*, ,NA MO A'AR+YA T'A RE, 'DIR TSE DANG YE SHES SPEL BA'I PHYIR, BYIN RLABS CAN DU GRAGS PA'I RJE BTZUN MA YID BZHIN 'KHOR LO BSGRUB PAR 'DOD PAS, 'DI'I SKU DANG MCHOD GTOR SOGS LEGS PAR BSHAMS, SKYABS 'GRO SEMS BSKYED SNGON DU BTANG, SEMS CAN THAMS CAD KYI DON DU MYUR DU
, ,RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU RJE BTZUN MA YID BZHIN 'KHOR LO BSGRUB PA'I RIM PA NYAMS SU BLANG SNYAM PA GSUM SOGS BYA, RANG RJE BTZUN MAR GSAL BA'I THUGS KA'I TAm YIG LAS, 'OD ZER 'PHROS, PO TA LA NAS RJE BTZUN MA YID BZHIN 'KHOR LO LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHA' SPYAN DRANGS, 'OD ZER RANG GI SNYING GAR THIM, LHA DANG LHA MIN COD PAN GYIS, CES SOGS KYIS PHYAG BYA, AOm A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, DKON MCHOG GSUM LA BDAG SKYABS MCHI, ZHES SOGS KYIS BYANG SDOM BZUNG, TSAD MED BZHI BSGOM, TSOGS ZHING RANG GNAS SU GSHEGS TE, BSOD NAMS KYI TSOGS GSOG PA'O, ,AOm SVA BH'A WA SHUDDH'A: SARBA DHARMA: SVA BH'A WA SHUDDHO NYA HAm, STONG PA NYID DU GYUR, STONG PA'I NGANG LAS PAm LAS PADMA DANG, AA LAS ZLA BA'I DKYIL 'KHOR GYI STENG DU RANG GI SEMS NYID TAm LAS AUTPAL TAm YIG DKAR POS MTSAN PA, DE LA SA 'OD ZER 'PHROS, DON GNYIS BYAS, 'DUS, YONGS SU GYUR PA LAS, RANG NYID 'PHAGS MA YID BZHIN 'KHOR LO SKU MDOG DKAR MO ZHAL GCIG PHYAG GNYIS MA, PHYAG GA-YAS MCHOG SBYIN DANG, GA-YON THUGS KAR DKON MCHOG GSUM MTSON GYI PHYAG RGYAS AUTPAL 'DZIN PA, DBU RGYAN LA SOGS PA
RIN PO CHE'I RGYAN SNA TSOGS PAS BRGYAN CING, LHA RDZAS LAS GRUB PA'I DAR SNA TSOGS PA'I NA BZA' GSOL BA, 'OD KYI DKYIL 'KHOR GYIS BSKOR BA'I DBUS NA ZHABS GNYIS RDO RJE'I SKYIL KRUNG GIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR ZLA BA'I GDAN LA TAm YIG DKAR PO H'Um SNGON POS MTSAN PA, DE LAS 'OD ZER 'PHROS, PO TA LA DANG BDE BA CAN NAS BSGOMS PA DANG 'DRA BA'I YE SHES PA LA, SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHR'I A'A: H'Um ZHES DBANG BSKUR, LUS GANG, DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS, 'OD DPAG MED KYIS DBU BRGYAN PAR GYUR, MCHOD PA RNAMS BSANGS SBYANGS BYIN GYIS BRLABS TE, AOm A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, RGYAL BA KUN GYI MKHYEN BRTZE 'PHRIN LAS RNAMS, ,RAB MDZES LHA MO'I GZUGS SU SHAR BA GANG, ,DRAN PA TZAM GYIS TSE DANG YE SHES SOGS, ,CI 'DOD DNGOS GRUB STZOL LA PHYAG 'TSAL LO, ,ZHES PAS BSTOD, DE NAS RANG GI THUGS KAR ZLA GDAN
, ,LA, 'KHOR LO DKAR PO RTZIBS BCU PA LTE BA MU KHYUD RIM PA GSUM DANG BCAS PA, LTE BAR TAm YIG DKAR PO'I MTHAR, AOm MA MA A'A YUR DZNY'A NA PU n+YA PUshtIm KU RU SV'AH'A, ZHES PA DANG, RTZIBS RNAMS LA YI GE BCU PA DANG, MU KHYUD NANG MA LA A'A LI GA-YAS BSKOR DANG, BAR MA LA K'A LI GA-YON BSKOR, PHYI MA LA RTEN 'BREL SNYING POS BSKOR BA'I SNGAGS KYI 'OD ZER GYIS, PHYOGS BCU'I SANGS RGYAS BYANG SEMS THAMS CAD KYI THUGS KA NAS 'CHI MED TSE'I BDUD RTZI DANG, GZHAN YANG 'KHOR 'DAS KYI SNOD BCUD THAMS CAD KYI BKRAG MDANGS YON TAN THAMS CAD 'CHI MED TSE'I BDUD RTZI'I RNAM PAR SPYAN DRANGS, SNGAGS PHRENG LA THIM PA'I YIG 'BRU RNAMS LAS BDUD RTZI'I RGYUN BABS PAS, LUS KYI NANG THAMS CAD GANG, TSE DANG BSOD NAMS RGYAS PA LA BAR DU GCOD PA THAMS CAD SBYANGS, 'CHI MED TSE'I DNGOS GRUB THOB PAR BSAMS LA, AOm T'A RE TUTT'A RE TU RE MA MA A'A YUR DZNY'A NA PU n+YA PUshtI KU RU SV'AH'A, ZHES SPEL TSIG DANG BCAS PA THOG MTHAR BZLA, GTZO BOR YI GE BCU PA LA BZLAS PA BYA, SNGAGS KYI LHAG CHAD KYI NYES PA ZHI BA'I DON DU YIG BRGYA BZLA, MJUG TU, DGE BA 'DI YIS MYUR DU BDAG ,CES SOGS BSNGO BA SMON LAM GYIS BRGYAN PAR BYA'O, ,THUN MTSAMS SU GTOR MA 'BUL BAR 'DOD NA, DKAR GTOR CHAB KYIS BRAN PA BYA SPYOD LTAR BYIN GYIS BRLABS, RANG GI THUGS KA'I
TAm YIG GI 'OD ZER GYIS, PO TA LA DANG BDE BA CAN NAS RJE BTZUN MA 'PHAGS MA SGROL MA YE SHES PA LA, SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS PA'I LJAGS 'OD ZER GYI SBU GUS DRANGS TE, GSOL BAR BSAMS LA, AOm A'ARYA T'A RE SA PA RI W'A RA AI DAm BA LIm TA KHA KHA KH'A HI KH'A HI, ZHES PA GSUM MAM, AA K'A RO GSUM MAM BDUN GYIS PHUL, AARGHAm SOGS KYIS MCHOD, BSTOD PAS BSTOD, RJE BTZUN BCOM LDAN 'DAS MA THUGS RJE CAN, ZHES SOGS KYIS 'DOD DON LA GSOL BA GDAB, BZOD PAR GSOL TE GSHEGS SU GSOL NAS SHIS PA BRJOD DO, ,ZHES PA 'DI YANG DAM PAS BSNGAGS PA'I YON TAN PHUL DU BYUNG BA DANG LDAN PA LHA SRAS RNAM SRAS DZAM LA'I THUGS DAM DU, CHOS SMRA BA BLO BZANG CHOS KYI RGYAL MTSAN GYIS SBYAR BA'O,,