*, ,BSANGS KYI CHO GA DNGOS GRUB KYI GZI 'OD 'BAR BA NGO MTSAR RIN PO CHE'I PHRENG BA ZHES BYA BA BZHUGS,,
, ,NA MO GU RU MANYDZU GHO sh'A YA, BSANGS KYI CHO GA DNGOS GRUB KYI GZI 'OD 'BAR BA NGO MTSAR RIN PO CHE'I PHRENG BA ZHES BYA BA, DREGS LDAN KUN GYI RAL PA'I ME TOG RTZER, ,ZHABS SEN 'CHAR GA'I 'OD RIS NGAL GSO ZHING, ,RIG SNGAGS 'CHANG SOGS MKHA' DBYINGS MDZES MA'I RGYAN, ,GRUB DBANG PADMA 'BYUNG GNAS RGYAL GYUR CIG ,DE NYID THUGS RJE CHEN PO'I ROL MTSO LAS, ,BLO BZANG NGUR SMRIG DBU BA'I PHRENG 'DZIN CING, ,GRAGS PA'I SGRA DBYANGS LHUNG LHUNG SGROG PA CAN, ,BDAG BLO'I RTZI BCUD RGYAS PA'I DPAL DU SBYIN, ,SANGS RGYAS KUN GYI YE SHES DBYAR SKYES TSOGS, ,'KHRIGS PA LAS 'ONGS RMAD BYUNG BDUD RTZI'I CHAR, ,SKAL BZANG YID
, ,KYI GDUNG SEL BLA NA MED, ,LEGS BSHAD SPRIN DBYANGS SGROG PA'I ZHABS BSTEN NAS, ,DRI MED RNAM DPYOD LAG PA'I SOR MO YIS, ,SDEB LEGS TSIG GI SRAD BU LA BRGYUS PA'I, ,RMAD BYUNG BSANGS CHOG RIN CHEN PHRENG SPEL TE, ,BLO LDAN MGRIN PA'I RGYAN DU BDAG GIS DGOD, ,MDONGS LDAN DAG GIS RNA BA LA, ,DBYAR SKYES KYI NI SGRA DBYANGS BZHIN, ,BLO YI NOR LDAN SKYE BO'I NGOR, ,GANG 'DI BDUD RTZI'I THIG LE'O, ,DE LA 'DIR MCHOG DANG THUN MONG GI DPAL LA NYE BAR 'JUG PA'I THABS MKHAS BSGRUB PA'I YAN LAG TU, BSANGS GTONG BAR 'DOD PA'I BLO LDAN RNAMS KYIS JI LTAR BYA BA'I TSUL NI, DANG POR DRI ZHIM PO'I SPOS DANG TSOGS GTOR DANG PHYE MAR SOGS PHYI NANG GI MCHOD RDZAS CI 'BYOR PA DANG, RGYAS PAR SPRO NA SPYAN GZIGS DANG ROL MO'I BYE BRAG SNA TSOGS BSHAMS TE, SKYABS 'GRO SEMS BSKYED TSAD MED BZHI BSGOMS, RANG NYID GSANG BDE
'JIGS GSUM SOGS LHAG PA'I LHA'I RNAL 'BYOR DANG LDAN PAS, BSANGS RDZAS PHYI NANG GI MCHOD GTOR SPYAN GZIGS SOGS, SNGAGS DRUG DANG PHYAG RGYA DRUG GIS BYIN GYIS BRLABS TE, ROL MO DBYANGS DANG BCAS PAS 'DI SKAD CES BRJOD,, ,,KYEE; LHUN GRUB BDE STONG NAM MKHA'I ROL PA LAS, ,SNA TSOGS SGYU 'PHRUL DRA BA'I ZLOS GAR MKHAN, ,RAB 'BYAMS RGYAL BA'I DNGOS GYUR BLO BZANG GRAGS, ,TSAD MED THUGS RJE'I DBANG GIS GNAS 'DIR GSHEGS, ,DKYIL 'KHOR 'KHOR LO BYE BA'I BDAG NYID MCHOG ,KHYAB BDAG RDO RJE 'DZIN PA NAS BZUNG STE, ,SANGS RGYAS KUN GYI YE SHES NGUR SMRIG GI ,ZOL LA NYER BRTEN RTZA BA'I BLA MA'I BAR, ,NGO MTSAR ZAB RGYAS CHOS KYI BDUD RTZI'I RGYUN, ,DRI MED MGUR GYI BUM BZANG RIM PA LAS, ,LEGS 'ONGS RTZA BRGYUD BLA MA LUS PA, ,TSAD MED THUGS RJE'I DBANG GIS GNAS 'DIR GSHEGS, ,SNA TSOGS TSON DANG PHRAD PA'I SHEL JI BZHIN, ,GDUL DBANG CIR YANG 'CHAR BA'I MIG 'PHRUL MKHAN, ,RGYUD SDE CHEN PO BZHI DANG YONGS 'BREL BA'I, ,YI DAM LHA TSOGS THAMS CAD GNAS 'DIR GSHEGS, ,SPROS KUN NYER BZHI 'GRO 'ONG KUN BRAL YANG
, ,CHU ZLA BZHIN DU CIR YANG 'CHAR BA GANG, ,DUS GSUM BDE GSHEGS CHOS DANG TSOGS MCHOG BCAS, ,BDAG CAG MOS PA JI BZHIN GNAS 'DIR GSHEGS, , DMIGS MED THUGS RJE CHEN PO'I GZHAN DBANG GIS, ,'PHRIN LAS RNAM BZHI RIN CHEN DBANG GI RGYAL, ,DRAN PA'I MOD LA STZOL MDZAD GNAS GSUM GYI, ,DPA' BO MKHA' 'GRO'I TSOGS RNAMS 'DIR GSHEGS SHIG ,KYEE; CHOS KYI DBYINGS LAS 'ONGS PA'I LHA, ,RAB KHROS DGRA BGEGS 'BYUNG PO'I GSHED, ,BSTAN PA BSRUNG BA KUN GYI GTZO, ,LEGS LDAN NAG PO PHYAG DRUG PA, ,MGON DE'I DGYES PA BSKYED PA'I YUM, ,'DOD KHAMS MA MO KUN GYI GTZO, ,GTZO BO'I BKA' NYAN SDANG BA'I DGRAR, ,'JIGS CHEN SROG DANG BRAL STER BA, ,ZHING SKYONG DZI NA ME TRA DANG, ,tAKKI R'A DZA TRAKA SHAD DE, ,RE RE'ANG GSHIN RJE LTAR KHROS PA'I, ,GNOD SBYIN GDUG PA'I 'KHOR GYIS BSKOR, ,DPA' ZHING 'JIGS PA'I RNAM 'GYUR GYIS, ,BAR CHAD BDUD TSOGS DGRA BGEGS KYI, ,SROG DANG LHAN CIG 'JOMS BYED PA'I, ,DAM CAN 'KHOR TSOGS RGYA MTSOR BCAS, ,DAM TSIG LDAN PA'I GNAS 'DI RU, ,'PHRIN LAS BSGRUB PHYIR
GSHEGS SU GSOL,, KYEE; LHO PHYOGS RIM PA BDUN GYI 'OG ,LCAGS MKHAR BCU DRUG NANG SHED NA, ,DGE BA'I LAS CAN GZENGS BSTOD CING, ,SDIG CAN CHAD PAS GCOD PAS NA, ,CHOS KYI RGYAL PO ZHES BYAR GRAGS, ,GSHIN RJE'I GSHED KYI BKA' SDOD DE, ,RGYAL BA GNYIS PA TZONG KHA PA'I, ,BKA' BZHIN BSTAN PA BSRUNG BA PO, ,YUM MCHOG MA MO TZ'A MUnd'I, ,BKA' NYAN PHRIN LAS BSGRUB PA'I GTZO, ,YA BA TI DANG PHYA SANG DANG, ,RMIG PA RAL PA TSAR DGU DANG, ,MIG DMAR TEL BA GLANG MGO CAN, ,RGYAL BLON DED DPON PHO NYA'I TSUL, ,KUN KYANG GZHAN SROG 'PHROG BYED PA'I, ,PHO RGYUD GSHIN RJE MANG POS BSKOR, ,NYES MED GLO BUR PHRAD PA YANG, ,BLTAS PA TZAM GYIS GSOD PAR BYED, ,NAD BDAG MA MO KUN GYI GTZO, ,PHO NYA MO DANG ZHAGS PA MO, ,DAmshtRI MA DANG DUS MTSAN MA, ,GSOD MA NAG MO NAM GRU SOGS, ,MIG DMAR BSKAL PA'I MER MTSUNGS SHING, ,MI BZAD DUS KYI 'THOR RLUNG LA, ,'KHU LDAN NAD DANG DAL YAMS KYI, ,KHA RLANGS SDANG BA'I DGRA LA 'GYED, ,R'AKshA NAG MO SKYONGS BYED PA'I, ,MO RGYUD GSHIN RJE MANG POS BSKOR, ,'CHI BDAG LAS KYI GSHIN RJE'I TSOGS, ,MA THOGS GNAS 'DIR TSUR SPYON CIG ,KYEE; KA DAG CHEN PO'I KLONG YANGS NAS, ,ZHING BCU'I GSHED DU GYUR PA GANG, ,RDO RJE NAG PO PHYAG BZHI PA, ,YUM NI DMAR PO TZANdI KA ,SPRUL PA YANG
, ,SPRUL PHO NYA'I TSOGS, ,LHA LAM 'GENGS PA LTAR SPYON CIG ,KYEE; DPAL LDAN MGON PO BGEGS KYI DGRA, ,STOBS 'PHROG NAG PO GDONG BZHI PA, ,THUGS RJES RGYAL BA SKYENGS BYED CING, ,KHROS PAS SRID GSUM THAL BAR RLOG ,BSIL BA'I TSAL DU BRAM ZE'I GZUGS, ,GCER MO 'JIGS RUNG SKRA 'DZINGS PA'I, ,YUM BZHI BSHAN PA SDE LNGA DANG, ,GRI THOGS BSHAN PA NYER GCIG SOGS, ,BSTAN DGRA YONGS KYI SROG DBUGS RNAMS, ,SKAD CIG GIS 'GAM PHO NYAS GANG, ,RDZU 'PHRUL DBANG GIS GNAS 'DIR SPYON,, KYEE; RNAM SNANG THUGS RJE'I RANG GZUGS GANG, ,MAH'A K'A LA GAnd'I 'CHANG, ,RAL GCIG GSANG BA'I DGYES PA BSKYED, ,PU tA LCAM SRING LA SOGS PA, ,RNAM MANG 'KHOR TSOGS RGYA MTSOR BCAS, ,DAM TSIG LDAN PA'I GNAS 'DIR SPYON,, KYEE; DUS GSUM RGYAL BA BSKYED PA'I YUM, ,BDAG CAG DAM TSIG LDAN PA'I SRING, ,MI MTHUN BAR CHAD BZLOG PA'I GNYEN, ,DMAG DANG ZOR GYI LAS DGYES PA, ,DUS BZHI'I DBYE BAS CIR YANG STON, ,YAKshA NAG MO DRE'U ZHON NAS, ,CHO 'PHRUL YONGS KYI SNA 'DREN MA, ,MO RGYUD BSRUNG MA'I TSOGS DANG BCAS, ,'PHRIN LAS BSGRUB PHYIR DA TSUR SPYON,, KYEE; MA YENGS BSTAN PA'I BYA RA MKHAN, ,MA MO CHEN MO DUS MTSAN MA, ,GSOD BYED 'PHEN BYED 'GUGS BYED MA, ,'CHING BYED SDOM
BYED MYOS BYED SOGS, ,'KHOR BCAS SPYAN 'DREN GNAS 'DIR SPYON,, KYEE; MKHA' SPYOD DPA' MO GDUL BYA'I DBANG, ,SGYU MA'I RAKA MO LTAR BRDZU BA, ,DPAL LDAN RDO RJE RAB BRTAN MA, ,AORYAN YUL GYI MKHA' 'GRO'I GTZO, ,RDO RJE GA-YU YI SGRON MA STE, ,RDO RJE SNA YON MAR YANG GRAGS, ,BKA' NYAN DANG BCAS 'BOD KYIS SPYON, ,GZHAN YANG DPAL GYI LHA MO DANG, ,DPAL LDAN RDO RJE DUD GSOL MA, ,BZHIN MDZES 'DZUM BAG 'GYING LDAN ZHING, ,DKAR PHYOGS SKYONG BA KUN GYI GNYEN, ,JO MO TSE RING MCHED LNGA DANG, ,BSTAN MA BCU GNYIS LA SOGS PA, ,RANG RANG 'KHOR DANG BCAS TE SPYON,, KYEE; MTSO LAS SKYES PA'I RDO RJE DNGOS, ,D'I PAm KA RA'I BSTAN BSRUNG MCHOG ,CHOS SKYONG BZHI SBRAG 'KHOR BCAS DANG, ,MA BSGRUBS PAR YANG BDE GSHEGS KYI, ,KHRIMS DANG LDAN PA'I 'DOD PA 'JO, ,RNAM MANG THOS SRAS NOR MANG PO, ,DZAMBHA LA DANG NOR BZANG DANG; ;GANG BA BZANG PO LA SOGS PA'I, ,RTA BDAG BRGYAD KYIS YONGS SU BSKOR, ,GZHAN YANG NOR RGYUN LHA MO DANG, ,AA PA RA NI TZITTA SOGS, ,RNAM MANG 'DOD DGU'I CHAR 'BEBS PA'I, ,GNOD SBYIN NOR LHA'I TSOGS RNAMS SPYON,, KYEE; NYI MA BYANG SHAR PHA GI NA, ,MA RU TZE YI DUR KHROD DBUS, ,RNAL 'BYOR YONGS KYI DGRA LHA NI, ,GNOD SBYIN ZANGS KYI BEG TZE CAN, ,DGRA BO'I GLO SNYING ZA ZHING RGYUG ,YUM MCHOG SRING MO
, ,GDONG DMAR MA, ,'JIGS RUNG DRED MO MI ZAN ZHON, ,LAS KYI BSHAN PA SROG BDAG DMAR, ,CE SPYANG ZHON NAS STONG GSUM MYUL, ,DGRA BO'I SHA RUS CHEM CHEM DU, ,ZA BYED BSHAN PA'I TSOGS DANG BCAS, ,MGRON DU 'BOD KYIS 'DIR GSHEGS SHIG ,GZHAN YANG BSTAN PA'I BYA RA MKHAN, ,PHYOGS SKYONG BCU DANG RGYAL CHEN BZHI, ,RGYU SKAR NYI SHU RTZA BRGYAD DANG, ,LHA DANG KLU DANG GZA' CHEN PO, ,BRGYAD BRGYAD SO SO'I 'KHOR GYIS BSKOR, ,DED DPON DGU YI TSOGS BCAS 'DUS,, KYEE; SLOB DPON PADMA 'BYUNG GNAS BKA', ,ZLA TSES RAL PA'I RTZER 'DZIN PA, ,LHA CHEN RGYAL PO BI HA RA,, RNAM SPRUL SKU LNGA YUM BCAS DANG, ,BKA' YI BYA RA BA LA SOGS, ,KHYAD PAR SROG BDAG YANG LE WER, ,GTZUG LAG YONGS KYI BSRUNG MA STE, ,MA YENGS BSTAN PA'I BYA RA MKHAN, ,SDE BRGYAD DMAG DPUNG BCAS PA GSHEGS, ,LHA SRIN YONGS KYI DMAG DPON NI, ,DRANG SRONG CHEN PO R'A HU LA, ,GDONG MO BZHI DANG GZA' CHEN BRGYAD, ,GNAM LCAGS THOG SER MDA' 'PHEN PA, ,'KHOR BCAS 'BOD KYIS MYUR DU GSHEGS, ,GZHAN YANG RDO RJE LEGS PA NI, ,SUM BRGYA DRUG CU MCHED BCAS DANG, ,MIG STONG LDAN PA BYIN ZA'I LHA, ,MTSUN GYI LHA DANG R'AKshA'I RGYAL, ,CHU DANG NOR DANG RLUNG GI BDAG ,DPAL MGRIN NYI ZLA
SNGON GYI LHA, ,SA YI LHA MO BSTAN MA DANG, ,SA 'DZIN LAG PA CHEN PO SOGS, ,'JIG RTEN 'DAS DANG MA 'DAS PA'I, ,MGRON DU 'OS PA CI MCHIS PA, ,BRAN GA-YOG DANG BCAS SPYAN 'DREN GYIS, ,MCHOD PA'I GNAS 'DIR MYUR DU SBYON,, KYEE; BYE BA PHRAG BRGYA'I STONG GSUM NA, ,SNANG ZHING SRID PA'I LHA 'DRE'I TSOGS, ,JI SNYED MCHIS PA THAMS CAD DANG, ,KHYAD PAR BDAG CAG 'KHOR BCAS LA, ,SDANG ZHING SDUG PA'I SEMS 'CHANG BA, ,THAMS CAD KYANG NI 'BOD KYIS SPYON,, SRID PA CHAGS PA'I LHA DGU DANG, ,RJE YI MGUR LHA BCU GSUM DANG, ,SROG LHA DE NI BCU GNYIS SOGS, ,SNANG SRID LHA SRIN THAMS CAD DANG, ,YUL CHEN NYI SHU RTZA BZHI DANG, ,DUR KHROD CHEN PO BRGYAD DANG NI, ,LHA LDAN BSAM YAS LHUN GYIS GRUB, ,DGE LDAN RNAM PAR RGYAL BA'I GLING, ,DPAL GYI RA BSGRENG LA SOGS PA, ,CHOS GZHI GDAN SA SGRUB GNAS SOGS, ,BSRUNG ZHING SKYONG BA'I LHA RNAMS DANG, ,KHYAD PAR YUL KHAMS 'DI NYID KYI, ,YUL BDAG GZHI BDAG GNAS BDAG DANG, ,GRONG BDAG PHO LHA DGRA LHA DANG, ,MO LHA ZHANG LHA SLOB DPON NI, ,RIM PAR BRGYUD PA'I LHA BSRUNG SOGS, ,MGON DANG DPUNG GNYEN GROGS MDZAD PA, ,MA LUS THAMS CAD 'DIR GSHEGS SHIG ,THOG MA MED PA'I 'KHOR BA NAS, ,LAN CHAGS SHA KHON BU LON SOGS, ,DON DU
, ,GNYER BA GANG YIN PA, ,THAMS CAD KYANG NI 'DIR 'DUS SHIG ,'DIR MANG SMOS PA CI ZHIG DGOS, ,SRID PA'I RTZE MO NAS BZUNG STE, ,DMYAL KHAMS BCO BRGYAD PAR GNAS PA'I, ,SEMS DANG LDAN PA MA LUS PA, ,MCHOD PA'I GNAS 'DIR SPYON GSOL GYIS, ,THOGS PA MED PAR GSHEGS SU GSOL, ,KYEE, MDUN GYI NAM MKHAR 'DAB STONG YANGS PA'I STENG, ,SENG KHRI PAD ZLA NYI MA'I DKYIL 'KHOR LA, ,DUS GSUM SANGS RGYAS PADMA THOD PHRENG STZAL, ,MGON DE'I THUGS RJE'I SPRUL PA MAR ME MDZAD, ,YANG SPRUL BLO BZANG RGYAL BA GNYIS PA'I ZHABS, ,DBYER MED BLA MA YI DAM KUN 'DUS PA, ,GA-YAS NA DPA' BO'I BRO BRDUNG CHEM SE CHEM, ,GA-YON NA DPA' MO'I GLU LEN KYU RU RU, ,BGRANG YAS RIG 'DZIN RTZA BRGYUD BLA MAS BSKOR, ,YI DAM LHA TSOGS DNGOS GRUB CHAR 'BEBS SHING, , BKA' SDOD BSRUNG MA'I TSOGS KYIS BAR CHOD BSRUNG, ,SNA TSOGS MCHOD PA'I SPRIN GYIS MKHA' LAM KHYAB, ,TSON BRGYA'I RI MO BKRA BA'I GUR KHYIM DBUS, ,ZHABS SEN 'OD CHAGS BRTAN PAR BZHUGS SU GSOL, ,KYEE, SNGON GYI DUS SU GYUR PA NA, ,RIG 'DZIN PADMA 'BYUNG GNAS TE, ,DE NAS DPAL LDAN MAR ME MDZAD, ,DENG SANG DUS KYI THA MA LA, ,BLO BZANG RGYAL BA KUN GYI YAB, ,SNA TSOGS SPRUL PA'I
ZLOS GAR GYIS, ,MKHAS DANG GRUB PA'I RNAM PAR ROL, ,BYIN RLABS DNGOS GRUB PHRIN LAS KYI, ,PHAN BDE RIN CHEN 'BYUNG BA'I GNAS, ,BLA MA YI DAM CHOS SKYONG SOGS, ,PHYAG 'OS KUN LA LAN BRGYAR 'DUD, ,KYEE, BDE STONG NAM MKHA'I GLONG YANGS NAS, ,NGO MTSAR MCHOD PA'I SPRIN SPROS TE, ,'KHOR DANG BCAS LA 'BUL BA NI, ,RIN CHEN 'OD 'BAR SNOD YANGS SU, ,DAG BYED BDUD RTZI RGYA MTSOR BSKYIL, ,PADMA AUTPAL KU MUD SOGS, ,MKHA' LAM KHYAB PAR KUN TU LDING, ,BEd'UR SNGON PO'I CHU 'DZIN BZHIN, ,DRI ZHIM DUD PA'I SPRIN PHUNG 'KHRIGS, ,MUN SEL GDUNG BA ZHI BYED PA'I, ,MAR ME'I PHRENG BA TSAR DU DNGAR, , PHYOGS KYI 'KHOR LO KUN 'GENGS PA'I, ,DRIS BSGOS CHU GTER RLABS PHRENG 'THOR, ,RO BRGYA'I ZIL DNGAR BCUD CHAGS PA, ,BZA' DANG BCA' BA LHUN POR SPUNGS, ,'BRAS CHANG RGUN 'BRUM CHANG LA SOGS, , GSER SKYEMS BTUNG BA RGYA MTSOR 'GRAN, ,SNA TSOGS ROL MO'I SGRA SKAD DANG, ,GDANGS SNYAN GLU DBYANGS 'BRUG LTAR LDIR, ,GZUGS SGRA DRI RO REG LDAN PA, ,MDZES PA'I BU MOS PHYOGS KUN KHYAB, , KYEE, YANGS PA'I NOR 'DZIN LHA GNAS DANG PO LA, ,GANG GI MTHU YIS 'DOD DGUR DBANG BYED PA'I, ,MI DBANG LA 'OS MDZES PA'I RIN CHEN BDUN, ,STONG GSUM KHYON KUN YONGS SU BKANG STE 'BUL, ,
, ,LAG PA'I PADMOR BKRA SHIS RDZAS RTAGS KYI, ,BUNG BA GZHON NU'I 'PHUR LDING GIS RTZEN PA'I, ,'JAM GNYEN 'KHRIL CHAGS 'JO SGEG RNAM 'GYUR CAN, ,YID 'PHROG LHA MOS ZHING KUN BKANG STE 'BUL, ,RMA BYA'I MGRIN PA'I SPU LTAR YID 'ONG BA'I, ,MDZES PA'I RTA MCHOG DRE'U RKYANG SER DANG, ,SPRIN GYI SHUGS 'CHANG MA HE DKAR NAG SOGS, ,STONG GSUM MYUL BYED BZHON PA'I TSOGS KYANG 'BUL,, AINDRA N'I LA'I RI BO LTAR BRJID PA'I, ,GA-YAG ROG ZHOL CHEN DRAG PO'I NGAR SGRA SGROG ,MTSAMS SPRIN MDZES PA LA 'KHU LHA RDZAS KYI, ,COD PAN BZHAD LDAN LUG NAG SPRIN LTAR GTIBS, ,'DAB GNYIS BSKYOD PA'I GAR GYIS RNAM ROL BA, ,YID 'ONG BYA TSOGS DAM NYAMS GLAD LA LDING, ,SA GSUM GRUM BYED 'JIGS PA'I NGA RO CAN, ,KHYI NAG SNYING DKAR DOM LTAR 'PHYO ZHING RGYUG ,PHA ROL GA-YUL LAS RGYAL BYED GO KHRAB DANG, ,MI BZAD RNO NGAR LDAN PA'I MTSON CHA DANG, ,MDZES PA'I BA DAN PHYOGS BCUR GA-YO BA YI, ,RU MTSON 'PHYAR DAR NAM MKHA'I KHYON KUN GANG, ,BAR SNANG RGYAN GYUR LHA RDZAS BLA BRE DANG, ,BRGYA BYIN GZHU LTAR BKRA BA'I RGYAL MTSAN SOGS, ,PHYI NANG DAM RDZAS SPYAN GZIGS SNA TSOGS PA, ,DGYES PA BSKYED PHYIR 'KHOR DANG BCAS LA 'BUL,, KYEE, SANGS RGYAS RNAMS KYIS GRANGS MED BSKAL PA RU, ,SROG GI PHYIR YANG BRDZUN GYI TSIG
SPANGS PA'I, ,BDEN GSUNG BDEN DES BSANGS DANG GSER SKYEMS SOGS, ,MGRON RNAMS TSIM BYED 'DOD DGU'I RGYA MTSOR GYUR,, KYEE, THABS DANG SHES RAB YE SHES MER, ,SGRIB GNYIS BSANGS RDZAS BSREGS PA LAS, , LHAN CIG SKYES DGA'I DUD SPRIN GYIS, ,MA DAG DRI MA BSANG PHYIR DU, ,SPYAN SOGS LNGA YI RANG BZHIN NYID, ,'BYUNG BA LNGA YI DVANGS MA LAS, ,'CHI MED BDUD RTZI'I DPAL RAB STER, ,DRI ZHIM SMAN GYI DNGOS GYUR PA, ,RTZI SHING NAGS TSAL SNA TSOGS 'KHRUNGS, ,KHA DOG DRI RO MTHA' YAS KYIS, ,NAD RIGS BZHI BRGYA RTZA BZHI SEL, ,GSER ZHUN 'KHYIL 'DRA'I ME LCE YIS, ,GTI MUG MUN PA'I TSOGS KUN 'JOMS, ,DUD SPRIN 'CHI MED LAM CHAGS PAS, , SDUG BSNGAL GSUM GYI TSA GDUNG SKYOB,, KYEE, SH'AKA THUB BSTAN PA'I SNYIGS MA LA, ,MI RNAMS TSE THUNG LONGS SPYOD DMAN, ,RAB BYUNG PHAL CHER KHRIMS LAS GA-YEL, ,SNGAGS 'CHANG PHAL CHER DAM TSIG BRAL, ,GSANG SNGAGS BON LTAR GYER BA'I DUS, ,DE TSE SRID PA'I MA MO KHROS, ,MA MO KHROS PA'I KHA RLANGS KYIS, ,'DZAM GLING YANGS PA'I LHO PHYOGS SU, ,MKHA' LA NAD SPRIN SNA TSOGS CHAGS, ,NAD DANG DAL YAMS CHAR LTAR 'BEBS, ,LHA 'DRE MI GSUM THAMS CAD DANG, ,YUL LHA GZHI BDAG TSOGS RNAMS KYANG, ,KHON 'DZIN PHRAG DOG SEMS 'CHANG BAS, ,SAD SER THAN PA MU GE SOGS, ,MI 'DOD SNA TSOGS RKYEN DANG SPROD, ,THA MAL SKYE BO PHAL CHER YANG, ,DAM
, ,PAS SMAD PA'I LAS SPYAD PAS, ,DKAR PHYOGS SKYONG BA RNAMS KYANG GA-YEL, ,DE 'DRA'I DUS KYI THA MA LA, ,RIG 'DZIN GRUB PA KUN GYI GTZO, ,SLOB DPON PADMA 'BYUNG GNAS KYI, ,THUGS RJE'I RGYA MTSO CHER GA-YOS TE, ,BSANGS CHOG BSAM 'PHEL AINDRA N'I LA, ,MNGON PHYUNG RGYAL MTSAN RTZER MCHOD PAS, ,PHUN TSOGS 'DOD DGU'I GRU CHAR PHAB, ,SKAL BA NGAN PA PHAL CHER BSAL, ,ZHI RGYAS DBANG DANG MNGON SPYOD KYI, ,'PHRIN LAS LHUN GYIS GRUB PAR MDZAD, ,DE'I PHYIR BDAG CAG 'KHOR BCAS KYANG, ,SLOB DPON CHEN PO'I RJES 'BRANGS NAS, ,SRID DANG ZHI BA'I MGRON RNAMS LA, ,DE RING BSANGS KYI MCHOD PA 'BUL,, KYEE, DE RING NAM MKHA'I SKAR MA BZANG, ,SA LA NYI MA'I 'OD ZER RNO, ,BAR DU DRI BZHON NGAD 'JAM ZHING, ,DUS DANG TSES GRANGS KUN TU SHIS,, KYEE, RGYAL BA'I SMON LAM GYIS BSGRUBS PA'I, ,BYANG CHUB SHING GI DUD PAS BSANGS, ,GSER LOS MDZES PA'I RTAG PAS BSANGS, ,ZANGS LOS MDZES PA'I SU LUS BSANGS, ,DUNG LOS MDZES PA'I BA LUS BSANGS, ,MA LA YA SKYES DUD PAS BSANGS, ,AA KAR DZ'A TI'I DUD PAS BSANGS, ,SPOS DKAR GUR KUM DUD PAS BSANGS, ,DRI ZHIM SI LA'I DUD PAS BSANGS, ,RGYA SPOS BSREGS PA'I DUD PAS BSANGS, ,RMAD BYUNG SPOS SNA BRGYA PHRAG TSOGS, ,BSREGS PA'I DRI ZHIM DUD PAS BSANGS, ,SNYING PO DRUG GI DUD PAS BSANGS, ,SPANG
SPOS GLA RTZI PHUR MO DANG, ,PHYE MAR ZAS SNA'I DUD PAS BSANGS, ,KYEE, DUS GSUM BDE GSHEGS KUN GYI DNGOS, ,CHOS PHUNG BRGYAD KHRI 'BYUNG BA'I GNAS, ,'PHAGS PA'I DGE 'DUN KUN GYI GTZO, ,DRIN CAN RTZA BA'I BLA MA BSANGS, ,KYEE, RDO RJE 'CHANG DBANG DPYID KYI DGA' BA'I TSAL, ,'JAM DBYANGS MKHYEN PA'I 'DAB STONG KHYON YANGS SHING, ,BLO BZANG RGYAL BA GNYIS PA'I ME TOG BKRA, ,DGE LEGS ZE'U 'BRU DKAR PO'I SO PHRENG RGOD, ,CHOS KYI RGYAL MTSAN SBRANG RTZI'I BCUD CHAGS SHING, ,CHOS KYI RDO RJE BUNG BA'I GLU DBYANGS KYIS, ,BLO BZANG DON GNYIS MCHOG GI DGA' STON GRUB, ,THAMS CAD MKHYEN PA'I DRI BSUNG 'BUM 'PHRO ZHING, ,SANGS RGYAS YE SHES 'BRAS BUS MNGON PAR BRJID, ,RTZA BA'I BLA MA'I RIN CHEN RGYAN MDZES PA, ,RTZA BRGYUD BLA MA YONGS 'DU'I DBANG PO BSANGS,, KYEE, L'A LI TA LA SOGS PA YI, ,'JIGS BYED BRGYUD PA'I BLA MA BSANGS, , AINDRA BH'U TI LA SOGS PA'I, ,GSANG 'DUS BRGYUD PA'I BLA MA BSANGS, ,KUN TU DGE LA SOGS PA YI, ,BDE MCHOG BRGYUD PA'I BLA MA BSANGS, ,BI R'U PA LA SOGS PA YI, ,KYEE RDOR BRGYUD PA'I BLA MA BSANGS, ,ZLA BA BZANG PO LA SOGS PA'I, ,DUS 'KHOR BRGYUD PA'I BLA MA BSANGS, ,BLO GROS RIN CHEN LA SOGS PA'I, ,MKHA' 'GRO PHA BRGYUD BLA MA BSANGS, ,MDA' BSNUN RI KHROD ZHABS LA SOGS, ,MKHA' 'GRO MA BRGYUD BLA MA BSANGS, ,
, ,KUN DGA' SNYING PO LA SOGS PA'I, ,YO GA BRGYUD PA'I BLA MA BSANGS, ,SANGS RGYAS GSANG BA LA SOGS PA'I, ,SPYOD PA BRGYUD PA'I BLA MA BSANGS, ,TZANDRA GOO MI LA SOGS PA'I, ,BYA BA BRGYUD PA'I BLA MA BSANGS, ,GSANGS SNGAGS NUS PA MNGON GYUR PA'I, ,'PHAGS YUL GRUB THOB BRGYAD CU BSANGS, ,KYEE, KLU SGRUB SNYING PO LA SOGS PA'I, ,ZAB MO LTA BRGYUD BLA MA BSANGS, ,'PHAGS PA THOGS MED LA SOGS PA'I, , RGYA CHEN SPYOD BRGYUD BLA MA BSANGS, ,SH'ANTA DE BA LA SOGS PA'I, ,BLO SBYONG BRGYUD PA'I BLA MA BSANGS, ,NYE BAR 'KHOR LA SOGS PA YI, ,SO THAR BRGYUD PA'I BLA MA BSANGS, ,'DZAM GLING MDZES PAR BYED PA'I RGYAN, ,DRUG LDAN MCHOG GNYIS BCAS PA BSANGS, ,KYEE, SDOM BRTZON DAM PA ZHI BA 'TSO, ,RIG 'DZIN PADMA SAMBHA WA, ,BLO GSAL PADMA'I NGANG TSUL SOGS, ,'PHAGS YUL MKHAS PA'I DED DPON TSOGS, ,SNYING STOBS CHEN POS BYANG PHYOGS 'DIR, ,ZHABS RDUL REG PA THAMS CAD BSANGS, ,JO BO RIN CHEN BZANG PO SOGS, ,SGRA BSGYUR DAM PA THAMS CAD BSANGS, ,BSTAN PA'I ME RO GSO BA LA, ,THA MAL RGYAL BA'I MDZAD PA CAN, ,BLA CHEN SHES RAB 'BAR LA SOGS, ,SNGON GYI 'DUL 'DZIN THAMS CAD BSANGS, ,MAR ME MDZAD DPAL RGYAL BA 'BROM, ,SKU MCHED GSUM PO LA SOGS PA'I, ,RIN CHEN PHRENG BA LTA BU YI, ,BKA' GDAMS BRGYUD PA'I BLA MA BSANGS, ,
KYEE, RGYAL BA KUN DNGOS TZONG KHA PA, ,RGYAL TSAB MA PHAM GNYIS PA'I ZHABS, ,MKHAS GRUB DAM PA DGE LEGS DPAL, ,RGYAL BA SRAS DANG BCAS PA BSANGS, ,GRUB MCHOG 'JAM DPAL RGYA MTSO SOGS, ,DAG PA'I SRAS NI NOR GYI LHA, ,'JAM DBYANGS BDUN RGYUD LA SOGS PA, ,MKHAS GRUB BLA MA THAMS CAD BSANGS, ,BSTAN PA'I BDAG PO DGE 'DUN GRUB, ,'BROM STON DGE 'DUN RGYA MTSO'I DPAL, ,BSOD NAMS RGYA MTSO THAMS CAD MKHYEN, ,SPRUL SKU RIM PAR BYON RNAMS BSANGS, ,RJE BTZUN SHES RAB SENG GE DANG, ,YON TAN KUN GYI RGYA MTSO DANG, ,SNGAGS 'CHANG BZANG PO BKRA SHIS SOGS, ,DGE LDAN RIG SNGAGS 'CHANG RNAMS BSANGS, ,SEMS DPA' CHEN PO KUN DGA' BZANG, ,NAM MKHA' DPAL DANG RA SGRENG BA, ,BLO GROS RGYAL MTSAN LA SOGS PA, ,BLO BZANG RGYAL BA'I SRAS RNAMS BSANGS, ,GRAGS PA RGYAL MTSAN BLO GROS SBAS, ,TSUL KHRIMS YE SHES 'JAM PA'I DBYANGS, ,KUN DGA' BDE LEGS LA SOGS PA'I, ,'DUL 'DZIN DAM PA THAMS CAD BSANGS, ,GRUB MCHOG DHARMA BADZRA'I ZHABS, ,SKU GSUM MNGON GYUR DBEN SA PA, ,MKHAS GRUB SANGS RGYAS YE SHES SOGS, ,MKHAS SHING GRUB PA BRNYES RNAMS BSANGS, ,MDOR NA BKA' DRIN GSUM LDAN PA'I, ,RTZA BA'I BLA MA NAS BZUNG STE, ,RDO RJE 'DZIN LA REG BAR GYI, ,RTZA BRGYUD BLA MA THAMS CAD BSANGS, ,KYEE, BEE RO TZA NA LA SOGS PA'I, ,RNYING MA BRGYUD PA'I BLA MA BSANGS, ,
, ,GA YA DHA RA LA SOGS PA'I, ,LAM 'BRAS BRGYUD PA'I BLA MA BSANGS, ,SGRA BSGYUR MAR PA LOTZTSA SOGS, ,BKA' RGYUD BLA MA THAMS CAD BSANGS, ,GRUB MCHOG KHYUNG PO RNAL 'BYOR SOGS, ,SHANGS PA BKA' RGYUD BLA MA BSANGS, ,KHA BA CAN GYI BSTAN PA'I SGRON, ,KUN DGA' RGYAL MTSAN RNGOG LO DANG, ,BU STON GZHON NU BSOD NAMS SOGS, ,GANGS CAN MKHAS GRUB THAMS CAD BSANGS, ,PAD DKAR 'DZIN SOGS THA MAL NGOR, ,RGYAL PO'I TSUL GYIS CHOS SKYONG BA, ,SRONG BTZAN SGAM PO LA SOGS PA'I, ,CHOS RGYAL BLON 'BANGS BCAS PA BSANGS, ,KYEE, LHAN CIG SKYES DGA'I ROL MTSO LAS, ,DKYIL 'KHOR 'KHOR LO'I CHU RLUNG 'BUM, ,SPRO ZHING BSDU BA'I GNAS GYUR PA, ,KHYAB BDAG RDO RJE 'CHANG CHEN BSANGS, ,DPAL CHEN RDO RJE 'JIGS BYED SOGS, ,GSHIN RJE'I GSHED KYI LHA TSOGS BSANGS, ,MI BSKYOD RDO RJE LA SOGS PA'I, , GSANG BA 'DUS PA'I LHA TSOGS BSANGS, ,HE RU KA PA LA SOGS PA'I, ,'KHOR LO SDOM PA'I LHA TSOGS BSANGS, ,DPAL LDAN DGYES PA RDO RJE SOGS, ,KYEE RDO RJE'I LHA TSOGS BSANGS, ,BCOM LDAN RDO RJE SHUGS LA SOGS, ,DUS KYI 'KHOR LO'I LHA TSOGS BSANGS, ,GZHAN YANG RDO RJE GDAN BZHI DANG, ,'KHOR CHEN MAH'A MA YA SOGS, ,BLA MED LHA TSOGS THAMS CAD BSANGS, ,RDOR DBYINGS KUN RIG RTZE MO SOGS, ,RNAL
'BYOR RGYUD KYI LHA TSOGS BSANGS, ,SNAM SNANG MNGON BYANG LA SOGS PA'I, ,SPYOD PA'I RGYUD KYI LHA TSOGS BSANGS, ,TSE MTHA' YAS PA RNAM RGYAL SOGS, ,BYA BA'I RGYUD KYI LHA TSOGS BSANGS, ,SGRUB PA CHEN PO BKA' BRGYUD SOGS, ,SKYON MED RNYING MA'I LHA TSOGS BSANGS, ,BRTZON 'GRUS DRAG PO'I TSA ZER GYIS, ,TSOGS GNYIS PADMO'I TSAL BSKYED PAS, ,SKU GSUM ZE'U 'BRU RGOD PA CAN, ,KUN MKHYEN NYI MA'I GNYEN LA SOGS, ,SGRIB GNYIS BRAL BA CHOS KYI SKU, ,MTSAN DPE BZANG PO'I RGYAN 'DZIN PA, ,DUS GSUM PHYOGS BCUR 'TSO SKYONG BA'I, ,BDE BAR GSHEGS PA THAMS CAD BSANGS, ,RGYAL TSAB 'GRO BA YONGS KYI MGON, ,BYAMS MGON RJE BTZUN MKHYEN PA'I GTER, ,PHYAG NA PAD MA GSANG 'DZIN SOGS, ,BYANG CHUB SEMS DPA' THAMS CAD BSANGS, ,DPAL STUG YE SHES SGYU MA'I GAR, ,NGUR SMRIG GZUGS KYI RNAM ROL CAN, ,'PHAGS PA'I GNAS BRTAN BCU DRUG SOGS, ,DGRA BCOM 'KHOR DANG BCAS PA BSANGS, ,RTEN CING 'BREL 'BYUNG LAM BZANG LA, ,BRTEN NAS CHOS KUN NGO BO NYID, ,RTOGS PA 'BRING TZAM BRNYES PA YI, ,RANG SANGS RGYAS KYI TSOGS RNAMS BSANGS, ,KYEE, SNYING RJE'I ZHAGS PAS DAM BCINGS KYANG, ,GZHAN NGOR KHRO CHAGS CI YANG STON, ,KHAntA KA P'A LA DANG NI, ,RAB TU GTUM MO LA SOGS PA, ,YUL CHEN SUM CU RTZA GNYIS DANG, ,NYI SHU RTZA BZHI'I GNAS MCHOG DANG, ,DUR KHROD BRGYAD LA DBANG BSGYUR
, ,BA'I; ;DPA' BO RNAL 'BYOR MA RNAMS BSANGS,, KYEE; MGON PO KUN GYI GNAS GYUR CING, ,DRAN PA TZAM GYIS BAR CHAD SEL, ,BSAMS PA KUN GYI 'BRAS STER BA'I, ,LHA CHEN MGON PO YAB YUM DANG, , YUM BZHI BSHAN PA GNOD SBYIN BZHI, ,BKA' NYAN BZHI DANG PHYOGS SKYONG BCU, ,LHA CHEN BRGYAD DANG GZA' CHEN BRGYAD, ,RGYU SKAR NYER BRGYAD DED DPON DGU, ,'JIGS RUNG KHA GDANGS MCHE BA GTZIGS, ,DGRA SHA LA RNGAMS KHRAG 'THUNG ZHING, ,KHRO GTUM SNYING RJE DANG BRAL BA'I, ,DAM CAN RGYA MTSO'I DMAG TSOGS BSANGS, ,KYEE; GSOD BYED LAS KYI GSHIN RJE DANG, ,YUM MCHOG MA MO TZ'A MUnd'I, ,SROG GCOD LAS KYI GSHIN RJE BRGYAD, ,'CHI BDAG PHO NYA MO LA SOGS, ,DGRA RGYUD RTZAD NAS GCOD BYED PA'I, ,DAM CAN DPUNG TSOGS BCAS PA BSANGS, KYEE; MAH'A K'A LA PHYAG BZHI PA, ,YUM NI SRIN MO TZAndI KA, BYA ROG KHROS PA'I GDONG CAN GSUM, ,THUGS KYI SPRUL PA BDE CHEN 'DZIN, ,BKA' SDOD SENG GE KHROS PA'I GDONG, ,MA MO SDE BRGYAD BCAS PA BSANGS, ,KYEE; STOBS 'PHROG NAG PO GDONG BZHI PA, ,'JIGS RUNG YUM BZHI BSHAN PA LNGA, ,SROG GCOD GRI THOGS NYI SHU GCIG , DMAG DPON RNAM GSUM LA SOGS PA, ,DREGS PA SDE BRGYAD BCAS PA BSANGS, ,KYEE; MAH'A K'A LA GAnd'I 'CHANG, ,LHA BRGYAD RNO BA'I RAL GRI LTAR, ,GNOD BYED 'BYUNG PO'I SROG GCOD PA'I, ,GTZANG RIGS MGON POR BCA
PA BSANGS, ,KYEE; KHRAG ZHAG 'KHRUG PA'I DUR KHROD DBUS, ,KENG RUS DRAG TU KHROS PA'I GZUGS, ,DUR KHROD BDAG PO YAB YUM DANG, ,BZHI SBRAG NAGS KYI DPA' BO LA, ,ZHON PA CHUNG MA GA-YOG BCAS BSANGS, ,KYEE; MI BZAD NAG MO DRE'U ZHON MA, ,MA YENGS BSTAN PA'I BYA RA MKHAN, ,DMAG ZOR RDO RJE GA-YU SGRON MA, ,DUS MTSAN 'OD CHEN 'BAR MA DANG, ,DUNG SKYONG RGYAL MO DUNG SOL MA, ,RANG BYUNG NAM MKHA'I GOS CAN SOGS, ,JO MO TSE RING MCHED LNGA DANG, ,BZHI GSUM BCU GNYIS BSTAN MA'I TSOGS, ,SMAN MO 'BUM SDER BCAS PA BSANGS, ,KYEE; CHOS SKYONG DREGS PA LCAM SRING DANG, ,BRGYAD DANG NYER GCIG BSHAN PA'I TSOGS, ,DGRA BO'I SROG LA NGOM ZAS BYED, ,DAM CAN RGYA MTSOR BCAS PA BSANGS, ,KYEE; RNAM MANG THOS SRAS RTA BDAG BRGYAD, ,DZAM LA SER NAG NOR RGYUN MA, ,AA PA RA nI TZITTA SOGS, ,NOR LHA GNOD SBYIN TSOGS RNAMS BSANGS, ,KYEE; MDO DANG RGYUD SDE'I SKYED TSAL LAS, ,LEGS 'ONGS 'PHRIN LAS RNAM PA BZHI'I, ,'PHUR LDING ROL PA'I BHRA MA RA, ,DPAL SKYEN LDAN PA'I TSOGS RNAMS BSANGS, ,STON PA'I ZHAL BZANG NOR BU'I 'OD, ,'DREN BYED BDUD RTZI LTAR GYUR CING,, DAM CHOS SGRA 'DZIN LA REG PA, ,DKAR PHYOGS SKYONG BA'I MTHU BO CHE, ,MCHOD PAR 'OS PA THAMS CAD BSANGS, ,KYEE; LHA SRIN KUN LA DBANG BSGYUR ZHING, ,GNAM LCAGS THOG SER MDA' 'PHEN PA, ,KHYAB 'JUG CHEN PO R'A HU LA,,
, ,YUM NI SRING MO GDONG MO BZHI, ,NYI ZLA GZA' SKAR LHA RNAMS DANG, ,LO ZLA ZHAG DANG KHYIM RNAMS DANG, ,TSES GRANGS RNAMS LA RGYU BA YI, ,DREGS PA SDE BRGYAD THAMS CAD BSANGS, ,KYEE; SROG BDAG CHEN PO BI HA RA, ,SKU LNGA GTZO MOR BCAS PA DANG, ,DGRA LHA'I RGYAL PO TZA DMAR BA, ,RNAM MANG 'KHOR DANG BCAS PA BSANGS, ,KYEE; SKYES BU CHEN PO RDO RJE LEGS, ,MCHED 'KHOR SUM BRGYA DRUG CU DANG, ,DMAG DPON SRID PA'I RGYAL PO DANG, ,SRID PA'I DGRA LHA THAMS CAD BSANGS, ,KYEE; GZHAN YANG BSTAN LA MNGON DGYES PA'I, ,MING NI MA 'TSAL SA GSUM NA, ,GLOG LTAR KUN TU RGYU BA YI, ,DGE BSNYEN CHEN PO THAMS CAD BSANGS, ,SRID PA'I LHA DGU MGUR LHA DANG, ,SROG GI LHA SOGS GANGS CAN GYI, ,GZHI BDAG YUL LHA THAMS CAD BSANGS, ,RDO RJE GA-YU SGRON PHYING DKAR BA, ,BSE KHRAB GYON PA'I DPA' BO SOGS, ,DGON GNAS BSGRUB PA'I SA SKYONG DANG, ,KHYAD PAR YUL 'DI'I BSRUNG MA BSANGS, ,KYEE; BDAG CAG DPON SLOB 'KHOR BCAS LA, ,SDANG ZHING GDUG PA'I SEMS LDAN ZHING, ,BU LON SHA KHON LAN CHAGS PA'I, ,MI DANG MI MIN THAMS CAD BSANGS, ,BGEGS RIGS STONG PHRAG BRGYAD CU DANG, ,GDON RIGS SUM BRGYA DRUG CU DANG, ,BYIS PA'I GDON CHEN BCO LNGA SOGS, ,GDON BGEGS 'BYUNG PO THAMS CAD BSANGS, ,SANGS RGYAS BSTAN PA'I GZI
BYIN LA, ,LOG PAR 'KHU BA'I SEMS LDAN PA, ,DGA' RAB DBANG PHYUG LA SOGS PA'I, ,NAG PO SDE DANG BCAS PA BSANGS, ,KYEE; BDAG CAG DPON SLOB 'KHOR BCAS KYI, ,LHAN CIG SKYES DANG 'TSO BA DANG, ,'GO BA'I DGRA LHA THAMS CAD BSANGS, ,MDOR NA BDAG CAG 'KHOR BCAS KYI, ,SNA TSOGS 'DOD PA'I DPAG BSAM RNAMS, ,'BRAS BU MCHIS PAR MDZAD PA YI, ,DGRA LHA JI SNYED MCHIS PA BSANGS, ,SLOB DPON RGYUD KYI BSRUNG MA DANG, ,TSE LHA SROG LHA NOR LHA BSANGS, ,PHO LHA MO LHA DGRA LHA DANG, ,ZHANG LHA GNYEN PO THAMS CAD BSANGS, ,SRID PA'I RDZI RLUNG 'PHYO BA DANG, ,SRID PA'I LHA LUNG DKAR PO BSANGS, ,SRID PA CHAGS PA'I DGRA LHA DANG, ,BSAM PA 'GRUB BA'I DGRA LHA BSANGS, ,GSER BZANG GTZO MA JI BZHIN DU, ,'OD ZER 'PHRO BA'I DGRA LHA BSANGS, ,DMAG DPON RIN CHEN JI BZHIN DU, ,DPA' SNYING CHE BA'I DGRA LHA BSANGS, ,'KHOR LOS BSGYUR RGYAL JI BZHIN DU, ,GLING BZHI 'GRUB PA'I DGRA LHA BSANGS, ,'GRO BA'I DGRA LHA SPUN GSUM DANG, ,MI THUB DGRA LHA SPUN GSUM BSANGS, ,RTA MCHOG RIN CHEN JI BZHIN DU, ,MYUR MGYOGS CHE BA'I DGRA LHA BSANGS, ,DRUG LDAN DBANG PO'I TSOGS RNAMS KUN, ,YON TAN LDAN PA'I DGRA LHA BSANGS, ,RAL GRI RIN CHEN JI BZHIN DU, ,RNO NGAR LDAN PA'I DGRA LHA BSANGS, ,YID LTAR MYUR BA'I SHUGS LDAN PA, ,MGYOGS PA RTA YI DGRA LHA BSANGS, ,RDO RJE'I YA LAD JI
, ,BZHIN DU, ,BTZAN PO KHRAB KYI DGRA LHA BSANGS, ,BADZRA KUNTA'I RTZE MO LTAR, ,RAB RNO MTSON CHA'I DGRA LHA BSANGS, ,GA-YAS KYI STAG DONG KHRA MO'I NANG, ,SGRO SMYUG 'DZOM PA'I DGRA LHA BSANGS, ,GA-YON GYI GZIG SHUBS PHRA MO'I NANG, ,GZHU RGYUD 'DZOM PA'I DGRA LHA BSANGS, ,'GO BA'I DE WI PANYTZA DANG, ,SKYOB PAR BYED PA'I DGRA LHA BSANGS, ,KHYIM LHA MKHAR GYI RTZE LHA DANG, ,THAB LHA THAB SMAN BCAS PA BSANGS, , PHYUGS KYI NOR LHA SGO YI LHA, ,GZHIS LAM BYES DANG TSONG GI LHA, ,PHYI NANG BAR GSUM DGRA LHA BSANGS, ,TSE RABS RGYUD DANG DMU RABS RGYUD, ,GTZUG RABS RGYUD KYI BSRUNG MA BSANGS, ,DGOS 'DOD 'BYUNG BA'I NOR BU LTAR, ,ZAS NOR STER BA'I DGRA LHA BSANGS, ,MDOR NA 'OG GZHI'I DKYIL 'KHOR NAS, ,SRID RTZE'I BAR GYI MGRON RNAMS BSANGS, ,KYEE; CHOS RNAMS RANG BZHIN KUN BRAL YANG, ,RMI LAM BZHIN DU NONGS PA GANG,, BSANGS DANG BSANGS BYA BSANGS YUL SOGS, ,RANG BZHIN DAG PA'I DBYINGS SU BSANGS, ,MI GTZANG ZOS SHING GYON PA DANG, ,THUGS GSUNG SKU DANG 'GAL BGYIS BSANGS, ,DAM GRIB KHON GRIB BTZOG GRIB DANG,, BSHAN GRIB YUG GRIB BAG GRIB BSANGS, ,MDZE GRIB THAB GZHOB MNOL SHOR SOGS, ,LHA MI YONGS LA GRIB PHOG PA, ,MA LUS BSANGS KYI MCHOD PAS BSANGS, ,BSANGS KYIS MA BSANGS GANG YANG MED, ,MI GTZANG BA NI
THAMS CAD BSANGS, ,MI MTHUN BAR CHAD ZHI BA DANG, ,TSE DANG LONGS SPYOD RGYAS PAR MDZOD, ,KHAMS GSUM DBANG DU 'DU BA DANG, ,CI BSAMS LHUN GYIS GRUB PAR MDZOD, ,KYEE; LHA DANG MI YI BZA' BCA' KUN, ,GCIG TU BGYIS PA'I MCHOD GTOR TSOGS, ,LHUN PO'I SPO LTAR MNGON MTHO BA'I, ,'DOD YON LNGA LDAN BDUD RTZIS MCHOD, ,SKABS 'DIR GTOR MA 'BUL,, KYEE; RIN CHEN LAS GRUB SNOD YANGS SU, ,'BRAS CHANG RGUN CHANG SBRANG CHANG SOGS, ,RTZA BA 'BRAS BU 'BRU SNA'I TSOGS, ,BRGYA PHRAG LAS 'ONGS BDUD RTZI'I MTSO, ,SA LE SBRAM DANG PHYE MAR BCAS, ,SUM RTZEN AA MRi TAR 'GRAN PA, ,ZAG MED BDUD RTZIR BYIN BRLABS PA'I, ,'DOD YON LNGA LDAN GSER SKYEMS 'DI, ,DRIN CAN RTZA BA'I BLA MA DANG, ,RJE BTZUN BLO BZANG GRAGS PA SOGS, ,BSLU MED DKON MCHOG GSUM LA 'BUL, ,GSER SKYEMS DAM PA 'DI BZHES LA, ,BYIN RLABS MCHOG GI BKA' DRIN STZOL, ,KHYAB BDAG RDO RJE 'CHANG CHEN DANG, ,'JAM DPAL GSHIN RJE'I GSHED LA SOGS, ,YI DAM LHA TSOGS RNAMS LA 'BUL, ,GSER SKYEMS DAM PA 'DI BZHES LA, ,DNGOS GRUB MCHOG GI BKA' DRIN STZOL, , BCOM LDAN TSE DPAG MED MGON DANG, ,BCOM LDAN SH'AKYA THUB PA SOGS, ,MGON PO SRAS DANG BCAS LA 'BUL, ,GSER SKYEMS DAM PA 'DI BZHES LA, ,CI BSAMS 'GRUB PA'I BKA' DRIN STZOL, ,MYUR MDZAD
, ,MGON PO CHOS KYI RGYAL, ,DPAL LDAN DMAG ZOR RGYAL MO SOGS, ,CHOS SKYONG BSRUNG MA RNAMS LA 'BUL, ,GSER SKYEMS DAM PA 'DI BZHES LA, ,BAR CHAD SEL BA'I BKA' DRIN STZOL, ,TSE RING MCHED LNGA BSTAN SKYONG BCAS, ,YUL LHA GZHI BDAG THAMS CAD DANG, ,KHYAD PAR RGYAL PO SKU LNGA SOGS, ,LHA SRIN SDE BRGYAD RNAMS LA 'BUL, ,GSER SKYEMS DAM PA 'DI BZHES LA, ,RU NGA ZHI BA'I BKA' DRIN STZOL, ,KHYAD PAR BDAG CAG 'KHOR BCAS RNAMS, ,BSRUNG ZHING SKYOB PAR BYED PA DANG, ,MGON SKYABS DPUNG GNYEN BYED PA YI, ,DGRA LHA GNYAN PO RNAMS LA 'BUL, ,GSER SKYEMS DAM PA 'DI BZHES LA, ,MTHUN RKYEN BSGRUB PA'I BKA' DRIN STZOL, ,RIGS DRUG SEMS CAN THAMS CAD DANG, ,KHYAD PAR GNOD BYED GDON BGEGS DANG, ,LAN CHAGS GNYER BA RNAMS LA 'BUL, ,GSER SKYEMS DAM PA 'DI BZHES LA, ,SDUG BSNGAL LAN CHAGS DAG GYUR CIG ,KYEE; SKYABS MGON RIN CHEN RNAM GSUM DANG, ,DGRA LHA GNYAN PO KHYED RNAMS KYIS, ,RNAL 'BYOR BDAG CAG 'KHOR BCAS LA, ,NYIN GSUM RGYANG NAS BYA RA MDZOD, ,MTSAN GSUM DRUNG NAS MEL TSE MDZOD, ,'JIGS PA'I LAM DU SKYEL MA MDZOD, ,'THAB PA'I TSE NA DPUNG MDZOD CIG ,BRTZE BA'I MA DANG SRING MO BZHIN, ,RTAG TU GA-YEL MED GROGS MDZOD CIG ,KYEE; DGRA LHA CHEN PO KHYED
RNAMS KUN, ,BOS PA'I TSE NA SNYAN MA SRA, ,BSTEN PA'I TSE NA SNYING MA RING, ,BSKUL BA'I TSE NA BANG MA BUL, ,RBAD PA'I TSE NA MTHU MA CHUNG, ,BDAG CAG 'KHOR DANG BCAS PA LA, ,NAD GDON DGRA BGEGS CHOM RKUN SOGS,, MI 'DOD RKYEN NGAN BAR CHAD KUN, ,NYE BAR ZHI BA'I 'PHRIN LAS MDZOD, ,'KHOR TSOGS LONGS SPYAD NAD MED DANG, ,MNGA' THANG RIGS RGYUD LANG TSO TSE, ,NOR 'BRU BDE BA DAM PA SOGS, ,MNGON PAR RGYAS PA'I 'PHRIN LAS MDZOD, ,LHA DANG MI YI 'DOD DGU DANG, ,GLANG PO RTA DANG YUL 'KHOR DANG, ,RIN CHEN BDUN SOGS KHAMS GSUM GYI, ,SNANG SRID MA LUS DBANG DU SDUS, ,SDANG ZHING GDUG PA'I SEMS 'CHANG BA'I, ,MI DANG MI MIN DGRA BGEGS KUN, ,'JIGS PA'I CHO 'PHRUL SNA TSOGS KYIS, ,RDUL PHRAN BZHIN DU BRLAG PAR MDZOD, ,KYEE; NYON CIG LHA SRIN SDE BRGYAD TSOGS, ,DAM PA'I DON DU SPROS BRAL YANG, ,MA RIG LING THOG GIS LDONGS PAS, ,SRID PA GSUM DU RNAM PAR 'KHOR, ,LAS RNAMS 'BRAS BU BSAM MI KHYAB, ,JI LTAR DGE BA'I SA BON LAS, ,'BRAS BU SBRANG RTZI LTAR MYONG ZHING, ,SGO GSUM LOG PAR SPYOD PA'I MTHUS, ,MNAR MED 'BAR BA'I KHRO CHUS BSREG ,DE'I PHYIR TSUL 'DI'I DON DGONGS LA, ,GNOD 'TSE'I BSAM SBYOR NGAN PA DANG, ,KUN SLONG PHRAG DOG MA BYED CIG ,NYES PA STES SU MA 'DZIN PAR, ,BZOD CING DES PA'I RANG BZHIN GYIS, ,ZHI ZHING BYAMS PA'I SEMS BSKYED
, ,NAS, ,BDE LEGS CHEN POS GANG BAR MDZOD, ,KYEE; SGRIB GNYIS DAG PA'I CHOS KYI DBYINGS, ,BRTAN DANG GA-YO BA KUN GYI GZHI, ,BLA NA MED PA'I DON DAM GA-YANG, ,DE RING PHYVA DANG GA-YANG DU LEN, ,NAM MKHA' DAG PA'I DBYINGS SHED NAS, ,'JA' TSON RI MO BKRA BA LTAR, ,KUN RDZOB CI YANG 'CHAR BA'I GA-YANG, ,DE RING PHYVA DANG GA-YANG DU LEN, ,RNAM DKAR RIN CHEN BDUN LDAN GYIS, ,GLING CHEN BZHI LA DBANG BSGYUR BA'I, ,'KHOR LOS BSGYUR BA'I DPAL GA-YANG DE, ,DE RING PHYVA DANG GA-YANG DU LEN, ,ZHAL NAS RIN CHEN CHAR 'BABS SHING, ,NAM MKHA'I MDZOD LA MNGA' BRNYES PA, ,RNAM THOS SRAS KYI NOR GA-YANG DE, ,DE RING PHYVA DANG GA-YANG DU LEN, ,MANG POS BSKUR BA NAS BZUNG STE, ,GTZANG MA'I RIGS NI GANGG'A LTAR, ,CHAD PA MED PA'I MI RGYUD GA-YANG, ,DE RING PHYVA DANG GA-YANG DU LEN, ,BSLAB GSUM SDONG PO RGYAL SRAS KYI, ,RLABS CHEN SPYOD PA'I YAL GAS MDZES, ,RIM GNYIS MTHAR SON 'BRAS BU YIS, ,MDZES LDAN CHOS KYI GA-YANG DANG NI, ,'CHI BDAG SDE LAS RGYAL BA YI, ,'CHI MED GRUB PA'I TSE GA-YANG DE, ,DE RING PHYVA DANG GA-YANG DU LEN, ,SRID ZHI'I DPAL 'BYOR MA LUS 'BYUNG BA'I GNAS, ,THUB PA'I BSTAN PA YUN RING GNAS PA DANG, ,DE 'DZIN BYED PA'I SKYES BU DAM PA RNAMS, ,DPAL 'BYOR GYIS BRGYAN YUN RING ZHABS BRTAN SHOG ,BLA MA YI DAM RNAMS KYI BYIN RLABS DANG, ,CHOS SKYONG BSRUNG MA RNAMS KYIS THU
STOBS KYIS, ,GNAS 'DIR DPAL 'BYOR BYIN RLABS MI NYAMS SHING, ,BSAM SBYOR NGAN PA'I GDUG RTZUB ZHI BA DANG, ,BDAG CAG DPON SLOB 'KHOR DANG BCAS RNAMS KYI, ,TSE DANG BSOD NAMS RGYAS PA'I 'PHRIN LAS MDZOD,, 'DOD DGU'I 'BYOR PA DBYAR GYI MTSO LTAR 'PHEL, ,SKYON MED RIGS KYI DAL 'GRO RGYUN CHAD MED, ,NYIN MTSAN BLO BZANG DAM PA'I CHOS KYIS 'DA', ,PHUN TSOGS DPAL LA ROL PA'I BKRA SHIS SHOG ,CES ROL MO DBYANGS DANG BCAS PAS BRJOD NAS ME TOG GI CHAR DBAB PAR BYA'O, ,TSOGS GNYIS KU MU DA KA'I GNYEN GCIG PU, ,RMAD BYUNG BSANGS KYI CHO GA 'OD DKAR CAN, ,GANG BLO'I MKHA' DBYINGS MDZES MA'I LANG TSO LAS, ,'ONGS DE SKAL BZANG SKYE BO'I GDUNG SEL NYID, ,TSOGS KYI ZHING MCHOG BLA MA YI DAM LHA, ,GTZO BOR MI BYED 'JIG RTEN LHA 'DRE YI, ,MING SPEL DO SHAL RING POS MGRIN 'KHYUD PA, ,DE DAG GSHEN RABS MES PO'I RJES 'BRANGS NYID, ,DE'I PHYIR 'DI NI DAM PA'I LUGS JI BZHIN, ,SDEB LEGS NGAG GI LAM DU MTSON BYAS PA'I, ,RNAM DKAR LHA YI LAM KUN 'GENGS PA DES, ,MI DBANG BZHED PA'I DON KUN GRUB GYUR CIG ,CES BSANGS KYI CHO GA DNGOS GRUB KYI GZI 'OD 'BAR BA NGO MTSAR RIN PO CHE'I PHRENG BA ZHES BYA BA 'DI NI, RIGS RUS CHO 'BRANG SOGS YON TAN DU MA'I DPAL GYIS MNGON PAR MTHO ZHING, KHYAD PAR RGYAL BA GNYIS PA'I BSTAN PA BSTAN 'DZIN LA MI PHYED PA'I DAD PA DANG LDAN PA, RNAM PAR DPYAD PA'I
, ,MIG YANGS GA-YO BAS SHES BYA'I DKYIL 'KHOR MTHA' DAG LA GZIGS PA GSAL BA SOGS, DAM PAS BSNGAGS PA'I YON TAN DANG LDAN PA, LCANG RA NAS SDE PA RIN PO CHE DON GRUB RAB BRTAN SKU MCHED KYI BKAS BSKUL BA LA BRTEN NAS, SDE SNOD 'DZIN PA CHOS KYI RGYAL MTSAN GYIS, DPAL 'KHOR BDE CHEN DU SBYAR BA 'DIS KYANG, PHYOGS DUS THAMS CAD DU DGE BAR GYUR CIG , ,,*, ,MAR ME MDZAD SOGS RTZA BRGYUD BLA MA YI, ,BKA' SDOD LHA YI DGE BSNYEN PHYING DKAR BA, ,NE SER JO BO CHEN POR MTSAN GRAGS PA, ,'KHOR BCAS 'DIR SPYON MTHUN PA'I MCHOD GTOR BZHES, ,DNGOS DANG YID KYIS SPRUL PA'I MCHOD PA'I SPRIN, ,PHYI NANG GSANG BA NAM MKHA' GANG BA DANG, ,GTOR TSOGS GSER SKYEMS MTSO LTAR BSKYIL BA 'DI, ,BDUD RTZIR BYIN BRLABS 'KHOR DANG BCAS LA 'BUL, ,GSER ZHUN 'BAR 'DRA'I YE SHES ME NANG DU,, RMAD BYUNG SPROS SNA BSANGS RDZAS BRGYA PHRAG DAG ,BSREGS PA'I DUD SPRIN 'CHI MED LAM GANG BAS, ,CHOS SKYONG DGE BSNYEN CHEN PO 'KHOR BCAS BSANGS, ,SPYAN RAS GZIGS DBANG THUGS KYI PHO NYA NI, ,SNA TSOGS SPRUL PA'I GAR GYIS RNAM ROL BAS, ,CHOS 'KHOR SKYONG ZHING RNAL 'BYOR BU BZHIN DU, ,SKYONG MDZAD DGRA LHA CHEN PO KHYOD LA BSTOD, ,BKRA SHIS LHUN GYIS GRUB PA'I CHOS GRVA CHE, ,RTAG TU BSRUNG SKYOB DAR ZHING RGYAS PA
DANG, ,BDAG CAG GZHI BYES GANG DU CI BYED KYANG, ,GA-YEL MED GROGS MDZOD BSAMS DON CHOS BZHIN BSGRUBS, ,CES JO BO NE SER BA'I BSTOD PA 'PHRIN LAS MYUR 'GRUB 'DI NI, DAD CAN 'PHRIN LAS DPAL 'BYOR GYIS NAN GYIS BSKUL BA'I NGOR, BKA' GDAMS KYI BTZUN PA BLO BZANG CHOS KYI RGYAL MTSAN GYIS, CHOS GRVA CHEN PO DPAL LDAN 'BRAS SPUNGS KYI GZIMS KHANG DGA' LDAN PHO BRANG DU SBYAR BA'O,, ,,SARBA MANGGA LAm,, ,, *, ,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED LKDAL 'GRO'I RGYUN 'DI SPEL,, ,,SARBA DZA GA TAm,, ,,