*, ,BKRA SHIS RTZE PA NANG SO BLO BZANG DBANG RGYAL LA GDAMS PA RNAMS CHABS GCIG TU BSGRIGS PA BZHUGS, ,
, ,SVASTI, BLO MCHOG RNAMS KYI BZANG PO'I MDZAD PA'I PHUL, ,CHOS KYI RGYAL SRID SKYONG BA'I DGE MTSAN GYIS, ,MTHA' DAG 'GRO LA PHAN BDE'I MCHOG STZOL BA, , BDAG SNYING PADMO'I ZE'U 'BRUR RTAG TU GZIMS, ,BLO BZANG BSTAN PA DGA' BA'I TSAL, ,LUNG RIGS CHOS KYIS RGYAL BA'I SKU, ,MTSAN DPES BRGYAN PA BZHIN MDZES PA, ,MCHOG GSUM NGO BO LA PHYAG 'TSAL, ,TSUL 'DI DAD DANG RNAM DPYOD CAN, ,NANG SO MGON PO DBANG RGYAL GYIS, ,NAN GYIS BSKUL PHYIR BYA BRAL BA, ,CHOS KYI RGYAL MTSAN ZHES BYAS SBYAR,, ` ,, BDAG GZHAN DUS GSUM RNAM DKAR PHUNG PO'I MTHUS, ,LEGS TSOGS KUN GYI RTZA BA ZLA MED PA, ,BKA' DRIN GSUM LDAN RTZA BA'I BLA MA YIS, ,'BRAL MED RJES BZUNG MNYES PAR
, ,BYED PAR SHOG ,LAS NYON CHU SRIN MANG POS KUN TU GTZES, ,BDE MED SDUG BSNGAL BYE BA'I RLABS 'KHRUG PA, ,SRID LAS NGES 'BYUNG SHUGS DRAG GIS BSKYOD DE, ,MYUR DU THAR PA'I LAM BZANG BGROD PAR SHOG ,'KHOR BA'I BDE 'BYOR LCAGS KHANG 'BAR BA LTAR, ,MTHONG NAS RMI LAM DU YANG 'DOD PA'I BLO, ,SKAD CIG TZAM YANG SKYE BAR MI 'GYUR BAR, ,RTZE GCIG DAM CHOS BSGRUB PA NYID GYUR CIG , ` ,,AOm BDE LEGS SU GYUR CIG ,RJE BTZUN MA SGROL MA DKAR MO LA BRTEN PA'I TSE SGRUB BYED PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG, AOm SVA BH'A WA SHUDDH'A: SARBA DHARM'A: SVA BH'A SHUDDHO NYAHAm, STONG PA NYID DU GYUR, CHOS DBYINGS NGANG LAS PAD DKAR BSIL ZER CAN GYI STENG, ,RANG SEMS TAm LAS AUTPAL TAm GYIS MDZES PA YI, ,'OD KYI 'PHRO 'DUS DON GNYIS BYAS SHING 'DUS PA LAS, ,RANG NYID RJE BTZUN SGROL MA DKAR MO MTSAN DPES BRGYAN, ,ZHAL GCIG 'DZUM LDAN PHYAG
G-YAS MCHOG SBYIN DNGOS GRUB STZOL, ,PHYAG G-YON DKON MCHOG GSUM MTSON 'JIGS PA KUN LAS SKYOB, ,PHYAG GNYIS AUTPAL SNGON POS MTSAN ZHING YID 'PHROG RIN CHEN RGYAN GYIS MDZES, ,RNAM BKRA LHA RDZAS GOS KYIS KLUBS SHING TSE DPAG MED PAS SPYI BOR BRGYAN, ,SPYAN BDUN MNGA' BA'I THUGS KAR ZLA BA'I DKYIL 'KHOR STENG, ,TAm YIG DKAR PO H'Um GIS MTSAN PA'I MTHA' SKOR DU, ,YI GE BCU PA'I SNGAGS KYIS BSKOR BA'I 'OD ZER GYIS, ,YE SHES SPYAN DRANGS BDAG NYID LA THIM DBANG YANG BSKUR, ,TSE DANG YE SHES MCHOG STZOL SGROL MAR PHYAG 'TSAL ZHING, ,DE NAS MCHOD RDZAS RNAMS BYIN GYIS RLOB PA NI, AOm BADZRA AA MRI TA KUndA LI HA NA HA NA H'Um PHAt, AOm SVA BH'A WA SHUDDH'A: SARBA DHARM'A: SVA BH'A WA SHUDDHO NYAHAm, STONG PA NYID DU GYUR, STONG PA'I NGANG LAS AOm LAS RIN PO CHE LAS GRUB PA'I SNOD YANGS SHING RGYA CHE BA'I NANG DU, GTOR MA LHA'I ZHAL ZAS DRI MA MED PA NAM MKHA' DANG MNYAM PA DANG, GZHAN YANG BDAG MDUN GYI MCHOD YON ZHABS BSIL ME TOG BDUG SPOS MAR ME DRI CHAB ZHAL ZAS ROL MO LA SOGS PA RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um, AOm P'A DYAm A'A: H'Um, AOm PUshPE A'A: H'Um, AOm DH'U PE A'A: H'Um, AOm A'A LO KE A'A: H'Um, AOm GANDHE A'A: H'Um, AOm NEE BI
, ,DYA A'A: H'Um, AOm SHPTA A'A: H'Um GI BAR GYIS BYIN GYIS BRLABS, AOm A'ARYA T'A RE SA PA RI W'A RA AARGHAm PRA T'I TZTSA SV'AH'A NAS, AOm A'ARYA T'A RE SA PA RI W'A RA SHAPTA PRA T'I TZTSA SV'AH'A'I BAR GYIS MCHOD, BSTOD PA NI, NA MO A'ARYA T'A RA YE, MTHA' YAS RGYAL BA KUN GYI PHRIN LAS NI, ,YID 'PHROG LHA MO'I GZUGS SU SHAR BA GANG, ,MTSAN DPE'I DPAL 'BAR GZI BRJID PHUNG PO'I SKU, ,BDE DGYES SKYIL KRUNG MDZAD LA PHYAG 'TSAL LO, ,PHYAG G-YAS MCHOG SBYIN 'DOD DGU'I DPAL STER ZHING, ,DKON MCHOG GSUM MTSON PHYAG G-YON SKYABS SBYIN GYIS, ,DUS MIN 'CHI SOGS 'JIGS PA MTHA' DAG LAS, ,SKYOB MDZAD LHAG PA'I LHA MO KHYOD PHYAG 'TSAL, ,PHYAG ZHABS MTHIL LA RNAM THAR SGO BZHI YI, ,SPYAN GYIS MNGON MDZES ZHI ZHING 'DZUM DANG LDAN, ,PHYED BCINGS RAL PA'I DBUS NA 'CHI MED KYI, ,MCHOG STZOL TSE DPAG MED PAS BRGYAN LA 'DUD, ,ZLA SHEL LHUN PO MTSAN DPE MANDA RA'I, ,DO SHAL GYIS MDZES LHA RDZAS NA BZA' YI, ,LHAB LHUB MNGON PAR G-YO BA'I 'JA' TSON 'KHRIGS, ,PHUN TSOGS ZLA BA'I RGYAB YOL CAN DER 'DUD, , DRAN PA TZAM GYIS TSE DANG YE SHES DANG, ,BSOD NAMS LA SOGS 'DOD DGU'I DNGOS GRUB RNAMS, ,RDZOGS LDAN SPRIN BZHIN PHAN BDE'I MCHOG STZOL MA, ,DUS GSUM RGYAL BA'I YUM LA PHYAG 'TSAL
LO, ,'KHOR BA'I RGYA MTSO CHE LAS SGROL MDZAD MA, ,CUNG ZAD BSTOD PA'I RNAM DKAR DGE BA'I MTHUS, ,NAD GDON 'GAL RKYEN BAR GCOD KUN ZHI ZHING, ,TSE DANG BSOD NAMS YE SHES RGYAS PAR SHOG ,DENG NAS BZUNG STE TSE RABS THAMS CAD DU, ,YI DAM LHA MOS 'BRAL MED RJES 'DZIN CING, ,DE YI MTHU LAS RGYAL BAS LEGS BSNGAGS PA'I, ,ZHING MCHOG BDE BA CAN DU SKYE BAR SHOG ,MCHOD PA KUN 'BUL NYES LTUNG BSHAGS SHING DGE LA SPRO, , CHOS 'KHOR BSKOR PHYIR RGYAN DU BZHUGS GSOL DGE TSOGS BSNGO, ,DUS DANG DUS MIN 'CHI BDAG 'JIGS PA KUN LAS SKYOBS, ,DE NAS SPYI BO'I TSE DPAG MED, ,PHYAG MTSAN TSE YI BUM PA LAS, ,'CHI MED BDUD RTZI'I RGYUN BAB CING, ,SRID ZHI'I SNOD BCUD YON TAN RNAMS, ,TSE YI BDUD RTZI'I RNAM PAR BKUG ,SNYING GA'I SNGAGS KYI PHRENG BAR THIM, ,SDIG SGRIB TSE YI BAR GCOD RNAMS, ,MUN KHUNG MAR ME BTEG BZHIN BSAL, ,TSE DANG YE SHES BSOD NAMS SOGS, ,CI 'DOD MNGON TU GYUR BSAMS LA, AOm T'A RE TUTT'A RE TU RE MA MA A'A YU: PUshtIm KU RU SV'AH'A, ZHES BRGYA STONG KHRI 'BUM SOGS MA YENGS PAR BZLA THUN BSDU KHAR YI GE BRGYA PA LAN BDUN NAM NYER GCIG TZAM GYIS SNGAGS KYI LHAG CHAD KHA BSKANG, THUN MTHAR GTOR MA 'BUL BA NI, RANG GI THUGS KA'I H'Um GI 'OD ZER GYIS SGROL DKAR YE SHES PA SPYAN DRANGS, MDUN GYI NAM MKHAR BZHUGS PA'I LJAGS 'OD ZER
, ,GYI SBU GUS GTOR MA'I BCUD DRANGS TE GSOL BAR BSAMS LA, AOm A'ARYA T'A RE SA PA RI W'A RA AI DAm BA LIm TA KHA KHA KH'A HI KH'A HI, LAN GSUM MAM BDUN GYIS PHUL, AOm A'ARYA T'A RE SA PA RI W'A RA AARGHAm NAS SHAPTA'I BAR GYIS MCHOD, GONG BZHIN BSTOD PAS BSTOD, 'DOD DON GSOL BA GDAB, YIG BRGYA LAN GSUM BRJOD LA, BZOD PAR GSOL, YE SHES PA RANG NGAM BRIS SKUR BSTIM PA'AM GSHEGS SU GSOL BA GANG RUNG BYAS LA SHIS PA BRJOD CING ME TOG GTOR, MJUG TU DGE BA RDZOGS BYANG DU BSNGO BA'O, ,ZHES PA 'DI YANG NANG SO MGON PO DBANG RGYAL GYI SKU TSE BSOD NAMS RGYA CHER SPEL BA'I THUGS DAM DU, CHOS SMRA BA BLO BZANG CHOS KYI RGYAL MTSAN GYIS THOGS MED DU SBYAR BA DGE LEGS 'PHEL,, ,,*, ,AOm SVASTI SIDDHAm, RJE BTZUN RI KHROD MA BSGRUB PAR 'DOD PAS, SKYABS 'GRO SEMS BSKYED SNGON DU BTANG, SVA BH'A WAS STONG PAR SBYANGS NAS 'DI LTAR, CHOS DBYINGS NGANG LAS RANG SEMS PAD ZLA'I STENG, ,BAm YIG 'PHRO 'DU LAS BYUNG RI KHROD MA, ,LJANG SER ZHAL GSUM G-YAS DKAR G-YON PA DMAR, ,KHRO 'DZUM SPYAN GSUM DBU SKRA GYEN DU 'BAR, ,PHYAG DRUG G-YAS G-YON DANG POS RDO RJE ZHAGS, ,BAR PAS DGRA STA SHING LO'I YAL GA DANG, ,THA MAS MDA' GZHU BSNAMS SHING DAR DMAR GYI, ,STOD G-YOGS SHING LO GSAR PA'I SHAM THABS 'DZIN, ,PUS MO ZHABS MTHIL
BTZUGS NAS YE SHES KYI, ,ME DPUNG 'BAR BA'I DBUS NA BZHUGS PAR GYUR, ,DE YI DPRAL MGRIN SNYING KHAR AOm A'A: H'Um, ,'BRU GSUM GYIS MTSAN H'Um GI 'OD ZER GYIS, ,YE SHES DBANG LHA BCAS PA SPYAN DRANGS NAS, , BDAG LA BSTIM ZHING DBANG BSKUR SNANG MTHA' YIS, ,SPYI BOR BRGYAN CING SGO GSUM GUS PHYAG 'TSAL, ,DE NAS MCHOD RDZAS RNAMS BYIN GYIS RLOB PA NI, ,AOm BADZRA AA MRi TA KUndA LI HA NA HA NA H'Um PHAt, AOm SVA BH'A WA SHUDDH'A: SARBA DHARM'A: SVA BH'A WA SHUDDHO NYA HAm, STONG PA NYID DU GYUR, STONG PA'I NGANG LAS AOm LAS RIN PO CHE LAS GRUB PA'I SNOD YANGS SHING RGYA CHE BA'I NANG DU, GTOR MA LHA'I ZHAL ZAS DRI MA MED PA NAM MKHA' DANG MNYAM PA DANG, GZHAN YANG BDAG MDUN GYI MCHOD YON ZHABS BSIL ME TOG BDUG SPOS MAR ME DRI CHAB ZHAL ZAS, ROL MO LA SOGS PA RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um, AOm P'A DYAm A'A: H'Um, AOm PUshPE A'A: H'Um, AOm DH'U PE A'A: H'Um, AOm A'A LO KE A'A: H'Um, AOm GANDHE A'A: H'Um, AOm NEE BI DYA A'A: H'Um, AOm SHAPTA A'A: H'Um GI BAR GYIS BYIN GYIS BRLABS, AOm PARNA SHA WA RI SA PA RI W'A RA AARGHAm PRA T'I TZTSA SV'AH'A NAS AOm PARNA SHA WA RI SA PA RI W'A RA SHAPTA PRA T'I TZTSA SV'AH'A'I BAR GYIS MCHOD, BSTOD PA NI, SVASTI, RGYAL BA KUN GYI YE SHES KYI, ,RANG BZHIN LHA MO'I SKUR SHAR BA, ,ZHAL GSUM PHYAG DRUG SGEG PA'I NYAMS, ,GSER GYI MDOG CAN KHYOD LA BSTOD, ,
, ,RTZA ZHAL RGYAS PA'I MDANGS LDAN ZHING, ,G-YAS DKAR G-YON DMAR SPYAN GSUM LDAN, ,DMAR SER DBU SKRA GYEN 'BAR BA, ,RIN CHEN RGYAN MANG 'DZIN LA 'DUD, ,PHYAG DRUG G-YAS G-YON DANG PO GNYIS, , SDIGS MDZUB RDO RJE ZHAGS PA DANG, ,BAR GNYIS DGRA STA SHING LO'I PHON, ,THA MAS MDA' GZHU 'DZIN LA 'DUD, ,DAR DMAR GYI NI STOD G-YOGS DANG, ,SHING LO GSAR PA'I SHAM THABS CAN, ,ZHABS G-YAS PUS MO G-YON PA YI, ,MTHIL GYIS ZLA BAR BRTEN LA 'DUD, ,LHAG PA'I LHA MO RI KHROD MA, ,CUNG ZAD BSTOD PA'I BSOD NAMS KYIS, ,BDAG DANG 'GRO BA MA LUS PA, ,NAD RIMS G-YUL LAS RGYAL GYUR CIG ,MCHOD TSOGS KUN 'BUL SDIG LTUNG THAMS CAD BSHAGS, ,DGE LA YI RANG CHOS 'KHOR BSKOR DU GSOL, ,RTAG TU KHYOD BZHUGS 'DIS MTSON DGE BA'I TSOGS, ,'GRO KUN NAD RIMS DGRA LAS RGYAL GYUR TE, ,THAMS CAD GZIGS PA'I GO 'PHANG THOB PHYIR BSNGO, ,DE NAS SNYING KHA'I ZLA BAR SNGAGS 'PHRENG GI ,'OD ZER 'BAR BAS NAD RIMS GDON BGEGS RNAMS, ,BSREGS PAR BSAMS TE RTZE GCIG MA YENGS PAR, ,RGYUN DU SNGAGS KYI BZLAS BRJOD LEGS PAR BYA, ,AOm PI SH'A TZI PARnA SHA WA RI SARBA DZRA RA PRA SHA MA NA YE SV'AH'A, ZHES GANG MANG BZLA, THUN BSDU KHAR YI GE BRGYA PA LAN BDUN NAM NYER GCIG TZAM GYIS SNGAGS KYI LHAG CHAD KHA BSKANG, THUN MTHAR GTOR MA
'BUL BA NI, RANG GI THUGS KA'I H'Um GI 'OD ZER GYIS RI KHROD MA YE SHES PA SPYAN DRANGS, MDUN GYI NAM MKHAR BZHUGS PA'I LJAGS 'OD ZER GYI SBU GUS GTOR MA'I BCUD DRANGS TE GSOL BAR BSAMS LA, AOm PARnA SHA WA RI SA PA RI W'A RA AI DAm BA LIm TA KHA KHA KH'A HI KH'A HI, LAN GSUM MAM BDUN GYIS PHUL, AOm PARnA SHA WA RI SA PA RI W'A RA AARGHAm NAS SHAPTA'I BAR GYIS MCHOD, GONG GI BSTOD PAS BSTOD, 'DOD DON GSOL BA GDAB, YIG BRGYA LAN GSUM BRJOD LA BZOD PAR GSOL, YE SHES PA RANG NGAM BRIS SKUR BSTIM PA'AM GSHEGS SU GSOL BA GANG RUNG BYA, MJUG TU DGE BA BYANG CHUB TU BSNGO ZHING SHIS PAS BRGYAN PAR BYA, DE LTAR TSUL BZHIN NYAMS SU BLANGS NA NAD RIMS G-YUL LAS RGYAL BAR 'GYUR, ZHES PA 'DI YANG NANG SO MGON PO DBANG RGYAL GYI THUGS DAM DU DGE SLONG BLO BZANG CHOS KYI RGYAL MTSAN GYIS 'PHRAL DU SBYAR BA'O,, ,, *, ,NA MO GU RU MANYDZU GHO sh'A YA, SKYER SGANG PA LUGS KYI RTA MGRIN GSANG SGRUB KYI SGRUB THABS BGEGS DPUNG KUN 'JOMS CES BYA BA, DRIN CAN RTZA BA'I BLA MA DANG, ,DBYER MED KHRO RGYAL RTA MGRIN LA, ,SGO GSUM GUS PAS PHYAG BYAS TE, ,DE NYID SGRUB THABS RIM PA BSHAD, ,'DIR RTA MGRIN GSANG SGRUB BSGRUB PAR 'DOD PAS, RANG GZHAN SEMS CAN THAMS CAD PHYI NANG GI BAR DU GCOD PA'I 'JIGS PAS NYEN CING, BLA MA GDKON MCHOG
, ,GSUM LA 'JIGS PA DE LAS SKYOB PA'I NUS PA YOD PAR YID CHES PA'I BLO LING GIS BKAL TE, BLA MA LA SKYABS SU MCHI, ZHES SOGS SKYABS 'GRO RAB BRGYA STONG THA NA'ANG NYER GCIG TZAM BYA, SANGS RGYAS CHOS DANG TSOGS KYI MCHOG RNAMS LA, ZHES SOGS KYIS SEMS BSKYED PA DANG, TSAD MED BZHI BSGOM PA YANG GSUM GSUM BYAS TE, SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU BLA MA KHRO RGYAL RTA MGRIN BSGRUB PA'I RNAL 'BYOR GYI RIM PA NYAMS SU BLANG BAR BYA'O SNYAM DU SEMS BSKYED PA'ANG GSUM MAM, BDUN SOGS BYA'O, ,DE NAS RANG NYID SKAD CIG GIS KHRO RGYAL RTA MGRIN DU GYUR, DE NAS NANG MCHOD BYIN RLABS NI, HR'I: BADZRA KRO DHAS BSANGS, SVA BH'A WAS SBYANGS, STONG PA'I NGANG LAS YAm LAS RLUNG, RAm LAS ME'I STENG DU MI MGO'I SGYED BU GSUM LA GNAS PA'I A'A: LAS BYUNG BA'I THOD PA PHYI DKAR LA NANG DMAR BA'I NANG DU SHA LNGA BDUD RTZI LNGA SBYANGS RTOGS SBAR GSUM BYAS PA LAS BYUNG BA'I ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um LAN GSUM BRJOD PAS BYIN GYIS BRLABS, YANG MCHOD PA RNAMS SNGAR LTAR BSANGS, SBYANGS, STONG PA'I NGANG LAS, A'A: LAS BYUNG BA'I THOD PA YANGS SHING RGYA CHE BA'I NANG DU RANG RANG GI MING YIG DANG
PO THIG LES BRGYAN PA ZHU BA LAS BYUNG BA'I MCHOD RDZAS RNAMS RANG BZHIN BDE STONG, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm NAS SHAPTA A'A: H'Um GI BAR GYIS BYIN GYIS BRLABS SHING, SNGON 'GRO GTOR MA YANG NANG MCHOD LTAR BYIN GYIS BRLABS, RANG GI THUGS KA'I HR'I: DMAR PO'I 'OD ZER LCAGS KYU'I RNAM PA CAN GYIS PHYOGS SKYONG ZHING SKYONG GZHI BDAG DANG BCAS PA SKAD CIG GIS BKUG STE 'OD GSAL DU BCUG PA PADMA DBANG CHEN GYI SKUR GYUR PA'I MGRON RNAMS KYI LJAGS 'OD ZER GYI SBU GUS GTOR MA'I BCUD DRANGS TE GSOL BAR GYUR, AOm AA K'A RO MU KHAm SARBA DHARM'A n'Am A'ADYA NU TPANNA TV'ATA AOm A'A: H'Um PHAt SV'AH'A, LAN GSUM GYIS BSNGO, AARGHAm SOGS KYIS MCHOD, AOm A'A: H'Um GIS NANG MCHOD PHUL, PHYOGS SKYONG 'KHOR DANG BCAS RNAMS KYIS, ,MCHOD SBYIN GTOR MA 'DI SNOMS LA, ,RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN 'THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,BSRUNG MAS RTAG TU GROGS MDZOD CIG ,DUS MIN 'CHI DANG NAD RNAMS DANG, ,GDON DANG BGEGS RNAMS ZHI BA DANG, ,RMI LAM NGAN DANG MTSAN MA NGAN, ,BYA BYED NGAN PA MED PAR MDZOD, ,PHYOGS SKYONG 'KHOR DANG BCAS PA
, ,RNAMS KYIS BDAG GI DGE BA'I BYA BA MTHAR PHYIN PA DANG DE'I BAR GCOD ZHI BA'I PHRIN LAS MDZOD, YIG BRGYA TSAR GCIG BTON NAS BZOD PAR GSOL, MGRON RNAMS RANG GNAS SU GSHEGS, MTSAMS 'DIR BDAG BSKYED KYI MCHOD PA BYIN RLABS SNGAR BZHIN BYA, RANG GI THUGS KA'I HR'I: DMAR PO'I 'OD ZER LCAGS KYU'I RNAM PA CAN GYIS RANG BZHIN GYI GNAS NAS BLA MA DANG DBYER MED PA KHRO BO'I RGYAL PO RTA MGRIN LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, 'OD ZER RANG GI SNYING GAR THIM, GANG GI DRIN GYIS BDE CHEN NYID, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,RGYAL BA KUN GYI MTHU STOBS RNAMS, ,MA RUNGS GDUL DKA' 'DUL BA'I PHYIR, ,DBANG DRAG KHRO BO'I SKUR STON PA, ,KHRO RGYAL RTA MGRIN LA PHYAG 'TSAL, ,HA YA GR'I WA SA PA RI W'A RA AARGHAm PRA T'I TZTSA SV'AH'A, DE BZHIN DU SHAPTA'I BAR GYIS MCHOD, AOm A'A: H'Um GIS NANG MCHOD KYANG PHUL, THOG MED DUS NAS BSAGS PA YI, ,SDIG LTUNG NYES PA'I TSOGS RNAMS DANG, ,KHYAD PAR RDO RJE'I THEG PA YI, ,NYAMS CHAGS MA LUS BSHAGS SHING SDOM, ,DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ,SNGAGS SDOM BZUNG 'DOD NA,
SANGS RGYAS BYANG CHUB SEMS DPA' KUN, ,BDAG LA DGONGS PAR MDZAD DU GSOL, ,BDAG MING 'DI ZHES BGYI BAS NI, ,DUS 'DI NAS NI BZUNG NAS NI, ,BYANG CHUB SNYING POR MCHIS KYI BAR, ,JI LTAR DUS GSUM MGON PO RNAMS, , BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,SO SOR BRTAN POR BDAG GIS BZUNGS, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,SANGS RGYAS RNAL 'BYOR LAS SKYES PA'I, ,SDOM PA DENG NAS BDAG GIS BZUNG, ,RDO RJE'I RIGS MCHOG CHEN PO YI, ,RDO RJE DRIL BU PHYAG RGYA YANG, ,YANG DAG NYID DU BZUNG BAR BGYI, ,SLOB DPON DAG KYANG BZUNG BAR BGYI, ,RIN CHEN RIGS MCHOG CHEN PO YI, ,DAM TSIG YID DU 'ONG BA LA, ,NYIN RE BZHIN NI DUS DRUG TU, ,SBYIN PA RNAM BZHI RTAG TU SBYIN, ,BYANG CHUB CHEN PO LAS BYUNG BA'I, ,PADMA'I RIGS CHEN DAG PA LA, ,PHYI DANG GSANG BA THEG PA GSUM, ,DAM CHOS SO SOR BZUNG BAR BGYI, ,LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU SO SOR BZUNG, ,MCHOD PA'I LAS NI CI NUS BGYI, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,SEMS CAN KUN GYI DON GYI PHYIR, ,BDAG GIS SDOM PA MA LUS BZUNG, ,MA BSGRAL BA
, ,RNAMS BDAG GIS BSGRAL, ,MA GROL BA RNAMS BDAG GI DGROL, ,DBUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA DGOD, ,CES PA'I BAR GYIS BZUNG, SEMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,'JIG RTEN GYI CHOS BRGYAD DANG GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR GYUR CIG ,CES LAN GSUM BRJOD, TSOGS ZHING RNAMS RANG LA THIM PAS BYIN GYIS BRLABS PAR GYUR, AOm SH'UN+YA T'A DZNY'A NA BADZRA SVA BH'A WA A'ATMA KO NYAHAm, CHOS THAMS CAD RANG BZHIN GYIS GRUB PAS STONGS PA'I STONG PA NYID DU GYUR, STONG PA'I NGANG LAS SKAD CIG GIS RDO RJE'I SA GZHIR BA GUR BLA RE, ME DPUNG RAB TU 'BAR BA DANG BCAS PA'I DBUS SU BAm LAS PADMA DANG, ,RAm LAS NYI MA'I DKYIL 'KHOR GYI STENG DU, RANG GI SEMS NYID HR'I: DMAR PO RING CHA TSEG DRAG DANG BCAS PA LAS 'OD 'PHROS, DON GNYIS BYAS 'DUS YONGS SU GYUR PA LAS, RANG NYID KHRO RGYAL RTA MGRIN SKU MDOG DMAR PO ZHAL GSUM PHYAG DRUG PA, RTZA ZHAL DMAR PO, G-YAS ZHAL DKAR PO, ,G-YON ZHAL LJANG GU ZHAL RE RE'ANG SPYAN GSUM GSUM DANG LDAN ZHING, MCHE BA RNON PO BZHI BZHI GTZIGS PA, DBU RE RE'I STENG NA RTA MGO LJANG NAG RTA SKAD 'TSER BAS BRGYAN PA, PHYAG DRUG GI G-YAS PA GSUM NA RDO RJE, RAL GRI, RTZE GSUM, G-YON GSUM NA
SDIGS MDZUG MDUNG DANG, RGYU ZHAGS BSNAMS PA, THOD PA BSKAM RLON DANG, SBRUL DANG RUS PA'I RGYAN RNAMS KYIS BRGYAN PA, MI LPAGS KYI G-YANG GZHI'I STOD G-YOGS DANG, STAG LPAGS KYI SHAM THABS GSOL BA, ZHABS BRGYAD KYIS KLU CHEN PO BRGYAD SBRUL GZUGS SU GNAS PA BRDZIS NAS BGRAD PA'I TSUL GYIS YE SHES KYI ME 'BAR BA'I DBUS NA BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR NYI MA'I STENG DU HR'I: H'Um GIS MTSAN PA'I MTHAR SNGAGS KYI PHRENG BAS BSKOR BAR GYUR, DE LAS 'OD ZER 'PHROS, BSGOMS PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR, 'OD DPAG MED KYIS DBU BRGYAN PAR GYUR, HA YA GR'I WA SA PA RI WA RA AARGHAm PRA T'I TZTSA SV'AH'A, DE BZHIN DU SHAPTA'I BAR GYIS MCHOD, NANG MCHOD 'BUL BA NI, SKU BZHI YE SHES LNGA'I BDAG NYID DRIN CAN RTZA BA'I BLA MA RIN PO CHE'I ZHAL DU AOm A'A: H'Um, ,CHOS SKU SNANG BA MTHA' YAS KYI ZHAL DU AOm A'A: H'Um, LONGS SKU PADMA DBANG CHEN GYI ZHAL DU AOm A'A: H'Um, SPRUL SKU PADMA 'BYUNG GNAS KYI ZHAL DU AOm A'A: H'Um, YANG SPRUL SKYER SGANG PA CHEN PO'I ZHAL DU AOm A'A: H'Um, GNYAN STON SBAS PA'I RNAL 'BYOR GYI ZHAL DU AOm A'A: H'Um, CHOS RJE SANGS RGYAS STON PA'I ZHAL DU AOm A'A: H'Um, MKHAS GRUB SHANGS STON CHEN PO'I ZHAL DU AOm A'A: H'Um, MKHAS BTZUN RGYAL MTSAN 'BUM
, ,GYI ZHAL DU AOm A'A: H'Um, 'JAG CHEN BYAMS PA DPAL BZANG GI ZHAL DU AOm A'A: H'Um, SNAR THANG PA DON GRUB BZANG PO'I ZHAL DU AOm A'A: H'Um, RGYAL BA BLO BZANG GRAGS PA'I ZHAL DU AOm A'A: H'Um, RJE BTZUN SHES RAB SENG GE'I ZHAL DU AOm A'A: H'Um, SEMS DPA' CHEN PO TSUL KHRIMS DPAL BZANG GI ZHAL DU AOm A'A: H'Um, 'KHRUL ZHIG RIN CHEN BSHES GNYEN GYI ZHAL DU AOm A'A: H'Um, RAB 'BYAMS SMRA BA SANGS RGYAS RGYA MTSO'I ZHAL DU AOm A'A: H'Um, RJE BTZUN SKYABS MCHOG DPAL BZANG GI ZHAL DU AOm A'A: H'Um, RGYAL BA BLO BZANG DON GRUB KYI ZHAL DU AOm A'A: H'Um, MKHAS GRUB SANGS RGYAS YE SHES KYI ZHAL DU AOm A'A: H'Um, DRIN CAN RTZA BA'I BLA MA RIN PO CHE'I ZHAL DU AOm A'A: H'Um, GZHAN YANG DBANG BSKUR, RGYUD BSHAD, MAN NGAG BSTAN PA'I DPAL LDAN BLA MA DAM PA YAB SRAS BRGYUD PA DANG BCAS PA RNAMS KYI ZHAL DU AOm A'A: H'Um, HR'I: BADZRA KRO DHA HA YA GRI WA HU LU HU LU H'Um PHAt: AOm A'A: H'Um RGYUD SDE CHEN PO BZHI DANG YONGS SU 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, GZHAN YANG MNGON SANGS RGYAS MTHONG BA, DAM PA'I CHOS THOS PA DANG, 'PHAGS PA'I DGE 'DUN LA BRTEN, BSTAN PA DANG 'KHOR RNAM BZHI SKYONG BAR ZHAL GYIS BZHES PA BLA MA GONG MA RNAMS KYIS BSTEN CING BSGRUBS PA'I BSRUNG MA DAM TSIG CAN RNAMS KYI ZHAL DU AOm A'A: H'Um, YUL SUM CU RTZA GNYIS, GNAS
NYI SHU RTZA BZHI, DUR KHROD CHEN PO BRGYAD NA GNAS PA'I DPA' BO DANG DPA' MO PHYOGS SKYONG ZHING SKYONG KLU LA SOGS PA RNAMS DANG GZHI BDAG GNYUG MAR GNAS PA RNAMS KYI ZHAL DU AOm A'A: H'Um, SEMS CAN THAMS CAD LHAR GSAL BA RNAMS KYI ZHAL DU AOm A'A: H'Um, AOm AA MRi TA SVA DA NA BADZRA A'ADMA KO NYAHAm, BSTOD PA NI, GU RU PADMA KRO DH'A YA, RGYAL BA KUN GYI MTHU STOBS RNAMS, ,MA RUNGS GDUL DKA' 'DUL BA'I PHYIR, ,DBANG DRAG KHRO BO'I SKUR STON PA, ,KHRO RGYAL RTA MGRIN LA PHYAG 'TSAL, ,GSUNG GI DBANG PHYUG PADMA'I RIGS KYI GTZO, ,SKU MDOG DMAR NAG ZHAL GSUM PHYAG DRUG LDAN, ,BRJID PA'I ZHABS BRGYAD BGRAD PA'I NGOR STABS KYIS, ,SRID GSUM BGEGS DPUNG 'JOMS LA PHYAG 'TSAL LO, ,DBUS DMAR G-YAS DKAR G-YON LJANG RNGAMS PA'I ZHAL, ,DRAG PO'I DKAN BRDEB 'BAR BA'I MCHE BA GTZIGS, ,DBU GTZUG LJANG NAG RTA MGO'I 'TSER SKAD KYIS, ,KHAMS GSUM DBANG DU BSDUD LA PHYAG 'TSAL LO, ,G-YAS GSUM RDO RJE RAL GRI RTZE GSUM DANG, ,G-YON GSUM SDIGS MDZUB MDUNG RNON RGYU ZHAGS KYIS, ,MI MIN GDON BGEGS 'BYUNG PO MA LUS PA, ,'JOMS MDZAD KHRO BO'I DBANG PO KHYOD PHYAG 'TSAL, ,DENG NAS JI SRID BYANG CHUB SNYING PO'I BAR, ,BYANG CHUB BSGRUB PA'I 'GAL RKYEN MI MTHUN PHYOGS, ,NAD RIMS GDON BGEGS DUS MIN 'CHI BA SOGS, ,'GAL RKYEN BAR GCOD MTHA' DAG ZHI BAR MDZOD, ,TSE DANG
, ,BSOD NAMS NOR 'BRU DBANG THANG DANG, ,'DOD DGU'I LONGS SPYOD 'BYOR PA PHUN SUM TSOGS, ,'JIG RTEN 'JIG RTEN 'DAS PA'I LEGS TSOGS RNAMS, ,YAR NGO'I ZLA LTAR RGYAS PA'I PHRIN LAS MDZOD, ,DREGS LDAN SRID GSUM SKYE DGU MTHA' DAG DANG, ,SRID DANG ZHI BA'I 'DOD DGU JI SNYED PA, ,'BAD RTZOL MED PAR BDAG GIS DBANG BSDUS NAS, ,RNAM GROL GO 'PHANG MCHOG LA 'GOD PAR SHOG ,BDAG LA GNOD CING 'TSE BA'I DGRA DANG BGEGS, ,MI DANG MI MIN 'BYUNG PO'I TSOGS RNAMS KUN, ,MTHU LDAN KHRO BO'I DBANG PO'I PHRIN LAS KYIS, ,MA LUS RDUL PHRAN BZHIN DU BRLAG PAR MDZOD, ,BGEGS 'JOMS KHYOD LA GUS PAS BRTEN PA BDAG ,BAR GCOD BDUD SDE'I G-YUL LAS RNAM RGYAL TE, ,MTHU STOBS NUS PA PHUL DU BYUNG BA YI, ,KHRO BO'I DBANG PO KHYOD DANG MTSUNGS PAR SHOG ,DE NAS PHRENG BA BYIN RLABS NI, ,HR'I: BADZRA KRO DHAS BSANGS, SVA BH'A WAS SBYANGS, STONG PA'I NGANG LAS, HR'I: LAS PADMA DBANG CHEN DU GYUR, RANG 'DRA'I YE SHES PA SPYAN DRANGS, DAM TSIG PA DANG GNYIS SU MED PAR GYUR, 'OD DPAG MED KYIS DBU BRGYAN, ,HA YA GR'I WA AARGHAm PRA T'ITZTSA SV'AH'A NAS SHAPTA'I BAR GYIS MCHOD, HA YA GR'I WA AOm A'A: H'Um GIS NANG MCHOD PHUL, RGYAL BA KUN GYI MTHU STOBS RNAMS, ,MA RUNGS GDUL DKA' 'DUL BA'I PHYIR, ,DBANG DRAG KHRO BO'I SKUR STON PA, ,KHRO RGYAL RTA MGRIN LA PHYAG 'TSAL, ZHES PAS BSTOD, HR'I: BADZRA KRO DHA NYER
GCIG TZAM BZLA, PADMA DBANG CHEN ZHU BA LAS BYUNG BA'I PHRENG BAR GYUR, THUGS KA'I SNGAGS PHRENG LAS KHRO BO'I TSOGS DANG DUS MTHA'I ME DANG 'DRA BA'I 'OD ZER 'PHROS, NAD GDON SDIG SGRIB THAMS CAD TSAR BCAD CING BSREGS, RGYAL BA THAMS CAD KYI MTHU STOBS THAMS CAD BSDUS NAS RANG LA THIM, SNGAGS PHRENG HR'I: DANG BCAS PA LAS, BDUD RTZI 'OD ZER DANG BCAS PA 'PHROS PAS, SNOD BCUD KYI MA DAG PA THAMS CAD SBYANGS, SNOD THAMS CAD YA SHES RANG SNANG LAS GRUB PA'I GZHAL YAS KHANG DANG, BCUD THAMS CAD DPAL RTA MGRIN GYI SKUR GYUR, DE THAMS CAD KYIS KYANG SNGAGS KYI SGRA 'BRUG LTAR SGROG PAR BSAMS TE, HR'I: BADZRA KRO DHA HA YA GR'I WA HU LU HU LU H'Um PHAt, CES BRGYA STONG KHRI 'BUM SOGS BZLA, AOm BADZRA DUN BHYO: TI KA NAN DZRA DZA SA MA YA STVAm, ZHES SDE BRGYAD DBANG DU BSDU PA'I SNGAGS 'DI THUN RE'I MTHAR NYER GCIG TZAM BZLA, BZLAS PA'I LHAG CHAD SKONG BAR YIG BRGYA GSUM MAM BDUN SOGS BZLA, NANG MCHOD LTAR GTOR MA BYIN GYIS BRLABS, ,MCHOD PA BYIN RLABS KYANG SNGAR BZHIN BYA, RANG GI THUGS KA'I HR'I: DMAR PO'I 'OD ZER LCAGS KYU'I RNAM PA CAN GYIS RANG BZHIN GYI GNAS NAS BLA MA DANG DBYER MED PA'I KHRO BO'I RGYAL PO RTA MGRIN LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, KA MA LA YE STVAm, LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR, HA YA GR'I WA SA
, ,PA RI WA RA AI DAm BA LIm TA KHA KHA, KH'A HI KH'A HI, LAN GSUM MAM BDUN GYIS 'BUL, HA YA GRI WA SA PA RI W'A RA AARGHAm PRA T'ITZTSA SV'AH'A, DE BZHIN DU SHAPTA'I BAR GYIS MCHOD, NANG MCHOD 'BUL BA DANG, BSTOD PA GONG BZHIN BYA, 'DOD DON GSOL BA GDAB, SMON LAM SOGS BYA, YIG BRGYA BZLAS TE BZOD PAR GSOL, YE SHES PA RANG NGAM BRIS SKU SOGS LA BSTIM PA'AM GSHEGS SU GSOL BA CI RIGS BYA, BLO BZANG BSTAN PA DGA' BA'I TSAL, ,LUNG RIGS CHOS KYIS RGYAL BA'I SKU, ,MTSAN DPES BRGYAN PA BZHIN MDZES PA, ,MCHOG GSUM NGO BO'I BKRA SHIS SHOG ,RGYAL BA KUN GYI MTHU STOBS GCIG BSDUS NAS, ,DRAN PA TZAM GYIS BAR GCOD KUN SEL ZHING, ,MCHOG DANG THUN MONG DNGOS GRUB STZOL MDZAD PA'I, ,RTA MGRIN DBANG GI RGYAL PO'I BKRA SHIS SHOG ,CES SHIS PA BRJOD CING ME TOG GTOR, TSUL 'DI PADMA DBANG CHEN RNAL 'BYOR MA, ,CHOS KYI RGYAL MTSAN ZHES BYA'I DGE SLONG GIS, ,DAD LDAN SLOB MA MGON PO DBANG RGYAL GYI, ,GNAS SKABS MTHAR THUG 'DOD DON 'GRUB PA'I PHYIR, ,DAM PA'I MAN NGAG JI BZHIN YI GER BKOD, ,CES SKYER SGANG PA LUGS KYI RTA MGRIN GSANG SGRUB KYI SGRUB THABS BGEGS DPUNG KUN 'JOMS CES BYA BA 'DI YANG DAD PA DANG GTONG BA DANG SHES RAB DANG, RNAM DPYOD SOGS DAM PAS BSNGAG PA'I YON TAN DANG LDAN PA, SKAL BZANG MGON PO DBANG GI RGYAL POS 'DI LTA BU
ZHIG DGOS CES NAN GYIS BSKUL BA LA BRTEN NAS, CHOS SMRA BA'I BTZUN PA BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN POR 'PHRAL DU SBYAR BA'O,, ,,NANG SO RIN PO CHE'I DRUNG DU, DENG SANG LEGS BYAS DU MAS BSKYED PA'I SKU LA BSNYUN MI MNGA' ZHING, RNAM PAR DKAR BA'I ROL PA DBYAR GYI DGA' MA LANG TZO LA BAB PA'I NYAL 'GRO'I RGYUN LTAR BZHUGS PA'I NGANG NAS, RNAM DPYOD SKYED TSAL LAS THON PA'I, ,SNYAN TSIG AUTPAL GSAR PA'I PHRENG, ,SKYES ZUNG GE SAR RGOD PA CAN, ,BDAG CAG GAM DU SON PAS TSIM, ,SLAR YANG MKHYEN PA'I SPYAN STONG GIS, ,LUGS GNYIS SHES BYA'I DKYIL 'KHOR RNAMS, ,JI BZHIN GZIGS PA'I MDZAD PHRIN GYIS, ,MTHA' DAG RE BA RDZOGS PAR MDZOD, ,NYID KYI BZHED DON 'GRUB PA'I PHYIR, ,BSLU MED BLA MA LHA BCAS LA, ,GSOL 'DEBS 'DIR YANG G-YEL MED BGYI, ,RTEN DU BKRA SHIS KHA BTAGS BCAS, ,SMIN DRUG ZLA BA'I DKAR PHYOGS KYI, ,DGA' BA GSUM PA'I TSES LA PHUL, ,NANG SO RIN PO CHE'I DRUNG DU, DA LAM PHYAG DAM RTEN DANG BCAS NYAMS MED DU 'BYOR PAS MCHOG TU SPRO BA THOB, RTA MGRIN GYI MNGON RTOGS DA LTA 'DIR BREL BA SHIN TU 'DZINGS CHE BA YOD NA'ANG, CHE BZHAG CHUNG BSHOL NAS, SKU GAL CHE ZHING SLOB MA GZHAN DANG MI 'DRA BA NAS, CHO GA KHA LAG TSANG BA 'DI BZHIN PHUL YOD CING, ZHIB PA'I GNAS TSUL MTHA' DAG RAB 'BYAMS PA'I NGAG LAM DANG, SDE PA'I DRUNG GI ZHU YIG NAS KYANG
, ,'BUL BA YOD CING, 'PHRAL YUN DU SKU RIM DU'ANG BRTZON PAR GNAS PA LAGS CES RTEN BKRA SHIS PA'I KHA BTAGS DANG, RGYA KHUG BCUD KYIS GANG BA DANG BCAS, TSES BZANG PO LA PHUL, DAD PA DANG GTONG BA DANG PHUL DU BYUNG BA'I RNAM DPYOD SOGS BLA MA'I YON TAN NOR BUS MDZES PA'I MGON PO DBANG GI RGYAL PO'I DRUNG DU, NYE DUS KYANG SKU'I LHUN PO SKYE DGU GLING BZHI'I DBUS NA BRTAN CING, YON TAN BANG RIM MNGON PAR BKRA BA'I SKA RAGS TSUL DU RNAM DKAR MDZAD PA'I NYI ZLA RGYUN MI 'CHAD DU 'JUG PA'I NGANG NAS, PHYAG DAM RTEN MCHOG GSUM GYI GRANGS LDAN NYAMS MED DU 'BYOR BAS BKA' DRIN LHAG PAR CHE ZHING, SPRO BA THOB, SLAD DU YANG SKU'I 'TSO SKYONG DANG RNAM DKAR LA BRTZON PAR ZHU ZHING, 'DIR YANG BZHED DON 'GRUB BYED SKU RIM LA BRTZON PAR BYED CES RTEN BKRA SHIS PA'I KHA BTAGS DANG BCAS, TSES BRGYAD LA PHUL,, ,,*, ,MGON PO TSE DPAG MED DANG DBANG GI RGYAL, ,RTA MCHOG ROL PA LA SOGS LHAG PA'I LHAS, ,SKAL BZANG KHYOD LA BYANG CHUB SNYING PO'I BAR, ,MCHOG DANG THUN MONG 'DOD DGU'I DNGOS GRUB STZOL, ,YID 'PHROG LANG TSO'I G-YUR ZA LDEM PA YI, ,GANG SKU'I DPAG BSAM LJON PA RAB BRTAN ZHING, ,PHUN TSOGS MDZAD PA'I ME TOG 'BRAS LDAN DANG, , GSUNG YIG KHU BYUG GZHON NU SNYAN SGROG PA, ,BSTAN BSRUNG GTZO MO MNYES BYED MCHOD PA'I SPRIN, ,TSOGS KYI MCHOG LA LO MA'I MCHOD YON DANG, ,DGE TSOGS BZANG POR BSGYUR BA'I RTEN DANG BCAS, ,NYAMS MED 'BYOR BAS MNGON DGA'I RGYA
MTSO 'PHYUR, ,SLAR YANG CHOS DANG MI 'GAL 'JIG RTEN GYI, ,RING LUGS MA NYAMS YA RABS SPYOD TSUL SKYONGS, ,'DIR YANG G-YEL MED BSRUNG BA'I 'KHOR LO BSGRUB, ,RTEN LDAN BZANG PO'I TSES LA PHUL BA DGE, ` ,,BDAG CAG KUN GYI MGON PO BLO BZANG RJE, ,MNYAM MED ZAS GTZANG SRAS DANG TSE DPAG MED, ,DBANG GI RGYAL PO RTA MCHOG ROL PA YIS, ,DENG 'DIR KHYED LA 'DOD DGU'I MCHOG STZOL MDZOD, ,RNAM DPYOD GTING MTHA' YANGS PA'I PAD MTSO LAS, ,TSIG DON LANG TSO RGYAS PA'I NGANG MO DKAR, ,SKYES ZUNG MANDA RA YI DO SHAL CAN, ,NYID KYI DGE BA'I SNYAN PA SGROG BZHIN DU, ,BDAG CAG SDUM PA'I LTENG GA'I NGOS SU CHAGS, ,DE TSE YID KYI ZLA SHEL ME LONG NGOS, ,MA BRIS PAR YANG KHYOD SKU'I SNANG BRNYAN SHAR, ,SPRO DANG DGA' DANG RJES SU YI RANG BA, ,DBYAR GYI SKAL LDAN SHING RTA'I RGYUN BZHIN RGYAS, ,SLAR YANG RNYED DKA' DON CHE'I DAL 'BYOR 'DI, ,RING DU 'TSO DANG 'DI PHYI'I DON RNAMS KUN, ,'GAL MED PHUN TSOGS 'GRUB PA'I THABS MKHAS KYIS, ,LEGS TSOGS MTHA' DAG BRTZON PAS BSGRUB PAR MDZOD, ,MTHUN 'GYUR BSLU MED BLA MA DKON MCHOG LA, ,G-YEL MED GSOL BA 'DEBS PA 'DIR YANG BGYID, ,DE SKAD GSOL BA'I LHA BU GZHON NU KHYOD, ,SKYES KYI RAS DKAR BLA GOS 'CHANG BZHIN DU, ,BKRA SHIS RDUL MANG BRTZEGS PA'I LHUN PO LAS, ,DKAR PO PHUN TSOGS SKYED MOS TSAL DER SONGS,, ,,*, ,RAB BRTAN DAD PA'I GSER GYI GZHIR, ,LEGS SPYAD BANG RIM MTHO LDAN ZHING, ,MKHYEN GNYIS NYI ZLA'I SKA RAGS CAN, ,
, ,BSNGAGS PAR 'OS PA DE DRUNG DU, ,DENG DUS 'KHOR BCAS PADMO DGA' BA'I TSAL, ,'GAL RKYEN BA MO'I REG PA RNAM SPANGS SHING, ,PHUN TSOGS MA ZLUM ZER GYIS 'KHYUD PA'I NGANG, ,GSUNG 'PHRIN DBYANGS CAN MGRIN SKYES LA 'KHU BA, ,SKYES ZUNG RI MO BKRA BA 'BYOR PAS TSIM, ,SLAR YANG LUGS GNYIS YANGS PA'I ME LONG NGOS, ,LEGS NYES RI MO CIR YANG BKRA BA LA, ,MKHYEN YANGS SPYAN STONG BKRAM PAS RTAG PAR YANG, ,GZIGS PAS DGE MTSAN SPEL ZHIG MTHUN PA'I RKYEN, ,'DIR YANG BRTZON PAR BGYI'O RTEN TZAM DU, ,BKRA SHIS LHA RDZAS DANG BCAS BZANG TSES PHUL,, ,,*, ,SRID ZHI'I PHUN TSOGS KUN GYI GZHI, ,BLO BZANG BSTAN PA DBANG GI RGYAL, ,GTZUG RGYAN RIN CHEN NGOS MDZES PA, ,GANG DE'I RNAM DPYOD LHA LAM LAS, ,THON PA'I SDEB LEGS MU TIG GI ,GRU CHAR BDAG BLO'I RGYAN DU BKOD, ,'JIGS RUNG RNON PO'I TSER MA SOGS, ,NYER 'TSE'I BA MOS MA REG PAR, ,'KHOR BCAS CHU SKYES RGYAS PA'I TSAL, ,PHAN BDE RTA LJANG GZI BYIN GYIS, ,'DAB RGYA RNAM PAR BZHAD PA LEGS, ,'KHOR BA SPYI DANG 'DUS BYAS KYI, ,RANG BZHIN BCOS SU MI RUNG YANG, ,PHYI THAG RING PO'I SA BON GYIS, ,RGYUN DU DAG PA'I GROGS PO DANG, ,'GROGS PA'I 'BRAS BU BZANG PO BSKRUN, ,DE'I PHYIR GROGS DANG GROGS CAN DAG ,GNAS SKABS MTHAR THUG DGE LEGS KYIS, ,'BREL BA'I SMON PA BZANG PO BSGRUBS, ,RTEN TZAM ZLA SHEL MDANGS 'DZIN PA'I, ,LHA RDZAS DANG BCAS PHUL BA DGE, ,,
, ,GANG GI RNAM DPYOD LHA LAM LA, ,'GRAN PAR BZOD PA'I BLO BZANG MCHOG ,DBANG GI RGYAL PO LTAR GRAGS PA, ,DAD PA'I NOR LDAN DE'I DRUNG DU, ,RING NA GNAS KYANG MNGON SUM BZHIN, ,SNYING MTSOR NYID KYI SNANG BRNYAN NI, ,GSAL BAR BKOD NAS 'DI SKAD LO, ,GANG GI SGO GSUM MI BDE BA'I, ,TSER MA'I REG PA DANG BRAL ZHING, ,MCHOG GSUM BLA MA'I ZHABS SEN GYI, ,NOR BU SPYI BO'I GZHIR 'GOD CING, ,LUGS GNYIS MDZES PA'I ZLOS GAR GYIS, ,KUN GYI YID DBANG 'GUGS PA'I NGANG, ,PRADZNY'A DBANG PHYOGS SA 'DZIN GYI, ,PHRAG PA LAS 'ONGS AAKshA RA, ,RTEN LDAN MDZES PA'I 'OD DKAR CAN, ,SHAR BAS BDAG PO'I KU MU DA, ,RAB DGA'I 'DZUM ZER DGOD PA BZHIN, ,BDE ZHING YANGS PA'I SLOB MA'I TSOGS, ,SKYONG BYED BRTZON 'GRUS BLO BZANG LA, ,YI GE RTEN LDAN 'DI BZHIN MCHIS, ,NYID KYI BZHED DON BSGRUB PA'I THABS, ,SGO GSUM DGE LA SBYOR ZHING GNAS, ,PHYOGS DER RKANG PA'I 'DEGS 'JOG LA, ,MNGON PAR GZHOL PA'I SKABS SU YOD, ,PHEBS DON BSRUNG BA BYIN RLABS THUM, ,SNGAGS MDUD RGYAS BTAB PHUL BA DGE, ,,*, ,DAD DANG RNAM DPYOD SHES RAB SOGS, ,DAM PAS BSNGAGS PA'I YON TAN GYI, ,RGYAN MDZES DE YI SNYAN TSIG NI, ,SKYES ZUNG DANG BCAS 'BYOR BAS TSIM, ,BDUN BRGYAD MTSAMS SU RGYAL BA'I BKA', ,SGROG DANG BDUD BZLOG MDZAD PA GCES, ,HA YA GR'I WA SNGAR BZHIN DU, ,Ri MIN BSGYUR BKOD GZHAN MI 'TSAL, ,'KHOR LO GNYIS PO MI 'GYANG BAR, ,'BUL ZHING 'GAL
, ,RKYEN SEL BA YI, ,SBYOR BA LA YANG BRTZON PAR MCHIS, ,BKRA SHIS LHA RDZAS RTEN BCAS DGE, ` ,,BLO MCHOG LDAN PA'I RNAM DPYOD KYIS, ,SKAL BZANG BYAS SHING DAD PA YI, ,DBANG GI RGYAL PO'I RGYAN MDZES PA, ,GANG DE'I SNYAN TSIG NOR BU'I PHRENG, ,BKRA SHIS SKYES KYI 'OD CHAGS PA, ,BDAG CAG SDUM PAR SON PAS TSIM, ,BSTAN PA'I GTZO BO'I ZHAL SKYIN GYI, ,NOR BU'I ME LONG 'DREN BYED KYI, ,BDUD RTZIR BYED PA RGUD PA'I GSHED, ,AE MA HO DE YI GEGS SEL ZHING, ,MTHUN RKYEN LHA DANG BLA MAS BSGRUB, ,RTEN DU RTEN 'DUS GONG BU DANG, ,SNGAGS MDUD SNGAGS GUL RGYAS BTAB PHUL, ,DAD LDAN RNAM DPYOD PHUL DU BYUNG BA DE'I, ,SNYAN TSIG RTEN DANG BCAS PA 'BYOR PAS TSIM, , SLAR YANG BDE BAR 'TSO ZHING RNAM DKAR LA, ,BRTZON 'TSAL 'DIR YANG NYID KYI BZHED DON GYI, ,DPAG BSAM 'BRAS BUS MDZES PHYIR 'GRUB PAR BGYID, ,BYIN RLABS RIL BU THUM BCAS BZANG TSE DGE, ,, *, ,NA MO GU RU MANYDZU GHO sh'A YA, BSLAB BYA RIN CHEN PHRENG MDZES CES BYA BA, BDE GSHEGS KUN GYI SKU GSUM GYI, ,YE SHES GTZANG MA'I RANG GZUGS LA, ,SH'AKYA SENG GER MTSAN GSOL BA'I, ,STON PA MCHOG DES BDAG SKYONGS SHIG , MKHYEN PA'I CHA SHAS PHRA MOS KYANG, ,MKHA' LTAR YANGS PA'I SHES BYA'I KHYON, ,RDUL PHRAN GO SAR 'GOD MKHAS PA, ,'JAM PA'I DBYANGS KYIS DGE LEGS STZOL, ,BDAG LA PHAN 'DOD GROGS RNAMS LA, ,MNGON PAR MTHO DANG NGES
LEGS KYI, ,LAM BZANG MTSON PHYIR DAM PA'I GZHUNG, ,JI BZHIN 'PHEL BA'I GTAM 'DI GLENG, ,DRAN PA YIS KYANG GDUNG SEL BA, ,KHAMS GSUM 'GRO BA'I BLA MA DES, ,BLO LDAN KHYIM NA GNAS PAS KYANG, ,DON MCHOG BSGRUB PA'I THABS 'DI GSUNGS, ,'DI PHYI'I LEGS TSOGS KUN GYI GZHI, ,BLA MA MCHOG LA RAG LAS PAS, ,YON TAN BCU LDAN DAM PA DE, ,LEGS BRTAGS TSUL BZHIN BSTEN PA GCES, ,NYAM THAG 'KHOR BAR RGYU BA'I TSE, ,BSLU MED DKON MCHOG GSUM PO LAS, ,LHAG PA'I SKYABS GZHAN MA MCHIS PAS, ,SNYING KHONG RUS PA'I GTING NAS NI, ,NYIN MTSAN DUS DRUG SKYABS 'GRO ZHING, ,DE YI BSLAB BYA'I RIM PA DANG, ,DKAR GNAG LAS 'BRAS LEGS BSAMS NA, , PHRA ZHING ZHIB PA'I BLANG DOR 'TSAL, ,SDIG PA CHUNG NGU BYAS PAS KYANG, ,'JIG RTEN PHA ROL 'JIGS CHEN DANG, ,PHUNG KROL CHEN PO BYED 'GYUR TE, ,KHONG PAR SONG BA'I DUG BZHIN NO, ,BSOD NAMS CHUNG NGU BYAS PAS KYANG, ,'JIG RTEN PHA ROL BDE CHEN 'DRAN, ,DON CHEN DAG KYANG BYED 'GYUR TE, ,'BRU RNAMS PHUN TSOGS SMIN PA BZHIN, ,RGYAL SRAS ZHI BA LHA YIS KYANG, ,YID LA BSAMS PA'I DGE BYAS PAS, ,GANG DANG GANG DU 'GRO 'GYUR BA, ,DE DANG DER NI BSOD NAMS DES, ,'BRAS BU'I YON GYIS MNGON MCHOD 'GYUR, ,SDIG PA BYED PA BDE 'DOD KYANG, ,GANG DANG GANG DU 'GRO 'GYUR BA, ,DE DANG DER NI SDIG PA DES, ,SDUG BSNGAL MTSON GYIS RNAM 'JOMS GSUNGS, ,DPAL DANG
, ,LDAN PA'I KHYIM PA LA, ,PHAN PAR MDZAD PAS BSLAB GZHI LNGA, ,GSUNGS PHYIR YONGS RDZOGS MA NUS KYANG, ,SNA GCIG SNA 'GA'I TSUL GYIS BSRUNG, ,KHYAD PAR BZANG PO'I DUS RNAMS LA, ,GSO SBYONG YAN LAG BRGYAD PA'I KHRIMS, ,BZHES SHIG MTHO RIS 'GRO BA YI, ,LAM BZANG ZLA DANG BRAL BA LAGS, ,DRANG PO'I RANG BZHIN G-YO SGYU MED, ,TSIG BTZUN BDEN PAR SMRA BA DANG, ,'DOD CHUNG CHOG SHES DUL BA YI, ,MI LA DPAL MGON NYE BAR GNAS, ,DON CHEN BYA BA CI BSGRUB KYANG, ,GROS DANG 'JAM PO'I SGO NAS BSGRUB, ,GRUB NA MCHOG YIN MA GRUB KYANG, ,SKYON DU MI 'GYUR MDZES PA YIN, ,BLO CHUNG MGU SLA KHRO BA SKYEN, ,GSAR 'GROGS CHE ZHING PHYI THAG THUNG, ,NGAG NI CAL COL RA MA LUG ,DE 'DRA MKHAS PAS DUG BZHIN SPANG, ,SEMS CAN MOS PA SNA TSOGS PA, ,MANG PO'I NANG DU PHYOGS ZHEN DANG, ,GNYEN PO BSTEN PHYIR GANG ZAG DANG, ,CHOS LA SMOD PA 'BYUNG NYE YI, ,DES NA LHA BCAS STON PA DES, ,NGA'AM 'DRAS GANG ZAG GI ,TSOD BZUNG GZHAN GYIS BZUNG GYUR NA, ,NYAMS PAR 'GYUR ZHES GSUNGS PA'I PHYIR, ,THAL BAS G-YOGS PA'I ME DONG LA, ,BAG YOD BSTEN LA JI BZHIN DU, ,RTZED MO GA ZHA'I CHED DU YANG, ,BRNYAS SMOD NAM YANG BYA BA MIN, ,GANG GIS BYANG CHUB SEMS DPA' LA, ,NGAN SEMS BSKYED NA DE SNYED KYI, ,SKAD CIG GRANGS MTSUNGS KALAR NI, ,DMYAL BAR GNAS CES THUB PAS GSUNGS, ,DE BZHIN
'PHAGS PA LHA YIS KYANG, ,'GRO LA PHAN PHYIR GANG ZHIG LA, ,'JIG RTEN SRID DU GNAS YOD PA, ,DE LA SOR GNAS DAG PHUNG NA, ,SDANG LA BSAM THAG CI YOD GSUNGS, ,DE BZHIN RIGS GZUGS THOS PA DANG, ,LANG TSO DBANG THANG GIS RGYAGS PAS, ,SGO GSUM BRLANG POR SPYOD PA DE, ,DGRA LTAR KUN TU GZIGS PAR MDZOD, ,RNAM MANG SKYE BO 'DUS PA'I SAR, ,DPA' RTZAL NGOM DANG NYAMS DGA'I PHYIR, ,GZHAN LA GNOD PA'I BSAM SBYOR DAG , 'BYUNG BAS BLANG DOR TSUL LA BRTAG ,RTZA CHU TZAM GYIS 'TSO BA YI, ,BYA DANG RI DVAGS NYA LA SOGS, ,MGON SKYABS MED PA 'DI RNAMS NI, ,SNYING RJER 'OS SHING GZHAN DAG LA'ANG, ,GNOD TSE CHOM RKUN BYI BO BYED, ,TSIG RTZUB PHRA MA LCE GNYIS DANG, ,NGO TSA KHREL BOR MYOS 'GYUR LA, ,BAG MED SPYOD LAS LDOG PA'I RIGS, ,KHYOD KYIS 'BANGS 'KHOR GZHAN DAG KYANG, ,SNYOMS PAR BU BZHIN BSKYANGS BYAS NA, ,DE DAG GIS KYANG KHYOD NYID LA, ,PHA BZHIN SNYING NYE BKUR BAR 'GYUR, ,NYE RING SKYE BO MTHA' DAG LA, ,TSIG NGAN MED RTZE MI STON TE, ,RNAM SMIN PHAR ZHOG 'PHRAL DU YANG, ,DE LAN BRAG CA BZHIN DU 'BYUNG, ,MNGAG GZHUG YIN YANG ZHEN LDAN PA, ,RGAN NAM GZHON YANG GLO CAN LA, ,DGYES PAR MDZAD CING DE DAG GI ,TSIG KYANG SBRANG RTZI LTA BUR BZUNG, ,BRTZE ZHING GUS PAS GZHAN DAG GIS, ,GSOL LA BRNYAS PAR MI BYA STE, ,RTA YAN SRAB MED LTA BU LA, ,PHYIN
, ,CHAD PHAN PAR SMRA BA DKON, ,BYA BA CI DANG CI BYED KYANG, ,DANG POR LEGS PAR BRTAGS TE BYA, ,MA BRTAGS GYA TZOM BYAS PA LAS, ,'GYOD CING NYES PAR GYUR PA MED, ,RANG SKYONG RANG GIS SHES DKA' BAS, ,MANG PO MTHUN PAR BDAG GI SKYON, ,BRJOD NA MKHAS PAS NGES BYAS TE, ,PHYIN CHAD KHRAG NGAN BZHIN DU DBYUNG, ,DGRA GNYEN NGES PA MA MCHIS SHING, ,CHAGS SDANG CAN GYIS MA KHYAB PA, ,PHYI NANG GANG NA'ANG MED MIN PAS, ,SGO GSUM DRANG PO'I LAM DU SRONGS, ,DPAL LDAN MAR ME MDZAD DPAL GYIS, ,MANG PO'I NANG DU NGAG LA BRTAG ,GCIG PUR 'DUG TSE SEMS LA BRTAG ,GSUNGS PA JI BZHIN NYAMS SU LONG, ,YON TAN PHAN 'DOGS SDUG BSNGAL ZHIN, ,'DI DAG PHAN GNOD CHUNG NGUS KYANG, ,'BRAS MANG 'GRUB PAS GNAG SPONGS LA, ,DKAR PO'I SA BON RGYUN DU THOB, ,GROGS MED SRID PAR 'KHYAM PA NA, ,SBYIN DANG MTSUNGS PA'I GNYEN MCHOG MED, ,DE'I PHYIR 'JUNGS PA'I SEMS BRAL BAS, ,GTOR MA RTAG TU DGYES PA BSKYED, ,GRAGS PA NYAMS 'GYUR DRUG SPANGS NAS, ,DGE BA'I LAS KYI LAM BCU LA, ,GOMS PAR BYAS PAS LHA DANG MI'I, ,GO 'PHANG THOB PAR 'GYUR BA LAGS, , KHON DU 'DZIN PAS PHUNG KROL DAG ,BSKYED PAS SDANG DANG KHRO SPANGS TE, ,BZOD DANG NGE PA'I RANG BZHIN GYIS, ,NAD MED GZUGS BZANG NGAM PA SGRUBS, ,CHOS GSUM 'DI DAG PHAL MO CHE, ,RGYAL BAS KHYIM PA RNAMS LA
BSNGAGS, ,DE'I PHYIR 'DI 'DRA'I TSUL SPYOD PA'I, ,KHYIM GNAS BYANG GROL THEM SKAS LAGS, ,TSE 'DI RMI LAM GLOG DANG MTSUNGS, ,'JIG RTEN PHA ROL 'JIGS PA CHE, ,DES NA PHYI MA'I LAM BRGYAGS DANG, ,GROGS DAG 'BAD PAS BSGRUB PA'I RIGS, ,'DOD YON RO LA BRKAM PA DANG, ,TSE 'DI'I SNANG BA 'BRID MKHAS PAS, ,DON CHEN YAL BAR 'CHOR BAS NA, ,DGE TSOGS BSGRUB LA BCAD RGYAR MDZOD, ,SNYIGS DUS SKYE BO'I TSE SROG DANG, ,SRID PA'I PHUN TSOGS MTHA' DAG LA, ,YID BRTAN CUNG ZAD MA MCHIS PAS, ,RTAG TU BAG DANG LDAN PAR 'TSAL, ,RGYAL BA'I BKA' DANG DGONGS 'GREL GYI, ,RNAM MANG BSTAN BCOS MTHA' DAG LA, ,MKHYEN PA'I SPYAN YANG BKRAM BYAS NA, ,LEGS BSHAD MANG PO DE LAS 'BYUNG, ,LEGS BSHAD MANG DU MTHONG THOS KYANG, ,BLANG DOR TSUL BZHIN MA BYAS NA, ,MIG CAN G-YANG LA MCHONG DANG MTSUNGS, ,DES NA NYAMS LEN SNYING POR DRIL, ,GAL TE RDZOGS PA'I SANGS RGYAS KYI, ,GO 'PHANG DAM PA 'THOB BZHED NA, ,BYAMS DANG SNYING RJE'I RTZA BA CAN, ,BYANG CHUB SEMS MCHOG BSKYED KYANG 'TSAL, ,'KHOR 'DAS CHOS RNAMS MA LUS PA, ,SGYU MA CHU NANG ZLA BA LTAR, ,BDEN MED RTOGS PA'I LAM GOMS PAS, ,NYES BRGYA'I RTZA BA DRUNGS NAS 'BYIN, ,'DI LTA'I NYAMS LEN LA GNAS NAS, ,LUS NI ZAB GSAL LHA YI SKU, ,NGAG NI GRAG STONG SNGAGS KYI SGRA, ,YID NI SNANG STONG CHOS
, ,DBYINGS DANG, ,DRAN SHES RGYA LAS MA GROL BAR, ,SPYOD LAM KUN TU SKYONG BYED CING, ,KUN TU BZANG PO'I SMON LAM GYIS, ,YANG DANG YANG DU BRGYAN PA GCES, ,'DI 'DRA'I SPYOD TSUL LA GNAS PA, ,SKYES PA'AM BUD MED YIN YANG RUNG, ,KHYIM GYI DPAL LA SPYOD BZHIN DU, ,MTHO RIS RNAM GROL DGA' TSAL BGROD, ,SNYIGS MA'I GDON GYIS YID MYOS PAS, ,PHAN PAR SMRA DANG DE NYID KYI, ,RJES SU 'JUG PA CHES DKON YANG, , BSKAL BZANG RNAM DPYOD YANGS PA YIS, ,YUN RING YANG DANG YANG BSKUL BAS, ,LEGS BSHAD RIN CHEN 'PHRENG SPEL TE, ,BLO LDAN MGUL BA'I RGYAN NYID DU, ,CHOS KYI RGYAL MTSAN ZHES BYAS BKOD, ,DGE BAS 'GRO BA MA LUS PA, ,MI BZAD SRID PA'I MTSO BRGAL TE, ,SU GSUM NOR BU'I GLING MCHOG TU, ,BDE BLAG 'JUG PA'I RGYU RU BSNGO, ,ZHES PA BSLAB BYA RIN CHEN PHRENG MDZES CES BYA BA 'DI YANG, ,DAD PA DANG RNAM DPYOD DANG GTONG BA LA SOGS PA'I KUN GYI MDZAD PA DANG, ,'KHOR DANG SKU TSE 'PHRIN LAS MA LUS CHER BSKUL BA LA BRTEN NAS, SH'AKYA'I DGE SLONG BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN PO'I GTZUG LAG KHANG DU THOGS MED DU SMRAS PA SKYE BO MTHA' DAG LA PHAN PA RGYA CHEN POR GYUR CIG , ` ,,SVASTI, BDAG GIS DUS GSUM BSAGS PA'I DGE BA'I MTHUS, ,TSE RABS KUN TU DAL 'BYOR RTEN THOB CING, ,RAB TU 'BYUNG ZHING DAM PA'I MGON
GYIS ZIN, ,THOS BSAM BSGOM PA TSUL BZHIN BSGRUB PAR SHOG L,DE YI MTHU LAS RGYAL BA'I DAM CHOS KUN, ,RGYAL BA'I DGONGS PA JI BZHIN LEGS BZUNG STE, ,NGES 'BYUNG BYANG CHUB SEMS DANG YANG DAG LTA, ,RIM GNYIS LAM GYI RTOGS PA MTHAR PHYIN SHOG ,SRAS BCAS RGYAL BA KUN GYI MDZAD PA DANG, ,'KHOR DANG SKU TSE 'PHRIN LAS MA LUS PA, ,GCIG TU BSDUS NAS BDAG GIS SPYOD PA LA, ,GEGS BRAL MTHUN RKYEN MA LUS 'GRUB PAR SHOG ,CES PA 'DI YANG DAD PA DANG RNAM DPYOD PHUL DU BYUNG BA SOGS DAM PAS BSNGAGS PA'I YON TAN DU MA DANG LDAN PA, NANG SO MGON PO DBANG RGYAL GYIS NAN GYIS BSKUL BA LA BRTEN NAS, BTZUN PA BLO BZANG CHOS KYI RGYAL MTSAN GYIS SBYAR BA'O,, ,,*, ,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,