*, ,NA MO GU RU MANYDZU GHO sh'A YA, RAB 'BYAMS RGYAL BAS RAB BSNGAGS PA'I, ,ME TOG GIS MCHOD TSE DPAG MED, ,MDZES SDUG LHA MO'I SKUR SHAR BA, ,RNAM PAR RGYAL MA'I ZHABS BTUD NAS, ,DE NYID SGRUB THABS BYA SPYOD SPYI'I, ,RGYUD DANG 'PHAGS YUL MKHAS PA'I GZHUNG, ,JI BZHIN MDOR BSDUS CHO GA'I TSUL; ;BLO LDAN MGRIN PA'I RGYAN DU SPEL, ,DE LA RJE BTZUN BCOM LDAN 'DAS RNAM PAR RGYAL MA BSGRUB CING, STONG MCHOD SOGS BYED PAR 'DOD PAS, MDUN BSKYED SGRUB GZHI RAS BRIS SAM, RGYAS PAR NA, RDUL TSON GYI DKYIL 'KHOR GRU BZHI SGO BZHI RTA BABS RDO RJE'I RA BA ME RI DANG BCAS PA'I DBUS SU PADMA 'DAB BZHI'I LTE BAR MCHOD RTEN GYI TSON SPUNGS DKAR PO BKOD, MTHA' NYER SPYOD SOGS MCHOD BSTONG TSAR BAS BSKOR, GZHAN YANG BDAG BSKYED DANG SNGON 'GRO GTOR MA'I MCHOD GTOR BSHAMS TE, CHO GA LA 'JUG PA NI, RANG NYID SKAD CIG GIS RJE BTZUN RNAM PAR RGYAL MA SKU MDOG DKAR MO DKAR SER SNGO BA'I ZHAL GSUM PHYAG BRGYAD KYI GA-YAS SNA TSOGS
RDO RJE SNANG MTHA' MDA' DANG MCHOG SBYIN, GA-YON SDIGS MDZUB ZHAGS PA SKYABS SBYIN GZHU DANG BUM PA 'DZIN PA, LHA'I GOS DANG RIN PO CHE'I RGYAN CAN, RDO RJE'I SKYIL MO KRUNG GIS BZHUGS PAR GYUR, AOm TRAm BANDHA SV'AH'A, DZI NA DZI KA; AOm TE DZA TE DZA SA NI SIDDHI S'A DH'A YA H'Um PHAt, AOm LAS RIN PO CHE'I SNOD YANGS SHING RGYA CHE BA RNAMS KYI NANG DU RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD PA DANG GTOR MA RNAMS PHUL DU BYUNG BA'I LHA RDZAS SU GYUR, MGON PO KUN GSHEGS GDAN LA BZHUGS, ,DA LTA SNYIGS MA LNGA YI DUS, ,GSHEGS SHING BZHUGS PA'I GNAS NGAN YANG, ,SH'AKYA'I BSTAN PA BSRUNG BA DANG, ,BDAG CAG RNAMS LA PHAN GDAGS PHYIR, ,GNAS 'DI NYID DU GSHEGS SU GSOL, ,AE HYE HI DA SHA DI KA LO KA P'A LA SA RI W'A RA SA MA YE SV'AH'A, ZHES SPYAN DRANGS, AOm DA SHA DI KA LO KA P'A LA AARGHAm, P'A DYAm, PUshPE, DH'U PE, A'A LO KE, GANDHE, NE BI DYA, SHAPTA PRA T'I TZTSA SV'AH'A, ZHES PAS MCHOD NAS, AOm DA SHA DI KA LO KA P'A LA SA PA RI W'A RA NA MA: SARBA TA TH'A GA T'A BHYO, BI SHVA MU KHA BHYA: SARBA TAD KHAm AUTGA TE SPHA RA NA HI MAm, GA GA NA KHAm GRiHnE DAm BA LIm TE SV'AH'A, ZHES PA GSUM GYIS GTOR MA PHUL; SHAR PHYOGS RDO RJE CAN GYI LHA TSOGS BCAS, ,GTOR MA PHUL BA 'DI DAG BZHES SU GSOL, ,ME DANG GSHIN RJE BDEN BRAL SRIN PO'I BDAG ,CHU BDAG RLUNG BDAG NOR GYI BDAG PO DANG, ,DBANG LDAN LHA STE 'BYUNG PO'I BDAG
, ,PO DANG, ,STENG GI NYI ZLA TSANGS PA CHEN PO DANG, ,LHA RNAMS KUN DANG SA YI KLU RNAMS DANG, ,RI YI LHA DANG GNOD SBYIN TSOGS BCAS LA, ,SO SO SO SOR GTOR MA PHUL BA RNAMS, ,RAB TU DGYES PA YIS NI BZHES NAS KYANG, ,RANG RANG PHYOGS SU LEGS PAR BZHUGS NAS SU, ,RANG GI BU SMAD MDZA' BSHES GNYEN 'DUN DANG, ,NANG MI DMAG DANG DPUNG BCAS THABS GCIG TU, ,ME TOG DRI DANG BDUG PA GTOR MAR BCAS, ,'DI RNAMS BTUNG ZHING LEGS PAR GSOL NAS KYANG, ,BDAG GI LAS KYI 'BRAS BU MCHIS PAR MDZOD, ,PHYOGS SKYONG 'KHOR DANG BCAS PA RNAMS KYIS BDAG GI DGE BA'I BYA BA RNAMS MTHAR PHYIN PA DANG, DE'I BAR CHAD ZHI BA'I 'PHRIN LAS MDZOD CIG ,PHYOGS SKYONG RANG GNAS SU GSHEGS PAR GYUR, BDAG BSKYED KYI MCHOD PA GZI BYIN BSKYED CING BYIN GYIS BRLABS, SANGS RGYAS CHOS DANG TSOGS MCHOG LA, , BYANG CHUB BAR DU SKYABS SU MCHI, ,BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO, ,PHYOGS BCU DAG NA BZHUGS PA YI, ,SANGS RGYAS BYANG CHUB SEMS DPA' GSON, ,BDAG GIS RDZOGS PA'I BYANG CHUB PHYIR, ,DENG NAS BYANG CHUB SEMS BSKYED DO, ZHES SKYABS 'GRO SEMS BSKYED CI MANG BYA, RANG NYID RJE BTZUN RNAM PAR RGYAL MAR GSAL BA'I THUGS KA'I BHRUm GYI 'OD ZER GYIS RANG BZHIN GYI GNAS NAS SLAR YANG RJE BTZUN
RNAM PAR RGYAL MA'I LHA TSOGS LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, 'OD ZER RANG GI SNYING GAR THIM, SA GSUM 'GRO BA'I RE SKONG DNGOS GRUB GTER, ,LEGS BSHAD 'OD STONG 'GYED PA'I NYIN MOR BYED, ,YON TAN CHA SHAS KUN RDZOGS 'OD DKAR CAN, ,DPAL LDAN BLA MA'I ZHABS LA PHYAG 'TSAL LO, ,DPAL LDAN LHA MO STON KA'I ZLA BA'I MDOG ,ZHAL GSUM PHYAG BRGYAD RAB MDZES ZHI BA'I SKU, ,YE SHES DPAG YAS TSE YI MCHOG STZOL MA, ,RNAM PAR RGYAL MA'I ZHABS LA PHYAG 'TSAL LO, ,AOm SARBA TA TH'A GA TA AUshn'I shA BI DZA YA SA PA RI W'A RA AARGHAm PRA T'ITZTSA SV'AH'A, AOm PRA WA RA SAD KA RAm P'A DYAm PRA T'I TZTSA SV'AH'A, A'A HA RA A'A HA RA SARBA BIDY'A DHA RI P'U DZI TE SV'AH'A LAN BZHIS DRI CHAB ME TOG BDUG SPOS ZHAL ZAS RNAMS RIM BZHIN 'BUL, A'A LO KA YA A'A LO KA YA BIDY'A DHA RI P'U DZI TE SV'AH'A SA MAR ME, AOm SARBA TA TH'A GA TA AUshn'I shA BI DZA YA SA PA RI W'A RA SHAPTA PRA T'ITZTSA SV'AH'A, ZHES ROL MO DANG BCAS PAS MCHOD, BDAG GIS SDIG PA BGYIS PA RNAMS, ,RDZOGS SANGS RGYAS KYIS MKHYEN PA BZHIN, ,DE LTAR BDAG GIS SO SOR BSHAGS, ,SLAN CHAD DE LTAR YONGS MI BGYID, ,SROG CHAGS SDUG BSNGAL ZHI BYA'I PHYIR, ,BDAG NYID JI SRID 'TSO BAR DU, ,SANGS RGYAS CHOS DANG DGE 'DUN LA, ,GUS PAR YANG DAG SKYABS SU MCHI, ,CHOS KYI LONGS SPYOD SNA TSOGS LA, ,MNYAM PAR BZHAG PAS YI RANG NGO, ,MI RTOG
, ,BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM BAR DU, ,MYA NGAN MI 'DA' GSOL BA 'DEBS, ,SNGON GYI RGYAL BA'I SRAS RNAMS KYIS, ,SMON LAM JI LTAR MDZAD PA BZHIN, , BDAG KYANG DGE BA'I SEMS KYIS SU, ,DE BZHIN DU NI SMON LAM 'DEBS, ,SEMS CAN THAMS CAD SDUG BSNGAL DANG BRAL BAR GYUR CIG ,SEMS CAN THAMS CAD BDE BA DANG MI 'BRAL BAR GYUR CIG ,SEMS CAN THAMS CAD SANGS RGYAS KYI BDE BAS BDE BAR GYUR CIG ,SEMS CAN THAMS CAD SANGS RGYAS KYI MYANG 'DAS BLA NA MED PAS MYA NGAN LAS 'DA' BAR GYUR CIG ,TSOGS ZHING RANG GNAS SU GSHEGS PAR GYUR, DE NAS 'JUG PA BDE BA'I PHYIR BDAG MDUN GNYIS MNYAM DU BSGRUB NA, RANG GI GNAS DANG MDUN DU RIN PO CHE DU MA LAS BYAS PA'I SA GZHI GSER GYI BYE MA BDAL BAR GYUR, AOm TZA LA B'I H'Um SV'AH'A, DE'I STENG DU 'O MA'I RGYA MTSO CHEN PO NYA LCIBS LA SOGS PA'I SKYON DANG BRAL BA, PADMA DANG AUTPAL LA SOGS PA'I ME TOG GIS BRGYAN PA, RIN PO CHE'I BYA'I TSOGS MANG PO LDING BAR GYUR, AOm BI MA LA DHA HA H'Um, DE'I DBUS SU RI RAB GRU BZHI PA NGOS BZHI NAS GSER DANG DNGUL DANG AINDRA N'I LA DANG, SBUR LONG LAS BYAS PA'I THEM SKAS KYI 'PHRENG BAS BRGYAN PA, MTHA' THOG THAG DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BA DAN STONG 'PHUR
BAS BRGYAN PA, DE'I STENG DU PADMA'I SDONG BU RIN PO CHE DU MAS BRGYAN PA, RIN PO CHE SNA TSOGS KYI 'DAB MA CAN, GSER GYI ZE BA DANG SBUR LONG GI ZE'U 'BRU DANG LDAN PA, SNYING PO'I THOG LA DNGUL GYI RI MOS BSKOR BA DPAG TSAD DU MA'I KHYON CAN, RI RAB KYI DBUS BRTOL NAS BYUNG BA'I LTE BAR BHRUm LAS BYUNG BA'I GZHAL YAS KHANG GRU BZHI SGO BZHI, PHYI NAS RIM PA BZHIN DU SNGO SER DMAR LJANG DKAR BA'I RIM PA LNGA DANG LDAN PA'I RIN PO CHE'I RTZIG PAS BSKOR BA'I STENG DU, RIN PO CHE'I PHA GU GZHI DMAR PO LA RIN PO CHE ZUR GSUM PA DANG, GRU BZHI PA LA SOGS PAS SPRAS PA, DE'I STENG NA GNAS PA'I GSER GYI SKA RAGS BZHI'I PHYI NGOS SU CHU SRIN GYI KHA NAS MU TIG GI DO SHAL DANG DO SHAL BYED PA 'PHYANG BA, DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG NA PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS THON PA'I RGYAL MTSAN DANG, BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA BZHUGS STABS DANG KHA DOG SNA TSOGS PA'I LHA MO RNAMS KYIS MCHOD PA BYED BZHIN PA, SGO DANG SGO KHYUD KYI PHYI'I MTSAMS DANG, RTZIG PA'I PHYI NANG GI ZUR BZHIR ZLA BA PHYED PA LA GNAS PA'I RIN PO CHE DMAR PO'I STENG DU RDO RJES
, ,BRGYAN PA, SGRO BZHI SO SO'I MDUN DU STEGS BU GRU BZHI PA LA GNAS PA'I KA BA BZHI BZHIS BTEG PA'I RTA BABS, GSER, SHAR BU, RIN PO CHE, RTA RMIG ,MUN SNAM, WA RANTRA, MUN PA, SHAR BU, RIN PO CHE, RMIG PA, MDA' YAB STE, SNAM BU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DVAGS PHO MO DANG BCAS PA, RTA BABS KYI GA-YAS GA-YON DU BUM PA BZANG PO LAS SKYES PA'I DPAG BSAM GYI SHING LA RGYAL SRID RIN PO CHE SNA BDUN DANG, BAR BAR DU GRUB PA THOB PA DANG, SPRIN GYI GSEB NAS BYUNG BA'I LHA ME TOG GI PHRENG BA BZUNG BA RNAMS KYIS KUN NAS MDZES PAR BYAS PA'O, ,GZHAL YAS KHANG GI NANG DU KA BA BRGYAD KYIS BTEG PA'I RDO RJE'I GDUNG GIS MDZES PAR PHUBS PA'I RTZE MO RDO RJE RIN PO CHE'I TOG GIS SPRAS PA, LHA DANG MI LAS YON TAN KHYAD PAR DU 'PHAGS PA'I KHANG BZANG DAM PA PHYI BLTAS NANG GSAL BA, NANG BLTAS PHYI GSAL BA'I NANG GI STENG DANG 'OG GI SA GZHI THAMS CAD SHAR SNGO, LHO SER, NUB DMAR, BYANG LJANG, DBUS DKAR BAR GYUR BA'I NANG DU RIN PO CHE LAS GRUB PA'I MCHOD RTEN KHRI GRU BZHI, BANG RIM ZLUM PO GSUM, BUM GDAN, BUM PA, BRE, GDUGS RIM PA BCU GSUM, CHAR KHEBS TOG DANG BCAS PA, ME TOG GI PHRENG BA DANG, DAR SNA TSOGS KYI LDA LDIS MDZES PAR BYAS PA, BUM PA ZLUM PO SGO DANG BCAS PA
YANGS SHING RGYA CHE BA'I DBUS DANG GA-YAS GA-YON STENG RNAMS SU SNA TSOGS PADMA DANG ZLA BA'I GDAN LNGA, PHYOGS BZHIR SNA TSOGS PADMA DANG NYI MA'I GDAN RE RE, GZHAN YANG PADMA'I DRA BA BRGYA STONG KHRI BYE BA SNYED BYUNG BAR GYUR, NA MA: SARBA TA TH'A GA TA N'Am, SARBA TH'A AUDGA TE SPHA RA NA HI MAm GA GA NA KHAm SV'AH'A, STENG DU BLA BRE YANG SKAD CIG GIS BYANG BAR GYUR, AOm SVA BH'A WA SHUDDHA: SARBA DHARMA: SVA BH'A WA SHUDDHONYA HAm, DE LTAR BDAG GI DE KHO NA NYID DON DAM PAR SPROS PA THAMS CAD BRAL BA JI LTAR YIN PA DE BZHIN DU, LHA'I DE KHO NA NYID KYANG DE LTAR YIN PAS, DE GNYIS CHU DANG 'O MA 'DRES PA BZHIN DU RNAM PAR MI RTOG PA'I SNANG BA'I SGO DE NYID DU BDAG DANG LHA'I DE KHO NA NYID DBYER MI PHYED PAR GYUR, STONG PA'I NGANG LAS AOm BHRUm SV'AH'A, ZHES PA'I SNGAGS KYI GDANGS KYI RNAM PAR NAM MKHA' LA GRAG PAR GYUR, BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PAR NAM MKHA' LA GRAG PA DE NYID SHIN TU DAG PA'I DNGUL CHU GSER GYI BYE MA LA ZHEN PA LTAR YIG 'BRU BRIS PA'I RNAM PA CAN DU 'KHOD PA YONGS SU GYUR PA LAS SNA TSOGS RDO RJE'I LTE BAR AOm BHRUm SV'AH'A, ZHES PAS MTSAN PAR GYUR, ZLA BA DANG PHYAG MTSAN SNGAGS DANG BCAS PA LAS 'OD ZER SNA TSOGS BYUNG BA'I RTZE MO LAS RJE BTZUN RNAM PAR RGYAL MA'I LHA'I GZUGS DPAG TU MED
, ,PA BYUNG NAS NAM MKHA'I DBYINGS THAMS CAD KHYAB PAR BYAS, RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS, DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING DE RNAMS BDE BAS TSIM PAR BYAS NAS, LHA'I SKU DANG BCAS PA'I 'OD ZER SLAR LOG NAS RANG GI SEMS ZLA BA'I DKYIL 'KHOR DANG PHYAG MTSAN SNGAGS DANG BCAS PA LA ZHUGS PA LAS, BDAG BSKYED DANG MDUN BSKYED KYI DKYIL 'KHOR GYI NANG DU, BDAG MDUN GYI LHA RNAMS DUS GCIG TU GRUB PA NI, DBUS KYI GDON LA RANG NYID BCOM LDAN 'DAS GTZUG TOR RNAM PAR RGYAL MA SKU MDOG DKAR MO ZHAL GSUM PHYAG BRGYAD MA, RTZA BA'I ZHAL DKAR, GA-YAS SER, GA-YON SNGO BA, ZHAL RE RE'ANG SPYAN GSUM GSUM DANG LDAN PA, GA-YON ZHAL YID TZAM KHRO BA, MCHE BA CHUNG ZAD GTZIGS PA, PHYAG GA-YAS KYI DANG PO NA SNA TSOGS RDO RJE, GNYIS PAR PADMA'I LTE BA NA SANGS RGYAS 'OD DPAG MED, GSUM PAS MDA' 'DZIN CING, BZHI PAS MCHOG SBYIN GYI PHYAG RGYA MDZAD PA, GA-YON GYI DANG POS RDO RJE ZHAGS PA DANG BCAS PA'I SDIGS MDZUB THUGS KAR MDZAD PA, GNYIS PAS MI 'JIGS PA'I PHYAG RGYA, GSUM PA NA GZHU, BZHI PAS
MNYAM GZHAG GI PHYAG RGYA'I STENG NA BDUD BRTZIS GANG BA'I BUM PA BSNAMS PA, ZHABS RDO RJE'I SKYIL MO KRUNG GIS BZHUGS PA, DAR GYI STOD GA-YOGS DANG SMAD GA-YOGS CAN, RIN PO CHE'I RGYAN SNA TSOGS KYIS BRGYAN PA, DE'I GA-YAS SU SPYAN RAS GZIGS DKAR PO RNGA YAB DKAR PO DANG, PADMA DKAR PO BSNAMS PA, GA-YON DU GSANG BA'I BDAG PO SNGON PO, RNGA YAB DKAR PO DANG, AUTPAL SNGON PO'I STENG NA RDO RJE BSNAMS PA, GNYIS KA'ANG BZHENGS PA ZHI BA'I NYAMS CAN, DAR DANG RIN PO CHE'I RGYAN SNA TSOGS KYIS BRGYAN CING GTZO MO LA GZIGS PA, SHAR DU MI GA-YO BA SNGON PO GA-YAS RAL GRI BSNAMS PA, LHOR 'DOD RGYAL SNGON PO GA-YAS LCAGS KYU BSNAMS PA, NUB TU DBYUG SNGON CAN SNGON PO GA-YAS DBYUG PA BSNAMS PA, BYANG DU STOBS PO CHE SNGON PO GA-YAS RDO RJE RTZE GSUM PA BSNAMS PA, THAMS CAD KYANG GA-YON SDIGS MDZUB THUGS KAR MDZAD PA, DBU SKRA DANG SMA RA DMAR SER 'BAR ZHING MCHE BA GTZIGS PA, SBRUL DANG RIN PO CHE'I RGYAN GYIS BRGYAN PA STAG GI PAGS PA'I SHAM THABS CAN, YE SHES KYI ME RAB TU 'BAR BA'I DBUS NA ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA, STENG GI GA-YAS GA-YON DU GNAS GTZANG MA'I LHA'I BU GNYIS SER PO, DAR DANG RIN PO CHE'I RGYAN GYIS BRGYAN PA, GA-YAS GNYIS BDUD RTZI'I BUM PAS
, ,BCOM LDAN 'DAS MA LA SKU KHRUS GSOL BA, DE THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DPRAL BAR TRAm SER PO, LTE BAR HR'I: DMAR PO, BRLA GNYIS LA AAm AA: LJANG GUS MTSAN PAR GYUR, AOm SARBA TA TH'A GA TA AUTBHA WA YE SV'AH'A, LAN BZHI, AOm TRAm BANDHA SV'AH'A, AOm SARBA TA TH'A GA TA K'A YA W'A KA TZITTA BADZRA PRA nA ME NA SARBA TA TH'A GA TA BADZRA P'A DA BANDA N'Am KA RO MI, DAD PA DANG NI DAM TSIG GIS, ,TSUR GSHEGS TSUR GSHEGS BCOM LDAN 'DAS, ,BDAG GI MCHOD YON 'DI BZHES NAS, ,MCHOD PAS BDAG LA DGYES PAR MDZOD, ,DZI NA DZI KA AE HYE HI, AOm SARBA TA TH'A GA TA AUshn'I shA BI DZA YA SA PA RI W'A RA AARGHAm PRA T'I TZTSA SV'AH'A, BCOM LDAN 'DAS GTZUG TOR RNAM PAR RGYAL MA'I LHA TSOGS LA GSANG SNGAGS DANG RIG SNGAGS DANG KHRO BO DANG KHRO MO DANG MNGAG GZHUG PA DANG MNGAG GZHUG MA LA SOGS PAS NAM MKHA'I DBYINGS KHYAB CING KHOR YUG TU BSKOR NAS BYON PA RANG RANG GI GDAN LA BZHUGS PAR GYUR, DE THAMS CAD KYI SPYI BOR AOm LAS 'KHOR LO DKAR PO'I LTE BAR AOm GYIS MTSAN PA, MGRIN PAR A'A: LAS PADMA DMAR PO'I LTE BAR A'A: SA MTSAN PA, THUGS KAR H'Um LAS RDO RJE SNGON PO'I LTE BAR H'Um GIS MTSAN PA, AOm SARBA TA TH'A GA TA AUTBHA WA YE SV'AH'A, BCOM LDAN THUGS RJES BYON PA LEGS, ,BDAG CAG BSOD NAMS SKAL BAR LDAN, ,BDAG GI MCHOD YON
BZHES NAS KYANG, ,THUGS LA DGONGS SHING GNANG BAR MDZOD, ,BDAG DANG 'GRO LA THUGS BRTZE'I PHYIR, ,NYID KYI RDZU 'PHRUL MTHU YIS NI, ,JI SRID MCHOD PA BDAG BGYID NA, ,DE SRID BCOM LDAN BZHUGS SU GSOL, ,AOm KA MA LA YE STVAm, AOm BADZRA AA SA NI H'Um PHAt, AOm BADZRA KA H'Um PHAt, SHAM KA RE SA MA YE SV'AH'A, DZI NA DZI KA AOm TZAndA MAH'A RO shA nA H'Um PHAt, DZA: H'Um BAm HAm: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, JI LTAR BLTAMS PA TZAM GYIS NI, ,DE BZHIN GSHEGS KUN KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHRI: YE A'A: H'Um, ZHES GSUNG ZHING BUM PA'I CHUS SPYI BO NAS DBANG BSKUR, LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG PA SPYI GTZUG TU GNAS PA YONGS SU GYUR PA LAS GTZO MO LA RNAM PAR SNANG MDZAD, SPYAN RAS GZIGS LA 'OD DPAG MED, PHYAG NA RDO RJE DANG KHRO BO BZHI LA MI BSKYOD PA, LHA'I BU GNYIS LA RIN CHEN 'BYUNG LDAN GYIS DBU BRGYAN CING, DBANG GI LHA RNAMS KYANG DE NYID LA THIM PAR GYUR, BDAG GI GNAS SU MDUN GYI GNAS
, ,SU ZHES BDAG MDUN SO SOR BSGRUBS KYANG RUNG NGO, ,MCHOD BSTOD BZLAS PA SOGS CHO GA LHAG MA NI 'DI LTAR, MCHOD PA BYIN GYIS BRLABS SHING GZI BYIN BSKYED LA, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI MCHOD YON BZHES NAS KYANG, ,THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ,AOm SARBA TA TH'A GA TA AUshn'I shA BI DZA YA SA PA RI W'A RA AARGHAm PRA T'I TZTSA SV'AH'A, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI ZHABS BSIL BZHES NAS KYANG, ,THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ,AOm PRA WA RA SAD KA RAm P'A DYAm PRA T'ITZTSA SV'AH'A, DE BZHIN GSHEGS DANG DE YI SRAS RNAMS LA, ,RIN CHEN BUM PA MANG PO SPOS KYI CHU, ,YID 'ONG LEGS PAR BKANG BA GLU DANG NI,, ROL MOR BCAS PA DU MAS SKU BSIL LO, ,AOm SARBA DE WA TA AA TZANTI AA MRi TA SV'AH'A, SNA TSOGS DBANG PO'I GZHU BZHIN RAB BKRA ZHING, ,GANG LA REG NA BDE BA'I RGYUR 'GYUR BA, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,AOm BADZRA WASTRA A'A: H'Um SV'AH'A, RGYAL BA MTSAN DPE'I RANG BZHIN RGYAN LDAN PHYIR, ,RGYAN GZHAN DAG GIS BRGYAN PAR MI 'TSAL YANG, ,RIN CHEN RGYAN MCHOG PHUL
BAS 'GRO KUN GYIS, ,MTSAN DPES BRGYAN PA'I SKU LUS THOB PAR SHOG ,AOm BADZRA A'A LAm KA RA WA PU shA NI A'A: H'Um SV'AH'A, GTZANG ZHING GTZANG MA LAS BYUNG BA'I, ,LHA RDZAS BZANG PO'I DRI 'DI DAG ,BDAG GIS DAD PAS 'BUL LAGS KYIS, ,BZHES NAS BDAG LA DGYES PAR MDZOD, ,A'A HA RA A'A HA RA SARBA BIDY'A DHA RI P'U DZI TE SV'AH'A, GTZANG ZHING GTZANG MAR SKYES PA YI, ,LHA RDZAS BZANG PO'I ME TOG 'DI, ,BDAG NI, BZHES, A'A HA RA, NAGS TSAL BCUD NI YID DU 'ONG, ,DRI YIS SBYAR BA LHA YIS RDZAS, ,BDAG NI, BZHES, A'A HA RA, SMAN RNAMS BCUD NI YID DU 'ONG, ,SNGAGS KYI ZHAL ZAS BSHOS 'DI DAG ,BDAG NI, BZHES, A'A HA RA, GNOD RNAMS 'JOMS SHING BKRA SHIS PA, ,DGE ZHING MUN PA RNAM SEL 'DI, ,BDAG NI, MAR ME 'DI DAG BZHES SU GSOL, ,A'A LO KA YA A'A LO KA YA BIDY'A DHA RI P'U DZI TE SV'AH'A, DE LAS GZHAN YANG MCHOD PA'I TSOGS, ,ROL MO DBYANGS SNYAN YID 'ONG LDAN, ,SEMS CAN SDUG BSNGAL SIM BYED PA'I, ,SPRIN RNAMS SO SOR GNAS GYUR CIG ,AOm SARBA TA TH'A GA TA AUshn'I shA BI DZA YA SA PA RI W'A RA SHAPTA PRA T'I TZTSA SV'AH'A, MGON PO THUGS RJE CHE LDAN PA, ,THAMS CAD MKHYEN PA STON PA PO,, BSOD NAMS YON TAN RGYA MTSO'I GZHI, DE BZHIN GSHEGS LA PHYAG 'TSAL LO, ,DAG PAS 'DOD CHAGS BRAL BAR GYUR, ,DGE BAS NGAN SONG LAS GROL ZHING, ,GCIG TU DON DAM MCHOG GYUR PA, ,ZHI GYUR CHOS LA PHYAG
, ,'TSAL LO, ,GROL NAS GROL BA'I LAM YANG STON, ,BSLAB PA DAG LA RAB TU GNAS, ,ZHING GI DAM PA YON TAN LDAN, ,DGE 'DUN LA YANG GUS PHYAG 'TSAL, ,GZHON NU'I CHA LUGS 'CHANG BA PO, ,SHES RAB SGRON MES RAB TU BRGYAN, ,'JIG RTEN GSUM GYI MUN SEL BA, ,'JAM DPAL LA YANG PHYAG 'TSAL LO, ,SANGS RGYAS KUN GYIS RAB TU BSNGAGS, ,YON TAN DAM PA KUN BSAGS PA, ,SPYAN RAS GZIGS CES MTSAN GSOL BA, ,RTAG PAR BRTZE LA PHYAG 'TSAL LO, ,STOBS PO CHE LA DRAG SHUL CHE, ,RIG SNGAGS RGYAL PO DGE BA CAN, ,GDUL DKA' BO DAG 'DUL BA PO, ,RDO RJE 'DZIN LA PHYAG 'TSAL LO, ,MDZES LDAN PADMA DRI MED RI BONG CAN, ,DE STENG SGEG PA'I NYAMS KYIS YID 'PHROG CING, ,GZI BYIN NYI MA 'BUM LTAR RAB TU BRJID, ,PHYAG GI MTHIL NA TSE DPAG MED BZHUGS SHING, ,BDUD DANG NYON MONGS DGRA LAS RNAM RGYAL BA'I, ,'JIG RTEN GSUM NA RNAM PAR RGYAL MA ZHES, ,GANG GI SNYAN PA RAB TU GSAL BA CAN, ,BCOM LDAN 'DAS MA DE LA MGOS PHYAG 'TSAL, ,DE YI KUN TU BZANG PO'I 'PHRIN LAS RNAMS, ,DGONGS PA JI BZHIN SKOR BA'I PHUN TSOGS 'KHOR, ,RJE BTZUN THUGS RJE'I GTER DANG GSANG BA'I BDAG ,DPAL LDAN KHRO BO'I DBANG PO BZHI LA 'DUD, ,'CHI BDAG STOBS 'PHROG BDUD RTZI'I RGYUN 'BEBS SHING, ,RDO RJE'I TSE YI DPAL RAB STER MDZAD PA, ,RAB MCHOG LHA YI BU NI ZUNG GCIG
LA, ,RGYUN DU DANG BAS BDAG NI PHYAG 'TSAL LO, ,NA MA: SARBA BUDDHA BO DHI SATV'A N'Am, SARBA TRA SAm KU RU MI TA AA BI DZNY'A RA SHI NI NA MO STU TE SV'AH'A, ZHES BSTOD PA 'BYUNG BA'I SNGAGS KYIS BSTOD, RGYAS PAR NI, 'JIG RTEN DAG GI PHYOGS KUN NA, ,DE BZHIN GSHEGS PA GANG BZHUGS DANG, ,DGRA BCOM BYANG CHUB SEMS DPA' DAG ,DE DAG BDAG LA DGONGS SU GSOL, ,TSE RABS GANG YANG RUNG BA NA, ,BDAG GIS SDIG PA CI BGYIS DANG,, SNGON GYI TSE RABS GZHAN DAG DANG, ,TSE RABS 'DI DANG 'KHOR BA NA, ,'DOD CHAGS DBANG DANG BLUN PA DANG, ,KHRO BA DAG GIS 'KHRUGS GYUR TE, ,SANGS RGYAS CHOS DANG DGE 'DUN NAM, ,BLA MA DAG DANG PHA MA DANG, ,DGRA BCOM BYANG CHUB SEMS DPA' DANG, ,SBYIN GNAS GANG YANG RUNG BA DANG, ,DE LAS GZHAN PA'I SEMS CAN DAG ,YON TAN LDAN DANG MI LDAN LA, ,SDIG PA'I LAS RNAMS GANG BGYIS DANG, ,GANG YANG BGYID DU STZAL BA DANG, ,GANG YANG CUNG ZAD YI RANG BA, ,BAG MED PAS NI PHRA MO YANG, ,LUS NGAG YID KYIS BGYIS PA RNAMS, ,DE DAG MA LUS BLOS BSDUS NAS, ,RDZOGS PA'I SANGS RGYAS SRAS BCAS PA, ,BDAG GIS DA NI MNGON SUM BZHIN, ,RAB TU GUS PAS PHYAG 'TSAL TE, ,SKYO BA'I YID DU GYUR PA YIS, ,THAL MO SBYAR TE NONGS PA RNAMS, ,YANG DANG YANG DU SO SOR BSHAGS, ,BDAG GIS SDIG PA BGYIS PA RNAMS, ,RDZOGS SANGS RGYAS KYIS MKHYEN PA
, ,BZHIN, ,DE LTAR BDAG GIS SO SOR BSHAGS, ,SLAN CHAD DE LTAR YONGS MI BGYID, ,SROG CHAGS SDUG BSNGAL ZHI BYA'I PHYIR, ,BDAG NYID JI SRID 'TSO BAR DU, ,SANGS RGYAS CHOS DANG DGE 'DUN LA; ;GUS PAR YANG DAG SKYABS SU MCHI, ,CHOS KYI LONGS SPYOD SNA TSOGS LA, ,MNYAM PAR BZHAG NAS YI RANG NGO, ,MI RTOG BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM BAR DU; ;MYA NGAN MI 'DA' GSOL BA 'DEBS, ,SNGON GYI RGYAL BA'I SRAS RNAMS KYIS, ,SMON LAM JI LTAR MDZAD PA BZHIN, ,BDAG KYANG DGE BA'I SEMS KYIS SU, ,DE BZHIN DU NI SMON LAM 'DEBS, ,SEMS CAN THAMS CAD BDE BA DANG, ,ZHI ZHING NAD KYANG MED PAR SHOG ,BDAG NI BYA BA KUN NUS SHING, ,YON TAN DANG YANG LDAN PAR SHOG ,NOR LDAN GTONG PHOD SHES RAB CAN, ,BZOD LDAN DGE LA DAD PA DANG, ,SEMS CAN TSE RABS THAMS CAD DU, , SKYE BA DRAN ZHING BRTZER LDAN SHOG ,DE NAS SNGAR BZHIN TSAD MED BZHI BSGOM, SEMS CAN KHAMS NI MTHA' YAS PA'I, ,SDUG BSNGAL NYE BAR ZHI BA DANG, ,NGAN 'GRO RNAMS LAS BSGRAL BA DANG, ,NYON MONGS RNAMS LAS SGROL BA DANG, ,SRID PA MI BDE DOG PA NA, ,SDUG BSNGAL SNA TSOGS CI MCHIS PA, ,DE LAS YONGS SU BSKYAB PA'I PHYIR, ,BDAG NI BYANG CHUB SEMS BSKYED DO, ,SEMS CAN PHONGS PA THAMS CAD KYI, ,SKYABS SU BDAG NYID RTAG TU
SHOG ,BDAG NI MGON MED RNAMS KYI MGON, ,RTEN MED RNAMS KYI RTEN DU BAB, ,SKYABS MED RNAMS KYI SKYABS 'GYUR ZHING, ,SDUG BSNGAL BDE BAR BYED PA DANG, ,BDAG NI SEMS CAN THAMS CAD KYI, ,NYON MONGS ZHI BAR BYED PAR SHOG ,DGE BA'I LAS RNAMS GANG DANG GANG, ,'DI DANG GZHAN DU BSAGS PA RNAMS, ,BSOD NAMS YE SHES CES BYA BA'I, ,TSOGS NI RNAM PA GNYIS SU SHOG ,PHA ROL PHYIN PA DRUG SGO NAS, ,BDAG GIS BRTZON 'GRUS GANG BRTZAMS PA, ,DE YANG SEMS CAN MA LUS PA, ,THAMS CAD LA NI PHAN PAR SHOG ,TSE YI MTHA' KLAS BYED PA DANG, ,GANG YANG CUNG ZAD BYED 'GYUR BA, ,MDOR NA SEMS CAN THAMS CAD KYI, ,NYON MONGS THAMS CAD ZHI BA DANG, ,GROL BAR BYA BA'I PHYIR 'BAD CING, ,BYANG CHUB BAR DU BDAG BRTZON NO, ZHES SNGAGS RIM NAS 'BYUNG BA LTAR BRJOD, BSDU NA, BDAG GIS SDIG PA BGYIS PA RNAMS, CES PA NAS, DE BZHIN DU NI SMON LAM 'DEBS, CES SNGAR LTAR BRJOD, AOm GU RU SARBA TA TH'A GA TA K'A YA W'A KA TZITTA BADZRA PRA nA ME NA SARBA TA TH'A GA TA BADZRA P'A DA BANDHA N'Am KA RO MI, ZHES LHA DANG BLA MA LA PHYAG BYA, AOm BHA GA WA TE SIDDHI SIDDHI YA, SIDDHARTHE SV'AH'A; LAN BDUN BRJOD, BDAG MDUN GYI GTZO MO'I THUGS KAR ZLA BA LA GNAS PA'I SNA TSOGS RDO RJE'I LTE BAR BHR'Um YIG GI MTHAR SNYING PO DANG GZUNGS RING GIS BSKOR BA'I SNGAGS PHRENG LAS BDUD RTZI'I RGYUN BABS, RANG
, ,GZHAN GYI SDIG SGRIB NAD GDON TSE'I BAR CHAD THAMS CAD SBYANGS, TSE DANG BSOD NAMS YE SHES SOGS RGYAS PAR BSAMS TE, STONG MCHOD YIN NA GZUNGS STONG SOGS BZLA ZHING, SKOR PHYAG KYANG STONG BYA'O, ,MCHOD TSOGS STONG PO RGYAS PAR NA, BYIN GYIS BRLABS, GZI BYIN BSKYED, SNGAGS DANG TSIGS BCAD CI RIGS PAS 'BUL, BSDU NA, MCHOD YON ME TOG BDUG SPOS SNANG GSAL DRI, ,ZHAL ZAS ROL MO 'DOD YON RIN CHEN BDUN, ,GDUGS DANG RGYAL MTSAN BA DAN GTOR MAR BCAS, ,RNAM PAR RGYAL MA 'KHOR DANG BCAS LA 'BUL, ,DGYES BZHIN BZHES NAS 'CHI MED DNGOS GRUB STZOL, ,AOm SARBA BID P'U RA P'U RA; S'U RA S'U RA AA WARTA YA AA WA RTA YA HO, BADZRA SPHA RA nA KHAm, ZHES ROL MO BYA'O, ,MJUG TU, BDAG CAG GI DGE BA'I RTZA BA 'DI BDAG CAG YON MCHOD RNAMS KYI TSE DANG BSOD NAMS RGYAS PA SOGS DNGOS GRB KYI RGYUR, BCOM LDAN 'DAS MA LA 'BUL LO, ,'PHAGS MA KHYED KYIS DE LTA BU'I DNGOS GRUB STZAL DU GSOL, DE NAS GTOR MA SNGAR LTAR BSANGS SHING GZI BYIN BSKYED, SNGAGS DRUG DANG PHYAG RGYA DRUG GIS KYANG BYIN GYIS BRLABS TE, AOm SARBA TA TH'A GA TA AUshn'I shA BI DZA YA SA PA RI W'A RA AI DAm BA LIm TA KHA KHA, KH'A HI KH'A HI LAN GSUM GYIS DKYIL 'KHOR PA RNAMS LA PHUL, AARGHAm SOGS KYIS MCHOD, BSTOD PAS BSTOD, GZHAN RNAMS LA
CHA GSUM BTANG, MJUG TU DGE BA BSNGO ZHING SMON LAM DANG SHIS PAS BRGYAN PAR BYA'O, ,YANG MDUN BSKYED DKYIL 'KHOR BRI BA MA LCOGS NA, BUM PA MGUL CHINGS DANG LDAN PA, BUM RDZAS DRI BZANG DANG BCAS PAS BKANG BA'I STENG DU, MCHOD RTEN BZHAG ,STONG MCHOD YIN NA GDUGS RGYAL MTSAN BA DAN MCHOD PA LNGA DKAR GTOR STONG DANG BCAS PAS MTHA' BSKOR, BUM PA DANG MCHOD RTEN TRAm BANDHASA BSANGS, SVA BH'A WAS SBYANGS, STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING BA MCHU 'PHYANG BA LA SOGS PA MTSAN NYID THAMS CAD DANG LDAN PAR GYUR, AOm T'APTE T'APTE MAH'A T'APTE SV'AH'A, LHA'I CHU BO GANGG'A DANG BUM PA'I CHU DBYER MI PHYED PAR GYUR, BUM PA'I STENG DU BHR'Um LAS RIN PO CHE LAS GRUB PA'I MCHOD RTEN ZHES PA NAS STENG DU BLA BRE YANG SKAD CIG GIS BYUNG BAR GYUR, AOm SVA BH'A WA SHUDDH'A: SARBA DHARMA: SVA BH'A WA SHUDDHO NYA HAm, DE LTAR DAM TSIG PA'I LHA'I DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU YE SHES PA'I LHA'I DE KHO NA NYID KYANG DE LTAR YIN PAS CES SOGS KHYAD PAR BRJE BA MA GTOGS, BDAG MDUN GYI LHA DRUG GI BSKYED TSUL YE SHES PA DGUG GZHUG ,DBANG BSKUR RGYAS 'DEBS, MCHOD BSTOD BZLAS PA DGE RTZA 'BUL BA SOGS SNGAR JI LTA BA BZHIN BYA ZHING, BZLAS PA'I TSE LHA RNAMS KYI SKU LAS BDUD
, ,RTZI'I RGYUN BABS PAS BUM PA GANG BAR BSAM PA YIN NO, ,SMRAS PA, GANG LA BRTEN NA 'JIGS RUNG NYI MA'I BU'I, ,MI BZANG MCHE BA'I GSAL SHING 'BAR BA YANG, ,RI MA'I GNAS 'GOD RNAM PAR RGYAL MA YI; ;SGRUB THABS NAM MKHA'I NOR BU DENG 'DIR SHAR, ,GSANG CHEN LAM GYI RIM PA'I BYA SPYOD KYI, ,SGRUB THABS SNYING PO'I GNAD KUN BSDUS PA 'DI, ,PHYOGS BRAL RGYAL KHAMS MYUL BA'I GYI NA PA, ,BLO BZANG CHOS KYI RGYAL MTSAN ZHES BYAS BKOD, ,DE YI DGE BA ZLA LTAR DKAR BA DES, ,'GRO KUN BDUD DANG 'CHI BDAG LAS RGYAL TE, ,BDE BA CAN DU PADMO LAS SKYES NAS, ,TSE DPAG MED PA'I GO 'PHANG MYUR THOB SHOG ,CES PA 'DI NI MDO SNGAGS YONGS SU RDZOGS PA'I BSTAN PA'I MNGA' BDAG MKHAN RIN PO CHE DPAL 'BYOR RDO RJE LA SOGS PA LAM 'DI LA NYAMS LEN SNYING POR MDZAD 'DOD PA'I DGE BA'I BSHES GNYEN MANG POS BSKUL BA LA BRTEN NAS MDO RGYUD MAN NGAG 'DZIN PA'I BYA BRAL BA BLO BZANG CHOS KYI RGYAL MTSAN GYIS CHOS GRVA CHEN PO BKRA SHIS LHUN PO'I GZIMS KHANG RGYAL MTSAN MTHON POR SBYAR BA'I YI GE PA NI DGE SLONG BLO BZANG PHUN TSOGS SO,, ,,