*, ,YANG GTUM PO BSGRUB PAR 'DOD PAS, SKYABS 'GRO SEMS BSKYED SNGON DU BTANG NAS, SVA BH'A WAS STONG PAR SBYANGS, STONG PA'I NGANG LAS RANG GI SEMS NYID H'Um LAS RDO RJE H'Um GIS MTSAN PA YONGS SU GYUR PA LAS, DPAL RDO RJE GTUM PO SKU MDOG MTHING NAG ZHAL GDANGS SHING MCHE BA GTZIGS PA, DMAR LA ZLUM PA'I SPYAN GSUM DANG LDAN ZHING KHRO GNYER BSDUS PA, ZHAL GCIG PHYAG GNYIS KYI GA-YAS GSER GYI RDO RJE RTZE LNGA PA PHRAG GONG DU 'PHYAR ZHING, GA-YON DRIL BU DKUR BRTEN PA, DBU SKRA DANG SMA RA DMAR SER GYEN DU 'BAR ZHING, RIN PO CHE'I DBU RGYAN DANG SNYAN RGYAN LA SOGS PA RIN PO CHE DANG SBRUL GYIS BRGYAN PA, DE'I SPYI BOR KHYUNG DKAR PO, MGRIN PAR KHYUNG DMAR PO, THUGS KAR KHYUNG SNGON PO, LTE BAR KHYUNG SER PO, GSANG GNAS SU KHYUNG LJANG GU ,ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO,
, ,THUGS KAR H'Um SNGON PO, THUGS KA'I H'Um LAS 'OD ZER 'PHROS, LCANG LO CAN NAS BSGOMS PA DANG 'DRA BA'I YE SHES PA DANG DBANG GI LHA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, DBANG GI LHAS DBANG BSKUR, MI BSKYOD PAS DBU BRGYAN PAR GYUR, LCANG LO CAN GYI GNAS MCHOG DAM PA NA, ZHES SOGS KYIS PHYAG BYA, AOm BADZRA P'A nI SA PA RI W'A RA AARGHAm NAS, SHAPTA'I BAR GYIS MCHOD, DNGOS BSHAMS YID SPRUL MCHOD PAR LUS 'BUL, ZHES PA NAS, THAMS CAD RDZOGS PA'I BYANG CHUB CHEN POR BSNGO, DE NAS RANG GI THUGS KAR NYI MA'I STENG DU H'Um GI MTHAR SNGAGS KYIS BSKOR BA LA DMIGS NAS, AOm BADZRA TZAndA MAH'A RO shA nA H'Um PHAt, CES PA'I SNGAGS THUNG MANG DU BZLA ZHING, SNGAGS DE'I MJUG TU, GA RU dA HAm SA HE TZA LE TZA LE SV'AH'A, ZHES BTAGS PA'ANG MANG DU BZLA'O, ,MJUG TU, DGE BA 'DI YIS MYUR DU BDAG ,CES SOGS BSNGO BA DANG SMON LAM BYA'O, ,ZHES PA 'DI NI DAD PA DANG GTONG BA DANG TSUL KHRIMS LA SOGS PA DAM PAS BSNGAGS PA'I YON TAN TSAD MED PA DANG LDAN PA'I MNGA' RIS DKA' BCU PA SHES RAB 'OD ZER DANG, DPON PO LEGS PA GNYIS KYIS 'DI LTA BU'I 'KHYER BDE BA ZHIG DGOS CES NAN GYIS BSKUL BA LA BRTEN NAS, BLO BZANG CHOS KYI RGYAL MTSAN ZHES BYA BAS DBEN SA CHOS KYI PHO BRANG GI GTZUG LAG KHANG DU SBYAR BA'O,, ,,