*, ,NA MO GU RU MANYDZU GHO sh'A YA; BKA' DRIN MNYAM MED RTZA BA'I BLA MA DANG, ,DBYER MED DAM TSIG GSUM BKOD RGYAL PO YI, ,ZHABS KYI PADMOR GUS PAS PHYAG BYAS TE, ,DE NYID BSGRUB PA'I RIM PA MDOR BSDUS BRI, ,'DIR BCOM LDAN 'DAS
, ,DAM TSIG GSUM BKOD PA'I RGYAL PO BSGRUB PAR 'DOD PAS, YID DANG MTHUN PA'I GNAS SU BCOM LDAN 'DAS KYI BRIS SKU SOGS BKRAM, MCHOD PA LEGS PAR BSHAMS, KHRUS BYAS GTZANG ZHING DAG PA DANG LDAN PAS, STAN BDE BA LA 'DUG STE SKYABS 'GRO SEMS BSKYED TSAD MED BZHI BSGOM PA SOGS SNGON DU BTANG NAS, SEMS CAN THAMS CAD KYI DON DU MYUR BA MYUR BAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU BCOM LDAN 'DAS DAM TSIG GSUM BKOD PA'I RGYAL PO BSGRUB PAR BYA'O SNYAM DU BSAM, DE NAS 'DOD PA'I RGYAL PO'I SNGAGS GZHAN NAM, NA MA: SA MANTA K'A YA W'A KA TZITTA BADZRA n'Am TA KRiTA H'Um DZA SHA, ZHES BGEGS BSAL, SA'I CHA GSUM LA, AOm BHU RA SV'AH'A, AOm BH'U RA WA SV'AH'A, AOm BH'U RA BHU BA SV'AH'A, ZHES RIM BZHIN BZLAS PAS LUS KYI CHA GSUM 'KHRU ZHING BSRUNG, AOm A'A: DZI NA DZI KA, GTZANG BYED SRIN LAG GA-YAS LA GDAGS, AOm W'A KA BI SHUDDHA YE SV'AH'A, AOm DU PI DU PI K'A YA DU PI SV'AH'A, AOm PRA KRI TA PA RI SHUDDHA SARBA DHRAMA PRA KRI TA PA RI SHUDDHONYAHAm, CHUS LUS LA GTOR ZHING LUS THAMS CAD KHRUS BYAS, DE NAS LAG PA GA-YAS PA'I KHU TSUR BCANGS, MTHE BONG BSGRENGS, MDZUB MO BKUG PA SNYING GA ,LKOG MA, SPYI GTZUG ,DPUNG PA GNYIS TE, GNAS LNGAR GTUG CING, AOm BADZRA KRO
DHA H'Um DZA: ZHES BDAG NYID BSRUNG, LAG PA GA-YAS PA'I GONG SRIN BKUG STE, AOm SHUDDHE NA TU SHO DHA NA YA SV'AH'A, DE NAS BDAG NYID BCOM LDAN 'DAS DAM TSIG GSUM BKOD PA'I RGYAL POR GSAL BA'I THUGS KAR ZLA BA LA GNAS PA'I SA BON GYI 'OD ZER GYIS, BLA MA DANG GNYIS SU MED PA'I BCOM LDAN 'DAS DAM TSIG GSUM BKOD PA'I RGYAL PO LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, 'OD ZER RANG GI SNYING GAR THIM, AOm SARBA TA TH'A GA TA PA DA BANDHA NAm KA RO MI, ZHES PAS PHYAG BYA, AOm A'A: H'Um MCHOD PA RNAMS PHUL DU BYUNG BA'I LHA RDZAS SU GYUR, CES BYIN GYIS BRLABS LA, AOm PRA WA RA SANG KA RAm PRA T'ITZTSA RA SE SV'AH'A, ZHES PAS ZHABS BSIL DANG, AOm BADZRA PUshPE H'Um, AOm BADZRA DH'U PE H'Um, AOm BADZRA A'A LO KE H'Um, AOm BADZRA GANDHE H'Um, AOm BADZRA NEE BI DYA H'Um, AOm BADZRA SHAPTA H'Um, ZHES MCHOD PA LNGA ROL MO DANG BCAS PAS MCHOD, DBANG MED BDAG GIS MI DGE BGYIS PA DANG, ,RJES SU YI RANG YANG NA BGYID STZAL GANG, ,DE DAG THAMS CAD BYANG CHUB MCHOG GI NI, ,SPYAN SNGAR DA LTA MA LUS SO SOR BSHAGS, ,BDE GSHEGS SRAS KYI TSOGS GNYIS ZAB PA DANG, ,RGYA CHER 'GRO BA MA LUS PA YI DON, ,SGRUB PAR BYED DANG DE LAS GZHAN LA YANG, ,RTAG TU BDAG NI RJES SU YI RANG NGO, ,THUGS RJES KHYAB PA'I THUGS DANG LDAN MGYUR CING, ,BLO GROS SDIG
, ,BRAL GTI MUG TSOGS KUN BCOM, ,MA LUS RIGS KYI PADMA'I NANG BZHUGS PA'I, ,BDE BAR GSHEGS PA RNAMS LA SKYABS SU MCHI, ,BLO MCHOG RNAMS KYI KUN DGA' RA BA STE, ,DMAN PA'I 'JIGS PA RNAMS KYI RGYAL BYED TSAL, ,SRID PA'I 'BYOR PA ZIL GYIS GNON PA'I MCHOG ,GSUNG MCHOG CHOS LA BDAG NI SKYABS SU MCHI, ,'DOD CHAGS LA SOGS SBRUL GYI DUG BCOM ZHING, ,BLO GROS RNAM RGYAL THUGS RJE CHER LDAN PA'I, ,BRTUL ZHUGS DBANG PO'I TSOGS LA SKYABS MCHI ZHING, ,SRID DANG BRAL BA RNAMS LA BDAG PHYAG 'TSAL, ,RGYU YI RJES LA BDAG PO'I YUL BDAG NYID, ,'BRAS BU'I STOBS KYIS DGRA LAS RGYAL GYUR PA, ,SNYING RJE'I RTZA BA ZUG CING YANG DAG RTOGS, ,MNYAM MED BYANG CHUB SEMS NI BSKYED PAR BGYI, ,BYANG CHUB MCHOG BRNYES RING PO MA LON PA'I, ,RGYAL BA RNAMS LA 'KHOR LO BSKOR BAR BSKUL, ,MYA NGAN 'DA' BZHED MGON PO SRAS DANG BCAS, ,MTHA' YAS BSKAL PA'I BAR DU BZHUGS PAR GSOL, ,BDAG GI DGE BA'I LAS RNAMS 'DI DAG GIS, ,'JIG RTEN 'DIR NI MYUR DU SANGS RGYAS SHOG ,'GRO LA PHAN PHYIR CHOS KYANG STON BGYID CING, ,SEMS CAN SDUG BSNGAL MANG POS GZIR LAS SGROL, ,TSOGS ZHING RNAMS RANG BZHIN GYI GNAS SU GSHEGS PAR GYUR, AOm SVA
BH'A WA SHUDDH'A: SARBA DHARMA: SVA BH'A WA SHUDDHONYAHAm, BDAG DANG LHA'I DE KHO NA NYID DBYER MI PHYED PA'I STONG PAR GYUR, STONG PA'I NGANG LAS DE BZHIN GSHEGS PA'I YI GE BRGYA PA'I GDANGS NAM MKHAR GRAG PA YONGS SU GYUR PA LAS; ZLA BA'I STENG DU YI GE'I GZUGS 'OD ZER LNGA 'PHRO BA LAS DE BZHIN GSHEGS PA'I RIGS KYI PHYAG MTSAN GYI LTE BAR SA BON SNGAGS PHRENG GIS BSKOR BAR GYUR, DE LAS 'OD ZER DANG LHA'I TSOGS 'PHROS, DON GNYIS BYAS, 'DUS, ZLA BA PHYAG MTSAN SA BON DANG BCAS PA YONGS SU GYUR PA LAS, MAm LJANG GU LAS BYUNG BA'I PADMA 'DAB MA BRGYAD PA'I LTE BAR MAm GYIS MTSAN PA LA GNAS PA'I ZLA BA'I STENG DU, BCOM LDAN 'DAS DAM TSIG GSUM BKOD PA'I RGYAL PO SKU MDOG GSER BTZO MA LTA BU, MTSAN SUM CU RTZA GNYIS DANG, DPE BYAD BZANG PO BRGYAD CUS SPRAS PA, ZHAL GCIG PHYAG GNYIS CHOS 'CHAD KYI PHYAG RGYA CAN, 'OD ZER RAB TU 'BAR BA'I DBUS NA RDO RJE'I SKYIL KRUNG GIS BZHUGS PA, DE'I GA-YAS SU BYANG CHUB SEMS DPA' RDO RJE 'DZIN SKU MDOG STON KA'I 'DAM BU LTAR SER SKYA, PHYAG GNYIS KYIS RDO RJE BZUNG NAS SNYING GAR THAL MO SBYAR BA, GA-YON DU BYANG CHUB SEMS DPA' RDO RJE 'DZIN CHEN PO SKU MDOG SER PO, GA-YAS NOR BU BZANG PO BSNAMS PA, MCHAN KHUNG GA-YON PAS DUNG BZUNG BA, GA-YAS KYI MDUN DU KHYE'U MTHA' YAS KHRO BO'I CHA BYAD CAN, SKU
, ,MDOG DMAR PO ME TOG PA LA SHA LTA BU, GA-YAS BSHAN PA'I ZANGS GRI DANG, GA-YON KA P'A LA ME TOG GI TSOGS KYIS GANG BA 'DZIN PA, SBRUL DKAR PO'I MCHOD PHYIR THOGS 'CHANG BA, GA-YON GYI MDUN DU BU MO MTHA' YAS ZHI BA'I CHA BYAD CAN, SKU MDOG LJANG GU DUR PA'I MYU GU LTA BU, GA-YAS PA'I THAL MOS RANG GI GTZO BO LA PHYAG 'TSAL ZHING, GA-YON PAS PADMA BSNAMS PA, BZHI GA'ANG ZHAL GCIG PHYAG GNYIS PA, RGYAN THAMS CAD KYIS BRGYAN PA'O, ,BYA SPYOD KYI SLOB DPON MKHAS PA CHEN PO 'GA' ZHIG DANG, KHYAD PAR 'DI'I SGRUB THABS KYI GZHUNG LTAR YE SHES DGUG GZHUG ,MCHOD BSTOD SOGS MA BYAS PAR BZLAS SGOM LA CHIG DRIL BYAS KYANG LAGS, YANG DE DAG BYED PAR 'DOD PAS, LHA RNAMS KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR, BDAG NYID KYI THUGS KA'I H'Um GIS 'OD ZER GYIS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, BADZRA SA MA YA DZA: DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, BLA MA YI DAM DKON MCHOG GSUM GYI LHA TSOGS SPYAN DRANGS, BDAG NYID LA THIM PAS SKYABS GNAS KUN 'DUS KYI NGO BOR GYUR, DE NAS BYIN GYIS BRLABS PA'I MCHOD PA 'BUL
BA SOGS TSOGS ZHING GI SKABS LTAR BYED PA'AM, YANG NA ZHABS BSIL NAS ROL MO'I BAR GYIS MCHOD NAS, MGON PO THUGS RJE CHE LDAN PA, ZHES SOGS KYIS BSTOD, DE NAS RANG GI SNYING GA'I ZLA BA'I STENG DU SA BON YI GE TREEm LAS KHA DOG SNA LNGA'I 'OD ZER 'PHROS, BCOM LDAN 'DAS 'KHOR BCAS MDUN GYI NAM MKHAR SPYAN DRANGS TE, MCHOD PA RNAM LNGA PHUL LA, THOG MED NAS BSAGS PA'I SDIG SGRIB DAG PAR BYA BA'I PHYIR, LHA'I SKU SGYU MA LTA BU LA DMIGS TE, BDAG MDUN GNYIS KA'I THUGS KA'I SA BON LA BSKOR BA'I SNGAGS PHRENG GI 'OD ZER DANG LHA'I TSOGS 'PHROS, DON GNYIS BYAS, TSUR 'DUS, SNYING GA'I SA BON LA THIM PA'I SPRO BA DANG BSDU BA'I MDZAD PA CAN DU GYUR PAR BSAMS LA, AOm NA MA STREE YA DHVI K'A N'Am TA TH'A GA T'A N'Am, SARBA TRA AA PRA TI HA T'A B'APTI DHARMA T'A B'A LI N'Am, AAm AA SA MA SA MA SA MANTA TO AA NANTA T'A B'APTI SH'A SA NI, HA RA HA RA; SMA RA SMA RA nA, BI GA TA R'A GA ,BUDDHA DHARMA TE, SA RA SA RA SA MA BA L'A, HA SA HA SA, TRA YA TRA YA, GA GA NA MAH'A BA RA LAKshA nE, DZV'A LA DZV'A LA NA S'A GA RE SV'AH'A, ZHES PA DE BZHIN GSHEGS PA'I YI GE BRGYA PA STE BCOM LDAN 'DAS KYI'O,, AOm BAm BADZRA DHA RA YE SV'AH'A, AOm MAm MAH'A BADZRA DHA RONG BHA BA YE SV'AH'A, AOm tAm tAKKI YE SV'AH'A, AOm NAm NAN DHI KA YE SV'AH'A, 'KHOR RNAMS KYI'O,, MJUG TU, DGE BA 'DI YIS MYUR DU BDAG ,DAM TSIG
, ,GSUM BKOD 'GRUB GYUR NAS, CES SOGS KYIS DGE BA BSNGO'O, ,DE LTAR BSNYEN PA SNGON DU BTANG NAS, RGYU SKAR RGYAL LA SMYUNG BAR GNAS SHING GTZANG SBRA DANG LDAN PAS STONG PHRAG BCU GNYIS BZLAS NA LAS KYI SGRIB PA JI SNYED THAMS CAD ZAD PAR 'GYUR ZHING, 'CHI KAR CHO GA 'DI NYID KYIS BZLAS NA BCOM LDAN 'DAS KYI ZHAL MNGON SUM DU STON PA SOGS PHAN YON BSAM GYIS MI KHYAB PA GSUNGS SHING, GZHAN YANG, BZANG SPYOD YI DAM BCAS PA YI, ,CHO GA YIS NI 'DI BZLAS NA, ,THAR PA NGES PAR SKYED BYED NA, ,'CHI BA BLU BA SMOS CI DGOS, CES GSUNGS SO, ,BCOM LDAN DAM TSIG GSUM BKOD RGYAL PO YI, , SGRUB THABS BSAM 'PHEL DBANG GI RGYAL PO 'DI, ,BLO LDAN SKYE BO 'GA' LA PHAN PA'I PHYIR, ,BLO BZANG CHOS KYI RGYAL MTSAN ZHES BYAS BKOD, ,DE LAS 'ONGS PA'I RNAM DKAR DGE BA'I TSOGS, ,MKHA' LTAR YANGS PA GANG ZHIG THOB PA DES, ,SDUG BSNGAL GSUM GYIS MNAR BA'I 'GRO BA KUN, ,'DREN PA'I DED DPON MCHOG TU BDAG GYUR CIG ,CES BCOM LDAN 'DAS DAM TSIG GSUM BKOD PA'I RGYAL PO'I SGRUB THABS 'DI YANG, CHOS KYI RJE SKU SKYE BLO BZANG MCHOG LDAN GYIS YANG YANG NAN CHER GSOL BA BTAB PA LA BRTEN NAS, SLOB DPON CHEN PO KE LA DHA RA nA DHIS MDZAD PA'I YI GE BRGYA PA'I SGRUB THABS JI LTA
BA BZHIN DU DGE SLONG BLO BZANG CHOS KYI RGYAL MTSAN GYIS, CHOS GRVA CHEN PO BKRA SHIS LHUN PO'I GTZUG LAG KHANG DU SBYAR BA'O,,