*, ,NA MO GU RU MANYDZU GHO sh'A YA, RTZA BA'I BLA MA DANG PO'I SANGS RGYAS LA, , 'GYUR MED LHAN SKYES DGA' BA'I MCHOG STZOL BA, ,BCOM LDAN SNA TSOGS YUM GYI ZHABS PAD LA, ,GUS PAS BTUD NAS DE YI SGRUB THABS BRI, ,'DIR RGYAL BA SKYED MDZAD RJE BTZUN BCOM LDAN 'DAS MA BSGRUB PAR
, ,'DOD PAS, SKYABS 'GRO SEMS BSKYED TSAD MED BZHI BSGOM PA RGYUD DANG 'DRES NGES SNGON DU BTANG NAS, KHYAD PAR GYI SEMS BSKYED SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU BCOM LDAN 'DAS MA SNA TSOGS YUM BSGRUB PA'I RIM PA LA 'JUG PAR BYA'O SNYAM DU SEMS BSKYED PA LAN GSUM SOGS BYA, DE NAS, AOm SH'U N+YA T'A DZNY'A NA BADZRA SVA BH'A WA A'ATMA KONYHAm, CHOS THAMS CAD RANG BZHIN GYIS GRUB PAS STONG PA'I STONG PA NYID DU GYUR, STONG PA'I NGANG LAS AOm LAS BYUNG BA'I PADMA LJANG GU'I LTE BAR AAm LAS ZLA BA, A'A: LAS NYI MA AA LAS SGRA GCAN DANG DUS ME'I DKYIL 'KHOR, DE'I STENG DU PHREm GSER GYI MDOG CAN LAS GRI GUG PHREm GYIS MTSAN PA, DE LAS 'OD ZER 'PHROS, SEMS CAN THAMS CAD KYI SDIG SGRIB DANG NAD GDON THAMS CAD ZHI BAR BYAS, RGYAL BA SRAS BCAS LA MNYES PA'I MCHOD PA PHUL, SLAR 'DUS, GRI GUG SA BON DANG BCAS PA LA THIM PA YONGS SU GYUR PA LAS, RANG NYID BCOM LDAN 'DAS MA SNA TSOGS YUM SKU MDOG GSER BTZO MA LTAR 'BAR BA'I ZHAL BZHI RE RE'ANG SPYAN GSUM GSUM DANG LDAN ZHING PHYAG BRGYAD MA, RTZA ZHAL GSER GYI MDOG CAN, GA-YAS ZHAL DUNG LTAR DKAR BA, RGYAB ZHAL AINDRA N'I LA LTAR SNGO BA, GA-YON ZHAL PADMA R'A GA LTAR DMAR BA, PHYAG GA-YAS KYI DANG POS GRI
GUG DANG, GA-YON DANG POS THOD KHRAG THUGS KAR STENG 'OG TU 'DZIN PA, LHAG MA GA-YAS PA GSUM NA RIM PA BZHIN DU LCAGS KYU DANG d'A MA RU DANG BGRANG PHRENG, GA-YON PA RNAMS NA RDO RJE DANG ZHAGS PA DANG PAD DKAR 'DAB MA BRGYAD PA DANG RIN PO CHE BSNAMS PA, PHYAG RGYA LNGAS BRGYAN CING LHA RDZAS LAS GRUB PA'I DAR GYI STOD GA-YOGS DANG SMAD GA-YOGS CAN, YE SHES KYI 'OD RAB TU 'BAR BA'I DBUS NA ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: HI, DAM TSIG PA DANG YE SHES PA RO MNYAM PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, YUM RNAMS KYIS AOm A'A: A'U R'i L'i PANYTZA DH'A TU BI SHODHA NI SV'AH'A, ZHES DBANG BSKUR, LUS GANG DRI MA DAG ,CHU LHAG PA SPYI GTZUG TU GNAS PA YONGS SU GYUR PA LAS RDO RJE SEMS DPAS DBU BRGYAN PAR GYUR, MCHOD PA DANG NANG MCHOD AOm A'A: H'Um GIS BDUD RTZIS BYIN GYIS BRLABS LA, AOm BI SHVA MA TREE SA PA RI W'A RA AARGHAm NAS, P'ADYAm, PUshPE, DH'U PE, A'A LO KE, GANDHE, NEE WIDYA, SHAPTA PRA T'ITZTSA H'Um SV'AH'A, ZHES PAS MCHOD, NANG MCHOD KYANG PHUL, DUS GSUM RGYAL BA KUN GYI YUM, ,DRAN PA
, ,TZAM GYIS SGRIB BRAL BA'I, ,LHAN SKYES BDE BA'I MCHOG STZOL BA, ,SNA TSOGS YUM DE LA PHYAG 'TSAL, ,RANG GI THUGS KAR ZLA GDAN LA SA BON H'Um GIS MTSAN PA'I MTHAR, AOm PHREm BADZRA d'A KI N'I BADZRA DH'A TV'I SHVA RI GA GA NA SVA BH'A WA SARBA DRA BY'A BI SHVA DHA NI SARBA DRA BY'A BI n'I BI SHVA DHA YA H'Um PHREm PHAt, CES PA'I SNGAGS PHRENG 'OD ZER DKAR PO 'PHRO BA LAS BDUD RTZI'I RGYUN BABS, LUS KYI NANG GANG, NAD GDON SDIG SGRIB BAR DU GCOD PA THAMS CAD SBYANGS, BA SPU'I SGO NAS PHYIR 'PHROS PAS, SEMS CAN THAMS CAD KYI NAD GDON SDIG SGRIB THAMS CAD BSAL, BCOM LDAN 'DAS MA'I GO 'PHANG LA BKOD PAR MOS TE, SNGAGS DE NYID DANG, NYE SNYING, AOm BI SHVA MA TREE HUm H'Um PHAt, CES PA BRGYA STONG KHRI 'BUM SOGS BZLA'O, ,MJUG TU, DGE BA 'DI YIS MYUR DU BDAG ,BCOM LDAN 'DAS MA 'GRUB GYUR NAS, CES SOGS DE LAS BYUNG BA'I DGE BA RNAMS BSNGO BA DANG SMON LAM RNAM PAR DAG PAS RGYAS GDAB PAR BYA'O, ,YANG NA SNGON 'GRO'I RIM PA RNAMS SNGAR DANG 'DRA BA LA, STONG PA'I NGANG LAS BAm LAS PADMA DKAR PO 'DAB MA BRGYAD PA'I LTE BAR, AA LAS ZLA BA'I DKYIL 'KHOR NYA GANG BA'I STENG DU RANG GI SEMS NYID AOm LAS PADMA DKAR PO AOm GYIS MTSAN PA LAS 'OD ZER 'PHROS, DON GNYIS BYAS, 'DUS, YONGS SU GYUR PA LAS, RANG NYID BCOM LDAN 'DAS MA SNA TSOGS YUM SKU MDOG DKAR
MO GZHON NU LANG TSO BCU DRUG LON PA'I NYAMS CAN 'DZUM ZHING YID DU 'ONG BA'I ZHAL GCIG PHYAG GNYIS, PHYAG GA-YAS PAD DKAR 'DZIN PA'I MCHOG SBYIN DANG, GA-YON THUGS KAR CHOS 'CHAD KYI PHYAG RGYA MDZAD PA, DBU SKRA RAL PA PHYED BCINGS SU BYAS SHING LHAG MA GSIL BUR BABS PAS SKU STOD KHEBS PA, RIN PO CHE SNA TSOGS LAS GRUB PA'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB, DO SHAL LA SOGS PAS BRGYAN PA, DAR GYI STOD GA-YOGS SMAD GA-YOGS MDZES PAR GSOL BA, ZLA BA'I 'OD KYI RGYAB YOL CAN, 'OD DKAR PO 'PHRO BA'I DBUS NA SEMS DPA'I SKYIL MI KRUNG GIS BZHUGS PA, DE'I SPYI BOR AOm DKAR PO ZHES SOGS LHAG MA RNAMS SNGAR JI LTA BA BZHIN YIN LA, KHYAD PAR BZLAS PA'I TSE, SA BON PHREm GYI TSAB TU AOm YIG 'BOD PA DANG, SNGAGS KYANG NYE SNYING 'BA' ZHIG LA GCIG DRIL DU BZLAS PA BYED PA'O, ,MCHOG GI DAM PA DANG PO'I SANGS RGYAS KYI, ,RGYUD RGYAL BDUD RTZI'I RGYA MTSO BSGRUBS PA LAS, ,NAD RIMS SDUG BSNGAL MUN PA KUN SEL BA'I, ,SGRUB THABS KUNDA'I DGA' STON DENG 'DIR SHAR, ,DE LAS 'ONGS PA'I RNAM DKAR 'O MA'I MTSO, ,SRID RTZER 'PHYUR 'DRA JI SNYED THOB PA YANG, ,PHAN BDE'I 'BYUNG GNAS BSTAN DANG DE 'DZIN PA'I, ,MGON RNAMS ZHABS PAD BRTAN PA'I RGYUR GYUR CIG ,CES PA 'DI YANG 'PHAGS PA 'JIG RTEN DBANG PHYUG NGUR SMRIG GI ZLOS GAR GYIS RNAM
, ,PAR ROL PA, LHA DANG BCAS PA'I 'GRO BA MTHA' DAG GI 'DREN PA DAM PA THAMS CAD MKHYEN PA BLO BZANG RGYA MTSO'I DPAL GYIS BKAS BSKUL BA DANG DU BLANGS TE, DGE SLONG BLO BZANG CHOS KYI RGYAL MTSAN GYIS CHOS GRVA CHEN PO DPAL LDAN 'BRAS SPUNGS KYI GZIMS CHUNG NYI 'OD 'KHYIL BAR THOGS MED DU SBYAR BA'I YI GE PA NI DGE SLONG BLO BZANG PHUN TSOGS SO,, ,,