*, ,NA MO GU RU MANYDZU GHO sh'A YA, THUGS RJE'I BDAG NYID MAR ME MDZAD DPAL DANG, ,DBYER MED RTA MGRIN DBANG GI RGYAL PO LA, ,GUS PAS BTUD NAS DE NYID BSGRUB PA'I THABS, ,D'I BAm KA RA'I GZHUNG BZHIN BRI BAR BYA, 'DIR RTA MGRIN SHVA NA BZHIS BSKOR BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG STE, SEMS CAN THAMS CAD KYI DON DU MYUR BA MYUR BAR RDZOGS PA'I SANGS RGYAS KYI GO 'PHANG RIN PO CHE THOB PAR BYA, DE'I PHYIR DU DPAL RTA MGRIN BSGRUB PA'I RIM PA LA 'JUG PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, STONG PA NYID DU GYUR, STONG PA'I NGANG LAS, PAm LAS PADMA 'DAB MA BRGYAD PA'I LTE BAR AA LAS ZLA BA, MAm LAS NYI MA'I DKYIL 'KHOR GYI STENG DU, H'Um LAS RDO RJE SNGON PO'I LTE BA LA H'Um GIS MTSAN PA LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RVA BA, STENG DU 'PHROS PAS RDO RJE'I GUR, GUR GYI 'OG RA BA'I STENG DU RDO RJE'I BLA RE, THAMS CAD KYANG RDO RJE 'BAR BA'I RANG BZHIN DUM BU GCIG TU GYUR PA'I PHYIR ROL DU KALPA 'JIG PA'I DUS KYI ME LTA BU'I YE SHES KYI ME KHA DOG LNGAS KHYAB PAR GYUR, GZHAL
, ,YAS KHANG GI DBUS SU PAm LAS PADMA 'DAB BRGYAD, AA LAS ZLA BA, MAm LAS NYI MA'I DKYIL 'KHOR GYI STENG DU, H'Um LAS RDO RJE'I LTE BA LA H'Um DMAR POS MTSAN PA, DE LAS 'OD ZER 'PHROS GDON BGEGS 'BYUNG PO THAMS CAD TSAR BCAD, RGYAL BA SRAS BCAS KYI MTHU STOBS NUS PA THAMS CAD SPYAN DRANGS, THIM PA YONGS SU GYUR PA LAS, RANG NYID KHRO RGYAL RTA MGRIN GTZO 'KHOR LNGA'I SKUR YONGS SU RDZOGS PAR GYUR PA NI, DBUS SU DPAL RTA MGRIN SKU MDOG DMAR PO DBUS DMAR GA-YAS SNGO GA-YON DKAR BA'I ZHAL GSUM PHYAG BZHI, ZHABS BZHI PA, ZHAL DBUS MA'I GTZUG NA RTA MGO LJANG GU GYEN DU PHYOGS NAS RTA SKAD DRAG POS SA GSUM 'GENGS PA, ME LTAR 'BAR BA'I SPYAN GSUM GSUM DANG LDAN ZHING, ZHAL RE RE'ANG MCHE BA BZHI BZHI GTZIGS PA, PHYAG BZHI'I DANG PO GNYIS KYIS RDO RJE DANG PADMA 'PHYAR ZHING, 'OG MA GNYIS KYIS MDA' GZHU 'GENGS PA, DBU SKRA KHAM NAG GYEN DU BRDZES SHING, RIGS LNGA'I BDAG NYID KYI THOD SKAM LNGA LNGA'I DBU RGYAN DANG, THOD RLON LNGA BCU'I DO SHAL CAN, YAN LAG SBRUL GYIS RAB TU BRGYAN CING, MI LPAGS KYI STOD GA-YOGS DANG, STAG LPAGS KYI SHAM THABS GSOL BA, ZHABS GA-YAS PA GNYIS BSKUMS PAS TSANGS PA DKAR PO DANG BRGYA BYIN SER PO GNYIS MNAN CING, GA-YON PA GNYIS BRKYANGS PAS, DBANG PHYUG
DMAR PO DANG, KHYAB 'JUG SNGON PO GNYIS MNAN NAS ME DPUNG RAB TU 'BAR BA'I DBUS NA BZHUGS PA, SHAR DU RDO RJE LAS BYED MA SNGON MO, LHOR GSHIN RJE LAS BYED MA NAG MO, NUB TU KLU'I LAS BYED MA DMAR MO, BYANG DU GNOD SBYIN LAS BYED MA SER MO, BZHI GA'ANG ZHAL GCIG PHYAG GNYIS MA, GA-YAS GRI GUG DANG, GA-YON THOD KHRAG 'DZIN PA, KHRO ZHING RNGAMS PA, YE SHES KYI ME 'BAR BA'I DBUS NA BZHUGS PA, GTZO 'KHOR LNGA'I SPYI BOR AOm DKAR PO, MGRIN PAR A'A: DMAR PO, THUGS KAR NYI GDAN LA HR'I: YIG H'Um GIS MTSAN PA'I MTHAR SNGAGS KYIS BSKOR BA, THUGS KA'I H'Um GI 'OD ZER GYIS YE SHES PA DBANG LHA DANG BCAS PA SPYAN DRANGS, AOm SARBA TA TH'A GA TA AARGHAm NAS SHAPTA'I BAR GYIS MCHOD, DZA: H'Um BAm HO: DAM TSIG PA DANG GNYIS SU MED PAR GYUR, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES GSUNG ZHING DBANG BSKUR, 'OD DPAG MED KYIS DBU BRGYAN PAR GYUR, MCHOD PA NANG MCHOD SOGS BLA MED LTAR BYIN GYIS BRLABS, AOm PADM'A NTi KRATA SA PA RI W'A RA AARGHAm NAS SPARSHA PRA T'I TZTSA H'Um SV'AH'A'I BAR GYIS MCHOD, 'BRU GSUM GYIS NANG MCHOD 'BUL, DUS GSUM BDE GSHEGS THAMS CAD KYI, ,MTHU STOBS GCIG BSDUS RDO RJE 'DZIN, ,DBANG GI RGYAL PO RTA MCHOG DPAL, ,
, ,DRAN PAS BGEGS 'JOMS KHYOD LA 'DUD, CES PAS BSTOD, DE NAS RANG GI SNYING GAR HR'I:'I MTHAR SNGAGS KYIS BSKOR BA YI GE 'BAR BA'I GZUGS LA DMIGS PA'I DAM TSIG GI BZLAS PA'AM, YANG NA SNGAGS PHRENG LAS BSKAL PA'I ME DPUNG LTA BU'I 'OD ZER 'BAR BA 'PHROS, KHAMS GSUM GYI BRTEN GA-YO THAMS CAD SBYANGS NAS ME LCE GCIG TU 'BAR, GDON BGEGS 'BYUNG PO THAMS CAD GZHOB THUL GYIS BSREGS PAR BSAMS LA, AOm HA HA HO HO TRAm TRAm HRIm HRIm H'Um H'Um PHAt PHAt, CES SNYING PO DANG, AOm BADZRA KRO DHA HA YA GR'I WA HU LU HU LU H'Um PHAt, CES PA NYE SNYING STE, BSNYEN GRANGS 'BRU 'BUM MO, ,LAS BYED MA BZHI'I SNGAGS NI RIM BZHIN, BADZRA SHVA nA SA MA YA, YA MA SHVA nA SA MA YA, N'A GA SHVA nA SA MA YA, KHA RAG SHVA nA SA MA YA, ZHES PA'O, ,MJUG TU, 'DI YI DGE BAS TSE RABS THAMS CAD DU, ,BAR GCOD BDUD BZHI'I GA-YUL LAS RNAM RGYAL TE, ,KHRO RGYAL RTA MCHOG DPAL GYI SKU THOB NAS, ,'GRO KUN SKAD CIG NYID LA SGROL NUS SHOG ,CES PA SNGO BA SMON LAM CI RIGS BYA, THUN MTSAMS SU GTOR MA 'BUL NA, BSANGS SBYANGS BYIN GYIS BRLABS, YE SHES KYI DKYIL 'KHOR MDUN DU SPYAN DRANGS, AA K'A ROS PHUL, MCHOD BSTOD, 'DOD DON LA GSOL BA 'DEBS PA SOGS BYA, GDON SO SO'I GNYEN PO'I SNGAGS BZLA NA, JO BO CHEN POS
MDZAD PA'I SGRUB THABS LTAR BYA'O, ,BAR CHAD BDUD KYI GNOD PA BZLOG PA LA, ,RDO RJE'I THOG DANG MTSUNGS PA LHAG PA'I LHA, ,DE YI SGRUB THABS MAR ME MDZAD DPAL GYIS, ,MDZAD PA'I LUGS BA'ANG JI BZHIN BSGRIGS PA 'DI; ;DAM PA LHA DBANG PHYOGS LAS RNAM RGYAL GYI, ,BKA' BZHIN BLO BZANG CHOS KYI RGYAL MTSAN GYIS, ,DPAL LDAN 'BRAS SPUNGS CHOS KYI SDE CHEN POR, ,BKOD 'DIS BLO BZANG BSTAN PA RGYAS GYUR CIG , ,,