, *, ,NA MO GU RU MANYDZU GHO sh'A YA, 'DIR YE SHES KYI MGON PO BENG BSGRUB PAR 'DOD PAS, PHYI NANG GI MCHOD GTOR SPYAN GZIGS RNAMS LEGS PAR BSHAMS SHING BYIN GYIS BRLABS, SVABH'A WAS SBYANGS, STONG PA'I NGANG LAS PADMA DANG NYI MA DANG RO'I GDAN GYI STENG DU, H'Um LAS TZANDAN GYI BENG DMAR H'Um GIS MTSAN PA LAS 'OD 'PHROS, DGRA BGEGS GDUG PA CAN THAMS CAD TSAR BCAD, TSUR 'DUS, PHYAG MTSAN H'Um YIG DANG BCAS PA YONGS SU GYUR PA LAS, DPAL YE SHES KYI MGON PO SKU MDOG DMAR NAG SRIN PO'I GZUGS CAN, ZHAL GCIG PHYAG GNYIS KYIS BSTAN DGRA 'JOMS PA'I DMAG TSOGS BYE BA 'GYED PA'I SGO GSUM DANG LDAN PA'I TZANDAN GYI BENG DKU LA BRTEN NAS 'DZIN CING, PHYAG GA-YON PAS 'DOD DGU STZOL BA'I LCAGS KYI PAR BU BSNAMS PA, ZHAL GDANGS NAS MCHE BA BTZIGS SHING LJAGS GLOG LTAR 'KHYUG PA, DMAR ZHING ZLUM PA'I SPYAN GSUM SDANG MIG TU BGRAD CING, DBU SKRA DANG SMA RA DANG SMIN MA DUS
, ,MTHA'I ME LTAR 'BAR BA, THOD BSKAM LNGA'I DBU RGYAN DANG, THOD RLON LNGA BCU'I DO SHAL CAN, DAR NAG GI BER GSOL ZHING GSER GYI SKA RAGS KYIS BRGYAN PA, ZHABS LA SAG LHAM NAG KHRA GSOL BA, GA-YAS BSKUMS SHING, GA-YON BRKYANGS PA'I STABS KYIS ME DPUNG RAB TU 'BAR BA'I KLONG DKYIL NA BZHUGS PA, DE'I GA-YON DU DPAL LDAN LHA MO 'DOD PA'I KHAMS KYI DBANG PHYUG MA SKU MDOG MTHING NAG ,ZHAL GCIG PHYAG GNYIS KYIS GA-YAS KHRAM BAM DANG, GA-YON ZHAGS PA DANG BCAS PA'I NAD RKYAL 'DZIN PA, ZHAL GDANGS NAS MCHE BA GTZIGS SHING, SPYAN GSUM DMAR ZHING 'KHRUG PA, SNYAN GA-YAS GA-YON LA SENG GE DANG DUG SBRUL GYIS BRGYAN CING, SPYI BO DANG LTE BAR ZLA NYIS MDZES PA, MI LPAGS KYI STOD GA-YOGS DANG STAG GI PAGS PA'I SHAM THABS CAN, DBU LA RMA BYA'I GDUGS PHUB CING DRE'U RKYANG SER LA CHIBS PA, LCAM DRAL DE GNYIS KYI 'KHOR DU DPAL MGON BDUN CU, TSE RING MCHED LNGA, BSTAN MA BCU GNYIS LA SOGS PA DAM CAN RGYA MTSOS BSKOR BA'I GTZO 'KHOR THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, BDAG NYID KYI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS DUR KHROD CHEN PO BRGYAD NAS, DPAL YE SHES KYI MGON PO BENG CHEN LCAM DRAL 'KHOR DANG
BCAS PA SKAD CIG GIS SPYAN DRANGS, H'Um, SNGON TSE RDO RJE 'CHANG DBANG GIS, ,JI LTAR BKA' BSGOS DAM BCAS BZHIN, ,SANGS RGYAS BSTAN PA BSRUNG BA DANG, ,RNAL 'BYOR 'PHRIN LAS BSGRUB PA'I PHYIR, ,BENG CHEN LCAM DRAL 'KHOR DANG BCAS, ,DA LTA NYID DU GNAS 'DIR GSHEGS, ,AOm SHR'I MAH'A K'A LA AE HYE HI DZA: DZA: DZA: H'Um BAm HO: DAM TSIG PA DANG GNYIS SU MED PAR GYUR, KA MA LA YE STVAm, 'JIGS RUNG SRIN PO'I GZUGS 'CHANG ZHING, ,DRAN PAS BAR CHOD KUN SEL BA, ,LEGS LDAN NAG PO LCAM DRAL LA, ,SGO GSUM GUS PAS PHYAG 'TSAL LO, ,AOm SHRI MAH'A K'A LA SA PA RI W'A RA AARGHAm SOGS KYIS MCHOD, AOm SHR'I MAH'A K'A LA RAKshA DU BENG DZA: SA PA RI W'A RA AOm A'A: H'Um GIS NANG MCHOD PHUL, YIG BRGYA BZLA, DE NAS THUGS DAM BSKANG BA NI, H'Um, CHOS DBYINGS BDE BA CHEN PO'I RNAM ROL LAS, ,BYUNG BA'I MCHOD SPRIN NAM MKHA'I KHYON GANG BA, ,BENG CHEN LCAM DRAL 'KHOR BCAS SPYAN LAM DU, ,'BYUNG ZHING RGYAS LA DGYES PA BSKYED GYUR CIG ,KHRAG CHANG MCHOD YON GSER SKYEMS MTSO LTAR 'KHYIL, ,MDZES PA'I ME TOG SNA TSOGS CHAR DU 'BAB, ,BRGYA PHRAG SPOS SNA'I DUD PA SPRIN LTAR GTIBS, ,NYI LTAR GSAL BA'I SGRON ME'I TSOGS RNAMS KYIS, ,BENG CHEN LCAM DRAL 'KHOR BCAS THUGS DAM BSKANG, ,THUGS DAM BSKANGS SHING 'DOD DGU'I
, ,DNGOS GRUB STZOL, ,GA BUR DRI LDAN KHRAG ZHAG DRI CHAB DANG, ,SHA RUS RO BRGYA'I ZHAL ZAS LHUN POR SPUNGS, ,SIL SNYAN ROL MO'I SGRA DBYANGS 'BRUG LTAR SGROG ,'DOD YON LNGA DANG RIN CHEN BDUN RNAMS KYIS, ,BENG CHEN LCAM DRAL 'KHOR BCAS THUGS DAM BSKANG, THUGS DAM BSKANGS SHING 'DOD DGU'I DNGOS GRUB STZOL, ,'JIGS PA'I NGAR SGRA SGROG PA'I ZHOL GA-YAG DANG, ,BEE d'UR RVA BZHIS MDZES PA'I LUG NAG DANG, ,DRAG PO'I SKAD SGROG BYA NAG KHYUNG LTAR LDING, ,DOM LTAR 'PHYO BA'I KHYI NAG TSOGS RNAMS KYIS, ,BENG CHEN LCAM DRAL 'KHOR BCAS THUGS DAM BSKANG, ,THUGS DAM BSKANGS SHING 'DOD DGU'I DNGOS GRUB STZOL, ,DAM RDZAS SPYAN GZIGS NAM MKHA' GANG BA DANG, ,MTHING NAG DAR GYI COD PAN GYIS BRGYAN PA'I, ,SHA KHRAG DMAR CHEN GTOR MA RI LTAR SPUNGS, ,ZAG MED YE SHES BDUD RTZIR BYIN BRLABS PAS, ,BENG CHEN LCAM DRAL 'KHOR BCAS THUGS DAM BSKANG, ,THUGS DAM BSKANGS SHING 'DOD DGU'I DNGOS GRUB STZOL, ,MDOR NA 'JIG RTEN 'JIG RTEN LAS 'DAS PA'I, ,DNGOS SU BSHAMS DANG YID KYIS SPRUL PA YI, ,SNA TSOGS MCHOD SPRIN ZHING KUN GANG BA DANG, ,PHYI NANG GSANG BA'I RTEN RDZAS DAM PA 'DIS, ,BENG CHEN LCAM DRAL 'KHOR BCAS THUGS DAM BSKANG, ,THUGS DAM BSKANGS
SHING 'DOD DGU'I DNGOS GRUB STZOL, ,DE LTAR THUGS DAM BSKANGS NAS, BZLAS PA BYED 'DOD NA, MGON PO'I THUGS KAR BKOD PA'I SNGAGS PHRENG LAS 'OD ZER 'BAR, ZHI RGYAS DBANG DRAG GI LAS THOGS MED DU BSGRUB PAR BSAMS LA, AOm SHR'I MAH'A K'A LA RAKshA DU BENG DZA: H'Um PHAt, CES BZLAS LA, YIG BRGYAS LHAG CHAD BSKANGS, AOm SHR'I MAH'A K'A LA SOGS LA AI DAm BA LIm TA KHA KHA KH'A HI KH'A HI BTAGS NAS GTOR MA PHUL, PHYI NANG GI MCHOD PAS MCHOD, BSTOD PAS BSTOD, MDOR BSDU NA, H'Um, CHOS KYI DBYINGS LAS 'ONGS PA'I LHA, ,RAB 'JIGS SRIN PO KHROS PA'I GZUGS, ,DMAR NAG ZHAL GCIG PHYAG GNYIS PA, ,MGON PO KHYOD LA BDAG BSTOD DO, ,RNGAMS PA'I ZHAL GDANGS MCHE BA GTZIGS, ,DMAR ZHING 'KHRUG PA'I SPYAN GSUM GYI, ,SDANG MIG PHYOGS BCUR GA-YO BA YIS, ,BSTAN DGRA RTZAD GCOD KHYOD LA BSTOD, ,MI BZAD BDUD KYI DPUNG 'JOMS PA'I, ,DMAG TSOGS 'GYED PA'I SGO GSUM DANG, ,LDAN PA'I BENG CHEN PAR BU YIS, ,PHYAG GNYIS MDZES PA KHYOD LA BSTOD, ,ME DPUNG RAB TU 'BAR BA'I DBUS, ,PADMA NYI MA RO STENG DU, , BRKYANGS BSKUMS STABS KYIS BZHUGS PA YI, ,GTUM PO KHYOD LA BDAG BSTOD DO, ,YE SHES MGON PO LCAM DRAL GYIS, ,RNAL 'BYOR DPON SLOB 'KHOR BCAS KYI, ,'GAL RKYEN BAR CHAD KUN SEL ZHING, ,MTHUN RKYEN
, ,YID BZHIN 'GRUB PAR MDZOD, CES BKA' GDAMS KYI CHOS SKYONG BENG LCAM DRAL GYI BSKANG GSO MDOR BSDUS 'DI YANG, RGYUD PA SLOB DPON PA DKON MCHOG YAR 'PHEL BAS NAN GYIS BSKUL BA LA BRTEN NAS, BKA' GDAMS KYI BTZUN PA BLO BZANG CHOS KYI RGYAL MTSAN GYIS SBYAR BA'O,, ,,