*, ,NA MO GU RU BADZRA P'A nI YE, 'DIR GSANG BA'I BDAG PO 'KHOR LO CHEN PO BSGRUB PAR 'DOD PAS, ,SKYABS 'GRO SEMS BSKYED TSAD MED BZHI BSGOM PA SNGON DU BTANG NAS, SVA BH'A WAS SBYANGS, STONG PA'I NGANG LAS PAm LAS SNA TSOGS PADMA 'DAB MA BRGYAD PA'I DBUS SU, TSANGS PA DANG BRGYA BYIN GA-YAS GA-YON DU BSGYEL MA'I NGOR PAD GDAN ZLA NYI'I STENG DU, SPRUL PA MI PHYED RDO RJE RTZE LNGA PA H'Um GIS MTSAN PA LAS 'OD 'PHROS, DON GNYIS BYAS, 'DUS, RDO RJE LA THIM PA YONGS SU GYUR PA
, ,LAS, RANG NYID SANGS RGYAS 'KHOR LO CHEN PO GOS SNGON PO CAN, SKU MDOG MTHING NAG ZHAL GSUM PHYAG DRUG PA, ZHABS GA-YAS BSKUMS SHING GA-YON BRKYANGS PA, RTZA ZHAL MTHING GA CHAR SPRIN LTAR GNAS PA, GA-YAS ZHAL DUNG LTAR DKAR ZHING YA SOS MA MCHU MNAN PA, GA-YON ZHAL PADMA R'A GA LTAR DMAR BA'I MDANGS CAN, ZHAL GSUM ZLA BA'I DKYIL 'KHOR LTAR RGYAS PA, ZHAL RE RE'ANG DMAR LA ZLUM PA'I SPYAN GSUM GSUM ME'I PHUNG PO 'DRA BA, SMIN MA DANG DPRAL BA'I MTSAMS SU KHRO GNYER BSDUS SHING SHIN TU KHROS PA, LJAGS 'DRIL ZHING MCHE BA GTZIGS PA, H'Um H'Um DANG AA LA LA'I SGRA CHEN PO 'BRUG LTAR PHYOGS BCUR SGROG CING DBUGS ME LCE LTAR RAB TU 'BAR BA, DBU SKRA KHAM SER GYEN DU BRDZES PA, RAL PA'I COD PAN LA MI BSKYOD PAS BRGYAN PA, LTO BA YANGS SHING GSUS PA'I SMAD 'KHYIL BA, PHYAG GA-YAS KYI DANG POS KHRO BO'I RDO RJE RTZE LNGA PA 'PHYAR ZHING, GA-YON GYI DANG POS SDIGS MDZUB MDZAD PA, BAR PA GNYIS THAL MO'I SGRA SGROG PAS YUM LHA MO MDZES LDAN MA SNGON MO GRI THOD 'DZIN PA LA 'KHYUD PA, THA MA GNYIS KYIS GDOL PA'I RIGS STOBS RGYU DANG, RIGS LDAN NAG PO'I SKED PA NAS BZUNG STE MGO BO RTZA ZHAL DU GSOL ZHING, MJUG MA ZHABS 'OG TU
MNAN PA, GOS SNGON PO'I STOD GA-YOGS DANG, STAG GI PAGS PA'I SHAM THABS 'PHYAR BA, YE SHES KYI ME DPUNG RAB TU 'BAR BA'I DBUS NA BZHUGS SHING SEMS DPA' GSUM GYI BDAG NYID CAN DU GYUR PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, DE LAS 'OD ZER 'PHROS BSGOMS PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: GNYIS SU MED PAR GYUR; DBANG GI LHAS DBANG BSKUR, MI BSKYOD PAS DBU BRGYAN PAR GYUR, MCHOD PA BLA MED LTAR BYIN GYIS BRLABS LA, AOm BADZRA P'A nI SA PA RI W'A RA AARGHAm NAS SHAPTA'I BAR GYIS MCHOD, AOm A'A: H'Um HR'I: HA HO HR'I: SA, NANG MCHOD BYIN GYIS BRLABS TE 'BUL, STOBS PO CHE LA DRAG SHUL CHE, ,RIGS SNGAGS RGYAL PO DGE BA CAN, ,GDUL DKA' PO DAG 'DUL BA PO, ,RDO RJE 'DZIN LA PHYAG 'TSAL LO, ,ZHES PAS BSTOD, MAN NGAG BZHIN TING NGE 'DZIN LAS MA YENGS PAR, AOm N'I L'Am WA RA DHA RA BADZRA P'A nI HRi DA YA MAH'A KRO DH'A SATVA H'Um PHAt, CES PA SNYING PO DANG, AOm N'I L'Am WA RA DHA RA BADZRA P'A nI R'A DZNYA PA YA TI SV'AH'A, ZHES PA'I NYE SNYING CI MANG BZLAS LA; MJUG TU DGE BA RDZOGS BYANG DU BSNGO'O, ,ZHES PA 'DI YANG 'GA' ZHIG LA PHAN PA'I BSAM PAS, SH'AKYA'I BTZUN PA BLO BZANG CHOS KYI RGYAL MTSAN GYIS BKOD PA'I YI GE PA NI ZHA LU BA TSE RING CHOS
, ,'PHEL LO,, ,,