*, ,SVASTI, BCOM LDAN 'DAS RNAM PAR RGYAL MA BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOMS, SVA BH'A WAS SBYANGS, STONG PA'I NGANG LAS SNA TSOGS PAD ZLA'I STENG DU RANG GI SEMS BHR'Um LAS SNA TSOGS RDO RJE BHR'Um GYIS MTSAN PA YONGS SU GYUR PA LAS, RANG NYID RJE BTZUN RNAM PAR RGYAL MA SKU MDOG DKAR MO ZHAL GSUM PHYAG BRGYAD MA, RTZA ZHAL DKAR PO, GA-YAS SER PO, GA-YON SNGO BA, ZHAL RE RE'ANG SPYAN GSUM GSUM PA, PHYAG GA-YAS GA-YON GYI DANG PO GNYIS KYIS SNA TSOGS RDO RJE DANG, SDIGS MDZUB DANG BCAS PAS ZHAGS PA 'DZIN PA, DE'I 'OG MA GNYIS KYIS 'OD DPAG MED DANG, SKYABS SBYIN, GSUM PA GNYIS KYIS MDA' GZHU,
BZHI PAS MCHOG SBYIN DANG, BUM PA BSNAMS PA, DAR GYI NA BZA' DANG, RIN PO CHE'I RGYAN SNA TSOGS PAS BRGYAN CING, MTSAN DPES SPRAS PA, 'OD KYI DKYIL 'KHOR GYI DBUS NA ZHABS RDO RJE'I SKYIL KRUNG GIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um GI 'OD ZER GYIS RANG 'DRA'I YE SHES PA DBANG LHA DANG BCAS PA SPYAN DRANGS, GNYIS SU MED PAR GYUR, DBANG GI LHAS DBANG BSKUR, 'OD DPAG MED KYIS DBU BRGYAN PAR GYUR, MCHOD PA RNAMS PHUL DU BYUNG BA'I LHA RDZAS SU GYUR, AOm SARBA TA TH'A GA TA AUshn'I shA BI DZA YA AARGHAm NAS, SHAPTA'I BAR GYIS MCHOD, DPAL LDAN LHA MO STON KA'I ZLA BA'I MDOG ,CES SOGS KYIS BSTOD, THUGS KAR SNGAGS PHRENG BSAMS, 'OD ZER GYI SPRO BSDU DANG BCAS PAS GZUNGS GANG MANG BZLA, MJUG TU DGE BA 'DI YIS MYUR DU BDAG ,CES SOGS KYIS DGE BA BSNGO'O, ,ZHES PA 'DI YANG BKRA SHIS RTZE'I CHOS DRUNG BLO BZANG CHOS 'DZIN GYI THUGS DAM DU DGE SLONG BLO BZANG CHOS KYI RGYAL MTSAN GYIS SMRAS PA'O,, ,,