*, ,NA MO GU RA WE, LHA BRGYA'I GTZUG RGYAN NGOS LA ZHABS SEN GYI, ,NOR BU'I 'OD CHAGS RGYAL YUM RJE BTZUN MA'I, ,ZHABS PAD GUS BSTEN DE NYID SGRUB PA'I THABS, ,'DOD DGU'I MCHOG SBYIN DBANG GI RGYAL PO BRI, 'DIR RJE BTZUN MA SGROL MA BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG, MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU RJE BTZUN MA SGROL MA BSGRUB PA'I RIM PA LA 'JUG PAR BYA'O SNYAM PA'I KHYAD PAR GYI SEMS BSKYED LAN GSUM MAM, BDUN SOGS BYA, DE NAS, RANG NYID RJE BTZUN 'PHAGS MA SGROL MAR GSAL BA'I THUGS KA'I TAm
, ,YIG GI 'OD ZER GYIS, PO TA LA NAS BLA MA DANG GNYIS SU MED PA'I RGYAL YUM SGROL MA LA, SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, 'OD ZER RANG GI SNYING GAR THIM, SGO GSUM GUS PA'I SGO NAS, RJE BTZUN 'PHAGS MA SGROL MA DANG, ZHES PA SHLO KA GCIG GIS PHYAG BYA, AOm A'A: H'Um GIS BYIN GYIS BRLABS PA'I MCHOD PA 'KHOR GSUM BDEN STONG DU RTOGS PA'I NGANG NAS, AOm A'ARYA T'A RE SA PA RI W'A RA AARGHAm NAS, SHAPTA'I BAR DANG, ME TOG BDUG SPOS MAR ME DRI, ZHES PA NAS, 'DREN PA'I DPAL DU BDAG GYUR CIG ,CES BDUN RNAM DAG BYAS NAS TSOGS ZHING RANG GNAS SU GSHEGS TE, SBYOR BA TSOGS GSOG PA'O, ,DE NAS, SVA BHA WAS STONG PAR SBYANGS NAS, YE SHES KYI TSOGS BSAG ,STONG PA'I NGANG LAS PAm LAS PAD DKAR 'DAB MA BRGYAD PA'I LTE BAR, AA LAS ZLA BA'I DKYIL 'KHOR GYI STENG DU, RANG GI SEMS NYID TAm YIG LJANG KHU YONGS SU GYUR PA LAS AUTPAL TAm GYIS MTSAN PA, DE LAS 'OD ZER 'PHROS, DON GNYIS BYAS, TSUR 'DUS, PHYAG MTSAN SA BON DANG BCAS PA LA THIM PA YONGS SU GYUR PA LAS, RANG NYID RJE BTZUN 'PHAGS MA SGROL MA SKU MDOG LJANG SNGON GZHON NU LANG TSO BCU DRUG LON PA'I NYAMS CAN, ZHI ZHING 'DZUM PA, ZHAL GCIG PHYAG
GNYIS KYI GA-YAS MCHOG SBYIN DANG, GA-YON DKON MCHOG GSUM MTSON GYI PHYAG RGYA THUGS KAR MDZAD PA'I PHYAG GNYIS AUTPA LA SNGON POS MTSAN PA, DBU SKRA RAL PA PHYED BCINGS SU BYAS SHING RIN PO CHE'I DBU RGYAN DANG, SNYAN RGYAN DANG, MGUL RGYAN DANG, PHYAG GDUB DANG, ZHABS GDUB DANG, DO SHAL LA SOGS PA RIN PO CHE'I RGYAN SNA TSOGS PAS BRGYAN PA, MTSAN BZANG PO SO GNYIS DANG DPE BYAD BRGYAD CUS MDZES PAR BYAS SHING, LHA RDZAS LAS GRUB PA'I DAR GYI NA BZAS KLUBS PA, ZLA BA'I 'OD KYI RGYAB YOL CAN, ZHABS GA-YAS CUNG ZAD BRKYANGS SHING, GA-YON BSKUMS PA'I STABS KYIS BZHUGS PA'I SPYI BOR AOm, MGRIN PAR A'A: THUGS KAR H'Um GIS MTSAN PA, DE LAS 'OD ZER 'PHROS, BDE BA CAN DANG, PO TA LA SOGS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS BDUD RTZIS GANG BA'I BUM PA THOGS TE, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES GSUNG ZHING DBANG BSKUR, LUS GANG, DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS, 'OD DPAG MED KYIS
, ,DBU BRGYAN PAR GYUR, MCHOD PA RNAMS BADZRA AA MRi TAS BSANGS, SVA BH'A WAS SBYANGS, STONG PA'I NGANG LAS, AOm MA MA BHRUm LAS RIN PO CHE'I SNOD YANGS SHING RGYA CHE BA'I NANG DU, AOm 'OD DU ZHU BA LAS BYUNG BA'I MCHOD RDZAS RNAMS DVANGS SHING THOGS PA MED PA ZAG PA MED PA'I BDE BA KHYAD PAR CAN BSKYED PAR GYUR, AOm A'A: H'Um, LAN GSUM GYIS BYIN GYIS BRLABS, RANG GI SNYING GA LAS SPROS PA'I MCHOD PA'I LHA MO RNAMS KYIS MCHOD PAR BSAMS LA, AOm A'ARYA T'A RE SA PA RI W'A RA AARGHAm NAS SHAPTA'I BAR GYIS MCHOD, BDE GSHEGS KUN GYI 'PHRIN LAS RNAMS, MDZES SDUG LHA MO'I SKUR BSTAN NAS, ,'GRO RNAMS SRID PA'I RGYA MTSO LAS, ,SGROL BAR MDZAD LA BSTOD PAR BGYI, ,MARGA TA YI RI BO NI, ,RGYU SKAR DO SHAL 'CHANG BA BZHIN, ,YID 'ONG MTSAN DPE'I DPAL 'BAR BA, ,MTHONG BAS DON LDAN MDZAD LA 'DUD, ,DRAN PA TZAM GYIS GDON BGEGS DANG, ,NAD RIMS DUS MIN 'CHI BA DANG, ,PHYI NANG 'JIGS PA BRGYAD LA SOGS, ,'JOMS PAR MDZAD LA PHYAG 'TSAL LO, ,ZHES PAS BSTOD, DE NAS, BDEN 'DZIN GYI SPROS PA DANG BRAL BA'I SEMS GSAL STONG GI GZUNG RNAM SNANG LA RANG BZHIN MED PA 'JA' TSON LTA BU'I RJE BTZUN SGROL MA'I SKU'I RNAM PAR SHAR BA, ZAB GSAL GNYIS SU MED PA LHA'I SKU PHYAG RGYA CHEN PO LA RTZE GCIG TU MNYAM
PAR 'JOG ,BSGOMS PAS SKYO NA, RANG RJE BTZUN MAR GSAL BA'I THUGS KAR ZLA BA'I STENG DU, TAm YIG H'Um GIS MTSAN PA'I MTHAR, AOm T'A RE TU TT'A RE TU RE SV'AH'A, ZHES PA YI GE BCU PA'I SNGAGS PHRENG 'OD ZER DUS MTHA'I ME LTAR 'BAR BAS BSKOR BA LAS 'OD ZER 'PHROS, LUS KYI NANG GANG, SDIG SGRIB NAD GDON BAR CHAD THAMS CAD SBYANGS, 'OD ZER BA SPU'I SGO NAS PHYIR 'PHROS, SNOD BCUD THAMS CAD LA PHOG PAS, SNOD THAMS CAD KYI MA DAG PA THAMS CAD SBYANGS, BDE BA CAN LTA BU'I DAG PA'I ZHING DANG, BCUD KYI SEMS CAN THAMS CAD BCOM LDAN 'DAS MA'I GO 'PHANG LA BKOD, YANG 'OD ZER 'PHROS, SANGS RGYAS SRAS BCAS LA MNYES PA'I MCHOD PA PHUL, DE RNAMS KYI THUGS RJE BYIN RLABS THAMS CAD 'OD ZER SNA LNGA 'PHRO BA'I BDUD RTZI'I RNAM PAR SPYAN DRANGS, RANG GI SNYING GA'I SNGAGS PHRENG LA THIM, DE LAS BDUD RTZI'I RGYUN BABS, BDAG NYID KYI LUS KYI NANG THAMS CAD KHRIG MER GYIS GANG, TSE DANG BSOD NAMS LUNG DANG RTOGS PA'I YON TAN THAMS CAD 'PHEL ZHING RGYAS, RGYAL BA SRAS BCAS KYI BYIN RLABS THAMS CAD ZHUGS PAR BSAMS LA, YID MA YENGS PAR BZLAS PA'I SKYON DANG BRAL BAR BRGYA STONG KHRI 'BUM SOGS BZLA'O, ,MJUG TU, DGE BA 'DI YIS MYUR DU BDAG ,CES SOGS DE LAS BYUNG BA'I DGE TSOGS MTSAN MAR 'DZIN PA DMIGS PA'I DUG DANG MA 'DRES PAR BSNGO
, ,BA SMON LAM GYIS RGYAS GDAB PAR BYA'O, ,THUN GYI MTHAR GTOR MA 'BUL BAR 'DOD NA, GTZANG ZHING BKOD PAS MDZES PA'I DKAR GTOR CHAB KYIS BRAN, MCHOD RDZAS ZHES PA GTOR MAR BSGYUR NAS BYIN GYIS BRLABS, RANG RJE BTZUN SGROL MAR GSAL BA'I THUGS KA'I TAm YIG GI 'OD ZER GYIS, BDE BA CAN DANG, PO TA LA SOGS RANG BZHIN GYI GNAS RNAMS NAS RGYAL YUM RJE BTZUN SGROL MA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, MDUN GYI NAM MKHAR BZHUGS PA'I LJAGS 'OD KYI SBU GUS GTOR MA'I BCUD THAMS CAD DRANGS TE GSOL BAR GYUR PAR BSAMS LA, AA K'A RO 'AM, YANG NA, AOm A'ARYA T'A RE SA PA RI W'A RA AI DAm PA LIm TA KHA KHA KH'A HI KH'A HI, ZHES PA BDUN NAM GSUM SOGS KYIS PHUL, AARGHAm SOGS KYIS MCHOD, SNGAR GYI BSTOD PAS BSTOD, 'DI'I MTSAMS SU LONG BYUNG NA PHYAG 'TSAL NYER GCIG GNYIS SAM GSUM MAM, BDUN CI RIGS BRJOD NA 'BREL CHAGS SHING SKABS SU BABS, DE RJES, RJE BTZUN BCOM LDAN 'DAS MA THUGS RJE CAN, ZHES SOGS KYIS 'DOD DON LA GSOL BA GDAB, BSNGO BA SMON LAM BYAS LA BZOD PAR GSOL, YE SHES PA RANG BZHIN GYI GNAS SU GSHEGS TE SHIS PA BRJOD DO, ,TSUL 'DI LTAR RNAL 'BYOR LA BRTZON PAR BYAS PAS GNAS SKABS DANG
MTHAR THUG GI PHAN YON BSAM GYIS MI KHYAB PA 'BYUNG BAR GSUNGS PAS, BDAG LA PHAN PAR DGONGS PAS NYAMS LEN LA BRTZON PAR MDZOD CIG ,DUS GSUM RGYAL BA KUN GYI YUM, ,LUS CAN SRID PA'I RGYA MTSO LAS, ,SGROL MDZAD BCOM LDAN RJE BTZUN MA'I, ,SGRUB THABS MCHOG SBYIN DBANG GI RGYAL, ,LEGS PAR BSKRUN PA'I DGE BA'I TSOGS, ,ZLA LTAR DKAR BA CI MCHIS PA, ,MKHA' MNYAM 'GRO BA MA LUS PA, ,BLA MED BYANG CHUB THOB PHYIR BSNGO, ZHES RGYAL YUM SGROL MA'I SGRUB THABS 'DOD DGU'I MCHOG SBYIN DBANG GI RGYAL PO ZHES BYA BA 'DI NI, ZHA LU RI PHUG NAS DGE SLONG GSUM LDAN RDO RJE 'DZIN PA, ZAB MO'I DON LA RTZE GCIG TU GZHOL BA'I BLA CHEN SANGGHA SHR'I BHA DRAS BSKUL BA LA BRTEN NAS, MDO RGYUD DAM PA'I MAN NGAG 'DZIN PA'I CHOS SMRA BA BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GTZUG LAG KHANG DU SBYAR BA'I YI GE PA NI ZHA LU BA RIN CHEN CHOS LEGS SO,, ,,