*, ,NA MO GU RU LO KE SHVA R'A YA,
, ,MAR ME MDZAD DPAL RGYAL BA 'BROM, ,SRAS BCAS ZHABS PAD GUS MCHOD NAS, ,LHA CHOS BDUN LDAN ZAB KHRID KYI, ,GSAL BYED ZLA SHEL ME LONG BRI, 'DIR JO BO YAB SRAS KYI GSANG BA'I GDAMS PA THIG LE BCU DRUG GI KHRID ZAB MO NYAMS SU LEN PAR 'DOD PAS, SKYABS 'GRO SEMS BSKYED TSAD MED BZHI RGYUD DANG 'DRES NGES PA SNGON DU BTANG, SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU ZAB LAM THIG LE BCU DRUG GI RNAL 'BYOR NYAMS SU LEN SNYAM PA LAN GSUM SOGS BYAS TE, SVABH'A WAS STONG PAR SBYANGS, CHOS RNAMS KUN GYI RANG BZHIN GDOD MA'I GSHIS, ,LHUN GRUB SPROS DANG BRAL BA 'CHI MED LAM, ,KUN TU BZANG PO'I MCHOD SPRIN 'KHRIGS PA'I DBUS, ,BAm LAS CHU SKYES AA LAS ZLA BA'I STENG, ,BKOD PA BSAM GYIS MI KHYAB THIG LE MCHOG ,HR'I: LAS 'KHRUNGS PA'I 'PHAGS MCHOG BCU GCIG ZHAL, ,PHYAG SPYAN STONG MNGA' MTSAN DPE'I GZI 'OD 'BAR, ,RIN CHEN RGYAN MDZES LHA RDZAS NA BZAS BKLUBS, ,ZHABS GNYIS BSNYAMS BZHENGS SKYABS GSUM KUN 'DUS PA'I, ,NGO BOR MOS NAS YAN LAG BDUN PA 'BUL, ,PHYAG DANG PHYAG YUL GNYIS STONGS PA'I, ,RNAM DAG SKU LA YE PHYAG 'TSAL, ,SKYE GNAS 'JIG PAS MA GOS PA'I,,
DRI MED MCHOD TSOGS 'BUL LO LHA, ,SGO GSUM SKYE GNAS 'JIG BRAL BA'I, ,NYES PA'I GA-YANG SA MTHOL LO BSHAGS, ,STONG YANG SNA TSOGS SKUR STON PA'I, ,GRANGS MED 'DREN LA RJES YI RANG, ,SMON DANG MTSAN MAS STONGS PA YI, ,'KHOR LO DBYINGS SU BSKOR DU GSOL, ,SKYE BAS STONGS PA'I CHOS SKU KHYED, ,LHUN GRUB GNAS PA'I RANG BZHIN LAS, ,GANG DU'ANG 'DA' BAR MA MDZAD CIG ,DGE BA 'DI YIS 'KHOR BA RNAMS, , 'DI 'DRAR RTOGS TE 'DI 'DRA BA'I, ,GZHAL YAS KHANG DU 'DRONGS GYUR TE, ,GSANG SNGAGS 'DI BZHIN SPYOD PAR BSNGO, ,DE LTAR RTZE GCIG MOS PA'I DAD PA YIS, ,MCHOD BSTOD BSKOR BA YIG DRUG BZLAS BRJOD LA, , BRTZON PAR BYAS PAS THUGS RJE CHE DGYES TE, ,THUGS MDZOD GSANG BA'I SGO NI BYE BAR GYUR, ,RANG NYID KHA SARBA nIR GSAL BA YIS, ,SNA DRANGS KHAMS GSUM SEMS CAN MA LUS PA, ,'PHAGS PA'I THUGS KA'I SGO YI NANG DU ZHUGS, ,DE NI BYANG CHUB PHYOGS CHOS SO BDUN GYI, ,YE SHES RANG BZHIN RNAM PA GZHAL YAS KHANG, ,STENG RANG SHAR LHO NUB BYANG 'OG GI GZHI, ,RIM BZHIN AOm SOGS YI GE DRUG PA YI, ,RNAM LDAN DUNG DANG GSER SBYANGS MU TIG DANG, ,MU MEN MARGAD BEE d'URYA YI MDOG ,DVANGS GSAL 'OD ZER STONG 'BAR PHO BRANG DBUS, ,MI MJED ZHING GI THIG LE BSTAN PA'I GTZO, ,GSER MDOG PHYAG GNYIS SA GNON MNYAM
, ,GZHAG MDZAD, ,MTSAN DPES BRGYAN CING DMAR SER CHOS GOS GSOL, ,PAD ZLAR RDO RJE'I SKYIL KRUNG GIS BZHUGS PA, ,MTHONG MA THAG TU DGA' DANG MOS PA YIS, ,BSKOR ZHING MCHOD BSTOD MU NI BZLAS BYAS PAS, ,BCOM LDAN DGYES PAS THUGS KA'I SGO BYE BA'I, ,NANG ZHUGS SNGON 'DRA'I GZHAL MED KHANG GI DBUS, ,PAD ZLA'I STENG NA RJE BTZUN GANGS RI'I MDOG ,ZHAL GCIG PHYAG BZHI DANG PO THAL MO SBYAR, ,'OG GNYIS SHEL PHRENG PADMA DKAR PO BSNAMS, ,RIN CHEN RGYAN PHRENG LHA RDZAS GOS KYIS BKLUBS, ,SKYIL KRUNG BZHUGS MTHONG BSKOR MCHOD YIG DRUG BZLAS, ,MGON DE DGYES NAS RNAM THAR SGO BYE STE, , KHA BA CAN GYI THIG LE'I NANG DU ZHUGS, ,DER YANG GZHAL MED KHANG DBUS PAD ZLA'I STENG, ,GNAS KHANG NGO BO ZLA SHEL LTAR DKAR BA'I, ,KHA SARBA nI ZHAL GCIG PHYAG GNYIS PA, ,MCHOG SBYIN GA-YON PA SHEL GYI 'KHAR BA'I STENG, ,PAD DKAR STONG LDAN LTE BAR RGYAL BA'I YUM, ,GA-YAS GA-YON SH'AKYA'I RGYAL PO MAR ME MDZAD, ,MTHA' SKOR SANGS RGYAS STONG GIS BRGYAN PA BSNAMS, ,'DZUM SGEG RGYAN LDAN 'GYING BA'I TSUL GYIS BZHUGS, ,SNGAR BZHIN MCHOD BSTOD BSKOR BA BZLAS BRJOD KYIS, ,DGYES PA'I THUGS MDZOD BYE BA'I NANG DU ZHUGS, ,GZHAL MED KHANG DBUS PAD ZLAR SHER PHYIN YUM, ,BTZO MA'I GSER 'DRA ZHAL GCIG
PHYAG BZHI YI, ,GA-YAS GNYIS SKYABS SBYIN RDO RJE GA-YON PA GNYIS, ,MNYAM GZHAG GLEGS BAM BSNAMS SHING RGYAN MANG MDZES, ,LHA RDZAS NA BZAS KLUBS SHING SKYIL KRUNG BZHUGS, ,BSKOR ZHING YAN LAG BDUN PA GA TE YI, ,BZLAS PAS MNYES SHING BYIN BRLABS THUGS KA'I SGO, ,BYE BA'I NANG GI GZHAL YAS KHANG DU PHYIN, ,DE DBUS THUB PA'I DBANG PO BZHUGS PA YI, ,MNGON SUM ZHAL MTHONG MCHOD BSTOD BZLAS SOGS KYIS,, MCHOG TU DGYES NAS RNAM THAR SGO BYE STE, ,YE SHES PHO BRANG CHEN PO'I NANG DU SON, ,GTZO BO BCU GCIG ZHAL MNGA' PHYAG STONG LDAN, ,SNGON BZHIN MNYES BYAS SGO BYE PHYIN PA'I NANG, ,GZHAL MED KHANG DBUS SENG LDENG NAGS SGROL GYI, ,ZHAL MTHONG MCHOD BSTOD T'A RE'I BZLAS SOGS KYIS, ,DGYES PA'I THUGS KA'I SGOR SONG GZHAL MED DBUS, ,SGROL MA DRAG MO LJANG NAG KHROS PA'I ZHAL, ,PHYAG BZHI GA-YAS GNYIS GRI GUG CANG TE'U 'KHROL,, GA-YON GNYIS THOD PA KHA tR'Am GA YIS BREL, ,MI LPAGS STOD GA-YOGS STAG SHAM RUS RGYAN GSOL, ,ME DPUNG 'BAR BA'I DBUS NA GA-YAS BSKUMS KYIS, ,PAD NYIR BZHUGS LA BDUN DANG YI GE BCU'I, ,BZLAS PAS MNYES BYAS THUGS KA'I SGOR ZHUGS TE, ,PHO BRANG DBUS SU PAD NYI BGEGS CHEN KHRIR, ,MI GA-YO MTHING NAG LJAGS 'DRIL MCHE BA GTZIGS, ,PHYAG GNYIS RAL GRI ZHAGS PA LHA RDZAS KYI, ,STOD GA-YOGS STAG SHAM
, ,GSOL ZHING BRKYANGS BSKUMS BZHUGS, ,MCHOD SOGS YI GE BCU PA'I BZLAS PAS DGYES, ,KHRO RGYAL THUGS KYI SGOR ZHUGS GZHAL YAS DBUS, ,'DAB STONG PAD ZLA'I LTE BAR MAR ME MDZAD, ,RANG BZHIN THUB DBANG NGO BO CHOS KYI SKU, ,RNAM PA LONGS SKU CHOS 'CHAD RDOR DRIL 'DZIN, ,PHYOGS BZHIR LHA BZHI MTSAMS BZHIR YAB SRAS BZHI, ,STENG DU RTZA BRGYUD BLA MA SPRIN LTAR GTIBS, ,DER NI BSKOR MCHOD LHA BZHI'I BSNYEN PA YIS, ,MGON PO MCHOG TU DGYES (MDUN DU BDAG CAG GI STON PA, GA-YAS SU SPYAN RAS GZIGS, GA-YON DU SGROL MA, RGYAB TU MI GA-YO BA STE, SHAR LHOR JO BO PAndITA'I RNAM PA, LHO NUB TU 'BROM, NUB BYANG DU RNGOG ,BYANG SHAR DU KHU STE,) PAS GSANG MDZOD BYE, ,RANG GIS SNA DRANGS GZHAL YAS KHANG PHYIN PA'I, ,PADMA 'DAB STONG BSIL ZER CAN GYI STENG, ,'BROM STON BCU DRUG LANG TSO MTHON MTHING GI ,DBU SKRAS DPUNG ZIN NOR BU'I PHRENG BA DANG, ,SHEL DKAR CHU SKYES RGYAL BAS MTSAN PA 'DZIN, ,PHYOGS MTSAMS RANG 'DRA'I KHYE'U BCU DRUG BCAS, ,SKYES RABS ZAB MO'I CHOS SGRA SGROG CING BZHUGS, ,SNGAR BZHIN BSAGS SBYANGS RIGS GSUM SNYING PO BZLAS, ,RGYAL BA 'BROM DGYES RNAM THAR SGO BYE BA'I, ,GZHAL MED KHANG PHYIN DBUS KYI RIN CHEN KHRIR, ,BYAMS MGON GSER MDOG CHOS GOS DMAR PO GSOL, ,CHOS 'CHAD PHYAG GIS RIL MTSAN KLU SHING BSNAMS, ,GTZUG TOR MCHOD
RTEN GYIS MDZES BYAMS BZHUGS MDZAD, ,GA-YAS GA-YON LDEM DU JO 'BROM DGE SLONG TSUL, ,STENG PHYOGS RGYA CHEN BRGYUD PA'I BLA MA 'KHRIGS, ,SHER PHYIN ZAB MO'I CHOS SGRA SGROG PA'I DRUNG, ,YAN LAG BDUN PA MEE TRI BZLAS SOGS KYIS, ,RJE BTZUN MNYES PAS SGOR DRANGS PHO BRANG DBUS, ,'PHAGS MCHOG KLU SGRUB GTZUG TOR GDENGS KAS BRJID, ,DMAR SER CHOS GOS GSUM GSOL MTSAN DPE 'BAR, ,RTEN 'BYUNG CHES STON CHOS 'CHAD PHYAG RGYAS MDZES, ,GA-YAS GA-YON JO 'BROM DGE SLONG TSUL GYIS BZHENGS, ,STENG PHYOGS ZAB MO LTA BRGYUD BLA MAS GANG, ,MCHOD BSTOD BSKOR BA AA YIG BZLAS BYAS PAS, ,MGON PO'I GSUNG NAS DA NI BU KHYOD KYI, ,TSOGS GNYIS PHAL CHER RDZOGS SHING SGRIB GNYIS BYANG, ,'OG MIN RDO RJE 'CHANG GI ZHAL BLTA 'AM, ,GSUNG ZHING DGYES NAS THUGS KA'I SGO MO BYE, ,RANG GIS SNA DRANGS SEMS CAN THAMS CAD ZHUGS, ,STOBS DANG MI 'JIGS RANG BZHIN PHO BRANG DBUS, ,RDO RJE 'CHANG DBANG AINDRA N'I LA'I MDOG ,ZHAL GCIG PHYAG GNYIS THUGS KAR RDOR DRIL 'DZIN, ,MTSAN DPE'I DPAL 'BAR LHA RDZAS NA BZAS BKLUBS, ,SKYIL KRUNG GA-YAS NGOS NAM MKHA' DRI MA MED, ,GA-YON PHYOGS SPYAN RAS GZIGS DBANG STENG GI CHAR, ,BYIN RLABS BRGYUD PA'I BLA MA SPRIN LTAR GTIBS, ,GSANG SNGAGS ZAB MO'I CHOS SGRA RGYUN MI 'CHAD, ,SNGON BZHIN MCHOD BSTOD BSKOR BA
, ,'BRU GSUM BZLAS, ,TING 'DZIN DBANG BSKUR MNYES NAS THUGS MDZOD BYE, ,YE SHES 'JA' 'OD 'KHRIGS PA'I GZHAL MED DBUS, ,'KHOR 'DAS BRTEN GA-YO KUN GYI RANG BZHIN DANG, ,DBYER MED SGRIB BRAL YE SHES CHOS KYI SKU, ,RNAM PA LONGS SKU ZHAL GCIG PHYAG GNYIS PA, ,TING 'DZIN PHYAG RGYA RDO RJE'I SKYIL KRUNG BZHUGS, ,THUGS KAR SHIN TU PHRA BA'I RLUNG SEMS KYI, ,NGO BO RTEN DANG BRTEN PA'I THIG LE'I TSUL, ,SNOD KYI THIG LE DKAR SER SRAN MA NI, ,PHYED GSHAGS TZAM STENG BCUD KYI THIG LE MCHOG ,GSER MDOG YUNGS KAR SBOM PO'I 'BRU TSAD TZAM, ,THABS SHES STONG NYID SNYING RJE'I SNYING PO CHE, ,RIGS BRGYA'I KHYAB BDAG DVANGS GSAL 'OD 'BAR BA, ,CHER MCHED MKHA' MNYAM BRTAN GA-YO KUN LA KHYAB, ,CIR YANG 'CHAR ZHING SNANG BA'I SGYU 'PHRUL MKHAN, ,'OD GSAL BDE STONG NGANG DU MNYAM PAR BZHAG ,SLAR YANG PHYI YI BKOD PA'I THIG LE NAS; ;BYIN RLABS BAR GYI THIG LE RANG MDOG GI ,RNAM PAR BSDUS PA'I THIG LE YUNGS 'BRU TZAM, ,SPYI BO'I AOm NGANG DE YANG MGRIN PA'I A'A:, ,A'A: YANG SNYING GA'I H'Um BSDU DE NYID KYANG, ,STONG NYID SNYING RJE'I BDAG NYID GZHI'I THIG LE, ,BDEN STONG NAM MKHA' LTA BU'I RNAL 'BYOR SKYONG, ,SLAR YANG CHU LAS CHU SBUR JI BZHIN DU, ,BSAM GYIS MI KHYAB THIG LE'I BAR DAG TU, ,SPRO ZHING BSDU BA'I RIG RTZAL YANG YANG SBYONG, ,MDOR NA BYANG CHUB
SEMS KYIS RGYUD SBYANGS NAS, ,LHA BZHIS LUS DANG SDE SNOD GSUM GYIS NGAG ,BSLAB PA GSUM GYIS SEMS NYID MDZES BYAS TE, ,ZAB GSAL DBYER MED SNANG STONG ZUNG 'BREL BA'I, ,THIG LE'I RNAL 'BYOR MCHOG LAS MI GA-YEL BA, ,BKA' GDAMS SKYES BU CHEN PO'I RNAM THAR YIN, ,'DI NI RNAM DPYOD CAN LA BSDOMS YIN GZHAN, ,SANGS RGYAS BYANG SEMS ZHI DRAG DE DANG DE'I, ,THIG LE'I SKABS SU CI 'DOD LHAG PA'I LHA, ,DE DANG DE YI SGRUB THABS BZLAS BRJOD SOGS, ,TING 'DZIN SGO BRGYA 'BYED CES PHUL BYUNG BZHED, ,DE DAG SKABS SU GANG LA GANG 'DUL DANG, ,MCHOD SPRIN BKOD PA KUN TU BZANG PO YI, ,RNAM THAR JI BZHIN BLO YIS LEGS PAR SBYANGS, ,MJUG TU BYANG CHEN PHYIR BSNGO SHIS PAS BRGYAN, ,TSUL 'DI SDE SNOD BSLAB PA GSUM 'DZIN PA, ,DBEN PAR GZHOL BA SNYING STOBS RGYA MTSO YIS, ,LEGS PAR BSKUL TSE BKA' GDAMS THA SHAL BA, ,CHOS KYI RGYAL MTSAN ZHES BYAS 'PHRAL DU SBYAR, ,ZHES PA 'DI YANG BKRA SHIS LHUN PO'I GZIMS KHANG RGYAL MTSAN MTHON PO'I GZIMS CHUNG BKA' GDAMS PHO BRANG DU SBYAR BA'I YI GE PA NI DGE TSUL BLO BZANG DAR RGYAS SO,, ,,