*, ,NA MO TZAKRA SAMBA R'A YA, 'DIR DPAL 'KHOR LO BDE MCHOG DKAR PO'I SGO NAS TSE BSGRUB PAR 'DOD PAS, SKYABS 'GRO SEMS BSKYED TSAD MED BZHI BSGOM PA SNGON DU BTANG NAS, SEMS CAN THAMS
, ,CAD KYI DON DU SANGS RGYAS THOB PAR BYA, DE'I PHYIR DU DPAL 'KHOR LO BDE MCHOG BSGRUB PA'I RNAL 'BYOR NYAMS SU LEN SNYAM PA GSUM SOGS BYA'O,, DE NAS SVA BH'A WAS STONG PAR SBYANGS, STONG PA'I NGANG LAS SNA TSOGS PADMA DANG NYI MA'I STENG DU H'Um DKAR PO DANG HR'I: DMAR PO DE LAS 'OD 'PHROS, DON GNYIS BYAS, TSUR 'DUS, YONGS SU GYUR PA LAS, RANG NYID DPAL 'KHOR LO BDE MCHOG SKU MDOG DKAR PO ZHAL GCIG PHYAG GNYIS KYIS 'CHI MED BDUD RTZIS GANG BA'I BUM PA RE RE BZUNG NAS YUM LA 'KHYUD PA, YUM RDO RJE RNAL 'BYOR MA ZHAL GCIG PHYAG GNYIS KYIS BDUD RTZIS GANG BA'I THOD PA RE RE BZUNG NAS YAB LA 'KHYUD PA, GNYIS KA'ANG RUS PA DANG RIN PO CHE'I RGYAN SNA TSOGS PAS SPRAS PA, DAR BZANG PO'I STOD GA-YOGS DANG SMAD GA-YOGS LEGS PAR GSOL BA, MTSAN DANG DPE BYAD KYIS SPRAS PA, SKU LAS SKYES PA'I 'OD KYI PHUNG PO'I DBUS NA YAB RDO RJE'I SKYIL KRUNG DANG, YUM PADMA'I SKYIL KRUNG GIS BZHUGS PA, DE GNYIS KYI SPYI BOR AOm, MGRIN PA A'A: THUGS KAR H'Um, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA DANG DBANG GI LHA SPYAN DRANGS, DZA: H'Um BAm HO: DBANG GI LHAS DBANG BSKUR, YAB LA MI BSKYOD PA DANG, YUM LA
RNAM SNANG GIS DBU BRGYAN PAR GYUR, RGYAL BA KUN GYI YE SHES GCIG BSDUS NAS, ,DRAN PAS TSE DANG YE SHES MCHOG STZOL BA'I, ,KHYAB BDAG 'KHOR LO SDOM PA YAB YUM LA, ,LUS NGAG YID GSUM GUS PAS PHYAG 'TSAL LO, ,AOm SHR'I HE RU KA SA PA RI W'A RA AARGHAm NAS, SHAPTA'I BAR GYIS MCHOD, AOm A'A: H'Um GIS NANG MCHOD PHUL, DE NAS RANG GI THUGS KAR NYI MA'I DKYIL 'KHOR GYI STENG DU 'CHI MED BDUD RTZIS GANG BA'I BUM PA'I DBUS SU RDO RJE RTZE LNGA PA'I LTE BA'I NANG DU, ZLA GDAN LA GNAS PA'I NANG GI SEMS H'Um YIG DKAR PO DE'I STENG DU BLA MA DANG DBYER MI PHYED PA'I YI DAM YAB YUM SNYOMS PAR ZHUGS PA'I BYANG CHUB KYI SEMS KYI RGYUN GYIS H'Um YIG LA KHRUS GSOL BAS, SDIG SGRIB DANG NAD GDON TSE'I BAR CHAD THAMS CAD DAG PAR BSAM, H'Um YIG GI MTHA' SKOR DU SNGAGS KYI PHRENG BAS BSKOR BA LAS 'OD ZER 'PHROS PAS, H'Um YIG GI NANG GANG BAR BSAMS LA, AOm HR'I: HA HA HUm H'Um PHAt, TSE LA SRUNGS SHIG SV'AH'A, ZHES CI MANG BZLAS PAS, GNAS SKABS SU 'CHI BDAG GI GA-YUL LAS RGYAL ZHING, MTHAR THUG 'KHOR LO BDE MCHOG GI GO 'PHANG MYUR DU THOB PAR 'GYUR RO, ,ZHES PA NI SH'AKYA'I BTZUN PA BLO BZANG CHOS KYI RGYAL MTSAN GYIS, DRUNG RAM PA BZANG PO RGYAL MTSAN LA GDAMS PA'O,, ,,