*, ,NA MO GU RU MAH'A K'A L'A YA, 'DIR GRUB PA'I DBANG PHYUG R'A HU LA CHEN POS, MKHAS GRUB KHYUNG PO RNAL 'BYOR LA CHOS SGOR SKYEL GYI TSUL DU GNANG BA'I BYIN RLABS CAN, MGON DKAR YID BZHIN GYI NOR BU BSGRUB PAR 'DOD PAS, MGON PO 'DI NYID KYI SKU CI RIGS YOD NA RAB, MED KYANG MCHOD GTOR NANG MCHOD SPYAN GZIGS SOGS TSAR DU DNGAR, SKYABS 'GRO SEMS BSKYED TSAD MED BZHI BSGOM PA SNGON DU BTANG, RANG YI DAM GANG YANG RUNG BA'AM, YANG NA SKAD CIG GIS MGON DKAR RAM, PHYAG NA RDO RJER GSAL BAS, THOG MAR NANG MCHOD BADZRA AA MRi TAS BSANGS, SVA BH'A WAS SBYANGS, STONG PA'I NGANG LAS YAm LAS RLUNG, RAm LAS ME, A'A: LAS BYUNG BA'I THOD PA PHYI DKAR LA NANG DMAR BA'I NANG DU, SHA LNGA BDUD RTZI LNGA SBYANGS RTOGS SBAR GSUM BYAS PA LAS BYUNG BA'I ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um LAN GSUM BRJOD PAS BYIN GYIS BRLABS, DE NAS MCHOD PA RNAMS BSANGS, SBYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS
, ,KYI NANG DU, H'Um H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO RNAMS RANG BZHIN BDE STONG, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, P'ADYAm, PUshPE, DH'U PE, A'A LO KE, GANDHE, NEEB'I DYA, SHAPTA A'A: H'Um, ZHES MCHOD PA BYIN GYIS BRLABS, MGON PO'I SKU YOD NA DE NYID DANG, MED NA MDUN DU BSKYED PA STE, SNGAR LTAR BSANGS, SBYANGS, STONG PA'I NGANG LAS MDUN DU PAm LAS PADMA DANG, RAm LAS NYI MA'I DKYIL 'KHOR GYI STENG DU, GAm LAS NOR BDAG PHO MO GLANG PO CHE'I GDONG CAN DKAR PO, PHYAG GNYIS KYIS RIN PO CHES GANG BA'I THOD PA DANG, LA PHUG 'DZIN PA, DE'I STENG DU H'Um YIG DKAR PO LAS YID BZHIN GYI NOR BU H'Um GIS MTSAN PA, DE LAS 'OD 'PHROS, 'PHAGS PA MCHOD, SEMS CAN THAMS CAD KYI DBUL PHONGS KYI SDUG BSNGAL BSAL, SRID ZHI'I DPAL 'BYOR PHUN SUM TSOGS PA THAMS CAD BSDUS, PHYAG MTSAN SA BON DANG BCAS PA LA THIM PA YONGS SU GYUR PA LAS, MGON PO YID BZHIN GYI NOR BU SKU MDOG DKAR LA DMAR BA'I MDANGS CHAGS PA, KHRO 'DZUM SGEG PA'I NYAMS CAN, ZHAL GCIG PHYAG DRUG PA, PHYAG GA-YAS KYI DANG POS NOR BU RIN PO CHE DBANG GI RGYAL PO DANG, GA-YON DANG POS RIN PO CHES GANG BA'I
THOD BUM DKU GA-YON PA LA BRTEN NAS 'DZIN PAS 'DOD DGU'I CHAR 'BEBS PA, BAR PA GNYIS NA DBUL BA RTZAD NAS GCOD PA'I RDO RJE GRI GUG DANG, KHAMS GSUM ZIL GYIS GNON PA'I RTZE GSUM 'DZIN PA, 'OG MA GNYIS NA GNAS GSUM MKHA' 'GRO 'BOD PA'I CANG TE'U DANG, SRID ZHI DBANG DU SDUD PA'I LCAGS KYU 'DZIN PA, SMIN MA DANG SMA RA DMAR SER 'BAR ZHING, DBU SKRA KHAM SER GYEN DU BRDZES PA'I SPYI BOR BLA MA MI BSKYOD DBANG GI RGYAL POS RGYAS BTAB CING, DPRAL BAR SINDHU RAS BYUGS PA, RIN PO CHE SNA TSOGS LAS GRUB PA'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, LHA RDZAS LAS GRUB PA'I DAR BZANG PO'I STOD GA-YOGS DANG SMAD GA-YOGS LHAB LHUB TU GSOL BA, RIN PO CHE'I PHRENG BA DANG, GSER GYI DRIL BU GA-YER KHAS SPRAS PA, ZHABS GNYIS 'GRO 'PHRO LA 'TSOMS PA LTA BUS MKHA' 'GRO DANG, GNOD SBYIN DANG, NOR BDAG MANG POS BSKOR NAS BZHUGS PA'I THUGS KAR DBANG SDUD KYI MKHA' 'GRO SDE LNGA BZHUGS PA'I GTZO 'KHOR THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um GI 'OD ZER LCAGS KYU'I RNAM PA CAN GYIS, SHAR LHO BSIL BA'I TSAL GYI DUR KHROD, SHING TZAN DAN RKANG GCIG PA'I DRUNG NA BZHUGS PA'I MGON PO BAR GCOD KUN SEL GYI THUGS KA NAS, MGON PO YID
, ,BZHIN NOR BU LA MKHA' 'GRO DANG NOR BDAG GI TSOGS KYIS BSKOR BA SPYAN DRANGS, H'Um, CHOS KYI DBYINGS LAS ZHI BA'I SKUR BZHENGS PA, ,GANGS RI'I MDANGS 'PHROG MGON PO THUGS RJE'I GTER, ,YID BZHIN NOR BU MKHA' 'GRO'I TSOGS DANG BCAS, ,DNGOS GRUB 'DOD DGU STZOL PHYIR GSHEGS SU GSOL, ,AE HYE HI, DZA: H'Um BAm HO: GNYIS SU MED PAR GYUR, PADMA KA MA LA YE STVAm, BDAG DANG SEMS CAN THAMS CAD KYI, ,PHONGS PA'I SDUG BSNGAL ZHI MDZAD PA'I, ,BSAM 'PHEL YID BZHIN NOR BU LA, ,SGO GSUM GUS PAS PHYAG 'TSAL LO, ,AOm GU RU MAH'A K'A LA SA PA RI W'A RA AARGHAm NAS, SHAPTA'I BAR GYIS MCHOD, AOm GU RU MAH'A K'A LA SA PA RI W'A RA AOm A'A: H'Um GIS NANG MCHOD PHUL, PHYOGS BCU DUS GSUM SANGS RGYAS THAMS CAD KYI, ,THUGS RJE GCIG BSDUS RJE BTZUN SPYAN RAS GZIGS, ,DE YI RNAM SPRUL PHYAG DRUG MGON PO LA, ,LUS NGAG YID GSUM GUS PAS PHYAG 'TSAL LO, ,ZHES BSTOD, MGON PO'I THUGS KA'I DBANG SDUD KYI MKHA' 'GRO MA'I THUGS KAR NYI GDAN LA GNAS PA'I CHOS NYID KYI THIG LE RGYA SRAN TZAM GYI STENG DU H'Um DKAR LA 'TSER BA'I MTHA' SKOR DU, AOm GU RU MAH'A K'A LA HA RI nI SIDDHI DZA: CES PA'I SNGAGS MAR ME'I PHRENG BA LTA BUS BSKOR BA LAS 'OD ZER 'PHROS, SEMS CAN THAMS CAD KYI DBUL PHONGS KYI SDUG BSNGAL BSAL, YID BZHIN NOR
BU'I GO 'PHANG LA BKOD, GNAS GSUM GYI DPA' BO MKHA' 'GRO ,KHAMS GSUM GYI SKYE DGU ,'JIG RTEN DANG 'JIG RTEN LAS 'DAS PA'I 'DOD DGU'I LONGS SPYOD, DPAL 'BYOR PHUN SUM TSOGS PA THAMS CAD DBANG DU BSDUS PAR BSAMS LA, SNYING PO DE NYID CI MANG BZLA'O, ,MJUG TU GTOR MA NANG MCHOD LTAR BYIN GYIS BRLABS TE, MGON PO 'KHOR DANG BCAS PA'I LJAGS 'OD ZER GYI SBU GUS DRANGS TE GSOL BAR GYUR, AOm GU RU MAH'A K'A LA SA PA RI W'A RA AI DAm BA LIm TA KHA KHA KH'A HI KH'A HI, ZHES PA GSUM MAM BDUN GYIS 'BUL, AARGHAm SOGS KYIS MCHOD PA DANG NANG MCHOD PHUL, BSTOD PAS BSTOD, ,'DOD DON LA GSOL BA GDAB, BZOD PAR GSOL, RTEN YOD NA BRTAN BZHUGS DANG, MED NA YE SHES PA GSHEGS, DAM TSIG PA BDAG NYID LA BSDU, BLA MA MGON PO DBYER MED LA, ,BDAG NI GUS PAS SKYABS SU MCHI, ,BDAG NI SEMS CAN THAMS CAD KYI, ,NYON MONGS MA LUS SEL BAR SHOG ,CES DGE BA BSNGO ZHING SMON LAM DANG SHIS PAS BRGYAN PAR BYA'O, ,DE LTAR NYIN RE BZHIN NYAMS SU BLANGS NA, GNAS SKABS SU BAR GCOD KYIS MI TSUGS SHING, MI NOR ZAS GSUM 'DU BA DANG, MTHAR BLA MA MGON POS MKHA' SPYOD DU 'KHRID, MCHOG STZOL BA SOGS PHAN YON SHIN TU CHE BA MKHAS GRUB KHYUNG PO'I SGRUB YIG TU GSUNGS SO, ,ZHES PA 'DI YANG CHAS SMRO BA'I BTZUN PA BLO BZANG CHOS KYI RGYAL MTSAN GYIS SNYE MO
, ,GZHIS KAR 'PHRAL DU SBYAR BA'O,, ,,