*, ,NA MO GU RU MANYDZU GHO sh'A YA, GANG LA BRTEN NA BSLU BA MED PA'I SKYABS, ,MCHOG GSUM NGO BO RJE BTZUN BLA MA'I ZHABS, ,GUS PAS BSTEN NAS DAD LDAN SLOB MA LA, ,BRTZE BA'I SEMS KYIS SNYING GTAM 'DI SKAD SMRA, ,RNYED DKA' DAL 'BYOR MI LUS THOB
DUS 'DIR, ,GTAN GYI 'DUN MA BYANG CHUB MA BSGRUBS NA, ,BDE 'GROR SKYES KYANG DUD 'GRO MNGON SUM NYID, ,RANG GIS RANG NYID BSLUS PAR GDON MI ZA, ,RGAN GZHON BAR MA'I NGES PA MA MCHIS PAR, ,YANG YANG GLO BUR 'CHI BA MTHONG NA YANG, ,RTAG 'DZIN RNAM G-YENG LE LOS DUS 'DA' BA, ,DON SNYING NANG NAS RUL BAR THE TSOM MED, ,TSER MA'I SDUG BSNGAL TZAM YANG MI BZOD KYANG, ,BSLAB KHRIMS TSUL BZHIN MI SRUNG G-YO SGYU CAN, ,NGAN SONG SDUG BSNGAL 'BAR BA'I MES BSREGS TSE, ,'GYOD KYANG BYA THABS MED DO GROGS PO DAG ,SRID PA'I PHUN TSOGS JI LTAR THOB GYUR KYANG, ,MNOG CHUNG NYES MANG BRGYA PHRAG 'BYUNG BA'I GNAS, ,DUG DANG 'DRES PA'I KHA ZAS BZANG PO LA, ,SHES DANG LDAN PA SU ZHIG DGA' BAR SEMS, ,SKYE RGA NA 'CHI SDUG BSNGAL RBA GLONG CAN, ,GTING ZAB 'JIGS RUNG 'KHOR BA'I RGYA MTSO CHE, ,SGROL BA'I GRU RDZINGS BSLAB GSUM RIN CHEN LAS, ,LHAG PA GZHAN MED TSUL BZHIN NYAMS LEN 'TSAL, ,THOG MED DUS KYI DRIN CAN PHA MA LA, ,BYAMS DANG SNYING RJES DRANGS PA'I SEMS BSKYED NAS, ,DUS GSUM RGYAL SRAS SPYOD PA'I RJES ZHUGS NA, ,DAL 'BYOR MI LUS THOB PA'I DGOS PA YIN, ,MOS GUS 'BRAL MED BLA MA'I RNAL 'BYOR DANG, ,CI SNANG SGYU MA LHA SKU'I NYAMS LEN DANG, ,STONG NYID SNYING RJE'I SNYING PO'I RNAL 'BYOR LA, ,NYIN MTSAN KUN TU G-YEL BA MED PA GCES, ,BDAG TU 'DZIN
, ,PA'I DUG CHUS YID MYOS PAS, ,MING RKYANG CHOS KUN BDEN PAR SNANG ZHING ZHEN, ,SNANG ZHEN DE LTAR GRUB PA LHA LAM GYI, ,PADMO LTA BUR RNAM DPYOD MIG GIS LTOS, ,TSOGS DRUG YUL DU SNANG BA CI SHAR YANG; ;DGAG SGRUB MI BYA SNANG BA'I TSUL LA BLTA, ,SNANG TSUL BRTAGS PAS GNAS TSUL RJEN PAR 'CHAR, ,SHAR BA'I NGANG DU RTZE GCIG MNYAM PAR ZHOG ,DBEN PAR 'DUG KYANG BAG YANGS SPYOD PA DANG, ,LUNG MA BSTAN GYI BYA BAS 'DA' BYED NA, ,MI MED DGON PA'I RI DVAGS RNAM THAR BZHIN, ,DES NA G-YENG MED BAG YOD LEGS PAR BSTEN, ,BLO DANG LDAN LA MANG DU SMOS CI DGOS, ,PHAN PA'I GDAMS NGAG BSDUS PA 'DI YIN TE, ,RANG GI SGO GSUM BYA BA CI BYED KYANG, ,RTAG TU THUB PA'I GSUNG DANG MTHUN PAR GYIS, ,CHOS RNAMS BDEN MED RKYEN GYIS BSGYUR BA'I PHYIR, ,RANG GZHAN DUS GSUM DGE TSOGS MA LUS PA, ,'KHOR GSUM YONGS SU DAG PA'I RGYAS BTAB STE, ,MA RNAMS DON DU BYANG CHUB CHEN POR SNGOS, ,TSUL 'DI RI KHROD 'DZIN PA'I STON SGOM GYIS, ,BSKUL BAR GYUR TSE MANG THOS SPONG BA PA, ,BLO BZANG CHOS KYI RGYAL MTSAN ZHES BYA BAS, ,SH'AKYA'I RGYAL PO'I MDUN SAR DGE BAR SMRAS,, ,,