*, ,BRUL GTOR DKOR SGRIB DAG BYED ZLA SHEL CHU RGYUN BZHUGS SO,,
, ,NA MO GU RU LO KE SHVA R'A YA, RGYAL BA KUN GYI THUGS RJE'I RANG GZUGS LA, ,SPYAN RAS GZIGS ZHES MTSAN GSOL 'PHAGS MCHOG DE'I, ,ZHABS KYI PADMOR BTUD NAS DE NYID KYIS, ,LEGS GSUNGS BRUL GTOR JI LTAR BYA BA BRJOD, 'DIR 'PHAGS PA THUGS RJE CHEN POS, DPON STON SKYER SGANG PA LA DNGOS SU GNANG ZHING, BLA MA DANG DKON MCHOG GSUM GYI DKOR LA SPYAD CING 'BAGS PA DANG, KHYAD PAR BLA MA DKON MCHOG GI SKU BLUS ZOS PA SOGS KYI SGRIB PA 'DAG PA LA MCHOG TU BSNGAGS PA BRUL GTOR GTONG BAR 'DOD PAS, MDUN DU GTOR CHA LNGA'I NANG DU MTHEB SKYU GSUM GSUM CHU DANG BCAS PA BZHAG ,ZAN RIL LNGA BCU RTZA GCIG CHU DANG BCAS STA GON BYA, DGE SEMS RNAM PAR DAG PAS SKYABS 'GRO SEMS BSKYED SNGON DU BTANG, SPYAN
, ,RAS GZIGS KYI BDAG BSKYED BRGYA RTZA'I THOG MA LTAR RGYAS PA'AM, BSDU NA SKAD CIG GIS RANG NYID SPYAN RAS GZIGS KHA SARB'A nIR GSAL BA'I THUGS KA'I HR'I: YIG GI 'OD ZER GYIS SRID ZHI'I MGRON THAMS CAD SPYAN DRANGS PAR MOS LA, GAR BZHUGS RDO RJE'I PHO BRANG SO SO NAS, ,RTZA BA'I BLA MA 'PHAGS MCHOG SPYAN RAS GZIGS, ,LONGS SPRUL SANGS RGYAS BYANG SEMS DKON MCHOG GSUM, ,RIGS DRUG GNOD BYED LAN CHAGS MGRON RNAMS GSHEGS, ,AE HYE HI, KA MA LA YE STVAm, 'DOD PA'I GDAN LA BZHUGS PAR BSAM, DE YANG BRUL GTOR DNGOS GZHI MGRON TSAN GSUM LA 'BUL BA YIN KYANG, SPYAN RAS GZIGS 'DI GSUNG BA PO DANG, BA RU nA DE'I BKA' SDOD YIN PAS THOG MTHAR GTOR MA 'BUL BA PHYIS NAS DAM PA 'GAS MDZAD CING, DE GNYIS LA LUS MI 'BUL BA'I RGYU MTSAN YANG DE LTAR RO, ,DE NAS GTOR RDZAS DANG PO BRGYA RTZA LTAR BSANGS, SBYANGS, BSKYED, 'BRU GSUM GYIS BYIN GYIS BRLABS, SAMBHA RA'AM, YANG NA, GU RU A'ARYA
LO KE SHVA RA SA PA RI W'A RA BA LIm TA KHA KHA KH'A HI KH'A HI ZHES PA GSUM MAM BDUN GYIS 'BUL, AARGHAm SOGS KYIS MCHOD, 'DOD YON LNGA LDAN ZAG MED KYI, ,BDUD RTZI'I RGYA MTSO'I MCHOD GTOR 'DI, ,RJE BTZUN SPYAN RAS GZIGS DBANG GI ,LHA TSOGS 'KHOR DANG BCAS LA 'BUL, ,BZHES NAS BDAG DANG 'GRO KUN LA, ,MCHOG DANG THUN MONG DNGOS GRUB STZOL, ,GNYIS PA YANG AA MRI TAS BSANGS, SBYANGS, STONG PA'I NGANG LAS A'A: LAS BYUNG BA'I THOD PA PHYI DKAR LA NANG DMAR BA YANGS SHING RGYA CHE BA'I NANG DU, GTOR MA SHA LNGA DANG BDUD RTZI LNGA'I NGO BO ZAG PA MED PA'I YE SHES KYI BDUD RTZI'I RGYA MTSOR GYUR, ,AOm A'A: H'Um, LAN GSUM BRJOD, GTOR MA'I NANG DU ZAN RIL CHU THIGS DANG BCAS PA NYER GCIG 'JUG CING, MA nI NYER GCIG BRJOD DE 'DOD YON PHUN SUM TSOGS PA MI ZAD PA'I CHAR BABS PAR BSAMS TE SE GOL GDAB MTHAR RANG GI LUS THOD PA'I NANG DU SPAR GYIS SONG BAS BDUD RTZI DANG RO GCIG 'DRES PAR BSAMS LA, 'BRU GSUM LAN GSUM GYIS BYIN GYIS BRLABS, RTZA BRGYUD KYI BLA MA RNAMS DANG, LONGS SKU'I RNAM PA CAN GYI SANGS RGYAS BYANG SEMS CHOS BSRUNG, DPA' BO MKHA' 'GRO'I TSOGS KYIS GSOL BAS DGYES PAR BSAMS LA, SAMBHA RA NYER GCIG GIS 'BUL, AARGHAm SOGS KYIS MCHOD, 'DOD
, ,YON LNGA LDAN ZAG MED KYI, ,BDUD RTZI'I RGYA MTSO'I GTOR MA 'DI, ,RTZA BRGYUD BLA MA THAMS CAD DANG, ,RDO RJE 'CHANG DANG RIGS LNGA SOGS, ,LONGS SPYOD RDZOGS SKU MA LUS DANG, , LONGS SKU'I RNAM PA 'CHANG BA YI, ,BDE GSHEGS SRAS BCAS GNAS GSUM GYI, ,MKHA' 'GRO CHOS SKYONG RNAMS LA 'BUL, ,BZHES NAS BDAG DANG 'GRO KUN GYIS, ,THOG MED DUS NAS DA LTA'I BAR, ,DRIN CAN BLA MA'I TSOGS RNAMS KYI, ,PHYAG RDZAS DKOR LA 'BAGS PA DANG, ,SKU BLUS ZOS SHING RIN LA BSNYEGS, ,THUGS DKRUGS GSUNG BCAG SKU LA BSNGOS, ,MA DANG BRNYAS SMOD BGYIS PA YI, ,SDIG SGRIB MA LUS DAG GYUR CIG ,DENG NAS TSE RABS THAMS CAD DU, ,BSHES GNYEN DAM PAS RJES BZUNG STE, ,MYUR DU RDZOGS PA'I SANGS RGYAS KYI, ,GO 'PHANG THOB NAS 'GRO KUN LA, ,PHAN BDE BSGRUB PAR BYIN GYIS RLOBS, GNYIS PA YANG BSANGS, SBYANGS, STONG PA'I NGANG LAS PAm LAS PADMA'I SNOD YANGS SHING RGYA CHE BA'I NANG DU GTOR MA DKAR GSUM MNGAR GSUM LHA'I BDUD RTZI'I NGO BO, ZAG PA MED PA'I BDUD RTZI'I RGYA MTSOR GYUR, CES PA NAS, LUS SPAR GYIS SONG BAS BDUD RTZI DANG 'DRES, YI GE GSUM GYIS BYIN GYIS RLOBS PA'I BAR SNGAR BZHIN BYAS NAS, SH'AKYA'I RGYAL PO LA SOGS PA SPRUL SKU'I RNAM PA CAN
GYI SANGS RGYAS BYANG SEMS NYAN RANG BKA' SDOD DANG BCAS PAS GSOL ZHING DGYES PAR BSAMS LA, SAMBHA RA NYER GCIG GIS BSNGOS TE AARGHAm SOGS KYIS MCHOD, 'DOD YON LNGA LDAN ZAG MED KYI, ,BDUD RTZI'I RGYA MTSO'I MCHOD GTOR 'DI, ,SH'AKYA'I RGYAL POS THOG MA MDZAD, ,BSKAL BZANG 'DREN PA STONG LA SOGS, ,DUS GSUM PHYOGS BCUR BZHUGS PA YI, ,MCHOG GI SPRUL SKU THAMS CAD DANG, ,RGYAL SRAS 'PHAGS PA'I TSOGS RNAMS DANG, ,NYAN RANG BKA' SDOD BCAS LA 'BUL, ,BZHES NAS BDAG DANG 'GRO KUN GYIS, ,THOG MED DUS NAS DA LTA'I BAR, ,MCHOG GSUM DKOR LA SPYAD CING 'BAGS, ,SKU BLUS ZOS SHING RIN LA BSNYEGS, ,BRNYAS SMOD MTSAMS MED LNGA DANG NI, ,MI DGE BCU SOGS BGYIS PA YI, ,SDIG SGRIB MA LUS DAG GYUR CIG ,DKON MCHOG GSUM GYI THUGS RJE YIS, ,SKU GSUM GO 'PHANG MYUR THOB SHOG ,GSUM PA YANG, BSANGS, SBYANGS, BHRUm LAS RIN PO CHE'I SNOD YANGS SHING RGYA CHE BA'I NANG DU GTOR MA RANG RANG JI LTAR 'DOD PA'I 'DOD YON DANG, 'BRU DANG RIN PO CHE LA SOGS PA 'BYUNG BA'I BDUD RTZI'I RGYA MTSO CHEN POR GYUR, CES PA NAS, RANG LUS RGYANGS KYIS SONG, BDUD RTZI DANG 'DRES, BYIN GYIS RLOB PA'I BAR SNGAR LTAR BYAS NAS, RIGS DRUG ,LAN CHAGS, GDON BGEGS GNOD BYED KYI MGRON RNAMS KYIS LONGS SPYAD PAS TSIMS SHING MGU BAR BSAMS LA, SAMBHA RA BDUN NAM DGUS BSNGO
, ,ZHING, 'DI LA RIL BU CHU THIGS YIG DRUG KYANG DGU DGU BZLAS NAS SO SO'I 'DOD PA'I DNGOS PO CHAR LTAR BABS PAR BSAMS, AARGHAm SOGS KYI TSAB LA DE BZHIN GSHEGS PA BZHI'I MTSAN BRJOD, 'DOD YON LNGA LDAN ZAG MED KYI, ,BDUD RTZI'I RGYA MTSO'I MCHOD GTOR 'DI, ,MA GYUR RIGS DRUG THAMS CAD DANG, ,SHA KHON BU LON LAN CHAGS DANG, ,GNOD BYAD GDON BGEGS TSOGS LA 'BUL, ,'DOD DGU'I CHAR GYIS TSIMS GYUR NAS, ,SDUG BSNGAL LAN CHAGS BU LON DAG ,SDANG DANG GDUG PA'I BSAM SBYOR ZHI, ,BYAMS DANG SNYING RJES RGYUD PHYUG STE, ,MYUR DU SANGS RGYAS THOB PAR SHOG ,LNGA PA BA RU nA LA 'BUL 'DOD NA, SPYAN DRANGS GSAL BAR DMIGS, GTOR MA DANG PO LTAR BYIN RLABS BYAS, BA RU nA SA PA RI W'A RA BA LIm TA KHA KHA KHA HI KH'A HIS BSNGOS SHING MCHOD, 'DOD YON LNGA LDAN ZAG MED KYI, ,BDUD RTZI'I RGYA MTSO'I MCHOD GTOR 'DI, ,KLU RGYAL 'KHOR DANG BCAS LA 'BUL, ,BZHES NAS BDAG DANG 'GRO KUN LA, ,KLU GNYAN SA BDAG LAS BYUNG BA'I, ,GNOD TSE NYE BAR ZHI BAR MDZOD, CES 'PHRIN LAS 'CHOL LO, ,BRUL GTOR 'DI LA MA DAG PA MANG ZHING PHAL CHER SAMBHA RA SNGON DU BRJOD PA 'DUG KYANG, BRGYA RTZA SOGS SPYI DANG MTHUN PAR BYAS NA LEGS SHING MI 'GAL BAR SEMS SO, ,DAM PA'I ZHING LA DMIGS PA'I DAD RDZAS LA, ,BAG MED 'BAGS PA'I SDIG LDAN DE DANG DER, ,BRTZE BAS DGONGS
TE 'JIG RTEN DBANG PHYUG GIS, ,DKOR SGRIB 'DAG BYED BDUD RTZI'I RGYUN 'DI PHAB, ,DE NYID LAG LEN SNANG BA BLO LDAN GYI, ,RNAM DPYOD ZLA SHEL ME LONG NGOS BSKRUN PA'I, ,BYED PO BLO BZANG CHOS KYI RGYAL MTSAN TE, ,DGE BAS 'GRO KUN BDE DAGS KHYAB GYUR CIG ,CES PA 'DI YANG, RI KHROD PA DGE SLONG DAM CHOS PAS NAN GYIS BSKUL BA LA BRTEN NAS, BTZUN PA BLO BZANG CHOS KYI RGYAL MTSAN GYIS SRAD RIN CHEN RTZE'I RDO RJE'I GZHAL YAS SU SBYAR BA'O, , MANGGA LAm,, ,,*, ,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,,