*, ,NA MO GU RU MANYDZU GHO sh'A YA, 'DIR 'CHI MED TSE'I RIG 'DZIN BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG, SGRUB THABS DNGOS GZHI 'DI LTAR, AOm SVABH'A WA SHUDDH'A:
, ,SARBA DHARMA: SVA BH'A WA SHUDDHO NYAHAm, STONG PA NYID DU GYUR, CHOS DBYINGS NGANG LAS RANG NYID BCOM LDAN 'DAS, ,TSE DPAG MED MGON GSAL BA'I SPYI GTZUG GI ,MDUN GYI NAM MKHAR PADMA ZLA BA'I STENG, , HR'I: YIG DMAR PO'I 'PHRO 'DU LAS BYUNG BA'I, ,RTZA BA'I BLA MA MGON PO TSE DPAG MED, ,SKU MDOG DMAR PO ZHAL GCIG PHYAG GNYIS KYIS, ,'CHI MED BDUD RTZIS GANG BA'I LHUNG BZED BSNAMS, ,RNAM MANG RIN CHEN RGYAN GYIS RNAM PAR BRGYAN, ,YID 'ONG LHA RDZAS DAR GYI NA BZAS MDZES, ,MTSAN DPE'I DPAL 'BAR 'JA' TSON 'KHRIGS PA'I DBUS, ,ZHABS GNYIS BSNYAMS PAR BZHENGS PA'I THUGS KA YI, ,HR'I: YIG 'OD KYIS RANG 'DRA'I YE SHES PA, ,DBANG LHAR BCAS PA SPYAN DRANGS DE LA THIM, ,DBANG BSKUR 'OD DPAG MED PAS DBU LA BRGYAN, ,'JIG RTEN 'DREN PA'I GTZO BO TSE DPAG MED, CES PA NAS, SANGS RGYAS TSE DPAG MED LA PHYAG 'TSAL LO, , ZHES PA'I BAR DANG, MCHOD TSOGS KUN 'BUL SDIG LTUNG THAMS CAD BSHAGS, ,DGE LA YI RANG CHOS 'KHOR BSKOR DU GSOL, ,RTAG PAR KHYED BZHUGS 'DIS MTSON DGE BA'I TSOGS, ,'GRO RNAMS SGROL PHYIR BYANG CHUB CHEN POR BSNGO, DE NAS, NYI GZHON 'CHAR KA MA SOGS KYIS BSTOD CING, GSOL BA BTAB PAS, TSE DPAG MED DE NYID DGYES BZHIN TSE'I BDUD RTZIR ZHU NAS, RANG LA THIM PAS, RANG NYID SKAD CIG GIS TSE DPAG MED SKU
MDOG DMAR PO ZHAL GCIG PHYAG GNYIS MNYAM GZHAG GI STENG NA TSE BUM BSNAMS PA, LONGS SPYOD RDZOGS SKU'I RNAM PA CAN, RDO RJE'I SKYIL KRUNG GIS BZHUGS PAR GSAL BA'I THUGS KAR ZLA GDAN LA HR'I: YIG DMAR PO'I MTHAR, AA MA RA nI DANG, TSE GZUNGS KYIS BSKOR BA'I 'OD ZER GYIS, SANGS RGYAS THAMS CAD KYI BYIN RLABS DANG, MDOR NA, SRID ZHI'I PHUN TSOGS THAMS CAD TSE'I BDUD RTZI'I RNAM PAR BKUG ,RANG GI LUS LA THIM PAS 'CHI MED TSE'I DNGOS GRUB THOB PAR BSAMS TE, GZUNGS RING DANG, KHYAD PAR, AOm AA MA RA nI DZ'I WANT'I YE SV'AH'A, ZHES PA'I GZUNGS THUNG BRGYA STONG KHRI 'BUM SOGS BZLA'O, ,MJUG TU, DGE BA 'DI YIS MYUR DU BDAG , TSE DPAG MED PA 'GRUB GYUR NAS, CES SOGS DANG, DUS MIN 'CHI BA'I MTSAN MA MTHONG BA NA, ,DE YI MOD LA TSE DPAG MED MGON SKU, ZHES SOGS DANG, TSE RABS KUN TU TSE DPAG MED PA YIS, CES SOGS, BSNGO SMON SHIS BRJOD DANG BCAS PA BYA'O, ,TSUL 'DI LTAR NYIN RE BZHIN 'CHAG MED DU NYMS SU BLANGS NA, GNAS SKABS TSE'I BAR GCOD SEL ZHING TSE RING, MTHAR THUG BDE BA CAN DU SKYE BA SOGS PHAN YON SHIN TU CHE'O, ,GANG GI MTSAN TZAM DRAN PAS 'CHI BDAG GI ,MCHE BA RING PO RI MO'I GNAS 'GOD PA, ,TSE YI MCHOG STZOL DE YI SGRUB THABS 'DI, ,GUS LDAN NANG SO BKRA SHIS RAB BRTAN GYIS, ,YANG YANG BSKUL TSE PHYOGS BRAL GYI, ,RGYAL KHAMS MYUL
, ,BA'I BYA BRAL BA, ,BLO BZANG CHOS KYI RGYAL MTSAN GYIS, ,THOGS MED SBYAR BA DGE LEGS 'PHEL,, ,