GTAM RGYUD DRANGS NAS, GZHAN YANG SDUG BSNGAL YON TAN NI, ,SKYO BAS DREGS BA SEL BAR BYED, ,'KHOR BA PA LA SNYING RJE SKYE,, SDIG LA 'DZEM ZHING DGE LA DGA', ,BYA BA YIN PAR SONGS DANG NGA SKOR BA BYED GSUNGS NAS BZHUD, GLANG THANG PA DE'I NUB MO NAS BDE BSNYUNG DVANGS SO, ,GLANG THANG PA BSOD NAMS GSOG PA LA DGYES, ZVA THUG NUR NUR BA SKOL

, ,BA MI GANG GAL CHE BA LA 'DREN, LAN CIG JA NI MED, RTZA BAS RE DANG BCAS PA'I TSA BA CIG PO TO BA DPON SLOB LA DRANGS, BSNGO BA BYED TZAN KHA BA THUL GYIS BYUNG BAS, PO TO BA'I ZHAL NAS SGOM NAG KHYOD NYI MA DE RING NAS DBUL DANG BRAL BA YIN NO GSUNG, DGE BSHES GLANG THANG PAS LHA SAR BSKOR BA YUN RING MDZAD DUS DGONG MO PHYI SE BA CIG LA BYON PAS SKAD CIG LHANG LHANG GRAG PA GZIGS SU BYON PAS BUD MED GZHON NU CIG SKYIGS 'DUG PA BKROL NAS BUD MED DE GOS KYI 'THU BAR BSNYAL, KHYOD RANG NGA LA PHA DANG BU'I 'DU SHES ZHOG, NGAS KHYOD LA MA DANG SRING MO'I 'DU SHES 'JOG GSUNGS NAS BZHUGS, SANG MO LA NA BZA' CIG BYIN NAS BTANG, PHYIS BUD MED DES YON BDAG GI RTZA BA BYAS GLANG THANG SHAR GYI RI DE'U DE'I KHAR SGRUB KHANG BRTZIGS NAS SGRUB PA MDZAD ,DE NAS BSHES GNYEN CHEN PO 'DIS GDUL BYA 'DUL BA'I DUS LA BAB PA NA, GLANG THANG GI DGON PA BTAB TSUL DANG BYANG CHUB LAM RIM BKA' GDAMS GZHUNG DRUG DANG SBYAR TE RGYA CHER BSTAN PA'I TSUL SNGAR BSHAD ZIN CING, RANG RGYUD 'DUL BA GTZO BOR MDZAD DE 'DOD YON GYI 'KHRI BA CHOD PA YANG 'GRON PO GZHUNG 'GRON PA LAM LA 'GRO KHA MA CIG GIS JA LEGS PA ZHIB MA GANG PHUL, SKOL NAS BZHES PA'I ZHU BA PHUL NAS YOD PA LA YON BDAG DE MDO NAS YAR 'KHOR NAS MJAL DU PHYIN PAS JA RDUL KHAD DE 'DUG PA LA JA MA SKOL LAM ZHUS PAS NGAS KYANG KHO MA SKOL ,KHOS KYANG NGA MA SKOL GSUNG, NYE GNAS

KYIS NGED RANG LA MI RNAMS KYIS GLANG RI THANG PA NGO NAG PA ZHU YI 'DUG, MJAL MI BYUNG BA RNAMS LA GSUNG GLENG RE DANG ZHAL NGO DKAR PA RE MDZAD NA ZHUS PAS, DE'ANG YIN TE 'KHOR BA'I NYES DMIGS BSAM NA NGO DKAR SA 'DUG GE, DES NA 'KHOR BA 'DI GSOS DUS MED PA'I NAD DANG, THAR DUS MED PA'I BTZON DU 'DUG GO GSUNG, RAB TU BYUNG NAS SKU TSE RIL PO LA ZHAL 'DZUM PA LAN GSUM LAS MA BYUNG, DA LTAR DGE BSHES GLANG THANG PAS SGRUB PA DAR DRAG LA RGYUN RING BA MDZAD CING THEG CHEN GYI CHOS MTHA' DAG LA SKAD CIG KYANG G-YEL BA MED PAR SBYANGS TE GZUNGS DANG TING NGE 'DZIN LA SOGS PA SANGS RGYAS KYI CHOS GRANGS MED PA LA RNAM PAR RTZE ZHING, SPYAN DANG MNGON PAR MKHYEN PA LA SOGS PA YON TAN THAMS CAD KYIS PHYUG PA, BDE BAR GSHEGS PA NA MKHA'I SKAR TSOGS TZAM GYI ZHAL GZIGS, SPYOD 'JUG LAS, BDAG BDE GZHAN GYI SDUG BSNGAL DAG, YANG DAG BRJE BA MA BYAS NA, ,SANGS RGYAS NYID DU MI 'GRUB CING,, 'KHOR BA NA YANG BDE BA MED, ,CES GSUNGS PA LTAR BDAG GZHAN BRJE BA'I NYAMS LEN GTONG LEN RLUNG LA SKYON NAS BSGOM PAS 'BAD MED LHUN GRUB TU BYUNG STE, KHO BOS RLUNG THA MAL DU GTONG MA MYONG GSUNG, LAN CIG GLANG THANG PA CHOS GSUNG BA'I PANG DU BUD MED ZHIG GIS BU CHUNG SKYES MA THAG CIG BSKYAL NAS 'DI KHYED RANG GI BU YIN NO NGAS MI GSOS SO ZER NAS SONG, DE LA ZHAL NGO 'GYUR BA TZAM YANG MED PAR DANG BLANGS MDZAD, 'O 'DU BTZAL NAS MA

, ,RGYAGS BU RGYAGS GNANG, BU DE CHER SKYES PA DANG SNGAR GYI MI TSANG GIS BSNYEN BKUR BYAS NAS DE GONG BU CHUNG 'DRA BYUNG BA MA GSOS, 'DI YANG 'DI BZHIN MA BYAS NA MI GSOS PA MO DANG RTZIS LA BYUNG BAS DE LTAR BYAS PA LAGS, BZOD PA MDZAD CING BU GNANG BA ZHUS PAS CI DGAR GNANG STE 'DI NI BYANG CHUB SEMS DPA'I SPYOD PA BYA DKA' BA'I GNAS LA BSLABS PA'O, ,LHA MO LUNG GI DGON PA NA BZHUGS DUS DBYAR CIG SE LCEG, PA'I ZHING LA CHU'I GNOD PA BYUNG BA LA, CHU SGYUR ZHUS PAS RVA CO KHA BCAD PA THE RTZES MNAN PA ZHIG BSKUR NAS CHU'I GNOD PA 'ONG BA'I LOGS LA SBOS GSUNG, DE BZHIN BYAS PAS CHU PHAR 'GYUR, PHYIS RVA CO KHA PHYE NAS BLTAS PAS, 'DI NA DGE SLONG RDO RJE SENG GE YOD PAS CHU KHYOD PHAR RGYUG ZER BA CIG 'DUG GO, ,DE NI, BDEN PA'I BYIN GYIS BRLABS KYIS MI YI PHUNG PO ZHI, ,DE NI MI LDOG LUNG BSTAN YIN PAR RIG PAR BYA, ,ZHES GSUNGS PA DANG TSUL MTSUNGS PA'O, ,GLANG RI THANG GI THUGS DAM 'BUM PA RGYAL BA SRAS BCAS KYI PHO BRANG MTHONG BA DON LDAN BZHENGS GRUB NAS RTEN DAM TSIG PA LA YE SHES PA RAB TU GNAS PA'I BRTAN PA ZHUGS DANG, ME TOG GI MNGA' DBUL PHYOGS BZHI RE RE NAS BSHES GNYEN CHEN PO PO TO BA LA SOGS PA DGE SLONG RNAM DAG SNAM SBYAR BZHES PA BRGYA RTZA BRGYAD TZAM GYIS ME TOG GI CHAR PHAB PA'I TSE, NAM MKHA' LA 'JA' TSON RNAM PAR BKRA BA'I GUR BKRA SHIS RTAGS BRGYAD LTA BU NGO MTSAR BAS GANG, BAR SNANG NAS LHAS ME

TOG GI CHAR PHAB PA'I DRI BSUNG KHYAD PAR CAN DUD 'GROS KYANG MNAM DU RUNG BA BYUNG, ZHAL BSRO LA DKON MCHOG GI MCHOD PA RGYA CHEN PO DANG, DGE 'DUN 'DUS PA RGYA MTSO'I TSOGS LA BSNYEN BKUR DANG, SKYE BO MTHA' YAS PA LA SBYIN GTONG RGYA CHEN PO DANG, PHONGS PA LA PHAM BABS CHER STZAL TE, DE YANG, BDOG PA THAMS CAD 'BRAS BCAS TE, ,SKYE BO KUN LA BTANG SEMS KYIS, ,SBYIN PA'I PHA ROL PHYIN GSUNGS TE, ,CES PA LTAR RO, ,DANG PO'I DUS SU GLANG THANG PA DANG SHA BA SGANG PA GNYIS CHOS PHAR GSAN TSUR GSAN BYED, SHA BO SGANG PA'I ZHAL NAS, GLANG THANG BA BYANG CHUB KYI SEMS TSAN CHE, NGAS PHAN 'DOGS PA LA SROG GTONG NUS TE, GNOD PA SKYEL BA LA MI NUS, KHONG GIS GNYIS KA LA NUS GSUNG, GNYAN RNA MO BA DANG, KHONG RNAM GSUM 'DZOM PA LA, DA LTA 'CHI NA JI LTAR BYED BYAS PAS, RNA MO'I ZHAL NAS 'DI TZUG KYANG BYED, 'DI TZUG KYANG BYED BYA BA KHA YAR BYUNG STE MANGS PA YIN GSUNG, SHA BO SGANG BA'I ZHAL NAS BYANG CHUB KYI SEMS SBYONG BA MIN PA GZHAN BYA RGYU MED GSUNG, GLANG THANG PA'I ZHAL NAS, KHO BO DA LTA RANG 'CHI YANG BSKYED 'DON RGYU SPU TZAM YANG MED GSUNG, SEMS DPA' CHEN PO GLANG RI THANG PA SKU MYA NGAN LAS 'DA' KHAR SEMS CAN GYI DON DU DMYAL BAR SKYE BAR SMON LAM BTAB PA YIN TE MI 'GRUB PA 'DRA, DAG PA'I SNANG BA 'BA' ZHIG 'CHAR YIN 'DUG GSUNG NAS THUGS KHRAL MDZAD PAR GSUNGS, DGE BA'I BSHES GNYEN 'CHAD KHA BAS DGE BA'I BSHES GNYEN LCAGS ZHING PA LA GLANG THANG BA'I BLO SBYONG

, ,TSIG BRGYAD MA GSAN NAS, THUGS 'GYUR BA'I TSIG BRGYAD MA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG ,GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG, SPYOD LAM KUN TU RANG RGYUD LA, ,RTOG CING NYON MONGS SKYES MA THAG, BDAG GZHAN MA RUNG BYED BAS NA, ,BTZAN THABS GDONG NAS BZLOG PAR SHOG, RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG, BDAG LA GZHAN GYIS PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN BA DANG, ,RGYAL KHA GZHAN LA 'BUL BAR SHOG, GANG LA BDAG GIS PHAN BTAGS PA'I, ,RE BA CHE BA GANG ZHIG GIS, ,SHIN TU MI RIGS GNOD BYED NA'ANG, ,BSHES GNYEN DAM PAR BLTA BAR SHOG, MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN BAR SHOG, DE DAG KUN KYANG CHOS BRGYAD KYI, ,RTOG PA'I DRI MAS MA SPAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG, CES GSUNGS PA 'DI'O, ,DE LTAR SEMS DPA' CHEN PO GLANG RI

THANG PAS BSTAN 'GRO'I DON RGYA CHER MDZAD NAS MTHAR DGUNG LO BDUN CU BZHES PA CHU MO YOS LO'I DPYID ZLA THA CHUNG SA GA'I NYI SHU GSUM LA, GLANG THANG DU SKU GSHEGS NAS DGA' LDAN CHOS KYI PHO BRANG DU PHEBS SO, ,SKU GSUNG LA MCHOD PA'I BYE BRAG BSAM GYIS MI KHYAB PA DANG BCAS TE ZHUGS LA PHUL BA'I TSE, NAM MKHA' LA 'JA'I GUR GYI RIM PA DANG, ME TOG GI CHAR DANG, LHA'I SPOS KYI NGAD LDANG BA DANG, RAB BYUNG DANG SKYE BO'I TSOGS KHRI KHRAG TZAM TSOGS PA LA MTHONG SNANG DAG PA DANG, BYANG CHUB KYI SEMS DANG DAD PA MI PHYED PA SKYES PA PHAL CHER LA BYUNG ZHING, GDUNG RUS LA LHA SKU DANG, THUGS DANG, GDUNG SHA RI RAM DANG, RING BSREL DANG BCAS PA BSAM GYIS MI KHYAB PA BYUNG STE GDUNG RING BSREL GYIS KYANG 'GRO BA'I DON RGYA CHER MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO PO TO BA SRAS DANG BCAS BA LA MCHOD CING GSOL BA GDAB PA DANG, SEMS DPA' CHEN PO 'DI'I RNAM PAR THAR PA DRAN PAR BYAS LA LAG TU CI LON BYA BA DANG, THA NA SMON LAM GYI YUL DU BYAS NAS KYANG MDZAD PA RNAM THAR DE DAG BSAMS LA BAG CHAGS CI THEBS BYA'O,, ` ,,RNAM DPYOD 'GRAN ZLA BRAL BA'I SHA RA BA; ZHES BSNGAGS PA, BYANG PHYOGS GANGS RI'I KHROD 'DIR RGYAL BA'I BSTAN PA'I SNYING PO JO BO YAB SRAS KYI MAN NGAG BYANG CHUB LAM GYI RIM PA SBEL BA'I SLAD DU BSAM BZHIN DU BYON PA SEMS DPA' CHEN PO SHA RA BA GANG DU 'KHRUNGS

, ,PA'I YUL NI, BYANG RA SGRENG NAS YA TSANG PHYIN PA'I YUL ROM PO ZHES PA YIN LA, GNAS DER PA TSAB ROM PO'I RGYUD DU LCAGS PHO KHYI'I LO YUM PHYUGS MA SKYONG BA'I PHYIR RDO LEB CHEN PO ZHIG GI STENG NA BZHUGS PA'I DUS SU 'KHRUNGS TE, PHYIS RDO LEB DE LA SHA RA BA BLTAMS SA ZHES GRAGS SHING RDO LEB DE'I STENG NA SHAR BA 'KHRUNGS NAS ZHABS BRKYANGS PA'I SHUL RDO LA ZHABS RJES KYANG YOD CES RJE BTZUN BLA MA BLO BZANG YE SHES GSUNG, GNAS DE DA LTA KUN GYI PHYAG MCHOD KYI GNAS SU BYED DO, ,DE NAS DGUNG LO BCO BRGYAD KYI BAR YAB YUM GNYIS KYIS BSKYANGS SHING KHYIM DU BZHUGS, DER BZHUGS RING BYIS PA'I SPYOD PA MTHA' DAG LAS DANG GIS LOG, SNGAR YUN RING PO NAS GOMS PA'I BAG CHAGS BRTAGS PAS YI GE 'DRI KLOG SOGS NI TSEGS MED PAR MKHYEN, DKON MCHOG MCHOD PA SOGS DGE BA'I LAS LA NI NGANG GIS 'JUG, SKAL BA MNYAM PA'I SEMS CAN GZHAN DAG MTHONG NA BYAMS PA'I MIG GIS BLTA ZHING BRTZE BA'I 'DZUM GYIS BSU BA LAS GZHAN LA KHRO BA DANG SKYON BRJOD PA SOGS SGO GSUM NYES PAR SPYOD PA LA NI NGO TSAR BLTAS TE 'JUG PA'I SKABS MED, GZHAN DU NA BSAM PA 'DI LTA BU DAG 'KHRUNGS BAR NGES TE, SKYES RABS LAS, BTZON RA 'DRA BA'I KHYIM LA NI, ,NAM YANG BDE BAR MA SEMS SHIG, PHYUG GAM YANG NA DBUL YANG RUNG, ,PHYIM NA GNAS PA NAD DU CHE, ,GCIG NI BSRUNG BAS NYON MONGS LA, ,GNYIS

PA 'TSOL BAS SHA THANG NGO, ,PHYUG GAM YANG NA DBUL YANG RUNG, ,GANG NA BDE BA MED GYUR PA, ,DE LA DGA' BAR RMONGS PA NI, ,SDIG PA'I 'BRAS BU SMIN PA NYID, ,CES GSUNGS PA LTAR, KHYIM NA GNAS PA NI NYON MONGS PA DANG, NYES PAR SPYOD PA DANG SDUG BSNGAL DU MA'I 'BYUNG GNAS SU RIG NAS BDAG NAM ZHIG NA BTZON DONG DANG 'DRA BA'I KHYIM GYI GNAS 'DI NAS BYUNG STE RGYAL BA'I BSTAN PA LA ZHUGS LAS THOS BSAM SGOM GSUM LA 'BAD PA ZHIG NAM 'ONG SNYAM DU DE 'BA' ZHIG BSAM ZHING MDO SNGAGS KYI GSUNG RAB RNAMS LA YANG DANG YANG DU BLTA BA LHUR LEN PAR BYED DO, ,DE NAS PHA MA DANG NYE DU RNAMS KYIS BAG MA LEN PA'I SBYOR BA BSHAMS PAN RANG YUL NYE DU NOR LONGS SPYOD GANG LA'ANG MA CHAGS PAR MCHIL SNABS BZHIN DU DOR TE DGUNG LO BCO BRGYAD PA'I DBYID BROS NAS KLUNGS SHOD DU PHEBS NAS RAB TU BYUNG, MTSAN YON TAN GRAGS SU BTAGS, RAB TU BYUNG BA'I SA DE LA KLUNGS SHOD CHOR BA ZHES GRAGS, DER YANG NYE DU RNAMS KYIS 'DZIN MI BYUNG DOGS NAS KLUNGS SHOD PHYUR BU ZHES BYA BA NA DGE BA'I BSHES GNYEN SPYAN SNGA BA CHEN PO MTSAMS DAM PAR BCAD PA'I SAR BYON, SPYAN SNGA BA CHEN POS KYANG BKA' GDAMS BSTAN 'DZIN CHEN PO ZHIG TU 'GYUR BAR GZIGS NAS, DGYES BZHIN DU RJES SU BZUNG NAS GDAMS PA DANG RJES SU BSTAN PA MANG DU STZAL, DE'I TSE SHA RA BA YON TAN GRAGS KYI THUGS DGONGS LA BKA' GDAMS SKU MCHED GSUM PO LA JO BO RJE'I MAN NGAG ZHUS NAS

, ,GTZANG PHYOGS SU GSANG SNGAGS KYI CHOS MANG PO ZHIG ZHU BAR 'BYON BZHED NAR MAR 'KHRUNGS TE, DUS DE'I TSE GTZANG NA 'BROG MI LO TZ'A BA DANG RJE 'GOS LO CHEN PO BZHUGS TE GSANG SNGAGS RGYUD SDE BZHI'I 'CHAD NYAN SHIN TU DAR BA YOD PAS RDO RJE 'DZIN PA CHEN PO DE DAG GI ZHABS LA GTUGS TE RGYUD SDE BZHIG DANG, KHYAD PAR GSANG SNGAGS BLA MED KYI MAN NGAG RNAMS ZHUS TE SNGAGS LAM SGOM PA ZHIG GTZO BOR BYED DGONGS PA BYUNG, DE NAS DE KHA'I DBYAR DUS DGE BA'I BSHES GNYEN PO TO BA CHEN PO STAG LUNG THANG NA BZHUGS PA'I SPYAN SNGAR BYON, CHOS KYI GSOL BA BTAB PA NA DGE BSHES PO TO BA CHEN POS KYANG RANG GI SRAS KYI THU BO BSTAN PA'I BDAG BAR 'GYUR BAR GZIGS NAS SPYAN GYI 'BRAS BU LTAR BSKYANGS TE DUS GSUM GYI RGYAL BA THAMS CAD GANG NAS GSHEGS PA'I LAM PO CHE, RGYAL BAS GSUNGS PA'I CHOS PHUNG BRGYAD KHRI BZHI STONG PO THAMS CAD NYAMS LEN GYI LUS GCIG TU DRIL BA BYANG CHUB LAM GYI RIM PA'I KHRID GNANG STE, THOG MAR GANG NYAMS SU BLANG BAR BYA BA DE NAS BZUNG STE MTHAR 'BRAS BU 'GRUB PA'I BAR GYI LAM GYI GRANGS DANG GO RIM LAM SO SO'I NGO BO RNAMS RGYAL BA'I BKA' DANG SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS CHES ZHIB PAR MIG LA MNGON SUM DU SNANG BA'I DPE DANG BCAS KHRID PAR MDZAD PA NA SHA RA BA CHEN PO SNGON YUN RING PO NAS LAM LA SBYANGS PA'I BAG CHAGS SAD DE LAM

GYI GRANGS DANG GO RIM LA LDOG TU MAD PA'I DAD PA DANG, TSIG TZAM MIN PAR RIGS PA'I LAM NAS DRANGS PA'I NGES SHES BRTAN PO RNYED NAS RE SHIG SNGAGS LAM MTHON PO LA 'JUG PA'I RE BA MI 'DUG SNYAM NAS GTZANG DU 'GRO BA'I 'DUN PA LOG ,LAM MA NOR BAR STON PA'I DGE BA'I BSHES GNYEN 'DI LTA BU DANG LAN CIG MJAL BA 'DI GA LA 'DOR SNYAM DU SKAD CIG GCIG KYANG 'BRAL MI PHOD PAR DANG POR MJAL BA DE NAS BZUNG MTHAR DGE BSHES PO TO BA CHEN PO ZHING GSHEGS KYI BAR NAM YANG MA BRAL BAR BSAM SBYOR GNYIS KYIS TSUL BZHIN DU BSTEN TE LAM GYI RIM PA'I GDAMS NGAG MA LUS PA BUM PA GANG BYOR GSAN, BAR SKABS SHIG NYE DU RNAMS DANG YUL PHYOGS KYI MI MANG PO ZHIG GIS RANG GI KHU BO'I GNAS ROM PA RE ZHES PA'I DGON GNAS ZHIG GI CHOS DPON DU 'BYON DGOS PAR BSKUL BA NA SLAR ZHIG 'BYON NAM SNYAM DU DGONGS PA BYUNG BA LA DGE BSHES PO TO BA CHEN POS BSLAB BTUS GSUNG BA'I SKABS BYANG SEMS KYI LAM BGROD PA'I BAR CHAD GNOD 'GYUR RNAMS GSUNG BA'I TSE ZHAL TA PA'I GNOD PA ZHIB TU GSUNGS PAS THUGS NGES BRTAN PO 'KHRUNGS TE, DE NAS CHOS DPON DU 'GRO BA'I SPROS PA CHOD GSUNG, THOG MAR DGE BSHES PO TO BA'I GRAB BYING GRAS LO DGU MDZAD, DE NAS DGE BSHES PO TO BA CHEN PO THUGS SHIN TU MNYES PAS SKU 'KHOR NANG MA LO DGU MDZAD DE KHYON DGE BSHES PO TO BA CHEN PO LO BCO BRGYAD BSTEN TE DE'I RING LA BYANG CHUB LAM GYI RIM PA'I KHRID

, ,MTHA' CHOD PAR GSAN TE, DE YANG RJE BTZUN BYAMS BAS MDZAD PA'I MNGON PAR RTOGS PA'I RGYAN BYANG CHUB LAM GYI RIM PA'I RTZA BA MAN NGAG TU BYAS, DE'I STENG DU MDO SDE RGYAN DANG, SLOB DPON DPA' BOS MDZAD PA'I SKYES RABS SO BZHI PA DANG, RGYAL SRAS ZHI BA LHAS MDZAD PA'I SPYOD 'JUG DANG BSLAB BTUS GNYIS DANG CHED DU BRJOD PA'I TSOM DANG, BYANGS STE BKA' GDAMS GZHUNG DRUG GUNG BSGRIGS TE BYANG CHUB LAM GYI RIM PA'I MAN NGAG RNAMS DMIGS SKOR RE RE NAS GZHUNG DRUG PO DE DAG GANG RIGS NAS RGYAS BAR BSHAD, GZHAN YANG SLOB DPON 'PHAGS PA KLU SGRUB KYIS MDZAD BA MDO SDE KUN LAS BTUS PA DANG, RIN CHEN PHRENG BA DANG RTZA SHE LA SOGS BA'I RIGS CHOGS RNAMS DANG SLOB DPON KA MA LA SH'I LAS MDZAD PA'I SGOM RIM GSUM LA SOGS PA GSUNG RAB DGONGS 'GREL DANG BCAS PA THAMS CAD BYANG CHUB LAM GYI RIM PA'I GDAMS NGAG TU NGO SPRAD NAS STON PAR MDZAD PAS RGYAL BA'I GSUNG RAB DGONGS 'GREL DANG BCAS PA 'CHAD PA LA MI 'JIGS PA'I SPOB PA THOB, RANG DANG GZHAN GYI GRUB MTHA' RGYA MTSO'I PHA ROL TU SON, SDE SNOD GSUM DANG SHING RTA CHEN PO'I GZHUNG RNAMS PHAL CHER THUGS LA GZUNG STE SKAL PA DANG LDAN PA GZHAN DAG LA GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS NAS 'DOMS PA LA DBANG 'BYOR PAS BOD DU SKYES PA'I MI ZHIG LA SHAR BA CHEN PO LAS

MKHYEN RAB RLABS CHE BA MED CES BKA' GDAMS GONG MA'I GSUNG BSGROS LAS 'BYUNG, DON 'DI DAG LA DGONGS NAS RJE THAMS CAD MKHYEN PAS KYANG, RNAM DPYOD 'GRAN ZLA BRAL BA'I SHA RA BA, ZHES BSNGAGS PA MDZAD DO, ,SHA RA BA CHEN PO NYID KYI ZHAL NAS, DENG DUS CHOS BYED KUN CHOS 'CHAD BA PO GANG NA YOD ZER BA THAMS CAD KYI RTZAR 'GRO STE, STON PA RIN PO CHE YAB SRAS KYI LUGS DE MIN, DGE BSHES STON BAS SKU TSE DE LA BLA MA LNGA LAS MA BSTEN, DA YANG DGE BSNYEN GYI SDOM PA'I SLOB DPON DANG, KLOG YIG SLOB PA'I SLOB DPON DANG, BLA MA SE BTZUN DANG, PAndI TA SMRi TI DANG, JO BO RJE STE, DE RNAMS KYI NANG NAS KYANG GZHAN RNAMS LA CHOS 'BREL RE TZAM YIN BLA MA SE BTZUN PA LA MTSAN NYID KYI GZHUNG RNAMS GSAN, GTZO BO NI JO BO RJE NYID LA BRTEN NAS BYANG CHUB LAM GYI RIM PA MTHA' DAG PAR GSAN TE, JO BO RJE MNGA' RIS SU MJAL BA NAS MTHAR SNYE THANG DU ZHING GSHEGS PA'I BAR JO BO RJE NYID BSAM SBYOR GNYIS KYIS TSUL BZHIN DU BSTEN DE MDO SNGAGS KYI GSUNG RAB DGONGS 'GREL DANG BCAS PA MTHA' DAG BYANG CHUB LAM GYI RIM PAR BSDUS TE GSAN ZHING DE 'BA' ZHIG THUGS NYAMS SU BZHES BAS BSTAN PA YONGS RDZOGS KYI BDAG POR BYON PA YIN, DGE BSHES PO TO BA CHEN BOS KYANG KHYIM DU BZHUGS SKABS SRU SGOM LA BSNYEN GNAS KYI SDOM PA ZHIG ZHUS BLA MA DE DANG, DGE TSUL GYI SDOM PA'I MKHAN SLOB DANG ,MTSAN NYID LA BSLAB SBYONG MDZAD PA'I SKABS KYI SLOB DPON DANG, 'BROM RIN PO CHE RNAMS MA GTOGS BA BLA MA MA

, ,BSTEN, DE YANG GTZO BOR 'BROM RIN PO CHE NYID LA BRTEN TE, DANG PO MJAL BA NAS MTHAR ZHING NAM GSHEGS KYI BAR BSAM SBYOR GNYIS KYIS TSUL BZHIN DU BSTEN TE BYANG CHUB LAM GYI RIM BA NYID LA SBYANGS PAS BSTAN PA YONGS RDZOGS KYI BDAG POR BYON, KHO BOS KYANG BKA' GDAMS SKU MCHED RIN PO CHE GSUM LA BRTEN CING DE'I NANG NAS KYANG DGE BA'I BSHES GNYEN PO TO BA CHEN PO NYID LA BRTEN ,GZHAN DAG DGE TSUL GYI MKHAN SLOB MA GTOGS BLA MA GZHAN MA BSTEN, DGE BSHES PO TO BA CHEN PO NI LO BCO BRGYAD KYI BAR DU BSTEN TE MI MNYES PA SKAD CIG KYANG BYED MA MYONG GSUNG, MTHAR DGE BSHES PO TO BA ZHING GSHEGS NAS DGE BSHES PO TO BA'I SLOB MA PHAL CHER SHAN BA'I RJES SU 'BRANG STE 'KHOR BRGYA PHRAG MANG PO DANG BCAS KLUNGS SHOD DU BYON NAS TSOGS BSDUS, YO BYAD GANG BYUNG THAMS CAD DGE 'DUN LA BSNGOS, DE NAS SNYAN PA'I GRAGS PAS 'DZIN MA'I KHYON KUN KHYAB STE BYANG CHUB LAM GYI RIM BRGYA CHER BSHAD PAS CHOS GSAN BA MANG DUS SUM STONG 'DUS PA BYUNG, PHAL CHER NYIS STONG LHAG TZAM RGYUN DU 'DUS, DE THAMS CAD KYANG DGE BSHES SHAR BA CHEN PO NYID KYI RNAM THAR RJES SU SKYONG BA SHA STAG BYUNG STE, SHAR BA CHEN PO NYID KYIS RANG GI 'KHOR DU 'DUS PA'I GDUL BYA THAMS CAD TSUL KHRIMS RNAM PAR DAG PA GZHIR BZUNG NAS SKYES BU GSUM GYI LAM GYI RIM PA SGOM PA LA SBYAR, LAM GYI RIM PA'I YANG RTZA PA BSHES GNYEN BSTEN TSUL RNAM PAR DAG BA ZHIG DGOS ZHES 'DOMS PAR MDZAD, SHA RAB

NYID KYI ZHAL NAS THEG PA CHEN PO'I LAM GYI RTZA BA DGE BA'I BSHES GNYEN YIN, DGE BA'I BSHES GNYEN LAM BSTEN PAR LAM GANG YANG SKYE BA MI SRID PA YIN, SA BCU'I BYANG CHUB SEMS DPA' BSKAL BA GRANGS MED GSUM DU TSOGS BSAGS PA LA YANG PHYOGS BCU'I SANGS RGYAS RNAMS KYIS PHYAG G-YAS PA DBU THOG TU BZHAG NAS BYIN GYIS MA BRLABS PAR RDO RJE LTA BU'I TING NGE 'DZIN THOB MI SRID PAS DE BZHIN GSHEGS PA DE DAG GNAS SKABS DE NA DGE BA'I BSHES GNYEN BYA BAR 'DOD PA YIN; DA LTA 'U CAG THAMS CAD KA CA KHO NA LA RTZI BA LA SKU MCHED GSUM PO LA RES GSUM GA SPYIR 'BUL BA 'ONG, RES GNYIS LA 'ONG BA LA, DUS DE THAMS CAD NA GSUM LA PHUL NA GNYIS LA 'BUL, GNYIS LA PHUL NA GCIG LA 'BUL GYI BA 'DI 'DOD YE MI GSUNG DE LTA BU LA DAD GSUNG, DGE BSHES SHAR PA CHEN PO DE, DGE BSHES PO TO BA'I RNAM THAR SKYONG BA MA GTOGS SU LA'ANG MI 'DUD SU DANG YANG MI KHO NA, GANG DU 'DUG KYANG DMA' SA 'DZIN RKYEN BZANG NGAN GANG BYUNG YANG BYANG CHUB LAM GYI RIM PA SGOM PA KHO NA LAS THABS GZHAN GANG YANG MI MDZAD, SKU MTHONG BA DANG GSUNG THOS PA THAMS CAD DAD PA RANG DBANG MED PAR SKYE, DAD RDZAS DANG GSHIN RDZAS GANG BYUNG YANG DKON MCHOG GI MCHOD BA DANG, DGE 'DUN GYI BSNYEN BKUR KHO NA LA GTONG BA LAS MI DGOS PA'I SAR YE MI GTONG MA DAG BA'I RDZAS YE MI 'CHANG GZHAN GYIS ZHING DANG KHANG KHYIM DANG PHYUGS MA SOGS PHUL YANG GTAN NAS MI BZHES, LAN CIG SBYIN BDAG ZHIG GIS ZHING RNGAS BA'I THOG CIG PHUL BA NA DGE 'DUN LA PHUL NGA LA MI DGOS RTZA SOG TSUR

, ,SKYOL GRA PA RNAMS KYI RGYAGS SKYEL MI'I KHAL MA LA PHAN 'GRO GSUNG, DGE BSHES PO TO BA DANG SHA RA BA GNYIS POS THABS LTOS BCOS GANG YANG MA MDZAD PAR LAM RIM KHO NA SGOM BAR MDZAD PAS RANG DANG SLOB MA RNAMS LA NAD GDON GYI 'TSE BA NYUNG, LHA 'DRE MI GSUM BYAMS TSE RING BAR BYUNG, DGE BSHES SPYAN SNGA BA DANG BYA YUL BA DPON SLOB RNAMS THABS RIM MAN NGAG 'DI MI MKHYEN BYA BA MED PAS GDUL BYA RNAMS KYANG MAN NGAG SNA TSOGS LAG LEN BYED PA BYUNG YANG NAD GDON GYI 'TSE BA MANG ZHES BKA' GDAMS GONG MA'I GSUNG SGROS LAS 'BYUNG, SHAR BA NYID KYI ZHAL NAS SPYIR LEGS NYES CI BYUNG TSES LA BRTEN PA, DE'I NANG NAS KYANG 'DUL BA LA BRTEN NA LDAB KYANG MI DGOS PA; ZHE GTZANG BA, RTAG THUB PA, NYAMS DGA' BA, MTHA' BZANG BA YIN GSUNG, YANG ZHAL NAS RTEN DANG BSRUNG BA MI DGOS PA'I GANG ZAG GSUM YIN, DGE SLONG CHOS GOS RNAM GSUM LAS YONGS SU BZUNG BA THAMS CAD SPANGS TE NYES PA PHRA ZHING PHRA BAS KYANG MA GOS PA ZHIG BYUNG NA RTEN DE NYID MCHOD GNAS YIN PAS MI DGOS, BYANG CHUB KYI SEMS SMON 'JUG GNYIS RNAL MAR YOD PA DE SEMS CAN THAMS CAD KYI MCHOD GNAS YIN PAS MI DGOS, SNGAGS PA MTSAN NYID DANG LDAN PA SNANG BA THAMS CAD LHA DANG LHA MOR SHES PA LA MI DGOS GSUNG, BKA' RGYUD ZAM MA CHAD PA'I GDAMS PA LA BRTEN NAS SHES BZHIN CHEN POS THAMS CAD MIG 'OG TU CHUD PAR BYAS TE, SPYOD LAM

RNAM BZHIR CI BYED THAMS CAD THAR PA'I RGYUR DKAR LAM GYIS GTONG SHES PA CIG DGOS GSUNG, YANG ZHAL NAS BYA YUL BA'I BKA' RGYUD 'DI LA SRUNG BA ZAD PA MED PA CIG YOD DE 'TSE BA SHIN TU MANG, MI DBANG DU BSDU BA'I THABS ZAD PA MED DE NGAN SMRA DE MANG DE SNANG, TSE SPEL THABS KHO NA MDZAD DE SKU TSE RING BA TZAM MA BYUNG LA, PO TO BA'I BKA' RGYUD 'DI LA BSTAN PA RIN PO CHE KHAS BLANGS KYI CHOS KHO NA LAS SPAN SPUN YE MI MDZAD DE 'TSE BA NYUNG MI BYAMS SKU TSE RING BAR BYUNG STE, KHO BOS NI MAN NGAG DE MNGON SUM DU GO BAR BYUNG GSUNG, LAN CIG SHAR BA CHEN POS LAM RIM GYI KHRID GNANG BA'I RJES LA 'DI SKAD GSUNG STE KHAMS NGAN YANG CHOS KYIS PHAN NA PHAN PA YIN SNYAM NAS 'BAD DE BSHAD PA YIN, CHOS KYIS PHAN NA PHAN PAR BRTZI, GZHAN GYIS PHAN PA TA PHA MAS KYANG 'DI LTAR BYED DE DES THAR PA LA CANG MA PHAN, GRA PA CHOS LA MA MGU NAS SONG NA DE RANG GI NYES BAR BRTZI, GZHAN LAM MGU NAS SONG BA RANG GI NYES PAR MI BRTZI GSUNG, SGOM PA KLOG 'BAR GYIS BYA YUL DU PHYIN PA'I DUS SU RTZABS 'BREN DU BYUNG BA LA NGA GCONG LUNG BA'I GRA PA LA RTZABS 'DREN NAM ZER NAS 'THUNG MA 'DOD, DE LA SHIN TU MNYES PAR MDZAD, LAN CIG SHA RA BA CHEN PO LA SLOB MA RNAMS KYIS PHYOGS GZHAN ZHIG TU 'BYON PAR ZHUS PA NA CHOS 'PHEL NA GANG DU PHYIN KYANG CHOG ,GNYEN NYE DU LA CHAGS PA'ANG MED, GNAS GZHI SDE DGON LA CHAGS PA'ANG MED, KHO BO'I STENG NA DBANG CHE BA GZHAN NGO SRUNG DGOS PA'ANG SU YANG MED GSUNG SHA RAB CHEN PO THUGS

, ,BSKYED SHIN TU BZANG BAS 'KHOR SUM STONG TZAM 'DUS PA DE THAMS CAD KYANG THOS BSAM SGOM PAS DUS 'DA' BA, ZAS GOS GNAS MAL DANG SDE DGON LA CHAGS PA SPANGS BA SHA STAG BZHUGS, CHOS GNANG BA THAMS CAD KYANG SKYES BU GSUM GYI LAM GYI RIM PA NYID LA SKOR NAS DE'I THOG TU 'BAB PA KHO NA MDZAD, TSONG DANG BUN BSKYED KYIS NOR BSGRUBS NAS DKON MCHOG MCHOD PA DANG DBUL PHONGS LA SBYIN GTONG BYED PA BYUNG NA NGA NI KHYED LA GTONG BA'I PHAN YON MI BRJOD KYIS 'DZIN PA'I NYES DMIGS BRJOD PA YIN GSUNG NAS MI DGYES, DBEN PA'I RI SUL DU TSUL KHRIMS RNAM PAR DAG PA LA GNAS PA BYUNG NA SHIN TU DGYES TE DBEN PA'I RI SUL DU DRANG SRONG GI SBYOD TSUL GYIS GNAS PA CIG BYUNG NA GZOD PHAS BU GSOS BYA BA YIN GSUNG, RAB TU BYUNG BA ZHING LAS BYED PA GZIGS NA SHIN TU MI DGYES TE, SHAR BA NYID KYI ZHAL NAS RAB TU BYUNG BA BYA BA SO NAM RNAM BZHI SPANGS PA CIG LA ZER BA YIN, DGE SLONG BYA BA 'DOD BA SPANGS PA CIG LA ZER BA YIN, BYANG CHUB SEMS DPA' BYA BA RANG DON SPANGS PA CIG LA ZER BA YIN, SGOM CHEN BYA BA 'DU 'DZI SPANGS PA CIG LA ZER BA YIN GSUNGS, SEMS DPA' CHEN PO 'DI NI JO BO RJES, 'PHRAL LA ZAS 'TSOL BYA DANG 'DRA, ,KHAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES GSUNGS PA LTAR JO BO YAB SRAS KYI RNAM THAR GTZANG MA GZHAN 'DRES MED BAR SKYONG BA, PHYI RABS KYI GDUL BYA KUN GYI SMON GNAS SU 'OS

PA ZHIG BYUNG STE, SHA RA BA NYID KYI ZHAL NAS, RUG PA'I JO BO GZHON NU GRAGS BYA BA DE DANG, LAN TSA RAB KYI SGOM PA DBANG PHYUG RGYAL MTSAN BYA BA DE GNYIS LO BDUN CU TZAM LA 'DAS PA LA, 'TSO BA NI DGE 'DUN GYI NANG NAS LEN, SANG GI BYA BA NI DE RING BYED PA MA YIN BYA BA GZHAN GANG YANG MED PAR DGE SBYOR BAR MA CHAD PAR 'DAS TE DE GNYIS KHO NA LA SMON GSUNG, YANG NA NING 'DAS PA GRA PA CHOS MTHUN DE CHOS LAS GZHAN GYIS NI BLO MA SBAGS, DGE BSHES LA NI YI DAM LHA DANG KHYAD PAR MED PAR SHES, SEMS NI BKOL DU BTUB DGE SBYOR LAS BYA BA GZHAN NI CI YANG MED DE LTA BU LA SMON GSUNG, BOD SNGA RABS SU BYON PA'I BSHES GNYEN RNAMS LA SPYOD PA RNAM PAR DAG PA JO BO YAB SRAS KYI DGONGS PA LTAR BYED PA MANG BAR BYUNG NA'ANG LTA BA RNAM PAR DAG PA JO BO YAB SRAS KYI DGONGS PA LTAR 'PHAGS PA KLU SGRUB KYI DBU MA RIGS TSOGS KYI DON SLOB DPON SANGS RGYAS BSKYANGS DANG SLOB DPON ZLA BA GRAGS PAS BKRAL BA'I DBU MA'I LTA BA MTHAR THUG PA RTOGS PA DKON PAR BYUNG 'DUG PA NA SEMS DPA' CHEN PO SHAR BA 'DI BZHUGS PA'I DUS SU PA TSAB LO TZ'A BAS RGYA GAR DU BYON TE SLOB DPON ZLA BA GRAGS PA LA GSOL BA SHUGS DRAG LA RGYUN RING BA BTAB PAS SLOB DPON ZLA BA GRAGS PAS DNGOS SU ZHAL BSTAN TE BYIN GYIS BRLABS PAS DBU MA'I LTA BA THUN MONG MA YIN PA RTOGS, BOD DU 'PHAGS PA KLU SGRUB KYI LTA BA THUN MONG MA YIN PA DE DAR NA CI MA RUNG SNYAM DU DGONGS NAS DBU MA LA 'JUG PA BSGYUR, BOD DU LUGS BZANG

, ,DE SPEL BA'I 'PHRIN LAS MDZAD PA NA BLUN PO RMONGS PA'I KHYU DAG GIS CHOS THAMS CAD RANG BZHIN GYIS MA GRUB PA BTAGS YOD MING RKYANG TZAM GYI TSUL DE THOS PA NA, CHOS THAMS CAD RANG BZHIN GYIS MED BAR LTA BA NI CHAD LTA'O ZHES SMRAS NAS KLU SGRUB LUGS BZANG SPEL BA'I 'PHRIN LAS BKAG PA NA DGE BA'I BSHES GNYEN SHAR BAS KLU SGRUB YAB SRAS KYI DGONGS PA YIN MIN NGA SHES GSUNGS NAS BA TSAB LO TZ'A BA LA DBU MA'I LUGS KYI GZHI LAM 'BRAS GSUM GYI RNAM GZHAG JI LTAR YIN DANG, DBU MA'I LTA BA'I DGAG BYA GANG YIN DANG, DE 'GOG BYED RIGS PA'I GTZO BO GANG LA BYED DANG, DBU MA'I LTA BA SGOM PA'I TSE SBYOR DNGOS RJES GSUM DU JI LTAR BYED CES DRI BA ZHIB TU BSKUR NAS GRA GZHON SHES RAB CAN GNYIS PA TSAB LO TZ'A BA'I SAR BTANG BAS, PA TSAB LO TZ'A BAS DE'I LAN DU 'PHAGS PA KLU SGRUB KYI DGONGS PA SLOB DPON ZLA BA GRAGS PAS BKRAL BA'I DBU MA'I LTA BA MTHA' THUG 'DI YIN DANG, DE SGOM PA'I TSE SBYOR DNGOS RJES GSUM DU JI LTAR BYA BA 'PHAGS PA KLU SGRUB YAB SRAS KYI MAN NGAG 'DI LTAR YOD CES LAN ZHIB TU PHUL BA DGE BSHES SHA RA BA CHEN PO DGE 'DUN SUM STONG LA NYE BA'I TSOGS DBUR BZHUGS NAS BUR STON ZHIG GSOL LA KHAD DU YOD PA'I THOG TU SLEBS PAS TSOGS DBU'I SA DE KHAR LEGS PAR GZIGS PAS SPYAN CHAB MANG PO BYON BU RAM PHYAG GIS GANG GCOGS SHIG GNAM DU GTOR NAS KLU SGRUB YAB SRAS MCHOD, PA TSAB LO TZ'A BA MCHOD CHOS 'DI 'DRA

ZHIG GIS 'KHOR 'DAS KYI SHAN 'BYED PA YIN, SHER PHYIN GYI MDO SDE RIN PO CHE'I DGONGS PA 'DI YIN GSUNG NAS BTZUN CHUNG LNGA BCU TZAM ZHIG PA TSAB LO TZ'A BA LA DBU MA MNYAN DU BTANG, DBU MA'I LUGS BZANG SPEL BA LA MTHUN PA'I RKYEN ZANG ZING MANG PO BSKUR, PA TSAB LO TZ'A BA LA BSNGAGS BRJOD CHE BAR MDZAD PAS LOG PAR RTOG PA'I SMRA BA NGAN PA RNAMS RANG SHUGS KYIS 'GAGS, PA TSAB LO TZ'A BA LA 'PHRIN LAS CHER 'PHEL BAR GYUR TO, ,DE DUS PA TSAB LO TZ'A BAS RANG NYID KYIS BSGYUR BA'I DBU MA 'JUG PA DGE BSHES SHA RA BA LA GZIGS SU PHUL BAS, SHAR BA CHEN POS LEGS PAR GZIGS TE, 'DI LA 'DI LTAR 'ONG THANG ZHES 'GYUR SKYON GANG BYUNG THAMS CAD BRIS NAS RGYA DPE LA LTOS ZHES BSKUR BA NA PA TSAB LO TZ'A BAS RGYA DPE LA GZIGS PAS SHA RABS GANG GSUNG BA DE KHO NA BZHIN DU BYUNG BAS DGE BA'I BSHES GNYEN SHAR PA LA RGYAL BA'I BKA' 'GYUR RO COG THUGS LA MNGA'O ZHES GRAGS PA BYUNG NGO, ,DGE BA'I BSHES GNYEN SHAR BA 'DI NYID BKA' GDAMS GLEGS BAM LAS GSAL BAR LUNG BSTAN PA YIN TE, DAD PA RAB TU BRTAN PA'I 'KHRUNGS RABS LAS, DES NA RGYAL PO DGE BA DPAL, ,KHYOD KYI SRAS KYI SROL 'DZIN PA, ,SHAR BA BZHES YUL LAS GRAGS, ,ZHES PA DANG, LUNG BSTAN GYI LE'U LAS, YON TAN GRAGS PAS ZAB GZHUNG RNAMS, ,RDZOGS PAR MDZAD NAS DAR YUL MDAR, ,DAG SNANG GANG SHAR DGON PA BZHENGS, ,DE NAS SHAR BA ZHES GRAGS,,

, ,ZHANG RJE ROM PO'I MI RIGS GCIG ,GTAN GYI DON GNYER GUS PAS MCHI, ,ZHES DANG, DAG PA'I SNANG BA RAB SHAR BA, ,RGYAL BA RGYA MTSO LAS 'KHRUNGS SHING, ,MKHAS PA NGA NI LAS CAN RNAMS, ,PHYOGS BZHIR 'GRO ZHING 'DREN NA YANG, ,DBUS 'DIR SHAR BA PA ZHES GRAGS, ,'DI NI SHAR GYI MTHA' 'KHOB 'DUL, ,DE NAS NUB PHYOGS MTHA' 'KHOB TU, ,SHAR PA CI 'DRA RTZVA YUL DANG, ,ZHING DANG GRONG PA DAG GIS DBEN, ,SKYA BO RGYA CHEN ZHAG MED CIG ,SNUM ZHING SKAL BZANG DU MA SDUD, ,CES GSUNGS SO, ,DE LTAR SEMS DPA' CHEN PO SHA RA BAS BSTAN 'GRO'I DON RGYA CHER MDZAD NAS MA 'ONGS PA'I GDUL BYA RNAMS KYI DON DU BYANG CHUB LAM GYI RIM PA'I KHRID YIG CHE CHUNG GNYIS DANG DGE BA'I BSHES GNYEN PO TO BA'I RNAM THAR TSIGS BCAD MA ZHIG KYANG MDZAD, DGE BSHES SHA RA BA 'DIS BYANG CHUB LAM GYI SGRONG MA 'CHAD SKABS JI LTAR GSUNGS PA RNAMS ZIN BRIS SU BKOD PA LAM SGRON GYI 'GREL PA RGYAS SHING NGO MTSAR RMAD DU BYUNG BA ZHIG KYANG SNANG NGO, ,BDAG NYID CHEN PO 'DIS LO SUM CU RTZA DRUG TU TSOGS PA BSKYANGS NAS BSTAN PA'I BYA BA RGYA CHER MDZAD CING, DE YANG JO BO RJE DPAL LDAN AA TI SHA'I MAN NGAG SKYES BU GSUM GYI LAM GYI RIM PA KHO NAS GDUL BYA'I DON MDZAD CING, RGYAL BA'I BKA' DANG SHING RTA CHEN PO'I GZHUNG THAMS CAD SKYES BU GSUM GYI LAM RIM KHO NA'I STENG DU 'BAB PAR MDZAD, RKYEN BZANG NGAN GANG BYUNG YANG TSUL KHRIMS RNAM PAR

DAG PA BSRUNG BA GZHIR BZHAG NAS BYANG CHUB LAM GYI RIM PA SGOM PA NYID MDZAD PA LAS RANG NYID DANG SLOB MA SU LA'ANG MO BON GYI BCOS KA SOGS TZAB TZUB YE MI MDZAD, DGE 'DUN SUM STONG 'DUS TE DE THAMS CAD RGYAL BA RANG NYID KYIS JI LTAR GSUNGS PA'I TSUL KHRIMS RNAM PAR DAG PA DANG LAM RNAM PAR DAG PA SGOM PA LA SBYAR TE THAMS CAD RNAM THAR GTZANG MA RGYAL BA RANG NYID DNGOS SU BZHUGS PA'I DUS KYI MDZAD PA RNAM THAR JI BZHIN DU SKYONG BAR MDZAD DO; ;DE LTAR DGE BA'I BSHE GNYEN SHA RA BA CHEN POS BSTAN PA'I DON RGYA CHER MDZAD NAS DGUNG LO BDUN CU DON GNYIS PA LCAGS MO BYA'I LO RGYAL GYI ZLA BA'I TSES NYER DRUG LA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DE NAS DER TSOGS PA'I DGE 'DUN RNAMS KYIS ZLA BA PHYED KYI BAR SKU GDUNG RIL POR BZHUGS PA'I MDUN DU RGYAL BA'I YUM BSGRAGS SHING MCHOD PA RGYA CHER PHUL, DE NAS PUR SBYANGS TE GDUNG DANG RING BSREL NA BZA' RNAMS DGE 'DUN STONG DANG BDUN BRGYAS BGOS TE PHYOGS PHYOGS SU PHYAG DANG MCHOD PA'I RTEN DU BZHUGS SHING, SLOB MA RNAMS KYIS BDAG NYID CHEN PO'I GSUNG LTAR PHYOGS PHYOGS SU SGRUB PA'I RGYAL MTSAN BTZUGS TE DGONGS PA YONGS SU RDZOGS PAR MDZAD DO, ,DE LTAR DGE BA'I BSHES GNYEN SHA RA BA CHEN PO LA SLOB MA STONG PHRAG MANG PO 'DUS PA'I NANG NAS 'GRAN PA'I ZLA THAMS CAD DANG BRAL BA BKA' GDAMS BSTAN PA'I SROG SHING DU GYUR PA RGYAL BA'I GDUR 'TSO BA

, ,CHEN PO NI SEMS DPA' CHEN PO 'CHAD KHA BA YIN LA, SEMS DPA' CHEN PO 'DI'I RNAM THAR NI 'CHAD BAR 'GYUR LA, GZHAN YANG GTUM STON BLO GROS GRAGS LA SOGS PA 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DE LA GTUM STON BLO GROS GRAGS PA NI SHAB SGO LNGA'I LCAGS MKHAR RTZE'I DBU MANG DU ME PHO KHYIL 'KHRUNGS, GDUNG RUS GTUM, RDOG TSO'I MKHAN PO LDOG COD PA CHEN PO LAS RAB TU BYUNG ZHING BSNYEN PAR RDZOGS, MKHAN PO DE NYID DANG RGYA 'DUL 'DZIN LA 'DUL BA LEGS PAR BSLABS TE 'DUL BA'I BSHAD PA YANG MDZAD, DE NAS DBUS SU BYON TE SHA RA BA LO BCU'I BAR DU BSTEN CING MNYES PAR MDZAD DE, BKA' GDAMS KYI YON TAN MA LUS PA THUGS SU CHUD PAR MDZAD, SHAR BA MYA NGAN LAS 'DA' KHAR, DGE 'DUN LA ZHAL CHEMS GNANG BA'I RJES LA GTUM STON BLO GROS GRAGS PA LA GTZANG PA 'DUL 'DZIN ZHES BOS TE, CHOS KYI 'PHRO CUNG ZAD GNANG NAS, LHAG MA SKYES BA PHYI MA LA BYED PA YIN NO, ,KHYOD KYANG DGE SLONG BZHI SDE RE DANG 'GROGS SHIG CES GSUNGS NAS SHA RA BA LCAGS BYA LA SKU GSHEGS, DE NAS CHU BYA'I BAR GNAS CI RIGS PAR BZHUGS NAS DE RJES SNAR THANG GI MDA'I THANG STONG LA LO RA CIG YOD PAR SBYIL PO MDZAD NAS 'AM BU 'DIR DGE SBYOR BYED PA YIN GSUNGS TE, THOG MAR CHU MO BYA LA PHEBS DGE SLONG BZHI SDE DANG BCAS TE DGON PA BTAB NAS LO BCU BZHI BZHUGS, DE

RJES LA STOD BYANG GI RTA SDE CHOS LUNG DU BYON NAS THUGS DAM MDZAD, DRUG CU RTZA GCIG PA ME PHO KHYI'I LO RGYAL GYI ZLA BA'I NYI SHU GSUM LA MYA NGAN LAS 'DAS, 'DI LA CHES LUNG SKU GSHEGS ZHES KYANG GRAGS SO, ,GTUM STON BLO GROS GRAGS KYI RJES SU SNAR THANG GI GDAN SAR SDO STON SHES RAB GRAGS PA, ZHANG BTZUN RDO RJE 'OD, DPAL LDAN GRO MO CHE, CHOS KYI BLA MA, THUGS RJE CHEN PO'I SPRUL PA SANGS RGYAS SGOM PA, MCHIMS CHEN MO NAM MKHA' GRAGS SOGS RIM GYIS BYON TE, MCHIMS NAM MKHA' GRAGS 'DIS SNAR THANG DU SDE SNOD GSUM GYI BSHAD PA RGYA CHER SPEL ZHING, SHING RTA CHEN PO RNAMS KYI GZHUNG PHAL CHE BA 'GA' ZHIG LA 'GREL PA, 'GA' ZHIG LA BSDUS DON MDZAD, 'DIS MDZAD PA'I MNGON PA MDZOD KYI tIKA CHEN NGO MTSAR RMAD DU BYUNG BA ZHIG KYANG YOD DO, ,BDAG NYID CHEN PO 'DI 'PHAGS PA'I GNAS BRTAN GYI SPRUL BAR GRAGS SHING 'DI'I RING LA GNAS BRTAN BCU DRUG SNAR THANG DU YANG YANG ZHAL 'DZOM PA BYUNG ZHING; 'GRO MGON CHOS RGYAL 'PHAGS PA DANG, BCOM LDAN RIG RAL DANG, DBUS PA BLO GSAL DPON SLOB SOGS BSTAN 'DZIN CHEN PO MANG POS KYANG 'DI'I ZHABS LA GTUGS SHING, GTZO BOR BYANG CHUB LAM GYI RIM PA RGYA CHER BSHAD NAS DPAL SNAR THANG BSTAN PA MA TSANG BA MED PA'I 'BYUNG GNAS SU BSGRUBS SO, ,'DI'I RJES SU SNAR THANG GI GDAN SAR SKYO STON PA DANG MKHAN CHEN NYI MA RGYAL MTSAN PA SOGS RIM PAR BYON ZHING, RJE SHES RAB

, ,SENG GE DANG, RJE DGE 'DUN GRUB DANG, 'DUL 'DZIN BLO GROS SBAS PA SOGS BSTAN PA'I NYI MA CHEN PO MANG DU BYON TE RJE DGE 'DUN GRUB PA YAB SRAS KYI BAR DU BYON PA THAMS CAD TSUL KHRIMS RNAM BAR DAG CING, SDE SNOD LA NANG BYAN CHUD BA, 'CHAL PA DANG, DAM NYAMS DANG, 'DRES KHYER GYIS MA BSLAD PA, DGE BSHES STON PA NAS BRGYUD PA'I RNAM PAR THAR PA DRI MA MED PA 'DZIN PA SHA STAG YIN LA, BKA' GDAMS GZHUNG PA'I BSHAD SROL LA BRTEN NAS SKYES BU GSUM GYI LAM GYI RIM PA 'CHAD PA DANG NYAN PA DANG SGOM PAR NAMS GTZO BOR 'DON ZHING, SHING RTA CHEN PO'I GZHUNG SBYI DANG KHYAD PAR BYANG SA DANG MDO SDE RGYAN SKYES RABS DANG TSOM, BSLAB BTUS DANG SPYOD 'JUG STE GZHUNG DRUG PO DE SKYES BU GSUM PO'I LAM GYI MAN NGAG TU RTZAL DU BTON NAS 'CHAD NYAN MDZAD CING BLO SBYONG DON BDUN MA DANG BKA' GDAMS THIG LE BCU DRUG LKOG CHOS SU MDZAD DE NYAMS LEN MDZAD DO; ;DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN SHA RA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR BSTAN PA YONGS RDZOGS NYAMS LEN GYI LUS GCIG TU DRIL BA'I MAN NGAG BYANG CHUB LAM GYI RIM PA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,BYANG CHUB THUGS KYI BKA' BAB 'CHAD KHA BA, ,ZHES

BSNGAGS PA SEMS DPA' CHEN PO 'CHAD KHA BA NI, LCAGS MO SBRUL LA LO ROR YAB 'PHAGS PA SKYABS DANG, YUM BSOD NAMS SKYID GNYIS KYI SRAS SU 'KHRUNGS, ZHABS LA 'KHOR LO'I MTSAN DANG LDAN PA SOGS SKYE BO DAM PA'I RTAGS DANG LDAN PA ZHIG BYUNG, GZHON NU NAS CHOS KYI BAG CHAGS SAD DE LO ROR BLA MA RAS CHUNG PA DANG MJAL BAS KHONG GI SAR ZLA BA GNYIS TZAM BZHUGS, GDAMS PA MANG DU GSAN NAS TSUR 'BYON KHAR BLA MA'I ZHAL NAS 'DIR BZHUGS KHYOD LA CHOS KYIS PHAN PA CIG 'ONG BAR SNANG GSUNG BAS DER 'BYON PA'I RTZIS SU BYAS NAS TSUR PHEBS, YUL NAS RTA SNGON PO ZHIG LA KHAL BKAL NAS BYON TZA NA LO RO ZHING GSAR NA GNYAL PA CHEN PO CHOS BAR MDZAD CING BZHUGS PAS DAD DE RGYAL BA'I BSTAN PA LA RAB TU 'BYUNG BAR MDZAD BZHED NAS GNAS DER DGUNG LO NYI SHU RTZA GCIG GI THOG BSHES GNYEN RTZI BOR BA LA MKHAN PO ZHUS, CHAG RIN CHEN 'CHANG LA SLOB DPON ZHUS NAS RAB TU BYUNG MTSAN YE SHES RDO RJER BTAGS, DER RDO RJE BTZAN PO RA'I CHOS 'KHOR GYI RIM GRO LA BLA MA RAS CHUNG BA SPYAN DRANGS PA'I PHYAG PHYIR THEGS, BLA MAS SBYIN SREG LAN NYI SHU LHAG TZAM MDZAD NAS DA RES KYI 'DI LA RTA GCIG GI TSIGS PA BUR BA ZHIG KYANG MI 'ONG BA NGA RANG GIS KHAS LEN GSUNGS NAS CHOS 'KHOR LA NI MA BZHUGS PAR BZHUD, CHOS 'KHOR DE LA GLANG GNYOS LA SOGS PA'I GNYAL LO

, ,RO BYAR GSUM GYI DGE BSHES DPAG TU MED PA 'TSOGS, LO TZ'A BA YANG GSUM BZHI BYON, CHOS 'KHOR DE LA RDOG LO LA SOGS PA'I SDE SNOD 'DZIN PA MANG PO DBU MA DANG SEMS TZAM SOGS KYI GLENG SLANG MANG PO MDZAD KYIN SNANG BAS DE CHOS JI SKAD BYA BA YIN DRIS PAS GRUB MTHA' BYA BA YIN ZER, DES THUGS PHROGS NAS GNYAL DU YANG GRUB MTHA' RTZAD DPYAD GNAS DER 'DUL BA 'DZIN PA TSA RONG PA DANG, ZHANG SHES RAB SBRING DVAGS PO GTZANG 'DUL BA RNAMS LA MKHAN SLOB ZHUS NAS DGUNG LO NYI SHU RTZA GSUM LA BSNYEN RDZOGS MDZAD, DE NAS SHA MI LA 'DUL BA GSAN CING BZHUGS TZA NA YAR KLUNGS SU CHOS 'KHOR CHEN PO ZHIG BYUNG BA'I DUS DGE BSHES GNYAGS DANG, SHA MI DANG, MAR 'GOS LA SOGS PA DGE BSHES BTZAN LA MDO SDE RGYAN GSAN PA GZIGS PAS DER BTZAN LA DAD PAR BYUNG STE DGE BSHES BTZAN LA MDO SDE RGYAN TSAR DRUG GSAN, ZHAR CHOS PA DANG BCAS PAS RTZA 'GREL TSAR PHYED DANG BCU GNYIS GSAN, DGE BSHES 'CHAD KHA BA 'DI SNGAGS PA ZHIG GI RIGS SU 'KHRUNGS TE YAB KYI PHA CHOS SNGAGS RNYING MA'I GLEGS BAM MANG PO LA'ANG GZIGS, RAS CHUNG BA LAS RJE BTZUN MI LA'I GDAMS NGAG RNAMS ZHUS TE SNGAGS GSAR MA'I RGYUD DANG RGYUD 'GREL GYI GLEGS BAM MANG PO LA'ANG GZIGS, DGE BSHES BTZAN DANG BYA YUL BA LA SOGS PA BLA MA GZHAN YANG MANG PO LA GTUGS TE SDE SNOD GSUM DANG GZHUNG LUGS MANG PO LA'ANG SBYANGS, KHYAD PAR GRUB MTHA' BZHI LA MKHAS PAR SBYANGS TE MDO SNGAGS KYI PO TI

BRGYA TZAM ZHIG THUGS LA BZHUGS KYANG, THUGS KYI GTING NA NGES PAR 'TSANG RGYA BA LA CHOS GZHAN ZHIG YOD YONG DGONGS TE THUGS KYI GTING MI BDE ZHING BLO THAG MA CHOD PA ZHIG NAR MAR BYUNG, DE NAS DGE BSHES MYANG LCAGS ZHING PA LA BLO SBYONG TSIG BRGYAD MA GSAN, DE NAS LUGS SMAD PA CAN DU BYON NAS SNE'U ZUR PA'I LUGS KYI LAM RIM GYI KHRID GSAN LUGS SMAD PAS DANG PO PHU CHUNG BA'I LUGS KYI RTEN 'BREL YANG PHA BONG KHA PA LAS GSAN PAS DGE BSHES LUGS SMAD PA LA RTEN 'BREL GYI KHRID DE YANG GSAN, NYAN SA DANG, BYANG CHUB SEMS DPA'I SA LA SOGS PA GSAN TE LO BZHI BSTEN, DGE BSHES DOL BA LO LNGA BSTEN NAS BE'U BUM SNGON PO LA SOGS PA GSAN, GRA'I SO THANG PA LA RDO RJE RNAM 'JOMS GSAN, KHONG LA BDAG DBU RU BYANG DU BKA' GDAMS SHIG NYAN DU 'GRO BAS BRTAG PA CIG MDZAD DGOS ZHUS PAS, KHYOD YANG DAG PA'I DGE BA'I BSHES GNYEN ZHIG DANG MA MJAL BAR LA DMYAL BA'I ME NANG DU BSREGS KYANG BAR CHAD MI 'BYUNG BAR NGAS SHES KYI GSUNG, DE NAS GLANG RI THAD PA LA DAD NAS MJAL DU BYON TE LHA SAR PHEBS DUS GLANG RI THANG PA 'DAS ZER BA GSAN, DA 'O NA KHONG GI SHUL NA RTOGS PA GANG MTHO DRIS PAS, GNYAN MTHO ZER NAS 'KHOR GNYIS BLTAR BTANG, KHONG RANG GIS LHA SAR GSOL BA 'DEBS KYIN BZHUGS, DER 'KHOR GNYIS LOG BYUNG NAS, GNYAN DANG, BA WA, MDO SDE GSUM GDAN SA LA MA MTHUN PAR 'DUG ZER BA GSAN PAS, GDAN SA LAM MTHUN NA

, ,BLO SBYONG GI RE BA MED SNYAM DU GLANG THANG DU 'BYON RTZIS BSHOL, 'ON KYANG DGE BSHES DE GSUM GDAN SA LAM MTHUN PA DE CHE 'DOD KYIS MA MTHUN PA MIN, DGE BSHES GLANG THANG PA'I RNAM THAR LTAR GSUM GAS DMA' SA BZUNG STE GCIG LA GDAN SA BSKOS NA NGA BAS NYID CAG YON TAN CHE BAS NGA MI 'OS NYID CAG GIS MDZAD DGOS ZHES ZER, GZHAN GNYIS KYANG DE LTAR ZER NAS MA MTHUN PA YIN ZHES BKA' GDAMS GONG MA'I GSUNG SGROS LAS 'BYUNG NGO, ,DE NAS DGE BSHES 'CHAD KHA BA RANG LO SUM CU PA LCAGS KHYI LA SHAR BA CHEN PO ZHO'I KHANG PAN BZHUGS PA'I SPYAN SNGAR MJAL, DBYAR DE NYAN THOS KYI SA GSUNG ZHING 'DUG PA NYAN PAS, BYINGS SE NYOG SE BA CIG LAS BLO KHUL BA MA BYUNG, DER BLO SBYONG GI TSIG GSAL BAR MA BYUNG BA LA NYIN GCIG GRVA BA RNAMS STON MO LA SONG NAS, DGE BA'I BSHES GNYEN SHA RA BA 'BUM PA LA BSKOR BA MDZAD PA'I DRUNG DU PHYIN NAS KHONG RANG GI PHYAM TSE BTINGS TE, DGE BA'I BSHES GNYEN PA 'DIR BZHUGS PAR ZHU DANG ZHUS PAS, DER SDAD NAS CI BYED GSUNG, GROS SHIG ZHU BA LAGS BYAS PAS, NGAS GROS THAG THAMS CAD CHOS KHRI'I KHA NAS BCAD PA YIN, DER MA CHOD PA CI YOD GSUNGS, BDAG GIS MTHONG BA'I DPE CIG NA, ,KHE DANG RGYAL KHA GZHAN LA BYIN, ,GYONG DANG BUB KHA RANG GIS LONG, ,ZER BA CIG GDA' BA 'DI ZAB MI ZAB JI LTAR LAGS, GNAS KHANG MA RNYED PA DANG, GROGS KYIS BLO RTZA

G-YENGS PA SOGS BYUNG DUS SEMS LA PHAN BAR BYUNG BA LAGS ZHUS PAS, DGE BA'I BSHES GNYEN SHAR BA'I ZHAL NAS, JO BO STON PA, KHYOD KYI SEMS LA PHAN MI PHAN GYI KHA NA CI YOD, YANG DAG PA'I SANGS RGYAS MI SGRUB NA PHAR ZHOG ,SGRUB NA CHOS DE LA MA BRTEN PAR 'GRUB MI SRID GSUNG, 'O NA BDAG CAG LUNG CHOS PA LAGS PAS, DE LA LUNG ZHIG DRANG BAR ZHU ZHUS PAS, MGON PO KLU SGRUB LA TSAD MAR MI 'DZIN PA SU YOD, DES RIN PO CHE'I PHRENG BAR, BDAG LA DE DAG SDIG SMIN CING, ,BDAG DGE MA LUS DER SMIN SHOG ,CES BYA BA GSUNGS PA LAGS GSUNG, 'O NA BDAG LA DE'I GDAM PA CIG ZHU 'TSAL ZHUS PAS, JO BO RANG RKYEN THUB PAR GYIS SHIG ,NGAS GDAMS NGAG RNAMS RIM GYIS BYA'O GSUNGS NAS BLO SBYONG GI KHRID LO BCU GNYIS NYAMS KHRID DU BSKYANGS PAS, BYANG CHUB KYI SEMS KYIS THUGS RGYUD GANG NAS BDAG GCES 'DZIN GYI 'KHRI BRTZAD NAS CHOD PA BYUNG STE, ZHAL NAS, SNGON SBYANGS LAS KYI 'PHRO SAD PAS, ,RANG GI MOS BA MANG BA'I RGYUS, ,SDUG BSNGAL GTAM NGAN KHYAD BSAD NAS, ,BDAG 'DZIN 'DUL BA'I GDAMS NGAG ZHUS, ,DA NI SHI YANG MI 'GYOD DO, ,ZHES BLO SBYONG LA GDENG THOB PA'I GSUNG BYON NO, ,DGE BSHES SHA RA BA DE TSOGS PA STONG PHRAG MANG PO LA LAM RIM GYI KHRID DANG, BYAMS CHOS SDE LNGA, SA SDE RNAMS RGYUN DU RGYA CHER GSUNG BAR MDZAD KYANG BDAG GZHAN MNYAM BRJE'I MAN NGAG MTHAR THUG PA RNAMS DGE BSHES 'CHAD KHA BA SOGS RE GNYIS LA

, ,LKOG TU GNANG BA LAS TSOGS SU MI GSUNG, LAN CIG RGYUD BLA GSUNG BA NA, BDAG GI DGE BA DANG BDE BA JO BO SEMS CAN LA GTONG, SEMS CAN GYI SDIG BA DANG SDUG BSNGAL THAMS CAD RANG GIS BLANGS DGOS PA YIN TE, THUGS KYIS LCOGS NA DE BZHIN DU MDZOD CIG GSUNG BAS, NGA LA 'KHRIG YOD PAS GO ,GZHAN GO BA TZAM YANG MI 'DUG GSUNG, YANG DGE BSHES 'CHANG KHA BA'I ZHAL NAS, SHA RA BA LA 'DI RTZAD MCHOD KYI RING LA JI TZAM BA'I CHOS DANG GDAMS NGAG THOS KYANG SANGS RGYAS SGRUB BA LA DA DUNG 'DI TZUG MIN BA CIG GSHED NA YOD DE 'ONG SEMS PA MIN PA KHO THAG CHOD PA MA BYUNG BA LA, DGE BSHES SHAR BA LAS 'DI RTZAD CHOD PA DANG, DA BYUNG 'DI LAS LHAG PA GANG NA'ANG MED SNYAM NAS THAG CHOD, 'GRAM CHU MI LDANG NYAN SNYING MI 'DOD, LHOD SONG BA CIG BYUNG GSUNG, DGE BSHES 'CHAD KHA BA 'DIS DANG POR DGE BA'I BSHES GNYEN SHAR BA DANG ZHO'I KHANG PAR MJAL BA NAS GNAS DER LO GNYIS, CONG LUNG DGE GONG DU LO DRUG ,SHAR BA'I GDAN SA NYID DU LO BRGYAD DE SHAR BA LO BCU GNYIS 'BRAL MED BSTEN TE JO BO RJE YAB SRAS KYI LKOG CHOS BDAG GZHAN MNYAM BRJE'I BYANG CHUB KYI SEMS KYI MAN NGAG RNAMS BUM PA GANG BYOR THOB STE THEG CHEN BSTAN PA'I BDAG POR GYUR TO, ,DE YANG DGE BSHES 'CHAD KHA BA CHEN PO 'DIS DANG POR GNYAL GYI CHOS 'KHOR NAS BZUNG STE, GRUB MTHA' KHO NA RTZAD BCAD, GNYAN

LA MNGON PA NYAN PAS KYANG GRUB MTHA' MANG PO BYUNG, SBYIR DGE BSHES CHEN PO SHAR BA LAS GRUB MTHA' THAMS CAD BYUNG BA YIN, SHAR BA CHEN PO GRUB MTHA' LOGS SU GSUNG BA MED KYANG, SHES RAB LE'U LAS, GRUB MTHA' GSUNG BA'I SA BON DE TZAM LA BRTEN NAS RTZAD BCAD PA YIN, GRUB MTHA' PHYOGS MTHA' DAG RGYUS YOD PA SHAR BA CHEN PO LAS MI SNANG, TSOGS SU GRUB MTHA'I ZUR TZAM LAS MI 'ONG BAR SNANG GSUNG, SHA RA BA GSHEGS NAS 'CHAD KHA PAS 'KHOR RNAMS LA GRUB MTHA' BZHI'I CHOS 'DI STONG THUN DU GSUNGS, DE NAS SGYER SGOM CHOS GRAGS KYIS NAS RJANG BA GANG PHUL NAS YI GER BSDEBS PAR ZHUS NAS MKHA' RU BYA BA DER YI GER BSDEBS, DANG POR YI GE 'DI SU'I LAG TU SONG BA NGA DANG KHYAD MED PA 'ONG, RANG GI RGYUD LA SEMS PA MIN PA BSHAD DGOS SNYAM PA MED PA LA, KHA ZAD ZAD DU BSHAD KYANG MI GO BA CIG BYUNG, DBU MA PA'I TSIG BDUN PO DE LA BSHAD PA ZHIG DGOS SNYAM PA CIG YOD CES GSUNG, SHA RAB GSHEGS RTING LO SUM CU RTZA BZHI BZHUGS TE BAS MTHA' RNAMS SU THUGS DAM GYI GTZO BO BYANG CHUB KYI SEMS GNYIS LA MDZAD CING, ZHABS DRUNG DU NYE BAR LHAGS PA RNAMS LA'ANG SHAR BA'I MDZAD PA BZHIN SDE SNOD KYI BSHAD PA DANG, GRUB MTHA'I DKA' GNAD DANG, LAM RIM GYI KHRID 'DEBS BAR MDZAD CING, RE RE GNYIS GNYIS LA BLO SBYONG GI GDAMS BA LKOG CHOS SU MDZAD PAS PHAN THOGS PA'ANG 'GA' RE BYUNG BAS, PHYIS 'DRES PHU SGOM CHEN SDINGS SU

, ,BZHUGS DUS CHOS 'DI TSOGS CHOS SU BSHAD PA'I 'OS MIN, BTUB PA 'GA' LA LKOG KHRID DU BYED PA YIN TE, SU LA PHAN DANG SU LA MI PHAN MI SHES PAR 'DUG ,NYE GNAS KHYOD LA MAR DANG BU RAM YOD NA NANG BAR SGOM CHEN PA RNAMS LA MAR KHU'I BA SHOR 'DREN DANG BUR STON GYIS, NGA'I CHOS 'DI LA MING GCIG 'DOGS PA'I MING STON BYED PA YIN GSUNGS NAS, DE'I DUS SU THEG CHEN BLO SBYONG SNYAN RGYUD CHEN MO'I DON THAMS CAD BSDUS TE, SNGON 'GRO RTEN GYI CHOS BZHI BSTAN PA, DNGOS GZHI BYANG CHUB KYI SEMS GNYIS SBYANG BA, RKYEN NGAN BYANG CHUB KYI LAM DU BSGYUR BA, TSE GCIG GI NYAMS LEN DRIL NAS BSTAN PA, BLO 'BYONGS PA'I TSAD, BLO SBYONG GI NGAM TSIG ,BLO SBYONG GI BSLAB BYA STE DON TSAN BDUN DU BSDUS NAS SA BCAD MDZAD DE YI GER BTAB, BLO SBYONG DON BDUN MA ZHES MTSAN BTAGS, TSOGS CHOS BYED BA'I SROL DE NAS BYUNG BA YIN, DE'I RJES SU MAL GROR BYON NAS 'CHAD KHA RNYING MA'I DGON PA BTAB, DER 'GRO DON LO BCU GCIG BSKYANGS, TSOGS PA DGU BRGYA TZAM 'DUS, SE SPYIL BU BA LA 'CHAD KHA GSAR MA 'DEBS PA'I LUNG BSTAN MDZAD, BYA RGAN GYI MI TSE MTHA' RU SKYEL GSUNG NAS MTHA' PHUR BYON, MTHAR THUG GSUM GYI GDAMS PA LA SOGS BA MDZAD, BLO RGOD GAR SKYES SU SKYAS 'GO SGYUR, ,RTOG DBYOD KUN JI LTAR DGYES DGYES MDZOD, ,BSOD SNYOMS BYED CING RI KHROD 'GRIM, ,SDE DGON KUN JI LTAR DGYES DGYES MDZOD, ,

LHA DANG BLA MA LA GSOL BA 'DEBS, ,YON BDAG KUN JI LTAR DGYES DGYES MDZOD, ,BRAG PHUG TU TSEM BER GYON NAS 'DUG ,PHRUG CHUNG KUN JI LTAR DGYES DGYES MDZOD, ,MA RGAN LHA KLU LA KHA TON BSNGO, ,CHOS BSHAD KUN JI LTAR DGYES DGYES MDZOD, ,GCIG PUR CHU THUG GI MI TSE SKYEL, ,SGYED KHA KUN JI LTAR DGYES DGYES MDZOD, ,GCIG BUR DGE CHOS SPEL BAR BYED, ,BKA' 'KHOR KUN JI LTAR DGYES DGYES MDZOD, ,CES SOGS DANG, LTO RGYAB GNYIS LA GYONG BSKUR NAS, ,RI DVAGS RMAS MA'I BRTUL ZHUGS SPYAD, ,RANG GI 'DOD PA KHYAD BSAD NAS, ,BLA MA'I BKA' STZAL GZHUNG BZHIN BSGRUBS, ,DA NI SHI YANG MI 'GYOD DO, ,ZHES GSUNGS, 'DA' KHA TZA NA YANG 'JIG RTEN NA SGRA GCIG THOS PA LA BLO SBYONG GI SGRA LAS SNYAN PA MED PAS, KHYOD KYIS NGA'I RNA BAR SGROGS SHIG CES PA DANG, DA RES NI 'DOD BTZUG KHA NA'ANG MA BYUNG, SEMS CAN GYI DON DU DMYAL BAR 'GRO 'DOD PA KHO NA YIN PA LA, DA NI BDE PA CAN GYI SNANG BA CIG KHO NA BYUNG GSUNG, GCUNG POS SKU KHAMS ZHAN PAR GDA', THUGS DAM MDZOD CIG ZHUS PAS, BLO SBYONG GI TSIG KHA YAR GSUNGS NAS, KHAMS ZHAN YANG DE LTA BU ZHIG MIN BA GNAS PA TSAM TSOM GYIS SA PHYOD BAR MA MTHONG GSUNG, DE NAS MTHA' PHUR ZLA BA BRGYAD BZHUGS NAS RANG LO DON LNGA BA SHING MO LUG GI SMAL PO ZLA BA'I TSES LNGA'I SROD LA GNAS DE NYID DU MYA NGAN LAS 'DAS, SPUR SBYANGS PAS THUGS LJAGS SPYAN GSUM DANG ME TOG

, ,GI CHAR LA SOGS PA NGO MTSAR CAN MANG DU BYUNG NGO, ,SEMS DPA' CHEN PO 'CHAD KHA BA 'DI BKA' GDAMS GLEGS BAM LAS LUNG BSTAN TE, BKA' GDAMS GLEGS BAM GYI BKA' GDAMS BSTAN 'DZIN RNAMS LUNG BSTAN PA'I THAD LAS, KHYAD PAR DU THEG PA CHEN PO LA BLO SBYONG BA BOD KYI BYANG CHUB SEMS DPA'I YAB GCIG GI YUL MAL GRO'I NANG DU BYON TE 'CHAD PA CHEN PO ZHIG GI STENG DU BLO SBYONG SGOM ZHES SOGS GSAL BAR LUNG BSTAN TO, ,'CHAD KHA BA YE SHES RDO RJE ZHES GRAGS PA'I BDAG NYID CHEN PO 'DIS PHYI MA'I SKYE BO RNAMS KYI DON DU JO BO YAB SRAS KYI DGONGS PA GSAL BAR BYED PA'I BSTAN BCOS MANG DU MDZAD DO, ,BDAG NYID CHEN PO 'DI LA GSUNG LAS SKYES PA'I SRAS MANG DU BYON ZHING MAN NGAG THAMS CAD BUM PA GANG BYOR YOD PA'I BSTAN 'DZIN CHEN PO NI SE SPYIL BU BA'O, ,DES NA BYANG CHUB LAM RIM LA BLO SBYONG BAR 'DOD PA'I GDUL BYA RNAMS KYIS SEMS DPA' CHEN PO 'CHAD KHA BA LA GSOL BA 'DEBS SHING, BDAG NYID CHEN PO 'DI'I MDZAD PA RNAM THAR RNAMS DRAN PAR BYAS LA THEG PA CHEN PO'I LAM GYI 'JUG SGO DANG, GZHUNG SHING DANG SNYING PO BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, MTHAR 'BRAS BU GRUB NAS SEMS CAN GYI DON BYA BA'I BAR GYI LAM GYI GNAD LA NGES PA GTING TSUGS PA BSKYED NAS SA LAM 'BRAS BU DANG BCAS PA THAMS CAD BYANG CHUB KYI SEMS RIN PO

CHE'I KHONGS SU 'DU BAR SHES PAR BYAS NAS BYANG CHUB KYI SEMS RIN PO CHE SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,LUNG RTOGS MNGA' BDAG BYANG SEMS SPYAL BU BA, ,ZHES BSNGAGS PA, SEMS DPA' CHEN PO SE SPYIL BU BA NI, GNYAL STOD DAR MA SGANG DU LCAGS MO GLANG LA 'KHRUNGS, SE ZHES PA RUS MING NGO, ,SNGON YUN RING PO NAS LAM LA SBYANGS PA'I MTHUS SKU GZHON NU NAS GZHAN GYIS BSKUL BA LA MA BLTOS PAR NGES 'BYUNG GI BSAM PA SHUGS DRAG POS KUN NAS BSLANGS TE DGE BSHES CHA PA'I DRUNG DU RAB TU BYUNG, LO LON NAS MKHAN PO DE NYID LAS BSNYEN PAR RDZOGS MTSAN CHOS KYI RGYAL MTSAN ZHES BTAGS, LHAN CIG SKYES PA'I BLO GROS RAB TU GSAL BAS SDE SNOD GSUM GYI BRJOD BYA'I GNAS RNAMS LA MKHAS PA'I PHUL DU PHYIN PAR GYUR, DE'I TSE THUGS BSAM 'DI LTA BU DAG 'KHRUNGS PAR NGES TE, RGYAL BA'I BKA' DANG DGONGS 'GREL GYI BSTAN BCOS THAMS CAD RANG GI RGYUD 'DUL BA'I CHED DU GSUNGS SHING, SHES RGYUD 'DUL BA'I THABS MCHOG TU GYUR PA NI BYANG CHUB LAM GYI RIM PA DANG, DE'I YANG SNYING PO THEG PA CHEN PO'I BLO SBYONG 'DI YIN PAR NGES PAS THEG CHEN BLO SBYANG GI BDAG PO SEMS DPA' CHEN PO 'CHAD KHA BA'I ZHABS LA GTUGS TE LAM RIM BLO SBYONG GI GDAMS PA SLAR SU LA'ANG 'DRI MI DGOS PA PHU THAG CHOD PA ZHIG ZHUS LA TSE DANG SGRUB PA MNYAM PA ZHIG BYED SNYAM PA'I 'DUN PA SHUGS DRAG PO 'KHRUNGS NAS DGE BA'I BSHES

, ,GNYEN 'CHAD KHA BA CHEN PO'I ZHABS DRUNG DU PHEBS TE, DGE BSHES 'CHAD KHA BA LHA SDINGS SU BZHUGS DUS MJAL, BLO SBYONG GI GDAMS PA THOG MAR DER GSAN, LO NYI SHU RTZA BZHI'I BAR DU DGE BSHES 'CHAD KHA BA CHEN PO BSTEN NAS BLO SBYONG KHO NA LA NYAN BSAM BYAS GSUNGS TE, DGE BSHES 'CHAD KHA BA THOG MAR MJAL BA NAS BZUNG NAM GSHEGS KYI BAR DU 'BRAL MED DU BSTEN NAS BLO SBYONG GI GDAMS NGAG ZHUS, SGO GSUM GYI SPYOD PA THAMS CAD BLO SBYONG KHO NA'I GROGS SU 'GRO BA ZHIG MDZAD NAS LAM GYI RIM PA'I LUS SPYI DANG, KHYAD PAR BYANG CHUB KYI SEMS RIN PO CHE LA BCOS MIN GYI MYONG BA 'KHRUNGS NAS BDAG NYID MI NYAMS PA'I GDENG THOB PA NA SKAL BA DANG LDAN PA GZHAN MANG PO LA'ANG CHOS KYI BDUD RTZI STZAL, SNGAR 'CHAD KHA BA CHEN POS LUNG BSTAN PA BZHIN, SHING SPRE LA 'CHAD KHA GSAR MA BTAB, BYA 'CHAD KYI NANG RTEN LA SKU LDER RIN PO CHE DANG, PHYI RTEN GYI 'BUM PA LA SOGS PA BZHENGS TE TSOGS BSDUS NAS 'CHAD KHA DANG LHA SDINGS LA SOGS PAR CHOS MANG DU GSUNGS SHING, BLO SBYONG LA'ANG TSOGS CHOS KHO NAR MDZAD, DE NAS DUS NAM ZHIG NA SHIN TU DBEN PA'I GNAS SHIG TU 'BYON BZHED DE BYEN NA BZHUGS PA'I DUS, SPYIL DU 'PHO KHAR DGE SLONG SKYE'U CHUNG NA RE, DGE BSHES CHEN PO'I SLOB MA MANG BA CIG BYON PA LA, SKU TSE THUNG BAR BYUNG BA DE CIS LAN NA NGA'I BSAM PA LA SNGAGS DANG PHA ROL

TU PHYIN PA GNYIS KA LA BLO SBYONG 'DI LAS ZAB BA GANG NA'ANG MI 'DUG PA LA DA LA TSOGS CHOS BYAS PAS DES LAN NGES SNYAM PA CIG BYUNG ZER BAS, DE BDEN, 'DI BAS ZAB BA MED, TSOGS SU BSHAD PA'I 'OS MIN, DGE BSHES 'CHAD KHA BA CHEN PO LA 'DZAM BU GLING GI SA'I CHA MTHA' DAG NAS BLO SBYONG DON DU GNYER BA'I GDUL BYA 'DUS PA NA RE RE NAS KHRID KYIS MA LANG BAS TSOGS CHOS SU GSUNGS, DE SROL DU SONG BA YIN GSUNGS NAS DAM PAR MDZAD, DE NAS SHIN TU DBEN PA LA DGYES PAS, KLUNGS SHOD DU SPYIL BU'I DGON PA BTAB STE RNAM G-YENGS SPANGS NAS STOD DU MKHAR GONG LA KHA DANG, SMAD DU NYUNG ZHING SGANG DU MTSAMS THOB RGYAB NAS LO BDUN MTSAMS DAM POR BCAD NAS LAM RIM BLO SBYONG RTZE GCIG TU SGOM PAR MDZAD, SPYIL DU BZHUGS RANG LA TSOGS CHOS SU LAN GSUM LAS MA GNANG, DE RNAMS KYI DUS SU'ANG TSOGS CHOS KYI 'OS MA YIN TE, KHONG MI CHEN GYIS ZHUS PAS NGO MA BZOD PA YIN, DA TSOGS SU 'DI LAS 'CHAD PA MI 'ONG BAS KHYED RANG THAMS CAD NAN CHAGS GYIS SHIG GSUNG, SPYIL DU MCHOD KHANG RANG YANG MED PAR 'DI KHO NA SBYANG SNYAM PA YIN PA LA GSUNG, THUGS DAM YANG 'DI KHO NA LA MDZAD PAS, YENGS PA LA SOGS PA CI BYUNG YANG BLO SBYONG MI 'CHOR, RTOGS PA YANG 'DI TSIG GIS BGRANGS PA'I DUS SU SKYES PA YIN GSUNG, DE NAS BRAG DKAR GNAS BRTAN LA SOGS PA 'CHAD KHA BA RNAMS KYIS SPYAN DRANGS PAS DGUN CHOS LA 'BYON PAR ZHAL

, ,GYIS BZHES NAS BYON, DE NAS ZHING NAM GSHEGS KYI BAR DBYAR GYI TSUL 'JUG SBYIL BUR MDZAD, DGUN CHOS 'CHAD KHAR MDZAD PA'I SROL BYUNG, 'CHAD KHA BA GSHEGS NAS ME SPRE NAS SA BYA'I BAR DGON PA GONG 'OG TU LO BCU BZHI BZHUGS TE, RANG LO DRUG CU RTZA DGU PA SA MO BYA'I DBYAR ZLA RA BA'I TSES BCU GSUM LA SPYIL BUR DED DPON RGYA MTSO CHEN BO NAS YID BZHIN GYI NOR BU THOB STE RANG YUL DU 'GRO BA DANG, BU BYES SU 'KHYAMS PA PHA KHYIM DU 'GRO BA LTAR DGA' BZHIN SPRO BZHIN DU ZHI BAR GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN PO 'DI NI BKA' GDAMS GLEGS BAM RIN PO CHE NAS GSAL BAR LUNG BSTAN TE, GLEGS BAM LAS, RE ZHIG SPYIL BU MDZAD NAS BZHUGS PAS, DGE SLONG DANG DGE TSUL GYI BYANG CHUB SEMS DPA' DU MA 'DUS TE, SENG LDENG NAGS KYI RI BO LA SENG LDENG NAGS KYI SGROL MAS BYIN GYIS BRLABS PA'I SKYES BU DAM PA GCIG DRUNG DU BSTEN PA LA, BYANG CHUB SEMS DPA' PA'I ZHAL NAS, KHYED SNGON BDAG CAG GI BLA MA RGYAL BA'I 'BYUNG GNAS KYI BLA MA SE BTZUN BYA BA ZHIG YOD, DE YIN PAR 'DUG DE'I RIGS SU'ANG GDA', DA KHYED RANG KLUNGS SHOD KYI NANG NA SPYIL BU BYA BA'I LUNG PA YOD, DE LHAS BYIN GYIS BRLABS PA'I YUL YIN DER SONG, KHYED LA SH'AKYA'I GDUNG RIGS 'DZIN PA LHA'I LHA ZHIG NAS LNGA LAS MI NYUNG BAR 'BYUNG, ZHES GNAS DANG

BCAS PA GSAL BAR LUNG BSTAN TO, ,'DIS NI LHA LUNG GI DBANG PHYUG DANG, LHA 'GRO BA'I MGON PO GNYIS KYANG BKA' GDAMS BSTAN 'DZIN CHEN POR LUNG BSTAN PA YIN NO, ,SEMS DPA' CHEN PO SPYIL BU BA 'DI LA BSTAN 'DZIN GYI SLOB MA MANG DU BYUNG BA'I NANG NAS BYANG CHUB LAM GYI RIM PA'I MAN NGAG YONGS SU RDZOGS PA BUM PA GANG BYOR THOB PA'I SRAS KYI THU BO NI LHA LUNG GI DBANG PHYUG GO ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS SEMS DPA' CHEN PO 'DI LA GSOL BA 'DEBS SHING, SEMS DPA' CHEN PO 'DI'I RNAM THAR LTAR BRTZON PA THAMS CAD GCIG TU DRIL TE BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,, DRI MED LUNG GI DBANG PHYUG MKHAS PA'I MCHOG ,CES BSNGAGS BA, BSHES GNYEN CHEN PO LHA LUNG GI DBANG PHYUG NI, PHO BRANG KHANG DMAR DU YAB JO BO RNAL 'BYOR, YUM SNA NAM BZA'I DPAL 'DREN GNYIS KYI SRAS SU SA PHO STAG GI LO CHO 'PHRUL ZLA BA'I TSES BCO LNGA'I NYI MA SHAR BA DANG DUS MTSUNGS PAR SKU 'KHRUNGS, BYIS PA CHUNG DU'I GNAS SKABS NYID NAS SGO GSUM GYI SPYOD PA THAMS CAD ZHI ZHING DUL BA DANG, GZHAN GYIS BSKUL BA LA MI BLTOS PAR DAM PA'I CHOS 'TSOL BA LA NGANG GIS ZHUGS PA ZHIG BYUNG ZHING, DGUNG LO BRGYAD BZHES PA'I TSE, GU RI BA CHEN PO LA BSNYEN GNAS DANG, CHOS SPYOD MANG PO'I LUNG ZHUS TE CHOS BZHIN SPYOD PAS DUS 'DA' BAR MDZAD, DE'I DUS SU THUGS

, ,BSAM 'DI LTA BU DAG 'KHRUNGS PAR NGES TE, BDAG RIGS MTHON POR SKYES SHING 'BYOR PA DANG LDAN YANG YUD TZAM NAS NGES PAR 'DOR DGOS PAS MI RTAG PA, MI BRTAN PA, YID BRTAN MI RUNG BA, BSLU BA'I CHOS CAN 'DI LA CHAGS BAS CI ZHIG RUNG, DA LTA RGYAL BA'I BSTAN PA'I SNYING BO MTHAR THUG PA DPAL LHA CIG DI PAm KA RA'I CHOS RGYUD MA NYAMS PAR YOD PA'I SKABS 'DIR RGYAL BA'I BSTAN PA LA ZHUGS NAS RGYAL BA DGYES PA'I CHOS RNAM PAR DAG PA ZHIG CI NAS KYANG BYA SNYAM DU 'DUN PA DRAG PO 'KHRUNGS SHING, DAM PA GONG MA'I RNAM THAR LA YID SMON RGYUN DU MDZAD, DE DUS SNE'U ZUR PA'I MTSAN THOS BA TZAM GYIS DAD PA SKYES, DE NAS DA NI NGES PAR MI GTZANG BA'I 'DAM RDZAB LTA BU KHYIM GYI GNAS 'DI DOR NAS RAB TU 'BYUNG BAR BYA'O SNYAM DU THAG BCAD DE DGUNG LO BCU BZHI BA LA GU RI BA LA DGE BSNYEN GYI SDOM PA MNOS, BCO LNGA LA RGYA DUR GYI MKHAN PO KLUBS DKAR DANG, DGE BSHES GTZANG PA KHYUNG PO SPYAN DRANGS TE, KLUBS DKAR GYIS SLOB DPON DANG, KHYUNG PO LA MKHAN PO ZHUS TE BYA SAR RAB TU BYUNG, MTSAN BYANG CHUB RIN CHEN DU BTAGS, DE'I TSE MKHAN SLOB LA 'DUL BA'I BSLAB BYA LEGS PAR GSAN NAS PHYAG LEN LA THEBS PAR MDZAD CING, KA RI KA LNGA BCU PA GSAN NAS THUGS SU CHUD PAR MDZAD, DGE TSUL GYI BSLAB BYA RGYAS PAR STON PA 'DUL BA SUM BRGYA PA TSAR GNYIS GSAN, 'DUL BA LUNG LA'ANG LEGS PAR GZIGS

TE BSLAB BYA PHRA RAGS RNAMS MA 'DRES PAR MKHYEN CING JI LTAR MKHYEN PA LTAR PHYAG LEN LA BTAB, 'DUL BA'I BSLAB BYA BSRUNG BA GZHIR BZUNG NAS SDE SNOD GSUM GA LA SBYANGS TE MKHAS PA'I PHUL DU PHYIN PAR GYUR, SKAL BA DANG LDAN PA KHA SHAS LA CHOS KYANG GSUNGS, DGE BSHES 'CHAD KHA BA'I SKU 'BAG GCIG GZIGS PAS SHIN TU DAD DE, 'DI JI SKAD BYA BA YIN BYAS PAS 'CHAD KHA BA YIN 'DAS ZER, DA LTA SE BZHUGS BYAS PAS DAD DE SEMS DPA' CHEN PO SE SPYIL BU BA'I SAR BYON TE BSAM SBYOR GNYIS KYIS TSUL BZHIN DU BSTEN, GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA'I KHRID GSAN TE NYAMS SU BZHES, RGYAL BA'I GSUNG RAB DGONGS 'GREL DANG BCAS PA THAMS CAD DANG, KHYAD PAR BKA' GDAMS GZHUNG DRUG BYANG CHUB LAM GYI RIM PA'I MAN NGAG TU NGO 'PHROD DE BYANG CHUB LAM RIM LA NYAMS LEN CHIG SGRIL DU MDZAD PAS SEMS DPA' CHEN PO SE SPYIL BU BA THUGS GTING NAS DGYES PAR GYUR, DER BZHUGS PA'I GRVA PA THAMS CAD KYIS DANG BA CHEN POS SPYIL BU ZHIG BRTZIGS, DGUNG LO NYI SHU RTZA BZHI LA SE'I ZHAL NAS DGE SLONG GYIS GSUNG BAS, RGYA SAR SGANG NAS MKHAN PO GLAN GDAN DRANGS NAS MKHAN PO ZHUS , SLOB DPON ZHANG GIS LAS CHOG PA MDZAD, GNYAGS KYIS GSANG STE BA MDZAD DE BSNYEN PAR RDZOGS, DUS DE'I TSE KHA CHE PAn CHEN SH'AKYA SHR'I YANG BOD DU BYON PAS KHA CHE PAn CHEN LA CHOS MANG DU ZHUS, GZHAN YANG DGE BA'I BSHES GNYEN

, ,MKHAS PA MANG DU BSTEN TE RGYAL BA'I BKA' BOD DU 'GYUR RO COG THAMS CAD KYI LUNG THOB PAR MDZAD, BKA' GDAMS GZHUNG DRUG SOGS SHING RTA CHEN PO'I GZHUNG RNAMS LAS BOD NA LUNG RGYUN GANG BZHUGS THAMS CAD RTZAD DPYAD DE THOB PAR MDZAD, DRI MA MED PA'I RIGS PA'I SNANG BA CHES CHER RGYAS TE BSTAN PA YONGS RDZOGS KYI GNAD LA 'KHRUL MED KYI NGES PA BRTAN PO RNYED PA NA TSE 'DI'I G-YENG BA THAMS CAD BCAD DE RUG PAR SKU MTSAMS DAM PO MDZAD, DE DUS BSAG SBYANG GTZO BOR BTON PAS THOG MAR BCOM LDAN 'DAS SMAN BLA'I LHA TSOGS RNAMS ZHAL GZIGS, JI LTAR DANG BA'I CHU NANG DU ZLA GZUGS 'CHAR BA LTAR SANGS RGYAS DANG BYANG SEMS MANG PO'I ZHAL MTHONG ZHING, LHA SAR BYON DUS JO BO RIN PO CHE'I THUGS KA NAS 'OD ZER 'PHROS TE NYID GYI THUGS KAR THIM PA'I SNANG BA BYUNG, BYAMS SNYING RJE BYANG CHUB KYI SEMS SGOM PA LHUR MDZAD PAS MGON PO SPYAN RAS GZIGS NAM 'DOD DU ZHAL GZIGS, DE'I GNAD KYIS LHA KHU DBON GYI THANG KA ZHAL SPROD 'DI 'DRI BA'I DBUS SU BCU GCIG ZHAL 'DRI BA'I SROL YANG DAR, LUNG RIGS DU MA LA DBANG BSGYUR ZHING BKA' 'GYUR RO 'TSAL GYI LUNG BZHUGS PAS LHA LUNG GI DBANG PHYUG CES GRAGS SHING; LHA CHEN PO'ANG ZER, DON 'DI LA DGONGS NAS RJE THAMS CAD MKHYEN PAS KYANG, DRI MED LUNG GI DBANG PHYUG MKHAS PA'I MCHOG ,CES BSNGAGS PA MDZAD DO, ,MKHAS PA CHEN PO 'DI'I GSUNG SGROS LA BRTEN PA'I 'CHAD KHA

BA'I GRUB MTHA' GCES BSDUS LA t'IKKA CHEN PO ZHIG DANG, BLO SBYONG GI ZIN BRIS RGYAS PA LEGS PA CIG KYANG YOD CES BKA' GDAMS CHOS 'BYUNG LAS GSUNGS SO, ,LHA LUNG GI DBANG PHYUG 'DIS DGE BA'I BSHAS GNYEN SE SBYIL BU BA CHEN PO THOG MAR MJAL BA NAS NAM GSHEGS KYI BAR TSUL BZHIN DU BSTEN, SPYIL BU BA GSHEGS NAS LCAGS PHO KHYI'I LO SPYIL BU DANG 'CHAD KHA'I GDAN SA MDZAD DE BKA' GDAMS GZHUNG PA'I LUGS SROL LEGS PAR BSKYANG BA'I SGO NAS CHU PHO 'BRUG GI BAR LO BZHI BCU RTZA GSUM GDAN SA MDZAD CING BSTAN 'GRO'I DON RGYA CHER MDZAD DE, RANG LO BDUN CU RTZA LNGA PA CHU 'BRUG GI CHO 'PHRUL ZLA BA'I TSES BCO LNGA LA ZHI BAR GSHEGS SO, ,MKHAS PA CHEN PO 'DI LA SLOB MA MANG DU BYUNG ZHING SRAS KYI THU BO BKA' GDAMS GZHUNG PA'I MAN NGAG THAMS CAD BUM PA GANG BYOR MNGA' BA NI LHA 'GRO BA'I MGON PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR RGYAL BA'I GSUNG RAB DGONGS 'GREL DANG BCAS PA MTHA' DAG TSIG DANG DON GYI SGO NAS 'DZIN PA'I SMON LAM GDAB CING, GTZO BOR GSUNG RAB DGONGS 'GREL DANG BCAS PA'I SNYING PO BYANG CHUB LAM GYI RIM PA SGOM PA LA BLO NUS CI YOD KYIS 'BAD PAR BYA'O,, ` ,,KHAMS GSUM 'GRO BA'I MGON PO RIN PO CHE, ,ZHES BSNGAGS PA, LHA 'GRO BA'I MGON PO NI PHO BRANG KHANG DMAR DU YAB

, ,JO 'BAG DANG, YUL LHA 'BRI SGANG BA'I LCAM MO LHA CIG 'DZAM GLING RGYAN GNYIS KYI SRAS SU ME PHO RTA LA 'KHRUNGS, SKU GZHON NU NAS DAM PA'I CHOS 'TSOL BA LHUR LEN PA ZHIG BYUNG STE, LO DRUG LON PA'I TSE KONG 'DUL BA 'DZIN PA CHEN PO LA BSNYEN GNAS KYI SDOM PA MA NOS, DE NAS KHYIM GYI GNAS BTZON RA LTA BUR MTHONG STE NGES 'BYUNG SHUGS DRAG POS BSKUL NAS LO BCU DRUG PA LA 'CHAR KHAR KHU BO'I DRUNG DU BYON NAS DGE BSNYEN GYI SDOM PA MA NOS, DE'I MOD LA SKYOR MO LUNG DU SPAL TI LA MKHAN PO DANG, GROS BA'I DGE BSHES GNAS BRTAN LA SLOB DPON ZHUS TE RAB TU BYUNG NAS MTSAN DBANG PHYUG 'OD DU BTAGS, PHYIS PO TOR DGE BSHES GNAS BRTAN LA MKHAN PO DANG, SU GU DO NAS DGE BSHES RGYAL TSA GDAN DRANGS NAS LAS KYI SLOB DPON ZHUS, JO BTZUN PAS GSANG STE STON PA MDZAD DE BSNYEN PAR RDZOGS NAS 'DUL BA'I BSLAB BYA RNAMS LEGS PAR BSLABS TE PHYAG LEN LA THEBS PAR MDZAD, DE NAS RANG GI KHU BO LHA LUNG GI DBANG PHYUG BSAM SBYOR GNYIS KYIS TSUL BZHIN DU BSTEN TE SPYIR CHOS MANG DU GSAN CING, LHAG PAR JO BO YAB SRAS NAS DGE BA'I BSHES GNYEN PO TO BA CHEN PO LA BRGYUD PA'I BKA' GDAMS GZHUNG PA'I MAN NGAG BYANG CHUB LAM GYI RIM PA'I 'OG BSHES GNYEN BSTEN TSUL NAS ZHI LHAG GI BAR DMIGS SKOR RE RE NAS SNYAN RGYUD KYI MAN NGAG GIS NGO SPROD DANG RGYAL BA'I BKA' DANG SHING RTA CHEN PO'I GZHUNG GI STENG NAS NGES PA

PHUL PHYIN 'DREN TSUL RNAMS YONGS SU RDZOGS PAR GSAN ZHING THUGS NYAMS SU BZHES TE GDENG THOB PAR MDZAD, KHU BO LHA LUNG GI DBANG PHYUG ZHING GSHEGS NAS SPYIL BU DANG 'CHAD KHA'I GDAN SA MDZAD DE, CHU MO SPRUL NAS, SA MO LUG GI BAR LO NYI SHU RTZA BDUN BZHUGS NAS BSTAN PA'I BDAG PO MDZAD, PO TO GNAS BRTAN DANG, BKA' GDAMS GZHUNG PA'I BSHES GNYEN RNAMS GROS MDZAD DE PO TO SDE MA LAG DANG BCAS BA PHUL, KONG PO NAS RTA BAR, BU CHU BYANG LUNG GSUM GYIS THOG DRANGS PA'I SDE BA SUM CU TZAM GYIS GTZUG LAG KHANG GI LDE MIG GTAD NAS PHUL, DVAGS PO NAS BLA MDA', KAN NA MO SHOD KYIS THOG DRANGS PA'I SDE PA MI SDE DANG BCAS PA PHUL, PHYIS KYANG YUN RING POR DE RNAMS SU DKON GNYER DANG MI DBON BSKOS, GNYAL NAS ZANGS BO CHE PAS GDAN DRANGS TE SKU 'BUM CHEN MO'I RAB GNAS MDZAD, ZANGS PO CHE SDE MA LAG DANG BCAS PA PHUL NAS GTZUG LAG KHANG GI LDE MIG PHUL, RONG RTZE DKAR DU GDUNG KHANG CHEN MO'I RAB GNAS LA SPYAN DRANGS NAS SDE MA LAG DANG BCAS PA PHUL, DUS PHYIS KYANG ZANGS PO CHE DANG, GRVA SKOR NA SPYIL BU BA'I CHOS RGYUD 'DZIN PA MANG DU BYUNG NGO, AE NA'ANG BU DAL LA SOGS PA NAS YON BDAG DANG BU SLOB MANG DU BYUNG, THUN MONG BA BYANG CHUB LAM GYI RIM PA DANG, THUN MONG MIN PA RDO RJE THEG PA'I LAM LA SPYANGS TE BSNYEN SGRUB MDZAD BAS YI DAM MANG PO'I ZHAL GZIGS SHING LHAG BAR MI G-YO BA DNGOS SU GRUB PAS MI G-YO BA'I SPRUL BAR GRAGS PA BYUNG, YAR

, ,KLUNGS SU GONG PO RIR SENG GE SGRA'I ZHAL GZIGS, PO TO NA DGE BSHES 'DI LA CHOS GSUNG BA'I THUB PA'I SKU GCIG KYANG BZHUGS, BSTAN PA'I NANG MDZOD 'DUL BA GTZO BOR MDZAD PAS SPYIL BUR TSUL BZHUGS GCIG GI STENG DU GNAS BRTAN BCU DRUG DNGOS SU BYON PAS, 'GRO BA'I MGON PO LA GNAS BRTAN BCU DRUG GIS BSKOR BA'I THANG SKU YANG MANG DU 'PHEL, DBYAR GNAS KYI TSE GNAS BRTAN BCU DRUG GI TSUL SHING RE YANG LEN; MANG JA'I DUS SU GNAS BRTAN GSOL 'DEBS 'CHAG MED MDZAD, LHA SAR JO BOS CHOS GSUNGS SHING RA SGRENG DU BYON PA'I TSE JO BO RJE DPAL LDAN AA TI SHAS ZHAL DNGOS SU BSTAN NAS GDAMS PA DANG RJES SU BSTAN PA MANG DU STZAL, BDAG NYID CHEN PO 'DI YI DAM LHA'I BSNYEN SGRUB MTHAR PHYIN PAS 'DAM DU LHA MO CHE ZHIG LA GDON ZHUGS NAS SUS KYANG MA THON PA LA DER BYON NAS BGEGS SKROD MDZAD PAS LHA'I MCHAN KHUNG GNYIS NAS PHUG RIN RE 'PHUR ZHING, DE GNYIS SPYANG KIR SONG PA KUN GYIS MTHONG BA BYUNG STE, DE NAS RAB GNAS LEGS PAR MDZAD, 'GRO MGON CHOS RGYAL 'PHAGS PA PHYIR THEGS DUS DGE BA'I BSHES GNYEN GZHAN RNAMS PHYIR LOG ,DGE BA'I BSHES GNYEN 'GRO MGON RIN PO CHE KHYED DANG 'BRAL MI PHOD BAR 'DUG LHAN CIG TU GSHEGS GSUNGS NAS SHA PHO SRANG BAR TSUN BYON, MKHAS BTZUN DANG MI CHEN MANG PO'I DON MDZAD NAS RANG LA DON BZHI PAS MO LUG GI LO STON

ZLA THA CHUNG GI NYER GCIG LA SPYIL BUR GSHEGS SO, ,DE NAS SLOB MA RNAMS KYIS MCHOD PA RGYA CHER BYAS TE SKU GDUNG BZHU BAS LHA SKU LA SOGS PA'I RTEN MANG DU BYON ZHING, KHYAD PAR THUGS LJAGS SPYAN GSUM BYON PA SPYAN SPYIL BU'I NANG RTEN GSER SKU'I NANG DU BZHUGS, THUGS 'CHAD KHA BAS GDAN DRANGS NAS NGO SGRA'I GDUNG KHANG NA BZHUGS, LJAGS SU GU DOR GDAN DRANGS NAS BYANG CHUB CHEN PO'I NANG NA BZHUGS, DUNG G-YAS 'KHYIL BZHI BYON PA LA GCIG RUG PA'I GSER SKUR BZHUGS, GCIG SPANGS BA'I RTEN SKAL LA GDUNG KHANG NA BZHUGS NAS NGO SGRA NA YOD, GCIG DA LTA SPYIL BU'I NANG RTEN LA BZHUGS SO, ,LHA LUNG GI DBANG PHYUG DANG, LTA 'GRO BA'I MGON PO GNYIS PO 'DI DANG 'DI GNYIS KYI CHOS RGYUD 'DZIN PA SPYIL BU DANG 'CHAD KHA'I GDAN SA BA GSUM TZAM DANG BCAS BKA' GDAMS GLEGS BAM LAS GSAL BAR LUNG BSTAN PA NI, SO SPYIL BA LUNG BSTAN PA'I 'PHRO NAS, KHYED LA SH'AKYA'I GDUNG RIGS 'DZIN PA LHA'I LHA ZHIG NAS BZUNG LNGA LAS MI NYUNG BA 'BYUNG, ZHES SOGS GSAL BAR LUNG BSTAN TO, ,BDAG NYID CHEN PO 'DI 'PHRIN LAS KYI KHYAB BDAL BLA LHAG TU CHE BA ZHIG BYUNG BAS RJE THAMS CAD MKHYEN PAS, KHAMS GSUM 'GRO BA'I MGON PO RIN PO CHE, ,ZHES BSNGAGS PA CHE BAR MDZAD DO, ,'GRO MGON RIN PO CHE 'DI LA SLOB MA BSAM GYIS MI KHYAB PA ZHIG YOD KYANG, SRAS KYI THU BO BKA' GDAMS GZHUNG PA'I RGYUD 'DZIN CHEN PO NI

, ,DGE BA'I BSHES GNYEN BZANG CHEN PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS LHA 'GRO BA'I MGON PO 'DI LA GSOL BA 'DEBS SHING, 'DI'I RNAM THAR LTAR BKA' GDAMS KYI RNAM THAR GTZANG MA BSRE BSLAD MED PAR SKYONG ZHING BYANG CHUB LAM GYI RIM PA'I LAM THUN MONG PA DANG THUN MONG MIN PA GNYIS KA LA BAG CHAGS CI THEBS BYA'O,, ` ,,RNAM DAG TSUL KHRIMS NGAD LDANG BZANG CHEN PA, ,ZHES BSNGAGS BA, DGE PA'I BSHES GNYEN BZANG CHEN PA NI, GNYAL SMAD DU NGO MTSAR BA'I LTAS DANG BCAS TE SKU 'KHRUNGS, CHUNG DU'I DUS NAS KHYIM GYI 'DU 'DZI LA MA CHAGS PAR RGYAL BA'I BSTAN PA LA ZHUGS NAS DAM PA'I CHOS RNAM PAR DAG PA ZHIG BYA BAR 'DOD PA'I 'DUN PA SHUGS DRAG PO NAR MAR BYUNG STE SUS KYANG BZLOG MA THUB PAR BZANG CHEN GYI GDAN SA BA MKHAN PO BSOD NAMS 'BYUNG GNAS LAS RAB TU BYUNG ZHING TSIGS SNGA MA DGE TSUL GYI SDOM PA MNOS, MTSAN DAR MA BSOD NAMS SU BTAGS MKHAN PO DE NYID LA BRTEN TE DGE TSUL GYI BSLAB BYA RNAMS LEGS PAR BSLABS SHING CHOS SPYOD RNAMS THUGS SU CHUD PAR MDZAD, DE NAS GZHUNG LUGS RNAMS LA SBYANGS TE SDE SNOD GSUM LA MKHAS PAR BSLABS, NGES 'BYUNG GI BSAM PA RNAM PAR DAG PAS RGYUD BSKUL TE MKHAN PO NGAR YE BA, KHA SKONG GI DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS, LHA

'GRO BA'I MGON PO'I ZHABS RDUL SPYI BOS BLANGS TE 'DUL BA LUNG SDE BZHI'I BRJOD BYA'I DON THAMS CAD SLOB DPON YON TAN 'OD KYIS 'DUL BA'I MDOR GTAN LA PHAB PA LTAR BYIN LEN DANG RUNG CHU 'DEBS PA YAN CHAD DGE SLONG GI BSLAB BYA PHRA RAGS THAMS CAD THUGS SU CHUD BAR MDZAD DE LAG TU BDAR NAS 'DUL BA NAS BSHAD PA'I BCAS RANG GI NYES PA PHRA MOS KYANG MGOS PA'I TSUL KHRIMS RNAM PAR DAG PAR BSRUNG BAR MDZAD, TSUL KHRIMS KYI MTHU LAS SKYES PA'I DRI BZANG PO RDZI PHYOGS MIN PAR 'PHRO BA ZHIG YOD PAR GRAGS, DON 'DI LA DGONGS NAS RJE THAMS CAD MKHYEN PAS BSHES GNYEN CHEN PO 'DI LA, RNAM DAG TSUL KHRIMS DANG LDANG BZANG CHEN PA, ,ZHES BSNGAGS SO, ,LHA 'GRO BA'I MGON PO LA RGYAL BA'I BKA' DANG SHING RTA CHEN PO'I GZHUNG MANG PO GSAN TE GZHUNG LUGS RNAMS LA MKHAS PA'I PHUL DU PHYIN PAR GYUR PA NA RANG GI YON TAN GYI STOBS KYIS DGE 'DUN TSANG MAS BZANG CHEN GYI GDAN SAR BSKOS TE CHOS GRVA CHEN PO DE'I SENG GE'I KHRI LA BZHUGS NAS SHING RTA CHEN PO'I GZHUNG LUGS RNAMS RGYA CHER SPEL BAS DGE BA'I BSHES GNYEN BZANG CHEN PA ZHES PHYOGS KUN TU SNYAN PAR GRAGS, DE NAS LHA 'GRO BA'I MGON PO BZANG CHEN DU GDAN DRANGS NAS MCHOD CING BSNYEN BKUR TE RGYAL BA'I GSUNG RAB DGONGS 'GREL DANG BCAS BA MTHA' DAG GI DON GANG ZAG GCIG GI NYAMS LEN GYI RIM PAR DRIL BA DPAL AA TI SHA'I MAN NGAG BYANG CHUB LAM GYI RIM PA'I MYONG KHRID LEGS PAR GSAN,

, ,DE YANG THOS LO TZAM LA MA BZHAG PAR TSUL BZHIN DU NYAMS SU BLANGS PAS MYONG BA LEGS PAR THON, LTA 'GRO BA'I MGON PO LA BKA' GDAMS GZHUB DRUG GSAN TE LAM GYI RIM PA'I DMIGS SKOR MTHA' DAG SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB, KHA CHE PAn CHEN SH'AKYA SHR'I BZANG CHEN DU GDAN DRANGS TE MDO SNGAGS KYI CHOS MANG DU GSAN, SRAS KYI THU BO MTSO SNA BA CHEN PO SOGS SKAL BA DANG LDAN PA MANG PO LA BYANG CHUB LAM GYI RIM PA'I KHRID DANG SHING RTA CHEN PO'I GZHUNG LUGS RNAMS RGYA CHER SPEL BAR MDZAD NAS MTHAR DGUNG LO BDUN CU RTZA LNGAR RU PHEBS PA'I TSE SHA DUG ZHIG GIS SKU BSNYUN PA NA DGE 'DUN THAMS CAD KYIS RIM GRO RGYA CHER MDZAD CING, CHOS SKYONG MGON PO TRAKSHAD KYIS KYANG BYA ROG TU SPRUL NAS RGYA BAL NAS AA RUR RLON PA BLANGS TE PHUL BA SOGS THABS DANG RIM GRO CI BYAS KYANG MA BZLOG PAR ZHING GSHEGS, DGE 'DUN RNAMS KYIS MCHOD PA RGYA CHER BYAS TE SPUR GYI MCHOD RTEN BZHENGS PA'I DRUNG NA CHOS SKYONG TRAKSHAD KYIS PHUL BA'I AA RUR RLON PA DE BZHAG ,SPUR GYI ZHAL NUB PHYOGS SU BSTEN PA ZHIG BYUNG BAS GRVA SKOR DU BKA' GDAMS KYI BSTAN PA RGYA CHER 'PHEL BA'I RTEN 'BREL DU BYUNG ZHES GLENG NGO, ,BSHES GNYEN CHEN PO 'DI LA RGYUD 'DZIN GYI SLOB MA MANG DU BYUNG BA LAS SRAS KYI THU BO NI MTSO SNA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS

BSHES GNYEN CHEN PO 'DI LA GSOL BA 'DEBS SHING 'DI'I RNAM THAR LTAR TSUL KHRIMS RNAM PAR DAG PA GZHIR BZUNG NAS BYANG CHUB LAM GYI RIM PA LA BLO SBYONG ZHING GZHUNG LUGS GDAM PAR 'CHAR BA ZHIG 'ONG BAR BYA'O,, ,, ` 'DUL BA 'BUM SDE'I MNGA' BDAG MTSO SNA BA, ,ZHES BSNGAGS PA 'DUL 'DZIN MTSO SNA PA CHEN PO NI, MON MTSO SNA STOD DU SKU 'KHRUNGS, BYIS PA SMRA SHES TZAM NAS CHOS BYED PA'I 'DUN PA KHO NAS SGO GSUM GYI SPYOD PA THAMS CAD CHOS DANG MTHUN PAR MDZAD PA LAS BYIS PA'I NGANG TSUL DU MI 'GRO BA ZHIG BYUNG ZHING, DGUNG LO BRGYAD LON PA'I TSE BLA MA'I DRUNG DU 'GRO ZER NAS SUS BKAG KYANG MA THUB PAR DGE BA'I BSHES GNYEN BZANG CHEN PA'I THAD DU BROS TE RAB TU BYUNG, TSIGS SNGA MA DGE TSUL GYI SDOM PA MA NOS TE MTSAN SHES RAB BZANG PO ZHES BTAGS, DUS DE'I TSE PAndI TA MKHAS PA'I NYAMS DANG LDAN PA ZHIG RANG SHUGS KYIS BYUNG BAS SDE SNOD 'DZIN PA BLO GROS SENG GE'I SKYE BAR GRAGS PA BYUNG NGO, ,DE NAS DGE BA'I BSHES GNYEN BZANG CHEN PA BSAM SBYOR GNYIS KYIS TSUL BZHIN DU BSTEN NAS BKA' GDAMS GZHUNG DRUG LA SOGS PA'I SHING RTA CHEN PO'I GZHUNG RNAMS LA LEGS PAR SBYANGS SHING, KHYAD PAR DU 'DUL BA LUNG SDE BZHI DANG, DE THAMS CAD KYI BRJOD BYA'I DON GCIG TU BSDUS PA 'DUL BA MDO RTZA BA LA SBYANGS TE TSIG DON MTHA' DAG THUGS SU

, ,CHUD PAR MDZAD CING, DGE BA'I BSHES GNYEN BZANG CHEN PA LA MKHAN PO ZHUS TE MKHAN SLOB DGE 'DUN GRANGS TSANG BA'I DBUS SU BSNYEN PAR RDZOGS TE, 'DUL BA'I BSLAB BYA MTHA' DAG CHES ZHIB PAR THUGS LA MNGA' BA LTAR PHYAG LEN LA THEBS PAR MDZAD BAS 'PHAGS PA NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DGE BA'I BSHES GNYEN BZANG CHEN PA LAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL, DPAL AA TI SHAS GANGS RI'I KHROD 'DIR GSAL BAR MDZAD PA'I MAN NGAG BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR MTHA' DAG BAR GSAN NAS NYAMS SU BLANGS TE GDENG THOB PAR MDZAD, BDAG NYID CHEN PO 'DI NI RGYAL BA'I DAM CHOS 'DZIN PA'I SMON LAM RLABS PO CHE'I MTHU GRUB PA ZHIG YIN PAS GSUNG RAB DGONGS 'GREL DANG BCAS PA LA THOS PA NYIN PAR MDZAD PAR MA ZAD RMI LAM SGYU MA'I RNAM THAR 'BYONGS BAS MTSAN MO MNAL LAM DU YANG SLOB DPON YON TAN 'OD LA 'DUL BA GSAN, RGYAL SRAS ZHI BA LHA LA SPYOD 'JUG GSAN, SLOB DPON DBYIG GNYEN LA MNGON PA MDZOD GSAN, SLOB DPON PHYOGS KYI GLANG PO LA TSAD MA'I MDO GSAN, SLOB DPON CHOS KYI GRAGS PA LA RNAM 'GREL SOGS TSAD MA SDE

BDUN GSAN, SLOB DPON ZLA BA GRAGS PA LA GSANG 'DUS GSAN, RJE BTZUN BYAMS PA MGON PO LA MNGAN RTAGS RGYAN GSAN PAR GRAGS, DE LTAR THOS PA RGYA MTSO'I PHA ROL TU BYON ZHING, LHAG PAR 'DUL BA LA MKHAS PA'I PHUL DU GYUR BAS MGON PO LA SOGS PA'I CHOS SRUNG RNAMS DANG, DKAR PHYOGS KYI LHA MANG POS 'DUL BA'I BSTAN BCOS GANGS RI'I KHROD KYI GDUL BYA RNAMS KYIS GO SLA BA LUNG SDE BZHI'I GNAD BSDUS BA ZHIG RTZOMS SHIG ,DE LA THOS BSAM BYED PA THAMS CAD NGED KYIS BU BZHIN SKYONG NGO ZHES BSKUL ZHING, DGE 'DUN MANG POS GRVA SKOR GYI GDAN SAR 'BYON DGOS PAR BSKUL TE CHOS GRVA CHEN PO GRVA SKOR GYI SENG GE'I KHRI LA BZHUGS TE, SHING RTA CHEN PO'I GZHUNG LUGS RNAMS RGYA CHER SPEL ZHING LUNG SDE BZHI'I GNAD KUN BSDUS PA 'DUL BA'I MDO'I RNAM BSHAD NYI MA'I 'OD ZER ZHES BYA BA BRTZAMS TE, DKAR PHYOGS KYI LHA RNAMS KYIS CHOS 'DI LA BSNGAGS PA BRJOD PHYIR BRTZAMS MA THAG DKAR PHYOGS KYI LHA RNAMS KYIS GLEGS BAM GDAN DRANGS TE SLAR YANG LAN GNYIS PA BRTZAMS ZHES GRAGS SO, ,GZHAN YANG, BDAG NYID CHEN PO 'DIS LAM RIM LA SOGS PA'I BSTAN BCOS KYANG MANG DU MDZAD DO, ,BDAG NYID CHEN PO 'DI NI DGE BA'I BSHES GNYEN PO TO BA'I RNAM THAR LTAR SKYES BU GSUM GYI LAM GYI RIM PA SHING RTA CHEN PO'I GZHUNG DANG SBYAR TE 'CHAD PA LA MI 'JIGS PA'I SPOBS PA THOB CING, PHYI LTAR DU GSANG

, ,SNGAGS LA DAM DOG CHE BAR MDZAD KYANG NANG DU RANG NYID SNGAGS KYI NYAMS LEN PHUL DU PHYIN PA MNGA' BAS, DPAL GSANG BA 'DUS PA'I RDZOGS RIM GYI RMI LAM 'DZIN PA LA MNGA' BRNYES PAS RMI LAM DU SANGS RGYAS KYI ZHING GZHAN DU BGROD PA DANG, GDUL BYA LA CHOS STON PA DANG, SANGS RGYAS BYANG SEMS LAS CHOS NYAN PA SOGS SPRUL BSGYUR SNA TSOGS NUS PA ZHIG STE, DE'I TSUL ZUR TZAM NI SNGAR SMOS BA LTAR RO, ,DE LTAR BSTAN 'GRO'I DON RGYA CHER MDZAD NAS DGUNG LO DON GNYIS BZHES PA'I CHE DGE 'DUN RNAMS LA BSLAB BYA RGYAS PAR MDZAD DE GRVA SKOR GYI GDAN SA MON GRAB LA GTAD NAS ZHI BAR GSHEGS SO, ,'DUL 'DZIN CHEN PO 'DI LA SLOB MA BSAM GYIS MI KHYAB PA YOD KYANG THUGS SRAN THU BO RANG GI RGYAL TSAB TU MNGA' GSOL BA NI DGE BA'I BSHES GNYEN MON GRA PA CHEN PO'O, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS 'DUL 'DZIN CHEN PO 'DI LA GSOL BA 'DEBS SHING BSTAN PA'I NANG MDZOD 'DUL BA'I BCAS MTSAMS DAG PA GZHIR BZUNG NAS BYANG CHUB LAM GYI RIM PA LA BLO SBYANG BAR BYA'O,, ` ,,CHOS MNGON RGYA MTSO'I MTHAR SON MON GRA PA, ZHES BSNGAGS PA, DGE BA'I BSHES GNYEN MON GRA PA NI, MON DANG MTSO SNA'I BAR GYI YUL MON GRAB TU SKU 'KHRUNGS, GZHON NU NYID NAS CHOS KYI BAG CHAGS BRTAS PAS RANG YUL NYE DU DANG BCAS PA LA MA CHAGS PAR MCHIL MA'I THAL BA BZHIN DOR TE GRVA SKOR DU MKHAN

CHEN MTSO SNA PA'I ZHABS DRUNG DU PHEBS NAS RAB TU BYUNG, MTSAN TSUL KHRIMS BKRA SHIS ZHES BTAGS, MKHAN CHEN MTSO SNA PA BSAM SBYOR GNYIS KYIS TSUL BZHIN DU BSTEN TE, SDE SNOD GSUM GYI DGONGS BA 'GREL BA'I SHING RTA CHEN PO'I GZHUNG RNAMS LA SBYANGS BAS MKHAS PA'I GO 'PHANG THOB CING, KHYAD BAR MNGON PA SDE BDUN DGONGS 'GREL DANG BCAS PA LA MKHAS PA'I PHUL DU PHYIN BAR GYUR TE CHOS MNGON PA'I DON LA MI 'JIGS PA'I SPOBS BA THOB , MKHAN CHEN MTSO SNA PA LAS BSNYEN PAR RDZOGS TE 'DUL BA'I BSLAB BYA RNAMS GSAN NAS LAG TU BLANGS, 'DUL BA 'DZIN PA'I MCHOG TU GYUR, DE LTAR GZHUNG LUGS RGYA MTSO LTA BU LA SBYANGS BAS MKHAS PA'I PHUL DU PHYIN PA NA MTSO SNA PA CHEN PO LA BYANG CHUB LAM GYI RIM BA'I KHRID BKA' GDAMS GZHUNG PA'I BSHAD SROL LTAR GSAN TE NYAMS LEN LA SBYAR BAS MYONG BA KHYAD PAR CAN THON TE MKHAS BTZUN BZANG GSUM 'DZOM BA'I BSHES GNYEN CHEN BOR GYUR PA NA MTSO SNA BA CHEN BOS RANG GI RGYAL TSAB BSTAN 'DZIN MCHOG TU 'GYUR BAR GZIGS NAS BSNGAGS 'OS SU MDZAD CING, GRVA SKOR GYI GDAN SA BGYI DGOS ZHES YANG YANG GSUNGS KYANG BDAG NYID CHEN PO 'DI BYANG CHUB LAM RIM LA MYONG BA PHUL PHYIN THON PAS TSANGS PA DANG BRGYA BYIN GYI DPAL LA'ANG MI SMON NA TSE 'DI'I RNYED BKUR SNYAN GRAGS LA SMON PA MED PA LTA CI SMOS PAR GYUR NAS BDAG LTA BUS BLA MA'I GDAN SA SKYONG BAR GA LA NUS ZHES MDZAD DU MA BZHED, MTHAR MKHAN CHEN MTSO SNA BA GSHEGS KHAR

, ,DGE 'DUN RNAMS LA ZHAL GDAMS RGYA CHER MDZAD NAS GDAN SA 'DI MON GRA PA LA GTOD GSUNGS NAS ZHI BAR GSHEGS PA NA BLA MA'I GSUNG GI THA MA ZHAL CHEMS LTA BUR SONG GSHIS MDZAD THABS MA BYUNG BAR GRVA SKOR GYI GDAN SAR PHEBS NAS GTZO BOR 'DUL BA DANG MNGON PA RGYA CHER BSHAD CING, PHAR TSAD BU MA RNAMS KYANG SNGAR SROL GANG YOD BSHAD NAS SHING RTA CHEN PO'I GZHUNG LUGS SHIN TU DAR BAR MDZAD, SKAL BA DANG LDAN PA DAG LA BYANG CHUB LAM GYI RIM PA'I KHRID BKA' GDAMS GZHUNG PA'I BSHAD SROL LTAR ZHIB TU BSHAD PAS CHOS KYI BDUD RTZIS CHIMS PA MANG DU BYUNG ZHING, PHYI RABS KYI GDUL BYA RNAMS KYI DON DU LAM RIM GYI KHRID YIG KYANG MDZAD DO, ,MKHAN CHEN MON GRA PA 'DI LA MKHAS SHING GRUB PA'I SLOB MA GRUB CHEN LAS KYI RDO RJE DANG, MKHAN CHEN CHOS SKYABS BZANG PO SOGS BSTAN PA LA BYA BA RGYA CHER BGYID PA MANG DU BYUNG NGO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS DGE BA'I BSHES GNYEN MON GRA PA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR SHING RTA CHEN PO'I GZHUNG LUGS RNAMS LA SBYANGS NAS GZHUNG LUGS GDAMS PAR 'CHAR BAR BYED PA DANG, GZHUNG LUGS GDAMS PAR SHAR BA'I MAN NGAG, BYANG CHUB LAM GYI RIM PA'I NYAMS LEN LA 'BAD NAS RANG GI RGYUD BTUL TE GDUL BYA GZHAN LA'ANG PHAN NGES PA ZHIG BYA'O,, ` ,,ZAB CING RGYA CHE'I CHOS LA MNGA' BRNYES PAS,,

SKAL LDAN 'GRO BA KUN GYI SKYABS SU GYUR, ,'PHRIN LAS BZANG POS BSTAN PA RGYAS MDZAD PA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA MKHAN CHEN CHOS SKYABS BZANG PO NI GNYAL DU RIGS RUS PHUN SUM TSOGS PA ZHIG TU SKU 'KHRUNGS, CHUNG NGU'I DUS SU YAB YUM GNYIS KYIS BSNAMS NAS MKHAN CHEN MTSO SNA PA CHOS GRVAR PHEBS PA DANG THUG STE MJAL BA'I TSE, MTSO SNA PA'I SKU CHOS RLUNG GIS BSKYOD BA BYIS PA CHUNG DU 'DI'I STENG DU G-YOGS PA LTAR BKAB PAR GYUR PAS MKHAN CHEN MTSO SNA PA BZHAD CING CHER DGYES NAS BYIS PA 'DI NGA'I CHOS GOS KYIS BSKYABS PA LTAR 'DUG PAS 'DI NGA LA BYIN CIG CES YAB YUM GNYIS LA GSUNGS PAS YAB YUM GNYIS KYIS KYANG MTSO SNA PA'I BKA' LDOG MA NUS PAR PHUL BAS MKHAN CHEN MTSO SNA PAS BZHES TE CHOS SKYABS BZANG PO ZHES MING BTEGS, LO BDUN LON BA NA RAB TU BYUNG ZHING SDE SNOD GSUM LEGS PAR BSLABS, LO LON PA NA BSNYEN PAR RDZOGS PAR MDZAD DE SPYAN GYI 'BRAS BU LTAR BSKYANGS, RANG NYID LA YOD PA'I LUNG DANG MAN NGAG THAMS CAD GNANG ZHING, LHAG PAR BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I MAN NGAG MA LUS PAR GNANG, MKHAN CHEN MTSO SNA PA ZHING GSHEGS NAS DGE BA'I BSHES GNYEN MON GRVA PA TSUL BZHIN DU BSTEN NAS MON GRVA PA LA MNGA' BA'I BKA' DANG GDAMS NGAG MANG PO GSAN ZHING LHAG PAR BYANG CHUB LAM GYI RIM PA'I KHRID YANG DANG YANG DU

, ,GSAN TE, NYAMS SU BZHES PAS BYANG CHUB LAM GYI RIM PA'I MAN NGAG BKA' GDAMS GZHUNG PA'I BSHAD SROL LTAR RANG GI RGYUD LA SKOR NAS NYAMS SU LEN PA DANG, GZHAN LA STON PA LA MI 'JIGS PA'I SPOBS PA THOB PAR GYUR TO, ,BDAG NYID CHEN PO 'DI NI THOS PA RGYA MTSO'I PHA ROL TU SON ZHING, LAM GYI RTOGS BA MTHON POR BYON TE PHYIR MI LDOG PA'I RTAGS THOB PA ZHIG YIN ZHES GRAGS SO, ,MKHAN CHEN CHOS SKYABS BZANG PO 'DIS DGE BA'I BSHES GNYEN MTSO SNA PA DANG MON GRA PA GNYIS KA LA GTUGS TE BKA' GDAMS GZHUNG PA'I BSHAD SROL LTAR GYI SKYES BU GSUM GYI LAM GYI RIM BA YANG DANG YANG DU GSAN TE SBYANGS PA MTHAR PHYIN MDZAD PA NI, RJE BTZUN CHOS KYI RGYAL PO TZONG KHA PA CHEN POS KHONG PA LA BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN PAR 'GYUR BA 'DI LA DGONGS PAR MNGON ZHING, RJE THAMS CAD MKHYEN PAS BKA' GDAMS GZHUNG PA'I BSHAD SROL LTAR GYI LAM RIM GYI KHRID GSAN NAS SKAL BA DANG LDAN PA BGRANG BA LAS 'DAS PA LA GNANG NAS SA CHEN PO'I KHYON 'DI THAMS CAD CHOS 'DI'I 'PHRIN LAS KYIS KHYAB PA 'DI BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS PHYIR MI LDOG PA'I SEMS DPA' CHEN PO MKHAN CHEN CHOS SKYABS BZANG PO LA GSOL BA 'DEBS SHING, BDAG NYID CHEN PO 'DI'I RNAM THAR LTAR RGYAL BA'I BKA' DANG

GZHUNG LUGS MA LUS 'DU BA'I CHOS KYI RGYA MTSO CHEN PO BYANG CHUB LAM GYI RIM PA LA SLOB PA'I TSE BKLAGS LUNG TZAM RE THOB PA DANG, DMIGS SKOR RE GNYIS GO BAD TSIM PAR MI BYA BAR DGE BA'I BSHES GNYEN MKHAS PA LA GTUGS TE YANG DANG YANG DU MNYAN NAS NGES PA GTING TSUGS PA BSKYED PA DANG, JI TZAM THOS PA DE TZAM DU RGYUD LA SBYAR NAS NYAMS SU LEN PA LA 'BAD PAR BYA'O,, ` ,,DGE BSHES STON PA NAS DGE BSHES PO TO BA, DE NAS GRVA SKOR MKHAN CHEN CHOS SKYABS BZANG PO'I BAR GYI BRGYUD RIM DE NI RJE THAMS CAD MKHYEN PAS BKA' GDAMS GZHUNG PA'I LAM RIM GSAN BRGYUD YIN LA, BKA' GDAMS GDAMS NGAG PAR GRAGS PA DGE BSHES STON PA NAS SPYAN SNGA TSUL KHRIMS 'BAR LA BRGYUD PA'I BLA MA RNAMS KYI RNAM THAR NI, GRUB PA'I DBANG PHYUG CHEN PO TSUL KHRIMS 'BAR, ,ZHES BSNGAGS PA, ,DGE BSHES SPYAN SNGA BA NI NYAN GYI SNANG RA SGANG DU YAB SH'AKYA RDO RJE DANG, YUM LI MO YE SHES SGRON GNYIS KYI SRAS SU CHU MO BYA'I LO LA 'KHRUNGS, MTSAN STAG TSAB 'BAR ZHES BTAGS, SNGON YUN RING PO NAS LAM LA SBYANGS PA'I BAG CHAGS BRTAS PAS GZHAN GYIS BSKUL BA LA MA BLTOS PAR SKYES BU GSUM GA'I LAM GYI GNAD RNAMS LA BAG CHAGS SAD DE BYIS PA'I DUS SU SPYIR 'DUS BYAS 'DI THAMS CAD SDOD PA'I MTHU MED PAR 'JIG PA DANG, KHYAD PAR RANG GI LUS MYUR DU 'JIG PA'I NGANG TSUL DRAN NAS RGYUN DU BSHUM PA ZHIG BYUNG BAS YUM

, ,DES KHYOD 'JIGS MI DGOS MYUR DU SHI 'GRO SNYAM PA'I BLO DE SLAR BRJED 'GRO ZER SPYAN SNGA'I YUM DE NI RANG BZHIN GYI RNAL 'BOR MA ZHIG YIN PAR GRAGS PAS DENG SANG RANG CAG THA MAL PA RNAMS LA BLA MA RE'I BKA' DRIN LAS 'CHI BA DRAN PA'I BLO RIB TZAM RE BYUNG YANG SNANG SHAS MTHU CHE BAS CHU LA DBYUG GUS BRIS PA LTAR DE MA THAG BRJED NAS RTAG 'DZIN GYI DBANG DU 'GRO BA'I DANG TSUL DE YUM DES BRJOD PA'O, ,DE DUS YUM GYIS PAD DU KHYER NAS; SLOB DPON GRONG 'DUL BA CIG LA PHUNG PO LNGA'I RAB BYED GSAN PAS, PHUNG PO 'DI LNGAR 'BYED TSOD KYIS MTHAR STONG PA NYID DU 'DUG SNYAM STE BDAG MED PA'I LTA BA RANG 'KHRANGS SU BYUNG, GZHAN YANG BYIS PA'I GNAS SKABS DER LHAG PA'I LHA MANG PO'I SNANG BA YANG YANG 'CHAR BA ZHIG BYUNG, LO BCU GNYIS LON TZA NAR RNAL 'BYOR MA GONG MO SGANG BA BYA BA BYON NAS GDAMS NGAG CIG GSUNGS PAS MYONG PA KHYAD PAR CAN SKYES PA ZHIG BYUNG STE, DE NI RANG BZHIN GYI RNAL 'BYOR MAS BYIN GYIS BRLABS PA YIN PAR GSUNGS, YANG LAN CIG TZAN RA LUG 'TSOR RI ZHIG GI RTZER BYON PAS ,DA STE LO BRGYA THAM PA NA 'DI NAS MTHONG BA'I MI THAMS CAD 'CHI BA YIN DGONGS THUGS PHYUNG BA'I MGUR GSUNGS BA RI ZHOL GYI BTZAS MI BA RNAMS LA SNYAN PAR BYUNG NAS, 'OR CHE STAG TSAB 'BAR SNYAN RANG SNYAN DA DUNG ZHIG LONGS DANG ZER BAS, NGA MA DGA' CHES NAS BLANGS BA LA KHONG DA DUNG LONGS ZER AANG GSUNG ,DE NAS

DGUNG LO BCO BRGYAD PA LA STOD LUNG TSA THOG DGON PAR MAL SHES RAB SEMS DPA'I DRUNG DU RAB TU BYUNG ,MTSAN TSUL KHRIMS 'BAR DU BTAGS ,DER YUM GYI RMI LAM DU DUNG DKAR ZHIG BUS PA 'DZAM BU GLING PA THAMS CAD KYIS THOS PA ZHIG BYUNG BAS, NGA'I BU 'DI LA RAB TU BYUNG NAS GRAGS PA YANG CHE BA CIG 'ONG BAR 'DUG ZER, SLOB GNYER MDZAD DUS TSA THOG DGON PAR BYON PA'I ZHOR LA ,JO BO SNYE'I NA MO CHER BZHUGS PA DANG MJAL, SEMS BSKYED GSUNG BA GSAN, DE DUS JO BOS 'DI PA'I SPYI BOR PHYAG BZHAG ,SAm SKRi TA'I SKAD DU BKRA SHIS KYI TSIGS BCAD MANG PO MDZAD, GSER GLING PA'I BUM PA PADMA'I CHUm CAN GNANG, NGA'I CHOS RGYUD 'DZIN PA CIG 'OD GSUNG, DE NAS LAN TSA RAB DANG, RUG PAR SDE SNOD KYI GSAN SBYONG MANG DU MJAD, RGYA GAR RDO RJE GDAN CHOS KYI 'BYUNG KHUNGS YIN PAS DER 'BYON DGONGS TE SKAD DOD DANG RGYA YIG MANG DU BSLABS, DE'I DUS SU MDO SDE GZIGS PAS CHOS THOG TU HRIL HRIL 'GRO BAR BYUNG BAS SO SO SKYE BO'I SA NAS SANGS RGYAS KYI SAR 'GRO BA LA BLA MA MI DGOS PAR SNANG SNYAM BA BYUNG, PHYIS SU BSAMS TZA NA SNGAR GYI DES GAR YANG MI PHYIN PAR 'DUG GSUNG, DE'I DUS SU YUM RUG PAR BYON NAS RUG PA'I BAN DE RNAMS LA 'DI NI DGRAS BDAS PA YIN, 'DI 'DRES BDAS PA YIN, SNYING NAS CHOS BYA BSAM NAS RAB TU BYUNG BA NI KHYOD DANG SLOB DPON ZHANG BTZUN GNYIS YIN KHYOD CHOS GSHA' MA ZHIG BYED NA RA SGRENG DU DGE BSHES STON PA'I SPYAN SNGAR

, ,'GRO GSUNGS NAS YUM GYIS KHRID DE DGUNG LO NYER LNGA PA LA DGE BSHES STON PA DANG MJAL, SPYAN SNGA'I ZHAL NAS ,NGA'I MA DE RANG BZHIN GYI RNAL 'BYOR MA YIN PAS 'DIR BSKYAL BA YIN GSUNG, DE'I TSE DGE BSHES STON PA LA LAM GYI 'GRO CHOS ZHUS NAS RGYA GAR DU RNAL 'BYOR PA CIG LA GTUG SNYAM DU DGONGS BA LA DGE BSHES STON PA'I ZHAL NAS, KHYOD RGYA GAR DU MA 'GRONGS THUGS LA GDAGS KYI GSUNG BAS, DGE BSHES STON PAS THUGS LA 'DOGS NA RGYA GAR DU 'GRO DON MI 'DUG DGONGS PA BYUNG NAS BSHES GNYEN STON PA RIN PO CHE BSAM SBYOR GNYIS KYIS TSUL BZHIN DU BSTEN NAS DUS GSUM GYI SANGS RGYAS THAMS CAD GANG NAS GSHEGS PA'I LAM PO CHE BKA' DANG DGONGS 'GREL THAMS CAD KYI SNYING PO'I DON BYANG CHUB LAM GYI RIM PA'I MYONG KHRID GSAN PAS LAM GYI RIM PA'I DMIGS SKOR RNAMS BSAM DU BTUB PAR BYUNG BA LA, DGE BSHES STON PA'I ZHAL NAS, DUS TSOD 'DI TZAN SHOG GSUNG BAS SPYAN SNGAR PHYIN DUS GROG PO'I GSEB LA NYI MA BYUNG BDE, SPYAN SNGA'I NA BZA' LA SHAR BAS BKRA SHIS RDZAS BRGYAD LA SOGS PA'I GZUGS MANG PO BYUNG BAS RTEN 'BREL SHIN TU BZANG GSUNGS NAS MNYES PA YIN, DGE BSHES STON PA DE PHAR PHYIN GSUNG BA'I DUS SU SKU MCHED GSUM KA BA LI GCIG LA GZIGS PA YIN PAR GDA', DGE BSHES STON PA GRUB MTHA' ZHIG GSUNG BA GSAN DU BYON PAS, STON PA'I ZHAL NAS, NGA KHYOD LA

SGOM CHEN ZHIG RE BA YIN, KHYOD RANG NANG DU SGOMS SHIG GSUNG BAS, SPYAN SNGAS PHYAG MDZAD NAS BYON PA DANG ,STON PA'I ZHAL NAS ,BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN BA LA SPYOD PA BYA BA DE KHO 'DRA BA ZHIG LA ZER BA YIN GSUNGS, YONGS RDZOGS RNAL 'BYOR PA'I ZHAL NAS, DGE BSHES STON PAS THUGS LA 'DGOS PAR SNANG BAS, KHYED RANG GSANG SNGAGS KYI CHOS ZHUS NA 'OD GSUNG BAS, SKU MCHED GZHAN GNYIS KYI DRO'I DU BA RED BYUNG DUS SPYAN SNGAS DRO THON PAR BYAS, DER DGE BSHES STON PA DRO'I DUS BZHES SKYO SUN RE GSOL BAS, DE DUS SU GDAMS NGAG ZHUS PAS THEG PA CHEN PO GSANG SNGAGS KYI GDAMS BA MA LUS PA GNANG BA YIN, SPYAN SNGA'I ZHAL NAS ,YONGS RDZOGS RNAL 'BYOR PA 'DI NGAL BKA' DRIN CHE GSUNG, YANG DGE BSHES STON PA'I ZHAL NAS ,JO BO PA NYON MONGS PA BRGYAD KHRI BZHI STONG GI GNYEN POR CHOS KYI SGO MO BRGYAD KHRI BZHI STONG GSUNGS PA DE, 'DOD CHAGS KYI GNYEN POR GSUNGS PA RNAMS KYIS ZHE SDANG 'JOMS MI NUS, ZHE SDANG GI GNYEN POR GSUNGS PA RNAMS KYIS 'DOD CHAGS 'JOMS MI NUS PAS NYON MONGS SO SO'I GNYEN PO SO SOR BSTEN DGOS PA YIN NYON MONGS THAMS CAD KYI GNYEN PO BYED NUS PA'I CHOS NI RTEN CING 'BREL PAR 'BYUNG BA ZAB MO STONG PA NYID SGOM PA 'DI YIN GSUNGS NAS 'PHAGS PA KLU SGRUB KYIS RGYAL BA'I DGONGS PA BKRAL BA'I MAN NGAG DBU MA'I GDAMS NGAG RNAMS LEGS PAR GNANG ,DE LTAR DANG POR

, ,DGE BSHES STON PA DANG MJAL PA NAS NAM GSHEGS KYI BAR 'BRAL MED DU LO BRGYAD BSTEN ,DE NAS DGE BSHES STON PA SKU GSHEGS PAS THUGS NGAL CHEN PO BYUNG BA NA, NUB GCIG RMI LAM NA NYI MA ZHIG LUS LA SHAR BA RMIS, DE DGE BSHES STON PA'I YON TAN MA LUS PA RANG GIS THOB PA YIN AANG SNYAM PA BYUNG, DE NAS THUGS DGONGS LA RNAL 'BYOR PA GONG 'OG 'DI RNAMS LA JO BO'I YON TAN MA LUS PA MNGA' BA YIN SNYAM NAS BSTEN TE RNAL 'BYOR PA CHEN PO DE BDEN PA GNYIS DANG LAS KHA TSAR LA DGE BSHES STON PA BAS KYANG CI ZHIB TZAM DU BYUNG, DGON PA BDE SGOM SKYON SEL BA DANG CHOS ZAB MO THAMS CAD LA DGE BSHES STON PA BAS KYANG CI ZHIB TZAM DU BYUNG; RNAL 'BYOR PA SHES RAB RDO RJE DE GRUB MTHA' LA DGE BSHES STON PA BAS KYANG CI ZHIB TZAM DU BYUNG, DE NAS SPYAN SNGA BAS RVA SGRENG DU JO BO'I SLOB MA RNAL 'BYOR PA CHEN PO DANG, DGE BSHES DGON PA BA SOGS BSTEN CING TSE 'DI'I BYA BA THAMS CAD BLOS BTANG STE BYANG CHUB LAM GYI RIM PA SGOM BA LA DKA' SPYAD DRAG PO'I SGO NAS BRTZON PA LHUR MDZAD, DE DUS SPYAN SNGA BA 'TSO CHAS SHIN TU BKREN PAS NA BZA' RNAMS HRAL HRUL DU GYUR TE MTHANG GOS LA KO BA'I LHAN PA BYAS PAS SPYAN SNGA KO SHAM PA ZHES GRAGS PA BYUNG , NGES 'BYUNG SHUGS DRAG POS RGYUD BSKUL NAS MTSAN MO MNAL YE MED PAR LAM RIM SGOM PA LA KHOR YUG TU 'BAD PAS RNAL 'BYOR PA CHEN POS BAG RE

CHOGS DE TZAM BRTZON PA CHES NA KHAMS LOG NYEN YOD GSUNG BA LA, SPYAN SNGAS DE LTA LAGS TE, DAL 'BYOR 'DI RNYED PAR DKA' BAS ZHES GSUNGS SPYAN SNGA BA THUGS DAM LA 'JUG RES KYIS, GANG TSE RANG DBANG 'JUG CING MTHUN GNAS BA, , GAL TE 'DI BDAG 'DZIN PAR MI BYED NA, ,G-YANG SAR LHUNG BAS GZHAN DBANG 'JUG 'GYUR BA, ,DE LAS PHYIS NAS GANG GIS SLONG BAR 'GYUR, ,ZHES 'JUG PA NAS GSUNGS PA DE LAN RE BTON TE DAL 'BYOR RNYED DKAS RGYUD BSKUL TE 'JUG, YANG SPYAN SNGAS BYA YUL PA LA DAL PA 'BYOR PA MI'I LUS THOB PA DRAN NAM ZHES YANG YANG GSUNG BAR MDZAD DE, DAL 'BYOR DON CHE RNYED DKA' DANG NAM 'CHI CHA MED DRAN BAS RGYUD BSKUL TE SKAD CIG KYANG YONGS LONG MED PAR LAM RIM SGOM PA LA BRTZON BA CHU BO'I RGYUN BZHIN MDZAD DO, ,DE LTAR SGRUB BA DAR DRAG LA RGYUN RING BA MDZAD PAS LAM GYI RIM PA LA MYONG BA PHUL PHYIN THON ZHING, ME LONG G-YA' DAG PA LA GZUGS BRNYAN 'CHAR BA JI BZHIN DU SANGS RGYAS DANG BYANG SEMS MANG POS ZHAL BSTAN NAS DNGOS SU BYIN GYIS BRLABS, NANGS CIG BCOM LDAN 'DAS GAR GYI DBANG PHYUG PHYAG TU BUM PA BSNAMS PA CIG BYON NAS SKU KHRUS GSOL BAS SKU LUS KYI MI GTZANG BA THAMS CAD SANGS KYIS DAG PA'I SNANG BA BYUNG, LAN CIG KHONG RANG JO BO MI G-YO BA ZHVA THAB CHUNG CHUNG GSOL BA GCIG TU GZIGS SO, ,SPYAN SNGA BA 'DI NI RIG GNAS MTHA' DAG LA MKHAS PA ZHIG STE, RGYA YIG RANG YANG RIGS MI 'DRA BA BDUN TZAM MKHYEN, NGAS LO TZ'A BYAS KYANG

, ,'BRING PO ZHIG 'ONG NGAM SNYAM PA YIN, NGAS THEG PA CHEN PO GSANG SNGAGS LA PHAN YON CHE ZER BA RNAMS LA BSNYEN BA TSAD DU MA BSKYAL BA MED, LAS TSOGS RNAMS LA'ANG NYAMS SU MA BLANGS PA MED, S'ATZTSA GCIG PU'ANG RI DE'U TZAM BTAB PA YIN, SPANG SPOS GCIG PU'ANG KHANG PA GNAG BA TZAM GTAMS PA YIN GSUNGS, DE NAS SHING MO PHAG GI LO DGUNG LO DRUG CU RE GSUM BZHES DUS LO DGON PA GDAB PAR DGONGS NAS RGYA YON BDAG LA RMI LAM BRTAG PA ZHUS PAS, RGYA'I ZHAL NAS CHOS BGRES PO ZHIG YUL DU 'GRO ZER BA BYUNG, SPYAN SNGA'I ZHAL NAS RMI LAM RNO GSUNG SKAD, DE NAS NYAN DU BYON, YON BDAG BYA RJE STOD PAS MAR GYI ME TOG MANG PO PHUL BAS NGA'I YON BDAG DPAL GSUM PHU BA GSUNGS NAS MNYES, DE NAS LO'I GTZUG LAG KHANG KA BZHI MA BZHENGS, RTEN GTZOL DGE BSHES STON PA, RNAL 'BYOR PA CHEN PO, DGON PA BA GSUM GYI NANG RTEN DU DNGUL GYI GDUNG KHANG DANG, GSER 'BUM G-YU PHRA CAN, PHYI RTEN DU MCHOD RTEN GSUM BZHENGS, DE RNAMS KYI RTZIG 'PHRENG RE RE LA RAB TU GNAS BA LAN RE RE MDZAD CING SLOB DPON N'A GA BO DHIS KYANG DE BZHIN DU MDZAD PAS BYIN RLABS SHIN TU CHE BA LAGS, BYA YUL BAS SPYAN SNGA LA, SLOB DPON N'A GA BO DHI ZHAL GZIGS ZER BA MED DAM ZHUS PAS, AA NA MA BTZUN CHUNG 'DRA 'DRIR BCUG PA'I CHOS MI 'DRI BAR, 'DRIR MA BCUG PA'I DE 'DRA BAS CI BYA GSUNGS NAS MA GNANG ,YANG ZHUS

PAS; NGAS SLOB DPON N'A GA BO DHI'I ZHAL MTHONG CHOS THOS KHYOD RANG YANG GSOL BA THOB DANG BYIN GYIS RLOB PA YIN GYI GSUNG, SNGON RA SGRENG DU BYON PA CIG LA PHA BOD THANG NA YAR SLOB DPON N'A GA BO DHI DGE BSHES STON PA'I RNAM PAR BYAS NAS BZHUGS PA ZHAL GZIGS, DE NAS GAR BZHUD CHA MED PAR BZHUD, NGA RANG DAD GUS CHUNG BAS LAN SNYAM NAS GSOL BA SHUGS DRAG BTAB PAS DNGOS SU BYON NAS BYIN GYIS BRLABS, CHOS BZHI TSAN BZHI LA SOGS PA GDAMS PA DANG RJES SU BSTAN PA MANG DU STZAL LO, ,DE NAS DGE BSHES SPYAN SNGA BAS SMYUG RUM DU BYON TE PHA BOD DKAR LEB BYA BA'I STENG NAS BYA YUL GYI RGYAB RI GZIGS PAS, RI DE RGYAL BA'I GTZUG TOR 'DRA, ,YAN LAG BRGYAD LDAN CHU BO 'BAB, ,DE YI SHAR LHO'I PHYOGS MTSAMS NA, ,TSE DANG LDAN PA'I DGON GNAS YOD, ,RI BYA YUL YUL BA PHA GI'I THAD DU GTZUG LAG KHANG BZHENGS NAS SEMS CAN LA PHAN PA RGYA CHEN PO GYIS ZHES LUNG BSTAN, NGAR ZHABS RJES KYANG BYON, DE NAS CUNG ZAD BSNYEL BA'I DUS SHIG RNAL 'BYOR PA CHEN PO GAR GSHEGS GSUNGS, DE NI RNAL 'BYOR PA CHEN PO DANG MJAL BAR NGES, YANG LAN CIG NYI MA SHAR AANG GSUNG, LAN CIG 'KHOR LO 'KHOR AANG GSUNG, CI LAGS ZHUS PAS, 'JAM DPAL BRTAN PA'I 'KHOR LO GSUNG, DA SNGAR MA MYONG BA'I BDE BA CIG MYONG BAR SNANG GSUNG ,DE NAS DGUNG LO BDUN CU DON GCIG PA CHU MO LUG GI SMAL PO ZLA BA'I TSES NYI SHU GCIG LA ZHI BAR GSHEGS ,DE NAS LO PA'I

, ,SDE PA RNAMS KYIS SPUR BRKUS NAS GDAN 'DREN RTZIS BYAS PA LA GDAN 'DREN MA THUB PAR GTZANG KHA DER ZHUGS LA ZHEN, DE'I TSE SPYAN SNGA'I THUGS NA MKHA' LA BYON TE BYA YUL BA CHEN PO SMYUG RUM GYI GDONG DE NA GSOL BA 'DEBS KYIN BZHUGS PA'I PANG DU BYUNG BAS THUGS KYI GTOD SA NGA RANG YIN SNYAM DU DGONGS PA BYUNG GSUNGS, DE LTAR SEMS DPA' CHEN PO SPYAN SNGA BA 'DIS RGYAL BA'I BSTAN PA LA BYA BA RGYA CHER MDZAD DE DGE 'DUN GYI SDE MANG DU BTZUGS, SKU GSUNG THUGS KYI RTEN MTHA' YAS PA BZHENGS, SKAL BA DANG LDAN PA MTHA' YAS PA LA LAM GYI RIM PA'I KHRID GNANG STE TSOGS PA BDUN BRGYA TZAM 'DUS PAS BSTAN PA 'DZIN PA'I SLOB MA MANG DU BYUNG ZHING THAMS CAD KYI NANG NAS 'GRAN ZLA MED PA'I THUGS SRAS NI BYA YUL PA CHEN PO, STOD LUNG PA CHEN PO, SMYUG RUM PA CHEN PO GSUM STE 'DI GSUM LA SPYAN SNGA'I SLOB MA 'GRAN GYI DO MED GSUM ZHES GRAGS SO, ,BYA YUL BA CHEN PO'I RNAM THAR NI 'CHAD PAR 'GYUR LA, ,STOD LUNG PA CHEN PO RIN CHEN SNYING PO NI, GSER PHUG LCANG MA CAN DU CHU PHO SPRE'U LA SKU 'KHRUNGS, DE LKOG TU KHYUNG PO JO GSOD LAS RAB TU BYUNG, DE NAS GZHON NU NAS GTZANG DU BYON NAS, BLA MA SENG GE SGRA GCAN 'DZIN BZANG PO, PAndI TA 'BUM PHRAG GSUM PA LA SOGS PA MKHAS PA MANG PO LA MDO SNGAGS KYI GSAN SBYONG RGYA CHER MDZAD, RTZOD PA YANG BZANG, DE NAS STOD LUNG THAG MAR DBUS GTZANG GI STON CHEN THAMS CAD 'TSOGS NAS CHOS KYI

BGRO GLENG 'BA' ZHIG MDZAD PAS KHONG GIS KYANG GRVA SKOR LA BYON, RTZOD PA MDZAD PAS, GLOG SKYA GTZO RGAN BYA BAS NYAN NAS, KHO NA RE POD DBUS GTZANG GI STON CHEN 'DI TZAM ZHIG NYIN RE BZHIN 'TSOGS NAS MAR 'KHOR BA SPONG LUGS ,YAR THAR PA SGRUB LUGS KYI CHOS TSIG BZHI PA GCIG MED PAR KLAD PA GAS GAS BA LANG DKAR ZAL LA 'CHI BA 'DI BYUR RE CHE ZER BA STOD LUNG RIN CHEN SNYING POS GSAN PAS, KHONG KYANG DE TZAM ZHIG GO 'DUG NAS, NGA RGYA GAR DU CHOS 'TSOL BA LA 'GRO DGONGS NAS BYON PA DANG, MKHA' RU BA'I GRVA PA DGE SLONG SNAM SBYAR PHRAG PAR BZHAG PA TSUL KHRIMS KYI DRI BRO BA ZHIG DANG MJAL, TE , TSE 'DI YUN THUNG SHES BYA'I RNAM PA MANG, ,TSE YI TSAD KYANG JI TZAM MI SHES PAS, ,NGANG PAS CHU LAS 'O MA LEN PA LTAR, ,RANG GI 'DOD PA DANG DU BLANG BAR BYA, ,ZHES GSUNG BAS, DE SUS MDZAD BYAS PAS JO BO'I GSUNG YIN ZER ,GANG NAS BYON BYAS PAS, MKHA' RU DGON PA NAS 'ONG ZER, DE NAS MKHA' RU BA'I DRUNG DU BYON TE SKYABS 'GRO'I CHOS SKOR GSUNG PA GSAN, MKHA' RU BAS LUNG BSTAN NAS RA SGRENG DU RNAL 'BYOR PA CHEN PO'I SPYAN SNGAR BYON, LTA BA'I DRI BA MANG PO MDZAD PAS, SNGON DU THABS GOMS PAS RGYUD SMIN DGOS PA YIN GSUNGS NAS, THOG MAR SKYABS 'GRO DANG, BYAMS SNYING RJE NAS RIM GYIS KHRID DE CHOS MANG DU GSAN, LO BCU GCIG LON DUS JO BO BOD DU PHEBS PA LA SHAM THABS KHRAL KYANG 'JAL BAR SNANG , STOD LUNG PA CHEN POS RA SGRENG DU RNAL

, ,'BYOR PA CHEN PO'I SPYAN SNGAR BYON PA'I DUS, RTEN DGE SLONG YIN PA DANG MI CHE BA'I DON GYIS BRANG KHANG DE RNYED PA DKA' TZAM ZHIG BYUNG BA LA, RNAL 'BYOR PA CHEN POS SGROL SGOM GZHON NU SMON LAM BYA BA LA GNAS KHANG LEGS PO ZHIG YOD DE, KHO KHYED LA NYAM NGA ZER BA GDA' GSUNGS PAS, STOD LUNG PAS SGROL SGOM GZHON NU SMON LAM GYI SGO GANG YIN DRIS TE NANG DU TZANGS KYIS BYON NAS, SGROL SGOM KHYOD NGA LA NYAM NGA ZER BA NYAM NGA MI DGOS ,CHU YANG NGA RANG GIS LEN, YOS KYANG NGA RANG GIS 'THAG , PHYE SKYO YANG NGA RANG GIS BSKOL, NGA'I MAL DE 'DI KHO NAR 'OS PA SNANG GSUNG NAS SA GCIG TU GZIM MAL MDZAD , DER SGROL SGOM DAD PA BCOS MIN SKYES NAS SLOB MAR GYUR, LAN CIG RNAL 'BYOR PA'I SKU MDUN DU BYON ZER BA BYUNG BAS, DER BYON TZA NA STAN THON PO ZHIG BSHAMS 'DUG PA LA, RNAL 'BYOR PAS JO BO STON PA STAN LA GSHEGS GSUNGS PAS , BDAG 'DIL MI MCHI ZHUS PAS , RNAL 'BYOR PA'I ZHAL NAS , JO BO STON PA DA DUNG MTSAN NYID PA'I SKYA DRI MA SANGS PAR 'DUG GSUNG BAS ,KHONG GI THUGS LA NGAS 'DIR THIM GYIS SONG NA RUNG BA LA DGONGS PA BYUNG GSUNG ,RNAL 'BYOR PA LO BRGYAD DANG, DGON PA BA LO LNGA BSTEN PAR GDA', DE DUS SPYAN SNGA SKU MTSAMS LA BZHUGS PAS SPYAN SNGA LA DAD PA 'KHRUNGS TE RNAL 'BYOR PAS NGO CHEN MDZAD NAS CHOS THUN BZHI TSAN GCIG THOG MAR GSAN,

RNAL 'BYOR PA SKU GSHEGS NAS SPYAN SNGA LA BRTEN, GSER SRANG BRGYAD BRGYA 'BUL BA'I DAM BCA' MDZAD PA LA, PHYED DANG DRUG BRGYA PHYAG TU THOBS DUS SPYAN SNGA SKU GSHEGS PAS , PHYED DANG SUM BRGYAS DGONGS PA RDZOGS PA'I DON DU STOD LUNG BTZAN GRO DGON PA GTZUG LAG KHANG DANG BCAS PA DGUNG LO BDUN CU RTZA GNYIS PA CHU MO LUG LA BZHENGS , SKU GSUNG THUGS KYI RTEN SNGA PHYIR DPAG TU MED PA BZHENGS PA'I GRAGS CHE BA, RAB GNAS KYI DUS SPYAN SNGA LA CHOS GSUNGS PA'I 'JAM DPAL DPA' BO'I SKU LA SOGS PA RGYUD SBYANGS MA BDUN DANG , RNAL 'BYOR PAS RAB GNAS MDZAD PA PO TO'I GSUNG 'BYON ,MKHA' RU'I LJANG SKYES , BTZAN GRO'I CHU KHOL ZHES RTEN RTAGS THON GSUM DU GRAGS PA'I CHU KHOL THUB PA SOGS MANG DU BZHENGS , KHONG GI ZHAL NAS , STOD LUNG PA'I BAN DE LA CHOS STON DRANGS PA BAS, LO PA'I KHYIL ZAN BYIN PA BSOD NAMS CHE ZHES GSUNGS TE , PHYOGS BCU'I SANGS RGYAS THAMS CAD MCHOD PA BAS BLA MA'I BA SPU'I BU GA GCIG MCHOD PA PHAN YON CHE BA GSANG BA 'DUS PA'I RGYUD SOGS RGYUD DANG GRUB CHEN GYI GZHUNG MANG PO LAS 'BYUNG BA DANG, BYANG CHUB LAM GYI RIM PA'I RTZA BA BSHES GNYEN BSTEN TSUL LA THUG PAS 'DI'I THAD NAS RTEN 'BREL GYI SGO MA 'PHYUGS PA ZHIG DGOS ZHES 'DOMS PA'O, ,DE LTAR STOD LUNG PA CHEN POS SPYAN SNGA LO BDUN BSTEN NAS MNYES PA GSUM

, ,GYIS MNYES PAR MDZAD, SPYAN DANG MNGON PAR SHES PA MNGA', YI DAM MANG PO'I ZHAL GZIGS, BDEN GNYIS KYI RTOGS PA THUGS LA 'KHRUNGS, 'GRO BA'I DON RGYA CHEN PO MDZAD DE DGUNG LO BRGYAD CU RTZA LNGA PA ME PHO SPRE'U'I LO MNGON PAR BYANG CHUB PA'I ZLA BA'I TSES BRGYAD LA LAM DGON DU SKU GSHEGS SO, ,SPYAN SNGA'I SLOB MA SMYUG RUM PA CHEN PO NI, SPYAN SNGA'I ZHABS LA BSNYEN NAS GDAMS PA MANG DU GSAN, KLUNGS SHOD MDAR SMYUG RUM GYI DGON PA BTAB, PHYIS SPYAN SNGA PHEBS NAS GNAS DE RDO RJE GDAN DU BYIN GYIS RLOB PAR MDZAD, RJE SGAM PO BAS KYANG BLA MA 'DI'I ZHABS LA BTUGS TE BKA' GDAMS LAM RIM GSAN NAS SKAL BA DANG LDAN PA MTHA' YAS PA LA 'DOMS PAR MDZAD DO, ,DGE BSHES SMYUG RUM PA 'DI NI DUS SKABS KUN TU RANG GI RGYUD LA BRTAGS NAS RANG RGYUD 'DUL BA GTZO BOR MDZAD DE YI DAM LHA'I BSNYEN PA BYED PA'I TSE YANG RANG GI NYON MONGS 'DUL BA'I THABS KHO NAR MDZAD DE SMYUG RUM PA'I ZHAL NAS, NYON MONGS PA NYUG GIS BYUNG TZA NA LE LO MI BYA BAR MOD LA GNYEN POS BZLOG ,MA NUS NA LANG LA MAndAL DANG MCHOD PA BSHAM BLA MA DANG YI DAM LA PHUL LA GSOL BA GDAB, DE LA DMIGS NAS KHRO BO'I BZLAS PA BYAS PAS NYAL GYIS 'GRO GSUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BKA' GDAMS SKU MCHED GSUM GYI NANG NAS SKU NA GZHON PA 'BROM CHOS KYI RGYAL PO'I

GSANG BA'I MDZOD 'DZIN PA SPYAN SNGA BA CHEN PO LA GSOL BA 'DEBS SHING BDAG NYID CHEN PO 'DI'I RNAM THAR LTAR DAL 'BYOR RNYED PAR DKA' BA DANG, TSE LA LONG MED PA'I TSUL YANG YANG BSAMS LA SGRUB PA LA NANG NAS BSKUL TE BYANG CHUB LAM GYI RIM PA SGOM PA LA BRTZON PA CHU BO'I RGYUN BZHIN BYA'O,, ` ,,BSHES GNYEN TSUL BZHIN BSTEN MDZAD GZHON NU 'OD, ,CES BSNGAGS PA, DGE BA'I BSHES GNYEN BYA YUL PA CHEN PO NI, STOD LUNG GOL GO LUNG DU YAB G-YUNG DRUNG 'BAR DANG, YUM STOD LUNG PA'I LCAM MO GYI LJANG BZA' LCAM BU GNYIS KYI SRAS SU SHING MO YOS LA 'KHRUNGS, MTSAN 'BUM RTAG CES BTAGS, SNGON YUN RING PO NAS LAM LA SBYANGS PA'I BAG CHAGS SAD PAS BYIS PA'I SPYOD TSUL RGYANG BSRINGS TE DAM PA'I CHOS 'TSOL BA LHUR MDZAD PA ZHIG YOD PA LAS, DGUNG LO BDUN PA LA STOD LUNG PA CHEN PO DANG MJAL, DGE BA'I BSHES GNYEN BSTEN TSUL KHYAD PAR DU 'PHAGS PA ZHIG YOD PAS STOD LUNG PA CHEN PO SHIN TU MNYES NAS CHOS CI RIGS GNANG, DE NAS DGUNG LO BCU GNYIS PA LA TSA THOG DGON PAR RNAL 'BYOR PA'I SLOB MA SGOM PA BYANG GRAGS KYIS MKHAN PO DANG, SPYAN SNGA'I SLOB MA YE SHES RGYAL MTSAN GYIS SLOB DPON MDZAD NAS RAB TU BYUNG, MTSAN GZHON NU 'OD DU BTAGS, BCU GSUM PA LA GOL GO LUNG GI GNYER LO GCIG MDZAD, BCU BZHI PA LA YUM 'DA' LA KHANG PA'I SAR BYON NAS SKYABS 'GRO DANG SEMS BSKYED 'BOGS

, ,BAR MDZAD, YUM GRONGS PA GZIGS PAS RKYEN BYAS SRID PA MTHA' DAG LA ZHEN PA LOG STE THUGS LA SKYO SHAS CHEN PO SKYES NAS STOD LUNG PA MAR GRO ZAR NA BZHUGS PA'I SAR DGUNG LO BCU DRUG LA BYON, BSLAB BTUS SPYOD 'JUG LA SOGS PA'I LAM GYI RIM PA'I MAN NGAG GI GZHUNG RNAMS LEGS PAR GSAN NAS THUGS LA NGES PAR MDZAD, DGE BA'I BSHES GNYEN STOD LUNG PA CHEN PO BSAM SBYOR GNYIS KYIS TSUL BZHIN DU BSTEN TE ZHABS TOG LO LNGA TZAM ZHIG MDZAD, LAN CIG SPYAN SNGA PHYOR PA NA BZHUGS PA'I SAR, STOD LUNG PA DPON SLOB GNYIS KYIS MJAL DU BYON PAS, SPYAN SNGA'I MNGON PAR SHES PAS GZIGS NAS, JO BO STON PA RE SKYID NA 'KHOR 'DI LTA BU YOD PA ZHES YANG YANG GSUNG BAS, DGE BA'I BSHES GNYEN BZHED NA 'BUL ZHUS PAS, JO BO STON PAS CANG 'BUL PHOD DAM GSUNG BAS, MNYES PAR BYUNG SNYAM NAS, DAR YUG GCIG BTAGS NAS PHUL BAS LO GCIG SONG BA NA JO BO STON PA RANG LA DGOS GSUNGS NAS, NA BZA' PHRUG CIG BSKON NAS STOD LUNG PA'I SAR BTANG, DE TZA NA STONG LUNG BA'I ZHAL NAS, NGA'I DGE BA'I BSHES GNYEN MA MNYES PAR BYAS AANG GSUNG, MA MNYES PAR MA BGYIS, STON PA RANG LA DGOS RGYUG GSUNG BAS 'ONGS PA LAGS ZHUS PAS, 'DI CI ZER BA YIN, NGAS KHYOD PHUL ZIN PA YIN PAS DO NUB LAS MA SDOD PAR RGYUG CIG GSUNG, SNGAR BKYON PAS 'TSER BA LA DA RES LAS

DGA' BA CIG MA BYUNG GSUNG, DE NAS SPYAN SNGA'I SKU MDUN DU BYON PAS SPYAN SNGA'I ZHAL NAS, 'U CAG PHA BU GNYIS DA GDOD SKYID GCIG BYA'O GSUNG, LO DGU'I BAR DU ZHABS TOG TSUL BZHIN DU MDZAD PAS, SPYAN SNGA MNYES PA'I GSUNG MANG PO'ANG BYON, MTSAN MO MAndAL BYAS NAS GSOL BA BTAB PAS, SPYAN SNGA'I PHYAG NA RING BSREL MANG DU YOD PA 'PHEL, SPYAN SNGA'I LZHAL NA, KHYOD KHO NA TSE RABS SU SKYID CIG GSUNG, PO TO BA'I ZHAL NAS, KHYED RNAM PA LAS DGA' BA CIG SMAD MA GIN LI ME'I BU LA NYE GNAS SHIG YOD KYI, KHYOD DER SONG LA LTOS DANG MA THA'ANG KHONG 'DZUM PA CIG BYAS NAS GTONG GI GSUNGS, SPYAN SNGA'I GSUNG NAS, KHYOD KYI SHES RAB 'DIS LHA SA SNYE THANG PHYAGS SHING THOGS PA CIG BYAS NA 'ONG GSUNG, YANG KHYOD NI THAR ZIN GYI NGA MA 'JOG CIG GSUNG, SPYAN SNGA SHIN TU MNYES PAS, KHONG BTZUN CHUNG BYUNG TZA NA, NGED RGAN PO KUN KHYI DANG 'DRA ZER NAS PHRAG DOG BYED PA YANG BYUNG, LAN CIG STOD LUNG PAS SPYAN SNGA MJAL DU BYON TZA NA, BTZUN CHUNG 'DI CI 'DRA ZHUS PAS, KHO SGOR SONG NAS BSHAD GSUNGS NAS BYA YUL BA SGOR BZHUD PA DANG BTZUN CHUNG 'DI'I DBANG DU BYAS NA, DAD PA NGA BAS CHE, SHES RAB NGA BAS CHE, BRTZON 'GRUS NGA BAS CHE, SNYING RJE NGA BAS CHE, NAM MKHA' LA MDUNG BSKOR GSUNG, CHOS GSUNG TSAD THAMS CAD KYI RTZAR 'JOG, LAN CIG NYAN PHU'I DGON PAR MANG RA DANG BYA YUL BA GNYIS LA DBANG STABS SHIG TU MDZAD, SPYIN SNGAS RAB GNAS KYI CHO GA RNAL MAR

, ,BSLABS PA DGE BSHES KOR CHEN PO DANG, MANG RA SGOM PA GNYIS YIN, SMYUG RUM NA BZHUGS DUS, KHYOD LA DGOS GSUNG NAS RAB TU GNAS PA'I CHO GA RGYAS PA RNAL MA CIG BYA YUL BA LA GDOD BSLABS PA YIN GSUNG, YANG SPYAN SNGA'I ZHAL NAS, BYA YUL BA LA KHYOD SGRUB PA PO ZHIG 'ONG SNYAM TZA NA, TSOGS SDUD PA CIG 'ONG BAR 'DUG GSUNG, NUB CIG GI RMI LAM NA 'BUM BA CIG LA ME LONG MANG PO BKAB BA CIG RMIS ZHUS PAS, KHYOD KHAN RE SDUG ,RTAG TU MI NGO ZHI TSE LTA DGOS BYA BA'I RTAGS YIN GSUNG BA LA, DE THUGS MAD PAR GDA', DGE BA'I BSHES GNYEN GYI ZHABS TOG BYED TZA NA, GRVA BA DE TZAM ZHIG GI NGO LTA DGOS PA BYUNG, DA LTA 'DI TZAM ZHIG GI NGO LTA DGOS BYUNG GSUNG, MI GZHAN GYI BSAM PA LA, SPYAN SNGA'I ZHABS TOG KHON LA 'KHOL BAS CHOS SHES PA CANG 'ONG NGAM SNYAM NAS DE SKAD ZER BA LA, NGA'I RNA BA'I LAM DU BYUNG BAS CHOG PA YIN GSUNG, NANGS CIG THAL BA 'BOD DU BYON PAS, SKAS GDANG GSUM PA'I KHAR PHEBS PA'I TSE, BKA' SDE SNOD KYI DON MA LUS PAR THUGS LA LAM GYIS SHAR, TING NGE 'DZIN GYI NGANG DU KHYUR GYIS 'GRO BA ZHIG BYUNG BAS BLA MA'I ZHABS TOG LA YID CHES TE, SKYID SMAD PA'I DGE PA SHES 'DI RNAMS BLA MA'I ZHABS TOG LA MI 'BAD PAR THOS PA KHO NA LA 'BAD PA 'DI NOR BA YIN GSUNG, LAN CIG SPYAN SNGA'I ZHAL NAS, KHYOD KYIS TSA BA DER CI BTAB BAM, MDANG DA NANG SHED AEN RE SKYES GSUNG, ZLA BA

GCIG LA NA BZA' DROD MA RANG YANG BCU GSUM PHUL GSUNG, NGAS RIN PO CHE DE RDZAS YO BYAD DAD PA SHES RAB KYIS MNYES PA MA LAGS TE, LUS LA ZHO SHA YOD PAS SHA KHRAG LBU BAR SONG SONG DU 'BUNGS PA YIN, DA LTA MKHAS BTZUN STON SGOM THAMS CAD 'DUN PA 'DI YANG DGE BSHES DE MNYES PAR BYAS PA LAS BYUNG BA YIN GSUNG, LAN CIG YUL DU BYON NAS THUGS RTZOL MDZAD BAS GSER SRANG BCU GNYIS RNYED, STOD LUNG PAS BRGYAD GNANG BYUNG BAS GSER SRANG NYI SHU'I 'BUL BA MDZAD, SPYAN SNGA 'DA' KHAR MA 'ONGS PA NA THUGS LA GDAGS PAR ZHU ZHUS PAS, SPYAN SNGA'I ZHAL NAS, JI SRID CHOS KYI SKU ZHIG TU MA GYUR GYI BAR DU 'U CAG GNYIS PHA SPAD BYED PA YIN MOD GSUNG STE NGA DE LA RE BA YIN GSUNG, SPYAN SNGA GSHEGS RTING PHU CHUNG BA DANG, PO TO BA'I SAR GSER SRANG RE'I 'PHUL BA BSKYAL, BO TO BA'I ZHAL NAS, NGA'I 'DIR SDOD KHANG PA YANG RTZIG ,BRGYAGS KYANG NGAS SBYAR TE SGOM DU GZHUG GI GSUNG BA LA, STOD LUNG PAS BKYON GYI DOGS NAS MA BZHUGS GSUNG, PHU CHUNG DU BYON DUS JO BO MI G-YO PA'I ZHAL GZIGS, SPYAN SNGA'I THUGS DAM YIN PAS MYA NGAN SEL BA LA BYON BA'I ZHAD DU GDA', LAN CIG MGON PO GRI GUG THOD PA CAN GYI ZHAL GZIGS, THUGS RJE CHEN PO'I RIGS DPAG TU MED PA'I ZHAL GZIGS, DE NAS SANGS RGYAS DANG BYANG CHUB SEMS DPA' DPAG TU MED PA'I ZHAL GZIGS GSUNG, LAN CIG BRUL GYIS RA BA SKOR BAR BZHUGS DUS SKYOB SANGS LA BYON PAS, SLOB DPON N'A GA

, ,BO DHI DANG ZHAL MJAL ZHING CHOS GSUNGS, DE NAS NANG DU BYON NAS MCHOD PA PHUL GSOL BA BTAB BAS, MKHA' 'GRO MA MANG PO GAR BYED CING BYUNG BA ZHAL GZIGS GSUNG, SPYAN SNGA 'DA' KHAR KHYOD 'TSENGS BYA BA LAN GSUM GSUNGS, KHYOD MI CHOS KYI YUL DU MA 'GRO ,DGE SLONG MA BYED GSUNG BA LA, PHYIS MANG RA SGOM PA'I ZHAL NAS, BYA YUL BA LA KHYOD DGE SLONG BYA DGOS GSUNG BAS, SPYAN SNGA LA GSOL BA BTAB STE RMI LAM BRTAG PAR MDZAD BAS, GDUNG RTEN GCIG LA LUGS LAN GNYIS MI DGOS BYA BA CIG BYUNG, DER MI GNANG BA YIN SNYAM YOD TZA NA DGE BSHES MANG RAS DBANG MA BYUNG BAS, YANG DGE SLONG BYED PAR GSOL BA BTAB BAS, SNAM SBYAR RGYA GAR MA CIG GNANG BA RMIS NAS, DGE SLONG BYED PAR GNANG BA BYUNG SNYAM NAS MKHAN PO 'CHAD 'U PAS MDZAD, MANG RAS LAS SLOB, RGYA SHES RAB 'BAR GYIS GSANG STE BA MDZAD NAS BSNYEN PAR RDZOGS, DE NAS GLANG RI THANG PA LA MDO RTZA TSAR GCIG GSAN, RGYA SHES RAB 'BAR LA TSAR GNYIS, STONG LUNG GI SLOB DPON SHES RAB BLA MA LA TSAR GCIG STE TSAR BZHI NYAN GSUNG, GZHAN GYIS CHOS GSAN DUS NA ZIN BRIS MDZAD DAM MA MDZAD ZHUS BAS, ZIN BRIS 'DRA BAS GAR YANG MI PHYIN, CHOS THAMS CAD DUS GCIG LA LAM GYIS SHES DGOS PA YIN GSUNG, SPYAN SNGA'I ZHABS TOG LO DGU MDZAD DE, RTAG TU DUS CHOS 'PHAGS BSTEN PA DANG, 'BROM RIN PO CHES JO BO BSTEN PA DANG MTSUNGS PAR LAM

GYI RTZA BA BSHES GNYEN BSTEN TSUL LA RGYAL BA SRAS BCAS KUN GYIS BSNGAGS 'OS SU GYUR PA ZHIG MDZAD, DGUNG LO NYI SHU RTZA DGU'I THOG TU SPYAN SNGA BA SKU GSHEGS, DE RJES LO BZHI SKU MTSAMS LA BZHUGS, TSOGS BSDUS PA'I SNGA SHOS GNYER DU BYAN DAR MA RATNAS SPYAN DRANGS TE CHOS GSUNGS, DE NAS DGON PA 'DEBS PAR DGONGS PA LA, BYA YUL GYI SHUL DE NA SNGAGS BTZUN BZA' MI GNYIS YOD PAS, DE GNYIS KYIS GNAS DE ZHA PA LA PHUL, ZHA PAS GLANG RI THANG PA LA PHUL, KHONG GIS BRTAG PA MDZAD PAS SA DE GNYAN PAR 'DUG GSUNG NAS MA BZHES, SLAR ZHA BAS BYA YUL BA LA PHUL BAS THUGS DGYES TE, SA BDAG PHAL CHE BA GNAS GZHAN DU SPO BA'I CHO GA MDZAD, KLU GNYAN CHE BA GCIG GI STENG DU GZIM MAL BCAS NAS BTUL, DE NAS SA DE PHA BONG THAG THUG TU YOD PA LA LA BCAG ,LA LA SBED PA LA SOGS BA'I RTZOL BA CHEN PO MDZAD DE, DBU RTZE KA BA BCU GNYIS, KHYAMS KA BA BZHI BCU RTZA GNYIS YOD PA RNAMS SHING PHO RTA'I LO LA RMANG BTINGS NAS, LO BCU GSUM PA ME RTA'I NANG TSUN DU DGON PA GTOR TSUGS YAN RDZOGS PAR GRUB, SHA RA BA DANG YANG THUGS GCUGS PAS KHONG GI GRVA PA RNAMS KYANG GTZUG LAG KHANG BRTZIG PA'I LAS MI LA BTANG, NYE GNAS SHER SENG BYA BAS SHING RNAMS NYANG PO NAGS SHOD NAS DRANGS, DBU RTZE TSAR NAS SHER SENG NA RE, CHEN PO ZHIG NI TSAR, DA KHENGS PAR MDZOD CIG ZER BA LA DGE BSHES KYI ZHAL NAS SHONG BAR GYIS SHIG GSUNGS, KHYAMS STOD TSAR KHYAMS SMAD MTSAR

, ,BA LA GNAS BRTAN SE CHUNG BYA BAS SHER SENG LA DUG BTANG BAS, 'CHI KHAR DGE BSHES KYIS KHYOD 'JIGS MI DGOS, NGA DANG LHAN DU 'ONG GI GSUNGS NAS BUM CHOG MDZAD PAS NGAN SONG NAS THON GSUNG, GTZUG LAG KHANG LEGS PAR TSAR NAS DBU RTZER 'BUM CHA BDUN CU TZAM GYIS THOG DRANGS PA'I RTEN DANG BCAS PA SA RGYAN GNAM RGYAN MI SHONG BA TZAM BYUNG, SPYAN SNGA'I THUGS BZHUGS PA'I DNGUL GYI GDUNG KHANG DAR CO GA CAN LA SOGS PA DGE BSHES NYID KYIS BZHENGS PA'ANG MANG DU YOD DO, ,LAN CIG TSOGS SU DGE BSHES KYI ZHAL NAS, GTZUG LAG KHANG BZHENG BA RGYAL BLON BYANG CHUB SEMS DPA'I LAS YIN, RAB TU BYUNG BA'I LAS MIN ZER TE, SNGON GYI DUS SU SLOB DPON SANGS RGYAS YE SHES ZHABS KYIS GTZUG LAG KHANG BZHENGS PA DANG, JO BOS BAL YUL DU THANG BI HA RA'I GTZUG LAG KHANG BZHENGS PAS CHOS TSUGS SHIN TU BZANG BAR BYUNG BA DANG, JO BO'I BKA' LUNG GIS DGE BSHES STON BAS RVA SGRENG GI GTZUG LAG KHANG BZHENGS SU GSOL BA LAGS, 'U CAG GIS KYANG BLA MA RNAMS KYI THUGS DGONGS BSKANG BA'I CHED DANG, DKON MCHOG GSUM GYI ZHABS TOG DANG, GZHAN LA PHAN GDAGS PAR BYA BA'I CHED DU BZHENGS SU GSOL BA YIN, 'U CAG GIS DE GONG LO BCU GNYIS BCU GSUM GZHAN LA 'CHI BA MI RTAG PA SHA STAG BSHAD DE, NGA RANG LA PHYI NANG GI MI RTAG PA RNAL MA CIG MDANG DA NANG RGYUD LA SKYES, LAS 'BRAS LA YID CHES

PA'I DAD PA RNAL MA CIG GDOD RGYUD LA SKYES, 'KHOR BA LA YID 'BYUNG RNAL MA CIG ,BYAMS SNYING RJE BYANG CHUB KYI SEMS RNAL MA CIG ,KUN RDZOB SGYU MA LTA BU NAS GNAS LUGS PHYIN CI MA LOG PA'I BAR LA NGES PA RNAL MA GCIG KYANG GDOD RGYUD LA SKYES, DES NA NGA RANG LA GO BA CIG YOD AANG GSUNG, DGE BSHES MTHA' BZHI SGOM BRTZON GYIS, BYANG CHUB SEMS DBA' ZHI BA SKYONG BYA BA DE BYA YUL BA LA ZER PA YIN GSUNGS PA DANG, BYA YUL BA PHU CHUNG NA BZHUGS DUS MANG RA SGOM PA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG, LAN CIG BYA YUL DU LHA RJE SNYING SGOM GYIS DGE BA'I BSHES GNYEN LAGS, KHYED KYI THUGS LA BDEN PA GNYIS CI TZUG SKYES GSUNG BAR ZHU ZHUS PAS, DGE BSHES KYI ZHAL NAS KUN RDZOB BYANG CHUB KYI SEMS DANG DON DAM BYANG CHUB KYI SEMS RGYUD LA SKYES GSUNGS, DE LA SNYING SGOM GYIS RANG GI SEMS NYID GZHIGS NAS STONG PAR GTONG BA LAGS SAM, PHYI ROL GYI YUL GZHIGS NAS STONG PAR GTONG BA LAGS ZHUS PAS, DGE BSHES KYI ZHAL NAS, MDA' DUM KHONG DU BZHAG NAS RMA KHA TSIL BUS BSKUS PA'I CHOS KYIS GAR YANG MI PHYIN, RKUN MA NAGS LA SONG BA LA RJES GRAM PA LA DPYOD PA'I CHOS KYIS GAR YANG MI PHYIN PAS, RANG GI SEMS NYID STONG PAR GTONG BA YIN, DES PHYI ROL GYI SGROG RANG GROL LA 'GRO, THAMS CAD STONG PA NYID YIN GSUNG, 'DI JI TZAM NA THUGS LA 'KHRUNGS ZHUS PAS, NGA DANG PO SPYAN

, ,SNGA'I ZHABS TOG BYED PA'I DUS NA SKYES PA YIN GSUNG, YANG RJE SGAM PO PAS BLA MA RIN PO CHE 'KHOR ZAR ZIR MANG PO DANG GTZUG LAG KHANG BZHENG BA SOGS MDZAD PA MANG PO 'DI RNAMS KYIS THUGS DAM LA MI GNOD DAM ZHUS PAS, MI GNOD GSUNGS, YANG LAN CIG SLOB MA CIG GTZANG DU 'GRO BA LA NGA LA LO KHYUD SKOR GCIG 'JIG RTEN GYI RNAM PAR RTOG PA SKYE MA MYONG BA YIN, NGA LA GSOL BA 'BAD LA THOB, BAR CHAD MI 'BYUNG ZHING BYIN RLABS 'BYUNG GSUNG, LAN CIG DGE BSHES KYI ZHAL NAS, BKA' GDAMS PA'I DGE BSHES MANG PO ZHIG GIS SNGAGS MI SHES, SHES KYANG DGE BA'I BSHES GNYEN LA LUNG MA THOB, 'U CAG GIS SNGAGS SHES PA YIN, DGE BA'I BSHES GNYEN LA LUNG LEGS PAR THOB PA YIN PAS 'CHAD 'TSAL GSUNGS NAS, GSANG SNGAGS KYI GDAMS PA'ANG MANG DU GNANG BAR MDZAD, DGE BSHES SHA RA BA SU LA'ANG MNYES PA MED PA CIG YIN TE, BYA YUL BA DE'I THUGS SUS KYANG DPOGS MI NUS PA CIG SNANG GSUNG SKAD, DGE BSHES SHA RA BA DBYE GONG DU BZHUGS PA CIG LA PHYAG LA BYON, DE NAS PHYIR 'BYON KHAR DGE BSHES SHA RA BAS SKYEL THUNG MDZAD PA LA, BYA YUL BA'I ZHAL NAS; MA 'ONGS PA NA DGA' LDAN DU MJAL BAR ZHU GSUNG BA LA, DGE BSHES SHA RA BA'I ZHAL NAS, 'U CAG GNYIS RGAN PO MIN, DA DUNG THANG GCIG MJAL GSUNGS PA LA, DE NAS MA MJAL BAR 'DAS, DE NAS BYA

YUL BA RNAMS LA KHYED RANG GI MDUN MA BYUNG NA, CHAS RKYEN GYIS 'THOGS PA MED KYI GSUNG BA DANG, SANG PHOD MYA NGAN LAS 'DA' BA'I DA LO SPYAN SNGA'I 'DAS MCHOD LA BU RAM LAG PAS THEG TSAD GTONG DGOS, SANG PHOD NAS 'GRUB NGES MED GSUNG BA LA, DGAG DBYE'I DUS SU LAS BYED DKON GNYER RNAMS KYIS DA RES 'BUNGS SHIG ,PHYIS NAS DGOS TE MI 'ONG GSUNG BA DANG, TSUL THON NAS GNAS BRTAN BRTZON 'GRUS RDO RJES RAB GNAS SHIG MDZAD NAS 'DI NGA'I RAB GNAS KYI PHYI MA YIN GSUNGS NAS MYA NGAN LAS 'DA' BA'I GSUNG BYON, GZHAN YANG BYA YUL, KLUNGS SHOD, MAL GRO GSUM DU DUS GCIG LA GRAL DBU MDZAD PA DANG, MDO SMAD DU DANG TSANG BA'I GTZUG LAG KHANG GI RAB GNAS DANG, DVAGS PO SHA BA GLING PA'I MCHOD RTEN GYI RAB GNAS ZHUS PAS, DUS TSOD TSES GRANGS 'DI LA MCHOD PA RGYA CHEN PO SHOMS, GSOL BA THOB, NGAS GZIM CHUNG 'DI'I STENG NAS RAB GNAS BYED PA YIN GSUNGS TE, KUN GYIS MTHONG SAR GTZUG LAG KHANG DANG MCHOD RTEN GYI STENG DU PHYAG NAS BABS PAS, DE NAS SPRUL PA'I SKUR GRAGS, MI MA YIN MANG PO LA CHOS GSUNGS PA DANG, BSKYED RDZOGS KYI TING NGE 'DZIN BRTAN PO DANG LDAN ZHING MNGON PAR SHES PA RGYA CHEN PO MNGA' BA'I LO RGYUS MANG DU SNANG NGO, ,DE LTAR BDAG NYID CHEN PO 'DIS 'GRO BA'I DON YUN RING DU MDZAD DE, DGUNG LO DRUG CU RTZA BZHI PA SA PHO RTA'I SMIN DRUG ZLA BA'I TSES BCO BRGYAD LA GSHEGS PA'I TSUL BSTAN,

, ,GSHEGS KHAR JO BO PA TSAN CIG GIS NGED RNAMS JI LTAR BYA ZHUS PAS, KHYED THAMS CAD BSRUNG SDOM DAG TU GYIS, NGA LA DAD PA DANG GUS PA SGOMS, NGA'I RUS BU 'DI SREGS SHIG GSUNGS, DE NAS 'U CAG GI DGE BSHES 'U CAG GI DGE BSHES GSUNGS NAS, BLA MA RDO RJE GDAN DU YUN RING AANG GSUNG, DE NAS ZHAL BSIL NAS 'JUG PA'I CHO GA GCIG MDZAD, 'CHI BA BYA BA MED MYA NGAN BYA MI DGOS GSUNGS NAS, SKYIL MO KRUNG BCAS NAS THUGS DAM MDZAD, DE NAS SGOM PA BYANG BLA LA MNYES MNYES TZAM MDZAD, SENG GE'I NYAL STABS BYA GSUNGS NAS SPYI BO NAS YAR RLANG PA CHEN PO ZHIG PHYUR GYIS BYUNG NAS, DBU ZIL PA PHROM ME BA LA MYA NGAN LAS 'DA' BA'I TSUL BSTAN, DGUNG LO DRUG CU RTZA BZHI PA SMIN DRUG ZLA BA'I TSES BCO BRGYAD LA GSHEGS PA'I PHYI DE NYIN PAR NAM MKHA' LA 'JA' TSON DPAG TU MED PA BYUNG, DE NAS SPUR DBON SHES RAB LA SOGS PA'I GNAS BRTAN RNAMS KYIS BDAG BYAS NAS GRVA PA NYIS STONG LA DBANG MA BYUNG BA LA, DGE BSHES SHA RA BAS, BYANG CHUB SEMS DPA' CHEN PO DE'I SPUR RUL DU BCUG NA DRI MI ZHIM PAR TSOR BA THAMS CAD DMYAL BAR 'GRO BAS SPUR SPYONGS GSUNG BA LA BRTEN NAS, SKU STOD RDO RGYUS KYI SPANG KHEBS KYIS DRIL NAS SKU SMAD BZHU BAR GNAS BRTAN RNAMS KYIS GNANG NAS SBYANGS PAS, DU BAS GAR KHYAB TU RING BSREL BYUNG BA DANG, DUNG G-YAS 'KHYIL, RNAM RGYAL MCHOD RTEN, SGROL MA RNAMS BYON, RGYA STON

GYIS RING BSREL NYIS BRGYA LNGA BCU RTZA BDUN, SGOM PA BRTZON 'GRUS RGYAL MTSAN GYIS BRGYA NYI SHU RTZA BDUN, MANG RA GZHON NU G-YUNG DRUNG LA DRUG CU, GAD SHAGS LA PHYED DANG NYIS BRGYA, YAR KLUNGS PA SMON STON LA NYIS BRGYA, NYANG PO GZHON SHA'I RING BSREL GCIG LA DGUR 'PHEL, RTA SHA SKYON GU LA SUM BRGYA, GOL GO LUNG GI DNGUL GYI GDUNG RTEN NA RING BSREL BRGYA RTZA BRGYAD, JO BTZUN BYAMS PA LA SUM CU, LHA BZO SGOG SKYA LA SUM CU, NGAR PA LA BCO LNGA, GDUNG SOL KHYOR GANG GI NANG DU RING BSREL BDUN CU RNAMS BYON PAS GDUL BYA RNAMS TSIM PAR BYAS SO, ,BDAG NYID CHEN PO DE LA TSOGS PA NYIS STONG LNGA BRGYA TZAM 'DUS PA'I NANG NAS BYANG CHUB LAM GYI RIM PA'I KHRID RGYA CHER SPEL BA'I RGYUD 'DZIN CHEN PO NI SGYER SGOM PA CHEN PO YIN LA, GZHAN YANG RJE SGAM PO PA SOGS BSTAN 'DZIN DAM PA MANG DU BYON NO, ,SGYER SGOM PA CHEN PO'I RNAM THAR NI 'CHAD PAR 'GYUR LA, ,RJE SGAM PO PA NI, GNYAL STOD BOD SNYIR YAB DBU GTZO RGYAL 'BAR DANG, YUM SHO ROM BZA'I SRAS SU SA MO LUG LA 'KHRUNGS, DGUNG LO NYI SHU RTZA DRUG LA DVAGS PO RONG KHAR MAR YUL BLO LDAN GYIS MKHAN PO DANG, SHA BA GLING PA LA SLOB DPON ZHUS TE CHIG RDZOGS MDZAD, MTSAN BLO GROS GRAGS SU BTAGS SHING, YONGS LA BSOD NAMS RIN CHEN ZHES GRAGS SO, ,RJE SGAM PO PAS DGE BA'I BSHES GNYEN BYA YUL BA CHEN PO, SHA BA GLING PA, RGYA YON BDAG ,DGE BSHES SGRE PA, SMYUG RUM PA CHEN PO,

, ,RGYA LCAGS RI GONG KHA BA CHEN PO RNAMS BSTEN NAS BKA' GDAMS KYI GDAMS PA MA LUS PA GSAN TE SGRUB PA BYA DGONGS NAS, YAB MES KYIS BRTZIGS PA'I GSER KHA BYA BA'I GNAS GZHIR BRANG KHANG BRTZIGS, PHA ZHING GIS MTHUN RKYEN BYAS NAS SGRUB PA YUN RING DU MDZAD PAS BYANG CHUB LAM GYI RIM PA LA MYONG BA THON TE, SRID PA MTHA' DAG LA ZHEN PA LOG PA'I NGES 'BYUNG DANG BYAMS SNYING RJE BYANG CHUB KYI SEMS BCOS MA MA YIN PA DANG; GNAS LUGS RTOGS PA'I LTA BA RNAMS RGYUD LA SKYES SHING, NYIN ZHAG MANG PO'I BAR DU TING NGE 'DZIN RE'I NANG DU GNAS NUS PA BYUNG, DE NAS RGYA LCAGS RIR ZHABS BSKOR MDZAD PA'I TSE SPRANG PO GSUM LAS RJE BTZUN MI LA'I SNYAN PA GSAN PAS, DAD PA'I RKYEN BYAS TE PHA ZHING GSER DU BTZONGS, BKA' GDAMS KYI BLA MA RNAMS LA PHYI PHYAG MDZAD, DE NAS RJE BTZUN MI LA'I SPYAN SNGAR BYON TE BLA MED KYI RGYUD SDE MTHA' DAG GI SNYING PO'I BCUD BSDUS PA N'A RO'I CHOS DRUG DANG, DE'I YAN LAG GI GDAMS PA RNAMS LEGS PAR GSAN NAS THUGS NYAMS SU BZHES PAS RTOGS PA THOB NAS GDUL BYA 'DUL BA'I DUS LA BAB PA NA DVAGS LHA SGAM PO BTAB STE 'GRO DON BSKYANGS PAS; BKA' PHYAG CHU BO GNYIS 'DRES PAR GRAGS SHING, SLOB MA'ANG MKHAS SHING GRUB PA BRNYES PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN BYA YUL BA CHEN

PO LA GSOL BA 'DEBS SHING BDAG NYID CHEN PO 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN TE SKYES BU GSUM GYI LAM GYI RIM PA NYAMS SU LEN PA LA SKYES BU'I RTZAL CI YOD KYIS 'BAD PAR BYA'O,, ` ,,THEG MCHOG LAM GYIS RGYUD SBYANGS DGYER SGOM ZHABS, ,ZHES BSNGAGS PA, DGE BA'I BSHES GNYEN DGYER SGOM PA CHEN PO NI, BRAM ZE DGYER LHA SNANG GI RIGS SU SNON GYI MDAR YAB DGYER SHES RAB SKYABS DANG, YUM G-YANG MO KLU LCAM GNYIS KYI SRAS SU LCAGS PHO RTA LA 'KHRUNGS, GZHON NU'I DUS NAS CHOS KYI BAG CHAGS SAD PAS CHOS BZHIN SPYOD PAS DUS 'DA' BA ZHIG BYUNG ZHING, DGUNG LO BCU GNYIS LON DUS YAB GRONGS PAS YUM GYIS BYIS PA CHE BA GNYIS PHRAG DU BCUG ,CHUNG BA RGYAB TU KHUR NAS GNYER NA ZHANG PO BYAN DAR MA RATNA BYA BAS GNYER GYI DPON MDZAD PAS DE LA GTAD NAS RGYAL SRAS 'DI GNYER DU DGUNG LO BCU GNYIS LA RAB TU BYUNG, MTSAN GZHON NU GRAGS PAR GSOL, RAB TU BYUNG TZAM NYID NAS 'DUL BA'I BCAS MTSAMS RNAMS LEGS PAR BSLABS TE MIG GI 'BRAS BU LTAR GCES BAR BSRUNG ZHING BKA' GDAMS KYI CHOS SPYOD 'DZIN PA SOGS LA BRTZON PA CHER MDZAD DO, ,DE NAS GLANG RI THAD PA'I PHYAGS PHYIR BYON TE, GLANG RI THANG PA'I ZHAR CHOS PA 'DUL BA 'DZIN PA CIG LA 'DUL BA GSAN, DE NAS BYA YUL BA CHEN PO GNYER DU BYON PA CIG LA TSOGS CHOS GSAN, BYA YUL BAS TSOGS CHOS KYI SNGA SHOS GNYER DU GNANG BA YIN PA 'DUG ,DE'I DUS

, ,SU DGE BSHES DGYER 'DI'I BSLAB PA'I SLOB DPON CIG GI ZHAL NAS, BYA YUL BA LA 'DI LA THUGS LA GDAGS PAR ZHU, 'DI LA RE CHE BA LAGS 'DIS SDOM PA BLANGS PA'I NUB MO S'ATZTSA LEGS PA KOR PHOR NAS PHYUNG BA RMIS GSUNG BA LA, BYA YUL BA'I ZHAL NAS, NGA'I SKYE BA SNGA MA'I SLOB DPON CIG YIN PAR 'DUG GSUNGS NAS DGE BSHES BYA YUL BA CHEN POS DBU ZHVA PHUD DE DGYER SGOM PA'I DBU LA GSOL NAS PHYAG BZHAG BYIN RLABS MDZAD, SGOM CHEN CHE NGES PA CIG CI 'ONG BYED DGOS BSOD NAMS CAN ZHIG 'ONG BAR 'DUG GI ,NGA BAS KYANG KHYOD BSOD NAMS CHE BA YIN GSUNGS, PHYIS SU SONG TZA NA BYA YUL BA CHEN PO LAS NGA TSE RING BAR BYUNG, DE'I STOBS KYIS BSAM PA THAMS CAD 'GRUB PAR BYUNG GSUNG, NYIN CIG BYA YUL BA SKYOB SANGS LA 'BYON PA'I PHYI NA PHAR BYON PAS ME TOG KHUG CHOS GTZANG SING BA GSUM RNYED, BYA YUL BA LA PHUL BAS RTEN 'BREL BZANG, KHYOD LA SDE SNOD GSUM PA CIG BYA DGOS GSUNG, DE NAS BYA YUL BA CHEN PO BSAM SBYOR GNYIS KYIS TSUL BZHIN DU BSTEN TE GTZO BOR LAM RIM GYI KHRID DANG GZHAN YANG BYA YUL BA LA MNGA' BA'I CHOS RNAMS MA LUS PAR GSAN, BYA YUL BA LA LAM RIM GYI KHRID JI LTAR GSAN PA LTAR THUGS NYAMS SU BZHES SHING CHOS GANG GSAN PA THAMS CAD TSIG GCIG KYANG CHUD MA ZOS PAR MKHYEN RAB RLABS CHEN POS LEGS PAR BZUNG NAS MNYEL BA MED PAR MDZAD DE DGE BSHES DGYER SGOM PA RANG NYID KYI ZHAL NAS, NGAS

BYA YUL BA CHEN BO'I ZHAL LAS GANG THOS PA THAMS CAD DA DUNG MA BRJED PAR GSAL BAR YOD GSUNG, DE NAS DGE BSHES RTZI SGOM BYA BAS SNE'U ZUR DU BYIN NAS, NGED CAG GI DE NA BTZUN CHUNG BLO RNO BA 'DI LTA BU ZHIG BDOG ,'DI KHA'I SPYAN SNGAR BYUNG NA THUGS LA 'DOGS BAR ZHU BYAS BAS THUGS MNYES NAS DE KHRID LA SHOG GSUNGS, DE NAS RTZI SGOM GYIS DGYER SGOM LA SPRAS KYI THOD PA BYA BA NA, DGE BSHES SNE'U ZUR PA BYA BA JO BO MI G-YO BA'I SKU LA BRTAN BA THOB PA CIG YOD PAS KHYED DER SONGS, THUGS LA 'DOGS PAR 'DUG GI GSUNG, DE NAS DGE BSHES DGYER SGOM GYIS SNE'U ZUR DU 'BYON PA'I THUGS DGONGS GTAD, SANG 'BYON PA'I DO NUB SNE'U ZUR GYI GZIM KHANG DANG, BRANG KHANG DANG 'BUM PA LA SOGS PA JI LTA BA BZHIN GZIGS, SANG NANG PAR GZHAN LA LA BYON TE BYAN GYI PHU BCAD, LA MO'I PHU DANG KA BA KLUNGS LA BYON, YUNG BAR DGONG MO PHYI BAR SLEB, SGOM CHEN PA ZHIG GIS GNAS KHANG DANG GNAS MAL SHIN TU 'DZOM PA CIG THUGS LA BTAGS, DE NAS SANG KHAMS PA LUNG PA'I GRVA PA TSAN CIG DANG 'GROGS NAS KHAMS PA LUNG LA BYON, DER ZHAG GCIG BZHUGS, NANG PAR KHAMS LUNG NAS SNE'U ZUR DU 'GRO BA TSAN CIG DANG 'GROGS NAS BYON PAS 'PHYI MO LAS MA SLEB, DER SPYAN SNGAR BYON PAS, KHYED GANG NAS BYON PA YIN GSUNG, KHO BO SNON NAS MCHIS PA LAGS ZHUS PAS, 'O NA RTZI SGOM GYIS ZER BA DE YIN

, ,NAM GSUNG, LAGS ZHUS PAS, DA NGO SHES 'DRA YOD NA DO NUB DER NYOL LA SANG KHA SNANG MIG SNANG LA SHOG GSUNG, NANGS PAR BYON PAS JO BO MI G-YO BA'I DMIGS SKOR GSUM GYI BZLAS LUNG DANG, KHA 'BAR MA'I GTOR MA GNYIS GNANG NAS DE YI GE CIG LA 'DZIN DGOS GSUNG ,JI LTA BA BZHIN ZIN BYUNG LAGS ZHUS PAS, KHYED KYIS NI KHO BO THUGS LAS CHUNG NGUR GZHOL BAS CHOG PA CIG 'ONG BAR 'DUG GO GSUNG, DA KHYOD 'DIR SNGAD CHOG GAM GSUNG BA LA, DA RES SKOR GCIG 'GRO, BRGYAGS KYI RTZOL BSGRUB BYAS NAS 'ONG BA LAGS ZHUS PAS, 'O NA CI THON GYIS SHIG GSUNGS NAS MAR TSUD GCIG, JA BZANG PO MON ZHAL GANG, SKU 'GAG GSOL 'PHRO GCIG RNAMS GNANG, DE NAS TSUR BYON NAS BRGYAGS KYI RTZOL BSGRUB BYAS TE SPYAN SNGAR BYON TZA NA, DA KHYOD NGA'I G-YOG BYED DAM CHOS SEMS GSUNG BA LA, CHOS SEMS LAGS ZHUS PAS, 'O NA CHOS SEMS PA LA KHANG PA RANG DBANG THOB PA CIG DGOS GSUNGS NAS, GSER ZHO DO SKU RKED LAS PHYUNG NAS, 'DIS KHANG CHUNG ZHIG NYOS GSUNG, DE NAS GDAMS NGAG BTAB STE GZHAN RNAMS KYIS NGA MA RNYED PAR 'DUG STE, NGAS KHYOD PHAR BTZAL BA YIN NO DGE SBYOR GYIS GSUNGS NAS GDAMS NGAG THAMS CAD TSAR BAR MDZAD DE THUGS LA SHIN TU BTAGS, SNE'U ZUR DU BZHUGS RING CHOS GSAN PA'I SKABS MA GTOGS MTSAMS LA BRTEN

NAS DGE SBYOR LA BRTZON PAR MDZAD, TSOGS CHOS THUN GCIG CHAG GZHAN YE MA CHAG BAR NAN TAN BYAS PA YIN GSUNG, NGAS SNE'U ZUR DU LO DGU BSDAD DE DBYAR DGUN BSDAD NAS STON DPYID 'GRO YIN MA BYAS GSUNG, DE DUS SNE'U ZUR PA LA TSOGS PA SHIN TU CHE NA SEMS CAN LA PHAN THOGS PA BAG RE GDA' 'AM ZHES GZHAN GYIS ZHUS PA LA, PHYA BA'I BTZUN CHUNG 'DI LA RE BA LAGS GSUNG BAR GDA', DE TZA NA BRANG DPON PHYA PA CIG YOD PAS DGE BSHES 'DI LA PHYA BA'I BTZUN CHUNG BYA BAR GRAGS, SNE'U ZUR PAS TSOGS SU YANG KHYED RNAMS KHO LA MA 'GRAN PAR DGE SBYOR BYED CHUG GSUNGS NAS ,SU DANG YANG MI MNYAM PAR MDZAD, DE NAS SGOM PA LA GTZO BOR MDZAD PAS DGYER SGOM CHEN PO ZHES GRAGS SO, ,DGE BSHES DGYER SGOM CHEN PO ZHES GRAGS PA 'DI NI, DGE BA'I BSHES GNYEN BSAM SBYOR GNYIS KYIS TSUL BZHIN BSTEN NAS BYANG CHUB LAM GYI RIM PA SGOM PA LA BRTZON PA SHUGS DRAG LA RGYUN RING BA MDZAD PAS LAM GYI RIM PA'I RTOGS PA RNAMS BCOS MA MIN PAR THOB PA ZHIG STE NGES 'BYUNG GI BSAM PA RNAM PAR DAG PA RGYUD LA SKYES PAS 'DOD PA'I YUL LA NAM YANG MI G-YENG BAR DRAN SHES BAG YONG BRTAN POS BSDAM BAR BYA BA'I NYES PA PHRA MO TZAM GYIS KYANG MA GOS PA ZHIG STE, THA NA SAm PRASTA ZHES MA BRJOD PAR BZHES PA MI MDZAD PA SOGS 'DUL BA'I BCAS MTSAMS PHRA RAGS THAMS CAD NYAMS PA MED PAR BSRUNG BAR MDZAD, BRTZON 'GRUS SHIN TU CHE BAS MI

, ,G-YO BA'I GZUNGS DUNG PHYUR MANG PO BZLA BAR MDZAD DE, NYID KYI ZHAL NAS, DGE BA'I BSHES GNYEN SPYAN SNGA BAS NGAS YI GE BCU PA 'DI RANG YANG DUNG PHYUR BCU GSUM SONG GSUNG BA LAGS PAR GDA' STE, NGAS KYANG DE TZAM ZHIG 'GRO BAR SNANG GSUNG, GZHAN YANG LUS NGAG YID GSUM THA MAL DU SDOD MA MYONG GSUNG, TSOGS CHOS LKOG CHOS GANG MDZAD KYANG THUGS GO CHA SHIN TU CHE, DANG PO TSOGS MI SDUD PA YIN, BSDUS KYI RTING LA YAN PAR BZHAG PAS MI 'ONG GSUNGS NAS BRTZON 'GRUS CHEN PO MDZAD DO, ,BYAMS SNYING RJE BYANG CHUB KYI SEMS SHUGS DRAG PAS SEMS CAN DMAN PA SU 'DRA ZHIG LA'ANG PHAN THOGS NUS PA BYUNG NA DE LA NGES PAR PHAN THOGS MDZAD; GRONG PA'I SKYE BO NYAM THAG GIS GDAN DRANGS KYANG DE LA PHAN PAR 'GYUR NA NGES PAR 'BYON PAR MDZAD PAS GZHAN DAG GIS GRONG CHOG SOGS LA MI GSHEGS PA'I ZHU BA PHUL PA NA SEMS CAN GYI DON 'GRUB BZHIN DU MI BYED NA, BYANG CHUB SEMS DPA'I BAG MED PA'I GNAS BYA BA YIN GSUNGS NAS ZHI BAR MA GSHEGS KYI BAR GRONG CHOG MDZAD, BRGYAD CU RTZA GNYIS KYI BAR DU MO RENG MA ZHIG NA YANG SNGAS KHAR BYON NAS, SKYABS 'GRO SEMS BSKYED 'BOGS BAR MDZAD, NGA CHUNG DU NAS ZHE SDANG CHER SKYE MA MYONG, GZHAN LA PHAN SEMS DE NGANG GIS BYUNG GSUNG NGO, ,DON 'DI LA DGONGS NAS RJE THAMS CAD MKHYEN PAS ,THEG MCHOG LAM GYIS RGYUD SBYANGS DGYER

SGOM ZHABS, ,ZHES BSNGAGS SO, ,THUGS RAB SHIN TU CHE BAS LAM GYI RIM PA'I GNAD RNAMS LA RIGS PA'I RNAM GRANGS MTHA' YAS PAS DPYOD PAR MDZAD DO, ,BSHES GNYEN BSTEN TSUL GYI NYAMS RTOGS BCOS MA MIN PA 'KHRUNGS TE, LAM STON PA'I DGE BA'I BSHES GNYEN LA SANGS RGYAS KYI 'DU SHES MIN PA THA MAL PA'I 'DU SHES SKYE MA MYONG GSUNG, DE LTAR BSHES GNYEN LA GUS PA BCOS MA MIN PA 'KHRUNGS PAS SANGS RGYAS THAMS CAD MCHOD PA BAS BLA MA MCHOD PA BYIN RLABS CHE BAR GSUNGS PA YANG DGE BSHES 'DI LA DNGOS SU BYUNG STE, BLA MA LA GSOL BA BTAB PA NA SANGS RGYAS THAMS CAD KYIS BYIN GYIS BRLABS TE, LHAG PA'I LHA MANG PO'I ZHAL GZIGS PA DANG, SPYAN DANG MNGON SHES SOGS GONG MA'I YON TAN MTHA' YAS PA THUGS RGYUD LA 'KHRUNGS, BLA MA GONG MA'I MAN NGAG TSIG GCIG KYANG CHUD MA ZOS PAR THUGS LA BZUNG NAS SRAS KYI THU BO SANGS RGYAS DBON LA SOGS PA SKAL LDAN MTHA' YAS PA LA GDAMS NGAG 'DOMS PAR MDZAD DO, ,DGE SBYOR LA BRTZON PA SHUGS DRAG LA RGYUN RING BA MDZAD PAS TING NGE 'DZIN MTSAN NYID TSAD BA SHING RTA CHEN PO'I GZHUNG LAS JI LTAR GSUNGS PA LTAR THUGS RGYUD LA 'KHRUNGS TE, TING NGE 'DZIN MTSAN NYID BZHI LDAN THUGS RGYUD LA 'KHRUNGS NAS, RIN PO CHE LA RTOGS PA PHUL BAS, KHYOD LA LO DRUG CU BDUN CU LON TZA NA SE BO THAL MO SBYOR BA LONG NGE BA CIG 'ONG PAR 'DUG GI, DE'I DUS SU 'BUM PA GCIG BRTZIGS

, ,SHIG MA BRTZIGS NA SAD CHEN PO HA PA YIN NO GSUNG, DGE BSHES RTAG THOG BA'I ZHAL NAS, RIN PO CHE SNE'U ZUR PA LA NUB GCIG LA RTOGS PA 'BUL BA BZHI BYUNG BA LA, TING NGE 'DZIN MTSAN NYID BZHI LDAN THUGS RGYUD LA 'KHRUNGS PA GCIG BYUNG BAS, DE KHO NA LA DAD PAR BYUNG STE, PHYIS RTZAD DPYAD TZAN DGE BSHES RIN CHEN SGANG PA DE YIN PAR SNANG GSUNG NGO, ,TING NGE 'DZIN GSAL CHA SHIN TU CHE BAS SANGS RGYAS DANG BYANG SEMS MANG PO'I ZHIL GZIGS TE YUM GYI BUS MO LA BRTEN NAS BYA RA BYED PA'I DUS SU LHA ZHIG GI ZHAL MTHONG, DE TZA NA NGOS MA ZIN PA LA PHYIS RGYUD SDE MTHONG BAS, GSHIN RJE GSHED YIN PAR SNANG GSUNG, SNE'U ZUR NA BZHUGS PA'I DUS SU JO BO MI G-YO BA'I ZHAL GZIGS, SNE'U ZUR PA GSHEGS NAS DGUNG LO NYI SHU RTZA DGU BA LA YON BDAG KUN GYIS GDAN DRANGS, DBYAR GCIG LHAB MOR BZHUGS, LAM RIM TSAR GCIG GSUNGS, DE NAS RIN CHEN SGANG DU BYON NAS GTZUG LAG KHANG RNYING MA DANG DGON PA RIN CHEN SGANG SA MO PHAG LA RMANG BTINGS, 'DIR BZHUGS PA'I DUS SU, LHO PHYOGS KYI RGYUD 'DIR BCOM LDAN 'DAS SH'AKYA THUB PA ZHAL GZIGS, LHO NUB MTSAMS SU SANGS RGYAS SMAN GYI BLA'I ZHAL GZIGS, NUB PHYOGS RGYA MTSO'I 'GRAM NA JO BO THUGS RJE CHEN PO GANGS RI LTA BU'I ZHAL GZIGS PA YIN GSUNG, YANG KHONG RANG GI SKU LUS DKYIL 'KHOR GYI LHA TSOGS SU GZIGS PA DANG,

LUS GZHAL YAS KHANG DU SONG BA'I NANG NA RIGS LNGA BZHUGS PA CIG GZIGS, YANG GZIM CHUNG MCHOD KHANG GI KA BA'I RTZA DER JO BO THUGS RJE CHEN PO DANG, JO MO SGROL MA GNYIS MNYAM DU ZHAL GZIGS, JO MO PHYAG BRGYAD MA LA DE'I DUS SU SGRUB THABS DE'ANG GSAN, PHYIS BYA YUL DU BYON NAS DGE BA'I BSHES GNYEN BYA YUL BA LA 'DI 'DRA'I SNANG BA CIG GDA' ZHUS PAS, NGO MTSAR CHE THA MAL PAR MI GDA' GSUNG, BYA YUL BA'I ZHAL NAS JO BO DGYER SGOM PA LA DGOS TE MI MCHI NA'ANG, 'O NA YANG 'AM BUS DRAN PA GSO BA TZAM ZHIG BGYI GSUNGS NAS JO MO PHYAG BRGYAD MA'I SGRUB THABS TSAR GCIG GSUNGS PAS SNGA MA JO MOS DNGOS SU GSUNGS BA DANG KHYAD MA BYUNG GSUNG, YANG DGE BSHES BYA YUL BA'I ZHAL NAS, RAB GNAS LA SOGS PA DGYER SGOM PA NYID KYIS KYANG MKHYEN NAS MCHI STE, 'TSAL NA NGAN BUS ZHABS TOG BGYI GSUNGS NAS, CHOS THAMS CAD MA ZHUS PAR GNANG, YANG DGE BSHES BYA YUL BA'I ZHAL NAS, DGON PA 'DIR BZHUGS LA NGA'I BSHOS RE GSOL, NGA LA DRIN CHE BA LAGS GSUNG, YON BDAG TSO CIG GIS DGON PA BRTZIGS ZIN 'GRO DGOS BAR BDOG ZHUS PAS, 'O NA NGAS KYANG DGYER SGOM PA'I BSRUNG BA BGYI, DGYER SGOM PAS KYANG NGA LA DE BZHIN MDZAD PAR ZHU GSUNG, NGAS DE TZA NA DE BZHIN DU BYAS NA RGYA SNUBS DGON GSUM GYI MING YANG MI 'ONG GSUNG, GZHAN YANG DAM TSIG GSUM BKOD PA'I RGYAL PO'I ZHAL GZIGS, ,RDO RJE

, ,GDAN YIN SNYAM PA CIG TU BYUNG CHUB CHEN PO GTZO 'KHOR GSUM PA DE ZHAL GZIGS, BYA YUL NA BZHUGS PA'I TSE CHOS SKYONG MA DE'I ZHAL GZIGS GSUNG, YI DAM LHA'I BZLAS BRJOD MTHAR PHYIN PAR MDZAD PAS GZHAN PHAN GYI NUS PA KHYAD PAR CAN THOB STE, RTAG PA TSOD 'DZIN BZLAS LUNG THUG PA MED PA CIG MDZAD PA LA, GZHAN LA PHAN MA THOGS PA YE MA BYUNG, SKU LUS RDO RJE 'DRA BAS TSEMS BSNYUNG BA GCIG KYANG MA BYUNG GSUNG, BYIS PA'I DUS NA NAD YAMS CHEN PO ZHIG BYUNG BAS BYIS PA MANG PO GUM, RO THAMS CAD MKHAR RGYAB TU BSKYAL GCUNG PO GNYIS KYANG NA BAS NGAS KHONG GNYIS G-YAS G-YON DU BZHAG STE GTZUG TOR BTON PAS NUB CIG GI RMI LAM NA MKHAR RGYAB TU PHYIN PAS, BYA MGO BRNYAN MI 'DRA BA MANG PO THIB THIB 'DUG, KHRON PA GCIG GI KHA NA'ANG BYA MANG PO THIB THIB 'DUG BAS, KHRON PA DER BLTAS PAS KHONG GNYIS PO DE SHI LA KHAD PA RE BYAS 'DUG PAS, NGAS LAG PA NAS BZUNG STE TZAR TZAR BTON PA RMIS, SANG NANGS PAR KHONG GNYIS PO SANGS DRAG PA CIG BYUNG GSUNG, GZHAN SEMS SHES PA'I MNGON PAR SHES PA'ANG RLABS CHEN PO MNGA' STE, THUGS SRAS SANG RGYAS DBON STON CHEN PO GZHON PA'I DUS SU PHRENG BA 'DI BYIN NA RUNG STE SNYAM TZA NA, PHRENG BA DE PHYAG TU BSNAMS NAS DGOS PA MED 'DI KUN 'DRA BA MNGON TSAN CHE BA YIN GSUNG, YANG DBON STON GYI ZHAL NAS, DGE SBYOR BYED 'DOD MA BYUNG BA'I DUS SU SPYAN SNGAR

PHYIN TZA NA, ZHAL RAS NAG THING MDZAD NAS DGOS PA MED GSUNG, NANGS CIG DGE SBYOR BYED 'DOD LHAN GYIS BYUNG BAS SPYAN SNGAR PHYIN TZA NA ,DA NANGS CI TZUG BYUNG GSUNG, 'DI TZUG GDA' ZHUS PAS DE NGAS BYIN GYIS BRLABS PA YIN, DA NGA RGAS CHOS 'DI YANG DGOS, 'DI YANG DGOS PA YIN GSUNG, DE DAG NI GZHAN GYI SEMS SHES PA'I YON TAN NO, ,RDZU 'PHRUL GYI YUL SHES PA'I YON TAN NI, JO BTZUN YE SHES BLA MAS CHOS ZHU SNYAM NAS GZIM CHUNG DU BYON PAS, SGO NANG NAS BSDAMS NAS BZHUGS, DER THEM PA LA SNYES NAS BZHUGS TZA NA, DGE BSHES CHEN BO PHYI NGOS NAS BYON BYUNG GSUNG NGO, ,DE LTAR DGUNG LO BRGYAD CU RTZA GNYIS KYI BAR DU DGON PA RIN CHEN SGANG DU BZHUGS NAS LAM GYI RIM PA 'DIS GDUL BYA MANG PO'I DON MDZAD PA YIN TE, RTZA TSIG 'DI RNAMS AA TI SHAS DGON PA BA LA KHRID PA DE KA NYID YIN, BSHAD PA DANG LUNG KUN BO TO BA CHEN PO'I GZHI CHE, RANG RE'I YIG SNAS MA CHOG BAR GZHAN LA BLTAS NAS BSHAD PA TSIG KHA YAR RE BYED DE, TSIG MANG KHA NA MED, MDA' GZHU PANG PA GANG YANG GTAD SA MDE'U RTZE GANG LAS MED PA YIN, 'U CAG THEG PA CHEN PO BA'I DBANG DU BYAS NA GTAD SA BLO SNA GZHAN DON DU 'GYUR BA LA BYA'O GSUNG, YANG BLA MA ZHAL BZHUGS PA'I DUS SU THE TSOM DANG SGRO 'DOGS THAMS CAD CHOD PAR BYAS NAS ZHAL MI BZHUGS PA'I DUS SU DOD THUB PAR BYAS TE DGE SBYOR BYED DGOS PA YIN GSUNG, GZHAN YANG BLA MA

, ,GONG MA DE SKU YAL NAS BLA MA DE'I GDAMS NGAG MI NYAMS SHING 'PHEL BA'I DGE BSHES DANG GROGS PO LA BRTEN PA GAL CHE, RANG GI BLA MA'I MDZAD SPYOD DANG MI MTHUN PA'I BLA MA GNYIS PA MI BTZAL, BTZAL NA BLA MA SNGA MA'I BYIN RLABS DUNG GI RDUL PHYIS PA BZHIN DU 'GRO GSUNG, YANG BLA MA ZHAL MI BZHUGS PA'I DUS SU DGE 'DUN CHOS DANG MTHUN PA'I GROGS LA BRTEN NAS BLA MA'I MAN NGAG GI RGYAB TU MDO SDE BLTAS NA YANG MI NYAMS PA YIN GSUNG, YANG RANG GI BLA MA 'DAS NAS DE'I GDAMS NGAG DANG RJES SU BSTAN PA NYAMS SU LEN PA'I BLA MA PHYI MA CIG LA BRTAN NA'ANG RANG MI NYAMS PA YIN BYA BA NAN TAN DANG BCAS PA GSUNG, YANG DBON STON LA GDAN 'DREN PA GNYIS BYUNG GSUNGS, DE'I NUB MO DBON STON GYI RMI LAM NA LHA'I BU'I MCHOD PA YIN ZER BA TSAN CIG DANG MI DKAR PO GTZANG SING BA GCIG BYUNG, DGE BSHES DGYER SGOM CHEN BO NA BZA' MTHANG RKYANG GCIG DANG DBU ZHVA LTEB MO DE GSOL, PHYAG 'KHAR DE BSNAMS NAS MI DKAR PO DE DANG GNYIS BYON NAS, DBON STON GYI DBU SNGAS SU PHYAG 'KHAR DE BTZUGS GDAMS NGAG KHA YAR ZHIG GSUNG, MI DKAR PO DE DANG DGYER SGOM CHEN PO GNYIS SHAR LHO MTSAMS KYI NAM MKHA' LA GSHEGS PA CIG RMIS, DE NAS TSA BA THON RJES LA ZHAL CHEMS KHA YAR ZHIG GSUNGS PA NA, DBON STON SKU NA GZHON PAS MCHI MA MA THUB, DE MIN NA DE'I TSE GSUNG KHA YAR 'ONG BA

'DUG PA LA GSUNG, GZHAN YANG RTEN BYIN RLABS CAN 'DI DANG 'DI YOD, KA BA LI DANG BE'U BUM NA CHOS 'DI DANG 'DI YOD, MI LAG 'GRIM DU MA GZHUG ,NGA LA DUS RTAG TU SNANG DMIGS KYI DNGOS PO 'DI 'OD DAM 'JA'I RNAM PAR YOD PA YIN, KHYOD LA'ANG DE LTAR BYUNG NA CHOS BSHAD DANG RAB GNAS DANG GTOR CHEN BZLAS LUNG LA SOGS PA RNAMS GYIS GSUNG, KHYOD RANG YANG CHOS DANG MTHUN PAR GYIS LA SDE DGON 'DI GNYIS CHOS DANG MTHUN PAR BYUNG NA SKYONGS, MA MTHUN NA ZHOG GSUNG BAS BYA STABS BDE BAR BYUNG, DE NAS DGUNG LO BRGYAD CU RTZA GNYIS PA LCAGS MO YOS KYI NYER DGU LA RIN CHEN SGANG DU MYA NGAN LAS 'DA' BA'I MDZAD PA BSTAN TE, SKYIL KRUNG LAM GYIS MDZAD NAS, PHYAG SA GNON MNYAM GZHAG MDZAD; DBU'I STENG NA YAR RLANG PA BUM PA'I KHA TSANGS 'DRA BA CIG BYUNG, 'U CAG SNANG BA MA DAG PAS DE LAS MA MTHONG GZHAN DU NA 'OD DU 'ONG BA YIN GSUNG ,DE NAS GDUL BYA RNAMS KYIS SKU GDUNG LA MCHOD PA DANG SMON LAM RGYA CHEN PO MDZAD DO; ;BDAG NYID CHEN PO 'DI LA SLOB MA BRGYAD BRGYA TZAM 'TSOGS PA'I NANG NAS SLOB MA CHE BA NI, THUGS KYI SRAS 'GRO MGON SANGS RGYAS DBON STON YIN LA GZHAN YANG BSTAN 'DZIN GYI SKYES BU DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DGE BA'I BSHES GNYEN DGYER SGOM PA CHEN PO LA GSOL BA 'DEBS SHING, BSHES GNYEN CHEN PO 'DI'I RNAM THAR LTAR SKYES BU GSUM GYI LAM GYI RIM PA LA BLO SBYANGS NAS MYONG BA BCOS

, ,MIN THON PAR BYA ZHING, THA NA SMON LAM GYI YUL DU BYAS TE YANG BLO SBYANG BAR BYA'O,, ` ,,RMAD BYUNG YON TAN MDZOD 'DZIN SANGS RGYAS DBON, ,ZHES BSNGAGS PA, DGE BA'I BSHES GNYEN SANGS RGYAS DBON STON RIN PO CHE NI, BSKAL PA DPAG TU MED PA'I SNGA ROL NAS THEG PA CHEN PO'I LAM LA SBYANGS TE PHYIR MI LDOG PA'I GDENG THOB NAS SNYIGS MA'I 'GRO BA NYAM THAG RNAMS LA LHAG PAR BRTZE BA THUGS RJE CHEN PO'I GZHAN DBANG DU GYUR PAS NYER LEN MDZAD DE, BRAM ZE DGYER LHA SNANG GI RIGS SU YAB YON BDAG BU MO STAG DANG, YUM SHA MO MDOG GI SRAS SU SKU 'KHRUNGS, ,DE YANG YUM MNAL THUM PA CIG GI SKABS SU BLTAMS ZIN 'DUG PA MIN PA MA TSOR BAR SNANG, DE'I NUB MO YAB KYI RMI LAM NA NYI MA CHEN PO ZHIG SHAR BA'I SNANG BAS 'DZAM BU'I GLING KHYAB PA CIG BYUNG, NGA'I BU 'DI BSOD NAMS CAN ZHIG 'ONG BA 'DRA GSUNG, DE NAS KHU BO DGE BSHES DGYER SGOM PA CHEN PO'I ZHAL NAS, YON BDAG GI BYIS PA DE NGA'I DRUNG DU SKYOL, DER BZHAG TU PHANGS, BTZUN PA CIG BYED DGOS GSUNG ,BYIS PA'I DUS RTZED MO'I SAR PHA BONG LA ZHABS RJES BYON, DE NAS RIN CHEN SGANG DU RANG GI KHU BO DGE BSHES DGYER SGOM PA CHEN PO'I SPYAN SNGAR BYON PAS DGE BSHES CHEN PO'I ZHAL NAS, 'KHOR RNAMS LA KHYED KUN GYIS YON BDAG GI BYIS PA 'DI LA GUS PAR GYIS SHIG ,'DI NGO MTSAR CAN ZHIG YIN NO GSUNGS NAS THUGS LA BTAGS

PAR MDZAD, YANG ZHAL NAS, KHYOD KYI PHA DE NGA LA DRIN CHE BAS BYAMS PAR BYAS PA YIN NO GSUNG, DE NAS DGUNG LO BCU BDUN BZHES DUS DGE BSHES 'BEN THANG PAS MKHAN PO DANG, SLOB DPON LTE'U SGOM GYIS SLOB DPON MDZAD NAS RAB TU BYUNG, MTSAN GZHON NU 'BYUNG GNAS SU BTAGS, MKHAN PO'I ZHAL NAS, 'DI LA BSOD NAMS 'UR THAG CHAD PA CIG RE BA YIN, MDANG RMI LAM DU YID BZHIN GYI NOR BU YIN ZER BA CIG LA PHYI BDAR BYAS PA RMIS GSUNG ,SLOB DPON SGOM PA'I ZHAL NAS NYI ZLA GNYIS DUS GCIG LA SHAR BA RMIS GSUNG, DGE BA'I BSHES GNYEN DGYER SGOM PA CHEN PO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID GSAN TE, DGE TSUL GYI RING LA LAM RIM GYI KHRID DANG JO BO'I SGRUB YIG TSAR BAR MDZAD, LO NYI SHU BZHES PA NA DGE BSHES DGYER SGOM GYI ZHAL NAS KHYOD DGE SLONG ZHIG BYED DGOS GSUNGS NAS, DGE BSHES NYANG BRAN GYIS MKHAN PO DANG, DGE BSHES CHOS DANG, DGE BSHES KHA CHES LAS SLOB DANG GSANG STON MDZAD NAS BSNYEN PAR RDZOGS 'DUL BA'I BSLAB BYA RNAMS LA TSUL BZHIN DU BSLABS, DBYAR DGUN GSUM TZAM MKHAN PO'I DRUNG DU BZHUGS TE SPYOD PHYOGS RNAMS GSAN NAS MKHYEN PAR MDZAD, 'BEN THANG PA LA 'DUL BA'I BSLAB BYA GSAN PAR MDZAD DO, ,DE NAS DGE BSHES KA BA DAR SENG GI THAD DU 'DUL BA'I SLOB GNYER RNAMS LO GSUM LA TSAR BAR MDZAD DE 'DUL BA LA SHIN TU MKHAS

, ,BAR GYUR NAS SKAL BA DANG LDAN PA MANG PO LA KA RI KA'I STENG NAS DGE TSUL GYI BSLAB BYA DANG 'DUL BA MDO RTZA BRGYA CHER BSHAD BAR MDZAD DO, ,DE NAS DGE BA'I BSHES GNYEN DGYER SGOM PA CHEN PO SKU NA BYON PAS YAR BYON TE BRANG KHANG ZHIG BZUNG NAS THUGS DAM RTZE GCIG MDZAD CING SGRUB BAS BLA MA MNYES PAR MDZAD, LAN CIG DGE BSHES DGYER SGOM PA CHEN PO LA THUGS LA GDAGS PAR ZHU ZHUS PAS, NGAS DUS RTAG TU RTZAR BZHAG PA 'DI THUGS LA BTAGS PA YIN, DGE BSHES TSAN CIG GIS NYE DU DANG 'BREL BA PHYOGS SU NYER MI STER BAR MDZAD BA YIN GSUNG, GTZANG PA'I GRVA PA KUN GYIS DGE BSHES DGYER SGOM CHEN PO LA NGO CHEN ZHUS NAS NGA LA 'DUL BA 'CHAD DGOS GSUNG BA LA NGAN BU LA BKA' GDAMS RA RI ZHIG 'ONG BAR 'DUG NA CHOS BSHAD MI BGYI, DE MI 'ONG NA 'DUL BA BSHAD PAS RANG NYID MKHAS SU'ANG 'GRO BAS BGYI ZHUS PAS CANG MI GSUNG BAS THUGS LA BTAGS SNYAM PA BYUNG GSUNG, DE NI BKA' GDAMS GONG MA'I RNAM THAR SHA GZUG RANG ZA'I DPE LTAR THOG MAR DBEN PA'I GNAS SU RANG RGYUD BTUL NAS RANG NYID MI NYAMS PA'I GDENG THOB PA NA GDUL BYA GZHAN LA CHOS 'CHAD PA SOGS GZHAN DON MDZAD CES PA'I DON NO, ,DE NAS DGYER SGOM PA CHEN PO SKU NA MTHO BAR BYON ZHING BLA MA'I ZHABS TOG BYED PA NYID RANG GI TSIGS RDZOGS PA'I THABS MCHOG YIN PAR DGONGS NAS PHYIS GZIM

CHUNG DU BZHUGS NAS GZIM G-YOG MDZAD, CHOS ZHUS BA LAS KYANG GLENG SLANG ZHUS BA MANG GSUNG, SPRUL PA'I SKYES MCHOG DBON STON RIN PO CHE 'DI NI SKU TSE SNGON NAS SBYANGS PA'I MTHU CAN YIN PAR MA ZAD, SKU TSE 'DIR YANG DGE BA'I BSHES GNYEN RNAM PA KUN TU MNYES PAR BYAS NAS BYANG CHUB LAM GYI RIM PA LA NYAMS LEN SNYING POR MDZAD PAS LAM GYI RIM PA'I RTOGS PA RNAMS PHUL DU PHYIN PAR THOB PA ZHIG STE, SKYES BU CHUNG 'BRING GI LAM LA SBYANGS NAS NGES 'BYUNG GI BSAM PA RNAM PAR DAG PA SKYES TE TSUL KHRIMS KYI BSLAB PA LA BSDAM PAR BYA BA'I NYES BYAS PHRA MOS KYANG MA GOS PAS BDEN PA'I TSIG GRUB PA ZHIG GO, BSHES GNYEN BSTEN TSUL LA MYONG BA PHUL PHYIN THON TE BLA MA LA DUS RTAG TU SANGS RGYAS KYI 'DU SHES MNGA' STE, DGE BSHES DGYER SGOM PA CHEN PO LOGS SU BZHAG PA'I YI DAM GYI LHA GZHAN MED GSUNG ,BLA MA SANGS RGYAS SU MTHONG BA'I MOS GUS BCOS MIN SKYES PAS BLA MA'I SKU'I BYIN RLABS ZHUGS PAS YI DAM GYI LHA DPAG TU MED PA'I ZHAL GZIGS TE, RIN CHEN SGANG DU 'JUG PA SEMS BSKYED ZHUS PA'I THO RANGS KYI DUS SU 'OD ME LONG TZAM ZHIG GI NANG DU BLA MA BRGYA RTZA BCU GNYIS LA BRTEN NAS BYANG CHUB SEMS DPA'I BSLAB PA YONGS SU RDZOGS PAR MDZAD PA YIN GSUNG, 'PHRANG 'OG TU DBANG ZHUS BA'I DUS SU DGE BSHES DGYER SGOM PA CHEN PO'I BYANG KHOG NANG NA GSANG BA 'DUS PA'I LHA BCU DGU MA'I GTZO BO DGE BSHES DGYER

, ,SGOM PA NYID KYIS MDZAD NAS DBANG BZHI RDZOGS PAR BSKUR BAS DBANG BZHI PA'I DON THUGS RGYUD LA 'KHRUNGS PA YIN GSUNG, NUB CIG GI RMI LAM NA SLOB DPON LA BA PA BYON NAS GSANG SNGAGS KYI DGONGS PA MANG DU GSUNGS, DE DGE BSHES DGYER SGOM PA LA ZHUS PAS, THUGS DGYES PA'I MTSAN MA MDZAD LO BCO BRGYAD KYI BAR DU DGE BSHES DGYER SGOM PA CHEN PO BSTEN NAS CHOS LA NAN CHAGS SU BGYIS TE SGRUB PA'I MCHOD PAS BLA MA MNYES PAR MDZAD DO, ,DGE BSHES DGYER SGOM PA CHEN PO GSHEGS PA'I SPUR LA SANGS RGYAS BYANG SEMS DPAG TU MED BAS MCHOD PA MDZAD PA ZHAL GZIGS, THUGS NGAN MDZAD PAS DGE BSHES DGYER SGOM PA NYID DNGOS SU BYON NAS NGA RTAG TU DRAN PAR GYIS GSUNG BAS THUGS NGAN SANGS, 'U CAG LA NI NAM 'DOD KYIS DGE BSHES DGYER SGOM PA CHEN PO DANG MJAL NAS LUNG THAMS CAD ZHU BA YIN GSUNG, LAN CIG TZA NA 'U CAG LA TSE RING PO 'ONG NGES MED, GDAN SA 'DI DGE BSHES LHO PA LA GTAD LA RI KHROD CIG BYA DGONGS TZA NA DGE BSHES DGYER SGOM PAS MI DKAR PO GCIG KHRID NAS, 'DI LA GZHAN MI 'TSAL BAR GDA'I, TSE RING BA CIG MDZAD PAR ZHU GSUNG BA CIG RMIS, SANG GSOL BA CIG BTAB PAS, DGE BSHES DGYER SGOM PA RMI LAM DU BYON NAS JO BO THUGS RJE CHEN POS SKU TSE RING BAR BYIN GYIS BRLABS PA YIN

NO GSUNG, GDUNG KHANG GI RAB GNAS MDZAD PA'I TSE, SANGS RGYAS BYANG SEMS THAMS CAD KYI THUGS KA NAS 'OD ZER DKAR SHARRA RA BYUNG BA'I SNANG BA BYUNG GSUNG ,BYA SA'I RAB GNAS KYI STA GON GYI DUS SU SLOB DPON N'A GA BO DHI DANG MJAL, SLOB DPON N'A GA BO DHI 'DI NGA'I RTZA BA'I BLA MA CIG YIN, GSOL BA BTAB TZA NA MI MJAL BA BYED MA MYONG GSUNG, RIN CHEN SGANG NA BZHUGS TZA NA RMI LAM DU NAGS GSEB CIG NA BRAG PHUG LEGS PA CIG 'DUG, DE'I NANG DU BYON TZA NA, JO BO N'A RO PA BDUD RTZI KA P'A LA GANG THOGS NAS 'DUG, KHYED 'DI 'DOD DAM GSUNG, ZHU 'TSAL ZHUS PAS, BDUD RTZI DE NAS GNANG, DBANG DANG BYIN RLABS KYANG MDZAD GSUNG, SKAM NA BZHUGS PA'I TSE DBON STON CHEN PO RI LA BZHUD, SLOB DPON BZANG MO BAS PHYIR BYON TZA NA BRAG SGANG ZHIG NA BZHUGS 'DUG ,DBON STON GYI ZHAL NAS ,DE NA MAR RNAL 'BYOR PA BZA' MI GNYIS SONG BA YIN TE KHYED DANG AE PHRAD GSUNG, MA PHRAD ZHUS PAS 'O NA DE THA MAL PAR MI 'DUG GSUNG, CI 'DRA ZHIG GDA' ZHUS PAS RAS KYI AANG KA RAG RE GYON, RNAL 'BYOR MA DES KHOG MA CIG KHUR NAS 'DUG, NGA LA RANG BZHIN MED PA'I NGANG LAS RTZA RLUNG GI 'DU 'PHROD 'DRA BA SGOMS DANG BDE STONG GI NYAMS 'PHEL BA YIN GSUNG, BRAG SNGON LA SKU MTSAMS MDZAD PA'I DU SU KLU SGRUB YAB SRAS BYON NAS 'GRO BA GZHAN GYI RNAM PA BSTEN PA NA DGE SLONG GI 'DU SHES YOD PA NYID LA'O BYA BA DE LA BGRO GLENG MDZAD PA CIG GZIGS, RA SGRENG DU BYON PA'I TSE JO BO'I

, ,PHYAG DPE 'DI RNAMS GZIGS DGONGS TZA NA AA TI SHA RMI LAM DU BYON NAS 'DI 'DI SKAD BYA BA YIN GSUNGS NAS PHYAG DPE RNAMS CAG GE BSTAN, YANG DGA' LDAN DU MGON PO BYAMS PA DANG MJAL CHOS KYANG GSAN GSUNG, BZANG MO'I DGON PA RMANG 'DING TZA NA BYANG CHUB CHEN PO GTZO 'KHOR GSUM ZHAL GZIGS, GZHAN YANG JO BO MI G-YO BA DANG SGROL MA DANG GSHIN RJE GSHED DANG RTA MGRIN LA SOGS PA'I ZHAL GZIGS, BZANG MOR DE DUS DPAL LHA MO DPON G-YOG GSUM ZHAL JI LTAR GZIGS PA BZHIN GZIM CHUNG BRAG LOGS LA RANG BYUNG DU BYUNG, YANG DER NANGS GCIG JO MO SGROL MA LHA MO DBYANGS CAN MA KU RU KULLE GSUM GYIS DBON STON CHEN PO LA BSNYEN BKUR MDZAD NAS KU RU KALLES GTAM BTANG BAS RDUGS, DBYANGS CAN MAS THAL MO BRDABS, SGROL MAS ZHAL BKAB GSUNG, YANG RMI LAM NA, RGYAL PO AINDRA BHU DHI'I ZHABS LA RTZVA AA BA GNYIS SKYES NAS 'DUG PA LA GCIG GSOL BAS SNGAR MA MYONG BA'I RO BZANG PO ZHIG BYUNG, 'DI CI LAGS ZHUS PAS, BDUD RTZI ZIL MNGAR BYA BA DNGOS GRUB KYI ZAS YIN GSUNG BAS 'O NA GCIG PUS ZA BA PHANGS, SEMS CAN THAMS CAD LA SBYIN DGOS SNYAM NAS RTZVA AA BA GCIG BZHAG GSUNG ,MGON PO GRI GUG DANG BENG SOGS CHOS SKYONG MANG PO ZHIG BYIS PA'I DUS RANG NAS ZHAL GZIGS PA YIN GSUNG NGO, ,BLA MA LA SANGS RGYAS KYI 'DU SHES BCOS MA MIN PA

'KHRUNGS PAS BLA MA'I GSUNG GI BYIN RLABS ZHUGS TE BKA' BSTAN BCOS THAMS CAD LA THOGS PA MED PA'I SPOBS PA MNGA' ,NUB CIG RMI LAM NA DGE BSHES DGYER SGOM PA CHEN PO BYON NAS STON PAS CHOS KHRI 'DI'I STENG NAS CHOS GSUNG BAR ZHU GSUNG, DE NAS KHRI KHA DE NAS CHOS GSUNGS PAS TSOGS PA RNAMS KYIS 'OR CHE BTAB, DGE BSHES DGYER SGOM PA CHEN PO BZHAD KYIN 'DUG STE CHOS BSHAD BYA BA'I GNANG BA BYIN PA 'DRA GSUNG ,DE NAS GNYER DU CHOS 'GO MA GSUNG BA'I DUS SU DBON STON PA'I LTE BA'I KHUNG BU NAS NYI MA CHEN PO CIG SHAR BAS, 'DZAM BU'I GLING GI SEMS CAN RNAMS KYI RGYUD DROS PA'I SNANG BA BYUNG, DE NAS SEMS CAN LA PHAN NAM BSAMS NAS CHOS BSHAD BYAS PA YIN GSUNG, GNYER DU TSOGS CHOS SHIG GSUNG TZA NA, TSIGS BCAD GCIG LA THOGS PA CIG BYUNG BAS, CHOS THUN DE LAD SNYAM BYUNG TZA NA, CHOS THON NAS GZIM CHUNG DU BYON PAS, GSANG BA 'DUS PA'I DKYIL 'KHOR GYI GTZO BO DGE BSHES DGYER SGOM PA CHEN POS MDZAD; ZHAL 'DZUM MDZAD NAS CHOS BSHAD BYA BA YANG DKA' MO LAGS NGA LA GSOL BA THOB GSUNG ,DE NAS SDE SNOD 'DZIN PA BRGYAS BSKOR KYANG NYAM NGA BA SPU TZA ME YANG MED, THAMS CAD LA RDO RUS THUG PAR BYAS PA YIN, YA GI GSANG BA 'DUS PA NAS K'A RI KA YAN CHAD LA KHUG PAR LUS PA GCIG KYANG MED, DA RES 'DI 'DRA ZHIG BSHAD DE NYAN THOS KYI SA'AM, RANG SANGS RGYAS KYI SA'AM, RTAG CHAD KYI MTHAR LHUNG SNYAM PA NI GCIG KYANG MED, THAMS CAD LA BLA NA MED

, ,BA'I BYANG CHUB KYI LAM TSANG LA MA NOR BA BSHAD DAM SEMS PA YIN GSUNG, BLA MA'I THUGS KYI BYIN RLABS THOB PAS SPYIR TING NGE 'DZIN GYI SGO DU MA LA MNGA' BRNYES, KHYAD PAR DU SGYU MA LTA BU'I TING NGE 'DZIN THUGS LA 'KHRUNGS SHING, LHAG PA'I BSAM PA RNAM PAR DAG PAS RANG BAS GZHAN GCES PAR 'DZIN PA SGYU MA'I RNAM PAR THAR BAS 'GRO BA'I DON MDZAD PA YIN TE, ZHAL NAS KYANG, TING 'DZIN NANG NAS SGYU MA LTA BU DANG, , SNYING RJE'I NANG NAS BDAG GZHAN BRJE BA STE, ,'GRO BA'I NANG DU RANG 'BYUNG SANGS RGYAS 'GYUR, ,ZHES GSUNGS, LHAG MTHONG GI DMIGS SKOR LA MYONG BA THON TE, RTAG CHAD KYI MTHA' GNYIS DANG BRAL BA'I DBU MA CHEN PO THUGS SU CHUD PA YIN TE, NUB CIG RMI LAM NA GYANG RO STONG PA 'DRA PA CIG TU BYON PAS, GCIG NA RE, 'DI 'PHAGS PA KLU SGRUB KYI RE SHUL YIN, KHYOD LA 'BUL ZER BA CIG BYUNG STE, KLU SGRUB KYI LTA BA DE JI LTA BA BZHIN DU RTOGS SAM SEMS , BDEN GNYIS KYI DGONGS PA DE LON NAM SEMS GSUNG, STONG PA RTEN 'BREL DU SHAR TE RGYU 'BRAS KYI SHES BYA MA LUS PA MKHYEN PA YIN TE, ZHAL NAS, RGYU 'BRAS MA LUS PA MKHYEN PA SANGS RGYAS NYAG GCIG YIN, 'U CAG GIS KYANG RGYU 'BRAS THAMS CAD 'OL LE SHES PAR 'DUG STE, MO LONG GI NGOS LA SHAR BA BZHIN SNANG, BSNYON TOL GZUGS PA GANG NA'ANG MED GSUNGS, RGYAL SRAS KYI SPYOD PA LA SLOB BA LA GDENG THOB STE SEMS CAN RNAMS LA MA BU GCIG PA LA BRTZA

BA BZHIN DU BYAMS PAR MDZAD, KHYAD PAR MI CHEN 'OG TU LHUNG BA'AM, 'TSE ZHING SDIG PA GSOG PA LA SHIN TU BYAMS TE, GTZANG THOG GI GNAS BRTAN BTZUN CHUNG SHAD RIN CHEN SGANG PA LA SDIG BSAGS NA BZA' 'OD ZER NGAS SDIG GSOG PA LA ZAS NOR BYIN TE MI 'GYOD GSUNG, TING NGE 'DZIN SHIN TU BRTAN PA'I STOBS KYIS RDZU 'PHRUL GYI MNGON SHES THOB STE, GYE RE SGOM SHE DANG, DBON STON CHEN PO GNYIS 'GROGS NAS GZIM CHUNG DU BYON TZA NA LDE MIG MED PAS SGOM SHES LDE MIG BLANGS NAS 'ONG TZA NA NANG NA PHEBS 'DUG ,YANG NYE GNAS DAR MA 'OD KYIS SKAS THOG KHAR DRANGS NAS NYIM LA BSDAD TZA NA DBON STON RGYA MTHONGS LA BYON NAS, AA NA MA BAG MED PA'I SPYOD PA BYAS MI LA MA BSHAD GSUNG, YANG RI LA BYON PA CIG LA DPON STON SHUL NA BZHUGS, 'KHOR RNAMS KYIS MAR SNGON LA 'ONGS PAS LAM KHAR CHAR PA BTANG TZA NA DRIL BU SIL GYIS BYUNG BAS DBON STON GZIM CHUNG NA BZHUGS 'DUG ,LAN CIG KA GNYIS MA'I SKAS DE MED PA CIG LA RGYA MA THONGS KYI NA MKHA' LA SKAS LA GSHEGS PA BZHIN DU PHEBS PA RGYAL YES MTHONG, DE LA SOGS PA SA RDO RI BRAG LA THOGS RDUGS MI MNGA'O, ,LHA'I RNA BA'I MNGON SHES THOB STE, NGAS CHED DU GTAD NA 'DZAM BU GLING GI CHE BA 'BRUG GI SGRA NAS CHUNG BA SHIG SRO YAN CHAD KYI SGRA THOS PAR 'DUG GSUNG, GZHAN SEMS SHES PA'I MNGON SHES THOB STE GZHAN GYI YID LA DRAN PA RNAMS CAR PHOG TU MKHYEN TE, BYA SAR BZHUGS PA'I NUB MO ZHIG DA LTA RIN CHEN SGANG NA LHO PA'I

, ,SGOM CHEN GSUM 'U CHAG LA TSOD 'DZIN BYED CING MA MNYES PAR 'DUG GSUNG, DE RTING DU SGOM CHEN GSUM POS THOS PAS 'JIGS CHUM GYIS SONG ZER, LHA'I MIG GI MNGON SHES THOB STE, NGAS MNYAM PAR BZHAG STE BLTAS NA 'DZAM BU GLING GI GZUGS CAN GYI DNGOS PO RNAMS LA MI MTHONG BA MED, KHRI KHA NAS SHOD DU BLTA BA DANG KHYAD MED GSUNG, SGOM PA JO SRAS PAS SLOB DPON GYIS BRTAG PA MDZAD PA 'DI JI LTA BU ZHIG GIS GZIGS PA LAGS ZHUS PAS, 'DI NAS SHAR PHYOGS KYI 'JIG RTEN GYI KHAMS BLTA BAR BYA'O SNYAM DU 'PHEN PA BTANG NAS MNYAM PAR BZHAG PAS TING NGE 'DZIN GSAL BA LA BRTEN NAS ME LONG NANG GI GZUGS BRNYAN LA BLTA BA'I TSOD TZAM DU MTHONG BA YIN GSUNG, SNGON GNAS RJES DRAN GYI MNGON SHES THOB STE, GTZANG MA'I GNAS NAS SKU SKYE BA 'PHOS PA DRAN PA DANG, SKYE BA PHYI MA LA 'KHOR LOS SGYUR BA'I RGYAL BOR 'GYUR GSUNG STE, SNGON TSE GNAS GTZANG LHA NAS 'PHOS, ,DBUS SU MI LUS GTZANG MA BLANGS, ,RGYAL BA'I BSTAN LA RAB BYUNG NAS, ,LO GSUM 'DUL BA'I SDE SNOD BSLABS, ,BTZO BRGYAD SANGS RGYAS GNYIS PA BSTEN, ,MA 'ONGS 'KHOR LOS SGYUR BA BYED, ,CES BYA BA GSUNGS, 'O NA BYA YUL BA CHEN PO YIN PA'I GRAGS PA GDA' BA LAGS SAM ZHUS PAS, BYA YUL GYI BAG CHAGS KYANG MANG BAR 'DUG ,SNGA MA DE YIN ZHAD DU GDA' GSUNG, DGE BSHES DGYER SGOM CHEN PO'I 'BUM PA

'DI BZHENGS TZA NA NGA LA 'KHOR LOS SGYUR BA'I RGYAL BOR SKYE BA'I SNANG PA MANG PO BYUNG, 'BUM PA 'DI DE'I RGYU'I GTZO BO YIN GSUNG, DER 'KHOR LO DE GANG DU GDA' ZHUS PAS GSER GYI 'KHOR LOR SNANG, RGYAL SRID RIN CHEN SNA BDUN DANG, NYE BA'I RIN PO CHE SNA BDUN RNAMS GDA' GSUNG, BLA MA'I BYIN RLABS ZHUGS PAS DGE BSHES DGYER SGOM PA CHEN PO'I PHYI'I GDUNG RTEN DANG NANG GI GDUNG RTEN GNYIS LA SOGS PA'I MDZAD PA RLABS PO CHE THAMS CAD JI LTAR BZHED PA BZHIN DU GRUB, CHU TSAN LA GSHEGS DUS 'CHAD KHA BA CHEN PO'I ZHAL NAS, KHYOD KYIS 'GRO BA LA PHAN PA'I RTAGS KHYAD PAR CAN NGA LA BYUNG BAS THUGS GO CHA CHEN PO MDZAD 'TSAL GSUNG, YANG RIN CHEN SGANG NA BZHUGS DUS LHA MO SKUL BYED MA BYON NAS, RDO RJE SEMS DPA' SEMS CAN GYI DON LA GSHEGS SU GSOL ZHES GSOL BA BTAB PAS, DVAGS PO LHA SA SOGS G-YOR PO'I RGYAL KHAMS RNAMS BSKOR BAS PO TI RANG LA'ANG NYIS STONG DANG BZHI BCU RTZA GNYIS BYON, ZANG ZING GI DNGOS PO ZAD PA MED PA CIG BYUNG, DE LA BRTEN NAS GTZUG LAG KHANG GSAR MA BZHENG BAR BRTZAMS, GTZUG LAG KHANG NGE BYANG PHYOGS SU BRTZAM PA'I DUS SU GSOL BA CIG BTAB PAS RMI LAM DU NUB PHYOGS DE NA KHRI ZHIG GI STENG NA SPYAN SNGA RIN PO CHE, G-YAS NA MGON PO, G-YON NA DPAL LHA MO, CHOS SKYONG BA'I BSRUNG MA THAMS CAD 'TSOGS NAS 'DUG ,'DI BZHIN MDZAD DGOS GSUNGS NAS BSLAB BYA MANG DU MDZAD PA CIG RMIS, DE NAS CHU PHO STAG

, ,GI DPYID SA GA ZLA BA'I TSES BCU GSUM GYI GZA' SPEN PA DANG SKAR MA SBO LA RMANG BTINGS TE DBU RTZE KA CHEN BCU GNYIS, KHYAMS CHEN KA BA DRUG CU RTZA BZHI, MGON KHANG KA BA GNYIS RNAMS LO SKOR GCIG GI NANG DU GRUB PAR MDZAD DO, ,DE DUS DPON DAR MA RDO RJE NAGS SHOD LA SHING 'DREN DU RDZONG PA'I TSE GTOR CHEN ZHIG MDZAD PAS, DPAL LHA MO DE BONG BU LA CHIBS NAS MKHA' 'GRO MA'I 'KHOR GYIS BSKOR BA ZHAL GZIGS, RGYAS PA'I 'PHRIN LAS LA MNGA' BRNYES TE BYA SAR RAB GNAS LA GSHEGS PA'I DUS SU MI KUN NA RE, NA SO GZHON DRAGS PAS RAB GNAS CANG 'ONG NGAM ZER TE, MI TSE SGRUB PA LA BSGYAL BA RNAMS DANG 'U CAG GNYIS GSANG SNGAGS KYI BZLAS PA SKYOL BA GANG MANG CI CHA GSUNG, DE'I DUS SU STONG PAR MA'I SEMS CAN YIN ZER BA MANG PO LA LA 'GRO BA'I ZLA BO MED PAR 'DUG PAS NGAS LA DE LA BSGRAL, 'DI RNAMS PHYIR MI LDOG PAR GYUR CIG PA'I SMON LAM BTAB PA CIG RMI LAM DU BYUNG, SKYID SHOD NA BZHUGS PA'I DUS SU BYA YUL GYI LA KHA YIN NAM SNYAM BYED PA CIG NAS DUNG DKAR PO ZHIG BUS PAS 'DZAM BU'I GLING TZAM DU THOS PA CIG RMIS, 'UG CAG GI MING 'DI 'DZAM BU'I GLING TZAM DU THOS PA CIG 'ONG PAR 'DUG GSUNG, SKYID SHOD DU SKU KHAMS LTEM PA CIG GI DUS SU MGON PO TRAKA SHAD BYUNG NAS NGA RIN CHEN SGANG PA'I DPON STON 'DOD PA YIN ZER BA LA, NGAS TING NGE 'DZIN GYI DMIGS PA CIG GIS BCINGS PAS 'GUL MA NUS PAR DA KHYED KYI ZHABS TOG BYED

GTOR MA GCIG KYANG ZHU ZER BAS, DE NAS DAM LA BTAGS NAS BZHAG GSUNG, ZHANG TSAL PA'I LHA CHEN DPAL 'BAR LA'ANG BGEGS SKROD DANG RAB TU GNAS PA RI BO MAndAL GYI RTZE NAS MDZAD PAR GRAGS, GZHAN YANG RA SGRENG DANG BYA YUL GYI GTZUG LAG KHANG GI ZHIG GSOS DANG DGE 'DUN LA 'BUL NOD RGYA CHEN PO MDZAD, DE DUS JO BO 'JAM DPAL RDO RJES 'OD ZER GYI SNA LA CHOS GSUNG, RGYA MAR GTZUG LAG KHANG GI RTEN GTZOR DNGUL GYI GDUNG KHANG GIS THOG DRANGS PA'I SKU GSUNG THUGS KYI RTEN DPAG TU MED PA DANG BCAS PA LEGS PAR MDZAD DO, ,DE LTAR LAM LA SBYANGS PA MTHAR PHYIN PAR MDZAD PAS PHYIR MI LDOG PA'I RTAGS THOB STE, LAN CIG SGOM TSUL GYIS 'JAM DPAL RTZA BA'I RGYUD NAS SLOB DPON PA LUNG BSTAN PA CIG ZHUS PAS, SNGON 'U CAG 'DUL GRVA NA 'DUG TZA NA SLOB DPON KA BA DAR SENG GI ZHAL NAS, MDZOD SPU 'DI'I YOD LUGS KYIS NYID MDO NAS LUNG BSTAN PA CIG YOD NGES GSUNG BA LA, GANG NA MCHI ZHUS TE DUS DING SANG NI LUNG BSTAN 'ONG DGOS PA'I TSOD DU 'DUG ,'U CAG GIS KYANG SANGS RGYAS DGYES PA'I SPYOD BA BYAS PA YIN GSUNG, 'O NA LUNG BSTAN PA TSOD JI TZAM NAS MCHI BA LAGS ZHUS PAS, SA THOB NAS 'OD BA LAGS GSUNG, SLOB DPON BZANG MO BAS SPYAN SNGAR BYON PA CIG LA, DA NANG SANGS RGYAS THAMS CAD KYI THUGS KA NAS 'OD ZER DPAG TU MED PA 'PHROS NAS RJE BTZUN MA PHYAG BRGYAD SGROL MA LA PHOG ,SGROL MA'I THUGS KA NAS 'OD ZER DPAG TU MED PA 'PHROS

, ,PAS; RANG LA PHOG NAS NGA'I SKU LUS THAMS CAD 'OD KYIS KHYAB PA'I SNANG BA BYUNG GSUNG, DE BZANG MO BAS KHA CHEN PAn CHEN LA ZHUS PAS PAn CHEN GYI ZHAL NAS, SANGS RGYAS THAMS CAD KYIS 'OD ZER GYIS DBANG BSKUR BA BYA BA SA BCU PA THOB PA'I RTAGS YIN GSUNG, DE DBON STON CHEN PO LA BLA MA PAn CHEN 'DI SKAD GSUNG ZHUS PAS, NGAS MTHONG LAM TZAM LAS MA THOB SNYAM PA YIN TE RTAGS RNAMS DANG BSTUN NA SGOM LAM YANG RDZOGS PA'I RIGS SU SNANG GSUNG, LAN CIG ZHUGS ME LA BZHUGS DUS GCIG LA SGOM TSUL GYIS, SLOB DPON PA'I PHYAG ZHABS LA 'KHOR LO RTZIBS BRGYAD GDA' BA LA MU KHYUD PHYI MA 'DI MA 'BYAR TZAM DU GDA' BA JI LTAR LAGS ZHUS PAS, GSAL LA RDZOGS PA SANGS RGYAS KYI MTSAN YIN 'KHOR LOS SGYUR BA'I RGYAL BO DANG, SA LA GNAS PA'I BYANG CHUB SEMS DPA' GNYIS LA 'DI BZHIN DU BAG MA RDZOGS TZAM 'ONG BA YIN GSUNG, SMIN MTSAMS NA MDZOD SPU 'THEN NA SOR BZHI YOD PA, BZHAG NA G-YAS SU 'KHYIL BA, ZHABS MTHIL LA BKRA SHIS RTAGS BRGYAD KYI RI MO, PHYAG LA KA KHA SUM CU'I RI MO YOD PA THAMS CAD LA MTHUN SNANG DU YOD, SKU KHAMS LTEM BA CIG LA BZANG MO BAS MAN LA BSRUNGS PAS, DE'I DUS SU SLOB DPON PAS YI DAM GYI LHA JI TZAM ZHIG ZHAL GZIGS, THUGS DAM GYI MTHIL GANG LA MDZAD GSUNGS BAR ZHU ZHUS PAS, NGAS ZHAL BLTA BAR 'DOD NA SKAD CIG RE RE LA YANG

SANGS RGYAS BYANG SEMS NYI ZER GYI RDUL TZAM LTAR YOD, 'O SGOL GYI BKA' RGYUD 'DI'I DBANG DU BYAS NAS YI DAM GYI LHA ZHAL GZIGS PA DANG, MNGON PAR SHES PA THUGS DAM GYI GTZO BOR MI BYED, BYANG CHUB KYI SEMS KYIS KUN NAS BSLANG BA'I ZUNG 'JUG SGYU MA LTA BU LA THUGS DAM GYI MTHIL BYED PA YIN GSUNG NGO, ,SANGS RGYAS DBON STON 'DI NI PHYIR MI LDOG PA'I SEMS DPA' LUNG BSTAN THOB PA ZHIG YIN PA NI KHA CHE PAn CHEN GYI RNAM THAR LAS SHES TE, SING GA GLING NA DGRA BCOM PA CIG BZHUGS PA DES KHA CHE'I PAndI TA SH'AKYA SHR'I'I GCUNG PO LA ME TOG BZHI ZA MA TOG TU BCUG NAS, DGRA BCOM PA DE'I ZHAL NAS, ME TOG 'DI RNAMS KHYOD KYI PHU BO DE BOD DU 'GRO BAR SNANG BAS DE LA BSKUR LA, GCIG 'BRI ZHES BYA BA'I SA PHYOGS NA SLOB DPON KLU SGRUB BYANG CHUB SEMS DPA' RIN CHEN DPAL ZHES BYA BAR SKYE BA BLANGS NAS YOD BDE LA SPROD, GCIG RATNA KU tI ZHES BYA BA'I GTZUG LAG KHANG NA BYANG CHUB SEMS DPA' SKAL LDAN SHING RTA'I SKYE BA YOD PA DE LA SPROD, GCIG DVI BHA GI ZHiG YOD PA DE LA SPROD, GCIG DVI BHA GI DES LHA CHEN PO ZHIG BZHENGS PA DE'I THUGS KAR ZHOG ,CES GSUNGS PA BZHIN DU KHA CHE'I PAndI TAS KYANG DE BZHIN DU SO SOR SPRAD DO, ,YANG DBON STON RIN PO CHES BSAM YAS SU CHOS 'KHOR MDZAD PA CIG GI DUS SU, KHA CHE PAn CHEN GYIS DE RING BSKAL BZANG SANGS RGYAS STONG GI YA GYAL SKAL LDAN SHING RTA BYA BA MJAL DGOS BAR 'DUG GI ,DGE SBYOR GYI THUN MYUR DU GYIS

, ,SHIG BYA BA'I SGRA ZHIG THOS, DE'I RJES DE MA THAG TU RIN CHEN SGANG PA MJAL KHA ZHU BAR SLEBS ZHES 'BYUNG NGO, ,DE LTAR 'GRO BA'I MGON PO DBON STON RIN PO CHES DGUNG LO BDUN CU RTZA GSUM CHUN CHAD DU SANGS RGYAS KYI BSTAN PA RIN PO CHE LEGS PAR BSKYANGS DBU RU BYANG PHYOGS KYI BKA' GDAMS KYI BSTAN PA'I BDAG PO MDZAD, DGE BSHES STON PA'I DGONGS BA BSGRUBS, BSAM GYIS MI KHYAB PA'I 'PHRIN LAS KYI MDZAD PA DU MAS 'GRO BA RANG RANG GI MOS PA MTHA' DAG TSIM BAR MDZAD NAS, SNYIGS MA'I SEMS CAN LA THUGS SKYO BA MI MNGA' YANG 'PHRIN LAS KYI THA MA DE NYID KYIS SEMS CAN GYI DON DU 'GYUR BA DANG, ZHING KHAMS GZHAN DAG TU 'GRO BA'I DON RLABS CHE BAR DGONGS NAS, GNAM LO RTA'I LO 'GO NAS SLOB DPON N'A GA BO DHI 'DI SKAD GSUNG, DGE BSHES CHEN PO 'DI SKAD GSUNG, DA NI ZHING KHAMS GZHAN ZHIG TU BYED DGOS BA 'DRA, ZHES BYA BA LA SOGS PA SKYO BA BSKYED PA'I CHOS MANG DU GSUNGS, DBYAR TSUL NANG DU'ANG LAN CIG 'DI SKAD GSUNG, 'U CAG DGE BSHES CHEN PO'I DGUNG LO'I TSAD TZAM DU SDOD SEMS PA YIN TE DA TSOD RAN PA 'DRA, 'U CAG LTA BU MED NA DBU RU BYANG PHYOGS KYI BSTAN PA LA KHA'I NA BUN BZHIN DU YAL NAS 'GRO BA 'DI LA BAG TSER TZAM DU SNANG, GZHAN TSER BA MED GSUNG, DE NAS LCAGS PHO RTA'I LO DGUN ZLA 'BRING PO MGO ZLA BA'I TSES GNYIS KYI DGONGS MO SPYAN SNGAR PHAG SHES

RAB DBANG PHYUG BYUNG BA LA, KHYOD KYIS STON MO JI TZAM NA BYED GSUNG BAS, TSES BCU GSUM LA SGRUB RTZIS LAGS ZHUS PAS, 'U CAG LA YANG DUS THUG PA 'DRA BA YOD PAS GNANGS TSES BZHI'I NYIN MO CI 'GRUB GYIS GSUNG, DE NAS TSES GSUM GYI DGONGS MO GZIM CHUD DU BYON NAS, 'U CAG GIS LO NYI SHU RTZA LNGA LA 'DUL BA'I BSHAD PA BYAS, SUM CU RTZA GSUM LA GDAN SAR BTON, SUM CU RTZA BZHI LA DGE BSHES DGYER SGROM PA CHEN PO BDE BAR GSHEGS, SUM CU RTZA LNGA'I NGO LA BKA' GDAMS KYI BSHAD PA BYAS NAS NYI MA DE RING PHAN CHAD LA CI PHAN CI BZOD BYAS PA YIN, DGE BSHES CHEN PO'I THUGS DGONGS KYANG MA LUS PAR BSKANGS PA YIN, DA NI RI BRAG GAM DBEN PA CIG TU SNYEG SNYING 'DOD, DGE BSHES CHEN PO DE 'DA' BA'I DUS SU BSNYUN NAD LA SOGS PA'I TSAN MA MA BYUNG, 'U CAG LA YANG MI 'ONG, STON PA'I NAD 'DI KUN 'OD MI THAR BA YIN TE, DE SNGA PHAN CHAD YAGS RAB 'ONG DU RE BA YIN PA LA DKYEL CHE BAR SNANG, 'U CAG GI BKA' RGYUD 'DI BYIN RLABS CHE BA YIN GYI, NGA DANG DGE BSHES CHEN PO GNYIS DRAN PAR GYIS BYA BA ZHAL CHEMS KYI TSUL DU GSUNGS, DE NAS GRAL TSES BZHI'I NYIN BAR RIN CHEN GRAGS KYI DGE RTZA NAS BZUNG STE; 'BAR RDZOGS LA SOGS BAR MI RTAG PA'I CHOS MANG DU GSUNGS, DE NAS NYI MA MA RGAS TZAM DE LA RGYA MAR BYON, RGYUN GTOR MDZAD BA'I RJES LA, SKYIL KRUNG LAM ME MDZAD NAS TSES BZHI'I SROD 'KHOR RJES DE LA DGONGS PA MYA

, ,NGAN LAS 'DA' BA'I TSUL BSTAN, SLOB DPON STON PAS GSOL BA BTAB PAS SKU MDANGS DE SNGAR BAS KYANG GZI BRJID CHER SONG, DE NAS ZHAG BZHI'I BAR DU MCHOD PA RGYAS PAR BYAS, ZHAG LNGA'I NYIN PAR TSOGS PA LA SPUR GYI ZHAL BSTAN, ZHAG DRUG GI NYIN PAR GDUNG GI ZHABS TOG BYAS, ZHAG BDUN GYI DGONGS MO MCHOD KHANG CHEN MO'I RNGA KHANG DU SKU GDUNG GDAN DRANGS TE DAD LDAN THAMS CAD KYIS MCHOD PA RGYA CHER PHUL TE SMON LAM BTAB BO, ,BDAG NYID CHEN PO 'DI LA SPYIR CHOS THOB PA'I SLOB MA BSAM GYIS MI KHYAB PA BYUNG ZHING LAM RIM GYI KHRID SPEL NUS PA'I BSTAN 'DZIN DAM PA'ANG MANG DU BYON LA, BKA' GDAMS GDAMS NGAG PA'I MAN NGAG LTAR GYI SKYES BU GSUM GYI LAM GYI RIM PA RGYA CHER SPEL BA'I SLOB MA'I GTZO BO NI LHO BRAG MKHAN CHEN NAM MKHA' RGYAL PO'O, ,MKHAN CHEN NAM MKHA' RGYAL POS MKHAN CHEN SENG GE BZANG PO LA GNANG, DES MKHAN CHEN RGYAL SRAS BZANG PO LA GNANG, DES LHO BRAG GRUB CHEN NAM MKHA' RGYAL MTSAN LA GNANG NGO, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SPRUL PA'I SKYES MCHOG SANGS RGYAS DBON STON RIN PO CHER GSOL BA 'DEBS SHING BDAG NYID CHEN PO 'DI'I RNAM THAR LTAR BSHES GNYEN BSTEN TSUL NAS BZUNG, ZHI LHAG ZUNG 'BREL GYI BAR SKYES BU GSUM GYI LAM GYI RIM PA LA SGO GSUM BRTZON PA CHIG SGRIL DU BLO SBYANGS NAS MYONG BA THON NGES SHIG

BYA BA LA 'BAD PAR BYA'O,, ` ,,DAM PAS BYIN BRLABS NAM MKHA' RGYAL PO DANG, ZHES BSNGAGS PA, MKHAN CHEN NAM MKHA' RGYAL PO NI SHUD PHU BA'I RIGS SU MKHAN CHEN NAM MKHA' SENG GE'I GCUNG BO'I SRAS SU 'KHRUNGS, GZHON NU'I DUS NAS RIGS RGYUD DANG KHYIM GYI LONGS SPYOD GANG LA'ANG MA CHAGS PAR KHU BO MKHAN CHEN NAM MKHA' SENG GE'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, MKHAN CHEN MTSO SNA BA DANG, MON GRAB SOGS DGE BA'I BSHES GNYEN MANG PO'I ZHABS LA GTUGS TE, 'DUL BA DANG, MNGON PA MDZOD DANG, BYAMS CHOS RNAMS DANG DBU MA'I GZHUNG RNAMS LA SBYANGS BA MTHAR PHYIN BAR MDZAD, SANGS RGYAS DBON STON GYI ZHABS LA GTUGS TE BKA' GDAMS GDAMS NGAG PA'I BYANG CHUB LAM GYI RIM PA'I KHRID LEGS BAR GSAN TE THUGS LA CHUNG PAR MDZAD, SLAR YANG KHU BO MKHAN CHEN NAM MKHA' SENG GE'I DRUNG DU BKA' GDAMS GZHUNG PA'I BSHAD SROL LTAR GYI BYANG CHUB LAM GYI RIM PA'I KHRID GSAN NAS THUGS NYAMS SU BZHES TE MKHAN CHEN 'DI LA BKA' GDAMS GZHUNG PA DANG GDAMS NGAG PA'I BSHAD SROL GNYIS KA MNGA' BAS BRGYUD PA'I CHU BO GNYIS 'DRAS ZHES BSNGAGS SO, ,DE NAS RJE BTZUN SGROL MAS LHO MON PHYOGS SU LAM GYI RIM PA'I 'PHRIN LAS 'PHEL BAR LUNG BSTAN PA BZHIN LAM RIM GYI KHRID RGYA CHER GNANG BAS BSTAN 'DZIN MANG DU

, ,BYON ZHING RGYUD 'DZIN GYI GTZO BO NI RANG GI DBON SRAS MKHAN CHEN SENG GE BZANG PO'O, ,BDAG NYID CHEN PO 'DI LA THUB PA DAM TSIG GSUM BKOD DANG RJE BTZUN SGROL MA DANG MI G-YO BA DANG, BDE MCHOG LA SOGS PA LHAG BA'I LHA MANG POS ZHAL BSTAN CING GSUNG GI GNANG BA STZAL, PHYI RABS KYIS GDUL BYA RNAMS KYI DON DU BSTAN BCOS KYANG MANG DU MDZAD DO, ,DE LTAR BSTAN 'GRO'I DON RGYA CHE MDZAD NAS RJE BTZUN SGROL MAS LUNG BSTAN PA LTAR SKU'I BKOD PA BSDUS NAS BDE BA CAN DU GSHEGS SO, ,BDAG NYID CHEN PO 'DI LA 'BROM RIN PO CHE NAS DGE BSHES PO TO BA LA BRGYUD BA DANG, 'BROM RIN PO CHE NAS DGE BA'I BSHES GNYEN SPYAN SNGA BA LA BRGYUD PA'I MAN NGAG GNYIS KA MNGA' ZHING, BLA MA RNAMS KYIS BYIN GYIS BRLABS PA'I BKA' BAB CHE BAS NA RJE THAMS CAD MKHYEN PAS KYANG, DAM PAS BYIN BRLABS NAM MKHA' RGYAL PO ZHES BSNGAGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN NAM MKHA' RGYAL PO LA GSOL BA 'DEBS SHING, DNGOS GRUB THAMS CAD KYI RTZA BA BLA MA DAM PA'I BYIN RLABS THOB BAR BYAS LA BYANG CHUB LAM RIM SGOM PA LA 'BAD PAR BYA'O,, ` ,,'JIG RTEN CHOS BRGYAD SPANGS PA'I SENG GE BZANG, ZHES BSNGAGS PA, MKHAN CHEN SENG GE BZANG BO NI SHUD PHU BA'I BRGYUD DU MKHAN CHEN NAM MKHA' RGYAL PO'I DBON SRAS SU 'KHRUNGS, SNGON

GYI BAG CHAGS BZANG PO'I MTHUS DGUNG LO BDUN LON DUS 'DOD PA'I YON TAN GANG LA'ANG MA CHAGS PAR SUS KYANG MTHONG TSOR MED PAR PHUG PA ZHIG TU PHEBS TE, KHAMS ZAS RAGS PA LA MI BLTOS PAR RDE'U GSOL NAS SGRUB PA KHO NA MDZAD BAS LHAG PA'I LHA MANG POS BYIN GYIS BRLABS SHING NYAMS RTOGS KHYAD PAR CAN SKYES, DGUNG LO NYI SHU RTZA BRGYAD PA LA MKHAN CHEN NAM MKHA' RGYAL PO'I DRUNG DU RAB TU BYUNG STE 'DUL BA'I KUN SPYOD RNAMS LEGS PAR BSLABS, ZHANG YE SHES MDZES KYI DRUNG DU 'DUL BA MDO RTZA BA LA THUGS SBYONG MDZAD, DE NAS MKHAN CHEN NAM MKHA' RGYAL PO'I DRUNG DU BYANG CHUB LAM GYI RIM PA'I KHRID GSAN NAS THUGS NYAMS SU BZHES TE GDENG THOB PAR MDZAD, MKHAN CHEN NAM MKHA' RGYAL PO ZHING GSHEGS NAS GDAN SAR PHEBS TE GZHI GSUM GYI PHYAG LEN SOGS 'DUL BA'I BSLAB BYA PHRA RAGS THAMS CAD LA DAG TER MDZAD, GLA BO DGON GSAR GYI CHOS SDE GSAR DU BTZUGS, 'DUL 'DZIN MTSO SNA BA CHEN PO SBYAN DRANGS DGE 'DUN MANG DU TSOGS PA LA CHOS 'KHOR BSKOR BA SOGS BSTAN PA'I BYA BA RGYA CHER MDZAD DO, ,BDAG NYID CHEN PO 'DIS 'DOD YON LA CHAGS BA SPANGS TE, DKA' THUB GYI SGO NAS SGRUB PA RGYUN RING DU MDZAD BAS NYAMS RTOGS KHYAD PAR CAN BRNYES BAS NA RJE THAMS CAD MKHYEN BAS KYANG, 'JIG RTEN CHOS BRGYAD SPANGS PA'I SENG GE BZANG, ,ZHES BSNGAGS SO, ,DE LTAR BSTAN PA LA BYA BA RGYA CHER MDZAD NAS SKU'I BKOD PA BSDU BA'I TSE LCANG LO CAN DU

, ,'GRO GSUNGS NAS ZHING GSHEGS TE, DE'I TSE ME TOG SNGON PO'I CHAR BABS PA SOGS NGO MTSAR BA'I LTAS BYUNG NGO, ,BDAG NYID CHEN PO 'DIS SKAL BA DANG LDAN PA MANG PO LA LAM RIM GYI KHRID GNANG BAS SLOB MA MANG DU BYUNG YANG RGYUD 'DZIN GYI GTZO BO NI MKHAN CHEN RGYAL SRAS BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN SENG GE BZANG PO LA GSOL BA 'DEBS SHING DAM PA 'DI'I RNAM THAR LTAR 'DOD YON LA CHAGS PA'I DBANG DU MA SONG BAR SBYANGS PA'I YON TAN LA GNAS NAS BYANG CHUB LAM GYI RIM PA SGOM PA LA BRTZON PA LHUR BYA'O,, ` ,,RGYAL SRAS BZANG PO ZHES BSNGAGS PA, MKHAN CHEN RGYAL SRAS BZANG PO NI, NGO MTSAR BA'I LTAS DANG BCAS SHUNG PHU BA'I RIGS SU SKU 'KHRUNGS, KHYIM GYI 'DU 'DZI LA MA CHAGS PAR NGES 'BYUNG GI BSAM PAS RGYUD BSKUL TE, DGUNG LO BCU GCIG PA LA MKHAN CHEN SENG GE BZANG PO'I DRUNG DU RAB TU BYUNG, 'DUL 'DZIN MTSO SNA BA DANG DGE BA'I BSHES GNYEN MON GRA PA SOGS DAM PA MANG PO'I ZHABS LA GTUGS TE, DKA' CHEN BZHI LA SBYANGS PA MTHAR PHYIN PAR MDZAD NAS DGUNG LO BCO LNGA LON PA'I TSE 'DUL BA'I BSHAD PA'ANG MDZAD, MKHAN CHEN SENG GE BZANG PO'I DRUNG DU BYANG CHUB LAM GYI RIM PA'I KHRID DANG LAM RIM GYI MAN NGAG SPYOD 'JUG LA SOGS PA BKA' GDAMS KYI CHOS RNAMS GSAN, THUGS RJE CHEN PO'I CHOS SKOR RNAMS

KYANG YONGS SU RDZOGS PAR GSAN NAS LAM THUN MONG BA DANG THUN MONG MA YIN PA'I LAM GYI RIM PA RNAMS LA MYONG BA THON PAR MDZAD, SGRO BA DGON PA'I GDAN SAR PHEBS TE SKU GSUNG THUGS RTEN MANG DU BZHENGS, MON GRA PA CHEN PO DGE 'DUN GYI SDE MANG PO DANG BCAS SPYAN DRANGS TE CHOS 'KHOR BTZUGS, LHO BRAG GRUB CHEN SOGS SKAL BA DANG LDAN PA MANG PO LA LAM GYI RIM PA'I KHRID DANG BKA' GDAMS KYI CHOS RNAMS RGYAS PAR GNANG, DE NAS LHO BRAG GRUB CHEN NAM MKHA' RGYAL MTSAN LA LUGS GNYIS KYI ZHAL TA LEGS PAR GNANG NAS NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, LHO BRAG PHYOGS SU BKA' GDMAS KYI BSTAN PA YUN RING DU GNAS PA'I RTEN 'BREL DU SKU GDUNG RIL POR SGOR BA DGON BA'I GSER 'BUM GYI NANG DU BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAN CHEN RGYAL SRAS BZANG PO LA GSOL BA 'DEBS SHING DAM PA 'DI'I RNAM THAR LTAR LAM MA NOR BAR STON PA'I BSHES GNYEN DAM BA TSUL BZHIN DU BSTEN NAS SKYES BU GSUM GYI LAM GYI RIM PA BSGOM PA LA BRTZON PAR BYA'O,, ` ,,BYANG CHUB THUGS KYIS 'GRO KUN BU BZHIN GZIGS, ,LHAG PA'I LHA YIS RJES BZUNG BYIN GYIS BRLABS, ,SNYIGS DUS 'GRO BA 'DREN PA'I BSHES GNYEN MCHOG ,NAM MKHA' RGYAL MTSAN ZHABS LA GSOL BA 'DEBS, ,ZHES BSNGAGS BA LHO BRAG MKHAN CHEN NAM MKHA' RGYAL MTSAN NI

, ,YAB SLOB DPON NAM MKHA' BZANG PO DANG, YUM RIN CHEN RGYAN CES BYA BA'I SRAS SU ME PHO STAG GI LO LA SHUD PHU'I RIGS SU SKU BLTAMS, 'KHRUNGS TZAM NYID NAS SAm SKRI TA'I SKAD DU DE BZHIN GSHEGS PA'I MTSAN BRJOD PA SOGS SMRA SHES SHING, BSAMS BZHIN DU BYON PA'I SPRUL PA ZHIG YIN PA'I RTAGS BSTAN, DGUNG LO GNYIS PA LA SNGON GYI SKYE BA DRAN PA'I STOBS KYIS GTOR MA GTONG BA'I LAD MO MDZAD, LO GSUM PA'I DUS SU LHAG PA'I LHA MANG PO'I ZHAL MTHONG BA BYUNG, DGUNG LO BDUN PA LA KHU BO MKHAN CHEN RGYAL SRAS PA LA DGE BSNYEN GYI SDOM PA MNOS, KHYIM GYI 'DU 'DZI LA MA CHAGS PAR NGES 'BYUNG GI BSAM PA SHUGS DRAG POS BSKUL TE MKHAN CHEN RGYAL SRAS BZANG PO'I DRUNG DU RAB TU BYUNG ZHING DGE TSUL GYI SDOM PA BZHES, THUGS RJE CHEN PO'I CHOS SKOR RNAMS GSAN, DE'I TSE BUD MED PADMA'I PHOR PA NA 'O THUG GI TSOD MA KHYER BA BZHIS 'DI SKAD DU, SKYE RGA NA 'CHI'I SNANG TSUL 'DI, ,THOS PAS YI MUG SKYE 'GYUR NA, ,NGAN SONG SDUG BSNGAL BZOD DKA' BAS, ,GZHAN PHAN BYANG SEMS BDUD RTZI THUNGS, ,ZHES GSUNGS NAS PAD PHOR GYI 'O MA DE BYIN NAS SHAR PHYOGS KYI NAM MKHA' LA BZHUNG, DE NAS SPYAN RAS GZIGS KYI BSNYEN PA MANG DU MDZAD, LO BCU PA LA KHU BO'I DRUNG DU SNE'U ZUR PA NAS BRGYUD PA DANG BYA YUL BA NAS BRGYUD PA'I LAM RIM DANG THUGS RJE CHEN PO DANG MI G-YO BA RTA MGRIN LHA BZHI SGROL MA NYER GCIG LA SOGS

PA'I CHOS SKOR MANG DU ZHUS, RTAGS KHYAD PAR CAN YANG MANG DU BYUNG, LO BCU GSUM PA'I KEG LA DGE SBYOR NYIN MTSAN YENGS PA MED PAR MDZAD, NU MO SGRO BA DGON PA'I 'BUM PA LA SKOR BRA MDZAD PAS SKU LUS LAS 'ONG 'PHRO BA RGYANG RING PO NA GNAS PA'I SKYE BO DAG GIS KYANG MTHONG NAS 'BUM PA LA MES SKOR BA BYED KYI 'DUG ZER BA BYUNG, DGUNG LO BCO LNGA PA LA 'DUL BA'I SLOB GNYER MDZAD, BCU BDUN PA LA 'CHAD NYAN MTSON RE MDZAD KYANG THUGS LA LUNG STONG ZHIG TU SGOM SGRUB 'BA' ZHIG MDZAD DGONGS PA BYUNG GSUNG, LO BCU DGU'I DUS LHA SAR JO BO MJAL DU BYON NAS NYIN MTSAN GNYIS KA SKOR BA MANG DU MDZAD, NUB GCIG RA MO CHE'I KHYAMS SU BZHUGS PAS LCAGS SGO DE PHYE NAS MI NAG PO 'JIGS SU RUNG BA DAR NAG GI GOS GYON PA CIG BYUNG NAS, KHYOD NI LAS KYI RDO RJE BDE LDAN ZHES BYA BA YIN NO, ,DA RIN CHEN SGANG DU SONGS LA 'JAM DBYANGS KYI SPRUL PA GCIG DANG MJAL NAS 'ONG GI GSUNG BA BYUNG, MI NAG PO DE MGON BO GRI GUG YIN PAR 'DUG GSUNG, DE NAS RIN CHEN SGANG DU BYON, RIN PO CHE BKRAS RGYAL BA'I DRUNG DU BSNYEN PAR RDZOGS, LAM RIM BLO SBYONG SEMS BSKYED KYI CHOS SKOR DANG GZHAN YANG GSANG SNGAGS KYI SGRUB LUGS MANG DU GSAN, DE'I TSE RIN PO CHE'I ZHAL NAS KHYOD KYIS YI DAM GANG LA BYAS, RAB TU BYUNG NAS LO DU SONG, SLOB GNYER GANG LA BYAS, KHYED LA CHOS PA AA THO BA CIG

, ,'ONG BAR 'DUG GSUNGS NAS MNYES PA'I ZHAL TA MANG DU GNANG, DE NAS RI ZANGS RDOG PA'I DRUNG DU BYON TE 'DUL BA RGYA CHER 'GREL, KARMA SHA TAM, NYI KHRI SNANG BA, BSLAB PA KUN LAS BTUS, JO BO'I CHOS CHUNG BRGYA RTZA, NYI MA SBAS PA'I SGROL MA NYER GCIG GI LAS TSOGS SOGS CHOS MANG DU GSAN, DE NAS LHO BRAG TU PHEBS TE CHE SAR BTON, DE NAS LO NYER GNYIS LON PA'I TSE KHYE'U DKAR PO ZHIG BYUNG NAS, KHYOD LA TSE SNGON GYI RNAM SMIN YOD PAS BYANG CHUB LTUNG BSHAGS KYI SGRUB PA GYIS ZER NAS 'JA' BZHIN YAL, DE NAS LTUNG BSHAGS KYI SGRUB PA LA ZHUGS THUN RE LA PHYAG BDUN BRGYA RE'I DAM BCA' MDZAD, NUB GCIG GI RMI LAM DU BTZUN CHUNG LO BRGYAD PA'I NA TSOD TZAM PA SUM CU RTZA LNGA BYON NAS, SDUG BSNGAL RGYA MTSOR BYING BA'I GZHI CHEN PO, ,CHAGS DANG SDANG BA'I NGAN RTOG SNA TSOGS 'DI, ,NGO BO RANG BZHIN MED PAR RTOGS PA NA, ,SPANG BLANGS RGYU RKYEN MED PA CHOS KYI SKU, ,ZHES PA LA SOGS PA'I CHOS TSIGS BCAD RE RE GSUNGS NAS NAM MKHA' LA BZHUD PA RMIS, THUGS DAM SHIN TU 'PHEL TE KHAMS 'DUS SHIG YOD BA ZHI ZHING BYANG CHUB KYI SEMS DANG SNYING RJE BCOS MA MA YIN PA RGYUD LA SKYES NAS NYIN MTSAN 'PHRO MI CHOD PA BYUNG GSUNG, DGUNG LO NYER GSUM LON DUS SGRO BA DGON PAR ZLA BA DRUG MTSAMS BCAD NAS 'JAM DPAL DANG DON ZHAGS LA GSOL BA BTAB, NYER LNGA LON DUS BLA MA BDE BA'I 'BYUNG GNAS KHAR CHUR BYON PA LA CHOS MANG DU GSAN, YANG DE'I

LO MKHAN CHEN RGYAL SRAS PAS MON GRVA PA GDAN DRANGS TE CHOS 'KHOR CHEN MO MDZAD, MON GRVA PA LA PHYAG RDOR KHYUNG LNGA'I DBANG LUNG DANG BLO SBYONG TSIG BRGYAD MA SOGS CHOS MANG DU GSAN, DGUNG LO SUM CU RTZA GCIG LON DUS RGYAL SRAS PA ZHING GZHAN DU GSHEGS PA'I DGONGS RDZOGS LA GSER SKU CHEN PO BZHENGS, PHYOGS DE'I SER SKYA TSANG MAS GDAN SA MDZAD DGOS PAR GSOL BA BTAB STE SGRO BA DGON PA'I CHOS KYI KHRI LA PHEBS, DE'I TSE GSANG BDAG GI ZHAL NAS, LAS KYI RDO RJE; KHA YI CHOS KYIS 'TSANG MI RGYA, ,GSHOG MED BYA YIS 'PHUR MI NUS, ,SMIG RGYU'I CHU YIS SKOM MI SEL, ,RGYA MTSOR SKOM RIR MI 'CHI 'TSAL, ,KHU BO MEE TRI 'DI SKAD GSUNG, ,DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,ZHES SOGS SEMS BSKYED NYI SHU RTZA GNYIS KYI GDAMS PA GNANG, DGUNG LO BZHI BCU BZHES DUS GSANG BDAG LA ZHUS PAS, SDOM PA GSUM GYI NYES LTUNG DANG DAM TSIG NYAMS CHAGS SBYONG BA'I THABS GSANG BA BSAM GYIS MI KHYAB PA'I GDAMS PA ZAB MO GSUNGS, PHYIS YI GER 'DEBS PAR MDZAD DO, ,DGUNG LO ZHE GNYIS PA'I DUS GSANG BDAG GI ZHAL NAS, LAS KYI RDO RJE, BLA MA LA MOS GUS MA THOB BAR YI DAM LHA'I ZHAL MTHONG ZER BA DANG NYAMS RTOGS BZANG PO SKYES ZER BA RDZUN YIN, 'CHI BA SNYING NAS MA DRAN PAR 'JIG RTEN BLOS BTANG ZER BA DANG, LAS RGYU 'BRAS LA YID CHES MED PAR SDIG PA MA BYAS ZER BA DANG, PHAN SEMS RDUL TZAM MED PAR BYAMS PA SNYING RJE RGYUD LA SKYES ZER BA DANG,

, ,KUN RDZOB KYI CHOS THAMS CAD BDEN MED DU MA RTOGS PAR STONG BA NYID RTOGS ZER BA RNAMS RDZUN YIN, CHOS GSHA' MA CIG BYED NA GZHI DAD PA GAL CHE GSUNG, DAD PA SKYE BA'I RGYU GANG LAGS ZHUS PAS BLA MA SANGS RGYAS LTA BU BSTEN NA DAD PA SKYE, 'CHI BA MI RTAG BA DRAN NA DAD PA SKYE, MCHED GROGS DAD PA CAN DANG 'GROGS NA DAD PA SKYE, 'KHOR BA'I NYES DMIGS DRAN NA DAD PA SKYE, ZHES PA LA SOGS PA'I GDAMS PA MANG DU GSUNGS SO, ,YANG LAN CIG BRAM ZE CHEN PO SA RA HA YIN ZER BA GRUB THOB CIG DANG MJAL, DES RDO RJE'I LUS KYI GNAS LUGS RGYAS PA CIG GSUNGS, DGUNG LO RE GCIG BZHES DUS LI YUL YIN ZER BA'I LUNG PA GSUM GSHIB 'DUG PA'I DBUS MA DE'I DKYIL STOD NA PHO BRANG CHEN PO ZHIG 'DUG ,PHO BRANG DE NA SU BZHUGS PA YIN DRIS PAS JO BO 'DI PAm KA RA SHR'I DZNY'A NA BZHUGS PA YIN GSUNG, JO BO DE DANG MJAL BA ZHIG BYUNG NA SNYAM NAS GSOL BA 'DEBS KYIN PHYIN PAS JO BO CHEN PO ZHAL RAS DKAR LA SKU BONG CHE BA PAn ZHVA DMAR PO GSOL BA CIG BZHUGS 'DUG ,THUGS RJES GZUNG DU GSOL ZHES GSOL BA BTAB PAS JO BO RJES GDAMS PA MANG DU STZAL LO, ,DGUNG LO BDUN CU BZHES DUS 'JAG DKAR DU RDO RJE RNAM 'JOMS KYI DBANG BYAS PA'I THO RANGS YI DAM LHA'I LUNG BSTAN LA, BCOM LDAN 'DAS MGON PO BYAMS PA'I SPRUL PA CIG GI GSUNG YIG KHYER BA'I MI BZHI 'ONG BAR YOD GSUNG BA BYUNG, SANG DE MI BZHI BYUNG, DGE BA'I BSHES GNYEN BLO BZANG GRAGS

PA'I GSUNG YIG YIN PAR 'DUG ,KHONG GI LO RGYUS RNAMS THOS PA NA SNGON GYI DPON SLOB KYI 'BREL PAS YID SPRO BA CIG BYUNG GSUNG, DE NAS NUB GCIG RMI LAM DU DGE BSHES BLO BZANG GRAGS PAS SANGS RGYAS RAB BDUN SPYAN DRANGS YOD ZER BA'I SKAD LHANG BA CIG BYUNG, DE DANG BDAG MJAL NA DGA' BA LA SNYAM TZA NA, 'JA' TSON SNA LNGA'I STENG NA TSUR SANGS RGYAS BDUN PO DGUNG LO BCU GNYIS PA'I NA TSONG LTA BU GTZUG TOR KRONG DE YOD PA BYON BYUNG BAS, GNYID SANG DE BLTAS PAS YUN RANG DU BZHUGS 'DUG ,DE DUS KHONG RDZING PHYI'I MCHOD KHANG LA RAB GNAS MDZAD KYIN YOD PAR 'DUG GSUNG, YANG LAN CIG BU MO DKAR MO ZHIG NA RE, BYAMS PAS BYIN GYIS BRLABS PA'I GANG ZAG 'JAM PA'I DBYANGS DANG GNYIS SU MED PA LHA MO DBYANGS CAN MAS RIGS PA STER BAR BYED PA CIG DANG SKYE BA BCO LNGA'I GONG NAS 'BREL BA ZHIG 'ONG BAR YOD BAS, DE LA CHOS BKA' LA BSRIS MA 'JUG PAR BYIN, PHAR LA'ANG CHOS ZHUS ZER BA ZHIG BYUNG GSUNG, YANG LAN CIG MGON PO BYAMS PA 'BYON KYIN YOD ZER BA'I SKAD LHANG BA CIG BYUNG, DE DUS CHOS RJE DKA' BZHI BRGYA MO RI 'PHRENG LA PHEBS PA'I TSOD DU 'DUG ,SANGS RGYAS KYIS CHOS 'KHOR BSKOR BA'I DUS DRUG PA'I TSES BZHI'I NYIN SGRO BA DGON PAR PHEBS PA LA, BSU BA LA THEGS PAS RJE BTZUN 'JAM DBYANGS PHEBS BYUNG BAR GZIGS, RJE BTZUN TZONG KHA PAS BDAG PHYAG NA RDO RJER DNGOS SU GZIGS 'DUG GSUNG, DE'I NUB MO RJE RIN PO CHE LA BLA MA'I RNAL 'BYOR ZHIG PHOG BAS, PHYAG NA RDO RJE BYON NAS RJE RIN PO CHE LA

, ,THIM SONG GSUNG, DE NAS TSES BCO LNGA'I THO RANGS SHIG BYAMS PA NYID LA BSLAB BTUS ZHUS ZER BA ZHIG BYUNG, DE NAS RJE BTZUN TZONG KHA PA LA BSLAB BTUS GSUNG BAR ZHUS PAS, RJE BTZUN TZONG KHA PAS GSUNGS NAS YI DAM LHA DE SKAD GSUNG NGAM GSUNG NAS BSLAB BTUS GSUNGS, DE DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DBUNG PA G-YAS NA 'JAM DKAR, G-YON NA DBYANGS CAN MA, CHOS SKYONG DANG MKHA' 'GRO MANG POS BSKOR ZHING, LHA 'DRE MANG PO'ANG CHOS NYAN KYIN 'DUG BAS MOS GUS THUN MONG MA YIN BA SKYES ZHES GSUNG, SO SOR 'BRANG MA'I DBANG DANG SEMS BSKYED KYANG GSAN, RJE TZONG KHA PA LA BDAG GIS CHOS BKA' MA LUS PA RDZOGS PAR PHUL, RJE TZONG KHA PA'I 'KHOR BLA MA 'JAM DKAR BA SOGS PHUN SUM TSOGS PA RNAMS LA'ANG CHOS LUNG MANG DU BYAS, DPON SLOB THAMS CAD LA DAD PA THOB, DE'I STOBS KYIS KHO BO LA'ANG YON TAN BAG RE SKYES PA BYUNG, BDAG GIS CHOS BSTAN PA'I DUS SU RJE TZONG KHA PA'I GZIGS SNANG LA NGA'I MGO THOG TU SH'AKYA THUB PA, G-YAS SU PHYAG NA RDO RJE, G-YON DU GDUNGS DKAR CAN RNAMS BZHUGS 'DUG PA GZIGS 'DUG GSUNG, DE LTAR LHO BRAG GRUB CHEN NAM MKHA' RGYAL MTSAN ZHES MTSAN YONGS SU GRAGS PA'I BDAG NYID CHEN PO 'DIS DGE BSHES STON PA NAS DGON PA BA, DE NAS SNE'U ZUR PA SOGS LA BRGYUD PA'I LAM RIM DANG, DGE BSHES STON PA NAS SPYAN SNGA BA,

DE NAS BYA YUL BA SOGS LA RIM GYIS BRGYUD PA'I LAM RIM STE BYANG CHUB LAM GYI RIM PA BRGYUD PA'I CHU BO GNYIS 'DRES KYI MAN NGAG RNAMS RANG GIS THUGS NYAMS SU BZHES NAS RTOGS PA MCHOG THOB CING SKAL BA DANG LDAN PA GZHAN DAG LA'ANG RGYA CHER SPEL BAS BRGYUD PA'I SROL 'DZIN JI LTAR BYUNG BA NI YI DAM GSANG BA'I BDAG PO'I LUNG BSTAN LAS, DAD PA THOB PA 'BUM TSO GCIG ,NGES PAR GROL BA LNGA BCU STE, ,RTZOD MED GRUB THOB BRGYAD DU NGES, ,'GRAN GYI DO MED BLO BZANG YIN, ,ZHES GSUNGS PA LTAR BSTAN 'DZIN DAM PA MANG DU BYON ZHING, 'PHRIN LAS RGYA CHER SPEL BA GANGS RI'I KHROD NA 'GRAN PA'I ZLA THAMS CAD DANG BRAL BA NI RJE BTZUN CHOS KYI RGYAL PO TZONG KHA PA CHEN PO'O, ,DE LTAR LHO BRAG GRUB CHEN NAM MKHA' RGYAL MTSAN GYIS BSTAN PA DANG 'GRO BA'I DON RGYA CHER MDZAD NAS SKU TSE 'DI'I DNGOS KYI GDUL BYA RNAMS RDZOGS PA NA, DGUNG LO BDUN CU DON DRUG TU PHEBS PA LCAGS MO SBRUL GYI LO NGO MTSAR BA'I LTAS BSAM GYIS MI KHYAB PA DANG BCAS ZHI BAR GSHEGS, SKU GDUNG ZHUGS LA PHUL BAS LHA SKU RANG BYUNG DANG RING BSREL KHRI KHRAG MANG PO PHEBS TE SKU GDUNG RING BSREL GYIS KYANG GDUL BYA MTHA' YAS PA'I BSOD NAMS KYI ZHING MDZAD DO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS BLA MA PHYAG RDOR BA ZHES KYANG GRAGS, GRUB CHEN LAS KYI RDO RJE ZHES KYANG GRAGS, LHO BRAG MKHAN CHEN ZHES KYANG GRAGS PA MKHAN CHEN NAM MKHA' RGYAL MTSAN LA GSOL BA 'DEBS SHING, BDAG NYID

, ,CHEN PO 'DI'I RNAM THAR LTAR BLA MA DANG LHAG PA'I LHA DBYER MA MCHIS PA LA GSOL BA 'DEBS SHING, RGYAL BA'I BKA' DANG DGONGS 'GREL MA LUS PA'I DON GCIG TU BSDUS PA'I MAN NGAG BYANG CHUB LAM GYI RIM BA SGOM PA LA SKYES BU'I RTZAL CI YOD KYIS 'BAD PAR BYA'O,, ` ,,DMIGS MED BRTZE BA'I GTER CHEN SPYAN RAS GZIGS, ,DRI MED MKHYEN PA'I DBANG PO 'JAM PA'I DBYANGS, ,BDUD DPUNG MA LUS 'JOMS MDZAD GSANG BA'I BDAG ,GANGS CAN MKHAS PA'I GTZUG RGYAN TZONG KHA PA, ,BLO BZANG GRAGS PA'I ZHABS LA GSOL BA 'DEBS, ,ZHES BSNGAGS PA SNYIGS MA'I DUS SU GANGS RI'I KHROD 'DIR RGYAL BA'I BSTAN PA SPEL BA LA MKHYEN BRTZE NUS GSUM GANG GI THAD NAS KYANG 'GRAN PA'I ZLA DANG BRAL BA RIGS GSUM MGON PO DANG MTSUNGS SHING, RGYAL BSTAN YONGS RDZOGS 'DZIN CING SPEL BA LA RGYAL BA RANG NYID SLAR BYON PA LTA BUR GYUR PA RJE BTZUN CHOS KYI RGYAL PO TZONG KHA PA CHEN PO NI, SNGON BSKAL PA BRJOD KYIS MI LANG BA'I YANG BRJOD KYIS MI LANG BA'I DUS NAS BYANG CHUB MCHOG TU THUGS BSKYED DE RGYAL BA GRANGS MED PA MCHOD CING BSNYEN BKUR, TSOGS GNYIS YONGS SU RDZOGS TE STOBS BCU DANG, MI 'JIGS PA BZHI DANG, MA 'DRES PA'I CHOS BCO BRGYAD LA SOGS PA SANGS RGYAS KYI YON TAN THAMS CAD YONG SU RDZOGS NAS NAM MKHA'I MTHAS KLAS PA'I ZHING KHAMS RAB 'BYAMS THAMS CAD DU GDUL BYA RNAMS KYI KHAMS DANG BSAM PA DANG

BAG LA NYAL DANG MTHUN PAR SANGS RGYAS KYI MDZAD PAS 'DUL BAR 'OS PA RNAMS LA SANGS RGYAS KYI MDZAD PA STON, BYANG CHUB SEMS DPA'I GZUGS KYIS 'DUL BAR 'OS PA RNAMS LA BYANG CHUB SEMS DPA'I GZUGS STON, NYAN RANG GIS 'DUL BAR 'OS PA RNAMS LA NYAN THOS DANG RANG SANGS RGYAS KYI GZUGS SU STON, RGYAL POS 'DUL BAR 'OS PA RNAMS LA RGYAL PO'I GZUGS SU STON, THA MAL PA'I GZUGS KYIS 'DUL BAR 'OS PA RNAMS LA GDUL BYA RANG RANG DANG SKAL BA MNYAM PA'I THA MAL PA'I GZUGS STON CING, GANG LA GANG 'TSAMS KYI SPRUL PAS 'GRO BA RNAMS SMIN CING GROL BAR MDZAD PA LA 'BAD RTZOL DANG RNAM RTOG MI MNGA' BAR LHUN GYIS GRUB PA'I 'PHRIN LAS KYIS KHYAB PAR MDZAD CING BZHUGS PA LAS MI MJED 'JIG RTEN GYI ZHING 'DIR STON PA THUB PA'I DBANG POS SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS KYI 'KHOR LO BSKOR BAR MDZAD PA 'DI NYID SANGS RGYAS KYI MDZAD PA THAMS CAD KYI NANG NAS RAB DANG PHUL DANG MCHOG DANG GONG NA MED PAR GZIGS NAS MDO SNGAGS YONGS SU RDZOGS PA'I BSTAN PA 'DI NYID BYANG PHYOGS GANGS RI'I LJONGS 'DIR CHES CHER GSAL PAR MDZAD PHYIR BSAMS BZHIN DU BYON PA ZHIG GO ;RJE BTZUN TZONG KHA PA CHEN PO 'DI NYID RGYAL BA'I MDO SNGAGS KYI BSTAN PA YONGS SU RDZOGS PA SPEL BA'I PHYIR BSAM BZHIN BYON PA GANG GIS SHES SNYAM NA, DE NI RGYAL BA'I BKA' LUNG TSAD MA DPANG POR GYUR PA LAS SHES TE,

, ,SKYOB PA NYID GZIGS LAM GSUNG BA, ,'BRAS MED PHYIR NA RDZUN MI GSUNG, ,ZHES GSUNGS PA LTAR STON PA THUB PA'I DBANG PO DUS GSUM GYI SHES BYA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS SHING, RANG GI YE SHES SGRIB PA MED PAS JI LTAR GZIGS PA DE KHO NA LTAR GSUNG BA LAS RDZUN GSUNG BA RNAM PA KUN TU MI SRID PAR BDEN PA GSUNG BA'I BKA' MDO DANG SNGAGS KYI LUNG MANG PO DANG SNGON GYI SKYES BU DAM PA MANG PO'I GSUNG TSAD MA DAG LAS SHES TE, DE YANG RJE BLA MA 'DI NYID GANGS RI'I LJONGS 'DIR RGYAL BSTAN SPEL BA'I PHYIR DU 'BYON PAR MDO LAS LUNG BSTAN TSUL NI, MDO SDE GDAMS NGAG 'BOGS PA'I RGYAL PO'I BSTAN PA DVANGS SNYIGS 'BYED PA'I LE'U LAS, KUN DGA' BO, DA LTA NGA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,MA 'ONGS SNYIGS MA'I DUS SU NI, ,'BRI DANG LDAN GYI SA MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA, ,DBU RGYAN 'BUL ZHING MCHOD PA BYED, , STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU,

SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES RJE BLA MA TZONG KHA PA CHEN PO MDZAD PA RNAM THAR DANG BCAS PA GSAL BAR LUNG BSTAN TO, ,RJE BLA MA 'DI SNGON SANGS RGYAS ZHAL BZHUGS PA'I DUS SU BRAM ZE'I KHYE'UR 'KHRUNGS PA BYANG CHUB SEMS DPA' MOS PA'I BLO GROS ZHES BYA BAS KHRID NAS STON PA THUB PA'I DBANG PO RDO RJE GDAN DU BZHUGS PA DANG MJAL TE, SHEL DKAR PO'I 'PHRENG BA DRI MA MED PA BRGYA RTZA GCIG PHUL NAS BYANG CHUB TU THUGS BSKYED CING, RGYAL BA MYA NGAN LAS 'DAS PA'I 'OG TU BSTAN BA NYAMS PA LA PHYOGS PA'I TSE BYANG PHYOGS GANGS RI'I KHROD DU SPYIR THUB PA'I BSTAN PA YONGS SU RDZOGS PA GSAL BAR BYED PA DANG, LHAG PAR BSTAN PA'I SNYING PO ZAB MO DBU MA'I LTA BA RNAM PAR DAG PA RGYAL BA RANG NYID KYI DGONGS PA BZHIN DU CHES CHER RGYAS PAR BYED NUS PA'I SMON LAM BTAB PA NA DE KHO NA LTAR 'GRUB BO ZHES LUNG STON PA LA KUN DGA' BO, DA LTA BA LA SHEL DKAR GYI, ,PHRENG BA STER BA'I KHYE'U 'DI, ,NGA YI BSTAN PA'I GSO BYED LA, ,ZHES SOGS GSUNGS, DE LTAR LUNG BSTAN PA DE YANG RJE BTZUN BLA MA TZONG KHA PA CHEN PO 'DI NYID KHO NA LA GO BA'I PHYIR BZHUGS GNAS DANG MTSAN GSAL BAR LUNG BSTAN PA NI, MA 'ONGS SNYIGS MA'I DUS SU NI, ,'BRI DANG LDAN GYIS MTSAMS SU, ,DGE ZHES BYA BA'I DGON PA 'DEBS, ,BLO BZANG ZHES BYA'I MING CAN 'BYUNG, ,ZHES 'BRI KHUNG DANG

, ,SKYID SHOD LDAN GYI MTSAMS SU DGE LDAN ZHES BYA BA'I DGON PA 'DEBS PA DANG, DE'I RJES 'JUG RNAMS LA'ANG DGE LUGS PA ZHES ZER BA 'BYUNG BA DANG, MTSAN BLO BZANG GRAGS PA ZHES BRJOD PA 'BYUNG BAR GSAL BAR LUNG BSTAN, RJE 'DI'I MDZAD PA RNAM THAR LUNG STON PA LA, 'KHOR NI RNAM MANG BSDU BAR BYED, ,CHOS SPYOD BCU YI RGYUN 'DZUGS SHING, ,LHA KHANG KA BA SHING LO CAN, ,NGA YI GZUGS SKU RNAM GNYIS LA; ;DBU RGYAN 'BUL ZHING MCHOD PA BYED, ,STON PA'I MDO BZHIN GSUNG SGROG CING, ,SNYAN PA'I DBYANGS KYIS GSOL BA 'DEBS, ,ZHES GSUNGS TE, RJE BDAG NYID CHEN PO KHA BA CAN GYI LJONGS 'DIR BYON NAS GDUL BYA 'DUL BA'I DUS LA BAB PA NA, RJE BTZUN SPYAN RAS GZIGS DANG RJE BTZUN GSANG BA'I BDAG PO LA SOGS PA PHYOGS BCU'I ZHING NAS RGYAL SRAS MTHU CHEN MANG PO ZHIG RJE 'DI'I BSTAN PA SPEL BA'I GROGS SU BYON TE, DBANG PHYUG DANG, STOBS DANG, LONGS SPYOD KYIS 'KHOR DBANG MED DU BSDUS PA MA YIN PAR SKAD CIG NYID LA NUB PHYOGS DZA LANDHA RA NAS SHAR PHYOGS RGYA MTSO CHEN PO LA THUG GI BAR RJE BLA MA'I 'KHOR THUB BSTAN YONGS RDZOGS 'DZIN PA'I BSHES GNYEN CHEN PO DAG GIS KHYAB STE RNAM PAR DKAR BA'I CHOS KYI 'PHRIN LAS KYIS SA CHEN PO'I KHYON 'DI YONGS SU GANG BA MCHOG DMAN BAR MA KUN GYI MIG LA SNANG BA 'DI RGYAL BAS LUNG BSTAN PA LTAR MNGON SUM

DU GRUB PA YIN LA, GANGS RI'I KHROD 'DIR THUB PA'I BSTAN PA YUN RING DU GNAS PA'I RTEN 'BREL BSGRIG PHYIR CHOS RGYAL SRONG BTZAN SGAM POS SPRUL PA'I BZO BO MTHA' YAS PA SPRUL TE BZHENGS PA LHA LDAN SPRUL PA'I GTZUG LAG KHANG; GANG DU BKA' CHEMS GTER DU SBAS PA'I KA BA SHING LO CAN ZHES BYA BA YOD PA'I LHA KHANG GI RTEN GYI GTZO BO STON PA'I SKU GZUGS BSTAN PA 'DI LA STON PA RANG NYID DNGOS SU BZHUGS PA DANG MTSUNGS PAR BYIN RLABS CAN DU GRAGS PA JO BO SH'AKYA MU NE DANG, MI BSKYOD RDO RJE GNYIS LA DBU RGYAN 'BUL ZHING CHO 'PHRUL GYI MCHOD PA RGYA CHEN PO BLA NA MED PA BYED PA DANG, DE'I DUS SU DGE 'DUN KHRI KHRAG BRGAL BA 'TSAGS TE GSOL BA 'DEBS PA RNAMS GSAL BAR LUNG BSTAN, DE LTAR MDZAD PA'I MTHUS THUB PA'I BSTAN PA NYAMS PA GSOS TE LO STONG GI BAR DU 'PHEL ZHING GNAS PA DANG, RJE 'DI NYID MA 'ONGS PA NA NGO MTSAR RMAD BYUNG BKOD PA'I 'JIG RTEN DU RGYAL BA SENG GE'I NGA RO ZHES BYA BAR 'TSANG RGYA BAR 'GYUR BA DANG, RJE BLA MA 'DI LA DAD PA BYED PA RNAMS KYANG ZHING DER SKYE BAR 'GYUR RO ZHES STON PA LA, DE LA GSOL BA RAB 'DEBS NA, ,BSTAN PA LO STONG BAR DU GNAS, ,DE NAS 'PHOS NAS SHAR PHYOGS KYI, ,RMAD BYUNG BKOD PA'I 'JIG RTEN DU, ,SENG GE'I NGA RO ZHES BYAR 'GYUR, ,DE LA DAD BYED ZHING DER SKYE, ,ZHING MCHOG DE NI KHYAD PAR 'PHAGS, ,ZHES GSAL BAR GSUNGS SO, ,LHA MO DRI MA

, ,MED PAS ZHUS PA'I MDO LAS, BYANG PHYOGS GANGS RI'I RGYUD KYI SAR, ,DGE BA LDAN PA'I SA PHYOGS SU, ,DAM PA'I CHOS NI RGYAS PAR 'GYUR, ,ZHES RJE BLA MA 'DI NYID GANG DU 'BYON PA'I DGON GNAS GSAL BAR LUNG BSTAN TO, ,LANG KAR GSHEGS PA'I MDO LAS LUNG BSTAN PA NI, MDO DE NYID RGYA NAG TU 'GYUR BA LAS, BCOM LDAN 'DAS LA KLU'I RGYAL PO MA DROS PAS DUNG DKAR PO ZHIG PHUL BA MOO 'GAL GYI BU LA GNANG NAS 'DI KHYOD KYIS 'GOG PA'I RIR SBOS SHIG ,MA 'ONGS PA NA DGE SLONG PADMA'I DANG LDAN 'DIS GTER NAS 'DON PAS DE'I TSOGS DUNG DU 'GYUR GYI GTER BDAG SPRE'U'I GNAS BYED DO, ,ZHES RJE BDAG NYID CHEN PO 'DIS, 'GOG PA RI ZHES BYA BA 'BROG RI BO CHE DGA' LDAN GYI BYANG NGOS NAS DUNG GER NAS BZHES TE LHA SA SMON LAM CHEN MO'I TSOGS DUNG MDZAD, DE NAS 'JAM DBYANGS CHOS RJE LA GNANG STE 'BRAS SPUNGS SU RJE'I BSTAN PA CHES CHER 'PHEL BA'I RTEN 'BREL BSGRIG PAR MDZAD, THUGS SMON MDZAD PA LTAR GRUB STE DA LTA YANG 'DZAM BU'I GLING NA MDO SNGAGS KYI BSHAD SGRUB 'PHEL BA DANG, DGE 'DUN GRANGS MANG BAR BZHUGS SHING, GTER DUNG YANG KUN GYI MIG LA BLTAR YOD PA 'DI LTAR RO, ,RJE BTZUN 'JAM PA'I DBYANGS KYIS KYANG RJE RIN PO CHE NYID LA SPRUL PA'I GLEGS BAM CHEN MO GNANG DUS GTER DUNG 'DI'I LO RGYUS GSAL BAR GSUNGS PA GRUB

CHEN DBEN SA PAS LUNG BSTAN GSAL BA'I ME LONG YI GER BKOD PA DBEN SA BKA' 'BUM NA BZHUGS PA LTAR RO, ,RJE BLA MA 'DI NYID RGYUD NAS LUNG BSTAN TSUL NI, 'JAM DPAL RTZA RGYUD LAS, 'JIG RTEN NGA NI MYA NGAN 'DAS, SA YI STENG 'DI STONGS GYUR NA, ,KHYOD NYID BYIS PA'I GZUGS KYIS NI, ,SANGS RGYAS MDZAD PA BYED PAR 'GYUR, ,DE TSE DGON CHEN RAB DGA' BA, ,KHA BA CAN NANG YOD PA YIN, ,ZHES GSAL BAR LUNG BSTAN TE, DE YANG RGYAL BA MYA NGAN LAS 'DAS NAS 'GRO BA MGON SKYABS DANG BRAL BAR GYUR PA NA RJE BTZUN 'JAM PA'I DBYANGS BYIS PA STE THA MAL PA'I TSUL BZUNG NAS SEMS CAN GYI DON RGYA CHER MDZAD PA DANG, LHAG PAR BYANG PHYOGS KHA BA CAN DU DGA' LDAN ZHES BYA BA'I DGON PAR SANGS RGYAS KYI MDZAD PA BYED PA DANG, MTSAN YANG BLO BZANG GRAGS PA ZHES 'BYUNG BAR LUNG BSTAN, YANG 'JAM DPAL RTZA RGYUD LAS, BLO LDAN DANG POR YI GE MA, ,DE BZHIN SDOM BRTZON DAD PA 'BYUNG, ,RNAM PA DU MAR SDOM BRTZON GSUNGS, ,DE TSE MTHA' YAS 'BYUNG BAR 'GYUR, ,SDOM BRTZON THAMS CAD BSGRAGS PA YANG, ,STON PA'I BSTAN PA GSAL BAR BYED, ,BSTAN PA DE TSES STENG DU, ,RNAM PAR NYAMS SHING SNANG MED LA, ,STON PA'I GZUGS BRNYAN YID DU 'ONG, ,BYED PAR 'GYUR BAR THE TSOM MED, ,THAMS CAD BYANG CHUB LUNG BSTAN TE, ,NGA YI BYANG CHUB MCHOG THOB 'GYUR, ,DER NI 'JIG RTEN SBYIN GNAS 'GYUR, ,SRID

, ,PA GSUM GYI MTHAR YANG BYED, ,SNGAGS DANG RGYUD LA MNGON BRTZON PA'I, ,GRAGS PA 'DZIN PAR SHES PAR BYA, ,ZHES SHIN TU GSAL BAR LUNG BSTAN TE, YI GE MA ZHES PA NI, BLO BZANG GRAGS PA ZHES PA'I SAm SKRI TA'I SKAD KYI MING YIG DANG PO STE, BLO BZANG GRAGS PA ZHES PA'I SKAD DOD LA, MA TI BHA DRA KIRTI ZHES 'BYUNG NGO, ,DE YANG MA TI ZHES PA GZHAN DANG 'KHRUL GZHI MI 'BYUNG BA'I PHYIR RJE 'DI'I MDZAD CHEN BZHI'I YA GYAL CHO 'PHRUL MCHOD PA'I MDZAD PA JO BO LA DBU RGYAN PHUL TE YID 'ONG DU BYED PA DANG, DE'I TSE GDUL BYA BGRANG BA LAS 'DAS PA LA DGE BA'I RTZA BA BSKYED DE BYANG CHUB TU LUNG BSTAN PA THOB PAR 'GYUR BA DANG, DE LTA BU'I BSTAN PA 'DZIN PA'I BDAG NYID CHEN PO DE GRAGS PA'I MTSAN CAN ZHIG 'BYUNG NGO, ,ZHES GZHAN SU DANG YANG MI NOR BAR BYA BA'I PHYIR GSER BRTAG PA'I RDO KA ZHI PA LTAR LUNG BSTAN MDZAD DO, ,DE LTAR MDO RGYUD DU MA NAS LUNG BSTAN CING SNGON GYI SKYES BU DAM PA DU MAS KYANG BSTAN PA'I BDAG PO RJE BLA MA 'DI LTAR 'BYON PA LUNG BSTAN TE, CHOS RGYAL SRONG BTZAN SGAM POS, DE NAS KHYAD PAR BSNYEN BKUR CHER MDZAD PA, DGE SLONG BYANG SEMS SHAR PHYOGS SKU 'KHRUNGS PA, ,GSANG SNGAGS 'CHANG ZHING SKYES CHEN DAM PA NI, ,SNYING PO'I MTHA' RTEN RNAL 'BYOR CHEN PO DES, ,ZHAL YANG BSGYUR ZHING BSNYEN BKUR CHEN PO MDZAD, ,DE LA BSNYEN BKUR CHER BYED DE DAG NI, ,'PHAGS

PA'I GANG ZAG DGE SBYONG SHA STAG GO ,DE PHYIR DE DAG KUN LA GUS PA BSKYED, ,DE DAG CI PHYIR 'PHAGS PA YIN ZHE NA, ,SANGS RGYAS RNAMS LA MDZAD PA CHEN PO MDZAD, ,DE PHYIR DE DAG 'PHAGS PA'I GANG ZAG GO ,DE LTAR 'PHAGS PA'I GANG ZAG RNAMS 'BYUNG ZHING, ,'KHOR NI LEGS GNAS STON PA'I GSUNG RAB DANG, ,STON PA'I SKU GZUGS DNGOS SU BZHUGS PA DANG, ,RI BO YON TAN CAN YANG DE NA YOD, ,CES BDAG NYID CHEN PO 'DI 'KHRUNGS YUL DANG; ;DGE BSNYEN GYI SDOM PA BZHES PA'I MTSAN DANG, JO BO RNAM GNYIS LA DBU RGYAN 'BUL BA DANG, MCHOD PA RGYA CHEN PO MDZAD DE BSTAN PA RGYAS PAR MDZAD PA DANG, GSUNG LAS SKYES PA'I 'PHAGS PA'I GANG ZAG MTHA' YAS PA 'BYUNG ZHING STON PA'I BSTAN PA CHES CHER GSAL BAR MDZAD PA RNAMS GSAL BAR LUNG BSTAN TO, ,JO BO RJE DPAL LDAN AA TI SHA DANG 'BROM RIN PO CHE GNYIS KYIS YER PA LHA RI SNYING POR LO GSUM GYI BAR DU 'GRO BA MDZAD PA'I GSANG CHOS BKA' GDAMS GLEGS BAM LAS, BLA MA DRI MA MED PAS, BDAG KYANG GNAS DER LHA 'DRE 'DUL DU 'GRO ,ZHES SLOB DPON PADMA DANG, SPRUL PA GCIG NI RGYA GAR GNAS SU 'GRO ,ZHES JO BO CHEN PO DANG, SPRUL PA GCIG NI BAL PO'I MTHIL DU 'GRO, ,ZHES PAndI TA PADMA BADZRA DANG, SPRUL PA GCIG NI MDO KHAMS SMAD LA 'GRO ,ZHES MDO SMAD DU 'KHRUNGS PA 'JAM MGON BLA MA DANG, MAR ME MDZAD KYANG GNAS MCHOG 'DIR, ,SGROL MAR BCAS

, ,TE SPRUL STONG 'GYED, ,LHAG PAR CHAGS MED BSOD SNYOMS PAS, ,SNYAN PA'I DBYANGS KYIS GSOL BA 'DEBS, ,PHYOGS BZHI'I LAS CAN DBANG DU SDUD, ,NGA YI MCHOD TSOGS RGYAS PAR BYED, ,MAR ME MDZAD DANG BYAMS PA YANG, ,KHYOD KYI GROGS BZANG SPEL BAR BYED, ,RING POR MI THOGS GNAS MCHOG 'DIR, ,MCHOD TSOGS RGYA MTSO 'DU BAR 'GYUR, ,SPYAN RAS GZIGS DBANG BZANG POR SPRUL, ,ZHES DANG, GLEGS BAM PHA CHOS LAS, GRAGS DANG YANG GRAGS RIN CHEN GYI, ,GRAGS PA'I MTHA' BZANG DPAL DU GRAGS, ,BLO GROS SHES RAB GZHAN DU GSOL, ,GZHAN YANG GRAGS PA'I MTSAN RAB CAN, ,MANG POS 'GRO BA'I BDE SKYID BSKRUN, ZHES DANG; DE NYID LAS, BDAG GI SPRUL PA DAM PA CIG ,RES 'GA' DGE SLONG NYID DU SPRUL, ,DES NI GNAS DE SKYONG BAR BYED, ,RES 'GA' BYIS PA'I GZUGS SU 'ONG, ,RES 'GA' DBUL PHONGS SPRANG PO'I GZUGS, ,RES 'GA' BYOL SONG BYA KHYI'I GZUGS, ,RES 'GA' GSOL 'DEBS DBYANGS KYI GZUGS, ,RES 'GA' YIG 'BRU GZUNGS KYI GZUGS, ,GRAGS PA CAN NI DGE SLONG NGO, ,BSTAN GNAS BAR DU YANG YANG 'ONG, ,DE NI RGYUD PA NYID DANG MTSUNGS, ,KHRIMS LDAN DE YIS BYIN BRLABS SHING, ,SKYES BU GSUM NI DON GNYER BA'I, ,BYA BA MYONG BA BRGYA PHRAG TZAM, ,GNAS DER BSAM GTAN SGOM PAR BYED, ,CES DANG, LHA DANG BCAS PA'I MCHOD PA'I GNAS, ,

BKUR 'OS NYID DU NGES PAR 'GYUR, ,MDOR NA GNAS MCHOG DE DAG TU, ,DANG PO BZHI GRVA NAS BZUNG STE, ,THA MAR STONG PHRAG PHYED DANG GSUM, ,BSLAB PA GSUM LDAN SH'AKYA'I SRAS, ,'GRO BA KUN GYI MGON DU 'GYUR, ,GNAS DER PHYOGS DANG PHYOGS MTSAMS NAS, ,DGE 'DUN DPAG MED 'DU BAR 'GYUR, ,SPYIR YANG LAS CAN PHYOGS BCUR 'PHRO, ,PHYI YI RGYA MTSO DAG DANG MTSUNGS, ,CHU BO BRGYA YIS GANG MI NUS, ,CI TZAM ZHIG GIS DMA' MI NUS, ,ZHES DANG, YANG; THA MAR BSTAN PA'I ME RO DAG ,GRAGS PA'I MTSAN GYIS GSO BAR BYED, ,DU MA'I PHAN BDE SGRUB BYED PA'I, ,DE YANG GNAS MCHOG DAM PA YIN, ,ZHES RJE BDAG NYID CHEN PO 'KHOR DANG BCAS PA GSAL BAR LUNG BSTAN TO, ,RJE BTZUN 'JAM PA'I DBYANGS KYIS GRUB CHEN 'JAM DPAL RGYA MTSO LA GSUNGS PA'I LUNG BSTAN LAS KYANG, SNGON BSKAL PA GRANGS MED DPAG TU MED PA'I SNGA ROL TU, DE BZHIN GSHEGS PA DBANG PO'I TOG CES BYA BA 'JIG RTEN DU BYUNG STE, 'KHOR TSOGS RGYA MTSO'I DBUS SU THEG PA MCHOG TU GYUR PA RDO RJE THEG PA'I CHOS KYI 'KHOR LO BSKOR BAR MDZAD DO, ,DE'I TSE RJE BDAG NYID CHEN PO 'DI NYID RJE BTZUN 'JAM DPAL DBYANGS KYI SRAS KYI THU BO, GZUNGS DANG, SPOBS PA DANG, MNGON PAR SHES PA DANG, TING NGE 'DZIN DANG, BDEN GNYIS MNGON SUM DU GZIGS PA DAG BA'I YE SHES LA SOGS PA YON TAN BSAM GYIS MI KHYAB BA DANG

, ,LDAN PAR GYUR TO, ,DE NAS RJE BTZUN 'JAM DPAL DBYANGS 'KHOR DANG BCAS PA DE BZHIN GSHEGS PA DBANG PO'I TOG RDO RJE THEG PA'I CHOS 'KHOR BSKOR BA'I MDUN SAR GSHEGS SHING BZHUGS PA NA, BCOM LDAN 'DAS RGYAL BA DBANG PO'I TOG GIS TSANGS PA'I DBYANGS KYIS, BYANG CHUB SEMS DPA' GANG DAG MA DAG PA'I ZHING KHAMS GRANGS MED PA RNAMS SU ZAB MO DBU MA'I LAM DANG 'BREL BA'I RDO RJE THEG PA'I LAM BZANG LUS DANG SROG LA MI LTA BAR RGYAS PAR BYED PA DE NI, RGYAL SRAS RNAMS KYI RLABS CHEN SPYOD PA RGYA MTSO'I RAB DANG, PHUL DANG, MCHOG TU GYUR PA'O, ,ZHES SENG GE'I SGRA SGRAGS PA NA, BDAG NYID CHEN PO 'DI SNYING STOBS CHES CHER RGYAS PAS 'KHOR TSOGS RGYA MTSO'I DBUS SU BZHENGS TE ZHUM PA MED PA'I SGRA DBYANGS KYIS, DENG NAS BRTZAMS TE LUS DANG SROG LA MI LTA BAR MA DAG PA'I ZHING GRANGS MED PAR ZAB MO DBU MA'I LTA BA DANG 'BREL BA'I RDO RJE THEG PA'I LAM BZANG RGYAS PAR BYA'O ZHES DE BZHIN GSHEGS PA DBANG PO'I TOG SOGS PHYOGS BCU'I RGYAL BA SRAS BCAS DBANG DU BZHAG STE DAM BCAS SHING BDEN PA'I TSIG GI SGRA DBYANGS BSGRAGS SO, ,DE'I TSE DE BZHIN GSHEGS PA DBANG PO'I TOG SOGS PHYOGS BCU'I SANGS RGYAS THAMS CAD KYIS LEGS SO, ,KHYOD NI BYANG CHUB SEMS DPA' SNYING STOBS CHEN PO'O, ,ZHES DBUGS DBYUNG ZHING, DE NAS BZUNG STE SANGS RGYAS KYI ZHING THAMS CAD DU'ANG BDAG NYID CHEN PO 'DI'I MTSAN BYANG CHUB SEMS DPA' SNYING STOBS

CHEN POR GRAGS SO, ,DE NAS RGYAL BA DBANG PO'I TOG SKU LAS 'OD ZER GYI TSOGS BYE BA DPAG TU MED PA 'GYED CING ZHAL 'DZUM PA DANG LDAN PAS, KHYOD KYIS JI LTAR DAM BCAS PA BZHIN DU DENG NAS BZUNG STE MA DAG PA'I ZHING GRANGS MED PA RNAMS SU MDO SNGAGS KYI DAM CHOS RGYAS PAR BYAS TE, MTHAR GYIS NGO MTSAR RMAD BYUNG BKOD PA'I ZHING DU DE BZHIN GSHEGS PA SENG GE'I NGA RO ZHES BYA BA'I RDZOGS PA'I SANGS RGYAS SU 'GYUR RO ZHES LUNG BSTAN PAR MDZAD DO, ,YE SHES KYI MKHA' 'GRO MA MA CIG LAB KYI SGRON MAS GCOD GZHUNG CHEN MOR BSTAN PA'I 'PHEL 'GRIB LUNG BSTAN PA LAS, YUM GYIS DE LTA BU'I RGYAL KHRIMS DANG CHOS KHRIMS 'PHYUGS PA'I DUS SANGS RGYAS KYI BSTAN PA MUN NAG TU GLOG 'KHYUG PA LTA BU ZHIG 'BYUNG ZHES GSUNGS PA LA, BSOD NAMS RGYAN LA SOGS PA BU MO BZHIS, DE LTA BU'I BKA' DRIN CAN DE SU LAGS, ZHES SOGS MANG DU ZHUS PA'I LAN DU, BU MO KHYOD KYIS DRIS PA'I BYANG SEMS DE, ,MA 'ONGS BSKAL BZANG SANGS RGYAS BDUN PA YIN, ,DA LTA BYANG CHUB SEMS DPA' SNYING STOBS CHE, ,SNYIGS DUS LOG SPYOD BOD YUL BYUNG BA'I TSE, ,DGE SLONG TSUL 'DZIN GRAGS PA'I MTSAN THOGS TE, ,GANG GI ZHING DU SENG GE'I NGA ROR GRAGS, ,KHRIMS 'CHAL LOG SPYOD SPOBS PA ZIL GNON PAS, ,KHRIMS 'CHAL BAG MED YANG DAG KHRIMS LA SBYOR, ,THUB NYID SROL BTOD BSTAN PA'I PHYAG RTAGS 'DZIN, ,BSTAN PA GSAL BAR BYED PA'I DGE SLONG NGO, ,MTHA' YAS RGYUD SDE'I

, ,TSOGS LA DBANG BSGYUR ZHING, ,RGYUD SDE RGYA MTSO'I DGONGS PA'I BCUD PHYUNG NAS, ,GDUL BYAR GYUR PA'I SKAL LDAN TSIM PAR MDZAD, ,CES BDAG NYID CHEN PO 'DI SNYIGS MA'I DUS 'DIR BSAMS BZHIN DU BYON TE MDO SNGAGS KYI BSTAN PA YONGS SU RDZOGS PA CHES CHER SPEL BAR MDZAD PA GSAL BAR LUNG BSTAN TO, ,DE LTAR MDO RGYUD BSTAN BCOS MANG PO NAS LUNG BSTAN TSUL BRJOD PA DE DAG NI, RJE 'DI 'BYON PA'I DUS TSOD DANG, 'KHRUNGS YUL DANG, DGON GNAS DANG, MTSAN DANG, MDZAD PA RNAM THAR RNAMS 'DI DANG 'DI LTAR 'BYUNG NGO, ,ZHES GSAL BAR LUNG BSTAN PA 'GA' ZHIG BRJOD PA YIN GYI, DON GYIS LUNG BSTAN PA NI SHES RAB KYI PHA ROL TU PHYIN PA STONG PHRAG BRGYAD PA LAS, SHES RAB KYI PHA ROL TU PHYIN PA ZAB MO 'DI RGYAL BA RANG NYID MYA NGAN LAS 'DAS PA'I 'OG TU RGYA GAR LHO PHYOGS SU DAR BAR 'GYUR BA DANG, DE NAS RGYA GAR GYI BYANG PHYOGS KHA BA CAN 'DIR DAR BAR 'GYUR BA LUNG BSTAN TE, RGYA GAR LHO PHYOGS SU DAR BA NI RGYAL BA MYA NGAN LAS 'DAS NAS LO BZHI BRGYA TZAM SONG BA NA 'PHAGS PA KLU SGRUB 'JIG RTEN DU BYON TE SHER PHYIN GYI DON ZAB MO DBU MA'I LTA BA CHES CHER DAR BAR MDZAD PA'O, ,'PHAGS PA KLU SGRUB CES BYA BA DE YANG RJE BDAG NYID CHEN PO 'DI YIN TE, RJE 'DI NYID 'PHAGS PA KLU SGRUB DANG THUGS RGYUD GCIG PAR SNGON BYON PA'I DAM PA MANG POS GSUNGS SHING, DON DE LA

'JAM DBYANGS KHA CHES KYANG, N'A GA DZU NA'I RNAM 'PHRUL TZONG KHA PA, ZHES BSNGAGS SO, ,BYANG PHYOGS SU DAR BAR 'GYUR ZHES GSUNGS PA DE LA, 'DI LTA BU'I SHER PHYIN ZAB MO 'DI DUS KYI THA MA LA BYANG PHYOGS SU JI LTAR DAR BAR 'GYUR, SHER PHYIN ZAB MO 'DI 'DZIN PA MANG PO'AM NYUNG NGU JI LTA BU ZHIG 'BYUNG ZHES ZHUS PA NA BCOM LDAN 'DAS KYIS BKA' STZAL PA, SH'A RI'I BU BYANG GI YUL DANG BYANG GI PHYOGS KYI CHAR BYANG CHUB SEMS DPA' SEMS DPA' CHEN PO MANG ZHING SHIN TU MANG DU 'BYUNG BAR 'GYUR RO, ,SH'A RI'I BU DE DAG MANG MOD KYI MANG PO DE DAG LAS SHES RAB KYI PHA ROL TU PHYIN PA 'DI NYAN PA DANG 'DRI BA DANG 'DZIN PA DANG 'CHANG PA DANG KLOG PA DANG KUN CHUB PAR BYED PA DANG RAB TU 'DON PA DANG STON PA DANG NYE BAR STON PA DANG LUNG 'BOGS PA DANG KHA TON BYED PAR 'GYUR BA DANG DE BZHIN NYID DU SLOB PA DANG DE BZHIN NYID DU SGRUB PA DANG DE BZHIN NYID DU RNAL 'BYOR DU BYED PAR 'GYUR BA DANG SHES RAB KYI PHA ROL TU PHYIN PA 'DI BSHAD PA NA 'GOD BAR MI 'GYUR KUN TU ZHUM PAR MI 'GYUR BAG TSA BAR MI 'GYUR BAG 'KHUMS PAR MI 'GYUR YID PHYIR PHYOGS PAR MI 'GYUR DANG 'PAR MI 'GYUR KUN TU SKRAG PAR MI 'GYUR KUN TU SKRAG PA DANG LDAN PAR MI 'GYUR BA'I BYANG CHUB SEMS DPA' SEMS DPA' CHEN PO DE DAG NI CHES NYUNG BAR 'GYUR TE, BYANG CHUB SEMS DPA' SEMS DPA' CHEN PO DE DAG NI YUN RING PO NAS THEG PA LA YANG DAG PAR ZHUGS PAR RIG PAR BYA'O,,

, ,DE DAG NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI RJES SU 'BRANG ZHING YONGS SU DRIS PA DANG YONGS SU ZHUS PA DANG YONGS SU DRI BA BYAS SHING GANG ZAG BYANG CHUB SEMS DBA'I THEG PA CAN RIGS KYI BU 'AM RIGS KYI BU MO DE DAG GIS SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA MCHOD PA YIN NO, ,DE DAG NI TSUL KHRIMS YONGS SU RDZOGS PAR BYED PAR 'GYUR RO, ,DE DAG NI 'DI LTA STE BLA NA MED PAR YANG DAG PAR RDZOGS PA'I BYANG CHUB 'DI NYID LAS BRTZAMS TE SKYE BO MANG PO'I DON BYED PAR 'GYUR RO, ,DE CI'I PHYIR ZHE NA, DE NI 'DI LTAR RIGS KYI BU DANG RIGS KYI BU MO DE DAG LA NGA NYID KYIS THAMS CAD MKHYEN BA NYID DANG LDAN PA'I GTAM BYAS SO, ,DE DAG NI TSE RABS 'PHOS KYANG THAMS CAD MKHYEN PA NYID DANG LDAN PA DANG SHES RAB KYI PHA ROL TU PHYIN PA DANG LDAN PA 'DI NYID LA YANG DAG PAR SPYOD PAR 'GYUR RO, ,'DI LTA STE BLA NA MED PA YANG DAG PAR RDZOGS PA'I BYANG CHUB LAS BRTZAMS NAS DE NYID KYI GTAM BYED PAR 'GYUR DE NYID KYI GTAM LA MNGON PAR DGA' BAR 'GYUR RO, ,DE DAG LA LEGS PAR GNAS SHING SHES RAB KYI PHA ROL TU PHYIN PA 'DI LA MNYAM PAR BZHAG PAR 'GYUR TE BDUD KYIS KYANG DBYE BAR BYED MI NUS NA 'DI LTA STE SEMS CAN GZHAN DAG GIS 'DUN PA'AM SNGAGS KYI SGO NAS DBYE BA LTA CI SMOS, DE CI'I PHYIR ZHE NA,

DE NI 'DI LTAR BLA NA MED PA YANG DAG PAR RDZOGS PA'I BYANG CHUB TU MTHU BRTAN PA'I PHYIR RO, ,RIGS KYI BU DANG RIGS KYI BU MO DAG GIS DE THOS NAS SHES RAB KYI PHA ROL TU PHYIN PA 'DI LA DGA' BA DANG DANG BA DANG RAB TU DANG BA RGYA CHEN PO THOB PAR 'GYUR RO, ,DE DAG GIS NI 'DI LTA STE BLA NA MED PA YANG DAG BAR RDZOGS PA'I BYANG CHUB LA SKYE BO MANG PO DAG GIS DGE BA'I RTZA BA BSKYED PAR 'GYUR RO, ,DE CI'I PHYIR ZHE NA 'DI LTAR RIGS KYI BU DANG RIGS KYI BU MO DE DAG GIS NI NGA'I MNGON SUM DU TSIG 'DI SKAD DU, BYANG CHUB SEMS DPA'I SPYAD PA SPYOD PA NA BDAG GIS SROG CHAGS BRGYA PHRAG MANG PO DANG SROG CHAGS STONG PHRAG MANG PO DANG SROG CHAGS BRGYA STONG PHRAG MANG PO DANG SROG CHAGS BYE BA BRGYA PHRAG MANG PO DANG SROG CHAGS BYE BA STONG PHRAG MANG PO DANG SROG CHAGS BYED PA BRGYA STONG PHRAG MANG PO DANG SROG CHAGS BYE BA KHRAG KHRIG BRGYA STONG MANG PO RNAMS BLA NA MED BA YANG DAG PAR RDZOGS PA'I BYANG CHUB LA YANG DAG PAR BZHAG PAR BYA'O, ,YANG DAG PAR BSTAN PAR BYA'O, ,YANG DAG PAR 'GOD PAR BYA'O, ,YANG DAG PAR GZENGS BSTOD PAR BYA'O, ,YANG DAG PAR DGA' BA BSKYED PAR BYA'O, ,YANG DAG PAR RAB TU DBYE BAR BYA'O, ,RDZOGS PA'I BYANG CHUB LA GNAS PAR BYA'O, ,SLAR MI LDOG PAR BYA'O, ,ZHES SMRAS SO, ,ZHES LUNG BSTAN TE, ,'DIS RJE BDAG NYID CHEN PO JI LTAR LUNG BSTAN SNYAM NA ,BYANG PHYOGS GANGS RI'I LJONGS 'DIR SHER PHYIN ZAB MO 'DI 'DZIN CING KLOG PA MANG PO

, ,ZHIG 'BYUNG NA'ANG DON PHYIN CI MA LOG PAR RTOGS NAS RGYA CHER SPEL BAR BYED NUS PA NI NYUNG NGU LAS MI 'BYUNG BA DANG, DE LTAR STON NUS PA'I SEMS DPA' CHEN PO DE NI SNGON YUN RING PO NAS LAM LA SBYANGS PA BYAS PA TSOGS GNYIS MTHAR PHYIN PA GDUL BYA'I DON DU BSAM BZHIN DU BYON PA ZHIG 'BYUNG BA DANG, DE 'DRA BA'I SEMS DPA' CHEN PO DE RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS SHING SMON LAM BTAB PA YIN PAR GSUNGS PA 'DIS RJE BLA MA 'DI NYID LUNG BSTAN PA YIN PAR SHES TE, SHER PHYIN ZAB MO 'DI'I DON LA SBAS DON MNGON RTOGS KYI RIM PA DANG, DNGOS BSTAN STONG NYID KYI RIM PA GNYIS YOD CING, SBAS DON MNGON RTOGS KYI RIM PA BSHES GNYEN DAM PA TSUL BZHIN DU BSTEN NAS DANG POR THAR PA CHA MTHUN GYI DGE RTZA BSKYED, DE NAS SA LAM RIM GYIS BGROD TSUL DANG, MTHAR 'BRAS BU THOB NAS 'PHRIN LAS NYI SHU RTZA BDUN GYI SGO NAS GDUL BYA'I DON BYED TSUL GYI BAR LAM GYI GRANGS DANG GO RIM DANG NGO BO RNAMS RGYAL BA'I DGONGS PA SHING RTA CHEN POS BKRAL BA JI BZHIN DU MTHA' DAG PAR GTAN LA 'BEBS NUS BA DANG, JI LTAR GTAN LA PHAB PA'I DON RNAMS SKYES BU GSUM GYI LAM GYI RIM PAR BSDUS TE SKAL BA DANG LDAN PA'I GDUL BYA LAS DANG PO PA'I SA NAS SANGS RGYAS KYI SA'I BAR LA MTHAR GYIS KHRID BAR MDZAD PA

RJE BLA MA 'DI DANG MTSUNGS PA GANGS RI'I KHROD 'DIR SU YANG MA BYUNG BA DANG, DNGOS BSTAN STONG NYID KYI RIM PA LA'ANG SHER PHYIN GYI MDO'I DON 'PHAGS PA KLU SGRUB YAB SRAS KYIS JI LTAR BKRAL BA LTAR ZAB MO DBU MA'I LTA BA 'KHRUL PA'I DRI MA THAMS CAD DANG BRAL BA RIGS PA'I LAM NAS GTAN LA PHAB STE JI LTAR SGOM PA'I TSUL DANG, BSGOMS NAS SA LAM RIM GYIS BGROD DE 'BRAS BU CHOS SKU 'GRUB TSUL RNAMS MTHA' DAG PAR STON NUS PA RJE BLA MA 'DI DANG MTSUNGS BA BYANG PHYOGS 'DIR SU YANG MA BYUNG BAS NA RGYAL BAS BYANG PHYOGS SU SHER PHYIN GYI MDO SDE ZAB MO'I DON RGYAL BA RANG NYID KYI DGONGS PA LTAR STON NUS BA'I SEMS DPA' CHEN PO 'BYUNG NGO ZHES LUNG BSTAN PA DE RJE 'DI NYID LUNG BSTAN PAR 'OS MED KYIS 'GRUB PO, ,GZHAN YANG DE LTAR SHER PHYIN ZAB MO STON NUS PA'I SEMS DPA' CHEN PO DES RGYAL BA RANG NYID KYI SPYAN SNGAR SEMS BSKYED CING SHER PHYIN ZAB MO 'DI'I DON RGYA CHER SPEL BAR BYA'O ZHES DAM BCAS PA YIN PAR GSUNGS PA DES KYANG RJE BLA MA 'DI NYID LUNG BSTAN PA YIN PAR GSAL BAR GRUB STE RJE 'DIS SNGON STON PA THUB PA'I DBANG PO DANG THUGS RGYUD GCIG BA'I RGYAL BA DBANG PO'I TOG GI SPYAN SNGAR SNYIGS MA'I DUS SU ZAB MO DBU MA'I LTA BA RGYA CHER SPEL BAR DAM BCAS PA DANG, STON PA RDO RJE GDAN DU BZHUGS PA'I TSE SHEL DKAR PO'I PHRENG BA PHUL TE ZAB MO DBU MA'I LTA BA SPEL BAR THUGS BSKYED CING DAM BCAS PA SNGAR DRANGS ZIN PA LTAR RO, ,BDAG CAG GIS RJE

, ,BLA MA 'DI LTAR LUNG BSTAN TO ZHES BRJOD PA 'DI YANG RJE'I RJES 'JUG YIN PA RGYU MTSAN DU BYAS PA'I RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RGYAL BA'I DGONGS PA 'GREL BA LA RJE 'DI NYID DANG MTSUNGS PA GZHAN MED DO ZHES SMRAS PA DE NI SNANG RUNG MA DMIGS PA'I RTAGS YANG DAG PAS GRUB PA YIN NO, ,GZHAN YANG LHO BRAG GRUB CHEN LA GSANG BDAG PHYAG NA RDO RJES LUNG BSTAN BYUNG BA DANG, BLA MA DBU MA PA LA RJE BTZUN 'JAM DPAL DBYANGS KYIS LUNG BSTAN BYUNG BA SOGS LHAG PA'I LHA RNAMS KYIS LUNG BSTAN BA'I TSUL MANG DU YOD DE 'OG TU RIM BZHIN 'CHAD DO, ,DE LTAR MDO RGYUD BSTAN BCOS RNAMS NAS LUNG BSTAN PA LTAR, RJE BLA MA 'DI NYID GANG DU 'KHRUNGS PA'I YUL NI MDO KHAMS SMAD KYI SA'I CHA SHAR TZONG KHA ZHES GRAGS PA DE YIN LA ,DER JI LTAR 'KHRUNGS PA'I TSUL NI, ME PHO SPRE'U'I LO DGUN GYI DUS RJE 'DI'I YAB KYI MNAL LAM DU ,RGYA NAG RI BO RTZE LNGA NAS 'ONGS ZER BA'I BTZUN BA ME TOG GI PHRENG BA DU MA SBREL BA'I CHOS GOS DANG, SUM CU RTZA GSUM GYI SHING LO YIN ZER BA DAR SER PO 'DRA BA'I SHAM THABS CAN PO TI KHYER BA ZHIG BYUNG NAS, NGA KHYED LA GNAS SHIG G-YOR BA YIN ZER NAS MCHOD KHANG ZHIG YOD PA'I NANG DU SONG BA'I SNANG BA BYUNG, YUM GYI MNAL LAM DU YANG ME TOG GI THANG CHEN PO ZHIG TU BUD MED STONG PHRAG TZAM GRAL BYAS PA'I

NANG NA YUM RANG YANG BSDAD PAR, SHAR NAS KHYE'U DKAR PO BUM PA 'DZIN PA CIG DANG, NUB NAS BU MO DMAR MO RMA BYA'I SGRO MDONGS SDER MA TZAM YOD PA CIG LAG PA G-YAS NA BZUNG, ME LONG CHEN PO ZHIG G-YON NA BZUNG NAS BYUNG BAS, DE GNYIS GROS BYAS TE BUD MED THAMS CAD LA 'DIS RUNG NGAM 'DIS RUNG NGAM ZHES KHYE'U DES BU MO DE LA 'DRI ZHING BU MO DES GZHAN RNAMS RE RE LA SKYON RE BTAGS, KHYE'U DES YUM LA MDZUB MO BTZUGS NAS 'DIS RUNG NGAM ZHES 'DRI BA LA, BU MO DES 'DZUM BYAS NAS RUNG ZER, 'O NA 'DI LA KHRUS GYIS ZER NAS, JI LTAR BLTAMS PA ZHES SOGS DBYANGS DANG BCAS KHRUS BYAS PAS LUS KYI DRI MA DAG NAS BDE SANGS SANGS BA'I SNANG BA ZHIG BYUNG BA DANG, GNYID SAD NAS LUS YANG BA DANG SEMS BDE BA LA SOGS PA'I DGE MTSAN DU MA BYUNG NGO, ,DUS DE NAS PA ZUNG STE KHYIM MCHES DANG YUL MI RNAMS KYI RMI LAM DU'ANG DGE 'DUN MANG POS JO BO RIN PO CHE DBUS NAS GDAN DRANGS BYUNG BA SOGS RMI LTAS NGO MTSAR BA MANG DU BYUNG BA DANG, NYI ZLA SKAR GSUM DUS GCIG LA SHAR BA DANG, ME TOG GI CHAR YANG YANG 'BAB PA DUS DANG SPOS KYI DRI BZANG PO BRO BA DANG, NAM MKHA' LA ROL MO'I GRAG PA DANG, SA G-YO BA LA SOGS PA'I NGO MTSAR BA'I LTAS YUL DER KUN GYI MTHUN SNANG DU GRUB PA DU MA BYUNG NGO,, DE NAS BYA LO ZLA BA DANG PO'I TSES BCU'I NUB MO YUM GYI MNAL LAM DU DGE 'DUN BSAM GYIS MI KHYAB PAS GDUGS DANG RGYAL MTSAN DANG RNGA BO CHE LA SOGS PA MCHOD PA'I BYE BRAG MTHA' YAS PA BZUNG STE, SPYAN RAS GZIGS 'BYON

, ,PA LA BSU BA BYED ZER KYIN 'DUG PAS PHYOGS KUN TU BLTAS KYANG MA MTHONG, RJES LA BLTAS PAS SPRIN GYI THAD TZAM DU GSER SKU RI BO TZAM PA 'OD ZER NYI MA LTAR PHYOGS THAMS CAD DU 'PHRO BA DANG CHOS KYI SGRA DBYANGS DANG BCAS PA CIG LHA'I BU DANG BU MO YIN ZER BA'I CHA LUGS PHUN SUM TSOGS PA DANG LDAN PA DU MAS BSKOR BA ZHIG MAR MAR BABS BYUNG BAS GSER SKU DE JE CHUNG JE CHUNG LA SONG, SPYI GTZUG GI THAD TZAM DU SLEBS PA'I TSE MTHOG GANG TZAM PA SHIN TU MDZES PA ZHIG TU GYUR NAS RANG LA THIM ,DE'I 'KHOR RNAMS DANG BSU MI RNAMS KYANG RANG LA THIM PAR MTHONG BAS RANG LA PHYAG DANG BSKOR BA DANG MCHOD BA BYED CING BKRA SHIS BRJOD PA SOGS RMIS PAS PHYI DE'I NYIN PAR NAS RIG PA GSAL BA SKYID SNANG CHE BA BYUNG ,DE PHYIN MA BRTAGS MA DPYAD PA'I DUS NA'ANG NGA'I LUS 'DI LA BRNYAS MI RUNG SNYAM NAS GCES SPRAS DANG GTZANG SPRA LA BTZON PA SOGS RANG SHUGS KYIS BYUNG ,YAB KYI MNAL LAM DU LCANG LO CAN NAS PHYAG NA RDO RJES 'PHANGS SEM SNYAM PA'I GSER GYI RDO RJE 'BAR PA GCIG YUM LA THIM PA RMIS PAS BU STOBS LDAN CIG SKYE BA YIN NAM ZHES GLENG BA BYUNG NGO, ,SKU BLTAMS PA'I DUS LA BAB PA'I TSE YUM GYI MNAL LAM DU, DGE 'DUN MANG PO DANG SKYE BO'I KHROM CHEN BOS MCHOD PA RNAM LNGA KHYER NAS MCHOD KHANG MJAL ZER ,DE GANG NA YOD DRIS PAS SNGAR GYI KHYE'U DKAR PO DES CHU SHEL GYI LDE MIG GCIG BZUNG NAS 'DI NA YOD ZER ZHING YUM RANG GI BRANG NA SGO CHUNG SER PO ZHIG

'DUG PA PHYE BA'I NANG NAS SNGAR LUS LA THIM PA'I GSER SKU DE BTON NAS DRI MAS CUNG ZAD NOGS PA LA SNGAR GYI BU MO DE BYUNG NAS DE LA BUM CHUS KHRUS BYAS, RMA BYA'I SGROS BYABS RGYA GAR GYI SKAD YIN NAM SNYAM PA'I DAR DIR MANG PO DBYANGS SU LEN ZHING LHA DE LA MCHOD PA 'BUL KYIN 'DUG PA'I SNANG BA BYUNG, GNYID SAD NAS THO RANGS SKAR CHEN SHAR BA DANG STABS CIG PAR RAB BYUNG DRUG PA'I ME MO BYA'I LO NGO MTSAR PA'I LTAS MANG PO DANG BCAS BDE BAR 'KHRUNGS SO, ,DE'I CHE CHENGS PA DANG BRGYA BYIN LA SOGS PA'I DKAR PHYOGS KYI LHA RNAMS KYIS DA NI 'GRO BA MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD KYI SDE PHAM MO, ,DKAR PHYOGS KYI LHA RNAMS RGYAL LO ZHES SHIS PA BRJOD PA'I TSIG 'DZAM BU'I GLING NAS 'OG MIN GYI BAR DU BSGRAGS SHING, PHYOGS BCU'I RGYAL BA SRAS DANG BCAS PA THAMS CAD KYIS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR, GSANG BA'I BDAG PO PHYAG NA RDO RJE DANG, RGYAL PO CHEN PO RNAM THOS SRAS LA SOGS PA G-YEL BA MED PAR RJES SU 'BRANGS TE BAR CHAD BSRUNG BA LA BRTZON PAR GYUR TO, ,RGYAL BA THAMS CAD KYI GDUNG 'TSO BA RGYAL BA'I MYU GU GANGS CAN GSER GYIS GZHIR GSAR DU 'KHRUNGS PA GZHON NU'I GZUGS CAN DE'I DBU NI GDUGS LTA BU DANG, DPRAL BA DBYES CHE ZHING SMIN MA 'BYAR LA SHANGS KYI GZENGS MTHO PA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL

, ,ZHING PAGS PA'I MDOG NI ME TOG KUNDA LTAR DKAR BA, LJAGS PADMA'I 'DAB MA LTAR 'JAM ZHING MNYEN LA RING BA, MCHU SGROS BIM PA LTAR DMAR BA SOGS MTSAN BZANG GIS MJES PA 'JIG RTEN KUN GYI MIG GI BDUD RTZI LTA BU ZHIG BYUNG BAR GYUR TO, ,YAB YUM DE GNYIS KYANG THA MAL PA MIN PAR SNGON YUN RING PO NAS BDAG NYID CHEN PO 'DIS BSTAN 'GRO'I DON RGYA CHEN BO MDZAD PA'I TSE MTHUN PA'I RKYEN SGRUB PAR SMON LAM BTAB NAS BSAM BZHIN DU BYON BA ZHIG STE; YAB DE NI DPA' MDZANGS BRTUL PHOD CAN 'BYOR PA DANG LDAN ZHING GTONG BA LA DGA' BA RIGS MTHO BA MAL GYI RIGS ,RIGS RUS 'BYOR BA PHUN TSOGS DANG LDAN YANG KHENGS PA MED PAR SLONG BA RNAMS LA BYAMS BA, RJE BTZUN 'JAM PA'I DBYANGS KYI RNAL 'BYOR DANG LDAN PA, RGYUN DU 'JAM DPAL MTSAN BRJOD KHA TON DU MDZAD PA ZHIG GO, YUM DE NI GZUGS BZANG ZHING MDZES LA G-YO SGYU CHUNG BA, NYAM CHUNG RNAMS LA SNYING RJE CHE BA, RGYAL BA BSKYED PA'I YUM DU 'OS PA ZHIG GO, RGYAL SRAS GZHON NU DE 'KHRUNGS PA'I SANG NYIN YUL DE'I PHUN RDO RJE 'JIGS BYED KYI GRUB THOB TU GRAGS PA'I BDAG NYID CHEN PO CHOS RJE DON GRUB RIN CHEN ZHES BYA BA BZHUGS YOD PA DES YAB YUM GNYIS LA LEGS SO'I BSNGAGS BA DANG GNANG SBYIN, RGYAL SRAS GZHON NU DE LA BZHES RGYU'I BDUD RTZI RIL BU SKU LA BCANG RGYU'I SRUNG MDUD, RTEN 'BREL BSGRIG PAR DGONGS TE RDO RJE 'JIGS BYED KYI BRIS SKU BYIN RLABS CAN GCIG DANG, BU CHUNG SKYONG LUGS KYI YI GE LA SOGS BA NYE GNAS TSUL KHRIMS

DANG LDAN PA ZHIG LA BSKUR NAS BYUNG STE BLA MA DES THUGS MKHYEN GYIS MKHYEN BAR 'DUG ,PHYIS RGYU MTSAN ZHUS PAS, NGAS RMI LAM DU RDO RJE 'JIGS BYED DANG MJAL BAS GSOL BA BTAB, KHYAD PAR DU ZHAL YANG YANG BSTAN DU GSOL ZHES ZHUS PAS, SANG PHOD DA TZAM LUNG BA 'DI'I MDA' RU YONG, DE BAR B'U DE BAR GYIS GSUNG BAS, DE GANG YIN DPYAD PA'I PHYIR TING NGE 'DZIN LA MNYAM PAR BZHAG PAS KHYED KYI BUR 'DUG PA THIGS PA YIN GSUNG BA LA SOGS PA'I GSANG BA'I GNAS DU MA GSUNGS NAS, PHYIS KYANG BU CHUNG BSKYED BSRING BA DANG, 'JAM DPAL DBYANGS DANG DBYANGS CAN MA LA SOGS PA'I SGO NAS SHES RAB 'PHEL BA'I THABS DU MA'ANG MDZAD DO, ,RGYAL SRAS GZHON NU DE YUM GYI MNGAL NAS 'KHRUNGS MA THAG LTE BA BCAD PA'I MTSAL KHRAG SA LA LHUNG BA LAS TZANDAN DKAR PO'I SDONG PO ZHIG GSAR DU SKYES BA DE LA YAL GA MANG DU GYES SHING LO MA 'BUM YOD PA, LO MA RE RE LA DE BZHIN GSHEGS PA SENG GE'I NGA RO'I SKU RE RE YOD BA ZHIG BYUNG BAS SKU 'BUM ZHES GRAGS, DUS PHYIS RGYAL BA BSOD NAMS RGYA MTSO GNAS DER BYON NAS GUS PA CHEN POS MCHOD BA RGYA CHEN PO MDZAD CING, SHING 'DRA LAS LHAG PA'I BYIN RLABS CAN DKON ZHES SHING DE'I PHYI DNGUL GYIS BSTUMS TE BYANG CHUB MCHOD RTEN GYI RNAM PAR BYAS; GNAS DER RJE BLA MA'I MDO SNGAGS KYI BSTAN PA YONGS SU RDZOGS PA LA BSHAD SGRUB BYED PA'I DGE 'DUN GYI SDE ZHIG GSAR DU 'DZUGS PAR BZHED DE ZHAL BKOD GNANG BA THUGS BZHED LTAR GRUB NAS SKU 'BUM BYAMS PA GLING ZHES BTAGS,

, ,MCHOD SDONG DE'I PHYI ROL TU TZAN DAN GYI SDONG PO GSAR PA ZHIG THON PA DE LA YANG YAL GA DANG LO MA RNAMS LA AA RA PA TZA NA DANG, DH'I: DANG H'Um LA SOGS PA YI GE'I GZUGS RANG BYON DU 'BYUNG BA DANG, DE'I YAL GA DANG LO MA ZOS NA SHES RAB SKYE ZHING RIMS NAD SOGS ZHI BA KUN GYI MTHUN SNANG DU YOD DO, ,DE LTA BU'I RGYAL SRAS GZHON NU DE NYID SNYIGS MA'I DUS 'DIR BYON YANG 'DAM GYI DBUS SU SKYES PA'I PADMA 'DAM GYIS MI GOS PA LTAR SNYIGS MA'I SKYON GANG GIS KYANG MA GOS SHING, BYIS BA'I TSUL BZUNG YANG BYIS PA'I RGUD BA THAMS CAD LAS YANG DAG PAR 'DAS, BAG MED PAR RTZE BA MTHA' DAG LAS NI NGANG GIS LOG, NYES BAR SPYOD PA RNAMS NI RANG BZHIN GYIS BSDAMS, KUN LA SNYAN PAR SMA ZHING KHRO BA SPANGS PA DANG, 'GROGS NA BDE ZHING SLONG BA'I SKYE BO DAG LA GTONG BA'I LAG BRKYANGS BA DANG, MGON MED PA DAG LA SNYING BRTZE ZHING BDEN BAR SMRA BA DANG, BLO GROS DPAG PAR DKA' ZHING CHOS 'TSOL BA LA NGANG GIS ZHUGS PA LA SOGS BA BYANG CHUB SEMS DPA'I SPYOD PA RLABS PO CHEN DAG NI BYIS PA GZHAN DAG SKYES TZAM NYID NAS NU ZHO LEN BA'I KUN TU SPYOD PA DAG CHED DU BSLAB BAR BYA MI DGOS PA JI LTA BA DE BZHIN DU GYUR TO, ,RGYAL SRAS GZHON NU DE DGUNG LO GSUM PA LA BAB PA NA CHOS RJE KARMA BA ROL BA'I RDO RJE LAS DGE BSNYEN GYI SDOM PA YONGS SU RDZOGS PAR MNOS TE ,MTSAN YANG KUN DGA' SNYING PO ZHES BTAGS SO, ,LO DE LA CHOS RJE DON GRUB RIN CHEN PA DE NYID RJE 'DI'I YAB KYIS GDAN DRANGS PA ZHIG GI DUS NA CHOS

RJE DON GRUB RIN CHEN PAS YAB YUM GNYIS LA RTA DANG LUG LA SOGS PA ZANG ZING GI GNANG SBYIN DPAG TU MED PA MDZAD NAS KHYED KYI BU 'DI LNGA LA PHUL ZHING CES BKA' GNANG BA YAB YUM GNYIS KYIS KYANG DANG DU BLANGS TE SPRO DGA' DANG BCAS PAS PHUL; DE NAS DGUNG LO BDUN PA LA NYE BAR BAB PA NA RJE 'DIS CHOS RJE DE'I ZHABS DRUNG DU PHEBS PAR MDZAD DES RAB TU MA BYUNG BA'I SNGA ROL NYID DU CHOS RJE DES RJE 'DI PA DPAL RDO RJE 'JIGS BYED LHA BCU GSUM MA'I DKYIL 'KHOR DU BCUG NAS DBANG BSKUR TE GSANG SNGAGS RDO RJE THEG PA'I SKOR SMIN PAR MDZAD CING, DE NAS BCOM LDAN 'DAS 'KHOR LO BDE MCHOG DRIL BU PA DANG, KYEE RDO RJE DANG PHYAG NA RDO RJE LA SOGS PA'I DKYIL 'KHOR DU BCUG CING DBANG BSKUR, GSANG MTSAN DON YOD RDO RJE ZHES BTAGS, RJE 'DI PAS RIG PA 'DZIN PA'I SDOM BA DANG DAM TSIG YONGS SU RDZOGS PAR MNOS TE DBANG DUS SU JI LTAR ZHAL GYIS BZHES PA LTAR MIG GI 'BRAS BU LTAR GCES PAR SRUNG BAR MDZAD DO; ;CHOS RJE DE'I DRUNG DU THOG MAR PHEBS MKHAD NAS GSUNG RAB KLOG PA BO MANG DU 'DUG PA RNAMS LA GZIGS SHING THUGS KYIS DPYAD PAS DE TZAM GYIS KLOG RANG NYID KYIS THOGS MED DU 'DON PAR NUS PA BYUNG ZHING CHED DU GTAD NAS BSLAB DGOS PA MA BYUNG, DBANG THOB NAS RAB TU MA BYUNG BA'I GONG DGUNG LO BDUN DU NYE BA TZAM GYI DUS NYID DU 'ANG, BDE MCHOG DGYES RDOR KUN RIG GSHIN RJE GSHED LA SOGS PA'I MNGON RTOGS DANG DKYIL CHOG MANG PO THUGS LA BZUNG,

, ,GSHIN RJE'I GSHED DANG BDE MCHOG GI BSNYEN PA YANG MDZAD NAS BDE MCHOG DRIL BU BA'I BDAG 'JUG KYANG LAN MANG DU MDZAD CING, LHA'I RNAL 'BYOR DANG BZLAS PA'I RIM PA LA SOGS PA LA GCIG TU GZHOL BAR MDZAD DO, ,DE'I TSE NA RJE 'DI LA BCOM LDAN 'DAS PHYAG NA RDO RJE GTUM PO PHYAG GNYIS PA'I RNAM PA ZHIG YUN RING PO'I BAR DU NUB RE BZHIN MNAL LAM DU GSAL BAR 'CHAR BA DANG, GZHAN YANG SANGS RGYAS DANG BYANG SEMS MANG PO'I SNANG BA SHAR ZHING, KHYAD PAR JO BO CHEN PO DPAL LDAN AA TI SHA MNAL LAM DU NAR MAR 'ONG BA ZHING BYUNG, PHYIS DBUS SU PHEBS DUS SKU 'DRA GZIGS PA NA, SNGAR MNAL LAM DU GZIGS PA DE'I RNAM PA JI LTA BAR 'DUG CES GSUNG STE, DE NI JO BO NYID KHA BA CAN 'DIR BSTAN PA NYAMS PA GSO BA'I SLAD DU BYON PA LTAR, MDO SNGAGS KYI LAM GYI RIM PA YONGS SU RDZOGS PAS GDUL BYA RNAMS SMIN CING GROL BAR MDZAD DE BSTAN PA RIN PO CHE MI NUB PA'I RGYAL MTSAN 'DZIN PA RNAMS KYI GTZUG GI NOR BUR 'GYUR BA 'DI NYID KYI SNGA LTAS SO, ,DE LTAR RJE 'DI PA DE'I TSE RGYAL SRAS GZHON NU'I TSUL BZUNG BA DE DGUNG LO BDUN LA BAB PA'I TSE, KHYIM NAS KHYIM MED PAR RAB TU 'BYUNG BAR MDZAD DE, NGUR SMRIG GI RGYAL MTSAN YANG DAG PAR BZHES SO, ,DE YANG RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON ZHING LUNG DANG RTOGS PA'I YON TAN GYI TSOGS KYIS MNGON PAR MTHO BA'I BLA MA DON GRUB RIN CHEN PAS MKHAN PO MDZAD DBUS GTZANG DANG BAL PO SOGS SU

MKHAS GRUB DANG PAndI TA DU MA LA GTUGS NAS MDO SNGAGS MANG PO LA SBYANGS PA'I BSHES GNYEN CHEN PO TE DBEN GZHON NU SENG GE ZHES GRAGS PA'I SLOB MA GZHON NU BYANG CHUB CES BYA BAS SLOB DPON MDZAD DE TSIGS SNGA MA DGE TSUL GYI SDOM PA YANG DAG BAR MNOS SHING, MTSAN YANG BLO BZANG GRAGS PA'I DPAL ZHES BYA BAR GSOL TO, ,RJE 'DI CHOS RJE DON GRUB RIN CHEN PA 'DIS BYIS PA NYID NAS BDAG GIR MDZAD DE BSTAN PA RIN PO CHE'I BDAG PO CHOS KYI RGYAL POR 'GYUR BAR DGONGS NAS THUGS KYI YUL DU SHIN TU GCES PAR BZUNG STE, SMAN GYI SHING LJON PA CHEN PO'I MYU GU LTAR LEGS PAR BSKYANGS, RAB TU PHYUNG ZHING RDO RJE THEG PA'I SGOR SMIN PAR MDZAD DE DBUS GTZANG DU 'BYON BA'I CHAS RKYEN DANG BSKUL MA YANG DAG MDZAD PAS BKA' DRIN ZLA MED DU 'DZIN PAR MDZAD DE, RJE 'DIS CHOS RJE DON GRUB RIN CHEN GYI MTSAN THOS PA NA PHYAG THAL MO SBYOR ZHING CHOS RJE DE NYID KYI DUS MCHOD KYANG 'CHAG MED MDZAD DO, ,DE NAS DE'I TSE RJE 'DI'I THUGS LA 'DI LTA BU DAG 'KHRUNGS PAR NGES TE, RGYAL BA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG SPONG BA BSAM GTAN NO, ,DE LA BDAG GIS KYANG 'DI GNYIS KA BYA STE RGYAL BA'I DGONGS PA SHING RTA CHEN PO RNAMS KYIS BKRAL BA'I GZHUNG LUGS CHEN MO RNAMS LA THOS BSAM PHU THAG CHOS PA ZHIG BYAS LA GZHUNG DON GDAMS PAR 'CHAR BA'I NYAMS LEN LA 'BAD DE RGYAL BSTAN YONGS SU RDZOGS PA RANG GI RGYUD LA 'DZIN CING SKAL BA DANG LDAN

, ,PA GZHAN DAG LA'ANG RGYA CHER SPEL TE RGYAL BA'I BSTAN PA RIN PO CHE 'JIG RTEN 'DIR DAR ZHING RGYAS PA ZHIG CI NAS BYA'O SNYAM DU THUGS BSAM RLABS PO CHE DE LTA BU 'KHRUNGS PAR GYUR TO, ,DE NAS DGUNG LO BCU DRUG LA BAB PA'I TSE CHOS RJE DON GRUB RIN CHEN PAS KYANG BSKUL ZHING BDAG NYID KYANG SPRO BA SHUGS DRAG POS SNGON GYI CHOS RGYAL LO PAn RNAMS KYI BKA' DRIN LAS RGYAL BSTAN YONGS SU RDZOGS PA GANG DU DAR BA'I SA DBUS GTZANG GI LJONGS SU 'BYON PAR BZHED PA NA, CHOS RJE DON GRUB RIN CHEN PAS DBUS GTZANG GI LJONGS SU BYON NAS THOS BSAM SGOM GSUM 'DI LTAR BYA DGOS SO ZHES ZHAL GDAMS RGYAS PAR GNANG NAS DON DE NYID THUGS LA GZUNG BA DE BA'I PHYIR TSIGS SU BCAD PA'I SGO NAS KYANG GDAMS PA NI, GZHON NU BLO BZANG GRAGS PA KHYOD, ,SNGON SPYANGS DGE BA'I LAS 'PHRO CAN, ,SNGON TSE DAM CHOS BDUD RTZI'I RO, ,'THUNGS PA'I BAG CHAGS YOD PAR NGES, ,ZHES PA DANG, YUM CHEN RGYAS 'BRING SDUS GSUM GYI, ,RGYAN DU GYUR PA'I MNGON RTOGS RGYAN, ,THOG MAR BSLAB CING NAN TAN BYA, ,DE LA MKHAS PAR GYUR PA NA, ,LUNG CHOS KUN LA 'PHRIG TSUD 'GYUR, ,DE YANG SEMS KYI ZUR LA ZHOG ,DE NAS BYANG CHUB SEMS DPA' YI, ,LAM DANG SPYOD PA'I RNAM GZHAG DAG ,STON PAR BYED PA'I MDO SDE RGYAN, ,MKHAS PA'I YAN LAG DAG TU BSLAB, ,'KHOR BA MYA NGAN 'DAS PA YI, ,RTEN DU STON PA'I CHOS DANG NI, ,CHOS NYID RNAM 'BYED

BSTAN BCOS DANG, ,THOG MA MTHA' MA RNAM SPANGS PA'I, ,DBU MA'I LAM NI STON PAS NA, ,DBUS DANG MTHA' NI RNAM 'BYED DANG, ,SEMS KYI CHOS NYID DAG PA NI, ,SEMS CAN KUN LA YOD PA STE, ,DE NYID BDE GSHEGS SNYING POR NI, ,STON BYED THEG CHEN RGYUD BLA MA, ,BYAMS CHOS LNGA BO DE DAG LA, ,MKHAS PAR BYED PA'I GO CHA GYIS, ,RGYAS PA'I BSTAN BCOS RNAM 'GREL DANG, ,'BRING DU STON PA'I RNAM NGES DANG, ,SHIN TU BSDUS PA RIGS THIGS TE; ;LUS DANG 'DRA BA'I BSTAN BCOS GSUM, ,GTAN TSIGS THIGS PA 'BREL BRTAG DANG, ,RGYUD GZHAN SGRUB PA RTZOD RIG STE, ,'PHROS PA YAN LAG LTA BU ZER, ,CHOS KYI GRAGS PA LAS BYUNG BA'I, ,TSAD MA SDE BDUN 'DZAM GLING NA; ;SANGS RGYAS BSTAN PA GSAL BYED PA, ,NYI MA ZLA BA LTA BUR GRAGS, ,'DI YI 'OG TU DE RNAMS SLOBS, ,ZHES SOGS DANG, BLO GROS BZANG LDAN KHYOD KYIS NI, ,MTHA' BRAL CHEN PO'I LTA BA LA, ,GAL TE MOS PA YOD GYUR NA, , 'PHAGS PA KLU SGRUB KYIS MDZAD PA'I, ,DBU MA RIGS PA'I TSOGS RNAMS DANG, ,ZHES SOGS, SHING RTA CHEN PO GNYIS RJES 'BRANG DANG BCAS PA'I GZHUNG RNAMS LA THOS PA PHU THAG CHOS PA ZHIG BYA DGOS PA DANG, THOS PA'I DON LA NYAMS LEN SNYING POR MDZAD DE GDENG THOB PA ZHIG BYA DGOS PA DANG, RANG GIS JI LTAR DGONGS PA LTAR SKAL BA DANG LDAN PA GZHAN DAG LA'ANG SPEL TE RGYAL BSTAN YONGS SU RDZOGS PA 'DZIN CING SPEL THUB PA ZHIG CI NAS KYANG BYA DGOS SO ZHES NAN

, ,TAN DU GDAMS SHING, TSE RABS GTAN GYI LHAG PA'I LHA YI DAM RDO RJE 'JIGS BYED DANG, BAR CHAD SRUNG BA'I LHA PHYAG RDOR 'KHOR CHEN DANG, SHES RAB BSKYED PA'I LHA 'JAM DPAL AA RA BA TZA NA DANG, TSE BSRING BA'I LHA TSE DPAG MED DANG, MTHUN RKYEN SGRUB PA'I LHA RNAM THOS SRAS DANG, 'GAL RKYEN SEL ZHING MTHUN RKYEN SGRUB PA'I LHA YE SHES KYI MGON PO PHYAG DRUG PA DANG DAM CAN CHOS RGYAL RNAMS NGED KYI SBYIN PA LTAR BSTEN LA BSNYEN SGRUB DANG MCHOD GTOR MA 'CHAG PAR GYIS ZHES GDAMS SO, ,DE NAS RJE 'DI BAS CHOS RJE DON GRUB RIN CHEN LA BKA' BZHIN BGYI'O ZHES ZHUS SHING PHYAG BTZAL TE BYIN RLABS ZHUS NAS 'BRI KHUNG MTHEL PA'I 'BUL DPON LDAN MA RIN CHEN DPAL GYIS GDAN DRANGS NAS 'PHRIN LAS PA DANG 'GROGS TE BYON, GLANG LO'I STON GYI DUS SU 'BRI KHUNG DPAL GYI NAGS KHROD DU PHEBS, DE'I TSE 'BRI KHUNG GI SPYAN SNGA RIN PO CHE CHOS KYI RGYAL PO BZHUGS PAS KHONG GI SPYAN SNGAR MJAL, THEG CHEN SEMS BSKYED KYI CHO GA DANG PHYAG CHEN LNGA LDAN LA SOGS PA ZAB KHRID MANG DU GSAN, DE NAS SLOB GNYER ZHIG LA 'BYON PAR BZHED PA LA GROGS 'GA' ZHIG GI DBANG GIS TSAL PA'I SMAN PA MKHAS PA DPON DKON MCHOG SKYABS ZHES PA'I GAM DU BYON NAS GSO DPYAD KYI GZHUNG LA SBYANGS SHING, YAN LAG BRGYAD PA THUGS LA BZUNG STE GSO DPYAD KYI SKOR RNAMS BSLABS PAS GZHUNG MAN NGAG LAG LEN DANG BCAS PA LA SHIN

TU MKHAS PAR GYUR TE, PHYIS BSNYUNG DUS SU SMAN PA BCU BDUN BCO BRGYAD TZAM 'TSOGS BA'I DUS SU'ANG NAD GANG LA SMAN GANG 'JUG PA DANG, SMAN GYI SBYOR SDE, BSIL DROD LA SOGS PA'I KHYAD PAR THAMS CAD DRUNG DU ZHUS NAS LAG LEN BDAG CAG RNAMS KYIS BYED PA YIN ZER BA DANG, SMAN PA MKHAS PAR GRAGS PA THAMS CAD KYANG DA LTA KHA BA CAN NA CHOS RJE RIN PO CHE LAS SMAN PA MKHAS PA MI 'DUG PA'I GNAD KYIS BDAG CAG RNAMS KYANG DRUNG DU SMAN SBYOR LA PHYIN PAS SMAN GYI RNAM DBYE MANG DU GSUNG BA THOS PA LA BRTEN NAS, SNGAR LO MANG DU BSLABS PA BAS BLO BSKYED CHE BAR BYUNG ZHES GLENG NGO, ,DER YUN HA CANG MI RING BA ZHIG BZHUGS NAS, CHOS GRVA CHEN PO BDE BA CAN DU BYON, , BDE BA CAN PA'I RIN PO CHE SNYE THANG PA BKRA SHIS SENG GE DANG, GDAN SA PA DGE BSKONG PA GNYIS LA CHOS 'BREL GSAN, KLOG PA'I SLOB DPON YON TAN RGYA MTSO DANG, ZHAR CHOS PA SLOB DPON AU RGYAN PAS MDZAD NAS SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN RTZA 'GREL LA LEGS PAR THUGS SBYONGS MDZAD, ZHAG BCO BRGYAD TZAM GYIS GZHUNG GI TSIG MTHA' DAG SHIN TU BYANG BAR THUGS SU CHUD DE, 'JAM SKYA'I tIKKA'I STENG NAS CHOS GSAN ZHING DON KUN CHUB PAR MDZAD DE, SBYOR BA BRTZI BA SOGS KYI THUGS BRTZON CHER MA MDZAD KYANG RING PO MA LON PAR SHES RAB KYI PHA ROL TU PHYIN PA'I TSIG DON LA SHIN TU MKHAS PAR GYUR NAS, SLOB

, ,DPON DANG GROGS MCHED THAMS CAD KYANG RJE 'DI'I BLO GROS KYI RTZAL DPAG PAR DKA' BA LA CHOS CHER NGO MTSAR BA'I GNAS SU 'DZIN LA, THEG PA CHEN PO MDO SDE'I RGYAN NI, SNGAR MDO SMAD DU BZHUGS PA'I DUS NAS THUGS LA CHUD CING, BSHAD GSAR DANG 'CHAD PA SOGS MDZAD KYANG BDE BA CAN PA'I BLA MA 'JAM RIN PA ZHES GRAGS PA'I DGE BSHES CHEN PO DE BYAMS CHOS LA SHIN TU MKHAS PAR BYED KYIN 'DUG PAS, MDO SDE RGYAN LA SOGS PA'I BYAMS CHOS RNAMS LEGS PAR GSAN ZHING THUGS SU CHUD PAR MDZAD, BDE BA CAN DU THUGS SBYONGS LA BZHUGS PA'I TSE SKABS SHIG TU RJE BTZUN 'JAM PA'I DBYANGS KYI RNAM 'PHRUL SA SKYONG MI'I DBANG PO'I COD PAN DPAL LDAN BLA MA DAM PA BSOD NAMS RGYAL MTSAN PA DBEN GNAS CHOS RDZONG DU PHYAGS PHEBS PA'I SPYAN SNGAR MJAL, 'JAM DBYANGS AA RA PA TZA NA'I RJES GNANG, BDE MCHOG DRIL BU PA'I LUS DKYIL GYI DBANG , GUR GYI MGON PO'I RJES GNANG RNAMS GSAN NO, ,DE LTAR LO GNYIS TZAM LA PHAR PHYIN GYI TSIG DON LA SHIN TU MKHAS PAR GYUR NAS DGUNG LO BCU DGU'I STENG DU GSANG PHU DANG BDE BA CAN LA SOGS PA RNAMS SU GRVA SKOR LA BYON , BLO GROS DANG CHOS SKAD PHUN SUM TSOGS PA'I SNYAN PA RING DU SONG ZHING, BSHES GNYEN MKHAS PA DAG GI YID KYI DBANG PO RNAM PAR DPYOD PA'I LCAGS KYUS DRANGS PAR GYUR TO, ,DE NAS GTZANG PHYOGS LA 'BYON PAR BZHED DE, RIN

SPUNGS KYI PHU'I LA LA BYON MYANG STOD MKHAR KHA BRGYUD NAS ZHA LUR PHEBS, BU STON RIN PO CHE'I DAM PA'I CHOS KYI RGYAL SRID 'DZIN PA'I GDAN SA PA LO TZ'A BA MKHAN CHEN RIN CHEN RNAM RGYAL PA'I DRUNG DU MJAL, BDE MCHOG MEE TRI BCU GSUM MA'I DBANG ZHIG GSAN, DE NAS SNAR THANG LA BYON, DE NAS GDAN SA CHEN PO DPAL LDAN SA SKYAR PHEBS, SA SKYA'I DUS CHOS MA TSUGS KYI RING LA SA BZANG DU BYON NAS SA BZUNG PAn CHEN MA TI BA'I DRUNG DU CHOS BKA' CI RIGS PA GSAN, DUS CHOS TSUGS NAS SA SKYAR PHAR PHYIN GYI GRVA SKOR MDZAD, DE NAS LA STOD BYANG LA BYON, 'DRA BZANG LDAN NGAM RING 'GA' RONG CHOS SDE RNAMS SU'ANG GRVA SKOR MDZAD NAS JO MO NANG DU PHEBS, CHOS RJE PHYOGS LAS RNAM RGYAL BA'I DRUNG DU SBYOR BA YAN LAG DRUG GI KHRID LA SOGS PA GSAN, DE NAS BO DONG LA BYON, MAR RES SPYI BO LHAS SU PHEBS, DE'I MKHAN CHEN PA LA BKA' GDAMS LAM RIM GYI LUNG THOB CIG MDZAD, DE NAS CHOS GRVA CHEN PO AER GRVA SKOR MDZAD NAS SNAR THANG DU PHEBS, SNAR THANG GI MKHAS PA BLA MA LO TZ'A BA DON BZANG PA LA MDZOD KYI BSHAD PA TSAR GCIG GSAN NO, ,DE NAS MYANG STONG DU PHEBS TE GNAS RNYING PA'I GZUNGS SGRUB KYI STENG DU PHAR PHYIN GYI GRVA SKOR MDZAD, DBYAR CHOS LA RTZE CHEN DU PHEBS PAR MDZAD NAS MKHAS PA'I DBANG PO NYA DPON KUN DGA' DPAL BA'I SPYAN SNGAR PHAR PHYIN GYI GZABS BSHAD TSAR GCIG GSAN, THUGS RAB GSAL ZHING RNAM DPYOD YONGS SU RNO BA DANG, BSHAD PAR BYA

, ,BA'I GNAS RNAMS BRDA' SPROD PA PHUL DU BYUNG BAS GDUL BYA'I RNA BAR 'BAB CING, MKHAS PA'I RNAM 'GYUR GYIS SHIN TU THUGS RANGS PAR GYUR, DE'I TSE KHONG PA LA MNGON PA MDZOD CIG GSUNG BAR ZHUS PAS, NGAS LEGS PO SHOD PAR YOD DE DON GNYER BYED MKHAN MA BYUNG BAS LTA RTOG KYANG 'GA' RE DGOS, KHAMS KYANG MA BDE ZHING PHAR TSAD 'CHAD DGOS PA 'DIS 'PHRAL LA 'CHAD PA MI 'GRUB PA 'DUG , NGED KYI SLOB MA RED MDA' BA 'DI BLO GROS CAN MNGON PA LA SHIN TU MKHAS PA ZHIG YOD PAS KHYOD RANG YANG 'DI LA NYAN NA 'THAD CING, NYAN PAR MI SPRO NA MDZUB KHRID CIG BCOL BA DRAG CES YANG YANG GSUNG GIN 'DUG PA DANG, KHONG GI SLOB MA SNGAR NAS ZHAL 'TSO BA YOD PAS KYANG 'TSAMS SBYAR NAS, RJE BTZUN RDA MDA' PA DBYAR DES SKYA NAS RTZE CHEN NA PHEBS 'DUG PA LA MNGON PA MDZOD KYI RANG 'GREL GYI STENG NAS MDZUB KHRID DU MDZAD DE GSAN PAS, GZHUNG GI TSIG RIGS TZAM LA BRTEN PA MA YIN BAR BSTAN BCOS KYI LUS YONGS SU RDZOGS PA'I DON GYI KHOG LEGS PAR BSGRIGS NAS 'GANGS CHUN PA'I GO BA BOGS CHOD DU STER NUS PA ZHIG 'DUG PAS DANG BA CHEN PO 'KHRUNGS, GANG GSUNGS THAMS CAD LAN RE KHO NAS TSIG DON LHAG MA MED PAR THUGS SU CHUD CING, DKA' BA'I GNAS RNAMS LA DRI GTUGS LEGS PAR MDZAD PAS RJE BTZUN RED MDA' PA YANG SHIN TU THUGS PHROGS

PAR GYUR TE KHYED LA MDZUB KHRID BYED PA LA LEGS PAR SGRIM DGOS PAR 'DUG CES GSUNG NGO, ,RJE RIN PO CHE 'DI NYID KYIS RGYAL BA'I GSUNG RAB KYI DRANG NGES RNAM PAR 'BYED PA'I SHING RTA CHEN PO DAG GI LAM SROL, DBU TSAD KYI RIGS PA'I SGO DANG PO RJE BTZUN 'DI NYID LAS RNYED PAS DE'I PHYIR RJE RED MDA' PA 'DI 'GRAN ZLA MED PA'I BLA MA'I GTZO BOR MDZAD PA YIN NO, ,DE LTA BU'I BLA MA DE NYID LA MDZOD KYI CHOS THUN 'GA' ZHIG MDZUB KHRID KYI LUGS SU MDZAD, DE LHAG DON LA KHYAD PAR MI 'DUG KYANG DA LTA'I MTSAN NYID PA RNAMS LA GRAGS PA DANG BSTUN NAS CHOS NYAN BSHAD KYI LUGS SU BYAS NAS GSAN GSUNG, RTZE CHEN GYI DBYAR CHOS DE GROL NAS STON BLA MA RJE BTZUN PA DANG DPON SLOB GNYIS KAS MYANG STOD BSAM GLING DU CHOS BAR LA BYON NAS RJE BTZUN RED MDA' PA LA DBU MA LA 'JUG BA TSAR GCIG GSAN, RJE BTZUN RED MDA' PAS KYANG DBU MA GSUNG BA'I SNGA SHOS DER 'DUG ,DE'I DUS SU GRUB PA BRNYES PA'I RNAL 'BYOR GYI DBANG PHYUG CHEN PO GNAS LNGA RIG PA'I MKHAS PA MKHAN CHEN LO TZ'A BA BYANG CHUB RTZE MO DBUS SU BYON, DGUN CHOS LA SKYID SHOD KYI PO TA LAR MNGON PA KUN LAS BTUS GSUNG BA 'DUG CES GSAN NAS, DE DUS KHONG MNGON PA'I BDAG POR BYED KYIN 'DUG PAS CI NAS KYANG KUN LAS BTUS TSAR GCIG GSAN PAR BZHED DE, STON GYI MJUG LA MYANG STOD NAS PHYOGS BTEG NAS DBUS SU PHEBS PAR MDZAD, PO TA LAR BYON NAS LO CHEN BYANG RTZE LA

, ,MNGON PA GSUNG BAR ZHUS PAS KHONG PA RANG SHIN TU GSUNG BAR BZHED PA 'DUG PA LA, 'ON KYANG DGUNG LO MANG DU BZHES PA SOGS KYI DBANG GIS MYUR DU KHONG RANG GI GDAN SAR PHEBS PA 'THAD SNYAM PA YID LA BZHAG NAS, MYUR BAR GTZANG PHYOGS SU THEGS PAR 'DUN PA'I ZHU BA RDZONG JI BAS PHUL BA LA BRTAN NAS, DE 'PHRAL DBUS NAS GTZANG PHYOGS SU PHYAG BTEG PAS MNGON PA'I THUGS BZHED MA GRUB KYANG CHOS 'BREL ZHIG GSAN, DE'I DGUN CHOS BDE BA CAN DU BYON NAS BZHUGS, DE RJES SKYOR MO LUNG PA'I MKHAN PO DKA' BZHI PA BLO GSAL BA ZHES GRAGS PA 'DUL MDZAD LA SHIN TU MKHAS PAR BYED PA DE'I DRUNG DU SKYOR MO LUNG DU BYON, KHONG SNGON DUS KYI 'DUL BA 'DZIN PA RGYA MTSO'I KHROD NA NYI MA LTAR GRAGS PA'I 'DUL 'DZIN CHEN PO DGE BA'I BSHES GNYEN THAG MA PA'I BU CHEN SBAL TI DGRA BCOM PA'I BSHAD RGYUN 'DZIN PA'I GDAN SA 'DUL BA LA SHIN TU MKHAS PAR 'DUG PAS, DE'I LEGS PAR BSHAD PA'I BOG SKAL BLANG BAR BZHED DE KHONG LA 'DUL BA MDO RTZA BA 'GREL PA CHA LAG DANG BCAS PA RDZOGS PAR GSAN TE ,KHONG GI THUGS LA MNGA' BA'I 'DUL BA'I BSHAD SROL LHAG MA MED PAR THUGS SU CHUD CING KHYAD PAR LHAG POR RTOGS, DE'I TSE CHOS GSAN PA'I ZHAR LA MDO RTZA BA'I RGYA CHER 'GREL GYI DBU NAS NYIN RE BZHIN SHOG BU MDA' TSAD BCU BDUN RE TZAM MA CHAG PAR THUGS LA BZUNG, DUS DE DAG GI

TSE NA TSOGS SU MANG JA LA BYON PA SOGS KYI SKABS SU DGE 'DUN RNAMS YUM GYI MDO 'DON PA'I RING LA SHER PHYIN GYI DON BSAMS PA NA CHOS THAMS CAD SNANG LA NGOS BZUNG MED PA'I DON LA MNYAM PAR BZHAG PAS, DGE 'DUN GYI CHOS SPYOD DANG BDUD BZLOG SOGS KYI TSIG 'BRU TZAM YANG THUGS KYIS MA NGES PAR RNAM RTOG GI RGYU BA RAGS PA THAMS CAD LOG NAS GSAL STONG 'DZIN MED KYI NGANG LA THUGS RTZE GCIG TU GNAS PA MANG JA'I 'OG MJUG 'KHYONGS PA 'BAD RTZOL MED PAR GNAS PA BYUNG, BOD KYI GRUB THOB TU BYED PA'I RTOGS PA BZANG SHOS MTHAR THUG PA DE THUGS LA 'KHRUNGS 'DUG NA'ANG, GSUNG RAB KYI GNAD MA LUS PA THUGS SU CHUD PA'I BDAG NYID CHEN PO 'DI NI DE 'DRA BA LA'ANG SEMS GNAS KYI NYAMS BZANG PO THUGS LA 'KHRUNGS PA'I TING NGE 'DZIN THUN MONG BA'I KHYAD PAR TZAM MA GTOGS, DE KHO NA NYID RTOGS PA'I TING NGE 'DZIN THUN MONG MA YIN PAR 'KHRUL PA'I DRI TZAM YANG MI BRO BA 'DI LTA BU NI MKHAS PA MGU BA'I YON TAN DPAG PAR DKA' BA YIN NO, ,DE'I TSE RGYA CHER 'GREL GYI BAM PO BZHI BCU LHAG TZAM THUGS LA CHUD PAR MDZAD, DE'I TSE SKU STOD LA BSNYUN GZHI DRAG PO ZHIG RGYUN RING TZAM BYUNG YANG RGYAL SRAS RTAG TU DU SHER PHYIN 'TSOL BA'I TSE LUS DANG SROG LA'ANG MI LTA BAR SHER PHYIN BTZAL BA JI LTA BA BZHIN DU BSNYUN GZHI DE LA JI MI SNYAM PAR SLOB MA 'GA' ZHIG DANG BCAS GTZANG PHYOGS LA BYON, SA SKYAR 'BYON BZHED PA LA LAM

, ,DU HA CANG GRANG BA'I REG PAS 'O BRGYAL BAR 'DUG PA DANG BSHUL THAG RING BAS DUR SMRIG GI PHU LA LAM MDZAD DE GNAS RNYING DU BYON, DE'I DGUN GNAS RNYING DU BZHUGS, GNAS RNYING BA'I DON GNYER BA DANG PHYAG PHYIL BYON PA 'GA' ZHIG GIS NAN CHER GSOL BA BTAB PA LA BRTEN NAS, DE GONG MNGON PA KUN LAS BTUS LA CHED DU GTAD PA'I GZIGS RTOG MA MDZAD KYANG, DE DUS TSIG LA GZIGS PA TZAM GYIS DON YING THUGS LA CIG CAR DU GSAL BAR SHAR BAS THOG MAR GZIGS PA'I RIM PA BZHIN GZHAN LA YANG 'DOMS PA'I SGO NAS, MNGON BA KUN LAS BTUS TSAR GCIG RTZAL BSHAD MDZAD DO, ,DE NAS SA SKYAR BYON, DE'I TSE SA SKYA NA BLA MA RJE BTZUN RED MDA' PA CHEN PO LAM 'BRAS GSAN KYIN 'DUG PA DANG MJAL DE NAS BZUNG STE ZLA BA BCU GCIG TZAM GYI RING LA SA SKYAR RJE RED MDA' PA'I SPYAN SNGAR BZHUGS, RJE BTZUN PA KHONG RANG LAM 'BRAS SOGS GSAN PA'I NGANG NAS, RJE 'DI LA MNGON PA KUN LAS BTUS GZABS BSHAD TSAR GCIG MDZAD, GZHAN YANG DE'I TSE TSAD MA RNAM 'GREL LA GTZO BOR SBYANGS SHING GSAN PA DANG, DBU MA 'JUG PA SOGS KYI BSHAD PA DANG, 'DUL BA LUNG LA SOGS PA BKA' BSTAN BCOS MANG PO'I LUNG YANG GSAN, BLA MA RDO RJE RIN CHEN PA'I DRUNG DU BRTAG

GNYIS PA LUGS KYI BSHAD PA TSAR GCIG KYANG GSAN ZHING, SA SKYAR BLA MA RJE BTZUN PAS 'TSAMS SBYOR MDZAD NAS BLA BRANG SHAR PA TSANG GI SNGAGS KYI DGE BSHES BGRES PO MAN NGAG LA MKHAS PAR BYED PA ZHIG 'DUG PA LAS MAN NGAG BLANGS TE BLA GRANG RIN CHEN SGANG GI RGYAB PHYOGS DE LA BYON GYIN MA NING GI HA 'DON PA SOGS LAN 'GA' YAR MDZAD PAS SNGAR GYI SKU STOD KYI BSNYUN GZHI DE LHAG MA MED PAR 'THON, SA SKYA NAS DPON SLOB RNAMS KYIS LA STOD BYANG GI SA'I CHA NGAM RING DU CHOS BAR LA BYON NAS, DPYID DANG DBYAR GNYIS KA NGAM RING DU BZHUGS, BLA MA RJE BTZUN PAS DER MNGON PA KUN LAS BTUS KYI t'IKKA CHEN MO DE'I RTZOM PA MDZAD, BRTZAMS TSAR RIM BZHIN RJE 'DI PAS KYANG THUGS LA CHUD PAR MDZAD CING, RGYAS PA'I BSTAN BCOS TSAD MA RNAM 'GREL GYI RANG 'GREL DE ZHIB TU GSUNG BAR ZHUS NAS TSAR GCIG GSAN NO, ,DE'I STON 'KHRUNGS YUL NAS RKYEN DU BAB PA'I 'TSOG BCAS CI RIGS PA PHRIN LAS PA'I NANG DU 'BUL BA BSKUR YOD PA 'DRA ZER NAS DE BZHES PA LA SOGS PA'I SLAD DU NGAM RING NAS SA SKYA LA LAM MDZAD DE DBUS SU BYON, DBUS SU PHEBS NAS GROGS DANG SLOB 'BREL MANG POS BSKUL ZHING MDO SMAD NAS YUM GYIS KYANG ZHU BA NAN CHER BYUNG BAS RKYEN BYAS NAS, LAN CIG MDO SMAD LA 'BYON PAR BZHED PA 'KHRUNGS TE, MAL GRO LHA LUNG DU BYON, LAG

, ,LEN 'GA' ZHIG LA THUGS SBYONG YANG MDZAD PAR BRTZAMS PA LA MTSAMS SHIG NAS, CI BYED DE 'DRA LA DGOS PA MI 'DUG ,DA NI MDO KHAMS RANG YUL GYI PHYOGS LA GTAN NAS MI 'GRO BA'I YID DAm BCA' BAR BYA'O SNYAM DU DGONGS PA SHUGS DRAG PO SKYO SHAS DANG BCAS PA ZHIG 'KHRUNGS NAS DE 'PHRAL DU MDO SMAD LA MI 'BYON PA'I THUGS THAG BCAD DO, ,DE YANG BDAG NYID CHEN PO 'DI LA CHED DU BSAM PA'I SGO NAS RNYED BKUR DANG, SNYAN GRAGS DANG, 'KHOR BA'I PHUN TSOGS GZHAN GANG YANG RUNG BA, THA NA TSANGS PA DANG BRGYA BYIN GYI DPAL LA'ANG MNGON PAR 'DOD BA'I SRED PA SKYE MA MYONG BA LTA ZHOG GI , PHUN SUM TSOGS PA'I DPAL JI TZAM 'BYOR PA DE TZAM GYIS SLAR ZHING SRED PA ZAD PA'I STOBS CHES CHER RGYAS PAR 'GYUR BA'I GROGS BYED PA NI DAM PA RNAMS KYIS DRAN SHES KYI LCAGS KYUS YID KYI GNYIS 'THUNG YONGS SU BZUNG BA'I 'BAD PA LA BLTOS NAS NYAMS SU BLANG BA YANG SHIN TU BYA DKA' BA'I GNAS YIN NA, 'DI NI BLO SNGON DU GTONG BA LA CUNG ZAD KYANG BLTOS PA MED PAR GZHAN DAG GIS BSNYEN BKUR BA DANG, SNYAN PAR SMRA ZHING LEGS PAR BSNGAGS PA DANG, 'BYOR BA'I KHYAD PAR MCHOG TU GYUR PA RGYA CHEN POS MNGON PAR MCHOD PA SOGS PHUN SUM TSOGS PA JI TZAM ZHIG BYUNG BA DE TZAM GYIS KYANG SLAR ZHING 'DU BYED THAMS CAD LA MI RTAG

BA'I 'DU SHES DANG, MGON MED BA THAMS CAD LA BSKYAB PAR 'DOD PA'I BRTZE BA DANG, RGYAL BA SRAS BCAS THAMS CAD BSNYEN BKUR BAR BZHED PA'I DAD PA RNAMS PHAN TSUN 'GRAN PA BZHIN DU 'PHEL BAR 'GYUR GYI; GZHAN DU NA SRED PA 'PHEL BA DANG RJES SU MTHUN PA NI GNAS MED CING GO SKABS MED DO, ,'DI NI RJE 'DI'I SKYE BAS THOB PA LHAN SKYES KYI YON TAN YIN GYI, SKU TSE 'DI NYID DU GNYEN POS GSAR DU BSKYED PA'I SBYOR BYUNG NI MA YIN NO, ,DE YANG RJE NYID KYI ZHAL NAS KHO BO LA GZHAN GYIS STAN BZANG PO BSHAMS PA DANG, GUS PA'I BSNYEN BKUR SOGS CI TZAM BYAS PA TZAM GYIS CHED DU BSAM MI DGOS PAR DUS DE'I SKABS RANG DU 'DI THAMS CAD MI RTAG CING YID BRTAN DU MI RUNG BA SGYU MA'I BLO BRID DANG 'DRA BA YIN SNYAM PA'I SKYO BA SHUGS DRAG PO SNANG BA BUN LONG DU THONGS PA YID GTING NAS 'GYUR BA RGYUN RING PO RE SKYE BA ZHIG DANG PO NYID NAS RANG CHAS SU YOD PA YIN ZHES GSUNG NGO, ,'DI NI SHIN TU MTHO BA'I RTOGS PA KHYAD PAR CAN DU BOD LA GRAGS PA MANG PO ZHIG GIS CHA TZAM DU YANG BSGRUN PAR MI NUS PA'I MNGON PAR RTOGS PA'I YON TAN YIN LA, ZAG BCAS KYI PHUN TSOGS LA SRED PA 'GOG PA MED DU MI RUNG BA'I DGOS PA NYE BAR GZIGS NAS CHOS KYI RJE SANGS RGYAS BCOM LDAN 'DAS KYIS KYANG, DE'I GNYEN PO YID LA BYED PA THEG PA CHE CHUNG GI MDO SDE RNAMS SU LAN CIG MA YIN

, ,PAR BKA' STZAL PA LTA ZHOG GI ,THA NA DGE SLONG RNAMS LA RIN PO CHE'I KHRI LA 'DUG PA SOGS BYA DGOS PA BYUNG NA'ANG MI RTAG PAS NYEN PA'I 'DU SHES NYE BAR BZHAG PAR BYA BA SOGS KYI BSLAB PA BCAS PA'I SGO NAS KYANG DON DE SGRUB PAR MDZAD PA YIN NO, ,DE BAS NA TSUL 'DI NI MKHAS PA MGU BSKYED PA'I RNAM PAR THAR PA CHES NGO MTSAR RMAD DU BYUNG BA ZHIG GO ,DE NAS STON DE LA MAL GRO LHA LUNG PA'I BLA MA BSOD NAMS GRAGS PA LA CHOS LUNG YANG MANG RAB GSAN ZHING, BAR ZHIG TU SKU MTSAMS BCAD NAS THUGS DAM MDZAD, RNAL 'GREL GYI RNAM BSHAD RIGS MDZOD LA GZIGS RTOG MDZAD CING, LE'U GNYIS PA'I SKABS KYI LAM GYI RNAM GZHAG STON PA'I SKABS LA LEGS PAR GZIGS PAS RKYEN BYAS NAS, CHOS KYI GRAGS PA'I GZHUNG LUGS DANG RIGS PA'I SROL LA LDOG TU MED PA'I DAD PA SHUGS DRAG PO MNAN PAS MI NON PA 'KHRUNGS SHING, STON DER BZHUGS KYI RING LA RNAM 'GREL GYI GZHUNG LA GZIGS TZAM NAS DAD PA'I SPU LONG G-YOS TE SPYAN CHAB KYI RGYUN BCAD PAR MI NUS PA RTAG TU 'ONG BA ZHIG BYUNG GSUNG NGO, ,DE'I DGUN CHOS BDE BA CAN DU BZHUGS, DPYID CHOS SNGON MA LA, GRVA SKOR MDZAD BZHED PA'I PO TI 'GA' YAR GYI GZIGS RTOG MDZAD NAS GTZANG LA BYON, SNAR THANG DU PHEBS, BLA MA LO TZ'A BA DON BZANG PAS TSAD MA'I t'IKKA ZHIG MDZAD 'DUG PA DE TSAR GCIG CIS KYANG

NYON; ZHES BKA' GNANG NAS GSAN, DBYAR CHOS DE SNAR THANG DU RNAM 'GREL MNGON PA GONG 'OG MDO RTZA DANG BCAS PA'I GRVA SKOR MDZAD, SNAR THANG DU GZHUNG BSKYUR BTZUGS PA'I THOG MA DE YIN PA 'DUG, DE NAS STON CHOS LA BLA MA RJE BTZUN RED MDA' PA CHEN PO BO DONG DU CHOS BAR LA PHEBS PA GSAN NAS AER BYON, BLA MA LO TZ'A BA NAM MKHA' BZANG PO LA SNYAN DNGAGS ME LONG GI BSHAD PA LA SOGS PA GSAN, GTZO BOR RJE BTZUN RED MDA' PA LA DBU TSAD MNGON PA SOGS GSAN ZHING PHAR PHYIN DANG 'DUL BA YANG RJE BTZUN NYID KYI DRUNG DU TSAR RE NYAN NA RTEN 'BREL GYI KHYAD PAR ZHIG 'ONG DU RE BAS GSUNG 'TSAL ZHUS NAS TSAR RE GSAN, DBU MA 'JUG PA'I BSHAD PA ZHIB TU GSAN ZHING, RTZA SHE LA SOGS PA'I RIGS TSOGS KYI BSHAD PA GSAN PA MA BYUNG ZHING, DBU MA RIGS TSOGS RNAMS KYI LUNG ZHIG SNAR THANG MKHAN PO KUN DGA' RGYAL MTSAN PA LA GSAN, KHONG GIS NI KHONG RANG GI ZUR CHEN GYI GO SA DE SNGAR DBU MA'I ZUR CHOS PA ZHIG GI GO SAR 'DUG PAS DE NAS BRGYUD PAR 'DUG GSUNG ZHING, BDE BA CAN PA'I BLA MA 'JAM RIN PA LA'ANG LUNG GSAN KHONG GIS CHOS RJE BLA MA LA GSAN PAR 'DUG, BLA MA RJE BTZUN GYIS DBU MA RIGS TSOGS RNAMS KYI LUNG BRANG MO CHE'I GDAN SA PA BLA MA CHOS SHES PA LA GSAN, KHONG GIS SNAR THANG PA SHER SENG GI DRUNG DU GSAN PAR 'DUG GSUNG STE,

, ,MDOR NA DE'I TSE RJE RIN PO CHE DPON SLOB LA RIGS TSOGS RNAMS KYI BSHAD PA LTA ZHOG, LUNG TZAM ZHU BA'I YUL YANG DKA' BAR BYUNG 'DUG GO, DE NAS DPON SLOB GNYIS KA THABS CIG TU SA SKYAR BYON, RJE RIN PO CHE 'DIS DE'I TSE SA SKYAR GONG DU SMOS PA'I DKA' CHEN RNAMS KYI GRVA SKOR MDZAD, DE DUS PO TI GZHAN BCU LHAG TZAM GYI GRVA SKOR YANG MDZAD PAS CHOG PA YOD KYANG, DE DUS KYI GRVA SA RNAMS NA PO TI GZHAN RNAMS KYI GRVA SKOR BYED PA'I LUGS MA DAR 'DUG PAS MA BYAS GSUNG NGO, ,DE NAS DE 'PHRAL DBUS LA BYON NAS SOS TSAL GUNG THANG NAS BRTZAMS TE RIM PA BZHIN DU GSANG PHU DANG RTZES DANG LA SOGS PA'I GRVA SA CHEN PO RNAMS SU PHAR PHYIN SNGAR NAS MDZAD TSAR BAS DE MA GTOGS BA DKA' CHEN LHAG MA BZHI'I GRVA SKOR MDZAD CING, DE'I TSE DBUS GTZANG GI GRVA SA CHEN PO RNAMS KYI DGE BA'I BSHES GNYEN SDE SNOD 'DZIN PA RGYA MTSO LTA BU MTHA' DAG KYANG RJE BLA MA 'DI'I SKU GSUNG THUGS KYI RNAM THAR LA SNYING NAS NGAD PA THOB CING BDAG NYID CHEN PO 'DI NI SNGON YUN RING PO NAS LAM LA SBYANGS PA MTHAR PHYIN PA ZHIG ZHING 'DIR GDUL BYA'I DON DU BSAM BZHIN DU BYON PA ZHIG YIN PA NI GOR MA CHAG GO, ZHES MTHUN BAR BRJOD CING DAM PA'I MGON 'DI LTA BU LA BRTEN PA LAS LHAG PA GANG NA'ANG MED DO ZHES RJE 'DI'I ZHABS RDUL SPYI BOR BLANGS TE BKA' BZHIN DU SGRUB BA LA 'BAD PAR GYUR TO, ,DE'I TSE CHOS GRVA CHEN PO RNAMS SU GRVA SKOR LA BYON PA'I SKABS DAG TU'ANG DAD PA'I SHUGS KYIS GSOL

BA 'DEBS SHING DAM PA'I CHOS KYI BKA' STZAL MNYAN NAS RJE NYID KYI SLOB MAR KHAS LEN PA'I SDE SNOD 'DZIN PA'ANG DU MA ZHIG BYUNG LA, BDAG LEGS SU 'DOD PA DAG NI 'DI 'DRA BA'I DAM PA'I MGON LA BRTEN PA LAS 'DOD PA'I GNAS 'THOB PAR 'GYUR GYI, GZHAN GYIS NI MA YIN NO SNYAM DU BSAM NAS BDAG NYID CHEN PO 'DI'I ZHABS 'BRING DU KHAS LEN PAR YANG BYED DO, ,DE NAS RTZES DANG GI GRVA SKOR TSAR NAS YAR KLUNGS RNAM RGYAL DU MA BYON SANGS RGYAS GSUM PA KHA CHE'I PAndI TA BSOD SNYOMS PA CHEN PO SH'AKYA SHR'I BHA DRA'I MKHAN BRGYUD TSOGS CHEN PO'I MKHAN PO DKA' BZHI PA TSUL KHRIMS RIN CHEN GYIS MKHAN PO MDZAD, TSOGS PA BYI RDZING PA'I MKHAN PO GNAS BRTAN 'DUL BA 'DZIN PA SHES RAB MGON POS LAS KYI SLOB DPON MDZAD, BYI RDZING PA'I DBU MDZAD SDOM BRTZON BSOD NAMS RDO RJES GSANG STE STON PA MDZAD CING, TSOGS PA GNYIS KYI DGE SLONG KHA SKONG DU 'OS PA GRANGS TSANG BAS DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE GNAS BRTAN CHEN PO 'OD SRUNGS GANGS RI'I LJONGS 'DIR SLAR YANG BYON PA JI LTA BA BZHIN DU LHA DANG BCAS PA'I 'GRO BA THAMS CAD KYI BSOD NAMS KYI ZHING GCIG BUR GYUR TO, ,DE NAS GDAN SA THEL DU BYON, SPYAN SNGA RIN PO CHE GRAGS PA BYANG CHUB PA'I DRUNG DU MJAL, LEGS BSHAD KYI SKYES PHUL ZHING DAM PA'I CHOS KYI BKA' MCHID MDZAD BAS CHOS RJE SPYAN SNGA BA DAD PA'I SHUGS KYIS SPYAN CHAB BYUNG, PHYIS KYANG DRUNG NA 'KHOD PA DAG DANG 'BEL BA'I BKA'

, ,MCHID GLENG BA NA SKU NA GZHON NU 'DI 'DRA BA LA'ANG YON TAN GYI GTER CHEN PO 'DI LTA BU 'DUG NA KHO BO'I SKYE SA 'DI 'DRA BA ZHES THUGS PHYUNG BA'I GSUNG YANG YANG 'BYON PAR MDZAD DO, ,DE'I TSE SPYAN SNGA RIN PO CHE DE NYID LA LAM 'BRAS BU DANG BCAS PA'I MAN NGAG YONGS SU RDZOGS PA DANG N'A RO PA'I CHOS DRUG DANG RJE PHAG MO GRU PA DANG CHOS RJE 'JIG RTEN MGON PO'I BKA' 'BUM LA SOGS PA LHO BRAG MAR PA NAS RJE BTZUN MI LA LA BRGYUD PA'I GDAMS NGAG GANG YOD DANG, LHO BRAG MAR PA NAS RDOG CHOS SKU RDO RJE LA BRGYUD PA'I MAN NGAG GANG YOD DANG, 'GRO MGON PHAG MO GRU PA'I GSUNG GANG YOD DANG MAN NGAG GANG YOD GSAN TE MAN NGAG DE DANG DE DAG GI NUS PA THON PAR MDZAD DO, ,DE NAS 'ON GYI LHA KHANG KE RUR CHOS BAR LA BYON, TSA GO DBON PO SOGS SDE SNOD 'DZIN PA MANG PO ZHIG LA PHAR TSAD DBU MA SOGS KYI CHOS MANG DU GSUNGS, DE NAS SKYID SHOD DU PHEBS TE TSAL DU BZHUGS NAS BKA' DANG BSTAN BCOS BOD YUL DU 'GYUR RO 'TSAL LA GZIGS RTOG ZHIB PAR MDZAD, GSUNG RAB MTHA' DAG GI DON LA RNAM PAR DPYOD PA'I SGO DU MA ZHIG THUGS LA 'KHRUNGS, MNGON PAR RTOGS PA'I RGYAN 'GREL PA DANG BCAS PA'I RNAM BSHAD CHEN MO'I RTZOM PA'ANG MDZAD, DE'I TSE 'DZIN BZANG BAR GRAGS PA GLING MTSUNGS MED DANG, MDO SMAD PA 'JAM DPAL BKRA SHIS DANG, SH'AKYA GRUB CES PA GSUM DANG, RJE 'DIS 'DZIN GYI KHYAD PAR CHE CHUNG NYAMS SAD MDZAD PAS,

RJE 'DIS NAM LANGS PA NAS TSAL DBUS GLING GI GTZUG LAG KHANG GI TOG GI RTZE LA NYI MA SHAR BA DANG MNYAM DU SNGON GZIGS MA MYONG BA'I DPE MDA' TSAD PHRENG DGU MA ZHIG GI SHOG LDEBS BZHI SHIN TU DAG PAR THUGS LA CHUD 'DUG CING, GLING MTSUNGS MED KYIS PHYED DANG GSUM THO RE BA ZHIG DANG, GZHAN GNYIS KYIS RE RE LAS MA ZIN NO, ,SKABS SHIG TU TSA GO DBON PO MKHAN CHEN NGAG DBANG GRAGS PA PHYAGS PHYI LA KHRID NAS LHA SAR JO BO THUGS RJE CHEN PO RANG BYUNG LNGA LDAN GYI DRUNG DU BYON NAS SMYUNG GNAS MANG DU MDZAD, DE'I NUB GCIG GI TSE DPON SLOB GNYIS KAS GSOL BA DRAG TU BTAB NAS MNAL LAM GYI LTAS BRTAGS PAS, TSA GO BA LA DUNG DKAR CHEN PO GNYIS NAM MKHA' LAS BABS NAS KHONG GI THU BAR LHUNG BYUNG BA DE MA KHAD DE GNYIS 'DRES NAS GCIG TU SONG 'DUG, DE LAG TU BLANGS NAS BUS PAS SGRA CHEN PO DPAG TU MED PA GRAGS PA ZHIG RMIS 'DUG STE, PHYIS KHONG GIS RGYAL MO RONG GI SMAD DU SANGS RGYAS KYI BSTAN PA DAR ZHING RGYAS PAR MDZAD DE 'PHRIN LAS RGYA CHEN PO BYUNG 'DUG PA DE'I LTAS YIN PAR GSUNGS, RJE 'DI PA'I MNAL LAM DU SNYE THANG GI YAR 'PHRANG YAR LA THON PA'I BRAG MDA' SGRO ZER BA DE 'DRA BA ZHIG GI BRAG RI GZAR PO ZHIG LA 'DZEGS BYON PAS RDO LEB DKAR PO SHIN TU 'JAM PA ZHIG GI STENG NA AUTPA LA SNGON PO CHES CHER RGYAS SHING KHA DOG GSAL BA, 'DAB MA MA BRNYINGS PA, YU BA DANG BCAS PA ZHIG 'DUG, DE PHYAG TU BLANGS, 'DI RJE BTZUN SGROL MA'I PHYAG MTSAN DU 'DUG

, ,PAS DES RJES SU 'DZIN PA'I LTAS YIN NAM DGONGS PA NA, DA LAN DE MA YIN TSE'I LTAS YIN GSUNG BA ZHIG BYUNG, TSAL NAS DGUN CHOS LA BDE BA CAN DU BYON, SDE SNOD MANG DU GSUNGS, DPYID DBUS STOD BYA YUL DU PHEBS, DGE BA'I BSHES GNYEN BDUN CU TZAM ZHIG LA PHAR TSAD DBU MA 'JUG PA MNGON PA KUN LAS BTUS RNAMS GSUNGS, SLAR YANG TSAL DU BYON NAS PHAR PHYIN GYI RNAM BSHAD KYI 'PHRO MDZAD CING MJUG BDE BA CAN DU RDZOGS PAR MDZAD, DE NAS, MDO RGYUD KYI GZHUNG CHE CHUNG DU MA LA MKHAS PAR SBYANGS SHING, KHYAD PAR DUS KYI 'KHOR LO CHA LAG DANG BCAS PA LA MKHAS PAR GRAGS PA TSAL PA BLA MA RTOGS LDAN YE SHES RGYAL MTSAN PA LA DUS 'KHOR GSUNG BAR ZHUS, KHONG GIS KYANG ZHAL GYIS BZHES NAS DPON SLOB GNYIS KAS SKYOR MO LUNG DU BZHUGS TE DUS KYI 'KHOR LO'I 'GREL CHEN DRI MA MED PA'I 'OD KYI BSHAD BA ZHIB PAR GSAN ZHING; RGYU MTSAN RTZIS DANG LAG LEN RNAMS LA'ANG MKHAS PAR SBYANGS, SKYOR MO LUNG DU SDE SNOD 'DZIN PA MANG PO LA GZHUNG CHE CHUNG MANG PO'I BSHAD PA'ANG GSUNGS NAS, SLAR YANG DE'I PHYI LO DBYAR CHOS BDE BA CAN DU BZHUGS, BLO GSAL 'DUS PA RGYA MTSO'I TSOGS LA SDE SNOD KYI BSHAD PA MANG DU GNANG, DE NAS DGUN STOD LUNG MTSO SMAD NGANG DKAR DU DUS 'KHOR LA THUGS SBYONG SHIN TU 'GRUS PAR MDZAD, BSHES GNYEN BLO GSAL MANG PO LA SDE SNOD

KYANG MANG DU GSUNGS, DE NAS RDZONG CHE GRAGS PA RIN CHEN PA DE RJE 'DI PA LA DE GONG NAS MI PHYED PA'I DAD PA YOD PAS SNGA PHYIR GSOL BA MANG DU BTAB PA LA DGONGS NAS YAR KLUNGS PHYOGS LA 'BYON PAR BZHED DE SRIN PO RIR PHEBS PA NA, DE DUS GONG DKAR NA SGOM PA CHOS RGYAL YOD PA KHONG YANG RJE 'DI LA SNYING NAS DAD PA YOD PA'I DBANG GIS ZHU BA NAN CHER PHUL TE SOS DE RIGS LNGA LHA KHANG DU BZHUGS, SDE SNOD 'DZIN PA BDUN CU LHAG TZAM LA PHAR TSAD MNGON PA GONG 'OG 'DUL BA MDO RTZA DBU MA 'JUG PA SOGS GSUNGS, GONG DKAR NAS BSNYEN BKUR SDE GONG 'OG GI DKYIL 'KHOR CHEN PO RNAMS SU, SKAL BA DANG SMON MKHAR DU BZHUGS TE SDE SNOD MANG DU GSUNGS SHING, RDZONG CHIBS YO BYAD MKHO DGU THAMS CAD KYIS GUS PAS MCHOD, DE LTAR SNGA PHYIR SDE SNOD DPAG TU MED PA NAR MAR GSUNG BA DE DAG GI SKABS RNAMS SU'ANG, RGYUD SDE GONG 'OG GI DKYIL 'KHOR CHEN PO RNAMS SU, SKAL PA DANG LDAN PA'I GDUL BYA DBANG GIS SMIN PAR MDZAD PA DANG, GZHAN YANG LHA SO SO'I RJES GNANG DANG, LUNG DANG MAN NGAG LA SOGS PA GANG LA GANG 'TSAM GYI CHOS KYIS GDUL BYA DPAG TU MED PA SMIN CING GROL BAR MDZAD DO, ,LHAG PAR YANG DE'I TSE RJE 'DI NYID NGAG GI LHA MO DBYANGS CAN MAS RJES SU BZUNG BAR GRAGS SHING, DE'I RJES GNANG ZHU BA GAR BYON DU MANG BA ZHIG 'ONG ZHES GRAG GO, DE NAS DGUN MON MKHAR BKRA SHIS GDONG DU BZHUGS, DE DUS NUB CIG

, ,ZHUGS ME LA BZHUGS NAS BOD KYI MKHAS GRUB RNAMS KYI RNAM PAR THAR PA CI RIGS PA GSUNG PA'I SKABS SU, DKA' BZHI PA SHER SENG GIS CHOS THOG GCIG LA PO TI BCU GCIG GSUNGS 'DUG, DUS PHYIS BOD DU PO TI DUS GCIG LA GSUNGS PA DE MANG SHOS SU 'ONG BA 'DRA GSUNG, DE NAS DGE BSHES SHA STON LA SOGS PAS RJE NYID NAS KYANG DE TZAM ZHIG DUS GCIG TU GSUNG 'TSAL ZHUS BAS, RTZOL BA BYAS NA DE TZAM ZHIG 'CHAD THUB PA 'DRA GSUNG, 'O NA CIS KYANG GSUNG 'TSAL ZHES NAN GYIS GSOL BA BTAB PAS ZHAL GYIS BZHES TE ZLA BA DE'I TSES BCU NAS GNAM GANG GI BAR SKU MTSAMS BCAD NAS GZIGS RTOG MDZAD, GNAM GANG GI NYIN PHYAG DPE THAMS CAD KYI SKU RAGS BCINGS, TSES GCIG NAS CHOS 'DZUGS PAR BZHED PA LA GSANG PHU SOGS NAS 'BYON PA'I DON GNYER BA SDE SNOD 'DZIN PA MANG PO ZHIG SGUG DGOS PA BYUNG BAS NYI MA GSUM TZAM GYI BAR DU MI LA DANG MAR BA SOGS KYI GSUNG RGYUN THOR BU 'GA' GSUNGS, TSES LNGA NAS NYI MA GCIG LA RGYA GAR SKAD BCO LNGA'I DBU DUS GCIG LA BTZUGS NAS NYIN RE ZHING THO RANGS NAS SROD KYI BAR LA CHOS THUN BCO LNGA RE MA CHAG PAR THUGS BSHAD MDZAD, DE'I NANG NAS PO TI CHUNG BA GNYIS RDZOGS BAR GSUNGS TSAR BA NA DE'I DOD DU SLAR YANG CHUNG BA GNYIS BTZUGS NAS, TSAD MA RNAM 'GREL, PHAR PHYIN, MNGON PA GONG 'OG GNYIS, 'DUL BA MDO RTZA BA, BYAMS

CHOS PHYI MA BZHI, DBU MA RIGS PA'I TSOGS LNGA, 'JUG PA, BZHI BRGYA PA, SPYOD 'JUG STE BSTAN BCOS BCU BDUN GYI BSHAD BA DKA' CHEN 'GA' ZHIG BOD KYI t'IKKA CHEN MO RE GZHIR BZHAG PA'I THOG TU 'GREL BA'I 'CHAD TSUL DU MA DGAG SGRUB DANG BCAS PAS GTAN LA PHAB CING, GZHUNG GZHAN RNAMS PHAL CHE BA RANG RANG GI 'GREL PA'I STENG NAS GZHUNG PHRA RAGS MA LUS PA LA BSHAD PA ZHIB PAR MDZAD DE ZLA BA GSUM LA RDZOGS PAR MDZAD CING, DE'I SKABS SU'ANG, SROD CHOS GROL NAS RDO RJE 'JIGS BYED KYI BDAG 'JUG LA SOGS PA THUGS DAM RIM GNYIS KYI RNAL 'BYOR RNAMS MA CHAG PAR MDZAD DE, SKYE BO KUN YANG 'DI NI LHAG PA'I LHAS DNGOS SU BYIN GYIS BRLABS PA'AM, GZUNGS THOB PA'I BYANG CHUB SEMS DPA'I CHEN PO ZHIG YIN PAR NGES KYI GZHAN LA 'DI LTA BU 'BYUNG MI SRID DO ZHES MTHUN PAR GLENG NGO, ,DE'I DBYAR KHA YAR KLUNGS AO KAR BRAG TU BZHUGS NAS SKU MTSAMS DAM PO MDZAD, BCOM LDAN 'DAS DPAL 'KHOR LO BDE MCHOG GI SGOM BZLAS DANG THUN BZHI'I RNAL 'BYOR, BDAG 'JUG SHIN TU MANG BAR MDZAD CING NE GU CHOS DRUG GI DMIGS SKOR RNAMS THUGS NYAMS SU BSTAR NAS LEGS PAR SBYANGS TE ZHAG RE LA GTUM MO'I RLUNG SBYOR YANG BRGYAD BRGYA RE TZAM MDZAD DO ZHES GSUNG ZHING GTUM MO LA SOGS PA'I THUGS DAM GYI NYAMS BZANG PO MANG DU 'KHRUNGS SO, ,DE NAS STON SKYID SHOD DU PHEBS,

, ,RJE BTZUN RED MDA' PA'I ZHAL SNGA NAS KYANG DBUS SU CHOS BAR LA PHEBS PAS DPON SLOB GNYIS KAS PO TA LAR BZHUGS NAS DAM PA'I CHOS KYI BKA' BGRO BA MANG DU MDZAD CING GDUL BYA RNAMS LA'ANG LEGS PAR BSHAD PA'I SKYES STZAL NAS RJE BTZUN PA SLAR YANG GTZANG LA BYON, RJE BLA MA 'DI NYID KYIS DE'I DGUN SKYOR MO LUNG GI BRAG TU BZHUGS NAS SDE SNOD 'DZIN PA CHEN PO DU MA LA DUS 'KHOR DANG PHAR TSAD MNGON PA SOGS MANG DU GSUNGS SO, ,DE NAS DE'I DPYID RTA'I LO LA RGYUD SDE CHEN PO RNAMS KYI BSHAD PA DANG, DBANG LAG LEN MAN NGAG DANG BCAS PA MTHA' DAG RDZOGS PA ZHIG RTZAD GCOD MDZAD PAR BZHED PA DANG, ,BLA MA RJE BTZUN RED MDA' BA DANG DPON SLOB GSUNG GLENG MDZAD PA'I DGOS PA 'GA' ZHIG GI PHYIR DU GTZANG LA BYON, RONG GI SNUBS CHOS LUNG DU BZHUGS, TSOGS BA'I MKHAN PO RIN CHEN GRAGS PA BSHES GNYEN PA LA BKA' LUNG CI RIGS PA GSAN, DE DUS RJE 'DI PA'I ZHABS 'BRING LA YOD PA'I SNGO PHYI DPON PO BSOD NAMS GRAGS DANG, MDO SMAD PA DGE BSHES SHES RAB GRAGS ZHES BA GNYIS KYIS BLA MA DBU MA PA BRTZON 'GRUS SENG GE BDE MCHOG STENG ZHES PA'I DBEN GNAS ZHIG NA BZHUGS PA'I DRUNG DU MJAL BA LA PHYIN CHOS 'BREL ZHUS GSUNG GLENG BYUNG BAS, DBU MA PA'I ZHAL NAS, NGED KHYED KYI SLOB DPON PA DE LA DBYANGS CAN MA'I RJES GNANG ZHIG ZHU DGOS GSUNG, DE NAS BLA MA DBU MA PA DANG RJE 'DI PA

ZHAL 'DZOM MDZAD DE, BLA MA DBU MA PAS RJE 'DI LA DBYANGS CAN MA'I RJES GNANG ZHUS, DE'I TSE GSUNG GLENG ZHIB TU MDZAD PAS BLA MA DBU MA PA KHONG RANG LA MDO KHAMS NA PHYUGS MA SKYONG BA'I DUS NYID NAS RJE BTZUN 'JAM PA'I DBYANGS KYI SKU DANG GSUNG GI SNANG BA NAR MAR 'ONG TSUL DANG, DE LA SNGA PHYIR BRTAG PA BYAS TSUL LA SOGS PA ZHIB PAR ZHUS NAS, DA DUNG NGED 'DI LA GTING NAS NGES BRNYED PA MED PAS BRTAG DPYAD YANG DAG CIG THUGS LA 'DOGS PAR ZHU DA LA NA YANG RJE BTZUN GYI SKU'I SNANG BA DE'I GSUNG NAS, RJE NYID LA DBYANG CAN MA'I RJES GNANG ZHU BA LA RGYUG GSUNG NAS 'ONGS PA YIN, ZHES GSUNGS BA LA RJE 'DI PAS DBU MA'I LTA BA SOGS CHOS KYI GNAD ZAB MO RNAMS KYI DRI GTUGS MDZAD PA SOGS KYI SGO NAS LEGS PAR BRTAGS PAS RTAG THUB PA 'DUG PAS THUGS YID GNYIS ZA DGOS PAR MI GDA', GSOL BA DRAG TU THOB MDZAD, 'ON KYANG RJE BTZUN GYI SKU DANG GSUNG RANG MTSAN PA DA LTA DBANG SHES LA SNANG BA MIN, YI DAM GYI SKU DNGOS KYIS GTAD PA'I RNAM PA YID SHES LA DNGOS SU SNANG BA ZHIG YIN, NGED KYANG 'JAM PA'I DBYANGS KYI SGRUB SKOR MAN NGAG SOGS 'DI PHYOGS LA SHES 'DOD CHE BAR YOD PAS ZHU DGOS NA'ANG DA LAN RJE BTZUN RENG MDA' PA'I DRUNG NAS STAG TSANG DU 'BYON PA DANG DPON SLOB DUS NGES MDZAD PA'I MJAL PHRAD DGOS PAR YOD PA SOGS KYIS BREL NAS MI 'GRUB 'DUG, RJES SU RTEN 'BREL CIG CIS KYANG SGRIG 'TSA

, ,ZHES GSUNGS NAS STAG TSANG RDZONG KHAR BYON, MKHAN CHEN LO TZ'A BA GRAGS PA RGYAL MTSAN PA DANG, RJE BTZUN DAM PA RED MDA' PA DANG, BLA MA LO TZ'A BA DON BZANG BA DANG, RJE'I ZHAL SNGA NAS DANG, DE DAG GI ZHABS 'BRING DU LHAGS PA'I BSHES GNYEN SDE SNOD 'DZIN PA PHUN SUM TSOGS PA DU MA DANG, GNYUG MAR GNAS PA'I DGE 'DUN GYI TSOGS DANG BCAS PA'I YUL MCHOG TU GYUR PA GDAN MNGON PAR 'JOM PA THAMS CAD KYI NYE BAR MKHO BA'I 'TSOGS CHAS, ZHAL ZAS DANG GNAS MAL LA SOGS PA PHUN SUM TSOGS PA'I MTHIL LEN GYI THUGS KHUR RGYA CHEN PO DAG RGYAL SRAS 'DUL BA 'DZIN PA CHEN PO GZHUNG LUGS RAB 'BYAMS LA MKHYEN PA RGYAS SHING; GCIG TU BSTAN PA RIN PO CHE'I KHUR 'KHYER BA LA MI MNYAM PA'I BRTUL ZHUGS CAN CHOS RJE LO TZ'A BA SKYABS MCHOG DPAL BZANG POS BZHES SO, ,DE'I TSE RIN PO CHE GRAGS PA RGYAL MTSAN PAS PHAR PHYIN DANG, CHOS RJE SKYABS MCHOG PAS BRTAG GNYIS GSUNGS SHING, RJE BTZUN DAM PA RED MDA' PA'I ZHAL SNGA NAS, KHONG RANG GIS MDZAD PA'I RNAM 'GREL RGYAN GYI 'GREL BSHAD CHEN MO DE GSUNG BA RJE 'DIS GSAN ZHING, DPON SLOB GNYIS KYIS DKA' PA'I GNAS GTAN LA 'BEBS PA'I RIGS PA'I BRTAL BRTAGS KYANG MANG DU MDZAD, DE NAS DPON SLAB GNYIS KYIS 'BA' 'U 'BA' GNYER DU CHOS BAR BTEG NAS BYON, RJE RIN PO CHE 'DIS BLA MA RJE BTZUN RED MDA' PA'I

ZHAL SNGA NAS LA RGYUD KYI RGYAL PO DPAL GSANG BA 'DUS PA'I RTZA RGYUD KYI BSHAD PA TSAR GCIG GSAN, DE'I TSE GONG GSUM BDE CHEN PA'I BLA MA RIN PO CHE CHOS KYI DPAL BA'I DRUNG DU DUS 'KHRO ZHIG GSAN DGOS DGONGS PA BYUNG BA'I NUB GCIG MNAL LAM DU, CHOS KYI DPAL GYIS BU STON RIN PO CHE LA DUS 'KHOR 'GREL CHEN TSAR BCU BDUN NYAN PA YIN NO ZER BA ZHIG BYUNG, PHYIS KHONG DANG MJAL DUS RIN PO CHES BU STON GYI DRUNG DU DUS 'KHOR TSAR DU GSAN PA LAGS ZHUS PAS, BCU BDUN NYAN ZHES GSUNG NGO, ,DE DUS RJE BTZUN RED MDA' PA'I ZHAL NAS, SNGAGS KYI RTZAD GCOD DE TZAM MDZAD PA LA YUN RING 'GYAL, DA LTA SDE SNOD KYI BSHAD PAS PHAN THOGS RGYA CHEN PO 'ONG GIN 'DUG PAS RE ZHIG BSHAD PA MDZAD PA MI 'THAD DAM ZHES GSUNG BA LA ,BDAG SNGAGS KYI PHYOGS LA 'DUN PA DRAG PO BDOG PAS SNGON LA SNGAGS PHYOGS KYI RTZAD GCOD BGYID PA LAGS ZHES GSUNGS, DE YANG RJE RIN PO CHE 'DI'I ZHAL NAS NGED SNGAGS KYI PHYOGS LA GZHAN GYIS BSKUL DGOS PA MED, CHUNG DU NAS 'DI LA SHES 'DOD DRAG PO YOD CING ,DE YANG RGYUD SDE MTHA' DAG YONGS SU RDZOGS PAR BSLAB DGOS SNYAM PA ZHIG DANG PO NAS YOD CES GSUNG NGO, ,DE NAS BLA MA RJE BTZUN PAS SA SKYA LA PHYAGS BTEG, RJE 'DI PAS RONG CHOS LUNG DU BYON, ,BLA MA DBU MA BA DANG CHOS KYI GSUNG GLENG MANG DU MDZAD, RJE BTZUN 'JAM PA'I DBYANGS KYI CHOS SKOR YANG MANG DU GSAN, BLA MA DBU MA PAS KYANG RJE RIN PO CHE

, ,'DI NYID LA DBU MA LA 'JUG PA'I RANG 'GREL SOGS CHOS BKA' CI RIGS GSAN PAR MDZAD DO, ,RJE RIN PO CHE 'DI PAS STON GYI RING RONG GI RI LUNG PHUG TU THUGS DAM LA BZHUGS, STON GZHUG MYANG STOD SMAD KYI MTSAMS GONG GSUM BDE CHEN DU PHEBS NAS ,THAMS CAD MKHYEN PA BU STON RIN PO CHE'I BU CHEN RNAMS KYI NANG NAS DUS KYI 'KHOR LO LA MKHAS PA'I MCHOG TU GYUR PA ,GZHAN YANG SNGAGS KYI GZHUNG DANG LAG LEN MAN NGAG SOGS MTHA' YAS PA LA MNGA' 'BYOR PA'I RIN PO CHE CHOS KYI DPAL BA'I DRUNG DU MJAL, THOG MAR MJAL BA'I DGONGS MO DE PHYAG PHYIS DAR SER PO ZHIG PHUL, SANG NYIN JA ZHAL ZHIG MDZAD DE GOS NE TZO KHA YUG GCIG PHUL NAS DUS KYI 'KHOR LO'I 'GREL CHEN CHA LAG DANG BCAS PA GSUNG BAR ZHUS, DE DUS KYANG 'GREL CHEN GSUNG BA'I LE'U DANG PO RDZOGS PA'I MTSAMS LA 'DUG PAS, KHONG GI ZHAL NAS, MDANG GI DAR SER PO DE SA'I KHAMS SDUD RIM DANG MTHUN PAS RDZOGS RIM YONGS SU RDZOGS PAR 'ONG BA 'DUG ,DA NANGS KYI GOS YUG 'DI LJANG KHU NAM MKHA'I KHAMS YIN BSKYED RIM DANG MTHUN PAS BSKYED RIM YONGS SU RDZOGS PAR 'ONG BAR 'DUG ,CHOS MTSAMS LE'U GNYIS PA'I 'OG GANG ZHIG CHEN PO'I MI RNAMS SMIN PAR BYA BA'I DON DU ,ZHES PA'I SKABS LA SLEB BYUNG BAS RTEN 'BREL SHIN TU LEGS, CHOS THAMS CAD YONGS SU RDZOGS PAR BYED DGOS ,ZHES DGYES

BZHIN DU ZHAL GYIS BZHES, LE'U DE NAS DBU BTZUGS TE GSUNGS SHING, SLAR YANG LE'U DANG PO'I 'OG NAS SKYAR TE GSUNGS, STON GZHUG DE NAS DPYID SNGA MA MA RDZOGS RING LA BZHUGS NAS RGYUD 'GREL GYI BSHAD PA PHYAG LEN GYI MDZUB KHRID; SBYOR DRUG GI NYAMS KHRID SOGS RDZOGS PAR GSAN NO, ,DE NAS YO GA'I BKA' LUNG BSHAD PA MTHA' DAG GSAN PAR BZHED PA LA SNGON DU PHYAG LEN ZHIG SBYANG BAR BZHED NAS ,ZHA LU NA DE DUS BU STON RIN PO CHE BA'I MCHOD G-YOG PA GTZO BO ZHIG YIN PA YO GA'I LAG LEN LA SHIN TU MKHAS PAR GRAGS PA'I YO GA BA TSE DBANG ZHES PA'I SLOB MA DRAG PA YO GA BA MGON BZANG ZHES BYA BA GDAN DRANGS NAS, KHONG DANG RJE RIN PO CHE GNYIS KYIS MYANG STOD SMAD KYI MTSAMS 'KHRIS RTZA KHANG ZHES PAR BZHUGS NAS RDO RJE DBYINGS DANG DPAL MCHOG RTZE MO LA SOGS PA YO GA'I DKYIL 'KHRO CHEN PO MTHA' DAG GI BRIS THIG GAR DBYANGS, DKYIL CHOG GI CHOG KHRID, PHYAG RGYA 'CHING BA SOGS LA SHIN TU BYANG BAR SBYANGS, DE'I TSE NUB GCIG MNAL LAM DU, KHRI CHEN PO ZHIG GI STENG NA BLA MA KHYUNG BO LHAS PA YIN ZER BA'I BLA MA BGRES PO DBU RGYAN GSOL, RDO RJE DRIL BU PHYAG NA BZUNG BA ZHIG BZHUGS, DE'I SKU MDUN RJE RIN PO CHE NYID KYANG BZHUGS 'DUG PA LA, BLA MA DE BZHENGS NAS RDO RJE'I 'GROS KYIS DRIL STABS DANG BCAS RJE 'DI NYID LA G-YAS SU BSKOR BA LAN GSUM MDZAD CING, PHRENG BA NAS BYUNG BA'I AE K'A PA TZIK'A PA ZHES SOGS KYI SGA BSGRAGS NAS RJE'I DBU'I STENG DU

, ,RDO RJE DRIL BU BZUNG STE KARMA BADZRA ZHES BYA BA'O, ,ZHES GSUNGS NAS KHRI LA BZHUGS SONG BA ZHIG BYUNG, MNAL SOD NAS BRTAGS PA NA SNGAR GYI GSANG MTSAN DON YOD RDO RJE YIN BA DANG, KARMA BADZRA YANG DON GRUB KYI RIGS KYI MING DU 'DUG PAS 'DRA BA 'DUG DGONGS PA ZHIG BYUNG GSUNG NGO, ,SLAR YANG DPYID SMAD DE NAS DBYAR DANG STON 'OG MA'I RING LA GONG GSUM BDE CHEN DU BYON NAS, RIN CHEN CHOS KYI DPAL BA LA RDO RJE PHRENG BA'I DBANG LUNG MDZUB KHRID BSHAD PA GAR THIG DBYANGS GSUM GYI PHYAG LEN KHRID DANG BCAS PA'I SGO NAS PHRENG BA SKOR GSUM LA MKHAS PAR SBYANGS, GZHAN YANG BCOM LDAN 'DAS PHYAG NA RDO RJE 'KHOR LO CHEN PO LA SOGS PA'I DBANG LUNG MAN NGAG DANG BCAS PA LA SOGS PA ZAB CING RGYA CHE BA'I CHOS MANG DU GSAN, DE NAS ZHA LUNG RIN PO CHE KHYUNG PO LHAS PA LA YO GA'I SKOR GSAN PA LA 'BYON PAR DGONGS YOD PA LA, NUB GCIG MNAL LAM DU KHRI CHEN PO ZHIG GI STENG NA RIN PO CHE KHYUNG PO BA YIN ZER BA'I BLA MA BGRES PO ZHIG BZANG PO'I 'DUG STANGS MDZAD NAS BZHUGS, DE'I DRUNG NA RJE 'DI PA'ANG BZHUGS YOD PA LA, BLA MA DES PHYAG GNYIS KYIS THUGS KA'I NA BZA' BSAL NAS THUGS KA STON GYIN 'DUG PA LA GZIGS PAS, BLA MA DE'I THUGS KA NAS SNGAGS KYI PHRENG BA RING PO RIM PA DU MAS BSKOR BA'I 'KHOR LO YIG 'BRU RNAMS HRA MA ME 'DUG PA GZIGS PAS SNGAGS RNAMS PHAL CHE BA BKLAGS PA ZHIG RMIS,

PHYIS MJAL BA NA SKU'I RNAM PA MNAL LAM DU BYUNG BA DE NYID RANG DU 'DUG GSUNG NGO, ,DE NAS STON PHYI MA DGUN DPYID DBYAR RNAMS SBREL NAS ZHA LUR BZHUGS, SNGAGS 'CHANG RDO RJE 'DZIN PA CHEN PO RIN PO CHE KHYUNG PO LHAS PA' DRUNG DU YO GA'I DKYIL 'KHOR CHEN PO RNAMS KYIS THOG DRANGS RGYUD SDE 'OG MA RNAMS KYI BKA' DA LTA BOD NA RNAM PAR DAG BA'I DBANG GI CHU BO RGYUN MA CHAD PAR YOD PA PHAL CHE BA YONGS SU RDZOGS PAR GSAN ZHING, BCOM LDAN 'DAS 'KHOR LO BDE MCHOG L'U AI PA DANG NAG PO PA'I LUGS LA SOGS PAS THOG DRANGS PA'I BLA MED KYI BKA' LUNG YANG DPAG TU MED PA GSAN, KHONG LA MNGA' BA'I BKA' LUNG PHAL CHER BUM PA GANG BYO'I TSUL DU THUGS RGYUD LA GTAMS PAR MDZAD, DE'I TSE 'BUL BA TSOGS 'KHOR ZHABS TOG NAR MA SOGS KYIS MNYES PAR MDZAD DO, ,DE DUS RJE BTZUN KHYUNG LHAS PA'I ZHAL SNGA NAS KYIS DBANG RE RE GNANG TSAR BA'I MJUG TU 'DI NGA LA YANG BLA MA 'DI ZHES BYA BAS DGYES BZHIN DU GNANG BA YIN BYA BA RE CIS KYANG GSUNG ZHING, BKA' LUNG RNAMS RDZOGS PA NA, DA NI CHOS BDAG PO LA 'PHROD PAS 'GYOD PA MED DO ZHES GSUNG ZHING, DANG PO BU STON THAMS CAD MKHYEN PA DANG, BLA MA KHYUNG LHAS PA GNYIS KAS KUN MKHYEN 'PHAGS 'OD PA'I DRUNG DU DPAL GSANG BA 'DUS PA DANG YO GA LA SOGS PA'I DKYIL 'KHOR CHEN PO RNAMS KYI DBANG GSAN DUS TSOGS 'KHOR ZHIG GI GRAL DU, KUN MKHYEN PA'I ZHAL NAS, RJE MAR PAS, NYI

, ,MA SHAR DU KA CHEN BTZUGS PA DE, ZHES SOGS KYI MGUR MA DE 'DON PA SPOS NAS, NYI MA SHAR DU KA CHEN BTZUGS PA DE, KHYUNG PO STON SGOM KHYOD LA MI ZER RAM, ZHES GSUNGS PA'I LO RGYUS KYANG GSUNGS, DE NI RJE BTZUN KHYUNG LHAS PAS KUN MKHYEN 'PHAGS PA DANG, BU STON THAMS CAD MKHYEN PA GNYIS LAS SNGAGS KYI GDAM PA RGYA MTSO LTA BU BZHES PA'I BYIN RLABS KYI BCUD MA NYAMS PAR RJE RIN PO CHE 'DI PA'I PHYAG TU RDO RJE THEG PA'I BSTAN PA YONGS SU RDZOGS PAR 'PHROD NAS PHYOGS 'DIR SKYE DGU THAMS CAD KYI PHAN BDE'I RTZA LAG TU GYUR PA 'DI'I DON LA DGONGS PAR GSAL LO, ,RJE RIN PO NYID KYI ZHAL NAS, SNGAGS KYI DNGOS GRUB THAMS CAD KYI RTZA BA GTZO BOR BLA MA MNYES PAR BYAS PA 'BA' ZHIG LA RAG LAS 'DUG PAS DBANG GNANG BA'I DUS THAMS CAD DU BLA MAS MNYES BZHIN DU GNANG BA YIN NO, ,ZHES GSUNGS PA DE LA DPYAD RGYU CHEN PO ZHIG 'DUG GO ZHES GSUNG NGO, ,DE NAS RJE BTZUN DAM PA KHYUNG PO LHAS PA LAS GSAN DGOS RNAMS KYI THUGS THAG LEGS PAR CHOD NAS, PA SNAM GYI PHAG PA RIN BLA MA BDE CHEN PA CHOS KYI DPAL BA GDAN DRANGS NAS BZHUGS 'DUG PA'I SPYAN SNGAR BYON, SLAR YANG RDO RJE SNYING 'GREL, PHYAG RDOR BSTOD 'GREL, N'A RO 'GREL CHEN LA SOGS PA DUS 'KHOR GYI CHA LAG MANG PO ZHIG GSAN ZHING DPAL GSANG BA 'DUS PA LUGS GNYIS LA BU STON RIN PO CHES YIG CHA MDZAD PA CI YOD KYI BSHAD LUNG LA

SOGS PA CHOS BKA' MANG DU GSAN, DE NAS KHONG BA GONG GSUM BDE CHEN DU THEGS ,RJE RIN PO CHES PHAG PA RIR ZHA LU BA'I YO GA BA MKHAS PA SDE SNOD 'DZIN PO CHEN PO RGYAL MTSAN GRAGS PA SPYAN DRANGS NAS YO GA'I GAR DBYANGS SOGS PHYAG LEN RNAMS KYI DAG TER YANG DAG MDZAD, CHOS BKA' YANG CI RIGS PA GSAN, KHYAD PAR BU STON GYIS MDZAD PA'I RDO RJE 'BYUNG BA'I RNAM BSHAD CHEN MO GSAN ZHING, YO GA'I RTZA RGYUD DE NYID BSDUS PA, BSHAD RGYUD RDO RJE RTZE MO, DPAL MCHOG ,NGAN SONG SBYONG BA'I RGYUD LA SOGS PA DANG, DE NYID SNANG BA, KO SA LA'I RGYAN, DPAL MCHOG 'GREL CHEN LA SOGS PA RGYUD DANG 'GREL PA RGYA GZHUNG GI RIGS DPAG TU MED PA'I LUNG YANG GSAN NO, ,DE NAS SPRE LO'I STON BLA MA DBU MA PA DANG LHAN CIG TU DPON SLOB GNYIS KAS DBUS KYI DGA' BA GDONG DU PHYAGS PHEBS, LHA SAR JO BO RIN PO CHE'I DRUNG DU GSOL BA 'DEBS PA LA BYON NAS, DPON SLOB GNYIS KAS DGA' BA GDONG DU SKU MTSAMS LEGS PAR BCAD NAS BZHUGS, DE YANG SKYE RABS MANG PO NAS RJE BTZUN 'JAM PA'I DBYANGS KYIS RJES SU BZUNG STE SA LAM MTHON BOR BYON ZHING SKU TSE 'DIR YANG 'KHRUNGS TZAM NYID NAS RJE BTZUN 'JAM PA'I DBYANGS KYIS RJES SU BZUNG STE GSUNG GI GNANG BRGYUN DU STZOL BA SOGS YON TAN GYI TSOGS KYIS MNGON BAR MTHO BA'I BLA MA DBUM PA DANG THABS CIG TU DGA' BA GDONG DU BZHUGS RING LA'ANG KHONG LA RJE BTZUN 'JAM PA'I DBYANGS KYI CHOS SKOR MANG DU

, ,GSAN ZHING, BLA MA DANG YI DAM THA MI DAD DU BYAS PA LA GSOL BA DRAG TU 'DEBS PA DANG, YI DAM GYI BSNYEN SGRUB LA SHIN TU 'GRUS PAR MDZAD, KHYAD PAR RJE RIN PO CHE 'DI NI BSKAL BA BGRANG BA LAS 'DAS PA'I SNGON ROL NAS LAM LA LEGS PAR SBYANGS PA'I RIGS KYI NUS PA YONGS SU SMIN PA'I DBANG GIS GSUNG RAB DGONGS 'GREL DANG BCAS PA LA THOS BSAM SGOM PA JI SNYED CIG MDZAD PA THAMS CAD LA'ANG TSE 'DI'I RNYED BKUR DANG, SNYAN GRAGS DANG, 'KHOR DANG, 'DU 'GOD PHUN SUM TSOGS PA DANG, BDAG NYID GZHAN LAS KHYAD BAR 'PHAGS PA NYID DU MTHONG BAR GYUR NA CI MA RUNG SNYAM PA SOGS KYI KUN SLONG GI DRI TZAM YANG MA 'DRES PAR SEMS CAN THAMS CAD KYI DON DU RNAM PA THAMS CAD MKHYEN PA'I CHED DU DMIGS PA 'BA' ZHIG GIS THUGS RANG DBANG MED PAR PHROGS PAS, TSIG 'GRIG 'GRIG MO DANG, DON MKHAS PA GZHAN GYIS BSHAD PA LAS KHYAD DU THON THON MO DANG, MANG PO TSOGS PA'I DBUS SU RANG GI LUGS RNAM PAR BZHAG PA LA GZHAN GYIS BRGAL BAR MI NUS SHING, GZHAN GYI 'DOD PA THABS SNA TSOGS KYI SGO NAS DGAG NUS PA TZAM GYIS THUGS TSIM PA DANG, DE 'DRA BA TZAM ZHIG LHUR MDZAD PA'I DRI TZAM YANG MI MNGA' ZHING, BDAG NYID RGYAL ZHING PHA ROL SMA DBAB PAR BZHED PA DANG, RANG NYID MKHAS PAR RLOM PA'I NGA RGYAL GYIS RANG GIS GANG SHES PA DE NYID GZHAN LA GRAGS PAR BYA BA'I CHED DU, 'CHAD

BA'AM; RTZOD PA'AM, RTZOM PA 'DI LTA BU ZHIG DANG PO THOS BSAM GTZO BOR LHUR MDZAD PA'I THOG MA NAS BRTZAMS TE ZHING GSHEGS PA'I BAR GANG GIS SKABS SU'ANG DUS 'DI'I TSE TSUL 'DI LTAR MDZAD DO ZHES GZU BOR GNAS BA SUS KYANG LAN CIG KYANG DRANG POR GLENG BA'I SKABS MED PA 'DI NI, CHOS LA BLO KHA CUNG ZAD CIG PHYOGS PA YAN CHAD SUS BSAMS KYANG GZU BO'I BLOS BSAM NA NI ,RANG DBANG MED PA NYID DU DAD PA LHAG PAR SKYES PA'I SKYES BU DAM PA'I RNAM THAR NGO MTSAR BA YIN NO, ,DE'I PHYIR GSUNG RAB DGONGS 'GREL DANG BCAS PA'I DON RNAM PAR GTAN LA 'BEBS PA NA'ANG, THAR PA DANG THAMS CAD MKHYEN PAR BGROD PA'I LAM GONG 'OG THAMS CAD RGYAL BA'I DGONGS PA JI LTA BA DANG, SHING RTA CHEN PO RNAMS KYI LUGS JI LTA BA BZHIN DU RNYED PA ZHIG JI LTAR BYAS NA 'ONG ZHIG GU SNYAM DU 'DI NYID 'BA' ZHIG THUGS LA BCAGS PAS DPYOD PAR MDZAD CING, DE YANG DBANG PO RNON PO CHOS KYI RJES SU 'BRANG BA'I RIGS MCHOG TU GYUR PAS GZHAN GYI TSIG TZAM LA BRTEN NAS RNAM PAR DPYOD PA LUNG TZAM SKYABS SU GYUR PA RNAMS KYI NGANG TSUL NI NGO BO NYID KYIS MI MNGA' BAS, 'DI SNYAM DU RGYAL BA'I GSUNG RAB 'GREL BA'I MCHOG TU LUNG BSTAN PA'I SHING RTA'I SROL 'BYED CHEN PO DAG GIS BSTAN PA'I RIGS PA LA BRTEN NAS RGYAL BA'I GSUNG RAB KYI DRANG NGES TSUL BZHIN DU PHYE BA'I NGES DON GYI GSUNG RAB KYI DON SHIN TU PHRA BA'I RIGS PAS RNAM PAR DPYAD KYANG MTHA' GZHAN DU MI

, ,'GYUR BA'I TSUL GYIS RNYED PA ZHIG, SKYES BU SKOM PAS GDUNGS PAS BTUNG BA DON DU GNYER BA LTA BU'I THUGS KYIS, TSUL 'DIS GSUNG RAB KYI DON 'TSOL BA 'BA' ZHIG LHUR MDZAD DO, ,DE YANG RJE NYID KYI ZHAL NAS, DA LTA BOD NA SHES RAB CHE BA GO BA BZANG BA'I MTHAR THUG TU RTZI BA 'DI TSO LTAR GSUNG RAB DGONGS 'GREL DANG BCAS PA'I BSTAN BCOS PHAL CHER LA BLTAS PA TZAM NAS 'DI'I DON 'DIR 'DUG SNYAM PA 'BAD MED DU LAM LAM 'CHAR BA, DE GZHAN LA BSTAN NA GO BA CHEN PO BLO YUL DU BDE SANG SANG BA 'CHAR THUB PA ZHIG NGA LA SNGA MO NAS YOD DE, DE 'DRA LA YID BRTAN BYAR MI RUNG, RIGS PA PHRA MOS LEGS PAR DPYAD PA NA DANG POR YIN YIN 'DRA BA'I GO BRNYED PA RNAMS KYANG PHAL CHER ZHIG 'GRO BA KA MANG, DES NA RIGS PA RNAM PAR DAG PA PHRA MO ZHIG GIS LEGS PAR DPYAD PA'I DPYAD PA MA RDZOGS PAR DU DON DER KHA TSON BCAD KYANG SHAB SHOB TU 'GRO BA YIN ZHES GSUNG NGO, ,DE YANG DE'I TSE 'PHAGS PA KLU SGRUB YAB SRAS KYI DGONGS PA MTHAR THUG PA'I LTA BA DANG, GSANG BA 'DUS PA'I LAM RIM PA LNGA, DE'I NANG NAS KYANG SGYU LUS 'DI SHIN TU RTOGS DKA' BA DANG, RTOGS NA DON CHE ZHING MA RTOGS NA NI LOG PAR LTUNG BA'I G-YANG SA'ANG SHIN TU CHE LA, DE KHO NA NYID SGOM PA DANG, SNGAGS BLA MED KYI LAM LA BRTEN NAS SANGS RGYAS 'TSOL BA SOGS TSIG TZAM DU 'GYUR BAR DGONGS TE, 'DI DAG MGON PO KLU

SGRUB YAB SRAS KYI DGONGS PA BZHIN 'KHRUL MED DU STON PA'I BSHES GNYEN DAM PA RGYA BOD BA LA GSUM, DBUS GTZANG KHAMS GSUM SOGS GANG NA YOD KYANG DE'I KHUNGS SHIG RNYED NA NI DE 'TSOL BA'I PHYIR DU LUS SROG THED LA BOR NAS DKA' BA CI BYUNG YANG DANG DU BLANGS TE DA LTA NYID DU'ANG 'GRO DGOS DGONGS PA SNYING NAS SHUGS DRAG PO DE'I TSE YOD DO, ,ZHES RJE NYID GSUNG NGO, ,DE'I DUS SU'ANG BLA MA DBU MA PAS LO TZ'A BYAS NAS RJE BTZUN 'JAM PA'I DBYANGS LA DBU MA'I LTA BA DANG, SNGAGS MTSAN NYID KYI KHYAD PAR, SNGAGS BLA MED KYI LAM GYI GNAD CHE SHOS RNAMS DANG, RIM PA LNGA'I GO RIM GRANGS NGES SOGS MTHA' YAS PA ZHIG GI DRI BA DANG, DOGS PA CHOD PA'I CHED DU BRGAL ZHING BRTAGS PA'I SGO NAS 'DRI BA LA SOGS PA 'BA' ZHIG GTZO BOR MDZAD DO, ,RJE RIN PO CHE 'DIS DE'I TSE RJE BTZUN 'JAM PA'I DBYANGS LA ZAB MO DBU MA'I LTA BA SOGS MDO SNGAGS KYI LAM GYI GNAD MTHAR THUG PA RNAMS LA DRI BA DANG BRGAL BRTAG MANG DU MDZAD PA'I SKABS SU RJE BTZUN 'JAM DPAL DBYANGS KYIS THAL RANG GI KHYAD PAR, LHAN SKYES DANG KUN BRTAGS KYI BDAG 'DZIN GNYIS KYIS JI LTAR BZUNG BA LTAR GYI BDAG DANG, RTAGS KYI DGAG BYA'I TSAD PHRA RAGS, LTA BA RTOGS PA'I TSAD; THAL 'GYUR BA'I LTA BA 'DI'I LUGS KYI KUN RDZOB RNAM PAR 'JOG PA'I TSUL LA SOGS PA RNAMS KYI DPYAD PA ZHIB TU MDZAD PA'I SA BON SHIN TU 'DRIL BA RE DANG, SNGAGS MTSAN NYID KYI LAM THUN MONG

, ,BA DANG THUN MONG MA YIN PA'I KHYAD PAR, DPAL GSANG BA 'DUS PA'I RIM PA LNGA'I NGO BO DANG, GO RIM GRANGS NGES LA SOGS PA RNAMS KYI GNAD THUN MONG MA YIN PA SHIN TU 'DRIL BA RE GSUNGS, MI GO BAR 'DUG LAGS ZHUS PAS, 'DI RNAMS MA BRJED PA GYIS LA ZIN BRIS SU GYIS, BLA MA DANG YI DAM THA MI DAD DU BYAS PA LA GSOL BA 'DEBS SHING BSNYEN SGRUB BYED PA DANG, BSAG SBYANG GNYIS LA LEGS BAR 'BAD PA DANG, GZHUNG LUGS KYI DON LA RIGS PAS RNAM PAR DPYOD CING ZHIB TU SEMS PA RNAMS SUM SGRIL DU NYAMS SU LONGS LA TSIM MA SLA BAR RGYUN BSRINGS LA LEGS PAR DPYOD CIG DANG, SKABS SU BAB NA NGAS SA BON BTAB PA 'DI RNAMS KYIS KYANG RKYEN BYAS NAS LEGS PAR GO BA ZHIG MYUR DU 'ONG BA 'DUG CES GSUNG NGO, ,'PHAGS PA KLU SGRUB YAB SRAS KYI LUGS KYI DBU MA DANG GSANG BA 'DUS PA LA SHES 'DOD SHIN TU CHE BAR YOD PAS RTZAD GCOD PA'I BLA MA BOD NA SU DRAG ZHUS PA LA, RED MDA' BA LAS DRAG PA MED, ,'ON KYANG KHYOD LA MTHA' MA LUS PAR CHOD PA'I GO BA RDZOGS PAR BSKYED MI THUB, DBU MA PAS LO TZ'A BYAS NAS NGAS KHYOD LA BSHAD NA DE KA DRAG PAR 'ONG NA'ANG KHO YANG MYUR DU MDO KHAMS LA 'GRO DGOS PAR SNANG, ,DES NA DA LTA NAS BSHAD PA MA BYED PAR BYA BRAL GYIS LA DBEN PA STEN, GONG DU BSHAD PA LTAR SUM SGRIL DU NYAMS SU LEN PA DANG DMIGS RNAM SKYONG BA SOGS LA LEGS PAR

'BAD NA RING POR MI THOGS PAR DE RNAMS KYI DON RNYED BAR 'GYUR RO ZHES GSUNG NGO, ,GZHAN YANG CHOS KYI GNAD DANG GZHUNG GANG LA BRTAN NAS 'TSOL BA SOGS GSUNGS PA LA TSAD MED, RGYA GAR GYI PAndI TA MKHAS BA RNAMS LA'ANG 'GA' ZHIG GI GZHUNG LA 'KHRUL MED RANG 'BA' ZHIG TU GZUNG MI NYAN PA'I DMIGS BSAL RE TZAM YANG BYUNG BAS, 'O NA 'PHAGS PA KLU SGRUB KYI DGONGS PA LA SLOB DPON ZLA BA GRAGS PA 'KHRUL MED RANG 'BA' ZHIG TU BZUNG PAS AE CHO GA ZHUS PAS, ZLA BA GRAGS PA NI STENG PHYOGS 'JIG RTEN GYI KHAMS KYI ZHING GCIG GI DE BZHIN GSHEGS PA ZHIG GI ZHABS DRUNG NAS BYANG CHUB SEMS DPA' RNAM DPYOD DANG SNYING STOBS MCHOG TU GYUR PA ZHIG ZHING 'DIR 'PHAGS PA KLU SGRUB KYI LUGS BSTAN PA'I SNYING PO GSAL BAR BYA BA'I SLAD DU BSAM BZHIN DU SKYE BA BZUNG BA YIN PAS 'DI 'PHAGS PA KLU SGRUB KYI DGONGS PA 'GREL BA LA SNGAGS MTSAN NYID GANG GI SKABS SU'ANG 'KHRUL PA PHRA MO TZAM YANG MED PAS 'DI LA RNAM PA THAMS CAD DU YID CHES KYI GNAS 'BA' ZHIG TU NGES PAR GZUNG DGOS PA YIN NO, ,ZHES GSUNG NGO, ,BLA MA DBU MA PAS RJE BTZUN 'JAM DBYANGS LA RJE RIN PO CHE 'DI'I SKU SKYE SNGA PHYI SOGS KYI ZHU BA MDZAD PAS, RJE BTZUN GYI ZHAL NAS, SNGON SANGS RGYAS 'JIG RTEN NA BZHUGS PA'I DUS SU BLA MA 'DI RGYA GAR DU BRAM ZE'I KHYE'U ZHIG TU 'KHRUNGS, DE'I TSE DGE SLONG GI CHA LUGS 'DZIN PA'I BYANG CHUB SEMS DPA' MOS PA'I BLO GROS ZHES BYA BA LA DANG MJAL NAS DE NYID MNYES PAR BYAS SHING

, ,ZHABS 'BRING DU 'BRANG CHOS MANG DU GSAN, DES KHRID DE STON PA SH'AKYA THUB PA'I ZHABS DRUNG DU MJAL ZHING SEMS BSKYED, DE'I TSE STON PA LA SHEL DKAR PO DRI MA MED PA BRGYA RTZA'I PHRENG BA ZHIG DAD BAS PHUL NAS SMON LAM BTAB PAS STONG BA NYID KYI LTA BA PHYIN CI MA LOG PA RTOGS PA'I SA BON BZHAG PA YIN, DE SKU SKYE 'DI'I PHYI MA LA DGA' LDAN DU RGYAL BA MA PHAM PA'I CHOS KYI MDUN SAR THEG PA CHEN PO'I CHOS KYI 'BYOR PA DPAG TU MED PA LA LONGS SPYOD BAR 'GYUR ZHING; MTSAN NI BYANG CHUB SEMS DPA' 'JAM DPAL SNYING BO ZHES BYA BAR 'GYUR RO ZHES GSUNGS, RJE RIN PO CHE 'DI PA SKU SKYE PHYI MA DGA' LDAN DU PHEBS PA SOGS KYI LO RGYUS MKHAS GRUB THAMS CAD MKHYEN PAS RJE RIN PO CHE NYID LA JI LTAR LAGS ZHES ZHUS PA NA RJE RIN PO CHE'I ZHAL NAS 'DI'I PHYI MA DGA' LDAN DU 'GRO BA 'DI LA RANG BLA MA DBU MA PA DANG BLA MA PHYAG RDOR BA SOGS MANG PO ZHIG ZHAL MTHUN PAR 'DUG CES NANG THUGS KYI SRAS GCIG MKHAS GRUB THAMS CAD MKHYEN PA LA GSUNGS SO, ,DE DUS RJE RIN PO CHE RANG YANG CUNG ZAD 'CHAD NYAN LA THUGS BZHED CHE, BLA MA DBU MA PA YANG DE DANG MTHUN BAS, SKU NA TSOD SHIN TU GZHON ZHING MKHYEN RAB DANG PHAN 'DOGS SHIN TU CHE BA 'DI 'DRA BA LA NGA RUNG BSHAD NYAN NGOS MDZAD NA BSTAN PA LA PHAN THOGS SHIN TU CHE ZHING, 'CHAD NYAN 'PHEL PO 'DI 'DRA BA'I 'PHRO LA BYA BRAL LA BYON NA NGED LA'ANG SKYE BO RNAMS KYIS KHA ZER DU 'ONG BAS RE ZHIG 'CHAD NYAN MDZAD PAS CHOG BA ZHIG 'TSAL ZHES ZHUS PAS, RJE

BTZUN GYI ZHAL NAS BSTAN PA DANG SEMS CAN LA GANG PHAN KHYOD KYIS MI SHES, KHA ZER BA LA BZOD PA SGOMS, DBEN PA BSTEN NAS THUGS DAM MA BYAS NAS SKU TSE RING PO MI 'ONG, PHAN 'DOGS KYANG LTAR SNANG ZHIG LAS MI 'ONG BAS BYA BRAL LA PHYIN PA 'THAD CES GSUNG NGO, ,SKYID SHOD DGA' BA GDONG DU BLA MA DBU MA PA DANG RJE RIN PO CHE GNYIS PO LAS MED PA'I SKU MTSAMS NGAM PO BCAD, GNYIS PO'ANG GZIM KHANG SO SOR BYAS NAS GSOL JA SOGS LA 'TSOG PAR MDZAD CING, GSOL JA BZHES PA'I SKABS SU'ANG BLA MA DBU MA PAS LO TZ'A MDZAD NAS RJE BTZUN 'JAM PA'I DBYANGS LA CHOS MANG DU GSAN ZHING DRI PA DPAG TU MED PA MDZAD, DE DUS THOG MAR BLA MA DBU MA PA LA RJE BTZUN GYIS GNANG BA'I ZHI GNAS KYI DMIGS PA GSAN NAS SGOM GYIN YOD PA LA, DO ZHAG RANG 'DI LAS KYANG RJE BTZUN 'JAM PA'I DBYANGS NYID LA GSOL BA BTAB CING BSNYEN BSGRUB BYAS NA DE NGOS DON CHE BA 'DRA DGONGS NAS BLA MA DBU MA PA LA DE LTAR ZHUS PAS DE BZHIN MDZAD PAS CHOG CES GSUNGS NAS, NYIN MTSAN DU BLA MA DANG RJE BTZUN THA MI DAD DU BYAS PA LA GSOL BA BTAB CING BSNYEN BSGRUB MDZAD PAS, ZHAG MANG PO MA SONG BA LA NYIN GCIG DKYIL GYI LTE BA'I RGYA KHYON 'TSAM PA ZHIG KHA DOG RGYA MTHING BZANG POS LEGS PAR BYUGS PA 'DRA BA LA, SHIN TU DANGS PA BLTA BAS CHOG MI SHES PA ZHIG GI DBYIBS SHIN TU ZLUM POR 'DUG PA'I MTHA' THAMS CAD 'OD ZER KHA DOG SNA LNGA PA 'JA' TSON LTA BU'I DRA BAS 'KHRIGS PA'I DBUS KYI LTE BA SNGON PO DE'I RGYA KHYON DANG 'TSAM PAR, RDO RJE'I SKYIL KRUNG GIS

, ,BZHUGS PA'I RJE BTZUN 'JAM PA'I DBYANGS AA RA PA TZA NA GUR KUM MDOG CAN BLTA BAS CHOG MI SHES PA ZHIG GI SKU'I SNANG BA DNGOS SU GZIGS, DE BLA MA DBU MA PA LAM ZHUS KYANG BLA MA DBU MA PAS KHYED RANG LA'ANG SKU'I SNANG BA YOD PA 'DRA GSUNGS NAS THIG BYUNG, DE 'DRA BA'I SKU'I SNANG BA DE NAM 'DOD RES KYI GSOL BA BTAB BA'I DUS PHAL CHER DNGOS SU NAR MAR 'BYUNG BA ZHIG DE NAS BRTZAMS TE DUS RTAG TU YOD CES NANG THUGS KYI SRAS GCIG MKHAS GRUB SMRA BA'I NYI MA LA SHIN TU GSANG BAR BYAS TE GSUNGS, DE YANG RJE RIN PO CHE 'DIS RJE BTZUN 'JAM BA'I DBYANGS DPA' GCIG DANG, BLA MED LA SOGS PA RNAMS DANG, BKA' SDOD GSHIN RJE CHOS KYI RGYAL PO PHYI NANG GSANG GSUM LA SOGS PA RNAMS KYI RJES GNANG DANG BYIN RLABS, TING NGE 'DZIN GYI DBANG BZHI SOGS NI, RJE BTZUN 'JAM PA'I DBYANGS RANG NYID LA GSAN LA, DE YANG DPA' GCIG GI RJES GNANG MDZAD PA'I RING LA RJE BTZUN YANG DPA' BO GCIG PA RANG GI SKU'I RNAM PAR YOD PA LA NANG SGRUB DANG, GSANG SGRUB SOGS KYI DBANG MDZAD PA'I TSE DPA' BO GCIG PA DE, DE MA THAG YAB YUM ZHAL SBYOR GYI RNAM PAR 'GYUR 'GRO BA DANG, CHOS SKYONG GI RJES GNANG MDZAD PA'I SKABS SU ,DE MA THAG BCOM LDAN 'DAS RDO RJE 'JIGS BYED KYI RNAM PAR 'GYUR NAS GSHIN RJE CHOS KYI RGYAL PO LA BKA' BSGO BAR MDZAD PA LA SOGS PA DE 'DRA BA'I RNAM 'PHRUL NGO MTSAR BA STON PAR MDZAD PAR GSUNGS, DE NAS RJE BTZUN 'JAM PA'I DBYANGS KYIS BLA MA DBU MA LA GNANG BA'I LAS

TSOGS DANG, DMIGS PA SKYONG BA'I RIM PA SOGS MANG PO ZHIG GI LUNG NI BLA MA DBU MA PA NYID LA GSAN NO, ,DE NAS SGRUB PA LA 'BYON PA'I THUGS THAG BCAD, 'KHOR JI LTA BU 'KHRID RJE BTZUN LA ZHUS PAS BLA MA 'JAM DPAL RGYA MTSO BA SOGS MDO KHAMS PA BZHI DANG, DBUS PA BZHI STE BRGYAD PO DE 'KHRID PA'I GNANG BA BYUNG ,DE NAS BLA MA DBU MA PA MDO KHAMS LA 'BYON PA'I SKYEL MA LA LHA SAR BYON DUS DA DPON SLOB RE ZHIG MI MJAL BAS GNAS BYIN RLABS CAN 'DIR RJE BTZUN 'JAM PA'I DBYANGS LA GSOL BA BTAB, NYAMS LEN GYI GNAD BSDUS PA'I GDAMS PA ZHIG ZHUS PA DRAG CES BKA' BGROS NAS, LHA SA'I THOG STENG MA RANG GI LHO PHYOGS KYI GSER PHUB KYI BYA 'DABS 'OG DER MCHOD PA BSHAMS, GSOL BA DRAG TU BTAB PAS RJE BTZUN 'JAM PA'I DBYANGS KYIS NYAMS LEN GYI GNAD BSDUS PA'I TSIGS SU BCAD PA 'GA' ZHIG GSUNGS, RJE BLA MA 'DIS DE KA'I DUS SU GSUNG RIM BZHIN YI GER 'GOD PAR MDZAD DO, ,DE'I DUS SU RJE BTZUN 'JAM PA'I DBYANGS KYIS GSUNGS PA'I MAN NGAG GI RTZA TSIG YI GER 'GOD PAR MDZAD PA NI BKA' 'BUM THOR BUR GSAL PA LTAR RO, ,GZHAN YANG GSUNG RAB KYI GNAD DANG, DPYOD PA MDZAD PA'I SGO BSTAN PA LA TSAD MED DO, ,DE'I TSE GZHAN YANG RJE BTZUN 'JAM PA'I DBYANGS KYI ZHAL NAS, DA PHYIN CHAD BLA MA DANG YI DAM THA MI DAD DU BYAS PA LA GSOL BA 'DEBS PA, SNGAR BSAGS KYI SDIG LTUNG SBYONG ZHING TSOGS RGYA CHEN PO GONG NAS GONG DU SPEL BA'I BSAG SBYANG LA 'BAD PA, SHING RTA CHEN PO RNAMS KYI

, ,RIGS PA LA BRTEN NAS MDO RGYUD DGONGS 'GREL DANG BCAS PA'I DON LA ZHIB TU DPYOD PA SUM SGRIL DU GYIS LA RGYUN MA CHAD PAR NYAMS SU LONGS DANG, RING PO MI THOGS PAR LTA BA'I GNAD MTHAR THUG PA DANG MDO RGYUD KYI DON MTHA' DAG LA MI 'KHRUL BA'I NGES PA RNYED PAR 'GYUR, DA LTA NAS BSHAD PA BYAS KYANG PHAN THOGS LTAR SNANG LAS MI 'ONG BAS RE SHIG BYA BRAL BYAS, DBEN PA BSTEN NAS SGRUB PA SNYING POR GYIS SHIG CES GSUNGS SHING, DMU RGOD GDUL DKA'I SEMS CAN 'DI RNAMS LA, ,BSHAD PAS PHAN THOGS CHEN PO GA LA 'GYUR, ,DE BAS SGRUB BA LHUR BLANGS DBEN BA STEN, ,RANG GZHAN GNYIS KA 'TSENGS PA'I LAM RNYED SNYAM, ,ZHES NAN TAN DU GDAMS SHING BSKUL BAR MDZAD DO, ,DE LTAR BSKUL BA DANG, RJE 'DI NYID KYIS KYANG TSUL DE LEGS PAR DGONGS NAS BYA BRAL MDZAD CING, DBEN PA BSTEN NAS SGRUB PA SNYING POR MDZAD PA LA THUGS THAG BCAD DO, ,DE NAS BLA MA DBU MA PA DE GA'I STON MDO KHAMS LA 'BYON PAR CHAS, RJE'I ZHAL SNGA NAS KYANG LHA SAR SKYEL MA LA BYON, DPON SLOB GNYIS KAS GSOL BA DRAG TU BTAB, LHA SA'I SGO KHANG STENG GI GTZUG LAG KHANG DU, BLA MA DBU MA PA LA RJE 'DIS DPAL GSANG BA 'DUS PA MI BSKYOD PA'I DBANG BZHI RDZOGS PAR GNANG, DE NAS RJE RIN PO CHES SBYOR MO LUNG DU PHEBS, STON MJUG DE CHOS MANG DU GSUNGS, DGUN LA NYE BA SPRE'U'I LO ZLA BA BCU PA LA BAB PA, DGUNG LO SUM CU RTZA DRUG PA LA SKYOR MO LUNG

NAS PHYAGS BTEG ,SLOB DPON RIN PO CHE 'JAM DKAR BA ZHES GRAGS PA DPAL LDAN BZANG PO DANG, RTOGS LDAN BYANG SENG BA, GNAS BRTAN RIN CHEN RGYAL MTSAN PA, GNAS BRTAN BZANG SKYONG BA STE DBUS PA BZHI, BLA MA RTOGS LDAN 'JAM DPAL RGYA MTSO BA, DGE BSHES SHES RAB GRAGS, DGE BSHES 'JAM DPAL BKRA SHIS, DGE BA SHES DPAL SKYONG STE MDO SMAD PA BZHI DANG BCAS PA PHYAG PHYIR KHRID, DE GONG NAS, GZHIS KHA SNE'U RDZONG PAS ZHABS TOG LEGS PO MDZAD KYIN YOD CING, DE DUS KYANG KHONG GIS ZHABS TOG BSGRUBS TE DPON SLOB DGUS GZHUNG KO MDZAD NAS BYA BRAL LA BYON TE 'OL KHAR PHEBS, DE'I DGUN DPYID RNAMS 'OL KHA CHOS LUNG DU BZHUGS SHING, DE NAS BZUNG STE 'OL KHA BA YAB SRAS RNAMS KYIS DAD PA CHEN POS SBYIN BDAG MDZAD DE ZHABS TOG PHUN SUM TSOGS PA BSGRUBS, 'OL KHA CHOS LUNG DU BZHUGS RING LA YANG THOG MAR BSAG SBYANG GNAD CHE BAR DGONGS TE DPON SLOB THAMS CAD KYIS STOBS BZHI TSANG BA'I BSAG SBYANG LA SHIN TU 'GRUS PAR MDZAD, RJE RIN PO CHE NYID KYIS KYANG LTUNG BSHAGS BRGYA PHYAG DANG BCAS PA DANG, PHYAG SOR GYI RTZE MO RNAMS SER KHAR SONG GI BAR DU MAndAL 'BUL BA SOGS LA DPAG PAR DKA' BA'I BRTZON PA DRAG PO MDZAD CING, DGE BA'I BSHES GNYEN GRO LUNG PA CHEN PO'I GSUNG LAS, MDO SANGS RGYAS PHAL PO CHE 'DI MA 'GYUR NA BOD KYI BYANG CHUB SEMS DPA' RNAMS SPYOD PA LA SLOB TSUL JI LTAR BYED DAM ZHES 'BYUNG

, ,BA LTAR DU, SANGS RGYAS PHAL PO CHEL SOGS PA BYANG CHUB SEMS DPA'I SPYOD PA RLABS PO CHE RNAMS STON PA'I MDO SDE RNAMS LA GZIGS RTOG ZHIB PAR MDZAD DE THEG PA CHEN PO'I RIGS KYI NUS PA YONGS SU RGYAS PAR BYED PA'I THABS RMAD DU BYUNG BA BYANG CHUB SEMS DPA'I SNYING STOBS DPAG PAR DKA' BAS RGYAL SRAS KYI SPYOD PA RLABS SHIN TU CHE ZHING RNAM PA MTHA' YAS PA RNAMS LA SNGAR GYI BYANG CHUB SEMS DPA' CHEN PO RNAMS KYIS BSLABS SHING, DA LTA DANG MA 'ONGS PA'I BYANG CHUB SEMS DPA' CHEN PO RNAMS KYIS SLOB PA DANG, SLOB PAR 'GYUR BA'I TSUL MDO SDE MTHA' YAS PA NAS GSUNGS PA DE RNAMS LA, BDAG NYID KYANG DA LTA NAS DE LTA BU'I TSUL LA 'JUG PA LA ZHUM PA GTAN MI SKYE ZHING, SPRO DGA' SHUGS DRAG POS 'JUG PAR BYA BA'I CHED DU MDO SDE NAS 'BYUNG BA'I RGYAL SRAS KYI SNYING STOBS DANG SPYOD PA GANG RLABS CHE CHE RNAMS LA RE RE NAS DMIGS PHUG GIN THUGS SBYONG BA'I DMIGS RNAM NAR MAR BSTEN PAS DANG PO ZHIG CUNG DKA' TZAM BYUNG YANG, PHYIS LEGS PAR GOMS NAS 'BAD RTZOL MI DGOS PAR RANG SHUGS KYIS RGYAL SRAS KYI SNYING STOBS DANG SPYOD PA RMAD DU BYUNG BA JI 'DRA'I DBAG DKA' BA ZHIG LA'ANG ZHUM PA NAM YANG MI SKYE ZHING, SPRO DGA' SHUGS DRAG POS NGANG GIS 'JUG PA ZHIG BYUNG ZHES RJE THAMS CAD MKHYEN PA NYID KYIS NANG THUGS KYI SRAS GCIG MKHAS GRUB SMRA BA'I NYI MA LA GSUNGS SO, ,DE LTAR 'OL KHA CHOS LUNG DU

RJE RIN PO CHE 'KHOR DAG PA RNAM BRGYAD DANG BCAS PAS BSAG SBYANG RLABS CHEN PO LA 'BAD PA'I TSE RJE 'DIS LTUNG BSHAGS DANG BRGYA PHYAG SBRAGS NAS MDZAD RES KYI, SANGS RGYAS SUM CU RTZA LNGA'I SKU'I SNANG BA DNGOS SU GZIGS PA NAR MAR BYUNG; DE'I TSE RJE BTZUN BYAMS PA MGON PO SKU GSER BTZO MA'I KHA DOG LTA BU LA RIN PO CHE'I RGYAN DANG CHOS 'CHAD KYI PHYAG RGYAS ME TOG GI SDONG BU BSNAMS PA, RIN PO CHE'I KHRIL SKYIL KRUNG GIS BZHUGS PA DE 'DRA BA'I SKU SHIN TU CHE BA DANG; RGYAL BA SMAN GYI BLA BLA GOS SER PO MNABS PA DANG, RJE BTZUN BYAMS MGON BZANG PO'I 'DUG STANGS MDZAD PA RAB BYUNG GI CHA BYAD CAN SNAM SBYAR GSOL BA PHYAG GIS KLU SHING GI SDONG BU RIL BAS MTSAN PA 'DZIN PA DE 'DRA BA DANG, GZHAN YANG RGYAL BA TSE DPAG TU MED PA SOGS SANGS RGYAS BYANG SEMS MANG PO'I SKU'I SNANG BA GZIGS PA MANG DU BYUNG, 'DI RNAMS NYAMS SNANG YIN PAS NGES PA CHER MED DGONGS NAS DE TZAM DU CHED CHER MA MDZAD NA'ANG, BLA MA RTOGS LDAN 'JAM DPAL RGYA MTSO BA LA RJE BTZUN GYI SKU DANG GSUNG GI SNANG BA DNGOS SU BYUNG BA 'KHRUL MED CIG YOD PAS, KHONG LA RJE BTZUN 'JAM DPAL DBYANGS KYIS GSUNG NAS RJE LA GZIGS SNANG BYUNG BA DE RNAMS NYAMS SNANG RANG DGA' BA MIN PAS GSOL BA DRAG TU THOB, PHYIS RTEN 'BEL KHYAD PAR CAN YOD PA YIN GSUNG BA BYUNG 'DUG GSUNG NGO, ,RTOGS LDAN PA'I SNANG BA DE LA'ANG RJE'I DRUNG NAS BRTAG DPYAD MANG DU MDZAD CING, CHOS KYI GNAD ZAB MO DRIS PA

, ,RNAMS PHAL CHER 'PHYUG MED DU 'ONG BAR 'DUG BAS THUGS LEGS PAR CHES SO, ,DE NAS RJE RIN PO CHE 'KHOR BCAS KYIS RDZING PHYI'I JO BO BYAMS PA MJAL, MCHOD PA DANG SMON LAM RLABS PO CHE MANG DU MDZAD, DE NAS DVAGS PO SMAN LUNG GI RGYA SOG PHUR BYON DGUN GYI RING DER BZHUGS THUGS DAM SHIN TU 'PHEL ZHING YON TAN GYI KHYAD PAR BSAM GYIS MI KHYAB PA MANG DU BRNYES TE DE DUS RJE BTZUN 'JAM PA'I DBYANGS KYI SKU SHIN TU CHE BA GZI BRJID PHUN SUM TSOGS PA ZHIG LA SANGS RGYAS DANG BYANG CHUB SEMS DPA' DPAG TU MED PA'I 'KHOR GYIS BSKOR BA DANG, 'PHAGS PA KLU SGRUB, A'ARYA D'E BA, SANGS RGYAS BSKYANGS, KLU BYANG, ZLA BA GRAGS PA, THOGS MED SKU MCHED, PHYOGS GLANG, CHOS GRAGS, YON TAN 'OD DANG SH'AKYA 'OD, LHA DBANG BLO, RGYAN MKHAN PO, KA MA LA SH'I LA, AA BHYA YA LA SOGS PA'I PAndI TA DU MA DANG, RGYAL PO AINDRA BO DHI, BRAM ZE CHEN PO SA RA HA, L'U AI PA, DRIL BU PA, NAG PO SPYOD PA LA SOGS PA'I GRUB CHEN DU MA'I SKU'I SNANG BA DNGOS SU GZIGS, NYAMS SNANG LA GTANG PA MED LAS CHE DGONGS PAS, RJE BTZUN 'JAM PA'I DBYANGS KYIS SNGAR BZHIN NYAMS SNANG RANG DGA' BA MIN PAS GSOL BA DRAG TU THOB, 'DI RNAMS KYI GZHUNG LA BRTEN NAS RANG GZHAN LA PHAN THOGS RGYA CHEN PO 'ONG BA'I RTEN 'BREL YIN, ZHES GSUNG NGO, ,DE'I TSE BCOM LDAN 'DAS RDO RJE 'JIGS BYED KYI SKU ZHAL PHYAG YONGS SU RDZOGS BA SHIN TU CHE BA GZI BRJID BZOD PAR DKA' BA ZHIG ZHAL GZIGS, DE

DUS NAS 'JIGS BYED KYI BDAG 'JUG NYIN RE BZHIN MDZAD PA NAM YANG 'CHAG MED DU MDZAD DO, ,YANG DER SNGAR DANG 'DRA BA'I RJE BTZUN 'JAM BA'I DBYANGS KYI SKU'I SNANG BA DNGOS SU GZIGS PA'I THUGS KA'I NANG NA PHAR RAL GRI'I YU BA ZUG CING; RJE'I THUGS KAR RTZE MO ZUG PA LA, BDUD RTZI'I RGYUN KHA DOG DKAR SER SHIN TU SNUM PA 'OD KYI CHU RGYUN 'DRA BA ZHIG RJE BTZUN GYI THUGS KA NAS RAL GRI'I STENG LA BRGYUD DE NAR RE BYUNG NAS RJE'I THUGS KAR ZHUGS BAS SKU'I NANG THAMS CAD BDE BA CHEN PO DPAG TU MED PAS GANG BA BRJOD PAR MI NUS PA ZHIG 'KHRUNGS, DE DUS NGO MKHYEN PA DANG MI MKHYEN PA'I 'KHOR DU MA KHA GDANGS NAS BZED 'DUG PAS, 'GA' ZHIG GI KHAR MANG DU 'GRO ZHING, 'GA' ZHIG GI KHAR NYUNG ZAD RE DANG, 'GA' ZHIG GIS KHA GDANGS KYANG CUNG ZAD KYANG MI 'GRO BA DE 'DRA'ANG 'DUG GSUNG NGO, ,MDOR NA GNAS DER DE 'DRA BA'I DAG BA'I SNANG BA DANG THUGS RGYUD LA MNGON PAR RTOGS PA'I YON TAN DPAG TU MED PA ZHIG 'KHRUNGS SO, ,DE NAS RJE BTZUN 'JAM BA'I DBYANGS KYIS RDZING PHYI'I GTZUG LAG KHANG LA ZHIG GSO MDZAD NA BSTAN PAR PHAN CHE ZHES BSKUL BA LA BRTEN NAS RDZING PHYI'I GTZUG LAG KHANG LA ZHIG GSO MDZAD PAR BRTZAMS SO, ,DE YANG RDZING PHYI'I GTZUG LAG KHANG DE SNGON GAR MI YON TAN G-YUNG DRUNG GIS BZHENGS PA, JO BO BYAMS PA'I SKU LI KHRA MI TSAD LHAG TZAM SHIN TU BYIN RLABS CHE ZHING NGO MTSAR BA BZHUGS PA PHUL DU BYUNG BA ZHIG 'DUG NA'ANG, PHYIS LHA RIS THAMS CAD NYAMS SHING GOGS, JO BO'I SKU DE

, ,YANG RDUL KHROD NA 'O BRGYAL ZHING, SKU LA BYA THAL SOGS MI GTZANG BAS GOS PAR GYUR PA GZIGS PAS THUGS KYIS MA BZOD PAR SPYAN CHAB BYUNG ZHING, DE'I ZHIG GSOS MDZAD PAR DGONGS NAS 'OL KHA STAG RTZE BA LA ZHAL TA GNANG STE, RTZIG PA DANG THOG DANG ZHAL BA SOGS 'CHOS DGOS RNAMS KHONG GIS LEGS PAR BSGRUBS SHING, DE NAS LDEBS BRIS RNAMS DPON SLOB RNAMS RANG GIS CHA RKYEN DANG ZHAL TA MDZAD NAS SGRUB PAR BRTZAMS PA'I TSE, DPON SLOB BCU GNYIS YOD PA'I PHYAG RDZAS GTOR CHA SOGS GANG YOD LA RIN BTAB PAS ZHO BCU GNYIS LAS MA BYUNG BAS JI LTAR MDZAD KYI RNGO MA THOGS PA LA, RNAM SRAS KYI 'DZIN GTOR ZHIG BCAS NAS 'PHRIN LAS 'TSEL BAR DGONGS PA'I TSE MAR MED PA LA BTZUN PA ZHIG GIS MAR GROD BU GANG PHUL, DE LA MAR GYI 'DZIN GTOR BCAS NAS 'PHRIN LAS BCOL BAS DE'I SANG NYIN RANG LA 'BROG PA 'GAS MAR THUD MANG BO BKAL BYUNG STE PHUL, DE NAS BZUNG STE 'BUL BA MANG PO RIM PA BZHIN BYUNG BAS YO BYAD KYIS MA 'THOGS, 'DIR MA ZAD CHOS LDAN GYI DGOS PA KHYAD PAR CAN GZIGS PA'I SKABS GZHAN DU'ANG RNAM SRAS LA MAR GYI GTOR MA DANG BCAS TE 'PHRIN LAS BCOL BAS YO BYAD DPAG TU MED PA GLO BUR DU BYUNG BA'I LO RGYUS MANG DU YOD DO, ,DE NAS YAR KLUNGS PHYOGS NAS KYANG LHA BZO BA TSON RTZI KHYER NAS RI MO'I DAD BLANGS LA 'ONGS PA'ANG MANG DU BYUNG NGO, ,DE NAS RJE BTZUN 'JAM PA'I DBYANGS KYIS RJE BTZUN BYAMS MGON GYI BSTOD PA

RIN CHEN GSAL BA'I SGRON ME ZHES BYA BA RJE BTZUN BYAMS MGON LA PHYOGS BCU'I SANGS RGYAS THAMS CAD KYIS 'OD ZER CHEN PO'I DBANG BSKUR BA LA GZHI GYIS LA RTZOMS GSUNGS PA LA BRTEN NAS RJE BTZUN BYAMS MGON GYI BSTOD PA RIN PO CHE GSAL BA'I SGRON ME MDZAD CING, DE BZHIN DU BDE BA CAN DU SKYE BA 'DZIN PA'I SMON LAM ZHING MCHOG SGO 'BYED DANG, RANG NYID MA 'ONGS PA NA GANG DU SPRUL PA'I SKUR 'TSANG RGYA BA'I MDZAD PA STON PA'I ZHING YONGS SU GZUNG BA'I SMON LAM YANG RJE BTZUN GYI GSUNG GIS BSKUL NAS, DON GYI NGO BO DANG GO RIM SOGS RJE BTZUN GYIS GSUNGS PA NGED KYI TSIG SBYOR GYIS BSGRIGS PA YIN NO GSUNGS, DE'I TSE LHA BZO BA RNAMS KYANG BSNYEN GNAS DANG GSO SBYONG GI SDOM PA LA BKOD NAS 'DRIR 'JUG PA DANG, LAS BYED PA'I MI PHAL PA RNAMS KYANG THA MAL PA'I TSIG SMRA BA SPANGS NAS SMON LAM GYI TSIGS SU BCAD PA SOGS SHAS CHER KHA TON DU BYED PAS LAS SGRUB BA LA GZHOL BAR MDZAD LA, DE'I TSE RJE BTZUN 'JAM PA'I DBYANGS KYI ZHING BKOD BZHENGS PA'I SKYA RIS BTAB TSAR BA DE LA RAB GNAS SHIG MDZAD PAS RJE BTZUN 'JAM PA'I DBYANGS KYI SKU DNGOS SU BYON NAS THIM SONG BA'I GZIGS SNANG BYUNG ZHING SANGS RGYAS SUM CU RTZA LNGA'I SKU 'DRI BAR BRTZAMS PA LA; LHA BZO BA RNAMS KYIS SKU MDOG PHYAG RGYA SOGS JI LTAR 'DRI BA MA SHES NAS RJE'I DRUNG DU ZHUS PA DE'I TSE GSOL BA BTAB PAS JI LTAR 'DRI BA'I GO RIM DANG MTHUN PAR RGYAL BA SUM CU RTZA LNGA'I SKU RIM BZHIN GZIGS PA'I GZIGS SNANG BZHIN

, ,DU SKU MDOG SOGS 'DI LTAR BRIS SHIG CES ZHAL TA GNANG NAS 'DRIR BCUG ,DER MA ZAD ZHING BKOD GZHAN RNAMS LA'ANG RAB GNAS KYI DUS SU YE SHES PA DGUG GZHUG MDZAD PA NA LHA DE DANG DE'I RNAM PA RE THIM SONG BA'I SNANG BA MA BYUNG BA MED CES GSUNG NGO, ,ZHING BKOD RE BRIS TSAR RIM GYIS RAB GNAS MDZAD DE, MAR ME PHUL BA LAM BZUNG BA GCIG KYANG MA BYUNG, DE LTAR RI MO RNAMS LEGS PAR GRUB NAS, 'JAM DPAL GSANG LDAN GYI DKYIL 'KHOR BZHENGS TE, RJE NYID KYIS RAB TU GNAS PA RGYAS PAR MDZAD CING, DE'I TSE SLOB MA SKAL LDAN BCU LHAG PA ZHIG LA GSANG LDAN GYI DBANG YANG GNANG LA, RAB STON MDZAD PA'I SKABS SU GDAN SA PHAN TSUN GYI MDO SMAD PA SOGS KYIS GOS DAR SOGS 'BUL BA MANG DU BYUNG BAS RTEN 'BUR DU DOD PA RNAMS KYI NA BZA', LOGS BRIS THAMS CAD LA ZHAL KHEBS DANG BCAS PA LEGS PAR GRUB BO, ,DE'I TSE RAB GNAS DNGOS GZHI'I NYIN THUGS DAM NAR MAR MDZAD PA DANG, LAS BYED DANG BYA BA'I DUS TSIGS 'DZIN PA MANG PO ZHIG GI THUGS DAM DANG BYA BA SOGS SNGAR LAS CHES SNGA BA'I TSOD LA ZIN NAS 'DI CI ZHIG SNYAM DU GRIB TSOD BTZUGS SHING ZHIB TU BRTAGS PAS, DE NYIN NYI MA TSAD LAS CHES RING DU GYUR PA ZHIG KUN GYI MTHUN SNANG DU BYUNG NGO, ,GZHAN YANG 'GA' ZHIG GI RMI LAM NA MKHA' 'GROS RI MO 'DRI BA MTHONG BA DANG, LHO BRAG MKHAN CHEN PHYAG RDOR BA'I GZIGS SNANG LA, SANGS RGYAS RABS BDUN

NAM MKHA' LA BYANG PHYOGS SU 'BYON BA GZIGS, GANG DU BZHUD CES GSOL BAS RDZING PHYI'I RAB GNAS LA SPYAN 'DREN GYIN 'DUG CES GSUNG BA'I TSES GRANGS DANG RAB GNAS MDZAD PA'I TSES GRANGS GNYIS PHYIS BRTZIS PAS MTHUN PAR BYUNG NGO, ,DE NAS LHO BRAG MKHAN CHEN NAM MKHA' RGYAL MTSAN PAS 'DIR CIG CI NAS PHYAGS PHEBS PAR ZHU, BKA' 'DRA ZHU BA'I 'DOD PA YANG YOD, SKU TSE BSRING BA'I RTEN 'BREL SGRIG PA SOGS KYI SNYAN BSKUL 'DRA YANG 'BUL BA LAGS, ZHES PA'I GSUNG YIG NAN CHER BYUNG ZHING RJE RANG NYID KYANG LHO BRAG MKHAN CHEN GYI DRUNG NAS BKA' GDAMS GDAMS NGAG PA NAS BRGYUD PA'I LAM RIM GYI KHRID SOGS CHOS BKA' CI RIGS GSAN PAR BZHED NAS LHO BRAG BRA'O DGON PAR BYON, DE'I TSE LHO BRAG MKHAN CHEN DANG RJE RIN PO CHE GNYIS KA LA DAG PA'I GZIGS SNANG NGO MTSAR BA MANG DU BYUNG BA NI LHO BRAG MKHAN CHEN GYI ZHAL NAS BDAG GIS LO BDUN CU LON DUS LHA MO DKAR MO ZHIG NA RE BYAMS PAS BYIN GYIS BRLABS PA'I GANG ZAG 'JAM DPAL DBYANGS DANG GNYIS SU MED PA, LHA MO DBYANGS CAN MAS RIG PA STER BAR BYED PA PHUN SUM TSOGS PA CIG DANG SKYE BA BCO LNGA'I GONG NAS 'BREL PA YOD CING, PHAN TSUN DPON SLOB TU 'BREL PA CIG 'ONG BA YOD PAS, DE LA CHOS BKA' LA BSRIS MA 'JUG PAR BYIN, PHAR YANG CHOS ZHUS ZER BA CIG BYUNG BAS BDAG MOS GUS DPAG TU MED PA SKYES SO, ,YANG LAN CIG MGON PO BYAMS PA 'BYON GYIN YOD ZER BA'I SKAD

, ,LHANG BA CIG BYUNG, DE DUS CHOS RJE DKA' BZHI BA RGYA MO RI 'PHRED LA PHEBS PA'I TSOD DU 'DUG ,BCOM LDAN 'DAS KYIS CHOS KYI 'KHOR LO BSKOR BA'I DUS DRUG PA'I TSES BZHI'I NYIN LHO BRAG SGRO BA DGON PAR PHYAGS PHEBS BYON PA BDAG GIS BSU BA LA PHYIN PAS, RJE BTZUN 'JAM DBYANGS 'OD KYI DRA BAS MDZES PA ZHIG PHEBS BYUNG BAR MTHONG, RJE TZONG KHA BAS BDAG PHYAG NA RDO RJER DNGOS SU GZIGS SHING, DE'I GSUS PA'I DKYIL 'KHOR SHIN TU LDIR ZHING BEE d'URYA LTAR DVANGS PA SBRUL SNGO KHRAS SPRAS PA GZIGS 'DUG ,DE NI SNGAR LAS KYANG GDUL BYA 'PHRIN LAS RGYAS SU 'GRO BA'I BRDA YIN, DE'I NUB MO RJE TZONG KHA BAS BLA MA'I RNAL 'BYOR ZHIG ZHU GSUNG, BDAG GIS BLA MA'I RNAL 'BYOR ZHIG PHOG PAS, PHYAG NA RDO RJE BYON NAS RJE TZONG KHA PA LA THIM SONG, YANG TSES BCO LNGA'I THO RANGS BYAMS PA NYID LA BSLAB BTUS ZHUS ZER BA ZHIG BYUNG, RJE TZONG KHA PA LA BSLAB BTUS GSUNG BAR ZHU ZHUS PAS, RJE TZONG KHA PAS YI DAM LHA DE SKAD GSUNG NGAM GSUNG, GSUNG LAGS ZHUS PAS BSLAB BTUS GSUNGS, CHOS NYAN DUS MTHONG SNANG LA RJE TZONG KHA PA'I DBU'I STENG NA RJE BTZUN BYAMS PA BZHUGS, DPUNG PA G-YAS NA 'JAM DBYANGS DKAR BO; G-YON NA LHA MO DBYANGS CAN MA BZHUGS 'DUG, MGON PO PHYAG BZHI PA DANG PHYAG DRUG PAS GTZO BYAS PA'I CHOS SKYONG DANG MKHA' 'GRO BSAM GYIS MI KHYAB PAS BSKOR NAS 'DUG GO ,GZHAN YANG DKAR PHYOGS LA DGA' BA'I

LHA 'DRE'I TSOGS MANG PO CHOS NYAN ZHING 'DUG PAS MOS GUS THUN MONG MA YIN PA SKYES SO, ,SO SO 'BRANG MA'I DBANG DANG SEMS BSKYED KYANG ZHUS SO, ,RJE TZONG KHA PAS BDAG LA TSUR CHOS ZHUS PA LA BYANG CHUB LAM GYI RIM PA'I BKA' BABS GNYIS KYI KHRID, PHYAG NA RDO RJES GSUNGS PA'I GSANG BA BSAM GYIS MI KHYAB PA'I KHRID LUNG RJES GNANG, PHYAG RDOR SKU LNGA'I RJES GNANG, ZHU LAN RDO RJE PHRENG BA, ZHU LAN GCES PHRENG GI LUNG RJES GNANG, PHYAG NA RDO RJE KHYUNG LNGA'I DBANG DANG RJES GNANG, DREGS PA KUN 'DUL GYI DBANG, RTA MGRIN DPA' BO GCIG PA ZHAL GSUM PHYAG DRUG PA'I RJES GNANG SOGS BYAS PA'I DUS, RJES GNANG DANG DBANG GI BYA BA d'A K'I RNAMS KYIS BYED PA DANG, BDUD RTZI K'A PA LA GANG RJE TZONG KHA PA LA PHUL BAS DER LBU BA SHAR BA'I NANG DU 'JAM DBYANGS, DZAM LHA RNAM SRAS RNAMS RE RE BZHUGS PA GZIGS SHING RTAGS NGO MTSAR CAN MANG ZHIG BYUNG STE BSHAD KYIS MI LANG NGO ZHES GSUNGS, DE DUS RJE RIN PO CHES LHO BRAG GRUB CHEN NAM MKHA' RGYAL MTSAN LA DGE BA'I BSHES GNYEN SBYAN SNGA BA NAS BYA YUL BA LA BRGYUD PA DANG DGON PA BA NAS SNE'U ZUR PA LA BRGYUD PA'I BKA' GDAMS GDAMS NGAG PA'I LAM RIM GYI KHRID RGYAS PAR GSAN TE LHO BRAG MKHAN CHEN LA, SPYAN SNGA BA NAS BYA YUL BA LA BRGYUD PA DANG, DGE BSHES DGON PA BA NAS SNE'U ZUR PA LA BRGYUD PA'I LAM RIM GNYIS KA MNGA'O, ,LHO BRAG MKHAN CHEN PA DE NI GSANG BA'I BDAG PO PHYAG NA RDO RJES RGYUN DU RJES SU BZUNG STE BYA BA THAMS CAD

, ,GSANG BDAG LA ZHUS TE BYED PA ZHIG YIN PAS LHO BRAG GRUB CHEN ZHES GRAGS SHING, LHO BRAG PHYAG RDOR BA ZHES KYANG GRAGS SO, ,DE LTA BU'I BLA MA BDAG NYID CHEN PO DES RJE RIN PO CHE 'DI'I RNAM THAR LA YID CHES KYI DAD PA THOB STE BSLAB PA KUN LAS BTUS BZHU BAR MDZAD, BSLAB BTUS ZHU BA'I TSE LHO BRAG MKHAN CHEN 'KHOR DGE 'DUN MANG PO DANG BCAS ZHUS SHING, LHO BRAG MKHAN CHEN RANG NYID GCIG BUS GRA LNGA'I DBANG DANG DBYANGS CAN MA'I RJES GNANG SOGS ZAB CHOS MANG DU GSAN, DE'I TSE RJE RIN PO CHE ZAB MO DBU MA'I LTA BA MTHAR THUG PA DANG, GSANG PA 'DUS PA'I SGYU LUS SOGS MDO SNGAGS GNYIS KA'I LAM GYI DKA' GNAS MTHAR THUG PA 'GA' ZHIG RTZAD DPYOD PHYIR RGYA GAR DU SLOB DPON KLU'I BYANG CHUB DANG GRUB CHEN MI TRA SOGS MJAL BAR PHEBS BZHED NAS DPON SLOB BCU GSUM RTEN 'BREL BSGRIGS TE PHEBS RTZIS MDZAD PA NA GSANG BDAG PHYAG NA RDO RJE'I GSUNG LTAR LHO BRAG MKHAN CHEN NAM MKHA' RGYAL MTSAN GYIS RJE RIN PO CHE RGYA GAR DU PHEBS NA SLOB DPON KLU'I BYANG CHUB DANG GRUB CHEN MI TRA SOGS DANG DNGOS SU MJAL NAS YON TAN KHYAD PAR CAN BRNYES PA DANG, RGYA GAR RDO RJE GDAN GYI MKHAN PO MDZAD NAS SLAR BOD DU 'BYON MI THUB PA DANG, 'KHOR SEMS DPA' CHEN PO 'DI DAG TSAD PAS GUM PAR 'GYUR BA SOGS DGAG BYA MANG PO MCHIS BAS RGYA GAR DU MI 'BYON PAR BOD RANG DU BZHUGS PA ZHIG CIS KYANG MKHYEN ZHES NAN CHEN POS GSOL BA BTAB

RJE NYID KYIS KYANG DON DE LTAR DU DGONGS NAS RGYA GAR DU PHEBS BA SHOL TE BOD DU BZHUGS PAR MDZAD PAS NA LHO BRAG MKHAN CHEN NAM MKHA' RGYAL MTSAN PA NA BYANG PHYOGS KHA BA CAN GYI GDUL BYA RNAMS LA BKA' DRIN MTSUNGS PA MED PA ZHIG GO ,RJE RIN PO CHE RGYA GAR LA 'BYON PAR CHAS PA'I DUS DE'I TSE RJE BTZUN 'JAM BA'I DBYANGS KYIS RDZING PHYI'I JO BO LA DGE SBYONG GI RTAGS TSANG MA'I SKYES 'BUL BA DANG BCAS PA'I BSTOD CING GSOL BA 'DEBS PA'I TSIG TSANGS PA'I COD PAN ZHES BYA BA DON GYI RIM PA 'DI LTAR GYIS LA RTZOMS LA PHUL CIG DANG, PHYIS 'DUL BA'I BSLAB KHRIMS RNAM BAR DAG PA LA BRTEN NAS BSTAN PA LA PHAN PA RGYA CHEN PO 'BYUNG BA'I RTEN 'BREL YOD DO, ,ZHES GSUNG BA LA BRTEN NAS DE LTAR DU BRTZAMS TE PHUL LO, ,PHYIS KYANG RJE BTZUN GYI GSUNG GIS NAN GYIS BSKUL ZHING, BSTAN PA'I RTZA BA YIN PA'I THUGS NGES SHUGS DRAG PO 'KHRUNGS PA DANG, BSTAN PA NYAMS PA THUGS KYIS BSRAN BAR MA BZOD PA'I STOBS KYIS 'DUL PA'I LAG LEN PHYIR BCOS YAN CHAD YONGS SU RDZOGS PA SNGA MA'I SROL KA TZAM LA MA LTOS PAR LEGS PAR 'DZUGS PAR MDZAD DO, ,DON 'DI LA RJE NYID KYI ZHAL NAS BSTAN PA'I NANG MDZOD 'DUL BA'I BSLAB KHRIMS NYAMS PA SEMS KYIS MA BZOD NAS RUNG CHU GDAB PA YAN CHAD 'DUL BA'I BCAS MTSAMS PHRA RAGS THAMS CAD GSAR DU BTZUGS PA YIN GYI, GZHAN LAS KHYAD PAR THON PA ZHIG DON DU GNYER NAS BYAS PA

, ,GA LA YIN ZHES GSUNG NGO, ,DE NAS RJE RIN PO CHE GNYAL LA BYON, GNYAL LO ROR PHEBS NAS, LO RO STONG STAG TU ZLA PA LNGA TZAM BZHUGS, DER DGE BA'I BSHES GNYEN CHEN PO BRIN KHAS BAS MDZAD PA'I BSTAN RIM CHEN MO GDAN DRANGS BYUNG BA LA BSU BA MDZAD, MCHOD BA PHUL, ZHIB BAR GZIGS PAS THUGS NGES CHEN PO 'KHRUNGS, DER BSTAN RIM TSAR GCIG GSUNGS, SLAR YANG BYA BRAL LA BYON PA NYID NAS RGYAL BA'I GSUNG RAB MTHA' DAG GI DON TSIG SPYI TZAM LA MA LUS BAR DA LTA LAS DANG PO BA NYID NAS RANG GI RGYUD LA BSKOR NAS NYAMS SU BLANGS PAS CHOG BA'I TSUL LAM GYI NGO BO, GRANGS NGES GO RIM SOGS THAMS CAD SHING RTA CHEN PO RNAMS KYI LAM SROL DANG MTHUN PA ZHIG MED DU MI RUNG BAR GZIGS NAS BLA MA YI DAM LA GSOL BA SHUGS DRAG TU BTAB CING, GSUNG RAB DGONGS 'GREL DANG BCAS BA MTHA' DAG LA ZHIB TU DPYOD PA RGYUN MI 'CHAD DU MDZAD BAS; THOG MAR BSHES GNYEN BSTEN PA NAS 'GO BRTZAMS TE MTHAR ZHI GNAS DANG LHAG MTHONG LA BSLAB TSUL GYI BAR THEG BA CHE CHUNG THUN MONG DANG, THEG CHEN THUN MONG MA YIN PA'I LAM SPYI DANG, DE'I STENG DU SNGAGS KYI THABS MKHAS KYI KHYAD PA 'THUN MONG MA YIN PA RNAMS BSNON PA BTAB NAS NYAMS SU LEN TSUL GYI LAM GYI NGO BO DANG GO RIM DANG GRANGS NGES LA PHYIN CI MA LOG BA'I NGES PA 'KHRUNGS NAS GSUNG RAB DGONGS 'GREL DANG BCAS BA LANG LA'ANG

KHOL BTON RE TZAM MA YIN PAR THAMS CAD GANG ZAG GCIG 'CHANG RGYA BA'I CHA RKYEN DU SBYAR NAS NYAMS LEN GYI PHYOGS SU 'KHYER SHES PA, DE YANG BSHAD PA TZAM MA YIN PAR DA LTA BLO MTHO DMAN DBANG PO RAB 'BRING THAM GANG YIN GYI RGYUD LA BSKOR NAS DMIGS RNAM GYI RIM PAR NYAMS SU LEN PA'I LAG LEN DU 'KHYER PA DE ZHING 'CHUN CHE LA, SEMS 'DUL BA'I RIM BA 'BA' ZHIG LHUR MDZAD PA'I SGO NAS GDUL BYA MCHOG DMAN THAMS CAD JI LTAR BKRI BA'I RIM PA LA MNGA' BRNYES SHING, GANGS RI'I KHROD 'DIR TSUL 'DI NI SEMS DPA' CHEN PO DPAL MAR ME MDZAD YE SHES KYI GDAMS PA BYANG CHUB LAM GYI RIM PA'I MTSAN NYID DANG SNGAGS KYI THEG PA'I LAM GYI RIM PA PHYIN CI MA LOG PAR GTAN LA PHAB BA'I SHING RTA'I SROL 'DI NYID YA MTSAN PAR GZIGS SHING DE'I SROL LA BRTEN NAS THUGS NGES CHER 'KHRUNGS, DPAL LDAN AA TI SHA'I GDAMS PA'I SROL LA YANG DGE BA'I BSHES GNYEN CHEN PO PO TO BA SOGS KYI GDAMS PA LA YANG RMAD DU BYUNG BA'I THUGS NGES YOD MOD KYI, 'ON KYANG LHAG PAR BLA MA LA LO TZ'A PA CHEN PO BLO LDAN SHES RAB KYIS MDZAD PA'I BSTAN RIM DANG, DE'I SRAS KYI THU BO DPAL LDAN GRO LUNG BAS MDZAD PA'I BSTAN RIM CHEN MO SOGS DANG, RANG NYID KYIS DGONGS PA'I LAM GYI RIM PA RNAMS MTHUN SHAS CHE ZHING SROL PHUL DU BYUNG BAR GZIGS SO, ,DPAL LDAN AA TI SHA'I GDAMS PA DE YANG GSUNG RAB DANG DGONGS

, ,'GREL GYI BSTAN BCOS MAN NGAG MTHA' DAG LAM GYI RIM PA GCIG TU DRIL NAS STON PAR SNANG PAS 'CHAD SHES PA DANG NYAN SHES PA GNYIS KYIS BSHAD CING NYAMS SU BLANGS NA MAN NGAG CHANG CHUNG DU MA ZAD GSUNG RAB MTHA' DAG GI GUNG 'GRIG NAS 'ONG BAR SNANG BAS, LAM THUN MONG BA LA BLO SBYONG BA NAS 'KHRID DGOS PA'I GDUL BYA RNAMS LA KHRID KYI RNAM GRANGS MANG PO STON PA MA BYAS GSUNG ZHING, 'DI KHO NA'I STONG NAS 'KHRID PAR MDZAD DO, ,DE NAS RJE RIN PO CHE DPON SLOB SUM CU LHAG TZAM GYIS RTZA RI MA CHEN LA BYON, ZHAG 'GA' BZHUGS RI PA RNAMS LA MANG JA GNANG SBYIN DANG BCAS PA MDZAD, RI KHROD GZIGS SHING BDE MCHOG GI BDAG 'JUG LA SOGS PA MDZAD NGO MTSAR BA'I LTAS MANG DU BYUNG, TZA RIR PHEBS DUS GNAS 'DIR YANG NANG MCHOD DANG BCAS PA'I TSOGS 'KHOR RANG BYED PA MI 'ONG DGONGS BA ZHIG THUGS LA 'KHRUNGS PAS, DE MA KHAD NAS ZHABS KYI KHOL BU ZHIG LA GLO BUR DU TSE RAM ZUG PA 'DRA BA'I TSA ZUG DANG BSNYUN ZUG CHEN BO RANG YOD PA SKRANGS PA NAG PO ZHIG BYUNG BA LA, SKABS SHIG TU NANG MCHOD DANG BCAS PA'I BDE MCHOG GI TSOGS 'KHOR ZHIG MDZAD PAS TSOGS 'KHOR MA GROL TZAM NAS ZUG MED BAR DAM KHAD DVANGS SO, ,DE NAS TZA RI NAS YAR PHEBS TE GNYAL LA 'BYON PA'I LAM DU MO LA'I RTZAR ZHAG BZHUGS MDZAD BA'I NUB RJA BTZUN BYAMS MGON GYI SKU SHIN TU CHE BA,

LHUN PO LTAR MNGON PAR BRJID CING NYI MA LTAR GZI BRJID 'BAR BA ZHIG GIS RIGS KYI BU KHYOD SANGS RGYAS 'JIG RTEN DU BYON PA 'DRA PA ZHIG 'ONG BAS SHES PAR BYOS SHIG CES SENG GE'I SGRAS DBUGS PHYUNG ZHING SPRO BA BSKYED PAR MDZAD PA'I SNANG BA DNGOS SU BYUNG GSUNG NGO, ,DE NAS GNYAL SMAD SENG GE RDZONG NA BZHUGS PA'I DUS SU DPAL DUS KYI 'KHOR LO'I RDZOGS RIM SBYOR BA YAN LAG DRUG LA SOGS PA'I LAM GYI GNAD RNAMS LA DPYAD PA MANG DU MDZAD PAS MI 'KHRUL BA'I NGES PA 'KHRUNGS SHING 'PHYUG MAD KYI GZER THEBS NAS MI 'JIGS PA BRNYES, BCOM LDAN 'DAS DUS KYI 'KHOR LO DPA' BO GCIG PA ZHIG GI GZIGS SNANG NAR MAR 'ONG ZHING NUB GCIG GI MNAL LAM DU DUS KYI 'KHOR LO'I ZHAL NAS KHYOD KYIS DUS KYI 'KHOR LO 'DI LA RGYAL PO ZLA BA BZANG PO BYON PA 'DRA BA ZHIG 'ONG BAR YOD DO ZHES GSUNG, GNYAL SMAD SENG GE RDZONG DU BZHUGS DUS GSER PHYE 'BU MA BA LA MCHOD PA CHEN PO PHUL ZHING DER 'DUL PA'I CHOS MANG DU GSUNGS, LAN LEN PHRAN TSEGS RUNG CHU 'DEBS PA YAN CHAD ZHIB PAR MDZAD, DE'I TSE RJE'I ZHAL NAS YON TAN THAMS CAD KYI GZHI MKHAS BLANGS PA'I TSUL KHRIMS DAG DGOS PA YIN, NGED LA NI SO SOR THAR PA'I PHAM LHAG SBOM PO DANG BCAS PA'I LTUNG BA 'ONG MA MYONG, LTUNG BYED NYES BYAS DANG BCAS PA 'GA' RE BYANG BA RNAMS BSHAGS BSDAMS BYED GSUNG NAS MDZAD CING 'KHOR RNAMS KYANG TSUL DE NYID LA SBOR BAR MDZAD DE, GANGS

, ,RI'I KHROD 'DIR SANGS RGYAS KYI BSTAN PA CHES CHER NYAMS PAR GYUR PA GTING NAS MA BZOD PA'I THUGS KYIS BSTAN PA RIN PO CHE'I RMAD DKA' BA CHEN POS GZHI NAS 'DZUGS PAR MDZAD PAS PHYI RABS GANGS RI'I KHROD KYI SKYE BO YONGS LA RGYAL PA NYID DANG MTSUNGS PAR BKA' DRIN CHE BA YIN NO, ,GNYAL DU BZHUGS DUS DBYANGS CAN MA'I GSUNG GIS DGUNG LO LNGA BCU RTZA BDUN THUB DE BAR RANG GZHAN GYI DON DPAG TU MED PA 'GRUB GSUNG BA LA, RJE BTZUN MA RNAM PAR RGYAL MA SOGS LA GSOL BA BTAB CING BSNYEN BSGRUB MANG DU BYAS BAS DE LAS RING ZHIG THUB PAR MI 'GYUR RAM ZHES ZHUS PAS DE THAMS CAD PHAL CHER SNGON GYI SMON LAM GYI SHUGS DANG, CHOS RAB TU RNAM 'BYED KYI SHES RAB LA THUGS 'DUN CHES PA LA SOGS PA'I DNGANG GIS BLO GROS GONG NAS GONG DU 'PHEL BA'I RGYU 'BA' ZHIG TU SONG BAS SKU CHE LA DE TZAM DU PHAN PA MA BYUNG ZHES GSUNG BA ZHIG BYUNG, RJE BTZUN 'JAM BA'I DPYANGS KYI SKU DANG GSUNG GI SNANG BA RGYUN DU 'BYUNG BA'I GRUB CHEN 'JAM DPAL RGYA MTSO BA LA RJE BTZUN 'JAM PA'I DBYANGS KYIS DA PHAN CHAD SKU TSE'I BAR CHAD LA SGOS SU DMIGS PA'I BZLOG THABS DANG, SKU TSE BSRING BA'I PHYI NANG GI RTEN 'BREL LEGS BAR BSGRIGS NA DKA' SE BA ZHIG LA BZLOG PAR NUS SO ZHES GSUNG BA BYUNG, YANG GNYAL GYI SENG GE RDZONG NA BZHUGS DUS RJE BTZUN 'JAM PA'I DBYANGS LA, SNGAGS MTSAN NYID KYI LAM GYI NGO BO DANG,

GO RIM GRANGS NGES SOGS DANG KHYAD PAR ZHI LHAG GI NYAMS LEN GYI GNAD RNAMS ZHUS PAS, DA NGED LA YANG YANG 'DRI MI DGOS, GZHUNG CHEN MO RNAMS LA ZHIB PAR DPYOD DANG, NGED KYIS BSTAN PA RNAMS DANG PHAL CHER MTHUN BA SHA STAG 'ONG, MI MTHUN PA RE TZAM BYUNG NA 'DOR SBUS GDAMS NGAG TU 'DOD PA RNAMS LA 'BAB KYI GZHUNG CHEN MO RNAMS 'DOR DU MI RUNG NGO ZHES GSUNG ZHING, MAN NGAG GIS LDE MIG BYAS NAS MDO RGYUD DGONGS 'GREL DANG BCAS PA RNAMS LA DPYAD BAS, DPYAD PA RDZOGS PA'I TSAD NI LUNG RIGS KYI LAM NAS DRANGS PA'I NGES PA RNYED NAS BLOS DON DER THAG BCAD PA NA GTING NA MI BDE BA'I RNAM PA MED PA CIG 'ONG, DE DUS DON DE LA DPYAD PA RDZOGS PA YIN NO ZHES GSUNG STE, PHYIN CHAD 'KHRUL MED RANG ZHIG BYUNG GSUNG NGO, ,DE NAS DPYID GNYAL GYI SGANG CHUNG DU BZHUGS, DGE 'DUN RNAMS LA CHOS MANG DU GSUNGS, GRONG PA SKYE BO'I TSOGS DPAG TU MED PA DAD PA DRAG PO DANG BCAS TE 'DUS PA THAMS CAD KYANG BSNYEN GNAS DANG SKYABS 'GRO SOGS 'PHRAL DANG YUN DU PHAN PA'I DGE PA LA LEGS PAR SBYAR ZHING, RJE NYID KYIS THOG MA MDZAD DE THAMS CAD BSKUL NAS TSVA TSVA 'BUM THER MANG PO BTAB CING PHYIS KYANG TSUL DE NYID SGRUB PA LA SBYOR BAR MDZAD DO, ,DE NAS GNYAL SDONG RAB KRONG DU BYON, DBYAR BZHUGS MDZAD, GNAS DER SRAS KYI THU BO RJE DAR MA RIN CHEN GYIS MJAL, RNAM 'GREL GYI LAM KHRID GSAN

, ,PAS RJE RIN PO CHE'I GSUNG LA YID CHES KYI DAD PA BRTAN PO RNYED NAS DE PHYIN RJE'I ZHABS 'BRING DU BZHUGS SO, ,DE NAS GNYAL PHYOGS KYI SDE SNOD 'DZIN PA THAMS CAD 'DUS PA LA CHOS 'KHOR RGYA CHEN PO MDZAD DO, ,DE LTAR GNYAL PHYOGS SU BSTAN PA DANG SEMS CAN GYI DON RMAD DU BYUNG BA RNAMS LEGS PAR MDZAD NAS SLAR YANG 'OL KHAR PHEBS, DE NAS 'O DE GUNG RGYAL GYI LHA ZHOL DBEN GNAS LHA SDINGS SU LO GCIG BZHUGS CHOS MANG DU GSUNGS RJE 'DIS THAL RANG GI LTA BA'I GNAD RNAMS LA BYA BRAL LA 'BYON PA'I GONG NYID NAS DE BAR DU DPYAD PA NAR MAR MDZAD NA'ANG, MTHAR THUG PA'I GNAD LA MI BDE BA GTAN NAS LOG PA'I NGES PA 'DREN MA THUB GSUNGS TE, DENG SANG GI GDUL BYA MI RTAG PA PHRA MO'I GNAS TSUL TZAM YANG MA RTOGS PAR ZAB MO DBU MA'I LTA BA RTOGS PAR KHAS 'CHE PA DANG LAS 'BRAS LA YID CHES PA'I BSAM PA MED PAR DBU MA'I LTA BA RTOGS PAR KHAS 'TSO BA RNAMS LA THUGS BRTZE PAS DGONGS TE 'DI LTA BU'I TSUL BSTAN TE ZAB MO DBU MA'I LTA BA SHIN TU RTOGS DKA' BA NI RGYAL BA NYID KYI ZHAL NAS, ZAB ZHI SPROS BRAL 'OD GSAL 'DUS MA BYAS, BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES CHOS THAMS CAD KYI GNAS LUGS SPROS PA'I MTHA' THAMS CAD DANG BRAL BA'I STONG BA NYID NI SHIN

RTOGS DKA' BAS MTHA' DAG BAR RTOGS PA SRID MTHA' TZAM DU GSUNGS BA DANG, 'PHAGS PA KLU SGRUB KYI ZHAL NAS, RE SHIG LUS 'DI MI GTZANG NYID, ,RAGS SHING MNGON SUM SPYOD YUL BA, ,RTAG TU SNANG BA'ANG GANG GI TSE; ;SEMS LA GNAS PA MA YIN PA, ,DE TSE DAM CHOS GNAS MED PA, ,PHRA RAB MNGON SUM MA YIN PA, ,ZAB MO DE KO JI LTA BUR, ,SEMS LA BDE BLAG 'JUG PAR 'GYUR, ,CHOS 'DI ZAB PHYIR SKYE BO YIS, ,SHES PAR DKA' BA THUGS CHUD DE, ,DES NA THUB PA SANGS RGYAS NAS, ,CHOS BSTAN PA LAS LOG PAR GYUR, ,CAS MI RTAG PA LA NGES SHES MA 'DRONGS PAR DBU MA'I LTA BA RTOGS PA MI SRID PAR GSUNGS PA LTAR RO, ,RJE RIN PO CHES GNAS DER BLA MA DANG RJE BTZUN 'JAM PA'I DBYANGS THA MI DANG DU BYAS PA LA GSOL BA DRAG TU 'DEBS PA DANG, RIGS PA'I DPYAD PA ZHIB PAR MDZAD PAS BYIN GYIS BRLABS PA'I MTSAN MA KHYAD PAR CAN BYUNG, SLOB DPON SANGS RGYAS BSKYANGS KYI 'GREL PA BUDDHA P'A LI TA LA LEGS PAR GZIGS PAS KYANG 'TSAMS SBYAR TE, MGON PO KLU SGRUB YAB SRAS KYI LTA BA'I GNAD MTHAR THUG PA DANG, DGAG BYA'I MTSAMS 'DZIN SOGS LA SNGAR DANG MI 'DRA BA'I NGES PA GTING TSUGS PA 'KHRUNGS SHING MTSAN 'DZIN GYI DMIGS GTAD THAMS CAD ZHIG ,DE KHO NA NYID KYI DON LA MTHA' GZHAN DU DOGS PA'I SGRO 'DOGS LHAG MA MED PAR DRUNGS PHYUNG BAR GYUR TE, STON BA LA SHES NAS DAD PA THOB PA'I

, ,SHUGS KYIS DRANGS PA ZAB MO RTEN CING 'BREL PAR 'BYUNG BA GSUNG BA'I SGO NAS BSTOD PA LEGS PAR BSHAD PA'I SNYING PO ZHES BYA BA MDZAD DO, ,RJE RIN PO CHE'I MDZAD BA RNAM THAR 'DI DAG LA BLO GROS CAN RNAMS KYIS LEGS PAR DPYOD SHES NA BYANG CHUB LAM GYI RIM PA'I GO RIM LA NGES PA PHUL PHYIN STER ZHING BYANG CHUB LAM RIM GYI RTZA BA'I GDAMS NGAG GI GZHUNG MNGON RTOGS RGYAN DU, SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,ZHES GSUNGS PA'I DON LA NGES PA CHEN PO SKYE'O, ,DBU MA'I LTA BA 'KHRUL MED RNYED PA'I TSE SNANG PA JI LTAR 'CHAR BA NI RJE NYID KYI ZHAL NAS DA LTA LEGS BAR GOMS PAS RJES THOB TU'ANG SNA TSOGS PA'I SNANG BA 'DI THAMS CAD STONG BZHIN DU SNANG BA'I SGYU MA LTAR 'CHAR GYI, STONG PA NYID KYI RGYAS MA THEBS PA'I SNANG BA RANG DGA' BA CHER MI 'CHAR BAR 'DUG ,CES GSUNG NGO, , RJE BLA MA 'DIS BYANG CHUB LAM GYI RIM PA LA MYONG BA THON BAR BYED PA LA TSUL 'DI LTAR BYA DGOS SO ZHES GDUL BYA RNAMS LA 'DOMS PA'I PHYIR BLA MA DANG YI DAM THA MI DAD DU BYAS NAS GSOL BA 'DEBS PA DANG, BSAG SBYANG LA RTZE GCIG TU BRTZON PAR MDZAD CING, SKYE BO PHAL BA RNAMS KYI BLO YUL DU SHONG DKA' BA'I BSNYEN SGRUB LA RGYUN MI 'CHAD DU BRTZON PAR MDZAD PAS LHAG PA'I LHA DU MAS BYIN GYIS BRLABS PA'I TSUL DPAG PAR DKA' BA YOD LA, KHYAD

PAR; RGYAL BA KUN GYI YAB GCIG RJE BTZUN 'JAM PA'I DBYANGS KYI ZHAL MNGON SUM DU GZIGS SHING RGYUN DU DGE BA'I BSHES GNYEN MDZAD PA'I STOBS KYIS GSUNG RAB MTHA' DAG GI DON LA 'KHRUL PA MI MNGA' BAR GYUR BA YIN LA, GSUNG RAB KYI DON CI 'DRA BA'I RTOGS DKA' BA ZHIG YIN NA'ANG, THOG MAR RIGS PAS ZHIB TU DPYAD PAS PHAL CHER DGONGS 'ONG, DE LTAR MDZAD KYANG THUGS NGES MTHA' CHOD PA 'DREN MA THUB PA RNAMS LA, BLA MA DANG RJE BTZUN 'JAM PA'I DBYANGS THA MI DAD LA GSOL BA DRAG TU BTAB CING MAndAL PHUL BAS, DE MA THAG 'BAD MED DU DPYIS PHYIN PAR DGONGS NAS 'ONG BA NI RJE NYID KYI THUGS SRAS THAMS CAD LA MTHUN SNANG DU YOD PAR GSUNGS, GZHAN YANG RJE BTZUN 'JAM PA'I DBYANGS KYI SKU DANG GSUNG GI SNANG BA JI LTAR BYUNG PA SOGS DAG PA'I GZIGS SNANG MTHA' YAS PA'I RNAM BAR THAR PA NI RGYAL BA NANG PHAN TSUN GYI SPYOD YUL YIN PAS MTHA' DAG BRJOD BAR GA LA NUS, RJE BTZUN 'JAM BA'I DBYANGS KYIS RGYUN DU ZHAL BSTAN NAS BYA BA THAMS CAD RJE BTZUN 'JAM PA'I DBYANGS LA ZHUS NAS MDZAD PA NI, RJE NYID KYI ZHAL NAS GSUNG RAB KYI DON LA TSUL JI LTAR DPYOD, DPYAD PA RDZOGS MA RDZOGS, NYAMS LEN GYI GNAD, GDUL BYA JI LTAR BKRI, 'KHOR JI LTA BU BSTEN, GNAS JI LTA BUR SDOD PA SOGS PHAL CHER RANG BZOS ZHUGS PA MA BYAS ZHES GSUNG NGO, ,DE NAS STON 'OL KHAR BYON, DGUN DPYID

, ,'GAR PHUG TU BZHUGS NAS 'OL KHA'I DGE 'DUN RNAMS LA CHOS MANG DU GSUNGS SO, ,DE NAS AE'I TE'U RAR BYON, DBYAR BZHUGS MDZAD, AE PA'I DGE 'DUN RNAMS LA CHOS MANG DU GSUNGS SHING SKYE BO THAMS CAD DGE BA'I LAM LA BKOD, DE NAS 'OL KHA'I BRAG GDONG DU BYON, DGUN BZHUGS MDZAD, DE NAS RDZING PHYIR JO BO BYAMS PA'I DRUNG DU ZHAG BCO LNGA'I RING LA MCHOD PA RGYA CHE ZHING BKOD PA YID 'PHROG PA RGYUN MI 'CHANG PAR MDZAD DE BSTAN PA DANG SEMS CAN 'BA' ZHIG LA DGONGS NAS 'PHRAL DANG YUN DU PHAN BDE RGYAS PA'I SMON LAM RLABS CHE BA MDZAD DO, ,DE NAS SMAN LUNG GI RGYA SOG PHUR CHO 'PHRUL CHEN PO'I DUS MCHOD ZHAG BCO LNGA'I RING LA MCHOD PA RGYA CHE ZHING BKOD PA PHUN SUM TSOGS PA BSHAMS TE TING NGE 'DZIN GYIS BYIN GYIS BRLABS NAS MCHOD YUL THAMS CAD MNYES PAR BYED PA'I MCHOD BA'I CHO GA DANG, 'PHRAL DANG YUN GYI PHAN BDE RGYAS PA'I SMON LAM DPAG TU MED PA MDZAD PA'I SKABS SU, MCHOD PA'I ZHING PHYOGS BCU'I DE BZHIN GSHEGS PA RNAMS SPYAN 'DREN BA'I THUGS KYI 'DUN PA SHUGS DRAG PO MDZAD BA NA, SHAR PHYOGS KYI DE BZHIN GSHEGS PA THAMS CAD SKU MDOG DKAR PO RNAM SNANG GI RNAM PAS SHAR PHYOGS KYI NAM MKHA'I KHYON THAMS CAD GANG BAR 'KHRIGS PA DANG, DE BZHIN DU LHO PHYOGS DANG NUB DANG BYANG DANG DBUS SAM STENG GI NAM MKHA'I KHYON THAMS CAD RIM

PA BZHIN DU, RIN 'BYUNG, 'OD DPAG MED, DON GRUB, MI BSKYOD PA'I RNAM PA CAN GYI DE BZHIN GSHEGS PAS KHYAB CING, BKOD BDE 'DRA BA'I SGO NAS STENG DANG LOGS KYI NAM MKHA'I KHAMS THAMS CAD BAR MTSAMS MED PAR DE BZHIN GSHEGS PA'I SKUS GUR PHUB PA LTAR GYUR TE MCHOD PA BDAG GIR MDZAD PA'I GZIGS SNANG DNGOS SU 'CHAR PA YANG YANG BYUNG, PHYIS LHA SAR CHO 'PHRUL CHEN PO'I MCHOD PA RGYA CHEN PO BSAM GYIS MI KHYAB PA SMON LAM CHEN MOR GRAGS PA MDZAD PA'I DUS SU'ANG GZIGS SNANG DE 'DRA BA NAR MAR BYUNG STE, DE DUS MCHOD YUL DANG MCHOD BA THAMS CAD LA BDE STONG GI RGYAS BTAB CING MCHOD PA PHUL BAS DE THAMS CAD BDE STONG GI RAM ROL DU 'CHAR BA BYUNG GSUNG NGO; ;DE NAS DPYID RJE DAR MA SRIN CHEN GYI ZHAL SNGA NAS GTZO MDZAD, SDE SNOD 'DZIN PA NYIS BRGYA LHAG TZAM LA CHOS MANG DU GSUNGS, DE NAS NYANG PO PHYOGS NAS DAD PA CHEN BOS GSOL BA BTAB PA LA BRTEN NAS NYANG PO MDANG MDO'I DGON PAR BYON, DPYAR BZHUGS MDZAD, NYANG PO PHYOGS KYI DGE 'DUN RNAMS LA CHOS MANG DU GSUNGS SHING SKYE BO'I TSOGS LA PHAN PA RGYA CHEN PO MDZAD, DE'I SKABS SU DPON NAM MKHA' BZANG PO BAS RDOG LO CHEN BO'I GDAN SA PA SLOB DPON CHEN PO DKON MCHOG TSUL KHRIMS BA NGO CHEN LA SBRAN TE SKYID SHOD PHYOGS SU PHEBS BAR ZHU BA'I GSOL BA 'DEBS PA SNGA MO NAS NAR MAR YOD PA'I GTING BSKUL GYI GSOL 'DEBS PAS SLEBS BA DANG, JO BO RIN

, ,BO CHE MJAL BAR BZHED PAS KYANG THUGS DRANGS TE STON SKYID SHOD DU PHEBS, BO TA LAR BZHUGS NAS GSANG BDE GUNG GSUM, DGA' SKYOR ZUL GSUM GYI GDAN SA BA RNAMS KYIS THOG DRANGS PA'I SDE SNOD 'DZIN PA BRGYA PHRAG DU MA LA DBU MA SNANG BA, 'DUL BA, LAM RIM LA SOGS PA'I CHOS MANG DU GSUNGS, DE'I PHYI RES SOS KA DGA' BA GDONG DU BYON, THEG PA CHEN POR 'JUG BA RNAMS KYIS SANGS RGYAS DANG BYANG CHUB SEMS DPA' THAMS CAD DBANG POR BYAS TE KHAS BLANGS PA'I SEMS BSKYED KYI BSLAB BYA RNAMS LA JI LTAR BSLAB TSUL MTHA' DAG BAR SHES NAS TSUL BZHIN DU SLOB BA ZHIG MA BYUNG NA DE'I THEG PA CHEN PO BA MING TZAM DU 'GYUR BAR DGONGS SHING, GSANG SNGAGS RDO RJE THEG PA LA 'JUG PAR 'DOD NA LAM MTHUN MONG PA LA LEGS PAR BLO SBYANGS PA'I STENG DU BLA MA BSTEN TSUL THEG CHEN THUN MONG BA'I SKABS SU BSTAN PA LAS KYANG CHES KHYAD PAR DU GYUR PA ZHIG GI SGO NAS DBANG BSKUR RGYUD SDE DANG MTHUN PA ZHIG BLA MA MTSAN NYID DANG LDAN BA LAS MNOS TE, DE'I DUS SU KHAS BLANGS PA'I DAM TSIG DANG SDOM PA RNAMS MIG GI 'BRAS BU LTAR GCES BAR 'DZIN CING, KHYAD BAR RTZA LTUNG LA SROG BSDOS BYAS NAS LEGS PAR SDOM PA ZHIG MA BYUNG NA KHAS BLANGS PA'I DAM TSIG YAL BAR DOR NAS SNGAGS KYI LAM LA SLOB PA SKAD BYAS KYANG NGAN 'GRO MI BZAD PA'I SGO 'BYED BAR DGONG NAS, AE MA THEG PA CHEN PO SPYI DANG KHYAD PAR BA LA SLOB PAR 'DOD PA

DAG TSUL 'DI LTA BUS SPYOD PAR GYUR NA CI MA RUNG SNYAM DU SNYING NAS SHAS MA BZOD PA'I THUGS BRTZE BA CHEN POS KUN NAS BSLANGS TA GDUL BYA RNAMS LA'ANG TSUL DE NYID 'DOMS PAR MDZAD DO, ,DER YANG BYANG SA'I TSUL KHRIMS LE'U; BLA MA LNGA BCU PA, RTZA LTUNG BCU BZHI BA RNAMS KYI BSHAD PA SHIN TU ZHIB PAR GSUNGS, DE'I CHOS MJUG LA BLA MA RJE BTZUN RED MDA' PA CHEN PO'I ZHAL SNGA NAS MNGA' RIS NAS BYON, DBYAR GNAS STAG TSANG DU MDZAD DE DBUS SU BYON NAS DGA' BA GDONG DU PHYAGS PHEBS, BSU BA DANG, BSNYEN BKUR DANG, ZHABS TOG RMAD DU BYUNG BA MDZAD NAS DPON SLOB GNYIS KAS CHOS MANG DU GSUNGS, DE NAS YAB SRAS GNYIS KA'ANG DBEN PA LA DGYES SHING, BYANG RA SGRENG GI DBEN PA'I GNAS KYI BSNGAGS BA GTAM DU BRJOD PA SNYAN DU SON PAS KYANG THUGS G-YOS PAR GYUR LA DPAL LDAN AA TI SHAS LUNG BSTAN PA'I GNAS, STON PA RIN PO CHE YAB SRAS KYI GDAN SA, BKA' GDAMS PA'I DAM PA'I CHOS KYI CHU BO THAMS CAD KYI 'BYUNG KHUNGS SU GYUR PAS KYANG GZIGS PAR BZHED DE YAB SRAS GNYIS KYIS THOG MA MDZAD PA'I DGE 'DUN SDE SNOD 'DZIN PA MANG PO'I TSOGS DANG BCAS PAR SGRENG LA PHYAGS BTEG GDAN BZHUGS RA SGRENG DU MDZAD, BLA MA RJE BTZUN CHEN POS RIGS PA DRUG CU BA DANG GSANG 'DUS RIM LNGA SOGS GSUNGS, RJE RIN PO CHES THEG PA CHEN PO MDO SDE RGYAN DANG, DBUS MTHA' DANG, KUN LAS BTUS DANG, NYAN SA LA SOGS PA

, ,THAMS CAD GUNG LEGS PAR BSGRIGS TE ZHI GNAS KYI BSHAD PA MTHA' DAG PAR GSUNGS SHING, SGOM DU BCUG PAS 'GA' ZHIG GI RGYUD LA GSUNG RAB DANG MTHUN PA'I ZHI GNAS KYI MYONG BA KHYAD PAR CAN 'KHRUNGS, YAB SRAS GNYIS KYIS SNGAGS DANG MTSAN NYID KYI LAM GYI GNAD DU MA LA 'BEL BA'I GTAM GYI BKA' MCHID SHIN TU ZHIB BAR MDZAD, DE NAS CHOS RJE LO TZ'A BA DANG, 'BRI KHUNG CHOS RJE GNYIS KAS ZHAL 'DZOM PAR ZHU BA'I PHO NYA DANG GSUNG 'PHRIN NAR MAR BYUNG BAS, RJE RIN BO CHES DPYID 'OG 'BRI KHUNG DU BYON, CHOS MANG DU GSUNGS, SPYAN SNGA RIN PO CHE CHOS KYI RGYAL PO LA N'A RO CHOS DRUG DANG, PHYAG CHEN LHAN CIG SKYES SBYOR LA SOGS BA GSAN, DE NAS RJE RIN PO CHE DANG RJE RED MDA' BA DANG CHOS RJE LO TZ'A BA SKYABS MCHOG DPAL BZANG GSUM GA GNAM TZENG LTENG DU AAR CHEN PO BYANG CHUB YE SHES KYI GTZUG LAG KHANG DU ZHAL MNGON PAR 'DZOM ZHING, DBON YON TAN RGYA MTSO BAS DAD PA DANG GTONG BA SHIN TU YANGS PA'I BSAM PA RGYA CHEN POS ZHABS TOG BYAS TE SDE SNOD GSUM 'DZIN PA'I MKHAS PA'I DBANG PO DU MAS THOG DRANGS PA'I DGE 'DUN DRUG BRGYA LHAG TZAM GYIS DBYAR GNAS PAR ZHAL GYIS BZHES NAS CHOS RJE GSUM GAS KYANG BSTAN PA RIN PO CHE'I DAG TER RNAM PAR DAG PA ZHIG MDZAD PAR DGONGS SHING, DE YANG JI SRID DU RGYAL BA'I BSTAN PA'I NANG MDZOD 'DUL BA RDZOGS PAR YOD BA DE SRID DU SANGS RGYAS KYI BSTAN PA YOD LA,

DE MED NA MED PAR GSUNGS PA DE NYID THUGS LA LCI BAR GYUR NAS BSTAN PA 'BA' ZHIG LA DGONGS PA'I THUGS KYIS 'DUL BA MDO RTZA BA'I BSHAD PA RGYAS PA RE GSUNGS SHING DE'I DUS SU GZHI BCU BDUN NAS GSUNGS PA'I BCAS PA PHRA MO ZHIG YAN CHAD DA LTA'I GANG ZAG GIS NYAMS SU BLANG NUS RNAMS DANG, RNAM 'BYED NAS 'BYUNG BA'I BCAS PA RNAMS LAS 'DAS PA'I LTUNG BA THAMS CAD RANG RANG GI MING RIGS KYIS PHYIR 'CHOS PA'I CHO GA JI LTAR BSHAD PA BZHIN GYI PHYAG LEN RNAM PAR DAG PA'I SROL LEGS PAR BTZUGS TE, DE'I TSE 'DUL BA GSAN PA PHAL CHE BA SKYANG RANG RANG GI RGYUD LA BRTAGS NAS LTUNG BA PHRA RAGS THAMS CAD BSHAGS YUL MANG NYUNG GI BYE BRAG DANG, DNGOS PO SPANGS PA'I CHAD LAS SNGON DU GTONG BA SOGS JI LTAR BSHAD PA BZHIN DU PHYAG LEN LA BTAB NAS PHYIR BCOS MDZAD DE, DE PHYIN CHAD PHYAG PHYI LA GNYUG MAR GNAS PA LA PHAL CHE PAS NYIN RE BZHIN RANG RANG GI RGYUD LA BRTAGS NAS LTUNG BA NGANG YUN DU MI 'GROGS PAR PHYIR 'CHOS PA DANG, YO BYAD BYIN BRLAB, RUNG KHANG GCOD PA, NUB LHAG NYAL BSRUNG SOGS KYI PHYAG LEN DAG LA'ANG CHES BRTZON PAR MDZAD NA DE TZAM DU BSGRUB MI DKA' BA RNAMS LA NI LTA SMOS KYANG CI DGOS, DE BAS NA SANGS RGYAS KYI BSTAN PA'I RTZA PA SO SOR THAR PA'I RMANG RDZOGS PAR GSOS PAS BSTAN PA LA BYA BA MDZAD PA ZHIG LA 'DI YA MTSAN BA YIN NO, ,ZHES MKHAS GRUB THAMS CAD MKHYEN PA

, ,GSUNGS TE, GANGS RI'I KHROD 'DIR 'DUL BA LUNG SDE BZHI'I DON SLOB DPON YON TAN 'OD KYIS BKRAL BLTAR DGAG SGRUB GNANG GSUM GYI BCAS MTSAMS MTHA' DAG RGYAL BA RANG NYID KYI DGONGS PA JI LTA BA BZHIN DU 'CHAD SHES PA DANG, BSHAD PA LTAR DU BCAS MTSAMS MTHA' DAG LAG TU LONGS BA DANG, DE YANG BYANG CHUB LAM GYI RIM PA DANG SBYAR TE THEG BA CHE CHUNG GNYIS KA'I LAM GYI GZHI RTEN DU 'GYUR BA DANG, RGYAL SRAS KYI SPYOD PA LA SLOB PA'I TSE 'BRAS BU GZUGS SKU BSGRUB PA'I THABS SU 'GYUR BAR BYED PA SOGS RGYAL BA DGYES PA'I LAM LA SLOB BAR 'DOD PA RNAMS LA BKA' DRIN ZLA MED DU MDZAD DO, ,GZHAN YANG GNAS DER DBU MA DANG TSAD MA RNAM 'GREL LA SOGS PA'I CHOS GYI 'KHOR LO MANG DU BSKOR, DGAG DBYE THON NAS RJE BTZUN RED MDA' BA GCANG LA PHEBS RJE RIN PO CHE DANG LO CHEN SKYABS MCHOG DPAL BZANG GNYIS 'KHOR DANG BCAS PA SLAR RA SGRENG DU BYON NAS BRAG SENG GE'I ZHOL DU RJE RIN PO CHE'I BZHUGS GNAS BTAB STE JO BO'I SKU 'DRA DBU YON MAR GRAGS PA SPYAN DRANGS RJE RIN PO CHES SKU MTSAMS MDZAD DE JO BO'I SPYAN SNGAR MCHOD PA RGYA CHEN PO BSHAMS NAS GSOL BA SHUGS DRAG LA RGYUN RING BAR 'DEBS BAR MDZAD PAS STON PA THUB PA'I DBANG PO NAS LHO BRAG GRUB CHEN DANG GRVA SKOR MKHAN CHEN GYI BAR LAM RiM BRGYUD BA'I BLA MA RNAMS ZHAL GZIGS, DE'I TSE LAM RIM BLA MA BRGYUD PA'I GSOL

'DEBS LAM MCHOG SGO 'BYED GSAR RTZOM MDZAD DE, DE'I SGO NAS GSOL BA SHUGS DRAG LA RGYUN RING BA 'DEBS PAR MDZAD BAS BYIN GYIS BRLABS PA'I MTSAN MA KHYAD BAR CAN MAR DU BYUNG ZHING GDAMS PA DANG RJES SU BSTAN PA'ANG MANG DU GSUNGS, MTHAR LAM RIM BRGYUD PA'I BLA MA RNAMS RIM GYIS THIM STE JO BO RJE DANG, PO TO BA, SHA RA BA RNAMS YUN RING DU ZHAL GZIGS, MTHAR PO TO BA DANG SHA RA BA YANG JO BO LA THIM, JO BO RJES RJE RIN PO CHE'I DBU THOG TU PHYAG BZHAG STE BSTAN PA LA BYA BA RGYA CHEN PO GYIS, BYANG CHUB SGRUB PA DANG SEMS CAN GYI DON BYED PA'I GROGS BDAG GIS BGYI GSUNG NAS MI SNANG BAR GYUR, DE NAS RJE RIN PO CHES RGYAL BA'I BSTAN PA LA BYA BA BYED PA'I MCHOG NI GSUNG RAB DGONGS 'GREL DANG BCAS PA MTHA' DAG GI DON GANG ZAG GCIG GI NYAMS LEN GYI RIM PAR BSDUS TE PHYI RABS KYI GDUL BYA RNAMS KYIS NYAMS SU BLANG BDE BA ZHIG RTZOM PAR BZHED PA 'KHRUNGS SHING, LO CHEN SKYABS MCHOG DPAL BZANG PO SOGS MANG POS KYANG BYANG CHUB LAM GYI RIM PA'I KHRID YIG RGYAS PA ZHIG CI NAS KYANG MDZAD DU GSOL ZHES GSOL BA SHUGS DRAG TU BTAB, PHYOGS BCU'I RGYAL BA SRAS BCAS THAMS CAD KYIS KYANG THUGS RJE BSKUL BAR MDZAD, DKAR PHYOGS KYI LHA DANG SRUNG MA MANG POS MTHUN BA'I RKYEN SBYAR TE RGYAL BA'I GSUNG RAB MTHA' DAG GI GNAD BSDUS PA, SHING RTA CHEN PO KLU SGRUB DANG THOGS MED GNYIS KYI LAM SROL, BYANG CHUB LAM GYI RIM PA'I

, ,SGO NAS SKAL BA DANG LDAN PA SANGS RGYAS KYI SAR 'KHRID PA'I TSUL RGYAS PAR STON PA LAM RIM CHEN MO'I RTZOM PA MDZAD, DE LTAR RA SGRENG GI BRAG SENG GE'I ZHOL DU BYANG CHUB LAM RIM CHEN MO RTZOM PA MDZAD PA'I TSE PHYOGS BCU'I RGYAL BA SRAS BCAS THAMS CAD KYIS BYIN GYIS BRLABS BA DANG, RMA CHEN SPOM RA DANG GNYEN CHEN THANG LHA SOGS BOD KYI GZHI BDAG LHA CHEN RNAMS KYIS KYANG MTHUN PA'I RKYEN SBYAR ZHING BDAG CAG RNAMS LA'ANG SMON PA'I TSIG SBYAR BA ZHIG DGOS ZHES ZHUS PA LTAR RJE RIN PO CHES LAM RIM CHEN MO'I MJUG TU, SRAS BCAS RGYAL BA'I RMAD BYUNG 'PHRIN LAS LAS, ,LEGS GRUB BYANG CHUB LAM GYI RIM BAS KYANG, ,THAR 'DOD RNAMS KYI YID LA DPAL STER ZHING, ,RGYAL BA'I MDZAD PA RING DU SKYONG GYUR CIG ,LAM BZANG SGRIG PA'I MTHUN RKYEN SGRUB BYED CING, ,'GAL RKYEN SEL BYED MI DANG MI MIN KUN, ,TSE RABS KUN TU RGYAL BAS BSNGAGS PA YI, ,RNAM DAG LAM DANG 'BRAL BAR MA GYUR CIG ,CES SMON LAM MDZAD PA YIN ZHES LAM RIM CHEN MO'I BSHAD LUNG GI SKABS BLA MA GONG MA GCIG NAS GCIG TU BRGYUD PA'I GSUNG RGYUN LAS 'BYUNG NGO, ,DE LTAR LAM RIM CHEN MO'I RTZOM PA GRUB NAS 'KHOR RNAMS LA 'DI LTAR BKA' STZAL TE, DA PHYIN CHAD SNGAGS KYI CHOS THAN THUN 'CHANG 'DOD PAS, KHYED DRAG PA 'GA' RES CHOS RJE LO TZ'A BA LA DPAL GSANG BA 'DUS PA MI BSKYOD PA'I DBANG ZHUS LA SNGAGS

KYI SDOM PA GSOR CHUG GSUNG, DE NAS BLA MA 'JAM DKAR BA DANG, 'DUL 'DZIN GRAGS PA RGYAL MTSAN GNYIS KYIS GTZO MDZAD, NYI SHU RTZA LNGAS DBANG ZHUS, DE YANG RJE RIN PO CHE RANG GIS SMON 'JUG GI SDOM PA PHOG PA 'GA' ZHIG MA GTOGS GZHAN RNAMS LA CHOS RJE LO TZ'A BAS SMON 'JUG GI SDOM PA PHOG CING, DE NAS DBANG BSKUR BAR MDZAD DO, ,GZHAN YANG GNAS DE NYID DU, RJE RIN PO CHE RANG NYID KYIS SNGAR GNAM RTZENG LTENG DANG LAM PA DGON PA SOGS SU SMON 'JUG GI SDOM PA GNANG BA 'GA' ZHIG GI GTZOS THEG PA CHEN PO'I LAM LA SLOB PAR 'DOD PA RNAMS LA THUGS BRTZE BAS DGONGS NAS BYANG SA'I TSUL KHRIMS LE'U'I RGYA CHER 'GREL YANG MDZAD CING, DON GNYER CAN MANG POS GSOL BA DRAG TU BTAB PA LA BRTEN NAS, RTZA LTUNG DANG BLA MA LNGA BCU PA'I RNAM BSHAD KYANG MDZAD DO, ,DE NAS LO CHEN SKYABS MCHOG DPAL BZANG PO BYANG CHUB LAM RIM GYI GLEGS BAM PHYAG TU BZHES SHING LEGS BSHAD RIN PO CHE'I SKYES KYIS THUGS KYI BANG MDZOD GTAMS TE GTZANG LA PHYAGS BTEG ,RJE RIN PO CHES DBYAR DGUN GNYIS TZAM DE NYID DU BZHUGS NAS LAM RIM LA SOGS PA CHOS MANG DU GSUNGS, CHO 'PHRUL CHEN PO'I DUS MCHOD LA MCHOD PA DANG SMON LAM SHIN TU RLABS CHE ZHING NGO MTSAR BA MDZAD DO, ,DE NAS RIM GYIS BYON NAS LHAS PHU DGON GSAR DU PHYAGS PHEBS, BLO GROS DANG LDAN PA'I SDE SNOD 'DZIN PA DU MA

, ,LA TSAD MA RNAM 'GREL GYI BRJOD BYA'I GTZO BO MTHA' DAG RIGS PA'I LAM NAS DRANGS TE GZHUNG LAM GYI RIM PAR BSGRIGS NAS NYAMS LEN LA SBYAR TE GSUNGS PAS, SDE SNOD 'DZIN PA THAMS CAD SNGON LAN CIG KYANG MA MYONG BA'I LEGS PAR BSHAD PA'I BDUD RTZI'I RO PHUL DU BYUNG BA MYONG BAS YID RANG DBANG MED PAR PHROGS TE NGO MTSAR BA'I GTAM GYIS DUS 'DA' BAR BYED CING, DE PHYIN CHAD KYANG SKABS SKABS SU GSUNGS PAS, SNGON CHAD GANGS RI'I KHROD 'DIR TSAD MA TSIG GI NA YAM MAM, PHYI'I GO RGYA GCOD PA'I TSE BSTAN BCOS GZHAN BLTA BA LA BLO CUNG ZAD DRAG TU 'GRO BA'I YAN LAG TZAM DU NYE BAR MKHO BAR ZAD KYI, 'DI NYAMS LEN LA MKHO BA'I THE TSOM TZAM YANG SU LA'ANG MED PAS, PHAL MO CHE ZHIG DON MA YIN PA SKYED PAR BYED BA LA, DA LTA BLO GROS DANG LDAN ZHING GZU BOR GNAS PA DAG LA, 'DI NYID NYAMS LEN STON PA'I BSTAN BCOS SHIG LA RMAD DU BYUNG BA'I PHYOGS MTHONG TZAM YOD PA 'DI NI RJE RIN PO CHE 'DI 'BA' ZHIG GI THUGS RJE LA BRTEN PA YIN TE, 'DI TZAM GYI BKA' DRIN YANG GANGS CAN PA YONGS KYIS GSAB PAR SLA BA MA YIN NO, ,DE DUS RJE RIN PO CHES TSAD MA'I LAM BSGRIGS GSUNGS PA RNAMS RJE DAR MA RIN CHEN GYIS ZIN BRIS SU BTAB STE DENG SANG TSAD MA'I BRJED BYANG DU GRAGS PA 'DI YIN NO, ,DE NAS MI'I DBANG PO GRAGS PA RGYAL MTSAN BAS NAN CHER GSOL BA BTAB BA

LA BRTEN NAS 'ON BDE CHEN STENG DU PHEBS, SDE SNOD 'DZIN PA BRGYA PHRAG DU MA 'DUS PA RNAMS KYIS DE NYID DU DBYAR GNAS PAR ZHAL GYIS BZHES TE, RGYAL BZANG SMON MKHAR NAS ZHABS TOG BSAM GYIS MI KHYAB PA BSGRUBS, BYANG CHUB LAM GYI RIM PA'I KHRID DANG, DBU TSAD KYI DKA' BA'I GNAS 'GROL BA'I CHOS MANG DU GSUNGS, DE NAS 'O DE GUNG RGYAL GYI LHA ZHOL 'OL KHA'I BYAMS PA GLING DU PHYAGS PHEBS DON GNYER CAN RNAMS LA LAM RIM DANG BSKYED RDZOGS KYI CHOS MANG DU GSUNGS, DE NAS RJE RIN PO CHE SKU MTSAMS SHIN TU DAM PA LA BZHUGS TE BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG TU 'DEBS PAR MDZAD PAS, RJE BTZUN 'JAM PA'I DBYANGS KYIS SLOB DPON KLU'I BYANG CHUB KYIS MDZAD PA'I GSANG BA 'DUS PA'I MAN NGAG RNAM GZHAG RIM PA'I t'IKKA ZHIG BYAS NA BSTAN PAR PHAN CHE ZHES GSUNGS PA LTAR RNAM GZHAG RIM PA'I t'IKKA MDZAD DE DON GNYER CAN RNAMS LA ZHIB PAR GSUNGS, DE YANG SPYIR RIM LNGA'I DON DANG, KHYAD PAR RIM PA GSUM PA'I SGYU LUS KYI SGRUB TSUL SOGS DPAL GSANG BA 'DUS PA'I RTZA BSHAD KYI RGYUD DANG, 'PHAGS PA YAB SRAS LNGA'I GZHUNG NAS 'BYUNG BA'I DON THUN MONG MA YIN PA RAGS PA RNAMS DPYIS PHYIN PA ZHIG LEGS PAR GO NAS DE DUS LO BCU LHAG SONG BA LA DE BAR DU SMRA MA NUS ,DE NAS DE DUS ZUR TZAM SMRAS PA YIN ZHES GSUNG NGO, ,DE NAS LO CHEN SKYABS MCHOG DPAL BZANG PO DANG, SPYAN SNGA BSOD

, ,NAMS BZANG PO SOGS DAM PA MANG POS GSOL BA BTAB BA LA BRTEN NAS, RGYUD SDE BZHI'I LAM GYI LUS YONGS SU RDZOGS PA STON PA'I BSTAN BCOS CHEN BO GSANG CHEN LAM GYI RIM PA MDZAD DE GANGS RI'I KHROD 'DIR GSANG SNGAGS RGYUD SDE BZHI'I LAM GYI RIM BA LA SNGON MED PA'I SHING RTA'I LAM SROL PHYE BAR MDZAD DO, ,DE NAS SDE SNOD 'DZIN PA DU MA LA GSANG SNGAGS LAM RIM GSUNGS, DE'I TSE BAR CHAD KYI LTAS SHIN TU RTZUB BA CI RIGS BA BYUNG, DGE BSHES GCIG GNYIS KYANG 'DAS PA LA, DPON SLOB RNAMS KYIS SKU MTSAMS DAM BAR MDZAD DE THUGS DAM DANG ZLOG PA SOGS LA SHIN TU 'GRUS PAR MDZAD PAS TSEGS MED PAR BZLOG ,DE'I TSE BCOM LDAN 'DAS RDO RJE 'JIGS BYED KYI SGRUB THABS BDUD THAMS CAD LAS RNAM BAR RGYAL BA DANG SBYIN SREG GI CHO GA RGYAS BA'I RTZOM PA YANG MDZAD DO, ,RJE RIN PO CHE 'DI NYID THUGS DAM SGOM BZLAS SOGS MDZAD PA'I SKABS SU SKU MDUN NA YOD BA RNAMS KYIS SGO GSUM GYI SPYOD PA CI BYAS KYANG CHED DU GTANG NAS THUGS BCUG NA MA GTOGS THUGS KYIS DE RNAMS CI YANG MI NGES PA ZHIG YOD BAR GSUNGS, DE DUS THUGS SRAS RNAMS KYIS THUGS DAM RKYEN GANG GIS KYANG MI G-YENG BA 'DI DUS JI TZAM NAS LAGS ZHUS BAS, DGE SBYOR GYI DUS SU DE LTAR 'ONG BA BYAMS BA GLING NAS YIN, LTA

RTOG DANG DPYAD PA ZHIB PO BYED BA'I SKABS SU DE LTAR 'ONG BA SNGA MO NAS YOD CES GSUNG NGO, ,GNAS DER LO GNYIS BZHUGS, DE NAS BYANG CHUB LUNG DU DGUN BZHUGS MDZAD, SNGAGS MTSAN NYID KYI SDE SNOD 'DZIN PA BRGYA PHRAG DU MA LA GSANG SNGAGS LAM RIM GSUNGS, SOS KA SKYID SHOD DU BYON, SNE'U NAS DAD PA DRAG POS ZHABS TOG TSAD MED PA NAR MAR MDZAD DE DBYAR GNAS SER CHOS SDINGS SU BZHUGS, SKU MTSAMS SHIN TU DAM PAR MDZAD, GSANG 'DUS RIM LNGA DANG, DPYID THIG SOGS MA RGYUD KYI RDZOGS RIM 'GA' ZHIG GSUNGS, GNAS DER MKHAS GRUB BSTAN PA'I NYI MA DGE LAGS DPAL BZANG POS KYANG MJAL, DER GSOL BA 'DEBS PA MANG PO'I NGOR DBU MA RTZA SHE'I RGYA CHER 'GREL MDZAD PAR BZHED NAS GZHUNG GI RIGS PA'I DKA' GNAS PHRA MO RNAMS LA DPYAD PA ZHIB TU MDZAD PAS, RIGS PA PHRA MO 'GA' ZHIG LA DOGS PA CUNG ZAD DPYAD DKA' BA BYUNG NAS, BLA MA DANG RJE BTZUN 'JAM PA'I DBYANGS LA GSOL BA DRAG TU BTAB PAS, SKABS SHIG NA, SHES RAB KYI PHA ROL TU PHYIN PA'I MDO'I STONG NYID NYI SHU'I 'GRES RKANG RNAMS GSER BTZOM YI GER BKOD PA'I RNAM PAS BAR SNANG KHRIG GIS GANG BAR GZIGS PA YANG YANG BYUNG BAS, RTZA SHE'I RIGS PA SHIN TU PHRA BA RNAMS LA'ANG DOGS PA LHAG MA MED PAR 'BAD MED DU CHOD SONG GSUNG NGO, ,DE NAS RA KHA BRAG TU PHEBS NAS DRANG BA DANG NGES PA'I DON RNAM PAR 'BYED PA'I

, ,BSTAN BCOS LEGS BSHAD SNYING PO MDZAD, SE RA CHOS SDINGS SU RTZA SHE'I RNAM BSHAD CHEN MO MDZAD, DE'I TSE RGYA NAG GI RGYAL PO CHEN PO TA MING GIS RJE RIN PO CHE 'DI LA DAD PA CHEN POS LUNG DANG GNANG SBYIN DPAG TU MED PA'I 'BUL SKYEL DANG, RGYA YUL DU BSOD NAMS KYI ZHING DANG, SKYE BO MTHA' DAG LA DAM PA'I CHOS KYI BKA' DRIN MDZAD PA'I SLAD DU SPYAN 'DREN PA'I GSOL BA NAN CHER 'DEBS PA LA GSER YIG PA T'A ZHING BZHIS 'GO BYAS BRGYA PHRAG MANG PO MNGAGS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG, RJES SU MI DBANG GRAGS PA RGYAL MTSAN PAS GTZO MDZAD, DPON NAMKHA' BZANG PO BA DANG BCAS PA NGO CHEN LA SBRAN NAS GSER YIG PA RNAMS KYIS MCHI MA PHYUNG ZHING ZHU BA NAN GYIS PHUL BAS RJE RIN PO CHES SE RAR PHEBS, MJAL KHA GNANG, 'BUL BA RNAMS BZHES, RGYA YUL LA 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA NAN CAN ZHIB PAR BYON NAS BYAMS CHEN CHOS RJE SKU TSAB TU MNGAGS TE ^ GONG MA'I GSER YIG PA RNAMS PHYIR SLOG, DE NAS SE RA CHOS SDINGS SU SDE SNOD 'DZIN PA BRGYA PHRAG MANG BO TSOGS PA LA RTZA SHE; DRANG NGES RNAM 'BYED, BZHI BRGYA PA, GSANG SNGAGS LAM RIM, RTZA LTUNG DANG BLA MA LNGA BCU PA LA SOGS PA'I BSHAD PA ZHIB PAR GSUNGS SHING BYANG CHUB LAM GYI RIM PA'I KHRID KYANG GNANG, DE NAS GSANG PHU, BDE BA CAN,

DGA' SKYOR ZUL GSUM BCAS KYI GDAN SA PA, THANG SAG PA'I GDAN ZUR LA SOGS PA DGE BA'I BSHES GNYEN SDE SNOD 'DZIN PA DRUG BRGYA TZAM 'DUS PA LA SNE'U NAS DBYAR GNAS KYI BDAG RKYEN DANG, DPON SLOB RNAMS KYI SPYI SGOS ZHABS TOG PHUN SUM TSOGS PA MDZAD, DE LTAR SE RA CHOS SDINGS SU LO GNYIS TZAM BZHUGS NAS DGAG DBYE THON PA DANG ,MI DBANG GRAGS PA RGYAL MTSAN PAS GSOL PA BTAB PA LA BRTEN NAS SKYID SMAD GRUM BU LUNG DU PHYAGS BTEG, PHYAGS PHYIR BYON BA'I BSHES GNYEN LNGA BRGYA TZAM LA PHOGS DANG ZHABS TOG PHUL DU BYUNG BA MDZAD CING, GZHAN YANG PHYOGS MTHA' DAG NAS DAM PA'I CHOS GSUNG GI BDUD RTZI LEN PA LA 'DUS PA DANG BCAS DGE 'DUN STONG LONGS PA TZAM 'TSOGS SHING, DGUN BZHUGS DER MDZAD LAM RIM DANG BDE MCHOG L'U AI PA'I SGRUBS THABS DANG, MA RGYUD KYI RDZOGS RIM SOGS RGYAS PAR GSUNGS SO, ,DE NAS RJE RIN PO CHES GANGS RI'I LJONGS 'DIR RGYAL BA'I BSTAN PA RIN PO CHE MI NYAMS SHING 'PHEL BA'I RTEN 'BREL DU DGONGS NAS GANGS RI'I MGON PO CHOS RGYAL SRONG BTZAN SGAM POS GANGS RI'I KHROD 'DIR THUB PA'I DBANG PO'I BSTAN PA RIN PO CHE'I SGRON ME GSAR DU BTZUGS PA'I GNAS LHA LDAN SPRUL BA'I GTZUG LAG KHANG LA ZHIG GSO LEGS PAR MDZAD DE RTEN DANG BRTEN PAR BCAS PA THAMS CAD GSAR DU BZHENGS PA LTA BUR MDZAD DE GLANG GI LO ZLA PA DANG BO'I TSAS GCIG NAS BCO LNGA'I BAR DU CHO 'PHRUL CHEN PO'I DUS KYI MCHOD PA DNGOS GZHI MDZAD PA LA, JO BO RIN PO CHE'I DRUNG DU

, ,DE BZHIN GSHEGS PA RIGS RNAM PA LNGA 'PHUL LAS BTON PA DAR DPYANGS DANG BCAS PA'I DBU RGYAN RGYU GSER BZANG PO 'BA' ZHIG LAS BSGRUBS PA, RIN PO CHE NAL DANG, MU TIG DANG, G-YU LA SOGS PA'I PHRA BZANG PO BKOD PAS MDZES PAR BYAS PA DANG, JO BO MI BSKYOD RDO RJE DANG BCU GCIG ZHAL LA ,DNGUL BZANG PO LAS BYAS PA'I DBU RGYAN PHUN SUM TSOGS PA DANG BCAS PA PHUL ZHING ,JO BO RIN PO CHE'I DRUNG DU DNGUL GYI LHUNG BZED CHE TSAD DU LONGS PA DE'I KHA LA 'TSAM PA'I DNGUL GYI MAndAL DANG BCAS PA DANG, JO SH'AKA RNAM GNYIS BCU GCIG ZHAL DANG BCAS PA LA CHO 'PHRUL GYI RING NYIN RE BZHIN ZHAL GSER, TSES BRGYAD DANG BCO LNGA LA SKU YONGS RDZOGS LA GSER CHAB DANG BCAS BA PHUL ZHING ,JO SH'AKA RNAM GNYIS DANG THUB PA GANGS CHEN MTSOS GTZO MDZAD SPRUL SKU'I RNAM PA CAN GYI SKU 'BUR DU DOD PA THAMS CAD LA GOS DAR PHUN SUM TSOGS PA LAS BYAS PA'I BLA GOS DANG SNAM SBYAR DANG ,SEMS DPA' SEMS MA BCU DRUG LA SOGS PA DANG KHRO BO'I RNAM PAR BZHUGS PA LA SOGS PA RNAMS LA NI DAR CHEN DANG GAN GOS LA SOGS PA'I STOD G-YOGS DANG SMAD G-YOGS DANG, GZHAN YANG GTZUG LAG KHANG CHE CHUNG RNAMS KYI TOG DANG BYA 'DAB LA SOGS BA'I RTZE ZUR PHAN TSUN DU THA GUS SPREL BA THAMS CAD LA BA DAN DANG RNGA YAB DANG DRIL BU LA SOGS PAS BAR MA CHAD PAR MDZES PAR BYAS SHING, PHYI'I SKOR LAM CHEN MO'I PHYI ROL NAS SHING CHEN PO 'PHANG SHIN TU MTHO BA RNAMS LA

GOS DAR SOGS LAS BYAS PA'I BA DAN CHEN PO 'JIGS SU RUNG BA LA PHYOGS SKYONG DE DANG DE'I SKUS TOG LA BRGYAN CING, DE DANG DE'I SNGAGS BA DAN NYID LA BRIS PA BCO LNGA PHYOGS SKYONG BA BCO LNGA BO RANG RANG GI KHA DOG DANG MTHUN BA RANG RANG GI PHYOGS SU LEGS PAR BTZUGS NAS NUB RE BZHIN DE DAG GI RTZA BA'I GTOR STAGS KHAR PHYOGS GTOR GTONG BA DANG, DE DAG GI BAR BAR DU GDUGS DKAR LA SOGS PA'I RGYAL MTSAN RANG RANG GI CHOG BZHIN DU LEGS PAR BTZUGS SHING, BA DAN DANG RGYAL MTSAN DE DAG GI SHING RNAMS THA GUS SBREL BA LA 'PHAN DANG RNGA YAB DANG, DRIL BU LA SOGS PAS BAR MA CHAD PAR MDZES PAR BYAS PA NI 'JA' TSON KUN NAS BKRA BAS NAMKHA'I LAM KHYAB PAR BYAS PA LTA BU DANG ,GZHAN YANG NYIN PAR YANG KHYAMS NANG MA YAN CHAD LA DKAR MI BRGYA PHRAG BZHI RE TZAM DANG, BAR SKOR LA BRGYA PHRAG LHAG PA DANG, PHYI SKOR LA RDO RING GI 'GRAM, JO BO RIN PO CHE'I ZHAL GYI DRANG THAD DU KONG BU CHEN PO GRU BZHI PA PHYOGS RE LA 'DOM TSAD MA GSUM GSUM YOD PA DE NYID MAR KHUS LEGS PAR BKANGS BA LA 'TSAM BA'I SDONG BU LAS 'BAR BA'I ME LCE NI GSER GYI MCHOD SDONG GIS NAM MKHA'I LAM 'GOG PAR BYED PA LTA BUS THOG DRANGS, RDZA'I KHOG MA CHEN PO MAR KHUS BKANG BA'I SDONG BU MI CHEN PO'I LAG PA'I SBOMS TZAM LA 'PHANG MDA' TSAD LHAG TZAM GYI MAR ME BAR THAG 'TSAM PAR BKOD PAS PHYI SKOR GYI PHYI RIM 'KHOR BA DANG, GZHAN YANG RA MO CHE, KLU PHUG, PO TA LA, GUNG THANG RNAMS SU'ANG DKAR

, ,ME DU MA DANG, MTSAN MO NI BAR SKOR GYI RTZIG 'GRAM 'KHOR BA DANG, KHYAMS GRVA PHYI MA'I KA TSAR JI LTAR YOD PA BZHIN DU MAR ME'I PHRENG BA BKOD PAS MIG GIS BLTA BA TZAM YANG BZOD DKA' BAR BYAS TE, MTSAN MO'I GUNG LA'ANG STENG DU MNGON PAR BLTAS PA NA NAM MKHA' MAR ME'I 'OD KYI GOS DANG BCAS PAS KHA DOG DMAR SKYA NYID DU MTHONG BA MA GTOGS SKAR MA GCIG GI GZUGS KYANG MTHONG BA'I YUL LAS 'DAS PAR GYUR TO, ,GZHAN YANG YON CHAB BRGYA PHRAG BRGAL BA NYIN RE BZHIN GSAR DU MNGON PAR BSHAMS PA RNAMS LA KHA CHE GUR KUM SPANGS PA'I KHU BAS KHA LEGS PAR BSGYUR BA'I GUR KUM GYI RO MA NI NYIN RE LA'ANG BRES GZHAL DGOS PA DANG, GZHAN YANG SPOS KYI RGYAL MCHAN DANG, GDUGS DANG, SPOS SNOD THA DAD DU MNGON PAR BSREGS PA LA SOGS PA'I DRI BZANG POS PHYI ROL GYI KHOR YUG THAMS CAD DU'ANG NYIN MTSAN GNYIS KA MNGON PAR KHYAB CING ,DU BA RNAMS NI BAR SNANG LA SPRIN GYI SNA RING BO DAG PHAN TSUN MDUD PA'I LNGA SDI BRES BA LTA BU, THA NA PHYI SKOR GYI SKOR LAM RNAMS KYANG SPOS KYI CHUS CHAG CHAG BTAB PAR BYAS NA GZHAN LTA CI SMOS, ZHAL ZAS MDA' TSAD LHAG TZAM LA MAR GYI RGYAL SRID RIN PO CHE SNA BDUN LA SOGS PA'I RGYAN YID 'PHROG PAS BRGYAN PA BRGYA RTZA BRGYAD RE NYIN RE BZHIN GSAR PA GSAR PA PHUL ZHING, KONG BU CHEN PO'I G-YAS G-YON DU SA STEGS LA RTZAM PA KHAL BZHI BRGYA RE LAS BYAS PA'I LHA BSHOS

RGYAN BZANG PO DPAG TU MED PAS SPRAS PA, 'PHYAR DAR BTZUGS PA DANG BCAS PA MNGON PAR BSHAMS PA'I ZHAL ZAS RNYING PA RNAMS NI BDAG GIR BYED PA MED PAR SKYE BO PHONGS PA SBRANG PO'I TSOGS LA BLTOS PA MED PAR BYIN ,GZHAN YANG MCHOD PA'I BYE BRAG MTHA' YAS PA DANG ,RGYAL SRID RIN PO CHE SNA BDUN LA SOGS PA'I BKOD PA YID 'PHROG PA DPAG TU MED PA DANG BCAS PAS MNGON PAR MCHOD DE, RJE BLA MA NYID KYIS SNGAGS DANG PHYAG RGYA DANG TING NGE 'DZIN GYIS BYIN GYIS BRLABS NAS MDO SDE DANG RGYUD SDE NAS BYUNG BA'I CHO GA RNAM PAR DAG PAS MNGON PAR MCHOD CING ,BSTAN PA DANG SEMS CAN 'BA' ZHIG LA DGONGS PA'I THUGS BSKYED SHUGS DRAG POS BSTAN PA RGYAS PA DANG SEMS CAN LA PHAN BDE 'BYUNG BA'I SMON LAM RNAM PAR DAG PA NYIN RE BZHIN MDZAD LA, DGE 'DUN SKYE BO'I TSOGS DANG BCAS PA LA NYIN RE BZHIN SLOB DPON DPA' BOS MDZAD PA'I SKYES RABS KYI CHOS THUN RE GSUNGS TE DE'I DUS SMON LAM LA 'DUS PA'I SKYE BO THAMS CAD RANG BZHIN GYIS RGYUD 'JAM PA DANG, DANG BA DANG, DGE BA LA SPRO BA SOGS KYI GZHAN DBANG DU GYUR PAS NYIN MTSAN KHOR YUG TU CHOS MNYAN PA DANG ,PHYAG DANG ,SKOR BA DANG, SMON LAM 'DEBS PA DANG ,GZUNGS KHA TON DU BYED BA SOGS DGE BA'I BYA BA 'BA' ZHIG GIS DUS 'DA' BAR GYUR CING, DE YANG MTSAN PHYED LA BAB PA'I DUS RANG NA PHYI SKOR BYED PA NYIN MO BAS CUNG ZAD NYUNG BAR MNGON PA TZAM MA GTOGS, SKOR BA BYED PA BAR CHAD PA NI CUNG ZAD KYANG MA BYUNG NGO, ,DE LTA BU'I SMON

, ,LAM BSAM LAS 'DAS PA'I SGO NAS BSTAN PA DANG SEMS CAN GYI GSOS SU 'GYUR BAR MDZAD DE, DE'I TSE THUGS DAM BA NYAMS SNANG SHIN TU BZANG PO ZHIG GI MNAL LAM DU, LHA SA'I NYE SKOR GYI GZHI LAS SKYE BO'I TSOGS GRANGS LAS 'DAS PA THON NAS, THAMS CAD NAM MKHA' LA YAR THAL BYUNG DU 'GRO YI 'DUG, 'DI CI YIN BYAS PAS NGED RNAMS JO BO RIN PO CHE LA 'DI LTAR MCHOD PAS TSANGS PA'I 'JIG RTEN DU 'GRO BA YIN ZER BA DE 'DRA BA'I RMI LAM YANG BYUNG STE, RGYAL BAS SNGON MNYAN YOD DU CHO 'PHRUL CHEN PO BSTAN PA'I DUS SU GDUL BYA'I DON JI LTAR MDZAD PA DE KHO NA BZHIN DU LHA MI BGRANG BA LAS 'DAS PA ZHIG SMIN CING GROL BAR MDZAD DE NGAN SONG GI RGYUN LAM NI BCAD, MTHO RIS DANG THAR BA'I LAM NI LAM PO CHE BZHIN DU BYAS TE, RGYAL BA'I BSTAN PA LA RGYAL BA RANG NYID SLAR BYON PA LTA BUR MDZAD DO, ,DE'I TSE RJE RIN PO CHE LA GANGS CAN GYI BSTAN 'DZIN DAM PA MANG PO DANG, YON BDAG CHE PHRA MANG POS RGYUN DU SA GCIG TU BZHUGS CHOG PA'I DGON GNAS SHIG BTAB CHOG PA DGOS ZHES YANG DANG YANG DU GSOL BA BTAB PA NA RJE RIN PO CHES KYANG MA 'ONGS PA NA BSTAN PA'I RGYUN LA PHAN PAR DGONGS ZHAL GYIS BZHES TE JO BO RIN PO CHE'I SKU MDUN DU DGON GNAS GANG BZANG BRTAGS PAS 'BROG RI BO CHE BZANG BAR BYUNG ZHING, LHO BRAG GRUB CHEN LA GSANG BA'I BDAG POS, DBANG BSKUR RI YI LDEBS DAG TU, ,BTZUN MO SDINGS KYI NGOS

PHYOGS SU, ,DGE 'DUN DPAG MED 'DU BAR 'GYUR, ,RI NI GANG YIN 'JAM DBYANGS 'CHAD, ,DBUS GTZANG MDO KHAMS RGYA YUL GYI, ,MCHOD GNAS DAM PA TSOGS GSOG RTEN, ,MNGA' RIS BOD KHAMS KUN GYI SKYABS, ,PHYOGS BCUR SDE DGON RGYAS PA 'BYUNG, ,ZHES LUNG BSTAN PA LTAR 'BROG RI BO CHER DGON GNAS 'DEBS PAR DGONGS NAS SMON LAM GROL 'PHRAL 'BROG RI BO CHER ZHABS KYIS BCAGS NAS SA GZHI BYIN GYIS BRLABS, SRAS KYI THU BO RNAMS LA 'DI LTAR BGYIS KYI BKA' LUNG STZAL, DE NAS DPYID SNGON MA SE RA CHOS SDINGS SU BZHUGS, SDE SNOD 'DZIN PA DRUG BRGYA TZAM LA DBU MA RTZA SHE, TSUL KHRIMS LE'U, SGRUBS THABS KUN BZANG, LAM RIM LA SOGS PA MDO SNGAGS KYI CHOS MANG DU GSUNGS, DE NAS SPYAN SNGA RIN PO CHE BSOD NAMS BZANG PO BAS GSOL BA NAN CHER BTAB PA LA BRTEN NAS, DPYID RTING MA RJE RIN PO CHE DPON SLOB NYIS BRGYA TZAM GYIS ZANGS RI'I PHU MCHIN DU BYON, SPYAN SNGA RIN PO CHE BSOD NAMS BZANG PO DANG, MKHAN CHEN RGYAL BZANG BAS GTZO MDZAD THEL PA'I RI DGE MANG PO DANG, GZHAN YANG SDE SNOD 'DZIN PA MANG DU 'DUS PA RNAMS LA LAM RIM LA SOGS PA'I CHOS MANG DU GSUNGS, SRAS KYIS THU BO RJE DAR MA RIN CHEN PA DANG, 'DUL 'DZIN GRAGS PA RGYAL MTSAN GNYIS KYIS THOG MA MDZAD PA'I DGE 'DUN PHAL CHE BAS 'BROG RI BO CHER BYON TE DGE LDAN RNAM PAR RGYAL BA'I GLING BTAB, PHYOGS KYI YON BDAG DANG, NYE SKOR GYI BAN SKYA'I SDE THAMS CAD KYIS DAD BSLANGS TSAD MED PA DGA'

, ,SPRO DANG BCAS PAS BSGRUBS PAS DE KHA'I LO LA GZIM KHANG GIS THOG DRANGS BRANG KHANG RDZOGS PAR GRUB PA BDUN CU LHAG TZAM DANG, GZHI BTING BA BRGYA PHRAG BRGAL BA BYUNG, BRANG KHANG SO SO PHAL CHE BA LA'ANG 'DUL BA NAS JI LTAR GSUNGS PA BZHIN DU, DANG POR GZHI BRTAG PA DANG, BRTAGS NAS DGE 'DUN LA GSOL BA DANG, DE NAS DGE 'DUN GYIS GNANG BA SBYIN PA DANG, LAG GI BLA BSKO BA DANG, RDO BTEG PA'I MTHA' LAS BYUNG PA'I RUNG KHANG GCOD PA DANG, KHANG PA'I TSAD LAS MA LHAG PAR RTZIG PA SOGS KYI PHYAG LEN DAG TER CAN MDZAD PAS, MKHAR LAS KYI PHYAG LEN TZAM GYIS KYANG BSTAN PA RIN PO CHE GSAL BAR MDZAD DO, ,RJE NYID KYIS LO DE'I DBYAR GNAS 'OL KHA BAS GDAN DRANGS NAS 'OL KHA BSAM GTAN GLING DU MDZAD DE RJE RIN PO CHES SKU MTSAMS DAM PO BCAD NAS BLA MA DANG YI DAM THA MI DAD DU DMIGS PA LA GSOL BA SHUGS DRAG PO 'DEBS PAR MDZAD CING ,DPAL GSANG BA 'DUS PA'I RDZOGS RIM RIM PA LNGA'I NGO SPRONG CHEN MO RIM PA LNGA GSAL BA'I SGRON ME RTZOM PA'I THUGS 'DUN BTANG, ZIN BRIS 'DEBS PA MDZAD PA'I SKABS SU ,MNAL LAM GYI LTAS NGO MTSAR BA BYUNG BA DAG MNYEL BAR GYUR NA MI RUNG SAM DU DGONGS NAS, BRNGA'I TSIG GIS RNAM PAR BCINGS BA'I TSIGS SU BCAD PA YI GER MDZAD DE, KUN GYI MIG LAM DU 'GYUR BA'I GNAS JI LTA BAR BZHAG PAR MDZAD DO, ,DE NI BKA' 'BUM THOR BUR GSAL BA LTAR DANG,

BRDA CHIG DE DAG GI DON MKHAS GRUB THAMS CAD MKHYEN PAS ZHIB TU BKRAL BA LTAR RO, ,DE NAS GNAS DER MDO SNGAGS KYI CHOS MANG DU GSUNGS, STAG LO ZLA BA GNYIS PA'I TSES LNGA LA RI BO DGE LDAN RNAM PAR RGYAL BA'I GLING DU PHYAGS PHEBS; LAM RIM GSANG 'DUS SGRON GSAL RIM LNGA DANG BCAS PA GSUNGS SHING, MNGON PA KUN LAS BTUS DANG SA SDE LA SOGS PA'I 'GANGS KYI RNAM GZHAG DANG, TSAD MA'I DKA' GNAS KYANG MANG DU GSUNGS, DPAL GSANG BA 'DUS PA'I BSHAD RGYUD LHA MO BZHI ZHUS DANG YE SHES RDO RJE KUN LAS BTUS GNYIS KYI RNAM BSHAD RGYAS PA'I RTZOM PA'ANG MDZAD, DE'I PHYI LO DPAL GSANG BA 'DUS PA'I RDZOGS RIM RIM PA LNGA RAB TU GSAL BA'I SGRON MA ZHES BYA BA'I LEGS PAR BSHAD PA'I GTER CHEN PO DE NYID DANG, RIM LNGA GDAN RDZOGS KYI KHRID YIG DANG BCAS PA'ANG MDZAD NAS THEG PA CHEN PO'I CHOS KYI 'BYOR PA DPAG TU MED PA STZOL BAR MDZAD DO, ,DE NAS DGUNG LO LNGA BCU NGA BDUN PA'I THOG TU RGYAL BA'I BSTAN PA CHES CHER RGYAS PA BDUD SDIG TO CAN GYIS MA BZOD NAS BAR CHAD KYI MTSAN MA CI RIGS BYUNG BA BYAMS SNYING RJE BYANG CHUB KYI SEMS KYI MTHU DANG, 'OD GSAL BDE BA CHEN PO'I YE SHES KYI MTHUS BZLOG PAR MDZAD, DE YANG SNGON THUB PA'I DBANG POS BDUD BYE BA PHRAG DUNG PHYUR BYAMS PA'I DPUNG GIS BZLOG PAR MDZAD PA JI LTA BA DE BZHIN DU MDZAD DE LHA DANG BCAS PA'I 'GRO BA THAMS CAD KYI DBUGS PHYIN PA THOB PAR GYUR TO, ,DE NAS LO DE'I PHYI LO MI DBANG GRAGS

, ,PA RGYAL MTSAN PAS GSOL BA BTAB NAS 'ON BKRA SHIS RDO KHAR GDAN DRANGS, SDE SNOD 'DZIN PA BRGYA PHRAG DU MA LA DBU TSAD DANG LAM RIM LA SOGS PA'I CHOS MANG DU GSUNGS NAS PHYOGS DE'I SKYE BO MTHA' DAG TSIM PAR MDZAD DO, ,RJE RIN PO CHE'I SKU BKRA SHIS RDO KHA MAR GRAGS PA'I BYIN RLABS CAN 'DI RNAMS KYANG DE DUS BYUNG BA YIN NO, ,DE NAS DGA' LDAN RNAM PAR RGYAL BA'I GLING DU TSUR PHEBS, DE NAS BRTZAMS TE RIM PA BZHIN DU DBAL 'KHOR LO BDE MCHOG L'U AI BA'I t'IKKA CHEN MO DANG, RDZOGS RIM RNAL 'BYOR BZHI LDAN GYI KHRID YIG CHE CHUNG, BDE MCHOG GI SGRUB THABS, DPAL GSANG BA 'DUS PA'I RTZA RGYUD DANG 'GREL PA SGRON GSAL GYI ZHUS DAG DAG TER CAN MDZAD NAS ,TSIG DON SHIN TU ZHIB PAR 'CHAD PA'I MCHAN BU DANG, LE'U SO SO DANG SPYI'I DKA' BA'I GNAS RNAM PAR GTAN LA 'BEBS PA'I MTHA' GCOD DANG, DON TSAN SO SO'I DMIGS 'BYED PA'I BSDUS DON DANG BCAS PA MDZAD CING, RGYUD SDE BZHI DANG 'BREL BA'I BSHAD BA MTHA' DAG PA RGYUN MA CHAD PAR GSUNGS PAS RGYAL BA'I BSTAN BA RIN PO CHE'I SNYING PO MTHA' DAG NYAMS NAS MING TZAM YANG MED PAR GYUR PA GZHI NAS BSLANGS TE LEGS PAR GSAL BAR GDZAD PAS GANGS CAN PA RNAMS LA RGYAL BA BAS KYANG BKA' DRIN CHE BAR GYUR PA YIN NO, ,DE NAS LUG LO'I DBYAR NAS 'GO BRTZAMS SNGAGS KYI BSGRUB MCHOD KHANG PA ZHIG GSAR DU BSGRUB PA'I ZHAL BKOD

MDZAD DE GTZUG LAG KHANG KHYAMS GTZANG KHANG DANG BCAS PA LA KA BA BDUN CU RTZA GNYIS KYIS LA, DBUS KYI GTZANG KHANG DU STON BA'I SKU JO BO RIN PO CHE'I SKU TSAD LAS CUNG ZHIG GIS CHE BA DANG, STENG GI GTZANG KHANG DU, DPAL GSANG BA 'DUS PA LHA SUM CU RTZA GNYIS, DPAL 'KHOR LO BDE MCHOG L'U AI PA LHA DRUG CU RTZA GNYIS, DPAL RDO RJE DBYINGS KYI DKYIL 'KHOR CHEN PO RNAMS KYI RTEN DANG BRTEN PAR BCAS PA'I GZHAL YAS KHANG BLOS BSLANGS RNAMS RGYU RIN PO CHE 'BA' ZHIG LAS BSGRUBS, DE YANG GZHAL YAS KHANG DANG LHA GZHAN RNAMS ZANGS LA GSER GSOL PA, GTZO BO RNAMS DANG ,PHYOGS KYI DE BZHIN GSHEGS BA DANG SNYING PO'I RNAL 'BYOR MA RNAMS DNGUL BZANG PO 'BA' ZHIG LAS BZHENGS PA'I GTZO BO YUM DANG BCAS PA RNAMS RE RE LA'ANG DNGUL BRE CHEN GNYIS LHAG RE DANG RDOR DBYINGS KYI GTZO BO LA DNGUL BRE CHEN GNYIS MA LONGS TZAM DANG, 'KHOR GYI LHA BCU GNYIS LA RE RE LA'ANG DNGUL BRE CHEN PHYED DANG GNYIS RE CUNG MA LONGS TZAM DANG BCAS PA DANG; DE DAG LA RIN PO CHE DANG, G-YU RNYING BZANG PO DPAG TU MED BA'I PHRA BSAM GYIS MI KHYAB BA DANG, GZHAN YANG RJE BTZUN 'JAM PA'I DBYANGS, RGYAL PA TSE DPAG MED, RJE BTZUN BYAMS MGON, BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA RNAMS KYI GSER SKU MDA' TSAD RE DANG, BCOM LDAN 'DAS MA GTZUG TOR RNAM PAR RGYAL MA DANG, GTZUG TOR GDUGS DKAR GNYIS KYI GSER SKU KHRU TSAD RE DANG, GOS DAR BZANG PO MTHA' YAS

, ,PA BRDUNGS PA'I DAR 'DAM 'BA' ZHIG LAS BSGRUBS PA'I BCOM LDAN 'DAS RDO RJE 'JIGS BYED ZHAL PHYAG YONGS SU RDZOGS PA'I SKU LA RGYAB MTHO BCU BDUN YOD PA RNAMS BZHENGS SHING, DE DAG THAMS CAD KYANG LHA BZO'I BZO THIG DANG PHYAG TSAD PHAL PA MA YIN PAR, SH'A RI'I BU DANG TSANGS PA AE dA'I BU LA SOGS BAS ZHUS PA'I PHYAG TSAD KYI YI GE'ANG MANG DU YOD MOD KYI GTZO BOR, DBAL 'KHOR LO BDE MCHOG SDOM PA 'BYUNG BA'I RGYUD KYI LE'U GCIG GIS LHA'I PHYAG TSAD ZHIB PAR STON CING, DE'I RGYA CHER 'GREL RATAN RAKshI TAS KHYAD PAR ZHIB TU GTAN LA PHAB PA DANG ,DPAL GSHIN RJE GSHED DMAR PO DANG NAG PO'I RGYUD GNYIS KYI LE'U RE RES LHA'I PHYAG TSAD STON PA RNAMS GUNG LEGS PAR BSGRIGS PA'I THIG KHOG NAS DRANGS TE, LHA RNAMS RGYAL BAS GSUNGS PA'I PHYAG TSAD DANG LDAN PAR BZHENGS SHING, DE DAG RNAMS LA'ANG RGYU'I BYIN RLABS SOGS TSUL BZHIN DU MDZAD PAS GEGS MED CING KHYAD PAR CAN GRUB STE, LUGS BTANG BA LA 'DI 'DRA BA'I LUGS 'DREN BDE BA DANG MTSAR BA SNGAR 'ONG MA MYONG ZHES LHA BZO BA DAG ZER LA, THAMS CAD KYANG BLTAS PA TZAM GYIS YID 'PHROG PAR BYED PA'I MIG GI BDUD RTZI 'BA' ZHIG NYE BAR BYON NO, ,DE DAG LAS KYANG, KHYAD PAR DU GZHAL YAS KHANG GSUM BZHENGS BA'I LUGS SNGA MA BTANG BA'I LUGS PHUD LA, DPA' BO KHAndA KA P'A LA 'JA' TSON MA BYON TE, DE YANG RGYU ZANGS YIN YANG LUGS KONG NAS

BYON MA KHAD LA ZANGS KYI KHA DOG YUNGS 'BRU'I RJES TZAM YANG MI MNGON PAR SKU THAMS CAD 'OD ZER LNGA'I GONG BUR GYUR PA'I SNGON PO RNAMS NI RGYA MTHING BZANG PO'I MDANGS KYIS BSGRUN DU MED LA, DMAR PO DAG NI DA CHU BTUL MA BZANG PO'I KHA DOG LAS BDUN 'GYUR GYI LHAG CING, DMAR SER DAG NI LI KHRI'I MDANGS MOG MOG POR BYED LA, SER PO DAG NI GSER BZANG PO'I RGYAN GYI MDANGS KYANG RA GAN LTAR BYED PA, GZHAN YANG DKAR PO DANG, LJANG GU DANG; BTZOD KYI KHA DOG SOGS DU MA SPEL BA NAM MKHA'I 'JA' TSON SKU LA 'KHYUD PA'I RNAM PA LTA BU MIG GIS BZOD PAR DKA' BA'I 'OD ZER GYI PHUNG PO CHEN PO ZHIG BYON TE, BRAD BRDAR SOGS CUNG ZAD KYANG MA BYAS KYANG SHIN TU 'JAM ZHING GTZANG BA SHIN TU NGO MTSAR BAR GYUR NAS, 'DI LTA BU CI ZHIG CES GZIGS PHUL ZHING, DAG BYED KYI RDZAS DU MAS SHIN TU DAG PAR BYI DOR BYAS KYANG SNGAR LAS KYANG 'OD ZER RNAMS CHES CHER KHA DOG GSAL BAR GYUR NAS ,LUGS KHA BCAD PA'I MTSAMS LA BLTAS PAS ZANGS KYI KHA DOG THAMS CAD KYANG DE 'DRA BA 'BA' ZHIG TU GNAS 'GYUR NAS BCAD MTSAMS 'OD ZER SNA LNGAR KHRIG GE SNANG NGO, ,RJE'I ZHAL NAS RTEN 'DI LA RGYAN DANG NA BZA' KHYAD PAR CAN PHUL LA GSOL BA THOB BRAD BRDAR MA BYED CES GSUNG NGO, ,DE LTAR RTEN DE RNAMS DANG GTZUG LAG KHANG DANG BCAS PA RAGS RIM ZHIG LO DE KHA'I KHONGS SU GRUB, NYE SKOR GYI DGE 'DUN GYI SDE RNAMS DANG, PHYUGS LHAS KYI GRONG

, ,BA SKYE BO'I TSOGS DANG BCAS PA THAMS CAD BSAGS TE RAB STON BZANG PO RMAD DU BYUNG BA MDZAD CING ,RGYUD SDE NAS GSUNGS PA'I CHO GA RNAM PAR DAG PAS RAB TU GNAS PA PHUN SUM TSOGS PA RGYAS PAR MDZAD DE, DE PHYIN CHAD DBU RU STOD SMAD KYI PHYOGS KUN TU LO LEGS PA DANG, CHAR CHU DUS SU 'BAB PA DANG, BSHAD SGRUB RGYAS PA LA SOGS PA'I KHYAD PAR SNGAR LAS PHUL DU BYUNG BA'I NGO MTSAR DANG LDAN PAR GYUR TO; ;KHYI LO LA SDE SNOD 'DZIN PA BRGYA PHRAG DU MA PHYOGS MTHA' DAG NAS BYON PA DANG, GNYUG MAR GNAS PA'I DGE 'DUN DANG BCAS PA LA DGE LDAN NYID DU CHOS KYI 'KHOR LO RGYUN MA CHAD PAR BSKOR ZHING, DPAL GSANG BA 'DUS PA'I 'GREL PA SGRON GSAL MCHAN DANG BCAS PA DANG, BSHAD RGYUD 'GA' ZHIG DANG, RIM LNGA'I KHRID RGYAS PA DANG, SBYOR BA YAN LAG DRUG PA'I KHRID RGYAS PA DANG, DUS KYI 'KHOR LO'I 'GREL CHEN DRI MA MED PA'I 'OD KYI BSHAD PA CHES ZHIB PA DANG, GZHAN YANG DBU TSAD, BDE MCHOG, LAM RIM LA SOGS PA'I CHOS ZAB CING RGYA CHE BA DPAG TU MED PA GSUNGS, DE'I DBYAR DANG STON LA GTZUG LAG KHANG GI KHYAMS LA LOGS BRIS KYANG GRUB BAR MDZAD, DBU MA LA 'JUG PA'I RNAM BSHAD CHEN MO MDZAD PA'ANG LEGS PAR RDZOGS PAR MDZAD DO, ,LO DE'I GZHUG NAS THUGS KYI DGONGS PA DANG STA GON MDZAD NAS, DPAL GSANG BA 'DUS PA'I RTZA RGYUD 'GREL

PA SGRON GSAL DANG BCAS PA PAR DU BRKO BA'I SBYOR BA NYE BAR BRTZAMS PAS 'BAD RTZOL MED PAR PHAG LO'I NANG DU LEGS PAR MTHAR PHYIN PAR MDZAD LA PHAG LO LA SDE SNOD 'DZIN BA MTHA' YAS PA LA DPYID DANG DBYAR GYI RING LA DPAL 'KHOR LO BDE MCHOG GI RTZA BA'I RGYUD LA SOGS PA'I CHOS DPAG TU MED PA GSUNGS SHING, BDE MCHOG RTZA RGYUD KYI t'IKKA RMAD DU BYUNG BA'I RTZOM PA'ANG RDZOGS PAR MDZAD DO, ,RJE THAMS CAD MKHYEN PA CHEN PO'I MDZAD PA'I GTZO BO NI GDUL BYA RNAMS LA CHOS BSTAN NAS SMIN CING GROL BAR MDZAD PA 'DI YIN LA, MDZAD PA DE NI PHYOGS BCU'I RGYAL BA SRAS BCAS THAMS CAD KYI YANG MDZAD PA'I GTZO BO YIN TE, MDZAD PA KUN LAS GSUNG GI NI, ,MDZAD PA MCHOG YIN DE YANG NI; ;'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR RO, ,DES NA GANGS RI'I KHROD 'DIR RJE THAMS CAD MKHYEN PA DANG MDZAD PA MTSUNGS PA SU YANG MA BYON TE, SNGON RGYA GAR 'PHAGS PA'I YUL DU RGYAL BA MYA NGAN LAS 'DAS NAS RGYAL BA'I BSTAN PA 'DZIN CING SPEL BA LA 'PHAGS PA KLU SGRUB DANG MCHUNGS PA SU YANG MA BYUNG BAS 'PHAGS PA KLU SGRUB NI RGYAL BA'I BSTAN PA LA RGYAL BA NYID LTAR BKA' DRIN MTSUNGS PA MED PA'O ZHES 'PHAGS YUL GYI MKHAS GRUB THAMS CAD MTHUN PAR GLENG LA, DE BZHIN DU BOD YUL GANGS CAN GYI LJONGS 'DIR YANG RGYAL BA'I BSTAN PA 'DZIN CING SPEL BA'I SEMS DPA' CHEN PO BGRANG BA LAS 'DAS PA BYON MOD KYANG,

, ,RGYAL BAS GSUNGS PA'I MDO SNGAGS KYI BSTAN PA YONGS SU RDZOGS PA 'DZIN CING SPEL BA LA RJE THAMS CAD MKHYEN PA 'DI DANG MTSUNGS PA SU YANG MA BYUNG BAS GANGS RI'I KHROD 'DIR RGYAL BSTAN SPEL BA LA RGYAL BA RANG NYID SLAR BYON PA LTAR RNAM PA KUN NAS MTSUNGS PA MED CING BKA' DRIN ZLA MED PAR GYUR TO, ,DE YANG BDAG CAG GIS RJE BDAG NYID CHEN PO LA DE LTAR BSNGAGS BA DE RANG NYID RJES 'JUG YIN PA GYU MTSAN DU BYAS TE MI BDEN BZHIN DU 'DU SHES BSGYUR NAS BRJOD BA MA YIN GYI, DON LA GNAS PA'I RANG BZHIN BRJOD BA STE, THUB BSTAN PADMO'I TSAL LA 'JIG RTEN 'DIR, ,KHYOD NI RGYAL BA'I NYI MA JI BZHIN ZHES, ,MI PHAM MGON POS KHYOD LA MNGON SUM DU; ;DBUGS DBYUNG MCHOG TU BSNGAGS LA GSOL BA 'DEBS, ,ZHES GSUNGS PA LTAR RJE RIN PO CHE TZA RI NAS BYON TE MO LA'I LA RTZAR PHEBS PA'I TSE RJE BTZUN BYAMS PA MGON PO DNGOS SU BYON TE, PHYAG G-YAS BA RJE'I DBU THOG TU BZHAG NAS RIGS KYI BU KHYOD NI RGYAL BA'I BSTAN PA LA RGYAL BA RANG NYID SLAR BYON PA LTA BUR 'GYUR BA SHES PAR GYIS SHIG CES LUNG BSTAN PA DANG DBUGS DBYUNG BA MDZAD PA LTAR RO, ,DE LA'ANG 'DI SNYAM DU MDO LAS, DGE SLONG DAG GAM MKHAS RNAMS KYIS, ,BSREGS BCAD BRDAR BA'I GSER BZHIN DU, ,LEGS PAR BRTAGS LA NGA YI BKA', ,BLANG BAR BYA YI GUS PHYIR MIN, ,ZHES DANG, ,TSAD MA

RNAM 'GREL LAS, BRJOD PAR 'DOD PA'I GZHAN DBANG PHYIR, ,SGRA RNAMS GANG NA'ANG MED MA YIN, ,DE YOD BAS NI DON GRUB NA, ,THAMS CAD KYIS NI THAMS CAD GRUB, ,CES GSUNGS PA LTAR, 'DI 'DI'O ZHES BRJOD BA'I TSIG TZAM DANG LUNG TZAM GYIS MCHOG TU SGRUB PAR MI NUS TE, GZHAN DU NA BLA MA GZHAN DAG THAMS CAD LA'ANG 'DI 'BA' ZHIG ZLA MED BA'O ZHES BRJOD PAS CHOG GO SNYAM NA, DE NI BDEN TE, GSANGS RI'I KHROD 'DIR RGYAL BSTAN 'DZIN CING SPEL BA LA RJE THAMS CAD MKHYEN PA NYID MTSUNGS ZLA MED PA'O ZHES BRJOD PA NI LUNG TZAM LA SKYABS BCOL NAS BRJOD BA MIN GYI, TSUL 'DI NI DRI MA MED PA'I RIGS PAS LEGS PAR GRUB PA YIN NO; ;JI LTAR ZHE NA TSUL 'DI LA 'BRAS BU'I RTAGS DANG, SNANG RUNG MA DMIGS PA'I RTAGS DANG, YID CHES KYI RTAGS YANG DAG GSUM GYI SGO NAS NGES SHES BSKYED PAR BYAR YOD DE, 'BRAS BU'i RTAGS LAS SHES TSUL NI, RJE BTZUN BYAMS PAS, GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,ZHES GSUNG PA LTAR GDUL BYA RNAMS LA MTHO RIS DANG THAR PA DANG, THAMS CAD MKHYEN PAR BGROD PA'I LAM TSANG LA MA NOR BA, SANGS RGYAS DNGOS SU BYON YANG DE PHAN DU GSUNG DU MED BA BYANG CHUB LAM RIM CHE CHUNG DANG, RDO RJE 'CHANG CHEN PO'I LAM GYI RIM BA DANG, RIM LNGA GSAL BA'I

, ,SGRON ME SOGS MDO SNGAGS KYI GSUNG RAB DGONGS 'GREL DANG BCAS PA'I DON GYI SNYING PO MTHA' DAG DRI MA MED PA'I RIGS PA'I LAM NAS DRANGS TE NGES PA GTING TSUGS PAR BSKYED PA'I BSTAN BCOS CHEN PO 'DI DAG LAS DPAG PAR NUS SO, ,DE YANG TSAD MA RNAM 'GREL LAS, BLANG DANG DOR BYA'I DE NYID NI, ,THABS DANG BCAS PA RIGS MDZAD PA, ,GANG DE TSAD MA NYID 'DOD KYI, ,THAMS CAD RIG MDZAD MA YIN NO, ,RING PO MTHONG NGAM MIN YANG RUNG, ,'DOD PA'I DE NYID MTHONG BA YIN, ,ZHES GSAL BAR GSUNGS PA LTAR RO, ,SNANG RUNG MA DMIGS PA'I RTAGS KYIS BSGRUB PA NI, ,RGYAL BA'I MDO SNGAGS KYI BSTAN PA SPEL BAL PHYOGS 'DIR RJE THAMS CAD MKHYEN PA DANG MTSUNGS PA GZHAN MA BYUNG STE, RJE BLA MA 'DI DANG MTSUNGS PA GZHAN ZHIG YOD NA 'DI'O ZHES BSTAN RGYU DGOS PA LA MI SNANG BA'I PHYIR RO, ,DE YANG SNGON DUS 'PHAGS MCHOG THUGS RJE CHEN PO MI RJE'I RNAM PAR BYON PA CHOS RGYAL SONG BTZAN SGAM PO SOGS SPRUL PA'I CHOS RGYAL MES DPON RNAM GSUM DANG, SAD MI MI BDUN SOGS BSTAN PA SNGA DAR LA BYON PA DE RNAMS DANG, BSTAN PA PHYI DAR LA LHO BRAG MAR PA LO TZ'A DANG; 'BROG MI LO TZ'A BA DANG, RJE 'GOS DANG, RVA LO CHEN PO SOGS LO TZ'A BA BKA' DRIN CAN MANG PO DANG, RNAL 'BYOR GYI DBANG PHYUG MI LA RAS PA SOGS GRUB PA'I GO 'PHANG MTHON POR BYON PA'I SKYES BU DAM PA MANG DU BYON MOD

KYANG RGYAL BAS GSUNGS PA'I MDO SNGAGS KYI BSTAN BA YONGS RDZOGS SPEL BA LA RJE BLA MA 'DI DANG MTSUNGS PA SU YANG MED DE, SNGON BYON PA DE DAG LAS 'GA' ZHIG GIS SNGAGS PHYOGS MANG DU SPEL YANG BSTAN PA'I RTZA BA 'DUL BA SPEL NUS PA MA BYUNG, SNGAGS LA'ANG RGYUD SDE BZHI GA'I 'JUG SGO DBANG DANG DAM TSIG ,SO SO'I LAM BGROD TSUL SOGS RDO RJE 'CHANG GI DGONGS PA JI BZHIN DU MTHA' DAG BAR 'DZIN CING SPEL NUS PA DKON PAR BYUNG NGO, ,'GA' ZHIG GIS 'DUL KHRIMS GTZO BOR BYAS TE CUNG ZAD RE SPEL NUS PA BYUNG YANG THEG PA CHEN PO SPYI DANG KHYAD PAR GSANG SNGAGS SPEL NUS BA MA BYUNG, 'GA' ZHIG LA RANG RANG GI THUGS RGYUD LA SA LAM GYI RTOGS PA KHYAD PAR CAN 'KHRUNGS KYANG GDUL BYA 'KHRID PA'I TSE YI DAM RE'I SGOM BZLAS LA GTZO BOR 'KHRID PA DANG ,SNGAGS KYI BSKYED RDZOGS GANG RUNG RE GTZO BOR STON PA LAS BSTAN PA YONGS RDZOGS SPEL NUS PA MA BYUNG LA ,RJE THAMS CAD MKHYEN PA 'DIS NI RGYAL BA'I BSTAN PA'I NANG MDZOD 'DUL BA SPEL BA LA RGYAL BA RANG NYID SLAR BYON PA LTA BUR MDZAD DE, 'DUL BA LUNG SDE BZHI NAS GSUNGS PA'I DGAG SGRUB GNANG GSUM GYI BCAS MTSAMS PHRA RAGS MTHA' DAG GDUL BYA LA NGO SPRAD DE BCAS PA SO SO'I DGAG BYA NYON MONGS DANG NYES SPYOD GANG GI GNYEN POR GSUNGS PA DANG, DGOS PA BCAS BA DE DANG DE DAG BSRUNGS PA LAS SEMS RGYUD LA RTOGS PA GANG DANG GANG ZHIG SKYE BA DANG, JI LTAR BSRUNG TSUL LUNG GANG GI THAD NAS

, ,GSUNGS PA DANG, GLENG GZHI GANG LA BRTEN NAS BCAS PA DE MDZAD PA SOGS MTHA' DAG PAR NGO 'PHROD PA DANG, DE YANG SHES PA TZAM LA MA BZHAG PAR CHAB LEN LHAM 'BUD, NUB LHAG GCOD PA, RUNG CHU GDAB BA YAN CHAD BCAS MTSAMS MTHA' DA LAG LEN LA SBYAR ZHING YUL DUS KYI DBANG GIS BCAS 'GAL GYI NYES PA BYUNG NA DE MA THAG BSHAGS PA DANG, BSNGAM PA DANG, BYIN GYIS BRLAB PA RNAMS 'DUL BA NAS GSUNGS PA LTAR BYAS TE SDIG LTUNG DANG ZHAG TU MI 'GROGS PA'I TSUL KHRIMS RNAM PAR DAG PA LA SBYAR TE NUB JE LAN DHA RA NAS SHAR PHYOGS RGYA MCHO CHEN PO LA THUG GI BAR 'DUL BA'I BCAS MTSAMS RNAM PAR DAG PA BSRUNG BA'I DGE 'DUN GYI SDES KHYAB PA DA LHA'I BAR DU MA NYAMS PAR THAMS CAD KYI MIG LA SNANG BA 'DI YIN LA, 'DI LTA BU'I SANGS RGYAS KYI MDZAD PA BYED PA PO BYANG PHYOGS 'DIR SU YANG MA BYUNG NGO, ,DE BZHIN DU BYANG CHUB SEMS DPA'I BSLAB PA'I GNAS LA'ANG DANG POR SMON SEMS DANG 'JUG SDOM LEN LUGS, BLANGS NAS SMON BA'I BSLAB BYA THUN MONG DANG THUN MONG MA YIN PA RNAMS DANG, 'JUG SDOM GYI BSLAB BYAR RTZA LTUNG DANG NYES BYAS BSRUNG TSUL, 'JUG SDOM GYI SGRUB PA'I BSLAB BYA TSUL KHRIMS RNAM PA GSUM MAM PHYIN DRUG DANG BSDU BZHI LA SLOB TSUL, DE DAG THAMS CAD THEG CHEN GYI MDO GANG DANG GANG NAS GSUNGS TSUL, MDO'I DGONGS PA SHING RTA CHEN BOS BKRAL TSUL, SHING RTA CHEN

PO'I LAM SROL 'DZIN PA'I BLA MA GONG MA GCIG NAS GCIG TU BRGYUD PA'I PHYAG LEN LA SRUNG THABS JI LTAR YOD TSUL, DE DAG LAS 'DAS NA BSHAGS PA JI LTAR BYED TSUL, ,DE DAG THAMS CAD PHYAG LEN LA 'DEBS TSUL RNAMS MTHA' DAG PAR THUGS SRAS SEMS DPA' CHEN PO RNAMS LA KHRID CING PHYI RABS KYI GDUL BYA RNAMS KYI DON DU TSUL KHRIMS LE'U'I RNAM BSHAD BYANG CHUB GZHUNG LAM SOGS SU MTHA' DAG PAR GTAN LA 'BEBS PAR MDZAD DE, 'DI LTA BU DANG MTSUNGS PA GANG RI'I KHROD 'DIR SNGON MA BYUNG BA KUN LA GSAL BSTAR RO, ,THEG PA THUN MONG BA'I LAM GYI GNAD THAMS CAD NYAMS LEN GYI RIM PAR BSDUS TE RGYAL BA'I GSUNG RAB DGONGS 'GREL DANG BCAS PA LAS YI GE NA GCIG KYANG DOR DU MED PAR GANG ZAG GCIG LAS DANG PO PA'I SA NAS SANGS RGYAS KYI SA'I BAR DU RIM GYIS 'KHRID PA'I NYAMS LEN DU SBYAR TE GTAN LA 'BEBS PA BYANG CHUB LAM RIM CHE CHUNG DANG, DE YANG SHER PHYIN GYI MDO SDE RIN PO CHE'I DON RJE BTZUN BYAMS PAS GSUNGS PA'I MAN NGAG GI BSTAN BCOS MNGON PAR RTOGS PA'I RGYAN DANG SBYAR TE MTHA' DAG PAR GTAN LA 'BEBS PA'I BSTAN BCOS LEGS BSHAD GSER GYI PHRENG BA DANG, 'PHAGS PA KLU SGRUB KYI DGONGS PA LTAR ZAB MO DBU MA'I LTA PA MTHA' DAG PAR GTAN LA 'BEBS PA RTZA SHE'I RNAM BSHAD CHEN MO RIGS PA'I RGYA MTSO DANG, DBU MA LA 'JUG PA'I RNAM BSHAD DGONGS PA RAB GSAL DANG, DRANG BA DANG NGES PA'I DON RNAM PAR 'BYED PA

, ,LEGS BSHAD SNYING PO CHE BA DANG, RGYAL BA'I DGONGS PA 'PHAGS PA KLU SGRUB KYIS BKRAL BA'I NGES DON MTHAR THUG RTEN 'BREL ZAB MO'I TSUL CHES GSAL BAR STON PA LEGS BSHAD SNYING PO CHUNG BA SOGS SNGON MED PA'I BSTAN BCOS CHEN PO 'DI DAG MDZAD CING, BSTAN BCOS CHEN PO DE DAG GI BSHAD RGYUN YANG DA LTA'I BAR DU MA NYAMS PAR BZHUGS PAS 'DI LTA BU'I SANGS RGYAS KYI 'PHRIN LAS LA 'GRAN BZOD PA SU YANG MED DO, ,TSUL 'DI DAG LA GZU BO'I BLOS DPYAD NA DE DE BZHIN NO ZHES THAL MO SBYOR PA LAS 'OS MED DE, SNGON DUS GANGS RI'I KHROD 'DIR RIG GNAS MTHA' DAG LA MKHAS PA'I DBANG POR GRAGS PA STAG TSANG LO TZ'A BAS KYANG THOG MAR KHONG RANG RJE'I RJES 'JUG MIN GSHIS BRAG CA'I SGRA BZHIN GZHAN ZER GYI RJES SU 'BRANGS TE RJE'I GSUNG LA DGAG PA CI RIGS MDZAD KYANG RJES SU LEGS BSHAD GSER PHRING SOGS RJE'I GSUNG RNAMS LA BLTAS TE LEGS PAR BRTAGS PA NA SNGAR BYAS LA GNONG ZHING 'GYOD PA DANG, RJE RIN PO CHE'I BSTAN PA LA YID CHES KYI DAD PA GTING TSUGS PA SKYES TE BSHAGS PA DANG SMON LAM GYI TSIG ,BLO CHEN RGYAL BA RNAMS KYI SPYAN SNGA RU, ,BZANG PO'I SMON LAM RLABS CHEN GRUB PA'I MTHUS, ,GRAGS PA'I SGRA CHEN THUB BSTAN 'GRO BA'I DPAL, ,BLO BZANG GRAGS PA'I DPAL LA GUS PHYAG 'TSAL, ,ZHES SOGS BSHAGS PA DANG SMON LAM MANG DU MDZAD CING, DE'I RGYU MTSAN

YANG; KHYOD BLO'I NYI MA GZHON NU'I DUS KYI TSE, ,MDO DANG RGYAN GYI PAD TSAL RGYAS MTHONG NAS, ,BDAG BLO KHENGS PA'I KU MUD LHAG PAR ZUM, ,ZAB YANGS MKHYEN PA'I GTER LA GSOL BA 'DEBS, ,ZHES SOGS RJE'I GSUNG RAB RNAMS LA GZU BO'I BLOS DPYAD NAS YID CHES SKYES PA YIN TSUL GSAL BAR GSUNGS 'DUG PA DANG, DE BZHIN DU KARMA PA MI BSKYOD RDO RJES KYANG PHAR PHYIN GYI t'IKKA SOGS YIG CHA 'GA' ZHIG TU GZHAN GYI 'DOD NGO DANG BSTUN NAS RJE RIN PO CHES 'PHAGS PA KLU SGRUB KYI DGONGS PA THUN MONG MIN PA JI BZHIN BKRAL BA'I LTA BA'I GNAD RNAMS LA DGAG PA CUNG ZAD MJED KYANG, RJES SU KHONG RANG GIS MDZAD PA'I PHAR PHYIN GYI t'IKKA DE RGYAL BA DGE 'DUN RGYA MTSO LA PHUL NAS SE 'BRAS KYI CHOS RJE RNAMS KYIS 'DI LA GZIGS NAS 'THAD MI 'THAD KYI DPYAD PA MDZOD GSUNGS PA NA, SE RA RJE BTZUN PAS DPAL MGON 'PHAGS PA KLU SGRUB KYI DGONGS PA RJE RIN PO CHES BKRAL BA DANG MI MTHUN PA RNAMS DRI MA MED PA'I RIGS PAS SUN DBYUNG STE MTHA' CHOD PAR MDZAD PA KAR LAN KLU SGRUB DGONGS RGYAN MDZAD NAS, KARMA PA MI BSKYOD RDO RJE LA PHUL BA NA, RJE KARMA PA SHIN TU MNYES NAS, SE RA RJE BTZUN PA LA ZHU YIG GNANG BAR YANG, DENG SANG GI SKYE BO BLO CHUNG 'GA' ZHIG RANG RANG GI LUGS LA RMONGS ZHEN GYIS 'DI KHO NA BDEN GYI GZHAN NI GTI MUG GO ZHES BRJOD PA DAG GI 'DOD PA DANG BSTUN PA'I BRJOD TSUL TZAM LAS NGED RANG NI RJE'I GSUNG RAB

, ,RNAMS LA YID CHES KYI DAD PA GTING TSUGS BAR YOD CES GSUNGS 'DUG PA DANG, 'BRUG PA MI PHAM PADMA DKAR POS KYANG SKU TSE'I STOD LA PHYOGS SU LHUNG BA'I SKYE BO 'GA' ZHIG GI TSIG GI RJES SU ZHUGS TE RJE'I GSUNG LA SKYON BRJOD CI RIGS SHOR YANG RJES SU RJE'I GSUNG RAB RNAMS LA ZHIB TU GZIGS PA NA THUGS 'GYOD CHEN PO SKYES TE DGA' LDAN DU PHEBS NAS RJE RIN PO CHE'I SKU GDUNG LA MCHOD PA TSAD MED PA PHUL TE BSHAGS SHING SMON LAM 'DEBS PAR MDZAD PA DANG, RJE LA BSTOD PA MDZAD PA'I TSIGS BCAD LAS KYANG, CHOS KYI RGYAL PO CHEN PO SHAR TZONG KHA PA BLO BZANG GRAGS PA'I DBAL GYI ZHABS KYI PADMO DRI MA MED PA LA PHYAG 'TSAL LO, , DGE LEGS CHU GTER CHEN POS 'JIG RTEN LA, ,BLO BZANG NYIN MOR BYED PA KHYOD SBYIN TSUN, ,SA 'DI RMONGS PA'I MUN LAS RNAM RGYAL ZHES, ,GRAGS PA'I GZHIR GYUR DE LA PHYAG 'TSAL LO, ,GANG DANG RGYAL BA KUN GYI YON TAN NI, ,SRANG LA GZHAL BZHIN LCI YANG MA MCHIS BAS, ,LNGA BRGYA PA YI GTZUG RGYAN DU 'OS PA, ,THAMS CAD MKHYEN PA KHYOD LA PHYAG 'TSAL LO, ,SENG GE'I KHRI LA SENG GE'I SGRA BSGRAGS PAS, ,SMRA BA'I GLANG CHEN THAMS CAD DNGANGS GYUR PHYIR, , MTSUNGS BRAL KHYOD NI SENG GE'I NGA RO'I MTSAN, ,BSKAL BZANG SGRON MAR GYUR LA PHYAG 'TSAL LO, ,LHAG PA'I TSUL KHRIMS HA RI TZAN DAN BSUNG, ,KHYOD DRIN DRI BZHON GYIS 'DIR KHYONGS PAS SU, ,'KHOR BA'I TSA GDUNG MING TZAM LHAG GYUR

BAS; SLOB MAR BCAS BA BSNGAGS 'OS DER PHYAG 'TSAL, ,ZHES SOGS BSNGAGS PA'I TSIGS BCAD MANG DU 'BYUNG BA LTAR RO, ,SNGAGS KYI SKOR LA 'JUG SGO DBANG DANG DBANG DUS SU KHAS BLANGS PA'I DAM TSIG DANG SDOM PA DAG PAR BYED TSUL , DE NAS LAM BGROD TSUL RNAMS MTHA' DAG PAR 'DOMS BA LA RJE RIN PO CHE 'DI GANGS RI'I KHROD NA MTSUNGS ZLA MED PA ZHIG STE, DE YANG GSANG SNGAGS RGYUD SDE BZHI LA 'JUG SGO DBANG BSKUR TSUL MI 'DRA BA DANG, DE'I DUS SU THOB PA'I DAM TSIG DANG SDOM PA BSRUNG TSUL LA THUN MONG MA YIN BA'I KHYAD PAR YOD BA RNAMS DANG, DE NAS LAM BGROD TSUL LA RGYUD SDE 'OG MA LA MTSAN BCAS DANG MTSAN MED KYI RNAL 'BYOR, BLA MED LA RIM GNYIS KYI RNAL 'BYOR, DE LA 'ANG PHA RGYUD MA RGYUD GNYIS KYI THUN MONG MIN PA'I KHYAD PAR MI 'DRA BA MANG DU YOD PA RNAMS RJE RIN PO CHE 'DIS RGYAL BA RDO RJE 'CHANG SLAR YANG PHYOGS 'DIR DNGOS SU BYON PA JI LTA BAR RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR BYE BA ZHES BYA BA SNGON MED PA'I LEGS PAR BSHAD PA'I GTER CHEN PO 'DI MDZAD CING, BYE BRAG TU PHA RGYUD GSANG BA 'DUS PA'I LAM GYI GNAD RNAMS MTHA' DAG PAR GTAN LA 'BEBS PA LA RTZA RGYUD KYI 'GREL BA SGRON MA GSAL BA'I MTSAN 'GREL, DKA' GNAS MTHA' GCOD, BSDUS DON BCAS DANG, RIM LNGA'I NGO SPROD CHEN MO RIM LNGA GSAL BA'I SGRON ME SOGS SNGON MED PA'I LEGS BSHAD CHES MANG BA DANG, MA RGYUD BDE MCHOG L'U AI BA'I SGRUB THABS KYI RNAM BSHAD

, ,'DOD 'JO DANG, RDZOGS RIM GYI KHRID YIG CHE CHUNG DANG BDE MCHOG RTZA RGYUD KYI t'IKKA NGO MTSAR RMAD DU BYUNG BA SNGON MED PA'I LEGS BSHAD KYI GTER CHEN PO 'DI SOGS RDO RJE 'CHANG DNGOS SU BYON YANG DE PHAN DU GSUNG DU MED PA'I SNGAGS KYI BSTAN BCOS MANG PO 'OG TU GSAL BA LTAR MDZAD DE, RJE 'DI'I MDZAD PA LTA BU GANGS RI'I KHROD 'DIR SNGON CHAD MA BYUNG BA KUN LA MNGON SUM DU SNANG BA LTAR RO, ,RJE BTZUN BLA MA 'DIS GANGS RI'I KHROD 'DIR SANGS RGYAS KYI MDZAD PA MDZAD PAR YID CHES PA'I RTAGS KYIS SGRUB PA NI, ,LHO BRAG GRUB CHEN LA GSANG PA'I BDAG POS RJE 'DI'I MDZAD PA RNAM THAR KHYAD PAR DU 'PHAGS PA 'DI LTAR GSUNGS PA RNAMS DANG; RJE BTZUN 'JAM BA'I DBYANGS KYIS DBU MA BA DPA' BO RDO RJE LA GSUNGS PA DANG, YANG GRUB CHEN 'JAM DPAL RGYA MTSO LA GSUNGS PA DANG, RJE RIN PO CHE RANG NYID LA SANGS RGYAS DANG BYANG SEMS MANG POS ZHAL GZIGS NAS LUNG BSTAN DANG DBUGS DBYUNG BA MDZAD PA SNGAR DRANGS ZIN PA LTAR SHIN TU YID CHES PA'I GNAS SU YOD MOD, 'ON KYANG DE TZAM GYI LUNG LA 'CHOL BA MIN PAR DRI MA MED PA'I RIGS PA'I LAM SROL SHES BA'I MKHAS PA RNAMS LA RJE 'DIS, SANGS RGYAS KYI MDZAD PA MDZAD PAR YID CHES PA'I RTAGS SU MI 'GYUR BAS RGYAL BA NYID KYI MDO SDE DANG RGYUD SDE RTZOD MED RGYA BOD GNYIS KAR YONGS SU GRAGS BA ZHIG GI STENG NAS SGRUB DGOS LA, DE NI SNGAR DRANGS ZIN PA LTAR LANGKAR

GSHEGS PA'I MDO DANG, MDO SDE GDAMS NGAG 'BOGS PA'I RGYAL PO DANG, 'JAM DPAL RTZA RGYUD RNAMS LAS SGRUB PA YIN LA, DE'I NANG NAS KYANG 'JAM DPAL RTZA RGYUD LAS, 'JIG RTEN NGA NI MYA NGAN 'DAS, ,SA YI STENG 'DI STONGS PA NA, ,KHYOD NYID BYIS PA'I GZUGS KYIS NI, ,SANGS RGYAS MDZAD BA BYED BAR 'GYUR, ZHES SOGS RGYAL BA MYA NGAN LAS 'DAS BA'I 'OG TU 'JIG RTEN MGON MED 'DREN PA MED PAR GYUR PA NA RJE BTZUN 'JAM PA'I DBYANGS THA MAL PA'I GZUGS BZUNG STE BYANG PHYOGS KHA BA CAN 'DER SANGS RGYAS KYI MDZAD PA MDZAD BA DANG, DE LTAR MDZAD PA PO DE'I MING LA BLO BZANG ZHES PA DANG GRAGS BA ZHES BA'I MTSAN 'BYUNG BA DANG, DE'I DGON GNAS KYI MING LA DGA' LDAN ZHES 'BYUNG BA GSAL BAR LUNG BSTAN PA 'DIS RJE 'DI NYID KYIS GANGS RI'I KHROD 'DIR SANGS RGYAS DNGOS SU BYON BA LTA BU'I MDZAD PA MDZAD PAR KUN GYIS YID CHES PAR GRUB PO, ,DE LTAR RJE RIN PO CHE 'DIS SANGS RGYAS KYI MDZAD PA'I GTZO BO CHOS KYI 'KHOR LO BSKOR BA'I MDZAD PA NGO MTSAR RMAD DU BYUNG BA ZHING 'DIR BYON PA NAS MTHAR DGA' LDAN LA BYON PA'I BAR GONG 'PHEL DU MDZAD DE PHYI RABS KYI GDUL BYA RNAMS LA THUGS BRTZE BAS DGONGS TE MDO SNGAGS KYI LAM BZANG PO RNAMS 'DI LTAR YOD DO ZHES YI GER 'GOD PAR MDZAD BA NI, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYIS RGYAL BA'I DGONGS PA DRI MA MED PA'I RIGS LAM NAS DRANGS TE YONGS SU

, ,RDZOGS PA BKRAL BA'I LAM SROL SKYES BU CHUNG 'BRING CHE GSUM GYIS NYAMS SU BLANG BA'I RIM PA THAMS CAD MTSANG BA MED PAR STON PA'I MAN NGAG BYANG CHUB LAM RIM CHEN MO, DE'I SNYING PO'I GNAD BSDUS PA LAM RIM CHUNG BA, BYANG CHUB LAM GYI RIM PA'I KHRID KYI SA BCAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA, BYANG CHUB SEMS DPA'I TSUL KHRIMS KYI RNAM BSHAD BYANG CHUB GZHUNG LAM, ZHI LHAG GNYIS KYI DKA' BA'I GNAS RGYAL BA'I DGONGS PA PHYIN CI MA LOG PAR BSHAD PA, DRANG BA DANG NGES PA'I DON RNAM PAR PHYE BA'I BSTAN BCOS LEGS BSHAD SNYING PO, RJE BTZUN 'JAM PA'I DBYANGS KYIS RJE LA GNANG BA'I LTA BA'I GNAD 'GAG RJE RED MDA' BAR PHUL BA, DBU MA'I LTA KHRID, TSIG SBYOR PHUN SUM TSOGS PA'I SNYAN NGAG GI LAM NAS DRANGS PA'I BLO SBYONG, DBU MA RGYAN GYI ZIN BRIS RJE RANG GIS GNANG BA; YID DANG KUN GZHI'I DKA' BA'I GNAS RGYA CHER 'GREL, SDE BDUN LA 'JUG PA'I SGO DON GNYER YID KYI MUN SEL, BSAM GZUGS ZIN BRIS, DBU MA'I LTA KHRID BSDUS PA, DGE 'DUN NYI SHU BSDUS PA DANG ZHUGS GNAS SKYES BU CHEN PO'I DKA' GNAS ,DBU MA RTZA SHE'I RNAM BSHAD RIGS PA'I RGYA MTSO, BSTAN BCOS CHEN PO DBU MA LA 'JUG PA'I RNAM BSHAD DGONGS PA RAB GSAL, RGYAL BA KHYAB BDAG RDO RJE 'CHANG CHEN PO'I LAM GYI RIM PA GSANG BA

KUN GYI GNAD RNAM PAR PHYE BZHES BYA BA, RGYUD KYI RGYAL PO DPAL GSANG BA 'DUS PA'I MAN NGAG RIM PA LNGA GSAL BA'I SGRON ME, RNAM GZHAG RIM PA'I RNAM BSHAD DPAL GSANG BA 'DUS PA'I GNAD DON GSAL BA, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, 'DUS PA'I BSHAD RGYUD LHA MO BZHI ZHUS KYI RGYA CHER BSHAD PA SROG RTZOL GYI DE KHO NA NYID GSAL BA DPAL GSANG BA 'DUS PA'I BSHAD RGYUD YE SHES RDO RJE KUN LAS BTUS PA'I t'IKKA, BSHAD RGYUD RDO RJE PHRENG BA'I ZIN BRIS, RGYUD KYI RGYAL PO DPAL GSANG BA 'DUS PA'I RTZA BA'I RGYUD SGRON MA RAB TU GSAL BAR BYED PA'I RGYA CHER BSHAD PA 'CHAD PA'I SA BCAD BSDUS DON, DPAL GSANG BA 'DUS PA'I DKA' BA'I GNAS KYI MTHA' GCOD RIN PO CHE'I MYU GU, RGYUD THAMS CAD KYI RGYAL PO DPAL GSANG BA 'DUS PA'I RGYA CHER BSHAD PA SGRON MA GSAL BA'I TSIG DON JI BZHIN 'BYED PA'I MCHAN GYI YANG 'GREL, RJE BTZUN 'JAM PA'I DBYANGS KYI GSUNG THUN MONG MA YIN PA RJE RED MNGA' BAR PHUL BA, DPAL GSANG BA 'DUS PA'I SGRUB THABS KYI LHAN THABS, DPAL GSANG BA 'DUS PA'I MNGON RTOGS DANG BSAM GTAN GYI SGRUB MCHOD NGAG TU 'DON PA'I LHAN THABS ,DPAL GSANG BA 'DUS PA'I SGRUB THABS RNAL 'BYOR DAG PA'I RIM PA, BZHI BRGYA LNGA BCU PA'I SKOR GYI ZIN BRIS, DPAL GSANG BA 'DUS PA MI BSKYOD RDO RJE'I DKYIL 'KHOR GYI CHO GA DBANG GI DON GYI DE NYID RAB TU GSAL BA, RDO RJE BZLAS PA'I RIM PA'I ZIN BRIS, DGONGS

, ,PA BLA NA MED PA'I RIM PA'I ZIN BRIS, MAN NGAG GI MTHAR THUG BDAG BYIN RLABS, MAN NGAG GI MTHAR THUG MNGON PAR BYANG CHUB PA'I RIM PA'I BSHAD PA, RIM LNGA BSDUS BA'I ZIN BRIS, RNAL 'BYOR BZHI RIM, RNAL 'BYOR BZHI'I RIM PA'I t'IKKA , 'DUS PA'I DKA' GNAD KYI ZIN BRIS, RGYAL BAS BYIN DANG SH'ANTA'I BA'I GSANG 'DUS KYI 'GREL PA DANG DUL BAS BYIN GYIS SGYU 'PHRUL DKYIL CHOG GI ZIN BRIS, KHRE BCU'I ZIN BRIS, LHAG PA YI NI LHA GCIG NYID CES PA'I DON BSHAD PA, BSAM GTAN PHYI MA, GSANG BA KHYAD GZHI, GRUB CHEN BRGYAD KYI BZHUGS TSUL, 'JAM DPAL GSANG LDAN GYI DPYAD PA YONGS SU RDZOGS NAS ZIN BRIS SU GNANG BA, ZHE DGU MA'I ZIN BRIS, 'JAM DPAL ZHI DRAG GI BSRUNG BA, 'JIGS BYED KYI PHYAG MTSAN SOGS KYI BSHAD PA'I ZIN BRIS, RDO RJE 'JIGS BYED LHA BCU GSUM MA'I SGRUB THABS RIN PO CHE'I BRA MA TOG ,RDO RJE 'JIGS BYED CHEN PO'I SGRUB THABS BDUD THAMS CAD LAS RNAM PAR RGYAL BA, GSHIN RJE DGRA NAG GI SGRUB PA'I THABS RIN PO CHE 'BAR BA, GSHIN RJE GSHED LHA BCU GSUM MA RNAMS KYI DKYIL 'KHOR DU DBANG BSKUR BA'I CHO GA RIN PO CHE'I PHRENG BA, 'JAM DBYANGS ZHI KHRO SBRAGS SGRUB THUN MONG MA YIN PA, RDO RJE 'JIGS BYED SER PO LA BRTEN BA'I SHIN TU ZAB PA'I MAN NGAG ,YI GE BZHI PA'I BSRUNG BA MAN NGAG RTZA GSUM DANG GSHIN RJE SBYOR TSUL RNAMS DANG RTZA DANG GSHIN RJE SBYOR TSUL , 'JIGS BYED KYI DGE SBYOR,

RDO RJE 'JIGS BYED KYI 'PHRIN LAS BZHI'I SBYIN SREG DNGOS GRUB RGYA MTSO, BLA MA LNGA BCU PA'I RNAM BSHAD SLOB MA'I RE BA KUN SKONG, BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL, BCOM LDAN 'DAS DPAL 'KHOR LO BDE MCHOG GI MNGON PAR RTOGS PA'I RGYA CHER BSHAD PA 'DOD PA 'JO BA, RNAL 'BYOR GYI DBANG PHYUG L'U AI PA'I LUGS KYI BCOM LDAN 'DAS 'KHOR LO SDOM PA'I SGRUB PA'I THABS BDE CHEN GSAL BA, RNAL 'BYOR GYI DBANG PHYUG L'U AI PA'I LUGS KYI BDE MCHOG RDZOGS RIM GYI RNAM BSHAD DNGOS GRUB SNYE MA, RNAL 'BYOR GYI DBANG PHYUG L'U AI PA'I LUGS KYI BDE MCHOG GI RDZOGS RIM RNAL 'BYOR CHEN PO'I KHRID KYI RIM PA MDOR BSDUS PA, DPAL MNGON PAR RTOGS PA'I 'GREL PA KHYAD PAR GSAL BYED LAS ZUR DU PHYUNG BA, MKHA' 'GRO RGYA MTSO'I SKOR GYI ZIN BRIS, GSANG SNGAGS KYI TSUL KHRIMS KYI RNAM BSHAD DNGOS GRUB KYI SNYEM, RJE BTZUN 'JAM DPAL RDO RJE'I SGRUB THABS 'JAM PA'I DBYANGS KYI DGONGS PA GSAL BA, CHO GA NYI SHU'I KHUNGS DGOD PA, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI MNGON RTOGS DGONGS PA RAB GSAL, RNAL 'BYOR GYI DBANG PHYUG DRIL BU LUGS BDE MCHOG LUS DKYIL GYI DBANG CHOG RIN PO CHE'I BANG MDZOD, DPAL 'KHOR LO BDE MCHOG RIM LNGA'I RNAM BSHAD SBAS DON LTA BA'I MIG RNAM PAR 'BYED PA, MKHA' SPYOD MA DMAR MO'I SGRUB THABS, RDO RJE MKHA' 'GRO'I 'GREL PA'I ZIN BRIS, RDO RJE RNAL 'BYOR MA'I 'GREL PA TSES BCU'I

, ,MCHOD PA'I RTOG PA'I CHO GA GRUB CHEN D'A RI KA PAS MDZAD PA'I ZIN BRIS, MAN NGAG SNYE MA'I ZIN BRIS, DPAL 'KHOR LO SDOM PA'I PHYI ROL MCHOD PA'I CHO GA LAG MCHOD DANG DPYID KYI RGYAL PO'I GLU, RDZOGS RIM DBYID KYI THIG LE, ZAB LAM N'A RO'I CHOS DRUG GYI SGO NAS KHRID PA'I RIM PA YID CHES GSUM LDAN ,RGYUD BRTAG PA GNYIS PA'I ZIN BRIS, KYEE RDO RJE'I RGYUD KYI ZIN BRIS DANG, KYEE RDO RJE'I ZIN BRIS, RJE BRTZUN MA BDAG MED MA'I DKYIL 'KHOR GYI SGRUB THABS ZIN BRIS, DPAL MCHOG GI ZIN BRIS, SANGS RGYAS THONG PA'I MI 'JIGS GZHUNG 'GREL SOGS KYI ZIN BRIS, KUN RIG CHO GA'I ZIN BRIS, MDOR BSDUS DANG PO LA AA TZA LA GARBAS DON TSAN BDUN DU BYED PA, 'PHO KHRID KYI RTZA TSIG BRTAG PA BRGYAD PA'I RAB TU BYED PA GSUM PA, RNAM SHES GONG DU 'PHO BA'I RGYA CHER BSHAD PA GSER GYI SGO 'BYED, SPRIN BRAL BA'I MAN NGAG DANG RTA MGRIN SHVA NA BZHI BSKOR, RI KHROD LO MA CAN GYI SGRUB THABS, LHA MO DBYANGS CAN MA'I SGRUB THABS, DBYANGS CAN MA'I SGRUB THABS, BCOM LDAN 'DAS RME BRTZEGS KYI SGRUB THABS, DE NYID BSDUS PA'I 'GREL PA'I ZIN BRIS, RDO RJE DBYINGS KYI SA CHOG GI ZIN BRIS, RDO RJE DBYINGS KYI 'KHOR BSGYUR GYI BSNYEN PA'I RIM PA SOGS KYI ZIN BRIS, SBYOR DRUG GI RDO RJE'I TSIGS BCAD, DE'I BSHAD PA, DUS 'KHOR GYI MNGON RTOGS DANG DBANG GI ZIN

BRIS; SBYOR DRUG NYER MKHO'I BRIN BRIS, 'CHI ZHAG DANG TSE LHAG JI TZAM YOD DPYAD PA, RDO RJE RTZE MO'I ZIN BRIS, YE SHES MKHA' 'GRO'I SGRUB THABS, 'PHO BA, BKA' BSGO BYA TSUL, SGRA MI SNYAN GYI TSE SGRUB, 'DUL BA MDO RTZA BA'I ZIN BRIS, GZHI NAS 'BYUNG BA'I BSLAB BYA'I ZIN BRIS, ZHUGS PA DANG GNAS PA'I SKYES BU CHEN PO RNAMS KYIS RNAM PAR BZHAG PA BLO GSAL BGROD PA'I THEM SKAS, GZUGS KYI CHUNG MTHA' DANG DUS KYI THUNG MTHA' SOGS LAS BRTZAMS PA'I DRIS LAN, BLA MA'I RNAL 'BYOR ZAB KHYAD CAN MKHAS GRUB RJE LA GNANG BA, BA SO CHOS RJE LA GCIG BRGYUD KYI TSUL DU GNANG BA'I BLA MA'I RNAL 'BYOR, ZHU LAN SMAN MCHOG BDUD RTZI'I PHRENG BA, SDOM PA GONG MA GNYIS KYI PHYIR BCOS, GTOR MA BRGYA RTZA'I RIM PA, RJE RANG NYID KYIS GSAN YIG ,BYANG CHUB LAM GYI RIM PA'I BLA MA BRGYUD PA LA GSOL BA 'DEBS PA'I TSUL LAM MCHOG SGO 'BYED SOGS BSTOD TSOGS DANG CHAB SHOG DRIS LAN SOGS GSUNG THOR BU BA, RJE RIN PO CHE RANG NYID KYIS JI LTAR THUGS NYAMS SU BZHES PA LTAR MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN 'DI LTAR BYA DGOS SO ZHES 'DOMS PA'I NYAMS MGUR LAM RIM BSDUS DON DU GRAGS PA RNAMS MDZAD, RJE RIN PO CHE'I GSUNG LA THUGS SRAS MKHAS GRUB CHEN PO RNAMS KYIS ZIN BRIS SU BYAS PA'I MDO SNGAGS KYI LEGS BSHAD MANG DU BZHUGS PA NI YONGS SU GRAGS PA LTAR RO, ,'DI LTA

, ,BU'I MDO SNGAGS KYI BSTAN BCOS RGYA CHEN PO 'DI SNYED CIG MDZAD PA 'DI DAG THAMS CAD RGYAL BA RANG NYID KYI GSUNG DANG, SHING RTA CHEN PO GNYIS KYI GZHUNG JI LTA BA BZHIN DU THEG PA GONG 'OG DANG RGYUD SDE GONG 'OG GRUB MTHA' RNAM BZHI GANG GI THAD LA'ANG RANG RANG GI LUGS MA 'DRES BAR STON PA LAS, PHAN TSUN 'DRES PA'I SKYON PHRA MO'ANG MED CING, SNGA PHYI 'GAL BA DANG RANG TSIG 'GAL BA DANG ZLOS BUR SMRA BA SOGS KYI SKYON YANG RNAM PA KUN NAS MED PAR DRI MA MED PA'I RIGS LAM LA SBYANGS PA'I MKHAS PA RNAMS KYIS GZU PO'I BLOS JI TZAM DPYAD KYANG 'DI'I THAD NAS NOR RO ZHES TSIG GCIG LA'ANG SKYON GDAGS SU MED PA DANG, THA SNYAD KYI GTZUG LAG DAG DANG YANG MI 'GAL BAR SNGON CHOS RGYAL SRONG BTZAN SGAM PO'I DUS CHOS RGYAL THUGS RJE CAN GYI BKA' LTAR 'JAM DBYANGS KYI SPRUL PA THON MIS YI GE'I BRDA CHAD 'DI LTAR BYA DGOS SO ZHES BOD KHAMS YONGS LA GDAMS PA'I BSTAN BCOS SUM CU PA DANG RTAGS 'JUG NAS JI LTAR BSHAD PA LTAR DON SO SO LA YI GE'I SNGON 'JUG SOGS THOB JI LTAR DOGS PA RNAMS CUNG ZAD KYANG MA 'PHYUGS PA DANG, SNGON GYI CHOS RGYAL LO PAn RNAMS KYIS BKAS BCAD MDZAD PA LTAR GYI CHOS KYI BRDA CHAD KHO NA LAS YUL MI RANG BZHIN PA'I PHAL SKAD DANG, RANG RANG GI YUL PHYOGS KYI SKAD SOGS KYI SKYON PHRA MO YANG MA 'DRES PAR DON BZANG BA, TSIG 'BRU BZANG BA, MA 'DRES PA, MA SBAGS

PA; YONGS SU RDZOGS PA, GDUL BYA'I RGYUD DANG 'TSAM PA ,SUS BLTAS KYANG PHAN THOGS PA SOGS RGYAL BAS CHOS KYI BSNGAGS PA JI LTAR MDZAD PA DANG RNAM PA KUN NAS MTHUN BA SHA STAG TU YOD DO, ,TSUL 'DIS KYANG RJE THAMS CAD MKHYEN PA 'DI NYID GANGS RI'I KHROD 'DIR MTSUNGS ZLA MED CING PHYI RABS KYI GDUL BYA YONGS LA BKA' DRIN ZLA MED PAR GRUB BO, ,RJE RIN PO CHE 'DI NYID KYI SKU GSUNG THUGS KYI RNAM THAR BSAM GYIS MI KHYAB PA SNGAR BRJOD PA DE LTAR YIN ZHING, 'PHRAL GYI MDZAD SPYOD KYANG SNYIGS MA'I SKYE BO SU DANG YANG MI MTSUNGS PA'I NGO MTSAR RMAD DU BYUNG BA ZHIG BZHUGS TE, RJE RIN PO CHE 'DI NYID MDO SMAD DU SKU 'KHRUNGS PA NAS MTHAR MYA NGAN LAS 'DAS PA'I BAR LA THUGS RGYUD 'KHRUGS TE GZHAN LA ZHE GCOD PA'I TSIG NGAN PA SMRA BA DE DUS KYI SKU DNGOS KYI GDUL BYA SU LA'ANG BSTAN RGYU MED CING, MTSAN NYID KYI SLOB GNYER MDZAD PA'I SKABS SU'ANG DENG SANG GI GDUL BYA PHAL CHER PHA ROL DANG RTZOD PA'I CHE PHA ROL SMA DBAB PA'I TSIG SMRA GANG THUB DANG, LUS KYI RNAM 'GYUR YANG 'GYING BA DANG KHENGS PA DANG PHA ROL GNON PA'I RNAM 'GYUR BYED PA 'DI 'DRA GTAN NAS MIN PAR RJE BLA MA 'DIS DBUS GTZANG GI GRAS CHEN PO RNAMS SU THUGS GNYER MDZAD PA DANG, GRVA SKOR MDZAD PA'I SKABS GANG DU'ANG RGOL BA PHA ROL PO LA NGAN SMRA MDZAD PA NAM YANG MI SRID CING SKU LUS KYI RNAM 'GYUR YANG ZHI ZHING DUL BA DANG 'JAM ZHING DES PA DANG,

, ,GSUNG SNYAN ZHING BRJID LA GSONG BOR SMRA BA DANG, PHA ROL BO LA PHAN BA'I TSIG KHO NA BRJOD PA LAS SKU DANG GSUNG GI RNAM 'GYUR LA SKYON CHAGS PA DE DUS SKU DNGOS SU MTHONG BA SU LA'ANG DUS 'DI'I TSE 'DI LTAR MDZAD DO ZHES BSTAN RGYU MED PA YONGS SU GRAGS PA LTAR YIN LA, DE'I DBANG GIS GRVA SA GANG DANG GANG DU BYON PA DE DANG DER RJE 'DI'I SKU MTHONG BA DANG GSUNG GI GDANGS THOS PA TZAM GYIS SNANG BA 'GYUR TE RJE 'DI'I ZHABS DRUNG DU BSNYEN TE SLOB MAR KHAS LEN PA SHA STAG BYUNG STE SKAD CIG NYID LA GANGS CAN GYI SA'I CHA THAMS CAD RJE 'DI'I SLOB MAS KHYAB PA'I DA BYUNG BA YIN NO, ,RJE 'DI LA RGYA MTSO'I GLING BAR TSUN CHAD NAS GDUL BYA 'DUS TE SA CHEN PO'I KHYON 'DI THAMS CAD SLOB MAS GANG BA DE LTA BU BYUNG YANG CHEN POR RLOM PA'I CHE 'GYING NAM YANG MI MDZAD CING, RANG NYID SHES BYA KUN LA THOGS PA MED PA'I MKHYEN PA MNGA' BA YIN YANG; SNGON BYON PA'I BSTAN 'DZIN GYI SKYES BU DAM PA RNAMS LA SKYON BRJOD NAM YANG MI MDZAD BAR DAG SNANG DANG BKA' DRIN DRAN PA'I GUS PA LHUR MDZAD DE, SNGON BYON PA'I LO TZ'A BA BKA' DRIN CAN RNAMS DANG, BSTAN PA'I GSAL BYED GRUB MTHA' RIS SU MA CHAD PA KUN LA DAG SNANG DANG GUS PA LHUR MDZAD DE SO SO'I YIG CHAR NOR 'KHRUL SOGS CI YOD KYANG DE RGYU MTSAN DU BYAS TE DAM BDE DANG DE DAG LA SKYON BRJOD PA NAM YANG MI MDZAD DE,

RJE'I MDO SNGAGS KYI GSUNG RAB JI SNYED CIG BZHUGS PA 'DI DAG GI NANG NA SNGON BYON PA'I LO TZ'A BA BKA' DRIN CAN DE DAG DANG ,SGRUB PA MDZAD PA'I SKYES BU DAM PA JI SNYED CIG BYON PA DE DAG DANG , DGE 'DUN GYI SDE 'DZUGS PA'I DAM PA GRUB MTHA' RIS MI 'DRA BA MANG PO ZHIG BYON PA DE DAG SU LA'ANG MTSAN NAS SMOS TE SKYON BRJOD PA BSTAN RGYU MED DO, ,'ON KYANG THIG RLANG POR BTAB NA KYOG PO ZUR LA THON PA CHOS NYID YIN PA LTAR RJE RIN PO CHE 'DIS RGYAL BA'I DGONGS BA SHING RTA CHEN PO KLU SGRUB DANG THOGS MED GNYIS KYIS JI LTAR BKRAL BA LTAR GTAN LA PHAB PA NA, SHING RTA CHEN POS RGYAL PA'I DGONGS PA BKRAL BA DANG MI MTHUN BAR SMRA BA RNAMS SKYON CAN DU RANG SHUGS KYIS THON 'ONG STE DE NI RJE 'DI'I SKYON DU GA LA 'GYUR TE SHING RTA CHEN PO GNYIS KYIS RGYAL BA'I DGONGS PA BKRAL BA BZHIN NO, ,GZHAN YANG RJE 'DIS SKU TSE HRIL BOR SO NAM DANG TSONG BUN BSKYED SOGS 'DUL BA DANG 'GAL BA'I LAS NAM YANG MA MDZAD DE BYA BRAL GYI SLOB MA STONG PHRAG MANG PO SKYONG DGOS PA'I TSE YANG CHOS DANG MTHUN PA'I 'TSO BA KHO NA LA SBYOR BA LAS BUN BSKYED SOGS LOG 'TSO'I RIGS LA SBAR BA DNGOS KYI GDUL BYA SUS KYANG MTHONG BA MED CING, DKON MCHOG GI MCHOD PA RLABS CHEN PO MDZAD PA DANG, DGE 'DUN GYI SDE SKYONG BA DANG , MCHOG GSUM GYI RTEN GSAR DU BZHENG BA SOGS

, ,LA MTHUN PA'I 'TSOG CHAS NGES PAR 'TSOL DOGS PA BYUNG NA RGYAL PO CHEN PO RNAM THOS SRAS LA GTOR MA PHUL TE SNGON THUB PA'I SPYAN SNGAR JI LTAR KHAS BLANGS PA LTAR RGYAL BA'I BSTAN PA SPEL PHYIR 'PHRIN LAS 'DI SGRUBS SHIG CES BSKUL BA TZAM GYIS GANG DGOS PA'I YO BYAD THAMS CAD 'BAD MED LHUN GRUB TU BYUNG BA NI SKU DNGOS KYI GDUL BYA THAMS CAD LA MTHUN SNANG DU GRUB PA'O, ,DE LTAR RJE RIN PO CHES BSTAN PA DANG GDUL BYA'I DON RMAD DU BYUNG BA RGYA CHER MDZAD PAS GANGS RI'I KHROD KYI SKAL BA DANG LDAN PA SKU DNGOS KYI GDUL BYA DAG GI DON PHAL CHER MDZAD ZIN PA NA STON PA MYA NGAN LAS 'DA' KHAR GRONG KHYER RTZVA CAN DU BYON NAS KUN TU RGYU RAB BZANG DANG DRI ZA'I RGYAL PO RAB DGA' 'DUL BAR MDZAD PA JI LTA BAR SKU TSE 'DI'I DNGOS KYI GDUL BYA'I THA MA 'GA' ZHIG GI DON BYA BAR DGONGS PA DANG, GANGS RI'I LJONGS 'DIR RGYUD KYI 'CHAD NYAN RKANG TSUGS PA'I GRVA TSANG ZHIG NGES PAR 'DZUGS BZHED PA DANG, GANGS CAN SKYE 'GRO YONGS KYI PHAN BDE'I RTZA LAG LHA LDAN SPRUL BA'I GTZUG LAG KHANG GI RTEN RNAMS LA MCHOD PA RGYA CHEN PO PHUL TE RGYAL BA'I BSTAN PA YUN RING GNAS PA'I THUGS SMON MDZAD PA SOGS DGOS PA MANG PO ZHIG GI PHYIR STOD LUNG GI CHU TSAN LA 'BYON BZHED PA LTAR BYAS TE RI BO DGA' LDAN NAS PHYAGS BTEG STE LHA SAR MCHOD PA DANG SMON LAM RNAM PAR DAG PA MDZAD NAS STOD LUNG GI CHAB TSAN KHAR BYON, 'ON KYANG CHAB TSAN GYIS NI ZHABS LA

CUNG ZAD TZAM BDUG PA LAS MA MDZAD, GTZO BOR STOD LUNG PHU MDA'I SKYE BO'I TSOGS MTHA' YAS BA DAG LA CHAS DANG BYIN RLABS KYI SKYES GNANG ZHING, DAD LDAN SO SOR BSNYEN BKUR PA DANG ZANG ZING GI DNGOS PO PHUL BA RNAMS DANG BA CAN DE DANG DE DAG GI DGE RTZA BSKYED PA'I PHYIR BZHES, ZHAL MTHONG ZHING GSUNG THOS PA TZAM GYIS KYANG DON DANG LDAN PAR MDZAD DE, SLAR 'BRAS SPUNGS SU BYON PA'I TSE 'JAM DBYANGS CHOS RJE BKRA SHIS DPAL LDAN PAS GTZOS 'DRAS SPUNGS KYI DGE 'DUN THAMS CAD KYIS MCHOD BA'I BYE BRAG SNA TSOGS BA THOGS, GSOL BA 'DEBS PA'I DBYANGS KYI NGA RO DANG BCAS BSUS, 'DU LI LA GDAN DRANGS PA'I 'DU LI'I SNA LA 'JA' TSON KHA DOG LNGA PA KUN NAS BKRA BA THAL BYUNG DU ZUG PA DANG, 'BRAS SPUNGS SU PHEBS NAS KYANG CHOS GSUNG BA'I TSE CHOS GRVA'I DBUS SU 'JA' TSON SNA LNGA PA NAM MKHA'I DBYINGS NAS KA BA BTZUG BLTAR CHES GSAL BAR ZUG BA SOGS RJE RIN PO CHE'I SKU TSE 'DI'I MDZAD PA PHAL CHER RDZOGS NAS ZHING KHAMS GZHAN DU 'BYON PAR BZHED PA NA DKAR PHYOGS KYI LHA RNAMS KYIS BSU BA'I BKOD PA BSHAMS PA DANG, LHAG PAR NAM MKHA'I DBYINGS NAS 'JA' KA BA BTZUGS BA LTAR BYUNG BA NI DGA' LDAN GYI LHA RNAMS KYIS RJE RIN PO CHE DGA' LDAN DU 'BYON PA LA BSU BA'I BKOD PA BSHAMS PA YIN BAR NGES PA DE LTA BU'I LDAS MNGON SUM DU BAB BAR GYUR LA, GZHAN YANG 'BRAS SPUNGS SU BZHUGS RING LA DGE BA'I BSHES GNYEN

, ,SDE SNOD 'DZIN PA STONG PHRAG GNYIS TZAM 'DUS SHING, SNE'U NAS ZHABS TOG DANG CI DGOS KYI PHOGS BSNYEN BKUR 'BUL NOD SOGS BSAM GYIS MI KHYAB PA MDZAD LA, DE'I TSE LAM RIM GYI KHRID, N'A RO CHOS DRUG ,DBU MA LA 'JUG PA, GSANG BA 'DUS PA'I RGYUD LA SOGS PA GSUNGS SHING, DE YANG SNGON CHAD GRONG PA'I SKYE BO PHO MO DU MA LA KHRID CHER MI GNANG, KHYAD PAR LAM RIM GYI KHRID LA'ANG 'TSOG TU MI RUNG BA LA SOGS PA'I DAM BZHAG CHE BAR YOD PA LA DE DUS GRONG PA'I SKYE BO JI TZAM ZHIG 'ONGS PA DANG, DUS NAM 'ONGS THAMS CAD LA KHYAD PAR MED PAR THA NA SPRANG PO'I TSOGS DU MA 'DUS BA YAN CHAD THAMS CAD LA LAM RIM DANG DBU MA LA SOGS BA'ANG BKAG PA MED PAR GNANG, 'BRAS SPUNGS SU SKABS SHIG NAS GZHAN PHAL MO CHE LA LKOG TU GYUR PA'I MNGON CHUNG BAR GYIS GSUNG NAS LHA BZO BA LA DAM BZHAG CHE BAR MDZAD DE BCOM LDAN 'DAS RNAM PAR SNANG MDZAD KYI DNGUL SKU CHEN PO ZHIG BZHENG BA'I ZHAL TA MDZAD, DE LTAR CHOS KYI 'KHOR LO RGYA CHER BSKOR NAS, SNGON CHAD DUS 'KHOR MA GTOGS PA'I RGYUD LA LE MTSAMS MDZAD PA'I LUGS MED PA LA DE'I TSE GSANG 'DUS KYI LE'U DGU PA'I MI BSKYOD SANGS RGYAS ZHING DAG TU, ,RGYAL BA'I SRAS SU SKYE BAR 'GYUR, ,ZHES PA'I MTSAMS SU CHOS MTSAMS MDZAD NAS, MYUR DU 'BROG RI BO CHE DGA' LDAN RNAM PAR RGYAL BA'I GLING NYID DU 'BYON BZHED PA'I ZHAL TA GNANG,

DE LA SBYIN BDAG DANG, CHOS GSAN PA RNAMS KYIS DA DUNG ZLA BA GCIG GAM ZLA PHYED TZAM DU'ANG BZHUGS NAS CHOS 'PHRO RDZOGS PAR GSUNG BA ZHIG THUGS RJES GZUNG 'TSAL, THA NA RGYUD KYI 'PHRO RNAMS BKLAGS LUNG MDZAD PA TZAM ZHIG KYANG GNANG 'TSAL ZHES GSOL BA NAN CHER BTAB KYANG GSAN DU MA BZHED NAS, DA LAN MYUR DU BTEG PA THAMS CAD LA DGA' BAS 'DEGS, RGYUD DANG LAM RIM 'PHRO LA 'JOG PA'I 'DUN PA KHA SING DU BTANG TSAR GSUNG NAS CHOS MCHAMS MDZAD DE, DE YANG DA DUNG DU SNGAGS DANG MTSAN NYID KYI GSUNG SGROS KYI BSHAD RGYUN RDZOGS PA MED PAR 'PHRO RING DU GNAS PA'I RTEN 'BREL BSGRIG PA'I DGONGS PA MDZAD, DE NAS LHA SAR PHYAGS BTEG, JO BO RIN PO CHE'I DRUNG DU BYON TE PHYAG DANG MCHOD PA DANG SMON LAM RNAM PAR DAG BA RGYA CHER MDZAD NAS DA DUNG YANG BSTAN PA RIN PO CHE YUN RING DU GNAS PA'I GSOL 'DEBS SHUGS DRAG MDZAD, DE NAS BYAMS CHEN CHOS RJE SH'AKYA YE SHES PAS SPYAN DRANGS TE SER CHOS SDINGS SU BYON, BYAMS CHEN CHOS RJE DPON SLOB RNAMS KYIS BSNYEN BKUR DANG MCHOD PA TSAD MED PAS MCHOD, BYAMS CHEN CHOS RJE LA SER RA SHING RTA CHEN PO'I GZHUNG LUGS RNAMS LA 'CHAD NYAN GYI BSTAN PA RGYA CHER SPEL BGOS PA'I ZHAL TA MANG DU GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAM PAR DAG PA YONG YE RNAM PA THAMS CAD DU NUB PAR GYUR NAS RING ZHIG LON, RJE RANG NYID KYIS

, ,BSHAD PA RNAM PAR DAG PA MDZAD PA'I GSUNG GI BDUD RTZI NYAMS SU MYONG PAS BLO GROS KYI LUS YONGS SU TSIM PA MANG DU BYON MONG KYI, DE LTA NA'ANG DA DUNG RGYUD SDE'I 'CHAD NYAN RKANG TSUGS PA'I GRVA SA THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN BA 'BA' ZHIG LA DGONGS PA'I THUGS KYI 'DUN PA SHUGS DRAG POS BYAMS CHEN CHOS RJE LA SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA GNAS NAS DPAL GSANG BA 'DUS PA DANG BDE MCHOG GNYIS KYI BSHAD SGRUB RKANG TSUGS PA'I RGYUD GRVA ZHIG 'DZUGS DGOS PA'I ZHAL TA GNANG STE SE RA CHOS SDINGS SU CHOS RJE BAS THUGS KHUR CHES CHER BZHES NAS, GZHI 'DUL BA'I BSLAB KHRIMS RNAM PAR DAG PA LA BRTEN TE, DPAL GSANG BA 'DUS PA DANG BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG CHOS DPON BSKO BA LA SOGS PA MDZAD CING, RTEN 'BREL KHYAD PAR CAN BSGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS SO, ,DE NAS RIM GYIS YAR LAM BDE CHEN RTZER PHYAGS PHEBS, DER YANG BRAG DKAR RDZONG DBON PA YAB YUM LA DPAL GSANG BA 'DUS PA DANG 'KHOR LO BDE MCHOG GNYIS KYI BSHAD GRVA RNAM PAR DAG PA TSUGS PA'I GRVA TSANG ZHIG 'DZUGS DGOS PA'I

ZHAL TA BYON ZHING, KHONG PAS KYANG DAD PA CHEN POS DGA' SPRO DANG BCAS TE BKA'I KHUR SPYI BOS MNOS NAS BDE CHEN RTZER DPAL GSANG BA 'DUS PA DANG 'KHOR LO SDOM PA GNYIS KYI 'CHAD NYAN RNAM PAR DAG PA RKANG TSUGS PA GZHI 'DUL BA'I BSLAB KHRIMS PHYAG SROL MA NYAMS PA LA BRTEN PA'I GRVA SA BTZUGS, RJE RANG NYID KYIS KYANG MTHUN RKYEN GYI NAS GZHI 'DZUGS PA SOGS KYI RKYEN DU BAB PA'I YO BYAD DPAG TU MED PA'I GNANG SBYIN MDZAD CING RDZONG DPON PAS BDAG RKYEN PHUN SUM TSOGS PA'I THUGS KHUR BZHES SO, ,DE NAS GNAS DE NYID LA RAB TU GNAS PA ZHUS PAS, DA LAN MIN PA RAB GNAS BYED PA MI 'ONG BAS DA LAN RGYAS PA ZHIG BYED DGOS GSUNG NAS RAB TU GNAS PA RGYAS PAR MDZAD DE, GNAS DE NYID KYI GTZUG LAG KHANG DE LA GSANG SNGAGS MKHAR ZHES BYA BAR MING DU GDAGS PA'ANG MDZAD DO, ,DE NAS BRAG DKAR DU BYON, DE NAS GRU BZHIR GDAN 'DREN ZHUS NAS BYON TE, DE YANG 'BRAS SPUNGS NAS PHYAGS BTEG NAS DGA' LDAN DU MA PHEBS KYI RING LA GANG DU SPYAN DRANGS PA THAMS CAD DU DA YANG YANG 'ONG BA MI 'ONG BAS DA LAN 'GRO DGOS GSUNG NAS ZHAL GYIS BZHES PAR MDZAD DO, ,GRU BZHIR PHEBS PA'I NUB GAndI BRDUNGS PA'I SGRA CHEN PO GRAG PAS THAMS CAD THE TSOM DU GYUR NAS BRTAGS KYANG, MI ZHIG GIS BRDUNGS PA MA YIN PAR NGES PA TZAM DU ZAD KYI, GZHAN DU NA RDUNG BAR BYED PA SU ZHIG GIS GNAS GANG DU BRDUNGS PA SOGS GANG DU'ANG BRTAG PAR MI NUS PAR YUN RING DU SGRA SHIN TU GRAG

, ,CING GSANG MTHO BA RDUNG BAR BYED PA ZHIG BYUNG NGO, ,GZHAN YANG 'BRAS SPUNGS NAS YAR LA PHYAGS MA BTEG PA'I GONG TZAM GYI SKABS SU'ANG, SA CHEN PO GLO BUR NYID DU G-YO BA DANG, NAM MKHA'I DBYINGS MTHA' MI MNGON PA'I LAM RING PO NAS 'ONGS PA'I 'JA' TSON RNAM PAR BKRA BA MTHA' YAS BA RI BO DGA' LDAN GYI RTZE LA YANG DANG YANG DU ZUG PA BYUNG STE, DE NI RJE RIN PO CHE 'DI NYID 'OD GSAL CHOS SKU MNGON DU MDZAD NAS GZUGS KYI SKUR BZHENG BA DANG MNYAM DU PHYOGS BCU'I ZHING RAB 'BYAMS THAMS CAD DU SPRUL PA 'GYED PAR MDZAD BAS, PHYOGS BCU'I SANGS RGYAS KYI ZHING DAG NAS MCHOD RDZAS SNA TSOGS THOGS PA'I LHA BGRANG BA LAS 'DAS PAS BSU BA BYAS PA YIN PAR GDON MI ZA STE, DPAL 'KHOR LO SDOM PA'I RTZA RGYUD LAS, 'KHOR LO SDOM PA'I RNAL 'BYOR PA DAM TSIG DANG SDOM PA TSUL BZHIN DU BSRUNG BA DAG 'CHI BA'I DUS BYED PA NA DPA' BO DANG DPA' MO BGRANG BA LAS 'DAS BAS MCHOD PA'I BYE BRAG SNA TSOGS BA THOGS TE MKHA' SPYOD DU 'KHRID PAR GSUNGS NA, RJE BDAG NYID CHEN PO 'DI LTA BU 'OD GSAL CHOS SKU MNGON DU MDZAD NAS ZUNG 'JUG GI SKUR BZHENGS PA LA PHYOGS BCU'I DPA' BO DANG DPA' MO THAMS CAD KYIS MCHOD PA BYED PA DANG, ZHING GANG DANG GANG DU BYON PA DE DANG DER MCHOD PA'I BYE BRAG SNA TSOGS THOGS PAS BSU BA BYED PA LTA CI SMOS SO, ,DE NAS GRU BZHI NAS PHYAGS BTEG NAS DGE LDAN DU PHEBS PA NA THOG MAR YANGS PA CAN GYI GTZUG LAG KHANG CHEN POR BYON TE 'DIR NGA YANG

YANG 'ONG BA MI 'ONG BAS MCHOD GTOR RGYA CHER SHOMS GSUNGS NAS STON PA'I SKU DANG, GZHAL YAS KHANG RNAMS DANG, YI DAM GYI DRUNG DU MCHOD PA DANG GTOR MA RGYA CHER MDZAD DE GSOL BA GDAB PA DANG SMON LAM GYI RIM PA LA SOGS PA MANG DU MDZAD, DE NAS 'DU KHANG DU DGE 'DUN GYI MANG JA 'DREN PA ZHIG GIS GDAN DRANGS PAS TSOGS KYI DBUS SU PHEBS TE SBYIN BDAG SOGS KYI CHED DU ZHU BA SU'ANG MED PAR BDE BA CAN GYI SMON LAM RGYAS PA DGE 'DUN TSOGS PA RGYA MTSO'I DBUS SU SHIS BRJOD DANG BCAS PA MDZAD DE, PHYI RABS KYI GDUL BYA RNAMS LA RJE NYID KYIS JI LTAR GSUNGS PA'I MDO SNGAGS YONGS SU RDZOGS PA'I LAM SROL BZANG PO 'DI NYID MI NYAMS SHING GONG NAS GONG DU 'PHEL BA'I RTEN 'BREL BSGRIG PA'I PHYIR 'DUS PA RGYA MTSO'I DBUS SU BYON NAS THUGS SMON DANG BKRA SHIS DE LTAR MDZAD DO, ,DE NAS GZIM KHANG DU PHEBS TE BZHUGS GDAN LA BZHUGS PA NA, DA NI RANG RE'I DGON PA RANG DBANG THOB PA 'DIR SLEB BYUNG BAS BLO BDE'O, ,ZHES BKA' STZAL, DE'I NYIN MO 'DAS PA'I MTSAN MO'I GUNG THUN LA BAB PA TZAM NAS SKU KHAMS CUNG ZHIG BSNYEL BA'I TSUL BSTAN TE, DE'I SANG NYIN NAS DGE 'DUN THAMS CAD KYIS KYANG SKU RIM LA 'BAD PA 'DON PAR MDZAD, DE LTA NA'ANG SANG GI NYI PHYED TZAM BAR DU SKU LUS KYI CHA SO SO LA BSNYUN ZUG TU MNGON BA CUNG ZAD YOD GSUNG BA MA GTOGS DE NAS BSNYUN ZUG KYANG CHEN PO MED PAR CUNG ZAD THUGS NYOG PAR GSAL TZAM GYI BAR LA NYIN ZHAG GNYIS

, ,KYI RING DU SKU RIM BSGRUBS, DE'I TSE SRAS KYI THU BO RJE DAR MA RIN CHEN LA BSTAN PA'I BYA BA MDZAD TSUL 'DI LTAR DGOS BYA BA LA SOGS PA'I ZHAL TA ZHIB PAR SNGA MO NAS GNANG TSAR BAS DE'I TSE RGYAS PAR MA GSUNGS SHING, DBU ZHVA SNA RING DANG GOS BER ZHIG GNANG STE DON GYIS RGYAL TSAB TU BSKO PAR MDZAD, GNAS BRTAN RIN CHEN RGYAL MTSAN PA LA SOGS PA SKU DRUNG NA 'KHOD PA LA, TSUL 'DI SHES PAR GYIS LA BYANG CHUB KYI SEMS SGOMS SHIG CES SOGS TZAM GSUNG, GZHAN SKU KHAMS CUNG ZAD BSNYEL BA'I TSUL BSTAN PA'I RING LA'ANG SNGAR GYI THUN BZHI'I RNAL 'BYOR DANG BDAG 'JUG LA SOGS PA'I THUGS DAM GYI RIM BA RNAMS 'CHAG MED DU MDZAD PA DANG , GZHAN YANG GTZO BOR NANG GI TING NGE 'DZIN LA MCHOG TU GZHOL BA'I THUGS DAM LA KHOR YUG TU BZHUGS BAR GYUR TO, ,DE NAS NYI SHU BZHI'I DGONGS MO BCOM LDAN 'DAS BDE MCHOG 'KHOR LO'I MCHOD PA RGYAS BA ZHIG MDZAD DE DE'I TSE KA B'A LA MAR MED PA CIG KHYER SHOG GSUNG NAS DER NANG MCHOD BYIN RLABS RGYAS PA ZHIG MDZAD DE, BDAG NYID KYIS BDUD RTZI MYANG BA LAN SUM CU RTZA GNYIS SAM, BCU DRUG PHRAG GNYIS SU MDZAD PA LA, DE YANG BDE MCHOG GI MCHOD PA DE DANG 'BREL BAS DE NYID KYI DBANG DU MDZAD PA YIN LA RAG CING, GZHAN DU NA LHA'I 'KHOR LO 'DI 'DRA BA ZHIG GI DBANG DU MDZAD NAS BDUD RTZI MYANG BA MDZAD DO ZHES BYA BAR NI SUS KYANG KHONG DU MA CHUD DE, SKU DRUNG NA

'KHONG PA KHA CIG NI GRANGS LA DPAGS NAS BCOM LDAN 'DAS DPAL GSANG BA 'DUS PA'I SGO NAS MDZAD PAR YANG RTOG GO ,GZHAN YANG DE DAG GI TSE YI DAM GYI KHYAD PAR MNGON SUM DU GZIGS PA LA SOGS PA'I GZIGS SNANG KHYAD PAR CAN MANG DU YOD PA'I RNAM PA DU MA MNGON MOD KYI, SKU DRUNG NA 'KHOD PA DAG GIS JI LTAR MCHIS PA ZHU BAR MA NUS SO, ,DE NAS MTSAN MO'I RING LA THUGS DAM LA RTZE GCIG TU BZHUGS TE, DE YANG PHYI ROL NAS MNGON PA LA RDO RJE BZLAS PA LA SOGS PA MDZAD PA SHAS CHE BAR MNGON NO ZHES ZER TE, MDOR NA 'CHI BA 'OD GSAL CHOS SKU DANG SRE BA'I MAN NGAG RNAMS THUGS NYAMS SU BSTAR BA YIN PAR NGES SO, ,DE'I SANG NYIN NYI SHU LNGA'I SNGA DRO DANG PO NAS ZHABS RDO RJE SKYIL MO KRUNG DU MDZAD, PHYAG GNYIS MNYAM PAR BZHAG STE THUGS DAM LA RTZE GCIG TU BZHUGS PA LAS NYI MA SHAR RJES TZAM LA STONG PA GSUM RIM GYIS THIM NAS THAMS CAD STONG PA 'OD GSAL DON DAM PA'I BDEN PA MNGON DU MDZAD DE NANG DU 'OD GSAL CHOS SKU MNGON DU MDZAD PA DANG DUS MNYAM DU PHYI'I SKU LUS 'GYUR TE, ZHAL GYI DKYIL 'KHOR DE GANG CUNG ZAD SKU KHAMS BSNYEL BA SOGS KYIS SNGAR LAS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU ZHAL GYI DKYIL 'KHOR ZLA BA LTAR RGYAS PAR GYUR TE SKU'I CHA THAMS CAD 'OD KYI LUS CAN GYI LHA BU GZHON NU LTAR GYUR CING, SKU'I SHA ZHU BA DANG, LTAR LTAR POR GYUR PA DANG, KHAM KHUM DU GYUR PA LA SOGS PA CUNG ZAD KYANG MED LA, SNGAR GYI SKU'I GNYER MA RNAMS KYANG SKRA'I RTZE MO

, ,BRGYAR BSHAGS PA'I TSOD TZAM DU'ANG THAMS CAD KYI THAMS CAD DU MED PAR GYUR TE BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG NI SKU'I 'OD DMAR SER DU SNANG NGO ZHES ZER, KHA CIG NI DKAR SER DU SNANG NGO ZHES ZER, KHA CIG NI GSER BTZOM LTA BUR SNANG NGO ZHES ZER TE, LO BCU DRUG LON PA'I NA TSOD DANG LDAN PA'I LHA'I LUS CAN, JI LTAR 'JAM DPAL GZHON NUR GYUR PA RGYAN DANG CHA LUGS SPANGS NAS NANG DU YANG DAG 'JOG LA MNYAM PAR BZHAG PA JI LTA BA DE LTAR GYUR TO, ,'DI NI CHOS NYID YIN TE THEG PA THUN MONG BA LA YANG, GANG GI RGYUD LA MTHONG BA'I LAM SKYES PA DANG, DGRA BCOM PA MNGON DU BYAS PA LA SOGS BA'I SGO NAS BDUD RTZI THOB PAR GYUR PA NA, DBANG PO YONGS SU GSAL ZHING, BZHIN GYI MDOG NI DAG LA, PAGS PA'I MDOG NI DKAR BA LA SOGS PA LUS KYI MDANGS SNGAR LAS GNAS 'GYUR BA 'BYUNG BAR 'DUL BA LUNG LAS GSUNGS SO, ,DE BAS NA RJE 'DI YANG DE'I TSE 'OD GSAL DON DAM PA'I BDEN BA MNGON DU MDZAD DE, 'CHI BA CHOS KYI SKUR BSGYUR BA'I SGO NAS BAR DO SGYU MA'I SKUR BZHENGS TE, BAR DO LONGS SPYOD RDZOGS PA'I SKU MCHOG GI DNGOS GRUB KYI GO 'PHANG MTHAR THUG PA MNGON DU MDZAD PA YIN NO ZHES NANG THUGS KYI SRAS GCIG MKHAS GRUB SMRA BA'I NYI MA DANG GRUB CHEN 'JAM DPAL RGYA MTSO SOGS RJE'I THUGS SRAS RNAMS MTHUN PAR GSUNG NGO, ,DE LTAR RJE RIN PO CHES 'OD GSAL CHOS SKU MNGON DU MDZAD NAS 'OD GSAL DE LAS BZHENGS PA

DANG DUS MNYAM DU MTSAN DPES SPRAS PA'I GZUGS KYI SKU 'DUS PA'I RTZA RGYUD LAS, DPAG TSAD BRGYA YI KHYON TZAM DU, ,RDO RJE 'BAR BA'I 'OD DAG GIS, ,RGYAN RNAMS KUN GYIS BRGYAN PA YI, ,DAG PA'I BDAG NYID SNANG BAR 'GYUR, , TSANGS PA DRAG PO LA SOGS LHAS, ,NAM AANG MTHONG BAR MI NUS SO, ,ZHES GSUNGS PA LTAR NAM MKHA'I DBYINGS THAMS CAD 'OD ZER GYI DRA BAS 'GENGS SHING, TSANGS PA DANG BRGYA BYIN LA SOGS PA'I LHA MTHU BO CHE DAG GIS KYANG MTHONG BAR MI NUS NA GZHAN DAG GIS LTA CI SMOS PA YE SHES KYI SKU NAM MKHA' MA ZAD KYI BAR DU 'GYUR BA MED PA, GSUNG TSANGS PA'I DBYANGS LA 'GAG PA MED PA, THUGS BDEN PA GNYIS MNGON SUM DU GZIGS PA LAS NAM YANG NYAMS PA MED PA, SKU LAS SPRUL PA PHYOGS BCUR SPROS PAS NAM MKHA'I DBYINGS THAMS CAD KHYAB PAS SEMS CAN RNAMS LA GANG LA GANG 'DUL GYI DON MDZAD BZHIN DU ZHING 'DI'I GDUL BYA RNAMS KYI DON DU SNGAR LHAG PA'I LHA MANG POS LUNG BSTAN PA LTAR DGA' LDAN CHOS KYI PHO BRANG DU PHEBS NAS RJE BTZUN BYAMS PA MGON PO'I SRAS KYI THU BO'I TSUL BZUNG BA 'JAM DPAL SNYING PO ZHES BYA BA DGA' LDAN GYI LHA RNAMS KYIS GTZOS PHYOGS BCU'I ZHING NAS 'DUS PA'I GDUL BYA SA'I RDUL DANG MNYAM PA DGE LA THEG PA CHEN PO'I CHOS KYI DGA' STON 'GYED CING BZHUGS SO, ,DE NAS SRAS KYI GTZO BO RNAMS KYIS GTZOS DGA' LDAN DU SNYUG MAR GNAS PA RNAMS DANG, PHYOGS PHYOGS NAS 'DUS PA'I DAD LDAN BGRANG

, ,BA LAS 'DAS PA DAG DANG, DKAR PHYOGS KYI LHA DANG KLU LA SOGS PAS DANG BAR SNANG GI KHYON THAMS CAD YONGS SU GANG BA'I DAD LDAN DAG GIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE RJE RIN PO CHES GANGS RI'I KHROD 'DIR RGYAL BSTAN YONGS RDZOGS GSAR DU 'DZUGS PAR MDZAD PA 'DI NYID NAM YANG RGYUN MI 'CHAD CING MI NYAMS PAR GNAS PA'I RTEN 'BREL DU SKU GDUNG RIL PO TZAN DAN GYI SGROM GYI NANG DU BZHUGS, DE YANG RIN PO CHE'I SGROM GYI NANG DU BZHUGS TE DGA' LDAN RNAM PAR RGYAL BA'I GLING NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BZHUGS SO, ,DE LTAR RJE RIN PO CHES SANGS RGYAS 'JIG RTEN DU SLAR BYON PA LTAR MDO SNGAGS KYI BSTAN PA YONGS SU RDZOGS PA RGYA CHER SPEL BAR MDZAD PAS RGYUD 'DZIN GYI SLOB MA PHYOGS KYI THA GRU KUN TU BZHUGS PAS MTHA' DAG BRJOD PAR SU ZHIG GIS NUS, BSIL LDAN GYI LJONGS 'DIR BSTAN PA 'DZIN SKYONG SPEL GSUM MDZAD PA'I BSTAN 'DZIN CHEN PO JI SNYED BYON PA DAG KYANG BGRANG BAR MI NUS LA, SNGON GYI MKHAS PA DAG GIS GTZO BO DAG LAS PHYOGS TZAM RE BRJOD PA LA'ANG MANG DU MCHIS SHING, BRJOD TSUL 'ANG MI 'DRA BA MANG DU SNANG STE, MKHAS GRUB NOR BZANG RGYA MTSOS NI RJE'I THUGS SRAS BSAM GYIS MI KHYAB PA BYUNG BA RNAMS KYI NANG NAS KHYAD PAR DU 'PHAGS PA 'GA' ZHIG BRJOD PA NI, GTZANG NAS RGYAL TSAB DAR MA RIN CHEN SOGS

DGU; DBUS NAS 'DUL 'DZIN GRAGS PA RGYAL MTSAN SOGS BCU GSUM, KHAMS NAS TSA KHO MKHAN CHEN NGAG DBANG GRAGS PA SOGS LNGA, MNGA' RIS NAS BYANG SEMS SHES RAB BZANG PO SOGS LNGA RNAMS GTZO BOR MDZAD DE, DE DAG GI MTSAN RNAMS NI MKHAS GRUB NOR BZANG RGYA MTSO NYID KYIS MDZAD PA'I RJE'I BU SLOB BYUNG TSUL DU GSAL LO, ,RJE RIN PO CHE LA MI PHYED PA'I DAD PA CAN BZANG BZANG NE RING PA 'CHI MED RAB RGYAS KYIS NI RJE'I THUGS SRAS GTZO BO RNAMS BSDUS PA'I SDOM 'DI LTAR MDZAD DE, LUNG BSTAN RNAM DAG YOD PA'I BU CHEN THUGS SRAS BDUN, SNGON DUS BYA BRAL MDZAD DUS KYI PHYAGS PHYI BA BLOS BTANG BRGYAD, SKU BSNYUN DUS BSNYUN G-YOG DANG, SKU RIM RKANG TSUGS MDZAD PA'I BU CHEN BDUN; GDAN SA'I LUGS GNYIS SPEL BA'I BU CHEN MKHAS GRUB BRGYAD, YI GES THUGS ZIN PA'I BU CHEN GSUM, 'PHRIN LAS RTZOD PA MED PA'I BU CHEN GSUM, SGRUB PA GTZO BOR MDZAD PA'I BU CHEN RTOGS LDAN GYI MTSAN CAN BZHI DANG; RI SGRUB GNYIS, GZHUNG LUGS RAB 'BYAMS MKHYEN PA'I MKHAS MCHOG GNYIS, STOD SMAD KYI SHES RAB BZANG PO RNAM GNYIS, BYANG SEMS RNAM GNYIS, SEMS DPA' RNAM GNYIS, GRAGS PA RNAM GNYIS, BKA' BAB KYI BU CHEN DRUG, SDE DPON GRUB THOB KYI BU CHEN RTZOD MED GSUM, RIGS RUS KHUNGS BTZUN GYI MKHAS GRUB RNAM PA GSUM, RGYAL TSAB BSTAN 'DZIN GYI BU CHEN RIN PO CHE RNAM PA GSUM, SDE DPON THUGS GROL GYI MKHAS PA

, ,GCIG ,BYA BTANG SBAS PA'I GRUB THOB GCIG ,MKHAS MCHOG YONGS GRAGS KYI CHOS RJE GNYIS, BYA BTANG YONGS GRAGS KYI GRUB THOB GCIG CES SDE TSAN TSOMS SU BGRANGS SO, ,DE DAG SO SO'I MTSAN DANG NGOS 'DZIN NI KHONG PAS MDZAD PA'I RJE'I RNAM THAR GSER GYI MCHOD SDONG DU GSAL LO, ,PAn CHEN BSOD NAMS GRAGS PAS MDZAD PA'I CHOS 'BYUNG YID KYI MDZES RGYAN DU RJE RIN PO CHE'I SLOB MA GTZO BO DAG SDE TSAN DU BYAS NAS TSOMS SU BSDUS PA NI, BLA MA CHOS 'BREL GSAN PA GSUM, BYA BRAL LA MA PHEBS GONG GI SLOB MA LNGA TSAR BZHI, BYA BRAL LA THEGS DUS KYI 'KHOR DAG PA RNAM BRGYAD, SRAS KYI THU BO GNYIS, GNYIS PO DE'I STENG DU 'JAM DKAR BA BSNAN TE GSANG BDAG GIS LUNG BSTAN PA'I 'KHOR KHYAD 'PHAGS GSUM, NANG THUGS KYI SRAS GCIG ,'PHRIN LAS NAM MKHA' DANG MNYAM PA'I BU CHEN BZHI, DBUS GTZANG BSTAN PA'I SGRON ME BCU, GZHAN DON LHUN GYIS GRUB PA'I SEMS DPA' DRUG ,MI DBANG GTZUG NA MDZES PA'I TI SHR'I GNYIS, RGYA CHEN MANG DU THOS PA'I DBON SRAS GNYIS, SBYANGS PA'I YON TAN 'DZIN PA'I COG PU BA CHE CHUNG GNYIS, RNAM DPYOD PHUL DU BYUNG BA'I MKHAS PA GNYIS, BSTAN BA PHYOGS MTHAR SKYONG BA'I DAR CHEN DRUG ,SKAD GNYIS SMRA BA'I LO TZ'A BA GNYIS, SA SKYONG CHOS RJE DRUG ,GSUNG RAB MANG DU MKHYEN PA'I BSTAN 'DZIN BRGYAD, MDO RONG GI MKHAS PA BZHI, MKHA' SPYOD GRUB PA'I GDUNG RGYUD GNYIS, YA MTSAN

CAN GYI SKYES BU GNYIS, SKYE DGU'I GTZUG RGYAN SPYAN SNGA BRGYAD, KHRI STENG MDZES PA'I BLA CHEN BZHI, TSOGS PA SKYONG BA'I MKHAN PO BZHI, SDE DGON PHRA MO'I CHEN PO LNGA, DBANG BZHI SKUR BA'I CHOS BSGO BA GNYIS, LUNG RIGS SMRA BA'I DKA' BCU BA BZHI, TSIG DON SMRA BA'I DKA' BZHI PA BCU, BRTUL ZHUGS 'DZIN PA'I JO STAN BZHI, TSUL KHRIMS RNAM PAR DAG PA'I GNAS BRTAN DRUG ,TSE BLOS BTANG GI RTOGS LDAN LNGA, LHA GZIGS GRAGS PA RGYA MTSO SOGS BSTAN 'DZIN BCO LNGA RNAMS SDE TSAN DU BYAS TE BGRANGS SO, ,'DI DAG GI MTSAN DANG NGOS 'DZIN RNAMS CHOS 'BYUNG DE NYID DU GSAL LO, ,'DIR NI THAMS CAD BRJOD PAR MI NUS KYIS SRAS KYI THU BO GNYIS SOGS YONGS SU GRAGS PA 'GA' ZHIG GI RNAM THAR BRJOD PAR BYA'O, ,DE LA SRAS KYI THU BO RGYAL TSAB DAR MA RIN CHEN NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD PA RLABS PO CHE LA SLOB BZHIN PA LAS, ZHING 'DIR 'JAM MGON BLA MA'I BSTAN PA SPEL BA'I SLANG DU SMON LAM GYI MTHUS BYON PA ZHIG STE, SEMS DPA' CHEN PO 'DI GANG DU 'KHRUNGS PA'I YUL NI, DAM PA DU MAS BYIN GYIS BRLABS SHING BKRA SHIS PA'I DGE MTSAN DU MA DANG LDAN PA GTZANG MYANG STOD KYI SA'I CHA RI NANG ZHES BYA BA STE RI NANG GI LUNG LAG MDZO CHAD CES BYA BAR YAB BLON PO RNGA'I RIGS RGYUD RTA DPON PA DANG, YUM JO MO SHES RAB CES BYA BA'I SRAS SU RAB BYUNG DRUG PA'I SHING PHO 'BRUG GI LO LA BKRA SHIS PA'I DGE MTSAN DU MA DANG BCAS TE 'KHRUNGS, DGUNG

, ,LO BCU BZHES PA CHU MO GLANG GI LO GDAN SA CHEN PO GNAS RNYING DU MKHAN CHEN RIN CHEN RGYAL MTSAN PA DANG, BRAG THOG PA GZHON NU TSUL KHRIMS GNYIS LA MKHAN SLOB ZHUS NAS TSIGS SNGAM DAG TSUL GYI SDOM PA MNOS, MTSAN DAR MA RIN CHEN ZHES GSOL, DE NAS MKHAN SLOB KYI SPYAN SNGAR JI LTAR ZHAL GYIS BZHES PA'I SO THAR GYI BSLAB BYA RNAMS MIG GI 'BRAS BU LTAR BSRUNG ZHING SLOB DPON DPAL MGON PA'I DRUNG DU YI GE 'DRI KLOG PHUL DU PHYIN PAR BSLABS, DE NAS MKHAS PA'I DBANG PO KUN DGA' DPAL YONGS 'DZIN DU BSTEN TE TSAD MA RNAM 'GREL DANG TSAD MA RNAM NGES CHA LAG DANG BCAS PA LA SBYANGS, DE NAS MKHAS PA'I DBANG PO RI NANG PA RIN CHEN RDO RJE YONGS 'DZIN DU BSTEN TE PHAR PHYIN GYI GZHUNG RNAMS LA SBYANGS, DE NAS MKHAS PA'I DBANG PO BRAN MA BRAG KHA BA CHOS RJE DON GRUB RIN CHEN GYI DRUNG DU MNGON PA LA SBYANGS, 'DI RJE RIN PO CHE'I DGE TSUL GYI MKHAN PO CHOS RJE DON GRUB RIN CHEN ZHES PA DE MIN GYI DE DANG MTSAN GCIG PA MYANG STOD PA ZHIG GO ,DE NAS MKHAS PA'I DBANG PO BLO GROS BZANG PO'AM DKA' BZHI PA BLO GSAL ZHES YONGS SU GRAGS PA DE'I DRUNG DU 'DUL BA LA SBYANGS, GZHAN YANG LO CHEN SKYABS MCHOG DPAL BZANG DANG, SHANGS PA KUN MKHYEN PA SOGS DGE BA'I BSHES GNYEN DU MA LA MDO SNGAGS KYI CHOS MANG DU GSAN, KHYAD PAR GANGS CAN GYI SHING RTA CHEN PO RJE BTZUN RED MDA' PA'I ZHABS RDUL SPYI BOS BSTEN TE PHAR PHYIN TSAD MA 'DUL BA MNGON PA DBU MA

SOGS MDO PHYOGS KYI GZHUNG RNAMS DANG DPAL GSANG BA 'DUS PA SOGS SNGAGS KYI GZHUNG RNAMS PHAL CHE BA GSAN TE RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PA'I MKHAS PA'I DBANG POR GYUR TE RJE BTZUN RED MDA' PA'I SRAS KYI THU BO GZHUNG LUGS RAB 'BYAMS SHES PA'I BSHES GNYEN BDUN GYI NANG TSAN GCIG YIN NO, ,DE NAS DPAL LDAN SA SKYA SOGS GTZANG PHYOGS KYI CHOS GRVA CHEN PO RNAMS SU DKA' BCU'I GRVA SKOR MDZAD DE SNYAN PA'I GRAGS PAS SA'I STENG KHYAB PAR GYUR TO, ,DE NAS DGUNG LO NYER LNGA BZHES PA SA PHO 'BRUG GI LO LA GTZANG LA STOD LDOG LHO PA CHOS RJE KUN DGA' DPAL BAS MKHAN PO, RJE BTZUN RED MDA' PAS LAS SLOB, RJE GANGS CAN KUN DGA' DPAL BAS GSANG STON MDZAD, 'DUL BA 'DZIN PA DPAL LDAN BLO GROS DANG BLO GROS MTSUNGS MED SOGS DAD PA'I DGE 'DUN NYER GNYIS KYI DBUS SU BSNYEN PAR RDZOGS PA'I SDOM PA RNAM PAR DAG PA MNOS NAS BSLAB PA RIN PO CHE MIG GI 'BRAS BU LTAR GCES SPRAS SU MDZAD DE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA JI LTA BAR GYUR TO, ,DE NAS DBUS PHYOGS KYI GRVA SA RNAMS SU GRVA SKOR MDZAD DE RTZES DANG GI GRVA SKOR GRUB NAS RJE RIN PO CHE GNYAL STOD RA GRONG DU BZHUGS PA'I TSE MJAL DU BYON, ZHAL GYI DKYIL 'KHOR MTHONG BA TZAM GYIS DAD PA'I SPU LONG G-YOS SHING, SKU MDUN DU BZHUGS TE CHOS KYI BKA' MCHID STZOL BAR ZHUS PAS RJE RIN PO CHES SEMS DPA' CHEN PO 'DI RIN PO CHE LTA BU'I GDUL BYAR GZIGS NAS GSUNG

, ,RAB DGONGS 'GREL DANG BCAS PA'I SNYING PO'I DON LAM GYI DKA' GNAS RNAMS DRI MA MED BA'I RIGS PA'I LAM NAS DRANGS TE RGYA CHER GSUNGS PAS YID CHES KYI DAD PA BRTAN PO 'KHRUNGS TE 'DI LTA BU'I DAM PA'I MGON LA BRTEN PA LAS LHAG PA GANG YANG MA MCHIS SHING, RGYAL BA'I GDUNG 'TSOB BSHES GNYEN DAM PA 'DI LTA BU BOR NAS GZHAN DU 'GRO BA GA LA RIGS SNYAM DU ZHABS KYI PADMO LA SPYI BOS GTUGS TE DA NAS BZUNG STE JI SRID 'TSO'I BAR DU ZHABS KYI PADMO LA BRTEN CHOG PA DGOS ZHES GSOL BA NAN CHER BTAB PAS RJE RIN PO CHES KYANG DGYES BZHIN DU ZHAL GYIS BZHES, DE NAS BZUNG STE RJE RIN PO CHE'I ZHABS DRUNG DU BCAR BZHUGS MDZAD NAS BYANG CHUB LAM GYI RIM PA'I KHRID DANG, BSKYED RDZOGS KYI KHRID SOGS MDO SNGAGS KYI LUNG KHRID MAN NGAG THAMS CAD YONGS SU RDZOGS PA GSAN, DE YANG THUGS RAB KYI RLABS PHUL DU PHYIN PAS RJE RIN PO CHES CHOS GANG GSUNGS THAMS CAD LAN RES BUM PA GANG BYO LTA BUR THUGS LA CHUD DE, RJE RIN PO CHES GNAM TZENG LTENG DU 'DUL BA'I BSLAB BYA RGYAS PAR GSUNGS PA'I TSE GANG GSUNGS THAMS CAD THUGS SU CHUD DE, DE MA THAG ZIN BRIS SU BTAB PA BSLAB BYA GNAM TZENG LTENG MAR YONGS SU GRAGS PA DANG, RJE RIN PO CHES SE RA CHOS SDINGS SU MA RGYUD RDZOGS RIM DPYID THIG GSUNG BA'I TSE GANG GSUNG THAMS CAD THUGS SU CHUD DE DE MA THAG ZIN BRIS SU BTAB PA RDZOGS RIM DPYID KYI THIG LE'I

ZIN BRIS LTA BU'O, ,DE NAS SA MO GLANG GI LO CHO 'PHRUL MCHOD PA GRUB RJES DGA' LDAN RNAM PAR RGYAL BA'I GLING 'DEBS PAR MDZAD TSE SEMS DPA' CHEN PO 'DI DANG 'DUL 'DZIN GRAGS PA RGYAL MTSAN GNYIS KYIS KHUR BZHES TE DGE 'DUN LA GNANG BZHU BA DANG, RDO BTEG PA'I MTHA' LAS BYUNG BA'I RUNG KHANG GCOD PA DANG, LAG GI BLA BSKO BA SOGS 'DUL BA NAS JI LTAR GSUNGS PA THAMS CAD JI BZHIN PHYAG LEN LA BTAB PAS MKHAR LAS KYIS KYANG RGYAL BA'I BSTAN PA GZHI NAS GSO BA'I BYAS MDZAD CING, RTAG TU DUS CHOS 'PHAGS BSTEN PA JI LTA BA BZHIN DU LUS SROG LONGS SPYOD GANG LA'ANG MI LTA BAR RJE RIN PO CHE'I BKA' BZHIN SGRUB PA LA NAM YANG G-YEL BA MED PAR MDZAD DO, ,DE LTAR MDZAD PAS RJE RIN PO CHE'I SRAS KYI THU BOR GYUR TE RJE RIN PO CHE ZHAL BZHUGS DUS NYID NAS RJE'I SLOB MA PHAL CHER BDAG NYID CHEN PO 'DI'I ZHABS LA GTUG CING, RJE RIN PO CHES RAB BYUNG BSNYEN RDZOGS GANG GNANG BA THAMS CAD BDAG NYID CHEN PO 'DIS SKYONG BAR MDZAD DO, ,DE NAS RJE RIN PO CHE ZHING GSHEGS PA LA PHYOGS PA'I TSE JI LTAR LHA'I BU DAM PA TOG DKAR POS 'DZAM BU'I GLING DU 'BYON PA LA PHYOGS PA'I TSE MI PHAM MGON PO RGYAL TSAB TU DBANG BSKUR BA JI LTA BA BZHIN DU CHOS KYI RGYAL PO TZONG KHA PA CHEN POS KYANG PAn ZHVA SNE RING DANG NA BZA' GOS BER BCAS BDAG NYID CHEN PO 'DI LA GNANG STE RGYAL TSAB TU DON GYIS BSKO BAR MDZAD, DE NAS DGUNG LO NGA DRUG BZHES PA SA MO PHAG GI LO HOR ZLA BCU

, ,GCIG PA'I GZA' SKAR DUS SBYOR BZANG PO LA RI BO DGE LDAN DU RGYAL BA TZONG KHA PA CHEN PO'I RGYAL TSAB TU DBANG BSKUR NAS GDAN SA LO BCU GSUM BAR DU MDZAD DE BSHAD SGRUB GNYIS KYI SGO NAS GDUL BYA RNAMS SMIN GROL LA 'GOD PAR MDZAD DO, ,BAR SKABS SHIG GNAS RNYING DU BYON, DGE 'DUN RNAMS LA CHOS DANG ZANG ZING GI SKYES RGYA CHEN PO MDZAD, MKHAN CHEN RIN CHEN RGYAL MTSAN PA DANG, MKHAN CHEN RIN CHEN GRUB PA GNYIS LA GAN GOS RE PHUL, JA DKAR GYI MANG JA, DGE 'DUN RNAMS LA DAR 'GYED, MTSAN NYID PA DANG CHOS 'CHAD SPYI LA DGE RGYUN NAR MA'I GZHI RTEN DANG GAN GOS RE 'BUL BAR MDZAD, KHYAD PAR ZHI PAR GSHEGS PA'I SNGA LO'I GONG TZAM DU GNAS RNYING DU PHEBS, MKHAN CHEN RIN CHEN RGYAL MTSAN PA'I NANG RTEN GYI DRUNG DU GU GU SHA'I MAndAL RIN PO CHE SNA TSOGS LAS GRUB PA'I RGYAN DANG BCAS PA DANG, DGE 'DUN RNAMS LA MANG JA MANG PO DANG, JA DKAR GYI GRAL 'GYED, 'BUL RKYEN BZANG PO DANG BCAS PA MDZAD, MKHAN CHEN RIN CHEN GRUB PA LA DNGUL LAS GRUB PA'I RGYAL BA RIGS LNGA, DNGUL GYI SPYI BLUGS, NA BZA' SOGS 'BUL BA MDZAD, DE DUS MKHAS GRUB RJE DANG ZHAL 'DZOM STE DGA' LDAN GYI GDAN SAR PHEBS DGOS PA'I BKA' GROS MDZAD, NYING RO SMAN CHU KHAR MKHAS GRUB GANG BZANG PA'I DRUNG DU GOS YUG NGUR KHA GCIG GIS GTZOS 'BUL BA MDZAD, MDOR NA GNAS RNYING DU DGE LDAN GDAN SAR MA PHEBS

BA'I GONG DANG PHEBS NAS KYANG BYON PA BCAS CHOS 'KHOR LAN BZHIR BSKOR, DE NAS DGUNG LO DRUG CU RE BRGYAD BZHES PA LCAGS MO PHAG LO HOR ZLA BCU PA'I GZA' TSES DGE BA LA, MKHAS GRUB DGE LEGS DPAL BZANG PO ZHES MTSAN YONGS SU GRAGS PA DE NYID DGE LDAN GYI GDAN SAR RANG GI RGYAL TSAB TU DBANG BSKUR BAR MDZAD DO, ,BDAG NYID CHEN PO 'DIS PHYI RABS KYI GDUL BYA RNAMS KYI DON DU MDZAD PA'I BSTAN BCOS KYANG MANG DU BZHUGS TE, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA DON GSAL BA'I RNAM BSHAD SNYING PO RGYAN, DBU MA RIN CHEN PHRENG BA'I RNAM BSHAD SNYING PO'I DON GSAL BAR BYED PA, DBU MA BZHI BRGYA PA'I RNAM BSHAD LEGS BSHAD SNYING PO, BDEN GNYIS KYI RNAM GZHAG DANG LTA BA'I KHRID YIG RIN PO CHE'I PHRENG BA, DBU MA RTZA BA SHES RAB KYI DKA' GNAS CHEN PO BRGYAD KYI BSHAD PA, BSTAN BCOS TSAD MA RNAM NGES KYI t'IKA CHEN DGONGS PA RAB GSAL, TSAD MA RIGS THIGS KYI 'GREL PA LEGS BSHAD SNYING PO'I GTER, TSAD MA RNAM 'GREL GYI TSIG LE'UR BYAS PA'I RNAM BSHAD THAR LAM PHYIN CI MA LOG PAR GSAL BAR BYED PA, THEG PA CHEN PO RGYUD BLA MA'I t'IKKA ,MNGON PA KUN LAS BTUS KYI t'IKKA LEGS PAR BSHAD PA CHOS MNGON RGYA MTSO'I SNYING PO, BYANG CHUB SEMS DPA'I SPYOD PA LA 'JUG PA'I RNAM BSHAD RGYAL SRAS 'JUG NGOGS, TSAD MA MDO'I RNAM BSHAD, RJE'I GSUNG ZIN BRIS TSAD MA'I BRJED

, ,BYANG CHEN MO, MNGON PAR RTOGS PA'I RIM PA NYAMS SU LEN TSUL THEG MCHOG SGO 'BYED, MNGON PAR RTOGS PA BRGYAD DON BDUN CU DANG BCAS PA NYAMS SU LEN TSUL, MNGON PAR RTOGS PA'I RGYAN GYI BSDUS DON RIN PO CHE'I PHRENG BA, RNAM 'GREL GYI BSDUS DON THAR LAM GYI DE NYID GSAL BYED, RIGS PA DRUG CU PA'I t'IKKA, RIGS PA DRUG CU PA'I ZIN BRIS, 'BREL PA BRTAG PA'I RNAM BSHAD NYI MA'I SNYING PO, TSAD MA'I LAM SGRIGS, 'GAL 'BREL GYI RNAM GZHAG ,MNGON SUM LE'U'I BRJED BYANG, DBU MA RGYAN GYI BRJED BYANG, SHES RAB LE'U'I ZIN BRIS, DGE SLONG GI BSLAB BYA GNAM TZENG LTENG MA, DGE TSUL GYI BSLAB BYA GNAS TZENG LTANG MA; SANGS RGYAS SUM CU SO LNGA'I MTSAN GYI PHAN YON, DPAL GSANG BA 'DUS PA'I BLA BRGYUD GSOL 'DEBS MDO RGYUD MAR GRAGS PA, DPAL GSANG BA 'DUS PA 'JAM DPAL RDO RJE'I DKYIL 'KHOR GYI CHO GA DNGOS GRUB KYI SNYE MA, SGRUB THABS KUN BZANG GI DON BSHAD PA, DPAL GSANG BA 'DUS PA'I DKA' GNAS ZIN BRIS, DPAL DUS KYI 'KHOR LO'I LAM RIM PA GNYIS JI LTAR NYAMS SU LEN PA'I TSUL BDE BA CHEN PO'I LAM DU MYUR DU 'JUG PA, SGRUB LE'I PHYAG RGYA BZHI'I ZIN BRIS LA SOGS PA RNAMS MDZAD DO, ,DE NAS DGUNG LO RE DGU BZHES PA'I TSE ZHING KHAMS GZHAN GYI 'GRO DON LA DGONGS NAS CHU PHO BYI LO HOR ZLA LNGA PA'I SNRON GYI ZLA BA'I YAR NGO'I TSES BRGYAD LA LHA SA'I PO TA LAR

MYA NGAN LAS 'DA' BA'I TSUL BSTAN, DE NAS BZUNG STE BDUN PHRAG GSUM GYI BAR DU DBUS GTZANG THAMS CAD DANG, KHYAD PAR DGE LDAN DANG LHA SA GNAS RNYING RNAMS SU GSER BTZO MA'I ME TOG DANG, GZHAN YANG TZAM PA KA DANG, PADMA RA GA DANG, AINDRA NI LA LTA BU'I KHA DOG DANG LDAN PA'I CHAR CHEN PO BABS, KHYAD PAR SKU GDUNG DGA' LDAN DU GDAN 'DREN PA'I DUS DANG, ZHUGS 'BUL BA'I DUS RNAMS SU ROL MO'I SGRA DANG, 'JA' 'OD DANG, ME TOG GI CHAR LA SOGS PA NGO MTSAR BA'I LTAS BRJOD KYIS MI LANG BA BYUNG PA NI KUN GYI MTHUN SNANG DU GRUB PA YIN NO, ,DE'I TSE MKHAS GRUB RJES ZHAL BKOD GNANG NAS DGE LDAN DANG GNAS RNYING SOGS SU THUGS DAM GSOL 'DEBS KYI MANG JA TSAR 'BUL RGYUN GRAL 'GYED SOGS BSAM GYIS MI KHYAB PA BSGRUBS SO, ,SKU GDUNG RGYAL KHANG RTZER ZHUGS LA PHUL BA LAS PHYIS KYI GDUL BYA RNAMS LA GSOL BA 'DEBS PA'I RTEN DU RING BSREL MANG DU BYON PA DAD LDAN GYI GDUL BYA RNAMS LA GSOL BA 'DEBS PA'I RTEN DU RGYA CHER GNANG ZHING, SKU GDUNG BYINGS RNAMS DNGUL GYI MCHOD RTEN NANG DU BZHUGS TE DGA' LDAN RNAM PAR RGYAL BA'I GLING NA GDUL BYA RNAMS KYI BSOD NAMS KYI ZHING DU BZHUGS SO, , SRAS KYI THU BO 'DUL 'DZIN GRAGS PA RGYAL MTSAN NI BSKAL PA DPAG TU MED PA'I SNGON ROL NAS THUGS BSKYED DE, RGYAL SRAS KYI SPYOD PA RGYA MTSO LA SLOB BZHIN PA LAS ZHING 'DIR RJE RIN PO CHE'I BSTAN PA SPEL BA'I PHYIR SMON LAM GYI

, ,MTHUS BYON PA ZHIG STE, DE YANG DBUS STOD SBRANG DU KUN DGA' ZHES PA SHING PHO STAG GI LO SKU 'KHRUNGS, SKU GZHON NU NAS 'BRI KHUNG CHOS RJE LA GTUGS TE RAB TU BYUNG, DGE BA'I BSHES GNYEN MANG PO LAS MDO SNGAGS KYI CHOS MTHA' YAS PA GSAN, KHYAD PAR RJE THAMS CAD MKHYEN PA'I ZHABS LA GTUGS TE YUN DU BSTEN NAS SDE SNOD GSUM DANG RGYUD SDE BZHIS BSDUS PA'I GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I KHRID GSAN TE NYAMS SU BZHES PAS RTZOL MED KYI MYONG BA PHUL PHYIN THON, RGYUD SDE BZHIS BSDUS BA'I LHA'I RNAL 'BYOR PHRA RAGS RNAMS SGOM PA LA 'BAD PAS DKYIL 'KHOR GYI 'KHOR LO MNGON SUM DU GYUR, BSKYED RDZOGS KYI MAN NGAG RNAMS LA MYONG BA PHUL PHYIN THON, SDOM PA GSUM GYI BCAS MTSAMS PHRA ZHING PHRA BA'ANG NYAMS PA MED PAR BSRUNG ZHING BYANG CHUB KYI SEMS RIN PO CHE THUGS DAM GYI MTHIL DU MDZAD PAS LUNG DANG MNGON PAR RTOGS PA'I YON TAN GYI PHUNG PO CHEN BOR GYUR NAS CHOS KYI RGYAL PO TZONG KHA PA CHEN PO'I SRAS KYI THU BOR GYUR TE RJE'I SLOB MA THAMS CAD KYIS RJE NYID DANG 'DRA BAR GUS PAR BYED CING CHOS KYI BKA' DRIN NOD PAR BYED DO, ,SEMS DPA' CHEN PO 'DIS LEGS TSOGS THAMS CAD KYI RTZA BA BSHES GNYEN BSTEN TSUL LA THUG PAR GZIGS NAS RJE RIN PO CHE DUS RTAG TU MNYES PA GSUM GYIS MNYES

PAR BYED CING, LHAG PAR BKA' BZHIN SGRUB PA LAS NAM YANG MI 'DA' BAR DGA' LDAN RNAM PAR RGYAL BA'I GLING 'DEBS PA'I TSE RJE'I BKA' BZHIN GTZUG LAG KHANG BRTZIG PA DANG SPONG BA PA SO SO'I SPYIL BU BRTZIG PA SOGS LA NGAL BA KHYAD DU BSAD DE BRTZON PA CHER MDZAD CING, DE YANG 'DUL BA DANG MTHUN PA KHO NAR MDZAD DE, THOG MAR SA BRTAG PA, DE NAS DGE 'DUN LA GNANG BA ZHU BA, DGE 'DUN GYIS GNANG BA NA LAG GI BLA BSKOS TE RUNG KHANG GCOD PA NAS BZUNG MTHAR GTZUG LAG KHANG RTEN DANG BRTEN PAR BCAS PA YONGS SU RDZOGS PA GRUB PA'I BAR KHUR BZHES TE MTHAR PHYIN PAR MDZAD NAS RJE RIN PO CHE GDAN DRANGS TE MNYES PAR MDZAD PA SOGS 'KHOR LO GSUM GYI BYA BA MTHA' DAG GIS RJE RIN PO CHE RNAM PA KUN TU MNYES PAR MDZAD NAS MTHAR RJE RIN PO CHE ZHING GSHEGS PA'I TSE RANG NYID KYIS RJE'I GDAN SA MA MDZAD PAR RGYAL TSAB RIN PO CHE GDAN SAR MNGA' GSOL, SKU GDUNG RIN PO CHE MA NYAMS PAR TZAN DAN 'BA' ZHIG LAS GRUB PA'I SGROM DU BZHUGS SU BCUG ,DE YANG DNGUL BRE CHEN BCO BRGYAD LAS BRDUNGS PA'I GDUNG KHANG GI BUM PAR BZHUGS SU GSOL TE, GTZUG LAG KHANG GI GLO 'BUR BYANG MAR BZHUGS NAS MCHOD PA RGYA CHEN POS MCHOD PAR MDZAD PA LA SOGS PA'I BYA BA RNAMS RDZOGS PAR MDZAD NAS RJE RIN PO CHE'I DGONGS PA RDZOGS PA'I PHYIR DU BTZUN MO TSAL GYI DGON PA BTAB NAS TSOGS PA BSKYANGS PAS

, ,DGE 'DUN BRGYAD BRGYA LHAG TZAM 'DUS, RES 'GA' SPANGS SA SOGS DGON GNAS DANG RI KHROD GZHAN DU'ANG BZHUGS TE 'GRO DON DANG THUGS DAM 'PHEL BAR MDZAD, SKABS SHIG TU TSAL GUNG THANG DU PHEBS TE 'DUL BA'I BSLAB BYA DANG LAM RIM LEGS PAR GSUNGS, TSAL GUNG THANG GI DGE 'DUN THAMS CAD 'DUL KHRIMS RNAM PAR DAG PA DANG SKYES BU CHEN PO'I CHOS LUGS LA SBYOR BAR MDZAD PAS TSAL GUNG THANG GI CHOS SDE 'DI LA RJE NYID LAS KYANG BKA' DRIN CHE BAR GYUR PA YIN NO, ,BLA MA BYANG CHUB SEMS DPA' 'DI LA RJE'I GSANG SNGAGS DANG 'DUL BA'I BKA' BAB PAR SNANG STE, RJE'I BSHAD SROL PHYAG LEN BZANG PO MI NYAMS PA'I PHYIR DU 'DUL BA'I BSLAB BYA CHEN MOR GRAGS PA DANG, DGE TSUL GYI BSLAB BYA, GZHI GSUM GYI CHO GA'I LAG LEN, 'DUL BA'I GLENG 'BUM RNAMS MDZAD, RJE'I GSANG SNGAGS KYI SGRUB DKYIL RNAMS LA LHAN THABS DANG PHYAG BZHES, RAB GNAS KYI CHO GA ,'KHOR LO SDOM PA'I PHYI ROL MCHOD PA, GSANG 'DUS MI BSKYOD PA'I TSOM BU LA BRTEN PA'I MDUN BSKYED KYI MCHOD THABS, DRIL BU LHA LNGA'I SGRUB THABS, 'KHOR LO CHEN PO'I SGRUB DKYIL, L'U AI BA'I DKYIL CHOG ,DMAR NAG GI SGRUB THABS, RDO RJE DBYINGS KYI DKYIL 'KHOR GYI CHO GA, KUN RIG RNAM PAR SNANG MDZAD KYI CHO GA ,NGAN SONG SBYONG RGYUD KYI RNAM

BSHAD, BYA RGYUD RIGS GSUM LA BRTEN PA'I CHO GA'I LAG LEN SOGS RTZOM PA YANG MANG DU MDZAD DO, ,THUN MONG MA YIN PA'I RNAM THAR DANG SKYES RABS NI MKHAN CHEN LAS KYI RDO RJES GSANG BDAG LA ZHUS PA DANG, BLA MA DBU MA PAS RJE BTZUN 'JAM DBYANGS LA ZHUS PA DANG, BLA MA 'JAM DPAL RGYA MTSOS RJE BTZUN LA ZHUS PA RNAMS MTHUN PAR SNANG STE, DE YANG 'DI LTAR SLOB DPON GRAGS PA RGYAL MTSAN PA SKYE BA MANG PO'I SNGON DU BRAM ZE'I KHYE'U GO 'PHANG BYA BAR SKYES PA'I DUS NA, SANGS RGYAS LOG PAR DAD SEL GYI SPRUL PA'I RANG SANGS RGYAS SHIG LA BSOD SNYOMS BZANG PO LHUNG BZED GANG PHUL NAS BDAG 'DI NAS SKYE BA THAMS CAD DU RGYAL BA KUN GYI DAM PA'I CHOS MA LUS BAR 'DZIN CING, MTHA' 'KHOB RNAMS SU 'GRO BA MANG PO LA DAM PA'I CHOS STON CING THEG PA GSUM GYI LAM LA 'GOD PAR GYUR CIG ,CES SMON LAM BTAB PA'I MTHUS SKYE BA DRUG MTHA' 'KHOB KYI RGYAL POR SKYES NAS 'GRO BA MANG PO LA THEG PA GSUM GYI CHOS BSTAN TE LAM RNAM PAR DAG PA LA BKOD, DE NAS RAB TU BYUNG BA DANG THEG PA GSUM LA MKHAS PA'I DGE SLONG DANG, PAndI TA MKHAS SHING GSAL BA SHA STAG TU SKYE BA MANG PO BLANGS NAS DAM PA'I CHOS BSTAN TE MTHA' YAS PA'I SEMS CAN GYI DON RGYA CHER BYAS, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES NAS LHA MANG PO'I DON BYAS, DE NAS 'DIR SKYES PA YIN,

, ,'DIR RJE BTZUN BYAMS MGON GYI SKU RIN PO CHE LAS BYAS PA SOGS BKOD PA THO TSER BRIS PA LTAR BZHENGS NAS 'CHAD NYAN DANG THUGS DAM SOGS KYI DGE RTZA RJE BTZUN GYIS RJES SU 'DZIN PA'I CHED DU BSNGO ZHING BSTAN PA RGYAS PA SOGS KYI SMON LAM RGYA CHEN PO 'DEBS PAR MDZAD, DE LTAR BSGRUBS PAS 'DIR YANG BSTAN PA DANG SEMS CAN LA PHAN PA RGYA CHEN 'BYUNG, BYANG CHUB KYI SEMS LA BRTEN NAS RTOGS PA KHYAD PAR CAN SKYE, 'BREL TSAD DKAR PO'I SA BON THEBS, MDO SNGAGS LA BRTEN PA'I SLOB MA BSTAN PA 'DZIN PA DANG SEMS CAN LA PHAN PA RGYA CHEN PO DANG LDAN PA MANG DU 'BYUNG, SNYAN PA'I GRAGS PAS PHYOGS KUN TU KHYAB CING SANGS RGYAS KYI BSTAN PA RIN PO CHE SGO THAMS CAD NAS RGYAS PAR BYED DO, ,SKYE BA PHYI MA DGA' LDAN DU RGYAL TSAB MI PHAM MGON PO'I SRAS MCHOG LHA'I BU RGYAL SRAS ZHI BA'I SNYING PO ZHES BYA BAR SKYES NAS BYANG CHUB SEMS DPA'I SPYOD PA RLABS PO CHES 'GRO BA'I DON BYED CING, MTHAR DE BZHIN GSHEGS PA BYAMS PA'I DBANG PO ZHES BYA BAR 'GYUR RO, ,ZHES MKHAN CHEN LAS KYI RDO RJES GSANG BA'I BDAG PO PHYAG NA RDO RJE LA DNGOS SU ZHUS PA LAS 'BYUNG ZHING, DBU MA PA DPA' BO RDO RJES RJE BTZUN 'JAM DPAL DBYANGS LA ZHUS PA LAS KYANG DE BZHIN DU 'BYUNG YANG DUS PHYIS BLA MA 'JAM DPAL RGYA MTSOS RJE BTZUN 'JAM PA'I DBYANGS LA GSOL BA YUN

RING DU BTAB STE, SLOB DPON RIN PO CHE 'DUL BA PA 'DI PA'I SKU TSE SNGA PHYI RNAMS JI SKAD BYA BA LAGS, 'DIR BSTAN PA LA PHAN PA CHE CHUNG JI TZAM 'BYUNG, SKU TSE RING THUNG JI TZAM YONG, GANG DU BZHUGS NA 'GRO DON DANG THUGS DAM 'PHEL ZHES ZHUS PAS, RJE BTZUN GYIS 'DUL BA PA SNGON SKYE BA MANG PO'I SNGON ROL DU RGYA GAR DU BRAM ZE'I KHYE'U GO 'PHANG BYA BAR SKYES TE SANGS RGYAS LOG PAR DAD SEL GYI SPRUL PA'I RANG RGYAL ZHIG LA BSOD SNYOMS BZANG PO LHUNG BZED GANG PHUL NAS, BDAG SKYE BA THAMS CAD DU RGYAL BA'I DAM CHOS MTHA' DAG BZUNG NAS MTHA' 'KHOB KYI YUL RNAMS SU 'GRO BA GDUL DKA' BA RNAMS LA DAM PA'I CHOS BSTAN NAS THEG PA GSUM GYI LAM RNAM PAR DAG PA LA 'GOD PAR GYUR CIG ,CES SMON LAM BTAB PAS SKYE BA MANG BOR MTHA' 'KHOB KYI RGYAL PO SOGS SU SKYES NAS 'GRO BA GDUL DKA' BA MANG PO'I DON DPAG MED BYAS, STON PA 'DI 'JIG RTEN DU BYON DUS DGE SLONG 'DUL BA TOG CES BYA BA'I SDE SNOD GSUM LA MKHAS PA CIG TU SKYES, DE NAS BZUNG STE PAndI TA DANG RAB TU BYUNG BA DANG DGE SLONG THEG PA GSUM LA MKHAS PA SHA STAG TU SKYES SHING, DE'I DUS DKA' BZHI PA DANG DPON SLOB TU GYUR CING 'BREL, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES, DE NAS 'DIR SKYES PA YIN, 'DIR YANG SNGON GYI 'BREL PAS DKA' BZHI

, ,PA DANG DPON SLOB TU GYUR TE BLA NA MED PA'I DAD PA BRTAN PO THOB, BYANG CHUB KYI SEMS LA BRTEN NAS MNGON RTOGS KHYAD PAR CAN SKYES, MDO SNGAGS RNAM DAG GI SGO NAS BSTAN PA LA PHAN PA RGYA CHEN PO 'BYUNG, MI G-YO BA DKAR PO SKYE BA MANG PO'I YI DAM YIN PAS 'DIR YANG RJES SU BZUNG ZHING DNGOS DANG RMI LAM CI RIGS SU ZHAL STON, 'OD ZER CAN GYIS SKABS MANG POR BAR CHAD SEL, SKYE BA MANG POR DPAL LDAN 'DUS PA DANG HE RU KAS BYIN GYIS BRLABS, 'JAM DKAR GYIS SKYE BA GSUM DU RJES SU BZUNG NAS BYIN GYIS BRLABS KYANG DAM SEL CAN ZHIG LA RJES GNANG BYAS PAS CUNG ZAD 'GRIBS 'DUG ,DE LA BSHAGS BSDAM GYIS LA 'JAM DBYANGS KYI BLO 'PHEL BA'I GZUNGS RIN PO CHES BRIS PA BRGYA PHRAG GCIG 'DON PA LA YON BYIN NAS SMON LAM BTAB NA GZHAN PHAN CHE, TSE DRUG CU LHAG TZAM LAS PHAL CHER MI THUB, DE LA'ANG BAR CHAD MANG BAR SNANG BAS, DE BZLOG PA'I THABS RTA MGRIN SHVA NA'I BZLAS SGRUB DANG, PHYAG BZHI PA'I BSNYEN PA KHRI PHRAG RE ZHAG RE LA GYIS, 'DUG GNAS DPON SLOB RNAM GNYIS MNYAM DU PHAL CHER BSDAD NA DGE PHYOGS 'PHEL CHE, PHYI MA MGON PO MA PHAM PA'I CHOS KYI MDUN SAR RGYAL SRAS ZHI BA'I SNYING PO BYA BAR SKYES NAS, DKA' BZHI PA DANG DPON SLOB GNYIS MJAL NAS THEG PA MCHOG GI CHOS KYI DGA' STON LA LONGS SPYOD PAR 'GYUR RO, ,ZHES GSUNGS SO, ,DE LTAR 'DUL 'DZIN GRAGS PA RGYAL

MTSAN GYIS RJE BDAG NYID CHEN PO'I LUGS SROL BZANG PO NYAMS PA MED PAR BSKYANGS TE BSTAN PA DANG 'GRO BA'I DON RGYA CHER MDZAD CING, 'DUL BA 'DZIN PA ZHES MTSAN TZAM GYIS KYANG BSTAN PA LA PHAN PA ZHIG MDZAD NAS, SKU TSE 'DI'I DNGOS KYI GDUL BYA RDZOGS PA NA DGUNG LO RE GSUM PA ME PHO 'BRUG GI LO HOR ZLA LNGA PA'I TSES NYI SHU LA BTZUN MO TSAL DU ZHING GSHEGS TE, DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO,, ,, RJE'I THUGS SRAS TSA KHO DBON POR GRAGS PA MKHAN CHEN NGAG DBANG GRAGS PA NI, RGYAL MO RONG DU TSA KHO RGYAL PO'I RIGS SU 'KHRUNGS, DBUS GTZANG DU BYON TE RJE BDAG NYID CHEN PO SOGS MKHAS PA DU MA'I ZHABS PAD BSTEN NAS, SDE SNOD DANG RGYUD SDE LA SBYANGS PAS MKHAS PA'I GO 'PHANG BRNYES, RJE RIN PO CHE LAS BYANG CHUB LAM GYI RIM PA'I KHRID DANG, LAM GYI GTZO BO RNAM PA GSUM GYI KHRID GSAN TE MYONG BA THON PAR MDZAD, RJE RIN PO CHE LA RJE BTZUN 'JAM PA'I DBYANGS KYIS GSUNG RAB THAMS CAD KYI DON LAM GYI GTZO BO RNAM PA GSUM DU BSDUS NAS 'DOMS PAR MDZAD PA'I MAN NGAG GI RTZA TSIG BKA' 'BUM THOR BUR BZHUGS PA 'DI YANG RGYAL SRAS 'DI'I DON DU RJE RIN PO CHES YI GER 'GOD PAR MDZAD, RTZA TSIG DE'I MJUG TU, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN LA BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,

, ,ZHES RGYAL SRAS 'DI LA THUGS SHIN TU MNYES PA'I GSUNG YANG BYON NO, ,RJE RIN PO CHE LA BLA MED KYI DBANG DANG RIM GNYIS KYI MAN NGAG RNAMS LEGS PAR GSAN TE THUGS NYAMS SU BZHES PAS RIM PA GNYIS KYI TING NGE 'DZIN BRTAN PO THUGS RGYUD LA 'KHRUNGS, RGYAL SRAS 'DIS RJE RIN PO CHE DKA' BZHI'I GRVA SKOR MDZAD PA'I SKABS NAS BZUNG ZHABS 'BRING PA RGYUN RING DU MDZAD DE, MNYES PA GSUM GYIS MNYES PAR MDZAD CING, RJE RIN PO CHE DANG RGYAL SRAS 'DI GNYIS KYIS THUGS RJE CHEN PO RANG BYUNG LNGA LDAN GYI MDUN DU SMYUNG GNAS MANG DU MDZAD CING, DE'I TSE DPON SLOB GNYIS KAS THUGS RJE CHEN PO LA GSOL BA SHUGS DRAG LA RGYUN RING BA BTAB PAS, RGYAL SRAS 'DI LA SKU TSE'I MJUG LA 'PHRIN LAS RGYA CHEN PO YONG BA'I MTSAN LTAS SHAR, DE NAS RJE RIN PO CHES KYANG GNANG BA KHROL TE, RGYAL SRAS 'DIS MDO SMAD DU BYON NAS RJE BLA MA'I RING LUGS 'DZIN PA'I DGON SDE MANG DU BTZUGS TE, JA PHU STOD DU DA TSANG LHUN GRUB GLING ZER BA'I DGON PA DANG, JA PHU'I RKED NA BA MGO DGON PA, JA PHU'I SMAD NA SUM MDO DGON PA ,MU DGE'I SA CHAR BKRA SHIS 'KHOR LO'I DGON ZER BA RNAMS BTAB, GZHAN YANG DGON PA BRGYA RTZA BRGYAD BTAB PAR GRAGS, MKHAN CHEN 'DI LA RJE BDAG NYID CHEN PO THUGS SHIN TU DGYES PA ZHIG STE, CHAB SHOG LAS ,KHO BOS SMRAS PA'I RJES SU ZHUGS SHIG DANG, ,TSE RABS KUN TU SPYOD DANG SMON LAM KUN, ,MTSUNGS PAR SPYAD

DE NAM ZHIG 'TSANG RGYA TSE, ,BDUD RTZI'I BGO BSHA' THOG MAR SBYIN PAR BYA, ,ZHES GSUNGS SO,, ,,RJE RIN PO CHE BYA BRAL LA PHEBS SKABS RJE BTZUN 'JAM PA'I DBYANGS KYIS LUNG BSTAN PA'I 'KHOR DAG PA RNAM BRGYAD NI, BLA MA 'JAM DKAR BA ZHES GRAGS PA 'JAM DPAL CHOS BZANG, GNAS BRTAN BZANG SKYONG BA, GNAS BRTAN RIN CHEN RGYAL MTSAN ,GNAS BRTAN BYANG SENG PA, BLA MA 'JAM DPAL RGYA MTSO, DGE BSHES SHES RAB GRAGS, DGE BSHES 'JAM DPAL BKRA SHIS, DGE BSHES DPAL SKYONG RNAMS SO, ,BDAG NYID CHEN PO 'DI DAG NI SNGON YUN RING PO NAS RJE RIN PO CHES RJES SU BZUNG BA, SMON LAM STABS GCIG TU MDZAD PA, ,SRID PA MTHA' DAG ME 'BAR BA'I RLUBS LTAR MTHONG STE 'KHOR BA'I PHUN TSOGS LA RGYAB KYIS PHYOGS PA, RANG DON DU ZHI BDE'I GO 'PHANG LA'ANG MI SMON PA THUGS BYAMS PA DANG SNYING RJE'I GZHAN DBANG DU GYUR TE RGYAL SRAS KYI SPYOD PA RGYA MTSOR SLOB PA LA ZHUM PA MED PA, SRID GSUM DRI ZA'I GRONG KHYER LTAR GZIGS TE BDAG LTA'I BUD SHING YE SHES KYI MES BSREGS PA, RJE BTZUN 'JAM PA'I DBYANGS KYIS TSE RABS KUN TU RJES SU BZUNG BA, PHYI NANG GI RGYU RKYEN THAMS CAD TSANG BAS SKAD CIG RE RER YANG SA LAM GYI BGROD PA GONG 'PHEL DU 'BYON PA, RJE RIN PO CHE'I BSTAN PA MDZES PA'I RGYAN DU CHE BA, RGYAL BA SRAS BCAS KUN GYIS BSNGAGS PA'I GNAS SU GYUR PA ZHIG GO, 'DI DAG SO SOR GANG DU 'KHRUNGS PA DANG, SKU TSE

, ,HRIL PO'I MDZAD PA JI LTAR YIN PA RNAMS ZHIB TU BRIS NA YI GE'I KHUR CHES PAR 'GYUR BAS MA BKOD LA, BLA MA 'JAM DPAL RGYA MTSO BA NI, LAM RIM BRGYUD PAR BZHUGS PAS DE'I RNAM THAR NI 'OG TU 'CHAD DO,, ,,'JAM DBYANGS CHOS RJE BKRA SHIS DPAL LDAN PA NI, DON GRUB CES PAS MO LUG GI LO LA BSAM YAS SU SKU 'KHRUNGS, RTZES DANG DU RAB TU BYUNG STE GRAL 'DZIN MDZAD, GSANG PHUR GNYAL RGOD RIN BSAM DANG, LDAN MA DKON MCHOG SENG GE LA PHAR TSAD, SKYOR MO LUNG DU MKHAN CHEN DKA' BZHI PA LA 'DUL MNGON, DGE LDAN DU RJE RIN PO CHE NYID LA DRANG NGES RNAM 'BYED, RTZA 'JUG GI BSHAD PA, BYANG CHUB LAM RIM CHE CHUNG, SNGAGS RIM CHEN MO DPAL GSANG BA 'DUS PA'I RTZA RGYUD 'GREL PA SGRON MA GSAL BA DANG BCAS PA, BSHAD RGYUD LNGA, MDOR BYAS, MDO BSRE, RNAM GZHAG RIM PA, RDO RJE SEMS DPA'I SGRUB THABS, RIM LNGA, SPYOD BSDUS, RIM LNGA GSAL SGRON, RIM LNGA GDAN RDZOGS, BDE DGYES KYI CHOS SKOR, YO GA'I SKOR SOGS RGYA CHER GSAN PAS BKA' BSTAN BCOS MANG DU MKHYEN PA'I MKHYEN RAB LA SUS KYANG 'GRAN DU MED PAR GRAGS, RJE RIN PO CHE NYID KYIS MKHAN PO, 'DUL PA 'DZIN PAS LAS SLOB, RGYAL TSAB CHOS RJES GSANG STON MDZAD NAS BSNYEN PAR RDZOGS, RJE THAMS CAD MKHYEN PA NYID KYIS CHOS RJE 'DI PA DANG, CHOS RGYAL NAM MKHA' BZANG PO MCHOD YON GNYIS LA CHOS SDE 'DEBS DGOS PA'I BKA'

SNGA PHYIR PHEBS BA DANG, CHOS RJE BA'I MNAL LAM DU'ANG LHA GNAM THE DKAR PO YIN ZER BA ZHIG GIS DGON PA'I SA YUL BSTAN TE 'DIR KHYOD KYIS DGON PA ZHIG THOB, NGAS BTZUN PA STONG PHRAG LNGA 'BUL ZER, DE KA'I MDO LA DAN 'BAG MDA' NAS YAR BYON PAS LONGS SPYOD KYI CHU YIN ZER BA'I RDZING BU MANG PO 'DUG PA GZIGS SHING KHYAD PAR GLANG CHEN RI GDONG DU RDZING BU MANG PO'I 'GRAM NA RJE RIN PO CHE BZHUGS NAS 'DI RNAMS THOS BSAM GYI RDZING BU YIN PAS THUNGS GSUNG BA SOGS KYI LTAS YA MTSAN CAN BYUNG ZHING PHYI NANG GI RTEN 'BREL 'GRIG PA NA, NYID KYI DGUNG LO SO BRGYAD BA ME PHO SPRE'U'I LO LA DPAL LDAN 'BRAS SPUNGS KYI CHOS SDE CHEN PO BTAB, CHOS RJE RANG GDAN SAR BZHUGS NAS GRVA TSANG SO SOR SLOB DPON BSKO BA MDZAD CING, GZHIS KHA SNE'U NAS LO LO BZHIN SMON LAM CHEN MO DANG GDUGS DKAR 'DZUGS PA, DBYAR TSUL DGUN TSUL LTAR CHAGS PA, GZIM KHANG DANG 'CHAD NYAN KHANG TSOR NA BZA' GSOL CHAS NA MA DGOS SU PHUL BA LAS DGON BA MA BAS BU DGA' BA 'ONG BAR LUNG BSTAN PA LTAR GRVA TSOGS BCA' KHRIMS BSHAD NYAN SOGS PHUN TSOGS MTHA' DAG GONG NAS GONG DU 'PHEL BAR GYUR, CHOS NAM TSUGS SU MDO PHYOGS KYI PO TI BRGYAD BRGYAD RANG RANG GI 'GREL PA BOD t'IKA RE DANG SBYAR NAS GSUNG BA GNANG ZHING, SPYIR NA GZHUNG LUGS KYI PO TI CHEN MO BRGYA DANG SUM CU LA THUGS BSHAD MDZAD, GSANG 'DUS 'PHAGS LUGS, BDE MCHOG

, ,L'U NAG DRIL GSUM, DGYES RDOR, DGRA 'JIGS GSHED GSUM, MI G-YO BA, SGROL MA SOGS YI DAM GYI LHA MANG PO'I BSNYEN PA RGYUN DU MDZAD PA DANG, ZHAG RE LA AA RA PA TZA NA TSAR STONG PHRAG GNYIS RE DANG; MTSAN BRJOD TSAR GSUM RE, THUGS RJE CHEN PO'I GZUNGS YIG DRUG KHRI TSO RE BZLA BA 'CHAG MED DU MDZAD PAS PHYIS DUNG PHYUR GNYIS LHAG PAR LONGS, MTSAN NYID PA GCIG LA MA nI SONG BANG MANG ZHES GSUNG, DE LTAR LHA'I BSNYEN SGRUB LA 'GRUS PAR MDZAD PAS DBUS NA RJE BTZUN 'JAM DBYANGS, G-YAS NA MGON PO KLU SGRUB, G-YON NA ZHI BA 'TSO, MDUN NA RJE RIN PO CHE NGO CHEN GYI RNAM PA CAN DU 'KHOD PA ZHIG GI GZIGS SNANG DNGOS SU RGYUN MAR 'BYUNG BA DANG, MNAL LAM DU 'PHAGS PA KLU SGRUB GTZO 'KHOR, CHOS RGYAL SRONG BTZAN SGAM PO YAB YUM, RJE RIN PO CHE, YE SHES MGON PO PHYAG DRUG PA, LCAM DRAL, RGYAL CHEN BZHI SOGS KYIS RJES SU BZUNG BA'I MTSAN MA BYUNG BA SOGS BSAM GYIS MI KHYAB BO, ,RJE RIN PO CHE'I MAN NGAG LTAR RIM GNYIS KYI RNAL 'BYOR MTHAR PHYIN PAR MDZAD PAS BDE STONG DBYER MED KYI RDZOGS RIM ZAB MO THUGS RGYUD LA MNGA' BAS, RLUNG 'OD ZER LNGA PA'I KHA DOG GSAL BAR GZIGS PA SOGS SGYU LUS 'GRUB PA'I MTSAN MA THOB STE, RGYUD DANG GRUB CHEN GYI GZHUNG SHES PA ZHIG GIS BLTAS NA BSAM GYIS MI KHYAB PA'I RNAM THAR RO, ,'PHRAL GYI MDZAD SPYOD KYANG PHYAG TU BYUNG BA'I DNGOS PO

RNAMS CHA GSUM DU BGOS NAS CHA GCIG GIS PHYAG DPE DANG RTEN GSUM BZHENG, CHA GCIG GIS NAD BA RNAMS KYI PHYIR DU SMAN SBYIN MDZAD, CHA GCIG GIS GZIM KHANG GI THAB SPYOD DANG SLOB MA SKYONG BAR MDZAD DO, ,DE NAS DGUNG LO BDUN CU PA SA 'BRUG GI DGUN CHOS KYI MJUG LA, RTZE KHA BAS GDAN DRANGS NAS ZHAG SHAS BZHUGS, SLAR 'BRAS SPUNGS SU PHEBS NAS BSLAB BTUS KYI BRTZON 'GRUS LE'U'I MJUG CHOS THUN GNYIS KYIS RDZOGS PAR MDZAD LA, DE NI BRTZON 'GRUS MTHAR PHYIN ZHES PA'I DON TE, SKU TSE DE LA 'BRAS SPUNGS SU CHOS 'KHOR BSKOR BA'I THA MAR BYUNG SNANG, DUS DE NAS SKU CUNG ZAD BSNYUN PAS PHEBS BZHUGS DKA' BAR YOD NA'ANG BSTAN PA DANG SEMS CAN LA DGONGS TE RIM PAS GZHIS KHAR LO GSAR DANG LHA SAR SMON LAM CHEN MO'I GRAL DBUR PHEBS NAS JO BO RNAM GNYIS DANG, BCU GCIG ZHAL SOGS MJAL DUS DA LAN MIN PA AE MJAL MI SHES GSUNG, THUGS MDUN DRAG PO'I SGO NAS SMON LAM DPAG TU MED PA MDZAD, 'BRAS SPUNGS LA PHEBS ZHOR PO TA LAR ZHAG GSUM BZHUGS, NANG SO DANG YON MCHOD BZHUGS GDAN LA 'KHOD DUS SHIG ,CHOS RJE'I ZHAL NAS, RJE BTZUN GRAGS PA'I MNGON RTOGS LJON SHING DU; ;'DI DAG STON PA'I BLA MA'I BKA' DRIN NO, ,DRAN PA'I TSE NA DANG PAS MCHI MA LHUNG, ,ZHES GSUNGS TE RJE RNAM GNYIS KYI THUGS RGYUD NI MI SHES, GSUNG RAB NI RIM LNGA GSAL SGRON NYID ZLA DANG BRAL BAS MCHI MA LHUNG NA 'DI

, ,LA LHUNG RGYU YIN TE DA LEGS PAR 'CHAD PA DKON, BSTAN PA'I MJUG MA RNAM DAG CIG 'DUG STE 'JU MKHAN MI 'DUG ,DA NGED RANG GI KHA STABS NI 'DI LTAR SONG, GSUNGS NAS GSUNG 'DAR, SPYAN CHAB MANG PO MDZAD PAS NANG SO DPON BLON YANG SPYAN CHAB MANG PO LHUNG BAR SNANG, 'BRAS SPUNGS SU PHEBS NAS NANG SO DPON BLON DANG GRVA BU SLOB RNAMS KYIS ZLA BA SPREL NAS SKU RIM RGYA CHEN PO BSGRUBS SHING ZHABS PAD BRTAN DGOS PA'I ZHU BA PHUL BA NA NYID KYI ZHAL NAS, MDANGS RJE RIN PO CHE PHEBS NAS NGED RANG GNYIS RGYA NAG TU 'GRO RI BO RTZE LNGAR SGRUB PA BYED GSUNG BAS, DE RJE RIN PO CHE LA SDE SNOD GSUM DANG RGYUD SDE BZHI GSUNG GIN BZHUGS ZHUS DANG GSUNGS NAS PHYAG THAL MO SBYAR, SPYAN CHAB MANG PO'ANG MDZAD DO, ,DE NAS HOR ZLA GNYIS PA'I MJUG LA NUB CIG MNAL LAM DU RJE RIN PO CHE PHEBS NAS RJE BTZUN 'JAM PA'I DBYANGS KYI PHYAG DRIL YIN GSUNG BA ZHIG GNANG, DA KHYOD NGO GNYIS SDOD GSUNG BA ZHIG RMIS PA DRUNG 'KHOR BA RNAMS LA GSUNGS BAS, KHONG RNAMS ZLA BA DANG LO GANG YIN LA MA DON YANG DON LA ZLA BA YIN SNANG, DE NAS MYA NGAN LAS 'DA' BA'I LTAS BYUNG BA NA GZIM CHUNG DU PHEBS TE ZHABS GNYIS SKYIL KRUNG DANG PHYAG GNYIS MNYAM GZHAG MDZAD NAS THUGS DAM LA THUGS GTAD PAS SKU SMAD NAS DROD YAR LA RIM GYIS SDUD PA'I TSE RJE BTZUN 'JAM DBYANGS KYI ZHAL GZIGS BRIS SKU DE SKU MDUN DU SPYAN DRANGS, RJE BTZUN PHEBS YOD

LAGS ZHUS PAS SPYAN GYIS NI MA GZIGS, DBU DUD PA ZHIG MDZAD, CUNG ZHIG LON PA NA DA MI DGONGS PAR 'DUG SNYAM NAS BRIS SKU DE SKU RGYAB G-YON PHYOGS SU GDAN DRANGS PAS JI LTAR SPYAN DRANGS PA LTAR BRIS SKU LA SPYAN GDANGS TE AOG SKO SKU DPUNG G-YON PA'I STENG DU BZHAG NAS ZHAG 'GA' BZHUGS PAS PHAL CHER GYIS SKU'I GZI MDANGS LA DPAGS NAS 'KHRUL BA'ANG SKYES, DE NAS SA MO SPRUL LO DE'I ZLA BA BZHI PA SA GA ZLA BA'I TSES BCO BRGYAD LA DGA' LDAN CHOS KYI PHO BRANG MI PHAM RGYAL BA'I MDUN SAR RJE 'JAM DPAL SNYING PO'I ZHABS DRUNG DU PHEBS SO, ,PHYI RABS KYI GDUL BYA RNAMS KYI DON DU RJE'I DGONGS PA GSAL BAR MDZAD PA'I BRTZAMS CHOS KYANG RJE THAMS CAD MKHYEN PA'I GSANG BA'I RNAM THAR GSOL 'DEBS, SHES RAB KYI PHA ROL TU PHYIN PA'I DON TSANG LA MA NOR BA LAS DANG PO PAS NYAMS SU BLANG BDE BA, RJES RA SGRENG DU BSLAB BTUS GSUNGS PA'I ZIN BRIS, ZAB LAM GTUM MO'I GZHUNG KHRID; NYID KYI RGYUN GYI KHA TON MDZAD RGYUR 'JAM DBYANGS LA BSTOD PA, DUS 'KHOR RGYUD 'GREL GYI BRDA CHAD, BDE MCHOG NYUNG DU'I RGYUD LA LE'U NGA GCIG YOD PA'I LE'U DANG PO'I RGYUD DON MDOR BSTAN, RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID, GSANG 'DUS RIM LNGA GDAN RDZOGS KYI DMAR KHRID KHRID YIG LA MI GSAL BA RNAMS BRJED BYANG DU BRIS PA, GSANG 'DUS RIM LNGA GDAN RDZOGS KYI KHRID

, ,YIG; GSANG 'DUS RIM LNGA GSAL SGRON GYI SKABS SU NYE BAR MKHO BA 'GA' ZHIG BRJOD PA LA SOGS PA MANG DU YOD DO, ,'JAM DBYANGS CHOS RJE ZHING GSHEGS PA DE'I TSE NA MKHA' SHIN TU DANGS PA LA 'JA' DKAR PO DANG, KHA DOG SNA LNGA'I GUR LCAGS SGROG LTAR 'BREL BA, 'BRAS SPUNGS NAS DGE LDAN GYI BAR LA SHAR PA DANG, LHA'I ME TOG GI CHAR MANG DU BABS PA SOGS SKYE BO KUN GYI MIG LAM DU BYUNG NGO, ,SKU GDUNG NI BSHAD GRVA YUN RING DU GNAS PA'I RTEN 'BREL DU DNGUL GYI MCHOD RTEN NANG NA MA NYAMS PAR BZHUGS TE CHOS GRVA CHEN PO DPAL LDAN 'BRAS SPUNGS KYI GTZUG LAG KHANG NA BSOD NAMS KYI ZHING DU BZHUGS SO,, ` ,,BYAMS CHEN CHOS RJE SH'AKYA YE SHES NI, RGYAL BA ZHES PA SHING PHO RTA'I LO SNRON ZLA'I YAR NGO'I TSES GCIG GI NYIN TSAL GUNG THANG DU TSAL PAR GRAGS PA'I DPON RIGS SHIG TU SKU 'KHRUNGS, GZHON NU NYID NAS SNGON GYI SKYE GNAS MANG PO RJES SU DRAN PA SOGS MNGON PAR RTOGS PA'I YON TAN KYIS PHYUG NA'ANG, BLA MA MKHAS PA'I DBANG PO DU MA BSTEN NAS RGYAL BA'I GSUNG RAB MTHA' DAG LA MKHAS PAR SBYANGS TE MTHAR PHYIN PAR MDZAD, KHYAD PAR DU RJE BTZUN TZONG KHA PA CHEN PO'I SPYAN SNGAR MDO SNGAGS KYI ZAB KHRID MANG PO GSAN TE MKHAS PA'I DBANG BOR GYUR, DE DUS SU RGYA NAG GONG MA YUNG LO RGYAL POS CHOS KYI RGYAL PO TZONG KHA PA CHEN PO'I SNYAN PA GSAN NAS GONG MA'I RGYAL KHAB TU GDAN 'DREN PA'I PHYIR BLON PO HA'U ZHEN SOGS T'A ZHING BZHIS GTZO

BYAS GSER YIG PA MI SNA MANG PO MNGAGS TE LUNG DANG GNANG SBYIN 'BUL BA GYA NOM DANG BCAS KHYER NAS TZONG KHA PA CHEN PO GDAN 'DREN LA BTANG YANG, RJE RIN PO CHE SER CHOS SDINGS SU SKU MTSAMS SHIN TU DAM PAR MDZAD PA'I SKABS SU GSER YIG PA RNAMS SLEBS BYUNG BA LA, DANG POR CUNG ZAD DBEN PA 'DRAR MNGON CHUNG BAR BZHUGS TE GSER YIG PA RNAMS MJAL DU MA GNANG BA LA, ZHU BA NAN GYIS PHUL BAS SE RAR PHEBS NAS MJAL KHA GNANG, 'BUL BA RNAMS BZHES RGYA YUL DU 'BYON PA DGAG BYA CHE ZHING DGOS PA CHUNG BA'I RGYU MTSAN DANG BCAS PA'I ZHAL TA T'A ZHING RNAMS LA ZHIB RGYAS GNANG NAS RJE RIN PO CHE SPYAN MA 'DRONGS PAR RJE NYID KYI SKU TSAB TU LAS 'BREL GYI DBANG GIS SPRUL BA'I SKU BYAMS CHEN CHOS RJE MNGAGS PA GDAN DRANGS TE BLA MA GRVA SLOB T'A ZHING MI BZHI MI SNA MANG PO DANG BCAS LHO KHA KHAMS PHYOGS MI THANG BRGYUD NAS RIM GYIS RGYA NAG GONG MA'I PHO BRANG DU PHEBS TE YUNG LO RGYAL PO MJAL, GONG MA CHEN POS KYANG SRID ZHU BSNYEN BKUR PHUN SUM TSOGS PA MDZAD, DE NAS GONG MA RGYAL POS BYAMS CHEN CHOS RJE LA RGYAL KHAB 'DIR RGYAL BA TZONG KHA BA'I BSTAN PA'I SNYING PO RNAMS DAR BA ZHIG BYA 'DOD PAS MDO SNGAGS KYI CHOS SPYI DANG KHYAD PAR RGYUD SDE BZHI'I DKYIL 'KHOR CHEN PO RNAMS BSGRUB CING MCHOD PA BYED DGOS PA'I BKA' LUNG GNANG, DE NAS BYAMS CHEN CHOS RJES LO GSAR NAS DPYID ZLA 'BRING PO'I TSES 'GOR CHOG GRVA GSANG 'DUS DGYES RDOR BDE MCHOG

, ,'KHOR CHEN 'JIGS BYED ZHE DGU MA SMAN BLA RNAMS KYI SGRUB MCHOD KYI STA GON BTZUGS TE TSES DGU NAS BZUNG ZLA BA GSUM GYI BAR DU SGRUB MCHOD MDZAD DO, ,GRUB PA'I RTAGS NA MKHA' LA LHA'I ROL MO'I SGRA DANG, KHA DOG SNA LNGA'I 'JA' 'OD 'KHYIL ZHING DBYIBS RGYAL MTSAN LTA BU DANG, RDO RJE 'KHOR LO PADMA SNA TSOGS RDO RJE LTA BU SHAR BA RNAMS SKYA SER KUN GYIS MNGON SUM DU MTHONG, SPRIN MED PA'I NAM MKHA' LAS LHAS ME TOG GI CHAR 'BEBS PA SOGS LTAS KHYAD PAR CAN MANG DU BYUNG ZHING, RGYAL PO'I RMI LAM DU PHYOGS BCU'I SANGS RGYAS BYANG SEMS THAMS CAD HE YIN ZI'I NAM MKHAR BKRA LAM GYIS BZHUGS PA YANG YANG RMIS PA YANG BYUNG GSUNGS, CHOS RJE RANG NYID KYIS KYANG DKYIL 'KHOR LHA TSOGS RNAMS KYI ZHAL YANG YANG GZIGS, DE NAS GONG MA CHEN PO THUGS DAD TSAD MED PA SKYES TE GSER GYI 'KHOR LO YOD PA'I THAM KA 'BUL BA TSAD MED PA DANG BCAS GNANG STE BSNGAGS BRJOD GZENGS BSTOD MDZAD, DE NAS RGYAL PO'I DGUNG LO KHRI TSO KHRI TSOR SPEL BA'I PHYIR DU GRUB PA'I RGYAL MO'I LUGS KYI TSE DBANG RJES GNANG, GRUB CHEN TEE LO PA'I LUGS KYI BDE MCHOG 'CHI BA MTHAR BYED KYI DBANG BSKUR TE SPYI BOR BUM PA BZHAG PAS BDUD RTZIS BUM PA GANG STE 'PHYUR PAR KUN GYIS MTHONG BA BYUNG ZHING TSE RIL SOGS LA 'OD 'TSER BA LA SOGS PA'I GRUB RTAGS YANG MANG PO

BSTAN; ;RGYAL PO SHIN TU YA MTSAN TE GUS PA CHER MDZAD, RIN PO CHE GSER DNGUL GYI PHRAS BRGYAN PA'I BZHUGS KHRI, YI RTZI MDUN LCOG ,ZHABS STEGS BZHUGS STAN SOGS 'BUL BA TSAD MED PA GNANG, GZHAN YANG RGYA HOR GYI YUL GRU DE RNAMS SU RAB BYUNG BSNYEN RDZOGS, KHYIM PA RNAMS LA BSNYEN GNAS DANG DGE BSNYEN GYI SDOM PA SBYIN PA DANG, RANG RANG GI BLO DANG 'TSAM PA'I CHOS BSTAN NAS RJE RIN PO CHE'I BSTAN PAS PHYOGS DE KHYAB PAR MDZAD, DE NAS PHYOGS NAS CHED DU 'ONGS TE MJAL PHRAD BYED PA'I BLA DPON SKYE BO SER SKYA CHE PHRA THAMS CAD KYIS 'BUL BA ZHABS TOG PHUN SUM TSOGS PA BSGRUBS SHING DE DAG SO SO'I SKAL BA DANG 'TSAM PAR RAB BYUNG BSNYEN RDZOGS, DBANG LUNG RJES GNANG KHRID MAN NGAG BSNYEN GNAS SMYUNG GNAS KYI SDOM PA SOGS RANG RANG GI 'DOD MOS LTAR TSIM PAR STZAL TE SMIN CING GROL BAR MDZAD, DE NAS GONG MA RGYAL PO LA RGYAL BA TZONG KHA PA ZHAL MJAL BA DANG, MCHOD CING BSNYEN BKUR BA DANG, CHOS ZAB MO MANG PO'I BKA' DRIN ZHU BA SOGS KYI CHED DU DBUS GTZANG DU PHYIN CHOG PA DGOS ZHES DGONGS PA ZHU BAR MDZAD PAS, GONG MA CHEN POS KYANG DGONGS PA KHROL TE, GONG NAS GSER YIG PA SKYEL BA'I MI SNA DANG BCAS PHABS TE SHAN ZE'I LAM CHEN BRGYUD NAS RIM PAS LI THANG BYAMS CHEN CHOS 'KHOR SOGS NAS BOD YUL DBUS KYI SE RAR PHYAGS PHEBS TE RJE RIN PO CHE DANG MJAL, RGYAL POS GNANG BA'I GNAS BCU'I

, ,THAGS SKU, LJON SHING GI GUR, GSER DNGUL GYI MAndAL LA RIN PO CHE'I TSOM BU DANG BCAS PA, GOS DAR SNA TSOGS GTOS CHE BA PHUL NAS ZHABS BRTAN GSOL 'DEBS KYANG MDZAD, JO BO SH'AKYA MU NE RA GSER 'BUL ,MGUL RGYAN MCHOD CHA'I RIGS, RI BO DGA' LDAN GYIS GTZOS DGE 'DUN RNAMS LA 'GYED MANG JA SOGS GNANG, MI SNA LDOG DUS RGYAL PO LA LEGS GSOL ZHU 'BUL BYAS; MI SNA RDZONG BA MDZAD, DE NAS SNGA MO NAS RJE RIN PO CHE SE RAR BZHUGS DUS, RTZA SHE, DRANG NGES RNAM 'BYED, BZHI BRGYA PA, BYANG CHUB LAM RIM, GSANG SNGAGS LAM RIM GYI KHRID, RTZA LTUNG BCU BZHI PA DANG BLA MA LNGA BCU PA'I RNAM BSHAD GNYIS LA SOGS PA'I CHOS MANG PO GSAN NA'ANG , SLAR YANG DPAL GSANG BA 'DUS PA'I 'GREL PA SGRON GSAL MCHAN BU DANG BCAS PA, BSHAD RGYUD 'GA' ZHIG GI LUNG, RIM LNGA'I KHRID, SBYOR BA YAN LAG DRUG PA'I KHRID RGYAS PA, DUS 'KHOR GYI 'GREL CHEN DRI MED 'OD KYI BSHAD PA CHES ZHIB PA, N'A RO CHOS DRUG , DBU MA 'JUG PA, TSAD MA RNAM 'GREL, BDE MCHOG RTZA BA'I RGYUD LA SOGS PA'I CHOS ZAB CING RGYA CHE BA DPAG TU MED PA GSAN, DE NAS LO RE BZHIN GONG MA CHEN POR MTSAMS ZHU DANG CHOS KYI GDAMS PA GONG NAS GONG 'PHEL DU MDZAD, GONG MA CHEN

POS KYANG LO RE BZHIN GSER YIG 'BUL NOD GYA NOM PA DANG BCAS STZAL ,DE NAS RJE RIN PO CHE ZHING GSHEGS PA LA NYE BA'I TSE, STOD LUNG GI CHAB TSAN DANG, DE NAS 'BRAS SPUNGS SU BYON, DE NAS LHA SAR BYON PA'I TSE BYAMS CHEN CHOS RJE 'DI PAS RJE RIN PO CHE SE RAR GDAN 'DREN BYED PA'I GRABS KYANG SGRIGS TE SPYAN DRANGS NAS SE RA CHOS SDINGS SU BZHUGS, BSNYEN BKUR TSAD MED PAS MCHOD, DE'I TSE RJE RIN PO CHES BYAMS CHEN CHOS RJE 'DI PA LA SE RAR DGE 'DUN GYI SDE BTZUGS NAS BSHAD SGRUB RKANG TSUGS PA ZHIG BYED DGOS PA'I BSLAB STON ZHAL TA RGYAS PAR GNANG ZHING, KHYAD PAR GANGS RI'I KHROD 'DIR SNGAGS KYI RGYUD SDE LA 'CHAD NYAN RNAMS PAR DAG BA NUB PAR GYUR NAS RING ZHIG LON, RJE RIN PO CHE NYID KYIS BSHAD PA RNAM PAR DAG PAR MDZAD PA'I GSUNG GI BDUD RTZI NYAMS SU MYONG BA'I BLO GROS KYI LUS YONGS SU TSIM PA MANG DU BYON MOD KYI, DE LTA NA YANG DA DUNG RGYUD SDE'I 'CHAD NYAN RKANG TSUGS PA'I GRVA SA GZHI THINGS PA SNGON CHAD MED PAS, DE 'DRA BA'I 'CHAD NYAN GYI GZHI RNAM PAR DAG PA TSUGS NA CI MA RUNG SNYAM DU BSTAN PA 'BA' ZHIG LA DGONGS PA'I THUGS KYI 'DUN PA SHUGS DRAG POS DE'I TSE BYAMS CHEN CHOS RJE 'DI PA LA BDE GSANG GNYIS KYI 'CHAD NYAN RKANG TSUGS PA'I SNGAGS GRVA ZHIG 'DZUGS PA'I ZHAL TA GNANG STE, BYAMS CHEN CHOS RJE 'DI PAS KYANG RJE RIN PO CHE'I BKA'

, ,BZHIN DU SGRUB PA'I THUGS KHUR RGYA CHER BZHES NAS, SE RA CHOS SDINGS SU GZHI 'DUL BA'I BSLAB KHRIMS RNAM PAR DAG PA LA BRTEN TE DPAL GSANG BA 'DUS PA DANG, BDE MCHOG GI RTZA RGYUD LA 'CHAD NYAN RKANG TSUGS PA'I GRVA SA RNAM PAR DAG PA 'DZUGS PA'I ZHAL BKOD DANG, CHOS DPON BSKO BA LA SOGS PA MDZAD CING RTEN 'BREL KHYAD PAR CAN SGRIG PA'I CHED DU GNAS DER GSO SBYONG MDZAD, RGYUD KYI RGYAL PO GNYIS KYI DBU NAS CHOS THUN RE GSUNGS PA LA SOGS PA RTEN 'BREL BSGRIG PAR MDZAD PA LA BRTEN TE SE RA THEG CHEN GLING BTAB, DE NAS RING POR MA LON PAR RJE RIN PO CHE GZHAN DON DU GSHEGS PA'I GDUNG MJAL RGYAN MCHOD ME SOGS GDUNG MCHOG RGYA CHEN PO MDZAD, SE RA CHOS SDINGS SU BYAMS CHEN CHOS RJE RANG NYID KYIS GTZOS DGE 'DUN MANG PO DANG BCAS GSANG BDE 'JIGS GSUM GYI DKYIL 'KHOR CHEN PO DAG ZHAL PHYE NAS, BLA MA RDO RJE 'CHANG DANG THA MI DAD PA LA PHYI NANG GSANG BA'I MCHOD PA RGYA CHEN POS MNYES PAR BYAS SHING, BDAG NYID 'JUG CING DBANG BLANG BA LA SOGS PAS DAM TSIG DANG SDOM PA RNAM PAR DAG PAR BGYIS TE, THUGS KYI DGONGS PA YONGS SU RDZOGS PA DANG, BLA MA MCHOG GI YE SHES KYIS GZIGS PA NAM DU YANG

'BRAL BA MED PA'I SMON LAM RGYA CHEN PO BTAB PAS NGO MTSAR BA'I LTAS MANG DU BYUNG STE, NAM MKHA' 'JA' YANG YANG SHAR BA DANG ME TOG GI CHAR YANG YANG BABS, BYI LO ZLA BA BCU PAR DGE LDAN DU RDO RJE 'DZIN PA BRGYA PHRAG DU MAS DKYIL 'KHOR DPAG TU MED PA BSGRUB CING MCHOD PA'I DUS KYI MCHOD PA BSGRUBS PA DE'I TSE DPON NAM MKHA' BZANG PO KHU DBON PA'I DRUNG NAS, RA KHA BRAG TU CHOS RJE BYAMS CHEN PA 'DIS GTZO BO MDZAD PA'I DGE BA'I BSHES GNYEN DU MA SPYAN DRANGS NAS DUS KYI MCHOD PA RGYA CHEN POR MDZAD DE GSOL BA BTAB PAS ME TOG GI CHAR BABS PA NI, ME TOG MU TIG GI MDOG LTA BU CHUNG DU SA LA KHA BA LTAR CHAGS PA DANG GZHAN YANG 'DAB MA DRUG PA LA SOGS PA KHA CIG GI MDOG NI DUNG DANG, KHA CIG NI GSER BTZO MA, KHA CIG NI MI KHRI LTA BU, KHA CIG NI RGYA MTHING BZANG POS BYUGS PA LTA BU MI'I LAG PA'I KHYON TZAM DPAG TU MED PA BABS SO, ,BYAMS CHEN CHOS RJE 'DIS RJE RIN PO CHE'I DGONGS RDZOGS SU MCHOD 'BUL MDZAD PA LA DE LTA BU'I RTAGS NGO MTSAR CAN 'BYUNG BA NI BYAMS CHEN CHOS RJE 'DI NYID RJE RIN PO CHE'I THUGS RJE'I BYIN RLABS ZHUGS PA'I SKYES BU DAM PA GZHAN DANG MI 'DRA BA ZHIG YIN PA'I RTAGS TE RNAM PAR THAR PA NGO MTSAR BA YIN NO, ,DE NAS SLAR YANG GONG MA CHEN PO YUNG RGYAL POS GDAN DRANGS TE RGYA NAG TU PHEBS,

, ,RGYAL PO CHOS DANG ZANG ZING GIS MNYES PAR BYAS, RGYA NAG GI YUL DU RDZU 'PHRUL GYI BKOD PA MANG DU BSTAN CING, RJE RIN PO CHE'I RING LUGS DRI MA MED PA PHYOGS KUN TU RGYA CHER SPEL, RJE RIN PO CHE'I THUGS BSKYED DANG BYAMS CHEN CHOS RJE NYID KYI SNGON GYI SMON LAM GYI DBANG GIS RGYA NAG THE RDZUNG YUNG LO RGYAL PO NAS ZON TE RGYAL PO'I BAR RGYAL RABS BZHIS MCHOD PA'I DPAL YON BLA NA MED PA MDZAD DE, DGUNG LO BRGYAD CU GYA GNYIS BZHES PA SHING MO YOS LO ZLA BA BCU PA'I TSES BCO BRGYAD KYI NYIN BU CHEN K'O SHI AA MO GHA DANG BSOD NAMS SHES RAB RNAM PA GNYIS LA ZHAL BKOD GNANG STE, PHYI NANG GI DO DAM MDZAD NAS SKU MTSAMS LA BZHUGS TE, THUGS DAM MDZAD, NYI SHU BZHI LA MDZO MO MKHAR DU ZHING GSHEGS SO, ,DE NAS YONGS KYI DGE BA'I BSHES GNYEN MANG POS DGONGS PA YONGS SU RDZOGS PA'I PHYIR DGE RTZA RGYA CHEN PO BSGRUBS SHING GDUNG MCHOD RGYA CHEN PO NYIN ZHAG BZHI BCU ZHE DGU'I BAR DU BSGRUBS DE'I TSE NAM MKHA' LA 'JA' 'OD 'KHRIGS SHING, LHAS ME TOG GI CHAR PHAB PA SOGS NGO MTSAR BA'I LTAS MANG DU BYUNG NGO, ,KHRA SA'I ZHES BYA BA'I SA CHA DER K'O SHRI DPAL LDAN PAS GTZOS DGE BA'I BSHES GNYEN MANG PO'I TSOGS DANG BLON CHEN MI CHEN DMAG DPON MI DPON SOGS SKYA SER MANG PO 'DUS NAS SKU GDUNG ZHUGS 'BUL MDZAD PA LA K'O SHRI DPAL LDAN PAS ME SBOR BA'I STANGS

KA CAM BYAS PA LA ME RANG 'BAR DU SONG ZHING, 'JA' TSON SNA LNGA'I GDUGS DANG RGYAL MTSAN BA DAN BKRA SHIS RTAGS BRGYAD KYI DBYIBS LTA BU'I LTAS BZANG KHYAD PAR CAN NAM MKHA'I KHAMS GANG BAR BYUNG BA KUN GYIS MTHONG ZHING NGO MTSAR BA'I GNAS SU GYUR TO, ,RJE RIN PO CHE'I THUGS SRAS BSTAN 'DZIN DAM PA SNGAR SMOS PA DE DAG THAMS CAD TSUL KHRIMS RNAM PAR DAG PA BYANG CHUB LAM GYI RIM PA LA NYAMS LEN SNYING POR MDZAD PA SA LAM GONG NAS GONG DU BGRONG BZHIN PA DANG 'GA' ZHIG LAM GYI BGROD PA MTHAR PHYIN TE SPRUL PAS 'GRO DON MDZAD PA, DAM NYAMS DANG 'CHAL PA DANG 'DRA CAN GYIS MA BSLAD PA RNAM THAR GTZANG BA, LUNG DANG RTOGS PA'I YON TAN GYIS MNGON PAR MTHO BA ,BSTAN PA LA BYA BA MDZAD PA SHA STAG BZHUGS TE, 'DIR MTHA' DAG BRI MA NUS LA, MKHAS GRUB SMRA BA'I NYI MA DGE LEGS DPAL BZANG DANG, BA SO CHOS KYI RGYAL MTSAN DANG, RJE BTZUN SHES RAB SENG GE DANG, THAMS CAD MKHYEN PA DGE 'DUN GRUB PA RNAMS NI LAM RIM BLA BRGYUD DU BZHUGS PAS DE DAG GI RNAM THAR RNAMS NI SO SO'I BRGYUD RIM DU 'CHAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS RGYAL BA SRAS BCAS KUN GYI MKHYEN BRTZE NUS GSUM GCIG TU BSDUS PA'I NGO BO CHOS KYI RGYAL PO TZONG KHA PA CHEN PO LA GSOL BA 'DEBS PA LHUR BYA ZHING, RJE BDAG NYID CHEN PO'I RNAM THAR LTAR GANG NYAMS SU BLANG BAR BYA BA'I

, ,GNAS RNAMS LA SHING RTA CHEN PO'I GZHUNG NAS 'BYUNG BA'I DRI MA MED PA'I RIGS PAS NGES PA RNYED PAR BYA BA DANG, JI LTAR NGES PA'I DON LA DBEN PA'I GNAS SU TSE 'DI'I KHRI BA BCAD DE SGRUB PA SNYING POR BYA BA DANG, BSTAN PA'I RTZA BA SO SOR THAR PA'I BCAS MTSAMS RNAMS MIG GI 'BRAS BU LTAR BSRUNG BA GZHIR BYAS NAS RGYAL BA'I BKA' DANG SHING RTA CHEN PO'I GZHUNG RNAMS GDAMS PA'I MCHOG TU 'KHYER BAR BYA BA DANG, LAM GYI YAN LAG PHRA MO RE LA ZHEN PA MIN PAR LAM GYI LUS YONGS SU RDZOGS PA LA SLOB PA DANG, MDO SNGAGS GNYIS TSA GRANG LTAR 'GAL BAR SONG BA MIN PAR GCIG GROGS SU GCIG 'GRO BAR BYAS LA BSHES GNYEN BSTEN TSUL NAS BZUNG MTHAR THUG GI 'BRAS BU MI SLOB PA'I ZUNG 'JUG GI BAR SA LAM 'BRAS BU DANG BCAS PA YONGS SU RDZOGS PA RANG GI RGYUD LA SBYAR TE NYIN RE BZHIN BAG CHAGS CI THEBS BYA BA LA SKYES BU'I RTZA LA CI YOD KYIS 'BAD PAR BYA'O,, ` ,,RJE BTZUN 'JAM PA'I DBYANGS KYI BKA' GRUB PAS, ,MDO RGYUD RGYA MTSO'I DPAL LA DBANG BSGYUR ZHING, ,BLO BZANG CHOS KYI MDUN SA MDZES PA'I RGYAN, ,'JAM DPAL RGYA MTSO'I ZHABS LA GSOL PA 'DEBS, ,ZHES BSNGAGS PA GRUB PA'I DBANG PHYUG 'JAM DPAL RGYA MTSO BA NI, MDO SMAD TZONG KHA'I YUL DU ME PHO SPRE'U'I LO SKU 'KHRUNGS, SNGON GYI BAG CHAGS BZANG PO'I

MTHU BRTZAS PAR GYUR PAS GZHON NU NYID NAS DAM PA'I CHOS 'TSAL BA'I THUGS BSAM KHO NA BYUNG NAS, ZLA BA SGRON MA'I MDO LA SOGS PA'I MDO DANG BSTAN BCOS MANG PO THUGS LA BZUNG, KHYAD PAR ZLA BA SGRON MA'I MDO RGYUN DU ZHAL 'DON DU MDZAD, SNGON YUN RING PO NAS LAM LA GOMS PA'I MTHUS SKU TSE 'DIR GZHAN GYIS BSKUL BA LA MA LTOS BAR NGES 'BYUNG GI BSAM PA SHUGS DRAG POS RGYAL BA'I BSTAN PA LA RAB TU BYUNG NAS KHAS BLANGS PA'I BCAS MTSAMS RNAMS MIG GI 'BRAS BU LTAR BSRUNG ZHING, DE'I TSE DAM PA'I CHOS KHO NAS THUGS DRANGS PAS DGUNG LO BCO BRGYAD TZAM LA DBUS SU PHEBS, GRVA SA RNAMS SU BZHUGS NA SO SO'I LAS TSAN DANG MI MANG GIS G-YENG DOGS NAS DAL 'BYOR RNYED DKA' DANG NAM 'CHI CHA MED DRAN PAS RGYUD BSKUL TE RTAG TU DU LTAR CHOS 'TSOL BA'I 'DUN BA SKYES TE DGE BA'I BSHES GNYEN MANG PO'I ZHABS LA GTUGS NAS MDO SNGAGS KYI LUNG MAN NGAG RNAMS GSAN ZHING KHYAD PAR RJE BTZUN TZONG KHA PA CHEN PO'I ZHABS LA GTUGS TE MAN NGAG RNAMS GSAN NAS TSE MJUG SGRUB PA MTHAR PHYIN PA ZHIG BYED DGONGS PA NAR MAR BYUNG, DE NAS RJE RIN PO CHE BDE BA CAN DU RGYUD BLA MA GSUNG GIN 'DUG PA GSAN DU BYON PAS LEGS PAR GO BA BYUNG GSUNGS, DE NAS RJE RIN PO CHES SGRUB PA SNYING POR BYED PA LA LAM CHA TSANG LA GO BA RNYED DGOS, DE 'ONG BA LA SHING RTA CHEN PO'I GZHUNG RNAMS LA SBYANGS NAS DRI MA MED PA'I RIGS PAS LAM DANG LAM MIN 'BYED

, ,THUB BA ZHIG DGOS PAS TSAD MA LA SOGS PA'I GZHUNG LUGS RNAMS LA SLOBS GSUNG BA'I BKA' PHEBS PA NA RJE RIN PO CHE'I BKA' LTAR BSGRUBS TE G-YANG PHU LA SOGS PA'I GRVA SA MANG POR GZHUNG LUGS RNAMS LA SBYANGS TE 'DRIS PAR MDZAD CING, KHYAD PAR RJE RIN PO CHE NYID LA GZHUNG LUGS RNAMS GSAN TE RIGS PA'I LAM SROL RNYED PAR MDZAD, DE LTAR GZHUNG CHEN MO RNAMS LA THUGS SBYONG MTHAR PHYIN PAR MDZAD DE DA NI SGRUB PA RTZE GCIG TU BYA DGONGS NAS SGOM KHRID RNAMS BLA MA MANG PO LA GSAN ZHING BSGOMS NAS MYONG BA THON PAR MDZAD, KHYAD PAR SKYOR MO LUNG DU BLA MA DBU MA PA DANG RJE RIN PO CHES 'JAM DBYANGS CHOS SKOR GYI BDE MCHOG GNANG BYUNG BA BSGOMS PAS RMI LAM DU RI BO RTZE LNGA SOGS YUL KHAMS MANG POR BYON PA SOGS BYUNG GSUNG, DE NAS BLA MA YON BZANG BA'I SAR BZHUGS DUS SU DA STE 'JIG RTEN MI DANG MI BSRE, SE MO DO 'AM KHA CHE'I YAN LAG GAN BHO LA'I SGRUB GNAS SU PHYIN LA TSE DANG SGRUB PA MNYAM PA ZHIG BYA DGONGS PA BYUNG, DE DUS RJE RIN PO CHE YANG GTZANG PHYOGS LA PHEBS BLA MA DBUS PA DANG MJAL, RJE BTZUN GYI ZHAL TA LA NYAN BSHAD LAS BYA BRAL GYIS GSUNG BA BYUNG NAS DE LA THUGS THAG BCANG, RJE RIN PO CHE SLAR GTZANG NAS PHEBS, DE DUS BLA MA 'DI PA'I THUGS LA RJE RIN PO CHE BYA BRAL MDZAD NA RJE'I PHYAGS PHYIR 'BRANG DGOS, DE LAS LHAG PA RANG GZHAN DU

PHYIN YANG MI 'ONG SNYAM NAS MJAL DU BYON, LO RGYUS ZHUS PAS, NGED KYANG SGRUB PA BYED KHYED RANG YANG LAM 'BRAS KYI CHA LAG LHAG MA RNAMS ZHUS LA SHOG GSUNG BAS DE LTAR MDZAD NAS BYON GSUNGS, RJE RIN PO CHES BYA BRAL LA 'BYON PA'I 'KHOR JI LTAR 'THANG RJE BTZUN LA ZHUS DUS, BLA MA 'DI PA DANG BLA MA 'JAM DKAR BA, BLA MA SHES RAB GRAGS, BLA MA RIN RGYAL PA, SLOB DPON BZANG SKYONG, BLA MA BYANG SENG BA, BLA MA 'JAM DPAL BKRA SHIS, DPON PO DPAL SKYONG RNAMS KHRID GSUNG BA BYUNG 'DUG ,DE NAS DPON SLOB RNAMS STOD LUNG NAS DVAGS PO PHYOGS LA 'BYOR PAR CHAS, CHU GZHUNG LA MKHAR LTAG LA LKOG PAR DU BYON, DE NAS 'OL KHAR BYON PAS 'OL KHA RDZONG DPON GYIS 'GO BYAS THAMS CAD DAD NAS LO KHA YAR BZHUGS PA'I ZHU BA PHUL, CHOS LUNG DU RJE RIN PO CHES SPYIL PO ZHIG LA BZHUGS, GZHAN BYINGS POS BONG SPYIL RE LA BRTEN NAS BZHUGS, DE DUS BKA' GDAMS PA RNAMS KYI PHYAG LEN LTAR LAM THUN MONG BA LA GTZO BOR BLO SBYANGS PA DANG, SO SO THAR PA'I 'DUL KHRIMS LA GZHI BYAS THUN MONG BA NAS RIM PAS BRTZEGS PA MIN PA DANG PO NAS SNGAGS LA ZHUGS KYANG GNYIS MED SENG GE 'ONG BAR DGONGS NAS SNGAGS KYI YIG CHA DANG THANG SKU SOGS KYANG KHYER BA MED, BLA MA 'DIS LAM 'BRAS ZHUS PA DANG RJE BTZUN LA MOS PAS THANG SKU CHUNG CHUNG GCIG DANG LAM 'BRAS KYI GZHUNG BSHAD GCIG GDAN DRANGS GZHAN YE MED GSUNG, BLA MA DBU MA BAS

, ,THOG MAR BLA MA 'DI NYID LA RJE BTZUN GYI SGRUB SKOR RNAMS BYIN GSUNGS PAS, RJE RIN PO CHES BLA MA 'DI LA RJE BTZUN 'JAM DBYANGS KYI SGRUB SKOR RNAMS RIM CAN DU TSANG BAR GNANG, JI LTAR GNANG BA LTAR RTZE GCIG TU SGRUB BA MDZAD PAS RJE BTZUN 'JAM PA'I DBYANGS KYI SKU DANG GSUNG GI SNANG BA GSAL ZHING BRTAN PA NAR MAR BYUNG, PHYIS MGAR PHUG TU GZHAN RNAMS LA'ANG GNANG STE BSGRUBS PAS BYIN RLABS KYI MTSAN MA BYUNG GSUNGS, DE DUS ZHAG BDUN BDUN RJE'I ZHABS TOG BYED RES BYAS TE BLA MA 'DI'I RES SHIG DBU MA PA'I LUNG BSTAN BYUNG TSUL THOR BU ZHIG GNANG BA'I 'KHOR GZHAN RNAMS LA'ANG GNANG BAR ZHU ZHUS NAS GZHAN RNAMS KYANG BOS, MCHOD PA BSHAMS TE DE GSUNG BAR GSOL BA BTAB NAS GSUNGS PAS, THAMS CAD BLO 'KHRUL TE RJE RIN PO CHE DANG, BLA MA 'JAM DKAR BA GNYIS LA BYINGS POS ZHU BA PHUL TE DKA' THUB MDZAD DU MA BCUG ,GZHAN RNAMS KYIS SHUGS PA'I DKA' THUB BYAS, DE YANG THOG MAR BLA MA 'DI BAS BRTZAMS, TSUL KHRIMS LA GUS PAS RIL BU'I RTA SING POS BYED PA 'DUG STE CHU LA BYAS, GZHAN RNAMS LA RIL BU BRGYAD CU TZAM RE DGOS PAR 'DUG ,BLA MA 'DI LA SUM CU TZAM RES CHOG BAR BYUNG, STAG RTZE PAS CHAS KA LONGS ZER TE, DE DUS SKYO SHAS CHE DRAGS PAS MI DANG SNANG BA MI BSTUN CI BYED BSAM NAS MA BLANGS PAR LO GSUM TZAM SHUG 'BRU'I BCUD LEN LA BRTEN GSUNGS, DE'I RGYU MTSAN GYIS BLA MA 'DI LA SHUG

'BRU PA BYA BAR GRAGS, DE LTAR BDAG NYID CHEN PO 'DIS RJE RIN PO CHE SGRUB PA'I MCHOD PAS MNYES PAR MDZAD, YUN RING DU BSTEN NAS GSUNG RAB THAMS CAD KYI SNYING PO'I DON GCIG TU BSDUS PA'I MAN NGAG BYANG CHUB LAM GYI RIM PA MAN NGAG ZHAL SHES GEGS SEL BOGS 'DON DANG BCAS PA DANG, GSANG BDE 'JIGS GSUM SOGS BSKYED RDZOGS KYI KHRID MAN NGAG ZHAL SHES GEGS SEL BOGS 'DON DANG BCAS PA DANG ,ZAB LAM GCOD KYI CHOS SKOR CHA LAG DANG BCAS PA DANG, LHAG PAR DGA' LDAN SNYAN RGYUD KYI LTA KHRID CHA LAG DANG BCAS PA SOGS GDAMS NGAG THAMS CAD RDZOGS PAR THOB, THE TSOM GYI DRA BA MTHA' DAG CHOD PAR MDZAD, RJE BTZUN 'JAM PA'I DBYANGS KYIS RJE RIN PO CHE DANG, BLA MA 'DI PA DGA' LDAN GYI LHA KHA SHAS BCAS LA MDO SNGAGS GNYIS KA'I LAM GYI GNAD BSDUS PA'I SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM CHEN MO DANG BCAS PA GNANG NAS SPRUL PA'I GLEGS BAM CHEN MO BLA MA 'DI'I PHYAG TU PHEBS, RJE RIN PO CHE'I GDUL BYA 'PHRIN LAS THAMS CAD SA 'UR RDO 'UR DU RDOL BA NA 'DI PAS SGRUB PA RTZE GCIG PA NYID KYIS THUGS DRANGS NAS, DA NI NGA RANG DBEN GNAS SHIG BTZAL NAS SGRUB PA BYA DGONGS TE MAL GRO RGYAL STENG DU THOGS GCIG BZHUGS, DE NAS SPANGS MKHAN POS GDAN DRANGS TE, RI RTZE'I KHANG GCIG MOR RE SHIG BZHUGS, DE NAS SPANG SA SPYAN SNGAS DBEN GNAS SE BA RONG GI GZIM KHANG PHUL BAS DER BZHUGS TE SPYAN

, ,SNGAS GTZO MDZAD SKAL LDAN RNAMS LA BYANG CHUB LAM GYI RIM PA SOGS CHOS MANG DU GSUNGS, DE NAS DGONGS PA LA 'ON KYANG 'PHAGS PA'I GO 'PHANG MA BRNYES BAR DU CHOS 'CHAD PA SOGS GZHAN LA PHAN CHUNG ZHING SANGS RGYAS SGRUB PA'I BAR CHAD YIN PAR DGONG SNAS BUG SGO 'DAG SBYAR GYIS DUS 'DA' BAR MDZAD, GSER DANG BONG BA SNYOMS DGRA GNYEN NYE RING SNYOMS CHOS BRGYAD 'GO SNYOMS, RNYED BKUR SNYAN GRAGS LA BLTA BA'I 'DOD PA NGAN BA RGYANG RING DU DOR TE BSAM GTAN GYI 'KHOR LOS DUS YOL BAR MDZAD DO, ,DE'I TSE RJE BTZUN 'JAM DBYANGS KYI SKU GSUNG THUGS KYI SNANG BA YOD TSUL SNYAN GRAGS CHES PAS PHYOGS NAS MKHAS BTZUN BZANG GSUM DANG MI DRAG ZHAN YO 'ONG NAS LUNG BSTAN ZHU BAS PHAL MO CHE LA MJAL KHA MI 'ONG ,RE RE TZAM MJAL DU BYUNG BA LA'ANG DANG PO NAS MTHA' 'GOG RANG MDZAD DE, YI DAM GYI ZHAL GZIGS PA SOGS YE MI MNGON PAR MDZAD, DE DUS PHAG MO GRUB PA'I MI DPON CHEN PO RNAMS DANG, KHYAD PAR 'OL KHA RDZONG DPON GYIS RANG RANG GI BSTI GNAS SU SPYAN 'DREN PA'I ZHU BA DANG, DBEN GNAS KYANG SO SOS GANG BZHED 'BUL BAS PHEBS PA'I ZHU BA PHUL DUS NGA DBEN GNAS 'DIR SU GANG GI'ANG NGO 'DZIN BYED MI DGOS 'TSO BA'ANG MTHA' GNYIS PRAL BAR SPYOD PA 'DI BSGYUR NAS DE NA BAR CI BYED, KHONG TSO'I ZHABS TOG DE 'DRAS MI 'TSENGS PAR SROG KHAG 'KHUR DGOS

PA 'ONG GSUNGS NAS PHEBS MA BZHED LAN CIG DGE BSTEN GCIG NA RE, DRUNG NAS MI RNAMS MJAL DU 'ONGS PA NA BKA' BKYON RE BYON BTANG BAS DGA' 'ONG BAR 'DUG, DAR KHA CHE MJAL DU BYUNG BA LA'ANG KHYOD 'BRI KHUNG PA'I SA KHOG 'DIR PHYI BKRUG NANG DKRUG YO BYED PAR SNANG GSUNGS NAS BKYON BAS, KHONG DRUNG NAS NGA LA THUGS TSA LA SBYAR BA'I GSUNG BYON ZER KYIN DGA' NAS SONG ZHUS PAS, NGAS SU GANG GI'ANG NGO 'DZIN MA MYONG BA YIN GSUNGS, DE LTAR CHAGS SDANG DGRA GNYEN GYI PHYOGS RIS MI MNGA' BAS 'DI 'DRA ZHIG DANG 'THAB RTZOD KHON 'DZIN 'DUG CES PA DE DUS KYI SKYE BO SUS KYANG MA TSOR, SDUG BSNGAL DANG DKA' SPYAD LA BZOD PA'I MTHU CHE BAS DUS THAMS CAD DU MGO 'AM GOS LA ME SHOR BA LTA BU'I BRTZON 'GRUS RTZOM PAR MDZAD, TSOGS CHOS SOGS GSUNG BAR ZHUS DUS CHOS NGA RANG LA 'CHAD DGOS PAR 'DUG, THOG MAR MI LA SNYING RJE BYED PA BAS RANG LA SNYING RJE BYED DGOS PA 'DUG GSUNGS NAS TSIG GSUNGS TSAD GO RGYU CHE BA DON 'DRIL BA CHOS MI 'CHAD GSUNG YANG GSUNGS TSAD CHOS KYI GNAD ZAB DGU 'BA' ZHIG TU 'ONG BA, GSUNG GANG 'BYON YANG RDO BCAG PA'I 'PHRO BZHIN DU SLAR LDOG TU MED PA CIG 'ONG, KHYAD PAR DU'ANG SNGAGS LA DAM DOG CHE BAR MDZAD, BDAG NYID CHEN PO 'DI THUGS KYI DPYAD PA GZHAN DANG MI 'DRA BA MNGA' BAS RJE RIN PO CHES KYANG BLA MA 'DI'I ZHU 'BUL SOGS LA ZOS MDZAD PA YIN PAR SNANG NA GZHAN GYIS LTA CI SMOS, RJE'I SKU MDUN DU

, ,GSHIBS PA'I BSHES GNYEN CI RIGS LA'ANG SDE BAN TSO GSUNG GIN BKA' BKYON, KHONG TSO SHES RAB CHE STE NGA DAD PA CHE ZHES GSUNG, GZHAN YANG PHYAG RDZAS CI BYUNG YANG GSOG PA YE MI MDZAD, GZHAN GYI BZHIN THAB KHA DANG BZA' BTUNG LA GTONG BA YE MI MDZAD BAR DGE PHYOGS SU GTONG, 'PHRAL DU'ANG SKYE BO THAMS CAD RLAG PAR BYED PA'I RANG BZHIN CAN 'DOD PA'I NYES DMIGS KHO NA GSUNG BAR MDZAD, DRI BA NI RJE BTZUN 'JAM DBYANGS LA CI BZHED ZHUS PAS CHOG PA DANG, RANG NYID YON TAN LA MNGA' BRNYES PAS NAD GDON BAR CHAD ZHI BA DANG TSE DANG BSOD NAMS RGYAS PA DANG GZHAN DBANG DU SDUD PA DANG, DRAG PO'I LAS SOGS JI LTAR BZHED PA BZHIN 'GRUB PAS RJE RIN PO CHE DANG, CHOS RJE 'DUL BA PA SOGS KYI'ANG SKU TSE BSRING BA'I CHO GA DANG, SKU RIM JI LTAR BSGRUB PA SOGS THAMS CAD BLA MA RIN PO CHE 'DI NYID KYIS LUNG STON CING GZHAN YANG BSTAN PA LA PHAN PA'I BSHES GNYEN CI RIGS LA'ANG LUNG STON PA DANG, DON CHEN POR 'GYUR PAR SNANG NA KHYIM PA CI RIGS LA'ANG PHAN THOGS MDZAD, TSUL KHRIMS KYI DBANG DU BYAS NA SDOM PA GSUM GYI NYES LTUNG PHRA MOS KYANG MA GOS PAR SPYAN GYI 'BRAS BU BZHIN DU BSRUNG BAR MDZAD, DUS THAMS CAD DU BRJED PA MED PA'I DRAN PA KHYAD PAR CAN MNGA' ZHING MNYEL BA'I RGYU 'DU 'DZI DANG RNAM G-YENG RGYANG RING DU SPANGS TE DUS THAMS CAD DU SGO GSUM GYI SPYOD PA LA SO SOR RTOG PAR

MDZAD, ZLA BA BYUNG NGO COG GI PHYED NA KHYAD PAR DU'ANG SGO GSUM GYI BYA BA LA BRTAGS NAS NYES PA BYUNG BA THAMS CAD LA MTHOL BSHAGS DANG, PHYIN CHAD SROG LA BAB KYANG MI BYED PA'I SDOM SEMS BTANG NAS GSO SBYOD BYA BA'I TSUL NAM YANG MA CHAG PAR MDZAD PAS BLANG DOR LA G-YEL PA'I BAG MED PA NI MI MNGA', DE LTAR SDOM PA GSUM LA RANG BZHIN DANG BCAS PA'I KHA NA MA THO BA'I DRI MA DANG BRAL BAS NYON MONGS PA'I RGYU BA 'GAGS TE ZHI ZHING DUL BA'I MCHOG TU GYUR TO, ,'OL KHA BSAM GTAN GLING DU RJE RIN PO CHES GSANG 'DUS KYI BSKYED RDZOGS GSUNGS NAS BSGOMS PAS GTZO 'KHOR THAMS CAD LA GSAL SNANG THON, BSKYED RDZOGS KYI GNAD ZAB MO ZHIG LA TSOGS 'KHOR BSHAMS GSER GYI MAndAL PHUL NAS ZHUS PAS GNANG, BSKYED RDZOGS LA SNOD BCUD THAMS CAD LA THA MAL GYI SNANG ZHEN BKAG PA DE DGOS, NGAS KYANG DE DUS ZHAG NYI SHU RTZA DRUG TU SBYANGS PAS BYUNG GSUNG, NYIN MTSAN KHOR YUG TU BYANG SEMS 'DZAG MED DU BZUNG BAS SKU LUS LANG TSO DAR LA BAB PA LTA BUR DKAR LA DMAR BA'I MDANGS CHAGS PA MNGA' BA BDE STONG GI TING NGE 'DZIN BRTAN PO BRNYES PA'I YON TAN DU SNANG ZHING, DGUNG LO BDUN CU LON DU SU'ANG, KHYOD KYI ZHAL GYI PADMA DANG, ,PADMA NYI MAS KHA BYED BA, ,BUNG BAS MTHONG NA PADMA NI, ,THE TSOM DBYANG THAG LA 'JUG 'GYUR, ,ZHES GSUNGS PA LTAR ZHAL RAS KHA BA'I GONG BU LTAR DKAR BA LA MKHUR

, ,CHOS KYI RTZE LA MTSAL BYUGS PA LTA BU'I MDANGS DANG LDAN ZHING, 'BYON BZHUGS SOGS LA'ANG ZOR YANG ZHING, SKU LUS MDA' LTAR DRANG ZHING SGUR KYOG GI RNAM PA YE MI MNGA' 'O,, DE LTAR BDE STONG GI TING NGE 'DZIN GYI YON TAN KHYAD PAR CAN THOB NA CHU NANG DU ZLA BA'I SNANG BRNYAN 'CHAR BA LTAR SANGS RGYAS BYANG SEMS MANG PO RANG GI NGANG GIS MTHONG BA YIN GSUNGS PA LTAR BLA MA RIN PO CHE 'DI LA'ANG SKU TSE SNGON ROL DU MA NAS RJE BTZUN 'JAM DBYANGS KYIS 'BRAL MED DU RJES SU 'DZIN PA'I RGYU TSOGS YOD PA DANG, SKU TSE 'DIR YANG RJE BTZUN 'JAM PA'I DBYANGS LA DAD PA DANG, RJE BTZUN GYI SKU RTZE GCIG TU BSGOMS PA'I TING NGE 'DZIN BRTAN PO LA MNGA' BRNYES PA'I GNAD KYIS, RJE BTZUN LA NAM BZHED DU MJAL NAS THUGS KYI THE TSOM THAMS CAD GCOD PA MDZAD, CI RIGS KYI NYAMS SNANG LA SANGS RGYAS BYANG SEMS MANG PO MTHONG BA DANG GSUNG 'BYON PA SOGS 'ONG YANG RMI LAM BZHIN DU 'KHRUL SNANG DU SONG NAS YID BRTAN MI THUB PA YIN PAR SNANG, BLA MA 'DI'I DE RNAMS LA RJE RIN PO CHES KYANG BRTAG DPYAD MANG DU MDZAD, KHYAD PAR CHOS KYI GNAD ZAB MO'I DRI BA MDZAD PA RNAMS KYI LAN 'PHYUG MED DU 'ONG BAS THUGS CHES NAS, THE TSOM GYI DRI BA RNAMS 'DI PA LA DRIS NAS GZOD THAG CHOD SOGS MDZAD PA YIN PAR SNANG, RJE RIN PO CHE SKU KHAMS BSNYEL BA DVANGS

PA'I SKABS SHIG RJE BTZUN 'JAM PA'I DBYANGS GZIGS PAS, DA PHYIN CHAD BSKYED RDZOGS KYI RNAL 'BYOR LA 'BAD NA RTOGS PA KHYAD PAR CAN 'BYUNG SLOB MA SKAL LDAN BDUN LA'ANG RTOGS PA KHYAD PAR CAN SKYE'O GSUNG BA LA, RJE'I ZHAL NAS NYAMS SNANG YIN NAM RTOGS LDAN PA LA 'DRI DGOS DGONGS PA NA BLA MA 'DI PAS RJE RIN PO CHE LA DA RJE BTZUN LA BSKYAR MA ZHU DGOS PA MED DE, LAM DE THUGS LA 'KHRUNGS PA'I RGYU BDE STONG GI YE SHES KHYAD PAR BA SNGAR NAS 'KHRUNGS ZIN, DA PHYI'I RKYEN ZHING SKYES KYI PHO NYAS GROGS MDZAD PA'ANG MYUR DU 'ONG BAS LAM DE MYUR DU 'KHRUNGS PA ZHIG 'ONG ZHES RJE BTZUN 'JAM PA'I DBYANGS GSUNG ZHUS PAS THUGS CHES PAR SNANG, YANG BLA MA'I 'DI'I GSUNGS NAS, RJE'I DRUNG DU BUD MED, ,DZES MA GOS YID DU 'ONG BA GYON PA THANG ZHVA DMAR BO LA LEB GYON BYAS PA CIG DUS RGYAN DU 'ONGS TE LHA'I RNAM PAR MI 'ONG, DE SNOD MIN LA SNGAGS KYI GSANG BA BSTAN PA'I SKYON YIN PAR SNANG, L'U AI PA'I 'GREL PA 'DOD 'JO BRTZAMS PHYIN CHAD RDO RJE RNAL 'BYOR MA LA SOGS PA'I RNAM PAR 'ONG, GROGS KHYAD PAR CAN MDZAD PA YIN PAR SNANG, TING 'DZIN PIR LEGS MA LA SOGS PA'I MCHOD GLU 'DI YANG GDANGS DANG BCAS BA DGA' LDAN GYI GTZUG LAG KHANG BZHENG DUS LHA MO RNAMS KYIS 'THEN GYIN 'DUG PA GZIGS PA YIN PAR SNANG GSUNGS, BLA MA 'DIS RJE BTZUN 'JAM DPAL DBYANGS LA RJE RIN PO CHE'I RNAM THAR ZHUS PAS, RJE'I

, ,RNAM THAR BSAM GYIS MI KHYAB RNAM THAR GYI GTZO BO CHOS RAB TU RNAM 'BYED KYIS CHOS ZAB MO THAMS CAD THUGS SU CHUD CING, DNGOS STOBS RIGS PAS GZHI LAM 'BRAS GSUM THAMS CAD THUGS SU CHUD PA 'DI YIN, GZUNGS SPOBS TING 'DZIN MNGON SHES RDZU 'PHRUL SOGS LA SKYE BA DU MA NAS MNGA' BRNYES SHING 'JAM DBYANGS KYIS RTAG TU RJE SU BZUNG, SANGS RGYAS DBANG PO'I TOG GI DRUNG DU RDO RJE THEG PA SOGS BSTAN PA MTHA' DAG RGYAS PAR BYED PAR DAM BCAS, SMON LAM BTAB PAS PHYOGS BCU'I SANGS RGYAS THAMS CAD KYIS DE LTAR BYIN GYIS BRLABS, SANGS RGYAS SENG GE'I NGA RO ZHES PAR GYUR TE GDUL BYA THAMS CAD TSE GCIG GIS SANGS RGYAS LA 'GOD, DE DA LTA NAS BSGOMS TE DE'I ZHING DU SKYE BA'I SMON LAM LA BRTZON PAR BYAS NA DAG PA'I ZHING DER SKYES NAS SANGS RGYAS 'GRUB GSUNGS, DER RJE BTZUN 'JAM PA'I DBYANGS KYIS JI LTAR GSUNGS BA LTAR RGYAL BA SENG GE'I NGA RO'I SKU'I RNAM PA YID LA BYAS TE DAD GUS CHEN POS RTZE GCIG TU SGOM PA LA BRTZON 'GRUS MDZAD PAS SANGS RGYAS SENG GE'I NGA RO ZHAG BCU GCIG GI BAR CHES GSAL BA BYUNG, GSOL BA BTAB SMON LAM 'GRUB PA'I RTAGS BYUNG GSUNGS, SLOB DPON BZANG SKYONG BA'I ZHAL NAS RJE RIN PO CHES RJE BTZUN 'JAM PA'I DBYANGS GZIGS DUS SKU'I GZI BRJID CHEN PO, GSUR CHER MI 'BYON BA DE 'DRA ZHIG YOD PAR SNANG, BLA MA RIN PO CHE 'DI PA'I DE GSUNG YANG YANG

'BYON PA CIG YOD PAR SNANG GSUNGS, DE LTAR BLA MA BDAG NYID CHEN PO 'DI LUNG DANG RTOGS PA'I YON TAN DPAG TU MED PA LA MNGA' BRNYES KYANG, SPYIR YON TAN THAMS CAD SHES RAB LA RAG LUS PA DANG, KHYAD PAR SRID PA'I RTZA BA GCOD PA SHES RAB NYID LA RAG LUS SHING, SHES RAB KYANG THOS PA LAS 'BYUNG BAR DGONGS NAS LEGS PAR BSHAD PA 'TSOL BA LA NGAL BA MED PA'I BRTZON 'GRUS MDZAD, DE LTAR RGYU TSOGS TSANG BA'I NYAMS LEN LA 'BAD PAS THUN MONG DANG THUN MONG MA YIN PA'I RTOGS PA THAMS CAD THUGS RGYUD LA 'KHRUNGS, NGAN SONG DU MI SKYE BA LA SOGS PA'I GDENGS TSAD CHEN PO RNYED PAR SNANG STE DANG LDAN 'GA' ZHIG GIS BLA MA 'DI PA LA, DE LTA BU'I SGRUB PA DAR DRAG LA YUN RING BA MDZAD PAS RTOGS PA KHYAD PAR CAN ZHIG BRNYES LAS CHE ZHES ZUR GYIS ZHUS DUS, GZHAN YON TAN CANG YANG MED PHYI MA NGAN SONG DU MI SKYE THAG CHOS SNYAM PA 'DI YOD, NA NING 'CHI LA KHAD PA CIG BYUNG DUS RLUNG SDUD LUGS LA BRTAGS NA YANG NGAN SONG DU 'GRO BA'I RLUNG SDUD LUGS MI SNANG GSUNG, MDO SNGAGS KYI CHOS KYI GNAD LA RGYUS CHUNG BA CI RIGS KYI BLO LA NGAN SONG DU MI SKYE BA'I GDENGS 'DRA BA KHAM CHE RGYU MED SNYAM PA 'ONG STE GSUNG RIS 'DI DAG LA RGYAL BA'I BKA' DANG, SHING RTA CHEN PO'I GZHUNG LA 'DRIS PA'I MKHAS PA DAG GIS BRTAGS NA BSAM GYIS MI KHYAB PA'I RTOGS PA MTHON PO MNGA' BA'I RTAGS TE, DE YANG NGAN 'GRO'I SDUG BSNGAL RGYU BCAS NI MTHONG

, ,SPANGS YIN PAR SHING RTA CHEN PO'I GZHUNG LAS BSHAD LA, DES NA NGAG SONG GI SDUG BSNGAL RGYU BCAS SPANGS PA NI MTHONG LAM THOB PA YIN PA DANG, SPANGS BA MIN YANG NGAN SONG DU MI SKYE BA'I GDENG THOB PA NI, BZOD THOB NGAN SONG YONG MI LTUNG, ,ZHES GSUNGS PA LTAR SBYOR LAM BZOD BA THOB NAS NGAN SONG DU MI LTUNG PA'I GDENG THOB PA YIN PAS BLA MA BDAG NYID CHEN PO 'DI NI RGYUD TSOD DE TZAM DU PHEBS PA'O, ,DES NA THEG PA CHEN PO'I TSOGS LAM CHEN PO THOB PA'I TSE NA CHOS RGYUN GYI TING NGE 'DZIN THOB STE MCHOG GI SPRUL SKU'I ZHAL MNGON SUM DU MTHONG BA DANG, DPAG TSAD BRGYA TSUN CHAD KYI RDUL PHRA RAB YAN CHAD KYI GZUGS MTHA' DAG MNGON SUM DU MTHONG BA DANG, SROG CHAGS GROG SBUR TSUN CHAD KYI SEMS RGYU BA SHES PA SOGS MNGON PAR SHES PA DANG, GZUNGS DANG SPOBS PA DANG, TING NGE 'DZIN DANG SHES RAB BSAM GYIS MI KHYAB PA THOB PAR GSUNGS NA, THEG PA CHEN PO'I SBYOR LAM THOB PA'I TSE DE LAS BRGYA 'GYUR GYIS LHAG PA'I YON TAN THOB DGOS SO, ,DON 'DI 'DRA LA DGONGS NAS, DGE BA'I BSHES GNYEN SNYUG RUM PA CHEN POS, NGAS THEG CHEN TSOGS LAM CHEN PO'I YON TAN GSANG BA CIG BSHAD NA, DA DE LAS LHAG PA'I SANGS RGYAS LA YON TAN JI LTA BU YOD SNYAM PA 'ONG GSUNGS, DE LTAR GRUB PA'I DBANG PHYUG 'JAM DPAL RGYA MTSO BA 'DIS 'JAM MGON BSTAN PA'I SGRUB RGYUD KYI CHU 'GO BTZUGS TE, RJE BLA

MA'I BSHAD SGRUB KYI BSTAN PA CHU KLUNG CHEN PO GANG G'A LTAR NAM YANG RGYUN 'CHAD PA MED PA'I RTEN 'BREL BSGRIGS, THUB PA'I BSTAN PA RIN PO CHE NAM YANG MI NUB PA'I RGYAL MTSAN BTZUGS, SRAS KYI THU BO SNYAN RGYUD 'DZIN PA'I BKA' BAB BA SO CHOS KYI RGYAL MTSAN LA SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA GTAD, THUGS KYI SRAS MCHOG SPYAN SNGA BLO GROS RGYAL MTSAN SOGS BSTAN 'DZIN DAM PA MANG PO LA MDO SNGAGS KYI MAN NGAG RNAMS RGYA CHER SPEL TE SKU TSE 'DI'I MDZAD PA PHAL CHER RDZOGS PA NA DPA' BO G-YUL LAS RGYAL BA 'AM TSONG PA KHE SPOGS GRUB PA LTAR DAL BA'I RTEN LA SNYING PO NI BLANGS, SKU TSE 'DIR SGRUB DGOS PA'I DGONGS PA THAMS CAD NI RDZOGS, RJE BLA MA GANG DU BZHUGS PA'I ZHING KHAMS DGA' LDAN CHOS KYI PHO BRANG DU GSHEGS PAR DGONGS TE, DGUNG LO BDUN CU RTZA GSUM BZHES PAS PHO SPRE'U'I LO DE YANG SNGA SOR ZLA BA GNYIS PA LA SGRUB MCHOD RE MDZAD CING DUS KYANG CHES LNGA DRUG NAS 'DZUGS PA YIN NA'ANG, DE LO ZLA BA DANG PO LA BTZUGS, DE YANG TSES GCIG RANG NAS TSUGS GSUNGS NAS BTZUGS PA'I NYIN RANG BDE BAR GSHEGS, DE'I TSE NGO MTSAR BA'I LTAS MANG DU BYUNG NGO, ,SKU GDUNG NI RIL POR SPANGS BA RNAMS KYIS DAD PA'I RTEN DU GSER 'BUM BZHENGS TE BZHUGS NAS GSOL BA 'DEBS PA'I RTEN DU BZHUGS SO, ,RJE GRUB PA'I DBANG PHYUG 'DI LA RJE RIN PO CHE'I SLOB MA PHAL CHER GYIS GUS 'DUD MDZAD PAS SLOB MA BSAM GYIS

, ,MI KHYAB BA YOD KYANG RGYUD 'DZIN GYI GTZO BO NI, RJE BTZUN 'JAM BA'I DBYANGS KYIS LUNG BSTAN PA SNYAN RGYUD BSTAN PA'I BDAG PO BA SO CHOS KYI RGYAL MTSAN DANG, RGYAL SRAS DPA' BO SPYAN SNGA BLO GROS RGYAL MTSAN GNYIS SO, ,BA SO CHOS KYI RGYAL MTSAN GYI RNAM THAR NI 'CHAD PAR 'GYUR LA, ,SPYAN SNGA BLO GROS RGYAL MTSAN NI LHAS LUNG PA GRA NAM KHANG ZHES BYA BAR DGYER BRAM ZE LHAS GNANG GI RIGS SU, YAB DGYER DBON PO CHOS SKYABS DANG, YUM JO MO BLA 'BUM GNYIS KYI SRAS SU CHU PHO RTA'I LO SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS BRTAS BAS 'KHRUNGS TZAM NYID NAS SRID PA MTHA' DAG LA ZHEN PA LOG BA'I NGES 'BYUNG SHUGS DRAG POS RGYUD BSKUL TE CHOS KHO NA YID LA SEMS PHA LAS BYA BA GZHAN GANG YANG MI SEMS BA ZHIG BYUNG ZHING, DGUNG LO BDUN PA'I DUS SU KHU BO SPYAN SNGA RIN CHEN KUN DGA' BLO GROS PA'I DRUNG DU RAB TU BYUNG , MTSAN BLO GROS RGYAL MTSAN DPAL BZANG POR GSOL, RAB TU BYUNG MA THAG NAS SO THAR GYI BCAS MTSAMS RNAMS MIG 'BRAS LTAR BSRUNG ZHING, MKHAS GRUB THAMS CAD MKHYEN PA DANG, CHOS RJE BLO GROS PA SOGS DAM PA MANG PO'I ZHABS LA GTUGS TE TSAD MA DANG, PHAR PHYIN DANG, 'DUL BA DANG, MNGON PA DANG, DBU MA RNAMS LA SBYANGS PA MTHAR PHYIN PAR MDZAD DE, GTZANG DBUS KYI GRVA SA RNAMS SU GRVA SKOR MDZAD, DGUNG LO NYI SHU LON PA'I TSE TSOGS

CHEN PO'I MKHAN PO YON TAN RIN CHEN PAS MKHAN PO DANG, LAS SLOB SLOB DPON NOR BZANG BA DANG, GSANG STON SOGS DGE 'DUN RNAM PAR DAG PA RNAMS KYI DBUS SU, BSNYEN PAR RDZOGS PAR MDZAD NAS GNAS BRTAN 'OD SRUNGS CHEN PO SLAR YANG LJONGS 'DIR BYON PA LTA BUR GYAR TO, ,DE NAS MAL GRO SPANG SAR RJE GRUB PA'I DBANG PHYUG 'JAM DPAL RGYA MTSO BA'I ZHABS DRUNG DU BYON TE, BSAM SBYOR GNYIS KYIS TSUL BZHIN DU BSTEN NAS RJE BTZUN TZONG KHA PA CHEN PO'I MDO SNGAGS KYI MAN NGAG RNAMS YONGS SU RDZOGS PAR GSAN, DE DUS RJE BTZUN 'JAM PA'I DBYANGS KYIS RJE GRUB PA'I DBANG PHYUG 'JAM DPAL RGYA MTSO BA LA BLA MA 'DI LA SNYAN RGYUD KYI MAN NGAG RNAMS MTHIL PHYIN PAR BSTAN DGOS PA'I LUNG BSTAN BYUNG BA LTAR RJE BTZUN DAM PA 'JAM DPAL RGYA MTSO BAS BLA MA 'DI LA GZHAN SU DANG YANG MI MNYAM PA'I MTHONG MDZAD DE GCES PAR BSKYANGS TE MAN NGAG MTHA' DAG RDZOGS PAR GNANG, DE NAS SEMS DPA' CHEN PO 'DIS TSE 'DI'I GNYEN LUS LONGS SPYOD GANG LA'ANG MA CHAGS PAR DBEN BA'I GNAS RNAMS SU SGRUB PA LA RTZE GCIG TU GZHOL BAR MDZAD PAS LAM THUN MONG BA DANG THUN MONG MIN PA'I RIM PA THAMS CAD LA RTOGS PA'I GDENG THOB, DE NAS SKAM DGON GYI GDAN SAR GDAN 'DREN YANG YANG ZHUS KYANG SRID PA'I PHUN TSOGS SRIN MO'I SLU BRID LTAR GZIGS NAS 'JIGS SHING SKRAG PAS BYOL THABS MDZAD DE PHEBS MA BZHED PAR DBEN BA'I GNAS SU SGRUB PA RTZE GCIG TU

, ,MDZAD, SKAM DGON GYI GDAN SA BA LAN BZHI TZAM BRJE RES KYI SEMS DPA' CHEN PO 'DI LA THAMS CAD KYIS GSOL BA BTAB KYANG PHEBS TU MA BZHED, LAN BZHI BA'I DUS SU PHYOGS DE'I GRVA BU SLOB SKYA SER TSANG MAS MGRIN GCIG TU GDONG MCHI MA DANG BCAS TE GTZUG LAG KHANG GI LDE MIG PHYAG TU PHUL TE DA GDAN SA 'DI'I BDAG PO MDZAD KYANG KHYED MKHYEN, MI MDZAD KYANG KHYED MKHYEN, ZHES GSOL BA BTAB PA NA RJE RIN PO CHE'I BSTAN RGYUN LA DGONGS NAS PHYIN CHAD 'JIG RTEN GYI BYA BYED GANG LA'ANG THE MI DGOS PA DANG, CHOS PHYOGS NAS BKA' GANG GNANG ZHU BA DANG, BKA' GDAMS KYI RNAM THAR GTZANG MA BSRE BSLAD MED PAR SKYONG BA SOGS KYI RTZIS KA BZUNG NAS ZHAL GYIS BZHES TE GDAN SAR PHEBS, DE NAS RGYUN BAR KHOR YUG TU SKU MTSAMS MDZAD CING, YAR NGO MAR NGO'I GSO SBYONG LA PHEBS TE CHOS GNANG, DUS DUS SU LAM RIM GYI KHRID DANG BLO SBYONG GI KHRID SOGS GNANG, JO BO RJE DPAL LDAN AA TI SHA DANG RGYAL BA TZONG KHA BA CHEN PO GNYIS KYI GSER SKU BZHENGS TE MCHOD PA TSAD MED PAS MCHOD PA DANG, NAM YANG MI NYAMS PA'I MCHOD PA'I RGYUN BTZUGS, GZHAN YANG SKU GSUNG THUGS RTEN MANG DU BZHENGS SHING DE DAG LA MCHOD PA RGYA CHEN PO PHUL ZHING 'BUL RGYUN BTZUGS, DE LTAR BSTAN 'GRO'I DON RGYA CHER MDZAD NAS BYA LO LA ZHABS CUNG BSNYEL BA ZHIG BYUNG BAS SKU RIM GSOS SMAN SOGS BSTEN PAS

DVANGS, DE LTAR SKU TSE RIL POR CHOS DANG MTHUN PA'I RNAM THAR GTZANG MA MTHAR PHYIN PAR MDZAD PA NI SPYAN SNGA NYID KYI ZHAL NAS, LO BDUN LO NAS CHOS LA 'BAD, ,SGRUB PA NYID LA RTZAL DU BTON, ,DAM PA'I CHOS KYI RO MCHOG MYONG; ;'DI NI MDUN MA LEGS PA'I TSAD, ,DA NI LO YANG BDUN CUNG NYE, ,DKON MCHOG GSUM GYI BYIN RLABS ZHUGS, ,SNYIGS DUS SKYID PA'I TSAD LA 'KHYOL, ,'DI NI MDUN MA LEGS PA'I TSAD, ,DAM CHOS BDUN GYI SNYING PO MCHOG ,RNAM DPYOD SHES RAB RTZAL DU BTON, ,MDO RGYUD KUN LA NANG BYANG TSUD, ,'DI NI MDUN MA LEGS PA'I TSAD, ,CES GSUNGS PA LTAR, THAR 'DOD RNAMS SO SOR RTOG PA'I SHES RAB KYIS YANG DAG PA'I LTA BA LA THE TSOM DANG BRAL BAR MDZAD, NYAN THOS KYI RIGS CAN RNAMS SO SOR THAR BA'I BSLAB PA MIG 'BRAS BZHIN BSRUNG BA'I TSUL KHRIMS LA BKOD, THEG CHEN GYI RIGS CAN RNAMS BDAG GCES 'DZIN GYI DRI MA DANG PHRAL NAS GZHAN GCES PAR 'DZIN PA'I BYAMS PA DANG SNYING RJE LA BKOD, SNGAGS PA RNAMS DAM TSIG LA BKOD, SKYE 'GRO PHAL MO CHE RNAMS BDE 'GRO THOB PHYIR DU BSNYEN GNAS DANG DGE BA BCU'I KHRIMS LA BKOD DE BSTAN PA LA BYA BA RGYA CHEN PO MDZAD, TSUL 'DI DAG LA SPYAN SNGA NYID KYI ZHAL NAS, RGYAL BA SRAS BCAS BSTAN 'DZIN MCHOG ,AA TI SHA YI CHOS LUGS SBYANGS, ,SKYES BU GSUM GYI CHOS LA 'BAD, ,'DI NI MDUN MA LEGS PA'I TSAD, ,CES GSUNGS, DE

, ,LTAR BSTAN 'GRO'I DON RGYA CHER MDZAD NAS, ZHING GSHEGS PA LA PHYOGS BA'I TSE RJES 'JUG RNAMS LA 'DI LTAR GSUNGS TE, BLA MA TSO LA ZHAL CHEMS ZER BA YONG BA YIN NA'ANG, DNGOS PO'I ZHAL CHEMS 'JOG RGYU MED PAS DE KHAS 'TSENGS, BLA MA GSHEGS PA'I SHUL DU DNGOS PO TSAN CHEN YOD PA DE BLA MA DE'I RKANG 'DREN DU 'GRO BAS MED PA RANG ZHIG DGOS, SNYE THANG DU JO BO SKU GSHEGS KHAR PHYAG KHRI CHOG GIS JO BO NI SKU GSHEGS PAR GDA', DE'I RJES SU CHOS BSHAD THANG RGYANGS LA BGYID BAR ZHU ZHUS PAS, BYA BA NGAN PA YIN BOR LA THONGS GSUNG, 'O NA SGRUB PA RTZE GCIG BGYID PAR ZHU ZHUS PAS KYANG DE SKAD GSUNG, 'O NA JI LTAR BGYI ZHUS PAS, TSE 'DI BLOS THONGS GSUNG BA GCIG BYUNG BAS, JO BO'I ZHAL TA THUGS LA BZHAG NAS, MI ZAS NGAN PA SPANGS NAS RA SGRENG GI SHUG GSEB TU SKU TSE 'DAR BCUG PA YIN, DE DANG MTHUN PAR RA SGRENG DU JO BO ZHIG GIS BSKOR BRKYANG PA LA SGRIL BAS 'BROM GYI ZHAL NAS, JO BO SKOR BA BYED PA YANG GLO BA DGA' STE CHOS SHIG RANG BYAS NA MI LEGS SAM GSUNG, KHOS PHYAG BYAS PAS KYANG DE SKAD GSUNG, KLOG PA BYAS BAS KYANG DE SKAD GSUNG BAS, DA 'O NA JI LTAR BGYI ZHUS BAS , TSE 'DI BLOS THONGS BYA BA LAN GSUM GSUNG, 'BROM NYID KYANG SKU GSHEGS KHAR SHUG GSEB NA PHAR LA ZHUGS 'JIG RTEN CHOS BRGYAD 'GO SNYOMS NAS, BDAG NI GROL PA DON GNYER LA, ,RNYED DANG BKUR STI'I 'CHING MI DGOS, ,GSUNG

YANG 'JIG RTEN MKHYEN PA RNYED DANG MA RNYED DANG, ,ZHES RES 'OG TZAM RE DANG RES PHYED TZAM DANG, RES TSANG BAR GSUNG, KHONG SPYAN RAS GZIGS LA DE DGOS ZHAD MI GDA' STE RJES 'JUG GI GDUL BYA RNAMS LA GSUNGS PAR GDA', CHOS SNYING NAS BYED NA TSE 'DI BLOS GTONG DGOS PAR 'DUG ,NGED BLA MA'I NGOS NAS GSON RING LA 'KHOR G-YOG RNAMS 'THAD RAB BYUNG STE 'DAS RJES SU JI LTAR YONG BSAM PA'I THE TSOM ZA BA MED, NGA RANG GI NGOS NAS DPAL AA TI SHA DANG , RGYAL BA TZONG KHA PA'I ZHABS DRUNG DU DGA' LDAN DU 'GRO BSAM PA YOD, DPAL LDAN AA TI SHA'I GSUNG RAB DANG, RJE TZONG KHA PA GNYIS KYI GSUNG RAB LA MI 'PHYUG PA'I GZER THEBS PAS DA NYES PA MED PA YIN, KHYED RANG RNAMS KYANG BLA MA DANG YI DAM DBYER MED DU GYIS LA GSOL BA THOB DANG, LAS LA GANG SHONG BA'I DNGOS GRUB 'BYUNG BA YIN, KHYAD BAR RTEN GSUM LOG BRIS 'DI RNAMS SANGS RGYAS BYANG SEMS DNGOS SU YOD PA YIN, MNGON SUM NYAMS SNANG RMI LAM GSUM GANG RUNG DU ZHAL GZIGS PAR 'DUG GSUNG MI 'BYON PA NI SEMS CAN GYI LAS LA MI SHONG BA YIN PAS BYA THABS MED, KHYED GNYIS BSLAB SBYANGS DANG THOS RGYA CHEN PO MED NA'ANG, CHOS RGYUN DU THOS PA RNAMS SEMS PA DANG, LTA RTOG GYIS LA BLA MA DE LA 'CHOL SNYIGS MA'I DUS SU THEG PA CHEN PO'I DGE BA'I BSHES GNYEN MTSAN NYID DANG LDAN PA NYIN SKAR LAS DKON PAS CHOS MI NYAN DGU NYAN MA BYED, RTEN GSUM 'DI TSO LA MCHOD PA 'O

, ,MA BRGYAL BA BYUNG NA, NGED KYI ZLA MCHOD LO MCHOD KYANG DE YIN PAS DE LA 'BUNGS, KHYED RANG GNYIS KYANG BEM RIG MA BRAL RING LA NANG 'DIR MA BRAL BA BYED DGOS PA YIN, DE BAR LA DON NYUNG BA BYA BA NYUNG BA LA BLO RTZE GTAD NAS, SKYES PA LHAS MA TSOR, SHI BA 'DRES MA TSOR BA ZHIG DGOS BA YIN GSUNG BA'I ZHAL TA GNANG, DE NAS ZHING BRJE BA'I SNGA LTAS SU YOS LO'I NANG DU ME TOG GI CHAR BABS PA DANG, KHYAD PAR ZLA BA LNGA PA'I NYI SHU LNGA'I DGONG KHA'I DUS ME TOG GI CHAR NYI MA SGRIB NUS PA TZAM BABS, GLING GANG YOD LA BABS PA DANG, DE'I NUB GRVA DGON SKAM DGON RNAMS SU YANG DE DANG 'DRA BA BABS BA BYUNG, TSES BCU BDUN GYI NYIN PAR ZHAL TA LA, SGRUB GSAR BA'I DBU MDZAD DE LA MING CI ZER GSUNG, MING LA GNAS BRTAN BLO BKRAS ZER BA YIN ZHUS PAS, KHONG BOS NAS KHYED RANG RNAMS BLA MA GONG MA RNAMS DANG SANGS RGYAS BYANG SEMS RNAMS KYI GSOL 'DEBS MA TSANG BA MED PA CIG GYIS GSUNGS BAS, DE RING SKU SHED CHEN PO YANG MI 'DUG PAS SKU MDUN DU BSDAD NAS SKU SHED CHER SONG BA DANG SANG GDAN DRANGS NAS JI LTAR GSUNG BA LTAR BYAS CHOG PA ZHU ZHUS PAS, DE RING CIG BYUNG NA BSAM, SANG NAS BREL 'OG ZUG NAS YONG BA YIN GSUNG, BCO BRGYAD KYI NYIN GANG STENG DU NYI MA LA PHEBS THUB PA BYUNG, BCU DGU'I NAM LANGS PA DANG ZHING GSHEGS TE DGA' LDAN CHOS KYI PHO BRANG DU PHEBS SO, ,SEMS DPA' CHEN

PO 'DIS PHYI RABS KYI GDUL BYA RNAMS KYI DON DU BYANG CHUB LAM RIM LA THOG MAR BLO SBYANG BA CHOS KYI SGO 'BYED, BLO SBYONG MKHAS PA'I YID 'PHROG ,LUNG GI BANG MDZOD, DANG PO'I BLO SBYONG YID BZHIN NOR BU RTZA BA DANG, DA'I GZHUNG 'GREL NOR BU'I PHRENG BA, THEG PA CHEN PO'I BZOD PA'I BLO SBYONG PHAN BDE'I CHAR 'BEBS, BLO SBYONG GI KHRID YIG RNAM DAG GTZUG GI NOR BU, NGAN SONG SGO GCOD, THEG PA CHEN PO'I BLO SBYONG LHAN THABS MAN NGAG RAB GSAL, SKYID SDUG LAM KHYER GYI GDAMS NGAG RIN PO CHE'I SGRON ME, BLA MA DAM PA'I ZHAL GYI BDUD RTZI LEGS GDAMS, THEG PA CHEN PO'I BLO SBYONG RIGS PA'I RGU GTER, THEG PA CHEN PO'I BLO SBYONG GI NGO SPROD GSAL BA'I SGRON ME RTZA 'GREL DKA' GNAD 'PHROS DANG BCAS PA, BYANG CHUB LAM GYI RIM PA'I BSDUS DON MKHAS PA'I MGUL RGYAN, BYANG CHUB LAM GYI RIM PA BSDUS PA RTZA 'GREL, BLA MA'I RNAL 'BYOR GYI ZUR 'DEBS NYER MKHO, BYANG CHUB LAM GYI RIM PA'I KHRID YIG GZHAN PHAN SNYING PO'I ZUNG 'JUG RIN PO CHE, BYANG CHUB LAM GYI RIM BA'I KHRID YIG SNYAN RGYUD NOR BU'I PHRENG BA, LEGS PAR BSHAD PA NYON MONGS GDUNG SEL, RJE 'JAM DPAL RGYA MTSO'I RNAM THAR DAD PA'I CHU RGYUN, RGYA MA PA KHU DBON GYI RNAM THAR DAD PA'I CHU RGYUN, MAN NGAG BDUD RTZI'I THIGS PA, PHYAG CHEN SNYING PO RAB GSAL, LEGS BSHAD CHOG SHES LAM STON, GROS 'DEBS BDUN CUM, RANG GZHAN GYI SNYAN BSKUL RING PO, BSHES GNYEN LA ZHU 'BUL MA, CHOS

, ,GZHAS RKANG BRO MA, DBEN PA'I GTAM BRJOD PA, SGOM DON SNYING PO, BLA MA'I RNAL 'BYOR DNGOS GRUB CHAR 'BEBS, GEGS SEL YID BZHIN NOR MCHOG ,CHAGS PA MED BA'I GTAM, BSAM GTAN GNAD KYI NYAMS LEN, RANG LA GROS SU 'DEBS PA, 'DOD YON LA SRED PA 'GOG PA'I GTAM DGRA 'JOMS, AANG YIG BZHI BCU MA, BAS MTHA'I BSNGAGS PA BRJOD PA NOR BU'I PHRENG BA, GROS 'DEBS SNYING GI BDUD RTZI, GROS 'DEBS NYER BDUN MA, ZHAL GDAMS DRI BA MA, GROS 'DEBS BDE BA RAB SBYIN MA, GCIG PUR DGA' BA'I GTAM, GROS 'DEBS NYAMS MYONG, GROS 'DEBS SNYING GI MUN SEL, LEGS BSHAD MKHAS PA DGA' BYED, NYAMS LEN NGOS 'DZIN GYI GDAMS PA, GROS 'DEBS LEGS BSHAD SNYING PO, GROS 'DEBS GLU RU BLANGS PA, LUS LA YID 'BYUNG BAR BYED PA'I GTAM, 'GAL RKYEN LAM DU SLONG BA'I GLU, RKYEN DANG SRE BA'I NYAMS LEN BYED TSUL, RANG LA GROS 'DEBS SNYING GTAM, GROS 'DEBS BCU GNYIS, LEGS BSHAD BSOD SNYOMS BSNGAGS PA, SNYOMS LAS TSAR GCOD, PHAN BDE'I LAM STON, MKHAS PA BRTAG PA'I RAB TU BYED PA, RANG GZHAN CHOS LA BSKUL BA'I GTAM, JA DKAR 'GEGS PA'I GTAM SMYO CHU SUN 'BYIN, GROS 'DEBS RIN CHEN PHRENG BA, LEGS BSHAD GNAD KYI DON STON, GROS 'DEBS RIN CHEN 'OD 'BAR, SBYIN PA'I LEGS BSHAD KYI GTAM, LEGS BSHAD NYON MONGS GDUNG SEL, GDAMS

NGAG RIN CHEN PHRENG BA, LEGS PAR BSHAD PA ZHEN 'KHRIS KUN GCOD, 'CHI BDAG 'JOMS MA, BCOM LDAN 'DAS LA BSTOD PA ZAB DON RAB GSAL, THEG PA CHEN PO'I BLO SBYONG GZHAN DON DON GNYER GYI GDAMS PA'I RTZA BA, THEG PA CHEN PO'I BLO SBYONG GZHAN DON DON GNYER GYI 'GREL PA THEG CHEN RAB GSAL, GLANG RA THANG PA'I BLO SBYONG TSIG BRGYAD MA SMON LAM DU BYAS PA, SMON LAM RIN CHEN PHRENG BA, RNAL 'BYOR BLA NA MED PA'I RIM GNYIS DANG 'BREL BA'I SMON LAM, BAR GCOD BZLOG PA'I SMON LAM, THEG CHEN RTZE'I GTZUG LAG KHANG LHA RTEN DANG BCAS PA GRUB PA NA MCHOD PA DANG SMON LAM LHAN CIG TU BYAS PA, DRIL BU RIM LNGA'I SMON LAM BSDUS PA, DPAL 'KHOR LO BDE MCHOG DANG DUS KYI 'KHOR LO'I RDZOGS RIM GYI SMON LAM BSDUS PA RE, LAM 'BRAS KYI BSKYED RDZOGS KYI SMON LAM, BRTAG GNYIS KYI SMON LAM BSDUS PA, GSANG BA 'DUS BA YE SHES ZHABS LUGS KYI SMON LAM, AOm RGYAN BSNYEN SGRUB KYI SMON LAM, THEG PA CHEN PO'I BLO SBYONG BYANG SEMS DON GNYER, BLO SBYONG DGRA ZUN SHAN 'BYED, BLO SBYONG DGONGS PHA RAB GSAL, BLO SBYONG DGOS SEL, BLO SBYONG LAG LEN RAB GSAL, BLO SBYONG THE TSOM KUN SEL, LEGS BSHAD NGES DON RAB GSAL, LAS DANG NYON MONGS RNAM PAR BSHAD PA BLANG DOR RAB GSAL, STOBS KHYAD STON PA STE DGU, RJE LA BSTOD PA RIN CHEN SGRON ME LA SOGS PA'I BSTOD TSOGS DANG, CHAB SHOG SNA TSOGS, DON DAM BYANG SEMS KYI BLO SBYONG SANGS RGYAS BCOM LDAN 'DAS LA BSTOD PA BYIN RLABS MYUR 'JUG, BYANG

, ,CHUB DON GNYER GYI BLO SBYONG BCOM LDAN 'DAS LA BSTOD PA RIN PO CHE'I BANG MDZOD, STON PA LA BSTOD PA ZAB MO SPROS MED, BCOM LDAN 'DAS LA BSTOD PA DNGOS GRUB KUN 'BYUNG, BCOM LDAN 'DAS LA BSTONG PA ZAB DON RAB GSAL, STON PA LA BSTOD PA LTA NGAN MUN SEL, BCOM LDAN 'DAS LA BSTOD PA ZAB MO RTOGS PA'I TSAD DE BSTOD PA, CHOS SPYOD KYI RIM PA, 'DUL BA'I LAS CHOG SDOM TSIG ,THIG RTZA, RMI LAM BRTAG PA, THEG CHEN RTZE'I BCA' YIG DANG RTEN BSHAD, MNGON BRJOD BSDUS PA, GSUNG RAB LA GUS PA BSKYED PA'I THABS GSUNG RAB GSAL BYED, SNOD RUNG GSAL BYED NYI MA'I 'OD ZER, RIN CHEN SGANG GI BLO SBYONG DON BDUN MA, MNGON RTOGS RGYAN GYI SNYING PO BSDUS PA RGYAS BSDUS, SPYOD 'JUG GI BSDUS DON MKHAS PA'I MGUL RGYAN, BSHES SPRING GI BSDUS DON DGONGS PA RAB GSAL, DBU MA'I LTA KHRID ZAB LAM MTHAR THUG ,SRID ZHI MNYAM NYID KYI LTA KHRID RTZA BA RJE BTZUN 'JAM DBYANGS KYIS RJE LA GNANG BA DANG BLA MA DBU MA PA LA GNANG BA, DE DAG GI DON NYAMS SU LEN TSUL KHRID YIG ,GSANG BA BLA NA MED PA ZAB MO'I GTAM BRJOD PA, DBU MA'I NYAMS LEN LTA NGAN MUN SEL RTZA 'GREL, DBU MA'I LTA KHRID CHEN MO, RNAM 'GREL LA BRTEN PA'I LTA KHRID, GRUB MTHA' RNAM PAR DBYE BA ZHES BYA BA GRUB MTHA' LA BRTEN PA'I CHAGS SDANG 'GOG PHYIR THAMS CAD LA LEGS PHYOGS NAS BSNGAGS PA, 'DUL BA'I BSLAB BYA CHE BA GZHAN PHAN SNYING PO, DGE TSUL GYI BLANG DOR GSAL BYED, DUS DRAN BYED TSUL, 'DUL BA'I

BSLAB BYA BSDUS PA GZHAN PHAN 'OD PHRENG, BSLAB BYA GNANG BKAG RAB GSAL, BSNYEN GNAS KYI CHO GA RGYAS PA DNGOS GRUB RGYA MTSO, LEGS PAR BSHAD PA MI CHOS GNAD PHRENG, LEGS BAR BSHAD PA RIN PO CHE'I 'BYUNG GNAS LUNG GI BANG MDZOD, 'KHOR LO SDOM PA'I BSKYED RDZOGS SNYAN RGYUD BDE CHEN RGYA MTSO, BDE MCHOG L'U AI PA'I LUGS KYI RDZOGS RIM SNYING PO SGOM TSUL, BDE BAR GSHEGS PA'I SKU'I RTEN SGRUB TSUL DANG DE'I PHAN YON BSTAN PA RIN PO CHE'I PHUNG PO, MCHOD RTEN GYI TSAD STON PA LEGS BSHAD GSER GYI PHRENG BA, RNYING MA DANG BON GYI RNAM GZHAG DANG, BON GYI 'DOD TSUL RAGS PA, SMON SEMS SKYABS 'GRO'I BSLAB BYA, GSHIN PO DMAN MCHOG LA PHAN GDAGS TSUL, 'JIG RTEN BYA BA'I RNAM PAR BSHAD PA MKHAS PA'I YID 'PHROG ,RANG NYID KYI RTOGS PA BRJOD PA MDUN LEGS MA RNAMS MDZAD DE, LEGS BSHAD 'DI DAG NI DPAL AA TI SHA DANG RGYAL BA TZONG KHA PA'I MAN NGAG LA BSRE BSLAD PHRA MO'ANG MA ZHUGS PA, RGYAL BA DGYES PA'I LEGS BSHAD PHYI RABS KYI GDUL BYA RNAMS LA THEG PA CHEN PO'I LAM LA 'JUG PA LA SHIN TU MKHO BA'I MAN NGAG GCES BSDUS SHA STAG SNANG NGO, ,SEMS DPA' CHEN PO 'DI'I RNAM THAR RGYAS BAR SPYAN SNGA BLO GROS 'JIGS MED RGYAL MTSAN DPAL BZANG POS MDZAD PA BZHUGS PAS DE LAS SHES BAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE GRUB PA'I DBANG PHYUG 'JAM DPAL RGYA MTSO LA GSOL BA SHUGS DRAG TU 'DEBS SHING DAM PA DE NYID KYI RNAM THAR LTAR CHOS BRGYAD KYI 'CHING BA

, ,PHRA MOS KYANG MA GOS PAR DBEN BA'I GNAS SU THEG BA CHEN PO'I LAM GYI RIM PA'I LUS YONGS SU RDZOGS BA LA SGRUB BA SNYING POR BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ` ,,DGE LEGS RAB DKAR TSOGS GNYIS GOMS PA'I MTHUS, ,DPAL LDAN SKU BZHI'I GO 'PHANG MCHOG BRNYES KYANG, ,BZANG BO'I MDZAD PAS GDUL BYA MI 'DOR BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, RJE RIN PO CHE'I NANG THUGS KYI SRAS GCIG MKHAS GRUB SMRA BA'I NYI MA DGE LEGS DPAL BZANG NI, SNGON DUS YUN RING PO NAS BYANG CHUB MCHOG TU THUGS BSKYED DE RGYAL SRAS KYI SPYOD BA RGYA MTSOR BSLABS NAS ZHING 'DIR 'JAM MGON BLA MA'I MDO SNGAGS KYI BSTAN BA'I SNYING PO MTHAR THUG BA 'DI NYID 'DZIN CING SPEL BA'I CHED DU SMON LAM GYI DBANG GIS BSAMS BZHIN DU BYON PA ZHIG STE, MKHAS GRUB CHEN PO 'DI LA STOD BYANG GI SA'I CHA LDOG GZHUNG DU BYANG PA'I DPON RIGS YAB BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU RAB BYUNG DRUG PA'I SHING MO GLANG GI LO NGO MTSAR BA'I LTAS DANG BCAS TE 'KHRUNGS SO, ,YAB YUM DE GNYIS LA SRAS GSUM YOD PA LAS, RJE 'DI CHE BA DANG, BA SO CHOS KYI RGYAL MTSAN BAR PA DANG, CHUNG BA BSOD NAMS BKRA SHIS ZHES PA ZHIG BYUNG NGO, ,DE LTAR MKHAS GRUB CHEN PO 'DI NI SNGON NAS LAM LA SBYANGS PA'I MTHU BRTAS PAS 'KHRUNGS TZAM NYID

NAS BYIS PA'I RGUD PA GANG YANG MED CING, CHOS DANG CHOS MIN 'BYED PA'I BLO GROS THOGS BA MED PA ZHIG BYUNG NAS BDAG NYID CHEN PO 'DI NI SKYES BU DAM PA ZHIG BSAMS BZHIN DU BYON PA'O, ,ZHES GLENG ZHING, MKHAS GRUB LHA DBANG PA'I SKYE BA YIN PAR GRAGS PAS MKHAS GRUB CES MTSAN CHUNG NGU NAS THOGS SO, ,DE NAS RGYAL BA SRAS DANG BCAS PA DANG, DAM CAN CHOS SRUNG THAMS CAD KYIS RJE 'DI PA 'JAM MGON BLA MA'I BSTAN PA'I SROG SHING 'DZIN PHYIR THUGS RGYUD BSKUL ZHING SNGON NAS GOMS PA'I MTHUS NGES 'BYUNG GI BSAM PA SHUGS DRAG POS RAB TU BYUNG BA'I LO TSIGS SU SLEBS MA THAG GNAS BRTAN 'DUL BA 'DZIN BA MKHAN CHEN SENG GE RGYAL MTSAN DPAL BZANG POS MKHAN PO MDZAD, RGYA MA BA YON TAN 'OD KYIS SLOB DPON MDZAD NAS RAB TU BYUNG ZHING DGE TSUL GYI SDOM PA BZHES, MTSAN DGE LEGS DPAL BZANG PO ZHES GSOL, DE NAS MKHAN SLOB GNYIS LAS BSLAB BYA GSANG TE DGE TSUL GYI BSLAB BYA YAN LAG DANG BCAS PA MIG GI 'BRAS BU LAS KYANG GCES PAR BSRUNGS TE TSUL KHRIMS RNAM PAR DAG PAR MDZAD PA GZIR BZUNG NAS GANGS CAN GYI PAndI TA CHEN PO RJE BTZUN RED MDA' PA'I ZHABS LA GTUGS TE TSAD MA SDE BDUN, MNGON PA GONG 'OG ,BYAMS CHOS SDE LNGA, DBU MA RIGS TSOGS, 'DUL BA RNAMS LA SBYANGS TE RING POR MA THOGS PAR MKHAS PA'I PHA ROL TU SON, RDO RJE 'DZIN PA YE SHES DPAL BA LA KYEE RDO RJE'I DBANG DANG LAM 'BRAS CHA LAG DANG BCAS BA YONGS SU RDZOGS PA GSAN, GZHAN YANG

, ,BLA MA DAM PA BSOD NAMS RGYAL MTSAN PA DANG, NA BZA' PA SOGS BSHES GNYEN DAM PA DU MA LAS MDO SNGAGS KYI CHOS MTHA' YAS PA GSAN TE, MDO SNGAGS KYI GZHUNG LUGS RAB 'BYAMS SMRA BA LA MI 'JIGS PA'I SPOBS PA THOB CING RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON PAR GYUR TO, ,DE NAS GTZANG PHYOGS KYI GRVA SA RNAMS SU GRVA SKOR MDZAD CING, NGAM RING CHOS SDER PHEBS PA NA GANGS CAN GYI MKHAS PA CHEN PO PAn CHEN PHYOGS LAS RNAM RGYAL YANG DER PHEBS NAS 'JIGS MED SMRA BA'I GANG BRGYANGS BSGRAGS TE DAM BCA' BZHAG BA NA PHYOGS DE'I MKHAS PA SUS KYANG BRGOL BA'I GLAGS MA RNYED PA NA PAn CHEN PHYOGS RGYAL BAS SA PAn GYI RIG GTER 'DI NANG 'GAL GYI PHUNG PO YIN PAS NGAS THAR CHAGS SU DGAG PAR BYA YIS, LAN SPOBS PA YOD NA SMROS SHIG CES NGAM RING, SA SKYA, BO DONG SOGS CHOS SDE PHAL MO CHER DRIL BSGRAGS PA NA, JI LTAR SENG GE'I SKAD KYIS WA SKYES RNAMS 'DAR BA BZHIN DU PHYOGS DE'I MKHAS PAR RLOMS PA SUS KYANG LAN 'DON PAR MA NUS PA NA PHYOGS DE'I DGE 'DUN PHAL MO CHES GROS BYAS TE SKYES TZAM NYID NAS SHES RAB KYI SNANG BA RGYAS BA DKA' BCU DGE LEGS DPAL BA 'DI LA GSOL BA BTAB PA DRAG CES THAMS CAD KYIS MGRIN GCIG TU MKHAS GRUB CHEN PO LA ZHUS PA NA DE DUS MKHAS GRUB CHEN PO 'DI PA DGUNG LO BCU DRUG GI SKABS YIN PAS SKU NA SHIN TU PHRA BA YIN YANG 'JIGS PA MED BAR KHYU

MCHOG RLABS PO CHE'I GNAS SU DAM BCAS TE DE KHO BOS NUS SO ZHES ZHAL GYIS BZHES TE DGE 'DUN THAMS CAD TSOGS PA'I DBUS SU PAn CHEN PHYOGS RGYAL BAS DAM BCA' BZHAG ,DE LA MKHAS GRUB RIN PO CHES RE RE NAS 'DI NI MI RIGS PA, 'DI NI MI 'THAD PA, LUNG DANG 'GAL BA DANG RIGS PA DANG 'GAL BA STE, DE DAG MI 'THAD PA'I RGYU MTSAN 'DI DANG 'DI LTAR RO ZHES RIG GTER 'GOG PA'I DAM BCA' RE RE NAS DRI MA MED PA'I RIGS PA BRGYA PHRAG STONG GIS SUN PHYUNG NAS PAn CHEN PHYOGS RGYAL BA SPOBS BA LAN MED DU GYUR, SLAR YANG MKHAS GRUB RIN BO CHES RIGS PA'I NGA RO CHES CHER BSGRAGS PA NA RIGS PA'I 'PHUL MTSAMS CHES ZHIB CING PHRA BAR GYUR TE PAn CHEN PHYOGS RGYAL BAS MDO SDE PA'I LUGS LA RGYU LAS MA SKYES PA'I DNGOS PO YOD GSUNG DGOS PA BYUNG NAS DE MDO SDE PA RANG GI GRUB MTHA'I NANG 'GAL YIN GSUNG ZHING CUNG ZAD ZHAL SKYENGS TE PHYAG GIS ZHAL RGYAN LA NOM ZHING BZHUGS PA NA, MKHAS GRUB RIN PO CHES NYAMS MTSAR GYI TSUL DU, RGYU LAS MA SKYES PA'I DNGOS PO YOD GSUNG BA DE MDO SDE PA'I GRUB MTHA'I NANG 'GAL YIN GSUNG BA, DA KHA SPU 'THOG PA'I LAS LA BRTZON PAR BYOS SHIG ,CES GSUNGS PA NA TSOGS PA THAMS CAD GAD MO'I GNAS SU GYUR TO, ,DE DUS SU KHONG GNYIS KYIS RTZOD PA MDZAD PA'I TSE BDAG NYID CHEN PO DE GNYIS KA DRI MA MED PA'I RIGS PA'I RNAM 'GYUR

, ,GZHAN DANG MI 'DRA BAS MKHAS PA MANG POS RTZOD YIG ZIN BRIS SU MDZAD PA YOD 'DUG CING ,PHYIS MKHAS GRUB THAMS CAD MKHYEN PA NYID KYIS TSAD MA SDE BDUN GYI DKA' GNAS GSAL BAR STON PA YID KYI MUN SEL MDZAD PA'I NANG DU'ANG DE DUS KYI RTZOD PA'I TSIG RNAMS DRANGS SO, ,MKHAS MCHOG BSTAN 'DZIN DAM PA DE DAG DRI MA MED PA'I RIGS PA'I RTZE DGA' MDZAD PA NI BSTAN PA RIN PO CHE'I RGYAN DU CHE BA YIN PAS GUS BA BSKYED PAR BYA YIS, RIGS PA'I GSANG MI SHES PA'I BLUN RMONGS DAG GIS KHO BO CAG GI 'DI KHON BDEN GYI GZHAN NI GTI MUG GO ZHES SGROG BA DANG RTZOD PA MDZAD DO ZHES TSIG TZAM GYIS 'JIG RTEN PA BLA'I GRAR BSHAGS 'GYED PA'I DANG TSUL LTAR DU BZUNG STE PHYOGS SU LHUNG BA'I BSAM PAS SKYES BU DAM PA LA SMOD PA NI RNAM PA KUN TU BYA MI RUNG STE SKYES BU DAM PA LA SMOD PA NI RANG NYID NGAN 'GRO MI BZAD PA'I RGYU SGRUB PA YIN PAR MDO LAS GSUNGS PA'I PHYIR RO, ,DON 'DI 'DRA LA DGONGS NAS RJE BTZUN RED MDA' PA CHEN POS, DUS KYI 'KHOR LO LAS BRTZAMS TE DGAG SGRUB MDZAD PA LA BLUN RMONGS LUG LTAR LKUGS PA 'GA' ZHIG GIS PHYOGS SU LHUNG BA'I BSAM PAS RED MDA' PA 'DIS DUS 'KHOR RGYAL BA'I BKA' YIN PA LA DUS 'KHOR LA DGAG SGRUB BYED PA 'DI 'DRA ZHES SMAD PA BYAS PA NA ,RJE BTZUN RED MDA' PA CHEN POS KHO BOS 'KHYOG PO'I SHING BSRONG BA LTAR RGYAL BA'I BSTAN PA LA

ZHUS DAG BYAS PA YIN GYI ,SKYON BRJOD PA GA LA YIN, LAR NI, SANGS RGYAS BSTAN LA YIN MIN GYI, ,DGAG SGRUB MKHAS PA RNAMS KYIS BYED, ,MI RNAMS 'PHYING PA 'DRA BA LA, ,KHYI LA BCOL GNYER CI ZHIG YOD, CES GSUNGS PA LTAR MKHAS PA RNAMS RIGS PA'I RTZED 'JO BYED PAR BLUN RMONGS DAG 'TSANGS TE CI BYED GSUNGS BA LTAR RO, ,PHYIS PAn CHEN PHYOGS LAS RNAM RGYAL BAS MKHAS GRUB RIN PO CHE LA CHED DU BRJOD PA'I BSNGAGS PA MANG DU MDZAD DO, ,MKHAS GRUB RIN PO CHE NI SKU NA TSOD PHRA MO DE TZAM NAS 'CHAD RTZOD RTZOM GSUM GANG LA'ANG THOGS PA MED PA ZHIG STE, DGUNG LO BCO BRGYAD BZHES PA'I TSE RJE BTZUN 'JAM PA'I DBYANGS SMRA BA'I SENG GE LA BSTOD PA, 'JAM DPAL GZHON NUR GYUR PA LA PHYAG 'TSAL LO, ,MTSAN DPES RAB TU BRGYAN PA GZHON NU'I SKU, ,TSANGS DBYANGS LDAN PA CHOS RAB STON PA'I GSUNG, ,SHES BYA MA LUS CIG CAR MKHYEN PA'I THUGS, ,MNGA' BA 'JAM PA'I DBYANGS LA PHYAG 'TSAL LO, ,MA LUS SKYE DGU'I MGON GYUR BCOM LDAN 'DAS, ,MA RIG MUN SEL SMRA BA'I SENG GE LA, ,MA YENGS SEMS KYIS GUS PAS GSOL 'DEBS KYIS, ,MA DAG BLO CAN BDAG CAG RAB TU SKYONGS, ,RI DVAGS RGYAL PO RNAM PAR BSGYINGS PA'I STENG, ,CHU SKYES GZHON NU RAB TU RGYAS PA DANG, ,BDUD RTZI'I 'OD CAN KUN NAS GANG BA YI, ,GDAN LA ROL PAS BZHUGS PA ZHI BA'I SKU, ,PADMA R'A GA'I MDOG 'DRA RGYAL BA'I SRAS, ,ZHAL GYI DKYIL 'KHOR 'DZUM PA'I

, ,MDANGS LDAN ZHING, AUTPAL ZUNG GI RTZA BA NYER BSTEN PA'I, ,CHOS 'CHAD PHYAG GIS THUGS KAR RNAM PAR BRGYAN, ,SNYAN GYI THAD DU CHU 'PHROG 'DAB RGYAS PA'I, ,GE SAR SNYING PO G-YAS SU RAL GRI DANG; ,G-YON PA GLEGS BAM MCHOG GIS NYER MDZES SHING, ,SHIN TU 'GYING PA 'GRO BA'I MGON GCIG PU, ,MTHON MTHING RAL BA'I THOR TSUGS RAB 'KHYIL BAR, ,NYID KYI RIGS MTSON MI 'KHRUGS RGYAN LDAN ZHING, ,SNYAN CHA GDUB KOR DAR GYI COD PAN GYIS, ,MCHOG TU MDZES KYANG BLTA BAS NGOMS PA MIN, ,THUN MTSAMS PHAM BYED MDZES PA'I SKU DE LA, ,RIN CHEN PHRENG BA 'OD KYI DRA BA CAN, ,ZLA BA'I DUM BU LTAR DKAR NGO SHAL GYIS, ,MCHOG TU MDZES PAS BLO LDAN YID 'PHROG BYED, ,GANG ZHIG CUNG ZAD KHYOD LA BRTEN PAS KYANG, ,'KHOR BA'I SDUG BSNGAL MTHA' DAG BSNYIL BYED NA, ,KHYOD NYID KHO NA MGON DU BYED PA YIS, ,BLO LDAN RNAMS LA KUN MKHYEN GA LA RING, ,DES NA RGYAL SRAS THU BO YON TAN GTER, ,MTSUNGS MED SMRA BA'I DBANG PHYUG ZHABS PAD LA, ,RTAG TU GUS PAS MGO BO 'DUD PAR BGYI, ,SKYE BA KUN TU RJES SU GZUNG DU GSOL, ,DE LTAR BDAG GIS BSGRIMS TE BSTOD MDO KYIS, , BCOM LDAN KHYOD KYI YON TAN CHA TZAM YANG, ,BRJOD PAR MA NUS BLO GROS SHIN TU NGAL, ,DA NI THOGS MED SMRA BA'I MCHOG GYUR CIG, BDAG GIS 'DI LTAR RJE BTZUN 'JAM BA'I DBYANGS, ,CUNG ZAD BSTOD LAS DGE BA GANG

BSAGS PA, ,RAB DKAR DRI MED YID KYI MKHAR SHAR BAS, ,'GRO BLO'I MUN PA MA LUS MTHAR BYED SHOG, CES PA MDZAD PA SOGS 'CHAD RTZOD RTZOM PA GANG LA'ANG THOGS PA MED PA KUN LA MTHUN SNANG DU GRUB BO, ,DE NAS BSNYEN PAR RDZOGS PA'I LO GRANGS SU SON PA NA, STOD 'DUL BA'I MKHAN RGYUD GANGS RI'I KHROD KYI SHING RTA CHEN PO RED MDA' PA GZHON NU BLO GROS KYIS MKHAN PO, MKHAS PA'I DBANG PHYUG CHEN PO DPAL 'BYOR SHES RAB KYIS LAS SLOB, MTSAN DON DANG MTHUN PA'I GNYAL BA BLO GROS MTSUNGS MED KYIS GSANG STON, GZHAN YANG DAD PA'I DGE 'DUN GRANGS TSANG BA'I DBUS SU DGE SLONG GI SDOM PA YANG DAG PAR BZHES TE 'DUL 'DZIN GSER RI'I PHRENG BA LTA BU'I DBUS NA ZLA MED PA'I LHUN PO LTA BUR GYUR TO, ,DE NAS RJE BTZUN RED MDA' PA CHEN POS MKHAS GRUB RIN PO CHE LA KHYED RJE BTZUN TZONG KHA PA DANG MJAL NA GZHAN DANG MI 'DRA BA ZHIG 'OD ZHES BSKUL BA DANG, RANG NYID KYANG RJE RIN PO CHE'I SNYAN PA GSAN PAS DAD PAS CHES CHER BSKUL TE ME MO PHAG GI LOR KHAMS GSUM CHOS KYI RGYAL PO TZONG KHA PA CHEN PO BLO BZANG GRAGS PA MJAL RGYU'I NUB MO SNYE THANG DU BZHUGS PA'I MNAL LAM DU, MUN BA NAG PO PHYOGS GAR 'GRO'I GTOL MED PA ZHIG TU PHYIN PA NA, SHAR PHYOGS NAS RAL GRI'I 'KHOR LO RTZIBS STONG DANG LDAN BA'I RAL GRI'I SO RNAMS PHYI DANG YU BA NANG DU BSTAN PA RAL GRI RE RE'I RTZE NAS NYI MA'I DKYIL 'KHOR BRGYA PHRAG RE SHAR PA, 'KHOR LO DE'I LTE BA'I DBUS

, ,SU 'JA' TSON SNA LNGA'I DRA BAS BSKOR BA'I NANG DU RJE BTZUN 'JAM DPAL DBYANGS SKU MDOG DMAR SER RAL GRI DANG GLEGS BAM BSNAMS SHING RIN PO CHE'I RGYAN DPAG TU MED PAS SBRAS PA ,GZHON NU'I CHA BYAD CAN, RAL PA'I THOR TSUGS LA MU TIG GI PHRENG BAS DKRIS SHING SHIN TU MDZES BA BLTA BAS CHOG MI SHES PA ZHIG BYON BYUNG BAS, MUN PA THAMS CAD SANGS, 'JIG RTEN GYI KHAMS THAMS CAD SNANG BA CHEN POS KHYAB BA DANG, RJE BTZUN GYI SKU YANG RANG GI LUS LA THIM PAS BDE BA'I NYAMS KHYAD PAR CAN SKYES PA ZHIG BYUNG, SANG NYIN SE RA CHOS SDINGS SU PHEBS PA NA THOG MAR DGE SLONG ZHI DUL CAN ZHIG DANG MJAL BA NA DE LA CHOS RJE BLO BZANG GRAGS PA'I GZIM KHANG GANG YIN DRIS PAS, LAN MA SMRAS PAR NANG DU SONG NAS SPOS RENG SBAR NAS KHYER BYUNG STE, GZIM KHANG SER PO'I DRUNG DU SLEBS PA NA PHYAG GSUM BTZAL, PHYAG GNYIS KYIS SPOS RENG BZUNG STE, DON GYI SLAD DU MTSAN NAS SMOS TE BDAG GI MKHAN PO RIN PO CHE BLO BZANG GRAGS PA'I ZHAL SNGA NAS BZHUGS PA'I GTZUG LAG KHANG NI 'DI'O ZHES SPOS KYI RTZE MO DE PHYOGS SU BSTAN BAS DGE SLONG DE 'DUL BA NAS GSUNGS BA LTAR GYI KUN SPYOD YONGS SU DAG PA DANG, DGE BA'I BSHES GNYEN LA SHIN TU GUS PA'I TSUL RNAMS GZIGS PAS RJE TZONG KHA PA'I ZHABS 'BRING DGE SLONG 'DI DAG KYANG 'DI LTAR DAM PA'I CHOS 'DUL BA'I LAG LEN LA MKHAS SHING ZHI ZHING DUL BA BLA MA LNGA BCU PA NAS BSHAD PA'I

BSHES GNYEN BSTEN TSUL RNAMS KYANG PHYAG LEN LA THEBS PA 'DI 'DRA NA, RJE RIN PO CHE JI 'DRA ZHIG YOD SNYAM DU LUS KYI SPU ZING ZHES BYED CING 'JIGS SHING SPA ZHUM PAR GYUR, DE NAS RJE RIN PO CHE MJAL BAS DAD PA DPAG TU MED PA 'KHRUNGS, RJE RIN PO CHES KHYED LA LAM DU RMI LAM CI BYUNG GSUNGS PAR SNGAR SNYE THANG DU BYUNG BA RNAMS ZHUS PAS KHYED SNGAGS KYI GDUL BYA DBANG RNON YIN PAR 'DUG ,KHYED KYIS GDUL BYA MANG PO LA PHAN THOGS CHEN PO 'ONG GSUNG, DE DUS RJE RIN PO CHES KHYED YI DAM GANG LA BYED KYIN YOD GSUNGS PAS MKHAS GRUB RIN PO CHES BDAG YI DAM GSHED DMAR LA BYED KYIN YOD ZHUS PAR RJE RIN PO CHES GSHIN RJE GSHED DMAR PO LA YI DAM BYAS NA'ANG RJE BTZUN 'JAM DBYANGS KYIS RJES SU 'DZIN PA'I RGYUR 'GYUR MOD, 'ON KYANG 'JIGS BYED LA YI DAM BYED PA BYUNG NA RJE BTZUN 'JAM DBYANGS KYIS RJES SU 'DZIN PA'I RGYUR 'GRO BA LA GSHIN RJE GSHED GZHAN GNYIS LAS KHYAD PAR 'PHAGS PA'I CHOS MANG DU YOD GSUNGS PAR BRTEN ,MKHAS GRUB RIN PO CHES KYANG DE NAS BZUNG STE RDO RJE 'JIGS BYED LA YI DAM DU MDZAD CING, RJE RIN PO CHE LA RDO RJE 'JIGS BYED LA KHYAD PAR DU 'PHAGS PA'I CHOS JI LTA BU YOD CES GSOL BA BTAB PAS, 'O NA MAndAL RGYAS PA CIG PHUL GSUNGS NAS, MAndAL PHUL BAS ZHI KHRO SBRAGS SGRUB KYI MAN NGAG DANG ,RJE BTZUN 'JAM DPAL DBYANGS KYIS RJES SU 'DZIN PA'I RGYU GZHAN GNYIS DANG MI 'DRA BA'I KHYAD PAR YOD PA RNAMS

, ,RGYAS BAR GNANG, DE'I TSE MKHAS GRUB RIN PO CHES RDO RJE 'JIGS BYED KYI DBANG GI DON DU GSOL BA BTAB BAS RJE NYID KYIS DKYIL 'KHOR BRI THIG GNANG NAS 'JIGS BYED BCU GSUM MA'I DBANG, RTOG BDUN, RTOG GSUM, RNAL 'BYOR BZHI RIM GYI KHRID SOGS GNANG NAS, KHYOD BSTAN PA THAMS CAD GRU BZHI LAM GYIS 'KHYER SHES PA CIG 'ONG BAR 'DUG CES DGYES PA'I BKA' STZAL, RJE RIN PO CHE'I TSEMS BRUL BA YANG DGYES BZHIN DU GNANG BAR TSEMS YIG LUNG BSTAN DU GSUNGS SO, ,DE NAS MKHAS GRUB RIN PO CHES RJE BTZUN TZONG KHA PA CHEN PO LA MI PHYED PA'I DAD PA BRTAN PO THOB NAS GSUNG RAB DGONGS 'GREL DANG BCAS PA THAMS CAD KYI SNYING BO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID SNYAN RGYUD KYI MAN NGAG GEGS SEL BOGS 'DON DANG BCAS BA MTHA' DAG LA GSAN ZHING, SHING RTA CHEN PO GNYIS KYI LAM SROL DRI MA MED PA'I RIGS PA'I DKA' GNAS MTHA' DAG GSAN, RGYUD SDE BZHI DANG 'BREL BA'I MAN NGAG MTHA' DAG DANG, LHAG PAR DGA' LDAN RNAM PAR RGYAL BA'I GLING DU RJE RIN PO CHE LA TSOGS KYI 'KHOR LO LA SOGS BA'I MCHOD PA TSAD MED BAS MCHOD CING, GSER GYI MAndAL PHUL TE GSOL BA SHUGS DRAG TU 'DEBS PAR MDZAD PAS RJE RIN PO CHES ZLA BA BCU'I RING LA, NYIN MO RGYUD SDE DANG GZHUNG CHEN MO RNAMS KYI BSHAD PA MTSAN RE BZHIN

BSKYED RDZOGS KYI MAN NGAG RNAMS DANG KHYAD PAR ZHAL LAS SHES PAR BYA BA'I GNAD MTHA' DAG RGYUN MA CHAD PAR STZAL BA RNAMS TSIG ZUR PHRA MO TZAM YANG NYAMS PA MED PAR THUGS LA BZUNG ZHING NYAMS SU BZHES TE GDENG THOB BAR MDZAD DO, ,DE'I TSE MKHAS GRUB RIN PO CHES RJE THAMS CAD MKHYEN PA LA TSOGS KYI 'KHOR LO LA SOGS PA MCHOD PA TSAD MED PAS MCHOD CING GSER GYI MAndAL PHUL TE GSOL BA BTAB BAS, RJE BLA MA'I THUN MONG MA YIN PA'I GSANG BA'I RNAM THAR DANG SNGAGS KYI GDAMS PA MANG PO LKOG CHO SU GNANG NAS, DA KHYOD LA MAN NGAG RNAMS RDZOGS PAR BSHAD YOD PAS NGA'I SNGAGS KYI YIG CHA 'DI RNAMS KYI DKA' GNAD RNAMS LA ZIN BRIS THOB LA RANG YANG NYAMS SU LONGS; SNOD LDAN GYI GDUL BYA RE GNYIS TZAM BYUNG NA DE RNAMS LA SHOD, NGA'I MDO SNGAGS KYI BSTAN BCOS 'DI RNAMS LA DGONGS PA 'GREL BA'I BSTAN BCOS RNAM PAR DAG BA RTZOMS, KHYAD PAR DU ZAB MO DBU MA'I LTA BA DANG NGA'I SNGAGS KYI BSTAN PA 'DI RNAMS RGYAS PAR GYIS SHIG GSUNGS NAS BSTAN PA YONGS SU RDZOGS PA GTAD DO, ,GZHAN YANG, RJE'I THUGS SRAS RGYAL TSAB DAR MA RIN CHEN, 'DUL 'DZIN GRAGS PA RGYAL MTSAN SOGS LA'ANG MAN NGAG MANG DU GSAN NO; ;DE NAS RJE RIN PO CHE ZHING GSHEGS NAS PHAL CHER RI BO MDANGS CAN DU BZHUGS TE RJE RIN PO CHE'I MDO SNGAGS KYI MAN NGAG RNAMS THUN BZHIR BCAD DE NYAMS SU BZHES PAS BSHES GNYEN BSTEN TSUL NAS MI SLOB PA'I ZUNG 'JUG

, ,GI PAR MDO SNGAGS GNYIS KA'I LAM GYI LUS YONGS SU RDZOGS PA LA MYONG BA PHUL PHYIN THON TE PHYI RABS KYI GDUL BYA RNAMS LA SANGS RGYAS DNGOS SU BYON YANG DE PHAN CHAD DU GSUNG DU MED PA'I MDO SNGAGS KYI GDAMS PA ZAB MO 'DI 'DRA THOB NAS KHA PHYIR LTAR MA SONG BAR RANG GI RGYUD LA BSKOR TE NYAMS LEN MTHAR PHYIN PAR BYA DGOS SO, ,ZHES 'DOMS PHYIR DAM BCA' 'DI LTAR MDZAD DE ,NA MO GU RU MANYDZU GHO sh'A YA, BLA MA DANG SANGS RGYAS DANG BYANG CHUB SEMS DPA' THAMS CAD DANG THUGS RJE'I STOBS DANG SMON LAM GYI MTHU GRUB PA THOGS PA MED PA'I YE SHES KYI SPYAN DANG LDAN PA RNAMS LA GUS PA CHEN POS PHYAG 'TSAL ZHING SKYABS SU MCHI'O, ,LHAG PA'I BSAM PA RNAM PAR DAG BAS YI DAM DU BGYI BA'I DON MTHA' DAG GEGS MED PAR MTHAR PHYIN PAR MDZAD DU GSOL, GANG ZHIG THUGS RJE CHEN PO'I GZHAN DBANG GIS, ,BDAG BDER CUNG ZAD TZAM YANG MA GZIGS PAR, ,GZHAN PHYIR DPAG PAR DKA' BA'I SPYOD YUL LA, ,GRANGS MED BZOD DKA'I NGAL BAS MI SKYO BAR, ,THUGS BSKYED MTHAR PHYIN MDZAD PA'I 'GRO BA'I GNYEN, ,DGE LEGS RTZA BA DRIN CAN BLA MA DANG, ,SRAS BCAS RGYAL BA'I ZHABS LA PHYAG 'TSAL NAS, , DE DAG SPYAN SNGAR YANG DAG BLANGS PA'I KHRIMS, ,SDOM PA GSUM GYI BCAS PA'I MTSAMS RNAMS LAS, ,MA GTOGS KHAS LEN BGYI BA CI ZHIG MCHIS, ,'ON KYANG BDAG NI NYON MONGS DBANG GYUR CING, ,BAG MED SPYOD PA'I GOMS PA

SHUGS TSE BAS, ,PHAL CHER LOG PA'I RGYUN PHYOGS GZHOL GYUR BA, ,'DI LA DRAN SHES SKYE BAR 'GYUR SNYAM NAS, ,SLAR YANG RGYAL DANG DE SRAS SRUNG MA'I TSOGS, ,DPANG POR GSOL TE 'DUN PA DRAG PO YIS, ,DGE SBYONG BDAG GIS DAM BCA' BCU PO 'DI; ;DE NAS BRTZAMS TE JI SRID 'TSO YI BAR, ,SROG LA BAB KYANG DOR BAR MI BGYID CING, ,GAL TE 'DAS NA RGYAL BA SRAS BCAS KYIS, ,PHYUGS LTAR DGONGS NAS SRUNG MA'I TSOGS RNAMS KYIS, ,BAG MED BDAG GI KHONG PA'I SNYING PHYUNGS SHIG, DA LTAR MKHYEN PAR GSOL NAS DAM BCA' BA BCU RJES SU BRJOD PA 'DI DAG GO, DE YANG GANG GI TSE GZHAN GYI SEMS NGES PAR BSRUNG DGOS SHING, CHES NGO MTSAR BA LA SOGS PA'I CHOS LDAN GYI DMIGS BSAL RE RE TZAM MA GTOGS PA'I SKABS GANG DU YANG DMAG DANG, CHOM RKUN DANG, RGYAL PO'I GTAM LA SOGS PA 'DU 'DZI'I GTAM GYI SBYOR BA CUNG ZAD TZAM YANG MI BGYI BA NI DAM BCA' DANG PO'O, ,KUN SLONG SKYON CHAGS PA'AM, LUNG DU MA BSTAN PA RNAM PAR MA BRTAGS PA'I SEMS KYIS KUN NAS BSLANG BA YANG RUNG STE, DE NYID KYI NYES PA SEL BA'I CHOS LDAN GYI CHED DU PHAN PAR 'DOD PA 'BA' ZHIG GIS BRJOD BA MA GTOGS PA, RANG LAS RGYUD THA DAD PA'I GANG ZAG DMIGS KYIS BSAL BA'I MING NAS SMOS TE DE'I SGO GSUM GYI SKYON PHRA MO TZAM YANG TSIG TU BRJOD PAR MI BGYID PA NI DAM BCA' BA GNYIS PA'O, ,GAL TE RANG LA SEMS RGYUD CUNG ZAD TZAM YANG 'KHRUGS PA'I BSAM PA MI 'DREN CING, GZHAN LA

, ,THABS DES NGES PAR PHAN PAR YID CHES PA'I SKABS BYUNG NA MA GTOGS PA RANG LAS RGYUD THA DAD PA'I SEMS CAN DANG, DE LAS GZHAN SEMS CAN MIN PA YUL DU BYAS PA'ANG RUNG STE RTZUB MO'I CHIG CUNG ZAD TZAM YANG MI BGYID BA NI DAM BCA' BA GSUM PA'O, ,GANG GI TSE CHOS LDAN GYI BYA BA'I CHED DU DRAN SHES NYE BAR BZHAG STE NGES PAR BRTAG DGOS PA'I GNAS LA SEMS PA MA GTOGS PA, GNYEN BSHES DANG, RNYED BKUR DANG 'DU 'DZI DANG, CHAGS SDANG LA SOGS BA'I GNAS LA CUNG ZAD KYANG NYON MONGS PA DANG 'DRES PA'I SEMS KYIS BRTAG PAR MI BYA BA NI DAM BCA' BA BZHI PA'O, ,GANG GI TSE NAD DANG, LAM LA SOGS BAS HA CANG DUB PA'I SKABS MA GTOGS PAR, DGE BA'I SBYOR BA'I SKABS GANG GI TSE'ANG ,NYAL BA DANG, 'PHRES PA DANG, BRE MO'I GTAM DANG, BZA' BTUNG HA CANG BSTEN PA SOGS KYIS CHOS LDAN GYI DGOS PA MED CING LE LO SKYE BAR MTHONG BZHIN DU 'PHRO MI GCOD CING DANG DU LEN PA CUNG ZAD KYANG MI BGYI BA NI DAM BCA' BA LNGA PA'O, ,BDAG LA RDZAS DE BDOG CING DE GANG ZAG DE NYID LA SBYIN NA BDAG GI DGE BA'I BYA BA NYAMS PA'I RKYEN DANG, 'PHEL BA'I GEGS SU 'GYUR PA 'AM, YUL DE LA GNOD PAR 'GYUR BAR NGES PA'AM, CHED DU BYA BA CHOS LDAN GZHAN DANG YUL GZHAN LA BSNGOS ZIN PA MA GTOGS PA, GANG ZAG GANG YANG RUNG BAS YO BYAD BZANG NGAN CI

'DRA ZHIG SLONG YANG SER SNA'I BLOS MI STER BA SPANGS TE, DE MA THAG TU DGA' BA'I SEMS KYIS BYIN NAS RDZOGS PA'I BYANG CHUB TU BSNGO BAR BGYI BA NI DAM BCA' BA DRUG PA'O, ,GANG GI TSE BDAG GAM BDAG GI GNYEN BSHES, LONGS SPYOD, 'KHOR G-YOG GANG YANG RUNG PA LA SU YANG RUNG BAS CI YANG RUNG BA'I GNOD PA DANG, MI SNYAN PA BRJOD PA DANG, MTSANG NAS 'BRU BA DANG, SROG GCOD PA'I BAR DU BYED PA THAMS CAD LA DANG POR KHONG 'KHRUGS PA DANG, RJES SU KHON DU 'DZIN PAS LUS NGAG GI RNAM PAR 'GYUR PA PHRA MO YAN CHAD 'BAD PAS 'GOG CING CUNG ZAD KYANG DANG DU MA LEN LA CI NAS KYANG DE NYID KYI LAN DU DNGOS BRGYUD GANG YANG RUNG BA'I SGO NAS PHAN GDAGS PA'I BLO BSKYED CING SMON LAM GDAB PA NI DAM BCA' BA BDUN PA'O, ,BDAG NYID KYIS DBANG KHRID LUNG MAN NGAG STON PA, MDO RGYUD SOGS 'CHAD PA, BDUN TSIGS RAB GNAS SBYIN SREG GI YON DANG, CHOS PHYOGS LA DMIGS PA DANG, 'PHRAL DU LONGS SPYOD PA LA NYE BA'I STA GON 'DU BYAS PA 'TSEMS SHING DRUB PA'I CHOS GOS DANG, G-YOS SU BYAS PA 'AM DE NYID GYI TSE G-YOS SU BYED PAR CHAS PA LTA BU'I ZAS GOMS MA GTOGS PA YO BYAD CHE CHUNG GANG BYUNG YANG BDAG NYID KYI DON DU BDAG GIR MI 'DZIN CING BSOD NAMS GSOG PA'I THABS 'BA' ZHIG LA GTONG BA DANG, CHOS GYI SBYIN PA TSIG BZHI YAN CHAD KYANG BYANG CHUB KYI SEMS KYI RTZIS ZIN PAR BYED PA NI, DAM BCA' BA BRGYAD PA'O, ,BSTAN PA 'BA' ZHIG LA BSAM PA'I BLOS GSUNG RAB KYI

, ,DON LA LOG PAR RTOG PA 'GOG PA'I YAN LAG MA GTOGS PAR, BSHES GNYEN GZHAN SU LA'ANG MI BSNGAGS PA CUNG ZAD KYANG MI SMRA ZHING YON TAN BRJOD PA LHUR LEN PA DANG GANG ZAG MCHOG DMAN SU LA YANG PHUN SUM TSOGS PA'I RNAM PA CHE CHUNG CI 'DUG PA DANG, YON TAN GYI KHYAD PAR CHOS DANG MTHUN PA CI 'DUG PA MTHONG NGAM THOS PA NA YID LA ZUG RNGU CUNG ZAD KYANG MI BSKYED CING DE MA THAG TU SNYING LA DGA' BA'I BLO SBYANG BA NI DAM BCA' BA DGU PA'O, , NAD DANG CHOM RKUN SOGS DRAG POS GTZES PA'I GZHAN DBANG DU GYUR PAS BSGRUB PAR MA NUS PA'I SKABS BYUNG NA MA GTOGS PA JI SRID 'TSO'I BAR DU NYIN ZHAG RE'I NANG DU DGE SBYOR BCU PO 'CHAG MED DU BGYI BA STE, DE YANG 'DI LTA STE, SMON SEMS DANG 'JUG SEMS CHO GA NYUNG DUS THUN DRUG TU LEN CING, KHYAD PAR SNGA DRO SMON SEMS DANG BYANG SEMS KYI SDOM PA RANG GIS BLANGS PA'I CHO GA RGYAS PA, BYANG CHUB KYI SEMS GNYIS SBYANG BA'I DMIGS RNAM GANG SKABS DANG 'TSAM PAR THUN BZHING LEGS PAR BSGOMS NAS SPYOD LAM THAMS CAD DE NYID KYIS RTZIS MA ZIN PA'I RGYA YAN DU MA SHOR BAR DRAN SHES NAR MAR BSTEN PA LA 'BAD PA, 'KHOR BA'I SNANG SHAS ZIL GYIS GNON PA'I GNYEN POR SKYES BU CHUNG 'BRING GI DMIGS RNAM GTZO BO GANG SKABS DANG 'TSAM BAR THUN BZHIR BSGOMS NAS SNGA MA LTAR DRAN SHES BSTEN PA, SNGAGS BLA MED KYI DKYIL 'KHOR RTEN DANG BRTEN PAR BCAS PA YONGS SU RDZOGS PA'I THUN BZHI'I RNAL 'BYOR RNAMS TE DAM BCA' PA

BCU PA'O, ,'DI LTAR BDAG GI YI DAM RNAM PA BCU, ,MI 'DOD BZHIN DU GZHAN GYIS BTZAL BA DANG, ,RTOG DPYOD SPANGS TE BYUNG RGYAL SMRAS PA 'AM, ,JI TZAM 'BAD KYANG 'GRUB PA'I THABS MED PA, ,DE DAG MIN PHYIR RANG LA BRTAGS PA NA, ,BRTZON PAS 'BAD NA BSGRUB PAR NUS PA DANG, ,GRUB NA DGOS PA CHE BAR MTHONG NAS NI, ,RGYAL BA'I SRAS KYI RMAD BYUNG SPYOD PA LA, ,SNYING NAS GUS PA'I DAD PA SKYES PA BDAG, RGYAL BA SRAS BCAS MTHU LDAN SRUNG MA'I TSOGS, ,DBANG POR GSOL BA'I DAM BCA' 'DI LTAR 'DOR, ,DE PHYIR SROG LA BAB KYANG DAM BCA'I KHUR, ,'DI DAG MI SPANG SLAR YANG RGYAL SRAS KYI, ,'DI LAS GRANGS MED RLABS CHE'I SPYOD KUN LA, ,'DUN DANG SBYOR BA GONG DU SPEL BAR BGYI, ,TSUL 'DIS MTSON PA'I DUS GSUM DGE BA KUN, , GCIG TU BSDOMS PAS TSE RABS KUN TU BDAG, RMAD BYUNG BSHES GNYEN MCHOG GIS RJES BZUNG NAS, ,BYANG CHUB SEMS GNYIS NAM YANG MI GTONG ZHING, ,RLABS CHEN RGYAL SRAS SPYOD KUN BSGRUB PA LA, ,MA ZHUM SNYING STOBS MCHOG GIS SRID MTHA'I BAR, ,RGYAL BA'I DAM CHOS MA LUS 'DZIN PA DANG, ,'JAM PA'I DBYANGS KYIS RJES SU 'DZIN GYUR CIG, CES RGYAL BA'I DGONGS PA SHING RTA CHEN PO RNAMS DANG 'JAM MGON BLA MAS JI LTAR BKRAL BA LTAR MDO SNGAGS KYI LAM GYI LUS YONGS SU RDZOGS PA LA NYAMS LEN SNYING POR BYA BA LAS NAM YANG MI G-YEL BA'I DAM BCA' MDZAD CING, SKAL BA DANG LDAN PA GZHAN DAG LA'ANG RJE RIN PO CHE'I MDO SNGAGS KYI BSTAN PA BSRE BSLAD MED PA RNAM PAR DAG PA RGYA CHER SPEL ZHING,

, ,CHOS RGYAL BDAG PO RAB BRTAN PAS GDAN DRANGS TE DPAL 'KHOR CHOS SDER RJE RIN PO CHE'I LUGS BZANG 'DZIN PA'I DGE 'DUN GYI SDE MANG DU SPEL TE BSTAN PA'I BYA BA RGYA CHEN PO MDZAD, DE NAS DGUNG LO ZHE GSUM BZHES PA ME MO LUG GI LOR BDAG PO RAB BRTAN PAS DBUS NAS RONG STON CHEN PO GDAN DRANGS TE RJE 'DI DANG RTZOD PA MDZAD PAR DRIL BSGRAGS, MKHAS GRUB RIN PO CHES KYANG ZHAL GYIS BZHES, GTAM DE DBUS GTZANG YONGS LA BSGRAGS PAS MKHAS PA MANG BO DBANG POR BYON ZHING, BKA' BSTAN 'GYUR YANG BRTZIGS, RTZOD PA'I DUS TSES BTAB PAS RONG STON PAS RTZOD PAR MA NUS NAS BDAG PO RAB BRTAN PA DANG GNYIS KAS 'BYOL THABS KHON MDZAD PAS; MKHAS GRUB SMRA BA'I NYI MA DGE LEGS DPAL BZANG POS 'JIGS PA MED PA'I SGRA DBYANGS ZAB MO SGROG BAR MDZAD PA NI 'DI LTAR, AOm BDE LEGS SU GYUR CIG, BLO BZANG GSUNG GI LEGS BSHAD ME TOG PHRENG, , GRAGS PA'I MDANGS LDAN RIGS PA'I DRI BSUNG CAN, ,DPAL LDAN MKHAS PA KUN GYI MGO BO LA, ,NGAL BSO BGYIS PAS THUB BSTAN RGYAS GYUR CIG, THEG MCHOG RIGS KYI NUS PA MI DMAN TSOGS GNYIS RIN CHEN KHAMS LAS GRUB, ,RNAM DPYOD MGYOGS 'GRO'I RTA LJANG GIS DRANGS SHES BYA'I MKHA' LA THOGS MED CING, ,GSUNG RAB RGYA MTSO'I GOS CAN MA LUS RIGS PA'I ZER GYIS SNANG BYED PA, ,SNGON MED NAM MKHA'I NOR BU

DE DANG ME KHYER LHAN CIG JI LTAR BGROD, ,'ON KYANG RONG SKYES SH'AKYA YIS, ,BSTAN LA SDANG BA'I YID LDAN ZHING, ,GSHEN RAB GZHUNG LUGS RGYAL MTSAN 'DZIN, ,BYIS PA MKHAS PAR RLOM PA GANG, ,RING NA GNAS TSE KHO BO DANG, ,LHAN GCIG BRGAL LAN BYA'O ZHES, ,GYA GYU'I YID LDAN DRANG SRONG GI, DMOD PA'I TSIG BZHIN YANG YANG BSGRAGS, ,DE NAS NAM ZHIG 'DIR PHYIN TSE, ,ZHUM PA BZHIN DANG SKRAG PA BZHIN, ,GNONG BA BZHIN DANG 'GYOD PA BZHIN, ,SKYABS MED BZHIN DU SKYABS 'TSOL BYED, ,DPAL LDAN ZLA BA'I 'OD DKAR LA, ,GLAGS TSOL 'DOD PA'I MUN CAN DE, ,KHO BO'I RIGS TSUL RDO RJE YIS, ,GZHOM PAR BYA ZHES MNGON DU SMRAS, ,BLA MA'I LEGS BSHAD NYIN BYED ZER, ,SGRIB BYED PHRAG DOG RKANG 'THUNG RGYAS, ,NYES BSHAD NAGS TSAL 'KHRIGS PA KHYOD, ,DA LTA THAL PAR BYA ZHES SMRAS, ,DE'I TSE SKRAG PA'I YID LDAN DES, ,DE DAG BDAG GIS MA BKAG CES, ,GTOL MED GYUR PA'I TSIG SMRA ZHING ,RDZUN GYI KHUNG BUR YANG YANG BROS; ,KHREL YOD NGO TSA'I GOS DANG BRAL, ,SDOM PA'I SKA RAGS LHOD PA CAN, ,BLUN RMONGS SLOB MA'I TSIG NGAN GYI, ,YOL BAS BSGRIBS PA'I PHAG TU 'CHEL, ,PHYOGS 'DIR MKHAS PA'I BKA' MCHID DAG, BYA BAR 'OS PA MIN ZHES PA'I, ,SBYIN BDAG TSIG LA SKYABS BCAS NAS, ,BDAG LA BKA' DRIN CHE ZHES SMRAS, ,LUNG RIGS RLABS PHRENG ROL PA CAN, ,SDE CHEN RGYA MTSO SO SO NAS, ,MKHAS PA GDENG CAN DU MA DAG, GNAS 'DIR DPANG POR LHAGS

, ,PA YANG, ,DE YIS GANG LA MGON BCAS PA, ,DE NYID TSIG GIS RANG RANG GI, ,CHU GTER GNAS SU BSKRAD BYAS NAS, ,BRGOL PA'I DKYIL 'KHOR RDZOGS MA GYUR, ,'DI LTAR MNGON DU MA NUS PA'I, , ZHUM TSIG SMRAS PA DRAN BYOS LA, ,PHYIS NAS MKHAS PA'I LEGS BSHAD LA, ,LKOG TU NGAN SMRAS MA BYED CES, ,BDAG GIS GDAMS SHING TSAR BCAD PAS, ,BDEN MIN SMRA BA LHUR LEN ZHING, ,NGO TSAS GTOL MED GYUR DE DAG, LUG BONG BZHIN DU MKHAS RNAMS SGROGS, ,BDE GSHEGS BSTAN PA GANGS RI'I SUL NA GNAS, ,GZHUNG LUGS 'BUM PHRAG RAL PA'I KHUR GYIS BRJID, ,RIGS PA'I MCHE SDER MI BZAD STOBS LDAN PA, ,MKHAS MCHOG GDONG LNGA'I DBANG PO KHO BO TZAM, ,DRI MED RIGS PA'I GAD RGYANGS GCIG GIS KYANG, ,DREGS LDAN PHAS RGOL GLANG PO STONG GI SNYING, ,LKOG MAR PHYIN PA'I 'JIGS STER DGE LEGS DPAL, ,BZANG PO LAS GZHAN SMRA BA'I SENG GE GANG, ,ZHES DRI MA MED PA'I RIGS PA'I GANG RGYANGS RGYA CHER BSGRAGS PA DPAL 'KHOR CHOS SDE'I RGYAL SGO LA BLAN TE KUN GYIS MTHONG BAR MDZAD DO, ,'DI LTAR MKHAS PA CHEN PO GNYIS KYIS DRI MA MED PA'I RIGS BA'I NGA RO'I RTZE DGA' MDZAD PA NI BSTAN PA RGYAS PA'I CHED DU MDZAD PA YIN GYI, DENG SANG GI BLUN RMONGS DAG GI NGANG TSUL LTAR CHAGS SDANG GIS MDZAD PA MIN NO, ,DON 'DI LA MKHAS GRUB THAMS CAD MKHYEN PA NYID KYI ZHAL

NAS, KHA CIG DE LTAR CHOS DANG CHOS MA YIN PA'I RNAM DBYE LA BRGAL BRTAG MANG DU BYED PA NI SEMS RGYUD MA DUL BA YIN PAS SNYING PO MED, CHOS DE DAG THAMS CAD LA RANG RANG GI LUGS BZHIN NYAMS SU BLANGS PAS GANG ZAG BZANG PO MANG PO BYON 'DUG PA DANG CHOS THAMS CAD DU MA RO GCIG YIN ,CHOS KYI KHA ZIN BYED PA CHAGS SDANG RMONGS GSUM GYI RTZA BA YIN PAS BYAR MI NYAN, 'DOD PA DE DAG THAMS CAD PHUN SUM TSOGS PA 'BA' ZHIG YIN ZHES ZER BA YANG BLUN PO PHAL CHE BA CHOS PA RANG JO BO BZANG ZHES DAD PA LHAG PAR SKYE, KHO RANG YANG DE NYID DANG DU LEN ,RNYED BKUR 'DU BA YANG MANG BAR GYUR MOD KYI LUNG RIGS KYIS CHOS LOG TSAR GCOD PA SEMS RGYUD MA DUL BAR SMRA BA NI, SANGS RGYAS DANG 'DZAM GLING MDZES PAR BYED PA'I RGYAN DRUG LA SOGS PA RGYA BOD KYI LO PAn KHYAD PAR CAN MTHA' DAG LAS RANG NYID SEMS RGYUD DUL BAR DON GYIS KHAS LEN PA BRTAGS NA BLOS 'KHYUD PAR DKA' BA'I GTAM YIN NO, ,RANG NYID SKYE BO PHAL PA BLUN PO 'GA' ZHIG GI BLO YUL DU GRUB PAR BYA BA'I PHYIR DANG, RNYED BKUR CUNG ZAD 'DU BA'I SGO MI NYAMS SHING GONG NAS GONG DU 'PHEL BAR BYA BA'I PHYIR TZAM DU SHES BZHIN DU CHOS MA YIN PA CHOS SU STON PAR BYED PA NI, SEMS RGYUD GTING NAS MA DUL BA'I TSABS DE LAS CHE BA CI ZHIG YOD DE ,TSE 'DI'I DGOS PA CUNG ZAD TZAM GYI PHYIR DU CHOS SPONG BA'I LAS TSABS PO CHE BSAGS NAS RANG GZHAN SLU ZHING SANGS RGYAS KYI BSTAN PA NYAMS PAR BYED PA'I PHYIR RO, ,CHOS

, ,CHOS MA YIN PAR STON BA DANG, CHOS MA YIN PA CHOS SU STON PA GNYIS KA YANG CHOS SPONG GI LAS SU 'GYUR BA LA KHYAD PAR MED PAR 'PHAGS PA RNAM PAR 'THAG PA BSDUS PA'I MDO LAS GSUNGS SO, ,ZHES GSAL BAR GSUNGS SHING, MKHAS GRUB CHEN PO 'DI NYID KYIS RIGS PA'I DGAG BZHAG MDZAD PA NI, RGYAL BA'I BSTAN PA NYAMS PA THUGS KYIS MA BZOD PA DANG, SEMS CAN BLUN RMONGS RNAMS CHOS LTAR BCOS PAS PHUNG BAR 'GYUR BA THUGS KYIS MA BZOD NAS RANG YAL BAR DOR TE GZHAN GCES PAR 'DZIN PA'I BSAM PA KHO NAS MDZAD PA YIN TE, CHOS MIN CHOS SU STON BYED CING, ,DAM CHOS BTZONGS PAS 'TSO RNAMS KYIS, ,THUB BSTAN MING GI LHAG MAR BYAS, TSUL 'DI BDAG GIS JI LTAR BZOD, ,CES GSUNGS PA LTAR RO, ,DES NA MKHAS MCHOG GDONG LNGA'I DBANG PO GNYIS DRI MA MED PA'I RIGS PA'I NGA RO'I RTZE DGA' BYED PA'I BAR DU BLUN RMONGS WA SKYES DAG 'TSANGS NAS PHYOGS LHUNG MI BYA STE RANG NYID PHUNG BAR 'GYUR BA'I PHYIR RO, ,DES NA MDO LAS, NGA 'AM NGA DANG 'DRA BAS GANG ZAG GI TSOD BZUNG GI ,GANG ZAG GIS GANG ZAG GI TSOD MI BZUNG STE NYAMS PAR GYUR TA RE, ZHES GSUNGS PAS BDAG LEGS SU 'DOD PA DAG GIS SKYE BO DAM PA LA GNOD PA'I LAS RNAM PA KUN TU SPANGS TE GUS PA LHUR BYA'O, ,DE NAS MKHAS GRUB RIN PO CHES DPAL 'KHOR CHOS SDER MA BZHUGS PAR RI BO MDANGS CAN DU PHEBS TE BSTAN PA'I BYA BA

RGYA CHER MDZAD PA NA BDAG PO RAB BRTAN PA YID BZHIN GYI NOR BU LAG TU RNYED PA CHED DU BSAMS TE BRLAG PAR BYAS PA LTAR 'GYOD PA TSAD MED PA SKYES TE, MKHAS GRUB RIN PO CHE LA DNGOS SU ZHU MA SPOBS PAR NYE GNAS LA GSER MANG PO BYIN TE SLAR GDAN 'DREN PA'I ZHU BA BYAS PAR PHEBS SU MA BZHED PAR, AOm SVA STI, GANG GI BKA' DRIN DRAN PAS BDAG GI YID, ,SHIN TU BRTAN PA NYAMS PA'I DAD PA YIS, ,ZLA MED BLA MA'I ZHABS LA PHYAG BYAS TE, ,RANG GI YID LA GCAGS PA'I GTAM 'DI GLENG, ,SMRAS PA, 'DIN ZAB DANG RGYA CHE DAM PA'I CHOS ,,DGOS 'DOD KUN 'BYUNG DPAG BSAM LJON PA YANG, ,KHA ZAS DON GNYER BLUN PO'I CHOGS RNAMS KYIS, ,BUD SHING CHED DU CHUD GZON BYED PAR ZAD, ,MDO RGYUD GSUNG RAB MKHA' LA THOGS MED PA'I, ,LEGS BSHAD 'OD STONG LDAN PA'I NYIN BYED KYANG, ,DUS MTHAR LAS KYIS LA LTUNG BA NA, ,RTZVA SGRON TZAM GYI BYA BA'ANG BYED MA YIN, ,SKYON YON BYED PA'I BLO GROS MIG LDONG NAS, ,BLUN PO'I CHIG RJES 'BRANG LAS GZHAN MED PAS, ,RANG GI LAG THOGS NOR BU RIN CHEN YANG, ,PHYAG DAR PHUNG PO'I RDO DANG MTSUNGS PAR MTHONG, ,SEMS RTA DMU RGOD 'PHRAL DU DUL BYED PA, ,PHUL BYUNG DAM PA'I CHOS KYI DGA' STON YANG, ,NGAN SKYUGS DON GNYER KHVA TA'I TSOGS RNAMS KYIS, ,PADMO'I RTZA LAG BZHIN DU 'BAD PAS SPONGS, ,SANGS RGYAS LAS KYANG DKON PA'I GDAMS PA MCHOG ,TSANG LA MA NOR SNGON MED BDUD RTZI'I RGYUN, ,DKA' SPYAD LTOS MED BRTZEBS BYIN NA YANG, ,SKAL NGAN SKYE BOS

, ,DUG LTAR 'GAL BAR 'DZIN, ,RLABS CHEN LUNG RIGS BSHAD PA'I GRU SBYANG NAS, ,GZHUNG LUGS CHU GTER CHE LA LEGS KHRID NA, ,BLO CHUNG BYIS PA LTA BU 'DI DAG NI, ,SGYID LUG ZHUM DANG 'JIGS DANG GTOL MED 'GYUR, ,GZHUNG LUGS BSHAD PA RTZVA LTAR DOR BYAS NAS, ,BSDUS PA'I THAL PHRENG MDZUB KHRID KHO NA YANG, ,DON CHUNG LAS LA TSE ZAD 'GYUR MTHONG NAS, ,BDAG NI 'DI LA 'JUG PA LHOD PAR GYUR, ,THUN MONG STONG NYID GTAM YANG SNOD MIN LA, ,'CHAD PA BKAG NA BLA MED THEG PA'I LAM, ,MI 'DOD BZHIN DU STON PA SMOS CI DGOS, ,DE PHYIR KHO BO 'DI LA'ANG SKYID LUG GYUR, ,LTA BA'I MTHAR THUG DBU MA'ANG DE NYID DON, ,BDEN 'DZIN GNYEN POR BSGOM PHYIR MI SLOB PAR, ,GRANGS 'DZIN PHYIR DANG GANG SHES TSOGS NANG DU, ,SMRA PHYIR 'BAD PA BDAG 'DZIN GSOS 'DEBS YIN, ,BLANG DOR GNAS DANG LAM GYI YAN LAG KUN, ,TSED MAS GTAN LA DBAB PHYIR MA YIN PA'I, ,MANG PO'I DBUS SU 'GRAN ZLA ZIL MNAN NAS, ,GZHAN NGOR GRUB PHYIR 'BAD PA'ANG CHOS MIN YIN, ,GZHUNG LUGS DON LA CHA TZAM MA REG PA'I, ,RDZAS LDOG NA BZUNG CHOS CAN ZOL 'JOG SOGS, ,'BAD NAS SLOB PA KUN SLONG SKYON MED NA, ,LUNG MA BSTAN GYI LAS SU 'GYUR BA TZAM, ,CHAGS SDANG PHRAG DOG 'GRAN SEMS DRAG PO DANG, ,MI GZUGS TSOL PHYIR THOS BSAM SGOM GSUM LA, ,JI TZAM 'BAD KYANG CHOS MIN DU MA'I SGO, ,

NAD PA GSAD PHYIR ZAS MCHOG SBYIN PA BZHIN, ,LTO RGYAB TZAM PHYIR 'DUS PA'O 'KHOR NANG DU, ,CHAGS SDANG G-YO SGYUS 'THAB RTZONG LHUR BLANGS NAS, ,ZHAR LA SBYOR DAG TSIG GSUM BZLAS BRJOD KYIS, ,RANG GZHAN GNYIS KA 'DI PHYIR PHUNG BAR BYED; ;MKHAN SLOB MCHED GROGS CHOS DANG DAM TSIG NI, ,MDA' LTAR 'PHANGS NAS 'DU BA'I SGO 'PHROG CING, ,DAD RDZAS PHYIR RTZOD YUL 'KHOR 'JOMS PA'I DPUNG, ,JI TZAM TSOGS KYANG DMYAL BA'I 'DUN KHANG YIN, ,DMAN PA'I GZHUNG DANG MCHOG TU RNYED DKA'I LAM, ,'CHAD DANG 'DOMS PA LDOG STE DON GNYER BA, ,SKAL BA MED PA'AM SHIN TU BLUN PA 'AM, ,SNANG SHAS GDON CHEN SNYING LA ZHUGS PA YIN, ,TSE 'DI 'AM BAR DO SKYE BA BDUN TZAM GYIS, ,SANGS RGYAS 'THOB PA'I LAM BZANG THOB NAS KYANG, ,SANGS RGYAS MI 'DOD SMRA BA NGO TSA NAS, ,DE LA'ANG 'DI NYID DGOS PA'I ZOL SBYOR GYIS, ,BGROS NGAN TSIG GSUM GSHAGS SBYOR CUNG ZAD CIG ,SHES NAS LONG BAS LONG BA 'KHRID PA'AM, ,ZAS NOR BSGRUB PHYIR PHYI MA BLOS GTONG BA, ,'DI DAG MI YI GZUGS BRNYAN DUD 'GRO'I PHUL, ,DAM PA RNAMS KYIS TSE 'DI BLOS BTANG NAS, ,ZAB MO'I MAN NGAG RTZE GCIG NYAMS BLANGS PAS, ,DON GNYIS PHUL PHYIN MTHA' YAS RNAM THAR LA, ,YID G-YO'I 'DUN PA CHA TZAM MI SKYE BAR, ,DA LTA'I STON BA 'GA' YI RNYED GRAGS DANG, ,SLOB 'KHOR RGYA CHEN 'DU 'GOD MANG PO'I GTAM, ,THOS PA TZAM GYIS 'GRAM CHU LDANG BA NI, ,GZHI RTZA GTING NAS NYES PA'I RTAGS NGAN YIN, ,SNUM ZAD

, ,MAR ME LTA BU'I BSTAN PA 'DI, ,KHO BO'I LEGS BSHAD GO CHA BLO GROS KYIS, ,RDZOGS LDAN BZHIN DU BYA BAR NUS NA YANG, ,SKAL NGAN RNAMS KYIS SA 'OG GTER BZHIN SBAS, ,DA NI DUS LA SDOD PA MED PA DANG, ,LANG TSO'I DPAL YANG STON KA'I SPRIN LTAR G-YO, ,SKYE BO PHAL CHER SKAL BA MED MTHONG NAS, ,MANG THOS BDAG NI GCIG PUR CHOS DON SEMS, ,TSE 'DI 'BA' ZHIG DON GNYER 'KHOR NANG DU, ,CHAGS SDANG 'DU 'DZIS 'DA' BA'I GO SKABS NAS, ,RTZOD PA LHUR LEN TSIG 'GA'I BSHAD PA LA, ,MKHAS PA NGA NI SKYUGS PA BZHIN DU BLTA, ,RANG YUL NYE DU LONGS SPYOD KUN BOR NAS, ,RTZE GCIG DAM CHOS BSGRUB BAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED PA SMYON PA YIN, ,CHOS DANG CHOS MIN RNAM DBYE LEGS RTOGS NAS, ,DA DUNG CHOS LTAR BCOS PA'I GZUGS BRNYAN LA, ,CHAGS SHING BAG MED RNAM G-YENG LHUR LEN NA, ,BDAG LA SEMS MED GYUR PA GDON MI ZA, ,RGYAL BA'I DGONGS ZAB MTHAR THUG RGYAL BA DANG, ,MTSUNGS PA'I BLA MA'I MAN NGAG LEGS RTOGS NAS, ,DE DON RTZE GCIG BSGRUBS NA RANG GZHAN GYI, ,GTAN GYI MDUN MA 'GRUB BAR SHES BZHIN DU, ,DA DUNG GZHAN ZER SNYAN DANG MI SNYAN DANG, ,DON CHUNG TSE 'DI'I KHE NYEN BRTZI BRTZI NAS, ,PHYI BSHOL DANG LA DON MED DUS 'DA' NA, ,CHOS BRGYAD GDON GYIS ZIN

PA'I SNYING RUL YIN, ,GTING NAS NGES PA MA RNYED BLUN PO DAG ,ZAB MO BSGRUB LA MI GUS MTSAR CI YOD, ,GTING NAS ZAB MO'I LAM LA YID CHES NAS, ,DE DON MI BSGRUB DE LAS KHREL BOR SU, ,CI'ANG MI SHES KHA CIG TSE 'DI LA, ,BLTOS MED BSGRUB LA BRTZON PA MTHONG BA'I TSE, ,NYAMS LEN GNAD LA CHES MKHAS RNAM G-YENG GI ,RGYAR CHUD GYUR PA SHIN TU NGO YANG TSA, ,DE PHYIR MDO RGYUD BLA MA'I MAN NGAG DON, ,LEGS PAR KHONG DU CHUD PAS YID DRANGS NAS, ,NAM ZHIG 'DI DON BSGRUB PAR 'GYUR SNYAM DU, ,MKHAS PA NGA NI 'DI NYID 'BA' ZHIG SEMS, ,MI DBANG DU MA'I COD PAN NOR BU'I 'OD, ,RKANG MTHIL RDUL LA RTZE BA THOB PA DANG, ,RTZVA RTZE'I ZIL PAS SEN MO NYER MCHOD BA, ,MKHAS PA BDAG LA PHAN PAR PHYI MA 'GYUR, ,ZANG ZING LONGS SPYOD RMI LAM DPAL 'BYOR DANG, ,MTSUNGS BAR RIG CING RGYAL BAS SMAD MTHONG NAS, ,MKHAS PA BDAG NI BA TSVA'I MCHOD YON LTAR, ,RNYED BKUR GNAS LA MTHUN PAR 'DZIN MA YIN, ,BRAG CHA'I DBYANGS KYIS BDAG RGYUD KHENGS MI 'GYUR, ,DUS MIN SNYAN GRAGS BDUD KYI PHO NYA NI, ,DE LTA MIN ZHES TSIG GI MCHOD SBYIN LA, ,MKHAS PA BDAG NI RE BA LHUR MI BYED, ,MCHE BA MI BZAD SBAR MO'I SHUGS 'CHANG BA, ,GANGS RI 'DZIN PA'I GDONG LNGA'I DBANG PO NI, ,LCAGS KYIS BCINGS NAS BTZOG CHUS 'TSO BA YI, ,SGO KHYIR BYED 'DOD MKHAS PA'I BZHAD GAD YIN, ,DE LTAR SMRAS 'DI DAM PA'I MDZAD PA LA, ,BLTA BAR 'DOD PA'I DGE

, ,SLONG DGE LEGS DPAL, ,BZANG POS MDANGS CAN RI BO'I NGOS LAS NI, ,RANG GI RTOGS BA GTAM DU BSNYAD PA YIN, ,ZHES BKA' STZAL TO, ,MKHAS GRUB THAMS CAD MKHYEN PA 'DI NI RANG DANG GZHAN GYI GRUB MTHA' RGYA MTSO LTA BU'I PHA ROL TU BYON ZHING, RJE BTZUN 'JAM PA'I DBYANGS DANG BCOM LDAN DPAL HE RU KA LA SOGS PA LHAG PA'I LHA MANG BOS RJES SU BZUNG BA DPAL YE SHES KYI MGON PO PHYAG DRUG PA DAM CAN CHOS KYI RGYAL PO GUR GYI MGON PO DPAL MGON ZHAL BZHI PA SOGS DAM CAN CHOS SRUNG RNAMS KYIS RGYUN DU ZHAL BSTAN TE BKA' BZHIN DU BSGRUBS PAS ZHI RGYAS DBANG DRAG GI LAS GANG LA'ANG THOGS PA MED PA DANG, RJE BTZUN 'JAM PA'I DBYANGS KYIS ZHAL BSTAN PA DANG, ,RDO RJE RNAL 'BYOR MAS ZHAL BSTAN PA DANG, ,LHA MO DBYANGS CAN MAS ZHAL BSTAN PA DANG, ,SA RA HA DANG 'PHAGS PA KLU SGRUB SOGS PAn GRUB MANG POS ZHAL BSTAN TE BYIN GYIS BRLABS PA'I RNAM THAR MANG DU MCHIS TE, 'DIR MTHA' DAG BKOD NA MANG DU DOGS PA DANG, GSANG BA BSGRAGS PAR YANG 'GYUR DOGS NAS MA BKOD PAS GSANG BA'I RNAM THAR DAG LAS SHES PAR BYA'O, ,DON 'DI DAG LA THAMS CAD MKHYEN PA DGE 'DUN GRUB PAS, ZHING 'DIR KHYOD SKU'I NYIN BYED SHAR BA'I TSE, ,LOG SMRA 'BYUNG PO'I BYA RNAMS LONG GYUR CING, ,GSUNG RAB 'DAB RGYA'I TSAL KUN RGYAS MDZAD PA, ,

SNGON MED NYI MA MCHOG LA GSOL BA 'DEBS, ,LHA DANG BCAS PA'I RGYAL SRID YONGS RDZOGS LA, ,CHOS KYI 'KHOR LOS 'DOD DGUR DBANG BSGYUR BA, ,CHOS KYI RGYAL PO MKHAS GRUB DGE LEGS DPAL, ,BZANG PO'I ZHABS LA GUS PAS GSOL BA 'DEBS, ,RGYA CHEN BSOD NAMS RING NAS BSKRUN PA'I MTHUS, ,RANG DANG GZHAN GYI TSE RABS BRGYA STONG KUN, ,JI BZHIN DRAN PA'I SNGON GNAS MKHYEN PA SOGS, ,MNGON SHES THOGS MED MNGA' LA GSOL BA 'DEBS, ,GZHON NU NYID NAS KHYOD SKU'I LHUN PO NI, ,CHOS GOS MTSAMS SPRIN GZHON NUS RAB 'KHYUD CING, ,MKHAS MANG GSER RI'I DBUS NA YON TAN GYI, ,BANG RIM MNGON PAR MTHOL GSOL BA 'DEBS, ,TSE RAB KUN TU LHAG PA'I LHA RNAMS KYIS, ,RJES SU BZUNG NAS LEGS PAR SBYANGS PA LAS, ,BKA' DANG BSTAN BCOS KUN GYI TSIG DON LA, ,MKHAS PA'I MKHAS PA KHYOD LA GSOL BA 'DEBS, ,ZHES DANG, 'DI NA CHOS KYI DUNG CHEN 'BUD PA LA; ;DA LTA KHYOD LAS MCHOG GZHAN MA MA CHIS ZHES, ,DAM CAN RGYA MTSO'I TSOGS KYIS MGRIN GCIG TU, ,MGON KHYOD MCHOG TU BSNGAGS LA GSOL BA 'DEBS, ,BGEGS DPUNG 'JOMS PA'I MTHU RTZAL MTHA' YAS PA'I, ,PHYI NANG BSTAN SRUNG RGYA MTSO'I TSOGS RNAMS KYIS, ,KHYOD KYI BKA' DANG DAM LAS MI 'DA' BAR, ,TSUL BZHIN 'PHRIN LAS BSGRUBS LA GSOL BA 'DEBS, ,ZHES BSNGAGS SO, ,MKHAS GRUB CHEN PO 'DI

, ,NI BLA MA DANG LHAG PA'I LHA DBYER MED PA'I RNAL 'BYOR LA THUGS DAM GYI MTHIL DU MDZAD PAS RJE BTZUN TZONG KHA PA CHEN PO ZHING GSHEGS NAS KYANG DNGOS DANG RMI LAM CI RIGS PAR YANG DANG YANG DU ZHAL BSTAN NAS GDAMS PA DANG RJES SU BSTAN PA YANG YANG STZOL BAR MJED PA ZHIG STE, LAN CIG ZAB MO DBU MA'I LTA BA'I DKA' GNAS PHRA MO ZHIG LA DOGS PA ZHIG BYUNG BA'I TSE RMI LAM DU, RJE BTZUN TZONG KHA PA CHEN PO GSAL BAR BYON NAS MDO SDE DKON MCHOG BRTZEGS PA'I 'OD SRUNGS KYI LE'U GSAL BAR GSUNGS PAS DGOGS PA LHAG MA MED PAR CHOD DE ZAB MO'I GNAS LA 'KHRUL PA'I DRI MA THAMS CAD DANG BRAL BA ZHIG BYUNG, DON 'DI LA THAMS CAD MKHYEN PA DGE 'DUN GRUB PAS, RMI LAM DU YANG RJE BTZUN TZONG KHA PAS, 'ONG SRUNGS LE'U GSAL BAR GSUNGS PA'I TSE, ,LTA BA 'KHRUL PA'I DRI MA KUN BCOM NAS, ,CHOS NYID MNGON DU GYUR LA GSOL BA 'DEBS, ,ZHES BSNGAGS SO, ,KHYAD PAR DU YANG RJE BLA MA LA GSOL BA TAB PA TZAM GYIS ZHAL GZIGS PA CIG YOD PAS, LAN CIG CHOS GROL NAS NANG DU PHEBS PA'I SKABS SHIG LA RJE BLA MA DRAN NAS, LAR SEMS CAN 'DI RNAMS BSOD NAMS MA BSAGS PAS YONGS 'DZIN DAM PAS MA ZIN, 'DUS BYAS RTAG PAR BSGOMS, CHOS RNAMS BDEN GRUB TU 'DZIN, ,LONGS SPYOD LA 'BAD RTZOL CHER BTANG NAS BSGRUBS,

TSE 'DI'I SNYAN GRAGS LA THOB BYA MTHAR THUG TU BZUNG, RJE RIN PO CHE'I LEGS BSHAD 'KHRUL PA PHRA MO TZAM YANG MED PA BSTAN PA'I SNYING PO CHOS PHUNG BRGYAD KHRI BZHI STONG GI BRJOD BYA MTHAR THUG CHES CHER DKON PA RDO RJE 'CHANG GI GO 'PHANG TSE 'DI NYID LA MNGON DU BYED NUS PA'I LAM ZAB MO ZHAL SHES DANG BCAS PA 'DI LTA BU NYIN MTSAN DU 'BAD NAS BSHAD KYANG, SKAL BA DANG MI LDAN PAS BSHES GNYEN NGAN PA CI YANG MA BSLABS SHING DAM PA'I GDAMS NGAG MED PA, SHES RAB DANG BRAL ZHING BDUD KYI BAR CHAD KYIS KHYER BA, TSE 'DI'I 'DOD YON LA SRED PAS NGO TSA KHREL MED LA YON TAN DU BYAS NAS MI TSE HRIL PO GTI MUG GAM, CANG MED BSGOM PA DUD 'GRO LTA BU ZHIG GI MDUN DU CHOS BRGYAD KYI TSIG RE NYAN ZHING, ,KUN SPYOD KHYI PHAG LTAR ROL PA 'DI DAG BLANG DOR SHES PA CIG GIS LTOS DANG, GTAM DRANG POR SMRAS NA MTSANG LA PHOG ,MA SMRAS NA SEMS CAN 'DI RNAMS LA SNYING BRTZE BAS MI BZOD PAR 'DUG ,DES NA CUNG ZAD SMRAS PA YIN, LOG PA'I LAM DU ZHUGS PA'I SEMS CAN 'DI RNAMS LA GZIGS DANG ZHES THUGS SHIN TU SKYO NAS SPYAN CHAB MANG DU SHOR SHING, MCHOD PA BZANG PO BSHAMS NAS GSOL BA BTAB PAS, GLANG PO CHE DKAR PO MCHE BA DRUG LDAN LUS GSER GYI DRIL BU DANG RIN PO CHE'I RGYAN GYIS BRGYAN PA'I STENG DU RJE RIN PO CHE SNGAR GYI DBYIBS JI LTA BAR BYON NAS, BU SEMS MI DGA' BA MI DGOS, BLA MA

, ,DRAN NA SNGAR BSAGS KYI SDIG PA 'DAG CING BSOD NAMS KYI TSOGS GSOG PA YIN, NGED RANG DPON SLOB KYI MDUN MA LEGS, RJE BTZUN MI LAS KYANG BLA MA DRAN NAS BLA MA DRAN MGUR MDZAD PA YIN, NGA'I BSTAN PA RGYAS PAR GYIS GSUNG, YANG LAN CIG LTA BA DANG BSKYED RDZOGS KYI GNAD PHRA BA CIG LA THE TSOM BYUNG NAS BDAG GI BLA MA DE BZHUGS NA ZHU BA YIN PA LA, DA THAG CHOD PA'I ZHU SA GZHAN NI MED SNYAM DU DGONGS NAS MAndAL PHUL NAS GSOL BA BTAB PAS, GSER GYI KHRI RIN PO CHE'I RGYAN GYIS SPRAS PA ZHIG LHA'I BU MANG POS BTEG PA'I STENG DU RJE BLA MA BZHUGS PA DNGOS SU BYON NAS, NGA'I STAGS MTSAN NYID KYI LAM RIM GNYIS KYIS GTZO BYAS PA'I YIG CHA RNAMS LTOS DANG KHA CHEMS KYI TSAB YIN GSUNGS NAS GANG LA THE TSOM BYUNG BA'I LTA BA DANG BSKYED RDZOGS KYI BKA' GNAD RNAMS ZHIB TU GSUNGS SHING DBANG RJES GNANG KHA YAR GNANG, YANG SKABS SHIG TU RJE'I GSUNG RAB RNAMS KYIS THUGS PHROGS NAS, SDE SNOD GSUM DANG RGYUD SDE BZHI'I GSUNG RAB DGONGS 'GREL DANG BCAS PA'I DGONGS DON LAM GYI GO RIM GRANGS NGES, SHING RTA'I SROL 'BYED RNAMS KYI BZHED PA JI LTAR YIN PA DANG, KHYAD PAR SGYU LUS 'OD GSAL SOGS ZAB LAM GYI RNAM GZHAG, DE YANG, 'DUL BA NAS BZUNG STE SHIN TU SPROS MED KYI BAR THAMS CAD GANG ZAG GCIG 'TSANG RGYA BA'I THABS

SU HRIL GYIS DRIL NAS STON CING LAM GYI LUS YONGS SU RDZOGS PA 'DI LTA BU STON PA NGA'I BLA MA TZONG KHA PA CHEN PO MA GTOGS RGYA BOD GANG DU YANG MA BYUNG 'DUG SNYAM PA'I DAD PA CHEN PO 'KHRUNGS NAS, GSOL BA DRAG TU BTAB PAS , RJE RIN PO CHE SENG GE LA CHIBS PA, SKU MDOG DMAR SER RAL GRI DANG GLEGS BAM 'DZIN PA GZHON NU RAL PA'I THOR TSUGS DANG RIN PO CHES BRGYAN PA'I RJE BTZUN 'JAM DBYANGS KYI CHA BYAD DU BYON NAS, NGA'I BU SEMS MI DGA' BA BYA MI DGOS SPYIR SEMS CAN GYI RIGS LA SNA TSOGS 'ONG, KHYAD PAR DA LTA SNYIGS MA'I DUS SU MI RTAG PA DANG NGAN SONG GI SDUG BSNGAL MA DRAN PAS RNYED BKUR SOGS LA ZHEN CING TSE 'DI'I MDUN MA BSGRUBS NAS PHYI MA'I DON LTA ZHOG TSE PHYI MA JI LTAR 'GYUR SNYAM PA'ANG DKON, CHOS BYED 'DOD CUNG ZAD YOD KYANG PHYI BSHOL DU SONG, CHOS BYED BAR SHOM PA TSO YANG BSHES GNYEN MTSAN NYID DANG LDAN PA RNYED DKA' ZHING, DE'I LEGS BSHAD GO BAR DKA', SHES KYANG TSE 'DI BLOS BTANG NAS SGRUB PA SNYING POR BYED PA NYIN MO'I SKAR MA LAS DKON PAR 'DUG ,KHO BOS BLA MA DANG YI DAM LA GSOL BA BTAB NAS TSOGS BSAGS SGRIB PA SBYANGS GZHUNG LUGS KYI DON LA BRTAGS SHING MTHA' DPYAD PA'I LEGS BSHAD RNAMS BLTAS LA YID CHES PAR BYAS NAS NYAMS SU BLANGS NA SANGS RGYAS LAG MTHIL DU RNYED PA LTAR THOB SLA BAR YOD KYANG BYED MKHAN NYUNG, 'ON KYANG SNOD RUNG

, ,GI GDUL BYA RE GNYIS BYUNG NA DE DAG LA PHAN PAR GYIS, KHYAD PAR SNGAGS KYI GZHUNG RNAMS RGYAS BAR GYIS DANG SKYE BA PHYI MA 'PHRAD PA YIN GSUNGS, YANG SKABS SHIG TU MYUR MDZAD YE SHES KYI MGON PO 'KHOR BCAS BYON TE ZHAL NAS SH'A SA NA'I SNGAGS 'DREN ZHING BSKOR BA BYAS TE, KHYOD KYIS NGA'I SGRUB SKOR LAS KHA TSAR DANG BCAS PA TSANG BAR RTZOMS SHIG GSUNG BA ZHIG BYUNG BAS , MGON PO'I BE'Um BUM CHA LAG DANG BCAS BA MDZAD DO, ,DE NAS LCAGS MO PHAG GI LO RGYAL TSAB THAMS CAD MKHYEN BA GNAS RNYING DU PHEBS PA MJAL BAR BYON BAS RGYAL TSAB RIN PO CHES MKHAS GRUB RIN PO CHE LA DGA' LDAN GYI GDAN SA BYED DGOS PA'I BKA' GNANG BA BZHIN YAB SRAS LHAN DU DBUS SU BYON, 'JAM DBYANGS CHOS RJE SOGS 'BRAS SPUNGS KYI DGE 'DUN TSANG MAS YAB SRAS GNYIS KA LA GUS 'DUD BLA MED MDZAD CING CHOS KYI BKA' DRIN ZHUS, DE NAS DGA' LDAN DU PHEBS PA NA GNAS BRTAN RIN CHEN RGYAL MTSAN BAS GTZOS DGA' LDAN GYI DGE 'DUN TSANG MAS ZHABS SPYI BOR BLANGS TE GUS PA BLA MED MDZAD CING, RGYAL TSAB THAMS CAD MKHYEN PA ZUR BZHUGS MDZAD DE, MKHAS GRUB THAMS CAD MKHYEN PA GSER KHRIR PHEBS TE RGYAL TSAB TU MNGA' GSOL, DE NAS RJE BLA MA'I GDAN SA LUGS GNYIS KYI SGO NAS LEGS BAR BSKYANGS TE,

LO RE BZHIN LAM RIM GYI KHRID RGYAS PA RE DANG GZHAN YANG DBANG LUNG MAN NGAG MTHA' YAS PA STZAL ZHING RGYAL BA GNYIS PA'I BSTAN PA RIN PO CHE MI NUB BA'I RGYAL MTSAN BTZUGS, CHOS KYI 'KHOR LO BSKOR, CHOS KYI SGRA DBYANGS CHEN PO BSGRAGS TE SMRA BA NGAN BA THAMS CAD TSAR BCAD, RJE BLA MA'I BSTAN PA RGYAL MTSAN GYI RTZE MO'I YID BZHIN GYI NOR BU LTAR GUS PAS MCHOD CING, RNAM PA KUN NAS BSRE BSLAD MED PAR RNAM PAR DAG PA 'DZIN BAS 'DZIN MA'I KHYON KUN KHYAB PAR MDZAD, GSER GDUNG GI DBU THOG TU GSER PHIBS GSAR BSKRUN SOGS SRI ZHU PHU DUD BLA NA MED PA MDZAD, DGA' LDAN DU SHING RTA CHEN PO'I GZHUNG LUGS RNAMS LA BSHAD GRA GSAR 'DZUGS MDZAD DE, MKHAS PA CHEN BO SH'AKYA SHR'I, SNON PA DPAL LDAN PA, BLA MA YAR 'BROG PA, RJE CHOS GRAGS PA DANG BZHI SLOB DPON DU BSKOS NAS MTSAN NYID KYI BSHAD GRVA BTZUGS TE CHES CHER DAR BAR MDZAD DO, , MKHAS GRUB RIN PO CHE 'DI NI SKU DANG SROG LA'ANG BLTOS PA MED BAR 'JAM MGON BLA MA'I BSTAN PA 'DZIN PA LA RNAM PA KUN TU G-YEL BA MED PA ZHIG STE, DGA' LDAN DU BZHUGS SKABS SPOM 'BOR SGANG GNAS GDAN 'DREN GYI ZHU BA NAN CHER BYUNG YANG RJE RIN PO CHE'I BSTAN BA'I SROG SHING 'DZIN PA LA SKAD CIG KYANG MI G-YEL BAR GZHAN GYI BSNYEN BKUR GYI PHYIR 'BYON PAR MA MDZAD BAR, AOm SVA STI, DGE BA'I BSHES GNYEN SHES RAB BZANG PO BDE BAR 'DOD

, ,PA'I GNAS SU PHYIN TE, KHO BO LA 'PHRIN YIG DGOS PA CHEN PO'I GTAM RGYU MTSAN DU MAS BSNYAD PA DANG BCAS PA BSKUR BA DANG, GZHAN YANG BSHES GNYEN BGRES PA RNAMS KYIS THUN MONG DU BSNYAD PA'I YI GE DAR YUG BDUN GYI RTEN DANG BCAS PA MNGAGS PA'I DGE BSHES GNYIS KYIS 'PHROD PAS YID SIM, BRJOD PAR BYA BA NI, YAB RJE DAM PA'I BKA' SROL ZLA MED PA, ,YONGS SU RDZOGS PA'I BSTAN PA'I KHUR CHEN NI, ,SHIN TU LCI BAS BDAG SNYING CI YANG NON, ,'ON KYANG NGAL BA'I 'DU SHES MCHIS MA LAGS, ,DE PHYIR SNGON CHAD THUB BSTAN NYI MA'I 'OD, ,GANG DU BRAL BA'I MTHA' 'KHOB MUN GLING DU, ,DRI MED BSTAN PA'I SGRON ME 'DZUGS PA LA'ANG, ,BDAG NI NAM YANG ZHUM PA MA MCHIS MOD, ,DE LTA NA YANG GANGS CAN BSTAN PA'I GZHI, ,SKYES MCHOG DU MAS GANG DU BTZUGS PA'I GNAS, DA LTA'ANG DAM CHOS MA LUS 'BYUNG BA'I KHUNGS, ,DBUS GTZANG DAG PA'I ZHING ZHES GRAGS MOD KYI, ,LEGS PAR BRTAGS NA BSTAN PA'I GZUGS BRNYAN TZAM, ,'DI YANG SNUM ZAD MAR ME JI BZHIN GYUR, ,THUB PA'I GCES MDZOD GANG YIN RTZVA LTAR 'DOR, ,BLO NGAN LOG PA'I GZHUNG LUGS NYIN BZHIN 'PHEL, ,RANG DGAR SPYOD PA BDUD KYI PHO NYA NI, ,MANG POS BKUR BA'I BSHES GNYEN TSUL 'DZIN PA, ,BSTAN PA'I RGYAL MTSAN SNYIL LA CHER

BRTZON PA'I, ,DPUNG TSOGS DU MAS THA GRU KUN TU KHYAB, ,TSUL 'DIR GYUR KYANG BLO GROS MIG LDAN PA, ,CHOS DANG CHOS MIN 'BYED LA MA ZHUM PA'I, ,BSTAN PA'I KHUR 'DZIN BSHES GNYEN CHES CHER DKON, ,DE BAS DE RJES 'JUG PA'ANG SHIN TU DKON, ,TSUL 'DI YID LA SHIN TU BRANG DKA' NAS, ,BDAG KYANG 'BAD PA DU MAS BSTAN PA'I KHUR, ,YAB RJE DAM PA'I RING LUGS YONGS RDZOGS PA, ,PHYOGS 'DIR 'DZIN LA BLO GROS SHIN TU 'CHEL, ,PHYOGS 'DIR BSTAN PA'I LJON SHING RTZA BA NAS, ,CHOS MIN NYES BSHAD STA RES BCAD PA NA, ,LAN CIG YAL GA CUNG ZAD PHYOGS GZHAN DU, ,'PHEL YANG DGOS PA CHUNG BAR BDAG GIS MTHONG, ,DA LTA PHYOGS 'DIR CHOS MIN DPUNG TSOGS DGRA, LEGS BSHAD BSTAN PA'I RU MTSON KHO BOS 'DZIN, ,DE PHYIR KHO BOS PHYOGS 'DI GTANG BA NA, ,THUB PA'I GCES MDZOD SU YIS 'DZIN PA SMROS, ,DE PHYIR KHYED CAG LHAG BSAM DGE MOD KYI, ,BDAG GIS KHYED KYI JI LTAR BZHED PA'I DON, ,KHAS BLANG BGYI BA'I DAM BCA' RDO MI THOG ,DON 'DI DGONGS NAS RING 'ONGS SKYE BO KUN, ,RNAM DAG DGONGS PA RDZOGS PA'I BSHES GNYEN MCHOG ,LTA SPYOD BZANG LDAN GZHAN LA GSOL BA THOB; ;BDAG LA KHYED KYIS BZOD PA'I BKA' DRIN MDZOD, ,'DI YI GNAS LUGS DGE BSHES RNAMS LA GSAL, ,PHYOGS DUS KUN TU BKRA SHIS 'PHEL GYUR CIG ,CES SPOM 'BOR SGANG DU CHOS BAR LA 'ONG BAR RIGS SO ZHES BSKUL

, ,PA'I LAN DU BTZUN PA DGE LEGS DPAL BZANG POS SMRAS PA'O, ,ZHES GSUNGS SO, ,DE NAS DUS NAM ZHIG NA RJE THAMS CAD MKHYEN PA DRAN NAS, NGA'I BLA MA GANG NA BZHUGS YOD SNYAM DU SKU LUS 'DAR BA DANG, BA SPU G-YO ZHING SPYAN CHAB DANG BCAS NAS, RJE BTZUN RDO RJE 'CHANG, SEMS CAN DMU RGOD KYI SPYOD PA LA GZIGS SHIG ,KHYED KYI BSTAN PA YANG MYUR DU SDUD PA 'DRA, KHO BO BLA MA KHYED KYI DRUNG DU NAM ZHIG 'ONG, ZHES GSOL BA DRAG TU BTAB PAS; RJE RIN PO CHE STAG CHEN PO 'JIGS SU RUNG BA ZHIG LA CHIBS NAS RNAL 'BYOR PA'I CHA LUGS SKU MDOG DMAR PO SPYAN DANG SHANGS CHE BA, SNUM ZHING BKRAG PA PHYAG G-YAS RAL GRI NAM MKHA' LA 'PHYAR ZHING, G-YON KA P'A LA BDUD RTZIS GANG BA THUGS KAR BZUNG BA, GRUB CHEN BRGYAD CUS BSKOR BA ZHIG BYON NAS, BU SNYING MI DGA' BA BYA MI DGOS, ,NGAS KHYOD BZHAG NAS GANG DU YANG MI 'GRO, NGA DRAN NA NGA YI YIG CHA 'DI RNAMS LTOS, ,NGA DNGOS SU YOD KYANG 'DI LAS SMRA RGYU GZHAN MED, SEMS CAN RNAMS BSOD NAMS CHUNG NGUR SONG NYON MONGS RAGS BSTAN PA'I MJUG SDUD PA'I 'GO YANG BRTZAMS 'DUG ,KHYOD RANG YANG MKHA' SPYOD DU 'ONG BA'I 'DUN PA THONGS GSUNGS, DE NAS MI RING BA NA DA RANG 'GRO BA'I 'DUN PA BYAS NA LEGS PA 'DRA SNYAM DU DGONGS NAS GSER GYI MAndAL DANG BCAS GSOL BA BTAB PAS, RJE RIN PO CHE SNGAR GYI JI LTA BA BZHIN DU SPRIN DKAR PO ZHIG GI NANG DU BYON NAS, BU DA NI MYUR DU 'ONG BA'I GRABS GYIS

BDAG GIS BSU MKHAN GTONG GSUNGS, DE'I TSE RJE RIN PO CHE DA LTA GANG DU BZHUGS BDAG KYANG DER 'ONG LAGS ZHUS PAS, SPYIR NGA'I SPRUL PA DGA' LDAN MKHA' SPYOD 'DZAM BU'I GLING SOGS SU MANG, DA LTA RGYA NAG RI BO RTZE LNGAR DGE SLONG RDO RJE 'DZIN PA STONG PHRAG BRGYAD BRGYA RE TZAM LA SNGA DRO DBU MA DANG LAM RIM ,PHYI DRO BDE GSANG 'JIGS GSUM GYI BSKYED RDZOGS 'CHAD KYIN YOD KHYOD RANG YANG DER 'ONG BA'I 'DUN PA THONGS, RING POR MI THOGS PAR PHRAD PA YIN GSUNG, 'O NA GDUL BYA GZHAN GYIS GSOL BA BTAB NA ZHING DER SKYE ZHING GSUNG GI BDUD RTZI MYONG NGAM ZHUS PAS, KHO BO DANG RJE BTZUN 'JAM DBYANGS DBYER MED DU GSOL BA BTAB NA RJES SU 'DZIN CING ZHING DER SKYE YANG DE LTAR BYED MKHAN MED PAS LAN GSUNGS PAS, RJE RIN PO CHE DANG RJE BTZUN GYIS RJES SU 'DZIN PA'I RGYU LA JI LTAR DGOS ZHUS PAS, RGYU THUN MONG MA YIN PA NI, NGES 'BYUNG DANG BYANG CHUB KYI SEMS DANG LTA BA RNAM PAR DAG PA GSUM RGYUD LA BSKYED CING BLA MA DANG RJE BTZUN 'JAM PA'I DBYANGS DBYER MED PA LA RTZE GCIG TU MOS PA CIG DGOS GSUNGS ,GZHAN JI LTAR BSGRUB DGOS LAGS ZHUS PAS ,NGA DANG RJE BTZUN GYI SKU GSUNG THUGS RTEN BZHENGS, BLA MA DANG RJE BTZUN 'JAM PA'I DBYANGS DBYER MED 'BRAL MI RUNG DU GSOL PA BTAG BSTOD PA DANG, SMON LAM TSIG TZAM MIN PAR 'DEBS, LAS 'BRAS LA YID CHES DANG STOBS BZHI'I BSHAGS BSDAM LA 'BAD PAR BYAS NA RJES SU 'DZIN PAR THE TSOM MED GSUNG, DE'I TSE, RJE BTZUN BLA MA BLO BZANG GRAGS PA'I DPAL, MOS GUS SNYING NAS

, ,YID KYIS GSOL 'DEBS NA, ,MGON KHYOD GANG DU BZHUGS PA'I ZHING KHAMS DER, ,BDAG KYANG MYUR DU 'ONG BAR BYIN GYIS RLOBS, ,ZHES SMON LAM BTAB BO, ,DE NAS SKU TSE 'DI'I DNGOS KYI GDUL BYA RDZOGS NAS RJE RIN PO CHE'I ZHABS DRUNG DU 'BYON PAR DGONGS PA'I TSE MYUR MDZAD YE SHES KYI MGON PO BYON NAS BSTAN PA'I BDAG PO KHYED MED NA RJE'I BSTAN PA SUS 'DZIN ZHES DANG, MGON PO ZHAL BYON NAS, RJE DANG MGON PO KLU SGRUB LA KHYAD MED, KHYOD MED NA KLU SGRUB NAS BRGYUD PA'I RJE BLA MA'I LTA BA RNAM DAG SUS 'DZIN, KHA LTA MKHAN MANG STE ZHES ZHAL NAM MKHA' LA GZIGS SO, ,DE NAS DAM CAN CHOS RGYAL 'KHOR DANG BCAS PA BYON NAS, BDAG CAG RNAMS RJE BLA MA'I BKA' SDOD THUN MONG MA YIN PAR GSHIN RJE'I GSHED KYIS BKA' BSGOS PA YIN, RJE BLA MAS BDAG CAG RNAMS NYID BSU BA LA BTANG BA YIN ZER BA DANG, LHA'I BU MANG PO GDUGS DANG RGYAL MTSAN DANG BA NGAN LA SOGS PA MCHOD RDZAS MANG PO KHYER NAS BSU BA SOGS ZHING GZHAN DU 'BYON PA'I LTAS NGO MTSAR BA MANG DU BYUNG ZHING, DGUNG LO NGA BZHIR PHEBS PAS PHO RTA'I LO HOR ZLA GNYIS PA'I TSES NYER GCIG LA DGA' LDAN KHRI THOG TU SKU'I BKOD PA BSDUS TE BU PHA KHYIM DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,DE NAS SKU GDUNG ZHUGS LA PHUL BAS GDUNG

RING BSREL MANG DU BYON PA RNAMS DNGUL DKAR LAS GRUB PA'I RNAM RGYAL MCHOD RTEN BZHENGS TE DE'I NANG DU BZHUGS NAS DGA' LDAN RNAM PAR RGYAL BA'I GLING DU 'GRO BA'I BSOD NAMS KYI ZHING DU BZHUGS SO, ,MKHAS GRUB BDAG NYID CHEN PO 'DIS PHYI RABS KYI GDUL BYA RNAMS KYI DON DU BSTAN BCOS MDZAD PA NI RJE BDAG NYID CHEN PO'I NGO MTSAR RMAD DU BYUNG BA'I RNAM PAR THAR PA DAD PA'I 'JUG DOGS, RJE BDAG NYID CHEN PO'I GSANG BA'I RNAM THAR RIN PO CHE'I SNYE MA, RJE BDAG NYID CHEN PO'I DGONGS PA LTAR DRI MA MED PA'I RIGS PA'I LAM SROL GSAL BAR BYED PA'I BSTAN BCOS TSAD MA RNAM 'GREL GYI t'IKA CHEN RIGS PA'I RGYA MTSO, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA'I RNAM BSHAD RTOGS DKA'I SNANG BA, STONG THUN SKAL BZANG MIG 'BYED, BYANG BDAG PO NANG SO RNAM RGYAL GRAGS PA'I DRIS LAN RGOL NGAN TSAR GCOD, PHYIN CI LOG GI GTAM GYI SBYOR BA LA ZHUGS PA'I SMRA BA NGAN PA RNAM PAR 'THAG PA'I BSTAN BCOS GNAM LCAGS 'KHOR LO, TSAD MA SDE BDUN GYI RGYAN YID KYI MUN SEL, MNGON SUM LE'U'I t'IKKA RJE'I GSUNG BZHIN BKOD PA, DAM BCA' BCU PA, YIG RIGS DRUG CU RTZA BZHI'I RNAM GRANGS, SDOM PA GSUM GYI RNAM PAR BZHAG PA MDOR BSDUS TE GTAN LA DBAB PA'I RAB TU BYED PA THUB BSTAN RIN PO CHE'I BYI DOR, BYANG SEMS DANG RIG PA 'DZIN PA'I PHYIR BCOS, SDOM PA NYI SHU PA, RTZA

, ,LTUNG BCU BZHI PA, SBOM PO BRGYAD PA DANG BCAS PA'I RNAM BSHAD SNGAGS BYANG SEMS KYI BSLAB BYA MDOR BSDUS, DPAL GSANG BA 'DUS PA'I MNGON RTOGS KYI LHAN THABS, GSANG BA 'DUS PA'I MDUN BSKYED KYI LHAN THABS, GSANG BA 'DUS PA'I DKYIL CHOG GI LHAN THABS, 'DUS PA'I RDO RJE SEMS DPA' MNYES PAR BYED PA'I CHO GA'I NGAG 'DON, GSANG BA 'DUS PA'I RDZOGS RIM ZIN BRIS, GSANG BA 'DUS 'JAM PA'I RDO RJE LHA BCU DGU'I SGRUB THABS KYI LHAN THABS, DPAL RDO RJE 'JIGS BYED KYI BSKYED RIM CHEN MO, 'JIGS BYED KYI BSRUNG 'KHOR, GSHIN RJE CHOS KYI RGYAL PO'I GTOR CHOG BAR CHAD KUN SEL, BCOM LDAN 'DAS 'KHOR LO BDE MCHOG YAB YUM LA MNGON PAR BSTOD PA'I RAB TU BYED PA, DPAL 'KHOR LO BDE MCHOG L'U AI PA'I LUGS KYI DKYIL 'KHOR GYI TSE GA BDE CHEN ROL MTSO, DPAL KYEE RDO RJE LHA DGU'I DKYIL 'KHOR GYI 'KHOR LO SGRUB PA'I THABS 'KHRUL PA SPONG BA, KYEE RDO RJE'I ZUR 'DEBS KYI CHO GA, KYEE RDO RJE'I MCHOD PHRENG SMON LAM SHIS BRJOD DANG BCAS PA, DUS KYI 'KHOR LO'I NYE BAR MKHO BA'I ZUR 'DEBS, DGE BA'I BSHES GNYEN BSOD NAMS RGYAL MTSAN GYI DRIS LAN, THAL LDOG GI DKA' GNAS DRIS LAN, DGE BA'I BSHES GNYEN SANGS RGYAS RIN CHEN GYI DRI BA'I LAN, LTA BA'I ZHAL SHES YIG CHUNG, ZAB MO RDO RJE THEG PA'I RNAL 'BYOR LA 'JUG PA'I LAM BSTAN PA

STONG PHRAG BCU GNYIS PA DRI MA MED PA'I 'OD KYI DKA' BA'I GNAS RNAM PAR 'BYED PA'I BRJED BYANG, 'DOD KHAMS DBANG PHYUG MA LA BSTOD PA, DPAL DUS KYI 'KHOR LO'I 'GREL CHEN DRI MA MED PA'I 'OD KYI RGYA CHER BSHAD PA LAS 'JIG RTEN KHAMS LE'I 'GREL BSHAD, 'GREL CHEN DRI MED 'OD KYI NANG LE'I 'GREL BSHAD, 'GREL CHEN DRI MED 'OD KYI DBANG LE'I 'GREL BSHAD, DPAL DUS KYI 'KHOR LO'I 'GREL CHEN DRI MED 'OD KYI RGYA CHER BSHAD PA LAS SGRUB LE'I 'GREL BSHAD, GSAN YIG ,GSUNG THOR BU, DKYIL 'KHOR GCIG THUN BZHIR BYED TSUL DANG DKYIL 'KHOR THA DAD PA THUN BZHIR SGOM TSUL GYI RNAM GZHAG, BCOM LDAN 'DAS DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI 'KHOR LO SGRUB PA'I THABS PADMA DKAR PO'I ZHAL LUNG, BCOM LDAN 'DAS DUS KYI 'KHOR LO'I DKYIL 'KHOR GYI LHA TSOGS LA MCHOD PA'I CHO GA KUN TU BZANG PO'I MCHOD SPRIN; DPAL DUS KYI 'KHOR LO'I SKU GSUNG THUGS YONGS SU RDZOGS PA'I THIG GDAB TSUL, DPAL DUS KYI 'KHOR LO'I DKYIL 'KHOR GYI CHO GA DGONGS PA RAB GSAL, DUS 'KHOR GYI DBANG BSKUR TSUL RJE'I GSUNG RGYUN BZHIN BKOD PA, DUS 'KHOR GYI DRI LAN, SA LAM GYI RNAM GZHAG MKHAS PA'I YID 'PHROG ,RGYUD KYI RGYAL PO DPAL GSANG BA 'DUS PA'I BSKYED RIM GYI RNAM BSHAD DNGOS GRUB RGYA MTSO, SBYOR BA YAN LAG DRUG GI RTZA TSIG DANG

, ,BCAS PA'I ZIN BRIS, SBYOR BA YAN LAG DRUG GI KHRID YIG GI SNGON 'GRO'I SKOR, RJE BTZUN MAR PA'I SNYAN RGYUD DPAL GSANG BA 'DUS PA'I KHYAD CHOS BSRE 'PHO SKOR GSUM DANG PHYAG RGYA BSTEN TSUL RTZA THIG RLUNG GSUM GYI GEGS SEL BOGS 'DON SOGS ZHAL SHES KYI GDAMS PA RJE BTZUN TZONG KHA PA CHEN PO'I ZHAL LAS BYUNG BA THUN MONG MA YIN PA SHIN TU GSANG BA, DPAL GSANG BA 'DUS PA'I SGRUB THABS KYI CHO GA'I NGAG 'DON LHAN THABS, DPAL GSANG BA 'DUS PA'I ZHI RGYAS KYI SBYIN SREG ,GSANG 'DUS 'JAM RDOR GYI LHAN THABS, BDE MCHOG DRIL BU LUS DKYIL GYI DBANG DU BYAS PA'I BSKYED RIM GYI DKA' GNAS 'GA' ZHIG, RDO RJE 'JIGS BYED LHA BCU GSUM MA'I BSKYED RIM RNAM PAR BSHAD PA, GSHIN RJE GSHED KYI 'KHRUL 'KHOR GYI CHO GA'I RNAM PAR BSHAD PA KHAMS GSUM LAS RNAM PAR RGYAL BA'I NYI 'OD, 'KHRUL 'KHOR RNAM BSHAD CHEN PO'I ZHAL SHES YIG CHUNG DANG YANG CHUNG, BCOM LDAN 'DAS DPAL KYEE RDO RJE'I SGRUB THABS 'KHRUL PA SPONG BA, KYEE RDO RJE LHA DGU'I DKYIL 'KHOR GYI CHO GA BDE BA CHEN PO'I 'JUG NGOGS, KYEE RDO RJE'I DKYIL 'KHOR GYI 'KHOR LO MCHOD PA'I CHO GA, MAN NGAG YID BZHIN NOR BU, MYUR MDZAD YE SHES KYI MGON PO 'KHOR DANG BCAS PA SGRUB CING GTOR MA 'BUL BA RGYUN GYI RNAL 'BYOR NYAMS SU LEN TSUL, SBAS PA'I GDAMS NGAG BE'U BUM NAG PO'I MAN NGAG ,YE SHES

MGON PO PHYAG DRUG PA'I CHOS SKOR LAS YIG CHUNG DMAR NAG GNYIS KYI MAN NGAG ZAB PA ZHUS THIG MA, RGYUD SDE SPYI'I RNAM PAR BZHAG PA RGYAS PAR BSHAD PA, DPAL BRTAG PA GNYIS PA'I RNAM PAR BSHAD PA RDO RJE MKHA' 'GRO MA RNAMS KYI GSANG BA'I MDZOD, LTA BA'I MTHA' DPYOD, THUN DRUG GI RNAL 'BYOR, DPAL KYE RDO RJE'I BSKYED RIM MNGON RTOGS KYI DRI LAN, RJE RIN PO CHE'I THUGS KYI BCUD PHYUNG BA'I MAN NGAG GSANG CHEN RGYUD SDE RGYA MTSO'I SNYING PO'I BCUD BSDUS PA SNYAN RGYUD ZAB MO YIG CHUNG NYER GCIG TU GRAGS PA RNAMS MDZAD DO, ,BDAG NYID CHEN PO 'DI LA RGYUD 'DZIN GYI SLOB MA NUB DZA LANDHA RA NAS SHAR PHYOGS RGYA MTSO CHEN PO LA THUG GI BAR DU KHYAB PAR BZHUGS PAS MTHA' DAG BGRANG BAR SU YIS NUS, GANGS RI'I KHROD 'DIR BSTAN 'DZIN DAM PA YONGS SU GRAGS PA'ANG CHES MANG LA RJE'I SNYAN RGYUD KYI MAN NGAG YONGS SU RDZOGS PAR 'DZIN PA'I THUGS SRAS MCHOG NI GCUNG BA SO BA RJE CHOS KYI RGYAL MTSAN TE; DE'I RNAM THAR NI DA LTA NYID DU 'CHAD PAR 'GYUR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB THAMS CAD MKHYEN PA LA GSOL BA 'DEBS SHING BDAG NYID CHEN PO 'DI'I RNAM THAR LTAR RJE BLA MA LA MI PHYED PA'I DAD PA BRTAN PO THOB PA DANG YANG DAG PA'I LAM LA DRI MA MED PA'I RIGS PA'I LAM NAS DRANGS PA'I NGES SHES BRTAN PO RNYED NAS MDO SNGAGS KYI LAM CHA TSANG LA BAG CHAGS CI THEBS BYA'O,, ,,

, ,` RAB 'BYAMS CHOS KYI DGONGS DON 'BYED PA LA, ,MKHAS MANG DBUS NA RGYAL MTSAN TOG LTAR MDZES, ,DPAL LDAN KLU SGRUB GNYIS PA CHOS KYI RJE, ,BZANG PO'I MTSAN CAN ZHABS LA GSOL BA 'DEBS, ,ZHES BSNGAGS PA, SNYAN RGYUD GDAMS PA'I MDZOD BSTAN PA RIN PO CHE'I SGOR ZHUGS, RAB TU BYUNG NAS RJE RIN PO LDOG GZHUNG DU YAB BYANG PA'I DPON RIGS BKRA SHIS DPAL BZANG DANG, YUM BU 'DREN RGYAL MO GNYIS KYI SRAS SU CHU PHO RTA'I LO SKU 'KHRUNGS SKU GZHON NU NAS KHYIM GYI 'DU 'DZI LA MA CHAGS PAR RGYAL BA'I BSTAN PA RIN PO CHE'I SGOR ZHUGS, RAB TU BYUNG NAS RJE RIN PO CHE YAB SRAS RNAMS KYI ZHABS LA GTUGS NAS DAM PA'I CHOS MANG DU GSAN ZHING KHYAD PAR MKHAS GRUB RIN PO CHE YONGS 'DZIN DU BSTEN NAS SDE SNOD GSUM DANG RGYUD SDE BZHIS BSDUS PA'I RGYAL BA'I BKA' DGONGS 'GREL DANG BCAS PA LA SBYANGS PAS MKHAS PA'I PHUL DU PHYIN BAR GYUR, DE NAS MANG DU THOS PA'I DON GZHUNG LUGS GDAMS PAR SHAR BA'I MAN NGAG MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA BAR BZHED DE, MKHAS GRUB THAMS CAD MKHYEN PA LA BYANG CHUB LAM GYI RIM PA'I KHRID DANG GSANG BDE 'JIGS GSUM SOGS BLA MED KYI DBANG DANG RIM GNYIS KYI KHRID RNAMS LEGS PAR GSAN, DE NAS RGYAL BA SRAS BCAS THAMS CAD KYI THUGS RJE

DANG NUS PA THUGS RGYUD LA ZHUGS SHING RJE BTZUN 'JAM DPAL DBYANGS KYIS LUNG BSTAN TE, GRUB CHEN 'JAM DPAL RGYA MTSO BA LA BYANG CHUB LAM GYI RIM PA'I KHRID SNYAN RGYUD KYI MAN NGAG ZHAL SHES DANG BCAS BA, GSANG BDE 'JIGS GSUM GYI KHRID MAN NGAG ZHAL SHES DANG BCAS PA, ZAB LAM GCOD KYI KHRID MAN NGAG ZHAL SHES DANG BCAS PA, LHAG PAR RJE THAMS CAD MKHYEN PA LA MGON PO 'JAM PA'I DBYANGS KYIS GNANG BA'I SNYAN RGYUD KYI MAN NGAG LAM GYI LUS YONGS SU RDZOGS PA'I ZAB LAM BLA MA LHA'I RNAL 'BYOR GYI SGO NAS SNYIGS DUS KYI TSE THUNG GCIG LA ZUNG 'JUG SGRUB PA'I THABS BLA NA MED PA GSANG BA LAS KYANG CHES GSANG BA RNAMS YONGS SU RDZOGS PAR GSAN ZHING; GRUB CHEN 'JAM DPAL RGYA MTSO BA LA RJE BTZUN 'JAM DPAL DBYANGS KYIS LUNG BSTAN BYUNG BA LTAR DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM CHEN MO YANG GNANG STE RE SHIG TSIG BRGYUD DU BKA' RGYAS BTAB BO, ,DE NAS CHOS RJE 'DI NYID KYIS GSANG PHU'I 'CHAD NYAN THOG SHAS SHIG MDZAD, DE RJES MA 'ONGS PA'I 'BYUNG 'GYUR LA DGONGS TE GTZANG GI LHAN DU PHEBS TE BA SO LHUN GRUB BDE CHEN BZUNG NAS GTZO BOR SGRUB PA LA RTZE GCIG TU BZHUGS SHING SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PA CHES CHER RGYAS TE BA SO CHOS RJER GRAGS, DE NAS DBEN GNAS GZHAN DU MAR YANG SGRUB

, ,PA SNYING POR MDZAD CING SKAL LDAN MANG PO LA DAM PA'I CHOS KYI BKA' DRIN STZAL TE SHAB STOD SENG GE RTZE DANG NYE BA'I SA'I CHAR RI BO BDE CHEN ZHES PA'I DBEN GNAS SHIG BTAB STE GNAS DER THUGS DAM GTZO BOR MDZAD CING PHYOGS DE'I SKYE 'GRO MANG PO LA RANG RANG GI SKAL BA DANG 'TSAM PA'I CHOS KYI 'DUD RTZI STZAL, DE NAS NGES 'BYUNG SKYO SHAS DRAG POS RGYUD BSKUL NAS DA LTA DAL BA'I RTEN BZANG PO THOB SANGS RGYAS DNGOS SU BYON YANG DE PHAN CHAD DU GSUNG DU MED CING SANGS RGYAS KYI ZHING GANG DU BTZAL YANG RNYED PAR DKA' BA RJE BLA MA'I SNYAN RGYUD MDO SNGAGS KYI MAN NGAG ZAB MO 'DI 'DRA DANG LAN CIG MJAL BA'I SKABS 'DIR DON MED PA'I TSE 'DI'I BYA BA MTHA' DAG SPANGS TE SUS KYANG MTHONG TSOR MED PA, KHA CHE'I YUL GYI YAN LAG SEN MO DO 'AM, LHO PHYOGS DPAL GYI RI LTA BU DBEN PA'I GNAS KHYAD PAR CAN ZHIG TU PHYIN LA SGRUB BA MTHAR PHYIN PA DPAL SHA WA RI DANG MTSUNGS PA ZHIG BYED SNYAN PA'I 'DUN PA SHUGS DRAG PO 'KHRUNGS TE, DE LTAR BYED PAR BRTZAMS PA NA MNAL LAM DU RJE RIN PO CHE BYON NAS DGA' LDAN GYI KHRI LA 'BYON DGOS PAR BSKUL BA DANG, RDO RJE RNAL 'BYOR MAS DGA' LDAN GYI KHRI THOG TU BZHUGS RING RJE'I SNYAN RGYUD KYI MAN NGAG 'DZIN PA'I SKYES BU 'BYUNG BAR LUNG BSTAN BYUNG, DE'I TSE CHOS RJE BLO GROS CHOS SKYONG DGA' LDAN GYI GDAN SAR BZHUGS PA LAS KUN SPANGS MDZAD BZHED DE

GDAN SA'I 'OS BTZAL BA NA, DE'I TSE BKRA SHIS LHUN POR THAMS CAD MKHYEN PA DGE 'DUN GRUB DPAL BZANG PO 'PHRIN LAS DBYAR MTSO LTAR RGYAS PAR BZHUGS PAS KHRI RIN PO CHES GTZOS DGA' LDAN PA'I BLA CHEN PHAL MO CHES RJE DGE 'DUN GRUB LA RGYAL BA GNYIS PA'I RGYAL TSAB TU 'BYON DGOS PAR GSOL BA BTAB PAS RJE DGE 'DUN GRUB KYIS KHO BO DGRA YUL DU DGRA MKHAR BRTZIG DGOS PA YOD PAS 'DI KHA RANG DU RJE'I BSTAN PA 'DZIN PA YIN, DA LAM MKHAS GRUB RIN PO CHE'I GCUNG PO BA SO CHOS RJE 'DI LUNG RTOGS KYI YON TAN GANG SA NAS GZHAN DANG MI 'DRA BAS DGA' LDAN GYI KHRI LA 'DI GDAN DRANGS NA LEGS ZHES LUNG BSTAN, THAMS CAD MKHYEN PA DGE 'DUN GRUB KYIS JI LTAR LUNG BSTAN PA LTAR CHOS RJE BLO GROS CHOS SKYONG SOGS TSANG MAS CHOS RJE 'DI PA SHABS STOD NAS GDAN DRANGS TE, BKRA SHIS LHUN POR PHEBS, THAMS CAD MKHYEN PA DGE 'DUN 'GRUB DANG MJAL RJE DGE 'DUN GRUB KYI ZHAL NAS DA LAM NYID RJE BTZUN TZONG KHA PA CHEN PO'I GSAN SAR PHEBS PA LA NGES NAS PHYAG BGYID PAS PHYAG LAN MA MDZAD CIG CES BSGO NAS RJE THAMS CAD MKHYEN PA DGE 'DUN GRUB 'KHOR DANG BCAS PAS PHYAG MDZAD, DE NAS RIM GYIS PHEBS TE RAB BYUNG BDUN PA'I CHU MO LUG GI LOR DGA' LDAN RNAM PAR RGYAL BA'I GLING DU PHEBS NAS RGYAL BA GNYIS PA'I RGYAL TSAB TU MNGA' GSOL, DE NAS 'JAM MGON BLA MA'I CHOS KYI RGYAL SRID BZUNG STE SKAL BA DANG LDAN PA BGRANG

, ,BA LAS 'DAS PA LA RAB BYUNG BSNYEN RDZOGS DBANG LUNG MAN NGAG MTHA' YAS PA STZAL ZHING, LHAG PAR DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYI LAM SROL 'JAM MGON BLA MA'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I CHOS KYI 'KHOR LO RGYA CHER BSKOR BA PAn CHEN CHOS KYI RGYAL PO ZHES RGYA MTSO'I GOS CAN MA LUS SNYAN PA'I GRAGS PAS KHYAB PAR GYUR TO, ,BA SO CHOS RJE 'DI NI LUNG RTOGS KYI YON TAN BSAM GYIS MI KHYAB PA BRNYES SHING LHAG PAR RJE RIN PO CHE'I SNYAN RGYUD BYIN RLABS KYI BKA' BAB GZHAN LAS CHE BA ZHIG STE, GNAS RNYING ZHABS DRUNG KUN DGA' BDE LEGS PA'I ZHAL NAS, KHO BO LA GNAS RNYING BA'I RIGS SU SKYES SNYAM PA'I NGA RGYAL MED KYI BA SO CHOS RJE'I SLOB MA YIN SNYAM PA'I NGA RGYAL YOD GSUNGS TE GSUNG 'DI LA DBYAD NA BA SO CHOS RJE 'DI NYID MTHONG THOS DRAN REG THAMS CAD RJES SU 'DZIN NUS BA BYIN RLABS KYI GTER CHEN PO ZHIG YIN PAR NGES SO, ,PHYAG RJES SU DGA' LDAN GYI GTZUG LAG KHANG CHEN MOR DRI GTZANG KHANG GTOD DE RGYAL BA SENG GE'I NGA RO'I SKU RIN PO CHE LAS GRUB PA NGO MTSAR RMAD DU BYUNG BA DANG, GDAN SA PA GONG MA RNAMS KYI SKU 'DRA YANG BZHENGS TE BZHUGS SU GSOL BA SOGS CHOS ZANG ZING GNYIS KA'I SGO NAS DGA' LDAN RNAM PAR RGYAL BA'I GLING DAR RGYAS SU MDZAD, KHYAD PAR RJE BTZUN 'JAM PA'I DBYANGS KYIS LUNG BSTAN PA LTAR

RIN PO CHE LTA BU'I GDUL BYA GSUM LA SNYAN RGYUD KYI MAN NGAG LKOG CHOS SU MDZAD PAS ZUNG 'JUG GRUB PA'I SLOB MA MCHED GSUM BYUNG STE, GRUB CHEN CHOS RDO RJE, STOD LUNG PA DPAL LDAN RDO RJE, KHAM PA RDO RJE DPAL BA GSUM MO, , 'DI GSUM NI 'JAM MGON BLA MA'I BSTAN PA 'DI LA TSE GCIG LUS GCIG LA 'JA' LUS GRUB PA'I SLOB MA RDO RJE MCHED GSUM DU GRAGS PA STE, 'JAM MGON BLA MA'I RJES SU SLOB BAR 'DOD PA RNAMS LA GDUL BYA RANG NGOS NAS NYAMS LEN BYUNG PHYIN BSTAN PA 'DI LA 'DI LTA BU'I MCHOG 'GRUB PA'I THABS YOD DO ZHES YID CHES PA'I GNAS SU GYUR BA YIN PAS YRJE'I RJES 'JUG RNAMS KYIS TSUL 'DI NGES PAR GO DGOS PA YOD DO, ,ZUNG 'JUG GRUB PA'I RDO RJE MTSAD GSUM PO DE LAS KHAM PA RDO RJE DPAL BA NI THOG MAR PAn CHEN CHOS KYI RGYAL PO LA SNYAN RGYUD GYI MAN NGAG GSAN DUS DANG DGE 'PHEL DU BZHUGS PA'I SKABS DANG RJES SU KHONG RANG RDO RJE GSUM PO DE ZHAL 'DZOM PA'I SKABS 'DRA LAS SKYE BO THA MAL BA GZHAN SUS KYANG MTHONG TSOR GANG YANG MED PAR GRUB PA'I GNAS MCHOG GZHAN ZHIG TU DPA' BO MKHA' 'GRO'I DBUS SU BZHUGS PA'AM DAG PA'I ZHING GZHAN ZHIG TU BYON PA JI 'DRA ZHIG YIN YANG LJONGS 'DIR CHOS KYI BKA' DRIN THOB PA MNGON CHE BA MA BYUNG NGO, ,STOD LUNG PA DPAL LDAN RDO RJES SKAL BA DANG LDAN PA RE GNYIS LA MAN NGAG GI BDUD RTZI STZAL TE RGYAL BA DGE 'DUN RGYA MTSOS KYANG ZUNG

, ,'JUG GRUB PA'I DPA' BO 'DI LA CHOS KYI BKA' DRIN THOB BO, ,GZHAN YANG ZHAL MJAL ZHING GSUNG THOS PA KHA YAR BYUNG SNANG NGO, ,GRUB CHEN CHOS RDO RJE NI RJE BTZUN 'JAM PA'I DBYANGS DANG RDO RJE RNAL 'BYOR MAS LUNG BSTAN PA LTAR SNYAN RGYUD KYI MAN NGAG YONGS SU RDZOGS PA SPRUL PA'I GLEGS BAM DANG BCAS PA'I BDAG POR BZHUGS TE, GRUB CHEN 'DI'I NGO MTSAR RMAD DU BYUNG BA'I RNAM PAR THAR PA NI DA LTA NYID DU 'CHAD BAR 'GYUR RO, ,DE NAS PAn CHEN CHOS KYI RGYAL MTSAN GYIS SKU TSE 'DI'I MDZAD PA PHAL CHER RDZOGS PA NA RLUNG LTAS LOG PA GZIGS NAS CHOS RJE BLO GROS BRTAN PA GDAN SAR BZHUGS SU GSOL NAS KUN SPANGS MDZAD DE THUGS DAM LA RTZE GCIG TU BZHUGS PA LAS DGUNG LO DON GNYIS SU PHEBS PA CHU MO SBRUL GYI LO'I MJUG LA ZHING GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ,RJE BA SO BA 'DIS PHYI RABS KYI GDUL BYA RNAMS KYI DON DU DUS 'KHOR GYI BSKYED RDZOGS KYI KHRID, DBU MA'I LTA KHRID CHEN MO, RDO RJE 'JIGS BYED KYI BSKYED RDZOGS KYI KHRID, SNYING PO DON GSUM GYI KHRID SOGS MDZAD, RJE 'DIS BSTAN PA LA BYA BA RGYA CHEN PO MDZAD PAS SLOB MA BSTAN 'DZIN DAM PA BGRANG BA LAS 'DAS PA BYON ZHING RGYUD 'DZIN GYI GTZO BO NI ZUNG 'JUG GRUB BA'I DPA' BO GRUB CHEN CHOS RDO RJE'O, ,DES NA BYANG CHUB LAM GYI RIM BA LA BLO SBYONG BAR 'DOD PA RNAMS KYIS SNYAN RGYUD

GDAMS PA'I MDZOD 'DZIN BA SO CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR LTA GRUB GTZANG ZHING RNAM THAR GTZANG MA RGYAL BA DGYES BA'I LAM BZANG PO LA SGRUB BA SNYING POR BYA BA DANG DAM NYAMS DANG 'CHAL PA DANG 'DRES KHYER DANG ZOG PO DANG BSRE BSLAD SPANGS SHING SANGS RGYAS NAS BZUNG STE DAM PA BAR MA CHAD PA'I SNYAN RGYUD KYI MAN NGAG THOB PAR BYAS LA MAN NGAG DE LA NUS PA THON PA ZHIG BYA'O,, ` ,, RGYAL BA KUN GYIS GSUNGS PA'I CHOS RNAMS KYI, ,BCUD RNAMS BSDUS NAS NYAMS SU BLANGS PA'I MTHUS, ,TSE GCIG NYID LA RDO RJE'I SKU BRNYES PA, ,'CHI MED RNAL 'BYOR MCHOG LA GSOL BA 'DEBS, ,ZHES BSNGAGS PA, GRUB CHEN CHOS KYI RDO RJE NI, SNGON STON PA THUB PA'I DBANG PO'I SPYAN SNGAR BYANG CHUB MCHOG TU THUGS BSKYED MDO SNGAGS BSTAN PA'I SNYING PO YONGS SU RDZOGS PA 'DZIN CING SPEL BA'I SMON LAM BTAB, DE'I TSE SMON LAM JI LTAR BTAB, BA LTAR GRUB STE, DE NAS BZUNG STE MKHAS GRUB KYI SKYE BA BRGYUD MAR BZHES SHING, KHYAD PAR JO BO RJE DPAL LDAN AA TI SHA SHAR PHYOGS BHAm GA LAR 'KHRUNGS NAS RGYA GAR GYI SA'I CHA KUN TU DAM PA'I CHOS 'TSOL BA LA ZHUGS PA'I TSE GRUB CHEN 'DI BLA MA AA BA DH'U TI PA ZHES BYA BAR SKU SKYE BA BZHES TE 'PHAGS PA KLU SGRUB NAS BRGYUD PA'I ZAB MO DBU MA'I LTA BA'I MAN NGAG 'DOMS PA LA MI 'JIGS PA'I SPOBS PA THOB STE JO BO RJE DPAL LDAN AA TI SHA LA ZAB MO'I

, ,LAM GYI RIM PA RNAMS RGYAS PAR 'DOMS PAR MDZAD CING, GRUB PA'I GNAS MCHOG DU MAR PHEBS TE DBEN PA NAS DBEN PAR RGYU ZHING SNANG STONG SGYU MA LTA BU'I RNAL 'BYOR LA GOMS PA LHUR BZHES PAR MDZAD, DE NAS KYANG MKHAS GRUB KYI SKYE BA RIM PAR BRGYUD DE BOD YUL DU 'GRO MGON CHOS RGYAL 'PHAGS PAR SKYE BA BZHES TE BYANG PHYOGS GANGS RI'I LJONGS 'DI THAMS CAD LA DBANG BSGYUR ZHING RGYAL BA'I BSTAN PA RGYA CHER SPEL BAR MDZAD BA ZHIG STE GRUB CHEN 'DI LA RGYAL BA DBEN SA BA CHEN POS SKU TSE SNGA MA'I 'KHRUNGS RABS LAS BRTZAMS TE BSTOD PA LAS, DGYES SHING SRAS BCAS RGYAL BA'I SPYAN SNGA RU, ,BDEN TSIG SMON LAM DPAG MED MCHOG BSGRUBS PAS, ,MKHAS DANG GRUB PA'I RNAM ROL BGRANG YAS KYIS, ,'DZAM GLING MDZES MDZAD KHYOD LA GSOL BA 'DEBS, ,KUN SPANGS NYIN BYED MKHYEN BRTZE'I 'OD STONG GIS, ,PHUL BYUNG PAD DKAR DBANG PO ZHAL PHYE NAS, ,ZAB DON SBRANG RTZI RGYAS MDZAD SKAL BZANG CAN, ,RKANG DRUG TSOGS KYI DPAL LA GSOL BA 'DEBS, ,CHOS KYI RGYAL PO'I RING LUGS MCHOG BZUNG NAS, ,RGYA BOD DAD CAN 'PHAGS PA'I GNAS BKOD CING, , GANGS CAN 'DOD DGU'I DPAL GYIS TSIM PAR MDZAD, ,DNGOS GRUB 'BYUNG GNAS MCHOG LA GSOL BA 'DEBS, ,ZHES GSUNGS PA LTAR RO, ,DE NAS 'JAM MGON BLA MA'I SNYAN RGYUD BSTAN PA'I BDAG POR 'BYON BA'I DUS

LA BAB PA NA, RJE RIN PO CHE GANG DU 'KHRUNGS PA'I YUL SHAR PHYOGS TZONG KHA DANG KHAD NYE BA'I SA'I CHA NAS KUN DGA' RGYAL PO DANG, DPAL 'DZOM ZHES BYA BA'I BYA BRAL PHO MO GNYIS DBUS GTZANG GI GNAS SKOR LA 'ONGS PA'I LHUMS SU ZHUGS TE, RTA NAG RDO RJE GDAN DU SLEBS PA NA GLANG GI LO RJE RIN PO CHE'I SNYAN RGYUD BSTAN PA'I BDAG POR 'GYUR BA'I RIN PO CHE LTA BU'I GDUL BYA BDAG NYID CHEN PO 'DI NGO MTSAR BA'I LTAS DANG BCAS 'KHRUNGS SO, ,DE YANG GRUB CHEN 'DI NYID LA RGYAL BA DBEN SA PA CHEN POS GANG DU 'KHRUNGS PA'I TSUL LAS BRTZAMS TE BSTOD PA LAS, BDE CHEN THUGS RJES 'DUL BA'I DUS LA GZIGS, ,SLAR YANG RIG 'DZIN DBANG MO'I LHUMS SU ZHUGS, , RDO RJE GDAN MTSUNGS GRUB PA'I GNAS MCHOG TU, ,BSAM BZHIN BLTAMS PA KHYOD LA GSOL BA 'DEBS, ,ZHES GSUNGS PA LTAR RO, ,DE NAS, DE LTA BU'I GZHON NU DE YAB YUM GNYIS KYIS BSKYED BSRINGS PAS CHU NANG GI PADMA LTAR SKYE DRAG PAR GYUR TE DGUNG LO BCU GCIG TU PHEBS PA NA YAB YUM GNYIS KYIS SRAS GZHON NU DE KHRID DE SNGON GYI SKYES BU DAM PA RNAMS GANG DANG GANG DU 'KHRUNGS PA DANG, GANG DANG GANG DU SGRUB PA MDZAD PA DANG, GANG DANG GANG DU GRUB PA BRNYES PA DANG, GANG DANG GANG DU CHOS KYI 'KHOR LO BSKOR BA'I SA DE DANG DE RNAMS SU RIM GYIS RGYU ZHING SMON LAM BTAB STE SONG SONG BA LAS PHYOGS BCU'I RGYAL BA SRAS BCAS THAMS CAD KYI THUGS RJE DANG, 'JAM MGON

, ,BLA MA'I THUGS BSKYED DANG, DAM CAN CHOS KYI RGYAL PO SOGS 'JAM MGON BLA MA'I BSTAN SRUNG RNAMS KYI MTHUS BSKUL TE DGA' LDAN RNAM PAR RGYAL BA'I GLING DU PHEBS SO, ,GZHON NU BDAG NYID CHEN PO DE DGA' LDAN RNAM PAR RGYAL BA'I GLING DU SANG PHEBS RGYU'I DO NUB PAn CHEN CHOS KYI RGYAL MTSAN LA RDO RJE RNAL 'BYOR MAS SANG NYIN RJE RIN PO CHE'I SNYAN RGYUD 'DZIN NUS PA'I SKAL LDAN ZHIG 'ONG BA YOD PAS RJES SU BZUNG LA RJE RIN PO CHE'I SNYAN RGYUD KYI MAN NGAG RNAMS YONGS SU RDZOGS PAR STON CIG CES LUNG BSTAN BYUNG, SANG NYIN DE PAn CHEN CHOS KYI RGYAL PO'I THUGS LA 'JAM MGON BLA MA'I SNYAN RGYUD KYI BSTAN PA 'DZIN NUS PA'I SKAL LDAN JI 'DRA ZHIG 'ONG SNYAM DU SGUG CING BZHUGS PA NA BYA BRAL BA YAB YUM GNYIS SRAS DANG BCAS PA PAn CHEN CHOS KYI RGYAL PO'I GZIGS LAM DU PHEBS PA NA PAn CHAN CHOS KYI RGYAL POS YE SHES KYI MKHA' 'GRO MAS LUNG BSTAN PA'I BDAG NYID CHEN PO DE NI BYIS PA GZHON NU 'DI'O SNYAM DU MKHYEN NAS YAB YUM DE GNYIS LA BZA' BA DANG BTUNG BA GYA NOM PA DANG GSER DANG DNGUL DANG NYE BAR MKHO BA'I LUS KYI YO BYAD LA SOGS PA 'JIG RTEN DANG MTHUN PA'I GNANG SBYIN DPAG TU MED PA GNANG NAS KHYED GNYIS KYI BU 'DI NGA LA BYIN CIG CES BKA' STZAL PA NA YAB YUM DE GNYIS KYIS KYANG DGA' BZHIN SPRO BZHIN DU GUS PAS PHUL, DE'I TSE RGYAL SRAS GZHON NU DE NI BU PHA'I GAM DU SLEBS

PA LTAR PAn CHEN CHOS KYI RGYAL PO LA RTZE GCIG DAD CING GUS PAS ZHABS DRUNG DU 'KHOD NAS TSE 'DI'I PHA MA SOGS GZHAN GANG YANG SEMS PAR MA GYUR TO, ,DE NAS PAn CHEN CHOS KYI RGYAL POS RGYAL SRAS GZHON NU DE KHRUS BYAS, KHYIM PA'I RTAGS CHA LUGS RNAMS DOR, SKRA BCAD, GOS DUR SMRIG BSKON NAS RAB TU BYUNG STE MTSAN CHOS KYI RDO RJE ZHES BTAGS SO, ,DE NAS SNGON YUN RING PO NAS LAM LA SBYANGS PA'I MTHU CAN RGYAL SRAS GZHON NU DE BRDA SPROD KYI GTZUG LAG SLOB PA SOGS LA BLTOS PA MED PAR LAM YONGS RDZOGS LA SLOB NUS PA'I SKAL BA CAN DU GYUR PA NA PAn CHEN CHOS KYI RGYAL MTSAN GYIS RGYAL SRAS GZHON NU DE LA CHOS KYI PHUNG PO BRGYAD KHRI BZHI STONG GI NYING KHU RGYAL BA SRAS BCAS THAMS CAD GANG NAS GSHEGS PA'I LAM PO CHE CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID BTAB STE RGYA LAS RGYA YI 'DUR 'BYUNG BA BZHIN DU RGYAL SRAS BDAG NYID CHEN PO DE LA BSHES GNYEN BSTEN TSUL NAS ZHI LHAG GI BAR SKYES BU GSUM GYI LAM RNAMS RIM GYIS RGYUD LA 'KHRUNGS SO, ,DE NAS BYANG CHUB LAM GYI RIM PA'I DMIGS SKOR MAN NGAG ZHAL SHES GEGS SEL BOGS 'DON DANG BCAS PA MTHA' DAG GNANG, DE NAS BDAG NYID CHEN PO DE BYANG CHUB KYI SEMS CHES SHUGS DRAG PAS NYE LAM RDO RJE THEG PAR 'JUG PAR SPRO BA NA, GSANG BDE 'JIGS GSUM DUS KYI 'KHOR LO SOGS RGYUD SDE

, ,BZHI DANG 'BREL BA'I DBANG LUNG MAN NGAG MTHA' DAG GNANG, KHYAD BAR RGYAL BA TZONG KHA PA LA MGON PO 'JAM DPAL DBYANGS GYIS GNANG BA'I SNYAN RGYUD THUN MONG MIN PA MDO SNGAGS GNYIS KA'I LAM GYI LUS RDZOGS PA'I ZAB LAM BLA MA LHA'I RNAL 'BYOR MAN NGAG ZHAL SHES DANG BCAS PA RDZOGS PAR GNANG BA'I MTHAR SPRUL PA'I GLEGS BAM CHEN MO PHYAG TU GTAD DE RJE'I SNYAN RGYUD 'DI DAG MKHA' 'GROS LUNG BSTAN PA'I SKAL LDAN GYI SLOB MA RE RE TZAM MA GTOGS GZHAN LA MA STON, THA NA SKYE BO GZHAN DAG LA 'DI 'DRA YOD PA'I GTAM TZAM YANG MA SMRA ZHIG CES BKA' RGYA DAM PO BTAB, DE LTAR LO LNGA'I BAR DU SRAS KYI THU BOR BZUNG STE GDAMS PA MTHA' DAG RDZOGS PAR MDZAD NAS 'BYON KHAR PAn CHEN CHOS KYI RGYAL POS BDAG NYID CHEN PO 'DI LA TSE MJUG DBEN PA'I GNAS SU NYAMS LEN 'DI DANG 'DI LTAR GYIS DUS LA BAB BA NA SKAL LDAN GYI SKYES BU LA GDAMS PA 'DI LTAR STON CES PHYIS 'BYUNG GI LUNG BSTAN DANG BCAS BKA' STZAL ZHIB TU GNANG, RGYAL SRAS BDAG NYID CHEN PO 'DIS KYANG PAn CHEN CHOS KYI RGYAL BO'I BKA' LUNG SPYI BOS MNOS SHING ZHABS LA PHYAG BYAS TE SMON LAM BTAB BO, ,DON DE DAG LA RGYAL BA DBEN SA BA CHEN POS GRUB CHEN CHOS RDO RJE LA SNYAN RGYUD KYI MAN NGAG THOB BA'I TSUL LAS BRTZAMS TE BSTOD PA LAS, DE NAS YE SHES MKHA' 'GROS LUNG BSTAN BZHIN, ,GRUB PA'I

DBANG PHYUG CHOS KYI RGYAL MTSAN GYIS, ,DUR SMRIG GIS KLUBS CHOS KYI RDO RJE ZHES, ,MNGON PAR MNGA' GSOL KHYOD LA GSOL BA 'DEBS, ,MGON DE'I ZHABS ZUNG RING DU GUS BSTEN NAS, ,THUGS KYI BCUD PHYUNG ZAB LAM BDUD RTZI'I RGYUN, ,MA LUS RDZOGS PAR GSOL BAS MGON PO KHYOD, ,SRAS KYI THU BOR GYUR LA GSOL BA 'DEBS, ,ZHES GSUNGS PA LTAR RO, ,DE NAS RGYAL SRAS BDAG NYID CHEN PO DES RJE'I SNYAN RGYUD KYI MAN NGAG RNAMS LA SHING RTA CHEN PO'I GZHUNG DANG SBYAR TE DRI MA MED PA'I RIGS BA'I LAM NAS DRANGS PA'I NGES SHES BSKYED PAR BYA BA'I PHYIR 'BRAS SPUNGS SU PHEBS NAS MKHAS PA'I DBANG PO BDE LEGS STOBS LDAN PA'I SPYAN SNGAR PHAR PHYIN DANG, DBU MA GNYIS GTZO BOR BYAS TE SHING RTA CHEN PO'I GZHUNG LUGS RNAMS LA SBYANGS PA MTHAR PHYIN BAR MDZAD, GZHUNG LUGS LA SBYANGS BA MTHAR PHYIN PA NA RJE YAB SRAS KYI RNAM THAR DANG MTHUN BAR BYA BA'I PHYIR CHOS GRVA DER RJE DBON BLO BZANG NYI MAS MKHAN PO DANG, CHOS RJE BDE LEGS STOBS LDAN PA LA SLOB DPON ZHUS NAS DGE SLONG GI DNGOS PO BZHES TE BCAS MTSAMS PHRA ZHING PHRA BA YANG SROG GI DBANG PO LTAR BSRUNGS TE GNAS BRTAN 'DUL BA 'DZIN PA CHEN POR GYUR TO; ;DE NAS 'JAM DBYANGS SMON LAM DPAL BA LA YANG MDO SNGAGS KYI CHOS MANG DU ZHUS NAS GTZANG DU PHEBS TE 'DUL BA 'DZIN PA BLO GROS SBAS PA LA 'DUS PA'I KHRID LAG RJES YIG CHUNG THOR BU BA, LAM RIM GYI KHRID, RIM LNGA'I

, ,KHRID; MGON PO ZHAL DANG, LHA MO DMAG ZOR MA'I RJES GNANG RNAMS GSAN, DE LTAR MKHAS GRUB DAM PA MANG DU BSTEN NAS THOS PA RGYA MTSO'I PHA ROL TU SON PAR MDZAD DO, ,DE YANG BDAG NYID CHEN PO 'DI NI SNGON YUN RING PO NAS LAM YONGS RDZOGS LA SBYANGS PA YIN PAR MA ZAD PAn CHEN CHOS KYI RGYAL MTSAN LAS MDO SNGAGS GNYIS KA'I LAM GYI GNAD MTHAR THUG PA MTHA' DAG YONGS SU RDZOGS PAR GSAN CING GANG GSAN PA MTHA' DAG LA NGES PA GTING TSUGS PAR DRANGS TE THUGS NYAMS SU BZHES NAS GDENG THOB PA ZHIG YIN MOD KYANG PHYI RABS KYI GDUL BYA RNAMS LA RGYAL BA DGYES BA'I LAM LA SGRUB PA SNYING POR BYA 'DOD NA BKLAGS LUNG TZAM RE DANG BLA MA RE LAS KHRID BSDUS PA RE THOB PA TZAM GYIS CHOG BAR MI BYA BAR GANG NYAMS SU BLANG BAR BYA BA'I LAM GYI GNAD RNAMS LA SHING RTA CHEN PO'I GZHUNG LUGS LAS 'BYUNG BA'I DRI MA MED PA'I RIGS PAS DPYAD NAS NGES PA BRTAN PO RNYED PA DGOS SO ZHES 'DOMS PA'I PHYIR GZHUNG LUGS LA SBYONG BA DANG MANG DU THOS BA 'TSOL BA'I TSUL DE LTAR MDZAD DO, ,DE NAS RGYAL BAS BSNGAGS PA'I DBEN PA'I GNAS RNAMS SU LAM GYI LUS YONGS SU RDZOGS PA LA SGRUB BA SNYING POR MDZAD CING GANG LA'ANG CHAGS PA MED PAR DBEN PA NAS DBEN BAR RGYU ZHING, DGE SBYOR YAR NGO'I ZLA BA BZHIN 'PHEL BAR GYUR TO, ,DUS RE

SHIG GI TSE, PAn CHEN CHOS KYI RGYAL MTSAN GYI BKA' DRIN DRAN TE, RIGS GSANG CHEN RGYAL BA RDO RJE 'CHANG, ,RJE SKU BZHI'I NGO BO BA SO BA, ,MTSAN YONGS SU GRAGS PA'I CHOS RGYAL ZHABS, ,PHA RTZE GCIG DRAN PAS GSOL BA 'DEBS, ,GNAS 'KHOR BA'I RGYA MTSO GTING ZAB CING, ,BLO MA RIG 'KHYAGS PA'I SBUBS CHUD NA, ,RJE ZAB DON MKHYEN PA'I 'OD ZER GYIS, ,NYAMS BDE STONG RTOGS PA SBAR DU GSOL, ,DUS SNYIGS MA'I SKYE 'GRO YONGS KYI MGON, ,LAR BSAMS KYIN RJE BTZUN SPRUL PA'I SKU, ,MI KHO BO'I GTZUG RGYAN CHOS KYI RJE, ,YID GDUNG SHUGS DRAG BOS GSOL BA 'DEBS, ,RANG GCES PAR 'DZIN PA'I TSA GDUNG 'DIS, , BYAMS SNYING RJE RGYAS PA'I LO TOG SREG ,RJE BYANG CHUB SEMS KYI SPRIN CHEN LAS, ,GZHAN GCES 'DZIN CHAR RGYUN PHAB TU GSOL, ,ZHES GSOL 'DEBS SHUGS DRAG PO MDZAD CING NYAMS KYI SNANG BA DANG BSTUN PA'I MGUR MANG PO BZHES SO, ,DE NAS PAn CHEN CHOS KYI RGYAL MTSAN GYI BKA' BZHIN DU, GANGS DANG, RI SUL DANG, NAGS KHROD SOGS SKYE BOS DBEN PA'I SA PHYOGS DU MAR RGYU ZHING NYAMS RTOGS GONG NAS GONG DU 'PHEL BAR MDZAD LA, KHYAD PAR SNGON BYON DAM PA DU MAS GRUB PA BRNYES PA'I SA DBA' BO MKHA' 'GRO SPRIN BZHIN 'DU BA'I GNAS CHEN PA SNAM JO MO LHA RI'I GSANG CHEN GRUB PA'I GNAS PADMA CAN DU BSKYED RIM MTHAR SON NAS RDZOGS RIM

, ,LA CHIG BSGRIL MDZAD PAS SEMS DBEN DPE'I 'OD GSAL DANG, MA DAG PA'I SGYU LUS GRUB BO, ,DE 'DRA BA'I GNAS BYIN RLABS CAN DE NI RDO RJE BTZUN MO'I BHA GA'I DBYIBS CAN DU YOD PAS PADMA CAN ZHES MTSAN THOGS SHING, DE'I DRANG THAD KYI SHAR PHYOGS NA BKRA SHIS RDZONG DGA'I RGYAB RI'I RTZE MO NA LING GA'I DBYIBS CAN GYI RDO CHEN PO ZHIG YOD PA TSES BCO LNGA'I ZLA BA SHAR BA'I TSE RDO DE'I GRIB MA PADMA CAN DU BABS PA NA LING GA CHOS 'BYUNG DU ZHUGS PA JI LTA BAR 'BYUNG, DE'I TSE PADMA CAN GYI SGRUB CHU'I NYE SKOR GYIS RNAM SKAD CIG DE LA SINDHU RAR 'GYUR BA ZHIG YOD PAS YUL NYER BZHI DNGOS DANG MTSUNGS PA ZHIG YOD CES GRAG GO ,GNAS BYIN RLABS CAN DER RDZOGS RIM DANG 'BREL BA'I BLA MA LHA'I RNAL 'BYOR SGOM PAR MDZAD PAS CHOS KYI RGYAL PO TZONG KHA PA CHEN PO'I ZHAL GZIGS, DE'I TSE RJE RIN PO CHES DAM PA 'DI LA THUN MONG DANG THUN MONG MA YIN BA'I SNYAN RGYUD KYI GDAMS NGAG YONGS SU RDZOGS BAR GNANG, LHAG PAR RJE RIN PO CHE PHYI PAndI TA'I CHA LUGS NANG GI PHUNG KHAMS SKYE MCHED RNAMS 'DUS PA'I LHA TSOGS SU GSAL BA THUGS KAR RGYAL BA SH'AKYA THUB PA DE'I THUGS KAR RDO RJE 'CHANG BZHUGS PA'I BLA MA'I RNAL 'BYOR THUN MONG MIN PA SEMS DPA' SUM BRTZEGS CAN 'DI GNANG NGO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA RGYAL

BA TZONG KHA PAS ZHAL GZIGS NAS SNYAN RGYUD KYI MAN NGAG GNANG BA'I TSUL LAS BRTZAMS TE BSTOD PA LAS, RJE BTZUN CHEN BO MA TI BHA DRA SOGS, ,DNGOS SU ZHAL GZIGS BYIN BRLABS MCHOG THOB BAS, ,ZAB RGYAS CHOS KYI DPAL LA DBANG 'BYOR NAS, ,GDAMS PA'I GTER CHEN GYUR LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES PADMA CAN GYI GONG NA SGRUB PHUG CIG YOD BA DER RGYAL BA TZONG KHA PAS GNANG BA'I BLA MA'I RNAL 'BYOR THUN MONG MIN PA 'DI RTZE GCIG TU SGOM PAR MDZAD PA NA, 'PHAGS PA THUGS RJE CHEN PO'I ZHAL MNGON SUM DU GZIGS, DES RKYEN BYAS TE PHYOGS BCU'I RGYAL BA SRAS BCAS MA LUS PA'I ZHAL MNGON SUM DU GZIGS PAR GYUR TO, ,TSUL DE NI RGYAL BA DBEN SA PA CHEN POS GRUB CHEN CHOS RDO RJE LA 'PHAGS MCHOG PHYAG NA PA DMOS BYIN GYIS BRLABS PA'I MTHUS PHYOGS BCU'I RGYAL BA SRAS BCAS THAMS CAD MNGON SUM DU GZIGS PA'I TSUL LAS BRTZAMS TE BSTOD PA LAS, PHYAG NA PADMOS DNGOS SU BYIN BRLABS PAS, ,MA LUS RGYAL BA'I 'KHOR LO GSAL BAR GZIGS, ,DNGOS GRUB RGYA MTSO'I DPAL LA DBANG 'BYOR PAS; ;DON GNYIS LHUN GRUB KHYOD LA GSOL BA 'DEBS, ,ZHES GSUNGS PA LTAR RO, ,DE NAS SLAR YANG SGRUB GNAS DER ZAB LAM RIM GNYIS SPYI DANG KHYAD PAR RDZOGS RIM ZAB MO'I RNAL 'BYOR RTZE GCIG TU SGOM

, ,PAR MDZAD PAS ZUNG 'JUG 'GRUB PA'I MTSAN MA THOB PA NA SHIN TU SPROS MED KYI SPYOD PA LA BRTEN NAS 'OD GSAL RTZE GCIG TU SGOM PAR MDZAD BAS DON DAM PA'I 'OD GSAL MNGON DU BYAS PA LAS ZUNG 'JUG RDO RJE 'CHANG GI GO 'PHANG BRNYES TE NAM MKHA' JI SRID GNAS KYI BAR DU ZUNG 'JUG GI SKU LAS G-YO BA MED PAR SEMS CAN RANG RANG GI SKAL BA DANG 'TSAM PAR SPRUL PA BSTAN TE CHOS STON PA SOGS 'GRO BA'I DON LA G-YEL BA MED PAR BZHUGS SO, ,DE 'DRA BA'I SGRUB GNAS DE LA ZUNG 'JUG PHUG CES GRAGS SO, ,TSUL DE NI RGYAL BA DBEN SA PA CHEN BOS GRUB CHEN CHOS RDO RJE LA ZUNG 'JUG BRNYES PA'I TSUL LAS BRTZAMS TE BSTOD PA LAS, DE NAS MKHAS DANG GRUB PA MANG BSTEN CING, ,PADMA CAN SOGS GRUB PA'I GNAS RNAMS SU, ,CHOS KUN SNYING PO RTZE GCIG NYAMS BZHES PAS, ,GRUB PA MCHOG BRNYES KHYOD LA GSOL BA 'DEBS,, ZHES DANG, BRGYA PHRAG LAS LHAG LOR NI BSTAN PA BSKYANGS, ,'CHI MED DPA' BO MKHA' 'GRO'I GTZOR BZHUGS NAS, ,NAM MKHA' JI SRID SKAL LDAN 'GRO BA 'DREN, ,'PHRIN LAS KUN TU DGE LA GSOL BA 'DEBS, ,ZHES GSUNGS PA LTAR RO, ,DE NAS GRUB CHEN CHOS RDO RJES RE SHIG RNAM SMIN GYI SKU LUS RAGS PA MA DOR BAR ZUNG 'JUG DBANG GI RGYAL PO'I ZA MA TOG DE LA GNAS NAS SKAL BA DANG LDAN PA MTHA' YAS

BA LA CHOS KYI BDUD RTZI STZAL, RJE BTZUN 'JAM PA'I DBYANGS KYIS LUNG BSTAN PA'I SNYAN RGYUD BSTAN PA'I BDAG PO DBEN SA PA CHEN PO RE SHIG MA BYON PAR DGUNG LO BRGYA PHRAG BRGAL BA'I BAR DU ZUNG 'JUG DBANG GI RGYAL BO'I ZA MA TOG DE LA GNAS NAS MI SKAL LDAN DU MA DANG, GTZO BOR GNAS GSUM GYI DPA' BO MKHA' 'GRO BGRANG BA LAS 'DAS PA LA RDO RJE THEG PA'I LAM BZANG STON CING BZHUGS PA LAS RGYAL BA DBEN SA BA CHEN PO ZHING 'DIR BYON NAS DGUNG LO BCU BDUN BZHES PA'I TSE 'BRUM BU'I BSNYUN GZHIS ZIN NAS DBEN SA NA BZHUGS PA'I TSE GRUB CHEN 'DIS DBEN SA BA GANG NA BZHUGS PA'I SGO DRUNG DU PHEBS NAS, GANG ZHIG GZIGS SHING GSUNG BA YI, ,MKHYEN DANG STON BA BLA NA MED, ,RGYAL BRTEN CING 'BREL BAR 'BYUNG, ,GZIGS SHING 'DOMS PA DE LA 'DUD, ,CES SOGS ZAB MO RTEN 'BYUNG GSUNG BA'I SGO NAS THUB DBANG LA BSTOD BA LEGS PAR BSHAD PA'I SNYING PO GSUNG DBYANGS MTHON POS ZHAL 'DON DU MDZAD BA NA, RGYAL BA DBEN SA BA CHEN POS GSUNG GI GDANGS THOS PA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG STE, 'DI NI GRUB PA'I SKYES BU BDAG NYID CHEN PO ZHIG YIN PAR GOR MA CHAG GO SNYAM DU DGONGS NAS SGO DRUNG DU BYON TE BRTAGS PA NA, RJE'I SNYAN RGYUD 'DZIN PA'I GRUB CHEN YIN

, ,PAR MKHYEN NAS RJES SU 'DZIN PAR GSOL BA BTAB BA NA DUS TSOD 'DI GA TZAM LA BKRA SHIS RDZONG DGA'I PHU'I 'GAR MO CHOS RDZONG DU SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL BA MED PAR DBEN GNAS 'GAR MO CHOS RDZONG DU PHEBS GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL PA TZONG KHA PA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM BAR DRIL BA LAS DANG PO PA'I SA NAS SANGS RGYAS KYI SA'I BAR GYIS LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD KYI MAN NGAG MA LUS PA'I BDAG POR GYUR TO, ,DE'I TSE GRUB CHEN LA SNYAN RGYUD KYI MAN NGAG RNAMS ZHU BAR MDZAD PA PO RGYAL

BA DBEN SA PA GTZO BO YIN ZHING GZHAN KHA SHAS KYANG YOD LA, RIN PO CHE LTA BU'I GDUL BYA GZHAN GNYIS KYANG YOD DE GZHAN GNYIS PO DE NI SBAS PA'I BRTUL ZHUGS BZUNG STE SKYE BO YONGS LA MTSAN TZAM YANG GRAG PAR MA GYUR TO, ,GRUB CHEN GYIS RJE'I SNYAN RGYUD KYI MAN NGAG YONGS RDZOGS GNANG BA'I TSE RGYAL BA DBEN SA PA CHEN PO DANG RIN PO CHE LTA BU'I GDUL BYA GZHAN GNYIS BCAS GSUM YOD PA NI RGYAL BA DBEN SA BA CHEN PO'I GSUNG TSAD MA DBANG POR GYUR PA LAS SHES TE, RGYAL BA DBEN SA PA'I ZHAL NAS, BDAG GIS RJE BTZUN CHOS KYI RDO RJE LA GDAMS NGAG 'DI YONGS SU RDZOGS PAR ZHUS PA'I DUS SU, RJE BTZUN CHOS KYI RDO RJES KHO BO LA PAn CHEN CHOS KYI RGYAL MTSAN GYIS GDAMS PA 'DI GNANG BA'I TSE, GDAMS PA 'DI SU LA YANG MA SMRA GSUNG BA SOGS BKA' RGYA SHIN TU DAM PA YOD, CES GSUNG ZHING, YANG BDAG GI BLA MA LA YANG BDAG GROGS MCHED GSUM TZAM GYIS 'DI NYID ZHU BA'I DUS SU YANG, BDAG GSUM DANG, KHYAD PAR BDAG LA BTZUN CHUNG NA GZHON PA DANG, KHA YANG BA'I STOBS KYIS 'DI NYID SMRAS PA 'ONG BAS, SU LA YANG YOD PA'I GTAM TZAM YANG MA SMRA GSUNG, ZHES GSUNGS PA LTAR RO, ,DE NAS SLAR YANG GRUB CHEN CHOS RDO RJE DANG RGYAL BA DBEN SA PA CHEN PO DPON SLOB LHAN CIG DBUS GTZANG GI

, ,LJONGS DE DANG DER SKAL LDAN GYI GDUL BYA TU MA RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB PA'I RTEN 'BREL KHYAD PAR CAN BSKRUN PA'I PHYIR; GANGS RI'I KHROD KYI GNAS DANG YUL JONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD DO, ,DE LTAR GRUB CHEN CHOS RDO RJES RGYAL BA DBEN SA PA CHEN PO LA DGA' LDAN SNYAN RGYUD KYI MAN NGAG YONGS SU RDZOGS PA GNANG BA'I MTHAR SPRUL PA'I GLEGS BAM GTAD NAS BKA' RGYA DAM PO BTAB STE RE SHIG DBEN GNAS DU MAR SGRUB PA SNYING POR BYAS NAS LAM THUN MONG BA DANG THUN MONG MA YIN PA RIM GNYIS KYI RTOGS PA YONGS SU RDZOGS PA RANG GI RGYUD LA BSKYED NAS RANG NYID MI NYAMS PA'I GDENG THOB PA NA GDUL BYA'I DON JI LTAR BYA TSUL DANG RJE'I SNYAN RGYUD KYI BSTAN PA BSRE BSLAD MED PAR 'DZIN CING SPEL LUGS SOGS ZHAL GDAMS RGYAS PAR GNANG STE RGYAL PA DBEN SA PA SNYAN RGYUD BSTAN PA'I BDAG POR BYIN GYIS BRLABS SO, , DE NAS GRUB CHEN CHOS RDO RJES RANG NYID RNAM SMIN GYI LUS RAGS PA BZUNG NAS GNAS PA'I DGOS PA LEGS PAR GRUB NAS ZUNG 'JUG DBANG GI RGYAL PO'I ZA MA TOG RNAM SMIN GYI LUS RAGS PA 'OD GSAL DU BSDUS TE 'JA'

LUS RDO RJE'I SKU'I RANG BZHIN DU BZHUGS NAS MKHA' KHYAB IKYI 'GRO BA THAMS CAD KYI KHAMS DANG BSAM PA DANG BAG LA NYAL DANG DBANG PO'I RIM PA DANG MTHUN PAR SPRUL PA BSTAN NAS DE DANG DE'I DON MDZAD PA LA 'BAD RTZOL DANG RNAM RTOG MI MNGA' ZHING YID BZHIN GYI NOR BU DANG DPAG BSAM GYI SHING BZHIN DU GDUL BYA RANG RANG GIS GANG DANG GANG DU GSOL BA BTAB PA DE DANG DER DBANG PO DANG 'TSAM PA'I SPRUL PA 'BYUNG LA, GANGS RI'I LJONGS 'DIR YANG SKAL BA DANG LDAN PA DAG LA SKU'I BKOD PA SNA TSOGS SU BSTAN TE, PAn CHEN BLO BZANG CHOS KYI RGYAL MTSAN LA SNGON RNAM SMIN GYI LUS RAGS PA BZUNG BA'I GNAS SKABS JI BZHIN DU, DGE SLONG BGRES BO DBU SKRA DANG SMA RA DKAR PO CAN ZHIG GI RNAM PAR ZHAL BSTAN PA LTA BU'O, ,JO MO LHA RI'I ZUNG 'JUG PHUG PAR YANG SKAL BA DANG LDAN PA 'GA' RE LA GANG YANG RUNG BA'I SKU'I RNAM PAR BSTAN PA DANG SKU MI SNANG BAR GSUNG GI GDANGS THOS PA DANG, SKU DANG GSUNG GI SNANG BA MED PAR TSUL KHRIMS KYI DRI NGAD ZHIM PO TSOR BA BYUNG BA SOGS LO RGYUS MANG DU SNANG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GRUB CHEN CHOS RDO RJE LA GSOL BA 'DEBS SHING GRUB CHEN 'DI'I RNAM THAR LTAR THEG PA CHEN PO'I DGE BA'I BSHES GNYEN MTSAN NYID DANG LDAN PA ZHIG BTZAL LA DE BSAM SBYOR GNYIS KYIS TSUL BZHIN DU BSTEN TE

, ,SANGS RGYAS NAS BZUNG DAM PA BAR MA CHAD BA LAS BRGYUD PA'I SNYAN RGYUD KYI MAN NGAG MDO SNGAGS GNYIS KA'I LAM GYI GNAD TSANG BA DE LA CHIG BSGRIL DU BYAS CHOG PA ZHIG THOB PAR BYAS, DE NAS TSE 'DI'I 'KHRI BA BCAD DE DBEN PA'I RI SUL DU 'TSO BA DKA' THUB LA GNAS NAS SGRUB PA RTZE GCIG TU BYAS LA MDO SNGAGS KYI LAM GYI RIM PA YONGS SU RDZOGS PA RGYUD LA BSKYED THUB PA ZHIG BYA, GRUB CHEN GYI RNAM THAR DE LTA BU MA ZIN YANG LAM GYI LUS YONGS SU RDZOGS PA LA THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,,