*, ,NA MO GU RU BADZRA P'A nI YE, AINDRA N'I LA'I LHUN PO BSKAL PA'I ME, ,'BUM PHRAG 'PHRO BAS BGEGS
KUN BSREG PA LTA'I, ,DPAL LDAN MTHU STOBS DBANG PO LA BTUD NAS, ,DE NYID BSGRUB PA'I RIM PA BSHAD PAR BYA, 'DIR PHYAG NA RDO RJE GTUM CHEN BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG NAS, CHO GA DNGAS NI 'JUG PA BDE BA'I PHYIR, 'DI LTAR, RANG NYID MTHU STOBS DBANG PHYUG GSANG BDAG TU, ,GSAL BA'I THUGS KAR NYI MA LA GNAS PA'I, ,H'Um YIG 'OD KYIS RTZA BA'I BLA MA DANG, ,DBYER MED PHYAG RDOR LHA TSOGS SPYAN DRANGS BZHUGS, ,GANG GI DRIN GYIS BDE CHEN NYID, ,SKAD CIG GIS NI THOB 'GYUR BA, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,STOBS PO CHE LA DRAG SHUL CHE, ,RIG SNGAGS RGYAL PO DGE BA CAN, , GDUL DKA' BO DAG 'DUL BA PO, ,RDO RJE 'DZIN LA PHYAG 'TSAL LO, ,RANG GI SNYING GA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, AOm SARBA TA TH'A GA TA AARGHAm PRA T'I TZTSA H'Um SV'AH'A, DE BZHIN DU, P'A DYAm, PUshPE, DH'U PE, A'A LO KE, GANDHE, NEE WIDYA, SHAPTA SOGS KYIS MCHOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ZHES DANG, TSAD MED BZHI BSGOM, TSOGS ZHING RNAMS RANG LA THIM PAS BYIN GYIS BRLABS PAR BSAMS, AOm SH'UN+YA T'A DZNY'A NA BADZRA SVA BH'A WA A'ATMA KO NYA HAm, CHOS DBYINGS NGANG LAS RANG SEMS BAR DO'I RNAM SHES H'Um, ,
, ,MKHA' DBYINGS DBUS GNAS 'BYUNG BZHI RIM BRTZEGS RI RAB STENG, ,SNA TSOGS RDO RJE SNA TSOGS PADMA NYI MA'I DBUS, ,H'Um LAS 'OD 'PHROS RDO RJE'I SA GZHI RA BA GUR, ,BLA BRE PHYI ROL ME DPUNG 'BAR BAS BSKOR BA YI, ,BSRUNG 'KHOR NANG DU YE SHES RANG BZHIN GZHAL YAS KHANG, ,DE DBUS 'DAB BRGYAD PADMA'I LTE BAR NYI MA'I STENG, ,DBYANGS GSAL LAS BYUNG ZLA NYI ME LONG MNYAM NYID KYI, ,YE SHES DBUS SU RNAM SHES H'Um ZHUGS SOR RTOG GI ,YE SHES RANG BZHIN RDO RJE SNGON PO H'Um GIS MTSAN, ,DE NYID 'OD ZER BSKAL PA'I ME 'DRAS BDUD BGEGS BSREGS, ,'PHAGS PA'I TSOGS MCHOD 'DUS PA BYA GRUB YE SHES NYID, ,ZLA NYI PHYAG MTSAN SA BON 'DRES LAS CHOS KYI DBYINGS, ,YE SHES NGO BOR DE NYID PHYAG NA RDO RJE NI, ,SKU MDOG MTHING NAG ZHAL GCIG PHYAG GNYIS 'JIGS PA'I GZUGS, ,SKU NI DPAG TSAD NYIS 'BUM DRUG KHRI GSUS KHYIM CHE, ,SHA RGYAS YAN LAG NYID LAG SBOM ZHING SHIN TU RAGS, ,PHYAG GA-YAS GSER GYI RDO RJE GDENGS SHING SDIGS MDZUB MDZAD, ,GA-YON PA SDIGS MDZUB DANG BCAS DRIL BU YUM LA BRTEN, ,KHROS PA'I ZHAL GDANGS 'BAR BA'I MCHE BA RNON PO GTZIGS, ,SPYAN GSUM DMAR ZLUM GDANGS MIG BGRAD CING KHRO GNYER 'KHRIGS, ,SMIN MA SMA RA DBU SKRA DMAR SER 'KHYIL ZHING 'BAR, ,THOD BSKAM DBU BRGYAN MGO RLON LNGA BCU'I DO SHAL 'PHYANG, ,KLU BRGYAD RGYAN DANG
RIN CHEN DAG GIS MDZES PAR SPRAS, ,STAG LPAGS SHAM THABS DAR LJANG SKA RAGS COD PAN CAN, ,LHA RDZAS NA BZA' SNGON PO'I STOD GA-YOGS LHAB LHUB GA-YO, ,TSANGS DANG DBANG PHYUG GA-YAS BSKUMS GA-YON BRKYANGS ZHABS KYIS BRDZIS, ,DE YI PANG NA RDO RJE DBYINGS KYI DBANG PHYUG MA, ,SNGO BSANGS MDZES LDAN ZHAL GCIG PHYAG GNYIS PHYAG GA-YAS KYIS, ,GRI GUG 'DZIN PAS YAB LA 'KHYUD CING GA-YON PA NI, ,THOD KHRAG GTZOR STOB BZHAD CING MCHE BA CUNG ZAD GTZIGS, ,SPYAN GSUM LDAN ZHING DBU SKRA KHAM NAG PHYED BCINGS BYAS, ,SKAM RLON THOD PA RIN PO CHES BRGYAN ZHABS GA-YON GYIS, ,YAB LA 'KHYUD CING GA-YAS BRGYAS SA SNYOMS PAR 'JUG PA YIS, ,YE SHES ME DPUNG RAB TU 'BAR BA'I DBUS NA BZHUGS, ,DE NYID GNAS LNGAR SNA TSOGS PADMA NYI MA'I STENG, ,RIGS LNGA'I BDAG NYID DKAR DMAR SNGO SER LJANG BA YI, ,MKHA' LDING DBANG PO PHYAG GA-YAS RANG RIGS PHYAG MTSAN DANG, ,GA-YON PAS KLU RIGS LNGA YI SBRUL RNAMS BZUNG NAS ZA, ,SNGO BSANGS RVA GNYIS DBUS SU YID BZHIN NOR BUS BRGYAN, ,MCHU SDER MI BZAD GNAM LCAGS LAS GRUB GSHOG SGRO RGYAS, ,PHROm GYI SGRA SGROGS DE LAS GZHAN YANG YAN LAG SOGS, ,BCU DRUG GNAS SU MKHA' LDING BCU DRUG DAG GIS SPRAS, ,DE NYID SHAR SOGS PHYOGS BZHIR H'Um YIG LAS BYUNG BA'I, ,'JIG RTEN GSUM RGYAL NAG PO CHEN PO BDUD RTZI 'KHYIL, ,DZAMBHA LA BZHI DE'I YANG PHYI RIM PAD 'DAB BRGYAD, ,STENG DANG 'OG BCUR KHRO BCU'ANG GTZO
, ,BO DAG DANG MTSUNGS, ,SGO BZHIR RGYAL CHEN KHYAMS LA GTZANG RIS MGON PO 'KHOD, ,KHYUNG NAG BRGYAD NI STENG 'OG MKHA' LA GAR BYED CING, GDON GSUM MTHAR BYED DUG SBRUL ZA BA'I SPRUL PA DANG, ,YANG SBRUL KHYUNG GIS SA DANG BAR SNANG GANG RNAMS KYI, ,GNAS GSUM AOm A'A: H'Um GIS MTSAN PA'I 'OD ZER GYIS, ,BSGOMS PA DANG 'DRA'I YE SHES PA DANG DBANG GI LHA, ,SPYAN DRANGS DZA: H'Um BAm HO: GNYIS SU MED PAR GYUR, ,RIGS LNGAS DBANG BSKUR MI BSKYOD RGYAL POS RGYAS BTAB BRTAN, ,MCHOD TSOGS BSANGS SBYANGS PHUL DU BYUNG BA'I LHA RDZAS GYUR, ,DNGOS BSHAMS YID KYIS SPRUL PA'I PHYI NANG GSANG BA YI, ,MCHOD TSOGS GZHAN YANG SRID DANG ZHI BA'I MCHOD PA'I SPRIN, ,ZHING KUN BKANG STE BCOM LDAN 'KHOR DANG BCAS LA 'BUL, ,AOm SARBA TA TH'A GA TA AARGHAm NAS, SHAPTA'I BAR GYIS MCHOD, LUS NGAG YID KYI SDIG LTUNG KUN BSHAGS RANG GZHAN GYI, ,DGE LA YI RANG CHOS 'KHOR BSKOR PHYIR YUN RING DU, ,MYA NGAN MI 'DA' RTAG TU BZHUGS GSOL DGE TSOGS KUN, ,MA RNAMS DON DU RDZOGS PA'I BYANG CHUB THOB PHYIR BSNGO, ZHES YAN LAG BDUN PA PHUL NAS, DUS GSUM BDE GSHEGS THAMS CAD KYI, ,MTHU STOBS MA LUS GCIG BSDUS NAS, ,KHRO BO'I DBANG PO'I SKUR STON PA, ,RDO RJE 'DZIN LA PHYAG 'TSAL LO, ,BSKAL PA'I ME DPUNG 'BAR BA'I DBUS, ,AINDRA N'I LA'I RI BO BZHIN, ,MTHU CHEN STOBS KYIS BGEGS 'JOMS PA'I, ,RDO RJE 'DZIN LA PHYAG
'TSAL LO, ,NYI MA BYE BA'I GZI BYIN KYANG, ,SKYENGS BYED 'BAR BA'I 'OD ZER GYIS, ,BAR CHAD BDUD SDE'I MUN NAG TSOGS, ,'JOMS MDZAD KHRO BO'I DBANG POR BSKYOD, ,GDUG CAN KHRAG GI GOS GYON PA'I, ,GANGS RI LTAR DKAR MCHE BA'I GSEB, ,LJAGS KYI GLOG PHRENG CHER GA-YO BAS, ,SA GSUM SKRAG PAR MDZAD LA BSTOD, ,ZLA TSES TSAR DU DNGAR BA LTA'I, ,'JIGS RUNG THOD PAS DBU BRGYAN CING, ,KHRAG RGYUN LHUNG LHUNG 'BAB PA YI, ,MGO PHRENG MGUL PAR 'CHANG LA BSTOD, ,PHYAG GA-YAS GSER GYI RDO RJE NI, ,'CHI MED LAM DU GDENGS TZAM GYIS, ,SDE BRGYAD 'BYUNG PO MA LUS PA'I, ,KLAD PA CIG CAR 'GAS MDZAD BSTOD, ,GA-YON PA SDIGS MDZUB DANG BCAS PAS, ,DRIL BU BZUNG BAS YUM LA BRTEN, , SNYOMS 'JUG LHAN SKYES DGA' BA'I ROS, ,RTAG TU DGYES PAR MDZAD LA BSTOD, ,DUS KYI CHU 'DZIN LTAR GA-YO BA'I, ,'DAB LDAN MKHA' LDING DBANG PO'I TSOGS, ,'PHUR LDING SNA TSOGS ZLOS GAR GYIS, ,GDON RNAMS BRLAG PAR MDZAD LA BSTOD, ,DPAL LDAN MTHU STOBS DBANG PHYUG LA, ,CUNG ZAD BSTOD PA'I DGE TSOGS KYIS, ,BDAG DANG 'GRO BA MA LUS PA, ,BDUD BZHI'I GA-YUL LAS RGYAL GYUR CIG ,CES BSTOD, DE NAS 'DI LTAR, GTZO BO SEMS DPA' GSUM GYI BDAG NYID TING NGE 'DZIN, ,SEMS DPA'I MTHA' SKOR SNGAGS PHRENG RANG SGRA 'BRUG LTAR SGROG ,SNGAGS KYI 'OD ZER BSKAL PA'I ME DPUNG LTAR 'BAR BAS, ,BSREGS PAS NAD GDON SDIG SGRIB BAR CHAD SBYANGS SHING DAG ,BLA MA RGYAL BA SRAS BCAS MTHU STOBS BYIN RLABS
, ,KYI; ;BDUD RTZI'I CHAR BABS PHYOGS LAS RNAM PAR RGYAL BAR GYUR, ,RANG NYID MTHU STOBS DBANG PHYUG GSANG BA'I BDAG POR NI, ,GSAL BA'I SKU LAS 'PHROS PA'I 'OD ZER MTHA' YAS PAS SNOD BCUD ZHING SBYANGS LHA DANG LHA MO'I RANG BZHIN GYUR, ,AOm BADZRA TZAndA MAH'A RO shA nA H'Um PHAt, CES PA'I SNGAGS GTZO BOR BZLA ZHING, KHYUNG SNGAGS DANG BCAS TE BZLA NA, AOm BADZRA TZAndA MAH'A RO shA nA H'Um PHAt, BADZRA GA RU dA TZA LE TZA LE H'Um PHAt, N'A GA AU TZA TRA H'Um PHAt, CES PA'AM YANG NA, AOm BADZRA TZAndA MAH'A RO shA nA H'Um PHAt, GA RU tA HAm SA HE TZA LE TZA LE SV'AH'A, ZHES KHYUNG SNGAGS DANG SBREL BA SNGA PHYI CI RIGS 'BUM PHRAG GSUM BZLA BA NI BSNYEN TSAD DO, ,SNYING PO DANG RTZA SNGAGS BZLAS NAS, AOm BADZRA P'A nI PHROm KshIm H'Um, ZHES PA'ANG CI MANG BZLA, MJUG TU, BDAG GI DGE BA'I LAS RNAMS 'DI DAG GIS, ,'JIG RTEN 'DIR NI MYUR DU SANGS RGYAS SHOG , 'GRO LA PHAN PHYIR CHOS KYANG STON BGYID CING, ,SEMS CAN SDUG BSNGAL MANG POS GZING LAS SGROL, ZHES BYA BA LA SOGS PA BSNGO BA DANG SMON LAM RNAM PAR DAG PAS RGYAS GDAB PAR BYA'O,, THUN MTSAMS DANG MTHAR GTOR MA 'BUL BAR 'DOD NA, GTOR MA BADZRA AA MRI TAS BSANGS, SVA BH'A WAS SBYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYED BU GSUM GYI STENG DU, A'A: LAS
BYUNG BA'I THOD PA YANGS SHING RGYA CHE BA'I NANG DU SHA LNGA BDUD RTZI LNGA SBYANGS RTOGS SBAR GSUM BYAS PA LAS BYUNG BA'I GTOR MA ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um LAN GSUM GYIS BYIN GYIS BRLABS, RANG GI THUGS KA'I H'Um LAS 'OD ZER 'PHROS, LCANG LO CAN NAS BLA MA DANG GNYIS SU MED PA'I BCOM LDAN 'DAS PHYAG NA RDO RJE'I DKYIL 'KHOR BA'I LHA TSOGS MDUN GYI NAM MKHAR SPYAN DRANGS PA'I LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR BSAMS LA, AOm GU RU BUDDHA BO DHI SATVA BADZRA P'A nI SA PA RI W'A RA AI DAm BA LIm TA KHA KHA, KH'A HI KH'A HI LAN GSUM MAM BDUN GYIS PHUL, AARGHAm SOGS KYIS MCHOD, LCANG LO CAN GYI GNAS MCHOG DAM PA NA, ,GSANG SNGAGS RIG SNGAGS KUN GYI BDAG PO STE, ,LOG 'DREN BGEGS KYI TSOGS RNAMS 'JOMS MDZAD PA'I, ,BCOM LDAN RDO RJE 'DZIN LA PHYAG 'TSAL LO, ,ZHES PAS BSTOD, MA RNYED YONGS SU MA SHES DANG, ZHES SOGS KYIS BZOD PAR GSOL TE YE SHES PA GSHEGS SU GSOL BA'AM, RANG LA THIM PAS BYIN GYIS BRLABS PAR BSAMS TE DGE BA RNAMS RANG GZHAN GYI PHAN BDE BLA NA MED PA'I RGYUR BSNGO'O, ,DPAL LDAN GSANG BA'I BDAG PO YIS, ,GRUB MCHOG LAS KYI RDO RJE LA, ,DNGOS SU STZAL BA'I GDAMS PA MCHOG ,MKHAS DANG GRUB PA LAS 'ONGS PA'I, ,GDAMS PA DBANG GI
, ,RGYAL PO 'DI, ,MANG POR SPEL BA'I 'OS MIN YANG, ,GUS LDAN SLOB MAS BSKUL BA'I NGOR, ,CHOS KYI RGYAL MTSAN ZHES BYAS SMRAS, ,DE LAS 'ONGS PA'I DGE TSOGS DPAG BSAM SHING, ,'CHI MED LAM KUN 'GENGS PA'I 'BRAS BZANG GIS, ,MAR GYUR NYAM THAG 'GRO BA MA LUS PA, ,ZAG MED 'DOD DGU'I 'BYOR PAS TSIM GYUR CIG ,CES BCOM LDAN 'DAS GSANG BA'I BDAG POS GRUB CHEN LAS KYI RDO RJE LA DNGOS SU STZAL BA GDON BCO BRGYAD LA SOGS PA'I GNOD PA BZLOG PAR BYED PA LA ZLA DANG BRAL BA GSANG BA LAS KYANG CHES CHER GSANG BA'I GTUM PO'I SGRUB THABS 'DI NYID RAS CHUNG GONG KHUG MAR GRAGS PA DANG YANG PHAL CHER MTHUN PA'I BSNGAGS BRJOD SHIN TU CHE BA 'DUG PA LTAR DAD LDAN GYI SLOB MA DGE LEGS RGYAL MTSAN GYIS YANG YANG BSKUL BA LTAR DNGOS DANG BRGYUD PA'I GDUL BYA RNAMS LA PHAN PAR 'DOD PA'I BSAM PAS KUN NAS BSLANGS TE MDO RGYUD MAN NGAG 'DZIN PA'I BTZUN PA BLO BZANG CHOS KYI RGYAL MTSAN GYIS DPAL LDAN 'BRAS SPUNGS KYI GZIMS CHUNG NYI 'OD 'KHYIL BA ME TOG BKRA BA'I LDING KHANG DU SBYAR BA'I YI GE PA NI DGE SLONG BLO BZANG PHUN TSOGS SO,, ,,