*, ,BSANGS CHOG BKRA SHIS CHAR 'BEBS MCHOD SPRIN RGYA MTSO ZHES BYA BA BZHUGS, ,
, ,NA MO GU RU DE WA DHARMA P'A LA d'A KI N'I BHYA: GNAS SKABS SU BAR GCOD SEL ZHING 'DOD DON 'GRUB BYED RGYUN PAR BSANGS 'CHAG MED DU BYA BA'I PHYIR, MDOR BSDUS PA'I NGAG 'DON GYI TSUL NI, AOm; BSANGS RDZAS MCHOD GTOR PHYI NANG GSANG BA YI, ,DAM RDZAS SPYAN GZIGS 'CHI MED LAM GANG BA, ,ZAG MED YE SHES BDUD RTZI'I RGYA MTSO CHE, ,KUN BZANG MCHOD PA'I SPRIN LA 'GRAN PAR GYUR, AOm A'A: H'Um LAN GSUM BRJOD LA BYIN GYIS BRLABS, AOm; BKA' DRIN GSUM LDAN BLA MA NAS, ,RDO RJE 'DZIN LA REG PAR GYI, ,RTZA BRGYUD BLA MA MA LUS PA, ,DENG 'DIR MCHOD PA'I GNAS SU GSHEGS, ,GSANG BDE 'JIGS GSUM DUS 'KHOR SOGS, ,RGYUD SDE BZHI YI LHA TSOGS DANG, ,DUS GSUM BDE GSHEGS SRAS BCAS RNAMS, ,DENG 'DIR, ,NYAN RANG BSTAN BSRUNG
, ,RGYA MTSO'I TSOGS, ,DPA' BO MKHA' 'GRO THAMS CAD DANG, ,MDOR NA MCHOG GSUM MA LUS PA, ,DENG 'DIR, ,BDAG CAG RNAMS LA RJES BRTZE ZHING, ,'GO BA'I LHA BSRUNG MA LUS DANG, ,YUL LHA GZHI BDAG THAMS CAD KYANG, ,DENG 'DIR, ,'JIG RTEN SKYONG BA'I MTHU BO CHE, ,DREGS PA SDE BRGYAD MTHA' DAG DANG, ,GDON BGEGS LAN CHAGS MGRON RNAMS KYANG, ,DENG 'DIR, ,'DIR MANG SMOS PA CI ZHIG 'TSAL, ,SRID DANG ZHI BA'I DBYINGS BZHUGS PA'I, ,MGRON DU 'OS PA THAMS CAD KYANG, ,DENG 'DIR, ,AOm; RTZA BRGYUD BLA MA BSLU MED DKON MCHOG GSUM, ,MKHA' 'GRO CHOS SKYONG TSOGS KYIS BSKOR NAS BZHUGS, ,DREGS PA SDE BRGYAD YUL LHA GZHI BDAG DANG, ,RIGS DRUG LAN CHAGS MGRON KYANG MA LUS 'KHOD, ,DRAN PA TZAM GYIS MCHOG STZOL ZHING, ,SKYON BRAL YON TAN KUN GYI GTER, ,ZHING MCHOG DAM PA 'KHOR BCAS LA, ,DANG BAS BSTOD CING PHYAG KYANG 'TSAL, ,BDE STONG LEGS BRIS LAM YANGS LAS, ,BYUNG BA'I MCHOD SPRIN 'BUL BA NI, ,BDUD RTZI'I MCHOD YON
MTSO LTAR BSKYIL, ,MDZES PA'I ME TOG 'DZIN MA KHYAB, ,DRI ZHIM CHU 'DZIN PHRENG BA 'KHRIGS, ,MUN SEL SGRON ME TSAR DU DNGAR, ,SPROS CHU'I NYAL 'GRO DAL GYIS 'BAB, ,RO BRGYA'I ZHAL ZAS LHUN POR SPUNGS, ,SNYAN BRJID ROL MO'I SGRA BRGYA RGOD, ,'DOD YON SNA LNGA SPRIN LTAR GTIBS, ,GSER SKYEMS BDUD RTZI'I RGYA MTSO BSKYIL, ,GSANG BA BDE BA CHEN PO SOGS, ,PHYI NANG GSANG BA'I MCHOD TSOGS DANG, ,YE SHES BDUD RTZIR BYIN BRLABS PA'I, , SHA KHRAG DMAR GYI GTOR MA 'DI, ,'KHOR BCAS DGYES PA BSKYED PHYIR 'BUL, ,TZANDAN DKAR DMAR AA KA RU, ,GA BUR SI LA GUR GUM SOGS, ,DZ'A TI SPOS DKAR DA LI DANG, ,SBA SHUG SU LU MKHAN PA SOGS, ,BSANGS RDZAS SPOS SNA STONG PHRAG DANG, ,PHYE MAR LA SOGS ZAS SNA DANG, ,'BRU SNA DAR SNA SNYING PO LNGA, ,GSER ZHUN 'BAR 'DRA'I MES BSREGS PA'I, ,DUD SPRIN LHA YI LAM GANG BAS, ,DRIN CAN RTZA BA'I BLA MA BSANGS, ,CUNG ZAD RGYAS PA BYED NA, RGYA CHEN SPYOD BRGYUD BLA MA BSANGS, ,ZAB MO LTA BRGYUD BLA MA BSANGS, ,BYIN RLABS BRGYUD PA'I BLA MA BSANGS, ,BKA' GDAMS BRGYUD PA'I BLA MA BSANGS, ,LAM RIM BRGYUD PA'I BLA MA BSANGS, , RNYING MA BRGYUD PA'I BLA MA BSANGS, ,LAM 'BRAS BRGYUD PA'I BLA MA BSANGS, ,SBYOR DRUG BRGYUD PA'I BLA MA BSANGS, ,SHANGS PA BKA' BRGYUD BLA MA BSANGS, ,ZHI BYED BRGYUD PA'I BLA MA BSANGS, ,PHYAG CHEN BRGYUD PA'I
, ,BLA MA BSANGS, ,DGE LDAN BRGYUD PA'I BLA MA BSANGS, ,ZUNG 'JUG BRGYUD PA'I BLA MA BSANGS, ,CHOS DRUG BRGYUD PA'I BLA MA BSANGS, CES RANG RANG GI BLO DANG BSTUN NAS JI LTAR 'DOD PA'I BLA MA SO SO'I MTSAN BCUG CHOG GO ,MDOR BSDU NA, DRIN CAN RTZA BA'I BLA MA BSANGS, ,CES PA'I MU NAS, ZLA MED STON PA SH'AKYA'I GTZO, ,KHYAB BDAG RDO RJE 'CHANG DBANG NAS, ,MDO RGYUD MAN NGAG GSAL MDZAD PA'I, ,RTZA RGYUD BLA MA THAMS CAD BSANGS, ,DPAL CHEN RDO RJE 'JIGS BYED DANG, , GSANG BDE KYEE RDOR DUS 'KHOR SOGS, ,RGYUD SDE BZHI YI LHA TSOGS DANG, ,DUS GSUM RGYAL BA SRAS BCAS BSANGS, ,PHYAG DRUG MGON PO 'KHOR BCAS DANG, ,YID BZHIN NOR BU CHOS KYI RGYAL, ,GUR ZHAL PHYAG BZHI RNAM SRAS SOGS, ,CHOS SKYONG BSRUNG MA THAMS CAD BSANGS, ,BZHI SBRAG STAG ZHON DUR KHROD BDAG ,DMAG ZOR DPAL LHA RAB BRTAN MA, ,DUD GSOL DUS MTSAN BEG TZE SOGS, ,DAM CAN RGYA MTSO'I DMAG TSOGS BSANGS, ,GNAS GSUM DAG NA BZHUGS PA YI, , DPA' BO MKHA' 'GRO MA LUS DANG, ,BSTAN SKYONG DKAR PO BRGYAD CU SOGS, ,DKAR PHYOGS SKYONG BA THAMS CAD BSANGS, ,SA YI LHA MO BRTAN MA SOGS, ,STONG GSUM GZHI BDAG THAMS CAD DANG, ,KHYAD PAR YUL PHYOGS 'DI NYID KYI, ,YUL LHA GZHI BDAG THAMS CAD BSANGS, ,RGYAL CHEN SKU LNGA R'A HU LA, ,TSE RING MCHED LNGA BSTAN SKYONG BCAS, ,GZA' SKAR LO ZLA ZHAG DUS SU, ,RGYU ZHING GNAS PA'I LHA RNAMS BSANGS, ,KHYAD PAR BDAG CAG 'KHOR BCAS KYI, ,CHOS RGYUD RIGS RGYUD
BSTEN CING 'GO ,GA-YEL MED STONG GROGS MGON MDZAD PA'I, ,LHA BSRUNG GNYEN PO THAMS CAD BSANGS, ,DREGS PA SDE BRGYAD MA LUS DANG, ,GDON BGEGS 'BYUNG PO'I TSOGS RNAMS DANG, ,LAN CHAGS SHA KHON GNYER BA SOGS, ,MGRON DU 'OS PA THAMS CAD BSANGS, ,MDOR NA SO SOR SMOS CI DGOS, ,SRID PA'I RTZE MO NAS BZUNG STE, ,MNAR MED DMYAL BA'I BAR GNAS PA'I, ,'GRO BA JI SNYED MCHIS PA BSANGS, ,SRID DANG ZHI BA'I MGRON RNAMS LA, ,BSANGS SOGS MCHOD PA PHUL BA YIS, ,BDAG CAG 'KHOR DANG BCAS RNAMS KYI, ,NYAMS GRIB MA LUS SANGS GYUR CIG ,BDAG CAG GZHI BYES GANG DU YANG, ,LAS DANG BYA BA CI BYED KYANG, ,KUN SLONG PHRAG DOG MA BYED PAR, ,RTAG TU MGON SKYABS GROGS MDZOD CIG ,BSAMS DON YID BZHIN 'GRUB PA'I GEGS, ,PHYI NANG BAR GCOD MTHA' DAG DANG, ,NAD GDON CHOM RKUN DGRA BGEGS KUN, ,NYE BAR ZHI BA'I PHRIN LAS MDZOD, ,TSE DANG BSOD NAMS DPAL 'BYOR DANG, ,'KHOR DANG LONGS SPYOD SNYAN GRAGS RIGS, , BSTAN DANG BSTAN PA'I BYA BA SOGS, ,YAR NGO'I ZLA LTAR RGYAS PAR MDZOD, ,'JIG RTEN 'JIG RTEN LAS 'DAS PA'I, ,'DOD DGU'I YO BYAD THAMS CAD DANG, ,KHAMS GSUM SKYE 'GRO MA LUS PA, ,DBANG DU 'DU BA'I 'PHRIN LAS MDZOD, , RGYAL BA'I BSTAN DANG BSTAN 'DZIN LA, ,GNOD CING 'TSE BA'I GDUG CAN DANG, ,BDAG LA SDANG BA'I DGRA BGEGS KUN, ,DRAG PO'I CHAD PAS TSAR GCOD MDZOD, ,MDOR NA MCHOG DANG THUN MONG GI ,DNGOS GRUB DA LTA NYID THOB CING, ,RJE BTZUN BLA MA'I
, ,BZHED PA KUN, ,MA LUS BDAG GIS BSGRUB PAR SHOG ,'DIS MTSON DGE BA'I 'OD STONG GIS, ,SKYE DGU'I SGRIB GNYIS MUN BSAL TE, ,'GRO KUN DON DU SKU GSUM GYI, ,'DAB BRGYA MNGON PAR BZHAD GYUR CIG ,` SMRAS PA, GANG GI RNAM DPYOD MA LA YA SKYES TSAL, ,BLO LDAN DON GNYER BSER BUS BSKYOD PA'I TSE, ,BSANGS CHOG BKRA SHIS CHAR 'BEBS DRI BSUNG GIS, ,PHYOGS KYI BU MO'I DRI LEN TSIM PAR BYAS, ,GANG 'DI LHA DANG BLA MA'I TSOGS RNAMS KUN, , MNYES PAR BYED PA'I MCHOD SPRIN RGYA MTSO STE, ,MI MIN 'BYUNG PO YONGS KYI GDUG SEMS KYI, ,TSA GDUNG SEL BYED RI BONG 'DZIN PA'ANG YIN, ,BLO LDAN RNAMS KYI 'DOD PA'I GEGS BYED PA'I, ,MUN TSOGS MTHAR BYED NAM MKHA'I NOR BU STE, , DE BZHIN RNAM GROL RIN CHEN GLING DAG TU, ,BDE BLAG NYID DU 'JUG PA'I GRU RDZINGS YIN, ,DE'I SLAD 'DIR 'BAD DGE BA PAD RTZA DANG, ,STON ZLA LTA BUR DKAR BA CI THOB DES, ,MTHA' DAG 'GRO 'DI BYANG CHUB SEMS LDAN ZHING, ,SDUG BSNGAL KUN GYI MING YANG MI 'BYUNG SHOG ,CES CHOS SMRA BA BLO BZANG CHOS KYI RGYAL MTSAN GYIS SMRAS PA DGE LEGS SU GYUR CIG , ,,SARBA MANGGA LAm,, ,,*, ,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,MCHOD SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,