*, ,SVASTI, TSOGS BCAD DMAR PO LA GTOR MA 'BUL BA'I TSUL NI, GTOR MA SHA KHRAG GIS BRGYAN PA CHANG CHU NANG MCHOD KYIS BRAN, BLA MED SPYI LTAR BYIN GYIS BRLABS NAS, DPAL LDAN TSOGS BDAG PADMA R'A GA'I MDOG ,PHYAG GA-YAS DGRA STA MDA' CHEN LCAGS KYU DANG, ,RDO RJE RAL GRI 'PHANG MDUNG 'DZIN MDZAD CING, ,GA-YON PA GTUN SHING GZHU DANG KHA TV'Am GA ,KHRAG DANG SHA YIS GANG BA'I THOD PA DANG, ,BA DAN GSUM PAS BRGYAN PA'I PHUB 'DZIN CING, ,BYI BA GNAS GLANG PO'I GDONG PA CAN, ,RANG GZHIN GNAS NAS 'DIR SPYON MCHOD GTOR BZHES,
KA MA LA YE STVAm, LJAGS H'Um LAS SKYES PA'I RDO RJE RTZI GCIG PA 'OD KYI SBU GU CAN DU GYUR, AOm GA nA PA TI SA PA RI W'A RA AI DAm BA LIm TA KHA KHA, KH'A HI KH'A HI ZHES PA BDUN NAM GSUM GYIS GTOR MA PHUL, AARGHAm SOGS KYIS MCHOD, AOm A'A: H'Um BTAGS LA NANG MCHOD PHUL, LHA CHEN DRAG PO BYU RU'I LHUN PO BZHIN, ,RAB MDZES RTEN 'BREL DAG PA'I PHYAG MNGA' BA, ,DRAN PA TZAM GYIS NOR GYI CHAR 'BEBS PA'I, ,DPAL LDAN TSOGS KYI BDAG PO KHYOD LA BSTOD, ,GNOD BYED DGRA BGEGS MA LUS TSAR BCAD NAS, ,BDAG GI 'GAL RKYEN BAR GCOD KUN ZHI ZHING, ,TSE DANG DPAL 'BYOR MNGA' THANG LONGS SPYOD RGYAS, ,KHAMS GSUM DBANG DU BSDU BA'I 'PHRIN LAS MDZOD, BZLAS PA BYED PAR 'DOD NA, RANG YI DAM DU GSAL BA'I THUGS KA'I SA BON LAS 'OD 'PHROS, TSOGS BDAG GI THUGS KAR NYI MA'I DKYIL 'KHOR GYI STENG DU GHAm YIG DMAR PO'I MTHAR AOm GHAm H'Um PHAt, AOm GHAm GA nA SIDDHI SA DHA ME PRA YATZTSA H'Um SV'AH'A, ZHES PAS BSKOR BA LA PHOG PAS THUGS RGYUD RANG DBANG MED PAR BSKUL, RANG GIS BCOL BA'I LAS THAMS CAD BSGRUB PAR BSAM ZHING SNGAGS BZLA'O, ,ZHES PA 'DI YANG BTZUN PA BLO BZANG CHOS KYI RGYAL MTSAN GYIS SBYAR BA'O,, ,,