*, ,NA MO MANYDZU GHO sh'A YA, 'DIR RTA MGRIN LCAGS RAL CAN BSGRUB PAR 'DOD PAS, SKYABS 'GRO SEMS BSKYED SNGON DU BTANG, KHYAD PAR GYI SEMS BSKYED MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU KHRO BO'I RGYAL PO DPAL RTA MGRIN BSGRUB PAR BYA'O SNYAM PA GSUM SOGS BYA, DE NAS SVA BH'A WAS STONG PAR SBYANGS, STONG PA'I
NGANG LAS SNA TSOGS PADMA DANG NYI MA'I STENG DU, RANG GI SEMS NYID HR'I: DMAR NAG DE LAS BSKAL PA'I ME DPUNG LTA BU'I 'OD ZER 'PHROS, GDON BGEGS 'BYUNG PO THAMS CAD TSAR BCAD, NAD GDON SDIG SGRIB THAMS CAD BSREGS, TSUR 'DUS YONGS SU GYUR PA LAS, RANG NYID KHRO RGYAL RTA MGRIN SKU MDOG MTHING NAG ZHAL GCIG PHYAG GNYIS PA, PHYAG GA-YAS GNAM LCAGS KYI RAL GRI ME RAB TU 'BAR BA NAM MKHA' LA 'PHYAR BAS DGRA BGEGS 'BYUNG PO'I SROG RTZA GCOD CING, ,PHYAG GA-YON THUGS KAR SDIGS MDZUB MDZAD PA'I RTZE MOR YE SHES KYI ME 'BAR BAS NAD GDON THAMS CAD BSREG PA, ZHAL GDANGS SHING MCHE BA RNON PO BZHI GTZAGS PA; SPYAN GSUM DANG LDAN ZHING KHRO GNYER RAB TU BSDUS PA, MI LPAGS KYI GA-YANG GZHIS STENG GA-YEGS SHING STAG GI PAGS PA'I SHAM THABS 'CHANG BA, THOD PA SKAM RLON DANG, SBRUL DANG, RUS PA DANG RIN PO CHE'I RGYAN GYIS SPRAS PA, ZHABS GA-YAS BSKUMS SHING GA-YON BRKYANGS PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR NYI MA'I STENG DU HR'I: DMAR NAG H'Um GIS MTSAN PA'I MTHA' SKOR DU SNGAGS KYIS BSKOR BAR GYUR, RANG GI THUGS KA'I H'Um LAS 'OD 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: RANG DANG GNYIS SU MED PAR
, ,GYUR, DBANG GI LHAS DBANG BSKUR, 'OD DPAG MED KYIS DBU BRGYAN PAR GYUR, AOm SARBA TA TH'A GA TA AARGHAm NAS SHAPTA'I BAR GYIS MCHOD, RAB 'JIGS DUS MTHA'I ME LTAR 'BAR BA'I SKU, ,MI BZAD DRAG SNGAGS NGA RO SGROG PA'I GSUNG, ,MKHYEN BRTZE NUS PA DPAG PAR DKA' BA'I THUGS, ,KHRO RGYAL RTA MGRIN ZHABS LA PHYAG 'TSAL LO, ,ZHES PAS BSTOD, RANG GI THUGS KA'I SNGAGS PHRENG LAS 'OD ZER 'PHROS, BRTAN GA-YO THAMS CAD YE SHES KYI ME DPUNG RAB TU 'BAR BA'I RANG BZHIN DU SBYANGS, ZHI KHRO RAB 'BYAMS THAMS CAD KYI SKU GSUNG THUGS KYI BYIN RLABS THAMS CAD KHRO CHU LTA BU'I BDUD RTZI'I RNAM PAR SPYAN DRANGS, BDAG NYID KYI LUS LA THIM PAS, NAD GDON SDIG SGRIB THAMS CAD GZHOB THUL GYIS BSREGS, TSE DANG BSOD NAMS MTHU STOBS LA SOGS PA'I YON TAN RGYAS PAR BSAMS LA, HR'I: PADM'ANTi KRATA BADZRA KRO DHA HA YA GR'I WA SARBA TZITTA K'A LA ME DPUNG GTUBS, HA HA RBAD RBUD GTUBS, SHA KA HA NAN RBAD RBUD GTUBS, GRiHnA RA DZA YA RBAD, M'A RA YA RBAD, CES GANG MANG BZLA'O, ,MJUG TU, DGE BA 'DI YIS MYUR DU BDAG ,KHRO RGYAL RTA MGRIN 'GRUB GYUR NAS, CES SOGS SMON LAM GDAB BO, ,DE LTAR NYAMS SU BLANGS PAS, GNAS SKABS SU BDUD SDE'I GA-YUL LAS RGYAL ZHING, MTHAR THUG RTA MGRIN GYI GO 'PHANG THOB PAR 'GYUR RO, ,ZHES PA
'DI LCANG RA NAS SDE PA LA GDAMS PA'O,, ,,