A Deep Practice of Transferring Consciousness based on the Secret Teachings of the Frightener of Diamond (Vajra Bhairava)

*, ,SVASTI, RDO RJE 'JIGS BYED LA BRTEN PA'I 'PHO BA'I RNAL 'BYOR BSGOM PAR 'DOD PAS, NYAMS SU BLANG BA'I RIM PA 'DI LTAR, RANG NYID BCOM LDAN RDO RJE 'JIGS BYED DU, ,GSAL BA'I LUS DBUS DBU MA MDA' SMYUG TZAM, ,MAR SNA LTE 'OG YAR SNA TSANGS BUG TU, ,THAL GYIS ZUG PA RGYA MTHONGS LTA BU DANG, ,SNYING DBUS DH'U T'I'I NANG DU RANG GI SEMS, ,H'Um YIG MTHING GA 'PHUR LA KHAD PAR BSAM, ,SPYI BOR DRIN CAN RTZA BA'I BLA

, ,MA DANG, ,DBYER MED DPAL LDAN RDO RJE 'JIGS BYED NI, ,SKYABS GSUM MA LUS 'DUS PA'I BDAG NYID DU, ,LEGS BSGOMS MDOR BSDUS YAN LAG BDUN PA PHUL, ,'DI NANG GNYEN BSHES LUS DANG LONGS SPYOD SOGS, ,GANG LA'ANG CHAGS SHING ZHEN PAS MA BCINGS PAR, ,GLO SNYING BRANG GSUM BLA MA LHA LA GTAD, ,GNAD GCOD BAR DO NAN 'GRO'I 'JIGS PA LAS, ,BSKYABS NAS DAG PA'I ZHING DU 'DREN PA'I PHYIR, ,GDUNG SHUGS DRAG POS GSOL BA YANG YANG GDAB, ,DRAN PA TZAM GYIS BAR GCOD KUN SEL ZHING, ,CI 'DOD DNGOS GRUB MA LUS STZOL MDZAD PA'I, ,LHAG PA'I LHA MCHOG RDO RJE 'JIGS BYED LA, ,GSOL BA 'DEBS SO THUGS RJE'I LCAGS KYUS ZUNGS, ,GNAD GCOD GSHIN RJE'I 'JIGS LAS SKYAB TU GSOL, ,NYAM THAG NGAN 'GRO'I SGO 'PHRANG BCAD DU GSOL, ,BDE 'GRO THAR PA'I LAM DU 'KHRID DU GSOL, ,MKHA' SPYOD BDE CHEN GNAS SU DRANG DU GSOL, ,DE LTAR YANG YANG GSOL BA BTAB PA'I MTHUS, ,BCOM LDAN THUGS KA'I 'OD ZER LCAGS KYU NI, ,GLOG 'GYU BZHIN DU DBU MA'I NANG DU ZHUGS, ,RANG SEMS H'Um YIG GSAL LA BTAB CING ZUG ,'OG RLUNG GYEN DRANGS STENG RLUNG GLOD BYAS LA, ,HIKA GI SBYOR BAS SKAR MDA' 'PHANGS PA BZHIN, ,GYEN DU SONG NAS BLA MA'I THUGS KAR THIM, ,DPA' BO CHEN PO MKHA' SPYOD GSHEGS PAR

BSAMS, ,DA LTA SPYOD DUS H'Um DE TSANGS BUG LA, ,REG TZAM BYAS NAS SNYING DBUS GNAS PAR BSAM, ,TSUL 'DI MA BSGOMS SDIG CAN BTZAN THABS SU, ,'TSANG RGYA'I GDAMS NGAG RGYUD SDE'I SNYING PO YIN, ,'DI NI PHYOGS BRAL MYUL BA'I RGYAL KHAMS PA, ,BLO BZANG CHOS KYI RGYAL MTSAN ZHES BYA LA, ,DAD LDAN DRUNG CHEN RIN CHEN CHOS 'PHEL GYIS, ,YANG YANG BSKUL TSE MKHAS MANG 'DU BA'I GZHI, ,BYANG STOD BSAM GRUB DGE LDAN GNAS SU BKOD, ,DGE BAS 'GRO KUN DAG ZHING BGROD GYUR CIG ,CES PA 'DI YANG SH'AKYA'I BTZUN PA BLO BZANG CHOS KYI RGYAL MTSAN GYIS SMRAS PA'O,, ,,