*, ,NA MO A'ARYA MEE TR'I YA, RJE BTZUN BYAMS PA BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG NAS, MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU RJE BTZUN BYAMS PA BSGRUB PAR BYA'O SNYAM PA GSUM SOGS BYA, DE NAS, RANG GI SPYI BOR SENG GE'I KHRI PADMA ZLA BA DANG BCAS PA'I STONG DU, RJE BTZUN BYAMS PA MGON PO SKU MDOG DMAR SER ZHAL GCIG PHYAG GNYIS THUGS KAR CHOS 'KHOR GYI PHYAG RGYA MDZAD PA'I, GA-YON PA'I MTHEB MDZUB KYIS SPYI BLUGS KYIS MTSAN PA'I KLU SHING GI SDONG BU 'DZIN PA, RAL PA'I THOR TSUGS LA BYANG CHUB MCHOD RTEN GYIS MDZES PA, 'DZUM ZHING SHIN TU ZHI BA'I NYAMS CAN, DBU RGYAN LA SOGS PA YID DU 'ONG BA'I RIN PO CHE'I RGYAN SNA TSOGS KYIS BRGYAN CING, LHA RDZAS KYI NA BZA' GSOL BA, 'OD KYI
DKYIL 'KHOR GYI DBUS NA ZHABS GNYIS BZANG PO'I 'DUG STANGS KYIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um GI 'OD ZER GYIS DGA' LDAN NAS RJE BTZUN LA SRAS BYANG CHUB SEMS DPA'I TSOGS KYIS BSKOR BA SPYAN DRANGS, DAM TSIG PA DANG GNYIS SU MED PAR BSAMS TE, BYAMS CHEN ME YIS ZHE SDANG BUD SHING BSREGS, ,YE SHES 'OD KYIS MA RIG MUN PA SEL, ,CHOS KYI RGYAL TSAB 'GRO BA'I DON MDZAD PA, ,DGA' LDAN BZHUGS PA DE LA PHYAG 'TSAL LO, ,ZHES PAS PHYAG DANG, DNGOS BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG MA LUS BSHAGS, ,SKYE 'PHAGS DGE BA RNAMS LA RJES YI RANG, ,'KHOR BA MA STONGS BAR DU LEGS BZHUGS NAS, ,'GRO LA CHOS 'KHOR MA LUS BSKOR DU GSOL, ,BDAG GZHAN DGE RNAMS BYANG CHUB CHEN POR BSNGO, ZHES PAS YAN LAG BDUN PA PHUL NAS, SPYI BO'I RJE BTZUN DE NYID SKYABS GNAS KUN 'DUS KYI BDAG NYID DU BLTAS LA, BLA MA YI DAM SKYABS GNAS KUN 'DUS KYI NGO BO RJE BTZUN BYAMS PA MGON PO LA GSOL BA 'DEBS SO, ,ZHES CI MANG DU GSOL BA 'DEBS, DE'I TSE RJE BTZUN GYI SKU LAS BDUD RTZI 'OD ZER GYI TSOGS BABS PA RANG GZHAN GYI LUS SEMS LA ZHUGS PAS, THOG MED NAS BSAGS PA'I SDIG SGRIB THAMS CAD SBYANGS, TSE DANG BSOD NAMS BYAMS SNYING RJE BYANG CHUB KYI SEMS LA SOGS PA'I YON TAN THAMS CAD 'PHEL ZHING RGYAS PAR BSAMS, MTHAR RJE BTZUN
, ,LAS RJE BTZUN GNYIS PA ZHIG CHAD NAS RANG NYID LA THIM PAS, RANG NYID KYANG RJE BTZUN DNGOS SU GYUR SONG SNYAM PA'I NGA RGYAL DANG GSAL SNANG LA RTZE GCIG TU MNYAM PAR 'JOG ,DE LTAR BSGOMS PAS SKYO NA BYAMS PAS DAM BCAS PA'I GZUNGS DANG, SNYING PO NYE SNYING SOGS CI MANG DU BZLA BAR BYA'O, ,MTHAR DE LAS BYUNG BA'I DGE BA RNAMS BYAMS PA'I SMON LAM LA SOGS PA'I SGO NAS RANG GZHAN GYI SMON GNAS RNAMS SU 'DUN PA DRAG POS BSNGO BAR BYA'O, ,ZHES PA 'DI NI DAD PA DANG TSUL KHRIMS LA SOGS PA'I YON TAN DANG LDAN PA DPON PO BSOD NAMS RIN CHEN GYIS BSKUL BA'I NGOR, DGE SLONG BLO BZANG CHOS KYI RGYAL MTSAN GYIS GRUB PA'I GNAS MCHOG DBEN SA CHOS KYI PHO BRANG GI GTZUG LAG KHANG DU LEGS PAR SBYAR BA'O,, ,,