Words of Supplication to the Lama, Horse Throat (Hayagriva)

*, ,BLA MA DANG LHAG PA'I LHA LA PHYAG 'TSAL LO, ,BLA MA RTA MGRIN LA GSOL BA 'DEBS PAR 'DOD PAS, SKYABS 'GRO SEMS BSKYED TSAD MED BZHI SPYI LTAR BYAS PA'I RJES SU, MA SEMS CAN THAMS CAD KYI DON DU MYUR DU SANGS

RGYAS KYI GO 'PHANG THOB PAR BYA, DE'I PHYIR DU BLA MA LHA RTA MGRIN BSGRUB PAR BYA'O, ,RANG NYID LHAR GSAL SPYI BO'I STENG, ,SNA TSOGS PAD ZLA NYI DKYIL KHAR, ,RGYAL BA KUN DNGOS LHAG PA'I LHA, ,KHRO RGYAL RTA MGRIN SKU MDOG DMAR, , ZHAL GSUM PHYAG DRUG ZHABS BRGYAD PA, ,RTZA BA'I ZHAL DMAR DRAG TU KHROS, ,GA-YAS DKAR GA-YON LJANG SPYI GTZUG STENG, ,RTA MGO LJANG NAG RTA SKAD 'TSER, ,ZHAL GDANGS MCHE GTZIGS SPYAN GSUM BGRAD, ,SMA RA SMIN MA ME LTAR 'BAR, ,DBU SKRA KHAM SER GYEN DU BRDZES, ,THOD SKAM LNGA YI DBU RGYAN DANG, ,THOD RLON LNGA BCU'I DO SHAL 'PHYANG, ,SBRUL DANG RUS PA'I RGYAN GYIS SPRAS, ,STAG GI PAGS PA'I SHAM THABS DANG, ,ZHING LPAGS GLANG LPAGS GOS SU GYON, ,GA-YAS GSUM RDO RJE RAL GRI DANG, ,RAB 'BAR KHA tV'Am RTZE GSUM 'DZIN, ,GA-YON GSUM SDIGS MDZUB MDUNG CHEN DANG, ,RGYU MA'I ZHAGS PA RLON PA BSNAMS, ,SKU LAS SKYES PA'I ME DPUNG DBUS, ,ZHABS BRGYAD BGRANG NAS KLU CHEN BRGYAD, ,BRDZIS PA'I TSUL GYIS RAB TU BZHUGS, ,THUGS KA'I HR'I: LAS 'OD ZER 'PHROS, ,PADMA 'OD KYI GZHAL YAS NAS, ,YE SHES RTA MGRIN SPYAN DRANGS NAS, ,THIM PAS GNYIS SU MED PAR GYUR, ,BLA MA KHRO RGYAL RTA MGRIN LA, ,SGO GSUM GUS PAS PHYAG 'TSAL LO, ,DNGOS DANG YID SPRUL MCHOD PA'I TSOGS, ,NAM MKHA' GANG BAS MCHOD PAR BGYI, ,SDIG LTUNG SO SOR BSHAGS PAR

, ,BYA, ,RANG GZHAN DGE LA RJES YI RANG, ,SRID MTHA'I BAR DU BRTAN BZHUGS LA, ,CHOS 'KHOR MA LUS BSKOR DU GSOL, ,'DIS MTSON DGE BA MA LUS PA, ,BYANG CHUB MCHOG GI RGYUR GYUR CIG , 'JIGS RUNG DUS MTHA'I ME LTAR 'BAR BA'I SKU, ,MI BZAD DRAG SNGAGS NGA RO SGROG PA'I GSUNG, ,MKHYEN BRTZE NUS PA DPAG PAR DKA' BA'I THUGS, ,BLA MA RTA MGRIN ZHABS LA GSOL BA 'DEBS, ,DE LTAR GSOL BA MANG BTAB PAS, ,RTA MGRIN CHAD NAS RANG LA THIM, ,RANG NYID BLA MA RTA MGRIN GYUR, ,RANG GI THUGS KA'I H'Um HR'I: LAS, ,'OD ZER DPAG MED PHYOGS BCUR 'PHROS, ,ZHI KHRO RAB 'BYAMS RTA MGRIN GYI, ,RNAM PAR SPYAN DRANGS RANG NYID LA, ,THIM PAS BYIN RLABS ZHUGS PAR GYUR, ,AOm HR'I: PADM'ANTA KRiTA HA YA GR'I WA HU LU HU LU H'Um H'Um PHAt PHAt SV'AH'A, ZHES BRGYA STONG KHRI 'BUM BZLA'O, ,DE LTAR NYAMS SU BLANGS NA LEGS TSOGS RGYAS PAR 'GYUR RO,, ,,