,,@, ,SVASTI, 'DIR SANGS RGYAS BCOM LDAN 'DAS SMAN PA'I RGYAL PO LA BRTEN PA'I BLA MA'I RNAL 'BYOR BSGOM PAR 'DOD PAS, SKYABS 'GRO SEMS BSKYED SNGON DU BTANG, SEMS CAN THAMS CAD KYI DON DU MYUR BA MYUR BAR SANGS RGYAS KYI GO 'PHANG THOB PAR BYA; DE'I PHYIR DU LAM ZAB BLA MA'I RNAL 'BYOR BSGOM PAR BYA'O SNYAM PA GSUM SOGS BYA, DE NAS 'DI LTAR, MDUN GYI NAM MKHAR NOR BU'I RGYAN MDZES PA'I, ,GNYIS 'THUNG DBANG POS BTEG PA'I RIN CHEN KHRI; ;YID 'ONG CHU SKYES RI BONG 'DZIN PA'I STENG, ,RTZA BA'I BLA MA BDE GSHEGS SMAN GYI BLA, ,BEEd'URYA YI 'OD KYI RGYAL PO NI, ,SKU MDOG SNGON PO MTSAN DPE'I GZI 'OD 'BAR, ,DGYES PA'I 'DZUM LDAN ZHAL GCIG PHYAG GNYIS PA, ,PHYAG GA-YAS NYON MONGS NAD SEL AA RU RAS, ,RAB MDZES 'DOD DGU'I MCHOG SBYIN PHYAG RGYA CAN, ,GA-YON PA MNYAM GZHAG STENG NA LHUNG BZED BSAMS, ,GSER 'OD DANG 'DRES PADMA R'A GA YI, ,MDANGS LDAN CHOS GOS GSUM GYI LHAB LHUB GA-YO, ,YID 'PHROG 'JA' TSON SNA LNGAS BSKOR BA'I DBUS, ,MI PHYED RDO RJE'I SKYIL KRUNG TSUL GYIS BZHUGS, ,NYI LTAR GSAL BYED ZLA LTAR SNANG
, ,BYED SOGS, ,'KHOR TSOGS RGYA MTSOS BSKOR BA'I GNAS GSUM DU, ,AOm A'A: H'Um MTSAN H'Um GI 'OD ZER GYIS, ,YE SHES PA RNAMS SPYAN DRANGS RO GCIG GYUR, DE NAS, TSAD MED THUGS RJES BSKYOD PA'I 'OD ZER GYIS, ,BDAG BLO'I MA RIG MUN PA SEL MDZAD CING, ,MCHOG DANG THUN MONG DNGOS GRUB KUN STZOL BA'I, ,RTZA BRGYUD BLA MA RNAMS LA PHYAG 'TSAL LO, ,THUGS RJE KUN LA SNYOMS PA'I BCOM LDAN 'DAS, ,MTSAN TZAM THOS PAS NGAN 'GRO'I SDUG BSNGAL SEL, ,DUG GSUM NAD SEL SANGS RGYAS SMAN GYI BLA, ,BEE d'URYA YI 'OD LA PHYAG 'TSAL LO, ,STON PA BLA MED SANGS RGYAS RIN PO CHE, , SKYOB PA BLA MED DAM CHOS RIN PO CHE, ,'DREN PA BLA MED DGE 'DUN RIN PO CHE, ,SKYABS GNAS DKON MCHOG GSUM LA PHYAG 'TSAL LO, ,MCHOD TSOGS KUN 'BUL SDIG LTUNG SO SOR BSHAGS, ,DGE LA YI RANG CHOS 'KHOR BSKOR DU GSOL, ,MYA NGAN MI 'DA' BZHUGS GSOL 'DIS MTSON PA'I, ,DGE TSOGS MA LUS BYANG CHUB CHEN POR BSNGO, DE LTAR YAN LAG BDUN PA PHUL TE, RTZE GCIG TU GDUNG SHUGS DRAG POS, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEE d'URYA 'OD KYI RGYAL PO LA PHYAG 'TSAL LO, ,MCHOD DO SKYABS SU MCHI'O, ,ZHES BRGYA STONG
SOGS CI MANG BRJOD, DE'I TSE DMIGS PA SMAN PA'I RGYAL PO'I SKU'I CHA THAMS CAD LAS BDUD RTZI 'OD ZER DANG BCAS PA'I RGYUN BABS, RANG GZHAN SEMS CAN THAMS CAD LA ZHUGS PAS SDIG SGRIB NAD GDON THAMS CAD DAG NAS, SMAN PA'I RGYAL PO'I BYIN RLABS ZHUGS PAR BSAMS, SLAR YANG GSOL BA BTAB PAS SMAN PA'I RGYAL PO'I SKU GNYIS PA ZHIG CHAD, RANG LA THIM PAS RANG DANG MDUN BSKYED GNYIS KA'I THUGS KAR SNGAGS PHRENG BKOD PA'I SPRO BSDU'I DMIGS PA DANG BCAS PAS, GZUNGS RING DANG, KHYAD PAR, AOm BHEE shA DZYE BHEE shA DZYE MAH'A BHEE shA DZYE BHEE shA DZYE SA MUTGA TE SV'AH'A, ZHES PA'I GZUNGS BRGYA STONG KHRI 'BUM SOGS BZLA; MJUG TU, DGE BA 'DI YIS MYUR DU BDAG ,SMAN PA'I RGYAL PO 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES SOGS BSNGO BA SMON LAM BYA'O, ,DE LTAR NYIN RE BZHIN NYAMS SU BLANGS NA GNAS SKABS BAR CHAD SEL ZHING, MTHAR THUG BDE BA CAN DANG BEE d'URYA'I ZHING DU SKYE BA'I PHAN YON BSAM GYIS MI KHYAB PA 'BYUNG BAR GSUNGS SO, ,SNYIGS DUS 'GRO BA MGON MED RNAMS, ,NYON MONGS NAD KYI GDUNG SEL GNYEN, ,STON MCHOG SMAN PA'I RGYAL PO YI, ,SGRUB THABS PHAN DANG BDE BA YI, ,BDUD RTZI 'DZAG PA'I ZLA SHEL 'DI, ,'TSO BYED NANG SO BYANG NGOS PAS, ,NAN GYIS BSKUL BA'I BSER BU YIS, ,
, ,CHOS KYI RGYAL MTSAN RNAM DPYOD KYI, ,PADMOR REG PA'I DRI BSUNG YIN, ,DGE BAS MAR GYUR 'GRO BA KUN, ,SGRIB GNYIS NAD LAS GROL GYUR CIG , ,, *, ,AOm NA MO BHA GA WA TE, BHEE shA DZYE GU RU BEE d'URYA PRA BHA R'A DZ'A YA, TA TH'A GA T'A YA, AARHA TE SAMYAKA SAm BUDDHA YA, TADYA TH'A, AOm BHEE shA DZYE BHEE shA DZYE MAH'A BHEE shA DZYE BHEE shA DZYA R'A JA SA MUD GA TE SV'AH'A, SMAN BLA'I GZUNGS RING BA GZUNGS 'BUM PAR MA DAG PA JI BZHIN NO, ,GZUNGS THUNG YANG GZUNGS 'BUM LTAR NA, AOm BHEE shA DZYE BHEE shA DZYE MAH'A BHEE shA DZYE BHEE shA DZYE SA MUD GA TE SV'AH'A, ZHES PA YIN, YANG; YONGS GRAGS LA, AOm BHEE shA DZYE BHEE shA DZYE R'A DZA SA MUD GA TE SV'AH'A; ZHES PA YIN CING MA DAG PA YANG MED, DES NA SMAN GTONG BA'I SNGAGS GZUNGS THUNG SNGA MA DANG, PHYI MA SMAN BLA'I GZUNGS THUNG DU BYAS NA LEGS SAM SNYAM, YI GE'I SDEB KYANG 'GA' ZHIG TU, BHEE shA DZHE ZHES DZA LA HA BTAGS PA YANG MANG PO 'DUG KYANG, GZUNGS 'BUM DU DZYE ZHES PA YOD PA LTAR LEGS, YANG DE BZHIN GSHEGS PA SPYI'I SNYING PO BZLA 'DOD NA, NA MA: SARBA TA TH'A GA TA HRi DA YA AA NU GA TE, AOm KU RUm GI NI SV'AH'A, ZHES PA STE SANGS RGYAS THAMS CAD KYI SNYING PO BYIN RLABS CAN KHUNGS BTZUN YIN CING, DAG PAR YANG YOD DO,, ,,LHA BCAS 'DREN PA MNYAM MED SMAN GYI BLA, ,DRANG SRONG
RIG 'DZIN RTZA BRGYUD BLA MA DANG, ,MCHOG GSUM MKHA' 'GRO CHOS BSRUNG THAMS CAD LA, ,ZAG MED RGYA JA BDUD RTZI'I MCHOD PA 'BUL, ,DGYES SHING BZHES NAS BDAG SOGS 'GRO BA KUN, ,TSE RING NAD MED BDE SKYID LONGS SPYOD LDAN, ,NYON MONGS DUG GSUM NAD KUN ZHI BA DANG, ,MCHOG DANG THUN MONG DNGOS GRUB MA LUS STZOL, ,YANG SMAN ZA BA'I TSE, GZUNGS THUNG SNGA MA BZLAS NAS, MCHOG GSUM KHYAD PAR BDE GSHEGS SMAN GYI BLA, ,DRANG SRONG GRUB PA RNAMS KYI THUGS RJE DANG, ,BDEN PAS SMAN 'DI NAD RNAMS KUN 'JOMS PA'I, ,'CHI MED BDUD RTZI'I MCHOG TU 'GYUR BAR SHOG ,'DI DAG GSO BA RIG PA DANG, ,RGYUD SDE 'DZIN PA'I SNGAGS RAM PA, ,SA CHEN DGE SLONG DAR RGYAS KYIS, ,BSKUL TSE BLO BZANG CHOS RGYAN GYIS, ,SMRAS PA'I DGE BAS MA RNAMS KUN, ,BZHI BRGYA RTZA BZHI'I NAD RNAMS KYI, ,'BYUNG GNAS DUG GSUM DRUNGS PHYUNG STE, ,SKU GSUM MNGON DU 'GYUR BAR SHOG , ,,