*, ,GTOR MA BRGYA RTZA SHIN TU BSDUS PA BZHUGS SO,,
, ,NA MO GU RU LO KE SHVA R'A YA, BLA MA MCHOG DANG PHYAG NA PADMO, ,DBYER MED ZHABS LA SPYI BOS BTUD NAS, ,BAR CHAD SEL CING TSOGS GNYIS GSOG PA'I; ;THABS MKHAS BRGYA RTZA MDOR BSDUS BRI'O, ,GTOR MA BRGYA RTZA MDOR BSDUS BYA BAR 'DOD PAS, LAG LEN SOGS MTHONG BA BRGYUD PA LTAR BSHAMS TE, SKYABS 'GRO SEMS BSKYED SNGON DU BTANG, RANG NYID SKAD CIG GIS 'PHAGS PA SPYAN RAS GZIGS DBANG PHYUG TU GYUR PA'I THUGS KA'I HR'I: YIG GI 'OD ZER GYIS BSGOMS PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: RANG DANG GNYIS SU MED PAR GYUR, DBANG GI LHAS DBANG BSKUR 'OD DPAG MED KYIS DBU BRGYAN PAR GYUR, AOm
, ,A'A: H'Um GIS MCHOD PA BDUD RTZI'I RANG BZHIN DU BYIN GYIS BRLABS LA, AARGHAm NAS SHAPTA'I BAR GYIS MCHOD, SKYON GYIS MA GOS SKU MDOG DKAR, CES SOGS KYIS BSTOD, DE NAS MCHOD PA SPYI LTAR BYIN GYIS BRLABS LA, DUS GSUM PHYOGS BCUR BZHUGS PA YI, ,'JIG RTEN 'DAS DANG 'JIG RTEN PA'I, ,GTOR MGRON 'KHOR DANG BCAS PA RNAMS, MCHOD SBYIN GNAS 'DIR SPYAN 'DREN GYI, ,'DIR GSHEGS 'DOD PA'I GDAN LA BZHUGS, ,PHYAG BYAR 'OS PA THAMS CAD LA, ,ZHES SOGS KYIS PHYAG BYA, AOm AARGHAm SOGS KYIS MCHOD, ZHAL ZAS RO BRGYA LDAN PA'I YID 'PHROG PA, ,ZHES ZHAL ZAS PHUL, JI LTAR BLTAMS PA TZAM GYIS NI, ZHES SOGS DANG, AOm SARBBA TA TH'A GA TA AA BHI shE KA TA SA MA YA SHR'I A'A: H'Um GIS SKU KHRUS GSOL, 'PHAGS PA SPYAN RAS GZIGS DBANG GI ,ZHES SOGS SHLOO KA GCIG DANG, AOm A'A: HR'I: H'Um, AOm MA nI PADME H'Um, AOm DZA LA MI DAm SARBBA PRE TA BHYA: SV'AH'A, AOm DZNY'AN AA WA LO KI TE SAMANTA
SPHA RA n'A RA SMI BHA WA SA MA YA MA H'A MA nI DU RU DU RU HRID YA DZ'A LA NI SV'AH'A, ,'DOD NA MI 'KHRUGS PA'I GZUNGS KYIS BAR DO CHU SBYIN YANG BYAS TE, CHU'I SBYIN PA 'DI LA BRTEN NAS KLU'I RGYAL PO DGA' BO DANG NYER DGA' BO LA SOGS PA SRID PA CHU KLUNG GI BDAG PO DANG, GZHI BDAG GNYUG MAR GNAS PA DANG, SEMS CAN THAMS CAD KYI RGYUD LA SBYIN PA DAM PA SEMS KYI RGYAN DU GYUR CIG , (DE NAS BRGYA RTZA RNAMS RIM BZHIN BSHAMS, BSANGS SBYANGS, BYIN GYIS BRLABS, SAMBHAR BDUN BDUN NAM GSUM GSUM BRJOD KYANG BSNGOS PAS, SO SOS LONGS SPYAD CING TSIMS PAR BSAMS LA, BRGYA RTZA BZHI PA YAN LA, SAMBHA RA'I MJUG TU AARGHAm SOGS KYIS MCHOD, LNGA PA MAN CHAD AARGHAm SOGS KYI TSAB TU DE BZHIN GSHEGS PA BZHI'I MTSAN BRJOD, BRGYA RTZA DANG PO'I TSE MCHOD PA'I MJUG TU,) ,BDUD RTZI'I RGYA MTSO'I GTOR MA 'DI, ,BLA MA DKON MCHOG GSUM LA 'BUL, ,BZHES NAS BDAG DANG 'GRO KUN LA, ,MCHOG DANG THUN MONG DNGOS GRUB STZOL, (,GNYIS PA'I TSE,) BDUD RTZI'I x, CHOS BSRUNG MKHA' 'GRO'I TSOGS LA 'BUL, ,BZHES NAS ZHI RGYAS DBANG DRAG GI ,'PHRIN LAS MA LUS BSGRUB TU GSOL, (GSUM PA'I TSE,) BDUD RTZI'I x, BDEN TSIG GRUB PA RNAMS LA 'BUL, ,BZHES NAS BDAG GI BSAM DON RNAMS, ,CHOS BZHIN 'GRUB PA'I SMON LAM MDZOD, (,BZHI PA'I TSE,) BDUD RTZI'I x, LHAN SKYES NOR LHA'I TSOGS LA 'BUL, ,
, ,BZHES NAS BDAG CAG CHOS SGRUB PA'I, ,MTHUN RKYEN 'DOD DGU CHAR BZHIN PHOBS, (,LNGA PA'I TSE,) BDUD RTZI'I x, YUL LHA GZHI BDAG RNAMS LA 'BUL, ,BZHES NAS RU NGA MA MDZAD PAR; ;STONGS GROGS GNAS PO BZANG PO MDZOD, (,DRUG PA'I TSE,) BDUD RTZI'I x, GNOD SBYIN SDE BRGYAD RNAMS LA 'BUL, ,BZHES NAS BSTAN PA RGYAS PA DANG, ,'GRO LA BDE SKYID 'BYUNG BAR MDZOD, (,BDUN PA'I TSE;) BDUD RTZI'I x, GDON BGEGS 'BYUNG PO'I TSOGS LA 'BUL, ,BZHES NAS GNOD 'TSE'I SEMS BOR LA, ,MA GYUR BYAMS PAS SKYONG BAR MDZOD, (,BRGYAD PA'I TSE,) BDUD RTZI'I x, RIGS DRUG 'GRO BA'I TSOGS LA 'BUL, ,BZHES NAS SDUG BSNGAL LAS GROL TE, ,MYUR DU SANGS RGYAS THOB PAR SHOG (,DGU PA'I TSE,) BDUD RTZI'I x, YI DVAGS TSOGS RNAMS KUN LA 'BUL, ,BZHES NAS BKRES SKOM LAS GROL TE, , SBYIN PA'I PHAR PHYIN RDZOGS PAR SHOG (,BCU PA'I TSE,) BDUD RTZI'I x, LAN CHAGS GNYER BA RNAMS LA 'BUL, ,BZHES NAS LAN CHAGS BU LON KHYER, ,SHA 'KHON SGRIB GNYIS DAG GYUR CIG (,BCU GCIG PA'I TSE,) BDUD RTZI'I RGYA MTSO'I GTOR MA 'DI, ,SKAL CHAD LHAG MGRON KUN LA 'BUL, ,RANG RANG SKAL BAS TSIM GYUR NAS, ,SKU GSUM MNGON DU 'GYUR BAR SHOG (,CES BSNGOS LA,) CHOS RNAMS THAMS CAD RGYU LAS BYUNG, ,
(ZHES SOGS KYIS CHOS SBYIN DANG, BSNGO BA SMON LAM BKRA SHIS KYIS BRGYAN PAR BYA'O,) ,'DI LTAR, TSIG GIS SPROS PAS RNAM PAR DBEN KYANG, ,DON GYI SNYING PO MA TSANG MED PA, ,BRGYA RTZA'I RIM PA SNYING POR DRIL 'DI, ,'CHAG MED GTOR MA'I YI DAM BRTAN KYANG, ,SNA MANG BYA BAS GA-YENG BA RNAMS LA, ,PHAN PHYIR GSAR PA'I ZLA TSES 'DRA 'DI, ,MDO RGYUD 'DZIN PA'I SH'AKYA'I DGE SLONG, ,BLO BZANG CHOS KYI RGYAL MTSAN GYIS BKOD, ,'DIS MTSON DGE BAS BDAG NYID GCIG PUS, ,THOG MED DUS KYI DRIN CAN PHA MA, ,SDUG BSNGAL RGYA MTSO CHE LAS SGROL LA, ,THOGS MED MTHU DANG LDAN PAR GYUR CIG ,CES PA 'DI YANG DAD STOBS RNAM DPYOD GTONG BA PHUN SUM TSOGS PA'I RGYAN GYIS MDZES PA SDE PA LHA'I MTSAN CAN GYIS YANG YANG NAN CHER BSKUL BA BRTEN NAS, BTZUN PA BLO BZANG CHOS KYI RGYAL MTSAN GYIS 'PHRAL DU BKOD PA'I YI GE PA NI DKA' BCU TSOGS GSOG PA LEGS PA CHOS 'BYOR GYIS BRIS SO, , MANGGA LAm,, ,, ` AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,