*, ,AOm SVA STI, BLA MA MCHOG DANG TSE DPAG MED, ,DBYER MED ZHABS LA GUS BTUD NAS, ,TSE DBANG BSKUR TSUL MDOR BSDUS PA, ,'CHI BDAG 'JOMS PA'I DPA' BO BRI, ,'DIR TSE DBANG MDOR BSDUS BYED PAR 'DOD PAS, TSE BUM, TSE CHANG, TSE RIL, MCHOD GTOR RNAMS LAG LEN BZHIN BSHAMS, BDAG MDUN
, ,TSE CHANG TSE RIL RNAMS LEGS PAR BSGRUBS, SLOB MA KHRUS BYAS, MAndAL PHUL, GSOL BA BTAB, BYANG SDOM BZUNG, SLOB MA BSANGS SBYANGS, TSE DPAG MED DU BSKYED, DE NAS DNGOS GZHI NI, RANG TSE DPAG MED DU GSAL BA'I THUGS KA LAS 'OD ZER 'PHROS, TSE BUM TSE DPAG MED DU GSAL BA'I THUGS KAR PHOG PAS, BCOM LDAN 'DAS KYI PHYAG GI TSE'I BUM PA LAS, 'OD ZER DMAR PO LCAGS KYU LTA BU 'PHROS, RANG DANG GZHAN LA GNOD CING 'TSE BAR BYED PA'I GDON BGEGS 'BYUNG PO 'CHI BDAG GSHIN RJE SOGS LA PHOG PAS, DE DAG GI LAG NAS RANG GZHAN GYI TSE DANG BSOD NAMS, DBANG THANG SOGS BRKUS PA, PHROGS PA, KHYER BA THAMS CAD 'CHI MED TSE'I BDUD RTZI DMAR PO'I RNAM PAR BKUG STE, MDUN BSKYED KYI TSE DPAG MED KYI SKU'I CHA DANG, PHYAG GI BUM PAR THIM, THIM PA LAS KYANG BDUD RTZI'I RGYUN BABS, SLOB MA RNAMS KYI SPYI BO NAS ZHUGS, LUS KYI NANG THAMS CAD MER GYIS GANG BAS, TSE YAR BA, NYAMS PA, 'THOR BA RNAMS SOR CHUD, 'CHI BA MED PA TSE'I DNGOS GRUB THOB PAR GYUR, DE LTAR THOB SNYAM PA'I MOS PA MDZOD, CES AA MA MA nI BRJOD, DRIL BU GSIL, DE NI TSE YAR BA 'GUGS PA'O, ,DE NAS TSE DANG BSOD NAMS STOBS NYAMS PA GSO BA NI, SLAR YANG MGON PO TSE DPAG MED KYI SKU'I CHA DANG,
PHYAG GI BUM PA LAS 'OD ZER DMAR PO 'PHROS, NAM MKHA', RLUNG; ME; CHU; SA STE 'BYUNG BA LNGA DANG, DE'I RIGS CAN RNAMS KYI NUS PA DANG, YON TAN RNAMS DANG, RIGS DRUG SEMS CAN THAMS CAD KYI TSE DANG BSOD NAMS THAMS CAD DANG, 'CHI BDAG 'JOMS PA'I GSANG SNGAGS RIG SNGAGS, GZUNGS SNGAGS, PHYAG RGYA, TING NGE 'DZIN LA SOGS PA'I NUS PA DANG, SMAN DANG, RTZI BCUD 'BRAS BU LA SOGS PA'I YON TAN DANG; NUS PA THAMS CAD TSE'I BDUD RTZI'I RNAM PAR SPYAN DRANGS, BCOM LDAN 'DAS KYI PHYAG GI BUM PAR THIM, ZHES PA NAS, GANG BAS TSE DANG BSOD NAMS, STOBS NYAMS PA RNAMS GSOS, 'CHI BA MED PA TSE'I DNGOS GRUB THOB PAR GYUR SOGS GONG BZHIN, DE NAS, DAM TSIG DANG SDOM PA NYAMS PA GSOS NAS, TSE SPEL BA NI, SLAR YANG, 'PHROS, SANGS RGYAS BYANG SEMS DPA' BO MKHA' 'GRO NYAN RANG, CHOS BSRUNG THAMS CAD DANG, KHYAD PAR TSE DPAG MED, TSE DBANG, TSE KHRID BRGYUD PA'I BLA MA DANG BCAS PA THAMS CAD KYI SKU GSUNG THUGS KYI BYIN RLABS THAMS CAD, 'CHI MED TSE'I BDUD RTZI'I RNAM PAR SPYAN DRANGS, CES PA NAS, GANG BAS LUS NGAG YID GSUM LA BRTEN PA'I TSE THUNG 'GYUR GYI SDIG SGRIB DAM TSIG NYAMS CHAGS THAMS CAD DAG ,'CHI BA MED PA TSE'I DNGOS GRUB THOB PAR GYUR SOGS GONG BZHIN, DE NAS, TSE BSTIM PA NI, MDUN BSKYED KYI TSE DPAG MED
, ,KHYED RANG RNAMS KYI SPYI BOR BYON PA LA, NGAS GSOL BA BTAB PAS, 'CHI MED TSE'I DNGOS GRUB STZAL, MTHAR TSE DPAG MED DE KHYED RANG RNAMS KYI SPYI BO NAS THIM PAS, 'CHI MED TSE'I DNGOS GRUB THOB PA'I MOS PA MDZOD, CES BRDA' SPRAD, TSE BUM MGO BOR BZHAG LA, BKA' BSGO BYAS BSTIM, TSE CHANG TSE RIL SBYIN PA DANG, SHIS BRJOD BYA'O, ,SMRAS PA, TSIG BSDUS DON TSANG TSE YI DBANG, ,'CHI BDAG 'JOMS PA'I DPA' BO 'DI, ,CHOS MTHUN RNAM PAR GA-YENG BA YI, ,GO SA YANGS POR BSGRUB PA'I PHYIR, ,BLO BZANG MKHAS BTZUN ZHES BYA BA'I, ,DAM PAS NAN GYIS BSKUL BA'I NGOR, ,PHYOGS BRAL MYUL BA'I BYA BRAL BA, ,BLO BZANG CHOS KYI RGYAL MTSAN GYIS, ,MCHONG RGYAS RI BO SDE CHEN GYI, ,CHOS GRVA CHEN POR BKOD PA'O,, ,,