*, ,NA MO MANYDZU SHRI YE, 'DIR DUS RGYUN DU MGON PO, CHOS RGYAL, LHA MO RNAMS LA GTOR MA 'BUL BAR 'DOD PAS, PHYI NANG GI MCHOD GTOR SPYAN GZIGS DANG BCAS PA LEGS PAR BSHAMS TE, RANG NYID STAN BDE BA LA 'KHOD NAS CHO GA DNGOS LA 'JUG PA NI, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PAR GYUR, HR'I: shtR'I: SA BSANGS, SVA BH'A WAS STONG PAR SBYANGS, MCHOD RDZAS DANG GTOR MA RNAMS STONG PA NYID DU GYUR, STONG PA'I NGANG LAS RANG RANG GI MING YIG DANG PO THIG LES BRGYAN PA ZHU BA LAS BYUNG BA'I BLA MA DANG MGON PO 'KHOR DANG BCAS PA RNAMS DANG, CHOS KYI RGYAL PO 'KHOR DANG BCAS PA RNAMS DANG, DPAL LDAN DMAG ZOR GYI RGYAL MO 'KHOR DANG BCAS PA RNAMS MNYES PAR BYED PA'I DAM RDZAS, SPYAN GZIGS, MCHOD GTOR RNAMS NAM MKHA'
GANG BA ZAG PA MED PA'I BDE BA KHYAD PAR CAN BSKYED PAR GYUR, AOm A'A: H'Um LAN GSUM BRJOD LA BYIN GYIS BRLABS, H'Um, MDUN GYI NAM MKHAR ME DPUNG 'BAR BA'I KLONG, ,DGRA BGEGS KHRAG ZHAG RGYA MTSO 'KHRUG PA'I DBUS, ,SNA TSOGS PADMA'I LTE BAR NYI DKYIL STENG, ,STOBS 'PHROG MAH'A K'A LA PHYAG DRUG PA, ,MIG SMAN LTAR GNAG ZHAL GCIG SPYAN GSUM 'BAR, ,RNGAMS PA'I SGRA SGROG DRAG PO'I MCHE BA GTZIGS, ,SBRUL DANG BSKAM RLON THOD PA'I PHRENG BAS BRGYAN, ,GLANG CHEN STOD GA-YOGS KHROS PA'I STAG SHAM CAN, ,PHYAG GA-YAS GRI GUG THOD PHRENG CANG TE'U 'KHROL, ,PHYAG GA-YON THOD KHRAG RTZE GSUM ZHAGS PA BSNAMS, ,RNAM MANG 'KHOR TSOGS RGYA MTSOS BSKOR BA'I DBUS, ,BRKYANGS BSKUMS STABS KYIS BGEGS CHEN MNAN CING ROL, ,DPAL LDAN MGON PO'I GA-YAS PHYOGS PAD NYI DANG, ,DGRA BGEGS SNYING GA BRDZIS PA'I MA HE'I STENG, ,CHOS KYI RGYAL PO MTHING NAG MA HE'I GDONG, ,PHYAG GA-YAS THOD DBYUG GA-YON PA ZHAGS PA 'PHEN, ,GCER BU MI GDUG SBRUL DANG RUS PAS BRGYAN, ,SRID GSUM SKYE 'GRO'I TSOGS LA DBANG BSGYUR BA'I, ,'CHI BDAG GSHIN RJE PHO MO'I 'KHOR DANG BCAS, ,DUS KYI ME DPUNG 'BAR BA'I DBUS NA BZHUGS, ,DPAL LDAN MGON PO'I GA-YON PHYOGS KHRAG MTSO'I DBUS, ,DRE'U'I STENG DU 'DOD KHAMS GTZO MO NI, ,RNGAMS PA'I ZHAL GDANGS BE CON THOD KHRAG 'DZIN, ,MI
, ,LPAGS STOD GA-YOGS STAG SHAM SBRUL GYIS BRGYAN, ,MGO PHRENG BSKAM RLON NYI ZLA RMA BYA'I GDUGS, ,NAD RGYAL MTSON DRU SHO RDE DKAR NAG 'PHYANG, ,TSE RING MCHED LNGA BSTAN MA BCU GNYIS SOGS, , 'KHOR BCAS RLUNG NAG 'TSUBS MA'I DBUS NA BZHUGS, ,H'Um, CHOS KYI DBYINGS LAS KHROS TE 'ONGS PA'I LHA, ,MYUR MDZAD YE SHES MGON PO 'KHOR BCAS DANG, ,DAM CAN CHOS KYI RGYAL PO 'KHOR BCAS DANG, , MA GCIG 'DOD KHAMS DBANG PHYUG 'KHOR BCAS RNAMS, ,BSTAN PA BSRUNG DANG RNAL 'BYOR BDAG CAG GI ,ZHI RGYAS DBANG DRAG LAS KUN BSGRUB PA'I PHYIR, ,THOGS MED THUGS RJE'I DBANG GIS 'DIR GSHEGS LA, , CHU SKYES NYIN BYED 'BAR BA'I GDAN LA BZHUGS, ,AE HYE HI, DZA: H'Um BAm HO: KA MA LA YE STVAm, ZHES SPYAN DRANGS LA GDAN PHUL TE, MTHU STOBS NUS PA 'PHRIN LAS PHUN TSOGS SHING, ,SKAD CIG DRAN PAS BAR GCOD THAMS CAD SEL, ,'DU 'BRAL MED PAR DNGOS GRUB STER MDZAD PA, ,MYUR MDZAD MGON PO'I TSOGS LA PHYAG 'TSAL LO, ,K'A LA R'U PA RAB BRJID DRAG PO'I SKU, ,KHA NAS KHRAG 'DZAG MI MGO'I PHRENG BA YI, ,GA SHAR BA 'PHYANG MI BZAD BDUD DPUNG GI ,NGA RGYAL DREGS PA 'JOMS PA KHYOD LA BSTOD, ,SKU GSUM LHUN GRUB THUGS RJE MTHAR PHYIN YANG, ,SRID GSUM GDUG PA GDUL PHYIR KHROS PA'I SKU, ,DUS GSUM RGYAL BA'I BSTAN
BSRUNG CHEN MO LA, ,SGO GSUM GUS PA CHEN POS PHYAG 'TSAL LO, ,H'Um, DNGOS SU BSHAMS DANG TING 'DZIN GYIS, ,RNAM PAR SPRUL PA LAS BYUNG BA'I, ,DGRA BGEGS KHRAG ZHAG RGYA MTSO CHE, ,RBA KLONG 'KHRUG PA'I MCHOD YON DANG, ,RIN CHEN MDZES PA'I ME TOG GI ,SDONG BU TSANGS PA'I 'JIG RTEN BSNYEGS, ,DE BZHIN BSTAN DGRA DAM NYAMS KYI, ,DBANG PO'I ME TOG LHUN POR BRTZEGS, ,TSAL CHEN GU GUL NAG PO SOGS, ,'BAR BA'I DUR KHROD MES BSREGS PA'I, ,DUD SPRIN LHA YI LAM KHYAB PA, ,DBYAR SKYES CHU 'DZIN LTA BUR SNANG, ,TSIL CHEN RGYA MTSO LTAR 'KHYIL DBUS, ,RO RAS RTZER CHAGS SREG ZA NI, ,NYIN BYED 'BUM GYI 'OD RIS BZHIN, ,PHYOGS KUN MUN PA RIL MED BYED, ,GSER DNGUL LAS GRUB SNOD YANGS SU, ,GA BUR TZAN DAN GUR GUM GYI, ,DRIS SPAGS KHRAG ZHAG CHU GTER CHES, ,KHOR YUG RI BO'I KHONGS KUN GANG, ,'BRU BCUD BTUNG BA MTSOR 'KHYIL ZHING, ,SHA KHRAG GTOR MA LHUN POR SPUNGS, ,LHA DANG MI YI BSOD NAMS LAS, ,GRUB PA'I ZHAL ZAS SA GZHI KHYAB, ,THUGS DAM BSKUL ZHING DGRA BGEGS KUN, ,KLAD PA CIG CAR 'GEMS BYED PA'I, ,SNA TSOGS ROL MO'I SGRA RNAMS NI, , NAM MKHA' JI BZHIN HA HAR SGROG ,GZHAN YANG 'DOD YON RNAM LNGA DANG, ,RGYAL SRID RIN CHEN BDUN LA SOGS, ,SNA TSOGS MCHOD PA'I SPRIN RNAMS KYIS, ,DAM CAN BSRUNG MA'I TSOGS RNAMS MCHOD, ,AOm SHR'I MAH'A K'A LA,
, ,K'A LA R'U PA, K'A LI DE WI SA PA RI W'A RA AARGHAm NAS SHAPTA'I BAR GYIS MCHOD, YI GE GSUM LAN GSUM BRJOD NAS NANG MCHOD BYIN GYIS BRLABS TE, LCAGS KYU LNGA DANG RIN CHEN SGRON MA LNGA, ,SBYANGS RTOGS SBAR GSUM BYAS PA'I AA MRi TA, ,MYUR MDZAD CHOS KYI RGYAL PO RE MA TI, ,'KHOR DANG BCAS PA'I ZHAL DU AOm A'A: H'Um, MGON PO'I SPYI GTZUG TU DRIN CAN, ZHES PA NAS, BLA MA DANG MGON PO DBYER MI PHYED PAR GYUR, BDAG DANG NAM MKHA' DANG MNYAM PA'I SEMS CAN THAMS CAD SKU BZHI YE SHES LNGA'I BDAG NYID, NAS, BLA MA MGON PO DBYER MED LA GSOL BA 'DEBS SO, ,MGON PO BLA MA DBYER MED LA, ,PHYAG DRUG YE SHES MGON PO LA, ,MGON PO YID BZHIN NOR BU LA, ,MGON PO BAR GCOD KUN SEL LA, ,MGON PO MYUR MDZAD THUGS RJE CAN LA, ,RE SA GZHAN NA MED DO THUGS RJES ZUNGS, ,'CHI GAR ZHAL MCHOG STON PAR BYIN GYIS RLOBS, ,BAR DO'I 'PHRANG LA 'GRO TZA NA THUGS RJES ZUNGS, ,MCHOG DANG THUN MONG DNGOS GRUB STZAL DU GSOL, DE NAS, NA MO BUDDH'A YA, ZHES SOGS KYIS GSOL BA GDAB, PHYOGS BCU DUS GSUM NA BZHUGS PA'I, ZHES PA NAS, STAN THOG 'DI NYID DU BYIN GYIS RLOBS SHIG ,DE NAS, MGON PO'I SPYI GTZUG TU DRIN CAN RTZA BA'I BLA MA NAS, RDO RJE GSUM GYI LHA TSOGS MDUN GYI NAM MKHAR SPYAN DRANGS, ZHES MGON PO GRIB SEL GYI DMIGS PA BZHIN, YIG BRGYA NYER
GCIG BRJOD, MGON PO'I SPYI GTZUG TU DRIN CAN NAS, DGOS 'DOD THAMS CAD CHAR BZHIN DU 'BAB PAR GYUR, AOm BADZRA NA RA ZHES SOGS DANG, AOm BADZRA MAH'A K'A LA ZHES SOGS DANG, AOm K'A LA R'U PA H'Um PHAt CES DANG, BHYO: RAKMO BHYO: ZHES SOGS BZLAS PA CI RIGS BYAS NAS, GTOR MA 'BUL BA NI, A'A: LAS BANDHA 'BAR BA'I SNOD YANGS SU, ,DMAR CHEN SHA KHRAG 'BRU BCUD GTOR MA'I TSOGS, ,SHA LNGA BDUD RTZI LNGA YI DNGOS GYUR PA, ,AOm A'A: H'Um GIS BDUD RTZIR BYIN BRLABS TE, ,RIG 'DZIN RTZA BRGYUD BLA MA YI DAM LHA, ,MYUR MDZAD MGON PO YAB YUM 'KHOR BCAS DANG, ,CHOS KYI RGYAL PO YAB YUM 'KHOR BCAS DANG, ,'DOD KHAMS DBANG PHYUG GTZO MO 'KHOR BCAS SOGS, ,CHOS BZHIN SKYONG BA'I BSRUNG MA THAMS CAD DANG, ,GNAS GSUM DPA' BO d'A KI'I TSOGS RNAMS DANG, ,YUL LHA GZHI BDAG GNYAN PO 'KHOR BCAS RNAMS, ,KHA KHA KH'A HI KH'A HI BA LIm TA, ,ZAG MED BDUD RTZI'I GTOR MA 'DI BZHES NAS, ,RNAL 'BYOR BDAG CAG MI NOR 'KHOR BCAS LA, ,'GAL RKYEN MI MTHUN PHYOGS KUN ZHI BA DANG, ,MCHOG DANG THUN MONG DNGOS GRUB MA LUS STZOL, ZHES GTOR MA PHUL NAS 'PHRIN LAS BCOL, CUNG ZAD RGYAS PAR BYED NA, H'Um MYUR MDZAD SPYAN RAS GZIGS LA PHYAG 'TSAL LO, ZHES PA NAS, CI 'DOD DNGOS GRUB MA LUS STZAL DU GSOL, H'Um, K'A LA R'U PA RAB BRJID DRAG PO'I SKU, ZHES PA NAS, ZHAL
, ,BZHES DAM BCAS BSNYEL BA MED PAR MDZOD, ,DE NAS, BHYO: DKA' BA DANG DU BLANGS NAS KHYOD BSGRUBS NA, ZHES PA NAS, MTHUN PA'I DNGOS GRUB MA LUS STZAL DU GSOL, ,ZHES BRJOD, MJUG TU, DGE BA 'DI YIS TSE RABS KUN TU BDAG ,RGYAL BA'I DAM CHOS MA LUS 'DZIN PA DANG, ,DE YI 'GAL RKYEN SEL ZHING MTHUN RKYEN KUN, ,MYUR MDZAD MGON POS GA-YEL MED BSGRUB GYUR CIG ,BDAG CAG DENG NAS BYANG CHUB SNYING PO'I BAR, ,BLA MA MGON POS 'BRAL MED RJES BZUNG STE, ,PHUN TSOGS CHOS DANG SRID KYI 'BYOR BA'I DPAL, ,YAR NGO'I ZLA LTAR RGYAS PA'I BKRA SHIS SHOG ,CES BSNGO SMON BZOD GSOL SHIS BRJOD SOGS SPYI LTAR SHES PAR BYA'O, ,SMRAS PA, DAM PA'I GSUNG ZER BDUD RTZI'I SPU LONG GI ,REG PAS MYOS PA'I BLO GROS KU MUD, ? ,BKA' BSRUNG GTZO BO RNAM GSUM DGYES BYED PA'I, ,SBRANG RTZI'I ZIL DNGAR RNAM DPYOD RO 'DZIN GNYEN, ,MGRIN SKYES BEE d'UR BUM PA LAS 'ONGS PA, ,SKAL BZANG THAR PA 'DOD PA'I RE BA YI, ,SNYIM PA YONGS SU 'GENGS PAR BYED PA 'DIS, ,MKHAS RNAMS YID NI ZHAGS PA MED PAR 'DZIN, ,DE LAS 'ONGS PA'I DGE TSOGS GANGG'A'I RGYUN, , 'GRO BA'I YID KYI RDZING BU LA ZHUGS PAS, ,TSOGS GNYIS PADMO'I TSAL RAB RGYAS PA'I RTZER, ,RNAM MKHYEN ZE'U 'BRU DKAR POS MDZES GYUR CIG ,CES BSTAN BSRUNG GTZO BO GSUM LA RGYUN PAR GTOR MA 'BUL TSUL
MDOR BSDUS PA TSIGS SU BCAD PA'I SGO NAS 'KHYER BDE BAR BRJOD PA 'DI NI DAD PA DANG GTONG BA LA SOGS PA'I RGYAN GYIS MDZES PA LU GU GDONG PA DPON SA RJE BTZUN MAS BSKUL BA LA BRTEN NAS, BTZUN PA BLO BZANG CHOS KYI RGYAL MTSAN GYIS SHANGS MDO RGOD TSANG GI RI KHROD DU SBYAR BA'O,, ,,