A Brief Method of Confession and Future Restraint through the Practice of the Four Forces

*, ,NA MO GU RU MANYDZU GHO sh'A YA, SDIG PA BSHAGS PAR 'DOD PAS, SDIG LTUNG GI GNYEN PO ZLA MED PA, STOBS BZHI'I SNYING PO NYAMS SU LEN TSUL NI, GNAS BYI DOR BYAS TE, SKU GSUNG THUGS KYI RTEN BKRAM, MCHOD PA RGYAS PAR BSHAMS, RANG NYID STAN BDE BA LA 'DUG STE, SKYABS 'GRO SEMS BSKYED KHA TZAM TSIG TZAM MA YIN PA RGYUD DANG 'DRES NGES CI MANG BYAS LA, PHYOGS DUS KUN KHYAB SKYABS GSUM BKA' SDOD BCAS, CES SOGS KYIS SPYAN DRANGS, BLA MA DKON MCHOG GSUM MDUN GYI NAM MKHA' GANG BAR BZHUGS PAR BSAMS PA LA, JI SNYED SU DAG PHYOGS BCU'I 'JIG RTEN NA, ZHES PA NAS, THAMS CAD RDZOGS PA'I BYANG CHUB PHYIR BSNGO'O, ,ZHES BDUN RNAM DAG DMIGS

PA DANG BCAS PAS PHUL, DE NAS NYES CAN KHA DRAG PO LA RTEN 'CHA' BA LTAR, RANG GZHAN SEMS CAN THAMS CAD KYIS THOG MED NAS BSAGS PA'I SDIG LTUNG DANG, DE DAG GI 'BRAS BU NGAN SONG GSUM DANG, 'KHOR BA'I 'JIGS PAS NYEN NAS, SKYABS BSLU BA MED PA, MDUN GYI NAM MKHA'I BLA MA DKON MCHOG GSUM LA BLO SNYING BRANG GSUM GTAD NAS, GTZO BO RGYAL BA 'GRO BA'I MGON, ZHES SOGS LAN GSUM BRJOD PA NI, BSGRUB PA POS BSAM SHES NA, STOBS GZHAN RNAMS KYANG TSANG ZHING, KHYAD PAR 'DI YAN RTEN GYI STOBS GTZO CHE BA YIN NO, ,'DREN PA MNYAM MED SH'AKYA'I RGYAL PO DANG, ,RDO RJE SNYING POS RAB TU 'JOMS PA SOGS,, SANGS RGYAS SO LNGA BDE GSHEGS DPA' BO BDUN, ,SNYIGS MA'I MGON PO DE BZHIN GSHEGS PA BRGYAD, ,BSKAL BZANG 'DREN PA THUB PA'I NYI MA STONG, ,MAR ME MDZAD DANG THUB DBANG BYAMS MGON SOGS, ,DUS GSUM RGYAL BA SRAS BCAS THAMS CAD LA, ,PHYAG 'TSAL MCHOD CING SNYING NAS SKYABS SU MCHI, ,BDAG CAG NGAN SONG SRID PA'I 'JIGS LAS SKYOBS, CES DE LTAR BSAM PA THAG PA NAS BRJOD PA NI, GNYEN PO KUN TU SPYOD PA'I STOBS SO, ,PHYOGS DUS KUN TU BZHUGS PA'I RGYAL RNAMS DANG, ,THUGS RJE CHE LDAN RGYAL SRAS DPA' BO RNAMS, ,BRTZE BA'I THUGS KYIS BDAG LA DGONGS SU GSOL, ,BDAG GIS THOG MED DUS

, ,NAS DA LTA'I BAR, ,DUG GSUM DBANG GIS MTSAMS MED NYE PA LNGA, ,MI DGE BCU DANG MCHOG GSUM DKOR PHROGS SOGS, ,'JIGS RUNG NGAN SONG GSUM DANG MI KHOM PA'I, ,GNAS SU SKYE 'GYUR MI DGE SDIG PA'I LAS, ,BCAS DANG RANG BZHIN KHA NA MA THO BA, ,BGYIS DANG BGYID STZAL RJES SU YI RANG BA, ,GNONG ZHING 'GYOD PAS 'CHAB CING MI SBED PAR, ,'JIGS SHING SKRAG PAS MGON PO RNAMS KYI DRUNG,, SGO GSUM GUS PAS THAL MO SBYAR BYAS TE, ,BSAM PA THAG PAS YANG DANG YANG DU BSHAGS, ,BRTZE BA'I THUGS KYIS NONGS PAR BZUNG DU GSOL, ZHES BRJOD CING SEMS PA NI, RNAM PAR SUN 'BYIN PA'I STOBS SO, ,PHONGS PA'I GNYEN MCHOG BSLU MED SKYABS KYI PHUL, ,DUS GSUM BDE GSHEGS SRAS DANG BCAS RNAMS LA, ,MCHOG TU GUS PAS THAL SBYAR GSOL BA NI, ,NGAN SONG NGAN 'GRO MI KHOM BRGYAD RNAMS SU, ,MI 'DOD SDUG BSNGAL SNA TSOGS 'BYUNG BA'I SGO, ,LUS NGAG YID KYI SDIG LTUNG MI DGE'I LAS, ,DENG NAS PHYIN CHAD SHIN TU PHRA BA YANG, ,MI BGYID SROG DANG BSDOS TE YANG DAG SDOM, ZHES BRJOD CING DON SEMS PA NI, NYES PA LAS SLAR LDOG PA'I STOBS BSGRUB PA'I NYAMS LEN NO, ,MJUG TU BSNGO BA SMON LAM GYIS RGYAS GDAB, BZOD PAR GSOL TE, RTEN YOD TSE BRTAN BZHUGS DANG,

MED NA GSHEGS SU GSOL, GZHAN YANG RDO RJE SEMS DPA'I BSGOM BZLAS DANG, SANGS RGYAS SO LNGA LA BRTEN PA'I LTUNG BSHAGS GNYIS KA LA YANG STOBS BZHI TSANG BAS, SDIG BSHAGS PHUL DU BYUNG BA YIN PAS NYAMS LEN 'TSAL, PHAN BDE'I 'OD STONG SGRIB BYED CING, ,MI BZAD SDUG BSNGAL GNAM LCAGS KYI, ,MDA' CHAR STONG 'BEBS SDIG LTUNG GI ,SPRIN STUG NAG PO DKRIGS PA YANG, ,STOBS BZHI'I BSHAGS BSDAMS MAN NGAG GI ,'THOR BYED DRAG POS CIG CAR 'JOMS, ,DE'I PHYIR MNGON MTHO LEGS BRIS MI'I, ,BEE d'URYA YI THEM SKAS LA, ,'DZEGS TE SKYE RGA NA 'CHI SOGS, ,GDUNG BA'I MING YANG MI 'BYUNG ZHING, ,'GRO LA YID BZHIN NOR BU LTAR, ,MCHOG STZOL THAMS CAD MKHYEN GRONG DU, ,BGROD PAR 'DOD RNAMS 'DI LONG ZHIG ,CES PA 'DI YANG RI KHROD DGA' LDAN MKHAN CHEN PAS, STOBS BZHI'I BSHAGS BSDAMS BYED TSUL MDOR BSDUS RGYUN DU KHA TON BYAS CHOG PA ZHIG CIS KYANG DGOS CES NAN GYIS BSKUL BA LA BRTEN NAS, RGYAL KHAMS KYI BTZUN PA BLO BZANG CHOS KYI RGYAL MTSAN GYIS BKRA SHIS LHUN PO'I GZIMS KHANG GI YANG THOG NYI 'OD 'KHYIL BAR 'PHRAL DU BRIS PA'O,, ,,