*, ,NA MO GU RU SHR'I BADZRA BHEE RA W'A YA, 'KHOR 'DAS KUN GYI RANG BZHIN DNGOS PO'I GSHIS, ,RANG BZHIN RNAM DAG 'OD GSAL CHOS KYI SKU, ,PHYI NANG GSHIN RJE MTHA' DAG 'JOMS PA'I PHYIR, ,KHRO RGYAL DBANG PO'I SKUR BZHENGS LA BTUD NAS, ,RDO RJE 'JIGS BYED SGRUB THABS DU MA YI, ,SNYING PO KUN BTUS LAG TU BLANG BDE BA, ,RGYUD DANG GRUB CHEN GZHUNG GI DGONGS PA BZHIN, ,ZHAL GCIG PHYAG GNYIS PA YI SGRUB THABS BRJOD, SGRUB PA PO SPYIR DAD PA DANG SNYING RJE CHEN PO LA SOGS PA'I YON TAN GYIS PHYUG PA, KHYAD PAR DPAL RDO RJE 'JIGS BYED KYI DKYIL 'KHOR DU DBANG BSKUR BA THOB CING, DAM TSIG DANG SDOM PA LA GNAS PAS, MTSAN NYID DANG LDAN PA'I GNAS SU, PHYI NANG GI KHRUS CI 'GRUB BYAS, 'DI NYID KYI BRI SKU MAN NGAG LTAR DGRAM, CHU GNYIS, NYER SPYOD LNGA, RDOR DRIL, CANG TE'U, NANG MCHOD LA SOGS PA ME
, ,DU MI RUNG BA'I YO BYAD RNAMS BSHAMS, DE NAS KHA LHOR PHYOGS PAS STAN BDE BA RO GDAN DU MOS PAR BYAS LA 'DUG STE, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA'I SKUR BZHENGS PAR GYUR, CES BRJOD, NANG MCHOD, MCHOD PA, SNGON 'GRO GTOR MA RNAMS BCU GSUM MA'I SGRUB THABS LTAR BYIN GYIS BRLABS, SKYABS 'GRO SEMS BSKYED SNGON DU 'GRO BAS, RANG GI SPYI BOR PAm LAS PADMA, AA LAS ZLA BA'I GDAN GYI STENG DU H'Um LAS RDO RJE RTZE LNGA PA DKAR PO LTE BA LA H'Um GIS MTSAN PA LAS 'OD 'PHROS, DON GNYIS BYAS, 'DUS, YONGS SU GYUR PA LAS, RDO RJE SEMS DPA' DKAR PO ZHAL GCIG PHYAG GNYIS RDO RJE DANG DRIL BU 'DZIN PA, RDO RJE'I SKYIL KRUNG GIS BZHUGS PA, YUM RDO RJE SNYEMS MA DKAR MO ZHAL GCIG PHYAG GNYIS GRI GUG DANG THOD PA 'DZIN PAS 'KHYUD PA, GNYIS KA'ANG DAR DANG RIN PO CHE'I RGYAN SNA TSOGS PAS BRGYAN PA, GNYIS KA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS, RANG 'DRA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG H'Um LAS 'OD 'PHROS, DBANG GI LHA RNAMS SPYAN DRANGS, DE BZHIN GSHEGS PA RNAMS KYIS DBANG BSKUR DU GSOL, ZHES GSOL BA BTAB PAS DE RNAMS
KYIS BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES DBANG BSKUR, SKU YE SHES KYI BDUD RTZIS GANG, MI BSKYOD PAS DBU BRGYAN PAR GYUR, THUGS KAR ZLA BA'I STENG DU H'Um GI MTHAR YI GE BRGYA PA'I SNGAGS KYIS BSKOR BAR GYUR, BCOM LDAN 'DAS RDO RJE SEMS DPA', BDAG GZHAN SEMS CAN THAMS CAD KYI SDIG SGRIB DANG DAM TSIG NYAMS CHAGS THAMS CAD DAG PAR MDZAD DU GSOL, ZHES GSOL BA BTAB PAS THUGS KA'I SNGAGS PHRENG SA BON DANG BCAS PA LAS 'OD ZER 'PHROS, SEMS CAN THAMS CAD KYI SDIG SGRIB SBYANGS, SANGS RGYAS SRAS BCAS LA MNYES PA'I MCHOD PA PHUL, DE RNAMS KYI YON TAN THAMS CAD 'OD KYI RNAM PAR BSDUS NAS SNGAGS PHRENG H'Um DANG BCAS PA LA THIM, DE LAS BDUD RTZI'I RGYUN BABS, YAB YUM GYI SBYOR MTSAMS NAS THON, RANG GI TSANGS BUG NAS ZHUGS, LUS YE SHES KYI BDUD RTZIS GANG, SGO GSUM GYI SDIG SGRIB THAMS CAD SANGS KYIS DAG PAR GYUR, GSHIN RJE'I GSHED KYI YI GE BRGYA PA NYI SHU RTZA GCIG LAS MI NYUNG BA BZLAS LA, BDAG NI MI SHES RMONGS PA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ,RDO RJE SEMS DPA' YAB YUM RANG LA THIM PAS, RANG GI SGO
, ,GSUM DANG, RDO RJE SEMS DPA'I SKU GSUNG THUGS DBYER MI PHYED PAR GYUR, RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KAR PADMA DANG NYI MA LA GNAS PA'I H'Um GI 'OD ZER GYIS 'JIG RTEN GYI KHAMS MU MED PA GSAL BAR BYAS, DE NA BZHUGS PA'I SANGS RGYAS DANG BYANG CHUB SEMS DPA' DANG, KHRO BO DANG RIG PA'I TSOGS KYIS BSKOR BA'I RDO RJE 'JIGS BYED BLA MA DANG BCAS PA SPYAN DRANGS, 'OD ZER RANG GI SNYING GAR THIM, GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, RANG GI SNYING GA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, AOm YA M'ANTA KA SA PA RI W'A RA AARGHAm PRA T'I TZTSA H'Um SV'AH'A, DE BZHIN DU, P'A DYAm, PUshPE, DH'U PE, A'A LO KE, GANDHE, NEE BI DYA, SHAPTA PRA T'I TZTSA H'Um SV'AH'A, RAB 'BYAMS ZHING NA DBANG PO'I NYER 'TSE, ,RAB TU MDZES PA'I MCHOD SPRIN RGYA MTSO, ,RAB MCHOG PHUL DU BYUNG BA DU MA, ,RAB DANG YID KYIS MCHOD PAR 'BUL LO, ,MA RIG 'THUG POS THOG MA MED NAS, ,MA BSDAMS SGO NAS NYES PA GANG BGYIS, ,MA LUS RGYAL BA SRAS BCAS SPYAN SNGAR, ,MA GSANG 'GYOD PA'I BSAM PAS
'CHAGS SO, ,'JIG RTEN 'JIG RTEN 'DAS PA'I LEGS RGYU, ,'PHAGS DANG BYIS PA'I SKYE BO'I DGE RTZA, ,MA LUS LUS PA MED PA KUN LA, ,LHAG BSAM BSAM PA THAG PAS YI RANG, ,MTHA' YAS YON TAN TSOGS KYI GTER CHEN, ,MA RIG THIBS POR ZHUGS PA'I SGRON ME, ,SKYE DGU'I LAM STON RGYAL BA RNAMS LA, ,THEG MCHOG GSUNG PHYIR GUS PAS BSKUL LO, ,GRANGS MED 'GRO BA'I BLO DANG 'TSAM PAR, ,RANG RANG RJES 'DZIN MDZAD PA RDZOGS TSE; ;ZHI BAR GZHOL BAR BZHED PA RNAMS LA, ,SRID MTHA'I BAR DU BZHUGS PAR GSOL LO, ,DGE 'DIS MTSON PA'I LEGS TSOGS THAMS CAD, ,KUN NAS BSDOMS PA'I MTHU LA BRTEN NAS, ,RGYAL BA KUN GYI MKHYEN BRTZE GCIG BSDUS, ,GSHIN RJE'I GSHED NI 'GRUB PAR GYUR CIG ,DKON MCHOG GSUM LA SKYABS SU 'GRO, SOGS DANG, SANGS RGYAS BYANG CHUB SEMS DPA' KUN, SOGS KYI MTHAR, SEMS CAN THAMS CAD BDE BA DANG LDAN PAR GYUR CIG ,SEMS CAN THAMS CAD SDUG BSNGAL DANG BRAL BAR GYUR CIG ,SEMS CAN THAMS CAD BDE BA DANG MI 'BRAL BAR GYUR CIG ,SEMS CAN THAMS CAD 'JIG RTEN GYI CHOS BRGYAD DANG GZUNG 'DZIN GYI RNAM PAR RTOG PAS MI BSKYOD PA'I BTANG SNYOMS LA GNAS PAR BYA'O, ,AOm SVA BH'A WA SHUDDH'A: SARBA DHARM'A: SVA BH'A WA SHUDDHO NYAHAm, AOm SH'UN+YA T'A DZNY'A NA BADZRA SVA BH'A WA A'ATMA KONYAHAm, CHOS THAMS CAD BRTEN NAS BTAGS PA YIN PA'I
, ,PHYIR; RTAG CHAD LA SOGS PA'I MTHA' BZHI DANG BRAL BA'I BDAG MED PA'I STONG PA NYID DU GYUR, STONG PA'I NGANG LAS SNA TSOGS PADMA DANG NYI MA'I DKYIL 'KHOR LA GNAS PA'I MA HE RAB TU KHROS PA'I GDAN GYI STENG DU H'Um LAS KHRO BO'I RDO RJE KHA DOG NAG PO RTZE DGU PA RVA SHIN TU GDENGS PA, LTE BA LA H'Um GIS MTSAN PA, DE LAS 'OD 'PHROS, 'GRO BA RNAMS RDO RJE 'JIGS BYED KYI GO 'PHANG LA BKOD, LHAN CIG TU 'DUS NAS RDO RJE LA THIM PAR GYUR, DE YONGS SU GYUR PA LAS, RANG NYID DPAL RDO RJE 'JIGS BYED CHEN PO SKU MDOG MTHING NAG ZHAL GCIG PHYAG GNYIS KYI GA-YAS 'BAR BA'I GRI GUG DANG, GA-YON BDUD RTZIS GANG BA'I THOD PA 'DZIN PA, ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA, KHAMS GSUM PO ZA BAR NUS PA, HA HA ZHES SGROG CING LJAGS 'DRIL BA, MCHE BA RNAM PAR GTZIGS SHING KHRO GNYER CAN, KALPA 'JIG PA'I ME'I PHUNG PO LTA BU'I SPYAN GSUM SDANG MIG TU GZIGS PA, SKRA KHAM SER GYEN DU BRDZES PA, H'Um DANG PHAt KYI SGRA CHEN PO 'BRUG LTAR SGROG PA, MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD PA BSKAM PO LNGAS DBU BRGYAN CING, MGO BO RLON PA LNGA BCU'I DO SHAL CAN, SBRUL NAG PO'I MCHOD PHYIR THOGS DANG MI RUS KYI RGYAN GYIS BRGYAN PA, GSUS PA CHE BA GCER BU'I GZUGS CAN, MTSAN
MA DMAR PO GYEN DU 'GRENG BA, ,SMIN MA DANG RDZI MA DANG SMA RA DANG BA SPU RNAMS DUS MTHA'I ME LTAR 'BAR BA, ,NYI MA 'BUM GYI GZI BRJID DANG LDAN PA, YE SHES KYI ME RAB TU 'BAR BA'I KLONG DKYIL NA BZHUGS PA'O, ,RANG GI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON POS MTSAN PAR GYUR, RANG GI THUGS KA'I H'Um LAS 'OD ZER 'PHROS, RANG BZHIN GYI GNAS NAS DPAL RDO RJE 'JIGS BYED KYI LHA TSOGS SPYAN DRANGS, AOm HR'I: shtR'I: BI KRi T'A NA NA H'Um PHAt, CES PAS PHYI 'BRANG GI BGEGS BSKRAD, AOm YA M'ANTA KA SA PA RI W'A RA AARGHAm PRA T'I TZTSA H'Um SV'AH'A, ZHES PA NAS SHAPTA'I BAR GYIS MCHOD, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD 'PHROS, DBANG GI LHA RNAMS SPYAN DRANGS, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES DBANG BSKUR, SKU YE SHES KYI BDUD RTZIS GANG, DRI MA THAMS CAD DAG ,CHU LHAG PA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, DE NAS THUGS KA'I H'Um GI 'OD ZER GYI SNA LAS MCHOD PA'I LHA MO DPAG TU MED PA BYUNG STE, RANG NYID 'JIGS BYED DU GSAL BA LA MCHOD PAR BSAMS LA, GONG BZHIN MCHOD, NANG MCHOD BLA MA BRGYUD PA YI DAM CHOS SKYONG SOGS LA PHUL, BDAG NYID KYIS KYANG MYANG, DE NAS LHA MO RNAMS KYIS BDAG NYID LA MGRIN GCIG TU BSTOD
, ,PAR BSAMS PA, NA MA: SHR'I BADZRA BHEE RA W'A YA, THAL CHEN MDOG CAN MA HE'I STENG NA, ,MA HE'I GDONG CAN GSHIN RJE'I GSHED NI, ,'JIGS RUNG ZHAL GDANGS MCHE BA GTZIGS SHING, ,RNGAMS PA'I SGRA DBYANGS SGROG LA PHYAG 'TSAL, ,MIG SMAN LTA BUR GNAG PA'I SKU NI, ,RAB TU KHROS PA'I KHRO GNYER DANG LDAN, ,DMAR LA ZLUM PA'I SPYAN GSUM BGRAD NAS, ,BDUD DPUNG PHYE MAR 'THAG LA PHYAG 'TSAL, ,GA-YAS GA-YON PHYOG GIS 'BAR BA'I GRI GUG ,BDUD RTZIS GANG BA'I THOD PA 'DZIN ZHING, ,BRKYANGS BSKUMS ZHABS KYI GAR STABS BRJID PAS, ,LOG 'DREN ZIL GYIS GNON LA PHYAG 'TSAL, ,GCER BU RUS PA'I RGYAN GYIS MDZES SHING, ,RAL PA SER SKYA GYEN DU RAB 'BAR, ,GLOG LTAR 'KHYUG PA'I LJAGS NI BSKYOD PAS, ,SA GSUM GA-YO BAR MDZAD LA PHYAG 'TSAL, ,THOD BSKAM LNGA YIS DBU LA LEGS BRGYAN, ,BRGYA PHYED THOD PHRENG DO SHAL 'PHYANG ZHING, ,NYIN BYED 'BUM PHRAG BSDOMS PA'I MDANGS LDAN, ,YE SHES ME DPUNG 'PHRO LA PHYAG 'TSAL, ZHES PAS BSTOD LA, DE NAS, RANG GI THUGS KAR NYI GDAN LA DBUS SU H'Um, DE'I MTHA' SKOR DU YI GE BDUN PA BKOD, DE'I MTHA' BSKOR DU YI GE BCU PA BKOD, DE'I MTHA' RTZA SNGAGS KYIS BSKOR BAR DMIGS, SNGAGS RNAMS KHA DOG NAG PO 'OD ZER DRAG CING RTZUB PA 'PHRO BA'I RNAM PA CAN DU BSAMS, BGRANG
'PHRENG GSHIN RJE'I GSHED KYI NGO BO MI MGO'I PHRENG BA'I RNAM PAR BLTAS LA, LHA'I RNAL 'BYOR LAS MA GA-YOS PA'I NGANG NAS, TSIG GZHAN GYIS BAR MA CHOD PAR BZLA'O, ,DE NAS BZLAS PA'I LHAG CHAD YIG BRGYAS BSKANGS TE; GTOR MA NANG MCHOD LTAR BYIN GYIS BRLABS, SNGAR BZHIN BSKYED CING YE SHES PA DGUG PA DANG DBANG BSKUR BA DANG MCHOD PA'I BAR BYAS NAS, MGRON RNAMS KYI LJAGS H'Um LAS BYUNG BA'I RDO RJE RTZE GCIG PA DKAR PO 'OD KYI SBU GU CAN DU GYUR PAS GSOL BAR BSAMS LA, AOm HR'I: shtR'I: BI KRi T'A NA NA H'Um PHAt, BADZRA BHEE RA W'A YA AADHI PA TA YE AI DAm BA LIm PRA T'I TZTSA YE SV'AH'A, ZHES BDUN NAM GSUM GYIS PHUL, SNGAR LTAR PHYI NANG GI MCHOD PAS MCHOD CING BSTOD, PHYOGS SKYONG LA GTOR MA 'BUL BAR SPRO NA, GONG BZHIN BYIN GYIS BRLABS, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS PHYOGS SKYONG 'KHOR BCAS BKUG STE, PHYOGS MTSAMS RNAMS SU 'KHOD PA SKAD CIG GIS 'OD GSAL DU BCUG PA LAS, DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA'I SKUR BZHENGS PA'I MGRON RNAMS KYI LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN GYIS GSOL BAR GYUR PAR BSAMS LA, BCU GSUM MA LTAR DBUL, YANG NA AOm AINDRA YE, AAGNA YE ZHES SOGS KYIS PHUL YANG RUNG BAR RVA PA RNAMS BZHED DO, ,'DOD DON LA GSOL
, ,BA GDAB, DE NAS CHOS RGYAL LA NGES PAR GTOR MA SKABS 'DIR 'BUL ZHING, 'CHI BDAG MA'I BSTOD BSKUL BYED PA YANG RJE BTZUN R'A LO NAS RJE BLA MA'I BAR GYI BLA MA THAMS CAD BZHED PA LTAR GAL CHE'O, YI GE BRGYA PAS LHAG CHAD KHA BSKANGS, MA RNYED YONGS SU MA SHES DANG, ZHES SOGS KYIS BZOD PAR GSOL, YE SHES PA RANG GNAS SU GSHEGS, DAM TSIG PA BDAG NYID LA THIM PAR BSAM, CHOS KYI RGYAL PO RJE BTZUN TZONG KHA PA'I, ,LHAG PA'I LHA MCHOG RDO RJE 'JIGS BYED KYI, ,SGRUB THABS TSUL 'DIR 'BAD PA'I DGE BA DES, ,'GRO KUN 'JAM DBYANGS ZHI KHRO MYUR 'GRUB SHOG ,CES DPAL RDO RJE 'JIGS BYED KYI SGRUB THABS DNGOS GRUB KUN 'BYUNG ZHES BYA BA 'DI YANG, LHA DANG SKYE BO KUN GYI BSOD NAMS KYI ZHING, MNYAM MED SH'AKYA'I RGYAL PO'I SKU'I SNANG BRNYAN GYI RIM GRO PA, NANG SO CHOS RJE KUN DGA' DPAL 'BYOR GYIS BSKUL BA LA BRTEN NAS, BTZUN PA BLO BZANG CHOS KYI RGYAL MTSAN GYIS DBEN SA CHOS KYI PHO BRANG DU SBYAR BA'O,, ,,