*, ,NA MO GU RU MANYDZU GHO sh'A YA, GSHIN RJE CHOS KYI RGYAL PO'I BTZUN MO DUS MTSAN 'OD CHEN 'BAR MA'I RJES GNANG BYA BAR 'DOD PAS, SNGON DU YI DAM GANG YANG RUNG BA DANG, KHYAD PAR LHA MO 'DI'I BSNYEN BSGRUB SNGON DU SONG BAS, YID DANG MTHUN PA'I GNAS SU DMAR GTOR GRU GSUM, MDUN DU 'BUL GTOR MCHOD PA'I RIM PA DANG BCAS PA BSHAMS, BDAG NYID 'JIGS BYED LA SOGS PA'I YI DAM GANG YANG RUNG BA'I NGA RGYAL LA GNAS PAS, MDUN GYI GTOR MA BSANGS, SBYANGS, DUS MTSAN 'OD CHEN 'BAR MAR BSKYED, YE SHES PA BSTIM, DBANG BSKUR, RGYAS BTAB, MCHOD BSTOD, BZLAS PA, MCHOD GTOR 'BUL BA'I RIM PA RNAMS SGRUB THABS BZHIN SNGON DU BTANG, DE NAS SLOB MA RNAMS KHRUS BYAS, DNGOS SAM, YID KYIS
, ,SPRUL PA'I RAL GRI BZANG PO'I 'BUL BA DANG BCAS MAndAL SNGON DU BTANG BA LA, BLA MAS, LHA MO 'DI NYID RGYAL BA THAMS CAD KYI MKHYEN PA'I MNGA' BDAG RJE BTZUN 'JAM PA'I DBYANGS KYI BKA' SDOD, GSHIN RJE CHOS KYI RGYAL PO'I YUM, MTHU STOBS DANG NUS PA BSAM GYIS MI KHYAB PAS RGYAL BA'I BSTAN PA BSRUNG ZHING BSTAN 'DZIN BU LTAR SKYONG BA LA 'GRAN ZLA MED PA'I BSTAN BSRUNG YIN, DE LTA BU'I LHA MO'I RJES GNANG GI RIM PA 'DI YANG, MKHAS GRUB DAM PA RNAMS KYI SROL LAS LEGS PAR BRGYUD PA YIN, DES NA DE LTA BU'I RJES GNANG ZHU BA LA YANG, LNGA BCU PAR, MDUN DU DUL BAS 'DUG PA DANG, GOS SOGS TSUL NI BSDAMS PA DANG, ,PUS BTZUGS THAL MO SBYAR BA YIS, ,NYAN SOGS 'DOD PAS GSOL GSUM GDAB, CES GSOL BA LAN GSUM 'DEBS DGOS PAR GSUNGS PAS, 'DI'I RJES ZLOS MDZOD, KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DE RING BSHAD PA'I RIN CHEN GYI, ,GTZO BO BDAG LA BKA' DRIN STZOL, ZHES PA LAN GSUM GYIS GSOL BA GDAB, DAL 'BYOR RNYED DKA', 'CHI BA MI RTAG PA, LAS RGYU 'BRAS, 'KHOR BA'I SDUG BSNGAL LA SOGS PA'I TSUL BSHAD DE, BSAM PA BYANG CHUB KYI MCHOG TU SEMS BSKYED DU BCUG LA, DKON MCHOG GSUM LA BDAG SKYABS
MCHI; ;SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ZHES LAN GSUM GYIS BYANG SDOM 'DZIN DU BCUG ,DE NAS GANG DU BZHUGS PA'I GNAS 'DI YANG THA MAL GYI SNANG ZHEN CAN MA YIN PAR, NGO BO YE SHES LA, RNAM PA 'OD CHEN 'BAR MA'I BZHUGS GNAS DUR KHROD CHEN PO'I DKYIL 'KHOR DNGOS YIN SNYAM PA DANG, BLA MA YANG RDO RJE 'DZIN PA DNGOS YIN SNYAM PA MDZOD LA; 'DI'I RJES ZLOS GYIS, DPA' BO CHEN PO DGONGS SU GSOL, ,RGYAL BA'I BSTAN PA BSRUNG BA DANG, ,BDAG GI BYANG CHUB BSGRUB PA'I GEGS, ,'JOMS PHYIR 'OD CHEN 'BAR MA YI, ,DAM TSIG MCHOG DE BDAG LA STZOL; ZHES LAN GSUM GYIS GSOL BA GDAB, GTOR MA GRU GSUM DE NYID 'OD CHEN 'BAR MA 'KHOR DANG BCAS PAR BSGRUBS YOD PAR SGRUB THABS LTAR SLOB MA RNAMS LA LHA NGO BSTAN, DE'I RJES SU, SLOB MA RNAMS KYANG BSANGS, SBYANGS, STONG PA'I NGANG LAS DUS MTSAN MA 'KHOR BCAS SAM GTZO RKYANG GANG RUNG DU BSKYED, GNAS GSUM DU YI GE GSUM BKOD, SKU'I RJES GNANG GI DON DU, DUS GSUM SANGS RGYAS THAMS CAD KYI; ;SKU YI RDO RJE SLOB DPON GYIS, ,BDAG LA 'OD CHEN 'BAR MA YI, ,SKU YI RJES GNANG STZAL DU GSOL, ZHES LAN GSUM GSOL BA BTAB PAS, MDUN BSKYED KYI LHA DANG, RANG GI THUGS KA'I H'Um LAS 'OD ZER
, ,'PHROS PAS, BCOM LDAN 'DAS MA 'OD CHEN 'BAR MA'I LHA TSOGS NAM MKHA'I KHAMS GANG BA SPYAN DRANGS, SLOB MA 'OD CHEN 'BAR MAR GSAL BA LA CHAR CHEN PO BABS PA BZHIN THIM PAS; THOG MA MED PA NAS LUS KYI SGO NAS BSAGS PA'I SDIG SGRIB NAD GDON DANG BCAS PA DUD KHU DANG SOL KHU, SDIG PA DANG SDOM LA SOGS PA'I RNAM PAR PHYIR PHUD, LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LA SOGS PA'I YON TAN THAMS CAD 'PHEL ZHING RGYAS, 'OD CHEN 'BAR MA'I SKU'I BYIN RLABS THOB PA'I MOS PA MDZOD, AOm KshIm YA MA DAndI SA PA RI W'A RA AE HYE HI BADZRA SA MA YA DZA: DZA: H'Um BAm HO: ZHES BRJOD CING ROL MO'I SGRA BYA, DE NAS GSUNG DANG THUGS KYI RJES GNANG LA YANG, SKU'I GNAS SU GSUNG DANG, THUGS SU 'DON PA BSGYUR NAS GSOL BA BTAB PAS, MDUN BSKYED KYI GTOR MA LHA MOR GSAL BA'I MGRIN PA'I A'A: DANG THUGS KA'I H'Um LAS RIM PA BZHIN 'OD ZER DMAR PO DANG SNGON PO'I TSOGS BYUNG, SLOB MA'I MGRIN PA DANG, SNYING GAR THIM PAS, THOG MED NAS BSAGS PA'I SDIG SGRIB NAD GDON DANG BCAS PA THAMS CAD DUD KHU DANG SOL KHU, SDIG PA DANG SDOM LA SOGS PA'I RNAM PAR PHYIR PHUD, LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LA SOGS PA'I YON
TAN THAMS CAD 'PHEL ZHING RGYAS, 'OD CHEN 'BAR MA'I GSUNG DANG, THUGS KYI BYIN RLABS THOB PA'I MOS PA MDZOD, RTZA SNGAGS DRAG TU BRJOD CING ROL MO'I SGRA BYA'O,, DE NAS BZLAS LUNG GI DON DU, BCOM LDAN BDAG GIS BZUNG LAGS KYI, ,BCOM LDAN 'DAS LA NYE BAR MDZOD, CES LAN GSUM GSOL BA BTAB PAS, 'OD CHEN 'BAR MA'I THUGS KAR NYI MA'I GDAN LA GNAS PA'I SNGAGS PHRENG LAS SNGAGS PHRENG GNYIS PA BYUNG, SLOB MA LHAR GSAL BA'I ZHAL DU ZHUGS, SNYING GAR 'KHOR BA'I SNGAGS KYI 'OD ZER ME 'OD LTA BUS, SDIG SGRIB NAD GDON DGRA BGEGS THAMS CAD GZHOB THUL THUL BSREGS PAR BSAMS LA, SNGAGS KYI RJES ZLOS LAN GSUM BYED DU BZHUG ,SPYI BOR ME TOG BZHAG LA, BCOM LDAN 'DI LA STZAL LAGS KYI, ,'DI LA NYE BAR MDZAD DU GSOL, ZHES BRJOD LA BRTAN PAR BYA'O,, DE NAS BSGRUBS PA'I GTOR MA SLOB MA'I MGO THOG TU BZHAG STE, DPAL LDAN LHA MO DUS MTSAN MA 'KHOR DANG BCAS PA KHYED RNAMS KYIS RDO RJE SLOB MA 'DI RNAMS KYI LUS DANG GRIB MA BZHIN DU 'GROGS TE, NYIN GSUM GYI BYA RA, MTSAN GSUM GYI MEL TSE'I SGO NAS LUS KYI NA TSA, SEMS KYI SDUG BSNGAL, CHAGS SGO NYAM NGA, BAR GCOD THAMS CAD ZHI BA DANG, TSE DANG BSOD NAMS, LUNG RTOGS KYI YON TAN THAMS CAD RGYAS PA DANG, KHAMS GSUM GYI
, ,MI NOR ZAS GSUM, SNANG SRID THAMS CAD DBANG DU 'DU BA DANG, GNOD BYED DGRA BGEGS THAMS CAD THAL BA'I RDUL PHRAN BZHIN DU BRLAG PA'I 'PHRIN LAS MDZOD CIG ,CES BKA' BSGO ZHING ROL MO'I SGRA BYA'O,, MJUG TU MCHOD BSTOD BZOD GSOL BYAS NAS YE SHES PA GSHEGS SU GSOL, DAM TSIG PA ZHU BA LAS BYUNG BA'I BDUD RTZIR BSAMS LA, DAM RDZAS 'CHI MED BDUD RTZI'I ZAS, ,ZO ZHIG BU KHYOD RIGS SU SKYE, ,NGA YIS BSGO BA'I NGAG MA BCAG ,BSGRUB LA NAN TAN GCES SU GYIS, CES BRJOD LA GTOR ZAN BYIN, MJUG TU MAndAL DANG, BSNGO BA SMON LAM, SHIS BRJOD JI LTAR 'TSAM PA BYA'O; ;'DI'I BRGYUD PA NI, MAN LUNG RIN PO CHE NAS, GRUB CHEN KUN BLO, 'BRONG RTZE RJE, BLA MA NGO MTSAR RGYA MTSO, SNGAGS RAM PA KUN DGA' DPAL, RIN PO CHE SANGS RGYAS RGYA MTSO, DE'I DRUNG DU KHO BOS THOB PA LAGS, CES PA 'DI YANG GSER KHANG 'OG GI SLOB DPON BZANG MCHOG PAS BSKUL BA LA BRTEN NAS, DGE SLONG BLO BZANG CHOS KYI RGYAL MTSAN GYIS BKOD PA'O,, ,,