*, ,DGE SLONG CHOS SMRA BA BLO BZANG CHOS KYI RGYAL MTSAN GYI NGAG THOR BU BA PHYOGS GCIG TU BSGRIGS PA LAS 'BYUNG BZHI GTOR MA CHAB GTOR SU R'U PA BCAS BZHUGS SO,,
, ,NA MO GU RU MANYDZU GHO sh'A YA, 'BYUNG BZHI GTOR MA GTONG BAR 'DOD PAS, GTOR SNOD RNAMS SU RIM PA BZHIN, GTOR MA ZAN LEB BYAS PA'I ZLA KHAM GRU GSUM, ZLUM PO, GRU BZHI'I DBYIBS CAN DANG, ZAN RIL RNAMS BSHAMS, SNOD GCIG TU BYED NA ZLUM GTOR DBUS SU BYAS PA'I MDUN NAS GA-YAS BSKOR DU 'GOD CING NAD PA'I PHYIR YIN NA GLUD KYI GZUGS KYANG BYA'O, ,DE NAS SKYABS 'GRO SEMS BSKYED TSAD MED BZHI SNGON DU BTANG, SVA BH'A WAS STONG PAR SBYANGS, 'JUG PA BDE BA'I PHYIR 'DI LTAR BRJOD CING BSAM MO, ,BDAG DANG RANG GI MDUN GYI MKHA' DBYINGS SU, ,RIN CHEN KHRI STENG PADMA NYI ZLA DANG, ,KRishnA SA RA'I PAGS STENG DUS GSUM GYI, ,
, ,RGYAL BA'I NGO BO DAM PA RGYA GAR LA, ,BDE GSHEGS RIGS LNGA SKYABS GSUM BKA' SDOD BCAS, ,'KHOR TSOGS RGYA MTSOS BSKOR NAS BZHUGS PAR GYUR, , RANG BZHIN GNAS NAS BSGOMS PA DANG 'DRA BA'I, ,YE SHES SPYAN DRANGS BDAG MDUN GNYIS KAR THIM, ,GANG ZHIG BSOD NAMS MTHU LAS GRUB PA'I SKU, ,YON TAN DU MA'I TSOGS KYIS RAB BRGYAN CING, ,BLTA BAS MI NGOMS MTSAN DPE'I DPAL 'BAR BA, ,RTZOD MED DAM PA'I ZHABS LA PHYAG 'TSAL LO, ,DNGOS BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA RJES YI RANG, ,'KHOR BA MA STONGS BAR DU LEGS BZHUGS NAS, , 'GRO LA CHOS KYI 'KHOR LO BSKOR BA DANG, ,BDAG GZHAN DGE BA BYANG CHUB PHYIR BSNGO'O, ,RJE BTZUN DAM PA SANGS RGYAS NYI ZLA LTAR, ,YONGS GRAGS 'DZAM GLING RGYAN GCIG
MI PHAM MGON, ,GSOL BA 'DEBS SO BDAG DANG SEMS CAN RNAMS, ,BSRUNG SKYOB MDZAD CING DNGOS GRUB MA LUS STZOL, ,GTOR MA RNAMS AA MRi TAS BSANGS, SVA BH'A WAS SBYANGS, STONG PA'I NGANG LAS BHR'Um LAS RIN PO CHE'I SNOD YANGS SHING RGYA CHE BA RNAMS KYI NANG DU YAm RAm BAm LAm LAS BYUNG BA'I 'BYUNG BZHI SO SO'I GTOR MA KHA DOG DRI RO NUS PA'I YON TAN MTHA' YAS PA RGYA NAM MKHA' DANG MNYAM PA, DUS 'KHOR BA JI SRID DU GNAS PA, 'DOD YON LNGA DANG LDAN PA'I BDUD RTZI'I RGYA MTSO CHEN POR GYUR, AOm A'A: H'Um LAN GSUM GYIS BYIN GYIS BRLABS, DE NAS THOG MAR ZLA KHAM GZUGS KYI GTOR MA LA DMIGS TE, AOm tA thA dA dHA nA YAm, AO AOO SV'A H'A, LAN GSUM MAM BDUN GYIS BSNGO, AARGHAm NAS, SHAPTA'I BAR GYIS MCHOD, YAm LAS BYUNG BA'I RLUNG RDZAS BEE d'U RYA'I, ,MDOG CAN YANG ZHING GA-YO BA'I GTOR MA'I TSOGS, ,'DOD YON LNGA LDAN BDUD RTZI'I RGYA MTSO 'DI, ,BLA MA RDO RJE SEMS DPA' YI DAM LHA, ,MKHA' 'GRO CHOS SKYONG SANGS RGYAS CHOS TSOGS DANG, ,KHYAD PAR SHAR PHYOGS RDO RJE SEMS DPA' YI, ,LHA TSOGS 'KHOR DANG BCAS LA MCHOD PAR 'BUL, ,BZHES NAS BDAG CAG 'BYUNG BZHI SNYOMS PA DANG, SNANG BA RTEN 'BREL 'CHAR ZHING RTEN 'BREL GYI, ,SGO NAS 'GRO DON MTHA' YAS 'GRUB
, ,PAR MDZOD, ,KHYAD PAR BDAG DANG MAR GYUR SEMS CAN GYI, ZHES PA'I, 'GRO BA CHE GE MO'I SOGS SKABS DANG SBYAR, NYON MONGS ZHE SDANG GTI MUG ZHI BA DANG, ,RLUNG NANG RGYAL 'GONG LHA YI GDON RNAMS DANG, ,SHAR PHYOGS DRI ZA'I GDON RNAMS ZHI BAR MDZOD, CES 'PHRIN LAS BCOL, DE NAS GRU GSUM LA DMIGS TE, AOm TZA TSA DZA DZHA NYA RAm, AE AEE RAm R'i SV'A H'A, GSUM MAM BDUN GYIS BSNGO, SNGAR BZHIN MCHOD, RAm LAS BYUNG BA'I ME RDZAS LI KHRI YI, ,MDOG CAN TSA ZHING 'BAR BA'I GTOR MA'I TSOGS, ,'DOD YON, ,BLA MA RIN CHEN 'BYUNG LDAN, ,MKHA' 'GRO, ,KHYAD PAR LHO PHYOGS RIN CHEN 'BYUNG LDAN GYI, , LHA TSOGS, ,BZHES NAS, ,SNANG BA, ,SGO NAS, ,KHYAD PAR, ,NYON MONGS NGA RGYAL SER SNA ZHI BA DANG, ,MKHRIS NAD BDUD BTZAN PHO YI GDON RNAMS DANG, ,LHO PHYOGS GSHIN RJE'I GNOD PA ZHI BAR MDZOD, CES 'PHRIN LAS BCOL, DE NAS ZLUM PO LA DMIGS NAS, AOm PA PHA BA BHA MA BAm, AU A'U SV'A H'A, GSUM MAM BDUN GYIS BSNGO, SNGAR LTAR MCHOD, BAm LAS BYUNG BA'I CHU RDZAS ZLA SHEL GYI, ,MDOG CAN BRLAN ZHING GSHER BA'I GTOR MA'I TSOGS, ,'DOD YON, ,BLA MA SNANG BA MTHA' YAS, ,MKHA' 'GRO, ,KHYAD PAR NUB PHYOGS SNANG BA MTHA' YAS KYI, ,LHA TSOGS, ,BZHES NAS, ,SNANG BA, ,SGO NAS, ,KHYAD PAR, ,NYON MONGS
'DOD CHAGS MA LUS ZHI BA DANG, ,GRANG NAD DAM SRI MO GDON GNOD PA DANG, ,NUB PHYOGS KLU GDON ZHI BAR MDZAD DU GSOL, ZHES 'PHRIN LAS BCOL, DE NAS GRU BZHI LA DMIGS TE, AOm TA THA DA DHA NA LAm, Li L'i AI A'I SV'A H'A, GSUM MAM BDUN GYIS BSNGO, SNGAR BZHIN MCHOD, LAm LAS BYUNG BA'I SA RDZAS GSER SBYANGS KYI, ,MDOG CAN SRA ZHING MTHAS PA'I GTOR MA'I TSOGS, ,'DOD YON, ,BLA MA DON YOD GRUB PA, ,MKHA' 'GRO, KHYAD PAR BYANG PHYOGS DON YOD GRUB PA YI, ,LHA TSOGS, ,BZHES NAS, ,SNANG BA, ,SGO NAS, ,KHYAD PAR, ,NYON MONGS PHRAG DOG MA LUS ZHI BA DANG, ,BAD KAN NAD DANG LTO 'PHYE'I GDON RNAMS DANG, ,BYANG PHYOGS GNOD SBYIN GDON RNAMS ZHI BAR MDZOD, ,DE LTAR BZHI PO SO SOR BSNGOS NAS, GTOR MA LNGA PA DE MGRON SPYI DANG, KHYAD PAR LAN CHAGS LA, AA K'A RO, LAN GSUM GYIS BSNGO, AARGHAm SOGS KYIS MCHOD, PHUN TSOGS 'DOD YON LNGA LDAN PA'I, ,BDUD RTZI'I RGYA MTSO'I GTOR MA 'DI, ,THOG MA MED NAS DA LTA'I BAR, ,BSAD DANG BCINGS DANG BRDEG PA DANG, ,PHROGS DANG BRKUS LA SOGS PA YI, ,LAN CHAGS SHA 'KHON GNYER BA DANG, ,BU LON CHAGS PA RNAMS LA BSNGO, ,MCHOD SBYIN GTOR MAS TSIM GYUR NAS, ,LAN CHAGS SHA 'KHON MA LUS BYANG, ,BU LON RNAMS KYANG KHYER GYUR NAS, ,MYUR DU RDZOGS PA'I SANGS RGYAS KYI, ,GO 'PHANG DAM PA THOB PAR SHOG ,RGYUN PAR CHOS
, ,SBYIN DANG BSNGO BA SMON LAM BYA, NAD PA LA PHAN PHYIR GLUD GZUGS DANG BCAS PA BYED NA LAN CHAGS KYI MJUG DER, KYEE, 'BYUNG BA DANG PO RUS PA'I GLUD, ,RUS PA'I GLUD 'DI RDOL GTONG, ,RDO LA GNAS PA'I LHA 'DRE RNAMS, ,GLUD DANG GTOR MA 'DI LONG LA, ,'KHON DANG GNOD PA MA BYED CIG ,SHA YI GLUD 'DI SA LA GTONG, ,SA LA, ,GLUD DANG, ,'KHON DANG, ,KHRAG GI GLUD 'DI CHU LA GTONG, ,CHU LA, ,GLUD DANG, ,'KHON DANG, ,DROD KYI GLUD 'DI ME LA GTONG, ,ME LA, ,GLUD DANG, ,'KHON DANG, ,DBUGS KYI GLUD 'DI RLUNG LA GTONG, ,RLUNG LA, ,GLUD DANG, ,'KHON DANG, ,SEMS KYI GLUD 'DI MKHA' LA GTONG, ,MKHA' LA, ,GLUD DANG, , 'KHON DANG, ,PHYI LTAR BLTAS NA DRI SMAN LNGA, ,NAD LTAR BLTAS NA RIN CHEN LNGA, ,GSANG BA YE SHES MKHA' 'GRO LNGA, ,RGYU SBYOR BDAG CAG 'KHOR BCAS KYI, ,GLUD DANG GTOR MA 'DI LONG LA, ,'KHON GNOD MA BYED RANG GNAS SONGS CES ZLUM GTOR GLUD DANG BCAS PA NAM MKHAR 'THOR BA'AM, SA GTZANG SAR, GRU BZHI BYANG, ZLUM PO NUB, GRU GSUM LHO, ZLA KHAM SHAR PHYOGS SU BSKYAL LO, ,SMRAS PA, SPRUL PA'I SKYES MCHOG DAM PA RGYA GAR GYI, ,'BYUNG BZHI GTOR MA'I RTEN 'BREL THABS MKHAS KYIS, ,'BYUNG BZHI 'KHRUGS PA'I NYAM THAG 'GRO BA LA, ,BDE MDZAD BDUD RTZI'I CHAR RGYUN PHAB PA BZHIN, ,NAD RIMS GDON BGEGS
MDA' CHAR MI BZAD PA, ,SKYOB BYED RDO RJE'I GO CHA DAG DANG MTSUNGS, ,DON BSDUS SPEL LEGS SNYING POR DRIL BA YI, ,CHOG BSGRIGS ME TOG GSAR PA'I PHRENG MDZES 'DI, ,BSLAB GSUM LDAN PA'I DGE SLONG RI KHROD PAS, ,LHAG BSAM DAG PAS YANG YANG BSKUL BA'I NGOR, ,MDO RGYUD MAN NGAG 'DZIN PA'I SPONG BA PA, ,BLO BZANG CHOS KYI RGYAL MTSAN ZHES BYAS BKOD,, ,,*, ,CHAB GTOR SH'AKYA THUB PA MA GTONG BAR 'DOD PAS, SKYABS 'GRO SEMS BSKYED BYAS TE, RANG NYID SKAD CIG GIS PAD ZLA'I GDAN LA, DPAL RGYAL BA SH'AKYA SENG GE SKU MDOG GSER BTZO MA LTA BU ZHAL GCIG PHYAG GNYIS SA GNON DANG MNYAM GZHAG GI PHYAG RGYA CAN, MTSAN BZANG PO SUM CU RTZA GNYIS DANG DPE BYAD BZANG PO BRGYAD CUS SPRAS PA 'OD 'DOM GANG BA, 'OD ZER MTHA' YAS PA 'PHRO BA, NA BZA' CHOS GOS GSUM DANG LDAN PA'I THUGS KAR ZLA BA'I DKYIL 'KHOR GYI STENG DU, TADYA TH'A AOm MU NE MU NE MAH'A MU NA YE SV'A H'A, ZHES PA'I SNGAGS PHRENG LA DMIGS PA GTAD DE, CI RIGS PA BZLAS NAS, AARGHAm SOGS KYIS MCHOD LA, KHAMS GSUM PA YI 'GRO KUN GYI, ,NGAN SONG THAMS CAD SBYONG MDZAD CING, ,CHOS KYI 'KHOR LO BSKOR MDZAD PA, ,SH'AKYA SENG GE DE LA 'DUD, CES BSTOD, LAG PA GA-YAS RTZE GSUM GYI PHYAG RGYA BYAS PA GTOR MA LA GTAD NAS, AOm SARBBA KA RI H'Um, ZHES PA LAN
, ,GSUM BRJOD NAS, SNOD THAMS CAD RIN PO CHE'I SNOD YANGS SHING RGYA CHE BA STONG GSUM DANG MNYAM PAR GYUR, CES BRJOD, PHYAG RGYA DE NYID GTAD DE, AOm SARBBA SIDDHI H'Um, GSUM BYA, BCUD THAMS CAD LHA RDZAS KYI BDUD RTZIS, NAM MKHA'I KHAMS THAMS CAD KHENGS PAR GYUR, CES BRJOD, 'KHOR 'DAS KYI MGRON RNAMS KYIS GTOR MA GSOL BAS MNYES SHING TSIM PAR BSAMS LA, NA MA: SARBA TA TH'A GA TA, AA BA LO KI TE, AOm SAMBHA RA, SAMBHA RA H'Um, ZHES SNGAGS BDUN BRJOD NAS, MGRON 'PHAGS PA RNAMS MCHOD PAS MNYES GYUR CIG ,DAM CAN RNAMS THUGS DAM SKONGS GYUR CIG ,RIGS DRUG RNAMS GTOR MAS TSIM GYUR CIG , LAN CHAGS RNAMS BU LON KHYER GYUR CIG ,CES PA'I RJES SU, TING 'DZIN SNGAGS DANG PHYAG RGYAS BYIN BRLABS PA'I, ,MCHOD SBYIN GTOR MA 'DOD YON LNGA LDAN GYI, ,RTZA BRGYUD BLA MA DUS GSUM BDE GSHEGS LA, , MCHOD PA PHUL BAS SDIG SGRIB BYANG BAR SHOG ,LHA DANG SLOB DPON DUS GSUM PHA MA LA, ,MCHOD PA PHUL BAS BSOD NAMS THOB PAR SHOG ,BSTAN PA BSRUNG BA'I CHOS SKYONG BSRUNG MA LA, ,GTOR MA PHUL BAS STONGS GROGS BYED PAR SHOG ,RIGS DRUG LAS KYIS BSDUS PA'I SEMS CAN LA, ,SBYIN PA BTANG BAS BDE SKYID LDAN PAR SHOG ,TSE RABS BGRANGS PA'I LAN CHAGS GDON BGEGS LA, ,BU LON BCAL BAS LAN CHAGS
KHYER BAR SHOG ,YUL PHYOGS GNAS PA'I GNAS BDAG GZHI BDAG LA, ,BSNGOS SHING BSHAMS PAS 'KHON 'GRAS MED PAR SHOG ,RDZAS KYI DNGOS PO 'DI DAG BYIN PA YIS, ,'DOD PA'I LONGS SPYOD CHAR BZHIN 'BAB PAR SHOG ,CES BSNGOS LA CHOS SBYIN KYANG BYA, MGRON RNAMS MI DMIGS PAR BSAMS LA, GTOR MA SA GTZANG SAR DOR ZHING BSNGO BA DANG SMON LAM BYA'O, ,ZHES PA 'DI YANG BTZUN PA BLO BZANG CHOS KYI RGYAL MTSAN GYIS SBYAR BA'O,, ,,*, ,SU R'U PA GTONG BAR 'DOD PAS, SKYABS 'GRO SEMS BSKYED SNGON DU BTANG, RANG NYID SKAD CIG GIS GZUGS MDZES SU GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BH'A WA SHUDDHA: SARBA DHARM'A: SVA BH'A WA SHUDDHO NYAHAm, STONG PA NYID DU GYUR, STONG PA'I NGANG LAS BH'Um LAS RIN PO CHE'I SNOD YANGS SHING RGYA CHE BA'I NANG DU AOm LAS GTOR MA DVANGS SHING THOGS PA MED PA ZAG PA MED PA'I BDUD RTZI'I RGYA MTSO CHEN POR GYUR, AOm A'A: H'Um LAN GSUM BRJOD, RANG GI THUGS KA'I H'Um GI 'OD ZER GYIS, YI DVAGS THAMS CAD BKUG STE BDUD RTZI'I RGYA MTSO CHEN PO LA LONGS SPYAD PAS TSIMS SHING BDE BAS RGYUD GANG BAR GYUR, NA MA: SU R'U P'A YA TA TH'A GA T'A YA AARHA TE SAMYA KA SAm BUDDH'A YA, TADYA TH'A, AOm SU RU SU RU, PRA SU RU PRA SU RU, TA RA TA RA, BHA RA BHA RA, SAMBHA RA SAMBHA RA, SMA RA SMA RA, SANTA RP'A YA, SANTA P'A YA SARBA BRE T'A N'Am SV'A H'A, LAN BDUN SOGS
, ,BRJOD, DE BZHIN GSHEGS PA RIN CHEN MANG LA PHYAG 'TSAL LO, ,DE BZHIN GSHEGS PA GZUGS MDZES DAM PA LA PHYAG 'TSAL LO, ,DE BZHIN GSHEGS PA SKU 'BYAMS KLAS LA PHYAG 'TSAL LO, ,DE BZHIN GSHEGS PA 'JIGS PA THAMS CAD DANG BRAL BA LA PHYAG 'TSAL LO, ,'JIG RTEN GYI KHAMS THAMS CAD NA GNAS PA'I YI DVAGS RNAMS LA BDAG BZA' BA 'DI STER GYI GLAGS LTA BA RNAMS PHYIR DENGS SHIG ,YI DVAGS THAMS CAD BZA' BA DANG BTUNG BA LA SOGS PA'I 'BYOR PA PHUN SUM TSOGS PA LA LONGS SPYOD PAR GYUR CIG ,BKRES PA DANG SKOM PA DANG 'PHONGS PA LA SOGS PA'I SDUG BSNGAL MTHA' DAG LAS GROL BAR GYUR CIG ,MTHO RIS DANG THAR PA'I BDE BA RNAM PAR DAG PA DANG MI 'BRAL BAR GYUR CIG ,SBYIN PA 'DI YI BSOD NAMS GANG, ,DE DAG YI DVAGS RJES 'GRO ZHING, ,YI DVAGS 'JIG RTEN RAB 'JIG NAS, ,DE KUN GNAS NAS THAR BAR SHOG ,CES SOGS BSNGO BA SMON LAM BYA'O, ,ZHES PA 'DI YANG DGE SLONG BLO BZANG CHOS KYI RGYAL MTSAN GYIS BKOD PA'O,, ,,*, ,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,