*, ,NA MO GU RU DE WA d'A KI N'I BHYA: BLA MA YI DAM MKHA' 'GRO BSRUNG MA'I TSOGS, ,DBYER MED ZHABS KYI PADMOR PHYAG BYAS TE, ,DPAL LDAN LHA MO RDO RJE RAB BRTAN MA, ,DGYES BYED THUGS DAM BSKANG BA'I RIM PA BRI, 'DIR MA GCIG RDO RJE RAB BRTAN MA'I BSKANG GSO BYED PAR 'DOD PAS, MCHOD GTOR, SPYAN GZIGS RNAMS TSOGS PAR BYAS, BDAG NYID YI DAM GANG RUNG NGAM, YANG NA RDO RJE 'JIGS BYED KYI NGA RGYAL DANG LDAN PAS, NANG MCHOD DANG, MCHOD GTOR BSKANG RDZAS RNAMS BSANGS, SBYANGS, BSKYED CING BYIN GYIS BRLABS, HR'I: shtR'I: SA BSANGS, SVA BH'A WAS SBYANGS, STONG PA'I NGANG LAS, RANG GI MDUN DU RLUNG NAG 'TSUB MAR 'TSUBS PA'I PHO BRANG NANG DU RBA KLONG 'KHRUG PA'I KHRAG GI RGYA MTSO'I DBUS SU, MI RO GSAR RNYING BRTZEGS PA'I GDAN KHRIR, DRE'U'I STENG DU BHYO: LAS MA GCIG RDO RJE
, ,RAB BRTAN MA, SKU MDOG SMUG NAG ZHAL GCIG PHYAG GNYIS PA, RNGAMS PA'I ZHAL GDANGS SHING 'BAR BA'I MCHE BA GTZIGS PA, DMAR ZHING 'KHRUG PA'I SPYAN GSUM SDANG MIG TU GZIR NAS KHRO GNYER RAB TU BSDUS PA, PHYAG GA-YAS SRIN PO'I RAL GRI 'BAR BA 'PHYAR ZHING, GA-YON THOD KHRAG THUGS KAR 'DZIN PA'I MCHAN KHUNG NA NE'U LE'I RKYAL PA BZUNG NAS BSKRU BA PO LA DGOS 'DOD KYI CHAR 'BEBS PA, GTZUG RUM DU ZLA NYI'I DKYIL 'KHOR RGYAS SHING RNA BA GA-YAS GA-YON NA SENG GE DANG SBRUL 'PHYO BA, DBU SKRA DANG SMA RA DANG SMIN MA DMAR SER DUS MTHA'I ME LTAR RAB TU 'BAR ZHING THOD BSKAM LNGA'I DBU RGYAN DANG RMA BYA'I GDUGS KYI GRIB GSIL DANG, KHRAG 'DZAG PA'I MI MGO LNGA BCU'I DO SHAL BYAS PA, MI LPAGS GSAR PA'I STOD GA-YOGS DANG, STAG LPAGS RLON PA'I SHAM THABS CAN, NAD KYI RKYAL PA MTSON GYI DRU GU BDUD KYI KHRAM SHING SHO RDE DKAR NAG BYAD KHRES SOGS BSTAN DGRA 'JOMS PA'I CHA RKYEN DANG LDAN PA, DE'I 'KHOR DU BKA' SDONG GDONG BRNYAN RNAM GNYIS, GNAS GSUM MKHA' 'GRO, TSE RING MCHED LNGA BSTAN MA BCU GNYIS DAM CAN RGYA MTSO DREGS PA SDE BRGYAD KYI TSOGS DPAG TU MED PAS BSKOR BA'I GTZO 'KHOR THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, BDAG NYID KYI THUGS KA'I
H'Um SNGON PO'I 'OD ZER LCAGS KYU'I RNAM PA CAN GYIS NUB PHYOGS AOORYAN GYI GNAS NAS MA GCIG RDO RJE RAB BRTAN MA 'KHOR DANG BCAS PA SKAD CIG GIS SPYAN DRANGS, BHYO: SNGON TSE RDO RJE 'CHANG DBANG GIS, ,BKA' BSGOS GNYER DU GTAD PA LTAR, ,RGYAL BA'I BSTAN PA BSRUNG BA DANG, ,RNAL 'BYOR 'PHRIN LAS BSGRUB PA'I PHYIR, ,MA GCIG 'KHOR BCAS SPYAN 'DREN NA, ,SNGON GYI THUGS DAM RJES DGONGS LA, ,THOGS MED RDZU 'PHRUL STOBS MNGA' BAS, ,DA LTA NYID DU GNAS 'DIR GSHEGS, K'A LI DE WI SA PA RI W'A RA AE HYE HI SA MA YA DZA: DZA: DZA: H'Um BAm HO: PADMA KA MA LA YE STVAm, RGYAL BA'I BSTAN BSRUNG KUN GYI GTZO, ,RNAL 'BYOR DAM TSIG LDAN PA'I SRING, ,MA GCIG RDO RJE RAB BRTAN MA, ,'KHOR DANG BCAS LA GUS PHYAG 'TSAL, DE NAS DBANG BSKUR RGYAS GDAB, PHYI NANG GI MCHOD PA YIG BRGYA BSHAGS PA BSKANG RDZAS BYIN RLABS RNAMS DPAL LDAN DMAG ZOR MA'I GTOR TSOGS BZHIN LEGS PAR RUNG BA LTAR BYAS LA THUGS DAM BSKANG BA NI, BHYO: LHAN SKYES BDE STONG YANGS PA'I NAM MKHA' LAS, ,BYUNG BA'I PHYI NANG DAM RDZAS MCHOD PA'I SPRIN, ,RDO RJE RAB BRTAN 'KHOR BCAS SPYAN LAM DU, ,'BYUNG ZHING RGYAS LA THUGS DAM SKONGS GYUR CIG ,DGRA BGEGS SNYING KHRAG MCHOD YON RGYA MTSOR 'KHYIL, ,DAM NYAMS DBANG PO'I ME TOG GCAL DU BKRAM, ,DRI ZHIM SPOS KYI DUD
, ,SPRIN LHA LAM KHYAB, ,NYI ZLA NOR BU SGRON ME'I 'OD 'BAR BAS, ,MA GCIG DPAL LDAN LHA MO'I THUGS DAM BSKANG, ,DAM CAN 'KHOR TSOGS RGYA MTSO'I THUGS DAM BSKANG, ,THUGS DAM BSKANGS SHING NYAMS CHAGS DAG GYUR NAS, ,BAR GCOD SEL ZHING DNGOS GRUB STZAL DU GSOL, ,SPOS CHU'I RGYA MTSO BZANG PO'I DRI NGAD LDANG, ,LHA DANG MI YI ZHAL ZAS RI LTAR SPUNGS, ,JA CHANG GSER SKYEMS BTUNG BAS ZHING KUN GANG, ,SNYAN BRJID SNA TSOGS ROL MO'I SGRA SGROG PAS, ,MA GCIG DPAL LDAN LHA MO'I THUGS DAM BSKANG, ,DAM CAN 'KHOR TSOGS RGYA MTSO'I THUGS DAM BSKANG, ,THUGS DAM BSKANGS SHING NYAMS CHAGS DAG GYUR NAS, ,BAR GCOD SEL ZHING DNGOS GRUB STZAL DU GSOL, ,RLUNG LTAR MYUR MGYOGS DRE'U RKYANG SER DANG, ,RTA NAG TSOGS 'PHYO ZHOL GA-YAG NGAR SGRA 'BYIN, ,LUG NAG RAB BRJID BYA NAG KHYUNG LTAR LDING, ,DOM LTAR MCHONG BA'I KHYI NAG TSOGS RNAMS KYIS, ,MA GCIG DPAL LDAN, ,DAM CAN, ,THUGS DAM BSKANGS, ,BAR GCOD SEL, ,SRIN PO'I RAL GRI NE'U LE'I RKYAL PA DANG, ,RNO NGAR MTSON CHA SRA BTZAN GO CHA'I TSOGS, ,PHYI NANG 'DOD YON RNAM LNGA RIN CHEN BDUN, ,RI RAB GLING BZHI NYI ZLAS BRGYAN PA 'DIS, ,MA GCIG DPAL, ,DAM CAN 'KHOR, ,THUGS DAM BSKANGS, ,BAR GCOD SEL, ,ZAG MED YE SHES BDUD
RTZIR BYIN BRLABS PA'I, ,DMAR CHEN GTOR MA DAR GYIS BRGYAN PA DANG, ,PHYI NANG GSANG BA BLA NA MED PA'I RTEN, ,DGYES PA BSKYED PA'I MCHOD SPRIN RGYA MTSO 'DIS, ,MA GCIG DPAL, ,DAM CAN 'KHOR, THUGS DAM BSKANGS, ,BAR GCOD SEL ZHING DNGOS GRUB STZAL DU GSOL, DE NAS RANG YI DAM DU GSAL BA'I THUGS KA'I H'Um LAS 'OD 'PHROS, LHA MO'I THUGS RGYUD BSKUL, ZHI RGYAS DBANG DRAG GI LAS THOGS PA MED PAR BSGRUB PAR BSAMS TE SNGAGS BZLA, BYIN GYIS BRLABS PA'I GTOR MA K'A LI DE WIS PHUL TE 'PHRIN LAS BCOL, BSTOD PA RGYAS BSDUS CI RIGS BZLOG PA DANG BCAS PA BYA BA SOGS MJUG CHOG SPYI DANG MTHUN NO,, SMRAS PA, DBYINGS PHYUG DPA' MO KHROS PA'I GAR MDZAD PA, ,MA GCIG LHA MO RDO RJE RAB BRTAN MA'I, ,MNGON RTOGS SPYAN 'DREN BSKANG BA MDOR BSDUS PA'I, ,BYED PO MANG THOS DGE SLONG SPONG BA PA, ,BLO BZANG CHOS KYI RGYAL MTSAN ZHES BYA NYID, ,DGE BAS BDAG GZHAN 'GRO BA MA LUS PA, ,PHYI NANG BDUD SDE'I GA-YUL LAS RNAM RGYAL TE, ,MKHA' SPYOD GTZO MOS DGYES BZHIN 'DZIN GYUR CIG ,CES PA 'DI YANG DGE BA'I BSAM SBYOR DANG LDAN PA, DGE SLONG SANGS RNAM PAS BSKUL BA LA BRTEN NAS, BTZUN PA BLO BZANG CHOS KYI RGYAL MTSAN GYIS BKOD PA'O,, ,,