*, ,YE SHES KYI MGON PO GUR LA MCHOD GTOR 'BUL BAR 'DOD PAS, RANG NYID YI DAM GYI NGA RGYAL DANG LDAN PAS MCHOD GTOR BYIN GYIS BRLABS, H'Um, NYI MA'I GNYEN GYI BSTAN BSRUNG MTHU RTZAL CAN, ,DPAL LDAN GUR MGON LCAM DRAL 'KHOR DANG BCAS, ,DAD DANG DAM TSIG DBANG GIS SPYAN 'DREN NA, ,THOGS MED THUGS RJES GNAS 'DIR GSHEGS SU GSOL, ,MDUN GYI NAM MKHAR ME DPUNG 'BAR BA'I DBUS, ,CHOS 'BYUNG KHRAG ZHAG RBA GLONG 'KHRUG PA'I NANG, ,PAD NYI DGRA BGEGS DBUGS BRAL GZUGS KYI STENG, ,MI'U THUNG GEL PA'I TSUL GYIS BZHUGS SU GSOL,, H'Um, CHOS DBYINGS BDE BA CHEN PO'I NGANG NYID NAS, ,DAG PA'I MKHA' LAS DBYAR SKYES ROL PA BZHIN, ,YE SHES MGON PO 'KHOR DANG BCAS PA LA, ,KHRAG GI MCHOD YON RGYA MTSO LTAR 'KHYIL ZHING, ,DBANG PO'I ME TOG RIN CHEN LHUN POR 'GRAN, ,ZHUN CHEN MAR ME NYI ZLA'I 'OD LTAR 'PHRO, ,ZHAG
, ,CHEN SPOS KYI DRI CHAB CHAR BZHIN 'BAB, ,KHRAG ZHAG RO BRGYA'I ZAS KYIS STONG GSUM GANG, ,RKANG GLING SNYAN BRJID ROL MO 'BRUG LTAR LDIR, ,'DOD YON SNA LNGA PHYI NANG GSANG BA'I RTEN, ,DAM RDZAS SPYAN GZIGS MCHOD PA'I SPRIN TSOGS 'BUL, ,MGON PO 'KHOR DANG BCAS PA MNYES GYUR CIG ,MTHING NAG DAR GYI COD PAN GYIS BRGYAN PA'I, ,DMAR CHEN 'BRU BCUD SHA KHRAG GTOR MA'I TSOGS, ,ZAG MED YE SHES BDUD RTZIR BYIN BRLABS TE, ,CHOS SKYONG CHEN PO 'KHOR DANG BCAS LA 'BUL, ,AOm SHR'I M'AH'A K'A LA SA PA RI W'A RA AI DAm BA LIm TA KHA KHA KH'A HI KH'A HI, LAN GSUM SOGS KYIS GTOR MA 'BUL, ,AARGHAm SOGS KYIS MCHOD, AOm A'A: H'Um GIS NANG MCHOD 'BUL, BSNYEN PA BYED 'DOD NA MAN NGAG BZHIN, AOm MAH'A K'A LA H'Um PHAt, CES NYE SNYING YI GE BDUN PAR GRAGS PA 'DI NYID BZLA, RTZA SNGAGS BZLA 'DOD NA SH'A SA NA 'DON, H'Um, SRIN PO'I GZUGS KYIS GDUG PA CAN, ,TSAR GCOD BYANG CHUB SEMS DPA' STE, ,GRONG KHYER SUM BRTZEGS 'JIG BYED PA, ,GTUM PO KHYOD LA BDAG BSTOD DO, ,MDOG NAG GZUGS THUNG GZI BRJID CHE, ,GDUG PA TSAR GCOD GRI GUG GA-YAS, ,GA-YON NA GDUG PA'I KHRAG BKANG SNOD, ,THOD PHRENG CAN LA BDAG BSTOD DO, ,KHROS PA'I ZHABS BRDABS SA GZHI GA-YO, ,'JIGS PA'I GAD MOS STONG GSUM 'GENGS, ,DAM TSIG NYAMS
PA'I SNYING 'BYIN PA, ,DAM TSIG CAN LA BDAG BSTOD DO, ,ZHES BSTOD, 'DOD DON LA GSOL BA GDAB, BZOD PAR GSOL, YE SHES PA GSHEGS PA'AM BRTAN BZHUGS BYA, SHIS PA BRJOD DO, ,ZHES PA 'DI YANG BSAM GRUB DGE LDAN CHOS RJE BRTZON 'GRUS RGYAL MTSAN GYIS BSKUL NAS, DGE SLONG BLO BZANG CHOS KYI RGYAL MTSAN GYIS 'PHRAL DU SMRAS PA'O,,