A Practice of Transferring One's Consciousness based on the Secret Teachings of Loving One (Maitreya)

*, ,NA MO A'ARYA MEE TR'I YA, RANG GZHAN DGA' LDAN CHOS KYI PHO BRANG DU 'GRO BAR 'DOD PAS, ,DGE SEMS RNAM DAG DANG LDAN PA'I NGANG NAS 'DI LTAR GDON CING BSAM PAR BYA'O, ,MDUN GYI NAM MKHAR DGA' LDAN GZHAL MED KHANG, ,YID DGA' CHOS 'DZIN NOR BU'I KHRI STENG DU, ,BYAMS MGON GSER MDOG NYI MA 'BUM 'OD 'PHRO, ,CHOS 'KHOR PHYAG RGYA BZANG PO'I 'DUG STANGS KYIS, ,'KHOR TSOGS RGYA MTSOS BSKOR BA'I DBUS NA BZHUGS, ,GNAD GCOD BAR DO NGAN 'GRO'I 'JIGS PA LAS, ,SKYOB PHYIR 'DIR GSHEGS MGON SKYABS DPUNG GNYEN MDZOD, ,KHYOD ZHABS PADMOR GUS PAS PHYAG 'TSAL ZHING, ,MCHOD TSOGS KUN 'BUL SDIG LTUNG BSHAGS SHING SDOM, ,

, ,DGE LA YI RANG CHOS 'KHOR BSKOR BA DANG, ,BSKAL BRGYAR BZHUGS GSOL 'DIS MTSON DGE BA'I TSOGS, ,'GRO RNAMS DON DU DGA' LDAN 'JUG PHYIR BSNGO, ,LUS DBUS DRANG POR DBU MA MDA' SMYUG TZAM, ,MAR SNA LTE BA YAR SNA TSANGS BUG ZUG ,SNYING GA'I DBU MA'I SBUBS NANG RANG GI SEMS, ,SHEL GONG LTA BU'I THIG LE RGYA SRAN TZAM, ,'PHAR ZHING 'PHUR LA KHAD BSAMS DE NYID KYIS, ,DBU MA'I LAM NAS BYAMS MGON MNGON SUM DU, ,MTHONG BAR BSAMS LA 'DI LTAR GSOL BA GDAB, ,BSLU MED SKYABS KYI DAM PA MA PHAM MGON, ,GSOL BA 'DEBS SO GNAD GCOD SDUG BSNGAL SOL, ,BDUD DANG GSHIN RJE BAR DO'I 'JIGS LAS SKYOBS, ,'JIGS RUNG NGAN 'GRO'I GA-YANGS CHE LAS SGROL, ,DGA' LDAN GZHAL MED KHANG DU DRANG DU GSOL, ,BYAMS MGON THUGS RJE'I 'OD ZER LCAGS KYU YIS, ,MYUR BA NYID DU 'DREN PAR MDZAD DU GSOL, ,DA LTA NYID DU 'DREN PAR MDZAD DU GSOL, ,DE LTAR GSOL BAS RJE BTZUN THUGS KA NAS, ,'OD ZER LCAGS KYU RANG GI TSANGS BUG ZHUGS, ,SNYING GA'I RANG SEMS THIG LER GSAL BTAB DRANGS, , 'OG RLUNG GYEN DRANGS PHAt: DANG HI KA SGRAR BCAS, ,RANG SEMS THIG LE SKAR MDA' 'PHANGS PA BZHIN, ,THOGS PA MED PAR RJE BTZUN THUGS KAR THIM, ,SLAR THON PADMA'I THUGS SU SKYES PAR BSAM, ,DA LTA SPYOD DUS TSANGS PA'I

BU GA LAS, ,MI 'DON DH'U T'I'I NANG DU YANG YANG SBYONG, ,MJUG TU SMON LAM DAG PAS MTSAMS SBYOR BYA, ,TSUL 'DI NI SDIG CAN NGAN SONG 'JIGS PA LAS SGROL THABS GDAMS NGAG YIN NO, ,GZHAN LA 'PHO BA 'DEBS TSE 'DON PA CUNG ZAD BSGYUR DGOS KYANG SHES PAR BYA'O, ,TSUL 'DI YANG SKU 'BUM CHOS RJE BKRA SHIS DON KUN GRUB PAS YANG YANG BSKUL BA LA BRTEN NAS, SDE SNOD 'DZIN PA BLO BZANG CHOS KYI RGYAL MTSAN GYIS SBYAR BA'O,, ,,