*, ,NA MO GU RU AA MI T'A BH'A YA, MTSAN TZAM THOS PAS 'TSO BA'I DGRA'I, ,MCHE BA RI MO'I GNAS 'GOD PA, ,BDE BA CAN GYI STON PA LA, ,BTUD NAS TSE DBANG MDOR BSDUS BRI, ,TSE BUM TSE RIL TSE CHANG RNAMS PHYAG LEN LTAR BSHAMS, BDAG
BSKYED TSE BUM MDUN BSKYED RNAMS TSE DPAG MED DU BSKYED, YE SHES PA GZHUG ,RGYAS GDAB, MCHOD BSTOD BZLAS PA GTOR MA PHUL, TSE RIL NAD BZHI BRGYA RTZA BZHI'I GNYEN POR GYUR PA'I SMAN SNA BZHI BRGYA RTZA BZHI 'DUS PA'I BDAG NYID BSKYED RIM LA BRTEN NAS TSE SPEL BA'I DAM RDZAS DANG, TSE CHANG SHA LNGA BDUD RTZI LNGA SBYANGS RTOGS SBAR GSUM BYAS PA'I BDUD RTZI DANG, PHYOGS BCU'I SANGS RGYAS THAMS CAD KYI THUGS KA NAS YE SHES KYI BDUD RTZI BKUG PA DANG LHAN CIG PA 'CHI BA MED PA'I BYANG CHUB KYI SEMS KYI BDUD RTZI RDZOGS RIM LA BRTEN NAS TSE SPEL BA'I DAM RDZAS MCHOG TU BSAMS TE, GZUNGS RING THUNG CI RIGS BRGYA RTZA BZLAS NAS BSGRUB, SLOB MA KHRUS BYAS, MDUN DU 'DUG ,MAndAL PHUL LA, CHOS 'DI'I CHE BA DANG BRGYUD PA'I LO RGYUS RGYAS BSDUS CI RIGS BRJOD, KUN MKHYEN YE SHES PHUNG PO CAN, ZHES SOGS KYIS GSOL BA LAN GSUM GDAB, DAL 'BYOR DON CHE RNYED DKA' 'CHI BA MI RTAG PA, NGAN SONG GSUM GYI SDUG BSNGAL, LAS RGYU 'BRAS, 'KHOR BA SPYI'I SDUG BSNGAL, BYAMS SNYING RJE BYANG CHUB KYI SEMS BSGOM TSUL SOGS RGYAS BSDUS CI RIGS PA BRJOD, DON SNYING POR DRIL NA, SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU TSE DBANG ZHU SNYAM PA'I 'DUN PA DANG, DE'I NGANG NAS
, ,'DUG GNAS 'DI NYID KYANG THA MAL PA'I RNAM PA CAN MA YIN PA BDE BA CAN LTA BU'I RIN PO CHE SNA TSOGS LAS GRUB PA'I RANG BZHIN CAN GYI DBUS SU TSE BUM 'DI NYID KYANG PHYI BUM PA LA NANG GZHAL YAS KHANG GRU BZHI SGO BZHI PA, PHYI BLTAS NANG GSAL BA, NANG BLTAS PHYI GSAL BA, RDO RJE'I RA BA ME RI DANG BCAS PA'I DBUS SU RMA BYAS BTEG PA'I KHRI'I STENG DU, PADMA DANG ZLA BA'I GDAN LA BCOM LDAN 'DAS TSE DPAG MED SKU MDOG DMAR PO DGYES PA'I 'DZUM DANG LDAN PA, ZHAL GCIG PHYAG GNYIS TING NGE 'DZIN GYI PHYAG RGYA'I STENG NA TSE'I BDUD RTZIS GANG BA'I BUM PA BSNAMS PA, DBU SKRA RAL PA'I THOR TZUGS CAN, DBU RGYAN LA SOGS PA'I RIN PO CHE'I RGYAN BRGYAD KYIS BRGYAN PA, DAR LA'I STOD GA-YOGS DANG SMAD GA-YOGS GSOL BA, MTSAN BZANG PO SUM CU RTZA GNYIS DANG, DPE BYAD BZANG PO BRGYAD CUS BRGYAN PA, LONGS SPYOD RDZOGS PA'I SKU CAN, 'OD KYI DKYIL 'KHOR RAB TU 'BAR BA'I DBUS NA BZHUGS PA, DE'I STENG GI NAM MKHA'I MTHONGS SU CHOS SKU SNANG BA MTHA' YAS NAS RTZA BA'I BLA MA'I BAR GYI TSE DBANG BRGYUD PA'I BLA MA RNAMS MTHO BRTZEGS SU BZHUGS PAR GSAL THOB LA, DE RNAMS KYI MDUN DU DKON MCHOG GSUM LA SKYABS SU SONG NAS SDIG PA BSHAGS SHING, DGE BA LA YI RANG BA'I SGO NAS SEMS
CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I PHYIR DU BYANG CHUB SEMS DPA'I SDOM PA BZUNG LA SANGS RGYAS MA THOB KYI BAR DU BSRUNG SNYAM PA'I SGO NAS 'DI'I RJES ZLOS MDZOD, DKON MCHOG GSUM LA BDAG SKYABS MCHI, ZHES SOGS LAN GSUM BRJOD, DE NAS BADZRA AA MRi TAS SLOB MA'I BGEGS BSANGS, SVA BH'A WAS SBYANGS, STONG PA'I NGANG LAS SLOB MA CHO GA GSUM GYIS TSE DPAG MED DU BSKYED, SGO GSUM BYIN GYIS BRLABS, MDUN BSKYED KYI TSE DPAG MED KYI PHYAG GI BUM PA LAS 'OD ZER DMAR PO RTZE MO LCAGS KYU LTA BU KHAMS GSUM KHYAB PAR 'PHROS PAS, KHYED RANG RNAMS LA GNOD CING 'TSE BAR BYED PA'I 'CHI BDAG SOGS GNOD BYED GDON BGEGS 'BYUNG PO RNAMS LA PHOG PAS, DE DAG GI LAG NAS SLOB MA RNAMS KYI TSE DANG BSOD NAMS DBANG THANG LA SOGS PA BRKUS PHROGS KHYER NAS YOD PA THAMS CAD BKUG STE TSE DPAG MED KYI SKU'I CHA DANG PHYAG GI BUM PAR THIM, THIM PA LAS KYANG 'CHI MED TSE'I BDUD RTZI'I RGYUN BABS, KHYED RANG RNAMS KYI SPYI BO TSANGS PA'I BU GA NAS ZHUGS, LUS KYI NANG THAMS CAD KHRIG MER GYIS GANG BAS, TSE YAR BA NYAMS PA GRUM PA 'THOR BA RNAMS SOR CHUD, 'CHI BA MED PA TSE'I DNGOS GRUB THOB, 'CHI BA MED PA TSE'I RIG 'DZIN THOB SNYAM PA'I MOS PA MDZOD, CES BRDA SPRAD CING, SLOB DPON GYIS KYANG DE LTAR
, ,BSGOMS NAS AA MA RA nI BRJOD CING DRIL BU GSIL, SPRO NA SKAL LDAN RIGS KYI BU 'DI RNAMS KYI TSE MI GZHIG PA'I RDO RJER GYUR CIG ,MI NUB PA'I RGYAL MTSAN DU GYUR CIG ,MI 'GYUR BA'I GA-YUNG DRUNG DU GYUR CIG ,CES SHIS PA CI RIGS BRJOD CING ME TOG GTOR, 'DI NI TSE DANG BSOD NAMS YAR BA 'GUGS PA ZHES BYA'O, ,SLAR YANG TSE DPAG MED KYI PHYAG GI BUM PA LAS 'OD ZER LCAGS KYU LTA BU 'PHROS PAS; 'BYUNG BA NAM MKHA' DANG, RLUNG DANG, ME DANG, CHU DANG, SA STE 'BYUNG BA LHA'I RIGS DANG RIGS CAN THAMS CAD KYI BCUD DANG BKRAG MDANGS RNAMS DANG, KHAMS GSUM GYI SEMS CAN GYI MDOG DANG STOBS DANG TSE DANG BSOD NAMS THAMS CAD DANG, DUS DANG DUS MA YIN PA'I 'CHI BDAG 'JOMS PAR BYED PA'I SNGAGS DANG TING NGE 'DZIN DANG, SMAN LA SOGS PA DANG, 'CHI MED RIG 'DZIN BRNYES PA RNAMS KYI 'CHI MED TSE'I YE SHES DANG, GRUB PA THOB PA RNAMS KYI NYAMS RTOGS DANG, PAndI TA LA SOGS PA RNAMS KYI SHES RAB DANG, BKRA SHIS KYI RTAGS BRGYAD DANG, RGYAL SRID RIN PO CHE SNA BDUN DANG, NYI MA DANG ZLA BA DANG GZA' DANG RGYU SKAR LA SOGS PA'I GZI BRJID DANG, SMAN DANG 'BRAS BU DANG RTZI BCUD DANG LO TOG LA SOGS PA'I NUS PA DANG RO BCUD YON TAN THAMS CAD 'CHI MED TSE'I BDUD RTZI SKU LNGA PA'I SNAM PAR BKUG ,MDUN BSKYED KYI x,
'DI NI TSE DANG STOBS DANG BSOD NAMS NYAMS PA GSO BA YIN LA, RGYAS PAR BYED NA 'BYUNG BA BZHI RE RE NAS BRAL TE BYA'O, ,SLAR YANG BCOM LDAN 'DAS KYI PHYAG GI BUM PA LAS 'OD ZER DMAR PO LCAGS KYU LTA BU 'PHROS PAS, BDE BA CAN NAS MGON PO TSE DPAG MED TSE DBANG BRGYUD PA'I BLA MA DANG BCAS PA DANG, SANGS RGYAS BYANG SEMS THAMS CAD KYI SKU GSUNG THUGS KYI BYIN RLABS RNAMS, 'CHI MED TSE'I BDUD RTZI DKAR DMAR MTHING GSUM GYI RNAM PAR SPYAN DRANGS, MDUN BSKYED KYI TSE DPAG MED KYI SPYI BO MGRIN PA THUGS KA GSUM DU THIM, THIM PA LAS KYANG 'CHI MED TSE'I BDUD RTZI DKAR DMAR MTHING GSUM GYI RGYUN BABS, SLOB MA RNAMS KYI SPYI BO MGRIN PA SNYING GA GSUM DU THIM, LUS KYI NANG THAMS CAD KHRIG MER GYIS GANG, TSE THOG MA MED PA NAS GZHAN GYI SROG BCAD PA SOGS SGO GSUM GYI SDIG SGRIB NYAMS CHAGS THAMS CAD SBYANGS, SGO GSUM RDO RJE GSUM GYI BDAG NYID DU GYUR PA'I SGO NAS 'CHI BA MED PA TSE'I DNGOS GRUB x, 'CHI BA MED PA TSE'I RIG 'DZIN x, 'DI NI DAM TSIG DANG SDOM PA NYAMS PA GSO BA DANG, SKU GSUNG THUGS KYI RJES GNANG GI SGO NAS TSE BSRING BAR BYED PA'O, ,DE NAS TSE BSTIM PA LA, BRGYA RTZA SOGS BYED DGOS BYUNG TSE, MDUN BSKYED LAS MAR ME GCIG LAS GNYIS CHAD KYI TSUL DU TSE DBANG RE RE'I MJUG TU BSTIM PA YIN CING, LAN RE
, ,TZAM LA BLA MA'I THUGS KA'I H'Um GI 'OD ZER GYIS MDUN BSKYED KYI TSE DPAG MED SLOB MA'I SPYI BOR SPYAN DRANGS, DE LA TSE KHRID BRGYUD PA'I GSOL 'DEBS SAM BYIN GYIS RLOBS SHIG CES BKA' BSGO BYAS PAS, TSE DBANG BRGYUD PA'I BLA MA RNAMS TSE DPAG MED LA THIM, DE NYID KYI SKU'I CHA DANG TSE'I BUM PA LAS TSE'I BDUD RTZI'I RGYUN BABS, SLOB MA RNAMS KYI SPYI BO TSANGS PA'I BU GA NAS ZHUGS, LUS KYI NANG THAMS CAD MER GYIS GANG BAS, TSE THUNG 'GYUR GYI SDIG SGRIB THAMS CAD DUD KHU DANG SOL KHU'I RNAM PAS DBANG PO'I SGO THAMS CAD NAS NAG LDUR GYIS SONG, LUS SHEL GONG GA-YA' DAG PA LTAR GYUR, MTHAR SPYI BO'I TSE DPAG MED DE NYID TSE'I BDUD RTZI'I RNAM PAR ZHU STE SPYI BO NAS THIM PAS LUS KYI ZUNGS DANG SEMS KYI RTEN DU GYUR, KHYED RANG RNAMS KYI LUS NGAG YID GSUM DANG, MGON PO TSE DPAG MED KYI SKU GSUNG THUGS DBYER MI PHYED PAR GYUR TE, 'CHI MED TSE'I RIG PA 'DZIN PA'I DNGOS GRUB THOB PA'I MOS PA MDZOD, CES BRDA' SPRAD LA TSE BUM MGO THOG TU BZHAG ,GRUB RGYAL LUGS KYI BRGYUD PA RGYAS PA'AM, NYE BRGYUD BYED NA THUN MONG MA YIN PA'I TSE KHRID BRGYUD PA LTAR, CHOS SKU SNANG BA MTHA' YAS, RJE BTZUN 'JAM PA'I DBYANGS, CHOS KYI RGYAL PO TZONG KHA PA, RTOGS LDAN 'JAM DPAL RGYA MTSO, PAn CHEN CHOS KYI RGYAL MTSAN, RJE BTZUN CHOS KYI RDO RJE, RGYAL BA
BLO BZANG DON GRUB, RTZA BA'I BLA MA MKHAS GRUB SANGS RGYAS YE SHES KYI BAR GYI MTSAN NAS SMOS PA'I BKA' BSGO BYAS TE, AOm SU PRA TIshthAS BRTAN PAR BYA, TSE RIL DANG, TSE CHANG SBYIN, SLAR YANG TSE SPEL BA'I PHYIR SHIS PA BRJOD, ME TOG GI CHAR DBAB PAR BYA'O, ,SMRAS PA, LUS CAN RNAMS LA RANG SROG LAS, ,GCES PA'I DNGOS PO GZHAN YOD MIN, ,DE PHYIR DE NYID DKAR PHYOGS KYI, ,ZLA LTAR SGRUB BYED 'DI NA KO ,DE LAS 'ONGS PA'I RNAM DKAR NI, ,BSIL 'OD KYIS BYE KU MU DA, ,'BAR BA'I MDANGS 'DRAS YID CAN KUN, ,'CHI BDAG GA-YUL LAS RGYAL GYUR CIG ,CES PA 'DI NI GZHAN DON LA MNGON PAR GZHOL BA'I DAM PA'I GDUNG RIGS DANG SKU'I SKYE BA NYE BAR BZUNG BA GZHON NUR GYUR PA RNAMS DANG, DGE BA'I BSHES GNYEN GSAR BU BA 'GA' ZHIG LA YANG PHAN PAR BSAMS TE, DGE SLONG RGYAL KHAMS PA BLO BZANG CHOS KYI RGYAL MTSAN GYIS MYANG STOD RIG PA'I 'BYUNG GNAS KYI SA'I CHAR BKOD PA'I YI GE PA NI DGE TSUL BLO BZANG PHUN TSOGS SO,, ,,