*, ,NA MO GU RU BADZRA P'A nI YE, 'DIR GSANG BA'I BDAG PO DPAL PHYAG NA RDO RJE LA BRTEN NAS RANG GZHAN GYI BAR CHAD
SEL ZHING, MCHOG DANG THUN MONG GI DNGOS GRUB BSGRUB PAR 'DOD PA'I BSGRUB PA POS, YID DANG MTHUN PA'I GNAS SU PHYAG RDOR GYI RTEN DGRAM, MCHOD GTOR, NANG MCHOD, DAM RDZAS, SPYAN GZIGS SOGS BZANG ZHING BKOD PA MDZES PAR BSHAMS, STAN BDE BA LA 'DUG STE ROL MOS BYIN DBAB, DE NAS, AOm BADZRA P'A nI H'Um, ZHES BRJOD CING RANG NYID PHYAG RDOR GYI NGA RGYAL GYIS, THOG MAR BGEGS BSKRAD CING MTSAMS BCAD PA NI, BGEGS GTOR ZHIG BYIN GYIS BRLABS LA DBYANGS DANG BCAS PAS, H'Um, NGA NI KHRO BO KUN GYI GTZO, ,GSANG BDAG PHYAG NA RDO RJE STE, ,RDZOGS PA'I SANGS RGYAS BSGRUB PA DANG, ,YON BDAG BAR CHOD SEL BA LA, ,GNOD BYED GDON DANG BGEGS TSOGS KUN, ,AOm A'A: H'Um GIS BYIN BRLABS PA'I, ,GTOR MA 'DI YIS TSIM GYIS LA, ,GNAS 'DIR MA 'DUG 'GRO BAR GYIS, ,GAL TE GZHAN DU MI 'GRO NA, ,RAB 'JIGS KHRO BA'I DMAG TSOGS DANG, ,MI BZAD MTSON CHA'I CHAR PHAB STE, ,BRLAG PAR 'GYUR BAR GDON MI ZA, ,SNGAGS DRAG TU BRJOD, ROL MO BYA'O,, H'Um, BDAG NYID PHYAG NA RDO RJE'I SKUR, , GSAL BA'I THUGS KA'I H'Um YIG LAS, ,'PHROS PA'I RDO RJE 'BAR BA YIS, ,RDO RJE'I SA GZHI RA GUR DANG, ,PHYI ROL 'JIG DUS 'BAR 'DRA BA'I, ,YE SHES ME YIS BSKOR BAR GYUR, ,AOm BADZRA RAKshA: RAKshA: ZHES MTSAMS BCAD,
, ,DE NAS, BDAG DANG NAM MKHA'I MTH'A DANG MNYAM PA'I MAR GYUR SEMS CAN THAMS CAD PHYOGS BCU DUS GSUM NA BZHUGS PA'I DE BZHIN GSHEGS PA THAMS CAD KYI SKU, GSUNG, THUGS, YON TAN 'PHRIN LAS THAMS CAD KYI NGO BOR GYUR PA, CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS, 'PHAGS PA'I DGE 'DUN THAMS CAD KYI MNGA' BDAG ,DRIN CAN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS LA SKYABS SU MCHI'O, ,SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,GSANG BA'I BDAG PO PHYAG NA RDO RJE'I LHA TSOGS RNAMS LA SKYABS SU MCHI'O, ,DPAL MGON DAM PA CHOS SKYONG BA'I BSRUNG MA YE SHES KYI SPYAN DANG LDAN PA RNAMS LA SKYABS SU MCHI'O, ,BLA MA LA; SANGS RGYAS LA, CHOS LA, DGE 'DUN, GSANG BA'I BDAG PO PHYAG NA RDO RJE'I LHA TSOGS RNAMS LA, DPAL MGON DAM PA CHOS SKYONG BA'I BSRUNG MA YE SHES KYI SPYAN DANG LDAN PA RNAMS LA, ZHES SKYABS 'GRO GANG MANG BYA, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOGS BGYIS PA'I BSOD NAMS KYIS, ,'GRO LA PHAN PHYIR SANGS RGYAS 'GRUB PAR
SHOG ,DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ,SANGS RGYAS CHOS DANG TSOGS MCHOG LA, , BYANG CHUB BAR DU BDAG SKYABS MCHI, ,RANG GZHAN DON NI RAB BSGRUB PHYIR, ,BYANG CHUB SEMS NI BSKYED PAR BGYI, ,BYANG CHUB MCHOG GI SEMS NI BSKYED BGYIS NAS, ,SEMS CAN THAMS CAD BDAG GI MGRON DU GNYER, , BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS MYUR 'GRUB SHOG ,SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BAR GYUR CIG ,SEMS CAN THAMS CAD SDUG BSNGAL MED PA'I BDE BA DANG MI 'BRAL BAR GYUR CIG ,SEMS CAN THAMS CAD NYE RING CHAGS SDANG DANG BRAL BA'I BTANG SNYOMS TSAD MED PA LA GNAS PAR GYUR CIG ,CES SKYABS 'GRO SEMS BSKYED TSAD MED BZHI BSGOM PA YANG GANG MANG BYA, DE NAS NANG MCHOD, AOm BADZRA AA MRi TA KUndA LI HA NA HA NA H'Um PHAt, CES PAS BSANGS, AOm SVA BH'A WA SHUDDH'A: SARBA DHARMA: SVA BH'A WA SHUDDHO NYAHAm, ZHES PAS SBYANGS, STONG PA'I NGANG LAS, A'A: LAS BYUNG BA'I THOD PA YANGS SHING RGYA CHE BA'I NANG DU SHA LNGA BDUD RTZI LNGA SBYANGS RTOGS SBAR GSUM BYAS PA LAS BYUNG BA'I NANG MCHOD ZAG PA MED PA'I
, ,YE SHES KYI BDUD RTZI'I RGYA MTSO CHEN POR GYUR, AOm A'A: H'Um, LAN GSUM GYIS BYIN GYIS BRLABS, MCHOD RDZAS SOGS SNGAR LTAR BSANGS, SBYANGS, STONG PA'I NGANG LAS RANG RANG GI MING YIG DANG PO THIG LES BRGYAN PA YONGS SU GYUR PA LAS, BLA MA DANG GSANG BA'I BDAG PO DPAL PHYAG NA RDO RJE'I LHA TSOGS 'KHOR DANG BCAS PA RNAMS MNYES PAR BYED PA'I DAM RDZAS SPYAN GZIGS, MCHOD PA'I BYE BRAG BSAM GYIS MI KHYAB PA ZHIG ,BLA MA DANG GSANG BA'I BDAG PO DPAL PHYAG NA RDO RJE 'KHOR DANG BCAS PA'I SPYAN LAM DU 'BYUNG ZHING RGYAS PAR GYUR CIG ,AOm SARBA BID P'U RA P'U RA, S'U RA S'U RA, AA WARTA YA AA WARTA YA HO, BADZRA SPHA RA nA KHAm, AOm AARGHAm A'A: H'Um, DE BZHIN DU, P'A DYAm, PUshPE, DH'U PE, A'A LO KE, GANDHE, NEE BI DYA, SHAPTA, R'U PA, SHAPTA, GANDHE, RA SA, SPARSHA A'A: H'Um, ZHES BYIN GYIS BRLABS, DE NAS DAM TSIG PA BSKYED PA NI, SVA BH'A WAS SBYANGS, STONG PA'I NGANG LAS RANG GI MDUN GYI NAM MKHAR PAm LAS SNA TSOGS PADMA 'DAB MA STONG LDAN GYI LTE BAR, RAm LAS NYI MA'I DKYIL 'KHOR TSA ZER RAB TU RGYAS PA'I STENG DU, H'Um MTHING GA YONGS SU GYUR PA LAS, RDO RJE SNGON PO RTZE LNGA PA LTE BA LA H'Um GIS MTSAN PA, DE LAS 'OD ZER PHYOGS BCUR 'PHROS, SEMS CAN THAMS CAD KYI NAD GDON SDIG SGRIB THAMS CAD SBYANGS, SANGS RGYAS SRAS BCAS LA MNYES
PA'I MCHOD PA PHUL, DE RNAMS KYI MTHU STOBS BYIN RLABS THAMS CAD TSUR BSDUS, RDO RJE H'Um YIG DANG BCAS PA LA THIM PA YONGS SU GYUR PA LAS BCOM LDAN 'DAS GSANG BA'I BDAG PO DPAL PHYAG NA RDO RJE SKU MDOG MTHING NAG AINDRA N'I LA'I RI BO LA NYI MA 'BUM GYI MDANGS PHOG PA LTA BU GZI BRJID BZOD PAR DKA' BA, ZHAL RAB TU GDANGS SHING MCHE BA RNON PO BZHI GTZIGS NAS LJAGS RNAM PAR 'DRIL BA, H'Um DANG PHAt KYI SGRA DRAG PO 'BRUG LTAR SGROG CING, DMAR LA ZLUM PA'I SPYAN GSUM GLOG LTAR 'KHYUG PA, KHRO GNYER BSDUS SHING, SMIN MA DANG SMA RA DANG DBU SKRA DMAR SER DUS MTHA'I ME LTAR 'BAR BA, PHYAG GA-YAS SDIGS MDZUB DANG BCAS PAS RDO RJE RTZE LNGA PA NAM MKHA' LA 'PHYAR BAS BDUD DANG BGEGS THAMS CAD TSAR GCOD CING, PHYAG GA-YON THUGS KAR MA RUNGS PA RNAMS LA BSDIGS PA'I SDIGS MDZUB MDZAD LA, RIN PO CHE SNA TSOGS LAS GRUB PA'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB, DO SHAL LA SOGS PAS SPRAS SHING, KLU RIGS BZHIS BRGYAN PA, GOS SNGON PO'I STOD GA-YOGS DANG STAG GI PAGS PA'I SHAM THAMS CAN, KHRO BO'I NYAMS THAMS CAD YONGS SU RDZOGS PA, SKU LAS SKYES PA'I YE SHES KYI ME DPUNG RAB TU 'BAR BA'I DBUS NA ZHABS GA-YAS BSKUMS SHING, GA-YON BRKYANGS PA'I STABS KYIS LOG 'DREN
, ,DREGS PA SDE BRGYAD BRDZIS PA'I TSUL GYIS BZHUGS PA'I STENG DU, RTZA BRGYUD KYI BLA MA DANG, MTHA' SKOR DU, YI DAM, SANGS RGYAS BYANG SEMS, DPA' BO MKHA' 'GRO ,CHOS SKYONG BSRUNG MA'I TSOGS KYIS BSKOR ZHING, MDUN DU BKA' SDOD RGYAL PO CHEN PO RNAM THOS SRAS 'KHOR DANG BCAS PA BZHUGS PA'I GTZO 'KHOR THAMS CAD KYI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON POS MTSAN PAR GYUR, RANG DANG DAM TSIG PA'I THUGS KA'I H'Um SNGON PO'I 'OD ZER LCAGS KYU LTA PUS LCANG LO CAN GYI GNAS MCHOG DAM PA NAS, BCOM LDAN 'DAS GSANG BA'I BDAG PO DPAL PHYAG NA RDO RJE LA BLA MA YI DAM DKON MCHOG GSUM GYIS BSKOR BA SPYAN DRANGS, KYEE, 'DZAM GLING YANGS PA'I BYANG GI PHYOGS, ,GSER GYI SA 'DZIN BDUN GYI DBUS, ,RIN CHEN RI RAB BRTZEGS PA'I 'DAB, ,GSANG SNGAGS RIG SNGAGS 'CHANG BA YI, ,DRANG SRONG GRUB PA KUN GYI GNAS, ,LHA DANG MI YI 'DOD YON DANG, ,PHYI NANG GSANG BA'I MCHOD PA YI, ,PHUN TSOGS 'DOD DGUS YONGS SU GANG,, GSANG SNGAGS CHOS SGRA SGROG PA'I ZHING, ,GNAS MCHOG LCANG LO CAN GYI DBUS, ,YE SHES LNGA YI RANG BZHIN GYI, ,NOR BU'I GZHAL YAS KHANG CHEN GYI, ,SENG KHRI PADMA NYI ZLA'I STENG, ,DUS GSUM SANGS RGYAS
THAMS CAD KYI, ,SKU DANG BSTAN PA BSRUNG BA'I GTZO, ,GTUM CHEN KHRO BO'I DBANG PO BZHUGS, ,'KHOR BCAS KHYOD LA GSOL BA NI, ,SNGON GYI DAM BCA' MA BSNYEL BAR, ,SNYIGS DUS BSTAN PA BSRUNG BA DANG, ,BSTAN 'DZIN BU BZHIN SKYONG BA DANG, ,RNAL 'BYOR BDAG CAG YON MCHOD KYI, ,'GAL RKYEN BAR CHOD SEL BA DANG, ,ZHI RGYAS DBANG DANG DRAG PO YI, ,'DOD DGU YID BZHIN BSGRUB PA'I PHYIR, ,DAD DANG MOS PAS SPYAN 'DREN NA, ,THUGS RJE'I DBYINGS NAS SKU BZHENGS LA, ,THOGS MED GNAS 'DIR GSHEGS SU GSOL, ,H'Um, BLA MA YI DAM BCOM LDAN 'DAS, ,PHYAG NA RDO RJE'I LHA TSOGS DANG, ,MKHA' 'GRO CHOS SKYONG BSRUNG MA'I TSOGS, ,SPYAN 'DREN GNAS 'DIR GSHEGS SU GSOL, ,AOm GU RU BUDDHA BO DHI SATVA BADZRA P'A nI SA PA RI W'A RA BADZRA SA MA YA DZA: DZA: DZA: H'Um BAm HO: ZHES SPYAN DRANGS, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES DBANG BSKUR, MI BSKYOD PAS DBU BRGYAN PAR GYUR,, H'Um, LOG 'DREN GDON GSUM BRTZEGS PA'I GDAN GYI STENG, ,RIN CHEN BRGYA LAS GRUB PA'I KHRI STENG DU, ,PADMA NYI ZLA 'BAR BA BRTZEGS PA'I STENG, ,ZHABS SEN 'OD CHAGS BRTAN PAR BZHUGS SU GSOL, ,DE NAS, GANG
, ,GI DRIN GYIS BDE CHEN GNAS, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,STOBS PO CHE LA DRAG SHUL CHE, ,RIG SNGAGS RGYAL PO DGE BA CAN, ,GDUL DKA' BO DAG 'DUL BA PO, ,RDO RJE 'DZIN LA PHYAG 'TSAL LO, ,LCANG LO CAN GYI GNAS MCHOG DAM PA NA, ZHES SOGS KYIS PHYAG BYA, MCHOD PA 'BUL BA NI, HO, RAB 'BYAMS ZHING NA LHA RDZAS KYI, ,MCHOD YON JI SNYED YOD PA DANG, ,BDAG GIS GUS PAS BSHAMS PA 'DI, ,MTHU STOBS DBANG PHYUG RDO RJE 'DZIN, ,BCOM LDAN 'KHOR DANG BCAS LA 'BUL, ,DE BZHIN DU TSIG THOG MTHA' 'DRA BA LA, ,MCHOD YON GYI GNAS SU, ZHABS BSIL, ME TOG ,BDUG SPOS, SNANG GSAL, DRI CHAB, ZHAL ZAS, SIL SNYAN, GZUGS MCHOG ,SGRA SNYAN, DRI MCHOG ,RO MCHOG ,REG MCHOG ,JI SNYED YOD PA DANG, ZHES SOGS SBYAR NAS 'BUL, RGYAS PAR SPRO NA, AARGHAm SOGS SNGAGS DANG SBYAR, DE NAS NANG MCHOD KYANG, MCHOD DO PHYOGS BCU ZHES PA NAS, DRIN CAN RTZA BA'I BLA MA RIN PO CHE'I ZHAL DU AOm A'A: H'Um, BRGYUD PA'I BLA MA DAM PA BYIN RLABS CAN RNAMS KYI ZHAL DU AOm A'A: H'Um, AOm BADZRA P'A nI H'Um PHAt, AOm A'A: H'Um, RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, AOm BEE SHRA MA n'A AOm A'A: H'Um, SNGON SANGS RGYAS MTHONG BA, DAM PA'I CHOS
THOS PA, 'PHAGS PA'I DGE 'DUN LA BRTEN PA, BSRUNG MA MTHU RTZAL CAN RNAMS KYI ZHAL DU AOm A'A: H'Um, DPA' BO DANG RNAL 'BYOR MA RNAMS KYI ZHAL DU AOm A'A: H'Um, YUL LHA GZHI BDAG ,GNAS BDAG ,GRONG BDAG DANG BCAS PA RNAMS KYI ZHAL DU AOm A'A: H'Um, ZHES PHUL, SA GZHI SPOS KYIS BYUGS SHING ME TOG BKRAM, ,ZHES SOGS KYIS MAndAL 'BUL, DE NAS RANG GI THUGS KA'I H'Um GI 'OD ZER GYIS, BCOM LDAN 'DAS RDO RJE SEMS DPA' YAB YUM SPYAN DRANGS, MDUN GYI NAM MKHAR BZHUGS PAR BSAMS LA, YI GE BRGYA PA NYER GCIG BZLAS PAS PHYAG NA RDO RJE'I SKU GSUNG THUGS LA GRIB PHOG PA DANG, DAM TSIG NYAMS CHAGS DAG PAR BSAMS LA, BSHAGS PA BYA BA NI, H'Um, BLA MA YI DAM BCOM LDAN GSANG BA'I BDAG ,PHYAG NA RDO RJE 'KHOR BCAS BDAG LA DGONGS, ,THOG MED DUS NAS THA MA DA LTA'I BAR, ,MI DGE BCU DANG MTSAMS MED LNGA LA SOGS, ,BGYIS DANG BGYID STZAL YI RANG CI MCHIS PA, ,GNONG ZHING 'GYOD PAS RGYAL BA SRAS BCAS KYI, ,SPYAN SNGAR BSHAGS SHING SLAN CHAD YANG DAG SDOM, ,KHYAD PAR LHA MCHOG PHYAG NA RDO RJE YI, ,SKU DANG GSUNG DANG THUGS KYI DAM TSIG LAS, ,'GAL ZHING MI DGYES GYUR PA CI MCHIS PA, ,BSHAGS DANG BSHAGS YUL BSHAGS PAR BYA BA SOGS, ,RANG BZHIN SPROS DANG BRAL BA'I DBYINGS SU BSHAGS, ,DE NAS THUGS DAM BSKANG
, ,BA NI, H'Um, BDE STONG NAM MKHA'I GLONG YANGS LAS, ,SNA TSOGS MCHOD PA'I SPRIN SPROS TE, ,PHYAG NA RDO RJE'I LHA TSOGS KYI, ,SPYAN LAM 'BYUNG ZHING RGYAS GYUR CIG ,RIN CHEN LAS GRUB SNOD YANGS SU, ,BDUD RTZI'I MCHOD YON MTSO LTAR 'KHYIL, ,MDZES PA'I ME TOG CHAR LTAR 'BAB, ,DRI ZHIM SPOS KYI SPRIN 'KHRIGS PAS, ,GSANG BDAG 'KHOR BCAS THUGS DAM BSKANG, ,THUGS DAM DBYINGS SU BSKANGS GYUR NAS, ,RKYEN NGAN BAR CHAD BZLOG PA DANG, ,MTHUN RKYEN BSAM PA 'GRUB PA DANG, ,MCHOG DANG THUN MONG DNGOS GRUB STZOL, ,MAR ME'I PHRENG BA NYI LTAR GSAL, ,BZANG PO'I DRI CHAB MTSOR 'KHYIL ZHING, ,RO BRGYA'I ZHAL ZAS LHUN POR SPUNGS, ,GDANGS SNYAN ROL MO'I SGRA SGROG PAS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, MDZES PA'I RTA MCHOG RLUNG LTAR 'PHYO,, GA-YAG ROG ZHOL CHEN NGAR 'JO 'DON, ,LUG NAG SPYI DKAR SHEL LTAR 'TSER, ,KHYI NAG DOM LTAR 'PHYO BA 'DIS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, KHYUNG CHEN BYA TSOGS MKHA' LA LDING, ,STAG SPYANG SENG GE NGAR SKAD 'DON, ,GZUGS SGRA DRI RO'I DPAL 'DZIN PA'I, ,'DOD YON SNA LNGA'I TSOGS RNAMS KYIS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, GLING BZHI
LHUN PO NYI ZLAR BCAS, ,GDUGS DANG RGYAL MTSAN BLA BRE DANG, ,BUM PA BZANG DANG DPAG BSAM SHING, ,SKU GSUNG THUGS DANG GSANG RTEN GYIS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, SRA BRTAN RDO RJE'I GO KHRAB DANG, ,'BAR BA'I RDO RJE RAL GRI SOGS, ,DGRA 'JOMS MTSON CHA'I TSOGS RNAMS KYIS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, RIN CHEN LAS GRUB RGYAN MANG DANG,, KLU 'DUL SBRUL GYI CHUN PO DANG, ,LHA RDZAS GOS SNGON NA BZA' DANG, ,STAG LPAGS SHAM THABS LA SOGS PAS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, ZAG MED BDUD RTZIR BYIN BRLABS PA'I, ,GTOR TSOGS RI LTAR SPUNGS PA DANG, ,PHYI NANG DAM RDZAS SPYAN GZIGS TSOGS, ,SA DANG BAR SNANG KHYON GANG BAS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, RGYAL SRID RIN CHEN SNA BDUN DANG, ,LCAGS KYU LNGA DANG SGRON MA LNGA, ,SBYANGS RTOGS SBAR BA'I AA MRi TA'I, ,RGYA MTSO RBA RLABS GA-YO BA 'DIS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, MA RUNGS GDUL DKA' 'DUL BA'I PHYIR,, THUGS RJES KHROS PA'I SKUR BSTAN YANG, ,RAB ZHI CHOS SKU'I NGANG NYID LAS, ,MI GA-YO BLA MED RTEN MCHOG GIS, ,GSANG BDAG ,THUGS DAM, RKYEN NGAN, MTHUN RKYEN, MCHOG DANG, GAL TE BSKUL BYED NA, H'Um, MTHU
, ,STOBS DBANG PHYUG RDO RJE 'DZIN, ,KHRO BO'I RGYAL PO BCOM LDAN 'DAS, ,PHYAG NA RDO RJE 'KHOR BCAS RNAMS, ,BSTAN DGRA GZHOM PA'I DUS LA BAB, ,BDUD DANG 'BYUNG PO'I TSOGS RNAMS KYIS, ,SANGS RGYAS BSTAN PA'I SPYI DGRA BYAS, ,DPAL LDAN BLA MA'I SKU LA BSDOS, ,DKON MCHOG GSUM GYI DBU 'PHANGS SMAD, ,DGE 'DUN RNAMS KYI 'DU SGO PHROGS, ,NYES MED SEMS CAN YONGS LA 'TSE, ,RNAL 'BYOR BDAG LA GNOD BYAS PAS, ,BTANG SNYOMS GA-YEL BA MA MDZAD PAR, ,BDUD DANG GSHIN RJE GNOD SBYIN SOGS, ,SDE BRGYAD DRAG PO'I DMAG DRONGS LA, ,'JIGS PA'I LTAS DANG CHO 'PHRUL GYIS, ,DGRA BO'I YUL KHAMS BRLAG PAR GYIS, ,THOG SER NAD DANG DAL YAMS DANG, ,MI BZAD MTSON CHA'I CHAR PA PHOB, ,LTAG PA'I PHYOGS NAS SDUD CHOD LA, ,KHONG PA'I NANG NAS SNYING PHYUNGS SHIG ,NAG PO'I RTZA LAG BDUD KYI GNYEN, ,DGRA BGEGS LAS NGAN SDIG CAN 'DI, ,LO ZLA ZHAG TU MA BZHAG PAR, ,DA LTA SGROL BA'I LAS MDZOD CIG ,CES BSKUL NAS, BZLOG PA BYA BA NI, H'Um, GSANG BA'I BDAG PO'I LHA TSOGS KYIS, ,MCHOD GTOR RGYA MTSO 'DI BZHES LA, ,RNAL 'BYOR YON MCHOD 'KHOR BCAS LA, ,PHA ROL BSAM NGAN SBYOR RTZUB BZLOG ,BGEGS RIGS STONG PHRAG BRGYAD CU BZLOG ,GDON RIGS SUM BRGYA DRUG CU BZLOG ,NAD RIGS BZHI BRGYA RTZA BZHI
BZLOG ,YE 'BROG SUM BRGYA DRUG CU BZLOG ,BYIS PA'I GDON CHEN BCO LNGA BZLOG ,LTAS NGAN BRGYAD CU RTZA BZHI BZLOG ,GSHIN RJE'I 'KHOR LO BSKOR BA BZLOG ,BDUD KYI KHRAM LA BTAB PA BZLOG ,BTZAN GYI ZHAGS PA 'PHEN PA BZLOG ,GZA' DANG RGYAL GDON GNOD PA BZLOG ,BDUD GA-YOS SRI NGAN LANGS PA BZLOG ,LO ZLA ZHAG DUS SKEGS RNAMS BZLOG ,RMI LAM MTSAN MA NGAN PA BZLOG ,'GAL RKYEN BAR CHAD THAMS CAD BZLOG ,BZLOG BSGYUR 'PHRIN LAS DUS LA BAB, ,MTHUN PA'I DNGOS GRUB MA LUS PA, ,DUS 'DIR BDAG LA STZAL DU GSOL, ,'KHOR DANG BSTAN PA LONGS SPYOD RNAMS, ,RGYAS PAR MDZOD CIG BSRUNG MA'I TSOGS, CES BZLOG PA BYAS TE DNGOS GRUB ZHU, DE NAS MTSAMS 'DIR, AOm BADZRA P'A nI H'Um, ZHES SOGS PHYAG RDOR GYI BZLAS PA GANG MANG BYAS PA'I MTHAR, YI GE BRGYA PAS LHAG CHAD KHA BSKANGS, RNAM SRAS LA BYED NA'ANG, AOm BEE SHRA MA n'A YE SV'A H'A, ZHES SOGS BZLA, MTSAMS 'DIR GTOR MA SNGAR LTAR BYIN GYIS BRLABS LA, BLA MA YI DAM, DPAL PHYAG NA RDO RJE 'KHOR DANG BCAS PA'I LJAGS RDO RJE'I 'OD ZER GYI SBU GUS DRANGS TE GSOL BAR GYUR, AOm GU RU SARBA BUDDHA BO DHI SATVA BADZRA P'A nI d'A KI SARBA DHARMA P'A LA SA PA RI W'A RA AI DAm BA LIm TA, KHA KHA KH'A HI KH'A HI, ZHES PA BDUN NAM, NYER GCIG SOGS KYIS 'BUL, AARGHAm
, ,SOGS KYIS MCHOD, RNAM SRAS LA 'BUL NA'ANG SNYING PO LA KHA KHA SOGS BTAGS LA PHUL NAS MCHOD, NANG MCHOD 'BUL, MCHOD SBYIN GYI GTOR MA 'DOD YON LNGA DANG LDAN PA'I BDUD RTZI'I RGYA MTSO CHEN PO 'DI NYID, BLA MA YI DAM SANGS RGYAS BYANG SEMS MKHA' 'GRO CHOS SKYONG BSRUNG MA, KHYAD PAR DPAL GSANG BA'I BDAG PO PHYAG NA RDO RJE'I LHA TSOGS 'KHOR DANG BCAS PA RNAMS LA 'BUL LO,, BZHES NAS SANGS RGYAS KYI BSTAN BSRUNGS, DKON MCHOG GI DBU 'PHANGS BSTOD, DGE 'DUN GYI SDE SKYONGS, BLA MA'I SKU TSE SRINGS, SEMS CAN THAMS CAD BDE ZHING SKYID PA DANG MYUR DU MNGON PAR RDZOGS PAR 'TSANG RGYA BAR BYIN GYIS BRLAB TU GSOL, KHYAD PAR DU YANG RNAL 'BYOR PA BDAG CAG YON MCHOD 'KHOR DANG BCAS PA RNAMS KYI NAD GDON DGRA BGEGS KYI GNOD PA, 'GAL RKYEN BAR CHAD MI MTHUN PA'I PHYOGS THAMS CAD ZHI BAR MDZAD DU GSOL, MTHUN RKYEN TSE DANG BSOD NAMS DPAL DANG 'BYOR PA, MNGA' THANG RIGS RGYUD LONGS SPYOD, SNYAN GRAGS 'KHOR TSOGS 'DOD DGU'I PHUN TSOGS, BKRA SHIS LEGS TSOGS THAMS CAD 'PHEL ZHING RGYAS PAR MDZAD DU GSOL, KHAMS GSUM GYI SKYE DGU ,ZAS NOR LONGS SPYOD THAMS CAD DBANG DU 'DU BAR MDZAD DU GSOL, SANGS RGYAS KYI BSTAN PA DANG BSTAN PA 'DZIN PA'I SKYES BU DAM PA RNAMS DANG,
RNAL 'BYOR PA BDAG CAG YON MCHOD 'KHOR DANG BCAS PA RNAMS LA GNOD CING 'TSE BAR BYED PA'I MI DANG MI MIN DGRA BGEGS LOG 'DREN THAMS CAD DA LTA NYID DU DRAG PO'I CHAD PAS TSAR GCOD PAR MDZAD DU GSOL, ZHES 'PHRIN LAS BCOL, SKABS 'DIR GZHI BDAG DANG, GZHAN YANG RANG RANG GI YUL LHA SOGS LA RANG RANG GI LUGS BZHIN GTOR MA BSNGO'O, ,DE NAS, MTHU CHEN STOBS KYIS BGEGS DPUNG MA LUS 'JOMS, CES SOGS KYIS BSTOD, MJUG TU 'DOD DON LA GSOL BA GDAB CING, BSNGO BA DANG SMON LAM GYIS RGYAS 'DEBS, YI GE BRGYA PA BRJOD LA BZOD PAR GSOL, SKU YOD NA BRTAN BZHUGS BYA, MED NA YE SHES PA GSHEGS, DAM TSIG PA BDAG NYID LA BSDU, BKRA SHIS BYA ZHING ME TOG GI CHAR DBAB PAR BYA'O, ,TSUL 'DI YANG DAD LDAN RDO RJE MGON POS YANG YANG NAN GYIS BSKUL BA LA BRTEN NAS, SH'AKYA'I DGE SLONG BLO BZANG CHOS KYI RGYAL MTSAN GYIS, SH'AKYA'I RGYAL PO'I MDUN SA RA SA RA MO CHE DGA' LDAN KHANG GSAR GYI GZHIS KAR SBYAR BA DGE LEGS 'PHEL,, ,,