*, ,NA MO GU RU MANYDZU GHO sh'A YA, GANG GI MTSAN SNYAN CHU MDANG GI ,
NOR BU'I RNA RGYAN 'CHANG BA YANG, ,GDUNG BA'I RNYOG MA KUN SEL BA, ,MCHOG GSUM RIN CHEN LA BTUD NAS, ,GNOD SBYIN RDO RJE BDUD 'DUL GYI, ,THUGS DAM BSKANG BA'I RIM PA NI, ,BAR CHAD KUN SEL ZHES BYA BA, ,DAM PA'I MAN NGAG JI BZHIN BRJOD, 'DIR MGON PO RDO RJE BDUD 'DUL GYI THUGS DAM BSKANG BA DANG, 'PHRIN LAS 'CHOL BAR 'DOD PAS, YID MTHUN GYI GNAS SU, 'DI'I BRIS SKU'I GNAS SU MCHOD GTOR NANG MCHOD DAM RDZAS SPYAN GZIGS SOGS RGYAS PAR BSHAMS LA, RANG NYID PHYAG RDOR RAM, MI GA-YO BA'I NGA RGYAL LA GNAS PAS, NANG MCHOD TZAndA MA H'A RO shAS BSANGS, SVA BH'A WAS SBYANGS, STONG PA'I NGANG LAS YAm LAS RLUNG; RAm LAS ME'I DKYIL 'KHOR GYI STENG DU, A'A: LAS MI MGO'I SGYED BU GSUM GYI STENG DU, A'A: LAS THOD PA YANGS SHING RGYA CHE BA'I NANG DU, SHA LNGA DANG BDUD RTZI LNGA, DE'I STENG DU AOm A'A: H'Um GIS MTSAN PA LAS 'OD ZER 'PHROS, RLUNG GA-YOS, ME SBAR, THOD PA'I NANG GI RDZAS RNAMS ZHU ZHING KHOL BA'I NANG DU, YI GE GSUM PO LHUNG NAS ZHU BAS, KHA DOG DRI RO NUS PA'I SKYON SBYANGS, ZAG MED YE SHES KYI BDUD RTZI'I RGYA MTSO CHEN POR GYUR, AOm A'A: H'Um GSUM BRJOD DE BYIN GYIS BRLABS, MCHOD RDZAS BSKANG RDZAS SOGS KYANG BSANGS SBYANGS, STONG PA'I NGANG LAS RANG RANG GI MING YIG DANG PO THIG LES BRGYAN PA ZHU BA LAS BYUNG BA'I, BLA MA
, ,DANG GNOD SBYIN CHEN PO RDO RJE BDUD 'DUL 'KHOR DANG BCAS PA MNYES PAR BYED PA'I DAM RDZAS, SPYAN GZIGS, MCHOD PA'I BYE BRAG BSAM GYIS MI KHYAB PA ZHIG ,BLA MA DANG GNOD SBYIN CHEN PO RDO RJE BDUD 'DUL 'KHOR DANG BCAS PA'I SPYAN LAM DU 'BYUNG ZHING RGYAS PAR GYUR CIG AOm SARBA BID P'U RA P'U RA, S'U RA S'U RA, AA WART'A YA, AA WART'A YA HO BADZRA SPHA RA nA KHAm, AOm AARGHAm A'A: H'Um NAS, SHAPTA A'A: H'Um ZHES PA'I BAR GYIS BYIN GYIS BRLABS, DE NAS RTEN BSKYED PA NI, SVA BH'A WAS SBYANGS, CHOS THAMS CAD RANG BZHIN GYIS GRUB PAS STONGS PA'I STONG PA NYID DU GYUR, STONG PA'I NGANG LAS RANG GI MDUN DU, BHRUm LAS RIN PO CHE SNA BDUN GYI GZHAL YAS KHANG MDZES SHING YID 'PHROG PA'I NANG DU, 'KHOR LO RTZIBS BZHI PA'I LTE BAR SNA TSOGS PADMA DANG NYI MA DANG, SRIN PO BSGYEL BA'I STENG DU, KshA MTHING NAG LAS BYUNG BA'I RIN PO CHE 'BAR BA KshAS MTSAN PA LAS 'OD ZER 'PHROS, GDUG PA CAN THAMS CAD TSAR BCAD, TSUR 'DUS, SA BON PHYAG MTSAN DANG BCAS PA LA THIM PA YONGS SU GYUR PA LAS, GNOD SBYIN CHEN PO RDO RJE BDUD 'DUL SKU MDOG MTHING NAG ,ZHAL GCIG PHYAG GNYIS PA, PHYAG GA-YAS NOR BU RIN PO CHE 'BAR BA DANG, GA-YON BDUD RTZIS GANG BA'I BUM PA BSNAMS PA, SPYAN GSUM DMAR PO SDANG MIG TU BGRAD CING, ZHAL RAB TU GDANGS
NAS MCHE BA GTZIGS PA, DBU LA RIN PO CHE'I PROG ZHU GSOL ZHING, RIN PO CHE'I RGYAN SNA TSOGS PAS BRGYAN PA, SKU LA DAR NAG GI BER CHEN DANG, ZHABS LA SAG LHAM GSOL BA, SHIN TU BRJID CING ZHABS GA-YAS CUNG ZAD BRKYANGS PA'I SEMS DPA'I SKYIL KRUNG GIS BZHUGS PA, DE'I GA-YON DU YUM KUN GRUB MA SKU MDOG SNGON MO ZHAL GCIG PHYAG GNYIS MA, GA-YAS NAD RKYAL DANG, GA-YON ZHAL ZAS YAB LA STOB CING, DAR DKAR GYI NA BZAS BKLUBS PA, RTZIBS BZHI'I STENG DU, SHAR DU NOR BDAG DZAMBHA LA DKAR PO, LHOR MGON PO NAG PO, NUB TU 'BROG GNAS MCHED LNGA, BYANG DU RNAM SRAS LJANG GU , DE DAG GI PHYI ROL TU GNOD SBYIN DANG, SDE BRGYAD KYI 'KHOR DPAG TU MED PAS BSKOR BA'I GTZO 'KHOR THAMS CAD KYI SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, THUGS KA'I H'Um GI 'OD ZER GYIS BYANG PHYOGS LCANG LO CAN GYI PHO BRANG NAS, MGON PO RDO RJE BDUD 'DUL 'KHOR DANG BCAS PA SKAD CIG GIS SPYAN DRANGS, ROL MO DBYANGS DANG BCAS PAS,, H'Um; RIN CHEN LHUN PO'I BYANG GI PHYOGS, ,LCANG LO CAN GYI PHO BRANG NAS, ,GNOD SBYIN SDE DPON MTHU RTZAL CAN, ,RDO RJE BDUD 'DUL SNYAN GSON CIG ,SNGON TSE RDO RJE 'CHANG DBANG GIS, ,BKA' BSGOS JI LTAR KHAS BLANGS BZHIN, ,SANGS RGYAS BSTAN PA BSRUNG BA DANG,,
, ,RNAL 'BYOR 'PHRIN LAS BSGRUB PA'I PHYIR, ,RTZE GCIG MOS PAS SPYAN 'DREN NA, ,GNAS 'DIR MYUR DU GSHEGS SU GSOL, ,DHARMA P'A LA MAH'A YAKshA SA PA RI W'A RA AE HYE HI, DZA: H'Um BAm HO: DAM TSIG PA DANG GNYIS SU MED PAR BSAM, BYA KHYUNG GI PHYAG RGYA BCINGS LA, BADZRA MAH'A SA MA YA H'Um PHAt, CES DAM LA BZHAG ,GANG ZHIG DRAN PA TZAM GYIS PHYI NANG GI ,BAR CHAD KUN SEL 'DOD DGU'I DNGOS GRUB KUN; ;STZOL MDZAD GNOD SBYIN SDE DPON MTHU STOBS CAN, ,MGON PO 'KHOR DANG BCAS LA PHYAG 'TSAL LO, ,ZHES PHYAG BYA, AARGHAm NAS SHAPTA'I BAR DANG, SNGAGS LA YI GE 'BRU GSUM BTAGS TE NANG MCHOD 'BUL, YIG BRGYA BDUN NAM, NYER GCIG BZLAS LA, H'Um; BDAG CAG MA RIG DBANG GYUR PAS, ,SGO GSUM NYES TSOGS CI MCHIS DANG, ,KHYAD PAR GNOD SBYIN CHEN PO YI, ,THUGS DANG 'GAL BA MA LUS BSHAGS, CES BSHAGS PA BYA, DE NAS THUGS DAM BSKANG BA NI, H'Um; CHOS DBYINGS BDE BA CHEN PO'I LHA LAM LAS, ,PHYI NANG GSANG BA'I MCHOD PA'I SPRIN SPROS TE, ,GNOD SBYIN CHEN PO 'KHOR BCAS SPYAN LAM DU, ,'BYUNG ZHING RGYAS LA DGYES PA BSKYED GYUR CIG ,RO BRGYA'I GSER SKYEMS MCHOD YON RGYA MTSOR 'KHYIL, ,MDZES PA'I ME TOG SA DANG BAR SNANG GANG, ,DRI ZHIM SPOS KYI DUD PA SPRIN LTAR
GTIBS, ,MUN SEL SGRON ME TSAR DU DNGAR BA 'DIS, ,MGON PO 'KHOR DANG BCAS PA'I THUGS DAM BSKANG, ,DRI CHAB BZANG PO'I NGAD KYIS PHYOGS KUN 'GENGS, ,RO BRGYA LDAN PA'I ZHAL ZAS LHUN POR SPUNGS, ,SNA TSOGS ROL MO'I SGRA DBYANGS 'BRUG LTAR SGROG ,PHUN TSOGS 'DOD YON RNAM LNGA'I CHAR 'BAB PAS, ,MGON PO 'KHOR DANG BCAS PA'I THUGS DAM BSKANG, ,RDZU 'PHRUL SHUGS LDAN RTA NAG RLUNG LTAR 'PHYO, ,GA-YAG ROG ZHOL CHEN 'JIGS PA'I NGAR SGRA SGROG ,DAR GYI RGYAN LDAN LUG NAG SPYI DKAR MDZES, ,KHYUNG LTAR LDING BA'I BYA NAG TSOGS RNAMS KYIS, ,MGON PO 'KHOR DANG BCAS PA'I THUGS DAM BSKANG, ,KHYI NAG SNYING DKAR DOM LTAR MCHONG ZHIG RGYUG ,STAG SPYANG SENG GE DRAG PO'I NGAR SKAD 'DON, ,RDO RJE'I GO KHRAB SNA TSOGS MTSON CHA SOGS, ,DAM RDZAS SPYAN GZIGS STONG GSUM KHYON GANG BAS, ,MGON PO 'KHOR DANG BCAS PA'I THUGS DAM BSKANG, ,DMAR CHEN SHA KHRAG GTOR MA RI LTAR SPUNGS, ,JA CHANG BDUD RTZI'I BTUNG BA MTSO LTAR BSKYIL, ,RIN CHEN BDUN DANG NYE BA'I RIN CHEN GYIS, ,PHYOGS KYI 'KHOR LO MA LUS YONGS BKANG STE; ;MGON PO 'KHOR DANG BCAS PA'I THUGS DAM BSKANG, ,RIN CHEN RGYAN PHRENG DAR NAG BER CHEN DANG, ,NOR BU BUM BZANG PHYI NANG GSANG BA'I RTEN, ,'JIG RTEN 'JIG RTEN 'DAS PA LAS BYUNG BA'I, ,DNGOS
, ,BSHAMS YID SPRUL MCHOD SPRIN RGYA MTSO 'DIS, ,MGON PO 'KHOR DANG BCAS PA'I THUGS DAM BSKANG, ,THUGS DAM BSKANGS SHING NYAMS CHAGS GSOS GYUR CING, ,RKYEN NGAN BAR GCOD THAMS CAD BZLOG PA DANG, ,MTHUN RKYEN DNGOS GRUB MA LUS STZAL DU GSOL, ,DE LTAR THUGS DAM BSKANGS NAS, RANG PHYAG RDOR DANG MI GA-YO BA GANG RUNG DU GSAL BA'I THUGS KA LAS 'OD ZER 'PHROS, GNOD SBYIN GYI THUGS KA'I SNGAGS PHRENG LA PHOG ,THUGS RGYUD BSKUL, 'PHRIN LAS THAMS CAD THOGS MED DU BSGRUB PAR BSAMS LA, AOm BADZRA RATNA TZITTA R'A GA R'A GA H'Um PHAt, CES PA DANG, YUM GYI SNGAGS BZLA 'DOD NA, AOm BADZRA RATNA TZITTA BDUD MO TING KYOL TING TING DZA: DZA: H'Um PHAt, CES BZLAS PA CI 'GRUB BYA, DE NAS GTOR BSNGOS BSDUS PAR BKOD PA LTAR GTOR MA PHUL, AARGHAm SOGS KYIS MCHOD CING, SNYING PO'I MJUG TU AOm A'A: H'Um BTAGS TE NANG MCHOD KYANG 'BUL LO, ,DE NAS, BSTOD PA BYA BA NI, H'Um: RGYAL BA'I MKHYEN BRTZE'I MKHA' DBYINGS LAS, ,GNOD SBYIN CHEN PO'I DBYAR SKYES PHRENG, ,'PHRIN LAS DRAG PO'I ME CHAR GYIS; ;BSTAN DGRA PHYE MAR 'THAG LA BSTOD, ,CHOS KYI DBYINGS LAS 'ONGS PA'I LHA, ,KHRO CHAGS BRJID PA'I SKUR STON PA, ,DBANG SNGON MDOG CAN NYIN BYED BRGYA'I, ,'OD STONG 'GYED LA PHYAG 'TSAL BSTOD, ,ZHAL
GCIG PHYAG GNYIS GA-YAS PA NA, ,RIN CHEN 'BAR BAS 'DOD DGU DANG, ,GA-YON PA RIN CHEN BUM BZANG GIS, ,TSE DANG YE SHES STZOL LA BSTOD, ,DMAR ZLUM SPYAN GSUM SDANG MIG GIS, ,BSTAN DGRA'I RJES GCOD BYA RA MDZAD, ,DAR NAG BER CHEN LHAB LHUB NI, ,GSER GYI SKA RAGS CAN DER BSTOD, ,KHYOD SKU'I DPAG BSAM LJON PA NI, ,RNAM MANG RIN CHEN LAS GRUB PA'I, ,RAB MDZES RGYAN GYI ME TOG GIS, ,MNGON PAR MDZES LA PHYAG 'TSAL LO, ,MGON DER GSANG BA'I DGYES PA BSKYED, ,RNAL 'BYOR BU BZHIN SKYONG MDZAD CING, ,GNAS GSUM MKHA' 'GRO'I GTZO MO MCHOG ,DBYINGS PHYUG DPA' MO CHE LA BSTOD, ,SKU DANG CHA LUGS SNA TSOGS SHING, ,MTHU STOBS RDZU 'PHRUL BSAM MI KHYAB, ,'PHRIN LAS RNAM BZHI'I MCHOG STZOL BA'I, ,'KHOR TSOGS RGYA MTSO'I TSOGS LA BSTOD, ,CHOS SKYONG CHEN PO LCAM DRAL LA, ,BDAG CAG DPON SLOB 'KHOR BCAS KYI, ,MI NOR LONGS SPYOD BCAS PA RNAMS, ,BCOL LO BLTOS SO MTHU MA CHUNG, ,NYIN GSUM BYA RA MTSAN GSUM DU, ,DRUNG NAS MEL TSE MA GA-YEL CIG ,NAD GDON CHOM RKUN DGRA LA SOGS, PHYI NANG BAR GCOD ZHI BA DANG, ,TSE DANG BSOD NAMS LONGS SPYOD DANG, ,'KHOR TSOGS BSTAN PA RGYAS PAR MDZOD, ,SRID ZHI'I SKYE 'GRO PHUN TSOGS KUN, ,MA LUS DBANG DU 'DU BA DANG, ,BDAG LA GNOD PA'I DGRA
, ,BGEGS KUN, ,DRAG PO'I CHAD PAS TSAR CHOD CIG ,CES BSTOD CING 'PHRIN LAS BCOL LO, ,SMRAS PA, RIG GNAS KUN GYI BSTAN PA'I SROG SHING CHE, ,ZHANG BLON CHEN PO RDO RJE BDUD 'DUL GYI, ,SGRUB THABS GSAR PA'I RIN CHEN PHRENG MDZES PA, ,SPEL BAR BYED PO CHOS KYI RGYAL MTSAN NYID, ,'DI LTAR BSKRUN PA'I DGE TSOGS NYAL 'GRO'I RGYUN, ,DUS GSUM RNAM DKAR DZA HU'I BU MO DANG, , LHAN CIG KUN MKHYEN RGYA MTSO CHER ZHUGS NAS, ,SRID PA'I TSA GDUNG SEL BA'I MCHOG GYUR CIG ,CES GNOD SBYIN CHEN PO RDO RJE BDUD 'DUL GYI BSKANG GSO'I RIM PA BAR CHAD KUN SEL ZHES BYA BA 'DI YANG, RIGS RUS MCHOG TU DGE ZHING, DAD PA DANG RNAM DPYOD PHUN SUM TSOGS PA, RIG GNAS MTHA' DAG LA MKHYEN PA'I SPYAN YANGS GA-YO BA'I SDE PA RNAM SRAS DZAM LA ZHES BYA BAS BSKUL BA'I NGOR, MDO RGYUD DAM PA'I MAN NGAG 'DZIN PA, SH'AKYA'I DGE SLONG BLO BZANG CHOS KYI RGYAL MTSAN GYIS, 'DI'I SGRUB THABS SLOB DPON PADMAS MDZAD PAR GRAGS PA DANG, GRVA PA MNGON SHES KYIS MDZAD ZER BA'I YIG RNYING 'GA' ZHIG 'DUG KYANG, SNGA MO NAS BRGYUD PAS BRIS NOR MNGON CHE ZHING, PHAL TSIG RING THUNG YANG MI SNYOMS PA YID BRTAN DKA' BA DANG, GZHAN MA KHUNGS BTZUN PA'I GTOR CHOG GTZANG MA ZHIG MA MTHONG
YANG; 'DI'I RJES GNANG LAS TSOGS RAGS RIM DPAL LDAN BLA MA DAM PA'I ZHABS DRUNG DU THOB PA'I GDAMS PA LA GZHI BYAS, SNGAR GYI YIG RNYING DE DAG GI LEGS CHA RNAMS KYIS KYANG KHA BSKANGS TE, CHOS GRVA CHEN PO BKRA SHIS LHUN PO'I GTZUG LAG KHANG DU SUG BRIS SU BYAS PA LAS, SLAR YI GE PA NI RAB 'BYAMS SMRA BA'I LOTZTSA BA DGE 'DUN DPAL 'BAR RO, ,'DIS KYANG BSTAN PA RIN PO CHE MI NUB PA'I RGYAL MTSAN DU GYUR CIG , ,,