*, ,NA MO BADZRA P'A nI YE, 'DIR PHYAG NA RDO RJE GOS SNGON CAN BSGRUB PAR 'DOD PAS, SKYABS 'GRO SEMS BSKYED SNGON DU BTANG STE, SVA BH'A WAS STONG PAR SBYANGS, STONG PA'I NGANG LAS SNA TSOGS PADMA DANG NYI MA'I STENG DU RANG GI SEMS NYID H'Um LAS RDO RJE H'Um GIS MTSAN PA YONGS SU GYUR PA LAS, DPAL PHYAG NA RDO RJE GOS SNGON CAN SKU MDOG CHAR SPRIN LTAR GNAS PA, ZHAL GCIG PHYAG GNYIS KYI GA-YAS RDO RJE 'PHYAR STABS SU 'DZIN CING, GA-YON THUGS KAR SDIGS MDZUB MDZAD PA, RIN PO CHE DANG SBRUL GYIS BRGYAN CING, STAG GI PAGS PA'I SHAM THABS CAN, YE SHES KYI ME 'BAR BA'I DBUS NA ZHABS GA-YAS BSKUMS SHING GA-YON BRKYANGS PA'I STABS
KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, LCANG LO CAN NAS BSGOMS PA DANG 'DRA BA'I YE SHES PA DANG DBANG GI LHA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, DBANG GI LHAS DBANG BSKUR, MI BSKYOD PAS DBU BRGYAN PAR GYUR, LCANG LO CAN GYI GNAS MCHOG DAM PA NA, ,GSANG SNGAGS RIG SNGAGS KUN GYI BDAG PO STE, ,LOG 'DREN BGEGS KYI TSOGS RNAMS 'JOMS MDZAD PA'I, ,BCOM LDAN RDO RJE 'DZIN LA PHYAG 'TSAL LO, ,ZHES PAS PHYAG BYA, AOm BADZRA P'A nI SA PA RI W'A RA AARGHAm NAS, SHAPTA'I BAR GYIS MCHOD, DNGOS BSHAMS YID SPRUL MCHOD PA MA LUS 'BUL, THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA RJES YI RANG, ,'KHOR BA MA STONGS BAR DU LEGS BZHUGS NAS, ,'GRO LA CHOS 'KHOR MA LUS BSKOR DU GSOL, ,BDAG GZHAN DGE RNAMS BYANG CHUB CHEN POR BSNGO, ,DE NAS RANG GI THUGS KAR H'Um YIG GI MTHAR SNGAGS PHRENG GIS BSKOR BA LA DMIGS TE, AOm N'I L'Am BA RA DHA RA BADZRA P'A n'I R'A DZNY'A PA YA TI H'Um H'Um PHAt PHAt SV'AH'A, ZHES CI MANG BZLA ZHING, MJUG TU, DGE BA 'DI YIS MYUR DU BDAG ,GSANG BA'I BDAG PO 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BSNGO BA DANG SMON LAM BYA'O,, ,,