*, ,NA MO RATNA TRA
, ,Y'A YA, RJE BTZUN RNAL 'BYOR MA'I BSKYED RDZOGS KYI SNYING PO BSGOM PAR 'DOD PAS SKYABS 'GRO SEMS BSKYED TSAD MED BZHI SNGON DU BTANG, SEMS CAN THAMS CAD KYI DON DU MYUR BA MYUR BAR SANGS RGYAS KYI GO 'PHANG THOB PAR BYA, DE'I PHYIR DU RJE BTZUN MA'I RNAL 'BYOR NYAMS SU LEN SNYAM DU BSAM, RANG GI SPYI BOR RTZA BA'I BLA MA RDO RJE 'CHANG GI RNAM PA CAN BZHUGS PAR GYUR, DUS GSUM SANGS RGYAS THAMS CAD KYI NGO BO BLA MA RIN PO CHE LA GSOL BA 'DEBS SO, ,ZHES MOS GUS DRAG POS GSOL BA MANG DU BTAB PA'I MTHAR BLA MA RANG LA THIM PA SNYING GAR BAm YIG TU GYUR PA LAS 'OD 'PHROS, DON GNYIS BYAS, 'DUS, BAm LA THIM PA YONGS SU GYUR PA LAS, RANG NYID RJE BTZUN RDO RJE RNAL 'BYOR MA SKU MDOG DMAR MO ZHAL GCIG PHYAG GNYIS MA GA-YAS GRI GUG THUR DU GDENGS SHING, GA-YON THOD PA BDUD RTZIS GANG BA ZHAL DU GSOL BA'I MTSAN KHUNG NA KHA tV'Am GA BSNAMS PA, DBU SKRA BSIL BUR BAB CING GCER MO RUS PA'I RGYAN GYIS BRGYAN PA, ZHABS GA-YAS BRKYANGS SHING GA-YON BSKUMS PAS 'JIGS BYED DANG DUS MTSAN MNAN NAS YE SHES KYI ME 'BAR BA'I DBUS NA BZHUGS PA'I SPYI BOR AOm, MGRIN PAR A'A: THUGS KAR H'Um GIS MTSAN PA'I 'OD ZER GYIS, BSGOM PA DANG 'DRA BA'I YE SHES PA DPA' BO DANG
MKHA' 'GRO'I TSOGS DBANG LHA DANG BCAS PA SPYAN DRANGS, PHEEm, ,DZA: H'Um BAm HO: GNYIS SU MED PAR GYUR, DBANG LHAS DBANG BSKUR, RNAM SNANG GIS DBU BRGYAN PAR GYUR, MCHOD PA DANG NANG MCHOD 'BRU GSUM GYIS BYIN GYIS BRLABS LA, AOm SARBA TA TH'A GA TA BADZRA B'A R'A H'I SA PA RI W'A RA AARGHAm NAS SHAPTA'I BAR GYIS MCHOD, AOm A'A: H'Um GIS NANG MCHOD PHUL, DPAL LDAN YE SHES MKHA' 'GRO MA, ,MKHA' 'GRO MA YI 'KHOR LO BSGYUR, ,YE SHES LNGA DANG SKU GSUM NYID, ,'GRO BA SKYOBS LA PHYAG 'TSAL LO, ,ZHES BSTOD, RANG GI SNYING GAR ZLA GDAN LA, BAm H'Um GIS MTSAN PA'I MTHAR, AOm AOm AOm, SARBA BUDDHA d'A KI N'I BADZRA BARnnA N'I YE BADZRA BEE RO TZA N'I YE H'Um H'Um H'Um PHAt PHAt PHAt SV'AH'A, ZHES PAS BSKOR BA LA DMIGS NAS SPRO ZHING BSDU BAS SNGAGS DE NYID MANG DU BZLA ZHING RTZE GCIG TU BSGOM MO, ,'DI'I RDZOGS RIM BSGOM PAR 'DOD NA BZLAS PA'I MJUG TU RANG RJE BTZUN MAR GSAL BA'I RTZE GSUM 'KHOR LO BZHI LDAN DU GSAL BA'I SNYING GA'I DBU MA'I NANG DU MI GSHIGS PA'I THIG LE DGA' BA 'KHYIL BA DKAR DMAR 'OD 'BAR BA LA SEMS ZHUGS PA BZHIN DU BYAS NAS BYING RGOD DANG BRAL BAR RTZE GCIG TU BSGOM ZHING, MJUG TU DGE BA BSNGO'O, ,'DI NI SHIN TU ZAB PAS GSANG STE NYAMS SU LEN NO, ZHES MANYDZU SHR'I CHOS RJES BSKUL NAS MDO RGYUD MAN NGAG 'DZIN
, ,PA RGYAL KHAMS PA SH'AKYA'I DGE SLONG BLO BZANG CHOS KYI RGYAL MTSAN GYIS DPAL LDAN 'BRAS SPUNGS KYI GZIMS CHUNG NYI 'OD 'KHYIL BAR SBYAR BA'O,, ,,