*, ,NA MO GU RU TZA KRA SAMBAR'A YA, RANG GI SPYI BOR PADMA NYI MA'I STENG, ,RTZA BA'I BLA MA BCOM LDAN 'KHOR LO SDOM, ,NYI MA 'BUM GYI MDANGS LDAN BEE d'URYA'I, ,LHUN PO JI BZHIN GZI BRJID PHUNG PO'I SKU, ,RNAM THAR SGO BZHI'I ZHAL LDAN RTEN 'BREL PHYAG ,PHA ROL PHYIN DRUG DAG PA'I RGYAN GYIS BRGYAN, ,BYU RU'I MDOG CAN RDO RJE PHAG MO DANG, ,SNYOMS PAR 'JUG PAS BZHUGS PA'I GNAS GSUM DU, ,RDO RJE GSUM MTSAN H'Um YIG 'OD ZER GYIS, , YE SHES SPYAN DRANGS SKYABS GSUM KUN 'DUS GYUR, ,RTZA BRGYUD BLA MA MCHOG GSUM 'DUS PA'I SKU, ,HE RU KA DPAL YAB YUM LA PHYAG 'TSAL, ,DNGOS BSHAMS YID SPRUL 'JIG RTEN 'JIG RTEN LAS, ,'DAS PA'I PHYI NANG GSANG BA'I MCHOD PAS MCHOD, ,THOG MA MED NAS THA MA DA LTA'I BAR, ,SDIG LTUNG JI SNYED BSAGS PA BSHAGS SHING SDOM, ,RANG GZHAN RNAM DKAR DGE LA RJES YI RANG, ,ZAB CING RGYA CHE'I CHOS 'KHOR BSKOR BA DANG, ,BSKAL BRGYAR MYA NGAN MI 'DA' RTAG BZHUGS GSOL, ,'DIS MTSON DGE RNAMS BYANG CHUB CHEN POR BSNGO, ,BLANG DOR GNAS RNAMS STON PA'I SGRON ME, ,THAR PA'I LAM SNA 'DREN PA'I DED DPON, ,BKA' DRIN
GSUM LDAN RTZA BA'I BLA MA, ,KHYAB BDAG 'KHOR LO SDOM PA YAB YUM, ,GSOL BA 'DEBS SO BYIN GYIS RLOBS SHIG ,NGAN 'GRO'I GA-YANGS NAS 'DREN PA'I MCHIL PA, ,NYAM THAG MDA' CHAR SKYOB PA'I GO CHA, , DUG GSUM NAD KYI GDUNG SEL SMAN PA, ,BKA' DRIN GSUM LDAN RTZA BA'I BLA MA, ,KHYAB BDAG 'KHOR LO SDOM PA YAB YUM, ,GSOL BA 'DEBS SO BYIN GYIS RLOBS SHIG ,STON MCHOG SANGS RGYAS KUN GYI NGO BO, ,BRGYAD KHRI BZHI STONG CHOS KYI 'BYUNG GNAS, ,'PHAGS TSOGS DGE 'DUN KUN GYI 'DREN PA, ,BKA' DRIN GSUM LDAN RTZA BA'I BLA MA, ,KHYAB BDAG 'KHOR LO SDOM PA YAB YUM, ,GSOL BA 'DEBS SO BYIN GYIS RLOBS SHIG , DKYIL 'KHOR 'KHOR LO BYE BA'I BDAG NYID, ,MCHOG DANG THUN MONG 'DOD DGU'I DNGOS GRUB, ,'BAD STZOL MED PAR CHAR BZHIN 'BABS MDZAD, ,BKA' DRIN GSUM LDAN RTZA BA'I BLA MA, ,KHYAB BDAG 'KHOR LO SDOM PA YAB YUM, ,GSOL BA 'DEBS SO BYIN GYIS RLOBS SHIG ,DAM CHOS BSGRUB PA'I BAR GCOD KUN DANG, ,GNAD GCOD 'KHRUL SNANG 'JIGS PA MTHA' DAG ,DRAN PA TZAM GYIS MA LUS SEL MDZAD, ,BKA' DRIN GSUM LDAN RTZA BA'I BLA MA, ,KHYAB BDAG 'KHOR LO SDOM PA YAB YUM, ,GSOL BA 'DEBS SO BYIN GYIS RLOBS SHIG ,DE NAS TING NGE 'DZIN GYI DBANG BZHI BLANGS, ,BDAG NYID RJE BTZUN YAB YUM DU GSAL BAS, ,MAN NGAG
, ,BZHIN DU BZLAS PA'ANG BLO DANG SBYAR, ,AOm HR'I: HA HA HUm H'Um PHAt, AOm BADZRA BEE RO TZA N'I YE HUm H'Um PHAt, RANG LUS DBUS SU DBU MA MDA' SMYUG TZAM, ,LTE 'OG NAS BZUNG SPYI BOR THAL GYIS ZUG ,SNYING DBUS RANG SEMS H'Um YIG NAS 'BRU TZAM, ,'PHAR ZHING 'PHUR LA KHAD PA NYID DU BSGOM, ,RANG GI SPYI BOR BLA MA BDE BA MCHOG ,BSLU MED SKYABS GSUM 'DUS PA'I NGO BOR BSAM, ,THUGS RJE'I BDAG NYID BSLU BA MED PA'I SKYABS, GSOL BA 'DEBS SO BLA MA HE RU KA, GNAD GCOD BAR DO'I 'JIGS LAS BSKYAB TU GSOL, ,NGAN SONG MI KHOM GNAS LAS DRANG DU GSOL, ,MKHA' SPYOD DAG PA'I ZHING DU 'DREN PAR MDZOD, ,DNGOS GRUB 'DOD DGU STZOL BA'I YID BZHIN NOR, ,GSOL BA 'DEBS SO BLA MA HE RU KA, GNAD GCOD BAR DO'I 'JIGS LAS BSKYAB TU GSOL, ,NGAN SONG MI KHOM GNAS LAS DRANG DU GSOL, ,MKHA' SPYOD DAG PA'I ZHING DU 'DREN PAR MDZOD, , MA RIG MUN PA SEL BA'I SGRON ME MCHOG ,GSOL BA 'DEBS SO BLA MA HE RU KA, GNAD GCOD BAR DO'I 'JIGS LAS BSKYAB TU GSOL, ,NGAN SONG MI KHOM GNAS LAS DRANG DU GSOL, ,MKHA' SPYOD DAG PA'I ZHING DU 'DREN PAR MDZOD, ,BLA MA SANGS RGYAS CHOS TSOGS KUN GYI DNGOS, ,GSOL BA 'DEBS SO BLA MA HE RU KA, GNAD GCOD BAR DO'I 'JIGS LAS BSKYAB TU GSOL, ,NGAN SONG MI KHOM GNAS LAS DRANG DU GSOL, ,MKHA' SPYOD DAG PA'I ZHING DU 'DREN PAR
MDZOD, ,DE LTAR GSOL BTAB BLA MA'I THUGS KA NAS, ,LCAGS KYU LTA BU'I 'OD ZER RANG NYID KYI, ,DH'U T'I'I LAM BRGYUD RNAM SHES H'Um YIG TU, ,GSAL BAR BTAB DRANGS YI DAM THUGS KAR BSTIM, ,MKHA' SPYOD BDE CHEN GNAS SU GSHEGS PAR BSGOM, ,SPYOD DANG LAS SBYOR DBYE BA SHES PAR BYA, ,'DI LTAR BGYIS PA'I DGE TSOGS CI MCHIS PA, ,TSE RABS KUN TU RJE BTZUN BLA MA DANG, ,DBYER MED BDE BA MCHOG GIS RJES BZUNG NAS, ,SKU GSUM GO 'PHANG MYUR DU THOB PHYIR BSNGO, ,ZHES PA 'DI YANG SHANGS GRVA TSANG CHEN MO'I MKHAN CHEN GRAGS PA TSE 'PHEL GYI DBON PO DGE SLONG GRAGS PA RGYAL MTSAN GYIS YANG YANG BSKUL BA LA BRTEN NAS, DPAL BDE BA MCHOG GI RNAL 'BYOR PA BTZUN PA BLO BZANG CHOS KYI RGYAL MTSAN GYIS GRUB PA'I BSTI GNAS DBEN SA CHOS KYI PHO BRANG GI GTZUG LAG KHANG DU THOGS MED DU SBYAR BA'O,, ,,