*, ,SVASTI, BLA MA YI DAM DKON MCHOG GSUM, ,BSLU MED GTAN GYI SKYABS YIN PAS, ,SNYING KHONG RUS PA'I GTING NAS KYANG, ,GSOL BA THOB LA SKYABS SU SONG, ,DAL 'BYOR MI LUS RIN CHEN 'DI, ,YANG YANG RNYED PAR DKA' BAS NA, , LAN CIG TZAM ZHIG RNYED PA 'DI, ,DON MED MA BYED DGE LA 'BUNGS, ,SKYES PA'I MTHA' MA 'CHI 'GYUR ZHING, ,NAM 'CHI NGES PA MI 'DUG PAS, ,DA LTA 'CHI 'AM MI SHES KYI, ,BRTZON PA MA ZHAN 'CHI GRABS MDZOD, ,TSE 'DI SLONG MOS 'TSO YANG BLA, ,PHYI MA 'PHRAD RING 'JIGS PA CHE, ,'DOD YON RO LA MA ZHEN PAR, ,THAR PA'I BTZAN SA LEGS PAR ZUNGS, ,SKYES PA KUN GYI MTHA' 'CHI ZHING, ,'DUS PA'I THA MA NGES PAR 'BRAL, ,MTHON PO'I THA MA RGUD PA 'DI, ,DUS LAS MI 'DA' THOG TU 'BAB, ,SER SNAS ZAS NOR BSAGS BSAGS KYANG, ,RANG LA SPYOD PA'I DBANG MED PAR, ,SBRANG MA'I RTZI BZHIN GZHAN GYIS SPYOD, ,DNGOS 'DZIN GSOG RUM BYED PA 'KHRUL, ,TSANGS
, ,DBANG 'KHOR LOS BSGYUR RGYAL SOGS, ,SRID PA'I BDE BA'I RTZER SON YANG, ,MNAR MED 'BAR BA'I MES BSREG PAS, ,'DOD PA'I BDE LA ZHEN PAS PHUNG, ,KHA DRAG BU RTA DPUNG 'DZOM ZHING, ,GZHON PA'I LANG TSOS RGYAGS PA YANG, ,DGA' RTZED NGANG NAS BLO BUR DU, ,MYA NGAM THANG LA DGRAS BCOM 'DRA, ,DES NA 'JIG RTEN BYA BA LA, ,YID BRTAN SNYING PO MED PAS NA, ,RNAM GA-YENG DBANG DU MA GTONG BAR, ,RTZE GCIG DGE LA BRTZON PAR GYIS, ,CES PA 'DI YANG DON GNYER CAN 'GA' ZHIG DGE LA BSKUL PHYIR, DGE SLONG BLO BZANG CHOS KYI RGYAL MTSAN GYIS SMRAS PA'O,, ,,