*, ,GTOR MA BRGYA RTZA CHA LAG TSANG BA THAMS CAD MKHYEN PA DBEN SA PAS MDZAD PA BZHUGS SO,,
, ,NA MO GU RU LO KE SHVA R'AYA, GTOR MA BRGYA RTZA GTONG BAR 'DOD PAS, SKYABS 'GRO SEMS BSKYED SNGON DU BTANG, SVA BH'A WAS STONG PAR SBYANGS, STONG PA'I NGANG LAS PAD DKAR ZLA BA'I DKYIL 'KHOR GYI STENG DU RANG GI SEMS NYID HR'I: DKAR PO DE LAS 'OD 'PHROS DON GNYIS BYAS 'DUS YONGS SU GYUR PA LAS, RANG NYID 'PHAGS PA SPYAN RAS GZIGS SKU MDOG DKAR PO ZHAL GCIG PHYAG BZHI PA, DANG PO GNYIS THUGS KAR THAL MO SBYAR BA, GA-YAS 'OG MAS SHEL 'PHRENG DANG, GA-YON 'OG MAS PADMA 'DZIN PA, MTSAN DPE'I 'OD 'BAR ZHING, RIN PO CHE'I RGYAN DANG DAR GYI NA BZAS KLUBS PA, RDO RJE'I SKYIL KRUNG GIS BZHUGS PA'I SPYI BOR AOm, MGRIN PAR A'A: THUGS KAR
, ,HR'I: H'Um GIS MTSAN PA, DE LAS 'OD ZER 'PHROS PO tA LA NAS YE SHES PA DANG DBANG GI LHA RNAMS SPYAN DRANGS, DZA: H'Um BAm HO: RANG DANG GNYIS SU MED PAR GYUR, DBANG GI LHAS DBANG BSKUR, 'OD DPAG MED KYIS DBU BRGYAN PAR GYUR, MCHOD GTOR RNAMS AA MRi TAS BSANGS, SVA BH'A WAS SBYANGS, STONG PA'I NGANG LAS RANG GI MDUN DU BHRUm LAS RIN PO CHE'I SNOD YANGS SHING RGYA CHE BA'I NANG DU, AOm LAS MCHOD RDZAS SAM GTOR MA DVANGS SHING THOGS PA MED PA ZAG PA MED PA'I BDUD RTZI'I RGYA MTSO CHEN POR GYUR, AOm A'A: H'Um LAN GSUM GYI BYIN GYIS BRLABS, A'ARYA LO KE SHVA RA AARGHAm, P'A TYAm, PUshPE, DH'U PE, A'A LO KE, GANDHE, NEE WI TYA, SHABTA PRA T'I TZTSA SV'AH'A, SKYON GYIS MA GOS SKU MDOG DKAR, ,RDZOGS SANGS RGYAS KYIS DBU LA BRGYAN, ,THUGS RJE'I SPYAN GYIS 'GRO LA GZIGS, ,SPYAN RAS GZIGS LA PHYAG 'TSAL LO, ,BLA MA YI DAM DKON MCHOG SRI ZHU'I MGRON, ,MGON PO YON TAN RIGS DRUG SNYING
RJE'I MGRON, ,GDON BGEGS LAN CHAGS MGRON RNAMS MA LUS PA, ,MCHOD SBYIN GNAS 'DIR GSHEGS SHING BRTAN PAR BZHUGS, ,KA MA LA YE STVAm, BDE CHEN DNGOS GRUB CHAR 'BEBS YID BZHIN NOR; ;RTZA BRGYUD BLA MA YI DAM DKON MCHOG GSUM, ,DPA' BO DPA' MO CHOS SKYONG SRUNG MA LA, ,SGO GSUM GUS PAS SO SOR PHYAG 'TSAL LO, ,AOm A'A: GU RU BADZRA SARBA BUD DHA BO DHI SATVA SA PA RI W'A RA BADZRA AARGHAm PRA T'I TZTSA H'Um SV'AH'A, ZHES PA NAS SHAPTA PRA T'I TZTSA H'Um SV'AH'A, ZHES PA'I BAR GYIS MCHOD, ZHAL ZAS RO BRGYA LDAN PA'I YID 'PHROG PA, ,LEGS SBYAR 'DI NI RGYAL BA SRAS BCAS LA, ,DAD PAS PHUL BAS 'GRO BA 'DI DAG KUN, ,'BYOR LDAN TING 'DZIN ZAS LA SPYOD PAR SHOG ,MCHOD YON ZHABS BSIL ME TOG BDUG SPOS DANG, ,SNANG GSAL DRI CHAB ZHAL ZAS ROL MO SOGS, ,DNGOS BSHAMS YID SPRUL MCHOD PA MA LUS 'BUL, ,THOG MED NAS BSAGS SDIG LTUNG THAMS CAD BSHAGS, ,SKYE 'PHAGS DGE BA RNAMS LA RJES YI RANG, ,'KHOR BA MA STONGS BAR DU LEGS BZHUGS NAS, ,'GRO LA CHOS KYI 'KHOR LO BSKOR BA DANG, ,BDAG GZHAN DGE RNAMS BYANG CHUB CHEN POR BSNGO, ,'GRO BA'I SGRON ME RGYAL BA SRAS BCAS LA, ,DRI ZHIM BDUD RTZI'I KHRUS CHAB 'DI GSOL BAS, ,'GRO BA'I SGRIB GNYIS DRI MA KUN BYANG NAS, ,DRI BRAL
, ,SKU GSUM THOB PAR BYIN GYIS RLOBS, ,AOm SARBA TA TH'A GA TA AA BHI shE KA TA SA MA YA SHRI YE AV'A: H'Um, 'PHAGS PA SPYAN RAS GZIGS DBANG GI ,PHYAG NAS 'BAB PA'I 'O RGYUN GYIS, ,YI DVAGS RNAMS NI TSIM BYAS SHING, ,KHRUS BYAS RTAG TU BSIL BAR SHOG ,AOm A'A: HR'I: H'Um, AOm MA nI PADME H'Um, AOm DZA LA MI DAm SARBA PRE TA BHYA: SV'AH'A, AOm DZNYA NA AA WA LO KI TE SA MANTA SPHA RA n'A RA SMI BHA WAS MA YA MAH'A MA nI DU RU DU RU HRI DA YA DZ'A LA NI SV'AH'A, SRID PA BAR DO'I 'GRO KUN LA, ,CHU YI SBYIN PA 'DI SBYIN PAS, ,'JIGS SKRAG SDUG BSNGAL LAS GROL TE, ,DAG PA'I ZHING DU BGROD PAR SHOG ,NA MO RATNA TRA Y'A YA, AOm KAm KA NI KAm KA NI, RO TZA NI RO TZA NI, TRO tA NI TRO tA NI, TR'A SA NI TR'A SA NI, PRA TI HA NA PRA TI HA NA, SARBA KARMA: PA RAm PA R'A nI MA SARBA SATVA NAN SV'AH'A, GZHAN YANG CHU YI SBYIN PA 'DI LA BRTEN NAS KLU'I RGYAL PO DGA' BO DANG NYER DGA' LA SOGS PA SRID PA CHU KLUNG GI BDAG PO DANG, GZHI BDAG GNYUG MAR GNAS PA DANG, SEMS CAN THAMS CAD KYI RGYUD LA SBYIN PA DAM PA SEMS KYI RGYAN DU GYUR CIG ,SBYIN PA DAM PA SEMS KYI RGYAN DU GYUR NAS DON GYI MCHOG RNAL 'BYOR GYI YO BYAD DAM PA MYUR DU MNGON PAR RDZOGS PAR 'TSANG RGYA BAR GYUR CIG ,SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU
MCHI; ;BDAG GIS SBYIN SOGS BGYIS PA'I BSOD NAMS KYIS, ,'GRO LA PHAN PHYIR SANGS RGYAS 'GRUB PAR SHOG ,CES SOGS LAN GSUM DANG, DE NAS AOm BADZRA AA MRi TA ZHES PA NAS BDUD RTZI'I RGYA MTSO CHEN POR GYUR, ZHES PA'I BAR GONG LTAR BYAS NAS, AOm A'A: H'Um LAN GSUM GYI BYIN GYIS BRLABS TE, MGRON SO SOS BDUD RTZI GSOL BAS TSIMS SHING DGYES PAR BSAMS NAS, NA MA: SARBA TA TH'A GA TA AA WA LO KI TE AOm SAm BHA RA SAm BHA RA H'Um,, LAN GSUM MAM NYER GCIG BDUN GANG RIGS BRJOD PA RNAMS SO SO'I SKABS SU 'DRA BAR BYAS NAS, AOm BADZRA AARGHAm SOGS KYIS MCHOD, PHUN TSOGS 'DOD YON LNGA LDAN PA'I, ,BDUD RTZI'I RGYA MTSO'I GTOR MA 'DI,, DRIN CAN RTZA BRGYUD BLA MA DANG, ,RGYUD SDE BZHI 'BREL LHA TSOGS DANG, ,DUS GSUM BDE GSHEGS DAM PA'I CHOS, ,TSOGS BCAS DKON MCHOG GSUM LA 'BUL, ,TSAD MED THUGS RJES LEGS BZHES NAS, ,SANGS RGYAS BSTAN PA RGYAS PA DANG, ,BDAG DANG MA GYUR SEMS CAN RNAMS, ,DKON MCHOG GSUM DANG MI 'BRAL ZHING, ,CHOS DANG DPAL 'BYOR RGYAS PA DANG, ,SANGS RGYAS THOB PAR BYIN GYIS RLOBS, ,PHUN TSOGS 'DOD YON LNGA LDAN PA'I, ,BDUD RTZI'I RGYA MTSO'I GTOR MA 'DI, ,MYUR MDZAD MGON PO 'KHOR BCAS DANG, ,CHOS KYI RGYAL PO RNAM THOS SRAS, ,GUR MGON ZHAL DANG PHYAG BZHI PA, ,DMAG ZOR DREGS PA LCAM SRING DANG, ,GTZANG MA'I RIGS
, ,KYI MGON PO SOGS, ,CHOS BZHIN SKYONG BA THAMS CAD DANG, ,GNAS GSUM DAG NA BZHUGS PA YI, ,DPA' BO MKHA' 'GRO'I TSOGS LA 'BUL, ,'GRO LA PHAN BDE 'BYUNG BA'I GZHI, ,BSTAN PA BSRUNG ZHING SKYONG BA DANG, ,'PHRIN LAS BZHI YI DNGOS GRUB STZOL, ,PHUN TSOGS x, BDUD RTZI'I x, DRANG SRONG CHEN PO MCHOG BRGYAD DANG, ,GZHAN YANG LHA MI'I NANG GNAS PA'I, ,BDEN TSIG GRUB PA RNAMS LA 'BUL, ,BZHES NAS BSTAN PA RIN PO CHE, ,PHYOGS DUS KUN DU RGYAS PA DANG, ,'GRO KUN BDE ZHING SKYID PA DANG, ,KHYAD PAR BDAG DANG SEMS CAN RNAMS, ,MYUR DU SANGS RGYAS THOB 'GYUR BA'I, ,MTHUN RKYEN JI LTAR BSAM PA BZHIN, ,THOGS MED 'GRUB PA'I SMON LAM MDZOD, ,PHUN TSOGS x, BDUD RTZI'I x, DZAm BHA LA DANG NOR RGYUN MA, ,AA PA RA NI TZIHTA SOGS, ,NOR LHA GNOD SBYIN TSOGS RNAMS DANG, ,BDAG CAG DPON SLOB 'KHOR BCAS KYI, ,LHAN CIG SKYES SHING 'TSO BA'I LHA, ,BSRUNG ZHING SKYONG BA RNAMS LA 'BUL, ,BZHES NAS RNAL 'BYOR BDAG CAG RNAMS, ,LAG PA'I 'TSO BAS MI 'TSO BAR, ,CHOS MTHUN 'TSO BAS 'TSO BA DANG, ,BSAMS PA CHOS BZHIN 'GRUB PAR MDZOD, ,DE BZHIN GSHEGS PA RIN CHEN MANG LA PHYAG 'TSAL LO, ,DE BZHIN GSHEGS PA GZUGS MDZES DAM PA LA PHYAG 'TSAL LO, ,DE BZHIN GSHEGS PA SKU 'BYAMS KLAS LA PHYAG 'TSAL LO, ,DE
BZHIN GSHEGS PA 'JIGS PA THAMS CAD DANG BRAL BA LA PHYAG 'TSAL LO, ,PHUN TSOGS x, BDUD RTZI'I x, SA YI LHA MO BSTAN MA SOGS, ,STONG GSUM GZHI BDAG TSOGS RNAMS DANG, ,TSE RING MCHED LNGA BSTAN SKYONG BCAS, ,GANGS CAN GNAS PA THAMS CAD DANG, ,KHYAD PAR YUL PHYOGS 'DI NYID KYI, ,YUL LHA GZHI BDAG RNAMS LA 'BUL, ,BZHES NAS BDAG CAG YON MCHOD RNAMS, ,LAS DANG BYA BA CI BYED KYANG, ,KO SLONG PHRAG DOG MA MDZAD PAR, ,MTHUN RKYEN YID BZHIN 'GRUB PAR MDZOD, ,PHUN TSOGS x, BDUD RTZI'I x, RTA BDAG BRGYAD SOGS GNOD SBYIN GYI, ,SDE DPON CHEN PO MA LUS DANG, ,'PHROG MA BU DANG BCAS PA SOGS, ,SANGS RGYAS MTHONG DANG MA MTHONG BA'I, ,MI MIN MTHU CHEN RNAMS LA 'BUL, ,BZHES NAS BSTAN PA BSRUNG BA DANG, ,MA GYUR BYAMS PAS SKYONG BA DANG, ,KHYAD PAR BDAG CAG CHOS SGRUB PA'I, ,'GAL RKYEN SOL LA MTHUN RKYEN SGRUBS, PHUN TSOGS x, BDUD RTZI'I x, BGEGS RIGS STONG PHRAG BRGYAD CU DANG, ,GDON RIGS SUM BRGYA DRUG CU DANG, ,BYIS PA'I GDON CHEN SHOG ,PHUN TSOGS 'BYUNG PO RNAMS LA BSNGO, ,MCHOD SBYIN GTOR MAS TSIMS GYUR NAS, ,NAD YAMS 'KHRUG PA MU GE DANG, ,SAD SER THAN PA MA GTONG BAR, ,PHA MAR GYUR PA'I 'GRO KUN LA, ,PHAN BDE'I BSAM SBYOR BSTEN PAR SHOG ,PHUN TSOGS
, ,BDUD RTZI'I x, 'GRO BA RIGS DRUG LAM RGYUD LNGA, ,SKYE GNAS RNAM PA BZHIS BSDUS PA'I, ,DRIN CAN PHA MAR GYUR PA YI, ,MKHA' MNYAM 'GRO BA'I TSOGS LA 'BUL, ,MCHOD SBYIN GTOR MAS TSIM GYUR NAS, ,RIGS DRUG SDUG BSNGAL LAS GROL TE, ,NGES 'BYUNG BYANG CHUB SEMS NYID DANG, ,YANG DAG LTA BAS RGYUD PHYUG CING, ,PHA ROL PHYIN DRUG YONGS RDZOGS NAS, ,BLA MED BYANG CHUB THOB PAR SHOG ,PHUN TSOGS x, BDUD RTZI'I x, YI DVAGS RGYAL MOS GTZO BYAS PA'I, ,PHYI NANG ZAS SKOM SGRIB PA CAN, ,BYINGS NA GNAS DANG KHA 'THOR BA'I, ,YI DVAGS TSOGS RNAMS KUN LA BSNGO, ,MCHOD SBYIN GTOR MAS TSIM GYUR NAS, ,BKRES SKOM SDUG BSNGAL LAS GROL TE, ,SER SNA LA SOGS SGRIB PA GNYIS, ,BAG CHAGS BCAS PA YONGS SU DAG ,SBYIN PA'I PHAR PHYIN YONGS RDZOGS NAS, ,NAM MKHA' MDZOD LA DBANG 'BYOR SHOG ,PHUN TSOGS x, BDUD RTZI'I x, THOG MED DUS NAS DA LTA'I BAR, ,BSAD DANG BCINGS DANG BRDEG PA DANG, ,PHROGS DANG BRKUS LA SOGS PA YIS, ,LAN CHAGS SHA 'KHON GNYER BA DANG, ,BU LON CHAGS PA RNAMS LA BSNGO, ,MCHOD SBYIN GTOR MAS TSIM GYUR NAS, ,LAN CHAGS SHA 'KHON MA LUS DAG ,BU LON RNAMS KYANG KHYER GYUR NAS, ,MYUR DU RDZOGS PA'I SANGS RGYAS KYI, ,GO 'PHANG DAM PA THOB PAR SHOG ,PHUN TSOGS x, BDUD RTZI'I x, BLO BUR
LHAGS SHING SKAL BA CHAD, ,KHAS ZHAN DBANG CHUNG GYUR PA DANG, ,LHAG LA RE BAR GYUR PA'I MGRON, ,JI SNYED MCHIS PA RNAMS LA BSNGO, ,RANG RANG JI LTAR 'DOD PA YI, ,'DOD DGU'I CHAR GYIS TSIM GYUR NAS, ,MI BZAD SDUG BSNGAL 'BYUNG BA'I SGO, ,CHAGS SDANG MI DGE'I SEMS ZHI ZHING, ,RIN CHEN BYANG CHUB SEMS MCHOG DANG, ,SRID PA'I RTZA BA DRUNG 'BYIN PA'I, ,SHES RAB MCHOG GIS RGYUD GANG NAS, ,SKU GSUM MNGON DU 'GYUR BAR SHOG ;BDAG GI BSAM PA'I STOBS DANG NI, ,DE BZHIN GSHEGS PA'I BYIN STOBS DANG, ,CHOS KYI DBYINGS KYI STOBS RNAMS KYIS, ,'PHAGS PA RNAMS LA MCHOD PA DANG, ,SEMS CAN RNAMS LA PHAN GDAGS PHYIR, ,DON RNAMS GANG DAG BSAM PA KUN, ,DE DAG THAMS CAD CI RIGS PAR, ,THOGS PA MED PAR 'BYUNG GYUR CIG ,CES BDEN STOBS DANG, CHOS RNAMS THAMS CAD RGYU LAS BYUNG, ,DE RGYU DE BZHIN GSHEGS PAS GSUNGS, ,RGYU LA 'GOG PA GANG YIN PA, ,DGE SBYONG CHEN POS 'DI SKAD GSUNGS, ,CES MDOR BSDUS SAM, RGYAS PAR NA DE'I MJUG TU, SKAR MA RAB RIB MAR ME DANG, ,RGYU MA ZIL PA CHU LBUR DANG, ,RMI LAM GLOG DANG SPRIN LTA BU, ,'DUS BYAS CHOS RNAMS DE LTAR BLTA; ;LUS KYI SDOM PA LEGS PA STE, ,NGAG GI SDOM PA LEGS PA YIN, ,DE BZHIN YID KYI SDOM PA LEGS, ,THAMS CAD BSRUNG BA'I DGE SLONG DAG ,SDUG BSNGAL KUN LAS GROL BAR 'GYUR, ,CHOS RNAMS GZUGS BRNYAN LTA BU STE, ,GSAL ZHING
, ,DAG LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,CHOS RNAMS DE LTAR SHES PAR GYIS, ,DE LTAR YE SHES PA BDAG NYID LA THIM ZHING, 'JIG RTEN PA RNAMS ZANG ZING GI SBYIN PAS RGYUD SMIN, CHOS KYI SBYIN PAS RGYUD GROL NAS RANG GNAS SU GSHEGS PAR BSAMS NAS, SMON LAM NI, 'DI LTAR BGYIS PA'I BSOD NAMS DANG, ,BDAG GI DUS GSUM DGE BA'I MTHUS, ,NYAM THAG 'GRO BA MTHA' DAG GI ,MGON SKYABS DAM PAR BDAG GYUR CIG ,TSA GDUNG DMYAL BA'I 'JIGS PA RNAMS, ,SKYOB BYED BSIL BA'I CHAR DANG NI, ,GRANG BA'I DMYAL BA MTHA' DAG GI ,GDUNG SEL NYI MA'I MCHOG GYUR CIG ,RO BRGYA'I ZAS SKOM RGYA MTSO YIS, ,YI DAGS MA LUS DBUGS 'BYIN CING, ,BKOL SPYAD RMONGS PA'I MUN SEL BA'I, ,SGRON ME'I MCHOG TU BDAG GYUR CIG ,PHRAG DOG 'THAB RTZOD SDUG BSNGAL GYI, ,MDA' CHAR 'BAB LA GO CHA DANG, ,'CHI 'PHO LTUNG BA'I CHU 'KHRUG PAR, ,SGROL BYED BRTAN PO'I GZINGS GYUR CIG ,'JIGS RUNG SKYE RGA NA 'CHI YI, ,RIMS NAD DRAG POS GTZES PA LA, ,NYON MONGS NAD KUN SEL BYED PA'I, ,SMAN PA'I MCHOG TU BDAG GYUR CIG ;BDAG NI DBUL ZHING PHONGS RNAMS LA, ,'DOD DGU 'BYUNG BA'I GTER CHEN DANG, ,GNYEN DANG BRAL BAS GDUNGS RNAMS KYI, ,GNYEN DANG BSHES SU NGES GYUR CIG ,BDAG KYANG TSE RABS THAMS CAD DU, ,DAL 'BYOR RTEN
BZANG DGE BA'I BSHES, ,YID BZHIN NOR BU SPYI BOR 'DZIN, ,THOS BSAM SGOM PA'I GRUR ZHUGS NAS, ,SKU GSUM GLING DU PHYIN GYUR CIG ,CES SMON LAM DANG SHIS PA BRJOD PAR BYA'O, ZHES PA 'DI NI DON GNYER CAN MANG POS BSKUL BA LA BRTEN NAS, CHOS SMRA BA'I BTZUN PA BLO BZANG CHOS KYI RGYAL MTSAN GYIS LEGS PAR SBYAR BA'O,, ,, ` AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,, ,,