*, ,RNAM DKAR TSOGS GNYIS CHU SHEL LAS GRUB CING, ,RNAM DAG 'PHRIN LAS 'OD STONG PHYOGS BCUR 'PHRO, ,RNAM GROL KUNDA'I TSAL RAB RGYAS MDZAD PA, ,RNAM RGYAL 'CHI MED BDUD RTZI LA PHYAG 'TSAL, ,SKYABS
'GRO SEMS BSKYED TSAD MED BZHI BSGOM PA SNGON DU 'GRO BAS, AOm SVA BH'A WA SHUDDH'A: SARBA DHARMA: SVA BH'A WA SHUDDHO NYA HAm, DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU; LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS, AOm BHR'Um SV'AH'A; AOm AA MRi TA A'A YURDA DE SV'AH'A, ZHES PA'I SNGAGS KYI GDANGS KYI RNAM PAR NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PAR NAM MKHA' LA GRAG PA DE NYID SHIN TU DAG PA'I DNGUL CHU GSER GYI BYE MA LA ZHEN PA LTAR YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS, SNA TSOGS RDO RJE RTZE MO BCU GNYIS PA, LTE BA DKAR PO, MDUN GYI RVA GSUM SNGO, GA-YAS KYI RVA GSUM SER, GA-YON GYI RVA GSUM LJANG, RGYAB KYI RVA GSUM DMAR BA, DE'I LTE BAR AOm BHR'Um SV'AH'A, AOm AA MRi TA A'A YURDA DE SV'AH'A, ZHES PAS MTSAN PAR GYUR, ZLA BA DANG PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LAS, RJE BTZUN BCOM LDAN 'DAS MA RNAM PAR RGYAL MA'I LHA'I GZUGS DPAG TU MED PA BYUNG NAS NAM
, ,MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS; DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING DE RNAMS BDE BAS TSIM PAR BYAS NAS, LHA'I SKU DANG BCAS PA'I 'OD ZER SLAR LOG ,RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA LA ZHUGS PA LAS, RANG NYID BCOM LDAN 'DAS RNAM PAR RGYAL MA SKU MDOG DKAR MO ZHAL GSUM, PHYAG BRGYAD MA, RTZA ZHAL DKAR BA, GA-YAS ZHAL SER BA, GA-YON ZHAL SNGON PO YID TZAM KHRO BA, ZHAL RE RE'ANG SPYAN GSUM GSUM DANG LDAN PA, MCHE BA CUNG ZAD GTZIGS PA, PHYAG BRGYAD KYI GA-YAS DANG POS SNA TSOGS RDO RJE, GNYIS PAS PADMA'I STENG NA SANGS RGYAS 'OD DPAG MED, GSUM PAS MDA' 'DZIN PA, BZHI PAS MCHOG SBYIN GYI PHYAG RGYA MDZAD PA, GA-YON DANG POS SDIGS MDZUB DANG BCAS PA'I ZHAGS PA THUGS KAR 'DZIN PA, GNYIS PAS MI 'JIGS PA'I PHYAG RGYA, GSUM PA NA GZHU, BZHI PA MNYAM GZHAG GI PHYAG RGYA'I STENG NA BDUD RTZIS GANG BA'I BUM PA BSNAMS PA, ZHABS RDO RJE'I SKYIL MO KRUNG GIS BZHUGS PA, DAR GYI STOD GA-YOGS DANG SMAD GA-YOGS CAN, RIN PO CHE'I RGYAN SNA TSOGS KYIS
BRGYAN PA, DE'I GA-YAS SU SPYAN RAS GZIGS DKAR PO, GA-YAS RNGA YAB DKAR PO DANG, GA-YON PADMA DKAR PO BSNAMS PA, GA-YON DU GSANG BA'I BDAG PO SNGON PO GA-YAS RNGA YAB DKAR PO DANG GA-YON RDO RJES MTSAN PA'I AUTPA LA SNGON PO BSNAMS PA, GNYIS KA'ANG ZHI BA'I NYAMS CAN, DAR DANG RIN PO CHE'I RGYAN SNA TSOGS KYIS BRGYAN CING, BZHENGS NAS GTZO MO LA GZIGS PA, SHAR DU MI GA-YO BA SNGON PO GA-YAS RAL GRI ,LHOR 'DOD RGYAL SNGON PO GA-YAS LCAGS KYU, NUB TU DBYUG SNGON CAN SNGON PO GA-YAS DBYUG PA, BYANG DU STOBS PO CHE SNGON PO GA-YAS RDO RJE RTZE GSUM PA BSNAMS PA, THAMS CAD KYANG GA-YON SDIGS MDZUB THUGS KAR MDZAD PA, DBU SKRA DANG SMA RA 'BAR ZHING, MCHE BA GTZIGS PA, STAG GI PAGS PA'I SHAM THABS CAN, SBRUL GYIS BRGYAN PA, YE SHES KYI ME RAB TU 'BAR BA'I DBUS NA ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA; STENG GI CHA LA GA-YAS GA-YON DU GNAS GTZANG MA'I LHA'I BU GNYIS SER PO, DAR DANG RIN PO CHE'I RGYAN GYIS BRGYAN CING, PHYAG GNYIS BDUD RTZIS GANG BA'I BUM PA BSNAMS NAS BCOM LDAN 'DAS MA LA SKU KHRUS GSOL BA, THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DPRAL BAR TR'Am SER PO, LTE BAR HR'I: DMAR PO, BRLA GA-YAS GA-YON LA AAm AA: LJANG GUS MTSAN PAR GYUR, AOm
, ,SARBA TA TH'A GA TA AUTBHA WA YE SV'AH'A, AOm SARBA TA TH'A GA TA AUshn'I shA BI DZA YA SA PA RI W'A RA AARGHAm PRA T'ITZTSA YE SV'AH'A, P'A DYAm, PUshPE, DH'U PE, A'A LO KE, GANDHE, NEE BI DYA, SHAPTA PRA T'ITZTSA YE SV'AH'A, ZHES PAS MCHOD, DE NAS DPAL LDAN LHA MO ZHES SOGS SAM, 'CHI MED GRUB PA SOGS RGYAS BSDUS CI RIGS PAS BSTOD DE, GZUNGS CI MANG BZLA ZHING, GTOR MA 'BUL BAR 'DOD NA BYA RGYUD SPYI LTAR BYA'O, ,ZHES PA 'DI YANG LHUN RTZE MKHAN CHEN RJE DRUNG DPAL 'BYOR RDO RJES BSKUL BA LA BRTEN NAS, BTZUN PA BLO BZANG CHOS KYI RGYAL MTSAN GYIS SBYAR BA'O,, ,,