*, ,BSANGS KYI CHO GA DNGOS GRUB KYI GZI 'OD 'BAR BA ZHES BYA BA RGYAS 'BRING BSDUS GSUM LAS 'DI NYID 'BRING PO'O,,
, ,KYEE, LHUN GRUB BDE STONG NAM MKHA'I ROL PA LAS, ,SNA TSOGS SGYU 'PHRUL DRA BA'I ZLOS GAR MKHAN, ,RAB 'BYAMS RGYAL BA'I DNGOS GYUR BLO BZANG GRAGS, ,TSAD MED THUGS RJE'I DBANG GIS GNAS 'DIR GSHEGS, ,DKYIL 'KHOR 'KHOR LO BYE BA'I BDAG NYID MCHOG ,KHYAB BDAG RDO RJE 'DZIN PA NAS BZUNG STE, ,SANGS RGYAS KUN GYI YE SHES NGUR SMRIG GI ,ZOL LA NYER BRTEN RTZA BA'I BLA MA'I BAR, ,NGO MTSAR ZAB RGYAS CHOS KYI BDUD RTZI'I RGYUN, ,DRI MED MGUR GYI BUM BZANG RIM PA LAS, ,LEGS 'ONGS RTZA BRGYUD BLA MA MA LUS PA, ,TSAD MED THUGS RJE'I DBANG GIS GNAS 'DIR GSHEGS, ,SNA TSOGS TSON DANG PHRAD PA'I SHEL JI BZHIN, ,GDUL DBANG CI YANG 'CHAR BA'I MIG 'PHRUL MKHAN, ,RGYUD SDE CHEN PO BZHI DANG YONGS 'BREL BA'I, ,YI DAM LHA
, ,TSOGS THAMS CAD GNAS 'DIR GSHEGS, ,SPROS KUN NYER ZHI 'GRO 'ONG KUN BRAL YANG, ,CHU ZLA BZHIN DU CIR YANG 'CHAR BA GANG, ,DUS GSUM BDE GSHEGS CHOS DANG TSOGS MCHOG BCAS, ,BDAG CAG MOS PA JI BZHIN x, ,DMIGS MED THUGS RJE CHEN PO'I GZHAN DBANG GIS, ,'PHRIN LAS RNAM BZHI RIN CHEN DBANG GI RGYAL, ,DRAN PA'I MOD LA STZOL MDZAD GNAS GSUM GYI, ,DPA' BO MKHA' 'GRO'I TSOGS RNAMS GNAS 'DIR GSHEGS, ,KYEE, CHOS KYI DBYINGS LAS 'ONGS PA'I LHA, ,RAB KHROS DGRA BGEGS 'BYUNG PO'I GSHED, ,LEGS LDAN NAG PO PHYAG DRUG PA, ,'KHOR BCAS GNAS 'DIR MYUR DU BYON, ,KYEE, LHO PHYOGS RIM PA BDUN GYI 'OG ,LCAGS MKHAR BCU DRUG NANG SHED NAS, ,'CHI BDAG LAS KYI GSHIN RJE'I TSOGS, ,MA THOGS GNAS 'DIR MYUR DU BYON, ,KA DAG CHEN PO'I KLONG YANGS NAS, ,RDO RJE NAG PO PHYAG BZHI PA, ,SPRUL PA YANG SPRUL PHO NYA'I TSOGS, ,LHA LAM 'GENGS PA LTAR BYON CING, ,DPAL LDAN MGON PO BGEGS KYI DGRA, ,STOBS 'PHROG NAG PO GDONG BZHI PA, ,YUM BZHI SHEN PA'I
TSOGS DANG BCAS, ,RDZU 'PHRUL DBANG KYIS GNAS 'DIR BYON, ,RNAM SNANG THUGS RJE'I RANG GZUGS GANG, ,MAH'A K'A LA GAnd'A 'CHANG, ,RNAM MANG 'KHOR TSOGS RGYA MTSOR BCAS, ,DAM TSIG LDAN PA'I GNAS 'DIR BYON, ,DUS GSUM RGYAL BA SKYED PA'I YUM, ,DMAG DANG ZOR GYI LAS DGYES PA, ,MO RGYUD SRUNGS MA'I TSOGS DANG BCAS, ,'PHRIN LAS BSGRUB PHYIR DA TSUR BYON, ,GZHAN YANG DPAL GYI LHA MO DANG, ,RDO RJE RAB BRTAN NAM GRU MA, ,RANG BYUNG NAM MKHA'I GOS CAN DANG, ,DUD SOL BA MO 'OD CHEN 'BAR, ,JO MO TSE RING MCHED LNGA DANG, ,BSTAN MA BCU GNYIS LA SOGS PA, ,RANG RANG 'KHOR DANG BCAS TE BYON, ,MTSO LAS SKYES PA'I RDO RJE DNGOS, ,D'I PAm KA RA'I BSTAN SRUNGS MCHOG ,CHOS SKYONG BZHI SBRAG 'KHOR DANG BCAS, ,DAM CAN DKAR PO BRGYAD CU DANG, ,RNAM MANG THOS SRAS RTA BDAG BRGYAD, ,GZHAN YANG NOR RGYUN LHA MO DANG, ,AA PA RA NI TZITTA SOGS, ,GNOD SBYIN NOR LHA'I TSOGS RNAMS BYON, ,NYI MA BYANG SHAR PHA GI NA, ,MA RU TZE YI DUR KHROD NAS, ,CHOS SKYONG LCAM SRING 'KHOR DANG BCAS, ,'PHRIN LAS BSGRUB PHYIR MYUR DU BYON, ,GZHAN YANG BSTAN PA'I BYA RA MKHAN, ,MGON PO BDUN CU RTZA LNGA DANG, ,LHA CHEN RGYAL PO BI HA RA, ,DRANG SRONG CHEN PO R'A HU LA, ,DAM CAN RDO RJE LEGS PA SOGS, ,'JIG RTEN 'DAS DANG MA 'DAS PA'I, ,MGRON DU 'OS PA CI MCHIS PA, ,'KHOR
, ,BCAS MCHOD PA'I GNAS 'DIR BYON, ` ,YUL CHEN NYI SHU RTZA BZHI DANG, ,DUR KHROD CHEN PO BRGYAD DANG NI, ,LHA LDAN BSAM YAS LHUN GYIS GRUB, ,DGE LDAN RNAM PAR RGYAL BA'I GLING, ,DPAL GYI RA BSGRENG LA SOGS PA, ,CHOS GZHI GDAN SA SGRUB GNAS SOGS, ,SRUNG ZHING SKYONG BA'I LHA RNAMS DANG, KHYAD PAR YUL KHAMS 'DI NYID KYI, ,YUL LHA GZHI BDAG GNAS BDAG DANG, ,GRONG BDAG PHO LHA DGRA LHA DANG, ,MO LHA ZHANG LHA SLOB DPON NI, ,RIM PAR BRGYUD PA'I LHA SRUNGS SOGS, ,MGON DANG DPUNG GNYEN GROGS MDZAD PA, ,MA LUS THAMS CAD 'DIR BYON CIG ,BYE BA PHRAG BRGYA'I STONG GSUM NA, ,SNANG ZHING SRID PA'I LHA 'DRE'I TSOGS, ,JI SNYED MCHIS PA THAMS CAD DANG, ,KHYAD PAR BDAG CAG 'KHOR BCAS LA, ,SDANG ZHING GDUG SEMS 'CHANG RNAMS DANG, ,LAN CHAGS SHA 'KHON BU LON DAG , MGRON DU GNYER BA GANG YIN PA, ,THAMS CAD KYANG NI 'DIR 'DUS SHIG ,'DIR MANG SMOS PA CI ZHIG DGOS, ,SRID RTZE NAS BZUNG MNAR MED BAR, ,GNAS PA'I SEMS CAN MA LUS PA, ,MCHOD SBYIN GNAS 'DIR GSHEGS SU GSOL, ` ,RIG 'DZIN PADMA 'BYUNG GNAS MAR ME MDZAD, ,RGYAL BA GNYIS PA BLO BZANG GRAGS PA'I DPAL, ,DBYER MED ZHABS SEN NOR BU'I LAN TSAR DANG, ,GZHAN YANG PHYAG
'OS KUN LA LAN BRGYAR 'DUD, ,KYEE, BDE STONG NAM MKHA'I KLONG YANGS NAS, ,NGO MTSAR MCHOD PA'I SPRIN SPROS TE, ,'KHOR DANG BCAS LA 'BUL BA NI, ,RIN CHEN 'OD 'BAR SNOD YANGS SU, ,DAG BYED BDUD RTZI MTSO LTAR BSKYIL, ,PADMA AUTPAL KU MUD SOGS, ,MKHA' LAM KHYAB PA KUN TU LDING, ,BEEd'UR SNGON PO'I CHU 'DZIN BZHIN, ,DRI ZHIM DUD PA'I SPRIN PHUNG 'KHRIGS, ,MUN SEL GDUNG BA ZHI BYED PA'I, ,MAR ME'I PHRENG BA TSAR DU DNGAR, ,PHYOGS KYI 'KHOR LO KUN 'GENGS PA'I, ,DRIS BSGOS CHU GTER SLABS PHRENG 'THOR, ,RO BRGYA'I ZIL MNGAR BCUD CHAGS PA'I, ,BZA' DANG BCA' BA LHUN POR SPUNGS, ,'BRAS CHANG RGUN 'BRUM CHANG LA SOGS, ,SER SKYEMS BTUNG BA RGYA MTSOR 'GRAN, ,SNA TSOGS ROL MO'I SGRA SKAD DANG, ,GDANGS SNYAN GLU DBYANGS 'BRUG LTAR LDIR, ,GZUGS SGRA DRI RO REG LDAN PA'I, ,MDZES PA'I BU MOS PHYOGS KUN KHYAB, ,KYEE, YANGS PA'I NOR 'DZIN LHA GNAS DANG PO LA, ,GANG GI MTHU YIS 'DOD DGUR DBANG BYED PA'I, ,MI DBANG LA 'OS MDZES PA'I RIN CHEN BDUN, ,STONG GSUM KHYON KUN YONGS SU BKANG STE 'BUL, ,LAG PA'I PADMO BKRA SHIS RDZAS RTAGS KYI, ,BUNG BA GZHON NU'I 'PHUR LDING GIS RTZEN PA'I, ,'JAM MNYEN 'KHRIL CHAGS 'JO SGEG RNAM 'GYUR CAN, ,YID 'PHROG LHA MOS ZHING KUN BKANG STE 'BUL, ,RMA BYA'I MGRIN PA'I SPU LTAR YID 'ONG BA'I, ,MDZES PA'I RTA
, ,MCHOG DRE'U RKYANG SER DANG, ,SPRIN GYI SHUGS 'CHANG MA HE DKAR NAG DANG, ,STONG GSUM MYUL BYED BZHON PA'I TSOGS KYANG 'BUL, ,AInDRA N'I LA'I RI BO LTAR BRJID PA'I, ,GA-YAG ROG ZHOL CHEN DRAG PO'I NGAR SGRA SGROG ,MTSAMS SPRIN MDZES PA LA 'KHU LHA RDZAS KYI, ,COD PAN BZHAD LDAN LUG NAG SPRIN LTAR GTIBS, ,'DAB GNYIS BSKYOD PA'I GAR GYIS RNAM ROL BA, ,YID 'ONG BYA TSOGS DAM NYAMS KLAD LA LDING, ,SA GSUM GRUM BYED 'JIGS PA'I NGA RO CAN, ,KHYI NAG SNYING DKAR DOM LTAR 'PHYO ZHING RGYUG ,PHA ROL GA-YUL LAS RGYAL BYED GO KHRAB DANG, ,MI BZAD RNO NGAR LDAN PA'I MTSON CHA SOGS, ,MDZES PA'I BA DAN PHYOGS BCUR GA-YO BA YI, ,RU MTSON 'PHYAR DAR NAM MKHA'I KHYON KUN BKANG, ,BAR SNANG RGYAN GYUR LHA RDZAS BLA BRE DANG, ,BRGYA BYIN GZHU LTAR BKRA BA'I RGYAL MTSAN SOGS, ,PHYI NANG DAM RDZAS SPYAN GZIGS SNA TSOGS PA, ,DGYES PA BSKYED PHYIR 'KHOR DANG BCAS LA 'BUL, ,KYEE, THABS DANG SHES RAB YE SHES MER, ,SGRIB GNYIS BSANGS RDZAS BSREGS PA LAS, ,LHAN CIG SKYES DGA'I DUD SPRIN GYIS, ,MA DAG DRI MA BSANG PHYIR DU, ,SPYAN SOGS LNGA YI RANG BZHIN NYID, ,'BYUNG BA LNGA YI DVANGS MA LAS, ,'CHI MED BDUD RTZI'I DPAL RAB STAR, ,DRI ZHIM SMAN GYI DNGOS GYUR PA, ,RTZI ZHING NAGS TSAL SNA TSOGS
'KHRUNGS, ,KHA DOG DRI RO MTHA' YAS KYIS, ,NAD RIGS BZHI BRGYA RTZA BZHI SEL, ,GSER ZHUN 'KHYIL 'DRA'I ME LCE YIS, ,GTI MUG MUN PA'I TSOGS KUN 'JOMS, ,DUD SPRIN 'CHI MED LAM CHAGS PAS, ,SDUG BSNGAL GSUM GYI TSA GDUNG SKYOB, ,KYEE, SH'AKA THUB BSTAN PA'I SNYIGS MA LA, ,MI RNAMS TSE THUNG LONGS SPYOD DMAN, ,RAB BYUNG PHAL CHER KHRIMS LAS GA-YEL, ,SNGAGS 'CHANG PHAL CHER DAM TSIG BRAL, ,GSANG SNGAGS BON LTAR GYER BA'I DUS, ,DE TSE SRID PA'I MA MO KHROS, ,MA MO KHROS PA'I KHA RLANGS KYIS, ,'DZAM GLING YANGS PA'I LHO PHYOGS SU, ,MKHA' LA NAD SPRIN SNA TSOGS CHAGS, ,NAD DANG DAL YAMS CHAR DU 'BEBS, ,LHA 'DRE MI GSUM THAMS CAD DANG, ,YUL LHA GZHI BDAG TSOGS RNAMS KYANG, ,'KHON 'DZIN PHRAG DOG SEMS 'CHANG BAS, ,SAD SER THAN PA MU GE SOGS, ,MI 'DOD SNA TSOGS RKYEN DANG SPROD, ,THA MAL SKYE BO PHAL CHER YANG, ,DAM PAS SMAD PA'I LAS SPYAD PAS, ,DKAR PHYOGS SKYONG BA RNAMS KYANG GA-YEL, ,DE 'DRA'I DUS KYI THA MA LA, ,RIG 'DZIN GRUB PA KUN GYI GTZO, ,SLOB DPON PADMA 'BYUNG GNAS KYI, ,THUGS RJE'I RGYA MTSO CHER GA-YOS TE, ,BSANGS CHOG BSAM 'PHEL AInDRA N'IL, ,MNGON PHYUNG RGYAL MTSAN RTZER MCHOD PAS, ,PHUN TSOGS 'DOD DGU'I GRU CHAR PHAB, ,SKAL BA NGAN PA PHAL CHER BSAL, ,ZHI RGYAS DBANG DANG MNGON SPYOD KYI, ,'PHRIN
, ,LAS LHUN GYIS GRUB PAR MDZAD, ,DE PHYIR BDAG CAG 'KHOR BCAS KYANG, ,SLOB DPON CHEN PO'I RJES 'BRANGS NAS, ,SRID DANG ZHI BA'I MGRON RNAMS LA, ,DE RING BSANGS KYI MCHOD PA 'BUL, KYEE, DE RING NAM MKHA'I SKAR MA BZANG, ,SA LA NYI MA'I 'OD ZER RNO, ,BAR DU DRI BZHON NGAD 'JAM ZHING, ,DUS DANG TSES GRANGS KUN TU SHIS, ,KYEE, RGYAL BA'I SMON LAM GYIS BSGRUBS PA'I,, BYANG CHUB SHING GI DUD PAS BSANGS, ,GSER LOS MDZES PA'I STAG PAS BSANGS, ,ZANGS LOS MDZES PA'I SU LUS BSANGS, ,DUNG LOS MDZES PA'I BA LUS x, ,MA LA YA SKYES DUD PAS x, ,KA AAR DZ'A TI'I DUD PAS x, ,SPOS DKAR GUR KUM DUD PAS x, ,DRI ZHIM SI LA'I DUD PAS x, ,RGYA SPOS BSREGS PA'I DUD PAS x, ,RMAD BYUNG SPOS SNA BRGYA PHRAG TSOGS, ,BSREGS PA'I DRI ZHIM DUD PAS x, ,SNYING PO DRUG GI DUD PAS x, ,SPANG SPOS GLA RTZI PHUR MO DANG, ,PHYE MAR ZAS SNA'I DUD PAS x, ,KYEE, DUS GSUM BDE GSHEGS KUN GYI DNGOS, ,CHOS PHUNG BRGYAD KHRI 'BYUNG BA'I GNAS, ,'PHAGS PA'I DGE 'DUN KUN GYI GTZO, ,DRIN CAN RTZA BA'I BLA MA BSANGS, ,KYEE, RDO RJE 'CHANG DBANG DPYID KYI DGA' BA'I TSAL, ,'JAM DBYANGS MKHYEN PA'I 'DAB STONG KHYON YANGS SHING, ,BLO BZANG RGYAL BA GNYIS
PA'I ME TOG BKRA, ,DGE LEGS ZE'U 'BRU DKAR PO'I SO PHRENG RGOD, ,CHOS KYI RGYAL MTSAN SBRANG RTZI'I BCUD CHAGS SHING, ,CHOS KYI RDO RJE BUNG BA'I GLU DBYANGS KYIS, ,BLO BZANG DON GNYIS MCHOG GI DGA' STON GRUB, ,THAMS CAD MKHYEN PA'I DRI GSUNG 'BUM 'PHRO ZHING, ,SANGS RGYAS YE SHES 'BRAS BUS MNGON PAR BRJID, ,RTZA BA'I BLA MA'I RIN CHEN RGYAN MDZES PA, ,RTZA BRGYUD BLA MA YONGS 'DU'I DBANG PO BSANGS,, KYEE, L'A LI TA LA SOGS PA YI, ,'JIGS BYED BRGYUD PA'I BLA MA BSANGS, ,AINDRA BH'U TI LA SOGS PA'I, ,GSANG 'DUS BRGYUD PA'I BLA MA BSANGS, ,KUN TU DGE LA SOGS PA YI, ,BDE MCHOG BRGYUD PA'I BLA MA BSANGS, ,BI R'U PA LA SOGS PA YI, ,KYE RDOR BRGYUD PA'I BLA MA x, ,ZLA BA BZANG PO LA SOGS PA'I, ,DUS 'KHOR BRGYUD PA'I BLA MA x, ,BLO GROS RIN CHEN LA SOGS PA'I, ,MKHA' 'GRO PHA BRGYUD BLA MA x, ,MDA' BSNUN RI KHROD ZHABS LA SOGS, ,MKHA' 'GRO MA BRGYUD BLA MA x, ,KUN DGA' SNYING PO LA SOGS PA'I, ,YO GA BRGYUD PA'I BLA MA BSANGS, ,SANGS RGYAS GSANG BA LA SOGS PA'I, ,SPYOD PA BRGYUD PA'I BLA MA x, ,TZANDRA GOO MI LA SOGS PA'I, ,BYA BA BRGYUD PA'I BLA MA x, ,GSANG SNGAGS NUS PA MNGON GYUR PA'I, ,'PHAGS YUL GRUB THOB BRGYAD CU BSANGS, ,KYEE, KLU SGRUB SNYING PO LA SOGS PA'I, ,ZAB MO LTA BRGYUD
, ,BLA MA x, ,'PHAGS PA THOGS MED LA SOGS PA'I, ,RGYA CHEN SPYOD BRGYUD BLA MA x, ,SH'ANTA DE BA LA SOGS PA'I, ,BLO SBYONG BRGYUD PA'I BLA MA x, ,NYE BAR 'KHOR LA SOGS PA YI, ,SO THAR BRGYUD PA'I BLA MA x, ,'DZAM GLING MDZES PAR BYED PA'I RGYAN, ,DRUG LDAN MCHOG GNYIS BCAS PA BSANGS,, KYEE; SDOM BRTZON DAM PA ZHI BA 'TSO, ,RIG 'DZIN PADMA SAM BHA BA, ,BLO GSAL PADMA NGANG TSUL SOGS, ,'PHAGS YUL MKHAS PA'I DED DPON TSOGS, ,SNYING STOBS CHEN POS BYANG PHYOGS 'DIR, ,ZHABS RDUL REG PA THAMS CAD DANG, ,JO BO RIN CHEN BZANG PO SOGS, ,SGRA BSGYUR DAM PA THAMS CAD BSANGS, ,BSTAN PA'I ME RO GSO BA LA, ,THA MAL RGYAL BA'I MDZAD PA CAN, ,BLA CHEN SHES RAB 'BAR LA SOGS, ,SNGON GYI 'DUL 'DZIN THAMS CAD BSANGS, ,MAR ME MDZAD DPAL RGYAL BA 'BROM, ,SKU MCHED GSUM PO LA SOGS PA'I, ,RIN CHEN PHRENG BA LTA BU YI, ,BKA' GDAMS BRGYUD PA'I BLA MA BSANGS,, KYEE; RGYAL BA KUN DNGOS TZONG KHA PA, ,RGYAL TSAB MI PHAM GNYIS PA'I ZHABS, ,MKHAS GRUB DAM PA DGE LEGS DPAL, ,RGYAL BA SRAS DANG BCAS PA BSANGS, ,GRUB MCHOG 'JAM DPAL RGYA MTSO SOGS, ,DAG PA'I SRAS NI NOR GYI LHA, ,'JAM DBYANGS BDUN BRGYUD LA SOGS PA'I, ,MKHAS GRUB BLA MA THAMS CAD x, ,BSTAN PA'I BDAG PO DGE 'DUN GRUB, ,'BROM STON DGE 'DUN RGYA MTSO'I DPAL, ,BSOD NAMS RGYA
MTSO THAMS CAD MKHYEN, ,SPRUL SKU RIM PAR BYON RNAMS x, ,MDOR NA BKA' DRIN GSUM LDAN PA'I, ,RTZA BA'I BLA MA NAS BZUNG STE, ,RDO RJE 'DZIN LA REG PAR GYI, ,RTZA BRGYUD BLA MA THAMS CAD x, ,BE RO TZA NA LA SOGS PA'I, ,RNYING MA BRGYUD PA'I BLA MA x, ,GA YA BHA RA LA SOGS PA'I, ,LAM 'BRAS BRGYUD PA'I BLA MA x, ,SGRA SGYUR MAR PA LOTZTSA SOGS, ,BKA' BRGYUD BLA MA THAMS CAD x, ,GRUB MCHOG KHYUNG PO RNAL 'BYOR SOGS, ,SHANGS PA BKA' BRGYUD BLA MA x, ,KHA BA CAN GYI BSTAN PA'I SGRON, ,RNGOG LO KUN DGA' RGYAL MTSAN DANG, ,BU STON GZHON NU BSOD NAMS SOGS, ,GANGS CAN MKHAS GRUB THAMS CAD x, ,PAD DKAR 'DZIN SOGS THA MAL DOR, ,RGYAL PO'I TSUL GYIS CHOS SKYONG BA, ,SRONG BTZAN SGAM PO LA SOGS PA'I, ,CHOS RGYAL BLON 'BANGS BCAS PA x,, KYEE; LHAN CIG SKYES PA'I ROL MTSO LAS, ,DKYIL 'KHOR 'KHOR LO'I CHU RLUNG 'BUM, , SPRO ZHING BSDU BZHI GNAS GYUR PA, ,KHYAB BDAG RDO RJE 'CHANG CHEN BSANGS, ,DPAL CHEN RDO RJE 'JIGS BYED SOGS, ,GSHIN RJE GSHED KYI LHA TSOGS x, ,MI BSKYOD RDO RJE LA SOGS PA'I, ,GSANG BA 'DUS PA'I LHA TSOGS x, ,HE RU KA PA LA SOGS PA'I, ,'KHOR LO SDOM PA'I LHA TSOGS BSANGS, ,DPAL LDAN DGES PA RDO RJE SOGS, ,KYEE RDO RJE'I LHA TSOGS x, ,BCOM LDAN RDO RJE SHUGS LA SOGS, ,DUS KYI 'KHOR
, ,LO'I LHA TSOGS BSANGS, ,GZHAN YANG RDO RJE GDAN BZHI DANG, ,'KHOR CHEN MA H'A MA YA SOGS, ,BLA MED LHA TSOGS THAMS CAD x, ,RDOR DBYINGS KUN RIG RTZE MO SOGS, ,RNAL 'BYOR RGYUD KYI LHA TSOGS x, ,RNAM SNANG MNGON BYANG LA SOGS PA'I, ,SPYOD PA'I RGYUD KYI LHA TSOGS BSANGS, ,DAM TSIG BKOD PA'I RGYAL PO SOGS, ,BYA BA'I RGYUD KYI LHA TSOGS x, ,SGRUB PA CHEN PO BKA' BRGYAD SOGS,, SKYON MED RNYING MA'I LHA TSOGS x, ,TSOGS GNYIS PADMO'I TSAL RGYAS SHING, ,SKU GSUM ZE'U 'BRU RGOD PA CAN, ,KUN MKHYEN NYI MA'I GNYEN LA SOGS, ,DUS GSUM BDE GSHEGS THAMS CAD BSANGS, ,RGYAL TSAB RJE BTZUN MKHYEN PA'I GTER, ,PHYAG NA PADMO GSANG 'DZIN SOGS, ,BYANG CHUB SEMS DPA' THAMS CAD x, ,RANG SANGS RGYAS KYI TSOGS RNAMS BSANGS, ,'PHAGS PA'I GNAS BRTAN BCU DRUG SOGS, ,DGRA BCOM 'KHOR DANG BCAS PA BSANGS, ,GNAS GSUM DAG NA BZHUGS PA YI, ,DPA' BO MKHA' 'GRO'I TSOGS RNAMS BSANGS, ,KYEE; BSAM PA KUN GYI 'BRAS STER BA'I, , LHA CHEN MGON PO 'KHOR BCAS x, ,CHOS RGYAL YAB YUM 'KHOR BCAS BSANGS, ,BYA ROG MTSAN CAN 'KHOR BCAS BSANGS, ,GDONG BZHI YAB YUM 'KHOR BCAS x, ,LEGS LDAN GUR MGON
'KHOR BCAS x, ,BZHI SBRAG STAG ZHON DUR KHROD BDAG ,DPAL MGON BDUN CU'I TSOGS BCAS x, ,DMAG ZOR RGYAL MO DUNG SKYONG MA, ,RAB BRTAN DUD SOL 'KHOR BCAS x, ,DUS MTSAN NAM GRUB MO CHE, ,RANG BYUNG NAM MKHA'I GOS CAN x, ,TSE RING MCHED LNGA BSTAN MA'I TSOGS, ,SMAN MO 'BUM SDER BCAS PA x, ,CHOS SKYONG DREGS PA LCAM SRING NI, ,'JIGS RUNG BSHAN PA'I TSOGS BCAS x, , RNAM MANG THOS SRAS RTA BDAG BRGYAD, ,DZAM LA SER NAG NOR RGYUN MA, ,AA PA RA NI TZITTA SOGS, ,GNOD SBYIN NOR LHA'I TSOGS RNAMS x, ,STON PA'I ZHAL BZANG NOR BU'I 'OD, ,'DREN BYED BDUD RTZI LTAR GYUR CING, , DAM CHOS SGRA 'DZIN LA REG PA'I, ,DKAR PHYOGS SKYONG BA THAMS CAD x,, KYEE; DMAG DPON CHEN PO R'A HU LA, ,YUM BZHI NYI ZLA RGYU SKAR LHA, ,LO ZLA ZHAG KHYIM TSES RGYU BA'I, ,DREGS PA SDE BRGYAD BCAS PA x, SROG BDAG CHEN PO BI HA RA, ,SKU LNGA GTZO MOR BCAS PA DANG, ,DGRA LHA'I RGYAL PO RTZI DMAR BA, ,RNAM MANG 'KHOR DANG BCAS PA BSANGS, ,SKYES BU CHEN PO RDO RJE LEGS, ,MCHED 'KHOR SUM BRGYA DRUG CU DANG, , DMAG DPON SRID PA'I RGYAL MO DANG, ,SRID PA'I DGRA LHA THAMS CAD x, ,GZHAN YANG BSTAN LA MNGON DGYES PA'I, ,MING NI MA 'TSAL SA GSUM NA, ,GLOG LTAR KUN TU RGYU BA YI, ,DGE BSNYEN CHEN PO THAMS
, ,CAD x, ,SRID PA'I LHA DGU 'GUR LHA DANG, ,SROG GI LHA DANG GANGS CAN GYI, ,GZHI BDAG YUL LHA THAMS CAD x, ,RDO RJE GA-YU SGRON PHYID DKAR BA, ,BSE KHRAB GYON PA'I DPA' BO SOGS, ,DGON GNAS SGRUB PA'I SA SKYONG DANG, ,KHYAD PAR YUL 'DI'I SRUNGS MA BSANGS,, KYEE; BDAG CAG DPON GA-YOG 'KHOR BCAS LA, ,SDANG ZHING GDUG PA'I SEMS LDAN ZHING, ,BU LON SHA 'KHON LAN CHAGS PA'I, ,MI DANG MI MIN THAMS CAD BSANGS, ,BGEGS RIGS STONG PHRAG BRGYAD CU DANG, ,GDON RIGS SUM BRGYA DRUG CU DANG, ,BYIS PA'I GDON CHEN BCO LNGA SOGS, ,GDON BGEGS 'BYUNG PO THAMS CAD x, ,SANGS RGYAS BSTAN PA'I GZI BYIN LA, ,LOG PAR 'KHU BA'I SEMS LDAN PA, ,DGA' RAB DBANG PHYUG LA SOGS PA'I, ,NAG PO SDE DANG BCAS PA BSANGS, ,KYEE; BDAG CAG RNAMS DANG LHAN CIG SKYES, ,SRUNG ZHING 'GO BA'I LHA RNAMS x, ,SNA TSOGS 'DOD PA'I DPAG BSAM DBANG, ,'BRAS LDAN MDZAD PA'I LHA RNAMS x, ,SLOB DPON BRGYUD PA'I BSRUNG MA DANG, ,TSE LHA SROG LHA NOR LHA x, ,PHO LHA MO LHA DGRA LHA DANG, ,ZHANG LHA GNYEN PO THAMS CAD x, ,SRID PA'I RDZI LUNG 'PHYO BA DANG, ,SRID PA'I LHA LUNG DKAR PO x, ,SRID PA CHAGS PA'I DGRA LHA DANG, ,BSAM PA 'GRUB PA'I DGRA
LHA x, ,'OD ZER 'PHRO BA'I DGRA LHA DANG, ,DPA' SNYING CHE BA'I DGRA LHA x, ,GLING BZHI 'GRUB PA'I DGRA LHA DANG, ,MYUR MGYOGS CHE BA'I DGRA LHA x, ,'GO BA'I DGRA LHA SPUN GSUM DANG, MI THUB DGRA LHA SPUN GSUM x, ,DRUG LDAN DBANG PO'I TSOGS RNAMS KUN, ,YON TAN LDAN PA'I DGRA LHA x, ,RNO NGAR LDAN PA'I DGRA LHA DANG, ,MGYOGS PA RTA YI DGRA LHA x, ,BTZAN PO KHRAB KYI DGRA LHA DANG, ,RAB RNO MTSON CHA'I DGRA LHA x, ,GA-YAS KYI STA GDONG KHRA MO'I NANG, ,SGRO SMYUG 'DZOM PA'I DGRA LHA x, ,GA-YON GYI GZIG SHUBS KHRA MO'I NANG, ,GZHU RGYUD 'DZOM PA'I DGRA LHA x, ,'GO BA'I DE WI PANYTZA DANG, , SKYOB PAR BYED PA'I LHA DGU x, ,KHYIM LHA MKHAR GYI RTZE LHA DANG, ,THAB LHA THAB SMAN BCAS PA x, ,PHYUGS KYI NOR LHA SGO YI LHA, ,ZHING LAM BYAS KYI LHA RNAMS x, ,GZHIS DANG 'GRO DANG TSONG GI LHA, ,PHYI NANG BAR GSUM DGRA LHA x, ,TSE RABS BRGYUD DANG DMU RABS BRGYUD, ,GTZUG RABS BRGYUD KYI SRUNGS MA x, ,DGOS 'DOD 'BYUNG BA'I NOR BU LTAR, ,ZAS NOR STER BA'I DGRA LHA x, ,MDOR NA 'OG GZHI'I DKYIL 'KHOR NAS, ,SRID RTZE'I BAR GYI MGRON RNAMS x, ,KYEE; CHOS RNAMS RANG BZHIN KUN BRAL YANG, ,RMI LAM BZHIN DU NONGS PA GANG, ,BSANGS DANG BSANG BYA BSANG YUL SOGS, ,RANG BZHIN DAG PA'I DBYINGS SU x,,
, ,MI GTZANG ZOS SHING GYON PA DANG, ,THUGS GSUNG SKU DANG 'GAL BGYIS BSANGS, ,DAM GRIB 'KHON GRIB BTZOG GRIB DANG, ,BSHAN GRIB YUG GRIB BAG GRIB BSANGS, ,MDZE GRIB THAB GZHOB MNOL SHOR SOGS, ,LHA MI YONGS LA GRIB PHOG PA, ,MA LUS BSANGS KYI MCHOD PAS BSANGS, ,BSANGS KYIS MA BSANGS GANG YANG MED, ,MI GTZANG BA NI THAMS CAD x, ,MI MTHUN BAR CHAD ZHI BA DANG, ,TSE DANG LONGS SPYOD RGYAS PAR MDZOD, ,KHAMS GSUM DBANG DU 'DU BA DANG, ,CI BSAM LHUN GYIS GRUB PAR MDZOD, ,GTOR MA YOD NA SKABS 'DIR AA K'A ROS GTOR MA 'BUL BAR BYA'O,, KYEE; SKYABS MGON RIN CHEN RNAM GSUM DANG, ,DGRA LHA CHEN PO KHYED RNAMS KYIS, ,RNAL 'BYOR BDAG CAG 'KHOR BCAS LA, ,NYIN GSUM RGYANG NAS BYAR MDZOD, ,MTSAN GSUM DRUNG NAS MEL TSE MDZOD, ,'JIGS PA'I LAM DU SKYEL MA MDZOD, ,'THAB PA'I TSE NA DPUNG MDZOD CIG ,BRTZE BA'I MA DANG SRING MO BZHIN, ,RTAG TU GA-YEL MED GROGS MDZOD CIG ,KYEE; DGRA LHA CHEN PO KHYED RNAMS KUN, ,BOS PA'I TSE NA SNYAN MA SRA, ,BSTEN PA'I TSE NA SNYING MA RING, ,BSKUL BA'I TSE NA BANG MA BUL, ,RBAD PA'I TSE NA MTHU MA CHUNG, ,BDAG CAG 'KHOR DANG BCAS PA LA, ,NAD GDON DGRA BGEGS CHOM KUN SOGS, ,MI
'DOD RKYEN NGAN BAR CHAD KUN, ,NYE BAR ZHI BA'I 'PHRIN LAS MDZOD, ,'KHOR TSOGS LONGS SPYOD NAD MED DANG, ,MNGA' THANG RIGS RGYUD LANG TSO TSE, ,NOR 'BRU BDE BA DAM PA SOGS, ,MNGON PAR RGYAS PA'I 'PHRIN LAS MDZOD, ,LHA DANG MI YI 'DOD DGU DANG, ,GLANG PO RTA DANG YUL 'KHOR DANG, ,RIN CHEN BDUN SOGS KHAMS GSUM GYI, ,SNANG SRID MA LUS DBANG DU SDUS, ,SDANG ZHING GDUG PA'I SEMS 'CHANG BA'I, ,MI DANG MI MIN DGRA BGEGS KUN, ,'JIGS PA'I CHO 'PHRUL SNA TSOGS KYIS, ,RDUL PHRAN BZHIN DU BRLAG PAR MDZOD,, KYEE; NYON CIG LHA SRIN SDE BRGYAD TSOGS, ,DAM PA'I DON NI SPROS BRAL YANG, ,MA RIG LING THOG GIS LDONGS PAS, ,SRID PA GSUM DU RNAM PAR 'KHOR, ,LAS RNAMS 'BRAS BU BSAM MI KHYAB, ,JI LTAR DGE BA'I SA BON LAS, ,'BRAS BU SBRANG RTZI LTAR MYONG ZHING, ,SGO GSUM LOG PAR SPYAD PA'I MTHUS, ,MNAR MED 'BAR BA'I KHRO CHUS SREG ,DE PHYIR TSUL 'DI'I DON DGONGS LA, ,GNOD 'TSE'I BSAM SBYOR NGAN PA DANG, ,KO LONG PHRAG DOG MA BYED CIG ,NYES PA STES SU MA 'DZIN PAR, ,BZOD CING NGES PA'I RANG BZHIN GYIS, ,ZHI ZHING BYAMS PA'I SEMS BSKYED NAS, ,BDE LEGS CHEN POS GANG BAR MDZOD,, KYEE; SGRIB GNYIS DAG PA'I CHOS KYI DBYINGS, ,BRTAN DANG GA-YO BA KUN GYI GZHI, ,BLA NA MED PA'I DON DAM
, ,GA-YANG, ,DE RING PHYVA DANG GA-YANG DU LEN, ,NAM MKHA' DAG PA'I DBYINGS SHED NAS, ,'JA' TSON RI MO BKRA BA LTAR, ,KUN RDZOB CI YANG 'CHAR BA'I GA-YANG, ,DE RING PHYVA DANG GA-YANG DU LEN, ,RNAM DKAR RIN CHEN BDUN LDAN GYIS, ,GLING CHEN BZHI LA DBANG BSGYUR BA'I, ,'KHOR LOS SGYUR BA'I DPAL GA-YANG DE, ,DE RING PHYVA DANG x, ,ZHAL NAS RIN CHEN CHAR 'BEBS SHING, ,NAM MKHA' MDZOD LA MNGA' BRNYES PA'I, ,RNAM THOS SRAS KYI NOR GA-YANG DE, ,DE RING PHYVA DANG x, ,MANG POS BKUR BA NAS BZUNG STE, ,GTZANG MA'I RIGS NI GANGG'A LTAR, ,CHAD PA MED PA'I MI BRGYUD GA-YANG, ,DE RING PHYVA DANG x, ,BSLAB GSUM SDONG PO RGYAL SRAS KYI, ,RLABS CHEN SPYOD PA'I YAL GAS MDZES, ,RIM GNYIS 'BRAS LDAN CHOS KYI GA-YANG, ,DE RING PHYVA DANG x, ,'CHI BDAG SDE LAS RGYAL BA YI, ,'CHI MED GRUB PA'I TSE GA-YANG DE, ,DE RING PHYVA DANG x, ,KYEE; SRID ZHI'I DPAL 'BYOR MA LUS 'BYUNG BA'I GNAS, ,THUB PA'I BSTAN PA YUN RING GNAS PA DANG, ,DE 'DZIN BYED PA'I SKYES BU DAM PA RNAMS, ,DPAL 'BYOR GYIS BRGYAN YUN RING ZHABS BRTAN SHOG ,'DOD DGU'I 'BYOR PA DBYAR GYI MTSO LTAR 'PHEL, ,SKYON MED RIGS KYI DAL 'GRO RGYUN CHAD MED, ,NYIN MTSAN BLO BZANG DAM PA'I CHOS KYIS 'DA', ,
PHUN TSOGS DPAL LA ROL PA'I BKRA SHIS SHOG ,BSTAN PA'I DPAL GYUR CES PA DANG, ,BKRA SHIS RNAM DKAR DGE TSOGS JI SNYED CES PA SOGS BYA'O, ,CES ROL MO DBYANGS DANG BCAS TE BRJOD NAS, ME TOG GI CHAR DBAB PAR BYA'O,, ,,'DIR SMRAS PA, TSOGS GNYIS KU MU DA KA'I GNYEN GCIG PU, ,RMAD BYUNG BSANGS KYI CHO GA 'OD DKAR CAN, ,GANG BLO'I MKHA' DBYINGS MDZES MA'I LANG TSO LAS,, 'ONGS DE SKAL BZANG SKYE BO'I GDUNG SEL NYID, ,TSOGS KYI ZHING MCHOG BLA MA YI DAM LHA, ,GTZO BOR MI BYED 'JIG RTEN LHA 'DRE YI, ,MING SPEL DO SHAL RING POS MGRIN 'KHYUD PA, ,DE DAG GSHEN RABS MI BO'I RJES 'BRANG NYID, ,DE PHYIR 'DI NI DAM PA'I LUGS JI BZHIN, ,SDEB LEGS NGAG GI LAM DU MTSON BYAS PA'I, ,RNAM DKAR LHA YI LAM KUN 'GENGS PA DES, ,'GRO KUN PHAN BDE'I DPAL LA SPYOD PAR SHOG ,CES PA 'DI NI BSANGS KYI CHO GA SNGAR RGYAS PAR BKOD PA LAS, 'JUG PA BDE BA'I PHYIR, ,DGE SLONG BLO BZANG CHOS KYI RGYAL MTSAN GYIS SLAR MDOR BSDUS TE BKOD PA'O,, ,,SARBA MANGGA LAm,, ,,*, ,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,