*, ,NA MO GU RU A'ARYA AA TZA L'A YA, 'DIR BYIN RLABS KYI GTER DU GYUR PA BCOM LDAN 'DAS MI GA-YO MGON PO BSGRUB PAR 'DOD PAS, RTEN DANG MCHOD PA'I RIM PA RNAMS TSAR DU DNGAR, SKYABS 'GRO SEMS BSKYED SNGON DU BTANG, SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG CI NAS KYANG THOB PAR BYA, DE'I PHYIR DU RJE BTZUN MI GA-YO MGON PO BSGRUB PA'I RIM PA NYAMS SU BLANG BAR BGYI'O SNYAM PA GSUM SOGS BYA, DE NAS, RANG NYID MI GA-YO MGON POR GSAL BA'I THUGS KA'I H'Um GI 'OD ZER GYIS, BLA MA GTZO BO RIGS BDAG TU BZHUGS PA'I BCOM LDAN 'DAS MI GA-YO MGON PO LA SANGS RGYAS BYANG SEMS KYIS BSKOR BA SPYAN DRANGS, MDUN GYI NAM MKHAR BZHUGS PAR GYUR, GANG GI THUGS RJE'I 'OD ZER GYIS, ,BDAG BLO RMONGS PA'I MUN SEL BA, ,BLA MA MCHOG DANG BCOM LDAN 'DAS, ,MI GA-YO MGON PO'I ZHABS LA 'DUD, ,AOm SARBA TA TH'A GA TA AARGHAm, P'A DYAm, PUshPE, DH'U PE, A'A LO KE, GANDHE, NEE WI DYA, SHAPTA PRA T'I TZTSA H'Um SV'AH'A, THOG MED DUS NAS BSAGS PA YI, ,SDIG LTUNG MA LUS BSHAGS SHING SDOM, ,RANG GZHAN SKYE 'PHAGS THAMS CAD KYI, ,DGE TSOGS KUN LA RJES YI RANG, ,'GRO
RNAMS BSGRAL PHYIR DAM CHOS KYI, ,'KHOR LO RAB TU BSKOR DU GSOL, ,SRID PA JI SRID GNAS BAR DU, ,MYA NGAN MI 'DA' BZHUGS SU GSOL, ,'DIS MTSON RNAM DKAR DGE BA'I TSOGS, ,BLA MED BYANG CHUB CHEN POR BSNGO, , TSOGS ZHING RNAMS RANG BZHIN GYI GNAS SU GSHEGS PAR GYUR, AOm SVA BH'A WA SHUDDH'A: SARBA DHARMA: SVA BH'A WA SHUDDHO NYAHAm, CHOS THAMS CAD RANG BZHIN GYIS GRUB PAS STONGS PA'I STONG PA NYID DU GYUR, STONG PA'I NGANG LAS SKAD CIG GIS RDO RJE'I SA GZHI RVA BA GUR ME RI DANG BCAS PA'I NANG GI DBUS SU, PAm LAS PADMA DANG RAm LAS NYI MA'I DKYIL 'KHOR GYI STENG DU H'Um LAS RAL GRI H'Um GIS MTSAN PA LAS 'OD 'PHROS, DON GNYIS BYAS, TSUR 'DUS, YONGS SU GYUR PA LAS, RANG NYID BCOM LDAN 'DAS MI GA-YO MGON PO SKU MDOG MTHING GA ZHAL GCIG PHYAG GNYIS PA, ZHAL RAB TU GDANGS SHING MCHE BA GTZIGS PA, SPYAN RTZA DMAR PO LDOG CING, KHRO GNYER DPRAL BAR BSDUS PA, DBU SKRA DANG SMRA RA DANG SMIN MA DMAR SER GYEN DU 'BAR ZHING, DBU RGYAN LA SOGS PA RIN PO CHE'I RGYAN SNA TSOGS PA DANG, KLU RIGS BRGYAD SPRUL GYI GZUGS SU GNAS PAS BRGYAN PA, PHYAG GA-YAS SHES RAB KYI RAL GRI 'PHYAR ZHING, GA-YON ZHAGS PA DANG BCAS PA'I SDIGS MDZUB THUGS KAR MDZAD PA, DAR SNGON PO'I STOD GA-YOGS DANG, STAG GI PAGS PA'I SHAM THABS GSOL BA, SKU LAS SKYES PA'I YE SHES KYI ME RAB TU
, ,'BAR BA'I DBUS NA ZHABS GA-YAS BSKUMS SHING, GA-YON BRKYANGS PAS BGEGS KYI RGYAL PO BRDZIS PA'I STABS KYIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um GI 'OD ZER GYIS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS TE, AOm SARBA TA TH'A GA TA AA BHI shE KA TA SA MA YA SHRI YE A'A: H'Um, ZHES GSUNGS ZHING, BDUD RTZI'I CHUS DBANG BSKUR, LUS GANG, DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, MCHOD PA RNAMS TZAndA MAH'A RO shA nAS BSANGS, SVA BH'A WAS SBYANGS, STONG PA'I NGANG LAS BHRUm LAS RIN PO CHE'I SNOD YANGS SHING RGYA CHE BA'I NANG DU, AOm LAS MCHOD RDZAS DANG, GTOR MA DVANGS SHING THOGS PA MED PA ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um LAN GSUM BRJOD NAS MCHOD PA DANG GTOR MA BYIN GYIS BRLABS, AOm SARBA TA TH'A GA TA AARGHAm NAS, SHAPTA PRA T'I TZTSA H'Um SV'AH'A, ZHES PA'I BAR GYIS MCHOD, SKU MDOG SNGON PO RAL GRI
ZHAGS PA BSNAMS, GA-YAS BSKUMS GA-YON BRKYANGS BDUD BZHI RAB TU 'JOMS, ,MA YO MI GA-YO GA-YO BA MI MNGA' BA'I, ,BCOM LDAN MI GA-YO MGON LA PHYAG 'TSAL LO, ,ZHES PAS BSTOD, DE NAS RANG GI THUGS KAR NYI MA'I DKYIL 'KHOR GYI DBUS SU H'Um YIG MTHING GA'I MTHAR, AOm TZAndA MAH'A RO shA nA H'Um PHAt, CES YI GE BCU PA'I SNGAGS PHRENG GIS BSKOR BA LAS 'OD ZER 'PHROS, LUS KYI NANG GANG, SDIG SGRIB NAD GDON BAR GCOD THAMS CAD SBYANGS, 'OD ZER BA SPU'I SGO NAS PHYIR 'PHROS, SNOD BCUD KYI MA DAG PA THAMS CAD SBYANGS, SNOD THAMS CAD GZHAL YAS KHANG DANG, SEMS CAN THAMS CAD MI GA-YO MGON PO'I GO 'PHANG LA BKOD, SANGS RGYAS SRAS BCAS THAMS CAD KYI BYIN RLABS DANG MTHU STOBS NUS PA THAMS CAD BDUD RTZI SNA LNGA 'OD ZER DANG BCAS PA'I RNAM PAR SPYAN DRANGS, SNYING GA'I SNGAGS PHRENG LA THIM PAR BSAMS TE, SNGAGS DE NYID BRGYA STONG KHRI 'BUM SOGS BZLA'O, ,BZLAS PA'I LHAG CHAD BSKANG PHYIR YIG BRGYA BZLA ZHING, MJUG TU, DGE BA 'DI YIS MYUR DU BDAG ,MI GA-YO MGON PO 'GRUB GYUR NAS, CES SOGS KYIS DE LAS BYUNG BA'I DGE BA RNAMS RANG GZHAN GYI GNAS SKABS MTHAR THUG GI SMON GNAS RNAMS SU 'DUN PA DRAG POS BSNGO BAR BYA'O, ,THUN MTSAMS SU GTOR MA 'BUL BAR 'DOD NA, DKAR GTOR GTZANG MA BSHAMS, CHAB KYIS BRAN, MCHOD PA BYIN
, ,RLABS LTAR CUNG ZAD 'DON PA BSGYUR NAS BYIN GYIS BRLABS, RANG GI THUGS KA'I H'Um GI 'OD ZER GYIS RANG BZHIN GYI GNAS NAS, BCOM LDAN 'DAS MI GA-YO MGON PO YE SHES PA 'KHOR DANG BCAS PA SPYAN DRANGS PA'I LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR, AA K'A RO 'AM, A'ARYA AA TZA LA SA PA RI W'A RA AI DAm BA LIm TA KHA KHA KH'A HI KH'A HI, LAN GSUM MAM BDUN GYIS 'BUL, AARGHAm SOGS KYIS MCHOD, SKU MDOG SNGON PO ZHES SOGS DANG, RGYAL BA KUN GYI MKHYEN BRTZE GCIG BSDUS NAS, ,DPAL LDAN MTHU STOBS DBANG PO'I SKUR STON PA, ,DRAN PAS BAR GCOD KUN SEL CI 'DOD PA'I, ,MCHOG STZOL KHRO BO'I DBANG POS DGE LEGS STZOL, ,ZHES BSTOD CING 'DOD DON LA GSOL BA GDAB, YIG BRGYA BRJOD CING, BZOD PAR GSOL TE YE SHES PA GSHEGS SU GSOL, BKRA SHIS KYIS BRGYAN PAR BYA'O, ,GANG LA BRTEN PA'I NYIN BYED 'OD STONG GIS, ,THUN MONG PHUN TSOGS SKU GSUM GO 'PHANG GI ,'DAB BRGYA RNAM PAR BZHAD PA'I DPAL STER BA, ,RJE BTZUN MI GA-YO MGON PO'I SGRUB THABS KYI, ,NOR BU'I PHRENG MDZES SPEL BA'I DGE BA'I TSOGS, ,KUNDA LTAR DKAR JI SNYED BSAGS PA DE, ,MKHA' MNYAM 'GRO BA MA LUS BSGRAL BA'I PHYIR, ,THAMS CAD GZIGS PA'I GO 'PHANG THOB PHYIR BSNGO, ZHES RJE BTZUN MI GA-YO BA'I SGRUB THABS NOR
BU'I PHRENG MDZES CES BYA BA 'DI YANG DAD PA'I RTZA BA BRTAN ZHING MKHYEN PA'I SPYAN YANGS MNGON PAR BKRA BA'I SDE PA RNAM SRAS DZAMLAS BSKUL BA LA BRTEN NAS CHOS SMRA BA BLO BZANG CHOS KYI RGYAL MTSAN GYIS DAM PA RNAMS KYI PHYAG BZHES LTAR BKOD PA'O,, ,,