*, ,SVASTI, BLA MA MCHOG DANG SMAN GYI BLA, ,DBYER MED ZHABS PAD GUS MCHOD DE, ,GA-YU THOG SNYING THIG RIGS BSDUS KYI, ,SGRUB THABS BDUD RTZI'I SNYING PO BRI, 'DIR GA-YU THOG SNYING THIG PHYI NANG GSANG BA RIGS BSDUS KYI SNYING PO NYAMS SU LEN PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG, SVA BH'A WAS STONG PAR SBYANGS, STONG PA'I NGANG LAS SNA TSOGS PADMA 'DAB MA BZHI BA'I DBUS SU ZLA BA'I DKYIL 'KHOR GYI STENG DU H'Um LAS BYUNG BA'I SMAN PA'I RGYAL PO GU nA N'A THA SKU MDOG DKAR LA DMAR BA'I MDANGS CHAGS PA, ZHAL GCIG PHYAG GNYIS PA, DGYES PA'I 'DZUM ZHAL CAN, PHYAG GA-YAS SKYABS SBYIN DANG BCAS PAS AA RU RA'I SDONG PO DKUR BRTEN NAS 'DZIN CING, ,GA-YON MNYAM GZHAG GI STENG NA GUR GUM GYI KHA RGYAN DANG
, ,BCAS PA'I BDUD RTZI'I BUM BZANG BSNAMS PA, DBU SKRA LCANG LO 'KHYIL BAS MDZES SHING LHA RDZAS KYI NA BZAS KLUBS PA, SEMS DPA'I SKYIL KRUNG GIS BZHUGS PA, SHAR GYI PAD 'DAB LA LHA MO DKAR MO PI WANG 'DZIN PA, LHO'I PAD 'DAB LA LHA MO SER MO BYA RGOD KYI GLING BU 'DZIN PA, NUB KYI PAD 'DAB LA LHA MO DMAR MO MI RKANG GI GLING BU 'DZIN PA, BYANG GI PAD 'DAB LA LHA MO LJANG GU ME LONG STON PA; PHYI BSGRUB BO, ,GTZO BO'I THUGS KAR PADMA 'DAB MA BZHI BA'I LTE BAR SMAN BLA RIGS BSDUS RDO RJE SEMS DPA' SKU MDOG SNGON PO, 'DAB MA BZHI LA RNAM SNANG SOGS RIGS BZHI'I NGO BO RIG PA'I YE SHES DKAR, SER; DMAR, LJANG; ZHAL GCIG PHYAG GNYIS PA, GA-YAS PA RNAMS KYIS, RDO RJE; 'KHOR LO, RIN PO CHE, PADMA; SNA TSOGS RDO RJE 'AM, YANG NA THAMS CAD AA RU RA DANG, GA-YON PA RNAMS MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, ZLA GDAN LA SEMS PA'I SKYIL KRUNG GIS BZHUGS PA, NANG BSGRUB BO, ,GTZO BO'I THUGS KAR PAD ZLA'I GDAN LA RTA PHAG YAB YUM ZHAL GCIG PHYAG GNYIS GRI GUG DANG THOD KHRAG 'DZIN PAS PHAN TSUN DU 'KHYUD PA KHRO BO'I RGYAN CAN BSGOM PA GSANG BSGRUB BO, ,SO SOR BYED TSE PHRAL NAS BSGRUB, DE NAS SGO GSUM BYIN GYIS BRLABS, YE SHES PA
DGUG GZHUG ,DBANG BSKUR PHYI NANG GSANG BA'I MCHOD BSTOD RNAMS BYAS LA, BZLAS PA'I SNGAGS NI PHYI BSGRUB LA, AOm A'A: BADZRA GU RU GU nA SIDDHI H'Um, NANG BSGRUB LA, AOm A'A: BADZRA SATVA GU nA SIDDHI H'Um, AOm A'A: BUDDHA GU nA SIDDHI H'Um, DE BZHIN DU, RATNA; PADMA; KARMA RNAMS LA THOG MTHA' SBYAR BA'O,, GSANG BSGRUB LA, DE BA d'A KI N'I H'A RI NI SA TZITTA HR'Im HR'Im SARBA SIDDHI DZA: H'Um BAm HO: ZHES PA DANG, AOm A'A: H'Um SV'AH'A, AA MRi TA DZ'I WANT'I BHEE shA DZYE BHEE shA DZYE SARBA SIDDHI H'Um HO: ZHES PA SMAN GYI DNGOS GRUB BSDU BA'I SNGAGS CES ZER RO,, PHYI BSGRUB LA, AOO RYAN RIN PO CHE'I BADZRA GU RU DANG BSTUN 'DUG PAS, AOm A'A: H'Um GU RU GU nA SIDDHI H'Um, ZHES PA DANG, NANG BSGRUB SMAN PA'I RGYAL POR 'DUG PAS DE'I GZUNGS DANG, GSANG BSGRUB RTA MGRIN YAB YUM DU 'DUG PAS DE'I SNYING PO BZLAS NA LEGS PAR SEMS SO,, MJUG TU BSNGO BA SMON LAM SHIS PAS BRGYAN PAR BYA'O,, RGYAL SRAS NOR BU PADMA YI, ,BKA' STZAL BSOD NAMS BZHIN BZUNG STE, ,GA-YU YI BLA GAB SNYING GI THIG ,MCHOG DMAN BLO YI BYED PO YIS, ,SA LE SBRAM DANG GLING BZHI PO'I, ,MU KHYUD BRDAR BA'I PHYE BSRES PA, ,CHOS KYI RGYAL MTSAN RNAM DPYOD KYI, ,SKUD 'DREN LEN POS LEGS PAR PHYE, ,DE LAS 'ONGS PA'I RNAM DKAR NI, ,'O MA'I RGYA MTSO 'PHYUR 'DRA DE, ,GO 'BYED MNYAM PA'I MA RGAN RNAMS, ,DUG GSUM NAD LAS RGYAL PHYIR BSNGO,, ,,