, ,SMAN BLA DRIL BSGRUB RIGS BSDUS DBANG KUN 'DUS PA'I SGRON ME BSKUR BAR 'DOD PAS, PHYI NANG GSANG BA'I MCHOD RDZAS BSHAMS, SKU RTEN DGRAM, 'BRU SNA, SPOS SNA, DKAR GSUM, MNGAR GSUM, SMAN SNA TSOGS LAS BYAS PA'I GTOR MA RIN PO CHE 'BAR BA'I GZUGS KYI THUR ME RIS SPRAS PA'I SKU LOGS LA AA RU RA GSER MDOG GI GZUGS DANG, 'KHOR GYI PADMA 'DAB BZHI TSE RIL DANG BCAS PAS BSKOR, DE LA SHA MAR GYI RGYAN BKOD PHUN SUM TSOGS PAS SPRAS, SKU RTEN TZA KA LI BTZUGS, DAR SNA'I GUR PHUG DKYIL 'KHOR GYI DBUS SU BZHAG ,DRANG SRONG DANG SMAN GYI LHA MO'I DKAR GTOR SMAN SNAS BRAN PA ZHIG DANG, BKA' BSRUNG GI GTOR MA DMAR GTOR SHA KHRAG GIS BRGYAN PA ZHIG BSHAMS, DE NAS SLOB DPON GYIS LAS GZHUNG BSRANGS, BZLAS PA BYA, BDAG 'JUG BLANGS, SLOB MA RNAMS KHRUS BYAS; ME TOG DANG BCAS PA'I MAndAL PHUL, GSOL BA GDAB PA LAN GSUM BYA, SLOB DPON GYIS RGYUN BSHAGS BYA RU GZHUG ,SKYABS 'GRO SEMS BSKYED SDOM PA 'BOG ,YE SHES DBAB, DE NAS DBANG BSKUR DNGOS GZHI NI SLOB DPON GYIS DMIGS PA GSAL BTAB STE, GTOR MA PHYI GTOR MA LA NANG GZHAL YAS KHANG DU BLA MA RIGS BSDUS SMAN RGYAL RDO RJE 'CHANG YAB YUM 'OD ZER GYI PHUNG PO RAB TU 'BAR
BA'I GTZO 'KHOR SNANG LA RANG BZHIN GYIS MA GRUB PAR BZHUGS PAR BSKYED LA, DE RNAMS KYI SPYI BO NAS AOm DKAR PO 'OD DANG BCAS PA BYUNG, SLOB MA'I SPYI BOR THIM, LUS KYI SGRIB PA DAG ,SKU'I BYIN RLABS ZHUGS, BUM PA'I DBANG THOB, SNOD BCUD GZHAL YAS KHANG DANG LHAR NGO SPRAD, SKU BSKYED RIM BSGOM PA LA DBANG, SPRUL PA'I SKU MNGON DU BYAS SO, ,MGRIN PA NAS A'A; DMAR PO 'OD DANG BCAS PA BYUNG, SLOB MA'I MGRIN PAR THIM, NGAG GI SGRIB PA DAG ,GSUNG GI BYIN RLABS ZHUGS, GSANG DBANG THOB, SGRA GRAG TSAD YI DAM LHA'I GSUNG DU NGO SPRAD, NGAG BZLAS PA BYED PA LA DBANG, LONGS SPYOD RDZOGS PA'I SKU MNGON DU BYAS SO, ,THUGS KA NAS H'Um MTHING GA 'OD DANG BCAS PA BYUNG, SLOB MA'I SNYING GAR THIM, YID KYI SGRIB PA DAG ,THUGS KYI BYIN RLABS ZHUGS, SHES RAB YE SHES KYI DBANG THOB, DRAN RTOG THAMS CAD YE SHES KYI ROL PAR NGO SPRAD, LAM PHO NYAS BGROD PA LA DBANG, CHOS KYI SKU MNGON DU BYAS SO, ,GTZO 'KHOR GYI SKU GSUNG THUGS LAS HR'I: YIG DANG 'OD DKAR DMAR MTHING GSUM 'PHROS, SLOB MA'I LUS NGAG YID GSUM LA DUS GCIG TU THIM, LUS NGAG YID GSUM GYI SGRIB PA DAG ,SKU GSUNG THUGS YON TAN 'PHRIN LAS KYI BYIN RLABS ZHUGS, TSIG DBANG RIN PO CHE THOB, SNANG SRID BDE BA CHEN PO CHOS SKUR NGO SPRAD, LAM PHYAG RGYA CHEN PO BSGOM PA LA DBANG BAR BYAS, NGO BO NYID KYI SKU MNGON DU BYAS PAR BSAMS
, ,LA; SLOB MA'I GNAS GSUM DU GTOR MA REG CING, ROL MO DANG BCAS PAS BSKUR TSIG NI, H'Um; GNYIS MED CHOS DBYINGS DAG PA'I KLONG YANGS NAS, ,RIGS BSDUS RGYAL BA'I DKYIL 'KHOR MA LUS KUN, ,SNGON GYI DAM BCAS THUGS DAM BDAG BSKUL NA, ,MKHYEN BRTZE NUS PAS BDAG LA BYIN GYIS RLOBS, ,PHYI NI DAM RDZAS GTOR MA RGYAN DANG LDAN, ,RO BCUD PHUN TSOGS SHA LNGA BDUD RTZI LNGA, ,NANG NI YE SHES LHA YI GZHAL YAS KHANG, ,BLA MA YI DAM MKHA' 'GRO SPRIN LTAR GTIBS, ,SKAL LDAN BU LA DBANG MCHOG BSKUR DU GSOL, ,LUS NGAG YID KYI SGRIB PA MA LUS DAG ,SKU GSUNG THUGS KYI BYIN RLABS ZHUGS NAS KYANG, ,YE SHES LNGA YI DBANG MCHOG THOB PAR SHOG ,AOm A'A: H'Um GU RU DE WA d'A KI N'I, K'A YA AA BHI shINYTZA AOm, W'A KA AA BHI shINYTZA A'A: TZITTA AA BHI shINYTZA H'Um, SARBA AA BHI shANYTZI HR'I: ZHES BRJOD, DE NAS DRANG SRONG GI GTOR MA BYIN GYIS BRLABS, DRANG SRONG RNAMS LA BSNGO ZHING DNGOS GRUB BLANG, SLOB MA'I SPYI BOR BZHAG LA, PHYOGS BCU'I LHA DANG DRANG SRONG MNGON SHES DANG LDAN PA RNAMS DANG, SMAN GYI LHA MO THAMS CAD CHAR BABS PA BZHIN THIM PAR BSAMS LA, BSKUR TSIG NI, H'Um; RGYAL BA KUN 'DUS SMAN RGYAL BKA' YI 'KHOR, ,LHA DANG DRANG SRONG PHYI NANG SDE BZHI PO, ,SNGON GYI ZHAL BZHES THUGS DAM DRAN MDZOD LA, ,SKAL
LDAN BU LA DBANG BSKUR BYIN GYIS RLOBS, ,CER MTHONG MNGON SHES NAD NGOS ZIN PA DANG, ,SNANG SRID SMAN GYI ROL PAR 'CHAR 'GYUR ZHING, ,MTHONG THOS DRAN REG NAD PA'I TSOGS RNAMS KUN, ,MA LUS BDE LA 'GOD PA'I DBANG THOB SHOG ,SARBA AA MRi TA AA BHI shINYTZA AOm A'A: H'Um, ZHES BRJOD, DE NAS BKA' BSRUNG GI GTOR MA RNAMS DGRA BGEGS KYI SHA KHRAG NGO BO YE SHES KYI BDUD RTZIR BYIN GYIS BRLABS LA, RANG RANG LA BSNGO ZHING, CHOS SKYONG GI BSTOD PA GANG 'OS BYAS LA, SLOB MA MTHU STOBS BDAG POR BSAMS PA'I BRAN DU SPRAD PAR BSAMS LA GTOR MA MGO 'AM LAG TU BZHAG ,CHOS SKYONG GI SROG RTZA THAMS CAD LA DBANG BSKUR BAR BSGOM DU BCUG LA BSKUR TSIG NI, H'Um RGYAL BA KUN 'DUS BLA MA'I BKA' BSRUNG ZHING, ,DAM LAS MI 'DA' SMAN GYI BSTAN PA SKYONG, ,GNOD SBYIN CHEN PO RDO RJE BDUD 'DUL SOGS, ,DREGS PA PHO MO MING SRING 'KHOR DANG BCAS, ,'DIR GSHEGS RANG RANG MTHUN PA'I DAM RDZAS BZHES, ,KHYED RNAMS RGYAL SRAS 'DI YI BRAN NYID DU, ,DE RING RDO RJE 'DZIN PA BDAG GIS GZUNG, ,LUS DANG GRIB MA BZHIN 'GROGS 'PHRIN LAS SGRUBS, ,MAH'A K'A LA SARBA TZITTA SA MA YA AA BHI shINYTZA H'Um, GTOR MA CHOS SKYONG LA BSNGO ZHING LHA TSOGS THAMS CAD LA MCHOD BSTOD 'DOD GSOL BYA, DKYIL 'KHOR BSDU, DGE BA BSNGO, RJES MI MNGON PAR BYA'O, ,DRIL SGRUB ZAB MO GUD
, ,DU SBAS PA, ZIN BRIS BYAS PA'O,, ,,